/ / rgya gar skad du/ Ar+ya sam+ba ti ba ra mA r+tha sad+d+hi ni rde sha nA ma mahA yAn sU tra/ bod skad du/ 'phags pa kun rdzob dang don dam pa'i bden pa bstan pa zhes bya ba theg pa chen po'i mdo// / bam po gcig pa/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na/ bya rgod phung po'i ri la dge slong brgyad stong gi dge 'dun chen po dang / byang chub sems dpa' bdun khri nyis stong dang / 'dod pa na spyod pa dang / gzugs na spod pa'i lha'i bu rnams dang thabs cig tu bzhugs te/ de na bcom ldan 'das 'khor brgya stong du mas yongs su bskor cing mdun gyis bstan nas chos ston to// de nas lha'i bu rab tu zhi ba rnam par dul ba'i dbang phyug ces bya ba 'khor der 'dus par gyur te 'dug pa des/ bcom ldan 'das kyi zhabs la spyi bo phyag 'tshal te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das 'jam dpal gzhon nur gyur pa da ltar gang na mchis/ bcom ldan 'das bdag dang 'khor mang po 'di rnams kyang skyes bu dam pa des chos bstan par rab tu 'tshal lo/ / bcom ldan 'das kyis bka' stsal pa/ lha'i bu sangs rgyas kyi zhing 'di nas shar phyogs susangs rgyas kyi zhing stong phrag bcwo brgyad 'das pa na/ 'jig rten gyi khams rin po che dang ldan pa zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas rin po che'i tog ces bya ba de da ltar de na bzhugs te/ 'tsho zhing gzhes la chos kyang ston to// 'jam dpal gzhon nur gyur pa'ang da ltar de na 'dug go/ de skad ces bka' stsal pa dang / bcom ldan 'das la/ lha'i bu rab tu zhi ba rnam par dul ba'i dbang phyug gis 'di skad ces gsol to// bcom ldan 'das 'jam dpal gzhon nur gyur pa la ci nas de mtshan ma rig pas 'dir mchi bar sems pa de lta bu'i mtshan ma zhig mdzad na legs so/ / de ci'i slad du zhe na/ bcom ldan 'das ji ltar 'jam dpal gzhon nur gyur pa las thos pa lta bur/ nyan thos dang rang sangs rgyas thams cad dang / byang chub sems dpa' dmigs pa can rnams las de lta bu'i chos bstan pa mi thos te/ de bzhin gshegs pa ma gtogs par gzhan su'ang de lta bur chos ston mi nus so/ / bcom ldan 'das nam 'jam dpal chos ston pa de na/ bdud kyi khang pa thams cad mog mog por 'gyur ro/ / bdud thams cad kyis kyang glags mi rnyed do// pha rol rgol ba thams cad kyang shin tu tshar chod par 'gyur ro// dmigs pa can rnams kyang dmigs pa ma mchis par 'gyur ro/ / dam pa'i chos kyang yun ring du gnas par 'gyur ro// de bzhin gshegs pa'ang de la rjes su yi rang zhing rab tu gzung ba mdzad do// de nas bcom ldan 'das kyis lha'i bu rab tu zhi ba rnam par dul ba'i dbang phyug gsol ba 'debs par mkhyen nas/ zhal gyi mdzod spu nas 'od zer gcig btang ste/ des stong gsum gyi stong chen po'i 'jig rten gyi khams 'di snang ba chen pos snang bar byas nas/ sangs rgyas kyi zhing stong phrag bco brgyad po de dag las thal te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i tog de'i sangs rgyas kyi zhing 'jig rten gyi khams rin po che dang ldan pa zhes bya ba de snang ba chen pos khyab par byas so/ / de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i tog bzhugs pa la byang chub sems dpa' sems dpa' chen po kha cig gis gsol pa/ bcom ldan 'das 'di ltar 'od chen po rab tu gda' ba 'di su'i snga ltas sngon byung ba lags/ bcom ldan 'das rin po che'i tog gis bka' stsal pa/ rigs kyi bu sangs rgyas kyi zhing 'di nas nub phyogs su sangs rgyas kyi zhing stong phrag bco brgyad 'das pa na/ 'jig rten gyi khams mi mjed ces bya ba yod de/ de na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa da lta bzhugs te 'tsho zhing gzhes pa chos kyang ston to/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa des zhal gyi mdzod spu nas 'od zer gcig btang bas/ 'od zer gyi snang ba des sangs rgyas kyi zhing stong phrag brgyad las thal nas/ 'jig rten gyi khams 'di snang ba chen pos snang bar byas so// byang chub sems dpa' sems dpa' chen po de dag gis gsol pa/ bcom ldan 'das ci'i slad dubacom ldan 'das de bzhin gshegs pa dgra bcom pa yang dag par rdzogs pa'i sangs rgyas de sa 'od zer 'di btang / bcom ldan 'das rin po che'i tog gis bka' stsal pa/ 'jam dpal gzhon nur gyur pa sbran pa'i phyir ro// de ci'i phyir zhe na/ 'jam dpal gzhon nur gyur pa der 'ong bar bya ba'i phyir te/ byang chub sems dpa' sems dpa' chen po bgrang ba las 'das pa rnams dang / lha dang / klu dang / gnod sbyin dang / dri za mang po la sogs pa 'khor der tshogs pa de dag 'jam dpal gzhon nur gyur pa la blta ba dang / chos nyan par 'dod do// de nas de bzhin gshegs pa rin po che'i tog gis/ 'jam dpal gzhon nur gyur pa la 'di skad ces bka' stsal to// 'jam dpal bcom ldan 'das de bzhin gshegs pa shAkya thub pa dang / 'khor de dag thams cad khyod la lta 'dod kyi/ 'jig rten gyi khams mi mjed ces bya ba der song nig/ 'jam dpal gyis gsol pa/ bcom ldan 'das bdag gis kyang ltas sngon du byung ba 'di 'tshal to// de nas 'jam dpal gzhon nur gyur pa byang chub sems dpa' stong phrag bcu dang lhan cig tu de bzhin gshegs pa rin po che'i tog gi zhabs la mgo bos phyag 'tshal te/ bcom ldan 'das de bzhini gshegs pa dgra bcom pa yang dag par rdzogs pa'i sangs rgyas rin po che'i tog la lan gsum du bskor ba byas nas/ 'di lta ste/ skyes bu stobs po ches lag pa bskum pa las brkyang ba'am/ lag pa brkyang ba las bskum pa bzhin du skad cig yud tsam thang cig de nyid kyis 'jig rten gyi khams mi mjed 'dir phyin te/ de bar snang la lus mi snang bar 'dug nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la mchod par bya ba'i phyir/ me tog sngon ma mthong ma thos pa/ dri zhim pa/ kha dog dang ldan pa yid du 'ong ba'i char chen po mngon par bab ste/ me tog gi char chen po phab pa des stong gsum gyi stong chen po'i 'jig rten gyi khams 'di pus mo nub pa tsam du gang bar gyur to// de nas 'khor de thams cad me tog gi char chen po mthong nas ngo mtshar du gyur te/ bcom ldan 'das la gsol pa/ bcom ldan 'das su'i mthus 'di lta bur blta na sdug pa'i me tog gi char chen po mngon par bab/ bcom ldan 'das kyis bka' stsal pa/ 'di ni 'jam dpal gzhon nur gyur pa 'jig rten gyi khams rin po che dang ldan pa nas/ byang chub sems dpa' stong phrag bcu dang 'grogs te/ 'jig rten gyi khams mi mjed 'dir phyin nas/ de dag gi lus mi snang bar de bzhin gshegs pa la mchod pa bya ba'i phyir 'di lta bu'i me tog gi char chen po mngon par phab bo// 'khor de dag gis gsol pa/ bcom ldan 'das 'jam dpal gzhon nur gyur pa de dang / byang chub sems dpa' sems dpa' chen po de dag bdag cag gis blta'o// de nas 'jam dpal gzhon nur gyur pa byang chub sems dpa' stong phrag bcu dang lhan cig tu bar snang las babs te/ bcom ldan 'das kyi zhabs la mgo bos phyag 'tshal nas/ byang chub sems dpa' sems dpa' chen po de dag dang / 'jam dpal gzhon nur gyur pa rang rang gi rdzu 'phrul gyis sprul pa'i stan la 'khod do// de nas lha'i bu rab tu zhi ba rnam par dul ba'i dbang phyug gis/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das 'khor 'di dag nyan 'tshal na/ bcom ldan 'das kyis bka' mchid kyis rgyud 'ga' zhig 'jam dpal gzhon nur gyur pa spur gsol/ bcom ldan 'das kyi bka' stsal pa/ lha'i bu khyod nyid kyis gang 'dod pa dris shig/ lha'i bus smras pa/ 'jam dpal bcom ldan 'das de bzhin gshegs pa rin po che'i tog de'i sangs rgyas kyi zhing na chos bstan pa ji lta bu dag 'byung na/ der ma par dga'/ 'jam dpal gyis smras pa/ don dam par na 'dod chags bskyed pa'i phyir yang ma yin/ 'dod chags zad pa'i phyir yang ma yin no// don dam par na zhe sdang bskyed pa'i phyir yang ma yin/ / zhe sdang zad par bya ba'i phyir yang ma yin no// don dam par na gti mug bskyed pa'i phyir yang ma yin/ gti mug zad par bya ba'i phyir yang ma yin no// don dam par na ye shes bskyed pa'i phyir yang ma yin/ ye shes zad par bya ba'i phyir yang ma yin no// lha'i pus smras pa/ 'jam dpal ci'i phyir/ 'jam dpal gyis smras pa/ lha'i bu mi skye ba la skye ba 'am/ zad pa gang yang med do// lha'i bu don dam par na byang chub sems dpa' sems dpa' chen po rnams la rnam par rtog pa skyes pa 'am/ skye ba 'am/ skye bar 'gyur ba gang yang med do/ / de ci'i phyir zhe na/ don dam par na chos thams cad rang bzhin gyis ma skyes pa'i phyir ro// lha'i bus smras pa/ 'jam dpal de bzhin gshegs pa de ci zhig srang ba'i phyir chos ston/ 'jam dpal gyis smras pa/ don dam par na rang bzhin gyis mi skye mi zad pa'i phyir/ de bzhin gshegs pa chos ston to// de ci'i phyir zhe na/ byang chub sems dpa' sems dpa' chen po de dag ni don dam pa'i bden pa la lhur byed pa yin gyi/ kun rdzob kyi bden pa la lhur byed pa ma yin no// lha'i bus smras pa/ 'jam dpal don dam pa'i bden pa gang yin/ 'jam dpal gyis smras pa/ lha'i bu gal te don dam par na don dam pa'i bden pa lus dang / ngag dang / yid kyi yul gyi rang bzhin du 'gyur na/ don dam ba'i bden pa zhes bya ba'i grangs su mi 'gro ste/ kun rdzob kyi bden pa nyid du 'gyur ro// 'on kyang lha'i bu don dam par na don dam pa'i bden pa'i tha snyad thams cad las 'das pa/ brag med pa/ ma skyes pa/ ma 'gags pa/ smra bar bya ba dang / smra ba dang / shes par bya ba dang / shes pa dang bral ba'o// don dam pa'i bden pa ni lha'i bu rnam pa thams cad kyi mchog dang ldan pa dang / thams cad mkhyen pa'i ye shes kyi yul gyi bar las 'das pa yin te/ lha'i bu de la rtog pa dang rnam par rtog pa thams cad 'jug pa'ang med/ ldog pa'ang med do/ / don dam par na pha rol yang med/ tshu rol yang med/ dbus kyang med de/ lha'i bu 'di ni don dam pa'i bden pa zhes sgo btags te brjod mod kyi/ ji ltar don dam pa'i bden pa'o zhes bya ba ltar ni ma yin no/ / lha'i bu don ni dam par mi skye ba ste/ de la tha snyad thams cad mi 'jug go// don dam par gang la tha snyad thams cad mi 'jug pa de ni lha'i bu don dam pa'i bden pa ste/ ji ltar don dam pa'i bden pa'o zhes brjod pa ltar ni ma yin no// lha'i bu de bzhin gshegs pa dgra bcom pa yang dag par// rdzogs pa'i sangs rgyas kyis kyang / don dam par na chos thams cad dang sgra thams cad brdzun te/ bslu ba'i chos so zhes bka' stsal to// lha'i bus smras pa/ 'jam dpal ji ltar de bzhin gshegs pas chos bshad pa de brdzun du mi 'gyur ram/ 'jam dpal gyis smras pa/ lha'i bu de bzhin gshegs pa ni don dam par na brdzun du'ang mi 'chad// bden par yang mi 'chad do// de ci'i phyir zhe na/ lha'i bu don dam par na de bzhin gshegs pa ni ma skyes pa ste/ de don dam par na bden pa dang brdzun par mi 'chad do// lha'i bu de ji snyam du sems/ de bzhin gshegs basprul pas bshad pa de bden nam/ 'on te brdzun/ lha'i bus smras pa/ 'jam dpal de bzhin gshegs pa sprul pas bshad pa na bden pa'ang ma yin/ brdzun pa'ang ma yin no// de ci'i phyir zhe na/ 'jam dpal don dam par na de bzhin gshegs pas sprul pa la yang dag par yongs su grub pa gang yang med do/ / 'jam dpal gyis smras pa/ lha'i bu de de bzhin te/ de bzhin gshegs pas don dam par chos thams cad yongs su ma grub par mkhyen to// gang don dam par yongs su ma grub pa de ni don dam par na bden pa zhes kyang mi bya/ brdzun pa zhes kyang mi bya'o// de ci'i phyir zhe na/ don dam par na chos thams cad ma skyes pa'i phyir ro// lha'i bus smras pa/ ci 'jam dpal de bzhin gshegs pa'i don dam pa'i bden pa ston tam/ 'jam dpal gyis smras pa/ lha'i bu don dam pa'i bden pa ni bstan par mi nus so// de ci'i phyir zhe na/ gang ston pa dang / gang gis ston pa dang / ci ston pa dang / gang la ston pa dang / ci'i phyir ston pa ros de dag thams cad don dam par na rab tu ma skyes pa'o// rab tu ma skyes pa'i chos rnams kyis ni rab tu ma skyes pa'i chos rnams bshad mi nus so// 'jam dpal gzhon nur gyur pas don dam pa'i bden pa bstan pa 'di mi ston pa'i tshul gyis bstan pa na/ dge slong lnga brgya len pa med par zag pa rnams las sems rnam par grol lo// byang chub sems dpa' sems dpa' chen po bgrang ba las 'das pa rnams ni mi skye ba'i chos la bzod pa ma skyes pa'i tshul gyis bzod pa skyes so/ / lha'i bus spras pa/ 'jam dpal don dam pa'i bden pa la mos par dka' 'o// 'jam dpal gyis smras pa/ lha'i bu don dam pa'i bden pa la ni dmigs pa can thams cad kyis mos par dka' 'o/ / lha'i bus smras pa/ 'jam dpal don dam pa'i bden pa khong du chud par dka' 'o// 'jam dpal gyis smras pa/ lha'i bu mi brtson pas don dam pa'i bden pa khong du chud par dka' 'o// lha'i bus smras pa/ 'jam dpal ji ltar na dge slong mngon par brtson pa yin 'jam dpal gyis smras pa/ lha'i bu don dam par na nam yongs su shes pa dang / spang ba dang / bsgom pa dang / mngon du bya ba'i phyir brtsod par ma gyur na/ lha'i bu de ltar dge slong rmi brtson pa'i tshul gyis mngon par brtson pa yin no/ / de ci'i phyir zhe na/ gang 'di snyam du don dam par 'di yongs su shes par bya'o// mi spang bar bya'o// 'di bsgom par bya'o// 'di mngon du bya'o snyam du sems pa'i sbyor ba de ni mtshan ma dang bcas pa/ spros pa dang bcas pa/ dmigs pa dang bcas pa/ nyon mongs pa dang bcas pa/ 'khrug pa dang bcas pa 'jigs pa dang bcas pa/ nad dang bcas pa/ sdug bsngal dang bcas pa/ zug rngu dang bcas pa/ dug dang sas pa de'i sbyor ba da ni yang dag pa ma yin no// lha'i bus smras pa/ 'ja dpal yang dag par sbyor ba ni gang yin/ 'jam dpal gyis smras pa/ lha'i bu don dam par na de bzhin nyidi dang / chos kyi dbyings dang / shin tu mi skye ba gang dang mnyam pa don dam par na mtshams med pa lnga po dag kyang de dang mnyam mo/ / don dam par na de bzhin nyid dang / chos kyi dbyings dang / shin tu mi skye ba gang dang mnyam 'don dam par na lnga par gyur pa rnams kyang de dang mnyam mo/ / don dam par na de bzhin nyid dang / chos kyi dbyings dang / shin tu mi skye ba gang dang mnyam pa don dam par na so so'i skye bo'i chos rnams kyang de dang mnyam mo// don dam par na de bzhin nyid dang / chos kyi dbyings dang / shin tu mi skye ba gang dang mnyam pa don dam par na slob pa'i chos rnams kyang de dang mnyam mo// don dam par na de bzhin nyid dang / chos kyi dbyings dang / shin tu mi skye ba gang dang mnyam pa don dam par na mi slob pa'i chos rnams kyang de dang mnyam mo// don dam par na de bzhin nyid dang / chos kyi dbyings dang / shin tu mi skye ba gang dang mnyam pa don dam par na yang dag par rdzogs pa'i sangs rgyas kyi chos rnams kyang de dang mnyam mo/ / don dam par na yang dag par rdzogs pa'i sangs rgyas kyi chos rnams gang dang mnyam pa don dam par na de bzhin nyid dang / chos kyi dbyings dang / shin tu mi skye ba'ang de dang mnyam mo// don dam par na yang dag par rdzogs pa'i sangs rgyas kyi chos rnams gang dang mnyam pa don dam par na mya ngan las 'das pa'ang de dang mnyam mo/ / don dan par na mya ngan las 'das pa gang dang mnyam pa don dam par na 'khor ba'ang de dang mnyam mo// don dam par na 'khor ba gang dang mnyam pa don dam par na kun nas nyon mongs pa'ang de dang mnyam mo/ / don dam par na kun nas nyon mongs pa gang dang mnyam pa don dam par na rnam par byang ba'ang de dang mnyam mo/ / don dam par na rnam par byang ba gang dang mnyam pa don dam par na chos thams cad kyang de dang mnyam mo// de ltar na don dam par na chos thams cad mnyam pa nyid la yang drag par sbyor ba'i dge slong ni/ lha'i bu don dam par na yang dag par sbyor ba zhes bya ste/ ji skad brjod pa bzhin du ni ma yin no// lha'i bus smras pa/ 'jam dpal mnyam pa nyid gang gis don dam par na rnam par byang ba'i bar du gang dang mnyam pa don dam par na chos thams cad kyang de dang mnyam pa zhes bya/ 'jam dpal gyis smras pa/ don dam par na chos thams cad shin tu mi 'byung bar mnyam pa dang / don dam par na chos thams cad shin tu mi skye bar mnyam pa dang / don dam par na chos thams cad shin tu dngos po med par mnyam pas/ lha'i bu don dam par na chos thams cad mnyam mo/ / de ci'i phyir zhe na/ lha'i bu don dam par na shin tu mi 'byung ba nyid kyi phyir/ chos thams cad ni tha dad du bya ba med do// lha'i bu 'di lta ste/ dper na kham pa'i snod kyi nang gi nam mkha' gang yin pa dang / rin po che'i snod kyi nam mkha' gang yin pa de ni nam mkha'i khams nyid yin te/ de la don dam par na cung zad kyang tha dung du bya ba med do/ / rtswa'i bu de bzhin du tsan mongs bya gang yin pa de/ don dam paran shin tu mi 'byung banyid do// rnam par byung ba gang dzin padeng dan dam par shin tu mi 'byung ba da/ don dam par na 'khor ba'ang shin tu mi 'byung ba nyid do// don dam par na mya ngan las 'das pa'i bar du'ang shin tu mi 'byung ba nyid do// 'di la don dam par na tha dad du bya ba cung zad med do// de ci'i phyir zhe na/ don dam par na chos thams cad shin tu mi 'byung ba'i phyir ro// lha'i bus smras pa/ 'jam dpal byang chub sems dpa' sems dpa' chen pos 'bags pa'i bden pa dag la ji ltar brtson par bya/ 'jam dpal gyis smras pa/ lha'i bu gal te byang chub sems dpa' sems dpa' rin po 'phags pa'i bden pa dag la brtson par mi byed na/ ji ltar nyan thos rnams kha mi ston pa'i tshul gyis chos m+b+han/ lha'i bu de lta mod kyi/ byang chub sems dpa' sems dpa' chen po'i bden pa bsgom pa ni lta ba dang bcas pa'o// nyan thos kyi bden pa bsgom pa ni mi lta ba'o/ / de ci'i phyir zhe na/ lha'i bu byang chub sems dpa' sems dpa' chen po rnams ni kun rdzob tu sems can thams cad la lta ste/ bden pa rnams mi sgom pa'i tshul gyis bsgom mod kyi/ dngos po med par dmigs pa'i rnam pas yang dag pa nyid kyi mtha' de'ang mngon du mi byed do// kun rdzob tu thabs mkhas pa bsgrub pa'i phyir/ byang chub sems dpa' sems dpa' chen po dag bden pa rnams la sgom pa'i tshul gyis bsgos mo/ / kun rdzob tu 'khor ba dang mya ngan las 'das pa'i bden pa'ang mi 'dor la/ @ rdzob tu sangs rgyas kyi ye shes la so sor brtag pa'i phyir/ byang chub sems dpa' sems dpa' chen po dag bden pa rnams la mi bsgom pa'i tshul gyis kyang bsgom mo// lha'i bu 'di lta ste/ dper na 'gron pa mang po bcings pas skyes bu gcig bros te/ 'gron pa mang po'i nang nas byung nas 'brog dgon par zhugs pa dang / de yid 'jigs shing skrag na sa phyir mi ldog par 'brog dgon pa las 'das so/ / lha'i bu de bzhin du nyan thos rnams 'khor bas 'jigs shing skrag nas 'khor ba las 'bros te/ 'jig rten 'dir pir mi 'ong zhing gcig pu gnyis su med pas bden pa sgom ste/ thabs kyi rigs pa dang bral bas sems can thams cad la mi lta bas na/ thams cad mkhyen pa'i ye shes kyi bar la mi lta pa'o/ / lha'i bu 'di lta ste/ dper na ded dpon g.yog mang po lam brgyags thams cad 'byor pa/ zod chen po brdzu ba'i phyir 'gro'o snyam nas skye bomang po bsdus te/ de 'jigs shing skrag pa med par 'brog dgon pa de las 'da' 'o// lha'i bu de bzhin du byang chub sems dpa' sems dpa' chen po'ang kun rdzob tu ded dpon chen po lngar 'jig rten gyi spyod bas sems can thams cad nye bar 'tsho ba/ g.yog mang po snying rje chen po'i sbyor ba// dge ba'i rtsa ba thams cad kyi lam brgyags 'byor pa/ pha rol tu phyin pa drug dang / bsdu ba'i dngos bos yongs su bzung zhing / bla na med pa'i bsod nams dang ye shes yang dag par bsdu ba'i khe chen po dang ldan pa'ang / sems can gyi khams thams cad kyi don byed cing // sangs rgyas kyi zhing nas sangs rgyas kyi zhing du 'gro ste/ sems can thams cad nye bar 'tsho bar gyur cing / thabs la mkhas pas bden pa rnams la sgom mo// lha'i bu 'di lta ste/ dper na sha na'i ras la me tog tsam pa ka 'am me tog 'bar shi kas bsgos na de'i dri myur du yal bar 'gyur ro/ / lha'i bu de bzhin du nyan thos kyi bden pa la sgom pa ni yun thung bar blta ste/ myur du mya ngan las 'das nas/ sangs rgyas kyi tshul khrims dang / thos pa dang / ting nge 'dzin dang / shes rab dang / ye shes kyi dri'ang mi 'byin/ bag chags kyi mtshams sbyor ba'i nyon mongs pa'ang/ spong mi nus so// lha'i bu 'di lta ste/ dper na yul ka shi ka'i gos rin po che la mi dang lha'i spos dang / me tog gis bskal pa chen po brgya stong du bsgos na/ de'i lha'i dri de rtag tu dro ning / dri gtsang mas lha dang mi zil gyis gnon to// lha'i bu de bzhin du byang chub sems dpa' sems dpa' chen po'i bden pa sgom pa mi sgom pa'i tshul gyis bskal pa brgya stong grangs med par bsgoms pa ni/ rnam pa thams cad kyi mchog dang ldan pa thams cad mkhyen pa'i ye shes ma thob kyi bar du bar ma dor de yongs su mya ngan las mi 'da' zhing 'di lta ste/ rnam pa thams cad kyi mchog dang ldan pa thams cad mkhyen pa'i ye shes kyi dri mi dmigs pa'i tshul gyis shin tu dri zhim par 'gyur ro// 'jig rten gyi tha snyad du nyon mongs pa'i bag chags thams cad kyang spong zhing lha dang / mi dang / lha ma yin du bcas pa'i 'jig rten rnams kyang 'du bar 'gyur ro// de nas lha'i bu rab tu zhi ba rnam par dul ba'i dbang phyug gis/ 'jam dpal gzhon nur gyur pa la 'di skad ces smras so// 'jam dpal bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i tog de'i nyan thos kyi dge 'dun de ci 'dra/ 'jam dpal gyis smras pa/ don dam par na dad pa'i rjes su 'gro ba'ang ma yin/ gzhan la dad pas 'gro ba'ang ma yin no// don dam par na rigs kyi rjes su 'gro ba'ang ma yin te/ don dam par na de bzhin gshegs pa'i rigs kyang mi gtong ngo // don dam par na chos kyi rjes su 'gro ba'ang ma yin te/ don dam par na chos gang yang mi dmigs so/ / don dam par na brgyad pa'ang ma yin te/ kun rdzob tu na log pa'i chos brgyad dang yang bral lo// don dam par na rgyun du zhugs pa'ang ma yin te/ 'jig rten tha skad kyi bden par na/ ngan song thams cad las kyang 'das so// don dam par na lan cig phyir 'ong ba'ang ma yin te/ kun rdzob tu na sems can yongs su smin par bya ba'i phyir yang 'ong ngo // don dam par na phyir mi 'ong ba'ang ma yin te/ kun rdzob tu na chos thams cad las 'ong ba med do// don dam par na dgra bcom pa'ang ma yin te/ 'jig rten gyi tha snyad du na lha dang bcas pa'i 'jig rten gyis bla na med pa'i mchod par 'os pa'ang yin no/ / don dam par na nyan thos kyang ma yin te/ mi dmigs pa'i tshul gyis sangs rgyas bcom ldan 'das thams cad las 'das pa'ang 'dzin to// / don dam par na 'dod chags dang bral ba'ang ma yin te/ kun rdzob tu 'dod chags kyis yongs su gdung bas kyang mi gdung ngo // don dam par na zhe sdang dang bral ba'ang ma yin te/ kun rdzob tu na zhe sdang gi yongs su gdung bas kyang mi gdung ngo / / don dam par na gti mug dang bral ba'ang ma yin te/ kun rdzob tu na chos thams cad mun pa mun nag dang bral ba'o// don dam par na nyen mongs pa dang bral ba'ang ma yin te/ kun rdzob tu sems can thams cad kyi nyon mongs pa gdul ba'i phyir yang brtson no// don dam par na thog ma nas ma skyes pa/ nges par zhugs kyang kun rdzob tu na bsam bzhin du srid pa len to/ / kun rdzob tu na 'khor ba'ang yongs su 'dzin mod kyi/ don dam par na chos gang yang yongs su 'dzin pa dang gtong ba'ang med do// don dam par na chos thams cad shin tu dran pa dang bral bar mi mthong bas mthong ba ste/ kun rdzob tu na dran pa nye bar gzhag pa rnams kyang bsgom mo// de don dam par na chos thams cad shin tu ma skyes ma 'gag par mi shes pa'i tshul gyis kyang rab tu shes la/ 'jig rten gyi spyod par na yang dag par spong ba rnams kyang sgom mo// don dam par na lus dang sems med kyang 'jig rten gyi kun rdzob tu bden par na rdzu 'phrul gyi rkang pa rnams kyang sgrub bo/ / de don dam par na dbang po thams cad dang bral yang kun rdzob tu na dbang po rnams kyang sgrub bo/ / de don dam par na chos thams cad rab tu dngos po med par mi mthong ba'i tshul gyis mthong yang nga rgyal can dmigs pa can thams cad tshar gcad pa'i phyir sgom pa'i tshul gyikyis stobs rnams kyang sgom mo/ / de don dam par na chos thams cad shin tu dngos po med par khong du chud par bya ba'i phyir mi sgom pa'i tshul gyis byang chub kyi yan lag rnams kyang sgom mo/ / de don dam par na shin tu dngos po med kyang kun rdzob tu na mi sgom pa'i tshul gyis lam yang sgom mo// de don dam par na yang dag pa'i mtha' la zhi gnas mngon par sgrub bo/ / de don dam par na lhag mthong shin tu mi skye bar mi sgom pa'i tshul gyis mthong ngo // de don dam par na ma rig pa zad pa nyid du mi dmigs pa'i tshul gyis rig pa bskyed do// don dam par na zad pa 'am/ skye bar mi dmigs so// de sha'i mig gis sems can thams cad dang / sangs rgyas kyi zhing thams cad kyang mthong ba de don dam par na ci'ang mi mtho ngongo/ / de lha'i mig gis sems can thams cad kyi 'chi 'pho dang skye ba yang dag par ji lta ba bzhin du mthong yang / don dam par na ci'ang mi mthong ngo // de shes rab kyi mig gis sems can thams cad kyi sems kyi spyod pa dang / g.yo ba rnams yang dag pa ji lta ba bzhin du shes kyang / don dam par na ci'ang mi shes so// de chos kyi mig gis chos thams cad yang dag par ji lta ba bzhin du mthong yang / don dam par na chos ci'ang mi mthong ngo // de sangs rgyas kyi spyan gyis sangs rgyas kyi mdzad pa thams cad byed kyang / don dam par na cing mi byed do// de lha'i rna bas sangs rgyas bcom ldan 'das thams cad kyis chos bstan pa thos kyang don dam par na ci'i nga mi thos so// de sems gcig gis sems can thams cad kyi sems la lta yang don dam par na ci la'ang mi blta'o/ / de rjes su dran pa'i ye shes kyis sngon gyi mtha' yang rjes su dran mod kyi/ don dam par na ci'ang mi dran no// de rdzu 'phrul gyis sangs rgyas kyi zhing bsam gyis mi khyab par 'gro yang don dam par na 'ong ba 'am 'gro ba med do/ / de'i zag pa zad kyang / don dam par na zad pa'i chos can ma yin no// snang yang don dam par na de'i lus yongs su grub pa'ang med do/ / sgra yang don dam par na yi ger mi brjod do// sems kyang don dam par na sems dang sems las byung ba'i chos su brjod par bya ba ma yin no/ / don dam pa ra na gzugs mi snang yang kun rdzob tu skyes bu chen po'i mtshan sum cu rtsa gnyis kyis ni brgyan pa/ dpe byad bzang pos ni spras/ bsod nams dang ye shes kyi tshogs kyis ni brgyan/ gzi brjid ni bsnyen par dka' brjod pa ni rnam par bsgrags/ tshul khrims kyi byug pas ni byugs/ dan du smra ba'i tshig ni nyon mongs par gyur pa med/ mngon par shes pas ni rnam par rol pa/ thos pas ni rnam par sha gis/ spobs pas ni rab tu sgrog/ kun rdzob tu na ye shes kyis ni rnam par 'phrul/ ye shes kyi 'od kyis ni mun pa mun nag sel/ shes rab kyis snang bar byed/ mtha' yas par bstan pa ni rtogs par khong du chud do// kun rdzob tu na sems can thams cad kyi skyabs/ sangs rgyas bcom ldan 'das rnams kyis ni rtag tu gzigs/ nyan thos dang / rang sangs rgyas dang / mu stegs can dmigs pa can thams cad kyis ni mi blta zhing / byang chub kyi phyir ni rtag tu blta ba kun rdzob tu na bstan pa zad mi shes/ dran pa ni rgya mtsho dang 'dra/ ting nge 'dzin ni ri rab dang mtshungs/ bzod pa ni sa dang 'dra'o// kun rdzob tu na rnam par rtog pa thams cad sel ba'i phyir dpa' ba'o/ / mi shes pa'i mun gnag sel ba'i phyir nyi ma lta bu'o// rab tu snang ba'i phyir zla ba dang 'dra'o// kun rdzob tu na 'du ba'i phyir dang bo dang mtshungs so/ / kun rdzob tu na sems la dbang byed pa'i phyir tshangs pa dang 'dra'o// kun rdzob tu na nam mkha' la dbang byed pa'i phyir mi mnyam dang mnyam pa'o// kun rdzob tu na thams cad du rjes su song yang / don dam par na gang du song ba 'am/ 'ong ba 'am/ 'dug pa med do// de ci'i phyir zhe na/ don dam par na chos thams cad shin tu ma byung ba'i phyir ro/ / lha'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i tog de'i nyan thos kyi dge 'dun ni de dang 'dra ste/ de bas kyang lharnag par bsam gyis mi khyab pa'i chos dang yang ldan no/ / 'jam dpal gzhon nur gyur pas mi dmigs pa'i tshul gyis bstan pa 'di bshad pa na/ dge slong lnga brgya dang / dge bsnyen lnga brgya dang / lha'i bu lnga stong dmigs pa can de dag thams cad kyis 'di skad ces gsol to// bcom ldan 'das bdag cag kyang de bzhin gshegs pa dgra bcom pa yang dag par rdzogs pa'i sangs rgyas rin po che'i tog de'i nyan thos su gyur cig/ 'jam dpal gyis smras pa/ kye grogs po dag sangs rgyas kyi zhing der dmigs pa can bkra cad mi skye'o/ / kye grogs po dag byang chub sems dpa' sems dpa' chen po dmyigasmra pa med pa rnams mi skye ba'i tshul gyis der skye'o// kye grogs po dag gal te khyed kyang der 'dod na khyed kyis mi dmigs pa'i tshul gyis shes rab kyi pha rol tu phyin pa la brtson par gyis shig/ kye grogs po drag khyed num shes rab kyi pha rol tu phyin pa la mi dmigs pa'i tshul gyis brtson par gyur pa de'i tshe/ grogs po dag khyed la rnam pa'i mchog thams cad dang ldan pa thams cad mkhyen pa'i ye shes kyang rnyed par mi dka' na/ sangs rgyas kyi zhing yongs su dag par skye ba lta smos kyang ci dgos/ lha'i bu rab tu zhi ba rnam par dul ba'i dbang phyug gsi/ yang 'jam dpal gzhon nur gyur pa la 'di skad ces smras so// 'jam dpal nyan thos kyi 'dul ba ni ji lta bu/ byang chub sems dpa' sems dpa' chen po'i 'dul ba ni ji lta bu/ 'jam dpal gyis smras pa/ lha'i bu khams gsum gyis skrag pas btul ba ni nyan thos kyi 'dul ba'o/ / dge ba'i rtsa ba'i tshogs thams cad bsags shing / sems can thams cad kyi dbugs 'byin pa dang / khams gsum du bsams bzhin skye bas btul ba ni kun rdzob tu byang chub sems dpa' sems dpa' chen po'i 'dul ba'o/ / nyon mongs pa thams cad la snang ba ni nyan thos kyi 'dul ba'o// sems can thams cad kyi nyon mongs pa spang ba'i phyir rjes su btul ba ni kun rdzob tu na byang chub sems dpa' sems dpa' chen po'i 'dul ba'o/ / phyogs gcig rig pa ni nyan thos kyi 'dul ba'o// phyogs bcu mtha' yas su med pa'i 'jig rten gyi khams thams cad rig pa ni/ kun rdzob tu na byang chub sems dpa' sems dpa' chen po'i 'dul ba'o// bdud thams cad la btang snyoms pa ni nyan thos kyi 'dul ba'o// / phyogs bcu mtha' yas mu med pa'i 'jig rten gyi khams su gtogs pa'i bdud kyi rigs thams cad dkrugs shing phyir rgol ba thams cad 'joms pa ni/ kun rdzob tu na byang chub sems dpa' sems dpa' chen po'i 'dul ba'o/ / bdag gi rgyud gsal bar byed pa ni nyan thos kyi 'dul ba'o// sems can thams cad kyi rgyud gsal bar byed cing / thams cad mkhyen pa'i ye shes snang bar byed pa dang / chos thams cad la sgrib pa med pa'i ye shes mthong ba snang bar byed pa ni/ kun rdzob tu na byang chub sems dpa' sems dpa' chen po'i 'dul ba'o/ / rang gi sems kyi bsam pa ni nyan thos kyi 'dul ba'o// 'das pa dang / ma 'ongs pa dang / da ltar gyi sangs rgyas thams cad kyis dgongs pa ni/ kun rdzob tu na byang chub sems dpa' sems dpa' chen po'i 'dul ba'o/ / rdo chag pa'i 'gro mi 'byar ba lta bu ni nyan thos kyi 'dul ba'o// gser dang dngul chag pa'i zo sbyar ba lta bu ni/ kun rdzob tu na byang chub sems dpa' sems dpa' chen po'i 'dul ba'o/ / sangs rgyas kyi chos thams cad dang / thabs mkhas pa dang bral ba ni nyan thos kyi 'dul ba'o// / thabs mkhas pa chen po dang / sangs rgyas kyi chos thams cad du bsdu ba'i bsdu ba ni/ kun rdzob tu na byang chub sems dpa' sems dpa' chen po'i 'dul ba'o// stobs bcu dang mi 'jigs pa dang / ma 'dres pa dang / thams cad mkhyen pa'i ye shes dang bral ba ni nyan thos kyi 'dul ba'o// stobs bcu dang / mi 'jigs pa dang / ma 'dres pa dang // thams cad mkhyen pa'i ye shes su bsdu bas bsdus pa ni/ kun rdzob tu na byang chub sems dpa' sems dpa' chen po'i 'dul ba'o// mes tshig pa las 'bros pa lta bu ni nyan thos kyi 'dul ba'o/ / skyed mos tshal dang gzhal med khang lta bur chos kyi dga' bas dga' ba ni/ kun rdzob tu na byang chub sems dpa' sems dpa' chen po'i 'dul ba'o// bag chag kyi rgyun ma chad pa ni nyan thos kyi 'dul ba'o/ / bag chags thams cad du bcom pa ni/ kun rdzob tu na byang chub sems dpa' sems dpa' chen po'i 'dul ba'o// lha'i bu mdor na tshad du gtogs pa tshad kyi chos kyi drangs pa ni nyan thos kyi 'dul ba'o/ / ched du gtogs pa ma yin pa tshad med pa'i chos kyi drangs pa ni/ kun rdzob tu na byang chub sems dpa' sems dpa' chen po'i 'dul ba'o/ / tshad yod pa'i tshul khrims dang / thos pa dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba thob par byed pa ni nyan thos kyi 'dul ba'o/ / tshad yod pa ma yin pa/ tshad med pa'i yon tan dang ldan zhing / tshad med pa'i tshul khrims dang / thos pa dang / ti/ nge 'dzin dang / shes rab dang / rnam par grol ba dang / rnam par grol ba'i ye shes mthong ba thob par byed pa ni/ kun rdzob tu na byang chub sems dpa' sems dpa' chen po'i rnam par grol ba'o/ / de nas bcom ldan 'das kyis 'jam dpal gzhon nur gyur pa la legs so zhes bya ba byin te/ 'jam dpal khyod kyis kun rdzob tu na byang chub sems dpa' sems dpa' chen po rnams kyi 'dul ba legs par bshad pa legs so legs so/ / 'jam du bal yang 'di ltar don de nyid bstan pa'i phyir khyod la dpe bstan to/ / 'jam dpal 'di lta ste/ dper na skyes bu gnyis shig yod de/ de la skyes bu gcig ni ba lang gi rjes kyi bsngags pa smra/ skyes bu gcig ni rgya mtsho chen po'i bsngags pa smran/ 'jam dpal 'di ji snyam du sems skyes bu des ba lang gi rjes kyi bsngags pa ji snyed cig brjod nus 'jam dpal gyis gsol pa/ bcom ldan 'das baglang gi rjes thams cad kyang chung na de'i bsngags pa lta ci smos/ bcom ldan 'das kyis bka' stsal pa/ 'jam dpal de bzhin du baglang gi/ rjes chung ba ltar nyan thos kyi 'dul bar blta'o// 'jam dpal 'di ji snyam du sems/ skyes bu cig shos des rgya mtsho chen po'i bsngags pa ji tsam zhig brjod nus/ 'jam dpal gyis gsol pa/ bcom ldan 'das rgya mtsho chen po'i bsngags pa ni shin tu mang ste/ dpag tu ma mchis pa bsam gyis mi khyab bo// bcom ldan 'das kyis bka' stsal pa/ 'jam dpal de bzhin du rgya mtsho chen po'i bsngags pa dpag tu med pa ltar kun rdzob tu na byang chub sems dpa' sems dpa' chen po'i 'dul bar blta'o// de nas bstan pa 'di mi ston pa'i tshul gyis bshad pa na/ lha'i bu khri nyis stong gis don dam par nam skyes pa'i tshul gyis dz+nyA na med pa yang dag par rdzogs pa'i byang chub tu sems bskyed nas tshig 'di skad ces kyang b+ha De/ bcom ldan 'das bdag cag ni// byang chub sems dpa'i bslab pa 'di la mi slob pa'i tshul gyis slob bo// de nas lha'i blo rab tu zhi ba rnam par dul ba'i dbang phyug gis/ 'jam dpal gzhon nur gyur pa la 'di skad ces smras so// ci 'jam dpal khyod nyan thos kyi 'dul ba la bslabs/ sam/ 'on te byang chub sems dpa'i 'dul ba la bslabs/ 'jam dpal gyis smras pa/ lha'i bu 'di ji snyal du sems/ rgya mtsho chen por mi shong ba'i chu gang yang yod dam/ lha'i bus smras pa/ 'jam dpal rgya mtsho chen por mi shong ba'i chu gang yang med do// 'jam dpal gyis smras pa/ lha'i bu de bzhin du kun rdzob tu na byang chub sems dpa' sems dpa' chen po'i 'dul ba ni rgya mtsho chen po dang 'dra'o/ / lha'i bus smras pa/ 'jam dpal 'dul ba la 'dul ba zhes bya ba'i tshig gi don gang yin/ 'jam dpal gyis smras pa/ lha'i bu nyon mongs pa 'dul ba ni kun rdzob tu na 'dul ba'o// nyon mongs pa yongs su shes pa'ang 'dul ba'o// lha'i bus smras pa/ 'jam dpal ji ltar na nyon mongs pa 'dul bar 'gyur/ ji ltar na nyon mongs pa yongs su shes pa yin// 'jam dpal gyis smras pa/ don dam par na chos thams cad ma byung / ma skyes// dngos po med pa yin na/ kun rdzob tu med pa la phyin ci log tu gyur te/ med pa las phyin ci log tu gyur pa de las kun tu rtog pa dang / rnam par rtog pa'o// kun tu rtog pa dang / rnam par rtog pa de las tshul bzhin ma yin pa yid la byed pa'o// tshul bzhin ma yin pa yid la byed pa de las bdag tu sgro 'dogs pa'o// bdag tu sgro 'dogs ba de las lta ba kun nas ldang ba'o/ / lta ba kun nas ldang ba de las nyon mongs pa rnams 'brang ngo // gang yang lha'i bu don dam par na chos thams cad shin tu ma skyes/ / ma byung / dngos po med par mi shes pa'i tshul gyis rab tu shes pa de ni don dam par na phyin ci ma log pa'o// gang don dam par phyin ci ma log pa de ni rtog pa med cing rnam pa mi rtog pa'o/ / gang rtog pa med cing rnam par mi rtog pa de ni tshul bzhin rab tu sbyor ro// gang tshul bzhin rab tu sbyor ba de la den dam par na bdag tu sgro 'dog/ pa mi 'byung ngo // gang la don dam par na bdag tu sgro 'dogs pa mi 'byung ba de la/ lta ba kun nas ldang ba mi 'gyur ba na sa/ don dam par na mya ngan las 'das par lta ba kun nas sdang bar yang mi 'gyur te/ de ltar ma skyes pa la spyod pa de ni nyon mongs pa shin tu rnam par dul bar mi lnga pa'i tshul gyis pagyi ste/ lha'i bu 'di ni nyon mongs pa 'dul ba zhes bya'o/ / lha'i bu nam nyon mongs pa rnams la snang ba med pa'i shes rab dang / ye shes kyi don dam par na shin tu stong pa dang / shin tu mtshan ma med pa dang / shin tu smon pa med pa dang / don dam par na shin tu ma skyes/ ma byung / dngos po med par mi shes pa'i tshul gyis rab tu shes na/ lha'i bu de'i tshe mi shes pa'i tshul gyis nyon mongs pa rnams yongs su shes pa yin no/ / lha'i bu 'di lta ste/ dper na sbrul kha gdug pa'i rig sngags gdon pa des ni sbrul kha gdug pa rab tu zhi bar byed do// lha'i bu de bzhin du gang nyon mongs pa rnams kyi rigs rab tu shes pa de ni nyon mongs pa rnams shin tu mi dmigs pa'i tshul gyis rab tu zhi bar 'gyur ro/ / lha'i bus smras pa/ 'jam dpal nyon mongs pa'i rigs de gang yin/ 'jam dpal gyis smras pa/ lha'i bu don dam par na chos thams cad shin tu ma skyes/ ma byung / dngos po med pa la gang kun tu rtog pa de ni nyon mongs pa rnams kyi rigs so// don dam par na kun tu mi rtog pa'i phyir kun nas nyon mongs par mi 'gyur ro// lha'i bu kun nas nyon mongs pas kun gzhi med do// kun gzhi med pas don dam par ni mi gnas so// mi gnas pas don dam par mi 'tshig go// mi 'tshig pas don dam par nye bar zhi ba zhes bya'o// don dam par na ji skad smras pa bzhin du ni ma yin te/ lha'i bu kun rdzob tu na 'di ni nyon mongs pa 'dul ba'o/ / lha'i bus smras pa/ ji ltar 'jam dpal nyon mongs pa rnams yod pa'am/ 'on te med pa 'dul bar 'gyur/ 'jam dpal gyis smras pa/ lha'i bu 'di lta ste/ dper na skyes bu zhig gnyid kyis log pa'i rmi lam la sbrul la gdug pas zin nas/ de sdug bsngal gyis gtse ba yang dag sman btang nas/ de'i gdug pa med par gyur te/ gdug pa med par gyur pas sdug bsngal yang mi par gyur @na/ lha'i bu de ji snyam du sems/ skyes bu de yang dag par zin tam/ 'on te yang dag pa ma yin/ lha'i dus smras pa/ 'jam dpal don dam par na shin tu yang dag pa ma yin no// 'jam dpal gyis sbas pa/ lha'i bu ji ltar dug de med par 'gyur/ lha'i bus smras pa/ 'jam dpal ji ltar zin pa shin gyi bden pa de bzhin du/ dug med par gyur pa de'ang bden pa ma yin no// 'jam dpal gyis spras pa/ lha'i bu de bzhin du 'phags pa rnams kyi nyon mongs pa thams cad kyang don dam par mi lta ba'i tshul gyis blta'o/ / lha'i bu gang yang 'di skad du ji ltar nyon mongs pa rnams 'dul bar 'gyur zhes zer ba ni/ lha'i bu ji ltar bdag don dam par na bdag med pa de bzhin du/ lha'i bu don dam par na nyon mongs pa rnams kyang nyon mongs pa ma yin no// lha'i bu de ste don dam par bdag de bzhin nyid yin na ni/ lha'i bu don dam par na nyon mongs pa'ang de bzhini nyid du 'gyur ro/ / lha'i bu 'di ltar bdag don dam par na bdag ma yin te/ lha'i bu de bas na nyon mongs pa rnams kyang don dam par na nyon mongs pa ma yin no/ / lha'i bu de la gang gi don dam par na nyon mongs pa 'dul ba dmigs par 'gyur ba ni don dam par na gang yang mi dmigs so// de ci'i phyir zhe na/ lha'i bu don dam par na shin tu ma byung ba'i phyir/ chos thams cad ni zhi ba'o// lha'i bu don dam par na 'dzin pa med pa'i phyir/ chos thams cad ni nye bar zhi ba'o// lha'i bu don dam par na chos thams slob rtags pa med pa'i phyir chos thams cad rab tu ni bla'o/ / rtswa'i bu don dam par na shin tu mi gyes pa'i phyir/ chos thams cad ni mo zad pa'o// lha'i bu don dam par na shin tu dngos bi med pa'i phyir/ don dam par na chos thams cad ni shin tu ma skyes pa'o// na'i bus smras pa/ 'jas dpal chos thams cad kyi sgo gang yin/ 'jam de bal gyis smras pa/ g+ha riT smra bar bya ba dang / smra ba dang / shes pa dang / shes par bya ba dang / bya ba dang / tha snyad dang / byed pa thams cad 'jug pa'i kun rdzob kyi bden pa ni chos thams cad kyi sgo'o// sgrub dang / smra bar bya ba dang / shes pa dang / shes par bya ba dang / bya ba dang / tha snyad dang / byed pa thams cad las rnam par log pa'i phyir/ don dam pa'i bden pa ni chos thams cad kyi sgra'o// yang lha'i bu kun rdzob tu na tshul bzhin ma yin pa'i yid la byed pa ni 'khor ba'i sgo'o/ / kun rdzob tu na tshul bzhin yid la byed pa ni mya ngan las 'das pa'i sgo'o// kun rdzob tu na the tsom ni sgrib pa'i sgo'o// kun rdzob tu na rnam par grol ba ni sgrib pa med pa'i sgo'o// rdzos na kun tu rtag pa ni nyon mongs pa rnams kyi 'o// kun rdzob tu na mi rtog pa ni nyon mongs pa med pa'i sgo'o// kun rdzob tu na 'jug pa ni rnam par rtog pa rnams kyi ska'o/ / kun rdzob tu ma ni gnas ni nye bar zhi ba'i sgo'o// kun rdzob tu na lta bar gyur pa rnams ni nga rgyal can gyi sgo'o// kun rdzob tun stong pa zhid ni nga rgyal med pa'i blo'o/ / kun rdzob tu na sdig pa'i grogs po dang bsten pa ni mi dge ba'i rtsa ba thams cad kyi sgo'o// kun rdzob tu na dge ba'i bshes gnyen dang bsten pa ni/ dge ba'i rtsa ba thams cad kyi sgo'o/ / kun rdzob tu na log par lta ba ni sdug bsngal thams cad kyi sgo'o// kun rdzob tu na yang dag par lta ba ni bde ba thams cad kyi sgo'o// kun rdzob tu na ser rtswa ni dbul ba'i sgo'o/ / kun rdzob tu na sbyin pa ni longs spyod chen po'i sgo'o// kun rdzob tu na ngang tshul ngan pa ni ngan 'gro thamams cad kyi sgo'o// kun rdzob tu na tshul khrims ni lha dang / mir skye ba thams cad kyi sgo'o// kun rdzob tu na gnod sems ni byad gzugs ngan pa'i sgo'o// kun rdzob tu na bzod pa ni gzugs phun sum tshogs pa'i sgo'o// kun rdzob tu na la/ lo ni mi rtogs pa'i sgo'o// kun rdzob tu na brtson 'grus ni rtogs pa'i sgo'o// kun rdzob tu na rnam par rtog pa ni rgod pa'i sgo'o// kun rdzob tu nabasam gtan ni sems bde ba'i sgo'o// kun rdzob tu na 'chal pa'i shes rab ni khong du mi chud pa'i sgo'o// kun rdzob tu na shes rab ni byang chub kyi phyogs kyi chos sum cu rtsa bdun gyi sgo'o// kun rdzob tu na byams pa ni khong mi khro ba'i sgo'o/ / kun rdzob tu na snying rje chen po ni lhag pa'i bsam pa'i sgo'o// kun rdzob tu na lhag pa'i bsam pa ni g.yo med pa'i sgo'o// kun rdzob tu na dga' ba ni chos la mos pa'i sgo'o// kun rdzob tu na btang snyoms ni nyes pa thams cad dang bral ba'i sgo'o// kun rdzob tun dran pa nye bar gzhag pa rnams ni dge ba'i rtsa ba thams cad yongs su mi 'bri ba'i sgo'o// kun/ rdzob tu na yang dag par spong ba rnams ni yang dag pa'i nan tan gyi sgo'o// kun rdzob tu na rdzu 'phrul gyi rkang pa rnams ni lus dang sems las su rung ba'i sgo'o// kun rdzob tu na dpung bopo rnams ni dad pa thob pa'i sgo'o/ / kun rdzob tu na stobs rnams ni nyon mongs pa thams cad 'joms pa'i sgo'o// kun rdzob tu na byang chub kyi yan lag rnams ni thams cad mkhyen pa khong du chud pa'i sgo'o/ / kun rdzob tu na 'phags pa'i lam yan lag brgyad pa ni lam ngan pa thams cad las 'da' ba'i sgo'o// lha'i bu gzhan yang kun rdzob tu na byang chub kyi sems ni sangs rgyas kyi chos thams cad kyi sgo'o/ / kun rdzob tu na dam pa'i chos yongs su 'dzin pa ni chos thams cad kyi dbang phyug gi sgo'o// kun rdzob tu na sems can smin par bya ba ni dam pa'i chos yongs su 'dzin pa'i sgo'o/ / kun rdzob tu nu thabs ni gnas dang gnas ma yin pa la mkhas pa'i sgo'o// kun rdzob tu na shes rab kyi pha rol tu byin pa ni mya ngan las 'das pa'i sgo'o/ / don dam par na shin tu mi 'byung ba ni chos thams cad kyi sgo'o// / bam po gnyis pa/ g+ha/ bus smras pa/ 'jam dpal shin tu mi skye ba'i sgo gang / 'jam dpal gyis smras pa/ lha'i bu don dam par na shin tu dngos po med par na shin tu mi 'byung ba'i kun nas sgo'o/ / lha'i bus smras pa/ 'jam dpal shin tu mi 'byung ba'i rang bzhin gang / 'jam dpal gyis sbas pa/ lha'i bu don dam par na shin tu dngos po med pa ni shin tu mi 'byung ba'i rang bzhin no/ / lha'i bus smras pa/ 'jam dpal shin tu mi 'byung ba la cha shas dbye ba gang yang yod dam/ 'jam dpal gyis smras pa/ lha'i bu de ji snyam du sems nam mkha' la tshwa sha swa dbye ba gang yang yod dam/ lha'i bus smras pa/ 'jam dpal med do// 'jam dpal gyis smras pa/ lha'i bu de bzhin du ji ltar nam mkha' la cha shas dbye ba med pa de bzhin du/ lha'i bu shin tu ma skyes pa la 'dra cha shas dbye ba med do// lha'i bus smras pa/ 'jam dpal khyod kyis don dam par na shin tu mi 'byung ba yongs su shes sam/ 'jam dpal gyis smras pa/ lha'i bu shin tu mi 'byung bas shin tu mi 'byung ba yongs su mi shes so// de ci'i phyir zhes na/ lha'i bu chos thams cad ni shin tu ma skyes shing ma byung ba'i dngos po med pa'i phyir ro// lha'i bus smras pa/ 'jam dpal khyod kyis chos gang yang yongs su shes shing khong du rgyud pas 'di lta bu'i spobs par gyur/ 'jab dpal gyis smras pa/ dz+ha'i bu 'di dri snyam du sems/ zag chas chos kyang yongs su shes// glang u0f7f/ de las su 'byung / lha'i bu sa spras pa/ 'jam dpal brag chas chos gang yang yongs su shes pa med mod kyi/ kun rdzob tu na rkyen las sgra 'byung ngo // 'jam dpal gyis smras pa/ lha'i bude bzhin du sems thams cad la dmigs pa'i rkyen gyis kun rdzob tu na byang chub sems dpa' sems dpa' chen po mi smra ba'i tshul gyis sgra'o/ / lha'i bus smras pa/ 'jam dpal khyod cil gnas te de ston/ 'jam dpal gyis smras pa/ lha'i bu de bzhin gshegs pas sprul pa gang la granas te de ston pa'o// lha'i bus spras pa/ 'jam dpal de bzhin gshegs pa sprul pa ni don dam par na ci la'ang gnas pa med do/ / 'jam dpal gyis smras pa/ lha'i bu de bzhin du don dam par na chos thams cad la mi gnas par bdag mi ston pa'i tshul gyis ston to/ / lha'i bus smras pa/ 'jam dpal de ste khyod don dam par na chos thams cad la mi gnas par mi ston pa'i tshul gyis ston na/ khyod ci la gnas te bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ 'jam dpal gyis smras pa/ lha'i bu bdag ni mtshams med pa rnams la gnas te/ mngon par rdzogs par 'tshang mi rgya ba'i tshul gyis bla na med pa yang dag par rdzogs pa'i byang chub mngon par rdzogs par 'tshang rgya'o/ / lha'i bus smras pa/ mtshams med pa rnams ci la gnas 'jam dpal gyis smras pa/ lha'i bu don dam par na mtshams med pa rnams ni shin tu ma byung zhing dngos po med pa la mi gnas pa'i tshul gyis gnas so// lha'i bus smras pa/ 'jam dpal mtshams med pa rnams byed pa ni/ de bzhin gshegs pas sems can dmyal bar bshad do// 'jam dpal gyis smras pa/ lha'i bu ji ltar de bzhin gshags pas mtshams med par byed pa sems can dmyal bar bshad pa de bzhin du/ lha'i bu de bzhin gshegs pas mtshams med pa mi gnas pa'i tshul gyis mtshams med pa la gnas na/ myur du bla na med pa yang dag par rdzogs pa'i byang chub mngon par rdzogs par 'tshang rgya'o zhes mi ston pa'i tshul gyis ston to// lha'i bus smras pa/ 'jam dpal mtshams med pa de gang yin/ 'jam dpal gyis smras pa/ lha'i bu mtshams med pa gang gis byang chub sems dpa' sems dpa' chen po rnams myur du bla na med pa yang dag par rdzogs pa'i byang chub mngon par rdzogs par 'tshang mi rgya ba'i tshul gyis/ mngon par rdzogs par 'tshang rgya ba'i byang chub sems dpa' sems dpa' chen po rnams kyi mtshams med pa ni 'dra steste/ lha'i bla mtshams med pa lnga po de dag gang zhe na/ lha'i bu 'di la nam byang chub sems dpa' sems dpa' chen po lhag pa'i bsam pas bla na med pa yang dag par rdzogs pa'i byang chub tu mi skye ba'i tshul gyis sems bskyed nas/ bar ma dor nyan thos dang / rang sangs rgyas dang / mu stegs can dmigs pa'i sar sems mi bskyed pa 'di ni lha'i bu byang chub sems dpa' sems dpa' chen po'i mtshams med pa dang po'o/ / b+ha'i bu gzhan yang byang chub sems dpa' sems dpa' chen po bdog pa thamasas mongs su gtong ba la mi skye ba'i tshul gyis sems bskyed nas/ nam byang chub kyi snying po la 'dug gi bar du sar sna dang lhan cig mi gnas pa 'di ni/ lha'i bu byang chub sems dpa' sems dpa' chen po'i mtshams med pa gnyis pa'o/ / lha'i bu gzhan yang nam byang chub sems dpa' sems dpa' chen po sems can thams cad la bdag gis rnam pa thams cad kyis yongs su bskyab bo snyam du sems mi skyed pa'i tshul gyis de ltar sems bskyed nas/ bar ma dor mi nur ba de ni/ lha'i bu byang chub sems dpa' sems dpa' chen po'i mtshams med pa gsum pa'o/ / lha'i bu gzhan yang byang chub sems dpa' sems dpa' chen po nam don dam par na/ chos thams cad rab tu ma skyes pa/ ma byung ba/ dngos po med pa'o zhes bzod pa ma thob pa'i tshul gyis bzod pa thob nas/ bar du rdzas dang / ngo bo dang / dngos por 'dzin ba len pas ma zin pa 'di ni/ lha'i bu byang chub sems dpa' sems dpa' chen po'i mtshams med pa bzhi pa'o// lha'i bu gzhan yang nam byang chub sems dpa' s ems dpa' chen po skad cig gcig dang ldan pa'i shes rab kyis chos thams cad rnam pa thams cad du mngon par rdzogs par byang chub par bya'o zhes de ltar ma skyes pa'i tshul gyis sems skyes nas/ rnam pa'i mchog thams cad dang ldan pa'i thams cad mkhyen pa'i ye shes mi thob pa'i tshul gyis ma thob kyi bar du mi 'dug kun tu mi 'dug pa de ni/ lha'i bu byang chub sems dpa' sems dpa' chen po'i mtshams med pa lnga pa'o/ / de ltar mi gnas pa'i tshul gyis gnas na/ byang chub sems dpa' sems dpa' chen po myur du bla na med pa yang dag par rdzogs pa'i byang chub don dam par mngon par rdzogs par 'tshang mi rgya ba'i tshul gyis mngon par rdzogs par 'tshang rgya'o/ / lha'i bus smras pa/ 'jam dpal mtshams med pa gang dag gis byis pa so so'i skye bo rnams sems can dmyal bar 'gro bar 'gyur ba'i mtshams med pa de nyid la/ byang chub sems dpa' sems dpa' chen po gnas na mngon par rdzogs par 'tshang mi rgya ba'i tshul gyi bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba lta bu'i rnam grangs yod dam/ 'jam dpa' gyis smras pa/ lha'i bu yod do// de ci'i phyir zhe na/ lha'i bu don dam par na chos thams cad ni shin tu stong pa ste/ lha'i bu shin tu stong pa nyid khong du chud pa ni byang chub ste/ don dam par na byang chub ces ji skad brjod pa ltar ni ma yin no// lha'i bu don dam par na chos thams cad ni mtshan ma med pa ste/ lha'i bu mtshan ma med pa khong du chud pa ni byang chub ste/ don dam par na byang chub ces ji skad brjod pa ltar ni ma yin no// lha'i bu don dam par na chos thams cad ni shin tu smon pa med pa ste/ lha'i bu smon pa med pa khong du chud pa ni byang chub ste/ don dam par na byang chub ces ji skad du brjod pa ltar ni ma yin no// lha'i bu don dam par na chos thams cad ni shin tu gzung bar bya ba med pa ste/ lha'i bu shin tu gzung bar bya ba med pa khang du chud pa ni byang chub ste/ don dam par na byang chub ces ji skad du brjod pa ltar ni ma yin no// lha'i bu don dam par na chos thams cad ni tu mngon par 'du mi byed pa ste/ lha'i bu shin tu mngon par 'du mi byed pa khong du chud pa ni byang chub ste/ don dam par na byang chub ces ji skad du brjod pa ltar ni ma yin no// lha'i bu don dam par na chos thams cad ni shin tu 'dus ma byas pa ste/ lha'i bu shin tu 'dus ma byas pa khong du chud pa ni byang chub ste/ don dam par na byang chub ces ji skad du brjod pa ltar ni ma yin no/ / lha'i bu don dam par na chos thams cad ni shin tu mi mthong ste/ lha'i bu shin tu mi mthong ba khong du chud pa ni byang chub don// dam par na byang chub ces ji skad du brjod pa ltar ni ma yin no// lha'i bu don dam par na chos thams cad ni shin tu ma skyes pa ste/ lha'i bu shin tu ma skyes pa khong du chud pa ni byang chu ste/ don dam par na byang chub ces ji skad du brjod pa ltar ni ma yin no// lha'i bu don dam par na chos thams cad ni shin tu ma byung ba ste/ lha'i bu shin tu ma byung ba khong du chud pa ni byang chub ste/ don dam par na byang chub ces ji skad du brjod pa ltar ni ma yin no// lha'i bu don dam par na chos thams cad ni shin tu dngos po med pa ste/ lha'i bu shin tu dngos po med pa khong du chud pa ni byang chub pa ste/ don dam par na byang chub ces ji skad du brjod pa ltar ni ma yin no// lha'i bus smras pa/ 'jam dpal chos kyi rnam grangs 'di la su dad par 'gyur// 'jam dpal gyis smras pa/ lha'i bu don dam par na de bzhin gshegs pa la'ang dad pas mi 'gron/ gang nyan thos dang / rang sangs rgyas dang / mu stegs can dmigs pa can thams cad lta la ci smos/ lha'i bus smras pa/ su dag mos par 'gyur/ 'jam dpal gyis smras pa/ gang don dam par na chos gang la'ang mngon par mi tshugs pa de mos par 'gyur ro/ / lha'i bu sa smras pa/ yongs su dag nan tan byed par 'gyur/ 'jam dpal gyis sbas pa/ gang don dam par na chos gang la'ang nan tan mi byed pa'o// lha'i bus spras pa/ su dag mngon par rdzogs par 'tshang rgya bar 'gyur/ 'jam dpal gyis spras pa/ gang dag don dam par na chos thams cad gang yang mngon par rdzogs par 'tshang mir+tha ba'o/ / lha'i bus smras pa/ 'jam dpal don dam par na su dag chos gang yang mngon par rdzogs par 'tshang mi rgya/ 'jam dpal gyis smras pa/ lha'i bu kun rdzob tu na rnam pa'i mchog thams cad mkhyen pa'i ye shes mngon par rdzogs par 'tshang rgya ba dag go/ / lha'i bus smras pa/ 'dzam dpal de dag ji lta bu'i rang bzhin du 'gyur/ 'jam dpal gyis smras pa/ lha'i bu don dam par na de dag rab tu ma skyes pa'i rang bzhin du 'gyur ro// lha'i bus smras pa/ 'jam dpal mdo sde 'di lta bu su dag gi lag tu 'gro/ 'jam dpal gyis smras lha'i bu kun rdzob tu na gang sems can thams cad la dam pa'i chos kyi lag sbyin par byed pa rnams kyi'o/ / lha'i bus smras pa/ 'jam dpal de dag ji lta bu gnas par 'gyur 'jam dpal gyis smras pa/ lha'i bu don dam par na shin tu ma skyes/ ma byung / dngos po med pa la de dag gnas par 'gyur ro// lha'i bus smras pa/ 'jam dpal de dag cis 'gro bar 'gyur/ 'jam dpal gyis smras pa/ don dam par na ma skyes/ ma byung ba/ dngos po med par de dag 'gro bar 'gyur ro// lha'i bus smras pa/ 'jam dpal phyir mi ldog pa'i byang chub sems dpa' sems dpa' chen pos ci byang chub thob pa ma/ 'jam dpal gyis smras pa/ lha'i bu gang phyir mi ldog pa'i byang chub sems dpa' sems dpa' chen po des byang chub mi thob pa ni gnas ma yin te go skabs med do/ / lha'i bus smras pa// 'jam dpal byang chub sems dpa' sems dpa' chen po rnams ci las ldog par 'gyur/ 'jam dpal gyis spras pa/ lha'i bu byang chub sems dpa' sems dpa' chen po don dam par na rnam par rtog pa thams cad las ldog go/ nyan thos dang / rang sangs rgyas tham cad dang / mu skyugs can dmigs pa can gyi sa las ldog go// lha'i bus smras pa/ 'jam dpal byang chub sems dpa' semams dpa' chen po ci las mi ldog/ 'jam dpal gyis smras pa/ lha'i bu byang chub sems dpa' sems dpa' chen po rnams ni/ chos thams cad shin tu mi 'byung ba'i mnyam pa nyid las mi ldog go// de ci'i phyir zhe na/ don dam par na chos thams cad shin tu mi 'byung bar mnyam pa'i phyir/ byang chub sems dpa' sems dpa' chen po dag mnyam ste/ de bas na phyir mi ldog go// lha'i bus smras pa/ chos thams cad shin tu mi 'byung bar mnyam pa nyid ces bya ba de 'jam dpal chos gang gi tshig bla dgas yin/ 'jam dpal gyis smras pa/ chos thams cad shin tu mi 'byung bar mnyam zhes bya ba ni/ lha'i bu don dam par na sna tshogs med pa'i tshig bla dgas so// lha'i bus spras pa/ 'jam dpal chos thams cad shin tu mi 'byung bar mnyam pa la ci'i phyir sna tshogs su snang / 'jam dpal gyis smras pa/ gang lha'i bu chos thams cad shin tu mi 'byung bar mnyam pa la don dam par rdzas dang / dngos po dang / ngo bor yongs su rtogs pas// de dag don dam par na sna tshogs su spyod do// de dag don dam par na sna tshogs su spyod pa la dmigs pa'i lta ba mang du 'gyur ro// de dag dmigs pa'i lta ba mang du 'gyur ba de dag dmigs pa'i ldang ba mang pos 'gro ba rnam pa tha dad pa rnams su dbang med par 'khyim mo/ / gang lha'i bu chos thams cad shin tu 'byung bar mnyam pa la don dam par ngo bo dang / rdzas dang / dngos po yongs su mi rtog na/ de dag don dam par sna tshogs su mi spyod do// de don dam par na sna tshogs su mi spyod na/ don dam par shin tu dngos po med par 'gro ba'i tshul gyis don dam par chos thams cad shin tu ma skyes pa'i mtshan nyid dang mnyam par khong du chud par 'gyur ro/ / lha'i bus smras pa/ rnam grangs gang gis nyon mongs pa dang bcas pa'i byang chub sems dpa' sems dpa' chen po la byang chub yod kyi/ nyon mongs pa med pa la ma yin pa'i rnam grangs yod dam/ 'jam dpal gyis smras pa/ lha'i bu yod do// de ci'i phyir zhe na/ lha'i bu chos thams cad ni kun rdzob tu 'byung ba'ang 'byung ngo // mi 'byung ba'ang mi 'byung ste/ byang chub sems dpa' sems dpa' chen po rnams kyi byang chub kyang kun rdzob tu 'byung ngo / / de ci'i phyir zhe na/ lha'i bu don dam par na chos thams cad ni nyon mongs pa med cing mi skye mi 'gag ste/ chos gang don dam par na mi 'gag pa de don dam par gang gis kyang mngon par rdzogs par sangs rgyas so/ / mngon par rdzogs par 'tshang rgya bar mi 'gyur ro// mngon par rdzogs par 'tshang mi rgya'o// de ci'i phyir zhe na/ lha'i bu don dam par chos thams cad shin tu ma skyes pa'i phyir te/ lha'i bu rnam grangs de lta bus byang chub sems dpa' sems dpa' chen po nyon mongs pa dang bcas pa lo byang chub 'byung ste/ nyon mongs pa med pa la ni ma yin no// lha'i bus spras pa/ 'jam dpal rnam grangs gang gis byang chub sems dpa' sems dpa' chen po ser sna can la sbyin pa'i pha rol tu phyin par 'gyur te/ gtong ba dang ldan pa la ma yin pa'i rnam grangs yod dam/ 'jam dpal gyis smras pa/ lha'i bu rnam grangs gang gis byang chub sems dpa' sems dpa' chen po sar sna can gyi sbyin pa'i pha rol tu phyin par 'gyur gyi/ gtong ba dang ldan pa'i lam ma yin pa'i rnam grangs yod do// de ci'i phyir zhe na/ gang sems can thams cad dang / sangs rgyas kyi chos thams cad kun rdzob tu yongs su mi gtong mi 'dor ba de ni/ lha'i bu byang chub sems dpa' sems dpa' chen po'i ser sna'o// lha'i bus smras pa 'jam dpal gang byang chub sems dpa' sems dpa' chen po ngan pa'i ngang tshul can gyi tshul khrims kyi pha rol tu phyin par 'gyur te/ tshul khrims dang ldan pa ma yin pa'i rnam grangs yod dam/ 'jam dpal gyis smras pa/ lha'i bu yod do// lha'i bu byang chub sems dra ba' sems dpa' chen po gang sems can yongs su smin par bya ba'i phyir sems can la lta'i// tshul khrims la ma yin pa de ni kun rdzob tu byang chub sems dpa' sems dpa' chen po'i tshul khrims kyi pha rol tu phyin pa'o/ / lha'i bus smras pa/ 'jam dpal byang chub sems dpa' sems dpa' chen po gang bzod pa bor la/ bzod pa can gyi rnam grangs yod dam/ 'jam dpal gyis smras pa/ lha'i bu byang chub sems dpa' sems dpa' chen po gang la la don dam par chos thams cad la rdzas dang / dngos po dang / ngo bor mi bzod pa de ni shin tu ma smras pa'i tshul gyis bla na med pa'i bzod pa dang ldan par 'gyur te/ lha'i bu de ni/ mi dmigs pa'i tshul gyis byang chub sems dpa' sems dpa' chen po'i bzod pa dam pa'o// lha'i bus smras pa/ 'jam dpal byang chub sems dpa' sems dpa' chen po la lo can brtson 'grus dang ldan par 'gyur ba'i rnam grangs yod dam/ 'jam dpal gyis smras pa/ lha'i bu yod do// lha'i bu byang chub sems dpa' sems dpa' chen po le lo can du gyur pa ni bla'i nyan thos dang / rang sangs rgyas dang / mu stegs can dmigs pa'i brtson 'grus kyi brtson 'grus dang ldan pa de lta ma yin no// lha'i bus smras pa/ 'jam dpal byang chub sems dpa' sems dpa' chen po brjed ngas pa gang mnyam par gzhag par 'gyur ba'i rnam grangs yod dam/ 'jam dpal gyis smras pa/ lha'i bu yod do// lha'i bu byang chub sems dpa' sems dpa' chen po gang la la rmi lam du'ang don dam par rdzas dang / ngo bo dang / dngos po'i sems mi skye ba de ni/ mi dmigs pa'i tshul gyis shin tu mnyam par gzhag pabar 'gyur ro/ / lha'i bus spras pa/ 'jam dpal byang chub sems dpa' sems dpa' chen po gang shes rab med pa/ shes rab chen por 'gyur ba'i rnam grangs yod dam/ 'jam dpal gyis smras pa/ lha'i bu yod do// de ci'i phyir zhe na/ lha'i bu don dam par na chos thams cad la shes rab kyis rnam par dpyad de btsal na/ shin tu med cing mi dmigs te/ shes rab de'ang don dam par na shin tu med cing mi dmigs pas na/ kun rdzob tu na shes rab kyis shes rab can zhes bya ste/ shes rab de'ang don dam par na shin tu ma skyes pa yin no// lha'i bu rnam grangs des byang chub sems dpa' sems dpa' chen po shes rab med pa ni shes rab chen po can zhes bya'o/ / shes rab bye brag tu 'phags pa zhes bya'o// shes rab dam pa dang ldan pa zhes bya'o/ / shes rab gya nom pa zhes bya'o// mi dmigs pa'i shes rab can zhes bya ste/ don dam par na ji skad du bshad pa ltar ni ma yin no// de nas bcom ldan 'das kyis/ 'jam dpal gzhon nur gyur pa la legs so legs so zhes bya ba byin te/ legs so legs so// 'jam pa la khyod kyis byang chub sems dpa' sems dpa' chen po rnams kyis bya ba dang / mi bya ba mi bstan pa'i tshul gyis bstan pa ni tshig 'di legs par smras so// 'jam dpal 'di lta ste/ dper na skyes bu bkres pa ltogs pas nyam chung ba gnag pa bla'i mi shes pas kha zas dug can zos pa de lta ma yin no/ / 'jam dpal de bzhin du byang chub sems dpa' sems dpa' chen po mi dmigs pa'i ser sna can dang / ngan pa'i ngang tshul can dang / gnod sems can dang / brjed ngas pa dang / shes rab med pa bla'i/ nyan thos dang rang sangs rgyas dmig/ pa can gyis sems kyi sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi sbyor ba ni de lta ma yin no// de ci'i phyir zhe na/ dmigs pa'i dug gi skyon chags pa'i phyir/ de la kun rdzob tu 'jigs par shes par bya'o// de nas bcom ldan 'das la/ lha'i bu mtshams bzangs kyis 'di skad ces gsol to/ / bcom ldan 'das byang chub sems dpa' sems dpa' chen pos nyon mongs pa rnams la 'jigs par mi bgyi/ bcom ldan 'das kyis bka' stsal pa// lha'i bu kun rdzob tu byang chub sems dpa' sems dpa' chen pos nyon mongs pa rnams ni 'jigs par bya'o// de bas kyang des nyan thos dang rang sangs rgyas dmigs pa can gyi sems la shin tu 'jigs par bya ste/ nyon mongs pa la ni de lta ma yin te/ lha'i bus gsol pa/ bcom ldan 'das ci'i slad du na/ bcom ldan 'das kyis bka' stsal pa/ lha'i bu khyod nyid la dris/ khyod kyis ci nus pa de bzhin du lung ston cig/ lha'i bu 'di yid la ji snyam skyes bu 'tsho bar 'dod par gyur pas/ yan lag gcad pa la 'jigs par bya 'am/ 'on te mgo gcad pa la rab tu 'jigs par bya/ lha'i bus gsol pa/ bcom ldan 'das yan lag bcad pa'i skyes pa ni 'tsho ste/ bsod nams 'dod pa/ bso nams kyis lam yang dag par blangs shing gnas pa de ni/ de mtho ris skye ba'i rgyur 'gyur gyi/ bcom ldan 'das mgo bcad pa ni 'tshe ba las yongs su nyams te/ bsod nams 'tshal bas/ bsod nams kyi sa lam yang dag par len cing spyod mi nus so// bcom ldan 'das kyis bka' stsal pa/ lha'i bu de bzhin te/ byang chub sems dpa' sems dpa' chen po mi dmigs pa ni spyod pa nyams kyang bla'i nyan thos dang rang sangs rgyas dmigs pa can gyi lta bar lhung ba rnams kyi bslab pa dang / sbyangs pa'i yon tan thams cad dang ldan pa de ni de lta ma yin no/ / byang chub sems dpa' sems dpa' chen po ser sna can ni bla'i/ sems can thams cad yongs su btang ste/ sangs rgyas kyi chos thams cad 'dor ba ni de lta ma yin no/ / byang chub sems dpa' sems dpa' chen po ngan pa'i ngang tshul can du gyur pa ni bla'i/ sems can thams cad yongs su smin par mi byed par gyur pa ni de lta ma yin no/ / byang chub sems dpa' sems dpa' chen po dad pa spyod pa'i sa la spyod pa mi dmigs pa la mos shing / nyon mongs pa dang bcas pa bla'i/ nyan thos dang rang sangs rgyas dmigs bcun nges par gyur pa thob pa/ nyon mongs pa med pa ni de lta ma yin no// lha'i bus gsol pa/ bcom ldan 'das byang chub sems dpa' sems dpa' chen po rnams kyi mi spyod pa'i tshul gyis spyod pa ni 'jig rten thams cad dang mi mthun pa lags so/ / bcom ldan 'das dmigs pa'i dug gi skyon chags pas na/ gang nyan thos dang rang sangs rgyas dmigs pa can rnams kyi tshul khrims de ni/ byang chub sems dpa' sems dpa' chen po rnams kyi dran pa'i ngang tshul lags so// dzI/ tsam du gang nyan thos dang rang sangs rgyas dmigs pa can rnams kyi brtson 'grus de ni/ dmigs pa'i dug gi skyon chags pa'i phyir/ byang chub sems dpa' sems dpa' chen po le lo'i bar du'o/ / bcom ldan 'das kyis bka' stsal pa/ lha'i bu 'di lta ste/ dper na gang mi dbul po'i kha zas de ni/ 'khor los sgyur ba'i rgyal po'i dug go// lha'i bu de bzhin du gang nyan thos dang / rang sangs rgyas dmigs pa can rnams kyi tshul khrims dang / brtson 'grus kyi bar du de dag ni/ byang chub sems dpa' sems dpa' chen bo'i ngang tshul dang le lo'i bar du'o/ / de ci'i phyir zhe na/ dmigs pa'i dug gi skyon chags pa'i phyir ro// lha'i bu 'di lta ste/ dper na gang bdag nyid bsgrubs pa'i las byed pa'i skyes bu'i nor des/ grong khyer gyi skye bo thams cad bde bar spyod pa mi nus so// sgra'i bu de bzhin du gang nyan thos dang rang sangs rgyas dmigs pa can dbul ba'i sems dang / dman pa'i sems dang / dmigs pa'i sems dang ldan pa rnams kyi brtson 'grus kyi bar gyis 'dzam bu'i gling gi sems can yongs su thar bar byed kyang mi nus na sems can thams cad lta ci smos/ lha'i bu 'di lta ste/ dper na nor chen po longs spyod chen po gtong ba dang ldan pa/ byams pa la gnas pa/ snying rje chen po dang ldan pa ded dpon chen po/ sems can thams cad bla na med pa'i bde bar byed pa la zhugs pa'i nor des grangs med dpag tu med pa'i sems can bde bar byed do// lha'i bu de bzhin du gang byang chub sems dpa' sems dpa' chen po lhag pa'i bsam pa la zhugs pa sems can thams cad la shes rab dang / thabs dang / snying brtse ba chen pos bskul ba/ bskam pa chen po bye ba khrag khrig brgya stong grangs med par bsod nams dang / ye shes kyi tshogs bsags pa'i nor chen po mi dmigs pa'i brtson 'grus kyi bar de dag gis sems can grangs med dpag tu med pa yongs su smin par byed do/ / mi zhog pa'i tshul gyis rnam pa thams cad mkhyen pa nyid la'ang rab tu 'god do// de nas bcom ldan 'das la/ tshe dang ldan pa 'od srungs chen pos 'di skad ces gsol to// bcom ldan 'das nyan thos kyis 'dus ma byas kyi chos rnams mngon sum du bgyis la/ bcom ldan 'das byang chub sems dpa' sems dpa' chen po ni 'dus ma byas su gtogs pa lags na/ de ji ltar 'dus ma byas su gtogs pa'i nyan thos dpa rang sangs rgyas dmig pa can thams cad zil gyis gnon/ bcom ldan 'das kyis bka' stsal pa/ 'od srungs de'i don rab tu grub par bya ba'i phyir dper bya ste/ skyes bu mkhas pa smras pa'i don rig pa la la dpes de'i don go bar 'gyur ro/ / 'di lta ste/ dper na rgya mtsho chen po bzhi mar gyis gang bar gyur la/ de nas skyes bu la las sla brtser gshegs pa'i rtse mo'i thog mas mar gyi thigs pa gcig bcus na/ 'od srungs 'di ji snyam du sems/ sgra brgyar gshegs pa'i rtse mo'i thog mas mar gyi thigs pa bcus pas/ rgya mtsho chen po bzhi mar gyis gang ba zil gyis gnon par nus sam/ 'od srungs kyis gsol pa/ bcom ldan 'das de ma lags so// bde bar gshegs pa de ma lags so// bcom ldan 'das kyis bka' stsal pa/ yang 'od srungs de dag la sems mang ba dang / ches mchog tu gyur pa dang / ches dam pa dang / ches rin che ba gang yin/ 'od srungs kyis gsol/ kha/ bcom ldan 'das 'di ltar rgya mtsho chen po gcig gi bye ba brgya stong gi cha shas de'ang bcom ldan 'das shin tu mang / shin tu mchog/ shin tu dam pa/ shin tu rin rme ba lags te/ bcom ldan 'das brgyar gshegs pa'i sgra'i rtse mo'i thog mas mar gyi thigs pa blangs pa de lta ma lags nA/ bcom ldan 'das rgya mtsho chen po bzhi lnga'i smos bcom ldan 'das kyis bka' stsal pa/ 'di lta ste/ dper na brgyar gshegs pa'i skra'i rtse mo'i thog mas mar gyi thigs pa blangs pa tshad yod pa de bzhin du/ nyan thos dang rang sangs rgyas dmigs pa can kyi 'dus ma byas kyi ye shes ni chung ngo / / dmigs pa dang bcas pa'o// 'od srungs 'di lta ste/ dper na rgya mtsho chen po bzhi mar gyi gangab de tsam du byang chub sems dpa' sems dpa' chen po dmigs pa med pa/ dad pa spyod pa'i sa la mi spyod pa'i tshul gyis spyod pa'i rnam pa'i mchog thams cad dang ldan pa/ bsod nams dang ye shes kyi tshogs thams cad bsdus pa/ 'dus byas kyi ye shes su mi lta ba'i tshul gyis blta'o// de'ang don dam pa'i me 'bar bas yongs su smin par byas pas/ rnam pa tham cad kyi mchog dang ldan pa'i thams cad mkhyen pa'i ye shes su mi dmigro pa'i tshul gyis 'gyur ro/ / 'od srungs de bzhin du byang chub sems dpa' sems dpa' chen po'ang 'dus ma byas thob pa'i nyan thos dang rang sangs rgyas dmigs pa can thams cad mi dmigs pa'i tshul gyis zil gyis gnon to/ / 'od srungs 'di lta ste/ dper na grong khyer chen por/ chud pa'i mching bu'i nor bu khur brgya stong du gyur pa dang / rgya mtsho chen po'i nang na yod pa grur bcug pa/ rin che ba'i bai nurma nor bu rin po che chen po de bde zhing nye zho med par 'dzam bu'i gling du byin na de ji snyam du sems/ grong khyer chen por chud pa'i mching bu'i nor bus gru'i nang du bcug pa rin po che bai DUR+Ya nor bu rin po che zil gyis non par nus sam/ 'od srungs kyis gsol pa/ bcom ldan 'das de ni ma lags so// bde bar gshegs pa de ni ma lags so// bcom ldan 'das kyis bka' stsal pa/ 'od srungs ji ltar grong khyer chen por chud pa'i mching bu'i nor bu bzhin du 'dus ma byas thob pa'i nyan thos dpa rang sangs rgyas dmigs pa can thams cad du blta'o/ / 'od srungs ji ltar nor bu rin po che bai DUR+Ya rgya mtsho chen po'i nang na yod pa grur bcug pab bde zhing nye zho med par tshong khang gi bar du 'ongs par gyur pa/ 'od srungs de bzhin du byang chub sems dpa' sems dpa' chen po 'khor ba'i grong khyer gyi tshong khang gi bar du 'ongs na sems can thams cad bla na med pa yang dag par rdzogs pa'i byang chub tu mi 'jogs pa'i tshul gyis rab tu 'god par blta'o/ / 'od srungs 'di lta ste/ dper na dpyid zla tha rung gi zla ba las chen po lo tog gis rab tu gang ba la grog sbur phra mos zas kyi 'bru gcig khyer ba dang / sa chen po 'di dag gis gang ba gnyis gang mang bar sems 'od srungs kyis gso pa/ bcom ldan 'das lo tog gis gang ba'i sa chen po de dpag tu ma mchis pa'i 'bru'i phung por 'byung bar 'gyur te/ des sems can grangs ma mchis/ dpag tu ma mchis pa rnams mi 'chim par 'gyur gyi/ bcom ldan 'das grog zur phra mos 'tshal ba'i zas kyi 'bras bus lta zhig bgyi ste/ des sems can gang yang 'tsho bar mi 'gyur ro// bcom ldan 'das kyis bka' stsal pa/ 'od srungs ji ltar grog sbur phra mos khyer ba'i zas kyi 'bru gcig po de bzhin du 'od srungs nyan thos dang rang sangs rgyas dmigs pa thams cad kyi zag pa med ba'i rnam par grol ba'i 'bras bur blta'o/ / 'od srungs ji ltar lo tog mang pos rab tu grang ba'i sa chen po de bzhin du/ 'od srungs byang chub sems dpa' sems dpa' chen po mi gnas pa'i tshul gyis kun rdzob dang don dam pa'i bden pa la gnas pas/ pha rol tu phyin pa drug la sogs pa sangs rgyas kyi chos thams cad dang / bla na med par 'dus pa'i bsod nams dang / ye shes kyi tshogs kyi dge ba'i rtsa ba'i log tog tu blta'o// de yongs su smin par gyur nas/ 'di lta ste/ bla na med pa rnam pa thams cad kyi mchog dang ldan pa'i ye shes kyi bde ba mi dmigs pa'i tshul gyis sems can thams cad 'tsho bar 'gyur ro/ / de nas bcom ldan 'das la/ tshe dang ldan pa 'od srungs chen pos 'di skad ces gsol to/ / bcom ldan 'das ngo mtshar to// bde bar gshegs pa ngo mtshar to// bcom ldan 'das kyi sa 'chad pa'i tshul gyis ji ltar bshad pa de bzhin no/ / bcom ldan 'das de ltar rnam pa thams cad kyi mchog dang ldan pa/ bla na ma mchis pa mi dmigs pa'i ye shes kyis byang chub sems dpa' sems dpa' chen po dang pas spyod pa'i sa la mi spyod pa'i tshul gyis spyod pas nyan thos dang rang sangs rgyas dmigs pa can thams cad zil gyis gnon to/ / de nas bcom ldan 'das de bzhin gshegs ba rin po che'i tog gi sangs rgyas kyi zhing nas 'phags pa 'jam dpal gzhon nur gyur pa dang lhan cig tu/ 'jig rten gyi khams mi mjed ces bya ba 'dir 'ongs pa'i byang chub sems dpa' sems dpa' chen po dag gis bstan pa 'di thos nas/ bcom ldan 'das la 'di skad ces gsol to// bcom ldan 'das 'di lta ste/ nyan thos dang rang sangs rgyas dmigs pa can kun nas nyon mongs pa spong ba'i bka' mchid dang / ltung ba rnam par gzhag pa'i bar gyi bka' mchid 'di dag thams cad ni mos pa'i bka' mchid do// rnam pa tha dad pa'i bka' mchid do// dmigs pa'i bka' mchid de/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i tog gi sangs rgyas kyi zhing na/ de lta bu'i dmigs pa can gyi bka' mchid ma mchis so/ / de lta bu'i dmigs pa can gyi bka' mchid mi gda' ste/ bcom ldan 'das de na byang chub sems dpa' sems dpa' chen po rnams kyi dag pa'i bka' mchid mi thos pa'i tshul gyis thos so/ / phyir mi ldog pa'i bka' mchid mi thos pa'i tshul gyis thos so// mi dmigs pa'i bka' mchid mi thos pa'i tshul gyis thos so// don dam par chos thams cad shin tu ma skyes pa'i bka' mchid mi thos pa'i tshul gyis thos so/ / don dam par chos thams cad shin tu ma 'byung ba'i bka' mchid mi thos pa'i tshul gyis thos so/ / bcom ldan 'das de bzhin gshegs pa dgra bcom pa yang dgra par rdzogs pa'i sangs rgyas shAkya thub pa ni shin tu dka' ba mdzad de/ gang 'di ste kyi nyam nga ba bzod cing gang chos thams cad don dam par shin tu ma skyes pa la chos rnams rab 'bring mtha' mar ston par mdzad do/ / 'di lta ste/ don dam par na shin tu ma skyes pa dang / ma byung ba dang / dngos po ma mchis pa'i rnam pa ste/ bcom ldan 'das de ltar don dam par chos thams cad rnam pa gcig las sems can rnams kyi dmigs pa zhom pa'i slad du/ mi ston pa'i tshul gyis rnam pa du mar chos ston to/ / de nas byang chub sems dpa' sems dpa' chen po de rnams kyis lha'i me tog dang / spos dang / bdug pa dang / 'phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan dang / rnam par rgyal ba'i ba dan dang bcas pa'i bla res bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la bla na med pa'i mchod pa byas nas/ 'jam dpal gzhon nur gyur pa la 'di skad ces smras so// 'jam dpal bdag cag 'jig rten gyi khams rin po che dang ldan pa zhes bya bar 'dong ngo // 'jam dpal gyis smras pa/ rigs kyi bu dag khyed da de'i dus la bab par shes na dang nig/ byang chub sems dpa' sems dpa' chen po de dag gis smras pa/ 'jam dpal ci khyod dmi 'gro'am/ 'jam dpal gyis smras pa/ rigs kyi bu sangs rgyas kyi ning thams cad ni sangs rgyas kyi zhing gcig go/ / de bzhin du sangs rgyas thams cad ni sangs rgyas gcig go// de bzhin du chos thams cad ni chos gcig go// de bzhin du sam// can thams cad ni sems can gcig go// de 'di las khyad par ci yod na/ rigs kyi bu dag der 'gro// de skad ces smras pa dang / byang chub sems dpa' sems dpa' chen po de dag gis smras pa/ 'jam dpal ji ltar sangs rgyas kyi zhing thams cad sangs rgyas kyi zhing gcig/ 'jam dpal ji ltar sangs rgyas thams cad sangs rgyas gcig/ 'jam dpal ji ltar chos thams cad chos gcig/ 'jam dpal ji ltar sems can thams cad sems can gcig/ 'jam dpal gyis spras pa/ rigs kyi bu dag sangs rgyas kyi zhing thams cad ni zhing ma yin no/ / de ci'i phyir zhe na/ don dam par na shin tu ma skyes pa'i phyir ro// rigs kyi bu dag sangs rgyas thams cad ni sangs rgyas ma yin no// de ci'i phyir zhe don dam par na shin tu ma byung ba'i phyir ro/ / rigs kyi bu dag chos thams cad ni chos ma yin no// de ci'i phyir zhe na/ don dam par na shin tu dngos po med pa'i phyir ro// rigs kyi bu dag sems can thams cad ni sems can ma yin no/ / de ci'i phyir zhe na/ don dam par na shin tu kun nas 'byung ba'i phyir ro// de nas de'i tshe 'jam dpal gzhon nur zlar bas/ ni nas stong gsum gyi stong chen po'i 'jig rten gyi khams 'di/ bcom ldan 'das de bzhin gshegs pa rin po che'i tog gi 'jig rten gyi khams rin po che dang ldan pa zhes N+Da ba de ci 'dra ba de 'dra bar lhag chad med par snang ba de lta bur bsams nas/ de 'dra bar ting nge 'dzin la snyoms par zhugs so// de nas byang chub sems dpa' sems dpa' chen po de dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i tog de dang / 'jig rten gyi khams rin po che dang ldan pa zhes bya ba de'ang mthong ste/ byang chub sems dpa' sems dpa' chen po de dag 'di snyam du/ 'jig rten gyi khams rin po che dang ldan pa zhes bya bar phyin par sems so/ / de dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa'ang / bcom ldan 'das de bzhini gshegs pa rin po che'i tog gi kha dog dang / / dbyibs ci 'dra ba bzhin du mthong ngo // nyan thos chen po de dag kyang byang chub sems dpa' sems dpa' chen po yin snyam du sems so// byang chub sems dpa' sems dpa' chen po de dag bcom ldan 'das de bzhin gshegs pa shAkya thub pa la rin po che'i tog yin snyam byed nas/ 'di skad ces gsol to// bcom ldan 'das bdag cag 'jig rten gyi khams rin po che dang ldan pa zhes bgyi ba 'dir sus phyin par bgyis/ bcom ldan 'das shAkya thub pas bka' stsal pa/ rigs kyi bu dag khyed sus khrid/ byang chub sems dpa' sems dpa' chen po de dag gis gsol pa/ bcom ldan 'das 'jam dpal gzhon nur gyur pas bdag cag khrid do// bcom ldan 'das shAkya thub pas bka' stsal pa/ rigs kyi bu khyed ni 'jam dpal gzhon nur gyur pas ma 'ongs ma song ba'i tshul gyis phyin par byas so// de nas 'jam dpal gzhon nur gyur pas/ byang chub sems dpa' sems dpa' chen po de dag la 'di skad ces smras so// rigs kyi bu dag khyed gang du khrid/ gang du phyin par byas pa mnyam par zhog la ltos shig/ de nas byang chub sems dpa' sems dpa' chen po de dag gis rang rang gi ting nge 'dzin la mnyam par bzhag ste bltas na/ 'jig rten gyi khams mi mjed de nyid nas bdag nyid gang du'ang ma g.yos par mthong ste/ ngo mtshar du gyur/ rmad du gyur nas/ 'di ltar bdag cag stan 'di nyid las ma 'phags par 'jig rten gyi khams rin po che dang ldan pa zhes bya bar yang phyin pa snyam byed de/ 'jam dpal gzhon nur gyur pa'i byin gyi rlabs med pa'i tshul gyis/ byin gyi rlabs bsam gyis mi khyab bo zhes ched du brjod pa ched du brjod do// de dag gis yang smras pa/ bcom ldan 'das sems can thams cad kyis kyang mi dmigs pa'i tshul gyis byin gyi rlabs 'di thob par gyur cig/ de nas bcom ldan 'das shAkya thub pas byang chub sems dpa' sems dpa' chen po de dag la bka' stsal pa/ rigs kyi bu dag 'di lta ste/ dper na nam mkha' ni sa'i snod dang / shing gi snod dang / 'khar ba'i snod dang / zangs kyi snod dang / dngul gyi snod dang / gser gyi snod dang / nor bu dang / mu tig dang / bai DUR+Ya dang / dung dang / man shul dang / byu ru dang / asma gar ba dang / spug dang / dung g.yas su 'khyil ba dang / mu tig gi snod dang / mu tig dmar po'i snod la sogs pa'i nang du zhugs par gyur pa// rigs kyi bu dag kun rdzob tu snod la tha dad pa yod mod kyi/ nam mkha' la yod pa ma yin no// de ci'i phyir zhe na/ don dam par na nam mkha' la shin tu med cing shin tu dngos po med pa'i phyir te/ de bzhin du rigs kyi bu dag don dam par chos thams cad ma skyes/ ma byung / dngos po med mod kyi/ 'jig rten kun rdzob kyi tha snyad kyi tha snyad du 'dogs shing rab tu 'jog ste/ 'di ni gzugs so// 'di ni tshor ba'o// dzis 'du shes so/ / 'di dag ni 'du byed rnams so// 'di ni rnam par shes pa'o// 'di dag ni skye mched rnams so// 'di dag ni khams rnams so// 'di dag ni sangs rgyas dkon mchog go/ 'di ni chos dkon mchog go// 'di ni dge 'dun dkon mchog go// 'di ni nyan thos kyi theg pa'o// 'di ni rang sangs rgyas kyi theg pa'o// 'di ni bla na med pa'i theg pa chen po'o// 'di dag ni dge ba bcu'i las kyi lam rnams so/ / 'di dag ni mi dge ba bcu'i las kyi lam rnams so// 'di dag ni sems can dmyal ba rnams so// 'di dag ni dud 'gro'i skye gnas so// 'di dag ni yi dgas kyi yul lo/ / 'di dag ni lha ma yin no// 'di dag ni mi'o// 'di dag ni lha'o// 'di dag ni 'dod pa na spyod pa'i lha'o// 'di dag ni gzugs na spyod pa'i lha'o// 'di dag ni gzugs med pa la spyod pa'i lha'o/ / 'di ni 'dod pa'i khams so// 'di ni gzugs kyi khams so// 'di ni gzugs med pa'i khams so// 'di ni lus kyis legs par spyod pa'o// / 'di ni ngag gis legs par spyod pa'o// 'di ni yid kyis legs par spyod pa'o// 'di ni sbyin pa'i pha rol tu phyin pa'o// 'di ni tshul khrims kyi pha rol tu phyin pa'o// 'di ni bzod pa'i pha rol tu phyin pa'o/ / 'di ni brtson 'grus kyi pha rol tu phyin pa'o// 'di ni bsam gtan gyi pha rol tu phyin pa'o// 'di ni shes rab kyi pha rol tu phyin pa'o// 'di ni thabs kyi pha rol tu phyin pa'o/ / 'di ni smon lam gyi pha rol tu phyin pa'o// 'di ni stobs kyi pha rol tu phyin pa'o// 'di ni ye shes kyi pha rol tu phyin pa'o// 'di ni sa bcu dang / dbang bcu dang / byang chub sems dpa'i stobs bcu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / dbang po lnga dang / stobs lnga dang / ji tsam du sangs rgyas kyi chos ma 'dres pa bco brgyad dang / ji tsam du rnam pa thams cad kyi mchog dang ldan pa'i thams cad mkhyen pa'i ye shes dang / ji tsam du sangs rgyas kyi byang chub dang / ji tsam du de bzhin nyid dang / yang dag pa'i mtha' dang / stong pa nyid dang / mtshan ma med pa dang / smon pa med pa dang / mngon par 'dus ma byas pa dang / ji tsam du 'dus byas dang / 'dus ma byas pa'i chos thams cad dang / ji tsam du 'khor ba dang / mya ngan las 'da' ba dang / ji tsam du smra ba dang / smra bar bya ba dang / shes pa dang / shes byar tha snyad 'dogs pa dang / 'brel bar 'jug pa de tsam du 'jig rten kun rdzob kyi tha snyad 'jug go// don dam par na spyod pa thams cad med par gyur pa ste/ de ci'i phyir zhe na/ rigs kyi bu don dam par na chos thams cad shin tu ma skyes pa/ ma byung ba/ dngos po med pa'o// de nas byang chub sems dpa' sems dpa' chen po de dag shin tu ngo mtshar du gyur nas stan las langs te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la'ang shin tu rgya che ba/ shin tu khyad par dang ldan pa'i mchod pa byas nas/ bcom ldan 'das kyi zhabs la mgo bos phyag 'tshal te/ tshig 'di skad ces gsol to// bcom ldan 'das sems can thams cad 'di lta bu'i seng ge'i sgra/ bye brag tu 'phags pa'i sgra/ khyu mchog gi sgra/ skyes bu chen po'i sgra/ yang dag pa'i sgra/ de kho na'i sgra/ mi dmigs pa'i sgra/ don dam pa'i sgra/ mi dmigs pa'i tshul gyis 'byin par gyur cig/ de nas byang chub sems dpa' sems dpa' chen po de dag dga' mgu/ rangs nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la lan brgya stong du mar bskor ba byas nas/ bcom ldan 'das kyi gan nas slar dong ste/ de dag phyogs bcur song nas/ mi dmigs pa'i brtson 'grus kyi go cha chen po go cha med pa'i tshul gyis bgos nas/ don dam pa dang kun rdzob kyi bden pa gnyis la gnas pa'i chos bstan pa 'di nyid mi ston pa'i tshul gyis ston to/ / chos 'dul ba nyid la sems can thams cad 'dul zhing ston to// mi 'jog pa'i tshul gyis rab tu 'god do/ / 'jam dpal gzhon nur gyur pa stan de la 'dug ste/ ma langs par 'di 'dra ba'i ting nge 'dzin la mnyam par bzhag ste/ ting nge 'dzin des 'jam dpal gzhon nur gyur pa'i gtsug tor gyi gseb spyi bo'i gtsug nas sems can thams cad kyi dmigs pa dang / mi shes pa sel ba zhes bya ba'i 'od zer byung ste/ de blang nas phyogs bcu'i 'jig rten gyi khams thams cad du/ sangs rgyas kyi zhing rab 'byam thams cad snang bar byas so// 'od zer snang ba des bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas chos bshad pa/ kun rdzob dang don dam pa'i bden pa gnyis la brten pa mi thos pa'i tshul gyis thos so 'di ltar phyogs bcu mtha' yas mu med pa'i 'jig rten gyi khams thams cad na bzhugs pa'i sangs rgyas dang / byang chub sems dpa' sems dpa' chen po thams cad la mchod pa bya ba'i phyir/ 'od zer gyi snang ba de las lha'i me tog gi char 'bebs pa'i sprin byung ngo // lha'i bdug pa'i char 'bebs pa'i sprin byung ngo // lha'i spos kyi char 'bebs pa'i sprin byung ngo // lha'i 'phreg ba'i char 'bebs pa'i sprin byung ngo / / lha'i byug pa'i char 'bebs pa'i sprin byung ngo // lha'i phye ma'i char 'bebs pa'i sprin byung ngo // lha'i gos kyi char 'bebs pa'i sprin byung ngo // lha'i gdugs kyi char 'bebs pa'i sprin byung ngo / / lha'i rgyal mtshan gyi char 'bebs pa'i sprin byung ngo // lha'i ba dan gyi char 'bebs pa'i sprin byung ngo // lha'i rnam par rgyal ba'i ba dan gyi char 'a pa'i sprin byung ngo / / mra'i bla ro'i char 'bebs pa'i srin gyi bar du byung ngo // b+ha'i me tog dung / bdug pa dang / spos dang / 'phreng ba dang / byug pa dang / phye ma dang / chom gros dang / gdugs dang / rgyal mtshan dang / ba dan dang / rnam par rgyal ba'i ba dan dang / bla re'i char 'bebs pa'i sprin byung ngo // rnam pa thams cad kyi mchog dang ldan pa bla na med pa'i bde ba chen po thams cad phun sum tshogs pa'i 'i matog dang / bdug pa dang / thos drang / 'phreng ba dang / byug pa dang / phye ma dang / chos gos dang / gdugs dang / rnal ma dang / ba dan dang / rnam par rgyal ba'i ba dan dang / bla re'i char 'bebs kyi sprin rab tu gtong ngo // de nas 'jam dpal gzhon nur gyur pa ting nge 'dzin de las langs te/ langs nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la lan brgya stong du mar mi dmigs pa'i tshul gyis bskor ba byas nas/ 'jig rten gyi khams mi mjed ces bya ba 'di nas slar song ngo // de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo chos kyi rnam grangs sangs rgyas dang byang chub sems dpa' sems dpa' chen po thams cad kyi 'byung nas 'di zung zhig/ rgyas par gyis shig/ de nas tshe dang ldan pa kun dga' bos/ bcom ldan 'das la 'di skad ces gsol to// bcom ldan 'das kyi chos kyi rnam grangs 'di badrug gis bzung ni lags na/ rgyas par bgyid ni mi nus so// de ci'i slad du zhe na/ bcom ldan 'das don dam par dmigs pa la mngon par zhen pa'i sems can shin tu mang ste/ rdzas la mngon par zhen pa nas/ dngos po'i bar la mngon par zhen te/ log par 'dzin pa de las dbye ba shin tu dka' 'o// de skad ces gsol ba dang / bcom ldan 'das kyis/ tshe dang ldan pa kun dga' bo la 'di skad ces bka' stsal pa/ kun dga' bo chos kyi rnam grangs 'di ni 'das pa dang / ma 'ongs pa dang / da ltar gyi sangs rgyas bcom ldan 'das thams cad kyis byin gyis mi rlob pa'i tshul gyis byin gyis brlabs so/ / kun dga' bo khyod rkyen tsam gyis shig/ kun dga' bos gsol pa/ bcom ldan 'das rigs kyi bu 'am/ rigs kyi bu mo gang chos kyi rnam grangs 'di chung ngu na nyan par 'gyur ba de dag ci 'dra bar 'gyur/ bcom ldan 'das kyis bka' stsal pa/ kun dga' bo chos kyi rnam grangs 'di las de bzhin gshegs pas yang dag par bstan pa/ de kho na bstan pa/ mi dmigs pa bstan pa/ don dam pa bstan pa/ mi ston pa'i tshul gyis bston to// bstan pa de'ang bsam gyis mi khyab dpag tu med pa kun dga' bo de bzhin du// gang chos kyi rnam grangs 'di las chung ngu na yi ge 'bru gcig tsam yang mi nyan pa'i tshul gyis mnyan na/ sangs rgyas kyi chos thams cad bsam gyis mi khyab cing dpag tu med par 'gyur de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo de'i phyir chos kyi rnam grangs 'di kun rdzob dang don dam pa'i bden pa bstan pa zhes bya bar zung zhig bcom ldan 'das kyis de skad ces bka' stsal nas/ byang chub sems dpa' sems dpa' chen po de dag dang / nyan thos chen po de dag dang / tshe dang ldan pa kun dga' bo dang / 'khor de dag thams cad dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis bshad pa la mngon par bstod do// 'phags pa kun rdzob dang don dam pa'i bden pa bstan pa zhes bya ba theg pa chen pa'i mdo rdzogs so/ / / rgya gar gyi mkhan po shAkya pra b+ha ba dang / dzi na mi tra dang / zhu chen gyi lo tsa ba ban d+he d+harma twA shI la la sogs pas bsgyur cing zhus nas gtan la phag/

CLOSE WINDOW