rgya gar skad du/ Ar+ya ak+Sha ya ma ti ni rde sha nA ma ma hA yA na sU tra/ bod skad du/ 'phags pa blo gros mi zad pas bstan pa zhes bya ba theg pa chenapo'i mdo/ / // bam po bya/ / dang po// sangs rgyas dang / byang chub sems dpa' dang / 'phags pa nyan thos dang / rang sangs rgyas thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na/ de bzhin gsheg pa'i spyod yul/ rin po che'i bkod pa'i 'khor gyi khyams/ de bzhin gshegs pa thams cad kyi mkhyen pa/ bsod nams chen po rgyan gyi tshogs bsags pa/ spyod pa chen po'i rgyu mthun pa'i 'bras bu/ sangs rgyas thams cad kyi chos rnam par smin pas mngon par grub pa/ byang chub sems dpa' sems dpa' chen po'i gnas na chos kyi dbyings mtha' yas par bstan pa/ de bzhin gshegs pa'i rnam par sprul pa'i byin gyi rlabs chags pa med pa'i spyod yul gyi ye shes la 'jug pa/ dga' ba chen po yang dag par skyed pa/ dran pa dang / blo gros dang / rtogs pa la 'jug pa/ mdzes pa'i rdzu 'phrul kun nas ma smad pa/ ye shes rnam par dpyod pa/ de la ma chags pa'i rtogs pa la 'jug pa/ phyi ma'i mtha'i bskal par mngon par bstod pa yon tan thams cad kyi tshogs dpag tu med pa na bzhugs te/ bcom ldan 'das chos thams cad kyi mnyam pa nyid ni mngon par rdzogs par sangs rgyas/ chos kyi 'khor lo ni rab tu bskor/ slob ma shin tu dul ba mtha' yas pa'i tshogs ni mnga'// chos thams cad la dbang ni brnyes/ sems can thams cad kyi bsam pa'i tshul ni shin tu mkhyen/ dbang po dam pa'i mchog ni brnyes/ sems can thams cad kyi nyon mongs pa'i bag chags kyi mtshams sbyor ba legs par 'jom pa la ni mkhas/ sangs rgyas kyi mdzad pa lhun gyis grub pa ni rgyun ma chad cing / dge slong brgya stong phrag drug cu'i dge slong gi dge 'dun chen po dang thabs cig ste/ thams cad kyang cang shes pa'i sems dang ldan pa/ yang dag par shes pas sems shin tu rnam par grol ba/ nyon mongs pa'i bag chags kyi mtshams sbyor ba thams cad legs par 'jom pa la brtson pa/ de bzhin gshegs pa chos kyi rgyal po'i sras/ sangs rgyas kyi chos zab mo la gnas par mkhas pa/ dmigs pa med pa'i chos las nges par byung ba/ spyod lam mdzes pa phun sum tshogs pa/ sbyin pa'i gnas chen por gyur pa/ de bzhin gshegs pa'i bka' la shin tu zhugs pa sha stag go/ byang chub sems dpa'i dge 'dun chen po dang yang thabs cig ste/ sangs rgyas kyi zhing sna tshogs nas 'dus pa grangs med/ tshad med/ dpag tu med pa/ bsam gyis mi khyab/ mtshungs pa med/ dpe med/ gzhal du med/ bskyod du med/ brjod du med pa'i byang chub sems dpa' sems dpa' chen po rnams dang thabs cig ste/ sems kyi skad cig la sangs rgyas kyi zhing mtha' yas pa rtsal gyis gnon cing / 'ong ba dang 'gro ba la mkhas pa/ de bzhin gshegs pa thams cad la mchod cing rim gro byed par byung ba/ sangs rgyas kyi chos mnyan pa dang / yongs su tshol bas mi ngoms pa/ rtag tu rgyun mi 'chad par sems can thams cad yongs su smin par bya ba la brtson pa/ thabs dang shes rab bstan pa'i mchog thob pa/ sgrib pa med pa'i rnam par thar pa dang / ye shes la rab tu gnas pa/ rtog pa dang / rnam par rtog pa dang / spros pa thams cad las yang dag par 'das pa/ thams cad mkhyen pa nyid kyi sa la nye bar gyur pa sha stag la 'di lta ste/ byang chub sems dpa' glog gi lha zhes bya ba dang / byang chub sems dpa' g.yul las rnam par rgyal ba dang / byang chub sems dpa' rnam par snang ba'i snying po dang / byang chub sems dpa' rtsal gyis dpa' ba/ dang / byang chub sems dpa' yid gnyis shin tu 'jom pa dang / byang chub sems dpa' sgra rnam par grags pa dang / byang chub sems dpa' rnam par lta ba'i mig dang / byang chub sems dpa' mun pa dang bral ba dang / byang chub sems dpa' byams pa dang / 'jam dpal la sogs pa byang chub sems dpa' sems dpa' chen po grangs med/ dpag tu med/ bskyod du med/ bsam gyis mi khyab pa/ mtshungs pa med/ dpe med/ gzhal du med/ tshad med/ brjod du med pa'i yang brjod du med pa dag dang yang thabs cig de nas bcom ldan 'das byang chub sems dpa'i spyod pa la rab tu 'jug pa dang / nges par 'byung ba'i sgrib pa med pa'i sgo zhes bya ba'i chos kyi rnam grangs byang chub sems dpa'i lam bkod pa la dmigs pa/ sangs rgyas kyi chos zab mo thams cad dang / stobs bcu dang / mi 'jigs pa yongs su 'grub pa'i ye shes kyi 'byung gnas chos thams cad la dbang byed pa'i tshul dang / gzungs kyi phyag rgya'i sgor 'jug pa/ so so yang dag par rig pa shin tu rnam par nges pa la gzud pa'i sgor 'jug pa/ mngon par shes pa chen po'i ye shes la gzung pa'i sgor 'jug pa/ phyir mi ldog pa'i chos kyi 'khor lo mi skye zhing mi ldog pa'i chos rab tu ston pa/ bgrod pa gcig pa'i lam du yang dag par gzhol ba/ theg pa thams cad theg pa gcig tu mtshungs pa nyid la yang dag par gzhol ba/ tshul gcig pa'i chos kyi dbyings dbyer med pa la 'jug pa/ sems can thams cad kyi bsam pa dang dbang po la gzud par bstan pa'i snying po'i rjes su song ba'i chos rnam par nges pa bdud kyi 'khor thams cad shin tu rnam par 'joms pa byed pa/ tshul bzhin gyi chos la gzud pa'i sgor 'jug pa/ nyon mongs pa dang / lta bar gyur pa thams cad 'dul ba/ chags pa med pa'i shes rab dang / ye shes rjes su 'jug pa/ mtha' yas shing mtshungs pa med pa'i bsngo ba la mkhas pa'i thabs kyi ye shes bstan pa/ sangs rgyas kyi chos thams cad kyi mnyam pa nyid kyi ye shes kyi rjes su 'jug pa/ thogs pa med pa'i ye shes kyi byin gyi rlabs kyis sgor 'jug pa/ chos thams cad ji lta ba bzhin du shin tu gtan la bab par bstan pa/ mi rtog rnam par mi rtog pa'i mnyam pa nyid la 'jug pa/ rten cing 'brel bar 'byung ba zab mo khong du chud pa/ bsod nams dang ye shes kyi tshogs chen po thams cad bsags pas sangs rgyas kyi sku dang / gsung dang / thugs kyi mnyam pa nyid kyi rgyan gyi rjes su song ba/ dran pa dang / blo gros dang / rtogs pa dang / mos pa dang / shes rab mi zad pa mngon par sgrub pa/ nyan thos kyi theg pas gdul ba'i phyir 'phags pa'i bden pa la gnas pa dang / rang sangs rgyas kyi theg pas gdul ba'i phyir/ lus dang sems rab tu dben pa'i ye shes/ theg pa chen pos gdul ba'i phyir/ thams cad mkhyen pa'i ye shes kyi sar dbang bskur ba thob pa/ de bzhin gshegs pa'i yon tan brjod pa'i phyir/ chos thams cad la dbang byed pa'i tshul la 'jug pa gsung ngo // / ston to// rab tu ston to// mos par mdzad do// 'dzin du 'jug go// klog tu 'jug go/ shes par mdzad do// rnam par rig par mdzad do// rab tu shes par mdzad do// rab tu par mdzad do/ / 'grel to// rnam par 'byed do// gsal bar mdzad do// yang dag par rab tu ston to// de nas bcom ldan 'das de lta bu shin tu gdon mi za ba'i don 'dus pa chen po'i le'u chos kyi rnam grangs 'di rgya cher yang dag par rab tu ston pa na/ shar phyogs nas gser gyi 'od chen po snang bar gyur te/ gser gyi 'od snang ba des rin po che bkod ba'i pho brang gi dkyil 'khor thams cad dang / stong gsum gyi stong chen po'i 'jig rten gyi khams 'di yang gser gyi 'od chen po des snang bar gyur to// de bzhin gshegs pa'i 'od dang / byang chub sems dpa' dbang bskur ba thob pa rnams kyi 'od ma gtogs par/ gang gzhan stong gsum gyi stong chen po'i 'jig rten gyi khams 'di'i nyi ma dang / zla ba'i 'od dang / brgya byin/ dang / tshangs pa dang / 'jig rten skyong ba rnams kyi 'od dang / lha dang / mi dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / !/ 'phye chen po rnams kyi 'od dang / me dang / nor bu dang / rin po che dang / glog dang / skar ma rnams kyi 'od thams cad mog mog por byas te/ zil gyis non cing spa gong bar gyur to// gang stong gsum gyi stong chen po'i 'jig rten gyi khams 'di 'jig rten gyi bar na bsags pa'i gzugs su gyur pa dang / mun gnag mi snang ba'i gan du nyi ma dang zla ba 'di ltar rdzu 'phrul che ba/ 'di ltar mthu che ba/ 'di ltar dbang che bas kyang / lham me lhan ne lhang nger ma gyur pa de dag kyang 'od des sa ler gyur to// 'od de la rtswa dang / shing gel ba dang / sman dang / nags tshal rnams sgrib par mi byed do/ / ri nag po rnams ma yin/ gangs kyi ri dang / ri rab dang / khor yug dang / khor yug gi ri chen po dang / ri btang bzung dang / btang bzung chen po yang rung ste/ ri'i rgyal po chen po thams cad kyang sgrib par mi byed do// mnar med pa'i sems can dmyal ba chen po yan chad thams cad du thal te/ stong gsum gyi stong chen po'i 'jig rten gyi khams thams cad snang bar byas nas sa ler gyur to/ / gang sems can dmyal ba pa rnams dang / byol song gi skye gnas pa rnams sam/ gshin rje'i 'jig rten pa'i sems can rnams kyi lus la 'od des phog par gyur pa de dag thams cad kyi sdug bsngal gyi tshor ba med par gyur te/ lus dang sems rab tu tshim par gyur cing bdag nyid bde ba thams cad dang ldan pa snyam du shes so/ / rin po che bkod pa'i pho brang gi dkyil 'khor du bcom ldan 'das kyi spyan sngar/ 'khor gyi dkyil 'khor gyi khor yug thams cad du rin po che sna bdun gyi pad+mo kha tshon shing rta'i 'khor lo tsam 'dab ma bye ba brgya stong du ma dri zhim zhing sna tshogs blta na sdug pa kha dog dang ldan zhing yid du 'ong ba/ steng rin po che'i gdugs kyi dra bas g.yogs pa/ ka tsa linI ltar 'jam zhing reg na bde ba bye ba phrag drug cu sa'i 'og nas byung ste mngon par 'phags so/ / rin po che'i pad+mo de dag re re nas dri gang byung ba de dag gis stong gsum gyi stong chen po'i 'jig rten gyi khams dri des kun tu rgyus te/ gang stong gsum gyi stong chen po'i 'jig rten gyi khams 'di'i lha dang mi'i spos de dag thams cad pad+mo'i dri des zil gyis non par gyur to// lha dang / mi dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po rnams kyi sna'i rnam par shes pa la pad+mo'i dri nges phog pa de dag tham cad kyang chos kyi dga' ba dang ldan te/ bdag nyid nyon mongs pa dang bral ba snyam du shes so// tshe dang ldan pa dga' bos gser gyi 'od dang / pad+mo bkod pa de dag byung ba mthong nas kyang ngo mtshar du gyur/ rmad du gyur nas stan las langs te/ bla gos phrag pa g.yas par gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar te phyag 'tshal nas/ bcom ldan 'das la 'di skad ces gsol to// bcom ldan 'das 'di lta bu'i 'od blta na sdug pa 'di rab tu gda' zhing pad+mo bkod pa sngon ma mthong ma thos pa 'di lta bu byung ba su'i ltas sngon du byung ba lags/ de skad ces gsol pa dang / bcom ldan 'das kyis/ tshe dang ldan pa dga' bo la 'di skad ces bka' stsal to// / dga' bo 'di ni shar phyogs nas byang chub sems dpa' blo gros mi zad pa zhes bya ba/ byang chub sems dpa' bye ba phrag drug cus bskor cing mdun du bdar nas lhan cig tu 'ong ste/ de dag 'ong ba'i lhas sngon du byung ba'o/ / bcom ldan 'das kyis de skad ces bka' stsal nas ring po ma lon par/ de nas de'i tshe byang chub sems dpa' blo gros mi zad pas cher g.yo bar byed cing 'od zer ni rab tu gtong ste/ byang chub sems dpa'i rdzu 'phrul chen po dang / byang chub sems dpa'i mthu chen po dang / byang chub sems dpa'i rnam par 'phrul pa chen pos me tog gi char chen po ni 'bebs/ sil snyan bye ba khrag khrig brgya stong dang / glu rab tu len cing / byang chub sems dpa' bye ba phrag drug cus bskor te/ mdun du bdar nas lhan cig tu rin po che bkod pa'i pho brang gi dkyil 'khor gang na ba dang / bcom ldan 'das ga la bar 'ongs te lhags nas/ bcom ldan 'das kyi spyan sngar steng gi bar snang la ta la bdun srid na 'khod nas thal mo sbyar te/ stong gsum gyi stong chen po'i 'jig rten gyi khams 'di thams cad dbyangs kyis go bar byed cing / bcom ldan 'das la tshul dang 'dra ba'i tshigs su bcad pa 'di dag gis mngon par bstod do/ / rdul med rdul bral dpa' bo 'dod chags bral// ye shes rab rib mi mnga' spyan gsum sbyangs// nyes byang dri ma gsum gyi tha ba spangs// / phyag 'tshal rdul bral sangs rgyas thugs rje can// gti mug dra ba bcad cing 'jigs dang bral// stobs bcu rgol ba mang pos thul bar dka'// lam log zhugs pa pha rol tshogs skrag mdzad/ / seng ge lta bur mi bsnyengs sa la gshegs// nyes pa kun bral sa dang mtho ris na// khyod kyi yan lag dri med 'od rab 'bar// mun dang rab rab mi shes kun bsal nas/ / sprin gyi rgya grol nyi ma bzhin du lhan// 'gro ba 'di rnams skyabs med sdug bsngal gyur// rga bas mnar cing skyabs dang dpung med la// sems can mchog gis snying rje brtse bskyed nas/ / sman pa bzhin du grol bar mdzad cing gshegs// srid mtsho ma rig gting dang rgal dka' dang // nyon mongs rnam rtog sna tshogs dpa' glong las// gzhan las ma thas bdag nyid rab rgal te/ / pad+mo bzhin du chags pa med par gshegs// chos 'di thams cad rang bzhin bdag med de// ri khrod sgra bzhin du yang rkyen las byung // ma byas byed pa po dang tshor med par/ / 'jig rten mgon po sems can phan phyir gsungs// 'jig rten chos rnams ri yi chu bzhin g.yo// mi mkhas skye bos bsnyems pa'i snying po med// ston ka'i sprin bzhin thams cad chos mkhyen nas/ / srid las rgal cing srid pa kun la smod// pad+mo dmar po pad+mo rgyas 'dra'i spyan// gzi brjid nyi ma zla ba brgya las 'das// 'jig rten kun gyis bstod bsngags bstod par 'os/ / mi 'dul mnyam dang bral la phyag 'tshal lo// mi yi khyu mchog mtha' yas pha rol gshegs// yon tan khyad par kun gyi pha rol phyin// bde gshegs yon tan 'di dang dpag tu med/ / sangs rgyas bsod nams zhing la mgos phyag 'tshal// de nas byang chub sems dpa' blo gros mi zad pas/ byang chub sems dpa' bye ba phrag drug cu po de dag dang bcas pas/ bcom ldan 'das la tshul dang 'dra ba'i tshigs su bcad pa 'di dag gis mngon par bstod nas/ steng gi bar snang las babs te/ bcom ldan 'das kyi zhabs la mgo bos phyag 'tshal nas/ bcom ldan 'das la lan bdun bskor ba byas te/ bcom ldan 'das kyis bka' stsal nas/ 'khor dang bcas te pad+mo'i snying po de dag la skyil mo krung du 'khod do/ / de nas sangs rgyas kyi mthus/ tshe dang ldan pa shA ra dwa ti'i bu stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar te phyag 'tshal nas/ bcom ldan 'das la 'di skad ces gsol to// bcom ldan 'das byang chub sems dpa' blo gros mi zad pa 'di gang nas mchis/ de bzhin gshegs pa de'i mtshan dang / 'jig rten gyi khams de'i ming ci zhes bgyi/ 'jig rten// gyi khams de 'di nas ji srid cig na mchis/ bcom ldan 'das kyis bka' stsal pa/ shA ra dwa ti'i bu/ de'i phyir khyod kyis byang chub sems dpa' blo gros mi zad pa 'di la dris shig/ dang / 'di nyid khyod la ston to// de nas tshe dang ldan pa shA ra dwa ti'i bus/ byang chub sems dpa' blo gros mi zad pa la 'di skad ces smras so// rigs kyi bu khyod gang nas 'ongs/ de bzhin gshegs pa de'i mtshan dang / 'jig rten gyi khams de'i ming ci zhes bya/ 'jig rten gyi khams de 'di nas ji srid cig na yod/ blo gros mi zad pas smras pa/ gan+da brtan shA ri'i bu la da dung du yang 'ong ba dang 'gro ba'i 'du shes 'byung ngam/ smras pa/ rigs kyi bu bdag gis 'du shes ni kun shes so// smras pa/ btsun pa shA ra dwa ti'i bu 'du shes kun shes pa ni gnyis ka la blo mi 'jug na/ de ci'i phyir khyod 'di ltar gang khyod gang nas 'ongs snyam du sems/ btsun pa shA ra dwa ti'i bu 'ong ba zhes bya ba ni bsdu ba'i tshig go/ btsun pa shA ra dwa ti'i bu/ 'gro ba zhes bya ba de ni bsal ba'i tshig go// gang la bsdu ba'i tshig med pa dang / bsal ba'i tshig med pa de la 'ong ba yang med/ 'gro ba yang med de/ 'ong ba dang 'gro ba med pa ni 'phags pa rnams kyis 'gro ba'o/ / btsun pa shA ra dwa ti'i bu/ 'ong ba zhes bya ba de ni las kyi rang bzhin gyi mtshan nyid do// btsun pa shA ra dwa ti'i bu 'gro ba zhes bya ba de ni las kyi rang bzhin zad pa'i mtshan nyid do/ / gang la las kyi rang bzhin gyi mtshan nyid med pa dang / las kyi rang bzhin zad pa'i mtshan nyid med pa de la 'ong ba yang med/ 'gro ba yang med de/ 'gro ba dang 'ong ba med pa ni 'phags pa rnams kyi 'gro ba'o// btsun pa shA ra dwa ti'i bu 'ong ba zhes bya ba de ni smon lam gyi mtshan nyid do// btsun pa shA ra dwa ti'i bu 'gro ba zhes bya ba de ni smon lam zad pa'i mtshan nyid do/ / gang la smon lam gyi mtshan nyid dang / smon lam zad pa'i mtshan nyid med pa de la 'ong ba yang med/ 'gro ba yang med de/ 'ong ba dang 'gro ba med pa ni 'phags pa nyid kyi 'gro ba'o// btsun pa shA ra dwa ti'i bu 'ong ba zhes bya ba de ni skye ba'i mtshan nyid do// btsun pa shA ra dwa ti'i bu/ 'gro ba zhes bya ba de ni 'gog pa'i mtshan nyid do// gang la skye ba'i mtshan nyid med pa dang / 'gog pa'i mtshan nyid med pa de la 'ong ba yang med/ 'gro ba yang med de/ 'ong ba dang 'gro ba med pa ni 'phags pa rnams kyi 'gro ba'o/ / btsun pa shA ra dA ti'i bu/ 'ong ba zhes bya ba de ni rnam par rig pa'i sgo'i mtshan nyid do// btsun pa shA ra dA ti'i bu/ 'gro ba zhes bya ba de ni rnam par rig pa'i sgo zad pa'i mtshan nyid do/ / gang la rnam par rig pa'i mtshan nyid med pa dang / rnam par rig pa'i sgo zad pa'i mtshan nyid med pa de la 'ong ba yang med// 'gro ba yang med de/ 'ong ba dang 'gro ba med pa ni 'phags pa rnams kyi 'gro ba'o// btsun pa shA ra dwa ti'i bu/ 'ong ba zhes bya ba de ni 'ong ba'i yul lo// btsun pa shA ra dwa ti'i bu/ 'gro ba zhes bya ba de ni 'gro ba'i yul lo/ / gang la 'ong ba'i yul med pa dang / 'gro ba'i yul med pa de la 'ong ba yang med/ 'gro ba yang med de/ 'ong ba dang 'gro ba med pa de ni 'phags pa rnams kyi 'gro ba'o// / btsun pa shA ra dwa ti'i bu/ 'ong ba zhes bya ba de ni rkyen gyi mtshan nyid do// btsun pa shA ra dwa ti'i bu 'gro ba zhes bya ba de ni rkyen zad pa'i mtshan nyid do// gang la rkyen gyis mtshan nyid zad pa dang / rkyen zad pa'i mtshan nyid med pa de la 'ong ba yang med/ 'gro ba yang med de/ 'ong ba dang 'gro ba med pa de ni 'phags pa rnams kyi 'gro ba'o// btsun pa shA ra dwa ti'i bu/ 'ong ba zhes bya ba de ni rten cing 'brel pabar 'byung ba'i mtshan nyid do/ / btsun pa shA ra dwa ti'i bu/ 'gro ba zhes bya ba de ni rten cing 'brel par 'byung ba zad pa'i mtshan nyid do// gang la rten cing 'brel par 'byung ba'i mtshan nyid med pa dang / rten cing 'brel par 'byung ba zad pa'i mtshan nyid med pa de la 'ong ba yang med/ 'gro ba yang med de/ 'ong ba yang med/ 'gro ba yang med pa de ni 'phags pa rnams kyi 'gro ba'o// btsun pa shA ra dwa ti'i bu/ 'ong ba zhes bya ba de ni rgyu las byung ba'i mtshan nyid do// btsun pa shA ra dwa ti'i bu/ 'gro ba zhes bya ba de ni rgyu las byung ba zad pa'i mtshan nyid do// gang la rgyu las byung ba'i mtshan nyid med pa dang / rgyu lnga/ byung ba zad pa'i mtshan nyid med pa de la 'ong ba yang med/ 'gro ba yang med de/ 'ong ba dang 'gro ba med pa de ni 'phags pa rnams kyi 'gro ba'o// btsun pa shA ra dwa ti'i bu/ 'ong ba zhes bya ba de ni tha snyad kyi sgra dang / yi ge dang brda'o// btsun pa shA ra dwa ti'i bu/ 'gro ba zhes bya ba de ni tha snyad kyi sgra dang / yi ge dang / brda kun shes pa'o// gang la tha snyad kyi sgra dang / yi ge dang brda med pa dang / tha snyad kyi sgra dang / yi ge dang brda kun shes pa med pa de la 'ong ba yang med/ 'gro ba yang med de/ 'ong ba dang 'gro ba med pa de ni 'phags pa rnams kyi 'gro ba'o// de nas tshe dang ldan pa shA ra dwa ti'i bus/ byang chub sems dpa' blo gros mi zad pa la 'di skad ces smras so// rigs kyi bu khyod kyi spobs pa 'di lta bu'i phyir ma yin gyi/ ci nas de lta bu/ sngon ma thos pa'i gnas rnams mnyan pa'i phyir 'dri'o// rigs kyi bu 'di lta ste dper na/ yul btsas dang sho gam gcod pa'i skyes bu zhig yod de/ des mi ring ngam khur thogs te/ lam nA/ 'gro ba'i mi zhig la/ kye skyes bu khyod ci zhig thogs zhes 'dri zhing / nga la yul btsas dang sho gam byin cig ces zer ba de bzhin du/ rigs kyi bu bdag cag nyan thos gzhan gyi sgra'i rjes su 'gro ba gzhan las thos pa la mos pa bdag gi sems kyi rgyud la snang ba nye bar gnas pa rnams kyis rtag tu rgyun mi 'chad par khyod lta bu skyes bu dam pa rnams la gang las nyan thos dang / rang sangs rgyas mang po 'byung bar 'gyur ba'i theg pa chen po 'di rjes su gzung ba'i phyir dri bar bya ste/ de bas na rigs kyi bu khyod gang nas 'ongs/ de bzhin gshegs pa de'i mtshan dang / 'jig rten gyi khams de'i ming ci zhes bya/ 'jig rten gyi khams de 'di nas ji srid cig na yod pa legs par ston cig/ blo gros mi zad pas smras pa/ btsun pa shA ra dwa ti'i bu/ de bzhin gshegs pa 'di khyod kyi mdun na bzhugs kyis/ 'di la zhus shig dang / des khyod la lan ldon par 'gyur te/ 'khor thams cad kyi the tshom med par 'gyur ro// de nas bcom ldan 'das la/ dang ldan pa shA ra dwa ti'i bus 'di skad ces gsol to// bcom ldan 'das byang chub sems dpa' blo gros mi zad pa 'di gang nas mchis/ de bzhin gshegs pa de'i mtshan dang / 'jig rten gyi khams de'i ming ci zhes bgyi/ 'jig rten gyi khams de 'di nas ji srid cig na mchis/ 'di ltar de bzhin gshegs pa de'i mtshan dang / de bzhin gshegs pa de'i zhing gi ming thos nas/ tshad med grangs med pa'i sems can gyis byang chub kyi go cha gyon par 'gyur bar de bzhin gshegs pas bstan du gsol/ bcom ldan 'das bde bar gshegs pas bstan du gsol/ bcom ldan 'das kyis bka' stsal pa/ shA ra dwa ti'i bu de'i phyir legs par rab tu nyon la yid la zung zhig dang ngas khyod la bshad do/ / 'jig rten gyi khams de'i yon tan yongs su brjod pa dang / byang chub sems dpa' de dag dang / de bzhin gshegs pa de'i ming thos nas dad pa dang mos bas/ de bzhin gshegs pa'i ye shes mi chags shing sgrib pa med pa la skrag par mi bya'o// the tshom za bar mi bya'o// de nas tshe dang ldan pa shA ra dwa ti'i bus legs so bcom ldan 'das zhes gsol nas/ bcom ldan 'das la slar nyan pa dang / bcom ldan 'das kyis 'di skad ces bka' stsal to// sha ra dwa ti'i bu sangs rgyas kyi zhing 'di nas shar phyogs logs su sangs rgyas kyi zhing gang+gA'i klung gi bye ma dang mnyam pa bcu'i rdul phra rab snyed kyi 'jig rten gyi khams 'das pa na/ mi 'dzums pa zhes bya ba'i 'jig rten gyi khams yod de/ de na kun tu bzang po zhes bya ba de bzhin gshegs pa dgra bcom pa yang dag par rdzogs pa'i sangs rgyas da ltar bzhugs te 'tsho zhing skyong la chos kyang 'chad de/ byang chub sems dpa' blo gros mi zad pa de nas 'ongs so// shA ra dwa ti'i bu mi 'dzums pa'i 'jig rten gyi khams de na nyan thos dang rang sangs rgyas rnams kyi ming yang med de/ de bzhin gshegs pa de'i dge 'dun yang byang chub sems dpa' 'ba' zhig ste/ sngon yongs su sbyang ba byas pa/ sbyin pa dang / dul ba dang / mi 'gyur ba dang / des pa dang / tshul khrims dang / thos pa dang / bag yod pa dang / sbyangs pa'i yon tan dang / yo byad bsnyungs pa la rab tu gnas pa/ bzod pa'i stobs kyis khong khro ba med pa/ byang chub tu brtson 'grus brtan pas dge ba'i rtsa ba'i tshogs bsags pa/ bsam gtan dang / rnam par thar pa dang / ting nge 'dzin dang / snyoms par 'jug pa dang / mngon par shes pas rnam par rol pa'o// shes rab kyi 'od dang / snang ba chen pos sangs rgyas kyis chos thams cad kyi tshig rab tu dbye ba bstan pa'i ye shes la mkhas pa/ byams pa'i sems nam mkha' dang mtshungs pa/ snying rje'i bsam pa brtan pas sems can thams cad yongs su smin par bya ba'i cho ga shes pa/ dga' bas chos la yang dag par dga' bar byed pa/ nyes pa dang / rjes su chags pa dang / khong khro ba dang / nga rgyal shin tu spangs pa/ btang snyoms kyis gnyis dang bral ba/ stong pa nyid dang / mtshan ma med pa dang / smon pa med pa'i chos kyi tshul la rab tu gnas pa/ bdud kyi lcags kyu dang / nyon mongs pa 'thab mo'i rnyog pa rnam par sel ba/ sems can thams cad kyi bsam pa dang / dbang po'i mchog dang / mchog ma yin pa shes pa'i rnam par rig pa/ so sor ci rigs par chos kyi nor gyi ye shes rab tu sbyin pa/ sems sa dang / chu dang / me dang / rlung dang mtshungs pa/ pha rol rgol ba dang / log pa'i tshogs can gyi tshogs thams cad rab tu 'joms pa/ g.yul las rnam par rgyal te/ rgyal mtshan dang / ba dran sgreng zhing mi zlog par dpa' ba/ sangs rgyas kyi chos zab mo dang / stobs bcu dang / mi 'jigs pas 'khor gyi 'jigs pa dang / bag tsha ba med pa/ rten cing 'brel par 'byung ba la 'jug pa/ yod pa dang / med pa dang / gnyis ka'i mthar lta ba dang bral ba/ dbu ma'i lam du zhugs pa/ bdag dang bdag gi dang / sems can dang / srog dang skye ba dang / gso ba dang / skyes bu dang / gang zag dang / shed can dang / shed las skyes pa dang / byed pa po dang / tshor ba po dang / rtag pa dang / chad pa dang 'byung ba dang / 'jigs pa dang / lta bar gyur pa'i kun nas ldang ba thams cad dang bral ba/ gzungs dang / mdo sde'i rgyal po dang / de bzhin gshegs pa'i phyag rgyas btab pa/ chags pa med pa'i ye shes kyi byin gyi rlabs kyis/ bskal pa bye ba khrag khrig brgya stong du sgra bsgrags kyang / spobs pa rgyun mi 'chad pa/ sangs rgyas kyi rdzu 'phrul dang / rnam par 'phrul pa dang / cho 'phrul ston pas/ sangs rgyas kyi zhing mtha' yas pa gnon pa dang rnam par gnon pa dang / 'gro ba dang 'ong ba la mkhas pa 'jigs pa dang / khro ba dang / nga rgyal dang / rgyags pa dang / dregs pa kun chad pas/ seng ge'i sgra mngon par bsgrags pa/ sems can rab 'bring tha ma thams cad kyi bshes gnyen brtan pa/ rab tu mya ngan las 'das pa 'god pa/ chos kyi sprin las 'jug gi sgra 'byung zhing / rig pa dang / rnam par grol ba'i glog dang / bdud rtsi'i char rab tu 'bebs pa/ chos rin po che rab tu gtor bas/ dkon mchog gsum gyi rigs mi 'chad par byed pa/ nor bu rin po che lta bur bsam pa dag cing / phyi nang du blo rab tu sbyangs pa/ mtshan dang dpe byad bzang po'i mchog dang / rang gi gzi brjid kyi rgyan dang / dge ba'i rtsa ba brgya stong gis shin tu brgyan pa/ sangs rgyas kyi chos thams cad la dbang bskur bar skye ba gcig gis thogs pas rgyal tshab tu gyur pa/ sems can thams cad kyi mos pa dang / rnam par rol pa dang / 'dul ba rnams la 'dul ba'i cho ga shes pa/ byang chub kyi sa'i snying po rdo rje'i gdan gnon pa dang / rnam par gnon pa la mi 'jigs pa'i thabs shes pa/ sangs rgyas thams cad kyi bya ba dang / sangs rgyas kyi sku rab tu ston cing rab tu bzung ba dang / tshar gcod pas sems la dpa' zhing dbang byed pa dang / bla na med pa'i chos kyi 'khor lo rin po che rab tu bskor ba sha stag ste/ shA ra dwa ti'i bu/ bcom ldan 'das de'i dge 'dun ni de lta bu'i byang chub sems dpa' sha stag go// de nas 'khor de dag thams cad kyis/ byang chub sems dpa' de dag gi 'di lta bu'i bsngags pa dang / yon tan gyi legs pa 'di thos nas/ dga' zhing mgu rangs te/ rab tu dga' ba dang / mos pa dang / yid bde ba skyes nas/ 'phrul gyi me tog ut+pal dang / pad+ma dang / ku mu da dang / pun+na ri ka dang / man+dA ra ba dang / man+da ra ba chen pos bcom ldan 'das dang / byang chub sems dpa' blo gros mi zad pa dang / byang chub sems dpa' de dag la gtor nas/ ched du brjod pa 'di skad brjod do// skyes bu dam pa 'di 'dra ba blta ba dang / phyag bya ba dang / bsnyen bkur bya ba rnyed pa ni bdag cag gis thob pa rab tu thob bo// gang gis byang chub sems dpa'i yon tan gyi legs pa 'di ngag thos nas/ bla na med pa yang dag par rdzogs pa'i byang chub tu sems bskyed pa'i sems can de dag gis kyang thob pa rab tu thob bo// de na srog chags brgya stong phrag sum cu rtsa drug gis bla na med pa yang dag par rdzogs pa'i byang chub tu sems bskyed do/ / de nas yang bcom ldan 'das kyis/ gnas brtan shA ra dwa ti'i bu la bka' stsal pa/ shA ra dwa ti'i bu yang mi 'dzums pa'i 'jig rten gyi khams de na ngan song dang / mi khom pa dang / sdug bsngal gyi sgra yang med/ ltung ba'i 'khrul pa dang / nyon mongs pa'i sgra yang med/ log pa'i yon tan dang / bslab pa las 'das pa'i sgra yang med/ bud med du skye bar 'gyur ba'i sgra yang med/ sar sa dang / ngan pa'i ngang / tshul dang / gnod sems dang / le lo dang / g.yeng ba dang / 'chal pa'i shes rab kyi sgra yang med/ sgrib pa dang / chod pa dang / kun nas ldang ba dang / bag chags kyi sgra yang med/ rab 'bring tha ma'i sgra yang med/ sems can dang / theg pa dang / zhing tha dad pa'i sgra yang med/ sangs rgyas tha dad pa'i sgra yang med/ chos tha dad pa'i sgra yang med/ dge 'dun tha dad pa'i sgra yang med/ bza' ba dang / btung ba dang / bkres pa dang / skom pa'i sgra yang med/ ngar 'dzin pa dang / nga yir 'dzin pa dang / yongs su bzung ba'i sgra yang med/ bdud kyi lta ba kun nas ldang ba dang / bag chags kyi sgra yang med do// 'jig rten gyi khams de ni yangs shing rgya che ste/ gling bye ba khrag khrig brgya stong phrag drug cu yod de/ byang chub sems dpa'i smon lam gyis/ nyi ma dang zla ba gcig gi 'od kyis kun tu snang ngo // 'jig rten gyi khams de yang la mthil bzhin du mnyam zhing / bai nur+ya sngon po'i sa gzhi la rin po che thams cad kyi pad+mos rab tu sbas te/ ka tsa lin+di wAr 'jam zhing reg na bde ba re DUr bres shing / rin po che shing gi rabs kun brgyan pa/ rtag tu me tog rgyas pas mdzes par byas pa/ rdo dang / gseg ma dang / gyo mo dang / bong ba dang / ri nag po med de/ ri rab kyis shin tu brgyan pa/ lha dang mi kun tu longs spyod pa bye brag med cing sems can de dag gi zas kyang chos kyi dga' ba dang / bsam gtan gyi zas te/ 'jig rten gyi khams de na/ kun tu bzang po de bzhin gshegs po dgra bcom pa yang dag par rdzogs pa'i sangs rgyas bla na med pa'i chos kyi rgyal po ma gtogs par rgyal po gzhan gang yang med do/ / bcom ldan 'das de yang byang chub sems dpa' de dag la yi ge dang / sgra'i dang / brda'i tshig rab tu dbye bas chos mi ston te/ gzhan du na byang chub sems dpa' de dag bcom ldan 'das de'i drung du lhags te/ mig mi 'dzums par bltas pas/ sangs rgyas rjes su dran pa'i ting nge 'dzin rab tu thob ste/ mi skye ba'i chos la bzod par lung bstan pa yang byin no// de'i phyir na 'jig rten gyi khams de yang mi 'dzums pa zhes bya'o// de la sangs rgyas rjes su dran pa gang zhe na/ gang gzugs kyi mtshan nyid kyis rab tu ma phye ba/ tshe dang / rigs dang / rus dang / cho rigs kyis rab tu ma phye ba/ sngon gyi mtha'i dkar po'i spyod pas rab tu ma phye ba phyi ma'i mtha'i shes pa la sems pas rab tu ma phye ba/ da ltar byung ba la gnas pas rab tu ma phye ba/ phung po dang / khams dang / skye mched kyis rab tu ma phye ba mthong ba dang / thos pa dang / bye brag phyed pa dang / rnam par rig pas rab tu ma bye ba/ sems dang / yid dang / rnam par shes pas rab tu ma phye ba/ spros pa dang / rgyu bas rab tu ma phye ba/ skye ba dang / gnas pa dang / 'jig pas rab tu ma phye ba/ gzung ba dang / rtsod pa dang / gtang bas rab tu ma phye ba/ dran pa dang / yid la byed pas rab tu ma phye ba/ rtog pa dang / rnam par rtog pa dang / yongs su rtog pas rab tu ma phye ba/ chos kyi mtshan nyid dang / rang gi mtshan nyid kyis rab tu ma phye ba gcig dang tha dad pa dang / so so bas rab tu ma phye ba/ sems kyi dmigs pa bgrang bas rab tu ma phye ba/ nang dang phyir g.yo bas rab tu ma phye ba/ rnam par rtog pa'i mtshan ma dang / blang ba dang / dor bas rab tu ma phye ba/ kha dog dang / dbyibs dang / mtshan mas rab tu ma phye ba/ spyod lam dang / spyad pa dang / spyod pas rab tu ma phye ba/ tshul khrims dang / ting nge 'dzin dang / shes rab dang / rnam par grol ba dang / rnam par grol po'i ye shes mthong ba yid la byed pas rab tu ma phye ba/ stobs dang / mi 'jigs pa dang / sangs rgyas kyi chos ma 'dres par sgro btags pas rab tu ma phye ba yin te/ 'di ltar sangs rgyas rjes su dran pa ni bsam gyis mi khyab pa/ rgyu ba med pa/ rnam par mi rig pa'i mtshan nyid de/ nga'i ba med pa/ yid la byed pa dang bral ba/ mi dran pa yid la byed pa med pa'i gnas/ phung po dang / khams dang / skye mched 'byung ba dang / 'jig pa'i gnas ma yin/ thogs pa ma yin/ 'jug pa ma yin/ gnas pa ma yin mi gnas pa ma yin/ rab tu gnas pa ma yin/ yang dag par gnas pa ma yin/ gzugs kyi rnam par shes pa'i gnas pa ma yin/ tshor ba dang / 'du shes dang / 'du byed dang / rnam par shes pas shes par bya ba'i gnas ma yin/ sa'i khams kyi rnam par shes pa'i gnas ma yin/ chu'i khams kyi ma yin/ me'i khams kyi ma yin/ rlung gi khams kyi ma yin/ rnam par shes pa'i khams kyi gnas ma yin/ mig dang gzugs kyi rnam par shes pa'i gnas ma yin/ de bzhin du rna ba'i ma yin/ sgra'i ma yin/ sna'i ma yin/ dri'i ma yin/ lce'i ma yin/ ro'i ma yin/ lus kyi ma yin/ reg bya'i ma yin/ yid kyi ma yin/ chos kyi rnam par shes pa'i gnas ma yin no// yang sangs rgyas rjes su dran pa ni dmigs pa thams cad la mi gnas pa'o// mtshan ma thams cad mi ldang ba'o// g.yo ba dang / sems pa dang / spyod pa thams cad kyi rgyu ba med pa'o// mthong ba dang / thos pa dang / bye brag phyed pa dang / rnam par rig pa mi skye ba'o// dbang po dang / rnam/ par grol ba'i mtshan nyid thams cad kyi rjes su mi 'gro ba'o// sems gcig nas gcig tu mtshams sbyor ba med pa'o// rtog pa dang / rnam par rtog pa thams cad nye bar zhi ba'o/ / nyes pa dang / chags pa dang / khong khro ba bcom pa'o// rgyu'i mtshan nyid rnam par chad pa'o// pha rol dang / tshu rol dang / dpung dang / mthar 'dzin pa thams cad yang dag par chad pa'o/ / sgro btags pa med pas 'od gsal ba'o// phye ba med pa'i phyir dga' ba med pa'o// myang ba med pa'i phyir bde ba med pa'o// thog ma nas zhi bas yongs su gdung ba med pa'o/ / 'bad pa thams cad dang bral bas rnam par grol ba'i mtshan nyid do// gzugs med pas lus med pa'o// tshor ba med pas tshor bar gyur pa med pa'o/ / mdud pa med pas mdud pa dang bral ba'o// 'du mi byed pas 'dus ma byas pa'o// rnam par shes pa med pas rnam par mi rig pa'i mtshan nyid do/ / mi 'dzin pas len pa med pa'o// mi gtong bas dor ba med pa'o// gnas med pas mi gnas pa'o// tshor ba dang bral bas mi 'dug pa'o// mi 'byung bas med par mi 'gyur ba'i mtshan nyid do/ / dran pa dang yid la byed pa dang / sems dang sems las byung ba'i chos thams cad kyis ma bzung ba/ brnyas pa med pa len pa med pa/ dor ba med pa/ rab tu zhi ba/ thog ma nas ma skyes pa/ mi skye bas rab tu phye ba/ chos kyi dbyings su yang dag par 'du ba/ mnyam zhing mi mnyam pa med par gyur pa/ nam mkha' dang mtshungs shing mnyam pa/ mig dang gzugs kyi lam las 'das pa/ de bzhin du rna ba dang / sgra dang / sna dang / dri dang / lce dang / ro dang / lus dang / reg bya dang / yid dang / chos kyi lam las 'das pa yin te/ sangs rgyas rjes su dran pa 'di 'dra ba byang chub sems dpa' de dag gis rab tu thob bo/ / de dag gis sangs rgyas rjes su dran pa 'di thob ma thag tu/ chos thams cad la bsgribs pa med pa'i ye shes 'thob par 'gyur te/ sangs rgyas bcom ldan 'das thams cad kyis gsungs pa 'dzin cing brjed par yang mi byed/ dran par yang mi byed de/ sgra'i don thams cad rnam par gdon mi za bar rnyed par 'gyur ro// shA ra dwa ti'i bu/ kun tu bzang po de bzhin gshegs pa ni ji ltar 'di na gzhan gyi sgra dang / so so rang gis tshul bzhin yid la byed par 'gyur ba gnyis kyi rgyu dang / rkyen med pa yang dag par lta ba mi ston te/ shA ra dwa ti'i bu/ byang chub sems dpa' de dag gis de bzhin gshegs pa de mthong ma thag tu don rnam par gdon mi za ba las pha rol tu phyin pa drug yongs su rdzogs par byed do/ / mi skye ba'i chos la bzod pa'i lung bstan pa yang rab tu thob bo// de ci'i phyir zhe na/ gang gzugs kyi mtshan nyid la chags pa spangs pa 'di ni/ sbyin pa'i pha rol tu phyin pa'o// gang gzugs kyi mtshan nyid bor ba 'di ni/ tshul khrims kyi pha rol tu phyin pa'o// gang gzugs kyi mtshan nyid zad pa'i chos nyid 'di ni bzod pa'i pha rol tu phyin pa'o/ / gang gzugs kyi mtshan nyid la dben par mthong ba 'di ni/ brtson 'grus kyi pha rol tu phyin pa'o// gang gzugs kyi mtshan nyid sems la mi 'jog pa 'di ni/ bsam gtan gyi pha rol tu phyin pa'o// gang gzugs kyi mtshan nyid la spros pa'i rgyu ba med pa 'di ni/ shes rab kyi pha rol tu phyin pa'o// de ltar byang chub sems dpa' de dag gis/ bcom ldan 'das kun tu bzang po de bzhin gshegs pa dgra bcom pa yang dag par rdzogs pa'i sangs rgyas mthong ma thag tu/ don rnam par gdon mi za ba las pha rol tu phyin pa drug yongs su rdzogs nas/ mi skye ba'i chos la bzod pa'i lung bstan pa thob bo// ji ltar bcom ldan 'das kun tu bzang po de bzhin gshegs / pa'i sangs rgyas kyi zhing mi 'dzums pa'i 'jig rten gyi khams na/ de lta bu'i byang chub sems dpa' yongs su dag pa yod pa lta bu'i sangs rgyas kyi zhing nyung ngo // de nas tshe dang ldan pa shA ra dwa ti'i bus/ byang chub sems dpa' blo gros mi zad pa dang / byang chub sems dpa' de dag la 'di skad ces smras so// skyes bu dam pa dag gang khyed kyis bcom ldan 'das kun tu bzang po de bzhin gshegs pa de dang / byang chub sems dpa' de dag dang mi 'dzums pa'i 'jig rten gyi khams de mthong ba ni thob pa rab tu thob bo// blo gros mi zad pas smras pa/ btsun pa shA ra dwa ti'i bu/ khyod mi 'dzums pa'i 'jig rten gyi khams dang / bcom ldan 'das kun tu bzang po de bzhin gshegs pa de dang / pad+mo bkod pa de dag dang / byang chub sems dpa' de dag lta 'dod dam/ shA ra dwa ti'i bus smras pa/ rigs kyi bu 'khor 'di dag thams cad kyi'ang dge ba'i rtsa ba rab tu 'phel bar 'gyur gyis bdag gis blta'o// de nas byang chub sems dpa' blo gros mi zad pa de'i tshe na/ sangs rgyas kyi zhing thams cad rab tu ston pa zhes bya ba'i ting nge 'dzin la snyoms par zhugs te/ rigs kyi bu de snyoms bapar zhugs ma thag tu/ de nas 'khor de dag thams cad dang / gnas brtan shA ra dwa ti'i bus mi 'dzums pa'i 'jig rten gyi khams de dang / bcom ldan 'das kun tu bzang po de bzhin gshegs pa dgra bcom pa yang dag par rdzogs pa'i sangs rgyas de dang / pad+mo bkod pa de dag dang / byang chub sems dpa' de dag mthong ste/ mthong nas kyang thams cad rang rang gi stan las langs te/ thal mo sbyar nas/ bcom ldan 'das kun tu bzang po de bzhin gshegs pa dgra bcom pa yang dag par rdzogs pa'i sangs rgyas dang / byang chub sems dpa' de dag la phyag 'tshal lo// de nas sangs rgyas kyi mthu dang / byang chub sems dpa' blo gros mi zad pa'i byin gyi rlabs kyis de dag gi lag pa g.yas par sngon ma mthong / sngon ma thos pa'i me tog gi phur ma dri rab tu zhim zhing / sna tshogs blta na sdug pa/ kha dog dang ldan zhing yid du 'ong ba byung bar gyur te/ de dag gis me tog de dag shar phyogs su bcom ldan 'das kun tu bzang po de bzhin gshegs ba dgra bcom pa yang dag par rdzogs pa'i sangs rgyas gang na ba de logs su me tog gi phur ma de dag gtor to/ / me tog gtor ba de dag sangs rgyas kyi zhing der chags te/ kun tu bzang bopo de bzhin gshegs pa dgra bcom pa yang dag par rdzogs pa'i sangs rgyas dang / byang chub sems dpa' de dag la mngon par gtor nas/ de dag gis 'jig rten gyi khams thams cad me tog gis gang bar gyur to/ / byang chub sems dpa' de dag gis kyang / bcom ldan 'das kun tu bzang po de bzhin gshegs pa dgra bcom pa yang dag par rdzogs pa'i sangs rgyas de la/ bcom ldan 'das 'di ltar blta na sdug pa'i me tog gi char 'di dag ga las bab ces zhus so// bcom ldan 'das kyis bka' stsal pa/ rigs kyi bu rnams 'di ni/ byang chub sems dpa' blo gros mi zad pa bcom ldan 'das shAkya thub pa de bzhin gshegs pa de la blta ba dang / phyag 'tshal ba dang / mchod pa dang / bsnyen bkur bya ba dang / chos mnyan pa'i phyir/ mi mjed kyi 'jig rten gyi khams bcom ldan 'das shAkya thub pa'i sangs rgyas kyi zhing der phyin nas/ 'jig rten gyi khams der phyogs bcu nas 'dus pa'i byang chub sems dpa' de dag gis me tog 'di dag gtor te/ bcom ldan 'das de yang 'dus pa chen po'i le'u zhes bya ba'i chos kyi rnam grangs ston te/ der yang tshad med pa'i sems can gyis chos mngon du rtogs par gyur to/ / de dag gis gsol pa/ gang na bcom ldan 'das shAkya thub pa de bzhin gshegs pa bzhugs pa'i sangs rgyas kyi zhing de gang na/ 'jig rten gyi khams de 'di nas ji srid na mchis/ bcom ldan 'das des bka' stsal pa/ sangs rgyas kyi zhing 'di nas nub phyogs logs su sangs rgyas kyi zhing gang+gA'i klung gi bye ma dang mnyam pa bcu'i rdul phra rab snyed kyi 'jig rten gyi khams 'das pa na/ mi mjed ces bya ba'i 'jig rten gyi khams yod de/ de na bcom ldan 'das shAkya thub pa de bzhin gshegs pa dgra bcom pa yang dag par rdzogs pa'i sangs rgyas da ltar bzhugs te/ 'tsho zhing skyong la chos kyang 'chang ngo // de dag gis gsol pa/ bcom ldan 'das bdag cag gis mi mjed kyi 'jig rten gyi khams de dang / bcom ldan/ 'das shAkya thub pa de bzhin gshegs pa dgra bcom pa yang dag par rdzogs pa'i sangs rgyas de dang / byang chub sems dpa' de dag blta'o// de nas de'i tshe kun tu bzang po de bzhin gshegs pa dgra bcom pa yang dag par rdzogs pa'i sangs rgyas kyi sku las 'od phyung ste/ 'od des sangs rgyas kyi zhing de dag thams cad las thal nas/ mi mjed kyi 'jig rten gyi khams de dang / bcom ldan 'das shAkya thub pa de bzhin gshegs pa dang / byang chub sems dpa' 'di dag rang gi byang chub sems dpa' de dag la bstan te/ de dag gis mthong nas thams cad rang gi stan las langs te thal mo sbyar nas/ bcom ldan 'das shAkya thub pa 'di dang / byang chub sems dpa' 'di dag la phyag 'tshal zhing tshig 'di skad smra'o// bcom ldan 'das 'di ltar 'jig rten gyi khams 'di na skra'i rtse mo bzhag pa tsam yang byang chub sems dpas ma gang ba ma mchis na/ byang chub sems dpa' 'di snyed gang nas 'dus/ bcom ldan 'das des bka' stsal pa/ rigs kyi bu rnams byang chub sems dpa' 'di dag ni phyogs bcu'i sangs rgyas kyi zhing tshad med pa nas chos nyan pa'i phyir 'dus so// de nas tshe dang ldan pa shA ra dwa ti'i bus/ byang chub sems dpa' blo gros mi zad pa la 'di skad ces smras so// de ci'i phyir rigs kyi bu khyod kyi ming blo gros mi zad pa zhes btags/ zlo glos/ mi zad pas smras pa/ btsun pa shA ra dwa ti'i bu/ blo gros mi zad pa zhes bya ba 'di ni/ chos thams cad dmigs su med pa'i rgyu mthun pa'o// de ci'i phyir zhe na/ chos thams cad mi zad pa'i phyir ro/ / smras pa/ rigs kyi bu khyod byang chub sems dpa' rnams kyi chos mi zad pa bstan pa las brtsams te spobs par gyis shig/ blo gros mi zad pas smras pa/ btsun pa shA ra dwa ti'i bu/ byang chub sems dpa' rnams kyi thog ma sems bskyed pa yang mi zad pa'o// de ci'i phyir zhe na/ ma 'dres pa'i phyir ro// sems de ni nyon mongs pa thams cad dang ma 'dres par skyes so// theg pa gzhan la mos pa thams cad dang ma 'dres par skyes so// theg pa gzhan la 'dod pa med pas sems de ni ma 'brel bar skyes so// pha rol rgol ba thams cad kyis mi 'phrogs pas na/ sems de ni sra bar skyes so// sems de ni bdud thams cad kyis mi phyed par skyes so// dge ba'i rtsa ba thams cad yang dag par bsgrub pa'i phyir/ sems de ni brtan par skyes so// 'dus byas mi rtag par shin tu rig pas na/ sems de ni rtag par skyes so// sangs rgyas kyi chos thams cad sdud pas/ sems de ni mi g.yo bar skyes so// log pa'i nan tan thams cad dang bral bas/ sems de ni mi brdzi bar skyes so// mi bskyod pas na/ sems de ni shin tu gnas par skyes so// gnyen po med pas na/ sems de ni dpe med par skyes so// chos thams cad la/ nges par 'bigs pas na/ sems de ni rdo rje lta bur skyes so// tshad med pa'i bsod nams kyi tshogs bsags pas na/ sems de ni mu med par skyes so// sems can thams cad kyi bsam pa la sems de ni mnyam par skyes so/ / tha dad du 'byed pa med pas na/ sems de ni mi mnyam pa med par skyes so// rang bzhin gyis kun nas nyon mongs pa med pas na/ sems de ni rnam par dag par skyes so/ / shes rab kyi 'od gsal ba'i phyir/ sems de ni dri ma med par skyes so// lhag pa'i bsam pa ma nor bas na/ sems de ni shin tu nges par bsams te skyes so/ / byams pa nam mkha' dang mnyam zhing mtshungs pas na/ sems de ni yangs par skyes so// sems can thams cad kyi go 'byed pas na/ sems de ni rgya cher skyes so// ma chags pa'i ye shes la btang bas na/ sems de ni bsgribs pa med par skyes so// snying rje chen po rgyun mi bcad de/ sems de ni thams cad kyi rjes su song bar skyes so// bsngo ba'i cho ga shes pas na/ sems de ni rgyun ma chad par skyes so// thams cad mkhyen pas rab tu bstod de/ sems de ni mngon du 'gro bar bya bar skyes so// theg pa gzhan la zhugs pas/ sems de ni blta bar khro/ pa'o// sems de ni sems can thams cad kyi bltar mi mthong bar skyes so// sems de ni sangs rgyas kyi chos thams cad kyi sa bon du skyes so// sems de ni chos thams cad kyis mi bshigs par skyes so/ / sems de ni bde ba'i dngos po thams cad kyi gnas su skyes so// sems de ni bsod nams kyi tshogs kyis brgyan par skyes so// sems de ni ye shes kyi tshogs kyis rab tu rtogs te skyes so/ / sems de ni sbyin pa'i tshogs kyis rab tu bsags te skyes so// sems de ni tshul khrims kyi tshogs kyis smon lam gyis 'phags par skyes so/ / sems de ni bzod pa'i tshogs kyis bsnyen par dka' bar skyes so// sems de ni brtson 'grus kyi tshogs kyis rgyal bar dka' bar skyes so// sems de ni bsam gtan gyi tshogs kyis zhi ba'i mtshan nyid du skyes so/ / sems de ni shes rab kyi tshogs kyis thogs pa med par skyes so// byams pa chen po bsags pas sems de ni gnod pa med par skyes so// snying rje chen po bsags pas/ sems de ni rtsa ba sra bar rab tu gnas pa'o// sems de ni dga' ba chen po bsags pa ste/ mgu ba dang mos pa dang rab tu dga' ba la gnas par skyes so// sems de ni btang snyoms chen po bsags pa ste/ bde ba dang / sdug bsngal gyis mi skul bar skyes so// sems de ni sangs rgyas thams cad kyis byin gyi rlabs kyis byin du brlabs par skyes so/ / sems de ni dkon mchog gsum gyi rigs mi gcad pa'i phyir/ tshul rgyun mi 'chad par skyes so// sems de ni phyogs bcu'i sangs rgyas kyi zhing thams cad kyi 'khor gyi dkyis 'khor du rab tu grags par skyes so/ / btsun pa shA ra dwa ti'i bu thams cad mkhyen pa'i sems 'di 'dra bar skyes pa la zad pa gang yang yod dam/ shA ra dwa ti'i bus smras pa/ rigs kyi/ bu de lta ma yin no// gang thams cad mkhyen pa'i sems bskyed pa 'di lta bu zad par 'dod pa ni/ nam mkha' la zad par 'dod do// blo gros mi zad pas smras pa/ btsun pa shA ra dwa ti'i bu/ de bzhin gshegs pa'i sems de ni mi zad pa ste/ byang chub kyi sems de ni de'i rtsa bar skyes pas na/ de'i phyir de mi zad pa'o// btsun pa shA ra dwa ti'i bu/ de bzhin gshegs pa'i tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i phung po ni mi zad pa ste/ byang chub kyi sems de ni de dag gi rtsa bar skyes pas na/ de'i phyir de mi zad pa'o// btsun pa shA ra dwa ti'i bu/ de bzhin gshegs pa'i bsam gtan dang / rnam par thar pa dang / ting nge 'dzin dang / snyoms par 'jug pa rnams mi zad pa ste/ byang chub kyi sems de ni de dag gi rtsa bar skyes pas na de'i phyir mi zad pa'o// btsun pa shA ra dwa ti'i bu/ de bzhin gshegs pa'i sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa rnams mi zad pa ste/ byang chub kyi sems de ni de dag gi rtsa bar skyes pas na/ de'i phyir mi zad pa'o// btsun pa shA ra dwa ti'i bu/ de bzhin gshegs pa'i byams pa dang / snying rje dang / dga' ba dang / btang snyoms rnams mi zad pa ste/ byang chub kyi sems de ni de dag gi rtsa bar skyes pas na/ de'i phyir de mi zad pa'o// btsun pa shA ra dwa ti'i bu/ de bzhin gshegs pa'i stobs bcu dang / mi 'jigs pa bzhi dang / sangs rgyas kyi chos ma 'dres pa bco brgyad rnams mi zad pa ste/ byang chub kyi sems de ni de dag gi rtsa bar skyes pas na/ de'i phyir de mi zad pa'o// btsun pa shA ra dwa ti'i bu/ mdor na sangs rgyas kyi chos thams cad mi zad pa ste/ byang chub kyi sems de ni de dag gi rtsa bar skyes pas na/ de'i phyir de mi zad pa'o// dkon mchog gsum gyi rigs rgyun mi gcod pas na mi zad pa'o/ / sems can gyi khams mi zad pas na mi zad pa'o// de'i ye shes la btang bas na mi zad pa'o// sems can thams cad kyi sems kyi spyod pa rtogs pas na mi zad pa'o// sngon gyi smon lam gyi rgyun mi gcod pas na mi zad pa'o// 'dus ma byas su bsngos pas na mi zad pa'o// 'dus ma byas la sems can yongs su smin par byed pas na mi zad pa'o// zad pa'i ye shes dang / mi skye ba'i ye shes mi zad pas na mi zad pa'o// 'byung ba med cing 'jig pa med pas na mi zad pa'o// chos thams cad thog ma nas zad pa ste/ ye shes de mngon par rtogs pas na mi zad pa'o/ / 'di ni btsun pa shA ra dwa ti'i bu/ byang chub sems dpa' rnams kyi byang chub kyi sems mi zad pa'o// gzhan yang btsun pa shA ra dwa ti'i bu/ byang chub sems dpa' rnams kyi bsam pa mi zad pa ste/ de ci'i phyir zhe na/ bsam pa de yang ma byas pas na/ bcos pa ma yin no// g.yo med pas na byas pa ma yin no// rab tu rtogs pas na g.yo med pa'o/ / rgyu med pas na rab tu rtogs pa'o// dag pas na sgyu med pa'o// drang bas na dag pa'o// gya gyu med pas na drang ba'o// gsal bas na gya gyu med pa'o// mi mnyam pa med pas na gsal ba'o/ / sra bas na mi mnyam pa med pa'o// mi phyed pas na sra ba'o// ma khrang bas na mi phyed pa'o// mi g.yo bas na mkhrang ba'o// mi gnas pas na mi g.yo ba'o// de la ma chags pas na mi gnas pa'o/ / bye brag tu 'phags pas ni de la ma chags pa'o// ma smad pas na bye brag tu 'phags pa'o// legs par byas pa'i las kyi phyir ma smad pa'o// ma bshungs pas na legs par byas pa'i las so/ / 'gyod pa med pas na ma bshungs pa'o// gdung ba med pas na 'gyod pa med pa'o// bden par gyur pas na mi gdung ba'o// bslu ba med pas na bden par gyur pa'o/ / ji skad smras pa de bzhin byed pas na mi slu ba'o// legs par byas pas na ji skad smras pa de bzhin byed pa'o// rjes su sbyor ba med pa na legs par byas pa'o/ / 'khrul pa med pas na rjes su sbyor ba med pa'o// legs par gnas pas na 'khrul pa med pa'o// phyir mi zlog pas na legs par gnas pa'o// sems can la lta bas na/ phyir mi zlog pa'o// snying rje chen po'i rtsa ba'i phyir sems can la lta ba'o// yongs su mi skyo bas na snying rje chen po'i rtsa ba'o// sems can yongs su smin par bya ba'i cho ga shes pas na/ yongs su mi skyo ba'o// bdag bde ba med pas na/ sems can yongs su smin par bya ba'i cho ga shes pa'o// lan mi re bas na bdag la bde ba med pa'o// ma chags pas na la na re ba med pa'o/ / chos kyi phyir 'gro bar gyur pas na ma chags pa'o// sems can mthu chung ba'i rnams la lta bas na chos kyi phyir 'brang bar gyur pa'o// dpung gnyen du gyur pas na sems can mthu chung ngu la lta ba'o/ / skyabs su gyur pas na dpung gnyen du gyur pa'o// mgon du gyur pas na skyabs su gyur pa'o// nyon mi mongs pas na mgon du gyur pa'o// shin tu brtags pas na nyon mi mongs pa'o/ / brgal ba med pas na shin tu brtags pa'o// bsam pa dge bas na brgal ba med pa'o// ci yang med pas na bsam pa dge ba'o// shin tu yongs su dag pas na ci yang med pa'o/ / shin tu dkar bas na/ shin tu yongs su dag pa'o// nang gi dri ma med pas na shin tu dkar ba'o// phyi rol dag pas na nang dri ma med pa'o// rnam pa thams/ cad yongs su dag pas na// phyi rol dri ma med pa ste/ btsun pa shA ra dwa ti'i bu/ byang chub sems dpa' rnams kyi bsam pa de ni ser sna spang ba'i phyir blta ste/ sems can ser sna can rnams yongs su smin par byed pas bsam pa mi zad par blta'o/ / bsam pa ni ngan pa'i ngang tshul gyi dri ma spang ba'i phyir blta ste/ sems can ngan pa'i ngang tshul can rnams yongs su smin par byed pas/ bsam pa mi zad par blta'o// bsam pa ni gnod sems kyi tha ba dang / nyes pa spang ba'i phyir blta ste/ gnod par byed pa'i sems can rnams yongs su smin par byed pas bsam pa mi zad par blta'o/ / bsam pa ni le lo spang ba'i phyir blta ste/ sems can le lo can rnams yongs su smin par byed pas/ bsam pa mi zad par blta'o// bsam pa ni sems g.yeng ba 'dor ba'i phyir blta ste/ sems can thams cad sems g.yeng ba'i rnams yongs su smin par byed pas/ bsam pa mi zad par blta'o// bsam pa ni 'chal pa'i shes rab spang ba'i phyir blta ste/ sems can 'chal pa'i shes rab can rnams yongs su smin par byed pas/ bsam pa mi zad par blta'o// btsun pa shA ra dwa ti'i bu mdor na/ sems can thams cad kyi mi dge ba'i chos thams cad spang ba'i phyir blta ste/ sems can thams cad dge ba'i rtsa ba la sbyor du 'dzud pas/ bsam pa mi zad par blta'o// btsun pa shA ra dwa ti'i bu/ 'di ni byang chub sems dpa' rnams kyi bsam pa mi zad pa zhes bya'o// gzhan yang btsun pa shA ra dwa ti'i bu/ byang chub sems dpa' rnams kyi bsam pa mi zad pas na sbyor ba mi zad pa yin te/ de ci'i phyir zhe na/ sbyin pa'i bsam pa ni byang chub sems dpa'i sbyor ba mi zad pa ste/ gang yang bdog pa thams cad yongs su gtong bar snang ba 'di ni de'i sbyor ba'o// tshul khrims kyi bsam pa ni byang chub sems dpa'i sbyor ba mi zad pa ste/ gang yang tshul khrims dang / bslab pa dang / sbyangs pa'i yon tan dang / yo byad bsnyungs pa yang dag par 'dzin par snang ba 'di ni de'i sbyor ba'o/ / bzod pa'i bsam pa ni byang chub sems dpa'i sbyor ba mi zad pa ste/ gang yang sems can thams cad la khong khro ba med pa'i sems su snang ba 'di ni de'i sbyor ba'o// brtson 'grus kyi bsam pa ni byang chub sems dpa'i sbyor ba mi zad pa ste/ gang yang dge ba'i rtsa ba thams cad kyi sngon du 'gro bar snang ba 'di ni de'i sbyor ba'o// bsam gtan gyi bsam pa ni byang chub sems dpa'i sbyor ba mi zad pa ste/ gang yang bsam gtan yongs su sbyong bar snang ba 'di ni de'i sbyor ba'o// shes rab kyi bsam pa ni byang chub sems dpa'i sbyor ba mi zad pa ste/ gang yang thos pa yongs su sbyong bar snang ba de ni de'i sbyor ba'o/ / byams pa dang / snying rje dang / dga' ba dang / btang snyoms kyi bsam pa ni byang chub sems dpa'i sbyor ba mi zad pa ste/ gang yang sems can rnams la phan pa dang / bde bar bya ba dang / chos kyi dka' ba la mos shing chags pa dang / khong khro ba spang bar snang ba 'di ni de'i sbyor ba'o// gang lus kyi las rnam gsum gyi sdom pa yongs su dag pa'i phyir/ lus kyi bsam pa ni byang chub sems dpa'i sbyor ba mi zad pa'o// ngag gi nyes pa rnam bzhi yongs su spang ba'i phyir/ ngag gi bsam pa ni byang chub sems dpa'i sbyor ba mi zad pa'o/ / gnod sems dang / chags pa dang / log par lta ba med pa'i phyir/ sems kyi bsam pa ni byang chub sems dpa'i sbyor ba mi zad pa'o// chos la slob dpon 'chab pa med pa'i phyir/ thos pa'i bsam pa ni byang chub sems dpa'i sbyor ba mi zad pa'o// thams cad mkhyen dpa'i sems su sbyor ba'i phyir/ slob dpon mi 'chab pa'i bsam pa ni byang chub sems dpa'i sbyor ba mi zad pa'o// sems can gzhan byang chub kyi sems yang dag par 'dzin du 'jug pa'i phyir/ thams cad mkhyen pa'i bsam pa ni byang chub sems dpa'i sbyor ba mi zad pa'o// yang dag pa'i dge ba'i rtsa ba la rab tu dpa' ba'i phyir/ sems can gzhan byang chub kyi sems yang dag par 'dzin du 'jug pa'i bsam pa ni byang chub sems dpa'i sbyor ba mi zad pa'o// byang chub tu bsngo ba'i phyir dge ba'i rtsa ba la sbyor ba'i bsam pa ni byang chub sems dpa'i sbyor ba mi zad pa'o/ / sangs rgyas kyi chos thams cad yang dag par sdud pa'i phyir byang chub tu bsngo ba'i bsam pa ni byang chub sems dpa'i sbyor ba mi zad pa'o/ / dam pa'i chos kun 'dzin pa'i phyir/ sangs rgyas kyi chos thams cad yang dag par sdud pa'i bsam pa ni/ byang chub sems dpa'i sbyor ba mi zad pa'o// nyes pa 'chags pa'i phyir dam pa'i chos kun 'dzin pa'i bsam pa ni byang chub sems dpa'i sbyor ba mi zad pa'o/ / sdig pa 'thol ba'i phyir nyes pa bshags pa'i bsam pa ni byang chub sems dpa'i sbyor ba mi zad pa'o/ / bsod nams thams cad kyi rjes su yi rang ba'i phyir/ sdig pa 'thol ba'i bsam pa ni byang chub sems dpa'i sbyor ba mi zad pa'o// tshad med pa'i bsod nams kyi tshogs bsags pa'i phyir/ bsod nams thams cad kyi rjes su yi rang bas bsam pa ni byang chub sems dpa'i sbyor ba mi zad pa'o// sangs rgyas thams cad la gsol ba 'debs pa'i phyir// tshad med pa'i bsod nams kyi tshogs bsags pa'i bsam pa ni byang chub sems dpa'i sbyor ba mi zad pa'o/ / dam pa'i chos yongs su 'dzin pa'i phyir/ sangs rgyas thams cad la gsol ba bdebs pa'i bsam pa ni/ byang chub sems dpa'i sbyor ba mi zad pa'o// skyes bu dam pa'i las kyi phyir/ dam pa'i chos yongs su 'dzin pa'i bsam pa ni byang chub sems dpa'i sbyor ba mi zad pa'o/ / khur blangs pa sgrol ba'i phyir/ skyes bu dam pa'i las kyi bsam pa ni byang chub sems dpa'i sbyor ba mi zad pa'o// go cha sra zhing mi 'dor ba'i phyir/ khrur blangs pa smob/ pa'i bsam pa ni byang chub sems dpa'i sbyor ba mi zad pa'o// sems can thams cad kyi bya ba rab tu bsgrub pa'i phyir/ go cha ma zhing mi 'dor ba'i bsam pa ni byang chub sems dpa'i sbyor ba mi zad pa'o// yang btsun pa shA ra dwa ti'i bu bzhi po 'di dag ni/ byang chub sems dpa' rnams kyi sbyor ba mi zad pa 'o// bzhi gang zhe na/ byang chub kyi sems kyi sbyor ba mi zad pa dang / chos kyi sbyin pa ston pa'i sbyor ba mi zad pa dang / sems can yongs su smin par byed pa'i sbyor ba mi zad pa dang / dge ba'i rtsa ba bsags pa'i sbyor ba mi zad pa ste/ bzhi po de dag ni sbyor ba mi zad pa'o// gzhan yang sbyor ba mi zad pa bzhi ste/ bzhi gang zhe na/ dgon pa la gnas shing sbyangs pa'i yon tan dang / yo byad bsnyungs pa'i rjes su 'gro ba la mi ngoms pa'i sbyor ba mi zad pa dang / bsod nams dang ye shes kyi tshogs bsags pa la mi ngoms pa'i sbyor ba mi zad pa dang / thos pa btsal ba la mi ngoms pa'i sbyor ba mi zad pa dang / byang chub tu bsngo ba'i shes pas mi ngoms pa'i sbyor ba ni mi zad pa ste/ bzhi po de dag ni sbyor ba mi zad pa'o// gzhan yang sbyor ba mi zad pa bzhi ste/ bzhi gang zhe na/ bgrang bar rtogs pa'i sbyor ba mi zad pa dang / gzhal bar rtogs pa'i sbyor ba mi dad pa dang / dpyad par rtogs pa'i sbyor ba mi zad pa dang / so sor brtag pa rtogs pa'i sbyor ba mi zad pa ste/ bzhi po de dag ni sbyor ba mi zad pa'o// gzhan yang sbyor ba mi zad pa bzhi ste/ bzhi gang zhe na/ kun nas nyon mongs pa'i rgyu rtogs pa'i sbyor ba mi zad pa dang / rnam par byang ba'i rgyu rtogs pa'i sbyor ba mi zad pa dang / kun nas nyon mongs pa'i rgyu yongs su brjod pa'i sbyor ba mi zad pa dang / rnam par byang ba'i yon tan dang / phan yon yongs su brjod pa'i sbyor ba mi zad pa ste/ bzhi po de dag ni sbyor ba mi zad pa'o// gzhan yang sbyor ba mi zad pa ste/ bzhi gang zhe na/ phung po la brtag pa'i sbyor ba mi zad pa dang / khams la brtag pa'i sbyor ba mi zad pa dang / skye mched la brtag pa'i sbyor ba mi zad pa dang / rten cing 'brel par 'byung ba la brtag pa'i sbyor ba mi zad pa ste/ bzhi po de dag ni sbyor ba mi zad pa'o// gzhan yang sbyor ba mi zad pa bzhi ste/ bzhi gang zhe na/ 'du byed mi rtag par yongs su brtan pa'i sbyor ba mi zad pa dang / 'du byed sdug bsngal bar yongs su brtan pa'i sbyor ba mi zad pa dang / chos thams cad bdag med par yongs su bstan pa'i sbyor ba mi zad pa dang / mya ngan las 'das pa zhi ba la nye bar spyod pa bstan pa'i sbyor ba mi zad pa ste/ bzhi po de dag ni sbyor ba mi zad pa'o// btsun pa shA ra dwa ti'i bu mdor na byang chub sems dpa'i sbyor ba ji snyed pa de dag thams cad ni/ thams cad mkhyen pa la gzhol ba/ thams cad mkhyen pa la 'jog pa/ thams cad mkhyen pa la 'bab pa ste/ thams cad mkhyen pa yang mi zad pas na/ de'i phyir byang chub sems dpa' rnams kyi sbyor ba thams cad kyang mi zad pa'o/ / btsun pa shA ra dwa ti'i bu 'di ni byang chub sems dpa' rnams kyi sbyor ba mi zad pa zhes bya'o// gzhan yang btsun pa shA ra dwa ti'i bu/ byang chub sems dpa' rnams kyi bsam pa mi zad pa yin te/ de ci'i phyir zhe na/ dge ba'i rtsa ba thams cad la lhag par mi dmigs pa'i phyir ro// tha na byang chub sems dpa' gang cung zad sems pa de dag thams cad dge ba'i rtsa ba lhag par mi zad par dmigs pa'i rgyur 'gyur te/ sa nas sar gzhog pa'i phyir 'pho ba'i lhag pa'i bsam pa'o// bye brag gi 'gro ba'i phyir rgal ba'i lhag pa'i bsam pa'o/ / gong nas gong du bye brag tu 'phags pas na/ rtse mor lhag pa'i bsam pa'o// bye brag gi chos kun 'dzin pas na/ bye brag tu 'phags pa'i lhag pa'i bsam pa'o// sangs rgyas kyi chos thams cad la mngon sum pa'i lhag pa'i bsam pa'o/ / bye brag tu bsten pa'i chos rnams la lhag par dmigs pa'i lhag pa'i bsam pa'o// rtsom pa thams cad las sgrol ba'i lhag pa'i bsam pa'o/ / 'bad pas yongs su mi skyo bas na/ gdon mi za bar byas pa'i lhag pa'i bsam pa'o// brtul zhugs thams cad yongs su 'gengs pas na/ brtul zhugs grub pa'i lhag pa'i/ bsam pa'o// grogs bdag yin pas na/ go skabs med pa'i lhag pa'i bsam pa'o// dmu rgod ma yin pas na/ cang shes kyi sa'i lhag pa'i bsam pa'o// 'phags pas na dul ba'i sa'i lhag pa'i bsam pa'o// skye bo mi bsrun pa dang / nyon mongs pa dang ma 'dres pas na/ ma 'dres pa'i lhag pa'i bsam pa'o// yan lag gi dam pa mgo yongs su gtong bas na/ sbyin par dka' ba yongs su gtong ba'i lhag pa'i bsam pa'o// sems can ngan pa'i ngang tshul can rnams kyi dpung gnyen pas na/ tshul khrims dka' ba'i lhag pa'i bsam pa'o// / sems can mthu chung ba rnams kyi nyes pa bag la zhi bar byed pas na/ bzod pa dka' ba'i lhag pa'i bsam pa'o// nyan thos dang / rang sangs rgyas thams cad kyi byang chub lag mthil du 'ongs pa 'dor pas na/ brtson 'grus dka' ba'i lhag pa'i bsam pa'o// bsam gtan gyi ro mi myong bas na/ bsam gtan dka' ba'i lhag pa'i bsam pa'o// dge ba'i rtsa ba thams cad kyi tshogs la mi smod pas na/ shes rab dka' ba'i lhag pa'i bsam pa'o// sems can thams cad kyi bya ba bsgrub pa'i phyir/ brtsams pa dang / spyod pa las sgrol ba'i lhag pa'i bsam pa'o// shes pas rab tu brtags pas na nga rgyal dang / che ba'i nga rgyal dang / nga rgyal bas che ba'i nga rgyal dang / nga'i nga rgyal dang / mngon pa'i nga rgyal dang / chung ba'i nga rgyal dang / log pa'i nga rgyal med pa'i lhag pa'i bsam pa'o/ / lan re ba med pas na/ sems can thams cad sbyin pa'i gnas kyi lhag pa'i bsam pa'o// sangs rgyas kyi chos zab mo la rab tu rtogs pa'i phyir/ mi dngang ba'i lhag pa'i bsam/ pa'o// byin gyi rlabs kyi 'gro bas na/ khyad par du 'gro ba'i lhag pa'i bsam pa'o// khur blangs pa sgrol bas na/ ma zhum pa'i lhag pa'i bsam pa'o// rtag tu brtson pas na mi zad pa'i lhag pa'i bsam pa'o/ / yang lhag pa'i bsam pa zhes bya ba ni 'byung po rnams la nges pa'o// sems can thams cad la byams pa'o// 'phags pa rnams la phan par sems pa'o// 'phags pam yin pa la snying rje ba'o/ / bla ma la ri mor byed pa'o// dpung gnyen med pa rnams la dpung gnyen no// skyabs med pa rnams la skyabs so// gling med pa rnams la gling ngo // mgon med pa rnams la mgon no/ / grogs med pa rnams la grogs so// gya gyu can rnams la drang ba'o// rmu rgod rnams la gsal ba'o// g.yo can rnams la g.yo med pa'o// sgyu can rnams la sgyu med pa'o// byas pa mi gzo ba rnams la byas pa gzo ba'o// 'khu ba rnams la byas pa tshor ba'o// mi phan pa rnams la phan 'dogs pa'o// log par gyur pa rnams la bden pa'o// pho theg can la nga rgyal med pa'o/ / legs par smra ba rnams la mi smad pa'o// gzhan gyi 'khrul pa la mi rtsod pa'o// log par zhugs pa rnams la kun srung ba'o// thabs kyis dge ba spyod pa thams cad la nyes par mi lta pa'o/ / sbyin pa'i gnas rnams la rim gro byed pa'o// bstan pa la mthun par 'dzin pa'o// bstan pa dang gdams pa la bka' blo bde ba'o// dgon par gnas pa la gus par byed pa'o/ / rnyed pa dang / bkur sti dang / tshogs su bcad pa mi 'dod pa'o// lus dang srog la mi lta ba'i lhag pa'i bsam pa dag pas na tshul 'chos pa med pa'o// ngag bsdams pas na kha gsag med pa'o/ / bdag gi rnyed pas chog shes pas na/ gzhogs slongs med pa'o// sems nyon mi mongs pas na las su rung ba'o// dge ba'i rtsa ba dang tshogs thams cad sogs pas na/ 'khor bar mi gzhol ba'o/ / sems can thams cad la lta bas na/ sdug bsngal thams cad la mi 'byed pa'o// de'i phyir na skyes bu dam pa de dag gi lhag pa'i bsam pa thams cad mi zad pa yin te/ bsod nams thams cad kyis nye bar brten pa dang / sems can thams cad nye bar 'tsho ba dang / ye shes mi zad pa yang dag par bsgrubs pa'i phyir/ 'khor ba'i nyon mongs pa thams cad kyis zad par mi nus so// btsun pa shA ra dwa ti'i bu 'di ni byang chub sems dpa' rnams kyi lhag pa'i bsam pa mi zad pa'o// de nas tshe dang ldan pa shA ra dwa ti'i bus/ byang chub sems dpa' blo gros mi zad pa la 'di skad ces smras so// / rigs kyi bu byang chub sems dpa' rnams kyi mi med pa gzhan la la yod dam/ blo thos mi med pas smras pa/ btsun pa shA ra date du yod do// byang chub sems dpa' rnams kyi ston pa yang mi med pa'o// de ci'i phyir zhe na/ tshad med pa'i phyir ro// btsun pa shA ra dwa ti'i bu/ byang chub sems dpa' rnams kyi sbyin pa yongs su sbyor ba yongs su spyong ba yang tshad med pa ste/ tshe dang / spobs pa dang / bde ba dang / stobs dang / kha dog nye bar brtan pa'i phyir/ zas 'dod pa rnams la zas sbyin pa'o// nyon mongs sred pa bsal ba'i phyir/ btung ba 'dod pa rnams la btung ba sbyin pa'o// bde ba dang 'byor pa'i dngos po thams cad bsdu ba'i phyir/ banon pa 'dod pa rnams la banon pa sbyin pa'o// khrel ba dang / ngo tsha ba dang / mdog gser gyi la dog yongs su sbyang ba'i phyir/ gos 'dod pa rnams la gos sbyin pa'o// de bzhin gshes/ pa'i 'phrul gyi spyan yongs su gzigs par bya ba'i phyir/ mar me 'dod pa rnams la mar me sbyin pa'o// de bzhin gshegs pa'i 'phrul gyi stan yongs su dag par bya ba'i phyir/ sil snyan 'dod pa rnams la sil snyan sbyin pa'o/ / tshul khrims dang / thos pa dang / ting nge 'dzin gyi dris byug pa'i phyir/ spos dang byug pa 'dod pa la spos dang byug pa sbyin pa'o// gzungs dang / spobs pa dang / byang chub kyi yan lag gi me tog thob par bya ba'i phyir/ 'phreng ba 'dod pa rnams la 'phreng ba sbyin pa'o// lus kyi dri yid du 'ong ba thob par bya ba'i phyir/ phye ma 'dod pa rnams la phye ma sbyin pa'o// skyes bu chen po'i ro bro ba'i mchog yongs su rdzogs par bya ba'i phyir/ bro ba thams cad 'dod pa la tho ba thams cad sbyin pa'o// sems can thams cad kyi gnas dang / skyabs dang / mgon dang / dpung gnyen bya ba'i phyir/ gnas 'dod pa rnams la gnas sbyin pa'o// sgrib pa thams cad rab tu sbyang ba dang / 'phags pa dang / 'phrul dang / tshangs pa'i gnas de bzhin gshegs pa'i gzims cha thob par bya ba'i phyir/ mal cha 'dod pa rnams la mal cha sbyin pa'o// stong gsum gyi stong chen po thams cad kyi byang chub kyi snying po rdo rje'i gdan thob par bya ba'i phyir/ spyan 'dod pa rnams la stan sbyin pa'o/ / byang chub kyi yo byad thams cad yongs su bkang ba'i phyir/ yo byad 'dod pa rnams la yo byad sbyin pa'o// mai rga mi 'chi ba'i bdud rtsi'i bde ba yongs su bskang ba'i phyi na ba dang / sman 'dod pa rnams la sman sbyin pa'o// rang dbang dang / rang nyam dang / rang byung gi ye shes yongs su bskang ba'i phyir/ byang chub sems dpa' rnams kyi bran po dang / bran mo yongs su gtong ba'i sbyin pa'o/ / skyes bu chen po'i mtshan dam pa sum cu rtsa gnyis yongs su bskang ba'i phyir/ byang chub sems dpa' rnams kyi gser dang / dngul dang / nor bu dang / mu tig dang / bai DUR+Ya dang / dung dang / man shel dang / byi ru dang / rin po che thams cad yongs su gtong ba'i sbyin pa'o// dpe byad bzang po brgyad cu yongs su rdzogs par bya ba'i phyir/ byang chub sems dpa' rnams kyi rgyan sna tshogs sbyin pa'o/ / gtsug tor bltar mi mthong ba thob par bya ba'i phyir/ byang chub sems dpa' rnams kyi gtsug gi nor bu dang / cod pan sbyin pa'o// theg pa chen po yongs su rdzogs par bya ba'i phyir/ byang chub sems dpa' rnams kyi rta dang / ba glang dang / shing rta dang / dpung bu chung dang / bzhon pa sbyin pa'o// bsam gtan gyi yan lag dang / yan lag/ gi tshogs yongs su rdzogs par bya ba'i phyir/ byang chub sems dpa' rnams kyi bza' shing gi ra ba dang / gzhal med khang dang / dka' thub kyi nags tshal dang / gtsug lag khang yongs su gtong ba'i sbyin pa'o/ / bla na med pa yang dag par rdzogs pa'i byang chub mngon par rdzogs par 'tshang rgya ba'i phyir/ byang chub sems dpa' rnams kyi bu pho dang / bu mo dang / chung ma dang / sdug pa yod su gtong ba'i sbyin pa'o/ / dam pa'i chos kyi mdzod dang / bang ba kun dgang ba'i phyir/ byang chub sems dpa' rnams kyi nor dang / 'bru dang / mdzod dang / bang ba yongs su gtong ba'i sbyin pa'o/ / rnam pa thams cad kyi mchog dang ldan pa/ dam pa'i chos kyi rgyal po byang chub kyi snying por 'gro ba'i phyir/ byang chub sems dpa' rnams kyi grong dang / grong khyer dang / grong rdal dang yul dang / pho brang 'khor dang / rgyal po'i pho brang dang / 'dzam bu'i gling dang / gling bzhi pa'i rgyal po'i srid dang / skyid pa thams cad yongs su gtong ba'i sbyin pa'o// chos kyi dga' ba dang / mos pa rab tu thob par bya ba'i phyir/ byang chub sems dpa' rnams kyi bde ba dang / dga' ba'i rtsed mo thams cad gtong ba'i sbyin pa'o// dam pa'i chos kyi rkang pas byang chub kyi snying por 'gro ba'i phyir/ byang chub sems dpa' rnams kyi rkang pa sbyin pa'o// sems can thams cad la dam pa'i chos kyi lag pa sbyin pa'i phyir/ byang chub sems dpa' rnams kyi lag mthil sbyin pa'o/ / dbang po nyams pa rdzogs par bya ba'i phyir/ byang chub sems dpa' rnams kyi rna ba dang sna sbyin pa'o// sems can thams cad bsgribs pa med pa'i sangs rgyas kyi spyan dang / chos kyi spyan thob par bya ba'i phyir/ byang chub sems dpa' rnams kyi mig sbyin pa'o// khams gsum thams cad las bye brag tu 'phags pa'i mchog thams cad mkhyen pa'i ye shes thob par bya ba'i phyir/ byang chub sems dpa' rnams kyi yan lag gi dam pa mgo sbyin pa'o// snying po med pa'i lus las snying po blang zhing nye bar 'tsho ba'i phyir/ byang chub sems dpa' rnams kyi sha dang khrag yongs su gtong ba'i sbyin pa'o/ / 'jam pa dang / snum pa dang / mdog gser gyi kha dog lta bu yongs su dag par bya ba'i phyir/ byang chub sems dpa' rnams kyi pags pa yongs su gtong ba'i sbyin pa'o/ / sangs rgyas kyi sku rdo rje ltar mi shigs shing sra ba dang / mthu bo che mkhrang ba thob par bya ba'i phyir/ byang chub sems dpa' rnams kyi rus pa dang / rkang sbyin pa'o/ / gzhan yang btsun pa shA ra dwa ti'i bu/ byang chub sems dpa' rnams la mi mthun pa'i longs spyod yongs su tshol ba'i sbyin pa med do// sems can la gnod pa'i sbyin pa med do// nga rgyal skyed cing sbyin pa med do// 'jigs pa dang / smag pa dang / ngo tsha bas sbyin pa med do// mgron du gnyer te yongs su mi gtong ba'i sbyin pa med do// ji skad smras pa las chung ba'i sbyin/ pa med do// bzang po yod pa la bzang po ma yin pa'i sbyin pa med do// snying thag pa nas ma yin pa'i sbyin pa med do// g.yo dang sgyus sbyin pa med do// bcos ma'i sbyin pa med do// las kyi rnam par smin pa la 'chel ba'i sbyin pa med do/ / log pa'i bsam pas sbyin pa med do// gti mug gi bsam pas sbyin pa med do// snrel zhe'i bsam pas sbyin pa med do// phyin ci log gi bsam pas sbyin pa med do/ / ma dad par sbyin pa med do// mi dga' bar sbyin pa med do// gnas pa'i sbyin pa med do// ngor bltas te sbyin pa med do// sems can tha dad pa'i sbyin pa med do// sbyin pa'i gnas 'dam zhing sbyin pa med do/ / sems can thams cad la sbyin pa'i gnas ma yin par brnyas shing sbyin pa med do// tshul khrims dang ldan pa dang / ngan pa'i ngang tshul can la bstod pa dang / smad par sbyin pa med do/ / la na re ba'i sbyin pa med do// grags pa dang / sgra dang / tshigs su bcad pa'i phyir sbyin pa med do// bdag la bstod pa dang / gzhan la smod pa'i sbyin pa med do// yongs su gdung ba'i sbyin pa med do/ / phyis mi dga' ba'i sbyin pa med do// 'gyod pa'i sbyin pa med do// gnod par sbyin pa med do// gzhan gyi re ba la bab pa'i sbyin pa med do// smad par sbyin pa med do// las kyi rnam par smin pa la re ba'i sbyin pa med do/ / dpags te sbyin pa med do// khro ba dang / zhe sdang dang / gti mug dang / gnod sems skyed pa'i sbyin pa med do// slong ba la gnod pa'i sbyin pa med do/ / 'phya ba dang / bzhad gang du byas te sbyin pa med do// byin phyogs su sbyin pa med do// bsgyur te sbyin pa med do// bsti stang du ma byas pa'i sbyin pa med do// bdag gi lag gis ma dar ba'i sbyin pa med do/ / mi rtag pa'i sbyin pa med do// shin tu ma byang ba'i sbyin pa med do// gzhan la brnyogs pa'i sbyin pa med do// yongs su chad par byas te sbyin pa med do// ji ltar bstan pa las chung ba'i sbyin pa med do/ / spro ba las mi spro bar gyur pa'i sbyin pa med do// sems can zhing ma yin zhes sbyin pa med do// sems can zhing yin zhes sbyin pa med do// chung ngu la brnyas shing sbyin pa med do/ / sbyin pa rgya chen po la bsnyems shing sbyin pa med do// log pa'i nan tan gyis sbyin pa med do// skye bar mos shing sbyin pa med do// gzugs dang / longs spyod dang dbang la mngon par dga' bas sbyin pa med do/ / brgya byin dang / tshangs pa dang / 'jig rten skyong ba dang / lha thams cad du skye bar smon cing sbyin pa med do// nyan thos dang / rang sangs rgyas kyi theg par bsngo zhing sbyin pa med do/ / gzhon nu dang / rgyal po'i skyid pa 'dod pas sbyin pa med do// tshe gcig tu zad pa'i sbyin pa med do// phyin chad chog cing mi dgos pa'i sbyin pa med do// thams cad mkhyen pa'i sems su ma bsngos pa'i sbyin pa med do// mi rigs pa'i sbyin pa med do// dus la ma bab pa'i sbyin pa med do// dug dang mtshon sbyin pa med do// sems can la gtse zhing sbyin/ pa med do// byang chub sems dpa' rnams kyi sbyin pa ni mkhas pas smad pa med do// sbyin pa de ni stong pa nyid kyi rnam pas bsgrubs pa ste/ de'i phyir de mi zad pa'o// sbyin pa de ni mtshan ma med pas yongs su bsgos pa ste/ de'i phyir de mi zad pa'o// sbyin pa de ni smon pa med pa la rab tu gnas pa ste/ de'i phyir de mi zad pa'o// sbyin pa de ni mngon par 'dus ma byas pa'i yongs su bsngos pa ste/ de'i phyir de mi zad pa'o// sbyin pa de ni yang dag par zin pa ste/ de'i phyir de mi zad pa'o// sbyin pa de ni khams gsum pa dang ma 'dres pa ste/ de'i phyir de mi zad pa'o// sbyin pa de ni 'bras bu rgyu mthun pa rnam par grol ba ste/ de'i phyir de mi zad pa'o// sbyin pa de ni bdud thams cad shin tu tshar gcod pa ste/ de'i phyir de mi zad pa'o// sbyin pa de ni nyon mongs pa thams cad dang ma 'dres pa ste/ de'i phyir de mi zad pa'o// sbyin pa de ni bye brag tu 'gro ba ste/ de'i phyir de mi zad pa'o// sbyin pa de ni legs par byas pa gdon mi za ba ste/ de'i phyir de mi zad pa'o// sbyin pa de ni byang chub kyi lam gyi tshogs bsags pa ste/ de'i phyir de mi zad pa'o// sbyin pa de ni yang dag par bsngo ba ste/ de'i phyir de mi zad pa'o// sbyin pa de ni byang chub kyi snying po'i rkyen bkod pa rnam par grol ba'i rgyu mthun pa'i 'bras bu ste/ de'i phyir de mi bad pa'o// sbyin pa de ni sems can thams cad kyi 'tsho ba ste/ de'i phyir de mi zad pa'o// sbyin pa de ni mtha' med pa ste/ de'i phyir de mi zad pa'o/ / sbyin pa de ni yongs su mi 'gribs pa ste/ de'i phyir de mi zad pa'o// sbyin pa de ni kun tu mi gtogs pa ste/ de'i phyir de mi zad pa'o// sbyin pa de ni yongs su ma chad pa de// de'i phyir de mi zad pa'o/ / sbyin pa de ni yangs pa ste/ de'i phyir de mi zad pa'o// sbyin pa de ni mi gnas pa ste/ de'i phyir de mi zad pa'o// sbyin pa de ni thug pa med pa ste/ de'i phyir de mi zad pa'o// sbyin pa de ni kha na ma tho ba med pa ste/ de'i phyir de mi zad pa'o// sbyin pa de ni mi skur ba ste/ de'i phyir de mi zad pa'o// sbyin pa de ni mi thul ba ste/ de'i phyir de mi zad pa'o// sbyin pa de ni zil gyis mnon pa ste de'i phyir de mi zad pa'o/ / sbyin pa de ni thams cad mkhyen pa'i ye shes la btang ba ste/ de'i phyir de mi zad pa'o// de ni btsun pa shA ra dwa ti'i bu/ byang chub sems dpa' rnams kyi sbyin pa mi zad pa zhes bya'o// 'phags pa blo gros mi zad pas bstan pa theg pa chen po'i mdo// // bam po gnyis pa// de nas tshe dang ldan pa shA ra dwa ti'i bus/ byang chub sems dpa' blo gros mi zad pa la 'di skad ces smras so/ / rigs kyi bu byang chub sems dpa' rnams kyi sbyin pa mi zad pa 'di ni khyod kyis legs par smras na/ rigs kyi bu byang chub sems dpa' rnams kyi tshul khrims mi zad pa las brtsams te/ ji ltar byang chub sems dpa' rnams kyi tshul khrims mi zad byang spabs par gas shag/ blo gros mi bad pas smras pa/ btsun pa shA ra/ dwa ti'i bu rnam pa drug cu rtsa lngas byang chub sems dpa' rnams kyi tshul khrims kyi phung po yongs su dag pa mi zad pa yin na// drug cu rtsa lnga pa gang zhe na/ 'di lta ste/ sems can thams cad la mi gnod pa dang / gzhan gyi longs spyod la mi rku ba dang / gzhan gyi chung ma la ma chags pa dang / sems can thams cad la mi slu ba dang / bdag gi 'khor gyis chog pas phra ma med pa dang / tshig drag po bzod pas mi brlang ba dang / tshig shin tu spong bas tshig 'khyal pa mi smra ba dang / gzhan bde ba la dga' bas chags pa med pa dang / mi snyan pa dang ngan du zer ba'i tshig gi lam bzod pas gnod sems med pa dang / ston pa gzhan gyis bstan pa med pas yang dag par lta ba dang / sems rnyog pa dang bral bas/ sangs rgyas la dad pa dang / chos nyid kyi chos la dad pa'i phyir/ chos la dad pa dang / 'phags pa'i tshogs thams cad la dga' bas dge 'dun la dad pa dang / bsti stang dang bcas pas bla ma'i rim gro byed pa dang / sangs rgyas dang / chos dang / dge 'dun la yan lag lngas phyag 'tshal bas/ lus rab tu btud pa dang / kha na ma tho ba rdul tsam gyis kyang 'jigs par lta bas/ tshul khrims mi lhod pa dang / theg pa gzhan la mi rten pas/ tshul khrims ma ral ba dang / nyam nga bar skye ba spong bas/ tshul khrims mnyams pa dang / skye bo mi srun pa dang / nyon mongs pa dang ma 'dres pas/ tshul khrims ma 'dres pa dang dkar po'i chos phyogs gcig tu 'phel bas/ tshul khrims ma nyams pa dang / ji ltar 'dod pa bzhin du 'gro bas rang dbang gi tshul khrims dang / mkhas pas ma smang pas rab tu bsngags pa'i tshul khrims dang / dran pa dang shes bzhin rab tu nye ba 'phags pas/ rnam pa mchog gi tshul khrims dang / thams cad du kha na ma tho ba med pas ma smad pa'i tshul khrims dang / dbang po bsrungs pas shin tu sbas pa'i tshul khrims dang / sangs rgyas kyi chos thams cad la sems pas rnam par grags pa'i tshul khrims dang / rigs pa la tshod shes pas 'dod pa chung ba'i tshul khrims dang / chags pa rab tu spangs pas chog shes pa'i tshul khrims dang / lus dang sems dben pas rang bzhin gyis dben pa'i tshul khrims dang / 'du 'dzi spangs pas dgon pa la gnas pa'i tshul khrims dang / gzhan gyi ngor mi lta bas/ 'phags pa'i rigs kyis chog pa'i tshul khrims dang / dge ba'i rtsa ba dag gi khur lus pas sbyangs pa'i yon tan dang / yo byad bsnyungs pa'i tshul khrims dang / lha dang mi mgu bar byed pas ji ltar smras pa de ltar spyod pa'i tshul khrims dang / sems can thams cad kyi dpung gnyen du gyur pas/ byams pa'i tshul khrims dang / sems can thams cad kyi sdug bsngal thams cad bzod pas snying rje'i tshul khrims dang / sems ma zhum pas mgu ba'i tshul khrims dang / chags pa dang / khong khro ba spangs pas btang snyoms kyi tshul khrims dang / bdag gi sems la nges par rtog pas/ bdag gi nyes pa la rtog pa'i tshul khrims dang / gzhan gyi sems srung bas gzhan gyi 'khrul pa nyes pa la mi blta ba'i tshul khrims dang / sems can yongs su smin par byed pas/ sbyin pa'i tshul khrims dang / tshul khrims rab tu bsrungs pas shin tu bzung ba'i tshul khrims dang / sems can thams cad la sems mi khro bas bzod pa'i tshul khrims dang / phyir mi ldog pas brtson 'grus kyi tshul khrims dang / bsam gtan gyi yan lag gi tshogs 'phel bar byed pas/ bsam gtan gyi tshul khrims dang / thos pa'i dge ba'i rtsa bas mi ngoms shes rab kyi tshul khrims dang / thos pa'i snying po len pa'i phyir/ thos pa tshol ba'i tshul khrims dang / byang chub kyi yan lag gi tshogs spel ba'i phyir/ dge ba'i bshes gnyen la bsten pa'i tshul khrims dang / lam nyam nga ba 'dor ba'i phyir/ sdig pa'i grogs po spong ba'i tshul khrims dang / mi rtag pa'i 'du shes la rtog pas lus la mi blta ba'i tshul khrims dang / dge ba'i rtsa ba la rings par byed pas/ 'tsho ba la yid mi rton pa'i tshul khrims dang / bsam pa dag pa'i phyir 'gyod pa med pa'i tshul khrims dang / sbyor ba dag pa'i phyir bcos pa med pa'i tshul khrims dang / lhag pa'i bsam pa dag pa'i phyir/ yongs su gdung ba med pa'i tshul khrims dang / las legs par byas pa'i phyir/ mi dka' ba med pa'i tshul khrims dang / pho theg med pa'i phyir nga rgyal med pa'i tshul khrims dang / 'dod chags dang bral ba'i phyir/ mi rgod pa'i tshul khrims dang / drang ba'i phyir g.yel ba med pa'i tshul khrims dang / cang shes pa'i phyir/ mu cor mi smra ba'i tshul khrims dang / mi 'khrugs pa'i phyir/ dul ba'i tshul khrims dang / nye bar zhi ba'i phyir/ zhi ba'i tshul khrims dang / ji skad du smras pa ltar byed pas/ bka' blo bde zhing mthun par 'dzin pa'i tshul khrims dang / bsdu ba'i dngos po mi 'dor bas sems can yongs su smin par byed pa'i tshul khrims dang / bdag gi nor chud mi gzon pa'i phyir/ dam pa'i chos kun srung ba'i tshul khrims dang / thog ma nas shin tu dag pas bsam pa thams cad yongs su 'gengs pa'i tshul khrims dang / de'i tshul khrims su bsngos pas de bzhin gshegs pa'i tshul khrims la gzhol ba'i tshul khrims dang / sems can thams cad la sems snyoms pa'i phyir/ sangs rgyas kyi ting nge 'dzin dang / snyoms par 'jug pa'i tshul khrims te/ btsun pa shA ra dwa ti'i bu/ rnam pa drug cu rtsa lnga po de dag gis byang chub sems dpa' rnams kyi tshul khrims kyi phung po yongs su dag pa mi zad pa yin no/ / gzhan yang btsun pa shA ra dwa ti'i bu/ gang la bdag tu sgro btags pa med pa dang / sems can du ma yin/ srog tu ma yin/ gso bar ma yin/ skyes bur ma yin/ gang zag tu ma yin/ shed las skyes par ma yin/ shed bdag tu sgro btags pa med pa de ni tshul khrims so// gang la gzugs su sgro btags pa med pa de ni/ tshor bar ma yin/ 'du shes su ma yin/ 'du byed du ma yin/ rnam par shes par sgro btags pa med pa de ni tshul khrims so// gang la sa'i khams su sgro btags pa med pa dang / chu'i khams su ma yin/ me'i khams su ma yin/ rlung gi khams su sgro btags pa med pa de ni tshul khrims so// gang la mig gi mtshan mar sgro btags pa med pa dang / gzugs kyi mtshan mar sgro btags pa med pa de bzhin du rna bar ma yin/ sgrar ma yin/ snar ma yin/ drir ma yin/ lcer ma yin/ ror ma yin/ lus su ma yin/ reg byar ma yin/ yid kyi mtshan mar sgro btags pa med pa dang / chos su sgro btags pa med pa de ni tshul khrims so// gang la lus dang / ngag dang / sems su sgro btags pa med pa de ni tshul khrims so// gang rtse gcig pa'i phyir// zhi gnas kyi mtshan nyid de ni tshul khrims so// chos rnam par 'byed pa la mkhas pas/ lhag mthong gi mtshan nyid de ni tshul khrims so// gang stong pa nyid rig pa dang / mtshan ma med pa'i mtha' dang / smon pa med cing khams gsum pa dang ma 'dres pa de ni tshul khrims so// gang mngon par 'dus ma byas pa/ ma skyes pas rab tu phye ba/ mi skye ba la bzod pa de ni tshul khrims so// gang ma byas shing // bya ba med pa de ni tshul khrims so// gang sngon gyi mthar ma byung ba dang / phyi ma'i mthar ma 'phos pa dang / bar du mi gnas pa de ni tshul khrims so// gang sems dri ma med pab dang / rnam par shes pa la mi gnas pa dang / yid la byed pa dang ma 'dres pa de ni tshul khrims so// gang 'dod pa'i khams la mi rten pa dang / gzugs kyi khams la mi gnas pa dang / gzugs med pa'i khams na mi 'dug pa de ni tshul khrims so// gang 'dod chags kyi rdul med pa dang / gnod sems kyi tha ba dang / nyes pa dang / khong khro ba bsal ba dang / gti mug gi mun pa dang ma rig pa med pa de ni tshul khrims so/ / gang rtag pa med pa dang / chad pa med pa dang / rkyen las byung ba la 'jug pa dang mi 'gal ba de ni tshul khrims so// gang ngar 'dzin pa med pa dang / nga yir lta ba bor ba dang / 'jig tshogs la lta ba la mi gnas pa de ni tshul khrims so// gang ming dang brda la mngon par ma chags pa dang / gzugs dang mtshan nyid la mi gnas pa dang / ming dang gzugs dang ma 'dres pa de ni tshul khrims so/ / gang rgyu'i bag la nyal ba dang / lta ba dang kun nas ldang ba dang / kun nas ma langs pa dang / sgrib pa dang / 'gyod pa la mi gnas pa de ni tshul khrims so// gang la chags pa mi dge ba'i rtsa ba'i gnas med pa dang / zhe sdang mi dge ba'i rtsa ba'i gnas med pa dang / gti mug mi dge ba'i rtsa ba'i gnas med pa de ni tshul khrims so// gang mi dga' ba med pa dang // / yongs su gdung ba med pa dang / shin tu byang ba'i mtshan nyid de ni tshul khrims so// gang chos kyi skus sangs rgyas kyi rigs mi gcod pa dang / chos kyi dbyings dbyer med pa'i phyir/ chos kyi rigs mi gcod pa dang / 'dus ma byas kyis rab tu phye ba'i phyir/ dge 'dun gyi rigs mi gcod pa de ni tshul khrims so// btsun pa shA ra dwa ti'i bu tshul khrims mi zad pa ni rgyun mi zad pa'i phyir blta'o// de ci'i phyir zhe na/ so so'i skye bo rnams kyi tshul khrims ni skye ba'i gnas kyis zad par 'gyur ro// phyi rol pa'i lnga mngon par shes pa rnams kyi tshul khrims ni/ mngon par shes pa nyams pas zad par 'gyur ro/ / mi rnams kyi tshul khrims ni/ dge ba bcu'i las kyi lam zad pas zad par 'gyur ro// 'dod pa'i khams kyi lha'i bu rnams kyi tshul khrims ni/ bsod nams zad pas zad par 'gyur ro/ / gzugs kyi khams kyi lha'i bu rnams kyi tshul khrims ni tshad med pa dang / bsam gtan zad pas zad par 'gyur ro// gzugs med pa'i khams kyi lha'i bu rnams kyi tshul khrims ni/ ji lta bur snyoms par zhugs pas skyes pa zad nas zad par 'gyur ro// slob pa dang / mi slob pa dang / nyan thos thams cad kyi tshul khrims ni mya ngan las 'das pa'i mthar zad par 'gyur ro// rang sangs rgyas rnams kyi tshul khrims ni snying rje chen po dang bral bas zad par 'gyur ro// btsun pa shA ra dwa ti'i bu/ byang chub sems dpa' rnams kyi tshul khrims mi zad pa ste/ de ci'i phyir zhe na/ 'di ltar tshul khrims de las tshul khrims thams cad 'byung ste/ btsun pa shA ra dwa ti'i bu 'di lta ste/ sa bon mi zad pas thob pa mi zad do// btsun pa shA ra dwa ti'i bu de bzhin du byang chub kyi sems kyi sa bon ni mi zad pas na/ de bzhin gshegs pa'i tshul khrims mi zad par rig par bya ste/ de'i phyir na skyes bu dam pa de dag ni/ tshul khrims mi zad pa zhes bya'o// 'di ni btsun pa shA ra dwa ti'i bu/ byang chub sems dpa' rnams kyi tshul khrims mi zad pa zhes bya'o// de nas tshe dang ldan pa shA ra dwa ti'i bus/ byang chub sems dpa' blo gros mi zad pa la 'di skad ces smras so/ / rigs kyi bu byang chub sems dpa' rnams kyi tshul khrims mi zad pa 'di ni/ khyod kyis legs par smras na/ rigs kyi bu byang chub sems dpa' rnams kyi bzod pa mi zad pa las brtsams te/ ji ltar byang chub sems dpa' rnams bzod pa mi zad par 'gyur ba la khyod spongs par gyis shig/ blo gros mi zad pas smras pa/ btsun pa shA ra dwa ti'i bu rnam pa sum cu rtsa gnyis kyis byang chub sems dpa' rnams kyi bzod par blta'o/ / sum cu rtsa gnyis gang zhe na/ bag la nyal ba spangs pa'i phyir bzod par blta'o// mi gnod pa'i phyir bzod par blta'o// / yongs su mi gdung ba'i phyir bzod par blta'o// gnod sems med pa'i phyir bzod par blta'o// 'khon du 'dzin pa med pa'i phyir bzod par blta'o// mi khro ba'i phyir bzod par blta'o// 'thab mo med pa'i phyir bzod par blta'o/ / rtsod pa med pa'i phyir bzod par blta'o// yul gyis rma mi phyin pa'i phyir bzod par blta'o// bdag dang gzhan bsrung ba'i phyir bzod par blta'o// byang / chub kyi sems dang mthun pa'i phyir bzod par blta'o// tshul bzhin du rab tu rtog pa'i phyir bzod par blta'o// skyo zhing 'dod chags dang bral ba'i phyir bzod par blta'o// las kyi rnam par smin pa la rten pa'i phyir bzod par blta'o/ / lus kyi rgyun gyi phyir bzod par blta'o// ngag dang sems yongs su dag pa'i phyir bzod par blta'o// bsam pa brtan pa'i phyir bzod par blta'o// yi ge la dbang ba'i phyir bzod par blta'o/ / yongs su rtog pa med pa'i phyir bzod par blta'o// bdag gi sems la nges par rtogs pa'i phyir bzod par blta'o// gzhan gyi sems bsrung ba'i phyir bzod/ par blta'o// tshangs pa'i 'jig rten gyi lam du 'gro ba'i phyir bzod par blta'o// lha dang mi'i phun sum tshogs pa myong ba'i phyir bzod par blta'o// mtshan dang dpe byad bzang po rdzogs par byed pas bzod par blta'o/ / tshangs pa'i sgra skad 'byin pa'i dbyangs thob pas bzod par blta'o// nyes pa thams cad bcom pas bzod par blta'o// gnod sems kyi nyes pa'i tha ba thams cad bcom pas bzod par blta'o/ / khong khro ba thams cad spangs pas bzod par blta'o// mi dge ba'i rtsa ba thams cad spangs pas bzod par blta'o// phyir rgol ba thams cad rab tu bcom pa'i phyir bzod par blta'o/ / gzhan gyis gnod par bya ba thams cad las shin tu 'das pa'i phyir bzod par blta'o// sangs rgyas kyi chos thams cad thob pa'i phyir bzod par blta'o/ / btsun pa shA ra dwa ti'i bu/ rnam pa sum cu rtsa gnyis po de dag gis byang chub sems dpa' rnams kyi bzod par blta'o// de la bzod pa yongs su dag pa gang zhe na/ ngag zag cha'i sgra dang mtshungs par shin tu rtogs pa'i phyir/ smyos pa la slar mi spro ba dang / lus gzugs brnyan dang mtshungs par rab tu rtogs pa'i phyir/ brdeg pa la phyir mi rdeg pa dang / sems sgyu ma dang mtshungs par shin tu rig pa'i phyir/ gshe ba la phyir mi gshe ba dang / bsam pa zhi ba'i phyir khros pa la phyir mi khro ba dang / rang gi yon tan rdzogs pa'i phyir bsngags pa ma yin pas khong khro bar mi 'gyur ba dang / ma thos par mi sems pa'i phyir bsngags pas dga' bar mi 'gyur ba dang / shin tu dul ba'i phyir rnyed pas dga' ba med pa dang / rab tu zhi ba'i phyir ma rnyed pas khong khro ba med pa dang / shes pas rab tu brtags pa'i phyir grags pa la ngo mtshar du mi 'dzin pa dang / blo yangs pa'i phyir ma grags pas zhum par mi 'gyur ba dang / legs par gnas pa'i phyir smad pas dmas par mi sems pa dang / mi g.yo ba'i phyir bstod pas ma thos par mi sems pa dang / sems can la lta ba'i phyir sdug bsngal gyis mi skyo ba dang / 'dus byas kyi bde ba mi rtag pa'i phyir/ bde bas dka' bar mi 'gyur ba dang / mi gnas pa'i phyir bdag rten na chos rnams kyis mi gos pa dang / gzhan la mi gnod pa'i phyir bdag la gnod pa pazod pa dang / byang chub kyi yan lag gtsos/ yongs su rdzogs par bya ba'i phyir/ yan lag dang nying lag gcod pa'ang nyams su len pa dang / sangs rgyas kyi sku 'dod pa'i phyir bdag gi lus gcod pa yang bzod pa dang / legs par byas pa'i las kyi stobs bskyed pa'i phyir/ ngan du byas pa thams cad bzod pa dang / mu stegs can thams cad 'joms pas dpa' ba'i phyir gdung ba dang / yongs su gdung ba la mi 'byed pa dang / brgya byin dang / tshangs pa dang / 'jig rten skyong ba rnams zil gyis gnon pa'i phyir/ brtul zhugs thams cad la brtson pa'o// gzhan yang btsun pa shA ra dwa ti'i bu bzod pa zhes bya ba ni gang 'di shin tu rma mi phyin pa ste/ de ci'i phyir zhe na/ mi migs pa'i phyir ro// gshe'o zhes bzod pa de ni gnyis ka la dmigs pa'i bzod pa ste/ de ni shin tu bzod pa ma yin no// 'di la su zhig gshe zhes bzod pa de ni/ chos la bgrang zhing rtog pa'i bzod pa ste/ de ni shin tu bzod pa ma yin no// ci bdag gi mig la mig gshe ba 'am zhes bzod pa dang / de bzhin du ci bdag gi rna ba dang / sna dang / lce dang / lus dang / yid la yid gshe 'am zhes bzod pa de ni/ skye mched la rtog pa'i bzod pa ste/ de ni shin tu bzod pa ma yin no/ / 'di la gang su yang gshe ba med do zhes bzod pa de ni/ bdag med pa la rtog pa'i bzod pa ste/ de ni shin tu bzod pa ma yin no// 'di dag ni yi ge'i sgra 'byung ba'o zhes bzod pa de ni zag cha'i sgra la bzod pa ste/ de ni shin tu bzod pa ma yin no// 'di'ang mi rtag pa'o// bdag kyang mi rtag pa'o zhes bzod pa de ni/ mi rtag pa la 'jug pa'i bzod pa ste/ de ni shin tu bzod pa ma yin no// 'di ni phyin ci log yin gyi/ bdag ni phyin ci ma log pa yin no zhes bzod pa de ni mtho dman gyi bzod pa ste/ de ni shin tu bzod pa ma yin no/ / bdag ni sbyor gyi/ 'di ni mi sbyor ba'o zhes bzod pa de ni sbyor ba dang mi sbyor ba'i bzod pa ste/ 'di ni shin tu bzod pa ma yin no// bdag ni legs pa'i lam la gnas/ 'di ni ngan pa'i lam la gnas so zhes bzod pa de ni/ lam dang lam ma yin pa'i bzod pa ste/ de ni shin tu bzod pa ma yin no// bdag ni mi rtag pa la bzod kyi/ rtag pa la bdag mi bzod do zhes bzod pa de ni gnyen pos spangs pa'i bzod pa ste/ de ni shin tu bzod pa ma yin no// bdag sdug bsngal la bzod kyi/ bde ba la mi bzod do// bdag ni bdag med pa bzod kyi/ bdag la ni bdag mi bzod do// bdag ni mi sdug pa la bzod kyi/ sdug pa la bdag mi bzod do zhes bya ba de ni gnyen pos spong ba'i bzod pa ste/ de ni shin tu bzod pa ma yin no// bdag ni stong pa nyid la bzod kyi/ lta ba'i rnam pa la bdag mi bzod do// bdag ni mtshan ma med pa la bzod kyi/ mtshan mar rnam par rtog pa la bdag mi bzod do// bdag ni smon pa med pa la bzod kyi/ smon pa la bdag mi bzod do// bdag ni mngon par 'du mi byed pa la bzod kyi/ mngon par 'du byed pa la bdag mi bzod do// bdag ni nyon mongs pa thams cad zad pa la bzod kyi/ nyon mongs pa la bdag mi bzod do// bdag ni dge ba la bzod kyi/ mi dge ba la bdag mi bzod do// bdag ni 'jig rten las 'das pa la bzod kyi/ 'jig rten pa la bdag mi bzod do/ / bdag ni kha na ma tho ba med pa la bzod kyi/ kha na ma tho ba dang bcas pa la bdag mi bzod do// bdag ni zag pa med pa la bzod kyi/ zag pa dang bcas pa la bdag mi bzod do/ / bdag ni rnam par byang ba la bzod kyi/ kun nas nyon mongs pa la bdag mi bzod do// bdag ni mya ngan las 'das pa la bzod kyi/ 'khor ba la bdag mi bzod do zhes bya ba de ni gnyen pos spong ba'i bzod pa ste/ de ni shin tu bzod pa ma yin no// de la shin tu bzod pa gang zhe na/ gang stong pa nyid rtogs pa de la lta bar gyur pa la yang bsal ba med/ stong pa nyid sgro 'dogs pa yang med de/ lta bar gyur pa nyid stong pa'o zhes gang 'di la bzod pa de ni shin tu bzod pa'o// gang mtshan ma med par rtogs pa de la mtshan ma'i rnam par rtog pa yang bsal ba med/ mtshan ma med par sgro 'dogs pa yang med de/ mtshan ma'i rnam par rtog pa nyid stong pa ste/ gang 'di la bzod pa de ni shin tu bzod pa'o// gang smon pa med par rtogs pa de la smon pa bsal ba yang med/ smon pa med par spro 'dogs pa yang med de/ smyon pa nyid stong pa ste/ gang 'di la bzod pa de ni shin tu bzod pa'o// gang mngon par 'du mi byed par rtogs pa de la mngon par 'du byed pa bsal ba yang med/ mngon par 'du mi byed par sgro 'dogs pa yang med de/ mngon par 'du byed pa nyid stong pa ste/ gang 'di la bzod pa de ni shin tu bzod pa'o/ / gang nyon mongs pa zad par rtogs pa de la nyon mongs pa bsal ba yang med/ nyon mongs pa zad par sgro 'dogs pa yang med de/ nyon mongs pa nyid stong pa ste/ gang 'di la bzod pa de ni shin tu bzod pa'o// gang dge ba rtogs pa de la mi dge ba bsal ba yang med/ dge bar sgro 'dogs pa yang med de/ mi dge ba nyid stong pa ste/ gang 'di la bzod pa de ni shin tu bzod pa'o// gang 'jig rten las 'das par rtogs pa de la/ 'jig rten pa bsal ba yang med/ 'jig rten las 'das par sgro 'dogs/ pa yang med de/ 'jig rten nyid stong pa ste/ gang 'di la bzod pa de ni shin tu bzod pa'o// gang kha na ma tho ba med par rtogs pa de la kha na ma tho ba dang bcas pa bsal ba yang med/ kha na/ ma tho ba med par sgro 'dogs pa yang med de/ kha na ma tho ba dang bcas pa nyid stong pa ste/ gang 'di la bzod pa de ni shin tu bzod pa'o// gang zag pa med par rtogs pa de la/ gang zag pa bsal ba yang med/ zag pa med par sgro 'dogs pa yang med de/ zad pa nyid stong pa ste/ gang 'di la bzod pa de ni shin tu bzod pa'o// gang rnam par byang ba rtogs pa de la kun nas nyon mongs pa bsal ba yang med/ rnam par byang bar sgro 'dogs pa yang med de/ kun nas nyon mongs pa nyid stong pa ste/ gang ba de la bzod pa de ni shin tu bzod pa'o// gang mya ngan las 'das par rtogs pa de la 'khor ba bsal ba yang med/ gang mya ngan las 'das par sgro 'dogs pa yang med de/ 'khor ba nyid stong pa ste/ gang 'di la bzod pa de ni shin tu bsod pa'o// gang ma skyes pa/ ma bskyed pa/ ma byung ba/ ma phyung ba de la 'jigs pa gang yang med do// gang 'di la bzod pa de ni shin tu bzod pa'o// gang ma byas pa/ mngon par 'dus ma byas pa/ sgro btags pa med pa rnam par ma brtags pa/ ma bsgrubs pa/ ma bstan pa/ nye bar ma gtugs pa de la skye ba gang yang med de/ gang skye ba med pa de ni mi skye ba'o// gang mi skye ba de ni shin tu bzod pa'o// gang de ltar bzod pa de ni mi skye ba'i bzod pa'o// gang mi skye ba'i bzod pa de ni skye ba med pa'i bzod pa'o// gang skye ba med pa'i bzod pa de ni shin tu bzod pa ste/ de ltar bzod pa rtogs pa'i byang chub sems dpa' ni lung bstan pa'i bzod pa rab tu thob bo/ / btsun pa shA ra dwa ti'i bu/ 'di ni byang chub sems dpa' rnams kyi bzod pa mi zad pa zhes bya'o// byang chub// sems dpa' blo gros mi zad pas bzod pa mi zad pa'i le'u chos kyi rnam grangs 'di rab tu bstan pa'i tshe/ 'khor de dag thams cad kyis byang chub sems dpa' blo gros mi zad pa la legs so zhes bya ba byin te/ sngon ma mthong sngon ma thos pa'i me tog dang / bdug pa dang / dri dang / 'phreng ba dang / byug pa dang / phye ma dang / gos dang / gdugs dang / rgyal mtshan dang / lha'i ba dan gyis byang chub sems dpa' blo gros mi zad pa la mchod pa'i phyir gtor ro// sil snyan rnams kyang dkrol te ched du brjod pa yang brjod do// gang gis bzod pa mi zad pa de thos te/ mi skrag kun tu skrag par mi 'gyur ba'i sems can de dag ni/ de bzhin gshegs pa'i bzod pa can du 'gyur ro zhes byas nas/ ji tsam du stong gsum gyi stong chen po'i 'jig rten gyi khams 'di spyi bud bcings pa yongs su gang bar gyur pa de tsam du de dag gis me tog dang / bdug pa dang / dri dang / 'phreng ba dang / byug pa dang / phye ma dang / gos dang / gdugs dang / rgyal mtshan dang lha'i ba dan de dag gis gtor ro/ / de nas bcom ldan 'das kyis/ byang chub sems dpa' blo gros mi bad pa la bka' stsal pa/ rigs kyi bu khyod kyis me tog dang / bdug pa dang / dri dang / 'phreng ba dang / byug pa dang / phye ma dang / gos dang / gdugs dang / rgyal mtshan dang / lha'i ba dan 'di dag gi snod gyis shig/ blo gros mi zad pas gsol pa/ bcom ldan 'das byang chub sems dpa' rnams kyi snod ni byin gyi rlabs kyi stobs bskyed pa'i slad du bdag gi lus lags te/ bdag gis bgyis lags so// de nas byang chub sems dpa'abro gros mi zad ba de'i tshegazugs thams cad lus su 'jug pa zhes bya ba byang chub sems dpa'i ting nge 'dzin la snyoms par zhugs te/ de snyoms par zhugs ma thag tu me tog dang / bdug pa dang / dri dang 'phreng ba dang / byug pa dang / phye ma dang / gos dang / gdugs dang / rgyal mtshan dang / lha'i ba dan de dag thams cad lte ba'i dkyil 'khor gyi dbus su song ste/ de'i lus la yang bri ba dang gang bar yang mi mngon no/ / de nas byang chub sems dpa' bkod pa chen po zhes bya ba 'khor der 'ongs te 'dug pas byang chub sems dpa' blo gros mi zad pa la 'di skad ces smras so/ / rigs kyi bu khyod ting nge 'dzin gang la gnas pas de snyed kyi me tog dang / bdug pa dang / dri dang / 'phreng ba dang / byug pa dang / phye ma dang / gos dang / gdugs dang / rgyal mtshan dang / lha'i ba dan rnams khyod kyi lus su song yang khyod kyi lus la bri ba 'am/ gang bar yang mi mngon pa'i ting nge 'dzin de'i ming ci zhes bya/ blo gros mi zad pas spras pa/ rigs kyi bu ting nge 'dzin 'di'i ming gzugs thams cad lus su 'jug pa zhes bya'o// byang chub sems dpa' bkod pa chen pos smras pa/ rigs kyi bu ting nge 'dzin 'di'i// yul ci/ blo gros mi zad pas smras pa/ rigs kyi bu stong gsum gyi stong chen po'i 'jig rten gyi khams 'di'i snod gzugs su snang ba ji snyed yod pa de dag thams cad bdag gi lus su bcug kyang / bdag gi lus kyi chos nyid la 'phel ba 'am/ 'bri ba med do// de nas 'khor de'i byang chub sems dpa' dang lha dang mi rnams las kha cig 'di snyam du sems te/ bdag cag gis kyang ting nge 'dzin 'di'i mthu blta'o snyam pa dang / de nas bcom ldan 'das kyis byang chub sems dpa' de dag dang / lha dang mi de dag gi bsam pa mkhyen nas/ byang chub sems dpa' blo gros mi zad pa la 'di/ skad ces bka' stsal to// rigs kyi bu khyod kyis ting nge 'dzin 'di'i mthu ston cig/ de nas byang chub sems dpa' blo gros mi zad pas ting nge 'dzin de la shin tu bsgoms pa'i phyir 'khor de dag thams cad dang / phyogs bcu nas 'dus pa'i byang chub sems dpa' de dag dang / bcom ldan 'das kyang dge slong gi tshogs kyis bskor ba bdag gi lus su bcug ste/ bcug nas kyang rgyan thams cad bkod pa'i 'jig rten gyi khams rgyan gyi rgyal po de bzhin gshegs pa'i sangs rgyas kyi zhing na/ byang chub sems dpa' rnams kyi spyod pa dang / yongs su longs spyod pa ji lta ba de lta bu'i spyod pa dang yongs su longs spyod pa bstan te/ 'khor de dag thams cad kyang byang chub sems dpa' blo gros mi zad pa'i lus kyi nang du bdag nyid song ba snyam du shes so// de nas byang chub sems/ dpa' blo gros mi zad pa cho 'phrul chen po 'di 'dra ba bstan nas/ 'khor de dag thams cad dang / phyogs bcu nas 'dus pa'i byang chub sems dpa' de dag dang / bcom ldan 'das kyang dge slong gi tshogs kyis bskor ba phyir so so'i gnas su bzhag go/ / de nas byang chub sems dpa' bkod pa chen pos/ byang chub sems dpa' blo gros mi zad pa la 'di skad ces smras so// rigs kyi bu ting nge 'dzin 'di'i mthu ngo mtshar to/ / blo gros mi zad pas smras pa/ rigs kyi bu kho bos stong gsum gyi stong chen po'i 'jig rten gyi khams thams cad bdag gi lus su bcug kyang / bdag gi lus kyi chos nyid la bri ba 'am/ gang bar yang mi mngon no// bzod pa mi zad pa'i le'u chos kyi rnam grangs 'di bstan pa dang / cho 'phrul 'di bstan pa'i tshe/ lha dang mi'i skye dgu khrag khrig phrag bdun cu rtsa drug bla na med pa yang dag par rdzogs pa'i byang chub tu sems skyes so/ / byang chub sems dpa' stong phrag gnyis po mi skye ba'i chos la bzod pa rab tu thob par gyur to// de nas tshe dang ldan pa shA ra dwa ti'i bus/ byang chub sems dpa' blo gros mi zad pa la 'di skad ces smras so// rigs kyi bu byang chub sems dpa' rnams kyi bzod pa mi zad pa 'di ni/ khyod kyis legs par smras na rigs kyi bu byang chub sems dpa' rnams kyi brtson 'grus mi zad pa las brtsams te/ ji ltar byang chub sems dpa' rnams brtson 'grus mi zad par 'gyur ba khyod spobs par/ gyis shig/ blo gros mi zad pas smras pa/ btsun pa shA ra dwa ti'i bu brgyad po 'di rnams ni byang chub sems dpa' rnams kyi brtson 'grus yang dag par blangs pa ste/ brgyad po gang zhe na/ 'di lta ste/ go cha mi zad pa dang / pha rol gnon pa mi zad pa dang / yang dag par bsgrub pa mi zad pa dang / sems can yongs su smin par byed pa mi zad pa dang / bsod nams kyi tshogs mi zad pa dang / ye shes kyi tshogs mi zad pa dang / shes rab kyi tshogs mi zad pa dang / sangs rgyas kyi chos thams cad bsgrub pa'i tshogs mi zad pa'o// btsun pa shA ra dwa ti'i bu/ de la byang chub sems dpa'i go cha/ mi zad pa gang zhe na/ gang 'di 'khor ba na yongs su mi skyo ba ste/ de bskal pa 'di snyed gcig tu go cha bgo'o// bskal pa 'di snyed cig tu go cha mi bgo'o zhes bskal pa bgrang bas na byang chub mi tshol gyi bsam gyis mi khyab pa'i go cha gyon par byed de/ gal te nyin zhag gcig la yang 'khor ba'i sngon gyi mtha' tsam la/ de lta bu'i nyin zhag gis zhag bco lnga zhing zla ba phyed/ zhag sum cu la zla ba gcig/ zla ba bcu gnyis shing lor 'gyur la/ lo'i bgrang ba 'di lta bus lo stong phrag brgya la byang chub kyi sems gcig bskyed cing / de bzhin gshegs pa dgra bcom pa yang dag par rdzogs pa'i sangs rgyas gcig mthong ba la 'jug pa de lta bu dang / bgrang ba de 'dra bas gang+gA'i klung gi bye ma snyed kyi byang chub kyi sems bskyed pa dang / de bzhin gshegs pa mthong bas sems can gcig gi sems kyi spyod pa shes pa ste/ 'jug pa de lta bu dang / bzang ba de 'dra bas sems can thams cad la yang de snyed kyi byang chub kyi sems bskyed pa dang / de bzhin gshegs pa mthong bas so so re rer sems can thams cad kyi sems kyi spyod pa shes kyang mi gong ba'i go cha'o/ / sbyin pa'i pha rol tu phyin pa yongs su rdzogs par bya ba'i phyir 'jug pa de lta bu dang / bgrang ba de 'dra bas gang+gA'i klung gi bye ma snyed kyi de bzhin gshegs pa la rim gro byed pa dang / tshul khrims kyi pha rol tu phyin pa yongs su rdzogs par bya ba'i phyir 'jug pa de lta bu dang / bgrang ba de 'dra bas gang+gA'i klung gi bye ma snyed kyi de bzhin gshegs pa la rim gro byed pa dang / de bzhin du bzod pa dang / brtson 'grus dang / bsam gtan dang / shes rab kyi pha rol tu phyin pa yongs su rdzogs par bya ba'i phyir/ gang+gA'i klung gi bye ma snyed kyi de bzhin gshegs pa la rim gro byed pa dang / de bzhin du byang chub kyi phyogs kyi chos thams cad yongs su rdzogs par bya ba dang / mtshan dang dpe byad bzang po thams cad yongs su rdzogs par bya ba dang / de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa thams cad yongs su rdzogs par bya ba'i phyir/ gang+gA'i klung gi phye ma snyed kyi de bzhin gshegs pa la rim gro byed pa dang / 'jug pa de lta bu dang / bgrang ba de 'dra bar gang+gA'i klung gi bye ma snyed kyi sangs rgyas 'byung bas skyes bu chen po'i mtshan gcig mngon par bsgrubs pa de lta bu'i rnam grangs su mtshan dang dpe byad thams cad yongs su 'grub/ mngon par sgrub par byed kyang mi gong ba'i go cha de ni/ byang chub sems dpa'i go cha mi zad pa zhes bya'o/ / de la byang chub sems dpa'i pha rol gnon pa mi zad pa gang zhe na/ byang chub sems dpa'i pha rol gnon pa mi zad pa ni/ gang stong gsum gyi stong chen po'i 'jig rten gyi khams mes yongs su gang ba las kyang 'bogs te/ de bzhin gshegs pa blta bar mos pa'o// byang chub sems dpa'i pha rol gnon pa ni chos mnyan pa'i rgyu'i mos pa'o// byang chub sems dpa'/ pha rol gnon pa ni sems can yongs su smin par byed pa'i rgyu'i mos pa'o// byang chub sems dpa'i pha rol gnon pa ni dge ba'i chos thams cad kyi rgyu'i mos pa'o// byang chub sems dpa'i pha rol gnon pa ni thams cad mkhyen pa'i ye shes kyi rgyu'i mos pa'o/ / byang chub sems dpa'i pha rol gnon pa la/ pha rol gyi don gyi phyir gnon pas na de'i phyir pha rol gnon pa zhes bya ste/ pha rol zhi bar bya ba'i phyir/ pha rol gdul ba'i phyir/ pha rol yongs su mya ngan las bzla ba'i phyir gnon pas na de'i phyir pha rol gnon pa zhes bya'o// mi ljon pa dang / ma zhum pa dang / brtan pa dang mi zlog pa dang / dge ba'i bsam pa dang / snying rje chen po la rab tu gnas shing / rtag tu sems can gyi don la brtson par gnon pas na/ de'i phyir pha rol gnon pa zhes bya'o// thams cad du gom pa 'dor ba dang / gom pa gzhog cing 'gro ba na byang chub kyi sems mngon du byed do// sems can la lta bar kyang lta zhing nyon mongs pa'i phyogs su yang mi ltung ste/ 'di ni byang chub sems dpa'i pha rol gnon pa mi zad pa zhes bya'o/ / de la byang chub sems dpa'i yang dag par bsgrub pa mi zad pa gang zhe na/ gang ji lta bur dge ba'i sems skyes shing / byung ba byang chub kyi phyir bsngos pa 'di ni byang chub sems dpa'i yang dag par sgrub pa mi zad pa'o/ / de ci'i phyir zhe na/ byang chub tu bsngos pa'i phyir te/ byang chub tu bsngos pa'i dge ba'i rtsa ba ni byang chub kyi snying po la ma 'dug gi bar du bar ma dor gang yang zad pa'am/ dngas par mi 'gyur ro// btsun pa shA ra dwa ti'i bu/ 'di lta ste dper na/ chu'i thigs pa rgya mtsho chen por lhung ba ni bskal pas ma bsregs kyi bar du bar ma dor zad pa 'am/ dengs par mi 'gyur ro// de bzhin du byang chub tu bsngos pa'i dge ba'i rtsa ba yang byang chub kyi snying po la ma 'dug gi bar du/ bar ma dor gang yang zad pa 'am/ dengs par mi 'gyur ro// yang dag par bsgrub pa zhes bya ba de ni gang 'di yang dag pa'i nan tan te/ yang dag par zhugs pa ni dge ba'i rtsa ba gang yang dag par sgrub pa rnams sems can thams cad bskyab pa dang / sems can thams cad yongs su smin par bya ba dang / sems can thams cad dge ba'i rtsa ba la gzud par bya ba'i phyir dge pa'i rtsa ba de dag yongs su sngo bar byed de/ thams cad mkhyen pa'i ye shes mngon par bsgrubs pa'i phyir dge ba'i rtsa ba de dag yongs su bsngo'o// sems can thams cad nye bar 'tsho ba'i phyir/ dge ba'i rtsa ba de dag yongs su bsngo'o// sems can thams cad yongs su mya ngan las bzla ba dang / thams cad mkhyen pa'i ye shes la rab tu dgod pa'i phyir/ dge ba'i rtsa ba de dag yongs su bsngo'o// / de ni byang chub sems dpa'i yang dag par bsgrub pa mi zad pa zhes bya'o// de la byang chub sems dpa'i sems can yongs su smin par byed pa mi zad pa gang zhe na/ sems can gyi khams ni tshad med de/ de la byang chub sems dpas bgrang ba 'di lta bus 'phags par bya'o// gal te bdag gis nyin gcig tu stong gsum gyi stong chen po'i 'jig rten gyi khams su gtogs pa'i sems can thams cad yongs su smin par bya ste/ 'di lta bu'i tshul gyis tshad med grangs med bsam gyis mi khyab pa'i bskal par sems can gyi khams yongs su smin par byas te/ de snyed du tshad med pa de snyed du grangs med pa/ de snyed du bsam gyis mi khyab pa'i sems can gyi khams yongs su smin par bya ste/ de lta bur byas kyang sems can rnams kyi brgya'i cha gcig tu yang smin par ma byas// stong gi cha 'am/ brgya stong gi cha 'am/ bye ba'i cha 'am/ bye ba brgya'i cha'am/ bye ba stong gi cha dang / bye ba brgya stong gi cha dang / grangs su 'am/ char ram/ bgrang bar ram/ dper ram/ rgyur yang yongs su smin par ma byas so zhes gal te rab tu bstan pa 'di thos nas/ byang chub sems dpa' mi smag kun tu mi skrag cing skrag par mi 'gyur ba de/ ni/ brtson 'grus brtsams pa'i byang chub sems dpa' rig par bya ste/ 'di ni byang chub sems dpa'i sems can yongs su smin par byed pa mi zad pa'o// de la byang chub sems dpa'i bsod nams kyi tshogs mi zad pa gang zhe na/ byang chub sems dpa'i bsod nams ni tshad med de/ de la byang chub sems dpas bgrang ba 'di 'dra bar 'jug par bya'o// sems can thams cad 'das pa dang / da ltar byung ba dang / ma 'ongs pa'i slob pa dang / mi slob pa thams cad dang / nyan thos dang / rang sangs rgyas thams cad kyi bsod nams ji snyed pa bsod nams de snyed brgyar bsgyur bas/ de bzhin gshegs pa'i spu'i khung bu gcig 'grub bo// de bzhin du spu'i khung bu thams cad re re nas yongs su 'grub ste/ spu'i khung bu thams cad du gtogs pa'i bsod nams kyi phung po ji snyed du brgyar bsgyur te/ gtan pa med pa'i bsod nams kyi phung po gcig yang dag par bsgrubs pa des de bzhin gshegs pa'i sku la dpe byad bzang po gcig 'grub ste/ de bzhin du re re nas dpe byad bzang po thams cad yongs su 'grub bo// dpe byad bzang po thams cad du gtogs pa'i bsod nams kyi phung po ji snyed pa stong du bsgyur te/ gtan pa med pa'i bsod nams kyi phung po gcig bsgrubs pa des/ de bzhin gshegs pa'i sku la skyes bu chen po'i mtshan gcig mngon par 'grub pa ste/ de bzhin du skyes bu chen po'i mtshan sum cu re re nas mngon par 'grub ste/ skyes bu chen po'i mtshan sum cur gtogs pa'i bsod nams kyi phung po ji snyed du stong phrag bcur bsgyur te/ gtan pa med pa'i bsod nams kyi phung po gcig yang dag par bsgrubs pa des/ de bzhin gshegs pa'i sku la smin mtshams kyi mdzod bu skyes bu chen po'i mtshan mngon par 'grub bo// mdzod pur gtogs pa'i bsod nams kyi phung po ji snyed pa de las stong phrag brgyar bsgyur ba'i bsod nams kyi phung po yang dag par bsgrubs pa/ de bzhin gshegs pa'i ska la dbu'i gtsug tor dang / spyi bo bltar mi snang ba skyes bu chen po'i mtshan mngon par 'grub bo/ / gtsug tor du gtogs pa'i bsod nams kyi phung po de las bye ba phrag brgya stong du bsgyur ba de bas kyang lhag pa'i bsod nams kyi phung po yang dag par bsgrub pas/ de bzhin gshegs pa'i chos kyi rung 'grub par 'gyur te/ chos kyi dung des de bzhin gshegs pa bzhed na/ mtha' yas mu med pa'i 'jig rten gyi khams su dbyangs kyis go bar mdzad cing chos 'dul ba la bsam pa dang / dad pa ji lta ba bzhin du sems can thams cad kyi dbang po yang tshim par mdzad do// byang chub sems dpa' bsod nams kyi tshogs la 'jug pa 'di thos nas mi skrag mi dngang zhing / dngang bar mi 'gyur ba 'di ni byang chub sems dpa'i bsod nams kyi tshogs mi zad pa'o// de la byang chub sems dpa'i ye shes kyi tshogs mi zad pa gang zhe na byang chub sems dpa'i ye shes kyi tshogs ni tshad med de/ de la byang chub sems dpa' bgrang ba 'di 'dra bar 'jug par bya'o// gang stong gsum gyi stong chen po'i 'jig rten gyi khams kyi sems can de dag thams cad dad pa'i phyir bgrang ba'i ye shes dang ldan par gyur na/ de dag gis chos kyi phyir bgrang ba'i ye shes dang ldan pa'i brgya'i char yang nye bar mi 'gro'o// stong gi char yang brgya stong gi char yang / bye ba'i char yang / bye ba stong gi char yang / bye ba brgya stong gi char yang / grangs su yang / char yang / bgrang bar yang / dper yang / rgyur yang nye bar mi 'gro'o/ / de bzhin du chos kyi phyir yang bgrang ba'i ye shes dang ldan pa rnams ni/ brgyad pa'i ye shes dang ldan pa la'o// brgyad pa'i ye shes dang ldan pa rnams ni/ rgyun du zhugs pa'i ye shes dang ldan pa la'o/ / rgyun du zhugs pa'i ye shes dang ldan pa rnams ni lan cig phyir 'ong ba'i ye shes dang ldan pa la'o// lan cig phyir 'ong ba'i ye shes dang ldan pa rnams ni/ phyir mi 'ong ba'i ye shes dang ldan pa la'o// phyir mi 'ong ba'i ye shes dang ldan pa rnams ni/ dgra bcom pa'i ye shes dang ldan pa la'o// dgra bcom pa'i ye shes dang ldan pa rnams ni/ rang sangs rgyas kyi ye shes dang ldan pa la'o// rang sangs rgyas kyi ye shes dang ldan pa rnams ni/ bskal pa brgya las byung ba'i byang chub sems dpa'i ye shes dang ldan pa'i brgya'i char yang nye bar mi 'gro ba nas/ dpe dang rgyu'i bar du yang nye bar mi 'gro'o// bskal pa brgya las byung ba'i byang chub sems dpa'i ye shes dang ldan pa rnams nibazod pa rab tu thob pa'i byang chub sems dpa'i ye shes dang ldan pa la'o/ / bzod pa rab tu thob pa'i byang chub sems dpa'i ye shes dang ldan pa rnams ni/ phyir mi ldog pa'i byang chub sems dpa'i ye shes dang ldan pa la'o/ / phyir mi ldog pa'i byang chub sems dpa'i ye shes dang ldan pa rnams ni/ skye ba gcig gis thogs pa'i byang chub sems dpa'i ye shes dang ldan pa'i brgya'i char yang nye bar mi 'gro ba nas/ dpe dang rgyu'i bar du yang nye bar mi 'gro'o// gang stong gsum gyi stong chen po'i 'jig rten gyi khams kyi sems can de dag thams cad skye ba gcig gis thogs pa'i byang chub sems dpa'i ye shes dang ldan par gyur na/ byang chub kyi snying por 'dug pa'i byang chub sems dpa'i ye shes dang ldan pa'i brgya'i char yang nye bar mi 'gro ba nas/ dpe dang rgyu'i bar du yang bar mi 'gro'o/ / gang mtha' yas mu med pa'i 'jig rten gyi khams kyi sems can de dag thams cad byang chub kyi snying po la 'dug pa'i byang chub sems dpa'i ye shes dang ldan par gyur na yang de dag gis/ de bzhin gshegs pa'i gnas dang gnas ma yin pa mkhyen pa'i ye shes kyi stobs kyi brgya'i char yang nye bar mi 'gro ba dang / rgyu dang dpe'i bar du yang nye bar mi 'gro'o// de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa bco brgyad rnams yongs su 'grub pa'i rim pa yang de bzhin te/ byang chub sems dpa' gang ye shes kyi tshogs la 'phag pa 'di thos nas/ mi skrag kun tu mi skrag/ kun tu skrag par mi 'gyur ba de ni/ byang chub sems dpa'i ye shes kyi tshogs mi zad pa zhes bya'o// de la byang chub sems dpa'i shes rab kyi tshogs mi zad pa gang zhe na/ gang sems can thams cad kyi sems mi gcod pa la 'jug pa shes pa de ni shes rab kyi tshogs mi zad pa'o// sems can thams cad kyi 'das pa dang / ma 'ongs pa dang / da ltar byung ba'i sems ji snyed pa de dag sems can gcig gi sems gcig la yod par gyur la/ de lta bu'i tshul gyis sems can thams cad de snyed du tshad med pa'i sems kyis gang bar gyur te/ gang 'das pa dang / ma 'ongs pa dang / da ltar byung ba'i sems can de dag thams cad kyi 'dod chags dang / ne thang dang / gti thug dag sems can gcig gi sems gcig la yod par gyur te/ de lta bu'i rnam grangs su sems can thams cad de snyed du tshad med pa'i nyon mongs pas gang ba'i sems su g yur na yang de la byang chub sems dpa' gang shes rab kyi tshogs gcig bsgrubs pas sems can de dag gi sems su gtogs pa'i sems bskyed pa ji snyed pa'i sems bskyed pa de dag thams cad so so'i dmigs pas byung ste/ zhig cing zhu ba rnams shes par 'gyur ba de lta bu'i shes rab kyi tshogs bskyed par bya'o// shes rab des kyang sems can de dag gi sems su snang ba dang / nyon mongs par snang ba dus gsum dang ldan pa gang mi shes pa med do// 'di lta ste/ btsun pa shA ra dwa ti'i bu nam mkha' 'dis gang yang ma khyab pa med do// de bzhin du byang chub sems dpa'i shes rab 'dis kyang / dus gsum dang ldan pa'i sems can de dag gi sems su snang ba 'am/ nyon mongs par snang ba de dag gang yang mi shes pa med de/ 'di ni byang chub sems dpa'i shes rab kyi tshogs mi zad pa zhes bya'o/ / de la byang chub sems dpa'i sangs rgyas kyi chos thams cad yang dag par sgrub pa'i tshogs mi zad pa gang zhe na/ gang dge ba'i rtsa ba'i tshogs thams cad bsags pa dang / pha rol tu phyin pa thams cad kyi tshogs bsags pa dang / byang chub kyi phyogs kyi chos thams cad bsags pa de ni/ byang chub kyi chos thams cad yang dag par sgrub pa'i tshogs mi zad pa'o/ / thog ma sems bskyed pa nas bzung ste/ byang chub kyi snying po la 'dug gi bar du gang byang chub tu sems bskyed pa dang / dmigs pa dang / sbyor ba bsags pa dang / dge ba'i sems bskyed pa'i tshogs gang gis sangs rgyas kyi chos thams cad yang dag par bsgrubs pa 'di ni/ byang chub sems dpa'i sangs rgyas kyi chos thams cad yang dag par sgrub pa'i tshogs mi zad pa zhes bya ste/ btsun pa shA ra dwa ti'i bu brgyad po 'di dag ni byang chub sems dpa' rnams kyi brtson 'grus yang dag par blang ba'o// gzhan yang btsun pa shA ra ti'i bu/ byang chub sems dpa' rnams kyi brtson 'grus mi zad pa ni/ gang lus kyi dge ba'i las kyi rten dang / ngag gi dge ba'i las kyi rten dang / yid kyi dge ba'i las kyi rten to// de ci'i phyir zhe na/ brtson 'grus gang ji snyed pa de thams cad lus dang / ngag dang / sems dang ldan pa ste/ lus dang ngag gi brtson 'grus pas ni sems kyi brtson 'grus mchog ces bya'o// sems kyi brtson 'grus de gang zhe na/ sems 'gro ba dang / sems gnas pa ste/ de la sems 'gro ba gang zhe na/ gang byang chub kyi sems kyi rtsom pa'o// de la sems gnas pa gang zhe/ na/ gang byang chub kyi sems zhi ba'o// de la sems 'gro ba gang zhe na/ gang sems can la snying rje ba'o// sems gnas pa gang zhe na/ gang bdag med pa la bzod pa'o// de la 'gro ba / gang na/ gang sems na nas r+b+ba rmA smra// gnas ga shAn/ gang sa thams cad mi smrad / del 'grogs pa na/ gang 'khor ban skyo ba'o/ / gnas pa gang zhe na/ khams gsum de la mi dmigs pa'o// de la 'gro ba gang zhe na/ bdog pa thams cad yongs su gtong du'o// gnas pa gang zhe na/ gang sbyin pas mi snyems pa'o/ / de la 'gro ba gang zhe na/ gang bslab pa yang dag par len pa'o// gnas pa gang zhe na/ gang bslab pas mi snyems pa'o// de la 'gro ba gang zhe na/ bzod cing mi mjed pa'o// gnas pa gang zhe na/ gang sems la rma mi byin pa'o// de la 'gro ba gang zhe na/ dge ba'i rtsa ba thams cad rtsom pa'o// gnas pa gang zhe na/ gang sems dben pa'o/ / de la 'gro ba gang zhe na/ gang bsam gtan yang dag par sgrub pa'o// gnas pa gang zhe na/ gang sems la nges par rtog pa'o// de la 'gro ba gang zhe na/ gang thos pa la mi ngoms pa'o// gnas pa gang zhe na/ gang tshul bzhin sbyor ba'o// de la 'gro ba gang zhe na/ gang thos pa bzhin du chos ston pa'o// gnas pa gang zhe na/ gang brjod du med pa'i chos nyid do/ / de la 'gro ba gang zhe na/ gang shes rab kyi tshogs yongs su tshol ba'o// gnas pa gang zhe na/ spros pa shin tu chad pa'o// de la 'gro ba gang zhe na/ gang tshangs pa'i gnas rnams sogs pa'o/ / gnas pa gang zhe na/ gang yang dag pa'i shes pas/ btang snyoms pa'o// de la 'gro ba gang zhe na/ mngon par shes pa lnga yongs su rdzogs par byed pa'o/ / gnas pa gang zhe na/ zag pa med pa 'dris par byed pa'o// de la 'gro ba gang zhe na/ gang dran pa nye bar gzhag pa bskyed pa'o// gnas pa gang zhe na/ gang dran pa yid la byed pa med pa'o/ / de la 'gro ba gang zhe na/ gang yang dag par spong ba sbyor ba'o// gnas pa gang zhe na/ gang dge ba dang / mi dge ba'i sems dang bral ba'o// de la 'gro ba gang zhe na/ gang rdzu 'phrul gyi gnas sgrub pa'o// gnas pa gang zhe na/ gang lhun gyis grub pa'i bya ba la 'jug pa'o// de la 'gro ba gang zhe na/ gang dbang po la mkhas pa'o// gnas pa gang zhe na/ gang dbang po med pa'i chos la rtog pa'o// de la 'gro ba gang zhe na/ gang stobs lnga yang dag par sgrub pa'o// gnas pa gang zhe na/ gang mi brdzi ba'i ye shes so// de la 'gro ba gang zhe na/ gang byang chub kyi yan lag 'byung ba'o// gnas pa gang zhe na/ gang chos rab tu 'byed pa la mkhas pa'i ye shes so// de la 'gro ba gang zhe na/ gang lam gyi tshogs 'tshol ba'o// gnas pa gang zhe na/ gang gar yang mi 'gro ba'o// de la 'gro ba gang zhe na/ gang zhi gnas tshol ba'o// gnas pa gang zhe na/ gang zhi gnas kyi sems zhi ba'o// de la 'gro ba gang zhe na/ gang lhag mthong spyod pa'o/ / gnas pa gang zhe na/ gang chos nyid shes pa'o// de la 'gro ba gang zhe na/ gang rgyu rtogs pa'o// gnas pa gang zhe na/ gang rgyu kun shes ba'o/ / de la 'gro ba gang zhe na/ gang gzhan gyi sgra thos pa'o// gnas pa gang zhe na/ gang chos la nan tan byed pa'o// de la 'gro ba gang zhe na/ gang lus kyi rgyan no// gnas bkang zhe na/ gang lus kyi chos nyid do// de la 'gro ba gang zhe na/ gang dag gi rgyan no// gnas pa gang zhe na/ gang 'phags pa'i mi smra ba'o// de la 'gro ba gang zhe na/ gang rnam par thar pa gsum la mos pa'o/ / gnas pa gang zhe na/ gang byed pa med pa'o// de la 'gro ba gang zhe na/ gang bdud bzhi yongs su spong ba'o// gnas pa gang zhe na/ gang bag chags dang / nyon mongs pa'i mtshams sbyor ba thams cad bsal ba'o// de la 'gro ba gang zhe na/ gang thabs su lta ba'o// gnas pa gang zhe na/ gang shes rab tu blta ba'o// de la 'gro ba gang zhe na/ gang rtsom par blta ba'o// gnas pa gang zhe na/ gang sgrol bar blta ba'o// de la 'gro ba gang zhe na/ gang brdar blta ba'o// gnas pa gang zhe na/ gang don rnam par blta ba ste/ 'di ni sems kyi brtson 'grus zhes bya'o/ / de la sems kyi brtson 'grus mi zad pa de yongs su rdzogs par bya ba'i phyir/ gang 'gro ba thams cad la gnas pa dang / mtshan ma thams cad dang bral ba dang / de mtshan ma'i las thams cad du yang 'jug la/ ye shes kyi las la yang gnas pa ste/ de las thams cad kyang ye shes kyi bya ba byed do// de la byang chub sems dpa'i ye shes kyi las gang zhe na/ gang dge ba'i rtsa ba'i rgyu dang / sems can thams cad la snying rje chen po'i rgyur 'dus byas kyang mi gtong zhing / sangs rgyas kyi ye shes kyi rgyur 'dus ma byas su mi ltung ste/ 'di ni byang chub sems dpa' rnams kyi brtson 'grus kyi pha rol tu phyin pa mi zad pa zhes bya'o/ / brtson 'grus kyi pha rol tu phyin pa mi zad pa 'di bstan pa na/ lha dang mi'i skye dgu bye ba khrag khrig bdud cu rtsa drug bla na med pa yang dag par rdzogs pa'i byang chub tu sems skyes so/ / byang chub sems dpa' stong phrag sum cu rtsa gnyis kyang mi skye ba'i chos la bzod pa thob par gyur to// gzhan yang btsun pa shA ra dwa ti'i bu byang chub sems dpa' rnams kyi bsam gtan yang mi zad pa ste/ de la byang chub sems dpa' rnams kyi bsam gtan mi zad pa gang zhe na/ byang chub sems dpa' rnams kyi bsam gtan mi zad pa ni rnam pa bcu drug ste/ de ni nyan thos dang / rang sangs rgyas thams cad la med do// de la rnam pa bcu drug po gang zhe na/ 'di lta ste/ de bzhin gshegs pa'i bsam gtan yongs su rdzogs par bya ba'i phyir/ byang chub sems dpa' rnams kyi bsam gtan de la ma chags pa'o// bdag bde ba la ma chags pa'i phyir/ byang chub sems dpa' bya/ rnams kyi bsam gtan ni ro mi myang ba'o// sems can thams cad kyi nyon mongs pa spangs pa'i phyir/ byang chub sems dpa' rnams kyi bsam gtan ni snying rje chen po la dmigs pa'o/ / 'dod pa'i khams su dmigs pa'i phyir/ byang chub sems dpa' rnams kyi bsam gtan ni ting nge 'dzin ldog pa'o// sems can thams cad kyi sems kyi spyod pa kun shes pa'i phyir/ byang chub sems dpa' rnams kyi bsam gtan ni mngon par shes pa yongs su sbyang ba byas pa'o// sems la dbang zhing shes pa'i phyir/ byang chub sems dpa' rnams kyi bsam gtan ni sems las su rung ba'o/ / gzugs dang gzugs med pa'i khams zil gyis gnon pa'i phyir/ byang chub sems dpa' rnams kyi bsam gtan ni bsam gtan dang / rnam par thar pa dang / ting nge 'dzin dang / snyoms par 'jug pa dang ldan pa thams cad shes pa'o// nyan thos dang / rang sangs rgyas thams cad kyi snyoms par 'jug pa zil gyis gnon pa'i phyir/ byang chub sems dpa' rnams kyi bsam gtan ni zhi ba dang rab tu zhi ba'o// shin tu mthar thug pa'i phyir/ byang chub sems dpa' rnams kyi bsam gtan ni mi 'khrugs pa'o// nyon mongs pa dang bag chags kyi mtshams sbyor ba thams cad shin tu 'joms pa'i phyir/ byang chub sems dpa' rnams kyi bsam gtan ni log pa'i nan tan gyi gnyen po'o// 'jig rten thams cad las bsgral ba'i phyir/ byang chub sems dpa' rnams kyi bsam gtan ni shes rab la 'jug pa'o// sems can thams cad bsgral ba'i phyir/ byang chub sems dpa' rnams kyi bsam gtan/ ni sems can thams cad kyi bsam pa sngon du 'gro ba'o// de bzhin gshegs pa'i bsam gtan mi zad pa yongs su rdzogs par bya ba'i phyir/ byang chub sems dpa' rnams kyi bsam gtan ni dkon mchog gsum gyi rigs mi gcod pa'o/ / rtag tu mnyam par gzhag pa'i phyir/ byang chub sems dpa' rnams kyi bsam gtan ni mnyams pa'o// sangs rgyas kyi chos thams cad yongs su rdzogs par bya ba'i phyir/ byang chub sems dpa' rnams kyi bsam gtan ni chos thams cad la dbang byed pa'i ye shes so// ye shes kyi bdag nyid che ba'i phyir/ byang chub sems dpa' rnams kyi bsam gtan ni mi g.yo ba ste/ btsun pa shA ra dwa ti'i bu 'di ni byang chub sems dpa' rnams kyi bsam gtan gyi pha rol tu phyin pa rnam pa bcu drug ste/ gang nyan thos dang / rang sangs rgyas rnams la med pa'o// de la bsam gtan yongs su sbyang ba gang zhe na/ gang mngon par shes pa dang / ye shes yongs su rdzogs pa'o// de la mngon par shes pa ni gang ye shes ni gang zhe na/ gang gis gzugs su snang ba thams cad mthong ba 'di ni mngon par shes pa zhes bya'o// gang gis gzugs thams cad kyi chos nyid mi zad par shes kyang / mi zad pa'i chos mngon sum du mi byed pa 'di ni ye shes zhes bya'o/ / gang gis slar grags pa thams cad thos pa de mngon par shes pa zhes bya'o// gang sgra kun sngon gyi mtha' dang / phyi ma'i mtha' brjod du med par shes pa 'di ni ye shes zhes bya'o// gang gis sems can thams cad kyi sems kyi spyod pa shes pa 'di ni mngon par shes pa zhes bya'o// gang sems 'gog par shes la/ 'gog pa mngon sum du mi byed pa 'di ni ye shes zhes bya'o// gang thog ma'i mtha' dang phyi ma'i mtho' rjes su dran pa 'di ni mngon par shes pa zhes bya'o// gang dus gsum la ma chags pa shes pa 'di ni ye shes zhes bya'o/ / gang sangs rgyas thams cad kyi zhing du 'gro ba 'di ni mngon par shes pa zhes bya'o// gang gis zhing nam mkha' dang mtshungs par shes pa 'di ni ye shes zhes bya'o/ / gang dbyer med pa'i chos 'dod pa 'di ni/ mngon par shes pa zhes bya'o// gang chos thams cad mnyam par mthong ba'i shes pa 'di ni ye shes zhes bya'o// gang 'jig rten thams cad dbyer med pa'i mtshan nyid 'di ni mngon par shes pa zhes bya'o/ / gang 'jig rten pa'i chos thams cad dang ma 'dres par shes pa 'di ni ye shes zhes bya'o// gang brgya byin dang tshangs pa dang / 'jig rten skyong ba rnams zil gyis gnon pa 'di ni mngon par shes pa zhes bya'o// gang nyan thos dang / rang sangs rgyas thams cad kyi spyi bor shes pa 'di ni ye shes zhes bya / 'di dag ni btsun pa shA ra dwa ti'i bu/ byang chub sems dpa' rnams kyi bsam gtan yongs su sbyang ba zhes bya'o// yang sems can thams cad kyi nyon mongs pa dang / sems g.yeng ba ji snyed par byang chub sems dpa' rnams kyi bsam gtan gyi tshogs dang / sems gzhag pa shes pa yang de snyed de/ sems can thams cad kyi nyon mongs pa dang / sems ba ji snyed pa de snyed du byang chub sems dpas kyang bsam gtan gyi tshogs yang dag par bsgrub par bya'o/ / mnyam pa nyid de la gnas pas na de'i phyir mnyam par gzhag pa zhes bya'o// sems can mnyam pa nyid dang / sems mnyam pa nyid dang / bsam pa mnyam pa nyid dang / lhag pa'i bsam pa mnyam pa nyid dang / sbyor ba mnyam pa nyid dang / sbyin pa dang / tshul khrims dang / bzod pa dang / brtson 'grus dang / bsam gtan dang / shes rab mnyam pa nyid dang / sangs rgyas kyi chos thams cad mnyam pa nyid la gnas pas na/ de'i phyir mnyam par gzhag pa zhes bya'o/ / ting nge 'dzin gang dang mnyam pa byang chub kyang de dang mnyam mo// byang chub gang dang mnyam pa sems can thams cad kyang de dang mnyam mo// sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o// byang chub gang dang mnyam pa stong pa'ang de dang mnyam mo// stong pa nyid gang dang mnyam pa sems can thams cad kyang de dang mnyam mo// sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o// stong pa nyid gang dang mnyam pa mtshan ma med pa yang de dang mnyam mo// mtshan ma med pa gang dang mnyam pa sems can thams cad kyang de dang mnyam mo/ / sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na/ de phyir snyoms par zhugs pa zhes bya'o/ / mtshan ma med pa gang dang mnyam pa smon pa med pa'ang de dang mnyam mo// smon pa med pa gang dang mnyam pa sems can thams cad kyang de dang mnyam mo/ / sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o// smon pa med pa gang dang mnyam pa mngon par 'du mi byed pa'ang de dang mnyam mo// mngon par 'du mi byed pa gang dang mnyam pa sems can thams cad kyang de dang mnyam mo// sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o// mngon par 'du mi byed pa gang dang mnyam pa mi skye ba'ang de dang mnyam mo/ / mi skye ba gang dang mnyam pa sems can thams cad kyang de dang mnyam mo// sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o// mi skye ba gang dang mnyam pa mi 'byung ba'ang de dang mnyam mo// mi 'byung ba gang dang mnyam pa sems can thams cad kyang de dang mnyam mo// sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o// mi 'byung ba gang dang mnyam pa dngos po med pa yang de dang mnyam mo// dngos po med pa gang dang mnyam pa sems can thams cad kyang de dang mnyam mo/ / sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o/ / dngos po med pa gang dang mnyam pa rnam par dag pa'ang de dang mnyam mo// rnam par dag pa gang dang mnyam pa sems can thams cad kyang de dang mnyam mo// sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o// bdag gi sems mnyam pas/ sems can thams cad kyi sems mnyam pa nyid de la zhugs pas na/ de'i phyir snyoms par zhugs pa zhes bya'o// phan par byed pa dang / phan par mi byed pa thams cad la snyoms shing / sa dang mnyam pa'i sems/ chu dang mnyam pa'i sems/ me dang mnyam pa'i sems/ rlung dang mnyam pa'i sems/ nam mkha' dang mnyam pa'i sems te/ mi mtho mi dma' bar gnas shing / mi g.yo bar gyur pa/ spyod lam thams cad du mnyam par bzhag pas/ ma bcos pa'i spyod lam/ rang bzhin gyis snyoms par zhugs pa/ mi rgod pa/ mi g.yeng ba/ mu cor mi smra ba/ tshig ma 'chal pa/ don shes pa/ chos shes pa/ dus shes pa/ tshod shes pa nyi tshod shes pa/ 'jig rten thams cad kyi rjes su bsnyegs shing / 'jig rten dang ma 'dres pa/ 'jig rten gyi chos brgyad las 'das pa/ nyon mongs pa thams cad dang ma 'dres pa// 'du 'dzi'i nang na yang spyod lam dben pa ste/ de lta bu'i chos la gnas pa'i byang chub sems dpa' ni mnyam par gzhag pa'i gnas kyang mi 'dor la/ 'jig rten pa'i bya ba thams cad du yang 'jug ste/ 'di ni btsun pa shA ra dwa ti'i bu byang chub sems dpa'i thabs dang shes rab kyis mngon par bsgrubs pa'i bsam gtan gyi pha rol tu phyin pa zhes bya'o// de la byang chub sems dpa thabs ni gang shes rab ni gang zhe na/ gang byang chub sems dpa' mnyam par ma gzhag pa'i tshe/ sems can la lta ba'i phyir/ snying rje chen po'i dmigs pa la sems 'dogs pa 'di ni byung / chub sems dpa'i thabs shes bya'o// gang zhi ba dang rab tu zhi bas bsam gtan du byed pa 'di ni de'i shes rab bo// gang byang chub sems dpa' mnyam par gzhog pa'i tshe/ sangs rgyas kyi ye shes kyi phyir 'gro ba 'di ni de'i thabs so/ / chos gang la yang mi gnas par/ bsam gtan du byed pa 'di ni de'i shes rab bo// gang byang chub sems dpa' mnyam par gzhog pa na/ dam pa'i chos kun gzung ba la lta ba 'di ni de'i thabs so/ / gang chos kyi dbyings dbyer med par bsam gtan byed pa 'di ni de'i shes rab bo// gang byang chub sems dpa' mnyam par gzhog pa'i tshe// sangs rgyas kyi sku'i rgyan mngon du byed pa 'di ni de'i thabs so// gang chos kyi sku dbyer med par bsam gtan byed pa 'di ni de'i shes rab bo// gang byang chub sems dpa' mnyam par gzhog pa na/ sangs rgyas kyi gsung tshangs pa'i sgra dbyangs la sems pa 'di ni de'i thabs so// gang chos nyid brjod du med par bsam gtan byed pa 'di ni de'i shes rab bo// gang byang chub sems dpa' mnyam par gzhog pa na/ sems rdo rje lta bur byin gyis rlob pa 'di ni de'i thabs so// gang rang bzhin gyis g.yeng ba med par bsam gtan byed pa 'di ni de'i shes rab bo// gang mnyam par gzhog pa na/ sngon gyi smon lam gyis sems can yongs su smin par byin gyis rlob pa 'di ni de'i thabs so// gang sems can thams cad la bdag med par bsam gtan byed pa 'di ni de'i shes rab bo/ / gang mnyam par gzhog pa na/ dge ba'i rtsa ba thams cad la lhag par dmigs te/ bsam gtan byed pa 'di ni de'i thabs so// gang dge ba'i rtsa ba'i gnas nam mkha' dang mtshungs par bsam gtan byed pa 'di ni de'i shes rab bo// gang mnyam par gzhog pa na/ sangs rgyas kyi zhing yongs su dag pa mngon du byed pa 'di ni de'i thabs so/ / gang zhing nam mkha' dang mtshungs par bsam gtan byed pa 'di ni de'i shes rab bo// gang mnyam par gzhog pa na/ byang chub kyi snying po'i rgyun bkod par dmigs pa mngon du byed pa 'di ni de'i thabs so/ / gang nyon mongs pa thams cad zhi bar bya ba'i phyir bsam gtan byed pa 'di ni de'i shes rab bo// gang mnyam par gzhog pa na/ chos kyi 'khor lo rab tu bskor bar 'dod pa 'di ni de'i thabs so/ / gang bskor ba yang med/ mi bskor ba'ang med par bsam gtan byed pa 'di ni de'i shes rab bo// gang byang chub sems dpa' mnyam par gzhog pa na/ byang chub kyi yan lag gi tshogs la mi g.yeng ba mngon du byed pa 'di ni de'i thabs so// gang nyon mongs pa dang / nye ba'i nyon mongs pa'i gdung ba de bzhin gshegs pa'i ye shes kyis mkhyen pa sems dang ldan pa dang / sems dang mi ldan pa dang / 'du shes med pa dang / 'du shes su kun shes pa ji snyed pa de dag bsal ba'i phyir/ byang chub sems dpa' thams cad kyi mi 'gyur ba dang mthun par bsam gtan byed pa 'di ni de'i shes rab ste/ de lta bu dang ldan pa'i byang chub sems dpa' ni bsam gtan gyi pha rol tu phyin pa mi zad pa yin no// bdud thams cad kyis kyang de la glags mi rnyed cing de la sangs rgyas kyi chos thams cad kyi snod kyang byed par gnas pa yin te/ thams cad mkhyen pa'i ye shes kyang thob bo// bsam gtan mi zad pa zhi ba 'di bstan pa na/ byang chub sems dpa' stong phrag sum cu rtsa gnyis nyi ma'i sgron ma'i ting nge 'dzin thob par gyur to// ci'i phyir/ ting nge 'dzin de nyi ma'i sgron ma zhes bya zhe na 'di lta ste/ nyi ma 'char ba na/ zla ba dang skar ma'i sgron ma dang / mar me'i sgron ma dang / rtswa me'i sgron ma thams cad mog mog por 'gyur ro// de bzhin du byang chub sems dpa' ma'i sgron ma'i ting nge 'dzin thob na ma rabs dang nyi che ba'i shes rab thams cad shes rab kyi snang bas spa bkong ste slob pa dang / mi slob pa thams cad kyi shes rab dang / rang sangs rgyas kyi shes rab dang / de ma yin pa gzhan sems can pa la thams cad kyi shes rab kyang shis rab kyi snang bas sra bkong bas na/ de'i phyir nyi ma'i sgron ma zhes bya'o// bsam gtan gyi pha rol phyin pa la gnas pa'i byang chub sems dpa'i ting nge 'dzin rnam pa mang po bye ba khrag khrig brgya stong du ma thob ste/ de dag las phyogs tsam zhig bstan to// glog gi sgron mas rgyan dang zla ba'i 'od/ / dge bkod rnam snang de bzhin bsam mi khyab// 'phags par snang dang dri ma dag pa dang // thams cad chos la dbang byed yon tan 'od// mya ngan med dang / brtul zhugs grub pa dang // grags pa brtan dang kun nas 'phags pa dang // chos kyi sgron ma chos dpa' ri rab che// chos kyi dbang po chos shes dbang byed dang // chos kyi phung po rnam par 'thor ba dang / / chos rnams 'dzin pa rnam par dag pa dang // pha rol sems kyi spyad par spyod pa dang // rgyal mtshan rtse mo dpung rgyan nyon mongs sel// bdud bzhi'i stobs rnams rab tu 'joms pa dang / / 'phags bcu 'phags pa stobs dang ldan pa dang // chags mod chags pa shin tu gcod pa dang // lag na sgron ma shin tu sgra bsgrags dang // sa 'dzin dag dang brtan pa'i rang bzhin dang / / ri rab sgron ma mi pham rgyal ba dang // shes rab skyed dang ye shes ta la la// bsam gtan 'byung gnas mtha' yas dbang byed dang // sems rnams las su rung bar byed pa dang / / byed dang byas dang tshor byed med pa dang // chu yi zla ba nyi ma'i dbyangs dag dang // ting 'dzin mi gtong bdud rnams 'joms pa dang // rnam pa sna tshogs 'du shes med pa dang / stag dang glang po shin tu dul ba dang // rgyal ba kun gyi rjes su dran pa dang // chos dran dge 'dun ye shes dbang byed dang // mi ldog pa dang ldog pa med pa dang // mig mi 'dzums dang bdag med rab dag dang / / rtag tu stong pa'i rnam par 'jug pa dang // rtag tu mtshan med rtag tu mi smon dang // bsam gtan dag la gnas pa mi chags dang // rdo rje lta bu'i ting nge 'dzin ces bya/ / mngon par 'phags dang nges par bcom pa dang // kun nas 'khyil dang sgra rnams dag pa dang // nges par rtog dang nyon mongs bral ba dang // yengs pa nam mkha' lta bu zhes kyang bya/ / gzud pa dang ni yon tan 'jug pa dang // dran rtogs blo gros shes rab sgrub pa dang // spobs pa dag ni mi zad byed pa dang // sgra ston pa dang 'dren pa mthong ba dang / 'dzin pa zhes kyang bya ba'i ting nge 'dzin// chud mi za dang legs byas sbyin pa dang // 'gro ba tshim par byed dang bltar mi mthong // rab tu rtogs dang dga' mgu skyed pa dang // byams pa 'phags pa'i ting nge 'dzin dag dang / / snying rje chen po'i rtsa ba bsam pa dag/ dga' ba'i rnam pa dag la 'jug pa dag/ btang snyoms gnyis las chags las grol ba dang // chos don chos byed ye shes ta la la/ / mi 'khrugs pa dang ye shes rgya mtsho dang // 'gro ba tshim byed rnam pa dul ba dang // rnam par grol ba'i ye shes dbang byed dang // rdo rje rgyal mtshan snying po'i pad+mo dang / / pad+mo 'das dang 'jig rten chos bral dang // mi g.yo ba zhes bya ba'i ting 'dzin dang // rdo rje lta bu'i ting nge 'dzin dag dang // dpa' bar 'gro zhes bya ba'i ting nge 'dzin/ / sangs rgyas dgongs dang de bzhin mi 'khrugs dang // gzi brjid can dang gzi brjid 'od zer dang // rnam par grol ba'i ye shes mchog sbyin dang // sangs rgyas rgyun rnams shin tu bkod pa dang / / kun tu snang dang sangs rgyas zhing dag dang // sems can bsam rab rab tu 'jug pa dang // mgu byed shin tu mgu byed ting 'dzin dang // byang chub lam gyi rjes su mthun pa dang / / pha rol byin brgyan gtsug na rin po che// byang chub yan lag me tog sbyin pa dang // rnam par grol ba'i 'bras bu sbyin pa ste// mi 'chi dbyangs dang dmigs med rlung bzhin 'gro/ / rin chen mtha' dang rgya mtsho'i shugs 'dzin dang // ri dang brag rnams rdob par byed pa dang // rdzu 'phrul don chen yang dag skyed pa dang // tshad med pa yi sangs rgyas mthong ba dang / / thos pa thams cad 'dzin dang mi ga yeng dang // skad cig gcig la ye shes sbyin pa dang // yon tan mtha' yas rgya mtsho rnam par dag/ de ltar ting 'dzin 'di dag mtha' yas dpag med de/ / bsam gtan bye ba khrag khrig dag gi pha rol song // byang chub sems dpa' dam pa mchog rab 'jigs med pa// gtan mchog sems dpa' chen po ting 'dzin rnam dag rtogs/ / 'di ni btsun pa shA ra dwa ti'i bu byang chub sems dpa' rnams kyi bsam gtan mi zad pa zhes bya'o// 'phags pa blo gros mi zad pas bstan pa zhes bya ba theg pa chen po'i mdo/ / bam po gsum pa/ de nas tshe dang ldan pa shA ra dwa ti'i bus/ byang chub sems dpa' blo gros mi zad pa la 'di skad ces smras so// rigs kyi bu byang chub sems dpa' rnams kyi bsam gtan mi zad pa 'di ni/ khyod kyis legs par smras na/ rigs kyi bu byang chub sems dpa' rnams kyi shes rab mi zad pa las brtsams te/ ji ltar byang chub sems dpa' rnams shes rab mi zad par 'gyur ba khyod spobs par gyis shig/ blo gros mi zad pas smras pa/ btsun pa shA ra dwa ti'i bu/ byang chub sems dpa' rnams kyi shes rab mi zad pa yin te/ shes rab de'i rnam pa ni ji lta bu/ 'jug pa ni ci zhe na/ thos pa'i rnam pa ni rnam pa'o// tshul bzhin yid la byed pa ni 'jug pa'o// thos pa yang rnam pa ni ji lta bu/ 'jug pa ni ci zhe na/ byang chub sems dpa' rnams kyi thos pa'i rnam pa ni brgyad cu rtsa bzhi ste/ 'di lta ste/ mos pa'i rnam pa dang / bsam pa'i rnam pa dang / lhag pa'i bsam pa'i rnam pa dang / sbyor ba'i rnam pa dang / dge ba'i bshes gnyen gyi rnam pa dang / nga rgyal med pa'i rnam pa dang / bag yod pa'i rnam pa dang / ri mor byed pa'i rnam pa dang / mthun pa'i rnam pa dang / bka' blo bde ba'i rnam pa dang / bsnyen bkur byed pa'i rnam pa dang / rna blags te nyan pa'i rnam pa dang yid la byed pa'i rnam pa dang / mi g.yeng ba'i rnam pa dang / gnas kyi rnam pa dang / rin po cher 'du shes pa'i rnam pa dang / sman du 'du shes pa'i rnam pa dang / nyon mongs pa'i nad thams cad rab tu zhi bar byed pa'i rnam pa dang / dran pa'i snod kyi rnam pa dang / rtogs pa shes pa'i rnam pa dang / blo gros 'dod pa'i rnam pa dang / blo la 'jug pa'i rnam pa dang sangs rgyas kyi chos la mi ngoms par nyan pa'i rnam pa dang / gtong ba spel ba'i rnam pa dang / dul zhing cang shes pa'i rnam pa dang / mang du thos pa la bsten pa'i rnam pa dang / gus par dga' ba myong bar byed pa'i rnam pa dang / lus bde ba'i rnam pa dang / sems rab tu dga' ba'i rnam pa dang / mi skyo bar nyan pa'i rnam pa dang / don nyan pa'i rnam pa dang / chos nyan pa'i rnam pa dang / nan tan nyan pa'i rnam pa dang / gzhan gyis bstan pa nyan pa'i rnam pa dang / chos ma thos pa nyan pa'i rnam pa dang / mngon par shes pa nyan pa'i rnam pa dang / theg pa gzhan la 'dod pa med pa'i rnam pa dang / pha rol tu phyin pa nyan pa'i rnam pa dang / byang chub sems dpa'i sde snod nyan pa'i rnam pa dang / bsdu ba'i dngos po nyan pa'i rnam pa dang / thabs mkhas pa nyan pa'i rnam pa dang / tshangs pa'i gnas nyan pa'i rnam pa dang / dran pa dang shes bzhin nyan pa'i rnam pa dang / skye ba la mkhas par nyan pa'i rnam pa dang / mi skye ba la mkhas pa nyan pa'i rnam pa dang / mi sdug pa'i rnam pa dang / byams pa'i rnam pa dang / rten cing 'brel par 'byung ba'i rnam pa dang / mi rtag pa'i rnam pa dang / sdug bsngal ba'i rnam pa dang / bdag med pa'i rnam pa dang / zhi ba'i rnam pa dang / stong pa nyid kyi rnam pa dang / mtshan ma med pa'i rnam pa dang / smon pa med pa'i rnam pa dang / mngon par 'du mi byed pa'i rnam pa dang / dge ba mngon par 'du byed pa'i rnam pa dang / bden par byin gyis brlabs pa'i rnam pa dang / chud mi gzan pa'i rnam pa dang / rang dbang gi rnam pa dang / bdag gi sems bsrung ba'i rnam pa dang / brtson 'grus mi gtong ba'i rnam pa dang / chos la nges par rtog pa'i rnam pa dang / nyon mongs pa'i gnyen po'i rnam pa dang / bdag gi phyogs bsrung ba'i rnam pa dang / pha rol gyi phyogs dang nyon mongs pa tshar gcod pa'i rnam pa dang / nor bdun la bsten pa'i rnam pa dang / dbul ba thams cad tshar gcod pa'i rnam pa dang / mkhas pas bsngags pa'i rnam pa dang / mkhas pa mngon par dga' ba'i rnam pa dang / 'phags pas kun shes pa'i rnam pa dang / 'phags pa ma yin pa mos par byed pa'i rnam pa dang / bden pa mthong ba'i rnam pa dang / phung po'i nyes pa spong ba'i rnam pa dang / 'dus byas kyi nyes pa yongs su 'jal ba'i rnam pa dang / don la rton pa'i rnam pa dang / chos la rton pa'i rnam pa dang / ye shes la rton pa'i rnam pa dang / nges pa'i don gyi mdo sde la rton pa'i rnam pa dang / sdig pa thams cad mi bya ba'i rnam pa dang / bdag dang gzhan la phan pa'i rnam pa dang / legs par byas pa'i las kyi rnam pa dang / mi 'gyod pa'i rnam pa dang / bye brag tu 'gro ba'i rnam pa dang / sangs rgyas kyi chos thams cad thob pa'i rnam pa ste/ 'di dag ni byang chub sems dpa' rnams kyi thos pa rnam pa brgyad cu rtsa bzhi zhes bya'o/ / de la btsun pa shA ra dwa ti'i bu/ byang chub sems dpa' rnams kyi tshul bzhin yid la byed pa la 'jug pa sum cu rtsa gnyis te/ sum cu rtsa gnyis gang zhe na/ 'di lta ste/ zhi gnas kyi gnas la 'jug pa dang / lhag mthong la rnam par dpyod pa'i 'jug pa dang / sems las su rung ba la 'jug pa dang / lus dben pa la 'jug pa dang / sems dben pa la 'jug pa dang / rten cing 'brel par 'byung ba la 'jug pa dang / bden pa'i rjes su mthun pa la 'jug pa dang / tshad pa med pa la 'jug pa dang / rtag pa med pa la 'jug pa dang / rgyu dang rkyen la 'jug pa dang / bdag med pa dang / sems can med pa dang / srog med pa dang / gang zag med pa la 'jug pa dang / 'ong ba dang / 'gro/ ba dang / gnas pa med pa la 'jug pa dang / mi 'pho zhing rgyu dang 'bras bu chud mi za ba la 'jug pa dang / stong pa nyid dang / mtshan ma med pa dang / smon pa med pa 'dris par byed pa 'jug pa dang / stong pa nyid dang / mtshan ma med pa dang / smon pa med pa mngon sum du mi byed pa la 'jug pa dang / bsam gtan dang / ting nge 'dzin dang / snyoms par 'jug pas skye ba la 'jug pa dang / bsam gtan dang / ting nge 'dzin dang / snyoms par 'jug pas skye bas dbang byed pa med pa la 'jug pa dang / mngon par shes pa'i ye shes bskyed pa la 'jug pa dang / zag pa zad pa mngon sum du mi byed par 'jug pa dang / nang du rtog pa la 'jug pa dang / mi 'gyur mi 'da' ba la 'jug pa dang / 'dus byas kyi nyes pa kun 'jal ba la 'jug pa dang / 'dus ma byas kyi chos mngon sum du mi byed par 'jug pa dang / sems can thams cad la bdag med par rtogs pa la 'jug pa dang / snying rje chen po mi gtong ba la 'jug pa dang / skye ba thams cad la 'jigs par lta ba la 'jug pa dang / rtag tu bsams bzhin du shes pas srid pa thams cad yongs su 'dzin par 'jug pa dang / skyo zhing 'dod chags dang bral bar 'jug pa dang / 'dod chags dang bral ba'i chos mngon sum du mi byed par 'jug pa dang / 'dod pa'i dga' ba'i yon tan btang snyoms pa la 'jug pa dang / chos kyi dga' ba mi gtong ba la 'jug pa dang / spros pa dang // rnam par rtog pa thams cad spong ba la 'jug pa dang / thabs mkhas pa'i spros pa dang / rnam par rtog pa mi spong bar 'jug pa ste/ btsun pa shA ra dwa ti'i bu/ 'di dag ni byang chub sems dpa' rnams kyi tshul bzhin yid la byed pa la 'jug pa sum cu rtsa gnyis zhes bya'o/ / gzhan yang btsun pa shA ra dwa ti'i bu/ tshul bzhin zhes bya ba de ni rigs pa'i tshig go/ de ni tshul gyi tshig go/ de ni sgo'i tshig go/ de ni kha'i tshig go/ de ni rgyu'i tshig go/ de ni rkyen gyi tshig go// de ni mi 'gog pa'i tshig go/ de ni mi 'gal ba'i tshig go// de ni btang snyoms kyi tshig go// de ni len pa med pa'i tshig go// de ni dor ba med pa'i tshig go// de ni rkyen med pa'i tshig go// de ni mi rten pa'i tshig go// de ni mi gnas pa'i tshig go// de ni ma g.yos pa'i tshig go// de ni rnam par ma g.yos pa'i chog go/ / de ni sgro btags pa med pa'i tshig go// de ni mnyam pa nyid kyi tshig go/ de ni mi mnyam pa med pa'i tshig go// de ni bden pa'i tshig go// de ni yang dag pa'i tshig go/ de ni mi 'gyur ba'i tshig go// de ni phyir bya ba med pa'i tshig go// de ni zhi ba'i tshig go// de ni rab tu zhi ba'i tshig go// de ni nye bar zhi ba'i tshig go// de ni spros pa med pa'i tshig go// de ni blang ba// med pa'i tshig go// de ni bzhag pa med pa'i tshig go// de ni ma tshang ba med pa'i tshig go// de ni lhag pa med pa'i tshig go// de ni phyir dbyung ba med pa'i tshig go// de ni gnyen po med pa'i tshig go// de ni dam pa'i tshig go/ de ni de kho na'i tshig go// de ni de bzhin nyid kyi tshig go// de ni ma nor ba de bzhin nyid kyi tshig go// de ni gzhan ma yin pa de bzhin nyid kyi tshig go// de ni ji lta ba bzhin gyi tshig go/ / de ni chud mi za ba'i tshig go/ de ni yang dag pa'i mtha'i tshig go// de ni dus gsum mnyam pa nyid kyi tshig go// de ni dus gsum yongs su ma chad pa'i tshig go// de ni gzugs la rnam par shes pa mi gnas pa'i tshig go/ / de ni tshor ba dang / 'du shes dang / 'du byed dang / rnam par shes pa la rnam par shes pa mi gnas pa'i tshig go// de ni sa'i khams la rnam par shes pa mi gnas pa'i tshig go/ / de bzhin du de ni chu'i khams dang / me'i khams dang / rlung gi khams la rnam par shes pa mi gnas pa'i tshig go/ de ni mig dang / gzugs dang / mig gi rnam par shes pa'i khams la mi gnas pa'i tshig go/ de bzhin du rna ba dang / sgra dang / rna ba'i rnam par shes pa dang / sna dang / dri dang / sna'i rnam par shes pa dang / lce dang / ro dang / lce'i rnam par shes pa dang / lus dang / reg bya dang / lus kyi rnam par shes pa dang / yid dang / chos dang / yid kyi rnam par shes pa'i khams la mi gnas pa'i tshig go/ de ni don la rton pa'i tshig go// de ni chos la rton pa'i tshig go// de ni ye shes la rton pa'i tshig go/ de ni nges pa'i don gyi mdo la rton pa'i tshig go// gzhan yang btsun pa shA ra dwa ti'i bu/ tshul bzhin zhes bya ba ni chos thams cad do/ / de ci'i phyir zhe na/ ji ltar bdag la bdag med pa de bzhin du chos thams cad rigs pas mthong ba dang / ji ltar sems can la bdag med pa de bzhin du/ chos thams cad rigs pas mthong na/ de ltar mthong ba na tshul bzhin mthong ba'o// 'khor ba'i khams kyi tshul bzhin gang yin pa mya ngan las 'das pa'i dbyings kyi tshul bzhin yang de bzhin no zhes gang gi de ltar mtshungs shing bye brag med par mthong ba de ni/ tshul bzhin rab tu sbyor ba zhes bya'o// gang gi kun nas nyon mong ba'i rang bzhin dang / rnam par byang ba'i rang bzhin mtshungs shing bye brag med par mthong ba de ni tshul bzhin rab tu sbyor ba zhes bya'o/ / gang rigs pa dang / mi rigs par mi sems pa de ni/ tshul bzhin rab tu sbyor ba yin te/ btsun pa shA ra da ti'i bu/ mdor na byang chub sems dpa'i tshul bzhin sbyor ba ji snyed pa de dag thams cad kyi gnas ni sems can no// de sems can gyi gnas kyang mi spong la/ chos kyi gnas kyang 'khrugs par mi byed de/ de ni byang chub sems dpa'i tshul bzhin la 'jug pa'i sbyor ba zhes bya'o// de ltar btsun pa shA ra dwa ti'i bu/ de'i chos kyi rnam pa dang / thos pa'i rnam pa dang / tshul bzhin la 'jug pa'i sbyor ba rgyu mthun pa'i 'bras bu de ni shes rab ces bya'o/ / de la shes rab ni 'grogs pa bcu drug dang / lhan cig mi gnas te/ bcu drug po gang zhe na/ 'di lta ste/ ma rig pa'i 'grogs pa dang lhan cig mi gnas so/ / de bzhin du 'du byed dang / rnam par shes pa dang / mi dang gzugs dang / skye mched drug dang / reg pa dang / tshor ba dang / sred pa dang / len pa dang srid pa dang / skye ba dang / rga shi'i 'gog pa'i 'grogs pa dang lhan cig mi gnas so// ma rig pa 'gog pa'i 'grogs pa dang lhan cig mi gnas so// de bzhin du 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi 'gog pa'i 'grogs pa dang lhan cig mi gnas so/ / 'jig tshogs la lta ba'i 'grogs pa dang lhan cig mi gnas te/ 'jig tshogs la lta ba'i rtsa ba las byung ba/ lta bar gyur pa drug cu rtsa gnyis kyi 'grogs pa dang lhan cig mi gnas so/ / mtho dman gyi 'grogs pa dang lhan cig mi gnas pa nas/ 'jig rten gyi chos rnyed pa dang / ma rnyed pa dang / grags pa dang / ma grags pa dang / smad pa dang / bstod pa dang / bde ba dang / sdug bsngal gyi bar gyi 'grogs pa dang lhan cig mi gnas so// khro ba dang / khon du 'dzin pa dang / 'chab pa dang / yongs su gdung ba dang phrag dog dang / ser sna dang / sgyu dang / g.yo dang / ngo tsha ba dang / khrel med pa dang / popho theg pa dang / rtsod pa dang / rgyags pa dang / bag med pa dang / nga rgyal dang / che ba'i dargyal dang / dargyal pas che ma'i ngargyal dang / nga'i rgyal dang / drung b.ring rgyal dang / mngon pa'i rgyal dang / log pa'i rgyas rnams 'grogs pa dang lhan cig mi gnas pa nas/ nye ba'i nyon mongs pa thams cad kyi bar gyi 'phrogs pa dang lhan cig mi gnas so// 'dod chags dang / zhe sdang dang / gti mug gi kun nas ldang ba za mo dang / sbom po dang / chung ngu dang / 'bring dang / chen po'i 'grogs pa dang lhan cig mi gnas pa nas/ nyon mongs pa'i kun nas ldang ba thams cad kyi bar gyi 'grogs pa dang lhan cig mi gnas so/ / gti mug gi mun pa rab rib kyi ling tog dang / sgrib pa dang / chod pa'i 'grogs pa dang lhan cig mi gnas pa nas/ kun nas ldang ba nyams par 'gyur ba'i chos thams cad kyi bar gyi 'grogs pa dang lhan cig mi gnas so/ / 'dod pa dang / 'thab mo'i rnyog pa dang / phung po dang / nyon mongs pa dang / 'chi bdag dang / lha'i bu'i bdud rnams dang lhan cig mi gnas pa nas/ bdud kyi las thams cad kyi bar dang lhan cig mi gnas so// bdag dang / sems can dang / srog dang / gso ba dang / skyes bu dang / gang zag dang / shed las skyes pa dang / shed bdag tu 'dzin pa la mngon par chags pa dang lhan cig mi gnas pa nas/ 'dzin pa la mngon par chags pa'i bar dang lhan cig mi gnas so/ / las kyi sgrib pa dang / chos kyi sgrib pa dang / nyon mongs pa'i sgrib pa dang / lta ba'i sgrib pa dang / 'gro ba'i sgrib pa dang / rnam par smin pa'i sgrib pa dang / shes pa'i sgrizla pa dang lhan cig sa garnas pa nas/ gzugs kyi mam sa sbyor bdams can kyi dang ldan cig gnasan// rtog pa dang / rnam par rdzon pa dang / san rtog pa dang / mtshan dang / dmigs pa dang / mthong ba dang / thos pa dang / bye brag phyed pa dang / rnam par rig pa rnams dang lhan cig mi gnas pa nas/ mdud pa dang sgro btags pa thams cad kyi bar dang lhan cig mi gnas so/ / bdag dang / rtag pa dang / gtsang ma dang / bde ba'i 'grogs pa dang lhan cig mi gnas pa nas/ phyin ci log thams cad kyi bar dang lhan cig mi gnas so// sems can gyi sems kyi spyod pa brgyad khri bzhi stong gi bar dang lhan cig mi gnas pa nas/ chos kyi phung po brgyad khri bzhi stong gi bar dang lhan cig mi gnas so// ser sna dang / gtong ba dang / ngan pa'i ngang tshul dang tshul khrims dang / gnod sems dang / bzod pa dang / le lo dang / brtson 'grus dang / g.yeng ba dang / bsam gtan dang / 'chal pa'i ye shes dang / shes rab dang / lhan cig mi gnas pa nas/ pha rol tu phyin pa'i phyogs dang mi mthun pa'i phyogs sems pa dang lhan cig mi gnas so// nges pa dang / ma nges pa dang / yang dag pa dang / log pa dang / ngabya bya// dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / 'dus byas dang 'dus ma byas dang / 'jig rten pa dang / 'jig rten las 'das pa dang / bzang po dang / ngan pa dang / kun nas nyon mongs pa dang / rnam par byang ba dang / 'khor ba dang / mya ngan las 'das pa dang lhan cig mi gnas pa nas/ chos thams cad kyi mi mthun pa'i phyogs dang / gnyen po'i bar dang lhan cig mi gnas so// theg pa tha dad pa dang / sems can tha dad pa dang / zhing tha dad pa dang / sangs rgyas tha dad pa dang / chos tha dad pa dang / dge 'dun tha dad pa dang lhan cig mi gnas so// tha dad pa thams cad kyi bar dang lhan cig mi gnas so// mi shes pa dang / shes pa dang / rnam par shes pa dang / kun rdzob dang / don dam pa dang lhan cig mi gnas pa nas/ mtshan ma yid la byed pa thams cad kyi bar dang lhan cig mi gnas so// de shes rab ni gang rgyu ba med cing lus med pa/ mtshan nyid med pa/ mtshan ma med pa/ 'dus ma byas pa ste/ de ni mtshan ma dang / yid la byed pa thams cad dang / sems dang / yid dang / rnam par shes pa dang / gnas dang / ming dang / mtshan ma dang / gcig pa dang / tha dad pa dang lhan cig mi gnas so// btsun pa shA ra dwa ti'i bu/ shes rang ni 'grogs pa bcu drug po de dag dang lhan cig mi gnas so/ / de la shes rab kyi yul gang zhe na/ 'di lta ste/ chos brgyad la mkhas pa'o// chos brgyad la mkhas pa gang zhe na/ 'di lta ste/ phung po la mkhas pa dang / khams la mkhas pa dang / skye mched la mkhas pa dang / bden pa la mkhas pa dang / rten cing 'brel par 'byung ba la mkhas pa dang / dus gsum la mkhas pa dang / theg/ pa kun la mkhas pa dang / chos thams cad kyi bar la mkhas pa'o// de la byang chub sems dpa'i phung po la mkhas pa gang zhe na/ gang 'di phung po rnams kyi dper bya ba bstan pa ste/ lbu ba'i/ gong bur bstan pa dang / chu'i chu bur du bstan pa dang / smig rgyur bstan pa dang / chu shing gi phung por bstan pa dang / sgyu mar bstan pa dang / rmi lam du bstan pa dang / zag char bstan pa dang / mig yor du bstan pa dang / gzugs brnyan du bstan pa dang / sprul par bstan pa'o// de ci'i phyir zhe na/ gzugs ni dbu ba'i gong bu lta bu ste/ dbu ba'i gong bu ni bdag ma yin/ sems can ma yin/ srog ma yin/ gso ba ma yin/ skyes bu ma yin/ gang zag ma yin no// dbu ba'i gong bu'i rang bzhin gang yin pa gzugs kyi rang bzhin yang de bzhin te/ gang 'di la mkhas pa de ni phung po la mkhas pa zhes bya'o// tshor ba ni chu'i chu bur lta bu'o// 'du shes ni smig rgyu lta bu'o// 'du byed ni chu shing lta bu'o// rnam par shes ba ni sgyu ma lta bu ste/ sgyu ma bdag ma yin/ sems can ma yin/ srog ma yin/ gso ba ma yin/ skyes bu ma yin/ gang zag ma yin/ sgyu ma'i rang bzhin gang yin pa rnam par shes pa'i rang bzhin yang de yin te/ gang 'di la mkhas pa de ni byang chub sems dpa'i phung po la mkhas pa zhes bya'o// phung po rnams ni rmi lam lta bu ste/ rmi lam yang bdag/ ma yin/ sems can ma yin/ srog ma yin/ gso ba ma yin/ skyes bu ma yin/ gang zag ma yin no// rmi lam gyi rang bzhin gang yin pa phung po rnams kyi rang bzhin yang de yin te/ gang 'di la mkhas pa de ni byang chub sems dpa'i phung po la mkhas pa zhes bya'o/ / phung po rnams ni brag cha lta bu ste/ brag cha ni bdag ma yin/ sems can ma yin/ srog ma yin/ gso ba ma yin/ skyes bu ma yin/ gang zag ma yin/ brag cha'i rang bzhin gang yin pa phung po rnams kyi rang bzhin yang de yin te/ gang 'di la mkhas pa de ni byang chub sems dpa'i phung po la mkhas pa zhes bya'o// phung po rnams ni mig yor lta bu ste/ mig sor yang bdag ma yin/ sems can ma yin/ srog ma yin/ gso ba ma yin/ skyes bu ma yin/ gang zag ma yin no// mig yor gyi rang bzhin gang yin pa phung po rnams kyi rang bzhin yang de yin te/ gang 'di la mkhas pa de ni byang chub sems dpa'i phung po la mkhas pa zhes bya'o// phung po rnams ni gzugs brnyan lta bu ste/ gzugs brnyan ni/ bdag ma yin/ sems can ma yin/ srog ma yin/ gso ba ma yin/ skyes bu ma yin/ gang zag ma yin/ gzugs brnyan gyi rang bzhin gang yin pa phung po rnams kyi rang bzhin yang de yin te/ gang 'di la mkhas pa de ni byang chub sems dpa'i phung po la mkhas pa zhes bya'o// phung po rnams ni sprul pa lta bu ste/ sprul pa yang bdag ma yin/ sems can ma/ yin/ srog ma yin/ gso ba ma yin/ skyes bu ma yin/ gang zag ma yin no// sprul pa'i rang bzhin gang yin pa phung po rnams kyi rang bzhin yang de yin te/ gang 'di la mkhas pa de ni byang chub sems dpa'i phung po la mkhas pa zhes bya'o/ / phung po zhes bya ba de ni 'jig rten te/ 'jig rten yang 'jig pa'i mtshan nyid do// 'jig rten gyi rang bzhin gang yin pa de rang bzhin kyis mi rtag pa'o/ / rang bzhin gyis sdug bsngal ba'o// rang bzhin gyis stong pa'o// rang bzhin gyis bdag med pa'o// rang bzhin gyis zhi ba ste/ gang 'di la mkhas pa de ni byang chub sems dpa'i phung po la mkhas pa zhes bya'o/ / de la byang chub sems dpa'i khams la mkhas pa gang zhe na/ gang chos kyi dbyings la 'jug pa'i ye shes so// chos kyi dbyings sa'i khams yin mod kyi/ chos kyi dbyings sra ba'i mtshan nyid ni ma yin no// chos kyi dbyings chu'i khams yin mod kyi/ chos kyi dbyings brlan pa'i mtshan nyid ni ma yin no// chos kyi dbyings me'i khams yin mod kyi chos kyi dbyings smin par byed pa'i mtshan nyid ni ma yin no/ / chos kyi dbyings rlung gi khams yin mod kyi/ chos kyi dbyings g.yo ba'i mtshan nyid ni ma yin no// chos kyi dbyings mig gi khams yin mod kyi chos kyi dbyings lta ba'i mtshan nyid ni ma yin no/ / chos kyi dbyings rna ba'i khams yin mod kyi/ chos kyi dbyings nyan pa'i mtshan nyid ni ma yin no// chos kyi dbyings sna'i khams yin mod kyi/ chos kyi dbyings snom pa'i mtshan nyid ni ma yin no// chos kyi dbyings lce'i khams yin mod kyi/ chos kyi dbyings myang bar byed pa'i mtshan nyid ni ma yin no/ / chos kyi dbyings lus kyi khams yin mod kyi/ chos kyi dbyings nom pa'i mtshan nyid ni ma yin no// chos kyi dbyings yid kyi khams yin mod kyi/ chos kyi dbyings rnam par rig pa'i mtshan nyid ni ma yin no/ / chos kyi dbyings mig gi rnam par shes pa'i khams yin mod kyi/ chos kyi dbyings gzugs rnam par rig pa'i mtshan nyid ni ma yin no// chos kyi dbyings rna ba'i rnam par shes pa'i khams yin mod kyi/ chos kyi dbyings sgra rnam par rig pa'i mtshan nyid ni ma yin no// chos kyi dbyings sna'i rnam par shes pa'i khams yin mod kyi/ chos kyi dbyings dri rnam par rig pa'i mtshan nyid ni ma yin no/ / chos kyi dbyings lce'i rnam par shes pa'i khams yin mod kyi/ chos kyi dbyings ro rnam par rig pa'i mtshan nyid ni ma yin no// chos kyi dbyings lus kyi/ rnam par shes pa'i khams yin mod kyi/ chos kyi dbyings reg bya rnam par rig pa'i mtshan nyid ni ma yin no// chos kyi dbyings yid kyi rnam par shes pa'i khams yin mod kyi/ chos kyi dbyings chos rnam par rig pa'i mtshan nyid ni ma yin no/ / chos kyi dbyings gzugs kyi khams yin mod kyi/ chos kyi dbyings mig gi rnam par shes pas rnam par rig par bya ba'i mtshan nyid ni ma yin no/ / chos kyi dbyings sgra'i khams yin mod kyi/ chos kyi dbyings rna ba'i rnam par shes pas rnam par rig par bya ba'i mtshan nyid ni ma yin no// chos kyi dbyings dri'i khams yin mod kyi/ chos kyi dbyings sna'i rnam par shes pas rnam par rig par bya ba'i mtshan nyid ni ma yin no// chos kyi dbyings ro'i khams yin mod kyi/ chos kyi dbyings lce'i rnam par shes pas rnam par rig par bya ba'i mtshan nyid ni ma yin no/ / chos kyi dbyings reg bya'i khams yin mod kyi/ chos kyi dbyings lus kyi rnam par shes pas rnam par rig par bya ba'i mtshan nyid ni ma yin no// chos kyi dbyings chos kyi khams yin mod kyi/ chos kyi dbyings yid kyi rnam par shes pas rnam par rig par bya ba'i mtshan nyid ni ma yin no// chos kyi dbyings gzugs kyi khams yin mod kyi/ chos kyi dbyings gzugs su rnam par rig pa'i mtshan nyid ni ma yin no/ / chos kyi dbyings sgra'i khams yin mod kyi/ chos kyi dbyings sgrar rnam par rig pa'i mtshan nyid ni ma yin no// chos kyi dbyings dri'i khams yin mod kyi/ chos kyi dbyings spyir rnam par rig pa'i mtshan nyid ni ma yin no// chos kyi dbyings ro'i khams yin mod kyi chos kyi dbyings tho ba'i rnam par rig pa'i mtshan nyid ni ma yin no/ / chos kyi dbyings reg bya'i khams yin mod kyi/ chos kyi dbyings reg byar rnam par rig pa'i mtshan nyid ni ma yin no// chos kyi dbyings chos kyi khams yin mod kyichos kyi dbyings chos su rnam par rig pa'i mtshan nyid ni ma yin no/ / chos kyi dbyings dang bdag gi khams de ni mtshungs pa'o// chos kyi dbyings dang 'dod pa'i khams dang / gzugs kyi khams dang / gzugs med pa'i khams de ni mtshungs pa'o// chos kyi dbyings dang 'khor ba'i khams dang / mya ngan las 'das pa'i dbyings de ni mtshungs pa'o// chos kyi dbyings dang sems can gyi khams dang / nam mkha'i khams dang / chos thams cad kyi khams de ni mtshungs pa'o// ci'i phyir de mtshungs she na/ stong pa nyid du mtshungs pas na/ de ni mtshungs pa'o/ / mtshan ma med par mtshungs pa dang / smon pa med par mtshungs pa dang / mngon par 'du mi byed par mtshungs pa dang / skye ba med par mtshungs pa dang / 'byung ba med par mtshungs pa dang / dngos po med par mtshungs pa dang / chos thams cad tha dad pa med par mtshungs pa dang / sgrib pa med par mtshungs pa dang / nam mkha'i khams su mtshungs pa dang / ngan las 'das pa'i dbyings su mtshungs pas de dag mtshungs so// 'dus byas kyi khams la 'jug pa dang / 'dus ma byas kyi khams la 'jug pa tshad med de/ gang bstan pa de chos kyi dbyings kyi tshul gyi sgo nas 'jug pa 'di ni byang chub sems dpa'i khams la mkhas pa zhes bya'o/ / de la byang chub sems dpa'i skye mched la mkhas pa gang zhe na/ gang chos kyi skye mched la 'jug pa'i ye shes chos kyi skye mched ni mig gi skye mched yin mod kyi/ chos kyi skye mched lta ba'i mtshan nyid ni ma yin no// chos kyi skye mched rna ba'i skye mched yin mod kyi/ chos kyi skye mched mnyan pa'i mtshan nyid ni ma yin no/ / chos kyi skye mched sna'i skye mched yin mod kyi/ chos kyi skye mched snom pa'i mtshan nyid ni ma yin no// chos kyi skye mched lce'i skye mched yin mod kyi/ chos kyi skye mched myang ba'i mtshan nyid ni ma yin no/ / chos kyi skye mched lus kyi skye mched yin mod kyi/ chos kyi skye mched nom pa'i mtshan nyid ni ma yin no// chos kyi skye mched yid kyi skye mched yin mod kyi/ chos kyi skye mched chos rnam par rig pa'i mtshan nyid ni ma yin no// chos kyi skye mched gzugs kyi skye mched yin mod kyi/ chos kyi skye mched mig gi rnam par shes pas rnam par rig par bya ba'i mtshan nyid ni ma yin no/ / chos kyi skye mched sgra'i skye mched yin mod kyi/ chos kyi skye mched rna ba'i rnam par shes pas rnam par rig par bya ba'iri mtshan nyid ni ma yin no// chos kyi skye mched dri'i skye mched yin mod kyi/ chos kyi skye mched sna'i rnam par shes pas rnam par rig par bya ba'i mtshan nyid ni ma yin no// chos kyi skye mched ro'i skye mched yin mod kyi/ chos kyi skye mched lce'i rnam par shes pas rnam par rig par bya ba'i mtshan nyid ni ma yin no/ / chos kyi skye mched reg bya'i skye mched yin mod kyi/ chos kyi skye mched lus kyi rnam par shes pas rnam par rig par bya ba'i mtshan nyid ni ma yin no// chos kyi skye mched chos kyi skye mched yin mod kyi/ chos kyi skye mched yid kyi rnam par shes pas rnam par rig par bya ba'i mtshan nyid ni ma yin te/ 'di ni byang chub sems dpa'i skye mched la mkhas pa zhes bya'o/ / gzhan yang skye mched la mkhas pa ni/ mig gi skye mched ni bdag dang bdag gis stong ngo // de bzhin du rna ba'i skye mched dang / sna'i skye mched dang / lce'i skye mched dang / lus kyi skye mched dang / yid kyi skye mched dang / gzugs kyi skye mched dang / sgra'i skye mched dang / dri'i skye mched dang / ro'i skye mched dang / reg bya'i skye mched dang / chos kyi skye mched ni bdag dang bdag gis stong ngo / / ji ltar bcom ldan 'das kyis kyang mig ni bdag dang bdag gis stong ste/ 'di ni de'i rang bzhin no// de bzhin du rna ba dang / sna dang / lce dang / lus dang / yid ni bdag dang bdag gis stong ste/ 'di ni de'i rang bzhin no// de bzhin du gzugs dang / sgra dang / dri dang / ro dang / reg bya dang / chos rnams ni bdag dang bdag gis stong ste/ 'di ni de'i rang bzhin no zhes gsungs so// 'di ltar gang skye mched rnams la skye mched du mi byed cing / mi dge ba'i chos rnams kyang mi sogs/ dge ba'i chos kyang 'bri bar mi byed la/ dge ba dang mi dge ba la 'du shes gnyis su mi 'gyur ba 'di ni/ byang chub sems dpa'i skye mched la mkhas pa zhes bya'o// gzhan yang skye mched la mkhas pa ni/ mig gi skye mched kyi 'dod chags kyi gnas dang / rten ni gzugs kyi skye mched de/ mig gzugs la 'dod chags dang bral bar mthong la/ 'dod chags dang bral ba'i chos kyang mngon sum du mi byed pa 'di ni/ byang chub sems dpa'i skye mched la mkhas pa zhes bya'o// de bzhin du rna ba'i skye mched kyi sgra'i skye mched dang / sna'i skye mched kyi dri'i skye mched dang / lce'i skye mched kyi ro'i skye mched dang / lus kyi skye mched kyi reg bya'i skye mched dang / yid kyi skye mched kyi 'dod chags kyi gnas dang / rten ni chos kyi skye mched de/ gang yid chos la 'dod chags dang bral bar mthong la/ 'dod chags dang bral ba'i chos kyang mngon sum du mi byed pa de ni/ byang chub sems dpa'i skye mched la mkhas pa zhes bya'o// skye mched ces bya ba ni 'phags pa'i skye mched dang / 'phags pa ma yin pa'i skye mched do// de la 'phags pa'i skye mched ni gang lam sgrub pa'o// 'phags pa ma yin pa'i skye mched ni gang lam dang mi mthun pa'o// de la byang chub sems dpa'i lam la gnas nas/ lam dang mi mthun par spyod pa'i sems can rnams la snying rje chen po skyed cing / lam gyi skye mched kyang mi 'dor ba 'di ni byang chub sems dpa'i skye mched la mkhas pa zhes bya'o/ / de la byang chub sems dpa'i bden pa la mkhas pa gang zhe na/ 'jug pa bzhi ni byang chub sems dpa'i bden pa la mkhas pa yin te/ 'jug pa bzhi gang zhe na/ gang 'di sdug bsngal shes pa dang / kun 'byung ba shes pa dang / 'gog pa shes pa dang / lam shes pa'o// de la sdug bsngal shes pa zhes bya ba ni/ gang phung po rnams kyi mi skye ba shes pa'o// kun 'byung ba shes pa zhes bya ba ni/ gang sred pa kun 'joms pa'i shes pa'o// 'gog pa shes pa zhes bya ba ni ma rig pa dang / bag la nyal rnams mi 'byung ba'o// lam shes pa zhes bya ba ni// mnyam pa nyid du gyur pa'i chos thams cad la sgro mi 'dogs pa ste/ de ni byang chub sems dpa'i bden pa'i shes pa'o// de la byang chub sems dpa'i 'phags pa'i bden pa bzhi po de dag la de lta bur shes rab dang / ye shes kyis rab tu shes kyang / sems can la lta ba'i phyir mngon sum du mi byed cing / sems can rnams kyang yongs su smin par byed de/ 'di ni byang chub sems dpa'i bden pa la mkhas pa zhes bya'o/ / gzhan yang byang chub sems dpa'i bden pa rnam gsum ste/ rnam pa gsum gang zhe na/ gang 'di kun rdzob kyi bden pa dang / don dam pa'i bden pa dang / mtshan nyid kyi bden pa'o/ / de la kun rdzob kyi bden pa gang zhe na/ ji snyed du 'jig rten gyi tha snyad yi ge dang / sgra dang / brdas bstan pa'o// don dam pa'i bden pa ni/ gang la sems kyi rgyu ba/ med pa ste/ yi ge lta ci smos/ mtshan nyid kyi bden pa ni gang 'di mtshan nyid thams cad mtshan nyid gcig pa ste/ mtshan nyid gcig po gang mtshan nyid med pa'o// de la byang chub sems dpa'i kun rdzob kyi bden pa ston pas yongs su mi skyo/ don dam pa'i bden pa mngon sum du byed par yang mi ltung / mtshan nyid kyi bden pas bden pa gcig tu rtogs kyang / sems can rnams yongs su smin par byed de/ 'di ni byang chub sems dpa'i bden pa la mkhas pa zhes bya'o// gzhan yang bden pa rnam pa gnyis te/ rnam pa gnyis po gang zhe na/ gang 'di tha snyad kyi bden pa dang / don dam pa'i bden pa'o/ / de la tha snyad kyi bden pa ni gang dus su bden par smra ba ste/ gang 'di sdug bsngal gyi bden pa dang / kun 'byung ba'i bden pa dang / 'gog pa'i bden pa dang / lam gyi bden ba dang / ji snyed du 'jig rten gyi tha snyad de/ yi ge dang / sgra dang / brdar bstan pa'o// don dam pa'i bden pa ni gang 'di mya ngan las 'das pa mi rmongs pa'i sems can te/ de ci'i phyir zhe na/ rtag tu chos kyi de bzhin nyid kyi phyir de'i rigs ni rtag pa'o// de la byang chub sems dpa'i tha snyad kyi bden pa bstan pas kyang yongs su mi skyo/ don dam pa'i bden pa mngon sum du byed par yang mi ltung la sems can rnams kyang yongasasu smin par byed pa 'di ni/ byang chub sems dpa'i bden pa la mkhas pa zhes bya'o// gzhan yang bden pa ni gcig sde gnyis su med do// de la bden pa gcig ni gang 'di chos thams cad kyi sgro 'dogs pa med cing / sgro 'dogs par ltung ba'i sems can rnams kyang bden pa la rab tu 'jug pa'o// de la byang chub sems dpa'i sgro 'dogs pa med pa'i bden pa bstan pas kyang mi skyo la/ sgro 'dogs pa med pa'i bden pa gcig bstan pa yang mngon sum du mi byed cing / sems can rnams yongs su smin par byed pa 'di ni/ byang chub sems dpa'i bden pa la mkhas pa zhes bya'o/ / gzhan yang phung po lnga ni sdug bsngal ba ste/ gang phung po lnga rnams kyi sdug bsngal gyi mtshan nyid 'di ni sdug bsngal zhes bya'o// gang gis sdug bsngal gyi mtshan nyid stong par rtogs pa 'di ni/ sdug bsngal la sdug bsngal du 'du shes pa'i 'phags pa'i bden pa'o// gang phung po lnga'i sred pa'i rgyu dang / lta ba'i rgyu bag la nyal 'di ni kun 'byung ba zhes bya'o// / gang gis sred pa'i rgyu dang / lta ba'i rgyu de dag mi len pa dang / sgro mi 'dogs pa dang / reg par mi byed pa 'di ni/ kun 'byung ba la kun 'byung ba shes pa 'phags pa'i bden pa shes pa'o// / gang phung po lnga rnams shin tu zad de/ 'gags pas sngon gyi mthar mi 'byung ba dang / phyi ma'i mthar mi 'pho ba dang / da ltar byung bar phyin pa med pa 'di ni 'gog pa 'phags pa'i bden pa ste de la gang gis de ltar shes pa 'di ni/ 'gog pa la 'gog par shes pa 'phags pa'i bden pa zhes bya'o// lam gang la rten te/ sdug bsngal shes pa dang / kun 'byung ba shes pa dang 'gog pa shes pa la reg cing gnyis su med pa'i ye shes su 'jog pa de ni/ sdug bsngal 'gog par 'gro ba'i lam 'phags pa'i bden pa zhes bya'o// gang 'di la stong pa nyid du shes pa 'di ni/ lam la lam du shes pa 'phags pa'i bden pa zhes bya'o/ / gang gis 'phags pa'i bden pa bzhi po 'di dag la de ltar ye shes kyis rtog cing / bden pa'i rtog pas mi rtog pa 'di ni byang chub sems dpa'i bden pa la mkhas pa zhes bya'o/ / gzhan yang tshor ba thams cad sdug bsngal te/ 'di ni sdug bsngal ba zhes bya'o// tshor ba de la rnam par 'byed cing / rig par byed pa 'di ni/ sdug bsngal la sdug bsngal du shes pa 'phags pa'i bden pa zhes bya'o/ / tshor ba de rgyu gang gis kun 'byung ba 'di ni/ kun 'byung ba zhes bya ste/ gang gis rgyu de yang dag pa ji lta ba bzhin du rab tu shes pa 'di ni// kun 'byung ba la kun 'byung bar shes pa 'phags pa'i bden pa'o// gang tshor ba thams cad rab tu chad de tshor ba med pa yang tshor zhing / tshor ba 'gog pa la yang rtog la/ sems can la lta ba'i phyir tshor ba 'gog pa mngon sum du mi byed pa 'di ni/ 'gog pa la 'gog par shes pa 'phags pa'i bden pa zhes bya'o// tshor ba gang gis bsgrubs pa'i lam de ni gzings lta bu ste/ gang tshor ba 'dod pa de ni// lam 'dod pa ma yin no// 'di ni lam la lam du shes pa'i 'phags pa'i bden pa zhes bya'o// gang de ltar bden pa bzhi po 'di mthong ba dang / rnam par dag pas mnyam par mngon par rtogs pa 'di ni/ byang chub sems dpa'i bden pa la mkhas pa zhes bya'o// gzhan yang mdor na skye ba ni sdug bsngal ba ste/ 'di ni sdug bsngal ba zhes bya'o// gang mi skye ba la rtog pa'i shes pa 'di ni/ sdug bsngal ba la sdug bsngal du shes pa 'phags pa'i bden pa zhes bya'o// srid pa'i rkyen gyis skye ba ste/ gang srid pa de kun 'byung ba'o// gang srid pa 'jig pa shes pa 'di ni kun 'byung ba la kun 'byung bar shes pa'i 'phags pa'i bden pa zhes bya'o/ / skye ba thams cad ni skye ba med pa ste/ mi skye ba ni 'gog pa'o// gang ma skyes pa de la 'gog pa gang yang med do// / gang 'gog pa med par shes pa 'di ni/ zad pa'i 'gog pa shes pa 'phags pa'i bden pa zhes bya'o// gang 'di ltar bgrang ba dang / 'jal ba dang / tshol ba dang / rtog pa dang / 'jug pa'i shes pa 'di ni/ lam la lam du shes pa 'phags pa'i bden pa zhes bya'o// gang bden pa'i shes pa 'di la 'jug cing / bden pa'i shes pa la yang mi gnas pa 'di ni/ byang chub sems dpa'i bden pa la mkhas pa zhes bya'o/ / de la byang chub sems dpa'i rten cing 'brel bar 'byung ba la mkhas pa gang zhe na/ 'di lta ste/ tshul bzhin ma yin pa kun 'byung ba las ma rig pa kun 'byung ngo/ / ma rig pa kun 'byung ba las 'du byed kun 'byung ngo // 'du byed kun 'byung ba las rnam par shes pa kun 'byung ngo // rnam par shes pa kun 'byung ba las ming dang gzugs kun 'byung ngo // ming dang gzugs kun 'byung ba las/ skye mched drug kun 'byung ngo // skye mched drug kun 'byung ba las reg pa kun 'byung ngo // reg pa kun 'byung ba las tshor ba kun 'byung ngo // tshor ba kun 'byung ba las/ sred pa kun 'byung ngo // sred pa kun 'byung ba las/ len pa kun 'byung ngo // len pa kun 'byung ba las/ srid pa kun 'byung ngo // srid pa kun 'byung ba las/ skye kun 'byung ngo / / skye ba kun 'byung ba las rga shi dang / mya ngan dang / smre sngags 'don pa dang / sdug bsngal ba dang / yi mug pa dang / 'khrug pa kun 'byung ste/ de ltar na sdug bsngal gyi phung po chen po 'di 'ba' zhig 'byung bar 'gyur ro/ / g.yo ba med pa/ byed pa med pa/ bdag po med pa/ 'dzin pa med pa'i chos ji ltar gnas pa bzhin du 'byung ste/ gang 'di la shes pa 'di ni byang chub sems dpa'i rten cing 'brel par 'byung ba la mkhas pa zhes bya'o/ / gzhan yang gang dge ba'i rgyu 'am/ mi dge ba'i rgyu 'am/ mi g.yo ba'i rgyu 'am/ 'khor ba'i rgyu 'am/ mya ngan las 'das pa'i rgyu de dag thams cad byang chub sems dpas yang dag pa ji lta ba bzhin du shes te/ sems can gang dag gi dbang po tshad yod pa'i rgyu la 'jug cing / dbang po'i chos kyi rgyu 'di 'bras bu'i rgyu 'grub par byed do zhes 'dzin pa dang / ma zin pa'i chos rnams la gang de ltar rgyu kun 'byung ba las skye ba la mkhas pa 'di ni byang chub sems dpa'i rten cing 'brel bar 'byung ba la mkhas pa zhes bya'o/ / gzhan yang rten cing 'brel par 'byung ba la mkhas pa ni/ tshul bzhin ma yin pa 'gags pas/ ma rig pa 'gag/ ma rig pa 'gags pas/ 'du byed 'gog/ 'du byed 'gags pas/ rnam par shes pa 'gag/ rnam par shes pa 'gags pas/ ming dang gzugs 'gag/ ming dang gzugs 'gags pas/ skye mched drug 'gag/ skye mched drug 'gags pas/ reg pa 'gag/ reg pa 'gags pas/ tshor ba 'gag/ tshor ba 'gags pas/ sred pa 'gag/ sred pa 'gags pas/ len pa 'gag/ len pa 'gags pas/ srid pa 'gag/ srid pa 'gags pas/ skye ba 'gag/ skye ba 'gags pas/ rga shi dang / mya ngan dang / smre sngags 'don pa dang / sdug bsngal ba dang yi mug pa dang / 'khrug pa rnams 'gag par 'gyur te/ de ltar sdug bsngal gyi phung po chen po 'di 'ba' zhig kyang 'gag par 'gyur ro// g.yo ba med pa/ byed pa med pa/ bdag po med pa/ 'dzin pa med pa'i chos ji ltar gnas pa bzhin du 'gog par 'gyur ro// gang 'di la mkhas pa 'di ni byang chub sems dpa'i rten cing 'brel par 'byung bar 'gyur ba la mkhas pa zhes bya'o// gzhan yang chos thams cad ni rgyu la rag lus pa'o/ / rkyen la rag lus pa'o// tshogs la rag lus pa'o// chos gang rgyu dang / rkyen dang / tshogs la rag lus pa de bdag la rag ma lus pa'o// sems can la rag ma lus pa'o/ / srog la rag ma lus pa'o// gang zag la rag ma lus pa'o// gang bdag la rag ma lus pa dang / sems can la rag ma lus pa dang / srog la rag ma lus pa dang / gang zag la rag ma lus pa de 'di 'am/ sngon nam/ gzhan zhes gang yang bgrang du med de/ gang de lta bu rtogs pa 'di ni/ byang chub sems dpa'i rten cing 'brel par 'byung ba la mkhas pa zhes bya'o/ / gzhan yang gang byang chub sems dpa'i byang chub kyi rkyen thams cad kyang nye bar gzhog la/ rkyen de dag kyang zad cing 'gog par rtogs te/ sems can la lta ba'i phyir zad cing 'gog pa'i ye shes su mi rtog pa 'di ni byang chub sems dpa'i rten cing 'brel par 'byung ba la mkhas pa zhes bya'o/ / de la byang chub sems dpa'i dus gsum la mkhas pa gang zhe na/ gang bdag dang sems can gzhan gyi 'das pa'i sems dang sems las byung ba dge ba dang / mi dge ba rnams rjes su dran pa ste/ mi dge ba'i sems dang sems las byung ba rnams dran nas kyang / rnam par smod pa dang dge ba'i sems dang sems las byung ba'i rnams dran nas kyang byang chub tu bsngo ba 'di ni 'das pa la mkhas pa zhes bya'o/ / gang ma 'ongs pa'i sems dang sems las byung ba/ dge ba'i rtsa ba'i tshogs la nges par rtog cing byang chub kyi phyir las mngon sum du bsam pa ste/ gang dge ba'i sems bskyed pa skye bar 'gyur ba de dag ni/ bla na med pa yang dag par rdzogs pa'i byang chub tu bsngo bar bya'o/ / mi dge ba'i sems dang sems las byung ba'i skabs mi sbyin no zhes gang de lta bur sems la bsgo ba de ni ma 'ongs pa la mkhas pa'o// da ltar byung ba la mkhas pa gang zhe na/ gang da ltar byung ba'i dus kyi sems dang sems las byung ba'i sems tshul bzhin sbyor bas dge ba'i rtsa ba mngon par 'du byed pa dang / mi dge ba'i sems las zlog pa dang / dge ba'i sems dang sems las byung ba'i rnams byang chub tu mngon du byed pa de ni de ltar byung ba la mkhas pa'o/ / gang 'di dag la mkhas pa de ni byang chub sems dpa'i dus gsum la mkhas pa zhes bya'o// gzhan yang gang 'das pa'i dus kyi chos rnams stong par mos pa dang / ma 'ongs pa'i dus kyi chos rnams stong par mos pa dang / da ltar byung ba'i dus kyi chos rnams stong par mos pa ste/ de ltar shes rab dang ye shes kyi dus gsum stong pa nyid du yang rtog la/ 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi bsod nams thams cad rjes su thabs kyi ye shes kyis yi rangs te/ gang 'di la mkhas pa 'di ni byang chub sems dpa'i dus gsum la mkhas pa zhes bya'o// gzhan yang 'das pa'i ngas na zad pa'i chos rnams kyi phyi ma'i mthar 'phos par mi lta zhing dge ba mngon par 'du byed pa la brtson 'grus kyang mi gtong ste/ mi dge ba mngon par 'du mi byed pa dang / gang ma 'ongs pa'i dus kyi chos rnams mi skye mi 'byung bar rtog cing / byang chub tu bsngo ba'i brtson 'grus kyang mi 'dor ba dang / da ltar byung ba'i dus na chos rnams 'dug pa med cing mi gnas par rtog ste/ byang chub sems dpa' lhag pa'i bsam pa rab tu brtan pa ni/ byang chub kyi sems kyang mi brjed de/ 'di ni byang chub sems dpa'i dus gsum la mkhas pa zhes bya'o// gzhan yang gang 'das pa de ni zad pa'o// gang ma 'ongs pa de ni ma phyin pa'o// da ltar byung ba ni gnas pa med de/ gang de ltar sems dang sems las byung ba skye ba dang / zhig pa dang / zhum pa rnams la rtog cing / byang chub bsgrub pa'i dge ba'i rtsa ba rnams kyang yang dag par sgrub pa 'di ni byang chub sems dpa'i dus gsum la mkhas pa zhes bya'o/ / gzhan yang gang mngon par shes pa la mkhas pas 'das pa'i dus dran te/ sngon dge ba'i rtsa ba bskyed pa rnams dran nas byang chub tu bsngo ba dang / gang ma 'ongs pa'i dus na ma 'ongs pa'i sems bskyed pa rnams rab tu shes pa dang / de la smon pa yongs su rdzogs par byed pa dang / gang da ltar byung ba'i dus na dge ba'i rtsa ba skyes shing byung ba'i rnams yid/ la byed cing / byang chub tu bsngo bar byin gyis rlob pa 'di ni dus gsum la mkhas pa zhes bya'o// gzhan yang gang sems can thams cad yongs su smin par bya ba'i phyir/ 'das pa'i bsod nams kyi rjes su dran nas/ sems can gang ji lta bar smin par bya ba de dag thams cad de bzhin du yongs su smin par byed de/ gang ma 'ongs pa'i dus kyi sangs rgyas mnyes par bya bas/ sems can yongs su smin par bya ba de dag thams cad de bzhin du yongs su smin par byed pa dang / gang da ltar byung ba'i sems can rnams chos bstan pa 'am/ rdzu 'phrul dang cho 'phrul gyis yongs su smin par bya ba de dag thams cad kyang / de bzhin du yongs su smin par byed de/ gang dus gsum 'di dag la bdag gi don dang / gzhan gyi don dang / byang chub kyi don de dag ma chags par yongs su rdzogs par byed pa 'di ni/ byang chub sems dpa'i dus gsum la mkhas pa zhes bya'o// de la byang chub sems dpa'i theg pa kun la mkhas pa gang zhe na/ gsum po 'di ni theg pa ste 'byung ngo / / gsum po gang zhe na/ 'di lta ste/ nyan thos kyi theg pa dang / rang sangs rgyas kyi theg pa dang / theg pa chen po'o// gzhan yang theg pa gnyis te/ gnyis gang zhe na/ lha'i theg pa dang / mi'i theg pa'o// de la byang chub sems dpa'i nyan thos kyi theg pa la mkhas pa gang zhe na/ sangs rgyas 'byung ba med par nyan thos kyi theg pa yang med do// de ci'i phyir zhe na/ nyan thos rnams kyi yang dag par lta ba ni/ gzhan gyi sgra'i phyir 'gro ba ste/ de la nyan pa ni gang 'di'i tshul khrims sdom pa ste/ ji ltar bslab par bcas pa'i rjes su 'jug pa ni/ tshul khrims kyi phung po yongs su rdzogs par 'gyur ro/ / tshul khrims kyi phung po yongs su rdzogs nas/ ting nge 'dzin gyi phung po yongs su rdzogs par byed do// ting nge 'dzin gyi phung po yongs su rdzogs nas shes rab kyi phung po yongs su rdzogs par byed do/ / shes rab kyi phung po yongs su rdzogs nas rnam par grol ba'i phung po yongs su rdzogs par byed do// rnam par grol ba'i phung po yongs su rdzogs nas rnam par grol ba'i ye shes mthong ba'i phung po yongs su rdzogs par byed pa ste/ gang 'di la mkhas pa 'di ni nyan thos kyi theg pa la mkhas pa zhes bya'o// gzhan yang nyan thos kyi theg pa la mkhas pa ni gang bsod nams dang bsod nams ma yin pa dang / mi g.yo ba'i 'du byed rnams la rnam par smod pa dang / khams gsum pa thams cad la skyo zhing / 'dod chags dang bral ba dang / 'du byed thams cad la mi rtag pa dang / sdug bsngal bar rtog pa dang / chos thams cad la bdag med par rtog pa dang / zhi ba mya ngan las 'das pa la mngon par dga' ba dang / skad cig kyang srid par skye bar mi 'dod pa dang / rtag tu 'jigs par lta ba dang / rtag tu yid mi rton pa dang / phung po rnams la gsod par 'du shes pa dang / khams rnams la rab tu gdug pa'i dug ltar rtog pa'i 'du shes pa dang / skye mched rnams la grong stong par 'du shes pa dang / skye ba'i gnas thams cad la mi smon pa'i 'du shes pa dang / mya ngan las 'das pa la gnas dang skyabs su 'du shes pa dang / gang 'di ltar ston pa dang / rab tu ston pa 'di ni byang chub sems dpa'i nyan thos kyi theg pa la mkhas pa zhes bya'o// de la byang chub sems dpa'i rang sangs rgyas kyi theg pa la mkhas pa gang zhe na/ rnam pa gang dang / rkyen gang gis rang sangs rgyas rnams 'byung bar 'gyur ba'i rnam pa de dag dang / rkyen de dag byang chub sems dpas yang dag pa ji lta ba bzhin du shes te/ de dag gang zhe na/ 'di lta ste/ mos pa dang / brtson 'grus dang / bag yod pa chen pos nyan thos kyi lta bu ma yin pa/ sbyin pa'i bsod nams kyi tshogs bsags pa dang / tshul khrims kyi bsod nams kyi tshogs bsags pa dang / thos pa nyung ba la chos kyi nan tan byed pa ste/ sangs rgyas bcom ldan 'das la yang rim gro dang / bsnyen bkur byed pa la yang zhum pa med cing dbang po bar ma ste/ rtag tu rab tu 'byung ba la gzhol ba dang / don nyung ba dang / byed pa chung ba dang / 'du 'dzi la mi dga' zhing dben pa la dga' ba dang / mal stan dang bral ba dang bsnyen par dka' ba dang / mthu che ba dang / sbyin pa'i gnas kyi sa la mngon par dga' ba dang / brtun te rten cing 'brel par 'byung ba la lta ba dang / dbyings gcig tu 'byung bar rtog pa dang / rang byung ba'i ye shes kyis rab tu rgal ba dang / dmigs pa la 'dug pa'i thob pa dang / bsam gtan dang / rnam par thar pa dang / ting nge 'dzin dang / snyoms par 'jug pa rgyun mi chad pa dang / gzhan gyi dring la mi 'jog pa'i ye shes bskyed pa dang / dmigs pa gang yang rung ba la rkyen gyi ye shes rtogs pa ste/ de ltar 'chad pa dang / ston pa dang / rab tu ston pa/ 'di ni byang chub sems dpa'i rang sangs rgyas kyi theg pa la mkhas pa zhes bya'o// de la byang chub sems dpa'i theg pa chen po la mkhas pa gang zhe na/ byang chub sems dpa'i theg pa chen po la mkhas pa ni tshad med de/ de las phyogs tsam zhig bstan to// theg pa de ni sems can thams cad kyi go skabs 'byed pas na tshad med pa'o// theg pa de ni mi tshigs pa'i ye shes la bta ba ste/ bsgribs pa med pa'o/ / theg pa de ni sems can thams cad nye bar 'tsho ba ste/ bsod nams kyi tshogs dang / dge ba'i rtsa ba thams cad bsags pa'o// theg pa de ni sems can thams cad kyi sems kyi spyod pa la las su rung ba'i phyir/ pha rol tu phyin pa thams cad yongs su sbyang ba byas pa'o// theg pa de ni thogs pa med par byang chub kyi snying por 'grogs pa nas/ thams cad mkhyen pa'i ye shes kyi tshogs sgrol ba'o/ / theg pa de ni sems can thams cad sbyin pa'i gnas kyi phyir/ sems can thams cad la thogs pa med pa'i 'od zer mnyam par gtong ngo // theg pa de ni sangs rgyas kyi chos thams cad mngon du gyur pa'i phyir/ lam ngan pa'i 'jigs pa thams cad las 'das pa'o// theg pa de ni byang chub kyi phyogs kyi chos thams cad dang / rten cing 'brel par 'byung ba'i rgyal tshan dang / ba dan/ bsgreng ba de/ bdud dang pha rol rgol ba dang / log pa'i tshogs mang po rab tu 'joms pa'o// theg pa de ni sangs rgyas kyi theg pa sgrib pa med par gyur pa ste/ mtha' dang mtha' med pa dang / rtag pa dang / chad pa dang / 'byung ba dang / 'jig pa dang / lta bar gyur pa thams cad dang / kun nas ldang ba dang / sgrib pa dang / chod pa dang / the tsom dang / 'gyod pa sel ba'o// theg pa de ni bsam pa dang / snying rje chen pos phye bas na/ chos thams cad phun sum tshogs pa/ rin po che thams cad dang ldan pa/ phun sum tshogs pa thams cad rnyed pa/ mi slu ba'i lam du 'gro ba/ sems can thams cad nye bar 'tsho ba'o// theg pa de ni thams cad du kha na ma tho ba med pa ste/ stobs bcu dang / mi 'jigs pa dang / sangs rgyas kyi chos ma 'dres pa/ dang mtshan dang dpe byad bzang po dang / lus dang ngag dang sems kyi rgyan gyis brgyan pa ste/ gang 'di la mkhas pa de ni byang chub sems dpa'i theg pa chen po la mkhas pa zhes bya'o// de la byang chub sems dpa'i chos thams cad la mkhas pa gang zhe na/ chos thams cad ces bya ba ni mdor na 'dus byas dang 'dus ma byas so// de la byang chub sems dpas 'dus byas dang 'dus ma byas la mkhas par bya ste/ de la byang chub sems dpa'i 'dus byas la mkhas pa gang zhe na/ gang de dag lus kyi 'du byed dge ba dang / ngag gi 'du byed dge ba dang / yid kyi 'du byed dge ba mngon par 'dus byas pa de dag thams cad dang / bla na med pa yang dag par rdzogs pa'i byang chub tu bsngo ba 'di ni/ byang chub sems dpa'i 'dus byas la mkhas pa zhes bya'o// gang yang dge ba'i lus dang / ngag dang / yid kyi 'du byed mngon par 'dus byas pa de dag thams cad byang chub tu tsom pas/ thams cad mkhyen pa'i phyir sngo ba 'di ni de'i 'dus ma byas la mkhas pa zhes bya'o// gzhar yang 'dus byas la mkhas pa ni pha rol tu phyin pa lnga rnams yang dag par bsgrub pa ste/ lnga gang zhe na/ 'di lta ste/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / bcom 'grus kyi pha rol tu phyin pa dang / bsam gtan gyi pha rol tu phyin pa ste/ 'di ni byang chub sems dpa'i 'dus byas la mkhas pa zhes bya'o// gang yang shes rab kyi pha rol tu phyin pa ste/ 'dus byas kyi ye shes las pha rol tu phyin pa lnga la mi smod cing / pha rol tu phyin pa thams cad kyi tshogs dang / dge ba'i rtsa ba bsags pa'i phyir/ byang chub sems dpa'i rnam par grol ba zag pa med pa// thams cad mkhyen pa'i phyir bsngo ba 'di ni/ de'i 'dus ma byas la mkhas pa'o// gzhan yang 'dus byas la mkhas pa ni/ gang sems can thams cad la thogs pa med pa'i 'od zer mnyam par gtong ba'i phyir/ bsdu ba'i dngos po bzhis sems can sdud pa 'di ni/ byang chub sems dpa'i 'dus byas la mkhas pa'o// gang yang sems can med pa dang / bdag med pas mi 'dzin mi len pa dang / reg par mi byed cing bsdu ba'i dngos po la mkhas pa de yang 'dus ma byas la mos pas thams cad mkhyen par bsngo ba 'di ni de'i 'dus ma byas la khas pa'o// gzhan yang 'dus ma byas la mkhas pa ni 'khor ba'i rgyun gyi nyon mongs pa rnams gcod pa dang / 'khor ba'i rgyun gyi dge ba'i rtsa ba rnams mi gcod pa dang / byang chub bsgrub pa'i kun nas sbyor ba rnams kyi rgyun 'brel ba'i nyi tshe ba'i kun nas sbyor ba rnams mi spyod pa 'di ni 'dus byas la mkhas pa zhes bya'o/ / gang yang stong pa nyid dang / mtshan ma med pa dang / smon pa med pa'i chos rnams la 'dris par byed pa'i ye shes rtog pa la mkhas pa dang / byang chub tu gzhan gyi dring la mi 'jog cing / 'dus ma byas kyang mngon sum du mi byed pa 'di ni/ de'i 'dus ma byas la mkhas pa zhes bya'o// gzhan yang 'dus byas la mkhas pa ni gang khams gsum na yang spyod la/ khams gsum na spyod pa'i nyon mongs pas kyang mi gos pa 'di ni 'dus byas la mkhas pa zhes bya'o// gang yang khams gsum nas 'byung ba'i ye shes rab tu shes kyang 'byung ba dang / dbyings su mi ltung ba 'di ni de'i 'dus ma byas la mkhas pa'o// gang chos thams cad la mkhas pa zhes smras pa 'di ni/ thams cad mkhyen pa'i tshig bla dgas so// de ci'i phyir zhe na/ rtag tu dran pa dang / blo gros dang shes rab la mkhas pas thams cad mkhyen pa'i ye shes tshad med cing / mi chags pa yongs su rdzogs par byed de/ de'i phyir chos thams cad la mkhas pa zhes bya'o/ / btsun pa shA ra dwa ti'i bu/ mkhas pa brgyad po de dag gis kun zin pa'i byang chub sems dpa' rnams kyi shes rab ni mi zad pa yin no// gzhan yang dge ba dang / mi dge ba'i chos rnams rab tu shes pa ni shes rab bo/ / nges par 'byed pa'i chos rnams la rtog pa ni shes rab bo// 'phags pa'i chos mngon du gyur pas na/ shes rab ni tshad mar gyur pa'o// shes rab ni lta bar gyur pa dang / kun nas ltung ba dang / sgrib pa dang / chod pa thams cad yang dag pa ji lta ba bzhin du rab tu rtogs pa'o// shes rab ni 'dod pa dang / re ba dang / smon pa rnams kyi smon lam dang bral ba'o/ / shes rab ni nyon mongs pa'i yongs su gdung ba thams cad zhi bas na sim par byed pa'o// shes rab ni chos la dga' ba dang / mos pa'i rgyun ma chad pas na rab tu dga' bar byed pa'o/ / shes rab ni don shes pa mngon sum du gyur pas na/ rab tu rten pa'o// shes rab ni byang chub kyi phyogs sum cu rtsa bdun gyi chos rnams kyi rten to// shes rab ni theg pa ji lta ba bzhin du 'bras bu thob par gyur pas na/ thob pa'i mtshan nyid do// shes rab ni rang bzhin gyis ye shes snang bas na rab tu shes pa'i mtshan nyid do// shes rab ni 'ong ba thams cad las sgrol bas na yang dag par rab tu sgrol ba'o/ / shes rab ni yang dag par mi 'gyur bar 'dren pa'o// shes rab ni dge ba'i chos thams cad rab tu sdud pa'o// shes rab ni sngon gyi nyon mongs pa dang bag la nyal ba rnams dang bar byed pa'o/ / shes rab ni rtse mor phyin pa'i chos rnams kyi mchog go// shes rab ni rang byung gi ye shes rtogs pa'i phyir rab bo// shes rab ni khams gsum pa thams cad dang ma 'dres pa'i phyir rgyu ba dang bral ba'o/ / shes rab ni thabs kun gyis zin pa'o// shes rab ni 'phags pa thams cad kyis yongs su bzung ba'o// shes rab ni mtshan ma dang rtog pa thams cad dang bral ba'i phyir tshad kyis mi rtog pa'o/ / shes rab ni ma rig pa dang / gti mug gi mun pa thams cad dang bral bas na/ bag med pa'i gnyen pa'o// shes rab ni rnal 'byor spyod pa'i sa la gnas pa thams cad kyi sbyor ba'o/ / shes rab ni theg pa thams cad la yang dag par zhugs pa rnams kyi 'dren pa'o// shes rab ni ma rig pa dang / gti mug gi rab rib kyi ling tog sel ba'i phyir snang bar byed pa'o// shes rab ni mig la ji ltar dad pa rnams mig thams cad sbyin par byed pa'o// shes rab ni mig dang gzugs kyi lam las 'das pa'i phyir/ de bzhin du rna ba dang / sgra dang / sna dang / dri dang / lce dang / ro dang / lus dang / reg bya dang / yid dang / chos kyi lam las 'das pa'i phyir gnas pa med pa'o// shes rab ni bden pa las byung bas na/ don dam pa'o// shes rab ni rab tu dul ba rnams kyis mi 'khrugs pa'o/ / shes rab ni ye shes kyi sgo rnams kyi snang ba'o// shes rab ni thams cad du chub ste mi zad pa'o// shes rab ni rkyen la 'jug pa ste mi 'gal ba'o// shes rab ni 'dzin pa dang / nyon mongs pa'i bcing ba thams cad gcod pa'i phyir rnam par thar pa'i lam mo// shes rab ni nyon mongs pa thams cad dang ma 'dres pa'o// shes rab ni 'grogs pa dang / sgrib pa dang / sgrib par 'gyur ba'i chos thams cad dang lhan cig mi gnas pa'o// sems can thams cad kyi sems dang spyod pa ji snyed par shes pa dang / shes rab kyi las kyang de snyed do/ / sems can thams cad kyi nyon mongs pa dang / bag la nyal ji snyed par shes rab kyi dpyod pa'i ye shes kyang de snyed do// sems can thams cad kyi nyon mongs pa'i sgo ji snyed par shes rab la 'jug pa'i sgo yang de snyed do/ / nyan thos dang / rang sangs rgyas dang / byang chub sems dpa' dang / yang dag par rdzogs pa'i sangs rgyas rnams kyi shes rab ji snyed pa dang / shes rab kyi gnas dang rten yang de snyed do/ / de la byang chub sems dpas bslab par bya'o// 'di ni btsun pa shA ra dwa ti'i bu/ byang chub sems dpa' rnams kyi shes rab mi zad pa ste/ shes rab mi zad pa de dang ldan pas shes rab mi zad pa thob par 'gyur ro/ / shes rab mi zad pa bstan pa'i chos kyi le'u 'di bstan pas byang chub sems dpa' sngon yongs su sbyang ba byas pa stong phrag sum cu rtsa gnyis mi skye ba'i chos la bzod pa thob par gyur to/ / de nas byang chub sems dpa' blo gros mi zad pas/ tshe dang ldan pa shA ra dwa ti'i bu la 'di skad ces smras so// btsun pa shA ra dwa ti'i bu/ byang chub sems dpa' rnams kyi byams pa yang mi zad pa ste/ de ci'i phyir zhe na/ thug pa med pa'i phyir ro// byang chub sems dpar rnams kyi byams pa ni thug pa med par byams pa ste/ de dag gi byams pa nye bar bsgrub pa yongs su chad pa med do// 'di ltar sems can gyi khams ji tsam pa de tsam du byang chub kyi sems la mos pa'i sems bskyed pas khyab par byed do// btsun pa shA ra dwa ti'i bu/ 'di lta ste dper na/ nam mkha'i bu ga 'dis gar yang ma khyab pa med do// de bzhin du btsun pa shA ra dwa ti'i bu/ byang chub sems dpa'i byams pa 'dis kyang gang ma khyab pa'i sems can 'di gang yang med do/ / 'di lta ste dper na/ sems can gyi khams ni tshad med de/ de la zad pa med do// de bzhin du byang chub sems dpa'i byams pa bsgom pa yang tshad med de/ de la zad pa med do/ / 'di ltar nam mkha' mi zad pas na sems can mi zad do// sems can mi zad pas na byams pa mi zad de/ de'i phyir skyes bu dam pa de dag gi byams pa mi zad pa zhes bya'o// de skad ces smras pa dang / gnas brtan shA ra dwa ti'i bus/ byang chub sems dpa' blo gros mi zad pa la 'di skad ces smras so// rigs kyi bu sems can gyi khams 'di ji tsam/ blo gros mi zad pas smras pa/ btsun pa shA ra dwa ti'i bu sa'i khams dang / chu'i khams dang / me'i khams dang / rlung gi khams ji snyed pa de bas kyang sems can gyi khams ches mang ngo // smras pa/ rigs kyi bu dpe bya bar nus sam/ blo gros mi zad pas smras pa/ btsun pa shA ra dwa ti'i bu/ nus mod kyi/ chu chung ngus ni ma yin no// 'di lta ste/ btsun pa shA ra dwa ti'i bu dper na/ shar phyogs su gang+gA'i klung gi bye ma snyed kyi 'jig rten gyi khams rnams dang / de bzhin du lho phyogs dang / de bzhin du rub phyogs dang / de bzhin du byang phyogs dang / de bzhin du phyogs bcu kun tu phyogs re rer yang gang+gA'i klung gi bye ma snyed kyi 'jig rten gyi khams de dag thams cad rgya mtsho chen po chus gang ba gcig tu gyur la/ de la gang+gA'i klung gi bye ma snyed kyi sems can rnams 'dus te/ skra'i rtse mo brgyar gshegs pa'i chas/ chu'i thigs pa gcig blangs pa de bzhin du/ gzhan yang gang+gA'i klung gi bye ma snyed kyi sems can rnams 'dus te/ gang+gA'i klung gi bye ma snyed kyi bskal pa nA/ skra'i rtse mo brgyar gshegs pa'i chas/ chu'i thigs pa gnyis blangs te mtshan ma gzhag pa 'di dang / bgrang ba 'di lta bus bskal pa gang+gA'i klung gi bye ma snyed cig/ gang+gA'i klung gi bye ma snyed kyi sems can gyis/ skra'i rtse mo brgyar gshegs pa'i chas/ chu'i thigs pa re re blangs pas chu'i phung po de tsam zad par gyur kyang / sems can gyi khams de ni thug pa'am/ zad pa gang yang med do// btsun pa shA ra dwa ti'i bu/ de bzhin du sems can gyi khams tshad med de/ de dag la byang chub sems dpa'i byams pas khyab par byed do// btsun pa shA ra dwa ti'i bu 'di ji snyam du sems/ gang gi byams pa de lta bur bsgom pa'i dge ba'i rtsa ba tshad med pa de zad par nus sam/ smras pa/ rigs kyi bu de ni ma yin te/ byams pa bsgom pa'i dge ba'i rtsa ba 'di 'dra ba su zad par 'dod pa de ni nam mkha' zad par 'dod do/ / byang chub sems dpa' gang gis byams pa mi zad pa 'di thos nas skrag par mi 'gyur na/ de dag kyang byams pa mi zad par 'phags par 'gyur ro// blo gros mi zad pas smras pa/ btsun pa shU ra dwa ti'i bu/ byams pa ni bdag srung zhing gzhan la phan par gnas pa ste/ mchog tu rtsod pa med pa dang / gnod sems kyi tha ba'i nyes pa dang / khro ba dang khon du 'dzin pa thams cad rab tu 'joms pa'o/ / bag la nyal dang / kun nas ldang ba dang bral ba ste/ dad pa skyed cing sems can thams cad kyi 'khrul pa la nyes par mi lta ba'o// yongs su gdung ba med cing / lus dang sems bde ba skyed pa ste/ gzhan gyi gnod par bya ba las shin tu 'das pa'o// nyes pa thams cad kyi 'jigs pa dang bral ba ste/ 'phags pa'i lam dang mthun zhing gshe ba dang / sems gtum pa'i sems can rnams dad par byed pa dang / g.yul ngo thams cad las sgrol ba ste/ dbyig pa dang mtshon cha bcang ba ma yin no// sems can thams cad thar par bya ba la dga' ba/ khong khro ba thams cad dang bral ba/ tshul 'chos pa dang / kha gsag dang / gzhogs slongs thams cad dang bral ba/ rnyed pa dang / bkur sti dang / tshigs su bcad pa 'byung bar byed pa/ brgya byin dang / tshangs pas phyag byas pa/ rang gi gzi brjid kyis rab tu brgyan pa/ mkhas pas rab tu bsngags pa/ byis pa thams cad srung ba/ tshangs pa'i lam dang mthun pa/ 'dod pa'i khams dang ma 'dres pa/ sems can thams cad thar pa'i lam gyi mchog/ theg pa thams cad yang dag par bsdus pa/ zang zing med pa'i bsod nams kyis bzung ba/ bsod nams kyi tshogs thams cad bsags pa/ rdzas las byung ba'i bsod nams thams cad kyis zil gyis mi non pa/ skyes bu chen po'i mtshan sum cu rtsa gnyis dang / dpe byad bzang po brgya cus brgyan pa/ dbang po nyams pa dang / ma tshang ba thams cad spangs pa/ bde 'gro thams cad dang / mya ngan las 'das pa'i lam dang mthun pa/ ngan song thams cad dang mi khom pa brgyad las 'das pa/ chos kyi dga' ba la dga' zhing mos pa/ 'dod pa dang / longs spyod dang / dbang thams cad mngon par mi 'dod pa/ sems can thams cad la sems snyoms pa/ sbyin pa'i sbyor ba tha dad pa dang bral ba/ tshul khrims dang bslab pa thams cad kyi sgo/ rngalam ngan pa'i ngang tshul can thams cad yongs su skyob pa/ bzod pa'i stobs ston pa/ nga rgyal dang / rgyags pa dang / dregs pa thams cad dang bral ba/ 'phags pa rnams 'jug pa'i bsam gtan dang / ting nge 'dzin dang / snyoms par 'jug pas rtsa ba/ mi 'khrugs pa'i brtson 'grus brtsams shing yang dag par sbyor ba/ bya ba thams cad las yang dag par sgrol ba/ bsam gtan dang / rnam par thar pa dang / ting nge 'dzin dang / snyoms par 'jug pas/ nyon mongs pa thams cad las byung ba/ gsang ba thos pa 'dzin pas/ sems la nges par rtogs pa'i shes rab kyi rgyu skyed pa/ bdag gi phyogs dang gzhan gyi phyogs la nges pa/ bdud kyi phyogs dang / nyon mongs pa rnams bsal ba/ bde bar gnas pa bsnyen bkur dang / rab tu 'grol ba'i rgyu mthun pa la sems pa'i spyod lam srung bar byed pa/ rgod pa thams cad las 'das pa/ nga rgyal gyi las sel ba/ ngo tsha ba dang / khrel yod/ pas byugs shing dri zhim pa ste/ bag chags dang nyon mongs pa'i mtshams kyi dra nga ba sbyong ba'o// btsun pa shA ra dwa ti'i bu/ byams pa ni sems can thams cad yongs su skyob pa ste/ byams pa chen po ni bdag gi bde ba gtong zhing / sems can rnams la bde ba sbyin pa'o// nyan thos rnams kyi byams pa ni bdag skyob pa'o// byang chub sems dpa' rnams kyi byams pa chen po ni sems can thams cad yongs su skyob pa'o/ / btsun pa shA ra dwa ti'i bu/ byams pa ni chu bo las sgrol ba'o// 'di ltar btsun pa shA ra dwa ti'i bu/ byams pa ni gsum po 'di dag ste/ gsum gang zhe na/ 'di lta ste/ sems can la dmigs pa'i byams pa dang / chos la dmigs pa'i byams pa dang / dmigs pa med pa'i byams pa'o// de la thog ma sems bskyed pa'i byang chub sems dpa' rnams kyi byams pa ni sems can dmigs pa'o/ / spyod pa la zhugs pa'i byang chub sems dpa' rnams kyi byams pa ni chos la dmigs pa'o// mi skye ba'i chos la bzod pa rab tu thob pa'i byang chub sems dpa' rnams kyi byams pa ni dmigs pa med pa ste/ 'di ni btsun pa shA ra dwa ti'i bu/ byang chub sems dpa' rnams kyi byams pa mi zad pa zhes bya'o// gzhan yang btsun pa shA ra dwa ti'i bu byang chub sems dpa' pa rnams kyi snying rje chen po yang mi zad pa ste/ de ci'i phyir zhe na/ sngon du 'gro ba'i phyir ro// btsun pa shA ra dwa ti'i bu/ 'di lta ste dper na/ dbugs phyir 'byung ba dang / rngub pa ni skyes bu'i srog gi dbang po'i sngon du 'gro ba'o// de bzhin du theg pa chen po yang dag par bsgrub pa'i phyir/ byang chub sems dpa'i snying rje chen po ni sngon du 'gro ba'o// 'di lta ste dper na 'khor los sgyur ba'i rgyal po'i 'khor lo rin po che ni/ rin po che sna bdun gyi sngon du 'gro ba'o// de bzhin du byang chub sems dpa' rnams thams cad mkhyen pa'i ye shes yang dag par bsgrub pa la snying rje chen po sngon du 'gro ba'o/ / 'di lta ste dper na/ tshong dpon nam/ khyim bdagi bu gcig pa la snying zag pa nas sdug pa bzhin du/ snying rje chen po la rab tu gnas pa'i byang chub sems dpa' yang sems can thams cad la snying thag pa nas sdug pa yin no/ / btsun pa shA ra dwa ti'i bu/ snying rje chen po zhes bya ba ni/ 'di bdag nyid kyis bya bas na de'i phyir snying rje chen po zhes bya'o// rang gis bya bas na snying rje chen po'o/ / gzhan gyis skabs mi rnyed pas na/ snying rje chen po'o// g.yo med pa las byung bas na/ snying rje chen po ni bsam pa zag pa nas bya ba'o// med pa las byung bas na/ snying rje chen po ni sbyor bar bya'o// phyir mi ldog pa las byung bas na/ snying rje chen po ni lhag pa'i bsam pas bya ba'o// ma bcos pa las byung bas na/ snying rje chen po ni rang bzhin rig pa'o/ / lam drang po las byung bas na/ snying rje chen po ni rang bzhin gyis yongs su dag pa'o// gsal ba las byung bas na/ snying rje chen po ni sems gya gyu med pa'o// sems can thams cad la 'dud pa las byung bas na/ snying rje chen po ni nga rgyal med pa'o// sems can tshad med pa'i phyir snying rje chen po ni tshad med pa las byung ba'o// de bzhin gshegs pa'i sku thob pa las byung bas na snying rje chen po ni bdag gi lus la mi lta ba'o/ / sdig pa thams cad mi bya ba las byung bas na/ snying rje chen po ni srog la yid mi rton pa'o// byang chub kyi sems las byung bas na/ snying rje chen po ni pha rol srung ba'o/ / bdag gi sems yongs su dag pa las byung bas na/ snying rje chen po ni sems can srung ba'o// sems can thams cad kyi sdug bsngal sel ba las byung bas na/ snying rje chen po ni dbul po sdug bsngal ba dang mgon med pa la lta ba'o/ / blo mi g.yo ba las byung bas na/ snying rje chen po ni dam bcas pa la brtan pa'o// bdag dang sangs rgyas dang lha rnams mi slu ba las byung bas na/ snying rje chen po ni bden pa la lnga ba'o// legs par byas pa'i las las byung bas na/ snying rje chen po ni spyod pa dag pa'o// pha rol la bde ba rab tu sbyin pa las byung bsar snying rje chen po ni bdag bde bar gtong ba'o/ / sred pa med pa las byung bas na/ snying rje chen po ni gzhan gyi bde bskyed pa'o// brtson 'grus brtan pa rtsom pa las byung bas na/ snying rje chen po ni sems can thams cad kyi khur khyer ba'o/ / sems can mthu chung ba'i nyes pa bzod pa las byung bas na/ snying rje chen po ni bla ma'i bzod pa yang dag par blangs pa'o// sems can na ba rnams la rim gro byed pa las byung bas na/ snying rje chen po ni chags pa dang / smad pa sel ba'o// chung ngu la dad pa'i sems car rnams yongs su smin par bya ba las byung bas na/ snying rje chen po ni chos kyi dbang thob pa'o/ / pha rol gyi yon tan brjod pa las byung bas na/ snying rje chen po ni bdag gi yon tan bcas pa'o// zag pa med pa'i bden pa 'dod pa las byung bas na/ snying rje chen po ni sdug bsngal thams cad bzod pa'o/ / las legs pa byas te mi 'gyod pa las byung bas na/ snying rje chen po ni 'dod pa dang sdug pa'i dngos po yongs su gtong ba'o// ngan pa'i ngang tshul can gyi sems can rnams srung ba las byung bas na/ snying rje chen po ni tshul khrims legs par bsrung ba las byung ba'o// rdo rje'i lus thob pa las byung bas na/ snying rje chen po ni lus la gnod par bya ba la bzod pa'o// lus dang srog la mi lta ba las byung bas na/ snying rje chen po na sems can thams cad yongs su sbyin par byed pa'o// yan lag dang nying lag gtong ba las byung bas na snying rje chen po ni srog la mi lta ba'o/ / bdag gi dge ba'i rtsa ba mi 'dod pa las byung bas na/ snying rje chen po ni sems can pha rol po'i dge ba'i rtsa ba skyed pa'o// phyir yang 'dod pa'i khams su dmigs pa las byung bas na/ snying rje chen po ni bsam gtan gyi ro mi myang ba'o// chags pa med pa'i ye shes snang ba las byung bas na/ snying rje chen po ni kun nas snang ba'o// dge ba'i rtsa ba dang tshogs kun la mi smod pa las byung bas na/ snying rje chen po ni shes rab la mi ltos pa'o// sems can thams cad kyi bsam pa rdzogs par bya ba las byung bas na/ snying rje chen po ni kun tu skye ba'o// sngon gyi smon lam mi gtong ba las byung bas na/ snying rje chen po ni sems can thams cad rab tu thar par byed pa'o// 'dus byas la sems can yongs su smin par bya ba las byung bas na/ snying rje chen po ni 'dus ma byas pa la mi reg pa'o/ / sangs rgyas kyi tshul khrims la sems can rnams rab tu 'god pa las byung bas na/ snying rje chen po ni sems can ngan pa'i ngang tshul can rnams la lta ba'o// des na btsun pa shA ra dwa ti'i bu/ byang chub sems dpa'i 'byung ba gang yang rung ba de dag thams cad ni snying rje chen po las skyes te/ de'i phyir snying rje chen po zhes bya ba'o// 'di ltar sbyin par byed pa dang / tshul khrims su byed pa dang / bzod par byed pa dang / brtson 'grus su byed pa dang / bsam gtan du byed pa dang / shes rab tu byed pa dang / thabs su byed pa dang / byang chub kyi phyogs kyi chos thams cad byed pa ni snying rje chen po'o// bdag gi byed pa dang / rang byung gi ye shes sgrub par byed pa dang / legs par bya ba byed pa dang / 'gyod pa med par byed pa dang / gdon mi za bar byed pa ni snying rje chen po'o// sems can thams cad kyi bya ba ci yod ces so so nye bar gnas pa las byung bas na/ de'i phyir snying rje chen po zhes bya'o// 'di ni btsun pa shA ra dwa ti'i bu/ byang chub sems dpa' rnams kyi snying rje chen po mi zad pa zhes bya'o// gzhan yang btsun pa shA ra dwa ti'i bu/ byang chub sems dpa' rnams kyi dga' ba chen po yang mi zad pa ste/ de la dga' ba chen po yang gang zhe na/ sangs rgyas kyi chos rnams drar pa dang / rjes su drad pa dang / dga' ba dang / mos pa dang / rab tu dga' ba dang / sems ma gong zhing mi brdzi ba dang / sred pa med pa dang / 'dod pa'i dga' ba thams cad gtong ba dang / chos kyi dga' ba thams cad kyi rten dang / sems rab tu dga' ba dang / lus rab tu sim pa dang / sangs rgyas la dga' zhing yid 'phar ba dang / de bzhin gshegs pa'i sku la dga' zhing mos pas/ mtshan dang dpe byad bzang po'i rgyar tshol ba la mkhas pa dang / dga' ba'i chos mnyan pas mi skyo ba dang / de kho na'i chos la rten pa'i nan tan dang / dga' ba dang / mgu ba dang / rangs pa dang / rab tu dga' bas chos la mos pa dang / rtag tu rgyun mi 'chad par sems can rnams la khong khro ba med pa'i blo dang / sangs rgyas kyi chos tshol ba la dad pa dang / chos la dad pa de yang mi 'dor ba dang / sangs rgyas kyi chos rgya chen po la mos shing rnam par grol ba dang / nyi tshe ba'i thegs pa bsal te sems bskyed pa dang / ser sna med pas ma zhum par sems bskyed pa dang / slong ba la sbyin pa byin nas 'khor gsum yongs su dag par sbyangs pa dang / sbyin pa la dga' ba dang / tshul khrims can la dad pa dang / ngan pa'i ngang tshul can la rjes su 'dzin cing byams pa dang / bdag gi tshul khrims/ yongs su dag pas ngan 'gro'i 'jigs pa thams cad las shin tu 'da' ba dang / dbugs 'byin pa dang / de bzhin gshegs pa'i tshul khrims la bsngo ba dang / brtan zhing mi phyed pa dang / pha rol ngan du zer ba dang / mi snyan par smra ba'i tshig gi lam la khong khro ba med pa'i sems kyis bzod cing nges pa dang / nga rgyal med pa dang / bla ma la 'dud cing ri mor byed pa dang / rtag tu/ 'dzum pa'i bzhin dang / khro gnyer med pa dang / gsong por smra ba dang / tshul 'chos pa med pa dang / kha gsag med pa dang / gzhogs slong med pa dang / bsam pa dag pa dang / sems la brlangs pa med pa dang / gya gru med pa dang / thams cad la legs par lta ba dang / skyon med par lta ba dang / ltung ba la mi rtsod pa dang / yang dag par dga' bar 'gyur ba'i chos kyi rjes su 'jug pa dang / byang chub sems dpa' rnams la pags pa ltar 'phangs pa dang / chos rnams la bdag bzhin du 'phangs pa dang / de bzhin gshegs pa la srog bzhin du 'phangs pa dang / bla ma la pha ma bzhin du 'phangs pa dang / sems can rnams la bu bzhin du 'phangs pa dang / mkhan po dang / slob dpon la sangs rgyas bzhin du 'phangs pa dang / yon tan rnams la yan lag gi dam pa mgo bzhin du 'phangs pa dang / pha rol tu phyin pa rnams la rkang lag bzhin du 'phangs pa dang / chos smra ba rnams la rin po che thams cad bzhin du 'phangs pa dang / sangs rgyas kyi chos thams cad la yid bzhin gyi nor bu bzhin du 'phangs pa dang / rjes su bstan pa la dga' ba'i rtsed mo bzhin du 'phangs pa dang / chog shes pa la nad med pa bzhin du 'phangs pa dang / chos btsal ba la sman bzhin du 'phangs pa dang / skul zhing dran par byed pa la sman pa bzhin du 'phangs pa ste/ de ltar btsun pa shA ra dwa ti'i bu/ gang dbang po thams cad la dpa' ma gong ba 'di ni dga' ba chen po zhes bya'o// dga' ba chen po zhes bya ba ni rtogs pa'i ye shes kyi phyir zhi ba'i rnam pa'o// rnam par mi rgod pa'i phyir rab tu zhu/ ba'i rnam pa'o// khengs pa ma yin pa'i phyir shin tu byung ba'i rnam pa'o// mi g.yeng ba'i phyir dbang po dka' ba'i rnam pa'o// mi nyams pa'i phyir brtul zhugs/ kyi rnam pa'o// 'dod pa'i phyir nges pa'i rnam pa'o// bka' blo bde ba'i phyir thos pa'i rnam pa'o// sems las su rung ba'i phyir nye bar zhi ba'i rnam pa'o// las legs par byas pa'i phyir dga' ba'i rnam pa'o/ / kha na ma tho ba med pa'i phyir/ mi 'gyod pa'i rnam pa'o// ma g.yos pa'i phyir shin du gnas pa'i rnam pa'o// mi gnas pa'i phyir ma g.yos pa'i rnam pa'o// / thul par dka' ba'i phyir bsnyen dka' ba'i rnam pa'o// chud mi za ba'i phyir don gyi rnam pa'o// ma nor ba de bzhin nyid kyi phyir/ bden pa'i rnam pa'o// de byed pa'i phyir de kho na'i rnam pa'o// / stobs kyi phyir mos pa'i rnam pa'o// mi brdzi ba'i phyir stobs kyi rnam pa'o// sangs rgyas kyi chos tham pas yang dag pa ji lta ba bzhin du tshol bas mi skyo ba'i phyir/ sangs rgyas kyi chos yongs su rdzogs par byed pa'i rnam pa'o/ / 'di ni btsun pa shA ra dwa ti'i bu/ byang chub sems dpa' rnams kyi dga' ba chen po mi zad pa zhes bya'o// gzhan yang btsun pa shA ra dwa ti'i bu byang chub sems dpa' rnams kyi btang snyoms kyang mi zad pa ste/ de la byang chub sems dpa' rnams kyi btang snyoms rnam pa gsum ste/ rnam pa gsum gang zhe na/ nyon mongs pa la btang snyoms pa dang / bdag dang gzhan bsrung ba'i btang snyoms pa dang / dus dang dus ma yin pa la btang snyoms pa'o// de la nyon mongs pa la btang snyoms pa gang zhe na/ bsti stang du byas pas ma thos par mi sems pa dang / bsti stang du ma byas pas dmas par mi sems pa dang / rnyed pas snyems pa med pa dang / ma rnyed pas yi chad pa med pa dang / grags pa la mngon par dga' ba med nga dang ma grags pas zhum pa med pa dang / smad pas srong shi bar mi 'gyur ba dang / bsngags pa la chos nyid rab tu gnas pa dang / sdug bsngal la so sor rtogs pa'i stobs dang / bde ba la mi rtag cing sdug bsngal bar rtog pa'i stobs dang / sdug pa 'dor ba dang / khong khro ba spong ba dang / mdza' ba dang mi mdza' ba la sems mnyam pa dang / tshul khrims can dang / ngan pa'i ngang tshul can la blo mnyam pa dang / legs par byas pa dang nyes par byas pa la gnyis su mi 'byed pa dang / sdug pa dang mi sdug par mi lta ba dang / legs par thos pa dang / nyes par thos pa la mi 'byed pa dang / legs par smras pa dang / nyes par smras pa la bag la nyal med pa dang / ro myang ba'i nyes pa rnams la mtshungs par yongs su 'jal ba dang / sems can thams cad la bsam pa mnyam pa dang / lus dang srog la mi lta ba dang / rab dang / 'bring dang / tha ma la 'od zer mnyam pa dang / bsngags pa dang / bsngags pa ma yin pa la sems mnyam pa dang / bden pa dang mi bden pa la bdag gi sems yongs su dga' ba ste/ btsun pa shA ra dwa ti'i bu de ltar gang bsti stang du byed pa dang / gnod par byed pa dang mtho dman du mi sems shing de la byang chub sems dpa' btang snyoms pa yin te/ 'di ni btsun pa shA ra dwe ti'i bu/ bya chub sems dpa' rnams kyi nyon mongs pa la btang snyoms pa zhes bya'o/ / de la byang chub sems dpa' rnams kyi bdag dang gzhan bsrung ba'i btang snyoms gang zhe na/ 'di la byang chub sems dpa' lus dang yan lag dang nying lag rnams bcad kyang / khong khro bar mi byed cing mi tshol te/ btang snyoms pa yin no// lus kyi rnam par 'gyur ba las sam/ ngag gi rnam par 'gyur ba las kyang rung ste/ gnyis ka la bzod pas na/ de'i phyir btang snyoms zhes bya'o// mig gi rnam pas kyang rma mi phyin/ gzugs kyi rnam pas kyang rma mi phyin te/ gnyis kas kyang rma mi byin to/ / de bzhin du rna ba las ma yin/ smras ma yin/ snas ma yin/ dris ma yin/ lces ma yin/ ros ma yin/ lus kyis ma yin/ reg byas ma yin/ yid kyis rnam pas kyang rma mi phyin/ chos kyi rnam pas kyang rma mi phyin te/ de'i phyir btang snyoms zhes bya'o// rma mi phyin zhing nyams pa med pas de'i phyir btang snyoms zhes bya'o/ / rma phyung ba la rma mi 'byin pas de'i phyir btang snyoms zhes bya'o// bdag dang gzhan dang gnyis ka bsrung bas de'i phyir btang snyoms zhes bya'o// phan par 'dod pa dang mi phan par 'dod pa la mnyam par sbyor bas btang snyoms zhes bya'o/ / btang snyoms ni mchog tu brtsod pa med pa'o// btang snyoms ni bdag gi sems nges par rtogs pa'o// btang snyoms ni gzhan gyi sems bsrung ba'o/ / btang snyoms ni bdag la rtog pa'o// btang snyoms ni sems can la gnod pa med pa'o// btang snyoms ni byang chub sems dpa'i mnyam par gzhag pa'i gnas skabs yin te/ 'di ni byang chub sems dpa'i bdag dang gzhan srung ba'i btang snyoms zhes bya'o// de la byang chub sems dpa'i dus dang dus ma yin pa la btang snyoms pa gang zhe na/ sangs rgyas bcom ldan 'das rnams byang chub sems dpa' thams cad du btang snyoms par bka' mi stsol te/ de ci'i phyir zhe na/ byang chub sems dpa' rtag tu bdag dang gzhan dge ba'i chos btsal ba la brtson bzhin 'bad par bya ste/ des dus dang dus ma yin par btang snyoms par bya'o// de la dus dang dus ma yin pa'i btang snyoms gang zhe na/ snod ma yin pa dang / nyan par mi 'dod pa'i sems can la btang snyoms pa dang / ma rnyed pa dang / smad pa dang / ma grags pa dang / sdug bsngal ba la btang snyoms pa dang / sems can nyan thos kyi theg pa can mi 'gyur ba la zhugs pa la btang snyoms pa dang / sbyin pa'i dus na tshul khrims brtul ba'i btang snyoms dang / bzod pa'i dus na brtson 'grus brtul ba'i btang snyoms dang / brtson 'grus kyi dus na bsam gtan brtul ba'i btang snyoms dang / bsam gtan gyi dus na sbyin pa la chags pa brtul ba'i btang snyoms dang / shes rab kyi dus na pha rol tu phyin pa lnga la dmigs pa'i brtul ba'i btang snyoms te/ 'di ni dus dang dus ma yin pa la btang snyoms pa zhes bya'o// de ltar gang mi bya ba'i chos mi byed pa 'di ni btang snyoms zhes bya ste/ de dang de la mi rtsol ba'o// gang gdon mi za bar bya ba'i chos la gnas pa med pa dang / brtson 'grus dang / stobs dang / mos pa dang / mthu dang // brtson pa mi 'dor ba ste/ dge ba'i chos de dang de dag yongs su rdzogs par byed pa 'di ni/ btsun pa shA ra dwa ti'i du/ byang chub sems dpa' rnams kyi btang snyoms mi zad pa zhes bya'o// 'phags pa blo gros mi zad pas bstan pa theg pa chen po'i mdo/ bam po bani pa/ gzhan yang btsun pa shA ra dwa ti'i bu/ byang chub sems dpa' rnams kyi mngon par shes pa lnga mi zad pa ste/ lnga gang zhe na/ 'di lta ste/ 'phrul gyi mig dang / 'phrul gyi rna ba dang / pha rol gyi sems shes pa dang / sngon gnas pa dran pa dang rdzu 'phrul gyi bya ba shes pa'o/ / de la byang chub sems dpa' rnams kyi 'phrul gyi mig gang zhe na/ gang lha thams cad kyi 'phrul gyi mig dang / gang klu thams cad dang / gnod sbyin thams cad dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa thams cad kyi 'phrul gyi mig dang / gang slob pa dang / mi slob pa dang / nyan thos thams cad kyi 'phrul gyi mig dang / rang sangs rgyas thams cad kyi 'phrul gyi mig de dag pas byang chub sems dpa' thams cad mkhyen pa las byung ba/ rgya chen po las byung ba rnams kyi 'phrul gyi mig ni ches mchog go/ ches dam pa'o// ches rab bo// ches 'phrul lo// ches gsal lo// ches bzang ngo // ches stobs dang ldan no// ches 'od gsal te/ 'phrul gyi mig des ji snyed phyogs bcu mtha' yas mu med pa'i 'jig rten gyi khams kyi gzugs su snang ba che yang rung / chung yang rung / bzang yang rung / ngan yang rung ring yang rung / nye yang rung ste/ de dag thams cad de dag gi 'phrul gyi mig des shes shing snang ba dang / rtogs pa dang / shin tu rig pa dang / shin tu mthong bar 'gyur g ang phyogs bcu mtha' yas mu med pa'i 'jig rten gyi khams kyi gzugs med pa ma gtogs par 'gro ba kun tu skyes pa'i sems can gang de dag thams cad kyi 'chi 'pho dang skye ba yang dag pa ji lta ba bzhin rab tu shes so/ / de dag gi las kyi rgyu yang dag pa ji lta ba bzhin du rang tu shes so// de dag gi las kyi 'bras bu dang / dbang po'i rim pa yang dag pa ji lta ba bzhin rab tu shes so/ / phyogs bcu mtha' yas mu med pa'i 'jig rten gyi khams na/ gang sangs rgyas bcom ldan 'das rnams kyi sangs rgyas kyi zhing gi yon tan bkod pa de dag thams cad mthong ste/ mthong nas kyang bdag gi tshul khrims yongasasu dag pas rang gi zhing gi yon tan bkod pa yongs su dag pa'i phyir/ bsod nams dang ye shes kyi tshogs bsags pa rnams yongs su bsngo ste/ tshul khrims kyi yon tan la gnas pa de dag gi sngo ba yongs su 'grub par 'gyur ro// de dag 'phrul gyi mig des sangs rgyas bcom ldan 'das de dag gi byang chub sems dpa'i dge 'dun de dag thams cad kyang mthong ngo / / mthong nas kyang gang skyes bu dam pa de dag gi cho ga dang / spyod pa dang / spyod yul dang / dran pa dang / shes bzhin dang / spyod lam dang / gnas dang / mthu dang / chos dang / rnam par thar pa dang / ye shes dang / rten dang / gzungs dang / spobs pa la mkhas pa dang / shes rab dang / ye shes dang / thabs mkhas pa la 'jug pa de dag thams cad yongs su rdzogs par byed do// de dag gi mig de ni gzugs thams cad mthong bas na bsgrib pa med pa'o// de dag gi mig de ni gzug thams cad la mi chags pas na chags pa med pa'o/ / de dag gi mig de ni bag la nyal ba dang / lta ba dang / kun nas ldang ba las rnam par grol ba'o// de dag gi mig de ni rang bzhin gyis 'od gsal bas na rnam par dag pa'o/ / de dag gi mig de ni yul thams cad la mi gnas pa'o// de dag gi mig de ni nyon mongs pa dang / bag la nyal thams cad la mi skye ba'o// de dag gi mig de ni the tsom med pas na/ rab rib med pa'o// de dag gi mig de ni sgrib par 'gyur ba'i chos thams cad la kun nas ma langs pa'o// de dag gi mig de ni chos thams cad du snang ba la gsal ba thob pa'o/ / de dag gi mig de ni ye shes kyi phyir 'brang ba ste/ rnam par shes pa'i spyod yul ma yin no// de dag gi mig de ni nyon mongs pa thams cad kyis ma chags mi sdang ma rmongs pa'o/ / de dag gi mig de ni 'phags pa'i dbang po nges par 'byed pa la ston pa'o// de dag gi mig de ni sems can thams cad la 'od zer mnyam par gtong bas na/ thogs pa med pa'i mtshan nyid do/ / de dag gi mig de ni sems kyi mi dge ba'i chos dang bral bas na bden pa'o// de dag gi mig de ni rang bzhin gyis kun nas nyon mi mongs pas na dri ma med pa'o// de dag gi mig de ni bsam pa ma btang bas na/ sangs rgyas kyi spyan gyis mngon par bsgrubs pa'o// de dag gi mig de ni sdug pa dang / khong khro ba dang bral ba'i phyir ma chags ma bcings pa'o// de dag gi mig de ni don gyi spyod yul bden pas nye bar bsgrubs shing / chos rnam par dag pa shes pa'i lam la ma chags par spyod pa'o// de ci'i phyir zhe na/ 'di ltar skyes bu dam pa de dag ni snying rje chen po la gnas pa/ chos rig pa/ don rtogs pa/ kha na ma tho ba med pa/ ji ltar mthong ba dang / thos pa bzhin du chos smra ba/ mi dge ba la rgyab kyis bltas pa/ byang chub kyi snying po la mngon par phyogs pa/ sems gang du yang thogs pa med pa/ 'jungs pa rnams la gtong ba dang ldan pa/ ngan pa'i ngang tshul can rnams la snying brtse ba/ sems kyis gnod par sems pa rnams la gnod par mi sems pa/ le lo can rnams la brtson 'grus sgrub par byed pa/ sems g.yeng ba rnams la bsam gtan gyi yan lag ston pa/ 'chal pa'i shes rab can rnams la shes rab kyi mig sbyin pa/ lam ngan par zhugs pa rnams la lam ston pa/ chung ngu la dad pa rnams sangs rgyas kyi chos rgya chen po la mos par byed pa thams cad mkhyen pa'i ye shes la 'dzud pa/ byang chub yongs su rdzogs par bya ba'i phyir/ mngon par shes pa ma nyams pa rnams te/ 'di ni byang chub sems dpa' rnams kyi 'phrul gyi mig mngon par shes pa mi zad pa zhes bya'o/ / de la byang chub sems dpa' rnams kyi 'phrul gyi rna ba mngon par shes pa mi zad pa gang zhe na/ gang lha thams cad kyi 'phrul gyi rna ba dang / gang klu thams cad dang / gnod sbyin thams cad dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa thams cad kyi 'phrul gyi rna ba dang / gang slob pa dang / mi slob pa'i nyan thos thams cad kyi 'phrul gyi rna ba dang / gang rang sangs rgyas thams cad kyi 'phrul gyi rna ba de dag pas// byang chub sems dpa' thams cad mkhyen pa las byung ba/ rgya chen po las byung ba rnams kyi 'phrul gyi rna ba ches mchog go// ches dam pa'o// ches rab bo// ches gsal lo// ches bzang ngo / / ches stobs dang ldan pa'o// ches 'od gsal te/ 'phrul gyi rna ba des gang phyogs bcu mtha' ya sa mu med pa'i 'jig rten gyi khams na gang sgrar grags pa/ lha dang klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa'i sgra rnams dang gang yang 'phags pa'i sgra/ nyan thos dang / rang sangs rgyas dang / byang chub sems dpa' dang / yang dag par rdzogs pa'i sangs rgyas kyi sgra de dag thams cad de'i 'phrul gyi rna ba'i dbang po la grags par 'gyur te/ de na sems can dmyal ba dang / byol song gi skye gnas dang / gshin rje'i 'jig rten pa dang / sbrang bu dang / bye ma leb dang / skur/ bu dang / bung ba dag gi sgra de dag thams cad kyang thos so// sems kyi dmigs pa dge ba dang / mi dge ba dang / lung du mi ston pa gang gis sems can de dag gi ngag gi las 'byung ba thams cad kyang yang dag pa ji lta ba bzhin du rab tu shes so/ / ngag gi las gang dge ba'i rgyu yongs su 'dzir pa dang / ngag gi las gang mi dge ba'i rgyu yongs su 'dzin pa dang / ngag gi las gang lung du mi ston pa'i rgyu yongs su 'dzin pa de dag thams cad kyang yang dag pa ji lta ba bzhin du rab tu shes so// ngag gi las gang 'dod chags bag la nyal la zhe sdang bas 'byung ba dang / ngag gi las gang 'dod chags bag la nyal la rmongs pas 'byung ba dang / ngag gi las gang zhe sdang bag la nyal la chags pas 'byung ba dang / ngag gi las gang zhe sdang bag la nyal la rmongs pas 'byung ba dang / ngag gi las gang gti mug pag la nyal la chags pas 'byung ba dang / ngag gi las gang gti mug bag la nyal la zhe sdang las 'byung ba dang ngag gi las gang 'dod chags bag la nyal la chags pas 'byung ba dang / ngag gi las gang zhe sdang bag la nyal la zhe sdang las 'byung ba dang / ngag gi las gang gti mug bag la nyal la rmongs pas 'byung ba de dag thams cad yang dag pa ji lta ba bzhin du rab tu shes so/ / ngag gi las gang bsam pa dag la sbyor ba nyams pa dang / ngag gi las gang las sbyor ba dag la bsam/ pa nyams pa dang / ngag gi las gang bsam pa'ang dag la/ sbyor ba'ang dag pa dang / ngag gi las gang bsam pa'ang ma dag la/ sbyor ba'ang ma dag pa de thams cad thogs pa med/ pa'i 'phrul gyi rna ba mngon par shes pa'i ye shes kyis yang dag pa ji lta ba bzhin du rab tu shes so// de dag 'phrul gyi rna ba mngon par shes pa'i ye shes des 'phags pa dang / 'phags pa ma yin pa'i sgra rnams thos te/ thos nas kyang 'phags pa'i sgra la chags par yang mi 'gyur/ 'phags pa ma yin pa'i sgra la khong khro bar yang mi 'gyur te/ de 'phags pa'i sgra la bya bas pa chen po thob cing / 'phags pa ma yin pa ri sgra la snying rje chen po thob bo// sgra thams cad la'ang sngon gyi mtha' dang / phyi ma'i mtha' bye brag 'byed pa shes pa yang dag pa ji lta ba bzhin du rab tu shes so/ / de dag 'phrul gyi rna ba'i mngon par shes pa'i ye shes des/ sangs rgyas thams cad kyis gsungs pa thos te/ thos nas kyang dran pa dang / shes bzhin dang dran pa mi brjed pa'i chos nyid kyis thams cad 'dzin to/ / bzung nas kyang brjed par mi byed cing / gnod sems bzhin du sems can rnams la dran par byed de/ snying po dang / snying po ma yin pa'i chos rnams kyang rab tu shes so/ / de bzhin gshegs pa gcig gi chos bstan pa nyan pa na/ de bzhin gshegs pa gang gis chos bstan pa la sgrib pa'i bya ba 'am kun nas ldang ba'i bya ba mi byed de/ snga phyi med par sangs rgyas bcom ldan 'das thams cad kyis gsungs ma kun 'dzin to// gang dge ba dang / mi dge ba dang / srang du mi kon pa 'i b+hU/ rnams thos pa'ang dus dus su shes bzhin du smra'o// gal te 'khor gyi dus yin kyang / chos bstan pa'i dus ma yin par rig nas/ chos kyang mi ston par gzhog go/ chos ston pa'i dus yin la/ 'khor gyi dus ma yin na/ dbang gcig par gyur kyang thams cad la mi ston te/ bden par lung ston pa'ang gzhan la gnod na lung mi ston cing / mi bden pa'i lung bstan pa las/ don dang ldan zhing gzhan rjes su gzung ba dang / mthun na thabs mkhas pa dang / bdag gi sems yongs su dag pas lung ston to// sgra ji lta bu nyan par 'dod pa de lta bu'i sgra thos te/ sgra ji lta bu nyan par mi 'dod pa de lta bu'i sgra mi thos so// 'khor gang na chos bstan pa de'i sems can rnams kyi rna ba'i gnas kyi shes pa yang dag pa ji lta ba bzhin du shes te/ shes nas kyang rang bzhin de 'dra ba'i chos ston to// de la sems can gang chos shes par byed pa de dag ni de'i chos bstan pa thos so// sems can gang chos shes par byed pa ma yin pa de dag ni de'i chos bstan pa mi thos so/ / de'i rna ba'i khams de chos kyi dbyings shin tu byed par dag pa yin/ de'i rna ba'i khams ye shes rnam par dag pa yin/ de'i rna ba'i khams de bdag gi khams rnam par dag pa yin/ de dag gi rna ba'i khams de sems can gyi khams dang / srog gi khams dang / gang zag gi khams rnam par dag pa yin/ des rna ba'i khams de sgra dang / yi ge dang / nges pa'i tshig ji lta ba bzhin du thos pas shin tu brtags pa yin/ gang yang 'gro ba lngar skyes pa'i sems can rnams kyi sgra dang / yi ge dang / nges pa'i tshig dang / sgra sna tshogs pa de dag la skad ji lta ba bzhin 'jug pas chos ston to// de'i 'phrul gyi rna ba'i khams de theg pa gzhan la mi nyan pa'i phyir/ de bzhin gshegs pa'i 'phrul gyi snyan du bsngos te/ 'di ni byang chub sems dpa' rnams kyi 'phrul gyi rna ba'i mngon par shes pa mi zad pa zhes bya'o// de la byang chub sems dpa' rnams kyi pha rol gyi sems shes pa'i mngon par shes pa mi zad pa gang zhe na/ pha rol gyi sems shes pa zhes bya ba ni/ gang sems can thams cad kyi sngon gyi mtha'i sems shes pa dang / phyi ma'i mtha'i sems shes pa'o/ / da ltar byung ba'i sems shes pa'o// de 'das pa'i sems shes pas sems can rnams kyi sngon gyi rgyu'i sems la 'jug pa dang / sems can 'di'i sems 'di ni rgyu che'o// / sems can 'di'i sems 'di ni rgyu 'bring ngo // sems can 'di'i sems 'di ni rgyu chung ngo // sems can 'di'i dbang po rnams ni sbyin pa'i rnam pa'i rgyu dang ldan no// sems can 'di'i dbang po rnams ni tshul khrims kyi rnam pa'i rgyu dang ldan no/ / sems can 'di'i dbang po rnams ni bzod pa'i rnam pa'i rgyu dang ldan no// sems can 'di'i dbang po rnams ni brtson 'grus kyi rnam pa'i rgyu dang ldan no/ / sems can 'di'i dbang po rnams ni bsam gtan gyi rgyu dang ldan no// sems can 'di'i dbang po rnams ni shes rab kyi rnam pa'i rgyu dang ldan no/ / sems can 'di'i dbang po rnams ni byams pa'i rnam pa'i rgyu dang ldan no// sems can 'di'i dbang po rnams ni snying rje'i rnam pa'i rgyu dang ldan no// sems can 'di'i dbang po rnams ni/ dga' ba'i rnam pa'i rgyu dang ldan no// sems can 'di'i dbang po rnams ni btang snyoms kyi rnam pa'i rgyu dang ldan no// sems can 'di'i dbang po rnams ni nyan thos kyi theg pa'i rnam pa'i rgyu dang ldan no/ / sems can 'di'i dbang po rnams ni rang sangs rgyas kyi theg pa'i rnam pa'i rgyu dang ldan no// sems can 'di'i dbang po rnams ni theg pa chen po'i rnam pa'i rgyu dang ldan no// sems can 'di'i rgyu'i stobs can te/ dge ba'i rtsa ba'i rgyu'i rgyun mi 'chad pa dang ldan na/ sems can des sbyor ba'i rgyus rigs chung ngur skyes so// sems can 'di'i bsam pa dag la sbyor ba ma dag pa'o/ / sems can 'di'i sbyor ba dag la/ bsam pa ma dag pa'o// sems can 'di'i bsam pa dag la sbyor ba'ang dag pa'o// sems can 'di'i bsam pa'ang ma dag la sbyor ba'ang ma dag pa'o zhes gang sems can thams cad kyi sngon gyi rgyu'i dbang po las sems kyi spyod pa shes pa de dag thams cad yang dag pa ji lta ba bzhin du rab tu shes te/ shes// nas kyang so so ci rigs par chos ston pa 'di ni/ sngon gyi mtha'i pha rol gyi sems shes pa zhes bya'o// de la phyi ma'i mtha'i pha rol gyi sems shes pa gang zhe na/ sems can 'di'i da ltar gyi sbyin pa'i rgyu ni/ ma 'ongs pa'i dus na 'di'i tshul khrims kyi rgyur 'gyur ro// sems can 'di'i da ltar gyi tshul khrims kyi rgyu ni/ ma 'ongs pa'i dus na 'di'i bzod pa'i rgyur 'gyur sems can 'di'i da ltar gyi bzod pa'i rgyu ni/ ma 'ongasa'i dus na 'di'i brtson 'grus kyi rgyur 'gyur ro// sems can 'di'i da ltar gyi brtson 'grus kyi rgyu ni ma 'ongs pa'i dus na 'dis bsam gtan gyi rgyur 'gyur ro/ / sems can 'di'i da ltar gyi bsam gtan gyi rgyu ni/ ma 'ongs pa'i dus na 'di'i shes rab kyi rgyur 'gyur ro// sems can 'di'i da ltar gyi 'jig rten pa'i shes pa dang spyod pa'i rgyu ni ma 'ongs pa'i dus na 'di'i 'jig rten las 'das pa'i rgyur 'gyur ro/ / sems can 'di'i da ltar gyi dbang po tha ma'i rgyu ni ma 'ongs pa'i dus na 'di'i theg pa chen po'i rgyur 'gyur ro zhes de ltar ma 'ongs pa'i dus na/ sems can rnams kyi rgyu gang dang / rkyen gang dang / rnam pa gang 'byung bar 'gyur ba'i sems can rnams kyi rgyu de dag dang rkyen de dag dang / rnam pa de dag byang chub sems dpas yang dag pa ji lta ba bzhin rab tu shes so// de sems can thams cad yongs su smin par bya ba la skyo bar mi/ 'gyur te/ de'i sems la 'jug pa'i shes pa dang / chos kyi snod du gyur pa ji snyed pa de snyed du chos ston to// de 'bras bu yod par chos ston pa yin te/ chos kyi gtam la ser sna mi byed pa 'di ni/ phyi ma'i mtha'i pha rol gyi sems shes pa zhes bya'o// de la da ltar gyi pha rol gyi sems shes pa gang zhe na/ gang da ltar gyi dus na sems can thams cad kyi sems dang sems las byung ba skye ba de dag thams cad byang chub sems dpas yang dag pa ji lta ba bzhin rab tu shes te/ des 'dod chags dang bcas pa'i sems kyang / 'dod chags dang bcas pa'i sems su yang dag pa ji lta ba bzhin du rab tu shes so/ / 'dod chags dang bral ba'i sems kyang 'dod chags dang bral ba'i sems su yang dag pa ji lta ba bzhin du rab tu shes so// de bzhin du zhe sdang dang bcas pa dang / zhe sdang dang bral ba dang / gti mug dang bcas pa dang / gti mug dang bral ba dang / nyon mongs pa dang bcas pa dang / nyon mongs pa dang bral ba dang / bsdus pa dang / g.yeng ba dang / zhum pa dang / ma num pa dang / rgod pa dang / mi rgod pa dang / zhi ba dang / ma zhi ba dang / chung ngu dang / yangs pa dang / chen por gyur pa dang / tshad med pa'i sems kyang tshad med pa'i sems su yang dag pa ji lta ba bzhin du rab tu shes te/ de ltar nyon mongs pa gang dang gang gis sems bsgribs par gyur pa de dag thams cad yang dag pa ji lta ba bzhin du rab tu shes te/ shes nas kyang shes rab kyis ji ltar nyon mongs pa las 'byung bar 'gyur ba'i chos ston to/ / de 'khor gang du 'gro bar phog ma nyid du 'khor de'i sems la blta ste/ bltas nas kyang so so ci rigs par chos ston to// de ltar gang sems can de dang de dag gi dbang po mchog dang mchog ma yin par shes pa de dag thams cad yang dag pa ji lta ba bzhin du rab tu shes te/ bdag gi sems bsgribs pa dang / gzhan gyi sems bsgribs par mi 'gyur ro// de ci'i phyir zhe na/ 'di ltar byang chub sems dpa' de'i sems kyi rgyu ni ye shes kyis rig pa/ dran pas rig pa/ blo gros kyis rig pa/ rtogs pas rig pa/ shes rab kyis rig pa/ byang chub kyi rig pa'o// sems kyi rgyun ni nyon mongs pa dang bral la/ bag chags kyi mtshams sbyor ba nyon mongs pa yang dag par chad pa/ dag pa/ dri ma med pa/ 'od gsal ba/ kha na ma tho ba med pa/ moM brlang ba/ nyon mongs pa med pa/ rnyog pa med pa/ chos thams cad snang bas rig pa/ sems can thams cad kyi sems kyi spyod pa la zhugs shing / sems kyi rgyun shin tu rig pa ste/ de ltar gang de lta bu'i chos la sems 'bab pa shes par 'jug pa 'di ni/ byang chub sems dpa'i pha rol gyi sems shes pa'i mngon par shes pa mi zad pa'o/ / de la byang chub sems dpa'i sngon gnas pa dran pa/ shes pas mngon sum du byed pa'i mngon par shes pa gang zhe na/ de dran pa des mngon gnas pa'i rjes su dran te/ dran pa de ni chos kyi dbyings kyi gnas kyis shin tu byin gyis brlabs pa'o// rab tu rig pas na mi g.yo ba'o// ye shes yongs su sbyang ba byas pas na mi rgod pa'o/ / zhi gnas la rab tu gnas pas na gtse ba med pa'o// lhag mthong gis shin tu zin pas na nor ba med pa'o// mngon sum du shes pas na gzhan gyi dring la mi 'jog pa'o/ / dran zhing mi brjed pa'i chos can pas na dran par bya ba'o// theg pa chen po rab tu shes pa'i phyir/ bsod nams kyi tshogs bsags pa'o// gzhan la rag ma lus pas na ye shes kyi tshogs bsags pa'o/ / thams cad kyi pha rol tu 'gro ba'i phyir/ pha rol tu phyin pa thams cad kyi tshogs bsags pa'o// de dran pa des sngon gnas pa rjes su dran te des skye ba gcig kyang dran no/ / gnyis dang / gsum dang / bzhi dang / lnga dang / bcu dang / nyi shu dang / sum cu dang / bzhi bcu dang / lnga bcu dang skye ba brgya yang dran no/ / skye ba stong dang / skye ba brgya stong dang / skye ba brgya phrag mang po dang / skye ba stong zug mang po dang / skye ba brgya stong zag mang po dang / sdud pa'i bskal pa dang / 'gyur ba'i bskal pa dang / sdud pa'i bskal pa mang po dang / 'gyur ba'i bskal pa mang po dang / sdud pa dang / 'gyur ba'i bskal pa mang po yang rjes su dran no/ / bskal pa brgya dang / bskal pa stong dang / bskal pa brgya stong dang / bskal pa brgya phrag mang po dang / bskal pa stong phrag mang po dang / bskal pa brgya stong phrag mang po yang dran te/ gang du bdag ming 'di zhes bya ba/ rigs 'di zhes bya ba/ rus 'di zhes bya ba/ kha dog 'di 'dra ba/ kha zas 'di 'dra ba/ tshe'i tshad 'dzin pa gang du gnas pa 'di tsam du bde ba dang / sdug bsngal myong ste/ sems can gzhan yang ming 'di zhes bya bar gyur te/ bdag de nas shi 'phos nas che ge mo zhig tu skyes/ de nas kyang shi 'phos nas 'dir skyes te/ de ltar rnam pa dang bcas pa dang / mtshan ma dang bcas yul dang bcas te/ sngon gnas pa rnam pa mang po dran no// des bdag dang sems can gzhan gyi sngon gyi mtha' nas gzung ste/ sngon gnas pa rjes su dran no// de bdag gi dge ba'i rtsa ba dang / sems can gzhan gyi dge ba'i rtsa ba sngon gyi rgyu las byung ba la dran zhing / bdag gi dge ba'i rtsa bdun nas byang chub tu yongs su bsngo'o// sems can gzhan gyi dge ba'i rtsa badran na/ sems cad rnams byang chub tu sems bskyed do// gang sngon gyi 'du byed kyi sdug bsngal de dag kyang mi rtag pa dang / sdug bsngal ba dang / stong pa nyid dang / bdag med pa'i phyir bzang ngo // des mi rtag pa dang / sdug bsngal ba dang / stong pa nyid dang / bdag med pa'i phyir 'brang bas gzugs kyis dregs pa med pa yin/ kha dog gis dregs pa med pa yin/ nad med pas dregs pa med pa yin/ lang tshos dregs pa med pa yin/ 'tsho bas dregs pa med pa yin/ longs spyod kyis dregs pa med pa yin/ 'khor gyis dregs pa med pa yin/ dbang bas dregs pa med pa yin/ brgya byin du 'dod pa med pa yin/ tshangs par 'dod pa med pa yin/ 'jig rten skyong bar 'dod pa med pa yin/ 'khor los sgyur bar 'dod pa med pa yin// skye ba thams cad 'dod pa med pa yin no// 'dod pa dang / rgyal po'i skyid pa dang / dbang thams cad kyang bdag la bde ba'i phyir mi 'dod de/ gzhan du na sems can yongs su smin par bya ba'i phyir/ bsams bzhin du srid par skye ba 'dzin to// de mi rtag pa dang / sdug bsngal ba dang / stong pa nyid dang / bdag med pas 'brang bas sngon gyi nyon mongs pa'i spyod pas ngo tsha bas 'dzem ste/ nyam nga zhing rnam par smod do// da ltar gyi tshe yang thog gi phyir yang mi bya ba mi byed cing / de sngon gyi dge ba'i rtsa ba rnams byang chub tu sngo ste/ rgyas par byed do// da ltar gyi dge ba'i rtsa ba yang sems can thams cad dang thun mong du sngo'o// des mi mthun par yongs su bsngo ba spangs te/ sangs rgyas kyi rigs dang chos kyi rigs dang / dge 'dun gyi rigs rgyun mi 'chad pa dang / thams cad mkhyen pa'i phyir bsngo ste/ 'di ni byang chub sems dpa' rnams kyi sngon gnas pa dran pa shes pa mngon sum du byed pa'i mngon par shes pa mi zad pa'o/ / de la byang chub sems dpa' rnams kyi rdzu 'phrul bya ba shes pa mngon par shes pa gang zhe na/ gang mos pa dang / brtson 'grus dang / sems dang / dpyod pas rab tu shes pa'i chos rnams sgrub pa dang / las su rung ba dang / dbang byed pa nas/ rdzu 'phrul gyi rkang pa bzhi po 'di dag shin tu bsgoms pa'i phyir/ mngon par 'du byed pa med pa'i rdzu 'phrul mngon du thob par 'gyur te/ de rdzu 'phrul dang / cho 'phrul rnam pa mang po myong bar 'gyur ro// de rdzu 'phrul dang / cho 'phrul de dag ni sems can la lta ba'i phyir/ sems can yongs su smin par byed par 'gyur te/ de rdzu 'phrul dang / cho 'phrul gang dang gang gis sems can gdul bar bya ba'i rdzu 'phrul dang / cho 'phrul de dag sems can rnams la rab tu ston te/ gzugs su 'am/ stobs su 'am/ byin gyi rlabs kyang rung ste/ gzugs dang kha dog tu snang ba gang gis sems can 'dul bar 'gyur ba'i gzugs dang kha dog tu snang ba de dang de dag sems can rnams la nye bar ston te/ sangs rgyas kyi gzugs dang kha dog tu snang ba 'am/ byang chub sems dpa'i gzugs dang kha dog tu snang ba 'am/ rang sangs rgyas kyi gzugs dang / kha dog tu snang ba 'am/ nyan thos kyi gzugs dang kha dog tu snang ba 'am/ brgya byin gyi gzugs dang kha dog tu snang ba 'am/ 'jig rten skyong ba'i gzugs dang kha dog tu snang ba 'am/ 'khor los sgyur ba'i gzugs dang kha dog tu snang ba 'am/ de bzhin du 'jug sel dang / 'gro skems dang / dbang po chen po dang / tshangs pa dang / skye dgu'i bdag po'i gzugs dang kha dog tu snang ba 'am// gang de ma yin pa'i gzugs dang kha dog tu snang ba'i gzhan dag gis za na byol song gi skye gnas kyi gzugs dang kha dog tu snang bas kyang sems can 'dul bar 'gyur na/ gzugs dang kha dog tu snang ba de dang de dag bstan te/ sems can rnams kyi mos pa ji lta ba bzhin du chos ston to// de stobs gang dang gang gis stobs bsnyems pa dang / khro ba dang / nga rgyal dang / rgyags pa dang / dregs pa'i shas che ba'i sems can rnams gdul bar bya ba dang / de'i stobs nye bar ston te/ yang na brgya byin gyi stobs sam/ yang na tshangs pa'i stobs sam/ yang / na 'jig rten skyong ba'i stobs sam/ yang na 'khor los sgyur ba'i stobs sam/ yang na tshan chen po'i stobs sam/ yang na mthu bo che'i stobs kyi bani cha'am/ yang na mthu bo che stobs kyi byed dam/ yang na mthu bo che'i stobs kyang rung ste/ byang chub sems dpa' stobs gang dang ldan pas sor mo gsum gyis ri rab ri'i rgyal po bteg te/ daphang du dpag tshad brgya stong phrag drug cu rtsa brgyad tsam nas/ rgyang mar dpag tshad stong phrag brgyad cu rtsa bzhir 'phangs pa 'di lta ste/ skyu ru ra'i 'bru gcig bzhin du 'jig rten gyi khams gzhan du 'phangs kyang byang chub sems dpa' de'i stobs la nyams pa med do/ / stong gsum gyi stong chen po'i 'jig rten gyi khams 'di ltar rgya che zhing yangs pa'i chu'i khams nas bzung ste/ steng du 'og min gyi bar lag mthil gyi steng du bzhag ste bskal pa'am/ bskal pa las lhag par 'dug la/ spyod lam thams cad kyang ston te/ byang chub sems dpa' de lta bu'i stobs dang ldan pas/ sems can stobs snyems shing / khro ba dang / nga rgyal dang / rgyags pa dang / dregs pa'i shas che ba'i rnams la stobs snyems pa dang / khro ba dang / nga rgyal dang / dregs / pa gdul ba'i phyir chos ston to// de rdzu 'phrul gyi rkang pa de dag gis byin gyi rlabs kyis ye shes thob bo// byang chub sems dpa'i byin gyi rlabs kyis ye shes des gang dang gang la byin gyis brlabs pa de de bzhin du 'gyur te/ des gal te rgya mtsho chen po phyugs rjes tsam du gyur cig ces phyags rjes su byin gyis brlabs na/ phyugs rjes tsam du 'dug go/ phyugs rjes kyang rgya mtsho chen por gyur cig ces byin gyis brlabs na/ rgya mtsho chen po nyid du 'dug go// gal te bsregs pa'i bskal pa rnams chu'i phung por gyur cig ces byin gyi brlabs na/ de chu'i phung po nyid du 'dug go// chu'i phung po yang me'i phung por gyur cig ces byin gyis brlabs na me'i phung po nyid du 'dug go// me'i phung po yang rlung gi rung por gyur cig ces byin gyis brlabs na rlung gi phung po nyid du 'dug go/ rlung gi phung po yang me'i phung por gyur cig ces byin gyis brlabs na me'i phung po nyid du 'dug go// me'i phung po yang sa'i phung por gyur cig ces byin gyis brlabs na/ de sa'i phung po nyid du 'dug go// sa'i phung po yang me'i phung por gyur cig ces byin gyis brlabs na de me'i phung po nyid du 'dug go// de bzhin du tha ma dang 'bring dang / rab kyi chos gang dang gang byin gyi rlabs kyis byin du brlabs pa de dag ni de bzhin du 'dug go// de'i byin gyi rlabs de ni sangs rgyas bcom ldan 'das ma gtogs par brgya byin nam/ tshangs pa 'am/ bdud dam/ bdud kyi ris kyi lha 'am/ sus kyang rung ste/ 'jig rten du chos dang mthun pas sus kyang bskyod pa 'am/ bskul pa 'am/ mi snang bar byed mi nus te/ sems can gyi ris na gang byang chub sems dpa'i byin gyi rlabs de la bskyod pa 'am/ bskul ba 'am/ mi snang bar byed nus pa'i sems can de gang yang med do/ / byang chub sems dpa'i byin gyi rlabs dang / ye shes kyi stobs bskyed pa des brjod pa sna tshogs dang / dga' ba dang mgu ba la dam par 'dzin pa'i sems can rnams la/ sgra ji lta ba bzhin du 'jug pas chos ston to// de'i rdzu 'phrul gyi rkang pa de dag kyang mngon par 'phags so// bdag nyid dbang ba/ bdud dam nyon mongs pa thams cad kyi yul las/ 'das pa'o// sangs rgyas kyi yul la 'jug pa'o// sems can thams cad la mi gnod par sbyor ba'o// dge ba'i rtsa ba dang / tshogs thams cad bsags pa'o// bdud dang bdud kyi ro sA lha rnams kyis mi 'phrogs pa ste/ 'di ni byang chub sems dpa' rnams kyi rdzu 'phrul gyi bya ba shes pa mngon par shes pa mi zad pa ste/ 'di ni btsun pa shA ra dwa ti'i ru byang chub sems dpa' rnams kyi mngon par shes pa lnga mi zad pa zhes bya'o/ / gzhan yang btsun pa shA ra dwa ti'i bu/ byang chub sems dpa' rnams kyi bsdu ba'i dngos bzhi mi zad pa ste/ bzhi gang zhe na/ 'di lta ste/ sbyin pa dang / snyan par smra ba dang / don spyod pa dang / don mthun pa'o// de la sbyin pa ni gang / nga zing sbyin pa dang / chos sbyin pa'o// de la snyan par smra ba ni gang slong ba dang / chos nyan pa rnams la tshig 'jam zhing snyan par smra ba'o// de la don spyod pa ni gang bdag dang gzhan gyi don bsam pa bzhin du rdzogs par byed pa'o/ / de la don mthun pa ni gang theg pa gang la yon tan du 'du shes pa'i theg pa de nyid la chos dang zang zing len pa rnams rab tu 'god pa'o// gzhan yang sbyin pa ni gang slong ba rnams kyi yid mgu bar sbyin pa'o// snyan par smra ba ni slong ba rnams la mi smod pa'o// de la don spyod pa ni gang slong ba rnams kyi don yongs su rdzogs bapar byed pa'o/ / de la don mthun pa ni gang theg pa de nyid la yang dag par 'dzud pa'o// gzhan yang sbyin pa ni bsam pa zag pa nas gtong ba'o// snyan par smra ba ni gang sbyor ba la yongs su chad pa med pa'o/ / don spyod pa ni gang lhag pa'i bsam pas byin te 'gyod pa med pa'o// don mthun pa ni gang theg pa chen po la sngo ba'o// gzhan yang sbyin pa ni gang byams pa'i rjes su 'gro ba'i sems kyis yongs su gtong ba'o/ / snyan par smra ba ni gang la dga' ba dang / rab tu dga' bar gyur pa'i sems mi gtong ba'o// don spyod pa ni gang snying rje chen po yongs su dag pa'i sems bskyed/ pas sems can thams cad kyi bya ba la brtson pa'o// don 'thun pa ni gang btang snyoms dang ldan pa'i sems mtho dman med cing / thams cad mkhyen pa'i ye shes la yongs su sngo ba'i sems so/ / gzhan yang sbyin pa ni gang chos bzhin 'tshal ba'i longs spyod rnams yongs su gtong ba'o// snyan par smra ba ni gang la sbyin pa byin pa de dag chos la rab tu 'dzud pa'o// don spyod pa ni gang bdag gi don dang gzhan gyi don ston pa'o/ / don 'thun pa ni gang sems can thams cad kyi don gyi phyir thams cad mkhyen par sems bskyed pa'o// gzhan yang sbyin pa ni gang nang dang phyi'i dngos po rnams yongs su gtong ba'o/ / snyan par smra ba ni gang chos thams cad kyi yon tan shes pa la slob dpon mi 'chab pa'o// don spyod pa ni gang bdag gi don btang ste gzhan gyi don byed pa'o// don 'thun pa ni gang longs spyod kun bsdus te/ lag mthil du bzhag pa yang gzhan la byin nas mi dga' ba med pa'o// de la chos sbyin pa gang zhe na/ gang ji lta bur thos pa'i chos rnams ston pa'o/ / snyan par smra ba ni gang zang zing med pa'i sems kyis chos yang dag par rab tu ston pa'o// don spyod pa ni gang gzhan la lung 'bog pa dang / kha ton phog pas mi skyo ba'o// don 'thun pa ni gang thams cad mkhyen pa'i sems dang ma bral bas chos rnyed pa dang / gzhan yang rab tu 'dzud pa'o// gzhan yang chos kyi sbyin pa ni chos nyan pa'ong shing lhags pa rnams la mi skyo zhing mi g.yeng bar chos ston pa'o/ / gang snyan par smra ba ni gang don du rgyang ring por yang song ste/ dam pa'i chos yang dag par ston pa'o// don spyod pa ni gang chos 'dod pa'i gang zag rnams lhung bzed ma tshang ngam/ chos gos dang / zas dang / mal stan dang / na ba'i gsos sman dang / yo byad med dam/ gzhan yang de dag la gang dang gang gis brel ba de dag thams cad byin te/ lhag pa'i bsam par song ba'i sems kyi rgyud kyis chos ston pa'o// don mthun pa ni gang chos kyi sbyin pa byin te/ bla na med pa yang dag par rdzogs pa'i byang chub tu yang dag par 'dzud cing yongs su bsngo ba'o/ / gzhan yang chos sbyin pa ni gang sbyin pa thams cad kyi mchog ni chos sbyin pa yin par rig nas chos kyi sbyin pa yongs su gtong ngo/ / snyan par smra ba ni gang phan pa'i dngos po'i phyir chos ston to// don spyod pa ni gang don la rton pa'i chos ston gyi/ yi ge la rton pa ni ma yin no// don mthun pa ni gang sangs rgyas kyi chos thams cad rdzogs par bya ba'i phyir chos ston pa'o/ / zhan yang chos sbyin pa ni/ gang sbyin pa'i pha rol tu phyin pa'o// snyan par smra ba ni gang tshul khrims kyi pha rol tu phyin pa dang / bzod ra'i pha rol tu phyin pa'o/ / don spyod pa ni gang brtson 'grus kyi pha rol tu phyin pa'o// don mthun pa ni gang bsam gtan gyi pha rol tu phyin pa dang / shes rab kyi pha rol tu phyin pa'o// gzhan yang chos sbyin pa ni thog ma sems bskyed pa'i byang chub sems dpa' rnams kyi'o/ / snyan par smra ba ni spyod pa la zhug pa'i byang chub sems dpa' rnams kyi'o// don spyod pa ni phyir mi ldog pa'i byang chub sems dpa' rnams kyi'o/ / don mthun pa ni skye ba gcig gis thogs pa'i byang chub sems dpa' rnams kyi'o// gzhan yang chos sbyin pa ni/ byang chub kyi phyir rtsa ba dang sa bon gyi gzhi'o// snyan par smra ba ni byang chub kyi myu gu dang 'dab ma yongs su rdzogs pa'o// don spyod pa ni byang chub kyi me tog yongs su rgyas pa'o// don mthun pa ni byang chub kyi 'bras bu mngon par 'grub pa ste/ 'di ni btsun pa shA ra dwa ti ri bu/ byang chub sems dpa' rnams kyi bsdu ba'i dngos po bzhi mi zad pa'o// gzhan yang btsun pa shA ra dwa ti'i bu/ byang chub sems dpa' rnams kyi so so yang dag par rig pa bzhi mi zad pa ste/ bzhi gang zhe na/ gang 'di don so so yang dag par rig pa dang / chos so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa'o// de la don so so yang dag par rig pagang zhe na/ gang chos thams cad la don dam par shes pa ste/ chos shes pa dang / so sor rtog pa shes pa dang / rjes su 'gro ba shes pa dang / rgyu shes pa dang / rkyen shes pa dang / gnyis su med par shes pa dang / / tshogs par shes pa dang / tha mar mi 'gro bar shes pa dang / bar na mi 'dug par shes pa dang / rkyen la 'jug pa shes pa dang / chos kyi dbyings dbyer med par shes pa dang / de bzhin nyid kyi rjes su 'jug pa shes pa dang / yang dag pa'i mtha' la gnas pa shes pa dang / stong pa nyid rtogs pa'i shes pa dang / mtshan ma med pa la spyod pa'i shes pa dang / smon pa med pa la smon lam med par shes pa dang / mngon par 'du mi byed pa la mngon par 'du byed pa med par shes pa dang / tshul gcig la 'jug pa'i shes pa dang / bdag med pa la rtogs pa'i shes pa dang / sems can med par rtogs pa'i shes pa dang / srog med par phyogs gcig tu rtogs pa'i shes pa dang / gang zag med pa don dam par shes pa dang / 'das pa'i dus la ma chags pa'i shes pa dang / ma 'ongs pa'i dus la thug pa med par shes pa dang / da ltar byung ba'i dus na thams cad kha na ma tho ba med par shes pa dang / phung po rnams la sgyu mar shes pa dang / khams rnams la myur du gdug pa'i dug tu rtogs pa'i shes pa dang / skye mched rnams la grong stong par rtogs pa'i shes pa dang / nang nye bar zhi bar shes pa dang / phyi rol tu rgyu ba med par shes pa dang / yul rnams la sgyu ma dang / bye brag med par shes pa dang / dran pa la gnas pa'i shes pa dang / bzod pa'i rjes su 'gro ba'i shes pa dang / blo gros kyis so sor rtogs pa'i shes pa dang / bdag la rtog pa'i shes pa dang / bden pa la rab tu rtogs pa'i shes pa dang / sdug bsngal la mi 'byung bar shes pa dang / kun 'byung ba la mngon par 'du mi byed par shes pa dang / 'gog pa la mtshan nyid med par shes pa dang / lam la rgal bar shes pa dang / chos la tshig rab tu dbye bar shes pa dang / dran pa nye bar gzhag pa rnams la dran pa med pa dang / yid la bya ba med par shes pa dang / yang dag par spong ba rnams la dge ba dang / mi dge ba gnyis su 'jug pa'i shes pa dang / rdzu 'phrul gyi rkang pa rnams la lus dang sems yang bar shes pa dang / dbang po rnams la 'jug par shes pa dang / stobs rnams la mi brdzi bar shes pa dang / byang chub kyi yan lag rnams la chos thams cad yang dag par ji lta ba bzhin du rtogs par shes pa dang / lam la 'gro ba dang 'ong ba med par shes pa dang / zhi gnas la gnas par shes pa dang / lhag mthong la snang bar shes pa dang / sgyu ma la bsgrubs par shes pa dang / smig rgyu la nor par shes pa dang / rmi lam la yang dag pa ma yin pa mthong bar shes pa dang / brag cha la rkyen du dmigs pa'i shes pa dang / mig yor la mi 'pho bar shes pa dang / mtshan nyid sna tshogs la mtshan nyid gcig tu shes pa dang / 'dus pa la 'bral bar shes pa dang / phyir gyi mtshams la phyir gyi mtshams med par shes pa dang / nyan thos kyi theg pa la gzhan gyi sgra'i rjes su 'gro bar shes pa dang / rang sangs rgyas kyi theg pa la rkyen la 'jug pa dang / rab tu dben zhing rtse gcig par shes pa dang / theg pa chen po la dge ba'i rtsa ba dang / tshogs thams cad spel bar shes pa 'di ni don so// so yang dag par rig pa zhes bya'o// gzhan yang don so so yang dag par rig pa ni/ don so so yang dag par rig pa gang gis chos thams cad la don la rton pas rton pa ste/ de ci'i/ phyir zhe na/ chos thams cad ni ma lus par stong pa ste/ gang stong pa'i don de ni don no// chos thams cad ni ma lus par mtshan ma med pa ste/ gang mtshan ma med pa'i don de ni don no/ / chos thams cad ni ma lus par smon pa med pa ste/ gang smon pa med pa'i don de ni don to// chos thams cad ni ma lus par mngon par 'du mi byed pa ste/ gang mngon par 'du mi byed pa'i don de ni don to/ / chos thams cad ni ma lus par mi skye ba ste/ gang ma lus par mi skye ba'i don de ni don no// chos thams cad ni ma lus par ma byung ba ste/ gang ma lus bar ma byung ba'i don de ni don no/ / chos thams cad ni ma lus par dngos po med pa ste/ gang ma lus par dngos po med pa'i don de ni don no// chos thams cad ni ma lus par dben pa ste/ gang ma lus par dben pa'i don de ni don no// chos thams cad ni ma lus par bdag med pa/ sems can med pa/ srog med pa/ gang zag med pa ste/ gang bdag med pa/ dang / sems can med pa dang / srog med pa dang / gang zag med pa'i don de ni don te/ gang 'di lta bu'i chos rtogs pa de ni don so so yang dag par rig pa zhes bya'o// gang 'dir bstan pa ni thogs pa med par bstan pa/ chags pa med par bstan pa/ mi zad par bstan pa/ chos thams cad thob par bstan pa ste/ don bstan pa de ni so so yang dag par rig pa yin no/ / don so so yang dag par rig pa de ni/ chos thams cad bstan pa mi zad pa yin te/ sangs rgyas bcom ldan 'das rnams kyis kyang yang dag par bka' stsal cing / yang dag par rjes su thugs rang ba'o/ / yang dag pa dang / de kho na dang / ma log pa dang / gzhan ma yin pa yin te/ shes rab dang / ye shes kyi rtogs pa thams cad du kha na ma tho ba med pa ste/ 'di ni don so so yang dag par rig pa zhes bya'o// de la chos so so yang dag par rig pa gang zhe na/ gang chos thams cad la rjes su 'jug pa ste/ dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / 'dus byas dang / 'dus ma byas dang / 'jig rten pa dang / 'jig rten las 'das pa dang / bzang po dang / ngan pa dang / kun nas nyon mongs pa dang / rnam par byang ba'i char gtogs pa dang / 'khor ba dang mya ngan las 'das par nye bar song ba rnams la chos kyi dbyings mnyam pa nyid du shes pa dang / byang chub mnyam pa nyid du shes pa dang / khams mnyam pa nyid du shes pa 'di ni chos so so yang dag par rig pa zhes bya'o/ / gzhan yang chos so so yang dag par rig pa ni gang 'dod chags kyi spyod pa'i sems can rnams kyi sems la 'jug cing 'bab par shes pa dang / bcos pa'i 'dod chags spyod pa dang / ma bcos pa'i 'dod chags spyod pa dang / snrel zhi'i 'dod chags spyod pa dang / lta ba'i 'dod chags spyod pa dang / mi bzod pa'i 'dod chags spyod pa dang / 'jam pa'i 'dod chags spyod pa dang / yang dag pa'i 'dod chags spyod pa dang / kun rdzob kyi 'dod chags spyod pa dang / sbyor ba'i 'dod chags spyod pa dang / bsam pa'i 'dod chags spyod pa dang / lhag pa'i 'dod chags spyod pa dang / 'chal pa'i 'dod chags spyod pa dang / mtshan nyid kyi 'dod chags spyod pa dang / mtshan nyid mi mthun pa'i 'dod chags spyod pa dang / rnam par gzhag pa'i 'dod chags spyod pa dang / sngon gyi mtha'i rkyen gyi 'dod chags spyod pa dang / phyi ma'i mtha'i rkyen gyi 'dod chags spyod pa dang / da ltar byung ba'i rkyen gyi 'dod chags spyod pa dang / sems can nang du 'dod chags la/ phyi rol du 'dod chags med pa yang yod/ sems can phyi rol du 'dod chags la/ nang du 'dod chags/ med pa yang yod/ sems can nang du yang 'dod chags la/ phyi rol du yang 'dod chags pa yang yod/ sems can nang du yang 'dod chags med la/ phyi rol du yang 'dod chags med ba yang yod/ sems can gzugs la 'dod chags la/ sgra dang / dri dang / ro dang / reg la 'dod chags med pa yang yod/ sgra la 'dod chags la/ gzugs dang / dri dang / ro dang / reg la 'dod chags med pa yang yod/ dri la 'dod chags la/ gzugs dang / sgra dang // ro dang / reg pa la 'dod chags med pa yang yod/ ro la 'dod chags la/ gzugs dang / sgra dang / dri dang / reg pa la 'dod chags med pa yang yod/ sems can reg pa la 'dod chags la/ gzugs dang / sgra dang / dri dang / ro la 'dod chags med pa yang yod do/ / 'di ni sems can 'dod chags la spyod pa rnams kyi 'jug pa ste/ 'jug pa'i sgo 'dis sems can rnams kyi 'dod chags la spyod pa stong phrag nyi shu rtsa gcig go/ / sems can rnams kyi zhe sdang la spyod pa yang stong phrag nyi shu rtsa gcig go// sems can rnams kyi gti mug la spyod pa yang stong phrag nyi shu rtsa gcig go// sems can rnams kyi cha mnyam pa la spyod pa yang stong zag nyi shu rtsa gcig ste/ gang sems can spyod pa stong phrag brgyad cu rtsa bzhi po de dag gis sems kyi 'jug pa dang 'bab pa shes pa dang so so ci rigs par chos ston pa shes pa dang / dus las mi 'da' bar shes pa dang / snod kyi bye brag ji lta ba bzhin du shes pa dang / 'bras bu yod par chos bstan pa shes pa dang / ma chad ma lhag par chos bstan pa shes pa de ni/ chos so so yang dag par rig pa zhes bya'o// de la nges pa'i tshig so so yang dag par rig pa gang zhe na/ gang sems can thams cad kyi skad la 'jug pa shes pa ste/ lha'i skad dang / klu'i skad dang / gnod sbyin gyi skad dang / dri za dang / lha ma yin dang / nam mkha' lding dang mi 'am ci dang / lto 'phye chen po dang / mi dang mi ma yin pa'i skad la 'jug pa ste/ 'dor na ji snyed du 'gro ba lngar skyes pa'i sems can rnams kyi skad dang / sgra dang / dbyangs dang / tshig gi lam dang / nges pa'i tshig dang / brda dang / spyod pa ji snyed pa de dag thams cad rab tu shes te/ shes nas kyang sgra de dag dang / nges pa'i chog de dang de dag gis sems can de dang de dag la sgra la 'jug pa ji lta ba bzhin du chos ston te/ 'di ni nges pa'i tshig so so yang dag par rig pa zhes bya'o// gzhan yang nges pa'i tshig so so yang dag par rig pa ni chos 'di dag la 'di lta bur brtags par bya/ chos 'di dag la 'di lta bur brtul bar bya/ chos 'di dag 'di lta bur khong du chud par bya'o// chos 'di dag 'di lta bur yi ges brtag par bya'o zhes chos gcig gi tshig kyang shes/ gnyis kyi tshig kyang shes/ mang po'i tshig kyang shes/ skyes pa'i tshig kyang shes/ bud med kyi tshig/ kyang shes/ ma ning gi tshig kyang shes/ 'das pa'i tshig kyang shes/ ma 'ongs pa'i tshig kyang shes/ da ltar byung ba'i tshig kyang shes/ yi ge gcig sgro btags pa yang shes yi ge du mar sgro btags pa yang shes/ sgro btags pa med pa yang shes te/ 'di ni nges pa'i tshig so so yang dag par rig pa zhes bya'o// gzhan yang nges pa'i tshig gis chos thams cad 'gog pa la tshig gis chos shes pa 'di ni nges pa'i tshig so so yang dag par rig pa zhes bya'o/ / de'i nges pa'i tshig de ni thogs pa med pa/ 'khrul pa med pa/ shin tu rnam par bzhag pa/ zlos pa med pa/ mi drag pa/ ma brtags pa/ zur phyin pa/ rnam par gsal ba/ don dang yi ges bskor ba/ ji lta ba bzhin du 'khor tshim par byed pa/ rnam pa sna tshogs pa/ zab pa/ zab mor snang ba/ kun rdzob dang don dam pas brgyan pa/ rang gi sems dang / shes pa dang / lta ba rtogs pa dang / sangs rgyas kyis bka' stsal pa/ sems can thams cad mgu bar byed pa ste/ 'do ni nges pa'i tshogs sa yang dag par rig pa zhes bya'o// de la thos so so yang dag par rig pa gang zhe na/ 'di lta ste/ chags pa med par lung bsgo ba bstan pa shes pa dang / ma tshang ba med par lung bsgo ba bstan pa shes pa dang / thogs pa med par lung bsgo ba bstan pa shes pa dang / spobs pa myur ba/ spobs pa drag pa dang / spobs pa mgyogs pa dang / spobs pa 'bras bu yod pa dang / ji ltar dris pa bzhin du spobs pa dang / lan thebs pa med pa'i spobs pa dang / spobs pa mi 'bri ba dang / shin tu 'brel pa'i spobs pa dang / rtogs pa'i spobs pa dang / chos la dga' ba'i spobs pa dang / bzod// pa'i stobs la gnas pa'i spobs pa dang / zab mo la spobs pa dang / sna tshogs kyi spobs pa dang / kun rdzob dang don dam pa'i spobs pa dang / sbyin pa dang / tshul khrims dang / bzod pa dang / brtson 'grus dang / bsam gtan dang / shes rab la spobs pa dang / sangs rgyas kyi chos thams cad kyi tshig rab tu dbye ba bstan pa la spobs pa dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam zab mo la spobs pa dang / zhi gnas dang / lhag mthong la spobs pa ste/ spobs pa so so yang dag par rig pa zhes bya ba ni/ gang nges pa'i tshig la rtog pas tshig gi chos shes pa dang / bsam gtan dang / rnam par thar pa dang / ting nge 'dzin dang / snyoms par 'jug pa dang / bden pa la 'jug pa shes pa'i spobs pa'o// theg pa thams cad la spobs pa'o// yang dag pa ji lta ba bzhin du bstan pas sems can thams cad kyi sems kyi spyod pa tshim par bya ba la spobs pa ste/ mi 'dor/ mi lkug pa'i tshig dang / mi brlang ba'i tshig dang / brtan pa'i tshig dang / mi rtsub pa'i tshig dang / snum pa'i tshi ga dang / dge ba'i tshig dang / rab tu grol ba'i tshig dang / mi 'dzings pa'i tshig dang / zur phyin pa'i tshig dang / nges pa'i tshig dang / mi g.yo ba'i tshig dang / mi rgod pa'i tshig dang / zhi ba'i tshig dang / gzung ba'i tshig dang / mnyan pa'i tshig dang / ldan pa'i tshig dang / zla ba med pa'i tshig dang / shin tu rigs pa'i tshig dang / ma tshang ba med pa'i tshig dang / snyan pa'i tshig dang / 'jam pa'i tshig dang / ma smad pa'i tshig dang / shin tu sdud pa'i tshig dang / 'phags pa thams cad kyis rab tu bsngags pa'i tshig dang / zhing mtha' yas par go bar byed pa rjes su song ba'i dbyangs dang / tshangs pa'i sgra skad la rtog cing ko bar byed pa'i rjes su song ba'i dbyangs dang / sangs rgyas kyis bka' stsal pa'i spobs pas sems can gzhan dang / gang zag gzhan gyi dbang po mchog dang mchog ma yin pa shes pas chos ston te/ de'i chos ston pa de yang de byed pa yang dag par sdug bsngal zad pa'i phyir 'byung bar 'gyur te/ 'di ni spobs pa so so yang dag par rig pa zhes bya'o/ / 'di ni btsun pa shA ra dwa ti'i bu/ byang chub sems dpa' rnams kyi so so yang dag par rig pa bani mi zad pa'o// gzhan yang btsun pa shA ra dwa ti'i bu byang chub sems dpa' rnams kyi rton pa ba ni yang mi zad pa ste/ bzhi gang zhe na/ 'di lta ste/ don la rton gyi yi ge la mi rton pa dang / ye shes la rton gyi rnam par shes pa la mi rton pa dang / nges pa'i don gyi mdo la rton gyi drang ba'i don gyi mdo la mi rton pa dang / chos nyid la rton gyi gang zag la mi rton pa'o// de la don ni gang / yi ge ni gang zhe na/ yi ge/ zhes bya ba ni gang 'jig rten gyi chos dang / bya ba la 'jug pa bstan pa'o// don ces bya ba ni gang 'jig rten las 'das pa'i chos rtogs pa'o// yi ge zhes bya ba ni gang sbyin pa dang / dul ba dang / sdom pa dang / nges pa bstan pa'o// don ces bya ba ni gang sbyin pa dang / dul ba dang / rlom pa dang / nges pa'i mnyam pa nyid shes pa'o// zhes bya ba ni gang 'khor ba'i nyes pa bsgrags shing brjod pa'o// don ces bya ba ni gang 'khor ba la mi dmigs par rtogs pa'o// yi ge zhes bya ba ni gang mya ngan las 'das pa'i yon tan dang leg pa brjod pa'o/ / don ces bya ba ni gang rang bzhin gyis mya ngan las 'das pa'i chos thams cad la rnam par mi rtog pa'o// yi ge zhes bya ba ni gang theg pa ji ltar rnam par gzhag pa bzhin du ston pa'o/ / don ces bya ba ni gang chos kyi dbyings dbyer med pa de tshul gcig pa la 'jug pa shes pa'o// yi ge zhes bya ba ni gang badrog pa thams cad yang dag par gtong ba'o// don ces bya ba ni gang 'khor gsum yongs su dag par shes pa'o/ / yi ge zhes bya ba ni gang lus dang ngag dang yid kyi sdom pa dang / tshul khrims dang / bslab pa dang / sbyangs pa'i yon tan dang / yo byad bsnyungs pa thams cad yang dag par len pa bstan pa'o// don ces bya ba ni gang lus dang ngag dang yid mi dmigs pa dang / sdom pa dang / tshul khrims dang bslab pa dang / sbyangs pa'i yon tan dang / yo byad bsnyungs pa yang dag par bslang ba bstan pa yongs su dag par shes pa'o// yi ge zhes bya ba ni gang gnod sems kyi tha ba dang / nyes pa dang / khro ba dang / khon du 'dzin pa dang / nga rgyal dang / rgyags pa dang / dregs pa thams cad rab tu 'jom zhing / bzod pa'i stobs dang / nges pa bstan pa'o// don ces bya ba ni gang mi skye ba'i chos la bzod pa thob pa'o// yi ge zhes bya ba ni gang dge ba'i rtsa ba thams cad yang dag par bsgrub pa la brtson 'grus brtsam pa bstan pa'o/ / don ces bya ba ni gang blang ba dang dor ba la mi gnas pa'i brtson 'grus so// yi ge zhes bya ba ni gang bsam gtan dang / rnam par thar pa dang / ting nge 'dzin dang / snyoms par 'jug pa bstan pa'o// don ces bya ba ni gang 'gog pa'o snyoms par 'jug pa shes pa'o// yi ge zhes bya ba ni gang thos pa thams cad 'dzin pa shes rab kyi rtsa ba'o/ / don ces bya ba ni gang brjod du med pa'i don shes pa'o// yi ge zhes bya ba ni gang byang chub kyi phyogs kyi chos sum cu rtsa bdun gyi chos yang dag par bstan pa'o/ / don ces bya ba ni gang byang chub kyi phyogs sgrub pa'i 'bras bu mngon sum du byed pa'o// yi ge zhes bya ba ni gang sdug bsngal ba dang / kun 'byung ba rnams yang dag par rab tu bstan pa'o/ / don ces bya ba ni gang 'gog pa'i 'bras bu mngon sum du byed pa'o// yi ge zhes bya ba ni gang ma rig pa la sogs pa rga shi'i bar du yang dag par ston pa'o// don ces bya ba ni gang ma rig pa 'gog pa nas rga shi'i 'gog pa'i bar du'o/ / yi ge zhes bya ba ni gang zhi gnas dang lhag mthong gi tshogs bstan pa'o// don ces bya ba ni gang rig pa dang / rnam par grol ba'i ye shes so/ / yi ge zhes bya ba ni gang 'dod chags dang / zhe sdang dang / gti mug dang / cha mnyam pa'i spyod pa'i sems can rnams bstan pa'o// don ces bya ba ni gang sems rnam par grol ba mi 'khrugs pa'i ye shes so/ / yi ge zhes bya ba ni gang sgrib pa dang / bsgribs par 'gyur ba'i chos rnams yang dag par bstan pa'o// don ces bya ba ni gang bsgrib pa med pa'i ye shes dang / rnam par thar pa'o// yi ge zhes bya ba ni gang dkon mchog gsum gyi yon tan dang / bsngags pa mtha' yas pa bstan pa'o// don ces bya ba ni gang sangs rgyas kyi chos kyi sku mthong ba dang / 'dod chags dang bral zhing 'gog pa'i chos nyid dang / 'dus ma byas kyi sangs rgyas dang / chos dang / dge 'dun gyi yon tan sgrub pa'i ye shes so// yi ge zhes bya ba ni gang thog ma sems bskyed pa nas bzung ste/ byang chub kyi snying po la 'dug pa'i bar gyi byang chub sems dpa'i yon tan gyi tshogs bstan pa'o// don ces bya ba ni gang sems skad cig ma gcig dang ldan pa'i shes rab kyis thams cad mkhyen pa'i ye shes mngon par rdzogs par 'tshang rgya ba ste/ mdor na gang chos kyi phung po stong phrag brgyad cu rtsa bzhi bstan pa 'di ri ke nes bya'o/ / gang sems can thams cad kyi skad dang / yi ge dang / snang bar byed pa dang / brjod du med pa'i don de ni don te/ 'di ni ro la rngon gyi yig la mi rton pa zhes bya'o/ de la rnam par shes pa ni gang / ye shes ni gang zhe na/ rnam par shes pa zhes bya ba ni rnam par shes pa gnas pa bzhi ste/ bzhi gang zhe na/ 'di lta ste/ rnam par shes pa gnas pa na/ gzugs la nye bar 'gro zhing gnas so// rnam par shes pa gnas pa na tshor ba la nye bar 'gro ba dang / 'du shes la nye ba 'gro ba dang / 'du byed la nye bar 'gro zhing gnas pa ste/ 'di ni rnam par shes pa zhes bya'o// de la ye shes gang zhe na/ gang phung po bzhi la gnas pa'i rnam par shes pa'i phung po kun shes pa ste/ 'di ni ye shes zhes bya'o/ / gzhan yang rnam par shes pa ni sa'i khams rnam par shes pa dang / chu'i khams dang / me'i khams dang / rlung gi khams rnam par shes pa 'di ni rnam par shes pa zhes bya'o/ / gang khams rnam pa bzhi po 'di dag la gnas pa'i rnam par shes pa la chos kyi dbyings dbyer med par shes pa 'di ni ye shes zhes bya'o// gzhan yang rnam par shes pa ni/ gang mig gis shes par bya ba'i gzugs rnams la rnam par rig pa dang / de bzhin du rna bas shes par bya ba'i sgra rnams dang / snas shes par bya ba'i dri rnams dang / lces shes par bya/ ba'i ro rnams dang / lus kyis shes par bya ba'i reg bya rnams dang / yid kyis shes par bya ba'i chos rnams la rnam par rig pa 'di ni rnam par shes pa zhes bya'o// gang yang nang nye bar/ zhi zhing phyi rol du rgyu ba med pa dang / ye shes la rton pas chos gang yang mi rtog cing rnam par mi rtog pa 'di ni ye shes zhes bya'o// gzhan yang dmigs pa las rnam par shes pa ba dang / yid la byed pa las rnam par shes pa skye ba dang / kun tu rtog pa las rnam par shes pa skye ba 'di ni rnam par shes pa zhes bya'o// gang yang 'dzin pa med pa dang / snyems pa med pa dang / dmigs pa med pa dang / rnam par rig pa med pa dang / rtog pa med pa 'di ni ye shes zhes bya'o// gzhan yang 'dus byas rgyu ba'i chos la rnam par shes pa skye ste/ 'dus ma byas la ni rnam par shes pa rgyu ba med pa'o// gang 'dus ma byas su shes pa de ni ye shes so// gzhan yang skye ba dang 'jig pa la gnas pa ni rnam par shes pa'o// mi skye ba dang mi 'gog pa la gnas pa ni ye shes te/ 'di ni ye shes la rton gyi rnam par shes pa la mi rton pa zhes bya'o// de la nges pa'i don gyi mdo ni gang / drang ba'i don gyi mdo ni gang zhe na mdo gang lam la 'jug par bstan pa de dag ni drang ba'i don ces bya'o/ / mdo gang 'bras bu la 'jug pa'i phyir bstan pa de dag ni nges pa'i don ces bya'o// mdo gang kun rdzob sgrub par bsdu pa de dag ni drang ba'i don ces bya'o/ / mdo gang don dam pa bstan pa de dag ni nges pa'i don ces bya'o// mdo gang las kyi bya ba la 'jug par bstan pa de dag ni drang ba'i don ces bya'o// mdo/ gang las dang nyon mongs pa zad par bya ba'i phyir bstan pa de dag ni nges pa'i don ces bya'o// mdo kang kun nas nyon mongs pa bshad pa'i phyir bstun pa de dag ni drang ba'i don ces bya'o/ / mdo gang rnam par byang ba yongs su bstan par bya ba'i phyir bstan pa de dag ni nges pa'i don ces bya'o// mdo gang 'khor ba la skyo bar bya ba bstan pa de dag ni drang ba'i don ces bya'o/ / mdo gang 'khor ba dang mya ngan las 'das pa gnyis su med pa la 'jug par bstan pa de dag ni nges pa'i don ces bya'o// mdo gang chog dang yi ge sna tshogs su bstan pa de dag ni drang bo'i don ces bya'o/ / mdo gang zab mo blta dka' ba khong du chud par dka' bstan pa de dag ni nges pa'i don ces bya'o// mdo gang tshig dang yi ge mang zhing sems can gyi sems dga' bar bya ba bstan pa de dag ni drang ba'i don ces bya'o/ / mdo gang tshig dang yi ge nyung la sems nges par rtogs par byed par bstan pa de dag ni nges pa'i don ces bya'o// mdo gang bdag dang / sems can dang / srog dang / gso ba dang / skyes bu dang / gang zag dang / shed las skyes pa dang / shed bdag dang / byed pa po dang / tshor ba po dang / sku rnam pa sna tshogs su bshad pa dang / bdag po med pa la bdag po dang bcas par bstan pa de dag ni drang ba'i don ces bya'o// mdo gang stong pa nyid dang / mtshan ma med pa dang / smon pa med pa dang / mngon par 'du mi byed pa dang / ma skyes pa dang / ma byung ba dang / dngos po med pa dang / bdag med pa dang / sems can med pa dang / srog med pa dang / gang zag med pa dang / bdag po med pa dang / rnam par thar pa'i sgo'i bar du bstan pa de dag ni nges pa'i don ces bya ste/ 'di ni nges pa'i don gyi mdo la rton gyi/ drang ba'i ron gyi mdo la mi rton pa zhes bya'o/ / de la chos nyid ni gang / gang zag ni gang zhe na/ gang zag tu lta ba la gnas te/ gang chos kha cig la rtsom pa 'di ni gang zag ces bya'o// gang zag tu lta ba de'i rtsom pa yongs su shes pa 'di ni chos nyid ces bya'o/ / gzhan yang so sora'i skye bo'i gang zag dang / so so'i skye bo'i dge ba'i gang zag dang / dad pa'i phyir 'gro ba'i gang zag dang / chos kyi phyir 'gro ba'i gang zag dang / brgyad pa'i gang zag dang / rgyun du zhugs pa'i gang zag dang / lan cig phyir 'ong ba'i gang zag dang / phyir mi 'ong ba'i gang zag dang / dgra bcom pa'i gang zag dang / rang sangs rgyas kyi gang zag dang / byang chub sems dpa'i gang zag dang / gang zag gcig 'jig rten du 'byung ba na/ skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mo'i skye bo phal po che'i don gyi phyir phan pa'i phyir/ bde ba'i phyir/ lha dang mi rnams kyi ston pa sangs rgyas bcom ldan 'das gang zag gcig pu 'jig rten du byung ste/ de ni gang zag ces bya'o// gang zag gi sgra de dag thams can ni de bzhin gshegs pas/ kun rdzob kyi tshig gi gnas kyi sems can rnams drang ba'i phyir bstan pa ste/ de la gang mngon par chags pa de dag ni rton pa ma yin zhes bya ba ste/ de dag rton pa la gzud pa'i phyir bcom ldan 'das kyis kyang chos nyid la rton par gyis shig/ gang zag gi phyir ni ma yin no zhes gsungs so// de la chos nyid gang zhe na/ 'di lta ste/ 'gyur ba med pa dang / btags pa med pa dang / byang ba med pa dang / rnam par byang ba med pa dang / mi gnas pa dang / rab tu mi gnas pa dang / rtsa ba med pa dang / thams cad du mnyam pa dang mnyam pa la mnyam pa dang / mi mnyam pa la mnyam pa dang / mnyam pa dang mi mnyam pa la mnyam pa dang / rtog pa med pa dang / brtson pa med pa dang / chos thams cad la skyon med pa rnyed pa dang / shin tu nam mkha'i ngo bo dang / mtshan nyid 'di ni mtshan nyid ces bya'o// de la gang chos nyid la rton pa de ni khams gang la yang mi rton no// de bas na chos kyi / sgo'i tshul la 'jug pa 'dis chos thams cad kyang chos nyid du 'gyur ro// 'di ni chos nyid la rton gyi gang zag la mi rton pa zhes bya ste/ 'di dag ni btsun pa shA ra dwa ti'i bu/ byang sems dpa' rnams kyi rton pa bzhi mi zad pa'o/ / gzhan yang btsun pa shA ra dwa ti'i bu/ byang chub sems dpa' rnams kyi bsod nams dang ye shes kyi tshogs kyang mi zad pa/ yin te/ de la byang chub sems dpa' rnams kyi bsod nams kyi tshogs mi zad pa gang zhe na/ 'di lta ste/ sbyin pa'i bsod nams bya ba'i dngos po dang / tshul khrims dang bsgom pa'i bsod nams bya ba'i dngos po dang / byams pa'i sems la snyoms par 'jug pa dang / snying rje chen po'i sbyor ba dang / dge ba thams cad rtsom pa dang / bdag dang gzhan gyi sdig pa bshags pa dang / slob pa dang mi slob pa thams cad dang / rang sangs rgyas dang / thog ma sems bskyed pa dang / phyir mi ldog pa dang / skye ba gcig gis thogs pa'i byang chub sems dpa' rnams kyi dus gsum du yang dag par bsgrub pa'i bsod nams thams cad la rjes su yi rang ba dang ldan pa'i bsod nams bya ba'i dngos po dang / slob pa dang mi slob pa thams cad dang / rang sangs rgyas dang / thog ma sems bskyed pa dang / phyir mi ldog pa dang / skye ba gcig gis thogs pa'i byang chub sems dpa' rnams kyi byang chub tu sems bskyed pa la rjes su yi rang ba dang ldan pa'i bsod nams bya ba'i dngos po dang / 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi dge ba'i rtsa ba thams cad la rjes su yi rang ba dang ldan pa'i bsod nams bya ba'i dngos po dang / sangs rgyas thams cad dang / byang chub sems// dpa' thams cad dang / 'phags pa thams cad dang / slob pa dang / mi slob pa thams cad la chos kyi sbyin pa gsol ba dang / tshe bsring bar gsol ba dang ldan pa'i bsod nams bya ba'i dngos po dang / dge ba'i rtsa ba thams cad la rjes su yi rang ba dang / bskul ba dang / gsol ba'i dge ba'i rtsa ba bsags pa rnams dang / byang chub tu bsngo ba dang ldan pa'i yid la bya ba'i dngos po dang / sems can byang chub tu sems ma bskyed pa rnams byang chub tu sems bskyed pa dang / byang chub tu sems bskyed pa rnams la pha rol tu phyin pa'i lam ston pa dang / sems can phongs pa rnams la longs spyod kyis yang dag par sdud pa dang / sems can nad pa rnams la sman sbyin zhing g.yo ba med par rim gro byed pa dang / mthu chung ba la bzod pa bsgom pa dang / ltung ba mi 'chab pa dang / sdig pa 'chags pa dang / sangs rgyas bcom ldan 'das bzhugs pa dang / yongs su mya ngan las 'das pa rnams la mchod pa dang / bsnyen bkur thams cad byed pa dang / mkhan po dang slob dpon la ston pa bzhin du dga' ba dang / chos rnams la rin thang med pa'i rin po che tshol ba ltar brtson pa dang / chos smra ba rnams la sangs rgyas bzhin du dga' ba dang / dpag tshad brgyar yang so zhing dam pa'i chos mnyan pa la mi ngoms pa dang / chos la slob dpon 'chab pa med pa dang / zang zing med par chos sbyin pa dang / chos la rin thang med pa'i rin po che bzhin du 'phangs pa dang / pha ma la bsnyen bkur byed pa dang / byas pa gzo ba dang / byas pa tshor ba dang / byas nas 'gyod pa med pa dang / bsod nams bsags pas mi ngoms pa dang / lus bsdams pas lus kyi tshul 'chos pa med pa dang / ngag bsdams pas ngag gi tshul 'chos pa med pa dang / yid bsdams pas yid kyi tshul 'chos pa med pa dang / de bzhin gshegs pa'i mchod rten rab tu 'jog pas tshangs pa'i bsod nams kun 'dzin pa dang / gtan pa med pa'i mchod sbyin gtong bas mtshan yongs su rdzogs par byed pa dang / dge ba'i rtsa ba'i tshogs sna tshogs bsags pas/ dpe byad bzang po yongs su rdzogs par byed pa dang / nga rgyal med pas lus brgyan pa dang / ngag gi nyes pa thams cad spangs pas ngag brgyan pa dang / sems can thams cad la khong khro ba med pa'i sems kyis sems brgyan pa dang / mngon par shes pas rnam par 'phrul pas sangs rgyas kyi zhing gis sangs rgyas brgyan pa dang / 'dod chags dang bral ba'i chos nyid kyis chos brgyan pa dang / phra ma med pa dang / zhe gcod pa med pa dang / 'byed pa'i tshig mi smra bas 'khor brgyan pa dang / bstan pa la ser sna med par byed pas chos gzung bar 'gyur ba dang / legs so zhes bya ba byin pas rab tu dag ba dang / gus par chos nyan pa dang / legs par bshad pa brjod pas 'bras bu yod par chos ston pa dang / sangs rgyas bcom ldan 'das rnams la brtul zhugs kyi nag tshal phul bas sgrib pa spong zhing / byang chub kyi shing rgyan du 'gyur ba dang / sangs rgyas bcom ldan 'das rnams kyi dge ba'i rtsa ba thams cad kyi sngon du 'gro bas byang chub kyi snying po'i rkyen du 'gyur ba dang / las dang nyon mongs pa thams cad kyis mi gos pas/ shi 'phos yongs su dag pa dang / rin po che dang / sdug pa'i dngos po thams cad la mi lta bar kun gtong bas lag na rin po che rab tu thob pa dang / gter mi zad pa rab tu byin pas longs spyod mi zad pa dang / bzhin 'dzum zhing khro gnyer med pas sems can rnams mthong ma thag tu dga' bar 'gyur/ ba dang / sems can thams cad la 'od zer mnyam par gtong bas mnyam pa nyid du rnam par thob pa dang / ma lobs pa'i sems can zil gyis mi gnon pas 'od bkod pa gtong ba dang tshul khrims kyi bsod nams bsags pas skye ba yongs su dag pa dang / ltung ba la rtsod par mi byed pas mngal gyi gnas yongs su dag pa dang / dge ba bcu'i las kyi lam yongs su dag pas lha dang mir skye ba dang / brtan pa thams cad la rnam par mi rtog pas rnam par gnon pa don yod pa dang / chos thams cad slob dpon 'chab pa med pas chos thams cad la dbang ba dang / bsam pa yongs su dag pas 'jig rten thams cad la dbang ba dang / sems can yongs su sbyong bas rang gi sangs rgyas kyi zhing yongs su sbyong ba dang / las kyi rnam par smin pa la rton pas lhag pa'i bsam pa yongs su dag pa dang / nyi tshe ba'i spyod pa mi 'dod pas sangs rgyas kyi chos rgya chen po la dad pa dang / thams cad mkhyen pa'i sems mi gtong bas bsod nams thams cad yongs su 'dzin pa dang / dad pa sngon du 'gro bas nor bdun yongs su rdzogs par 'gyur ba dang / lus dang srog la mi lta bas sangs rgyas kyi chos kun 'dzin pa dang / yi dam bcas pa sgrol bas 'jig rten thams cad mi slu ba dang / dge ba'i chos thams cad sngon du 'gro bas sangs rgyas kyi chos thams cad rdzogs par 'gyur ba dang / de ltar rgyu gang dang gang gis sangs rgyas kyi chos thams cad yongs su rdzogs par 'gyur ba de dang de dag yang dag par bsgrub pa 'di ni/ btsun pa shA ra dwa ti'i bu/ mdor na byang chub sems dpa' rnams kyi bsod rnams kyi tshogs mi zad pa zhes bya ste/ rgya cher ni bskal pa 'am/ de bas kyang lhag par bshad do// de la byang chub sems dpa' rnams kyi ye shes kyi tshogs mi zad pa gang zhe na/ rgyu gang dang rkyen gang gis ye shes rtogs par 'gyur ba'i rgyu de dag dang rkyen de dag byang chub sems dpa' yang dag par sgrub ste/ de la rgyu ni gang / rkyen ni gang zhe na/ gang 'di ni ye shes kyi yongs su tshol ba la rab tu mos pa dang / ye shes rtogs pa'i dge ba'i bshes gnyen rnams la rtag tu bsten pa dang / 'grogs pa dang / bsnyen bkur byed pa dang / gang yang sangs rgyas kyi ye shes kyi phyir 'brang zhing / nyan thos dang rang sangs rgyas kyi ye shes kyi phyir mi 'brang ba dang / dge ba'i bshes gnyen de dag la nga rgyal med cing bla ma bzhin du dga' ba dang / ston pa bzhin du dga' ba ste/ dge ba'i bshes gnyen de dag gis kyang 'di bsam pa phun sum tshogs pa'o zhes rig nas yang dag par brjod pa dang / ye shes kyi gtam sgrub par byed do// snod du rig nas rgyun mi 'chad par phyir rol ma yin pa'i chos ston to// de chos de dag thos nas chos kyi tshogs la sbyor bar byed de/ gang chos kyi tshogs la sbyor ba de ni de'i ye shes kyi tshogs yin no/ / de la chos kyi tshogs su sbyor ba gang zhe na/ gang 'di'i don nyung ba dang / bya ba nyung ba dang / smra ba nyung ba dang / yo byad nyung ba dang / srod dang tho rangs la mi nyal zhing rnal 'byor la brtson pa dang / thos pa'i don la rtog pa dang / yang dang yang tshol ba dang / sems la rnyog pa med pa dang / sgrib pa rnams gnon pa dang / ltung ba rnams las 'byung ba shes pa dang / 'gyod pa med pa dang / kun nas ldang ba med pa dang / nan tan snying por byed pa dang / chos la gzhol ba dang / chos la 'bab pa dang chos la bab pa dang / mthu dang ldan pa dang / ye shes tshol ba la mgo'i thod la me 'bar ba lta bu dang / de la ma chags par gnas pa dang / tshul khrims la mi lhod pa dang / brtson pa mi gtong ba dang / bye brag tu 'gro ba dang / 'du 'dzi la mi dga' ba dang / gcig pu dga' dang / dkon pa la mngon du phyogs shing yid la byed pa dang / 'phags pa'i rigs kyis chog shes pa dang / sbyangs pa'i yon tan la sems mi skyo ba dang / chos kyi dga' ba la dga' zhing mos pa dang / 'jig rten pa'i sngag pa dran par mi byed pa dang / 'jig rten las 'das pa'i chos tshol ba dang / dran pa nyams pa med pa dang / don rtogs pa'i rjes su 'gro ba dang / blo gros kyi lam dang mthun pa dang / bstan pas sdom pa dang / rkyen gyis ye shes su 'gro ba dang / khrel dang ngo tsha bas brgyan pa dang / ye shes kyi rjes su 'gro ba lhur byed pa dang / mi shes pa sel ba dang / ma rig pa dang / mug gi mun pa dang / rab rib kyi mun pas chod pa bsal ba dang / shes rab kyi mig rnam par dag pa dang / blo shin tu rnam par dag pa dang / blo rgya che ba dang / blo ma zhum parang blo ma gyes pa dang / blo rab tu gsal ba dang / mngon sum du shes pa dang / yon tan gzhan la rag ma lus pa dang / bdag gi yon tan mi snyems pa dang gzhan gyi yon tan kun brjod pa dang / legs par bya ba'i las byed pa dang / las kyi rnam par smin pa dang 'gal bar mi byed pa dang / las yongs su dag pa'i ye shes 'di ni btsun pa shA ra dwa ti'i bu/ byang chub sems dpa' rnams kyi ye shes kyi tshogs mi zad pa zhes bya'o// gzhan yang ye shes kyi tshogs rnam pa bzhi po 'di dag ni ye shes kyi tshogs rab tu sogs par 'gyur te/ bzhi po gang zhe na/ 'di lta ste/ chos smra ba rnams la gro ka dang / smyu gu dang / snag tsha dang / glegs bam sbyin pa dang / chos smra ba rnams la chos kyi stan sna tshogs sbyin pa dang / chos smra ba rnams la rnyed pa dang / bkur sti dang / tshigs su bcad pa sbyin pa dang / chos smra ba rnams la chos kun sdud pa'i phyir g.yo med par legs so zhes bya ba sbyin pa ste/ sbyin pa bzhi po de dag ni ye shes kyi tshogs sogs par 'gyur ro// bsrung ba bzhi po 'di dag ni byang chub sems dpa' rnams kyi ye shes kyi tshogs sogs par 'gyur te/ bzhi gang zhe na/ 'di lta ste/ chos smra ba rnams rje bo bzhin du bsrung ba dang / dge ba'i rtsa ba bsrung ba dang / yul dang ljod kyi phyogs srung ba dang / phan pa'i dngos po srung ba ste/ srung ba bzhi po 'di dag ni byang chub sems dpa' rnams kyi ye shes kyi tshogs sogs par 'gyur ro// bstan pa bzhi po 'di dag ni byang chub sems dpa' rnams kyi ye shes kyi tshogs sogs par 'gyur te/ bzhi gang zhe na/ 'di lta ste/ chos smra ba rnams la zang zing gis bstan pa dang / chos bstan pa dang / shes rab bstan pa dang / ye shes bstan pa ste/ bstan pa bzhi po 'di dag ni byang chub sems dpa' rnams kyi ye shes kyi tshogs sogs par 'gyur ro// stobs lnga po 'di dag ni byang chub sems dpa' rnams kyi ye shes kyi tshogs sogs par 'gyur te/ lnga gang zhe na/ 'di lta ste/ mos pa'i phyir dad pa'i stobs dang / thos pa tshol ba'i phyir brtson 'grus kyi stobs dang / byang chub kyi sems ma nyams pa'i phyir dran pa'i stobs dang / mnyam pa nyid la sems nges par rtogs pa'i phyir ting nge 'dzin gyi stobs dang / thos pa'i stobs kyi phyir shes rab kyi stobs te/ stobs lnga po de dag ni byang chub sems dpa' rnams kyi ye shes kyi tshogs sogs par 'gyur ro/ / tshul khrims bzhi po 'di dag ni byang chub sems dpa' rnams kyi ye shes kyi tshogs sogs par 'gyur te/ bzhi gang zhe na/ 'di lta ste/ chos la rab tu dga' ba'i tshul khrims dang / chos yongs su tshol ba'i tshul khrims dang / chos kyi dbyings la nges par rtog pa'i tshul khrims dang / byang chub tu bsngo ba'i tshul khrims te/ bzhi po 'di dag ni byang chub sems dpa' rnams kyi tshogs sogs par 'gyur ro// bzod pa bzhi po 'di dag ni byang chub sems dpa' rnams kyi ye shes kyi tshogs sogs par 'gyur te/ bzhi gang zhe na/ 'di lta ste/ chos tshol ba la brtson pas mi snyan pa dang / ngan du smra ba'i tshig gi lam bzod pa dang / chos tshol ba la brtson pas rlung dang / nyi ma dang / grang ba dang / tsha ba dang / bkres pa dang / skom pa bzod pa dang / chos tshol ba la brtson pas mkhan po dang slob dpon gyi rjes su 'brang ba'i bzod pa dang / chos tshol ba la brtson pas na stong pa nyid dang / mtshan ma med pa dang / smon pa med pa'i chos la bzod pa ste/ bzod pa bzhi po de dag ni byang chub sems dpa' rnams kyi ye shes kyi tshogs sogs par 'gyur ro/ / brtson 'grus bzhi po 'di dag ni byang chub sems dpa' rnams kyi ye shes kyi tshogs sogs par 'gyur te/ bzhi gang zhe na/ 'di lta ste/ nyan pa'i brtson 'grus dang / 'dzin pa'i brtson 'grus dang / bstan pa'i brtson 'grus dang / nan tan gyi brtson 'grus te/ brtson 'grus bzhi po de dag ni byang chub sems dpa' rnams kyi ye shes kyi tshogs sogs par 'gyur ro/ / bsam gtan gyi yan lag bzhi po 'di dag ni byang chub sems dpa' rnams kyi ye shes kyi tshogs sogs par 'gyur te/ bzhi gang zhe na/ 'di lta ste/ dben pa dang / rtse gcig pa dang / bsam gtan dang mngon par shes pa tshol ba dang / sangs rgyas kyi ye shes kyi phyir 'brang ba ste/ bsam gtan gyi yan lag bzhi po 'di dag ni byang chub sem dpa' rnams kyi ye shes kyi tshogs sogs par 'gyur ro/ / shes rab kyi snang ba bzhi po 'di dag ni byang chub sems dpa' rnams kyi ye shes kyi tshogs sogs par 'gyur te/ bzhi gang zhe na/ 'di lta ste/ chad pa la mi gnas pa dang / rtag pa la mi 'jug pa dang / rten cing 'brel par 'byung ba dang mi 'gal ba dang / bdag med pa la bzod pa ste/ shes rab kyi snang ba bzhi po de dag ni byang chub sems dpa' rnams kyi ye shes kyi tshogs sogs par 'gyur ro/ / thabs bzhi po 'di dag ni byang chub sems dpa' rnams kyi ye shes kyi tshogs sogs par 'gyur te/ bzhi gang zhe na/ 'di lta ste/ 'jig rten gyi rjes su 'jug pa dang / sems can gyi rjes su 'jug pa dang / chos kyi rjes su 'jug pa dang / ye shes kyi rjes su 'jug pa ste/ thabs bzhi po 'di dag ni byang chub sems dpa' rnams kyi ye shes kyi tshogs sogs par 'gyur ro/ / lam bzhi po 'di dag ni byang chub sems dpa' rnams kyi ye shes kyi tshogs sogs par 'gyur te/ ba ni gang zhe na/ 'di lta ste/ shes rab kyi pha rol tu phyin pa'i lam dang / sa'i lam dang / byang chub kyi phyogs kyi lam dang / thams cad mkhyen pa'i ye shes kyi lam ste/ lam po de dag ni byang chub sems dpa' rnams kyi ye shes kyi tshogs sogs par 'gyur ro/ / mi ngoms pa bzhi po 'di dag ni byang chub sems dpa' rnams kyi ye shes kyi tshogs sogs par 'gyur te/ bzhi gang zhe na/ 'di lta ste/ thos pas mi ngoms pa dang / bstan pas mi ngoms pa dang / dpyod pas mi ngoms pa dang / shes pas mi ngoms pa ste/ mi ngoms pa bzhi po 'di dag ni byang chub sems dpa' rnams kyi ye shes kyi tshogs sogs par 'gyur ro// gzhan yang ye shes kyi tshogs ni gang sems can thams cad kyi rjes su 'gro ba dang / chos thams cad kyi rjes su 'gro ba dang / sbyin pa las kyang ye shes kyi tshogs su blta'o// de bzhin du tshul khrims dang / bzod pa dang / brtson 'grus dang bsam gtan dang / shes rab las kyang ye shes kyi tshogs su blta'o// byams pa dang / snying rje dang / dga' ba dang / btang snyoms las kyang ye shes kyi tshogs su blta ste/ de ci'i phyir zhe na/ byang chub sems dpa'i rtsom pa ji snyed pa de dag thams cad ye shes kyis sgrub pa'o// ye shes sngon du 'gro ba'o// ye shes la rten pa'o// thams cad mkhyen pa'i ye shes la gnas pa ste/ ye shes dang ldan pa thams cad mkhyen pa yin/ bdud thams cad kyis kyang de la glags mi rnyed do// de la sangs rgyas kyi chos kyi snod thams cad kyang nye bar gnas pa yin te/ sangs rgyas kyi byin gyi rlabs kyang thob bo// thams cad mkhyen pa'i ye shes kyang rab tu sbyin te/ 'di ni ye shes kyi tshogs mi zad pa zhes bya'o// 'di dag/ ni btsun pa shA ra dwa ti'i bu/ byang chub sems dpa' rnams kyi bsod nams kyi tshogs dang ye shes kyi tshogs mi zad pa'o// // blo gros mi zad pas bstan pa bam po lnga pa ste tha ma'o/ / gzhan yang btsun pa shA ra dwa ti'i bu/ byang chub sems dpa' rnams kyi dran pa nye bar gzhag pa bzhi sgom pa yang mi zad pa ste/ bzhi gang zhe na/ gang 'di lus la lus kyi rjes su lta ba'i dran pa nye bar gzhag pa dang / tshor ba la tshor ba'i rjes su lta ba'i dran pa nye bar gzhag pa dang / sems la sems kyi rjes su lta ba'i dzin pa nye bar gzhag pa dang / chos rnams la chos kyi rjes su lta ba'i dran pa nye bar gzhag pa'o// de la byang chub sems dpa'i lus la lus kyi rjes su lta ba'i dran pa nye bar gzhag pa ni ji ltar na/ byang chub sems dpa'i lus la lus kyi rjes su lta zhing gnas shen/ de bdag gi lus dang bzhin gyi lus la lus kyi rjes su lta zhing gnas te/ lus kyi thog ma'i mtha' yang rtog/ lus kyi khyi ma'i mtha' la yang rtog/ lus kyi daltar gyi mtha' la rtog te/ kyes lus 'di ni byin ci log las byung ba/ rgyu dang rkyen gyis grub pa/ tshor ba med pa / dang / byed pa med pa dang / bdag po med pa/ 'dzin pa med pa/ rgyu dang rkyen rnams kyis byung ba ste/ 'di lta ste/ phyi rol gyi rtswa dang / shing gel ba dang / rtsi dang / nags tshal 'di dag rgyu dang rkyen gyis 'byung zhing / tshor ba med pa/ byed pa med pa/ bdag po med pa/ yongs su 'dzin pa med pa'o// de bzhin du bdag gi lus 'di yang rtswa dang / shing gel ba dang / rtsi dang / nags tshal dang / shing dang / rtsig pa dang / lam dang / gzugs brnyan lta bu ste/ phung po dang / khams dang / skye mched kyis yongs su gzung ba dang / tshor ba med pa/ byed pa med pa/ bdag po med pa/ 'dzin pa med pa/ bdag dang bdag gi lam/ rtag pa 'am/ brtan pa 'am/ ther zug pa 'am/ mi g.yo ba 'am/ mi gnod pa 'am/ mi 'gyur ba'i chos can gyis stong ste/ lus 'di la bdag gir mi bya'i/ bdag gi lus snying po med pa 'di la snying po mngon par 'tshang rgya bar bya'o// snying po de yang gang zhe na/ gang 'di de bzhin gshegs pa'i sku ste/ bdag gis de bzhin gshegs pa'i sku chos kyi sku/ rdo rje'i sku/ mi shigs pa'i sku/ brtan pa'i sku/ khams gsum thams cad las bye brag tu 'phags pa'i sku de bdag gis bsgrub par bya'o// bdag gis lus nyes pa du ma'i skyon chags mod kyi/ 'on kyang de bzhin gshegs pa'i sku nyes pa thams cad dang bral ba rab tu thob par bya'o// des legs pa mthong bas na/ so sor rtogs pa'i stobs kyis 'byung ba chen po'i gnas kyi lus spong ste/ bdag gis lus 'di yang sems can thams cad kyi bya ba ci yod pa la zad par bya'o// 'di lta ste/ phyi rol gyi sa'i khams dang / chu'i khams dang / me'i khams dang / rlung gi khams dang / 'byung ba chen po bzhi po de dag sgo sna tshogs dang / rnam pa sna tshogs dang / dmigs pa sna tshogs dang / rnam grangs sna tshogs dang / yo byad sna tshogs dang / longs spyod sna tshogs kyi sems can thams cad kyi nye bar spyod pa dang / kun spyod par gyur te/ de bzhin du bdag gi lus 'byung ba chen po bzhi la gnas pa 'di yang sgo sna tshogs dang / rnam pa sna tshogs dang / dmigs pa sna tshogs dang / rnam grangs sna tshogs dang / yo byad sna tshogs dang / longs spyod sna tshogs rgya cher sems can thams cad kyi longs spyod du 'gyur bar bya'o zhes des don gyi dbang 'di mthong bas/ lus la sdug bsngal bar yang rtog cing / sems can la lta ba'i phyir lus kyi sdug bsnga gyis kyang yongs su mi skyo'o/ / lus la mi rtag par rtog cing / skye ba dang shi 'pho bas kyang yongs su mi skyo'o// lus la bdag med par rtog cing sems can thams cad yongs su smin par bya ba'i phyir yang yongs su mi skyo'o/ / lus la zhi bar rtog cing / lus zhi ba'i phyir btang snyoms su yang mi ltung ngo // lus la stong pa nyid dang / mtshan ma med pa dang / smon pa med pa dang / dben par yang rtog la/ lus kyi stong pa nyid dang / mtshan ma med pa dang / smon pa med pa dang / dben pa'i mthar yang mi ltung ngo // bzhin du lus la mngon par 'du mi byed pa dang / mi skye ba dang / ma byung ba dang / dngos po med pa dang / ji lta ba bzhin du rnam par dag par yang rtog la/ lus mngon par 'du mi byed pa dang / mi skye ba dang / ma byung ba dang / dngos po med pa dang / ji lta ba bzhin du rnam par dag pa'i mthar yang mi ltung ngo // lus tshor ba med pa dang / lus byed pa med pa dang lus la bdag po med pa dang / lus 'dzin pa med pa dang / lus dbyer med pa dang / lus ro gcig pa dang / lus nam mkha'i dngos po nyid dang / lus rang bzhin gyis yongs su mya ngan las 'das par yang rtog la/ lus la tshor ba med pa dang / byed pa med pa dang / bdag po med pa dang / 'dzin pa med pa dang / dbyer med pa dang / ro gcig pa dang nam mkha'i ngo bo nyid dang / rang bzhin gyis yongs su mya ngan las 'das pa'i mthar yang mi ltung ngo // lus la lus kyi rjes su lta zhing gnas pa de lus la rdzas dang snying po yang dag par rjes su mthong ngo / / de nang gi lus la lus kyi rjes su lta zhing gnas pas nang na gnas pa'i nyon mongs pa rnams kyi skabs mi 'byed do// de phyi rol gyi lus la lus kyi rjes su lta zhing gnas pas/ phyi rol gyi rjes su song ba'i nyon mongs pa dang lhan cig tu mi gnas so// de lus nyon mongs pa med pas/ yongs su dag pa'i lus dang ldan pa yin/ de lus kyi las yod su dag pa dang ldan pas/ lha dang mi'i nang na mtshan gyis mnyam par brgyan pa'i lus thob ste/ de'i lus mtshan gyis mnyam par brgyan pas lha dang mi rnams mngon du 'dod par 'gyur ro// de ltar byang chub sems dpa' lus la lus kyi rjes su lta zhing gnas te/ 'di ni byang chub sems dpa'i lus la lus kyi rjes su lta ba'i dran pa nye bar gzhag pa zhes bya'o// de la byang chub sems dpa'i tshor ba rnams la tshor ba'i rjes su lta ba'i dran pa nye bar gzhag pa ni/ ji ltar na byang chub sems dpa' tshor ba la tshor ba'i rjes su lta zhing ka nas she na/ 'di la byang chub sems dpa' 'di snyam du sems te/ gang cung zad tshor ba de dag thams cad sdug bsngal ba snyam nas/ des tshor ba shin tu rtogs pa dang / ye shes kyi rtogs pa dang / shes rab kyis rtogs pa dang / nye bar zhi ba rtogs pas bde ba'i tshor ba la yang tshor bar byed de/ de 'dod chags kyi bag la nyal yang bag la nyal bar mi 'gyur ro// sdug bsngal gyi tshor bas reg na yang ngan song dang mi khom par skyes pa'i sems can thams cad la snying rje chen po skyed de/ de khong khro ba'i bag la nyal yang dag la nyal bar mi 'gyur ro// bde ba yang ma yin/ sdug bsngal ba yang ma yin pa'i tshor bas reg ste/ bde ba yang ma yin/ sdug bsngal ba yang ma yin pa'i tshor ba yang tshor bar byed de/ de ma rig pa'i bag la nyal yang bag la nyal bar mi 'gyur ro/ / de tshor ba dang ldan pa'i dran pas tshor ba gang yang rung ste/ bde ba 'am/ sdug bsngal ba 'am/ bde ba yang ma yin/ sdug bsngal ba yang ma yin par tshor na de dag thams cad las 'byung ba'i ye shes mthong bar sgom mo/ / de sems can thams cad kyi tshor ba kun shes par bya ba'i phyir/ go gyon te sems can 'di dag ni tshor ba las byung bar yang dag pa ji lta ba bzhin du mi shes te/ de dag 'byung ba mi shes pas bde ba'i tshor bas reg na ni chags par 'gyur/ sdug bsngal gyi tshor bas reg na ni khong khro bar 'gyur/ sdug bsngal yang ma yin/ bde ba yang ma yin pa'i tshor bas reg na ni rmongs par 'gyur te/ bdag ni shes rab dang ye shes su ldan pa'i tshor bas tshor ba thams cad dang bral ba'i thabs mkhas/ pa dang / snying rje chen pos zin pa'i dge ba'i rtsa ba'i tshogs kyis sems can de dag gi tshor ba thams cad bsal ba'i phyir chos bstan pa bsgom mo// yang ci'i phyir tshor ba zhes bya zhe na/ ma rtogs pa'i tshor ba ni sdug bsngal du 'gyur/ ye shes kyis rtogs pa'i tshor ba ni bde bar 'gyur te/ de la ye shes kyis rtogs pa'i tshor ba ba par 'gyur ba gang zhe na/ 'di la bdag gam/ sems can nam/ srog gam/ 'gro ba 'am/ gso ba 'am/ skyes bu 'am/ gang zag gam/ shed las skyes pa 'am/ shed bdag kyang rung ste/ gang gis kyang tshor bar 'gyur mod kyi/ mngon par chags pa ni tshor ba'o// yongs su 'dzin pa ni tshor ba'o// nye bar len pa ni tshor ba'o// dmigs pa ni tshor ba'o// phyin ci log ni tshor ba'o/ / rnam par rtog pa ni tshor ba'o// lta ba dang bag la nyal ni tshor ba'o// mig tu 'du shes pa ni tshor ba'o// de bzhin du rna ba dang / sna dang / lce dang / lus dang / yid du 'du shes pa ni tshor ba'o// gzugs su 'du shes pa ni tshor ba'o// de bzhin du sgra dang / dri dang / ro dang / reg bya dang / chos su 'du shes pa ni tshor ba ste/ gang yang mig dang gzugs 'dus te reg pa'i rkyen las skyes pa'i bde ba yang rung sdug bsngal ba'ang rung / bde ba yang ma yin/ sdug bsngal ba yang ma yin/ pa yang rung ste/ 'di ni tshor ba zhes bya'o// de bzhin du rna ba dang / slar 'dus te reg pa'i rkyen dang / sna dang drir 'dus te reg pa'i rkyen dang / lce dang ror 'dus te reg pa'i rkyen dang / lus dang reg byar 'dus te reg pa'i rkyen dang / gang yang yid dang / chos su 'dus te reg pa'i rkyen las skyes pa'i tshor ba bde ba yang rung sdug bsngal ba yang rung / bde ba yang ma yin/ sdug bsngal ba yang ma yin pa yang rung ste/ 'di ni tshor ba zhes bya'o// gzhan yang rnam grangs su na tshor ba ni gcig pu ste/ 'od sems kyi rnam par rig pa'o// tshor ba ni gnyis te/ gang 'di nang gi dang / byi'i'o// tshor ba gsum ste/ gang 'di 'das pa rnam par rig pa dang / ma 'ongs pa rnam par rig pa dang / da ltar byung ba rnam par rig pa'o// tshor ba bzhiste/ gang 'di khams pani rnam par rig pa'o// tshor ba lnga ste/ gang 'di phung po lnga yid la byed pa'o// tshor ba drug ste/ gang 'di skye mched kur rtog pa'o// tshor ba bdun te/ gang 'di rnam par shes pa gnas pa bdun no// tshor ba brgyad de/ gang 'di log pa'i sbyor ba brgyad do// tshor ba dgu ste/ gang 'di sems can gyi gnas dgu'o// tsher ba bcu ste/ klung 'di mi dge ba bcu'i lam rnams so// 'di ni tshor ba kun gyi tshul te/ dmigs pa ji snyed pa de sems yid la byed pa'o/ / ji snyed du yid la byed pa de skad du kun rtog pa'o// ji snyed du kun rtog pa de snyed du tshor ba ste/ de'i phyir na sems can tshad med pa rnams kyi tshor ba tshad med pa zhes bya'o/ / de la byang chub sems dpa' tshor ba rnams la tshor ba'i rjes su lta zhing gnas pas sems can thams cad kyi tshor ba skye ba dang / 'jig pa dang / gnas pa shes pa bskyed par bya'o/ / sems can thams cad kyi tshor ba skye ba dang / 'jig pa dang / gnas pa dang / dge ba dang / mi dge ba'i tshor ba shes pa 'di ni byang chub sems dpa'i tshor ba rnams la chor ba'i rjes su lta ba dran pa nye bar gzhag pa zhes bya'o/ / de la byang chub sems dpa'i sems la sems kyi rjes su lta ba'i dran pa nye bar gzhag pa gang zhe na/ gang byang chub sems dpa' de'i byang chub kyi sems ma brjed pa/ dran pas bsrungs shing mi g.yeng ba ste/ de sems la 'di ltar rtog go// sems ni skyes nas zhig cing zhu ste/ mi gnas pa'o// nang na yang mi 'dug/ phyi rol du yang mi 'phos/ gnyis ka med par yang mi dmigs te/ gang bdag gi byang chub tu thog ma sems skyes pa ni 'gag ste/ yal zhing med par gyur pas yul na mi gnas/ phyogs na mi gnas te/ de ni gdags par mi nus te/ sems bskyed pa gang gis byang chub kyi phyir dge ba'i rtsa ba rnams yang dag par bsgrubs pa de dag kyang zad cing 'gags te yal zhing med par gyur pas yul na mi gnas/ phyogs na mi gnas pa ste/ de yang gdags par mi nus so// sems bskyed pa gang gis dge ba'i rtsa ba de dag byang chub tu bsngos pa/ de dag kyang de'i rang bzhin de'i mtshan nyid de/ sems kyis sems mi shes so// sems kyis sems mi mthong ngo // sems kyis sems kyi mtshams mi sbyor ro/ / gang byang chub kyi sems dang / dge ba'i sems der yang lhan cig mi 'grogs/ dge ba'i sems dang / bsngo ba'i sems der yang lhan cig mi 'grogs/ gang bsgo/ ba'i sems dang / byang chub kyi sems der yang lhan cig mi 'grogs so// de la gang gis de dag bla na med pa yang dag par rdzogs pa'i byang chub tu 'tshang rgya bar 'gyur ba'i sems de gang yin zhes gal te byang chub sems dpa' de dag gis de ltar rtog pa na/ mi skrag kun tu mi skrag/ kun tu skrag par mi 'gyur na/ sems la sems kyi rjes su lta zhing mi gnas so// yang de 'di snyam du sems te/ rgyu dang 'bras bu chud mi za ba'i phyir/ rten cing 'brel par 'byung ba ni shin tu za ba ste/ sems kyi chos nyid de lta bu yin du zin kyang / chos thams cad rgyu dang rkyen la rag las shing / tshor ba med pa/ byed pa med pa/ bdag po med pa/ 'dzin pa med pa ste/ de dag ni ji ltar 'dod pa de bzhin du rnam par sgrub ste/ bdag gis kyang rnam par sgrub pa la brtson par bya ste/ sems kyi chos nyid 'di'ang mi spong ngo snyam mo// de la sems kyi chos nyid ni gang / rnam par sgrub pa ni gang zhe na/ sems sgyu ma lta bu ste/ 'di la gang yang sbyin pa med de/ 'di ni sems kyi chos nyid ces bya'o// gang yang bdog pa thams cad yongs su btang ste/ sangs rgyas kyi zhing yongs su dag pa'i phyir bsngo ba 'di ni rnam par bsgrub po zhes bya'o/ / sems ni rmi lam lta bur rab tu zhi ba'i mtshan nyid de/ 'di ni sems kyi chos nyid ces bya'o// gang yang tshul khrims dang bslab pa dang / sbyangs pa'i yon tan dang / byang chub kyi tshogs sogs pa thams cad mkhyen pa'i phyir yongs su bsngo ba 'di ni rnam par bsgrub pa zhes bya'o// sems ni mig yor lta bu/ te/ pog ma nas yongs su ma grub sa 'di ni sems kyi chos nyid ces bya'o// gang yang bzod pa dang / des pa rnams mi skye ba'i chos la bzod pa yongs su rdzogs par bya ba'i rgyu bsngo ba 'di ni rnam par sgrub pa zhes bya'o/ / sems ni smig rgyu lta bu ste/ shin tu dben pa'i phyir dben pa 'di ni sems kyi chos nyid ces bya'o// gang yang dge ba'i rtsa ba thams cad la brtson 'grus brtsams pa rnams sangs rgyas kyi chos thams cad rdzogs par bya ba'i phyir bsngo ba 'di ni rnam par sgrub pa zhes bya'o/ / sems ni gzugs med pa/ bstan pa med pa thogs pa med pa/ rnam par rig pa med pa ste/ 'di ni sems kyi chos nyid ces bya'o// gang yang bsam gtan dang / rnam par thar pa dang / ting nge 'dzin dang / snyoms par 'jug pa thams cad sangs rgyas kyi ting nge 'dzin thob par bya ba'i phyir// yongs su bsngo ba 'di ni rnam par sgrub pa zhes bya'o// sems ni gzung ba med pa/ / mtshan ma med pa/ bstan du med pa/ gnas pa med pa ste/ 'di ni sems kyi chos nyid ces bya'o// gang yang dris pa'i tshig rab tu dbye ba bstan pa shes pa thams cad sangs rgyas kyi ye shes yongs su rdzogs par bya ba'i phyir bsngo ba 'di ni rnam par sgrub pa zhes bya'o/ / sems ni dmigs pa med par mi skye ba ste/ 'di ni sems kyi chos nyid ces bya'o// gang dge ba'i rtsa bar dmigs pa thams cad la sems nye bar 'jog pa 'di ni rnam par sgrub pa zhes bya'o// sems ni rgyu med par mi skye ba ste/ 'di ni sems kyi chos nyid ces bya'o// gang yang byang chub kyi phyogs kyi chos thams cad kyi rgyur sems bskyed pa 'di ni rnam par sgrub pa zhes bya'o// yul drug la rnam par grol bar sems mi skyed de/ 'di ni sems kyi chos nyid ces bya'o/ / gang yang sangs rgyas kyi chos thams cad kyi yul gyi rgyur sems mngon par sgrub pa 'di ni/ rnam par sgrub pa zhes bya'o// sems la sems kyi rjes su lta zhing gnas/ pa'i byang chub sems dpa' mngon par shes pa thob par bya ba'i phyir sems nye bar 'dogs te/ de mngon par shes pa thob pa'i sems kyi sems can thams cad kyi sems dang spyod pa rab tu shes te/ shes nas kyang de lta bu'i rang bzhin gyis chos ston to// sems la sems kyi rjes su lta zhing gnas pa'i byang chub sems dpa' snying rje chen po thob par bya ba'i phyir/ sems/ nye bar 'dogs te/ de snying rje chen po thob pa'i sems kyis sems can thams cad yongs su smin par byed pas mi skyo'o// sems la sems kyi rjes su lta zhing gnas pa'i byang chub sems dpa' sems zad pa'i phyir sems mi skyed/ sems 'gog pa'i phyir yang ma yin te/ 'khor ba'i rgyun gyi dge ba'i rtsa ba kun nas sbyor ba la sems mngon par sgrub pa'o// sems kyi dran pa dang / shes pa des ma skyes ma byung / mi 'gog mi 'gyur bar zhugs pa'i chos su gnas kyang / nyan thos dang rang sangs rgyas kyi sar mi ltung ste/ nam sangs rgyas kyi chos thams cad yongs su rdzogs par ma gyur gyi bar du sems kyi rgyu de nye bar 'dogs te/ sems kyi skad cig gcig dang ldan pa'i ye shes kyis bla na med pa yang dag par rdzogs pa'i byang chub tu mngon par 'tshang rgya ste/ 'di ni byang chub sems dpa' rnams kyi sems la sems kyi rjes su lta ba'i dran pa nye bar gzhag pa'o// de la byang chub sems dpa'i chos rnams la chos kyi rjes su lta ba'i dran pa nye bar gzhag pa gang zhe na/ 'phags pa'i shes rab kyi mig gis mthong ba'i chos de dag byang chub kyi snying po la 'dug gi bar du bar ma dor brjed par mi 'gyur chos rnams la chos kyi rjes su lta ning gnas pa'i byang chub sems dpas gang stong pa las rnam par grol ba dang / mtshan ma med pa las rnam par grol ba dang / smon pa med pa las rnam par grol ba dang / mngon par 'du mi byed pa las rnam par grol ba dang / mi skye ba las rnam par grol ba dang / ma byung ba las rnam par grol ba dang / dngos po med pa las rnam par grol ba'i chos rdul tsam yang mi mthong ngo / / chos rnams la chos kyi rjes su lta zhing gnas pa'i byang chub sems dpas chos gang rten cing 'brel par 'byung ba las rnam par grol ba rdul tsam yang mi mthong ngo / / chos rnams la chos kyi rjes su lta zhing gnas pa'i byang chub sems dpas chos nyid mthong gi/ chos ma yin pa mi mthong ste/ de la chos gang zhe na/ 'di lta ste/ bdag med pa'i don dang / sems can med pa'i don dang / srog med pa'i don dang / gang zag med pa'i don dang / chad pa med pa'i don dang / rtag pa med pa'i don dang 'byung ba med pa'i don dang / 'jig pa med pa'i don de ni chos zhes bya'o// de la chos ma yin pa gang zhe na/ 'di lta ste/ bdag tu lta ba dang / sems can du lta ba dang / srog tu ltar dang gang zag tu lta ba dang / chad par lta ba dang / rtag par lta ba dang / 'byung bar lta ba dang / 'jig par lta ba ste/ 'di ni chos ma yin pa zhes bya'o// 'di ltar yang chos thams cad ni chos so/ / chos thams cad ni chos ma yin pa'o// de ci'i phyir zhe na/ stong pa nyid dang / mtshan ma med pa dang / smon pa med par kun shes pas chos thams cad ni chos yin no/ / ngar 'dzin pa dang / nga yir 'dzin pa lta ba la mngon par chags pas chos thams cad ni chos ma yin pa'o// de ltar chos rnams la chos kyi rjes su lta zhing gnas pa'i byang chub sem dpas gang las sangs rgyas kyi chos med pa dang / gang las byang chub med pa dang / gang las lam med pa dang / gang las thar pa med pa dang / gang las 'byung ba med pa de gang yang mi mthong ngo / / des chos thams cad 'byung bar shes pas/ sems can rnams la sgribs pa med pa zhes bya ba'i snying rje chen po'i ting nge 'dzin gyi sgo thob par 'gyur ro// des chos thams cad dang nyon mongs pa thams cad la yang sgyu mar 'du shes thob ste/ chos 'di dag ni nyon mongs pa med pa'o// 'di dag ni nyon mongs pa dang bcas pa ma yin no// de ci'i phyir zhe na/ 'di/ ltar de dag ni nges pa'i don gyi don la rton te/ nyon mongs pa'i tshogs kyang med/ phung po gyur pa yang med do// 'dod chags kyi dngos po med/ zhe sdang gi dngos po med/ gti mug gi dngos po med de/ nyon mongs pa 'di dag rtogs pa'i phyir byang chub ste/ nyon mongs pa'i ngo bo nyid gang yin pa byang chub kyi ngo bo nyid de yin no zhes de 'di lta bur dran pa mngon par gzhag kyang / gang la yang nye bar mi gzhog/ rab tu mi gzhog/ rnam par mi gzhog/ chos nyid de dag gnas par rab tu shes te/ de'i phyir chos kyi dbyings gnas pa/ zhes bya'o// gnas kyang na chos kyi dbyings 'dug 'dug pa'i gnas de na sems can gyi khams kyang 'dug go// sems can gyi khams gnas gang na 'dug pa den nam mkha'i khams kyang 'dug ste/ de bas na chos thams cad nam mkha' dang mtshungs pa zhes bya'o// chos rnams la chos kyi rjes su lta zhing gnas pa'i byang chub sems dpa' ni sangs rgyas kyi chos la rtor pa yin no/ / de chos thams cad kyang sangs rgyas kyi chos su mos so// de zad pa'i ye shes kyang bskyed de/ 'dus byas kyang zad par mi byed do// mi skye ba'i ye shes kyang mngon par sgrub ste/ de sems can la lta ba'ang skyed cing / mi skye ba'i mtha' yas mi spong ngo // chos dran pa nye bar gzhag pa zhes bya ba ni/ chos thams cad dran pa de la gnas te/ nyan thos dang / rang sangs rgyas dang / byang chub sems dpa' dang / yang dag par rdzogs pa'i sangs rgyas kyi chos rnams dang / chos su btags pa ji snyed pa de dag thams cad de'i dran pa la gnas par 'gyur phyi ma'i mtha'i bar du yang dran pa des mi brjed cing mi nyams par 'gyur ro/ / chos thams cad ma lus par dran pa de la gnas te/ dran pa des phyi ma'i mtha'i bar du yang mi brjed cing / nyams par mi 'gyur ro// chos rnams la chos kyi rjes su lta ba'i dran pa nye bar gzhag pa zhes bya ba de ni tshad med pa shin tu bstan pa'i tshig ste/ kun tu spyod yul pa/ sangs rgyas kyi chos dam/ cad kyi phyir 'brang ba/ sems can thams cad mgu bar byed pa/ bdud thams cad pham par byed pa/ rang byung gi ye shes rtogs par byed pa'i tshig 'di ni/ byang chub sems dpa' chos rnams la chos kyi rjes su lta ba'i dran pa nye bar gzhag pa zhes bya'o/ / 'di dag ni btsun pa shA ra dwa ti'i bu/ byang chub sems dpa' rnams kyi dran pa nye bar gzhag pa bsgom pa mi zad pa bzhi'o// gzhan yang btsun pa shA ra dwa ti'i bu/ byang chub sems dpa' rnams kyi yang dag par spong ba bzhi yang mi zad pa ste/ bzhi gang zhe na/ 'di lta ste/ sdig pa mi dge ba'i chos ma skyes pa rnams mi skyed pa'i phyir/ mos pa skyed 'bad cing brtson 'grus rtsom ste/ sems rab tu 'dzin cing yang dag par smon pa dang / sdig pa mi dge ba'i chos skyes pa rnams spang ba'i phyir/ mos pa skyed 'bad cing brtson 'grus rtsom ste/ sems rab tu 'dzin cing yang dag par smon pa dang / dge ba'i chos ma skyes pa rnams bskyed pa'i phyir/ mos paskyed 'bad cing brtson 'grus rtsom ste/ sems rab tu 'dzin cing yang dag par smon pa dang / dge ba'i chos skyes pa rnams gnas pa dang / sgom pa dang / phyir zhing skye ba dang / chung mi za ba dang / mi 'am pa dang / rgya cher bya ba'i phyir mos paskyed 'bad cing brtson 'grus rtsom ste/ sems rab tu 'dzin cing yang dag par smon pa'o// sdig pa mi dge ba'i chos ma skyes pa rnams mi bskyed pa'i phyir mos pa skyed ces bya ba ni/ tshul bzhin yid la byed pa'i tshig bla dgas so// 'bad cing brtson 'grus rtsom mo zhes bya ba ni tshul bzhin yid la byed pa mi 'dor ba'i tshig bla dgas so/ / sems rab tu 'dzin cing yang dag par smon ces bya ba ni tshul bzhin du rtog pa'i tshig bla dgas so// de ci'i phyir zhe na/ tshul bzhin rab tu sbyor ba ni sdig pa mi dge ba'i chos rnams mi spyod do/ / de la sdig pa mi dge ba'i chos rnams gang zhe na/ gang 'di tshul khrims kyi mi mthun pa'i phyogs dang / ting nge 'dzin gyi mi mthun pa'i phyogs dang / shes rab kyi mi mthun pa'i phyogs so/ / de la tshul khrims kyi mi mthun pa'i phyogs gang zhe na/ gang 'di tshul khrims nyams pa dang / gang gzhan tshul khrims nyams par byed pa gang yang rung ste/ gang tshul khrims kyi phung po'i mo mthun pa'i phyogs su 'gyur ba 'di ni tshul khrims kyi mi mthun pa'i phyogs zhes bya'o// de la ting nge 'dzin gyi mi mthun pa'i phyogs gang zhe na/ 'di cho ga nyams pa ste/ gzhan sems g.yeng bar byed pa gang yang rung ste/ ting nge 'dzin gyi phung po'i mi mthun pa'i phyogs su 'gyur ba 'di ni/ ting nge 'dzin gyi mi mthun pa'i phyogs zhes bya'o/ / de la shes rab kyi mi mthun pa'i phyogs gang zhe na/ gang 'di lta ba nyams pa ste/ gang gzhan lta ba nyams par byed pa kun nas ltung ba dang / sgrib pa dang / chod par 'gyur ba gang yang rung ste/ shes rab kyi phung po'i mo mthun pa'i phyogs su 'gyur ba 'di ni/ shes rab kyi mi mthun pa'i phyogs zhes bya ba ste/ 'di ni sdig pa mi dge ba'i chos rnams zhes bya'o// tshul bzhin yid la byed pa gang gis 'di lta bu'i mi dge ba'i chos ma skyes pa rnams skye ba'i go skabs mi sbyin pa 'di yang dag par spong ba dang po'o/ / gang yang sdig pa mi dge ba'i chos skyes pa rnams spang ba'i phyir/ mos bskyed 'bad cing brtson 'grus rtsom ste/ sems rab tu 'dzin cing yang dag par smon ces bya ba 'di ni tshul bzhin yid la byed pa'i tshig bla dgas so// de ci'i phyir zhe na/ sdig pa mi dge ba'i chos de dag sems la phung por gyur pa med de/ yul na mi gnas phyogs na mi gnas so// gdags par mi nus so// sdig pa mi dge ba'i chos de dag sems la spyod pa rnams spang ba shes pa ni/ rgyu dang dmigs pa gang gis sdug pa'i rnam par 'dod chags sam/ khong khro ba'i rnam par zhe sdang ngam/ ma rig pa'i rnam par gti mug skye ba'ang rung ste/ de dag la tshul bzhin yid la byed/ mi sdug pas ni 'dod chags zhi bar byed/ byams pas ni zhe sdang / rten cing 'brel bar 'byung ba la 'jug pas ni gti mug zhi bar byed pa ste/ gang nyon mongs pa 'di dag zhi ba 'di ni spong ba zhes bya'o/ / tha snyad btags pa bzung gi/ don dam par ni de la gang spang ba'i chos gang yang mi dmigs te/ chos thams cad mnyam pa nyid du mngon sum pas na/ de'i phyir yang dag par spong ba zhes bya ste/ 'di ni yang dag par spong ba gnyis pa'o// gang yang dge ba'i chos ma skyes pa rnams bskyed pa'i phyir mos pa skyed 'bad cing brtson 'grus rtsom ste/ sems rab tu 'dzin cing yang dag par smon ces bya ba 'di ni tshad med pa'i chog shin tu bstan pa'o// de ci'i phyir zhe na/ gang byang chub sems dpas yang dag par bsgrub par bya ba'i dge ba'i chos de dag ni tshad med de/ de dag la mos pa ni dge ba'i chos thams cad kyi rtsa ba'o// brtson 'grus kyis ni dge ba'i chos thams cad yang dag par sgrub bo// sems yang dag par 'dzin pas ni dge ba'i chos thams cad sgrol bar byed do/ / dge ba'i chos dag la dpyod cing rnam par dpyod pa ste/ 'di ni yang dag par spong ba gsum pa'o// gang yang dge ba'i chos skyes pa rnams 'dug pa dang / bsgom pa dang / phyir zhing skye ba dang / chud mi za ba dang / mi nyams pa dang / rgya cher bya ba'i phyir mos pa skyed 'bad cing brtson 'grus rtsom ste/ sems rab tu 'dzin cing yang dag par smon ces bya ba ni byang chub tu bsngos pa'i dge ba'i rtsa ba'i chog bla dgas so/ / de ci'i phyir zhe na/ byang chub tu bsngos pa'i dge ba'i rtsa ba ni byang chub kyi snying po'i mthar ma gyur kyi bar du bar ma dor chud mi za'o/ / de ci'i phyir zhe na/ 'di ltar dge ba'i rtsa ba de ni khams gsum pa thams cad la mi gnas pa ste/ dge ba'i rtsa ba gang khams gsum la gnas pa de dag ni yongs su zad par 'gyur gyi/ gang khams gsum la mi gnas pa'i dge ba'i rtsa ba thams cad mkhyen pa nyid du bsngos pa de ni/ byang chub kyi snying po'i mthar gyur gyi bar du bar ma dor gang yang zad par mi 'gyur ro// 'di ni byang chub sems dpa'i yang dag par spong ba bzhi pa ste/ de dag ni btsun pa shA ra dwa ti'i bu/ byang chub sems dpa' rnams kyi yang dag par spong ba mi zad pa bzhi'o// gzhan yang btsun pa shA ra dwa ti'i bu/ byang chub sems dpa'i rdzu 'phrul gyi rkang pa bzhi mi zad pa ste/ bzhi gang zhe na/ 'di lta ste/ mos pa dang / brtson 'grus dang / sems dang / dpyod pa'o// de dag gis rtsa ba'i rten dang / gnas ni byams pa dang / snying rje dang / dga' ba dang / btang snyoms dang / tshad med pa bzhi rnams te/ de tshad med pa bzhi po 'di dag la brten cing bsgoms te mang du byas pas sems las su rung ba thob par 'gyur ro/ / sems las su rung ba thob pas bsam gtan dang po la mnyam par gzhog go// de bzhin du gnyis pa dang / de bzhin du gsum pa dang / de bzhin du bzhi pa la yang mnyam par gzhog ste/ des bsam gtan thob pas lus dang sems yang ba thob par 'gyur ro// de lus dang sems yang ba dang ldan pas mngon par shes pa la 'jug pa rab tu sgrub bo/ / de mngon par shes pa la 'jug pa rab tu sgrub pa dang ldan pas/ dad pa las sam/ brtson 'grus las sam/ sems las sam/ dpyod pa las rdzu 'phrul gyi rkang pa skyed do// de la dad pa ni gang chos 'di dag mngon du byed pa'o// brtson 'grus ni gang chos de dag sgrub pa'o// sems ni gang chos de dag la rtog pa'o/ / dpyod pa ni gang chos de dag la mkhas pa ste/ de rdzu 'phrul gyi rkang pa sgrub pa rnams kyis yang dag par sgrub te/ de'i phyir na rdzu 'phrul gyi rkang pa zhes bya'o// de la mos pas ni sgrub bo// brtson 'grus kyis ni rdzogs par byed pa'o// sems kyis ni rnam par 'jog go// dpyod pas ni rnam par 'byed do// de la byang chub sems dpa' rnams kyi rdzu 'phrul gyi rkang pa ni mos pa las byung ba/ mngon par 'du mi byed pa/ rang gi sems bskyed pas dbang byed pa/ ji ltar 'dod pa bzhin du 'gro ba/ yongs su sbyang ba byas pa/ rtsa ba shin tu gnas pa thams cad du rgyu zhing rlung dmar bzhin du thogs pa med pa/ nam mkha'i mthar thug pa'o// de dag ni btsun pa shA ra dwa ti'i ru/ byang chub sems dpa' rnams kyi rdzu 'phrul gyi rkang pa mi zad pa bzhi'o/ / gzhan yang btsun pa shA ra dwa ti'i bu/ byang chub sems dpa' rnams kyi dbang po lnga rnams mi zad pa ste/ de la dbang po lnga gang zhe na/ gang 'di la dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po'o// de la dad pa'i dbang po gang zhe na/ dad pa gang gis chos bani la dad pa ste/ bzhi gang zhe na/ 'di lta ste/ 'khor ba na spyod pa'i 'jig rten pa'i yang dag par lta ba la dad pa ste/ de las kyi rnam par smin pa'i phyir dad pa yin dge ba'am/ sdig pa 'am/ las ci byas pa de dag de'i rnam par smin pa myong bar 'gyur ro snyam ste/ srog gi phyir yang sdig pa'i las mi byed pa dang / byang chub sems dpa'i spyod pa la dad pa ste/ spyod pa de la zhugs nas kyang / theg pa gzhan la 'dod pa mi skye ba dang / chos thams cad la don dam pa nges pa'i don zab mo rten cing 'brel par 'byung ba bdag med pa/ sems can med pa/ srog med pa/ gso ba med pa/ gang zag med par rnam par dpyod pa dang / stong pa nyid dang / mtshan ma med pa dang / smon pa med pa'i mtshan nyid du dad pa ste/ lta bar gyur pa thams cad bag la nyal bar mi byed pa dang / stobs dang / mi 'jigs pa la sogs pa sangs rgyas kyi chos thams cad la dad pa ste/ dad pa'i phyir the tshom dang bral/ nem nur dang bral bas/ sangs rgyas kyi chos de dag yang dag par sgrub pa ste/ 'di ni dad pa'i dbang po zhes bya'o// de la brtson 'grus kyi dbang po gang zhe na/ chos gang la dad pa'i dbang pos dang par gyur pa'i chos de dag brtson 'grus kyi dbang pos yang dag par sgrub ste/ 'di ni brtson 'grus kyi dbang po zhes bya'o// de la dran pa'i dbang po gang zhe na chos gang brtson 'grus kyi dbang pos yang dag par sgrub pa'i chos de dag dran pa'i dbang pos chud mi gzon te/ 'di ni dran pa'i dbang po zhes bya'o// de la ting nge 'dzin gyi dbang po gang zhe na/ dran pa'i dbang pos chos gang chud mi gzon pa'i chos de dag ting nge 'dzin gyi dbang pos rtse gcig tu byed do// 'di ni ting nge 'dzin gyi dbang po zhes bya'o// de la shes rab kyi dbang po gang zhe na/ chos gang ting nge 'dzin gyi dbang pos rtse gcig tu byas pa'i chos de dag shes rab kyi dbang pos rab tu rtog cing / shin tu rtog par byed de/ gang chos de dang de dag la gzhan gyi dring mi 'jog par shes shing so so rang gis shes pa 'di ni/ shes rab kyi dbang po zhes bya'o// de ltar na dbang po lnga po 'di dag ni lhan cig 'grogs shing rjes su 'brel ba ste/ sangs rgyas kyi chos thams cad yongs su rdzogs par byed do/ / lung bstan pa'i sar yang gzhog go// btsun pa shA ra dwa ti'i bu 'di lta ste/ dper na phyi rol gyi dbang po lnga mngon par shes pa rnams sems can mngal du song ba rnam lanam de'i pho'i dbang po dang / mo'i dbang po mngon par grub par ma gyur kyi bar du lung mi ston to// de bzhin du sangs rgyas bcom ldan 'das rnams kyang / byang chub sems dpa' rnams la nam 'jig rten las 'das pa'i dbang po lnga po 'di dag dang ma ldan gyi bar du bla na med pa yang dag par rdzogs pa'i byang chub tu lung mi ston to/ / de dag ni btsun pa shA ra dwa ti'i bu/ byang chub sem/ dpa' rnams kyi dbang po lnga mi zad pa'o// gzhan yang btsun pa shA ra dwa tI'i bu/ byang chub sems dpa' rnams kyi stobs rnams myi bad pa ste/ ril byengad chub sems dpa' rnams kyi stobs mi zad pa gang zhe na/ stobs lnga po 'di dag ste/ lnga gang zhe na/ dad pa'i stobs dang / brtson 'grus kyi stobs dang / dran pa'i stobs dang / ting nge 'dzin gyi stobs dang shes rab kyi stobs so/ / de la dad pa'i stobs gang zhe na/ gang 'di mos pa dang / dad pa dang / mi brdzi ba ste/ gal te bdud sdig can sangs rgyas kyi gzugs su de'i drung du 'ongs nas chos la rtog pa'i mos pa gang yang rung ba las 'bral bar byed cing / mos pa zlog par byed na yang / dad pa'i stobs la mos pa'i byang chub sems dpa' ni/ dad pa'i stobs de las bskyod pa'am/ bskul ba 'am/ bslang bar mi nus te/ 'di ni dad pa'i stobs zhes bya'o// de la brtson 'grus kyi stobs gang zhe na/ byang chub sems dpas brtson 'grus rtsom pa gang dang gang rtsom pa dang / dge ba'i chos gang dang gang la sbyor ba de dang de la stobs skyed pa sra bar 'gyur te/ stobs bskyed pa de dang ldan pa'i byang chub sems dpa' gnas de las ma rgal gyi bar du yi ma de las lhar bcas pa'i 'jig rten gyis kyang bskyod pa 'am/ bskul ba 'am/ bsrung bar ci nus pa 'di ni brtson 'grus kyi stobs zhes bya'o// de la dran pa'i stobs gang zhe na/ de chos dran pa gnas gang dang gang la sems 'jog pa de las nyon mongs pa gzhan gang yang rung bas gtong bar mi nus te/ de'i dran pa'i stobs skyed pa des nyon mongs pa thams cad 'joms shing / byang chub sems dpa'i dran pa de ni nyon mongs pa thams cad kyis mi brdzi ba yin te/ 'di ni dran pa'i stobs zhes bya'o// de la ting nge 'dzin gyi stobs gang zhe na/ gang 'du 'dzi thams cad las dben par gnas shing spyod pa ste/ de sgra dang tshig gi lam thams cad kyis shin tu ston kyang / de'i bsam gtan dang po la sgra'i tsher ma yang sgrib par mi byed do// de dge ba la rtog pa dang / dpyod par dpyod kyang de'i bsam gtan gnyis pa la sgrib par mi 'gyur ro/ / de dga' ba dang mgu ba yang skyes pa yin la/ de'i bsam gtan gsum pa la yang sgrib par mi 'gyur ro// de sems can thams cad smin par bya ba dang / dam pa'i chos yongs su gzung ba'i phyir/ btang snyoms par yang mi 'gyur la/ de'i bsam gtan bzhi pa la yang sgrib par mi 'gyur ro// de bsam gtan bzhi po de dag gis spyod de/ bsam gtan dang mi mthun pa'i phyogs kyi chos rnams kyis kyang thul bar mi nus so// de mnyam par gzhag pa'i gnas kyang mi 'dor/ ting nge 'dzin gyi dbang gis kyang / mi skye ste/ 'di ni ting nge 'dzin gyi stobs zhes bya'o// de la shes rab kyi stobs gang zhe na/ gang 'jig rten pa dang / 'jig rten las 'das pa'i chos la mi thul bar shes pa ste/ skyes shing byung ba na yang slob dpon med par bzo'i las dang / rig pa dang / sngags dang / stobs kyi gnas thams cad mngon du 'gyur ro// 'jig rten na dam pa/ bya dka' ba/ bzod par dka' bathob par dka' ba/ ji snyed pa de dag byang chub sems dpa' la mngon du 'gyur ro// gang yang 'jig rten las 'das pa'i chos gang gis 'jig rten las 'da' ba de dag kyang / byang chub sems dpa'i shes rab dang / ye shes kyi stobs bskyed pas rjes su rtog ste/ lha dang mi dang lha ma yin du bcas pa'i 'jig rten gyis kyang mi brdzi ba 'di ni shes rab kyi stobs zhes bya ste/ de dag ni/ btsun pa shA ra dwa ti'i bu/ byang chub sems dpa' rnams kyi stobs lnga mi zad pa'o// gzhan yang btsun pa shA ra dwa ti'i bu byang chub sems dpa' rnams kyi byang chub kyi yan lag rnams mi zad pa ste/ de la byang chub sems dpa' rnams kyi byang chub kyi yan lag mi zad pa gang zhe na/ byang chub kyi yan lag ni bdun po 'di dag ste/ bdun gang zhe na/ dran pa yang dag byang chub kyi yan lag dang / chos rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang shin tu sbyangs pa yang dag byang chub kyi yan lag dang / tIt+ta nge 'dzin yang dag byang chub kyi yan lag dang / btang snyoms yang dag byang chub kyi yan la/ go/ de la dran pa yang dag byang chub kyi yan lag gang zhe na/ dran pa gang gis chos rnams rtogs par 'gyur ba dang / chos rnams la so sor rdog pa dang / chos rnams la dpyod pa dang / chos rnams la kun 'gro ba dang / chos rnams la bsam pa dang / chos rnams la rjes su rtog pa ste/ de dran pa des chos rnams kyi rang gi mtshan nyid rtogs par 'gyur ro// chos rnams kyi rang gi mtshan nyid gang zhe na/ chos thams cad rang gi mtshan nyid kyis gang gis de ltar dran zhing rtogs pa 'di ni/ dran pa yang dag byang chub kyi yan lag ces bya'o// de la chos rnam par 'byed pa yang dag byang chub kyi yan lag gang zhe na/ gang chos kyi phung po stong phrag brgyad cu rtsa ba ni rnam par 'byed pa shes pa ste/ chos gang dang gang ji lta ji lta bur rnam par dbye ba nges pa'i don yang nges ba'i don du/ drang ba'i don yang drang ba'i don du/ kun rdzob kyi don yang kun rdzob kyi don du/ don dam pa yang don dam par/ brda yang brdar rnam par gdon mi za ba yang rnam par gdon ming bar/ chos de dang de dag de lta de lta bur rnam par 'byed pa 'di ni/ chos rnam par 'byed pa yang dag byang chub kyi yan lag ces bya'o// de la brtson 'grus yang dag byang chub kyi phan la/ gang zhe na/ gang dran pa 'di dang / chos rnam par 'byed pa dang / dga' ba dang / shin tu sbyangs pa dang / ting nge 'dzin dang / btang snyoms shes pa 'di rab tu 'dzin pa dang / mos pa dang stobs dang / rtsal dang / phyir mi ldog pa dang / dad pa dang / mthu dang / brtson pa mi gtong ba dang / lam mngon par rtogs par bya ba'i phyir/ brtson pa 'di ni brtson 'grus yang dag byang chub kyi yan lag ces bya'o/ / de la dga' ba yang dag byang chub kyi yan lag gang zhe na/ chos la dga' ba dang / chos la mos pa dang / chos la rab tu dga' ba gang gis sems ma gong ba dang / dad cing spro ba ste/ chos la dga' ba gang gis lus dang sems shin tu byang bar 'gyur ba dang / nyon mongs pa rnams sel ba 'di ni dga' ba yang dag byang chub kyi yan lag ces bya'o/ / de la shin tu sbyangs pa yang dag byang chub kyi yan lag gang zhe na/ gang lus shin tu byang bar gyur pa dang / sems shin tu byang bar gyur pas nyon mongs pa bsal ba dang / sgrib pa dang bral ba dang / zhi gnas la 'jug pa'i dmigs pa la sems gzhog pa 'di ni/ shin tu sbyangs pa yang dag byang chub kyi yan lag ces bya'o// de la ting nge 'dzin yang dag byang chub kyi yan lag gang zhe na/ gang sems mnyam par bzhag pas chos kyi ye shes mngon par 'tshang rgya'i/ sems mnyam par ma bzhag pas ni ma yin no// gang sems mnyam par bzhag pas chos de dag mngon par 'tshang rgya'i/ sems mnyam par ma bzag pas ma yin te/ khams dang / bag la nyal dang / kun nus ldang ba de dag kyang ma dor bar mngon par 'tshang mi rgya ste/ gzhan du chos thams cad mnyam pa nyid dang / chos thams cad tha dad pa med pas/ chos thams cad mnyam pa nyid du mngon par 'tshang rgya ste/ 'di ni ting nge 'dzin yang dag byang chub kyi yan lag ces bya'o// de la btang snyoms yang dag byang chub kyi yan lag gang zhe na/ gang 'di ni chos bde ba dang / yid mi bde ba'i phyogs kyis sems kun nas mi gzung ba dang / 'jig rten gyi sems kyi mi 'phrogs pa dang / mtho dman du mi gnas pa'i phyir mi bskul ba yin te/ mi gnod/ mi 'phrogs/ mi 'chags/ mi sdang / 'phags pa'i bden pa'i lam dang mthun pa 'di ni btang snyoms yang dag byang chub kyi yan lag ces bya ste/ de dag ni btsun pa shA ra dwa ti'i bu/ byang chub sems dpa' rnams kyi byang chub kyi yan lag mi zad pa bdun no/ / gzhan yang btsun pa shA ra dwa ti'i bu/ byang chub sems dpa' rnams kyi lam mi zad pa ste/ de la byang chub sems dpa' rnams kyi lam gang zhe na/ lam zhes bya ba ni 'phags pa'i lam yan lag brgyad de/ 'di ltar yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i 'bad pa dang / yang dag pa'i dran pa dang / yang dag pa'i ting nge 'dzin to// de la yang dag pa'i lta ba gang zhe na/ gang 'di 'phags pa'i 'jig rten las 'das pa ste/ bdag tu lta ba las langs pa ma yin/ sems can du lta ba ma yin/ srog tu ma yin/ gso bar ma yin/ skyes bur ma yin/ gang zag tu ma yin/ shed las skyes par ma yin/ shed bdag tu ma yin/ byed pa por ma yin/ tshor ba por lta ba las langs pa ma yin te/ rtag pa dang chad par lta ba las langs pa ma yin/ 'byung dang 'jig par lta ba las langs pa ma yin/ dge ba dang / mi dge ba dang / lung du mi ston par lta ba las langs pa yang ma yin pa nas/ 'khor ba dang mya ngan las 'das par sbyor ba'i bar las langs pa yang ma yin te/ 'di ni yang dag pa'i lta ba zhes bya'o// de la yang dag pa'i rtog pa gang zhe na/ rtog pa gang gis 'dod chags dang / zhe sdang dang / gti mug gi nyon mongs pa 'byung bar 'gyur ba'i kun tu rtog pa de dag la mi rtog go/ / rtog pa gang gis tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i phung po rnams 'byung bar 'gyur ba'i rtog pa de dag la mi rtog pa 'di ni yang dag pa'i rtog pa zhes bya'o/ / de la yang dag pa'i ngag gang zhe na/ ngag gang gis bdag la yang yongs su mi gdung zhing gzhan la yang ma yin pa dang / bdag kyang nyon mongs shing / gzhan la yang ma yin pa dang / bdag la yang mi gnod cing gzhan la yang ma yin te/ ngag gang gis 'phag pa'i lam la 'jug pa de lta bu mnyam par gzhag pa la sbyor ba'i ngag dang ldan pa yin te/ 'di ni yang dag pa'i ngag ces bya'o// de la yang dag pa'i las kyi mtha' gang zhe na/ gang las kyang gnag la rnam par smin pa yang gnag pa de lta bu'i las mi 'byung ba dang / gang las kyang dkar la rnam par smin pa yang dkar ba de lta bu'i las mngon par 'du byed pa dang / gang las kyang dkar gnag la rnam par smin/ pa yang dkar gnag tu 'gyur ba'i las de dag mi byed pa dang / las gang mi gnag mi dkar zhing / rnam par smin pa yang med la/ las kyi las zad par 'gyur ba'i las de dag mngon par 'du byed pa ste/ de las kyi phyir 'brang bas yang dag pa'i las kyi mtha' la brtson pa zhes bya ste/ 'di ni yang dag pa'i las kyi mtha' zhes bya'o// de la yang dag pa'i 'tsho ba gang zhe na/ gang 'phags pa'i rigs dang / sbyangs pa'i yon tan dang / yo byad bsnyungs pa mi gtong ba dang / tshul 'chos pa med pa dang / kha gsag med pa dang / gzhogs slong med pa dang / mgu sla ba dang / gso sla ba dang / cho ga mchog gis tshul khrims dang / gzhan gyis thob pa la phrag dog med pa dang / bdag gis thob pa la chog shes pa dang / kha na ma tho ba med pa dang / 'phags pas gnang ba'i 'tsho ba 'di ni yang dag pa'i 'tshe ba'o/ / de la yang dag pa'i 'bad pa gang zhe na/ 'bad pa gang log pa ste/ 'phags pas ma gnang ba/ 'dod chags dang / zhe sdang dang / gti mug gi nyon mongs pa bag la nyal gyi 'bad pa de mi 'dod cing / 'dad pa de'i yang dag pa 'phags pa'i lam dang / bden pa la 'jug pa dang / mya ngan las 'das par 'gro ba'i lam du gtong ba'i 'bad pa de'i rjes su 'gro ba 'di ni yang dag pa'i 'bad pa zhes bya'o/ / de la yang dag pa'i dran pa gang zhe na/ dran pa gang shin tu nye bar gzhag pa dang / mi bskul ba dang / drang ba dang / gya gyu med pa dang / 'khor ba'i nyes pa dang skyon la lta ba dang / mya ngan las 'das pa'i lam du 'dren pa ste/ dran pa dang / gzhungs pa dang / 'phags pa'i lam mi brjed pa 'di ni yang dag pa'i dran pa zhes bya'o// de la yang dag pa'i ting nge 'dzin gang zhe na/ yang dag par mnyam pa dang / gang chos thams cad kyi mnyam pa ste/ ting nge 'dzin gang la gnas pas sems can thams cad rab tu thar par bya ba'i phyir/ yang dag par mi 'gyur ba la 'jug pa 'di ni/ yang dag pa'i ting nge 'dzin ces bya'o// gzhan yang byang chub sems dpa'i ting nge 'dzin 'di la gnas nas/ sems can thams cad rab tu thar par bya ba'i phyir/ yang dag pa mi 'gyur ba la 'jug pa 'di ni/ byang chub sems dpa'i yang dag pa'i ting nge 'dzin mi zad pa zhes bya'o// 'di ni 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi lam ste/ de byang chub sems dpa' mngon par sangs rgyas nas/ 'chad pa dang / ston pa dang / rab tu ston pa dang 'dzin du 'jug pa dang / mos par byed pa dang / klog tu 'jug pa dang / shes par byed pa dang / rnam par shes par byed pa dang / rab tu shes par byed pa dang / rab tu 'dzin pa dang / rnam par 'grel pa dang / rnam par 'byed pa dang / gsal bar byed pa dang / yang dag par smon pa 'di ni/ btsun pa shA ra dwa ti'i bu/ byang chub sems dpa' rnams kyi lam ma zad pa zhes bya'o/ / gzhan yang btsun pa shA ra dwa ti'i bu/ byang chub sems dpa' rnams kyi zhi gnas dang / lhag mthong yang mi zad pa yin te/ de la zhi gnas mi zad pa gang zhe na/ gang sems zhi ba dang / rab tu zhi ba dang / nye bar zhi ba dang / mi g.yeng ba dang / dbang po bsdams pa dang / mi 'god pa dang / mi 'phyar ba dang / mu cor mi smra ba dang / mi brtan pa med pa dang / mi g.yo ba dang / nges pa dang / sbas pa dang / cang shes pa dang / las su rung ba dang / rtse gcig pa dang / gcig pur dga' ba dang / 'du 'dzi spong ba dang / dben par dka' dang lus dben pa dang / sems ma spang ba dang / dgon pa mngon du lta zhing yid la byed pa dang / 'dod pa nyung ba dang / 'dod pa med pa dang / 'dod chen med pa dang / chog shes pa dang / 'tsho ba yongs su dag pa dang / cho ga phun sum tshogs pa dang / spyod lam sbas pa dang / dus shes pa dang / tshod shes pa dang / nyi tshod shes pa dang / tshor 'dzin pa dang / mgu sla ba dang / gso smra ba dang / so sor brtags pa'i stobs kyi mi mtho mi dma' ba dang / ngan du smras pa dang / ngan du smra ba dang / mi snyan pa'i tshig gi lam bzod pa dang / rnal 'byor pa la mngon du lta ba'i sems bskyed pa dang / nang du yang dag 'jog pa la mngon par dga' ba dang / bsam gtan gyi yan lag yid la byed pa dang / byams pa bskyed pa dang / snying rje chen po mngon par bsgrub pa dang / dga' ba la gzhol ba dang / btang snyoms bsgom pa dang / bsam gtan dang po dang / bsam gtan gnyis pa dang / bsam gtan gsum pa dang / bsam gtan bzhi pa dang / nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched dang / 'du shes rang tshor ba 'gog pa dang / mthar gyis snyoms par 'jug pa dgu po 'di dag ni zhi gnas zhes bya ste/ 'di ltar zhi gnas kyi tshogs ni tshad med pa ste/ zhi gnas kyi tshogs de dag la gang brtson pa 'di ni zhi gnas mi zad pa zhes bya'o/ / de la byang chub sems dpa' rnams kyi lhag mthong mi zad pa gang zhe na/ gang shes rab kyi cha dang mthun pa'i bsgom pa'i lam ste/ chos rnams la g.yo ba med par shes pa dang / bdag med pa dang / sems can med pa dang / srog med pa dang / gso ba med pa dang / gang zag med par shes pa dang / phung po rnams la sgyu mar mthong ba'i shes pa dang / khams rnams la myur du gdug pa'i sbrul lta bur mthong ba'i shes pa dang / skye mched rnams la grong stong par mthong ba'i shes pa dang / bden pa rnams la shin tu rtogs par mthong ba'i shes pa dang / rten cing 'brel par 'byung ba dang mi 'gal bar mthong ba'i shes pa dang / lta ba thams cad dang bral bar mthong ba'i shes pa dang / rgyu dang 'bras bu dang rnam par smin pa la chud mi za bar mthong ba'i shes pa dang / 'bras bu thob pa mngon sum du bya ba la rtog par mthong ba'i shes pa dang / yang dag pa la 'jug pa mthong ba'i shes pa ni lhag mthong zhes bya ste/ lhag mthong zhes bya ba yang chos rnams la yang dag par mthong ba'o// chos rnams la ji lta ba bzhin du mthong ba'o// chos rnams la de kho na nyid du mthong ba'o// chos rnams la gzhan ma yin pa nyid du mthong ba'o/ / chos rnams la stong nyid dang / mtshan ma med pa dang / smon pa med par mthong ba'o// chos rnams la mngon par 'du mi byed pa dang / de bzhin du ma skyes pa dang ma byung ba dang / dngos po med pa dang / ji lta ba bzhin du rnam par dag pa dang / dben par mthong ba'o// chos rnams la g.yo ba med pa dang / byed pa med pa dang / bdag po med pa dang / 'dzin pa med pa dang / dbyer med cing ro gcig pa dang / nam mkha'i ngo bo nyid dang / rang bzhin gyis mya ngan las 'das par mthong ba'o// lhag mthong zhes bya ba yang yod pa'i rnam par yang mi mthong / med pa'i rnam par yang mi mthong / skye ba dang / 'jig pa dang / gnas pa'i rnam par yang mi mthong / dmigs pa'i mtshan ma'i rnam par mi mthong ste/ de mthong mod kyi ci yang mi mthong ngo / / nam mthong ba med pa de ni mthong ba ste/ lhag mthong gis kyang mthong ba yang ma yin/ ma mthong ba yang ma yin par mthong ste/ nam de ltar mthong ba de na yang dag pa nyi mthong ngo / / yang dag pa nyid mthong bas lhag mthong la mkhas pa thob par 'gyur ro// de la byang chub sems dpa' lhag mthong gis de ltar mthong yang mngon par 'du mi byed par yang mi ltung zhing dge ba'i rtsa ba mngon par 'du byed pa las kyang mi ldang ngo / / 'di ni byang chub sems dpa' rnams kyi lhag mthong mi zad pa zhes bya'o// de dag ni btsun pa shA ra dwa ti'i bu/ byang chub sems dpa' rnam kyi zhi gnas dang lhag mthong mi zad pa'o/ / gzhan yang btsun pa shA ra dwa ti'i bu/ byang chub sems dpa' rnams kyi gzungs dang spobs pa mi zad pa yin te/ de la gzungs mi zad gang zhe na/ gzungs zhes bya ba ni gang sngon dge ba'i rtsa ba'i tshogs bsags pa'i dran pas chos kyi phung po stong phrag brgyad cu rtsa bzhi 'dzin pa dang / kun 'dzin pa dang / mi brjed pa dang / dran pas kun 'dzin pa 'di ni gzungs zhes bya'o// gang gzungs zhes bya ba ni gang gis sangs rgyas bcom ldan 'das kyis gsungs pa thams cad 'dzin pa dang / byang chub sems dpa' thams cad dang / rang sangs rgyas thams cad dang / nyan thos thams cad dang / sems can thams cad kyis smras pa 'dzin pa dang / legs par smras pa thams cad ma lus par 'dzin pa ste/ 'di ni gzungs zhes bya'o// nam yang bskal pa gzhan du 'phos par gyur tam/ tshe gzhan du 'phos par gyur pa de na yang byang chub sems dpa' de'i gzungs kyi dran pa'i ye shes ma rung bar yang mi 'gyur/ nyams par yang mi 'gyur te/ nam phyi ma'i mtha'i bar du chos thams cad 'phags pa'i shes rab kyi mig gis lag mthil na skyu ru ra'i 'bru 'dug pa bzhin du mthong ste/ 'di ni gzungs mi zad pa zhes bya'o// de la spobs pa mi zad pa gang zhe na/ spobs pa zhes bya ba ni gang 'di ma chags pa'i spobs pa dang / thogs pa med pa'i spobs pa dang / mi 'phrogs pa'i spobs pa dang / ma rmongs pa'i spobs pa dang / myur ba'i spobs pa dang / dga' ba'i spobs pa dang / spobs pa drag po dang / mi 'gyur ba'i spobs pa dang / spobs pa rno ba dang / spobs pa mgyogs pa ste/ de'i spobs pa de ni las kyi rnam par smin pas yongs su sbyangs pa/ sangs rgyas kyis byin gyis brlabs pa/ lha rnams kyis yongs su bzung ba/ khyad par lung bstan pa/ 'bras bu yod par chos ston pa/ mya ngan las 'das pa'i lam du 'gro ba ste/ de de lta bu'i spobs pa rdzogs pa yin no// gzugs su snang ba ji snyed par byang chub sems dpa' de'i mdo dang tshigs su bcad pa bstan pa spobs par snang ba yang de snyed do// sgrar grags pa ji snyed par byang chub sems dpa' de'i mdo dang tshigs su bcad pa bstan pa la spobs par snang ba yang de snyed de/ 'di bstan to// 'di bshad do zhes de mi rtag cing mngon par 'du byed pa med mod kyi/ 'khor gang dang gang du 'gro yang rung ste/ gal te rgyal rigs kyi 'khor du 'am/ gal te bram ze'i 'khor du'am/ gal te rje'u rigs kyi 'khor du 'am/ gal te khyim bdag gi 'khor du 'am/ gal te dge sbyong gi 'khor du 'am/ gal te rgyal chen bzhi'i 'khor du 'am/ gal te sum cu rtsa gsum pa'i 'khor du 'am/ gal te mtshe ma'i 'khor du 'am/ gal te dga' ldan gyi 'khor du 'am/ gal te 'phrul dga'i 'khor du 'am/ gal te gzhan 'phrul dbang byed kyi 'khor du 'am/ gal te bdud kyi 'khor du 'am/ gal te tshangs pa'i 'khor du yang rung ste/ de dang der de'i lhun gyis grub pas sems can thams cad kyi dad pa dang / dbang po rnams la chos spobs par 'gyur te/ de 'dod na tshe gzhan nam/ bskal pa gzhan gyi bar du yang mi ldang zhing thogs pa med par chos ston to// de chos ston pa des kyang de byed pa'i sdug bsngal yang dag par zad par bya ba'i phyir 'byung bar 'gyur te/ 'di ni byang chub sems dpa' rnams kyi spobs pa mi zad pa'o// de dag yang btsun pa shA ra dwa ti'i bu/ byang chub sems dpa' rnams kyi gzungs dang spobs pa mi zad pa'o// gzhan yang btsun pa shA ra dwa ti'i bu/ byang chub sems dpa' rnams kyi chos kyi mdo bzhi mi zad pa ste/ bzhi gang zhe na/ 'di lta ste/ 'du byed thams cad mi rtag par byang chub sems dpa' rnams kyi mi zad par bstan pa shes pa la 'jug pa dang 'du byed thams cad sdug bsngal du byang chub sems dpa' rnams kyi mi zad par bstan pa shes pa la 'jug pa dang / chos thams cad bdag med par byang chub sems dpa' rnams kyi mi zad pa bstan pa shes pa la 'jug pa dang / zhi ba mya ngan las 'das par byang chub sems dpa' rnams kyi mi zad par bstan pa shes pa la 'jug pa ste/ de la mi rtag pa'i don gang zhe na/ med pa'i don gang / mi chags pa'i don te/ dngos po rnam par 'gog pa'i don ni ma yin no// mi rtag pa'i don ni chos la bdag med pa ste/ ngo bo nyid kyis dben pa'i phyir de la 'jig pa gang yang med de/ 'di ni mi rtag pa'i don to// de la sdug bsngal gyi don gang zhe na/ dga' ba med pa'i don ni sdug bsngal gyi don to// dga' ba zad pa'i don ni sdug bsngal gyi don to// smon pa med pa'i don ni sdug bsngal gyi don to/ / sdug bsngal gyi sgra rab tu bstan pa'i don ni sdug bsngal gyi don to// nam mkha' rab tu bzhag pa'i don ni sdug bsngal gyi don te/ 'di ni sdug bsngal gyi don ces bya'o/ / de la bdag med pa'i don gang zhe na/ bdag ni shin tu bdag med pa ste/ gang bdag med pa'i ron de ni gsob bo// gsog go// rag lus pa'o// stong pa'o// stong pa'i don ni bdag med pa'i don te/ 'di ni bdag med pa'i don ces bya'o// de la zhi ba'i don gang zhe na/ zhi ba ni zhi bas zhi bar mi 'gyur te/ zhi ba nyid zhi ba'o// ma zhi ba'ang zhi bas zhi bar mi 'gyur te/ gang zhi ba'i don de ni mtshan ma thams cad nye bar zhi ba ste/ 'di ni zhi ba zhes bya'o// zhi ba ni mya ngan las 'das pa ste/ 'di ni zhi ba'i don ces bya'o// de dag ni btsun pa shA ra dwa ti'i bu/ byang chub sems dpa' rnams kyi chos kyi mdo bzhi mi zad pa'o// gzhan yang btsun pa shA ra dwa ti'i bu/ byang chub sems dpa' rnams kyi bgrod pa gcig pa'i lam mi zad pa yin te/ de la bgrod pa gcig pa'i lam gang zhe na/ bgrod pa gcig pa'i lam la byang chub sems dpa' rnams gzhan gyi dring la mi 'jog pa yin te/ bgrod pa gcig/ pa'i lam zhes bya ba ni/ byang chub sems dpa' gcig pu gnyis ma yin zhing grogs med par bla na med pa yang dag par rdzogs pa'i byang chub tu go cha gyon te/ bdag gi brtson 'grus dang / mthu dang / stobs kyis yongs su gzung ba dang / lhag pa'i bsam pa gzhan gyi go skabs med par bdag nyid byed cing / bdag gi mthu stobs kyis 'phags te des de lta bu go cha sra ba bgos nas/ gang yang cung zad sems can thams cad kyis thob par bya ba yod pa de dag bdag gis kun rnyed par bya/ gang 'phags pa thams cad dang / theg pa la gsar du zhugs pa'i byang chub sems dpa' rnams kyis thob par bya ba de dag bdag gis kun thob par bya'o/ / sbyin pa ni bdag gi grogs ma yin gyi/ bdag ni sbyin pa'i grogs so// tshul khrims dang / bzod pa dang / brtson 'grus dang / bsam gtan dang / shes rab ni bdag gi grogs ma yin gyi/ bdag tshul khrims dang / bzod pa dang / brtson 'grus dang bsam gtan dang / shes rab kyi grogs so// bdag la ni pha rol tu phyin pa rnams kyis rim gror mi bya'i/ bdag gis pha rol tu phyin pa rnams la rim gror bya'o// bdag la ni bsku ba'i dngos po rnams kyis rim gror mi bya'i/ bdag gis ni bsdu ba'i dngos po rnams la rim gror bya'o// bdag la ni dge ba'i rtsa ba thams cad kyis rim gror mi bya'i/ bdag gis ni dge bar rtsa ba thams cad la rim gror bya'o/ / gang 'di lta bu'i chos la grogs med par bdag nyid byed cing gzhan gyi go skabs med par/ bdag gcig pu gnyis ma yin zhing / grogs med par rdo rje sa'i snying po la 'dug ste/ bdud stobs dang bcas pa rnams btul la/ sems kyis skad cig ma gcimu dang ldan pa'i shes rab kyis bla na med pa yang dag par rdzogs pa'i byang chub tu mngon pa rdzogs par 'tshang rgya bar bya'o zhes bdag mngon par rdzogs par 'tshang rgya ba 'di ni/ btsun pa shA ra dwa ti'o bu/ byang chub sems dpa' rnams kyi bgrod pa gcig pa mi zad pa zhes bya'o// gzhan yang btsun pa shA ra dwa ti'i bu/ byang chub sems dpa' rnams kyi thabs mi zad pa ste/ de la thabs gang zhe na/ thabs gang gis byang chub sems dpa' sangs rgyas kyi chos thams cad rnam par sgrub cing slong ba ste/ thabs ni byang chub sems dpa'i dge ba'i chos thams cad nye bar gzhog pa'o// thabs ni bsam pa nges par rtog pa'o// thabs ni sbyor ba rgyun mi 'chad pa'o/ / thabs ni lhag pa'i bsam pas bye brag tu 'phags pa'i chos 'dod pa'o// thabs ni sbyin pa'i pha rol tu phyin pa thams cad yongs su rdzogs par byed pa'o// thabs ni tshul khrims kyis skye ba thams cad 'dzin pa'o/ / thabs ni bzod pas byang chub kyi phyir lus dang ngag dang sems kyi rgyan no// thabs ni brtson 'grus kyis 'jug pa dang gnas pa la brtson pa'o// thabs ni bsam gtan gyis bsam gtan las phyir ldog pa shes pa'o// thabs ni shes rab kyis 'dus ma byas spong ba'o// thabs ni byams pas dpung gnyen med pa rnams kyi skyabs so// thabs ni snying rjes 'khor ba la mi smod pa'o// thabs ni dga' bas dga' ba dang / mi dga' ba la bzod pa'o// thabs ni btang snyoms kyi dge ba'i rtsa ba dang / tshogs thams cad 'phel ba'o/ / thabs ni 'phrul gyi mig gis sangs rgyas kyi spyan thob pa'o// thabs ni 'phrul gyi rna bas sangs rgyas kyi snyan thob pa'o// thabs ni pha rol gyi sems shes pas dbang po mchog dang mchog ma yin pa thob pa'o/ / thabs ni sngon gyi gnas rjes su dran pas dus gsum la chags pa med pa'i ye shes so// thabs ni rdzu 'phrul gyi bya ba shes pas de bzhin gshegs pa'i rdzu 'phrul rab tu thob pa'o/ / thabs ni sems can rnams kyi bsam pa la 'jug pa'o// thabs ni spyod pa'i mtshan nyid shes pa'o// thabs ni rgal nas 'jug pa'o// thabs ni nyon mongs pa med pas nyon mongs pa'o/ / thabs ni khur bor bas khur thogs pa'o// thabs ni tshad yod pa tshad med par ston pa'o// thabs ni tshad med pa tshad yod par ston pa'o// thabs ni dbang po zhan pa rnams la gsal bar byed pa'o/ / thabs ni dus dang dus ma yin pa shes pa'o// thabs ni lam dang lam ma yin par 'gro ste/ ngan pa'i lam la gnas pa'i sems can las lam bzang por 'god do/ / thabs ni nyung ngu las mang por byed do// mang po las tshad med par byed pa'o// thabs ni bye ba'i sems can rnams 'dum par byed do// thabs ni tha ma dang 'bring dang rab la gnas pa'o/ / thabs ni mya ngan las 'das pa'i rig pa las 'khor ba'i rig par ltung ngo // thabs ni thar pa las bcing ba tshol lo// thabs ni shes par bya ba zad pa med de/ shes par bya ba zad par yang mi ltung ngo / / thabs ni spyod lam thams cad 'khrul par byed do// spyod lam rnams las kyang mi nyams so// thabs ni sems can la lta ba'i tshul khrims la ma yin no// thabs ni bsku bas lta ba la rten gyi/ rtsod pas ni ma yin no// thabs ni sgra 'byin pa'o// thabs ni khams gsum las spyod yul ba'o// thabs ni rnam par thar pa'i sgo gsum thob pa'i mtshan nyid spyod yul ba'o// / thabs ni 'phags pa ma yin pa'i skye bo dang 'dres pa'o// 'phags pa'i skye bo dang ma 'dres pa'o// thabs ni mya ngan las 'das pa las gud du phyogs shing 'khor ba la mngon du bltas pa'o// thabs ni bdud kyi spyod yul na nyon mongs pa med par snang ba'o// thabs ni thams cad nas thams cad de/ thams cad nas thams cad pa'ang ma yin te/ 'di ni btsun pa shA ra dwa ti'i bu/ byang chub sems dpa' rnams kyi thabs mi zad pa zhes bya ste/ de dag ni btsun pa shA ra dwa ti'i bu/ byang chub sems dpa' rnams kyi mi zad pa brgyad cu ste/ mi zad pa 'dir sangs rgyas kyi chos thams cad rjes su chud cing 'dus pa'o/ / mi zad pa'i sgo'i chos kyi le'u 'di byang chub sems dpa' blo gros mi zad pas bstan pa na/ srog chags brgya stong phrag bdun cu rtsa brgyad sngon bla na med pa yang dag par rdzogs pa'i byang chub tu sems ma skyed pa sems bskyed gyur gyur to/ / byang chub sems dpar sbyong phrag lnga bcu rtsa gnyi sa ni mi zla ba'i chos la bzod pa thob par gyur to/ / 'khor de dag thams cad kyang chos kyi rnam grangs 'di la mchod pa bya ba'i phyir me tog dang / 'phreng ba dang / me tog gi gdugs dang / me tog gi snyan gyi gong rgyan kha dog dang ldan pa/ dri dang ldan pa rnam pa sna tshogs kyis bcom ldan 'das dang byang chub sems pa' blo gros mi zad pa la mngon par gtor to// lha rnams kyis kyang steng gi nam mkha' la glu blangs te/ 'di skad du ched brjod pa yang ched du brjod do/ / gang sangs rgyas bcom ldan rnams kyis bskal pa bye ba khrag khrig brgya stong grangs med par bsgrubs pa/ bla na med pa yang dag par rdzogs pa'i byang chub de ni/ byang chub sems dpa' blo gros mi zad pas chos kyi rnam grangs 'di las mi zad pa'i rnam pas bstan to/ / sems can su mi zad pa'i sgo'i le'u chos kyi rnam grangs 'di nyan cing thos nas mos pa dang / kun 'dri ba dang / 'dzin pa dang / 'chang ba dang / klog pa dang / kun chub par byed pa dang / gzhan dag la yang rgya cher yang dag par ston pa de dag kyang mi zad pa 'di dag dang ldan par 'gyur ro// / de nas bcom ldan 'das kyis nyid kyi sku las phrag pa'i ras phud de/ byang chub sems dpa' blo gros mi zad pa la chos kyi dgab pa'i phyir byin nas/ 'di skad ces bka' stsal to// legs so legs so/ / skyes bu dam pa mi zad pa'i chos kyi rnam grangs 'di khyod kyis legs par smras so// khyod la de bzhin gshegs pa rjes su yi rang ngo // gang khyod la ngas rjes su yi rang ba de yang gang+gA'i klung gi bye ma snyed kyi sangs rgyas bcom ldan 'das rnams kyis rjes su yi rang ngo / / de ras byang chub sems dpa' blo gros mi zad pas phrag pa'i ras de lag pa gnyis kyis blangs te/ spyi bo la bzhag nas 'di skad du smras so/ / bcom ldan 'das gang bcom ldan 'das kyis gsol ba 'di lha dang / mi dang / lha ma yin du bcas pa'i mchod rten no// de nas phyogs bcu kun nas rin po che'i gos dang / rin po che'i gdugs dang / rin po che'i ba dan dang / lnga ldi rin po che'i rtsa ba can 'ongs par snang ste/ de dag 'ongs nas byang chub sems dpa' blo gros mi zad pa'i lus la mngon par 'gebs par byed do/ / rin po che'i gos dang / rin po che'i gdugs dang / rin po che'i ba dan dang / lde ldi rin po che'i rtsa ba can de dag las sgra 'di skad byung ste/ legs so legs so// blo gros mi zad pa khyod kyis mi zad pa'i sgo'i le'u legs par smras te/ khyod kyis legs par smras pa la rjes su yi rang ngo // de nas bcom ldan 'das la/ tshe dang ldan pa shA ra dwa ti'i bus 'di skad ces gsol to/ / bcom ldan 'das rin po che'i gos rnams dang rin po che'i gdugs rnams dang / rin po che'i bdar rnams dang / lnga ldi rin po che'i rtsa ba can 'di dag gang nas mchis/ 'di lta bu'i sgra dag gang nas byung / bcom ldan 'das kyis bka' stsal pa/ shA ra dwa ti'i bu 'di dag ni byang chub sems dpa' blo gros mi zad pa sngon byang chub sems dpa'i spyad pa spyod pa na/ sems can gang bla na med pa yang dag par rdzogs pa'i byang chub tu yongs su smin par byas pa de dag da ltar phyogs bcu'i 'jig rten gyi khams su bla na med pa yang dag par rdzogs pa'i byang chub tu mngon par sangs rgyas te/ de bzhin gshegs pa de dag gis byang chub sems dpa' blo gros mi zad pa la byas pa gzo ba dang / byas pa tshor bar 'dzin pas skyes bu dam pa 'di'i yang dag pa'i / yon tan brjod cing / 'dus pa chen po'i chos kyi rnam grangs 'di la yang mchod par bya ba'i phyir chos kyi dgab pa 'di dag bskur ro// de nas 'khor de dag thams cad byang chub sems dpa' blo gros mi zad pa la rab tu dga' ba dang / mos pa dang / ri mo shin tu cher bskyed nas tshig 'di skad ces kyang smras so// gang bdag cag gis byang chub sems dpa' blo gros mi zad pa la blta ba dang / phyag 'tshal ba dang / mchod pa dang / bsnyen bkur bya ba dang / chos bstan pa 'di yang mnyan pa rnyed pa ni/ bdag cag gis rnyed pa rab tu rnyed do// gang gis byang chub sems dpa' blo gros mi zad pa'i ming tsam thos pa yang rnyed pa rab tu rnyed pa yin na/ gang gis 'di mngon sum du sha'i mig gis mngon par chos kyi rnam grangs 'di yang nyan pa dang / mos par byed pa dang / kun 'dri/ ba dang / 'dzin pa dang / 'chang ba dang / klog pa dang / ston pa dang / kur chub par byed pa dang / gzhan la yang rgya cher rab tu ston pa lta ci smos/ de nas bcom ldan 'das kyis de dag thams cad kyis legs par smras pa la rjes su thugs rang ba mdzad de/ tshe dang ldan pa shA ra dwa ti'i bu la bka' stsal pa/ shA ra dwa ti'i bu byang chub sems dpa'i theg pa can gyi rigs kyi bu pho 'am/ rigs kyi bu mo gang gis tshe'i tshad bskal par gnas pa'i sangs rgyas bcom ldan 'das rnams la sbyin pa byin la/ tshul khrims dang / brtul zhugs yang dag par blang ba thams cad la slob cing / sems can thams cad kyis nyes par byas pa yang bzod la/ mgo'i thod pa la me 'bar ba bzhin du brtson 'grus brtsams shing gnas te/ bsam gtan rtse gcig dang ldan la shes rab kyi bye brag la mkhas kyang / chos kyi rnam grangs 'di dang bral ba de'i pha rol tu phyin pa rnams yongs su ma rdzogs par ngas bshad do// shA ra dwa ti'i bu byang chub sems dpa'i theg pa can gyi rigs kyi bu pho dang / rigs kyi bu mo gang gis chos kyi rnam grangs 'di nyan pa dang / mos pa dang / 'dri ba dang / 'dzin pa dang / 'chang ba dang / klog pa dang / kun chub par byed pa dang gzhan la yang rgya cher yang dag par ston pa dang / bsgom pa'i rnal 'byor la zhugs shing gnas pa de ni/ pha rol tu phyin pa rnams yongs su rdzogs par 'gyur ba dang / myur du bla na med pa yang dag par rdzogs pa'i byang chub tu mngon par 'tshang rgya bar ngas bshad do/ / de ci'i phyir zhe na/ shA ra dwa ti'i bu byang chub sems dpa' gang chos kyi rnam grangs 'di la zhugs te/ gzhan la rgya cher rab tu ston pa 'di ni/ de'i sbyin pa'i pha rol tu phyin pa yongs su rdzogs pa'o// de ci'i phyir zhe na/ sbyin pa rnams kyi nang na/ gang chos kyi sbyor ba 'di ni mchog go// gang byang chub kyi sems ma nyams pas/ chos kyi rnam grangs 'di la brtson zhing / tshul khrims dang / brtul zhugs dang / sdom pa 'di ni de'i tshul khrims kyi pha rol tu phyin pa yongs su rdzogs pa ste/ de ci'i phyir zhe na/ byang chub sems dpa'i tshul khrims dang bslab pa thams cad ni chos kyi rnam grangs 'di las rab tu bstan to// byang chub sems dpa' chos kyi rnam grangs 'di las bzod pa bstan pa de ni/ sems can thams cad kyis kyang bskyod par mi nus te/ gang 'di chos thams cad kyi rjes su song ba'i bzod pa 'di ni de'i bzod pa'i pha rol tu phyin pa'i mchog go// gang chos kyi rnam grangs 'di la 'jug pa dang / ston pa dang / sbyor ba dang bsgom pa 'di ni/ lus dang / ngag dang / sems kyis brtson 'grus ni de'i brtson 'grus kyi pha rol tu phyin pa'o// gang chos kyi rnam grangs 'di la sems nges par rtog cing mi g.yo ba dang / rtse gcig pa dang / rtog pa 'di ni nga'i bsam gtan gyi pha rol tu phyin pa'i mchog go// gang chos kyi rnam grangs 'di la mngon sum du shes pa dang / gzhan gyi dring la mi 'jog par shes pa dang / rnam par 'byed pa shes pa dang / nan tan shes pa 'di ni de'i shes rab kyi pha rol tu phyin pa'i mchog ste/ de ltar na shA ra dwa ti'i duchos kyi rnam grangs 'di la rab tu sbyor ba'i byang chub sems dpa' ni dka' ba chung ngus pha rol tu phyin pa drug po 'di dag la sgom pa yongs su rdzogs par 'gyur ro/ / shA ra dwa ti'i bu rnam grangs 'dis kyang 'di ltar rig par bya ste/ byang chub sems dpa' gang chos kyi rnam grangs 'di lus la yod pa 'am/ glegs bam du byas kyang rung ste/ sangs rgyas kyi chos thams cad de'i lag mthil du phyin par shes par bya'o/ / gal te 'byung ba chen po rnams gzhan du gyur kyang / byang chub sems dpa' de'i byang chub ni mi 'gyur ro// de ci'i phyir zhe na/ shA ra dwa ti'i bu 'di ni/ byang chub sems dpa' phyir mi ldog pa rnams kyi rgya ste/ byang chub sems dpa' de dag kyang rgya 'di las 'tshal bar gang rgyu 'di'i phyir 'brang ba de dag ni sangs rgyas kyi chos de dag thams cad kyi phyir 'brang ba ma yin no/ / de nas rgyal po chen po bzhi stobs dang bcas/ 'khor dang bcas pa bcom ldan 'das la thal mo sbyar te/ bcom ldan 'das bdag cag ni/ gang chos kyi rnam grangs 'di 'dzin pa'i rigs kyi bu po 'am/ rigs kyi bu mo de dag gi g.yog dang / rim gro bgyi bar rab tu spro ste/ bcom ldan 'das chos smra ba de dag la bdag cag gis ston par 'du shes bskyed par bgyi'o/ / de ci'i slad du zhe na/ bcom ldan 'das theg pa thams cad ni 'di las 'ong ngo // de nas bcom ldan 'das la/ brgya byin lha'i dbang pos 'di skad ces gsol to/ / bcom ldan 'das bdag cag gis bcom ldan 'das las chos kyi rnam grangs brgya stong mang po thos kyang / shin tu gdon mi za ba'i chos kyi don 'di lta bu bstan pa bdag cag sngon nam yang ma thos so/ / bcom ldan 'das grong dang / grong khyer dang / grong rdal dang / yul dang / rgyal po'i pho brang 'khor gang dang gang na chos kyi rnam grangs 'di 'chad pa dang / rab tu ston pa de dang der bdag sum cu rtsa gsum pa'i lha rnams dang bcas te/ chos mnyan pa'i slad du mchi'o// chos smra ba de dag la yang chos kyi bsrung bar bgyi/ rigs kyi bu de dag ci nas 'jigs pa ma mchis par gyur cing 'khor gyi 'jigs pa med pa dang / chos kyi rnam grangs 'dir zhugs te/ gzhan la yang rgya cher rab tu ston par brtson 'grus dang / stobs dang / mthu dang / spro ba dang / spobs pa dang dran pa dang / blo gros dang / rtogs pa rab tu stsal bar bgyi'o// bcom ldan 'das kyis bka' stsal pa/ ko'u shi ka gang khyod kyis chos smra ba rnams srung bar byed pa de ni legs so legs so/ / ko'u shi ka chos smra ba bzung bas ni dam pa'i chos yongs su bzung bar 'gyur ro// dam pa'i chos yongs su bzung bas ni sems can thams cad yongs su bzung bar 'gyur ro// de nas bcom ldan 'das la/ tshangs pa mi mjed kyi bdag pos 'di skad ces gsol to// bcom ldan 'das bdag dang tshangs ris kyi lhar bcas pas/ bsam gtan gyi dga' ba dang bde ba btang ste/ gang dang gang na chos kyi rnam grangs 'di spyod pa de dang der chos kyi rnam grangs de mnyan pa'i slad du mchi'o// de chos smra ba de dag gis ltas bzhis ni 'dir tshangs pa mi mjed kyi bdag po tshangs ris kyi lha rnams dang bcas te chos nyan pa'i phyir lhags so zhes 'tshal bar bgyi ste/ bzhi gang zhe na/ 'di lta ste/ snang ba chen po mthong ba dang / lha rdzas kyi dri mnam pa dang / chos smra ba des chos kyi rnam grangs 'di la nges pa'i tshig gis nges pa'i tshig dang tshig gi mtshams sbyar bar tshig gi mtshams su mi brjed cing / dran par spobs pa dang / 'khor de dag thams cad kyang mi g.yeng zhing chos la gus par yid la bgyid pas chos nyan pa ste/ ltas bzhi po 'di dag gis 'dir tshangs pa mi mjed kyi bdag po tshangs ris kyi lha rnams dang bcas te chos nyan pa'i phyir lhags so/ zhes bgyi'o// de nas bcom ldan 'das la/ bdud sdig can gyis 'di skad ces gsol to// bcom ldan 'das chos kyi rnam grangs 'dis bdag gi stobs dang bzhon par bcas pa thams cad stobs chung bar bgyis te/ de ci'i slad du zhe na/ bcom ldan 'das byang chub sems dpa' gang gis chos kyi rnam grangs 'di thos pa de na de nyid kyis byang chub sems dpa' de bla na med pa yang dag par rdzogs pa'i byang chub tu lung bstan lags te/ bcom ldan 'das sangs rgyas kyi zhing gang na byang chub sems dpa' de garas pa de na de nyid sangs rgyas zhes bgyi'o/ / blo gros mi zad pa byang chub sems dpa' gang chos kyi rnam grangs 'di'i gzi brjid kyi tshogs dang stobs bskyed pas/ bdag gi nga rgyal dang / rgyags pa dang / dregs pa rnams bcom pas chos smra ba de bsrung ba dang / bskyab pa dang / sba ba'i phyir dam bca' bar bgyi'o// chos kyi rnam grangs 'di spyod pa der sems bskyed pa'i bag tsam gyis kyang bar chad mi bgyi'o// de nas bcom ldan 'das kyis/ tshe dang ldan pa dga' bo la bka' stsal pa/ dga' bo chos kyi rnam grangs 'di dam pa'i chos ring du gnas par bya ba'i phyir zung zhig/ lhogs shig/ kun chub par gyis shig dga' bos gsol pa/ bcom ldan 'das bdag gis chos kyi rnam grangs 'di bzung mod kyi/ byang chub sems dpa' sems dpa' chen po lta bur bdag gis chos kyi rnam grangs 'di rgyas par bgyid mi nus so/ / bcom ldan 'das kyis bka' stsal pa/ dga' bo chos kyi rnam grangs 'di rgyas par rnam par dbye ba'i phyir byed pa chung bar gyis shig/ 'khor 'di na gang chos kyi rnam grangs 'di rgyas bar byed pa dam pa'i chos yongs su 'dzin pa'i byang chub sems dpa' rnams tshogs shing 'khod do/ / de nas 'khor de nas byang chub sems dpa' bye ba phrag drug cus dam pa'i chos yongs su gzung ba'i phyir/ bcom ldan 'das la 'di skad ces gsol to// bcom ldan 'das bdag cag gis 'dus pa chen po'i le'u chos kyi rnam grangs 'di phyogs bcu'i 'jig rten kun tu ma lus par rdzogs par rgyas par bgyi'o/ / mi mjed kyi 'jig rten gyi khams 'dir yang byang chub sems dpa' sems dpa' chen po byams pa dam pa'i chos gzung ba'i slad du/ dam pa'i chos bsrung ba'i slad du/ chos kyi rnam grangs 'di rgyas par bgyid de/ bcom ldan 'das yongs su mya ngan las 'das nas/ phyi ma'i dus lnga brgya tha ma la chos kyi rnam grangs 'di byang chub sems dpa' gang gi rna bar grags par 'grur ba dang / 'dzin pa dang / 'chang ba dang / klog pa dang / ston pa de ni byang chub sems dpa' byams pa'i byin gyi rlabs su rig par bgyi'o// de nas bcom ldan 'das kyis/ dam pa'i chos kun 'dzin pa'i byang chub sems dpa' de dag la bka' sprul pa/ legs so// skyes bu dam pa dag ji ltar khyod da ltar nga'i mdun du dam pa'i chos yongs su 'dzin pa de bzhin du/ khyod gang+gA'i klung gi bye ma snyed kyi sangs rgyas bcom ldan 'das kyi spyan sngar dam pa'i chos yongs su 'dzin par khas blangs pa legs so legs so/ / de nas bcom ldan 'das la/ byang chub sems dpa' sems dpa' chen po blo gros mi zad pas 'di skad ces gsol to/ / bcom ldan 'das gang bdag gis chos kyi rnam grangs 'di la bdag gi blo mi ldan pas yi ge ma rdzogs pa rnams bcom ldan 'das dang / mi zad pa'i chos dang / ldan pa'i byang chub sems dpa' sems dpa' chen po 'di dag la bdag bzod pa gsol lo// bcom ldan 'das kyis bka' stsal pa/ blo gros mi zad pa so so yang dag par rig pa thob pa'i byang chub sems dpa' rnams la don dang / chos dang / nges pa'i tshig dang / spobs pa rnams la 'khrul pa med do// 'gog pa la yang 'khrul pa med do// gang de lta bu'i chos rnams rtogs par khong du chud pa'i skyes bu dam pa de dag ni yang dag pa'i don rnam par gdon mi za bar thob pa yin no/ / blo gros mi zad pa khyod ni so so yang dag par rig pa bzhi'i dam pa'i mchog thob cing / dbang rnyed pa theg pa chen po 'di la gzhan gyi dring la mi 'jog cing rnam par gdon mi za ba'i dam pa'i mchog thob pa ste/ blo gos mi zad pa sa 'di thob pa'i byang chub sems dpa' rnams la lus kyi 'khrul pa dang / ngag gi 'khrul pa dang / sems kyi 'khrul pa gang yang med do// de dag thams cad ni ye shes sngon du 'gro ba'i lus dang ngag dang yid kyi las dang ldan pa yin no// blo gros mi zad pa khyod ni sangs rgyas bye ba khrag khrig brgya stong mang pos chos bstan pa'i phyir rjes su dgongs so/ / blo gros mi zad pa nga lta bu rnams kyis khyod 'dra ba'i skyes bu dam pa rnams la shin tu bzod do// de nas bcom ldan 'das la/ tshe dang ldan pa dga' bos 'di skad ces gsol to// bcom ldan 'das chos kyi rnam grangs 'di'i ming ci lags 'di ji lta bur gzung bar bgyi/ bcom ldan 'das kyis bka' stsal pa/ de'i phyir dga' bo khyod kyi rnam grangs 'di blo gros mi zad pas bstan pa dang / mi zad pa'i don dang / tshig dang / yi ge mi zad pa bstan pa dang / 'dus pa chen po'i le'u dang blo gros mi zad pa'i le'u zhes kyang zung zhig/ dga' bo khyod kyis 'dus pa chen po'i le'u chos kyi rnam grangs 'di bzung na/ de las chos la dran pa'i stobs kyi mthu bskyed pa 'bum 'gyur thob par 'gyur ro/ / gzhan dag la yang bstan na sems can thams cad la sangs rgyas kyi bya bas nye bar gnas par 'gyur ro// bcom ldan 'das kyis de skad ces bka' stsal nas/ byang chub sems dpa'i tshogs de dag thams cad dang / byang chub sems dpa' sems dpa' chen po blo gros mi zad pa dang / gnas brtam shA ra dwa ti'i bu dang / dge slong de dag dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rang ste/ bcom ldan 'das kyis gsungs pa la mngon par bstod do// 'dus pa chen po'i le'u 'bum pa las blo gros mi zad pas bstan pa zhes bya ba theg pa chen po'i mdo rdzogs so/ / / zhu chen gyi lo ts+tsha ba ban+te d+harma tA shI las zhus skad gsar bcad kyis kyang bcos te gtan la phab pa/

CLOSE WINDOW