zhu chen gyi lo tsa ba ban d+he ye shes sdes bsgyur cing zhus te gtan la phab pa// de bzhin gshegs pa'i mtshan rgya rtsa brgyad pa// 'jig rten kun gyi mgon gcig pa// thams cad ma byin pa thub pa che// yon tan rgya mtsho mtha' yas pa'i// mtsha brgya rtsa brgyad legs par brjod// bkra shis kun gyi bkra shis pa/ sdig pa thams cad rab 'joms pa// sdug bsngal thams cad sel ba po// ston pa la ni bdag phyag 'tshal// bkra shis thams cad sbyin pa po// lus can kun gyi skyabs mdzad pa/ / kun tu bde ba sbyin pa po// zla ba bzang la bdag phyag 'tshal// bkra shis thams cad yongs su rdzogs// sems can kun la thugs brtse ba// sems can kun gyi mgon po mchog/ thams cad mkhyen la bdag phyag 'tshal// reg pa thams cad legs sgrub pa// sangs rgyas thogs med rtogs pa po// gnod pa thams cad sel mdzad pa// don kun grub la phyag 'tshal lo/ / rdzogs sangs rgyas pa 'gro ba'i gnyen// lha yi lha la bstod pa yi// mtshan brgya rtsa brgyad dam pa 'ang// mchog tu dge ba bdag gis bshad// don kun grub pa rdzogs sangs rgyas/ / shAkya'i skyes mchog thams cad mkhyen// chos kun dbang phyug brtan pa po// drang srong chen po yon tan mtsho// dgra bcom bde gshegs de bzhin gshegs// bcom ldan 'jig rten kun mkhyen pa/ / nyes pa'i dri ma kun las 'das// chos kyi snang ba mdzad pa'i mchog/ 'jig med shakya zas gtsang sras// bu ram shing pa'i rigs dga' ba// go'u ta ma ste nyi ma'i rigs// thub dpal nyima'i rgyud bdag po/ / 'jig rten mgon po stobs bcur ldan// bdud dpung nges par 'joms pa po// nyes pa spangs pa dug bcom pa// mi 'dul kha lo bzang po pa// rigs pa grol ba mun sel ba zhi ba dul ba dbang po thul/ / tshul khrims rnam dag dri ma med// 'dod chags bral ba ser sna med// dpag tu med pa 'jigs med brnyed// chos kyis mchog dang ldan pa po// mtha' yas dpe med gsum ldan pa/ / bsam gyis ma khyab ya mtshan stabs// 'jig rten gsum gnyer gsum rag pa// dus gsum mkhyen pa nyes gsum 'jom// cho 'phrul gsum dang ldan pa po// phung po gsum gyi lam ston pa// mtshon brtsod med rims nad med// bdag gi med pa nga rgyal med// tsher ma med pa spros pa med// 'jigs med kha na ma tho med// dpa' bo mchog sbyin mchog don 'os/ / smra ba'i seng ge mi yi mchog/ rnam par dul ba nyon mongs bral// rnam dag bdag nyid rnam par 'dren// rig dang zhabs su ldan pa po// khyab 'jug kun rgyal rnam par mdzes sems rdul dri ma mi mnga' ba/ / rdul dang bral ba rig pa'i mchog/ zhi bar mdzad pa sdig pa zhi// bsil bar gyur pa shis par mdzad// ston pa 'gro ba'i skyabs 'os pa// dpa' bo dag pa snyestengs mi mnga'/ / mtshan rnams yongs rdzogs dpal dang ldan// mig mkhan zug rngu 'byin pa po// shAkya seng ge dge sbyong dbang // dge ba'i chos kyi 'byung gnas gtsang // sangs rgyas chos drug rgyan mnga' ba/ / chos drug dri ma med pa'i spyan// mngon shes drug dang ldan pa'i mchog/ 'gro drug rgya mtsho'i pha rol gshegs// rang byung bde gshegs grub pa po// 'jig rten kun la phan par bgyis/ / mnyam gzhag shes pa tshungs pa med// ting nge 'dzin la rtag tu dgyes// sems can kun gyi phan pa tshol// bden par gsung ba dbang po bsdams 'jig rten kun la dge ba po/ / sems can snying po kun gzigs pa// 'khor ba'i dgon las rgal ba po// dgongs pa thams cad rdzogs gyur pa// dbang ldan g.yul las rnam par rgyal// bden pa bzhi ni rab ston pa// pha rol gshegs pa grol mdzad mchog/ 'dren pa shin tu mya ngan 'das// bram ze tshangs pa thu bo btsun// gtso bo bde mdzad bde ldan pa// gsung mdzad rnam rgyal bdag nyid che/ / rnam grangs 'jig rten zhi bar mdzad// sems can kun la phan pa po// snying stobs ldan pa kun gyi mchog/ 'jig rten mchog gnas 'jig rten mkhyen// 'jig rten snang ba snang mdzad pa/ / rnyed ldan 'jig rten bya ba 'das// 'jig rten 'das pa'i lam du gshegs// chos kyi mnga' bdag chos kyi rgyal// ded dpon lags te 'od mdzad pa// skyeb pa po ste rkang gnyis mchog/ bzod pa gsung ba bzod dang ldan// gzugs bzang blo bzang zhi ba ste// mdza' bo bde sbyin ngang tshul ba'ang // gser gyi mdog can 'od rab gsal// tshul bzang dge bar rab sbyin pa/ / sangs rgyas dpa' chen mi seng ge/ dpa' bo gcig pu mun sel ba// 'joms pa med pa 'gro ba'i skyabs// rgyal ba bla ma mi mnyam mnyam// zhabs las grol bsrid pa med mi yi skye mchog nga rgyal bcom/ / spyan dang ldan pa kun tu gzigs// mi rnams mig ste gsung ba'i mchog/ mtshan brgya rtsa brgyad dam pa 'di// rtag tu gang zhig klog byed pa// de ni 'khor ba'i 'jigs pa rgal/ / go 'phang mchog kyang thob par 'gyur// de phyir rtag tu rab bsgrims te// nang par langs nas mkhas pa dag/ brjod dam yang na nyan pa'am// yang na yid la sems kyang rung / rgyal ba'i mtshan bstod dge ba ni// bkra shis bsod nams mchog tu 'gyur// dag byed sdig pa sel ba ste// don kun grub cing srung ba yin// sdig pa kun las rab tu grol// sdug bsngal kun dang 'jigs las grol/ / nyon mongs kun las rnam grol zhing // sangs rgyas nyid ni bde bar thob// de ltar bdag gis thub pa'i yon tan mtshan bsgrags pas// dge ba rgyal chen yang dag 'di bsdus gang yin pa/ / 'di yis 'jig rten lha yul dang ni sa steng du// bde rnam thob nas bde ba mchog gis sangs rgyas spyon// de bzhin gshegs pa'i mtshan brgya rtsa brgyad pa rdzogs so//

CLOSE WINDOW