rgya gar skad du/ sad d+harma pun Da rI ka nA ma ma hA yA/ na sU tra/ bod skad du/ dam pa'o// / chos pad+ma dkar po zhes bya ba theg pa chen po'i mdo/ / / bamapo dang po// sangs rgyas dang byang / chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khyab na/ bya rgod kyi phung po'i ri la bzhugs te/ dge slong khri nyis stong gi dge slong gi dge 'dun chen po tham cad kyang / dgra bcom pa/ zag pa zad pa/ nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po/ bya ba byas pa/ byed pa byas pa/ khur bor ba/ bdag gis don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba/ sems kyi dbang thams cad kyi dam pa'i pha rol tu son pa/ mngon par shes pas/ mngon par shes pa'i nyan thos chen po sha stag la 'di lta ste/ tshe dang ldan pa kun shes ko'u di n+ya dang / tshe dang ldan pa rta thul dang / tshe dang ldan pa rlangs pa dang / tshe dang ldan pa ming chen dang / tshe dang ldan pa bzang po dang / tshe dang ldan pa 'od srungs chen po dang / tshe dang ldan pa lteng rgyas 'od srungs dang / tshe dang ldan pa chu klung 'od srungs dang / tshe dang ldan pa ga ya 'od srungs dang / tshe dang ldan pa shA ri'i bu dang / tshe dang ldan pa mo'u 'gal gyi bu chen po dang / tshe dang ldan pa ka t+ya'i bu chen po dang / tshe dang ldan pa ma 'gags pa dang / tshe dang ldan pa nam gru dang / tshe dang ldan pa ka pi na dang // tshe dang ldan pa ba lang bdag dang / tshe dang ldan pa pi lin da'i bu dang / tshe dang ldan pa ba ku la dang / tshe dang ldan pa gsus po che dang / tshe dang ldan pa b+ha ra d+hA tsa dang / tshe dang ldan pa dga' bo dang / tshe dang ldan pa nye dga' dang / tshe dang ldan pa mdzes dga' dang / tshe dang ldan pa byams ma'i bu gang po dang / tshe dang ldan pa rab 'byor dang / tshe dang ldan pa sgra gcan zin dang / de dag dang nyan thos chen po gzhan dag dang / slob pa tshe dang ldan pa kun dga' bo dang / gzhan yang slob pa dang mi slob pa'i dge slong nyis stong dang / skye dgu'i bdag mo chen mo la sogs pa dge slong ma drug stong dang / sgra gcan zin gyi ma dge slong ma grags 'dzin 'khor dang bcas pa dang thabs gcig go/ / byang chub sems dpa' brgyad khri thams cad kyang / bla na med pa yang dag par rdzogs pa'i byang chub las phyir mi ldog pa/ gzungs thob pa/ spobs pa chen po la gnas pa/ phyir mi ldog pa'i chos kyi 'khor lo bskor ba/ sangs rgyas brgya stong mang po la bsnyen bkur byas pa sangs rgyas brgya stong mang po la dge ba'i rtsa ba bskyed pa/ sangs rgyas brgya stong mang pos yang dag par bstod pa/ lus dang ngag dang sems byams pas yongs su bsgos pa de bzhin gshegs pa'i ye shes la 'dzud pa la mkhas pa/ / shes rab chen po shes rab kyi pha rol tu phyin pa rtogs par khong du chud pa/ 'jig rten gyi khams brgya stong mang por rnam par grags pa/ srog chags bye ba khrag khrig brgya stong mang po yang dag par sgrol ba sha stag la 'di lta ste/ byang chub sems dpa' sems dpa' chen po 'jam dpal gzhon nur gyur pa dang / byang chub sems dpa' spyan ras gzigs kyi dbang phyug dang / byang chub sems dpa' mthu chen thob dang / byang chub sems dpa' don thams cad grub ces bya ba dang byang chub sems dpa' rtag tu brtson dang / byang chub sems dpa' brtson pa mi gtong ba dang / byang chub sems dpa' lag na rin chen dang / byang chub sems dpa' sman gyi rgyal po dang / byang chub sems dpa' sman yang dag 'phags dang / byang chub sems dpa' bkod pa'i rgyal po dang / byang chub sems dpa' rab tu sbyin pa dang / byang chub sems dpa' rin chen zla ba dang / byang chub sems dpa' rin chen 'od dang / byang chub sems dpa' zla gang dang / byang chub sems dpa' gnon pa chen po dang / byang chub sems dpa' mtha' yas gnon dang / byang chub sems dpa' 'jig rten gsum gnon dang / byang chub sems dpa'i spobs pa chen po dang / byang chub sems dpa' rtag par rgyun du brtson dang / byang chub sems dpa' sa 'dzin dang / byang chub sems dpa' blo gros mi zad pa dang / byang chub sems dpa' pad+ma'i dpal dang / byang chub sems dpa' skar ma'i rgyal po dang / byang chub sems dpa' byams pa dang / byang chub sems dpa' sems dpa' chen po seng ge de dag dang yang thabs gcig go// bzang skyong la sogs pa skyes bu dam pa bcu drug la 'di lta ste/ bzang skyong dang / dkon mchog 'byung gnas dang / ded dpon bzang po dang / mis byin dang / phug sbas dang / chus byin dang / dbang pos byin dang / bla ma'i blo gros dang / khyad par blo gros dang / 'phel ba'i blo gros dang / mthong ba don yod pa dang / shin tu yang dag zhugs pa dang / rab kyi rtsal gyis rnam par gnon pa dang / dpe med blo gros dang / nyi ma'i snying po dang / sa 'dzin dag dang / yang thabs gcig ste/ de dag la sogs pa byang chub sems dpa' brgyad khri dag dang yang thabs gcig go/ lha rnams kyi dbang po brgya byin dang / 'khor lha'i bu nyi khri 'di lta ste/ lha'i bu zla ba dang / lha'i bu nyi ma dang / kun tu dri dang / rin chen 'od dang / lha'i bu snang 'od dang / de dag la sogs pa'i lha'i bu nyi khri dang yang thabs gcig go/ / rgyal po chen po bzhi dang / 'khor lha'i bu sum khri 'di lta ste/ rgyal po chen po 'phags skyes po dang / rgyal po chen po mig mi bzang dang / rgyal po chen po yul 'khor srungs dang / rgyal po chen po rnam thos kyi bu dang / lha'i bu dbang phyug dang / lha'i bu dbang phyug chen po dang / 'khor lha'i bu sum khri dag dang yang thabs gcig go/ / mi mjed kyi bdag po tshangs pa dang / 'khor tshangs ris kyi lha'i bu khri nyis stong 'di lta ste/ tshangs pa gtsug pud can dang / tshangs pa skar ma'i 'od dang / de dag la sogs pa tshangs ris kyi lha'i bu khri nyis stong dang yang thabs gcig go// klu'i rgyal po brgyad 'di lta ste/ klu'i rgyal po dga' bo dang / nye dga' dang / mtsho dang / nor rgyas kyi bu dang / 'jog po dang / gzi can dang / ma dros pa dang / klu'i rgyal po ut+pal dang / 'khor klu bye ba brgya stong mang po dag dang yang thabs gcig go// mi 'am ci'i rgyal po bzhi 'di lta ste/ mi 'am ci'i rgyal po ljon pa dang / mi 'am ci'i rgyal po chos chen dang / mi 'am ci'i rgyal po chos bzangs dang / mi 'am ci'i rgyal po chos 'dzin dang / 'khor mi 'am ci bye ba brgya stong mang po dag dang yang thabs gcig go// dri za'i ris kyi lha'i bu bzhi 'di lta ste/ dri za yid du 'ong ba dang / yid du 'ong dbyangs dang / 'jam snyan dang / dri za dbyangs snyan dang / 'khor dri za bye ba brgya stong mang po dag dang yang thabs gcig go/ lha ma yin gyi dbang po bzhi 'di lta ste/ lha ma yin gyi dbang po stobs can dang / phrag rtsub dang / thags zangs ris dang / lha ma yin gyi dbang po sgra gcan dang / 'khor lha ma yin bye ba brgya stong mang po dag dang yang thabs gcig go// nam mkha' lding gi dbang po bzhi 'di lta ste/ nam mkha' lding gi dbang po gzi brjid chen po dang / lus chen dang / rdzogs chen dang / nam mkha' lding gi dbang po 'phrul chen thob dang / 'khor nam mkha' lding bye ba brgya stong mang po dag dang yang thabs gcig go// lus 'phags mo'i bu yul ma ga d+ha'i rgyal po ma skyes dgra dang yang thabs gcig go// de'i tshe na bcom ldan 'das 'khor bzhi po de dag gis yongs su bskor cing mdun du bltas te/ bsti stang du byas/ btsun par byas/ ri mor byas/ mchod par byas/ rjed par byas/ gsol bar byas te/ nges par bstan pa chen po zhes bya ba'i chos kyi rnam grangs mdo sde shin tu rgyas pa chen po byang chub sems dpa' rnams la gdams pa/ sangs rgyas thams cad kyis yongs su bzung ba bshad par bzhed de/ chos kyi gdan de nyid la skyil mo krung bcas nas/ mtha' yas nges par bstan pa'i gnas zhes bya ba'i ting nge 'dzin la snyoms par zhugs te/ sku mi g.yo zhing sems mi g.yo bar gyur nas bzhugs so/ / bcom ldan 'das snyoms par zhugs ma thag tu/ bcom ldan 'das la lha'i me tog man+da ra dang / man+da ra chen po dang / many+dzu sha ka dang / many+dzu sha ka chen po rnams kyi me tog gi char chen po mngon par bab ste/ bcom ldan 'das dang 'khor bzhi po de dag la 'thor ro// thams cad dang ldan pa'i sangs rgyas kyi zhing yang rnam pa drug tu g.yos par gyur te/ 'gul kun tu rab tu 'gul/ ldeg kun tu rab tu ldeg/ 'khrugs kun tu rab tu 'khrugs so// de'i tshe dge slong dang / dge slong ma dang / dge bsnyen dang / dge bsnyen ma dang / lha dang klu dang gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa rnams dang / rgyal phran dang / stobs kyi 'khor los sgyur ba dang / gling bzhi'i 'khor los sgyur ba gang dag 'khor der 'dus nas 'khod par gyur pa 'khor dang bcas pa de dag thams cad bcom ldan 'das la lta zhing 'khod de/ ngo mtshar du gyur/ rmad du gyur/ shin tu dga' bar gyur to// de nas de'i tshe bcom ldan 'das kyi smin mtshams kyi m dzod spu nas 'od zer gcig byung nas de shar phyogs su sangs rgyas kyi zhing khri brgyad stong du song ste sangs rgyas kyi zhing de dag thams cad mnar med pa'i sems can dmyal ba chen po yan chad srid pa'i rtse mo man chad 'od zer de'i 'od kyis shin tu khyab par snang ngo / / sangs rgyas kyi zhing de dag gi 'gro ba drug po de dag na sems can gang yod pa de dag thams cad ma lus par snang ngo // sangs rgyas kyi zhing de dag na sangs rgyas bcom ldan 'das gang dag bzhugs shing 'tsho ga zhes pa de dag thams cad kyang snang ngo // sangs rgyas bcom ldan 'das de dag chos gang 'chad pa de dag thams cad kyang ma lus par grag go/ / sangs rgyas kyi zhing de dag na dge slong dang / dge slong ma dang / dge bsnyen dang / dge bsnyen ma dang / rnal 'byor can dang / rnal 'byor spyod pa gang dag 'bras bu thob pa dang / 'bras bu ma thob pa de dag thams cad kyang snang ngo // sangs rgyas kyi zhing de dag na byang chub sems dpa' sems dpa' chen po gang dag nyan pa dang dmigs pa dang / mos pa rnam pa sna tshogs du ma'i rgyu'i thabs la mkhas pa dag gis byang chub sems dpa'i spyad pa spyod pa de dag thams cad kyang snang ngo // sangs rgyas kyi zhing de dag na sangs rgyas bcom ldan 'das gang dag yongs su mya ngan las 'da' ba de dag thams cad kyang snang ngo / / sangs rgyas kyi zhing de dag thams cad na sangs rgyas bcom ldan 'das gang dag yongs su mya ngan las 'das pa rnams kyi ring bsrel gyi mchod rten rin po che las byas pa de dag thams cad kyang snang ngo / / de nas byang chub sems dpa' sems dpa' chen po byams pa 'di snyams du sems te/ kye ma de bzhin gshegs pas ltas cho 'phrul chen po bstan pa 'di 'dir ci'i rgyur 'gyur zhig gu/ ci'i phyir bcom ldan 'das kyis ltas cho// 'phrul chen po 'di lta bu 'di bstan te/ bcom ldan 'das kyang ting nge 'dzin de la snyoms par zhugs shing / rdzu 'phrul gyi cho 'phrul chen po ngo mtshar rmad du byung ba chen po bsam gyis mi khyab pa 'di lta bu 'di dag kyang snang bar gyur pa 'di'i don bdag gi su la dri/ 'di na don 'di'i lan ldon nus pa ni su yod snyam mo// de nas yang 'di snyam du 'jam dpal gzhon nur gyur pa 'di/ sngon gyi rgyal ba rnams la lhag par bya ba byas pa/ dge ba'i rtsa ba bskyed pa/ sangs rgyas mang po la bsnyen bkur byas pa ste/ 'jam dpal gzhon nur gyur pa 'dis sngan chad kyang / sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyi ltas 'di lta bu byung ba rnams mthong zhing / sngan chad chos chen po'i 'bel ba'i gtam dag kyang myong bas nA/ bdag gis 'jam dpal gzhon nur gyur pa la de'i don 'dri'o snyam du sems so// dge slong dang / dge slong ma dang dge bsnyen dang / dge bsnyen ma'i 'khor bzhi po de dang lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang lto 'phye chen po dang / mi dang mi ma yin pa mang po de dag kyang / bcom ldan 'das kyi ltas kyi rdzu 'phrul gyi mo phrul chen po'i snang ba 'di lta bu 'di mthong nas ngo mtshar du gyur/ rmad du gyur ltad mor gyur te 'di snyam du/ bcom ldan 'das kyi ltas kyi rdzu 'phrul gyi cho 'phrul chen po'i snang ba 'di lta bu 'di bstan pa bdag cag gis su la dri snyam du sems so// de nas byang chub sems dpa' sems dpa' chen po byams pas skad cig thang cig yud tsam de nyid la 'khor bzhi po rnams kyi sems kyi rnam par rtog pa sems kyi shes nas/ 'jam dpal gzhon/ nur gyur pa la 'di skad ces smras so// 'jam dpal bcom ldan 'das kyi ltas ngo mtshar rmad du byung ba rdzu 'phrul gyi snang ba 'di lta bu 'di bstan te/ sangs rgyas kyi zhing khri brgyad stong pa 'di dag rnam par bkra ba/ mchog tu blta na sdug pa/ de bzhin gshegs pa sngon du bzhud pa/ de bzhin gshegs pa yongs su 'dren par snang ba 'di'i rgyu gang rkyen gang / de nas byang chub sems dpa' sems dpa' chen po byams pas/ 'jam dpal gzhon nur gyur pa la tshigs su bcad pa 'di dag smras so// 'jam dpal ci yi phyir na 'di lta bu/ / mi yi mgon pos 'od zer gcig po 'di// zhal gyi smin mtshams kyi ni mdzod spu nas// shin tu snang ba'i 'od zer rab tu btang // lha rnams dga' bas tsan dan phye ma dang / lha yi spos rab yid du 'ong ba dang // man+da ra dang man dzu sha ka yi// me tog dag gi char chen rab tu phab// des ni sa 'di kun tu mdzes gyur cing // 'khor bzhi 'di dag dga' ba rab tu thob/ / zhing rnams 'di dag thams cad rnam drug tu// shin tu 'jigs pa'i gzugs su kun nas g.yos// 'od zer de yis shar gyi phyogs logs kyi// zhing ni stong phrag bco brgyad tshang ba rnams/ / skad cig gcig gis thams cad rab tu snang // zhing rnams gser gyi kha dog bzhin du mdzes// mnar med yan chad srid pa'i rtse mo'i bar/ zhing de dag na sems can ji snyed pa// 'gro ba drug po de na yod pa rnams// gang dag der yang shi 'pho skye ba rnams// de dag las kyi rnam pa sna tshogs dang // 'gro ba bde dang mi bde rnams kyang snang / / bzang po ngan pa de bzhin bar pa yang // 'di na 'dug kyang de dag thams cad mthong // sangs rgyas seng ge mi yi dbang po rnams// chos nyid rab ston rnam par 'byed pa mthong / / sems can bye ba mang la rab ston pa// snyan pa'i sgra dang dbyangs su gsung ba dag/ zab cing rgya che rmad du byung ba'i sgra// so so'i zhing rnams su yang rab tu 'byin/ / dpe dang gtan tshig khrag khrig bye ba yis// sangs rgyas chos 'di rab tu ston pa ni// sems can gang rnams sdug bsngal gzir ba dag/ skye dang dga' bas yid skyo mi shes la/ / 'di ni dge slong sdug bsngal tha ma zhes// de la rab zhi mya ngan 'das pa ston// mi rnams gang gis rgya che mthu thob cing // sangs rgyas mthong bas de bzhin bsod nams ldan// de dag la ni chos tshul 'di brjod cing / / rang rgyal theg pa yang ni ston pa mdzad// gzhan yang bde bar gshegs kyi sras po gang // bla na med pa'i ye shes tshor ba dag/ bya ba sna tshogs rtag tu byed pa la/ / de dag la ni byang chub phyir bsngags gsungs// 'di na 'dug bzhin de na 'di 'dra dang // khyad par gzhan yang stong phrag bye ba dag/ shin tu mthong zhing thos te 'jam pa'i dbyangs/ / de dag las ni phyogs tsam smos par bya// bdag mthong zhing rnams mang po de dag na'ang // byang chub sems dpa' gang+gA'i bye ma snyed// gang rnams bye ba stong phrag mi nyung ga brtson 'grus rnam pa mang pos byang chub bskyed/ / la la sbyin pa sbyin pa'ang de bzhin te// nor dang mgron bu gser dang dngul rnams dang // mu tig nor bu man shel byi ru dang // bran po bran mo rta dang shing rta lug/ de bzhin rin chen dag gis brgyan pa'i khyogs// yongs su dga' ba'i yid kyis sbyin pa gtong // bdag cag gis kyang theg mchog thob shog ces// byang chub mchog 'dir yongs su sngo ba byed// sbyin pa 'di 'dra 'di dag byin pas na// khams gsum nang na thog mchog khyad par can// sangs rgyas theg pa bde gshegs gang bsngags pa/ / de ni bdag gis myur du thob gyur cig/ la las rta bzhi can gyi shing rta la// kha khyer bcas pa me tog rgyal mtshan brgyan// rin chen dag las byas pa'i ba dan can// la las de lta bu yang sbyin pa byin// de bzhin bu dang chung ma rnams kyang byin// la la phangs pa'i sha yang sbyin par byed// byang chub dam pa 'di ni tshol ba'i phyir// lag pa dang ni rkang pa bslangs na byin/ / la la dag gis mgo dang la las mig/ la la dag gi lus mchog rab kyang gtong // dang ba'i sems kyis sbyin pa rnams byin nas// de bzhin gshegs kyi ye shes don du gnyer/ / 'jam dpal bdag gis mthong ba la la na// rgyal srid skyid pa rnam par spangs byas te// btsun mo'i 'khor dang de bzhin gling kun dang // gnyen dang blon po thams cad rnam spangs nas/ / 'jig rten rnam par 'dren gyi drung dong ste// zhi ba'i phyir ni chos rab mchog 'dri zhing // ngur smrig gos rnam rab tu gyon byed de// skra dang kha spu dag kyang 'dreg par byed/ / bdag mthong byang chub sems dpa' la la ni// dge slong gyur cing nags tshal gnas pa dag/ dgon pa stong pa rnams su gnas 'cha'/ zhing // la la lung nod kha don byed la dga'// bdag mthong byang chub sems dpa' la la dag/ ri sul dag tu zhugs shing bstan pa rnams// sangs rgyas ye shes 'di la rnam par bsgom/ / yongs su sems shing nye bar rtog par byed// kha cig gis ni 'dod pa ma lus spangs// yongs bsgoms bdag nyid spyod yul rnam par dag/ mngon par shes pa lnga yang der thob nas/ / ngan par shes pa lnga yang dar thab nas// bde bar gshegs pa'i sras po dgon par gnas// brtan pa la la rkang pashibs der gnas te// 'dren pa'i spyan sngar thal mo sbyar byas nas/ / dga' ba bskyed de rgyal dbang rgyal po la// tshigs su bcad pa stong gis mngon par bstod// dran dang ldan zhing dul ba mi 'jigs pa// la la spyod pa phra ba shes pa dag/ rkang gnyis gtso la chos kyang dri bar byed// thos nas de dag chos rnams 'dzin par 'gyur// yongs bsgoms bdag nyid rgyal dbang sras po rnams// la la bdag gis de dang der mthong ba/ / dpe dang gtan tshigs khrag khrig du ma yis// srog chags bye ba mang la chos rnams ston// mchog tu dga' skyes chos rnams rab ston cing // byang chub sems dpa' mang po yang dag 'dzud/ / bdud rnams stobs dang gzhon par bcas bcom ste// chos kyi rnga 'di shin tu rdung bar byed// la la bde bar gshegs pa'i bstan pa la// bde gshegs sras la lha mi gnod sbyin dang / / srin pos mchod kyang ngo mtshar mi 'dzin cing // snyems med zhi zhing rab zhi spyod pa mthong // phal chen nags gnas de bzhin gzhan dag kyang // snang ba'i 'od ni lus las rab gtong ste// sems can dmyal las sems can rnams 'don cing // de dag byang chub la yang yang dag 'dzud// rgyal ba'i sras po la la brtson 'grus gnas// kha cig gis kyang ma lus gnyid spangs nas// chags pa med cing nags tshal gnas pa dag/ de dag brtson pas byang chub mchog la zhugs// la la tshul khrims ma ral srung ba ni// rtag tu rnam dag nor bu rin chen bzhin/ / la la spyad pa yongs su rdzogs par 'gyur// de dag khrims kyis byang chub mchog la zhugs// rgyal sras la la bzod pa'i stobs can te// dge slong nga rgyal can dag khro ba dang / / de bzhin gshegs zhing bsdig pa'ang bzod par byed// bzod pas de dag byang chub mchog la zhugs// bdag mthong byang chub sems dpa' la la ni// rtsed mo dga' ba thams cad rnam spangs te/ / byis pa'i grogs po rnams kyang yongs spangs nas// 'phags pa rnams dang 'grogs dga' mnyam par gzhag/ rnam par g.yengs pa'i sems ni rnam spangs nas/ / lo stong bye bar nags dang ri sul na// rtse gcig sems su bsam gtan byed pa rnams// de dag bsam gtan byang chub mchog la zhugs// dge 'dun slob bcas rgyal ba mngon sum du// bza' dang bca' dang de bzhin zas dang skom// na ba'i sman ni mi nyung mang po dag/ kha cig de ltar sbyin pa sbyin par byed// dge 'dun slob bcas rgyal ba mngon sum du/ / de dag gos brgya bye ba sbyin par byed// la la stong phrag bye ba rgya ri dang // rin thang med pa'i gos rnams rab tu 'bul// rin po che dang de bzhin tsan dan gyi/ / gtsug lag khang ni bye ba brgya byas nas// stan dang mal cha mang pos brgyan pa rnams// bde bar gshegs pa rnams la mngon sum 'bul// kun dga' ra ba yid 'ong gtsang ma rnams/ / me tog 'bras bu sna tshogs ldan pa dag/ skyes bu khyu mchog nyan thos bcas pa la// la la nyin par bzhugs phyir rab tu 'bul// dga' ba skyes nas sna tshogs rnam mang po/ / de lta bu yi sbyin pa sbyin par byed// byin nas byang chub phyir yang brtson 'grus bskyed// sbyin pas de dag byang chub mchog la bzhugs// la la zhi ba'i chos kyang rab 'chad de// dpe dang gtan tshigs khrag khrig du ma yis/ / de dag srog chags bye ba stong la ston// de dag ye shes byang chub mchog la zhugs// byed pa med pa'i chos rab shes pa ni// gnyis med rab zhugs nam mkha' mtshungs 'dra ba/ / ma chags bde bar gshegs pa'i sras po rnams// de dag shes rab byang chub mchog la zhugs// bdag gis gzhan yang mthong ba 'jam pa'i/ dbyangs// bde gshegs mya ngan 'das pa'i bstan pa la// byang chub sems dpa' brtan pa mang byung nas// rgyal ba'i ring bsrel dag la rim gro byed// mchod rten bye ba stong phrag mi nyung ba/ / ji ltar gang+gA'i klung gi bye ma bzhin// gang gis bye ma'i zhing rnams rtag brgyan pa// rgyal sras de dag byed du 'jug pa mthong // rin chen sna bdun mchog gi rgyal mtshan gdugs// de na bye ba stong rnams bsgreng ba ni// 'phang du dpag tshad lnga stong phyin pa ste// kho ra yug tu dpag tshad nyis stong yod// rnam rgyal ba dan bcas pa 'khor mor mdzes// dril dang dril bu g.yer kha rtag tu 'khrol/ / me tog dri dang de bzhin sil snyan gyis// lha mi srin po gnod sbyin rnams kyis mchod// yongs 'dus shing gi me tog rgyas pa bzhin// de ltar phyogs bcu de dag mdzes byas te/ / rgyal ba'i ring bsrel dag la 'di 'dra 'dir// bde gshegs sras kyis mchod pa byed du btsud// rgyal bas 'od zer gcig po 'di btang bas// lhar bcas 'jig rten 'di dag rab rgyas pa/ / bdag dang srog chags bye ba mang po 'dis// 'di na 'dug bzhin de dag thams cad mthong // gang gis 'od zer gcig po deng btang bas// zhing rnams stong phrag mang po ston pa ste/ / kye ma skyes bu khyu mchog de yis mthus// kye ma ye shes rgya che zag med do// rmad du byung ba tshad med 'di 'dra ba'i// ltas rnams mthong nas bdag cag ngo mtshar gyur/ / 'di yi don rnams 'jam dbyangs rab ston te// sangs rgyas sras rnams the tsom gyur pa stsol// 'khor bzhi 'di dag rab tu dga' sems kyis/ / dpa' bo khyod dang bdag la mngon par lta// bde bar gshegs pas de ring ci yi phyir// snang ba 'di 'dra 'di ni rab tu btang // bde gshegs sras po khyod kyis lu ston la/ / dga' ba bskyed cing the tsom rnam par sol// 'di dag 'od zer rgya chen rab btang ba// 'di dag ci 'dra'i don du 'gyur ba zhig/ bde bar gshegs pa skyes bu dam pa yis// byang chub snying por chos mchog gang bsnyes pa// de dag 'jig rten mgon po 'dir 'chad dam// byang chub sems dpa' 'di dag lung ston tam// zhing rnams stong phrag du ma gang bstan pa// chu na can// ma sa sa rgya sa / 'o ni ra / rgyal mas la byams pas na nas/ nod sbyin srin po de dag dga'// 'jam dbyangs 'dzin gyi nig lung ston ces// 'khor rnams bzhi po de dag shin tu sdod/ de nas 'jam dpal gzhon nur gyur pas/ byang chub sems dpa' sems dpa' chen po byams pa dang / thams cad dang ldan pa'i byang chub sems dpa'i tshigs de la smras pa/ rigs kyi bu dag 'di ni de bzhin gshegs pa chos chen po sgrags pa'i 'bel ba'i gtam mdzad par dgongs pa'o/ / rigs kyi bu dag 'di ni de bzhin gshegs pas chos kyi char chen po mngon par dbab pa dang / chos kyi rnga chen po rab tu brdung ba dang / chos kyi rgyal mtshan chen po bsgreng ba dang / chos kyi sgron ma chen po rab tu 'bar bar mdzad pa dang / chos kyi dung chen po rab tu bud pa/ chos kyi rnga bo che chen po rab tu brdung ba dang / chos bstan pa chen po mdzad par dgongs pa ste/ rigs kyi bu dag bdag ji ltar spobs pa dang / ji ltar sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyi snga ltas 'di lta bu 'di bdag gis mthong ste/ sngon gyi de bzhin gshegs pa de dag gis kyang / 'od gzer gyi snang ba 'di btang bas/ bdag ni 'di ltar de bzhin gshegs pa yang chos chen po bsgrag pa'i 'bel ba'i gtam mdzad par bzhed pa dang / chos chen po bsgrags pa thos par mdzad bzhed pas/ 'di lta bu'i snga ltas 'di mdzad pa mnyam byed do// de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas 'jig rten thams cad dang mi mthun pa'i chos kyi rnam grangs bsgrag pa bzhed pas/ snga ltas tshe// 'phrul chen po 'od par rab tu btang ba'i snang ba 'di smra bu 'ang ston to// rigs kyi su dag bdag gis dran pa 'das pa'i dus na/ bskal bzungs med pa'i yang ches dang med pa yangs pa dpag tu med pa/ bsam gyis mi khyab pa/ dpag gis mi lang ba tshad med pa/ de'i pha rol gyi yang ches pha rol tu gyur pa/ de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das nyi zla sgron ma zhes bya ba 'jig rten du byung ste/ des chos bstan pa tshangs par spyod pa/ thog mar dge ba/ bar du dge ba/ tha mar dge ba/ don bzang po tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba/ yang dag par ston te/ 'di lta ste/ nyan thos rnams la ni skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa las shin tu bzla ba'i phyir/ mya ngan las 'das pa'i mthar thug pa/ 'phags pa'i bden pa bzhi dang ldan pa/ rten cing 'brel bar 'byung ba la 'jug pa'i chos ston to// byang chub sems dpa' sems dpa' chen po rnams la ni/ bla na med pa yang dag par rdzogs pa'i byang chub las brtsams te/ pha rol tu phyin pa drug dang ldan pa/ thams cad mkhyen pa'i ye shes kyi mthar thug pa'i chos ston to// rigs kyi bu dag de bzhin gshegs pa dgra bcom pa yang dag par rdzogs pa'i sangs rgyas nyi zla sgron ma'i pha rol gyi yang ches pha rol na yang de bzhin gshegs pa dgra bcom pa yang dag par rdzogs pa'i sangs rgyas nyi zla sgron ma zhes bya ba zhig 'jig rten du byung ste/ ma pham pa 'di ltar snga rol dang snga rol brjod pa'i tshul 'dis/ de bzhin gshegs pa dgra bcom pa yang dag par rdzogs pa'i sangs rgyas nyi zla sgron ma zhes bya bar mtshan gcig pa/ rigs dang gdung gcig pa sha stag ste/ 'di ltar b+hA ra dra dzI rigs su mthun pa de bzhin gshegs pa nyi khri byung ngo // ma pham pa de la de bzhin gshegs pa nyi khri po de dag thog ma'i de bzhin gshegs pa nas/ tha ma'i de bzhin gshegs pa'i bar du de dag gis chos bshad pa yang tshangs par spyod pa/ thog mar dge ba/ bar du dge ba/ tha mar dge ba/ don bzang po/ tshig 'bru bzang po/ yongs su rdzogs pa/ yongs su dag pa/ yongs su byung ba/ yang dag par ston te/ 'di lta ste/ nyan thos rnams la ni skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa las shin tu/ bzla ba'i phyir/ mya ngan las 'das pa'i mthar thug pa/ 'phags pa'i bden pa bzhi dang ldan pa/ rten cing 'brel bar 'byung ba la 'jug pa'i chos ston to// byang chub sems dpa' sems dpa' chen po rnams la ni/ bla na med pa yang dag par rdzogs pa'i byang chub las brtsams te/ pha rol tu phyin pa drug dang ldan pa/ thams cad mkhyed pa'i ye shes kyi mthar thug pa'i chos ston to/ / ma pham pa 'di ltar yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi zla sgron ma de sngon gzhon nur gyur cing khab na bzhugs pa las/ mngon par ma byung ba'i tshe/ sras brgyad yod par gyur ste/ 'di lta ste/ rgyal bu gzhon nu blo gros zhes bya ba dang / bzang po'i blo gros dang / mtha' yas blo gros dang / dkon mchog blo gros dang / khyad par blo gros dang / the tsom kun bcom dang / dbyangs kyi blo gros dang / rgyal bu gzhon nu chos kyi blo gros zhes bya ba yod de/ ma pham pa bcom ldan 'das nyi zla sgron ma de'i sras rgyal bu gzhon nu brgyad po de dag rdzu 'phrul chen por gyur te/ de dag re re yang gling chen po bzhi la kun tu longs spyod par gyur cing de dag na rgyal po byed do// de dag gis bcom ldan 'das de khab nas mngon byung bar shes shing / bla na med pa yang dag par rdzogs pa'i byang chub mngon par rdzogs par sangs rgyas par thos nas/ rgyal po'i longs spyod thams cad spangs te/ bcom ldan 'das de'i rjes su rab tu byung nas/ thams cad kyang bla na med pa yang dag par rdzogs pa'i byang chub tu yang dag par zhugs te chos smra bar gyur to// rgyal bu gzhon nu de dag rtag tu tshangs par spyod cing / sangs rgyas brgya stong mang po la dge ba'i rtsa ba bskyed par gyur to// ma pham pa de'i tshe na yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi zla sgron ma des/ nges par bstan pa chen po zhes bya ba'i chos kyi rnam grangs mdo sde shin tu rgyas pa chen po/ byang chub sems dpa' rnams la gdams pa/ sangs rgyas thams kyis yongs su bzungs pa bshad nas/ de'i tshe skad cig bla cig yud tsam de nyid la/ 'khor 'dus pa de nyid du chos kyi gdan chen po de dag nyid la skyil mo krung bcas te/ mtha' yas nges par bstan pa'i gnas zhes bya ba'i ting nge 'dzin la snyoms par zhugs te/ sku mi g.yo zhing sems mi g.yo bar gyur nas bzhugs so// bcom ldan 'das de snyoms par zhugs ma thag tu/ bcom ldan 'das la me tog man+da ra dang / man+da ra chen po dang / many+dzu sha ka dang / many+dza sha ka chen po dang / lha'i me tog dag gi char chen po mngon par bab ste/ bcom ldan 'das 'khor dang bcas pa la mngon par 'thor ro/ / thams cad dang ldan pa'i sangs rgyas kyi zhing yang rnam pa drug tu rab tu g.yos par gyur te/ 'gul kun tu rab tu 'gul/ ldeg kun tu rab tu ldeg/ 'khrugs kun tu rab tu 'khrugs so// ma pham pa yang de'i tshe 'khor der dge slong dang / dge slong ma dang / dge bsnyen dang / dge bsnyen ma dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa rnams dang / rgyal phran dang / stobs kyi 'khor los sgyur ba dang / gling bzhi'i 'khor los sgyur ba rnams 'dus nas/ 'khod par gyur pa 'khor dang bcas pa de dag thams cad bcom ldan 'das la lta zhing ngo mtshar du gyur/ rmad du gyur/ dga' bar gyur to// de nas de'i tshe bcom ldan 'das de bzhin gshegs pa nyi zla sgron ma'i smin mtshams kyi bar gyi mdzod spu nas/ 'od zer gcig byung nas/ de shar phyogs su sangs rgyas kyi zhing nyi khri byung ste/ sangs rgyas kyi zhing de dag thams cad du 'od zer de'i 'od kyis shin tu khyab par snang bar gyur te/ ma pham pa 'di lta ste/ dper na/ da ltar sangs rgyas kyi zhing 'di dag snang bar gyur pa bzhin no// ma pham pa yang de'i tshe bcom ldan 'das de'i zham ring na byang chub sems dpa' bye ba drag nyi shu 'khod pa dang / 'khor den chos nyan pa de dag 'od zer chen po'i snang ba des 'jig rten snang bar byas pa mthong nas/ ngo mtshar du gyur/ rmad du gyur te/ ltad mo cher byung ngo // ma pham pa de'i tshe na yang bcom ldan 'das de'i bstan pa la/ byang chub sems dpa' sems dpa' chen po 'od mchog ces bya ba byung ste/ de'i slob ma brgyad brgya yod do// bcom ldan 'das de yang ting nge 'dzin de las bzhengs nas byang chub sems dpa' 'od mchog las brtsams te/ dam pa'i chos pad+ma dkar po'i chos kyi rnam grangs yang dag par ston te/ bar gyi bskal pa drug cu tshang bar gdan gcig la bzhugs nas/ sku mi skyod/ sems mi g.yo bar bshad do// 'khor de dag thams cad kyang stan gcig la 'khod de/ lus mi bskyod/ sems mi g.yo bar bar gyi bskal pa drug cur bcom ldan 'das de la chos nyan te/ 'khor de na sems can 'ga' yang lus ngal ba yang med/ sems skyo ba yang med do// de nas bcom ldan 'das de bzhin gshegs pa dgra bcom pa yang d ag par rdzogs pa'i sangs rgyas nyi zla sgron mas bar gyi bskal pa drug cu 'das kyi bar du dam pa'i chos pad+ma dkar po'i chos kyi rnam grangs mdo sde shin tu rgyas pa chen po byang chub sems dpa' rnams la gdams pa/ sangs rgyas thams cad kyis yongs su bzung ba bshad nas/ skad cig de nyid la mya ngan las 'da'o zhes lha dang bcas/ bdud dang bcas/ tshangs pa/ dang bcas pa'i 'jig rten dang / dge sbyong dang / bram zer bcas pa'i skye dgu'i mdun du dge slong dag ngo nab nam gyi gang tha na la de bzhin gshegs pa phung po'i lhag ma med pa'i mya ngan las 'da' ba'i dbyings su yongs su mya ngan las 'da'o zhes gsungs so/ / ma pham pa de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi zla sgron ma des/ byang chub sems dpa' sems dpa' chen po dpal gyi snying po zhes bya ba/ bla na med pa yang dag par rdzogs pa'i byang chub tu lung bstan nas/ 'khor de dag thams cad la bka' stsal pa/ dge slong dag byang chub sems dpa' dpal gyi snying po 'di nga'i 'og tu bla na med pa yang dag par rdzogs pa'i byang chub mngon par rdzogs par 'tshang rgya ste/ de bzhin gshegs pa dgra bcom pa yang dag par rdzogs pa'i sangs rgyas dri ma med pa'i spyan zhes bya bar 'gyur ro zhes gsungs so// ma p ham pa de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi zla sgron ma de'i nub mo nam gyi gung thun la phung po'i lhag ma med pa'i mya ngan las 'das pa'i dbyings su yongs su mya ngan las 'das so/ / dam pa'i chos pad+ma dkar po'i chos kyi rnam grangs de yang / byang chub sems dpa' sems dpa' chen po 'od mchog des blangs te/ bar gyi bskal pa brgyad cu'i bar du bcom ldan 'das mya ngan las 'das pa de'i bstan pa la yang dag par bstan to// ma pham pa de la bcom ldan 'das de'i sras blo gros la sogs pa brgyad po de dag/ byang chub sems dpa' bod mchog de'i slob mar gyur te/ des de dag bla na med pa yang dag par rdzogs pa'i byang chub tu yongs su smin par byas so// de dag gis de'i 'og tu sangs rgyas bye ba khrag khrig brgya stong mang po mthong ste/ bkur bsti byas nas de dag thams cad kya bla na med pa yang dag par rdzogs pa'i byang chub mngon par rdzogs par sangs rgyas te/ de dag gi tha ma ni de bzhin gshegs pa dgra bcom pa yang dag par rdzogs pa'i sangs rgyas mar me mdzad yin no// slob ma brgyad brgya po de dag las gcig rnyed pa la rab tu gdu ba/ bkur sti la gdu ba/ shes kyi khe la gdu ba/ grags pa 'dod pas de la bstan pa/ bstan pa'i tshig dang yi ge mi zin/ mi chags te/ de'i ming yang grags 'dod ces bya bar gyur to/ / des kyang dge ba'i rtsa ba des sangs rgyas bye ba khrag khrig brgya stong mang po mnyes par byas so// mnyes par byas nas bsti stang byas/ btsun par byas/ ri mor byas// mchod pa dang / bkur ba dang / rim gro byas so// ma pham pa de'i tshe de'i dus na byang chub sems dpa' 'od mchog ces bya ba chos smra bar gyur pa de gzhan zhig yin pa snyam du khyod som nyi 'am yid gnyis sam the tsom za bar gyur na de ltar mi blta'o/ / de ci'i phyir zhe na/ kho bo de'i tshe de'i dus na byang chub sems dpa' 'od mchog ces bya ba chos smra bar gyur to// gang yang byang chub sems dpa' grags 'dod ces bya ba le lo can du gyur pa de ni/ ma pham pa khyod nyid de'i tshe de'i dus na/ byang chub sems dpa' grags 'dod ces bya ba la lo can du gyur pa yin no/ / ma pham pa de ltar kho bos rnam grangs 'dis ni/ bcom ldan 'das kyi snga ltas 'di lta bu'i 'od zer btang ba mthong nas/ bcom ldan 'das kyang dam pa'i chos pad+ma dkar po'i chos kyi rnam grangs mdo sde shin tu rgyas pa chen po de bshad par bzhed pa snyam byed do/ / de nas 'jam dpal gzhon nur gyur pas don de nyid rgyas par ston cing de'i tshe tshigs su bcad pa 'di dag smras so/ / 'das pa'i dus rnams rjes su dran pa ni// tshad med bsam gyis mi khyab bskal pa na// de tshe rgyal ba byung ba skye dgu'i mchog mtshan ni nyi zla sgron ma zhes bya ba/ / skye dgu 'dren pa de ni chos ston te// sems can mtha' yas bye ba rnam par 'dul// byang chub sems dpa' mtha' yas bye ba stong // mang po de dag ye shes yang dag 'dzud/ / rnam par 'dren pa gzhon nur gyur pa yi// de tshe de yi sras gyur brgyad po dag/ thub chen rab tu byung ba de mthong nas// 'dod spangs thams cad myur bar rab tu byung / / 'jig rten mgon po de yis chos bshad pa// mtha' yas nges par bstan pa mdo sde mchog/ de ming shin tu rgyas pa'i sde zhes bya// srog chags stong phrag bye ba dag la ston/ / rnam par 'dren pa de yis bshad ma thag/ de tshe skad cig skyil mo krung bcas na// mtha' yas nges bstan ting 'dzin dam pa la// thub mchog chos gdan bzhugs nas/ bsam gtan mdzad// lha yi me tog ma n+da ra ba 'bab// mardungs par ni rnga yi sgra yang 'byung // lha dang gnod sbyin par snang gnas 'khod pa// rkang gnyis dam pa la ni mchod pa byed// zhing rnams thams cad de ma thag tu g.yos// de na ngo mtshar rmad du byung ba 'gyur// smin mtshams nas ni shin tu mdzes pa yi// 'dres pas 'od gzer gcig po rab btang ba// shar gyi phyogs su 'od zer de song bas// zhing rnams stong phrag bco brgyad tshangs pa dag/ rab tu snang bas 'jig rten thams cad mdzes// sems can rnams kyi shi 'pho skye ba ston// rnam par 'dren pa'i 'od gzer de yi mthus// de ltar de na la la rin chen zhing // de bzhin kha dog bai DUR+Ya yi mdog/ blta na sdug pa sna tshogs snang bar gyur// lha dang mi dang de bzhin gnod sbyin klu/ / lha yi bu mo dri za mi 'am ci// gang rnams bde bar gshegs la mchod brtson pa// de dag 'jig rten khams na mchod byed snang // sangs rgyas rang byung de dag nyid kyang snang / / gser gyi mchod sdong lta bur blta na mdzes// bai DUR+Ya yi dbus na gser gzugs bzhin// 'khor gyi dbus na chos ni rab tu gsung // de na nyan thos grangs yod ma yin te/ bde gshegs nyan thos de snyed tshad med pa// so so'i zhing du rnam par 'dren pa yi// 'od zer 'od kyis de dag thams cad ston// brtson 'grus ldan zhing tshul khrims ma nyams te/ / tshul khrims skyon med nor bu rin chen 'dra// mi mgon sras dag re yi sul dag na// gnas shing spyod pa de dag snang bar gyur// bdog pa thams cad ma lus yongs su gtong // brtan po bzod pa'i stobs can bsam gtan dga'// byang chub sems dpa' gang+gA'i bye snyed mang // 'od zer de yis thams cad rab tu snang // bskyod pa med cing g.yo ba med par snang // bzod gnas bsam gtan dga' zhing mnyam par gzhag/ de dag bsam gtan byang chub mchog zhugs pa// bde bar gshegs pa'i thugs kyi sras rnams snang // yang dag zhi ba zag pa med pa'i gnas/ / shin tu shes nas yang dag rab ston te// 'jig rten khams mang du ni chos kyang 'chad// de 'dra'i byed pa bde gshegs mthu yis 'byung // nyi ma zla ba sgron ma de yi mthus// skyong ba'i 'khor bzhis de dag mthong nas su// de tshe thams cad dga' bar gnas gyur te// 'di lta ci zhig ces ni phan tshun 'dri// gnod sbyin lha mis de mchod mi ring bar/ / 'jig rten 'dren pa ting nge 'dzin las bzhengs// chos smra byang chub sems dpa' gang mkhas pa// 'od mchog sras la de tshe 'di skad gsungs// mkhas pa khyod ni 'jig rten mig dang lam// nga yi chos 'dzin shin tu yid brtan pa// ji ltar srog chags phan phyir ngas bshad pa// nga yi chos mdzod 'di la khyod mngon sum// byang chub sems dpa' mang po kun bkod de// dga' bar byas shing shin tu bsngags bstod nas// bar gyis bskal pa drug cu tshangs par ni// de tshe rgyal ba de yis chos mchog bshad/ / gdan gcig stengs bzhugs 'jig rten mgon po des// chos mchog dam pa dag ni gang bshad pa// de dag thams cad 'od mchog rgyal ba'i sras// chos smrar gyur pa de yis shin tu bzung / / rgyal ba des ni chos kyi mchog bshad de// skye bo du ma rab tu dga' byas nas// de yi nyin par lhar bcas 'jig rten mdun// rnam par 'dren pa de ni 'di skad gsungs/ / nga yis chos kyi tshul 'di rab bstan te// chos kyi rang bzhin ci 'dra bshad zin gyis// dge slong do nub nam gyi gung thun la// nga ni mya ngan zla ba'i dus la bag// / nga yi bstan pa 'di la rab sbyor la// bag med ma yin dad pa snying por gyis// bskal pa bye ba khrag khrig 'das par yang // rgyal ba drang srong chen po rnyed par dka'// rkang gnyis dam pa shin tu myur bar du/ / mya ngan las ni zla ba'i sgra thos nas// sangs rgyas sras rnams mang po mya ngan skyes// sdug bsngal rab dang shin tu ldan par gyur// srog chags bye mang bsam yas de dag la/ / mi yi dbang po rgyal pos dbugs byung ba// mya ngan 'das dge slong ma 'jigs shig/ nga yi 'og tu sangs rgyas 'byung ba ni// byang chub sems dpa dpal snying mkhas pa 'di/ / zag med ye shes 'di ni rtogs par rigs// nga yi byang chub mchog rab thob 'gyur te// spyan dang yan lag dri med rgyal bar 'ong // de tshe de yi nam gyi gung thun la/ / rgyu zad me dang 'dra bar mya ngan 'das// de yi sku gdung shin tu rgyas 'gyur te// mchod rten bye ba khrag khrig mtha' yas so// de na dge slong de bzhin dge slong ma// gang rnams byang chub mchog la rab zhugs shing / / bde gshegs de yi bstan la mngon brtson pa// de dag mi nyung gang+gA'i bye ma snyed// de tshe chos smrar gang gyur dge slong ni// gang gis chos de bzung ba 'od mchog ste/ / bar gyi bskal pa brgyad cu tshang ba der// bskal pa de la chos mchog rab tu ston// de yi slob mar gyur pa brgyad brgya dag/ de dag thams cad yongs su smin par byas/ / de dag sangs rgyas bye ba mang po mthong // drang srong chen po de dag bkur sti byas// de tshe spyad pa rjes su mthun spyad nas// 'jig rten mang po khams su sangs rgyas gyur/ / gcig 'og gcig pu de dag rjes bzhin du// byang chub mchog tu gcig gis gcig lung bstan// sangs rgyas de dag rim gyis byung ba yi// tha mar gyur pa mar me mdzad pa ste/ / lha yi lha mchog drang srong mang pos mchod// srog chags bye ba stong yang rnam par btul// gang sngor bde bar gshegs pa de yi sras// de yi tshe na 'od mchog chos smra ba'i// slob ma sred dang ldan zhing le lo can// shes kyi khe dang rnyed pa tshol ba dang // shin tu grangs pa'argyu gyur pa ste// de yi kha ton lung nas de bzhin kun/ / de yi tshe na bshad pa rnams mi zin// de yi ming yang 'di zhes bya bar 'gyur// grags pa 'dod ces phyogs su rnam par grags// de yang dge ba rnams kyi las de dag/ 'dren mar gyur pa mngon par 'dus byas pas/ / sangs rgyas stong phrag bye ba mnyes byas te// de dag mchod pa rgya cher byasarjes su mthun pa'i spyod pa rab spyad nas// sangs rgyas shAkya seng ge 'di yang mthong / / de ni 'dir yang tha mar 'byung ba ste// rjes bzhin byang chub mchog kyang thob 'gyur ba// byams pa'i rigs su bcom ldan 'das su 'gyur// srog chags stong phrag bye ba rnam par 'dul// bde gshegs mya ngan 'das pa'i bstan pa la/ de tshe le lo can du gang gyur pa// de na de 'drar gyur pa khyod nyid do// de tshe chos smrar gyur pa kho bo ste/ / kho bos de dag de yi rgyu dang gzhis// ye shes grags pa de yi ltas byung ba// sngon tshe de na kho bos gyur pa// de 'dra'i ltas 'di dang yang mthong bas na// nges par rgyal ba'i dbang po kun tu spyan/ / shAkya'i rgyal chen don dam gzigs pas kyang // de'i tshe kho bos rnam grangs mchog thob gang // de dag nyid ni 'dis kyang bshad par dgongs/ / de yi ltas nyid de ring yongs rdzogs kyis// rnam par 'dren pa rnams kyi thabs mkhas pa// shAkya seng ges yang dag 'jog mdzad de// chos kyi dngos nyid phyag rgya ston par 'gyur// thal mo sbyar te sems bzang brtson par gyis// 'jig rten phan zhing thugs rtse ston 'gyur te// mtha' yas pa yi chos kyi char pa 'bab// gang dag byang chub phyir zhugs ngoms par mdzad// byang chub sems dpa' byang chub phyir zhugs pa// gang dag mkhas pa nyid las skyes gyur pa// de dag rnams kyi som nyid gang yin dang // yid gnyis the tsom gang yin de sel 'gyur// dam pa'i chos pad+ma dkar po'i chos kyi rnam grangs las// gleng gzhi'i le'u zhes bya ba ste dang po'o// // bam po gnyis pa// / de nas bcom ldan 'das dran pa dang ldan zhing mkhyen bzhin du ting nge 'dzin de las bzhengs so/ / bzhengs nas tshe dang ldan pa shA ri'i bu la bka' stsal pa/ shA ri'i bu de bzhin gshegs pa dgra bcom pa yang dag pa rdzogs pa'i sangs rgyas rnams kyis thugs su chud pa/ sangs rgyas kyi ye shes ni zab pa/ mthong bar dka' ba/ rtogs par dka' ba ste/ nyan thos dang rang sangs rgyas thams cad kyis shes par dka'o/ / de ci'i phyir zhe na/ shA ri'i bu de bzhin gshegs pa dgra bcom pa yang dag par rdzogs pa'i sangs rgyas rnams ni/ sangs rgyas bye ba khrag khrig brgya stong mang po la bsnyen bkur mdzad mdzad pa/ sangs rgyas bye ba khrag khrig brgya stong mang po la/ bla na med pa yang dag par rdzogs pa'i byang chub tu spyod pa spyad spyad pa/ yun ring po nas rjes su zhugs pa/ brtson 'grus mdzad mdzad pa ste/ ngo mtshar dang rmad du byung ba'i chos dang ldan zhing shes par dka' ba'i chos rnams mkhyen pa'i phyir ro// shA ri'i bu de bzhini gshegs pa dgra bcom pa yang dag par rdzogs pa'i sangs rgyas rnams kyi ldem por dgongs te bshad pa ni she bar dka' ba'o/ / de ci'i phyir zhe na/ rang gis rig pa'i chos rnams thabs mkhas pa dang / ye shes mthong ba dang / rgyud dang gzhi dang dmigs pa dang / nges pa'i tshig dang / rnam par rig byed sna tshogs rnams kyis yang dag par ston te/ thabs mkhas pa de dang / de bdag gis sems can de dang de la chags pa rnams rab tu 'grel pa'i phyir ro// shA ri'i bu de bzhin gshegs pa dgra bcom pa yang dag par rdzogs pa'i sangs rgyas rnams ni/ thabs mkhas pa chen po dang / ye shes mthong ba dam pa'i pha rol tu byon pa'o// shA ri'i bu de bzhin gshegs pa dgra bcom pa yang dag par rdzogs pa'i sangs rgyas rnams ni chags pa med cing thogs pa med pa'i ye shes mthong ba dang / stobs dang / mi 'jigs pa dang / ma 'dres pa dang / dbang po dang / stobs dang / byang chub kyi yan lag dang / bsam/ gtan dang / rnam par thar pa dang / ting nge 'dzin dang / snyoms par 'jug pa dang / rmad du byung ba'i chos lnga dang ldan te/ chos rnam pa sna tshogs yang dag par ston pa'o// shA ri'i bu de bzhin gshegs pa dgra bcom pa yang dag par rdzogs pa'i sangs rgyas rnams ni ngo mtshar chen po brnyes pa'o/ / shA ri'i bu de tsam gyis bshad pa chog par gyis shig/ shA ri'i bu de bzhin gshegs pa dgra bcom pa yang dag par rdzogs pa'i sangs rgyas rnams ni ngo mtshar mchog brnyes pa ste/ shA ri'i bu de bzhin gshegs pas chos gang mkhyen pa'i chos de yang de bzhin gshegs pas de bzhin gshegs pa nyid la 'chad do/ / shA ri'i bu chos thams cad kyang de bzhin gshegs pa nyid ston to// chos thams cad kyang de bzhin gshegs pa nyid kyis mkhyen te/ chos de dag gang yin pa dang / chos de dag ji lta bu yin pa dang / chos de dag ci 'dra ba dang / chos de dag gi mtshan nyid gang yin pa dang / chos de dag gi ngo bo nyid ci yin pa dang / chos de dag gang yin pa dang / ji lta bu yin pa dang / ci 'dra ba dang / mtshan nyid gang yin pa dang / ngo bo nyid ci yin pa yang mkhyen to// de nas bcom ldan 'das don de nyid rgyas par ston cing / de'i tshe tshigs su bcad pa 'di dag bka' stsal to// lha mir bcas pa'i 'jig rten na// dpa' bo chen po dpag med pa// rnam 'dren sems can thams cad kyis/ rnam pa kun tu shes mi nus// de dag stobs dang rnam thar dang // 'jigs med gang dag ci 'dra dang // sangs rgyas chos rnams ci 'dra ba// sus kyang shes par mi nus so// sangs rgyas / bye ba'i gan dag na// zab cing shin tu phra ba dang // rig dka' mthong bar dka' ba yin// spyod pa dag ni sngan chad bsnyen// bskal pa bye ba bsam yas su// spyod pa de dag spyad pa yi// 'bras bu de ni ci 'dra ba// byang chub snying por ngas mthong ngo // de ni 'jig rten rnam 'dren pa// gzhan dag dang ni ngas kyang de// ji lta yin dang ci 'dra dang // de yi mtshan nyid ci 'dra shes// de ni bstan du mi nus te// de ni brjod du yong med do// mos pa la ni gang gnas pa// byang chub sems dpa' ma gtogs par// gang la chos de bstan pa dang // bstan pa dag kyang shes pa yi/ / de 'dra'i sems can su yang ni// 'jig rten dag na yod ma yin// gang dag 'jig rten mkhyen pa'i nyan thos pa// lhag par byas pa bde bar gshegs pas bsngags// zag zang tha ma'i lus 'dzin de dag gi/ yul ni rgyal ba'i ye shes 'di la med// gal te 'jig rten 'di dag thams cad du// shA ri'i bu gang 'dra bar de gyur te// gcig tu 'dus par gyur nas rnam bsams kyang / / de dag bde gshegs ye shes shes mi nus// gal te khyod dang 'dra ba'i mkhas rnams kyis// phyogs rnams bcur chur gang bar gyur pa dang // gang yang nga yi nyan thos 'di gzhan rnams/ / de dag gis kyang de bzhin gang gyur te// de dag thams cad gcig tu deng 'dus nas// bde bar gshegs pa'i ye shes rnam bsams kyang // ci tsam// tshad med ye shes ngas shes pa// thams cad 'dus pas shes par mi nus so// zag pa med par gyur pa'i rang sangs rgyas// dbang po rno ba'i tha ma'i lus 'dzin pas// ji ltar smig dang 'dam bu'i tshal bzhin du/ / phyogs bcu thams cad gang bar gyur pa dag/ gcig tu 'dus nas rnam par bsam byas kyang // nga yi chos kyi mchog gi phyogs tsam yang // bskal pa bye ba khrag khrig mtha' yas su/ / de yi yang dag don ni yongs mi shes// byang chub sems dpa' theg par gsar zhugs pa// sangs rgyas bye ba mang la bya ba byas// shin tu nges don chos smra mang po rnams/ / de dag gis kyang phyogs bcu gang gyur te// smig dang 'dam bu bzhin du 'jig rten kun// bar mtshams med par rtag tu gang gyur la// gcig tu 'dus nas rnam par sems byed cing / / shes rab phra bas gzhan du mi sems par// bskal pa bye ba mang po dpag med pa// gang+gA'i bye ma snyed du bsams byas kyang // chos gang bde bar gshegs pas mngon gzigs pa/ / 'di la de dag rnams kyi yul med do// phyir mi ldog pa'i byang chub sems dpa' gang // mi nyung gang+gA'i bye ma snyed rnams kyis// gzhan du mi sems rnam par bsams byas kyang / / de la de dag gi yang yul med do// zab cing shin tu phra ba'i chos rtogs shing // rtog pa med la thams cad zag med pa// phyogs bcu'i 'jig rten rgyal ba de dag dang // ngas ni// / 'di na de dag ji 'dra shes// gzhan min gsung ba rgyal ba drang srong che// yun ring dus na mchog gi don 'chad kyis// bde bar gshegs pas gang bstan de la ni// mos pa phun sum tshogs byos shA ri'i bu/ / nyan thos pa ni 'di dag thams cad dang // rang sangs rgyas su mi gang zhugs pa dang // mya ngan 'das la ngas ni gang bkod cing // sdug bsngal rgud las yang dag bkrol la bsgo/ / gang phyir 'jig rten du ni chos mang bshad// de dang de la chags pa rab bkrol zhing // theg pa gsum dag nye bar bstan pa ni// de dag nga yi thabs mkhas mchog yin no// de nas 'khor de na kun shes ko'u di n+ya la sogs pa nyan thos chen po gang dag dgra bcom pa/ zag pa zad pa/ dbang dang ldan par gyur pa/ stong nyis brgya dang gzhan yang gang dag nyan thos kyi theg pa la zhugs pa'i dge slong dang / dge slong ma dang / dge bsnyen dang / dge bsnyen ma dag dang / gang yang rang sangs rgyas kyi theg pa la zhugs pa de dag thams cad 'di snyam du sems te/ bcom ldan 'das kyis de bzhin gshegs pa rnams kyi thabs mkhas pa cher bsngags pa dang / chos zab mo de yang mngon par rdzogs par sangs rgyas so zhes gsung zhing / nyan thos dang rang sangs rgyas thams cad kyis shes par dka'o zhes gsungs pa'i rgyu ni gang gzhi ni ci zhig/ 'di ltar bcom ldan 'das kyis rnam par grol ba gcig go zhes bka' stsal te/ bdag cag rnams kyang sangs rgyas kyi chos rnams rnyed par 'gyur zhing mya ngan las 'das pa ma yin mod kyi/ bcom ldan 'das kyis gsungs pa de'i don bdag cag gis ma rig go snyam mo/ / de nas tshe dang ldan pa shA ri'i bus 'khor bzhi po de dag som nyid dang the tsom za bar rig ste/ sems kyi rnam par rtog pa sems kyis shes nas/ bdag nyid kyang chos la the tsom za bar gyur te/ de'i tshe bcom ldan 'das la 'di skad ces gsol to// bcom ldan 'das 'di ltar bcom ldan 'das kyis de bzhin gshegs pa rnams kyi thabs mkhas pa mkhyen pa'i chos bstan pa yang dang yang bsngags pa mdzad pa dang / chos zab mo ngas mngon par rdzogs par sangs rgyas so zhes bgyi ba dang / ldem por dgongs te bshad pa yang shes par dka'o zhes yang dang yang gsung ba'i rgyu gang lags/ rkyen gang lags/ bdag gis bcom ldan 'das las chos kyi rnam grangs 'di lta bu sngan chad ma thos te/ bcom ldan 'das 'khor bzhi po 'di dag kyang the tsom dang som nyi 'tshal na de bzhin gshegs pas ci la dgongs te/ de bzhin gshegs pas chos zab mo yang dang yang gsung ba mdzad pa de/ bcom ldan 'das kyis legs par bshad du gsol/ de nas tshe dang ldan pa shA ri'i bus de'i tshe tshigs su bcad pa 'di dag gsol to// stobs dang rnam thar bsam gtan dag/ dpag tu med pa ngas thob ces/ / ring nas mi yi nyi ma yi// deng gdod bka' mching 'di 'dra mdzad// khyod la zhu ba ma mchis par// byang chub snying po'ang brjod pa mdzad// khyod la su'ang mi zhu bar/ / ldem por dgongs te bshad pa mdzod// ma zhus par ni gsung mdzad de// nyid kyi spyod pa bsngags pa mdzad// ye shes brnyes pa brjod mdzad cing // zab mo dag kyang rab bshad pas/ / dbang ldan gyur cing zag med pa// mya ngan 'das pa gang zhugs rnams// rgyal ba ci zhig gsung snyam ste// de ring 'di dag the tsom gyur// rang rgyal byang chub gang 'tshal/ ba// dge slong de bzhin dge slong ma// lha dang klu dang gnod sbyin dang // lto 'phye che dang dri za dag/ the tsom 'tshal zhing rnam sems te// de dag phan tshun tam mchi zhing // rkang gnyis mchog la rab ltan/ / thub pa chen po lung bstan gsol// bde bar gshegs pa'i nyan thos rnams// 'di na ji snyed mchis pa kun// de yi nang na bdag mchog ces// drang srong mchog gis bstan lags na// mi yigatso ba nyid kyi gnas// 'di la bdag kyang the tsom 'tshal// mya ngan 'das thar bdag phyin tam// 'on te bdag la spyod bstan tam// rnga mchog dbyangs kyis rab tu gsung phyung ste/ / chos 'di ji lta lags pa bshang du gsol// rgyal sras thugs sras mchis pa 'di dag rnams// thal mo sbyar ba bgyis nas rgyal ba lta// lha dang klu dang gnod sbyin srin por bcas/ / bye ba stong phrag gang+gA'i bye ma snyed// byang chub mchog 'di 'tshal ba gang lags pa// brgyad khri tshang bar gang mchis de dag dang // sa bdag 'khor los sgyur ba'i rgyal po gang / / bye ba stong gi zhing nas lhags pa dag/ spyod pa ji ltar yongs su rdzogs bgyi zhes// thams cad thal mo sbyar te gus par mchis/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ / shA ri'i bu don 'di bshad pas ci zhig bya// de ci'i phyir zhe na/ shA ri'i bu don 'di bshad na lha dang bcas pa'i 'jig rten 'di dngangs par 'gyur ro/ / yang tshe dang ldan pa shA ri'i bus bcom ldan 'das la lan gnyis su gsol ba btab pa/ don 'di nyid bcom ldan 'das bshad du gsol/ bde bar gshe ba bshad du gsol/ de ci'i slad du zhe na/ bcom ldan 'das 'khor de na srog chags brgya phrag mang po/ srog chags stong phrag mang po srog chags brgya stong phrag mang po/ srog chags bye ba khrag khrig brgya stong phrag mang po sngon gyi sangs rgyas mthong ba/ shes rab dang ldan pa gang dag bcom ldan 'das kyis bshad pa la dad pa dang / yid ches pa dang / 'dzin par 'gyur ba mchis so// de nas de'i tshe tshe dang ldan pa shA ri'i bus tshigs su bcad pa 'di gsol to// srog chags stong rnams 'khor na mchis pa dag da dga' bde bar gshegs la gus pa ste/ / khyod kyis chos bstan de dag 'tshal bar 'gyur// mi dbang rgyal po gsal bar bshad du gsol/ de nas bcom ldan 'das kyis tshe dang ldan pa shA ri'i bu la lan gnyis su yang 'di skad ces bka' stsal to/ / shA ri'i bu don 'di bshang pas ci zhig bya// shA ri'i bu don 'di bshad na lha dang bcas ba'i 'jig rten 'di dngangs par 'gyur te/ dge slong lhag pa'i nga rgyal can du gyur pa rnams// g.yangs chen por lhung bar 'gyur ro// de nas bcom ldan 'das kyis de'i tshe tshigs su bcad pa 'di dag bka' stsal to/ / nga yi chos 'di bshad pas chog/ ye shes 'di phra brtag mi nus// byis pa myang 'khod dang rgyal can// nga yi chos bshad mi shes spong / de nas tshe dang ldan pa shA ri'i bus/ bcom ldan 'das la lan gsum du yang gsol ba bta' pa/ don 'di nyid bcom ldan 'das bshad du gsol/ bde bar/ gshegs pa bshad du gsol/ bcom ldan 'das 'khor 'di na bdag dang 'dra ba brgya phrag mang du mchis so// bcom ldan 'das srog chags brgya phrag mang po/ grog chags stong phrag mang po/ srog chags brgya stong phrag mang po/ srog chags bye ba khrag khrig brgya stong phrag mang po gang dag/ bcom ldan 'das kyis sngon gyi srid pa dag na/ yongs su smin par mdzad pa gzhan dag kyang mchis te/ bcom ldan 'das kyis bshad pa la dad par 'gyur/ yid ches par 'gyur/ 'dzin par 'gyur ro// de yang de dag gi yun ring po'i don dang sman pa dang bde bar 'gyur ro/ / de nas tshe dang ldan pa shA ri'i bus de'i tshe tshigs su bcad pa 'di dag gsol to// rkang gnyis rnams kyi mchog gis chos bshad gsol/ / khyod la sras kyi thub bo bdag gsol pa// 'di na srog chags bye ba stong mchis pa// de dag khyod kyis chos bshad 'di dad 'gyur// sngon gyi srid pa rnams su khyod kyis gang / / sun ring rtag tu sems can smin mdzad pa// de kun thal mo sbyar te 'di na mchis// de dag chos 'di la ni dad par 'gyur// bdag 'dra brgya phrag bcu gnyis 'di dag dang / gang dag byang chub mchog tu zhugs pa dag/ de la gzigs nas bder gshegs rab bshad de// de dag dga' ba mchog kyang bskyed du gsol/ de nas bcom ldan 'das kyis tshe dang ldan pa shA ri'i bus lan gsum du gsol ba btab pa mkhyen nas/ tshe dang ldan pa shA ri'i bu la 'di skad ces bka' stsal to// shA ri'i bu 'di ltar de bzhin gshegs pa la 2 gsum gyi bar du gsol ba 'debs na/ shA ri'i bu de ltar gsol ba 'debs pa khyod la ji skad byas/ shA ri'i bu de'i phyir legs par rab tu nyon la yid la zung shig dang ngas khyod la ba do/ / bcom ldan 'das kyis de skad ces bka' stsal ma thag tu/ 'khor de nas dge slong dang / dge slong ma dang / dge bsnyen dang / dge bsnyen ma lhag pa'i nga rgyal can lnga stong stan las langs te/ bcom ldan 'das kyis zhabs la mgo bos phyag 'tshal te 'khor de nas dong ngo // 'di ltar lhag pa'i nga rgyal can gyis dge ba'i rtsa ba ma thob par ni thob par 'du shes/ khong du ma chud par ni khong du chud par shes pa de dag rang gi skyon shes te/ 'khor de nas dong ba la bcom ldan 'das kyis cang mi gsung bar gyur pas gnang ngo // de nas bcom ldan 'das kyis tshe dang ldan pa shA ri'i bu la 'di skad ces bka' stsal to/ / shA ri'i bu nga'i 'khor shin tu mu med par gyur te/ shA ri'i bu snying po ma yin pa med par gyur la/ dang / pa'i snying po la gnas te/ lhag pa'i nga rgyal can de dag dong ba yang legs so// shA ri'i bu de lta bas na de'i don ba shad do// bcom ldan 'das legs so zhes gsol nas/ shA ri'i bu bcom/ ldan 'das kyi ltar nyan pa dang / bcom ldan 'das kyis 'di skad ces bka' stsal to// shA ri'i bu de bzhin gshegs pa ni brgya la res 'ga' zhig 'di lta bu yi chos bstan pa gsung ngo / / 'di lta ste dper na/ u dum wA ra'i tshal ni brgya la res 'ga' 'byung ngo // shA ri'i bu de bzhin du de bzhin gshegs pa yang brgya la res 'ga' zhig chos bstan pa 'di lta bu gsung ngo / / shA ri'i bu nga la yid ches par gyis shig/ nga ni bden par smra ba'o// nga ni yang dag par smra ba'o// nga ni gzhan ma yin par smra ba'o// shA ri'i bu de bzhin gshegs pa'i ldem por dgongs te bshad pa'i don khong du chud par dka'o/ / de ci'i phyir zhe na/ shA ri'i bu ngas nges pa'i tshig dang bstan pa dang // brjod pa dang / dpe sna tshogs dang / thabs la mkhas pa rnam ba brgya stong dag gis chos rab tu bshad pa ni rtag tu med cing rtog ge'i spyod yul ma yin pa'i phyir te/ shA ri'i bu chos de ni de bzhin gshegs pas mkhyen par bya ba'o// de ci'i phyir zhe na/ shA ri'i bu bya ba gcig dang byed pa gcig dang / bya ba chen po dang / byed pa chen po'i phyir bya ba gang dang byed pa gang gis de bzhin gshegs pa dgra bcom pa yang dag par rdzog pa'i sangs rgyas 'jig rten du 'byung ba'i phyir ro/ / shA ri'i bu de bzhin gshegs pa'i bya ba gcig po dang / byed pa gcig po dang / bya ba chen po dang / byed pa chen po dang / bya ba gang dang / byed pa gang gis de bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung ba gang zhe na/ de ni sems can rnams de bzhin gshegs pa'i ye shes mthong ba yang dag par 'dzin du gzung ba'i rgyu'i phyir/ de bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung ngo // sems can rnams la de bzhin gshegs pa'i ye shes mthong ba yang dag par bstan pa'i rgyu'i phyir/ de bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung ngo // sems can rnams la de bzhin gshegs pa'i ye shes mthong ba la gzhug pa'i rgyu'i phyir/ de bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung ngo // / sems can rnams de bzhin gshegs pa'i ye shes mthong ba'i khong du chud par bya ba'i rgyu'i phyir/ de bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung ngo / / sems can rnams de bzhin gshegs pa'i ye shes mthong ba'i lam du gzung ba'i rgyu'i phyir/ de bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung ste/ shA ri'i bu de ni de bzhin gshegs pa'i bya ba gcig po dang / byed pa gcig po dang / bya ba chen po dang / byed pa chen po dang / 'jig rten du 'byung ba'i dgos pa gcig pa'o/ / shA ri'i bu de ltar de bzhin gshegs pas bya ba gcig po dang / byed pa gcig po dang / bya ba chen po dang / byed pa chen po de de bzhin gshegs pa mdzad do/ / de ci'i phyir zhe na/ shA ri'i bu nga ni de bzhin gshegs pa'i ye shes mthong ba yang dag par 'dzin du 'jug pa'o// shA ri'i bu nga ni de bzhin gshegs pa'i ye shes mthong ba yang dag par ston pa'o/ / shA ri'i bu nga ni de bzhin gshegs pa'i ye shes mthong ba la 'jug par byed pa'o// shA ri'i bu nga ni de bzhin gshegs pa'i ye shes mthong ba khong du chud par byed pa'o/ / shA ri'i bu nga ni de bzhin gshegs pa'i ye shes mthong ba'i lam du 'dzud pa'o// shA ri'i bu nga yang theg pa gcig las brtsams te/ sems can rnams la chos ston pa 'di lta ste sangs rgyas kyi theg pa thams cad mkhyen pa nyid kyi mthar thug pa ste theg pa gnyis sam gsum zhes bya ba gang yang med do/ / shA ri'i bu phyogs bcu'i 'jig rten thams cad na yang chos nyid ni 'di'o/ / de ci'i phyir zhe na/ shA ri'i bu de bzhin gshegs pa dgra bcom pa yang dag par rdzogs pa'i sangs rgyas gang dag 'dres pa'i dus na/ phyogs bcu'i 'jig rten gyi kham dpag tu med grangs med pa rnams su byung ste/ sems can mos pa tha dad pa dang / khams dang bsam pa tha dad pa rnams kyi bsam pa mkhyen nas/ skye bo mang po la phan pa dang / skye bo mang po la bde ba dang / 'jig rten la snying brtse ba dang / skye bo phal po che dang / lha dang mi rnams kyi don dang / phan pa dang bde ba'i phyir sna tshogs mngon par bsgrub pa bstan pa dang rgyu dang gzhi dang dpe dang / dmigs pa dang / nges pa'i tshig dang / thabs la mkhas pa rnam pa sna tshogs kyis/ chos bstan pa'i sangs rgyas bcom ldan 'das de dag thams cad kyang shA ri'i bu theg pa gcig la brtsams nas/ sems can rnams la chos bstan te/ de yang 'di ltar sangs rgyas kyi theg pa thams cad mkhyen pa nyid kyi mthar thug pa ste/ gang 'di sems can rnams de bzhin gshegs pa'i ye shes mthong ba nyid yang dag par 'dzin du 'jug pa nyid/ de bzhin gshegs pa'i ye shes mthong ba nyid ston pa/ de bzhin gshegs pa'i ye shes mthong ba nyid la 'jug par byed pa/ de bzhin gshegs pa'i ye shes mthong ba nyid khong du chud par byed pa/ sems can rnams de bzhin gshegs pa'i ye shes mthong ba nyid kyi lam du 'jug par byed pa'i chos ston te/ shA ri'i bu 'das pa'i de bzhin gshegs pa dgra bcom pa yang dag par rdzogs pa'i sangs rgyas de dag la sems can gang dag gis/ chos de thos pa de dag thams cad kyang bla na med pa yang dag par rdzogs pa'i byang chub thob par gyur to/ / shA ri'i bu ma 'ongs pa'i dus na/ phyogs bcu'i 'jig rten gyi khams dpag tu med grangs med pa rnams su de bzhin gshegs pa dgra bcom pa yang dag par rdzogs pa'i sang rgyas gang dag 'byung ba/ sems can mos pa tha dad pa dang / bsam pa dang / khams tha dad pa rnams kyi bsam pa mkhyen nas/ skye bo mang po la phan pa dang / skye bo mang po la bde ba dang / 'jig rten la snying brtse ba dang / skye bo phal po che dang / lha dang mi rnams kyi don dang phan pa dang / bde ba'i phyir sna tshogs mngon par bsgrub pa bstan pa dang / rgyu dang gzhi dang dpe dang dmigs pa dang / nges pa'i tshig dang / thabs mkhas pa rnam pa sna tshogs kyis chos ston par 'gyur ba'i sangs rgyas bcom ldan 'das de dag thams cad kyang / shA ri'i bu theg pa gcig las brtsams nas/ sems can rnams la chos ston par 'gyur te/ de yang 'di ltar sangs rgyas kyi theg pa thams cad mkhyen pa nyid kyi mthar thug pa ste/ gang 'di sems can rnams de bzhin gshegs pa'i ye shes mthong ba nyid yang dag par 'dzin du 'jug pa/ de bzhin gshegs pa'i ye shes mthong ba nyid ston pa/ de bzhin gshegs pa'i ye shes mthong ba nyid la 'jug par byed pa/ de bzhin gshegs pa'i ye shes mthong ba nyid khong du chud par byed pa/ sems can rnams de bzhin gshegs pa'i ye shes mthong ba nyid kyi lam du 'jug par byed pa'i chos ston par 'gyur te/ shA ri'i bu ma 'ongs pa'i de bzhin gshegs pa dag/ bcom pa yang dag par rdzogs pa'i sangs rgyas de dag las sems can gang dag chos 'di nyan pa de dag thams cad kyang bla na med pa yang dag par rdzogs pa'i byang chub thob par 'gyur ro// shA ri'i/ bu da ltar byung ba'i dus na/ phyogs bcu'i 'jig rten gyi khams dpag tu med grangs med pa dag na de bzhin gshegs pa dgra bcom pa yang dag par rdzogs pa'i sangs rgyas gang dag bzhugs te/ 'tsho zhing gzhes pa/ sems can mos pa tha dad pa dang / khams dang / bsam pa tha dad pa rnams kyi bsam pa mkhyen nas/ skye bo mang po la phan pa dang / skye bo mang po la bde ba dang / 'jig rten la snying brtse ba dang / skye bo phal po che dang / lha dang mi rnams kyi don dang / phan pa dang / bde ba'i phyir/ sna tshogs mngon par bsgrub pa bstan pa dang / rgyu dang gzhi dang dpe dang dmigs pa dang / nges pa'i tshig dang / thabs mkhas pa rnam pa sna tshogs kyi chos ston pa'i sangs rgyas bcom ldan 'das de dag thams cad kyang / shA ri'i bu theg pa gcig las brtsams nas/ sems can rnams la chos ston te/ de yang 'di ltar sangs rgyas kyi theg pa thams cad mkhyen pa nyid mthar thug pa ste/ gang 'di sems can rnams de bzhin gshegs pa'i ye shes mthong ba nyid yang dag par 'dzin du 'jug pa de bzhin gshegs pa'i ye shes mthong ba nyid ston pa/ de bzhin gshegs pa'i ye shes mthong ba nyid la 'jug par byed pa/ de bzhin gshegs pa'i ye shes mthong ba nyid khong du chud par byed pa/ sems can rnams de bzhin gshegs pa'i ye shes mthong ba nyid kyi lam du 'jug par byed pa'i chos ston te/ shA ri'i bu da ltar gyi de bzhin gshegs pa dgra bcom pa yang dag par rdzogs pa'i sangs rgyas de dag las sems can gang dag chos nyan pa de dag thams cad kyang bla na med pa yang dag par rdzogs pa'i byang chub thob par 'gyur ro/ / shA ri'i bud da ltar de bzhin gshegs pa dgra bcom pa yang dag par rdzogs pa'i sangs rgyas nga yang sems can mos pa tha dad pa dang / khams dang / bsam pa tha dad pa rnams kyi bsam pa mkhyen nas/ skye bo mang po la bde ba dang / skye bo mang po la phan pa dang / 'jig rten la snying brtse ba dang / skye bo phal po che dang / lha dang mi rnams kyi don dang / phan pa dang / bde ba'i phyir/ sna tshogs mngon par bsgrub pa bstan pa dang / rgyu dang gzhi dang dpe dang dmigs pa dang / nges pa'i tshig dang / thabs mkhas pa rnam pa sna tshogs kyis chos ston to// shA ri'i bu nga yang theg pa gcig las brtsams nas/ sems can rnams la chos ston te/ 'di ltar sangs rgyas kyi theg pa thams cad mkhyen pa nyid kyi mthar thug pa ste/ gang 'di sems can rnams de bzhin gshegs pa'i ye shes mthong ba nyid yang dag par 'dzin du 'jug pa/ de bzhin gshegs pa'i ye shes mthong ba nyid ston pa/ de bzhin gshegs pa'i ye shes mthong ba nyid la 'jug par byed pa/ de bzhin gshegs pa'i ye shes mthong ba nyid khong du chud par byed pa/ sems can rnams de bzhin gshegs pa'i ye shes mthong ba nyid kyi lam du 'jug par byed pa'i chos ston te/ shA ri'i bu sems can gang dag da ltar nga la 'di ltar chos nyan pa de dag thams cad kyang bla na med pa yang dag par rdzogs pa'i byang chub thob par 'gyur ro/ / shA ri'i bu rnam grangs 'dis kyang 'di ltar rig par bya ste/ 'di ltar phyogs bcu'i 'jig rten gang na yang theg pa gnyis su gdags pa yang med na/ gsum lta ga la yod/ 'on kyang de bzhin gshegs pa dgra bcom pa yang dag par rdzogs pa'i sangs rgyas nam bskal pa'i snyigs ma las byung ngam/ sems can gyi snyigs ma 'am/ nyon mongs pa'i snyigs ma 'am/ lta ba'i snyigs ma 'am/ tshe'i snyigs ma las byung nas/ shA ri'i bu 'di lta bur bskal ba dang / 'khrug pa'i snyigs ma dang / dri ma mang po dang / brkam pa'i sems can dge ba'i rtsa ba chung ba de'i tshe/ shA ri'i bu de bzhin gshegs pa dgra bcom pa yang dag par rdzogs pa'i sangs rgyas rnams thabs mkhas pas sangs rgyas kyi theg pa gcig po de las theg pa gsum du bshad de bstan to/ / shA ri'i bu de ltar gang nyan thos sam/ dgra bcom pa 'am/ rang sangs rgyas rnams de bzhin gshegs pa'i bya ba sangs rgyas kyi theg pa yang dag par 'dzin du 'jug pa la mi nyan mi 'jug/ khong du chud par mi byed pa de dag ni shA ri'i bu de bzhin gshegs pa'i nyan thos ma yin par rig par bya'o/ / dgra bcom pa yang ma yin/ rang sangs rgyas kyang ma yin par rig par bya'o// shA ri'i bu yang dge slong ngam dge slong ma la la dgra bcom par khas 'che zhing / bla na med pa yang dag par rdzogs pa'i byang chub tu smon lam yongs su mi 'dzin te/ nga ni sangs rgyas kyi theg pa bcad pa'o// zhes zer zhing nga'i lus 'di tha ma mya ngan las 'da' ba'o zhes ber ba ni/ shA ri'i bu de lhag pa'i nga rgyal can du shes par bya'o// de ci'i phyir zhe na/ de bzhin gshegs pa dgra bcom pa zag pa zad pa de/ de bzhin gshegs pa mngon sum du gyur te/ chos 'di thos nas dad par mi 'gyur ba'i go skabs med cing gnas ma yin te/ de bzhin gshegs pa yongs su mya ngan las 'das pa ni ma gtogs so// de ci'i phyir zhe na/ shA ri'i bu de bzhin gshegs pa yongs su mya ngan las 'das pa de'i tshe/ mdo 'di lta bu 'di 'dzin pa dang / 'chang ba'i nyan thos mi 'byung ste/ shA ri'i bu de bzhin gshegs pa dgra bcom pa yang dag par rdzogs pa'i sangs rgyas gzhan dag las chos 'di la the tsom med par 'gyur ro/ / shA ri'i bu 'ad par gyis shig/ yid ches par gyis shig/ rtogs par gyis shig shA ri'i bu de bzhin gshegs pa rnams la bag+h+nAn du smra ba med de/ shA ri'i bu theg pa 'di ni gcig tu zad de/ 'di lta ste/ sangs rgyas kyi theg pa'o// de nas bcom ldan 'das don de nyid rgyas par ston cing / de'i tshe tshogs su bcad pa 'di dag bka' stsal to// nga rgyal can gyi dge slong dang // dge slong ma dang dge bsnyen dang // dge bsnyen ma rnams ma dang pa/ / lnga stong las ni mi nyung ba// bslab pa zhig ral ldan pa rnams// nyes pa 'di dag mthong gyur nas// skyon rnams yongs su skyed pa'i phyir// byis pa'i blo can de dag dong // gang gis chos 'di nyan par 'gyur ba yi// de dag la ni dge ba de med de// 'khor gyi snying ma nyid du mkhyen nas su// 'jig rten mgon po ngas kyang dasal ba yi// nga yi 'khor ni legs par 'khod/ / shun pa med cing dag pa ste// snying po ma yin kun med gyur// 'di dag snying por rab tu gnas// skyes bu dam pa skyob pa sangs rgyas dag/ thabs la mkhas pa rgya phrag du ma yis/ / rdzogs pa'i sangs rgyas chos ni ci gsung ba// ci 'dri nga las nyon cig shA ri'i bu// de dag spyod pa bsam paN+Di 'dra'ang mkhyen// srog chags bye ba mang po tha dad pa/ de dag sngon chang dge bci byas dang // las rnams sna tshogs dag ni mkhyen nas su// nges pa'i tshig dang gzhi rnams sna tshogs kyi// srog chags de ga khong du chung par byed// ngas ni rgyung dpe yang brgya dag gis/ / sems can lta de lta mgu bar byas// mdo sde de bzhin tshigs su bcad pa'ang bshad// de lta byung dang skye rabs rmad byung dang // gleng gzhi de bzhin gtan la bab pa dang / / dbyangs pa snad dpe brgya sna tshogs rnams kyis bshad// mi mkhas gang dag dman la mngon dga' zhing // sangs rgyas bye ba mong la spyod pa spyad// 'khor bar chags shing/ shin tu sdug bsngal ba// de la mya ngan 'da' bar nye bar bstan// sangs rgyas ye shes rab tu rtogs bya'i phyir// de ltar rang 'byung ba ni thabs mdzad de// khyed cag sangs rgyas su yang 'grub po zhes// de rnams la ni re shig mi gsungs so// ci phyir zhe na spyod pa dus la gzhes// dal ba gzigs te de nas 'dod chags do// dal ba de ni brgya la deng thob pas// de phyir yang dag nges pa 'dir bshad do// nga yi bstan pa yan lag dgu po yang // sems can dag gi mthu dang stobs las bshad// 'di ltar thabs kyis mchog sbyin ye shes la// rab tu gzud pa'i phyir ni ngas bshad do// gang dag rtag tu rnam par dag gyur pa/ / gsal gtsang rab tu nges pa sangs rgyas sras// sangs rgyas bye ba mngal lhag byas pa// de dag la ni rab rgyas mdo rnams bshad// 'di ltar 'di dag bsam pa rdzogs pa dang / / rnam par dag pa'i tshul dang ldan gyur pa// de dag la ni ma 'ongs dus na yang // phan zhing brtse ba'i sangs rgyas 'gyur zhes gsung // thos nas 'gro mchog sangs rgyas 'gyur snyam ste/ / thams cad shin tu dga' bas khyab par 'gyur// de dag spyod pa rnams kyang ngas shes nas// shin tu rgyas pa'i mdo sde rab tu bshad// 'di ltar 'dren pa'i nyan thos de dag la// gang dag nga yi bstan pa 'di thos pa/ / tshigs bcad cig tsam thos sam gzungs yang rung // thams cad the tsom med par byang chub 'gyur// theg pa tha dad par ni gang ston pa// skye mchog rnams kyi thabs mkhas ma gtogs par/ / theg pa gcig ste gnyis su yod ma yin// 'jig rten na ni nam yang gsum du med// sangs rgyas rnams kyi ye shes bstan pa'i phyir// 'jig rten du yang 'jig rten mgon po 'byung / / bya ba gcig ste gnyis su yod ma yin// sangs rgyas theg pa dman pas mi 'dren to// rang 'byung bangs nyid ci la gnas pa dang // sangs rgyas ji lta bu dang ci 'dra ba// stobs dang bsam gtan rnam thar dbang po rnams// de dag nyid la sems can rab tu 'jog/ byang chub rdul med dam pa thob nas su// theg pa dman la sems can gcig bkod na// 'di ni nga yi legs pa ma yin te/ / ser sna'i nyes pa'ang nga la yod par 'gyur// nga la ser sna dag ni cung zad med// nga la phrag dog med cing 'dod chags med// sdig pa'i chos rnams thams cad ngas bshad de// de phyir 'gro ba rtogs pas nga sangs rgyas// ji ltar mtshan rnams kyis ni nga brgyan te// 'jig rten 'di dag thams cad rab snang byed// srog chags brgya phrag du mas mdun lngas shing // chos kyi rang bzhin phyag rgya 'di bshad do/ / nga ni 'di snyam sems te shA ri'i bu// sum cu rtsa gnyis mtshan gyi gzugs ldan zhing // bdag 'od rang 'byung 'jig rten rig par yang // de ltar ci/ nas sems can kun 'gyur snyam// ji ltar mthong zhing ji ltar bsam pa dang // nga yi sngan chad ji ltar brnags pa de// nga yi smon lam de dag yongs rdzogs te// byang chub sangs rgyas nas ni ma bstan to/ / sems can rnams la byang chub 'dun skyed ces// ngas ni de skad smras na shA ri'i bu// mi shes sems can rnams ni 'dir myos te// nga yis legs bshang 'dzin par gzhar mi 'gyur// de dag 'di 'dra'i tshul du ngas shes te// tshe rabs snga mar spyod pa rnams ma spyang // 'dod pa'i yon tan rnams la chags shing zhe na// sred pas rgyal zhing gti mug myos pa rnams// de dag 'dod rgyus ngan 'gror rab tu ltung / / 'gro ba drug tu kun gyis nyon mongs te// dur khrod de dag phyi phyir 'phel bar byed// bsod nams chungs pa sdug bsngal kun gyis gzir// lta ba'i thibs / por rtag tu rnam par chags// yod dang med dang de bzhin yod med pa// ltar gyur drug cu gnyis la brten nas so// dngos po med la yongs su 'dzin cing gnas// sbyang bar dka' zhing log byed nga rgyal can/ / byis pa thos nyung yon po g.yo byed rnams// tshe rabs bye ba phrag stong nam du yang // de dag sangs rgyas sgra 'di mi thos so// nga yi thabs kyis de la shA ri'i bu// sdug bsngal mthar phyung shig ces de skad smras/ / sems can sdug bsngal gzir ba mthong bas na// de dag mya ngan 'das pa nye bar bstan// 'di ltar ngas ni chos rnams 'di dag kun// gdong nas rab zhi ma ngan rtag 'das bshad/ / sangs rgyas sras de spyod pa kun rdzogs nas// phyi ma'i dus kyi tshe la rgyal bar 'gyur// theg pa gsum du gang rnams bstan pa ni// nga yi thabs mkhas tshul ni de 'dra ste/ / theg pa gcig ste de bzhin tshul yang gcig/ de ltar 'dren pa rnams kyis bshad pa gcig/ gang 'dir la la the tsom yod pa dag/ the tsom za dang de bzhin som nyid spongs// gzhan du mi gsungs 'jig rten 'dren pa rnams// theg pa 'di ni gcig ste gnyis su med// sngon gyi de bzhin gshegs pa gang byung ba// sangs rgyas stong mang mya ngan yongs 'das shing // 'das pa'i dus na bskal pa grangs med la// grang dag tshad ni nam yang yong med pa// skyes bu dam pa de dag thams cad kyis// dpe dang gzhi dang rgyu dang bcas pa dang // thabs la mkhas pa/ brgya phrag du ma yis// rnam par dag pa'i chos rnams rab bshad pa// de dag thams cad theg pa gcig ston cing // srog chags stong phrag bye ba bsam yas rnams// theg pa gcig pu la yang rab 'dzud de/ / theg pa gcig la yongs su smin par byed// mos dang de bzhin bsam pa rnams mkhyen nas// de bzhin gshegs pas lhar bcas 'jig rten du// rgyal ba'i thabs gzhan rnam pa mang po dag/ gang gis chos mchog 'di ni rab bstan pa// sems can gang gis de las mngon sum der// chos nyan pa dang 'on te thos ldan pa// sbyin pa/ sbyin zhing tshul khrims spyod pa dang // bzod pas spyod pa thams cad bsgrubs pa dang // brtson 'grus bsam gtan lhag par byas pa dang // shes rab kyis ni chos 'di rnams bsams te/ rnam pa dad pa bsod nams sus byas pa// de dag thams cad byang chub thob par gyur// mya ngan 'das pa'i rgyal ba de dag gis// bstan pa de la sems can gang zhugs de// de na bzod cing zhi la dul ba ni/ / de dag thams cad byang chub thob par gyur// rgyal ba mya ngan 'das pa de dag gi/ rgyal ba'i ring bsrel dag las su mchod cing // rin chen mchod rten stong phrag du ma dang / / gser dang dngul dang 'on te shel gyi sa 'am// rdo'i snying po mchod rten dag gis byas// bai DUR+Ya mchog de bzhin an d+ha rnyil// la las mu tig ke ke ru las byas// de dag gis kyang byang chub thob par 'gyur/ / gang gis mchod rten rdo las byas pa dang // gang gis a gA ru dang tsan dan nam// gang gis thang shing mchod rten byas pa dang // la las shing mang gzhan las byas pa dang / / sa dang so phag las ni brtsigs pa yi// rgyal ba mchod rten dga' bzhin byas pa dang // de phyir sa rdul phung po dag las kyang // mya ngan dgon pa dag tu byas pa dang / / byis pa'i rtsed mor de dang de dag tu// gang gis rgyal ba de phyir mchod rten dag/ bye ma las ni phung po byas pa yang // de rnams kyis kyang byang chub thob par gyur// la las de bzhin rin chen gzugs byas pa/ / sum cu rtsa gnyis mtshan dang ldan pa'i gzugs// gang gis de phyir byas pa de dag kyang // de dag thams cad byang chub thob par gyur// la las der ni rin chen sna bdun dang / / la las de bzhin zangs dang khar ba las// bde bar gshegs pa rnams kyi gzugs byas pa// de dag thams cad byang chub thob par gyur// ro nye dang ni lcags sams yang rung / / bde bar gshegs pa rnams kyi gzugs byas te// blta na sdug pa 'jim pa'i las byed bcug/ de dag thams cad byang chub thob par gyur// gang gis rtsig ngos gzugs kyi ri mo dag/ bsod nams brgya mtshan yongs su rdzogs pa'i sku// bdag gis bris sam 'dri ru bcug kyang rung // de dag thams cad byang chub thob par gyur// skyes bu dag gam 'on te gzhon nu'ang rung // gang dag la la de na slob pa'i tshe// rtsed mo dga' dang bsang ba byed pa na// rtsig ngos sen mo shing bus gzugs bris pa// de dag thams cad byang chub thob gyur te// de dag thams cad snying rje can du 'gyur/ / thams cad kyang ni srog chags bye ba sgrol// byang chub sems dpa' mang po yang dag 'dzud// de bzhin gshegs pa rnams kyi ring bsrel dang // 'jim pa'i gzugs dang mchod rten dag la'ang rung / / rtsig ngos bris dang rdul phung mchod rten la// de la me tog dang ni spros gsol te// der ni gang gis sba snyan cang te'u dang // dung dang rnga chen rol mo'i sgra byed bcug/ byang chub mchog rab mchod par bya ba'i phyir// gang dag rnga rnams rab tu rdung byed cing // pi wa nga dang ni pheg dang khar ba'i rnga// rdza rnga rgyud gcig gling bu yid 'ong dang // e ko nad rab tu snyan 'byin pa/ / de dag thams cad byang chub thob par 'gyur// bde bar gshegs pa rnams la mchod pa'i phyir// gang dag lcags kyi sil khrol rdung bcug dang // chu la brdabs dang thal mos brdabs pa dang / / yid du 'ong zhing snyan pa'i glu blangs dang // ring bsrel de dag rnam mang mchod byas pa// de dag thams cad 'jig rten sangs rgyas 'gyur// bde gshegs ring bsrel la ni chung zad dang / / sil snyan gcig brdungs pa yi sgra byung ngam// me tog gcig tsam gyis ni mchod pa dang // bde gshegs gzugs dag rtsig ngos bris pa la// 'khrug bzhin pa yi sems kyis mchod na yang / / de dag rim gyis sangs rgyas bye ba mthong // mchod rten de la gang gis thal mo sbyar// yongs su tshang ba'amathal mo ya gcig gam// yang na mgo bo skad cig btud ba dang / / de bzhin lan cig lus kyang btung ba dang // gang gis ring bsrel gnas pa de dag la// g.yengs pa'i sems kyis phyag 'tshal sangs rgyas shes// tshig gcig lan 'ga' brjod par byas pa yang / / de dag kun gyis byang chub mchog 'di thob// de tshe bde bar gshegs pa de dag ni// mya ngan 'das sam yang na bzhugs kyang rung // sems can gang gis chos 'di'i/ ming thos pa// de dag thams cad byang chub thob par 'gyur// phyis 'byung sangs rgyas bye ba mang po rnams// de dag bsam gyis mi khyab tshad kyang med// 'jig rten dgon mchog rgyal ba de dag kyang / / thabs 'di rnams ni rab tu ston par 'gyur// gang gis sangs rgyas ye shes zag med pa// 'di la srog chags bye ba 'dul mdzad pa// 'jig rten rnam par 'dren pa de dag gi/ thabs la mkhas pa dag ni mtha' yas 'gyur/ / chos 'di thos nas sangs rgyas mi 'gyur ba// sems can de dag nam gcig kyang med// byang chub phyir spyad nas ni spyod par gzhag/ de ni de bzhin gshes rnams smon lam mo/ / chos sgo bye ba stong phrag du ma dag/ ma 'ongs dus na rab tu ston 'gyur te// theg pa gcig po 'di ni mngon ston tsong // de bzhin gshegs pa nyid du chos ston 'gyur// chos kyi tshul 'di rtag tu gnas pa dang // chos kyi rang bzhin rtag tu 'od gsal bar// rkang gnyis dam pa sangs rgyas rnams mkhyen nas// nga yi theg pa gcig ces ston par 'gyur// chos kyi gnas nyid skyon med chos nyid ni/ / 'jig rten 'di na rtag tu mi g.yo gnas// sa yi snying por byang chub sangs rgyas te// thabs la mkhas pa shin tu ston par 'gyur// lha mi rnams kyi mcho pa'i sangs rgyas rnams/ / phyogs bcur bzhugs pa gang+gA'i bye ma snyed// 'di na srog chags thams cad bde ba'i phyir// de dag rnams kyang theg pa mchog 'di 'chang // zhi ba'i sa chog 'di ni sangs rgyas nas/ / thabs la mkhas pas rab tu ston mdzad cing // theg pa rnam pa tha dad mngon par 'chad// theg pa gcig po'ang yongs su ston mdzad do// lus can kun gyi spyod pa rig pa dang / / de bzhin sngon chad ji bsgoms ji bsams pa// de yi mthu dang brtson 'grus rnams kyang rig/ shin tu dad pa mkhyen nas rab tu ston// 'dren pa'i ye shes stobs kyis rgyu mang dang / / da pe dang gzhi yang mang por rab ston te// sems can mos pa sna tshogs rig nas ni// sna tshogs mngon par bsgrub pa nye bar ston// da ltar rgyal dbang 'dren pa nga ya ni// sems can rnams la bde ba'i phyir byung ste/ / sna tshogs bsgrub pa bye ba phrag stong gis// sangs rgyas byang chub 'di ni yang dag bstan// srog chags rnams kyi mos dang bsam mkhyen nas// chos rnams rnam pa mang por rab bshad de/ / rnam pa sna tshogs thabs kyis dga' ba bskyed// de ni nga yi rang rig ye shes stobs// nga yis mthong ba sems can dbul po rnams// shes rab bsod nams rnams dang bral gyur cing // 'khor bar bying la mya ngan zhugs pa rnams// sdug bsngal rgyud du shin tu nub pa ste// sred pas chags pa g.yag gi rnga ma bzhin// 'dod pas 'di dag rtag tu ldongs par byas// sangs rgyas mthu chen rnams kyang mi tshol zhing / / sdug bsngal mthar ni 'gro ba'i chos mi tshol// 'gro ba drug po rnams su zin pa'i sems// log par mthong ba'i lha la mi g.yo gnas// sdug bsngal ba yi sdug bsngal rab myong ba// de la nga yi snying rje stobs ldan te/ / byang chub snying po der ni nga sems shing // 'bum phrag gsum du tshang bar rab gnas te// nga ni 'di 'dra'i don la rab sems shing // de na sdong po de la bltas pa ni// shing mchog de la mig mi 'dzums par blta/ / de yi drung na phan tshun 'chag cing gnas// ye shes de ni dam pa ngo mtshar te// sems can 'di dag mi mkhas gti mug ldongs// de tshe nga la tshangs dang brgya byin dang / / dbang phyugs che dang 'jig rten skyong bzhi dang // de bzhin dbang phyug dag kyang gsol 'debs te// lha rnams bye ba stong phrag mang po yang // thams cad thal mo sbyar nas gus par 'khod// don rnams ji ltar bya ba rab tu bsams// nga yis byang chub yon tan bsngags na ni// sems can 'di dag sdug bsngal gzir ba ste// nga yi chos la byis pa'i blo can skur// de ltar skur pas ngan song gnas su 'gro/ / ngas ni song ma bshad na dger 'gyur gyis// nga deng zhi bar mya ngan 'das bla snyam// sngon gyi sangs rgyas rnams dang de dag gi/ thabs mkhas ji lta ba yang rab dran te// ngas kyang 'di ltar sangs rgyas byang chub 'di/ / rnam pa gsum du 'dir phye rab tu bshad// nga yis don de de ltar bsams pa na// phyogs bcu'i sangs rgyas de dag gzhan gyis kyang // de dag rang gi lus kyang nga bstan nas/ / legs zhes bya ba'i sgra yang rab bsgrags te// thub pa 'jig rten rnam par 'dren pa'i mchog/ bla na med pa'i ye shes 'di rtogs nas// thabs la mkhas pa rnam par brtsams pa dang / / 'jig rten 'dren pa rnams kyi rjes slob legs// nged kyang dam pa'i gnas ni rtogs pa'i tshe// rnam pa gsum du phye ste rab tu ston// mkhas pa ma yin/ dad pa chung ba'i mi// sangs rgyas rnams la dad par mi 'gyur te// de bas nged kyis rgyu rnams kun bsdus pas// thabs la mkhas pa rnams ni rab spyad cing // 'bras bu 'dod pa yongs su brjod byas te/ / byang chub sems dpa' mang po yang dag 'dzud// skyes bu khyu mchog dag gis yid 'ong smra// thos nas de tshe nga ni dga' bar gyur// dga' ba'i sems kyis skyob pa de dag la// drang srong chen po don yod gsung ba ste/ / mkhas pa 'jig rten 'dren pas gsungs pa ltar// bdag kyang de bzhin spyad par bgyi zhes smras// nga ni 'khrug dang mi bzang 'di yi tshe// sems can snyigs mar gyur pa'i nang du skyes/ / de ltar ngas rig nas nI shA ri'i bu// de yi tshen wA ra Na ser song // de na dge slong lnga po dag la yang // rab zhi sa yi chos ni thabs kyis bshang // de nas nga yis chos kyi 'khor lo bskor/ / mya ngan 'da' ba'i sgra yang 'jig rten byung // dgra bcom sgra dang de bzhin chos kyi sgra// der ni dge 'dun sgra yang byung bar gyur// lo grangs mi nyung bar ni rab bshad de/ / mya ngan 'da' ba'i sa yang mngon par bstan// 'khor ba sdug bsngal mtha' ni 'di yin zhes// de bzhin rtag par dus su ngas smras so// ngas ni de yi tshe na shA ri'i bu// rkang gnyis dam pa'i sras rnams mthong ba ni/ / gang dag byang chub dam pa mchog zhugs pa// bye ba khrag khrig stong phrag mtha' yas pa// nga yi drung du de dag nyer lhags nas// thal mo sbyar te thams cad gus par 'khod/ / gang dag thabs la mkhas pa rnam mang po// rgyal ba dag las chos thos de dag mthong // de nas skad cig de la 'di snyam du// nga yis chos mchog bshad pa'i dus la ba ba/ / gang phyir nga ni 'jig rten 'dir skyes pa// byang chub mchog rab de ni 'dir bstan to// mtshan mar 'du shes byis pa'i blo dang ldan// mi mkhas lhag pa'i nga rgyal ldan pa rnams// de ring 'di la dad par dka' 'gyur gyi// byang chub sems dpa' 'di dag nyan snyam ste// de tshe nga ni 'jigs med rab tu dga'// yang dag nang 'jog thams cad rnam spangs nas// bde bar gshegs pa'i sras kyi dbus su bshad/ / de dag byang chub la ni yang dag 'dzud// 'di 'dra'i sangs rgyas sras rnams mthong nas ni// khyod kyang som nyid rnam par spong bar 'gyur// gang ngag zag zang brgya phrag bcu gnyis po/ / 'di dag thams cad 'jig rten sangs rgyas 'gyur// snga ma'i skyob pa de dag ci 'dra dang // ma 'ongs rgyal po'i chos nyid ji lta bar// ngas kyang de la rnam par rtog spangs te/ / de bzhin du ni khyod la ngas deng bshad// res 'ga' gang du ci yis 'jig rten du// skyes bu khyu mchog dag ni 'byung bar 'gyur// mtha' yas mig can 'jig rten byung na yang / / res 'ga' 'di 'dra ba yi chos bshad de// bskal pa bye ba khrag khrig slad du yang // 'di 'dra'i chos mchog rab tu rnyed par dka'// gang dag chos mchog thos nas dad 'gyur pa/ / de 'dra'i sems can shin tu rnyed par dka'// u dum wA ra'i me tog rnyed dka' bzhin// res 'ga' gang zhig ci yis snang gyur na// gzugs de 'gro ba'i yid du 'ong pa ste/ / lhar bcas 'jig rten rnams la ngo mtshar 'gyur// de bas legs bshad chos 'di sus thos nas// rjes su yi rang tshig cig brjod na yang // shin tu ngo mtshar che bar 'di bstan te// des ni sangs rgyas thams cad mchod par 'gyur// 'di la the tsom som nyid rnam par spongs// chos kyi rgyal po ngas ni kun bstan te// byang chub dam pa 'di la yang dag gzud// 'di na ngal nyan thos gang yang med/ / shA ri'i bu khyod 'di ni gsang chen gyis// nga yi nyan thos gang 'di thams cad dang // byang chub sems dpa' gtso bo 'di dag gis// nga yi gsang chen 'di ni thub par gyis/ / ci phyir zhe na snyigs ma lnga yi tshe// sems can ngan pa gtum po 'byung bas na// byis pa'i blo can 'dod pas gdungs gyur pa// de dag nams kyang byang chub sems mi skye// theg pa gcig po 'di ni rgyal ba des/ / sngon rabs bshad pa yin zhes thos nas su// ma 'ongs dus na sems can myos gyur te// mdo sde spangs pas sems can dmyal bar 'gro// sems can gang / dag 'dzem zhing gtsang ba dang // gang dag byang chub dam pa mchog zhugs pa// de dag la ni 'jigs pa med gyi sa la// theg pa gcig gi bsngags pa mtha' yas shod// 'dren pa rnams kyis bshad pa de lta bu/ / thabs la mkhas pa dam pa mchog 'di ni// ldem por ngag rnams rab tu mang por bshad// 'di ni ma bslabs rnams kyis rig par dka'// de bas 'jig rten slob dpon sangs rgyas kyi/ / skyob pa'i ldem por ngag ni shes par gyis// the tsom chod la som nyid rnam spangs te// sangs rgyas 'gyur gyis dga' ba rab tu skyed// thabs la mkhas pa'i le'u zhes bya ba ste gnyis pa'o/ / / dam pa'i chos pad+ma dkar po bam po gsum pa// de nas tshe dang ldan pa shA ri'i bu de'i tshe/ tshim zhing mgu la/ yid rangs shing rab tu dga' ste/ dga' ba dang yid bde ba skyes nas/ bcom ldan 'das ga la ba de logs su thal mo sbyar ba btud ste/ bcom ldan 'das kyi spyan snga na/ bcom ldan 'das kho na la rab tu lta zhing / bcom ldan 'das la 'di skad ces gsol to/ / bcom ldan 'das 'di lta bu'i gsung 'di bcom ldan 'das las thos nas/ bdag ngo mtshar dang rmad du gyur te dga' ba thob bo// de ci'i slad du zhe na/ bcom ldan 'das byang chub sems dpa' gzhan dag kyang mthong / / byang chub sems dpa' rnams kyi ma 'ongs pa'i dus kyi sangs rgyas kyi mtshan ga kyang thos te/ 'di lta bu'i chos ni bcom ldan 'das las bdag gis ma thos la/ bdag de bzhin gshegs pa'i ye shes gzigs pa 'di lta bu las nyams so snyam nas shin tu mya ngan du gyur/ shin tu yongs su gdung bar gyur pa'i slad du'o/ / bcom ldan 'das bdag ri dang ri sul dang / nags khrod dang / kun dga' ra ba dang / chu 'gram dang / shing drung dben par gdugs la gnas pa'i slad du/ rtag par nam mchi ba de'i tshe yang bcom ldan 'das 'di ltar chos kyi dbyings la 'jug par mtshungs na/ bcom ldan 'das kyis bdag cag theg pa dman pas nges par bton pa snyam du gnas pa de lta bus mang du gnas te/ bcom ldan 'das de'ang bdag cag gis nongs kyi/ bcom ldan 'das kyis ma nongs so zhes de'i tshe/ bdag de snyam du sems so// de ci'i slad du zhe na/ gang 'di bcom ldan 'das kyis bla na med pa yang dag par rdzogs pa'i byang chub las brtsams te/ yang dag phul gyi chos bstan pa gsung ba bdag cag gis bsnyad na ni/ bcom ldan 'das bdag cag kyang / chos 'di nyid la nges par 'byung bar 'gyur ba zhig na/ bcom ldan 'das byang chub sems dpa' ma tshogs par bcom ldan 'das kyis ldem por dgongs te bshad pa de/ bdag cag gis ma rtogs te ring thabs su de bzhin gshegs pas chos bstan pa thog mar gsungs pa nyid thos nas/ bzung zhing bsgoms te/ bsams zhing yid la bzung bas/ bcom ldan 'das bdag nyid la bdag gis de ltar 'gyod pas mang du gdugs mtshan bas par gyur to/ / bcom ldan 'das rmad du byung ba'i chos kyi sgra sngon ma thos pa 'di lta bu/ bcom ldan 'das las thos pas/ bcom ldan 'das deng bdag gis mya ngan las 'das pa thob ste/ bcom ldan 'das deng bdag bsil bar gyur to// bcom ldan 'das deng bdag yongs su mya ngan las 'das so// bcom ldan 'das deng bdag gis dgra bcom pa thob bo/ / bcom ldan 'das deng bdag bcom ldan 'das kyi sras mthu bo/ thugs kyi sras/ zhal nas skyes pa/ ros las skyes pa/ chos kyis sprul pa/ chos kyi bgo skal la spyod pa/ chos kyi grub pa ste/ deng bdag yongs su gdung ba dang bral lo// de nas tshe dang ldan pa shA ri'i bus/ de'i tshe bcom ldan 'das la tshigs su bcad pa 'di dag gsol to// sgro 'di thos nas tshim pa rab skyes te/ / rnam 'dren chen po bdag ni ngo mtshar gyur// bdag la the tsom nam yang phyis mi 'byung // theg pa mchog 'dir ni yongs zin bgyis// bde bar gshegs pa'i gsung de ngo mtshar te/ / srog chags rnams kyi the tsom mya ngan bsal// zag pa mang pa bdag gi mya ngan kyang // gsung thos pas ni thams cad bsal bar gyur// gdugs la gnas shing phan tshun pachi ba dang / / nags tshal khrod dang kun dga' shing drung dang // ri dang ri sul gnas par gyur pa'i tshe// bsam pa 'di dag nyid ni rjes su sems// zag pa med pa'i chos su mtshungs// pa la// 'di ltar khams gsum pa yi chos kyi mchog/ ma 'ongs dus na ston par mi 'gyur ba// kye ma bdag ni sdig pa'i sems kyis bslus// mtshungs pa'i chos rnams la ni bdag rmongs pas// bdag ni sum cu rtsa gnyis mtshan las nyams// gser gyi kha dog mdog kyang rab tu stor// stobs dang rnam thar 'di dag kun nas nyams// thub pa chen po dpe byad bzang po gang // mchog rab dam pa brgyad cu tshang ba dang / / gang yang ma 'dres pa yi bco brgyad chos// de las kye ma bdag cag nyams shing bslus// 'jig rten phan pa thugs brtse khyod mthong nas// gdugs la mchis nas gcig pu gnas pa'i tshe/ / ma chags ye shes bsam gyis mi khyab las// kye ma bdag ni bslus zhes rnam par sems// de ltar mang du rnam par sems pa yis// mgon po gdugs dang mtshan yang bas par gyur/ / 'di las bdag ni nyams sam ma nyams shes// bcom ldan 'das la re zhig zhu skam bgyid// byang chub sems dpa' mang po gzhan dag la// 'jig rten 'dren pas bstod pa mthong nas su/ / rgyal ba dbang po bdag ni de sems shing // gdugs dang mtshan mo rtag tu de bzhin pas// ye shes rtag med phra zhing zag med pa// rgyal bas byang chub snying por gsungs pas na/ / de ni ldem por dgongs te gsungs pa zhes// sangs rgyas chos 'di thos nas bdag bzod do// sngon chang bdag ni lta la chags gyur pa// mu stegs can gyis bkur ba'i kun tu rgyu/ de nas mgon pos bdag gi bsam mkhyen nas// lta ba dgrol phyir mya ngan 'da' ba gsungs// lta bar gyur pa de dag kun las bkrol// bdag gis stong pa nyid kyi chos thob ste// de phyir bdag ni mya ngan 'das snyam bgyi / / mya ngan 'das zhes bgyi ba de ma lags// gang tshe sangs rgyas sems can gtsor gyur te// lha mi gnod sbyin srin pos mdun du bdar// sum cu rtsa gnyis mtshan gyi gzug ldan pa/ / de tshe ma lus mya ngan 'das pa lags// lhar bcas 'jig rten rnams kyi mdun du yang // gang tshe bdag ni byang chub mchogo lung bstan// gsung thos bdag ni de ring mya ngan 'das// 'di// ltar rlom sems kun kyang rnam par bsal// thog ma rnam par 'dren gyi gsung thos nas// sa 'dir sangs rgyas cha byad mngon sprul nas// 'di bdud rkyal ka byed pa ma yin grang // de ltar bdag ni/ bag tsha'i stobs skyes so// gang gi tshe na rgyu dang gzhi rnams dang // dpe rnam bye ba khrag khrig rnams kyis kyang // sangs rgyas byang chub mchog de gnas par bstan// de nas bdag ni chos thos/ the tsom bral// gang tshe bdag la sangs rgyas bye ba stong // mya ngan yongs 'das rgyal ba 'das pas brjod// thabs mkhas pa la rab tu gnas nas ni// de dag gis kyang chos 'di shin tu bshad// ma byon sangs rgyas mang dang 'jig rten na// don dam gzigs pa gang dag bzhugs pa rnams// thabs la mkhas pa brgya yis rang gi chos// shin tu ston par 'gyur zhi de ltar 'chang / / de ltar khyod nyid spyod pa ci 'dra ba// khab nas byung ba tshun chad rab bstan cing // chos kyi 'khor lo ci 'dra khyod kyis mkhyen// ji ltar khyod kyi chos bshad gnas pa las// de bas de ni bdud ma lags par 'tshal/ / 'jig rten mgon po yang dag spod ston pa// 'di la bdud kyi spyod yul ma mchis na// bdag nyid de ltar sems la the tsom skyes// gang tshe 'jam zhing zab mo snyan pa yi/ / sangs rgyas gsung gis bdag gi dga' ba bskyed// de na bdag gi dogs pa kun bsal gyur// bdag ni the tsom bral te ye shes gnas// lhar bcas 'jig rten dag gis mdun bdar te/ / de bzhin gshegs par bdag 'gyur the tsom bral// byang chub sems dpa' mang po kun 'dzud cing // sangs rgyas byang chub 'di yang dgongs par bshad// de skad ces gsol pa dang bcom ldan 'das kyis tshe dang ldan pa shA ri'i bu la 'di skad ces bka' stsal to/ / shA ri'i bu lha dang bcas pa'i 'jig rten 'di dag gi mdun dang / bdud du bcas tshangs par bcas/ dge sbyong dang / bram zer bcas pa'i skye dgu'i mdun du khyod mos par bya'o// khyod kyis khong du chud par bya'o// shA ri'i bu ngas khyod sangs rgyas bye ba khrag khrig brgya stong phrag nyi shu'i drung du/ bla na med pa yang dag par rdzogs pa'i byang chub tu yongs su smin par byas te/ shA ri'i bu khyod yun ring po nas nga'i rjes su slob par gyur pa yin te/ shA ri'i bu khyod byang chub sems dpa'i man ngag dang byang chub sems dpa'i gsang chen gyis/ nga'i gsungs rab 'di las skyes par gyur to// shA ri'i bu 'di ltar khyod byang chub sems dpa'i byin gyi rlabs kyi sngon gyi spyod pa dang smon lam dang / byang chub sems dpa'i man ngag dang / byang chub sems dpa'i gsang chen mi dran nas/ bdag mya ngan las 'das so snyam du sems te/ shA ri'i bu ngas khyod sngon gyi spyod pa dang / smon lam dang / ye shes khong du chud par dran par bya bar 'dod de/ dam pa'i chos pad+ma dkar po'i chos kyi rnam grangs mdo sde shin tu rgyas pa chen po byang chub sems dpa' rnams la gdams pa/ sangs rgyas thams cad kyi yongs su bzung ba 'di nyan thos rnams la yang dag par bstan to/ / shA ri'i bu khyod 'di ltar ma 'ongs pa'i dus na/ bskal pa dpag yas bsam gyi mi khyab pa dpag tu med par de bzhin gshegs pa bye ba khrag khrig brgya stong mang po'i chos bzung zhing mchod pa rnam pa sna tshogs byas te/ byang chub sems dpa'i spyod pa 'di dag yongs su rdzogs par byas nas/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das pad+ma'i 'od ces bya bar 'jig rten du 'byung bar 'gyur ro// shA ri'i bu de'i tshe na/ bcom ldan 'das de bzhin gshegs pa pad+ma'i 'od de'i sangs rgyas kyi zhing rdul med pa zhes bya bar 'gyur te/ mnyam pa/ nyams dga' ba/ bzang ba/ sdug pa/ yongs su dag pa/ 'byor pa/ rgyas pa bde ba lo legs pa/ mi dang lha mang pos rab tu gang ba/ gzhi bai DUR+Ya la la gser gyi skud pa mig mangs ris su bres pa/ mig mangs de kun tu rin po che'i shing skyes te/ rtag par rgyun du rin po sna bdun gyi me tog dang 'bras bu dang ldan par 'gyur ro/ / shA ri'i bu de bzhin gshegs pa dgra bcom pa yang dag par rdzogs pa'i sangs rgyas pad+ma'i 'od de yang theg pa gsum las brtsams nas chos ston te/ gzhan yang shA ri'i bu de bzhin gshegs pa de bskal pa'i snyigs ma la mi 'byung mod kyi/ 'on kyang sngon gyi smon lam gyi dbang gis chos ston par 'gyur ro// shA ri'i bu bskal pa de'i ming yang rin po che chen pos brgyan pa zhes bya bar 'gyur ro/ / shA ri'i bu de ji snyam du sems/ ci'i phyir bskal pa de rin po che chen pos brgyan pa zhes bya zhe na/ shA ri'i bu sangs rgyas kyi zhing de na byang chub sems dpa' rnams ni rin po chechen po na bya ste/ de'i dus de'i tshe 'jig rten gyi khams rdul med pa der/ de dag dpag tu med pa/ bgrang du med pa/ bsam gyis mi khyab/ bgrang ba las 'das pa mang po 'byung ste/ de bzhin gshegs pas bgrang ba ni ma gtogs so// de'i phyir bskal pa de rin po che chen pos brgyan pa zhes bya'o// shA ri'i bu 'di ltar yang de'i tshe/ byang chub sems dpa' rnams sangs rgyas kyi zhing de na/ phal cher rin po che'i pad+ma'i steng nas gom pa 'dor zhing 'gro bar 'gyur te/ byang chub sems dpa' 'byung ba de dag ni las dang po ma yin te/ dge ba'i rtsa ba yun ring po nas spyad pa/ lo brgya stong mang por tshangs par spyod pa spyad pa de bzhin gshegs pas yongs su bstod pa/ sangs rgyas kyi ye shes la brtson pa mngon par shes pa chen po yongs su sbyangs pa las skyes dang / chos kyi tshul thams cad las mkhas pa/ mnyen pa/ dran pa dang ldan pa yin te/ shA ri'i bu phal cher ni byang chub sems dpa' de lta bus sangs rgyas kyi zhing de yongs su gong bar 'gyur ro/ / shA ri'i bu 'di ltar yang de bzhin gshegs pa pad+ma'i 'od de'i tshe'i tshad ni gzhon nur gyur pa ma gtogs par bar gyi bskal pa bcu gnyi su 'gyur ro/ / sems can de dag gi tshe'i tshad ni bar gyi bskal pa brgyad du 'gyur ro// shA ri'i bu de bzhin gshegs pa pad+ma'i 'od de/ bar gyi bskal pa bcu gnyis 'das pa dang / dge slong dag byang chub sems dpa' sems dpa' chen po mos pa rdzogs pa 'di nga'i 'og tu bla na med pa yang dag par rdzogs pa'i byang chub mngon par rdzogs par 'tshang rgya/ / de bzhin gshegs pa dgra bcom pa yang dag par rdzogs pa'i sangs rgyas rigs pa dang nabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das pad+ma'i khyu mchog rnam par gnon pa zhes bya bar 'jig rten du 'byung ngo zhes/ byang chub sems dpa'o sems dpa' chen po mos pa rdzogs pa zhes bya ba bla na med pa yang dag par rdzogs pa'i byang chub tu lung bstan nas/ yongs su mya ngan las 'da' bar 'gyur ro// shA ri'i bu de bzhin gshegs pa pad+ma'i khyu mchog rnam par gnon pa de'i sangs rgyas kyi zhing yang rnam pa de 'dra bar 'gyur ro/ / yang shA ri'i bu de bzhin gshegs pa pad+ma'i 'od de yongs su mya ngan las 'das nas bar gyi bskal pa sum cu rtsa gnyis su dam pa'i chos gnas par 'gyur ro/ / bar gyi bskal pa sum cu rtsa gnyis su dam pa'i chos kyi gzugs brnyan gnas par 'gyur ro// de nas bcom ldan 'das kyis/ de'i tshe tshigs su bcad pa 'di dag paka' stsal to/ / ma 'ongs dus na shA ri'i bu khyod kyang // rgyal ba de bzhin gshegs pa 'byung 'gyur te// pad+ma'i 'od ces bya ba kun tu spyan// srog chags bye ba stong dag rnam par 'dul/ / sangs rgyas bye ba mngal bkur stir byas// der ni spyod pa stobs rnams rab bsgrubs nas// stobs bcu dag kyang mngon par bskyed byas te// byang chub dam pa mchog kyang thob par 'gyur/ / tshad med bsam gyis mi khyab bskal pa na// de tshe bskal pa rin chen mang po 'byung // 'jig rten ming yang de tshe rdul med pa// rkang gnyis gtso bo'i zhing ni rnam par dag/ bai DUR+Ya l+li de bzhin sa gzhi g.yogs/ / gser gyi bkud pas so sor rab tu brgyan// me tog 'bras bus brgyan cing blta sdug pa'i// rin chen shing ljon brgya dang rab tu ldan// dran ldan byang chub sems dpa' de na mang / / spyod pa mngon par bsgrub la rab mkhas shing // gang gis sangs rgyas brgya las spyod bslabs pa// de dag sangs rgyas zhing der skye bar 'gyur// rgyal ba de yi tha ma'i lus kyi tshe/ / gzhon nu'i sa las shin tu 'das gyur nas// 'dod pa rnam par spangs nas mngon byung ste// byang chub dam pa mchog kyang thob par 'gyur// de na rgyal ba de yi tshe tshad ni// bar gyi bskal pa bcu gnyis tshangs par 'gyur/ / de na mi de dag gi tshe tshad ni// bar gyi bskal pa brgyad du thub par gyur// rgyal ba de ni mya ngan 'das nas kyang // bar gyi bskal pa sum cu gnyis tshang bar// lhar bcas 'jig rten rnams la phan pa'i phyir/ / de yi tshe na dam pa'i chos gnas so// dam pa'i chos nub de yi gzugs brnyan yang // bar gyi bskal pa sum cu rtsa gnyis gnas// skyob pa de yi sku gdung rgyas 'gyur te/ / lha dang mi yis rtag tu rim gro bya// bcom ldan 'das de de ltar 'byung 'gyur gyis// shA ri'i bu khyod rab tu dag par gyis// zil gyis mi non rkang gnyis gtso bo ste// de ltar 'gyur ba de ni khyod nyid yin de nas dge slong dang / dge slong ma dang / dge bsnyen dang / dge bsnyen ma dang 'khor bzhi po de dag dang / lha dang klu dang / gnod sbyin dang / dri za dang / lha ma yin dang / na mkha' lding dang / mi 'am ci dang / lto 'phye chen po dang / mi dang mi ma yin pa rnams/ tshe dang ldan pa shA ri'i bu bla na med pa yang dag par rdzogs pa'i byang chub tu lung bstan pa 'di/ bcom ldan 'das las mngon gsum du thos nas/ tshim zhing mgu la yid rangs te/ rab tu dga' nas/ dga' ba dang / yid bde ba skyes te/ rang rang gi gos bcom ldan 'das kyi sku la gsol to/ / lha'i dbang po brgya byin dang / mi mjed kyi bdag po tshangs pa dang / lha'i bu gzhan bye ba brgya stong dag gi kyang bcom ldan 'das kyi sku la lha'i na bza dag gsol/ lha'i me tog ma nA ra ba dang / man+dA ra chen po dag kyang mngon par gtor/ steng gi bar snang la lha'i gos dag kyang bskod/ lha'i sil snyan brgya stong dang / rnga dag kyang steng gi bar snang la brdungs te/ me tog gi char chen po yang mngon par phab nas/ tshig 'di skad du/ bcom ldan 'das kyis sngon yul wa ra Na ser drang srong lhung ba ri dgas kyi nags su chos kyi 'khor lo bskor te/ deng 'dir yang bcom ldan 'das kyis bla na med pa'i chos kyi 'khor lo bskor to zhes smras nas lha'i bu de rnams kyis de'i tshe tshigs su bcad pa 'di dag gsol to// wA ra Na ser 'jig rten na/ / mtshungs med gang zag dpa' chen gyis// phung po'i skye 'jig ston pa yi// chos kyi 'khor lo rab bskor te// der ni thog mar rab tu bskor// 'dren pas 'dir dang lan gnyis te// yid ches dka' ba gang lags de/ / rnam 'dren khyod kyis de bshad do// 'jig rten mgon po'i spyan sngar ni/ bdag cag chos mang thos na yang // 'di 'dra ba yi chos 'di ni// sngan chad nam yang mthos so/ / drang srong chen po'i ldem ngag la// dpa' bo bdag cag rjes yi rang // ji ltar 'jigs med shA ri'i bu// 'phags pa 'di la lung bstan bzhin// de 'drar bdag cag 'jig rten du/ / bla med sangs rgyas grub gyur nas// dgongs te bshad pa sangs rgyas kyi// byang chub bla med ston par shog/ 'jig rten 'di dang gzhan dag tu// rdzogs pa'i sangs rgyas mnyes bgyis te/ / bdag cag dge ba ci bgyis pa// byang chub tu yang smon par shog/ de nas bcom ldan 'das la tshe dang ldan pa shA ri'i bus 'di skad ces gsol to// bcom ldan 'das pa dag bla na med pa yang dag par rdzogs pa'i byang chub tu lung bstan pa/ bcom ldan 'das las mngon sum du thos nas/ bcom ldan 'das bdag the tsom ma mchis par gyur/ som nyid dang bral bar gyur to// bcom ldan 'das gang dag dang dang ldan par gyur pa stong nyis brgya po sngon bcom ldan 'das kyis slob pa'i sa la bkod de/ dge slong dag gang 'di skye ba dang / rga ba dang / na ba dang / 'chi ba las yang dag par 'da' ba yongs su mya ngan las 'das pa'i mthar thug pa/ mya ngan las 'das pa la yang dag par gzhol ba de ni/ nga'i rlos 'dul ba'i mthar thug pa yin no zhes de skad gtams shing de skad rjes su bstan pa 'di dag dang / bcom ldan 'das slob pa dang / mi slob pa'i dge slong dag tu lta ba dang / 'byung bar lta ba dang 'jig par lta ba'i lta ba thams cad rnam par spangs te/ bcom ldan 'das kyi nyan thos nyis stong po 'di dag thams cad kyang bdag mya ngan 'das pa'i sa la gnas so snyam bgyid de 'di dag sngon ma thos pa'i chos 'di lta bu 'di bcom ldan 'das las thos nas/ the tsom 'tshal bar gyur na/ bcom ldan 'das ci nas 'khor bzhi po 'di dag the tsom ma mchis/ som nyi ma mchis par gnas par 'gyur bar dge slong 'di dag gi dogs pa gsal ba'i slad du/ bcom ldan 'das kyis legs par bka' stsal du gsol/ de skad ces gsol pa dang / bcom ldan 'das kyi tshe dang ldan pa shA ri'i bu la 'di skad ces bka' stsal to/ / shA ri'i bu sems can mos pa tha dad pa dang / bsam pa dang / khams tha dad pa rnams kyi bsam pa mkhyen nas/ de bzhin gshegs pa dgra bcom pa yang dag par rdzogs pa'i sangs rgyas 'di ltar sna tshogs mngon par bsgrub pa dang / rgyu dang gzhi dang dpe dang dmigs pa dang / nges pa'i tshig dang / thabs mkhas pa rnam pa / sna tshogs kyis chos ston to// bla na med pa yang dag par rdzogs pa'i byang chub 'di las brtsams te/ chos bstan pa thams cad kyis byang chub sems dpa'i theg pa 'di nyid la yang dag par 'dzud do/ zhes ngas khyod la bstan zin pa ma yin nam/ shA ri'i bu 'on kyang don de rgyas par bstan pa'i phyir/ khyod la dpe bstan par bya'o// de ci'i phyir zhe na/ skyes bu mkhas pa la la ni smras pa'i don dpes shes par 'gyur ba'i phyir ro/ / shA ri'i bu 'di lta ste dper na/ grong ngam/ grong khyer ram/ ljongs sam/ grong rdal lam/ yul 'khor rom/ rgyal po'i pho brang 'khor la la zhig na// khyim bdag rgan po 'khogs pa/ gtugs pa/ dus yol ba dgog tu phyin pa/ phyug pa nor che ba/ longs spyod che ba zhig 'dug la/ de'i khang pa yang mtho zhing yang la/ brtsigs nas ring du lon pa/ 'drums pa/ srog chags brgya phrag gcig ga ma/ gnyis sam/ gsum mam/ bzhi 'am/ lnga'i gnas sgo gcig pa zhig yod de/ rtsas g.yogs pa/ khyams rnams kyang 'drums pa/ ka ba'i rtsa ba rul ba/ rtsig pa dang / sgo'i skyang nul gogs par gyur pa'i khang pa de la glo bur du me'i phung po chen po ngos thams cad kun nas rab tu 'bar bar gyur la/ skyes bu de la yang khye'u lnga 'am/ bcu 'am/ nyi shu 'am/ mang zhig yod de/ skyes bu de ni khang pa de nas byung bar gyur la/ shA ri'i bu de nas skyes bu des bdag gi khang pa la me'i phung po chen po kun nas 'bar bar mthong ste/ sngangs skrag nas sems mi dga' bar gyur te/ 'di ltar bdag ni me'i phung po chen po 'dis ma reg ma tshig cing bde bar myur du khyim 'bar ba 'di'i sgor byung ste 'gro nus mod kyi/ bdag gi bu byis pa gzhon nu 'di dag khyim 'bar ba 'di na rtse mo dag gis rtse dga' zhing dga' dgur spyod de/ khyim 'di tshig par mtshor mi shes ma rig ma rtogs nas/ 'di ltar me'i phung po chen pos shin tu gdungs te/ sdug bsngal gyi phung po chen pos reg kyang mi dag ra mi byed de/ sdug bsngal du yang yid la mi 'dzin/ phyir 'byung bar yang yid la bya ba mi skyed do snyam du sems so/ / shA ri'i bu skyes bu de yang stobs dang ldan zhing lag stobs che ba yin te/ de 'di ltar bdag stobs dang ldan zhing lag stobs yod na/ bdag gis khye'u 'di dag thams cad gcig tu sdus la phang par blang ste khyer la khyim 'di nas dbyung ngo snyam du bsams pa dang / des yang 'di snyam du bsams te/ khang pa 'di na sgo gcig pu yod pa sgo de yang dog/ gzhon nu 'di dag ni g.yo zhing rgod de/ byis par gyur pas gtan par gyur du 'ong ste/ de dag me'i phung po chen po 'dis tshul ma yin par nyon mongs par 'gyur gyis/ 'di ngadag la sbran to snyam du de ltar bsams nas/ gzhon nu de dag la smras pa/ khyim 'di la me'i phung po chen po 'bar te/ 'dir thams cad me'i phung po chen po 'dis tshogs nas tshul ma yin par nyon mongs par gyur du 'ongs kyis gzhon nu khyed tshur gshegs/ phyir byung zhes byas pa dang / de ltar phan par 'dod pa'i skyes bu des de skad bsgo ba/ gzhon nu de dag gis me 'bar ba de lta go ci zhig ces mi shes nas/ mi dgar mi byed/ mi 'jigs mi skrag/ 'jigs par ma gyur te/ mi sems phyir 'byung du mi 'drungs shing ma rig mi shes te/ gzhan du na de dang de dag tu 'phyan cing phyi phyir rgyug ste/ ba de la lta'o// de ci'i phyir zhe na/ de dge 'di ltar byis par gyur pa'i phyir ro// de nas yang skyes bu de 'di snyam du sems te/ khyim 'di la me'i phung po chen po 'bar te/ 'dir bdag dang gzhon nu 'di dag tshul ma yin par me'i phung po chen po 'dis skyon mongs par 'gyur du 'ong gis/ 'di ltar bdag gis thabs mkhas pas gzhon nu 'di dag khyim 'di nas gdon to snyam nas/ skyes bu des gzhon nu de dag gi bsam pa shes/ mos pa rig par gyur te/ gzhon nu de dag brtsed pa ni du ma ste/ rnam pa tha dad pa yang du ma zhig yin la/ dga' bar 'gyur ba 'dod pa dang / mdzes pa dang / sdug pa dang / yid du 'ong ba rnam pa du ma yin na/ de dag kyang dkon par gyur te/ de nas skyes bu des gzhon du de dag gis bsam pa shes pas 'di skad ces smras te/ gzhon nu dag khyed kyi rtsed mo bya ba dga' bar 'gyur ba ngo mtshar rmad du byung ba gang ma rnyed pa'i phyir mi dga' bar gyur pa de dag kha dog sna tshogs rnam pa mang kho 'di lta ste/ glang gi shing rta dang / ra'i shing rta dang / ri dgas kyi shing rta khyed kyis ji ltar sems pa dang / mdzes pa dang / sdug pa dang / yid du 'ong ba de dag thams cad khyed rtser gzhug pa'i phyir/ ngas khang pa'i phyi sgor bkod kyis/ khang pa 'di nas khyed phyir byung la/ rgyug ste shegs shig dang / ngas khyed cag su ci 'dod pa de la de sbyin gyis da ngag gi phyir myur du rgyugs te/ sheg shig ces byas pa dang / gzhon nu de dag 'dod pa dang / mdzes pa dang / sdug pa dang / yid du 'ong ba ji lta bur 'dod pa dang ji lta bur bsams pa rnams kyi ming thos nas/ 'bar bar gyur pa'i khang pa de nas rtsed mo ra ba pa dang / dga' bar bya ba'i phyir/ myur ba kho nar brtson 'gras brtsams nas/ mthu dang ldan pa'i dbang gis gcig la gcig sdod pa med par su snga de bas kyang su snga zhes lus gcig la gcig bangos shing rgyugs te/ khyim 'bar pa de nas myur du phyir thon to// de nas skyes bu des byis pa de dag bde zhing legs par 'thon pa mthong nas/ 'jigs pa med par gyur par rig ste/ grong gi dpongs bla gab med par 'dug nas/ dga' ba dang rangs pa skyes te/ mya ngan med cing sgrib pa dang bral nas/ 'jigs pa med pa thob par gyur te/ de nas byis pa de dag pha de ga la 'dug pa der dong nas phyin pa dang / 'di skad du yab rtse mor bgyi bo rnam pa mang po dga' bar 'gyur pa de dag 'di lta ste/ glang gi shing rta dang / ra'i shing rta dang / ri dgas kyi shing rta bdag cag la stsal du gsol zhes smras pa dang / shA ri'i bu de nas skyes bu des bdag gi/ bu rnams la rlung ltar mgyogs shing mthu dang ldan pa'i glang gi shing rta byin te/ rin po che sna bdun las byas pa/ logs dang ldan pa dril bu g.yer ka'i dra ba rab tu sbyangs pa/ mtho zhing brtan pa/ rin po che ngo mtshar rmad du byung ba'i rgyan gyis brgyan pa/ rin po che phreng bas mdzes par byas pa/ me tog gi phreng bas mdzes par brgyan pa/ shing bal gyi stan bting ba/ ras bcos bu du ma dang / dar gyis g.yogs pa/ rgyab rten dmar po gnyis su bzhag pa/ glang dkar po thal dkar shin tu mgyogs pa dag dang bcas nas ba dan dang ldan pa skyes bu mang pos bzung ba/ glang stob dang ldan zhing rlung bzhin du mgyogs pa/ kha dog mthun pa rnam pa sna tshogs pa'i glang gi shing rta byis pa rnams la re re byin no// shA ri'i bu de ci'i phyir zhe na/ mi de de ltar phyug la nor che ba bang mdzod mang bas des 'di snyam du sems te/ bdag gis byis pa 'di rnams bzhon pa ngan pa byin te/ bdag la ci zhig bya snyam mo// de ci'i phyir zhe na/ gzhon nu 'di dag kun kyang bdag nyid kyi bu ste/ thams cad kyang bdag la sdug cing yid du 'ong la/ bdag la yang bzhon pa chen po 'di lta bu 'di dag yod na/ bdag gis gzhon nu 'di dag thams cad la snyoms par bsam gyi/ mi snyoms par mi bya'o// bdag kyang bang mdzod mang gis/ bdag gis sems can thams cad la yang bzhon pa chen po 'di 'dra ba sbyin na/ bdag gi bu rnams la lta ci smos snyam pa'i phyir ro// de'i tshe gzhon nu de dag kyang bzhon pa chen po de dag la zhon nas/ ngo mtshar dang rmad du byung ba thob par gyur na/ shA ri'i bu 'di ji snyam du sems skyes bu des gzhon nu de dag la 'di ltar sngon du bzhon pa rnam gsum bstan la/ phyis thams cad kyang bzhon pa chen po byin te/ bzhon pa rlabs po che byin na/ brdzun du smras par mi 'gyur ram shA ri'i bus gsol pa/ bcom ldan 'das de lta ma lags so// bde bar gshegs pa de lta ma lags so// skyes bu des 'di ltar thabs mkhas pas/ byis pa de rnams khyim 'bar ba de nas phyung ste/ srog stsal ba'i slad du'o// de nyid kyi rgyus skyes bu de sho ba mchi ba ma lags so// de ci'i slad du zhe na/ bcom ldan 'das bdag gi lus thob pa nyid kyis/ rtsed mor bgyi ba thams cad kyang thob pa lags te/ 'di ltar bcom ldan 'das skyes bu des gzhon nu de dag la shing rta gcig ma stsal du lags kyang / bcom ldan 'das skyes bu de sho be bar mchi bar mi 'gyur ro/ / de ci'i slad du zhe na/ bcom ldan 'das skyes bu des thog ma nas thabs mkhas pas/ gzhon nu de dag bdag gis sdug bsngal gyi phung po chen po las thar par bgyi'o snyam du bsams pa'i slad du ste/ rnam grangs 'dis kyang skyes bu de sho ba mchi ba ma lags na/ skyes bu de bdag la bang mdzod mang po yang mchis la/ bu yang sdug par bsams nas/ legs su 'dod pas spu dog mthun pa'i bzhon pa bzhon pa chen po stsal ba lta smos kyang ci 'tshal te/ bcom ldan 'das skyes bu de sho be mchi ba ma lags so// de skad ces gsol pa dang / bcom ldan 'das kyis/ tshe dang ldan pa shA ri'i bu la 'di skad ces bka' stsal to// shA ri'i bu leg so so legs so// de de bzhin te/ ji skad smras pa bzhin no// / shA ri'i bu de bzhin du de bzhin gshegs pa dgra bcom pa yang dag par rdzogs pa'i sangs rgyas 'jigs pa thams cad bsal ba/ 'tshe ba dang / 'khrug pa dang / gnod pa dang / sdug bsdel ba dang / yid mi bde ba dang / ma rig pa'i mun pa mun nag gi rab rib sgrib pa dang / yongs su dkris pa thams cad las yong ye rnam par grol ba de bzhin gshegs pa'i ye shA dang / stobs dang / mi 'jigs pa dang / sangs rgyas kyi chos ma 'dres pa dang ldan pa/ rdzu 'phrul gyi stobs kyis shin tu stobs dang ldan pa/ 'jig rten gyi pha thabs chen po la mkhas pa'i ye shes dam pa'i pha rol tu son pa/ snying rje chen po mi skyo ba'i yid kyis phan par 'dod pa/ snying brtse ba dang ldan pa ste/ de khams gsum gyi sdug bsngal gyi phung po chen po 'bar ba gdung phyam dang steng gi g.yogs ma zhig pa'i khang pa dang 'dra bar sems can skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dang / ma rig pa'i mun pa mun nag gi rab rib sgrib pa dang / yongs su dkris par zhugs pa rnams 'dod chags dang / zhe sdang dang / gti mug las yongs su grol bar bya ba dang / bla na med pa yang dag par rdzogs pa'i byang chub tu gzud pa'i phyir 'byung ste/ de byung ma thag tu sems can rnams skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pas bsreg pa dang gtso bo dang / gdung ba dang / yongs su gdung ba dang / longs spyod kyi phyir 'dod pa'i rgyu'i gzhis sdug bsngal rnam pa mang po rab tu myong ba dang / da ltar gyi tshe la tshol ba dang / yongs su bsags pa'i phyir/ tshe phyi ma la sems can dmyal ba dang / drod 'gro'i skye ga ga / gshin rje'i 'jig rten du / sdug bsngal rnam pa mang po rab tu myong ba dang / lha mi dbul po dang / mi sdug pa dang phrad pa dang / sdug pa dang bral ba'i sdug bsngal rab tu myong ba de nyid du sdug bsngal gyi phung por 'khor zhing rtse dga' dgur spyod de/ mi skrag mi dngang / dngang bar mi 'gyur/ ma rig mtshor skyo bar mi byed/ 'byung ba mi tshol bar khang pa 'bar dang 'dra ba'i khams gsum der mngon par dga' nas de dang de dag tu rgyug ste/ sdug bsngal gyi phung po chen po de lta bus gzir kyang / sdug bsngal du 'du shes pa yid la bya ba mi skyed par gzigs so// shA ri'i bu de la nga ni sems can 'di dag gi pha ste/ ngas sems can 'di dag sdug bsngal gyi phung po chen po 'di lta bu 'di las yongs su thar bar bya zhing ngas gang gis sems can 'di dag rtse ba dang / dga' ba dang / dga' dgur spyod pa dang / rnam par rtse bar byed par 'gyur ba sangs rgyas kyi ye shes bde ba dpag tu med cing bsam gyis mi khyab pa/ sems can 'di dag la sbyin pa bya bar de bzhin gshegs pa de ltar gzigs so/ / shA ri'i bu de la nga ni ye shes kyi stobs dang ldan zhing rdzu 'phrul gyi stobs dang ldan zhes gal te thabs ma yin pas sems can 'di dag la/ de bzhin gshegs pa'i ye shes gzigs pa dang / stobs dang / mi 'jigs pa rnams thob par byas su zin na/ sems can de dag chos de dag gis nges par 'byung bar mi 'gyur te/ de ci'i phyir zhe na/ sems can 'di dag ni 'dod pa'i yon tan lnga po dag la shin tu chags pa/ sems can 'di dag ni khams gsum gyi dga' ba la shin tu chags pa/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa las mthar pa/ bsreg/ btso/ gdung / yongs su gdung pa/ steng g.yogs dang / gdung phyam 'bar ba'i khyim dang 'dra ba'i khams gsum nas ma byung ba ste/ de dag gis sangs rgyas kyi ye shes la ji ltar longs spyod par 'gyur zhes de bzhin gshegs pa de ltar gzigs so/ / de la shA ri'i bu 'di ltar skyes bu lag stobs can des/ lag stobs bzhag ste/ thabs mkhas pas gzhon nu de dag khyim 'bor ba de nas bton te/ bton nas de dag phyis rlabs che ba'i bzhon pa chen po byin pa de bzhin du/ shA ri'i bu de bzhin gshegs pa dgra bcom pa yang dag par rdzogs pa'i sangs rgyas de bzhin gshegs pa'i ye shes dang / stobs dang mi 'jigs pa dang ldan pa yang de bzhin gshegs pa'i ye shes dang / stobs dang / mi 'jigs pa bzhag ste/ thabs mkhas pa'i ye shes kyis gdung phya ma dang steng g.yogs 'bar ba'i khyim dang 'dra ba'i khams gsum nas sems can rnams gdon pa'i phyir/ theg pa gsum ston pa 'di lta ste/ nyan thos kyi theg pa dang / rang sangs rgyas kyi theg pa dang / byang chub sems dpa'i theg pa ste/ theg pa gsum gyis sems can rnams drongs te/ de dag la 'di skad ces gsungs te/ khyed cag khyim 'bar ba dang 'dra ba'i khams gsum gyi gzugs dang / sgra dang / dri dang ro dang / reg bya ngan pa la dga' bar ma byed cig/ khyed cag khams gsum 'dir mngon par dga' bos/ 'dod pa lnga'i yon tan bcas pa'i sred pas/ btsa/ bsreg/ gdung / yongs su gdung bar 'gyur gyis/ khams gsum 'di nas byung la 'di lta ste/ nyan thos kyi theg pa dang / rang sangs rgyas kyi theg pa dang / byang chub sems dpa'i theg pa ste/ theg pa gsum po dag thob par gyis shig/ nga ni gnas 'di la khyed kyi snying sdeng ba ste/ ngas khyed la theg pa 'di gsum sbyin gyis khams gsum las 'byung ba'i phyir brtson par gyis shig/ kye sems can dag theg pa 'di dag ni/ gang 'phags pa rnams la 'phags pa rnams kyis rab tu bstod pa/ dga' ba chen po dang ldan pa yin te/ khyed cag mi phongs par rtsen cing dga' la dga' dgur spyod par 'gyur gyis/ dbang po dang / stobs dang / byang chub kyi yan lag dang / bsam gtan dang / rnam par thar pa dang / ting nge 'dzin dang / snyoms par 'jug pas dga' ba chen po rab tu myong bar 'gyur ro/ / bde ba dang / yid bde ba chen po dang yang ldan par 'gyur ro zhes gsung ngo // shA ri'i bu de la sems can gang mkhas par gyur pa de dag ni de bzhin gshegs pa 'jig rten gyi pha la mngon par yid ches par 'gyur ro/ / mngon par yid ches nas kyang de bzhin gshegs pa'i bstan pa la brtson par byed do// de la sems can kha cig gzhan gyi sgra thos pa'i rjes su 'gro bar 'dod pa dag ni/ bdag yongs su mya ngan las 'da' ba dang / 'phags pa'i bden pa bzhi khong du chud par bya ba'i phyir/ de bzhin gshegs pa'i bstan pa la brtson par byed de/ de dag ni nyan thos kyi theg pa 'dod cing khams gsum nas 'byung ba zhes bya ste/ dper na/ khyim 'bar ba de nas byis pa kha cig ri dgas kyi shing rta 'dod de phyir 'byung ba lta bu'o/ / sems can gzhan yang slob dpon med pa'i ye shes dang / dul bar gnas pa dang / zhi gnas 'dod pa de dag ni bdag yongs su mya ngan las bzla ba dang / rgyu dang rkyen yongs su khong du chud par bya ba'i phyir/ de bzhin gshegs pa'i bstan pa la brtson par byed de/ de dag ni rang sangs rgyas kyi theg pa 'dod cing khams gsum nas 'byung ba zhes bya ste/ dper na/ khyim 'bar ba de nas byis pa kha cig ri'i shing rta 'dod de byung ba lta bu'o// yang sems can kha gcig thams cad mkhyen pa'i ye shes/ sangs rgyas kyi ye shes/ rang byung gi ye shes/ slob dpon med pa'i ye shes 'dod pa dag ni skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi dang / skye bo phal po che'i don dang / phan pa dang / bde ba dang / sems can thams cad yongs su mya ngan las bzla ba dang / de bzhin gshegs pa'i ye shes dang / stobs dang / mi 'jigs pa khong du chud par bya ba'i phyir/ de bzhin gshegs pa'i bstan pa la brtson par byed de/ de dag ni theg pa chen po 'dod cing khams gsum nas 'byung ba zhes bya'o// de'i phyir byang chub sems dpa' sems dpa' chen po zhes bya ste/ dper na/ khyim 'bar ba de nas byis pa kha cig glang gi shing rta 'dod de phyir byung ba lta bu'o// shA ri'i bu 'di lta ste dper na/ mi des khyim 'bar ba de nas gzhon nu de dag 'thon par mthong nas/ bde/ zhing legs par thar te/ 'jigs pa med par rigs la/ bdag kyang nor mang bar shes nas/ byis pa de dag la bzhon pa rlabs po che gcig byin pa de bzhin du/ shA ri'i bu de bzhin gshegs pa dgra bcom pa yang dag par rdzogs pa'i sangs rgyas kyang / sems can bye ba du ma sdug bsngal dang / 'jigs pa dang / bag tsha ba dang / gtse bas yongs su gang ba'i khams gsum nas yongs su thar te/ de bzhin gshegs pa'i bstan pa'i sgo nas byung nas/ 'jigs pa dang / bag tsha ba dang / gtse ba'i dgon pa dag las yongs su thar te/ mya ngan las 'das pa'i bde ba thob par gzigs nas/ shA ri'i bu de dag la de'i tshe/ de bzhin gshegs pa dgra bcom pa yang dag par rdzogs pa'i sangs rgyas bdag la ye shes dang / stobs dang / mi 'jigs pa'i mdzod mang bar mkhyen te/ de dag thams cad kyang bdag nyid kyi bu yin par thugs su chud nas/ sems can de dag thams cad kyang sangs rgyas kyi theg pa nyid kyis yongs su mya ngan las 'da' bar mdzad kyi/ sems can gang la yang so so bdag gi mya ngan las 'das pa mi gsung ste/ sems can de dag thams cad kyang de bzhin gshegs pa'i mya ngan las 'da' bar mya ngan las 'da' ba chen pos yongs su mya ngan las 'da' bar mdzad do/ / shA ri'i bu sems can gang dag khams gsum nas thar bar gyur pa de dag la yang de bzhin gshegs pa bsam gtan dang / rnam par thar pa dang / ting nge 'dzin dang / snyoms par 'jug pa dang 'phags pa'i bden pa'i mchog dang rtsen pa dga' bar 'gyur ba thams cad kha dog gcig pa sbyin/ par mdzad do// shA ri'i bu 'di lta ste dper na/ skyes bu des 'di ltar gzhon nu de dag la bzhon pa rnam gsum bstan nas/ de dag thams cad la bzhon pa chen po gcig byin te/ rin po che sna bdun laso byas pa/ rgyan thams cad kyis brgyan pa/ kha dog gcig pa/ bzhon pa brlabs po che/ bzhon pa'i mchog thams cad la byin pa'i phyir/ brdzun du smra ba ma yin pa de bzhin du/ shA ri'i bu de bzhin gshegs pa dgra bcom pa yang dag par rdzogs pa'i sangs rgyas kyang 'di ltar tha bra la mkhas pas dang po theg pa gsum bston nas/ phyis theg pa chen po nyid kyis sems can rnams yongs su mya ngan las 'da' bar mdzad pa'i phyir/ brdzun du smra ba ma yin no// de ci'i phyir zhe na/ shA ri'i bu de bzhin gshegs pa ni ye shes dang / stobs dang / mi 'jigs pa'i bang mdzod mang po dang ldan te/ sems can kun la thams cad mkhyen pa'i ye shes dang ldan pa'i chos ston pa'i mthu mnga' ba'i phyir ro// shA ri'i bu 'di ltar thabs mkhas pa sna tshogs dang / ye shes mngon par sgrub pas de bzhin gshegs pa theg pa gcig pu ston par rnam grangs 'dis kyang de lta bur rig par bya'o/ / de nas bcom ldan 'das kyis de'i tshe tshigs su bcad pa 'di dag bka' stsal to/ / ji ltar skyes bu zhig gi khyim yod pa// che la rab tu 'drums te zhig la thug/ de bzhin khyams rnams zhig par gyur pa ste// ka ba'i rtsa ba dag kyang rul bar gyur// pu shu dang ni skar khung phyogs rer bral/ / rtsig pa ril lde kyang nul rnams kyang gogs// stegs bu dag kyang rnyings nas 'drums shing zhig/ rtse yis g.yogs pa kun kyang 'dral zhing 'dzag/ brgya phrag lnga dag las ni mi nyung ba/ / de na de dag gi yang gnas su gyur// khang phran shin tu dog pa mang po dag/ sme bas rab tu gang zhing smad par gyur// de na phya ma rnams dgu po thams cad 'drum// rab rtsig pa dag kyang de bzhin zhig/ bya rgod bye ba dag ni de na gnas// de bzhin phug ron 'ug pa bya gzhan dang // mi bzang gdug pa'i sbrul rnams de na yod// dug chen drag po rnams kyang phyogs phyogs na/ / sdig pa dang ni byi ba sna tshogs dang // shin tu gtum pa'i srog chags rnams mang gnas// mi ma yin pa'ang gnas dang gnas dag na// bshang gci dag gis rab tu sme bar byas// srin bu me khyer grog ma sbur bus gang // khyi rnams dang ni wa dag nga ro 'don// lce spyang mi bzad khro bo de na 'khod// mi ro rnams la 'dren cing rab tu za// de yi the rol sdod cing lta ba yang // 3 dang khyi dag de na du ma 'khod/ / de dag nyam chung rtag tu bkres pas nyen// gnas dang gnas na rnam par 'cha' zhing za// 'thab mo byed de sgra yang rab tu 'byin// rnam pa de 'drar khyim de shin tu 'jigs/ / mi yi ro dag la yang rnam 'dren cing // shin tu drag sems gnod sbyin de na 'khod// sbrul dang rkang brgya pa dang gcan gzan rnams// de yi gnas dang gnas na rab tu 'khod/ / de dag phyogs dang phyogs su tshangs bcas te// phru gu rnams kyang klog cing 'jog par byed// de dag gis ni bzhag cing bkod pa la// gnod sbyin dag kyang de la phal cher za// rab tu gtum sems sems can gzhan zos pas/ / ci tsam gnod sbyin de dag 'drangs gyur te// sems can gzhan gyi sha yis lus rgyas nas// de tshe de na rab tu 'thab mo byed// mi bzang gtum sems khro bo'i grul bum rnams/ / zhig pa'i khyim de rnams su gnas 'cha' ste// mtho gang tshad dang de bzhin khru gang tshad// khru do'i tshad kyang phan tshun rgyu zhing 'gro// de dag khyi yi rkang nas bzung nas ni/ / de bzhin sa la gan rkyal de bzhag ste// mgul pa rab tu dgas shing bsdigs pa yis// khang du bcug pa de la dga' bar byed// gcer bu gnag cing de bzhin rid pa yi// yi dgas che zhing ring ba'ang der gnas te/ / rab tu bkres pas kha zas kun tshol zhing // de dag de na nyam thag cho nges 'debs// la la glang gi mgo la khab kyi kha// mi tsam dag ni de bzhin khyi tsam dag/ zas la sred pas rab tu gdungs pa'i phyir/ / skra dag lhug par bshig cing smra yang 'byin// gnod sbyin sha za yi dgas dag kyang // sreng skom kha zas dag ni tshol ba'i phyir// rtag tu mthongs dang skar khung dag nas kyang / / de na phyogs bzhir rab tu lta bar byed// de ltar khyim de mi bzang 'jigs gyur la// che zhing mtho la rab tu mi btan te// rnam par 'drums shing 'jig nye 'jigs pa de// skyes bu gcig cig yongs su dbang gyur la/ / skyes bu de yang khyim gyi phyi rol byung // khyim de kun kyang rab tu 'bar gyur te// dngos bzhi thams cad nas ni glo bur du// me lce stong snyed kun tu 'bar bar gyur/ / 'od ma dang ni shing dag mes tshig ste// drag po'i sgra rnams shin tu 'jigs pa 'byung // ka ba dang ni de bzhin rtsig pa 'bar// gnod sbyin yi dgas rnams kyang sgra dag 'byin// bya rgod brgya yang rag rog tshig par gyur// grul bum dag ni gdong tshig ldom zhing 'phyan// de na kun tu sbrul brgya mang po dag/ me yis tshig nas tsher ljang sgra yang 'dzin// bsod nams med pa de yis kun tshig cing / / de na sha za mang po phan tshun rgyu// de dag gcig la gcig ni saus btab ste// tshig par gyur pa dag la khrag gis 'thor// de na lce spyang dus byas shi ba la// sems can dag ni phan tshun rnam par za/ / ngan skyugs tshig pa'i dri ma yid mi 'ong // 'jig rten dag na phyogs bzhir rab tu 'thul// srin bu rkang brgya pa dag bros pa la// de la grul bum dag ni shin tu pa/ / bkres pa dang ni skom pas rab gdungs shing // yi dgas rnams kyang skra 'bar kun 'phyan te// de ltar khyim de shin tu mi bzad 'jigs// me lce dag ni stong snyed/ 'bar bar gyur// skyes bu khyim de'i bdag po de nyid ni// shin tu rnam par lta zhing sgo na 'dug/ de na de yis thos pa bdag gi bu// 'di ltar byis pa dag ni mi shes pas// rtsed mo rtsen pa dag la chags pa'i blo/ / rtsed mo dga' bas rab tu dregs myos shes// des thos bdag gis byis pa khye'u 'di kun// myur du tshig cing chud zos mi 'gyur bar// bdag gi bu rnams rab tu thar bya'i phyir// khyim de'i nang du myur du zhugs nas su// de la des ni khyim gyi nyes brjod de// sdug bsngal 'di dag mi bzang rigs kyi bu// sems can rnam pa mang zhing ma 'di dang // sdug bsngal chen po dag kyang gcig phyi gcig/ sbrul gdug shin tu gtum sems gnod sbyin dang // grul bum dang ni yi dwags mang po gnas// lce spyang dag dang lnga dang khyi yang mang // bya rgod dag kyang kha zas kun tu chol/ / de 'dra ba dag 'di na mang gnas te// me med zin kyang shi mo tu mi bzad 'jigs// 'di yi khor yug tu me 'bar te// 'di na de 'dra'i sdug bsngal 'ba' zhig go/ de ltar byis pa'i blo can de sbran te/ / gzhon nu rnams ni rtsed mos rab myos pas// pha yis bsgo ba de la mi sems te// de dag gi ni yid la ji mi snyam// de tshe skyes bu de ni yang sems pa// bu phyir sems pas bdag ni sdug bsngal te/ / bdag gi bu dang rgyud dag med pa ru// me 'dis 'di dag tshig na mi rung zhes// de yi dus na des ni thabs bsams pa// rtsed mo dag la byis pa 'di chags te// 'di na rtseng mo dga' ba ci yang med/ / kye ma 'di ltar byis pa glen zhing rmongs// de la de yis smras pa gzhon nu nyon// bzhon pa rnam pa mang po nga la yod// ra dang glang dang ri dgas mchog las bcas// che zhing mtho la legs par brgyan pa dag/ khyim gyi phyi rol na ni de dag yod// phyi rol byung la de la dgos par spyod// khyod cag rnams kyi phyir ni ngas byas kyis// de la dga' bar lhan cig phyir 'thon cig/ gzhon pa de 'dra yod par shes nas su// de dag brtson 'grus brtsams te rangs gyur nas// de yi mod la thams cad phyi rol 'thon// sdug bsngal dag las thar te stong par 'dug/ mi des byis pa 'thon pa mthong nas su// grong khyer dbus kyi spong sar gnas pa ni// seng ge'i khri la 'dug nas de la smras// kye ma nga ni de ring mya ngan 'das// nga yis dka' ba rnyed par nyon mongs dag/ bu sdug nyi shu 'di dag snying gi bu// skye bo mang pos gang zhing 'jigs pa yi// de dag mi bzang gdon dka'i khyim na 'khod// kun tu 'bar zhing me lce stong gis gang // de dag rtsed mo dga' la chags par gyur/ / ngas ni de ring de dag thar byas te// de bas nga deng mya ngan 'das par 'gyur// pha der bde bar 'dug par rig nas su// byis pa de dag lhags nas 'di skad smras// gzhon pa yid du 'ong ba gsum po rnams/ / yab kyi gsungs pa bzhin du bdag cag stsol// gzhon pa rnam pa gsum po khyed sbyin zhes// yab khyod kyi ni khyim der gang gsungs pa// gal te de dag thams cad med na ni// da 'dir dus la bab kyis de dag stsol// mi de mdzod kyi mthu dang ldan pa ste// gser dang dngul dang nor bu mu tig dang // bran dang 'gron bu dag ni mi nyung bas/ / bzhon pa de yang rnam pa sna gcig byin// glang gi shing rta rin chen dam pa ste// logs bcas dril bu gser kha'i dra babres// gdugs dang rgyal mtshan dag gis legs par brgyan// mu tig dang ni nor bu'i dra bas g.yogs// gser gyi me tog rnams kyi phreng ba dag/ phyogs dang phyogs mtshams rnams su shin tu spungs// rab tu re bas gos kyis de g.yogs te// dkar bzang bcos bu'i ras rnams shin tu bting / / de na de bzhin 'jam pa'i dar rnams dang // shing rti de la shing bal mchog kyang bting // gos rab ko tam pa mchog ngang pa'i mtshad// bye ba phrag stong rib rnams kyis g.yogs/ / rin chen shing rta bcas pa de dag ni// glang po dkar zhing cho la stobs dang ldan// blta na sdug cing shin tu bong yang che// skyes bu dam pa dag gis rab tu bsten// skyes bu des ni bu rnams thams cad la// de lta bu yi shing rta mchog byin te// des ni de dag dga' zhing rangs nas su// phyogs dang phyogs mtshams dag tu rtse zhing dong // de bzhin drang srong nga yang shA ri'i bu/ / sems can rnams kyi skyabs dang pa yin te// srog chags 'di dag thams cad nga yi bu// byis pa dag ni khams gsum 'dod la chags// khams gsum dag ni khang pa de 'draH/ sdug bsngal shin tu mi zad brgya yis dkrugs// na ba dang ni skye rga du ma brgyas// ma lus thams cad nas kyang rab tu 'bar// da ni khams gsum dag las thar cing ni// nags tshal dag na gnas shing dben par 'dug/ ngas ni khams gsum 'di dag gongs bzung ste// 'di na gang rnams sreg pa nga yi bu// nga nyid de yi skyabs su rigs nas su// de la nyes pa dag ni ngas bstan te/ / 'di ltar 'dod la rnam par chags pa'i blo// byis pa 'di kun nga yi mi nyan to// thabs la mkhas pa dag ni ngas sbyar te// de dag la yang theg pa gsum du bshad// khams gsum dag gi nyes pa mang mkhyen nas/ / gdon par bya ba'i phyir ni thabs bshad do// bu gag gang la rten par gyur pa dag/ mngon shes drug dang gsum rig mthu chen dang // 'di na rang rgyal rnams ni gang yod dang / / phyir mi ldog pa'i byang chub sems dpa' gang // ngas ni bu 'drar mkhas pa de dag la// de yi tshe na dpe mchog 'di dag gis// sangs rgyas theg pa gcig po 'di bshad de/ / thams cad rgyal bar 'gyur gyis 'di rung shig/ sangs rgyas rkang gnyis mchog gi ye shes te// khyad par 'phags shing shin tu yid du 'ong // 'jig rten 'di dag kun nas khyad par can/ / yangs pa'i dngos po de bzhin phyag byar 'os// stobs dang bsam gtan de bzhin rnamathar dang // ting nge 'dzin dag bye ba du ma brgya// shing rta de ni de la/ mchog yin te// de la sangs rgyas sras rnams rtag tu dga'// de la rtsen par nyin mtshan 'das par byed// dus dang zla ba phyed dang zla ba dang // de bzhin lo dang bar gyi bskal pa dang // bskal pa phye ba stong yang 'das par byed/ / bde gshegs nyan thos gang rnams nyan pa dang // byang chub sems dpa' mang po rnam rtsen cing // 'dis ni byang chub snyems por de 'gro ste// rin chen theg pa 'di/ ni dam pa mchog/ skar rgyal khyod kyis 'di ltar rig par gyis// phyogs bcu thams cad du ni btsal byas kyang // skyes bu dam pa'i thabs rnams ma gtogs par// de la theg pa gnyis su gang na'ang med/ / khyed kyi pha de khyed kyang nga yi bu// khyed rnams khams gsum rab tu 'jigs pa na// bskal pa bye ba mang por bsregs pa yi// sdug bsngal dag las ngas ni rab tu bton// / 'di ltar mya ngan 'das par ngas bstan pa// 'khor ba'i sdug bsngal dag las khyed thar te// khyed ni dadung mya ngan yongs ma 'das// sangs rgyas theg pa nyid ni btsal bar bya// 'di ni byang chub sems dpa' gang 'khod pa/ / nga yi sangs rgyas tshul 'di kun nyon cig/ 'di ni byang chub sems dpa' mang po 'dul// 'di ni rgyal ba'i thabs la mkhas pa yin// gang tshe theg pa dman pa smad pa la/ / de la sems can dga' bar gyur pa na// de tshe sdug bsngal 'phags pa'i bden pa dag/ gzhan mi gsungs pa 'jig rten 'dren pa 'chang// gang rnams byis pa'i blo dag mi shes pas// sdug bsngal ngag gi rtsa ba mi mthong ba/ / de dag la yang lam rnams bstan par bya// sred pa kun 'byung las ni sdug bsngal skye// rtag tu mi gnas sred pa 'gog pa yang // 'di ni nga yi 'gog bden gsum pa yin/ / gzhan ma yin pa gang gis skyes bu mthar// lam rnams bsgoms nas rnam par thar par 'gyur// de dag ci las rnam grol shA ri'i bu// med par 'dzin las de rnams rnam grol te/ / kun las de dag da dung thar ma yin// mya ngan de ma 'das zhes 'dren pa gsung // de la thar par ci phyir bshad ma mdzad// byang chub dam pa'i mchog 'di ma thob phyir// 'jig rten bde bya'i phyir ni nga skyes pas/ / chos kyi rgyal po nga ni de ltar 'dod// tha mar de ring ngas ni gang bshad pa// nga yi chos kyi rgyu 'di shA ri'i bu// lhar bcas 'jig rten dag la phan pa'i phyir/ phyogs dang phyogs mtshams ngag tu bshad par gyis// khyod kyis bstan pa'i tshe na sems can gag/ rjes su yi rang ngo zhes tshig smra zhing // mdo 'di mgo bos rab tu len pa ni// mi de phyir mi ldog par khyod zung shig/ mdo sde 'di la dad par gang 'gyur ba// des ni sngon gyi de bzhin gshegs pa mthong // de dag la yang bkur sti byas pa yin// rnam pa 'di lta bu yi chos kyang thos/ / nga yis bshad pa 'di la gang dad pa// des ni khyod dang nga yang mthong ba yin// nga yi dge slong dge 'dun 'di kun dang // byang chub sems dpa' 'di dag kun kyang mthong / / mngon par shes pas rig nas ngas 'di bstan// mdo 'dis skye bo byis pa myos par 'gyur// 'di la nyan thos rnams kyi yul yang med// 'di la rang sangs rgyas kyi 'gro ba'ang med// shA ri'i bu khyod mos pa lhur byed na/ / nga yi nyan thos 'di dag gzhan ci smos// 'di dag nga la dad phyir 'brang ba ste// so so rang gis rig pa'i ye shes med// khyod kyis nga rgyal can dang khengs pa dang // mi rigs zhugs pa dag la 'di ma bshad// byis pa 'dod la rtag tu rab myos shing // mi shes pas na chos rnams spong bar bye// 'jig rten rtag tu legs gnas sangs rgyas tshul// nga yi thabs/ mkhas 'di ni rab spangs shing // khro gnyer byas te theg pa spangs pa yi// de yi mi bzang rnam smin 'dir nyon cig/ nga ni 'dug gam mya ngan 'das kyang rung // rnam pa 'di 'ja mdo sde rab spangs shing / / dge slong de dag la yang sdang 'dod pa// de yi rnam par smin pa nga las nyon// de dag mi las shi 'phos mnar mang du// bskal pa tshang bar rab tu gnas par 'gyur// de nas bar gyi bskal pa du mar yang / / byis pa shi zhing 'phos nas der yang lhung // sems can dmyal ba nam zhig shi 'phos kyang // de nas dud 'gro dag tu'ang skye bar 'gyur// shin tu ring pa'i wa dang khyi gyur cing / / gzhan dag rtsed mo byed pa'i gzhir 'gyur te// de na de dag kha dog gnag par 'gyur// sre bo rma can g.yan pa dag gis gang // spu yang ba zhing shin tu nyam chung 'gyur// nga yi byang chub mchog 'dir zhe sdang bas/ / srog chags nang na rtag tu smad 'gyur te// rdo dang bong bas phog nas shin tu 'khang // de dang de na dbyig pas kun bsdigs la// bkres shing skom par gyur pas lus kyang skams/ / byis pa'i blo gang sangs rgyas tshul spongs pa// rnga mo dang ni bong bur yang 'gyur te// kha zas bsam pa dag la rjes sems shing // khal rnams bkal nas dbyig pa brgya yis brdegs/ / phyir yang de dag der ni war 'gyur te// shin tu mi sdug zhar ba theng por 'ong // grong gi gzhon nu dag gis rab gtses shing // byis pa de dag rdo dang 'ong bas rdeg/ de nas byis pa blo can shi 'phos nas/ / dpag tshad dag kyang lnga brgya mnyam pa yi// srog chags lus ring rnams su gyur nas su// shin tu blun zhing rmongs la 'gre zhing ldog/ 'di 'dra ba yi mdo sde spangs pas ni// de dag rkang pa med pa'i lto 'phyer 'gyur/ / srog chags bye ba mang pos bza' bas na// de dag shin tu mi bzang tshor ba myong // ram zhig mi yi lus thob gyur pa na// nga yi mdo sde 'di lam dad pas// de na de dag lus nag theng por 'gyur/ / sbur po zhar ba ldongs pa glen zhing smad// sangs rgyas byang chub 'di la ma dad pas// 'jig rten dag ni yid kyang mi chis te// de dag kha nas rul mnam rgyun mi 'chang // de yi lus la gnod sbyin gdon kyang gnod/ / dbul zhing gzhan gyi mngag zhug byed pa ste// nyam chung gzhan gyis rtag tu bkol bar 'gyur// de dag shin tu nang dang gnod pa mang / mgon med gyur cing 'jig rten dag na rgyu// de na de yis gang la nyer bsnyen kyang // de la de dag sbyin pa dang mi 'gyur// byin na yang ni myur du stor gyur te// de yi sdig pa'i 'bras bu de 'dra'o// de na de yis sman gang rnyed pa ni/ / shin tu sbyar legs mkhas pas byin na yang // des kyang de dag nad ni phyir zhing skye// nam yang de yi nad rnams mthar mi 'byung // gzhan gyis brkun po byas par gyur pa dang // 'khrug cing de bzhin dpung 'cha' 'thab pa dang // de bzhin gzhan gyi nor rnams phrogs pa yang // sdig pa'i las kyis de yi steng du 'bab// nga yi sangs rgyas tshul 'di spangs pas na// mi dbang rgyal po 'jig rten ston pa yi/ / 'jig rten mgon po des ni yong mi mthong // de ni mi khom par yang gnas par 'gyur// byis pa des ni chos kyang mi thos te// de dag sems dpa' med cing 'on par 'gyur// / byang chub 'di 'dra ba ni spangs pas na// de dag nam kyang zhi bar mi 'gyur ro// bskal pa gang+gA'i klung gi bye ma snyed// khrag khrig dag ni brgya stong mang por yang // lus ni ma grims yan lag ma tshang 'gyur/ / de ni mdo sde 'di spangs sdig pa'i 'bras// de yi skyed mos tshal ni sems can dmyal// ngan song dag ni de yi khyim yin te// phag dang bong bu wa dang sa 'dzul bar// de na de dag rtag tu gnas par 'gyur/ / de dag mi yi lus su gyur ra yang // ldongs pa dang ni 'on pa glen pa ste// rtag tu dbul zhing gzhan gyis mngag par 'gyur// de ched mi rgyan ni de dag go// de na demi gas nind yin te/ / lus la rma ni bye ba khrag khrig 'byung // de bzhin shu ba gsan pa 'brum bu dang // de bzhin sha ba kra mdze dag ba shul bar mnam// de yi 'jig tshogs lta ba stug por 'gyur// de yi khro ba'i stobs kyang shin tu che/ / de yi 'dod chags dag kyang shin tu bdo// de ni dud 'gro'i skye gnas rtag tu dga'// gang gis nga yi mdo sde 'di spangs pa// de ring gal te nga yis shA ri'i bu// de yi nyes pa bskal par brjod na yang / / nyes pa'i mthar ni phyin par yong mi nus// ngas ni de 'di don rnams rab mthong bas// shA ri'i bu khyod yang dag bstan pa ni// khyod kyis skye bo byis pa'i mdun du yang / / mdo sde 'di 'dra ma bshad cig ces bsgo// 'di ltar gang dag gsal zhing mang thos pa// dran dang ldan zhing gang mkhas ye shes ldan// byang chub dam pa mchog la gang zhugs pa/ / de la khyod kyis dam pa 'di sgrogs shig/ gang gis sangs rgyas bye ba mang po mthong // gang gis dpag tu med pa'i dge ba bskyed// gang rnams lhag pa'i bsam pa shin tu brtan/ / de la khyod kyis don dam 'di sgrogs shig/ gang rnams brtson 'grus ldan zhing rtag byam sems// byams pa de la de dag ring dus bsgoms// lus dang de bzhin srog kyang rab tu btang / / de dag la ni mdo 'di mngon sum shod// phan tshun rtog cing rim gror bcas pa dang // gang rnams byis pa dag dang mi rten cing // gang dag ri sul rnams su dga' ba dag/ de la mdo sde bzang po 'di sgrogs shig/ dge ba'i bshes gnyen ngag la rab bsnyen cing // sdig pa'i grogs po dag ni rab spong ba// de lta bu yi sangs rgyas sras mthong na// de dag la ni yang mdo sde 'di ston cig/ tshul khrims ma nyams nor bu rin chen bzhin// shin tu rgyas pa'i mdo sde bzung bar gnas// de 'dra sangs rgyas sras po mthong na yang // de dag mdun du mdo sde 'di shod cig/ khro ba med cing rtag tu drang ba ste// srog rlags thams cad la yang snying rjer ldan// bde bar gshegs pa dag la rim gror bcas// de yi mdun du mdo sde 'di shod cig/ gang dag 'khor gyi dbus su chos ston pa// dpe rnams bye ba khrag khrig du ma yis// ma chags gyur cing nan tan yid kyis 'chang // de dag la yang mdo sde 'di shod cig/ thams cad mkhyen pa nyid ni yongs tshol zhing / / gang dag thal mo sbyar te mgo la 'thug/ legs par smra ba'i dge slong tshol ba'i phyir// gang dag phyogs bcu kun tu rab tu 'gro// shin tu rgyas pa'i mdo sde kun 'dzin te/ / de ni nam yang gzhan la dga' mi byed// gzhan las tshigs bcad gcig kyang mi 'dzin pa// de dag la yang mdo sde 'di shod cig/ ji ltar de bzhin gshegs pa'i sku gdung 'dzin/ / de ltar mi dag la la de tshol te// de bzhin du yang mdo sde 'di 'dra tshol// rnyed nas kyang ni de dag spyi bos len// mdo sde gzhan la nam yang mi sems te// 'jig rten rgyang phan pa dang bstan bcos gzhan/ / de 'dra byis pa rnams kyi spyod yul te// de dag khyod kyis spongs la 'di shod cig/ bskal pa tshang bar yang ni shA ri'i bu// byang chub dam pa mchog 'dir gang zhugs pa/ rnam pa bye ba phrag stong nga smra ba// de dag mdun du mdo sde 'di shod cig/ dpe'i le'u zhes bya ste gsum pa'o// rnam pa'i chos pad+ma dkar po bam po bzhi pa/ de nas tshe dang ldan/ pa rab 'byor dang / tshe dang ldan pa ka t+ya'i bu chen po dang / tshe dang ldan pa 'od srungs chen po dang / tshe dang ldan pa mo'u 'gal gyi bu chen pos/ sngon ma thos pa'i chos rnam pa 'di lta bu 'di/ bcom ldan 'das las thos shing / tshe dang ldan pa shA ri'i bu/ bla na med pa yang dag par rdzogs pa'i byang chub tu mngon sum du lung bstan pa thos nas ngo mtshar du gyur/ rmad du gyur/ shin tu dga' bar gyur te/ de'i tshe stan las langs nas/ bcom ldan 'das ga la ba der dong ste phyin pa dang / bla gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar ba btud de/ bcom ldan 'das la mngon du lha zhing lus btud / lus mngon par btud/ lus rnam par btud/ lus shin tu btu dade/ de'i tshe ldan 'das la 'di skad ces gsol to/ / bcom ldan 'das bdag cag rgas gtugs 'khogs nas dge slong gi dge 'dun gyi nang na'ang gnas brtan du 'dzin te/ rgas 'khogs shing bdag cag ma ngan las 'das pa thob snyam nas/ bcom ldan 'das bdag cag la bla na med pa yang dag par rdzogs pa'i byang chub tu brtson pa ma mchis te/ bdag cag ni brtson 'grus brtsam pa'i rngo mi thog pa'o/ / gang gi tshe bcom ldan 'das chos ston cing bcom ldan 'das ring du yang bzhugs par gyur te/ chos bshad pa de la bdag cag kyang mchis par gyur pa de'i tshe na ni// bcom ldan 'das bdag cag kyang ring du mchis shing bcom ldan 'das la ring du bsnyen bkur bgyis pas/ yan lag dang nying lag kyang bro 'tshal// tshigs dang tshigs phre'u rnams kyang bro 'tshal to/ / bcom ldan 'das de'i slad du/ bcom ldan 'das kyis chos bstan pa na yang stong pa nyid dang / mtshan ma med pa dang / smon pa med pa thams cad bdag cag gis brjod kyi/ sangs rgyas kyi chos 'di dag dang / sangs rgyas kyi zhing bde ba bkod pa dag dang / byang chub sems dpa'i rnam par rol pa dag dang / de bzhin gshegs pa'i rnam par rol pa dag la/ bdag gis re ba ma bskyed do/ / de ci'i slad du zhe na/ bcom ldan 'das 'di ltar bdag cag khams gsum nas byung ste/ mya ngan las 'das par 'du shes shing bdag cag ni rgas 'khogs pas de'i slad du bcom ldan 'das bdag cag gis byang chub sems dpa' gzhan/ bla na med pa yang dag par rdzogs pa'i byang chub tu lung bstan cing bltams mod kyi/ bcom ldan 'das de la bdag cag gis/ re ba'i sems gcig kyang bskyed par ma gyur te/ bcom ldan 'das bdag cag gis bcom ldan 'das kyi drung nas/ nyan thos rnams kyang bla na med pa yang dag par rdzogs pa'i byang chub tu 'gyur bar lung bstan pa thos nas/ ngo mtshar dang rmad du gyur to// bcom ldan 'das deng 'phral la/ de bzhin gshegs pa'i gsung sngon ma thos pa rnam pa 'di lta bu 'di thos nas bdag cag gis rnyed pa chen po thob bo/ / bcom ldan 'das bdag cag gis rin po che chen po thob bo// bcom ldan 'das bdag cag gis tshad ma mchis pa'i rin po che chen po thob bo// bcom ldan 'das bdag cag kyi/ ma bslangs ma btsal ma bsams ma smon par rnam pa 'di lta bu'i rin po che chen po 'di thob ste/ bcom ldan 'das bdag cag spobs so// bde bar gshegs pa spobs so// bcom ldan 'das 'di lta ste dper na/ mi la la zhig 'di ltar pha'i gnas nas logs shig tu mchis la/ de logs zhig tu mchis nas/ yul phyogs gcig cig tu phyin te/ stor nas de de na dgung lo mang du nyi shu 'am/ sum cu 'am/ bzhi bcu 'am/ lnga bcur gnas te/ bcom ldan 'das de nas mi de chen po zhig tu lags la/ de yang dbul por 'gyur nas/ 'tsho ba 'tshol zhing / 'tshal ma dang rang ba'i slad du/ phyogs dang phyogs mtshams su mchis nas/ yul phyogs gcig cig tu phyin te/ de'i pha de'ang yul gzhan du mchis la/ nor dang / mgron bu dang / mdzod dang / bang ba mang por gyur te/ gser dang / dngul dang / nor bu dang / mu tig dang / bai DUR+Ya dang / dung dang / man shel dang / byi ru dang / sa le sbram dang / dngul dag dang ldan par gyur la/ bran po dang / zan mo dang / sug las bgyid pa dang / zho shas 'tsho ba'i mi mang por gyur la/ glang po che dang / rta dang / shing rta dang / ba lang dang / lug mang po dang ldan par gyur te/ g.yog mang zhing yul chen po'i nang na nor dang ldan pa lags la/ 'du ba dang / 'phel ba dang / rmo ba dang / tshol ba yang mang du gyur te/ bcom ldan 'das de nas mi dbul po de 'tshal ma dang rad pa tshol ba'i slad du/ grong dang grong khyer dang / grong rdal dang / ljongs dang / yul 'khor dang / rgyal po'i pho brang du mthar gyis 'khyam pa las/ de na nor dang / mgron bu dang / mdzod dang bang ba mang po mchis pa'i mi de gang na mchis pa'i grong khyer der phyin par gyur te/ bcom ldan 'das de nas mi dbul po'i pha nor dang / mgron bu dang / mdzod dang / bang ba mang po can de grong khyer de na gnas shing / bu lo lnga bcu'i bar du stor ba de rtag par rgyun du dran te/ dran yang bdag gcig pu nang du gdung ba ma gtogs par gzhan su la yang mi smra bar 'di snyam du sang bdag ni rgas shing 'khogs te gtugs na/ bdag la mgron bu dang / gser dang / nor dang 'bru dang / mdzod dang / bang ba mang du yod la/ bdag la bu ni gcig kyang meng na/ bdag ni 'chi ba'i dus byed par 'gyur te/ 'di dag thams cad ma sprad par chud zos par mi 'gyur ram snyam du de'i phyir zhing bu de dran nas/ kye ma gal te bdag gi bu de nor gyi tshogs 'di la spyod par gyur na ni/ bdag mya ngan med par 'gyur bar sems la/ bcom ldan 'das de nas mi dbul po de rang pa dang / 'tshal ma tshol zhing mthar gyis mgron bu dang / gser dang / nor dang / 'bru dang / mdzod dang / bang ba mang po can gyi mi de'i gnas ga la ba der mchis te/ bcom ldan 'das de nas mi dbul po de'i pha de bdag gi mchis brang gi chab sgo na/ bram ze dang / rgyal rigs dang / rje'u rigs dang / dmangs rigs kyi 'khor chen pos yongs su bskor cing mdun gyis bltas te/ seng ge'i khri chen po sug rten dang bcas pa/ gser dang / dngul gyis shin tu brgyan pa la mchis nas/ mgron bu bye ba brgya stong gi spyod pa bgyid de/ rnga yab kyis g.yob cing bla re bres pa'i sa phyogs me tog sil ma gtor cing rin po che'i phreng ba sbyangs pa na/ 'byor cing longs pa chen pos mchis la/ bcom ldan 'das mi dbul po des bdag gi pha des rang gi mchis brang gi chab sgo na rnam pa 'di lta bu'i longs par mchis shing / skye bo phal po ches yongs su bskor nas/ khyim bdag gi sug las bgyid pa mthong ste/ mthong nas kyang / 'jigs shing skrag la mi dga' nas spu zing zhes bgyir de/ rab tu yid mi bde nas 'di snyam du sems te/ rgyal po 'am blon po chen po 'di dang bdag glo bur du phrad de/ 'di na bdag gi bya ba ci yang med kyis/ bdag dbul po'i gnas ga la ba der song na/ der bdag gi zas dang / gos nyon mi mongs par rnyed kyi/ bdag 'dir ring du thogs su zin na mi rung ngo // 'dir bdag tsam zungs su zin tam/ nyes pa gzhan la la dang phrad par gyur du mi 'ong ngam snyam nas/ bcom ldan 'das de nas mi dbul po de 'jigs pa rgyud mar yid la bgyid cing skrag nas/ de na mi gnas par rings par bros te mchis pa dang / bcom ldan 'das de nas mi phyug po de bdag gi mchis brang gi chab sgo na/ seng ge'i khri la mchis pas bdag gi bu de mthong ma thag tu ngo mtshar te/ mthong nas kyang dga' mgu rangs te rab tu dga' zhing dga' ba dang / yid bde ba skyes par gyur nas 'di snyam du/ mgron bu dang / gser dang / nor dang / 'bru dang / mdzod dang / bang ba'i longs spyod chen po 'di la spyod pa 'di ltar rnyed de/ bdag ni rgas 'khogs gtugs nas/ bdag kyang 'di nyid phyir zhing dran na/ 'di yang kho bdag nyid 'dir 'ongs pa ngo mtshar che'o snyam du sems so// / bcom ldan 'das de nas mau dbu la sred pas gdungs pas de'i tshe skad cig thang cig yud tsam de nyid la mi mgyogs pa dag bkye ste/ grogs po dag dang la mi de myur du khrid de shog shig ces bsgo nas bcom ldan 'das de nas mi de dag thams cad kyis mgyogs par brgyugs nas mi dbul po de bzung ba dang / bcom ldan 'das de nas mi dbul po de de'i tshe na 'jigs shing skrag la/ mi dga' nas ba spu zing zhes bgyid rab tu yid mi bde ste/ sngangs pa'i sgra drag po phyung nas/ khu co 'don cing kho bos khyed la nyes pa cung zad kyang ma byas na zhes tshig tu smras te// de nas mi de dag gis nan gyis mi dbul po de khu co 'don bzhin du khrid pa dang / de nas mi dbul po de 'jigs shing skrag la/ mi dga' nas spu zing zhes bgyid cing rab tu yid mi bde ste/ 'di ltar bdag gsod du 'jug nas ma rung bar mi byas sam snyam sems shing de brgyal te/ dogs pa skyel nas myos par gyur la/ de'i pha de yang nye ba zhig na mchis nas des mi de dag la khyed kyis mi 'o ni khrid de ma 'ong bar/ 'o ni chu grang mo gtor cig ces de skad smras nas/ gzhan mi mchi ste/ de ci'i slad du zhe na/ khyim bdag de bdag ni mthu chen po dang ldan la/ mi dbul po 'di ni dman pa la mos par 'tshal nas/ 'di bdag gi bu lags par yang 'tshal na/ bcom ldan 'das de nas khyim bdag de thabs mkhas pa'i slad du/ 'di bdag gi bu lags zhes su la yang mi mchi ste// bcom ldan 'das de nas khyim bdag des mi gzhan zhig la/ kye mi khyod song ste/ mi dbul po pha bi la kye mi khyod btang gis gar dga' bar 'gro la rag ces sgo shig ces mchi nas/ lha bka' bzhin 'tshal zhes mi des/ de las mnyan nas mi dbul po de ga la ba der mchis te/ phyin nas mi dbul po de la kye mi khyod btang gis gar dga' bar 'gro la rag go zhes/ bgyis nas/ de nas mi dbul pos de'i tshig de thos pa dang / ngo mtshar dang rmad du byung ba thob par gyur te/ sa'i phyogs de nas langs nas/ mi dbul po'i gnas ga la ba der 'tshal ma dang rang ba tshol ba'i slad du mchis te/ de nas khyim bdag de mi dbul po de dgug pa'i slad du/ thabs mkhas pa sbar ba des de la mdog mi sdug cing mdangs ngan pa'i mi gnyis shig mngags te/ khyed gnyis deng la gang 'dir 'ongs pa'i mi de la khyed rang gi tshig gis nyi ma'i gla thang gis gla gyis la/ nga'i khyim 'dir los byed du chug shig/ de gal te 'di skad du las ci bya zhes zer ba dang / khyed gnyis kyis de la 'di skad du/ ngeng gnyis dang lhan cig tu phyag dar gyi phung po phyag go zhes smros shig ces bgyis nas/ mi de gnyis kyis mi dbul po de btsal te/ sug las de bzhin du bsgrubs nas/ de nas mi de gnyis dang mi dbul po des mi nor po che de las gla blangs te/ khyim de nyid la phyag dar gyi phung po 'phyag cing / mi nor po che de nyid kyi khyim drung gi spyil po na gnas shing mchis nas/ mi phyug po des mthong kung dang skar khung dag nas bdag gi bu phyag dar 'phyag pa mthong ste/ mthong nas ngo mtshar du gyur to// de nas khyim bdag de phreng ba dang rgyan bkrol te/ rang pa 'jam po bzang po rin chen bzung ras rang bajim can 'tshal te/ bdag gi gnas nas babs nas sag pa gson pan gon pa thogs te phyag d+har gyis bdag gi sus mags par bgyis nas/ bya ma zhing bdag gi bu ga la ba der mchis te/ phyi nas 'di skad du khyed ma 'khod par skon pa thogs la phyag dar skyos shig ces mchi zhing / thabs 'dis bu de la smras te/ yang 'di skad bsgo'o// kye mi khyod 'di nyid na las byos la phyir gzhan du ma 'gro shig dang / ngas khyod gla bskyed de sbyin no// khyod la ci dang ci dgos pa yang na bum pa'i rin tam/ yang na ril ba'i rin tam/ yang na phru ba'i rin tam yang na shing gi rin tam/ yang na lan tshwa'i rin tam/ yang na zas sam/ yang na gos kyang rung ste/ de dag nga la 'dzem pa med par slongs shig kye skyes bu nga la ras rnying ba yang yod de/ de ste de yang khyod la dgos na spongs shig dang ngas nga yang sbyin no// kye skyes bu yo byad kyi rnam pa de lta bu dag khyod la ci dang cing dgos pa de dang de dag thams cad ngas khyod la sbyin gyis/ mi khyod mya ngan med par byos la khyod kyi ba ji lta ba bzhin du khyod kyis nga la soms shig/ de ci'i phyir zhe na/ nga ni rgan khyod ni gzhon te/ khyod kyis nga'i phyag dar gyi phung po 'di phyags shing las mang po byas te/ kye mi khyod las 'di byed pa'i tshe/ sgyu 'am/ gya gyu'am/ g.yo 'am/ nga rgyal lam/ 'chab pa sngon byas pa 'am/ byed pa yang med de/ kye skyes bu ji ltar mi 'di dag gzhan las byed pa'i tshe/ skyon de dag yod pa khyod la rnam pa thams cad du nyes pa de dag las gcig kyang ma mthong gis dengs phan chad nga la khyod ni nga'i snying gi bu ji lta ba de dang 'dra ba yin no// bcom ldan 'das de nas khyim bdag des mi dbul po de bu zhes ming du btags so// mi dbul po de yang khyim bdag de la phar 'du shes bskyed de/ bcom ldan 'das rnam grangs 'dis khyim bdag de/ bu 'tshal bar skom nas/ dgung lo nyi shu'i bar du bu de phyag dar gyi phung po 'phyag tu stsal te/ de nas dgung lo nyi shu 'das pa dang / mi dbul po de khyim bdag de'i mchis brang gi slad nang du mchi ba la 'dzem pa ma mchis par gyur te/ spyil po de nyid na gnas shing mchis pa las/ bcom ldan 'das de nas khyim bdag de bro 'tshal bar gyur te/ bdag 'gum pa'i dus la bab par mthong nas/ de mi dbul po deng la 'di skad du kye mi khyod tshur shog/ nga'i mgron bu dang / gser dang / nor dang / 'bru dang / mdzod dang / bang ba shin tu mang du yod pa 'di dag nga ni nad tshabs che na de dag su sbyin pa dang / su las blang ba dang / gang sba bar bya ba de thams cad khyod kyis shes par 'dod do// de ci'i phyir zhe na/ ji ltar nga nor 'di'i bdag por gyur pa ltar khyod kyang de bzhin gyis nga'i 'di las khyod kyis cung zad kyang chung ma gzan cig mchi nas/ bcom ldan 'das de mas mi dbul po de rnam grangs 'dis/ khyim bdag de'i mgron bu dang / gser dang / nor dang / 'bru dang / mdzod dang / bang ba rab tu mang pa de dag mchis par 'tshal la/ bdag nyid de la re ba ma mchis shing / tha na phye bul gang tsam gyi rin tsam yang de la cung zad kyang spong ba ma mchis te/ rtswa'i spyil bu de na gnas shing mchis nas/ dbul po'i bsam pa de nyid kyi rjes su sems so/ / bcom ldan 'das de nas khyim bdag des bu de srung nus shing / yongs su smin par 'tshal/ sems btul te/ rgya chen por sems shing sngon dbul dbul po bsam na nyam ngazhing ngo tsha ste/ smod par 'tshal nas 'gum pa'i dus la bab pa dang / mi dbul po de bkug ste/ nye du 'dus pa mang po dang sprad nas/ rgyal po dang / blon po dang / grong rdal gyi mi dang / yul mi'i mdun du mngon sum du 'di skad bsgrags so// khyed nyon cig 'di ni kho bo'i snying gi bu kho bos bskyed pa ste/ grong khyer gyi ming zhes bya ba nas 'khyams nas lo lnga bcu lon te/ 'di'i ming ni 'di zhes bya/ kho bo'i ming ni 'di zhes bya ste/ kho bo ni 'di tshol ba'i phyir grong khyer de nas 'dir 'ongs so// 'di ni kho bo'i bu/ kho bo ni 'di'i pha ste/ bdag gi spyod pa dang longs spyod ci yod pa thams cad mi 'di la sbyin no/ / kho bo'i nang gi nor cung zad ci yod pa de kun kyang 'di nyid shes so zhes bgyis pa dang / bcom ldan 'das de nas mi dbul po des de'i tshe/ 'di lta bu'i sgra thos nas/ ngo mtshar dang rmad du gyur te/ 'di ltar bdag gis 'phral la mgron bu dang / gser dang / nor dang / 'bru dang / mdzod dang / bang ba mang po skad do snyam du sems so// bcom ldan 'das de bzhin du bdag cag ni de bzhin gshegs pa'i sras dang 'dra ste/ de bzhin gshegs pas bdag cag la khyed ni nga'i bu'o zhes bka' stsal te/ khyim bdag de ji lta ba bzhin no/ / bcom ldan 'das bdag cag ni sdug bsngal gsum gyis gzir to// gsum gang zhe na/ 'di lta ste/ sdug bsngal gyi sdug bsngal nyid dang / 'du byed kyi sdug bsngal nyid dang / 'gyu ba'i sdug bsngal nyid do/ / 'khor ba na sman pa la mos pas bdag cag bcom ldan 'das kyis chos ngan pa mang po phyag dar gyi phung po dang 'dra la sems su stsal te/ de rnams la bdag cag zhugs nas 'bad cing btsal nas/ bcom ldan 'das bdag cag mya ngan las 'da' ba tsam zhig gdugs kyi bla bzhin tshol zhing gsol te/ bcom ldan 'das bdag cag ni mya ngan las 'da' ba de rnyed pas na dga' bar gyur te/ de bzhin gshegs pa las chos 'di dag la zhugs te/ 'bad cing btsal bas mang po rnyed par sems so// de bzhin gshegs pas bdag cag dman pa la mos par mkhyen te/ de'i slad du bcom ldan 'das kyis bdag cag yal bar bzhag ste/ 'di ltar de bzhin gshegs pa'i ye shes kyi mdzod du khyed 'gyur ro zhes ma brtol ma bstan te/ bcom ldan 'das thabs mkhas pas bdag cag de bzhin gshegs pa'i ye shes kyi mdzod la bgo bskal la spyod par bkod na/ bcom ldan 'das bdag cag de la re ba ma mchis te/ 'di ltar bdag cag gis de bzhin gshegs pa las mya ngan las 'da' ba gdugs kyi bla thang bzhin du bgyis pa ni de nyid bdag cag gis mang du bgyis par 'tshal to// bcom ldan 'das bdag cag gis byang chub sems dpa' sems dpa' chen po rnams la/ de bzhin gshegs pa'i ye shes las brtsams nas chos rgya chen po bshad de/ de bzhin gshegs pa'i ye shes pa 'byed cing ston te/ nye bar ston du lags kyang / bcom ldan 'das bdag cag de la re ba ma mchis so// de ci'i slad du zhe na/ de bzhin gshegs pa thabs mkhas pas bdag cag gi mos pa rab tu mkhyen na/ de bdag cag gis ni ma 'tshal ma rtogs so// bcom ldan 'das kyis 'di ltar bdag cag la bcom ldan 'das kyi sras yang dag pa zhes gsungs te/ bcom ldan 'das kyi bdag cag de bzhin gshegs pa'i ye shes kyi bsgo skal la spyod pa dran par mdzad do// de ci'i slad du zhe na/ 'di ltar bdag cag de bzhin gshegs pa'i sras yang dag pa lags mod kyi/ bdag cag dman pa la mos pa'i slad du'o// gal te bcom ldan 'das kyis bdag cag gi mos pa'i stobs gzigs na/ bcom ldan 'das kyi bdag cag la/ byang chub sems dpa' zhes bgyi bar bka' stsal to/ / bcom ldan 'das kyis bdag cag bgyi ba rnam gnyis bgyid du stsal te/ byang chub sems dpa' rnams kyi mdun du ni dman pa la mos pa zhes @#/ bka' stsal te/ de dag ni sangs rgyas kyi byang chub rgya chen po la yang dag par btsud do// bcom ldan 'das kyis bdag cag gi mos pa'i stobs mkhyen nas skad ces bka' stsa/ to// bcom ldan 'das rnam grangs 'dis bdag cag 'di skad ces bdag cag rab ma mchis/ mi 'tshal/ ma bslangs/ ma btsal/ ma bsams/ ma gsol bar 'phral la de bzhin gshegs pa'i sras 'di dag bzhin du thams cad mkhyen pa'i rin po che thob bo zhes mchi'o/ / de nas tshe dang ldan pa 'od srungs chen pos de'i tshe tshigs su bcad pa 'di dag gsol to// de ltar 'phral la de ring bdag cag gis/ / 'dren pa'i gsung sgra yid du 'ong ba thos// gsung thos pas na bdag cag dga' ba thob// bdag cag ngo mtshar de bzhin rmad du gyur// rin chen chen po mchog gi phung po rnams// bsams pa ma mchis nam yang ma gsol bar// de dag yud tsam gyis ni deng rnyed de// bdag cag thams cad de thos ngo mtshar gyur// ji ltar byis par gyur pa'i mi zhig ni// skye bo byis pa rnams kyi bslus nas su/ / ba yi gan nas gal te mchis pa ni// gzhan gyi yul yang shin tu ring bar mchis// bdag gi bu ni 'khyams par 'tshal bas na// de tshe ba yang de yi mya ngan bgyid// gung la lnga bcu las kyang mi nyung bar/ / mya ngan de bgyi'o phyogs mtshams rnams su tshol// de ni de ltar bu de tshol ba na// gror khyer chen po gzhan du mchis pa dang // 'dod pa'i yon tan lnga dang ldan pa ni/ khyim rnams brtsigs shing de na rab tu gnas// de la gser rnams dang ni mgron bu dang // nor dang 'bru dang man shel byi ru dang // glang po che dang rta dang dpung bu chung // de bzhin phyugs dang ba lang lug mang ste/ / 'phel zhing 'du ba dang ni de bzhin zhing // bran po bran mo mngag pa'i tshogs mang ste// srog chags bye ba stong gis ri mo bgyis// rgyal po 'di yang de ni rtag tu gnang // grong na su gnas pa yi grong pa dang // grong khyer pas ni de la thal sbyar gyur// dgos pa mang la shin tu dbang bas na// tshong pa mang po de yi drung du mchi// de ltar mi de 'byor par ldan pa ste// rgas shing 'khogs la shin tu gtugs par gyur/ / de ni bu yi mya ngan bgyid sems pas// nyin dang mtshan mo rtag tu bas par gyur// bdag gi bu ni de 'dra blo gros log/ de ni 'khyams nas lo yang lnga bcu lon// 'di ltar bdag la mdzod ni mang du yod/ / bdag ni 'chi ba'i dus la nye bar gyur// de'i bu byis pa de ni de yi tshe// dbul zhing rtag tu phongs par gyur pas na// zas dang de bzhin gos rnams tshol ba'i phyir// grong dang grong rnams su snang rjes su rgyu/ / cung zad tsam ni res dga' tshol ba na// cung bad rnyed cing res 'ga' ci mi rnyed// byis pa de ni gzhan gyi khyim na te// g.yan pa dang ni nom pos lus kyang g.yogs gang na pha mchis grong khyer der mchi zhing / / 'tshal ma dang ni rad pa tshol ba na// rang gi ba yi khyim de ga la bar// de ni mthar gyis de ru phyin par gyur// skyes bu de ni phyug cing nor mang ste// sgo na seng ge'i khri yi steng na mchis/ / srog chags brgya phrag du mas yongs su bskor// de steng bar snang la yang bla re bres// skye bo yid brtan de yi gam yo 'khod// la la dag ni nor dang mgron bu 'grang / / la la dag ni de la spring ba 'dri// la la skyed dang spogs su rab tu gtong // khyim bdag de khyim rab tu brgyan pa dag/ dbul po des ni khyim de mthong nas su// bdag ni deng 'dir ga las ji ltar 'ong / / 'di ni rgyal po 'am yang na blon po yin// 'di na nyes par gyur na mi rung ste// 'tshams gzungs su yang gzung bar mi 'gyur grang // mi de de snyam sems shing 'bros bgyid la/ / dbul po rnams kyi shul srang kun tu 'dri// phyug po des ni bdag gi bu mthong nas// seng ge'i khri la mchis shing dga' bar gyur// des ni de yi gan du 'dzin pa btang // skyes bu dbul po de ni khrid de shog/ de yi mod la mi de bzung ba dang // bzung ma thag tu de ni brgyal bar gyur// gor ma chag par bdag gsod nye bar lhags// bdag la zas dang gos kyis ci zhig bya/ / nor mang mkhas pa de yis de mthong nas// byis pa log yid 'di ni dman la mos// nga yi 'byor pa 'di la dang mi byed// 'di ni bdag gi pha zhes yid mi ches// de yis sems can dman zhing gos ngan la/ / yon po zhar ba 'theng 'grum gyur pa yi// de 'dra'i mi dag kha cig btang nas su// las byed pa yi mi de rab tshol cig/ nga yi 'di na phyag dar rul ba dang // gcin dang bshang bas ma rung gyur pa rnams/ / de dag 'phyag pa'i phyir ni las byos shig/ khyod ni bla yang nyis gyur sbyin par bya// mi des 'di lta bu yi sgra thos nas// 'ongs te sa phyogs de dag de yis phyags// khyim gyi drung du rtswa yi spyil po na/ / der yang gnas bcas nas ni 'dug par byed// skar khung snang ba nas ni rtog par yang // phyug po des kyang skyes bu de bltas te// dman la mos pa bdag gis bu 'di ni// phyag dar phung po rnams ni 'phyag par byed// de ni babs te skon bu thogs bgyid cing // dri ma can gyi gos dag 'tshal nas su// de yi gan du nye bar mchis nas ni// las rnams mi byed ces ni rab tu spyos/ / khyod la gla yang nyis gyur sbyin par bya// de bzhin rkang pa bsku ba'ang nyis gyur du// lan tshwa can gyis zas ni khyod la sbyin// ras dang tshod ma dag kyang sbyin par bya// de tshe de ltar de la spyos nas ni/ / mkhas pas de ni slar yang rab tu bsris// khyod kyis 'dor ni shin tu las byos shig/ nga yi bu yin yang dag the tsam med// de ni bags kyis bags kyis khyim bzhag ste/ lo grangs nyi shu bar du tshang bar yang // mi de las rnams legs par bgyid du stsal// bags kyis mi de rnam par yid phab nas// des ni shel dang mgron bu mu tig kyang // khyim de nyid/ du rab tu spang bar bgyid// de ni thams cad bgrang zhing brtsi ba bgyid// don dang nor rnams kun la de sems so// de yi mchis brang gi ni slad rol na// byis pa de ni gcig pu spyil bur gnas/ / bdag la longs spyod 'di dag yongs med ces// dbul po'i bsam pa dag ni rjes su sems// bu de 'du shes rgya cher gyur par ni// de yi rnam pa de 'dra des 'tshal nas/ / mdza' bo gnyen bshes mang po kun bsags te// nor 'di thams cad 'di la gtad par bya// de yi rgyal po grong dang grong khyer mi// tshong pa mang po dag kyang bsags nas su// 'khor gyi dbus su 'di skad tshig smras pa// bdag gi bu 'di stor nas yun ring ste// sngar ni lo grangs lnga bcu tshang bar len// gzhan yang bdag gis mthong nas nyi shu lags// grong khyer 'di zhes bgyi bar bdag gi stor/ / de tshol slad du bdag ni 'dir mchis so// bdag ni nor 'di kun gyi bdag po ste// 'di dag thams cad ma lus 'di la gtang // pha yi nor gyis dgos dgur spyad par gyis// bran bza' 'di dag kyang ni rab tu sbyin// dman la mos dang pha yi yon tan dang // sngon gyi dbul zhing phongs pa dran nas ni// mi de shin tu ngo mtshar thob par gyur// zan gza' rnyed pas de ring shin tu bde/ / de bzhin bdag cag rnam par 'dren pa yis// dman pa la ni mos par mkhyen pas nas// sangs rgyas su yang 'gyur zhes ma bstan te// khyod ni nyan thos nga yi bu yin no// bdag la 'ji rten mgon gyis bka' stsal ba/ / mchog rab byang chub la ni su zhugs rnams// lam gang bsgoms pas sangs rgyas 'gyur ba yi// bla med lam ni de la 'od srung shod// de phyir bde bar gshegs pas bka' stsal nas/ / byang chub sems dpa' stobs can mang po la// rgyu dang dpe yang bye ba khrag khrig gis// bdag cag gis kyang bla med lam bstan to// rgyal ba'i sras kyi bdag la thos nas ni/ / byang chub mchog lam de ni goms par bgyid// sangs rgyas su ni 'jig rten 'dir 'gyur zhes// de ma thag tu de dag lung yang bstan// chos mdzod 'di ni yang dag srung bgyid cing // rgyal ba'i sras rnams la ni bstan pa yang // ji ltar mi de'i yid brtan de bzhin du// rnam par 'dren pa de 'dra'i las bgyid do// dbul po dag gi bsam pa rnam par sems// sangs rgyas mdzod 'di rnams ni rab sbyin zhing / / rgyal ba'i ye shes rab tu bshad mod kyi// rgyal ba'i ye shes 'di ni don mi gnyer// bdag nyid mya ngan las kyang 'da' bar rtog/ ye shes 'di tsam las ni gzhan/ mi 'byung // sangs rgyas rnams kyi zhing gi bkod thos nas// bdag cag nam yang dga' bar ma gyur to// chos 'di thams cad zag med zhi ba ste// 'gog pa dang ni skye ba rnam par spangs// 'di na chos rnams gang yang ma mchis shes/ / de ltar bsams na dad par ma gyur to// sangs rgyas ye shes bla na med pa la// bdag cag yun ring dus nas mi re zhing // bdag cag nam yang 'di la ma smon te/ / rgyal bas 'di ni dam pa'i mthar gsungs so// mya ngan 'das pa'i mthar thug lus 'di la// stong pa nyid du yun rings yongs su bsgoms// khams gsum sdug bsngal gzir las yongs su thar/ / bdag cag gis ni rgyal ba'i bstan pa gyis// rgyal ba'i sras la gang tshe rab bstan te// byang chub mchog la yang dag su zhugs pa// de dag la ni chos gang ci bshad pa/ de la bdag cag nam yang re ma mchis// bdag cag 'jig rten slob dpon rang byung gis// dus la gzhes pa mdzad nas yal bar bzhag/ bdag cag rnams kyi dad pa rab brtags nas// yang dag ldem dgongs tshig don de ma bshad/ / de yi thabs mkhas pa ni ji lta bur// dus su nor mang po yi skyes bu ltar// dman par dad pa bu de legs par btul// btul nas de la nor yang mang du stsal// tha bra la mkhas pas rab tu ston mdzad de/ / dman la mos pa'i sras rnams 'dul mdzad cing // btul nas sangs rgyas ye shes 'di stsol pa// 'jig rten mgon po shin tu dka' ba mdzad// sangs rgyas bstan pa 'di la bdag cag rnams/ / thog ma'i 'bras bu zag med dam pa thob// ji ltar dbul pos nor rnams rnyed pa bzhin// de ring 'bral la bdag cag ngo mtshar thob// bdag cag tshul khrims gang rnams yun ring du/ / 'jig rten mkhyen pa'i bstan la legs bsrung ba// mgon po mngon chang tshul khrims spyad pa yi// de yi 'bras bu de ring bdag cag thob// tshangs par spyod pa mchog rab rnam dag gang / / 'dren pa'i bstan la shin tu bsten bgyis pa// de yi 'bras bu zhi ba khyad par can// rgya chen zag pa ma mchis de ring thob// mgon po de ring bdag cag sgrogs gyur te// byang chub dam pa yang dag bsgrag par bgyi/ / byang chub thob pa'i sgra yang rab tu brjod// de bas bdag cag sgrogs pa mi bzang 'dra// mgon po deng ni bdag cag 'os gyur te// lha dang bcas pa'i 'jig rten bdud bcas dang / tshangs par bcas pa'i sems can thams cad kyis// bdag cag shin tu mchod par 'os pa lags// mi yi 'jig rten 'di na gang dka' ba// dka' ba 'di 'dra ba dag mdzad pas na// bskal pa bye ba mang por 'bad pas kyang / / khyod la lan ljon rdo thog ga la mchis// mgo dang lag pa dang ni rkang pas kyang // lan du phan pa bgyi ba shin tu dka'// gang+ga'i bye snyed bskal pa rdzogs par yang // mgo dang / phrag pa gang gis khyer ba dang // bca' dang bza' dang skom dang gos rnams dang // mal cha stan dang steng g.yogs chen po phul// tsan dan dag las gtsug lag khang bgyis te// bcos bu'i ras phrugs rab tu bting ba dang / / na ba'i gsos sman rnam pa mang po yang // bde bar gshegs pa mchod phyir rtag phul te// gang+gA'i bye snyed bskal par phul yang ni// de la nam yang lan ldon rngo mi thog/ mtshungs med mthu mngar che ba'i chos ldan pa// bzod pa'i stobs gnas rdzu 'phrul che rnams dang / sangs rgyas rgyal chen zag meng rgyal ba ni// byis pa dag gi 'di 'dra shin tu bzod// de bzhin rtag tu rjes su mthun 'jug cing / / mtshan ma spyod pa rnams la chos ston te// chos kyi dbang phyug 'jig rten kun la dbang // dbang phyug chen po 'jig rten 'dren dbang po// sems can gnas rnams rab tu mkhyen pas na/ / so sor sgrub pa rnam pa mang por ston// de dag mos pa sna tshogs mkhyen nas su// brgya phrag stong gis rab tu chos 'chad do// sems can thams cad dang ni// gang zag gi/ de bzhin gshegs kyis spyod pa rab mkhyen pas// byang chub dam pa 'di ni rab ston cing // chos rnams rnam pa mang po shin tu gsung // mos pa'i le'u zhes bya ste bzhi pa'o// / / de nas bcom ldan 'das kyis/ tshe dang ldan pa 'od srungs chen po dang / gzhan yang gnas brtan nyan thos chen po de dag la bka' stsal pa/ 'od srungs legs so legs so// khyod kyis de bzhin gshegs pa'i yang dag pa'i yon tan bsngags pa brjod pa ni/ 'od srungs khyod legs so// 'od srungs de dag ni de bzhin gshegs pa'i yon tan no// de bas gzhan yang mang zhing tshad med grangs med de bskal pa dpag tu med par bshad kyang de dag gi mtha' rtogs par sla ba ma yin no/ / 'od srungs de bzhin gshegs pa ni chos kyi rje/ chos thams cad kyi rgyal po gtso bo mnga' ba ste/ 'od srungs de bzhin gshegs pas chos gang du bzhag pa dang ji ltar bzhag pa de dag de bzhin du 'gyur ro// 'od srungs de bzhin gshegs pa chos thams cad rigs par 'jog ste/ de bzhin gshegs pa'i ye shes kyis 'jug go/ ji ltar chos de dag thams cad mkhyen pa'i sa nyid du 'byung bar de ltar 'jog go// chos thams cad kyi don gyi rim pa la de bzhin gshegapa gzigs te/ chos thams cad la lhag pa'i bsam pa thob/ chos thams cad nges par gtan la dbab pa la thabs mkhas pa'i ye shes dam pa'i mchog thob ste/ 'od srungs de bzhin gshegs pa dgra bcom pa yang dag par rdzogs pa'i sangs rgyas ni thams cad mkhyen pa'i ye shes ston pa'o/ / thams cad mkhyen pa'i ye shes la 'dzud pa'o// thams cad mkhyen pa'i ye shes la 'jog pa'o// 'od srungs 'di lta ste dper na/ stong gsum gyi stong chen po'i 'jig rten gyi khams 'di na/ rtswa dang shing gel ba dang / sman dang / nags tshal kha dog sna tshogs rnam pa du ma dang / sman mang po ming tha dad du btags pas dang ri dang ri sul dag nas ji snyed skyes pa/ sprin chu chen pos rgyas pa 'dus nas/ thams cad dang ldan pa'i stong gsum gyi stong chen po'i 'jig rten gyi khams khebs par byas so// kun khebs par byas nas dus gcig tu char mnyam par phab ste/ 'od srungs stong gsum gyi stong chen po'i 'jig rten gyi khams 'di'i rtswa dang / shing gel ba dang / sman dang / nag so tshal de na sdong bu dang / yal ga dang / ma dang / 'dab ma gzhon zhing 'jam pa dzi yod pa dang / sdong bu dang yal ga dang / lo ma dang / 'dab ma bar ma ci yod pa dang / sdong bu dang / yal ga dang / lo ma dang / 'dab ma chen po dang / rtswa dang shing gel ba dang / sman dang nag sa tshal gyi sdong po dang / sdong po chen po ci yod pa de dag thams cad sprin chen po de las char bab pa la mthu dang / yul ji lta ba bzhin du chu'i khams so sor 'thung ste/ de yang sprin gcig las byung ba/ ro gcig pa'i chu mang pos sa bon ji lta bar rjes su mthun par skye ste/ 'phel zhing rgyas par 'gyur ro// de bzhin du me tog dang 'bras bu 'byung ste/ de dag kyang so so'i ming thob bo// sa gcig la gnas pa'i sman chen po sa bon mang po de thams cad chu ro gcig pas bangs pa de bzhin du/ 'od srungs de bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung ngo / / ji ltar sprin chen po 'dus pa de bzhin du de bzhin gshegs pa byung nas/ lha dang mi dang / lha ma yin du bcas pa thams cad dang ldan pa'i 'jig rten la dbyangs kyis go bar mdzad do/ / de la 'di lta ste dper na/ sprin chen po des thams cad dang ldan pa'i stong gsum gyi stong chen po'i 'jig rten gyi khams khebs pa de bzhin du/ 'od srungs de bzhin gshegs pa dgra bcom pa yang dag par rdzogs pa'i sangs rgyas kyis/ lha dang mi dang lha ma yin du bcas pa'i 'jig rten gyi mdun du sgra 'di skad 'byin cing dbyangs kyis thos par byed de/ lha dang mi dag nga ni de bzhin gshegs pa dgra bcom pa yang dag par rdzogs pa'i sangs rgyas te/ rgal nas bsgral lo// grol nas dgrol lo// dbugs phyin nas dbugs dbyung ngo / / yongs su mya ngan las 'das nas yongs su mya ngan las bzla'o// nga ni da ltar gyi 'jig rten dang / 'jig rten gzhan yang yang dag pa'i shes kyis yang dag par ji lta ba bzhin du rab tu mkhyen to/ / thams cad mkhyen cing thams cad gzigs so// lha dang mi dag chos nyan pa'i phyir nga'i drung du shegs shig/ nga ni lam ston pa'o// lam chad pa'o/ / lam rig pa'o// lam mkhas pa'o// 'od srung de ltar srog chags bye ba khrag khrig brgya stong mang po de bzhin gshegs pa la chos nyan cing nye bar lhags pa'i sems can de dag gi dbang po dang / brtson 'grus kyi rim pa de bzhin gshegs pas mkhyen nas/ de dag la chos kyi rnam grangs nye bar sbyor ro// de dag la chos kyi gtam mang po sna tshogs dga' ba tshim pa mgu bar byed pa/ phan pa dang bde bar 'gyur ba'i gtam gang gis sems can tshe 'di la bde bar 'gyur zhing 'chi ba'i dus byas nas kyang bde 'gror skye la/ gar skyes pa der 'dod pa mang po spyod kyang chos nyan cing chos de thos nas/ sgrib pa med par 'gyur te/ mthar gyis thams cad mkhyen pa'i chos la stobs ji lta ba dang / yul ji lta ba dang mthu ji lta ba bzhin du 'jug par 'gyur ba gsung ngo // 'od srung 'di lta ste dper na/ sprin chen po des stong gsum gyi stong chen po'i 'jig rten gyi khams khebs nas/ char mnyam par phab ste/ rtswa dang / shing gel ba dang / sman dang / nags tshal thams cad chus ngoms te/ stobs ji lta ba dang / yul ji lta ba dang / mthu ji lta ba bzhin du rtswa dang / shing gel ba dang / sman dang / nags tshal la sogs pa chu 'thung ste/ bdag bdag gi so so'i rigs dang tshang du skye'o/ / 'od srung de bzhin du de bzhin gshegs pa dgra bcom pa yang dag par rdzogs pa'i sangs rgyas kyis chos bshad pa/ chos thams cad ro gcig pa ste/ de ni rnam par grol ba dang / 'dod chags dang bral ba dang / 'gog pa dang / thams cad mkhyen pa'i ye shes kyi mthar ro gcig go// 'od srung de bzhin du de bzhin gshegs pas chos bshad pa de la/ sems can gang nyan pa dang / 'dzin pa dang / 'jug pa de dag bdag gis shes pa 'am/ rig pa 'am rtogs pa med do// de ci'i phyir zhe na/ 'od srung de bzhin gshegs pas 'di ltar sems can de dag de bzhin du mkhyen te/ de dag su yin pa dang / de dag ji lta bu yin pa dang / de dag ci 'dra ba dang / de dag ci la sems pa dang // de dag ji ltar sems pa dang / de dag cis sems pa dang / de dag ci la sgom pa dang / de dag ji ltar sgom pa dang / de dag cis sgom pa dang / de dag ci 'thob pa dang / de dag ji ltar 'thob pa dang / de dag cis thob pa de dag thams cad ni/ 'od srung de bzhin de bzhin gshegs pa la mngon sum ste/ mngon sum du gzigs/ ji lta ba bzhin du gzigs pa'i phyir ro// 'od srung 'di lta ste/ rnam par grol ba'i ro dang / mya ngan las 'das pa'i mthar thug pa dang / rtag par yongs su mya ngan las 'das pa dang / sa gcig pa dang / na mkha'i spyod yul du ngas chos rnams ro gcig par rtogs kyang / sems can rnams kyi dad pa bsrung ba'i phyir/ sa de dang de dag na gnas pa'i sems can/ rtswa dang / shing gel ba dang / sman dang / nags tshal rab 'bring tha ma lta bu de dag la thams cad mkhyen pa'i ye shes glo bur du mi ston to/ / 'od srung nga bzhin gshegs pas ldem por dgongs te bshad pa la khyed 'jug mi nus pas khyed do/ mtshar du gyur to// de ci'i phyir zhe na/ 'od srung de bzhin gshegs pa dgra bcom pa yang dag par rdzogs pa'i sangs rgyas rnams kyis dgongs te bshad pa ni/ shes par dka' ba'i phyir ro// de nas bcom ldan 'das de'i don rgyas par ston cing / de'i tshe tshigs su bcad pa 'di dag bka' stsal to// chos rgyal srid pa 'joms mdzad pa// nga ni 'jig rten byung nas su/ / mos pa rnam par mkhyen gyur nas// sems can rnams la chos 'chad do// dpa' bo chen po blo brtan pas// bshad pa rnams ni yun ring srung // gsang chen dag kyang 'dzin mdzad cing / / srog chags rnams la mi ston to// ye shes de ni shes dka' ste// byis pa rnams kyis 'phral la thos// mi shes pas ni the tsom gyur// de las nyams shing de dag 'khyam/ / de yi stobs kyang ci 'dra dang // yul yang ci bzhin bshang bar bya// tha dad pa yi don rnams kyis// lta ba dag ni drang por bya// 'od srung smin ni ji lta bu// 'dus nas 'jig rten khams rnams su/ / sa rnams rab tu yog par ni// thams cad du yang khebs par gyur// de ni rab tu chus rgyas te// sprin chen glog gi phreng bar bcas// skad kyis shin tu sgra 'byin cing / / lus can rnams la dga' bar byed// nyi ma'i 'od ni bsgribs pas na// dkyil 'khor dag kyang bsil bar byas// lag gis slebs par 'dug nas su// thams cad kun tu char yang 'bebs/ / de ni snyoms par 'bebs pa yang // chu'i phung po mi chung bar// kun tu bab par gyur pas na// sa 'di rnams kyang ngoms par byas// gang dag sa 'di rnams las ni// skye bar gyur pa'i sman rnams dang // rtswa dang gel ba nags tshal dang // sdong po dang ni sdong chen dang // 'bru yi rnam pa mang po dang // sngon por gyur pa gang kyang rung // ri dang ri sul nags rnams sam/ / sman ljongs nas ni gang 'khrungs pa// sprin gyis thams cad ngoms par byed// rtswa dang gel ba nags tshal dang // gdungs pa'i sa yang ngoms par byas// sman rnams la yang kun tu phab/ / chu de rnams kyang ro gcig ste// sprin las bab pa 'di na gnas// ji ltar stobs dang yul bzhin du// rtswa dang gel ba de 'thung ngo // sdong po dang ni sdong po chen po rnams// chung dungudu bar man tshod ji bzhin du/ / ji ltar stobs bzhin thams cad chu 'thung ste// 'thung nas ji ltar 'dod pa bzhin du skye// sprin las char pa bab pas rtsi chen rnams// sdong bu sbu bu shun pa ji lta bar// yal ga gyes dang 'dab ma ji bzhin du// 'bras bu me tog rnams kyang de bzhin 'phel// char pa ro gcig pa yang bab pas na// ji lta'i stobs dang yul ni ji 'dra bar// gang gis sa bon dag ni// ji 'dra las// de dag rang rang las ni skye ba 'byin// 'od srung de bzhin sangs rgyas 'jig rten 'dir// 'jig rten char 'dzin sprin dang 'dra bar 'byung // 'jig rten mgon po byung nas 'chad par 'gyur// srog chags la ni yang dag spyod pa ston// lhar bcas 'jig rten dag gis mdun bdar nas// de ltar drang srong chen po rab sgrogs te// de ni rkang gnyis mchog rgyal de bzhin gshegs// sprin lta bur ni 'jig rten 'dir byung ste/ / rab tu lus skams srid pa gsum chags pa// sems can thams cad ngas ni ngoms par bya// sdug bsngal dag gis skams pa bde la dgod// ngas ni 'dod dang mya ngan 'das pa'ang sbyin/ / sgra dang mi tshogs rnams kyang ngal nyon// ngal lta ba'i phyir ni nye bar sheg/ de bzhin gshegs pa bcom ldan zil mi non// bsgral ba'i phyir ni 'jig rten 'dir skyes te/ rnam dag shin tu mthong bar bya ba'i chos// srog chags bye ba stong la bshad par bya// de yi mnyam pa nyid dang yang dag gcig/ de ni rnam grol mya ngan 'das pa yin// rtag tu byang chub phyir ni go zhug par yang / / dbyangs gcig gis ni rab tu chos bshad de// de ni mnyam pa nyid de mi mnyam med// 'dod chags med cing zhe sdang gang yang med// nam yang nga la rjes su chags pa med// su la'ang nga ni mdza' zhing sdang ba'ang med/ / sems can gcig bzhin 'gro ba gzhan la ste// lus can rnams la chos ni snyoms par 'chad// las gzhan mi byed rab tu chos 'chad de// 'gro ba dang ni 'greng dang 'dug pa dang // mal du zhugs shing nyal ba'i tshe na yang // nam yang ngal skyo bar gyur pa med// sprin gyis char ba mnyam par phab pa bzhin// 'jig rten 'di rnams thams cad ngoms par bya/ / 'phags pa dang ni ma rabs mtshungs pa'i blo// tshul khrims ldan dang tshul khrims 'chal pa dang // de bzhin mi gang spyod pa nyams pa dang // spyod dang cho ga rnams su ldan pa dang / / lha la gnas shing lta ba gang nyams dang // yang dag gang lta lta ba rnam ngag dang // blo gros ngan pa dang ni dam pa'ang rung // dbang po rtul po rnams la chos 'o chad de// skyo ba zla cad rab tu rnam spangs nas/ / ngas ri yang dag chos kyi char pab pa// ji lta'i spobs bzhin nga las mnyan nas ni// lha mi'i nang na yid du 'ong ba dang // 'khor los sgyur dang brgya byin tshangs pa yi/ rnam pa mang po'i sa la gnas par 'gyur// phran tshogs phran chags sman rnams 'di dag dang // 'jig rten 'di na gang chung 'di dag dang // bar mchen po sman rnams gzhan dag dang // de dag thams cad rab tu bshad kyis nyon/ / zag pa med pa'i chos rnams rab shes nas// mi gang mya ngan 'das thob gnas pa dang // drug mngon shes shing gsum rig gang 'gyur ba// de ni par ma'i sman ces bya ba yin/ / gang dag ri sul rnams na gnas pa dang // mi gang rang rgyal byang chub 'dod byed pa// de 'dra 'bring du rnam par dag pa'i blo// de ni bar ma'i sman ces bya ba yin// brtson 'grus dang ni bsam gtan rnam sten cing / / lha dang mi mgon sangs rgyas 'gyur bya zhes// skyes bu khyu mchog tu yang gang smon pa// de ni sman gyi mchog ces bya ba yin// bde bar gshegs pa'i sras po gang zhugs pa/ / byams par bsnyen cing 'di la zhi ba spyod// skyes bu khyu mchog tu yang the tsom med// de 'dra 'di na sdong po yin zhes bya// phyir mi ldog pa'i 'khor lo rab bskor cing / / rdzu 'phrul stobs la gnas pa gang dpa' ba// srog chags bye ba mang po rab tu 'grol// de ni 'di na sdong po chen po yin// rgyal bas chos de mnyam par bshad pa ni// sprin gyis char pa mnyam par phab pa bzhin/ / sna tshogs mngon shes 'di 'dra 'di dag kyang // sa steng sman rnams ji ltar gnas pa bzhin// de lta bu yi dpe dag bstan pa yis// de bzhin gshegs kyi thabs rnams shes par gyis/ / ji ltar de yis chos gcig bshad pa yang // sna tshogs tshig ni char gyi thigs pa bzhin// ngas kyang chos kyi char pa phab pas na// 'jig rten 'di dag thams cad ngoms par gyur/ / rab tu bshad pa ro gcig chos la yang // ji 'dra stobs bzhin rjes su rnam par sems// ji ltar rtswa dang gel ba'i shing rnams dang // bar ma sman rnams la yang ji lta bar// sdong po dang ni sdong po chen po de// char bab phyogs bcu kun na'ang mdzes pa bzhin// 'di ni rtag tu 'jig rten phan pa'i chos// 'jig rten 'di kun chos kyis ngoms par byed// 'jig rten thams cad ngoms par byas nas ni// sman rnams las ni me tog rab tu 'byung // bar ma'i sman rnams rnam par skye ba ni// dgra bcom gang dag zag pa zad gnas dang // nags tshal khrod gnas rang sangs rgyas rnams la/ / legs par gsungs pa'i chos rnams bstan par bya// byang chub sems dpa' mang po drin ldan brtan// byang chub mchog 'di yongs su tshol ba na// khams gsum thams cad rtogs par khong chud pa/ / de dag rtag tu skye ba sdong bu bzhin// rdzu 'phrul gang ldan bsam gtan bzhir bzhugs pa// gang dag stong pa nyid thos dga' skyed cing // 'od zer stong phrag rab tu gtong ba rnams/ / de dag sdong po chen po zhes kyang bya// 'od srung 'di lta bu yi chos bshad pa// sprin gyis char pa mnyam par phab pa bzhin// mi yi me tog mang po mtha' yas pa// des ni mang po'i sman bzhin rnam par bskyed/ / rang gis rig pa'i chos rnams rab tu bshad// sangs rgyas byang chub dag ni dus su bstan// de ni 'jig rten 'dren pa thams cad dang // nga yi thabs la mkhas pa mchog yin no/ / 'di ltar don dam yang dag ngas bshad pa// nyan thos de kun mya ngan ma 'das te// de dag byang chub spyod pa rab spyad nas// nyan thos 'di dag thams cad sangs rgyas 'gyur// 'od srung gzhan yang de bzhin gshegs pa ni sems can 'dul bar mtshungs te/ mi mtshungs pa med do// 'od srung 'di lta ste dper na/ nyi ma dang zla ba'i 'od kyis 'jig rten thams cad du snang bar byed pa ni dge babyed pa dang / mi dge ba byed pa dang / steng na gnas pa dang / 'og na gnas pa dang / dri zhim pa dang / dri mi zhim pa thams cad mnyam par 'od kyis phog ste/ mi mnyam pa ma yin no// 'od s rung de bzhin du de bzhin gshegs pa dgra bcom pa yang dag par rdzogs pa'i sangs rgyas rnams kyi thams cad mkhyen pa'i ye shes kyi sems kyi 'od kyis 'gro ba lngar skyes pa'i sems can thams cad ji ltar mos pa bzhin du theg pa chen po pa dang / rang sangs rgyas kyi theg pa can dang / nyan thos kyi theg pa can rnams la chos bshad pa de mnyam par 'jug la/ de bzhin gshegs pa'i ye shes ni skye ba'ang med/ 'bri ba'ang med de/ 'di ltar bsod nams dang / ye shes yang dag par sdud par 'gyur ro// / dam pa'i chos pad+ma dkar po/ khyab bam po lnga pa/ 'od srung theg pa ni gsum du med de/ sems can spyod pa tha dad pas de'i phyir gyi na theg pa gsum du btags par bad do// de skad ces bka' stsal nas bcom ldan 'das la tshe dang ldan pa 'od srung chen pos 'di skad ces gsol to/ / bcom ldan 'das gal te theg pa gsum du ma mchis na/ ci'i slad du da ltar byung ba'i dus na nyan thos dang / rang sangs rgyas dang / byang chub sems dpar bdags pas rab tu bdags/ de skad ces gsol ba dang / bcom ldan 'das kyis tshe dang ldan pa 'od srung chen po la 'di skad ces bka' stsal to// 'od srung 'di lta ste dper na/ rdza mkhan gyis 'jim pa mtshungs pa las snod byas te/ de las kha cig ni bu ram gyi snod du gyur/ kha cig ni mar gyi snod du gyur/ kha cig ni zho dang 'o ma'i snod/ kha cig ni ngan pa mi gtsang ba'i snod du gyur te/ 'jim pa la tha dad pa med mod kyi/ rdzas gtsug pa tsam gyis snod tha dad par snang ngo // 'od srung de bzhin du theg pa ni gcig pu 'di nyid de/ 'di lta ste/ sangs rgyas kyi theg pa ste/ theg pa gnyis sam/ gsum du med do// de skad ces bka' stsal nas/ bcom ldan 'das la tshe dang ldan pa 'od srung chen pos 'di skad ces gsol to// bcom ldan 'das gal te/ sems can mos pa tha dad pa gang dag khams gsum nas byung ba de dag gi mya ngan las 'das pa gcig gam/ 'on te gnyis sam gsum/ bcom ldan 'das kyis bka' stsal pa/ 'od srung chos thams cad mnyam pa nyid khong du chud pa'i phyir mya ngan las 'da' bas na/ de ni gcig ste/ gnyis su med/ gsum du med/ gsum du yang med do// 'od srung skyes bu mkhas pa kha cig ni dpes bshad pas don rig par 'gyur te/ de phyir khyod la dpe bstan par bya'o// 'od srung 'di lta ste dper na/ mi dmus long zhig 'di skad du/ kha dog bzang po dang / kha dog ngan pa'i gzugs med/ kha dog bzang po dang / kha dog ngan pa'i gzugs mthong ba yang med/ nyi ma dang zla bayang med/ skar ma yang med/ gza' yang med/ gza mthong ba yang med do zhes zer ro/ / de nas mi gzhan dag gis/ dmus long de'i mdun du 'di skad ces/ kha dog bzang po dang / kha dog ngan pa'i gzugs kyang yod/ kha dog bzang po dang / kha dog ngan pa'i gzugs mthong ba yang yod/ de bzhin du nyi ma dang / zla ba dang / skar ma yang yod/ gza' yang yod/ gza' mthong ba yang yod do zhes smras ni/ mi dmus long de mi de dag la yid mi ches shing smras pa bzhin mi 'dzin to/ / de nas sman pa nad thams cad shes pa la la zhig gis mi dmus long de mthong nas// de 'di snyam du sems te/ mi de sngon gyi sdig pa'i las kyis nang du gyur te/ gang cung zad nang du gyur pa de thams cad rnam pa bzhi ste/ rlung las gyur pa dang / mkhris pa las gyur pa dang / bang kan las gyur pa dang / 'dus pa las gyur pa'o snyam mo// de nas sman pas de'i nad zhi bar bya ba'i phyir/ yang dang yang thabs bsams te/ gang 'di na sman yod pa rnams kyis ni nad de phyin par mi nus kyi/ gangs kyi ri'i rgyal po la sman sna bzhi yod de/ bzhi gang zhe na/ 'di lta ste/ gcig pa kha dog dang ro thams cad kyi gnas dang ldan pa zhes bya ba dang / gnyis pa nad thams cad las rab tu thar par byed pa zhes bya ba dang / gsum pa dug thams cad las thar bar byed pa zhes bya ba dang / bzhi pa gnas gang na 'dug par bde ba sbyin pa zhes bya ba dang / de bzhi yod do snyam mo// de nas dmus long de la sman pas snying rje bskyed nas/ thabs gang gis gangs kyi ri'i rgyal po la 'gro nus pa de lta bu'i thabs bsams te/ song nas par yang 'dzegs/ mar yang babs/ ngos la yang btsal to// de ltar btsal de sman de sna bzhi rnyed nas/ rnyed pa dang / kha cig ni sos bcas te byin kha cig ni btags/ kha cig ni phrad gzhan dang sbyar nas btsos te byin/ kha cig ni phrad rlon pa dang sbyar te byin/ kha cig ni lus kyi gnas thur mas phug te blugs/ kha cig ni nas bsregs te byin/ kha cig ni phrad gzhan dang sbyar te zas dang / skom la sogs pa dang bsres te byin no// de nas dmu sa long de thabs sbyar ba des mig thob bo/ / des mig thob nas phyi dang / nang dang / zag ring po dang / nye ba dang / zla ba dang / nyi ma'i 'od dang / skar ma dang gza'i gzugs thams cad kyang mthong nas 'di skad ces kye ma a la la/ blun po kho bo na sngon ni bstan kyang yid mi ches zhing / smras pa bzhin mi 'dzin na/ da ni kho bos thams cad mthong nas/ dmus long las thar te/ kho bos mig thob pas kho bo lta bur khyad par du phags pa gang yang med do zhes smras so/ / de'i na drang srong mngon par shes pa lnga dang ldan pa/ lha'i mig dang / lha'i rna ba dang / pha rol gyi sems shes pa dang / sngon gyi gnas dran pa'i shes pa dang / rdzu 'phrul mngon sum du bya la mkhas pa dag gcig yod de/ de dag gis mi de la 'di skad ces smras te/ kye mi khyod ni mig rnyed pa 'ba' zhig tu zad kyi/ khyod gzhan ci yang mi shes na/ khyod kyi nga rgyal de ci las byung / khyod la ni shes rab kyang med/ zab mkhas pa yang ma yin no// de dag gis yang de la 'di skad ces smras te/ kye mi khyod gang gi tshe khyim gyi nang na 'dug pa na/ phyi logs kyi gzugs gzhan dag mi mthong mi shes/ khyod kyis sems can gang dag byams par sems pa dang / gnod par sems pa de dag kyang mi shes/ dpag tshad lnga'i bar na 'dug pa smra ba dang / rnga dang dung la sogs pa'i sgra yang mi shes mi thos/ rgyang grags gcig gi bar du gom pa mi 'dor bar 'gro yang mi nus/ ma'i lto na skye zhing 'phel bar byed pa de dag kyang / mi dran na ji ltar mkhas pa yin/ ji ltar thams cad mthong zhes smra/ kye mi khyod kyis snang ba gang yin pa de ni mun par shes/ mun pa gang yin pa de ni snang bar shes so zhes de skad smras pa dang / de nas mi des drang srong de dag la 'di skad ces smras te/ thabs gang dang dge ba'i las ci byas na/ 'di 'dra ba'i shes rab 'thob/ khyed kyis bya dga' la yon tan de dag thob par gyis/ de nas drang srong de dag gis mi de la 'di skad ces smras so// gal te 'dod na 'brog dgon par gnas par gyis/ yang na brag phug tu 'dug la chos sems shing khyod kyis nyon mongs pa rnams spang bar bya ste/ de bzhin du sbyangs pa'i yon tan dang ldan na/ mngon par shes pa rab tu 'thob bo// de nas mi des de'i don blangs te/ rab tu byung nas dgon pa la gnas te/ sems rtse gcig pas 'jig rten gyi srid po spangs te/ mngon par shes pa lnga thob bo// mngon par shes pa lnga thob nas bsams pa/ sngon bdag gis las gzhan byas 'das bdag gis yon tan gang yang ma thob bo/ / da ni gar bsams par 'gro'o// sngon bdag ni shes pa chung zhing rtog pa chung ste/ bdag ni dmus long du gyur pa'o snyam mo// 'od srung de ltar don de rig par bya ba'i phyir dpe 'di byas te/ de'i don ni 'di ltar blta'o// 'od srad dmus long zhes bya ba de ni sems can 'gro ba lnga'i 'khor ba na gnas pa rnams kyi tsha ge bla dgas te/ gang ngag dam pa'i chos mi shos shing / nyon mongs pa'i mun pa mun nag skyed pa de dag ma rig pas ljongs so// ma rigs pas ldongs pas 'du byed sogs so// 'du byed kyi rkyen gyis ming dang gzugs nas/ de bzhin du sdug bsngal gyi phung po chen po 'ba' zhig pa de'i bar du 'byung bar 'gyur ro// de ltar ma rig pas ldongs te/ sems can 'khor ba na gnas pa rnams la/ de bzhin gshegs pas thugs rje bskyed nas/ khams gsum las 'das kyang bu gcig pa'i pha byams pa bzhin du thugs rje chen po bskyed nas/ khams gsum du gshegs te/ sems can rnams 'khor ba'i 'khor lo na 'khyam zhing nyon mongs kyang de dag 'khor ba las 'byung ba yang dag pa ji lta ba bzhin du mi shes par de dag bcom ldan 'das kyi shes rab kyi spyan gyis gzigs so/ / gzigs nas kyang sems// can 'di dag sngon dge ba byas pas zhe sdang chung la/ 'dod chags re ba dang / 'dod chags chung la zhe sdang che ba dang / kha cig shes rab chung ba dang / kha cig mkhas pa dang / kha cig yongs su smin cing dag pa dang / kha cig log par lta bar mkhyen nas/ sems can de dag la de bzhin gshegs pa thabs mkhas pas theg pa gsum du bshad do// de la ji ltar drang srong chen po de dag mngon par shes pa lnga dang ldan zhing mig rnam par dag pa de bzhin du/ byang chub sems dpas byang chub tu sems bskyed de/ mi skye ba'i chos la bzod pa thob nas/ bla na med pa yang dag par rdzogs pa'i byang chub mngon par rdzogs par 'tshang rgya bar blta'o/ / de la sman pa chen po de ji lta ba bzhin du de bzhin gshegs par blta'o// dmus long ji lta ba de bzhin du gti mug gis ldong po'i sems can du blta'o// rlung dang mkhris pa dang / bad kan ji ltar ba de bzhin du/ 'dod chags dang / zhe sdang dang / gti mug dang / lta ba drug cu rtsa gnyis su gyur par blta'o// ji ltar sman sna bzhi po de ltar stong pa nyid dang / mtshan ma med pa dang / smon pa med pa dang / mya ngan las 'das pa'i sgor blta'o// ji lta ji lta bur sman rnams btang bas de lta de lta bur nad rab tu zhi ba de bzhin du rnam par thar pa'i sgo stong pa nyid dang / mtshan ma med pa dang / smon pa med pa bsgoms pas ma rig pa 'gag par byed cing / ma rig pa 'gags pas 'du byed 'gag pa nas de bzhin du sdug bsngal gyi phung po chen po 'ba' shig pa de'i bar du 'gag par 'gyur te/ de bzhin du de'i sems dge ba la yang mi gnas/ sdig pa la yang mi gnas te/ ji ltar dmus long gis mig thob pa de bzhin du nyan thos dang / rang sangs rgyas kyi theg pa can du blta'o// 'khor ba'i nyon mongs pas bcings pa gcod cing nyon mongs pa'i bcings pa las rnam par grol te/ khams gsum gyi 'gro ba drug las rab tu thar bas na/ de'i phyir nyan thos kyi theg pa can gyis 'di ltar shes nas/ 'di skad ces mngon par rdzogs par 'tshang rgya bar bya ba'i chos gzhan med de/ bdag ni ma ngan las 'das pa thob bo zhes zer ro/ / de nas de bzhin gshegs pa de la chos ston te/ gang gis chos thams cad ma thob pa de la mya ngan las 'das pa gang la yod ces de bzhin gshegs pas de dag byang chub tu btsud de/ de byang chub kyi sems skyes nas/ 'khor ba la yang mi gnas/ mya ngan las 'das pa thob par yang mi 'gyur ro// des khams gsum rab tu rtogs nas/ phyogs bcu'i 'jig rten stong pa dang / sprul pa lta bu dang / sgyu ma lta bu dang / rmi lam dang / smig rgyu dang / brag cha lta bu dang / chos thams cad ma skyes pa dang / ma 'gags pa dang / mau bcings pa dang / ma zol ba dang / mun pa yang ma yin/ snang ba yang ma yin par mthong ngo // gang gis de ltar chos zab mo mthong ba dang / thos pa des khams gsul thams cad gang ba'i sems can gyi bsam pa dang / mos pa tha dad pa mi mthong ba'i tshul gyis mthong ngo / / de nas bcom ldan 'das de'i don rgyas par ston cing / de'i tshe tshigs su bcad pa 'di dag bka' stsal to// ji ltar nyi ma zla ba'i 'od son tan ldan dang sdig can gyi/ / mi la mnyam par rab 'char te// de la skye zhing 'bri ba'ang med// de bzhin gshegs kyi shes rab 'od// snyoms pa nyi ma zla ba bzhin// lhag cing chad pa med par ni// sems can thams cad rnam par 'dul// ji ltar khams snod rdza mkhan gyis// 'jim pa mtshungs las byas pa dag/ de las snod du gyur pa ni// bu ram 'o ma mar dang chu// yang na la la mi gtsang dang / / kha cig zho yi snod du gyur// khams pa sna cig des blangs te// rdza mkhan gyi ni snod du byas// ji ltar dngos po bcug pa bzhin// des ni snod kyang so sor rtogs// de bzhin sems can bye brag med// / tha dad mos pas de bzhin gshegs// theg pa tha dad rab ston kyang // theg pa sangs rgyas theg par nges// 'khor ba'i 'khor lo mi shes pas// mya ngan 'das pa'ang shes ma yin// chos rnams bdag nyid rnam spangs shing / / stong par gang dag rnam shes pa// de dag sangs rgyas bcom ldan gyi// byang chub yang dag nyid du shes/ shes rab bar mar bdags pa ni// de ni rang rgyal zhes kyang bya/ stong par shes pas rnam btul ba// de ni nyan thos nyid du bzhag/ chos rnams thams cad rtog pa ni// yang dag rdzogs pa'i sangs rgyas yin// ji ltar dmus long la las ni// nyi zla gza' dang skar ma rnams// des ma mthong bas 'di skad ces// gzugs ni rnam kun med ces smra// sman pa chen pos dmus long la// snying rje chen po bskyed nas su// gangs kyi ri la de song ste// gyen 'dzegs thur babs thad kar song / / kha dog ro kun gnas ldan pa// de la sogs pa sna bzhi dag/ ri la sman kyang kun rnyed de// de nas de dag rab tu sbyar// kha cig dag ni sos kyang bcas// kha cig btags te de bzhin gzhan/ / yan lag tu yang khab rtses bcug/ dmus long la ni rab tu gto// de yis mig tho ba nyi zla dang // skar ma gza' rnams mthong bar 'gyur// mi shes pas na sngon smras shes/ / de ni de ltar sems par gyur// de bzhin sems can mi shes tshe// dmus long 'dra dag 'di na 'khor// rten 'byung 'khor lo mi shes pas// sdug bsnga la chu bo'i lam du gyur// de bzhin mi shes rmongs pa yi// 'jig rten du ni kun mkhyen mchog/ sman pa chen po de bzhin gshegs// snying rje bdag nyid 'dir 'byung ste// ston pa thabs la mkhas pas na// des ni dam pa'i chos bshad de/ / bla med yang dag rdzogs byang chub// theg pa dam par zhugasal bshad// 'dren pas shes rab 'bring la yang // bar ma dag ni rab tu bshad// 'khor bas 'jigs la byang/ chub kyang // gzhan du rab tu bshad pa yin// khams gsum las ni byung ba yi// nyan thos rnams kyis 'di ltar shes// mya ngan 'das pa dri med zhi// bdag gis rab tu thob snyam sems// chos kun khong/ du chud gyur na// mi 'chi mya ngan 'das pa thob// drang srong che rnams de la ni// shin tu snying rje bskyen nas su// de la smras pa blun po khyod// ye shes can du bdag ma sems// gang tshe khyod ni khang pa yi// nang na 'dug par gyur pa na// phyi rol dag na gang yod pa// shes rab chung khyod de mi shes// gang zhig nang na 'dug pa des// byas dang ma byas phyi rol gyi// shes bya da dung mi shes na// shes chung khyod kyis ga la shes/ / dpag tshad lnga tsam par dag gis// sgra gang byung ba de rnams kyang // de yang thos par mi nus na// de bas ring ba gzhan ci smos// khyod la gang dag nyer sems dang // de bzhin gzhan dag byams pa yang / / khyod kyis de dag shes mi nus// ci'i phyir khyod kyis nga rgyal bya// rgyang grags tsam du 'gro na yang // gom pa ma bor 'gro mi nus// ma'i mngal na ci byung ba// de dag de ma thag tu brjed/ / sul mngon shes 'di lnga yod// de ring thams cad shes shes bya// khyod ni gti mug cang mi shes// bdag ni thams cad shes shes smra// thams cad mkhyen par khyod 'dod na/ / 'di ltar mngon par shes pa bsgrubs// mngon par shes pa de bsgrub no// dgon par gnas shing rnam dag chos// bsam par bya ste de yis khyod// mngon par shes pa 'thob par 'gyur/ don bzung dgon par de song ste/ shin tu mnyam gzhag rnam par sems// mngon par shes pa lnga thob ste// ring po ma thogs yon tan ldan// de bzhin nyan thos thams cad kyang // mya ngan 'das thob 'du shes te// rgyal bas bshad pa de dag la// mya ngan ma 'das de ngal bso// gang yang tshul 'di gsung ba ni// sangs rgyas rnams kyi thabs 'di ste// thams cad mkhyen pa ma gtogs par/ / mya ngan 'da' med 'di rtsom shig/ dus gsum ye shes mtha' yas dang // pha rol phyin drug dge ba dang // stong pa nyid dang mtshan ma med// mon lam rnam par spangs pa dang // byang chub sems dang gzhan yang gang / / mya ngan 'da' bar 'gro ba'i chos// tshangs pa'i gnas pa rnam bzhi dang // bsdu ba rnams su gang brjod pa// sems can rnams ni gdul ba'i phyir// drang srong mchog gis rab tu brjod/ / rmi lam sgyu ma'i rang bzhin dang // snying po med pa'i chu shing phung // brag cha dang yang mtshungs par ni// gang gis chos rnams rab shes shing // khams gsum lhag ma ma lus par/ / de yi rang bzhin shes pa yang // bcings med rnam grol med pa yi// mya ngan 'das pa mi shes so// chos kun stong zhing mnyam pa ste// tha dad dbyer med bdag nyid do// de dag la ni mi rtog ste// chos ni gang yang mthong med na// chos kyi sku ni ma lus par// shes rab chen por des mthong ngo // theg pa gsum du yong med de// 'di na theg pa gcig pu yod// chos kun mnyam ste thams cad kyang // mnyam zhing snyoms te rtag tu mnyam// de ltar rig nas zhi ba yi// mi mchi mya ngan 'da' ba shes// sman gyi le'u zhes bya ba ste lnga pa'o// / de nas bcom ldan 'das kyis tshigs su bcad pa de dag bka' stsal nas/ thams cad dang ldan pa'i dge slong gi dge 'dun la bka' stsal pa/ kye dge slong dag khyod mos par bya/ khong du chud par bya'o// nga'i nyan thos dge slong 'od srung 'di sangs rgyas bye ba stong phrag sum cu la ba kur sti byed/ btsun par byed/ ri mor byed/ mchod par byed par 'gyur te/ sangs rgyas bcom ldan 'das de dag gi dam pa'i chos 'dzin par 'gyur ro// de lus tha ma'i tshe/ bskal pa bkod pa chen po zhes bya ba la// 'jig rten gyi khams snang ba thob pa zhes bya bar de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'od zer rab tu snang ba zhes bya bar 'jig rten du 'byung ngo / / de'i tshe'i tshad ni bar gyi bskal pa bcu gnyis su 'gyur ro// bar gyi bskal pa nyi shur ni dam pa'i chos gnas par 'gyur ro// bar gyi bskal pa'i shur ni dam pa'i chos kyi gzugs brnyan gnas par gyur ro/ / de'i sangs rgyas kyi zhing de yang dag par 'gyur ro// gtsang zhing gyo mo dang gseg ma med pa/ ngam grog dang g.yang sa med pa/ 'dzin ngan dang / sme ba med de/ mnyam pa/ nyams dga' ba mdzes pa/ blta na sdug pa/ bai DUR+Ya'i gzhi la rin po che'i shing ljon pas rab tu brgyan pa/ gser gyi skud pas mig mangs ris su zos pa/ me tog gis gang ba ste/ der byang chub sems dpa' brgya stong phrag mang po 'byung bar 'gyur ro// der nyan thos bye ba khrag khrig brgya stong grangs med par 'byung ngo // de na bdud sdig can dang / bdud kyi 'khor kyang mi snang ngo // der bdud dang bdud kyi 'khor dag byung na yang / bcom ldan 'das de bzhin gshegs pa 'od zer rab tu snang ba de'i bstan pa dam pa'i chos yongs su 'dzin pa la brtson par 'gyur ro/ / de nas bcom ldan 'das kyis/ de'i tshe tshigs su bcad pa 'di dag bka' stsal to// dge slong dag go sangs rgyas spyan gyis ngas// grangs med bskal par gnas brtan 'od srungs 'dis/ / rkang gnyis rnams kyi dam pa mchod byas nas// ma 'ongs dus na sangs rgyas 'gyur bar mthong // stong phrag sum cu yongs su tshong ba yi// rgyal ba rnams ni 'od srung 'di yis mthob sangs rgyas ye shes phyir ni dge slong 'di/ / de na tshangs par spyad pa spyod 'gyur zhing // rkang gnyis gtso bo rnams la mchod byas nas// bla na med kyi ye shes 'ong bsgrubs te// de ni tha ma'i lus / 'jig rten mgon// mtshungs pa med pa drang srong chen por 'gyur// de yi zhing yang rnam bkra mchog 'gyur te// bzang zhing rnam dag nyams dga' blta na sdug/ rtag tu dga' byed yid du 'ong ba'i gzugs/ gser gyi skud pa dag gis legs par brgyan// de ni rin chen shing ljon sna tshogs pa// mig mangs ris bres de nang re re ste// yid du 'ong ba'i dri yang rnam par 'byung // de ni dge slong 'di yi zhing du 'gyur/ / me tog mang pos legs par brgyan pa ste// me tog sna tshogs rnams kyis mdzes par byas// ngam grog g.yang sa rnams kyang de na med// mnyam zhing bzang la blta na sdug par 'gyur// de na byang rluchub sems dpa' bye ba stong / / rdzu 'phrul re zhing shin tu dul ba'i sems// skyob pa'i mdo sde shin tu rgyas 'dzin pa// stong phrag du ma mang po 'byung bar 'gyur// de tshe chos kyi rgyal po'i nyan thos ni// zag meng tha ma'i lus 'dzin rnams 'byung 'gyur/ / bskal par lha yi shes pas bgrangs na yang // de dag tshad ni nams kyang mi zin to// de ni bar gyi bskal pa bcu gnyis nas// dam pa'i chos ni nyi shu tshang bar gnas/ / bar gyi bskal pa nyi shur gzugs brnyan te// 'od zer rab snang de bkod de 'drar 'gyur// de nas tshe dang ldan pa gnas brtan mo'u 'gal gyi bu chen po dang / tshe dang ldan parab 'byor dang / tshe dang ldan pa ka t+ya'i bu chen po lus 'dar nas mig mi 'dzum par// bcom ldan 'das la lta zhing de'i tshe so so'i yid la brjod nas tshigs su bcad pa 'di dag gsol to// dpa' che chen po dgra bcom pa/ / shAkya seng ge mi yi mchog/ bdag cag la ni thugs brtse'i phyir// sangs rgyas sgra ni bsgrag tu gsol// skabs mkhyen pas na nges par yang // bdag cag la ni mi mchog gi// bdud rtsi dag gis rab gtor nas// rgyal bas bdag cag lung bstan 'gyur// mu ge byung tshe mi 'ga' zhig/ kha zas bzang po rnyed nas su// bdag gis kha zas rnyed do zhes// de yang bsdad nas rab tu smra// de bzhin bdag cag spro ba ni// theg pa dman par sems pa las// sangs rgyas ye shes thob 'gyur te// dus ngan sems can zas rnyed bzhin// bdag cag rdzogs pa'i sang rgyas kyi/ / thub pa chen pos lung ma bstan// ji ltar sug pa bcug nas ni// kha zas de yang ma 'tshal bzhin// dpa' bo bdag cag spro ba yang // bla na med pa'i gsung thos shing // gang tshe lung bstan gyur pa na/ / de tshe mya ngan 'das par gyur// phan par bzhed pa thugs brtse ba// dpa' bo chen po lung bstan gsol// dbul por sems pa rnams kyang ni// thub pa chen por mthar 'gyur ro// de nas bcom ldan 'das kyis gnas brtan nyan thos chen po de dag gi sems kyi rtog pa de lta bu de thugs kyis thugs su chud nas yang thams cad dang ldan pa'i dge slong gi dge 'dun la bka' stsal pa/ dge slong dag nga'i nyan thos chen po gnas brtan rab 'byor 'di sangs rgyas bye ba khrag khrig brgya stong phrag sum cu la bkur sti byed/ btsun par byed/ ri mor byed/ mchod par byed/ rjed par byed// gsol bar byed cing / de na tshangs par spyod pa spyad de/ byang chub sgrub par 'gyur ro// de lta bur lhag par bya ba byas te/ lus tha ma la de bzhin gshegs po dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das zla ba'i tog ces bya bar 'jig rten du 'byung ste/ sangs rgyas kyi zhing ni rin po che 'byung ba zhes bya bar 'gyur ro// bskal pa de ni rin po che snang ba zhes bya bar 'gyur ro// sangs rgyas kyi zhing de ni mnyam pa/ nyams dga' ba shel gyi gzhi la rin po che'i shing ljon pas rnam par spras pa/ ngam grog dang g.yang sa med pa/ 'dzin ngan dang / sme ba med pa/ yid du 'ong ba'i me tog dag bkram par 'gyur te/ khang pa brtsegs pa'i yongs su spyod pa dag na mi rnams gnas par 'gyur ro// der nyan thos mang po tshad med pa 'byung bar 'gyur te/ de dag gi mtha' ni bgrang bas rtogs par mi nus so/ / der byang chub sems dpa' bye ba khrag khrig brgya stong phrag mang po 'byung bar 'gyur/ bcom ldan 'das de'i tshe'i tshad ni bar gyi bskal pa bcu gnyis su 'gyur/ dam pa'i chos ni bar gyi bskal pa nyi shur gnas par 'gyur/ dam pa'i chos kyi gzugs brnyan yang bar gyi bskal pa nyi shur gnas par 'gyur ro// bcom ldan 'das de na mkha' bar snang la gnas nas rtag tu chos ston to/ / byang chub sems dpa' brgya stong mang po dang / nyan thos mang po 'dul bar 'gyur ro// de nas bcom ldan 'das kyis de'i tshe tshigs su bcad pa 'di dag bka' stsal to/ / ngas deng dge slong dag ni mos par bya// khong du chud par bya'o nga las nyon// nga yi nyan thos gnas brtan rab 'byor 'di// ma 'ongs dus kyi tshe na sangs rgyas 'gyur/ / bye ba khrag khrig sum cu tshang ba yi// sangs rgyas mthu chen rnams kyang rab tu mthong // ye shes 'di yi phyir yang 'di nyid ni// de tshe mthun pa'i spyod pa spyad par 'gyur// tha ma'i lus kyi tshe na dpa' bo de// sum cu rtsa gnyis mtshan gyi gzugs dang ldan// drang srong chen po gser gyi mchod sdong 'dra// 'jig rten rnams la phan zhing thugs brtser 'gyur// srog chags bye ba khrag khrig bsgral nas ni// 'jig rten rtsa lags de ni gar gnas pa// zhing de shin tu blta na sdug pa dang // skye bo mang po yid 'ong mdzes par 'gyur// de na byang chub sems dpa' mthu chen mang / / phyir mi ldog pa'i 'khor lo skor byed pa// rgyal ba de yi bstan la dbang po rno// de dag rnams kyis sangs rgyas zhing mdzes 'gyur// de yi nyan thos mang po grangs med de/ / de dag tshad ni nams kyang mi zin to// drug mngon shes shing gsum rig rdzu 'phrul che// rnam thar brgyad la shin tu gnas pa'o// byang chub mchog 'di rab tu bshad pa na/ / rdzu 'phrul stobs ni bsam gyis mi khyab 'gyur// gang+gA'i bye ma snyed kyi lha dang mi// de la rtag tu thal mo sbyar bar 'gyur// de ni bar gyi bskal pa bcu gnyis gnas// dam chos bar gyi bskal pa nyi shur gnas// de bzhin rkang gnyis mchog gi gzugs brnyan yang // bar gyi bskal pa nyi shur gnas par 'gyur// de nas yang bcom ldan// 'das kyis thams cad dang ldan pa'i dge slong gi dge 'dun la bka' stsal pa/ dge slong dag khyed mos par bya/ khong du chud par bya'o// nga'i nyan thos gnas brtan ka t+ya'i bu chen po 'di sangs rgyas bye ba stong phrag brgyad la bkur sti byed/ btsun par byed/ ri mor byed/ mchod par byed/ rjed pa byed/ gsol ba byed par 'gyur ro// de bzhin gshegs pa de dag yongs su mya ngan las 'das nas kyang / rin po che sna bdun 'di lta ste/ gser dang / dngul dang / bai DUR+Ya dang / shel dang / mu tig dmar po dang / rdo'i snying po dang / rin po che sna bdun pa spug las mchod rten 'phang du dpag tshad stong / kho ra yug tu dpag tshad lnga brgya pa dgo byed par 'gyur te/ mchod rten de dag la me tog dang / bdug pa dang / spos dang / phreng ba dang / byug pa dang / phye ma dang / gos dang / gdugs dang / rgyal mtshan dang / lha'i ba dan dang / rnam par rgyal ba'i ba dan dag gis mchod par 'gyur ro/ / de'i pha rol gyi yang ches pha rol tu sangs rgyas bye ba phrag nyi shu la de lta bu'i bkur sti byed/ btsun par byed/ ri mor byed/ mchod pa byed/ rjed pa byed/ gsol ba byed par 'gyur ro// de nas lus tha ma la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lnga dang mi rnams kyi ston pa/ sangs rgyas bcom ldan 'das 'dzam du'i chu bo'i gser gyi 'od ces bya bar 'jig rten du 'byung ngo / / de'i sangs rgyas kyi zhing yang yongs su dag par 'gyur te/ mnyam pa nyams dga' ba/ mdzes pa blta na sdug pa/ shel gyi gzhi la rin po che'i shing ljon pas rnam par spras pa/ gser gyi skud pa bres pa/ me tog gis chal par bkram pa/ sems can dmyal ba dang / dud 'gro'i skye gnas dang / gshin rje'i 'jig rten dang / lha ma yin gyi ris med de/ lha dang mi mang pos yongs su gang ba/ nyan thos brgya stong ma gro yongasu mdzes par byas pa/ byang chub sems dpa' brgya stong mang pos brgyan par 'gyur ro// de'i tshe'i tshad ni bar gyi bskul pa bcu gnyis su 'gyur/ de'i dam pa'i chos nI bar gyi bskal pa'i shA gnas par 'gyur/ dam pa'i chos kyi gzugs rnyan ma bar gyi bskas pa nyi shur gnas par 'gyur ro// de nas bcom ldan 'das kyis de'i tshe tshigs su bcad pa 'di dag bka' stsal to/ / gzhan du mi 'gyur ba yi tshig brjod kyis/ de ring dA las dge slong kun nyon cig/ nga yi nyan thos gnas brtan ka t+ya'i za// 'di ni rnam 'dren rnams la mchod bya// 'gyur// 'jig rten 'dren pa mya ngan yongs 'das nas// de dag rnams kyi mchod rten rnam mang byed// bkur sti rnam pa mang po byed 'gyur zhing // spos dang me tog gis kyang mchod par 'gyur/ / de yi tha ma yi ni lus thob nas// yongs su dag pa'i zhing du rgyal bar 'gyur// ye shes 'di nyid yongs su rdzogs byas te// srog chags bye ba stong la 'chad par byed// lhar bcas 'jig rten dgan bkur sti byas// 'od byed gtso bo bcom ldan 'das su 'gyur// de ming 'dzam bu chu bo'i gser gyi 'od// lha mi bye ba dag kyang shin tu sgrol// byang chub sems dpa' de bzhin nyan thos mang / / sangs rgyas zhing der tshad med grangs med de// thams cad 'byung dang 'jigs pa rab spangs nas// sangs rgyas bstan pa mdzes par byed par 'gyur/ / de nas bcom ldan 'das kyis/ thams cad dang ldan pa'i dge slong gi dge 'dun la bka' stsal pa/ dge slong dag khyed mos par bya/ khong du chud par bya'o/ / nga'i nyan thos gnas brtan mo'u 'gal gyi bu chen po 'di/ sangs rgyas nyi khri brgyad stong mnyes par byed par 'gyur te sangs rgyas bcom ldan 'das de dag la rnam pa mang pos bkur sti byed/ btsun par byed/ ri mo byed/ mchod pa byed/ rjed pa byed/ gsol ba byed par 'gyur ro// sangs rgyas bcom ldan 'das de dag yongs su mya ngan las 'das nas kyang rin po che sna bdun 'di lta ste/ gser dang / dngul dang / bai DUR+Ya dang / shel dang / mu tig dmar po dang / rdo'i snying po dang / spug gi mchod rten 'phang du dpag tshad stong / kho ra khor yug tu dpag tshad lnga brgya pa dag byed par 'gyur te/ mchod rten de dag la me tog dang / bdug pa dang / spos dang / phreng ba dang byug pa dang / phye ma dang / gos dang / gdugs dang / rgyal mtshan dang / lha'i ba dan dang / rnam par rgyal ba'i ba dan dag gis mchod pa byed par 'gyur ro// de'i pha rol gyi yang ches pha rol tu yang sangs rgyas bye ba khrag khrig brgya stong phrag nyi shu rnams la/ de bzhin du 'di ltar bkur sti byed/ btsun par byed/ ri mor byed/ mchod par byed/ rjed par byed/ gsol bar byed par 'gyur ro// de yi 'og tu lus tha ma la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ de bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das ta ma la'i lo ma dang / tsan dan gyi dri zhes bya bar 'jig rten du 'byung ste/ de'i sangs rgyas kyi zhing ni mngon par dga' ba zhes bya bar 'gyur ro// bskal pa de ni dga' bas gang ba zhes bya bar 'gyur ro/ / de'i sangs rgyas kyi zhing de yongs su dag ste/ mnyam pa/ nyams dga' ba/ mdzes pa/ blta na sdug pa/ shel gyi gzhi la rin po che'i shing ljon pas rnam par spras pa/ me tog sil mas gtor ba/ lha dang mi mang pos rab tu gang ba ste/ 'di ltar nyan thos dang / byang chub sems dpa'i drang srong brgya stong gnas par 'gyur ro/ / de'i tshe'i chad ni bar gyi bskal pa nyi shu rtsa bzhir 'gyur ro// de'i dam pa'i chos ni bar gyi bskal pa bzhi bcur gnas par 'gyur ro// dam pa'i chos kyi gzugs brnyan yang bar gyi bskal pa bzhi bcur gnas par 'gyur ro/ / de nas bcom ldan 'das kyis de'i tshe tshigs su bcad pa 'di dag bka' stsal to// nga yi nyan thos mo'u 'gal rigs 'di ni/ / mi yi lus su gyur pa de bor nas// skyob pa rgyal ba stong phrag nyi shu dang // gzhan yang rdul dang bral ba brgyad rnams mthong // tshangs par spyad pa yang ni der spyad de/ / sangs rgyas ye shes 'di ni tshol byed cing // rkang gnyis gtso bo 'dren pa de dag la// de tshe bkur sti rnam par mang po byed// de dag gsungs pa dam chos dri med pa// bskal pa bye ba stong du 'dzin par 'gyur// bde gshegs de dag mya ngan yongs 'das nas// mchod rten dag la de tshe mchod byed 'gyur// rgyal mchog de dag rnams kyi mchod rten ni/ / rin chen mchod rten pa dan bcas pa byed// 'jig rten phan pa mdzad pa skyob rnams la// rol mo'i sgra dang me tog spos kyis mchod// de nas 'di ltar tha ma'i lus kyi tshe/ / blta sdug yid du 'ong ba'i zhing der ni// 'jig rten phan par thugs brtser de 'gyur te// ming ni ta ma la'i lo tsan dan dri// bar gyi bskal pa nyi shu bzhi tshang bar// de bar gsheg pa'i tshe yi tshad du 'gyur/ / rtag tu lha rnams dang ni mi dag la// sangs rgyas tshul 'di rab tu ston par 'gyur// de ni rgyal ba de yi nyan thos mang // bye ba stong phrag gang+gA'i bye ma snyed// drug mngon shes shing gsum rig rdzu 'phrul che// bde gshegs bstan la mngon par shes pa thob// phyir mi ldog pa'i byang chub sems dpa' mang // brtson 'grus brtsams shing rtag tu shes bzhin can/ / bde bar gshegs kyi bstan la brtson byed pa// stong phrag mang po de dag de na yod// rgyal ba de dag mya ngan yongs 'das nas// bar gyi bskal pa bzhi bcu tshang bar ni/ / de yi tshe na dam chos gnas par 'gyur// gzugs brnyan tshad kyang de dang mnyam par 'gyur// nga yi nyan thos 'phrul chen lnga po 'di// ngas ni de dag byang chub mchog tu bstan// ma 'ongs dus na rang byung rgyal ba yi// de dag gi ni spyod pa nga las nyon// nyan thos lung bstan pa'i le'u zhes bya ba ste drug pa'o// / dge slong dag sngon byung ba 'das pa'i dus na/ / bskal pa grangs med pa'i yang ches grangs med pa/ dpag tu med pa/ bsam gyis mi khyab pa/ gzhal du med pa/ tshad med pa'i pha rol gyi yang ches pha rol tu gyur pa de'i tshe de'i dus na/ bskal pa gzugs chen po zhes bya ba la/ 'jig rten gyi khams 'byung ba zhes bya bar/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das mngon par shes pa'i ye shes chen pos zil gyis gnon pa zhes bya ba 'jig rten du 'byung ngo / / dge slong dag de bzhin gshegs pa de byung nas ji srid lon zhe na/ dge slong dag 'di lta ste/ dper na/ mi la la zhig gis stong gsum gyi stong chen po'i 'jig rten gyi khams 'di'i sa'i khams thams cad btags te/ phye mar byas la de nas mi des 'jig rten gyi khams de nas rdul tha rab kyi rdul gcig blangs te/ shar phyogs su 'jig rten gyi khams stong 'das nas/ der rdul phra rab kyi rdul gcig bzhag/ de nas yang mi des rdul phra rab kyi rdul phra rab kyi rdul gcig blangs te/ de'i pha rol gyi 'jig rten khams stong 'das nas/ rdul phra rab kyi rdul gcig bzhag la rnam grangs 'dis mi des shar phyogs su sa'i khams de thams cad bzhag na dge slong dag 'di ji snyam du sems/ 'jig rten gyi khams de dag gi mtha' dang / mu bgrangs pas rtogs par nus sam/ de dag gis gsol pa/ bcom ldan 'das de rngo mi thog go/ / bde bar gshegs pa de rngo mi thog go// bcom ldan 'das kyis bka' stsal pa/ dge slong dag gang dag tu rdul phra rab bzhag pa dang / gang dag tu ma bzhag pa'i 'jig rten gyi khams de rnams ni rtsis pa 'am/ rtsis pa chen po la la zhig gis bgrangs zhing rtogs par nus kyi/ bcom ldan 'das de bzhin gshegs pa mngon par shes pa'i ye shes chen pos zil gyis gnon pa yongs su mya ngan las 'das nas/ bskal pa bye ba khrag khrig brgya stong ji snyed lon pa'i bskal pa ni bgrang ba'i tshul gyis mtha' rtogs par mi nus te/ dge slong dag de bzhin gshegs pa de yongs su mya ngan las 'das nas/ de tsam du yun ring ba ni de ltar bsam gyis mi khyab cing de ltar tshad med de/ ngas ni de bzhin gshegs pa'i ye shes mthong ba'i stobs bskyed pas khar tshang ngam de ring yongs su mya ngan las 'das pa bzhin dran no/ / de nas bcom ldan 'das kyis/ de'i tshe tshigs su bcad pa 'di dag bka' stsal to// rjes su dran pa 'das pa'i bskal ba mang // de tshe thub chen rkang gnyis rnams kyi mchog/ mngon shes ye shes chen pos zil gnon pa// rgyal ba dam pa 'jig rten byung bar gyur// 'di ltar stong gsum 'di yi 'jig rten khams/ / la las phra rab rdul gyi rdul du byas// de nas phra rab rdul gcig khyer nas su// zhing stong rnams ni 'das nas de bzhag la// de bzhin du ni gnyis dang gsum bzhag ste/ / des ni rdul du gyur pa kun bzhag pas// 'jig rten 'di yi khams ni stong gyur cing // rdul phran de yang thams cad zad gyur la// 'jig rten khams de dag na yod pa yi/ / rdul phran phye ma de yang tshad med pa// de dag ma lus gang gis rdul byas te// bskal pa brgya 'das mtshan mar 'jog byed pa// de ltar bde gshegs mya ngan de 'das nas// bskal pa bye ba mang po dpag tu med// phra rab rdul kun mtshan mar mi chog ste// de snyed bskal pa mang po zad par gyur// 'dren pa mya ngan 'das ring de srid lon// nyan thos byang chub sems dpa' de dag kyang / / de 'dra de bzhin gshegs kyi ye shes kyis// thams cad dran pa khar tshang de ring bzhin// dge slong gang dag ye shes mtha' yas can// de bzhin gshegs kyi ye shes 'di 'dra'o/ / dran pa phra zhing zag pa med pa yis// bskal pa du ma brgyan ni nga sangs rgyas// dge slong dag 'di ltar yang de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa de'i tshe'i tshad ni bskal pa bye ba khrag khrig brgya stong phrag lnga bcu rtsa bzhir 'gyur to/ / bcom ldan 'das de bla na med pa yang dag par rdzogs pa'i byang chub mngon par rdzogs par sangs ma rgyas par sngar byang chub kyi snying por mchog dam par song nas/ bdud kyi sde thams cad rab tu bcom zhing pham par byas so/ / rab tu 'jom zhing pham par byas nas/ bla na med pa yang dag par rdzogs pa'i byang chub tu mngon par rdzogs par 'tshang rgya bar bya'o snyam yang de srid du/ de la chos de dag mngon sum du ni ma gyur to// de byang chub kyi shing drung du byang chub kyi snying por bar gyis bskal pa gcig tu gnas/ bar gyi bskal pa gnyis su gnas kyang de srid du/ bla na med pa yang dag par rdzogs pa'i byang chub mngon par rdzogs par sangs ma rgyas nas/ bar gyi bskal pa gsum dang / bzhi dang / lnga dang / drug dang / bdun dang / brgyad dang / dgu dang / bcur yang byang chub kyi shing drung du byang chub kyi snying por skyil mo krung lan cig bcas pa las bar du ma langs par 'dug cing sems mi g.yo zhing lus mi 'gul mi 'gyur bar 'dug kyang / de srid du yang de la chos de dag mngon du ma gyur nas/ dge slong dag sum cu rtsa gsum pa'i lha rnams kyis/ bcom ldan 'das byang chub kyi snying po mchog dam par song ba'i bcom ldan 'das de gang la 'dug ste/ bla na med pa yang dag par rdzogs pa'i byang chub tu mngon par rdzogs par sangs rgyas pa'i seng ge'i khri chen po 'phang du dpag tshad lnga brgya/ pa bshams te/ bcom ldan 'das de byang chub kyi snying por 'dug ma thag tu/ de nas tshangs ris kyi lha'i bu de dag gis/ byang chub kyi snying po de khor yug dpag tshad brgya tshun chad du me tog gi char mngon par phab bo/ / bar snang las rlung langs pas me tog gang dag rnying pa de dag sel to// de ltar me tog gi char de rab tu phab pa/ bcom ldan 'das byang chub kyi snying po la 'dug pa de la rgyun mi chad par rab tu phab te/ bcom ldan 'das de la bar gyi bskal pa bcu tshang bar mngon par phab bo// de ltar me tog gi char de rab tu phab ste/ bcom ldan 'das de yongs su mya ngan las 'da' ba'i dus kyir rab tu phab cing / bcom ldan 'das de la mngon par 'thor ro// rgyal chen bzhi'i ris kyi lha'i bu dag kyang / bcom ldan 'das byang chub kyi snying po mchog dam pa na 'dug pa de la bkur sti bya ba'i phyir/ lha yul ba'i rnga rab tu brdungs te/ bar gyi bskal pa bcu tshang bar rab tu brdungs nas de nas bcom ldan 'das de nam yongs su mya ngan las 'das pa chen po'i dus kyi bar du/ lnga'i sil snyan dag rgyun mi 'chad par rab tu bsil to// dge slong dag de nas bar gyi bskal pa bcu 'das pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen po zil gyis gnon pa debla na med pa yang dag par rdzogs pa'i byang chub mngon par rdzogs par sangs rgyas so/ / mngon par rdzogs par sangs rgyas ma thag tu bcom ldan 'das de gzhon nur gyur pa'i tshe/ la snying gi bu sha stag bu bcu drug yod de/ de dag gi thu bo ni ye shes 'byung gnas zhes bya bar gyur te/ dge slong dag 'di ltar rgyal bu gzhon nu bucu drug po de dag re re la'ang rtsed mor bya ba sna tshogs bkra ba/ dga' bar 'gyur ba/ lta na sdug pa/ rnam pa du ma yod la/ dge slong dag de nas rgyal bu gzhon nur gyur pa bcu drug po de dag gis/ bcom ldan 'das de bzhin g shegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa de bla na med pa yang dag par rdzogs pa'i byang chub mngon par rdzogs par sangs rgyas par rig nas/ rtsed mor bya ba/ dga' bar 'gyur ba/ rnam pa mang po de dag spangs te/ ma dang ma ma dag de bzhin du yongs su bskor cing mdun du bdar nas// 'khor los sgyur ba'i rgyal po 'phags pa'i mdzod mang po dang / rgyal po'i blon po dang / srog chags bye ba khrag khrig brgya stong gis yongs su bskor cing mdun du bdar te/ bcom ldan 'das de b zhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa byang chub kyi snying po mchog dam pa na 'dug pa ga la ba der dong ngo/ bcom ldan 'das de la bkur sti bya ba dang / btsun par bya ba dang / ri mor bya ba dang / mchod pa dang / rjed pa dang / gsol ba'i phyir der dong ste lhags nas bcom ldan 'das de'i zhabs la mgo bos phyag 'tshal te/ bcom ldan 'das la lan gsum bskor ba byas nas thal mo sbyar te/ bcom ldan 'das de'i spyan sngar tshul dang 'dra ba'i tshigs su bcad pa 'di dag gis mngon par bstod do/ / mngon pa chen po drug ldan bla na med// bskal pa mtha' yas dag gis yang dag bsgrubs// lus can thams cad ma lus bsgral ba'i phyir// khyod kyi brnag pa bzang de 'dir rdzogs so// rab tu dka' mdzad bskal pa bar ma bcur// gdan gcig de la bzhugs te mdzad pa na// bar du nam yang khyod kyi sgyu ma g.yos// phyag zhabs ma g.yos de bzhin gar ma gshegs// khyod thugs zhi bar gyur cing shin tu gnas// rtag par mi g.yor gyur cing mi 'gul te// khyod la nam yang g.yeng ba mi mnga' la/ / khyod ni rab zhi zag pa med la gnas// dge ba dang ni bde ba dga' ba dang // gnod pa med par byang chub mchog 'di brnyes// de lta bu ni bdag cag rnams kyi khe// mi dbang seng ge bdag cag dge bar skyes/ / skye dgu 'di kun mgon med sdug bsngal te// mig phyung bde ba dag las rnam par nyams// sdug bsngal mthar mchi lam rnams mi 'tshal bas/ / thar pa'i phyir ni brtson 'grus mi skyed do// yun ring du ni ngan song 'phel bar bgyid// lha yi lus las yongs su nyams pa'i chos// de na rgyal ba'i sgra ni yong mi grags/ / 'jig rten 'di kun gti mug mun nag go// zag med dam pa zhi ba'i go 'phang ni// 'jig rten rig pa khyod kyis deng brnyes pas// bdag cag rnams dang 'jig rten rjes su bzung / / mgon po khyod la rab tu skyabs su 'chi// dge slong dag de nas rgyal bu gzhon nur gyur pa/ byis pa bcu drug po de rnams kyis bcom ldan 'das de bzhin g shegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa de la tshul dang 'dra ba'i tshigs su bcad pa de dag gis mngon par bstod nas/ skye bo mang po la phan pa dang / skye bo mang po la bde ba dang / 'jig rten la thugs brtse ba dang / lha dang mi dang / skye bo phal po che'i don dang / phan pa dang / bde ba'i slad du/ bcom ldan 'das chos bshad du gsol/ bde bar gshegs pa chos bshad du gsol zhes bcom ldan 'das de la chos kyi 'khor lo bskor bar gsol ba btab ste/ de'i tshe yang tshigs su bcad pa 'di dag gsol to/ / bsod nams brgya yi mtshan can chos bshad gsol// rnam par 'dren pa mtshungs med drang srong che// ye shes dam pa khyad par 'phags brnyes pa/ / lha dang bcas pa 'jig rten rnams la ston// bdag cag rnams dang sems can 'di dag sgrol// ci nas byang chub mchog 'di bdag cag dang // sems can 'di rnams kyis kyang thob 'gyur bar/ de bzhin gshegs kyi ye shes bstan du gsol// spyod pa dang ni ye shes kun kyang mkhyen// bsam pa rnams dang sngon gyi bsod nams dang / srog chags kun gyi mos pa rnam+b+ha mkhyen pa// bla med 'khor lo dam pa bskor du gsol// dam pa'i chos pad+ma sor po bam po drug pa/ dge slong ngag de nas yang de'i tshe na/ de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa de bla na med pa yang dag par rdzogs pa'i byang chub mngon par rdzogs par 'tshang rgya ba na/ phyogs bcu'i phyogs re rer yang 'jig rten gyi khams bye ba khrag khrig brgya stong phrag lnga bcu rnam pa drug tu g.yos nas snang ba chen pos khyab par gyur te/ 'jig rten gyi khams de dag thams cad kyi/ 'jig rten gyi bar mi khom par gyur cing / mun pa mun gnag tu gyur pa gang dag na/ nyi ma dang zla ba 'di ltar rdzu 'phrul che ba/ 'di ltar mthu che ba/ 'di ltar gzi che ba/ brjid che ba/ de dag gis 'od kyi kyang snang bar mi nus te/ de dag gi kha dog gis kyang kha dog dang / gzig kyang ba'i brjid du byed mi nus pa de dag tu yang de'i tshe/ snang ba chen po byung bar gyur to// 'jig rten gyi bar de dag tu sems can gang dag skyes pa de dag kyang gcig gis gcig mthong nas/ e ma kye sems can gzhan dag cig kyang 'dir skyes shing 'khod pa lta/ e ma kye sems can gzhan dag cig kyang 'dir skyes shing 'khod pa lta zhes gcig gis gcig shes so/ / 'jig rten gyi khams de dag thams cad na/ lha'i gnas dang lha'i gzhal med khang gang dag yod pa nas/ tshangs pa'i 'jig rten gyi bar du yang rnam pa drug tu g.yos par gyur nas/ snang ba chen pos khyab ste/ lha rnams kyi lha'i mthu las kyang 'das so// dge slong dag de ltar de'i tshe 'jig rten gyi khams de dag tu sa cher g.yos shing snang ba chen po yang byung bar gyur to/ / de nas shar phyogs su 'jig rten gyi khams bye ba khrag khrig brgya stong phrag lnga bcu po de dag na tshangs pa'i gzhal med khang gang ngadag yod pa de dag shin tu mdzes shing / lhan ne lhang nger gyur la dpal dang ldan zhing gzi brjid can du gyur to// dge slong dag de nas tshangs pa de dag 'di snyam du/ tshangs pa'i gzhal med khang 'di dag shin tu mdzes shing ldan ne ljang nger gyur la dpal dang ldan zhing gzi brjid can du gyur pa 'di su'i snga ltas su 'gyur snyam du sems so/ / dge slong dag de nas 'jig rten gyi khams bye ba khrag khrig brgya stong phrag lnga bcu po de dag na tshangs pa chen po gang dag 'khod pa de dag thams cad gnas dag tu phan tshun dong nas smra'o/ / dge slong dag de nas tshangs pa chen po sems can thams cad skyob pa zhes bya bas/ tshangs pa chen po'i tshogs de la tshigs su bcad de smras pa/ bdag cag thams cad de ring shin tu dga'// gzhal med khang mchog 'di dag rab tu 'bar// dpal chen lam me yid du 'ong ba ste// ci yi phyir na de ring 'di 'drar 'gyur// don 'di btsal bar byas na rab tu legs// lha'i bu zhig de ring skyes gyur te/ / 'di 'dra bar ni de yi mthus gyur tam// sngon chad ma byung 'di ni de ring snang // gal te sangs rgyas mi dbang rgyal po de// 'jig rten gshad du ni de byung ste/ de ring phyogs bcu dag na dpal 'bar ba// 'di 'dra 'di ni de yi ltas yin nam/ dge slong dag de nas 'jig rten gyi khams bye ba khrag khrig brgya stong phrag lnga bcu po de dag na tshangs pa chen gang dag 'khor pa de dag thams cad lhan cig tu 'dus nas/ de dag rang rang gi tshangs pa'i lha'i gzhal med khang de dag tu zhugs te/ lha'i me tog gi phur ma ri rab tsam thogs nas/ phyogs bzhin / rgyu zhing 'dong ba las/ nub phyogs logs su dong ba dang / dge slong dag de nas tshangs pa chen po de dag gis nub phyogs log na/ bcom ldan 'das de bzhin gshegs pa/ dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa byang chub kyi snying po mchog dam par gshegs shing / byang chub kyi shing drung na seng ge'i khril bzhugs te/ lha dang klu dang gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa dag gis ni yongs su bskor cing mdun gyis bltas te/ sras rgyal bu gzhon nu bcu drug po de dag ni/ chos kyi 'khor lo bskor bar gsol ba 'debs pa mthong ngo // mthong nas kyang bcom ldan 'das de ga la ba der dong nas lhags pa dang / bcom ldan 'das de'i zhabs la mgo bos phyag 'tshal te/ bcom ldan 'das de la lan brgya stong du mar bskor ba byas nas me tog gi phur ma ri rab tsam de dag gis bcom ldan 'das de la gtor rab tu gtor te/ byang chub kyi shing de'i dpag tshad bcu tshun chad gtor nas/ tshangs pa'i gzhal med khang de ngag kyang / bcom ldan 'das de la phul te/ bcom ldan 'das bdag cag la thugs brtse ba'i slad du tshangs pa'i gzhal med khang 'di dag bzhes su gsol/ bcom ldan 'das bdag cag la thugs brtse ba'i slad du tshangs pa'i gzhal med khang 'di dag yongs su spyad du gsol/ / bde bar gshegs pa yongs su spyad du gsol zhes gsol to// dge slong dag de nas tshangs pa chen po de dag gis rang rang gi gzhal med khang de dag bcom ldan 'das de la phul nas/ de'i tshe bcom ldan 'das de'i spyan sngar tshul dang 'dra ba'i tshigs su bcad pa 'di dag gis mngon par bstod do/ / ngo mtshar gyur pa rgyal ba tshad med pa// 'jig rten phan pa thugs brtse 'dir byung ste// mgon po bla ma ston pa byung gyur pas// deng ni phyogs bcu po dag rjes su bzung / / 'di dag nas kyang 'jig rten khams rnams ni// bye ba khrag khrig lnga bcu tshang ba nas// bdag cag de nas rgyal la phyag 'tshal lhags// gzhal med khang mchog rnam pa kun tu spangs/ / bdag cag rnams kyis sngon chad las bgyis pas// gzhal med khang par ri mos bkra 'di dag/ bdag cag rnams la thugs brtse'i slad du bzhes/ / 'jig rten mkhyen pa ci dgyes spyad du gsol// dge slong dag de nas tshangs pa chen po de dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa de'i spyan sngar tshul dang 'dra ba'i tshigs su bcad pa de dag gis mngon par bstod nas/ bcom ldan 'das la 'di skad ces gsol to/ / bcom ldan 'das 'jig rten du chos kyi 'khor lo bskor du gsol/ bcom ldan 'das mya ngan las 'das pa bshad du gsol// bcom/ ldan 'das sems can rnams sbrul du gsol/ bcom ldan 'das 'jig rten 'di dag rjes su gzung du gsol/ bcom ldan 'das lha dang bcas/ bdud dang bcas tshangs pa dang bcas ba'i 'jig rten dang / dge sbyong dang bram zer bcas pa'i skye dgu rnams dang / lha dang mi dang lnga ma yin du bcas pa la chos bstan du gsol/ de ni skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo bal po che dang / lha dang mi rnams kyi don dang / sman pa dang bde bar 'gyur ro// dge slong dag de nas tshangs pa chen po bye ba khrag khrig brgya stong phrag lnga bcu po de dag gis/ sgra skad gcig tu mthun par brjod de/ bcom ldan 'das de la tshigs su bcad pa 'di dag gsol to// bcom ldan 'das kyis chos bshad gsol/ / rkang gnyis gtso bos bstan du gsol// byams pa'i stobs kyis bshad du gsol// sems can sdug bsngal rnams las sgrol// 'jig rten sgron ma rnyed dkar ste/ / u dum wA ra'i me tog bzhin// dpa' bo chen po byung bas na// de bzhin gshegs la gsol ba 'tshal/ dge slong dag de nas tshang pa chen po de dag la bcom ldan 'das des cang mi gsung bar gyur pas gnang ngo / / dge slong dag de'i tshe na/ shar lho'i phyogs mtshams kyi 'jig rten gyi khams bye ba khrag khrig brgya stong phrag lnga bcu dag na/ tshangs pa'i gzhal med khang gang dag yod pa de dag shin tu mdzes shing lhan ne lhang nger gyur la/ dpal dang ldan zhing gzi brjid can du gyur to// dge slong dag de nas tshangs pa chen po de dag 'di snyam du tshangs pa'i gzhal med khang 'di dag shin tu mdzes shing lhan ne lgang nger gyur la/ dpal dang ldan zhing gzi brjid can du gyur pa 'di su'i snga ltas su gyur snyam du sems so// dge slong dag de nas 'jig rten gyi khams bye ba khrag khrig brgya stong phrag lnga bcu po de dag na/ tshangs pa chen po gang dag 'khod pa de dag thams cad gnas dag tu phan tshun du dong nas smra'o/ / dge slong dag de nas tshangs pa chen po rab tu snying rje can zhes bya bas tshangs pa'i tshogs de la tshigs su bcad de smras pa/ grogs dang su yi lnga ltas kyis// gzhal med khang rnams deng mdzes shing // shin tu gzi brjid ldan gyur par// de ring 'di na snang bar gyur// de ste de ring lnga yi bu// bsod nams can zhig 'dir 'ongs te// de yi mthus na gzhal med khang // de dag thams cad mdzes gyur tam// 'on te sangs rgyas rkang gnyis mchog/ 'jig rten 'dir ni byung gyur tam// gang gi mthus ni / ltar deng // gzhal med khang 'di 'i 'drar 'gyur// thams cad 'dus te brtag par bya// 'di ni don cung ma yin te// sngan chad dag ni 'di 'dra ba'i// ltas ni/ nam yang ma mthong ngo // phyogs bzhi dag tu 'dong bar bya// bye ba snyed kyi zhing yang bskor// de ring sangs rgyas 'jig rten du// gdon mi za bar 'byung bar 'gyur// dge slong dag de nas tshangs pa bye ba khrag khrig brgya stong phrag lnga bcu po de dag rang rang gi tshangs pa'i lha'i gzhal med khang de dag tu zhugs te/ lha'i me tog gi phur ma ri rab tsam thogs nas/ phyogs bzhir rgyu zhing 'dong ba las nub byang gi phyogs mtshams su dong ba dang / dge slong dag tshangs pa chen po de dag gis nub byang gi phyogs mtshams na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa de byang chub kyi snying po mchog dam par gshegs shing byang chub kyi shing drung na/ seng ge'i khri la bzhugs te/ lga dang klu dang gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa dag gis ni yongs su bskor cing mdun gyis bltas te/ sras rgyal bu gzhon nu bcu drug po de dag ni chos kyi 'khor lo bskor bar gsol ba 'debs par mthong ngo // mthong nas kyang bcom ldan 'das de ga la ba der song ste lhags nas/ bcom ldan 'das de'i zhabs la mgo bos phyag 'tshal te/ bcom ldan 'das de la lan brgya stong du mar bskor ba byas nas/ me tog gi phur ma ri rab tsam de dag gis bcom ldan 'das de la gtor/ rab tu gtor te/ byang chub kyi shing de'i dpag tshad bcu tshun chad gtor nas/ tshangs pa'i gzhal med khang de dag kyang bcom ldan 'das de la phul te/ bcom ldan 'das bdag cag la thugs brtse ba'i slad du/ tshangs pa'i gzhal med khang 'di dag bzhes su gsol/ bde bar gshegs pa bdag cag la thugs brtse ba'i slad du/ tshangs pa'i gzhal med khang 'di dag yongs su sbyang du gsol zhes gsol to// dge slong dag de nas tshangs pa chen po de dag gis rang rang gi gzhal med khang de dag/ bcom ldan 'das de la phul nas/ de'i tshe bcom ldan 'das kyi spyan sngar tshul dang 'dra ba'i tshigs su bcad pa 'di dag gis mngon par bstod do// mtshungs med drang srong che la phyag 'tshal lo// ka la bing+ka'i dbyangs snyan lha yi lha// rnam par 'dren pa wAr bcas 'jig rten na// 'jig rten phan brtse khyod la phyag 'tshal lo// mngon po shin tu yun ring brgya lam na// ngo mtshar gyur pa de ring 'jig rten byung // bskal pa brgya tshang 'tsho ba'i 'jig rten 'di// sangs rgyas brgyad cu dag dang mtshungs par gyur// bskal pa khrag khrig brgyad cu rdzogs par ni// rkang gnyis gtso bos sngan chad tshungs par gyur// de srid ngan song sa ni rnam par 'phel// lha yi lus ni rtag/ tu nyams par gyur// da ni bdag cag rnams kyi bsod nams kyis// chos kyi rgyal po mig dang rten dang gnas// skyob dang pha dang rtsa lag phan mdzad pa// thugs brtser ldan pa 'jig rten 'dir byung ngo / / dge slong dag de nas tshangs pa chen po de dag gis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa de'i spyan sngar tshul dang 'dra ba'i tshigs su bcad pa de dag gis mngon par bstod nas/ bcom ldan 'das de la 'di skad ces gsol to// bcom ldan 'das 'jig rten du chos kyi 'khor lo bskor du gsol/ bcom ldan 'das mya ngan las 'da' ba bshad du gsol/ bcom ldan 'das sems can rnams bsgral du gsol bcom ldan 'das 'jig rten 'di dag rjes su gzung du gsol/ bcom ldan 'das lha dang bcas bdud dang bcas/ tshangs pa dang bcas pa'i 'jig rten dang / dge sbyong dang bram zer bcas pa'i skye dgu rnams dang / lha dang mi dang lha ma yin du bcas pa la chos bshad du gsol/ de ni skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang mi rnams kyi don dang / sman pa dang bde bar 'gyur ro// dge slong dag de nas tshangs pa chen po bye ba khrag khrig brgya stong / phrag lnga bcu po de dag gis sgra skad gcig tu mthun par brjod de/ bcom ldan 'das de la tshigs su bcad pa 'di dag gsol to// thub pa chen po 'khor lo mchog bskor gsol// phyogs bcu rnams su chos rab bshad du gsol/ / sdug bsngal chos kyis gzir ba'i sems can sgrol// lus can rnams la dga' zhing rangs pa skyed// de thos pas na byang chub 'thob 'gyur/ te// lha yi gnas rnasas su yang mchi bar 'gyur// kun gyis lha ma yin gyi lus spangs te// dul zhing zhi la rab tu bde bar 'gyur// dge slong dag de nas tshangs pa chen po de dag la yang / bcom ldan 'das des cang mi gsung bar gyur pas gnang ngo // dge slong dag de'i tshe lho phyogs kyi 'jig rten gyi khams bye ba khrag khrig brgya stong phrag lnga bcu po de dag na/ tshangs pa'i gzhal/ med khang gang dag yod pa de dag shin tu mdzes shing lhan ne lhang nger gyur la/ dpal dang ldan zhing gzi brjid can du gyur to// dge slong dag de nas tshangs pa chen po de dag 'di snyam du tshangs pa'i gzhal med khang 'di dag shin tu mdzes shing ldan ne lgang der gyur la/ dpal dang ldan zhing gzi brjid can du gyur pa 'di su'i snga ltas su 'gyur snyam du sems so// dge slong dag de nas 'jig rten gyi khams bye ba khrag khrig brgya stong phrag lnga bcu po de dag na tshangs pa chen po gang dag 'khod pa de dag thams cad gnas dag tu phan tshun dong nas smra'o/ / dge/ slong dag de nas tshangs pa chen po chos bzang zhes bya bas tshangs pa'i tshogs chen po de la tshigs su bcad de smras pa/ grogs dag de ring rgyu med rkyen med par// gzhal med khang 'di thams cad gzi brjid gyur/ / 'jig rten 'dir ni cung zad ltas ci ston// de yi don ni legs par btsal bar bya// bskal pa brgya phrag mi nyung 'das pa nas// 'di 'dra'i ltas sngon nam yang byung ma gyur/ / yang na 'di ni lha yi bu zhig skyes// yang na 'jig rten 'dir ni sangs rgyas byung // dge slong dag de nas 'jig rten gyi khams bye ba khrag khrig brgya stong phrag lnga bcu po de dag na/ tshangs pa chen po gang dag 'khor de dag thams cad lhan cig tu 'dus nas/ rang rang gi tshangs pa'i gzhal med khang de dag tu zhugs te/ lha'i me tog gi phur ma ri rab tsam thogs nas phyogs bzhir rgyu zhing 'dong ba las/ byang phyogs su 'dong ba dang / dge slong dag de nas tshangs pa chen po de dag gis byang phyogs na/ bcom ldan 'das de bzhin gshegs pa dgra bcom pa yang / dag par rdzogs pa'i sangs rgyas mngon par shes pa'i ye shes chen pos zil gyis gnon pa de/ byang chub kyi snying po ma rnam par gshegs shing / byang chub kyi shing drung na/ seng ge'i khri la bzhugs te/ lha dang klu dang gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa dag gis ni yongs su bskor cing mdun gyis bltas te/ sras rgyal bu gzhon nu bcu drug po de dag ni/ chos kyi 'khor lo bskor bar gsol ba 'debs pa mthong ngo // mthong nas kyang bcom ldan 'das de ga lang der song ste lhags nas/ bcom ldan 'das de'i zhabs la mgo bos phyag 'tshal te/ bcom ldan 'das de la lan brgya stong du mar bskor ba byas nas/ me tog gi phur ma ri rab tsam de dag gis/ bcom ldan 'das de la gtor/ rab tu gtor te/ byang chub kyi shing de'i dpag tshad bcu tshun chad gtor nas/ tshangs pa'i gzhal med khang de dag kyang bcom ldan 'das de la phul te/ bcom ldan 'das bdag cag la thugs brtse ba'i slad du/ tshangs pa'i gzhal med khang 'di dag bzhes su gsol/ bde bar gshegs pa bdag cag la thugs brtse ba'i slad du/ tshangs pa'i gzhal med khang 'di dag yongs su spyad du gsol zhes gsol to// dge slong dag de nas tshangs pa chen po de dag gis kyang rang rang gi tsha ba'i gnas med khang de dag/ bcom ldan 'das de la phul nas/ de'i tshe bcom ldan 'das de'i spyan sngar tshul dang 'dra ba'i tshigs su bcad pa 'di dag gis mngon par bstod do// 'dren pa mthong ba shin tu rnyed par dka'/ / legs gshegs khyod ni srid pa'i 'dod chags 'jom// 'jig rten gyis ni ring lon khyod dang mthong // bskal pa brgya snyed chang nas gnang bar gyur// 'jig rten mgon po skye dgu skom ngoms mdzod// sngon chad ma mthong brgya lam snang bar gyur// rnyed dka' u dum wA ra'i me tog bzhin// de bzhin rnam par 'dren pa brgya lam mthong / rnam par 'dren pa bdag cag gzhal med khang // khyod kyi mthus ni de ring mdzes par gyur// kun tu spyan gyis 'di dag gzhes su gsol// bdag cag thugs brtse'i slad du spyad pa mdzod/ / dge slong dag de nas tshangs pa chen po de dag gis// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa de'i spyan sngar tshul dang 'dra ba'i tshigs su bcad pa de dag gis mngon par bstod nas/ bcom ldan 'das de la 'di skad ces gsol to// bcom ldan 'das 'jig rten du chos kyi 'khor lo bskor du gsol/ bcom ldan 'das mya ngan las 'da' bar bshad du gsol/ bcom ldan 'das sems can rnams bsgral du gsol/ bcom ldan 'das 'jig rten 'di dag rjes su gzung du gsol/ bcom ldan 'das lha dang bcas/ bdud dang bcas/ tshangs pa dang bcas pa'i 'jig rten dang / dge sbyong dang / bram zer bcas pa'i skye dgu rnams dang / lha dang mi dang lha ma yin du bcas pa la chos bshad du gsol/ de ni skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang mi rnams kyi don dang / sman pa dang bde bar 'gyur ro// dge slong dag de nas tshangs pa bye ba khrag khrig brgya stong phrag lnga bcu po de dag gis sgra skad gcig tu mthun par brjod de/ bcom ldan 'das de la tshigs su bcad pa 'di dag gsol to// rnam par 'dren pa bcom ldan chos bshad gsol// chos kyi 'khor lo rab tu bskor bar gsol// chos kyi rnga rnams rab tu brdung ba dang // chos kyi dung yang rab tu bud par gsol// dam chos char pa 'jig rten dbab tu gsol// dbyangs snyan pas ni legs par bstan du gsol// gsol ba bzhin du chos ni bshad du gsol// sems can bye ba khrag khrig dgrol du gsol/ dge slong dag de nas yang tshangs ba chen po de dag la yang / bcom ldan 'das des cang mi gsung bar gyur pas gnang ngo // de bzhin du sbyar te/ de bzhin du lho nub kyi phyogs dang / de bzhin du nub kyi phyogs dang de bzhin du nub byang gi phyogs dang / de bzhin du byang gi phyogs dang / de bzhin du byang shar gyi phyogs dang / 'og gi phyogs kyang de bzhin no// dge slong dag de nas steng gi phyogs kyi 'jig rten gyi khams bye ba khrag khrig brgya stong phrag lnga bcu po de dag na/ tshangs pa'i gzhal med khang gang dang gang dag yod pa de dag shin tu mdzes shing ldan ne ljang / b+ha ra la/ dpal dang ldan zhing gzi brjid can du gyur to// dge slong dag de nas tshangs pa chen po dag 'di snyam du tshangs pa'i gzhal med khang 'di dag shin tu mdzes shing / ldan ne lhung nge/ gyur la/ dpal dang ldan zhing gzi brjid can du gyur pa 'di su'i snga ltas su 'gyur snyam du sems so// dge slong dag de nas 'jig rten gyi khams bye ba khrag khrig brgya stong phrag lnga bcu po de dag na tshangs pa chen po gang dag 'khod pa de dag thams cad gnas dag tu phan tshun dong nas smra'o/ / dge slong dag de nas tshangs pa chen po gtsug tor can zhes bya bas/ tshangs pa'i tshogs chen po de la tshigs su bcad de smras pa/ grogs po tsa yi rgyu yis 'di ltar gyur// gzhal med khang rnams gang gis yongs su khyab// gzi/ dang kha dog dang ni 'bar bas kyang // shin tu rgyus pa 'di la rgyu ci yod// 'di 'dra sngon chad bdag cag yod ma mthong // sus kyang sngon chad 'di 'dra ma thos te/ de ring 'di ltar 'od kyis 'di khyab pa/ / shin tu cher mdzes 'di la rgyu ci yod// de ste dge ba'i las dang ldan pa yi// lha yi bu zhig de ring 'dir byung ste// byung ba de yi mthu ni 'di yin nam yang na brgya la sangs rgyas 'jig rten byung / / dge slong dag de nas 'jig rten gyi khams bye ba khrag khrig brgya stong phrag lnga bcu po de dag na/ tshangs pa chen po gang dag 'khod pa de dag thams cad lhan cig tu 'dus nas/ rang rang gi tshangs pa'i gzhal med khang de dag tu zhugs te/ lha'i me tog gi phur ma ri rab tsam thogs te/ phyogs bzhir rgyu zhing 'dong ba las 'og gi phyogs logs su dong ba dang / dge slong dag de nas tshangs pa chen po de dag gis 'og gi phyogs na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa byang chub kyi snying po mchog dam pa gshegs shing byang chub kyi shing drung na/ seng ge'i khri la bzhugs te lha dang klu dang gnod sbyin dang / dri za dang lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa dag gis ni yongs su bskor cing mdun gyis bltas te/ sras rgyal bu gzhon nu bcu drug po de dag ni/ chos kyi 'khor lo bskor bar gsol ba 'debs pa mthong ngo // mthong nas kyang / bcom ldan 'das ga la ba der dong ste lhags nas/ bcom ldan 'das de'i zha bral mgo bos phyag 'tshal te/ bcom ldan 'das de la lan brgya stong du mar bskor ba byas nas/ me tog gi bur ma ri rab tsam de dag gis bcom ldan 'das de la gtor/ rab tu gtor te/ byang chub kyi shing de'i dpag tshad bcu tshun chad gtor nas tshangs pa'i gzhal med khang de dag kyang / bcom ldan 'das de la phul te/ bcom ldan 'das bdag cag la thugs brtse ba'i slad du/ tshangs pa'i gzhal med khang 'di dag bzhes su gsol/ bde bar gshegs pa bdag cag la thugs brtse ba'i sla du tshangs pa'i gzhal med khang 'di dag yongs su spyad du gsol zhes gsol to/ / dge slong dag de nas tshangs pa chen po de dag rang rang gi gzhal med khang de dag bcom ldan 'das de la phul nas/ de'i tshe bcom ldan 'das de la tshul dang 'dra ba'i tshigs su bcad pa 'di dag gis mngon par bstod do// khams gsum dag na sems can rnams// bcings pa gang/ dag 'grol ba yi// 'jig rten mgon po skyob mdzad pa// sangs rgyas rnams ni mthong ba lags// 'jig rten dbang po kun tu spyan// phyogs bcur rnam par gzigs mdzad cing // 'chi ba med pa'i sgo bye nas// skye bo mang po shin tu sgrol// sngon chad bskal pa bsam mi khyab// 'das pa de dag spyong gyur te// rgyal ba'i dbang po ma mthong bas// phyogs bcu da ni ldongs par 'gyur/ / mi zad sems can dmyal ba dang // lha min dud 'gro'i skye gnas 'phel// srog chags bye ba phrag stong ni// yi dgas rnams su skyes par gyur// lnga yi sus las nyams nas ni/ / 'chi zhing 'phos na ngan 'gror mchis// sangs rgyas rnams kyi chos ma thos// de yi 'gro ba sdig can gyur// srog chags kun gyi spyod dag pa'i/ shes rab nyams par gyur// de dag bde ba rnam par zhig/ bde ba'i 'du shes zhig par gyur// de dag cho ga log pa lags// dam chos ma lags rnams la gnas// 'jig rten mgon gyis ma btul bas/ / ngan 'gro rnams su de dag ltung // dge ba 'jig rten sgron ma ni// shin tu ring nas byon par gyur// sems can kun gyi slad du yang // rjes su thugs brtse 'dir byung ngo / / sangs rgyas ye shes bla med pa// dga' zhing bde ba rab tu brnyes// lha dang bcas pa'i 'jig rten dang // bdag cag khyod la rjes yi rang // gtso bo khyed kyi mthu yis ni/ / gzhal med khang dag rnam bkra ba// dpa' bo chen po khyod la 'bral// thub pa chen po bzhes su gsol// bdag cag rnams la thugs brtse'i slad// rnam 'dren yongs su spyad du gsol/ / bdag cag rnams dang sems can kun// byang chub mchog la reg par bgyi// dge slong dag de nas tshangs pa chen po de dag gis/ bcom ldan 'das de b zhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa de'i sman sngar tshul dang 'dra ba'i tshogs su bshad pa 'di dag gis mngon par bstod nas/ bcom ldan 'das de la 'di skad ces gsol to// bcom ldan 'das 'jig rten du chos kyi 'khor lo bskor du gsol// bcom ldan 'das mya ngan las 'da' ba bshad du gsol/ / bcom ldan 'das sems can thams cad bsgral du gsol// bcom ldan 'das 'jig rten 'di dag rjes su gzung du gsol// bcom ldan 'das lha dang bcas bdud dang bcas/ tshangs pa dang bcas pa'i 'jig rten dang / dge sbyong dang / bram zer bcas pa'i skye dgu rnams dang / lha dang mi dang lha ma yin du bcas pa la chos bshad du gsol/ de ni skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang mi rnams kyi don dang / sman ba dang bde bar 'gyur ro/ / dge slong dag de nas tshangs pa bye ba khrag khrig brgya stong phrag lnga bcu po de dag gis/ sgra skad gcig tu mthun par brjod de/ bcom ldan 'das de la tshul dang 'dra ba'i tshigs su bcad pa 'di dag gsol to/ / 'khor lo bla med dam pa bskor du gsol// 'chi ba med pa'i rnga yang rdung du gsol// sems can sdug bsngas brgya las thar bar mdzod/ / mya ngan 'das pa'i lam yang bstan du gsol// bdag cag gsal pa bzhin du chos gsang zhing // 'jig rten 'di dang bdag cag rjes rba zang // bas bye ba stong du bsgrubs pa yi/ / gsung snyan 'jam pa de yang dbyung du gsol// dge slong dag de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa de/ tshangs pa bye ba khrag khrig brgya stong phrag mang po de dag dang / sras rgyal bu gzhon nu bcu drug po de dag gis gsol ba btab par mkhyen nas/ de'i tshe dge sbyong ngam/ bram ze 'am/ lha 'am/ bdud dam/ tshangs pa'am/ gang gis kyang 'jig rten du chos dang mthun pas ma bskor ba'i chos kyi 'khor lo 'di lta ste/ 'di ni sdug bsngal ba'o// 'di ni sdug bsngal kun 'byung ba'o// 'di ni sdug bsngal 'gog pa'o// 'di ni sdug bsngal 'gog par 'gro ba'i/ lam mo zhes bya ba lan gsum du bzlas te/ rnam pa bcu gnyis su bskor to// dge slong dag 'di ltar ma rig pa'i rkyen gyis 'du byed/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug/ skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung ste/ de ltar sdug bsngal gyi phung po chen po 'ba' shig po 'di 'byung bar 'gyur ro// ma rig pa 'gags pas 'du byed 'gag 'du byed 'gags pas rnam par shes pa 'gag/ rnam par shes pa 'gags pas ming dang gzugs 'gag/ ming dang gzugs 'gags pas/ skye mched drug 'gag/ skye mched drug 'gags pas/ reg pa 'gag/ reg pa 'gags pas tshor ba 'gag/ tshor ba 'gags pas sred pa 'gag/ sred pa 'gags pas/ len pa 'gag/ len pa 'gags pas srid pa 'gag/ srid pa 'gags pas skye ba 'gag/ skye ba 'gags pas/ rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnam 'gag ste/ de ltar sdug bsngal gyi phung po chen po 'ba' shig po 'di dag 'gag par 'gyur ro zhes bya ba rten cing 'brel bar 'byung ba la 'jug pa yang rgya cher rab tu bstan to// dge slong dag d e ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyi gnon pa des chos kyi 'khor lo 'di lnga dang bcas/ bdud dang bcas/ tshangs pa dang bcas pa'i 'jig rten dang / dge sbyong dang / bram zer bcas pa'i 'khor gyis mdun du bskor nas/ skad cig thang cig yung tsam do 'a la grogs chags bye ba khrag khrig brgya stong phrag drug tu len pa med par zag pa rnams las sems rnam par grol nas/ de dag thams cad kyang rig pa gsum dang ldan pa dang / mngon par/ shes pa drug dang ldan pa dang / rnam par thar pa brgyad la bsam gtan par gyur to// dge slong dag de nas yang mthar gyis bcom ldan 'das de chos bstan pa lan gnyis su mdzad de/ de bzhin lan gsum lan bzhi'i bar du chos bstan pa mdzad do// dge slong dag de nas bcom ldan 'das de'i chos bstan pa lan re re la yang srog chags bye ba khrag khrig brgya stong/ gang+gA'i klung bye ma snyed len pa med par zag pa las sems rnam par grol lo// dge slong dag de'i 'og tu bcom ldan 'das de'i nyan thos kyi dge 'dun bgrang ba las 'das pa byung ngo // dge slong dag de nas yang de'i tshe/ rgyal bu bcu drug po de dag gzhon nur gyur bzhin du dang de/ khyim nas khyim med par rab tu byung nas de dag thams cad dge tshul par gyur te/ 'dzad shing gsal la yid rdo zhing mkhas te/ sangs rgyas brgya stong mang po la spyad pa/ bla na med pa yang dag par rdzogs pa'i byang chub don du gnyer ba ste/ dge slong dag de nas dge tshul bcu drug pa de dag gis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa de la 'di sad ces gsom/ / rgyas rnan 'das de pa na gshegs pasanyan gas sa snang ba 'di dka com ldan sa sa nas dang / dbyung che bar yangs su grub zo// bcom ldan 'das de lta lags pas bdag cag la thugs brtse ba'i slad du/ bla na med pa yang dag par rdzogs pa'i byang chub las brtsams te rnam bstan du gsol/ bdag cag kyang de bzhin gshegs pa'i rjes su slob bo// bcom ldan 'das de bzhin gshegs pa'i ye shes bdag cag mthong bar 'tshal lo// bdag cag gi don 'jis bcom ldan 'das nyid mngon sum ste/ bcom ldan 'das khyod sems can thams cad kyi bsam pa mkhyen pas bdag cag gi bsam pa mkhyen to// dge slong dag de nas de'itshe na/ rgyal bu gzhon nu byis pa khye'u rab tu byung ba dge tshul de dag mthong nas/ 'khor los sgyur ba'i rgyal po de'i 'khor du gyur pa ji snyed yod pa'i phyed/ srog chags bye ba khrag khrig ngargya stong phrag brgyad cu rtsa bzhi rab tu byung bar gyur to/ / dge slong dag de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa des/ dge tshul de dag gis gsol ba btab par mkhyen te/ bskal pa nyi khri 'das nas dam pa'i chos pad+ma dkar po zhes bya ba'i chos kyi rnam bshams pa la bzhugs sa/ dge slong dag de nas bcom ldan 'das de chos kyi gdan de la bzhugs ma thag tu/ de nas 'khor 'dus pa thams cad la gzigs nas/ dge/ slong gi dge 'dun la bka' stsal pa/ dge slong dag dge tshul bcu drug po 'di dag ngo mtshar du gyur pa/ rmad du gyur pa/ shes rab dang ldan pa/ sangs rgyas bye ba khrag khrig brgya stong mang po la bsnyen bkur byas pa/ shin tu spyod pa spyad pa/ sangs rgyas kyi ye shes 'dzin du 'jug pa/ sangs rgyas kyi ye shes la 'dzud pa/ sangs rgyas kyi ye shes yang dag par ston pa yin gyis/ dge slong dag dge tshul bcu drug po 'di dag la phyir zhing bsnyen bkur gyis shig/ dge slong dag nyan thos kyi theg pa can nam/ rang sangs rgyas kyi theg pa can na ma/ byang chub sems dpa'i theg pa can yang rung / gang dag kha cig rigs kyi bu 'di dag gis chos bshad pa la mi smod pa de dag thams cad myur du bla na med pa yang dag par rdzogs pa'i byang chub thob par 'gyur ro/ / de dag thams cad de bzhin gshegs pa'i ye shes thob par 'gyur ro// dge slong dag rigs kyi bu bcu drug po de dag gis/ bcom ldan 'das de'i bstan pa la/ dam pa'i chos pad+ma dkar po'i chos kyi rnam grangs 'di yang dang yang rab tu bstan to// dge slong dag dge tshul byang chub sems dpa' sems dpa' chen po bcu drug po byang chub sems bstan nas/ nang du yang dag 'jog la 'jug pa'i phyir gtsug lag khang du zhugs so// dge slong dag de bzhin gshegs pa de 'di ltar bskal pa brgyad khri bzhi stong gi ba du gtsug lag khang du gnas te/ nang du yang dag 'jog la zhugs so// dge slong dag de nas dge tshul bcu drug po de dag gis bcom ldan 'das de nang du yang dag 'jog la zhugs par rig nas so so'i chos kyi stan seng ge'i khri bshams te/ de dag la 'khod nas/ dam pa'i chos pad+ma dkar po'i chos kyi rnam grangs 'di 'khor bzhi po dag la bskal pa brgyad khri bzhi stong du rgya cher rab tu ston to/ / dge slong dag de nas dge tshul byang chub sems dpa' re res kyang / srog chags bye ba khrag khrig brgya stong phrag gang+ga'i klung drug cu drug cu'i bye ma snyed yang dag par bstan te/ yang dag par gzeng bstod/ yang dag par rab tu dga' bar byas/ yang dag par 'dzin du btsud/ zhugs par byas nas/ bla na med pa yang dag par rdzogs pa'i byang chub tu yongs su smin par byas so/ / dge slong dag de'i tshe bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa de bskal pa brgyad khri bzhi stong po de dag 'das nas/ dran pa dang ldan zhing mkhyen bzhin du ting nge 'dzin de las bzheng so// bcom ldan 'das deng zheng nas/ chos kyi gdan ga la ba der bcud de phyin nas gdan / bshams pa la bzhugs so/ dge slong dag de nas bcom ldan 'das de chos kyi gdan de la bzhugs ma thag tu/ de nas 'khor 'dus pa thams cad la gzigs nas/ dge/ slong gi dge 'dun la bka' stsal pa/ dge slong dag dge tshul bcu drug po 'di dag ngo mtshar du gyur pa/ rmad du gyur pa/ shes rab dang ldan pa/ sangs rgyas bye ba khrag khrig brgya stong mang po la bsnyen bkur byas pa/ shin tu spyod pa spyad pa/ sangs rgyas kyi ye shes 'dzin du 'jug pa/ sangs rgyas kyi ye shes la 'dzud pa/ sangs rgyas kyi ye shes yang dag par ston pa yin gyis/ dge slong dag dge tshul bcu drug po 'di dag la phyir zhing bsnyen bkur gyis shig/ dge slong dag nyan thos kyi theg pa can nam/ rang sangs rgyas kyi theg pa can na ma/ byang chub sems dpa'i theg pa can yang rung / gang dag kha cig rigs kyi bu 'di dag gis chos bshad pa la mi smod pa de dag thams cad myur du bla na med pa yang dag par rdzogs pa'i byang chub thob par 'gyur ro/ / de dag thams cad de bzhin gshegs pa'i ye shes thob par 'gyur ro// dge slong dag rigs kyi bu bcu drug po de dag gis/ bcom ldan 'das de'i bstan pa la/ dam pa'i chos pad+ma dkar po'i chos kyi rnam grangs 'di yang dang yang rab tu bstan to// dge slong dag dge tshul byang chub sems dpa' sems dpa' chen po bcu drug po byang chub sems dpa' de dag re res kyang / sems can bye ba khrag khrig brgya stong phrag gang+gA'i klung drug cu drug cu'i bye ma snyed byang chub tu yang dag par btsud par gyur te/ de dag thams// cad kyang de dag nyid dang tshe rabs de dang de dgab tu byung ste/ de dag la lta zhing de dag la chos nyan to// de dag gis sangs rgyas be stong phrag bzhi bcu mnyis par byas so// kha cig ni da dung yang mnyes par byed do/ / dge slong dag khyed mos par bya/ khong du chud par bya'o// rgyal bu gzhon nu bcu drug po de dag gzhon nur gyur bzhin du/ bcom ldan 'das de'i bstan pa la/ dge tshul chos smra bar gyur pa de dag thams cad bla na med pa yang dag par rdzogs pa'i byang chub mngon par rdzogs par sangs rgyas nas de dag thams cad da lta na bzhugs te 'tsho zhing ka zhes so/ / phyogs bcu'i sangs rgyas kyi zhing tha dad pa dag na nyan thos dang / byang chub sems dpa' bye ba khrag khrig brgya stong mang po la chos ston to// dge slong dag 'di/ lta ste/ shar phyogs na 'jig rten gyi khams mngon par dga' ba na/ de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa zhes bya ba dang / de bzhin gshegs pa dgra bcom pa yang dag par rdzogs pa'i sangs rgyas spuran po brtsegs pa zhes bya ba'o/ / dge slong dag shar lho'i phyogs na/ de bzhin gshegs pa dgra bcom pa yang dag par rdzogs pa'i sangs rgyas seng ge'i sgra zhes bya ba dang / de bzhin gshegs pa dgra bcom pa yang dag par rdzogs pa'i sangs rgyas se ge'i rgyal mtshan zhes bya ba'o// dgeslo/ dag lho phyogs na/ de bzhin gshegs pa dgra bcom pa yang dag par rdzogs pa'i sangs rgyas nam mkha' la gnas pa zhes bya ba dang / de bzhin gshegs pa dgra bcom pa yang dag par rdzogs pa'i sangs rgyas rtag par yongs su mya ngan las 'das pa zhes bya ba'o/ / dge slong dag lho nub kyi phyogs na/ de bzhin gshegs pa dgra bcom pa yang dag par rdzogs pa'i sangs rgyas dbang po'i rgyal mtshan zhes bya ba dang / de bzhin gshegs pa dgra bcom pa yang dag par rdzogs pa'i sangs rgyas tshangs pa'i rgyal mtshan zhes bya ba'o// dge slong dag nub phyogs na/ de bzhin gshegs pa dgra bcom pa yang dag par rdzogs pa'i sangs rgyas tshe dpag med ces bya ba dang / de bzhin gshegs pa dgra bcom pa yang dag par rdzogs pa'i sangs rgyas 'jig rten gyi khams thams cad kyi gnod pa dang / skyo ba las rab tu rgal ba zhes bya ba'o// dge slong dag nub byang gi phyogs na/ de bzhin gshegs pa dgra bcom pa yang dag par rdzogs pa'i sangs rgyas ta ma la'i 'dab ma dang tsan dan gyi dri mngon par shes pa zhes bya ba dang / de bzhin gshegs pa dgra bcom pa yang dag par rdzogs pa'i sangs rgyas lhun po lta bu zhes bya ba'o// / deng sa sa ga r+b+ba d+g+ha m+b+ha sa d+g+ha da / bcom pa yang dag par rdzogs pa'i sangs rgyas sprin sgra rgyal po zhes bya ba'o// dge slong dag zung shar gyi phyogs na/ de bzhin gyi shegs pa dgra bcom pa yang dag par rtogs pa'i sa 'jig rten thams cad kyi 'jigs pa dang / pham pa dang bag tsha ba rnam par 'jom pa zhes bya ba'o// dge slong dag de bzhin gshegs pa dgra bcom pa yang dag par rdzogs pa'i sangs rgyas shAkya thub pa nga ni bcu drug pa ste/ dbus kyi 'jig rten gyi khams mi mjed 'dir bla na med pa yang dag par rdzogs pa'i byang chub mngon par rdzogs par sangs rgyas so// dge slong dag dge tshul du gyur pa nged las/ sems can gang dag gis chos thos shing / bcom ldan 'das de'i bstan pa la/ byang chub sems dpa' re res kyang / sems can brgya stong phrag mang po gang+gA'i klung gi bye ma snyed nged kyis so sor bla na med pa yang dag par rdzogs pa'i byang chub la yang dag par btsud pa de dag/ dge slong dag da dung nyan thos kyis na gnas te/ bla na med pa yang dag par rdzogs pa'i byang chub la yongs su smin par byed de/ bla na med pa yang dag par rdzogs pa'i byang chub mngon par rdzogs par 'tshang rgya ba'i go rims ni de lta'o// de ci'i phyir zhe na/ dge slong dag 'di ltar de bzhin gshegs pa'i ye shes la mos par dka' ba'i phyir ro/ / dge slong dkang byang chub sems dpar gyur pa nA/ bcom ldan 'das de'i bstan pa la/ sems can rtse/ ba khrag khrig brgya stong dpag tu med pa/ grangs med pa/ gang+gA'i klung gi bye ma snyed gang dag thams cad mkhyen pa'i chos thos par bya ba'i sems can de dag gang zhe na/ dge slong dag de dag ni khyed yin te/ de'i tshe de'i dus na sems can du gyur to// dge slong dag nga mya ngan las 'das nas/ ma 'ongs pa'i dus na/ nyan thos gang dag 'byung ba de dag byang chub sems dpa'i spyod pa nyan kyang / bdag cag byang chub sems dpa' yin par mi shes pas/ de dag thams cad kyang / yongs su mya ngan las 'das par 'du shes nas yongs su mya ngan las 'da' bar 'gyur ro// dge slong dag 'on kyang 'jig rten gyi khams gzhan dag nang ming gzhan dang gzhan dag gis gnas pa der de dag de bzhin gshegs pa'i ye shes tshol zhing skye bar 'gyur ro// de na yang de bzhin gshegs pa rnams kyi yongs su mya ngan las 'das pa gcig pu ste/ 'di las gud na mya ngan 'da' ba gnyis su gzhan med do zhes de lta bu'i bya ba 'di nyan par 'gyur ro// dge slong dag chos bstan pa mngon par bsgrub pa de ni de bzhin gshegs pa rnams kyi thabs mkhas pa'i rig par bya ste/ dge slong dag gang gi tshe na/ de bzhin gshegs pas bdag nyid yongs su mya ngan las 'dar ba'i dus kyang gzigs la/ 'khor yongs su dag cing mos pa snying por byed/ stong pa'i chos rtogs par khong du chud pa/ bsam gtan dang ldan pa/ bsam gtan chen po dang ldan pa yang gzigs na/ dge slong dag de bzhin gshegs pa dus la bab par mkhyen nas/ byang chub sems dpa' thams cad dang / nyan thos thams cad bsags te/ phyis don 'di yang dag par sgrogs so/ / dge slong dag 'jig rten na/ theg pa 'am yongs su mya ngan las 'das pa gnyis su gang yang med na/ gsum du lta ci smos/ dge slong dag 'di ni de bzhin gshegs pa rnams kyi thabs mkhas pa ste/ sems can yun ring ma rung zhing / dman pa la dga' ba 'dod pa la chags par mkhyen nas/ dge slong dag de dag gang la mos pa bzhin du de dag la de bzhin gshegs pa mya ngan las 'das pa de 'chad do/ / dge slong dag 'di lta ste dper na/ 'di ltar rin po che'i gling la 'dod pa'i phyir/ 'brog dgon pa dpag tshad lnga brgya pa der skye bo'o tshogs lhags par gyur te de dag gi nang na/ lam mtshon pa 'dzangs shing gsal la yid gzhungs shing / mkhas pa gcig pu zhig yod pa des/ mya ngan dgon pa de las 'dron pa mang po de dag sgrol lo// de nas skye bo phal po che de dag ngal zhing chad de skrag nas/ 'di skad ces kye 'phags pa mtshon ma yongs sa 'dran pa/ bdag cag ngal zhing chad de/ 'jigs shing skrag pas / mya ngang de las ma 'das par mkhyen par mdzod / 'jog dkon pa 'dun/ shin tu ring bas sngar ldog ga zhes byas pa dang / dge slong dag denas mngon ma de tha bsnam 'as pas/ de dag slar ldog par 'dod par shes nas 'di snyam du nyon mongs 'di dag ni rin po che'i gling chen po re de lta bur mi 'gro bar gyur na mi rung snyam du bsams nas/ des de dag la snying brtse ba'i phyir thabs mkhas pa dang sbyar te/ dgon pa'i dbus su dpag tshad brgya 'am/ dpag tshad nyis brgya 'das pa dang / rdzu 'phrul gyi grong khyer mngon par sprul nas/ de nas mi des mi de dag la 'di skad ces khyed cag ma 'jigs shig slar ma ldog par yul chen po 'dir ngal sos shig bya ba gang dag ci yod pa de dag thams cad kyang 'dir gyis shig/ 'dir mya ngan las 'da' ba thob par gnas par gyis shig/ 'dir ngal bsos nas/ su la dgos par gyur pa de ni/ rin po che'i gling chen po der 'dong ngo zhes bsgo ba dang / dge slong dag de nas dgon par phyin pa'i mi de dag bdag cag ni 'brog dgon pa las thar nas 'dir mya ngan las 'das pa thob ste gnas so snyam nas ngo mtshar thob par gyur to/ / dge slong dag de nas mi de dag rdzu 'phrul gyi grong khyer der zhugs nas byin pa snyam du 'du shes par gyur/ rgal ba snyam du 'du shes par gyur/ mya ngan las 'das par 'du shes par gyur/ bdag cag mya ngan las 'das shing bsil bar gyur par sems par gyur to/ / de nas mtshon mas de dag ngal sos par shes nas/ rdzu 'phrul gyi grong khyer de mi snang bar byas so// mi snang bar byas nas/ mi de dag la 'di skad du/ zong khyer chen po 'don khyed ngam phas pa'i khyim ba zas sprus pa yin te/ ran pa che'i gli nga med te/ sems can byed 'dong ngo zhes pazlo ba de bzhin du dge slong dag de bzhin she pa dgra bcom pa yang dag par rdzogs pa'i sangs rgyas kyang khyed dang sems can thams cad kyi mtshon ma'o/ / dge slong dag de nas de bzhin gshegs pa dgra bcom pa yang dag par rdzogs pa'i sangs rgyas kyis/ 'di ltar nyon mongs pa'i dgon pa chen po 'di la skyo bar bya/ bzla bar bya/ spangs par bya na/ sems can 'di dag sangs rgyas kyi ye shes gcig pu thos nas/ spangs te phyir ldog cing sangs rgyas kyi ye shes bsgrub pa 'di nyon mongs pa mang ngo zhes mi 'jug par mi 'gyur grang zhes gzigs te/ de la de bzhin gshegs pas/ sems can bsam pa'i stobs chung bar mkhyen nas/ ji ltar mtshon ma des/ sems can de dag ngal bso ba'i phyir/ rdzu 'phrul gyi grong khyer mngon par sprul te/ sems can de dag ngal bsos nas/ 'di ni rdzu 'phrul gyi grong khyer yin no zhes bsgo ba de bzhin du/ dge slong dag de bzhin gshegs pa dgra bcom pa yang dag par rdzogs pa'i sangs rgyas thabs mkhas pa chen pos/ sems can rnams ngal bso ba'i phyir/ bar du mya ngan las 'das pa'i sa gnyis bshad cing / rab tu bstan te/ 'di ltar nyan thos kyi sa dang / rang sangs rgyas kyi sa ste/ dge slong dag gang gi dus na/ sems can de dag de la gnas par gyur pa de na dge slong dag de bzhin gshegs pa dgra bcom pa yang dag par rdzogs pa'i sangs rgyas kyis 'di skad du dge slong dag khyed bya ba byas pa ma yin/ byed pa byas pa ma yin la dge slong dag khyed de bzhin gshegs pa'i ye shes la nye bar gyur gyis ltos shig/ rtogs shig gang khyed kyi mya ngan las 'das pa de/ mya ngan las 'das pa ma yin te/ dge slong dag gang theg pa gsum du bshad pa de ni/ de bzhin gshegs pa dgra bcom pa yang dag par rdzogs pa'i sangs rgyas rnams kyi thabs mkhas pa'o zhes yang dag par sgrogs so// de nas bcom ldan 'das don de nyid rgyas par ston cing / de'i tshe tshigs su bcad pa 'di dag bka' stsal to// mngon shes ye shes zil gnon 'jig rten 'dren// 'di ltar byang chub snying por bzhugs gyur pa/ / der yang bar gyi bskal pa bcu tshang bar// don dam gzigs pa dag ni ma bsnyes so// lha dang klu dang lha min gsang ba pa// rgyal ba de la rab tu mchod par gyur// mi yi 'dren pa byang chub sangs rgyas la/ / der ni me tog char pa rab tu phab// rgyal ba de la mchod cing bkur sti'i phyir// steng gi mkha' la de dag rnga rdung ngo // ring nas bla na med pa'i gnas rtogs phyir/ / de na rgyal ba shin tu sdug bsngal gyur// de nas bar gyi bskal pa bcu 'das nas// bcom ldan zil non de yis byang chub thob// de tshe lha mi klu dang lha ma yin/ thams cad rab tu dga' zhing mgu bar gyur// yon tan phyug pa mi gtso de yi sras// gzhon nur gyur pa dpa' bo bcu drug rnams// srog chags bye ba stong gi mdun bdar te// rkang gnyis dbang po'i mchog de'i drung du dong / / rnam par 'dren pa'i zhabs la phyag 'tshal nas// mi dbang seng ges 'dir ni legs bshad pas// bdag cag 'jig rten 'di rnams tshim mdzad cing // chos rab bstan du gsol zhes gsol ba btab// ring nas phyogs bcu'i 'jig rten 'di rnams su// rnam 'dren chen po byung bar rab tu rig/ ltas kyi srog chags rnams ni bskul ba'i phyir/ tshangs pa'i gzhal med khang rnams rab tu bskyang // shar gyi phyogs su zhing rnams bye ba phrag/ stong phrag lnga bcu de dag g.yos par gyur// de na tshangs pa'i gzhal med khang mchog dag de dag rab tu gzi brjid ldan par gyur/ / de dag snga ltas 'di 'dra rig gyur nas// 'jig rten 'dren dbang drung du nye bar lhags// 'dren pa de la me tog mngon par 'thor// de la gzhal med khang de thams cad phul/ / 'khor lo rab tu bskor bar gsol ba 'debs// tshigs su bcad pa'i dbyangs kyis mngon par bstod// da dung nga yis chos 'chad dus min zhes// mi dbang rgyal po de ni mi gsung gyur/ / de bzhin du ni lho yi phyogs logs dang // de bzhin du yang nub dang 'og dang byang // steng gi phyogs dang phyogs mtshams de bzhin te// tshangs pa bye ba phrag stong lcags gyur nas/ / 'dren pa de la mngon par yang gtor te// rnam par 'dren gyi zhabs la phyag 'tshal nas// gzhal med khang rnams thams cad der phul te// mngon par bstod pa byas nas yang gsol pa/ / mtha' yas spyan ldan 'khor lo bskor du gsol// bskal pa bye mang khyod rnyed rab tu dka'// sngon chad byams pa'i stobs bsnyen bstan du gsol// 'chi ba med pa'i sgo yang dbye bar gsol/ / gsol ba mtha' yas spyan gyis mkhyen nas ni// rnam pa mang por chos rnams rab bstan pa// bden pa bzhi rnams rab tu rgyas pa dang // dngos po 'di dag thams cad brten nas byung / / ma rig la sogs 'chi ba'i sprul bsngal yang // mtha' yas par ni spyan dang ldan pas gsungs// skye ba las ni nyes pa 'di kun byung // mi yi 'chi bdag 'di'ang shes par gyis/ / rnam pa mang po sna tshogs mtha' yas pa// chos rnams de yis bshad ma thag tu yang // thos nas sems can bye ba khrag khrig phrag/ brgyad cu nyan thos sa la myur du gnas/ / rgyal ba de yis chos mang bshad pa ni// gzhan yang lan gnyis su ni gyur pa na// sems can gang+gA'i bye snyed rnam dag ste// skad cig gis ni de kun nyan thos gyur// de yi 'og tu de tshe 'jig rten gyi// rnam 'dren de yi dge 'dun grangs med byung // bskal pa khrag khrig bye bar bgrangs na yang // re re la yang de dag mthar mi phyin// rgyal bu bcu drug po ni de dag kyang / / thams cad gzhon tshul gyur pa snying gi bu// 'dren pa khyod kyis chos mchog bstan gsol zhes// rgyal ba de la dge tshul de dag gsol// ji ltar skye dgu kun mchog khyod bzhin du/ / bdag cag 'jig rten mkhyen par 'gyur bar shog/ ji ltar dpa' bo spyan dag khyod bzhin du// sems can 'di dag thams cad de bzhin shog/ de sras gzhon nur gyur pa de dag gi/ bsam pa dag ni rgyal ba des mkhyen nas// depe rnams bye ba khrag khrig du ma yis// byang chub dam pa mchog ni rab tu bstan// rgyu ni mang po stong gis nyer bstan te/ mngon par shes dang ye shes rab tu bsgrags// byang chub sems dpa' mkhas pa spyod pa bzhin// 'jig rten mgon pos yang dag spyod pa bstan// gang dag cad ni gang+gA'i bye snyed kyi/ tshigs su bcad pa stong phrag mi nyung bas// rangab rgyas mdo sde dam chos pad+ma dkar// 'di nyid bcom ldan 'das kyis rab tu bshad// rgyal ba des kyang mdo sde 'di bshad nas/ 'jig ce mgon po bcug las khang bzhugs te/ / lhan cig stang du mnyam par gzhag nas sra// bskal pa brgyad cu rtsa bzhi tshang bar brtags// 'dren pa gtsug lag khang zhugs mi 'byung bar/ dge tshul de dag rnams kyis rig gyur nas// sangs rgyas ye shes zag med zhi ba 'di// srog chags bye ba mang po rnams la bsgrags// so sor khri stan bshams te 'dug nas ni// de la yang mdo sde 'di nyid bshad/ / bde bar gshegs pa de yi bstan pa la// de dag de 'dra'i tshul du dbang byed do// bde gshegs sras po de dag re res kyang // de yi chen sems can stong phrag ni/ gang+gA drug cu'i bye ma rnyed la bsgrags// sems can mtha' yas pa dag rnam par 'dul// rgyal ba de ni mya ngan yongs 'das nas// de dag spyad nas sangs rgyas bye ba mthong // de ma thos byas rnam dang lhan cig tu/ / rkang gnyis dam pa la yang mchod pa byed// spyod pa yangs pa khyad par 'phags spyad nas// de dag phyogs bcur byang chub sangs rgyas te// rgyal ba de yi sras de bcu drug po/ / phyogs rnams kun na rgyal ba gnyis gnyis so// de tshe gang dag thos byas de dag kyang // rgyal ba de yi nyan thos thams cad de// bags kyis rnam pa tha dad thabs rnams kyis/ / byang chub 'di ni rab tu thob par byas// nga yang de dag nang du gtogs par gyur// ngas kyang khyed rnams thams cad thob par byas// de phyir da dung nga yi nyan thos khyed// byang chub 'di la thams cad thabs kyis bkri/ / gang gi phyir nang ni chos 'chad cing // gang phyir byang chub mchog 'dir ngas bkrib// rgyu 'di rkyen 'di de tshe sngon byung ngo // dge slong dag go gnas 'dir ma 'jigs shing / / ji ltar dgon pa ma rungs bzang rlag pa// stong pa gnas med rten kyang med pa la// gcan gzan rab tu mang zhing chu med do// de ni byis pa 'jigs par byed pa yin/ / de la skyes bu stong phrag du ma rnams// dgon pa der ni de dag zhugs par gyur// dgon pa de yang stong zhing ring ba ni// dpag tshad lnga brgya rnyed du tshang bar gyur// mya ngan dgon pa rab tu 'jigs pa na/ / de na de yi mtshon mar gang gyur pa// skyes bu phyug cing dran ldan gsal ba ste// de tshe shin tu mkhas shing 'dzangs pa yi// shin tu dpa' zhing dul la 'jims pa med/ / srog chags bye ba mang po de dag skyo// de tshe mtshon ma de la smras pa ni// 'phags pa bdag cag skyo ste mi nus na// bdag cag de ring 'di nas ldog par dka'// de tshe shin tu mkhas shing mdzangs pa yi/ / 'dren pa de yang de tshe thabs sems te// kyi hud byis pa 'di dag thams cad ni// bdag nyid ldog pas rin po che las nyams// 'di ltar nga yis rdzu 'phrul stobs kyis deng / / khang pa bye ba stong gis rab brgyan cing // gtsug lag khang dang tshal bus brgyan pa yi// grong khyer chen po mngon par sprul nas su// rdzing dang 'bab chu dag kyang mngon par sprul/ / kun dga' dang ni me tog dag gis brgyan// sgo dang rtsig pas shin tu mdzes byas shing // skyes pa bud med mtshungs med rnams ldan pa// sprul nas de dag rnams la 'di skad du/ / 'jigs par ma byed rab tu dga' bar byos// grong khyer mchog tu khyed kyis da phyin gyis// zhugs te don rnams myur du gyis shes smras// ci nas de dag thams cad par 'gro bar/ dbugs dbyung bya ba'i phyir ni chog smras pa// dgon pa ma rungs kun las rgal zin te// mya ngan 'das zin sems ni dga' bar byas// thams cad ngar bsos gyur pa'i tshul rig nas/ / shin tu ri mo byas te yang smras pa// tshur sheg kho bos smras pa rnams la nyon// 'di ni rdzu 'phrul grong khyer sprul pa ste// khyed rnams skyo bar kho bos rig pas na// khyed rnams phyir mi ldog par bya ba'i phyir/ / 'di 'dra 'di ni kho bo'i thabs mkhas yin// gling du 'gro ba'i phyir ni brtson 'grus skyed// dge slong de bzhin nga yang mtshon ma ste// srog chags bye ba stong gi 'dren pa yin/ / nyon mongs sgo nga sbugs rdol mi nus shing // skyo ba'i sems can dag kyang de bzhin mthong // de phyir de yi don du ngas bsams te// bsti ba'i gnas 'dir mya/ ngan 'das 'di byas// sdug bsngal thams cad rjes su rtogs pa 'di// dgra bcom sa la khyed cag bya ba byas// gang gi tshe na khyed cag lugs gnas 'dir// gnas par dgra bcom bapas rang bzong ras ji/ / de yi 'og tu thams cad 'dir bsdu ste/ chos 'di ji ba'i ngag ngor bshad // dang song chen po sa theg pa gsum bstan pa// rnam 'dren rnam kyi thabs la mkhas pa ste/ / theg pa gcig te gnyis su yong ma yin// bsti ba'i don du theg pa gnyis bstan to// dge slong dag go de phyir de ring ngas// 'a gyis ni mya ngan mi 'da' ste/ / khyed kyis thams cad mkhyen gyi ye shes phyir// brtson 'grus rlabs chen dam pa bskyed par gyis// nam zhig thams cad mkhyen gyi ye shes thob// rgyal chos rnams gang dag stobs bcu dang / / sum cu rtsa gnyis mtshan gyi gzugs ldan pa// sangs rgyas gyur nas mya ngan 'das pa yin// 'dren pa rnams kyi bstan pa 'di 'dra ste// bsti ba'i phyir ni mya ngan 'das pa gsungs/ / ngal bsos rig nas mya ngan bzla phyir kun// thams cad mkhyen gyi shes la bkri zhes bshad// sngon gyi sbyor ba'i le'u zhes bya ba ste bdun pa'o// / / dam pa'i chos pad+ma dkar po bam po bdun pa/ de nas tshe dang ldan pa byams ma'i bu gang pos/ bcom ldan 'das las thabs mkhas pa'i ye shes gzigs pa dang // ldem bor dgongs te gsungs pa bstan pa 'di lta bu 'di yang thos/ nyan thos chen po de dag lung bstan pa yang thos/ sngon gyi sbyor ba dang ldan pa'i gtam 'di dang / bcom ldan 'das kyi lha mchog tu gyur pa 'di yang thos nas ngo mtshar du gyur/ rmad du gyur te/ zang zing med pa'i sems kyis dga' ba dang / mchog tu dga' bas khyab par gyur nas/ de mchog tu dga' ba chen po dang / chos la gus pa chen pos stan las langs te/ bcom ldan 'das kyi zhabs la phyag 'tshal nas/ 'di snyam du 'di ltar khams tha dad pa'i 'jig rten gyi rjes su mthun par 'jug pa dang / thabs mkhas pa'i ye shes gzigs pa mang pos sems can rnams la chos ston pa dang / de dang de la chags pa'i sems can rnams rab tu 'grol ba ni/ de bzhin gshegs ba dgra bcom pa yang dag par rdzogs pa'i sangs rgyas rnams shin tu dka' mdzad de/ bcom ldan 'das ngo mtshar to// bde bar gshegs pa ngo mtshar to// bcom ldan 'das 'di la ni bdag cag gis bgyid pa'i rdog la thog ste/ de bzhin gshegs pa nyid kyis bdag cag gi bsam pa dang / sngon gyi sbyor ba'i spyod pa mkhyen to snyam du sems bskyed nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug nas/ bcom ldan 'das nyid la phyag 'tshal zhing mig mi 'dzum par lta'o// de nas bcom ldan 'das kyis tshe dang ldan pa byams ma'i bu gang po'o sems kyi bsam pa la gzigs nas/ thams cad dang ldan pa'i dge slong gi dge 'dun la bka' stsal pa/ dge slong dag khyed nga'i lan thos byams ma'i bu gang po 'di la ltos/ 'di ngas dge slong gi dge 'dun 'di'i nang mchos stsogs pa rngams kyi mchog tu bstan pa/ yang dag pa'i yon tan mang pos bstod pa/ nga yis bstan pa 'di la rnam pa mang pos dam pa'i chos yongs su 'dzin par mngon par brtson pa/ 'khor bzhi yang dag par rab tu dga' bar byed pa/ yang dag par 'dzin du 'jug pa yang dag par gzeng bstod pa/ chos 'chad pas ngal ba med pa/ chos 'di 'chad nus pa/ tshangs pa mtshungs par spyod pa rnams la phan 'dogs nus pa ste/ dge slong dag de bzhin gshegs pa ma gtogs par/ gzhan gyis byams ma'i bu gang po don dam tshig 'brus yongs su gtugs par mi nus so// dge slong dag 'di ji snyam du sems/ 'ding 'ba' zhig gi dam pa'i chos 'dzin pa yin snyam du sems na/ dge slong dag khyed kyis de ltar mi blta'o// de ci'i phyir zhe na/ dge slong dag ngas mngon par dran te 'das pa'i dus na/ sangs rgyas bye ba phrag dgu bcu rtsa/ dgu byung ba'i sangs rgyas bcom ldan 'das de dag gi bstan pa la 'di nyid kyis dam pa'i chos yongs su bzungs te/ ji ltar da ltar ngas chos sgrogs pa rnams kyi mchog tu gyur pa bzhin du thams cad du yang gyur to/ / thams cad du yang bong nga chud par gyur to// thams cad du yang so so yang dag par rig pa thob par gyur to// thams cad du yang byang chub sems dpa'i mngon par shes pa legs par khong du chud par gyur/ chos ston pa / the tsom med par chos ston pa dang / yongs su dag par chos ston par gyur/ to// sangs rgyas bcom ldan 'das de dag gi bstan pa la tshes gnal te/ tshangs par spyod pa spyad do// thams cad du yang nyan thos su kun gyis shes te/ de'i thabs 'dis sems can/ bye ba khrag khrig brgya stong dpag tu med grangs med pa rnams kyi don byas so// sems can dpag tu med/ grangs med pa dag bla na med pa yang dag par rdzogs pa'i byang chub tu yongs su smin par byas so/ / thams cad du yang sangs rgyas bye bas sems can rnams la nye bar gnas par gyur to// thams cad du yang bdag gis sangs rgyas kyi zhing yongs su dag par byas so/ / sems can dag yongs su smin par bya ba la brtson par gyur to// dge slong dag rnam par gzigs la sogs pa/ de bzhin gshegs pa bdun po dag gi tha ma ni nga yin te/ de dag gi yang chos brjod pa'i mchog tu gyur to// dge slong dag bskal pa bzang po 'di la ma 'ongs pa'i dus na/ sangs rgyas stong du sangs rgyas bzhis ma tshang ba gang dag 'byung ba de dag gi bstan pa la yang / byams ma'i bu gang po 'di nyid chos ston pa'i mchog tu 'gyur/ dam pa'i chos yongs su 'dzin par 'gyur ro// de bzhin du ma 'ongs pa'i dus na/ sangs rgyas bcom ldan 'das dpag dmeng grangs med pa'i dam pa'i chos kar 'dzin par 'gyur ro/ / sems can dpag tu med grangs med pa rnams kyi don byed par 'gyur ro// sems can dpag tu med grangs med pa rnams bla na med pa yang dag par rdzogs pa'i byang chub tu yongs su smin par byed par 'gyur ro/ / rtag tu rgyun mi zad par bdag gi sangs rgyas kyi zhing yongs su dag par bya ba dang / sems can yongs su smin par bya ba la brtson par 'gyur ro// des byang chub sems dpa'i spyod pa 'di lta bu yongs su rdzogs par bya ste/ bskal pa grangs med dpag tu med pa na/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhini gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das chos rab tu snang ba zhes bya ba 'jig rten du 'byung ste/ sangs rgyas kyi zhing 'di nyid du 'byung bar 'gyur ro// dge slong dag yang de'i tshe/ sangs rgyas kyi zhing 'di stong gsum gyi stong chen po 'jig rten gyi khams kang+ka'i klung gi bye ma snyed sangs rgyas kyi zhing gcig tu 'gyur te/ de rin po che sna bdun gyi gzhi la lag mthil ltar mnyam pa/ ri med pa/ rin po che sna bdun gyi khang pa brtsegs pas yongs su gang bar 'gyur ro/ / lha'i gzhal med khang dge dang nye bar gyur te/ lha dag gis kyang mi mthong mi dag gis kyang lha mthong bar 'gyur ro// dge slong dag de'i tshe / sangs rgyas kyi zhing 'di na ngan song med par 'gyur/ bud med kyang med/ sems can de dag thams cad kyang rdzus te rgyang tshangs par sbyod ba/ yid las byung ba'i lus 'ong rang ma ma/ pa/ rdzu 'phrul can/ nam mkha' la 'gro ba/ brtson 'grus dang ldan pa/ dran pa dang ldan pa/ shes rab dang ldan pa/ lus gser gyi kha dog can/ skyes bu chen po'i mtshan sumaH rtsa gnyis kyis kyang lus brgyan par 'gyur ro/ / dge slong dag yang de'i tshe sangs rgyas kyi zhing 'dir sems can de dag gi zas rnam pa gnyis su 'gyur te/ gnyis gang zhe na 'di lta ste/ chos kyi dka' ba'i zas dang / bsam gtan gyi dka' ba'i zas so// de'i byang chub sems dpa' bye ba khrag khrig brgya stong grangs med dpag tu med pa 'byung ste/ thams cad kyang mngon par shes pa chen po thob pa/ so so yang dag par rig pa rnams rtogs par khong du chud pa sems can la 'dems mkhas pa sha stag go// de'i nyan thos ni bgrangs pa las 'das pa 'byung ste/ rdzu 'phrul che ba/ mthu che ba/ rnam par thar pa brgyad la bsam gtan pa sha stag go/ sangs rgyas kyi zhing de de lta bu'i yon tan tshad med pa dang ldan par 'gyur ro// bskal ba ni rin po che snang ba zhes bya bar 'gyuraro/ / 'jig rjer gyi gas 'i sa pa zhes bya bar 'gyur ro// de'i tshe'i tshad ni bskal pa grangs med/ dpag tu med par 'gyur te/ bcom ldan 'das de bzhin gshegs pa dgra brtsam pa yang dag par rdzogs pa'i sangs rgyas chos rab tu snang ba de yongs su mya ngan las 'dus nas kyang dam/ pa'i chos su ma du gnas par 'gyur/ 'jig rten gyi khams de rin po che'i mchod rten gyis gang bar 'gyur ro// dge slong dag de ltar bcom ldan 'das de'i sangs rgyas kyi zhing de yon tan bsam gyis mi khyab pa dang ldan par 'gyur ro/ / bcom ldan 'das kyis de skad ces bka' stsal te/ bde bar gshegs pas de skad gsungs nas/ ston pas gzhan yang 'di skad ces bka' stsal to/ / nga yi bu ni thabs mkhas legs bslabs pa// ji ltar spyod pa spyad par gyur pa dang // ji ltar byang chub spyod pa 'di spyad pa// don deng las nyon cig dge slong dag theg pa rlabs po ches ni skrag 'gyur zhing / / 'di na sems can dman la mos rig nas// byang chub sems dpa' 'di dag nyan thos gyur// rang rgyal byang chub par yang rab tu ston// thabs la mkhas pa brgya phrag du ma yis/ / byang chub sems dpa' mang po smin par byed// 'di skad bdag cag nyan thos bdag cag ni// byang chub dam pa mchog las ring zhes smra// de dag rjes su spyod pa de slob pas/ / sems can bye ba de dag smin par 'gyur// dman la mos shing le lo can gyi tshul// de dag thams cad mthar gyi sangs rgyas 'gyur// de dag mi tshor bar ni spyad pa bdag ca can zas thaM gachung ba na/ smra u0f7f/ byasas shing bang songs su sa par gyu// ngadag da / gas sa gti mug bcas par yang ni rab tu ston/ / sems can ltal chags par rig nas no// de yi lta ba rnams la nye bar gnas// nga yinan thos mang du de ltar spyod// sems can thabs kyis rnam par grol bar byed/ / de yis smod pa thams cad rab bstan na// mi mkhas mi rnams shin tu byos par 'gyur// dge slong gang po nga yis nyan thos 'di// sangs rgyas rnams kyi ye shes 'di chol phyir/ / sngon gyi sangs rgyas bye ba stong la spyad// de dag rnams kyi dam chos yongs su bzung // kun tu 'di ni nyan thos mchog tu gyur// mang du thos shing 'jigs med sna tshogs brjod/ / rtag tu mi skyo yang dag dga' bar byed// rtag tu sangs rgyas bye bas nye bar gnas// rtag tu mngon shes chen pos rtogs par rig/ so so yang dag rig pa thob par gyur/ / sems can rnams kyi dbang po spyod yul shes// rtag tu rnam par dag pa'i chos kyang 'chad// dam pa'i chos kyi mchog kyang rab 'chad cing // bla na med pa'i theg pa mchog 'di la/ / sems can bye ba phrag stong yongs smin byed// bdag gi zhing mchog rnam par dag par byed// ma 'ongs dus kyi tshe yang de bzhin du// sangs rgyas bye ba phrag stong mchod par 'gyur/ / dam pa'i chos mchog rnams kyang rab tu 'dzin// bdag gi zhing yang yongs su dag par byed// rtag tu 'jigs pa med par chos 'chad de/ thabs la mkhas pa bye ba phrag stong gis// thams mkhyen gyi ye shes zag med la// sems can mang po yongs su smin par byed// mi yi 'dren pa rnams la nges mchod pas// dam pa'i chos mchog rtag tu bzung nas ni/ / 'jig rten du yang rang byung sangs rgyas 'gyur// chos rab snang zhes phyogs su rab tu grags// de yi zhing yang shin tu rnam dag 'gyur// rin chen sna bdun rtag tu khyad par 'phags/ / bskal pa de ni rin chen snang ba yin// 'jig rten khams de shin tu rnam dag yin// mngon shes che la shin tu mkhas pa yi// byang chub sem dpa' bye ba stong mang ste/ / rnam dag blo can rdzu 'phrul che rnams kyis// 'jig rten khams de yongs su gang bar 'gyur// de bzhin nyan thos dag kyang bye ba stong // de tshe 'dren pa'i dge 'dun 'byung ba ni/ / rnam thar brgyad la bsam gtan rdzu 'phral che// so so yang dag rig pa rtogs par rig/ sems can thams cad sangs rgyas zhing de na// tshangs par spyod cing rab tu dga' bar 'gyur/ / thams cad gser gyi mdog can rdzus te skye// sum cu rtsa gnyis mtshan gyi gzugs dang ldan// chos la mngon par dga' ba ma gtogs par// de na zas kya 'du shes med par 'gyur/ / der ni bud med rnams kyang mi 'byung ste// ngan song dang ni ngan 'gros 'jigs pa med// sems can rab tu dge bas kun gang ste// gang po yin ngan yang dag rdzogs ldan gyi/ / zhing mchog re ni de 'drar 'gyur ba ste// 'di ni cung zad tsam zhig bsar pa yide nas dbang dang ldan par gyur pa stong nyis brgya po de dag 'di snyam du sems te/ gal te bdag cag kyang / bcom ldan 'das kyis nyan thos chen po gzhan dag ji ltar lung bstan pa de bzhin du/ de bzhin gshegs pas bdag cag so sor lung bstan ngo mtshar du 'gyur/ rmad du 'gyur ro snyam mo// de nas bcom ldan 'das kyis nyan thos chen po de dag gi sems kyi rnam par rtog pa thugs kyis/ thugs su chud nas tshe dang ldan pa 'od srung chen po la bka' stsal pa/ 'od srung dbang dang ldan par gyur pa stong nyis brgya po gang dag da ltar nga mngon sum du gyur pa'i 'di dag thams cad de'i 'og tu lung bstan 'od srung de la nyan thos chen po dge slong ko'u di n+ya/ sangs rgyas bye ba khrag khrig brgya stong phrag drug cu rtsa gnyis kyi pha rol gyi yang ches pha rol tu de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes pa 'dul ba'i kha lo sgyur ba/ bla na med pa lnga dang mi rnams kyi ston pa/ sangs rgyas bcom ldan 'das kun tu snang ba zhes bya bar 'jig rten du 'byung ste/ 'od srung de ni ming 'di gcig pu btags pa/ de bzhin gshegs pa lnga brgya 'byung bar 'gyur ro/ / nyan thos chen po lnga brgya po de thams cad gcig gi 'og tu gcig bla na med pa yang dag par rdzogs pa'i byang chub mngon par rdzogs par 'chang rgya ste/ thams cad kyang kun tu snang ba zhes bya bar 'gyur ro// 'di lta ste/ ga ya 'od srung dang / chu klung 'od srung dang / lteng rgyas 'od srung dang / nag po dang / 'char pa nag po dang / ma 'gags pa dang / nam gru dang / ka pi na dang / ba gu la dang / skul byed dang / legs 'ongs la sogs pa dbang dang ldan par gyur pa lnga brgya'o// de nas bcom ldan 'das kyis de'i tshe tshigs su bcad pa 'di dag bka' stsal to/ / ko'u di n+ya rigs nga yi nyan thos 'di// ma 'ongs dus kyi bskal pa mtha' yas na// de bzhin gshegs pa 'jig rten mgon du 'gyur/ / srog chags bye ba phrag stong rnam par 'dul// ma 'ongs dus kyi bskal pa mtha' yas na// sangs rgyas mang po mtha' yas mthong nas ni// kun tu snang zhes bya ba'i rgyal bar 'gyur/ / de yi zhing yang yongs su dag par 'gyur// sangs rgyas stobs dang 'od du ldan par 'gyur// phyogs bcu dag tu sgra yang rnam par bsgrags// srog chags bye ba stong gis mdun gyis bltas/ / byang chub dam pa mchog kyang ston par gyur// de na byang chub sems dpa' brtson pa rnams// gzhal med khang mchog tu ni mngon zhugs nas// de na gnas shing rjes su rnam par sems/ / rnam dag tshul khrims rtag tu len pa'i tshul// rkang gnyis gtso bo de yi chos thos nas// zhing gzhan du ni de dag rtag tu yang // de dag sangs rgyas stong la phyag/ 'tshal 'gro// de dag la ni rgya che'i mchod byas te// skad cig gis ni rnam par 'dren pa yi// zhing der de dag phyir yang 'ong bar 'gyur// rab tu snang zhes bya ba mi yi gtso// spyod pa'i stobs ni de lta de 'drar 'gyur/ / bde gshegs de yi tshe tshad 'gyur ba ni// bskal pa stong phrag drug cu tshang bar 'gyur// skyob pa yongs su mya ngan 'das nas ni// de las nyis gyur dam chos der gnas 'gyur/ / de yi gzugs brnyan 'byung bar 'gyur ba ni// de ni sum gyur de srid dus su'o// skyob pa de yi dam chos med gyur nas// lha rnams dang ni mi dag sdug bsngal 'gyur// skyes mchog kun tu snang zhes bya bar yang // ming gcig pa yi rgyal ba 'byung ba ni// 'dren pa lnga brgyar yongs su tshang bar te// de dag gcig gi 'og tu gcig 'byung 'gyur// de dag kun gyi bkod pa de 'dra ste/ / rdzu 'phrul stobs dang de bzhin sangs rgyas zhing // 'dus pa de bzhin dam chos de 'dra ste// dam pa'i chos gnas pa yang mnyam par 'gyur// kun tu snang ba skyes bu dam pa yi/ / ji ltar nga yis sngar ni bshad pa bzhin// de tshe sgra ni lhar bcas 'jig rten du// thams cad de dag lta bur 'gyur ba yin// ji ltar 'jig rten thams cad ngas bstan bzhin/ / 'di ni nga yi 'og tu 'byung ngo zhes// mthar gyis de ltar de dag gcig nas gcig/ phan zhing snying brtse ba dag lung ston 'gyur// 'od srung khyod kyis de ring dbang ldan pa/ / lnga brgya las ni mo nyung de dag dang // nga yi nyan thos gzhan yang de ltar zung // de bzhin du yang nyan thos gzhan la bsgo// de nas dgra bcom pa lnga brgya po de dag bcom ldan 'das las bdag cag bla na med pa yang dag par rdzogs pa'i byang chub tu mngon sum du lung bstan pa thos nas tshim zhing mgu la yid rangs te/ dga' ba dang / yid bde bskyes nas/ bcom ldan 'das ga la ba der dong ste phyin nas/ bcom ldan 'das kyi zhabs la mgo bos phyag 'tshal te/ 'di skad ces gsol to// bcom ldan 'das bdag cag gis rtag tu rgyun mi 'chad par 'di ni bdag cag gi mya ngan las 'das pa lags te/ bdag cag ni yongs su mya ngan las 'das so snyam du sems la yongs su bsgoms pa'i nongs pa de dag bdag cag gis bshags so/ / bcom ldan 'das 'di ni bdag cag ma rtogs ma 'tshal mi mkhas pa lags te/ de ci'i slad du zhe na/ 'di ltar bdag cag de bzhin gshegs pa'i ye shes kyis mngon par rdzogs par 'tshang rgya bar bgyi ba lags na/ 'di lta bu'i ye shes chung ras 'tshal to snyam mo// 'di lta ste dper na/ mi la la zhig mdza' bo'i mchis 'brang du mchis nas/ phyag la khom mam/ mchis nyal ba la mdza' bo des 'di'i nor bu rin po cher 'dir bya'o snyam nas/ rin thang ma mchis pa'i nor bu rin po che 'di gos kyis mtha' mar phur ro// bcom ldan 'das de na mi de mchis langs te/ 'phags nas yul phyogs gzhan du mchis te/ de de na nyon mongs par gyur nas/ 'tshal ma dang rad pa tshol ba'i slad du shin nyon mongs shing cher 'bad de/ gang zhig nas kha zas chung zad cig rnyed nas mgu ste rab tu dga' bar gyur to/ / bcom ldan 'das de nas mi de'i mdza' bo rnying pas/ de'i gos kyi tha mar rin thang ma mchis pa'i nor bu rin po che'i phu ra ma bgyis pa'i mi des yang mthong nas/ des de la 'di skad ces/ kye mi khyod zas dang skom tshol ba'i phyir ci ste/ nyon mongs su 'ong zhes kye mi khyod bde bar gnas par bya ba'i phyir/ ngas 'dod pa thams cad grub par byed pa/ rin thang med pa'i nor bu rin po che gos kyi tha mar phur te/ kye mi khyod ngas nor bu rin po che de sbyin nas/ kye mi khyod gos kyi tha ma la nor bu rin po che ring thang med pa phur na/ bdag la nam phur/ su zhig gis phur/ ci'i rgyu/ ci'i phyir phur ba/ kye mi khyod cung zad kyang mi lta 'am/ khyod ni byis pa'i rang bzhin can te/ kye mi khyod nyon mongs par zas dang skom tshol ba tsam gyis chog par 'dzin tam/ kye mi khyod song la ring thang med pa'i rin po che 'di khyer te/ grong khyer chen por song la/ nor bu des nor gyi bya ba thams cad byos shig ces mchi ba de bzhin du/ bcom ldan 'das bdag cag kyang de bzhin gshegs pas/ thog ma byang chub sems dpa'i spyod pa spyad pa na/ thams cad mkhyen pa nyid kyi sems bskyed par gyur pa de dag bdag cag gis ma rtogs 'tshal te/ bcom ldan 'das de'i slad bdag cag kyang dgra bcom pa'i sa na mya ngan las 'das pa snyam bgyid do/ / bcom ldan 'das bdag cag nyon mongs par tshol zhing / bcom ldan 'das 'di lta bu'i ye shes chung ngus 'tshal bar 'dzin to// thams cad mkhyen pa'i ye shes su smon pa/ rtag tu ma nyams pa des/ bcom ldan 'das bdag cag de bzhin gshegs pas khong du chud par bstan pa/ dge slong dag khyed de ltar mya ngan las 'das par ma sems shig/ dge slong dag ngas sngon yongs su smin par byas pa'i dge ba'i rtsa ba de dag khyed kyi sems la yod do// chos bshad cing brjod pas khyed da ltar mya ngan las 'da' ba yin par sems pa 'di yang nga'i thabs mkhas pa'o zhes de ltar bcom ldan 'das kyis bdag cag khong du chud par bgyis te/ de ring bla na med pa yang dag par rdzogs pa'i byang chub tu lung bstan to/ / de nas kun shes ko'u di n+yA la sogs pa dbang dang ldan par gyur pa lnga brgya po de dag gis de'i tshe tshigs su bcad pa 'di dag gsol to// gang phyir mchog rab byang chub lung bstan te/ / 'di 'dra ba yi dbugs 'byin bla med pa// 'di thos nas ni bdag cag dga' mgu ste// bcom ldan mtha' yas spyan la phyag 'tshal lo// ji ltar byis pa mi mkhas ma 'tshal bzhin/ / bde bar gshegs kyi bstan la bdag cag ni// mya ngan 'das pa tsam gyis tshal 'dzin pa// nongs pa de dag khyod la rab tu bshags// ji ltar dper na mi 'ga' la la zhig/ de yi mdza' bo'i khyim der phyin gyur nas// grogs po da ni nor bdag phyug po ste// des ni de la bza' bca' mang stsal nas// zas kyis de ni yang dag tshim par bgyis// rin chen du ma ri ba de stsal te// de yi bla gos mtha' mar phur te 'dud// de la stsal nas de ni dga' bar gyur// byis pa de yang de nas mchis gyur pa// langs nas de yang grong khyer gzhan du mchis/ / de ni nyon mongs gyur te phongs shing tshol// 'tshal ma yongs su tshol bas shin tu skyo// kha zas de btsal mya ngan 'das par gyur// de ni kha zas rgya che mi sems shing // de yi rin po che yang mi dran gyur/ / bla gos la ni phur bar dran ma mchis// de yi grogs po snga ma des mthong ba// bdag gi khyim du rin chen byin pa de// de la shin tu yongs su spyos brgyad nas/ rin chen gos kyi mtha' namachis pa bstan// de yis mthong nas bde ba mchog dang spyan// rin chen de mi mthun de 'dra ste/ nor mang mdzod stobs can du de gyur nas/ / 'dod pa'i yon tan lnga dang shin tu ldan// de bzhin bcom ldan bdag cag 'di lta bu// sngon gyi srid pa shin tu yun ring nas// de bzhin gshegs pa nyid kyi 'di stsal te/ sngon gyi smon lam rnams ni ma 'tshal bas// bcom ldan bdag cag 'di na byis pa'i blo// bdag cag bde gshegs bstan pa ma 'chal bas// bdag cag mya ngan 'das tsam 'tshal bar gzung / / bla ma mi re mi chol mi sems so// 'di 'dra'i mya ngan 'das pa yongs med ces// 'jig rten gnyen gyis bdag cag 'tshal bar bgyis// mya ngan 'das gang mchog tu bde ba de/ / skyes bu dam pa rnams kyi ye shes mchog/ 'di ltar yangs pa rgya chen rnam mang gis// bla na med pa'i lung bstan rab thob ste// mgon po gcig la gcig lung ston pa yis/ / bdag cag dga' zhing mgu ba rangs pa skyes// dge slong lnga brgya lung bstan pa'i le'u zhes bya ba ste brgyad pa'o// / de nas de'i tshe/ tshe dang ldan pa kun dga' bo 'di snyam du bdag kyang lung bstan pa de lta bu thob par bya'o snyam du sems te/ de 'di snyam du bsams shing rjes su rnam par bsams te smon nas bstan las langs te/ bcom ldan 'das kyi zhabs la gtugs so/ / tshe dang ldan pa sgra gcan zin gyis gang de snyam du bsams te/ rjes su rnam par bsams shing smon nas/ bcom ldan 'das kyi zhabs sa gtu / 'di skad ces gsol to// bcom ldan 'das bdag cag la'ang skabs dbyer gsol/ bde bar gshegs pa bdag cag la skabs dbyer gsol/ bcom ldan 'das ni bdag cag gi yang skyed pa dang / skyabs dang / gnas dang dpung gnyen lags so// bcom ldan 'das bdag cag kyang / bcom ldan 'das kyi sras/ bcom ldan 'das kyi zhabs 'bring ba ste bcom ldan 'das kyi chos kyi mdzod 'dzin pa lags so zhes lha dang mi dang lha ma yin du bcas pa'i 'jig rten na/ shin tu ri mo bgyi bar gyur to// de'i slad du bcom ldan 'das kyis bdag cag bla na med yang dag par rdzogs pa'i byang chub tu myur du lung bstan na/ bcom ldan 'das mthun pa lags so// gzhan yang dge slong nyis stong lhag tsam slob pa dang / mi slob pa de dag stan las langs te/ bla gos phrag pa gcig tu gzar nas/ thal mo sbyar te/ bcom ldan 'das kyi spyan snga na/ bcom ldan 'das la lta zhing 'dug nas/ bsam pa 'di nyid 'di lta ste/ sangs rgyas kyi ye shes 'di nyid la rjes su sems te/ bdag cag kyang bla na med pa yang dag par rdzogs pa'i byang chub tu lung bstan pa thob par gyur cig snyam mo// de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod ma 'ongs pa'i dus na/ de bzhin gshegs pa dgra bcom par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das rgya mtsho mchog 'chang blo rnam par rol pa'i mngon par shes pa zhes bya bar 'jig rten du 'byung ste/ sangs rgyas bye ba phrag drug cu rtsa gnyis bsti stang du byas/ btsun par byas/ ri mor byas/ mchod par byas te/ sangs rgyas bcom ldan 'das de dag gi dam pa'i chos blangs shing bstan pa yongs su bzung ste/ bla na med pa yang dag par rdzogs pa'i byang chub mngon par rdzogs par sangs rgyas nas/ byang chub sems dpa' bye ba khrag khrig brgya stong phrag gang+gA'i klung nyi shu'i bye ma snyed bla na med pa yang dag par rdzogs ba'i byang chub tu yongs su smin par byed par 'gyur ro/ / khyod kyi sangs rgyas kyi zhing de shin tu 'byor cing / sa gzhi ni bai DUR+Ya las grub par 'gyur ro// 'jig rten gyi khams de ni ma bskal pa'i rgyal mtshan zhes bya bar 'gyur ro/ / bskal pa de ni yid du 'ong ba'i sgra mngon par bsgrags pa zhes bya bar 'gyur ro// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rgya mtsho mchog 'chang blo rnam par rol pa'i mngon par shes pa de'i tshe'i tshad ni bskal pa dpag tu med par 'gyur te/ bcom ldan 'das de'i tshe tshad ni bgrang bas mthar phyin par mi nus pa'i bskal pa bye ba khrag khrig brgya stong grangs med par 'gyur ro/ / kun dga' bo bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rgya mtsho mchog 'chang blo rnam par rol pa'i mngon par shes pa de'i tshe'i tshad ji tsam du 'gyur ba de'i nyis gyur du yongs su mya ngan las 'das nas/ dam pa'i chos gnas par 'gyur ro/ / bcom ldan 'das de'i dam pa'i chos ji tsam du gnas par 'gyur ba de'i nyis gyur du dam pa'i chos kyi gzugs brnyan gnas par 'gyur ro// yang kun d ga' bo de bzhin gshegs pa dgra bcom pa yang dag par rdzogs pa'i sangs rgyas rgya mtsho mchog 'chang blo rnam par rol pa'i mngon par shes pa de la phyogs phyogs bcu'i sangs rgyas bye ba braphrag khrig brgya stong phrag mang po gang+gA'i klung gi bye ma snyed dag sngags pa brjod par 'gyur ro/ / de nas bcom ldan 'das kyis de'i tshe tshigs su bcad pa 'di dag bka' stsal to// ngas ni dge slong dge 'dun mos par bya// kun dga' bzang po nga yi chos 'dzin pa// bde gshegs bye ba drug cu mchod byas nas// ma 'ongs dus kyi tshe na rgyal bar 'gyur// de yi ming ni rgya mtsho blo 'dzin te/ / mngon par shes thob ces bya de na grags// bsta na sdug pa yongs su dag pa'i zhing // ma bskal rgyal mtshan rgyal ba'i ba dan no// byung chub sems dpa' gang+gA'i bye snyed der/ / de bas lhag par yongs su smin par byed// rgyal ba de ni rdzu 'phrul che bar 'gyur// phyogs bcu'i 'jig rten du ni sgra yang grags// de yi tshe yang dpag tu med par 'gyur/ / 'jig rten rnams la phan zhing brtse phyir gnas// skyob pa de ni mya ngan 'das 'og tu// nyis gyur de yi dam chos gnas par 'gyur// de na gzugs brnyan de yi nyes gyur du/ / gnas te rgyal ba de yi bstan pa la// de na sems can gang+gA'i bye ma snyed// sangs rgyas byang chub 'di la rgyu yang skyed// de nas 'khor de na byang chub sems dpa' theg pa la gsar du yang dag par zhugs pa brgyad stong 'di snyam du sems te/ byang chub sems dpa' rnams la yang de lta bur rgya cher lung ston pa/ bdag cag gis sngon ma thos na/ nyan thos rnams la lta ci smos te/ 'di la rgyu gang dang rkyen ci zhig yod snyam mo// de nas bcom ldan 'das kyi/ byang chub sems dpa' de dag gi sems kyi rnam par rtogs pa thugs kyis thugs su chud nas/ byang chub sems dpa' de dag la bka' stsal pa/ rigs kyi bu dag skad cig yud tsam cig la mnyam dung dang kun dga' bos bzhin gshegs pa dgra bcom pa yang dag par rdzogs pa'i sangs rgyas chos kyi nam mkha' mngon 'phags rgyal po'i spyan sngar/ bla na med pa yang dag par rdzogs pa'i byang chub tu sems bskyed de/ de na rigs kyi bu 'di ni rtag tu rgyun mi 'chad par mang du thos pa la brtson par gyur to// nga ni brtson 'grus rtsom pa la brtson te/ de'i phyir nga myur du bla na med pa yang dag par rdzogs pa'i byang chub mngon par rdzogs par sangs rgyas so/ / kun dga' bo bzang po 'di ni/ sangs rgyas bcom ldan 'das rnams kyi dam pa'i chos kyi mdzod 'dzin par 'gyur te/ rigs kyi bu dag 'di lta ste/ byang chub sems dpa' rnams yongs su grub par bya ba'i phyir/ rigs kyi bu 'di'i smon lam ni 'di yin no// de nas tshe dang ldan pa kun dga' bos/ bcom ldan 'das las bdag nyid bla na med pa yang dag par rdzogs pa'i byang chub tu lung bstan pa thos/ bdag gis sangs rgyas kyi zhing gi yon tan bkod pa thos/ sngon gyi smon lam dang spyod pa yang thos nas/ tshim zhing mgu la yi rangs te/ rab tu dga' zhing dga' ba dang / yid bde ba skyes par gyur te/ de'i tshe sangs rgyas bye ba khrag khrig brgya stong mang po'i dam pa'i chos dang / bdag gi sngon gyi smon lam dran no// de nas tshe dang ldan pa kun dga' bos de'i tshe tshigs su bcad pa 'di dag gsol to// ngo mtshar gyur pa rgyal ba dpag med pas// skyob pa yongs su mya ngan 'das rnams kyis/ / chos bstan pa dag bdag la dran mdzad pas// khar cang de ring bzhin du dran par gyur// the tsom ma mchis byung chub don du gnas/ / bdag gi thabs la mkhas pa 'di 'dra ste// bdag ni bde bar gshegs pa'i zha 'bring lags// byang chub don du dam pa'i chas kyang 'dzin// de nas bcom ldan 'das kyis tshe dang ldan pa sgra gcan zin la bka' stsal pa/ sgra gcan zin khyod ma 'ongs pa'i dus na/ de bzhin gshegs pa dgra bcom pa yang dag par rdzogs pa'i sangs rgyas 'jig rtem khams bcu'i rdul phra rab kyi rdul snyed la/ bsti stang byas/ btsun par byas/ ri mo byas/ mchod pa byas nas/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa/ lnga dang mi rnams kyi ston pa/ sangs rgyas bcom ldan 'das rin po che sna bdun gyi pad ma la gom pas 'gro ba zhes bya bar 'gyur ro/ / rtag tu yang sangs rgyas bcom ldan 'das de dag gis sras thu bor 'gyur te/ 'di lta ste dper na daltar nga'i bzhin no/ / sgra gcan zin bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che sna bdun gyi pad ma la gom pas 'gro ba de'i tshe tshad kyang 'di lta bur 'gyur/ yon tan rnam pa mang po thams cad phun sum tshogs pa yang 'di lta bur 'gyur te/ ji ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rgya mtsho mchog 'chang blo rnam par rol pa'i mngon par shes pa'i yon tan rnam pa thams cad ldan pa'i sangs rgyas kyi zhing gi yon tan bkod pa bzhin du 'gyur ro/ / sgra gcan zin de bzhin gshegs pa dgra bcom pa yang dag par rdzogs pa'i sangs rgyas rgya mtsho mchog 'chang blo rnam par rol pa'i mngon par shes pa de'i sras thu bor yang khyod nyid gyur te/ de'i 'og tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / de nas bcom ldan 'das kyis de'i tshe tshigs su bcad pa 'di dag bka' stsal to/ / sgra gcan zin 'di nga yi bu thog// gzhon nur gyur pa'i chen snying gi bu// byang chub thob kyang nga yi bu yin te// drang srong chen po chos kyi sgo skal 'dzin// ma 'ongs dus na sangs rgyas bye mang po/ / de dag tshad med pa ni mthong bar 'gyur// byang chub yongs su btsal bar bya ba'i phyir// rgyal ba de dag kun gyi sras su 'gyur// sgra gcan zin gyis spyod 'di mi shes te/ / 'di yi smon lam dag ni ngas shes so// bdag ni de bzhin gshegs kyi sras so zhes// 'jig rten gnyen la yang dag spyoms par byed// sgra gcan zin pa nga yi bu 'di yi// yon tan byeg khrag khrig dpag tu med/ / de la nas yang tshad gzung yod med de// de ltar 'dri ni byang chu don du gnas/ de nas bcom ldan 'das kyis nyan thos slob pa dang / mi slob pa nyis stong po de dag bcom ldan 'das kyi spyan sngan/ bcom ldan 'das la lta zhing sems dang ba dang / sems mnyen pa dang / sems 'jam par bcom ldan 'das kyis gzigs te/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo nyan thos slob pa dang / mi slob pa nyis stong po 'di dang mthong ngam/ gsol pa/ bcom ldan 'das mthong lags so// bde bar gshegs pa mthong lags so// bcom ldan 'das kyis bka' stsal pa/ kun dga' bo dge slong nyis stong po 'di dag thams cad mnyam du byang chub sems dpa'i spyod pa yang dag par sgrub par 'gyur te/ sangs rgyas bcom ldan 'das 'jig rten gyi khams lnga bcu'i rdul phra rab kyi rdul snyed la bsti stang byas/ btsun par byas/ ri mo byas/ mchod pa byas te/ dam pa'i chos bzung nas/ lus tha ma la skad cig thang cig yud tsam gcig la/ phyogs bcu'i 'jig rten gyi khams gzhan dang gzhan dag gi sangs rgyas kyi zhing rnams su bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas rin po che'i tog gi rgyal po zhes bya bar 'jig rten du 'byung ste/ de dag gi tshe'i tshad ni bskal pa tshang bar 'gyur/ de dag gi sangs rgyas kyi zhing gi yon tan bkod pa yang mtshungs par 'gyur ro/ / de dag gi nyan thos kyi tshogs dang / byang chub sems dpa'i tshogs kyang mnyam par 'gyur ro// de dag mnyam par yongs su mya ngan las 'da' bar 'gyur ro/ / de dag gi dam pa'i chos kyang mnyam par gnas par 'gyur ro// de nas bcom ldan 'das kyis de'i tshe tshigs su bcad pa 'di dag bka' stsal to// kun dga' gang dag nga yi mdun 'khod pa/ / nyan thos nyis stong 'di dag thams cad ni// ma 'ongs dus na de bzhin gshegs 'gyur zhes// ngas ni khams rnams de ring lung bstan to// dpe bstan pa ni mtha' yas rnam dag gis// sangs rgyas rnams la mchod pa mchog byas nas// tha ma'i lus 'di la ni gnas nas su// de yi byang chub mchog 'di thob par 'gyur// phyogs bcu rnams su ming ni gcig 'gyur te// skad cig de bzhin yud tsam gcig la ni// shing mchog rnams kyi drung du 'khod nas su// ye shes thob ste sangs rgyas rnams su 'gyur/ de dag rnams kyi ming ni gcig 'gyur te// rin chen tog ces bya bar 'jig rten grags// de dag rnams kyi zhing mchog mtshungs par 'gyur// nyan thos byang chub sems dpa'i tshigs kyang @/ / chu chum gyur pa 'ang na smya na// many+dzum zhing dedas phyogs pa rnams sa yang // chos bshad nas nI mnyam na kya na/ de chos mnyam du gnas par 'gyur/ de nas slob pa dang mi thub pa'i rnamathos dang// bcom ldan 'das las mngon smras du// dang rang gisang bstan pa thos nas/ mgul yi rangs te/ rab tu dga' zhing dka' ba dang / yid bde ba skyes nas/ bcom ldan 'das la tshigs su bcad pa 'di dag gsol to// lung bstan pa 'di thos pas na/ 'jig rten sgron ma bdag cag ngoms// bdud rtsis ji ltar gtor ba bzhin// de bzhin gshegs pa bdag cag bde// bdag cag mi mchog mi 'gyur zhes// bdag cag yid gnyis dogos ma mchis/ / lung bstan pa ni 'di thos pas// de ring bdag cag bde ba thob// kun dga' bo dang / sgra gcan zin dang / dge slong nyis stong lung bstan pa'i le'u zhes bya ba ste dgra pa'o/ / / de nas bcom ldan 'das kyis/ byang chub sems dpa' sman gyi rgyal po la sogs pa/ byang chub sems dpa' brgyad khri po de dag la bka' stsal ba sman gyi rgyal po 'khor 'di'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa dang / dge slong dang / dge slong ma dang / dge bsnyen dang / dge bsnyen mnyan thos kyi theg pa can dang / byang chub sems dpa'i theg pa can mang po 'di dag gis/ chos kyi rnam grangs 'di/ de bzhin gshegs pa las mngon sum du thos pa de dag mthong ngam/ gsol pa/ bcom ldan 'das mthong lags so// bde bar gshegs pa mthong lags so// bcom ldan 'das kyis bka' stsal pa// sman gyi rgyal po de dag thams cad byang chub sems dpa' sems dpa' chen po ste/ 'khor 'di'i nang na gang tha na tshigs su bcad pa gcig thos pa dang / tshig gcig thos pa dang / gang dag gis tha na/ mdo sde 'di la sems bskyed pa gcig tsam gyi rjes su yi rang ba'i 'khor bzhi po de dag thams cad ni sman gyi rgyal po ngas bla na med pa yang dag par rdzogs pa'i byang chub tu lung bstan to/ / sman gi rgyal po gang la la/ de bzhin gshegs pa yongs su mya ngan las 'das nas/ chos kyi rnam grangs 'di nyan pa dang / tha na tshigs su bcad pa gcig thos nas/ sems bskyed pa gcig tsam gyis kyang rjes su yi rang bar 'gyur ba'i rigs kyi bu 'am/ rigs kyi bu mo gang dag sman gyi rgyal po ngas bla na med pa yang dag par rdzogs pa'i byang chub tu lung bstan to/ / sman gyi rgyal po rigs kyi bu 'am/ rigs kyi bu mo de dag gis/ sangs rgyas bye ba khrag khrig brgya stong tshangs pa la bsnyen bkur byas pa yin no/ / sman gyi rgyal po rigs kyi zla 'am/ rigs kyi bu mo de dag sangs rgyas bye ba khrag khrig brgya stong mang po la smon lam btab pa yin te/ sman gyi rgyal po rigs kyi bu 'am/ rigs kyi bu mo de rag sems can rnams la snying brtse ba'i phyir/ 'dzam bu'i gling 'dir mir skyes par rig par bya'o// gang dag chos kyi rnamathang 'di las/ tha na tshigs su bcad pa gcig tsam yang 'dzin tam/ klog gam/ ston tam/ yang dag par brjod dam/ yi ger 'dri 'am/ bris nas rjes su dran par byed dam/ dus dus su lta 'am/ glegs bam de la de bzhin gshegs pa la bya ba bzhin du gus pa skyed dam/ ston pa la bya ba bzhin du gus par bkur sti byed dam/ btsun par byed dam/ rim gro byed dam/ mchod dam/ glegs bam de la me tog dang / bdug pa dang / spos dang / phreng ba dang / byug pa dang / phye ma dang / gos dang / gdugs dang / rgyal mtshan dang / lha'i ba dan dang / rol mo'o sgra la sogs pa dang / phyag 'tshal ba dang / thal mo sbyor bar byed pas mchod dam/ sman gyi rgyal po rigs kyi bu 'am/ rigs kyi bu mo gang la la/ chos kyi rnam grangs 'di las tha na tshigs su bcad pa gcig tsam yang 'dzin tam rjes su yi rang na/ sman gyi rgyal po de dag thams cad ngas bla na med pa yang dag par rdzogs pa'i byang chub tu lung bstan to// sman gyi rgyal po de la skyes pa 'am/ bud med gang la la zhig 'di skad ces ma 'ongs pa'i dus na/ de bzhin gshegs pa dgra bcom pa yang dag par rdzogs pa'i sangs rgyas su 'gyur ba'i sems can de dag ji lta bu dag ces zer na/ sman gyi rgyal po skyes pa 'am/ bud med de la/ rigs kyi bu 'am/ rigs kyi bu mo de bstan par bya ste/ gang gis chos kyi rnam grangs 'di las/ tha na tshig bzhi pa'i tshigs su bcad pa gcig tsam yang 'dzin tam/ thos par byed dam/ bshad dam/ chos kyi rnam grangs 'di la ri mo byed na/ rigs kyi bu'am/ rigs kyi bu mo de ma 'ongs pa'i dus na/ de bzhin gshegs pa dgra bcom pa yang dag par rdzogs pa'i sangs rgyas su 'jig rten du 'byung bar ltos shig ces bya'o// de ci'i phyir zhe na/ sman gyi rgyal po rigs kyi bu 'am/ rigs kyi bu mo de de bzhin gshegs par rig par bya ba'i phyir te/ gang gis chos kyi rnam grangs 'di las/ tha na tshigs su bcad pa gcig tsam bzung na yang lha dang bcas pa'i 'jig rten gyis/ de bzhin gshegs pa la bkur sti bya ba bzhin du bya na/ gang zhig chos kyi rnam grangs 'di mtha' dag chub par 'dzin pa 'am/ 'chang ba 'am/ kun chub par byed pa 'am/ rab tu ston pa 'am/ yi ger 'dri ba 'am/ dris nas rjes su dran par byed pa 'am/ glegs bam de la me tog dang / bdug pa dang / spos dang / phreng ba dang / byug pa dang / phye ma dang / gos dang / gdugs dang / rgyal mtshan dang / lha'i bdan dang / rol mo'i sgra dang / thal mo sbyar te lhag 'tshal zhing rab tu 'dud pa dag gisar mor byed pa ga ci spos sman gyi rgyal po rigs kyi bu'am/ rigs kyi bu mo de bla na med pa yang dag par rdzogs pa'i byang chub tu yongs su grub par rig par bya'o// des de bzhin gshegs pa mthong bar rig par bya'o/ / 'jig rten la phan zhing snying brtse ba/ smon lam gyi dbang gis chos kyi rnam grangs 'di rab tu bstan pa'i phyir 'dzam bu'i gling 'dir mir skyes te/ bdag nyid rgya cher chos mngon par 'du byed pa dang / sangs rgyas kyi zhing rgya chen po skye ba bzhag ste/ chos kyi rnam grangs 'di shin tu yang dag par bstan pa'i phyir/ nga yongs su mya ngan las 'das nas/ sems can rnams la pan zhing snying brtse ba'i don du skyes par rig par bya'o/ / sman gyi rgyal po de bzhin gshegs pa yongs su mya ngan las 'das nas/ gang gis chos kyi rnam grangs 'di bshad dam/ tha na gsang ste/ rkun bur sems can gcig la yang dag par bshad dam bstan na/ sman gyi rgyal po rigs kyi bu 'am/ rigs kyi bu mo de de bzhin gshegs pa'i pho nya yin par rig par bya'o// rigs kyi bu 'am rigs kyi bu mo de de bzhin gshegs pa'i bya ba byed pa ste/ de bzhin gshegs pas mngags par rig par bya'o// sman gyi rgyal po sems can la sdang ba'i sems dang ldan pa dang / sdig pa'i sems dang ldan pa dang / drag shul gyi sems dang ldan pa gang la las/ de bzhin gshegs pa la mngon du bskal par mi snyan par smra ba pas/ gang zhig mdo sde 'di 'dzin pa/ chos smra ba de lta bu khyim na gnas pa 'am/ rab tu byung ba de dag la bden pa 'am/ mi bden pa'i tshig mi snyan pa gcig bsgrags pa de'i sdig pa'i las shin tu mi zad par bshad de/ de ci'i phyir zhe na/ sman gyi rgyal po rigs kyi bu 'am/ rigs kyi bu mo de ni de bzhin gshegs pa'i rgyan gyis brgyan par rig par bya ba'i phyir te/ sman gyi rgyal po gang gis chos kyi rnam grangs 'di// yi ge bris nas/ glegs bam du byas te/ phrag pa la thogs pa des/ de bzhin gshegs pa phrag pa la thogs par 'gyur te/ de gang dang gang du 'gro ba/ de dang der sems can rnams kyis thal mo sbyar bar bya/ bkur stir bya/ btsun par bya/ ri mor bya/ mchod par bya'o// lha dang mi'i me tog dang / bdug pa dang / spos dang / phreng ba dang / byug pa dang / phye ma dang / gos dang / gdugs dang / rgyal mtshan dang / lha'i ba dan dang / rol mo'i sgra dang / bza' ba dang / bca' ba dang / kha zas dang / btung ba dang / zhon pa dang / mchog tu gyur pa'i lha'i rin po che'i phung po dag gis chos smra ba de la/ bkur bsti bya/ chos smra ba de la lha'i rin po che'i phung po dag dbul bar bya'o// de ci'i phyir zhe na/ chos kyi rnam grangs 'di lan cig yang dag par rab tu bstan na yang / 'di thos pas dpag tu med grangs med pa'i sems can rnams myur du bla na med pa yang dag par rdzogs pa'i byang chub tu yongs su grub par 'gyur ba'i phyir ro/ / de nas bcom ldan 'das kyis de'i tshe tshigs su bcad pa 'di dag bka' stsal to// sangs rgyas nyid du gnas 'dod cing // rang byung sa shes 'dod pa yis/ / gang rnams tshul 'di 'dzin byed pa// sems can de dag bkur sti bya// thams cad mkhyen nyid gang 'dod de// ji ltar myur du 'thob snyam pa// des ni mdo sde 'di bzung ste/ / 'dzin pa la yang bkur sti bya// sems can rnams la brtse don du// mdo sde 'di ni su klog pa// sems cad rnam par gdul ba'i phyir// 'jig rten mgon gyis brjeb si/ sems can rnams la snying brtsi'i phyir// gang zhig mdo sde 'di 'dzin pa// spang bzang po btang nas su// dpa' za da ni 'dir 'ongs so// bla na med pa'i mdo sde 'di/ gyi ma dus pa rab 'ad cing // gang phyir den de snang ba// sde ba la ni dadabang ngo // chos smrabal rin chen 'thor// ma ma thos rab thams cad dang // wA yi me tog dag gi mchod/ / rgya mi gos kyis rab tu 'gebs// byi dris 'jigs pa dan yang // mya nganang 'das mdo 'dzin pa// ji skar rgyal dbang rang byung bzhin// de sa rtag tu thal sbyar lam lan cig mdo sde 'di sgru ba/ / rgyal sras de ni mchod pa'i phyir// bza' bca' de bzhin zas dang skom// gnas dang mal cha gos bye sbyin// gang rnam mdo 'di byi dras na// mi ger 'dri 'chad nyan pa ni/ / mi yi srid par ngas btang ste// de bzhin gshegs kyi bya ba byed// gang zhig nga yi mdun 'dug nas// khro gnyer byas shing gnod sems kyis// bskal pa tshang bar mi snyan bsgrags// mi de sdig pa mang du 'phel// mdo sde 'di ni rab ston pa// gang rnams mdo 'dzin de dag la// gshe zhing mi bsngags smra ba de// sdig pa shin tu de mang bshad/ / byang chub mchog 'di yongs tshol zhing // bskal pa rdzogs par thal sbyar te// tshigs bcad du ma khrag khrig gis// mi gang la la mngon par bstod// dga' skyes ngal bstod pa ni// de las bsod nams ches mang rnyed// mi gang de yi bsngags brjod po// de ngas bsod nams mang du 'phel// bskal pa bye stong bco brgyad du// sgra dang gzugs dang ro rnams dang / / lha yi reg dang lha spos kyis// gzugs rten de dag sras mchod de// bskal pa bye stong bco brgyad du// rten la de ltar mchod pa bas// lan cig mdo sde 'di thos nas/ / ngo mtshar chen po des thob 'gyur// sman gyi rgyal po khyod mos par bya// khyod kyi khong du chud par bya'o// sman gyi rgyal po ngas chos kyi rnam grangs mang po bshad do/ / 'chad do// bshad par bya'o// blan gyi rgyal po de chos kyi rnam grangs de dag thams cad kyi nang na/ chos kyi rnam grangs 'di ni 'jig rten thams cad dang mi mthun pa ste/ 'jig rten thams cad yid ches par mi 'gyur ba'o// sman gyi rgyal po 'di ni de bzhin gshegs pa'i mngon par shes pa'i nang gi gsang chen te/ de bzhin gshegs pa'i stobs kyis bsrungs pa sngon ma 'phel ba'o/ / gnas 'di ni sngon ma bstan pa ste/ sman gyi rgyal po de bzhin gshegs pa bzhugs pa na yang chos kyi rnam grangs 'di la skye bo mang po spong na/ de bzhin gshegs pa yongs su mya ngan las 'das nas lta ci smos/ sman gyi rgyal po de bzhin gshegs pa yongs su mya ngan las 'das nas/ gang dag chos kyi rnam grangs 'di la dad pa dang / klog pa dang / yi ger 'dri ba dang / bkur sti byed pa dang / gzhan dag la yang thos par byed pa'i rigs kyi bu 'am/ rigs kyi bu mo de dag ni/ de bzhin gshegs pa'i chos gos kyis g.yogs par rig par bya'o/ / 'jig rten gyi khams gzhan na bzhugs pa'i de bzhin gshegs pa rnams kyis gzigs shing byin gyis brlabs pa'o// de dag so so rang gi dad pa'i stobs dang / dge ba'i rtsa ba'i stobs dang / smon lam gyi stobs can du 'gyur ro// sman gyi rgyal po rigs kyi bu 'am/ rigs kyi bu mo de dag de bzhin gshegs pa dang gnas gcig na 'dug par 'gyur te/ de dag gi spyi bo la de bzhin gshegs pa'i phyag gis nyug par 'gyur ro// sman gyi rgyal po sa phyogs gang na chos kyi rnam grangs 'di 'chang ngam/ ston tam/ yi ger 'dri 'am/ kha ton byed dam/ yang dag par brjod pa'i sa phyogs der sman gyi rgyal pos de bzhin gshegs pa'i mchod rten rin po che las byas pa mtho zhing che bar bya'o// der de bzhin gshegs pa'i sku gdung nges par gzhag mi dgos so/ / de ci'i phyir zhe na/ der de bzhin gshegs pa'i sku gdung gcig tu 'dus pa/ gzhag par 'gyur ba'i phyir ro// sa phyogs gang na chos kyi rnam grangs 'di 'chad dam/ ston tam/ klog gam/ yang dag par brjod dam/ yi ger 'dri 'am/ glegs bam du byas te/ bzhag pa der mchod rten bzhin du bkur sti dang / btsun par bya ba dang / ri mo dang / mchod par bya'o// me tog dang / bdug pa dang / spos dang / phreng ba dang / byug pa dang / phye ma dang / gos dang / gdugs dang / rgyal mtshan dang / lnga'i ba dan dang / rnam par rgyal ba'i ba dan thams cad dang / glu dang rol mo'i sgra dang / gar dang / sil snyan dang / pheb brdob pa thams cad kyis mchod par bya'o/ / sman gyi rgyal po sems can gang dag de bzhin gshegs pa'i mchod rten de la phyag 'tshal ba 'am/ mthong ba rnyed pa de dag thams cad ni/ sman gyi rgyal po bla na med pa yang dag par rdzogs pa'i byang chub dang shin tu nye bar gyur par rig par bya'o/ / de ci'i phyir zhe na/ sman gyi rgyal po khyim na gnas pa dang rab tu byung ba'i byang chub sems dpa' mang po dag byang chub sems dpa'i spyod pa spyod kyang / chos kyi rnam grangs 'di blta ba 'am/ mnyan pa dang / yi ger bri ba 'am/ mchod par yang mi rnyed do/ / sman gyi rgyal po ji tsam du chos kyi rnam grangs 'di mi nyan pa de tsam du/ byang chub sems dpa' byang chu sems dpa'i spyod pa la mkhas pa ma yin no// gang gi tshe chos kyi rnam grangs 'di mnyan te thos nas mos pa dang / rtogs pa dang / 'jug pa dang / shes pa dang / yongs su 'dzin pa de'i tshe/ bla na med pa yang dag par rdzogs pa'i byang chub tu bsnyen par 'gyur te nye bar gnas pa yin no/ / sman gyi rgyal po 'di lta ste dper na/ mi la la zhig chu 'dod par gyur te/ chu tshol zhing des chu'i phyir/ skam sa'i phyogs shig tu zhon pa rkor bcug ste/ de ko ba na skam zhing skya ba'i sa 'byin par mthong ste// mthong nas 'di ltar 'di nas chung ngung thag ring ngo snyam du sems so// de nas dus gzhan zhig na mi des gsher ba dang / 'dres pa 'dam rdzab dang chu'i thig pa zag pa 'byin cing khron pa rko ba'i mi de dag lus 'angam rdzab kyis gos par mthong ste/ de nas yang sman gyi rgyal po ma des snga ltas de mthong nas/ dogs pa dang the tsom med de/ 'di nas chu ni nye'o snyam mo// sman gyi rgyal po de bzhin du ji tsam du chos kyi rnam grangs 'di mi nyan/ mi 'dzin/ khong du chud par mi byed/ mi 'jug/ mi sems pa'i bar du/ byang chub sems dpa' sems dpa' chen po de dag bla na med pa yang dag par rdzogs pa'i byang chub las ring ba yin no// sman gyi rgyal po gang gi tshe/ byang chub sems dpa' sems dpa' chen po dag chos kyi rnam grangs 'di nyan cing 'dzin pa dang / 'jug pa dang / kha ton du byed pa dang / sems pa dang / sgom pa de'i tshe/ de dag bla na med pa yang dag par rdzogs pa'i byang chub tu nye bar gyur pa yin te/ sman gyi rgyal po chos kyi rnam grangs 'di las sems can rnams kyi bla na med pa yang dag par rdzogs pa'i byang chub skye'o/ / de ci'i phyir zhe na/ chos kyi rnam grangs 'di ni ldem por dgongs te bshad pa 'grel pa'i mchog yin pa'i phyir te/ de bzhin gshegs pa dgra bcom pa yang dag par rdzogs pa'i sangs rgyas kyis/ byang chub sems dpa' sems dpa' chen po rnams yongs su grub par bya ba'i phyir/ chos gsang ba'i gnas bshad pa'o// sman gyi rgyal po byang chub sems dpa' gang la la zhig/ chos kyi rnam grangs 'dis skrag cing spangs te/ dngangs par gyur na/ sman gyi rgyal po byang chub sems dpa' sems dpa' chen po de theg pa la gsar du zhugs par rig par bya'o/ / gal te yang nyan thos kyi theg pa tsan zhig chos kyi rnam grangs 'dis skrag cing sngangs shing skrag par gyur na/ na gyi rgyal po de nyid nyan thos kyi theg pa can gyi gang zag nga rgyal can du rig par bya'o/ / sman gyi rgyal po byang chub sems dpa' sems dpa' chen po gang la la zhig/ de bzhin gshegs pa yongs su mya ngan las 'das nas/ phyi ma'i dus phyi ma'i tshe/ chos kyi rnam grangs 'di 'khor bzhi la yang dag par ston na/ sman gyi rgyal po byang chub sems dpa' des/ de bzhin gshegs pa'i gnas su zhugs te/ de bzhin gshegs pa'i chos gos bgos la/ de bzhin gshegs pa'i bstan la 'dug ste/ chos kyi rnam grangs 'di phyis 'khor bzhi la yang dag par bshad par bya'o/ / sman gyi rgyal po de bzhin gshegs pa'i gnas gang zhe na/ sman gyi rgyal po sems can thams cad la byams par gnas pa ni/ sman gyi rgyal po de bzhin gshes pa'i gnas te/ sman gyi rgyal po de 'jug par bya'o// sman gyi rgyal po de bzhin gshegs pa'i chos gos gang zhe na/ sman gyi rgyal po bzod pa dang / nges pa chen po ni de bzhin gshegs pa'i chos gos te/ sman gyi rgyal po de'ang rigs kyi bu des bgo bar bya'o// sman gyi rgyal po de bzhin gshegs pa'i chos kyi stan gang zhe na/ chos thams cad stong pa nyid du 'jug pa ste/ sman gyi rgyal po de bzhin gshegs pa'i chos kyi stan de la rigs kyi bu nges 'dug par bya'o// 'dug nas chos kyi rnam grangs 'di 'khor bzhi po dag la yang dag par bstan par bya'o/ / byang chub sems dpa' mi zhan pa'i sems kyis/ byang chub sems dpa'i tshogs dang / byang chub sems dpa'i theg pa la yang dag par zhugs pa'i 'khor bzhi do// / de dag gi mdun du rab tu bstan par bya'o// sman gyi rgyal po nga 'jig rten gyi khams gzhan na 'dug na yang sprul pas/ rigs kyi bu de'i 'khor dang mthun par bya'o// sprul pa'i dge slong dang / dge slong ma dang / dge bsnyen dang / dge bsnyen ma dag chos nyan du dgye'o// chos smra ba des bshad pa de la/ de dag phyir mi ldog cing spong bar mi byed do// gal te dgon/ pa na 'dug par gyur na/ der ngas lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po mang po chos nyan du dgye'o/ / sman gyi rgyal po nga 'jig rten gyi khams gzhan na 'dug na yang / rigs kyi bu de la nga'i ngo bo nye bar bstan to// gang chos kyi rnam grangs 'di las/ tshig dang yi ge cha par gyur pa de dag kha ton byed pa na/ slar 'thon par bya'o// de nas bcom ldan 'das kyis de'i tshe tshogs su bcad pa 'di dag bka' stsal to// zhan pa thams cad nam spangs te/ / 'di 'dra ba yi ma lnga tron// 'dun shin tu mos par dka'// mos pa rnyed par shin tu dkar// dri skar la la na 'dod pas// rnam / khron pa rkor bcug la// phyi phyir rab tu rko ba na// sa skam dag ni 'byung bar mthong // des mthong de nas sems pa ni// 'di nas chu yang rgyang ring ste// skam sa rko bar byed pa yang / 'di ni rgyang ring mtshan ma snyam// phyi phyir sa dag snum pa yis// gsher ba gang tshe mthong gyur pa// de na de la thug par 'gyur// de nas chu yang thag mi ring // de bzhin mdo sde mi nyan cing / / phyi phyir shin tu ma bsgoms pa// de dag sangs rgyas ye shes ni// 'di 'dra ba las shin tu ring // gang tshe nyan thos rnams kyis ni// gtan la phab pa mdo sde'i rgyal// zab mo 'di ni nyan 'gyur zhing // lan cig ma yin sems byed pa// mkhas pa de dag sangs rgyas kyi// ye shes la ni nye bar gyur// ji ltar sa ni gsher ba yis// chu dang nye zhes bya ba bzhin/ / rgyal ba'i gnas der rab zhugs te// chos gos dag kyang bgos nas su// nga yi stan la 'dug nas ni// mdo sde 'di ni mi 'jigs shod// byams pa'i stobs ni nga yi gnas/ / bzod dang nges pa chos gos te// stong pa nyid ni nga yi stan// de la gnas nas chos rab ston// dbyig pa bong ba mdung thung dang // gshe zhing sdigs par byed pa ni/ gang du bshad par de byung yang // nga dran nas ni de bzod bya// bye ba phrag stong zhing du yang // nga yi lus kyi dngos po brtan// bskal pa bye ba bsam yas su// sems can rnams mchos ston to/ / yongs su mya ngan nga 'das nas// mdo sde 'di ni bang ston pa// ngas ni dpa' bo de la yang // sprul pa mang po dartse bar bya// dge slong dag dang dge slong ma/ / dge bsnyen rnams dang dge bsnyen ma// de dag de la mchod par byed// 'khor rnams la yang ri mo byed// bong dbyug de bzhin gshe ba dang // sdigs par byed cing spros pa dag/ de la gang rnams byed pa yang // sprul pa rnams kyis de dag bzlog/ mi dang bral ba'i yul phyogs dang // dgon pa rnams dang ri dag la// nam zhig gcig bu gnas nas su/ / kha ton byed par 'gyur ba na// de na 'od gsal nga yi lus// ngas ni de la bstan par bya// de yi kha ton nor ba yang // phyir zhing 'thon par 'gyur bar bya/ / gcig pu nags na rgyu byed cing // de ni de na gnas pa'i tshe// lha dang gnod sbyin du ma dag/ de yi grogs su dgye bar bya// 'khor bzhi la ni rab ston pa// de mi yon tan de 'drar 'gyur/ / nags tshal ri sul gcig gnas shing // kha ton byed pa des nga mthong // de yi spobs pa thogs med 'gyur// chos dang nges tshig mang po shes 'di ltar sangs rgyas byi brlabs pas/ / thog chags kyi stong des chis byed// sems can gang dag der rten pa// byang chub sems dpar demur 'gyur/ de dang 'grogs shing sten pa gan// sangs rgyas gang+gA'i bye skyed mthong // chos smra ba'i le'u zhes bya ba ste bcu pa'o// dam pa'i chos pad+ma / po bam po brgyad pa/ de nas bcom ldan 'das kyi spyan sngar sa phyogs de'i 'khor gyi dbus nas rin po che sna bdun gyi mchod rten byung ste/ 'phang du ni dpag tshad lnga brgya khor khor yug tu ni de dang 'tsham pa/ bkra ba/ blta na sdug pa/ me tog bkram pa'i stegs bu lnga stong gis legs par brgyan pa/ rta babs stong phrag mang po brgyan pa/ lha'i ba dan dang / rnam par rgyal ba'i ba dan stong gis brgyan pa/ rin po che'i 'phreng ba stong sbyangs pa/ dar dang dril bu stong rab tu sbyangs pa mngon par byung nas nam mkha' bar snang la gnas te/ ta ma la'i mdab ma dang / tsan dan gyi dri rab tu byung bas/ dri des thams cad dang ldan pa'i 'jig rten gyi khams 'di khyab par gyur to// de'i gdugs kyi 'phreng ba rgyal chen bzhi'i ris kyi lha'i khang pa'i bar du 'phags par gyur to/ / rin po che sna bdun las byas pa 'di lta ste/ gser dang / dngul dang / bai DUR+Ya dang / spug dang / rdo'i snying po dang / mu tig dmar po dang / ke ke ru'o/ / mchod rten de la sum cu rtsa gsum ris kyi lha'i bu rnams lha'i me tog man+da ra ba dang / man+da ra ba chen pos rin po che'i mchod rten de la 'thor ro// rin po che'i mchod rten de las 'di 'dra ba'i sgra 'byung ste/ de bzhin gshegs pa rnams la ni sems pa med do// rtog pa med do// spyod lam thams cad kyang bstan to// de bzhin gshegs pa rnams ni phung po dang / khams dang / skye mched las rab tu bye ba ma yin no// las dang nyon mongs pa dang / pha ma dang / 'byung ba chen po las 'byung ba ma yin gyi/ sha dang / khrag dang chu ba las rnam par 'brel pa ma yin/ dbugs nang du rgyu ba dang / phyi rol du rgyu ba dang / srog dang nye bar 'brel ba ma yin no// de bzhin gshegs pa rnams ni nam mkha' dang mtshungs te rtag pa ma yin mi rtag pa ma yin/ 'on kyang de bzhin gshegs pa rin chen mang bskal pa bye ba khrag khrig brgya stong mang por yongs su mya ngan las 'das pa rtog pa dang / rnam par rtog pa thams cad dang bral ba sems can rnams kyi don gyi phyir/ sngon gyi smon lam gyi dbang gis chos nyan pa'i phyir dang / sem can rnam yongs su smin par bya ba'i phyir mthong ste/ de bzhin gshegs pa'i sku la ni cung zad kyang rtog pa med de de bzhin gshegs pa rnams ni yi ge 'bru gcig kyang ma gsungs so// ji ltar 'dul ba'i sems can rnams khams so so ba dang / mos pa so so ba rnams dang / chos kyi gtam de bzhin gshegs pa la nyan to// gang de bzhin gshegs pa de ni de bzhin nyid gang de bzhin nyid de ni yang dag pa'i mtha'/ yang dag pa'i mtha' de ni chos kyi dbyings gang de bzhin nyid dang / yang dag pa'i mtha' dang / chos kyi dbyings de ni dam pa'i chos pad+ma dkar po'i chos kyi rnam grangs so/ / de ltar yongs su dag pa'i de bzhin gshegs pa rnams gang gi tshe gshegs pa dang / mthong ba dang / smras pa ni/ sngon gyi smon lam gyi dbang gis bsam pa yongs su dag pa'i sems can rnams la dam pa'i chos pad+ma dkar po'i chos kyi rnam grangs thabs mkhas pa chen po bstan to/ / yang rin po che'i mchod rten de las sgra 'di gnyis byung ngo / / bcom ldan 'das shAkya thub pa khyod kyis dam pa'i chos pad+ma dkar po zhes bya ba'i chos kyi rnam grangs 'di legs par gsungs pa legs so legs so// bcom ldan 'das de de lta'o// bde bar gshegs pa de de lta'o zhes bya ba'i sgra 'di 'dra ba byung ngo // de nas 'khor bzhi po de dag gis rin po che'i mchod rten chen po nam mkha' bar snang la 'dug pa de mthong nas/ dga' ba skyes shing mgu ba dang / rangs pa dang / mchog tu dga' bar gyur te/ de'i tshe stan las langs nas thal mo sbyar te 'khod do// de nas de'i tshe/ byang chub sems dpa' sems dpa' chen po spobs pa chen po zhes bya bas/ lha dang mi dang lha ma yin dang bcas pa'i 'jig rten ngo mtshar du 'dzin par gyur par rig nas/ bcom ldan 'das la 'di skad ces gsol to// bcom ldan 'das rin po che'i mchod rten chen po 'di lta bu 'di byung ba'i rgyu gang lags/ rkyen gang lags/ bcom ldan 'das rin po che'i mchod rten chen po 'di las 'di lta bu'i sgra 'byin pa su lags/ de skad ces gsol pa dang / bcom ldan 'das kyis/ byang chub sems dpa' sems dpa' chen po spobs pa chen po la 'di skad ces bka' stsal to/ / spobs pa chen po rin po che'i mchod rten chen po 'di yi nang na/ de bzhin gshegs pa'i sku gcig tu 'dus pa bzhugs so/ / 'di ni de'i mchod rten te/ des sgra 'di 'byung ngo // spobs pa chen po shar phyogs su 'jig rten gyi khams stong phrag grangs med pa 'das pa na/ 'jig rten gyi khams rin po che rnam par dag pa zhes bya ba yod de/ der de bzhin gshegs pa dgra bcom pa yang dag par rdzogs pa'i sangs rgyas rin chen mang zhes bya ba byung ste/ bcom ldan 'das des smon lam 'di skad du/ nga sngon byang chub sems dpa'i spyad pa spyod pa na/ ji srid du ngas dam pa'i chos pad+ma dkar po'i chos kyi rnam grangs byang chub sems dpa' rnams la gdams pa 'di ma thos pa de srid du/ bla na med pa yang dag par rdzogs pa'i byang chub la nges par 'byung mi bya'o// gang gi tshangs dam pa'i chos pad+ma dkar po'i chos rnam grangs 'di thos pa de'i 'og tu nga bla na med pa yang dag par rdzogs pa'i byang chub tu yongs su grub par gyur cig ces smon lam btab bo/ / spobs pa chen po yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang des yongs su mya ngan las 'da' ba'i dus kyi tshe/ lha dang bcas pa'i 'jig rten gyi mdun du/ 'di skad ces dge slong dgang yongs su mya ngan las 'das nas/ de bzhin gshegs pa'i lus gzugs kyi rin po che'i mchod rten chen po cig byos shig/ mchod rten lhag ma rnams ni nga'i phyir gyis shig ces mos par byas so/ / spobs pa chen po yang bcom ldan 'das de bzhin gshegs pa dgra bcom pa yang dag par rdzogs pa'i sangs r gyas rin chen mang des nga'i mchod rten 'di phyogs bcu'i 'jig rten gyi khams thams cad na sangs rgyas kyi zhing gang dang gang du dam pa'i chos pad+ma dkar po'i chos kyi rnam grangs 'di yang dag par rab tu ston pa de dang de dag tu/ nga'i lus gzugs kyi mchod rten 'di mngon par byung ste/ sangs rgyas bcom ldan 'das de dang de dag dam pa'i chos pad+ma dkar po yi rnam grangs 'di 'chad pa na/ 'khor gyi dkyil 'khor gyi steng gi nam mkha' la 'dug nas/ sangs rgyas bcom ldan 'das de dang de dag dam pa'i chos pad+ma dkar po yi chos kyi rnam grangs 'di ston pa la/ nga'i lus gzugs kyis legs so zhes bya ba sbyin no zhes de ltar byin gyis brlabs so// spobs pa chen po de'i phyir/ bcom ldan 'das de bzhin gshegs p a dgra bcom pa yang dag par rdzogs pa'i sangs rgyas rin chen mang de'i sku gdung gi mchod rten 'dir 'jig rten gyi khams mi mjed 'dir dam pa'i chos pad+ma dkar po'i chos kyi rnam grangs ngas bshad pa na/ 'khor gyi dkyil 'khor 'di'i dbus nas mngon par byung ste/ steng gi nam mkha' bar snang la 'dug nas legs so zhes bya ba byin no// de nas bcom ldan 'das la byang chub sems dpa' sems dpa' chen po spongs pa tshon pos 'di skad ces gsol to// bcom ldan 'das bdag bcom ldan 'das kyi mthus/ bzhin gshegs pa'i sku 'di blta'o// de skad ces gsol pa dang / bcom ldan 'das kyis/ byang chub sems dpa' sems dpa' chen po spobs pa chen po la 'di skad ces bka' stsal to/ / spobs pa chen po bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang de'i smon lam lci bar gyur to// de'i smon lam ni 'di lta ste/ gang gi tshe sangs rgyas kyi zhing gzhan dag tu sangs rgyas bcom ldan 'das rnams dam pa'i chos pad+ma dkar po'i chos kyi rnam grangs 'di 'chad pa de'i tshe/ nga'i lus gzugs kyi mchod rten 'di dam pa'i chos pad+ma dkar po 'di mnyan pa'i phyir/ de bzhin gshegs pa rnams kyi gan du 'gro bar gyur cig/ gang gi tshe yang sangs rgyas bcom ldan 'das de dag 'khor bzhi la nga'i lus gzugs phye ste/ bstan par 'dod par gyur na/ de nas de bzhin gshegs pa de/ de dag gis phyog bcu'i sangs rgyas kyi zhing so so na/ de bzhin gshegs pa'i sku lus sprul pa ming tha dad pa gang dag sangs rgyas kyi zhing de dang de dag na/ chos ston pa de dag thams cad bsogs la de'i 'og tu de bzhin gshegs pa'i sku lus sprul pa de dag dang lhan cig tu/ nga'i lus gzugs kyi mchod rten 'di phye ste/ 'khor bzhi la bstan par bya'o zhes smon lam btab bo// spobs pa chen po de'i phyir ngas de bzhin gshegs pa'i gzugs sprul pa mang po gang dag phyogs bcu'i sangs rgyas kyi zhing 'jig rten gyi khams gzhan dang gzhan stong dag na/ sems can rnams la chos ston pa de dag thams cad 'dir bsdu bar bya'o/ / de nas bcom ldan 'das la/ byang chub sems dpa' sems dpa' chen po spobs pa chen pos 'di skad ces gsol to/ / bcom ldan 'das de bzhin gshegs pa'i sra/ de bzhin gshegs pa'i sprul pa/ de dag thams cad la bdag cag gis phyag bgyi'o// de nas de'i tshe bcom ldan 'das kyi zhal gyi mdzod spu nas 'od zer btang ste/ 'od zer btang ma thag tu shar phyogs kyi 'jig rten gyi khams bye ba khrag khrig brgya stong phrag gang+gA'i klung bcu'i bye ma snyed dag na/ sangs rgyas bcom ldan 'das gang dag bzhugs pa de dag thams cad snang ngo / / sangs rgyas kyi zhing de dag ni shel gyi gzhi la rin po che'i shing ljon pas brgyan pa ras bcos bu dang / dar gyis lnga ldis legs par brgyan pa/ byang chub sems dpa' brgya stong mang pos yongs su gang ba/ bla re bres pa/ rin po che sna bdun dang / gser gyi dra bas g.yogs par snang ngo // de dag na sangs rgyas bcom ldan 'das de dag dbyangs snyan cing 'jam pas sems can rnams la chos ston par snang ngo / / sangs rgyas kyi zhing de dag byang chub sems dpa' brgya stong gis yongs su gang bar snang ngo / / de bzhin du shar lho'i phyogs dang / de bzhin du lho'i phyogs dang / de bzhin du lho nub kyi phyogs dang / de bzhin du nub kyi phyogs dang / de bzhin du nub byung gi phyogs dang / de bzhin du byang gi phyogs dang / de bzhin du byang shar gyi phyogs dang / de bzhin du steng gi phyogs dang / de bzhin du 'og gi phyogs dang / phyogs bcu thams cad kyi phyogs re re na yang 'jig rten gyi khams bye ba khrag khrig brgya stong phrag mang po gang+gA'i klung gi bye ma snyed dag na/ sangs rgyas bcom ldan 'das bye ba khrag khrig brgya stong phrag mang po gang+gA'i klung gi bye ma snyed gang dag bzhugs pa de dag thams cad snang ngo / / de nas phyogs bcu'i de bzhin gshegs pa dgra bcom pa yang dag par rdzogs pa'i sangs rgyas de dag gis rang rang gi byang chub sems dpa'i tshogs la bka' stsal pa/ rigs kyi bu dag nged ni de bzhin gshegs pa rin chen mang gi sku gdung gi mchod rten la phyag bya ba'i phyir/ 'jig rten gyi khams mi mjed du/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i gan du 'dong ngo // de nas sangs rgyas bcom ldan 'das de dag rang rang gi zham 'bring ba dang lhan cig tu bdag dang gnyis sam/ bdag dang gsum 'jig rten gyi khams mi mjed 'dir gshegs so// 'di ltar de'i tshe/ thams cad dang ldan pa'i 'jig rten gyi khams mi mjed 'di rin po che'i shing ljon pas rab tu brgyan par gyur to// bai DUR+Ya'i gzhi la rin po che sna bdun dang / gser gyi dra ba bres pa rin po che chen po'i spos dang / bdug pas gdugs pa/ me tog man+da ra dang / man+dA ra ba chen po kun tu bkram pa/ dril bu g.yer ka'i dra bas brgyan pa/ gser gyi skud pas mig mangs ris su bres par gyur to/ / grong dang grong khyer dang / grong rdal dang / ljongs dang / yul 'khor dang / rgyal po'i pho brang 'khor kyang med par gyur/ ri nag po yang med par gyur/ ri btang bzung dang btang bzung chen po yang med par gyur/ ri khor yug dang / khor yug chen po yang med par gyur/ ri'o rgyal po ri rab kyang med par gyur/ ri chen po dang ri gzhan yang med par gyur/ rgya mtsho chen po yang med par gyur/ 'bab chu dang / 'bab chen po yang med par yongs su gnas par gyur to// lha dang mi dang lha ma yin gyi tshogs kyang med par gyur/ sems can dmyal ba dang / dud 'gro'i skye gnas dang / gshin rje'i 'jig rten yang med par gyur to// 'di ltar de'i tshe/ 'jig rten gyi khams mi mjed 'dir/ 'gro ba drug tu skyes pa'i sems can de dag thams cad kun 'jig rten gyi khams gzhan dag tu bkod par gyur to// gang dag 'khor de nyid du 'dus pa de dag ni ma gtogs so/ / de nas sangs rgyas bcom ldan 'das de dag zham 'bring ba gnyis sam/ zham 'bring ba gsum 'jig rten gyi khams mi mjed 'dir gshegs so// de bzhin gshegs pa gshegs shing byon pa de dag rin po che'i shing ljon pa'i drung na gnas shing bzhugs te rin po che'i shing ljon pa re re'i 'phang yang dpag tshad lnga brgya par gyur te/ yal ga dang lo ma dang / 'dub sa da / rnams ni rim bzhin me to/ dang / 'bras bus rab tu brgyan pa/ rin pa tsha shing ljon pa re rari'i drung na yang / seng nam 'phang du dpag tshad lnga brgya pa/ rin po che chen pos brgyan pa bshams pa de la de bzhin gshegs pa skyil mo krung bcas te bzhugs par gyur to// rnam grangs 'dis stong gsum gyi stong chen po 'jig rten gyi khams 'di thams cad na rin po che'i shing ljon pa thams cad kyi drung na de bzhini gshegs pa rnams skyil mo krung bcas te bzhugs par gyur to/ / de'i tshe stong gsum gyi stong chen po'i 'jig rten gyi khams 'di thams cad de bzhin gshegs pas rab tu gang bar gyur kyang / bcom ldan 'das de bzhin gshegs pa shAkya thub pa'i sku sprul pa phyogs gcig nas thams cad tshogs pa ni ma yin no/ / de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas de bzhin gshegs pa'i sku gshegs shing byon pa de dag gi sgo mngon par sprul te/ phyogs bcu mtha' yas thams cad du sangs rgyas kyi zhing bye ba phrag stong phrag nyi shu thams cad bai DUR+Ya las ni byas/ rin po che sna bdun dang / gser gyi dra ba ni bres/ dril bu ge yar kha'i dra bas ni brgyan/ me tog man+dar dang / man+dA ra chen po ni kun tu bkram lha'i bla re ni bres/ lha'i me tog gi phreng ba ni mngon par sbyangs lha'i spos dang / 'dug pas ni bdugs te/ sangs rgyas kyi zhing bye ba stong phrag nyi shu po de dag thams cad na/ grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor kyang med/ ri nag po yang med/ ri btang bzung dang / ri btang bzung chen po yang med/ ri khor yug dang / khor ug chen po yang med/ ri'i rgyal po ri rab kyang med/ ri chen po dang / ri gzhan yang med/ rgya mtsho chen po yang med par gyur cig/ ba chud dpa lab chu chen po yang med par yongs su bzhag go/ lha dang mi dang lha ma yin gyi tshogs kyang med par gyur/ sems can dmyal ba dang / dud 'gro'i skye gnas dang / gshin rje'i 'jig rten yang med par gyur te/ sangs rgyas kyi zhing de dag thams cad sangs rgyas kyi zhing gcig dang mtshungs shing phyogs gcig dang 'dra bar yongs su gnas par gyur te/ mnyan zhing nyams dga' la rin po sa sna dun ci shing ljon pa dag gis brgyan par gyur te/ shing ljon pa de dag 'phang du ni dpag tshad lnga brgyan pa/ sboms su ni rim bzhin yal ka dang / lo ma dang / me tog dang / 'bras bu dang ldan no// rin po che'i shing sngon pa thams cad kyi drung na/ seng ge'i khri khor lug tu dpag tshad lnga brgya pa/ lha'i rin po che las byas pa/ bkra ba/ bstan sdug pa bsham par gyur te/ de bzhin gshegs pa gshegs shing byon pa rnams/ shing drung de dag na seng ge'i khri dag la skyil mo grang bcas te bzhugs so// rnam grangs 'dis gzhan yang phyogs re re yang 'jig rten gyi khams bye ba stong phrag nyi shu de bzhin gshegs pa shAkya thub pas yongs su dag par mdzad do/ / de bzhin gshegs pa byon cing gshegs pa de dag gi go dbye ba'i phyir/ gzhan yang phyogs re re yang 'jig rten gyi khams bye ba stong phrag nyi shur grong khyer dang / grong rdal dang / ljongs dang / yul 'khor kyang med par gyur/ rgyal po'i pho brang 'khor kyang med par gyur ri nag po yang med par gyur/ ri btang bzung dang / ri btang bzung chen po yang med par gyur/ ri khor yug dang / ri khor yug chen po yang med par gyur/ ri'i rgyal po ri rab kyang med par gyur/ ri chen po gzhan yang med par gyur/ rgya mtsho chen po yang med par gyur/ 'bab chu dang / 'bab chu chen po yang med par yongs su gzhag go// lha dang mi dang lha ma yin gyi tshogs kyang med par gyur/ sems can dmyal ba dang / dud 'gro'i skye gnas dang / gshin rje'i 'jig rten yang med par gyur te/ sems can de dag thams cad 'jig rten gyi khams gzhan dag tu dgod do/ / sangs rgyas kyi zhing de dag ni bai DUR+Ya las grub pa/ rin po che sna bdun dang / gser gyi rba bas zos pa dril bu g.yer kha'i dra bas brgyan pa/ me tog man+da ra dang / man+da ra chen pos kun tu bkram pa/ lha'i bla re bres pa/ lha'i me tog gi phreng ba mngon par sbyangs pa/ lha'i spos dang / bdug pas bdugs pa/ rin po che'i shing ljon pas mdzes par byas pa ste/ rin po che'i shing ljon pa de dag thams cad kyi tshad kyang dpag tshad lnga brgya pa'o// seng ge'i khri dpag tshad lnga brgya pa de dag kyang mngon par sprul te/ rin po che'i shing ljon pa'i drung dag na/ so so'i seng ge'i khri la de bzhin gshegs pa de dag skyil mo krung bcas te bzhugs so// yang de'i tshe bcom ldan 'das de bzhin gshegs pa shAkya thub pas sprul pa'i de bzhin gshegs pa gang dag/ shAr phyogs nas sangs rgyas kyi zhing bye ba khrag khrig brgya stong phrag gang+gA'i klung gi bye ma snyed dag na/ chos ston pa de dag thams cad gshegs so/ / de bzhin du phyogs bcu nas gshegs shing byon pa de dag ni phyogs brgyad na bzhugs par gyur to// de'i tshe phyogs brgyad nas gshegs pa'i de bzhin gshegs pa de dag gis phyogs re rer yang 'jig rten gyi khams bye ba phrag sum cu kun tu non par gyur to/ / de nas de bzhin gshegs pa de dag rang rang gi seng ge'i khril bzhugs nas/ rang rang gi zham 'bring ba dag/ bcom ldan 'das shAkya thub pa'i thad du bkye ste/ rin po che'i me tog gi phur ma skar nas/ 'di skad ces bka' stsal to// rigs kyi bu dag khyed rgyal po'i khyab kyi bya rgod kyi phung po'i ril song ste/ de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la phyag 'tshol la/ nga'i tshig gis byang chub sems dpa'i tshogs dang / nyan thos kyi tshogs dang bcas pa la gnod pa nyung ngam/ bskrun chung ngam/ stobs dang ldan nam/ bde bar reg pa la gnas sam zhes dris la/ rin po che'i phung po 'dis gtor te/ 'di skad ces bcom ldan 'das kyis de bzhin gshegs pa rin po che'i mcho rten chen po 'di dbye bar dad pa 'bul lo zhes gsol cig/ de ltar de bzhin gshegs pa de dag thams cad kyis rang rang gi zham 'breng ba bkye'o// de nas bcom ldan 'das de bzhin gshegs pa shAkya thub pas de'i dus na/ bdag gis sprul pa ma lus par tshogs par mkhyen/ so so'i seng ge'i khri dag la bzhugs par mkhyen/ de bzhin gshegs pa dgra bcom pa yang dag par rdzogs pa'i sangs rgyas de dag gi zhabs 'bring ba lhags par mkhyen te/ de bzhin gshegs pa dgra bcom pa yang dag par rdzogs pa'i sangs rgyas de dag gis da pa phul bar mkhyen nas/ de'i tshe rang gi chos kyi gdan las bzhengs te/ nam mkha' bar snang la bzhugs so// 'khor bzhi po de dag thams cad kyang stan las langs nas thal mo sbyar te/ bcom ldan 'das la lta zhing 'khod do// de nas bcom ldan 'das kyis rin po che'i mchod rten chen po nam mkha' la 'dug pa de phyag g.yas pa'i sor mos dbus nas phye'o/ / phye nas logs gnyis so sor gdangs so// 'di lta ste dper na/ grong khyer chen po'i sgo 'phar chen po bcad pa'i gtan pa byung nas/ so sor phye ba de bzhin du bcom ldan 'das kyis/ rin po che'i mchod rten chen po de phyag g.yas pa'i sor mos dbus nas phye ste sa ler mdzad do// de bzhin gshegs pa'i rin po che chen po'i mchod rten chen po de phye ma thag tu/ de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang seng ge'i khri la bzhugs te/ skyil mo krung bcas te sku kun skams shing sku ma g.yos par ji ltar ting nge 'dzin la snyoms par zhugs pa de bzhin du snang ste/ 'di skad ces bcom ldan 'das shAkya thub pa khyod kyis/ dam pa'i chos pad+ma dkar po'i chos kyi rnam grangs 'di legs par bshad pa legs so legs so/ / bcom ldan 'das shAkya thub pa khyod kyis/ dam pa'i chos pad+ma dkar po'i chos kyi rnam grangs 'di bshad pa yang legs so/ / bcom ldan 'das dam pa'i chos pad+ma dkar po'i chos kyi rnam grangs 'di mnyan pa'i phyir kho bo 'dir 'ongs so zhes gsung ngo // de nas ' khor bzhi po de dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang bskal pa bye ba khrag khrig brgya stong phrag mang po nas yongs su mya ngan las 'das pa de skad gsung ba thos nas/ ngo mtshar dang rmad du gyur te/ de'i tshe bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la/ lha dang mi'i rin po che'i phung pos mngon par gtor to/ / de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang gis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la/ seng ge'i khri de'i phyed bdar te/ rin po che'i mchod rten chen po de'i nang nas/ bcom ldan 'das de bzhin gshegs pa shAkya thub pa 'dir bzhugs zhes de skad gsung ngo / / de nas bcom ldan 'das de bzhin gshegs pa shAkya thub pa gdan de'i phyed la bzhugs so// de bzhin gshegs pa de dang lhan cig tu/ de bzhin gshegs pa gnyi ga rin po che'i mchod rten chen po de'i dbus na// seng ge'i khri la bzhugs nas/ nam mkha' bar snang la gnas ra gnang ngo / / de nas 'khor bzhi po de dag 'di snyam du/ bdag cag de bzhin gshegs pa 'di dag dang thag ring na/ bdag cag kyang de bzhin gshegs pa'i mthus nam mkha' la 'phags par bya'o snyam du sems so/ / de nas bcom ldan 'das kyis/ 'khor bzhi po de dag gi sems kyi rtog pa thugs kyis thugs su chud nas/ de'i dus nardzu 'phrul gyi stobs kyis/ 'khor bzhi po de dag nam mkha' bar snang la bkod do// de nas bcom ldan 'das de bzhin gshegs pa shAkya thub pas/ de'i tshe 'khor bzhi po de dag la bka' stsal pa/ dge slong dag khyed kyi nang na 'jig rten gyi khams mi mjed 'dir/ dam pa'i chos pad+ma dkar po'i chos kyi rnam grangs 'di yang dag par 'chad par spro ba su yod/ de bzhin gshegs pa mngon sum du bzhugs te/ de'i dus 'di'o// de'i tshe 'di'o// dge slong dag de bzhin gshegs pa dam pa'i chos pad+ma dkar po'i chos kyi rnam grangs 'di bzhag ste/ yongs su mya ngan las 'da' bar 'dod do// de nas bcom ldan 'das kyis de'i tshe tshigs su bcad pa 'di dag bka' stsal to// dge slong dag go 'dren pa drang srong che/ / mya ngan 'das 'di rin chen mchod rten 'dir// zhugs nas chos 'di gsan phyir gshegs mdzad na// chos kyi ched du brtson 'grus su mi skyed// mya ngan yongs 'dus bskal pa bye ba mang / / 'on kyang dadung de ni chos gsan te// chos kyi ched du de dang der yang gshegs// 'di 'dra'i chos 'di shin tu rnyed par dka'/ rnam par 'dren pa 'di yi smon lam ni// srid pa snga ma dag la skyen gyur pas// mya ngan 'das kyang 'jig rten 'di kun na// phyogs cu thams cad du yang yongs su rgyu// bye ba stong phrag gang+gA'i bye ma snyed/ / 'di dag thams cad nga yi lus yin te// mgon po mya ngan 'das pa 'di blta dang // chos kyi bya ba bya phyir de dag lhags// ci nas chos tshul yun ring gnas 'gyur bar/ / thams cad dam pa'i chos 'di bsrung ba'i phyir// nyan thos de bzhin mi dang lha kun dang // so so rang rang gi ni zhing bor te// sangs rgyas 'di dag bzhugs par bya ba'i phyir/ / ngas ni rdzu 'phrul stobs kyis 'di lta bur// 'jig rten khams mang stong phrag bye ba nas// sems can thams cad spos shing yongs dag byas// / chos kyi tshul 'di ji ltar bstan bya zhes// de lta bu ni nga yang shin tu brtson// shing dbang drung na sangs rgyas tshad med pa// ji ltar pad+ma'i phung po bzhin du bzhugs// bye ba phrag ni mi nyung shing drung na/ / seng ge'i khri la 'dren pa bzhugs pa ni// rab tu mdzes par rtag tu der bzhugs te// mun nag chen po'i nang na me bzhin no// 'jig rten rnam 'dren rnams kyi yid 'ong dri/ / phyogs bcu'i rnams su rab tu ldang ba de// sems can 'di dag kun dang 'dres par gyur// rlung rnams 'dir ni rtag par langs pa bzhin// nga ni mya ngan 'das nas gang / / chos kyi rnams grangs 'di 'dzin pa// 'jig rten mgon po'i spyan sngar 'dir// tshig ni myur du smra bar gyis// sangs rgyas mya ngan yongs 'das pa/ / thub pa rin chen mang po yang // 'di la spro bar su byed pa// de yi seng ge'i sgra gsan to// gnyis pa nga dang 'dren pa bye ba phrag/ mang po gang dag lpags pa 'di dag kyang / / gang rnams chos 'di bshad par spro ba yi// rgyal ba'i sras kyi brtson pa nyan par byed// 'di lta bu yi chos 'di mnyan pa'i phyir// phyogs dang phyogs mtshams rtag tu su 'gro ba/ / des ni nga dang rin chen mang ba yi// rgyal ba rang byung rtag tu mchod pa yin// mdo sde rab tu bstan pas 'jig rten mgon// gang 'di lpags par gyur cing gang dag gis/ / sa 'di bkra mdzes byas pa de kun la// mchod pa rgya che mi chung byas par 'gyur// mchod rten nang bzhugs bcom ldan 'das 'di dang // nga yang stan gyi steng na 'dug pa dang / / zhing brgya du ma dag nas gang lpags pa// 'jig rten mgon gzhon mang po 'di mthong ba// sems can kun la snying brtse'i phyir// rigs kyi bu dag khyed cag soms/ / shin tu bya dka' gnas 'di la// rnam par 'dren pas spro bar mdzad// mdo sde stong phrag mang po dag/ gang+gA'i bye mji bzhin/ pa// de dag gang zhig ston byed pa// de ni dka' ba ma yin no// gang gi lag gis ri rab ri// chang bar blang ba byas nas su// zhing rnams bye bar 'phen byed pa// de ni dka' ba ma yin no/ / gang gis stong gsum 'di dag kyang // rkang pa'i mthe bos bskyod nas ni// zhing rnams bye bar 'phen pa yang // de ni dka' ba ma yin no// mi gang srid pa'i rtser gnas nas/ / mdo sde gzhan dag stong gyur gyi// chos 'di rab tu 'chad pa yang // de ni dka' ba ma yin no// 'jig rten dbang po mya ngan 'das// phyi dus shin tu mi bzad la/ / gang zhig mdo sde 'di 'dzin tam// 'chad pa de ni shin tu dka'// gang gis nam mkha'i khams kun kyang // chad pa gcig gi nang 'jug cing // rab tu bcug ste 'gro ba ni/ / de yang dka' ba ma yin no// nga ni mya ngan 'das pa'i tshe// gang zhig mdo sde 'di 'dra ba// phyi dus yi ger 'drir 'jug pa// de ni shin tu dka' ba yin// gang zhig sa yi khams rnams kun/ / sen mo'i rtse mor 'jug byed la// rab tu bcug nas 'gro byed cing // tshangs pa'i 'jig rten 'dzeg byed pa// 'jig rten kun gyi mdun du 'dir/ / de ltar dka' ba byas pa yang // de ni dka' ba byas ma yin// brtson 'grus dag kyang de tsam med// nga ni mya ngan 'das pa'i tshe// phyi ma'i dus na mdo sde 'di// su zhig sman par byed pa de// de bas shin tu dka' ba byed// bskul pas bsreg par mi gang zhig/ rtswa yi khur bu thogs nas su// tshig bzhin du ni dbul 'gro ba/ 'jig rten na ni de mi dka'// nga ni mya ngan 'das pa'i tshe// gang gis mdo 'dri bzung nas kyang // sems can gcig la'ang thos byed pa// de bas shin tu dka' ba yin// chos kyi phung po stong phrag ni// brgyad cu rtsa bzhi 'di 'dzin cing // lung bcas ji skad gsung ba bzhin// srog chags bye ba rnams la 'chad// de tshe gang zhig dge slong rnams// 'dul byed nga yi nyan thos rnams// mngon par shes la bkod pa yang // de ni dka' ba ma yin no// gang zhig mdo 'di 'dzin pa 'am// dad dam mos par byed pa 'am// yang dang yang du 'chad byed pa/ / de ni de bas shin tu dka'// stong phrag bye ba mang po rnams// gang+gA'i bye ma ji snyed bzhin// mngon shes drug ldan skal chen dang // dgra bcom nyid la bkod pa bas/ / nga ni mya ngan 'das 'og tu// gang zhig mdo mchog 'di 'dzin pa// mi mchog de ni de bas kyang // shin tu las mang byed pa yin// sangs rgyas ye shes ched kyi phyir/ / 'jig rten khams ni stong rnams su// nga yis shin tu chos mang bshad// da dung du yang nga 'chad do// 'di ni mdo sde thams cad las// mdos dam pa mchog ces bya/ / mdo sde 'di ni su 'dzin pa// de ni rgyal ba'i sku 'dzin to// rigs kyi bu dag phyi dus na// khyed cag rnams las gang su zhig/ mdo sde 'dzin par spro ba khyed// de bzhin gshegs kyi spyan sngar smros// shin tu bzung dka' mdo 'di ni// gang zhig yud tsam 'dzin pa yang // 'jig rten mgon la rnam kun tu// dka' ba chen po byas par 'gyur/ / 'jig rten mgon gyis thams cad du// de ni shin tu bsngags pa yin// shin tu dpa' zhing nus pa ste// byang chub tu ni mngon shes myur// mdo sde 'di ni su 'dzin pa// gces pa khyer ba de yin te// 'jig rten mgon gyi thugs kyi sras// dul ba'i sa yang rjes su thob// mi gartso mya ngan 'das pa na// mdo sde 'di ni rab ston pa// lha dang mir bcas 'jig rten na/ / de ni mig tu gyur pa yin// gang zhig phyi ma'i dus kyi tshe// mdo sde 'di ni yud tsam zhig/ 'chad par byed pa mkhas pa de// sems can kun gyi phyag bya'i 'os de nas bcom ldan 'das kyis/ byang chub sems dpa'i tshogs ma lus pa dang / lha dang lha ma yin dang bcas pa'i 'jig rten la bos te/ 'di skad ces bka' stsal to/ / dge slong dag sngon byung ba 'das pa'i dus na/ bskal pa tshad med/ zangs med par ngas dam pa'i chos pad+ma dkar po'i mdo yongs su btsal te/ skyom myong la ngal ba med par gyur to/ / sngon bskal pa du ma la bskal pa brgya stong phrag du mar nga rgyal por gyur te// bla na med pa yang dag par rdzogs pa'i byang chub tu smon lam btab nas nga'i sems ldog par ma gyur to/ / pha rol tu phyin pa drug yongs su rdzogs par bya ba'i phyir brtson par gyur nas/ sbyin pa tshad med pa rab tu byin te/ gser dang / nor bu dang / mu tig dang / bai DUR+Ya dang / dung dang / man shel dang / byi ru dang / sa le sbram dang / dngul dang / rdo'i snying po dang / spug dang / mu tig dmar po dang / grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor dang / chung ma dang / bu pho dang / bu mo dang / bran po dang / bran mo dang / glang po che dang / rta dang / shing rta dang / bdag gis lus kyi bar du yongs su btang ste/ lag pa dang / rkang pa dang / mgo dang / yan lag dang / nying lag thams cad dang / srog sbyin pa por gyur nas/ nganam yang kun 'dzin pa'i sems ma skyes so// de'i tshe 'jig rten 'di tshe ring por gyur te/ lo brgya stong du mar 'tsho'o// de'i tshangs chos kyi phyir chos kyi rgyal po byas kyi/ yul 'khor gyi phyir ni ma yin te/ bu thu bo dbang bskur nas/ daphyogs bzhir chos kyi mchog tshol ba la brtson par gyur to// ngas dril brdang te 'di skad ces/ nga la sus chos kyi mchog rab tu byin pa dang / don rnam par bshad pa de'i bran ngas bya'o zhes grags par byas so// de nas de'i tshe drang srong zhig/ yod pa nga la 'di skad ces/ rgyal po chen po dam pa'i chos pad+ma dkar po zhes bya ba mdo mchog gi chos bstan pa yod de/ bran du khas len na chos de kho bos khyod kyis thos par bya'o zhes zer ba dang / ngas drang srong de'i tshig de thos nas/ dga' mgu rangs yid rab tu dga' ste/ drang srong de ga la ba der bsnyen nas/ 'di skad ces bran gyi las ci byed pa de bya'o zhes smras te/ de ltar nga drang srong de'i bran du khas blangs nas/ rtswa dang / shing dang / chu dang / rtsa ba dang / rdo gu dang / 'bras bu la sogs pa len pa'i las byas te/ ngas sgo bsrung ba yan chad byas so// nyin par rnam pa de lta bu'i las byas nas/ mtshan mo mal khri'i rkang pa yang bzung ngo // 'on kyang nga'i lus ngal bar gyur pa yang med/ sems ngal bar gyur pa yang med de/ las de ltar byas pas lo stong tshang bar 'das so// de nas bcom ldan 'das kyis de'i tshe don 'di yongs su bstan pa'i phyir/ tshigs su bcad pa 'di dag bka' stsal to// bskal pa 'das pa yang dag rjes dran te// nga sngon chos phyin chos rgyal gyur pa na// chos kyi phyir ni nga yis rgyal po byas/ / 'dod phyir ma yin chos mchog don du'o// gang zhig chos smras de yi bran bya zhes// ngas ni phyogs bzhir de skad bsgrags pa byas// de yi tshe na drang srong mkhas yod pa/ / dam pa chos shes bya ba mdo sde smra// de ni nga la gal te chos 'dod na// bran du khas long de nas chos bshad zer/ tshig de thos nas nga ni rab tu dga'/ / de na bran gyis bya ba'i las de byas// dam pa'i chos phyir bran ni byed pa na// lus dang sems la ngal bas ma reg go// de tshe nga ni sems can phyir smon gyi// bdag gi phyir min 'dod phyir ma yin te/ / las gzhan med par phyogs bcu rnams su rgyu// bskal pa stong du rdzogs par mi skyo bar// chos shes bya ba mdo sde rnyed kyi bar// rgyal po des ni de srid brtson 'grus brtsams/ / dge slong dag 'di ji snyam du sems/ de'i tshe de'i dus na/ rgyal por gyur pa de gzhan zhig yin pa snyam du 'dzin na de ltar mi blta'o// de ci'i phyir zhe na/ de'i tshe de'i dus na/ rgyal por gyur pa de ning yin no// dge slong dag de'i tshe de'i dus na/ drang srong du gyur pa de gzhan yin pa snyam du 'dzin na de ltar rma/ blta'o// de ci'i phyir zhe na/ dge slong dag lhas sbyin 'di de'i tshe de'i dus na/ drang srong du gyur te/ dge slong dag lnga sbyin yang nga'i dge ba'i bshes gnyen no// sbyin la brten te ngas pha rol tu phyin pa drug yongs su rdzogs par byas so// byams pa chen po dang / snying rje chen po dang / dga' ba chen po dang / btang snyoms chen po dang / skyes bu chen po'i mtshan sum cu rtsa gnyis dang / dpe byad bzang po brgyad cu dang / 'od 'dom gang ba dang / mdog gser gyi kha dog dang / stobs bcu dang / mi 'jigs pa bzhi dang / bsdu ba'i dngos po bzhi dang / sangs rgyas kyi chos ma 'dres pa bco brgyad dang / rdzu 'phrul gyi stobs chen po dang / phyogs bcu'i sems can bsgral ba de dag thams cad kyang / lhas sbyin la brten te rdzogs par byas so/ / dge slong dag khyed mos par bya'o// khong du chud par bya'o// dge slong lngas sbyin 'di ma 'ongs pa'i dus bskal pa tshad med grangs med pa na 'jig rten gyi khams lha'i them skas zhes bya bar/ de bzhin gshegs pa dgra bcom pa yang dag par rdzogs pa'i sangs rgyas lha'i rgyal po zhes bya bar 'gyur ro// dge slong dag de bzhin gshegs pa lha'i rgyal po'i tshe'i tshad ni bar gyi bskal pa nyi shur 'gyur ro/ / chos kyang rgyas par ston par 'gyur ro// sems can gang+gA'i klung gi bye ma snyed dag ni// nyon mongs pa thams cad spangs nas/ dgra bcom pa nyid mngon sum du byed par 'gyur ro// sems can du ma ni rang byang chub tu sems bskyed par 'gyur ro// sems can gang+gA'i klung gi bye ma snyed dag ni bla na med pa yang dag par rdzogs pa'i byang chub tu sems bskyed par 'gyur zhing phyir mi ldog pa'i bzod pa yang thob par 'gyur ro/ / dge slong dag de bzhin gshegs pa lha'i rgyal po yongs su mya ngan las 'das nas/ dam pa'i chos par gyi bskal pa nyi shur gnas so// de'i sku gdung gi ring bsrel ni 'gyes par mi 'gyur zhing de'i sku gdung gcig tu 'dus par 'gyur te/ rin po che sna bdun gyi mchod rten du bcug nas mchod rten de'i phang du dpag tshad drug cu/ rgyar ni dpag tshad bzhi bcur 'gyur ro// de la mi dang lha thams cad kyis spos dang bdug pa dang / me tog dang / phreng ba dang / byug pa dang / phye ma dang / gos dang / gdugs dang / rgyal mtshan dang / lha'i ba dan la sogs pas mchod pa byed par 'gyur ro/ / tshigs su bcad pa'i dbyangs kyis bstod par 'gyur ro// gang dag mchod rten de la bskor ba byed pa 'am/ 'dud par byed pa de dag kyang la la ni 'bras bu'i mchog dgra bcom pa nyid mngon sum du byed par 'gyur ro/ / la la ni rang byang chub thob par 'gyur ro// lha dang mi bsam gyis mi khyab dpag tu med pa dag ni bla na med pa yang dag par rdzogs pa'i byang chub tu sems bskyed de/ phyir mi ldog par 'gyur ro// de nas yang bcom ldan 'das kyis dge slong rnams la bka' stsal pa/ dge slong dag ma 'ongs pa'i dus na/ rigs kyi bu 'am/ rigs kyi bu mo gang la la dam pa'i chos pad+ma dkar po'i ma 'di nyan pa dang / thos nas som nyi mi za ba dang / rnam par dag pa'i sems kyis mos pa de dag gis ngan 'gro gsum gyi sgo bcad par 'gyur te/ sems can dmyal ba dang / dud 'gro'i skye gnas dang / gshin rje'i 'jig rten du skye bar mi ltung ngo / / phyogs bcu'i sangs rgyas kyi zhing du skyes na yang / tshe rabs tsha rabs su mdo sde 'di thos pararo// lha dang mi'i 'jig rten du skyes na yang des gnas khyad par can thob par 'gyur ro/ / sangs rgyas kyi zhing gang du skye ba der yang de bzhin gshegs pa'i spyan sngang rin po che sna bdun gyi pad+ma'i nang nas rdzus te skye bar 'gyur ro// de nas de'i tshe 'og gi phyogs nas/ de bzhin gshegs pa rin chem mang gi sangs rgyas kyi zhing nas byang chub sems dpa' sems dpa' chen po shes rab brtseg shre bya ba 'ongs pa des/ de bzhin gshegs pa rin chen mang la 'di skad ces gsol to// bcom ldan 'das nyid kyi sangs rgyas kyi zhing du gshegs so// de nas bcom ldan 'das de bzhin gshegs pa shAkya thub pas/ byang chub sems dpa' sems dpa' chen po shes rab brtsegs la 'di skad ces bka' stsal to// rigs kyi bu yud tsam zhig sdod cig/ nga'i byang chub sems dpa' sems dpa' chen po 'jam dpal gzhon nur gyur pa dang / chos rnam par gtan la dbab pa 'ga' zhig gyis la phyis bdag gi sangs rgyas kyi zhing du song shig/ de nas de'i tshe 'jam dpal gzhon nur gyur pa pad+ma 'dab ma stong yod pa/ tshad shing rta'i phang lo tsam la 'dug ste/ byang chub sems dpa' du mas yongs su bskor nas/ rgya mtsho'i nang nas klu'i rgyal po rgya mtsho ri khang pa nas/ stang gi nam mkha' la 'phags te/ nam mkha' las bya rgod kyi phung po'i ri la/ bcom ldan 'das kyi gan du son to// de nas 'jam dpal gzhon nur gyur pa/ pad+ma las babs te/ bcom ldan 'das shAkya thub pa dang / de bzhin gshegs pa rin chen mang gi zhabs la mgo bos phyag 'tshal nas/ byang chub sems dpa' shes rab brtsegs ga la ba der song ste phyin nas/ byang chub sems dpa' shes rab brtsegs dang / mngon sum du dga' zhing yang dag par mgu ba'i gtam rnam pa mang po byas te/ phyogs gcig tu 'dug go// de nas byang chub sems dpa' shes rab brtsegs kyis 'jam dpal gzhon nur gyur pa la 'di skad ces smras so/ / 'jam dpal khyod rgya mtshor zhugs te/ sems can gyi khams ji snyed cig btul/ 'jam dpal gyis smras pa/ ji tsam du tshig gis brjod mi nus shing / sems kyi bsam mi nus pa de snyed du tshad med grangs med pa'i sems can du ma dag btul to// rigs kyi bu skad cig sdod cig dang snga ltas kyis bar du mthong bar 'gyur ro// 'jam dpal gzhon nur gyur pas de skad ces smras ma thag tu/ de'i tshe pad+ma stong phrag du ma rgya mtsho'o nang nas steng gi nam mkha' la byung ste/ pad+ma de dag la byang chub sems dpa' stong phrag du ma 'khod do// de nas byang chub sems dpa' de dag nam mkha' las bya rgod kyi phung po'i rig la ba der lhags te/ steng gi nam mkha' la 'khod par gnang ngo // de dag thams cad kyang / 'jam dpal gzhon nur gyur pas/ bla na med pa yang dag par rdzogs pa'i byang chub tu btul ba sha stag go/ / de nas byang chub sems dpa' gang dag sngon theg pa chen po la yang dag par zhugs par gyur pa de dag ni theg pa chen po'i yon tan dang / pha rol tu phyin pa drug po dag gi bsngags pa brjod do// gang dag sngon nyan thos byed byed pa'i byang chub sems dpa' de dag ni nyan thos kyi theg pa nyid brjod de/ de dag thams cad kyang chos thams cad stong pa nyid dang / theg pa chen po'i yon tan yang yang dag par shes pa sha stag go// de nas 'jam dpal gzhon nur gyur pas byang chub sems pa shes rab brtsegs la 'di skad ces smras so/ / rigs kyi bu 'di dag thams cad ni/ kho bos rgya mtshor zhugs nas sems dul bar byas pa yin te/ de dag kyang 'di na snang ngo // de nas byang chub sems dpa' shes rab brtsegs kyis/ 'jam dpal gzhon nur gyur pa la tshigs su bcad pa'i dbyangs kyi yongs su dris pa// bzang po chen po shes rab dper brjod pa/ / khyod kyis sems can grangs med deng brtul ba/ mi yi lnga khyod la ni de 'dri yis// 'di ni su yi mthu lags de gsungs shig/ byang chub lam bstan pa yi mdo gang dang / / chos ni gang zhig khyod kyis rab bstan na// de thos 'di dag byang chub sems skyes shing // thams cad mkhyen nyid nges te gting yang rnyed// 'jam dpal gyis smras pa/ rgya mtsho'i nang du dam pa'i chos pad+ma dkar po'i mdo bshad de gzhan ma yin no// shes rab brtsegs kyis smras pa/ mdo 'di zab cing phral mthong bar dka' ste/ mdo sde 'di dang mtshungs pa'i mdo sde gzhan gang yang med na sems can gang la la mdo sde dkon mchog 'di khong du chud pa 'am/ bla na med pa yang dag par rdzogs pa'i byang chub mngon par rdzogs par 'tshang rgya bar nus pa yod dam/ 'jam dpal gyis smras pa/ rigs kyi bu yod de/ klu'i rgyal po rgya mtsho'i bu mo skyes nas lo brgyad lon pa/ shes rab che ba/ dbang po rno ba/ ye shes sngon du 'gro ba'i lus dang / ngag dang yid kyi las dang ldan pa/ de bzhin gshegs pa thams cad kyis bshad pa'i tshig 'bru dang / don 'dzin pa'i gzungs thob pa/ chos thams cad dang sems can thams cad la mnyam par gzhag pa'i ting nge 'dzin stong skad/ cig cis thob pa/ byang chub kyi sems las phyir mi ldog pa/ smon lam rgya che ba/ sems can thams cad la bdag dang 'dra bar phangs par sems pa dang ldan pa/ yon tan bskyed par nus shing / de dag las yongs su mi nyams pa/ bzhin 'dzum pa/ kha dog rgyas pa mchog dang ldan pa/ byams pa'i sems dang ldan pa/ snying rje ba'i tshig smra ba de yang dag par rdzogs pa'i byang chub tu mngon par rdzogs par 'tshang rgya bar nus so/ / shes rab brtsegs kyis smras pa/ kho bos mthong ba bcom ldan 'das de bzhin gshegs pa shakya thub pa byang chub kyi phyir 'bad cing byang chub sems dpar gyur pa na/ bsod nams du ma mdzad de/ bskal pa stong phrag du mar nam yang brtson 'grus ma nyams so/ / stong gsum gyi stong chen po'i 'jig rten gyi khams su tha na yungs kar tsam gyi phyogs gang du yang / sems can gyi phyir sku ma bor ba chung zad kyang med de/ phyir byang chub mngon par rdzogs par sangs rgyas na/ des yud tsam gyis bla na med pa yang dag par rdzogs pa'i byang chub mngon par rdzogs par 'tshang rgya bar nus zhes bya ba de la su zhig yid ches de nas de'i tshe klu'i rgyal po rgya mtsho'i bu mo mdun na 'dug par snang ste/ de nas bcom ldan 'das kyi zhabs la mgo bos phyag 'tshal nas phyogs gcig tu 'dug ste/ de'i tshe tshigs su bcad pa 'di dag gsol to// bsod nams bsod nams shin tu zab// phyogs rnams kun tu khyab pa lags// sum cu rtsa gnyis mtshan rnams kyis// phra ba'i sku ni legs par brgyan// dpe byad bzang po rnams dang ldan// sems can kun gyis phyag kyang bgyis// sems can thams cad 'du ba ni/ / dper na grong bar 'dra ba legs// bdag ni 'dod bzhin byang chub ste/ de bzhin gshegs pa bdag gi dbang // sdug bsngal rnams las grol ba'i chos/ / rgya cher rab tu bstan par bgyi// de nas de'i tshe tshe dang ldan pa shA ri'i bus/ klu'i rgyal po rgya mtsho'i bu mo la 'di skad ces smras so// rmen khyod phyir mi ldog pa'i byang chub tu sems skyes shing / shes rab dpag tu med pa yod du zad de/ yang dag par rdzogs pa'i sangs rgyas nyid ni rnyed par dka/ che zhe bud med brtson 'grus mi 'dor zhing bskal pa stong phrag du mar bsod nams dag byed la/ pha rol tu phyin pa drug po dag yongs su rdzogs par byed kyang da dung sangs rgyas nyid mi 'thob pa yod de/ de ci'i phyir zhe na/ bud med kyis da dung gnas lnga ma thob pa'i phyir te/ lnga gang zhe na/ dang po tshangs pa'i gnas/ gnyis pa brgya byin gyis gnas dang / gsum pa rgyal chen bzhi'i gnas dang / bzhi pa 'khor los sgyur ba'i gnas dang / lnga pa phyir mi ldog pa'i byang chub sems dpa'i gnas so// de nas de'i tshe klu'i rgyal po rgya mtsho'i bu mo la/ stong gsum gyi stong chen po'i 'jig rten gyi khams ma lus pa'i rin du chog pa'i nor bu gcig yod pa de/ klu'i rgyal po'i bu mo des bcom ldan 'das la phul nas/ bcom ldan 'das kyis kyang thug brtse ba'i phyir de bzhes so// de nas klu'i rgyal po rgya mtsho'i bu mos/ byang chub sems dpa' shes rab brtsegs dang / gnas brtan ri'i bu la 'di skad ces smras so/ / gang bdag gis bcom ldan 'das la nor bu phul ba de/ bcom ldan 'das kyikyi myur du bzhes sam/ 'on te ma bzhes/ gnas brtan gyis smras pa/ khyod kyis kyang myur du 'phul lo// bcom ldan 'das kyis kyang myur du bzhes so// klu'i rgyal po rgya mtsho'i bu mos smras pa/ btsun pa shA ri'i bu gal te bdag gi rdzu 'phrul che bar gyur na/ de bas kyang ches myur du yang dag par rdzogs pa'i byang chub mngon par rdzogs par 'tshang rgya ste/ nor bu 'di bzhes pa ni de lta ma yin no// de nas de'i tshe 'jig rten thams cad dang gnas brtan shA ri'i bu'i mngon sum du/ klu'i rgyal po rgya mtsho'i bu mo bud med kyi dbang po mi snang bar gyur te/ skyes pa'i dbang po byung nas/ bdag nyid byang chub sems dpar gyur par yang dag par bstan te/ de'i tshe lho phyogs su song ngo // de nas lho phyogs su 'jig rten gyi khams dri ma med ces bya ba der rin po che sna bdun gyi shing drung du 'dug nas/ bdag nyid mngon par rdzogs par sangs rgyas par kun tu bstan te/ skyes bu chen po'i mtshan sum cu rtsa gnyis dang dpe byad bzang po thams cad dang ldan pa'i gzugs kyi lus kyi 'od kyis phyogs bcur khyab par byas te/ chos ston par byed do// gang dag 'jig rten gyi khams mi mjed na 'khod pa'i sems can de dag thams cad kyis kyang / de bzhin gshegs pa de lha dang / klu dang gnod sbyin dang / dri za dang / lha ma yin dang / nam mkha' lding dang mi 'am ci dang / lto 'phye chen po dang / mi dang mi ma yin de dag thams cad kyis phyag byas shing de dag la chos ston par mdzad pa mthong ngo // sems can gang dag de bzhin gshegs pa des chos bstan pa nyan pa de dag thams cad ni/ bla na med pa yang dag par rdzogs pa'i byang chub las phyir mi ldog par gyur to// 'jig rten gyi kham dri ma med pa de dang / 'jig rten gyi khams mi mjed 'di yang rnam pa drug tu g.yos so// bcom ldan 'das shakya thub pa'i 'khor gyi dkyil 'khor las kyang srog chags su stong mi skye ba'i chos la bzod pa thob par gyur to/ / srog chags sum stong ni bla na med pa yang dag par rdzogs pa'i byang chub tu lung bstan pa thob par gyur to// de nas byang chub sems dpa' sems dpa' chen po shes rab brtsegs dang / gnas brtan shA ri'i bu cang mi smra bar gyur to// mchod rten bstan pa'i le'u zhes bya ste/ bcu gcig pa'o// / / de nas byang chub sems dpa' sems dpa' chen po sman gyi rgyal po dang / byang chub sems dpa' sems dpa' chen po spobs pa chen po g.yog byang chub sems dpa' nyis 'bum dang lhan cig/ bcom ldan 'das kyi spyan sngar tshig 'di skad ces gsol to// bcom ldan 'das don 'di la thugs las chung ngu mdzad du gsol/ bcom ldan 'das bdag cag gis/ de bzhin gshegs pa yongs su mya ngan las 'das nas chos kyi rnam grangs 'di sems can rnams la bstan par bgyi'o// yang dag par bshad par bgyi'o// bcom ldan 'das 'di ltar yang de'i tshe/ sems can dmu rgod dge ba'i rtsa ba chung ba/ lhag pa'i nga rgyal can/ rnyed pa dang / bkur sti la gnas pa/ mi dge ba'i rtsa ba la zhugs pa gdul dka' ba/ mos pa dang bral ba/ ma mos pa mang ba dag 'byung ba lags mod kyi/ bcom ldan 'das bdag cag gis bzod pa'i stobs bstan te/ de'i dus na mdo 'di bstan par bgyi/ bzung bar bgyi/ bshad par bgyi/ yi ger bri bar bgyi/ bsti stang du bgyi/ rim gror bgyi/ mchod par bgyi'o// bcom ldan 'das bdag cag gis lus dang srog kyang bor te/ mdo 'di bshad par bgyis/ bcom ldan 'das thugs las chung ngur mdzad du gsol/ de nas 'khor de'i dge slong slob pa dang mi slob pa dge slong lnga brgya tsam gyis/ bcom ldan 'das la 'di skad ces gsol to// bcom ldan 'das bdag cag kyang 'jig rten gyi khams gzhan dag tu chos kyi rnam grangs 'di rab tu bstan par spro lags so/ / de nas bcom ldan 'das kyi nyan thos slob pa dang mi slob pa ji snyed pa de dag dang / gang dag bcom ldan 'das kyis bla na med pa yang dag par rdzogs pa'i byang chub tu lung bstan pa/ dge slong brgyad stong po de dag thams cad kyis/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ / bcom ldan 'das thugs las chung ngur mdzad du gsol/ de bzhin gshegs pa yongs su mya ngan las 'das nas slod ma'i cha/ slad ma'i dus na bdag cag gis kyang chos kyi rnam grangs 'di 'jig rten gyi khams gzhan dag tu bshad par bgyi'o/ / de ci'i slad du zhe na/ bcom ldan 'das 'jig rten gyi khams mi mjed 'di'i sems can dag ni lhag pa'i nga rgyal can dge ba'i rtsa ba chung ba/ rtag tu gnod sems kyi sems dang ldan pa/ g.yo can yon po'i rang bzhin can lags pa'i slad du'o// de nas bcom ldan 'das kyi sku skye dgu'i bdag mo chen mo go ta me dge slong ma slob pa dang mi slob pa dge slong ma drug stong dang / lhan cig tu stan las langs nas/ bcom ldan 'das ga la ba de logs su thal mo sbyar ba btud de/ bcom ldan 'das la lta zhing 'khod do// de nas bcom ldan 'das kyis de'i tshe skye dgu'i bdag mo chen po go'u ta mi la bka' stsal pa/ go'u ta mi khyod bdog ni/ de bzhin gshegs pas yongs su ma brjod de/ bla na med pa yang dag par rdzogs pa'i byang chub tu lung ma bstan snyam du yid mi bde bar de bzhin gshegs pa lta zhing ma 'dug shig/ go'u ta mi 'di ltar 'khor thams cad lung bstan pas khyod kyang lung bstan zin to// go'u ta mi khyod 'di nas bzung ste/ sangs rgyas bye ba khrag khrig brgya stong phrag sum cu rtsa brgyad kyi thad na/ byang chub sems dpa' sems dpa' chen po chos smra bar 'gyur ro// slob pa dang mi slob pa'i dge slong ma drug stong 'di dag dang khyod ldan cig tu/ de bzhin gshegs pa de dag gi thad na byang chub sems dpa' chos smra bar 'gyur ro// de'i pha rol gyi yang ches pha rol nas/ byang chub sems dpa'i spyod pa yongs su rdzogs par byas te/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das sems can thams cad kyis mthong na dga' ba zhes bya bar 'jig rten du 'byung bar 'gyur te/ go'u te mi de bzhin gshegs pa dgra bcom pa yang dag par rdzogs pa'i sangs rgyas sems can thams cad kyis mthong na dga' ba des/ byang chub sems dpa' drug stong po de dag gcig nas gcig tu/ bla na med pa yang dag par rdzogs pa'i byang chub tu lung ston pas lung ston par 'gyur ro// de nas sgra gcan 'dzin gyi ma dge slong ma grags 'dzin 'di snyam du/ bcom ldan 'das kyis bdag gi ming ma smos so snyam du sems so// de nas bcom ldan 'das kyis dge slong ma grags 'dzin ma'i sems/ kyi rtog pa thugs su chud nas/ dge slong ma grags 'dzin la 'di skad ces bka' stsal to// grags 'dzin par bya'o// khong du chud par bya'o// khyod kyang sangs rgyas bye ba stong phrag bcu'i thad nA/ byang chub sems dpa' chos smra bar 'gyur ro// byang chub sems dpa'i spyod pa rims kyis yongs su rdzogs par byas nas/ 'jig rten gyi khams bzang po zhes bya bar de bzhin gshegs pa dgra bcom pa yang dag par rdzogs pa'i sangs rgyas rig pa ldan pa/ bde bar gshegs pa/ 'jig rten mkhyen pa skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'ad ma brgya stong yongs su rdzogs pa'i rgyal mtshan zhes bya bar 'jig rten du 'byung bar 'gyur ro/ / bcom ldan 'das de bzhin gshegs pa dgra bcom pa yang dag par rdzogs pa'i sas rgyas 'od zer brgya stong yongs su rdzogs pa'i rgyal mtshan de'i tshe'i tshad ni dpag tu med par 'gyur ro/ / de nas dge slong ma skye dgu'i bdag mo chen mo go'u ta mi g.yeg 'khor dge slong ma drug stong dang / dge slong ma grags 'dzin g.yog 'khor dge slong ma bzhi stong dang / bcom ldan 'das las bla na med pa yang dag par rdzogs pa'i byang chub tu bdag cag lung bstan pa thos pa thos nas/ ngo mtshar dang rmad du gyur te/ de'i tshe tshigs su bcad pa 'di dag gsol to// bcom ldan 'dren pa rnam par 'dren pa ste// lhar bcas 'jig rten dag gis bstod pa lags// dbugs 'byin lha dang mi yis mchod pa ste/ / mgon po bdag cag rnams kyang des tshim gyis// de nas dge slong ma rnams kyis tshigs su bcad pa 'di gsol nas/ bcom ldan 'das la 'di/ skad ces gsol to// bcom ldan 'das bdag cag kyang slad ma'i dus smad ma'i tshe na/ chos kyi rnam grangs 'di 'jig rten gyi khams gzhan dag tu ston par spro lags so// de nas bcom ldan 'das kyis/ byang chub sems dpa' gzungs thob pa/ phyir mi ldog pa'i chos kyi 'khor lo bskor ba'i byang chub sems dpa' brgyad khri po de dag ga la ba de logs su gzigs so/ / de nas bcom ldan 'das kyis gzigs ma thag tu/ byang chub sems dpa' sems dpa' chen po de dag stan las langs te/ bcom ldan 'das ga la ba de logs su thal mo sbyar ba btud de/ 'di snyam du chos kyi rnam grangs 'di bshad par bya ba'i phyir/ bcom ldan 'das kyis bdag cag la bskul ba mdzad do snyam du sems so// de dag de snyam du bsams nas kun g.yos te/ phan tshun du smras pa/ rigs kyi bu dag ma 'ongs pa'i dus na/ chos kyi rnam grangs 'di bshad par bya ba'i phyir/ bcom ldan 'das kyis bdag cag la bskul ba mdzad na/ bdag cag gis ji ltar bya// de nas rigs kyi bu de dag bcom ldan 'das la gus pa dang / bdag nyid kyi sngon gyi spyod pa dang smon lam gyis bcom ldan 'das kyi spyan sngar seng ge'i sgra phyung ba/ bcom ldan 'das de bzhin gshegs pa yongs su mya ngan las 'das nas/ bdag cag phyogs bcur mchis te/ bcom ldan 'das kyi mthus chos kyi rnam grangs 'di sems can rnams yi ger 'drir stsal bar bgyi/ klog tu stsal bar bgyi/ sems su stsal bar bgyi/ 'chad du stsal bar bgyi'o/ / bcom ldan 'das kyang 'jig rten gyi khams gzhan na bzhugs te/ bdag cag la srung ba dang / skyob pa dang / sbed par mdzad par 'gyur ro// de nas byang chub sems dpa' sems dpa' chen po de dag gis bcom ldan 'das la dbyangs mthun par tshigs su bcad pa 'di dag gsol to// bcom ldan 'das khyod thugs las chung mdzad gsol/ khyod ni mya ngan 'das nas bdag cag rnams// shin tu ma rungs slad ma'i dus kyi tshe// mdo sde dam pa 'di ni bshad par bgyi// byis pa rnams kyis spyos pa dang / / brdeg pa dang ni dbyug thogs te/ gzas pa rnams ni bzod par bgyi// 'dren pa bag la zha bar bgyi// ma rungs slad ma'i dus la ni// log pa'i blo dang yon po dang // byis pa g.yo dang nga rgyal can// ma thob thob par 'du shes pa// dgon pa dag la rab sems shing // chem bu dag kyang bgos nas ni// yo byad bsnyungs tshul spyod do zhes// blo ngan// de skad smras par 'gyur// ro bro chags shing zhen pa rnams// khyim pa dag la chos kyang 'chad// mngon shes drug can ji bzhin du// bsti stang dag kyang bgyid par 'gyur// gtum// pa'i sems dang sdang sems ldan// khyim dang nor la rnam par sems// dgon pa dben par rab bzhugs te// bdag cag rnams la bskur ba 'debs// bdag cag la ni 'di skad mchi/ / rnyed dang bkur sti gnas pa ste// dge slong 'di dag mu stegs can// bdag gi rang bzo rab tu 'chad// rnyed pa dang ni bkur sti'i phyir// rang gis mdo sde byas nas su// 'khor gyi dbus su 'chad byed ces// bdag cag rnams la shin tu 'phye// rgyal po dang ni rgyal bu dang // de bzhin rgyal po'i blon po dang // bram ze dag dang khyim bdag dang // dge slong gzhan dag drung du ni/ / bdag cag rnams la mi bsngags brjod// mu stegs can zhes tshig kyang brjod// drang srong che la gus pas na// thams cad bdag cag bzod par bgyi/ de tshe ngan pa'i blo zos can// bdag cag rnams la sdod par 'gyur// 'di dag sangs rgyas 'gyur zhes te// rnam pa thams cad bzod par bgyi// 'phrul ba'i/ bskal pa 'jig pa la// ma rung 'jigs pa chen po'i che// gnod sbyin gzugs can dge slong mang // bdag cag la ni mi snyan brjod// 'jig rten dbang la gus pa yis// shin tu dka' bar spro bar bgyi/ / bzod pa'i ge gos nas su// mdo 'di rab tu bshad par bgyi// 'dren pa bdag cag skyes dang ni// srog kyang don du gter ma lags// bdag cas/ byang chub don gnyer bas// khyod kyis gtams gtad 'dzin pa lags// ldem por dgongs bshad ma 'tshal ba// dge slong sdig can de 'dra dag/ srad ma'i dus na 'byung ba ni// bcom ldan nyid kyi rab tu mkhyen// gtsug lag khang nas bskrad pa dang // bcing dang brdeg pa rnam mang dang // phyir zhing bcas pa ma lags dang // khro ga ra thams cad bzod par bgyi/ 'jig rten mgon gyis bka' stsal pa// dran par bgyis pas skad dus na// 'khor gyi dbus su mi 'jigs par// mdo 'di rab tu bshad par bgyi// 'dren pa 'di na 'di rjem ba/ / grong khyer grong du gang 'byung ba// de dag gan du mchis nas su// khyod kyis btam pa stsal bar bgyi// 'jig rten dbang po thub pa che// khyod kyi mngag gzhug bdag can 'tshal/ / mya ngan rab 'das zhi brnyes pa// thugs las chung ngur mdzad du gsol// phyogs bcu dag na gang gshegs pa// 'jig rten sgron ma thams cad kyis// mos pa rnam par mkhyen pas na/ / bden pa'i tshig ni smra bar bgyid// spro bar bya ba'i le'u zhes bya ba ste bcu gnyis pa'o// / dam pa'i chos pad+ma dkar po bam po dgu pa// / de nas bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das byang chub sems dpa' sems dpa' chen po 'di dag/ bcom ldan 'das la gus par spro ba ni/ / dka' bar bgyid pa sha ni tu dka' bar bgyid pa lags so// bcom ldan 'das byang chub sems dpa' sems dpa' chen po 'di dag gis slad ma'i tshe/ slad ma'i dus na/ chos kyi rnam grangs 'di ji ltar rab tu bshad par bgyi/ de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ / 'jam dpal chos bzhi la gnas te/ byang chub sems dpa' sems dpa' chen pos/ chos kyi rnam grangs 'di phyi ma'i tshe/ phyi ma'i dus na yang dag bstan par bya'o/ / gzhi gang zhe na/ 'jam dpal 'di la byang chub sems dpa' sems dpa' chen po dag/ cho ga dang spyod yul la gnas te/ chos kyi rnam grangs 'di yang dag par rab tu bstan par bya'o/ / 'jam dpal ji ltar na/ byang chub sems dpa' sems dpa' chen po dag/ cho ga dang spyod yul la gnas pa yin zhe na 'jam dpal gang gi tshe/ byang chub sems dpa' sems dpa' chen po// bzod pa dang dul ba dang / dul ba'i sa thob cing / yid mi sdang lo/ phrag dog med par 'gyur te/ 'jam dpal gang gi tshe/ byang chub sems dpa' sems dpa' chen po dag/ chos gang la yang mi spyod cing / chos rnams kyi rang gi mtshan nyid la yang dag pa ji lta ba bzhin du lta ste/ gang chos rnams la rnam par mi spyod/ rnam par mi rtog pa de ni/ 'jam dpal byang chub sems dpa' sems dpa' chen po'i cho ga zhes bya'o// 'jam dpal byang chub sems dpa' sems dpa' chen po'i spyod yul gang zhe na/ 'jam dpal gang gi tshe/ byang chub sems dpa' sems dpa' chen po rgyal po la mi sten rgyal bu dang / rgyal bo'i blon po chen po dang / rgyal po'i na 'bring ba la mi sten/ mi bsnyen/ bsnyen bkur mi byed/ nye bar mi 'gro gzhan mu stegs can spyod pa pa dang / kun tu rgyu ba pa dang / 'tsho ba pa dang / gcer bu pa rnams dang / snyan dngags kyi bstan bcos la zhugs pa'i sems can rnams dang / mi sten mi bsnyen/ bsnyen bkur mi byed/ 'jog rten rgyang pan pa'i gsang tshigs 'chang ba'i 'jig rten rgya 'phan pa la mi sten/ mi bsnyen/ bsnyen bkur mi byed/ de dag dang lhan cig tu 'dris par mi byed/ gdol ba pa dang / zol pa rnams dang ma yin/ phag 'tshong rnams dang ma yin/ bya gag 'tshong ba rnams dang ma yin/ ri dgas kyi rngon pa rnams dang ma yin/ nya ba rnams dang ma yin/ glu mkhan rnams dang / gar mkhan dang / lcags kyi sil krol byed pa rnams dang ma yin/ gyad rnams dang ma yin/ gzhan dag gis dga' ba dang rtse ba'i gnas su mi 'gro/ de dag dang lhan cig 'dris par yang mi byed de/ drung du lpags pa la dus su chos bshad pa ni ma gtogs te/ de yang mi gnas par 'chad pa'o// nyan thos kyi theg pa can gyi dge slong dang / dge slong ma dang / dge bsnyen dang / dge bsnyen ma la mi sten/ mi bsnyen bsnyen bkur mi byed/ de dag dang 'dris par mi byed/ de 'chag sa 'am/ gnas khang ngam/ gtsug lag khang na yang de dag dang 'grogs pa'i spyod yul ba ma yin no/ / drung du lhags pa la dus su chos 'chad ma gtogs te/ de yang mi gnas par 'chad pa'o// 'jam dpal de ni/ byang chub sems dpa' sems dpa' chen po'i spyod yul lo/ / 'jam dpal gzhan yang / byang chub sems dpa' sems dpa' chen po bud med la rjes su chags pa gang yang rung ba mtshan mar bzung nas/ rtag tu chos 'chad pa ma yin/ bud med la rtag tu lta bar 'dod pa ma yin/ khyim dag tu song ste/ bud med dam/ bu mo 'am/ khyim ma mo la rtag tu bshad par sems pa ma yin/ yang dag par mgu bar byed pa ma yin/ ma ning la chos mi ston/ de dag dang lhan cig 'dris par mi byed/ yang dag par mgu bar byed pa ma yin/ slong ba'i phyir gcig tu khyim du mi 'jug ste/ de bzhin gshegs pa rjes su dran pa bsgom pa ni ma gtogs so// gal te bud med la chos ston na yang / de tha na chos la 'dod chags pas kyang chos mi ston na/ de bud med la 'dod chags pas lta ci smos/ de chos ston pa na/ tha na so'i phreng ba yang mi ston na/ bzhin gyi 'gyur ba chen po lta ci smos/ dge tshul dang / dge tshul ma dang / dge slong dang / dge slong ma dang / gzhon nu dang / gzhon nu ma dang mi ste mi snyen/ de dag dang gtam yang mi byed la/ nang du yang dag 'jog la 'jug par dga' zhing / nang du yang dag 'jog la rtag tu snyen pa yin te/ 'jam dpal de ni byang chub sems dpa' sems dpa' chen po'i spyod yul dang po'o// 'jam dpal gzhan yang / byang chub sems dpa' sems dpa' chen po chos thams cad la stong par lta ste/ ji ltar gnas pa bzhin dang / ma log par gnas pa dang / yang dag pa ji lta ba bzhin du gnas pa dang / mi skyod pa mi g.yo ba mi ldog pa/ mi 'gyur ba rtag tu yang dag pa ji lta ba bzhin gnas pa dang / nam mkha'i ngo bo nyid lta bu/ nges pa'i tshig dang tha snyad rnam par spangs pa/ ma skyes pa ma byung ba yang dag par ma byung ba/ med pa 'dus ma byas pa/ rgyun med pa/ med pa la tshig gis brjod pa mi chags pa'i gnas la 'jug pa/ 'du shes phyin ci log las byung bar de ltar 'jam dpal/ byang chub sems dpa' sems dpa' chen po rtag tu chos thams cad la lta zhing / gnas pa 'dis gnas na/ byang chub sems dpa' sems dpa' chen po spyod yul la gnas pa yin te/ 'jam dpal de ni/ byang chub sems dpa' sems dpa' chen po'i spyod yul gnyis pa'o/ / de nas bcom ldan 'das don 'di nyid rgyas par ston cing de'i tshe tshig su bcad pa 'di dag bka' stsal to// phyi dus shin tu 'jigs pa la/ / zhum pa med cing mi 'jigs par// mdo sde 'di ni bstan par yang // byang chub sems dpa' gang 'dod pa// cho ga spyod yul bsrung bya zhing // 'du 'dzi med la gtsang bar bya/ / rgyal po dang ni rgyal bu dang // 'dris byed rtag tu spang bar bya// rgyal po'i zha 'bring gang yin dang // gdol pa dang ni zol ba dang // mu stegs can ni de dag dang // rnam pa kun tu 'dris mi byed// dge slong 'dul dang lung gnas pa// dgra bcom snyam du snyems byed cing // nga rgyal can rnams bsten mi bya// tshul khrims 'chal rnams rnam par spang / / dgod cing smra ba'i spyod yul can// dge slong ma rnams rtag tu spang // mi bstan par ni mngon pa yi// dge bsnyen rnams kyang spang bar bya// dge bsnyen ma gang tshe 'di la// mya ngan 'das pa tshol byed pa// de dag dang ni 'dris byed spang // 'di ni cho ga yin zhes bya// gang zhig de yi thar 'ongs nas// byang chub mchog phyir chos 'dri na/ / gnas pa med cing mi zhan par// dpa' bo rtag tu de la shod// bud med ma ning sems can gang // de dang 'dris byed rnam pa spang // khyim rnams su ni mna' ma dang / / gzhon nu ma rnams rnam par spang // de la nam du'ang dga' mi byed// mkhas dang dgod pa 'dri ba dang // phag 'tshong ba dang shan pa dang // 'dris par byed pa rnam par spang / / gang dag srog chags rnam mang dag/ longs spyod phyir ni gsod pa dang // bza' phyir sha rnams 'tsheng byed pa// de dag 'dris byed rnam par spang // gang dag bud med gso byed dang / / gar mkhan gyad dang sil khrol ba// gang gzhan de dang 'dra ba yang // de dag rnams dang 'dris byed spang // res ma'i gtso mo bsten mi bya// ji snyed longs spyod 'tshe ba gzhan/ / shin tu dga' ba de dag kyang // rnam pa kun tu yongs su spang // mkhas pa bud med rnams la yang // gang gis dus na chos 'chad pa// der ni gcig pur mi 'gro ste/ / dgod cing 'dug par mi bya'o// gang tshe zas phyir yang dang yang // grong du 'jug par byed pa na// dge slong gnyis pa btsal bar bya// yang na sangs rgyas dran par bya/ / gang gis shes rab ldan pa dag/ mdo sde 'di 'dra 'dzin gnas pa'i// cho ga dang ni spyod yul dag/ thog mar ngas bshad 'di yin no// gang tshe 'dus byas 'dus ma byas/ / yang dag yang dag ma yin dang // rab 'bring tha ma'i chos rnams la// rnam pa kun tu spyod pa med// brtan pa bud med ces mi spyod// skyes pa zhes kyang mi rtog ste/ / chos so cog ni ma skyes phyir// btsal ba byas kyang mi mthong ba// 'di ni byang chub sems dpa' yi// cho gar rnam pa kun tu bstan// de dag spyod yul ci 'dra/ ba/ de ni rnam par mnyan par gyis// chos 'di dag ni yod pa ma yin bstan// thams cad 'byung ba med cing skyes pa med// rtag tu mi g.yo stong pa nyid du gnas// de ni mkhas pa rnams kyi spyod yul yin/ / 'di dag 'du shes log pas brtag pa ste// yang dag min la yang dag med la yod// ma byung ba dang ma skyes chos rnams la// yang dag nyid dang 'byung bar log par brtags/ / sems ni rtag tu rtse gcig mnyam gzhag ste// ri rab phung po ci bzhin rab tu gnas// de bzhin 'dug nas nam mkha' lta bur ni/ / chos rnams 'di dag kun la brtag par bya// rtag tu nam mkha' mtshungs par snying po med// mi g.yo rlom sems rnam par spangs pa ste// chos rnams 'di dag rtag/ pa'i dus gnas pa// 'di ni mkhas pa rnams kyi spyod yul yin// nga ni mya ngan 'das nas dge slong gang // nga yi spyod yul 'di ni rab srung zhing // de ni nam yang zhum pa med pa yis/ / 'jig rten du yang mdo 'dirab shod cig/ mkhas pa dus su sems par byed pa na// khang bur zhugs te de bzhin sgo bcad nas// chos 'di thams cad la ni tshul bzhin blta/ / langs nas zhum pa med pa'i sems kyis shod// rgyal po rnams dang rgyal po'i bu gang dag/ chos nyan pa rnams 'di ni de la srung // gzhan yang khyim bdag dang bram ze rnams/ / thams cad de yi g.yog tu 'khod par 'gyur// 'jam dpal gzhan yang / de bzhin gshegs pa yongs su mya ngan las 'das nas// phyi ma'i dus phyi ma'i tshe/ dam pa'i chos rab tu 'jig par 'gyur ba na/ byang chub sems dpa' sems dpa' chen po chos kyi rnam grangs 'di rab tu ston par 'dod pa ni/ bde ba la gnas pa yin no/ / de bde ba la gnas nas chos 'chad do// lus la yod dam/ glegs bam du byas sam/ gzhan dag la yang ston na yang shin tu klan ka tshol ba'i rang bzhin can ma yin/ dge slong chos smra ba gzhan dag la skur bar mi byed/ mi snyan pa mi smra/ mi snyan pa mi brjod/ gzhan nyan thos kyi theg pa can gyi dge slong dag gi ming smos te/ mi snyan pa mi smra/ mi snyan pa mi brjod cing // de dag la phyir rgol bar 'du shes pa ma yin no// de ci'i phyir zhe na/ 'di ltar bde ba'i gnas la gnas pa'i phyir te/ de chos shin tu nyan tu 'ongs shing lpags pa rnams la/ phan 'dogs pa dang phrag dog med par chos ston to// mi rtsod cing / dri ba dris kyang nyan thos kyi theg pas lan mi ldon to// ci nas sangs rgyas kyi ye shes mngon par rdzogs par 'tshang rgya ba de lta bur lan ldon no/ / de nas bcom ldan 'das kyis/ de'i tshe tshigs su bcad pa 'di dag bka' stsal to// mkhas pa bde la rtag tu gnas par 'gyur/ / de la 'dug nas de bzhin chos kyang ston// gtsang zhing yid du 'ong ba'i sa phyogs su// yangs pa'i stan ni rab tu bshams bting ste// bzang po'i tshon gyis legs par kha bsgyur ba// chos gos gtsang ma de ni rab bgos nas// rdul gzan nag po de bzhin bshams byas la// sham thabs che tshad legs par rab bgos nas/ / bcos bu'i ras rnams sna tshogs legs bting ba// rkang rten bcas pa'i khri la rab 'dug cing // rkang pa legs par bkrus te steng 'dzegs nas/ / mgo dang bzhin gyi dngas ni rab snum zhing // chos kyi stan de la ni rab 'dug nas// sems can lhags pa rtse gcig gyur rnams la// gtam mang rnam pa sna tshog nye bar ston/ / dge slong dag dang dge slong ma rnams dang // dge bsnyen rnams dang dge bsnyen ma dag dang // rgyal po dag dang rgyal bu rnams la yang // mkhas de rtag tu phrag dog med par ni/ / sna tshogs don ldan snyan pa'i gtam yang ston// de tshe dang la de dag dri dris nas// de la mthun pa'i don rnams rab tu ston// ci nas thos pas byang chub thob 'gyur ba/ / de ltar don gyi rnam par rab tu ston// le lo dag kyang rnam par rab spangs nas// skyo ba snyam pa'i 'du shes bskyed mi bya// mkhas pas mi dga' thams cad rnam par spang / / byams pa'i stobs ni 'khor la bsgom par bya// nyin mtshan du yang chos mchog rab tu bsgom// mkhas pa des ni bye ba khrag khrig dpes// 'khor rnams mgu zhing de bzhin dga' bar byed/ / de la nam yang 'dod pa cung zad med// zas dang sgom dang bza' dang bca' ba dang // gos dang mal cha chos gos rnams dang ni// na ba'i gsos sman dag kyang mi bsam ste/ / 'khor rnams la ni ci yang mi bslang ngo // gzhon nu mkhas pa rtag tu bdag nyid dang // sems can 'di dag sangs rgyas grub par shog/ phan phyir 'jig/ rten chos gang bstan pa de// bdag gi bde ba'i yo byad kun snyam sems// dge slong gang zhig mya ngan nga 'das nas// phrag dog med par 'di ni rab ston pa// de la sdug bsngal med/ cing bar chad med// nams kyang mya ngan rnams dang 'khrug pa'ang med// de la su yang spangs par mi byed de// rdeg pa med cing mi snyan smra ba'i med// de ni nam yang bskrad par mi 'gyur te/ / 'di ltar de ni bzod pa'i stobs la gnas// rtag tu mkhas pa de la gnas pa de// ji ltar ngas bshad bzhin du gnas pa ni// yon tan bye ba du ma brgya 'byung ste// de ni/ bskal pa brgyar yang brjod mi nus// 'jam dpal gzhan de bzhin gshegs pa yongs su mya ngan las 'das nas/ dam pa'i chos zad pa'i tha ma'i dus kyi tshe/ mdo sde 'di 'chang ba'i byang chub sems dpa' sems dpa' chen po ni phrag dog dang / g.yo dang sgyu med pa yin/ byang chub sems dpa'i theg pa can gyi gang zag gzhan dag la mi snyan pa mi smra/ skur pa mi 'debs/ brnyas par mi byed do// dge slong dang / dge slong ma dang / dge bsnyen dang / dge bsnyen ma nyan thos kyi theg pa can nam/ rang sangs rgyas kyi theg pa can nam byang chub sems dpa'i theg pa can gzhan dag la/ 'gyod pa skyed par mi byed de/ rigs kyi bu dag khyed bla na med pa yang dag par rdzogs pa'i byang chub dang ring ste/ khyed de na mi snang ngo // khyed ni rab tu bag med par gnas pa ste/ khyed ni de bzhin gshegs pa'i ye shes mngon par rdzogs par 'tshang rgya ba'i mthu med pa'o zhes byang chub sem dpa'i theg pa can gang la yang the tshom skyed par mi byed do/ / chos kyis rtsod pa la dga' ba ma yin te/ chos la rtsod par mi byed do// sems can thams cad la byams pa'i stobs mi gtong ngo / / de bzhin gshegs pa thams cad la phar 'du shes skyed do// byang chub sems dpa' thams cad la ston par 'du shes skyed do// phyogs bcu'i 'jig rten rnams na byang chub sems dpa' sems dpa' chen po gang dag 'khod pa de dag la/ rgyun mi 'chad par lhag pa'i bsam pas gus par phyag 'tshal lo// chos 'chad pa na lhag chad med par chos 'chad do/ / chos kyi rnam grangs 'di rab tu ston pa na/ chos kyi dga' bas snyoms par byed de/ tha na 'ga' tsam la yang chos kyi dga' bas lhag par phan 'dogs par byed dodo/ / 'jam dpal chos 'di gsum dang ldan pa'i byang chub sems dpa' sems dpa' chen po/ de bzhin gshegs pa yongs su mya ngan las 'das nas/ dam pa'i chos zad pa tha ma'i dus kyi tshe/ chos kyi rnam grangs 'di yang dag par ston pa ni/ bde bar reg pa la gnas shing / 'tshe ba med par chos kyi rnam grangs 'di yang dag par rab tu ston te/ de'i chos yang dag par 'gro ba'i grogs dag kyang 'byung bar 'gyur ro/ / gang dag de la chos nyan pa'i chos kyi rnam grangs 'di nyan pa dang / dad pa dang / yid ches pa dang / 'dzin pa dang / kun chub par byed pa dang / yi ger 'dri ba dang / yi ger 'drir 'jug pa dang / glegs bam du byas te/ bsti stang du byed pa dang / btsun par byed pa dang / rim gror byed pa dang / mchod pa byed pa dag kyang 'byung bar 'gyur ro/ / bcom ldan 'das kyis de skad ces bka' stsal te/ bde bar gshegs pas de skad gsungs nas/ ston pas gzhan yang 'di skad ces bka' stsal to/ / gang zhig mdo 'di 'chad 'dod chos smra ba// g.yo dang nga rgyal de bzhin 'phya ba dag/ ma lus par ni yongs su spang bar bya// de bzhin mkhas pas phrag dog gzhan mi bya/ / nam du'ang su la'ang mi snyan brjod mi bya// blta bas rtsod pa nam yang mi bya'o// bla med ye shes khyod thob mi 'gyur zhes// the tsom gnas ni nams kyang mi bya'o// de ni rtag tu drang zhing mnyan pa ste/ / bde bar gshegs kyi sras po bzod ldan 'gyur// chos 'di yang dang yang du rab ston kyang // de 'dir skyo bar 'gyur ba cung zad med// byang chub sems dpa' gang dag phyogs bcu yi/ / 'jig rten dag na sems can snying brtses rgyu// de kun bdag gi ston ces de dag la// mkhas pa rnams ni bla mar gus pa skyed/ / sangs rgyas rkang gnyis mchog rnams dran byas la// rgyal ba rnams la rtag tu bar sems skyed// nga rgyal 'du shes thams cad rnam spangs na// de'i tshe de la bar chad 'byung mi 'gyur/ / rnam pa 'di 'dra'i chos 'di thos nas ni// mkhas pas de tshe legs par bsrung bar bya// bde bar gnas pa'i phyir dang mnyam gzhag na// srog chags bye bas rab tu bsrungs par 'gyur/ / 'jam dpal gzhan yang de bzhin gshegs pa yongs su mya ngan las 'das nas/ dam pa'i chos spong ba'i dus kyi tshe/ byang chub sems dpa' sems dpa' chen po chos kyi rnam grangs 'di 'dzin par 'dod pa'i dge slong des/ khyim na gan pa dang / rab tu byung ba rnam la ring ba ba kyang ring du gan par bya'o// byam pa la gan pas gnas par bya'o// / sem can gang dag byang chub tu yang dag par zhugs pa de dag thams cad la snying rje bskyed par bya'o// des 'di snyam du kye ma/ gang dag de bzhin gshegs pa'i thabs mkhas pa ldem por dgod te bshad pa mi nyan pa dang / mi shes pa dang / mi rtogs pa dang / mi 'dri ba dang / ma dad pa dang / ma mos pa'i sems can de dag ni shin tu shes rab 'chal pa'i rang bzhin can dag go/ gzhan yang sems can 'di dag ni/ chos kyi rnam grangs 'di la mi 'jug cing khong du mi chud pa dag ste/ 'di ltar bdag bla na med pa yang dag par rdzogs pa'i byang chub mngon par rdzogs par sangs rgyas nas/ gang la gang gnas par 'gyur ba de la de rdzu 'phrul gyi stobs kyis 'dun par bya'o// yid ches par bya'o// 'jug par bya'o// yongs su smin par bya'o snyam du bsam par bya'o/ / 'jam dpal chos bzhi po 'di dag dang ldan pa'i byang chub sems dpa' sems dpa' chen po de bzhin gshegs pa yongs su mya ngan las 'das nas/ chos kyi rnam grangs 'di yang dag par rab tu ston pa na/ gnod pa med par 'gyur ro// dge slong dang / dge slong ma dang / dge bsnyen ma dag dang / rgyal po dang / rgyal bu dang / rgyal po'i blon po chen po dang / rgyal po'i sna chen po la gtogs pa dang / grong rdal gyi mi dang / yul gyi mi dang / bram ze dang / khyim bdag rnams bsti stang du byed/ btsun par byed/ ri mor byed/ mchod pa byed par 'gyur ro// bar snang la gnas pa'i lha dag kyang chos mnyan pa'i phyir de'i phyi bzhin 'brang bar 'gyur ro// lha'i bu rnams kyang de bsrung ba'i phyir rtag tu phyi bzhin du 'brang bar 'gyur ro/ / grong na 'dug kyang rung / gtsug lag khang na 'dug kyang rung / chos yongs su 'dri ba dag nyin mtshan du de'i drung du 'dong par 'gyur ro// des lan btab pas dga' mgu rangs par 'gyur ro// de ci'i phyir zhe na/ 'jam dpal chos kyi rnam grangs 'di ni/ sangs rgyas thams cad kyis byin gyis brlabs pa'i phyir ro/ / 'jam dpal chos kyi rnam grangs 'di ni 'das pa dang / ma byon pa dang / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams kyis rtag tu byin gyis brlabs pa'i phyir ro/ / 'jam dpal chos kyi rnam grangs 'di ni 'jig rten gyi khams mang por yang sgra 'am/ dbyangs sam/ ming thos pa yang rnyed par dka' 'o/ / 'jam dpal 'di lta ste dper na/ stobs kyi 'khor lo sgyur ba'i rgyal pos ni stobs kyis bdag gi rgyal srid thub ste/ de la phyir rgol ba rgyal po zla dag dang de 'thab mo byed par gyur na/ stobs kyis 'khor los sgyur ba'i rgyal po de la dmag mi mang po yod de/ de dag dang dgra de dag 'thab bo// rgyal po des dmag mi 'thab pa de mthong nas dmag mi de dag la dga' zhing mgu rangs par 'gyur ro/ / de dga' zhing mgu rangs nas dmag mi de dag la sbyin pa rnam pa du ma sbyin par byed de/ 'di lta ste/ grong dang grong gi zhing rnams sbyin no// grong khyer dang / grong khyer gyi zhing dang / gos dang / thod dang / lag pa'i rgyan dang mgul rgyan dang / gser gyi cong tsong dang / rna rgyan dang / sa mo do dang / do shal dang / 'gron bu dang / gser dang / dngul dang / nor bu dang / pu tig dang / bai DUR+Ya dang / dung dang / man shes dang / byi ru yang sbyin par byed/ glang po che dang / rta dang / shing rta dang / rkang thang dang / bran pa dang bran mo yang sbyin par byed/ bzhon pa dang / khyogs kyang sbyin par byed de/ gtsug gi nor bu ni su la yang sbyin par mi byed do// de ci'i phyir zhe na/ rgyal po'i gtsug tu gdags pa'i nor bu de ni gcig pa kho na yin pa'i phyir ro/ / 'jam dpal gang gi tshe rgyal pos gtsug gi nor bu de yang sbyin par byed pa na/ rgyal po'i dpung gi tshogs yan lag bzhi pa de thams cad ngo mtshar du 'gyur/ rmad du 'gyur ro// 'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas nyid kyi lag stobs kyi bsod nams las byung ba'i khams gsum na chos kyi rgya lo mdzad pa'i khams gsum de la/ bdud sdig can gnon te/ de nas de bzhin gshegs pa'i 'phags pa dmag mi rnams dang / bdud du 'thab mo byed do// 'jam dpal de nas de bzhin gshegs pa dgra bcom pa yang dag par sangs rgyas chos kyi rgyal po/ chos kyi bdag po// 'phags pa'i dmag mi rnam dang 'thab mo byed pa de dag la mdo sde brgya stong rnam pa du ma 'chang ngo // 'khor bzhi yang dag par dga' bar bya ba'i phyir/ de dag la mya ngan las 'das pa'i grong khyer dang / chos kyi grong khyer chen po'i sbyin pa sbyin te/ mya ngan las 'das pas de dag la brjod cing / chos kyi rnam grangs 'di lta bu 'di ni mi 'chad do// 'jam dpal de la ji ltar stobs kyis 'khor los sgyur ba'i rgyal po dmag mi de dag 'thab pa na/ skyes bu'i rtsal chen pos ngo mtshar du gyur nas/ phyis bdog pa thams cad kyi mchog gi gtsug gi nor bu 'jig rten thams cad yid ches shing ngo mtshar du 'gyur ba de sbyin par byed do/ / 'jam dpal ji ltar rgyal po de'i gtsug gi nor bu gtsug na 'dug pa de yun ring du bsrungs pa de bzhin du/ 'jam dpal de bzhin gshegs pa dgra bcom pa yang dag par rdzogs pa'i sangs rgyas khams gsum na chos kyi rgyal po chen po/ chos kyi rgyal po mdzad pa gang gi tshe nyan thos dag dang / byang chub sems dpa' dag phung po'i bdud dam/ nyon mongs pa'i bdud dang 'thab par gzigs te/ de dag dang lhan cig tu 'thab pa na/ gang gi tshe 'dod chags dang / zhe sdang dang / gti mug zad de/ khams gsum pa thams cad nas byung zhing / bdud thams cad 'jom pa/ skyes bu chen po'i rtsal chen po byas par gyur pa de'i tshe/ de bzhin gsheg pa dgra bcom pa yang dag par rdzogs pa'i sangs rgyas mnyes nas/ 'phags pa'i dmag mi de dag la 'jig rten thams cad dang mi mthun pa/ 'jig rten thams cad yid mi ches pa sngon ma bshad sngon ma bstan pa'i chos kyi rnam grangs 'di lta bu 'di bshad de/ kun gyis thams cad mkhyen pa nyid thob par byed pa/ gtsug gi nor bu chen po dang 'dra ba dang / bzhin gshegs pas nyan thos rnams la rab tu sbyin no// 'jam dpal 'di ni de bzhin gshegs pa rnams kyi chos bstan pa'i mchog ste/ 'di ni de bzhin gshegs pa rnams kyi chos kyi rnam grangs kyi mtha'o/ / chos kyi rnam grangs thams cad kyi nang na chos kyi rnam grangs 'di zab ste/ 'jig rten thams cad dang mi mthun pa'o// 'jam dpal stobs kyi 'khor los sgyur ba'i rgyal po de nyid kyis/ ring du bsrung ba'i gtsug gi nor bu bkrol te/ dmag mi mchog rnams la byin pa de bzhin du de bzhin gshegs pa'i chos kyi rnam grangs gsang ba yun ring por bsrungs pa/ chos kyi rnam grangs thams cad kyi spyi bo la 'dug pa/ de bzhin gshegs pas mkhyen pa de/ de bzhin gshegs pas de ring yang dag par rab tu bstan to/ / de nas bcom ldan 'das don 'di nyid rgyas par ston cing de'i tshe tshigs su bcad pa 'di dag bka' stsal to// byams pa'i stobs ni rab tu ston par byed/ / rtag tu sems can kun la snying yang rje// bde bar gshegs pas bsngags pa mdo sde'i mchog/ 'di 'dra'i ches 'di rab tu ston par byed// gang dag khyim ra gnas dang rab byung dang / / byang chub sems dpa' ma yin phyi dus der// chos 'di thos nas smod par 'gyur 'ong zhes// thams cad la yang des ni byams stobs bstan/ / bdag gis byang chub rjes su thob gyur te// de bzhin gshegs la 'jug par nam gyur pa// de tshe thabs la gnas nas khyed la sbyin// byang chub mchog 'di kun tu bsgrag par bya/ / dper na stobs kyis 'khor lo sgyur rgyal gyis// mgu nas dmag mi rnams la 'gron mang byin// glang chen rta dang shing rta rkang thang dang // grong rnams dang ni grong khyer rnams kyang byin/ / dga' nas kha cig la ni lag pa'i rgyan// dngul dang gser gyi cod pad rnams kyang byin// mu tig nor bu byi ru man shel dang // sbyin par bya ba rnam pa mang po byin/ / gang tshe de ni de la gang zhig gis// tsham tshom med pa mchog gis ngo mtshar gyur// de yis ngo mtshar byas pa shes nas su// cod pan las ni nor bu bkrol te byin// bzod pa'i stobs dang shes rab mdzod mang po// sangs rgyas chos rgyal ngas kyang de bzhin du// phan zhing snying rje'i rjes su thugs brtse'i phyir// chos kyis 'jig rten 'di dag thams cad bstan/ / 'tshe ba'i sems can dag kyang gzigs nas su// mdo sde bye ba phrag stong rnams kyang bshad// sems can gang 'dir nyon mongs 'joms gtsang ba// srog chags de dag rnams kyi mthu mkhyen nas// de nas chos rgyal sman po chen po yang // rnam grangs bye ba phrag brgya 'chad mdzad cing // sems can stobs dang ye shes ldan mkhyen nas/ / gtsug gi nor bu lta bu'i mdo 'di bshad// mdo sde kun gyi mchog gyur 'di yin te// 'jig rten du ni mdo sde mtha' 'di bshad// ngas ni nams kyang ma bshad rab bsrung pa/ / de ni de ring bsgrags kyis thams cad nyon// da ni yongs su mya ngan 'das gyur nas// 'di 'dra'i chos gzhi 'di dag sten par bya// gang dag byang chub dam pa mchog 'dod dang / / gang dag nga yi bya ba rnams byed pa// de la mya ngan med cing bar chad med// mdog mi sdug dang na bar mi 'gyur zhing // de yi mdog kyang nag por mi 'gyur te// de ni grong khyer ngan par yod mi gnas/ / rtag tu mthong dga' drang srong chen po de// de bzhin gshegs pa bzhin du mchod par 'gyur// lha yi bu pho gzhon nu de dag kyang // rtag tu de yi g.yog kyang byed par 'gyur/ / de la nam yang mtshon dang dug mi tshugs// lus la bong rdo dbyug pas mi phog go// de la gang dag kha ngan zer ba ni// de dag kha yang lkugs shing zums par 'gyur/ / mya ngan nga 'das mdo 'di gang 'dzin pa// de ni sro chags rnams kyi gnyen du 'gyur// snang ba thob cing sa 'di'i steng na rgyu// srog chags bye ba mang po rab rib sel/ / de'i rmi lam bzang po'i dngos mthong nas// des ni dge sbyong dge slong ma yang mthong // de bzhin bdag lus seng ge'i khri la 'dug/ rnam pa mang zo'i chos rnams ston par byed/ / de ni rmi lam na yang wA klu dang // gnod sbyin lha min gang+gA'i bye ma sbed // thams cad thal mo sbyar ba de dag la// chos kyi dam pa rnam pa mang po 'chang / de ni rmi lam de bzhin gshegs mthong ste// srog chags bye ba mang la chos ston cing // 'od zer stong dag rab tu 'akyed mdzad sa// mgon po dbyangs spyan gser gyi mdog 'ang mthong / / de yang de na thal mo sbyar 'dug nas// thub pa rkang gnyis mchog la mngon par bstod// rgyas pa sman pa chen po de yang ni// 'khor bzhi dag la chos mchog ston pa mdzad/ de yis thos nas rab tu dga' bar 'gyur// rab tu mgu ba skyes nas mchod pa byed// phyir mi ldog pa'i ye shes myur reg nas// rmi lam du ni de yis gzungs thob bo// 'jig rten mgon pos de yi bsam mkhyen nas/ / rigs kyi bu khyod ma 'ongs dus na 'dir// ye shes bla med zhi ba reg 'gyur zhes// skyes bu khyu mchog nyid du de sang ston// khyod kyi zhing shin tu rgya cher 'gyur/ / 'khor bzhi rnams kyang ji lta rang yi bzhin// gus par gyur cing thal mo rab sbyar te// de dag zag med chos mi bzhan par 'gyur// des ni bdag gisas kyang yang mthong ba/ / ri sul dag na chos ni sgom byed cing // chos la goms par byas nas chos nyid rig/ des ni ting nge 'dzin rnyed rgyal ba mthong // gser gyi kha dog bsod nams brgyal mtshan ldan/ / rmi lam dag na mthong nas chos kyang nyan// thos nas de yang 'khor la rab tu ston// de yi rmi lam du ni de 'dra rmi// rmi lam na yang rgyal srid thams cad dang / btsun mo'i 'khor dang de bzhin gnyen tshogs spangs// 'dod pa thams cad spangs nas mngon par byung // byang chub snying po ga la yod par song // byang chub 'dod pa'i phyir ni shing drung der/ / de na seng ge'i khri la 'dug nas su// de bzhin du yang zhag bdun 'das nas ni// de bzhin gshegs kyi ye shes rjes su thob// byang chub thob ste de nas la ngas nas su// zag pa med pa'i 'khor lo rab bskor te// bskal pa bsam gyis mi khyab bye stong du// 'khor bzhi dag la de ni chos ston to// der ni zag pa med pa'i chos bstan nas// srog chags bye ba mang po mya ngan 'das/ / rgyu zad mar me bzhin du mya ngan 'da'// de ni rmi lam rnam pa de 'dra mi// nga yis legs bshad nga yi chos mdo mchog/ gang zhig phyi ma'i dus na rab ston pa// de yi phan yon mang zhig mtha' yas te// 'jam dbyangs de dag 'dra bar de rtag 'gyur// bde bar gnas pa'i le'u zhes bya ba ste bcu gsum pa'o// // de nas ' jig rten gyi khams gzhan nas lhags pa'i byang chub sems dpa' sems dpa' chen po gang+gA'i klung brgyad kyi bye ma snyed de'i tshe 'khor gyi dkyil 'khor de nas te/ de dag thal mo sbyar nas/ bcom ldan 'das la phyag 'tshal te/ bcom ldan 'das la 'di skad ces gsol to// gal te bcom ldan 'das kyis bdag cag la gnang na/ bcom ldan 'das bdag cag gis kyang de bzhin gshegs pa yongs su mya ngan la se nas/ chos kyi rnam grangs 'jig rten gyi khams mi mjed 'dir/ yang dag par rab tu bstan par bgyi'o// bklag par bgyi'o// yi ger bri bar bgyi'o// mchod par bgyi'o// chos kyi rnam grangs 'di la brtson par bgyi'o// bcom ldan 'das kyis chos kyi rnam grangs 'di bdag cag la legs par bka' stsal du gsol/ de nas bcom ldan 'das kyis/ byang chub sems dpa' de dag thams cad la 'di skad ces bka' stsal to// rigs kyi tha dag khyed kyis 'di bya ba ci dgos/ 'jig rten gyi khams mi mjed 'di na/ nga'i byang chub sems dpa' stong zag gAng+gA'i klung drug cu'i bye ma snyed yod de/ byang chub sems dpa de lta bu rnams kyi byang chub sems dpa' re re'i g.yog kyang / byang chub sems dpa' stong phrag gang+gA'i klung drug cu'i bye ma snyid kho na ste/ byang chub sems dpa' de dag re re'i gdos/ kyang de snyed do// de dgang yongs su mya ngan las 'das nas/ phyi ma'i dus phyi ma'i tshe na/ chos kyi rnam grangs 'di 'dzin to// yang dag par rab tu ston to// bcom ldan 'das kyis deskad ces bka' stsal ma thag tu 'jig rten gyi khams mi mjed 'di kun tu gas rnam par gas par gyur to/ / gas pa de dag gi bar nas/ gang dag 'jig rten gyi khams mi mjed 'di nyid la rten cing sa chen po 'di'i 'og gi nam mkha'i khams la gnas pa'i/ byang chub sems dpa' lus gser gyi kha dog lta bu skyes bu chen po'i mtshan sum cu rtsa gnyis dang ldan pa bye ba khrag khrig brgya stong phrag mang po 'thon to/ / de dag bcom ldan 'das kyi gsung 'di lta bu 'di thos nas sa ru ma nas 'thon te/ de dag las byang chub sems dpa' re re yang g.yog byang chub sems dpa' gang+gA'i klung drug cu'i bye ma snyed yod cing / tshogs dang tshogs chen po dang / tshogs kyi slob dpon no// byang chub sems dpa' sems dpa' chen po tshogs dang tshogs chen po dang / tshogs kyi slob dpon 'di lta bu'i byang chub sems dpa' bye ba khrag khrig stong phrag gang+gA'i klung drug cu'i bye ma snyed de dag 'jig rten gyi khams mi mjed 'di'i sa rum 'di nas 'thon par gyur na/ byang chub sems dpa' sems dpa' chen po g.yog byang chub sems dpa'i gang+gA'i klung lnga bcu'i bye ma snyed yod pa rnams lta ci smos/ byang chub sems dpa' sems dpa' chen po g.yog byang chub sems dpa' gang+gA'i klung bzhi bcu'i bye ma snyed yod pa rnams lta ci smos// byang chub sems dpa' sems dpa' chen po/ g.yog byang chub sems dpa' gang+gA'i klung sum cu'i bye ma snyed yod pa rnams lta ci smos/ byang chub sems dpa' sems dpa' chen po/ g.yog byang chub sems dpa' gang+gA'i klung nyi shu'i bye ma snyed yod pa rnams lta ci smos/ byang chub sems dpa' sems dpa' chen po/ g.yog byang chub sems dpa' gang+gA'i klung bcu'i bye ma snyed yod pa rnams lta ci smos/ byang chub sems dpa' sems dpa' chen po/ g.yog byang chub sems dpa' gang+gA'i klung lnga dang bzhi dang gsum dang gnyis kyi bye ma snyed yod pa rnams ste ci smos/ byang chub sems dpa' sems dpa' chen po g.yog byang chub sems dpa' gang+gA'i klung gcig gi bye ma snyed yod pa rnams lta ci smos/ byang chub sems dpa' sems dpa' chen po/ g.yog byang chub sems dpa' gang+gA'i klung phyed kyi bye ma snyed yod pa rnams lta ci smos/ byang chub sems dpa' sems dpa' chen po g.yog byang chub sems dpa' gang+gA'i klung gi bye ma'i bzhi'i cha dang / drug cha dang / brgyad cha dang / nyi shu cha dang / lnga bcu'i cha dang / brgya'i cha dang / brgya phrag stong gi cha dang / bye ba'i cha dang / bye ba brgya'i cha dang / bye ba stong gi cha dang / bye ba brgya stong gi cha dang / bye ba khrag khrig brgya stong gi cha yod pa rnams lta ci smos/ byang chub sems dpa' sems dpa' chen po/ g.yog byang chub sems dpa' bye ba khrag khrig brgya stong mang po yod pa rnam lnga ci smos/ byang chub sem dpa' sem dpa' chen po/ g.yog bye ba yod pa rnam lta ci smos/ byang chub sems dpa' sems dpa' chen po g.yog byang chub sems dpa' stong phrag brgya yod pa rnams lta ci smos/ byang chub sems dpa' sems dpa' chen po/ g.yog stong yod pa rnams lta ci smos/ byang chub sems dpa' sems dpa' chen po/ g.yog lnga brgya yod pa rnams lta ci smos/ byang chub sems dpa' sems dpa' chen po/ g.yog stong yod pa rnams ste ci ste// byang chub sems dpa' sems dpa' chen po/ g.yog brgya yod pa rnams lta ci smos/ byang chub sems dpa' sems dpa' chen po/ g.yog byang chub sems dpa' lnga bcu med pa rnams lta ci smos/ de bzhin du sbyar te/ byang chub sems dpa' sems dpa' chen po/ g.yog byang chub sems dpa' bzhi bcu pa dang / sum cu pa dang / bcu pa dang / lnga pa dang / bzhi pa dang / gsum pa dang / gnyis pa yod pa rnams lta ci smos/ byang chub sems dpa' sems dpa' chen po bdag dang gnyis pa rnams sta ci smos/ byang chub sems dpa' sems dpa' chen po/ g.yog med de gcig pu gnas pa rnams lta ci smos te/ de dag gi grangs sam/ bgrang ba 'am/ dpe 'am/ zlar yang mi dmigs pa'i byang chub sems dpa' sems dpa' chen po dag/ 'jig rten gyi khams mi mjed 'di'i sa rum nas 'thon to// de dag 'thon nas/ bcom ldan 'das de bzhin gshegs pa rin chen mang yongs su mya ngan las 'das pa dang / bcom ldan 'das de bzhin gshegs pa shAkya thub pa dang lhan cig tu seng ge'i khri gang la bzhugs pa'i rin po che'i mchod rten chen po nam mkha' bar snang la gnas pa ga la ba der dong ste lhags nas/ de bzhin gshegs pa dgra bcom pa yang dag par rdzogs pa'i sangs rgyas de gnyis kyi zhabs la mgo bos phyag 'tshal te/ bcom ldan 'das de bzhin gshegs pa shAkya thub pa nyid kyi sprul pa/ de bzhin gshegs pa'i sku gang dag phyogs bcu kun gyi 'jig rten gyi khams gzhan dang / gzhan dag nas/ 'dus pa rin po che sna tshogs kyi shing ljon pa'i drung dag na/ seng ge'i khri la bzhugs pa'i bcom ldan 'das de dag thams cad la btud cing phyag 'tshal te/ de bzhin gshegs pa dgra bcom pa yang dag par rdzogs pa'i sangs rgyas de dag la/ lan brgya stong du mar bskor ba byas nas/ byang chub sems dpa'i bstod pa rnam pa du mas mngon par bstod de phyogs gcig tu 'khod nas/ thal mo sbyar te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mngal mngon du phyag 'tshal lo/ / de'i tshe byang chub sems dpa' sems dpa' chen po de dag sa ru ma nas 'thon nas/ bar gyi bskal pa lnga bcu rdzogs par 'das kyi bar du/ de bzhin gshegs pa rnams la phyag 'tshal zhing / byang chub sems dpa'i bstod pa rnam pa du mas bstod do/ / bar gyi bskal pa lnga bcu po de dag la bcom ldan 'das shAkya thub pa de cang mi gsung bar gyur to// 'khor bzhi po de dag kyang bar gyi bskal pa lnga bcu po de dag nyid la cang mi smra bar 'khod par gyur to/ / de nas bcom ldan 'das kyis rdzu 'phrul mngon par 'du bya ba 'di lta bu mdzad de/ rdzu 'phrul ji lta bur mngon par 'du bya ba mngon par mdzad pas/ 'khor bzhi po de dag gi de dag phyi dro gcig kho na snyam du shes so// 'jig rten gyi khams mi mjed 'di yang / 'jig rter gyi khams stong phrag brgya'i nam mkha' tsam du gyur te/ byang chub sems dpa' yongs su gang bar mthong ngo // byang chub sems dpa'i tshogs chen po dang / byang chub sems dpa'i phung po chen po de'i gtso bo/ / byang chub sems dpa' sems dpa' chen po bzhi gang dag byung ba 'di lta ste/ byang chub sems dpa' sems dpa' chen po spyod pa khyad par can zhes bya ba dang / byang chub sems dpa' sems dpa' chen po spyod pa mtha' yas zhes bya ba dang / byang chub sems dpa' sems dpa' chen po spyod pa rnam par dag ces bya ba dang / byang chub sems dpa' sems dpa' chen po spyod pa brtan pa zhes bya ba ste/ byang chub sems dpa' sems dpa' chen po bzhi po de dag ni/ byang chub sems dpa' sems dpa'i tshogs chen po dang / byang chub sems dpa'i phung po chen po gtso bor gyur to// de nas byang chub sems dpa' sems dpa' chen po bzhi po de dag byang chub sem/ dpa'i tshogs chen po dang / byang chub sems dpa'i phung po chen po de'i mdun du 'dug ste/ bcom ldan 'das kyi spyan sngar thal mo sbyar nas/ bcom ldan 'das la 'di skad ces gsol to/ / bcom ldan 'das la/ gnod pa chung lags sam/ snyun nyung lags sa ma/ bde bar reg pa la gnas lags sam/ bcom ldan 'das khyod kyi sems can rnams tshul mdzes lags sam/ legs par go ba lags sa ma/ gdul slab lags sam/ rnam par sbyang sla ba lags sam/ bcom ldan 'das la skyo ba skyed par mi bgyid pa lags sam/ de nas byang chub sems dpa' sems dpa' chen po bzhi po de dag gis/ bcom ldan 'das la tshigs su bcad pa 'di dag gsol to// 'jig rten mgon po 'od mdzad pa/ / bde bar reg la gnas lags sam// gnod las rnam par rab bkrol lam// sdig pa mi mnga' sku bde'am// khyod kyi sems can tshul mdzes sam/ gdul sla sbyang bar sla lags sam// 'jig rten mgon gyis bshad pa na/ skyo ba skyed par mi bgyid dam/ de nas bcom ldan 'das kyis byang chub sems dpa'i tshogs chen po dang byang chub sems dpa'i phung po chen po de'i gtso bo/ byang chub sems dpa' bzhi la 'di skad ces bka' stsal to// rigs kyi bu dag de bzhin te/ bde bar reg pa la gnas so// gnod pa chung ngo // snyan nyung ngo // nga'i sems can 'di dag tshul mdzes so// go sla'o// gdul sla'o// rnam par sbyang sla'o// rnam par sbyong ba na nga la skyo ba mi skyed do// de ci'i phyir zhe na/ rigs kyi bu dag nga nyid kyi sems can 'di dag sngon gyi yang dag par rdzogs pa'i sangs rgyas kyi tshe yongs su sbyang ba byas pa'i phyir te/ rigs kyi bu dag nga mthong ba dang / thos pa tsam gyis kyang mos par 'gyur la/ sangs rgyas kyi ye shes la 'bab cing 'dug ste/ gang dag nyan thos kyi sa la yongs su 'dris par byas pa rnams ni ma gtogs so// de dag kyang ngas da ltar sangs rgyas kyi ye shes la btsud de/ don dam pa thob par byas so// de nas de'i tshe byang chub sems dpa' sems dpa' chen po de dag gis tshigs su bcad pa 'di dag gsol to/ / dpa' bo chen po legs so legs// khyod kyi sems can tshul mdzes shing // gdus sgra rnam par sbyar sla dang // 'dren pa gang das khyod kyi ni/ / ye shes zab mo 'di nyan cing // thos nas mos par 'gyur ba dang // 'dren pa 'jug par 'gyur ba la// bdag cag rjes su yi rang ngo // de skad ces gsol pa dang bcom ldan 'das kyis byang chub sems dpa'i tshogs chen po dang / byang chub sems dpa'i phung po chen po'i gtso bo/ byang chub sems dpa' sems dpa' chen po bzhi po dag la rigs kyi bu dag legs so legs so/ / rigs kyi bu dag khyed de bzhin gshegs pa la mngon par bstod pa yang legs so legs so zhes bya ba byin no// de'i tshe byang chub sems dpa' sems dpa' chen po byams pa dang / gzhan yang byang chub sems dpa' bye ba khrag khrig brgya stong phrag gang+gA'i klung brgyad kyi bye ma snyed dag 'di snyam du sems par gyur te/ byang chub sems dpa'i tshogs chen po dang / byang chub sems dpa'i phung po chen po gang sa rum nas 'thon te/ bcom ldan 'das kyi spyan sngar 'dug nas/ bcom ldan 'das la bsti stang byed/ btsun par byed/ bcom ldan 'das dgyes par byed pa 'di dag/ bdag cag gis sngon ma mthong / sngon ma thos na/ byang chub sems dpa' sems dpa' chen po/ 'di dag ga la lpags snyam sems so// de nas byang chub sems dpa' sems dpa' chen po byams pas bdag nyid the tsom dang som nyir gyur pa yang shes/ byang chub sems dpa' sems dpa' chen po/ bye ba khrag khrig brgya stong phrag gang+gA'i klung brgyad kyi bye ma snyed de dag gi sems kyi rnam par rtog pa yang sems kyis rig nas de'i tshe thal mo sbyar te/ bcom ldan 'das la tshigs su bcad pa'i dbyangs kyis don de zhus pa/ byang chub sems dpa' sngon ma byung // brgya stong phrag ni mang po dang // bye ba phrag ni mtha' yas pa/ / rkang gnyis mchog gis bstan du gsol// rdzu 'phrul chen po 'di dag rnams// gang nas ji ltar lpags par gyur// rab tu che ba'i lus kyi gzug/ 'di dag gang nas ji ltar lhag/ 'di dag tham cad brtan ldan zhing // dran dang ldan la drang srong che// shin tu blta na sdug pa'i gzugs// 'di dag gang nas ji ltar lpags// byang chub sems dpa' mkhas gyur pa/ / re re'i g.yog kyang dpag mi langs// gang+gA'i bye ma ji snyed pa// de snyed mchis so 'jig rten dbang // byang chub sems dpa' g.yog rnams ni// grags ldan drug cur yongs tshang ba/ / gang+gA'i klung gi bye ma snyed// kun kyang byang chub zhugs pa lags// dpa' bo g.yog dang ldan gyur pa// rnam pa 'di 'dra'i skyob rnams kyi// 'di dag chad na gang+gA'i klung / / drug cu kho na'i bye ma snyed// gzhan dag de bas ches mang ste// g.yog rnams mtha' yas ldan pa lags// gang+gA'i phrag ni lnga bcu dang // bzhi bcu dang ni sum cu dang / / gang+gA'i nyi shu'i bye snyed de// g.yog 'khor de dag de snyed lags// gzhan dag de bas ches mang ste// de dag rnams kyi bcu dang lde// skyob pa sangs rgyas sras rnams kyi/ / so so re re'i g.yog gyur pa// gang nas 'di 'dra'i 'khor 'di rnams// rnam par 'dren pa de ring lhags// so so re re'i g.yog gyur pa// rjes su slob pa'i grogs po dag/ gang+gA bzhi dang gsum rnams dang // gnyis kyi bye ma snyed kyang mchis// gzhan yang de bas ches mang ba// de yi grangs ni mtha' yas te// bskal pa bye ba stong du yang // de dag dpag par nu sa ma lags/ / byang chub sems dpa' sems dpa' che// skyob pa dag gi g.yog rnams ni// gang+gA phyed dang sum cu dang // bcu dang nyi shu'i cha yang mchis// gzhan yang de bas ches mang ste// bskal pa bye ba brgyad rnams su'ang // re re bgrang ba bgyis na ni// de dag rnams la tshad ma mchis// gzhan byas de bas ches mang ste// g.yog rnams nyung ba ma lags pa// bye ba bye brag bye ba dang // de bzhin bye ba phyed pa'ang mchis// gzhan yang drang srong che rnams kyi// byang chub sems dpa' shes rab che// bgrang ba las ni 'das pa rnams// thams cad gus dang bcas par gnas// g.yog 'khor stong dang ldan pa dang // de bzhin brgya dang lnga bcu dang // bskal pa bye ba phrag brgyar/ yang // de dag bgrang bar nus ma lags// dpa' bo dag gi g.yog rnams ni// nyi shu dag dang bcu dang lnga// de bzhin bzhi gsum gnyis pa yang // de dag la ni grangs ma mchis gang dag bdag nyid gcig rgyu zhing / / gcig pu zhi ba myong bgyid pa// gang dag de ring 'dir lhags pa// de dag la yang grangs ma mchis// bgrang shing lag na thogs nas su// gang+gA'i bye ma snyed rnams kyi// bskal par gal te mis bgrangs kyang // de ni mtha' ma rnyed ma lags// kun kyang che ba'i bdag nyid can// skyob pa brtson 'grus brtan pa ste// byang chub sems dpa' sems dpa' che/ / 'di rnams gang nas byung ba lags// gang gis 'di dag chos rnams bstan// byang chub la ni su yI bkod// 'di dag su yi bstan la mos/ / gang gi bstan pa 'dzin pa lags// sa 'di thams cad brtol nas su// phyogs bzhi dag ni kun nas kyang // mkhas shing rdzu 'phrul ldan pa dang // shes rab chen po rnams kyang 'thon/ / byang chub sems dpa' 'jigs bral ba// da ltar 'thon pa 'di dag gis// thub pa 'jig rten khams 'di yang // kun tu sang seng bgyis lags so// / 'di dag nam yang bdag cag gis// sngon chad yod ye ma mthong na// de yi zhing gi ming rnams ni// 'jig rten 'dren pas bstan du gsol// phyogs bcu dag tu bdag cag rnams/ / 'di ltar yang dang yang mchis na// byang chub sems dpa' 'di dag ni// bdag cag rnams kyis yod ma mthong // khyod kyi sras rnams gcig kyang ni// bdag cag nam yang ma mthong ba// 'di dag de ring 'phral la mthong // thub pa de yi spyod pa gsungs// byang chub sems dpa' khrag khrig phrag/ stong gi phrag ni brgya rnams kyang // thams cad ngo mtshar ltad mor gyur// rkang gnyis mchog la de dag lta// byang chub sems dpa' 'jigs bral ba// dpa' bo 'di dag ga la mchis// phung po mi mnga' dpag yas pa/ dpa' bo chen po lung bstan gsol// yang de'i tshe bcom ldan 'das de bzhin gshegs pa shAkya thub pa'i sprul pa gang dag 'jig rten gyi khams gzhan dag na sems can rnams la chos ston pa'i de bzhin gshegs pa dgra bcom pa yang dag par rdzogs pa'i sangs rgyas bye ba khrag khrig brgya stong 'jig rten gyi khams gzhan dag nas gshegs nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i phyogs brgyad kun na rin po che'i shing ljon pa'i drung dag na/ rin po che'i seng ge'i khri chen po la skyil mo krung bcas te bzhugs pa'i de bzhin gshegs pa de dag gi so so'i zha 'bring ba de dag gis kyang byang chub sems dpa'i tshogs chen po dang / byang chub sems dpa'i phung po chen po sa rum nas 'thon te/ nam mkha' la 'khod pa de dag mthong nas ngo mtshar du gyur/ rmad du gyur te/ so so'i de bzhin gshegs pa la 'di skad ces gsol to// bcom ldan 'das byang chub sems dpa' sems dpa' chen po/ dpag tu ma mchis pa 'di snyed gang nas lhags/ de skad ces gsol pa dang / de bzhin gshegs pa dgra bcom pa yang dag par rdzogs pa'i sangs rgyas de dag gis/ rang rang gi zha 'bring ba de dag la 'di skad ces bka' stsal to// rigs kyi bu dag khyed yud tsam zhig sdod cig dang / byang chub sems dpa' sems dpa' chen po byams pa bcom ldan 'das shAkya thub pa'i 'og tu bla na med pa yang dag par rdzogs pa'i byang chub tu lung bstan pa de/ bcom ldan 'das shakya thub pa de la don 'dri ste/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas de'i lan ldon par 'gyur gyis/ de las khyed nyon cig/ de nas bcom ldan 'das kyis/ byang chub sems dpa' sems dpa' chen po byams pa la bka' stsal pa/ ma pham pa gang khyod kyi nga la gnas rgya chen po 'di dris pa ma pham pa legs so legs so/ / de nas bcom ldan 'das kyis thams cad dang ldan pa'i byang chub sems dpa'i tshogs la bka' stsal pa/ rigs kyi bu dag de bzhin gsheg pa'i ye shes mthong ba dang / de bzhin gshegs pa'i khyu mchog tu gyur pa dang / de bzhin gshegs pa'i 'phrin las dang / de bzhin gshegs pa'i rnam par rol pa dang de bzhin gshegs pa'i mthu bsgyings pa dang / de bzhin gshegs pa'i pha rol gnon pa/ de bzhin gshegs pa dgra bcom pa yang dag par rdzogs pa'i sangs rgyas de yang dag par rab tu ston gyis/ rigs kyi bu dag de'i phyir/ byang chub sems dpa'i tshogs 'di thams cad sgrims shing / shin tu go gyon la mthu brtan par gyis shig/ de nas bcom ldan 'das kyis de'i tshe tshigs su bcad pa 'di dag bka' stsal to/ / gzhan ma yin pa'i tshig rnams ngas bshad kyis// rigs kyi bu dag thams cad rab tu sgrims// de bzhin gshegs kyi ye shes bsam mi khyab/ / 'di la mkhas rnams zhum par ma byed cig/ kun kyang brtan dang ldan zhing dran ldan byos// kun kyang mnyam par gzhag cing gnas par gyis// / de bzhin gshegs pa rnams kyi ngo mtshar po// sngon chad ma byung chos ni mnyan par byos// ngas ni khyed cag legs par yongs dgod kyis// thams cad the tsom nam yang ma byed cig/ rnam par 'dren nga gzhan du gsung ma yin// nga yi ye shes nam yang grangs yod min// bde bar gshegs pas chos zab thugs chud de// brtag mi nus shing de la tshad kyang med ngas ni chos 'di rab tu bstan par byas/ / de dag ji 'dra ji lta nga las nyon// de nas bcom ldan 'das kyis tshig su bcad pa de dag bka' stsal nas/ byang chub sems dpa' sems dpa' chen po byams pa la bka' stsal pa/ ma pham pa khyod mos par bya/ khong du chud par bya'o// ma pham pa khyod byang chub sems dpa' sems dpa' chen po dpag tu/ med grangs med/ bsam gyis mi khyab/ gzhal du med/ bgrang du med pa gang dag khyod kyis sngon ma mthong ba/ sa ru ma nas gdod 'thon pa'i byang chub sems dpa' sems dpa' chen p o 'di dag thams cad ni ma pham pa nga 'jig rten gyi khams mi mjed 'dir bla na med pa yang dag par rdzogs pa'i byang chub mngon par rdzogs par sangs rgyas nas nga nyid kyis bla na med pa yang dag par rdzogs pa'i byang chub la btsud de yongs su bsngos so/ / rigs kyi bu 'di dag ni ngas byang chub sems dpa'i chos 'di la yongs su smin par byas pa/ rab tu bkod pa bzhag pa yongs su gnas par byas pa/ btsud pa khong du chud par byas pa dag go// ma pham pa byang chub sems dpa' sems dpa' chen po 'di dag ni 'jig rten gyi khams mi mjed 'di'i 'og gi nam mkha'i khams kyis yongs su zin pa na gnas te/ kha ton dang lung nod pa dang / tshul bzhin du yid la byed pa la zhugs pa dag go/ rigs kyi bu 'di dag ni 'du 'jil mi dga' zhing 'du 'dzimed pa la dga' ba/ brtson pa mi 'dor zhing brtson 'grus brtsams pa dag go// ma pham pa rigs kyi bu 'di dag ni dben pa la mngon par dga' zhing dben pa la mos pa ste/ rigs kyi bu 'di dag ni/ lha dang mi la rten cing mi gnas so// rigs kyi bu 'di dag ni/ 'du 'dzi med pa'i spyod pa la dga' ba chos kyi kun// dga' la dga' mos pa/ sangs rgyas kyi ye shes la brtson pa dag go// de nas bcom ldan 'das kyis de'i tshe tshigs su bcad pa 'di dag bka' stsal to// byang chub sems dpa' 'di dag dpag med pa/ / 'di dag bsam gyis mi khyab tshad kyang med// rdzu 'phrul shes rab thos pa rnams dang ldan// bskal pa bye ba mang por ye shes spyod// nga yis 'di dag thams cad byang chub la/ / yongs su smin byas nga yi zhing na 'khod// 'di dag thams cad nga yis smin byas te// byang chub sems dpa' 'di dag nga yi sku// 'di dag thams cad dkon dang sbyangs la mos// 'du 'dzis ni rtag tu spong bar byed// nga yi spyod pa mchog gi rjes slob cing // da bu 'di dag 'du 'dzi med par spyod// nam mkha' yongs su zin pa 'dir gnas te// zhing 'di'i 'og na dpa' rnams yongs su spyad// byang chub dam pa 'di ni kun sgrub cing // nyin mtshan du ni bag yod shin tu brtson thams cad brtson 'grus brtsams pa dran dang ldan/ / dpag tu med pa'i shes rab stobs la gnas// 'di dag mi 'jigs par yang chos 'chad pa'i// 'od gsol 'di dag thams cad nga yi bu/ / byang chub dam pa 'di ni ngas thob nas// grong khyer ga ya de yi shing drung der// chos kyi 'khor lo bla na med pa bskor// thams cad byang chub mchog 'dir smin par byas/ / zag med yang dag nga yi tshig 'di ni// thos nas thams cad nga la dad par gyis// nga yis de ltar byang chub mchog thob ring // ngas ni 'di dag thams cad yongs smin byas/ / de nas byang chub sems dpa' sems dpa' chen po byams pa dang // byang chub sems dpa' bye ba khrag khrig brgya stong mang po de dag ngo mtshar du gyur/ rmad du gyur nas/ ji ltar na bcom ldan 'das skad cig bzhugs nas yun ring po ma lon par byang chub sems dpa' grangs med pa 'di snyed 'di dag bla na med pa yang dag par rdzogs pa'i byang chub tu yang dag par btsud de/ yongs su smin par mdzad snyam mo// de nas bcom ldan 'das la byang chub sems dpa' sems dpa' chen po byams pas 'di skad ces gsol to/ / bcom ldan 'das de bzhin gshegs pa gzhon nur gyur pa na ser skya'i gnas kyi shAkya'i grong khyer nas mngon par byung ste/ ka ya'i grong khyer nas shin tu mi ring ba byang chub kyi snying po mchog dam par gshegs te/ bla na med pa yang dag par rdzogs pa'i byang chub mngon par rdzogs par sangs rgyas nas/ bcom ldan 'das deng du de'i dus nas lo bzhi bcu lhag tsam lags na/ bcom ldan 'das ji ltar de bzhin gshegs pas dus de tsam gyis de bzhin gshegs pa'i mdzad pa dpag tu ma mchis pa 'di dang de bzhin gshegs pa'i khyu mchog tu gyur pa dang / de bzhin gshegs pa'i pha rol gnon pa mdzad cing byang chub sems dpa'i tshogs dang / byang chub sems dpa'i phung po 'di bcom ldan 'das kyis/ dus de tsam gyis bla na med pa yang dag par rdzogs pa'i byang chub tu btsud cing yongs su smin par mdzad/ bcom ldan 'das byang chub sems dpa' tshogs dang / byang chub sems dpa'i phung po 'di bskal pa bye ba khrag khrig brgya stong du bgrangs kyang mtha' mi snyed pa de tsam du/ bcom ldan 'das dpag tu ma mchis pa/ de ltar grangs ma mchis pa'i byang chub sems dpa' 'di dag ni yun ring por tshangs par spyod pa spyad pa/ sangs rgyas brgya stong mang po la dge ba'i rtsa ba bskrun pa/ bskal pa brgya stong mang por yongs su grub pa lags so/ / bcom ldan 'das 'di lta ste/ dper na mi btsas nas lo nyi shu rtsa lnga lon pa gzhon nu thor bu/ lang tshol sgra nag po/ thog ma'i nachod dang ldan pa 'ga' zhig mchis la/ des bu lo brgya lon pa dag ston cing rigs kyi bu 'di dag ni nga'i bu 'di dag ni nga'i bu'o zhes de skad smra la/ mi lo brgya lon pa de dag kyang 'di skad du 'di ni bdag cag gi pha ste skyed pa yin no zhes mchi na/ bcom ldan 'das mi de'i tshig la 'jig rten yid ches par mi 'gyur te/ yid ches par dka' ba lags so// bcom ldan 'das de bzhin gshegs pa yang bla na med pa yang dag par rdzogs pa'i byang chub mngon par rdzogs par sangs rgyas nas ring por ma lags par/ byang chub sems dpa' sems dpa' chen po dpag tu ma mchis pa mang po bskal pa bye ba khrag khrig brgya stong mang por tshangs par spyod pa spyad pa yun ring por sangs rgyas kyi ye shes la nges par bgyis pa/ ting nge 'dzin gyi sgo brgya stong la mnyam par g zhag pa dang ldan pa la mkhas pa mngon par shes pa chen po dang yongs su sbyang ba bgyis pa sangs rgyas kyi sa la mkhas pa de bzhin gshegs pa'i chos rnams yang dag par brjod pa la mkhas pa 'jig rten na ngo mtshar dang rmad du gyur pa/ brtson 'grus dang / stobs dang / mthu chen po thob pa de dag la/ bcom ldan 'das kyis 'di skad du/ ngas 'di dag thog ma nas/ byang chub sems dpa'i sa 'di la/ yang dag par bcud de/ yongs su sbyin par byas shing / yongs su bsngos te/ de ltar bla na med pa yang dag par rdzogs pa'i byang chub mngon par rdzogs par sangs rgyas nas/ nga nyid kyis brtson 'grus dang / pha rol gnon pa 'di dag thams cad byas so zhes gsung pa la/ bcom ldan 'das bdag cag ni de bzhin gshegs pa gzhan ma lags par gsung ba ste/ don 'di de bzhin gshegs pa nyid kyis mkhyen to zhes de bzhin gshegs pa la yid ches lags mod bcom ldan 'das byang chub sems dpa'i theg pa la gsar du yang dag par zhugs pa rnams gnas 'di la the tsom 'tshal bar 'gyur ro/ / de bzhin gshegs pa yongs su mya ngan 'das nas chos kyi rnam grangs 'di thos na/ yid mi ches mi dad mi mos par 'gyur te/ bcom ldan 'das de'i slad du/ de dag ni chos kyis phongs par 'gyur ba'i las mngon par 'du bgyid pa dang ldan bar 'gyur ro/ / ci nas bdag cag kyang chos 'di la the tsom 'tshal bar mi 'gyur ba dang / ma 'ongs pa'i dus na yang rigs kyi bu 'am/ rigs kyi bu mo byang chub sems dpa'i theg pa can dag gis thos na yang the tsom 'tshal bar mi 'gyur bar/ bcom ldan 'das kyis don 'di legs par bshad du gsol// de nas byang chub sems dpa' sems dpa' chen po byams pas/ de'i tshe bcom ldan 'das la tshigs su bcad pa 'di dag gsol to// gang tshe ser skya'i gnas su bltam gyur cing // shAkya'i gnas nas mngon par byung nas su/ / grong khyer ga yar byang chub brnyes gyur pa// 'jig rten mgon po de nas yun mi ring // 'jigs bral 'di dag dang ni gzhan mang ba// tshogs chen bskal pa bye bar spyad pa ste// 'phrul stobs la gnas shing mi g.yo ba// legs bslabs shes rab stobs kyang rtog par rig/ chu yis pad+ma lta bur ma gos pa// de dag sa 'di brtol nas deng 'dir lhags// 'jig rten bdag po dran ldan slob ma sras// thams cad thal sbyar gus dang bcas te mchis// khyod kyi rmad byung 'di 'dra de dag la// byang chub sems dpa' ji ltar yid ches 'gyur// the tsocom gzhom pa'i slad du bka' stsol te/ / don 'di ji bzhin khyod kyis 'dir bshad gsol// dper na 'di na skyes bu la la zhig/ bcas nas lo ni nyi shu lhag lon pa// gzhon nu thor bu layang tsho skra gnag des/ / btsas nas lo brgya lon pa bur ston cing // sgra skya gnyer ma can dag 'di skad du// 'di ni bdag cag lus skyed yin mchin// thor bu'i bu ni 'di 'dra de dag la// 'jig rten mgon po shin tu yid ches dka'// de bzhin bcom ldan 'das kyang sku gzhon la// byang chub sems dpa' mkhas pa mang po 'di// dran dang lnga bzhin mi 'jigs shes rab can/ / bskal pa bye ba stong du legs par bslabs// brtan dang ldan zhing shes rab mkhas gyur pa// thams cad byad bzhin bzang zhing blta na sdug/ chos rnams gtan la dba' la mi 'jigs pa/ / 'jig rten rnam par 'dren pas yongs su bstod// rlung ltar chags pa ma mchis rgyu ba ste// nam mkha'i khams la rtag tu gnas ma lags/ / sangs rgyas byang chub 'di ni yongs tshol zhing // bde bar gshegs kyi sras rnams brtson 'grus skyed// 'jig rten mgon po'i mngon sum thos pas na// bdag cag la ni the tsom gzhan ma mchis/ / 'jig rten rnam 'dren mya ngan 'das pa na// 'di la ji lta bur ni yid ches 'gyur// gnas 'di la ni the tsom 'chal ba yis// byang chub sems dpa' ngan 'gror mchis sa re/ / bcom ldan ji ltar byang chub sems dpa' rnams// smin mdzad ji bzhin de ni lung bstan gsol// byang chub sems dpa' sa rum nas 'thon pa'i le'u zhes bya ste/ bcu bzhi pa'o// / dam pa'i chos pad+ma dkar po bam po bcu pa/ de nas bcom ldan 'das kyis thams cad dang ldan pa'i byang chub sems dpa'i tshogs la bka' stsal pa/ rigs kyi bu dag de bzhin gshegs pa ngas yang dag pa'i tshe smras pa la dad cing yid ches par gyis shig/ lan gnyis lan gsum du yang bcom ldan 'das kyis/ byang chub sems dpa' de dag la bka' stsal pa/ rigs kyi bu dag de bzhin gshegs pa ngas yang dag pa'i tshig smras pa la dad cing yid ches par gyis shig/ de nas thams cad// dang ldan pa'i byang chub sems dpa'i tshogs kyis/ byang chub sems dpa' sems dpa' chen po byams pa mdun du bzhag nas/ thal mo sbyar te/ bcom ldan 'das la 'di skad ces gsol to/ / bcom ldan 'das kyis don 'di bshad du gsol/ bde bar gshegs pas bshad du gsol/ de bzhin gshegs pas bka' stsal pa la/ bdag cag yid ches par bgyid do/ / lan gnyis su yang thams cad dang ldan pa'i byang chub sems dpa'i tshogs kyis/ bcom ldan 'das la 'di skad ces gsol to// bcom ldan 'das kyis don 'di nyid bshad du gsol/ bde bar gshegs pas bshad du gsol/ de bzhin gshegs pas bka' stsal pa la/ bdag cag yid ches par bgyid do// lan gsum du yang thams cad dang ldan pa'i byang chub sems dpa'i tshogs kyis/ bcom ldan 'das la 'di skad ces gsol to// bcom ldan 'das kyis don 'di dag bshad du gsol/ bde bar gshegs pas bshad du gsol/ de bzhin gshegs pas bka' stsal pa la/ bdag cag yid ches par bgyid do// de nas bcom ldan 'das kyis byang chub sems dpa' de rnams kyis lan gsum gyi bar du gsol ba btab par mkhyen nas/ byang chub sems dpa' de dag la bka' stsal pa/ rigs kyi bu dag de'i phyir ting nge 'dzin gyi stobs bskyed pa 'di lta bu 'di nyon cig/ rigs kyi bu dag lha dang mi dang / lha ma yin du bcas pa'i 'jig rten 'dis ni/ bcom ldan 'das shAkya thub pa shAkya'i khyim nas mngon par byung ste/ grong khyer ga ya zhes bya bar byang chub kyi snying po mchog dam par gshegs nas/ da gdod bla na med pa yang dag par rdzogs pa'i byang chub mngon par rdzogs par sangs rgyas so snyam du de ltar shes mod kyi/ rigs kyi bu dag nga ni bskal pa bye ba khrag khrig brgya stong mang po nas/ bla na med pa yang dag par rdzogs pa'i byang chub mngon par rdzogs par sangs rgyas so/ / rig kyi bu dag 'di lta ste dper na/ mi la la zhig byung la des 'jig rten gyi khams grangs med pa bye ba khrag khrig brgya stong phrag lnga bcu'i sa'i khams kyi rdul phra rab dag las/ rdul phra rab gcig khyer te/ shar phyogs su 'jig rten gyi khams grangs med pa bye ba khri brgya stong phrag lnga bcu kho na 'das nas/ rdul phra rab kyi rdul de bzhag la/ mi des rnam grangs 'dis 'jig rten gyi khams de dag thams cad sa'i khams rnams zad par byas nas/ sa'i khams kyi rdul phra rab kyi rdul de dag thams cad rnam grangs 'di dang bzhag pa'i tshul 'dis// / shar phyogs su bzhag na/ rigs kyi bu dag 'di ji snyam du sems/ 'jig rten gyi khams de dag la la zhig gis/ bsam pa 'am/ dpag pa 'am/ bgrang ba 'am/ brtag par nus/ sam/ de skad ces bka' stsal nas/ byang chub sems dpa' sems dpa' chen po byams pa dang / thams cad dang ldan pa'i byang chub sems dpa'i tshogs des/ bcom ldan 'das la 'di skad ces gsol to/ / bcom ldan 'das 'jig rten gyi khams de dag ni/ grangs ma mchis pa/ bgrang du ma mchis pa/ sems kyis las yang dag par 'das pa ste/ bcom ldan 'das nyan thos dang / rang sangs rgyas thams cad kyis kyang / 'phags pa'i ye shes kyis bsam pa 'am/ dpag pa 'am/ bgrang ba 'am/ brtag par mi nus so// bcom ldan 'das gnas 'di ni/ bdag cag phyir mi ldog pa'i sa la gnas pa'i byang chub sems dpa' rnams kyi bsam pa'i spyod yul du yang mi 'gyur te/ bcom ldan 'das 'jig rten gyi khams de dag de tsam du tshad ma mchis pa lags so/ / de skad ces gsol pa dang / bcom ldan 'das kyis/ byang chub sems dpa' sems dpa' chen po de dag la 'di skad ces bka' stsal to/ / rigs kyi bu dag khyed mos par bya'o// khyod kyis khong du chud par bya'o// rigs kyi bu dag 'jig rten gyi khams ji snyed pa de dag las mi des gang dag tu rdul phra rab de dag bzhag pa dang / rigs kyi bu dag gang dag tu ma bzhag pa'i 'jig rten gyi khams bye ba khrag khrig brgya stong phrag de dag thams cad na/ rdul phra rab k yi rdul yod pa de dag ni rigs kyi bu dag nga bla na med pa yang dag par rdzogs pa'i byang chub mngon par rdzogs par sangs rgyas pa'i bskal pa bye ba khrag khrig brgya stong phrag ji snyed pa de snyed du med do/ / rigs kyi bu dag gang tshun chad ngas 'jig rten gyi khams mi mjed 'di dang / 'jig rten gyi khams gzhan bye ba khrag khrig brgya stong dag tu sems can rnams la chos bstan pa de'i bar du/ rigs kyi bu dag ngas de bzhin gshegs pa mar me mdzad la sogs pa de bzhin gshegs pa dgra bcom pa yang dag par rdzogs pa'i sangs rgyas gang dag yongs su brjod pa'i de bzhin gshegs pa dgra bcom pa yang dag par rdzogs par sangs rgyas de dag yongs su mya ngan las 'da' bar bya ba'i phyir/ rigs kyi bu dag ngas thabs mkhas pas/ chos bstan pa mngon par bsgrub pa de dag sprul to// rigs kyi bu dag yang de bzhin gshegs pa ni sems can 'ongs shing lhags pa rnams kyi dbang po dang / brtson 'grus kyi rim pa la gzigs nas/ de dang de dag tu bdag gi ming brjod cing / de dang de dag tu bdag nyid yongs su mya ngan las 'das par brjod do// chos kyi rnam grangs rnam pa mang pos/ de ltar lta bur sems can rnams yongs su tshim par mdzad do// rigs kyi bu dag de la de bzhin gshegs pas mos pa tha dad pa'i sems can dge ba'i rtsa ba chung ba'i nyon mongs pa mang ba'i rnams la 'di skad du dge slong dag nga ni na gzhon te mngon par byung ba dang / dge slong dag nga bla na med pa yang dag par rdzogs pa'i byang chub mngon par rdzogs par sangs rgyas nas ring po ma lon no zhes gsung ngo / / rigs kyi bu dag de ltar de bzhin gshegs pa mngon par rdzogs par sangs rgyas nas/ yun ring mod kyi/ nga mngon par rdzogs par sangs rgyas nas ring por ma lon no zhes gsungs te/ sems can rnams yongs su smin par bya ba dang / gzud pa'i don ma gtogs par/ chos kyi rnam grangs 'di dag ma bshad do/ / rigs kyi bu dag chos kyi rnam grangs de dag thams cad kyang / de bzhin gshegs pas sems can rnams gdul ba'i phyir gsungs so// rigs kyi bu dag de bzhin gshegs pas sems can rnams gdul ba'i phyir tshig gang gsungs pa/ bdag la smos kyang rung / gzhan la smos kyang rung / bdag la dmigs kyang rung / gzhan la dmigs kyang rung ste/ de bzhin gshegs pas gang ci bshad pa'i chos kyi rnam grangs 'di dag thams cad ni bden pa/ de bzhin gshegs pas gsungs pa ste/ 'di la de bzhin gshegs pa la rdzun du smra ba med do/ / de ci'i phyir zhe na/ de bzhin gshegs pas khams gsum pa skye ba med pa dang / 'chi ba med pa dang / 'chi 'pho ba med pa dang / 'byung ba med pa dang / 'khor ba med pa dang / yongs su mya ngan las 'da' ba med pa dang / byung ba ma yin pa dang / ma byung ba ma yin pa dang / yod pa ma yin pa dang / med pa ma yin pa dang / de bzhin du ma yin pa dang / ma nor ba de bzhin nyid ma yin pa dang / ma nor ba de bzhin nyid ma yin pa yang ma yin par yang dag pa ji lta ba bzhin du gzigs shing / ji ltar byis pa so so'i skye bos mthong ba de ltar de bzhin gshegs pas khams gsum pa gzigs pa ma yin pa'i phyir ro// de bzhin gshegs pa ni gnas 'di la mngon sum gyi chos dang ldan te/ bsnyel ba mi mnga' ba'i chos can no// de la de bzhin gshegs pas gang gsungs pa de thams cad bden te mi brdzun no// yang sems can spyod pa tha dad pa dang bsam pa tha dad pa dang / 'du shes dang rnam par rtog pa spyod pa rnams kyi dge ba'i rtsa ba bskyed pa'i phyir/ chos kyi rnam grangs rnam pa mang po dmigs pa rnam pa mang pos bshad do/ / rigs kyi bu dag de bzhin gshegs pas mdzad pa gang yin pa de ni/ de bzhin gshegs pa mdzad do// yun ring po de srid nas mngon par rdzogs par sangs rgyas te/ de bzhin gshegs pa'i tshe'i tshad ni dpag tu med do/ / de bzhin gshegs pa ni yongs su mya ngan las mi 'da' ste/ rtag tu bzhugs mod kyi/ 'dul ba'i dbang gis yongs su mya ngan las 'das/ pa yang bstan to// rigs kyi bu dag ngas da dung yang / sngon gyi byang chub sems dpa'i spyod pa yongs su rdzogs par byas pa'i tshe'i tshad du yang ma phyin te/ rigs kyi bu dag ngas da dung yang bskal pa bye ba khrag khrig brgya stong de nyis gyur gyis/ nga'i tshe'i tshad tshang bar 'gyur ro// rigs kyi bu dag ngas 'di ltar yongs su mya ngan las mi 'da' mod kyi/ yongs su mya ngan las 'da' bar smras so/ / de ci'i phyir zhe na/ rigs kyi bu dag ngas rnam grangs 'dis sems can rnams yongs su smin par bya ba'i phyir te/ nga yongasu mya ngan las mi 'da' bar nga ha cang yun ring du 'dug cing / rgyun du mthong na sems can dge ba'i rtsa ba ma byas pa bsod nams dang bral ba/ dbul por gyur pa/ 'dod pa la ni brkam pa/ ldongs pa lta ba mang po'i dra bas khebs pa rnams de bzhin gshegs pa bzhugs so snyam ste/ sleb par 'dzin 'du shes can du 'gyur zhing / rnyed par dka' ba'i 'du shes mi skyed de/ de bzhin gshegs pa bdag cag dang nye'o zhes khams gsum nas 'byung ba'i phyir/ brtson 'grus mi rtsom zhing de bzhin gshegs pa dkon par 'du shes mi skyed par 'gyur ro snyam ste/ rigs kyi bu dag de'i phyir/ de bzhin gshegs pa thabs mkhas pas dge slong dag de bzhin gshegs pa dag 'byung ba ni shin tu rnyed par dka'o zhes tshig de skad gsung ngo / / de ci'i phyir zhe na/ 'di ltar sems can de dag gi bskal pa bye ba khrag khrig brgya stong mang pos de bzhin gshegs pa mthong bar 'gyur yang srid/ mi 'gyur yang srid de/ rigs kyi bu dag de'i phyir/ ngas de dag la dmigs pa byas te/ dge slong dag de bzhin gshegs pa rnams 'byung ba ni rnyed par dka'o zhes smras pas/ de dag gis de bzhin gshegs pa dag 'byung ba rab tu rnyed par dka' bar rig nas/ ngo mtshar du 'du shes bskyed par 'gyur/ mya ngan gyi 'du shes skyed par 'gyur/ mya ngan gyi 'du shes skyed par 'gyur ro// de bzhin gshegs pa mi mtho na yang / de bzhin gshegs pa la lta bas skom par 'gyur ro// de dag gis de bzhin gshegs pa la dmigs pa yid la byed pa'i dge ba'i rtsa ba de dag yun ring po'i don dang phan pa dang bde bar 'gyur ba'i don du rig nas de bzhin gshegs pa yongs su mya ngan las mi 'da' mod kyi/ sems can rnams 'dul ba'i dbang gis yongs su mya ngan las 'da' bar gsungs so/ / rigs kyi bu dag gang 'di skad du gsung ba de ni/ de bzhin gshegs pa'i chos kyi rnam grangs te/ de la de bzhin gshegs pa brdzun du smra ba med do// rigs kyi bu dag 'di lta ste dper na/ skyes bu sman pa nad thams cad rab tu zhi bar byed pa la mkhas pa gsal ba/ yid gzhungs pa/ shin tu byang ba 'ga' zhig yod la/ skyes bu de la bu ma po bcu 'am/ nyi shu 'am/ sum cu 'am/ bzhi bcu'am/ lnga bcu 'am/ brgya 'am/ stong yod par gyur la/ sman pa de logs shig tu song ste/ de'i bu dag thams cad dbyig gi dug 'thungs sam/ mda' dug 'thungs nas/ de rnams mda' dug dang / dbyig dug de dag gis sdug bsngal gyi tshor ba dag gis nyon mongs shing 'dug ste/ sal 'gre ldog la/ / de nas de dag gi pha sman pa de logs zhig nas 'ongs nas/ bu de rnams dbyig dug gam/ mda' dug de'i sdug bsngal gyis nyam thag ste kha cig ni 'du shes log par gyur/ kha cig ni 'du shes ma log ste/ de dag thams cad sdug bsngal de nyid kyis nyam thag la pha de mthong nas mngon par dga' ste/ de la 'di skad ces/ yab bde zhing gnod pa mi mnga' ste/ legs par byon tam/ bdag cag gi lus 'jig par bgyid pa/ dbyig dug gam/ mda' dug 'di las yongs su dgrol bar gsol/ yab kyis bdag cag la srogs stsal du gsol zhes smras pa dang / de nas sman pa des bu de dag sdug bsngal gyis nyam thag ste/ na bas nyon mongs shing gdung ste/ sa la 'gre ldog pa mthong nas/ des sman chen po kha dog dang ldan pa/ dri dang ldan pa/ ro dang ldan pa bsdus nas rdol btags te/ bu de dag 'thung du bcug nas 'di skad ces bu khyed rnams sman chen po kha dog dang ldan pa/ dri dang ldan pa/ ro dang ldan pa 'di 'thung shig/ rigs kyi bu dag khyed sman bzang po 'di 'thungs na myur du dbyig dug gam/ mda' dug las thar te/ bde zhing nad med par 'gyur ro zhes smras na/ de nas sman pa de'i bu gang dag 'du shes ma log pa de dag ni sman de'i kha dog mthong / dri bsnams ro myangs nas myur du 'thungs pa dang de dag nad thams cad las thams cad kyi thams cad du thar bar gyur to/ / de'i bu gang dag 'du shes ma log par gyur pa de dag gis/ pha de la mngon par bstod de/ 'di skad du yab bde zhing gnod pa mi mnga' ste legs par byon tam/ bdag cag gsor gsol zhes tshig de skad smras te/ sman byon pa de'i mi 'thung ngo // de ci phyir zhe na/ 'di ltar de dag 'du shes log par gyur pa des/ sman de'i kha dog kyang mi 'dod/ dri yang mi 'dod/ ro yang mi 'dod do// de nas skyes bu sman pa des 'di snyam du bsams te/ bdag gi bu 'di dag dbyig drug gam/ mda' dug des 'du shes log par gyur pas/ sman 'di yang 'thung ngu ma rung ste/ nga la ni mngon par bstod nAbadag gi bu 'di dag la thabs mkhas pas sman 'di blad do snyam mo/ / de nas sman pa de bu dag la thabs mkhas pas sman blud par 'dod nas/ 'di skad ces rigs kyi bu dag nga ni rgas 'khogs gtugs te/ nga'i 'chi ba'i dus nye bar gnas kyis/ bu byed nam mya ngangam byed cig mi bde bar ma gyur cig/ sman chen po byin pa 'di khyed 'dong na sman 'di 'thung shig ces smras te/ bu de dag la thabs mkhas pas de skad bsgo nas yul gzhan du song ste/ phyin nas bdag shi'o zhes bu nad pa de dag gis thos par byas pa dang de dag de'i tshe shin tu mya ngam du gyur/ shin tu smre sngags 'don par gyur te/ bdag cag gi pha mgon po skyed pa rjes su snying brtse ba/ gcig pu de yang shi bas/ de'i phyir da ni bdag cag mgon med par gyur to snyam mo/ / de dag bdag nyid mgon med par mthong bdag nyid skyabs med par mthong nas/ phyir zhing mya ngan byed pas gzir bar gyur te/ de dag phyir zhing mya ngan byed pas gzir ba des 'du shes log pa 'du shes ma log par gyur te/ sman kha dog dang dri dang ror ldan par shes nas/ de nas de'i tshe de 'thungs so// de 'thungs nas nad de las thar bar gyur to// de nas sman pa des bu de dag nad sos par rig nas slar bdag nyid bstan/ rigs kyi bu dag 'di ji snyam du sems/ sman pa thabs mkhas pa byed pa de la/ la la dag de brdzun du smra'o zhes zer ram/ gsol pa/ bcom ldan 'das de ni ma lags so// bde bar gshegs pa de ni ma lags so/ / bka' stsal pa/ rigs kyi bu dag de bzhin du/ nga yang bskal pa bye ba khrag khrig brgya stong grangs med dpag tu med pa nas bla na med pa yang dag par rdzogs pa'i byang chub 'di mngon par rdzogs par sangs rgyas mod kyi/ ngas skabs skabs su thabs mkhas pa 'di lta bu dag sems can rnams gdul ba'i phyir bstan te/ gnas der nga la brdzun dusmra bar 'gyur ba gang yang med do/ / de nas bcom ldan 'das don gyi rnam pa 'di nyid rgyas par ston cing / de'i tshe tshigs su bcad pa 'di dag bka' stsal to// bskal pa bye stong bsam gyis mi khyab pa// de yi tshad ni nam yang med pa nas// byang chub mchog rab 'di ni ngas tho ba ste// nga ni rtag tu chos kyang rab 'chad do// byang chub sems dpa' mang 'di yang dag bzung / / sangs rgyas ye shes la ni de dag dgod// sems can bye ba khrag khrig mtha' yas pa// bskal pa bye ba mang por smin par bya// mya ngan 'das pa'i sa yang bstan byas te/ / sems can rnam par gdul phyir thabs brjod do// de'i tshe ni mya ngan mi 'da' ste// 'di nyid na ni chos rnams rab ston to// de nang bdag nyid kyang byin gyis brlab/ / de yis sems can rnams kyang byin gyis brlab// log pa'i blo ldan blun po'i mi rnams kyis// 'di nang 'dug pa yang mi mthong ngo // nga lus yongs su mya ngan 'das mthong nas/ / ring bsrel rnams la mchod pa rnam mang byed// nga ma mthong bas de dag sred pa skyed// de nas de dag sems kyang drang por 'gyur// nam zhig de dag 'jam zhing mnyen drang ste/ / sems can lus kyang btang bar gyur pa na// de na nga yi nyan thos dge 'dun byas// bya rgod phung por nga nyid der bstan te// de la nga yis phyis ni 'di skad smras/ / 'di nyid na ni mya ngan nga ma 'das// dge slong dag go de ni nga thabs mkhas// yang yang nga 'byung 'tsho ba'i 'jig rten du// sems can gzhan gyis nga ni mdun du byas/ / de la byang chub mchog 'di rab tu bshad// 'jig mgon mya ngan ma 'das ma gtogs par// khyed kyis nga yi sgra yang mi thos so// sems can rnam par 'jig par ngas mthong yang / / ngas ni bdag gi lus nyid ma bstan te// re shig nga mthong bar ni 'dod byas la// skom par gyur nas dam pa'i chos bshad do// rtag tu nga yi byin rlabs de 'dra ste/ / bskal pa bsam yas bye ba stong du ni// bya rgod phung po 'di las mi 'pho yang // gung na bye ba snyed kyi mal cha yod// gang tshe 'jig rten khams 'di sems can gyis/ / bskal pas bsreg par mthong zhing rtog pa na// de tshe nga yi sangs rgyas zhing 'di ni// lnga dang mi yis yongs su gang bar 'gyur// de dag zhing dga' ba sna tshogs ldan/ / skyed mos khang bzangs gzhal med bye ba yod// rin chen ri bo rnams dang de bzhin du// me tog 'bras ldan shing ljon rnams kyis brgyan// steng nas lha rnams rnga chen rab tu rdung / / man+da ra ba'i char kyang shin tu 'bebs// mkhas pa gzhan gang byang chub 'dir zhugs dang // nga dang nyan thos rnams la mngon par 'thor// nga yi zhing 'di de ltar rtag nas kyang // gzhan dag 'di la bskal pas bsregs par rtog/ mya ngan brgya yis gang zhig gtses pa dang // 'jig rten khams ni shin 'jigs par mthong / / lo mang bye bar de bzhin gshegs rnams dang // chos dang nga yi dge 'dun tshogs rnams kyis// ming ni nams kyang thos par mi 'gyur te// sdig pa'i las kyi 'bras bu de 'dra'o/ / nam zhig sems can 'jam zhing mnyen pa rnams// nga yi 'jig rten 'dir ni skyes gyur te// dge ba'i las kyis de ltar skyes ma thag/ nga ni chos rnams rab tu 'chad par mthong / / de dag la ni nam yang nga mi 'chad// bya ba 'di 'dra mtha' yas 'di dag ste// de yis yun ring nas ni nga mthong ngo // de la rgyal ba shin tu rnyed dka' bshad/ nga yi ye shes stobs ni 'di 'dra ste// 'di ni shin tu 'od gsal mtha' yod med// nga yi tshe ring bskal pa mtha' yas te// de ni sngon gyi spyad pa spyod pas bsgrubs// mkhas rnams 'di la som nyi ma byed par/ / the tsom za ba rnams ni ma lus spongs// ngas ni tshig de yang dag rab smras te// brdzun gyi tshig ni nga las gzhan mi 'byung // dper na thab mkhas pa yi sman pa des/ / 'du shes log par gyur pa'i bu rnams phyir// bdag nyid ma shi bzhin du shi zhes brjod// de brdzun mi smra snyam du mkhas pas rig/ de bzhin du yang rang byung 'jig rten pa/ / skye dgu kun gyi gsor byed mgon po ste// byis pa gti mug log pa rnams rig nas// mya ngan ma 'das mya ngan 'das par bstan// ci phyir zhe na rtag par nga mthong na/ / mi shes ma rig pa rnams le lor 'gyur// 'dod pa la yang dpag med yid rton te// bag med rgyu yis ngan 'gror rab tu ltung // spyod dang spyad par rig nas rtag par yang / / ci nas byang chub la ni dgod pa dang // ci nas sangs rgyas chos rnams thob bya'i phyir// sems can rnams la nga ni de bzhin smra// de bzhin gshegs pa'i sku tshe'i tshad kyi le'u zhes bya ste bco lnga pa'o/ / // de bzhin gshegs pa'i tshe'i bstan pa bshad pa na// sems can grangs med dpag tu med pa rnams kyi don byas par gyur to/ / de nas bcom ldan 'das kyis/ byang chub sems dpa' sems dpa' chen po byams pa la bka' stsal pa ma pham pa de bzhin gshegs pa'i tshe'i tshad bstan pa'i chos kyi rnam grangs 'di bshad pa na/ byang chub sems dpa' bye ba khrag khrig brgya stong phrag gang+gA'i klung drug cu rtsa brgyad kyi bye ma snyed dag mi skye ba'i chos la bzod pa skyes so/ / de stong du bsgres pa'i byang chub sems dpa' sems dpa' chen po dag gis gzungs thob par gyur to// byang chub sems dpa' sems dpa' chen po gzhan yang / stong gi 'jig rten gyis khams kyi rdul phra rab kyi rdul snyed dag gis chos kyi rnam grangs 'di thos nas thogs pa med pa'i spobs pa thob par gyur to/ / byang chub sems dpa' sems dpa' chen po gzhan yang / 'jig rten gyi khams rdul phra rab kyi rdul skyed dag gis bye ba brgya stong du yongs su bsgyur ba'i gzungs thob par gyur to/ / byang chub sems dpa' sems dpa' chen po gzhan yang stong gi 'jig rten gyi khams kyi rdul phra rab kyi rdul snyed dag gis chos kyi rnam grangs 'di thos nas/ phyir mi ldog pa'i 'khor lo bskor to/ / byang chub sems dpa' sems dpa' chen po gzhan yang stong bar ma'i 'jig rten gyi khams kyi rdul phra rab kyi rdul snyed dag gis/ chos kyi rnam grangs 'di thos nas/ dri ma med pa'i snang ba zhes bya ba'i chos kyi 'khor lo bskor to// byang chub sems dpa' sems dpa' chen po gzhan yang / stong chung ngu'i 'jig rten gyi khams rdul phra/ rab kyi rdul snyed dag gis chos kyi rnam grangs 'di thos nas/ bla na med pa yang dag par rdzogs pa'i byang chub tu skye ba brgyad kyis thogs par gyur to// byang chub sems dpa' sems dpa' chen po gzhan yang gling bzhi'i 'jig rten gyi khams kyi rdul phra rab kyi rdul snyed dag chos kyi rnam grangs 'di thos nas/ bla na med pa yang dag par rdzogs pa'i byang chub tu skye ba bzhis thogs par gyur to/ / byang chub sems dpa' sems dpa' chen po gzhan yang gling bzhi pa gsum gyi 'jig rten gyi khams kyi rdul phra rab kyi rdul snyed dag chos kyi rnam grangs 'di thos nas bla na med pa yang dag par rdzogs pa'i byang chub tu skye ba gsum gyi thogs par gyur to/ / byang chub sems dpa' sems dpa' chen po gzhan yang gling bzhi pa gnyis kyi 'jig rten gyi khams kyi rdul phra rab kyi rdul snyed dag chos kyi rnams grangs 'di thos nas/ bla na med pa yang dag par rdzogs pa'i byang chub tu skye ba gnyis kyis thogs par gyur to/ / byang chub sems dpa' sems dpa' chen po gzhan yang gling bzhi pa gcig gi 'jig rten gyi khams kyi rdul phra rab kyi rdul snyed dag chos kyi rnam grangs 'di thos nas/ bla na med pa yang dag par rdzogs pa'i byang chub tu skye ba gcig gis thogs par gyur to// byang chub sems dpa' sems dpa' chen po stong gsum gyi stong chen po'i 'jig rten gyi khams brgyad rdul phra rab kyi rdul snyed dag gis chos kyi rnams grangs 'di thos nas/ bla na med pa yang dag par rdzogs pa'i byang chub tu sems bskyed do// de nas bcom ldan 'das kyis byang chub sems dpa' sems dpa' chen po de dag la chos mngon par rtogs pa'i gnas bstan ma thag tu/ de'i mod la steng gi nam mkha' bar snang las/ me tog man+da ra dang / man+da ra chen po'i me tog gi char chen po mngon par bab ste/ 'jig rten gyi khams bye ba khrag khrig brgya stong de dag na sangs rgyas bye ba khrag khrig brgya stong rin po che'i shing ljon pa'i drung dag na/ seng ge'i khri la bzhugs pa de dag thams cad la 'thor mngon par rab tu 'thor ro// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa dang / yongs su mya ngan las 'das pa bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang seng ge'i khri la bzhugs pa la yang 'thor/ mngon par rab tu 'thor ro// thams cad dang ldan pa'i byang chub sems dpa'i tshogs de dang 'khor bzhi po de dgas yang 'thor mngon par rab tu 'thor ro/ / bar snang las lha'i tsan dan dang / a ga ru'i phye ma yang rab tu 'bab bo// steng gi nam mkha'i bar snang las rnga dag kyang ma brdungs par yid du 'ong ba snyan cing 'jam pa'i sgra 'byin to/ / steng nas lha'i ras bcos bu zung brgya stong dag kyang ltung ngo // steng gi nam mkha'i bar snang las rgyan phreng dang / se mo do dang mu tig gi phreng ba dang / nor bu rin po che dang / nor bu rin po che chen po dag kyang phyogs thams cad du kun nas rab tu 'phyang ngo // rin thang med pa'i bdug pa'i pog phor rin po che las byas pas rgya stong dag kyang kun nas rang rgya'o/ / de bzhin gshegs pa re re la yang rin po che'i gdugs kyi phreng ba tshangs pa'i 'jig rten la thug pa steng gi na mkha' bar snang la byang chub sems dpa' sems dpa' chen po rnams 'dzin to/ / rnam grangs 'dis sangs rgyas bye ba khrag khrig brgya stong dpag tu med pa de dag thams cad la yang / byang chub sems dpa' sems dpa chen po de dag rin po che'i gdugs kyi phreng ba tshangs pa'i 'jig rten la thug pa steng gi nam mkha' bar snang la 'dzin to/ / so so nas tshigs su bcad pa mngon par bsgrubs pa yang dag par sangs rgyas la bstod pa dag gis kyang de bzhin gshegs pa de dag la mngon par bstod do/ / de nas byang chub sems dpa' sems dpa' chen po byams pas de'i tshe tshigs su bcad pa 'di dag gsol to/ / bde bar gshegs pas ngo mtshar chos bsgrags pa// 'dren pa rnams kyi mthu chen ci 'dra dang // ji skar sgra che'i tshad kyang / mtha' yas pa// bdag cag rnams kyis 'di sngon yod ma thos// bde bar gshegs pas mngon du rnam phye ba// de 'dra'i chos de de ring thos pas na// srog chags bye ba stong rnams dga' bas khyab/ / 'jig rten rnam par 'dren gyi thugs las ni// kha ci mi ldog byang chub mchog la 'khod// kha cig gzungs rnams kyi ni mchog la gnas// kha cig spob pa thogs pa med la 'khod/ / kha cig bya ba stong gi gzungs la gnas// de bzhin gzhan yang zhing rdul phra rab rnyed// de dag sangs rgyas ye shes mchog la gnas// de bzhin kha cig skye ba brgyad kyis ni/ / mtha' yas gzigs pa rgyal ba rnams su 'gyur// rnam par 'dren pa'i chos 'di thos nas su// kha cig skye ba bzhi las rab tu 'das// gzhan dag kha cig gsum dang gnyis kyis na/ / don dam gzigs pa byang chub 'thob par 'gyur// kha cig de na skye ba gcig gnas nas// srid pa gzhan la thams cad mkhyen du 'gyur// 'dren pa'i sku tshe'i tshad 'di thos pas na// 'bras bu zag med de 'dra rab tu 'thob// sems can bye ba gang rnams chos thos nas// byang chub dam pa la ni sems bskyed pa// zhing brgyad dag gi phra rab rdul rnyed de// bgrangs na dpag mi lang pa de rnyed do// sangs rgyas byang chub 'di ni rab bstan pa// mtha' yas gang la tshad kyang ma mchis pa// namakha'i khams ltar dpag tu ma mchis te/ / drang srong chen pos de 'dra'i 'phrin las mdzad// man+da ra yi char yang rab tu 'bab// lha yi bu dag bye stong mang po dang // brgya byin tshangs ba gang+gA'i bye ma snyed/ / zhing stong bye ba dag nas de dag lhags// tsan+dan dang ni spos mchog phye ma dang // a ga ru yi phye mas 'thor bzhin du// nam mkha' la ni bya bzhin rab rgyu zhing / / rgyal ba'i dbang po la yang tshul bzhin 'thor// steng gi nam mkha' las ni rnga rnams kyang // ma brdungs par ni sgra snyan nyid las grag/ lha ras bcos bu bye ba stong rnams kyang / / 'dren pa rnams la bskor zhing 'thor bar bgyid// bdug pa rin thang ma mchis ri ba yi// rin chen pog por bye ba stong rnams kyang // skyob pa 'jig rten bdag po mchod slad du/ / de na bdag nyid kun tu rab tu rgyu// gdugs rnam bye ba khrag khrig mtha' yas pa// rin chen dag las bgyis pa mtho zhing che// phal chen tshangs pa'i 'jig rten par thug pa/ / byang chub sems dpa' mkhas pa de dag 'dzin// rgyal ba'i ba dan blta sdug bcas pa yi// 'dren pa rnams kyi rgyal mtshan rab tu btsugs// bde gshegs sras rnams rab tu sems dga' bas// tshigs su bcad pa stong gis mngon par bstod// de 'dra'i ngo mtshar khyad 'phags rmang byung ba// sna tshug 'di dag 'dren pa de ring gda'/ / sku tshe'i tshad ni nges par bstan mdzad pas// sems can 'di kun rab tu dga' ba thob// phyogs bcu dag na de ring don rgya che// 'dren pa rnams kyi/ gsung yang mngon par 'phags// srog chags bye ba stong rnams tshim par gyur// byang chub phyir ni dge ba rnams dang ldan// de nas bcom ldan 'das kyis/ byang chub sems dpa' sems dpa' chen po byams pa la bka' stsal pa/ ma pham pa de bzhin gshegs pa'i tshe'i tshad bstan pa'i chos kyi rnam grangs 'di bshad pa ni/ sems can gang dag gis sems bskyed pa gcig tsam zhig mos pa bskyed dam/ mngon par dad na/ rigs kyi bu 'am/ rigs kyi bu mo de bsod nams ji tsam zhig skyed par 'gyur ba de legs par rab tu nyon la yid la zung shig dang / de dag bsod nams ji tsam zhig skyed par 'gyur ba de bshad do// ma pham pa 'di lta ste dper na/ rigs kyi bu 'am/ rigs kyi bu mo la la bla na med pa yang dag par rdzogs pa'i byang chub 'dod de bskal pa bye ba khrag khrig brgyad stong phrag brgyad du pha rol tu phyin pa lnga po 'di lta ste/ sbyin pa'i pha rol tu phyin pa dang tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol phyin pa la spyad de/ shes rab kyi pha rol tu phyin pa dang bral na/ ma pham pa rigs kyi bu 'am/ rigs kyi bu mo gang dag gis de bzhin gshegs pa'i tshe'i tshad bstan pa'i chos kyi rnam grangs 'di thos nas sems bskyed pa gcig tsam zhig mos pa bskyed dam mngon par dad na/ de'i bsod nams mngon par 'dus byas pa 'di la pha rol tu phyin pa lnga dang ldan pa bskal pa bye ba khrag khrig brgya stong phrag brgyad du yongs su rdzogs par bsod nams mngon par 'dus byas pa dang / dge ba'i rtsa ba mngon par 'dus byas pa lnga ma des brgya'i char yang nye bar mi 'gro/ stong gi cha dang / brgya stong gi cha dang / bye ba'i cha dang / bye ba brgya'i cha dang / bye ba stong gi cha dang / bye ba brgya stong gi cha dang / bye ba khrag khrig brgya stong gi char yang nye bar mi 'gro ste/ grangs su yang char yang bgrang bar yang dper yang rgyur yang mi bzod do/ / ma pham pa de lta bu'i bsod nams mngon par 'du byed pa dang ldan pa'i rigs kyi bu 'am/ rigs kyi bu mo de bla na med pa yang dag par rdzogs pa'i byang chub las phyir ldog pa de ni gnas med do/ / de nas bcom ldan 'das kyis de'i tshe tshigs su bcad pa 'di dag bka' stsal to// sangs rgyas ye shes bla na med// ye shes 'di ni rol ba'i phyir/ / gang gis pha rol phyin pa lnga// yi dam bcas nas der zhugs te// bskal pa bye ba stong zag kyang // brgyad du tshangs par rab tu sbyor// byi byir/ nyan thos rnams dang ni// sangs rgyas rnams la sbyin pa byin// byang chub sems dpa' bye ba dang // rang sangs rgyas ni mang po la// bza' bca' zas dang skom rnams dang // gos dang mal chas mgu bar byed/ / gnas dang gtsug lag khang rnams kyang // tsan+dan las ni 'dir byas dang // kun dga' ra ba nyams dga' dang // 'chag sa mdzes par byas pa rnams/ / sbyin pa sna tshogs rnam pa mang // 'di lta bu'i sbyin 'dir byin// bskal pa bye ba phrag stong du// byin nas byang chub phyir yang bsngos// sangs rgyas ye shes ched kyi phyir// rdzogs sangs rgyas kyis bsngags dag cing // ma nyams yang dag bstod pa yi// tshul khrims phyir ni spang bar byed// phyir zhing bzod pa sgom par byed// dul ba'i sa la rab tu gnas/ / brtan dang ldan zhing dran dang ldan// kha ngan mang po bzod par byed// dmigs pa can gyi sems can gang // nga rgyal dag la rab gnas pas// smad pa byas pa de dag kyang sangs rgyas ye shes phyir bzod do/ / brtson 'grus la ni rtag tu 'bad// dran pa brtan zhing mngon par brtson// yid la gzhan du rtog pa med// bskal pa bye bar de bzhin gyur// dgon pa'i gnas na rab tu 'dug/ 'chag sar mngon par song nas su// gnyid dang rmugs pa rnam spangs te// bskal pa bye ba de dag spyod// bsam gtan bsam gtan chen po pa/ bsam gtan dga' zhing mnyam par gzhag/ bskal pa bye ba stong phrag brgyad// de las mi nyung bsam gtan byed// dpa' bo de ni bsam gtan des// thams cad mkhyen par bdag bsgyur zhes/ / byang chub dam pa don du gnyer// bsam gtan dag gi pha rol song // bskal pa bye ba stong phrag tu// bya ba 'di la rab gnas pa'i// de dag bsod nams gang yin pa/ / gang sngar yongs su bsgrags pa bas// skyes pa rnams sam bud med dag/ gang gis nga yi de thos nas// skad cig dad par byed pa yang // bsod nams de ni mtha' yas so// g.yo ba dang ni rlom sems dang // the tsom dag kyang rnam spangs te// yud tsam shin tu mos pa yang // de yi 'bras bu 'di 'dra'o// bskal pa bye bar spyad pa yi// byang chub sems dpa' gang yin pa// nga tshe bsam gyis mi khyab pa// 'di thos de dag mi spang ngo // spyi bo yis kyang phyag 'tshal te// ma 'ongs pa yi dus na yang / / bdag cag 'di 'drar rab gyur cig/ srog chags bye ba bsgral bar bgyi// ji ltar mgon po shAkya thub// thub chen shAkya seng ge'i yis// byang chub snying por bzhugs nas su/ / seng ge'i sgra 'di bsgrags pa ltar// bdag kyang ma 'ongs dus kyi tshe// lus can kun gyis bkur sti zhing // byang chub snying por 'dug nas ni/ / 'di lta bu yi tshe bshad do// mi gang thos pa 'dzin gyur cing // lhag pa'i bsam pa phun sum tshogs// ldem por dgongs te bshad shes pa// de dag rnam ni the tsom med/ / ma pham pa gzhan yang de bzhin gshegs pa'i tshe'i tshad bstan pa'i chos kyi rnam grangs 'di thos nas 'bab pa dang / 'jug pa dang / khong du chud pa de ni de pas sangs rgyas kyi ye shes su 'gyur ba'i bsod nam mngon par 'du byed pa ches dpag tu med pa bskyed na/ gang chos kyi rnam grangs 'di lta bu 'di nyan tam/ sgrogs sam 'dzin tam/ yi ger 'dri 'am/ yi ger 'drir 'jug gam/ glegs bam la me tog dang / bdug pa dang / spos dang / 'phreng ba dang / byug pa dang / phye ma dang / gos dang gdugs dang / rgyal mtshan dang / lha'i ba dan dang / 'bru mar gyi mar me dang / mar gyi mar me dang / spos mar gyi mar me dag gis bsti stang byed du 'jug pa lta ci smos te sangs rgyas kyi ye shes su 'gyur ba'i bsod nams mngon par 'du byed pa ches mang du skyed do/ / ma pham pa gang gi tshe rigs kyi bu'am/ rigs kyi bu mo de bzhin gshegs pa'i tshe'i tshad bstan pa'i chos kyi rnam grangs 'di thos nas lhag pa'i bsam pas mos par byed pa de'i tshe/ de'i lhag pa'i bsam pa'i mtshan nyid ni 'di yin par rig par byas te/ 'di lta ste/ nga bya rgod phung po'i ri la 'dug ste/ byang chub sems dpa'i tshogs kyis yongs su bskor ba dang / byang chub sems dpa'i tshogs kyis mdun gyis bltas pa dang / nyan thos kyi dge 'dun gyi dbus na 'dug cing chos ston par mthong ba dang / nga'i sangs rgyas zhing 'jig rten gyi khams mi mjed 'di gzhi bai DUR+Ya las grub cing mnyam par gnas la/ gser skad mig mangs su bres shing / rin po che'i shing ljon pa rnams kyis rnam par bkra bar mthong ba dang / 'di na yongs su spyad pa'i khang pa brtsegs pa dag ni/ byang chub sem dpa' dag gnas par mthong ba ste/ ma pham pa 'di ni lhag pa'i bsam pas mos pa'i rigs kyi bu 'am/ rigs kyi bu mo'i lhag pa'i bsam pa'i mtshan nyid du rig par bya'o// ma pham pa yang de bzhin gshegs pa yongs su mya ngan las 'das nas/ gang dag chos kyi rnam grangs 'di thos nas mi spong ba'i steng du rjes su yi rang ba de dag kyang lhag pa'i bsam pas mos pa'i rigs kyi bur ngas bshad na/ gang 'dzin pa dang / klog pa lta ci smos te/ de ni de bzhin gshegs pa phrag pa la thogs pa yin no// ma pham pa gang chos kyi rnam grangs 'di glegs bam du byas shing phrag pa la thogs pa'i rigs kyi bu 'am/ rigs kyi bu mo des nga'i mchod rten bya mi dgos/ gtsug lag khang bya mi dgos/ dge slong gi dge 'dun gyi na ba'i gsos sman dang / yo byad dag sbyin mi dgos so// de ci'i phyir zhe na/ ma pham pa rigs kyi bu 'am/ rigs kyi bu mo des nga'i sku gdung la/ gdung gi mchod pa byas pa yin/ rin po che sna bdun gyi mchod rten 'phang du ni tshangs pa'i 'jig rten la thug pa kho ra yug tu ni rim bzhin pa/ gdugs yongs su bzung ba dang bcas pa/ lha'i ba dan dang bcas pa dril bu sgra gsal ba 'byung ba dag byas pa yin no// sku gdung gi mchod rten de dag la lha dang mi'i me tog dang / spos dang / bdug pa dang / phreng ba dang / byug pa dang / phye ma dang / gos dang / gdugs dang / rgyal mtshan dang / lha'i ba dan dang / rnam par rgyal ba'i ba dan rnam pa mang po dag gis bkur sti rnam pa mang po byas pa yin no// yid du 'ong ba snyan cing gsal ba'i sgra dang / rnga bo che rnam pa mang po dag dang / rol mo'i sgra dang / pheg rdob pa dang / rnam pa tha dad pa'i glu dang / gar dang / bzhad gad dang / rol mo rnam pa mang po tshad med pas bskal pa bye ba khrag khrig brgya stong dpag tu med pa mang por bkur sti byas par 'gyur ro/ / ma bam pa nga yongs su mya ngan las 'das nas chos kyi rnam grangs 'di bzung ba dang / bklags pa dang / yi ger bris pa dang / rab tu ston pa des nga'i phyir tsan+dan dmar po'i gtsug lag khang rgya chen po yangs pa mthon po khang bzangs sum cu rtsa gnyis yod brgyad rtseg dge slong stong gi gnas kun dga' ra ba dang / me tog gis mdzes par byas pa/ 'chag sa'i nags tshal dang ldan pa mal stan dang bcas pa/ bza' ba dang / bca' ba dang / zas dang skom dang / na ba'i gsos sman gyis yongs su gang ba/ bde ba'i yo byad thams cad kyis rab tu brgyan pa dag kyang byas par 'gyur te/ de dag mang zhing dpag tu med de/ brgya'am stong ngam/ stong phrag brgya'am/ bye ba 'am/ bye ba brgya'am/ bye ba stong ngam/ bye ba brgya stong ngam/ bye ba khrag khrig brgya stong de dag nga'i mdun du nyan thos kyi dge 'dun la phul te/ de dag kyang ngas yongs su spyad par rig par bya'o// ma pham pa de bzhin gshegs pa yongs su mya ngan las 'das nas gang zhig chos kyi rnam grangs 'dzin tam/ klog gam/ ston tam/ yi ger 'dri 'am/ oM ger 'drir bcug kyang rung ste/ rnam grangs 'di des nga yongs su mya ngan las 'das nas ring bsrel gyi mchod rten dag bya mi dgos/ dge 'dun la mchod pa bya/ mi dgos so zhes nga de skad 'chad na/ ma pham pa gang chos kyi rnam grangs 'di 'dzin cing sbyin pa bsgrub pa 'am/ tshul khrims sam/ bzod pa 'am/ brtson 'grus sam/ bsam/ gtan nam/ shes rab bsgrub pa lta ci smos te/ rigs kyi bu 'am/ rigs kyi bu mo de bsod nams mngon par 'du byed pa ches dpag tu med pa grangs med pa mtha' yas pa skye ba lta ci smos te/ ma pham pa 'di lta ste dper na/ nam mkha'i khams ni shar dang / lho dang / nub dang / byang dang / steng dang / 'og gi phyogs dang / phyogs mtshams rnams su yang mu med pa de bzhin du rigs kyi bu 'am/ rigs kyi bu mo de bsod nams mngon par 'du byed pa/ sangs rgyas kyi ye shes su 'gyur ba/ grangs med dpag tu med pa bskyed do/ / gang chos kyi rnam grangs 'di 'dzin tam/ klog gam/ ston tam/ yi ger 'dri'am/ yi ger 'drir 'jug na de ni de bzhin gshegs pa'i mchod rten la bsti stang bya ba'i phyir mngon par brtson pa yin no/ / de bzhin gshegs pa'i nyan thos rnams kyi bsngags pa smra ba'o// byang chub sems dpa' sems dpa' chen po rnams kyi yon tan bye ba khrag khrig brgya stong yongs su brjod cing gzhan dag la yang yang dag par rab tu ston pa yin no/ / bzod pa bsgrubs pa dang / tshul khrims dang ldan pa dang / dge ba'i chos can dang / 'grogs na bde ba dang / bzod pa can dang / dul ba dang / phrag dog med pa dang / khro ba yid la byed pa dang bral ba dang / gnod sems med pa yid la byed pa dang / dran pa dang ldan pa dang mthu dang ldan pa yin/ brtson 'grus dang ldan pa ste/ sangs rgyas kyi chos tshol ba la rtag tu brtson pa yin/ bsam gtan pa yin/ nang du yang dag 'jog lhur len pa yin/ nang du yang dag 'jog mang du byed pa dang / 'dri bar rab tu dbye ba la mkhas pa yin/ 'dri ba bye ba khrag khrig brgya stong gi lan ljon pa yin no// ma pham pa byang chub s ems dpa' sems dpa' chen po gang la la zhig de bzhin gshegs pa yongs su mya ngan las 'das nas chos kyi rnam grangs 'di 'dzin pa'i yon tan dag ni gang dag ngas yongs su brjod pa 'di lta bu 'di dag yin no/ / ma pham pa rigs kyi bu 'am/ rigs kyi bu mo de 'di ltar rig par bya ste/ rigs kyi bu 'am/ rigs kyi bu mo de byang chub kyi snying por yang dag par zhugs te/ byang chub mngon par rdzogs par 'tshang rgya bar bya ba'i phyir/ byang chub kyi shing drung du 'gro ba yin par rig par bya'o// ma pham pa rigs kyi bu 'am/ rigs kyi bu mo de gang na 'greng ngam 'dug gam/ 'chag pa der/ ma pham pa de bzhin gshegs pa'i phyir mchod rten brtsig go/ lha dang bcas pa'i 'jig rten gyis kyang 'di de bzhin gshegs pa'i mchod rten yin no zhes de la brjod par bya'o/ / de nas bcom ldan 'das kyis de'i tshe tshigs su bcad pa 'di dag bka' stsal to// mi mgon mya ngan 'das pa na// mdo sde 'di ni gang 'dzin pa// bsod nams phung po mu med par// nga yis yang dang yang du bsngags// des ni nga la mchod pa byas// ring bsrel gyi ni mchod rten yang / / rin chen byas pa sna tshogs pa// blta na sdug cing mdzes rnams byas// 'phang du tshangs pa'i 'jig rten mnyam// gdugs phreng rnams dang rab tu ldan// kho ra yug ldan dpal chen te/ / rnam rgyal ba dan rnams dang ldan// dril bu gsal ba'i sgra 'byung ste// dar gyi lda ldis mdzes par byas// de bzhin dril bu rlung bskyod pas// rgyal ba'i ring bsrel shin tu mdzes/ / spos dang me tog byug pa dang // gos dang rol mo'i sgra rnams dang // rnga rnams kyis kyang yang dang yang // de dag mchod pa rgya chen byas// rol mo'i sgra snyan cha spyad rnams/ / ring bsrel de la brdungs shing gsil// spos dang 'bru mar mar me rnams// de dag la ni kun nas phul// gang gis mdo sde 'di bzung zhing // zad pa'i/ dus la ston pa yis// des ni mchod pa rnam mang po// de 'dra mtha' yas nga la byas// gtsug lag khang mang bye ba dag/ tsan dan las ni byas pa yin// khang bzang sum cu rtsa gnyis te/ / de dag 'phang du brgyad rtseg go// mal cha dag gis nye bar brtan// bza' bca' rnams kyang tshogs par ldan// yol ba bzang po rab tu bshams// gnas rnams kyang ni rnam pa stong / / me tog kun dgas mdzes byas pa'i// kun dga' dag dang 'chags byin// gzugs mang rnam pa sna tshogs kyi// gding g.yog mang po de bzhin no// rnam 'dren mya ngan 'das pa na/ / gang zhig mdo 'di 'dzin pa des// nga yi mdun du dge 'dun la// mchod pa mang po byas pa yin// mos pa snying por gang gyur te// gang zhig mdo 'di klog pa'am/ / yi ger 'dri bar byed pa de// de bas bsod nams mang du thob// mi 'ga' la las glegs bam la// shin tu nges tshig 'drir bcug ste// spos dang phreng ba byug pa yis/ / glegs pa ma de la mchod pa byed// spos kyi 'bru mar bkang ba yi// mar me rtag tu su 'bul zhing // sna ma ut+pal sil ma dang // tsam pa kas kyang rab tu gtor/ / glegs pam dag la 'di 'dra ba'i// mchod pa byed pa'i mi de ni// bsod nams mang po rab 'phel te// de la chad kyang yong med do// ji ltar nam mkha'i khams kyi tshad/ phyogs bcu dag ni thams cad du// rtag tu rnyed par 'gyur ma yin// bsod nasas phung po 'di de 'dra// bzod cing dul te mnyam par gzhag/ tshul khrims ldan zhing bsam gtan pa/ / yang dag nang 'jog spyod yul can// de 'dra ba lta smos ci dgos// khro ba med cing phra ma med// mchod rten dag la gus par gnas// dge slong rnams la rtag tu 'dud/ / nga rgyal med cing le lo med// shes rab ldan zhing de bzhin brtan// dri ba dris na mi khro ste// snying rje blo yis srog chags la// rjes su 'thun par rab tu ston/ / gang zhig de 'drar gyur nas su// mdo 'di yang ni gang 'dzin pa// de yi bsod nams phung po ni// tshad kyang snyed par mi 'gyur ro// mdo 'di 'dzin par byed pa yi/ / de lta bu yi chos smra ba// gal te mi 'gas mthong na yang // de la shin tu bkur sti bya// lha yi me tog rnams kyis de la gtor// lha yi gos rnams kyis kyang mngon par dgab/ / de yi rkang la mgo bos phyag byas te// de la de bzhin gshegs par 'du shes bskyed// de mthong nas ni de tshe 'di snyam du// 'di ni shing ljon drung du 'gror 'gyur te// lha dang bcas pa'i 'jig rten phan pa'i phyir/ / bla med byang chub zhing 'chang rgya snyam bsam// mdo sde 'di las tshigs bcad gcig brjod cing // 'di 'dra'i mkhas de gang na 'chag pa 'am/ / gang na 'greng ngam 'on te 'dug pa'am// dpa' bo gang du nyal bar byed kyang rung // der ni 'dren pa sangs rgyas bcom ldan gyi// ched du skyes bu dam pa'i mchod rten ni// blta na sdug pa sna tshogs byed du gzhug/ de bzhin der ni mchod pa sna tshogs bya// gang na sangs rgyas bu de 'dug pa yi// sa phyogs de ni nga yis yongs su spyad// ngas ni de nyid du yang 'chag pa byas/ / de nyid du ni nga ni 'dug par 'gyur// bsod nams kyi rnam grangs kyi le'u zhes bya ste bcu drug pa'o// // de nas bcom ldan 'das la/ byang chub sems dpa' sems dpa' chen po byams pas 'di skad ces gsol to/ / bcom ldan 'das rigs kyi bu 'am/ rigs kyi bu mo gang gis chos kyi rnam grangs 'di bshad pa thos nas rjes su yi rang na/ bcom ldan 'das rigs kyi bu 'am/ rigs kyi bu mo de bsod nams ji snyed cig skyed par 'gyur/ de nas byang chub sems dpa' sems dpa' chen po byams pas de'i tshe tshigs su bcad pa 'di dag gsol to/ / dpal chen mya ngan 'das na gang // mdo 'di 'dri ba nyan pa dang // thos nas rjes su yi rang ba// de yi dge ba ji tsam 'gyur/ / de nas bcom ldan 'das kyis/ byang chub sems dpa' sems dpa' chen po byams pa la 'di skad ces bka' stsal to// ma pham pa de bzhin gsheg pa yongs su mya ngan las 'das nas/ rigs kyi bu 'am/ rigs kyi bu mo 'am/ dge slong ngam/ dge slong ma 'am/ dge bsnyen nam/ dge bsnyen ma 'am/ skyes bu mkhas pa 'am gzhon nu 'am/ gzhon nu ma gang la la chos kyi rnam grangs 'di bshad pa nyan cing thos nas kyang rjes su yi rang la/ chos nyan pa de nas song ste gtsug lag khang na 'dug gam/ khyim na 'dug gam/ dgon pa na 'dug gam/ srang na 'dug gam/ ljongs na 'dug kyang rung ste/ rgyu de dag dang / byed rgyu de dag dang / chos de ji ltar thos pa dang / ji lta zin pa bzhin du ci nus kyis pha 'am/ ma 'am/ nye du 'am/ yang dag par mgu bar 'gyur ba 'am/ 'dris pa'am/ gzhan gang yang rung ste/ sems can pha rol bstan nas/ des de thos terjes su yi rang nas kyang gzhan la smras te/ des kyang de thos nas rjes su yi rang la des kyang gzhan la smras te/ des kyang de thos nas rjes su yi rang la/ de ltar rnam grangs 'dis gcig nas gcig tu brgyud de lnga bcu pa la thug na/ ma pham pa gcig nas gcig tu brgyud de thos pa/ rjes su yi rang ba lnga bcu pa'i mir gyur pa gang yin pa// ma pham pa rigs kyi bu 'am/ rigs kyi bu mo de'i rjes su yi rang ba dang ldan pa'i bsod nams mngon par 'du byed pa ngas de bshad de sa legs par rab tu nyon la yid la zung shig dang / ngas khyod la bshad do// ma pham pa 'di lta ste dper na/ 'jig rten gyi khams grangs med pa/ brgya stong phrag bzhin sems can 'khod cing yod pa 'gro ba drug tu skyes pa/ sgo nga las skyes pa 'am/ mngal las skyes pa 'am/ drod gsher las skyes pa 'am/ rdzus te skyes pa 'am/ gzugs can nam/ gzugs med pa 'am/ 'du shes can nam/ 'du shes med pa'am/ 'du shes med 'du shes med min nam/ rkang med dam/ rkang gnyis pa 'am/ rkang bzhi pa 'am/ rkang mangs sam/ sems can ji tsam sems can gyi khams su bsdus shing / yang / par 'du bar 'gyur ba rnams mi bsod nams 'dod pa/ phan par 'dod pa 'ga' zhig byung bas sems can gyi tshogs de la 'dod pa'i rtsed mo dang / dga' ba'i longs spyod sdug pa mdzes pa gces pa yid du 'ong ba dag byin la 'dod pa'i rtsed mo dga' ba/ yongs su longs spyod par bya ba'i phyir// sems can re re la yang 'dzam bu'i gling yongs su gang ba byin te/ 'gron bu dang / gser dang / dngul dang / nor bu dang / mu tig dang / bai DUR+Ya dang / dung dang / man shel dang / byi ru dang / rta'i shing rta dang / glang gi shing rta dang / glang po che'i shing rta dang / khang pa brtsegs pa dang / khang pa yang byin te/ ma pham pa rnam grangs 'dis sbyin pa'i bdag po sbyin bdag chen po'i mi des lo brgyad cu tshang bar sbyin pa byin la/ ma pham pa de nas sbyin pa'i bdag po sbyin bdag chen po'i mi de 'di snyam du sems te/ sems can 'di dag thams cad kyang bdag gis brtsen du bcug/ dga' bar byas bde bar gsos na/ sems can 'di dag mgo skye zhing gnyer mas gang ste/ na tshod lo brgyad cu lon pas rgas te 'chi ba'i dus byed par yang nye bar gyur na/ bdag gis 'di dag de bzhin gshegs pas gsungs pa'i chos 'dul ba la btsud de/ rjes su bstan to snyam nas ma pham pa de nas mi des sems can de dag thams cad de bzhin gshegs pas gsungs pa'i chos 'dul ba la yang dag par btsud de yang dag par btsud nas 'dzin du bcug la/ sems can de dag gis kyang chos de mnyan te/ thos nas skad cig thang cig yud tsam gcig la 'dus te thams cad rgyun du zhugs par gyur/ lan cig phyir 'ong ba dang / phyir mi 'ong ba'i 'bras bu thob par gyur pa nas/ zag pa zad pa bsam gtan pa/ bsas gtan pa chen po rnam par thar pa brgyad la bsam gtan pa'i dgra bcom pa'i bar du gyur na/ ma pham pa 'di ji snyam du sems/ sbyin pa'i bdag po chen po'i mi de gzhi de las bsod nams mang po dpag tu med grangs med pa bskyed dam/ de skad ces bka' stsal nas/ bcom ldan 'das la/ byang chub sems dpa' sems dpa' chen po byams pas 'di skad ces gsol to/ / bcom ldan 'das de de lta lags so// bde bar gshegs pa de de lta lags te/ sbyin pa'i bdag po sbyin pa'i bdag po chen po'i mi de sems can de snyed la bde ba'i yo byad thams cad stsal ba'i rgyu des kyang bsod nams mang du bskyed na/ bcom ldan 'das de'i gong du dgra bcom pa nyid la rab tu bkod pa lta smos kyang ci 'tshal/ de skad ces gsol nas/ bcom ldan 'das kyis byang chub sems dpa' sems dpa' chen po ma pham pa la 'di skad ces bka' stsal to// ma pham pa khyod mos par bya/ khong du chud par bya'o// sbyin pa'i bdag po sbyin pa'i bdag po chen po'i mi de gang gis 'jig rten gyi khams grangs med pa brgya stong phrag bzhi'i sems can thams cad la bde ba'i yo byad thams cad kyis rim gror byas te/ dgra bcom pa nyid la rab tu bkod nas/ bsod nams skyed la gang yang gcig nas gcig tu brgyud de thos pa lnga bcu par gyur pa'i mi des chos kyi rnam grangs 'di las tshigs su bcad pa gcig gam tshig gcig tsam thos te/ rjes su yi rang ba dang ldan pa'i bsod nams bya ba'i dngos po ni sbyin pa'i bdag po sbyin pa'i bdag po chen po'i mi de'i sbyin pa dang ldan pa dang / dgra bcom pa la bkod pa dang ldan pa'i bsod nams bya ba'i dngos po de bas gang mi gcig nas gcig tu brgyud pa lnga bcu pa'i mis chos kyi rnam grangs 'di las tshigs su bcad pa gcig gam/ tshig gcig thos nas rjes su yi rang ba ni ches mang ste/ ma pham pa rjes su yi rang ba dang ldan pa'i bsod nams mngon par 'du byed pa dang / dge ba mngon par 'du byed pa 'di'i mdun na snga ma'i sbyin pa dang ldan pa dang / dgra bcom pa nyid la bkod pa dang ldan pa'i bsod nams mngon par 'du byed pa des brgya'i char yang nye bar mi 'gro'o/ / stong gi char yang brgya stong gi char yang / bye ba'i char yang / bye ba brgya'i char yang / bye ba stong gi char yang / bye ba brgya stong gi char yang / bye ba khrag khrig brgya stong gi char yang nye bar mi 'gro ste/ bgrang bar yang / char yang / grangs su yang / dper yang / rgyur yang mi bzod do// ma pham pa de ltar lnga bcu pa'i mi de tha na chos kyi rnam grangs 'di las tshigs su bcad pa gcig gam/ mig gcig la rjes su yi rang ba yang bsod nams 'di snyed skyed na/ ma pham pa gang gis nga'i mngon sum du chos kyi rnam grangs 'di mnyan te/ thos nas rjes su yi rang ba lta ci smos te/ ma pham pa de'i bsod nams mngon par 'du byed pa ni ches dpag tu med/ ches grangs med ces ngas bshad do/ / ma pham pa yang rigs kyi bu 'am/ rigs kyi bu mo gang gis chos kyi rnam grangs 'di mnyan pa'i phyir bdag gi khyim nas byung ste/ gtsug lag khang du song la de phyir nas/ der 'greng ngam 'dug ste chos kyi rnam grangs 'di yud tsam mnyan na/ sems can de bsod nams mngon par 'du bya ba de tsam du byas shing bsags pas de tshe rjes nas/ lus phyi ma dang bdag gi ngo bo phyi ma thob pa la glang gi shing rta thob par 'gyur ro// rta'i shing rta dang / glang po che'i shing rta dang / khyogs kyi bzhon pa dang / gru'i bzhon pa dang / khyu mchog gi bzhon pa dang / lha'i gzhal med khang thob par 'gyur ro// gal te mdo'i chos sgrog pa der yang tsam zhig 'dug ste/ chos kyi rnam grangs 'di nyan tam/ pha rol 'dug tu bcug/ gam sems can gzhan la bstan bgos na/ bsod nams mngon par 'du byed pa des brgya byin gyi stan dang / tshangs pa'i stan dang / 'khor los sgyur ba'i seng ge'i khri thob par 'gyur ro/ / ma pham pa gal te rigs kyi bu 'am/ rigs kyi bu mo gang la las mi gzhan zhig la 'di skad du/ kye mi khyod tshur shog/ dam pa'i chos pad+ma dkar po zhes bya ba'i chos kyi rnam grangs 'di nyon cig ces smras la/ mi de yang spro ba rnyed nas gal te yud tsam zhig mnyan na/ sems can de'i spro ba'i dge ba'i rtsa ba mngon par 'du byas pa des gzungs thob pa'i byang chub sems dpa' sems dpa' chen po rnams dang lhan cig 'grogs pa thob bo/ / blun por mi 'gyur ro// dbang po rno zhing shes rab dang ldan par 'gyur ro// tshe rabs brgya stong du yang kha rul cing mnam par mi 'gyur de la lce nad med par 'gyur/ kha nad med par 'gyur/ so sngon por mi 'gyur/ so mi mnyam pa med pa dang / so mi ser ba dang / so 'gyed 'dums med pa dang / so sngo ba med pa dang / so byung ba med pa dang / so yo ba med par 'gyur ro// mchu 'phyang du mi 'gyur/ mchu nang du song ba ma yin pa dang / mchu log pa med pa dang / mchu sho rer ma gyur pa dang / mchu yo ba med pa dang / mchu gnag pa med pa dang / mchu mi sdug pa med par 'gyur ro// sna leb leb por mi 'gyur/ sna yon por mi 'gyur ro// gdong ring por mi 'gyur/ gdong yon por mi 'gyur/ gdong nag por mi 'gyur/ gdong blta na mi sdug par mi 'gyur ro// ma pham pa 'di ltar lce dang so dang / mchu srab cing shin tu legs par 'gyur/ sna che ba dang / bzhin gyi dbyibs legs pa dang / smin ma legs pa dang / dpral ba'i dbyes che bar 'gyur/ dpe byad rdzogs pa 'thob par 'gyur/ de bzhin gshegs pas gdams pa dang / rjes su bstan pa yang 'thob par 'gyur ro// sangs rgyas bcom ldan 'das rnams dang yang myur du phrad par 'gyur ro/ / ma pham bltos/ sems can gcig spro bar byas pas kyang / bsod nams de tsam skyed na gang gis bsti stang du byas te mnyan tam/ bsti stang du byas te/ klog gam/ bsti stang du byas te/ ston tam/ bsti stang du byas te rab tu 'chad pa lta ci smosade nas bcom ldan 'das kyis de'i tshe tshigs su bcad pa 'di dag bka' stsal to// gcig nas gcig tu brgyud pa lnga bcu pa// gang gis mdo 'di'i tshigs bcad gcig mnyan te// thos nas sems dang rjes su yi rang ba'i// bsod nams ji snyed 'byung ba de zhon cig gal te sbyin byed mi zhig byung gyur te/ / rtag tu sems can bye ba khrag khrig la// gang sngar nga yis dpe byas de dag rnams// de kun lo yang brgya bcur tshim par byas// mgo la skra dkar gnyer ma kun 'byung ste/ / de dag rgal nyer gnas des mthong nas// kye ma sems can nyon mongs 'di dag kun// chos kyis 'di dag rab tu bstan par bya// de yis de rnams la ni byis chos smras/ / mya ngan 'da' ba'i sa yang rab tu bshad// srid pa thams cad dbu ba smig rgyu 'dra// srid pa kun la myur du yid byung byos// sbyin pa byed pa'i mi de'i gan nas su/ / sems can de dag kun gyis chos thos nas// zag pa zad cing tha ma'i lus 'dzin par// dus gcig tu ni dgra bcom thob gyur kyang // gang zhig rgyud de tshigs bcad gcig thos shing / / rjes su yi rang bsod nams ji snyed pa// de yi bsod nams de bas ches mang ste// bsod nams phung po snga mas char mi phod// gang gis brgyud de tshigs bcad gcig thos pa/ / de ltar de yis bsod nams mang gyur te// de dag mtha' yas tshad kyang yod med na// mngon sum thos pa de ni smos ci dgos// gang der sems can gcig la'ang smras pa ni/ / bskal pa bye ba khrag khrig du mar yang // mdo 'di yang ni shin tu rnyed dka' yis// song ste chos nyon ces ni spro bar byas// sem can de dag de yis spro byas nas// mdo 'di yang ni yud tsam nyan byed pa// de yi las kyi 'bras bu mnyan par gyis// nams kyang de la kha yi nad med 'gyur// de yi lce yang na bar gzhar mi 'gyur/ / de yi so rnams 'byung bar mi 'gyur ro// sngon po ser po mi mthun gzhar mi 'gyur// mchu mi sdug par yang ni yong mi 'gyur// de gdong yo 'am skam zhing ring ba med// nams kyang sna leb tu ni yong mi 'gyur// so dang mchu dang bzhin gyi dkyil 'khor dang // de'i sna dang 'phral ba'i dbyibs kyang legs// mi rnams kyis ni blta na sdug par 'gyur/ / de yi kha ni rul bar gzhar mi 'gyur// ut+pal bzhin du rtag tu dri zhim pa// de yi kha nas dri yang 'byung bar 'gyur// dpa' bo khyim nas gtsug lag khang du song / mdo sde mnyan pa'i phyir yang der song ste// song nas des ni yud tsam des chos mnyan// dad pa'i sems kyis 'bras bu mnyan par gyis// de yi lus ni shin tu dkar bar 'gyur/ / brtan pa de ni rta yi shing rtas 'gro// glang chen shing rta mthon por 'dug nas du// rin po che yis brgyan par bzhon cing 'chag/ shin tu spyad pa'i khyogs kyang des thob nas// de dag du ma'i mi yis bteg cing bkur// chos nyan phyir ni song bar gyur pa de'i// 'bras bu dge bar 'gyur ba 'di 'dra yin// de ni 'khor gyi nang na der 'dug nas// dkar po'i/ las rnams byas pa de dag gis// tshangs pa'i stan dang rgyal po'i stan rnams dang // brgya byin stan rnams kyang ni des thob 'gyur// rjes su yi rang ba'i bsod nams bstan pa le'u zhes bya ste bcu bdun pa'o/ / // dam pa'i chos pad+ma dkar po bam po bcu gcig pa/ de nas bcom ldan 'das kyis/ byang chub sems dpa' sems dpa' chen po rtag par rgyun du brtson pa la bka' stsal pa/ rigs kyi bu gang la la chos kyi rnam grangs 'di 'dzin pa'am/ klog pa 'am/ ston pa 'am yi ger 'dri yang rung ste/ rigs kyi bu de mig yon tan brgyad brgya thob par 'gyur ro/ / rna ba'i yon tan stong nyis brgya thob par 'gyur ro// sna'i yon tan brgyad brgya thob par 'gyur ro// lce'i yon tan stong nyis brgya thob par 'gyur ro/ / lus kyi yon tan brgyad brgya thob par 'gyur ro// yid kyi yon tan stong nyis brgya thob par 'gyur ro// de yon tan brgya phrag mang pos dbang po drug gi grong yongs su dag cing shin tu yongs su dag par 'gyur ro/ / de'i pha dang ma las byung ba'i sha'i mig tha mal pa de ltar yongs su dag mig gi dbang pos stong gsum gyi stong chen po'i 'jig rten gyi khams kyi phyi nang dang / brag dang nags stug por bcas pa dang / 'og tu mnar med pa'i sems can dmyal ba chen po la thug pa yan chad steng du srid pa'i rtse mo la thug gi bar du de dag thams cad mthong ngo / / sha'i mig tha mal pas sems can gang dag der skyes pa de dag thams cad kyang mthong ste/ de dag gi las kyi rnam par smin pa yang shes so// de nas bcom ldan 'das kyis de'i tshe tshigs su bcad pa 'di dag bka' stsal to// 'khor gyi dbus su mi 'jigs pa// gang zhig mdo sde 'di 'chad cing // le lo med par rab 'chad pa/ / de yi yon tan nga las nyon// yon tan dag ni brgyad brgya yi// de yi mig ni kun tu mdzes// des ni de mig dri ma med// rnyog pa med cing dag par 'gyur// pha dang ma las byung ba yi// de yi sha yi mig des ni// 'jig rten khams 'di thams cad kyang // phyi nang bcas par rab tu mthong // lhun po ri rab thams cad dang // khor yug/ kyang des mthong ste// ri gzhan gang rnams grags pa dang // rgya mtsho dag kyang mthong bar 'gyur// 'og tu man ra med dmyal bar thug/ steng du srid pa'i rtser gnas pa brtan pa des ni kun mthong ste/ / sha'i mig ni de 'dra'o// da dung de la lha yi mig/ med pas shes pa ma yin no// de yi sha yi mig gi yul// de dag de ltar 'gyur ba yin rtag par rgyun du brtson pa gzhan yang rigs kyi bu 'am/ rigs kyi bu mo des chos kyi rnam grangs 'di yang dag par rab tu bstan cing / gzhan dag la yang dag par bshad na/ rna ba'i yon tan stong nyis brgya po de dag dang ldan te/ stong gsum gyi stong chen po'i 'jig rten gyi khams na mnar med pa'i sems can dmyal ba chen po la thug pa yan chad/ srid pa'i rtse mo la thug pa man chad na phyi nang gi sgra rnam pa mang po gang dag 'byung ba 'di lta ste/ glang po che'i sgra 'am/ rta'i sgra 'am/ rnga mo'i sgra 'am/ ba grang gi sgra 'am/ ra'i sgra 'am shing rta'i sgra'am/ du ba'i sgra 'am/ mya ngan gyi sgra 'am/ 'jig pa'i sgra 'am/ dung gi sgra 'am/ dril bu'i sgra'am/ rnga'i sgra 'am/ rtsed mo'i sgra 'am/ glu'i sgra 'am rol mo'i sgra 'am/ skyes pa'i sgra'am/ bud med kyi sgra'am/ khye'u yi sgra 'am/ bu mo'i sgra 'am chos kyi sgra'am/ chos ma yin pa'i sgra 'am bde ba'i sgra 'am sdug bsngal ba'i sgra 'am/ byis pa'i sgra 'am/ 'phags pa'i sgra 'am/ yid du 'ong ba'i sgra 'am/ yid du mi 'ong ba'i sgra'am/ lha'i sgra 'am/ klu'i sgra 'am/ gnod sbyin gyi sgra 'am/ dri zas sgra 'am/ lha ma yin gyi sgra 'am/ nam mkha'i lding gi sgra 'am/ mi 'am ci'i sgra 'am/ lto 'phye chen po'i sgra 'am/ mi'i sgra'am/ mi ma yin pa'i sgro'am/ me'i sgra'am/ chu'i sgra 'am/ rlung gi sgra 'am/ grong gi sgra 'am/ grong khyer gyi sgra 'am/ dge slong gi sgra 'am/ nyan thos kyi sgra 'am/ rang sangs rgyas kyi sgra 'am/ byang chub sems dpa'i sgra 'am/ de bzhin gshegs pa'i sgra 'am/ stong gsum gyi stong chen po'i 'jig rten gyi khams kyi phyi nang na sgra ci byung ba ji snyed pa de dag thams cad rna ba'i dbang po tha mal pa yongs su dag pa des thos te/ re zhig lha'i rna ba ni mi sgrub mod kyi sems can de dang de dag gi skad du rab tu rtogs so// sems can de dang de dag gi skad la rnam par rtog go/ / rnam par dpyod do// rna ba'i dbang po tha mal pa des/ sems can de dang de dag gi skad rnams thos kyang de'i rna ba'i dbang po la sgra de dag thams cad kyis zil gyis mi gnon to/ / rtag par rgyun du brtson pa byang chub sems dpa' sems dpa' chen po de rna ba'i dbang po 'di lta bu 'thob par 'gyur te/ re shig lha'i rna ba ni mngon par mi sgrub bo/ / bcom ldan 'das kyis de skad ces bka' stsal te/ bde bar gshegs pas de skad gsungs nas/ ston pas gzhan yang 'di skad ces bka' stsal to/ / de'i rna ba'i dbang po tha mal pa// rnyog pa med cing rnam par dag par 'gyur// 'jig rten khams 'di dag na ma lus par// rnam pa mang po'i sgra rnams des thos te/ / rnga bo che dang rdza rnga s+tha snyan dang / pi wang gling bu dang ni ba ka li// shing rta bal grang ra dang lug dag dang // rta dang glang chen dag gi sgra yang thos// 'jam zhing yid 'ong gra yi dbyangs kyang thos/ / brtan pa de ni de la chags pa med// gang dang gang nas su smra ba// bye ba snyed kyi mi yi sgra rnams thos// lha yi sgra dang klu'i dbyangs rnams dang // snyan cing yid du 'ong ba rtag par thos// skyes pa bud med dag gi sgra rnams dang // khye'u dang bu mo'i sgra yang de bzhin thos// ri dang phug na gang gnas de dag dang // khu byug rma bya ka la bing+ga dang / / bya rnams gang dag shang shang te'u rnams dang // de dag rnams kyi sgra snyan 'di thos so// sems dmyal dag na sdug bsngal gang myong ba// shin tu mi bzad pa yi sgra rnams dang / / zas kyi sdug bsngal dag gis nyen pa yi// yi dgra rnams kyi sgra phyung de bzhin thos// lha ma yin dang rgya mtsho'i nang gnas dang // sgra 'byin pa dang de bzhin gzhan dang gzhan/ / chos smra ba de de na 'dug bzhin du// sgra rnams thams cad thos te chod pa med// dud 'gro'i skye gnas dag na phan tshun du// smra bar byed pa'i sgra rnams gang yin pa/ / rnam pa tha dad sgra rnams mang po dag/ de ni 'di na 'dug bzhin de dag thos// lha gang tshangs pa'i 'jig rten gnas pa dang // gang dag 'og min dang ni 'od gsal lha/ / phan tshun du ni sgra skad gang 'byin pa// de dag ma lus thams cad nges thos so// bde bar gshegs kyi bstan la rab byung nas// dge slong gang dag kha ton byed pa dang / / 'khor gyi nang na chos ston gang yin pa// de dag sgra yang rtag tu de yis thos// 'jig rten khams 'dir byang chub sems dpa' gang / kha ton dag kyang byed cing phan tshun du// chos rnams yang dag brjod par gang byed pa// de dag sgra rnams rnam pa tha dad thos// byang chub sems dpa' mdo 'di gang 'dzin pa/ / sangs rgyas bcom ldan mi 'dul kha lo sgyur// 'khor rnams la yang chos mchog gang gsung ba// dus gcig tu ni de yang de yis thos// mnar med yan chad steng du srid pa'i rtse/ / stong gsum gyi ni zhing 'di thams cad na// nang logs dag dang phyi logs dag nas kyang // sems can dag gis sgra mang phyung ba dang // sems can kun gyi sgra rnams thos gyur kyang / / 'on kyang de yi rna ba 'gag pa med// dbang po gsal zhing gnas dang gnas kyang shes// rna ba'i dbang po tha mal de tsam mo// re shig lha yi la ni 'bad/ mi byed// tha ma la rna ba de ni de ltar 'dug/ 'jigs med gang gis mdo 'di bzung ba yi// de yi yon tan dag ni de 'drar 'gyur// rtag par rgyun du brtson pa gzhan yang / byang chub sems dpa' sems dpa' chen po chos kyi rnam grangs 'di 'dzin tam/ rab tu bstan tam/ kha ton byed dam/ yi ger 'dri ba de sna'i yon tan brgyad brgya dang ldan zhing / snang dbang po yongs su dag par 'gyur te/ de'i sna'i dbang po yongs su dag pa des/ stong gsum gyi stong chen po'i 'jig rten gyi khams kyi phyi nang kyi dri rnam pa mang po yod pa 'di lta ste/ dral/ ba'i dri 'am/ yid du 'ong ba'i dri 'am/ yid du mi 'ong ba'i dri 'am/ me tog rnam pa tha dad pa'i dri 'di lta ste/ sna ma'i me tog dang / ma li ka dang / tsam pa ka dang / skya snar gyi dri rnams kyang tshor ro/ / chu las skyes pa'i me tog rnam pa mang po'i dri rnams kyang tshor te/ 'di lta ste/ ut+pa la dang / pad+ma dang / ut+pal dang pad+ma dkar po rnams kyi dri dag kyang tshor ro/ / me tog dang 'bras bu'i shing rnam pa mang po'i me tog dang / 'bras bu'i dri rnams kyang tshor te/ 'di lta ste/ tsan dan dang ta ma la'i 'dab ma dang / rgya spos dang / a ga ru'i dri zhim po rnams kyang tshor/ spos rnam pa tha dad pa brgya stong gnas gcig na 'dug pa thams cad kyang tshor ro// thams cad kyang shes so// sems can thams cad kyi dri rnam pa mang po yang tshor te/ 'di lta ste/ glang po che dang / rta dang ba glang dang / ra lug dang / phyugs kyi dri rnams kyang tshor ro// dud 'gro'o skye gnas su song ba'i srog chags rnam pa mang po'i lus kyi dri rnams kyang tshor ro/ / skyes pa dang bud med kyi dri rnams kyang tshor ro// khye'u dang bu mo'i lus kyi dri rnams kyang tshor ro// rtswa dang shing gel ba dang dang nags thag ring po na 'dug pa'i dri rnams kyang tshor ro/ / dri yang dag par tshor te/ dri yang dag par shes mod kyi/ dri de dag gis mi 'phrogs/ de dag gis myos par mi 'gyur ro/ / de 'di na 'dug bzhin du lha dag gi dri rnams kyang tshor te/ 'di lta ste/ yongs 'du dang / sa brtol gyi dri rnams kyang tshor ro// me tog man+da ra ba dang / man+da ra ba chen po dang / many+dzu sha ka dang / many+dzu sha ka chen po rnams kyi lha'i dri rnams kyang tshor ro// lha'i a gA ru'i phye ma dang / tsan dan gyi phye ma'i dri rnams kyang tsherare ro// lha'i me tog rnam pa tha dad pa brgya stong gi dri dag kyang tshor ro/ / de dag gi ming rnams kyang shes so// lha'i bu'i lus kyi dri rnams kyang tshor te/ 'di lta ste/ lha'i dbang po brgya byin gyi lus kyi dri rnams kyang tshor/ rnam par rgyal ba'i khang pa na rtse dga' zhing dga' dgur spyod pa 'am/ chos bzang lha'i 'dun sa na sum cu rtsa gsum pa'i lha rnams la chos sngon pa 'am/ rtse dga' ba'i phyir skyed mos tshal gyi sar byung ba de yang shes so// lha'i bu gzhan rnams kyi so so'i lus kyi dri rnams kyang tsher ro// lha'i bu mo dang / lha'i chung ma rnams kyi lus kyi dri rnams kyang tsher ro/ / lha gzhon nu rnams kyi lus kyi dri rnams kyang tshor ro// lha gzhon nu ma rnams kyi lus kyi dri rnams kyang char te/ dring ngag gis kyang mi 'phrogs shing myos par yang mi 'gyur ro/ / rnam grangs 'dis srid pa'i rtse mo'i bar du skyes pa'i sems can de dag gis lus kyi dri rnams kyang tshor ro// tshangs ris kyi sgra'i bu rnams dang tshangs pa chen po dag gi sras kyi dri rnams kyang tshor ro/ / rnam grangs 'dis lnga'i ris thams cad kyi lus kyi dri rnams kyang tshor ro// nyan thos dang / rang sangs rgyas dang byang chub sems dpa' dang / de bzhin gshegs pa dag gi sku'i dri rnams kyang tshor ro// de bzhin gshegs pa dag gi gdan gyi dri rnams kyang tshor ro// de bzhin gshegs pa dgra bcom pa yang dag par rdzogs pa'i sangs rgyas de dag gang na bzhugs pa de yang rab tu shes so/ / de'i sna'i dbang po de yang dri rnam pa mang po de dang de dag gis mi 'phrogs te/ nyams pa 'am/ gnod par 'gyur ba yang med do// de 'dod na dri de dang de gzhan dag la yang ston te/ de dran pa nyams par 'gyur ba med do// de nas bcom ldan 'das kyis de'i tshe tshigs su bcad pa 'di dag bka' stsal to/ / de yi sna yi dbang po rnam dag 'gyur// gang rnams 'jig rten khams 'di thams cad na// dri zhim dri mi zhim pa ci yod pa/ / des ni rnam pa mang po'i dri yang tshor// sna ma'i me tog dri dang ma li ka/ tsan dan ta ma la'i mdab ma dang // rgya spos dag dang a ga ru yi dri// me tog 'bras bu sna mang de dag dang / / skyes pa bud med ring na 'dug pa dang // khye'u rnams dang ni bu mo de dag dang // sems can rnams kyi dri yang de bzhin shes// de mi gnas kyang des ni dri las shes/ / 'khor los sgyur rgyal rnams kyang de yis shes// stobs kyis 'khor los sgyur dang rgyal phran dang // de bzhin khye'u dang bu mo de dag dang // chung ma'i 'khor kun dri las de yis shes// yongs su yongs spyod rin chen rnam mang dang // sba ba gang dag sa la 'dug rnams dang // bud med rin po cher gyur de dag kyang // byang chub sems dpa' de yis dri las shes// de dag rnams kyi rgyan rnams ci yod pa// lus la btags pa rnam pa sna tshogs gzugs// gos dang phreng ba byug pa spos rnams kyang / / dri las byang chub sems dpa' de yis shes// de bzhin 'greng dang 'dug dang nyal ba dang // rtsed mo dga' ba mthu stobs thams cad kyang // mdo sde dam pa 'di dag gang 'dzin pa/ / brtan pa de yi sna yi stobs kyis shes// spos mchog 'bru mar dri yang de bzhin te// me tog 'bras bu rnam pa mang po 'di// dri 'di ga ge mo na yod ces bya// 'dug bzhin du ni cig char shes shing tshor// ri yi phrag ni rnam pa sna tshogs na// tsan dan me tog rgyas mang gang yod dang // sems can gang dag de na gnas pa yang // mkhas des de dag thams cad dri las shes/ / khor yug ngos la gang dag gnas pa dang // rgya mtsho'i dbus na gang dag 'khod pa dang // sa yi dbus na sems can gang gnas pa/ mkhas pa des ni thams cad dri las shes// lha dang lha ma yin kyang de bzhin shes// des ni lha min bu mo dag kyang shes// lha ma yin gyi rtsed mo dga' ba'ang shes// de'i sna yi dbang po'i mthu de 'dra/ / nags khrod dag na rkang bzhi gang yod pa// seng ge stag dang de bzhin glang chen mchog/ de na ma he ba lang ba men rnams// de dag gnas pa de yi sna yis shes/ / bud med gang dag sbrum mar gyur pa dang // khye'u 'am 'on te bu mo gang yin pa// rum na 'chang ba shin tu ngal ba'i lus// de la gang yod de yis dri las shes// sem can gang dag mngal du zhugs pa'ang des shes te/ / rnam par 'jig pa'i chos kyang de yis shes// bud med de ni sdug bsngal rnams dang bral// bsod nams ldan pa'i bu ni 'byung bar shes/ / skyes bu'i bsam pa mang po rab shes te// bsam pa'i dri yang de bzhin de yis tshor// 'dod chags zhe sdang de bzhin 'chab pa dang // nye bar zhi ba'i sems kyis dri yang tshor/ / sa la gter rnams gang dag yod gyur pa// nor rnams dang ni gser dngul 'gron bu yis// lcags kyi sgrom rnams de bzhin gang ba dag/ dri las byang chub sems dpa' 'di yis shes/ / mu tig nor bu do shal se mo do// rin thang med pa'i rin chen rnam mang po// rin thang med pa'i ming dang 'od dbyibs dang / / de dag thams cad de yis dri las shes// de bzhin steng gi lha yi me tog rnams// man+da ra dang many+dzu sha ka dang // yongs 'du'i me tog gang dag yod gyur pa// dpa' bo 'di na 'dug bzhin de dag tshor/ / gang gi gzhal med khang rnams ci 'dra ba// yangs dang 'bring dang de bzhin chung ngu dang // de na rnam pa sna tshogs gzugs yod pa// 'di na 'dug bzhin sna yi stobs kyis tshor/ / bskyed mos tshal gyi sa yang de bzhin shes// chos bzangs dang ni rnam par rgyal ba yi// khang bzang mchog na lha gang 'khod pa dang / de na lha bu brtson pa'ang rtag tu shes// gang zhig gang na las ni byed pa 'am// 'dug dang nyal dang gang du 'gro ba yang // 'di na 'dug bzhin de dag dri yang tshor// lnga'i bu rnams des ni dri las shes/ / me tog mang brgyan lha yi bu mo gang // 'phreng ba thogs shing lbab lbub rnams kyis brgyan// gang dang gang du rtsen cing dong ba dag/ byang chub sems dpa' de yis dri las shes/ / steng du srid pa'i rtse mo bar gyi lha// tshangs pa tshangs chen gzhal med khang rgyu ba// bsam gtan gnas sam 'on te langs pa yang // de dag der ni dri las rab tu shes/ / 'od gsal gyi ni lha yi bu rnams kyang // shi 'phos skyes pa gsar du 'ongs pa shes// byang chub sems dpa' mdo 'di 'dzin pa yi// sna yi dbang / 'di 'drar gyur pa yin// dge slong gang rnams bde gshegs bstan pa la// mngon par brtson pa chag cing 'dug pa dang // wang nod kha ton mos pa'i dge slong rnams// thams cad byang chub sems dpa' de yis shes/ / rgyal ba'i sras po nyan thos gang yod pa// la la rtag tu shing drung gnas pa dag/ dge slong 'di zhes bya ba 'di gnas shes// de dag thams cad mkhas pa des shes so/ / byang chub sems dpa' dran ldan bsam gtan pa// rtag tu lung nod kha ton dga' gang dag/ 'khor gyi nang na chos kyang rab 'chad pa// de dag dri las byang chub sems dpa' shes/ / bde bar gshegs pa thub chen phyogs dag na// nyan thos dge 'dun gyis ni bltas dbus na// phan zhing thugs brtse rtag tu chos 'chad pa/ / 'jig rten mgon po de yang dri las shes// sems can gang rnams chos 'di nyan pa dag/ gang rnams thos nas dga' ba'i yid gyur pa// de na rgyal ba'i 'khor rnams thams cad kyang / / 'di na 'dug bzhin byang chub sems dpas shes// de yi sna yi stobs ni de 'drar 'gyur// de la lha yi sna ni da dung med// zag pa med par gyur pa lha yi sna/ / de mi sngon du 'gro bar 'di 'gyur ro// rtag par rgyun du brtson pa gzhan yang / rigs kyi bu 'am/ rigs kyi bu mo de chos kyi rnam grangs 'di 'dzin tam ston tam/ rab tu 'chad dam/ yi ger 'dri na lce'i yon tan stong nyis brgya po de dag dang ldan pa'i lce'i dbang po thob par 'gyur te/ de lce'i dbang po de lta bus ro gang dag myangs pa dang / ro gang dag lce'i dbang po la reg pa de thams cad lha'i ro bro ba dam par 'gyur ro// ji ltar yid du mi 'ong ba'i ro gang yang mi myong ba de lta bu myong bar 'gyur ro// / yid du mi 'ong ba'i ro gang yin pa de dag kyang de'i lce'i dbang po'i steng du reg na lha'i ro bro bar 'gyur ro// 'khor gyi nang du song nas chos gang bshad pa des sems can de dag dbang po// / tshim par 'gyur te/ mgu ba dang / yongs su mgu ba dang / mchog tu dga' ba skye'o// de'i sgra yang zab cing yid du 'ong la mnyen zhing snyan par 'byung ste/ snying la bab pa dga' bar 'gyur ba des sems can de dag dga' dgu rangs pa'i sems su 'gyur ro/ / gang dag la chos bshad pa de dag gis kyang de'i dbyangs 'jam zhing snyan pa yid du 'ong ba'i sgra thos nas lha rnams kyang blta ba dang / phyag bya ba dang / bsnyen bkur bya ba dang / chos mnyan pa'i phyir de'i drung du 'gro bar sems so// lha'i bu dang / lha'i bu mo rnams kyang blta ba dang / phyag bya ba dang / bsnyen bkur bya ba dang / tshe mnyan pa'i phyir drung du 'gro bar sems so// brgya byin dang / tshangs pa dang tshangs ris kyi lha'i bu rnams kyang blta ba dang / phyag bya ba dang / bsnyen bkur bya ba dang / chos mnyan pa'i phyir drung du 'gro bar sems so// klu dang klu'i bu mo dag kyang blta ba dang / phyag bya ba dang / bsnyen bkur bya ba dang / chos mnyan pa'i phyir drung du 'gro bar sems so// lha ma yin dang / lha ma yin gyi bu mo rnams kyang blta ba dang / phyag bya ba dang / bsnyen bkur bya ba dang / chos mnyan pa'i phyir drung du 'gro bar sems so// nam mkha' lding dang nam mkha' lding gi bu mo rnams kyang blta ba dang / phyag bya ba dang / bsnyen bkur bya ba dang / chos mnyan pa'i phyir drung du 'gro bar sems so/ / mi 'am ci dang / mi 'am ci'i bu mo rnams dang / gnod sbyin dang / gnod sbyin gyi bu mo rnams dang / sha za dang sha za'i bu mo rnams kyang blta ba dang / phyag bya ba dang / bsnyen bkur bya ba dang / chos mnyan pa'i phyir drung du 'gro bar sems te/ de dag kyang de la bkur stir byed bsti stang du byed/ brtson par byed/ mchod pa dang / gsol ba dang / dbul ba byed do// dge slong dang / dge slong ma dang / dge bsnyen dang dge bsnyen ma rnams kyang lta 'dod par 'gyur ro// rgyal po dang rgyal bu dang / rgyal po'i blon po rnams kyang lta 'dod par 'gyur ro// stobs kyis 'khor los sgyur ba'i rgyal po dang / 'khor los sgyur ba'i rgyal po// rin po che sna bdun dang ldan pa bu dang bcas/ blon po dang bcas pa/ brdzun mo'i 'khor dang bcas pa dang / g.yog 'khor dang btsos pa yang bkur stir bya ba'i phyir lta 'dod par 'gyur ro/ / chos smra ba de de bzhin gshegs pas ji skad gsungs pa bzhin yang dag pa ji lta ba bzhin du snyan pa'i chos 'chad do// bram ze dang khyim bdag dang / yul gyi mi gzhan dag kyang rtag tu rgyun mi gcod par tshe'i mthar phyin gyi bar du/ chos smra ba de'i phyi bzhin du 'brang bar 'gyur ro// de bzhin gshegs pa'i nyan thos rnams kyang de la lta 'dod par 'gyur ro/ / rang sangs rgyas rnams kyang de la lta 'dod par 'gyur ro// sangs rgyas bcom ldan 'das rnams kyang de la gzigs bzhed par 'gyur ro// rigs kyi bu 'am rigs kyi bu mo de phyogs gang na 'dug pa de'i phyogs su de bzhin gshegs pa gzigs te chos 'chad do/ / sangs rgyas kyi chos rnams kyi snod du 'gyur te/ de ltar de zab cing yid du 'ong ba'i chos kyi sgra 'byin par 'gyur ro/ / de nas bcom ldan 'das kyis de'i tshe tshigs su bcad pa 'di dag bka' stsal to// de yi lce yi dbang po mchog tu 'gyur/ / nam yang ngan pa'i ro ni song mi myong // reg ma thag tu lha yi ro bror 'gyur ro// lha yi ro zor shin tu ldan pa yin// rna bar spyan cing yid du 'ong ba dang // 'jam zhing mnyen pa'i sgra skad rab tu smra/ / 'khor gyi dbus der dga' bar 'gyur ba yi// zab mo'i dbyangs ni rtag par rab tu smra// bye ba khrag khrig du ma'i dam rnams kyis// des bshad/ ba la chos rnams gang nyan pa// de na de la mchog tu dga' ba skyed// de la mchod pa dpag tu med pa byed// lha dang klu dang gnod sbyin lha min dang // gsang ba pa dag rtag tu de lta 'dod/ / chos 'di shin tu gus par nyan pa de// yon tan de dag thams cad de yir 'gyur// 'dod par gyur na 'jig rten khams 'di dag/ dbyangs kyis thams cad du yang go/ bar byed// de yi dbyangs ni mnyen zhing 'jam pa ste// zab cing snyan la shin tu dga' bar 'gyur// rgyal po sa bdag 'khor los sgyur ba rnams// mchod pa'i phyir ni de'i drung du 'dong / / bu dang chung mar bcas te thal mo sbyar// rtag tu de la chos ni nyan par 'gyur// gnod sbyin rnams kyi rtag tu bkur sti byed// klu dang dri za dag gi tshogs rnams dang // sha za pho dang sha za mo rnams kyis// bsti stang ri mo mchod pa rnams kyang byas// tshangs pa rnams la de ni dbang byed 'gyur// lha bu dbang phyug che dang dbang phyug dang // brgya byin de bzhin lha yi bu gzhan dang / / lA yi bu mo mang po drung du 'gro/ sangs rgyas 'jig rten phan zhing thugs brtse gang // nyan thos bcas pa de yi dbyangs thos/ nas// zhal ston pa dang srung ba dag kyang mdzad// chos 'di 'chad pa la ni dgyes par 'gyur// rtag par rgyun du brtson ga/ gzhan yang byang chub sems dpa' sems dpa' chen po chos kyi rnam grangs 'di 'dzin tam/ klog gam/ rab tu 'chad dam/ ston tam/ yi ger bris na/ de'i lus kyis yon tan brgyad brgya thob par 'gyur ro// de'i lus yongs su dag de/ lpags pa'i mdog bai DUR+Ya ltar dag cing / sems can rnams kyi mthong na dga' bar 'gyur ro// de'i lus yongs su dag pa de la stong gsum gyi stong chen po'i 'jig rten gyi khams thams cad snang ste/ stong gsum gyi stong chen po'i 'jig rten gyi khams na sems can gang 'chi 'pho dang / skye ba dang / ngan pa dang / bzang po dang / mdog bzang po dang / mdog ngan pa dang / bde 'gro dang / ngan 'gro dang / ri kho ra khor yug dang / khor yug chen po dang / lhun po dang / ri'i rgyal po ri rab la sems can gang dag gnas pa rnams dang / 'og tu mnar med pa'i sem can dmyal ba la thug pa dang / steng du srid pa'i rtse mo'i bar du/ sems can gang gnas pa de dag thams cad kyang bdag gi lus la snang bar 'gyur ro// stong gsum gyi stong chen po'i 'jig rten gyi khams 'di na nyan thos sam/ rang sangs rgyas sam/ byang chub sems dpa' 'am/ de bzhin gshegs pa gang la la dag bzhugs pa dang / de bzhin gshegs pa de/ dag chos gang ston pa dang / sems can gang dag de bzhin gshegs pa de dag la bsnyen bkur byed pa dang / sems can de dag thams cad kyi lus so sor thob pa'ang bdag gi lus la snang bar 'gyur ro/ / de ci'i phyir zhe na/ 'di ltar de yi lus yongs su dag pa'i phyir ro// de nas de'i tshe bcom ldan 'das kyis tshigs su bcad pa 'di dag bka' stsal to/ / gang zhig rgya chen mdo 'di 'dzin byed pa// de'i lus ni yongs su dag par 'gyur// rnam dag bai DUR+Ya las grub pa ste// rtag tu sems can rnams kyis mthong na dga'// me long phyis par gzugs brnyan snang ba bzhin/ / lus la 'jig rten 'di dag de bzhin snang // sems can gzhan min rang byung de yis mthong // yongs su dag pa'i lus ni 'di 'dra'o// 'jig rten khams 'di'i sems can ci yod pa// lha min lha ma yin dang gsang ba pa// sems dmyal yi dgas dud 'gro'i skye gnas rnams// lus de la ni gzugs brnyan so sor snang / / srid pa'i rtse bar gzhal med khang gi lha// brag rnams dang ni ri dang khor yug/ gangs ri ri rab lhun po chen po rnams// de yi lus la rnam pa thams cad snang // da yi lus la nyan thos bcas pa yi/ / sangs rgyas rnams dang sangs rgyas sras gzhan dang // byang chub sems dpa' gcig pu gang gnas dang // tshogs la gang dag chos ston rnam kyang snang / / de yi rnam dag lus ni de 'dra ste// 'jig rten khams rnams thams cad de la snang // de ni da dung lha yi ma thob ste// de yi rang bzhin lus ni de 'dra'o// rtag par rgyun du brtson/ gzhan yang byang chub sems dpa' sems dpa' chen po de bzhin gshegs pa yongs su mya ngan las 'das nas/ chos kyi rnam grangs 'di 'dzin tam/ ston tam rab tu 'chad dam/ yi ger 'dri 'am/ klog na/ yid kyi las kyi yon tan stong nyis brgya po de dag dang ldan zhing yid kyi dbang po yongs su dag par 'gyur ro// de yid kyi dbang po yongs su dag pa des tha na tshigs su bcad pa gcig thos kyang / de'i don mang por shes so// des de dag khong du chud nas de'i phyir zla ba gcig tu chos ston/ zla ba bzhi 'am lor yang chos ston to/ / chos gang bshad pa de la de brjed ngas par mi 'gyur ro// 'jig rten pa'i 'jig rten gyi tha snyad gang dag skad dam/ sngags ci yod pa de dag thams cad chos kyi tshul dang sbyor ro/ / stong gsum gyi stong chen po'i 'jig rten gyi khams na/ sems can 'gro ba drug tu skyes shing 'khor ba'i sems can gang ji snyed dag thams cad kyi sems kyi spyod pa'i g.yo ba rnams kyang shes so/ / g.yos pa dang bsam pa dang / spros pa rnams kyang shes shing rab tu rtogs so// re shig 'phags pa'i ye shes mdzob kyang // den yid kyi dbang po 'di lta bur yongs su dag par 'gyur ro/ / chos kyi nges gang dang gang rjes su bsams te/ gtam ston pa de thams cad kyang dag par ston to// de bzhin gshegs pas gsungs pa thams cad ston to/ / sngon gyi rgyal bas mdo sde'i rnam grangs bstan pa thams cad 'chad do// de nas bcom ldan 'das kyis de'i tshe tshigs su bcad pa 'di dag bka' stsal to/ / de yi yid kyi dbang po rnam dag 'gyur// gsal zhing 'od gas la rnyog pa med pa ste// ngan pa bzang po de bzhin par ma dang // des ni rnam pa mang po'i chos rab shes/ / brtan pa des ni tshigs bcad gcig thos kyang // de don rnam pa mang po de yis shes// zla ba bzhi 'am de bzhin lo yi bar// rtag tu yang dag 'brel bar rab tu smra/ / sems can gang rnams 'jig rten khams 'di yi// phyi rol dag dang nang na gang gnas pa// lha mi lha ma yin dang gsang ba pa// klu dang dud 'gro'i skye gnas gar song dang / / 'gro ba drug na gnas pa'i sems can rnams// de dag rnams kyis rnam par ci bsams pa// skad cig tu ni thams cad mkhas pas shes// mdo 'di 'dzin pa'i phan yon 'di dag go/ / bsod nams brgya yi mtshan ldan sangs rgyas kyis// 'jig rten kun na chos gang rab bshad pa// de yi rnam par dag pa'i sgra yang thos/ deyis ci bstan pa yang des bzung ste// chos kyi mchog kyang mang du rnam par sems// de ni rtag tu mang po ston par 'gyur// de ni myos par nam yang mi 'gyur te// mdo 'di' pa'i phan yon 'di dag go/ / des ni mtshams dang tshig kyang rab tu shes// chos rnams kun gyi mtshan nyid mi mthun dang // don dang nges pa'i tshig kyang rab tu shes// ji ltar de dag shes pa bzhin du 'chad/ / sngon gyi 'jig rten dag gi slob dpon gyis// yun ring 'dir ni mdo sde gang bshad pa// de yi chos rnams 'khor gyi dbus su yang // 'jigs pa med par rtag tu de 'chad do/ / mdo 'di bzung ba dang ni bklags pa yis// de yi yid kyi dbang po de 'drar 'gyur// da dung ma chags ye shes ma thob ste// 'di ni de yi sngon du 'gro bar 'gyur/ / bde bar gshegs pa'i mdo 'di bzung na yang // slob dpon gyi ni sa la 'dug pa yin// sems can thams cad la yang chos smra ste// nges tshig bye ba snyed la mkhas par 'gyur/ / skye mched drug rnam par dag pa'i phan yon gyi le'u zhes bya ba ste bco brgyad pa'o// // de nas bcom ldan 'das kyis byang chub sems dngapa sems dpa' chen po mthu chen po thob la bka' stsal pa/ mthu chen thob rnam grangs 'dis kyang 'di ltar rig par bya ste/ gang dag kha cig chos kyi rnam grangs 'di lta bu 'di spong ba dang / mdo sde 'di lta bu 'dzin pa'i dge slong dang / dge slong ma dang / dge bsnyen dang / dge bsnyen ma la gshe zhing mi snyan par smra ba dang / tshogs par mi dbyung ba'i tshig zlum mo zer ba ngag gi rnam par smin pa 'dod pa ma yin par 'gyur te/ de ni tshig gis brjod du yang mi nus so// gang dag mdo sde 'di lta bu 'dzin pa dang / klog pa dang / kun chub par byed pa dang / 'chad pa dang / gzhan dag la yang rgya cher yang dag par rab tu ston pa de dag gi rnam par smin pa ni 'dod par 'gyur te/ ji ltar ngas sngar brjod pa de lta bur mig dang / rna dang sna dang / lce dang / lus dang / yid yongs su dag pa 'thob par 'gyur ro// mthu chen thob sngon byung ba 'das pa'i dus na bskal pa grangs med pa'i yang ches grangs med pa/ yangs pa tshad med pa/ bsam gyis mi khyab pa de dag gi yang pha rol tu gyur pa de'i tshe/ de'i dus na tha dad du gnas pa'i bskal pa la 'jig rten gyi khams cher 'byung bar de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das 'jigs bsgrags dbyangs kyi rgyal po zhes bya ba 'jig rten du byung ste/ mthu chen thob bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'jigs bsgrags dbyangs kyi rgyal po des/ 'jig rten gyi khams cher 'byung ba de lgang mi dang lha ma yin du bcas pa'i 'jig rten gyi mdun na chos ston te/ 'di lta ste/ nyan thos rnams la ni skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa las shin tu bzla ba'i phyir/ mya ngan las 'das pa'i mthar thug pa/ 'phags pa'i bden pa bzhi dang ldan pa rten cing 'brel bar 'byung ba la 'jug pa'i chos ston to/ / byang chub sems dpa' sems dpa' chen po rnams la ni/ bla na med pa yang dag par rdzogs pa'i byang chub las brtsams te pha rol tu phyin pa drug dang ldan pa/ de bzhin gshegs pa'i ye shes kyi mthar thug pa'i chos ston to// mthu chen thob bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'jigs bsgrags dbyangs kyi rgyal po de'i tshe'i tshad ni bskal pa bye ba khrag khrig brgya stong phrag gang+gA'i klung bzhi'i bye ma snyed du gyur to/ / de yongs su mya ngan las 'das nas kyang bskal pa bye ba khrag khrig brgya stong phrag 'dzam bu'i gling gi rdul phra rab snyed du dam pa'i chos garagyur to/ / bsal pa bye ba khrag khrig brgya stong phra bzhi'i rdul phra rab snyed du dam pa'i chos kyi gzugs brnyan gnas par gyur to/ / mthu chen thob 'jig rten gyi khams char 'byung ba de na/ bcom ldan 'das de bzhin dgas pa da bcom pa yang dag par rdzogs pa'i sangs rgyas 'jigs bsgrags dbyangs kyi rgyal po de yongs su mya ngan las 'das pa'i dam pa'i chos dang / dam pa'i chos kyi gzugs brnyan yang med par gyur nas/ de bzhin gshegs pa dgra bcom pa yang dag par rdzogs pa'i sangs rgyas 'jigs bsgrams dbyangs kyi rgyal po gzhan yang 'jig rten du 'byung m thu chen thob de lta bu gcig nas gcig tu cher 'byung ba'i 'jig rten gyi khams der de bzhin gshegs pa dgra bcom pa yang dag par rdzogs pa'i sangs rgyas 'jigs bsgrags dbyangs kyi rgyal po bye ba khrag khrig brgya stong phrag nyi shu byung ngo / / mthu chen thob tha dad du gnas pa'i bskal pa la 'jig rten gyi sa cher 'byung ba dang / de bzhin gshegs pa dgra bcom pa pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ 'jigs bsgrags dbyangs kyi rgyal po de bzhin gshegs pa thams cad kyi thog mar gang byung ba'i bcom ldan 'das yongs su mya ngan las 'das pa de'i dam pa'i chos nub par gyur te/ dam pa'i chos kyi gzugs brnyan yang nub par gyur pa'i tshe/ de'i bstan pa la/ nga rgyal can gyi dge slong gis shin tu non par gyur te/ de na byang chub sems dpa' sems dpa' chen po rtag tu brnyas pa zhes bya ba'i dge slong zhig byung ngo // mthu chen thob ci'i phyir byang chub sems dpa' sems dpa' chen po de rtag tu brnyas pa zhes bya zhe na/ mthu chen thob byang chub sems dpa' sems dpa' chen po des/ dge slong ngam/ dge slong ma 'am/ dge bsnyen nam/ dge bsnyen ma 'am su mthong yang rung ste/ de dag gi drung du song nas 'di skad du kho bo ni tshe dang ldan pa khyed la brnyas par mi byed de/ khyed ni ma brnyas pa'o// de ci'i phyir zhe na/ khyed thams cad kyis byang chub sems dpa'i spyad pa spyod cig dang / khyed de bzhin gshegs pa dgra bcom pa yang dag par rdzogs pa'i sangs rgyas su 'gyur ro zhes smra'o// mthu chen thob rnam grangs 'dis byang chub sems dpa' sems dpa' chen po dge slong du gyur pa de sems can rgyang ring po na 'dug pa su mthong yang rung ste/ de'i drung du song zhing 'di skad du yang dag par sgrogs pa ma gtogs par lung yang mi nod kha ton yang mi byed do/ / dge slong ngam/ dge slong ma 'am/ dge bsnyen nam/ dge bsnyen ma de dang de dag gi drung du song nas/ 'di skad du kho bo ni tshe dang / ldan pa khyed la brnyas par mi byed de/ khyed ni ma bsnyas pa'o// de ci'i phyir zhe na/ khyed thams cad kyis byang chub sems dpa'i spyad pa spyod cig dang khyed de bzhin gshegs pa dgra bcom pa yang dag par rdzogs pa'i sangs rgyas su 'gyur ro zhes smra'o/ / mthu chen thob byang chub sems dpa' sems dpa' chen po des/ de'i tshe dge slong ngam/ dge slong ma 'am dge bsnyen nam/ dge bsnyen ma su dang su la de skad bsgrags pa de dag thams cad las phal cher de la khro zhing gnod par sems la ma dad pa skyed de/ de la gshe zhing spyos te/ ci'i phyir dge slong 'di ma dris par brnyas pa'i sems med do zhes bdag cag la ston te bdag nyid la brnyas par byed cing / 'di ltar ma bsam mi 'dod par bla na med pa yang dag par rdzogs pa'i byang chub tu bdag cag la lung ston ces smra'o/ / mthu chen thob byang chub sems dpa' sems dpa' chen po de de lta bur gshe zhing spyo bas lo mang po 'das te/ su la yang mi khro zhing gnod sems mi skyed do/ / de ltar de yang dag par sgrogs pa la bong ba dang dbyig pa 'phen kyang des de dag la thag ring po nas sgra chen por byas te/ kho bo khyod la brnyas par mi byed do// zhes yang dag par sgrog go/ des nga rgyal can gyi dge slong dang / dge slong ma dang / dge bsnyen dang / dge bsnyen ma de dag la rtag tu rgyun mi 'chad par yang dag par bsgrags pas de dag gis de la ming rtag tu brnyas pa zhes btags so/ / mthu chen thob byang chub sems dpa' sems dpa' chen po rtag tu brnyas pa de 'chi ba'i dus byed pa nye bar gnas te/ 'chi ba'i dus kyi tshe/ dam pa'i chos pad+ma dkar po'i chos kyi rnam grangs 'di thos par gyur te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'jigs bsgrags dbyangs kyi rgyal po des/ chos kyi rnam grangs 'di tshogs su bcad pa dkrigs phrag bye ba khrag khrig brgya stong phrag nyi shus bshad pa de yang byang chub sems dpa' sems dpa' chen po rtag tu brnyas pa de 'chi ba'i dus nye bar gnas pa de'i tshe/ bar snang gi sgra las chos kyi rnam grangs 'di thos so// sus kyang ma smras par des par snang las sgra thos te/ chos kyi rnam grangs 'di bzung nas mig rnam par dag pa dang / rna ba rnam par dag pa dang / sna rnam par dag pa dang / lce rnam par dag pa dang / lus rnam par dag pa dang / yid rnam par dag pa de lta bu thob bo// rnam par dag pa de dag thob ma thag tu/ phyir yang lo bye ba khrag khrig brgya stong phrag nyi shur bdag gis srog gi 'du byed byin gyis brlabs te/ chos kyi rnam grangs 'di yang dag par bsgrags so// dge slong ngam/ dge slong ma 'am/ dge bsnyen nam/ dge bsnyen ma nga rgyal can gang dag la sngon khyed la kho bo brnyas par mi byed do zhes bsgrags pa gang dag gis de'i ming du brnyas par btags pa de dag gis/ de'i rdzu 'phrul gyi stobs kyi mthu dang / dam cas pa'i stobs kyi mthu dang / spobs pa'i stobs kyi mthu dang / shes rab kyi mthu chen po mthong nas/ thams cad kyang chos mnyan pa'i phyir phyi na 'khod par 'gyur to// des gzhan yang srog chags bye ba khrag khrig brgya stong mang po de dag thams cad kyang bla na med pa yang dag par rdzogs pa'i byang chub tu yang dag par btsud do/ / mthu chen thob byang chub sems dpa' sems dpa' chen po de/ de nas shi 'phos nas de bzhin gshegs pa dgra bcom pa yang dag par rdzogs pa'i sangs rgyas zla ba'i dbyangs kyi rgyal po zhes bya bar mtshan mthun pa bye ba brgya phrag nyi shu mnyes par byas te/ thams cad du yang chos kyi rnam grangs 'di yang dag par rab tu ston to// de sngon gyi dge ba'i rtsa ba des/ rims kyis de bzhin gshegs pa dgra bcom pa yang dag par rdzogs pa'i sangs rgyas rnga sgra'i rgyal po zhes bya bar mtshan mthun pa bye ba brgya phrag nyi shu mthar gyis mnyes par bla nas/ de thams cad du yang dam pa'i chos pad+ma dkar po chos kyi rnam grangs 'di bzung ste/ 'khor bzhi la yang dag par rab tu bshad do// de sngon gyi dge ba'i rtsa ba des mthar gyis de bzhin gshegs pa dgra bcom pa yang dag par rdzogs pa'i sangs rgyas sbyin sgra rgyal po zhes bya bar mtshan mthun pa bye ba brgya phrag nyi shu mnyes par byas nas/ thams cad du yang dam pa'i chos pad+ma dkar po'i chos kyi rnam grangs 'di nyid bzung ste/ 'khor bzhi la yang dag par rab tu bshad do// thams cad na yang mig yongs su dag pa dang ldan par gyur to// rna ba yongs su dag pa dang / sna yongs su dag pa dang / lce yongs su dag pa dang / lus yongs su dag pa dang / yid yongs su dag pa de lta bu dang ldan par gyur to// mthu chen thob byang chub sems dpa' sems dpa' chen po rtag tu brnyas pa des/ de bzhin gshegs pa bye ba khrag khrig brgya stong de snyed la bsti stang du byas/ bla mar byas/ ri mo dang / mchod pa dang gsol ba dang / dbul ba byas te/ gzhan yang sangs rgyas bye ba khrag khrig brgya stong mang po la bsti stang du bya ba dang / bla mar bya ba dang / ri mo dang mchod pa dang / gsol ba byas nas/ de dag thams cad du yang dam pa'i chos pad+ma dkar po'i chos kyi rnam grangs 'di bzung ste/ sngon gyi dge ba'i rtsa ba de nyid yongs su smin pas bla na med pa yang dag par rdzogs pa'i byang chub tu mngon par rdzogs par sangs rgyas so/ / mthu chen thob de'i tshe de'i dus na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas/ 'jigs bsgrags dbyangs kyi rgyal po'i bstan pa la 'khor bzhi rnams kyis rtag tu brnyas par grags shing gang gis de bzhin gshegs pa dgra bcom pa yang dag par rdzogs pa'i sangs rgyas de snyed mnyes par byas pa/ byang chub sems dpa' sems dpa' chen po rtag tu brnyas pa de gzhan yin snyam du som nyi'am/ yid gnyis dang / the tsom za bar gyur na// mthu chen thob khyod kyis de ltar mi blta'o// de ci'i phyir zhe na/ nga nyid de'i tshe de'i dus na/ byang chub sems dpa' sems dpa' chen po rtag tu brnyas pa zhes bya bar gyur to// mthu chen thob gal te ngas sngon chos kyi rnam grangs 'di ma blangs ma bzung bar gyur na/ nga 'di ltar myur du bla na med pa yang dag par rdzogs pa'i byang chub mngon par rdzogs par sangs rgyas par mi 'gyur te/ mthu chen thob de ltar ngas sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyi gan nas chos kyi rnam grangs 'di// bzung ste bklags pa dang bstan pas/ de'i phyir nga 'di ltar myur du bla na med pa yang dag par rdzogs pa'i byang chub mngon par rdzogs par sangs rgyas so// mthu chen thob byang chub sems dpa' sems dpa' chen po rtag tu brnyas pa de/ dge slong dang / dge slong ma dang / dge bsnyen ma brgya phrag mang po dag la/ bcom ldan 'das de'i bstan pa la chos kyi rnam grangs 'di yang dag par bsgrags shing kho bo khyed la brnyas par mi byed do/ / khyed cag thams cad kyang byang chub sems dpa'i spyad pa spyod cig dang / khyed de bzhin gshegs pa dgra bcom pa yang dag par rdzogs pa'i sangs rgyas su 'gyur ro zhes byas pa dang / gang gis byang chub sems dpa' de la gnod sems bskyed par gyur pa de dag gis bskal pa bye ba brgya phrag nyi shur nam yang / de bzhin gshegs pa ma mthong chos kyi sgra yang ma thos/ dge 'dun gyi sgra yang ma thos so// bskal pa stong phrag bcur mnar med pa'i sems can dmyal ba chen por sdug bsngal mi bzad pa myong ngo / / de dag thams cad las kyi sgrib pa de las yongs su thar nas/ byang chub sems dpa' sems dpa' chen po de nyid kyis bla na med pa yang dag par rdzogs pa'i byang chub tu yongs su smin par byas so/ / mthu chen thob de'i tshe de'i dus na/ sems can du gyur pa byang chub sems dpa' chen po la bsting ba dang / 'phya ba byas pa de dag gang yin snyam du som nyi dang / yid gnyis sam/ the tsom za bar gyur na/ mthu chen thob 'khor 'di nyid kyi nang na/ bzang skyong la sogs pa byang chub sems dpa' lnga brgya dang / seng ge zla ba la sogs pa dge slong ma lnga brgya dang / bde gshegs sems pa la sogs pa dge bsnyen ma lnga brgya ste/ thams cad kyang bla na med pa yang dag par rdzogs pa'i byang chub las phyir mi ldog par byas so/ / mthu chen thob chos kyi rnam grangs 'di 'dzin pa dang / ston pa dang ldan pa'i bsod nams kyi phung po de ltar don che ste/ byang chub sems dpa' sems dpa' chen po rnams kyis bla na med pa yang dag par rdzogs pa'i byang chub par byed par 'gyur ro// mthu chen thob de lta bas na/ de bzhin gshegs pa nga yongs su mya ngan 'das nas/ byang chub sems dpa' sems dpa' chen po rnams kyis chos kyi rnam grangs 'di rgyun mi 'chad par bzung bar bya'o// bstan par bya'o// bklag par bya'o// bshad par bya'o// de nas bcom ldan 'das kyis de'i tshe tshigs su bcad pa 'di dag bka' stsal to// 'das pa'i dus rnams rjes su dran pa ni/ 'jigs dbyangs rgyal po rgyal ba gang byung ba// lha mi gnod sbyin srin po'i 'dren pa ste// mthu chen de la lha dang mi yis mchod// rgyal ba de ni mya ngan yongs 'das nas// dam chos 'khrug par gyur pa tha ma la// de na byang chub sems dpa' dge slong byung // de yi ming ni rtag tu brnyas zhes bya// de na dge slong gzhan dang de bzhin du// dmigs par lta ba'i dge slong de gan song / / kho bos khyed la nam yang brnyas pa med// khyed kyis byang chub mchog phyir spyad pa spyod// de bzhin rtag tu yang dag bsgrags pa na/ / gshe zhing brgyad pa de dag bzod par byed// 'chi ba'i dus byed nye bar gnas pa dang // de yis mdo sde 'di ni thos gyur nas// de tshe mkhas pas 'chi ba'i dus ma byas/ / tshe yang shin tu ring por byin brlabs te// rnam par 'dren pa de yi bstan pa la// de tshe mdo 'di yang ni rab tu bshad// dmigs can mang po de dag thams cad kyang // de yis byang chub tu ni yongs smin byas// de nas byang chub sems dpa' shi 'phos nas// sangs rgyas bye ba phrag stong mnyes byas te// mthar gyis bsod nams byas pa de dag gis/ / mdo 'di yang ni rtag par rab tu bshad// rgyal ba'i sras des byang chub yang dag thob// shAkya thub pa nga nyid de yin no// de tshe gang dag dmigs can dge slong dang // dge slong ma dang dge bsnyen gang rnams dang / de na dge bsnyen ma rnams gang byung ba// mkhas pas de tshe byang chub bsgrags gyur pa// de dag rnams kyis sangs rgyas bye mang mthong // de dag lnga brgya mi nyung 'di rnams dang // de bzhin dge slong pha dang dge slong ma// nga yi mngon sum dge bsnyen 'di dag ste// thams cad nga yis chos mchog thob byas nas// ngas ni 'di dag thams cad yongs smin byas/ / mya ngan nga 'das dpa' bo 'di kun ni// 'di na mdo sde mchog 'di 'dzin par 'gyur// bskal pa mtha' yas bye ba mang por yang // 'di// 'dra'i chos ni nam yang mi thos te// sangs rgyas bye ba phrag brgya byung na yang // de dag kyang ni mdo 'di mi 'chad do// de phyir rang byung nyid kyis brjod pa'i chos// 'di lta bu yi rnam pa thos nas su/ / yang dang yang ni rab tu 'di bzung la// mya ngan nga 'das mdo sde rab shod cig/ rtag tu brnyas pa'i le'u zhes bya ba ste/ bcu dgu pa'o// / / de nas byang chub sems dpa' bye ba khrag khrig brgya stong phrag stong gi 'jig rten gyi khams kyi rdul phra rab rnyed gang dag sa rum nas 'thon pa de dag thams cad kyis/ bcom ldan 'das kyi spyan sngar thal mo sbyar nas/ bcom ldan 'das la 'di skad ces gsol to// bcom ldan 'das de bzhin gshegs pa yongs su mya ngan las 'das nas/ bdag cag gis sangs rgyas kyi zhing thams cad na/ bcom ldan 'das kyi sangs rgyas kyi zhing gang dag lags pa gang du bcom ldan 'das yongs su mya ngan las 'das nas 'gyur ba de dang der chos kyi rnam grangs 'di rab tu bshad par bgyi'o/ / bcom ldan 'das bdag cag ni/ chos kyi rnam grangs rgya chen po 'di lta bu gzung ba dang / bklags pa dang / bstan pa dang / rab tu bshad pa dang / yi ger bri bar 'tshal ba lags so/ / de nas 'jam dpal la sogs byang chub sems dpa' bye ba khrag khrig brgya stong mang po gang dag 'jig rten gyi khams mjed 'di na gnas pa dang / dge slong dang / dge slong ma dang / dge bsnyen dang / dge bsnyen ma dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa rnams dang / byang chub sems dpa' sems dpa' chen po mang po gang+gA'i klung gi bye ma snyed kyis/ bcom ldan 'das la 'di skad ces gsol to/ / bcom ldan 'das de bzhin gshegs pa yongs su mya ngan las 'das nas bdag cag gis kyang chos kyi rnam grangs 'di yang dag par rab tu bshad par bgyi'o// bcom ldan 'das lus mi gda' bar snang la gnas te dbyangs kyis yang dag par bsgrags par bgyi'o// dge ba'i rtsa ba ma bskrun pa'i sems can rnams dge ba'i rtsa ba bskrun par bgyi'o/ / de nas bcom ldan 'das kyis/ byang chub sems dpa' sems dpa' chen po snga ma tshogs dang tshogs chen po dang / tshogs kyi slob dpon de dag gi gtso po gcig po byang chub sems dpa' chen po/ / spyod pa khyad par can zhes bya ba tshogs dang tshogs chen po dang tshogs kyi slob dpon la 'di skad ces bka' stsal to// spyod pa khyad par can legs so legs so/ / khyod kyis de ltar gyis shig dang / chos kyi rnam grangs 'di'i phyir khyed de bzhin gshegs pas yongs su smin par byas so// de nas bcom ldan 'das de bzhin gshegs pa shAkya thub pa dang / bcom ldan 'das yongs su mya ngan las 'das pa de bzhin gshegs pa dgra bcom pa yang dag par rdzogs pa'i sangs rgyas rin chen mang de mchod rten gyi dbus na seng ge'i khri la bzhugs pa gnyis 'dzum pa mdzad nas/ gnyi ka'i zhal gyi sgo nas ljags kyi dbang po phyung ste/ ljags kyi dbang po de gnyis kyi tshangs pa'i 'jig rten gyi bar du phyin nas/ ljags kyi dbang po de gnyis ka las 'od zer bye ba khrag khrig brgya stong mang po byung ngo // 'od zer de dag las 'od zer re re las kyang / byang chub sems dpa' bye ba khrag khrig brgya stong mang po lus kyi mdog gser gyi kha dog 'dra ba/ skyes bu chen po'i mtshan sum cu rtsa gnyis dang ldan pa/ pad+mo'i snying po'i khri la 'khor pa dag byung ngo // byang chub sems dpa' de dag kyang phyogs dang phyogs mtshams kyi 'jig rten gyi khams brgya stong dag tu dong ste/ phyogs dang phyogs mtshams de dag thams cad na bar snang la 'khod nas chos ston to/ / ji ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang gi sngags kyi dbang po rdzu 'phrul gyi tshe 'phrul mdzad pa de bzhin du/ 'jig rten gyi khams bye ba khrag/ khrig brgya stong gzhan dag nas/ de bzhin gshegs pa dgra bcom pa yang dag par rdzogs pa'i sangs rgyas gang dag gshegs shing rin po che'i shing ljon pa'i drung dag na/ seng ge'i khri so so la bzhugs pa de dag kyang ljags kyi dbang po rdzu 'phrul gyi cho 'phrul mdzad do/ / de nas bcom ldan 'das shAkya thub pa dang de bzhin gshegs pa rin chen mang dang / de bzhin gshegs pa dgra bcom pa yang dag par rdzogs pa'i sangs rgyas de dag thams cad kyis lo 'bum chang gi bar du rdzu 'phrul mngon par 'du byed pa mdzad do/ / de nas lo 'bum 'das nas de bzhin gshegs pa dgra bcom pa yang dag par rdzogs pa'i sangs rgyas de dag gis ljags kyi dbang po de dag bsdus te/ dus gcig tu skad cig thang cig yud tsam cig la thams cad kyis mgur bsal ba'i sgra chen po phyung ste/ se gol gtogs pa'i sgra gcig mdzad do// mgur bsal ba'i sgra chen po de dang gol gtogs pa'i sgra chen po des/ phyogs bcu'i sangs rgyas kyi zhing bye ba khrag khrig brgya stong ji snyed pa de dag thams cad g.yos par gyur te/ rab tu g.yos kun tu rab tu g.yos/ 'gul rab tu 'gul/ kun tu rab tu 'gul/ ldeg rab tu ldeg/ kun tu rab tu ldeg go/ sangs rgyas kyi zhing de dag na lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang lto 'phye chen po dang / mi dang mi ma yin pa sems can ji snyed 'khod pa dag de na 'dug bzhin du/ sangs rgyas kyi mthus de dag thams cad kyis 'jig rten gyi khams mi mjed 'jig rten mthong ste/ de bzhin gshegs pa bye ba khrag khrig brgya stong rin po che'i shing ljon pa'i drung na/ seng ge'i khri so so la bzhugs pa de dag dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa dang / bcom ldan 'das yongs su mya ngan 'das pa de bzhin gshegs pa dgra bcom pa yang dag par rdzogs pa'i sangs rgyas rin chen mang rin po che'i mchod rten chen po de'i dbus na seng ge'i khri la bzhugs pa de/ bcom ldan 'das de bzhin gshegs pa shAkya thub pa dang lhan cig tu bzhugs pa dang / 'khor bzhi po de dag kyang mthong ngo // de mthong nas ngo mtshar du gyur rmad du gyur shin tu dga' ba thob par gyur te/ bar snang las sgra 'di skad ces thos te/ kye grogs po dag 'jig rten gyi khams bye ba khrag khrig brgya stong dpag tu med/ grangs med pa dag 'das pa na/ 'jig rten gyi khams mi mjedzad ces bya ba de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba de da ltar dam pa'i chos pad+ma dkar po zhes bya ba'i chos kyi rnam grangs 'di shin tu rgyas pa chen po'i mdo sde/ byang chub sems dpa' rnams la gdam pa/ sangs rgyas thams cad kyis yongs su bzung ba/ byang chub sems dpa' sems dpa' chen po rnams la yang dag par rab tu 'chad kyis de la khyod kyis nga la lhag pa'i bsam pas rjes su yi rang bar gyis shig bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la phyag 'tshol cig/ mchod pa gyis shig ces thos so// de nas sems can de dag thams cad kyi bar snang las de lta bu'i sgra thos nas/ de na 'khod bzhin du bcom ldan 'das de bzhin gshegs pa shAkya thub pa la phyag 'tshal lo zhes tshig de skad smras so/ / bcom ldan 'das de bzhin gshegs pa shAkya thub pa dang / dam pa'i chos pad+ma dkar po'i chos kyi rnam grangs 'di la mchod pa'i las kyi phyir thal mo sbyar te me tog dang / bdug pa dang / spos dang / 'phreng ba dang / byug pa dang / phye ma dang / na bza' dang / gdugs dang / rgyal mtshan dang / lha'i ba dan dang / rnam par rgyal ba'i ba ngan rnam pa mang po 'jig rten gyi khams mi mjed 'di ga la ba der logs su 'thor ro/ / byang phrul dang / bgo ba dang / se mo do dang / do shal dang / nor bu dang / rin po che rnam pa mang po yang gtor ro/ / me tog dang / bdug pa dang / spos dang / 'phreng ba dang / byug pa dang / phye ma dang / chos gos dang / gdugs dang / rgyal mtshan dang / lha'i ba dan dang / rnam par rgyal ba'i ba dan dang se mo do dang / do shal dang / nor bu dang / rin po che gtor ba de dag thams cad 'jig rten gyi khams mi mjed 'dir 'ongs te/ me tog dang / bdug pa dang / spos dang / phreng ba dang / byug pa dang / bye ma dang / na bza' dang / gdugs dang / rgyal mtshan dang / lha'i ba dan dang / rnam par rgyal ba'i ba dan rnam pa mang po dang / se mo do dang / do shal dang / nor bu dang / rin po che de dag gis thams cad dang ldan pa'i 'jig rten gyi khams mi mjed 'di khebs par gyur to// 'jig rten gyi khams gzhan bye bab khrag khrig brgya stong de dag dang lhan cig tu khebs par gyur nas gcig tu gyur te/ gang dag na de bzhin gshegs pa de dag bzhugs pa 'jig rten gyi khams bye ba khrag khrig brgya stong de dag dang / thams cad kyi steng gi nam mkha' bar snang la/ me tog gi bla re chen po kun tu khebs par gyur to// de nas bcom ldan 'das kyi spyod pa khyad par can la sogs pa/ byang chub sems dpa' sems dpa' chen po rnams la bka' stsal pa/ rigs kyi bu dag de bzhin gshegs pa dgra bcom pa yang dag par rdzogs pa'i sangs rgyas rnams ni/ mthu bsam gyis mi khyab pa ste/ rigs kyi bu dag chos kyi rnam grangs 'di yongs su gtad pa'i phyir/ ngas bskal pa bye ba khrag khrig brgya stong mang po chos kyi sgo rnam pa tha dad pa dag gis phan yon gyi rnam grangs mang po bshad mod kyi/ ngas chos kyi rnam grangs 'di'i yon tan bshad kyang yon tan gyi pha rol tu mi phyin no// rigs kyi bu dag mdor na/ sangs rgyas kyi chos thams cad dang / sangs rgyas kyi khyu mchog tu gyur pa thams cad dang / sangs rgyas kyis gsang chen thams cad dang / sangs rgyas kyi zab mo'i gnas thams cad ngas chos kyi rnam grangs 'dir bshad do/ / rigs kyi bu dag de lta bas na/ khyed kyis kyang de bzhin gshegs pa yongs su mya ngan las 'das nas/ chos kyi rnam grangs 'di gus par gzung bar bya'o/ / bstan par bya'o// yi ger 'bri bar bya'o// bklag par bya'o// rab tu bshad par bya'o// bsgom par bya'o// mchod par bya'o// rigs kyi bu dag sa phyogs gang na chos kyi rnam grangs 'di klog gam/ ston tam/ rab tu 'chad dam/ yi ger 'dri 'am/ sems sam/ 'don tam/ kha ton byed dam/ glegs bam du byas pa kun dga'i ra ba 'am/ gtsug lag khang ngam/ khyim mam/ gnas sam/ shing drung ngam/ khang pa 'am/ gnas khang ngam/ phug na 'dug kyang rung ste/ sa phyogs der debazhin gshegs pa'i mchod rten bya'o/ / de ci'i phyir zhe na/ sa phyogs su de de bzhin gshegs pa thams cad kyi byang chub kyi snying por rig par bya ba dang / sa phyogs de de bzhin g shegs pa dgra bcom pa yang dag par rdzogs pa'i sangs rgyas thams cad bla na med pa yang dag par rdzogs pa'i byang chub mngon par rdzogs par sangs rgyas par rig par bya ba dang sa phyogs der de bzhin gshegs pa thams cad kyis chos kyi 'khor lo rab tu bskor ba dang / sa phyogs der de bzhin gshegs pa thams cad yongs su mya ngan las 'das par rig par bya ba yin pa'i phyir ro/ / de nas bcom ldan 'das kyis de'i tshe tshigs su bcad pa 'di dag bka' stsal to// mngon shes ye shes rab tu gnas rnams kyi// 'jig rten ban pa'i chos ni bsam mi khyab/ / lus can 'di kun mchog tu dga' ba'i phyir// mtha' yas spyan gyis rdzu 'phrul rab tu bstan// 'od zer stong rnams rab tu kun 'gyed cing // sngags kyi dbang pos tshangs pa'i 'jig rten phyin// byang chub mchog la zhugs pa de dag phyir// ngo mtshar gyur pa'i rdzu 'phrul de dag bstan// sangs rgyas rnams ni mgur ser sgra mdzad cing // sa gol gcig gi sgra dag gang phyung ba/ / de dag phyogs bcu'i 'jig rten ji tsam pa// 'jig rten khams de thams cad go bar byas// ci nas de dag dga' nas phyi dus na/ / bde gshegs mya ngan 'das nas mdo 'dzin par// de dag dang ni cho 'phrul gzhan rnams dang // yon tan rnams ni phan zhing thugs brtses bstan// 'jig rten rnam 'dren mya ngan 'das pa na/ / mdo sde mchog 'di gang dag 'dzin pa yi// bder gshegs sras po rnams kyi bsngags pa ni// bskal pa bye ba phrag stong mang brjod kyang // de dag gi ni yon tan mtha' yas te/ / ji ltar phyogs rnams su ni nam mkha' bzhin// gang dag rtag tu mdo sde 'di 'dzin pa// de dag yon tan bsam gyi mi khyab 'gyur// 'jig rten 'dren pa mya ngan 'das 'di dang / / nga dang 'dren pa 'di dang thams cad mthong // byang chub sems dpa' mang po 'di kun dang // 'khor bzhi rnams kyang de yis mthong ba yin// de yis deng 'dirang ni mnyes par byas/ / rgyal ba'i dbang po mya ngan 'das 'di dang // phyogs bcu rnams na gang dag gzhan bzhugs pa// 'dren pa de dag thams cad mnyes par byas// gang zhig mdo sde 'di ni 'dzin byed pa/ / 'das dang de bzhin ma byon sangs rgyas dang // phyogs bcu dag na gang dag bzhugs pa yang // de kun mthong zhing shin tu mchod par 'gyur// mdo sde yang dag chos 'di gang 'dzin pas/ / byang chub snying por rnam par gang dgongs pa// skyes mchog rnams kyi gsang chen shes par 'gyur// de ni de yang myur du rjes su sems// gang zhig mdo sde dam pa 'di 'dzin pa/ / de yi spobs pa dag ni mtha' yas 'gyur// ji ltar rlung ni gang du'ang thogs med bzhin// chos dang don dang nges pa'i tshig kyang shes// 'dren pa rnams kyis dgongs te gang gsungs pa/ / mdo sde rnams kyi mtshams sbyor rtag tu shes// rnam par 'dren pa mya ngan 'das pa yi// mdo sde rnams kyi yang dag don de shes// zla ba nyi ma 'dra bar der 'gyur te/ / de ni shin tu snang zhing bsal byed 'gyur// de ni sa la rgyu zhing de dang der// byang chub sems dpa' mang po yang dag 'dzud// de bas byang chub sems dpa' mkhas gang dag/ 'di 'dra ba yi phan yon 'di thos nas// mya ngan 'das mdo sde 'di zung shig dang // de dag the tsom med par byang chub 'gyur// de bzhin gshegs pa'i rdzu 'phrul mngon par 'du byed pa'i le'u zhes bya ste nyi shu pa'o/ / dam pa'i chos pad+ma dkar po bam po bcu gnyis pa/ de nas byang chub sems dpa' sems dpa' chen po sman gyi rgyal po stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das gal ba de logs su thal mo sbyar ba btung nas/ bcom ldan 'das la 'di skad ces gsol to/ / bcom ldan 'das dam pa'i chos pad+ma dkar po'i chos kyi rnam grangs 'di lus la thogs samA/ glegs bam du bgyis te 'dzin pa'i rigs kyi bu 'am/ rigs kyi bu mo de bsod nams ji snyed cig skyed par 'gyur/ de skad ces gsol pa dang / bcom ldan 'das kyis byang chub sems dpa' chen bopo sman gyi rgyal po la 'di skad ces bka' stsal to/ / sman gyi rgyal po rigs kyi bu 'am/ rigs kyi bu mo gang la la de bzhin gshegs pa bye ba khrag khrig brgya stong phrag gang+gA'i klung brgyad cu'i bye ma snyed la bsti stang du byed/ btsun par byed/ ri mor byed/ mchod par byed na/ sman gyi rgyal po 'di ji snyam du sems/ rigs kyi bu 'am/ rigs kyi bu mo de gzhi de las bsod nams mang du skyed dam/ gsol pa/ bcom ldan 'das mang lags so// bde bar gshegs pa mang lags so// bcom ldan 'das kyis bka' stsal pa/ sman gyi rgyal po khyod mos par bya'o// khong du chud par bya'o// sman gyi rgyal po rigs kyi bu 'am/ rigs kyi bu mo gang la la dam pa'i chos kyi rnam grangs 'di las tha na tshig bzhi pa'i tshigs su bcad pa gcig tsam yang 'dzin pa dang / klog pa dang / kun chub par byed pa dang / nan tan gyis bsgrub na/ sman gyi rgyal po rigs kyi bu 'am/ rigs kyi bu mo de bzhin de bas ches bsod nams mang du bskyed do/ / de nas bcom ldan 'das la byang chub sems dpa' sems dpa' chen po sman gyi rgyal pos 'di skad ces gsol to// bcom ldan 'das gang dam pa'i chos kyi rnam grangs 'di lus la thogs sam/ glegs bam du bgyis te/ 'dzin pa'i rigs kyi bu 'am/ rigs kyi bu mo de bdag gis bsrung ba dang / bskyab pa dang sba ba'i slad du gzungs sngags kyi tshig rnams stsal bar bgyi'o// tad ya thA/ a n+ye/ ma n+ye/ ma ma ne/ tsi ta te/ tsa ri te/ sha me sha mi/ tA bi/ shAn taM/ mu ka te mug ta ta me/ sa me a bi/ sha me sa ma sa me/ dza ye k+Sha ye/ ak+Sha ye/ ak+Shi ni/ shAn te/ sha mi d+he d+ha ra Ni/ a lo ka b+hA se/ pra t+ya ba k+Sha Ni/ bi bi ru/ a b+h+yA na ta ra ni/ baSh+Te a t+yan ta/ pa ri shrad d+hi/ ma uta ku le/ muta ku le/ muta ku le/ a ra Te pa ra Te/ shu kA k+Shi/ a sa ma sa me/ bud d+ha bi lo ki te/ d+harma pa rik+Shi te/ sang g+ha nir g+ho Sha ba ya a b+ha ya/ sho d+ha ni/ man tre/ man tre/ k+ShA ya tre/ ru dra ko'u shwa s+ye a k+Sha ye/ ak+ShAM ye/ A ba nU tA ya ba lo a myA myan tA ya// bcom ldan 'das gzungs sngags kyi tshig 'di dag ni sangs rgyas bcom ldan 'das gang+gA'i klung drug cu'i bye ma snyed kyis bshad pa ste/ gang gis mdo sde 'di lta bu 'dzin pa chos smra ba 'di lta bu de dag dang 'gal bar bgyis na/ sangs rgyas bcom ldan 'das de dag thams cad la de 'khus pa lags so// de nas bcom ldan 'das kyi byang chub sems dpa' sems dpa' chen po sman gyi rgyal po la/ sman gyi rgyal po khyod kyis gzungs sngags kyi tshigs rnams smras te sems can mang po'i don byas shing / sman gyi rgyal po sems can rnams la snying brtse ba'i phyir bsrung ba dang / bskyab pa dang / sba ba byas pa legs so legs so zhes bya ba byin no// de nas bcom ldan 'das la byang chub sems dpa' sems dpa' chen po rab tu sbyin pas 'di skad ces gsol to/ / bcom ldan 'das bdag gis kyang chos smra ba 'di lta bu dag gi ched du gzungs sngags kyi tshig rnams stsal bar bgyi ste/ des chos smra ba 'di lta bu de dag la glags lta ba gang gis kyang glags mi rnyed pa 'di lta ste/ gnod sbyin nam/ srin po 'am/ srul po 'am/ gshed byed dam/ grul bum mam/ yi dgas glags lta ba rnams kyis glags mi rnyed do/ / de nas byang chub sems dpa' sems dpa' chen po rab tu sbyin pas de'i tshe gzungs sngags kyi tshig 'di dag smras so// tad ya thA/ dz+wa le/ ma hA dzA le/ u ka ke mug ge/ a De/ a rab ti/ nri n+ye/ nri D+ha/ ba ti/ i ti ni/ tsi Ti ni nI/ nr-i D+ha ba ti/ bcom ldan 'das gzungs sngags kyi tshig 'di dag ni de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma snyed kyis gsungs shing rjes su yi rang ste/ gang gis chos smra ba 'di lta bu 'di dag dang 'gal bar bgyis na/ de de bzhin gshegs pa thams cad la 'khus pa lags so// de nas bcom ldan 'das la rgyal po chen po rnams thos kyi bus 'di skad ces gsol to// bcom ldan 'das bdag gis kyang chos smra ba de dag la glo ba brtse bas sman pa dang / bde ba dang / bsrung ba dang / bskyab pa dang / sba ba'i slad du/ gzungs sngags kyi tshig rnams brjod par bgyi'o/ / ta da ya thA/ ad te nad te/ nu na te/ a na do na/ Di ku na ti/ bcom ldan 'das gzungs sngags kyi tshig 'di dag gis chos smra ba de dag la dpag tshad brgya tshun chad du bsrung bar bgyi'o/ / rigs kyi bu 'am/ rigs kyi bu mo mdo sde 'di lta bu 'dzin cing chos smra ba de dag la yang bsrung bar bgyis par 'gyur te/ bde legs su bgyis par 'gyur ro/ / de nas rgyal po chen po 'bagra skyes po dri za bye ba khrag khrig brgya stong gis yongs su bskor cing mdun du bdar nas/ 'khor der 'dus par gyur te 'dug pa de stan las langs nas/ bla gos phrag pagacig tu gzar te/ pus mo g.yas pa'i lha nga sa la btsugs nas/ bcom ldan 'das ga la ba der logs su thal mo sbyar ba btung de/ bcom ldan 'das la 'di skad ces gsol to// bcom ldan 'das bdag gis kyang mdo sde 'di lta bu 'dzin pa/ chos smra ba 'di lta bu de dag bsrung ba dang / bsgrub pa dang / sba ba'i slad du gzungs sngags kyi tshig rnams brjod par bgyi'o// tad ya thA/ a ga Ne gau ri/ gan d+ha rI/ gan d+ha ri/ tsaN Ta lI ma tang gi pra ku sI/ sang ku li/ bru Sha lI/ bcom ldan 'das gzungs sngags kyi tshig 'di dag ni/ sangs rgyas bye ba khrag khrig bzhi bcu rtsa gnyis kyis gsungs te/ gang zhig chos smra ba 'di lta bu de dag dang 'gal bar bgyid na/ de dag thams cad 'khus pa lags so// de nas srin mo 'phyang ma zhes bya ba dang / srin mo rnam par 'phyang zhes bya ba dang / srin mo so brtseg zhes bya ba dang / srin mo me tog so zhes bya ba dang / srin mo cod pan so zhes bya ba dang / srin mo sgyu can so zhes bya ba dang / srin mo me zhes bya ba dang / srin mo phreng ba 'chang zhes bya ba dang / srin mo mdung can zhes bya ba dang / srin mo sems can thams cad kyi mdangs 'phrog ces bya ba dang / 'phrog ma bu dang g.yog tu bcas pa dang / srin mo de dag thams cad bcom ldan 'das ga la ba der song ste phyin nas srin mo de dag thams cad kyis sgra skad gcig tu bcom ldan 'das la 'di skad ces gsol to/ / bcom ldan 'das bdag cag gis kyang mdo sde 'dzin pa chos smra ba 'di lta bu de dag bsrung ba dang / bskyab pa dang / sba bar bgyi'o// bde legs su 'gyur bar bgyi'o// ci nas chos smra ba de dag la glags lta ba dang / skabs tshol ba gang gis kyang glags mi rnyed par bgyi'o// de nas srin mo de dag thams cad kyis sgra skad gcig tu tshig mthun par bcom ldan 'das la gzungs sngags kyi tshig 'di dag phul lo/ / tad ya thA/ i ti me/ i ti me/ i ti me/ i ti me/ i ti me/ ni me/ ni me/ ni me/ ni me/ ni me/ ru he/ ru sa he/ ru he ru he/ ru sa he/ sta he/ sta he/ sta he/ sta he/ sta he/ 'di spyi bor bzhag nas chos smra ba rnams la su yang 'khu bar ma gyur cing gnod sbyin nam/ srin po 'am/ yi dgas sam/ sha za 'am/ srul po 'am/ gshed byed dam/ ro langs samA/ rengs pa'am/ gnon pa 'am/ brjed byed kyi gzugs sam/ gnod sbyin gyis byas pa 'am/ mis byas pa 'am/ mi ma yin pas byas pa 'am/ rims nad nyin gcig pa 'am/ nyin gnyis pa'am/ nyin gsum pa'am/ nyin bzhi pa 'am/ rtag pa'i rims sam/ za na rmi lam na yang bud med kyi gzugs sam/ skyes pa'i gzugs sam/ khye'u yi gzugs sam/ bu mo'i gzugs kyi mtho 'tsham par 'gyur ba de ni gnas ma mchis so// nas srin mo de dag gis sgra skad gcig tu tshig mthun par bcom ldan 'das la tshigs su bcad pa 'di dag gsol to// gang gis gsang sngags 'di thos nas/ chos smra ba dang 'gal bgyid dang // de yi mgo tshal bdun du 'gas// ardza ka yi dog pa bzhin// gang zhig chos smra 'gal bgyid pa// ma bsad pa yi 'gro gang dang / pha bas 'gro ba gang lags pa'i/ / 'gro ba der ni de mchi'o// gang zhig chos smra 'gal bgyid pa// til 'chir dag gi 'gro gang dang // til rdul 'gro ba gang lags pa'i// 'gro ba der ni de mchi'o/ / gang zhig chos smra 'gal bgyid pa// srang la g.yo bgyid 'gro gang dang // pre 'chos 'gro ba gang lags pa'i// 'gro ba der ni de mchi'o// de skad ces gsol nas/ mdung can la sogs srin mo de dag gis bcom ldan 'das la 'di skad ces gsol to// bcom ldan 'das bdag cag gis kyang chos smra ba 'di lta bu de dag la srung bar bgyi'o/ / bde legs su 'gyur ba dang // chad pa spang ba dang / dug gzhil bar bgyi'o// de skad ces gsol pa dang / bcom ldan 'das kyis srin mo de dag la 'di skad ces bka' stsal to/ / kye/ srin mo dag legs so legs so// khyed kyis smra ba de dag la spang ba dang / bskyab pa dang / sbab gyis shig/ gang dag tha na chos kyi rnam grangs 'di'i ming tsam 'dzin pa de dag la yang mdung can khyod 'khor dang bcas pas bsrung bar bya na/ gang dag chos kyi rnam grangs 'di mtha' dag chub par 'dzin par dang / glegs pam/ du byas te rim gror byed pa dang / me tog dang / bdug pa dang / spos dang / 'phreng ba dang / byug pa dang / phye ma dang / na bza' dang / gdugs dang / rgyal mtshan dang / lha'i ba dan dang / 'bru mar gyi mar me dang / mar gyi mar me dang / spos mar gyi mar me dang / tsam pa ka'i mar gyi mar me 'am/ ba sha ka'i mar gyi mar me 'am/ ut+pa la'i mar gyi mar me 'am snang ba'i mar gyi mar me 'am/ de lta bu'i mchod pa'i yo byad rnam pa mang po brgya stong gis rim gro byed pa lta ci smos te/ mdung can khyod 'khor dang bcas pas bsrung bar bya'o// gzungs sngags kyi le'u 'di bshad pa na/ srog chags drug khri brgyad stong mi skye ba'i chos la bzod pa thob par gyur to// gzungs sngags kyi le'u zhes bya ste/ nyi shu rtsa gcig pa'o// / de nas bcom ldan 'das la byang chub sems dpa' sems dpa' chen po skar ma'i rgyal po me tog kun tu rgyas pa mngon par shes pas 'di skad ces gsol to// bcom ldan 'das ci'i slad du/ byang chub sems dpa' sems dpa' chen po sman gyi rgyal po 'jig rten gyi khams mi mjed 'di na rgyu ba dang / bcom ldan 'das 'di'i dka' ba bgyid pa bye ba khrag khrig brgya stong mang po dag gda'/ bcom ldan 'das gang thos pas lha dang / klu dang / gnod sbyin dang / dri za dang / lha ma yin dang / nam mkha' sngang dang / mi 'am ci dang / lto 'phye chen po dang / mi dang mi ma lags pa rnams dang / 'jig rten gyi khams gzhan nas lpags pa'i byang chub sems dpa' sems dpa' chen po rnams dang nyan thos chen po 'di dag gis thos nas thams cad dga' mgu rangs shing yid bde bar 'gyur ba/ byang chub sems dpa' sems dpa' chen po sman gyi rgyal po'i spyod pa gang ci lags pa'i phyogs tsam zhig de bzhin gshegs pa dgra bcom pa yang dag par rdzogs pa'i sangs rgyas kyis legs par bshad du gsol/ de nas bcom ldan 'das kyis byang chub sems dpa' sems dpa' chen po skar ma'i rgyal po me tog kun tu rgyas pa mngon par shes pas gsol ba btab par mkhyen nas/ de'i byang chub sems dpa' sems dpa' chen po skar ma'i rgyal po me tog kun tu rgyas pa mngon par shes pa la 'di skad ces bka' stsal to/ / rigs kyi bu sngon byung ba 'das pa'i dus na/ bskal pa gang+gA'i klung gi bye ma snyed du gyur pa/ de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das nyi zla dri ma med pa'i 'od dpal zhes bya ba 'jig rten du byung ste/ skar ma'i rgyal po me tog kun tu rgyas pa mngon par shes pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas/ nyi zla dri ma med pa'i 'od dpal de'i byang chub sems dpa' bye ba brgyad cu'i 'dus pa chen po byung ngo / / gang+gA'i klung bdun cu rtsa gnyis kyi bye ma snyed kyi nyan thos 'dus pa byung ngo // de'i bstan pa la bud med med par gyur to// sems can dmyal ba dang / dud 'gro'i skye gnas dang / yi dgas dang / lha ma yin gyi ris med do// sangs rgyas kyi zhing yang lag mthil ltar mnyam la nyams dga' bar 'gyur te// lha'i bai DUR+Ya las grub pa'i sa phyogs rin po che dang / tsan dan gyi shing ljon pas brgyan cing rin po che'i dra bas bres pa dar gyi lnga ldi mngon par rab tu sbyangs pa/ rin po che'i pog phor nas bdug pas bdugs pa rin po che'i shing ljon pa'i drung thams cad na/ rin po che'i mkha' rten mda' rgyang gang gi tshad tsam byas pa yod pa rin po che'i mkha' rten thams cad kyi steng na lha'i bu bye ba brgya dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi zla dri ma med pa'i 'od dpal la mchod pa bya ba'i phyir/ sil snyan byed cing pheg rdob pa dang / rol mo'i sgra 'byin cing 'khod do// bcom ldan 'das de yang byang chub sems dpa' sems dpa' chen po sems can thams cad kyis mthong na dga' ba langs brtsams te/ dam pa'i chos pad+ma dkar po'i chos kyi rnam grangs 'di nyan thos chen po de dag dang / byang chub sems dpa' sems dpa' chen po de dag la rgyas par rab tu ston to/ / skar ma'i rgyal po me tog kun tu rgyas pa mngon par shes pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi zla dri ma med pa'i 'od dpal de'i tshe'i chang ni bskal pa bzhi khri nyis stong du gyur to/ / byang chub sems dpa' sems dpa' chen po de dag dang / nyan thos chen po de dag gi tshe'i tshad kyang de tsam du gyur to/ / byang chub sems dpa' sems dpa' chen po sems can thams cad kyis mthong na dga' ba de yang / bcom ldan 'das de'i gsung rab la dka' ba byed pa la brtson par gyur te/ de lo khri nyis stong du 'chag pa la zhugs shing brtson 'grus chen po brtsams pas rnal 'byor la brtson par gyur to// des lo khri nyis stong 'das nas gzugs thams cad yang dag par ston pa zhes bya ba'i ting nge 'dzin thob ste/ ting nge 'dzin de thob ma thag tu/ byang chub sems dpa' sems dpa' chen po sems can thams cad kyis mthong na dga' ba de tshim zhing mgu ste yi rangs nas rab tu dga' zhing dga' ba dang / yid bde ba skyes nas de'i tshe 'di snyam du sems te/ dam pa'i chos pad+ma dkar po'i chos kyi rnam grangs 'di la brten nas/ gzungs thams cad yang dag par ston pa'i ting nge 'dzin bdag gis thob bo snyam mo// de'i tshe byang chub sems dpa' sems dpa' chen po sems can thams cad kyis mthong na dga' ba yang 'di snyam du sems te/ 'di ltar bdag gis de bzhin gshegs pa nyi zla dri ma med pa'i 'od dpal dang / dam pa'i chos pad+ma dkar po'i chos kyi rnam grangs 'di mchod par bya'o snyam nas/ de'i tshe de lta bu'i ting nge 'dzin la snyoms par zhugs te/ byang chub sems dpa' sems dpa' chen po sems can thams cad kyis mthong na dga' ba'i ting nge 'dzin de la snyoms par zhugs ma thag tu de'i mod la steng gi nam mkha' bar snang las me tog man+da ra dang / man+da ra chen po'i me tog gi char chen po mngon par bab bo dus kyi rjes su 'brang ba'i tsan dan gyis sprin byas te/ can ngan sbrul gyi snying po'i char chen po mngon par bab ste/ skar ma'i rgyal po me tog kun tu rgyas pa mngon par shes pa de lta bu'i spos kyi rnam pa zho gnyis kyi rin du 'jig rten gyi khams mi mjed 'di mi mi chog go/ / skar ma'i rgyal po me tog kun tu rgyas pa mngon par shes pa de nas byang chub sems dpa' sems dpa' chen po sems can thams cad kyis mthong na dga' ba dran pa dang ldan zhing shes bzhin du ting nge 'dzin de las langs so/ / langs nas 'di snyam du sems te/ ji ltar lus yongs su btang ba ltar ni rdzu 'phrul gyi cho 'phrul dag gis bcom ldan 'das la mchod pa byas pa ma yin no snyam mo// skar ma'i rgyal po me tog kun tu rgyas pa mngon par shes pa de nas byang chub sems dpa' sems dpa' chen po sems can thams cad kyis mthong na dga' ba de'i tshe/ a ga ru dang / du ru ka dang / spos kyi khu ba za zhing / tsam pa ka'i mar yang 'thung ngo / / skar ma'i rgyal po me tog kun tu rgyas pa mngon par shes pa rnam grangs 'dis/ byang chub sems dpa' sems dpa' chen po sems can thams cad kyis mthong na dga' ba rtag tu spos za zhing tsam pa ka'i mar yang 'thung bas lo bcu gnyis po de 'das par gyur te/ skar ma'i rgyal po me tog kun tu rgyas pa mngon par shes pa de nas byang chub sems dpa' sems dpa' chen po sems can thams cad kyi mthong na dga' ba lo bcu gnyis po de 'das nas/ rang gi lus lha'i ras kyi kun tu dkris nas/ 'bru mar gyis zhen par byas te/ bdag gis byin gyis brlabs byas so/ / bdag gis byin gyis brlabs byas nas/ de bzhin gshegs pa dang / dam pa'i chos pad+ma dkar po'i chos kyi rnam grangs 'di mchod pa'i las kyi phyir/ bdag gis lus la me 'bar bar byas so// skar ma'i rgyal po me tog kun tu rgyas pa mngon par shes pa/ de nas byang chub sems dpa' sems dpa' chen po sems can thams cad kyis mthong na dga' ba'i lus kyi mar me 'bar ba de'i 'od kyis 'jig rten gyis khams gang gA'i klung brgyad cu'i bye ma snyed khyab par gyur te/ 'jig rten gyi khams de dag gi sangs rgyas bcom ldan 'das gang+gA'i klung brgyad cu'i bye ma snyed thams cad kyis legs so bya ba byin te legs so legs so/ / rigs kyi bu 'di ni byang chub sems dpa' sems dpa' chen po rnams kyi brtson 'grus rtsom pa yang dag pa'o/ / 'di ni de bzhin gshegs pa la mchod pa dang / chos la mchod pa yang dag pa ste/ me tog dang / bdug pa dag dang / spos dang / 'phreng ba dang byug pa dang / phye ma dang / na bza' dang / gdugs dang / rgyal mtshan dang / lha'i ba dan dag gis mchod pa dang / zang zing gis mchod pa dang / tsan dan sbrul gyi snying pos mchod pas ni de lta ma yin no/ / rigs kyi bu sbyin pa 'di ni mchog ste/ rgyal srid yongs su gtong ba'i sbyin pa de ni de lta ma yin no// bu dang chung ma phangs pa yongs su gtong ba'i sbyin pa de yang de lta ma yin no/ / rigs kyi bu gang bdag gi lus gtong ba'i chos kyi mchod pa 'di ni mchod pa khyod par can no// dam pa'o// mchog go// phul lo// gya nom pa skar ma'i rgyal po me tog kun tu rgyas pa mngon par shes pa/ sangs rgyas bcom ldan 'das de dag gis tshig de skad gsung nas/ de nas cang mi gsung bar gyur to// skar ma'i rgyal po me tog kun tu rgyas pa mngon par shes pa/ sems can thams cad kyis mthong na dga' ba'i lus la 'bar ba/ lo bcu gnyis kyi bar du zhi bar ma song so// de phyis lo bcu gnyis 'das nas zhi bar gyur to/ / skar ma'i rgyal po ma tog tu rgyas pa mngon par shes pa/ byang chub sems dpa' sems dpa' chen po sems can thams cad kyi mthong na dga' ba des/ de bzhin gshegs pa de lta bu'i mchod pa dang / chos kyi mchod pa byas te/ de nas shi 'phos nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi zla dri ma med pa'i 'od dpal gyi gsung rab la rgyal po dri ma med pas byin pa'i khyim du skyes te/ skyil mo krung bcas bzhin du bang par rdzus te skyes par gyur to// byang chub sems dpa' sems dpa' chen po sems can thams cad kyi mthong na dga' ba skyes ma thag tu de'i tshe rang gis pha ma la tshigs su bcad de smras pa/ rgyal mchog 'di na bdag 'chag cing / / der gnas bdag gis ting 'dzin thob// bdag gis lus langs yongs btang ste/ brtson 'grus sra brtsams brtul zhugs che// skar ma'i rgyal po me tog kun tu rgyas pa mngon par shes pa/ de nas byang chub sems dpa' sems dpa' chen po sems can thams cad kyis mthong na dga' bas tshig su bcad pa de smras nas/ rang gi pha ma la 'di skad ces yab yum/ bcom ldan 'das gang la bdag gis mchod nas sgra thams cad la mkhas pa'i gzungs thob cing dam pa'i chos pad+ma dkar po'i chos kyi rnam grangs 'di yang tshigs su bcad pa bye ba khrag khrig brgya stong gtams pa dang / dkrigs pa dang / mi 'khrug pa bye ba phrag brgyad cus/ bcom ldan 'das de las thos par gyur pa'i bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi zla dri ma med pa'i 'od dpal de da ltar yang bzhugs te/ 'tsho zhing gzhes kyis yab yum bdag bcom ldan 'das de'i drung du mchis na legs so/ / der mchis nas yang / bcom ldan 'das de la mchod pa bgyi'o zhes smras so// skar ma'i rgyal po me tog kun tu rgyas pa mngon par shes pa/ de nas byang chub sems dpa' sems dpa' chen po sems can thams cad kyis mthong na dga' ba de'i tshe/ nam mkha' la shing ta la bdun tsam du mngon par 'phags te/ rin po che sna bdun gyi khang pa brtsegs par skyil mo krung bcas nas bcom ldan 'das de'i drung du song ste phyin pa dang / bcom ldan 'das kyi zhabs la mgo bos phyag 'tshal te/ bcom ldan 'das de la lan bdun bskor ba byas nas/ bcom ldan 'das gal ba de logs su thal mo sbyar ba btud nas/ bcom ldan 'das la phyag 'tshal te/ tshigs su bcad pa 'dis mngon par bstod do/ / dpa' bo mi dbang shin tu dri med zhal// phyogs bcu 'dir ni khyod kyi 'od zer mdzes// bde gshegs khyod la bdag gis mchod mchog bgyis// mgon po blta ba'i slad du bdag 'dir mchis/ / skar ma'i rgyal po me tog kun tu rgyas pa mngon par shes pa de'i tshe/ byang chub sems dpa' sems dpa' chen po sems can thams cad kyis mthong na dga' bas tshigs su bcad pa 'di smras nas/ de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi zla dri ma me pa'i 'od dpal la 'di skad ces gsol to/ / bcom ldan 'das khyod dbu du bzhugs sam skar ma'i rgyal po me tog kun tu rgyas pa mngon par shes pa de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi zla dri ma med pa'i 'od dpal gyis/ byang chub sems dpa' sems dpa' chen po sems can thams cad kyis mthong na dga' ba la 'di skad ces bka' stsal to/ / rigs kyi bung yongs su mya ngan las 'das pa'i dus la bab ste/ rigs kyi bu nga tshe zad pa'i dus la bab kyis/ rigs kyi bu khyod song la nga yi khri shoms shig dang / nga yongs su mya ngan 'da'o// skar ma'i rgyal po me tog kun tu rgyas pa mngon par shes pa/ de nas bcom ldan 'das de bzhin gshegs pa dgra b com pa yang dag par rdzogs pa'i sangs rgyas nyi zla dri ma med pa'i 'od dpal gyis byang chub sems dpa' sems dpa' chen po sems can thams cad kyis mthong na dga' ba la 'di skad ces bka' stsal to/ / rigs kyi bu bstan pa 'di ni ngas khyod la yongs su gtad do// byang chub sems dpa' sems dpa' chen po 'di dang nyan thos chen po 'di dag dang / sangs rgyas byang chub 'di dag dang / 'jig rten gyi khams 'di dag dang / rin po che'i mkha' rten 'di dag dang / rin po che'i shing ljon pa 'di dag dang / nga yi bsnyen bkur byed pa'i lha yi bu 'di rnams kyang yongs su gtad do/ / rigs kyi bu nga yongs su mya ngan las 'das pa'i ring bsrel gang yin pa de dag kyang yongs su gtad do// rigs kyi bu nga'i ring bsrel la khyod kyis kyang mchod pa rgya cher gyis shig/ ring bsrel de dag kyang rgyas par gyis shig/ mchod rten stong phrag mang po gyis shig/ skar ma'i rgyal po me tog kun tu rgyas pa mngon par shes pa de nas bcom ldan 'das d e bzhin gshegs pa dgra bcom pa yang dag par rdzogs pa'i sangs rgyas nyi zla dri ma med pa'i 'od dpal gyis byang chub sems dpa' sems dpa' chen po sems can thams cad kyis mthong na dga' ba de la de ltar rjes su bstan nas/ de'i nub mo nam gyi cha smad la phung po'i lhag ma med pa'i mya ngan las 'das pa'i dbyings su yongs su mya ngan las 'das so/ / skar ma'i rgyal po me tog kun tu rgyas pa mngon par shes pa/ de nas byang chub sems dpa' sems dpa' chen po/ sems can thams cad kyis mthong na dga' bas bcom ldan 'das de bzhin gshegs pa nyi zla dri ma med pa'i 'od dpal de yongs su mya ngan las 'das par rig ste/ can dan sbrul gyi snying po spangs nas/ de bzhin gshegs pa'i sku bsreg ste/ de bzhin gshegs pa'i sku tshigs pa zhi bar rig nas/ ring bsrel bsdus te/ ngu zhing cho nges btab nas smre sngags 'don to// skar ma'i rgyal po me tog kun tu rgyas pa mngon par shes pa/ de nas byang chub sems dpa' sems dpa' chen po sems can thams cad kyis mthong na dga' ba ngus te cho nges btab nas/ smre sngags 'don te rin po che sna bdun gyi bum pa brgyad khri bzhi stong byed du bcug nas/ de dag gi nang du de bzhin gshegs pa'i ring bsrel bcug ste/ rin po che sna bdun gyi mchod rten 'phang du tshangs pa'i 'jig rten la thug pa/ gdugs kyis 'greng bas legs par brgyan pa/ dar dang / dril bu legs par sbyangs pa brgyad khri bzhi stong byas te/ nges mchod rten de dag byas nas/ 'di snyam du bsams te/ bdag gis bcom ldan 'das nyi zla dri ma med pa'i 'od dpal de bzhin gshegs pa'i sku gdung la mchod pa ni byas na// de bas kyang lhag pa ches khyad par du 'phags pas/ de bzhin gshegs pa'i ring bsrel la mchod pa bya'o snyam mo// skar ma'i rgyal po me tog kun tu rgyas pa mngon par shes pa/ de nas byang chub sem dpa' sems dpa' chen po sems can thams cad kyis mthong na dga' ba des/ thams cad dang ldan pa'i byang chub sems dpa'i tshogs de dang / nyan thos chen po de dang / lha dang klu dang / gnod sbyin dang / dri za dang / lha ma yin dang / nam mkha'i lding dang / mi 'am ci dang / lto 'phye chen po dang / mi dang mi ma yin pa'i tshogs de dag la smras pa rigs kyi bu dag khyed thams cad kyis/ bcom ldan 'das de'i ring bsrel rnams la mchod pa bya ba sems shig/ skar ma'i rgyal po ma tog kun tu rgyas pa mngon par shes pa// nas byang chub sems dpa' sems dpa' chen po/ sems can thams cad kyis mthong na dga' ba des/ de'i tshe de bzhin gshegs pa'i mchod rten brgyad bzhi khri stong gi mdun du/ rang gi lag pa bsod nams brgyas brgyan pa 'bar bar byas te/ 'bar bar byas pas lo bdun khri nyis stong gi bar du de bzhin gshegs pa'i mchod rten de dag la mchod pa byas so// des mchod pa de byas pas 'khor de las nyan thos grangs med pa bye ba khrag khrig brgya stong btul lo/ / byang chub sems dpa' de dag thams cad kyis kyang gzungs thams cad yang dag bapar ston pa'i ting nge 'dzin thob par gyur to/ / skar ma'i rgyal po me tog kun tu rgyas pa mngon par shes pa/ de nas thams cad dang ldan pa'i byang chub sems dpa'i tshogs de dang nyan thos chen po de dag gis/ byang chub sems dpa' sems dpa' chen po sems can thams cad kyis mthong na dga' ba de yan lag ma tshang bar mthong nas ngu ste cho nges btab nas smre sngags 'don cing gcig la gcig 'di skad du smras te/ bdag cag gi slob dpon rjes su ston pa/ byang chub sems dpa' sems dpa' chen po sems can thams cad kyis mthong na/ dga' ba 'di da ltar yan lag ma tshang zhing lag pa med par gyur to zhes zer ro// skar ma'i rgyal po me tog kun tu rgyas pa mngon par shes pa/ de nas byang chub sems dpa' sems dpa' chen po sems can thams cad kyis mthong na dga' ba des/ byang chub sems dpa' sems dpa' chen po de dag dang / nyan thos chen po de dag dang / lha'i bu de dag la smras pa rigs kyi bu dag kho bo'i yan lag nyams par mthong bas ma du shig/ cho nges ma 'debs shig/ smre sngags ma 'don cig/ rigs kyi bu dag phyogs bcu'i 'jig rten gyi khams mtha' yas mu med pa dag na/ sangs rgyas bcom ldan 'das gang dag bzhugs shing 'tshe ste/ gzhes pa'i sangs rgyas bcom ldan 'das de dag thams cad kho bos dbang du bzhag ste/ de dag gi spyan sngar bden pa'i byin gyi rlabs bya'o/ / bden pa dang / bden pa'i tshig gang gis bdag gis lag pa de bzhin gshegs pa la mchod pa'i phyir/ yongs su btang bas bdag gi spos gser gyi kha dog tu 'gyur ba'i bden pa dang / bden pa'i tshig des bdag gi lag pa 'di sngon gyi bzhin du gyur cig/ sa chen po 'di lan drug tu g.yos par gyur cig/ bar snang la gnas pa'i lha'i bu rnams kyis me tog gi char chen po phob shig ces byas so/ / skar ma'i rgyal po me tog kun tu rgyas pas mngon par shes pa/ de nas byang chub sems dpa' sems dpa' chen po/ sems can thams cad kyis mthong na dga' ba des/ bden pa'i byin gyi rlabs de byas ma thag tu stong gsum gyi stong chen po'i 'jig rten gyi khams 'di rnam pa drug tu g.yos so/ / steng gi bar snang las kyang me tog gi char chen po mngon par bab bo// byang chub sems dpa' sems dpa' chen po sems can thams cad kyi mthong na dga' ba de'i lag pa de yang 'di lta ste/ byang chub sems dpa' sems dpa' chen po de nyid kyi bsod nams kyi stobs bskyed pa dang / ye shes kyi stobs bskyed pa des sngon bzhin du gyur to// skar ma'i rgyal po me tog kun tu rgyas pa mngon par shes pa de'i tshe de'i dus na/ byang chub sems dpa' sems dpa' chen po sems can thams cad kyis mthong na dga' ba zhes bya bar gyur pa de gzhan zhig yin pa snyam du khyod som nyi 'am/ yid gnyis sam/ the tsom za bar gyur na/ skar ma'i rgyal po me tog kun tu rgyas mngon par shes pa khyod kyis de ltar mi blta'o/ / de ci'i phyir zhe na/ skar ma'i rgyal po me tog kun tu rgyas pa mngon par shes pa/ byang chub sems dpa' sems dpa' chen po sman pa'i rgyal po 'di nyid de'i tshe de'i dus na/ byang chub sems dpa' sems dpa' chen po sems can thams cad kyi mthong na dga' ba zhes bya bar gyur to// skar ma'i rgyal po me tog kun tu rgyas pa mngon par shes pa/ byang chub sems dpa' sems dpa' chen po sman gyi rgyal po bya dka' ba khrag khrig brgya stong de snyed byed do// lus yongs su gtong ba yang byed do// skar ma'i rgyal po me tog kun tu rgyas pa mngon par shes pa rigs kyi bu 'am/ rigs kyi bu mo byang chub sems dpa'i theg pa la yang dag par zhugs pa bla na med pa yang dag par rdzogs pa'i byang chub 'di 'dod pas de bzhin gshegs pa'i mchod rten dag la rkang pa'i mthe bo 'bar bar bya'o/ / lag pa'i sor mo 'am/ rkang pa'i sor mo gcig gam/ yan lag gcig gam/ lag pa 'bar bar bya'o/ / byang chub sems dpa'i theg pa la zhugs pa'i rigs kyi bu 'am/ rigs kyi bu mo de ni bsod nams mngon par 'du byed pa ches mang du bskyed de/ rgyal srid yongs su btang bas ni de lta ma yin no/ / chung ma dang / bu pho dang / bu mo phangs pa yongs su btang bas ni de lta ma yin no// stong gsum gyi stong chen po'i 'jig rten gyi khams nags tshal dang bcas pa/ rgya mtsho dang bcas pa/ ri dang bcas pa 'bab chu'i dngango dang / mtsho dang / 'tshe'u dang / khron pa dang / kun dga' ra bar bcas pa yongs su btang bas ni de lta ma yin no/ / skar ma'i rgyal po me tog kun tu rgyas pa mngon par shes pa/ rigs kyi bu 'am rigs kyi bu mo byang chub sems dpa'i theg pa la yang dag par zhugs pa gang gi stong gsum gyi stong chen po'i 'jig rten gyi khams 'di rin po che sna bdun gyis rab tu gang bar byas te/ sangs rgyas dang / byang chub sems dpa' dang / nyan thos dang / rang sangs rgyas thams cad la sbyin pa byin na/ skar ma'i rgyal po me tog kun tu rgyas pa mngon par shes pa/ rigs kyi bu 'am rigs kyi bu mo de ni bsod nams 'di tsam du mi 'phel te/ ji tsam du rigs kyi bu 'am/ rigs kyi bu mo gang gis dam pa'i chos pad+ma dkar po'i chos kyi rnam grangs 'di las tha na tshig bzhi pa'i tshigs su bcad pa gcig tsam 'dzin pa de bsod nams ji snyed cig bskyed pa de snyed du mi skyed de/ de'i bsod nams mngon par 'du byed pa 'di ni de bas ches mang bar bshad kyis stong gsum gyi stong chen po'i 'jig rten gyi khams 'di rin po che sna bdun gyis rab tu gang bar byas te/ sangs rgyas dang / byang chub sems dpa' dang / nyan thos dang / rang sangs rgyas tham cad la sbyin pa byin na de lta ma yin no/ / skar ma'i rgyal po me tog kun tu rgyas pa mngon par shes pa 'di lta ste dper na/ 'bab chu'i dang dang / mtsho dang / 'tshe'u thams cad kyi nang na rgya mtsho ni mchog tu gyur pa yin no/ / skar ma'i rgyal po me tog kun tu rgyas pa mngon par shes pa de bzhin du/ de bzhin gshegs pa thams cad kyis bshad mdo sde thams cad kyi nang na dam pa'i chos pad+ma dkar po'i chos kyi rnam grangs 'di mchog tu gyur pa yin no/ / skar ma'i rgyal po me tog kun tu rgyas pa mngon par shes pa 'di lta ste dper na/ ri nag po dang / khor yug dang / khor yug chen po thams cad kyi nang na/ ri rab ni ri'i rgyal po ste mchog tu gyur pa yin no// skar ma'i rgyal po me tog kun tu rgyas pa mngon par shes pa de bzhin du/ de bzhin gshegs pas gsungs pa'i mdo sde thams cad kyi nang na dam pa'i chos pad+ma dkar po'i chos kyi rnam grangs 'di mchog tu gyur pa yin no/ / skar ma'i rgyal po me tog kun tu rgyas pa mngon par shes pa 'di lta ste/ dper na skar ma thams cad kyi nang na zla ba ni 'od byed pa'i mchog tu gyur pa yin no// skar ma'i rgyal po me tog kun tu rgyas pa mngon par shes pa de bzhin du de bzhin gshegs pas gsungs pa'i mdo sde thams cad kyi nang na dam pa'i chos pad+ma dkar po'o chos kyi rnam grangs 'di ni/ zla ba bye ba khrag khrig brgya stong bas lhag par 'od byed pa'i mchog tu gyur pa yin no/ / skar ma'i rgyal po me tog kun tu rgyas pa mngon par shes pa 'di lta ste dper na/ nyi ma'i dkyil 'khor ni mun pa mun nag thams cad sel bar byed do// skar ma'i rgyal po me tog kun tu rgyas pa mngon par shes pa de bzhin du dam pa'i chos pad+ma dkar po'i chos kyi rnam grangs 'di yang mi dge ba'i mun pa mun nag thams cad sel bar byed do/ / skar ma'i rgyal po me tog kun tu rgyas pa mngon par shes pa 'di lta ste dper na/ sum cu rtsa gsum pa'i lha rnams kyi nang na/ brgya byin ni lha rnams kyi dbang po yin no// skar ma'i rgyal po me tog kun tu rgyas pa mngon par shes pa 'di la de bzhin du/ dam pa'i chos pad+ma dkar po'i chos kyi rnam grangs 'di yang de bzhin gshegs pas gsungs pa'i mdo sde thams cad kyi nang dbang po yin no/ / skar ma'i rgyal po me tog kun tu rgyas pa mngon par shes pa 'di lta ste dper na/ mi mjed kyi bdag po tshangs pa ni tshangs ris kyi lha thams cad kyi rgyal po ste/ tshangs pa'i 'jig rten na pa'i bya ba byed do/ / skar ma'i rgyal po me tog kun tu rgyas pa mngon par shes pa de bzhin du/ dam pa'i chos pad+ma dkar po'i chos kyi rnam grangs 'di yang sems can slob pa dang mi slob pa thams cad dang / nyan thos dang / byang chub sems dpa'i theg pa la yang dag par zhugs pa thams cad la pha'i bya ba byed do// skar ma'i rgyal po me tog kun tu rgyas pa mngon par shes pa 'di lta ste/ dper na/ rgyun tu zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas rnams ni byis pa so so'i skye bo thams cad las 'das pa'o/ / skar ma'i rgyal po me tog kun tu rgyas pa mngon par shes pa de bzhin du/ dam pa'i chos pad+ma dkar po'i chos kyi rnam grangs 'di yang de bzhin gshegs pa'i gsungs pa'i mdo sde thams cad las 'das shing mngon par 'phags te mchog tu gyur par rig par bya'o/ / skar ma'i rgyal po me tog kun tu rgyas pa mngon par shes pa gang dag mdo sde'i rgyal po 'di 'dzin pa de dag kyang sems can thams cad kyis gtso bor gyur par rig par bya'o/ / skar ma'i rgyal po me tog kun tu rgyas pa mngon par shes pa 'di lta ste/ dper na/ nyan thos dang / rang sangs rgyas thams cad kyi nang na byang chub sems dpa' ni mchog ces bya'o// skar ma'i rgyal po me tog kun tu rgyas pa mngon par shes pa de bzhin du/ dam pa'i chos pad+ma dkar po'i chos kyi rnam grangs 'di yang de bzhin gshegs pas gsungs pa'i mdo sde thams cad kyi nang na mchog ces bya'o// skar ma'i rgyal po me tog kun tu rgyas pab mngon par shes pa 'di lta ste/ dper na/ nyan thos dang / rang sangs rgyas dang / byang chub sems dpa' thams cad kyi nang na de bzhin gshegs pa ni chos kyi rgyal por thabs gsol ba yin no/ / skar ma'i rgyal po me tog kun tu rgyas pa mngon par shes pa de bzhin du/ dam pa'i chos pad+ma dkar po'i chos kyi rnam grangs 'di yang byang chub sems dpa'i theg pa la yang dag par zhugs pa rnams la de bzhin gshegs pa dang 'dra ba yin no/ / skar ma'i rgyal po me tog kun tu rgyas pa mngon par shes pa/ dam pa'i chos pad+ma dkar po'i chos kyi rnam grangs 'di ni sems can thams cad las skyob pa/ sdug bsngal thams cad las thar bar byed pa ste/ skom pa rnams la 'tshe'u dang 'dra'o// grang bas nyen pa rnams la me dang 'dra'o// gcer bu rnams la gos dang 'dra'o/ / tshong pa rnams la ded dpon dang 'dra'o// bu rnams la ma dang 'dra'o// pha rol tu 'gro ba rnams la gru dang 'dra'o// nad pa rnams la sman pa dang 'dra'o/ mun pa mun nag gis bsgribs pa rnams la mar me dang 'dra'o// nor 'dod pa rnams la rin po che dang 'dra'o// khams kyi rgyal po thams cad la 'khor los sgyur ba dang 'dra'o// 'bab chu rnams la rgya mtsho dang 'dra'o// mun pa mun nag thams cad sel ba'i phyir sgron ma dang 'dra'o// skar ma'i rgyal po me tog kun tu rgyas pa mngon par shes pa de bzhin du/ dam pa'i chos pad+ma dkar po'i chos kyi rnam grangs 'di yang sdug bsngal thams cad las rab tu thar bar byed pa'o// nad thams cad gcod pa'o// 'khor ba'i bcings pa nyam nga ba thams cad las rab tu thar par byed pa'o/ / skar ma'i rgyal po me tog kun tu rgyas par mngon par shes pa gang gis dam pa'i chos pad+ma dkar po'i chos kyi rnam grangs 'di thos pa dang / gang gis yi ger 'bri ba dang / gang yi ger 'drir 'jug pa dang / skar ma'i rgyal po me tog kun tu rgyas pa mngon par shes pa gang gis chos kyi rnam grangs 'di gsung ngam bstan tam/ thos sam/ yi ger bris sam/ yi ger 'drir 'jug gam/ glegs bam du byas te/ bsti stang du byed pa dang / btsun par byed pa dang / bkur sti byed pa/ dang mchod pa dang / me tog dang / bdug pa dang / spos dang / 'phreng ba dang / byug pa dang / phye ma dang / gos dang / gdugs dang / rgyal mtshan dang / ba dan dang / rol mo'i sgra dang / na bza' dang / thal mo sbyar ba'i las dang / mar gyi mar me 'am/ 'bru mar gyi mar me 'am/ spos mar gyi mar me 'am/ tsam pa ka'i mar gyi mar me 'am/ sna ma dang skya snar dang / bar sha ka dang / na ba ma li ka'i mar gyi mar me 'am/ mchod pa rnam pa mang pos bsti stang du byed/ btsun par byed/ rim gror byed/ mchod par byed pa'i bsod nams mngon par 'du byed pa ji skad cig 'phel bar 'gyur ba'i bsod nams mngon par 'du byed pa de dag gi mtha' ni/ sangs rgyas kyi ye shes kyis kyang rtog par mi nus so// skar ma'i rgyal po me tog kun rgyas pa mngon par shes pa gang zhig sman gyi rgyal po'i sngon gyi sbyor ba'i le'u 'di 'dzin pa dang / ston pa dang / nyan pa'i rigs kyi bu 'am/ rigs kyi bu mo byang chub sems dpa'i theg pa la yang dag par zhugs pa de bsod nams mang du bskyed par 'gyur ro/ / gal te bud med gcig gis chos kyi rnam grangs 'di thos nas 'dzin de nyid na bud med kyi lus kyi tha mar 'gyur ro/ / skar ma'i rgyal po me tog kun tu rgyas pa mngon par shes pa bud med gang la las sman gyi rgyal po'i sngon gyi sbyor ba'i le'u 'di lnga brgya pa tha ma la thos nas/ nan tan du byed pa de ni 'di nas shi 'phos nas 'jig rten gyi khams bde ba can du skye bar 'gyur te/ gang na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis tshe dpag med byang chub sems dpa'i tshogs kyis yongs su bskor cing bzhugs te 'tsho zhing zhes pa der/ de pad+ma'i snying po'i seng ge'i khri la 'dug bzhin du skye bar 'gyur ro// de 'dod chag kyi gajing bar mi 'gyur te/ zhe sdang gis ma yin/ gti mug gis ma yin/ nga rgyal gyis ma yin/ ser snas ma yin/ khro bas ma yin/ gnod sems kyis ma yin/ skyes ma thag tu mngon par shes pa sdu thob par 'gyur ro// mi skye ba'i chos la bzod pa yang thob par 'gyur ro// skar ma'i rgyal po me tog kun tu rgyas pa mngon par shes pa/ byang chub sems dpa' sems dpa' chen po des mi skye ba'i chos la bzod pa thob na/ de bzhin gshegs pa gang+gA'i klung bdun cu rtsa gnyis kyi bye ma snyed mthong bar 'gyur ro// mig gis dbang po yongs su dag pa gang gis sangs rgyas bcom ldan 'das de dag mthong bar 'gyur ba de 'dra bar de'i mig gi dbang po yongs su dag par 'gyur ro/ / sangs rgyas bcom ldan 'das de dag gis kyang de la legs so zhes bya ba sbyin par 'gyur te/ gang khyod kyis dam pa'i chos pad+ma dkar po'i chos kyis rnam grang 'di thos nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyus shAkya thub pa de'i gsung rab la lung mnos pa dang / kha ton byas pa dang / bsgoms pa dang / bsams pa dang / yid la byas pa dang / sems can gzhan dag la yang rab tu bstan pa rigs kyi bu legs so legs so/ / rigs kyi bu khyod kyis bsod nams mngon par 'du byed pa 'di ni mes tshig pa 'am/ chus khyer bar mi nus so// rigs kyi bu khyod kyis bsod nams mngon par 'du byed pa 'di ni/ sangs rgyas brgya stong gis kyang bshad par mi nus so// rigs kyi bu khyod bdud kyi phyir rgol ba bcom mo// srid pa'i rgya mtsho las rgal to// dgra'i tsher ma dkrugs so/ / sangs rgyas brgya stong gis byin gyis brlabs so// rigs kyi bu lha dang bcas pa'i 'jig rten na khyod dang 'dra ba med do// de bzhin gshegs pa gcig pu ma gtogs par gzhan nyan thos sam/ rang sangs rgyas sam/ byang chub sems dpa' gang gis kyang khyod la bsod nams kyis kyang rung / ye shes kyis kyang rung / shes rab kyis kyang rung / ting nge 'dzin gyis kyang rung ste/ zil gyis gnon par mi nus so// skar ma'i rgyal po me tog kun tu rgyas pa mngon par shes pa/ byang chub sems dpa' sems dpa' chen po de ye shes kyi stobs bskyed pa 'di lta bu thob par 'gyur ro/ / skar ma'i rgyal po me tog kun tu rgyas pa mngon par shes pa gang la las sman gyi rgyal po'i sngon gyi sbyor ba'i le'u 'di bshad pa thos nas/ legs so zhes bya ba byin pa de'i kha nas ut+pa/ pa'i dri 'byung bar 'gyur ro// de'i lus las kyang tsan dan gyi dri 'byung bar 'gyur ro// gang gis chos kyi rnam grangs 'di 'chad pa na legs so zhes bya ba byin pa de'i chos can gyi yon tan gyi phan yon de dag ni ngas da ltar gang dag bshad pa de 'dra bar 'gyur ro/ / skar ma'i rgyal po me tog kun tu rgyas pa mngon par shes pa de lta bas na/ byang chub sems dpa' sems dpa' chen po sems can thams cad kyi mthong na dga' ba'i sngon gyi sbyor ba'i le'u 'di ci nas phyi ma'i tshe phyi ma'i dus lnga brgya pa tha ma la/ 'dzam bu'i gling 'di na spyod cing nub par mi 'gyur ba dang / bdud sdig can gyis glags mi rnyed pa dang / bdud kyi ris kyi lha dang / klu dang / gnod sbyin dang / dri za dang / grul bum rnams kyis glags mi rnyed par bya ba'i phyir ngas khyod la yongs su gtad do/ / skar ma'i rgyal po me tog kun tu rgyas pa mngon par shes pa de lta bas na/ chos kyi rnam grangs 'di 'dzam bu gling 'di sems can nad kyis btab pa rnams la sman lta bur 'gyur bar byin gyis brlab par bya ste/ chos kyi rnam grangs 'di thos nas lus la nad kyis mi zug go// rga bas ma yin/ dus ma yin par 'chi bas ma yin no// skar ma'i rgyal po me tog kun tu rgyas pa mngon par shes pa gal te/ byang chub sems dpa'i theg pa la yang dag par zhugs pa gang la las mdo sde 'di 'dzin pa dge slong de lta bu de mthong na de la tsan dan gyi phye ma dang / ut+pa la sngon pos mngon par gtor bar bya'o/ / mngon par gtor nas kyang 'di snyam du rigs kyi bu 'di ni/ byang chub kyi snying por 'gro bar 'gyur/ 'di ni rtswa len par 'gyur/ 'di ni byang chub kyi snying bopor rtsa 'ding bar 'gyur/ 'di ni bdud kyi phyogs pham par byed par 'gyur/ 'di ni chos kyi dung 'bud par 'gyur/ 'di ni chos kyi rnga rdung bar 'gyur/ 'di ni 'khor ba'i rgya mtsho las rgal bar 'gyur ro snyam du sems bskyed par bya'o/ / skar ma'i rgyal po me tog kun tu rgyas pa mngon par shes pa rigs kyi bu bam/ rigs kyi bu mo byang chub sems dpa'i theg pa la yang dag par zhugs pas mdo sde 'di lta bu 'dzin pa'i dge slong mthong nas/ de ltar sems bskyed par bya ste/ de ltar na de'i yon tan dag ni/ de bzhin gshegs pas ci 'dra ba dag bshad pa dag tu 'gyur ro/ / sman gyi rgyal po sngon gyi sbyor ba'i le'u 'di bshad pa na byang chub sems dpa' brgyad khri bzhi stong gi sgra thams cad la mkhas pa dang ldan pa'i gzungs thob par gyur to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang des kyang / skar ma'i rgyal po me tog kun tu rgyas pa mngon par shes pa 'di ltar khyod kyi de bzhin/ gshegs pa la bsam gyis mi khyab pa'i yon tan gyi chos dris pa legs so legs so zhes bya ba byin no// sman gyi rgyal po'i sngon gyi sbyor ba'i le'u zhes bya ba ste nyi shu rtsa gnyis pa'o// / / de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas de'i tshe/ skyes bu chen po'i mtshan smin mtshams kyi mdzod spu nas 'od byung ste/ 'od des shar phyogs su sangs rgyas kyi zhing bye ba khrag khrig brgya stong phrag gang+gA'i klung bco brgyad kyi bye ma snyed dag khyab par byas te/ sangs rgyas kyi zhing bye ba khrag khrig brgya stong phrag gang+gA'i klung bco brgyad kyi bye ma snyed de dag 'das pa de na/ 'jig rten gyi khams rnam par snang ba'i 'od zer gyis brgyan pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas pad+ma'i 'dab ma dri ma med pa'i skar ma'i rgyal po me tog kun tu rgyas pa zhes bya ba bzhugs te/ 'tsho zhing gzhes la/ byang chub sems dpa'i dge 'dun rgya chen po tshad med pas yongs su bskor cing mdun gyis bltas nas chos ston to/ / de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa des mdzod spa nas 'od gang btang ba de'i tshe/ 'jig rten gyi khams rnam par snang ba'i 'od zer gyis brgyan pa de snang ba chen pos khyab par gyur to/ / 'jig rten gyi khams rnam par snang ba'i 'od zer gyis brgyan pa de na/ byang chub sems dpa' sang sang po'i dbyangs zhes bya ba dge ba'i rtsa ba bskyed pa/ sngon yang de bzhin gshegs pa dgra bcom pa yang dag par rdzogs pa'i sangs rgyas mang po'i 'od zer de lta bu mthong zhing / byang chub sems dpa' sems dpo' chen po sang sang po'i dbyangs kyi ting nge 'dzin mang po thob pa 'di lta ste/ rgyal mtshan gyi rtse mo'i dpung rgyan gyi ting nge 'dzin thob/ dam pa'i chos pad+ma dkar po'i ting nge 'dzin thob/ dri ma med pas byin pa'i ting nge 'dzin thob/ skar ma'i rgyal po rnam par rol pa'i ting nge 'dzin thob/ rlung lha'i bu'i ting nge 'dzin thob/ ye shes kyi phyag rgya'i ting nge 'dzin thob/ zla ba sgron ma'i ting nge 'dzin thob/ sgra thams cad la mkhas pa'i ting nge 'dzin thob/ bsod nams thams cad kun las bsdus pa'i ting nge 'dzin thob/ dad pa can gyi ting nge 'dzin thob/ rdzu 'phrul gyis rnam par rol pa'i ting nge 'dzin thob/ ye shes ta la la'i ting nge 'dzin thob/ bkod pa'i rgyal po'i 'od kyi ting nge 'dzin thob/ dri ma med pa'i 'od kyi ting nge 'dzin thob/ dri ma med pa'i snying po'i ting nge 'dzin thob/ zad par chub pa'i ting nge 'dzin thob/ nyi ma'ikhor ba'i ting nge 'dzin thob/ de bzhin du sbyar te/ byang chub sems dpa' sems dpa' chen po sang sang po'i dbyangs kyi ting nge 'dzin bye ba khrag khrig brgya stong phrag gang+gA'i klung gi bye ma snyed kyi bar du thob pa 'dug ste/ byang chub sems dpa' sems dpa' chen po sang sang po'i dbyangs de'i lus la 'od des phog par gyur to// de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad+ma'i 'dab ma dri ma med pa skar ma'i rgyal po me tog kun tu rgyas pa la/ byang chub sems dpa' sems dpa' chen po sang sang po'i dbyangs kyis 'di skad ces gsol to/ / bcom ldan 'das bdag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la blta ba dang / phyag bya ba dang / bsnyen bkur bgyi ba dang / 'jam dpal gzhon nur gyur pa de yang blta ba dang / byang chub sems dpa' sman gyi rgyal po de yang blta ba dang / byang chub sems dpa' rab tu sbyin pa de yang blta ba dang / byang chub sems dpa' skar ma'i rgyal po me tog kun tu rgyas par mngon par shes pa de yang blta ba dang / byang chub sems dpa' spyod pa khyad par can de yang blta ba dang / byang chub sems dpa' bkod pa'i rgyal po de yang blta ba dang / byang chub sems dpa' sman yang dag 'phags de yang blta ba'i slad du/ 'jig rten gyi khams mi mjed du mchi'o// de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad+ma'i 'dab ma dri ma med pa skaslar ma'i rgyal po me tog kun tu rgyas pas/ byang chub sems dpa' sems dpa' chen po sang sang po'i dbyangs la 'di skad ces bka' stsal to// rigs kyi bu khyod 'jig rten gyi kham mi mjed der song ste phyin nas ngan pa'i 'du shes bskyed par mi bya'o/ / rigs kyi bu 'jig rten gyi khams de ni mthon dman can dang / sa las grub pa dang / ri nag pos gang ba dang / 'jig ngan gyis yongs su gang ba'o// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de yang sku thung ngo // byang chub sems dpa' sems dpa' chen po de dag kyang lus thung ngo / / rigs kyi bu khyod kyi lus thob pa ni dpag tshad bzhi khri nyis stong ngo // rigs kyi bu nga'i lus ni dpag tshad 'bum phrag drug cu rtsa brgyad yod do/ / rigs kyi bu khyod ni mdzes pa blta na sdug pa/ gzugs bzang ba/ kha dog bzang po/ rgyas pa mchog dang ldan pa/ bsod nams brgya stong pas shin tu lhag pa'i dpal dang ldan pa'o/ / rigs kyi bu de lta bas na/ 'jig rten gyi khams mi mjed du phyin nas/ de bzhin gshegs pa dang / byang chub sems dpa' rnams dang / sangs rgyas kyi zhing de la ngan pa'i 'du/ shes ma skyed cig de skad ces bka' stsal nas/ byang chub sems dpa' sems dpa' chen po sang sang po'i dbyangs kyis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad+ma'i 'dab ma dri ma med pa skar ma'i rgyal po me tog kun tu rgyas pa de la 'di skad ces gsol to/ / bcom ldan 'das bdag de bzhin gshegs pa'i byin gyis brlabs dang / de bzhin gshegs pa'i stobs bskyed pa dang / de bzhin gshegs pa'i rnam par rol pa dang / de bzhin gshegs pa'i bkod pa dang / de bzhin gshegs pa'i mngon par 'phags pa'i ye shes kyis 'jig rten gyi khams mi mjed der mchi'o/ / de nas byang chub sems dpa' sems dpa' chen po sang sang po'i dbyangs kyis de'i tshe/ sangs rgyas kyi zhing de nas ma g.yos shing / stan de las ma langs par 'di lta bu'i ting nge 'dzin la snyoms par zhugs te/ byang chub sems dpa' sems dpa' chen po sang sang po'i dbyangs de ting nge 'dzin de la snyoms par zhugs ma thag tu/ de'i mod la 'jig rten gyi khams mi mjed du bya rgod kyi phung po'i ri la/ de bzhin gshegs pa'i chos kyi gdan gyi drung du pad+ma chub ni gser/ 'dab ma ni dngul snying po ni pad+ma dang / ne tse 'am ci las grub pa bye ba khrag khrig brgya stong phrag brgyad cu rtsa bzhi byung bar gyur to// de nas 'jam dpal gzhon nur gyur pas/ pad+ma bkod pa byung ba de mthong nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la 'di skad ces gsol to// bcom ldan 'das 'di ltar chu ba ni gser/ 'dab ma ni dngul/ snying po ni pad+ma dang / ne co 'am ci las grub pa'i pad+ma bye ba khrag khrig brgya stong phrag brgyad cu rtsa bzhi gda' ba 'di su'i snga ltas lags de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to// 'jam dpal 'di ni shar phyogs logs nas 'jig rten gyi khams rnam par snang ba'i 'od zer gyis brgyan pa nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad+ma'i 'dab ma dri ma med pa skar ma'i rgyal po me tog k un tu rgyas pa de'i sangs rgyas kyi zhing nas byang chub sems dpa' sems dpa' chen po sang sang po'i dbyangs byang chub sems dpa' bye ba khrag khrig brgya stong gis yongs su bskor cing bdun du bdar te nga la blta ba dang / phyag bya ba dang / bsnyen bkur bya ba dang / dam pa'i chos pad+ma dkar po'i chos kyi rnam grangs 'di mnyan pa'i phyir/ 'jig rten gyi khams mi mjed 'dir 'ong ba de'i snga ltas so/ / de nas bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das rigs kyi bu des/ dge ba'i rtsa ba'i tshogs ci bgyis na dge ba'i rtsa ba'i tshogs bsags pa des 'di lta bu'i khyad par 'di thob/ bcom ldan 'das byang chub sems dpa' de ting nge 'dzin gang la spyod pa'i ting nge 'dzin de/ bcom ldan 'das padag gis mnyan par bgyi'o/ / bcom ldan 'das bdag gis ting nge 'dzin de la spyad par bgyi'o// byang chub sems dpa' sems dpa' chen po de ci 'dra ba dang / kha dog ci 'dra ba dang / gzugs ci 'dra ba dang / rtags ci 'dra ba dang / dbyibs ci 'dra ba dang / de'i spyod pa ci lags pa bdag gis byang chub sems dpa' sems dpa' chen po de blta ba bgyi'o/ / bcom ldan 'das brda ltas gang gis bskul ma thag tu/ byang chub sems dpa' sems dpa' chen po de 'jig rten gyi khams mi mjed 'dir mchi bar 'gyur ba de lta bu'i brda ltas shig/ de bzhin gshegs pas legs par mdzad du gsol/ de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas/ de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa rin chen mang la 'di skad gsungs so// ci nas brda ltas gang gi byang chub sems dpa' sems dpa' chen po sang sang po'i dbyangs 'jig rten gyi khams mi mdzad 'dir mchi ba de lta bu'i brda ltas/ bcom ldan 'das kyis mdzod cig/ de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa rin chen mang gi de'i tshe/ bcom ldan 'das byang chub sems dpa' sems dpa' chen po sang sang po'i dbyangs bskul ba'i phyir/ 'jam dpa' gzhon nur gyur pa 'di rigs kyi bu khyod kyi bu mthu mthong bar dga' yis rigs kyi bu khyod 'jig rten gyi khams mi mjed 'di gsheg shing ces de lta bu'i brda mdzad do/ / de nas byang chub sems dpa' sems dpa' chen po'i sang sang po'i dbyangs kyis/ bcom ldan 'das d e bzhin gshegs pa dgra bcom pa yang dag par rdzogs pa'i sangs rgyas pad+ma'i 'dab ma dri ma med pa skar ma'i rgyal po me tog kun tu rgyas pa de'i zhabs la mgo bos phyag 'tshal nas lan gsum bskor ba byas te/ byang chub sems dpa' bye ba khrag khrig brgya stong phrag brgyad cu rtsa bzhi po de dag gi yongs su bskor cing mdun du bdar nas lhan cig tu 'jig rten gyi khams rnam par snang ba'i 'od zer gyis brgyan pa de nas mi snang bar gyur nas/ 'jig rten gyi khams mi mjed 'dir 'ongs te/ zhing dag ni rab tu g.yo bar byed/ pad+ma'i char ni rab tu 'bebs/ sil snyan bye ba khrag khrig brgya stong ni len cing mig ni ut+pa la sngon po'i 'dab ma 'dra/ bzhin ni zla ba bye ba khrag khrig brgya stong pas lhags/ lus kyi mdog ni gser gyi kha dog 'dra la/ lus bsod nams brgya stong gis ni brgyan/ dpal gyis ni rab tu 'bar/ gzi brjid kyis ni shin tu lhang nger gyur/ lus ni mtshan rnams kyis rnam par spras/ lus phred med kyi bu'i lus ltar 'khregs pa rin po che sna bdun gyi khang pa brtsegs par zhugs te/ nam mkha' la ta la bdun tsam nas byang chub sems dpa'i tshogs kyis yongs su bskor cing mdun du bdar nas 'ongs te/ de 'jig rten gyi khams mi mjed 'di ga la ba dang / bya rgod phung po'i rig la ba der 'ongs te phyin nas khang pa brtsegs pa de nas babs te brgya stong ri ba'i mu tig gi 'phreng ba thogs shing / bcom ldan 'das ga la ba der song nas phyin pa dang / bcom ldan 'das kyi zhabs la mgo bos phyag 'tshal te/ lan bdun bskor ba byas nas/ bcom ldan 'das la mchod pa bya ba'i phyir/ mu tig gi 'greng ba bum mo// phul nas bcom ldan 'das la 'di skad ces gsol bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad+ma'i 'dab ma dri ma med pa skar ma'i rgyal po me tog kun tu rgyas pas/ bcom ldan 'das la gnod pa chung ngam/ nyam nga ba nyung ngam/ skyod pa yang ngam/ stobs dang bde bar gnas sam/ zhes snyun gsol lo// bcom ldan 'das de 'di skad ces kyang gsung ste/ bcom ldan 'das khyod bzod dam gzhes sam/ khams rnams 'thun nam/ khyod k+Shi sems can rnams go sla 'am/ gdul sla 'am/ gtsang ma 'dod dam/ ha cang 'dod chags mi spyod dam/ ha cang zhe sdang mi spyod dam/ ha bang gti mug tu mi spyod dam/ bcom ldan 'das khyod kyi sems can dag shin tu phrag dog can ma yin nam/ ser sna can ma yin nam/ mar mi 'dzin pa ma yin nam/ bar mi 'dzin pa ma yin nam/ dge sbyong du mi 'dzin pa ma yin nam/ bram zer mi 'dzin pa ma yin nan/ log par lta ba ma yin nam/ sems mdul ba ma yin nam/ dbang po ma bsrungs pa ma yin nam/ bcom ldan 'das khyod kyi sems can de dag gis bdud phyir rgol ba bcom mam/ bcom ldan 'das de bzhin g shegs pa dgra bcom pa yang dag par rdzogs pa'i sangs rgyas yongs su mya ngan las 'das pa rin chen mang de rin po che sna bdun gyi mchod rten gyi nang du bzhugs pa chos gsan pa'i phyir/ 'jig rten gyi khams mi mjed du gshegs sam/ bcom ldan 'das de bzhin gshegs pa rin chen mang la yang / bcom ldan 'das de'i 'dri ba/ bcom ldan 'das de bzhin gshegs pa dgra bcom pa rin chen mang de bzod dam/ gzhes sam/ bcom ldan 'das de bzhin gshegs pa rin chen mang ring du gnas sam zhes gsung ngo // bcom ldan 'das de dag gis kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang de'i ring bsrel gyi sku blta bar bgyi'o/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang de'i ring bsrel gyi sku/ de bzhin gshegs pas legs par bstan du gsol/ de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa rin chen mang la 'di skad ces gsungs so/ / bcom ldan 'das byang chub sems d pa' sems dpa' chen po sang sang po'i dbyangs 'di bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa rin chen mang mthong bar 'tshal nas mchis so/ / de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang gis/ byang chub sems dpa' sems dpa' chen po sang sang po'i dbyangs la 'di skad ces bka' stsal to// rigs kyi bu khyo nga dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa mthong bar 'dod pa dang / dam pa'i chos pad+ma dkar po'i chos kyi rnam grangs 'di mnyan pa dang 'jam dpal gzhon nur gyur pa blta ba'i phyir 'ongs pa legs so legs so/ / de nas bcom ldan 'das la/ byang chub sems dpa' sems dpa' chen po pad+ma'i dpal gyis 'di skad ces gsol to/ / bcom ldan 'das byang chub sems dpa' sems dpa' chen po sang sang po'i dbyangs kyis/ de bzhin gshegs pa gang gi drung du sngon dge ba'i rtsa ba ji lta bu zhig bskrun/ de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas/ byang chub sems dpa' sems dpa' chen po pad+ma'i dpal la 'di skad ces bka' stsal to/ / rigs kyi bu sngon byung ba 'das pa'i dus na/ bskal pa mthong na dga' ba la 'jig rten gyi khams gzungs thams cad shin tu ston par de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ sba dang mi rnams kyi ston pa/ sangs rgyas bcom ldan 'das sbyin dang / rnga sgra rgyal po zhes bya ba 'jig rten du byung ste/ rigs kyi bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas sprin dang rnga sgra rgyal po de la/ byang chub sems dpa' sems dpa' chen po sang sang po'i dbyangs kyis sil snyan brgya stong rab tu blangs te lo khri nyis stong du mchod pa byas so/ / rin po che sna bdun gyi snod brgyad khri bzhi stong phul lo// rigs kyi bu de bzhin gshegs pa sprin dang / rnga sgra rgyal po'i gsung rab de la/ byang chub sems dpa' sems dpa' chen po sang sang po'i dbyangs kyis de lta bu'i dad pa thob bo// de'i tshe de'i dus na bcom ldan 'das de b zhin gshegs pa dgra bcom pa yang dag par rdzogs pa'i sangs rgyas sprin dang rnga sgra'i rgyal po la mchod pa byas shing snod brgyad khri bzhi stong de dag phul ba de gzhan zhig yin snyam du khyod som nyi'am yid gnyis sam/ the tsom za bar gyur na/ rigs kyi bu khyod kyis de ltar mi blta'o// de ci'i phyir zhe na/ rigs kyi bu gang gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas sprin dang rnga sgra'i rgyal po de la mchod pa byas pa dang / snod de dag kyang phul ba de ni/ byang chub sems dpa' sems dpa' chen po sang sang po'i dbyangs 'di nyid yin te/ rigs kyi bu byang chub sems dpa' sems dpa' chen po sang sang po'i dbyangs de ni/ sangs rgyas mang po la bsnyen bkur byas pa/ sangs rgyas brgya stong mang po la dge ba'i rtsa ba bskyed pa/ yongs su sbyang ba byas te/ byang chub sems dpa' sems dpa' chen po sang sang po'i dbyangs 'dis/ sdom yang sangs rgyas bcom ldan 'das gang+gA'i klung gi bye ma snyed mthong ngo / / pad+ma'i dpal khyod kyis byang chub sems dpa' sems dpa' chen po sang sang po'i dbyangs 'di mthong ngam/ pad+ma'i/ dpal gyis gsol pa/ bcom ldan 'das mthong lags so// bde bar gshegs pa mthong lags so// bcom ldan 'das kyis bka' stsal pa/ pad+ma'i dpal byang chub sems dpa' sems dpa' chen po sang sang po'i dbyangs 'di ni gzugs mang pos dam pa'i chos pad+ma dkar po'i chos kyi rnam grangs 'di ston to/ / 'di lta ste/ la lar ni tshangs pa'i gzugs kyis/ la lar ni brgya byin gyi gzugs kyis/ la lar ni dbang phyug gi gzugs kyis/ la lar ni dbang phyug chen po'i gzugs kyis/ la lar ni dmag dpon gyi gzugs kyis/ la lar ni mchog gi gzugs kyis/ la lar ni 'khor los sgyur ba'i gzugs kyis/ la lar ni khams kyi rgyal po'i gzugs kyis/ kha lar ni tshong dpon gyis gzugs kyis/ sa lar ni khyim bdag gi gzugs kyis/ la lar ni grong mi'i gzugs kyis/ la lar ni bram ze'i gzugs kyis/ dam pa'i chos pad+ma dkar po'i chos kyi rnam grangs 'di ston to/ / la lar ni dge slong gi gzugs kyis/ la lar ni dge slong ma'i gzugs kyis/ la lar ni dge bsnyen gyi gzugs kyis// la lar ni dge bsnyen ma'i gzugs kyis la lar ni tshong dpon gyi chung ma'i gzugs kyis/ la lar ni khyim bdag gi chung ma'i gzugs kyis/ la lar ni grong mi'i chung ma'i gzugs kyis/ la lar ni khye'u'i gzug kyis/ la lar ni bu mo'i gzugs kyis/ byang chub sems dpa' sems dpa' chen po sang sang po'i dbyangs dam pa'i chos pad+ma dkar po'i chos kyi rnam grangs 'di sems can rnams la ston te/ rigs kyi bu gzugs de snyed kun tu ston pas/ byang chub sems dpa' sems dpa' chen po sang sang po'i dbyangs dam pa'i chos pad+ma dkar po'i chos rnam grangs 'di sems can rnams la ston to/ / kha cig la ni gnod sbyin gyi gzugs kyi bar gyis byang chub sems dpa' sems dpa' chen po sang sang por dbyangs kyis dam pa'i chos pad+ma dkar po'i chos kyi rnams grangs 'di sems can rnams la ston to/ / kha cig la ni lha ma yin gyi gzugs kyis/ kha cig la ni namakha' lding gi gzugs kyis/ kha cig la ni mi 'am ci'i gzugs kyis/ kha cig la ni lto 'phye chen po'i gzugs kyis byang chub sems dpa' sems dpa' chen po sang sang po'i dbyangs dam pa'i chos pad+ma dkar po'i chos kyi rnam grangs 'di sems can rnams la ston to/ / sems can dmyal ba dang / dud 'gro'i skye gnas dang / gshin rje'i 'jig rten dang / mi khom par skye ba'i bar gyi sems can rnams la yang byang chub sems dpa' sems dpa' chen po sang sang po'i dbyangs skyob par 'gyur ro/ / btsun mo'i 'khor gyi nang na 'dug pa'i bar gyi sems can rnams la yang byang chub sems dpa' sems dpa' chen po sang sang po'i dbyangs bud med kyi gzugs su mngon par sprul te/ dam pa'i chos pad+ma dkar po'i chos kyi rnam grangs 'di 'jig rten gyi khams mi mjed 'dir sems can rnams la ston to/ / pad+ma'i dpal byang chub sems dpa' sems dpa' chen po sang sang po'i dbyangs ni/ 'jig rten gyi khams mi mjed du skyes pa'i sems can rnams kyi skyob pa ste/ 'jig rten gyi khams mi mjed 'di na byang chub sems dpa' sems dpa' chen po sang sang po'i dbyangs 'di de snyed kyis gzugs su sprul pas/ dam pa'i chos pad+ma dkar po'i chos kyi rnam grangs 'di sems can rnams la ston to// skyes bu dam pa 'di'i rdzu 'phrul yang nyams pa med/ shes rab kyang nyams pa med do/ / rigs kyi bu byang chub sems dpa' sems dpa' chen po sang sang po'i dbyangs ni ye shes kyi snang ba 'di nyid kyis/ 'jig rten gyi khams mi mjed 'di ni snang ngo'ajig rten gyi khams gzhan dag gang+gA'i klung gi bye ma snyed dag na byang chub sems dpa' 'dul ba'i sems can rnams 'di byang chub sems dpa'i gzugs kyis chos ston to/ / nyan thos kyi gzugs kyis 'dul ba'i sems can rnams la nyan thos kyi gzugs kyis chos ston to// rang sangs rgyas kyis 'dul ba'i sems can rnams la/ rang sangs rgyas kyi gzugs kyis chos ston to/ / de bzhin gshegs pa'i gzugs kyis 'dul ba'i sems can rnams la/ de bzhin gshegs pa'i gzugs kyis chos ston to// de bzhin gshegs pa'i ring bsrel gyi bar gyis 'dul ba'i sems can rnams la/ de bzhin gshegs pa'i ring bsrel ston to// yongs su mya ngan las 'da' ba'i bar gyis 'dul ba'i sems can rnamal/ bdag yongs su mya ngan las 'das par ston to// pad+ma'i dpal de ltar byang chub sems dpa' sems dpa' chen po sang sang po'i dbyangs ni ye shes kyi stobs bskyed pa thob pa'o/ / de nas bcom ldan 'das la byang chub sems dpa' sems dpa' chen po pad+ma'i dpal gyi 'di skad ces gsol to// bcom ldan 'das byang chub sems dpa' sems dpa' chen po'i sang sang po'i dbyangs dge ba'i rtsa ba bskrun pa 'di bcom ldan 'das ting nge 'dzin gang la gnas te/ byang chub sems dpa' sems// dpa' chen po sang sang po'i dbyangs kyis sems can de snyed btul ba'i ting nge 'dzin de gang lags/ de skad ces gsol nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas/ byang chub sems dpa' sems dpa' chen po pad+ma'i dpal la 'di skad ces bka' stsal to// rigs kyi bu ting nge 'dzin gang laganas te/ byang chub sems dpa' sems dpa' chen po sang sang po'i dbyangs kyis 'di ltar sems can dpag tu med pa'i don byas pa ni// gzugs thams cad yang dag par ston ba zhes bya ba'i ting nge 'dzin 'di yin no/ / sang sang po'i dbyangs kyis le'u 'di bshad pa na/ byang chub sems dpa' sems dpa' chen po sang sang po'i dbyangs dang lhan cig tu byang chub sems dpa' bye ba khrag khrig brgya stong phrag brgyad cu rtsa bzhi gang dag 'jig rten gyi khams mi mjed 'dir lhags pa de dag thams cad kyis/ gzugs thams cad yang dag par ston pa'i ting nge 'dzin thob par gyur to/ / 'jig rten gyi khams mi mjed 'di na gnas pa'i byang chub sems dpa' sems dpa' chen po bgrang ba las 'das pa de dag gis kyang gzugs thams cad yang dag pa ston pa'i ting nge 'dzin thob par gyur to/ / de nas byang chub sems dpa' sems dpa' chen po sang sang po'i dbyangs kyis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang gi ring bsrel gyi mchod rten la yangs shing rgya che ba'i mchod pa byas nas/ rin po che sna bdun gyi khang pa brtsegs par zhugs te/ zhing rnams ni rab tu g.yos par byed pad+ma'i char ni rab tu 'bebs/ sil snyan bye ba khrag khrig brgya stong ni len cing / byang chub sems dpa' bye ba khrag khrig brgya stong phrag brgyad cu rtsa bzhis yongs su bskor te mdun du bdar nas/ lhan cig tu slar rang gi sangs rgyas kyi zhing du song ste phyin nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad+ma'i 'dab ma dri ma med pa skar ma'i rgyal po me tog kun tu rgyas pa la 'di skad ces gsol to/ / bcom ldan 'das 'jig rten gyi khams mi mjed du bdag gis sems can gyi don bgyis so/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang gi ring bsrel gyi mchod rten yang mthong ngo // phyag kyang bgyis so/ / bcom ldan 'das de bzhin gshegs pa shAkya thub pa yang mthong ste/ phyag kyang bgyis so// 'jam dpal gzhon nur gyur pa de yang mthong ngo // byang chub sems dpa' sems dpa' chen po sman gyi rgyal po brtson 'grus kyi stobs kyi shugs thob pa de dang / byang chub sems dpa' sems dpa' chen po rab tu sbyin pa de yang mthong ngo // byang chub sems dpa' bye ba khrag khrig brgya stong phrag brgyad cu rtsa bzhi po de dag thams cad kyis kyang / gzugs thams cad yang dag par ston pa'i ting nge 'dzin thob par gyur to// byang chub sems dpa' sems dpa' chen po sang sang po'i dbyangs 'gro ba dang 'ong ba'i le'u 'di bshad pa na/ byang chub sems dpa' bzhi khri nyis stong gis mi skye ba'i chos la bzod pa thob par gyur to// byang chub sems dpa' sems dpa' chen po pad+ma'i dpal gyis kyang / dam pa'i chos pad+ma dkar po'i ting nge 'dzin thob par gyur to// sang sang po'i dbyangs kyi le'u zhes bya ba ste/ nyi rtsa gsum pa'o/ / // bam po bcu gsum pa ste tha ma'o// de nas byang chub sems dpa' sems dpa' chen po blo gros mi zad pa stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ / bcom ldan 'das byang chub sems dpa' sems dpa' chen po spyan ras gzigs dbang phyug/ de ci'i slad du spyan ras gzigs dbang phyug ces bgyi/ de skad ces gsol pa dang / bcom ldan 'das kyis byang chub sems dpa' sems dpa' chen po blo gros mi zad pa la 'di skad ces bka' stsal to// rigs kyi bu 'di la sems can bye ba khrag khrig brgya stong ji skad cig sdug bsngal gang dag myong bar gyur pa de dag gis gal te/ byang chub sems dpa' sems dpa' chen po spyan ras gzigs dbang phyug gi ming thos na de ngag thams cad sdug bsngal gyi phung po de las yongs su thar bar 'gyur ro/ / rigs kyi bu sems can gang dag byang chub sems dpa' sems dpa' chen po/ spyan ras gzigs dbang phyug gi ming 'dzin pa de dag gal te/ me'i phung po chen por lhung na yang de dag thams cad byang chub sems dpa' sems dpa' chen po/ spyan ras gzigs dbang phyug gi gzi brjid kyis/ me'i phung po chen po de las rab tu thar bar 'gyur ro// rigs kyi bu gal te/ chu klung dag gis khyer la/ byang chub sems dpa' sems dpa' chen po/ spyan ras gzigs dbang phyug la bos na/ chu klung de dag thams cad kyis sems can de dag thams cad gti sa tshugs par byed do// rigs kyi bla gal te/ sems can bye ba khrag khrig brgya stong rgya mtsho'i nang du grur zhugs te/ 'gron bu dang / gser dang / nor bu dang / bai DUR+Ya dang / dung dang / man shel dang / rdo'i snying po dang / byi ru dang / spug dang mu tig dmar po la sogs pa'i phyir dong ba de rnams rlung nag pos/ srin mo'i gling du 'phangs par gyur la/ de nas sems can gcig 'ga' zhig gis spyan ras gzigs dbang phyug la bos na/ de dag thams cad srin mo'i gling de nas thar bar 'gyur ro// rigs kyi bu de'i phyir/ byang chub sems dpa' sems dpa' chen po spyan ras gzigs dbang phyug ces btags so/ / rigs kyi bu gal te/ bsad par bskor ba las spyan ras gzigs dbang phyug la bos na/ gshed ma de dag gi mtshon cha dum bu dum bur chag cing zug par 'gyur ro// rigs kyi bu gal te/ stong gsum gyi stong chen po'i 'jig rten gyi khams 'di gnod sbyin dang srin pos gang bar gyur kyang byang chub sems dpa' sems dpa' chen po/ spyan ras gzigs dbang phyug gi ming 'dzin pa la de dag thams cad kyis sdang ba'i sems kyis blta yang mi phod do/ / rigs kyi bu sems can la la lcags sgrog dang / shing sgrog tu bcug par gyur// na nyes yod kyang rung nyes med kyang rung byang chub sems dpa' sems dpa' chen po/ spyan ras gzigs dbang phyug gi ming nas phyung bas/ lcags sgrog dang shing sgrog tu bcug pa de dag gi bu ga bye bar 'gyur ro/ / rigs kyi bu byang chub sems dpa' sems dpa' chen po spyan ras gzigs dbang phyug gi mthu ni de 'dra'o// rigs kyi bu gal te stong gsum gyi stong chen po'i 'jig rten gyi khams 'di g.yon can dang / chom rkun dang / dgra lag na mtshon cha thogs pas gang bar gyur te/ der ded dpon gcig gis/ 'dron pa mang po phal po ches phyug pa ded de dong ba las/ 'dong ba de dag gis g.yon can dang / chom rkun dang / dgra lag na mtshon cha thogs pa de mthong ste/ mthong nas kyang 'jigs shing skrag ste bdag cag skyabs med par shes pa las/ ded dpon des 'dron pa mang po la 'di skad ces ma 'jigs shig/ rigs kyi bu dag ma 'jigs shig/ mi 'jigs pa sbyin pa byang chub sems dpa' sems dpa' chen po/ spyan ras gzigs dbang phyug de la sgra skad gcig tu bos shig dang / deng khyed chom rkun gyis 'jigs pa 'di dang / dgra yis 'jigs pa 'di las yongs su thar bar 'gyur ro zhes bsgo la/ de nas 'dron pa mang po thams cad kyis sgra skad gcig tu spyan ras gzigs dbang phyug pos te/ 'jigs pa med pa sbyin pa/ byang chub sems dpa' sems dpa' chen po/ spyan ras gzigs dbang phyug de la phyag 'tshal lo phyag 'tshal lo zhes ming nas byung ma thag tu 'dron pa phal po che de dag 'jigs pa thams cad las yongs su thar par gyur te/ rigs kyi bu byang chub sems dpa' sems dpa' chen po/ spyan ras gzigs dbang phyug gi mthu ni de 'dra'o/ / rigs kyi bu sems can gang dag 'dod chags spyad pa de dag gis/ byang chub sems dpa' sems dpa' chen po/ spyan ras gzigs dbang phyug de la phyag byas na 'dod chags dang bral bar 'gyur ro/ / sems can gang dag zhe sdang la spyod pa de dag gis byang chub sems dpa' sems dpa' chen po spyan ras gzigs dbang phyug de la phyag byas na/ zhe sdang dang bral bar 'gyur ro// sems can gang dag gti mug spyad pa de dag gis/ byang chub sems dpa' sems dpa' chen po/ spyan ras gzigs dbang phyug la phyag byas na/ gti mug dang bral bar 'gyur ro// rigs kyi bu de ltar byang chub sems dpa' sems dpa' chen po/ spyan ras gzigs dbang phyug ni rdzu 'phrul che ba'o// rigs kyi bu su bud med bu 'dod pa gang la la byang chub sems dpa' sems dpa' chen po/ spyan ras gzigs dbang phyug la phyag 'tshal na/ de las bu pho 'byung ste/ gzugs bzang ba mdzes la blta na sdug pa khye'u yi mtshan dang ldan pa/ skye bo mang po'i yid du 'ong zhing sdug pa dge ba'i rtsa ba bskyed pa 'byung ngo // gang bu mo 'dod pa de yang bu mo 'byung ste/ gzugs bzang ba mdzes pa blta na sdug pa bu mo'i mtshan dang ldan pa skye bo mang po'i yid du 'ong zhing sdug pa dge ba'i rtsa ba bskyed par 'byung ngo / / rigs kyi bu byang chub sems dpa' sems dpa' chen po/ spyan ras gzigs dbang phyug gi mthu ni de 'dra'o// gang dag byang chub sems dpa' sems dpa' chen po/ spyan ra sa gzigs dbang phyug la phyag 'tshal ba de dag don yod pa'i 'bras bur 'gyur ro/ / rigs kyi bu gang zhig byang chub sems dpa' sems dpa' chen po spyan ras gzigs dbang phyug la phyag 'tshal zhing ming 'dzin pa gang zhig sangs r gyas bcom ldan 'das gang+gA'i klung drug cu rtsa gnyis kyi bye ma snyed dag la phyag 'tshal zhing ming 'dzin pa dang yang gang zhig sangs rgyas bcom ldan 'das gang+gA'i klung drug cu rtsa gnyis kyi bye ma snyed bzhugs te/ 'tsho zhing gzhes pa de dag la/ na bza' dang / bsod snyoms dang / gzims cha dang / snyun gyi gsos sman dang / yo byad kyis mchod pa byed na/ rigs citha da rgyas / zlu / da sa sa das pas mas da myung bye ba / byung chub sems dpa' sems dpa' ra pa zlams mi bang bas/ bcom ldan 'das sa 'di gad ces 'tshal to// rigs kyi bu 'dzi sa kyi du ma dang sa bsod nams skyed pa ni/ bcom ldan 'das mang lags so// bde bar gshegs pa mang lags so// bcom ldan 'das kyis bkara' sprul bya/ rigs kyi zla gang gis sangs rgyas ldan 'das de snyed la bkur sti byas pa'i bsod nams mngon par 'du byed pa dang / gang gis tha na byang chub sems dpa' sems dpa' chen po spyan ras gzigs dbang phyus la phyag lan gcig byas pa dang / ming 'dzin pa bsod nams mngon par 'du byed pa gnyig mnyam ste/ lhag pa yang med 'phags pa yang med de/ gang gis sangs rgyas bcom ldan 'das kAng+gA'i klung drug cu rtsa gnyis kyi bye ma snyed la phyag 'tshal zhing ming 'dzin pa dang / gang byang chub sems dpa' sems dpa' chen po/ spyan ras gzigs dbang phyug la phyag 'tshal zhing ming 'dzin pa'i bsong rnams kyi phung po deganyig de bsal pa bye ba khrag khrig 'cha song ngamar yang zang bar bya ba sa pa ma yin no/ / rigs kyi tha byang chub sems dpa' sems chen po spyan ras gzigs dbang phyug gi mi 'dzin pa de dag gi bsod nams de ltar dpag tu med do/ / de nas bcom ldan 'das la byang chub sems dpa' sems dpa' chen po blo gros mi zad pas 'di skad ces gsol to/ / bcom ldan 'das ji ltar/ byang chub sems dpa' sems dpa' chen po spyan ras gzigs dbang phyug 'jig rten gyi khams mi mjed 'di na rnam par rgyu/ ji ltar sems can rnams la chos ston/ byang chub sems dpa' sems dpa' chen po spyan ras gzigs dbang phyug gi thabs mkhas pa'i yul ni ci 'dra ba zhig lags/ de skad ces gsol pa dang / bcom ldan 'das kyis byang chub sems dpa' sems dpa' chen po blo gros mi zad pa la 'di skad ces bka' stsal to// rigs kyi bu gang dag na byang chub sems dpa' sems dpa' chen po spyan ras gzigs dbang phyug sangs rgyas kyi gzugs kyis sem can rnam la chos ston pa'i 'jig rten gyi khams dag yod do/ / gang dag na byang chub sems dpa' sems dpa' chen po spyan ras gzigs dbang phyug byang chub sems dpa'i gzugs kyi chos ston pa'i 'jig rten gyi khams dag kyang yod do// sems can kha cig la ni byang chub sems dpa' sems dpa' chen po spyan ras gzigs dbang phyug rang sangs rgyas kyi gzugs kyi chos ston to/ / kha cig la ni nyan thos kyi gzugs kyis/ / kha cig la ni tshangs pa'i gzugs kyis/ kha cig la ni brgya byin gyi gzugs kyis/ sems can kha cig la ni byang chub sems dpa' sems dpa' chen po spyan ras gzigs dbang phyug dri za'i gzugs kyi chos ston to/ / gnod sbyin gyis 'dul ba'i sems can rnams la ni/ gnod sbyin gyi gzugs kyis chos ston to// dbang phyug gis 'dul ba'i sems can rnams la ni/ dbang phyug gi gzugs kyis chos ston to// dbang phyug chen pos 'dul ba'i sems can rnams la ni dbang phyug chen po'i gzugs kyis chos ston to// 'khor los sgyur ba'i rgyal pos 'dul ba'i sems can rnams la ni/ 'khor los sgyur ba'i rgyal po'i gzugs kyi chos ston to// sha zas 'dul ba'i sems can rnams la ni sha za'i gzugs kyis chos ston to/ / mchog gis 'dul ba'i sems can rnams la ni/ mchog gi gzugs kyis chos ston to// dmag dpon gyis 'dul ba'i sems can rnams la ni dmag dpon gyi gzugs kyis chos ston to/ / bram zes 'dul ba'i sems can rnams la ni/ bram zes gzugs kyis chos ston to// lag na rdo rjes 'dul ba'i sems can rnams la ni lag na rdo rjes gzugs kyi chos ston to/ / rigs kyi bu dag de ltar byang chub sems dpa' sems dpa' chen po spyan ras gzigs dbang phyug yon tan bsam gyis mi khyab pa dang ldan no// rigs kyi bu de lta bas na/ byang chub sems dpa' sems dpa' chen po spyan ras gzigs dbang phyug la mchod cig/ rigs kyi bu byang chub sems dpa' sems dpa' chen po spyan ras gzigs dbang phyug 'di 'jigs pa'i sems can rnams la mi 'jigs pa sbyin pa ste/ de'i phyir 'jig rten gyi khams mi mjed 'di na/ mi 'jigs pa sbyin pa zhes kun gyis shes so// de nas bcom ldan 'das la blo gros mi zad pas 'di skad ces gsol pa ste/ bcom ldan 'das bdag gis byang chub sems dpa' sems dpa' chen po spyan ras gzigs dbang phyug la chos kyis dga' ba stsal bar bgyi'o/ / bcom ldan 'das kyis bka' stsal pa/ rigs kyi bu de'i dus la bab par shes na byin cig/ de nas byang chub sems dpa' sems dpa' chen po blo gros mi zad pas bdag gi mgul nas/ srang brgya stong ri ba'i mu tig gi do shal bkrol nas byang chub sems dpa' sems dpa' chen po spyan ras gzigs dbang phyug la chos kyi dga' ba byin te/ skyes bu dam pa bdag las chos kyi dga' ba 'di long shig des ma blangs nas/ de nas byang chub sems dpa' sems dpa' chen po blo gros mi zad pas/ byang chub sems dpa' sems dpa' chen po 'phags pa spyan ras gzigs dbang phyug la 'di skad ces smras so// rigs kyi bu khyod kyis mu tig gi do shal 'di bdag la snying brtse ba'i phyir long shig/ de nas byang chub sems dpa' sems dpa' chen po spyan ras gzigs dbang phyug gis/ byang chub sems dpa' sems dpa' chen po blo gros mi zad pa la snying brtse ba dang / 'khor bzhi po de dag dang / lha dang klu dang / gnod sbyin dang / dri za dang / lha ma yin dang / nam mkha'i lding dang / mi 'am ci dang lto 'phye chen po dang / mi dang mi ma yin pa la snying brtse ba'i phyir/ byang chub sems dpa' sems chen po/ blo gros mi zad pa las mu tig gi do shal blangs so// blangs nas cha gnyis su bgos te/ bgos nas cha gcig ni bcom ldan 'das shAkya thub pa la phul lo// cha gcig ni de bzhin gshegs pa dgra bcom pa yang dag par rdzogs pa'i sangs rgyas rin po che'i mchod rten la phul lo/ / rigs kyi bu byang chub sems dpa' sems dpa' chen po spyan ras gzigs dbang phyug 'jig rten gyi khams mi mjed 'di na de lta bu'i rnam par 'phrul bas rnam par rgyu'o/ / de la de'i chos nyid ni 'di skad ces bya'o// rgyal mtshan khro bos blo gros mi zad la// de yi don gyi sgra ni kun dris pa// rgyal ba'i sras po 'di ltar yi phyir/ / spyan ras gzigs kyi dbang po zhes 'di bgyi// des ni de yi phyogs rnams kun bsdus te// smon lam rgya mtsho blo gros mi zad pas// rgyal mtshan khro bo de la 'di/ skad smras// spyan ras gzigs kyi dbang po'i spyod pa rkon// bskal pa bsam yas byed du ma brgyar// sangs rgyas stong phrag bye ba mang po la// smon lam ji ltar rab tu rnam par sbyangs/ / de dag kho bos rab tu bshad kyis nyon// mnyan par byas sam 'on te lta bar byed// rim gyis de ltar rjes su dran pa yang // srog chags rnams ni 'bras bu yod par 'gyur/ / sdug bsngal sbrid pa mya ngan kun sel byed// gal te gsod pas me yi dong du yang // bsad par bya phyir btang ba'i yid kyis ni// spyan ras gzigs kyi dbang po dranA na ni/ / chus btab bzhin du me dag zhi bar 'gyur// rgya mtsho dang ni mi ngan rgal na yang // klu dang 'byung po lha ma yin gnas su// spyan ras gzigs kyi dbang po dran na ni// chu yi rgyal po rnams kyang mi nub bo// rab tu sdang ba'i yid kyis bsad pa'i phyir// ri rab lhun po'i rtsa nas bor na yang // spyan ras gzigs kyi dbang po dran na ni// nyi ma lta bur nam mkha' gnas par 'gyur/ / gal te rdo rje yi ni ri dag kyang // bsad pa'i phyir ni spyi bor 'ongs na yang // spyan ras gzigs kyi dbang po dran na ni// ba spu'i khung tsam gtses par mi nus so/ / bsad pa'i sems kyis lag na mtshon thogs te// dgra tshogs mang po'i kun tu bskor na yang // spyan ras gzigs kyi dbang po dran na ni// de ma thag tu byams pa'i sems su 'gyur/ / gal te bsad pa nye bar 'ongs nas su// gshed ma mI yi dbang du gyur na yang // spyan ras gzigs kyi dbang po dran na ni/ / de yi mtshon cha dum bur dum bur 'gyur// de ste shing ngam lcags las byas pa yi// khong sgril dang ni gdos kyis bcings na yang // spyan ras gzigs kyi dbang po dran na ni/ / bcings pa myur du rnam par chad par 'gyur// sngags dang stobs dang sman dang rig sngags dang // ro langs pa dang 'byung po lus 'jigs pa// spyan ras gzigs kyi dbang po dran na ni/ / gang nas rab tu btang ba der slar 'gro// gnod sbyin lha min 'byung po klu 'bar ba// mdangs 'phrog pa yis yongs su bskor na yang / spyan ras gzigs kyi dbang po dran na ni/ / ba spu khung tsam gtses par yong mi nus// mche ba sen rnon rab tu 'jigs pa yi// gcan gzan ma rungs pa yis bskor na yang // spyan ras gzigs kyi dbang po dran na ni/ / myur bar phyogs kun tu yang 'gro bar 'gyur// mig 'jigs me lce lta bur 'od 'phro ba// mig dug can gyi yongs su bskor na yang // spyan ras gzigs kyi dbang po dran na ni/ / shin tu myur bar dug po med par 'gyur// bzang po glog kyang 'byung zhing sdug pa yi// sprin las lce dang ser ba char 'bab pa// spyan ros gzigs kyi dbang po dran na ni/ / de ma thag tu myur bar rab tu zhi// sdug bsngal mang po brgya yis gses pa dang // sdug bsngal mang pos gzir ba'i sems can mthong // ye shes dge ba'i stobs kyis spyan ras gzigs/ / de bas lha bcas 'gro ba'i skyob pa po// rdzu 'phrul stobs kyis pha rol song ba ste// thabs dang ye shes yangs pa bslabs pas ma phyogs bcu'i 'gro ba mang po thams cad dang / / ma lus zhing kun tu yang rab tu snang // srog chags rnams kyi ngan 'gro'i 'jigs pa dang // mi khom pa dang sems can dmyal ba dang // byol song dang ni gshin rjes bsgo ba dang // skye rgan pas gzir ba mthar zhi byed// shin tu dge ba'i spyan te byams pa'i spyan// thabs dang shes rab khyad par yod pa'i spyan// snying rje'i spyan dang byams pa'i spyan dang ldan// zhal bzang spyan bzang shin tu blta 'dod pa// dri ma med pa dri ma bral ba'o 'od// rab rib med pa ye shes nyi ma'i 'od// sprin gyis chod pa med par gyur pa'i 'od/ / 'jig rten dag na lhag ge lhang nger mdzad// snying rje las byung tshul khrims grags pa ste// dge ba'i yon tan byams yid sprin chen po// srog chags rnams kyi nyon mongs me zhi byed/ / chos kyi char pa bdud rtsi rab tu 'bebs// 'thab mo dang ni rtsod cing 'gyed pa yi// 'jigs chen g.yul ngor skyes bu song na yang // spyan ras gzigs kyi dbang po dran na ni/ / de ma thag tu dgra rnams rab tu zhi// sprin gyi sgra dang rnga bo che yi sgra// 'brug gi sgra dang tshangs pa'i dbyangs snyan pa// dbyangs kyi dkyil 'khor pha rol phyin pa ste/ / spyan ras gzigs kyi dbang po dran par bya// dag pa'i sems can spyan ras gzigs dbang po// the tsom ma za dran byos dran par bgyis// 'chi ba'i tshe dang nyon mongs gtses pa yi/ / mgon dang skyabs dang dpung gnyen du yang 'gyur// yon tan thams cad kyi ni pha rol phyin// sems can kun la snying rje byams pa'i spyan// yang dag yon tan yon tan rgya mtsho che/ / spyan ras gzigs kyi dbang po phyag byar 'os// 'di ltar 'gro ba rnams la snying brtse ba// phyi ma'i dus na sangs rgyas su yang 'gyur// 'jigs dang mya ngan thams cad 'jig byed pa/ / spyan ras gzigs kyi dbang po dran par bya// 'jig rten dbang po rgyal po gtso bo ste// dge slong chos kyi 'byung gnas 'jig rten mchod// bskal pa brgya phrag mang por sbyang nas su/ / rdul bral bla na med pa byang chub thob// 'dren pa snang ba mtha' yas g.yas g.yon na// gsil yab thogs te de bzhin g.yob cing 'dug/ sgyur ma lta bu'i ting nge 'dzin gyis kyang / / zhing rnams kun tu song nas rgyal ba mchod// nub kyi phyogs na bde ba'i 'byung gnas te// rdul bral 'jig rten khams ni bde ba can// de na sems can kha lo sgyur ba yi// 'dren pa mtha' yas pa'ang de ltar bzhugs/ / der ni bud med rnams kyang mi 'byung ste// rnam pa kun tu g.yem pa'i chos med do// rgyal ba'i sras po de dag rdzus te skye// dri ma med pa'i pad+ma'i snying por/ 'dug/ 'dren pa tshe mtha' yas pa de nyid kyang // pad+ma'i snying po dri med dga' ba la// seng ge'i khri la rab tu bzhugs pa yang // sA la'i rgyal po lta bur rnam par mdzes// 'jig rten 'dren pa'i 'di sang de bzhin te/ / srid pa gsum na de 'dra yong med do// gang gis spyan ras gzigs dbang ming thos pa// de yi bsod nams dag ni mi zad 'gyur// de nas byang chub sems dpa' sems dpa' chen bos 'dzin stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ / bcom ldan 'das su dag byang chub sems dpa' sems dpa' chen po spyan ras gzigs kyi dbang phyug gi le'u/ byang chub sems dpa' sems dpa' chen po spyan ras gzigs dbang phyug gi rnam par 'phrul pa bstan pa kun nas sgo'i le'u spyan ras gzigs dbang phyug gi rnam par sprul pa'i cho 'khrul 'di thos pa'i sems can de dag ni/ / dge ba'i rtsa ba dam don dang ldan pa ma lags so/ / kun nas sgo'i le'u bstan pa 'di bcom ldan 'das kyi bshad pa na/ 'khor de las srog chags brgyad khri bzhi stong gis mi mnyam pa dang mnyam pa/ bla na med pa yang dag par rdzogs pa'i byang chub tu sems bskyed par gyur to/ / spyan ras gzigs dbang phyug gi rnam par 'phrul pa bstan pa kun nas sgo'i le'u zhes bya ba ste nyi shu rtsa bani pa'o/ / / de nas bcom ldan 'das kyis thams cad dang ldan pa'i byang chub sems dpa'i tshogs la bka' stsal pa/ rigs kyi bu dag sngon byung ba 'das pa'i dus na bskal pa g rangs med par gyur pa de'i tshe de'i dus na bskal pa mthong na dga' ba la 'jig rten gyi khams rnam par snang ba'i 'od zer gyis brgyan par de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'brug sgra dbyangs spyan skar ma'i rgyal po me tog kun tu rgyas pa zhes bya ba 'jig rten du byung ngo / / de bzhin gshegs pa 'brug sgra dbyangs snyan skar ma'i rgyal po me tog kun tu rgyas pa gsung rab la/ rgyal po dge ba bkod pa zhes bya ba byung ste/ rigs kyi bu dag rgyal po dge ba bkod pa de'i chung ma dri ma med pas byin pa zhes bya ba zhig yod do// rigs kyi bu dag rgyal po dge ba bkod pa de la bu gnyis yod do/ / gcig gi ming ni dri ma med pa'i snying po/ gcig gi ming ni dri ma med pa'i mig ste/ khye'u de gnyis rdzu 'phrul dang ldan/ shes rab dang ldan/ bsod nams dang ldan/ ye shes dang ldan te/ byang chub sems dpa'i spyod pa la brtson par gyur to// 'di lta ste/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / thabs mkhas pa'i pha rol tu phyin pa dang / byams pa dang / snying rje dang dga' ba dang btang snyoms dang / byang chub kyi phyogs kyi chos sum cu rtsa bdun po dag la brtson par gyur te/ thams cad kyi pha rol tu son par gyur to// dri ma med pa'i ting nge 'dzin gyi pha rol tu song ngo / / rgyu skar dang skar ma dang nyi ma'i ting nge 'dzin gyi pha rol tu song ngo // dri ma med pa'i 'od kyi ting nge 'dzin gyi pha rol tu song ngo // dri ma med pa'i 'od gsal ba'i ting nge 'dzin gyi pha rol tu song ngo / / dpa' pa'i rgyan gyi ting nge 'dzin gyi pha rol tu song ngo // gzi brjid chen po'i snying po'i ting nge 'dzin gyi pha rol tu song bar gyur to// bcom ldan 'das de yang de'i tshe de'i dus na sems can de dag la thugs brtse ba dang / rgyal po dge ba bkod pa de la thugs brtse ba'i phyir/ dam pa'i chos pad+ma dkar po'i chos kyi rnam grangs 'di ston to// rigs kyi bu dag de nas khye'u dri ma med pa'i snying po dang / khye'u dri ma med pa'i mig bdag cag skyed pa'i ma ga la ba der song ste/ phyin nas sor mo bcu thal mo sbyar te bdag cag skyed pa'i ma la 'di skad ces smras so// yum tshur spyon/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'brug sgra dbyangs snyan skar ma'i rgyal po me tog kun tu rgyas pa de la blta ba dang / phyag bgyi dang / bsnyen bkur bgyi ba'i slad du/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'brug sgra dbyangs snyan skar ma'i rgyal po me tog kun tu rgyas pa de'i drung du bzhung ngo // de ci'i slad du zhe na/ yum bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'brug sgra dbyangs snyan skar ma'i rgyal po me tog kun tu rgyas pa de lha dang bcas pa'i 'jig rten gyi mdun dam pa'i chos pad+ma dkar po'i chos kyi rnam grangs rgyas par rab tu 'chad kyis de mnyan pa'i phyir bzhud do/ / rigs kyi bu dag de skad ces smras nas/ rgyal po'i chung ma dri ma med pas byin pa khye'u dri ma med pa'i snying po dang / dri ma med pa'i mig la 'di skad ces smras so// rigs kyi bu dag khyed kyi pha rgyal po dge ba bkod pa 'di bram ze la dad pas de bzhin gshegs pa de la blta ba'i phyir 'gror mi ster to/ / rigs kyi bu dag de nas khye'u dri ma med pa'i snying po dang / khye'u dri ma med pa'i mig gis sor mo bcu thal mo sbyar nas/ bdag cag skyed pa'i ma la 'di skad ces smras so/ bdag cag log par lta ba'i khyim du skyes te/ bdag cag gi chos kyi rgyal po'i bu ma lags pa lta/ rigs kyi bu dag de nas rgyal po'i chung ma dri ma med pas byin pas khye'u de dag la 'di skad ces smras so/ rigs kyi bu dag khyed kyis bdag cag gi pha rgyal po dge ba bkod pa la snying brtse ba'i phyir cho 'phrul cung zad cig legs par ston cig dang / khyed la dad par 'gyur yang srid kyis/ sems dad par gyur nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'brug sgra dbyangs snyan skar ma'i rgyal po'i me tog kun tu rgyas pa de'i gan du 'dong bar gnang ngo / / rigs kyi bu dag de nas khye'u dri ma med pa'i snying po dang / khye'u dri ma med pa'i mig gis de'i tshe ta la bdun srid du nam mkha' la 'phags nas pha rgyal po dge ba bkod pa de la snying brtse ba'i phyir sangs rgyas kyis gnang ba'i cho 'phral zung du byed do/ / de dag nam mkha' bar snang de la dong nas nyal bar byed do// bar snang de la 'chag go// bar snang de la rdul sprug go// bar snang de nyid la lus kyi smad nas chu'i rgyun gtong zhing / / lus kyi stod nas me'i phung po rab tu 'bar bar byed do// lus kyi stod nas chu'i rgyun gtong zhing lus kyi smad nas me'i phung po rab tu 'bar bar byed do// de dag nam mkha' de nyid la chen por gyur nas chung ngur gyur/ chung ngur gyur nas chen por gyur to// bar snang de nyid las mi snang bar gyur te/ sa la byung nas nam mkha' la 'phag go/ rigs kyi bu dag khye'u de gnyis kyi rdzu 'phrul de snyed kyis rang gi pha rgyal po dge ba bkod pa 'atul to/ / rigs kyi bu dag de nas rgyal po dge ba bkod pas khye'u de gnyis kyi rdzu 'phrul gyi cho 'phrul de dag mthong nas de'i tshe/ tshim zhing mgu la yid rangs te/ rab tu dga' zhing bde ba dang / yid bde ba skyes nas sor mo bcu'i thal mo sbyar te/ khye'u de dag la 'di skad ces rigs kyi bu dag khyed kyi ston pa su/ khyed su'i slob ma zhes smras so// rigs kyi bu dag de nas khye'u de gnyis kyi rgyal po dge ba bkod pa la 'di skad ces smras so// rgyal po chen po bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'brug sgra dbyangs snyan skar ma'i rgyal po me tog kun tu rgyas pa de bzhugs te/ 'tsho zhing gzhes la rin po che'i byang chub kyi shing drung na/ chos kyi gdan la bzhugs te/ lha dang bcas bdud dang bcas/ tshangs pa dang bcas pa'i 'jig rten gyi mdun na/ dam pa'i chos pad+ma dkar po'i chos kyi rnam grang shin tu rgyas par rab tu 'chad pa'i bcom ldan 'das de ni bdag cag gi ston pa ste/ rgyal po chen po bdag cag ni de'i slob ma'o// rigs kyi bu dag de nas rgyal po dge ba bkod pas khye'u de gnyis la 'di skad ces smras so/ / rigs kyi bu dag khyed kyi ston pa blta zhing / bcom ldan 'das de'i drung du bdag kyang 'gro'o// rigs kyi bu dag de nas khye'u de gnyis par snang de las babs nas/ bdag cag skyed pa'i ma ga la ba der song ste phyin nas/ sor mo bcu'i thal mo sbyar te/ bdag cag skyed pa'i ma la 'di skad ces smras so// yum bdag cag gis yab 'di bla na med pa yang dag par rdzogs pa'i byang chub tu btul lags so/ / bdag cag gis yab kyi ston pa bgyi ba bgyis so// bdag cag bcom ldan 'das de las rab tu 'byung na/ yum de ni bdag cag gtang ba'i rigs so/ / rigs kyi bu dag de nas khye'u dri ma med pa'i snying po dang / khye'u dri ma med pa'i mig gis de'i tshe bdag cag bskyed pa'i ma la tshigs su bcad pa 'di dag smras so// khyim meng rab 'byung bar ni/ / yum gyis bdag cag gnang bar mdzod// de bzhin gshegs pa rnyed par dka'// bdag cag rab tu 'byung bar bgyi// u dum wa ra'i me tog ltar// rgyal ba shin tu rnyed par dka'// dal ba 'byor pa'ang rnyed dka' bas/ / rab tu 'byung gis gtang du gsol// rgyal po'i chung ma dri ma med pas byin pas smras pa/ de ring khyed gnyis btang bar bya// byis pa dag go legs par deng // de bzhin gshegs pa rnyed dka' bas/ / bdag kyang rab tu 'byung bar bya// rigs kyi bu dag khye'u de dag gis tshigs su bcad pa 'di dag smras nas/ khag cag gi pha dang ma de dag la 'di skad ces smras so// yab yum legs so chur spyon/ khyed dang thams cad lhan cig bzhung ngo // bcom ldan 'das de la blta ba dang / phyag bgyi ba dang bsnyen bkur bgyi ba'i slad du/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'brug sgra dbyangs snyan skar ma'i rgyal po me tog kun tu rgyas pa de'i drung du bzhud do/ / de ci'i slad du zhe na/ yab yum sangs rgyas 'byung ba rnyed par dka' ste/ u dum wa ra'i me tog dang 'dra zhing / gnya' shing gi bu gar ru sbal gyi mgrin pa chud pa dang 'dra ba'i slad du'o// yab yum sangs rgyas bcom ldan 'das dag 'byung ba rnyed par dka' ste/ de bas na yab yum bdag cag bsod nams mchog gis brtan pa'i gsung rab 'di lta bu la skyes te/ yab yum bdag cag gtang na legs te/ bdag cag mchi zhing / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'brug sgra dbyangs snyan skar ma'i rgyal po me tog kun tu rgyas pa'i bstan pa la rab tu 'byung ngo / / de ci'i slad du zhe na/ yab yum de bzhin gshegs pa mthong na rnyed par dka' ba dang / da ltar gyi dus na 'di 'dra ba'i chos kyi rgyal po rnyed par dka' ba dang / 'di lta bu'i ngal ba 'byor pa shin tu rnyed par dka' ba'i slad du'o// rigs kyi bu dag de'i tshe na/ rgyal po dge ba bkod pa de'i btsun mo'i 'khor las/ sbas brgyad khri bzhi stong dam pa'i chos pad+ma dkar po'i chos kyi rnam grangs 'di'i snod du gyur to// khye'u dri ma med pa'i mig dang / khye'u dri ma med pa'i snying pos chos kyi rnam grangs 'di la spyad de/ bskal pa bye ba khrag khrig brgya stong du ngan song thams cad ji ltar bsal snyam nas/ sems can thams cad kyi ngan song thams cad sel ba'i ting nge 'dzin la spyad par gyur to/ / khye'u de dag gis ma dri ma med pas byin pa rgyal po'i chung ma de yang sangs rgyas thams cad kyi kun bstan pa/ sangs rgyas thams cad kyi chos gsang ba'i gnas shes so/ / rigs kyi bu dag de nas khye'u de gnyis kyi rgyal po dge ba bkod pa de bzhin gshegs pa'i bstan pa la btul te/ zhugs par byas nas yongs su smin par byas te mnyen mdab dang / rgyal po'i chung ma dri ma med pas byin pa de dang / mnyen mdab dang / rgyal po dge ba bkod pa'i bu khye'u de gnyis kyang srog chags bzhi khri nyis stong dang / btsun mo'i 'khor dang bcas b lon po dang bcas te thams cad 'grogs nas lhan cig tu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'brag sgra dbyangs snyan skar ma'i rgyal po me tog kun tu rgyas pa de ga la ba der song ste phyin nas bcom ldan 'das de'i zhabs la mgo bos phyag 'tshal te/ bcom ldan 'das la lan bdun bskor ba byas nas/ phyogs gcig tu 'khod do// rigs kyi bu dag de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'brug sgra dbyangs snyan skar ma'i rgyal po me tog kun tu rgyas pa des rgyal po dge ba bkod pa 'khor dang bcas te lhags par mkhyen nas chos kyi gtam gyis shin tu legs par yang dag par bstan/ yang dag par 'dzin du bcug/ yang dag par gzengs bstod/ yang dag par rab tu dga' bar mdzad do/ / rigs kyi bu dag de nas bcom ldan 'das des rgyal po dge ba bkod pa la chos kyi gtam gyis shin tu legs par yang dag par bstan/ yang dag par 'dzin du bcug yang dag par gzengs bstod/ yang dag par rab tu dga' bar mdzad do// rigs kyi bu dag de nas bcom ldan 'das des rgyal po dge ba bkod pa la chos kyi gtam gyis shin tu legs par yang dag par bstan/ yang dag par 'dzin du bcug/ yang dag par gzengs bstod/ yang dag par rab tu dga' bar mdzad pas/ de'i tshe tshim zhing mgu la yi rangs te rab tu dga' ba dang / yid bde ba skyes nas/ nu bo cod pan gyis bcings te rgyal por bcug nas/ bu dang gnyen 'dab dang / 'khor dang bcas pa dang / rgyal po'i chung ma dri ma med pas byin pa de yang bud med kyi tshogs thams cad dang bcas pas 'khor dang khye'u de gnyis dang lhan cig tu srog chags brgyad khri bzhi stong dang lhan cig tu 'grogs te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'brug sgra dbyangs snyan skar ma'i rgyal po me tog kun tu rgyas pa de'i gsung rab la/ dad pas khyim nas khyim med par rab tu byung ste/ rab tu byung nas rgyal po dge ba bkod pa 'khor dang bcas pas lo brgyad khri bzhi stong du dam pa'i chos pad+ma dkar po'i chos kyi rnam grangs 'di la bsam pa dang / bsgom pa dang / kun chub par bya ba la brtson par gyur to// rigs kyi bu dag de nas rgyal po dge ba bkod pa lo brgyad khri bzhi stong 'das nas/ yon tan gyi rgyan thams cad bkod pa zhes bya ba'i ting nge 'dzin thob ste/ ting nge 'dzin 'di thob ma thag tu de'i tshe nam mkha' la ta la bdun tsam du 'phags so/ / de nas rigs kyi bu dag rgyal po dge ba bkod pa nam mkha'i dkyil du 'dug nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'brug sgra dbyangs snyan skar ma'i rgyal po me tog kun tu rgyas pa la 'di skad ces gsol to/ 'das bdag gi bu 'di gnyis ston pa lags te/ gang 'di dag gis rdzu 'phrul gyis lta bar gyur pa chen po de las bzlog ste/ de bzhin gshegs pa'i bstan pa la rab tu bzhag go/ yongs su smin par bgyis zhugs par bgyis so// de bzhin gsheg pa la blta ba dang / phyag bgyi ba'i slad du yang skul to// bcom ldan 'das khye'u 'di gnyis bdag gi dge ba'i bshes gnyen te/ son dge ba'i rtsa ba dran par bgyi ba'i slad du/ bu'i gzugs kyis bdag gis khyim du skyes so/ / de skad ces gsol pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'brug sgra dbyangs snyan skar ma'i rgyal po me tog kun tu rgyas pas/ rgyal po dge ba bkod pa la 'di skad ces bka' stsal to// rgyal po chen po de de bzhin te/ ji skad smras pa de bzhin no// dge ba'i rtsa ba bskyed pa'i rigs kyi bu/ 'am/ rigs kyi bu mo rnams ni srid pa'i 'gro ba dang / 'chi 'pho'i gnas thams cad du skyes pa na yang / gang dag ston pa'i byed pas bar gnas pa dang / gang dag bla na med pa yang dag par rdzogs pa'i byang chub tu srung ston pa dang / 'dzud pa dang / yongs su smin par byed pa'i dge ba'i bshes gnyen rnams rnyed sla bar 'gyur ro// rgyal po chen po 'di lta ste dge ba'i bshes gnyen gyis yongs su zin pa de bzhin gshegs pa bltar 'dzud pa'i gnas 'di ni rgya che ba'o/ / rgyal po chen po khye'u 'di gnyis mthong ngam/ gsol pa/ bcom ldan 'das mthong lags so/ / bde bar gshegs pa mthong lags so// bcom ldan 'das kyis bka' stsal pa/ rgyal po chen po khye'u 'di gnyis de bzhin gshegs pa dgra bcom pa yang dag par rdzogs pa'i sangs rgyas pang+gA'i klung drug cu rtsa lnga'i bye ma snyed la mchod par byed do/ / sems can rnams la snying brtse ba'i phyir/ log par lta ba'i sems can rnams yang dag par lta ba la brtson 'grus bskyed pa'i phyir/ dam pa'i chos pad+ma dkar po'i chos kyi rnam grangs 'di 'dzin par 'gyur ro// rigs kyi bu dag de nas rgyal po dge ba bkod pa nam mkha'i dkyil de nas babs te s or mo bcu thal mo sbyar nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'brug sgra dbyangs snyan skar ma'i rgyal po me tog kun tu rgyas pa la 'di skad ces gsol to/ / bcom ldan 'das de bzhin gshegs pa ji lta bu'i ye shes dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gang+gA'i slad du dbu'i gtsug tog rnam par mdzes/ spyan dri ma ma mchis pa lags smin mtshams kyi mdzod spu mdzes shing zla ba dang dung ltar dkar la mdzes mnyam zhing thags bzang ba'i tshems kyi phreng ba zhal gyi nang nas mdzes/ bcom ldan 'das kyi zhal gyi sgros me tog bim pa ltar dmar ba dang / bde bar gshegs pa'i spyan mdzes pa/ de bzhin gshegs pas legs par bshad du gsol/ rigs kyi bu dag de nas rgyal po dge ba bkod pas/ yon tan de snyed kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'brug sgra dbyangs snyan skar ma'i rgyal po me tog kun tu rgyas pa de la mngon par bstod nas yon tan bye ba khrag khrig brgya stong gzhan dag gis kyang bcom ldan 'das de la bstod de/ de'i tshe bcom ldan 'a/ de bzhin gshegs pa dgra bcom pa yang dag par rdzogs pa'i sangs rgyas 'brug sgra dbyangs snyan skar ma'i rgyal po me tog kun tu rgyas pa la 'di skad ces gsol to// bcom ldan 'das ji tsam du de bzhin gshegs pa'i bstan pa 'di don che zhing yon tan bsam gyis mi khyab pa dang ldan pa'i chos 'dul ba gsungs te/ ji tsam du de bzhin gshegs pas bslab pa legs par bcas pa ni ngo mtshar to/ / bcom ldan 'das deng slan chad bdag slar sems kyi dbang du mchi bar mi bgyi'o// slar log par lnga pa'i dbang du mchi bar mi bgyi'o// slar khro ba'i dbang du mchi bar mi bgyi'o/ / slar sdig pa'i sems bskyed pa'i dbang du mchi bar mi bgyi'o// bcom ldan 'das bdag mi dge ba'i chos 'di skad dang ldan pas/ bcom ldan 'das kyi drung du mchi bar mi 'tshal lo zhes smras te/ de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'brug sgra dbyangs snyan skar ma'i rgyal bai me tog kun tu rgyas pa'i zhabs la mgo bos phyag 'tshal nas bar snang la song ste 'dug go/ / de nas rgyal po dge ba bkod pa dang / rgyal po'i chung ma dri ma med pas byin pa des srang brgya stong ri ba'i mu tig gi rgyan phreng bcom ldan 'das kyi steng gi bar snang la gtor to/ / mu tig gi rgyan phreng de gtor ma thag tu bcom ldan 'das kyi steng na mu tig gi rgyan phreng gi khang pa brtsegs pa gru bzhi lham pa/ ka ba bzhi zug pa/ ngos mnyam pa shin tu rnam par phye ba blta na sdug pa gnas par gyur te/ khang pa brtsegs pa der ras bcos bu brgya stong du ma gting ba'i khri 'byung ngo // khri de la de bzhin gshegs pa'i sku skyil mo krung bcas te bzhugs par snang ngo / / de nas rgyal po dge ba bkod pa de 'di snyam du sems te/ sangs rgyas kyi ye shes 'di ni mthu che zhing / de bzhin gsheg pa bsam gyis mi khyab pa dang ldan pa/ 'di ltar de bzhin gshegs pa'i sku khang pa brtsegs pa'i dbus na mdzes shing blta na sdug pa/ kha dog bzang po rgyas pa mchog dang ldan par gda'o// de nas bcom ldan 'das de bzhin gshegs pa 'brug sgra dbyangs snyan skar ma'i rgyal po me tog kun tu rgyas pas 'khor bzhi po de dag la bka' stsal pa/ dge slong dag rgyal po dge ba bkod pa nam mkha'i dkyil na 'dug cing seng ge'i sgra sgrogs pa mthong ngam/ gsol pa/ mthong lags so// bcom ldan 'das kyis bka' stsal pa/ dge slong dag rgyal po dge ba bkod pas nga'i bstan pa la dge slong gi tshul du byas nas/ bskal pa mngon 'phags rgyal po zhes bya ba la/ 'jig rten gyi khams yangs ldan du de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa 'jig rten mkhyen pa skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das sA la'i dbang po'i rgyal po zhes bya bar 'jig rten du byung ste/ dge slong dag de bzhin gshegs pa dgra bcom pa yang dag par rdzogs pa'i sangs rgyas sA la'i dbang po'i rgyal po de byang chub sems dpa'i dge 'dun dpag tu med pa dang / nyan thos kyi dge 'dun dpag tu med par 'gyur ro// 'jig rten gyi khams yangs ldan yang lag mthil ltar mnyam par 'gyur ro// de ltar de bzhin gshegs pa dgra bcom pa yang dag par rdzogs pa'i sangs rgyas de yon tan bsam gyis mi khyab par 'gyur ro/ / rigs kyi bu dag de'i tshe de'i dus na/ rgyal po dge ba bkod pa zhes bya bar gyur bde gzhan zhig yin snyam du khyod som nyi'am yid gnyis sam/ the tsom za bar gyur na/ rigs kyi bu dag khyed kyis de ltar mi blta'o// de ci'i phyir zhe na/ byang chub sems dpa' sems dpa' chen po pad+ma'i dpal 'di nyid de'i tshe de'i dus na/ rgyal po dge ba bkod pa zhes bya bar gyur to// rigs kyi bu dag de'i tshe de'i dus na/ rgyal po'i chung ma dri ma med pas byin pa zhes bya bar gyur pa de gzhan zhig yin snyam du khyod som nyi 'am yid gnyis sam/ the tsom za bar gyur na/ rigs kyi bu dag khyod kyis de ltar mi blta'o// de ci'i phyir zhe na/ byang chub sems dpa' sems dpa' chen po rnam par snang ba'i 'od zer gyis brgyan pa'i rgyal mtshan zhes bya ba 'di nyid de'i tshe de'i dus na rgyal po'i chung ma dri ma med pas byin pa zhes bya bar gyur te/ rgyal po dge ba bkod pa dang / sems can de dag la snying brtse ba'i phyir/ rgyal po dge ba bkod pa'i chung mar des khas blangs par gyur to// rigs kyi bu dag de'i tshe de'i dus na/ khye'u de gnyis su gyur pa de dag gzhan dag cig yin pa snyam du khyed som nyo 'am/ yid gnyis sam/ the tsom za bar gyur na/ rigs kyi bu dag khyed kyis de ltar mi blta'o// do ci'i phyir zhe na/ sman gyi rgyal po dang / sman yang dag 'phags 'di nyid de'i tshe de'i dus na/ rgyal po dge ba bkod pa de'i bur gyur to// rigs kyi bu dag de ltar byang chub sems dpa' sems dpa' chen po sman gyi rgyal po dang / sman yang dag 'phags gnyis yon tan bsam gyis mi khyab pa dang ldan te/ sangs rgyas bye ba khrag khrig brgya stong mang po la dge ba'i rtsa ba bskyed pa'o// skyes bu dam pa 'di gnyis ka yang bsam gyis mi khyab/ pa'i chos kyis yang dag par 'alags pa'o// gang dag skyes bu dam pa 'di gnyis kyi ming 'dzin pa de dag thams cad kyang lha dang bcas pa'i 'jig rten gyis phyag bya bar 'gyur ro// sngon gyi sbyor ba'i le'u 'di bshad pa na/ srog chags brgyad dru ba ni stong chos rnams la ches kyi mog rdul med cing dri ma dang bral ba rnam par dag go// rgyal po dge ba bkod pa'i sngon gyi sbyor ba'i le'u zhes byub ste nyi shu rtsa lnga'o/ / // de nas byang chub sems dpa' sems dpa' chen po kun tu bzang po/ byang chub sems dpa' sems dpa' chen po 'greng ba las 'das pa dag gis yongs su bskor cing mdun du bdar/ lha dang klu dang / gnod sbyin dang / dri za dang / lha ma yin dang / nam mkha' lding dang / mo 'am ci dang / lto 'phye chen po dang / mi dang mi ma yin/ pa dag gis kyang / yongs su bskor cing mdun du bdar to/ lhan cig tu shar phyogs nas zhing dag ni rab tu g.yo bar byed/ pad+ma'i char ni rab tu 'bebs/ sil snyan bye ba khrag khrig brgya stong ni rab tu len cing / byang chub sems dpa'i mthu chen po dang / byang chub sems dpa'i rnam par 'phrul pa chen po dang / byang chub sems dpa'i rdzu 'phrul chen po dang / byang chub sems dpa'i che ba nyid dang / byang chub sems dpa'i gzi brjid chen po 'bar ba dang / byang chub sems dpa'i theg pa chen po dang / byang chub sems dpa'i rdzu 'phrul chen po dang / lha dang klu dang / gnod sbyin dang / dri za dang / lha ma yin dang / nam mkha' ldong dang / mi 'am ci dang / lto 'phye chen po dang / mi dang mi ma yin pa'i rnam par 'phrul pa chen po dang / de ltar rdzu 'phrul gyi cho 'phrul bsam gyis mi khyab pa dag gis/ byang chub sems dpa' sems dpa' chen po kun tu bzang po 'jig rten gyi khams mi mjed 'dir phyin nas/ de ri'i rgyal po bya rgod kyi phung po ga la ba dang / bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das la 'di skad ces gsol to// bcom ldan 'das bdag bcom ldan 'das de bzhin gshegs pa dkon mchog gzi brjid mngon 'phags rgyal po'i sangs rgyas kyi zhing nas 'dir mchis te/ bcom ldan 'das 'jig rten gyi khams mi mjed 'di na/ dam pa'i chos pad+ma/ dkar po'i chos kyi rnam grangs 'di ston pa de mnyan pa'i slad du/ bcom ldan 'das de bzhin gshegs pa shAkya thub pa'i drung du bdag mchis so// bcom ldan 'das byang chub sems dpa' rgya stong 'di dag snyed 'di dag kyang dam pa'i chos pad+ma dkar po'i chos kyi rnam grangs 'di mnyan pa'i slad du mchis so/ / de'i slad du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis/ dam pa'i chos pad+ma dgayo'i chos kyi rnam grangs 'di byang chub sems dpa' sems dpa' chen po 'di rnams la rgya cher legs par bshad du gsol/ de skad ces gsol nas bcom ldan 'das kyis byang chub sems dpa' sems dpa' chen po kun tu bzang po la 'di skad ces bka' stsal to/ / rigs kyi bu byang chub sems dpa' sems dpa' chen po 'di dag/ mgo smos pa tsam gyis khong du chud pa sha stag go/ dam pa'i chos pad+ma dkar po'i chos kyi rnam grangs 'di ni 'ong lta ste/ de bzhin nyid dang / yang dag pa'i mtha' dang / chos kyi dbyangs dbyer med pa'o// byang chub sems dpa' de dag gis gsol pa/ bcom ldan 'das de lta legs so// bde bar gshegs pa de de lta legs so// de nas 'khor der dge slong dang / dge slong ma dang / dge bsnyen dang / dge bsnyen ma 'dus pa de dag dam pa'i chos pad+ma dkar po'i chos kyi rnam grangs 'di la rab tu dgod pa'i phyir yang bcom ldan 'das kyi byang chub sems dpa' sems dpa' chen po kun tu bzang po la 'di skad ces bka' stsal to/ / rigs kyi bu chos bzhi dang ldan pa'i bud med kyis dam pa'i chos pad+ma dkar po'i chos kyi rnam grangs 'di lag tu thob par 'gyur ro/ / bzhi gang zhe na/ 'di lta ste/ sangs rgyas bcom ldan 'das rnams kyis byin gyis brlabs par 'gyur ba dang / dge ba'i rtsa ba bskyed par 'gyur ba dang / nges pa'i phung po la gnas par 'gyur ba dang / sems can thams cad yongs su bskyab pa'i phyir bla na med pa yang dag par rdzogs pa'i byang chub tu sems bskyed par 'gyur ba ste/ rigs kyi bu chos bzhi po de dag dang ldan pa'i bud med kyis dam pa'i chos pad+ma dkar po'i chos kyi rnam grangs 'di lag tu thob par 'gyur ro/ / de nas bcom ldan 'das la byang chub sems dpa' sems dpa' chen po kun tu bzang pos 'di skad ces gsol to/ / bcom ldan 'das bdag gis slad ma'i tshe slad ma'i dus lnga brgya tha ma la mdo sde 'di lta bu 'dzin pa'i dge slong rnams la bsrung bar bgyi'o// bde legs su 'gyur papar bgyi'o/ / chad pa spang bar bgyi'o// dug gzhi'i bar bgyi'o// ci nas chos smra ba de dgal glags lta ba dang / skabs tshol ba gang dag gis kyang glags mi rnyed par 'gyur ba dang / bdud sdig can dang bdud kyi bu rnams dang / bdud kyi ris kyi lha'i bu rnams dang / bdud kyi bu mo rnams dang / bdud kyi 'khor glags lta ba dang / skabs tshol ba rnams kyi glags mi rnyed par 'gyur ba nas/ bdud kyis kun nas ldang ba'i bar du 'byung bar mi 'gyur ba dang / lha'i bu dang / gnod sbyin dang / yi dgas dang / srul po dang / gshed byed dang / ro langs dag las chos smra ba de la glags lta ba dang / skabs tshol na yang skabs rnyed par mi 'gyur bar/ bcom ldan 'das bdag gis chos smra ba de la rtag bar rgyun du dus thams cad du bsrung bar bgyi'o// bsgrub par bgyi'o// bcom ldan 'das gang gi tshe chos smra ba de chos kyi rnam grangs 'di la sems shing rnal 'byor la brtson pa dang / 'chag pa la zhugs par gyur pa de'i tshe/ chos kyi rnam grags 'di bsrung ba'i slad du/ bdag glang po che'i rgyal po thal kar mche ba drug pa la 'tshal te/ byang chub sems dpa'i tshogs kyis yongs su bskor nas/ chos smra ba de 'chag ba'i gnas su chos smra ba de'i drung du mchi bar bgyi'o// gang gi tshe chos smra ba de chos kyi rnam grangs 'di la sems shing rnal 'byor gyi rjes su zhugs pa des chos kyi rnam grangs 'di las tha na tshig dang yi ge gcig tsam yang lan 'ga' nor bar gyur pa de'i tshe/ bdag glang po che'i rgyal po thal kar mche ba drug pa la 'tshal nas/ chos smra ba de la bdag gi bstan te/ chos kyi rnam grangs 'di ma nyams par zlos su stsal to// chos smra ba des bdag gis lus mthong zhing / chos kyi rnam grangs 'di ma nyams par bdag las thos nas tshim zhing mgu la yi rangs te/ rab tu dga' zhing dga' ba dang / yid bde ba skyes nas chos kyi rnam grangs 'di la brtson 'grus rtsom mo/ / bdag mthong ma thag tu ting nge 'dzin thob par 'gyur ro// gzungs 'khyil ba zhes bgyi ba'i gzungs thob par 'gyur ro// bye ba brgya stong du 'khyil pa zhes bgyi ba'i gzungs thob par 'gyur ro/ / sgra thams cad la mkhas pa zhes bgyi ba'i gzungs thob par 'gyur ro// bcom ldan 'das slad ma'i tshe slad ma'i dus lnga brgya pa tha ma la dge slong ngam/ dge slong ma 'am/ dge bsnyen nam/ dge bsnyen ma gang dag mdo sde 'di lta bu 'dzin pa dang / mdo sde 'di lta bu yi ger 'dri ba dang / mdo sde 'di lta bu tshol ba dang / mdo sde 'di lta bu klog pa dang / gang dag slad ma'i dus slad ma'i tshe lnga brgya tha ma la chos kyi rnam grangs 'di'i ched du gdugs bdun gsum nyi shu rtsa gcig tu 'chag cing brtson par gyur na/ de dag la bdag gis sems can thams cad kyis mthong na dga' ba'i lus bstan par bgyi'o// glang po che'i rgyal po thal kar mche ba drug pa la 'tshal te/ byang chub sems dpa'i tshogs kyis yongs su bskor nas/ gdugs nyi shu rtsa gcig pa la chos smra ba de dag 'chag pa'i thad du mchi'o// mchis nas chos smra ba de dag la yang dag par bstan par bgyi'o// yang dag par 'dzin du stsal bar bgyi'o/ / yang dag par gzeng bstod par bgyi'o// yang dag par rab tu dga' bar bgyi'o// de dag la gzungs kyang stsal bar bgyi'o// ci nas chos smra ba de dag la sus kyang mi tshugs par 'gyur ba dang / de dag la mi 'am mi ma lags pas glags mi rnyed par 'gyur ba dang / bud med kyis 'phrogs par mi 'gyur bar de dag la bsrung bar bgyi'o// bde legs su 'gyur bar bgyi'o// / chad pa spang bar bgyi'o// dug gzhil bar bgyi'o// bcom ldan 'das chos smra ba de dag la bdag gis gzungs sngags kyi tshigs 'di dag stsal bar bgyi'o// bcom ldan 'das gzungs sngags kyi tshog 'di dag gsan du gsol/ / tad+ya tha/ a daN De/ daN+Da Da pa ti/ daN Da pa rta na/ daN Da ku sha le/ daN Da su d+ha ri/ su d+ha ri/ su d+ha ra pa ti/ bud d+ha pa sh+ya ni/ d+ha ra Ni/ a brta ni/ a brta ni/ a brta ni sang ga pa rik+She te/ sang g+ha nir g+ha sa ne/ d+harma pa ri k+Shi te/ sarba sata/ ru ta ko sha l+ya/ a nu ga te sa ngag/ bi kr-i Di ta/ a nu brte/ brte ni/ brta li swA hA/ bcom ldan 'das gzungs sngags tshig 'di dag/ byang chub sems dpa' gang gi rna ba'i dbang po la grag pa de ni/ byang chub sems dpa' sems dpa' chen po kun tu bzang po'i byin gyi rlabs su rig par bgyi'o// bcom ldan 'das dam pa'i chos pad+ma dkar po'i chos kyi rnam grangs 'di yang 'dzam bu'i gling 'di na spyod pa na/ byang chub sems dpa' gang dag gi lag tu thob par gyur na/ bcom ldan 'das chos smra ba de dag gis/ byang chub sems dpa' kun tu bzang po'i mthu dang / byang chub sems dpa' kun tu bzang po'i gzi brjid kyis dam pa'i chos pad+ma dkar po'i chos kyi rnam grangs 'di bdag gi lag tu thob bo snyam du de ltar rig par bgyi'o/ / bcom ldan 'das gang dag mdo sde 'di yi ger 'dri ba dang / 'dzin pa'i sems can de dag gi byang chub sems dpa' kun tu bzang po'i spyod pa thob par 'gyur ro/ / sems can de dag gis sangs rgyas mang po la dge ba'i rtsa ba bskyed par 'gyur ro// bcom ldan 'das sems can de dag ni de bzhin gshegs ba'i phyag gis spyi bo la byug par 'gyur ro/ / bcom ldan 'das de dag gis bdag kyang dga' bar bgyid par 'gyur ro// gang dag mdo sde 'di yi ger 'drir stsol ba dang / gang dag 'di'i don khong du chud par bgyid pa dang / bcom ldan 'das mdo sde 'di yi ger bris pa de dag 'di nas shi 'phos nas sum cu rtsa gsum pa'i lha rnams dang skal ba mnyam par skye bar 'gyur teskyes ma thag tu de'i drung du lha'i bu mo brgyad khri ba ni stong mchi bar 'gyur ro/ / lha'i bu dag rnga bo che tsam gyis cod pan dang / lha'i bu de dag gi nang na gnas par 'gyur ro// bcom ldan 'das chos kyi rnam grangs 'di yi ger bris pa'i bsod nams kyi phung po yang 'di 'dra lags na/ gang dag lung nod pa dang / kha ton bgyid pa dang / sems pa dang / yid la bgyid pa lnga smos kyang 'tshal/ bcom ldan 'das de lha lags pas/ dam pa'i chos pad+ma dkar po'i chos kyi rnam grangs 'di sems kyis kun bsams te/ yi ger bri bar bgyi'o// gang mi g.yeng bas yid la bgyid pas yi ger brin de la/ sangs rgyas stong gis phyag rkyong bar 'gyur ro// 'chi ba'i tshe yang sangs rgyas stong gi zhal mthong bar 'gyur ro// ngan 'gro log par ltung bar mchi bar mi 'gyur ro// 'di nas shi 'byes/ nas kyang dga' ldan gyi lha rnams dang skal mnyam par skye bar 'gyur te/ gang na byang chub sems dpa' sems dpa' chen po byams pa mtshan bzang po sum cu rtsa gnyis dang ldan pa de/ byang chub sems dpa'i tshogs kyis yongs su bskor cing / lha'i bu mo bya ba khrag khrig brgya stong gis mdun gyis bltas te/ chos 'chad pa der skye'o// de lta lags pas rigs kyi bu 'am/ rigs kyi bu mo mkhas pas/ dam pa'i chos pad+ma dkar po'i chos kyi rnam grangs 'di gus par yi ger bri bar bgyi'o// gus par lung mnod par bgyi'o// gus par kha ton du bgyi'o// gus par yid la bgyi'o/ / bcom ldan 'das chos kyi rnam grangs 'di yi ger bris pa dang / lung mnod pa dang / kha ton bgyis pa dang / bsgoms pa dang / yid la bgyis pa ni de ltar yon tan dpag tu ma mchis par 'gyur ro/ / bcom ldan 'das de lta lags pas/ rigs kyi bu'am/ rigs kyi bu mo mkhas pas dam pa'i chos pad+ma dkar po'i chos kyi rnam grangs 'di bzung bar bgyis te/ de dag gi yon tan gyi phan yon 'di snyed du 'gyur ro// bcom ldan 'das de lta lags pas// ci nas bdag gi byin gyis brlabs kyis chos kyi rnam grangs 'di 'dzam bu'i gling 'di na spyod par 'gyur/ bar bdag gis chos kyi rnam grangs 'di byin gyis brlabs par bgyi'o// de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas byang chub sems dpa' sems dpa' chen po kun tu bzang po la kun tu bzang po khyod skye bo mang po la phan pa'i phyir zhugs pa dang / 'di ltar bsam gyi mi khyab pa'i chos dang ldan zhing snying rje chen pos zin pa'i lhag pa'i bsam pa dang / bsam gyis mi khyab pa yis zin pa'i sems bskyed pas/ khyod kyis chos smra ba de dag la byin gyi rlob par byed pa legs so legs so zhes bya ba byin no/ rigs kyi bu gang la la dag byang chub sems dpa' sems dpa' chen po kun tu bzang po'i ming 'dzin pa de dag gis de bzhin gshegs pa dgra bcom pa yang dag par rdzogs pa'i sangs rgyas shAkya thub pa mthong ba dang / dam pa'i chos pad+ma dkar po'i chos kyi rnam grangs 'di yang bcom ldan 'das shAkya thub pa'i gan nas thos pa dang / de dag gi de bzhin gshegs pa shAkya thub pa mchod pa dang / de bzhin gshegs pa shAkya thub pas chos bstan pa la legs so zhes bya ba byin pa dang / chos kyi rnam grangs 'di la rjes su yi rang ba dang / de bzhin gshegs pa shAkya thub pas de dag gi spyi bopor phyag bzhag pa dang / de dag gis bcom ldan 'ad shAHthub pa la cho gos kyis g.yogs par rig par bya'o// kun tu bzang po rigs kyi bu 'am/ rigs kyi bu mo de dag de bzhin gshegs pa'i bstan pa 'dzin par rig par bya'o/ / de dag 'jig rten rgyang 'phen pa la dga' bar mi 'gyur ro// de dag snyan dngags la zhugs pa'i sems can rnams la dga' bar mi 'gyur ro// de dag gar byed pa dang / rol mo byed pa dang / kyang dang / shA 'tshong dang / shan pa dang / bya gag 'tshong ba dang / phag 'tshong ba dang / bud med gso ba'i sems can rnams la dga' bar mi 'gyur ro// / mdo sde 'di lta bu thos pa dang / yi ger bris pa dang / 'dzin pa dang / bklags pa de dag gzhan la sred par mi 'gyur ro// sems can de dag chos kyi ngo bo nyid dang ldan par 'gyur ro// de dag so sor bdag nyid tshul bzhin yid la byed par 'gyur ro/ / rang gi bsod nams kyi stobs bskyed par 'gyur ro// de dag sems can rnams kyis mthong na dga' bar 'gyur ro// dge slong gang dag mdo sde 'di lta bu 'dzin pa de dag 'dod chags kyis gzir bar mi 'gyur ro/ / zhe sdang med pa dang / gti mug med pa dang / ser sna med pa dang / 'chab pa med pa dang / nga rgyal pa dang / che ba'i nga rgyal med pa dang / log pa'i nga rgyal med par 'gyur ro// kun tu bzang po chos smra ba de dag bdag gi rnyed pas chog shes par 'gyur ro// kun tu bzang po gang dag gis phyi/ ma'i dus phyi ma'i tshe/ lnga brgya pa tha ma la dam pa'i chos pad+ma dkar po'i chos kyi rnam grangs 'di 'dzin pa'i dge slong mthong na 'di snyam du rigs kyi bu 'di ni byang chub kyi snying por 'gro bar 'gyur ro// rigs kyi bu 'di ni bdud kyi thab mo'i tshogs las rgyal bar 'gyur ro// rigs kyi bu 'di ni chos kyi 'khor lo bskor bar 'gyur ro// 'di ni chos kyi rnga rdung bar 'gyur ro// 'di ni chos kyi dung 'bud par 'gyur ro/ / 'di ni chos kyi char chen po rab tu 'bebs par 'gyur ro// 'di ni chos kyi seng ge'i khri la 'dug par 'gyur ro snyam du sems bskyed par bya'o// gang dag phyi ma'i tshe lnga brgya'i tha ma la chos kyi rnam grangs 'di 'dzin pa'i dge slong de dag brkam par mi 'gyur ro/ / chos gos la chags pa dang / lhung bzed la chags par mi 'gyur ro// chos smra ba de dag drang por 'gyur ro/ / chos smra ba de dag rnam par thar pa gsum thob par 'gyur ro// de dag gi tshe 'di la bzlog par 'gyur ro// gang dag mdo sde 'di lta bu 'dzin pa chos smra ba'i dge slong rnams smod par byed pa'i sems can de dag dmus long du 'gyur ro/ / gang dag gis mdo sde 'di lta bu 'dzin pa'i dge slong rnams la mi snyed par bsgrags na/ de dag tshe 'di nyid la lus la sha bkra 'byung bar 'gyur ro/ gang dag mdo sde 'di lta bu yi ger 'dri ba rnams la 'phya ba dang / bsting ba de dag so chag par 'gyur ro// so thags ngan par 'gyur ro// mchu mi sdug par 'gyur ro// sna leb tu 'gyur ro// lag pa dang rkang pa log par 'gyur ro// mig log par 'gyur ro// lus dri mi zhim par 'gyur ro// lus la 'bras dang 'brum bu phra mo dang / rkang shu dang shu ba dang / g.yan pas gang bar 'gyur ro/ / gang dag mdo sde 'di lta bu 'dzin pa dang / mdo sde 'di lta bu yi ger 'dri ba dang / mdo sde 'di lta bu klog pa dang / mdo sde 'di lta bu 'chang ba rnams la mi snyan pa'i tshig bden pa 'am mi bden pa bsgrags na/ sdig pa'i las de shin tu lci bar rig par bya'o// kun tu bzang po de bas na/ chos kyi rnam grangs 'di 'dzin pa'i dge slong la rgyang ma nas kyang ldan par bya'o// ji ltar de bzhin/ gshegs pa la gus par bya ba de bzhin du mdo sde 'di lta bu 'dzin pa'i dge slong de dag la'ang gus par bya'o// kun tu bzang po spro bar bya ba'i le'u 'di bshad pa na/ byang chub sems dpa' sems dpa' chen po kang+gA'i klung gi bye ma snyed kyis bye ba brgya stong 'khyil ba zhes bya ba'i gzungs thob par gyur to/ / kun tu bzang po spro bar bya ba'i le'u ste nyi shu rtsa drug pa'o// de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa chos kyi gdan de las bzhengs te/ thams cad dang ldan pa'i byang chub sems dpa' de dag bsdus nas rdzu 'phrul mngon par mdzad pa yongs su grub pa'i phyag g.yas pas de dag gi lag pa g.yas pa nas gzung nas/ de'i tshe 'di skad ces bka' stsal to// rigs kyi bu dgangs bskal pa grangs med pa bye ba khrag khrig brgya stong du yang dag par bsgrubs pa/ bla na med pa yang dag par rdzogs pa'i byang chub 'di khyed kyi lag tu gtad do// yongs su gtad do// rjes su gtad do// gzhag go// gta mos so// rigs kyi bu dag khyed kyis ci nas kyang rgya cher rgyas par 'gyur bar de ltar gyis shig/ lan gnyis lan gsum du yang bcom ldan 'das kyis phyag g.yas pas thams cad dang ldan pa'i byang chub sems dpa'i tshogs kyi lag pa g.yas pa nas bzung ste/ 'di skad ces bka' stsal to// rigs kyi bu dgangs bskal pa grangs med pa bye ba khrag khrig brgya stong du yang dag par bsgrubs pa/ bla na med pa yang dag par rdzogs pa'i byang chub 'di khyed kyi lag tu gtad do// yongs su gtad do// rjes su gtad do// bzhag go// gtams so// rigs kyi bu dag khyed kyis blangs la gzung ngo // bklag go/ kun chub par bya'o// bstan par bya'o// bshad par bya'o// sems can thams cad la baspags par bya'o// rigs kyi bu dgang la ser sna med do// 'dzin pa'i sems med do// 'jigs pa med par sangs rgyas kyi ye shes sbyin po'o// de bzhin gshegs pa'i ye shes dang / rab byung gi ye shes sbyin pa'o// rigs kyi bu dag nga ni sbyin pa'i bdag po chen po ste/ rigs kyi bu dag khyed kyang nga'i rjes su spobs shig/ ser sgra med par gyis la/ de bzhin gshegs pa'i ye shes mthong ba thabs mkhas pa chen po'i chos kyi rnam grangs 'di/ 'ongs shing lhags pa'i rigs kyi bu dang / rigs kyi bu mo dag la yang dag par sgrogs shig/ rigs kyi bu 'am/ rigs kyi bu mo gang dag dad pa dang / sems can gang dag ma dad pa de dag chos kyi rnam grangs 'di la yang dag par gzud par bya'o/ / rigs kyi bu dag khyed kyis de ltar byas na/ de bzhin gsheg pa la lan lon par 'gyur ro// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas de skad ces bka' stsal nas/ byang chub sems dpa' sems dpa' chen po de dag dga' ba dang / mchog tu dga' bas khyab par gyur nas rjes ner bskyed de/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de ga la ba de logs su lus btud lus rab tu btud nas lus bcu ma ste mgo smad nas thal mo sbyar te/ thams cad kyi sgra skad gcig tu bcom ldan 'das de bzhin gshegs pa shAkya thub pa la 'di skad ces gsol to// bcom ldan 'das de bzhin gshegs pas ji skad bka' stsal pa de bzhin du 'tshal lo/ / de bzhin gshegs pa thams cad kyi bka' yongs su rdzogs par bgyi'o// bcom ldan 'das thugs las chung ngur ji bder bzhugs su gsol/ lan gnyis lan gsum du yang thams cad dang ldan pa'i byang chub sems dpa'i tshogs des sgra skad gcig tu chog 'di skad ces bcom ldan 'das thugs las chung ngur ci bder bzhugs su gsol/ / bcom ldan 'das ji skad du de bzhin gshegs pas bka' stsal pa de bzhin du bgyi'o/ / de bzhin gshegs pa thams cad kyi bka' yongs su rdzog par bgyi'o zhes gsol to// de nas bcom ldan 'das d e bzhin gshegs pa dgra bcom pa yang dag par rdzogs pa'i sangs rgyas shAkya thub pas 'jig rten gzhan dag nas byon pa'i de bzhin gshegs pa dgra bcom pa yang dag par / rdzogs pa'i sangs rgyas de dag thams cad slar gshegs su gsol te/ de bzhin gshegs pa dgra bcom pa yang dag par rdzogs pa'i sangs rgyas de dag la ci bder gnas par mdzod cig ces de bzhin gshegs pa de dag la ci bder gnas pa mdzod cig ces bya ba gsungs so/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang de'i mchod rten kyang gnas ji lta ba bzhin du bzhag go/ / de bzhin gshegs pa dgra bcom pa yang dag par rdzogs pa'i sangs rgyas de la yang ci bder bzhugs shig ces gsungs so// bcom ldan 'das kyis de skad ces bka' stsal nas/ de bzhin gshegs pa dgra bcom pa yang dag par rdzogs pa'i sangs rgyas grangs med dpag tu med pa 'jig rten gyi khams gzhan dag nas byon te/ rin po che'i shing ljon pa rnams kyi drung dag na/ seng ge'i khri la bzhugs pa de dag dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang dang / thams cad dang ldan pa'i byang chub sems dpa'i tshogs de dang / spyod pa khyad par can la sogs pa sa rum nas 'thon pa'i byang chub sems sa dpa' sems dpa' chen po grangs med dpag tu med pa de dag dang / nyan thos chen po de dag dang / 'khor bzhi po de dag dang / lha dang / mi dang / lha ma yin dang / dri zar bcas pa'i 'jig rten thugs yi rangs te/ bcom ldan 'das kyis gsungs pa la mngon par bstod do// dam pa'i chos pad+ma dkar po'i chos kyi rnam grangs shin tu rgyas pa chen po'i mdo sde/ byang chub sems dpa' sems dpa' chen po rnams la gdams pa/ sangs rgyas thams cad kyis yongs su bzung ba/ sangs rgyas thams cad kyi gsang chen/ sangs rgyas thams cad kyi sba ba/ sangs rgyas thams cad kyi rigs/ sangs rgyas thams cad kyi gsang ba'i gnas/ sangs rgyas thams cad kyi byang chub kyi snying po/ sangs rgyas thams cad kyi chos kyi 'khor lo bskor ba/ sangs rgyas thams cad kyi sku gcig tu 'dus pa/ thabs mkhas pa chen po/ theg pa gcig tu bstan pa/ don dam pa bsgrub pa bstan pa rdzogs so// /

CLOSE WINDOW