chos grub kyis rgya nag go dpe las bsgyur cing khrus te gzhan la phab pa/ sh+lo ka sum brgya/ bam po gcig go// @'phags pa dkon/ mchog brtsegs pa chen po'i mdo stong phrag brgya pa las/ gcung mo'u dga' bo zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa'i dus gcig na/ bcom ldan 'das grong khyer ser skyan/ shing n+ya gro d+ha'i kun dga' ra ba na dge slong gi dge 'dun tshad med pa rnams dang thabs cig tu bzhugs te/ de'i tshe na bcom ldan 'das kyi gcung mo'u dga' bo zhes bya ba de'i lus gser gyi kha dog can mtshan sum cu dang ldan zhing / rmad bcom ldan 'das las sor bzhis thung ba zhig yod de// de'i chung ma sun da ri ka zhes bya ba bzang mo blta na sdug pa/ byad bzhin mdzes shing 'jig rten na dkon pa/ kha dog khyad par du 'phags shing mang po kun gyis lta 'dod pa zhig yod pas/ dga' bo de la chags shing zhen par gyur pas/ skad cig tsam du'ang mi 'bral zhing 'dod pa'i sems kyis shin tu chags par gyur te/ srog gis 'jal bar byed pas/ bcom ldan 'das kyis de gdul ba'i dus mkhyen nas/ snga dror dus kyi tshe na bza' mnabs te lhung bzed bsnams nas zham ring ba tshe dang ldan pa kun dga' bo dang grong khyer du bsod snyoms la gshegs te/ mthar gyis dga' bo'i khyim gang na ba der gshegs nas// de'i sgor gshegs te bzhugs so// de nas thugs rje chen po'i mthus 'od zer gser gyi kha dog lta bu btang bas/ dga' bo'i khyim nang kun tu'ang gser bco ma lta bu'i kha dog tu gyur pa dang / de'i tshe dga' bo 'di snyam du 'od zer kun tu snang bar gyur pas/ gdon mi za bar 'di ni de bzhin gshegs pa'i yin no snyam du bsams nas mi zhig mngags te/ kye song la su yin pa ltos shig ces bsgo ba dang / des kyang bcom ldan 'das mthong nas myur zhing rings pas slar log nas/ dga' bo la bcom ldan 'das sgo na bzhugs so zhes smras so// des de skad ces smras pa thos nas myur du phy-ir byung ste/ bcom ldan 'dis bsus te phyag bya bar byas pa las de'i tshe sun de ri kI 'di snyam du bdag gis gal te 'di btang bar gyur na/ bcom ldan 'das kyis gide ni mi za bar rab tu 'byung bar 'gyur ro snyam du bsams nas gos kyi mtha' ma nas bzung ste ma gtang ba dang / dga' bos smras pa/ dang re zhig thong zhig dang / bcom lda/ 'das la phyag byas nas bdag sbyar 'dang // san ri gas smras / gag cag dam bcas nas gad de bzhin btung ngo zhes de'i dbral pal ldan gan ba'i mtshan ma btags nas/ 'di skad du thig le 'di ma bskums par slar gshegs su gsol/ gal te thogs par gyur na gser gyi ka ra sha pa Na lnga brgyas chad pas 'a zhes smras pa dang / dka' bos kyang de bzhin du bya'o zhes sgor byung nas/ bcom ldan 'das kyi zhabs la man bos phyag byas te/ de bzhin gshegs pa'i lhung bzed blangs nas/ slar khyim du zhugs te bza' ba dang bca' ba bsod pa dag lhung bzed bkang nas slar sgor byung ba dang / bcom ldan 'das slar gshegs pas tshe dang ldan pa kun dga' bo la byin pa dang / bcom ldan 'das kyis lhung bzed ma len cig par mtshan ma bstan to// de bzhin gshegs pa ston pa chen po ni shin tu gzi byin che babazhes su gsol zhes gsol ba'i thugs kyang ma thub nas/ yang kun dga' bo la byin pa dang / kun dga' bos smras pa/ khyod kyis lhung bzed 'di su las blangs// smras pa bcom ldan 'das las blangs so/ / kun dga' bos smras pa// 'o na bcom ldan 'das la phul cig/ des smras pa/ bdag ston pa chen po la gsol ba'i thugs mi thub bo zhes cang mi smra bar zham ring du song ngo / / bcom ldan 'das slar gtsug lag khang du gshegs nas phyag bcabs zhabs bsil te gdan la bzhugs pa dang / dga' bos lhung bzed thogs pa de bcom ldan 'das la phul lo/ / bcom ldan 'das kyis zas kyi bya ba mdzad nas/ dga' bo la bka' stsal pa/ khyod nga'i lhung bzed kyi lhag ma ze 'am/ bdag 'tshal lo zhes gsol pa dang / bcom ldan 'das kyis kyang de la byin no// dga' bos zos zin pa dang / bcom ldan 'das kyis bka' stsal pa/ ci khyod rab tu 'byung ngam/ des kyang rab tu 'byung ngo zhes gsol// de'ang sangs rgyas bcom ldan 'das sngon byang chub sems dpa' spyad pa spyod pa na/ yab yum dang / mkhan po dang slob dpon dang / bla ma'i gnas gzhan rnams kyis rjes su bstan pa dag dang nam yang 'gal ba ma mdzad pa'i phyir/ da ltar gang yang bka' las 'gal bar mi byed pa brnyes par gyur yin no/ / denas bcom ldan 'das kyis/ kun dga' bol bka' stsal pa/ khyod kyis dag zon lda pa smra thams shig ces bka sprul pa bcom ldan dadas de bzhin du 'tshal lo zhes 'dregs pa ni btsal nas/ 'i ng+gA breg par brtsams pa dang / dga' bas 'dzig ma pan de la bzhig/ sa mams / ni ra par stobs kyi 'khor lo sbyar ba'i rgyal po byed par 'gyur bas/ khyod kyis gal te nga'i spu bregs par gyur na/ khyod kyi lag pa gnyis 'khrig ma man chad gcad do zhes bsdigs pas/ de shin tu skrag par gyur nas spu gri bsdus te phyir 'gro bar brtsams pa dang / de nas tshe dang ldan pa kun dga' bos bcom ldan 'das la gsol to// bcom ldan 'das nyid dga' bo ga la ba der gshegs te/ dga' bo la ci khyod rab tu mi 'byung ngam/ des kyang rab tu 'byung ngo zhes gsol pa dang / de nas bcom ldan 'das nyid kyis ril ba bsnams te/ de'i mgo bo la chu blugs nas 'dreg mkhan gyis skra dang kha spu bregs pa dang / de 'di snyam du deng bdag re zhig bcom ldan 'das la sri zhu byas te rab tu byung mod kyi// 'on kyang dgongs kar slar khyim du 'gro'o snyam mo/ / des dgongs kar lam du zhugs te song ba dang / de nas bcom ldan 'das kyis de'i 'gro ba'i lam du g.yangs chen po zhig sprul pa des mthong nas 'di snyam du sun da ri ka dang dus byas pa ni thag ring du gyur pas 'gro ba'i rkyen dang ldan par ma gyur te/ deng bdag gis de bsams pa nyid kyis gal te 'chi ba'i dus byed par 'gyur yang srid gal te shi bar ma gyur na na ma nangs te 'gro'o zhes su nad ri ka dran pa'i mya ngan dang sdug bsngal gyis mtshan mo 'das par gyur to/ / de nas bcom ldan 'das kyis de'i bsam pa thugs kyis mkhyen nas/ kun dga' bo la bka' stsal pa/ kun dga' bo khyod song la dga' bo de la khang skyong byos shig par sgo zhig/ des kyang de bzhin du de'i thad du song nas/ bcom ldan 'das kyis khang skyong byos shig par bka' stsal to zhes bsgo ba dang / des kyang khang stong zhes bya ba ji lta bu/ des bya ba ni ci zhig byed ces dris so/ / des smras pa/ gtsug lag khang du dge 'dun gyi bya ba dag zhal ta bya dgos so// smras pa/ tshul ji lta bur bya ba'i rigs/ smras pa/ khang skyong zhes bya ba ni gal te dge slong rnams bsod snyoms la dong na gtsug lag khang gi nang gi sa rnams phyags nas rlag chag gdab par bya'o/ / ba glang gi lci ba gsar pa blangs nas go rims bzhin du 'jam por bsku bar bya'o/ / legs par yid la byas te bsrung zhing stor rlag med par bya'o// gros bya ba yod na dge 'dun la gsol bar bya'o// dri dang me tog yod na dge 'dun la brim par bya'o// mtshan mo sgo gcod cing nam nangs na dbye bar bya'o// snam phyis dang chab khung sas rtag tu bkru zhing byi dor bya dgos so// gal te gtsug lag khang zhig cing ral pa yod na bcos legs bya'o/ zhes de skad bstan pa thos pa dang / btsun pa kun dga' bo bcom ldan 'das kyis ji skad bka' stsal pa bzhin du thams cad bdag gis de bzhin du bgyi'o zhes khas blangs so// de nas dge slong rnams snga dro'i dus kyi rgya chos gos dang lhung bzed thogasate/ grong khyer ser skya'i gnas su bsod snyoms la bzud pa dang / dag bo gtsug lag khang na su'ang med par mthong nas bdag gis phyag 'dar byas zin pa dang / slar khyim du 'gro'o zhes phyag bdar byed pa la zhugs so// bcom ldan 'das kyis de gzigs shing mkhyen nas/ rdzu 'phrul gyi stobs kyis phyags zin pa'i sa gtsang ma rnams slar phyag dar gyis gang bar byin gyis brlabs pa dang / des kyang 'di snyam du bdag gis byan bdar bor te/ slar khyim du 'gro'o snyam du bsams nas phyags ma slar bsdus nas phyag dar zad par ma gyur pas/ gnas khang gyi sgo gcad de 'gro snyam du bsam pa dang / bcom ldan 'das kyis sgro gcig gcad zin pa nas sgo gzhan gcad tsam na sgo gzhan yang bye bar byin gyis brlabs pas de nyod mongs pa skyes nas/ gzhan yang 'di snyam du gal te rkun pos gtsug lag khang 'di nyams par byas kyang 'di la gnod pa ci yod de/ bdag rgyal por gyur pa na 'di bas lhag pa'i gtsug lag khang bzang po ban+d+ha stong brtsig par zad pas/ bdag ni slar khyim du 'gro ba'i rigs so zhes gal te lam po cher zhugs te 'gro na ni/ bcom ldan 'das dang phrad du donas pas/ gseb lam du zhugs te 'gro snyam du bsams so// bcom ldan 'das kyis de'i bsam pa thugs kyis mkhyen nas gseb lam de nyid du zhugs te gshegs so/ / des rgyang nas bcom ldan 'das mthong nas mi phrad par bya ba'i phyir/ lam gyi 'gram na ljon shing yal ga dang grib mar ldan pa// thur du 'jol bzhig gi drung du gab ste 'dug/ padang / bcom ldan 'das kyis ljon shing de'i yal ga gyen du brdzes nas de'i lus mngon du snang bar byin gyis brlabs nas/ bcom ldan 'das kyis/ dka' ba la khyod bang nas 'ongs// dA ri phye bzhin du cig ces bka' stsal pa dang / de'ang skyengs te ngo tsha ba'i sems kyis bcom ldan 'das kyi zham ring du 'brangs pa dang / bcom ldan 'das kyis 'di snyam du dgongs te/ 'di chung ma la shin tu chags shing zhen par gyur pas de dang dpral zhing phan gdags pa'i phyir grong khyer ser skya nas byung deste/ grong khyer mnyan yod du gshegs so snyam du dgongs nas der byon pa dang / ri dgas dgra'i ma sa ka'i kun dga' ra ba na bzhugs so/ / de nas bcom ldan 'das kyis 'di snyam du dga' bo blun po 'di ni rtag tu chung ma la chags shing zhen nas gtong bar mi byed pas/ 'di la thabs shig sbyar te sems nye bar zhi bar bya'o snyam du dgongs nas/ tshe dang ldan pa dga' bo la bka' stsal pa/ khyod kyis sngon chad dri ldan zhes bya ba'i ri mthong ngam/ gsol pa/ ma mthong lags so// gal te de lta na nga'i chos gos kyi grwa nas zung zhig/ des kyang na bza'i grwa nas bzung ba dang / de nas bcom ldan 'das ngang pa'i rgyal po bzhin du nam mkha' la ldings te ri dri ldan du gshegs nas/ tshe dang ldan pa dga' bo dang thabs cig tu g.yas g.yon du gzigs pa las shing drung zhig na spra mo mig gcig zhar ba gcig gdong bteg nas/ mig mi yo bar rtse gcig tu bcom ldan 'das la bltas pa dang / bcom ldan 'das kyis dga' bo la bka' stsal pa/ khyod kyis spra mo zhar ma'adi mthong ngam/ gsol pa/ bcom ldan 'das mthong lags so// bcom ldan 'das kyis bka' stsal pa/ khyod ji snyam du sems/ spra mo zhar ma 'di sund ri ka dang bskrun na gang bzang zhing khya bar du 'phags/ gsol pa/ sun da ri ka de ni shAkya'i rigs lags te/ lha'i bu mo dang 'dra bar byed bzhin mchog tu gyur cing 'jig rten na zla ma mchis pa lags pas/ spra mo zhar ma 'di dang bskrun par gyur na brgya'i char yang nye bar mi mchi/ stong gi cha dang / khri'i cha dang / 'bum gyi cha dang / grangs dang / cha dang / bgrang ba dang // dpe dang / rgyur yang mi bzod lags so// bcom ldan 'das kyis bka' stsal pa/ khyod kyis lha'i gzhal med khang mthong ngam/ gsol pa/ ma mthong lags so// 'o na yang chos gos kyi grwa nas zung zhig/ des kyang na bza' la bzung ba dang ngang pa'i rgyal po bzhin nam mkha' la mngon par 'phags nas sum cu rtsa gsum gyi lha'i gnas su gshegs te/ tshe dang ldan pa dga' bo la khyod song la/ lha'i gzhal med khang khyad par du 'phags pa'i gnas rnams la ltos shig ces bka' stsal pa dang / tshe dang ldan pa dga' bos kyang dga' tshal dang / shing rta sna tshogs kyi tshal dang / rtsub 'gyur gyi tshal dang / 'dres pa'i tshal dang / kun tu 'dus pa'i tshal dang / chos bzang yang la sogs pa canas kyi kun dga' ra ba dang / me tog dang / 'bras bu dang / rdzing dang / rting bu dang / rtsed mo cu zhing dga' mgu ba'i gnas rnams su song ste/ kun tu khyab ba na/ nas mthar gyis grong khyer rab snang du zhugs pa las/ gzhan yang rnga dang / pi wang dang / rgyud rnam pa sna tshogs las sgra snyan pa la sogs pa 'byin pa dang / gnas de dang de dag tu lha'i bu mo dang bu bo shin tu mdzes pa dag lhan cig rtse zhing 'khod pa dag mthong ngo / / dga' bos kun tu brtags pa las gnas gzhan zhig gi gzhal med khang na lha'i bu mo 'ba' zhig yod kyi/ lha'i bu lo med par mthong / lha'i bu mo de dag la ci'i rgyus gnas gzhan na ni lha'i bu mo dang / lha'i bu pho 'dres par gnas nas bde ba rnams myong bar byed na/ khyed ni gang gi phyir lha'i bu mo 'ba' zhig lhan cig gnas shing lha'i du mi snang bar gyur ces dris pa dang / lha'i bu mo de dag gis bcom ldan 'das kyi gcung dga' bo zhes bya ba bcom ldan 'das las rab tu byung nas rtse gcig tu tshangs par spyod pa yang dag par spyod pa zhig yod de/ de dus de las 'das pa'i 'og tu 'dir skye bar 'gyur bas/ bdag cag ni 'dir de la sdod pa yin no zhes smras so// dga' bos de skad thos nas dga' mgu rangs pas myur zhing rengs par bcom ldan 'das ga la ba der song ba dang / bcom ldan 'das kyis bka' stsal pa/ khyod kyis lha rnams kyi khyad par du 'phags pa'i dngos podag mthong ngam/ gsol ba// mthong lags so// bcom ldan 'das kyis khyod kyis dngos po ci zhig mthong zhes bka' stsal pa dang des kyang ji ltar mthong ba rnams rgyas par bcom ldan 'das la gsol to/ / bcom ldan 'das kyis bka' stsal pa// dga' po khyod kyis d+ha'i bu mo rnams mthong ngam/ gsol/ mthong lags so// lha'i bu mo de dag sun da ri ka dang bskrun na/ gang gzugs bzang zhing khyad par du 'phags// gsol pa/ bcom ldan 'das sun da ri kalpa'i bu mo de dag dang bskrun na/ ji ltar ri dri ldan gyi spra mo zhar ma sun da ri ka dang bskrun pa bzhin du brgya'i char yang nye bar mi mchi ste/ stong gi cha dang / khri'i cha dang / 'bum gyi cha nas// rgyu'i bar du'ang mi bzod lags so// bcom ldan 'das kyis bka' stsal pa/ dga' bo rmongs par spyod pa yang dag par spyad na de lta bu'i phan yon khyad par du 'phags pa dang ldan par 'gyur bas/ deng khyod kyis tshangs par spyod pa brtan par spyod cig dang / lhar skyes nas de lta bu'i bde ba myong bar 'gyur ro/ / des kyang de skad du thos nas dga' mgu rangs te cang mi zer bar 'dug go// de nas bcom ldan 'das tshe dang ldan pa dga' bo dang thab cig tu lho'i gnas nas mi snang bar gyur te/ mnyan yod na rgyal bu rgyal byed kyi tshal mgon med zas sbyin gyi kun dga' ra bar gshegs so// de'i tshe tshe dang ldan pa dga' bo'ang lha'i gzhal med khang la bsam bzhin du tshangs par spyod pa sang dag par spyad par gyur pa dang / bcom ldan 'das kyis de'i bsam la thugs kyis mkhyen nas/ tshe dang ldan pa kun dga' bo la bka' stsal pa// kun dga' bo khyod song la dge slong rnams la 'di skad du// khyed su' 'daga' / po dang lhan cigakun gtsag lam 'dug cig/ 'chags gcig tu ma 'an tsa// gdang gragacig la chos gos ldan cig sa gag tsi// gnas bcag tu lhung bzed dang ram pa ldan tsug ma gzhan gcig tu mdo sde klog par ma byed cig/ kha ton 'don par ma byed cing ces sgo zhig/ tshe dang ldan pa kun dga' bos kyang / bcom ldan 'das kyis bka' stsal pa de bzhin du dge slong rnams la bsgo ba dang / dge slong rnams kyis kyang 'phags pa'i bka' bzhin du 'tshal lo zhes smras so// de'i tshe tshe dang ldan pa dga' bo'ang mang po rnams kyis spangs par yang mthong bas shin tu ngo tsha zhing gnod bar gyur to/ / de nas dus gzhan zhin na tshe dang ldan pa kun dga' bo dge slong mang po rnams dang lhan cig tu bkad sa na chos gos 'drub pa'i las byed pa de'i tshe tshe dang ldan pa dga' bos mthong nas/ 'di snyam du dge slong mang po 'di dag ni bdag yongs su spangs pas lhan cig tu mi gnas na/ tshe dang ldan pa kun dga' bo 'di ni bdag gi nu bo yin pas cis kyang smad par mi byed do snyam du bsams nas/ de'i thad du song ste lhan cig 'dug pa dang / / de'i tshe tshe dang ldan pa kun dga' bo'ang myur du langs te song ngo // des smras pa/ kun dga' bo dge slong gzhan rnams ni bdag spong ba'i rigs na/ khyod kho bo'i nu bo yin na ci'i phyir bdag spong bar byed/ tshe dang ldan pa kun dga' bos smras pa/ yang dag par de lta bu'i don dang ldan mod kyi/ 'on kyang khyod ni lam gzhan du 'gro la bdag kyang lam gzhan du 'gro ba'i de'i phyir phan tshul byol ba yin no// smras pa/ na la thal mamatshan/ gangan chud rgyuwA nan skur skye bar mos nas tshangs par spya pa spod do// gab tsa sta ga las 'das pa yongs su ba 'dod pa kun nas nyon mongs pa rab tu bsal ba yin no zhes de skad smras pa thos pa dang / shin tu mi dga' zhing mya ngan gyis non par gyur to// de nas bcom ldan 'das kyis de'i sems kyi bsam pa thugs kyis mkhyen nas/ / tshe dang ldan pa dga' bo la bka' stsal pa/ khyod kyis sngon chad sems can dmyal ba mthong ngam// gsol pa/ ma mthong lags so// bcom ldan 'das kyis bka' sprul pa/ khyod kyis nga'i chos gos kyi grwa nas zung zhig/ des kyang na bza' la bzung ba dang / bcom ldan 'das kyis de khrid nas sems can dmyal ba'i gnas su gshegs so// de nas bcom ldan 'das phyogs gcig tu bzhugs nas/ / tshe dang ldan pa dga' bo la bka' stsal la/ khyod song la sems can dmyal ba rnams ltos shig/ tshe dang ldan pa dga' bos kyang de bzhin song ba las/ sngar ni chu bo b+he ta ra ni mthong ngo / / de nas mthar gyis ral gri'i lo ma'i nags dang / bshang gci'i 'dam dang / me ma mur gyi gnas su phyin nas/ de dag tu zhugs te rnam par bltas pa las sems can mang sdug bsngal sna tshogs myong ba dag mthong ste/ kha cig ni skam pas lce dang / so dang / mig byung ba dang / kha cig ni sog les lus 'dra ba dang / kha cig no snga res rkang lag gtub pa dang / kha tsog ni mtshon cha shaganyis dgra sta so gnyis pa dang / be rgas bsnun pa dang / kha cog ni lcags kyi thobs 'tshog par byas pa dang / kha cig ni lcags kyi thu lum khar bcug pa dang / kha cig ni ral gri lo ma can dang / ljon shing ral gri lo ma can la 'dzeg pa dang / gtun gyis brdung ba dang rang thag gis 'thag pa dang / zangs kyi ka ba la 'ju ba dang / lcags kyi khri la 'dug nas sdug bsngal mi bzad pa rnams myong bar mthong ngo // kha cig ni lcags zangs me lce rab tu 'bar zhing khol ba rab tu tsha ba'i 'od byung bdag tu sems can 'tshod pas/ de lta bu'i sdug bsngal gyi dngos po myong ba dag mthong ngo // gzhan yang lcags zangs stong pa khol zhing me lce rab tu 'bar zhing tsha ba sems can med pa gcig mthong ba dang / shin tu skrag nas dmyal ba'i srungs ma la rkye rgyu dang rkyen gang gi phyir lcags zangs gzhan rnams ni sems can 'tshed par byed pa la/ lcags zangs 'di 'as zhig ni stong par khol zhes dris pa dang / des smras pa/ bcom ldan 'das kyi gcung dga' bo zhes bya ba lhar skye bar smon nas sems rtse gcig tu tshangs par spyad pa la yang dag par spyod pas/ lha'i 'jig rten du skyes nas re zhig bde ba myong bar 'gyur yang / de shi ba'i 'og tu lcags zangs 'dir 'jug par 'gyur bso// de'i phyir deng bdag cag lcags zangs me sbar nas bsdad ba yin no zhes smras pa dga' bos zlon// shin tu 'jigs skrag pa skyes nas baspu langs te/ lus las rdul byung nas 'di snyam du 'dis gal te bdag dga' bo yin par shes par gyur na ni gson po kho nar zangs kyi nang du bor bar 'gyur ro snyam du bsams nas myur zhing rings par bcom ldan 'das gal ba de logs su bos te song ba dang / bcom ldan 'das kyis bka' stsal pa// khyod kyis sems can dmyal ba rnams mthong ngam// des kya snying rje ba'i tshul du mchi ma blags te dus nas/ lce lkugs pa bzhin du skad phra mo phyung nas mthong lags so zhes sol to// bcom ldan 'das kyis bka' stsal pa/ khyod kyis dngos po ci zhig mthong / rjes kyang ji ltar mthong ba rnams rgyas par bcom ldan 'das la gsol pa dang / bcom ldan 'das kyis bka' stsal pa/ dpa' bo mar skye bar smon pa dang / lha'i 'jig rten yongs su tshol bar 'dod pas tshangs par spyod pa yang dag par spyad pa la ches dmigs de lta bu yod pas/ de lta bas na deng khyod kyis mya ngan las 'das pa yongs su gnyer ba'i bsam pas tshangs par spyad par bya'i/ lhar skye ba la mngon par dga' bas rab tu brtson par mi bya'o/ / tshe dang ldan pa dga' bos de skad ces bka' stsal pa thos nas ngo tsha ba'i sems kyis cang mi zer bar 'dug pa dang / de nas bcom ldan 'das kyis de'i bsam pa thugs kyis mkhyen nas/ sems can dmyal ba'i khams nas mi snang bar gyur te/ slar rgyal byed kyi tshal du gshegs nas tshe dang ldan pa dga' bo dang / dge slong rnams la bka' stsal pa/ nang gi dri ma rnam pa gsum yod de/ 'di lta ste/ 'dod chags dang // zhe sdang dang / gti mug gang yin pa ste/ de dag ni spang bar bya ba yin pas yongs su spang ba la rab tu brtson zhing bslab par bya'o// de nas de'i tshe bcom ldan 'das rgyal bu rgyal byed kyi tshal du bzhugs nas ring por ma lon par rkyen ji lta ba bzhin du sems can gdul ba'i phyir/ dge slong gi dge 'dun dang thabs cig tu yul tsam par gshegs nas garga'i rdzing bu'i 'gram na bzhugs so/ / de nas tshe dang ldan pa dga' bo dge slong lnga brgya dang lhan cig tu bcom ldan 'das ga la ba der dong ste/ bcom ldan 'das kyi zhabs la phyag byas nas phyogs gcig tu 'khod do/ / de nas bcom ldan 'das kyis dge slong rnams phyogs gcig tu 'khod par mkhyen nas/ tshe dang ldan pa dga' bo la bka' stsal pa/ nga la chos kyi rnam grangs thog mar dge ba/ bar du dge ba/ mtha' mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su dkar ba/ tshangs par spyod pa'i chos 'di lta ste/ mngal du 'jug pa zhes bya ba'i chos kyis rnam grangs yod kyis/ shin tu legs par nyon la yid la zung zhig dang / ngas deng khyod la bshad par bya'o// tshe dang ldan pa dga' bos bcom ldan 'das de bzhin du thos par 'tshal lo zhes gsol pa dang / bcom ldan 'das kyis bka' stsal pa/ dga' bo ma'i mam dang ldan par gyur kyang / mngal du 'jug par 'gyur ba'ang yod/ 'jug par mi 'gyur ba'ang yod ji ltar skye ba len cing mi'i mngal du 'jug par 'gyur zhe na/ gal te pha ma gnyis 'dod pa'i sems kyis lhan cig 'khrig pa'ang spyod par gyur/ ma'i mngal na'ang yongs su btsang bar zur/ nus kyi thas cad pang ldan par gyur / bar sa do'i zung po nga sa nasus du snang bar byung na// de'i tsham ma su jug par dgas bya'o// pa mnan phung de'ang gces su 'gyur te/ kha dog sdug cing mdzes pa dang / kha dog mi sdug cing mi mdzes pa'o// sems can dmyal ba rnams kyi bar mdo'i srid pa'i kha dog ni mi sdug pa yin te/ 'di lta ste/ dper na sngo dumatshig pa dang 'drag/ / dud 'gro rnams kyi bar mdo'i srid pa'i kha dog ni/ 'di lta ste/ dper na dud pa dang 'dra'o// yi dgas rnams kyi bar mdo'i srid pa'i kha dog ni/ 'di lta ste/ dper na chu dang 'dra'o// lha dang mi rnams kyi bar mdo'a'i srid pa'i kha dog ni/ 'di lta ste/ dper na gser gyi kha dog dang 'dra'o// gzugs kyi khams kyi bar mdo'i srid pa'i kha dog ni dkar por 'dug go// gzugs med pa'i khams kyi lha rnams la bar mdo'i srid pa med de/ 'di ltar de ni gzugs med pa'i phyir ro// bar mdo'i phung po'i sems can kha cig ni lag pa gnyis dang rkang pa gnyis dang ldan no// kha cig ni rkang pa bzhi dang rkang pa mang po dang ldan no/ / kha cig ni rkang pa med de sngon gyi las ji lta ba bzhin du gang du skye bar 'gyur ba de dang dbyibs 'dra bar mdo'i srid pa mngon par 'grub par 'gyur ro// lha'i bar mdo'i srid pa gang yin pa de ni mgo gyen du lta'o/ / mi dang / dud 'gro dang / yi dgas rnams kyi ni thed ker lta zhing 'gro'o// sems can dmyal ba rnams kyi bar mdo'i srid pa'i mgo thur du ltal/ bapar ma do'i spong ba thams cad kyang rdzu 'phrul dang ldan pas// nam mkha' la 'gro zhing lha'i mig bzhin du skye ba'i gnas thag ring po'ang mthong bar nus so// de 'dus kyi zla mtshan dang ldan pa zhes bya ba ni 'di lta ste/ zla mtshan gyi dus la bab pa gang yin pa'o// dga' bo bud med kha cig ni zhag gsum dang / zhag lnga dang / zla ba phyed dang / zla ba gcig lon nas zla mtshan dang ldan pa'ang yod do// kha cig ni rkyen la bltos pas yun ring zhig lon nas/ / gdod zla mtshan dang par 'gyur ba'ang yod do// bud med gang lus kyi mthu stobs med pa dang / sdug bsngal mang po myong ba dang / byad bzhin mi sdug pa dang / bza' ba dang btung ba mi bsod pa dag zos shing 'thungs pa de dag ni zla mtshan 'ongs su zin kyang myur du chad par 'gyur te/ 'di lta ste/ dper nas skam po'i phyogs su chus chag chag btab pa'i tshe/ myu du skam par 'gyur ba bzhin no// bud med gang lus kyi mthu stobs dang ldan pa dang / rtag tu bde ba myor ba dang / byad bzhin sdug pa dang / bza' ba dang btung ba bsod pa dag zas shing 'thungs pa de dag gi zla mtshan ni myur du 'chad par mi 'gyur te/ 'di lnga ste/ dper nas gsher ba'i phyogs su chus chag chag btab pa'i tshe myur du snyam par mi 'gyur ba bzhin no// ji ltar ma'i mangs 'jug par 'gyur zhes nani/ gal te pa'i khu ba byung la ma'i khu ba ma byung ba dang / mi khu ba byung la pho'i khu ba ma byung ba 'am/ gali te gnyis ka byung ba'i mgyur na thams cad mngal len par mi 'gyur ro// gal te ma mo su dag par ma 'gyur la/ pa yongs su dag par gyur pa'am/ gal te pha yongs su dag par ma gyur la/ ma yongs su dag par gyur pa 'am/ gal te gnyis ka yongs su dga' ma gyur na'ang mngal len par mi 'gyur ro/ / gal te ma'i mngal gyi gnas rlung nad kyis yongs su zin par gyur tam/ mkhris pa dang bad kan gyis yongs su zin par gyur tama?/ khrag gis non pas mngal mdud pa can du gyur tam/ shas gang bar gyur tam sman 'thungs sam/ dadung nas 'dra ba 'am/ grog ma'i rked pa 'dra ba 'am/ mngal gyi sgo rnga mo'i kha lta bur gyur tam/ dpung shing gi rtsa ba mang po can lta bur gyur tam/ ma shol mgo lta bur gyur tam/ shing rta'i tshogs bzhin sogs kar 'dug pa'am/ spa lta bur 'dug pa 'am/ nas kyi gra ma skyes pa lta bur b+hur tam/ mngal 'og tu zab pa 'am// steng du zab pa'am/ mngal gyi snod du rung ba ma yin pa 'am/ rtag tu khrag zag pa'am/ chu zag pa 'am/ bya rog gi mchu ltar rtag tu phye zhing 'dzum du mi btub pa' steng dang / 'og dang / tha mazheng chung mi mtsham pa dang / mtho dman mo sdoms shing 'bar 'byur du gyur pa 'am/ nang srin bus gces pa'am/ rul zhing myags nas mi gtsang bar gyur pa gang yin paskye gal te ma 'di lta bu'i skyon dang ldan par gyur na/ thams cad mngal du 'jug par mi 'gyur ro// ga li She la mtsho ris btsun zhing bar mdor srid pa dman par gyur tam/ bar mdo'i srid pa tshe rigs btsun zhing la na par gyur na 'ang ma d+mal 'thub par mi wA ro/ / bas Sh+Te s+yA byar ma na zad pa gnas 'tsha gas btsun par gyur kyang / kwa' belas 'thun par mgyu na'ang myang sa 'grub par mi t+tAgyur/ ro// gal te bar mngon srid pa mdun na snang ze'i yul la po dang mo'i srod pa gnyis med par gyur na'ang skye ba len par mi 'gyur ro// dga' bo bar mdo'i sring 'jo ltar ma mnga' du 'jug pa thob par 'gyur zhe na/ gal te mi'i mngal yang yongs su gtsang bar gyur la/ bar ma do'i srin pas 'dod pa'i bya ba spyod pa mngon sum du mthong bar 'gyur bas na/ gong du bsta/ pa lta bu'i skyon mang po'i bar yang med par gyur te/ pha ma dang bu'ang phan tshun mngon par phrad pa'i las dang ldan par gyur na gdod ma'i mngal du 'jug par 'gyur ro// gzhan yang bar ma do'i srid pa de ma'i mngal du 'jug pa'i tshe sems phyin ci log tu 'gyur te/ gal te pho yin na ni ma la chags pa skye bar 'gyur la/ pha la ni zhe sdang skye bar 'gyur ro// gal te mo yon na ni pha la chags pa skye bar 'gyur la ma la ni zhe sdang skye bar 'gyur te/ sngon 'das pa'i dus su mngon par 'dus byas pa'i las kyi dbang gos yang dag pa ma yin pa'i 'du shes kyis log par shes pa'i bsam pa skyed par byed de/ grang ba'i 'du shes dang / rlung chen po langs pa dang / char chen po 'bab pa dang / gnam rmus pa'i du shes dang / skye bo mang po'i sgra ca co thos pa'i 'du shes skyed par byed pas las kyi mtho dman ji lta ba bzhin du yang dag pa ma yin pa'i 'du shes rnam pa bcu 'byung bar 'gyur ro/ / bcu gang zhe na/ deng bdag ni khang pa'i nang du 'jug go snyam pa dang / bdag ni khang pa brtsegs pa'i steng du 'jog go snyam pa dang / bdag ni/ gzhal med khang du 'jug go snyam pa dang / bdag ni khri la 'dzeg go snyam pa dang / bdag ni rtswa'i spyil bur 'jug go snyam pa dang / bdag ni lo ma'i khyim du jug go snyam pa dang / bdag ni rtswa stug por 'jug go snyam pa dang / bdag ni nags kyi nang du 'jug go snyam pa dang / bdag ni rtsig pa'i bu gar 'dzul lo snyam pa dang / bdag ni sog ma'i gseb tu 'jug go snyam du sems pa gang yin pa ste/ dga' ji che bar mdo'i srid pa de de snyam du bsams nas ma'i mngal du 'jug par 'gyur ro/ / skye ba len pa de ni mer me 'o zhes bya bar rig par bya ste/ de ni pha'i khu ba dang ma'i khrag yin te/ de ni pa'i khu ba dang ma'i khrag yin te/ dngos po gzhan ma yin yang bdag ma'i khu ba dang khrag 'dus pa'i rgyu dang / rkyen dang / rnam par shes pa'i rkyen la brten te lhan cig gnas par byed pas 'di lta ste/ dper na zho dang rdza ma dang bsrub shing dang / skyes bu'i rtsol ba la brten nas mar 'byung gi/ gzhan las mi 'byung ba bzhin du la ma'i mi gtsang ba'i zhu ba dang khrag las mngon par grub pa'i lus mer mer po'ang de bzhin du rig par bya'o/ / gzhan yang dga' bod pe rnam pa bzhi pa maud kyis/ khyod legs par tshon cig/ 'di lta ste/ pe na tu sngon po la brten te srin bu skye bar 'gyur ba tu sngon po'ang srin su ma yi// rtswa las kya na mas kyis cad rgyal sa par sa das pa da sa gas sas/ smras pa 'das kyang ra t+na spAg+sa/ smra bo du ltar rlung nga rkyen 'das pa las 'byung ba rten pa dbang gis skye bar rig par bya'o/ / 'angs te/ ber na blang gA ts+tsha pA la brten nas srin bu skye byer 'gyur ba bdung gi lci'i'ang sngon cu mtshan baglang gi lha'i las kyang na 'di srin bu me mod kyi/ 'on kyang ba glang po lnga ba la brten pa'i rgyu rkyen 'dus pa'i dbang gis sprin bu skyes nas/ lus kyi kha dug kyang ser por 'gyur ba de bzhin du/ zoba'i khu ba dang ma'o khrag gi lus mer mer po'ang 'di ltar rgyu dang rkyen 'dus pa las 'byung ba chen po'i dbang po skye bar rigs par bya'o// 'di lta ste/ dper na rgyu shug la brten nas srin bu skye bar gyu brgya shug kyang srin bu ma yin/ / rgya shug las gud na'ang srin bu med mod kyi/ 'on kyang rgya shug la brten pa'i rgyu rkyen 'dus pa'i dbang gis srin bu skyes nas/ lus kyi kha dog kyang dmar por gyur pa de bzhin dudaga' bo pha'i khu ba dang ma'i khrag gi lus mer mer po'ang 'di ltar rgyu dang rkyen 'dus pa las 'byung ba chen po'i dbang po skye bar rig par bya'o/ / 'di lta ste/ dper na zhol brten nas srin bu skye bar gyur pa/ lus kye kha dog kyang dkar por 'gyur ba zhes bya ba nas/ / rgyu dang rkyen 'dus pa las 'byung ba chen po'i dbang po skye bar 'gyur zhes bya ba'i bar du'ang rgyas par sbyar ro// gzhan yang dga' bo pa ma'i mi gtsang ba la brten pa'i mer mer po'i dbang gis sa'i khams mngon du snang bas ni sra ba'i bya ba byed do/ / chu'i khams mngon du snang bas ni gsher ba'i bya ba byed do// me'i khams mngon du snang bas ni dro ba'i bya ba byed do/ / rlung gi khams mngon du snang bas ni yang zhing g.yo ba'i bya ba byed do// dga' bo gal te pha ma'i mi gtsang ba'i lus mer mer po de sa'i khams 'ba' zhig dang ldan la/ chu'i khams med pang gyur na ni bskams te byis par gyur pas/ 'di lta ste/ dper na lag pas phye dang thal ba skam po la sogs pa bcangs pa bzhin du 'gyur ro// gal te chu'i khams 'ba' zhig dang ldan la/ sa'i khams med par gyur nani ni bo bar 'gyur te/ 'di lta ste/ dper 'bru mar ram/ chu lta bur gyur pa zhig na/ chu'i khams kyi dbang gis ni sa'i khams gyes par mi 'gyur la/ sa'i khams kyi dbang gis ni chu'i khams bo bar mi 'gyur ro// dga' bo gal te mer mer po'i lus sa dang chu'i khams dang ldan par gyur la/ me'i khams med par gyur na ni rul zhing myags par 'gyur te/ 'di lta ste/ dper na dbyar gyi dus su sha'i gong bu grib ma la gzhag pa bzhin du 'gyur ro/ / dga' bo gal te mer mer po'i lus sa dang / chu dang / me'i khams 'ba' zhig dang ldan la/ rlung gi khams med par gyur na ni 'phel zhing rgyas par mi 'gyur te/ 'di dag thams cad ni sngon gyi las kyis rgyu byas nas phan tshun gcig gi rkyen gcig gi rgyus byas pa'i dbang gis rnam par shes pa skye bar 'gyur bas/ sa'i khams kyis ni rten byed do// chu'i khams kyis ni sdud par byed do// me'i khams kyis ni yongs su srin par byed do/ / rlung gi khams kyis ni 'phel bar byed de/ dga' bo 'di lta ste/ dper na 'khur ba mkhan nam/ de'i slob mas 'khrur ba legs par btsos nas dbugs kyis bus nas rgyu cher 'phel zhing nang khong stong du byed pa ji lta ba bzhin no/ / 'di lta ste/ dper na pad+ma'i rtsa ba ji lta ji lta ba bzhin du nang gi lus kyi 'byung ba chen pos dang / chu dang / me dang / rlung gi khams las kyi stobs kyis 'phel bar byed pa'ang de bzhin du rigs par bya'o/ / dga' bo pha ma'i gtsang ba las mer mer po'i lus 'byung ba'ang ma yin/ ma'i mngal nas kyang ma yin/ les las kyang ma yin/ rgyu las kyang ma yin/ rkyen las kyang ma yin mod kyi/ 'on kyang rgyu rkyen mang po 'di dag 'tshogs pa'i dbang gis ma'i mngal mngon par 'grub par byed de/ 'di lta ste/ dper na sa bon gsar pa rlung dang nyi mas nyams par ma byas pa sra zhing snying po dang bcas pa/ bu ga ma byung ba/ shin tu legs par sbas par zhing gshin pa la btab nas brlan gyi rgyu dang rkyen 'dus par gyur na/ gdod myu gu dang / sdong bu dang / yal ga dang / lo ma dang / me tog dang / 'bras bu rims kyis skye zhing 'phel bar 'gyur te/ dga' bo sa bon de'ang rkyen 'dus pa dang bral ba las myu gu la sogs pa skyed par byed pa ma yin pa de bzhin du pha ma 'ba' zhig dang / las 'ba' zhig dang / rkyen gzhan 'ba' zhig las mngal du skye ba thob ma yin gyi/ pha ma'i khu ba dang / khrag dang / rgyu rkyen 'dus pa'i dbang gis mngal mngon par 'grub par rig par bya'o// dga' bo 'di lta ste/ dper na mig dang ldan pa'i skyes bus me yongs su tshol ba'i phyir nor bu me shel khyer nas nyi ma la bzhag ste/ bgrang gi lci ba skam po de'i steng du gzhag na gdod me 'byung bar 'gyur ba de bzhin du/ pha ma'i khu ba dang / khrag dang / rgyu dang / rkyen 'dus pa la brten pa'i phyir/ gdod mngal mngon par 'grub pa'ang de bzhin du rig par bya'o// pha ma'i ma gtsang ba las mer mer po mngon par grub pa gang yin pa de ni gzugs zhes bya'o/ / tshor ba dang / 'du shes dang / 'du byed dang / rnam par shes pa gang yin pa de ni ming zhes bya ste/ de ni ming dang gzugs zhes bya'o// ming dang gzugs kyi phung po shin tu smad par bya ba'i srid pa rnams su skye ba len par byed pa 'di la ni ngas phyogs cung zad tsam mam/ skad cig tsam du'ang bsngags pa brjod par mi bya'o// de ci'i phyir zhe na/ srid pa rnams su skye bar 'gyur ba gang yin pa de ni sdug bsngal chen po yin pas so/ / 'di lta ste/ dper na skyugs pa ni ji ltar chung yang mnam par byed pa de bzhin du/ srid pa rnams su skyes pa gang yin pa de ni chung yang sdug bsngal yin par rig par bya'o// / nye bar len pa'i phung po lnga po gzugs dang / tshor ba dang // 'du shes dang / 'du byed dang / rnam par shes pa gang yin pa de dag thams cad ni skye ba dang / gnas pa dang / 'phel ba dang / nyams shong 'jig pa dang ldan te/ skye ba gang yin pa de ni sdug bsngal ba yin no// gnas pa gang yin pa de ni na ba yin no// 'phel ba dang nyams shing 'jigs pa gang yin pa de ni rga shi yin te/ de lta bas na dga' bo mkhas pa gang zhig srid pa'i rgya mtsho 'dir srid pa'i ro bskyed nas/ ma'i mngal na nyal zhing 'di 'dra ba'i sdug bsngal mi bzad pa yang dag par nyams su myong bar byed/ gzhan yang dga' bo 'di ltar ma'i mngal du zhugs pa de'i grangs kyang mdor bsdu na/ zhag bdun phrag sum cu rtsa brgyad yod par rig par bya ste/ zhag bdun phrag dang po'i tshe ma'i mngal mi gtsang ba thog ma'i gnas su nyal bas 'di lta ste/ dper na zangs rab tu tsha ba'i nang du btsos shing brngos pa bzhin du lus kyi dbang po dang / rnam par shes pa lhan cig tu sdug bsngal mi bzad pa myong ba gang yin pa de ni mer mer po zhes bya'o// de'i dbyibs/ ni'adi lta ste/ dper na 'bras kyi khu ba 'am/ zho'i spris ma dang 'dra bas zhag bdun gyi bar du nang du bcos rab tu bcos pas na/ sa'i khams sra ba nyid dang / chu'i khams gsher ba nyid dang / me'i khams dro ba nyid dang / rlung gi khams yang zhing g.yo ba nyid gdod mngon du snang bar 'gyur ro// dga' bo zhag bdun phrag gnyis pa la ma'i mngal na mi gtsang ba'i gnas su 'di lta ste/ dper na zang kyi nang du bcos shing brdos pa bzhin du lus kyi dbang po dang rnam par shes pa lhan cig tu sdug bsngal mi bzad pa myong ba na/ ma'i mngal nas kun tu reg pa zhes bya ba'i rlung sngon gyi las kyi dbang gis rang byung nas mngal de la reg pa gang yin pa de ni nur nur po zhes bya'o/ / de'i dbyibs ni zhe ska ba 'am/ mar 'khyags pa 'dra ste/ zhag 'dun gyi bar du nang du brtsos rab tu bcos pas na khams bzhi po dag mngon du snang bar 'gyur ro/ / dga' bo zhag 'dun phrag gsum pa la'ang rgyas par snga ma bzhin du sbyar te/ ma'i mngal nas mdzod ka zhes bya ba'i rlung sngon gyi las kyi dbang gis byung nas mngal de la reg pa kang yin pa de ni ltar ltar po zhes bya'o/ / 'di dbyibs ni/ 'di lta ste/ lcags kyi thur ma'am/ srin bu grol ma 'dra ste/ zhag bdun gyi bar du bcog tu bstobs na 'acwa bzhi podag mngon du snang bar 'gyur ro/ / dga' bo zhag bdun phrag bzhi pa la'ang rgyas par snga ma bzhin du sbyar te/ ma'i mngal nas nang rab tu 'byed pa zhes bya ba'i rlung sngon gyi las las byung nas mngal na gnas pa'i zug rngu rab tu 'bar ba 'bud par byed pa gang yin pa de ni mkhrang 'gyur zhes bya'o/ / de'i dbyibs ni bong ba 'am/ mchig gu 'dra ste/ zhag bdun gyi bar du zhes bya ba nas/ khams bzhi po dag mngon du snang bar 'gyur zhes bya ba'i bar du snga ma bzhin no/ / dga' bo zhag bdun phrag lnga pa la'ang rgyas par snga ma bzhin du sbyar te/ ma'i mngal nas yang dag par sdud pa zhes bya ba'i rlung 'byung ste/ rlung des mngal de la reg par gyur pa na/ mtshan ma lnga po 'di lta ste/ dpung pa gnyis dang / brla gnyis dang / mgo bo'i mtshan ma mngon du 'byung bar byed de/ 'di lta ste/ dper na dbyar gyi dus su char 'ab pa'i tshe/ ljon shing dang nags tshal rnams lal ga dang lo ma rgyas shing 'phel bar byed pa de bzhin du mtshan ma lnga po de dag rab tu snang bar byed do// dga' bo zhag bdun phrag drug pa la ni ma'i mnga' nas rgya chen po zhes bya ba'i rlung 'byung de/ / rlung des ma'i mngal de la reg par gyur pa na/ mtshan ma bzhi po 'di lta ste/ dpung la gcis dang pus mo gcis 'byung bar byed de/ 'di lta ste/ dper na dbyar char ba 'bab pa'i tshe/ rtsa shing lal skye bar 'gyur ba de bzhin du mtshan ma bzhi po dag rab tu snang bar byed do/ / dga' bo zhag bdun phrag bdun pa la ni ma'iri mngal nas 'khyil ba zhes bya ba'i rlung 'byung ste/ rlung des mngal de la re lar gyur pa na/ mtshan ma bzhi pa 'di lta ste/ lag pa gnyis dang rkang pa gnyis 'byung bar byed de/ 'di lta ste/ dper na dbu ba 'dus pa 'am/ 1 lcibs bzhin du mtshan ma bzhi po de dag dang ldan par 'gyur ro// dga' bo zhag bdun phrag brgyad pa la ni ma'i mngal nas bzlog cing bsgyur bar byed pa zhes bya ba'i rlung 'byung ste/ rlung des mngal la reg par gyur pa na/ mtshan ma nyi shu po 'di lta ste/ lag pa dang rkang pa'i sor mo bcu thog ma kho nar snang bar byed de/ 'di lta ste/ dper na dbyar char 'bab pa'i tshe/ ljon shing gi rtsa ba dang por skyes pa ji lta ba bzhin no/ / dga' bo zhag bdun phrag dgu pa la ni ma'i mngal nA rnam par 'byed pa zhes bya ba'i rlung 'byung ste/ rlung des mngal la reg par gyur pa na/ mtshan ma dgu po 'di lta ste/ mig gnyis dang / rna ba gnyis dang // sna gnyis dang / kha dang / bshang ba dang / gci ba'i bug gnyis snang bar byed do// dga' bo zhag bdun phrag bcu pa la ni ma'i mang lan+da sra bar byed pa zhes bye ba'i rlung 'byung ste/ des mngal na kan+d+ha pa gra zhing brtan par byed do// zhag bdun pa de nyid kyi che/ ma'i mngal nA gzhan yang kun nas skye ba zhes bya ba'i rlung byung nas/ rlung des mngal gyi gan bus nas rgyas par byed de/ 'di lta ste/ dper na rgyal ba bus pa rgyas par gyur pa ji lta ba bzhin no// bam po gnyis pa/ dga' bo zhag bdun phrag bcu gcig pa la ni ma'i mngal nas bu ga snang ba zhes bya ba'i rlung 'byung ste/ rlung des mngal la reg par gyur pa na mngal khong stong du byed pas/ bu ga dgu po dag rab tu snang bar 'gyur te/ gal te ma 'gro ba 'am/ 'greng ba 'am/ 'dug pa'am/ nyal ba 'am/ las dag byas par gyur na/ de'i tshe rlung de 'khyil ba nyid kyis khong stong du gyur nas/ bu ga rnams mthar gyis tsha bar byed do// gal te rlung de steng gi phyogs su song na ni steng gi bu ga 'byin par byed la/ gal te 'og gi phyogs su song na ni 'og gi bu ga 'byin par byed de/ 'di lta ste/ dper na mgar ba 'am/ de'i slob mas sdud pa bus pa na/ steng dang 'og tu rlung rgyu zhing rlung gi bya ba byas nas 'gags par gyur pa ji lta ba bzhin no/ / dga' bo zhag bdun phrag bcu gnyis pa la ni mngal nas yon po'i sgo zhes bya ba'i rlung 'byung ste/ rlung des mngal bus pas g.yas g.yon gyi nang khrol gyi rgyu ma rnams 'byin par byed de// 'di lta ste/ dper na pad+ma'i rtsa ba bzhin du lus la brten te bsnol mar gnas so// zhag bdun pa de nyid kyi tshe gzhan yang sbu brgyus pa zhes bya ba'i rlung 'byung ste/ mngal gyi nang nyid du lhag chad med par tshigs brgya sum cu skyed par byed do/ / gzhan yang rlung de'i stobs kyis gnad brgya rtsa gcig 'byung bar byed do// dga' bo zhag bdun phrag bcu gsum pa la ni ma'i mngal nas snga ma'i rlung de nyid kyi stobs kyi bkres pa dang skom par shes par byed pas/ mas zos shing 'thungs pa'i ro dzi snyed pa dag lte bar zhugs nas/ de'i lus la phan 'dogs par byed do// dga' bo zhag bdun phrag bcu bzhi pa la ni ma'i mngal nas skud pa'i kha zhes bya ba'i rlung 'byung ste/ / rlung des mngal na gnas pa de'i rtsa rgyus stong skyed par byed de/ nyis brgya lnga bcu ni lus kyi mdun na gnas so// nyis brgya lnga bcu ni lus kyi rgyab na gnas so/ / nyis brgya lnga bcu ni lus kyi g.yas phyogs na gnas so// cis brgya lnga bcu ni lus kyi g.yon phyogs na gnas so// dga' bo zhag bdun phrag bco lnga pa la ni ma'i mngal nas pad+ma zhes bya ba'i rlung 'byung ste/ mngal na gnas pa de'i rtsar rgyu ba rnam pa ci shu bskyed nas/ ro rnams bzhi par byed de/ de'ang lus kyi mdun na lnga dang / lus kyi rgyab na lnga dang / lus kyi g.yas na lnga dang / lus kyi g.yon na lnga yod do// rtsar rgyu ba de'ang ming sna tshogs dang kha dog sna tshogs dang ldan pas/ ming ni sa ka zhes kyang bya/ stobs zhes kyang bya/ brtan pa zhes kyang bya/ mthu dang ldan pa zhes kyang bya'o// kha dog ni sngon po dang / ser po dang / dmar po dang / dkar po dang / sran ma dang / mar dang / 'bru mar dang / zho la sogs pa'i kha dog dang ldan pa gang yin pa dang / gzhan yang kha dog mang po phan tshun 'dres pa gang yin pa'o// dga' bo rtsa rgyu ba ci shu po de dag re re la'ang yan lag bzhi bcu bani bcu yod pas/ gcig tu bsdus na dbugs bzhi pa'i rtsar rgyu ba brgyad brgya yod par 'gyur te/ lus kyi mdun dang / rgya ba dang / g.yas dang / g.yon gyi phyoH re re la'ang nyis brgya nyis brgya yod do/ / dga' bo rtsar rgyu ba brgyad brgya po de dag re re la'ang rtsar rgyu ba'i yan lag phan tshun 'brel ba brgya brgya yod pas/ gcig tu bsdus na stong phrag brgyad cu yod par 'gyur te/ stong phrag nyi shu ni lus kyi mdun na yod do// stong phrag nyi shu ni lus kyi rgyab na yod do// stong phrag nyi shu ni lus kyi g.yas phyogs na yod do// stong phrag nyi shu ni lus kyi g.yon phyogs na yod do/ / dga' bo rtsar rgyu ba stong phrag brgyad cu po de dag la'ang bu ga mang po yod pas/ bu ga gcig dang gnyis dang ldan pa nas/ bu ga bdun gyi bar dang ldan pa'ang yod do// de dag re re la'ang spu'i khung bu re re dang so sor phan tshun 'brel te/ 'di lta ste/ dper na pad+ma'i rtsa ba la bu ga mang po yod pa ji lta ba bzhin no// dga' bo zhag bdun phrag bcu drug pa la ni bdud rtsi 'gro ba zhes bya ba'i rlung 'byung ste/ rlung de'i sbyor bas mngal nas pa na/ de mig gi skye mched gnyis dang / rna ba'i skye mched gnyis dang / sna'i skye mched gnyis dang / kha'i sgo dang / med pa'i bu ga dang // snying gi kho ra khor yun dang / bza' ba dang / btung ba dang / bca' ba dang / myang ba rnams 'jug par gyur pa'i gnas rnam par 'jog cing dbugs phyi nang du rgyu ba thogs pa med par byed de/ 'di lta ste dper na rdza mkhan nam/ de'i slob ma'i 'jim pa'i gong bu blangs te/ 'khor lo'i steng du gzhag nas ji ltar mos pa bzhin du snod kyi rnam pa dbyibs tha dad paspel zhing rnam par 'jog pa/ de bzhin du/ las kyi rlung gi dbang gis kyang de bzhin du mig la sogs pa'i skye mched ji ltar mos pa bzhin rnam par 'jog cing dbugs phyi nang du rgyu ba thogs pa med par byed do// dga' bo zhag bdun phrag bcu bdun pa la ni ma'i mngal nas 'bri gdong zhes bya ba'i rlung 'byung ste/ rlung des mngal na gnas pa de'i mig dang / rna ba dang / sna dang / kha'i sgo dang / mid pa dang / snying gi phyog dang / zas 'jug par 'gyur ba'i gnas kun tu dang bar byed cing dbugs phyi nang du rgyu ba'i gnas thogs pa med par byed do// 'di lta ste/ dper na khye'u dang bu mo mkhas pa zhig gis me long ki dkyil 'khor rdul gyis g.yogs pa blangs nas 'bru mar dang / thal ba dang / sa'i bye ma zhib mo dag gi byi dor byas pas gsal bar gyur pa de bzhin du/ las kyi rlung gi dbang gis skye mched rnams rnam par 'jog cing thogs pa med par byed do/ / dga' bo zhag bdun phrag bco brgyad pa la ni ma'i mngal nas dri ma med pa zhes bya ba'i rlung 'byung ste/ mngal na gnas pa de'i skye mched drug po dag yongs su dag par byed de/ 'di lta ste/ dper na nyi ma dang zla ba'i dkyil 'khor sprin chen pos khebs pa rlung drag po langs nas bus te phyogs bzhir gtor bar gyur na 'ong/ dang ldan zhing yongs su dag par 'gyur ba de bzhin du/ dga' bo las kyi rlung de'i stobs kyis mngal na gnas pa de'i dbang po drug yongs su dag par byed pa'ang de bzhin du rig par bya'o/ / dga' bo zhag bdun phrag bcu dgu pa la ni ma'i mngal na gnas pa de'i dbang po bzhi po mig dang / rna ba dang / sna dang / lce'i dbang po bzhi po dag mngon par 'grub par byed do// dang po ma'i mngal du 'jug pa'i tshe/ thog ma kho nar dbang po gsum thob par 'gyur te/ 'di lta ste/ lus dang / srog dang / yid kyi dbang po gang yin pa'o// dga' bo zhag bdun phrag nyi shu pa la ni ma'i mngal nas shin tu brtan pa zhes bya ba'i rlung 'byung ste/ rlung des mngal na gnas pa de'i rkang pa g.yon pa la brten te/ sor mo'i rus pa nyi shu bskyed par byed do// rkang pa g.yas pa la brten te rus pa nyi shu dang / rkang pa'i rting pa'i rus pa bzhi dang / rje ngar gyi rus pa gnyis dang / pus mo'i nus pa gnyis dang / brla'i rus pa gnyis dang / rkeng pa'i rus pa gsum dang / long bu'i rus pa gsum dang / skal tshigs kyi rus pa bco brgyad dang / rtsib ma'i rus pa nyi shu rtsa bzhi skyed par byed do// gzhan yang lag pa g.yon pa la brten te sor mo'i tshogs kyi rus pa ni shu dang / lag pa g.yas pa la brten te sor mo'i tshigs kyi rus pa nyi shu skyed par byed do// gzhan yang lag ngar gyi rus pa bzhi dang / dpung pa'i rus pa gnyis dang / brang gi rus pa 'dun dang / phrag pa'i rus pa 'dun dang / gnya' ba'i rus pa bzhi dang / 'gram pa'i rus pa gnyis dang / so'i rus pa sum cu rtsa gnyis dang / mgo'i rus pa bzhi skyed par byed de/ dga' bo 'di lta ste/ dper na gzugs mkhan nam/ gzugs mkhan gyi slob ma mkhas pas sngar ni shing sra ba las de'i dbyibs byas nas/ de'i 'og tu srad bus bcings te/ phyis 'jim pa rnams bskus nas gzugs brnyan mngon par 'grub par byed pa de bzhin du/ las kyi rlung gi stobs des rus pa rnams rnam par 'jog pa'ang de bzhin du blta bar bya'o// de dag rus pa phra mo ma gtogs par rus pa chen po'i skye ba'i grangs ni nyis brgya yod par rig par bya'o/ / dga' bo zhag bdun phrag nyi shu gcig pa la ni ma'i mngal nas yang dag skyed pa zhes bya ba'i rlung 'byung ste// mngal na gnas pa de'i lus la sha skyed par byed pas/ 'di lta ste/ dper na zhal zhal mkhan nam/ zhal zhal mkhan gyi slob ma 'jim po legs par sbyar nas rtsig ngos la zhal zhal byed pa de bzhin du las kyi rlung des sha skyed par byed pa'ang de bzhin du blta bar bya'o/ / dga' bo zhag bdun phrag nyi shu gnyis pa la ni ma'i mngal nas kun tu rgyal ba zhes bya ba'i rlung 'byung ste/ rlung des mngal na gnas pa de'i khrag skyed par byed do// dga' bo zhag bdun phrag nyi shu gsum pa la ni ma'i mngal nas yongs su dag par 'dzin pa zhes bya ba'i rlung 'byung ste/ rlung des mngal na gnas pa de'i pags pa skyed par byed do// dga' bo zhag bdun phrag ci shu bzhi pa la ni ma'i mngal nas kun tu 'phyo ba zhes bya ba'i rlung 'byung ste/ rlung des mngal na gnas pa de'i pags pa rkyong zhing mdog dang ldan par byed do// dga' bo zhag bdun phrag nyi shu lnga pa la ni ma'i mngal nas grong khyer 'dzin pa zhes bya ba'i rlung 'byung ste/ rlung des mngal na gnas pa de'i sha dang khrag rab tu dang bar byed do// dga' bo zhag bdun phrag nyi shu drug pa la ni ma'i mngal nas skye ba mngon par 'grub pa zhes bya ba'i rlung 'byung ste// mngal na gnas pa de'i lus kyi skra dang / spu dang / sen mo rnams skyed par byed de/ de dag thams cad kyang rtsa rgyus rnams dang phan tshun 'brel bar blta bar bya'o// dpa' bo zhag bdun phrag nyi shu bdun pa la ni ma'i mngal nas sman yon po zhes bya ba'i rlung 'byung ste/ rlung des mngal na gnas pa de'i sgra dang / spu dang / sen mo rnams mngon par 'grub par byed do// dga' bo mngal na gnas pa de gal te tshe rabs snga ma la sdig pa mi dge ba'i las mngon par 'dus byas pas/ / ser snas longs spyod 'dog pa rnams 'phangs shing shin tu brtan par mngon par zhen nas sbyin pa gtong bar mi byed pa dang / pha ma dang / mkhan po dang / slob dpon dang / bla ma'i gnas rnams kyi rjes su bstan pa dag mnyan par mi byed pa dang / lus dang / ngag dang / yid kyis mi dge ba'i las mngon par 'dus byas shing nyin mtshan du 'phel bar byed pa zhig yin na/ 'di lta bu'i rnam par smin pa myong bar 'gyur te/ gal te mir skyes par gyur na'ang 'bras bu rnam par smin pa yid du mi 'ong ba thob par 'gyur bas/ gal te 'jig rten pa rnams 'di ltar ring pos mdzes par gyur na ni de thung bar 'gyur ro// gal te thung ngus mdzes par gyur na ni de ring por 'gyur ro/ / sbom pos mdzes par gyur na ni de phra bar 'gyur ro// gal te phra mos mdzes par gyur na ni de sbom por 'gyur ro// gal te yan lag dang zhing lag phan rgyun thag nye bar mdzes par gyur na ni de thag ring por 'gyur ro/ / gal te thag ring pos mdzes par gyur na ni de thag nye bar 'gyur ro// gal te mang pos mdzes par gyur na ni de nyung bar 'gyur ro// gal te nyung ngus mdzes par gyur na ni de mang bar 'gyur ro// gal te 'tsho ba 'dod na ni ridi par 'gyur ro// ring pa 'dod na ni 'tshe bar 'gyur ro// zhan zhing mnyen par 'dod na ni gshor bar 'gyur ro/ / gshor bar 'dod na ni zhan zhing mnyen par 'gyur ro// dkar ba 'dod na ni gnag par 'gyur ro// gnag pa 'dod na ni dkar bar 'gyur ro// dga' bo gzhan yang sdig pa mi dge ba'i las kyi dbang gis sdig pa mi dge ba'i rnam par smin pa 'on pa dang / long ba dang / lkugs pa dang / glen pa dang // byang bzhin mi sdug pa dang / tshig smras pa rnams gzhan gyis mnyan pa'i 'os su mi 'gyur ba dang / rkang lag 'phye zhing 'gro ba dang / lus mi sdug cing yi dgas dang 'dra bas nye bshes rnams kyang mthong bar mi 'dod na gzhan lta smos kyang ci dgos pa dang / lus dang / dag dang / yid kyi las ji snyed btsal ba dag gzhan la smras na'ang gzhan gyis yid mi ches shing // yid la mi 'dzin pa dag mngon par 'grub par 'gyur ro// de ci'i phyir zhe na/ des tshe rabs snga ma la sdig pa mi dge ba'i las mngon par 'dus byas pa'i dbang gis de lta bu'i rnam par smin pa 'thob par 'gyur ro// dga' bo mngal na gnas pa de tshe rabs snga ma la bsod nams kyi las mngon par bsgrub pa dang / ser sna med par legs par sbyin pa gtong zhing 'phongs pa rnams la snying brtse ba dang / longs spyod rnams la 'phangs shing mngon par zhen pa'i sems med pa dang / dge ba'i las mngon par 'dus byas pa rnams nyin mtshan du 'phel bar byed pa zhig yin na ni/ 'di lta bu rnam par smin pa khyad par du 'phags pa myong bar 'gyur te/ mir skyes par gyur na'ang 'bras bu rnam par smin pa yid du 'ong ba thob par 'gyur bas/ gal te 'jig rten pa rnams ring pos mdzes par gyur na'ang de bzhin du ring por 'gyuraro// gal te thung ngus mdzes par gyur na'ang de bzhin du thung bar 'gyur ba dang / phra sbom ran cing yan lag dang nying lag 'tsham pa dang / mang chung dang / 'tsho ring dang / gshor mi gshor yang de bzhin du mdzes shing yid du mi 'ong ba med pa dang / dbang po drug tshang zhing byang bzhin sdug pas gzhan las khyad par du 'phags pa dang / tshig gsal zhing dbyangs snyan pa dang / skyes bu'i mtshan phun sum tshogs shing gang gis mthong ba rnams dga' bar 'gyur ba dang / lus dang / ngag dang / yid kyi las ji snyed btsal ba dag gzhan la bsnyad na'ang gzhan gyis yid ches shing gus pas yid la 'dzin par 'gyur ro/ / de ci'i phyir zhe na/ des tshe rabs snga ma la dge ba'i las rnams mngon par 'dus byas pa'i dbang gis de lta bu'i rnam par smin pa thob par 'gyur bas so/ / dga' bo mngal na gnas pa de gal te khye'u yin na ni ma'i rtsib logs g.yas phyogs su tsog pur 'dug la/ lag pa gnyis kyis gdong g.yogs nas ma'i sgal tshigs logs su bltas te 'dug go/ / gal te bu mo yin na ni ma'i rtsib logs g.yon phyogs su tsog pur 'dug la/ lag pa gnyis kyis gdod g.yogs nas ma'i lto logs su kha bltas te/ ma zhu ba'i gnas kyi ni 'og/ zhu ba'i gnas kyi ni steng na/ ma zhu ba'i dngos pos ni thur du mnan/ zhu ba'i dngos pos ni yang 'degs par byed pas/ 'di lta ste/ dper na gnas lnga bcings nas gsal shing rnon po'i khar btsugs pa bzhin du gnas so// gal te mas zas mang du zos sam/ nyung ngu zos na'ang sdug bsngal myong bar 'gyur ro/ / de bzhin du gal te shin tu snum pa 'am/ shin tu rtsub pa 'am/ shin tu grang ba 'am/ shin tu tsha ba 'am/ lan tshwa bro ba 'am/ mi bro ba 'am/ kha ba 'am/ sgyur ba 'am/ mngar ba la sogs pa zas 'di lta bu dag zos na'ang thams cad du sdug sngal myong bar 'gyur ro// gal te mas 'dod pa spyod par gyur tam/ drag tu song ngam/ brgyugs sam/ nyam nga ba'i phyogs su 'dug gam/ yun ring du 'dug par gyur tam/ yun ring du nyal bar gyur tam/ mchongs par gyur na'ang thams cad du sdug bsngal myong bar 'gyur ro/ / dga' bo ma'i mngal du gnas pa na de lta bu'i sdug bsngal rnam pa sna tshogs brjod kyis mi lang bas lus la nyon mongs par rig par bya ste/ mi'i 'gro ba na'ang sdug bsngal de lta bu myong bar 'gyur na/ ngan 'gro sems can dmyal ba'i sdug bsngal dper bya bar dka' ba lta smos kyang ci dgos te/ de lta bas na dga' bo mkhas pa gang zhig 'khor ba'i rgya mtsho dpag tu med pa na gnas par mos shing sdug bsngal 'di lta bu nyams su myong bar byed/ / dga' bo zhag bdun phrag nyi shu brgyad pa la ni ma'i mngal na gnas pa de phyin ci log gi 'du shes rnam pa brgyad skye bar 'gyur ro/ / brgyad gang zhe na/ 'di lta ste/ khyim gyi 'du shes dang / bzhon pa'i 'du shes dang // kun dga' ra ba'i 'du shes dang / khang pa brtsegs pa'i 'du shes dang / skyed mos tshal gyi 'du shes dang / khri la 'dug pa'i 'du shes dang / chu bo'i 'du shes dang / rdzing gi 'du shes dang yang dag par 'di dag yod pa ma yin yang / yang dag par ma yin pa'i rnam par rtog pa skyed byed do// dga' bo zhag bdun phrag nyi shu dgu pa la ni ma'i mngal nas me tog 'phreng ba zhes bya ba'i rlung 'byung ste/ rlung des mngal na gnas pa de'i pags pa'i mdog kun / gsol zhing yongs su dkar ba dang yongs su dag cing dang bar byed de/ las kyi stobs kyis kha cig ni kha dog nag par 'gyur/ kha cig ni kha dog sngon por 'gyur te/ gzhan yang kha dog rnam pa sna tshogs dang ldan pa dang / kha cig ni rtsub la snum pa med pa dang / kha dog dkar ba dang / kha dog gnag pa dag kyang ci rigs par 'byung bar 'gyur ro// dga' bo zhag bdun phrag sum cu pa la ni ma'i mngal nas lcags kyi sgo zhes bya ba'i rlung 'byung ste/ rlung des mngal na gnas bde bus pas skra dang / kha spu dang / sen mo rnams skye zhing 'phel bar byed de/ sngon gyi las kyi dbang gis kha dog dkar nag la sogs pa ci rigs par snang bar 'gyur ba'ang gong ma bzhin du rig par bya'o/ / dga' bo zhag bdun phrag sum cu gcig pa la ni ma'i mngal na gnas pa de mthar gyis cher skye bar byed de/ de bzhin du zhag bdun phrag sum cu rtsa gnyis pa dang gsum pa dang / bzhi pa'i bar du'ang rgya cher skye zhing 'phel bar byed do// dbang po zhag bdun phrag sum cu lnga pa la ni mngal na gnas pa de ma'i mngal du ni yan lag dang nying lag thams cad yongs su rdzogs par 'gyur ro/ / dga' bo zhag bdun phrag sum cu drug pa la ni mngal na gnas pa de ma'i mngal na 'dug mi 'dod par 'gyur ro// dga' bo zhag bdun phrag sum cu bdun pa la ni mngal na gnas pa de phyin ci log ma yin pa'i 'du shes rnam pa gsum po 'di lta ste/ mi gtsang ba'i 'du shes dang / dri mi zhim pa'i 'du shes dang / mun nas gi 'du shes 'du shes skye bar 'gyur te/ 'di ni phyogs gcig gi dbang du byas te bstan to// dga' bo zhag bdun phrag sum cu brgyad pa la ni ma'i mngal nas yan lag sdud pa zhes bya ba'i rlung 'byung ste/ rlung des mngal na gnas pa de lus bsgyur nas/ thur du phyogs shing lag pa gnyis brkyang nas/ skye ba'i gnas kyi sgo logs su phyogs par byed do// gzhan yang de'i tshe kha thur du lta ba zhes bya ba'i rlung 'byung ste/ las kyi stobs kyi rlung des mngal na gnas pa de bus pas/ mgo thur du lta zhing rkang pa gnyis ni gyen du phyogs par byas nas skye ba'i gnas kyi sgo nas 'byung bar 'gyur ro/ / dga' bo gal te mngal na gnas pa de tshe rabs snga ma la sdig pa mi dge ba'i las mang po mngon par 'dus byas shing / gzhan gyi yang la ltung bar 'gyur ba'i las byas pa zhig yin na ni rgyu dang rkyen des mngal nas 'byung bar 'gyur ba'i tshe/ rkang lag log cing bsnol mar gyur nas bsgyur mi nus pas/ ma'i mngal nyid du 'chi ba'i dus byed par 'gyur te/ de'i tshe shes pa dang ldan pa'i bud med dam/ sman pa mkhas mar dang 'bru mar 'jam pa 'am/ shing shal ma li'i shun pa'i khu ba 'am/ gzhan yang dngos po 'jam po dag gis lag pa bskus nas lag pa'i sor mos gri rnon po blangs te/ snam phyi sa dang 'dra zhing mchog tu dri mi zhim pa/ skyug bro ba'i 'dam khung srin bu'i rigs brgya stong tshad med pa rtag tu gnas pa/ mi gtsang ba'i khu ba rtag tu 'dzag pa/ khu ba dang khrag rlang rnams rul zhing myags pa/ mthong na skyo bar 'gyur ba/ pags pa srab mos g.yogs pa/ sdig pa'i las las byung ba'i lus rma dang bcas pa mi gtsang ba'i gnas der sor mo bcug / der bcug nas gri rnon pos mngal na gnas de'i lus dum bu dum bur gtubs nas ma'i mngal nas 'byin par byed pas/ des na yid du mi 'ong ba'i sdug bsngal shin tu mi bzang 'ape ro la rtsub pa dag myong ba'i rgyus ma de'ang 'chi ba'i dus byed par 'gyur te/ gal te shi bar ma gyur na'ang shi ba dang bye brag med do// dga' bo gal te mngal na gnas pa de dge ba'i las mngon par 'grub pa zhig yon no ni/ gal te log par gyur na'ang ma la gnod pa med par bde bar btsas par 'gyur bas/ sdug bsngal yang myong bar mi 'gyur ro// dga' bo gang bgegs 'di lta bu dang mi ldan pa de dag ni/ zhag bdun phrag sum cu rtsa brgyad 'das nas btsas par 'gyur ba'i tshe/ sdug bsngal chen po sreg la bab pa myong nas/ gdod ma'i mngal nas 'byung bar 'gyur bas na/ dka' bo khyod kyis shin tu legs par brtags nas/ nges par 'byung ba yongs su btsal bar bya'o// de nas bcom ldan 'das kyis/ yang de'i tshe tshe dang ldan pa dga' bo la bka' stsal pa/ dga' bo khyod kyis mngal na gnas pa'i sdug bsngal dang btsas pa'i sdug bsngal shes par byas nas/ so so'i skye bo mngal nas skye ba len pa gang yin pa de dag no shin tu sdug bsngal ba yin par rig par bya'o/ / dang po btsas pa'i tshe khye'u 'am bu mo'ang rung ste/ lag pa'i steng ngam/ gos la sogs pa'i steng du lhung nas/ nyi ma 'am/ grib ma 'am/ bskul ba'i shing leb bam/ stan nam/ pang pa'i steng du gzhag pa na rgyu dang rkyen des thams cad du sdug bsngal mi bzad pa/ tsha ba/ rtsub pa yid du mi 'ong ba myong bar 'gyur te/ dga' bo 'di lta ste/ dper na ba glang gson por pags pa bshus pa rtsig pa dang nye bar gyur na/ rtsig pa la gnas pa'i srog chags kyis za bar 'gyur ba 'am/ gal te shing dang rtswa'i phung po dang nye bar gyur na/ shing dang rtswa la gnas pa'i srog chags kyis za bar 'gyur ba'am/ gal te bla gab med par 'dug par gyur na/ bla gab med par gnas pa'i srog chags kyis za bar 'gyur zhing thams cad du sdug bsngal myong bar 'gyur ba de bzhin du/ dang po btsas pa'ang de bzhin du blta bar bya'o// dang po btsas pa de la chu dron ran pas bkrus na'ang sdug bsngal chen po myong bar 'gyur te/ 'di lta ste/ dper na skyes bu mdze can pags pa rul zhing myags pa rnag khrag zag pa la'ang lcug gis gzhus na sdug bsngal mi bzad pa tsha ba dang rtsub pa myong bar 'gyur ba de bzhin du/ / dang po btsas pa'i lus rlu dron gyis bkrus pa'ang de bzhin du blta bar bya'o// dang po btsas pa'i lus de'ang phyis ma'i khrag go dri ma 'thungs cher skye bar 'gyur te de khrag gi dri ma zhes bya ba ni 'phags pa'i chos 'dul ba las nu zho nyid la bya bar bstan pas/ de lta bas na dga' bo 'di ltar shin tu mi bzad pa'i sdug bsngal rnam pa sna tshogs dang ldan zhing bde bcu zad kyang med na/ mkhas pa su zhig sdug bsngal gyi rgya mtsho 'di la rjes su chags pa bskyed nas/ rtag tu 'khor ba'i rgyun phyogs su 'jug cing rgyun 'chad pa med par byed// dang po btsas pa de zhag bdun lon pa dang / lus de nyid la srog chags srin bu'i rigs stong phrag brgyad cu byung nas lus la za bar byed de/ dga' bo srin bu'i rigs skal za ba zhes bya ba gcig yod de/ skra'i rtsa ba la gnas nas rtag tu ska la za bar byed do// srin bu'i rigs khar ba'i mdzod dang / mgo sbom zhes bya ba gnyis yod de/ mgo la brten te gnas nas rtag tu mgo la za bar byed do/ / srin bu'i rigs mig 'khor zhes bya ba gcig yod de/ mig la gnas nas rtag tu mig la za bar byed do// srin bu'i rigs ded pa dang / 'bros pa dang / khang khyim dang / yongs su rdzogs pa zhes bya ba bzhi yod de/ klad pa la gnas nas rtag tu klad pa la za bar byed do// srin bu'i rigs sA lu'i lo ma zhes bya ba gcig yod de/ rna ba la gnas nas rna ba la za bar byed do// srin bu'i rigs mdzod sgo zhes bya ba yod de// sna la gnas nas sna la za bar byed do// srin bu'i rigs 'phen pa dang kun tu 'phen pa zhes bya ba gnyis yod de/ mchu la gnas nas mchu la za bar byed do// srin bu'i rigs sbrang rtsi'i lo ma zhes bya ba gcig yod de/ so la gnas nas so la za bar byed do/ / srin bu'i rigs shing gdong zhes bya ba gcig yod de/ so'i rtsa ba la gnas nas so'i rtsa ba la za bar byed do// srin bu'i rigs khab mchu zhes bya ba gcig yod de/ lce la gnas nas lce la za bar byed do// srin bu'i rigs kha rnon zhes bya ba gcig yod de/ lce'i rtsa ba la gnas nas lce'i rtsa ba la ba za bar byedado// srin bu'i rigs la rdzogs zhes bya gcig yod de/ rkan la gnas nas rkan la za bar byed do// srin bu'i rigs lag pa dra ba can dang khyed sgur zhes bya ba gnyis yod de/ lag mthil la gnas nas lag mthol la za bar byed do/ / srin bu'i rigs 'phyang ba dang rab tu 'phyang ba zhes bya ba gnyis yod de/ lag ngar la gnas nas lag ngar la za bar byed do// srin bu'i rigs dpung pa dang che ba'i dpung pa zhes bya ba gnyis yod de/ dpung pa la gnas nas dpung pa la za bar byed do// srin bu'i rigs med pa dang nye ba'i mid pa zhes bya ba gnyis yod de/ med pa la gnas nas med pa la za bar byed do// srin bu'i rigs dpa' ba dang dpa' ba chen po zhes bya ba gnyis yod de/ brang la gnas nas brang la za bar byed do// srin bu'i rigs dung dang dung kha zhes bya ba gnyis yod de/ sha lagan+da nas sha la za bar byed do/ / srin bu'i rigs kha dog ldan dang stobs ldan zhes bya ba gnyis yod de/ khrag la gnas nas khrag la za bar byed do// srin bu'i rigs dpa' bo dang dri gdong zhes bya ba gnyis yod de/ / chu ba la gnas nas chu ba la za bar byed do// srin bu'i rigs mi mtho ba dang kha sgrub ces bya ba gnyis yod de/ rgyab kyi sgal tshogs la gnas nas rgyab kyi sbal tshigs la za bar byed do/ / srin bu'i rigs gcis ka'ang tshigs kyi kha dog ces bya ba gnyis yod de/ tshil la gnas nas tshal la za bar byed do// srin bu'i rigs mkhris pa'i kha dog ces bya ba gcig yod de/ mabris pa la gnas nas mkhris pa la za bar byed do// srin bu'i rigs mu tig ces bya ba gcig yod de/ mkhal ma la gnas nas mkhal ma la za bar byed do/ / srin bu'i rigs mu tig chen po zhes bya ba gcig yod de/ rked pa la gnas nas rked pa la za bar byed do// srin bu'i rigs ma 'ongs pa zhes bya ba bcig yod de/ mcher pa la gnas nas mcher pa la za bar byed do// srin bu'i rigs chu srog dang / chu srog chen po dang / khab kyi mchu dang / mtshon cha mchu zhes bya ba bzhi yod de/ rgyu ma la gnas nas rgyu ma la za bar byed do// srin bu'i rigs zla ba rdzogs dang // zla ba gtong dang / bsil byed dang / bsil byed gtong dang / so sor gnas pa zhes bya ba lnga yod de/ rtsibs logs g.yas pa la gnas nas rtsib logs g.yas pa la za bar byed do/ / gzhan yang srin bu'i rigs gong ma dang ming 'thun pa lnga yod de/ rtsibs logs g.yon pa la gnas nas rtsibs logs g.yon pa la za bar byed do/ / gzhan yang srin bu'i rigs mdun du 'bigs pa dang // rgyab tu 'bigs pa dang / brtan par 'bigs pa dang / 'bigs te gnas pa zhes bya ba bzhi yod de/ rus pa la gnas nas rus pa la za bar byed do/ / srin bu'i rigs cher dkar ba dang / cung zad dkar ba dang / sprin brtsegs dang / dri mi zhim pa zhes bya ba bzhi yod de/ rtsa rgyus la gnas nas rtsa rgyus la za bar byed do/ / srin bu'i rigs seng ge dang / stobs ldan dang / mgyogs pa'i mdanga' dang / pad+ma zhes bya ba bzhi yod de/ mazhu ba'i gnas la gnas nas ma zhu ba'i gnas la za bar byed do/ / srin bu'i rigs brtan pa dang nye bar brtan pa zhes bya ba gnyis yod de/ zhu ba'i gnas la gnas nas zhu ba'i gnas la za bar byed do// srin bu'i rigs mu kha dang / phung po'i kha dang / dra ba kha dang / khye'u kha zhes bya ba bzhi yod de/ gci ba'i lam la gnas na gci ba'i lam la za bar byed do// srin bu'i rigs byed pa dang / byed pa chen po dang / dbyibs chung dang / po ta ra ka zhes bya ba bzhi yod de/ bshang ba'i lam la gnas nas bshang ba'i lam la za bar byed do// srin bu'i rigs kha nag/ dang kha nag chen po zhes bya ba gnyis yod de/ brla la gnas nas brla la za bar byed do// srin bu'i rigs mdzes can dang mdzes can chung ngu zhes bya ba gnyis yod de/ pus mo la gnas nas pus mo la za bar byed do// srin bu'i rigs myos pa'i rtsa ba zhes bya ba gcig yod de/ byin pa la gnas nas byin pa la za bar byed do// srin bu'i rigs mtho nag ces bya ba gcig yod de/ rkang pa la gnas nas rkang pa la za bar byed do// dga' bo yongs su skyo bar bya ba'i lus 'di 'dra ba 'di la ni srin bu'i rigs 'di lta bu stong phrag brgyad cu rtag par nyin mtshan du za bar byed pa des na lus la gdung ba dang / rab tu gdung ba dang / nyam chung zhing rma ba dang / bkres pa dang / skom par byed cing / gzhan yang sems kyi sdug bsngal sna tshogs dang ldan zhing gdung ba dang / rab tu gdung ba dang / yongs su gdung ba dang / nad mang po rnams mngon du snang bar byed pas sman pa mkhas pa gang gis kyang gso zhing bsal bar mi nus te/ dga' bo srid pa'i rgya mtsho chen po 'khor ba 'dir sdug sngal de lta bu dang ldan pa yin na/ ci'i phyir 'di la rjes su chags pa skyed par byed de/ / gzhan yang gnod pa mang pos yongs su bzung ba 'di lta ste/ lha'i gdon dang / klu'i gdon dang / ka ta pu ta na'i bar gyi gdon rnams kyis yongs su zin pa dang / gzhan yang gcan gzan gyi gdon rnams kyis yongs su zin pa dang / gzhan yang nyi ma dang / zla ba dang / gza' dang / rgyu skar gyi gdon la sogs pas yongs su zin nas/ nad sna tshogs kyis lus dang sems nyon mongs par byed pa yod de/ brjod kyis mi lang ngo // bcom ldan 'das kyis bka' stsal pa dga' bo mkhas pa su zhig 'khor ba 'dir ma'i mngal du 'jug par mos shing sdug bsngal mi bzad pa myong bar byed/ de ltar btsas shing de ltar cher gyur nas/ ma'i nu zho khrag dang 'dres pa 'thung zhing bza' ba dang btung ba rnams zos shing 'thungs pa na'ang yang dag pa ma yin pa'i sems kyis zhim pa'i 'du shes skyed par byed do/ / mthar gyis cher skyes nas lus bde zhing nad med pa dang / gos dang / bza' ba dang / btung ba dang ldan zhing tshe lo brgya thub par 'gyur na'ang tshe 'di nyid la gnyis kyis byed bri bar byed do// dang po byis pa dang / de'i 'og tu gzhon nu nas mthar gyis cher skyes pa'i bar du'ang mya ngan dang / smre sngags 'don pa dang / nad rnam pa sna tshogs kyis rab tu gzor cing sdug bsngal gyi reg pa brgya stong tshad med pa brjod kyis mi lang ba rnams kyis lus nyon mongs par byed pas/ lus kyi sdug bsngal dang du len par mi nus pa'i tshe/ gson par mi smon cing shi bar dga' bas na lus 'di ni sdug bsngal mang la bde ba chud pa yin te/ re zhig tsam du gnas par byed kyang mthar 'jig par 'gyur bas/ dga' bo skye ba rnams ni thams cad kyang 'chi bar 'gyur bas rtag par gnas pa gang yang med do/ / gal te sman dang zas kyis gsos nas tshe ring por 'gyur na'ang / mthar 'chi ba dag gi rgyal pos gsod cing yul stong du skye bar 'gyur pas// de'i phyir skye ba la dga' ba ci'ang med par rig par byas nas/ nan tan brtson 'grus kyis ma 'ongs pa'i tshogs bsags pa la bag yod par bya ba dang / tshangs par spyod pa la brtson zhing le lo mi bya ba dang / don gyi spyod pa dang / chos kyi spyod pa dang / yon tan gyi spyod pa dang / dge ba 'ba' zhig spyod pa la rtag par mos pas bsgom par bya'o/ / rtag par bdag nyid kyis dge ba dang mi dge ba'i las rnam pa gnyis la so sor brtags nas/ sems la gtad de ma 'ongs pa na 'gyod pa chen po med par bya'o/ / rjes su chags par bya ba'i dngos po thams cad ni mthar bral bar 'gyur zhing / dge ba dang mi dge ba'i las ji lta ba bzhin du tshe phyi ma len par 'gyur ro// dga' bo tshe lo brgya thub pa de'ang gnas skabs bcu dang ldan par 'gyur te/ dang po ni byis pa'i gnas skabs te/ nyam chung zhing gan kyang du nyal bar byed do// gnyis pa ni gzhon nur gyur pa ste/ byis pa'i rtsed mo la dga' bar byed do// gsum pa la ni lang tshol bab pa ste/ 'dod pa'i bde ba rnams myong bar byed do// bzhi pa ni mthu dang ldan par 'gyur ba ste/ dpa' zhing stobs dang ldan pa yin no// lnga pa ni dar la bab pa ste/ shes rab kyi spobs pa dang ldan par gyur pa yin no// drug pa ni yongs su rdzogs pa ste/ legs par dpyod pa la mkhas pa'i rang bzhin can yin no// bdun pa ni mthar gyis rgas pa ste/ chos kyi gzhung lugs rab tu shes pa yin no// brgyad pa ni rnam par 'gyur te/ bya ba mang po rnams la mthu chung bar 'gyur ba yin no// dgu pa ni shin tu nas pa te/ tsa'ang mi nus pa yin no// bcu pa na lo brgya ba te/ gnas skabs gang yin pa'o// dga' bo gnas skabs chen po de dag kyang mdor bsdus te bstan na/ 'di ltar zla ba bzhi zhing dus gcig tu byas nas/ lo brgya la dus sum brgya yod par 'gyur te/ dpyid dang / dbyar dang / dgun gyi dus re re la'ang dus brgya brgya yod pas so// lo gcig la zla ba bcu gnyis yod pas/ zla ba'ang brgya phrag bcu gnyis yod par 'gyur la/ de'ang zla ba phyed phyed bgrangs na zla phyed kyang brgya phrag nyi shu rtsa bzhi yod par 'gyur bas/ dus gsum po re re la'ang zla ba byed brgyad brgya brgyad brgya yod pas/ mdor bsdus na nyin mtshan stong phrag sum cu rtsa drug tu 'tsho bar 'gyur ro// nyin gcig la lan gnyis su za bas/ mdor bsdus na zas ni len stong phrag bdun cu rtsa gnyis za bar 'gyur te/ rkyen gyis bar chad byas nas ma zos pa'i grangs kyang der gtogs so// zas ma zos pa'i rkyen ni/ 'di lta ste/ khros nas ma zos pa dag sdug bsngal myong nas ma zos pa dang / btsal te ma rnyed nas ma zos pa dang / gnyid log ste ma zos pa dang / sdom pa blangs pa dang rtse bas myos te ma zos pa dang / brel te ma zos pa dang / zos pa dang ma zos pa gcig tu bsdus na grangs de snyed yod de/ ma'i nu zho 'thungs pa dang grangs med gtogs so// de ltar na ngas mi rnams kyis 'tsho ba'i tshe lo brgya pa'i lo dang / zla ba dang / nyin mtshan dang / bza' ba dang btung ba zos pa dang 'thungs pa'i grangs yongs su rdzogs par bstan pa yin gyis/ khyod kyis 'di la yongs su skyo ba bskyed pa bya'o/ / dga' bo de ltar btsas shing cher skyes pa'i lus la'ang nad mang po 'di lta ste/ klad pa na ba dang / mig na ba dang / rna ba na ba dang / snan pa dang / ldan pa dang / son pa dang / lkog man pa dang / snying na pa dang / lton pa dang / lag pa na pa dang / rkang pa na bas gnod pa dang / ga yan pa dang / mdze dang / smyos pa dang / skrangs pa dang / lud pa dang / mkhris pa dang / bad kan la sogs pa nad mang po rnams kyis yan lag dang nying lag na zhing sdug bsngal myong bar byed de/ dga' bo mi'i lus la 'di 'dra ba'i nad kyi sdug bsngal rnam pa sna tshogs yod do// gzhan yang rlung nad brgya rtsa gcig dang / mkhros pa'i nad brgya rtsa gcig dang / bad kan gyi nad brgya rtsa gcig dang / 'dus pa'i nad brgya rtsa gcig yod pas/ mdor bsdus na nad bzhi rtsa bzhi nang gi lus las skye bar 'gyur bas/ dga' bo lus 'di ni 'bras dang 'dra zhing zug rngu dang 'dra bas nad mang po las mngon par grub pa skad cig tsam du'ang mi gnas shing skad cig mar 'gyur ba/ rang bzhin gyis mi rtag pa dang / sdug bsngal ba dang / stong pa dang / bdag med par gyur pa/ 'chi ba dang nye zhing 'jig par 'gyur ba'i chos can yid brtan du mi rung ba yin no/ / dga' bo 'di ltar sems can rnams ni gzhan yang skye ba'i sdug bsngal 'di lta bu myong bar 'gyur te/ 'di lta ste/ lag pa gcad pa dang / rkang pa gcad pa dang / ming phyung ba dang / rna ba gcad pa dang / sna gcad pa dang / lce gcad pa dang / mgo gcad pa dang / yan lag dang nying lag gcad pa'i sdug bsngal dang / gzhan yang go ra ra 'jug pa dang / gag shing dang / lcag gis gzhu ba dang / btag pa dang / bcing ba la sogs pa'i sdug bsngag dang / bkres pa dang / skom pa dang / ngal ba'i sdug bsngal dang / grang ba dang / tsha ba dang / rlung dang / char pa dang / sbrang bu mchu rings dang sha sbrang dang / gcan gzan dang / sdig sbrul la sogs pa'i reg pa las byung ba'i sdug bsngal rnam pa sna tshogs tshad med dpag tu med pa brjod kyis mi rdzogs pa dag rjes su myong bar 'gyur te/ sems can rnams ni rtag tu 'di 'dra ba'i sdug bsngal mi bzad pa rtsub pa yid du mi 'ong ba laganas shing rjes su chags pa dang / bying bar gyur pa yin pas 'dod pa rnams ni sdug bsngal gyi rtsa bar gyur pa yin yang de spang bar bya ba yin par mi shes shing / yang yongs su gnyer bar byed pas nyin mtshan du lus dang sems yongs su gdung ba dang / nang sreg cing tshig par byed pa la'ang rgyun 'chad pa med de/ de bzhin du skye ba'ang sdug bsngal yin no// rga ba'ang sdug bsngal yin no// na ba'ang sdug bsngal yin no/ / 'chi ba'ang sdug bsngal yin no// sdug pa dang bral ba'ang sdug bsngal yin no// mi sdug pa dang phrad pa'ang sdug bsngal yin no// gang 'dod pa btsal te ma rnyed pa'ang sdug bsngal yin no/ / nye bar len pa'i phung po lnga'ang sdug bsngal yin no// 'gro ba dang / 'greng ba dang / 'dug pa dang / nyal ba'i spyod lam bzhi po dag kyang sdug bsngal yin pas/ gal te rtag tu 'gro zhing 'greng ba dang / 'dug pa dang / nyal bar ma gyur na'ang sdug bsngal myong zhing bde ba med par 'gyur ro// gal te rtag tu 'greng zhing 'gro ba dang / 'dug pa dang / nyal bar gyur tam/ gal te rtag tu 'dug la 'gro ba dang / 'greng ba dang / nyal bar ma gyur tam/ gal te rtag tu nyal la 'gro ba dang / 'greng ba dang / 'dug par ma gyur na'ang / thams cad sdug bsngal mi bzang pa myong zhing bde ba thob par mi 'gyur bas/ dga' bo 'di dag thams cad sdug bsngal ma spangs nas/ sdug bsngal yongs su gnyer bar byed pa yin pas/ sdug bsngal kho na skye zhing / sdug bsngal kho na 'gag par gyur pas/ 'du byed rnams kyi rgyu dang rkyen rgyun chad pa med pa 'byung bar 'gyur te/ de bzhin gshegs pas 'di dag thugs su chud pa'i phyir/ sems can rnams kyi 'khor ba'i chos 'du byed pa rnams mi rtag cing yang dag pa'i mthar phyin pa ma yin pa/ rnam par 'gyur ba'i chos can yid brtan du mi rung ba yin pas chos shes pa yongs su btsal nas shin tu skyo ba bskyed de/ nan tan brtson 'grus kyis rnam par grol ba yongs su gnyer bar bya'o zhes gsungs pa yin no// dga' bo bde 'gror skyes pa'i sems can skye gnas mi gtsang ba dag sdug bsngal mi bzad pa yang dag pa ma yin pa rnam pa sna tshogs myong ba'ang brjod kyis mi rdzogs na/ ngan song gsum po yi dgas dang / dud 'gro dang / sems can dmyal ba'i sems can rnams kyis myong bar gyur pa'i sdug bsngal mi bzad pa// bzod par dka' ba yongs su rdzogs par brjod pa lta smos kyang co dgos// / / bam po gsum pa ste tha ma'o// // gzhan yang dga' bo ma'i mngal du 'jug pa rnam pa bzhi yod de/ bzhi gang zhe na/ sems can kha cig ni yang dag par shes bzhin du 'jug/ yang dag par shes bzhin du gnas/ yang dag par shes bzhin du 'byung ba'ang yod/ kha cig ni yang dag par shes bzhin du 'jug/ yang dag par shes bzhin du gnas la/ yang dag par mi shes bzhin du 'byung ba'ang yod/ kha cig ni yang dag par shes bzhin du 'jug la/ yang dag par mi shes bzhin du gnas shing / yang dag par mi shes bzhin du 'byung ba'ang yod/ kha cig ni mi shes bzhin du 'jug/ yang dag par mi shes bzhin du gnas// yang dag par mi shes bzhin du 'byung ba'ang yod do// su zhig yang dag par shes bzhin du 'jug pa dang / gnas pa dang / 'byung bar 'gyur zhe na/ ji ltar 'di ni so so'i skye bo'i sems can kha cig rang bzhin gyis tshul khrims bsrung ba la dga' zhing yang nas yang du dge ba'i phyogs la goms par byed pa dang / dngos po mchog la mos shing bsod nams rnams mngon par 'du byed pa dang / shin tu yang dag par sdom pa dang / rtag par drang por sems shing bag med par mi byed pa dang / shes rab chen po dang ldan pas 'chi ka'i dus kyi tshe 'gyod pa med par skye ba yang dag par len par byed pa rgyun du zhugs pa skye ba lan bdun pa 'am/ rigs nas rigs su skye ba 'am/ lan cig phyir 'ong ba 'am/ bar chad gcig pa dag yin te/ gang zag de dag gis sngar dge ba spyad pa'i phyir/ 'chi ka'i dus kyi tshe sdug bsngal nye bar 'ongs shing na ba dang tsha ba nyams su myong bar gyur kyang / sems la g.yeng ba med par yang dag par dran pa bzhin du 'tsho ba'i dus byas te/ yang dag par dran pa bzhin du ma'i mngal du zhugs nas chos rnams las kyi dbang gis skye ba dang / thams cad rgyu dang rkyen las skye bar 'gyur bas/ rtag tu bdud kyi gnas byas par gyur to zhes rab tu shes so// dga' bo lus 'di ni mi gtsang ba thams cad kyi khyim yin pas rang bzhin rtag par gnas pa ma yin pa dang / glen pa'i dngos po yin pas rmongs pa dag la slu bar byed pa yin no snyam du rig par bya'o// lus 'di ni rus pa'i 'khrul 'khor rtsa rgyus rnams pan tshun 'brel ba/ bu ga dang gnas rnams dod par gyur pa/ sha dang / tshol dang / rus pa dang / rkang phan tshun dgros shing pags pas g.yogs pa yin yang gyon du ma mthong bas/ rab tu gdungs pa'i phug tu mi gtsang bas yongs su gang ba/ swa dang / spu dang / sen mo dang/ so'i gnas skabs tha dad pa la bdag dang bdag gi re bzung ba'i phyir rtag tu rang dbang med par khrid pa/ rtag tu mchil ma dang / snabs dang / mi gtsang ba dang / kha chu dang / rdul dang / mdzes pa dang / bad kan 'byung zhing zhag dang tshil rul zhing rgyags pa dang / mkhal ma dang / mcher ba dang / mchin pa dang / gro ba dang / rgya mche phra mig tsa bas gang zhing skyug thob/ srin bu'i rigs mang pos kun tu khyab par gang ba/ steng dang 'og gi bu ka rnams su rtag tu mi gtsang ba 'dzag pa/ zhu ba dang ma zhu ba'i gnas gnyis pags pa srab mos g.yogs pas/ / 'di ni snam phyi sa dang 'dra ba yin no snyam du khyod kyis so sor brtag par bya'o// ji tsam du bza' ba dang bca' ba zos 'chos shing bldan pa na mtshal snabs su gyur nas med par 'jud cing rkang pa dang glad pa phan tshun 'dres nas lto bar 'bab par 'gyur te/ 'di lta ste/ dper na khyi rus pa skam po bldad pa lta bur gyur pa yin yang yang dag pa ma yin pa'i sems kyis zhim pa'i 'du shes skyed par byed pas/ zas rked par phyin nas gyen du smon par byed kyang slar med par byed do// dga' bo lus 'di ni dang po mer mer po dang / nur nur po dang / ltar ltar po dang / mkhrang 'gyur dang / rkang lag 'grus pa mi gtsang ba'i dngos po cher skyes nas byis pas tshe 'khor bar gyur pa nas/ rgas pa'i bar du 'khor zhing bcings par gyur pa ni/ 'di lta ste/ dper na mun pa'i g.yangs dang 'dra'o// khron pa mnam po dang 'dra ba/ rtag tu lan tshwa dang / bska ba dang tsha ba dang / sbyar ba la sogs pa'i zas kyi ros yongs su gsos pa/ gzhan yang ma'i mngal gyi mes lus kyi dbang po rab tu btsos pa/ mi gtsang ba'i snod du rtag par rab tu gdung ba'i sdug bsngal myong bar 'gyur ba/ gal te ma 'greng ngam/ 'dug gam/ nyal bar gyur pa na bcing ba lngas bcings pa 'am/ mes gdungs pa bzhin du shin tu bzod par dka' ba'i sdug bsngal myong bar 'gyur bas/ dper byar yang mi nus so// dga' bo mngal na gnas pa de de ltar mi gtsang ba'i 'dam du gnas shing sdug bsngal mang pos nyon mongs par 'gyur mod kyi/ 'on kyang dbang po rno ba'i phyir sems g.yeng bar mi 'gyur ro// gzhan yang sems can bsod nams chung ba kha cig ni me'i mngal la 'phred du nyal ba 'am/ log par 'dug par yang gyur te/ de'ang sngon gyi las kyi rgyu dang rkyen gyi stobs kyi phyir ram/ yang nams kha zas ma snyoms pa shin tu grang ba 'am/ shin tu tsha ba 'am/ shan tu sbyar ba 'am/ shin tu mngar ba 'am/ shin tu kha ba zos pa'i phyir ram/ yang na tshad las 'das par skom bathungs sam/ 'dod chags mang du spyad dam/ nad bu can du gyur tam/ mya ngan mang pos non tam/ brdeg 'chos sam brdegs par gyur na'ang / rkyen 'di dag gi dbang gis ma'i lus kyang yongs su gdung bar 'gyur la yongs su gdungs par gyur pa'i phyir/ mngal na gnas pa'ang yongs su gdung bar 'gyur ro// yongs su gdung bar gyur pa'i byor ni sdug bsngal mang po pabar 'gyur ro/ / sdug bsngal mang po myong bar gyur pa'i phyir ni g.yo bar 'gyur ro// g.yos par gyur pa'i phyir ni lus log par 'phred du nyal zhing 'byung bar mi nus pa la bud med mkhas pas mar ram 'bru mar gyis lag pa bskus nas ma'i mngal du 'jug ste/ bags kyis pags kyis mngal la myangs nas/ sngar ji ltar gnas pa bzhin du 'jog par byed pas lag pas reg par gyur pa na mngal na gnas pa de sdug bsngal chen po mi bzad pa dag myong bar 'gyur te/ dga' bo 'di lta ste/ dper na khye'u 'am/ bu mo shin tu gzhon pa'i lus la la la zhig gis mtshon rnon pos pags pa dang sha gcad nas/ de'i steng du thal bas gtor na de'i rkyen gyis sdug bsngal chen po myong bar 'gyur ba de bzhin du/ mngal na gnas pa'i sdug bsngal mi bzad pa rtsub pa'ang de dang 'dra ste/ de lta bu'i sdug bsngal myong bar gyur kyang dbang po mchog tu rno ba'i phyir yang dag pa'i dran pa dang ldan pas rnam par g.yeng bar mi 'gyur te/ dga' bo de ltar na mngal na gnas pa de ma'i mngal na gnas pa'i tshe/ de lta bu'i sdug bsngal myong bar 'gyur ro// gzhan yang btsas su nye ba'i tshe na sdug bsngal dang bcas bzhin du 'byung bar 'gyur te/ las kyi rlung gi dbang gis de'i lag pa bsnol nas/ yan lag dang nying lag bcu ma ste/ sdug bsngal chen po mi bzad pa myong nas/ ma'i mngal nas byung bar gyur pas lus kyi yan lag thams cad sngon por gyur te/ 'di lta ste/ dper na gsar du spangs pa la reg par mi bzod pa bzhin du bkres skom gyis gdungs pa dang / snying 'phyang zhing gdung ba dang bcas pa bzhin du las kyi rlung gi rgyu dang rkyen gyis bus nas mngal nas 'byung bar 'gyur ro/ / mngal nas byung nas kyang phyi rol gyi rlung gis reg par gyur pa na 'di lta ste/ dper na mtshon gyis gcad nas thal bas bskus pa ji lta ba bzhin du 'gyur ro/ / lag pa dang gos kyis reg par gyur pa'i tshe na'ang thams cad du sdug bsngal mi bzad pa myong bar 'gyur te/ de lta bu'i sdug bsngal ba myong bar gyur kyang / dbang po rab tu rno ba'i phyir yang dag pa'i dran pa dang ldan pas rnam par g.yeng bar mi 'gyur te/ ma'i mngal du shes bzhin du 'jug pa dang / gnas pa dang / byung ba thams cad kyang sdug bsngal ba yin na/ dga' bo mkhas pa su zhog 'di 'dra ba'i mngal du 'jug pa la mos par byed// dga' bo su zhig ma'i mngal du yang dag par shes bzhin du 'jug cing gnas la/ yang dag par mi shes bzhin du 'byung bar 'gyur zhe na/ dga' bo ji ltar 'di ni so so'i sems can kha cig rang bzhin gyis tshul khrims bsrung ba la dga' zhing yang nas yang du dge ba'i phyogs la goms par byed pa dang / rtag tu dngos po mchog la mos shing bsod nams mngon par 'du byed pa dang / de'i sems drang zhing bag med par mi byed pa dang / shes rab chung ngu dang ldan pas 'chi ka'i dus kyi tshe 'gyod pa med par gyur pa rgyun du zhugs pa skye ba la na bdun pa 'am rigs nas rigs su skye ba 'am/ lan cig phyir 'ong ba dang / bar chad gcig pa dag yin te/ gang zag de dag gis sngar dge ba spyad pas 'chi ka'i dus kyi tshe sdug bsngal nye bar 'ongs shing na ba dang tshe ba nyams su myong bar gyur kyang / sems la g.yeng ba med par yang dag par dran pa bzhin du ma'i mngal du zhugs nas chos rnams las kyi dbang gis skye ba dang / thams cad rgya dang rkyen las skye bar rab tu shes so zhes bya ba nas/ ma'i mngal nas byung nas shes bya ba'i bar du'ang snga ma bzhin du rgyas par sbyar te/ de lta bu'i sdug bsngal mo ba zad pa tsha zhing rtsub pa rnams myong bar gyur kyang dbang po 'bring dang ldan pa'i phyir yang dag par shes bzhin du 'jug cing gnas la yang dag par mi shes bzhin du 'byung bar 'gyur te/ mkhas pa su zhig 'di 'dra ba'i mngal du 'jug pa la mos pas byed pa zhes bya ba'i bar du'ang snga ma bzhin du/ rgyas par sbyar ro// dga' bo su zhig yang dag par shes bzhin du ma'i mngal du 'jug la/ yang dag par mi shes bzhin gnas shing 'byung bar byed ce na/ dga' bo 'di ltar 'di naso so'i skye bo'i sems can kha cig ni rang bzhin gyis tshul khrims bsrung ba la dga' zhing yang nas yang du dge ba'i phyogs la goms par byed pa dang / rtag tu dngos po mchog la mos shing bsod nams mngon par 'du byed pa zhes bya ba nas/ / 'chi ka'i dus kyi tshe 'gyod pa med par gyur pa rgyun du zhugs pa skye ba la na bdun pa zhes bya ba la sogs pa'i bar du'ang snga ma bzhin du rgyas par sbyar ro/ / 'chi ka'i dus kyi tshe sdug bsngal nye bar 'ongs shing na ba dang tsha ba nyams su myong bar gyur kyang / sems la g.yeng ba med par yang dag par dran pa bzhin du ma'i mngal du 'jug par byed de/ dbang po rnon po ma yin pa'i phyir shes bzhin du mngal du 'jug par byed kyang mi shes bzhin du gnas shing 'byung bar byed do/ / mkhas pa su zhig 'di 'dra ba'i mngal du 'jug pa la mos par byed ces bya ba la sogs pa'ang snga ma bzhin du rgyas par sbyar ro// dga' bo su zhig yang dag par mi shes bzhin du 'jug pa dang / gnas pa dang / 'byung bar byed ce na/ ji ltar 'di na so so'i skye bo'i sems can kha cig tshul khrims yongs su dag pa 'dra ba la dga' zhing / dge ba'i phyogs sgrub par mi byed pa rtag tu dngos po ngan pa la mos shing sdig pa rnams spyod pa/ sems kyi rang bzhin mo drang zhing bag med pa mang ba/ shes rab dang mi ldan pa dag longs spyod la mngon par zhen cing ser sna byas pa dang / rtag tu lag pa bskums nas gzhan dag la rkyong zhing gtong bar mi byed pa dang / rtag tu re ba dang bcas shing sems rab tu dul bar ma gyur pa dang / lta ba dang spyod pa phyin ci log tu gyur pas/ 'chi ka'i dus kyi tshe 'gyod pa dang bcas shing sdig pa mi dge ba'i las rnams mngon du gyur pas/ / 'chi ka'i dus kyi tshe sdug bsngal mi bzad pa dang / tsha ba dang / rtsub pa dang / yid du mi 'ong ba dag gis rab tu gzir cing / de'i sems rnam par g.yeng bar byed pas// sdug bsngal gyi dbang gis bdag ni su zhig/ gang nas 'dir 'ongs// da gang du 'gro bar 'gyur zhes rab tu mi shes pas/ dga' bo 'di ni dus gsum du yang dag par shes bzhin med pa zhes bya ba ste/ rgyas par gong ma bzhin du sbyar ro// dga' bo sems can de dag mir skyes nas de lta bu'i sdug bsngal tshad med pa dang ldan par 'gyur mod kyi 'on kyang de dag ni gnas mchog tu gyur pa yin pas bskal pa bye ba brgya stong tshad med pa snyed du'ang mi lus shin tu rnyed par dka' ba yin no/ / gal te mtho ris su skyes par gyur na rtag tu lhung bas 'dzegs pas sdug pa dang bral ba'i sdug bsngal dang ldan te/ 'chi ba'i dus kyi tshe lha gzhan rnams kyis 'di skad du khyod bde 'gro'i 'jig rten du skye bar gyur cig/ bde 'gro'i 'jig rten gang zhe na/ 'di lta ste/ de ni mo'i 'gro ba gang yin pa'o zhes zer bas/ mi'i 'gro ba ni shin tu rnyed par dka' ba yin la/ khom pa dang ldan pa ni de bas kyang ches shin tu rnyed par dka' ba'o// ngan 'gro gang zhe na/ 'di lta ste/ ngan song gsum po dag gang yin pa'o// sems can dmyal ba'i 'gro ba ni rtag tu sdug bsngal mi bzad pa shin tu yid du mi 'ong ba rab tu tsha zhing rtsub pa dag myong bar 'gyur bas dpe byar yang mi nus so/ / yi dgas kyi 'gro ba ni rang bzhin gyis zhe sdang mang ba rab tu mnyen zhing dul ba'i sems med pa/ g.yo spu dang bcas pa/ gsod cing gnod par byed pa/ lag pa khrag gis bskus pa/ byams pa dang snying rje med pa byad bzhin mi sdug pa/ mthong na 'jigs su rung ba/ gal te mi dang nye bar gyur na'ang/ bkres pa dang skom pa'i sdug bsngal myong bar byed pas/ rtag par sgrib pa dang bcas shing thogs pa dang bcas pa yin no/ / dud 'gro'i skye gnas kyi 'gro ba ni tshad med dpag tu med de/ don gyi spyod pa dang mi ldan pa/ bsod nams kyi spyod pa dang mi ldan pa/ chos kyi spyod pa dang mi ldan pa/ dge ba'i spyod pa dang mi ldan pa/ drang po'i spyod pa dang mo ldan pa/ phan tshun gcigal gcig za ba dang / mthu dang ldan pa rnams mthu chung ba dag la za bar byed pa dag yin no// dud 'gro'i skye gnas kha cig ni mun par skyes mun par nas/ mun par 'chi ba'i dus byed cing / mi gtsang ba'i gnas gcin rkyag gi nang du gnas nas res 'ga' snang ba dang bcas pa'ang yod de/ 'di lta ste/ bye ma leb dang / spang ma dang / sro shig dang tre la ta lta bu rnams so/ / gzhan yang rtag par mun pa'i nang du skyes// mun pa'i nang du rgas par gyur pa tshad med dpag tu med pa dag yod de/ de ni tshe rabs snga ma la mir gyur pa na glen zhing gti mug pas chos yang dag par ma mnyan pa/ lus dang / ngag dang / yid thal rangs su gtong zhing 'dod pa lnga la mngon par zhen par gyur pa/ sdig pa mi dge pa'i las mang po mngon par 'dus byas pas/ de'i rigs su skyes nas glen zhing rmongs pa'i sdug bsngal myong bar 'gyur ba dag yin no// dga' bo gzhan yang dud 'gro'i skye gnas pa'i sems can chu'i nang du skyes nas chu'i nang du rgas/ chu'i nang du dus byed par 'gyur ba tshad med dpag tu med pa dag yod de/ 'di lta ste/ nya dang / rus sbal dang / sbal pa dang / sbal pa dkar po dang / ba lug lta bu rnams te/ thams cad kyang tshe rabs snga ma la lus dang / ngag dang / yid kyi las mi dge ba'i dbang gis zhes bya ba la sogs pa'ang gong ma bzhin du rgyas par sbyar ro/ / dga' bo gzhan yang dud 'gro'i skye gnas pa'i sems can bshang ba dang gci ba'i dri tshor na/ myur du der song nas bza' ba dang btung bar byed pa tshad med dpag tu med pa snyed yod de/ 'di lta ste/ phag dang / lug dang / khyim bya dang / khyi dang / wa dang / bya rgod dang / bya rog dang / sbrang bu dang / skur pa dang / gcan gzan rnams te/ thams cad kyang tshe rabs snga ma'i sdig pa mi dge ba'i las kyi dbang gis de lta bu'i rnam par smin pa myong bar 'gyur ro// dga' bo gzhan yang dud 'gro'i skye gnas pa rtag tu rtsa dang shing dang / mi gtsang ba'i dngos po rnams za zhing 'thung bar byed pa tshad med dpag tu med pa snyed yod de/ 'di lta ste/ glang po che dang / rta dang / rnga mo dang / ba glang dang / bong bu dang / dre'u la sogs pa lta bu rnams te/ thams cad kyang tshe rabs snga ma'i las mi dge ba'i dbang gis ji srid 'tsho ba'i bar du de lta bu'i rnam par smin pa myong bar 'gyur ro// gzhan yang dga' bo kye ma kyi hud srid par 'khor ba'i rgya mtsho 'di ni 'bar ba/ rab tu 'bar ba/ mchog tu 'bar ba/ shin tu mchog tu 'bar ba yin pas/ sems can 'ga' tsam yang des ma bsregs shing ma btsos pa med de/ de'ang mig dang / rna ba dang / sna dang / lce dang / lus dang / yid kyi mi rab tu 'bar ba'i 'dod pas mngon du snang ba'i yul gzugs dang / sgra dang / dri dang / ro dang / reg bya dang / chos yongs su gnyer ba'i dbang gis de ltar gyur pa yin no// dga' bo 'bar rab tu 'bar bar byed pa'i me gang zhe na/ 'di lta ste/ 'dod chags dang / zhe sdang dang / gti mug gi me dang / skye ba dang / rga ba dang / na ba dang / 'chi ba'i me dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i me dag gis rtag tu bsregs shing 'bar bar byed pas 'ga' tsam yang de las thar pa med do// dga' bo le lo la rab tu gnas pa dag ni sdug bsngal mang po myong zhing nyon mongs pas kun tu dkris nas sdog pa mi dge ba'i chos mngon par 'dus byas pas/ 'khor bar 'khor ba'ang nye bar zhi zhing rgyun chad par mi 'gyur ro// brtson 'grus brtsams pa gang yin pa de dag ni bde ba mang du myong zhing brtul ba'i sems skyed par byed pas nyon mongs pa yongs su bsal nas/ dge ba'i chos bsgom pa'i bar du brtson pa mi gtong ba la rgyun 'chad pa med do/ / de ltar bas na deng khyod kyi lus 'di'i pags pa dang / sha dang / chu ba dang / rus pa dang / khrag dang / rtsa rgyus dang / rkang rnams ni ring por mi thogs par gyis shing 'jig par 'gyur ro snyam du so sor brtags nas/ rtag par sems rtse gcig tu le lo mi byed par mngon sum du ma byas pa mngon sum du bya ba'i byor nan tan brtson 'grus kyis de ltar bslab par bya'o/ / dga' bo nga ni 'jig rten pa rnams dang rtsod par mi byed na/ 'on kyang 'jig rten pa rnams ni nan tan gyis nga dang rtsod par byed do// de ci'i phyir zhe na/ gang chos shes pa rnams ni gzhan dang rtsod par mi byed de/ bdag dang bdag gir 'dzin pa dang bral ba yin na su dang lhan cig rtsod par byed/ 'on kyang mthong ba dang shes pa med pa dag yang dag pa ma yin pa'i 'dzin pa skyed par byed pa'i phyir ngas yang dag par mngon par rdzogs par sangs rgyas nas/ 'di skad du nga ni chos rnams gang yang mi shes pa med do zhes smras pa yin te/ dga' bo ngas de skad smras pa de la tha dad du gyur pa yod dam/ dga' bos gsol pa/ bcom ldan 'das de ni ma mchis te/ de bzhin gshegs pas de skad gsungs pa la gzhan du 'gyur ba ma mchis so// bcom ldan 'das kyis bka' stsal pa/ legs so legs so// dga' bo de bzhin gshegs pa'i gsung la gdon mi za bar tha dad du 'gyur ba med pas de bzhin gshegs pa ni yang dag par gsung ba/ bden par gsung ba/ de bzhin nyid du gsung ba/ tha mi dad par gsung ba/ bslu ba med par gsung ba/ 'jig rten pa rnams la yun ring por phan pa dang / bde ba dang phan pa chen po thob par mdzad pa/ lam mkhyen pa/ lam rig pa/ lam ston pa/ lam 'byed pa/ lam 'dren pa/ de bzhin shegs pa dgra bcom pab yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa'i skyes bu 'dul ba'i kha lo sgyur ba/ lha dang mi rnams kyi ston pa sangs rgyas bcom ldan 'das su gyur pa yin no/ / 'jig rten pa rnams ni shes pa med pa/ mngon par yid ches pa med pa/ rtag par dbang po rnams kyi dran pa med pa// lag mthil na yod pa kho na mthong zhing don chen po la mi lta ba/ sla ba'i dngos po mi sgrub par gang bya dka' ba rgyun du byed pa yin no// dga' bo shes rab dang ldan pa'i spyod yul 'di ltar re zhig zhog la/ deng khyod kyis sha'i mig gis lta bas shes pa dang mthong ba ji snyed pa dag yang dag pa ma yin par so sor brtags na/ de nyid rnam par thar pa zhes bya bas/ dga' bo khyod nga la da pa'i phyir ma 'gro zhig/ nga la 'dun pa'i phyir 'brang bar ma byed cig/ nga'i tshig la rton par ma byed cig/ nga'i mtshan la rtog par ma byed cig/ dge sbyong gi lta ba dang shes pa'i rjes su ma 'brang zhig/ dge sbyong la gus pa ma skyed cig/ 'di skad du dge sbyong go'u ta ma ni bdag gi ston pa chen po yin no zhes ma zer bar/ ngas mngon par rdzogs par sangs rgyas pa'i chos gang yin pa de gcig pu dben par song la yid la bsams te 'jal bar gyis shig/ so sor rtogs shig/ rtag par mang du sgoms shig/ sems rtse gcig tu chos rnams so sor brtags te/ chos de dag las bsgom pa'i 'du shes yongs su rdzogs par bya ste/ yang dag pa'i dran pa la gnas nas bdag nyid kyi grong byos shig/ bdag nyid kyi gnas dang skyabs byos shig/ chos kyi gling byos shig/ chos kyi gnas dang skyabs byos shig dang / de las gzhan pa'i gling dang / gnas dang / skyabs med do// dga' bo ji ltar na dge slong bdag nyid gling du gyur pa dang / bdag nyid gnas dang skyabs su gyur pa dang / chos gling du gyur pa dang / chos gnas dang skyabs su gyur cing / de las gzhan pa'i gling dang / de las gzhan pa'i gnas dang skyabs med par gyur pa yin zhe na/ dga' bo 'di ltar dge slong gang la la zhig bdag nyid kyi nang gi lus la lus kyi rjes su lta ba la rab tu gnas nas brtson 'grus kyi dran pa rtse gcig tu byas pas/ yang dag pa'i shes pa thob nas/ 'jig rten pa'i khong khro ba ji snyed pa dag rtag tu yid la sems shing dul bar gyur pa gang yin pa de ni nang gi lus la sdug bsngal yin par rjes su lta ba zhes bya ste/ gang gis phyi rol gyi lus dang / nang dang / phyi rol gnyis ka'i lus la rjes su lta ba'ang de bzhin no// dga' bo de'i 'og tu kun tu 'byung ba'i chos la lus su bltas nas rab tu gnas pa dang / 'gog pa'i chos su bltas nas rab tu gnas par yang byed la/ gzhan yang kun 'byung ba dang 'gog pa'i chos gnyis la lus su lta zhing rjes su gnas par byed pa nyid kyi lus 'di la yang dag par dran par byed pas/ res 'ga' ni shes pa kho na dang ldan par 'gyur/ res 'ga' ni mthong ba kho na dang ldan par 'gyur/ res 'ga' ni dran pa kho na dang ldan 'gyur zhing rten pa med par gnas par 'gyur bas/ 'jig rten 'di la blang bar bya ba ci'ang med par rab tu shes par 'gyur te/ de ltar na dga' bo 'di ni dge slong bdag nyid kyis nang gi lus la lus kyi rjes su lta ba la gnas pa zhes bya ste/ phyi rol gyi lus dang phyi nang gnyis ka'i lus la lta ba de bzhin no// de'i 'og tu nang gi tshor ba dang / phyi rol gyi tshor ba dang / nang dang phyi rol gnyis ka'i tshor bar lta ba la rab tu gnas pa dang / nang gi sems dang / phyi rol gyi semA dang / nang dang phyi rol gnyis ka'i sems su lta ba la gnas pa dang // nang gi chos dang / phyi rol gyi chos dang / nang dang phyi rol gnyis ka'i chos su lta ba la rab tu gnas nas/ brtson 'grus kyis dran pa rtse gcig tu byas pas yang dag pa'i shes pa thob nas 'jig rten pa'i khong khro ba ji snyed pa dag rtag tu yid la mi sems shing rab tu dul bar gyur nas/ kun 'byung ba'i chos su bltas nas rab tu gnas pa dang / 'gog pa'i chos su bltas nas rab tu gnas par yang byed la/ gzhan yang kun 'byung ba dang 'gog pa'i chos gnyis la chos su bltas nas rab tu gnas par byed pa nyid kyis lus 'di nyid la yang dag par dran par byed pas res 'ga' ni shes pa kho na dang ldan par 'gyur/ res 'ga' ni mthong ba kho na dang ldan par 'gyur/ res 'ga' ni dran pa kho na dang ldan par 'gyur bas/ 'jig rten 'di la blang bar bya ba ci'ang med par rab tu shes par 'gyur te/ de ltar na dga' bo 'di ni dge slong bdag nyid gling du gyur pa dang / bdag nyid gnas dang skyabs su gyur pa dang / chos gling du gyur pa dang / chos gnas/ dang skyabs su gyur cing / de las gzhan pa'i gling med pa dang / de las gzhan pa'i gnas dang skyabs med pa zhes bya'o// dga' bo skyes bu rang bzhin drang zhing g.yo sgyu spangs pa gang la la zhig snga dro'i dus kyi tshe nga'i thad du 'ongs pa la/ ngas dbang po ji lta ba bzhin du dge ba'i chos de la rjes su bstan nas/ de phyi dro'i dus kyi tshe bdag nyid thob pa dang ldan par smras par gyur la/ phyi dro'i dus kyi tshe chos rjes su bstan pa'ang bdag nyid thob pa dang ldan par smra bar byed pas na/ dga' bo ngas legs par bstan pa'i chos ni mthong ba'i chos la mngon sum du rtogs pa/ rab tu gdung ba sel bar byed pa/ dus dang / dbang po dang / rab tu 'tsham par 'gyur ba/ thabs dang ldan pa/ rang gis rig pa'i chos legs par skyob par byed pa yin pas/ gang gis nga'i mngon sum du chos bstan pa thos par gyur na/ mya ngan las 'das pa'i rjes su 'thun par 'gyur zhing byang chub la gzhol bar byed pa gang yin pa 'di ni nga'i mkhyen pa yin te/ de lta bas na de khyod kyis bdag gi don dang / gzhan gyi don dang / gnyis ka'i don de lta bu mthong nas chos 'di la rtag par yang dag par bslabs te/ rab tu 'byung ba'i chos bag yod par bsgrubs nas chud mi gzan cing 'bras bu khyad par du 'phags pa 'dus ma byas kyi bde ba thob par byas nas/ gzhan gyis byin pa'i chos gos dang / bsod snyoms dang / mal cha dang / na ba'i gsos sman la sogs pa blang bar bya zhing / sbyin bdag rnams bsod nams kyi phan yon chen po thob pa dang / 'bras bu rnam par smin pa khyad par du 'phags pa yangs shing rgya che ba dag thob par 'gyur bar de ltar dga' bo khyod kyis bslab par bya'o/ / gzhan yang dga' bo gzugs 'ga' tsam yang rjes su chags par bya 'am/ ma 'ongs pa'i dus na rnam par 'gyur zhing 'jog par mi 'gyur ba gang yang med de/ de ni gnas med do/ / gang yang mya ngan dang / smre sngags 'don pa dang / nyon mongs pa mi skyed pa gang yang med de/ de'i gnas med do// dga' bo ji snyam du sems/ gzugs de rtag pa zhig yin nam/ 'on te mi rtag pa zhig yin/ btsun pa de ni rang bzhin gyis mi rtag pa lags so// dga' bo gal te rang bzhin gyis mi rtag pa yin na/ ci ste bde ba zhig yin nam/ 'on te sdug bsngal ba zhig yin na/ btsun pa de ni sdug bsngal ba lags so/ / gang mi rtag cing sdug bsngal ba de ni rnam par 'gyur zhing 'dzag pa'i chos can yin na/ nga'i nyan thos 'phags pa mang du thos pa dang ldan pa dag cigazugs 'di ni bdag yin no/ / bdag ni gzugs rnams dang ldan no// gzugs ni bdag gi ba yin no// bdag ni gzugs la gnas so zhes khas len par byed dam/ gsol pa/ bcom ldan 'das de ni ma lags so// 'di ji snyam du sems/ ci tshor ba dang / 'du shes dang / 'du byed dang / rnam par shes pa de dag rtag pa zhig yin nam/ 'on te mi rtag pa zhig yin/ btsun pa thams cad rang bzhin gyis mi rtag pa lags so/ / dga' bo gal te rang bzhin gyis mi rtag pa yin na/ ci bde ba zhig yin nam/ 'on te sdug bsngal ba yin/ btsun pa sdug bsngal ba la sogs so// gang mi rtag cing sdug bsngal ba de ni rnam par 'gyur zhing 'jig pa'i chos can yin na/ nga'i 'phags pa nyan thos mang du thos pa dang ldan pa dag ci tsher ba la sogs pa 'di dag ni bdag yin no// bdag ni tshor ba la sogs pa dang ldan no// / tshor ba la sogs pa ni bdag gi ba yin no// bdag ni tshor ba la sogs pa la gnas so zhes khas len par byed dam/ bcom ldan 'das de ni ma lags so// de lta bas na ji tsam du gzugs su gyur pa 'das pa 'am/ ma 'ongs pa 'am/ da ltar byung ba 'am/ nang gi ba 'am/ phyi rol gyi 'am/ rags pa 'am/ phra ba 'am/ bzang po 'am/ ngan pa 'am/ zag ring ba 'am/ thag nye ba'ang rung ste/ ji tsam du gzugs su gyur pa thams cad kyang bdag ma yin la/ bdag kyang gzugs dang ldan pa ma yin pa dang / gzugs kyang bdag ma yin la/ bdag kyang gzugs la gnas pa ma yin par rig par bya'o/ / de bzhin du yang dag pa'i dran pa dang / yang dag pa'i shes rab kyis ji tsam du tshor ba dang / 'du shes dang / 'du byed dang / rnam par shes par gyur pa 'das pa'am ma 'ongs pa 'am/ da ltar byung ba 'am/ nang gi 'am/ phyi rol gyi 'am/ rags pa 'am/ phra ba 'am/ bzang po 'am/ ngan pa 'am/ thag ring ba 'am/ thag nye ba'ang rung ste/ de dag thams cad kyang bdag ma yin la/ bdag kyang de dag dang ldan pa ma yin pa dang / de dag kyang bdag gi ba ma yin la/ bdag kyang de dag la gnas pa ma yin par legs par so sor brtag par bya'o/ / de bzhin du yang dag pa'i dran pa dang / yang dag pa'i shes rab kyis ngas nyan thos 'phags pa mang du thos pa dang ldan pa dag ni 'di ltar gzugs la so sor brtag nas yongs su skyo ba skye ba dang / gzhan yang tshor ba dang / 'du shes dang / 'du byed dang / rnam par shes pa la so sor brtag nas yongs su skyo ba skye bar 'gyur ro// gal te skyo bar gyur na mngon par zhen par mi byed do// mngon par zhen pa med pas rnam par grol ba thob par 'gyur ro/ / rnam par grol nas bdag rnam par grol lo snyam du shes pas 'di skad du bdag gi skye ba ni zad do// tshangs par spyod pa yang dag par spyad do// bya ba byas pa'ang srid pa phyi ma len par mi 'gyur ro zhes sgrog par 'gyur ro snyam du so sor brtag par bya'o// de'i tshe bcom ldan 'das kyis chos kyi rnam grangs 'di bka' stsal ba na/ tshe dang ldan pa dag po rdul spangs shing dri ma dang bral nas chos kyi mig rnam par dag pa thob par gyur to/ / dge slong lnga brgya po rnams ni zag pa rnams las sems rnam par grol ba thob par gyur to// nas de'i tshe bcom ldan 'das kyis/ yang tshigs su bcad de dga' bo la bka' stsal pa/ gang la mnyam gzhag sems med pas// rnam dag ye shes med pas na// zag pa rnams ni spong mi 'gyur// / de bas khyod kyis nan tan sgrubs// khyod kyis rnal 'byor rtag sgoms la// phung po skye 'gag shes par gyis// rnam dag gal te rdzogs gyur na// lha rnams kun gyis dga' bar 'gyur// mdza' bshes lhan cig 'brel dga' zhing / / phan tshun 'drul zhig chags pa dang // thob dang grags pa mngon zhen pas// dga' bo khyod kyis kun spongs shig/ khyim pa dang ni rab byung la// brten cing bshes no mo byed par/ / 'khor ba'i rgya mtsho 'das soms la// sdug bsngal mthar ni phyin par byos// dang po mer mer po las ni// sha yi chu bur skye bar 'gyur// chu bur las ni ltar ltar skye// ltar ltar po las mkhrang bar 'gyur/ / mkhrang ba rnam par gyur nas ni// mgo dang yan lag bzhi skye bas// rus pa 'dus nas lus grub pa// thams cad las kyi rgyu las byung // mgo thod rus pa dgu 'dus shing // 'gram pa'i rus pa gnyis 'brel te/ / so ni sum cu rtsa gnyis ldan// de yi rtsa ba'ang de bzhin no// rna rtsa gnya' ba'i rus pa dang // rkan dang sna yi rus pa dang // thung dang mid pa'i rus pa ni/ / bsdus nas rus pa nyi shu yod// mig la rus pa bzhi yod do// phrag pa byin pa zung gnyis yod// lag pa gnyis dang sor mo rnams// bsdus na rus pa lnga bcu yod// ltag rgyab rus pa brgya yod de/ / skal tshogs la ni sum cu gnyis// 'di dag kun las rtsa yod pas// de yi grangs ni cha bzhir 'gyur// rtsib logs g.yas pa'i rus pa ni// phan tshun 'brel ba bcu gsum yod/ / rtsib logs g.yon 'brel skye ba yi// rus pa dag ni bcu gsum yod// rus pa'i lu gu rgyud 'di dag/ gsum gsum dag ni phan tshun 'brel// gnyis gnyis dag ni tshig ldan te/ / lhag ma gzhan ni 'brel ba med// g.yas g.yon brla ni gnyis po la// bsdus na rus pa lnga bcu yod// lus dang 'brel pa'i rus pa ni// bsdoms na sum cu rtsa drug yod// rus tshigs phan tshun 'brel na no/ / sems can lus ni grub yin zhes// yang dag sangs rgyas mkhyen pa yis// bden tshig tu ni gsungs pa yin// rkang mthil nas ni mgo yi bar// mi gtsang 'dres shing mi ban pa/ / de dag lhan cig lus bsgrubs pa// nyam chu 'dam bu'i khyim dang 'dra// rus pa 'ba' zhig gzer bu med// sha khrag kun tu bskus pas na// shing mi'i 'khrul 'khor rab 'dra zhing // sgyu mas sprul pa'i gzugs brnyan 'dra/ / lus 'di rtsa rgyus dkris nas ni// pags pa gsher bas g.yogs pas na// gnas dgu rma yi sgo yod pas// de lta bur ni blta bar bya// kun nas gtson rgyag mi gtsang bas/ / rtag tu gang zhing 'dzag pas na// dper na bang ba dong rnams su// 'bru rnams sna tshogs bkang ba ltar// lus 'di yang ni de bzhin te// mi gtsang sna tshogs rab tu gang // rus pa'i 'jub 'khor g.yo bas na/ / nyam chung snying po ci yang me// byis pa skye bo rtag tu chags// mkhas pa dag ni zhen mi byed// mchil snabs rdul ni rtag tu 'bab// rnag khrag dag ni rgyun du gang // zhag sera'o ma lhan cig 'dres/ / klad rgyas dag ni klad pa gang // snying khar bad kan rgyun du 'byung // nang gi zhu dang ma zhu'i gnas// klad rgyas dang ni pags pa dang // snying dang nang 'khrol glo mchin dang // 'di la sogs pa'i rul myags dang / / mi gtsang rnams dang lhan cig gnas// sdig pa'i lus ni 'jigs rung bas// 'di nyid bdag gi dgra yin na// shes med 'dod la zhen pa yi// blun po rtag tu 'phangs par byed/ 'di 'dra'i mi gtsang lus 'di ni// grong khyer rnying pa 'dra bas na// nyin mtshan nyon mongs rab gzir cing // skad cig mi gnas kun tu 'khyab// rus pas grong khyer rtsig par byed// sha dang khrag gis zhal zhal bskus// 'dod sdang gti mug tshon bgyi nas// ci rigs par ni brgyan par byed// rus pa'i grong khyer skyug bro ba// sha khrag 'brel cing 'dus pas na// rtag tu sdug pa'i grogs po yis// phyi nang sdug bsngal gdung bar byed/ / dga' bo khyod kyis shes par byos// ngas ni ji skad bstan pa yin// nyin mtshan rtag tu dran byos la// 'dod pa'i yul la sems ma byed// gal te 'dod pa spong 'dod/ na// rtag tu de bzhin rab sgoms la// rnam grol yongs su tshol bar gyis// myur du 'khor ba'i rgya mtsho 'da'// bcom ldan 'das kyis mngal du 'jug pa'i chos kyi rnam grangs 'di bka' stsal pa na// tshe dang ldan pa dga' bo dang / / dge slong lnga brgya po de dag rab tu dga' bar gyur pas// bcom ldan 'das kyis gsungs pa la mngon par bstod do// // de'i tshe tshe dang ldan pa dga' bo 'khor ba'i rgya mtsho 'brog dgon pa las yang dag par 'das te/ / mthar thug pa'i bde ba mya ngan las 'das pa'i gnas su phyin nas/ dgra bcom pa'i 'bras bu thob par gyur pas/ bdag nyid shin tu dga' bar gyur nas/ bcom ldan 'das kyis tshigs su bcad de bka' stsal pa/ gus sems khrus ni bstan pa dang / chu gtsang byug spos phul ba dang // bsod nams rnams ni bsgrubs pa na/ rnam smin mchog 'di thob pa yin// de nas 'khor mang po rnams de skad ces bka' stsal ba thos pas thams cad the tsom du gyur nas/ the tsom gcod pa'i phyir ston pa chen po la 'ang skad ces gsol to/ / btsun pa tshe dang ldan pa dga' bo 'das sngon sug las ci bgyis na/ de'i rnam par smin pa lus kyi mdog gser gyi kha dog lta bur gyur la/ mtshan sum cu dang ldan pas bdag nyid brgyan cing / bcom ldan 'das kyi sku bas sor bzhis thung bar gyur/ ci'i slad du 'dod pa'i yul la shin tu mngon par zhen pa las ston pa chen pos thugs brtse bar dgongs nas/ mthus 'khor pa'i rgya mtsho las bsgral te/ thabs kyis shin tu mthar thug pa'i mya ngan las 'das pa la rnam par gzhag pa bkas bshad du gsol/ bcom ldan 'das kyis bka' stsal pa/ dge slong dag dge slong dga' bo sngon las mngon par 'dus byas pa'i 'bras bu rnam par smin pa yongs su smin pas na/ thams cad mngon du gyur pa yin no zhes gzhan nas bstan pa bzhin du rgya cher bka' stsal nas// tshigs su bcad de bka' stsal pa/ gal te bskal pa brgya lon kyang // las byas chud zar mi 'gyur te// rgyu dang rkyen ni tshogs pa na// lus can nyid la 'bras bur smin// dge slong dag khyod nyon cig/ sngon byung ba 'das pa'i dus na bskal pa dgu bcu rtsa gcig gi sngon rol na/ skye dgu rnams tshe lo brgyad khri thub pa'i tshe/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ dge slong gi dge 'dun stong phrag drug cu rtsa gnyis dang thabs cig tu ljongs chu zhing grong khyer mnyen ldan gyi rgyal po'i pho brang 'khor du gshegs nas/ mnyen ldan gyi tshal na bzhugs so// de'i tshe bcom ldan 'das de'i g.yas khyim gyi gcung zhig yod pa de 'dod pa'i yul la shin tu mngon par zhen cing chags pa las/ de bzhin gshegs pa dgra bcom pa yang dag par rdzogs pa'i sangs rgyas rnam par gzigs des 'khor ba'i rgya mtsho las yongs su 'da' ba'i phyir rab tu 'byung bar bskul nas/ thabs kyis mthar thugs pa'i mya ngan las 'das pa'i dbyings su rnam par gzhag go// de'i tshe na yul de'i bdag po mnyen ldan zhes bya ba rgyal po byed de/ 'di ltar chos kyis mi rnams 'dul ba/ mi dang skye bo mang po rgyas pa/ lo legs shong bde ba/ g.yo sgyu dang chom rkun med cing nad dang bral ba/ ba glang dang / ra lug dang / sA lu dang / bu ram shing kun tu gang zhing rgyas par gyur te/ rgyal po de'i g.yas khyim gyi nu bo zhig yod pa'ang shin tu 'dod pa la mngon par zhen cing chags par gyur to// rgyal po des bcom ldan 'das 'khor dang bcas te/ mnyen ldan gyi tshal na bzhugs par thos pas/ btsun mo dang / gzhon nu dang / blon po dang / skye bo mang po'i tshogs dang lhan cig tu bcom ldan 'das ga la ba der dong ste/ bcom ldan 'das kyi zhabs la mgo bos phyag byas nas phyogs gcig tu 'khod pa dang / de nas bcom ldan 'das des rgyal po'i 'khor dang bcas pa la shin tu gya nom pa'i chos kyi gtam kun tu bstan cing gzengs bstod pas/ khyad par du 'phags pa'i shes pa thob par gyur to// de'i nu bo 'dod pa la zhen cing khyin nas 'byang du ma btub pa dang / de'i tshe de la blon po'i bu dang gzhan yang snga nas lhan cig rtse rtse ba'i grogs po dag gos kye grogs po shes rab gyis shig/ 'di ltar rgyal po'i gzhon nu dang / btsun mo'i 'khor dang / blon po dang / skye bo mang po dang bcas te/ de bzhin gshegs pa rnam par gzigs ga la ba der dong ste/ gus pas dam pa'i chos mnyan pas khyad par du 'phags pa'i shes pa thob par gyur te/ 'di ltar khyod kyang mi lus shin tu thob par dka' ba las deng thob par gyur na/ ci'i phyir 'dod pa la mngon par zhen cing chags nas sgor yang 'byung du mi btub ces smras pa dang / des kyang de skad du spyo ba thos pas shin tu ngo tsha bar gyur nas/ de dag gi rjes su 'brang ste lhan cig dong ngo // de'i tshe bcom ldan 'das de'i gcung dge slong des mang po de dag lhan cig 'grogs te dong bar mthong nas/ kye khyed ci'i phyir mi 'di gcig pu khrid nas lhan cig 'grogs te 'gro zhes dris pa dang / de dag gos kyang ji ltar gyur pa zhib tu smras so/ / dge slong des smras pa/ bdag ni bcom ldan 'das kyi gcung yin te/ sngon khyim na gnas pa'i tshe 'dod pa'i yul rnams la shin tu mngon par zhen cing chags pa las/ ston pa chen pos thugs rjer dgongs nas mthus 'khor ba las 'das te/ mthar thug pa'i mya ngan las 'das pa la bzhag pa yin no// gzhan yang skyes bu glen pa dag dang 'dra ba 'di lta bu yod pa las khyed kyis snying brtse nas lhan cig khrid de 'ongs pa shin tu legs so/ / deng bla na med pa'i ston pa chen po bcom ldan 'das ga la ba der khrod cig dang / gdon mi za bar shin tu dang pa'i dad pa skye bar 'gyur ro zhes smras pas/ de dag kyang lhan cig 'grogs nas/ bcom ldan 'das ga la ba der dong ba dang / bcom ldan 'das des kyang de dag la gzigs nas/ dbang po dang mos pa ji lta ba bzhin du yang dag par bstan pas/ de dag gis thos par gyur nas/ shin tu dang ba skyes pas 'dug pa'i stan las langs nas/ bla gos phrag pa gcig tu gzar te thal mo sbyar nas/ bcom ldan 'das la 'di skad ces gsol to// bcom ldan 'das ston pa chen po 'phags pa'i dge 'dun dang thabs cig tu sang gi gdugs la bdag gi sdum par bsro khang du khrus la gshegs pa cig nang zhes gsol pa dang / bcom ldan 'das kyang cang mi gsung bar gshegs par zhal gyis bzhes so// des kyang zhal gyis bzhes par rig nas/ bcom ldan 'das kyi zhabs gnyis la phyag byas te song ngo / / de nas rgyal po ga la ba der song ste phyin pa dang / rgyal po la lus gus pas phyag byas nas/ 'di skad ces smras so// rgyal po chen po bdag bcom ldan 'das ga la ba der mchis nas chos thos pas/ shin tu dang ba skyes nas 'dod pa'i yul rnams la yongs su skyo ba'i sems skyes nas/ bcom ldan 'das nyan thos kyi dge 'dun dang bcas par sang gi gdugs la bdag gi sdum par bsro khang du khrus la gshegs par gsol ba las/ de bzhin gshegs pa ston pa chen pos kyang thugs rtse bar dgongs nas gshegs par zhal gyis bzhes te/ bcom ldan 'das de ni lha dang mi rnams kyis mchod par bgyi ba'i 'os su gyur pa lags na/ lhas kyang grong khyer gyi shul dang srang rnams phyag bdar byas nas chag chag btab ste/ mdzes par bgyi ba'i rigs so zhes smras pa dang / rgyal pos 'di snyam du bcom ldan 'das grong khyer du gshegs na bdag gis grong khyer mdzes par bya mod kyi/ 'on kyang bdag go nu bo 'dod pa la mngon par zhen nas bzlog par dka' ba las/ deng bcom ldan 'das kyis thul bar gyur pa ni yang dag par ngo mtshar che'o snyam du bsams nas/ nu bo shin tu legs kyis/ khyod song la khrus kyi yod byed ci dgos pa sbyor cig/ dang / ngas kyang ci nus kyis grong khyer brgyan par bya'o zhes smras pas/ rgyal po'i nu bo'ang shin tu dga' bar gyur te/ rgyal po la phyag byas te sa las langs te song ngo // de nas rgyal pos blon po rnams la bsgo ba/ kye khyed cig deng la grong khyer du dril chen po bsgrags te/ phyogs su 'di skad du sang bcom ldan 'das grong khyer du gshegs kyis/ grong khyer na gnas pa dang / yul so so nas lpags pa'i skye bo rnams so so nas ci nus kyis grong khyer mdzes par gyis la/ lam dang srang rnams phyag bdar byas te chag chag btab nas me tog dang / spos dang / dri rnams thogs te/ ston pa chen po gshegs pa bsus shig ces skos shig/ blon po rnams kyis kyang lha de bzhin 'tshal lo zhes rgyal po'i bka' khyer nas phyogs su go bar bsgo zhing dril chen gyi sgra bsgrags pas/ skye bo rnams grong khyer de'i rdo ba dang / gyo mo dang / bong ba rnams bsal te/ spos kyi chus kun tu khyab par chag chag btab nas/ bdug pa dam pa rnams kyang bsregs/ gdugs dang / rgyal mtshan dang / ba dan mang po'ang bcugs te/ me tog rnams mngon par gtor bas/ lha'i dbang po brgya byin gyi skyed mos tshal dga' ba bzhin du byas so/ / de'i phyir rgyal po'i nu bos kyang spos chu dang / spos mar la sogs pa sbyar te/ bsro khang mdzes par byas nas khri bshams nas gdan yang bting ngo // de bzhin gshegs pa rnam par gzigs mthar gyis grong khyer du gshegs su nye ba dang / rgyal po dang / rgyal bu dang / blon po dang / btsun mo dang / slas dang / skye bo mang po rnams grong nas byung ste/ de bzhin gshegs pa bsus nas/ rgyang nas bcom ldan 'das la phyag byas te zhabs 'brang byas nas grong khyer du gshegs pa dang / de'i tshe rgyal po'i nu bo des kyang bcom ldan 'das bsro khang du gshegs par spyan drangs te/ spos chu la sogs pa phul nas sku bsil bar gsol te/ bcom ldan 'das kyi sku gser gyi kha dog can mtshan sum cu rtsa gnyis dang dpe byad bzang po brgyad cus yongs su brgyan pa mthong ba dang / rab tu dga' nas shin tu dang ba'i dad pa skyes par gyur to// sku bsol nas na bza' mnabs pa dang / des bcom ldan 'das kyi zhabs gnyis la mgo bo phyag byas nas/ 'di skad du deng bdag gis bsod nams kyi zhing mchog dam pa la mchod pa cung zad bgyis pa 'di'i dge ba'i rtsa bas/ ma 'ongs pa'i dus na bcom ldan 'das 'di dang tha dad pa med pa'i gser gyi kha dog can gyi lus thob par gyur cig/ ji ltar bcom ldan 'das 'di'i gcung 'dod pa'i yul la mngon par zhen cing chags pa las mthus yongs su bzlas te/ shin tu mthar thug pa'i mya ngan las 'das pa la gzhol bar 'gyur ba de bzhin du/ bdag kyang ma 'ongs pa'i dus na de bzhin gshegs pa'i gcung du gyur nas/ gser gyi kha dog can gyi lus thob par gyur te/ 'di ltar bdag 'dod pa'i yul la mngon par zhen cing chags par gyur na'ang mthus srid pa'i chu bo zab mo las yongs su bzlas te/ mya ngan las 'das pa'i bde ba la gzhol bar gyur cig ces smon lam btab bo/ / dge slong dag khyed kyis de'i tshe de'i dus na/ rgyal po mnyen ldan gyi nu bo 'dod pa la mngon par zhen par gyur pa de gzhan yin snyam du sems na de ltar mi blta ste/ de ni dge slong dga' bo 'di nyid yin no// 'di sngon 'das pa'i dus su de bzhin gshegs pa rnam par gzigs bsro khang du gshegs par gsol nas/ spos chu la sogs pas sku bsil te/ shin tu dang ba'i dad pas smon lam btab pa de'i dge ba'i rtsa ba'i rgyus deng de bzhin gshegs pa'i gcung du gyur nas/ lus gser gyi kha dog lta bur gyur pa dang / 'dod pa'i yul la mngon par zhen cing chags pa las ngas mthus phyung ste/ khyim nas khyim med par rab tu byung nas/ mthar thug pa'i mya ngan las 'das pa shin tu bde ba'i gnas su phyin par gyur pa yin no/ / de nas 'khor mang po rnams the tsom du gyur nas/ yang bcom ldan 'das la gsol pa/ btsun pa tshe dang ldan pa dga' bos sngon las ci bgyis na skyes bu chen po'i mtshan sum cu mngon par grub lags/ bcom ldan 'das kyis bka' stsal pa/ dge slong dag 'dis las mngon par 'dus byas pa ni zhes bya ba la sogs pa rgya cher snga ma bzhon te/ sngon 'das pa'i dus su ri brag gi grong gzhan zhig na khyim bdag phyug cing nor mang ba/ yo byad kyis brel pa med pa zhig gnas pa de la skyed mos tshal me tog dang 'bras bu rgyas shing / chu mig dang / 'bab chu dang / ljon shing dang ldan pa rab tu 'byung ba'i dben gnas su 'os pa zhig yod de/ de'i tshe rang sangs rgyas sems can la snying brtse ba'i phyir 'jig rten du byung nas/ dben pa na gnas pa yod pas/ nam 'jig rten du sangs rgyas mi 'byung ba'i tshe/ 'di 'ba' zhig bsod nams kyi zhing du gyur te/ de nas rang sangs rgyas gzhan zhig ljongs rgyu zhing ri brag gi grong der phyin nas/ phan tshun kun tu brtag te/ gnas btsal ba las de'i skyed mos tshal du phyin pa dang / skyed mos tshal de srung ba'i mis 'phags pa de mthong nas/ bde bar gshegs sam/ mnyel bso ba'i slad du 'phags pa 'dir bzhugs su gsol zhes smras so/ / des nam gyi gung thun la me'i khams la snyoms par zhugs pa dang / skyed mos tshal srung ba'i mis mthong nas/ 'di snyam du btsun pa chen po 'di ni 'di lta bu'i spyod pa mchog grub bo snyam du bsams nas/ de nas nub mo langs te khyim bdag ga la ba der song nas/ 'di skad du khyim bdag chen po deng dga' ba chen po skyed cig/ skyed mos tshal na 'phags po zhig bdag gi thad du gshegs nas mtshan mo gnas pa las/ de ni spyod pa gya nom pa dang ldan zhing rdzu 'phrul chen po phun sum tshogs pa zhig pas/ 'od zer chen po bkye nas skyed mos tshal gyi nang kun tu gsal bar byas so zhes smras pa khyim bdag gis thos nas myur zhing rings par skyed mos tshal du song te/ rkang pa gnyis la phyag byas nas/ 'di skad du 'phags pa ni bsod snyoms bzhed pa lags la/ bdag ni bso nams 'tshal ba lags na/ thugs brnye par dgongs te skyed mos tshal 'dir bzhugs su gsol/ bdag gos rtag pa rna bsod snyoms sbur rdo zhes smras pa dang / des kyang des gus par gsol ba btab par mthong nas khas blangs te/ skyed mos tshal de'i nang du gnas nas/ bsam gtan dang rnam par thar pa mchog la snyoms par zhugs te/ bde ba rjes su myong bar gyur to// dus gzhan zhig na de 'di snyam du bdag gi lus rul ba 'di ni 'khor bar 'khor ba las bdag gis gang bya ba de ni thob par gyur pas mya ngan las 'das pa zhi ba'i dbyings su zhugs nas/ gtan du mi skye ba mngon sum du bya ba'i rigs so snyam nas/ nam mkha' la mngon par 'phags te me'i khams la snyoms par zhugs nas/ rdzu 'phrul rnams mngon par bstan te/ 'od zer chen po bkye nas/ steng du 'bar ba dang / tsha ba dang / 'og tu chu 'bab pa la sogs pa bstan bstan te/ lus 'di spangs nas rnam par shes pa skye bar mi 'gyur ba dang / lhag ma med pa'i mya ngan las 'das pa'i dbyings su yongs su mya ngan las 'das so// de nas khyim bdag des de'i rus bu blangs nas/ dri'i shing thams cad kyis bsregs te/ 'o/ mas med bsad nas rus pa lhag ma ma lus pa bsdus te/ bum pa gsar pa'i nang du bcug nas/ mchod rten brtsigs te/ gdugs dang / rgyal mtshan dang / ba dan rnams btsugs nas shin tu dang ba'i dad pas dro'i chu gya nom pa sum cu gtor te/ mtshan bzang po rnams grub par shog cig ces smon lam chen po btab bo// dge slong dag legs par nyon la de'i tshe de'i dus na khyim bdag tu gyur pa de gzhan yin pa snyam du sems na de ltar mi blta ste/ de ni dga' bo 'di nyid yin no// 'dis mchod pa mchog byas pa dang / gus pa dang / shin tu dang ba bskyed pa'i las kyi dbang gis deng 'dir mchog khyad par du 'phags pa sum cu mngon par grub pa'i rnam par smin pa myong bar gyur pa yin no/ / de nas 'khor mang po rnams yang the tsom skyes nas bcom ldan 'das la 'di skad ces gsol to/ / btsun pa tshe dang ldan pa dga' bos las ci bgyis na/ gal te 'di rab tu ma byung zhing khyim na gnas par gyur na/ gdon mi za bar stobs kyis 'khor los sgyur ba'i rgyal po 'dis bgyis par 'gyur ba lags/ bcom ldan 'das kyis bka' stsal pa/ dge slong dag dga' bos tshe rabs snga ma la las mngon par 'dus byas pa'i 'bras bu rnam par smin pa yongs su smin par gyur pa'i tshe/ gdon mi za bar bdag nyid kyis myong bar 'gyur ro zhes bya ba la sogs pa'ang rgyas par gong ma bzhin du sbyar te/ dge slong dag sngon byung ba bskal pa bzang po 'di nyid la skye dgu rnams tshe lo stong phrag nyi shu thub pa na/ de bzhin gshegs pa dgra bcom pa yang dag par rdzogs pa'i sangs rgyas 'od srungs zhes bya ba mtshan sum cu rtsa gnyis dang ldan pa 'jig rten du byung ste/ yul wA rA NA si drang srong lhung ba'i gnas/ ri dgas byin pa'i tshal na bzhugs so// de'i tshe na grong khyer de na rgyal po kr-i kr-i zhes bya ba rgyal po byed de/ 'di ltar chos kyis 'jig rten 'dul par byed pas/ chos bzhin du rgyal po byed do zhes bya ba la sogs pa'i yang rgyas par gong ma bzhin du sbyar ro// rgyal po de la bu gsum yod de/ 'di lta ste/ rab dang / 'bring po dang / tha chungs so// de bzhin pa shegs pa datha com pa yang da/ byar rdzogs pa'i snas rgyas 'od srungs sangs cas A pam par ldan nas spyong zad pa'i ma bzhin du gam med pa'i du 'das pa'i dbyas su yongs su mya ngan las 'das pa dang / rgyal po des gus pa'i sems kyis de bzhin gshegs pa'i mug cung thus te/ rdo klong nan dan dang / kor shor sha dang / ba sa tsa shong la sogs pas thegs te/ 'oms me bsad nas rang bsrel bsdus te/ rin po che'i bum pa'i nang du bcug nas/ mchod rten chen po rin po che sna ba ni las byas pa/ khor khor lu dpag tshad gcig/ 'phang du dpag tshad phyed yod pa brtsigs nas/ 'khor lo 'jugs pa'i tshe/ rgyal po'i bu bzang po des bdag nyid steng du 'dzegs nas 'khor lo bar ma btsugs so// dge slong dag de'i tshe de'i dus na rgyal po'i bu 'bring por gyur pa de gzhan yin pa snyam du sems na de ltar mi blta ste/ dga' bo 'di nyid yin no// 'dis sngon 'das pa'i dus su gus pa'i sems kyis mchod pa byas pa dang / 'khor lo bar ma btsugs pa'i dge ba'i las des tshe rabs nyis stong lnga brgya'i bar du rtag par gling gcig la dbang ba'i stobs kyis 'khor lo sgyur ba'i rgyal po byas so/ / tshe 'di la gal te rab tu 'byung bar ma gyur na/ de bzhin du stobs kyis 'khor los sgyur ba'i rgyal po dbang phyug chen po la dbang sgyur ba byed par 'gyur ro// de nas 'khor mang po rnams the tsom du gyur nas/ yang bcom ldan 'das la 'di skad ces gsol to// btsun pa tshe dang ldan pa dga' bos sngon las ci bgyis na/ nyan thos kyi nang na dbang po'i sgo rab tu sdom pa'i mchog tu bka' stsal lags/ bcom ldan 'das kyis bka' stsal pa/ 'di ni smon lam gyi stobs las gyur pa yin te/ dge slong dag dga' bo 'di sngon de bzhin gshegs pa dgra bcom pa yang dag par rdzogs pa'i sangs rgyas 'od srungs kyi bstan pa las/ khyim nas khyim med par rab tu byung ba las/ de'i mkhan po bcom ldan 'das de'i bstan pa las dbang po'i sgo rab tu sdom pa'i mchog tu bsngags pa brjod par gyur to/ / des ji srid 'tsho ba'i bar du tshangs par spyad kyang / tshe de nyid las mngon par rtogs pa ci'ang thob par ma gyur pas/ de 'chi ba'i dus kyi tshe// 'di skad du bdag gis de bzhin gshegs pa'i bstan pa las/ ji srid 'tsho ba'i bar du tshangs par smad kyang / tshe 'di nyid la mngon par rtogs pa ci'ang med pas/ bdag gis 'dir tshangs par spyad pa'i dge ba'i rtsa ba 'das/ bcom ldan 'das 'od srungs kyis ma 'ongs pa'i dus na/ zam ze'i khye'u tha ma zhes bya ba 'di yang dag par rdzogs pa'i byang chub mngon par rdzogs par 'tshang rgya bar 'gyur te/ mtshan yang shAkya thub pa zhes bya bar 'gyur ro// zhes lung bstan pas/ bdag kyang bcom ldan 'das 'di'i bstan pa las/ khyim nas khyim med par rab tu blu / / nyon mongs pa rnams spangs nas dgra bcom pa'i 'bras bu thob par gyur/ ji ltar bdag gi mkhan po 'di bcom ldan 'das 'da'o gas pab las dbang po'i sgo rab tu sdom pa'i mchog tu gyur pa de bzhin du/ bdag kyang bcom ldan 'das de'i bstan pa las dbang po'i sgo sdom pa'i mchog tu gyur cig ces smon lam btab pas na/ smon lam de'i stobs dang 'dir nga'i bstan pa las nyan thos kyi nang na dbang po'i sgo rab tu sdom pa'i mchog tu gyur pa yin no// 'di ltar dge slong dag gang gcig tu gnag pa'i las kyi rnam par smin pa'ang gcig tu gnag go/ / gang gcig tu dkar ba'i las kyi rnam par smin pa'ang gcig tu dkar ro// las 'dren ma gang yin pa de ni rnam par smin pa'ang 'dren ma myong bar 'gyur te/ de lta bas na khyed kyis gcig tu gnag pa dang 'dren ma'i las spongs la/ gcig tu dkar ba'i las bsgrub par bya'o// 'phags pa dkon mchog brtsegs pa chen po'i mdo stong phrag brgya pa las/

CLOSE WINDOW