rgya gar skad du/ Ar+ya ta thA ga tA a tsin t+ya gu h+ya nir de sha nA ma ma hA yA na sU tra/ bod skad du/ 'phags pa de bzhin gshegs pa'i gsang ba bsam gyis mi khyab pa bstan pa zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la/ dge slong bzhi khri nyis stong gi dge slong gi dge 'dun chen po dang / byang chub sems dpa' sems dpa' chen po mngon par shes pas mngon par shes pa/ phal cher sangs rgyas kyi zhing gzhan nas 'dus pa'i byang chub sems dpa' brgyad khri bzhi stong dang thabs cig tu bzhugs te/ thams cad kyang bzod pa thob pa/ phyir mi ldog pa/ skye ba gcig gis thogs pa/ gzungs thob pa/ ting nge 'dzin thob pa/ spobs pa thogs pa med pa/ phyogs bcu mtha' yas pa'i sangs rgyas kyi zhing du 'gro ba la mkhas pa/ mngon par shes pa'i ye shes kyis rnam par rtsen pa/ phas kyi rgol ba thams cad kyis zil gyis mi non pa bdud dang phyir rgol ba bcom pa/ sems can thams cad kyi sems dang / bsam pa dang / spyod pa'i sgrub pa shes pa/ dbang po mchog dang mchog ma yin pa shes pa la mkhas pa/ pha rol tu phyin pa thams cad kyi tshul la 'jug par rab tu zhugs pa/ thabs la mkhas pa dam pa'i pha rol tu son pa/ sangs rgyas thams cad kyis bstod cing bsngags te bkur la rab tu bsngags pa/ bskal pa bye ba khrag khrig brgya stong dadag tu med par byang chub kyi lam mtha' yas pa mthar gtugs pa/ sems sa dang / chu dang / me dang / rlung dang mtshungs pa/ nam mkha' ltar mtha' yas pa'i byams pa bsgom pa'i rnal 'byor la brtson pa/ chags pa'i gnas sgrib pa dang / chod pa dang / kun nas ldang ba thams cad las yang dag par 'das pa mthu bo che'i lus thob pa/ rdo rje ltar sra zhing mi tshugs pa'i lus dang ldan pa/ seng ge'i sgra chen po sgrogs pa/ 'khor thams cad zil gyis gnon pa la 'jigs pa med par mkhas pa/ zla ba dang nyi ma mog mog por byed pa/ chos thams cad ji lta ba bzhin du dus gsum mnyam pa nyid thob pa/ chos zab mo rnam par nges pa ye shes kyis ston pa la mkhas pa/ rten cing 'brel par 'byung ba la zhugs pas rtag pa dang chad par lta ba'i mtha' gnyis yongs su spangs pa/ bsam gtan dang / rnam par thar pa dang / ting nge 'dzin dang / snyoms par 'jug pa dang / mnyam par gzhag pa dang / ldang ba shes pa la mkhas pa/ phyogs bcur sgra grags pa/ dam pa'i chos dkon mchog gi mdzod yang dag par 'dzin pa/ dkon mchog gsum gyi rigs mi 'chad par byed pa/ bsod nams dang ye shes kyi tshogs dpag tu med pa bsags pa sha stag la 'di lta ste/ byang chub sems dpa' zla ba'i bla ma zhes bya ba dang / zla ba'i tog dang / ri bong can gyi tog dang / 'od kyi tog dang / 'od dpal dang / dpal brtsegs dang / dpal sbas dang / mthu bo che dang / klu dga' dang / klu'i bla ma dang / klus byin dang / gzungs 'dzin dang / mya ngam gyi lha dang / yon tan sgron ma'i rgyal po dang / lag na sgron ma dang / rtag tu lag bteg dang / rtag tu lag brkyang dang / lag na phyag rgya rin po che dang / lag na rin po che dang / kun tu snang dang / skar ma'i rgyal po dang / lag na rdo rje dang / rdo rje'i blo gros dang / rdo rje blo gros chen po dang / rdo rjes rnam par gnon pa dang / mi g.yo ba'i gom par 'gro ba dang / 'jig rten gsum rnam par gnon pa dang / mtha' yas rnam par gnon pa dang / blo gros mtha' yas dang / blo gros rgya mtsho dang / brtan pa'i blo gros dang / nor gyi blo gros dang / bla ma'i blo gros dang / khyad par blo gros dang / 'phel ba'i blo gros dang / rtag tu mos dang / rtag tu dgod cing rab tu dga' ba'i dbang po dang / ngan song spong dang / sgrib pa thams cad rnam par sel ba dang / shin tu sbyangs pa dri ma med pa'i gzi brjid 'chang ba dang / brtson 'grus 'bar ba dang / shes rab brtsegs dang / rtag par lha dang / spyan ras gzigs dbang phyug dang / mthu chen thob dang / lhun po brtsegs dang / nam mkha' mdzod dang / mi 'dzums pa dang / brjod med dang / rin chen dam pa dang / rin chen sems pa dang / legs par rnam par sems pa dang / don legs par rnam par bsams pa dang / shin tu nges pa'i blo gros dang / gzungs kyi dbang phyug gi rgyal po dang / sa 'dzin dang / bkod pa'i rgyal po dang / zhing yang dag par brgyan pa dang / rin chen 'byung gnas dang / phug sbas dang / dbang po'i lha dang / chu lha dang / tshangs pa dra ba can dang / byang chub sems dpa' dra ba can gyi 'od ces bya ba dang / lha'i cod pan dang / lag bzang dang / mig bzangs dang / spos kyi glang po dang / ba glang spos kyi glang po che dang / seng ge'i tog dang / don grub blo gros dang / kha lo sgyur dang / zhi ba'i blo gros dang / byams pa dang / 'jam dpal gzhon nur gyur pa dang / de dag la sogs pa byang chub sems dpa' brgyad khri bzhi stong dang / gang dag stong gsum gyi stong chen po'i 'jig rten gyi khams 'di na brgya byin dang tshangs pa dang / 'jig rten skyong dang / de ma yin pa lha'i dbang po 'am/ klu'i dbang po 'am/ gnod sbyin gyi dbang po 'am/ dri za'i dbang po 'am/ lha ma yin gyi dbang po 'am nam mkha' lding gi dbang po 'am/ mi 'am ci'i dbang po 'am/ lto 'phye chen po'i dbang po dbang che ba/ dbang che bar grags pa yod pa de dag thams cad kyang 'khor de nyid du 'dus par gyur pa la 'di lta ste/ klu'i rgyal po ma dros pa zhes bya ba dang / klu'i rgyal po rgya mtsho dang / chu lha dang / gzi can dang / 'jog po dang / gser mdog dang / kha dog mtha' yas dang / klu'i rgyal po mtshams bzangs dang / de dag dang gzhan yang klu'i rgyal po 'khor dang bcas pa brgya stong phrag mang po/ bcom ldan 'das la blta ba dang / phyag bya ba dang / mchod pa dang / bsnyen bkur bya ba dang / chos mnyan pa'i phyir 'khor de nyid du 'dus par gyur to// lha ma yin gyi dbang po sgra gcan dang / thag zangs ris dang / lag bzangs dang / sa la dang / ta la dang / bde mchog dang / rab sim dang / che rab dang / lha ma yin gyi dbang po gnod sbyin gzhan dang / de dag dang gzhan yang lha ma yin gyi dbang po 'khor dang bcas pa brgya stong mang po/ bcom ldan 'das la blta ba dang / phyag bya ba dang / mchod pa dang / bsnyen bkur bya ba dang / chos mnyan pa'i phyir 'khor de nyid du 'dus par gyur to// rgyal po ma skyes dgra'ang btsun mo'i 'khor dang bcas/ rang gi gnyen dang 'khor dang bcas te/ bcom ldan 'das la blta ba dang / phyag bya ba dang / mchod pa dang / bsnyen bkur bya ba dang / chos mnyan pa'i phyir 'khor de nyid du 'dus par gyur to// de ma yin pa gzhan yang 'khor bzhi po dge slong dang / dge slong ma dang / dge bsnyen dang / dge bsnyen ma dang / bcom ldan 'das la blta ba dang / phyag bya ba dang / mchod pa bya ba dang / bsnyen bkur bya ba dang / chos mnyan pa'i phyir 'khor de nyid du 'dus par gyur to// sa bla na spyod pa'i lha'i bu rnams dang / 'dod pa na spyod pa dang / gzugs na spyod pa dang / gnas gtsang ma'i ris kyi lha'i bu rnams kyang / bcom ldan 'das la blta ba dang / phyag bya ba dang / mchod pa dang / bsnyen bkur bya ba dang / chos mnyan pa'i phyir 'khor de nyid du 'dus par gyur to// de nas bcom ldan 'das 'khor brgya stong du mas yongs su bskor cing mdun gyis bltas te/ 'di ltar byang chub sems dpa' sems dpa' chen po rnams kyi tshogs rnam par dag pa'i sgo bsdu ba yongs su bskang ba'i phyir chos ston to// 'di lta ste/ byang chub sems dpa' rnams kyi sbyin pa'i tshogs ni sems can yongs su smin par byed par 'gyur ro/ / byang chub sems dpa' rnams kyi tshul khrims kyi tshogs ni smon lam yongs su rdzogs par 'gyur ro// byang chub sems dpa' rnams kyi bzod pa'i tshogs ni mtshan dang dpe byad bzang po yongs su rdzogs par 'gyur ro/ / byang chub sems dpa' rnams kyi brtson 'grus kyi tshogs ni sangs rgyas kyi chos thams cad yongs su rdzogs par 'gyur ro/ / byang chub sems dpa' rnams kyi bsam gtan gyi tshogs ni cang shes kyi sems su 'gyur ro// byang chub sems dpa' rnams kyi shes rab kyi tshogs ni nyon mongs pa thams cad spong bar 'gyur ro/ / byang chub sems dpa' rnams kyi chos bstan pa'i tshogs ni spobs pa thogs pa med par 'gyur ro// byang chub sems dpa' rnams kyi bsod nams kyi tshogs ni sems can thams cad nye bar 'tsho bar 'gyur ro/ / byang chub sems dpa' rnams kyi ye shes kyi tshogs ni thogs pa med pa'i ye shes su 'gyur ro// byang chub sems dpa' rnams kyi zhi gnas kyi tshogs ni sems las su rung bar 'gyur ro/ / byang chub sems dpa' rnams kyi lhag mthong gi tshogs ni the tshom dang bral bar 'gyur ro// byang chub sems dpa' rnams kyi byams pa'i tshogs ni zhe 'gras pa med pa'i sems su 'gyur ro/ / byang chub sems dpa' rnams kyi snying rje'i tshogs ni yongs su mi skyo ba'i sems su 'gyur ro// dga' ba'i tshogs ni chos kyi kun dga' la dga' zhing mos par 'gyur ro/ / btang snyoms kyi tshogs ni rjes su 'chags pa dang khong khro ba spong bar 'gyur ro// byang chub sems dpa' rnams kyi chos mnyan pa'i tshogs ni sgrib pa spong bar 'gyur ro/ / byang chub sems dpa' rnams kyi mngon par 'byung ba'i tshogs ni yongs su 'dzin pa thams cad 'dor bar 'gyur ro// byang chub sems dpa' rnams kyi dgon pa la gnas pa'i tshogs ni byas pa'i las chud mi za bar 'gyur ro/ / dran pa'i tshogs ni gzungs 'thob par 'gyur ro// blo gros kyi tshogs ni blo gros rab tu 'byed par 'gyur ro// rtogs pa'i tshogs ni don rtogs pa'i rjes su 'gro bar 'gyur ro/ / dran pa nye bar gzhag pa'i tshogs ni lus dang / tsher ba dang / sems dang / chos la so sor rtog par 'gyur ro// yang dag par spong ba'i tshogs ni mi dge ba'i chos thams cad spong ba dang dge ba'i chos thams cad yongs su rdzogs par 'gyur ro/ / rdzu 'phrul gyi rkang pa'i tshogs ni lus dang sems yang bar 'gyur ro// dbang po lnga'i tshogs ni dbang po mchog dang mchog ma yin pa shes par 'gyur ro/ / stobs lnga'i tshogs ni nyon mongs pa thams cad kyis mi brdzi bar 'gyur ro// byang chub kyi yan lag gi tshogs ni chos thams cad ji lta ba bzhin du khong du chud par 'gyur ro/ / lam gyi tshogs ni lam ngan pa thams cad las yang dag par 'da' bar 'gyur ro// bden pa'i tshogs ni mi 'khrugs pa'i chos nyid du 'gyur ro// so so yang dag par rig pa'i tshig ni sam can thams cad kyi the tshom gcod par 'gyur ro/ / ston pa'i tshogs ni gzhan dag la rag ma las pa'i ye shes su 'gyur ro// dge ba'i bshes gnyen gyi tshogs ni yon tan thams cad skye ba'i sgor 'gyur ro// bsam pa'i tshogs ni 'jig rten thams cad la mi slu bar 'gyur ro// lhag pa'i bsam pa'i tshogs ni khyad par du 'gro bar 'gyur ro// sbyor ba'i tshogs ni rtsom pa thams cad nyams 'og tu chud par 'gyur ro/ / nang du yang dag 'jog gi tshogs ni ji skad thos pa'i chos chud mi gson par 'gyur ro// bsdu ba'i dngos po'i tshogs ni sems can yongs su smin par byed par 'gyur ro// dam pa'i chos yongs su 'dzin pa'i tshogs ni dkon mchog gsum gyi rigs rgyun mi gcod par 'gyur ro/ / bsngo ba la mkhas pa'i tshogs ni sangs rgyas kyi zhing yongs su dag par 'gyur ro// byang chub sems dpa' rnams kyi thabs la mkhas pa'i tshogs ni thams cad mkhyen pa'i ye shes yongs su rdzogs par 'gyur ro// de ltar bcom ldan 'das kyis byang chub sems dpa' sems dpa' chen po rnams la tshogs rnam par dag pa'i sgo bsdu ba zhes bya ba'i chos kyi rnam grangs rgyas par bshad do/ / tshogs rnam par dag pa'i sgo bsdu ba bstan pa 'di bshad pa'i tshe/ bcom ldan 'das kyi g.yas phyogs na gsang ba pa'i bdag po lag na rdo rje rdo rje thogs nas 'dug par gyur to/ / de nas bcom ldan 'das la/ gsang ba pa'i bdag po lag na rdo rjes 'di skad ces gsol to// ji tsam du de bzhin gshegs pas byang chub sems dpa' sems dpa' chen po rnams kyi tshogs rnam par dag pa'i sgo bsdu ba zhes bgyi ba'i chos kyi rnam grangs 'di legs par gsungs pa ni/ bcom ldan 'das ngo mtshar lags so/ / yang bcom ldan 'das kyis ji skad bshad pa'i don bdag gis 'tshal ba ltar na/ bdag 'di snyam du bgyid de/ bcom ldan 'das byang chub sems dpa' sems dpa' chen po rnams kyi tshogs de dag thams cad ni bsod nams kyi tshogs dang ye shes kyi tshogs kyi nang du 'dus shing rjes su zhugs par 'tshal bar bgyi'o/ / de ci'i slad du zhe na/ bcom ldan 'das byang chub sems dpa' sems dpa' chen po rnams kyi bsod nams kyi tshogs ni rnam par bsgrub pa thams cad rnam par bsgrub bo/ / ye shes kyi tshogs ni sems can thams cad la legs par bshad pas tshim par bgyid do/ / bcom ldan 'das de lta bas na byang chub sems dpa' sems dpa' chen pos bsod nams kyi tshogs dang ye shes kyi tshogs la brtson par bgyi'o// de ci'i slad du zhe na/ bcom ldan 'das bsod nams kyi tshogs kyis ni/ byang chub sems dpa' rnams kyi thabs la mkhas pa'i pha rol tu phyin pa yongs su rdzogs par bgyid do// byang chub sems dpa'i lam 'di gnyis ni lam thams cad sdud par 'gyur ba lags so/ / byang chub sems dpa' lam la gnas pa ni bdud sdig can gyis thul bar dka' 'o// bdud kyi lam las yang dag par 'das pa'i byang chub sems dpa' ni bla na med pa yang dag par rdzogs pa'i byang chub las phyir mi ldog par 'gyur te/ phyir mi ldog pa'i byang chub sems dpa' la ni sangs rgyas bcom ldan 'das rnams de bzhin gshegs pa'i gsang ba thams cad ston te mi 'chab bo/ / de nas byang chub sems dpa' zhi ba'i blo gros kyis/ gsang ba pa'i bdag po lag na rdo rje la 'di skad ces smras so// gsang ba pa'i bdag po khyod ning bzhin gshegs pa'i zham ring ba nye ba na 'dug pa yin na/ gsang ba pa'i bdag po de bzhin gshegs pa'i gsang ba'i gnas gang nyan thos dang rang sangs rgyas thams cad kyi sa'ang ma yin na/ de ma yin pa'i sems can tham lta smras kyang kyi dgas pa la rnams te/ khyed stobs par gyis shig/ de skad ces smras pa dang / gsang ba pa'i bdag po lag na rnga rdzas cang ma bas khas blangs so/ / de nas byang chub sems dpa' zhi ba'i blo gros kyis/ gsang ba pa'i bdag po lag na rdo rjes cang mi smra bas khas blangs par rig nas/ bcom ldan 'das la 'di skad ces gsol to/ / bcom ldan 'das gang dag thos pas byang chub sems dpa' sems dpa' chen po rnams rab tu dga' bar 'gyur te/ byang chub kyi phyogs kyi chos rnams yang dag par sgrub pa dang / de bzhin gshegs pa'i gsang ba yongs su rdzogs par bgyi ba'i slad du brtson par bgyid par de bzhin gshegs pa'i gsang ba 'khor 'di la 'chad par gsang ba pa'i bdag po lag na rdo rje smra mdzad du gsol/ da skad ces gsol pa dang / bcom ldan 'das kyis/ gsang ba pa'i bdag po lag na rdo rje la 'di skad ces bka' stsal to// gsang ba pa'i bdag po byang chub sems dpa'i gsang ba dang / de bzhin gshegs pa'i gsang ba 'khor 'di nyan par 'dod de khyod la ngas bskul gyis/ de bzhin gshegs pa'i gsang ba la rtsoms te/ 'khor 'dir spobs par gyis shig/ de skad ces bka' stsal pa dang / gsang ba pa'i bdag po lag na rdo rjes/ bcom ldan 'das la 'di skad ces gsol to// bcom ldan 'das 'di ltar sangs rgyas kyi mthu dang / sangs rgyas kyi byin gyi rlabs kyis byang chub sems dpa'i gsang ba rnams dang / de bzhin gshegs pa'i gsang ba rnams la gang cung zad 'jug par bgyi ba tsam zhig bstan pa bdag gis bstan par bgyi'o/ / bcom ldan 'das 'di lta ste/ dper bgyin mtshan mo mun pa mun nag gi nang na mar me'i mthus/ gzugs su gyur pa'i rnam pa thams cad gda' ba de bzhin du/ bcom ldan 'das sangs rgyas kyi mthu dang / sangs rgyas kyi byin gyi rlabs kyis byang chub sems dpa'i gsang ba rnams dang / de bzhin gshegs pa'i gsang ba rnams la gang cung zad 'jug par bgyi brtsam bstan par bgyi'o/ / de nas gsang ba pa'i bdag po lag na rdo rjes/ byang chub sems dpa' sems dpa' chen po zhi ba'i blo gros la 'di skad ces smras so// rigs kyi bu de'i phyir nas byang chub sems dpa'i gsang ba rnams dang / de bzhin gshegs pa'i gsang ba rnams thos nas mi dngang / mi skrag/ skrag par mi 'gyur bar 'khor legs par khod cigade nas byang chub sems dpa' sems dpa' chen po zhi ba'i blo gros kyis/ thams cad dang ldan pa'i 'khor la smras pa/ grogs po dag de bzhin gshegs pas bsam gyis mi khyab pa 'di bzhi gsungs te/ bzhi gang zhe na/ 'di lta ste/ las bsam gyis mi khyab pa dang / klu bsam gyis mi khyab pa dang / bsam gtan pa bsam gyis mi khyab pa dang / sangs rgyas bsam gyis mi khyab pa'o// yang grogs po dag gang gi phyir bla na med pa yang dag par rdzogs pa'i byang chub mngon par rdzogs par sangs rgyas nas/ bsam gyi mi khyab pa 'di bzhi rnam par bkod pa bsam gyis mi khyab pa 'di bzhi'i nang na de bzhin gshegs pas bsam gyis mi khyab pa mchog tu gsungs so/ / grogs po dag de la khyed kyis byang chub sems dpa'i bsam gyis mi khyab pa dang / de bzhin gshegs pa'i bsam gyis mi khyab pa thos nas mi sdang / mi skrag/ skrag par mi 'gyur bar bya'o// thos nas lhag par dga' ba dang / dad pa dang / mchog tu dga' ba rgya cher bskyed par bya'o/ / de nas byang chub sems dpa' sems dpa' chen po zhi ba'i blo gros kyis/ ji ltar thams cad dang ldan pa'i 'khor de bzhin gshegs pa'i gsang ba nyan pa la mos par gyur cing / thams cad dang ldan pa'i 'khor gyi dkyil 'khor du lha'i me tog gis pus mo nub tsam du bkram par gyur pa de lta bu'i byin gyi rlabs kyis byin gyis brlabs so// de nas gsang ba pa'i bdag po lag na rdo rjes byang chub sems dpa' sems dpa' chen po zhi ba'i blo gros la 'di skad ces smras so/ / zhi ba'i blo gros de'i phyir shin tu legs par nyon la yid la zung zhig dang / byang chub sems dpa'i gsang ba pa'i gnas rnams bshad par bya'o/ / zhi ba'i blo gros gang tshun chad bcom ldan 'das de bzhin gshegs pa mar me mdzad kyis/ de bzhin gshegs pa byang chub sems dpar gyur pa na/ bla na med pa yang dag par rdzogs pa'i byang chub tu lung bstan pa de tshun chad kho bo byang chub sems dpa'i zhabs 'bring na 'dug 'dug na/ byang chub sems dpa'i lus 'gyur ba 'am/ lus tshul 'chos pa kho bos nam yang ma mthong ngo // ngag 'gyur ba 'am/ ngag gi kha gsag kyang ma thos so// sems 'gyur ba 'am/ sems g.yo ba'ang ma mthong ngo // de lus dang lus kyi spyad lam gyis sems can rnams yongs su smin par byed de/ tshig tu ni mi spro// sems can yongs su smin par bya ba'i phyir/ de'i lus kyi spyod lam mthara' las ma med par snang ste/ zhi ba'i blo gros sems can thams cad kyi lus kyi spyod lam ji snyed pa/ byang chub sems dpa'i lus kyi spyod lam yang de snyed du lhun gyis grub cing sgrim pa med par gnas so/ / 'di lta ste/ bsam gtan gyis 'dul ba'i sems can rnams la bsam gtan gyi spyod lam ston to// rlud kyi sgra dang klu'i dbyangs kyis 'dul ba'i sems can rnams la rgya kyi sgra dang glu'i dbyangs kyi spyod lam dang / khye'us 'dul ba'i sems can rnams la khye'u'i spyod lam dang / bu mos 'dul ba'i sems can rnams la bu mo'i spyod lam dang / bud med kyis 'dul pa'i sems can rnams la bud med kyi spyod lam dang / skyes pas 'dul ba'i sems can rnams la skyes pa'i spyod las dang / gzhon nus 'dul po'i sems can rnams la gzhon nu'i sku lam dang / bar mas 'dul ba'i sems can rnams la bar ma'i spyod lam dang / rgan pos 'dul ba'i sems can rnams la rgan po'i spyod lam dang / yan lag ma tshang bas 'dul ba'i sems can rnams la yan lag ma tshang ba'i spod lam dang / gdol pa rkang lag chad pas 'dul ba'i sems can rnams la gdol pa rkang lag chad pa'i spyod lam dang / lkugs pa dang 'phye bos 'dul ba'i sems can rnams la lkugs pa dong 'phye bo'i spyod lam dang / long ba dang 'on pas 'dul ba'i sems can rnams la long ba dang 'on pa'i spyod lam dang / sems can dmyal ba pa'i gzugs kyis 'dul ba'i sems can rnams la sems can dmyal ba pa'i gzugs kyi spyod lam dang / dud 'gro'i skye gnas dang / gshin rje'i 'jig rten dang / mis 'dul ba'i sems can rnams la/ dud 'gro'i skye gnas dang / gshin rje'i 'jig rten dang / mi'i spyod lam dang / lhas 'dul ba'i sems can rnams la lha'i spyod lam dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen pos 'dul ba'i sems can rnams la/ klu dang / gnod sbyin dang / driza dang / lha ma yin dang / nam mkha' lding dang / mi 'am ci dang / lto 'phye chen po'i spyod lam dang / brgya byin gyis 'dul ba'i sems can rnams la brgya byin gyi spyod lam dang tshangs pas 'dul ba'i sems can rnams la tshangs pa'i spyod lam dang / 'jig rten skyong bas 'dul ba'i sems can rnams la 'jig rten skyong ba'i spyod lam dang / 'khor los sgyur bas 'dul ba'i sems can rnams la 'khor los sgyur ba'i spyod lam dang / dge slong gis 'dul ba'i sems can rnams la dge slong gi spyod lam dang / dge slong mas 'dul ba'i sems can rnams la dge slong ma'i spyod lam dang / dge bsnyen gyis 'dul ba'i sems can rnams la dge snyan gyi spyod lam dang / dge bsnyen mas 'dul ba'i sems can rnams la dge bsnyen ma'i spyod lam dang nyan thos kyis 'dul ba'i sems can rnams la nyan thos kyi spyod lam dang / rang sangs rgyas kyis 'dul ba'i sems can rnams la rang sangs rgyas kyi spyod lam dang / byang chub sems dpas 'dul ba'i sems can rnams la byang chub sems dpa'i spyod lam dang / de bzhin gshegs pas 'dul ba'i sems can rnams la de bzhin gshegs pa'i spyod lam ston te/ gzugs med pa ni ma gtogs so/ / zhi ba'i blo gros de ltar sems can thams cad kyi gzugs dang / kha dog dang / spyod lam ji snyed pa byang chub sems dpa'i gzugs dang / kha dog dang / spyod lam yang de skad du lhun gyis grub cing yongs su mi rtog par kun tu gnas so/ / de la byang chub sems dpa' rnam par mi rtog cing btang snyoms pa de lus kyis lus kyi spyod lam ston mod kyi lus kyi chos nyid las kyang mi g.yo'o/ / lus kyis lus kyi las byed mod kyi/ lus kyi dben pa'ang mi 'dor ro// de lus yongs su dag pas lus kyi 'od kyis sems can dmyal/ ba pa'i sems can thams cad bde bar byed do// lus la mi lta bas sha za ba'i sems can ji snyed yod pa sha'i longs spyod gang dang gang 'dod pa de lta bu'i sha rnams bdag gi lus las de dag la bstabs nas/ bdag srog dang phral te sems can de dag la sbyin par byed do// khrag 'thung ba rnams la khrag sbyin par byed do// rkang za ba rnams la rkang sbyin par byed do// gzi byin za ba rnams la gzi byin sbyin par byed do/ / zhi ba'i blo gros de ltar sha'i longs spyod ji snyed pa de dag thams cad bdag gi lus las bstabs te/ srog dang phral nas sems can de dag la sbyin par byed do// de'i lus tshad med pa ni chos kyi dbyings tshad med pa'i rjes su 'gro bas mi zad do// de'i lus mi zad pa mngon par sgrub pa ni rten cing 'brel par 'byung ba mi zad pa mngon par sgrub pas rab tu rig par 'gyur ro/ / de lus kyis sems can rnams yongs su smin par byed de/ gang dag 'dod chags la spyod pa sdug pa'i rnam pa dang / mtshan mar 'dzin pa'i sems can de dag gi mdun du bud med gzug bzang zhing mdzes pa blta na sdug pa ston te/ de la sems can de dag chags pa skyes nas byugs shing kun tu byugs te/ de dag pang du 'jog go// de dag skyes bu de dag gi pang du son pa dang rnyis shing bskams nas 'chi ba'i dus byed do/ / mi gtsang zhing dri mi zhim par gyur pas skyes bu de dag des yid byung nas bor te song ba dang / shi ba'i ro de dag nyid las skyes bu de dag bla na med pa yang dag par rdzogs pa'i byang chub las phyir mi ldog par 'gyur ba'i chos bstan pa de lta bu 'byung ngo / / yang zhi ba'i blo gros byang chub sems dpa' de stong gsum gyi stong chen po'i 'jig rten gyi khams 'di lus kyis khyab par byas te/ sor mo'i rtse mos yungs 'bru la bya ba de bzhin du rin po che'i gdugs kyis khebs par byed do// sreg pa'i bskal pa'i me la lag pa'i sor mo'i g.yogs kyang / de'i lus nyams par mi 'gyur ro// de lus kyis sangs rgyas bcom ldan 'das rnams la mchod cing rim gro byed de/ me tog gi gdugs ri rab tsam dag kyang 'bul lo// de bzhin gshegs pa rnams la mchod pa bya ba'i phyir me tog gi skon bu dag kyang 'thor ro/ / de bzhin gshegs pa rnams la mchod pa bya ba'i phyir de stong gsum gyi stong chen po'i 'jig rten gyi khams 'di spos kyi 'bru mar gyis gang ba'i snod gcig tu mos te/ ri rab tsam gyi snying po 'bar bar byas pa'i mar me 'bar bar byed do// de bzhin gshegs pa la mchod pa bya ba'i phyir gang+gA'i klung gi bye ma snyed kyi mar me 'bar bar byed do// de bzhin gshegs pa la mchod pa bya ba'i phyir rang gi lus kyang ras bcos bus dkris nas/ mar dang 'bru mar gyis bskus te mar mer 'bud do// de 'bar bar 'gyur ba'i tshe sangs rgyas kyi zhing gang+gA'i klung gi bye ma snyed snang ba chen pos khyab par gyur te/ sems can dag gis kyang mthong zhing shes te/ byang chub sems dpa'i khyu mchog tu gyur pa de mthong nas kyang // sems can tshad med grangs med pa dag bla na med pa yang dag par rdzogs pa'i byang chub tu sems skyed do/ / nga rgyal dang / rgyags pa dang / dregs pas rlom pa'i sems can rnams la'ang bdag gi gzugs chen po che chen po dang / sred med kyi bu dang / lag na rdo rje'i gzugs su ston te/ der sems can de dag sprul pas 'jigs skrags nas/ byang chub sems dpa' de la mngon par 'dud cing phyag 'tshal lo/ / de la chos kyang nyan par 'dod do// gang yang grong khyer chen po dag gi dur khrod chen po srog chags brgya stong du mas gang bar gyur pa der yang / byang chub sems dpa' sems dpa' chen po des bdag gi lus chen po shi zhing dus las 'das par ston to/ / der yang sems can dud 'gro'i skye gnas su gyur pa de dag gis ji tsam du 'dod par sha la zos nas tshe'i mthar phyin te 'chi ba'i dus su gyur cing / shi nas bde 'gro mtho ris kyi 'jig rten du lha'i nang du skye'o// de yang de dag yongs su mya ngan las 'da' ba'i bar du rgyur 'gyur ro// de ni byang chub sems dpa' de nyid kyi sngon gyi smon lam yongs su dag pa'i phyir te/ bdag 'chi ba'i dus su gyur nas/ shi ba'i lus la sems can gang dag gis zos pa de dag la de nyid mtho ris su skye ba nas yongs su mya ngan las 'da' ba'i bar gyi rgyur gyur cig ces yun ring po nas smon lam btab ste/ tshul khrims dang ldan pa de bsam pa 'grub/ 'dod pa 'grub/ smon pa grub bo// zhi ba'i blo gros rnam grangs 'dis ji ltar byang chub sems dpa'i lus tshad med cing mtha' yas par khyod kyis rig par bya ste/ zhi ba'i blo gros sngon byung ba 'das pa'i dus na/ 'dzam bu'i gling du gtogs pa nam mkhas bskor ba 'di nyid du grong khyer brgyad khri bzhi stong pa phrag bzhi byung ste/ de na grong dang / tshong dus dang / ri khrod stong phrag mang po srog chags bye ba khrag khrig brgya stestong mang po gnas pa yod de/ zhi ba'i blo gros de'i tshe de'i dus na nad chen po'i bskal pa bar ma byung ste/ der sems can dag nad sna tshogs kyis btab par gyur nas/ phal cher lus shu ba can dang / lus rnags pa dang / 'bras dang / phol mig dang / me dpal dang / thor bu dang / rlung dang / mkhris pa dang / bad kan gyi nad rnams kyis rgyas par gyur to// de'i tshe sman pa stong phrag du ma sems can de dag gi nad de zhi bar bya ba'i phyir brtson par gyur kyang / sems can de dag gi nad de bsal bar ma nus so// der sems can de dag gis gso ba'i dpyad ma rnyed de skyabs med rten med nas 'di skad du/ nad 'di las ni thar byed pa// lha 'am klu 'am dri za 'am// gnod sbyin dang ni mi yang rung // mi ma yin pa su zhig yod// sdug bsngal 'di las thar byed pa/ / de la nor rnams thams cad btang // rjes su bstan pa bzhin du bya// byas pa dag kyang gzo bar bya// zhes ku co cher 'don to// ba'i blo gros 'di ltar bcom ldan 'das shAkya thub pa 'di de'i tshe de'i dus na lha'i dbang po brgya byin mig bzangs zhes bya bar gyur te/ des lha'i mig rnam par dag pa mi'i las 'das pas sems can de dag nad sna tshogs mang pos btab pa'ang mthong / lha'i rna ba rnam par dag pa mi'i las 'das pas ku co chen po 'don pa'i sgra'ang thos so// des de dag mthong zhing thos nas kyang snying rje chen po skyed de/ de 'di snyam du bdag ci nas sems can gnas med pa 'di dag gi gnas su 'gyur bar bya'o// skyabs med pa dang rten med pa rnams kyi skyabs dang rten du 'gyur bar bya'o snyam du bsams nas/ des de ma thag tu 'dzam bu gling gi dbus na grong khyer chen po ku ru zhes bya ba zhig yod pa dang / ha cang yang mi ring ba zhig tu srog chags nges pa zhes bya bar rdzus te skyes nas steng gi bar snang la 'dug ste/ 'dzam bu'i gling gi mi thams cad la tshigs su bcad pas bskul ba/ ku ru'i grong khyer nye ba na// srog chags nges pa zhes bya yod// de yi sha la sus zos pa// de ni nang las thar bar 'gyur// 'jigs par ma byed skrag par ma byed par// ji ltar 'dod pa de yi sha long zhig/ de la khro med gshe med gnod sems med// 'dzam bu gling 'dir de ni sman yin no// ni ba'i na grong dang / grong khyer dang / grong rdal dang / tshong dus dang / ri khrod de dag na sems can nad pa ji skad yod pa de dag gis sgra de thos nas/ grong khyer chen po ku ru ga la ba dang / srog/ chags kyi rnam pa nges pa ga la ba der song ste phyin nas/ srog chags nges pa'i lus las sha bcad cing bcad cing khyer yang / de'i lus la sha zad par ma gyur nas/ nges pas tshigs su bcad pa 'di smras so/ / bde ba gang gis byang chub 'thob 'gyur zhing // bdag gi ye shes zad par mi 'gyur ba// bden pa des ni bdag gi lus las sha/ 'dir ni nams kyang zad par ma gyur cig/ zhi ba'i blo gros de ltar phyogs bzhi'i sems can nad pa ji snyed yod pa de dag gis srog chags kyi rnam pa nges pa'i lus las sha bcad cing bcad cing khyer yang / de'i lus la bri ba 'am/ gang bar yang mi mngon te/ yang bcad yang bcad kyang phyir skye bar gyur to// zhi ba'i blo gros de ltar sems can ji snyed kyis srog chags kyi rnam pa nges pa'i sha zos pa de dag zos ma thag tu nad thams cad zhi ba gyur te/ nad med cing bde ba dang nyams pa med par gyur to// de nas mthar gyis 'dzam bu gling gi sems can gyi nang thams rang bsal bar gyur to// zhi ba'i blo gros de nas 'dzam bu gling gi skyes pa dang / bud med dang / khye'u dang / bu mo dag 'di snyam du sems te/ srog chags kyi rnam pa nges pa des bdag cag nang las yongs sa thar cing nang med par byas te/ bde pa med par byas kyis/ bdag cag gis de la mchod pa'i gnas cig bya'o snyam nas/ de dag thams cad gcig tu 'dus te/ srog chags kyi rnam pa nges pa ga la der song nas thal mo sbyar te/ srog chags kyi rnam pa nges pa la tshigs su bcad de smras pa/ khyod ni bdag cag gnas dang skyabs// khyod ni bdag cag sman pa sman// khyod la mchod pa gang bgyi ba/ / khyod kyis bdag cag bka' stsol cig/ de nas srog chags kyi rnam pa nges pas lus de mi snang bar byas te/ bdag gi brgya byin gyi lus su 'dug nas skye bo'i tshogs chen po de la tshigs su bcad pas smras pa/ nga la nor dang zas skom dang // gser dang 'bru rnams dgos pa med// thams cad lhan cig mthun par ni// dge ba bcu yi las lam srungs// sems can kun la phan pa'i phyir/ / byang chub smon lam brtan pa thob// phan pa'i dngos po nyid kyi sems// gcig la gcig kyang byams pa skyed// brgya byin las ni tshig 'di thos// sems can de dag rab dga' ste/ / shin tu yongs su dag pa yi// dge ba bcu yi las lam blangs// zhi ba'i blo gros de ltar de tshun chad 'dzam bu'i gling thams cad du skyes pa dang / bud med dang / khye'u dang / bu mo de snyed las tha na sems can gcig kyang log par ltung bar song ba mi dran no// de tshun chad de dag thams cad de dag shi 'phos te/ shi ba'i dus byas nas kyang bde 'gro mtha ris kyi 'jig rten du sum cu rtsa gsum gyi lha rnams dang skal ba mnyam par skyes te/ de dag yang lha'i dbang po brgya byin des chos kyi gtam gyis yang dag par dga' bar byas/ yang dag par 'dzin du bcug/ yang dag par gzengs bstod nas/ de la kha cig gis ni bla na med pa yang dag par rdzogs pa'i byang chub tu sems bskyed do// kha cig ni chos rnams la chos kyi mig rdul med cing dri ma dang bral ba rnam par dag go/ / zhi ba'i blo gros 'di ni byang chub sems dpa'i lus kyi gsang ba dang / lus kyi las yongs su dag pa ste/ de ltar lus gcig/ yongs su btang bas na sems can tshad med grangs med pa dag yongs su smin par byas so// gzhan yang gsang ba pa'i bdag po lag na rdo rjes/ byang chub sems dpa' zhi ba'i blo gros la 'di skad ces smras so/ / zhi ba'i blo gros byang chub sems dpa'i lus ni mi shigs pa/ sra ba/ brtan pa/ 'chi 'pho med pa/ rdzus te skye ba ste/ lus de ni 'jig pas 'dul ba'i sems can rnams 'dul ba'i dbang gi phyir 'jig go/ / lus mi 'jig pas 'dul ba'i sems can rnams 'dul ba'i dbang gi phyir thams cad kyi thams cad du mi 'jig ste/ mes mi tshig mtshon gyis mi tshugs shing / dngos rdo rje ltar sra zhing brtan te mi shigs pa'o// zhi ba'i blo gros de ltar byang chub sems dpa' ni lus kyis sems can yongs su smin par byed kyang / byang chub sems dpa' mi sem mi rtog ste/ lus la lus kyi dben pa'i mtshan nyid kyang rab tu shes so// lus kyi dben pa'i mtshan nyid kyis kyang chos kyi dben pa'i mtshan nyid shes so/ / lus kyi dben pa'i mtshan nyid dang / chos thams cad kyi dben pa'i mtshan nyid kyang gnyis su mi 'byed de/ lus kyi dben pa'i mtshan nyid kyi mtshan nyid gang yin pa de ni chos kyi dben pa'i mtshan nyid kyi mtshan nyid do/ / de ltar na dben pa'i mtshan nyid kyis rjes su 'jug go// de rang gi lus kyi dben pa'i mtshan nyid dang / sems can thams cad kyi lus kyi dben pa'i mtshan nyid mnyam par byed do/ / de rang gi lus kyi dben pa'i mtshan nyid dang / sems can thams cad kyi lus kyi dben pa'i mtshan nyid kyang / chos kyi dbyings kyi dben pa'i mtshan nyid du shes so/ / chos phra rab tsam yang mi dmigs pas chos kyi dbyings kyi dben pa'i mtshan nyid dang / chos thams cad kyi dben pa'i mtshan nyid kyang rjes su 'thob bo// de rang gi lus kyi de bzhin nyid kyis sems can thams cad kyi lus kyi de bzhin nyid shes so/ / sems can thams cad kyi lus kyi de bzhin nyid kyis rang gi lus kyi de bzhin nyid shes so// de rang gi lus kyi de bzhin nyid kyis chos thams cad kyi de bzhin nyid shes so/ / chos thams cad kyi de bzhin nyid kyis sangs rgyas thams cad kyi de bzhin nyid shes so// de rang gi lus kyi de bzhin nyid kyis 'das pa dang / ma 'ongs pa dang / da ltar byung ba'i de bzhin nyid shes te/ 'das pa'i de bzhin nyid kyang ma 'ongs pa'i de bzhin nyid dang 'gal bar mi byed do// 'das pa dang ma 'ongs pa dang / da ltar byung ba'i de bzhin nyid gang yin pa de phung po dang / khams dang / skye mched kyi de bzhin nyid do// phung po dang / khams dang / skye mched kyi de bzhin nyid gang yin pa de nyid kun nas nyon mongs pa dang / rnam par byang ba'i de bzhin nyid do// kun nas nyon mongs pa dang / rnam par byang ba'i de bzhin nyid gang yin pa de 'khor ba dang mya ngan las 'das pa'i de bzhin nyid do/ / 'khor ba dang mya ngan las 'das pa'i de bzhin nyid gang yin pa de mngon par 'du mi byed pa'i de bzhin nyid do// mngon par 'du mi byed pa'i de bzhin nyid gang yin pa de mngon par 'du byed pa thams cad kyi de bzhin nyid kyang de nyid yin no/ / rigs kyi bu de bzhin nyid ces bya ba ni de kho na nyid dang / de lta bu nyid dang / gzhan ma yin pa nyid dang / mi 'gyur ba nyid dang mi 'byung ba nyid dang / rtsod pa med pa nyid dang / gzugs med pa nyid do// de bzhin nyid la gzugs gang yang med de/ gzugs med pa ni de bzhin nyid ces bya'o// ji ltar de bzhin nyid gzugs med pa de bzhin du gzugs thams cad kyang gzugs med pa ste/ byang chub sems dpa' sems can thams cad la gzugs de ston kyang de bzhin nyid gzugs su mi byed do// de gzugs med cing rtsod pa med kyang lus dang gzugs thams cad kyang ton te/ de bzhin nyid kyang 'khrugs par mi byed do// de bzhin nyid kyi ye shes kyis de bzhin gshegs pa'i sku la rtog go// de bzhin gshegs pa'i sku mnyam pa nyid kyis bdag gi lus mnyam pa nyid la rtog go/ / lus ni shin tu ma skyes pa nyid yin pas na/ lus thams cad ni lus med par yang dag par mthong ngo // lus thams cad ni rten cing 'brel par 'byung bar rab tu shes so/ / shes nas kyang chos kyi sku mngon par sgrub bo// de chos kyi sku mngon par bsgrubs pas chos kyi sku nyid du 'gyur te/ phung po dang / khams dang / skye mched kyi lus ni ma yin no// de chos kyi skus rab tu phye bas na/ mthong bas kyang sems can rnams kyi don byed do// thos pa dang reg pas kyang sems can rnams kyi don byed do// zhi ba'i blo gros 'di lta ste/ dper na sman pa'i rgyal po 'tsho byed kyis rtsos thams cad bsdus te/ rtsi'i shing mang po las bu mo'i gzugs bzang zhing mdzes pa blta na sdug pa legs par byas te/ legs par zin cing legs par byi dor byas pa de 'ong ba 'am/ 'gro ba 'am/ 'greng ngam/ 'dug gam/ nyal yang rtog pa med cing / rnam par rtog pa med de// der nad pa gang btsun pa rgyal po 'am/ rgyal po'i blon po chen po 'am/ rgyal po'i bu 'am/ tshong dpon nam/ khyim bdag gam/ blon po 'am/ rgyal phran gang dag 'ong ba de dag sman pa'i rgyal po 'tsho byed kyis sman gyi bu mo deng sprad nas/ de dag phrad ma thag tu nad thams cad byang ste/ nad med cing bde la nyams pa med par 'gyur ro// zhi ba'i blo gros gang sman pa gzhan la med pa sman pa'i rgyal po 'tsho byed kyis 'jig rten gyi nang gso shes pa la ltos/ zhi ba'i blo gros de bzhin du byang chub sems dpa' chos kyi skus rab tu phye ba'ang sems can bud med dang / skyes pa dang / khye'u dang / bu mo 'dod chags dang / zhe sdang dang / gti mug gis yongs su gdungs pa ji snyed pa dag gi lus la reg na/ reg ma thag tu de dag gi nyon mongs pa thams cad rgyun chad par 'gyur ro// lus yongs su gdung ba dang bral bar yang shes so/ / de ni 'di ltar byang chub sems dpa' de nyid kyis sngon gyi smon lam shin tu dag pa'i phyir ro// zhi ba'i blo gros chos kyi skus rab tu phye ba'i phyir 'di'ang bya chub sems dpa'i lus kyi gsang ba'o/ / zhi ba'i blo gros byang chub sems dpa' chos kyi sku dang ldan pa rnams kyi lus ni zas skom gyis bskyed pa ma yin/ kham gyis za ba'i zas kyis kyang lus 'tsho ba ma yin te/ de zas thams cad yongs su shes pa dang ldan pas sems can la snying brtse ba'i phyir zas za'o// de zas za'ang med pa ma yin/ za'ang khong du 'jug par mi byed do// chos kyi sku'i stobs kyis mi nyams/ yongs su mi nyams so// zhi ba'i blo gros byang chub sems dpa' chos kyi sku dang ldan pa la skye ba dang / shi 'pho dang / 'byung ba med kyang sems can yongs su smin par bya ba'i phyir skye ba dang / shi 'pho dang / 'byung ba'ang ston to// de 'chi 'pho'ang chos thams cad la 'chi 'pho med cing mngon par 'du byed pa med par rab tu shes so/ / 'byung yang chos thams cad la 'pho ba med par rab tu shes so// skye'ang chos thams cad la skye ba med par rab tu shes so// de chos kyi sku dang ldan chos kyi zas dang ldan/ chos kyi stobs dang ldan zhing / chos la ston pas de bzhin gshegs pa'i sku rab tu shes te/ zhi ba'i blo gros de bzhin gshegs pa'i sku ni nam mkha'i sku/ mnyam pa dang mnyam pa'i sku/ 'jig rten gsum po thams cad las bye brag tu 'phags pa'i sku/ sems can thams cad kyi de bzhin nyid dang ldan pa'i ska/ dpe med pa/ 'dra ba med pa/ dag pa/ dri ma med pa/ kun nas nyon mongs pa med pa'i sku/ rang bzhin gyis 'od gsal ba'i sku/ rang bzhin gyis ma skyes pa'i sku/ rang bzhin gyis ma byung ba'i sku/ sems dang yid dang / rnam par shes pa dang ma 'brel ba'i sku/ sgyu ma dang / smig rgyu dang / chu zla'i ngo bo nyid kyi sku/ stong pa nyid dang / mtshan ma med pa dang / smon po med pa la nges par brtags pa'i sku/ phyogs bcu ma lus pa nam mkha' khyab pa'i sku/ sems can thams cad la mnyam pa'i sku/ mtha' yas mu med pa'i sku/ 'gyur ba med cing rnam par rtog pa med pa'i/ sku/ migayo zhing rlom sems med pa'i sgra/ gnas pa dang / mi gnas pa dang / mi gso ba thob pa'i sku/ gzugs kyi rang bzhin ma yin pa'i sgra/ tshor ba dang / 'du shes pa 'du byed dang / rnam par shes pa'i rang bzhin ma yin pa'i sku ste/ sa'i khams kyis rab tu phye ba ma yin/ chu'i khams kyis ma yin/ me'i khams kyis ma yin/ rlung gi khams kyis kyang rab tu phye ba ma yin te/ ma byung ba kun nas ma byung ba'o// 'byung ba chen po rnams kyis rab tu phye ba ma yin pa'o// 'byung ba ma yin/ 'byung ba'i chos ma yin pa'o// 'jig rten thams cad dang mi mthun pa'o/ / mig las ma byung ba'o// rna ba la mi gnas pa'o// snas shes par bya ba ma yin pa'o// lces rab tu ma phye 'o// lus dang ldan pa ma yin pa'o// yid kyis nye bar spyad pa ma yin pa'o/ / sems dang mi 'jug pa'o// yid kyi rnam par shes pa dang mi 'jug/ mi ldog/ rjes su mi 'jug pa ste/ zhi ba'i blo gros de bzhin gshegs pa'i sku ni 'dra'o/ / de la byang chub sems dpas de bzhin gshegs pa'i sku mnyam pa nyid thob nas/ byang chub sems dpa'i spyad pa yongs su dag pa la spyod cing / stong gsum gyi stong chen po'i 'jig rten gyi khams na gling bzhi pa'ang rung / 'dzam bu'i gling yang rung grong dang / grong khyer dang / grong rdal dang / yul 'khor dang / pho brang 'khor ji snyed yod pa thams cad du byang chub sems dpa' mthong bar yang byed la/ bdud thams cad kyis mi mthong bar yang snang bar 'gyur ro// de mthong bar yang byed la/ mthong bar snang ba'ang med do// mthong bar mi byed pas kyang mthong bar snang ngo // mthong ba dang / thos pa dang / rtogs pa dang / rnam par rig pas rab tu phye ba'ang ma yin no// sems can yongs su smin par bya bas rab tu phye ba yin yang lus su gtogs pa'i dran pa nye bar gzhag pa las kyang mi nyams yongs su mi nyams so/ / de lus mi rtag pa dang / lus sdug bsngal ba dang / lus bdag med par yang sems can rnams la ston la/ lus kyi zhi ba'i chos nyid kyang rab tu shes so// de lus rab tu dbye ba'ang sems can rnams la ston la/ rgyu gang dang / dmigs pa gang dag gis lus mngon par 'grub pa'i rgyu de dag dang / dmigs pa de dag kyang byed pa po med pa dang / tshor ba po med pa yang dag par rjes su mthong ngo // lus rtswa dang / shing dang / rtsig pa dang / lam dang / mig yor lta bur yang rab tu shes shing / de lus kyi las yongs su dag par sems can rnams la ston to// zhi ba'i blo gros 'di ni de bzhin gshegs pa mar me mdzad tshun chad byang chub sems dpa'i lus kyi gsang ba dang / lus kyi las yongs su dag pa'o// de bas lhag par byang chub sems dpa' sems dpa' chen po'i lus kyi las yongs su dag pa bskal pa brgya stong ngam de bas kyang lhag par ston to/ / zhi ba'i blo gros gal te de bzhin gshegs pa nyid kyis byang chub sems dpa'i lus kyi gsang ba gang+gA'i klung gi bye ma snyed kyi bskal par bstan kyang zad par mi 'gyur te byang chub sems dpa'i lus kyi gsang ba bstan pa ni de tsam du tshad med bsam gyis mi khyab bo/ / nges pa'i le'u ste dang po'o// // bam po gnyis pa/ gzhan yang gsang ba pa'i bdag po lag na rdo rjes byang chub sems dpa' zhi ba'i blo gros la 'di skad ces smras so// zhi ba'i blo gros de la byang chub dpa'i ngag gi gsang ba dang / ngag gi las yongs su dag pa gang zhe na/ zhi ba'i blo gros sems can rnams kyi skye ba'i gnas ji snyed par byang chub sems dpa'i skyes pa'i rabs kyang de snyed do// byang chub sems dpa'i skyes pa'i rabs ji snyed par sgra la 'jug pa'ang de snyed do/ / sems can de dag gi sgra brjod pa dang / tshig gi lam brjod pa dang / nges pa'i tshig dang / brda dang / smra ba dang / yang dag par smra ba dang / mtshan ma dang / spyod pa dang / bde ba dang / sdug bsngal brjod pa ji snyed pa'i sgra la 'jug pa de dag thams cad la byang chub sems dpa'i ye shes mthong ba thogs pa med par 'jug ste/ tha na srin bu dang / sbrang bu dang / sha sbrang dang / sbrang ma dang / phye ma leb kyi sgra dag la'ang ye shes mthong ba 'jug go// sgra'i rnam par rig pa bsgrags pa ji lta bus sems can de dag gi lus shin tu sbyangs pa dang / sems shin tu sbyangs pa skye bar 'gyur ba de lta bu'i sgra'i rnam par rig pa bsgrags pa byang chub sems dpa' de'i kha'i sgo nas 'byung ngo // 'di la 'di ni chos nyid yin te/ de la 'di skad ces bya'o// ji ltar sems can mtha' ma gang yang med// de ltar skyes pa'i rabs de dpag tu med// bskal pa brgya snyed bshad kyang mtha' ma med/ / bsam yas de dag ji ltar bshad par bya// skyon rnams med pa bdag nyid che ba'i tshig/ sems dang bsam pa rgya chen rab ston pa// nam mkha' lta bur gang med bri med pa// 'on kyang dpe don ldan pa bshad par bya/ / zhi ba'i blo gros byang chub sems dpa'i tshig ni tshangs pa'i sgra skad du 'byin pa dang / brgya byin gyi sgra skad du 'byin pa dang / 'jig rten skyong gi sgra skad du 'byin pa dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po thams cad kyi sgra skad du 'byin pa dang / sems can thams cad kyi sgra skad du 'byin pa yin te/ sems can thams cad kyi bsam pa tshim par byed pa'o// de la 'di skad ces bya ste/ bdag nyid chen po rnams kyi ma smang tshig/ gang ba med cing bri med nam mkha' bzhin// sems dang bsam pa rgya chen bstan pa dag/ de dag brjod pa rnams la nan tan nyon// byams la sbyor dang snying rjer 'jug pa dang // dga' ba dang ni btang snyoms rab bshad de/ / tshangs pa las kyang 'das pa'i sgra phyung bas// legs bshad de ni tshangs pa tshim par byed// gang dag brgya byin rol mo yid 'ong sgra// de dag de yi sgra brjod zil gyis gnon/ / rol mo sgra dbyangs byung ba de las ni// chos rnams rab tu dbye ba dpag med 'byung // mi 'am ci yi sgra dag gang yod pa// de bas de yi sgra mchog phun sum tshogs/ de ni 'dod chags 'bar bar mi byed de// de yi tshig gis mi ci dga' bar 'gyur// 'dod pa'i khams na yid 'ong sgra yod pa// rol mo'i sgra dang lha yi sgra mang po// chos kyi don 'byor dge bar ldan pa yi// de yi tshig gis kun tu tshim par byed// mi yi 'dren pa'i tshig gi mchog thos nas// 'dod chags zhi zhing zhe sdang rab tu zhi// gti mug g.yo dang nga rgyal dregs pa zhi// don rnams gtan la 'bebs shing the tshom med/ / gzugs kyi khams na lha rnam gang gnas pa// de dag yid ni de yis tshim par byed// mi yi gtso bo'i tshig rnams thos nas ni// 'jig rten sangs rgyas gyur ces byang chub tshol/ / klu dbang dri ba lto 'phye che rnams kyi// rol mo sna tshogs sgra yod de dag pas// yon tan rgya mtsho ldan pa'i sgra bsgrags pa// thams cad rab tu dga' ba rgya chen byed// 'dzam gling 'di ni tha dad phyogs rnams su/ / kun na sgra skad mtha' yas gyur mod kyi// de yi skad kyi rnam pa bsgrags gyur na// de thos mi rnams thar pa rjes su 'thob// sa p+pa'i lha dang de bzhin par snang lnga/ de dag sgra skad 'jug pa ci 'dra ba// de ltar de la de yi sgra yang 'jug/ rnam par nges bden gtam yang de 'dra'o// ngang pa khrung khrung ka la bing ka dang // rma bya na ce khu byug shang shang te'u/ / ri skegs dang ni ngur pa kun la kun// ji lta'i skad kyis des ni tshim par byed// stag dang seng ge de bzhin dom dang spre'u// gzig dang byi la ri dgas glang chen pas// rta dang khyi dang phag dang 'ug pa kun// ji lta'i skad kyis des ni tshim par byed// gang dag rkang bzhi pa dang rkang gnyis dang // rkang madra dang ni de bzhin rkang med rnams// bskul dang chad pas bcud dang phan gdags phyir/ / kun la de yi sgra skad shes pa 'jug/ sems can gang dag stong gsum 'jig rten na// rab bam 'bring ngam 'on te tha ma 'am// dmyal ba dud 'gro gshin rje'i 'jig rten dang / / lha mi rnams dang de ni skad kyang mthun// ji ltar rigs par byed pa ston kyang ni// mi sems 'du shes med cing rtog pa med// mtshan ma med cing 'dzin med 'ching ba med/ / mnyam par gzhag pas sems can 'khrug pa med// dag pa'i sems can gal te 'dod na'ang // de la 'bad dang sems 'dzin med par ni// bye ba'i zhing dang de yi gong du yang / / gang+gA'i bye snyed dbyangs kyis go bar byed// stong gsum 'jig rten bdud gang ci yod pa// de dag de yi 'jig rten sgra thos nas// chung mar bcas te 'jigs skrag la gor du// thal mo sbyar te gus par 'dud par byed// sems can gang dag rab tu smra 'dod dang // nga rgyal zil non su la'ang mi 'dud pa// de dag de yi gsal ba'i tshig thos nas// thal mo sbyar te/ gus par 'dud par byed// 'on pa glen pa dag dang lce med dang // rig pa rnams dang gang dag skad 'dzer ba// de dag de yi legs smras snyan thos nas// sgra skad yid du 'ong ba 'byin par byed/ / nyon mongs gdungs shing nyon mongs gzir ba dang // nyes pa'i 'gyod pa brgya yis dkris pa rnams// de dag de yi dge tshig dag thos nas// 'gyod pa btul bar gyur cing bsil bar gyur/ / sangs rgyas dang ni chos dang dge 'dun sgra// mi rtag sgra thos nas ni sems can rnams// sbyin dang thos dang tshul khrims bzod pa dang // brtson 'grus bsam gtan blo gros brtson par byed/ / sangs rgyas dbyangs dang bar med gang gnas pa// mtha' yas dbyangs ldan mtha' yas ye shes can// de dag rnams kyi yon tan thams cad ni// bskal pa bye mang brjod kyang zad mi nus/ zhi ba'i blo gros byang chub sems dpa'i ngag ni chags pa 'am/ sdang ba 'am/ rmongs pa 'am/ nyon mongs pa 'am/ thogs pa 'am/ nye bar thog pa 'am/ dman pa 'am/ rab tu dman pa 'am/ brlang ba 'am/ zher 'debs pa 'am/ mi rdzogs pa 'am/ rtsub pa 'am/ rjes su chags pa 'am/ khong khro ba 'am/ byung rgyal lam/ bag la nyal ba 'am/ 'gal bar 'gyur ba'i tshig gam/ nyon mongs pa sna tshogs bag la nyal ba 'am/ mi brtan pa 'am/ gtsam pa 'am/ khengs pa 'am/ 'gying ba 'am/ myur ba 'am/ dus ma yin par smra ba 'am/ 'dod pa dang ldan pa 'am/ sdug pa la mngon par dga' bar 'gyur ba 'am/ mngon par che ba 'am/ shin tu chags pa 'am/ rab tu lhod pa 'am/ rab tu spangs pa 'am/ rab tu dal ba 'am/ dbang po nyams pa 'am/ gdangs nyams pa 'am/ sems nyams pa 'am/ yo ba 'am/ dman pa 'am/ mi gsal ba 'am/ skad sub sub po 'am/ ngor byas te smra ba 'am/ 'gal bar smra ba 'am/ glags pa 'am/ 'byung ba ma yin pa 'am gshe bar byed pa 'am/ gzhan la gnod par 'gyur ba 'am/ bdag dang pha rol gdung bar byed pa 'am/ tshig blang bar 'os pa ma yin pa 'am/ tshig gzung bar 'os pa ma yin pa 'am/ tshig dang ba ma yin pa'am/ rigs pa'i tshig ma yin pa 'am/ 'byor pa'i tshig ma yin pa 'am/ mi dge ba'i tshig gam/ yang dag pa ma yin pa'i tshig gam/ gzhogs 'drid zer ba 'am/ chos dang mi ldan pa 'am/ 'gal ba 'am/ gnod pa 'am/ dus las yol ba 'am/ tshod las 'da' ba 'am/ lung bstan pa la thogs pa 'am/ tshul 'chos pa dang kha gsag dang ldan pa 'am/ rnyed pas rnyed pa 'dod pa'i tshig gam/ 'byung ba ma yin pa ston pa 'am/ mig 'khrul par 'gyur ba 'am/ rmongs par 'gyur ba 'am/ som nyi'i tshig gam/ sdug par byed pa'i tshig gam/ mi sdug cing gnang du 'bebs pa'i tshig gam/ khyad du gsod pa'i tshig gam/ rang gi phyogs bsten pa'i tshig gam/ gzhan gyi phyogs tshar bcad pa'i tshig gam/ bdag bstod pa la rjes su chags pa'i tshig gam/ gzhan gyi bstod pa la bar du gcod par smra ba 'am/ 'thing slad dang / gzhogs 'drid kyi tshig gam/ gzhan la rab tu rlom pa'i tshig gam/ bya ba ma yin pa'i tshig gam/ bya ba dang 'gal ba'i tshig gam/ gsang rdol ba'i tshig gam/ ngag bsrungs pa ma yin pa'i tshig gam/ mkhas pas smad pa'i tshig gam/ 'phags pa la skur pa 'debs pa'i tshig gam/ brlang 'debs pa'i tshig gam/ ngor mngon du bstod pa'i tshig gam/ gzhan gyi nyes pa dus ma yin par gleng ba'i tshig gam/ zug rngus gnang du 'debs pa'i tshig gam/ gzhan gyi nyes pa kun brjod pa'i tshig gam/ kha 'og tu lus 'khrus par mi byed pa'i tshig gam mngon pa'i nga rgyal gyis brda sprod pa'i tshig gam/ las dang 'gal ba'i tshig gam/ rjes su mthun pa ma yin pa'i tshig mi 'byin to// zhi ba'i blo gros yang byang chub sems dpa'i ngag ni sgra'i mngon par shes pa'i ye shes kyi stobs dang / bsod nams rnam par smin pa'i 'bras bu grub pas bden pa'i rjes su 'brang ba dang ldan pa yin te/ de gang smra ba de de lta bu nyid yin no// gal te de shing drung na 'dug gam/ 'chag gam/ 'dug gam/ nyal yang rung / la la zhig 'ongs nas/ kye skyes bu shing ljon pa 'di la 'dab ma ji snyed cig yod ces zer na/ de shing ljon pa de la'ang mi lta/ 'dab ma la'ang mi bgrang bar/ shing ljon pa de 'dab ma ji snyed yod pa bzhin du mi nyung mi mang bar 'di snyed cig/ go zhes byang chub sems dpa' de'i ngag 'byung ngo // yang gang+gA'i bye ma'i 'bru de brgya phrag ji snyed cig yod/ stong phrag ji snyed cig yod/ 'bum phrag ji snyed cig yod/ bye ba phrag ji snyed cig yod/ ther 'bum phrag ji snyed cig yod/ khrag khrig phrag ji snyed cig yod/ dkrigs phrag ji snyed cig yod/ gtams phrag ji snyed cig yod/ khyad phyin ji snyed cig/ yod/ mi 'khrugs pa ji snyed cig yod/ dpag tu med pa ji snyed cig yod/ grangs med pa ji snyed cig yod/ gtan pa ji snyed cig yod/ phyin byed phrag ji snyed cig yod// stobs phrag ji snyed cig yod/ glang po'i stobs phrag ji snyed cig yod/ bgrang ba phrag ji snyed cig yod ces 'dri na/ de bye ma de dag la'ang mi lta mi bgrang bar bye ma'i 'bru de dag ji snyed yod pa bzhin du 'di snyeskad cig go zhes byang chub sems dpa' de'i ngag 'byung ste/ bye ma de ni de bzhin gshegs pa'i ye shes kyis 'di skad yod do zhes mkhyen pa yin no// zhi ba'i blo gros de la de bzhin gshegs pa nyid mngon sum du gyur pa ma gtogs par lha 'am/ klu 'am/ gnod sbyin nam/ dri ba 'am/ lha ma yin nam/ rlung lha 'am/ nam mkha' lding ngam/ 'am ci 'am/ lto 'phye chen po 'am/ nyan thos sam/ rang sangs rgyas kyi mngon sum ni ma yin no// zhi ba'i blo gros rnam grangs 'dis 'di ltar rig par bya ste/ zhi ba'i blo gros sngon byung ba 'das pa'i dus na/ drang srong snang ba zhes bya ba zhig byung ste/ de'i dus na bram ze sngo bsangs zhes bya ba zhig kyang byung ngo // yang de'i dus na shing n+ya gro d+ha'i rgyal po bzang bo zhes bya ba yal ka dang 'dab ma mang pos yog pa/ khor yug tshad rgyang grags gcig yod pa zhig byung ste/ der drang srong snang ba de gnas so// de na gnas pa'i tshe nges mngon par shes pa'i stobs kyis shing n+ya gro d+ha'i rgyal po bzang po de'i yal ga grangs la du yod pa lo bcu gnyis dang zhag bdun gyi bar du bgrangs te rtogs par byas pa shes par byas so/ / de nas dus gzhan zhig na bram ze sngo bsangs zhes bya ba grong khyer nas kha zas blangs te/ nyin mo gnas pa'i phyir shing n+ya gro d+ha'i rgyal po bzang po zhes bya ba ga la ba der song nas/ des zas kyi bya ba byas te/ drang srong snang ba zhes bya ba ga la ba der song nas/ mngon sum du yang dag par mgu bar 'gyur ba dang / yang dag par chags par 'gyur ba'i gtam mang po byas te/ phyogs gcig tu 'dug go// de nas drang srong snang ba zhes bya bas/ bram ze sngo bsangs zhes bya ba la 'di skad ces smras so// kye bram ze ma'i 'jig rten sems can gyi ris na/ gang shing n+ya gro d+ha'i rgyal po 'di'i 'dab ma'i grangs du yod pa rtsi ba 'am/ rtogs par byed pa 'am/ shes par byed nus pa'i sems can 'ga' yod dam/ smras pa/ btsun pa mchis so/ / drang srong gis smras pa/ bram ze de gang yin/ bram zes smras pa/ btsun pa bdag gis bgrang bar bgyi'o// drang srong gis smras pa/ kye bram ze de'i phyir grangs shig de nas bram ze sngo bsangs de shing ljon pa de la'ang mi lta/ 'dab ma rnams la'ang mi bgrang bar skad cig la 'dab ma rtog pa la zhugs nas/ de'i tshe tshogs su bcad pa 'di dag smras so/ / mi 'khrugs drug cu pang stong phrag/ bcu drug dang ni khyad phyin phrag/ bcu gsum dag dang dkrig pa phrag/ dgu bcu rtsa drug khrag khrig phrag/ dgu bcu rtsa ba gang snang ngo / / sum cu rtsa dgu khrag khrig phrag/ sum cu dang ni ther 'bum phrag/ brgyad stong dang yang bye ba phrag/ dgu bcu rtsa gnyis 'dab 'di mchis// bram ze dam pa bdag gis 'tshal/ / de skad thos nas sngo bsangs la// snang bas smras pa bram ze'i mchog/ khyod ni bden pa'i tshig smra ba// legs so legs so 'di bden no// lo ni khyud kor bcu gnyis dang / / nyi ma mdun du mngon shes kyis// 'dab ma rnams ni bdag gis bgrangs// gtso bo khyod kyis skad cig mkhyen// khyod ni gzigs pa mi mdzad cing // bgrang ba mi mdzad skad cig tu/ / 'dab ma rtogs pa'i rjes su zhugs// mkhyen 'di nyid kyi'am lha yis bstan// bram ze bdag la don 'di gsungs// sngo bsangs kyis smras pa/ kye btsun pa gson cig/ 'di ni lha yis smras min mi yis te// bdag tshig bden pa'i rjes 'brang don bzhin 'jug/ nam mkha' zad par grub par 'gyur srid kyi// kho bo brdzun du smra ba mi byed do// snang bar gyur pa bdag nyid chen po shA ri'i bu/ / bram ze sngo bsangs gyur pa shAkya seng ge ste// yon tan rgya mtsho ldan pa rnams kyi ngag 'di 'dra// bden la gnas shing don dang chos dang ldan pa yin/ zhi ba'i blo gros de ltar byang chub sems dpa' rnams ngag yongs su dag pa yin te/ 'di ni byang chub sems dpa'i ngag gi gsang ba dang / ngag yongs su dag pa la 'jug pa cung zad tsam zhig bstan par zad kyi/ de bas gong du bstan na byang chub sems dpa'i ngag yongs su dag pa tshad zin pa 'am/ mthar phyin par mi 'gyur ro// byang chub sems dpa'i ngag gi gsang ba'i le'u zhes bya ste gnyis pa'o/ / / gzhan yang gsang ba pa'i bdag po lag na rdo rjes/ byang chub sems dpa' zhi ba'i blo gros la 'di skad ces smras so// zhi ba'i blo gros de la byang chub sems dpa'i sems kyi gsang ba dang / sems kyi las yongs su dag pa gang zhe na/ zhi ba'i blo gros 'di la byang chub sems dpa' rnams ni ye shes kyis byas ba'i las rnams byed kyi/ nga rgyal gyis byas pa rnams mi byed do// mngon par shes pa las kyang ma nyams la/ ye shes kyis byas pa'i las rnams kyang byed do// mngon par shes pas kyang rnam par rtsen la/ bya ba thams cad kyang ston to// mngon par shes pa la'ang gnas la/ 'jug pa chen po la'ang gnas so// de dag gi mngon par shes pa de ni ye shes kyi rnam pa ste/ rnam pa thams cad kyi mchog dang ldan pa'o// de dag gi mngon par shes pa de ni shes rab kyi rnam pa ste/ chos thams cad mngon sum du mthong bar bya'o// de dag gi mngon par shes pa de ni mi zad pa'i rnam pa ste/ thams cad kyi rjes su 'brang ba'o// de dag gi mngon par shes pa de ni gzugs thams cad gzugs ma yin pa'i phyir/ gzugs thams cad mthong ba'o// de dag gi mngon par shes pa de ni sngon gyi mtha' dang phyi ma'i mtha'i sgra mnyam pa nyid kyi phyir/ sgra thams cad kyi rjes su song ba'o// de dag gi mngon par shes pa de ni sems can thams cad kyi sems la lta ba dang / sems kyi rang bzhin la so sor rtog cing lta ba'o// de dag gi mngon par shes pa de ni bskal pa mtha' yas pa rjes su dran pa dang / sngon gyi mtha' dang / phyi ma'i mtha' yongs su ma chad pa'o// de dag gi mngon par shes pa de ni rdzu 'phrul dang rnam par 'phrul pa thams cad mngon du gyur cing / mngon par 'du bya ba med pa'i mtshan nyid do// de dag gi mngon par shes pa de ni zag pa zad pa'i rjes su mthun pa dang / dus la lta zhing dus las mi yol ba'o// de dag gi mngon par shes pa de ni 'jig rten las 'das pa 'phags pa la mngon par phyogs pa'i nges par 'byed pa'i cha dang mthun pa'o/ / de dag gi mngon par shes pa de ni nyan thos dang rang sangs rgyas thams cad kyis rtogs par dka' ba'o// de dag gi mngon par shes pa de ni don zab cing bdud phyir rgol ba bcom pa'o// de ngag gi mngon par shes pa de ni byang chub kyi snying po sgrub cing sangs rgyas kyi chos thams cad mngon par rdzogs par byang chub pa'i mchog yin no/ / de dag gi mngon par shes pa de ni chos kyi 'khor lo bskor ba dang mthun pa'o/ / de dag gi mngon par shes pa de ni sems can thams cad 'dul bar byed pa'o// de dag gi mngon par shes pa de ni chos thams cad la dbang byed pa'i phyir dbang bskur ba thob pa'o/ / zhi ba'i blo gros 'di ni byang chub sems dpa'i sems kyi las yongs su dag pa'o// sems yongs su dag pa de nyon mongs pa med cing yongs su byang ba dang / gsal ba dang / nye ba'i nyon mongs pa dang bral ba dang / rab tu dul ba dang / legs par sbyangs pas bsam gtan dang / rnam par thar pa dang / ting nge 'dzin dang / snyoms par 'jug pa la mnyam par 'jog kyang shin tu zad pa dang / mi skye ba nyid du ltung ba'ang ma yin/ bsams bzhin du'ang 'dir skye la/ 'dod pa'i khams na 'khrugs pa'ang med/ bcings bzhin du skye ba'ang ma yin/ bcings bzhin du 'chi 'pho ba'ang ma yin/ bcings bzhin du 'byung ba'ang ma yin no// de ci'i phyir zhe na/ de ni yang dag pa ma yin pa kun rtog pa las grol ba'o/ / kun nas nyon mongs pa'i 'ching ba las grol ba'o// phyin ci log tu 'dzin pa la gnas pa las grol ba'o// des na de grol bzhin du skye'o/ / grol bzhin du 'chi 'pho'o// grol bzhin du 'byung ngo // de skye'ang theg pa chen po las nyams pa med la/ sangs rgyas kyi chos thams cad kyis kyang phun sum tshogs so// phyogs bcur sangs rgyas kyi chos de dag yongs su tshol yang mi rnyed mi dmigs so// de sangs rgyas kyi chos rnams dang chos thams cad kyang sangs rgyas kyi chos su rtogs so// de ltar na sangs rgyas kyi chos dang chos thams cad kyang chos ma yin la/ chos ma yin pa'ang ma yin par khas len to// de ci'i phyir zhe na/ chos thams cad ni kun tu btsal na'ang mi rnyed do// mi dmigs so// chos gang yang dag pa ji lta ba bzhin du btsal na mi rnyed cing mi dmigs pa de la ni bgrang ba gang yang med de/ chos thams cad ni bgrang ba'i lam las yang dag par 'das pa'o/ / gang chos thams cad mnyam pa nyid du shes pa de ni chos sam/ chos ma yin pa la mngon par zhen pa med do// mngon par zhen pa med pa ni chos rnams kyi don te/ la rlom sems su byed pa gang yin pa de nyid de'i gnod pa chen por 'gyur ro// gang yang rlom sems med pa de la ni don nam/ don ma yin pa de'i mdun na mi 'dug go/ don du mi lta ba blo ni gang du'ang thogs pa med do/ / de ni blo thogs pa med pa'o// gang blo thogs pa med pa de ni chags pa med pa'o// gang chags pa med pa de ni rgyun chad pa med pa'o// gang rgyun chang pa med pa de ni nyams pa med pa'o/ / gang nyams pa med pa de'i brtsal ba don med par mi 'gyur ro// gang gi brtsal ba don med par mi 'gyur ba de la skyon med do// gang la skyon med pa de la bdag gi ba med do/ / gang la bdag gi ba med pa de la yongs su 'dzin pa med do// gang la yongs su 'dzin pa med pa de la rtsod pa med do// gang la rtsod pa med pa de la 'gyod pa med do// gang la 'gyed pa med pa de ni mi rtsod pa ste/ dge sbyong gi chos dang ldan pa zhes bya'o// gang dge sbyong gi chos dang ldan pa de nam mkha' dang lag mthil du mnyam pa'o// gang nam mkha' dang lag mthil du mnyam pa de ni 'dod pa'i khams su mi gtogs so/ / gzugs kyi khams su mi gtogs/ gzugs med pa'i khams su mi gtan gang thams cad du gtogs pa ma yin pa de la ni kha dog med/ rtags med/ dbyibs med do// gang la kha dog med/ rtags med/ dbyibs med pa de 'dra ba nyid rjes su rtog de ci 'dra ba rjes su rtogs pa de 'dra ba nyid rab tu rtogs so/ / ci'i phyir rjes su rtogs pa dang rab tu rtogs pa zhes bya zhe na/ de la rjes su rtogs par bya ba 'am/ rab tu rtogs par bya ba'i chos phra rab tsam yang mi dmigs pas/ de'i phyir rjes su rtogs pa dang / rab tu rtogs pa zhes bya ste/ zhi ba'i blo gros 'di'ang byang chub sems dpa'i sems kyi gsang ba'o// zhi ba'i blo gros gzhan yang byang chub sems dpa'i sems kyi gsang ba ni gang byams pa'ang yin la/ bdag med pa nyid kyang yin/ snying rje'ang yin la/ sems can med pa nyid kyang yin/ dga' ba'ang yin la/ srog med pa nyid kyang yin/ btang snyoms kyang yin la/ gang zag med pa nyid kyang yin/ sbyin pa'ang yin la/ sems dul nyid kyang yin/ tshul khrims kyang yin la/ sems zhi ba nyid kyang yin/ bzod pa'ang yin la/ sems mi zad pa nyid kyang yin/ brtson 'grus kyang yin la/ sems dben pa nyid kyang yin/ bsam gtan yang yin la/ sems nges par sems pa nyid kyang yin/ shes rab kyang yin la/ rgyu ba med pa'i sems nyid kyang yin/ dran pa nye bar gzhag pa rnams kyang yin la/ dran pa yid la byed pa med pa'i sems nyid kyang yin/ yang dag par spong ba rnams kyang yin la/ yang dag par sems mnyam pa nyid kyang yin/ rdzu 'phrul gyi rkang pa rnams kyang yin la/ spros pa med pa'i sems nyid kyang yin/ dad pa'ang yin la/ chags pa med pa'i sems nyid kyang yin/ brtson 'grus kyang yin la/ lhun gyis grub pa'i sems nyid kyang yin/ dran pa'ang yin la/ rang byung gi sems nyid kyang yin/ ting nge 'dzin kyang yin la/ mnyam pa nyid shes pa'i sems nyid kyang yin/ shes rab kyi dbang po'ang yin la dbang po med pa'i sems nyid kyang yin/ dbang po rnams kyang yin la/ chos thams cad la dbang po med pa'i sems nyid kyang yin/ stobs rnams kyang yin la/ mi brdzi ba'i sems nyid kyang yin/ byang chub kyi yan lag rnams kyang yin la/ blos rab tu 'byed pa'i sems nyid kyang yin/ lam bsgom pa nyid kyang yin la/ sgom pa med pa'i sems nyid kyang yin/ gnas kyang yin la/ sems nye bar zhi ba nyid kyang yin/ lhag mthong yang yin la/ rjes su mi mthong ba'i sems nyid kyang yin/ 'phags pa'i bden pa sgom pa'ang yin la/ shin tu yongs su shes pa'i sems nyid kyang yin/ sangs rgyas yid la byed pa'ang yin la/ yid la byed pa med pa'i sems nyid kyang yin/ chos yid la byed pa'ang yin la/ chos kyi dbyings su mnyam pa'i sems nyid kyang yin/ dge 'dun yid la byed pa'ang yin la/ mi gnas pa'i sems nyid kyang yin/ sems can yongs su smin par yang byed la/ gzod ma nas dag pa'i sems nyid kyang yin/ dam pa'i chos yongs su 'dzin pa'ang yin la/ chos kyi dbyings dang dbyer med pa'i sems nyid kyang yin/ sangs rgyas kyi zhing yongs su dag pa'ang yin la/ sems nam mkha' dang mnyam pa nyid kyang yin/ mi skye ba'i chos la bzod pa'ang yin la/ mi dmigs pa'i sems nyid kyang yin/ phyir mi ldog pa'i sa'ang yin la/ ldog pa dang 'jug pa med pa'i sems nyid kyang yin/ mtshan rab tu thob pa'ang yin la/ mtshan med pa'i sems nyid kyang yin/ byang chub kyi snying po'i rgyan nyid kyang yin la/ khams gsum gyi snying po'o sems nyid kyang yin/ bdud tshar gcod pa'ang yin la/ sems can thams cad la phan 'dogs pa'i sems nyid kyang yin/ byang chub kyang yin la/ chos thams cad ni dngos po med par khong du chud pa'i sems nyid kyang yin/ chos kyi 'khor lo bskor ba'ang yin la/ mi 'jug mi ldog pa'i sems nyid kyang yin/ yongs su mya ngan las 'das pa chen po'ang ston la/ 'khor ba'i rang bzhin dang mnyam pa'i sems nyid kyang yin te/ zhi ba'i blo gros 'di ni bzod pa thob pa'i byang chub sems dpa'i sems kyi gsang ba dang / sems kyi las yongs su dag pa'o// sems dag pa des sems can thams cad kyi sems yongs su dag par rtogs te/ sems can thams cad kyi sems la byang chub kyi sems de rjes su zhugs pa yin no/ / byang chub kyi sems de la sems can thams cad kyi sems kyang snang bar gyur pa yin no// zhi ba'i blo gros 'di lta ste/ dper na nam mkha' ni thams cad kyi rjes su song ba dang / thams cad kyi rjes su zhugs pa yin no// zhi ba'i blo gros de bzhin du byang chub sems dpa'i sems ni thams cad kyi rjes su song ba dang / thams cad kyi rjes su zhugs pa yin no// gsang ba pa'i bdag po lag na rdo rjes byang chub sems dpa'i lus dang / ngag dang / sems kyi gsang ba bstan pa 'di bshad pa na/ lha dang mi'i skye dgu'i srog chags las stong phrag bdun khri nyis stong gis bla na med pa yang dag par rdzogs pa'i byang chub tu sems bskyed do// byang chub sems dpa' sum khri nyis stong gis ni mi skye ba'i chos la bzod pa thob par gyur to/ / srog chags brgyad khri bzhi stong ni chos rnams la chos kyi mig rdul med cing dri ma dang bral ba rnam par dag go// dge slong brgyad stong ni len pa med par zag pa rnams las sems rnam par grol lo/ / stong gsum gyi stong chen po'i 'jig rten gyi khams 'di'ang rnam pa drug tu rab tu g.yos te/ 'jig rten gyi khams 'di thams cad snang ba chen pos khyab par gyur to/ / steng gi bar snang las me tog gi char mngon par bab bo// ma skyod par sil snyan dang rol mo'i sgra stong snyed rab tu grags par gyur te/ sil snyan dang rol ma'i sgra de dag las kyang gang gsang ba pa'i bdag po lag na rdo rjes bstan pa 'di nyan pa dang / thos nas kyang 'dzin cing mos par byed pa dang / 'chang ba dang / klog pa dang / kun chub par byed pa dang / gzhan dag la'ang rgya cher yang dag par rab tu ston pa'i sems can de dag ni byang chub kyi sems la rmongs pa med pa'i bsam pa dang ldan te/ dge ba'i rtsa ba chung ngu dang ldan pa ma yin no/ / de dag ni sangs rgyas mang po la bsnyen bkur byas par rig par byas te/ dge ba'i rtsa ba bskyed pa bsod nams kyi tshogs kyis nye bar brtan pa'o// sems can de dag ni sems can thams cad la phan thogs par gyur pa yin te/ sems can de dag ni lung bstan pa'i sa thob par 'gyur ro zhes de lta bu'i sgra byung ngo // byang chub sems dpa'i / sems kyi gsang ba'i le'u zhes bya ste gsum pa'o// / de nas bcom ldan 'das kyis/ byang chub sems dpa' sems dpa' chen po zhi ba'i blo gros la bka' stsal pa/ zhi ba'i blo gros sil snyan dang rol mo'i sgra las 'di lta bu'i sgra byung ba khyod kyis thos sam/ gsol pa/ bcom ldan 'das thos lags te/ 'di lta bu'i sgra byung ba de su'i mthu lags/ bcom ldan 'das kyis bka' stsal pa/ zhi ba'i blo gros 'di ni 'jig rten gyi khams sprin ldan zhes bya ba na/ bcom ldan 'das de bzhin gshegs po sprin dbyangs rgyal po zhes bya ba'i drung nas/ byang chub sems dpa' sems dpa' chen po sgra dbyangs bsgrags pa zhes bya ba nga la blta ba dang / phyag bya ba dang / mchod pa bya ba dang / bsnyen bkur bya ba dang / chos mnyan pa dang / lag na rdo rjes bstan pa'i chos kyi rnam grangs 'di'ang mnyan pa dang / byang chub sems dpa' sems dpa' chen po phyogs bcu nas 'dus pa 'di dag la'ang blta ba'i phyir 'jig rten gyi khams mi mjed 'dir 'ongs te/ zhi ba'i blo gros byang chub sems dpa' sgra dbyangs bsgrags pa zhes bya ba de lus mi snang bar steng gi bar snang la gnas nas/ nga dang chos kyi rnam grangs 'di la mchod pa'i phyir 'di lta bu'i me tog gi char mngon par 'bebs shing / sil snyan dang rol mo'i sgra'ang rab tu phyung nas/ sil snyan dang rol mo'i sgra de dag las sgra 'di lta bu byung ngo / / bcom ldan 'das kyis gsung de skad bka' stsal nas ring por ma lon par/ de nas byang chub sems dpa' sgra dbyangs bsgrags pa zhes bya ba bar snang de las babs nas/ bcom ldan 'das kyi zhabs gnyis la mgo bos phyag 'tshal te/ lan brgya stong bskor ba byas nas/ bcom ldan 'das kyi spyan sngar 'dug ste/ bcom ldan 'das la 'di skad ces gsol to// bcom ldan 'das de bzhin gshegs pa sprin dbyangs rgyal pos/ bcom ldan 'das la spyan gsol te/ gnod pa chung ngam/ nyam nga ba nyung ngam/ bskyod pa yang ngam/ stobs dang bde ba la reg par gnas sam zhes snyun gsol lo// yang bcom ldan 'das ngo 'di skad du 'di lta ste/ sangs rgyas kyi mthus gsang ba pa'i bdag pos bstan pa chen po 'di bstan to zhes gsung ngo // bcom ldan 'das 'di 'dra ba'i spyod pas sangs rgyas kyi chos tshad ma mchis pa thob par rngo thogs lags sam/ de nas bcom ldan 'das kyis/ byang chub sems dpa' sgra dbyangs bsgrags pa la 'di skad ces bka' stsal to// rigs kyi bu khyod legs par 'ongs so/ / khyod 'dir 'ongs pa legs so// khyod kyis de bzhin gshegs pa'i gsang ba bsam gyis mi khyab pa'i le'u gsang ba pa'i bdag po las thos par 'gyur ro// sgra dbyangs bsgrags pa 'ongs pa'i le'u zhes bya ste bzhi pa'o// // de nas 'khor de las byang chub sems dpa' kha cig 'di snyam du sems te/ gsang ba pa'i bdag po 'dis dge ba'i rtsa ba gang du bskyed/ sangs rgyas bcom ldan 'das ji snyed cig la 'dis bsnyen bkur byas/ 'dis smon lam ci 'dra ba zhig btab na gang gi phyir 'di 'dra ba'i spobs pa dang ldan par gyur snyam mo/ / de nas bcom ldan 'das kyis byang chub sems dpa' de dag gi sems kyis rtog pa thugs kyis mkhyen nas/ byang chub sems dpa' zhi ba'i blo gros la bka' stsal pa/ zhi ba'i blo gros sngon byung ba 'das pa'i dus na/ bskal pa grangs med pa'i yang ches grangs med pa/ rga chen po tshad med pa/ bsam gyis mi khyab pa/ dpag tu med par gyur pa de'i tshe de'i dus na bskal pa mdzes par snang ba zhes bya ba la 'jig rten gyi khams rnam par brgyan pa zhes bya bar/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das yon tan mtha' yas rin chen sna tshogs bkod pa'i rgyal po zhes bya ba 'jig rten du byung ngo // zhi ba'i blo gros 'jig rten gyi khams rnam par brgyan pa de'ang 'byor pa/ rgyas pa/ bde ba/ lo legs pa/ nyams dga' ba/ lha dang mi mang pos gang ba/ lag mthil ltar mnyam par gyur pa/ gseg ma dang gyo mo med pa/ rtswa dag der skyes pa'ang 'jam pa/ gos ka tsa lene di ka ltar reg na bde ba/ rma bya'i mgrin pa ltar sngo zhing g.yung drung 'khyil par g.yas su 'khyil ba/ kha dog dang ldan pa/ dri dang ldan pa/ yid du 'ong ba/ gom pa bor na sor bzhi thur du dma' ba/ rkang pa bteg na sor bzhi gyen du mtho ba/ ha cang yang mi grang / ha cang mi tsha ba'i rlung chung ngu bsil ba 'dod pa dang mthun par ldang ba'o// sa chen po de'ang bai DUR+Ya sngon pos brgyan pa'o// sems can de rnams kyang rnam pa bzang zhing mkhas pa dang ldan par gyur te/ 'dod chags dang / zhe sdang dang / gti mug chung ba/ nyon mongs pa thams cad chung ba/ legs par bshad pa'i don kun shes par byed nus pa'i mthu dang ldan pa sha stag go/ bcom ldan 'das yon tan mtha' yas rin chen sna tshogs bkod pa'i rgyal po de bzhin gshegs pa de'i nyan thos kyi dge slong gi dge 'dun ni khrag khrig phrag bcu gnyis yod do// byang chub sems dpa'i dge 'dun ni bye ba phrag sum cu rtsa gnyis yod do/ / de'i sku tshe'i tshad ni lo bye ba phrag sum cu rtsa drug thub bo// mi rnams kyang dus ma yin par glo bar du 'chi ba med do// zhi ba'i blo gros de'i tshe de'i dus na/ rnam par brgyan pa'i 'jig rten gyi khams de na mdzes par snang ba zhes bya ba gling bzhi pa'i 'jig rten par ma rab tu 'byor pa/ rgyas pa/ bde ba/ rab tu lo legs pa/ yangs shing thag gru che ba byung ste/ gling bzhi pa re re'ang dpag tshad brgyad khri bzhi stong par gyur to// der grong khyer chen po'ang bar bar na dpag tshad gcig yod pa/ grong dang / tshong dus dang / ri khrod stong gis bskor ba byung ngo // zhi ba'i blo gros gling bzhi pa'i mdzes par snang ba de'i dbus ra pho brang grong khyer rnam par dag pa can zhes bya ba yangs shing rgya che ba/ byang dang lhor ni dpag tshad drug cu rtsa bzhi shar dang nub tu ni dpag tshad bzhi bcu rtsa gnyis yod pa/ skyed mos tshal khris rab tu brgyan pa/ grong dang / tshong dus dang / ri khrod khris kun nas bskor ba yod do// zhi ba'i blo gros rgyal po'i pho brang rnam par dag pa can zhes bya ba der 'khor los sgyur ba'i rgyal po yul 'khor srung zhes bya ba rin po che sna bdun dang ldan pa/ gling bzhi la dbang ba/ sngon gyi rgyal ba la lhag par bya ba byas pa/ dge ba'i rtsa ba bskyed pa/ bsod nams kyi gzi brjid kyis gzi dang ldan pa bla na med pa yang dag par rdzogs pa'i byang chub las phyir mi ldog pa zhig byung ngo / / zhi ba'i blo gros rgyal po yul 'khor srung gi grong khyer gyi dbus ra/ khang pa rgya re zhing yangs pa chu zheng du dpag tshad bcu drug yod pa/ rin po che sna bdun gyi rab rim pa bdun dang / rta babs dang / dril bu g.yer kha'i dra ba rim bdun gyis kun nas bskur ba brtsigs so// ra ba'i nang na skyed mos tshal chen po bzhi byas te/ 'di lta ste/ me tog sna tshogs zhes bya ba'i skyed mos tshal chen po dang / yon tan gyis mngon par dga' ba zhes bya ba dang rma bya'i mngon par dga' ba zhes bya ba dang / dus kyi bde ba zhes bya'o// rdzing khyon dpag tshad phyed pa rin po che'i kha khyer gyis bskor ba/ 'dzam bu chu bo'i gser gyi glegs ma'i babs stegs can gser gyi bye ma brdal ba/ yan lag brgyad dang ldan pa'i chus gang ba/ rin po che'i pad+mas kun nas khebs pa/ ngang pa dang / chu skyar dang / bya gar dang / ngur pa dag sgra 'byin pa bzhi byas te/ 'di lta ste/ dga' ba zhes bya ba dang / dga' mchog ces bya ba dang / spos mchog ces bya ba dang / rku rgyur rjes su 'bab pa zhes bya'o// zhi ba'i blo gros rgyal po yul 'khor srung gi btsun mo'i 'khor bdun 'bum yod de/ thams cad kyang mtshan dang ldan pa'i na chung bud med rin po che'i longs spyod dang 'dra ba sha stag go// de dag thams cad kyang bla na med pa yang dag par rdzogs pa'i byang chub tu yang dag par rab tu zhugs par gyur pa dag go/ / de la bu stong du tshang ba yod de/ dpa' brtul phod pa/ yan lag mchog gi gzugs dang ldan pa/ pha rol gyi snga rab tu 'joms pa/ skyes bu chen po'i mtshan nyi shu rtsa brgyad kyis brgyan pa/ lhag pa'i bsam pas bla na med pa yang dag par rdzogs pa'i byang chub tu zhugs pa sha stag go/ zhi ba'i blo gros de'i tshe de'i dus na/ bcom ldan 'das yon tan mtha' yas rin chen sna tshogs bkod pa'i rgyal po de bzhin gshegs pa de rnam par dag pa dang ldan pa'i rgyal po'i pho brang 'khor du rten cing bzhugs te/ rgyal po dang / blon po chen po dang / bram ze dang / khyim bdag dang / grong rdal dang / yul gyi mos bsti stang byas/ bla mar byas/ ri mor byas/ mchod par byas so// zhi ba'i blo gros rgyal po yul 'khor srung gis/ bcom ldan 'das yon tan mtha' yas rin chen sna tshogs bkod pa'i rgyal po de bzhin gshegs pa de la dge slong gi dge 'dun dang thabs cig tu lo bye ba tshang bar yid du 'ong ba'i bza' ba dang / btung ba dang / na bza' dang / gtsug lag khang dang / 'chag sa'i longs spyod kyis bsnyen bkur byas te/ dge slong re re la'ang rim gro bya ba dang spyad pa'i phyir g.yog gsum gsum phul lo// zhi ba'i blo gros rgyal bu gzhon nu de dag kyang de bzhin gshegs pa la bsti stang dang mchod pa bya bar mos pa dang / chos mnyan pa don du gnyer bas bag yod par gyur te/ 'dod pa'i yon tan don du mi gnyer ro// de dag bag yod cing dam pa'i chos nyan pa dang / sems kyis nges par sems pas/ ring po ma lon par mngon par shes pa lnga bskyed par gyur to// de dag bskyed nas steng gi bar snang la ngang pa'i rgyal po bzhin du skyed mos tshal nas skyed mos tshal dang / grong khyer nas grong khyer dang / tshong dus nas tshong dus dang / gling bzhi pa'i 'jig rten gyi khams thams cad du mthar gyis rgyu zhing tshigs su bcad pa 'di dag smra'o/ / sangs rgyas 'byung ba brgya lam rnyed par 'gyur// mir skye ba yang shin tu dka' bas rnyed// grogs po dga' dang dad dang chos mnyan pa// 'di 'dra bskal pa brgyar yang rnyed pa dka'/ / mi dbang rgyal po de ni dbyung ste// rab tu zhi bar 'gro ba'i chos ston gyis// bde bar gshegs pa de yi drung du dang // chos thos nas ni bde 'gror 'gro bar gyis// chos thos pas ni ngan 'gro rnam par spong // chos thos pas ni bzang 'gror 'gro bar 'gyur// chos thos pas ni nyon mongs rnams kyang zhi// bsil ba'i dngos po dam pa thob par 'gyur// de dag tshigs bcad 'di dag rab brjod pas/ / sa 'di rnam pa drug tu rab tu g.yos// lha rnams a la la zhes lan brgya smras// lha yi me tog yid 'ong char du bab// ston pa blta phyir gang dag bskul ba rnams/ / rkang gnyis mchog gi zhabs la phyag 'tshal nas// de dag thal sbyar gus bcas 'khod gyur pa// de dag bgrang bas dpag par mi nus so// rgyal bas de dag rnams kyi bsam mkhyen nas/ / de dang mthun pa'i chos ni rab tu bshad// bde bar gshegs los chos thos bye ba phrag/ sum cu rtsa drug byang chub mchog la zhugs// bye ba brgya phrag gsum tshang mi nyung ba/ / de dag chos mchog mig ni rnam par dag/ srid par kun tu yid byung sems gyur nas// de dag der ni bstan 'dir rab byung // gzhan yang bye ba khrag khrig de nyid du/ bslab pa bzung zhing de bzhin gso sbyong blangs// ston la mchod pa byas shing chos mnyan nas// de dag slar yang rang gi gnas su dang / zhi ba'i blo gros de ltar rgyal du gzhon nu de dag gis pa yul 'khor srung la mchod pa'i wa gyi phyir/ lha'i tsan dan sbrul gyi snying po'i khang pa brtsegs pa rgya che zhing yangs pa/ bkod pas legs par brgyan pa/ ba gaH dang / rnam par rgyal ba'i ba dan dang / rta babs dang / kha khyer gyis bskor ba zhig byas te/ 'dzam bu gling ril gyis kyang tsan ngan sbrul gyi snying po srang phyed kyi rin du mi chog pa de lta bu'i tsan dan sbrul gyi snying po'i khang pa brtsegs pa rgya che zhing yangs pa/ chu zheng du dpag tshad bcu yod pa/ rnam par bkra ba/ blta na sdug pa/ ka ba bzhi thug pa/ cha mnyam pa/ shin tu rnam par phye ba zhig byas par gyur to/ / de nas rgyal po yul 'khor srung de nam bcom ldan 'das nyid la blta ba dang / phyag bya ba dang / mchod pa bya ba dang / bsnyen bkur bya ba dang chos mnyan pa'i phyir 'gro bar 'dod pa'i tshe/ pha rgyal po yul 'khor srung dang / rgyal bu gzhon nu de rnams dang / btsun mo'i 'khor dang g.yog dang bcas pa dang / gnyen gyi 'khor dang bcas te/ khang pa brtsegs pa der zhugs nas/ pad+ma bkod pa'i seng ge'i khri la 'dug ste/ bla mar bya ba chen po dang / bsti stang dang / ri mor bya ba dang / me tog dang / bdug pa dang / spos dang / byug pa dang / phye ma dang / gos dang / gdugs dang / rgyal mtshan dang / ba dan dang / rnam par rgyal ba'i ba dan dang / sil snyan dang / pheg rdob pa dang / rol mo'i sgra dbyangs len pa'i mchod pa dam pa dang chas nas/ khang pa brtsegs pa de rin po che'i dra bas rab tu g.yogs te/ thams cad lhan cig tu 'dus nas khang pa brtsegs pa de sbyar te/ steng gi nam mkha' bar snang la ngang pa'i rgyal po ltar thogs pa med par/ bcom ldan 'das yon tan mtha' yas rin chen sna tshogs bkod pa'i rgyal po de bzhin gshegs pa ga la ba der song nas phyin pa dang / khang pa brtsegs pa de sa la gzhag ste/ bcom ldan 'das de'i zhabs gnyis la mgo bos phyag 'tshal nas/ dge slong gi dge 'dun la'ang phyag 'tshal te/ lan bdun bskor bar byas nas phyogs gcig tu 'khod do// rgyal po yul 'khor srung gi btsun mo'i 'khor dang / gnyen gyi 'khor yang khang pa brtsegs pa de las babs nas/ bcom ldan 'das de'i zhabs gnyis dang / dge slong gi dge 'dun la mgo bos phyag 'tshal te/ lan bdun bskor ba byas nas chos mnyan pa'i phyir/ bcom ldan 'das kyi spyan sngar btsun mo'i 'khor dang gnyen gyi 'khor du bcas te 'dug go/ / / bam po gsum pa/ de nas bcom ldan 'das de bzhin gshegs pa yon tan mtha' yas rin chen sna tshogs bkod pa'i rgyal pos/ rgyal po yul 'khor srung chos nyan pa'i phyir 'ongs pa mkhyen nas/ chos kyi gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar mdzad do// de la bcom ldan 'das de'i chos kyi gtam ni 'di yin te/ rgyal po chen po chos bzhi po 'di dag ni theg pa chen po la yang dag par zhugs pa rnams yongs su mi nyams shing khyad par du 'gro bar 'gyur ba'o/ / bzhi gang zhe na/ rgyal po chen po dad pa ni yongs su mi nyams shing khyad par du 'gro bar 'gyur pa'o/ / dad pa de gang zhe na/ dad pa gang gis 'phags pa'i drung du nye bar 'gro ba dang / bya ba ma yin pa mi byed pa'i/ rgyal po chen po gus pa ni khyad par du 'gro bar 'gyur ba ste/ gus pa gang gis 'phags pa rnams kyis legs par bshad pa rnams gus par nyan pa dang / rna ba blags te chos nyan pa'o// rgyal po chen po nga rgyal med pa ni khyad par du 'gro bar 'gyur ba ste/ nga rgyal med pa gang gis 'phags pa rnams la mngon par 'dud pa dang / rab tu 'dud pa dang / phyag 'tshal ba'o// rgyal po chen po brtson 'grus ni khyad par du 'gro bar 'gyur ba ste/ brtson 'grus gang gis lus yang ba dang / sems yang ba 'thob pa dang / bya ba thams cad kyang nyams 'og tu chud par byas pa ste/ rgyal po chen po chos bzhi po de dag ni theg pa chen po la yang dag par zhugs pa rnams yongs su mi nyams shing khyad par du 'gro bar 'gyur ba'o/ / rgyal po chen po chos bzhi po 'di dag ni zag pa chen po la yang dag par zhugs pa rnam 'gyod pa med pa dang / bag yod pa yongs su rdzogs par 'gyur ba'o// bzhi gang zhe na/ dbang po sdom pa dang / 'dod pa rnams la skyon du lta ba dang / yongs su 'dzin pa thams cad la mi rtag pa'i 'du shes dang / chos la nges par sems pa ni srog gi dbang po dam pa ste/ rgyal po chen po chos bzhi po de dag ni theg pa chen po la yang dag par zhugs pa rnams 'gyod pa med pa dang / bag yod pa yongs su rdzogs par 'gyur ba'o// rgyal po chen po chos bzhi dang ldan na rgyal po la chos kyi rgyal po zhes bya ste/ bzhi gang zhe na/ byang chub kyi sems rjes su mi gtong ba dang / gzhan dag kyang byang chub la yang dag par 'dzud pa dang / dge ba'i rtsa ba thams cad byang chub tu sngo ba dang / sangs rgyas kyi che ba nyid mthong ngam thos na/ sangs rgyas kyi che ba nyid la mos pa ma gtogs par lha dang / mi dang / nyan thos dang / rang sangs rgyas thams cad kyi che ba nyid la mngon par dga' ba ma yin pa ste/ rgyal po chen po chos bzhi po de dag dang ldan na/ rgyal po la chos kyi rgyal po zhes bya'o// rgyal po chen po de lta bas na/ khyod rtag par bag yod par bya ba dang / dad pa dang / dang ba mang ba dang / chos don du gnyer ba dang / chos kyi kun dga' la dga' ba dang / khyod chos yongs su btsal ba la brtson pa dang / chos 'dod par bya'i/ yul la chags par mi bya'o// de ci'i phyir zhe na/ rgyal po chen po 'dod pa rnams la chog pa med pa'i phyir te/ gang dag 'phags pa'i shes rab kyis ngoms pa de dag ni ngoms pa'o// rgyal po chen po mi rnams kyi srog ni thung ba/ tshe'i tshad kyang thung ba ste/ tshe rabs 'phro pabar 'gro ba yin gyis/ khyod 'jig rten pha rol la 'jig par blta bar bya'o// rgyal po chen po khyod kyis gang de bzhin gshegs pa la mchod pa dang / rim gro byas pa'i dge ba'i rtsa ba de khyod kyis yongs su bsngo ba bzhis yongs su bsngo bar bya'o/ / bzhi gang zhe na/ longs spyod mi zad pa dang / chos mi zad pa dang / spobs pa mi zad pa dang / ye shes mi zad pa ste/ bzhi po de dag go/ gzhan yang bzhi ste/ bzhi gang zhe na/ tshul khrims kyi tshogs kyis lus yongs su dag pa dang / thos pa'i tshogs kyis ngag yongs su dag pa dang / shes rab kyi tshogs kyis sems yongs su dag pa dang / ye shes kyi tshogs kyis shes rab yongs su dag pa ste/ bzhi po de dag go// gzhan yang bzhi ste/ bzhi gang zhe na/ sems can yongs su smin par byed pas thabs yongs su rdzogs pa dang / bdud tshar gcod pas shes rab yongs su rdzogs pa dang / ji skad smras pa de bzhin byed pas smon lam yongs su rdzogs pa dang / sangs rgyas mthong ba dang phrad pas sangs rgyas kyi chos thams cad yongs su rdzogs pa'o// de nas bcom ldan 'das kyis/ rgyal po yul 'khor srung la chos kyi gtam des yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar mdzad pas tshim zhing mgu la yi rangs te/ rab tu dga' nas dga' ba dang yid bde ba skyes te/ rin thang med pa'i mu tig gi ngo shal gyis de bzhin gshegs pa la mchod pa byas so// yongs su longs spyod par bya ba'i phyir/ rgyal srid thams cad kyang bcom ldan 'das de la phul lo/ / ji srid 'tsho'i bar du lnga pa tshangs par spyod pa dang / bslab pa'i gzhi rnams mnos so// btsun mo'i 'khor de thams cad kyang bla na med pa yang dag par rdzogs pa'i byang chub tu sems bskyed par gyur to/ / lnga pa tshangs par spyod pa dang / bslab pa'i gzhi rnams kyang mnos so// rgyal po'i btsun mo'i 'khor yang bcom ldan 'das las chos kyi gtam thos nas tshim zhing mgu la yi rangs te/ rab tu dga' nas dga' ba dang yid bde ba skyes te/ gos dang rgyan ci thogs pa rnams bcom ldan 'das kyi sku la mngon par gsol bar gyur te/ mngon par gsol nas kyang ji srid 'tsho'i bar du lnga pa tshangs par spyod pa dang / bslab pa'i gzhi rnams mnos so// zhi ba'i zla gros de ltar rgyal po yul 'khor srung chos kyi rnyeng pa phun sum tshogs pas rnyed pa chen po dang ldan nas/ btsun mo'i 'khor dang bcas gnyen gyi 'khor dang bcas shing 'khor dang bcas te/ bcom ldan 'das de'i zhabs dang / dge slong gi dge 'dun gyi rkang pa la mas bos phyag 'tshal nas lan gsum bskor ba byas te/ steng gi bar snang gi nam mkha' las khang pa brtsegs pa de nyid nas/ rgyal po'i pho brang rnam par dag pa can du slar 'khor nas rang gi khyim du phyin to/ / zhi ba'i blo gros de nas rgyal po yul 'khor srung dus gzhan zhig na/ zla ba nya ba'i tshe/ me tog sna tshogs zhes bya ba'i skyed mos tshal gyi sa bzang po blta ba'i phyir song nas/ de skyed mos tshal chen po de na gnas shing sil snyan dang / pheg rdob pa dang / rol mo'i sgra rab tu len pa dang / rtse ba'i dam pas rtse dga' zhing dga' mgur spyod do// chung ma dam pa ma smad pa zhes bya ba dang / dpe med ma zhes bya ba de gnyis rdzing dga' ba zhes bya bar khrus byas te/ spos chus gos brlan nas/ seng ge'i khri pad+ma'i 'byung gnas bzang po la 'dug go// de gnyis der 'dug pa'i pang pa nas rgyal bu gzhon nu gzugs bzang ba/ mdzes pa/ blta na sdug pa/ kha dog bzang po rgyas pa mchog dang ldan pa gnyis skyil mo krung bcas par rdzus te byung ngo // de nas skad cig de nyid la steng gi bar snang las lha rnams kyis/ kye ma khye'u 'di ni chos kyi sems pa'o// kye mkhye'u 'di ni chos kyi blo gros so zhes sgra phyung ngo // khye'u de gnyis byung ma thag tu zhi ba'i blo gros de ltar 'jig rten du khye'u de gnyis chos kyi sems pa dang / chos kyi blo gros zhes bya ba'i ming du gyur to// de la khye'u chos sems ni btsun mo ma smad pa'i pang pa nas byung ngo // chos kyi blo gros ni btsun mo dpe med ma'i pang pa nas byung ngo // khye'u de gnyis byung ma thag tu skyil mo krung ma nyams par gnyis kas tshigs su bcad pa 'di dag smras so// gang dag byang chub tu ni sems bskyed cing / / 'jig rten mgon po yul du byung ba la/ rab tu dang ba'i sems kyis phyag 'tshal ba// de dag rnyed pa rab rnyed grogs po dag/ gang zhig byang chub sems ni ma brjed pa/ / de ni srid pa'i rgya mtsho'i gting du phyin// 'khor ba'i 'khor lo las ni yid kyang log/ sems can rgya chen rnams kyis legs par bzung // steng gi phyogs na yan lag ma smad pa/ 'dren pa mtshan ni dus dpog rgyal po ste// de nas bdag cag chos don gnyer ba dang // 'jig mgon yon tan 'byung gnas blta phyir mchis// khye'u de gnyis kyis skyil mo krung bshig nas// de yi tshe na ma yi pang nas babs// yul 'khor srung po ga lar de gnyis dong // rkang par phyag 'tshal thal mo sbar te 'dag/ yab gcig bdag cag mchi ba gsan du gsol// bskal pa bye bar chos rnyed rab tu dka'/ / de rnyed nas ni byang chub ma thob par// mkhas pa dag ni gzhar yang mi gtong ngo // sangs rgyas 'byung ba rtag tu rab rnyed dka'// pha ma dag ni chos la gnas pa dang / / dal ba 'byor dang chos 'dod grogs po dang // mthun par gnas dang bstan la dang rab dkon// 'dun dang brtson 'grus de bzhin bag yod dang // rab tu byung thob rtag tu shes bzhin can/ / phan pa'i dngos dang gnyen dang ma khengs dang // ngo tsha khrel yod thos dang tshul khrims bzang // zhi dul srog chags rnams la snying rje byams// zab mo'i chos la chos kyi bzod ldan dang / / brtson 'grus mthu dang sems ni ma zhum dang // bsdu bas sems can yongs su smin byed dang // sems las rung zhing dben par gnas pa dang // lus dang de bzhin srog la mi lta dang / / mgo dang gos la 'bar ltar chos sems pa// de dag sangs rgyas yon tan de 'dra 'thob// bdag cag chos mchog gang dag rab brjod pa// chos mchog de dag yab gcig rab rnyed dka'/ / chos rnams de dag don du bdag cag lhags// da ni rgyal ba'i drung du bzhud par bgyi// dkar po'i chos rnams kyis ni yongs zin cing // skad cig gis ni mngon shes lnga thob pa/ / rjes su dran pa sgom zhing ye shes can// byang chub sems dpa' mkhas pa de gnyis dong // rgyal po bu dang bcas shing bud med bcas// byang chub sems dpa' mngon shes thob mkhas gnyis/ / ston pa yon tan rgyal mchog ga la bar// nam mkha' las ni der yang sngon du dong // de bzhin gshegs pa'i zhabs la phyag 'tshal te/ / thams cad 'dus nas gus dang bcas par gnas// de nas rgyal sras chos kyi blo gros spras// byang chub lam de bdag cag bshad du gsol// rgyal bas de dag rnams kyi bsam mkhyen nas/ / zab mo'i chos kyi gtam ni rab gsung ba// chos rnams 'di dag brten nas byung ba ste// bdag po med cing byed pa po dang bral// nang yang stong zhing phyi rol rgyu ba med/ / chos rnams 'di dag gsog dang gsob yin te// lha dang bya ba dag cing g.yo ba med// nam mkha' lta bur rtag tu gzung du med// bde bar gshegs pas chos gtam rnam dag pa/ / rnam pa mang po de dag rnams la bshad// bye ba phrag gsum khrag khrig bdun cu drug/ mi skye bzod pa rjes su thob par gyur// zhi ba'i blo gros de ltar bcom ldan 'das de la rgyal po yul 'khor srung gis zhag bdun gyi bar du mchod pa byas nas/ btsun mo'i 'khor dang bcas gnyen gyi 'khor dang bcas te/ skad cig thang cag yud tsam de la rang gi khyim du slar phyin to/ / zhi ba'i blo gros de nas rgyal po yul 'khor srung gcig pur dben par song ste/ bkod pa chen po'i khang pa brtsegs par seng ge'i khri pad+ma'i 'byung gnas bzang po la 'dug nas/ nang du yang dag bzhag cing 'di snyam du sems te/ bdag gi gzhon nu 'di dag thams cad ni bla na med pa yang dag par rdzogs pa'i byang chub la yang dag par zhugs/ pa sha stag na/ gzhon nu 'di dag thams cad kyi nang na gang thog mar bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba bdag gis brtag go snyam mo// de nas rgyal po yul 'khor srung gis de'i mod la rin po che sna bdun gyi bum pa byed du bcug ste/ byi dor legs par byas shing / legs par zin par byas nas/ gzhon nu de dag thams cad kyi ming bris te/ bum pa de'i nang du bcug nas/ rin po che sna bdun gyi pad+ma sna tshogs blta na sdug pa byas nas/ pad+ma de'i steng du bum pa de bzhag ste/ zhag bdun du lha'i mchod pa me tog thams cad dang / spos thams cad dang / phye ma thams cad dang / bdug pa thams cad dang / byug pa thams cad dang / rol mo'i sil snyan thams cad kyis mchod do// ming de dag mchod pa'o tshe na/ lha'i bu khri mchod pa'i las kyi phyir brtson par gyur to// zhag bdun du mchod pa byas nas btsun mo'i 'khor dang / de'i bu stong dang / gzhon nu gnyis kyi mdun du ril gyis gser las byas pa'i khri'u bzang po'i steng du bum pa de bzhag nas/ nang gi rmi bum pa de'i nang nas ming de rnams phyung ngo // zhi ba'i blo gros de'i tshe thams cad kyi thog mar rgyal bu gzhon nu rnam par dag pa'i blo gros zhes bya ba de'i ming byung bar gyur to/ / ming de byung ma thag tu skad cig de nyid la sa chen po 'di rnam pa drug tu g.yos so/ / btsun mo'i 'khor thams cad pang na sil snyan yod pa de dag kyang ma dkrol bar bye bo phrag du ma'i sgra byung ngo // zhi ba'i blo gros 'di ji snyam du sems/ zhi ba'i blo gros de'i tshe de'i dus na thams cad kyi thog mar ming byung ba rgyal bu gzhon nu rnam par dag pa'i blo gros zhes bya bar gyur pa de gzhan yin par de ltar mi blta'o/ / de ci'i phyir zhe na/ de bzhin gshegs pa 'khor ba 'jig de de'i tshe de'i dus na/ rgyal bu gzhon nu rnam par dag pa'i blo gros zhes bya bar gyur to// de'i 'og tu rgyal bu gzhon nu rnam par rgyal ba'i sde zhes bya ba de'i ming byung ste/ bcom ldan 'das gser thub de de'i tshe de'i dus na/ rgyal bu gzhon nu rnam par rgyal ba'i sde zhes bya bar gyur to// de'i 'og tu rgyal bu gzhon nu dbang po zhi ba zhes bya ba de'i ming byung ste/ bcom ldan 'das 'od srung de de'i tshe de'i dus na/ rgyal bu gzhon nu dbang po zhi ba zhes bya bar gyur to// de'i 'og tu rgyal bu gzhon nu don thams cad grub pa zhes bya ba de'i ming byung ngo // de ni nga yin de'i tshe de'i dus na rgyal bu gzhon nu don thams cad grub pa zhes bya bar gyur to/ / de'i 'og tu rgyal bu gzhon nu ska rags can zhes bya ba'i ming byung bar gyur te/ de ni byams pa zhes bya ba'i de bzhin gshegs par 'gyur ro/ / de'i 'og tu rgyal bu gzhon nu mchog gi blo gros zhes bya ba de'i ming byung ste/ de ni seng ge zhes bya ba'i de bzhin gshegs par 'gyur ro// de'i 'og tu rgyal bu gzhon nu glog gi lha zhes bya ba de'i ming byung ste/ de ni tog ces bya ba'i de bzhin gshegs par 'gyur ro// de'i 'og tu rgyal bu gzhon nu bzang po'i rgyal po zhes bya ba'i ming byung ste/ de ni me tog dam pa zhes bya ba'i de bzhin gshegs par 'gyur ro// de'i 'og tu rgyal bu gzhon nu 'od kyi dpal zhes bya ba'i ming byung ste/ de ni me tog ces bya ba'i de bzhin gshegs par 'gyur ro/ / de'i 'og tu rgyal bu gzhon nu rnam par snang ba'i pad+ma zhes bya ba'i ming byung ste/ de ni skar ma rgyal zhes bya ba'i de bzhin gshegs par 'gyur ro// de'i 'og tu rgyal bu gzhon nu dri ma med pa'i 'od ces bya ba'i ming byung ste/ de ni spyan legs pa zhes bya ba'i de bzhin gshegs par 'gyur ro// de'i 'og tu rgyal bu gzhon nu rdul med ces bya ba'i ming byung ste/ de ni lag bzangs zhes bya ba'i de bzhin gshegs par 'gyur ro// de'i 'og tu rgyal bu gzhon nu blo gros rgyal po zhes bya ba'i ming byung ste/ de ni 'od ces bya ba'i de bzhin gshegs par 'gyur ro/ / de'i 'og tu rgyal bu gzhon nu dge ba bkod pa'i rgyal po zhes bya ba'i ming byung ste/ de ni skar ma la dga' ba zhes bya ba'i de bzhin gshegs par 'gyur ro// de'i 'og tu rgyal bu gzhon nu phyogs 'byor pa gre bya ba'i ming byung ste/ de ni mngon 'phags gshegs pa zhes bya ba'i de bzhin gshegs par 'gyur ro// de'i 'og tu rgyal bu gzhon nu rnam par dag pa bkod pa'i rgyal po zhes bya ba'i ming byung ste/ de ni yon tan gyi mchog mnga' ba zhes bya ba'i de bzhin gshegs par 'gyur ro// de'i 'og tu rgyal bu gzhon nu dpal sbas zhes bya ba'i ming byung ste/ de ni nor dpal zhes bya ba'i de bzhin gshegs par 'gyur ro// de'i 'og tu rgyal bu gzhon nu lus shin tu rnam par 'byed pa zhes bya ba'i ming byung ste/ de ni ye shes 'byung gnas zhes bya ba'i de bzhin gshegs par 'gyur ro/ / de'i 'og tu rgyal bu gzhon nu drag shul can zhes bya ba'i ming byung ste/ de ni rin po che 'byung gnas zhes bya ba'i de bzhin gshegs par 'gyur ro/ / de'i 'og tu rgyal bu gzhon nu rin chen grags pa zhes bya ba'i ming byung ste/ de ni kun tu snang ba zhes bya ba'i de bzhin gshegs par 'gyur ro// de bzhin du rgya cher bya ste/ zhi ba'i blo gros de ltar bu stong yod pa de'i nang nas gcig bzhag ste/ rgyal bu gzhon nu cod pan brgyan pa zhes bya ba'i ming gi bar du byung ngo // de ni yon tan mtha' yas grags pa zhes bya ba'i de bzhin gshegs par 'gyur ro/ / zhi ba'i blo gros de'i tshe rgyal bu gzhon nu thams cad kyi tha chung blo mtha' yas zhes bya ba de'i ming byung bar gyur pa dang / snag gi gnyen mtshams thams cad dang / spun rnams na re/ gang gi tshe bdag cag thams cad kyis sems can thams cad yongs su smin par byas shing / sangs rgyas kyi bya ba thams cad byas pa de'i 'og tu khyod kyis ci zhig byar yod ces smras pa dang / blo gros mtha' yas kyis smras pa/ sangs rgyas chos rnams 'di dag nam mkha' mtshungs shing 'dra// bdag gi yid la sems can zad pa med snyam bgyid/ / tshul khrims kyis ni bdag gi smon lam 'di dag gyur// bdag gi smon lam ci 'dra thams cad 'dir gson cig/ khyed kyi tshe tshad ji tsam pa dag bsdoms pa dang / tshogs kyi rgyal po ji snyed de dag kun bsdoms pa// thams cad bsdoms pa de snyed bdag gi tsher gyur te// bdag gi dge slong tshogs kyang de kun ma lus snyed// de yis tshigs su bcad pa de ni smras ma thag/ de yi tshe na legs zhes lha yis sgra phyung ste// sems can dag pa khyod kyi bsam pa rdzogs gyur cig/ khyod kyis ji ltar bsam bzhin sems can don mdzod cig/ zhi ba'i blo gros de ltar rgyal bu gzhon nu thams cad kyi tha chung ngu gyur pa blo mtha' yas zhes bya ba de ni bskal pa bzang po 'di la de bzhin gshegs pa tha ma pa mos pa zhes bya bar 'gyur te/ zhi ba'i blo gros bskal pa bzang po'i de bzhin gshegs pa de dag thams cad kyi tshe'i tshang ji tsam pa dang / nyan thos kyi dge 'dun ji snang bar 'gyur ba/ de bzhin gshegs pa mos pa de'i tshe tshad kyang de srid du 'gyur/ nyan rdzas kyi dge 'dun yang de srid du 'gyur ro/ / bdag de ltar mos pas na de'i phyir mos pa zhes bya'o// zhi ba'i blo gros 'di ltar sangs rgyas stong du gcig gis ma tshang ba dag sangs rgyas kyi mdzad pa ji snyed mdzad pa de snyed de bzhin gshegs pa mos pas byed par 'gyur bas/ thabs mkhas pa'i tshul khrims phun sum tshogs pa'i rgyu mthun pa/ smon lam yongs su rdzogs pa'i khyad par la ltos zhi ba'i blo gros de nas gzhon nu stong po de dag gis byang chub sems dpa' gzhon nu chos sems dang / chos kyi blo gros dang / de gnyis la 'di skad ces smras so// rigs kyi bu khyod gnyis kyis smon lam ji lta bu zhig btab/ chos sems pas smras pa/ grogs po dag bdag ni khyed thams cad kyi lag na rdo rjer gyur te/ nang na spyod cing de bzhin gshegs pa'i gsang ba thams cad las phyi rol du ma gyur la/ phyi nang gi sangs rgyas kyi chos thams cad nyan pa dang / mos pa dang / rtogs pa de ltar bdag smon lam 'debs so// chos kyi blo gros kyis smras pa/ snag gi gnyen 'tshams dag/ bgres rabs dag/ bdag ni khyed rnams thams cad kyis byang chub thob pa na/ chos kyi 'khor lo bskor bar bskul te/ bdag gis bskul bas khyed thams cad kyis chos kyi 'khor lo skor bar gyur cig ces smon lam 'di ltar 'debs so/ / zhi ba'i blo gros de gnyis kyang smon lam ji ltar btab pa bzhin du bcom ldan 'das des lung bstan par gyur to// zhi ba'i blo gros de'i tshe de'i dus na 'khor los sgyur ba'i rgyal po yul 'khor srung zhes bya bar gyur pa de khyod kyis gzhan yin pa de ltar mi blta'o// de ci'i phyir zhe na/ bcom ldan 'das mar me mdzad de de'i tshe de'i dus na 'khor los sgyur ba'i rgyal po yul 'khor srung zhes bya bar gyur to/ / de'i bu gzhon nu stong yod pa de dag ni bskal pa bzang po'i de bzhin gzhan gshegs pa sha stag ste/ de bzhin gshegs pa 'khor ba 'dzeg nas bzung ste/ de bzhin gshegs pa mos pa zhes bya ba'i bar dag de'i tshe de'i dus na rgyal bu gzhon nur gyur to// zhi ba'i blo gros btsun mo ma smad pa zhes bya ba'i pang pa nas rdzus te byung ba khye'u chos kyi sems pa zhes bya bar gyur pa de ni gsang ba pa'i bdag po lag na rdo rje 'di yin te/ de'i tshe de'i dus na khye'u chos kyi sems pa zhes bya bar gyur to// zhi ba'i blo gros btsun mo dpe med ma zhes bya ba'i bang ba nas rdzus te byung ba khye'u chos kyi blo gros zhes bya ba de ni tshangs pa gtsug pud can 'di yin te/ de'i tshe de'i dus na khye'u chos kyi blo gros zhes bya bar gyur to/ / zhi ba'i blo gros rgyal po yul 'khor srung gi btsun mo'i 'khor du gyur pa gang yin pa de dag ni 'khor 'dir 'dus pa'i byang chub sems dpa' rnams yin no// rgyal b u gzhon nu de rnams kyis sems can gang dag bla na med pa yang dag par rdzogs pa'i byang chub tu yongs su smin par byed pa theg pa chen po la yang dag par zhugs pa de dag thams cad ni bskal pa bzang po 'di nyid la mthar gyis lung bstan pa thob par 'gyur ro/ / zhi ba'i blo gros 'di ltar skyes bu dam pa de dag gi bsam pa thams cad 'byor pas dge ba'i rtsa ba'i rgyu las byung ba'i sems bskyed pa chung mi za ba rten cing 'brel par 'byung ba'i mi 'gal ba la ltos/ yul 'khor srung gi sngon gyi tshul gyi le'u ste lnga pa'o// / zhi ba'i blo gros lta bas na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa rnams kyang sems can chen po de dag gi rjes su bslab par bya'o/ / tshig lhur blang bar mi bya'i byang chub kyi lam la mngon par brtson pas bsgrubs pa snying por bya'o/ / de la byang chub kyi lam gang zhe na/ 'di lta ste/ byams pa'i rjes su 'brang ba'i sems skyed pas sems can thams cad la khong khro ba med pa dang / pha rol tu phyin pa rnams la brtson pa dang bsdu ba'i dngos po'i rjes su 'brang ba dang / tshangs pa'i gnas pa bzhi bsgrub pa dang / byang chub kyi phyogs kyi chos rnams la mngon par brtson pa dang / mngon par shes pa yongs su sbyang ba yongs su skang ba dang / thabs la mkhas pas mngon par bsgrubs pa'i dge ba'i chos thams cad kyi tshogs sogs pa ste/ 'di ni byang chub kyi lam zhes bya'o// zhi ba'i blo gros gzhan yang byang chub kyi lam ni/ 'di lta ste/ dad pa dang / bsam pa dang / lhag pa'i bsam pa yongs su dag pa dang / drang ba nyid dang / g.yo med pa nyid dang / yangs pa nyid dang / sgrib pa med pa nyid dang / mnyam pa nyid dang / sems snyoms pa nyid dang / mi 'jigs pa nyid dang / sdig pa thams cad mi byed pa nyid yin no/ / lam de ni sbyin pa'i pha rol tu phyin pas 'byor pa'o// lam de ni tshul khrims kyi pha rol tu phyin pas bde bar 'gro ba'o// lam de ni bzod pa'i pha rol tu phyin pas gnod pa med pa'o/ / lam de ni brtson 'grus kyi pha rol tu phyin pas rgyun chad pa med pa'o// lam de ni bsam gtan gyi pha rol tu phyin pas mi 'khrugs pa'o// lam de ni shes rab kyi pha rol tu phyin pas legs par rtogs pa'o/ / lam de ni byams pa chen pos 'byung ba shes pa'i rjes su song ba'o// lam de ni snying rje chen pos phyir mi ldog pa'o// lam de ni dga' ba chen pos mchog tu dga' bar byed pa'o/ / lam de ni btang snyoms chen pos snying po'i rjes su song ba'o// lam de ni 'dod pa la 'dod chags dang / gnod sems dang / 'tshe ba'i rnam par rtog pa dang bral bas sdong du ma dang tsher ma med pa'o/ / lam de ni zhes 'gras pa'i sems med pas bde bar 'gro ba'o// lam de ni gzugs dang / sgra dang / dri dang / ro dang reg pa dang bral bas g.yon can dang bral ba'o/ / lam de ni phung po dang / khams dang / skye mched la legs par brtags pas phyir rgol ba dang bral ba'o// lam de ni nyon mongs pa thams cad dang bral bas bdud phyir rgol ba bcom pa'o/ / lam de ni nyan thos dang rang sangs rgyas kyi yid la byed pa dang bral bas sems rlabs po cher 'gro ba'o// lam de ni sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis zhugs pa'o/ / lam de ni rnam pa thams cad mkhyen pa'i rin po che dang mthun pas rin po che chen po sgrub pa'o/ / lam de ni chags pa med pa'i ye shes kyi snang bas rtag tu gsal ba'o// lam de ni dge ba'i bshes gnyen gyis legs par yongs su zin pas dge ba ston pa'o// lam de ni rjes su 'chags pa dang khong khro ba med pas mtho dman med pa'o/ / lam de ni gnod sems dang / tha ba dang / khro ba med pas rdul dang bral ba'o// lam de ni mi dge ba'i chos thams cad dang bral bas bde 'gror 'gro ba'o/ / lam de ni mya ngan las 'das pa'i mthar 'gro bas bde ba'i phyogs su 'gro ba'o// zhi ba'i blo gros de ltar na gang la nyan thos dang rang sangs rgyas thams cas kyi 'gro ba med pa dang / lam ma yin pa de 'dra ba ni byang chub sems dpa'i lam ste/ lam de la gnas na byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya'o// byang chub kyi lam gyi le'u ste drug pa'o/ / / de nas byang chub sems dpa' zhi ba'i blo gros kyis/ gsang ba pa'i bdag po lag na rdo rje la 'di skad ces smras so// gsang ba pa'i bdag po de bzhin gshegs pa'i gsang ba ci 'dra/ de bzhin gshegs pa'i gsang ba pa'i phyogs tsam zhig la khyod spobs par gyis shig/ de skad ces smras pa dang / gsang ba pa'i bdag po lag na rdo rjes/ byang chub sems dpa' zhi ba'i blo gros la 'di skad ces smras so// sangs rgyas kyi mthu dang / sangs rgyas kyi byin gyi rlabs kyis bstan gyis/ rigs kyi bu nyon cig/ zhi ba'i blo gros gsum po 'di dag ni de bzhin gshegs pa'i gsang ba'o/ / gsum gang zhe na/ 'di lta ste/ sku'i gsang ba dang / gsung gi gsang ba dang / thugs kyi gsang ba'o// zhi ba'i bla gros de la de bzhin gshegs pa'i sku'i gsang ba gang zhe na/ zhi ba'i bla gros 'di la de bzhin gshegs pa ni mi dgongs shing rab tu mi rtog par spyod lam thams cad kyang kum ston te/ rigs kyi bu de la lha dang mi kha cig 'dug pa gtso bor byed pa de dag gis ni de bzhin gshegs pa bzhugs par mthong ngo // lha dang mi kha cig 'chag pa gtso bor byed pa de dag gis ni de bzhin gshegs pa 'chag par mthong ngo / / lha dang mi kha cig 'greng ba gtso bor byed pa de dag gis ni de bzhin gshegs pa 'greng ba mthong ngo // lha dang mi kha cig nyal ba gtso bor byed pa de dag gis ni de bzhin gshegs pa mnal bar mthong ngo / / lha dang mi kha cig chos ston pa gtso bor byed pa de dag gis ni de bzhin gshegs pa ston par mthong ngo // lha dang mi kha cig mi smra ba gtso bor byed pa de dag gis ni de bzhin gshegs pa mi gsung bar gyur par mthong ngo / / lha dang mi kha cig bsam gtan gtso bor byed pa de dag gis ni de bzhin gshegs pa bsam gtan la snyoms par zhugs par mthong ngo / / lha dang mi kha cig langs pa gtso bor byed pa de dag gis ni de bzhin gshegs pa bzhengs par mthong ngo // lha dang mi kha cig mig mi 'dzums par lta ba gtso bor byed pa de ngag gis ni de bzhin gshegs pa spyan mi 'dzums par gzigs par mthong ngo / / lha dang mi kha cig 'dzum pa byed pa gtso bor 'dzin pa de dag gis ni de bzhin gshegs pa 'dzum pa mdzad par mthong / / lha dang mi kha cig mdog gisar gyi kha dog lta bu gtso bor byed pa de dag gis ni de bzhin gshegs pa sku mdog gser gyi kha dog lta bur mthong ngo // de bzhin du la las ni dngul gyi mdog tu mthong ngo / / de bzhin du shel gyi mdog dang / bai DUR+Ya'i mdog dang / rdo'i snying po'i mdog dang / spug gi mdog dang / mu tig dmar po'i mdog dang / mu tig dkar po'i mdog dang / mdog dmar po dang / mdog dkar po dang / btsod ka'i mdog dang / mdog sngon po dang / mdog ser po dang / zla ba'i mdog dang / nyi ma'i mdog dang / me'i mdog dang 'od kyi mdog dang / brgya byin gyi mdog dang / tshangs pa'i mdog dang / ba mo'i mdog dang ldong ros kyi mdog dang / mtshal gyi mdog tu mthong ngo // la las ni chu'i mdog dang la las ni mya ngan 'tshang gi me tog gi mdog dang / tsam pa ka'i mdog dang / sna ma'i me tog gi mdog dang / bar shi ka'i mdog dang / pad+ma'i mdog dang / ku mu ta'i mdog dang pad+ma dkar po'i mdog dang / dpal gyi mdog dang / rnam thos kyi bu'i mdog dang / ngang pa'i rgyal po dang skya'i mdog dang / pad+ma gsar pa'i mdog dang / dpal gyi snying po'i mdog dang / rin po che byu ru'i mdog dang / nor bu rin po che'i mdog dang / an da rnyil gyi mdog dang / nam mkha' dag pa'i gzi brjid kyi mdog dang / lha dang mi kha cig yon tan gyi bsngags pa mtha' yas par mos pa de dag gis ni/ de bzhin gshegs pa'i sku'i yon tan gyi bsngags pa mtha' yas pa dang ldan par mthong ngo // zhi ba'i blo gros de ltar yongs su brtag pa nye bar bzung ste/ stong gsum gyi stong chen po'i 'jig rten gyi khams na sems can ji snyed yod pa dang / gang yang gang+gA'i klung gi bye ma snyed kyi 'jig rten gyi khams kyi sems can de ngag thams cad mi'i lus thob par gyur la/ de'i nang nas sems can gcig gis sems can de dag ji snyed pa de snyed la/ de bzhin gshegs pa'i sku gzugs dang / mdog dang / rtags dang / dbyibs dang / spyod lam du sems shing mos te mngon par sgrub la/ sems can gcig gis ji lta ba bzhin du sems can de dag thams cad re res kyang de snyed la de bzhin gshegs pa'i sku gzugs dang / mdog dang / rtags dang / dbyibs dang / spyod lam du sems shing mos te mngon par sgrub la/ sems can gcig gi sems kyi mos pa gang yin pa de sems can gnyis pa'i ma yin te/ zhi ba'i blo gros rnam grangs de na/ de bzhin gshegs pa sems can de dag thams cad kyi sems kyi mos pa tshim par mdzad de/ ji ltar mos pa bzhin du sems can de dag gis de bzhin gshegs pa'i sku'i mdog dang / gzugs dang / rtags dang / dbyibs dang / spyod lam du shes mod kyi/ de la de bzhin gshegs pa'i sku 'am/ thugs kyi mdzad pa ni ma yin te/ de bzhin gshegs pa sngon gyi spyod pa yongs su sbyangs pa'i khyad par gyis lhun gyis grub pas/ sems can thams cad kyi sems kyi bsam pa tshim par mdzad pa'i gzugs dang / mdog dang / rtags dang / dbyibs dang / spong lam gyis kun tu bzhugs so/ / zhi ba'i blo gros 'di lta ste/ dper na me long gi dkyil 'khor yongs su dag pa la/ gzugs su snang ba ci 'dra ba nye bar gzhag pa de 'dra ba nyid kyi gzugs brnyan de na lhag chad med par mtshungs par snang yang / me long gi dkyil 'khor ni mi sems mi rtog go// zhi ba'i blo gros de bzhin du de bzhin gshegs pa'ang mi dgongs mi rtog par lhun gyis grub par sems can thams cad kyi sems kyi bsam pa'i rnam par rig pa tshim par mdzad do/ / zhi ba'i blo gros 'di ni de bzhin gshegs pa'i sku'i gsang ba'o// bo'i blo gros gzhan yang de bzhin gshegs pa'i sku ni phung pos rab tu phye ba ma yin/ khams kyis rab tu phye ba ma yin/ skye mched kyis rab tu phye ba ma yin/ las las byung ba ma yin/ nyon mongs pa las byung ba ma yin/ pha ma las byung ba ma yin/ 'byung ba chen po'i nur nur po las byung ba ma yin/ sha dang khrag gis g.yogs pa ma yin/ rus pa dang chu ba'i bog res sbrel ba ma yin/ dbugs phyi nang du rgyu ba dang srog dang 'brel ba ma yin te/ zhi ba'i blo gros de bzhin gshegs pa'i sku ni sku med pa ste/ chos kyi sku dang gzugs dang / mtshan med pa'i sku dang / spros pa med cing rgyu ba med pa'i sku yin yang / de gzugs dang mtshan gtso bor byed pa'i sems can sku bstan pas 'dul ba rnams kyi mig la snang bar 'gyur ro/ / gzugs las dben pa chos kyi sku dang / gnyid gtso bor byed pa'i sems can rnams la ni/ lha'i mig gis kyang thams cad kyi thams cad du bltar snang bar ma 'gyur ro/ / zhi ba'i blo gros de la 'khor gcig tu 'dus pa'i sems can gyi nang nas kyang / kha cig gis ni de bzhin gshegs pa'i sku mthong / kha cig gis ni mi mthong / kha cig/ gis ni rgyang ring po na 'dug kyang mthong / kha cig gis ni nye ba na 'dug kyang mi mthong / kha cig gis ni thag ring po na 'dug la mthong / kha cig gis ni nye ba na 'dug la mi mthong / la las ni dran pa'i rnam pas mthong la/ g.yeng ba'i rnam pas mi mthong ngo // la las ni g.yeng ba'i rnam pas mthong la/ dran pa'i rnam pas mi mthong ngo // la las ni gzhan gyis nye bar bstan pas mthong zhing / bdag gis bltas pas mi mthong ngo // la las ni bdag gis bltas pas mthong la/ gzhan gyis bltas pas mi mthong ngo // la las ni rmi lam na mthong la/ sad pa na mi mthong ngo // la las ni sad pa na mthong la/ rmi lam na mi mthong ngo // la las ni mnyam par gzhag na mthong la/ langs na mi mthong ngo / / la las ni langs na mthong la/ mnyam par gzhag na mi mthong ngo // la las ni sdug pa'i rnam par mthong la/ mi sdug pa'i rnam par ma yin no// la las ni ma sdug pa'i rnam par mthong la/ sdug pa'i rnam par ma yin no// la las ni ma brtsal bas mi mthong la/ brtsal bas mthong ngo // la las ni ma brtsal bas mthong la/ brtsal bas mi mthong ngo / / la las ni bsgrims na mthong la/ ma bsgrims na ma yin no// la las ni ma bsgribs na mthong la/ bsgribs na ma yin no// zhi ba'i blo gros de ltar de bzhin gshegs pa'i sku ni 'di dag dang / gzhan yang tshad med pa'i rnam par ston pa mdzad do// gang yang gzugs na spyod pa'i lha'i bu lus dang / spyod pa dang / spyod lam rab tu zhi ba/ mnyam par gzhag pa/ lus zhi ba/ dul ba de dag gi mig kyang 'khrul par gyur te/ de bzhin gshegs pa'i sku la dpag par bya ba 'am/ mtshan ma gzung bar mi nus so/ / de ci'i phyir zhe na/ zhi ba'i blo gros de bzhin gshegs pa'i sku ni kha dog tha dad pas tshad med pa'o// chos kyi skus rab tu phye ba'i phyir nam mkha' dang mtshung so/ / zhi ba'i blo gros nam mkhas ji tsam du khyab pa de tsam du de bzhin gshegs pa'i skus khyab po// zhi ba'i blo gros 'di lta ste/ dper na nam mkha' ni thams cad kyi rjes su song ba'o/ / zhi ba'i blo gros de bzhin du de bzhin gshegs pa'i sku'ang thams cad kyis rjes su song ba'o// zhi ba'i blo gros 'di lta ste/ dper na nam mkha' ni spros pa med pa'o// ba'i blo gros de bzhin du de bzhin gshegs pa'i sku'ang spros pa mi mnga' 'o// zhi ba'i blo gros 'di lta ste/ dper na nam mkha' ni sems can thams cad kyi nye bar 'tsho ba'o// zhi ba'i blo gros de bzhin du de bzhin gshegs pa'i sku'ang sems can thams cad kyi nye bar 'tsho ba'o/ / zhi ba'i blo gros 'di lta ste/ dper na nam mkha' ni 'gyur ba med cing rnam par rtog pa med do/ / zhi ba'i blo gros de bzhin du de bzhin gshegs pa'i sku'ang 'gyur ba mi mnga' zhing rnam par rtog pa mi mnga' 'o// zhi ba'i blo gros 'di lta ste/ dper na nam mkha' ni gzugs su snang ba thams cad du zhugs pa'o/ / zhi ba'i blo gros de bzhin du de bzhin gshegs pa'i sku'ang sems can du snang ba thams cad du zhugs so// zhi ba'i blo gros 'di lta ste/ dper na nam mkha'i nang du ni gzugs su snang ba thams cad 'dus so// zhi ba'i blo gros de bzhin du de bzhin gshegs pa'i sku'i nang du'ang sems can du snang ba thams cad du 'dus so// zhi ba'i blo gros 'di lta ste/ dper na nam mkha' la ni rtswa dang / shing gel ba dang / sman dang / nags tshal thams cad rnam par 'phel lo// zhi ba'i blo gros de bzhin du de bzhin gshegs pa'i sku las kyang sems can thams cad kyi dge ba'i rtsa ba dag rnam par 'phel lo/ / zhi ba'i blo gros 'di lta ste/ dper na nam mkha' ni rtag pa'ang ma yin/ mi rtag pa'ang ma yin te/ cir yang brjod pa ma yin no// zhi ba'i blo gros de bzhin du de bzhin gshegs pa'i sku'ang rtag pa'ang ma yin/ mi rtag pa'ang ma yin te/ cir yang brjod pa ma yin no/ / zhi ba'i blo gros de bzhin gshegs pa dgra bcom pa yang dag par rdzogs pa'i sangs rgyas rnams ni spyi gtsug bltar mi mthong ba ste/ zhi ba'i bla gros gang de bzhin gshegs pa'i spyi gtsug mthong bar nus pa de ni kha bas lha dang bcas pa dang / bdud dang bcas pa dang / tshangs pa dang bcas pa dang / dge slong dang bram zer bcas pa'i skye dgu dang / lha dang / mi dang / lha ma yin du bcas pa'i 'jig rten na ma mthong ngo // de ci'i phyir zhe na/ zhi ba'i blo gros kho bos 'di ltar mngon par shes te/ bcom ldan 'das mngon par rdzogs par sangs rgyas nas ring por ma lon te/ chos kyi 'khor lo bskor nas/ grong khyer wA rA NA si na drang srong ltung ba ri dgas kyi nags na bzhugs pa'i dus gcig na shar phyogs logs kyi de bzhin gshegs pa tsam pa ka'i mdog gi sangs rgyas kyi zhing 'jig rten gyi khams dgra 'dul nas/ byang chub sems dpa' shugs 'chang zhes bya ba de/ bcom ldan 'das la blta ba dang / phyag bya ba dang / mchod pa bya ba dang / bsnyen bkur bya ba'i phyir 'jig rten gyi khams mi mjed 'dir 'ongs te/ des bcom ldan 'das kyi zhabs la mgo bos phyag 'tshal nas/ lan gsum bskor ba byas te/ bcom ldan 'das kyi spyan sngar 'dug go// de nas sangs rgyas kyi mthus/ byang chub sems dpa' shugs 'chang 'di snyam du sems te/ sangs rgyas bcom ldan 'das rnams ni spyi gtsug po ltar mi mthong la/ sku tshad med cing mtha' yas kyang bdag gis de bzhin gshegs pa'i sku'i tshad dang mtha' yongs su btsal bar bya'o snyam mo/ / de nas byang chub sems dpa' shugs 'changagis rang gi lus dpag tshad brgyad khri bzhi stong du byin gyis brlabs te/ de bzhin gshegs pa'i sku la bltas nas/ des de bzhin gshegs pa'i sku dpag tshad 'bum phrag drug cu rtsa brgyad par mthong nas/ des 'di snyam du bsamra te/ bdag ni mngon par shes pa thob pa/ rdzu 'phrul gyi rkang pas rnam par rtse ba yin gyis/ bdag gis de bas kyang rgya cher de bzhin gshegs pa'i sku'i tshad btsal bar bya'o snyam nas/ de sangs rgyas kyi mthu dang rang gi rdzu 'phrul gyi stobs bskyed pas/ steng gi phyogs logs su sangs rgyas kyi zhing gang+gA'i klung gi bye ba phrag brgya'i be snyed 'das te/ 'jig rten gyi khams pad+ma can zhes bya ba de na/ de bzhin gshegs pa pad+ma'i dpal gyi rgyal po'i snying po zhes bya ba da lta na bzhugs shing 'tsho la gzhes chos kyang ston pa der/ byang chub sems dpa' shugs 'chang phyin nas/ de 'jig rten gyi khams der gnas kyang / de bzhin gshegs pa'i spyi gtsug mthong bar ma nus shing de bzhin gshegs pa'i sku'i tshad dam/ mtha' yang mi dmigs so// de nas byang chub sems dpa' shugs 'chang / bcom ldan 'das de bzhin gshegs pa pad+ma'i dpal gyi rgyal po'i snying po ga la ba der song ste phyin nas/ bcom ldan 'das pad+ma'i dpal gyi rgyal po'i snying po de'i zhabs la mgo bos phyag 'tshal te/ lan bdun bskor ba byas nas bcom ldan 'das de'i spyan sngar 'dug ste/ bcom ldan 'das de la 'di skad ces gsol to// bcom ldan 'das bdag thag ji srid cig nas mchis/ bcom ldan 'das nges bka' stsal pa/ rigs kyi bu gang+gA'i klung gi bye ba phrag brgya'i bye ma snyed kyi sangs rgyas kyi zhing 'das pa nas/ khyod 'jig rten gyi khams 'dir 'ongs so// byang chub sems dpa' shugs 'chang gis gsol pa/ bcom ldan 'das bdag thag ring mo zhig nas mchis kyang / bcom ldan 'das de bzhin gshegs pa shAkya thub pa de'i dbu'i gtsug mthong bar yang rngo ma thog la/ sku'i tshad dam/ mtha' rtogs par yang rngo ma thog lags so// bcom ldan 'das des bka' stsal pa/ rigs kyi bu khyod gal te shugs 'di nyid dang / rdzu 'phrul gyi stobs bskyed pa 'di nyid kyis gang+gA'i klung gi bye ma snyed kyi bskal par steng gi phyogs legs su song du zin kyang / bcom ldan 'das de'i sku'i mtha' rtogs par mi nus so// rigs kyi bu gang yang dpe bzhag pa ji snyed pa de bzhin gshegs pa'i tshul khrims kyi dper bya ba 'am/ ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dang sku dang / gsung dang / thugs dang / gzugs dang / mtshan gyi dper bya ba'i dpe dgod pa de dag thams cad ni de bzhin gshegs pa la skur pa 'debs bapa'o/ / dpe gcig ni ma gtogs te/ 'di ltar dpe nam mkha' 'o// nam mkha' ji tsam par de bzhin gshegs pa'i tshul khrims kyang de tsam mo// ting nge 'dzin kyang de tsam mo// shes rab kyang de tsam mo// rnam par grol ba'ang de tsam mo// rnam par grol ba'i ye shes mthong ba'ang de tsam mo// sku'ang de tsam mo// gsung yang de tsam mo// thugs kyang de tsam mo/ / gzugs kyang de tsam mo// mtshan kyang de tsam mo// de bas na nam mkha' tshad med pas de bzhin gshegs pa'i sku tshad med par khong du chud par bya'o zhes bstan to// zhi ba'i blo gros de nas byang chub sems dpa' shugs 'chang gis/ bcom ldan 'das de las bstan pa 'di thos nas ngo mtshar du gyur to// tshim zhing mgu la yi rangs nas rab tu dga' ste/ dga' ba dang yid bde ba skyes nas/ bcom ldan 'das de'i zhabs la mgo bos phyag 'tshal te/ lan bdun bskor ba byas nas/ sangs rgyas kyi zhing de nyid nas mi snang bar gyur pa dang / sangs rgyas kyi mthu dang / rang gi rdzu 'phrul gyi stobs kyis sems kyi rnam par rtog pa tsam gyis/ 'jig rten gyi khams mi mdzad 'dir bcom ldan 'das shAkya thub pa'i spyan sngar phyin te/ des bcom ldan 'das kyi zhabs la mgo bos phyag 'tshal nas/ bcom ldan 'das la lan bdun bskor ba byas te/ bcom ldan 'das kyi spyan sngar 'dug nas thal mo sbyar te/ de'i tshe tshigs su bcad pa 'di dag gsol to// nam mkha' mtshungs shing 'dra ba yi// sangs rgyas chos la mi gang zhig/ pha rol tu ni mchi 'tshal ba// de ni nyam thag 'gyur ba lags// sangs rgyas sku ni blta slad du// gang+gA'i bye ba phrag brgya yi// bye ma ji snyed de snyed kyi// zhing rnams su ni bdag mchis so// de snyeng zhing du mchis nas ni/ / pad+ma can gyi zhing du mchi/ 'on kyang khyod kyi dbu gtsug dang // sku yi tshad kyang ma mthong lags// zhing den ni 'dren bzhugs pa// mtshan ni dpal gyi snying po lags/ de yis bdag gi bsam mkhyen nas// 'di skad du ni bka' stsal to// la las sangs rgyas chos rnams la// dpe dgod ji snyed byed pa ni// de dag sangs rgyas mi 'tsham ste// de dag rgyal la skur pa 'debs/ / 'di la dpe gcig yang dag ste// nam mkha'i khams su bstan pa lags// de ni sangs rgyas chos dang mthun// gang na'ang de yi tshad ma mchis// nam mkha' 'di ni ji tsam par/ / sangs rgyas kyi ni tshul khrims dang // ting nge 'dzin dang rnam grol dang // rnam grol ye shes mthong de tsam// nam mkha'i tshad ni ji tsam pa// sangs rgyas gzugs kyang de tsam ste/ / 'jig rten mgon po'i dbu gtsug kyang / nam mkha'i khams dang mtshungs pa lags// nam mkha' ji snyed khyab gyur pa/ skus kyang de snyed khyab pa lags// sku yis ji skad khyad gyur ba// 'od kyis kyang ni de snyed khyab// 'od kyis ji snyed khyab gyur pa// gsung gis kyang ni de snyed khyab// gsung gis ji snyed khyab gyur pa/ / thugs kyis kyang ni de snyed khyab// thugs kyis ji snyed khyab gyur pa// byams pas kyang ni de snyed khyab// byams pas ji snyed khyab gyur la// ye shes kyis ni de snyed khyab// ye shes ji snyed khyab gyur la// sku yis kyang ni de snyed khyab// gang gis byang chub blo bskyed pa// de snyed bsod nams khyab par bgyid// byang chub sems kyi bsod nams gang / / de la gal te gzugs mchis ni// nam mkha'i khams ni kun gang ste// de ni de bas lhag par 'gyur// sems can kun gyi bsod nams kyi/ / phung po ji snyed yongs bzung ba// de snyed byang chub sems dpa' yi// byang chub sems las rab tu 'byung // byang chub sems dpa'i bsod nams kyi// phung po ji/ snyed brjod pa bas// dam pa'i chos ni yongs 'dzin na// de bas bsod nams ches mang ngo // dam chos 'dzin pa'i bsod nams ni// sangs rgyas kun gyi nan tan du// bskal pa bye bar brjod mdzad kyang // mtha' mar phyin par 'gyur ma lags// dam pa'i chos ni 'dzin pa dang // byang chub sems kyi bsod nams de// stong pa nyid la mos pa yi/ / bcu drug cha yang mi ri lags// stong pa nyid la 'dir mos nas// byang chub sems kyang mi gtong dang // dam pa'i chos ni 'dzin bgyid pa// 'di ni bsod nams sdud pa lags/ / byang chub sems dpa' grags chen po// chos kyi rtog pa 'di thob nas// de yis byang chub spyad spyod cing // sangs rgyas yon tan thob par 'gyur/ / tshigs su bcad pa brjod pa na// zhing rnams bye ba rab tu g.yos// lha ni bye ba phrag stong gis// rol mo sil snyan bye ba blangs// sangs rgyas kyi ni che ba nyid/ / shugs 'chang gis ni bshang thos nas// srog chags bye ba phrag stong dag/ byang chub tu ni sems bskyed de// sangs rgyas thams cad gzigs pa po// rang byung rnams kyi gsang ba'i gnas/ / gnas 'di bsam gyis mi khyab ste// dpag yas bla na ma mchis lags// zhi ba'i blo gros 'di'ang de bzhin gshegs pa'i sku'i gas pa'o/ / // bam po bzhi pa'o// zhi ba'i blo gros de na sems can du ma 'khor gcig tu 'dus pa dag las/ kha cig gis ni de bzhin gshegs pa'i sku mthong ngo / / kha cig gis ni ma mthong ngo // de la gang dag gis mthong ba de dag ni dga' ba skyes nas lta'o// gang dag gis ma mthong ba de dag ni cang mi smra bar gyur cing sdod do/ / zhi ba'i blo gros de bzhin gshegs pa ni zhal zas mi gsol mod kyi/ sems can rnams kyis de bzhin gshegs pa zhal zas gsol bar mthong ngo / / zhi ba'i blo gros de la byang chub kyi rim gro ba'i lha gzi brjid kyi stobs zhes bya ba dag rtag tu de bzhin gshegs pa'i zham ring du 'brang zhing / de dag de bzhin gshegs pa'i zhal zas snod du bzed na/ sems can rnams kyis de bzhin gshegs pas kham tshad du blangs te gsol bar mthong ngo // de bzhin gshegs pas kham tshang du blangs pa de'ang snod de nyid na 'dug ste/ de lha dag gis khyer nas de bzhin gshegs pas 'dul ba'i sems can sngon dge ba'i rtsa ba bskyed pa/ las kyi sgrib pa'i dbang gis skye gnas de dag de dag tu 'phangs pa/ bza' ba dang / btung ba dang / zas mi rnyed pa bkres pas nyam chung bar gyur pa ji snyed pa de dag la de bzhin gshegs pa'i bshos kyi pham babs de byin nas/ sems can de dag gis kyang zas de zos pa dang bkres skom dang bral te/ bde zhing lus tshim nas bsam pa thag pa nas bla na med pa yang dag par rdzogs pa'i byang chub tu sems skyed do/ / gang dag log par ltung ba yi dgas sam/ gshin rje'i 'jig rten na gnas pa byang chub tu sems skyed par mi nus pa de dag la'ang de nyid mya ngan las 'das pa'i bgyi rgyur 'gyur ro/ / zhi ba'i blo gros rnam grangs des na yang khyod kyis ji ltar de bzhin gshegs pa zhal zas mi gsol zhing / de bzhin gshegs pa chos kyi zhal zas can du de ltar rig par bya ste/ zhi ba'i blo gros de bzhin gshegs pa'i sku ni sred med kyi bu ltar mkhregs pa/ sra ba/ snying po can/ mi shigs pa rdo rje'i rang bzhin no// zhi ba'i blo gros de bzhin gshegs pa'i sku la ni pho ba dang long ka med do/ / rnag gam/ khrag gam/ mchil ma 'am/ ngar snabs sam/ ngan skyugs sam/ mi gtsang ba med kyi zhi ba'i blo gros de bzhin gshegs pa'i sku ni 'dzam bu chu bo'i gser gyi gar lta bu ste/ khong stong ma yin pa/ bu ga med pa/ kha na ma tho ba med pa'o// zhi ba'i blo gros 'di ltar lci khyad rdo rje dang 'dra'ang / 'jam khyad ka tsi lin di ka ltar reg na bde bar 'gyur bas de bzhin gshegs pa'i sku'i che ba nyid la ltos zhi ba'i blo gros gang gi tshe gzi brjid che ba/ gaH brjid che ba'i lha'i bu rnams dang / lha'i bu mo rnams de bzhin gshegs pa'i zhabs la phyag 'tshal ba na/ sngon ma reg pa'i reg pa reg nas bla na med pa yang dag par rdzogs pa'i byang chub tu sems skyed de/ de dag nyon mongs pa skyed par mi 'gyur ba'i dus de dang chod de yod do// zhi ba'i blo gros sems can 'dod chags la spyod pa gang dag gis ni de bzhin gshegs pa'i sku mthong ba de dag gis de bzhin gshegs pa'i sku mthong ma thag tu bdag nyid 'dod chags dang bral bar shes so/ / zhe sdang la spyod pa gang dag gis mthong na/ de dag byams pa 'thob bo/ / gti mug la spyod pa gang dag gis mthong na/ de dag ye shes kyi snang ba 'thob bo// cha mnyam pa la spyod pa gang dag gis mthong na/ de dag nyon mongs pa dang bral bar shes so/ / ser sna can gang dag gis mthong na/ de dag gtong ba la mos par 'gyur ro// tshul khrims 'chal pa gang dag gis mthong na/ de dag tshul khrims la mos par 'gyur ro// gnod sems can gang dag gis mthong na/ de dag bzod pa 'thob bo// le lo can gang dag gis mthong na/ de dag brtson 'grus la mos par 'gyur ro// sems g.yengs pa gang dag gis mthong na/ de dag ting nge 'dzin 'thob bo// shes rab 'chal pa gang dag gis mthong na/ de dag shes rab la mos par 'gyur ro// rigs kyi bu mdor na sems can dkar po'i chos gang dang bral ba de dag gis ni de bzhin gshegs pa'i sku mthong ba de dag de bzhin gshegs pa'i sku mthong ma thag tu mi dge ba'i rnam par rtog pa thams cad rgyan chad nas/ dge ba'i sems la rab tu gnas par 'gyur te/ de la'ang de bzhin gshegs pa rnam par rtog pa mi mnga' zhing btang snyoms pa ste/ zhi ba'i blo gros 'di'ang de bzhin gshegs pa'i sku'i gsang ba'o// zhi ba'i blo gros de bzhin gshegs pas sprul pa gang sprul pa de'ang lhun gyis grub cing bsgrim pa mi mnga' ba dang / mngon par 'du mdzad pa mi mnga' bas mdzad de/ de bzhin gshegs pa 'di snyam du ngas sprul pa dag sprul to/ / sprul lo// sprul par bya'o snyam du mi dgongs mod kyi/ 'on kyang sprul pas 'dul ba'i sems can ji snyed par 'jig rten gyi khams 'di'ang / 'jig rten gyi khams grangs med pa brgya stong de dang de dag tu sems can yongs su smin par mdzad pa'i don du de bzhin gshegs pa'i sprul pa de snyed du bzhud de/ zhi ba'i blo gros 'di'ang de bzhin gshegs pa'i sku'i gsang ba'o/ / zhi ba'i blo gros de bzhin gshegs pas sems can yongs su smin par mdzad pa'i don du sku las 'od kha dog du ma pa/ kha dog tha dad pa/ kha dog brgya stong pa dag phyung ste/ 'od des phyogs bcu'i sangs rgyas kyi zhing gang+gA'i klung gi bye ma snyed snang bar byed pa de'ang lhan gyis grub cing bsgrim pa mi mnga' ba dang / mngon par 'du mdzad pa mi mnga' bas mdzad de/ zhi ba'i blo gros 'di'ang de bzhin gshegs pa'i sku'i gsang ba dang / sku'i 'phrin las te/ skra'i 'phrin las yongs su dag pa la 'jug pa cung zad tsam zhig bstan du zad kyi bskal pa 'am/ de bas lhag par brjod kyang de bzhin gshegs pa'i sku'i 'phrin las yongs su dag pa'i yon tan bsngags pa mthar phyin par mi nus so/ / de bzhin gshegs pa'i sku'i gsang ba bsam gyis mi khyab pa bstan pa 'di bshad pa na/ srog chags khris ni bla na med pa yang dag par rdzogs pa'i byang chub tu sems bskyed do/ / byang chub sems dpa' brgyad stong ni mi skye ba'i chos la bzod pa thob par gyur to// thams cad dang ldan pa'i 'khor des kyang de bzhin gshegs pa dang / gsang ba pa'i bdag po lag na rdo rje la lha'i dang mi'i me tog rnams kyis mngon par gtor to/ / bcom ldan 'das kyis kyang phyag g.yas pa gser gyi kha dog can brkyang ste/ gsang ba pa'i bdag po lag na rdo rje'i spyi bo la gzhag nas/ gsang ba pa'i bdag po lag na rdo rje khyod kyis de bzhin gshegs pa'i gsang ba bstan pa 'di legs par smras pa legs so legs so// de bzhin gshegs pas kyang gnang zhing rjes su dgyes so zhes legs so zhes bya ba byin no/ / de bzhin gshegs pa'i sku'i gsang ba'i le'u ste bdun pa'o// // gsang ba ba'i bdag po lag na rdo rjes gzhan yang byang chub sems dpa' sems dpa' chen po zhi ba'i blo gros la 'di skad ces smras so/ / zhi ba'i blo gros de la de bzhin gshegs pa'i gsung gi gsang ba dang / gsung gi 'phrin las yongs su dag pa gang zhe na/ zhi ba'i blo gros gang gi nub mo de bzhin gshegs pas bla na med pa yang dag par rdzogs pa'i byang chub mngon par rdzogs par sangs rgyas pa dang / gang gi nub mo len pa mi mnga' bar yongs su mya ngan las 'da' bar 'gyur ba de'i bar du de bzhin gshegs pas tha na yi ge'i 'bru gcig kyang ma gsungs so// gsung bar mi 'gyur ro/ / de ci'i phyir zhe na/ zhi ba'i blo gros de bzhin gshegs pa ni rtag tu mnyam par bzhag pa ste/ de bzhin gshegs pa la dbugs 'byung ba 'am/ rngub pa mi mnga' la// / rnam par mi rtog go// rnam par mi dpyod do// rnam par rtog pa dang / rnam par dpyod pa med na gag mi 'byung ste/ de bzhin gshegs pa de'ang rnam par mi rtog/ rnam bar mi dpyod/ rtog par mi mdzad/ rnam par rtog par mi mdzad/ mi gsung / mi brjod/ gsung bar mi mdzad kyang / sems can rnams 'di snyam du sems te/ de bzhin gshegs pa ni gsung ngo snyam mo// de bzhin gshegs pa ni shin tu mnyam par bzhag pa ste/ yi ge'i rnam par rtog pa thams cad kyi thams cad du rnam par rig par mi mdzad kyang / sems can yi ge lhur len pa rnams 'di snyam du sems te/ de bzhin gshegs pa ni bdag cag la chos ston to// bdag cag ni de bzhin gshegs pa'i chos bstan pa kun shes so snyam mo/ / de la'ang de bzhin gshegs pa ni rnam par mi rtog cing btang snyoms su mdzad do// zhi ba'i blo gros de bzhin gshegs pa'i tshems dang sgros dang / zhal gyi dkan dang / ljags dang / zhal gyi sgo nas sgra 'byung ba'ang med la 'byung bar yang grag go// de bzhin gshegs pa'i gsung gi sgra 'byung ba de ni nam mkha' las byung na/ sems can rnams 'di snyam du sems te/ sgra 'di ni de bzhin gshegs pa'i zhal gyi sgo nas 'byung ngo snyam mo// zhi ba'i blo gros de bzhin gshegs pa'i gsung ni rnam pa drug cu rtsa bzhi dang ldan par 'byung ste/ rnam pa drug cu rtsa bzhi gang zhe na/ 'di lta ste/ mnyen pa'i gsung 'byung ba dang / 'jam pa dang / yid du 'ong ba dang / yid du 'thad pa dang / dag pa dang / dri ma med pa dang / 'od gsal ba dang / snyan zhing 'jebs pa dang / mnyan par 'os pa dang / mi tshugs pa dang / snyan pa dang / dul ba dang / mi rtsub pa dang / ma brlang pa dang / rab tu 'dul ba dang / rnar snyan pa dang / lus sim par byed pa dang / sems tshim par byed pa dang / snying dga' bar byed pa dang / dga' bde skyed pa dang / yongs su gdung ba meng pa dang / kun tu shes par bya ba dang / rnam par rig par bya ba dang / rnam par gsal ba dang / dga' bar byed pa dang / mngon par dga' bar byed pa dang / kun shes par byed pa dang / rnam par rig par byed pa dang / rigs pa dang / 'brel pa dang / zlos pa'i skyon med pa dang seng ge'i sgra'i shugs can dang / glang po che'i sgra skad dang / 'brag gi sgra dbyangs dang / klu'i dbang po'i sgra dang / dri za'i glu dbyangs dang / bya ka la bing ka'i sgra dbyangs dang tshangs pa'i sgra dbyangs sgrags pa dang / shang shang te'u'i sgra dbyangs su grag pa dang / lha'i dbang po'i dbyangs ltar snyan pa dang / rnga'i sgra dang / ma khengs pa dang / mi dma' ba dang / sgra thams cad kyi rjes su zhugs pa dang / tshig zur chag pa med pa dang / ma tshang ba med pa dang / ma zhum pa dang / mi gzhan pa dang / rab tu dga' ba dang khyab pa dang / chub pa dang / rgyun chags pa dang / 'brel ba dang / sgra thams cad rdzogs par byed pa dang / dbang po thams cad tshim par byed pa dang / ma smad pa dang / mi 'gyur ba dang / ma rtabs pa dang / 'khor kun tu grags pa dang / 'dod chags zhi bar byed pa dang / zhe sdang 'dul ba dang / gti mug sel ba dang / bdud tshar gcod pa dang / rnam pa thams cad kyi mchog dang ldan pa 'byung ba ste/ zhi ba'i blo gros de bzhin gshegs pa'i gsung ni yan lag drug cu rtsa bzhi pa de dag dang ldan par 'byung ngo / / zhi ba'i blo gros gzhan yang de bzhin gshegs pa'i gsung ni phyogs bcu'i 'jig rten gyi khams thams cad rgyas par 'gengs shing sems can thams cad kyi bsam pa yang dag par tshim par mdzad kyang / zhi ba'i blo gros de bzhin gshegs pa ni 'di snyam du nga mdo'i sde 'am/ dbyangs kyis bsnyad ba'i sde 'am/ lung du bstan pa'i sde 'am/ tshigs su bcad pa'i sde 'am/ ched du brjod pa'i sde 'am/ gleng gzhi'i sde 'am/ de lta bu byung ba'i sde 'am/ skyes pa'i rabs kyi sde 'am/ shin tu rgyas pa'i sde 'am/ rmad du byung ba'i chos kyi sde 'am/ gtan la bab par bstan pa'i snga 'am/ dpe 'am/ sngon gyi tshul lam/ rtogs pa brjod pa'i sde 'am kun tu bsnyad pa 'di ston to zhe 'am/ rab tu gsal bar mdzad do zhe 'am/ rab tu shes par mdzad do zhe 'am/ rab tu 'jog go zhe 'am/ rnam par 'byed do zhe 'am/ rnam par 'grel to zhe 'am/ brjod do zhe 'am/ yang dag par bsgrags par mdzad do snyam du mi dgongs so// de lta mod kyi de bzhin gshegs pa'i 'khor 'dus pa ci 'dra ba dge slong gi 'khor ram/ dge slong ma'i 'khor ram/ dge bsnyen gyi 'khor ram/ dge bsnyen ma'i 'khor ram/ lha dang / klu dang / gnod sbyin dang / dri za dang / lA ma yin dang / nam mkha' lding dang / mi 'am ci dang / lto 'phye chen po'i 'khor yang rung ste/ der de dag gi dbang po'i rim pa dang / de dag ci 'dra ba'i chos kyi sbyin pa thos par dgengs par 'gyur ba de 'dra ba'i chos kyi sbyin pa thos pa de/ de bzhin gshegs pa'i zhal gyi sgo nas 'byung bar shes kyang / chos bstan pa de ni phan tshun gyis nges pa'i tshig tha dad pa la gnod pa med par thams cad kyang rang rang gi chos rnam par rig par kun tu shes te/ zhi ba'i blo gros 'di ni de bzhin gshegs pa'i gsung gi gsang ba'o// zhi ba'i blo gros gzhan yang de bzhin gshegs pas sems can tshad med pa dag gi spyod pa tshad med pa gsungs na/ sems can gyi spyod pa brgyad khri bzhi stong zhes 'byung ba ni sems can dbang po mthu chung ba rnams gzud pa'i phyir bstan pa 'di de bzhin gshegs pas bstan gyi/ zhi ba'i blo gros sems can gyi spyod pa ni tshad med/ sems can 'dod chags la spyod pa rnams kyi sbed pa gang yin pa de bskal pa tsam du bshad kyang / de bas lhag par 'gyur ro// zhe sdang la spyod pa rnams kyi gang yin pa dang / gti mug la spong ba rnams kyi gang yin pa dang / sems can cha mnyam pa la spod ba rnams kyi spong ba gang yin pa de dag bskal pa tsam du bstan kyang / de dag re re'ang de bas lhag par 'gyuraro// zhi ba'i blo gros gal te de bzhin gshegs pa'i sku'i tshe tshad bskal pa brgyad stong du bzhugs pas/ sems can rnams la chos bstan pa gzhan gyi skabs mi dbye bar sems can gyi spyod pa nyid bstan kyang de bzhin gshegs pa'i sku tshe mthar thug par 'gyur gyi/ sems can gyi spyod pa la mthar thug pa gang yang med do// sems can rnams mgo rmongs su 'ong zhes sems can gyi spyod pa de tsam du tshad med pa de'ang / de bzhin gshegs pas tshad dang ldan par ston to// zhi ba'i blo gros de la de bzhin gshegs pa'i gsung ni ji ltar spyod pa khong du chud par 'gyur ba bzhin du sems can gyi spyod pa thams cad la 'byung ste/ zhi ba'i blo gros 'di'ang de bzhin gshegs pa'i gsung gi gsang ba'o// zhi ba'i blo gros sems can gang dag de bzhin gshegs pa'i gsung gi gsang ba'i ye shes kyi rjes su zhugs pa de dag ni/ de bzhin gshegs pa'i gsung zhal gyi sgo nas 'byung bar mi shes kyi/ nam mkha' las 'byung bar shes so/ / zhi ba'i blo gros sems can rnams kyis de bzhin gshegs pa'i gsung zhal gyi sgo nas 'byung bar shes so snyam du khyed sems na de ltar mi blta'o// de ci'i phyir zhe na/ zhi ba'i blo gros sems can gang dag de bzhin gshegs pa'i gsung gtsug tor nas byung bar shes pa dang / spyi gtsug nas byung bar shes pa dang / dbu skra rnams las byung bar shes pa dang / phrag pa nas byung bar shes pa dang / dpral ba dang / smin mtshams dang / mdzod spu dang / spyan dang / snyan dang / shangs dang / 'gram pa dang // zhal dang / mgur nas byung bar shes pa dang / de bzhin du dpung pa dang / phyag dang / sor mo dang / rtsibs logs dang / brang dang / rgyab dang / lte ba dang gsang ba'i gnas dang / brla dang / pus mo'i lha nga dang / byin pa dang / long bu dang / zhabs kyi mthil dang / mtshan rnams dang / dpe byad bzang po rnams dang spu'i khung thams cad nas de bzhin gshegs pa'i gsung 'byung bar shes pa'i sems can kha cig yod do/ / zhi ba'i blo gros 'di'ang de bzhin gshegs pa'i gsung gi gsang ba'o// zhi ba'i blo gros mos pa ji lta ba dang / yongs su smin pa ji lta ba dang / bsam pa ji lta ba de bzhin du de bzhin gshegs pa'i gsung 'byung bar shes kyang / zhi ba'i zla gros de la de bzhin gshegs pa ni rnam par rtog pa mi mnga' ste btang snyoms pa'o/ / zhi ba'i blo gros 'di lta ste/ dper na rol mo'i sil snyan gyi 'khrul 'khor de tsam du legs par sbyar ba byas pa gang dag la lag gis ma reg par rlung gis bskyod pas sgra snyan pa 'byung ba dag kyang yod de/ 'on kyang de la sgra 'byin par spro ba ni gang yang meng med kyi/ yongs su sbyang ba byas pa'i khyad par gyis sgra snyan pa'ang 'byung ngo / / zhi ba'i blo gros de bzhin du de bzhin gshegs pa'i gsung yang sems can gyi bsam pa'i shes pas bskyod na 'byung ste/ 'on kyang de la de bzhin gshegs pa gsung 'byin par spro ba'ang mi mnga' mod kyi/ sngon yongs su sbyang ba mdzad pa'i khyad par gyis de bzhin gshegs pa'i gsung sems can thams cad kyi yul gyi rjes su 'jug par yang 'gyur ro/ / zhi ba'i blo gros 'di lta ste/ dper na brag cha'i sgra ni gzhan rnam par rig par byed par yang 'byung la/ de ni nang na'ang ma yin phyi rol na'ang ma yin/ gnyis ka med pa las kyang mi dmigs so// zhi ba'i blo gros de bzhin du de bzhin gshegs pa'i gsung yang sems can gyi bsam pa rnam par rig par byed pa'ang 'byung la/ de ni nang na'ang ma yin/ phyi rol na'ang ma yin la/ gnyis ka med par yang mi dmigs so// zhi ba'i blo gros 'di lta ste/ dper na rgya mtsho chen po'i nang na yid bzhin gyi nor bu rin po che bsam pa thams cad yongs su skong ba zhes bya ba yod de/ de rgyal mtshan gyi rtse mo la btags na/ sems can gang gi bsam pa ci 'dra bar gyur pa de 'dra ba'i sgra de las 'byung yang nor bu rin po che de ni rnam par mi rtog go/ / zhi ba'i blo gros de bzhin du de bzhin gshegs pa'i gsung rin po che lhag pa'i bsam pas yongs su dag pa'ang snying rje chen po'i rgyal mtshan gyi rtse mo la btags na/ sems can gang gi bsam pa ci 'dra bar gyur pa de 'dra bar de bzhin gshegs pa'i gsung 'byung bar des shes kyang / de la de bzhin gshegs pa ni rnam par rtog pa mi mnga' zhing btang snyoms pa ste/ zhi ba'i blo gros 'di'ang de bzhin gshegs pa'i gsung gi gsang ba'o// zhi ba'i blo gros sangs rgyas bcom ldan 'das rnams ni gsung dbyangs tshad med pa ste/ zhi ba'i blo gros gang zhig de bzhin gshegs pa'i dbyangs kyi tshad dam/ mtha' gzung bar nus pa de ni kho bos lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bram zer bcas pa'i skye dgu dang / lha dang / mi dang / lha ma yin du bcas pa'i 'jig rten na ma mthong ngo // de ci'i phyir zhe na/ zhi ba'i blo gros kho bos mngon par shes te// bcom ldan 'das rgyal po'i khab bya rgod kyi phung po'i ri 'di nyid la/ byang chub sems dpa'i tshogs kyis bskor cing bzhugs te/ byang chub sems dpa' sems dpa' chen po byams pa la brten nas dbyangs kyi dkyil 'khor yongs su dag pa zhes bya ba'i chos kyi rnam grangs rgya cher rab tu ston pa de mjug tu phyin pa'i dus kyi tshe/ tshe dang ldan pa mo'u 'gal gyi bu chen po 'di snyam du sems te/ de bzhin gshegs pa'i gsung gi dkyil 'khor ji srid cig tu ring du 'gro ba zhig/ bdag gis de bzhin gshegs pa'i gsung gi dkyil 'khor dpag par bya'o snyam mo// de nas gnas brtan mo'u 'gal gyi bu chen po rang gi stan gyi steng nas mi/ snang bar gyur te/ ri rab kyi rtse mor phyin nas/ de de na 'dug na'ang de bzhin gshegs pa'i gsung de 'dra ba kho nar thos so// rang gi rdzu 'phrul gyi stobs kyis 'jig rten gyi khams mi mjed 'di'i nub phyog kyi ri rab las 'das shing / gling bzhi pa las kyang 'das/ khor yug las kyang 'das te/ 'jig rten gyi bar gyi khor yug gi zom la 'dug na'ang / bcom ldan 'das kyi gsung lhag chad med cing mnyam par de 'dra ba kho nar thos so// de nas bcom ldan 'das kyis 'di snyam du dgongs te/ kye ma mo'u 'gal gyi bu 'di nga'i sgra skad dpog par 'dod kyis/ ngas 'di la rdzu 'phrul gyis bstang ngo snyam nas/ bcom ldan 'das kyis de la rdzu 'phrul gyis bstangs pa dang / de sangs rgyas kyi mthu dang / rang gi rdzu 'phrul gyi stobs kyis sangs rgyas kyi zhing 'di nas nub phyogs logs su sangs rgyas kyi zhing gang+gA'i klung dgu bcu rtsa dgu'i bye ma snyed 'das pa na/ 'jig rten gyi khams 'od zer rgyal mtshan zhes bya ba de na/ de bzhin gshegs pa 'od zer gyi rgyal po zhes bya ba da ltar bzhugs shing 'tsho la gzhes te/ chos kyang ston pa der gnas brtan mo'u 'gal gyi bu chen pos phyin te/ de na 'dug kyang bcom ldan 'das kyi sgra skad de 'dra ba kho nar thos te/ 'di lta ste/ dper na 'dom gang tsam gyi phyogs na 'dug pa'i mis mi cig shos kyi sgra thos pa de bzhin du/ gnas brtan mo'u 'gal gyi bu chen po 'jig rten gyi khams de na gnas kyang / bcom ldan 'das kyi gsung sgra thos so// bcom ldan 'das de bzhin gshegs pa 'od zer gyi rgyal po de'i sku'i khrun ni dpag tshad tsam mo/ / byang chub sems dpa' de dag gi lus kyi khrun ni dpag tshad phyed do// de nas byang chub sems dpa' de dag gi sprad par bya ba'i lhung bzed kyi rton ma gdu bu de la gnas brtan mo'u 'gal gyi bu chen po 'chag cing 'dug go/ / de nas byang chub sems dpa' de dag rab tu dga' nas/ bcom ldan 'das de la 'di skad gsol to// bcom ldan 'das dge sbyong gi kha dog 'dra ba'i srog chags lhung bzed kyi rten ma'i gdu bu la 'chag cing mchis pa 'di ga las mchis pa zhig/ bcom ldan 'das des bka' stsal pa/ rigs kyi bu dag khyed 'di la brnyas pa'i sems ma skyed cig/ de ci'i phyir zhe na/ 'di ni gnas brtan mo'u 'gal gyi bu chen po zhes bya ste/ bcom ldan 'das shAkya thub pa'i nyan thos kyi mchog go// nyan thos chen po rnams kyi nang na rdzu 'phrul dang ldan pa'i mchog go// de nas bcom ldan 'das de bzhin gshegs pa 'od zer gyi rgyal pos/ mo'u 'gal gyi bu chen po la 'di skad ces bka' stsal to// mo'u 'gal gyi bu khyod la byang chub sems dpa' 'di dag khyad du gsod kyis khyod kyis 'di lta ste/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de nyid kyi byin gyi rlabs kyis rang gi rdzu 'phrul ston cig/ de nas gnas brtan mo'u 'gal gyi bu chen pos/ bcom ldan 'das de'i zhabs la mgo bos phyag 'tshal te/ lan bdun bskor ba byas nas/ bcom ldan 'das de la 'di skad ces gsol to/ / bcom ldan 'das rin po che'i gling 'di skyil mo krung gcig gis khyab par bgyi'o// bka' stsal pa/ mo'u 'gal gyi bu khyod kyis de'i dus la bab par shes na gyis shig/ de nas gnas brtan mo'u 'gal gyi bus steng gi nam mkha' la shing ta la bdun tsam gyi gong du mngon par 'phags te/ rin po che'i gling de skyil mo krung gcig gis khyab par byas so// skyil mo krung de las kyang mu tig gi rgyan 'phreng bye ba khrag khrig brgya stong mngon par 'phyang ngo // mu tig gi rgyan 'phreng gi 'bru thams cad las kyang 'od zer brgya stong byung ngo // 'od zer de dag thams cad kyi rtse mo dag las kyang pad+ma rnams byung ngo / / pad+ma thams cad kyi snying po rnams la'ang bcom ldan 'das shAkya thub pa ci 'dra ba'i de bzhin gshegs pa'i gzugs bzhugs par snang ngo // de bzhin gshegs pa'i gzugs de dag thams cad kyang / bcom ldan 'das shAkya thub pa'i dbyangs kyi dkyil 'khor yongs su dag pa'i chos kyi rnam grangs las brtsams te/ bsngags pa gsung ngo // de nas gnas brtan mo'u 'gal gyi bu chen pos/ bcom ldan 'das de la 'di skad ces gsol to// bcom ldan 'das gling bzhi pa'i 'jig rten gyi khams 'di skyil mo krung gcig gis khyab par bgyi'o/ / de bzhin du sbar te de ltar stong dang stong gnyis pa khyab par bgyi'o// bcom ldan 'das stong gsum gyi steng chen po'i 'jig rten/ gyi khams 'di skyil mo krung gcig gis khyab par bgyi'o// bcom ldan 'das nges bka' stsal pa/ mo'u 'gal gyi bu khyod kyis de'i dus la bab par shes na gyis shig/ de nas gnas brtan mo'u 'gal gyi bu chen pos rdzu 'phrul gyi cho 'phrul de bsdus te/ bcom ldan 'das kyi spyan sngar 'dug go// de nas byang chub sems dpa' de dag ngo mtshar gyur te/ bcom ldan 'das de la 'di skad ces gsol to// bcom ldan 'das gnas brtan mo'u 'gal gyi bu chen po 'di ci zhig gi slad du 'jig rten gyi khams 'dir mchis/ bcom ldan 'das des bka' stsal pa/ rigs kyi bu dag bcom ldan 'das shAkya thub pa de'i dbyangs kyi dkyil 'khor shes par 'dod nas/ 'jig rten gyi khams 'dir 'ongs so// de nas bcom ldan 'das des gnas brtan mo'u 'gal gyi bu chen po la 'di skad ces bka' stsal to// mo'u 'gal gyi bu khyod de bzhin gshegs pa'i gsang dbyangs tshad med pa'i gsung gi dkyil 'khor shes par 'dod pas 'arig rten gyi khams 'dir phyin gyis/ khyod kyis lan gnyis su de lta bu'i sems ma skyed cig/ gal te mo'u 'gal gyi bu khyod shugs 'di nyid dang / rdzu 'phrul gyi stobs 'di nyid kyis nub phyogs logs su gang+gA'i klung gi bye ma snyed kyi bskal par song yang / khyod kyis 'di ltar bcom ldan 'das shAkya thub pa de'i gsung gi dkyil 'khor gyi mtha' rtogs par mi nus te/ sangs rgyas bcom ldan 'das rnams ni de ltar gsung dbyangs tshad med pa dang ldan no// de nas gnas brtan mo'u 'gal gyi bu chen pos/ bcom ldan 'das de'i zhabs gnyis la phyag 'tshal te/ nyes pa bshags pa/ bcom ldan 'das de bzhin gshegs pa gsung dbyangs tshad ma mchis pa'i gsung gi dkyil 'khor rtogs par 'tshal bas/ bdag ni nongs pa can te/ nongs pa 'chags so// bcom ldan 'das bdag ji srid cig nas mchis/ bcom ldan 'das des bka' stsal pa/ 'jig rten gyi khams gang+gA'i klung dgu bcu rtsa dgu'i bye ma snyed 'das pa nas khyod 'jig rten gyi khams 'dir 'ongs so// mo'u 'gal gyi bus gsol pa/ bcom ldan 'das bdag ni ring mo zhig nas mchis pas lus dub ste/ 'jig rten gyi khams mi mjed der mchi ba'i rngo mi thog go// bcom ldan 'das des bka' stsal pa moru 'gal gyi bu 'di ji snyam du sems/ khyod rang gi rdzu 'phrul gyi stobs kyis 'jig rten gyi khams 'dir phyin snyam du sems na/ khyod kyis de ltar mi blta'o// de ci'i phyir zhen khyod ni bcom ldan 'das shAkya thub pa de nyid kyi byin gyi rlabs kyis 'jig rten gyi khams 'dir byin gyis/ khyod bcom ldan 'das de nyid la phyag tshol cig dang / de nyid kyis khyod slar 'khring par 'gyur ro/ / mo'u 'gal gyi bu gal te khyod rang gi rdzu 'phrul gyi stobs kyis 'jig rten gyi khams der 'gro na ni bskal pa srid kyis kyang phyin par mi nus te/ 'jig rten gyi khams der ma byin par bar du yongs su mya ngan las 'da' bar 'gyur ro/ / mo'u 'gal gyi bu 'di ji snyam du sems/ shar ram/ lho 'am/ nub bam/ byang ngam/ phyogs gang zhig tu byin/ gsol pa/ bcom ldan 'das bdag phyogs bslang de gang nas 'dir mchis pa ma 'tshal to// bcom ldan 'das nges bka' stsal pa/ mo'u 'gal gyi bu khyod kyis rnam grangs 'dis kyang 'di ltar rig par bya ste/ gal te khyod rang gi rdzu 'phrul gyi stobs kyis 'jig rten gyi khams der 'gro na ni bskal pas kyang phyin par mi nus so// gsol pa/ bcom ldan 'das phyogs gang na bcom ldan 'das shAkya thub pa de bzhugs/ bka' stsal pa/ mo'u 'gal gyi bu bcom ldan 'das de bzhin gshegs pa shAkya thub pa de ni shar phyogs logs na bzhugs so/ / de nas gnas brtan mo'u 'gal gyi bu chen pos de'i tshe na yan lag lnga sa la gtugs te/ shar phyogs logs su phyag 'tshal nas/ de'i tshe tshigs su bcad pa 'di smras so// mthu chen mnga' ba lha dang mis mchod pa// ye shes mtha' yas mtha' yas gsung ldan pa// rkang gnyis rnams kyi dam pa dgongs su gsol/ / slar yang zhing der rab tu mchi bar bgyi// zhi ba'i zla gros de ltar sangs rgyas kyi mthus/ bcom ldan 'das kyi thams cad dang ldan pa'i 'khor bya rgod kyi phung po'i ro la gnas pa des/ gnas brtan mo'u 'gal gyi bus gsol ba btab pa'i sgra de thos so// thos nas kyang tshe dang ldan pa kun dga' bos/ bcom ldan 'das la 'di skad ces gsol to/ / bcom ldan 'das 'di ltar gsol ba 'debs pa 'di su zhig lags/ bcom ldan 'das kyis bka' stsal pa/ kun dga' bo 'di ni mo'u 'gal gyi bu ste/ sangs rgyas kyi zhing 'di nas nub phyogs logs su sangs rgyas kyi zhing gang+gA'i klung dgu bcu rtsa dgu'i bye ma snyed 'das par song ste/ 'jig rten gyi khams 'od zer gyi rgyal mtshan zhes bya bar / bcom ldan 'das 'od zer gyi rgyal po'i sangs rgyas kyi zhing na gnas te/ de 'jig rten gyi khams 'dir 'ong bar 'dod nas gsol ba 'debs pa'i sgra de lta bu phyung ngo // kun dga' bas gsol pa/ bcom ldan 'das mo'u 'gal gyi bu chen po ci'i slad du 'jig rten gyi khams der mchis/ bka' stsal pa/ kun dga' bo mo'u 'gal gyi bu 'dir slar 'ongs pa dang de nyid du thos par 'gyur ro/ / de nas thams cad dang ldan pa'i 'khor des thal mo sbyar te/ bcom ldan 'das la 'di skad ces gsol to// bcom ldan 'das 'jig rten gyi khams 'od zer gyi rgyal mtshan de dang / de bzhin gshegs pa 'od zer gyi rgyal po de dang / byang chub sems dpa' de dag dang / gnas brtan mo'u 'gal gyi bu chen po blta bar 'tshal lo/ / de nas bcom ldan 'das kyis 'khor des gsol ba btab pa mkhyen nas/ mdzod spu nas thams cad kyi rjes su song ba zhes bya ba'i 'od zer phyung ste/ 'od zer ngas sangs rgyas kyi zhing gang+gA'i klung dgu bcu rtsa dgu'i bye ma snyed po de lag las thal te/ 'jig rten gyi khams 'od zer gyi rgyal mtshan de snang ba chen pos khyab par gyur to// de na thams cad dang ldan pa'i 'khor des 'jig rten gyi khams 'od zer gyi rgyal mtshan de dang / de bzhin gshegs pa 'od zer gyi rgyal po de dang / byang chub sems dpa' de dag dang / gnas brtan mo'u 'gal gyi bu chen po yan lag lnga sa la gtugs te/ bcom ldan 'das la gsol ba 'debs pa mthong / de nas bcom ldan gyis ldan pa mo'u 'gal gyi bu chen po la bka' stsal pa/ mo'u 'gal gyi bu 'od kyi dkyil 'khor 'do rjes su 'brongs te shod cig/ de nas gnas brtan mo'u 'gal gyi bu chen pos/ bcom ldan 'das kyi 'od kyi dkyil 'khor la brten te/ sems kyi rnam par rtog pa tsam gyis/ 'jig rten gyi khams mi mjed 'dir bcom ldan 'das shAkya thub pa'i spyan sngar phyin nas/ nges bcom ldan 'das kyi zhabs la mgo bos phyag 'tshal te/ lan bdun bskor ba byas nas/ spyan sngar yan lag lnga sa la gtugs te/ phyag 'tshal nas nyes pa bshags pa bcom ldan 'das bdag de bzhin gshegs pa'i gsung dbyangs tshad ma mchis pa'i gsung dbyangs kyi dkyil 'khor rtogs par 'tshal nas/ de srid du ring du mchis pas bdag nongs pa can te/ nongs pa 'chags so// bcom ldan 'das de srid du ring du mchis kyang / de bzhin gshegs pa'i gsung ni 'di na ci tsam pa de tsam lags so// bcom ldan 'das kyis bka' stsal pa mo'u 'gal gyi bu chen po ji skad smras pa de de bzhin no/ / de bzhin gshegs pa'i gsung la ni tshang gang yang med de/ mo'u 'gal gyi bu gang de bzhin gshegs pa'i gsung gi tshad dam/ mtha yongs su tshol bar sems pa de ni nam mkha'i tshad dam/ mtha' yongs su tshol bar sems pa yin no// de ci'i phyir zhe na/ nam mkhas ji tsam du khyab pa de tsam du de bzhin gshegs pa'i gsung gis khyab bo/ / gnas brtan mo'u 'gal gyi bu chen po 'gro ba dang 'ong ba'i le'u 'di bshad pa na/ srog chags khris bla na med pa yang dag par rdzogs pa'i byang chub tu sems bskyed do/ / zhi ba'i blo gros 'di'ang de bzhin gshegs pa'i gsung gi gsang ba'o// zhi ba'i blo gros 'di ji snyam du sems/ sems can thams cad kyi sems dang sems las byung ba 'jug pa gang dag yin pa de dag ci mang ba yin nam/ zhi ba'i blo gros kyis smras pa/ gsang ba pa'i bdag po sems can gcig gi sems dang sems las byung ba'i 'jug pa gang dag yin pa de dag kyang / stong gsum gyi stong chen por gtogs pa'i sems can thams cad rang sangs rgyas su gyur pa rnams kyis bskal par yang bsam pa 'am/ gzhal ba 'am/ brtsi ba 'am brtag par mi nus na/ sems can thams cad kyi lta smos kyang ci dgos/ lag na rdo rjes smras pa/ zhi ba'i blo gros khyod mos par bya'o// khyod kyis khyod du chud par bya'o// sems can thams cad kyi sems dang sems las byung ba'i 'jug pa ji snyed par 'di lta ste/ sems can thams cad tshim par bya ba'i phyir/ de bzhin gshegs pa chos ston pa'i gsung gi yan lag gi rnam pa'ang de snyed du 'byung ste/ de la'ang de bzhin gshegs pa ni rnam par mi rtog cing btang snyoms pa'o// de la 'di skad ces bya ste/ stong gsum sems can gang yin pa/ / de dag rang rgyal 'dren gyur pas// bskal par sems can gcig cig gis// sems kyi khams kyang mi shes so// sems can gcig yid rdzi snyed pa/ / sangs rgyas kyis ni rab mkhyen kyang // nga yis yid 'di shes so zhes// de ni rtog par mi 'gyur ro// dus gsum sems can thams cad kyi// sems pa dag ni ji snyed pa/ 'jig rten mgon po chos ston tshe// dbyangs kyi yan lag de snyed do// chos kyi bdag po gsung ba na// dbyangs kyi yan lag ji snyed pa// chos kyi ming gis bshad pa yi// chos bstan pa yang de tsam mo/ / sems can kun gyi gzugs dang ni// ming dang sems pa ji snyed pa// sems can snying po'i spu gcig nas// 'od zer byung ba de snyed do// 'jig rten mgon po'i spu kun gyi/ / 'od zer dag ni ji snyed pa// mi yi dbang po chos ston tshe// gsung gi yan lag de bas mang // dpe bkod nas ni sangs rgyas kyis// bskal par rab tu bstan mdzad kyang / / sangs rgyas kyi ni gsung dbyangs kyi// mtha' ma rnyed par mi 'gyur ro// nyon mongs gzugs can ma yin rnams// gzugs can min pa'i tshig gis brjod// gzugs can min pa'i tshig gis ni// nyon mongs gzugs med zhi bar byed// ji ltar tshig ni gzugs med pa// thams cad du ni mi dmigs te// de ltar nyon mongs gzugs med pa/ / shin tu dmigs par mi 'gyur ro// ji ltar tshig ni yod min te// nang dang phyi rol mi gnas pa// de ltar nyon mongs rnam med cing // nang dang phyi rol mi gnas so// ji ltar phyogs bcur sangs rgyas gsung / / gang yang rnyed par mi 'gyur ba// de ltar nyon mongs mi dmigs kyang // de ni tshig gis brjod pa yin// sems can dag ni kun gyi tshig/ rab 'bring tha ma gang yin pa/ / de dag lus dang sems mi gnas// gnas pa med pa'ang ma yin no// ji ltar sil snyan 'khrul 'khor byas// rlung gis bskyod nas sgra 'byung ba// sgra 'byin byed pa gang yang med/ / 'on kyang sgra rnams de dag 'byung // de ltar sngon chad rnam dag phyir// sems can kun gyi bsam pa spyod// sangs rgyas kyi ni gsung 'byung yang // 'di la de ni rtog mi mnga'/ / ji ltar brag cha rnams kyi sgra// nang dang phyi rol mi gnas pa// de ltar mi yi dbang po'i gsung // nang dang phyi rol mi gnas so// ji ltar rin chen mi rtog par// snang bas sems can tshim par byed/ / de ltar rgyal ba'i mi rtog gsung // sgra kun rab tu rdzogs par byed/ zhi ba'i blo gros gzhan yang de bzhin gshegs pa'i gsung gi gsang ba ni sems can thams cad kyi skad kyi 'jug pa ji lta ba bzhin du chos ston par khong du chud par bya'o/ / zhi ba'i blo gros stong gsum gyi stong chen po'i 'jig rten gyi khams 'di na skye ba'i gnas tha dad pa dag yod pa rnams su de bzhin gshegs pas sems can rnams kyi skad kyi 'jug pa ji lta ba bzhin du bden pa rnams ming tha dad pa dag gis rnam par gzhag go/ / zhi ba'i blo gros 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ sa bla ba'i lha rnams kyi 'di skad ces bya ste/ za ba dang / za ba'i rtsa ba dang / za ba sel dang / za ba 'gog ces bya'o// 'dir sdug bsngal ba dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ bar snang gi lha rnams kyis 'di skad ces bya ste/ 'jug pa dang / kun tu 'jug byed dang / kun tu 'jug bral dang / kun tu 'jug sgrol zhes bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ rgyal chen bzhi'i ris kyi lha rnams kyis 'di skad ces bya ste/ 'byung ba dang / dpog pa dang / sreg pa dang / 'jig byed ces bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gogapar 'gro ba'i lam zhes bya ba gang yin pa de/ sum cu rtsa gsum pa'i lha rnams kyis 'di skad ces bya ste/ 'khor ba dang / kun snyen dang / zad pa dang / zad pa ldog byed ces bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ 'thab bral gyi lha rnams kyis 'di skad ces bya ste/ gnod pa dang / gnod pa snyen dang / gnod pa zad par/ gnod pa zad par sgom pa zhes bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de// dga' ldan gyi lha rnams kyi 'di skad ces bya ste/ shin tu mi bsrun dang / mi bsrun rtsa ba dang / ldog pa dang / yang dag par ldog byed ces bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ 'phrul dga'i lha rnams kyis 'di skad ces bya ste/ rgyal pa dang / kun tu rgyal byed dang / rgyal zad dang / rgyal ba sgo zhes bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ gzhan 'phrul dbang byed kyi lha rnams kyis 'di skad ces byaste/ !ho dang / haha thob byed dang / haha bral dang / bral byed ces bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ bdud kyi ris kyi lha rnams kyis 'di skad ces bya ste/ me mur dang / me mur gnod dang / me mur 'dor 'dod dang / me mur sgrol zhes bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ tshangs pa'i lha rnams kyis 'di skad ces bya ste/ sdug pa dang / sdug byed dang / sdug pa nyal dang / sdug par 'khor zhes bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ tshangs ris kyi lha rnams kyis 'di skad ces bya ste/ 'dzag pa dang / kun tu 'dzag byed dang / rgyun gcod dang / shin tu 'byung zhes bya'o/ / 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ tshangs pa'i mdun na 'don gyi lha rnams kyis 'di skad ces bya ste/ rma dang / rma'i mtshams sbyor ba dang / rma ru ba dang / rma nye bar zhi byed ces bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ tshangs chen gyi lha rnams kyis 'di skad ces bya ste/ rgyal byed dang / rnam par rgyal byed dang / rkyal ba mthar byed dang / byed pa thob byed ces bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ 'od chung gi lha rnams kyi 'di skad ces bya ste/ ha hi dang / he hi dang / hu hu dang / ha ra nu san d+hi zhes bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ dge chung gi lha rnams kyis 'di skad ces bya ste/ oM hi ta dang / ni ba hi ta dang / ni ga k+Shi ta dang / ni ga ma ni zhes bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang sdug bsngal 'gog par 'gro ba'i lam zhes bya ba gang yin pa de/ tshad med dge ba'i lha rnams kyis 'di skad ces bya ste/ sten pa dang / yang dag par sten pa dang / zad pa sten pa dang / kun tu ston pa zhes bya'o// 'dir sdug bsngal dang / sdug bsngal kun 'byung ba dang / sdug bsngal 'gog par 'gro ba'i lam zhes bya ba gang yin pa de/ dge rgyas kyi lha rnams kyis 'di skad ces bya ste/ yongs gcod dang / yongs gcod 'byung dang / khyim mtha' dang / rtag tu rnam dag ces bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ mi che ba'i lha rnams kyis 'di skad ces bya ste/ rjes su 'gro dang / mi 'ong ba ma yin dang / rjes kyi mtshams dang / rjes kyi mtshams zhes bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ mi gdung ba'i lha rnams kyis 'di skad ces bya ste/ dag pa dang / dag pa can dang / dag pa yongs su dag dang / dag par 'gro zhes bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ gya nom snang ba'i lha rnams kyis 'di skad ces bya ste/ ma me ma ma dang / ma ma me me dang / ma na nun pa dang / ma na nu ga ma zhes bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ shin tu mthong gi lha rnams kyis 'di skad ces bya ste grol ba dang / grol ba can dang / grol ba'i rtsa ba dang / grol ba bye brag phyed pa mtshams sbyor ba zhes bya'o// 'dir sdug bsngal dang / sdug bsngal kun 'byung ba dang sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de 'bras bu che ba'i lha rnams kyis 'di skad ces bya ste/ mi bya ba dang // mi byed pa dang / byed bral dang / byed pa mthar thug ces bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ gnas gtsang ma'i ri kyi 'og min gyi lha rnams kyis 'di skad ces bya ste/ mthar thug dang / shin tu mthar thug dang / mi rtog pa dang / nyid mtshams sbyor ba med pa zhes bya'o/ / zhi ba'i blo gros de ltar ji ltar lha rnams kyi bden pa rnam par gzhag pa de bzhin du klu rnams kyi'ang gzhan no// dri za rnams kyi'ang gzhan no// ma yin rnams kyi'ang gzhan no// nam mkha' lding rnams kyi'ang gzhan no// mi 'am ci rnams kyi'ang gzhan no// lto 'phye chen po rnams kyi'ang gzhan no// gnod sbyin lag na gzhong thogs rnams kyi'ang gzhan no/ / 'phreng thogs rnams kyi bden pa rnam par gzhag pa'ang gzhan no// zhi ba'i blo gros gang yul chen po bcu drug tu bsdu bas bsdus pa'i yul stong gis 'dzam bu'i gling 'di yongs su gang ste/ gang na mi rnams kyi tshig kyang gzhan/ nges pa'i tshig kyang gzhan brda'ang tha dad pa der yang de bzhin gshegs pas skad kyi 'jug pa ji lta ba bzhin du ming tha dad pa rnams kyis bden pa dag rnam par bkod de/ 'di lta ste/ yul ka sha dang / pa hu pa dang / tho gar yul dang / ya ba na dang / kam po dza dang / kha sha dang / hu na dang / rgya yul dang / da ra ta dang / u ra sha dang / bi lin dang / so ma dang / bram ze dang / rgyal rigs dang / rje'u rigs dang / dmangs rigs dang / da tsi ba dang / ki ra ta dang / pu lin ta dang / pun tra dang / ku ru na dang / lnga len dang / shar phyogs dang / phu ru ra ba dang / lho phyogs dang / ka ling ka dang / gcer bu dang / ba na sa ka dang / pa na ta dang / sA la ta dang / khyi gdong dang / wa gdong dang / kri ba sha'i gdong dang / spyi'u tshugs pa dang / gnam gdong po dang / phyi phyogs gdong dang / byang mtshams gdong dang / rjes su rgyug dang / rgya mtsho'i khol ba dang / sul mthas gtugs pa dang / ang ku ra dang / ma kur dang / sna med dang / glo bkra dang / phyogs kyi gcer bu dang / gshog thogs gcer bu dang / skus te 'gro dang / rdzogs byed rnam pa dang / 'jig rten gyi bar na gnas pa'i yul la sogs pa yul stong gis 'dzam bu'i gling yongs su gang ste/ zhi ba'i blo gros gang na mi rnams kyi tshig dang / nges ba'i tshig dang / brda tha dad pa der yang de bzhin gshegs pas skad kyi 'jug pa ji lta ba bzhin du ming tha dad pa rnams kyis bden pa dag bstan kyang / de bzhin gshegs pa'i gsung sems kyi rjes su 'brang ba ma yin zhing / rnam par shes pa'i rjes su 'brang ba ma yin pa 'byung ngo // zhi ba'i blo gros stong gi 'jig rten gyi khams 'di na/ bden pa ming tha dad pas bstan pa bye ba khrag khrig brgya stong phrag dgu bcu rtsa bzhi yod de/ bden pa bstan pa de dag thams cad kyang 'di lta ste/ don dam pa'i bden pa dang / skye ba med pa'i bden pa dang / ji lta ba bzhin gyi bden pa dang / mi 'khrugs pa'i bden par don gcig tu yang dag par 'dus te/ zhi ba'i blo gros 'di'ang de bzhin gshegs pa'i gsung gi gsang ba'o// / bam po lnga pa/ zhi ba'i blo gros gzhan yang de bzhin gshegs pa'i gsung ni sems can thams cad kyi rigs pa gcod pa/ sems can thams cad kyi mam nyi sel ba'o// zhi ba'i blo gros phyogs bcu'i 'jig rten gyi khams tshad med grangs med pa dag na sems can du bsdu bar bsdus pa'i sems can ji snyed yod pa/ sangs rgyas kyi ye shes kyis mkhyen pa'i sems can gyi khams ni ches mang ga/ sa'i khams ni de ltar ma yin no zhes bya ste/ zhi ba'i blo gros yongs su brgyag pa nye bar bzung nas/ sems can de dag thams cad snga phyi med par mi'i lus thob par gyur la/ zhi ba'i blo gros sems can thams cad 'di lta ste/ gnas brtan shA ra dwa ti'i bu'i shes rab dang ye shes de lta bu dang ldan par gyur la/ shA ri'i bu lta bu sems can de dag thams cad kyi shes rab dang / ye shes gang yin pa'i shes rab dang / ye shes de sems can gcig dang ldan par gyur cing / rnam grang 'dis sems can thams cad shes rab dang ye shes de lta bu dang ldan par gyur la/ zhi ba'i blo gros sems can de dag thams cad kyis bskal pa 'am/ bskal pa las lhag par the tshom gyi dri ba bsams shing gzhal te yongs su btsal la/ sems can gcig gi the tshom gyi dri ba gang yin pa de nyis pa'i ma yin zhing / zhi ba'i blo gros rnam grangs 'dis sems can thams cad kyis the tshom gyi dri ba tha dad pa bsams te/ bcom ldan 'das kyi gan du dong nas se gol gtogs pa srid la the tshom gyi dri ba de dag gsol kyang / des sems can gcig gi rjes su zhugs pa'i dran pas thams cad bzung nas/ gsung brjod pa gcig gis de dag gi the tshom gyi dri ba thams cad gcod de/ de dag thams cad kyang rang rang gi the tshom gyi dri ba chad par shes shing / bcom ldan 'das kyis zhus pa lung bstan pas thams cad kyang sems rangs par 'gyur te/ zhi ba'i blo gros de ltar na de bzhin gshegs pa'i gsung ni sems can thams cad kyi dogs pa gcod cing / sems can thams cad kyi som nyi sel kyang / de bzhin gshegs pa ni de la thugs kyis mdzad pa 'am/ gsung du brjod pa'ang mi mnga' la/ mdzad pa de'ang mdzad de/ zhi ba'i blo gros 'di'ang de bzhin gshegs pa'i gsung gi gsang ba'o// 'di ni gsung rmad du byung ba'o// 'di ni gsung yongs su dag pa'o// de bzhin bshegs pa'i gsung ngo mtshar can dang / gsung gi gsang ba 'di gsang ba pa'i bdag po lag na rdo rjes bshad pa'i tshe/ srog chags sum khri nyis stong gis bla na med pa yang dag par rdzog pa'i byang chub tu sems bskyed do/ / bskal pa bzang po'i byang chub sems dpa' sangs rgyas kyi zhing gang dang gang na/ sangs rgyas bcom ldan 'das rnams kyi thad na tshangs par spyad par spong pa'i byang chub sems dpa' de dag gis/ gsang ba pa'i bdag po lag na rdo rje la mchod pa'i las kyi phyir/ me tog rnams kyis kyang gtor/ rin po che'i gdugs rnams kyang btang ngo // de nas me tog de dag bcom ldan 'das kyi sku la'ang phog/ gsang ba pa'i bdag po lag na rdo rje'i lus la'ang phog cing / 'khor thams cad la'ang 'thor ro// rin po che'i gdugs de dag kyang bar snang la gnas te/ bcom ldan 'das kyi dbu'i gtsug gi steng na 'dug go// rin po che'i gdugs de dag las kyang / bcom ldan 'das bdag cag ni bcom ldan 'das la mchod pa bgyi ba dang / des de bzhin gshegs pa'i chos nyid rmad du byung ba 'di bstan pas/ gsang ba pa'i bdag po lag na rdo rjes rjes su gzung ba'i slad du/ bskal pa bzang po'i byang chub sems dpa' rnams kyis btang ba lags so zhes sgra byung ngo / / de nas thams cad dang ldan pa'i 'khor de ngo mtshar du gyur nas/ gsang ba'i bdag po lag na rdo rje la phyag 'tshal zhing gus pa cher bskyed de/ tshig 'di skad ces bdag cag go gsang ba'i bdag po lag na rdo rje mthong ba dang / de bzhin gshegs pa'i gsung bsam gyis mi khyab pa 'di thos pa ni bdag cag gis rnyed pa legs par rnyed do/ / gang dag bstan pa 'di thos nas/ mos shing som nyi za bar mi 'gyur ba'i sems can de dag ni don yod pa'i mi nyid rnyed par 'gyur ro// de dag ni de bzhin gshegs pas 'dul bar 'gyur zhing / bla na med pa yang dag par rdzogs pa'i byang chub las phyir mi ldog par yang 'gyur ro zhes smras so// de nas bcom ldan 'das kyis 'khor thams cad la legs so zhes bya ba byin te/ byang chub sems dpa' sems dpa' chen po zhi ba'i blo gros la bka' stsal pa/ zhi ba'i blo gros de bzhin gshegs pa'i yang dag pa/ de bzhin gshegs pa'i chos 'jig rten thams cad dang mi mthun pa/ de bzhin gshegs pa'i gnas pa gang yin pa de dag ni gsang ba pa'i bdag po lag na rdo rjes chos kyi rnam grangs 'di'i nang du bstan to/ / bsnyad do// yang dag par bshad do// gang dag chos bstan pa 'di la mos pa'i sems can de dag ni ring por mi thogs par chos nyid 'di lta bu dang ldan par 'gyur ro// gang dag chos kyi rnam grangs 'di thos nas mos pa dang / 'chang ba dang / mi sdang / mi skrag/ skrag par mi 'gyur ba dang / don rtogs pa'i rjes su rtogs pa dang / de bzhin nyid du sgrub pa de nyid de dag gi bla na med pa yang dag par rdzogs pa'i byang chub tu lung bstan par 'gyur ro/ / gsang ba pa'i bdag po lag na rdo rjes bstan pa 'di bshad pa na/ phyogs bcu'i 'jig rten gyi khams grangs med dpag tu med pa dag rnam pa drug tu rab tu g.yos te/ snang ba chen pos khyab par gyur to// me tog gi char chen po'ang bab bo// sil snyan dang rol mo'i sgra'ang byung ngo / / sems can grangs med pa dag gis ni byang chub tu sems bskyed do// byang chub sems dpa' grangs med pa dag gis ni rjes su mthun pa'i chos la bzod pa thob par gyur to// / byang chub sems dpa' grangs med pa dag gis ni mi skye ba'i chos la bzod pa thob par gyur to// byang chub sems dpa' grangs med pa dag gis ni skye ba gcig gis thogs/ par 'gyur ba'i dge ba'i rtsa ba rnams yongs su smin par byas so// de nas 'khor gyi khyams de'i dbus nas/ bcom ldan 'das kyi spyan sngar chu'i rgyun shing rta'i srog shing tsam gyis sa chen po dpag tshad stong phrag drug cu rtsa brgyad pa brtol te mngon du byung bar snang ngo / / de dag steng gi bar snang nas/ tshangs pa'i 'jig rten gyi bar du mngon par 'phags te/ stong gsum gyi stong chen po'i 'jig rten gyi khams 'di thams cad spos chus chag chag btab par gyur to/ / de nas bcom ldan 'das kyis/ byang chub sems dpa' zhi ba'i blo gros la bka' stsal ba/ zhi ba'i blo gros khyod kyis chu'i rgyun mngon par 'phags pa 'di dag mthong ngam/ gsol pa/ bcom ldan 'das mthong lags te/ 'di su'i snga ltas lags/ bcom ldan 'das kyis bka' stsal pa/ zhi ba'i blo gros chu'i rgyun 'di dag sems med kyang / ji ltar 'di dag gis sa chen po brtol te mngon par 'phags pa de bzhin du/ gang dag chos kyi rnam grangs 'di 'chang ba dang / de bzhin nyid du sgrub par byed pa'i sems can de dag kyang mngon par 'phags par 'gyur te/ de dag ni ma rig pa dang lta bar gyur pa'i sgo glegs bcag nas/ chos kyi snang ba mi bzad pa dang / shes rab dang spobs pa 'byung bar 'gyur ro// des skyes bu de dag gis legs par bshad pas sems can thams cad kyi sems rnams tshim par byed par 'gyur te/ 'di ni chos kyi rnam grangs 'di'i ma 'dres pa'i mtshan nyid du rig par bya'o// de bzhin gshegs pa'i gsung gi gsang ba bsam gyis mi khyab pa bstan pa'i le'u ste brgyad pa'o// / / gsang ba pa'i bdag po lag na rdo rjes/ gzhan yang byang chub sems dpa' sems dpa' chen po zhi ba'i blo gros la 'di skad ces smras so// zhi ba'i blo gros de la de bzhin gshegs pa'i thugs kyi gsang ba dang / thugs kyi 'phrin las yongs su dag pa gang zhe na/ zhi ba'i blo gros 'di lta ste/ dper na gzugs med pa na spyod pa'i lha'i ris su sems can gang dag skyes pa de dag rnam par shes pa'i dmigs pa gcig gis bskal pa brgyad khri bzhi stong du gnas kyang / ting nge 'dzin gyi tshe'i mthar ma thug gi bar du de dag gi rnam par shes pa de rnam par shes pa gzhan gyi rjes su mi 'brang ste/ de nas shi 'phos nas las ji ltar bsags pa bzhin du skye ba yongs su 'dzin to// zhi ba'i blo gros de bzhin du de bzhin gshegs pa'i rnam par shes pa'ang mi gnas pa ste/ gang gi nub mo byang chub sems dpa' bla na med pa yang dag par rdzogs pa'i byang chub tu mngon par rdzogs par sangs rgyas pa dang / gang gi nub mo de bzhin gshegs pa phung po lhag ma med pa'i mya ngan las 'das pa'i dbyings su yongs su mya ngan las 'da' bar 'gyur ba'i bar du/ de bzhin gshegs pa'i thugs ldog pa mi mnga'/ thugs rtog pa mi mnga'/ thugs rnam par dpyod pa mi mnga'/ thugs 'gyur ba mi mnga'/ thugs kyi tshad mi mnga'/ thugs 'khrul pa mi mnga'/ thug sel ba mi mnga'/ thugs g.yeng ba mi mnga'/ thugs khengs pa mi mnga'/ thugs dma' ba mi mnga'/ thugs kun tu srung ba mi mnga'/ thugs rgyu ba mi mnga'/ thugs shin tu rangs pa mi mnga'/ thugs rnam par 'khrug pa mi mnga'/ thugs la khon du 'dzin pa mi mnga'/ thugs g.yo ba mi mnga'/ thugs nges par sems pa mi mnga'/ thugs dgyes pa mi mnga'/ thugs la gnod pa mi mnga'/ thugs 'jug pa mi mnga'/ thugs rab tu rgyu ba mi mnga'/ thugs la rtog pa mi mnga'/ thugs la rnam par rtog pa mi mnga'/ thugs la yongs su rtog pa mi mnga'/ thugs la zhi gnas mi mnga'/ thugs la lhag mthong mi mnga'/ thugs rnam par shes pa'i rjes su 'brang ba mi mnga'/ rang gi thugs la gnas pa mi mnga'/ gzhan gyi sems la lta ba mi mnga'/ thugs mig la gnas pa mi mnga'/ thugs rna ba dang / sna dang / lce dang / lus dang / yid la gnas pa rtsa mnga'/ thugs gzugs la gnas pa mi mnga'/ thugs sgra dang / dri dang / ro dang / reg la gnas pa mi mnga'/ thugs chos la gnas pa mi mnga'/ thugs dmigs pa la gnas pa mi mnga'/ thugs yid la gnas pa mi mnga'/ thugs nang na gnas pa mi mnga'/ thugs phyi rol la gnas pa mi mnga'/ thugs de chos rnams la mi 'jug go/ thugs de ye shes la mi 'jug go/ thugs de 'das pa 'am/ ma 'ongs pa 'am/ da ltar byung ba la mi rtog go// zhi ba'i blo gros de bzhin gshegs pa ni de ltar thugs yongs su dag/ pa ste/ thugs kyi chos gang yang mngon par mi sgrub la/ chos thams cad la'ang de'i ye shes ma chags ma thogs par 'jug go// rang gi thugs yongs su dag pas sems can gang gi sems kyang yongs su ma dag par mi gzigs te/ de gzigs kyang gzigs pa ma yin zhing rnam par mi rtog go// gzigs kyang spros par mi mdzad do// gzigs pas kun gzigs pa dang / rnam par gzigs pa mi gzigs so// de bzhin gshegs pa'i ye shes de ni sha'i mig gi mthong ba dang ldan pa ma yin/ lha'i mig gis mthong ba dang ldan pa ma yin/ shes rab kyi mig gis mthong ba dang ldan pa ma yin/ chos kyi mig gis mthong ba dang ldan pa ma yin/ sangs rgyas kyi spyan gyis gzigs pa dang ldan pa ma yin/ lha'i rna ba'i thos pa dang ldan pa ma yin/ gzhan gyi sems la lta ba dang ldan pa ma yin/ sngon gyi gnas rjes su dran pa dang ldan pa ma yin/ rdzu 'phrul rnam par 'phrul pa dang ldan pa ma yin/ zag pa zad pa shes pa dang ldan pa'ang ma yin/ de chos thams cad dang mi ldan pa'ang ma yin te/ chos thams cad la chags pa med par ldan pa'ang yin no// de'i de bzhin gshegs ba'i ye shes kyi rgyun rnams ni sgrim pa mi mnga' zhing lhun gyis grub la/ mngon par 'du mdzad pa mi mnga' bar gnas so// sems can gyi spyod pa thams cad la'ang gzigs so// sems can thams cad kyi kun nas nyon mongs pa dang rnam par byang ba'ang rab tu mkhyen to// de'i stobs bcu dang / mi 'jigs pa dang / sangs rgyas kyi chos ma 'dres pa bco brgyad mkhyen pa'ang bsnyel ba mi mnga' ste/ de bzhin gshegs pa'i chos de dag ni lhun gyis grub cing sgrim pa mi mnga' la/ mngon par 'du mdzad pa mi mnga' bar 'jug go// de bzhin gshegs pa ni sems dang / yid dang / rnam par shes pa dang yang bral la/ ting nge 'dzin gyi gnas kyang mi 'dor ro// sangs rgyas kyi mdzad pa thams cad kyang mdzad la/ de'i chos thams cad la chags pa mi mnga' ba'i ye shes kyang gang du'ang mi chags so/ / zhi ba'i blo gros 'di lta ste/ dper na de bzhin gshegs pas sprul pa'i de bzhin gshegs pa gnyis pa gang yang sprul pa de la ni sems kyang mi mnga'/ yid kyang mi mnga'/ rnam par shes pa'ang mi mnga'/ skra'i 'du byed kyang mi mnga'/ gsung gi 'du byed kyang mi mnga'/ thugs kyi 'du byed kyang mi mnga' mod kyi/ 'di lta ste/ sangs rgyas kyi mthu nyid kyis sangs rgyas kyi mdzad pa thams cad kyang mdzad do// zhi ba'i blo gros de bzhin du de bzhin gshegs pa'ang sprul pa dang mtshungs pas mnyam mo/ / sprul pa'i chos nyid kyis rnam par mi rtog go// de la sku'i rtsom pa dang / gsung gi rtsom pa dang / thugs kyi rtsom pa'ang mi snang la/ sangs rgyas kyi mdzad pa thams cad kyang mdzad de/ de'ang lhun gyis grub cing sgrim pa mi mnga' la/ mngon par 'du mdzad pa mi mnga' bas mdzad do// de ci'i phyir zhe na/ zhi ba'i blo gros de bzhin gshegs pas sprul pa'i rang bzhin gyi mtshan nyid du chos thams cad mngon par rdzogs par sangs rgyas te/ mngon par rdzogs par sangs rgyas nas kyang / sems can la thugs brtse bas de bzhin du bstan to/ / zhi ba'i blo gros de bzhin gshegs pa'i ye shes ni 'dus byas la gnas pa ma yin/ 'dus ma byas la gnas pa ma yin/ phung po la gnas pa ma yin/ khams gnas pa ma yin/ skye mched la gnas pa ma yin/ nang la gnas pa ma yin/ byi la gnas pa ma yin/ dge ba la gnas pa ma yin/ mi dge ba la gnas pa ma yin/ 'jig rten pa la gnas pa ma yin/ 'jig rten las 'das pa la gnas pa ma yin/ kha na ma tho ba dang bcas pa la gnas pa ma yin/ kha na ma tho ba med pa la gnas pa ma yin/ zag pa dang bcas pa la gnas pa ma yin/ zag pa med pa la gnas pa ma yin/ 'das pa la gnas pa ma yin/ ma 'ongs pa la gnas pa ma yin/ da ltar byung ba la gnas pa ma yin/ so sor brtags pa la gnas pa ma yin/ so sor brtags pa ma yin pa la gnas pa ma yin te/ zhi ba'i blo gros de ltar de bzhin gshegs pa'i ye shes gnas pa mi mnga' 'o/ / de chos gang yang mngon par mi sgrub la sems can la thugs brtse bas sems can thams cad kyi sems dang / spyod pa dang / bsam pa rnams la'ang de'i ye shes mthong ba chags pa mi mnga' zhing thogs pa mi mnga' ba 'jug ste/ de'ang lhun gyis grub cing sgrim pa mi mnga' la/ mngon par 'du bya ba mi mnga' bas 'jug go/ zhi ba'i blo gros 'di'ang de bzhin gshegs pa'i thugs kyi gsang ba ste/ mnyam par gzhag pa'i gnas kyang mi mdor la/ sems can thams cad la sems rnam par rig par yang mdzad pas thugs bsam gyis mi khyab pa nyid do/ / de bzhin gshegs pa'i thugs kyi gsang ba'i le'u zhes bya ste dgu pa'o// / de nas bcom ldan 'das la/ tshe dang ldan pa shA ra dwa ti'i bus 'di skad ces gsol to/ / bcom ldan 'das phyogs bcu dag na bskal pa bzang po pa'i byang chub sems dpa' gang dag sangs rgyas bcom ldan 'das rnams kyi thang nang ltar tshangs par spyad pa spyod pa'i byang chub sems dpa' de dag thams cad kyi slad na'ang gsang ba pa'i bdag po mchis lags sam/ bcom ldan 'das kyis bka' stsal pa/ shA ri'i bu bya ba 'di bsam gyis mi khyab kyis zhig cig/ lha dang bcas pa'i 'jig rten byang chub sems dpa'i spong ba 'di la mgo mongs par 'gyur ro// de lta mod kyi/ shA ri'i bu gang dag dang cing dge ba'i bshes gnyen gyis yongs su zin pa de dag gnas 'di la skrag par mi 'gyur ro/ / gsol pa/ bcom ldan 'das kyis bshad du gsol/ bdag de bzhin gshegs pa la yid ches par mchi'o/ / bcom ldan 'das kyis bka' stsal pa/ shA ri'i bu khyod kyis gsang ba pa'i bdag po lag na rdo rje rtag tu nga'i phyi bzhin 'brang ba mthong ngam/ gsol pa/ bcom ldan 'das da ltar sangs rgyas kyi mthus mthong lags te/ 'di bdag gis sngon ni nam yang ma mthong ngo // bka' stsal pa/ shA ri'i bu de bzhin du gsang ba pa'i bdag po lag na rdo rje 'di ni bskal pa bzang po pa'i byang chub sems dpa' rnams kyi rgyab rgya ba na'ang gnas te/ sngon gyi sman lam gyi stobs dang / mngon par shes pa'i stobs kyis thams cad du'ang lag na rdo rje'i gzugs su kun tu ston to/ / shA ri'i bu stong gsum gyi stong chen po'i 'jig rten gyi khams na sems can ji snyed 'khod pa'i sems can de dag thams cad kyi rgyab rgyab tu gsang ba pa'i bdag po lag na rdo rjes lag na rdo rje'i gzugs kun tu bstan kyang / des ye shes kyi byin gyi rlabs yongs su rdzogs par bstan par mi 'gyur ro// shA ri'i bu khyod kyis byang chub sems dpa' byams pa'i rgyab na lag na rdo rje 'dug pa mthong ngam/ gsol pa/ bcom ldan 'das bdag gis da gdod mthong lags te/ sngon ni ma mthong ngo // bka' stsal pa/ 'di ni de'i rgyab na rtag tu gnas na/ khyod kyis de ma mthong ba ma gtogs par/ byang chub sems dpa' 'am/ brgya byin nam/ tshangs pa 'am/ 'jig rten skyong ba gang dag 'jig rten gyi khams gzhan nas lhags pa de dag gis ni byang chub sems dpa' byams pa'i rgyab na lag na rdo rje rdo rje thogs shing rtag tu 'dug par mthong ngo / / shA ri'i bu byang chub sems dpa' byams pa dang / bskal pa bzang po pa'i byang chub sems dpa' thams cad kyis sprul pa bye ba khrag khrig brgya stong dag sprul kyang / de dag thams cad kyi rgyab na'ang gsang ba pa'i bdag po lag na rdo rje gnas par snang ste/ byin gyi rlabs de dag thams cad ni gsang ba pa'i bdag po'i yin no// shA ri'i bu de bzhin gshegs pas sprul pa gang yin pa de dag gi sab na'ang 'di'i byin gyi rlabs kyis gsang ba pa'i bdag po lag na rdo rje gnas te/ shA ri'i bu gsang ba pa'i bdag po lag na rdo rje ni de ltar ye shes dang mngon par shes pa'i byin gyi rlabs kyi stobs dang ldan no/ / gsang ba pa'i bdag po lag na rdo rje'i yon tan yongs su brjod pa'i le'u zhes bya ste bcu pa'o// // de nas byang chub sems dpa' zhi ba'i blo gros kyis/ gsang ba pa'i bdag po lag na rdo rje la 'di skad ces smras so// gsang ba pa'i bdag po byang chub sems dpa'i dka' ba spong pa dang / byang chub kyi snying por 'gro ba dang / bdud 'dul ba dang / chos kyi 'khor lo bskor ba dang / bkod pa bstan pa la brtsams te/ de na rmad du byung ba'i rgyu gang dag byung ba gang du khyod la mngon sum du gyur pa la khyod stobs par gyis shig/ gsang ba pa'i bdag pos smras pa/ zhi ba'i blo gros byang chub sems dpa'i yon tan bkod pa byung ba ni tshad med de/ de dag ni tshe'i tshad bskal par gnas pas kyang rgyas par rnam par phye ste bstan par sla ba ma yin mod kyi/ 'on kyang cung zad tsam zhig brjod par bya'o// zhi ba'i blo gros byang chub sems dpa'i bka' ba spyod pa ni rnam pa gcig ma yin te/ mu stegs can gzhom pa'i phyir byang chub sems dpas spyad do// dka' thub dang lus la yongs su gdung ba ji skad dang / lus kyi spyod lam ji snyed kyis pha rol mu stegs can dag mngon par snyems pa de bas ches khyad par du 'phags pa dang / ches mchog tu gyur pa'i bya dka' ba dang / brtul zhugs dang dka' thub gang dag de dag gis bya bas kun tu bstan par mi nus pa de dag thams cad byang chub sems dpas kun tu bstan te/ zhi ba'i blo gros de la kha cig gis ni byang chub sems dpa' rkang pa ya gcig btsugs te 'dug par mthong / kha cig gis ni lag pa bteg ste 'dug par mthong / kha cig gis ni nyi ma la lta zhing 'dug par mthong / kha cig gis ni gdung ba lngas gdung bar mthong / kha cig gis ni tsog tsog por 'dug cing spong ba la sbyor bar brtson par mthong / kha cig gis ni rkang pa btsugs te mi 'gul bar mthong / kha cig gis ni rkang pa gyen du sgreng ste/ 'dug par mthong / kha cig gis ni kha bub tu 'dug par mthong / kha cig gis ni tsher ma'i steng na nyal bar mthong / kha cig gis ni ba glang gi lci ba'i nang na nyal bar mthong / kha cig gis ni rdo leb la skyil mo krung bcas te 'dug par mthong / kha cig gis ni rtsig pa la skyes pa dang / kha cig gis ni shing leb la skyes pa dang / kha cig gis ni gtun shing la skyes pa dang kha cig gis ni phyag dar khrod na nyal ba dang / kha cig gis ni nyi ma yongs su bsgyur ba dang / kha cig gis ni shing leb gyon pa dang / kha cig gis ni rtswa mun dza'i gos gyon pa dang kha cig gis ni rtsa bal ba dza'i gos gyon pa dang / kha cig gis ni rtsa ku sha'i gos gyon pa dang / kha cig gis ni ri dgas kyi pags pa gyon pa dang / kha cig gis ni rtswa tsar gyon pa dang / kha cig gis ni sgren mor 'dug pa dang / kha cig gis ni rtsa dar d+ha'i gos gyon pa dang / kha cig gis ni shing shun gyi gos gyon pa dang / kha cig gis ni sred za ba dang kha cig gis ni nas za bar mthong ngo / / kha cig gis ni rtsa ba dang lo ma za ba dang / me tog za ba dang / 'bras bu za ba dang / sdong bu za ba dang / gzegs ma za ba dang / pad+ma'i rtsa ba za ba dang / zhag drug smyung ba dang / sha mi za ba dang / rgya shugs za ba dang / nas shin te ma za ba dang / ci tsi za ba dang / mon sran sde'u za ba dang / mon sran gre'u za ba dang / pra yos za ba dang / til za ba dang / 'bras skam za ba dang / chu 'thung ba tsam gyis 'tsho ba dang / mar gyi thigs pa tsam gyis 'tshe ba dang / sbrang rtsi'i thigs pa tsam gyis 'tsho ba dang / 'o ma'i thigs pa tsam gyis 'tsho ba dang / kha cig gis ni zas mi za ba dang / kha cig gis ni gnyid dang bral bar mthong ngo // kha cig gis ni 'dug pa 'ba' zhig tu mthong ngo // kha cig gis ni 'greng ba 'ga' zhig tu mthong ngo // zhi ba'i blo gros de ltar byang chub sems dpa' spyod lam de dag dang / dka' ba spyad pa tshad med pa gzhan dag kyang ston te/ lo drug tshang bar spyod lam gcig kyang ma 'khrugs par thams cad rdzogs par bstan par gyur to/ / brtul zhugs shin tu khyad par du 'phags pa dang / brtson 'grus shin tu sbyangs pa dang / dka' thub shin tu brtan pos lo drug tu brtul zhugs dang dka' thub thams cad ston kyang / sems can gzhan dang gzhan la mos pa dag gis brtul zhugs dang dka' thub gzhan dang gzhan du mi mthong ste/ gzhan du na ci 'dra ba'i brtul zhugs dang dka' thub ci 'dra ba dag gis sems can dag 'dul bar 'gyur ba de 'dra ba'i brtul zhugs dang dka' thub mthong ba ni ma gtogs so/ / zhi ba'i blo gros de la byang chub sems dpa' ni thams cad du kha na ma tho ba med pa'i btang snyoms can yang yin la/ bya ba de dag kyang kun tu ston te/ dka' ba spyod pa 'dis lha dang mi bye ba phrag drug cu rtsa bzhi theg pa gsum po dag la yongs su smin par byas so/ / zhi ba'i blo gros lha dang mi gang dag rgya chen po la mos pa yongs su spang ba byas pa de dog gis ni/ byang chub sems dpa' rin po che'i khang pa brtsegs pa na 'dug cing mkha' khyab kyi bsam gtan la bsam gtan byed pa dang / mi g.yo ba dang / bde ba myong ba dang / lo drug lon nas byang chub sems dpa' ting nge 'dzin de las langs par mthong ngo / / zhi ba'i blo gros de la lha dang mi chos can chos 'dod pa/ chos bstan pas yongs su smin par bya ba gang yin pa de dag gis ni byang chub sems dpa' las gzhan mi byed par rgyun mi 'chad par chos ston par mthong ste/ zhi ba'i blo gros 'di ni byang chub sems dpa'i snying rje chen po la sbyor ba ye shes chen po yang dag par 'byung ba zhes bya'o/ / chos kyi tshub la 'jug pa bsam gyis mi khyab pa la 'jug pa zhes bya'o// bya dka' ba'i ye shes la 'jug pa bdud dang phas kyi rgol ba thams cad 'dul ba zhes bya'o/ / zhi ba'i blo gros de ltar lo drug tshang nas byang chub sems dpa' ji skad smos pas brtul zhugs dang dka' thub de dag las langs te/ klung nai rany+dza na'i 'gram du song nas 'jig rten dang mthun par khrus byas te/ lus gtsang mar byas nas klung nai rany+dza na nas byung ste 'dug par gyur to// de nas grong mi'i bu mo legs skyes ma zhes bya ba des/ ba stong gi 'o ma bskol ba sbrang rtsi dang bsres pa'i 'o thug khyer te byang chub sems dpa' ga la ba der song ngo // gzhan lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po bye ba phrag drug cu'ang rang rang gi zas thogs te 'khod nas/ sa sa nas tshig 'di skad du/ kye skyes bu dam pa bdag gi bshos gsol cig/ kye skyes bu dam pa bdag gi bshos gsol cig ces zer ro// zhi ba'i blo gros de nas byang chub sems dpa' grong mi'i bu mo legs skyes ma la sogs pa lha dang / klu dang / gnod sbyin dang / dri ba bye ba phrag drug cu po de dag thams cad kyi khams de dag blangs nas thams cad thos kyang phan tshun ma mthong ngo / / lha'i bu re res kyang byang chub sems dpes bdag gi bshos gsol te/ byang chub sems dpas bdag gi ba shas gsol nas/ blan med pa yang dag par rdzogs pa'i byang chub tu mngon par rdzogs par 'tshang rgya bar 'gyur bar shes so/ / de dag tham cad kyang byang chub sems dpas bla na med pa yang dag par rdzogs pa'i byang chub tu yongs su smin par byas par gyur te/ zhi ba'i blo gros 'di ni byang chub sems dpa' zas len par sbyor ba dka' ba spyod pa yang dag par 'phags zhes bya'o// zas len pas sems can yongs su smin par byed pa dka' ba spyod pa yang dag 'phags kyi le'u zhes bya ste bcu gcig pa'o/ / // de nas byang chub sems dpa' lus bkrus te/ lus stobs dang ldan par gyur nas zas zos te/ byang chub kyi snying po ga la ba der song ngo // de song ba dang sa la spyod pa'i lha'i bu sa bzangs zhes bya bas/ sa la spyod pa'i lha'i bu thams cad la bos te smras pa/ sa 'dzin gang zhig migs mi bskyed pa// sred pa bsal cing khang khro rab spangs po// byang chub sems dpa' de ni shing drung byon// sa gzhi dag ni legs par btsun par bya/ / legs so zhes te sa la spyod nams dga'// snang gsum thams cad yongs su phyag bdar byed// me tog sil ma bkas zhing spos mchog bdugs// dag gis sa gzhi chag chag btag/ khag na gzhong thogs de bzhin 'phreng ba thogs// gzhal med khang nas de bzhin par snang ba// de dag byang chub sems dpa' mthong nas dga'/ de tshe me tog sna tshogs char du phag/ gling bzhi pa dag rnams na skyong ba bzhi// ji snyed pa dag thams cad 'khor bcas te// rnam par 'dren la mchod pa bya ba'i phyir// gser dra bas stong gsum thams cad bkab/ / stong gsum 'jig rten brgya byin rdzu 'phrul che// de dag byang chub sems dpa' mchod pa'i phyir// sum cu rtsa gsum rnam rgyal khang mdzes ba/ / de ltar stong gsum thams cad mdzes par brgyan// 'thab bral lha rnams thams cad rab dga' ste// skyes bu mchog la yang dag mchod pa'i phyir// mi mjed 'jig rten khams kyi stong gsum kun/ / nam mkha' bai DUR+Ya yi dra bas bkab// dga' ldan rab dang dga' ldan lha rnams kyang // de dag mu tig dra bas brgyan pa byas// rgyan 'phreng de bzhin zla ga ma rnams kyang thogs/ / mu tig sil ma'o char yang rab tu 'babs// lha yi rgyal po rab tu 'phrul gyi bar// rab tu dga' nas 'jam bu chu gser gyi// dril bu'i dra ba gas drar bcas dang / / sgra snyan bcas pas stong gsum thams cad bkab// thams cad don la mi 'jigs mchod pa'i phyir// dbang sgyur dag gis lha yi rin po chetshe/ / rnam par dag cing gzi brjid mtha' yas pa// 'od gsal dri med dra ba gcig kyang sprul// klu dang dri za lto 'phye chen po dang // lha min mkha' lding mi 'am ci kun gyis// rang rang gnas dang bkod pa rnams kyis ni/ / 'dod khams legs par brgyan nas mdzes par byas// zhi ba'i blo gros de nas stong gsum gyi dbang po tshangs pa chen po dbang sgyur zhes bya bas/ byang chub sems dpa' byang chub kyi snying po la mngon du phyogs par mthong nas/ tshangs ris kyi lha rnams la smras pa/ grogs po dag shes par gyis shig/ byang chub sems dpa' sems dpa' chen po go cha chen po mnabs pa/ dam bcas pa chen po ma bor ba/ go cha sra ba mnabs pa/ thugs yongs su mi skyo ba/ byang chub sems dpa'i spyod pa thams cad las nges par byung ba/ pha rol tu phyin pa thams cad kyi pha rol tu phyin pa/ byang chub sems dpa'i sa thams cad la mnga' dbang brnyes pa/ byang chub sems dpa'i bsam pa thams cad shin tu rnam par dag pa/ sems can thams cad kyi dbang po'i rjes su zhugs pa/ de bzhin gshegs pa'i gsang ba thams cad la shin tu zhugs pa/ bdud kyi las kyi lam thams cad las yang dag par 'das pa/ dge ba'i rtsa ba thams cad la gzhan gyi dring mi 'jog pa/ de bzhin gshegs pa thams cad kyis byin gyis brlabs pa/ sems can thams cad la rab tu thar pa'i lam ston pa/ de dpon chen por gyur pa/ bdud kyi dkyil 'khor thams cad 'joms par mdzad pa/ stong gsum na dpa' bo gcig pur gyur pa/ chos kyi sman thams cad yang dag par bsgrubs pa/ sman pa'i rgyal po chen po rnam par grol ba'i thabs brnyed pa/ chos kyi rgyal po chen po shes rab kyi 'od chen po gtong ba/ tog chen po'i rgyal po 'jig rten gyi chos brgyad kyis ma gos pa/ pad+ma chen po lta bu// chos thams cad kyi gzugs ma bsnyel ba/ rgya mtsho chen po dang 'dra ba/ rjes su chags pa dang khong khro ba dang bral ba/ mi g.yo ba/ mi bskyod pa/ ri rab chen po lta bu shin tu dri ma med pa/ shin tu yongs su dag pa/ shin tu dkar ba'i blo dang ldan pa/ nor bu rin po che chen po dang 'dra ba chos thams cad la dbang sgyur ba/ sems las su rung ba/ tshangs pa chen po lta bu'i byang chub sems dpa' de bdud kyi sde rab tu gdul ba dang / bla na med pa yang dag par rdzogs pa'i byang chub tu mngon par rdzogs par byang chub par bzhed pa dang / stobs bcu dang / mi 'jigs pa dang / sangs rgyas kyi chos ma 'dres pa bcwa brgyad yongs su rdzogs par mdzad pa dang / chos kyi 'khor lo chen po bskor ba dang / seng ge'i sgra chen po bsgrags pa dang / chos kyi sbyin pas sems can thams cad tshim par mdzad pa dang / sems/ can thams cad kyi chos kyi mig rnam par sbyang ba dang / phas kyi rgol ba thams cad chos dang mthun par tshar gcad pa dang / sngon dam bcas pa yongs su rdzogs pa sangs rgyas bcom ldan 'das rnams la bstan par bzhed pa dang / chos thams cad la dbang phyug gi mnga' dbang brnyes par mdzad pa'i phyir byang chub kyi snying por bzhud kyis/ de la grog po dag khyed byang chub sems dpa' la mchod pa dang rim gro bya ba la spro bar gyis shig/ de nas stong gsum gyi bdag po tshangs pa chen po ma mjed kyi bdag po de'i yid rab tu dga' nas/ tshangs ris lha thams cad la smras pa/ grogs po dag bskal pa brgya stong mang por brtul zhugs dang dka' thub bsags pa/ skyes bu chen po dam pa de byang chub kyi snying po ga la ba der bzhud kyi del khyed kyis bkad pa chen po rnams kyis stong gsum gyi stong chen po thams cad brgyan par gyis shig/ de nas tshangs pa chen po mi mjed kyi bdag pos de'i tshe tshigs su bcad pa 'di dag smras so/ / sems can rnam dag brtul zhugs chos nges pa// lhar bcas 'jig rten dag la phan bzhed pa// lha dang mi yis mchod pa lha yi lha// thub pa chen po byang chub snying por gshegs/ / sde dang bcas pa'i bdud ni 'dul ba dang / thams cad mkhyen gyi ye shes 'tshang rgya dang // rdzogs pa'i sangs rgyas chos rnams yongs bskang dang // da pa'i chos kyi 'khor lo bskor ba dang / / mkhas pa seng ge'i sgra chen bsgrags pa dang // sems can thams cad tshim par bya ba dang // dam pa'i chos mig yongs su sbyang ba'i phyir/ 'dren pa byang chub snying por nye bar gshegs// phas kyi rgol ba rnams ni tshar bcad dang // sngon gyi dam bcas yongs su bskang ba dang // rdzogs sangs rgyas kyi mdzod pa bstan pa'i phyir/ / 'dren pa byang chub snying por nye bar gshegs// legs par thams cad lhan cig 'dus nas ni// sa gzhi dag ni legs par brgyan par bya// stong gsum brgyan par gyur la ltos shig kye/ / 'dod pa'i khams kyang brgyan par gyur la ltos// 'dod pa'i khams ni ji ltar brgyan pa bzhin// de ltar gzugs kyi khams kyang brgyan par bya// tshangs pa rnams ni sems dang legs so zhes/ / rab tu dga' nas stong gsum brgyan par gyur// ji ltar 'dod pa'i khams na bkod snang ba// de bas lhag pa'i mchod pa de dag ston// me tog rnams kyis bkang zhing spos kyis bkang // rin chen rnams kyis mchod cing sil snyan bsgrags// tshangs pa la sogs 'og min lha yi rnams// rab tu dga' nas gsum thams cad kyang / / dga' bar gyur dang phyag bya'i 'os su byas// rang rang gnas kyi gzhi yang bkod pa byas// lha rnams kyis ni gong nas gong du yang / / lhag pa lhag pa'i rgyan rnams rab tu bstan// lha yi bu mo bye ba drug cu brgyas// byang chub rdo rje gdan ni rgyan par byed// spos chu yis ni kun tu chag chag 'debs/ me tog sna tshogs dag kyang 'thor bar byed// sa gzhi dag la rin chen rnams kyang bkram// byang chub snying por rgyan rnams rab tu bstan// thams cad tshig gis brjod par mi nus pa/ snyed tshad kyi bkod pa 'dir byas gyur/ zhi ba'i blo gros byang chub sems dpa' de byang chub kyi snying por 'gro ba na stong gi dbang po tshangs pa chen po mi mjed kyi bdag pos/ tshangs ris kyi lha thams cad la smras pa/ grogs po dag bskal pa bye ba khrag khrig brgya stong mang por brtul zhugs dang dka' thub rnams kyi spyad pa spyad pa sems can gyi mchog skyes pa chen po 'di byang chub kyi snying por bzhud kyis/ de la khyed kyis stong gsum gyi stong chen po'i 'jig rten gyi khams thams cad bkod pa chen po rnams kyis brgyan par gyis shig/ de nas mi mjed kyi bdag pos/ tshangs ris kyi lha'i bu rnams la tshigs su bcad pa 'di dag smras so// sems can rnam dag brtul zhugs chos nges pa// phan bzhed 'jig rten ngon mdzad bdag nyid che/ / de ni blo ngan sder bcas bdud 'dul du// shing gi dbang po byang chub drung du bzhud// thams cad 'dus te lhan cig 'dong bar bya// steng gsum mi mjed 'ang ni brgyan par bya/ / 'di ni lhar bcas 'jig rten chos kyi dbang // yang dag mchod na bsod nams mtha' yas 'gyur// tshangs pa de dag tshig mchog de thos nas// stong gsum thams cad ma lus brgyan byed cing / / legs par phyags te me tog rgyal mtshan brgyan// 'jig rten khams ni rin chen rang bzhin sprul// nyi ma zla ba'i 'od kyi bkod pa dang // bye ba'i gdugs rnam+ba nam mkhar de dag sprul/ / sA la'i shing rnams me tog mchog spras pa// dga' tshal lta bu de dag rnams kyis sprul// lam gang nas ni drang srong che gshegs pa// de ni shing bdun bsnams tshad du sprul/ / rin chen bzhi la gsar gyi pad+ma bkram// kha khyer rim pa bdun gyis yongs su bskor// brgya byin gyis der bkod pa gang byas pa// de dag mi rnams sngon ma mthong / / sum cu gsum dbang rnam rgyal khang 'dra bar// de ltar gling bzhi dag ni mdzes par brgyan// 'thab bral lnga dang dga' ldan 'phrul dga' dang / gzhan 'phrul ba dang 'og min lha yi rnams// stobs dang shugs 'chang thams cad btsun par ni// byang chub snying pa dam brgyan par byed// byang chub stong par gshegs pa bar der ni/ / 'dod pa'i khams 'dir bkad mchog gang yod pa// lha las klu 'am mi 'am ci rnams kyi// de dag thams cad skad cig de la bstan/ phyogs bzhi dag nas lha mo bye ba blugs// ma tag rnams dang spyas dang byug pa yis// byang chub shi ni mngon du rgyun par byed// sbrus r+b+ba sIs ni kun tu chag chag 'dabs/ chub shing ni legs par brgyan byas te// sum cu rtsa gsum lha yi yongs 'du 'dra// lha rnams bye ba dag gis mdzes sprul pa// bkod pa de dag tshig gis brjod mi nus/ zhi ba'i blo gros de nas byang chub sems dpa' byang chub kyi snying por 'gro ba na/ rkang pa'i mthil 'khor lo rtsibs stong pa gnyis las 'di 'dra ba'i 'od phyung ste/ 'od des sems can dmyal ba dang / dud 'gro'o skye gnas pa dang / gshin rje'i 'jig rten pa'i sems can rnams kyi sdug bsngal gyi tshor ba rnams rgyun gcod do// klu'i rgyal ba nag po'i gnas kyang snang ba chen pos khyab par gyur to/ / de nas klu'i bdag po nag pos/ byang chub sems dpa'i 'od mthong nas tshim zhing mgu la yi rangs te/ rab tu dga' nas dga' ba dang yid za bskyas te/ thams cad dang ldan pa'i rang gi 'khang la tshigs su bcad pas spras pa/ gser gyi kha dag 'dra ba'i 'od// gnas 'dir lgang nger gyur pas na// kha bar lus ni rab tshim/ / sems kyang rab tu dga' bar gyur// kha zas sngon gyi sangs rgyas kyi// ltas bzang mthong ba ltar na ni// gdon mi za bar dpa' chen po// sangs rgyas 'jig rten 'byung ba 'gyur/ / legs par phye ma 'phreng ba dang // spos dang me tog byug pa dang // gser dang nor bu mu tig dang // dung dang rgyan 'phreng mchog rnams dang // rol mo sil snyan rnams thogs la/ gdugs dang rgyal mtshan thogs nas ni// ba dan dag kyang bsgreng byas te// ston pa la ni mchod pa bya// klu yi rgyal po'i gnas 'di na// bzang po'i rgyan rnams ji snyed pa// de dag rab tu dga' ba yis/ / sangs rgyas la ni rim gro bya/ de nas klu'i rgyal po nag bcu ma'i 'khor dang bcas/ gnyen gyi 'khor dang bcas te/ me tog dang / spras dang / 'phreng ba dang / byug pa dang / phye ma dang / gos dang / gdugs dang / rgyal mtshan dang / ba dan thogs pa dang / sil snyan dang / pheg rdob pa dang / rol mo'i sgra 'byin pa rnams dang lhan cig gcig tu rang gi gnas nas byung ste/ spos chus gang ba'i sprin mngon par sprul nas/ spos chu'i char pa 'bebs/ klu'i mu tig dang klu'i me tog gi char ni 'bebs shing klu'i mthu chen po dang / klu'i rdzu 'phrul chen pos byang chub sems dpa' ga la ba der song ste phyin nas/ 'khor dang bcas pas byang chub sems dpa' la mchod pa byas te/ rkang pa phyag 'tshal nas/ rol mo dang sil snyan len pa dang bcas pas byang chub sems dpa' la bskor ba byas te/ phyogs gcig tu 'dug nas mngon par bstod do// de la 'di skad ces bya ste/ skyes bu mchog gis 'od ni rab bkye bas// sangs rgyas zhing 'di thams cad snang bar gyur// skad cig de la ngan song gsum yang zhi// nag po'i gnas kyang 'od kyis khyab par gyur/ / klu yi rgyal po de yis 'od mthong nas// rab tu dga' ste de tshe tshig smras pa// gser gyi mchog gi 'od 'di byung bas na// de ring sangs rgyas 'byung du gdon mi za/ / klu mo khrag khrig dag gis mdun bdar te// gdugs dang me tog gos mchog thogs nas su// byang chub sems dpa' de ni ga lar song // phyag byas mchod pa byas nas gus bcas 'dug/ sa kun rin chen rnams kyis gang zhing de tshe mdzes par brgyan// shing mchog kun dang sman dang rtswa rnam de dag byang chub shing la 'dud// 'di na yod pa'i chu klung tham cad mi 'bab mkha' la rlung mi ldang / / de ring bdud btul nas ni 'jig rten tham cad zil gyis gnon par gyur// srid pa gsum na brgya byin tshangs pa nyi ma zla bar 'od mi snang // mtshungs med khyod kyi 'od kyis reg nas de ring ngan song gsum po zhi/ / bdag gi gnas su 'od byung nas ni sangs rgyas 'byung bar ston par bgyid// de ring rgyal bar byon par 'gyur gyis dgyes mdzod rangs shing tshim pa skyed// bum pa gang ba 'di dag nam mkhar song ste khyod la skor ba dang // rtsa sha'i tshogs rnams 'di dag nam mkhar song ste khyod la skor ba dang // lhar bcas mir bcas 'jig rten dag kyang mchod par brtson par gnas pa las/ / de ring 'gro ba'i sbyin gnas 'gyur zhing shes rab 'dod pa'i lam du 'gyur// bde bar gshegs pa bdag gis rnyed pa legs rnyed gzi brjid che ldan pa/ / mi mchog 'khor ba 'jig dang de bzhin gser thub ces ni bya ba mchod// mi mchog 'od srungs dang ni shAkya thub mchog de ring bdag gis mchod// bdag ni sangs rgyas dpa' mthong ma bral byang chub dam pa don du gnyer// sa ni grum zhing ri rnams g.yos la 'gro ba thams cad med 'gyur srid// su zhig byang chub tu ni sems nges lhag pa'i bsam pas 'phags gyur pa/ / de ni de ring stobs bcu ldan par mi 'gyur gnas ni ma mchis lags// seng ge'i sgra bsgrags tshangs pa'i dbyangs can bcom ldan 'dren pa gsung phyung zhig/ zhi ba'i blo gros de nas klu'i rgyal po nag po'i chung ma dam pa gser 'od ces bya ba de/ klu'i bu mo rab tu mang pos bskor cing mdun du bdar nas/ gdugs sna tshitshogs thogs pa dang / ras bcos bu sna tshogs thogs pa dang / mu tig gi rgyan 'phreng sna tshogs thogs pa dang / nor bu rin po che sna tshogs thogs pa dang / lha'i dang mi'i 'phreng ba brgyus pa thogs pa dang / bog por sna tshogs thogs pa dang / sil snyan dang rol mo'i sgra sna tshogs len pa rnams dang lhan cig tu rin po che'i me tog sna tshogs kyis byang chub sems dpa' 'ong ba la 'thor zhing tshigs su bcad pa 'di dag gis mngon par bstod do/ / 'khrul pa mi mnga' mi sdang mi bsnyengs bag mi tsha// mi zhum mi dman rab dgyes mi 'khrul chags mi mnga'/ / sdang dang rmongs dang brkam pa mi mnga' chags bral ba// rnam grol drang srong chen po khyod la phyag 'tshal lo// ngogs bral zug rngu bral zhing dul la ma rig sel/ / 'gro ba thams cad sdug bsngal rnams las rab tu 'grel// gnas dang skyabs dang gling ma mchis par mkhyen nas ni// gnas khyod skyabs khyod 'jig rten gsum po dag tu byung / / ji ltar lha yi tshogs rnams dad cing rab dga' ste// mkha' las me tog char chen rab tu 'bebs pa dang // ji ltar gos chen dag kyang 'dor bar bgyid las na/ / drang srong chen po mgon po rgyal bar dang 'gyur snyam// dgyes skyed shing dbang drung gshegs mi bsnyengs bzhugs mdzod la// bdud sde pham par mdzad de nyon mongs dra ba drol// ji ltar sngon gyi rgyal dbang de dag sangs rgyas pa// de ltar byang chub rab mchog zhi ba 'tshang rgyar mdzod// gang gi ched du khyod kyis bskal pa bye mang du// 'gro ba dag ni grol phyir dka' ba rnams kyang spyad/ / khyod kyi dgongs pa de rdzogs shing dbang drung gshegs te// byang chub mchog la reg par mdzad pa'i dus 'di lags// bam po drug pa/ zhi ba'i blo gros de nas byang chub sems dpa' klu'i rgyal po nag po'i gnas nas byung nas/ byang chub kyi snying po ga la ba der song ste/ 'gro ba na lam gyi g.yas rol na rtswa 'tshong bkra shis pa zhes bya ba rtswa rnga zhing 'dug pa des/ byang chub sems dpa' byang chub kyi snying po la mngon du phyogs pa mthong ste/ lha rnams kyis bskul nas rtswa 'dzam pa shin tu gzhon pa/ nyams dga' ba/ yid dga' bar byed pa/ rma bya'i mgrin pa lta bu/ dga' ba 'khyil pa/ g.yas su 'khyil pa/ kha dog dang ldan pa/ dri dang ldan pa/ ka tsa lin ni ka ltar reg na bde ba spar gang blangs te/ byang chub sems dpa' ga la ba der song nas phyin pa dang / rtswa spar gang byang chub sems dpa' la byin te bsam pa thag pa nas bla na med pa yang dag par rdzogs pa'i byang chub tu sems bskyed do/ / zhi ba'i blo gros khyod rtswa 'tshong bkra shis pa mi snga mi 'phyi bar bya chub tu sems bskyed cing rtswa'ang byin no snyam du sems na de ltar mi blta'o/ / de ci'i phyir zhe na/ de ni rtsa 'tshong bkra shis pa'i sngon gyi smon lam yin te/ ji ltar kho bo bskal pa bzang po'i byang chub sems dpa' rnams kyi byang chub kyi snying por khri gshom pa bzhin no/ / de ci'i phyir zhe na/ zhi ba'i blo gros kho bos mngon par shes te/ 'das ba'i dus na bskal pa bzang po 'di snga rol bskal pa dgu bcu rtsa gcig na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de'i gsung rab la dge slong stong tham pa tshangs par spyod pa spyad nas/ bcom ldan 'das nges khyed cag bskal pa bzang ba la bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro zhes de dag lung bstan to/ / de'i tshe na khyim bdag blo gros ldan zhes bya ba zhig 'khor de nyid du 'dus par gyur te 'dug pa des/ byang chub sems dpa' de dag lung bstan pa de thos nas/ bla na med pa yang dag par rdzogs pa'i byang chub tu sems bskyed de/ 'di skad du bskal pa bzang po pa'i byang chub sems dpa' de dag byang chub kyi snying por 'gro ba na seng ge'i khri byi dor bya'o zhes smon lam btab bo/ / zhi ba'i blo gros de'i tshe de'i dus na khyim bdag blo gros ldan zhes bya bar gyur pa de gzhan zhig yin pa snyam du khyod dogs shing the tshom za 'am/ yid gnyis su gyur na/ khyod kyis de ltar mi blta'o// de ci'i phyir zhe na/ rtswa 'tshong bkra shis pa 'di de'i tshe de'i dus na bdag blo gros ldan zhes bya bar gyur to/ / zhi ba'i blo gros khyod kyis rnam grangs 'di kyang rtsas 'tsho ba bkra shis pa'i sngon gyi smon lam 'di 'di ltar rig par bya ste/ sems can rnams kyi ma pa ji lta ba dang / dbang po yongs su smin pa ji lta ba bzhin du/ de kha cig la ni rtswa spar gang 'bul bar 'gyur/ kha cig la ni rin po che bkod pa'i seng ge'i khri 'bul bar 'gyur ro// zhi ba'i blo gros de nas byang chub sems dpa' byang chub kyi snying po'i shing drung du song ba dang / byang chub kyi snying po'i lha rnams lha'i bu mo me tog gi skon bu thogs pa dang / sbas dang phye ma'i phur ma thogs pa khri dang lhan cig tu byang chub kyi snying po ga la ba der song ste phyin pa dang / byang chub sems dpa'i rkang pa la mgo bos phyag 'tshal nas/ ji ltar thogs pa'i me tog dang / phye ma dang / spos dang / 'phreng ba dang / byug pa rnams kyis byang chub sems dpa' la gtor te/ tshigs su bcad pa 'di dag gis mngon par bstod do// bdag nyid chen po mi bsnyengs dpa' zhing dul zhi ba/ / dgyes shing tshim pa brtan pa khyod la phyag 'tshal lo// 'bar ba nyams dgyes kha na ma tho mi mnga' ba// skyon las grol ba'i sngon la byas 'tshal lo/ / sdug bsngal chen por bying ba mgon med 'gro 'di la// khyod ni bde ba rab tu stsol ba'i mgon po gcig/ 'gro ba'i nyon mongs nad rnams spang ba'i phyir byung ba/ / sman pa'i rgyal chen grags ldan khyod la phyag 'tshal lo// ji ltar lha tshogs dad cing rab tu dga' ba yis// lha yi me tog char pa rab tu 'bebs pa las/ / 'dod dgra sde dang bcas pa byams pas bcom nas ni// khyod kyis byang chub dam pa de ring brnyes su nges// shing dbang drung du gshegs te khri der bzhugs nas su// bdud btul nas ni mun pa thams cad gzhom par mdzod// ji ltar sngon gyi thub dbang de dag sangs rgyas pa// de ltar byang chub zhi ba mchog rab 'tshang rgyar mdzod// ji ltar khyod kyis 'gro ba dgrol ba'i don du ni/ / bskal pa bye bar dka' mdzad rnam par dag gyur pa// drang srong chen po khyod kyi dgongs mchog deng rdzogs kyis// shing dbang drung du bzhugs te byang chub 'tshang rgyar mdzod/ / zhi ba'i blo gros de nas byang chub sems dpas rtswa spar gang khyer nas/ byang chub kyi snying po ga la ba der song ste phyin pa dang / byang chub kyi shing drung du bdag nyid kyis rtsa gding ba bting nas/ byang chub kyi shing la phyag 'tshal te/ lan bdun bskor ba byas so// zhi ba'i blo gros byang chub sems dpas rtsa gding ba bting ma thag tu/ de nas lha'i bu brgyad khri bzhi stong gis seng ge'i khri sna tshogs pa blta na sdug pa/ mthong ba/ yangs pa/ ring po che thams cad kyis spras pa/ rin po che'i kha khyer can/ rin po che'i dra bas g.yogs pa/ rin po che'i dril bu g.yer ki'i dra bas sbrel pa/ mu tig gi rgyan 'phreng rab tu sbyangs pa ras btsas bu brgya stong du ma bting ba brgyad khri bzhi stong byang chub sems dpa'i ched du bshams so/ / zhi ba'i blo gros de nas byang chub sems dpas seng ge'i khri brgyad khri bzhi snang po de dag thams cad la bdag nyid 'dug par kun tu bstan par gyur to/ / lha'i bu de dag gis kyang gzhan dang gzhan du mi mthong mo shes te/ lha'i bu re res kyang 'di ltar byang chub se dpa' ni bdag gi seng ge'i khri la bzhugs so/ / bdag gi seng ge'i khril bzhugs nas bla na med pa yang dag par rdzogs pa'i byang chub tu mngon par rdzogs par 'chang rgya bar 'gyur par shes te/ de dag dga' ba dang mchog tu dga' ba de nyid kyis bla na med pa yang dag par rdzogs pa'i byang chub las phyir mi ldog par gyur te// byang chub kyi snang par bzung le'u zhes bya ste bcu gnyis pa'o/ / / ni ba mi zla gras byang chub sems dpa' seng ge'i khri la 'dug me rab tu/ de na mi smin mtshams kyi mdzangad gA'i bar nas bdud du ba zhes bya'i 'od phyung ste/ 'od des stong gsum gyi stong chen po'i 'jig rten gyi khams 'di na 'khod pa'i bdud bye ba phrag bzhi brgya la reg go// 'od des de dag la reg ma thag tu rang rang gi gnas na 'khod bzhin du spu zing zhes byed de/ rang gi bdud kyi gnas tshig cing mog mog por gyur par shes nas/ de dag 'di snyam du sems te/ gang gi phyir gnas 'di dag mog mog por gyur par snang ba 'di la rgyun ci zhig yod/ rkyen ni ci zhig yod/ byang chub sems dpa' 'am/ gcig byang chub kyi snying por 'dug nas/ bla na med pa yang dag par rdzogs pa'i byang chub tu mngon par rdzogs par 'tshang rgya bar mi 'gyur grang snyam ste/ rnam par bltas pa dang / byang chub sems dpa' byang chub kyi snying po la 'dug par mthong ngo/ / de nas bdud sdig can de dag rang rang gi gnas nas mi snang bar gyur nas/ bdud re re'ang gnod sbyin kha dog rnam pa mang po dang / cha byad rnam pa mang po dang / dbyibs rnam pa mang po dang / chu zheng rnam pa mang po dang / g.yo ba rnam pa mang po dang / mgo rnam pa mang po dang / mtshon cha rnam pa mang po dang / rgyal mtshan rnam pa mang po thogs pa bye ba khrag khrig brgya stong dag gis bskor te/ smra ba rnam pa mang po smra zhing bdud kyi mthu chen po dang / bdud kyi rdzu 'phrul chen pos bdud re res kyang bdud kyi 'khor gyis brgyar dpag tshad nyi khri ste khor yug tu dpag tshad brgyad khri bzhi stong bkang nas/ byang chub kyi shing drung du dong ngo // zhi ba'i blo gros 'khor chen po de dag dong ma thag tu/ de nas de'i tshe yid du mi 'ong ba mnyan par mi 'os pa/ mi snyan pa/ u dug ces bya ba dang / bi cig ces bya ba dang / hu lu hu la zhes bya ba dang / rgyob cig/ zung zhig/ sod cig/ chings shig/ ces bya ba'i sgra chen po de lta bu phyung bar gyur to// gal te 'dod chag dang ma bral ba'i sems can rnams kyis sgra de thos la/ zhi ba'i blo gros gal te byang chub sems dpas sgra de mi grag bar ma byas na ni/ de dag kho nas khrag dron po skyug cing 'chi ba 'am/ shi la thug pa'i sdug bsngal rnyed par 'gyur ro// de na ni byang chub sems dpa' snying rje chen pos non pas/ sems can la rnam par 'tshe bar gyur du 'ong zhes sgra de mi grag par byas par gyur to// zhi ba'i blo gros 'di'ang byang chub sems dpa'i thabs la mkhas pa'i yul yin no// zhi ba'i blo gros sgra de lta bu de zos kyang / byang chub sems dpa' ni tha na spu g.yos par yang ma gyur to// de ci'i phyir zhe na/ sgra 'di dag thams cad brag ma dang mtshungs par legs par rtogs ba'i phyir ro/ zhi ba'i blo gros byang chub sems dpa'i bsnyen bkur ba'i lha rnams kyis bdud lpags par rig nas/ bdud sdig can de dag la zlog pa rnam pa bcu drug pa zlog par byed de/ sdig can dag 'phongs par 'gyur ba gdon par dka' ba rnam pa 'di lta bu 'di dag gis ci zhig byas zang zhig/ de ci'i phyir zhe na/ sdig can khyed ni gyang stobs chung ngu la gyad stobs chen po bab pa ltar/ do mod byang chub sems dpas brdabs par 'gyur ro// sdig can khyed ni dpa' bo chen pos pha rol gyi sde bcom pa ltar do mod byang chub sems dpas pham par byas par 'gyur ro/ / sdig can khyed ni srin bu me khyer la zla ba'i dkyil 'khor bab pa ltar/ do mod byang chub sems dpas zil gyis gnon par 'gyur ro/ / sdig can khyed ni phub ma spar gang la rlung mar bab pa ltar/ da mad byang chub sems dpas gtor bar 'gyur ro// sdig can khyed ni shing sA la chen po rtsa nas chang pa ltar/ do mod byang chub sems dpas bsgyel bar 'gyur ro// sdig can khyed ni ri dgas kyi tshogs la seng ge bab pa ltar/ ngo mod byang chub sems dpas spangs par byas par 'gyur ro// sdig can khyed ni brjes kyi chu la nyi tshan bab pa ltar/ do mod byang chub sems dpas yongs su zad par byas par 'gyur ro// sdig can khyed ni mi mdza' ba'i grong khyer la rgyal po chen po bab pa ltar/ do mod byang chub sems dpas brlag par 'gyur ro// sdig can khyed ni mi g.yon can dang gsad par bya ba shar ba ltar/ ngo mod byang chub sems dpas 'bros par byed par 'gyur ro// sdig can khyed ni tshong pa lam brgyags mang po mes tshig pa ltar/ do mod byang chub sems dpas mgo 'khor bar byed par 'gyur ro// sdig can khyed ni chos kyi rgyal po rgyal srid nyams pa ltar/ do mod byang chub sems dpas mya ngan byed du bcug par 'gyur ro// sdig can khyed ni khrung khrung rgan po 'dab ma bregs pa ltar/ de med byang chub sems dpas sems khengs su bcug par 'gyur ro/ / sdig can khyed ni 'brog mgon par lam brgyad chad pa ltar/ do mod byang chub sems dpas 'phongs par byas par 'gyur ro// sdig can khyed ni rgya mtsho chen po dbus su gru zhig pa ltar/ do mod byang chub sems dpas smre sngags 'don du bcug par 'gyur ro// sdig can khyed ni sreg pa'i bskal pas rtswa dang nags tshal ltar/ do mod byang chub sems dpas rnyis par byas par 'gyur ro/ / sdig can khyed ni rdo leb la rdo rje chen po bab pa ltar/ ngo mod byang chub sems dpas rnam par gtar bar 'gyur ro// zhi ba'i blo gros de ltar byang chub kyi bsnyen bkur ba'i lha rnams kyis zlog pa rnam pa bcu drug gis bdud sdig can rnams zlog par byed kyang / bdud sdig can de dag phyir ma log go/ de nas byang chub sems dpa' bskal pa grangs med pa bye ba khrag khrig brgya stong du sbyin pa dang / dul ba dang / legs par sdom pa dang / tshul khrims dang / bzod pa dang / brtson 'grus dang / bsam gtan dang / shes rab dang / byams pa dang / snying rje dang / dga' ba dang / btang snyoms dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / zhi gnas dang / lhag mthong dang / rig pa dang rnam par grol ba yongs su spang ba byas pas lag pa g.yas pa 'jam zhing gzhon la/ shin tu gzhon pa/ gser gyi kha dog ltar 'dug pa brkyang ste/ snying rje chen pos bskod pa dang sems can thams cad rab tu thar pa bya ba'i lhag pa'i bsam pas spyi bo nas bzung ste lus thams cad la byugs nas/ 'jig rten gyi khams thams cad kyi sangs rgyas bcom ldan 'das rnams mngon du byas te/ dran pa dang ldan zhing shes bzhin du sa chen po la brdabs so// zhi ba'i blo gros byang chub sems dpas sa chen po la brdabs ma thag tu/ de nas de'i tshes chen po rnam pa drug tu g.yos so/ / rab tu g.yos so// kun tu rab tu g.yos so// 'gul to// rab tu 'gul to// kun tu rab tu 'gul to// ldeg go// rab tu ldeg / kun tu rab tu ldeg go/ 'khrugs so// rab tu 'khrugs so// kun tu rab tu 'khrugs so// 'ur 'ur ro// rab tu 'ur 'ur ro// kun tu rab tu 'ur 'ur ro// chem tshim me/ rab tu chem chem mo// kun tu rab tu chem chem mo// shar phyogs dma' na nub phyogs mtha'o// nub phyogs dma' na shar phyogs mtho'o// lha phyogs dma' na byang phyogs mtho'o/ / byang phyogs dma' na lho phyogs mtho'o// mtha' mtho na dbus dma' 'o// dbus mtho na mtha' dma' 'o// zhi ba'i blo gros de ltar rnam pa drug dang / ltas chen po bco brgyad du sa g.yos pa chen po 'jig rten du byung bar gyur to/ / bdud sdig can rnams kyis kyang 'ur sgra dang / tug chom gyi sgra chen po dang / zung zhig pa dang rgyob cig pa dang / chings shig pa dang / sod cig pa'i sgra thos so// bdud kyi 'khor gyis ni byang chub sems dpa'i mthus/ steng gi bar snang la 'di lta bu'i sgra 'di thos so// drang srong nang na drang srong mchog/ de ni mi 'jigs sbyin pa ste// srog chags kun gyi skyabs yin gyis// 'di la skyabs su 'gro bar gyis// zhi ba'i blo gros bdud kyi 'khor gyis sgra de thos pa dang / gnod sbyin bye ba khrag khrig brgya stong phrag brgyad cu kha bub tu sa la 'gyel nas/ skyes bu chen po yongs su bskyab tu gsol yongs su bskyab tu gsol zhes tshig de smras so/ / bdud sdig can lhag ma rnams ni dpung gi tshogs dang lhan cig tu 'bros par 'dod na 'bros ma nus nas/ de dag la snying brtse ba'i phyir byang chub sems dpas lus las 'od byung ba dang / 'od des de dag 'jigs pa thams cad dang bral te rang rang gi gnas su dong ngo // zhi ba'i blo gros byang chub sems dpas bdud 'dul ba'i rnam par sprul pa 'di bstan pa na/ bdud kyi 'khor de las gnod sbyin bye ba khrag khrig brgya stong phrag brgyad cus ni/ bla na med pa yang dag par rdzogs pa'i byang chub tu sems bskyed do/ / srog chags bye ba khrag khrig brgya stong phrag dgu bcu rtsa dgus ni/ bla na med pa yang dag par rdzogs pa'i byang chub tu sems bskyed do// lha'i ba sngon sbyang ba byas pa brgyad khri bzhi stong ni mi skye ba'i chos la bzod pa thob par gyur to/ / bdud btul ba'i le'u zhes bya ste bcu gsum pa'o// // zhi ba'i blo gros de ltar lha dang mi kha cig gis ni de ltar bdud 'dul ba tshad med pa dang ldan par shes so/ / kha cig gis ni bdud yongs thams cad du ma 'ongs par shes so// kha cig gis ni byang chub sems dpa' rtswa bting ba la 'dug par shes so/ / kha cig gis ni byang chub sems dpa' rin po che'i pad+ma bkod pa'i seng ge'i khri la 'dug par mthong ngo // kha cig gis ni byang chub sems dpa' sa la 'dug par mthong ngo / / kha cig gis ni byang chub sems dpa'anam mkha'i dkyil na gnas pa'i seng ge'i khri la 'dug par mthong ngo // kha cig gis ni byang chub kyi shing shing gi rgyal po a shwad thar mthong ngo / / kha cig gis ni byang chub kyi shing yongs 'du sa brtol du mthong ngo // kha cig gis ni byang chub kyi shing rin po che thams cad kyi rang bzhin can du mthong ngo/ / lha dang mi kha cig gis ni byang chub kyi shing shing ta la'i srid tsam du mthong zhing / seng ge'i khri shing ta la'i phyed tsam du mthong ngo // kha cig gis ni byang chub kyi shing shing ta la bdun srid tsam du mthong zhing / seng ge'i khri shing ta la phyed dang gnyis srid tsam du mthong ngo // kha cig gis ni byang chub kyi shing dpag tshad brgyad khri bzhi stong pa'i bar du mthong zhing / sa ge'i khri dpag tshad bzhi khri nyis stong par mthong ngo / / lha dang mi kha cig gis ni byang chub sems dpa' bdud 'dul bar mthong ngo // kha cig gis ni bdud gcig mthong ngo // kha cig gis ni budad rgya chen por mthong ngo / / kha cig gis ni byang chub sems dpa' bdud 'joms pa la rtse bar mthong ngo // kha cig gis ni byang chub sems dpa' nam mkha'i dkyil na gnas shing nam mkha' la 'dug pa'i byang chub kyi shing drung na seng ge'i khri la 'dug cing / byang chub sems dpa' byang chub mngon par rdzogs par 'tshang rgya bar mthong ste/ zhi ba'i blo gros de ltar byang chub sems dpa' rnams ni yul mtha' med pa yin te/ byang chub kyi snying po mchog dam pa na 'khod pa de dag gi yon tan gyi rgyu'i khyad par ni tshad med par snang ngo // ni blo gros byang chub sems dpa' byang chub kyi snying po mchog dam par 'dug pa dang / sngon mthun par spyod pa'i byang chub sems dpa' grangs med dpag tu med pa dag phyogs bcu'i 'jig rten gyi khams tshad med grangs med pa dag nas lhags te/ mi 'jigs pa'i sgra rjod cing shis pa'i sgra dang / bde ba'i sgra dang / kun dga' ba'i sgra dang mgyogs pa'i sgra dang / myur ba'i sgra dang / legs pa'i sgra dang / don yod pa'i sgra dang / dpa' ba'i sgra dang / skyes bu dam pa'i sgra dang / phyir mi ldog pa'i sgra dang / rgyas pa'i sgra dang / bkra shis pa'i sgra dang / mi gdung ba'i sgra dang / ma zhum pa'i sgra dang / sngon gyi bsam pa'i sgra dang / spong ba don yod pa'i sgra dang / yid bde ba'i sgra dang / rdo rje ltar mkhregs pa'i sgra dang / skyes bu dam pa rnam par rtsen pa'i sgra dang / phan pa'i sgra dang / skad cig gcig dang ldan pa'i sgra dang / thams cad mkhyen pa'i ye shes kyi sgra dang / mngon par rdzogs par byang chub pa'i sgra rjod de/ zhi ba'i blo gros de ltar byang chub kyi snying po mchog dam pa la 'dug pa'i byang chub sems dpa' la phyogs bcu'i 'jig rten gyi khams nas 'dus pa'i byang chub sems dpa' rnams kyi dbugs 'byin pa rnam pa sna tshogs brgya stong dag gis dbugs 'byin to/ / mchod pa rnam pa sna tshogs byed do/ / bstod pa rnam pa sna tshogs byed do// 'di ni byang chub sems dpa' sngon legs par spyad pa ste/ des na phyogs bcu'i 'jig rten gyi khams nas 'dus pa'i byang chub sems dpa' de dag byang chub kyi snying po mchog dam par 'dug pa la dbugra 'byin cing mchod pa byed kyang / byang chub sems dpa' de'ang rjes su chags pa med la/ bdud kyi sde la'ang khong khro ba med do/ / zhi ba'i blo gros byang chub sems dpa' rjes su chags pa dang / khong khro ba dang bral bas skad cig gcig dang ldan pa'i shes rab kyis shes par bya ba dang // blta bar bya ba dang / thob par bya ba dang / mngon par rdzogs par byang chub par bya ba gang ci'ang rung ste/ de thams cad mngon par rdzogs par sangs rgyas so// zhi ba blo gros byang chub brnyes pa'i de bzhin gshegs pa la phyogs bcu nas sangs rgyas bcom ldan 'das grangs med dpag tu med pa dag gis phyag g.yas pa brkyang ste/ sgyu ma mnyal tam zhes spyan gsol lo/ / mnyel ba mi mnga' bar byang chub bam/ rang byung du mngon par rdzogs par byang chub bam/ sgrib pa mi mnga' bar mngon par rdzogs par byang chub bam/ mnyam pa nyid kyi ye shes kyis mngon par rdzogs par byang chub bam/ kun tu ye shes kyis mngon par rdzogs par byang chub bam/ spyod yul ma 'dres pa dang ldan nam/ snying rje chen po'i go cha bgos sam/ dkon mchog gsum gyi rigs bsabs sam/ chos thams cad la dbang sgyur ram zhes yongs su 'dri'o/ / de la sems can gang dag dbang po yongs su smin pa de dag gis ni bya ba de shes so// sems can gang dag dbang po yongs su ma smin pa de dag gis ni bya ba de mi shes so/ / zhi ba'i blo gros byang chub brnyes pa'i de bzhin gshegs pa zhag bdun gyi bar du spyan mi 'dzum par chos kyi dga' ba'i bde ba nyams su bstar te/ sman mi 'dzums par byang chub kyi shing la'ang gzigs so/ / lha'i bu stong yang de la mchod do// bstod do// phyag 'tshal lo// lha'i bu mo brgya stong dag kyang de la mchod pa byed do// bstod do// phyag 'tshal lo// de bzhin gshegs pa'i spyod lam mthong nas/ bla na med pa yang dag par rdzogs pa'i byang chub tu sems kyang bskyed do// zhi ba'i blo gros de bzhin gshegs pas byang chub brnyes pa dang / rgyal po chen po bzhi lhung bzed rnams thogs te/ de bzhin gshegs pa'i gan du dong bar gyur to// bzhi gang zhe na/ yul 'khor srung dang / 'phags skyes po dang / mig mi bzang dang / rgyal po chen po rnam thos kyi bu ste/ rgyal po chen po bzhi po de dag go// gling bzhi pa 'di nas ji ltar dong ba de bzhin du gling bzhi pa bye ba phrag brgya nas rgyal po chen po bye ba phrag bzhi brgya lhung bzed rnams thogs te/ de bzhin gshegs pa'i gan du dong ngo // zhi ba'i blo gros de bzhin gshegs pas lhung bzed bye ba phrag bzhi brgya rnams bzhes te/ bzhes nas kyang lhung bzed gcig tu byin gyis brlabs nas/ rgyal po chen po re re'ang 'di snyam du de bzhin gshegs pas bdag gi lhung bzed bzhes so/ / de bzhin gshegs pa bdag gi lhung bzed du gsol la snyam du sems te/ de dag dga' ba dang / mchog tu dga' ba de nyid kyis bla na med pa yang reg par rdzogs pa'i byang chub las phyir mi ldog par gyur to/ / zhi ba'i blo gros de bzhin gshegs pas byang chub bsnyes nas/ tshong pa ga gon dang / bzang po dang / gzhan yang lha'i bu drug khri de bzhin gshegs pa'i thog ma'i zhal zas thogs nas dong bar gyur te/ de dag ni sngan 'di skad du bdag cag gis de bzhin gshegs pa la thog mar zhal zas dbul lo zhes smon lam btab par gyur pa dag go/ / de dag gis de bzhin gshegs pa la thog mar zhal zas phul nas dga' ba dang / mchog tu dga' ba de nyid kyis bla na med pa yang dag par rdzogs pa'i byang chub las phyir mi ldog par gyur to/ / zhi ba'i blo gros de ltar byang chub sems dpa'i byang chub kyi snying po mchog dam par 'dug ste/ thams cad mkhyen pa thob pa las byang chub brnyes pa dang / de bzhin gshegs pas chos kyi 'khor lo ma bskor ba'i bar du sems can gyi don mdzad pa de ni rab tu mang gi/ sems dang po bskyed pa nas bzung ste/ byang chub kyi snying por song ba'i bar du ni de lta ma yin no// zhi ba'i blo gros khyed kyis rnam grangs 'dis kyang ji lta ji ltar byang chub sems dpa' byang chub la nye bar gyur pa de lta de ltar sems can tshad med pa'i don byed pa de ltar shes par bya'o/ / zhi ba'i blo gros de bzhin gshegs pas byang chub brnyes nas tshangs pa gtsug bud can zhes bya ba tshangs ris kyi lha'i bu 'bum phrag drug cu rtsa brgyad kyis bskor cing mdun du bdar te/ tshangs pa'i 'jig rten nas mi snang bar gyur nas/ bcom ldan 'das kyi spyan sngar byin te/ bcom ldan 'das kyi zhabs la mgo bos phyag 'tshal nas lan bdun bskor ba byas te/ bcom ldan 'das la chos kyi 'khor lo bskor ba'i phyir/ sems can chos snod du gyur pa dag mchis te/ de bzhin gshegs pa'i chos bstan pa 'tshal bar 'gyur gyis/ bcom ldan 'das kyis chos bstan du gsol/ bde bar gshegs pas chos bstan du gsol/ zhes gsol ba btab bo// de ni sngon gyi smon lam gyis gyur pa ste/ gang gis rgyal po yul 'khor srung gi bur khas blangs nas/ bdag gis bskal pa bzang po pa'i de bzhin gshegs pa byang chub brnyes pa thams cad la chos kyi 'khor lo bskor bar bskal lo zhes smon lam btab pa yin no/ / zhi ba'i blo gros tshangs pa gtsug pud can nyid kyis de bzhin gshegs pa la chos kyi 'khor lo bskor bar gsol ba btab kyi/ gzhan dag gis ni ma yin no snyam du khyod sems na de ltar mi blta'o// de ci'i phyir zhe na/ ji ltar tshangs pa gtsug bud can gyis gsol ba btab pa de bzhin du/ tshangs pa bye ba phrag bcus kyang de bzhin gshegs pa la gsol ba btab par gyur to// brgya byin bye ba phrag bcu dang / byang chub sems dpa' bye ba phrag bcus kyang bcom ldan 'das la chos kyi 'khor lo bskor bar gsol ba btab par gyur to/ / gang gi tshe bcom ldan 'das kyis chos kyi 'khor le bskor bar gnang ba de'i tshe/ tshangs pa gtsug bud can gyis grong khyer wA ra NA sir drang srong ltung ba ri dgas kyi nags su bcom ldan 'das kyi seng ge'i khri 'phang du dpag tshad bzhi khri nyis stong yod pa/ rnam pa thams cad kyi mchog dang ldan pa/ bkra ba/ blta na sdug pa sa'i steng na 'dug pa bshams par gyur to// ji ltar tshangs pa gtsug pud can gyis de bzhin gshegs pa'i seng ge'i khri bshams par gyur pa de bzhin du/ tshangs pa bye ba phrag bcu dang / brgya byin bye ba phrag bcu dang / byang chub sems dpa' 'khor dang bcas pa bye ba phrag bcus kyang bcom ldan 'das kyi seng ge'i khri bkra ba/ blta na sdug pa/ rnam pa thams cad kyi mchog dang ldan par bshams par gyur to// zhi ba'i blo gros de nas bcom ldan 'das grong khyer chen po wA ra NA si ga la ba dang / drang srong lhung ba ri dgas kyi gnas ga la ba der gshegs te/ byon nas seng ge'i khri de dag thams cad la bdag nyid bzhugs par kun tu bstan to/ / de na re res kyang de bzhin gshegs pa bdag gi seng ge'i khri la bzhugs so// bdag gi seng ge'i khri la bzhugs nas chos kyi 'khor lo bskor bar 'gyur bar shes te/ de dag dga' ba dang mchog tu dga' ba de nyid kyis bla na med pa yang dag par rdzogs pa'i byang chub las phyir mi ldog par gyur to// bcom ldan 'das seng ge'i khri de la bzhugs ma thag tu/ de nas de'i tshe phyogs bcu mtha' yas mu med pa'i 'jig rten gyi khams rab tu g.yos te/ snang ba chen pos khyab par gyur de nas de'i tshe bcom ldan 'das kyis yul mtha' yas pa zhes bya ba'i ting nge 'dzin la mnyam par gzhag go/ / bcom ldan 'das kyis yul mtha' yas pa'i ting nge 'dzin de la mnyam par gzhag ma thag tu/ de nas de'i tshe stong gsum gyi stong chen po'i 'jig rten gyi khams bskam par gyur par gnas te/ lag mthil ltar gyur to// stong gsum gyi stong chen po'i 'jig rten gyi khams na sems can dmyal ba pa 'am/ dud 'gro'i skye gnas pa 'am/ gshin rje'i 'jig rten pa 'am/ mi 'am/ lha 'am/ sems can ji snyed yod pa de dag thams cad de'i tshe bde ba dang ldan par gyur te/ sems can gang la'ang 'dod chags kyis gnod pa med cing / zhe sdang gis ma yin/ gti mug gis ma yin te/ nyon mongs pa thams cad kyis gnod pa med cing gcig la gcig pa ma tsam du 'du shes te byams pa'i sems dang ldan par gyur te// bcom ldan 'das kyis yul bsam gyis mi khyab pa'i ting nge 'dzin de la mnyam par gzhag ma thag tu de'i tshe/ bcom ldan 'das la chos nyan pa'i phyogs bcu nas byang chub sems dpa' grangs med dpag tu med pa dag lhags par gyur to/ / stong gsum gyi stong chen po'i 'jig rten gyi khams na dbang che bar grags pa'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa ji snyed 'khod pa de dag thams cad kyang bcom ldan 'das las chos mnyan pa'i phyir/ bcom ldan 'das ga la ba der dong ngo // zhi ba'i blo gros de ltar de'i tshe stong gsum gyi stong chen po'i 'jig rten gyi khams 'di na/ bcom ldan 'das la chos nyan pa dbang che ba/ dbang che bar grags pa dag gis sa phyogs gang khyab par ma gyur pa de ni tha na skra'i rtse mo'i cha bzhag pa tsam yang med do/ / de nas bcom ldan 'das kyis 'khor chen po de 'dus par mkhyen nas dran pa dang ldan zhing mkhyen bzhin du ting nge 'dzin de las bzhengs te/ de bzhin gshegs pa'i spyan thugs rje chen pos bskyod pas thams cad dang ldan pa'i 'jig rten la rnam par gzigs nas dge sbyong ngam/ bram ze 'am/ gang yang rung bas chos dang mthun par 'jig rten du ma bskor ba'i chos kyi 'khor lo bskor to/ / zhi ba'i bla gros de bzhin gshegs pas chos kyi 'khor lo de ni ci nas kyang 'khor 'dus pa'i sems can rnams rang rang gi rnam par rig pa bzhin du kun tu shes te/ sems can thams cad kyi sems kyi bsam pa tshim par bya ba'i phyir bskor te/ gang gi tshe bcom ldan 'das kyis chos kyi 'khor lo bskor ba de'i tshe chos mnyan pa'i phyir phyogs bcu nas byang chub sems dpa' grangs med dpag tu med pa dag 'dus par gyur to/ / 'dod pa na spyod pa dang / gzugs na spyod pa'i lha'i bu bye ba khrag khrig brgya stong dag kyang 'dus par gyur to/ / zhi ba'i blo gros de la gang gi tshe/ bcom ldan 'das kyis gsung 'di skad du/ ko'u di n+ya mig mi rtag go zhes bka' stsal pa de la sdug bsngal gyi sgras 'dul ba rnams kyis ni mig sdug bsngal lo zhes thos so/ / bdag med pas 'dul ba rnams kyis ni mig bdag med pa'o zhes thos so/ / stong pa nyid kyis 'dul ba rnams kyis ni mig stong ngo zhes thos so// zhi bas 'dul ba rnams kyis ni mig zhi ba'o zhes thos so// dben pas 'dul ba rnams kyis ni mig dben pa'o zhes thos so/ / mi rtag pas 'dul ba rnams kyis ni mig mi rtag pa'o zhes thos so// gnas med pas 'dul ba rnams kyis ni mig gnas med pa'o zhes thos so// sgyu ma lta bus 'dul ba rnams kyis ni mig sgyu ma lta bu'o zhes thos so// rmi lam lta bus 'dul ba rnams kyis ni mig rmi lam lta bu'o zhes thos so// chu zla lta bus 'dul ba rnams kyis ni mig chu zla lta bu'o zhes thos so/ / mig yor lta bus 'dul ba rnams kyis ni mig mig yor lta bu'o zhes thos so// brag cha lta bus 'dul ba rnams kyis ni mig brag cha lta bu'o zhes thos so/ / de bzhin du stong pa nyid dang / mtshan ma med pa dang / smon pa med pa dang / mngon par 'du byed pa med pa dang / ma skyes pa dang / skye ba med pas 'dul ba rnams kyis ni mig stong pa nyid dang / mtshan ma med pa dang / smon pa med pa dang / mngon par 'du byed pa med pa dang / ma skyes pa dang / ma byung bar zos so/ / rten cing 'brel par 'byung bas 'dul ba rnams kyis ni mig rten cing 'brel par 'byung ba'o zhes thos so// mig ji lta ba bzhin du yid kyi bar du rten cing 'brel par 'byung ngo zhes thos so/ / de bzhin du gzugs rnams dang / sgra rnams dang / dri rnams dang / ro rnams dang / reg bya rnams dang / chos rnams stong ngo zhes thos so/ / kha cig gis ni phung po mi rtag pa dang / kha cig gis ni khams mi rtag par thos so// kha cig gis ni skye mched bdag med pa'o zhes thos so// kha cig gis ni phung po mi rtag pa nyid du thos la/ khams la mi rtag pa nyid du ma yin no// kha cig gis ni khams la mi rtag pa nyid du thos la/ phung por mi rtag pa nyid du ma yin no/ / kha cig gis ni sdug bsngal gyi sgras rnam par grol lo// kha cig gis ni kun 'byung ba'i sgras rnam par grol lo// kha cig gis ni 'gog pa'i sgras rnam par grol lo// kha cig gis ni lam gyi sgras rnam par grol lo// kha cig gis ni dran pa nye bar gzhag pa'i gtam du thos so// kha cig gis ni yang dag par spong ba'i gtam du thos so// kha cig/ gis ni rdzu 'phrul gyi rkang pa'i gtam du thos so// kha cig gis ni dbang po'i gtam du thos so// kha cig gis ni stobs kyi gtam du thos so// kha cig gis ni byang chub kyi yan lag gi gtam du thos so/ / kha cig gis ni lam gyi gtam du thos so// kha cig gis ni zhi gnas kyi gtam du thos so// kha cig gis ni lhag mthong gi gtam du thos so// kha cig gI ni brten pa'i gtam du thos so/ / kha cig gis ni nyan thos dang rab tu ldan pa'i gtam du thos so// kha cig gis ni rang sangs rgyas dang rab tu ldan pa'i gtam du thos so// kha cig gis ni theg pa chen po dang ldan pa'i gtam du thos to/ / zhi ba'i blo gros de ltar na de bzhin gshegs pas sems can thams cad kyi sems kyis bsam pa tshim par bya ba'i phyir chos kyi 'khor lo bskor to/ / zhi ba'i blo gros de ltar de bzhin gshegs pas chos kyi 'khor lo bskor ba la sems can gyi don mdzad pa gang yin pa de/ dge slong shA ri'i bus kyang sems can de dag bgrang ba'i rtog pas lo brgyar yang rtogs par mi nus na/ sems can gzhan dag gis lta smos kyang ci dgos/ bcom ldan 'das kyis dka' ba spyad pa dang / byang chub kyi snying por 'gro ba dang / bdud 'dul ba dang / bkod pa dang / seng ge'i sgra dang / rnam par rol pa dang / chos kyi 'khor lo bskor ba bstan pa 'od bshad pa na/ srog chags brgyad khri bzhi stong gis bla na med pa yang dag par rdzogs pa'i byang chub tu sems bskyed do/ / sems can tshad med pa dag ni theg pa gsum la yongs su smin par byas so// chos kyi 'khor lo bskor ba'i le'u zhes bya ste bcu bzhi pa'o/ / / de nas bcom ldan 'das la/ gsang ba pa'i bdag po lag na rdo rjes 'di skad ces gsol to/ / bcom ldan 'das bdag gis de skad bstan pas/ de bzhin gshegs pa la skur pa 'am/ gcig tu ma gyur lags sam/ 'on te de bzhin gshegs pa bstan pa dang rjes su mthun pa 'am/ cig tu lta'ang lags sam/ bcom ldan 'das de bzhin gshegs pa'i bstan pa ni zab pa lags/ bcom ldan 'das de bzhin gshegs pa'i gsang ba ni zab ste/ 'jig rten thams cad dang mi mthun pa lags/ bcom ldan 'das de bzhin gshegs pa'i thugs nges par dgongs pa ni zab lags te/ bcom ldan 'das bdag gis gang bstan pa de ni/ 'di ltar de bzhin gshegs pa'i ye shes bdag gi lus la gnas pa lags kyi 'di bdag gi rtsal gyis ni ma lags par 'tshal to// bcom ldan 'das kyis bka' stsal pa/ gsang ba pa'i bdag po de de bzhin no// ji skad du smras pa de bzhin te/ gsang ba pa'i bdag po gang su dag de bzhin gshegs pa'i rjes su 'gro ba'i phyir/ chos smra ba de dag thams cad kyi lus la de bzhin gshegs pa'i ye shes gnas so// de ci'i phyir zhe na/ gsang ba pa'i bdag po gnas ma yin zhing go skabs med de gang de bzhin gshegs pas byin gyis ma rlabs par sems can de dag de bzhin gshegs pa'i gsang ba smra ba 'am/ de bzhin gshegs pa'i chos nyid dang mthun pa de ni gnas ma yin/ no// de ci'i phyir zhe na/ de bzhin gshegs pas byin gyis ma brlabs pa rnams kyis/ de bzhin gshegs pa'i gsang ba shes par ram/ mnyan par ram/ bshad par nus pa su zhig yod/ gsang ba pa'i bdag po de bzhin gshegs pa'i chos nyid ni mchog tu yang dag pa'o// de bzhin gshegs pa'i chos nyid ni de kho na'o// de bzhin gsheg pa'i bzhugs pa ni yang dag pa'o zhes yang dag par smra bas smra ba ni chos kyi rnam grangs 'di nyid yang dag par smra bas smra ba'o/ / de ci'i phyir zhe na/ gsang ba pa'i bdag po 'das pa dang / ma byon pa dang / da ltar byung ba'i sangs rgyas bcom ldan 'das rnams kyis bla na med pa yang dag par rdzogs pa'i byang chub 'jig rten thams cad dang mi mthun pa gang yin pa de ni// chos kyi rnam grangs 'dir bstan to// bsnyad do// rab tu bshad do// gsang ba pa'i bdag po gang dag chos kyi rnam grangs 'di thos nas mos pa dang / yid ches par 'gyur ba'i sems can de dag kyang 'jig rten thams cad dang mi mthun par 'gyur ro/ / gsang ba pa'i bdag po ri'i rgyal po ri rab ni/ mgo bos bsgyel ba 'am/ phrag pa la thogs par nus kyi dge ba'i rtsa ba ma bskyed pa'i sems can rnams kyis ni chos kyi rnam grangs 'di la mos par ram/ dad par ram/ yid ches par yang mi nus na blang bar ram/ kun chub par bya bar ram/ gzung bar ram/ sbyor bar bya ba lta smos kyang ci dgos te/ de ni gnas ma yin no// gsang ba pa'i bdag po gang dag chos kyi rnam grangs 'di nyan pa dang / mos pa'i sems can de dag ni sangs rgyas gcig la bsnyen bkur byas pa ma yin pa nas/ sangs rgyas bcu la bsnyen bkur byas pa ma yin gyi// gsang ba pa'i bdag po skyes bu dam pa de dag ni sangs rgyas bye ba khrag khrig brgya stong mang po la bsnyen bkur byas pa dang / bsod nams kyi tshogs kyi brtan pa dang / theg pa chen po 'di la nges par byas par rig par bya'o/ / gsang ba pa'i bdag po skyes bu dam pa de dag ni sangs rgyas gcig la bsnyen bkur byas pa ma yin/ gnyis la ma yin/ gsum la ma yin/ bzhi la ma yin/ lnga la ma yin/ sangs rgyas bcu la bsnyen bkur byas pa ma yin gyi/ gsang ba pa'i bdag po sems can de dag ni sangs rgyas mang po la bsnyen bkur byas pa dang / yongs su sbyang ba byas pa dang / theg pa chen po 'di la dge ba'i rtsa ba sa bon btab pa yin no// de nas bcom ldan 'das la/ byang chub sems dpa' zhi ba'i blo gros kyis 'di skad ces gsol to// bcom ldan 'das nye bar zhi ba nye bar zhi ba zhes bgyi ba la/ nye bar zhi ba zhes bgyi ba 'di ni gang lags gang nye bar zhi bas nye bar zhi ba zhes bgyi/ bcom ldan 'das kyis bka' stsal pa/ rigs kyi bu nye bar zhi ba zhes bya ba 'di ni nyon mongs pa nye bar zhi ba'i tshig bla dgas so// nyon mongs pa nye bar zhi ba zhes bya ba 'di ni kun tu rtogs pa dang / rnam par rtog pa dang / yongs su rtog pa nye bar zhi ba'i tshig bla dgas so// kun tu rtog pa dang // rnam pa dang / yongs su rtog pa nye bar zhi ba zhes bya ba 'di ni 'du shes yid la byed pa nye bar zhi ba'i tshig bla dgas so// 'du shes yid la byed pa nye bar zhi ba zhes bya ba 'di ni byin ci log nye bar zhi ba'i tshig bla dgas so/ / phyin ci log nye bar zhi ba zhes bya ba 'di ni rgyu dang dmigs pa nye bar zhi ba'i tshig bla dgas so// rgyu dang dmigs pa nye bar zhi ba zhes bya ba 'di ni ma rig pa dang srid pa'i sred pa nye bar zhi ba'i tshig bla dgas so/ / ma rig pa dang srid pa'i sred pa nye bar zhi ba zhes bya ba 'di ni ngar 'dzin pa dang nga yir 'dzin pa nye bar zhi ba'i tshig bla dgas so// ngar 'dzin pa dang nga yir 'dzin pa nye bar zhi ba zhes bya ba 'di ni ming dang gzugs nye bar zhi ba'i tshig bla dgas so// ming dang gzugs nye bar zhi ba zhes bya ba 'ang ni chad pa dang rtag par lta ba bar zhi ba'i tshig bla dgas so/ / chad pa dang rtag par lta ba nye bar zhi ba zhes bya ba 'di ni 'jig tshogs la lta ba nye bar zhi ba'i tshig bla dgas so// zhi ba'i rgyu gros de ltar na dmigs pa dang / rgyu dang / lta ba dang ldan pa'i kun nas nyon mongs pa 'byung ba gang yin pa de dag thams cad 'jig tshogs la lta ba las 'byung ngo // 'jig tshogs la lta ba nye bar zhi na lta ba thams cad nye bar zhi'o/ / 'jig tshogs la lta ba nye bar zhe na smon pa thams cad nye bar zhi'o// 'jig tshogs la lta ba nye bar zhi na nyon mongs pa thams cad nye bar zhi'o/ / zhi ba'i blo gros 'di lta ste/ dper na shing gi rtsa ba bcad na yal ga dang / lo ma dang / yal ga phre'u thams cad skam par 'gyur ro// zhi ba'i blo gros de bzhin du 'jig tshogs la lta ba nye bar zhi na nyon mongs pa thams cad nye bar zhi bar 'gyur ro/ / zhi ba'i blo gros 'jig tshogs la lta ba yongs su mi shes na nye bar len pa dang nye ba'i nyon mongs pa thams cad 'byung ngo / / 'dzag tshogs la lta ba yongs su shes par 'gyur na nye bar len pa dang // nye ba'i nyon mongs pa thams cad mi 'byung ste/ gnod par mi 'gyur ro/ / zhi ba'i blo gros kyis gsol pa/ bcom ldan 'das 'jig tshogs la lta ba yongs su 'tshal ba ji lta bu lags/ bcom ldan 'das kyis bka' stsal pa/ zhi ba'i blo gros bdag kun nas mi slong ba ni 'jig tshogs la lta ba yongs su shes pa'o// sems can kun nas mi slong ba dang / srog dang gang zag tu lta ba dang kun nas mi slong ba ni 'jig tshogs la lta ba yongs su shes pa'o/ / zhi ba'i blo gros lta ba de ni nang na'ang mi gnas phyi rol na'ang mi gnas so// lta ba gnas pa med pa de la mi gnas par shes pa gang yin pa 'di ni/ zhi ba'i blo gros 'jig tshogs la lta ba yongs su shes pa'o// zhi ba'i blo gros 'jig tshogs la lta ba yongs su shes pa zhes bya ba 'di ni stong pa nyid kyi tshig bla dgas te/ stong pa nyid kyi rjes su mthun pa'i bzod pas lta ba de mi 'dzin pa gang yin pa 'di'ang / zhi ba'i blo gros 'jig tshogs la lta ba yongs su shes pa'o// zhi ba'i blo gros mtshan ma med pa dang / smon pa med pa dang / mngon par 'du byed pa med pa dang / ma skyes pa dang / skye ba med pa'i lta bas 'jig tshogs shes bya ba'i lta ba de mi 'dzin pa 'di'ang / zhi ba'i blo gros 'jig tshogs la lta ba yongs su shes pa'o// zhi ba'i blo gros 'jig tshogs zhes bya ba de ni tshogs ma yin pa/ 'byung ba ma yin pa rnam par 'byung ba ma yin pa ste/ de ni gzod ma nyid nas byung ba ma yin pa kun btags pa'o// byung ba ma yin zhing kun btags pa gang yin pa de ni yongs su brtog pa ma yin/ rnam par brtag pa ma yin no// yongs su brtag pa ma yin/ rnam par brtag pa ma yin pa gang yin pa de ni bya ba ma yin pa/ rnam par bsgrub pa ma yin/ pa/ bslang ba ma yin pa/ shes par bya ba ma yin pa'o// bya ba ma yin pa dang / rnam par bsgrub pa ma yin pa dang / bslang ba ma yin pa dang / shes par bya ba ma yin pa gang yin pa de ni zhi ba zhes bya'o/ / gsol pa/ nye bar zhi ba dang ldan pa nye bar zhi ba dang ldan pa zhes bgyi ba/ gang nye bar zhi bas nye bar zhi ba dang ldan pa zhes bgyi bka' stsal pa/ dmigs pas sems 'bar bar byed de/ gang phyis dmigs par mi byed pa de mi 'bar ro// mi 'bar na nye bar zhi ba dang ldan pa zhes byazhi ba gros 'di lta ste/ dper na me ni rgyu las 'bar gyi/ rgyu med na 'chi bar 'gyur ro// de bzhin du dmigs pa las sems 'bar gyi/ mims pa ma / bam po bdun pa// zhi ba'i blo gros de la byang chub sems dpa' thabs la mkhas pa shes rab kyi rang ba zhi ba nyid du'ang rab tu shes la/ dge ba'i rtsa ba la dmigs pa'ang zhi bar mi byed do// nyon mongs pa la dmigs pa'ang mi skyed la/ ral tu do/ / bdud dang nye ba'i nyon mongs pa'i dmigs pa'ang spong la/ byang chub kyi phyogs dang mthun pa'i chos la dmigs pa'ang mi spang // nyan thos dang rang sangs rgyas kyi chos 'dang / ba la dmigs pa'ang mi len la/ thams cad mkhyen pa nyid kyi sems la dmigs pa'ang mi 'dor ro// stong pa nyid du dmigs pa la'ang rab tu rtog la/ sems can thams cad snying rje chen po'i dmigs par yang lta'o/ / zhi ba'i blo gros de ltar byang chub sems dpa' thabs la mkhas pa shes rab kyi pha rol tu phyin pa yongs su dag pa ni dmigs pa la dab thob ste/ ma skyes pa'i dmigs pa la'ang nges par sems la/ bsams bzhin du skye ba'i dmigs pa'ang mi spong ngo // mngon par 'du bya ba med pa'i dmigs pa la'ang 'jug la/ dge ba'i rtsa ba mngon par 'du bya ba'i dmigs pa'ang nyams 'og tu chud par byed do// mtshan ma med pa'i dmigs pa la'ang dpyod la/ byang chub kyi sems kyi dmi pa'ang chud mi gson to/ / smon pa med pa'i dmigs pa'ang rnam par mthong la/ khams gsum pa'i dmigs pa la'ang mi smod do// shes rab dang thabs las nges par byung ba/ de ni dmigs pa thams cad la dbang byed par 'gyur te/ de mi sdug pa la dmigs nas/ de bzhin gshegs pa'i ska sdug pa la sems gnas so// mi reg pa la dmigs nas/ 'khor ba la sems yongs su mi skyo ba nyid du sems gnas so// sdug bsngal la dmigs nas/ sems can thams cad mya ngan las 'das pa bde ba la bgod par sems gnas so/ / bdag med pa la dmigs nas/ sems can thams cad la snying rje chen po'i sems gnas so// 'dod chags la dmigs nas/ sems can 'dod chags la spyod pa rnams la mi sdug pa'i sman chen po yang dag par bstan par sems gnas so// zhe sdang la dmigs nas/ sems can zhe sdang la spyod pa rnam la byam pa chen po'i sman chen po yang dag par bstan par sems gnas so/ / gti mug la dmigs nas/ sems can gti mug la spyod pa rnams la rten cing 'brel par 'byung ba'i sman chen po yang dag par bstan par sems gnas so/ / cha mnyal dmigs nas/ sems can cha mnyam pa la spyod pa rnams la mi rtag pa'i 'du shes kyi sman chen// po yang dag par bstan par sems gnas so// 'dod chags dang bral ba la dmigs nas/ nyan thos su 'dul bar sems gnas so// zhe sdang dang bral ba la dmigs nas rang sangs rgyas su 'dul bar sems gnas so/ / gti mug dang bral ba la dmigs nas/ byang chub sems dpar 'dul bar sems gnas so// gzugs la dmigs nas/ de bzhin gshegs pa'i gzugs thob par bya bar sems gnas so// sgra la dmigs nas/ de bzhin gshegs pa'i sgra dbyangs thob par bya bar sems gnas so// dri la dmigs nas/ de bzhin gshegs pa'i tshul khrims kyi dri bsrung thob par bya bar sems gnas so// ro la dmigs nas/ de bzhin gshegs pa'i skyes bu chen po'i mtshan ro bro ba'i mchog thob par bya bar sems gnas so/ / reg bya la dmigs nas/ de bzhin gshegs pa'i phyag dang zhabs 'jam zhing gzhon pa thob par bya bar sems gnas so/ / chos la dmigs nas/ de bzhin gshegs pa'i sems nges par sems pa thob par bya bar sems gnas so// sbyin pa la dmigs nas/ mtshan dang dpe byad bzang po thob par bya bar sems gnas so/ / tshul khrims la dmigs nas/ sangs rgyas kyi zhing yongs su dag par sems gnas so// bzod pa la dmigs nas// / tshangs pa'i sgra dbyangs dang gser gyi mdog tu 'dug pa'i pags pa thob par bya bar sems gnas so// brtson 'grus la dmigs nas/ sems can thams cad bsgral bar sems gnas so/ / bsam gtan la dmigs nas/ mngon par shes pa bskyed par sems gnas so// shes rab la dmigs nas/ sems can thams cad kyi lta ba dang / nyon mongs pa'i kun nas nyon mongs pa rgyun bcad par sems gnas so// byams pa la dmigs nas/ sems can thams cad la khong khro ba'i sems med par bya bar sems gnas so/ / snying rje la dmigs nas/ dam pa'i chos yongs su gzung bar sems gnas so// dga' ba la dmigs nas/ chos bstan pa la mchog tu dga' bar bya bar sems gnas so// btang snyoms la dmigs nas/ sems can rjes su chags pa dang khong khro ba spong ba la sbyar bar sems gnas so/ / bsdu ba'i dngos po la dmigs nas/ sems can yongs su smin par bya bar sems gnas so// ser sna'i skyon la dmigs nas/ bdog pa thams cad yongs su btang bar sems gnas so/ / 'chal pa'i tshul khrims kyi skyon la dmigs nas/ tshul khrims rnam par dag par bya bar sems gnas so// gnod sems kyi skyon la dmigs nas bzod pa'i stobs dang nges pa la sems gnas so/ / le lo'i skyon la dmigs nas/ de bzhin gshegs pa'i stobs yongs su bsgrub par sems gnas so/ / g.yeng ba'i skyon la dmigs nas/ de bzhin gshegs pa'i bsam gtan thob par bya bar sems gnas so// 'chal pa'i shes rab kyi skyon la dmigs nas/ chags pa med pa'i ye shes rab tu rdzogs par bya bar sems gnas so// nyan thos dang rang sangs rgyas yid la byas nas/ theg pa chen po yang dag par bsgrub/ par sems gnas so// yid 'byung ba yid la byas nas/ sdig pa thams cad mi bya bar sems gnas so// ngan 'gro ngan song yid la byas nas/ ngan 'gro ngan song dang mi khom par skyes pa'i sems can thams cad yongs su bskyab par sems gnas so/ / lha yid la byas nas/ 'byor pa thams cad mthar rgud par 'gyur bar sems gnas so/ / mi yid la byas nas/ snying po blang bar sems gnas so// sangs rgyas rjes su dran pa yid la byas nas/ sangs rgyas dang phrad par bya bar sems gnas so/ / chos rjes su dran pa yid la byas nas/ slob dpon gyi chos la dpe mkhyud med par bya bar sems gnas so// dge 'dun rjes su dran pa yid la byas nas/ phyir mi ldog pa'i chos thob par bya bar sems gnas so// gtong ba rjes su dran pa yid la byas nas/ gtong ba thams cad yongs su gtong bar sems gnas so/ / tshul khrims rjes su dran pa yid la byas nas/ smon pa dang / bsam gtan dang / byang chub kyi yan lag yongs su rdzogs par bya bar sems gnas so/ / lha rjes su dran pa yid la byas nas/ lha thams cad kyis bstod cing bsngags pa'i sangs rgyas kyi ye shes la gnas par bya bar sems/ gnas so// lus yid la byas nas/ sangs rgyas kyi sku thob par bya bar sems gnas so// ngag yid la byas nas/ sangs rgyas kyi gsung zab par bya bar sems gnas so/ / sems yid la byas nas/ sangs rgyas dang mnyam pa'i sems thob par bya bar sems gnas so// 'dus byas la dmigs nas/ de bzhin gshegs pa'i ye shes yongs su rdzogs par bya bar sems gnas so/ / 'dus ma byas la dmigs nas/ sangs rgyas kyi ye shes yongs su rdzogs par bya bar sems gnas te/ zhi ba'i blo gros de ltar na byang chub sems dpa' thams cad mkhyen pa'i ye shes kyi phyir yid la mi byed pa'i dmigs pa de gang yang med do// byang chub sems dpa' de'i dmigs thams cad ni byang chub tu yongs su bsngos pa'o/ / chos thams cad byang chub kyi rjes su song bar mthong ba 'di'ang byang chub sems dpa'i thabs la mkhas pa ste'i blo gra 'di lta ste/ dper na stong gsum gyi stong chen po'i 'jig rten gyi khams na sa la skye ba ni/ skye ba ji lta bar skyes pa'i sems can rnams kyi yongs su spang bar mi 'gyur ba gang yang med do/ / zhi ba'i blo gros de bzhin du byang chub sems dpa' thabs la mkhas pa'i byang chub kyi phyir yongs su spyad pa dang / byang chub kyi phyir phan 'dogs par mi mthong pa'i dmigs pa gang yang med do/ / zhi ba'i blo gros 'di lta ste/ dper na gzugs gang ci'ang rung ste/ de thams cad ni 'byung ba chen po bzhi las gyur pa'o// zhi ba'i blo gros de bzhin du thabs la mkhas pa'i byang chub sems dpa' rnams kyi dmigs pa gang ci'ang rung ste/ de thams cad ni byang chub kyi rnam pa dang yang dag par ldan pa'o// zhi ba'i blo gros sems can gang dag 'jungs pa dang / byas pa mi gzo ba de dag las byang chub sems dpa'i sbyin pa'i pha rol tu phyin pa dang / tshul khrims kyi pha rol tu phyin pa yongs su rdzogs par 'gyur ro/ / sems can gang dag khro ba la spyod pa dang / lo lo can de dag las byang chub sems dpa'i bzod pa'i pha rol tu phyin pa dang / brtson 'grus kyi pha rol tu phyin pa yongs su rdzogs par 'gyur ro/ / sems can gang dag glen pa dang / rmongs pa de dag las byang chub sems dpa'i bsam gtan gyi pha rol tu phyin pa dang / shes rab kyi pha rol tu phyin pa yongs su rdzogs par 'gyur ro// sems can gang dag pan mi 'dogs pa de dag la byang chub sems dpa' khong khro ba'i semaso su mi 'gyur ro/ / sems can gang dag phan 'dogs pa de dag la byang chub sems dpa' rjes su chags pa'i sems su mi 'gyur ro// sems can gang dag bsngags pa rjod pa de dag la'ang byang chub sems dpa' khengs par mi 'gyur ro/ / sems can gang dag bsngags pa mi rjod pa de dag la'ang byang chub sems dpa' rtso bar mi 'gyur ro/ / sems can gang dag sdug bsngal ba de dag la byang chub sems dpa' snying rje chen po skye'o// sems can gang dag bde ba de dag la byang chub sems dpa' dga'// pa dang mchog tu dga' ba skye'o// sems can gang dag gdul dka' ba dang / dmu rgod de dag la byang chub sems dpa' zhi gnas kyi sems skye'o// sems can gang dag cang shes pa de dag la byang chub sems dpa' byas pa gzo ba'i blo skya'o/ / sems can gang dag rkyen gyi stobs can yin pa de dag la byang chub sems dpa' rjes su bsrung ba'i bla skye'o/ / sems can gang dag rgyu'i stobs can yin pa de dag la byang chub sems dpa' chad pas bcad pa dang / bsdigs pa dang / gdams pa'i blo skye'o// sem can gang dag zur tsam gyis go ba de dag la byang chub sems dpas zab mo'i gtam brjod par bya'o/ / sems can gang dag rnam par spros pas go ba de dag la byang chub sems dpas gtam rgyas par brjod par bya'o/ / sems can gang dag kri dgos pa de dag la byang chub sems dpas gtam go rims su phab ste brjod par bya'o// sems can gang dag tshig lhur len pa de dag la tshig dang yi ge bsnyungs te gtam brjod par bya'o/ / gang dag zhi gnas sngon du 'gro ba de dag lhag mthong gi gtam brjod par bya'o// gang dag lhag mthong sngon du 'gro ba de dag la ting nge 'dzin la 'jug pa'i gtam brjod par bya'o/ / gang dag tshul khrims la chags pa de dag la mthar phyin pa ma yin pas yang sems can dmyal ba'i gtam brjod par bya'o/ / sems can gang dag thos pa la chags pa de dag la 'byung ba'i gtam brjod par bya'o// sems can gang dag ting nge 'dzin la chags pa de dag la shes rab la 'jug pa'i gtam brjod par bya'o/ / sems can gang dag dgon pa'i gnas la chags pa de dag la sems dben par bya ba'i gtam brjod par bya'o// gang dag sbyangs pa'i yon tan dang yo byad bsnyungs pa la chags pa de dag la 'phags pa'i shes rab kyi dbang ba'i gtam brjod par bya'o// gang dag gti mug che ba de dag la thos pas snang ba'i gtam brjod par bya'o/ / gang dag 'dod chags kyis non pa de dag la mi sdug pa'i gtam brjod par bya'o// gang dag zhe sdang gis nan pa de dag la byams pa'i// gtam brjod par bya'o// gang dag gti mug gis non pa de dag la rten cing 'brel par 'byung ba'i gtam brjod par bya'o// sems can gang dag cha mnya pa la spyod pa de dag la skabs skabs su gtam rgyas par brjod par bya ste/ 'di lta ste/ mi sdug pa'i gtam dang / byams pa'i gtam dang / rten cing 'brel par 'byung ba'i gtam brjod par bya'o/ / sems can gang dag rjes su mthun pa'i gtam gyis 'dul ba de dag la/ lhag pa'i tshul khrims kyi gtam brjod par bya/ lhag pa'i sems kyi gtam brjod par bya/ lhag pa'i shes rab kyi gtam brjod par bya'o// gang dag sangs rgyas kyis 'dul ba de dag la bden pa'i gtam gyi rjes su mthun par byang chub kyi phyogs kyi chos kyi gtam brjod par bya'o/ / sems can gang dag sma dbab pas 'dul ba de dag la gdong bsgyur te phyis chos kyi gtam brjod par bya'o// gang dag rgyun mi 'chad pa bstan pas 'dul ba de dag la rtag par rgyun du bstan pa bstan par bya'o/ / dbang po yongs su ma smin pa rnams la ni chos kyi gtam brjod par mi bya'o// gang dag sna tshogs kyi gtam gyis 'dul ba de dag la rtogs pa brjod pa dang / gtan la bab pa bstan pa dang / dpe dgod pa'i gtam brjod par bya'o// sems can gang dag zab mo'i gtam gyis 'dul ba de dag la rten cing 'brel par 'byung ba'i gtam dang / sems can med pa'i gtam dang / gang zag med pa'i gtam brjod par bya'o// lta bar bying ba rnams la stong pa nyid kyi gtam brjod par bya'o/ / rnam par rtog pa la spyod pa rnams la mtshan ma med pa'i gtam brjod par bya'o// sems can smon lam spyod pa rnams la smon pa med pa'i gtam brjod par bya'o/ / phung po la gnas pa rnams la sgyu ma'i chos nyid kyi gtam brjod par bya'o// khams la gnas pa rnams la rab tu dben pa'i gtam brjod par bya'o// skye mched la gnas pa rnams la rmi lam lta bu'i gtam brjod par bya'o/ / 'dod pa'i khams la gnas pa rnams la kun tu 'bar ba'i gtam brjod par bya'o// gzugs kyi khams la gnas pa rnams la 'du byed thams cad sdug bsngal ba'i gtam brjod par bya'o/ / gzugs med pa'i khams la gnas pa rnams la 'du byed thams cad mi rtag pa'i gtam brjod par bya'o// sdug bsngal gyis 'dul ba rnams la 'phags pa'i rigs chog shes pa'i gtam brjod par bya'o// bde bas 'dul ba rnams la bsam gtan dang tshad med pa'i gtam brjod par bya'o// lhas 'dul ba rnams la gcig tu bde ba'i gtam brjod par bya'o// mtshan mas 'dul ba rnams la nga'i ba med pa dang yongs su 'dzin pa med pa'i gtam brjod par bya'o// nyan thos kyis 'dul ba rnams la rjes su bstan pa dang de bya ba'i gtam brjod par bya'o/ / rang sangs rgyas kyis 'dul ba rnams la don nyung ba dang bya ba nyung ba'i gtam brjod par bya'o/ / sems dang po bskyed pa'i byang chub sems dpa' rnams la lhag pa'i bsam pa dang snying rje chen po'i gtam brjod par bya'o// spong ba la zhugs pa'i byang chub sems dpa' rnams la 'khor bas yongs su mi skyo ba'i gtam brjod par bya'o/ / phyir mi ldog pa'i byang chub sems dpa' rnams la sangs rgyas kyi zhing yongs su sbyangs pa'i gtam brjod par bya'o/ / skye ba gcig gis thogs po'i byang chub sems dpa' rnams la byang chub kyi snying po'i rgyan gyi gtam brjod par bya'o// sems can gang dag sangs rgyas kyis 'dul ba de dag la byang chub sems dpas ma tshang ba med pa dang 'bras bu yod pa'i gtam brjod par bya'o/ / zhi ba'i blo gros de ltar na byang chub sems dpa' thabs dang shes rab yongs su dag cing dmigs pa la dbang thob pa ni 'bras bu yod pa'i chos ston pa yin/ legs par bshad pas sems can thams cad tshim par byed pa yin no// bstan pa 'di bshad pa na srog chags khris bla na med pa yang dag par rdzogs pa'i byang chub tu sems bskyed do// byang chub sems dpa' lnga brgya ni mi skye ba'i chos la bzod pa skyes so/ / dmigs pa'i le'u zhes bya ste bco lnga pa'o// // de nas 'khor de'i nang nas byang chub sems dpa' kha cig 'di snyam du sems te/ kye ma gsang ba pa'i bdag po lag na rdo rje 'di ji srid cig na bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur/ de'i sangs rgyas kyi zhing ki ming de tsa zhes bya bar 'gyur/ de byang chub thob pa'i ming ni tsa zhes bya bar 'gyur/ de'i byang chub sems dpa'i 'khor ni ci 'dra ba zhig tu 'gyur snyam mo// de nas bcom ldan 'das kyis de'i tshe byang chub sems dpa' de dag gi sems kyis yongs su rtog pa thugs kyis mkhyen nas de'i tshe 'dzum pa mdzad do/ / 'di ni sangs rgyas bcom ldan 'das rnams kyi chos nyid de/ gang gi tshe 'dzum pa mdzad pa de'i tshe/ 'od zer kha dog sna tshogs byung bas/ de nas bcom ldan 'das kyi zhal gyi sgo nas 'od zer kha dog du ma dang ldan pa kha dog tha dad pa 'di lta ste/ sngon po dang / ser po dang / dmar po dang / dkar po dang / bcod kha dang / shel dang / dngul gyi kha dog lta bu byung nas/ zod nas 'jig rten gyi khams mtha' yas mu med byab par byas te/ tshangs pa'i 'jig rten gyi bar du mngon par 'phags nas slar logs/ bcom ldan 'das la lan gsum bsgo byas nas/ bcom ldan 'das kyi dbu gtsug tu nub par gyur to// de nas byang chub sems dpa' sems dpa' chen po zhi ba'i blo gros kyis tshig su bcad pa'i dbyangs kyis/ bcom ldan 'das la 'dzum pa mdzad pa'i don zhus pa/ 'od bzang dri ma mi mnga' gser dang 'dra// zla ba'i zhal 'dra zhi gnas legs par bzhugs/ / nyi ma lta bu mun pa 'joms mdzad pa// mi mchog ci yi slad du 'dzum pa bstan// mos pas zhi gnas rdzing du rab tu bzhugs// thugs rje chu bo brtson 'grus stobs kyi 'khrungs/ / dran pas kha bye yan tan dri zhim ldan// bde gshegs pad+ma tsa slad mdzum pa mdzad// dran pa snang bzang zhi gnas mar lags te// snang ba thugs rje dri ma gsum sel mdzad/ / shes rab mar mes mun pa sel mdzad pa// bde gshegs mar me ci slad 'dzum pa mdzad// dkyil 'khor thugs rje lhag mthong 'od ldan pa/ rab rib sel ba srid pa skam mdzad pa// 'gro ba rgyas mdzad mig ni sbyong mdzad pa// bde gshegs nyi ma ci slad mdzum pa mdzad// khyod ni 'gro ba'i bsam pa rab tu mkhyen// khyod ni lhar bcas 'gro na lhang nge ba// drang srong chen po'i zhal du 'khor rnams lta// mi mchog ci slad 'di ni 'dzum pa mdzad// de skad ces gsol pa dang / bcom ldan 'das kyis/ byang chub sems dpa' sems dpa' chen po zhi ba'i blo gros la 'di skad ces bka' stsal to// zhi ba'i blo gros gsang ba pa'i bdag po lag na rdo rje 'di ni rdo rje thogs nas bskal pa bzang po pa'i de bzhin gshegs pa dgra bcom pa yang dag par rdzogs pa'i sangs rgyas thams cad la mchod pa byed par 'gyur/ dam pa'i chos kyang yongs su 'dzin par 'gyur/ de bzhin gshegs pa'i gsang ba'i chos kyi rnam grangs 'di'ang rgyas par byed par 'gyur/ sems can tshad med pa dag kyang byang chub kyi phyir yongs su smin par byed par 'gyur ro/ / de bskal pa bzang po de 'das nas/ de bzhin gshegs pa mos pa'i bar gyi dam pa'i chos nub pa na/ de bzhin gshegs pa mi 'khrugs pa'i sangs rgyas kyi zhing du skye bar 'gyur te/ de 'jig rten gyi khams mngon par dga' ba der skyes nas/ de bzhin gshegs pa mi 'khrugs pa des phyag rgya brgya rtsa brgyad byang chub sems dpa' de dag la bstan pa de 'dzin par 'gyur/ don gyi tshul la'ang 'jug par 'gyur/ de bzhin nyid du'ang sgrub par 'gyur ro// de'i 'og tu de bzhin gshegs pa grangs med dpag tu med pa mnyes par byed par 'gyur/ bsti stang du byed par 'gyur/ bla mar byed par 'gyur/ rim gro byed par 'gyur/ mchod pa byed par 'gyur/ de dag gi gan na tshangs par spyod par 'gyur/ dam pa'i chos kyang srung bar 'gyur/ sems can bye ba khrag khrig brgya stong tshad med pa dag kyang yang dag par rdzogs pa'i byang chub tu yongs su smin par byed par 'gyur ro/ / de de'i 'og tu bskal pa gang+gA'i klung gi bye ma snyed 'das pa na/ byang chub kyi phyogs kyi chos rnams yongs su rdzogs par byas nas/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur te/ bskal pa rnam par sbyong ba zhes bya ba la 'jig rten gyi khams kun nas yongs su dag pa zhes bya bar/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rdo rjes rnam par gnon pa zhes bya ba 'jig rten du 'byung bar 'gyur ro/ / bcom ldan 'das de bzhin gshegs pa rdo rjes rnam par gnon pa de'i sangs rgyas kyi zhing 'jig rten gyi khams kun nas yongs su dag pa de ni 'byor pa dang / rgyas pa dang / lo legs pa dang / nyams dga' ba dang / lha dang mi mang pos gang ba dang / byang chub sems dpas gang bar 'gyur ro// sangs rgyas kyi zhing de rin po che sna bdun 'di lta ste/ gser dang / dngul dang / bai DUR+Ya dang / shel dang / byu ru dang / sdug dang / rdor snying po dang / mu tig dmar pos legs par brgyan par 'gyur ro/ / 'jig rten gyi khams de mig mangs ris su byas pa/ lag mthil ltar mnyam par gyur pa/ ka tsa lin di ka ltar reg na bde ba dar gyi lda ldi mang pos bres pa/ gdugs dang / rgyal mtshan dang / ba dan bsgreng bas legs par brgyan pa/ lha'i me tog dang rin po che'i me tog gis khebs par byas pa/ spos kyi snying po dam pas gdugs pa/ steng gi bar snang la lha'i rol mo'i sgra len pa can du 'gyur ro// 'jig rten gyi khams de ngan song dang mi khom pa thams cad dang bral pabar 'gyur ro/ / 'jig rten gyi khams de dga' ldan gyi lha'i yongs su spyad pa dang 'dra ba dang / yid la bsams pas zas dang / skom dang / skyed mos tshal dang // gzhal med khang dang / gos dang / rgyan grub cing/ legs par brgyan par 'gyur ro// lha dang mi thams cad kyang khang pa brtsegs pa la mtshungs par yongs su spyod par 'gyur ro// lha dang mi de dag thams cad kyang rgya chen po la mos par 'gyur te/ 'di lta ste/ sangs rgyas kyi ye shes la mos pa sha stag go// 'jig rten gyi khams de na 'di lta ste/ nyan thos kyi theg pa 'am/ rang sangs rgyas kyi theg pa'ang rung ste/ theg pa gnyis kyi ming yang mi grag par 'gyur ro// bcom ldan 'das de ni byang chub sems dpa'i gtam 'ba' zhig gsung bar 'gyur ro/ / de bzhin gshegs pa rdo rjes rnam par gnon pa de'i byang chub sems dpa'i 'khor ni 'bum phrag mang por 'gyur ro// 'jig rten gyi khams de na sems can gang yang cho ga nyams pa 'am/ 'tsho ba nyams pa 'am/ tshul khrims nyams pa 'am/ lta ba nyams par mi 'gyur ro// zhar ba 'am/ 'theng po 'am/ sgur po 'am/ gtum po 'am/ rig pa 'am/ mi bsrun pa 'am/ kla klo can nam/ lkug pa 'am/ grum po 'am/ dbang po ma tshang bar mi 'gyur ro// lha dang mi de dag thams cad kyang mtshan nyi shu rtsa brgyad kyis brgyan par 'gyur ro// de bzhin gshegs pa de'i tshe'i tshad ne bar gyi bskal pa brgyad thub par 'gyur ro// lha dang mi rnams kyang glo bur du 'chi bar mi 'gyur ro/ / zhi ba'i blo gros de ltar de bzhin gshegs pa rdo rjes rnam par gnon pa de'i yon tan tshad med pa'i rgyu'i khyad par ni 'di dag dang gzhan yang mang du yod de// / de bzhin gshegs pa de nam chos ston par 'gyur ba de'i tshe/ sku las 'od phyung ba dang / de nas sems can de dag gis 'od de mthong nas/ 'di snyam du sems par 'gyur te/ de bzhin gshegs pa chos ston par 'gyur gyis/ bdag bcom ldan 'das la chos nyan du 'dong ngo snyam mo// de na kha cig ni mngon par shes pa'i rdzu 'phrul gyi stobs kyis 'ong bar 'gyur ro/ / kha cig ni de bzhin gshegs pa'i byin gyi rlabs kyis 'ong bar 'gyur ro// der lha dang mi de dag 'dus pa dang / de bzhin gshegs pa de steng gi bar snang la shing ta la 'bum srid du mngon par 'phags te/ gling bzhi pa chen po'i 'jig rten gyi khams su skyil mo krung du bzhugs nas/ skus khyab par mdzad de/ sems can thams cad kyi sems kyi bsam pa tshim par bya ba'i phyir/ phyogs bcu'i 'jig rten gyi khams tshad med pa sangs rgyas kyi gsung dbyangs kyis go bar mdzad de/ de bzhin gshegs pa'i gsung gis byang chub sems dpa' de dag la chos ston par 'gyur ro/ / de'i nang na gang de bzhin gshegs pa'i chos bstan pa dang 'gal bar byed pa 'am/ zlog par byed pa'i sems can ni gcig kyang med do/ / sems can de dag thams cad ni dbang po rna ba/ mgo smos pas go bar 'gyur ba sha stag go/ 'jig rten gyi khams de na chos kyi rgyal po de bzhin gshegs pa rdo rjes rnam par gnon pa de ma gtogs par rgyal po gzhan gang yang med par 'gyur ro/ / 'jig rten gyi khams de na nga'i ba med cing yongs su 'dzin par 'gyur ro// sems can de dag thams cad ni nga'i ba med cing yongs su 'dzin pa med par 'gyur ro// zhi ba'i blo gros de bzhin gshegs pa rdo rjes rnam par gnon pa de lha'i bu 'am/ mir gyur pa gang la bsod snyoms blang bar bzhed par gyur pa'i lha'i bu 'am/ mir gyur pa de'i mdun du de bzhin gshegs pa'i gzugs lhung bzed thogs pa nye bar gnas pa dang / der lha'i bu 'am/ mir gyur pa des de bzhin gshegs pa'i gzugs mthong nas/ 'di snyam du sems par 'gyur te/ bcom ldan 'das de bzhin gshegs pa rdo rjes rnam par gnon pa bdag las bshos gsol bar bzhed do snyam nas yid la bsams pas 'khor gyi khyams su stan dang / zas dang / skom dang / ro brgya pa'i zas sbyar nas/ bcom ldan 'das de la gdugs tshod la bab ces gsol pa dang / der de bzhin gshegs pa de bshos gsol lo// bshos gsol nas slar bzhud par 'gyur ro/ / de bzhin gshegs pa de gang gi tshe nang du yang dag 'jog la 'jug par 'gyur ba de na/ byang chub sems dpa' de dag ting nge 'dzin gyi bkod pas gnas par 'gyur ro/ / 'jig rten gyi khams de ni yon tan gyi rgyu'i khyad par 'di dag dang / gzhan yang tshad med pa dag dang ldan par 'gyur te/ de'i phyir 'jig rten gyi khams de kun nas yongs su dag pa zhes bya'o/ / gsang ba pa'i bdag po lag na rdo rje'i lung bstan pa bshad pa 'di bstan pa na/ srog chags nyi khris bla na med pa yang dag par rdzogs pa'i byang chub tu sems bskyed de/ sangs rgyas kyi zhing der skye bar shog cig ces smon lam yang btab bo// de dag thams cad kyang bcom ldan 'das de bzhin gshegs pa rdo rjes rnam par gnon pa'i sangs rgyas kyi zhing 'jig rten gyi khams kun nas yongs su dag pa der skye bar bcom ldan 'das kyis lung bstan to/ / de nas gsang ba pa'i bdag po lag na rdo rjes rang gi lung bstan pa 'di thos nas tshim zhing mgu la yi rangs te rab tu dga' nas dga' ba dang yid bde ba skyes te/ rdo rje de nam mkha'i dkyil du 'phangs so/ / rdo rje de 'phangs ma thag tu de nas de'i tshe stong gsum gyi stong chen po'i 'jig rten gyi khams 'di rnam pa drug tu g.yos so// me tog gi char yang bab bo// rol mo sil snyan brgya'i sgrarang byung ngo / / 'khor thams cad kyi lag pa g.yas par yang me tog kha dog sna tshogs kyi 'phreng ba dag byung ngo // de nas gsang ba pa'i bdag po lag na rdo rjesabacom ldan 'das la tshigs su bcad pa 'di dag gis mngon par bsnyad do/ / chos kyi dbang phyug rgya chen mi pad chos kyi mdzod// chos rnams rab tu 'byeng la mkhas pa 'gro don bzhed/ / chos la thugs ma zhum zhing rtag tu lhug par btang // chos kyi rjes mthun chos sgrub gnas la phyag 'tshal lo// sems can dag pa khyod kyi ye shes spyod rnam dag/ yon tan rgyal grags snyan pa 'jig rten gsum du grags// ye shes rgyun ni dus gsum rtag tu bas ma 'tshal// chags 'das zhabs mnyam legs pa khyod la phyag 'tshal lo/ / zla ba las lhag yongs dag tshul khrims rnam par dag/ nyi ma las lhag 'od mdzes 'od mnga' gzi brjid mchog/ tshangs pa las lhag gsung snyan tshangs pa'i gsung mnga' ba/ / dkon mchag gsum ldan gser 'gra khyed la phyag 'tshal lo// khyed ni sku yang ston la sku dang ldan ma lags// khyod ni gsung yang rjod la sgra skad mi mngara'/ / khyod ni chos kyang gsung la chos kyi 'du shes bral// sems can thar par mdzad la sems can 'du shes bral// gang dag khyod bstan thos nas ji lta bstan pa ltar/ sgrub pa snying por gnas pa dag ni ma gtogs pa// 'gro ba thams cad rtag tu rab tu byung yang ni// khyod kyi bka' drin lan ldon nam yang rngo mi thog de nas gsang ba pa'i bdag po lag na rdo rje dang / thams cad dang ldan pa'i 'khor des ji ltar thogs thogs pa'i rin po che sna tshogs kyi me tog gi 'phreng ba rnams bcom ldan 'das la mngon par to/ / me tog gi 'phreng ba de dag gtor ma thag tu de nas de'i tshe 'di lta ste/ sangs rgyas kyi mthus stong gsum gyi stong chen po'i 'jig rten gyi khams 'di me tog sna tshogs kyi 'phreng bas/ legs par brgyan par gyur cing mig mangs ris su gnas par kun tu snang ngo // gsang ba pa'i bdag po lag na rdo rjes lung bstan pa'i le'u zhes bya ste bcu drug pa'o// / de nas byang chub sems dpa' zhi ba'i blo zas kyis/ gsang ba ba'i bdag po lag na rdo rje la 'di skad ces smras so// gsang ba pa'i bdag pa khyod de bzhin gshegs pas lung bstan mod/ smras pa/ rigs kyi bu rmi lam gyi rang bzhin lta bu'i lung bstan pas bdag lung bstan to// smras pa/ ci zhig thob par bya ba'i phyir khyed lung bstan// smras pa/ rigs kyi bu thob par bya ba med par lung bstan pa thob bo// smras pa/ ci zhig thob pa med/ smras pa/ sems can dang / srog dang / gang zag dang / gas ba dang / skyes bu thob pa med do// phung po rnams dang / khams rnams dang / skye mched rnams thob pa med do// dge ba dang / mi dge ba dang / kha na ma tho ba dang bcas ba dang / kha na ma tho ba med pa dang / zag pa dang bcas pa dang / zag pa med pa dang / 'jig rten dang / 'jig rten las 'das pa dang / 'dus byas dang / 'dus ma byas dang / kun nas nyon mongs pa dang / rnam par byang ba dang / 'khor ba dang / mya ngan las 'das pa'i bar du thob pa med do// smras pa/ gal te thob pa med pa na 'dir ci zhig lung sten/ smras pa/ mi dmigs pa gang yin pa de'i rjes su 'gro ba'i ye shes lung ston to// smras pa/ ye shes gang lung bstan+tu/ smras pa/ gang gnyis kyis rab tu phye ba'o// smras pa/ gal te gnyis kyis rab tu phye bar gyur na/ lung bstan pa thob pa mi 'gyur te/ gang gi phyir ye shes gnyis kyis rab tu phye ba ma yin pa de'i phyir gnyis su med pa'i lung bstan pa nyid byang chub sems dpa' lung bstan pa'o/ / smras pa/ gal te ye shes gnyis su med pas rab tu phye ba yin na// lung bstan pa ni su zhig/ lung ni su la ston/ smras pa/ lung ston pa gang yin pa dang / su la lung ston pa de dag ni mnyam pa nyid du 'gyur ba'o// de dag ni gnyis su med pa'i mtha' la gnas pa'o/ / smras pa/ gsang ba pa'i bdag po gnyis su med pa'i mtha' gang yin pa de la lung bstan du ci yod/ smras pa/ mtha' gang yin pa de nyid gnyis su med pa'i mtha' ste/ mtha' de nyid lung bstan pa'o// smras pa/ gang la gnas na lung bstan pa thob pa'i mtha' gang yin/ smras pa/ bdag gi mtha' la gnas na lung bstan par 'gyur ro/ / sems can gyi mtha' dang / srog dang / gang zag gi mtha' la gnas na lung bstan par 'gyur ro// bdag gi mtha'i gnas gang gi gnas yin/ smras pa/ bdag gi mtha'i gnas ni de bzhin gshegs pa'i rnam par grol ba'i mtha'i gnas so// smras pa/ de bzhin gshegs pa'i rnam par grol ba'i mtha'i gnas gang yin smras pa/ de bzhin gshegs pa'i rnam par grol ba'i mtha'i gnas ni/ ma rig pa dang srid pa'i sred pa'i mtha'i gnas so// smras pa/ ma rig pa dang srid pa'i sred pa'i mtha'i gnas gang gi gnas yin/ smras pa/ shin tu ma skyes pa ma byung ba'i mtha'i gnas so// smras pa/ ma skyes pa dang ma byung ba'i gnas gang yin/ smras pa/ rnam par rig pa ma yin pa'i mtha'i gnas so// smras pa/ rnam par rig pas ci zhig rig par byed/ smras pa/ gal te rnam par rig par byed na/ rnam par rig pa ma yin par 'gyur ro/ / smras pa/ ci zhig rnam par rig par mi byed/ smras pa/ rnam par rig pa thams cad rnam par rig par mi byed do// smras pa/ gal te rnam par rig bar mi byed na ji ltar kun shes par byed/ smras pa/ gal te kun shes par byed na/ rnam par rig par byed pa ma yin te/ gang gi phyir rnam par rig par mi byed pa de'i phyir kun shes par byed do/ / smras pa/ kun shes par byed pa ji lta bu yin/ smras pa/ gang gi tshe rnam pa rig pa khas mi len pa'o// smras pa/ ltar na rnam par rig pa khas mi len/ smras pa/ gang gi tshe tshig 'bru'i rjes su mi rgyug pa'o// smras pa/ ji ltar na tshig 'bru'i rjes su mi rgyug/ smras pa/ gang gi tshe don la ston pa'o/ / smras pa/ don la sbyin la ji lta bu yin/ smras pa/ gang gi tshe don mi mthong ba'o// smras pa/ don mi mthong ba ji lta bu yin/ smras pa/ ga don dang don ma yin pa dan du mi gnyar ba'o/ / smras pa/ gang gi tsho ngan la don ma yin pa dan du mi gnyer bar gyur pa ra zhig don du gnyer bar 'gyur/ sprus pa/ @ tsho don dang don ma yin pa don du mi gnyer bar gyur pa de'i tshe chos don du gnyer bar 'gyur ro/ / smras pa/ gal te chos ngan du gnyer bar gyur na/ bdun du gnyir ba nyid ma yin / gas kyi nas dan du gta pan tsa'ang don du gar bas yin na/ kyi bya na/ gdon du na rgyas ma yin te/ nga/ lus pa/ sa gang yin/ sma ba/ gang la tshis kyi sa'ang mi dmigs pa'o// smras pa/ gang la tshas kyi kA'ang mi dmigs pa la tshal gang yin pa/ rigs kyi bu gang la yi ge rnams kun tu mi 'byung ba de nyid chos yin no// de bas na chos thams cad ni brjod du med pa/ sgra med pa/ brjod pa med pa'o// rigs kyi/ bu su zhig bdag smra'o zhes smra ba de 'chal bar smra'o// gang 'chal bar smra ba de la chos med do// 'dul ba med do// smras pa/ gsang ba pa'i bdag po gang chos gsung ba de bzhin gshegs pa 'chal pa gsung bar mi 'gyur ram/ smras pa/ zhi ba'i blo gros de bzhin gshegs pas yi ge gcig kyang ma gsungs so// ma brjod do zhes kho bos sngar ma bshad dam/ de lta mod kyi smon lam gyi dbang gis de bzhin gshegs pa'i gsung sems can rnams kyis dmigs so// smras pa/ smras na nyes pa ci yod/ smras pa/ ngag gi las kyi nyes par 'gyur ro// smras pa/ ngag gi las las nyes pa ci zhig byung / smras pa/ yi ge la sems pas klags pa'i nyes par 'gyur ro// smras pa/ nyes pa med pa gang yin/ smras pa/ gang mi smra mi rjod pa de la rnam par rig pa gang yang med do// rnam par rig pa med pa ni nyes pa med pa'o// gang bdag la rnam par rig par mi byed pa dang / gzhan la rnam par rig par mi byed pa de nyes pa med pa'o// smras pa/ nyes pa'i rtsa ba gang yin/ smras pa/ nyes pa'i rtsa ba ni 'dzin pa'o/ / smras pa/ 'dzin pa'i rtsa bci yin/ smras pa/ mngon par zhen pa ni rtsa ba'o// smras pa/ mngon par zhen pa'i rtsa ba yin/ smras pa/ yang dag pa ma yin pa kun btags pa ni rtsa ba'o// smras pa/ yang dag pa ma yin pa kun btags pa'i rtsa ba ni ci yin/ smras pa/ yang dag pa ma yin pa kun btags pa'i rtsa ba ni ci yin/ smras pa/ lhag par dmigs pa'i lta ba ni rtsa ba'o// smras pa/ ci zhig la lhag par dmigs/ smras pa/ gzugs rnams dang / sgra rnams dang / dri rnams dang / ro rnams dang / reg bya rnams dang / chos rnams la lhag par dmigs so// smras pa/ lhag par mi dmigs pa ji lta bu/ smras pa/ gal te srid pa'i bag la nyal lhag par mi dmigs pa ste/ zhi ba'i zla gros de lta bas na sred pa la dmigs pa spang ba'i phyir/ de bzhin gshegs pas chos bstan to/ / gsang ba pa'i bdag po lag na rdo rjes bstan pa 'di bshad pa na/ dge slong lnga brgya ni sems rnam par grol lo// byang chub sems dpa' nyis brgya ni mi skye ba'i chos la bzod pa thob par gyur to/ / gnyis su med pa brjod pa'i le'u zhes bya ste bcu bdun pa'o// / de nas gsang ba pa'i bdag po lag na rdo rje brnag pa yongs su rdzogs par lung bstan pas dbugs phyin pa thob ste/ tshim zhing mgu la yi rangs nas rab tu dga' ste/ dga' ba dang yid bde ba skyes nas bcom ldan 'das la 'di skad ces gsol to/ / bcom ldan 'das bdag la thugs brtse bar dgongs te/ byang chub sems dpa' rnams dang thabs cig/ nyan thos chen po rnams dang thabs cig tu gsang ba pa bdag gi gnas lcang lo can gyi pho brang 'khor du gshegs shing dgung bdun zhig bzhugs par ci ga nang / de ci'i slad du zhe na/ bcom ldan 'das ltung lo can gyi pho brang 'khor na gnod sbyin dang / grul bum dang / srin po dang / sha za dang / dri za dang / lto 'phye chen po mang du mchis te/ sems can gyi rigs rnam pa sna tshogs gnas pa de dag gis bcom ldan 'das mthong zhing chos kyang thos na yun ring po'i don dang / sman pa dang / bde ba dang / grub pa dang / bde bar 'gyur legs so/ / de nas yang khro ba dang sdang ba'i sems ma mchis par 'gyur lags so// rgyal po chen po bzhi'i g.yog 'khor gang lags pa de dag gi yun ring po'i don dang sman pa dang / bde ba dang / grub pa dang / bde bar 'gyur lags so// bcom ldan 'das kyis gsang ba pa'i bdag po lag na rdo rje la thugs brtse ba dang / sems can tshad med pa dag gi dge ba'i rtsa ba rnam par spel ba dang / gsang ba pa'i bdag po lag na rdo rje'i bsam pa yongs su bskang ba'i phyir/ byang chub sems dpa' chen po rnams dang / nyan thos chen po rnams dang thabs cig tu gsang ba pa'i gnas lcang lo can gyi pho brang 'khor du gshegs te/ zhag bdun bzhugs par gnang ngo // de nas gsang ba pa'i bdag po lag na rdo rjes bcom ldan 'das kyis cang mi gsung bas gnang bar mdzad pa rig nas tshim zhing mgu la yi rangs te rab tu dga' nas dga' ba dang yid bde ba skyes te/ bcom ldan 'das kyi zhabs la mgo bos phyag 'tshal nas/ bcom ldan 'das la lan gsum bskor ba byas te/ bcom ldan 'das kyi thad nas song nas/ / lcang lo can gyi pho brang 'khor ga la ba der song ste/ rang gi gnas su phyin to// de nas gsang ba pa'i bdag po lag na rdo rjes 'di snyam du bsam ste/ bdag gis bcom ldan 'das de bzhin gshegs pa la mchod pa'i las kyi phyir/ ci nas 'dod pa spyod pa dang / gzugs la spyod pa'i lha'i bu thams cad ngo mtshar du sems par 'gyur ba dang / phyogs nanas 'dus pa'i byang chub sems dpa' thams cad kyang dga' ba skye bar 'gyur ba dang / bdag gis kyang de bzhin gshegs pa la mchod pa rgya chen po byas par 'gyur ba de lta bu'i 'khor gyi khyams bkod pa bya'o snyam mo/ / de'ang 'di snyam du bsam ste/ bdag gis mngon par te/ dus gcig cig na bcom ldan 'das de bzhin gshegs pa bkod pa'i rgyal po'i sangs rgyas kyi zhing du byang chub sems dpa' khri lung bstan pa'i phyir/ bcom ldan 'das mtshan mo mnyal tsam na spyod pa bsam gyis mi khyab pa dang ldan pa zhes bya ba'i ting nge 'dzin la snyoms par bzhugs te/ 'jig rten gyi khams 'di nas shar phyogs logs su sangs rgyas kyi zhing gang+gA'i klung gi bye ma snyed 'das te/ 'jig rten gyi khams yon tan rin po che mtha' yas pa bkod ba zhes bya bar gshegs pa'i tshe/ sangs rgyas kyi zhing der bdag gis lha'i dang / mi'i bkod pa bsam gyis mi khyab pa las yang dag par 'das pa'i bkod pa mthong gis/ bcom ldan 'das la mchod pa'i las kyi phyir/ bdag gis 'jig rten gyi khams yon tan rin po che mtha' yas pa bkod pa de'i bkod pa ci 'dra ba de 'dra ba'i 'khor gyi khyams bkod par bya'o snyam mo/ de nas gsang ba pa'i bdag po lag na rdo rjes/ de'i tshe bkod pa chen po'i rgyal po zhes bya ba'i ting nge 'dzin la snyoms par zhugs so// gsang ba pa'i bdag po l ag na rdo rje bkod pa chen po'i rgyal po'i ting nge 'dzin la snyoms par zhugs ma thag tu de nas de'i tshe 'jig rten gyi khams yon tan rin po ma mtha' yas pa bkang ba de'i bkod pa ci 'dra de 'dra ba'i 'khar gyi khyams bkod pa zhig lung lo can gyi ba zang 'bar gyi dbus na gnas par gnang ngo / / 'khar gyi khyams de'ang yangs shang d+ha cha ste/ nub tu mchung ni dpag tshad drus cu rtsa bani song pa/ wA byang du rgyur ni dpag tshad bani bcu rtsa gnyis yod thA/ sa gag na bai rgyuR+Ya snyan pa'i rang bzhin du gnas pa/ phyir ni yan dade rnyil las byas pa/ zung gi 'thugs rin po che thams cad kyis spras pa/ 'dzam bu chu bo'i gser gyi pad+mas brgyan pa rgyan 'phreng sna tshogs du mas spras pa/ ras bcas bu du ma bting ba/ mu tig gi rgyan 'phreng du ma spangs pa/ dar gyi lnga ldi du mas mdzes par byas pa/ me tog gi 'phreng ba du mas bkab pa/ pog por du ma nas bdugs pa/ lha'i me tog kha dog du ma dang / kha dog sna tshogs bkram pa/ bkra ba/ blta na sdug pa/ yid du 'ong ba/ lus sim par byed pa/ sems la dga' ba skyed pa/ yon tan gyi tshogs mtha' yas pa dang ldan pa/ bsngags pa'i bstan pa tshad med pa ste/ 'khor gyi khyams der seng ge'i khri rin po che'i rtsa bas brgyan pa/ rin po che'i kha khyer gyis bskor ba/ rin po che'i pad+ma bkod pa dang ldan pa/ mu tig gi dra bas g.yogs pa/ mig mangs ris su bres pa/ lha'i ras bcos bu du ma bting ba/ steng du rin po che'i dra bas bres pa/ bkod pa sngan ma mthong sa thos pa 'jig rten gyi khams mang ba dag na med pa brgya stong mang po byung ngo // gab zas ri zla ba brgyas bskos pa'ang bshams so/ / seng ge'i khri sa la mi brten pa brgya stong yang bzhag ste/ seng ge'i khri re re'i bar snang la'ang rin po che'i gdugs rnam pa sna tshogs kyi mchog dang ldan pa dag bres so// de nas gsang ba pa'i bdag po lag na rdo rjes 'khor gyi khyams bkod pa dang / seng ge'i khri bkod pa rnam pa de lta bu byas nas/ dran pa dang ldan zhing shes bzhin du ting nge 'dzin de las langs te/ de'i nub mo nyid de bzhin gshegs pa la mchod par 'os pa'i zhal zas byang chub sems dpa'i bsam pas yongs su dag pa/ ro bro ba mang pa sna tshogs dang ldan pa bsod pa mang po'ang bshams nas/ nam nangs pa dang / rgyal po chen po bzhi la smras pa/ grogs po dag shes par gyis shig/ kho zos bcom ldan 'das byang chub sem dpa' rnams dang / nyan thos chen po rnams dang thabs cig tu gsang ba pa rang gi gnas su spyan drangs na/ bcom ldan 'das kyis kho bo la thugs brtse ba'i phyir gnang gis/ de la khyed dpung dang bcas/ g.yog 'khor dang bcas par mi g.yeng ba'i sems kyiso zhag bdun gyi bar du las gzhan mi byed par de bzhin gshes/ ba la mchod pa dang rim gro bya bar spro bar gyis shig/ lcang lo can gyi pho brang 'khor na gnod sbyin dang / zin po dang / yi dgas dang / sha ba dang / dri za dang / grul bum dang / gsang ba pa dang / lto 'phye chen po ji snyed 'khod pa dang / de ma yin pa'i sems can gzhan dag 'khod pa de dag la'ang grogs po dag shes par gyis shig/ kho bos bcom ldan 'das lcang lo can gyi pho brang 'khor 'dir spyan drangs na gshegs par gnang gis/ de la khyed kyis ngan sems med pa dang sdang ba med pa dang / dga' ba dang / dad pa dang / mchog tu dga' ba mang pos bcom ldan 'das de la bsnyen bkur gyis shig/ chos kyang nyan cig ces bsgo'o// / / bam po brgyad pa// de nas gsang ba pa'i bdag po lag na rdo rjes bu thu bo rdo rje'i sde zhes bya ba la smras pa/ bzhin bzang khyod rang gi rdzu 'phrul gyi stobs kyis song la tshangs ris nas bzung ste/ 'og min gyi bar gyi lha rnams la/ bcom ldan 'das gsang ba'i bdag po lag na rdo rje'i gnas lcang lo can gyi pha brang 'khor du gdugs tshod gsol gyis/ khyed kyi nang nas su lta 'dod pa de myur du shog cig ces sbron cig/ yab de ltar bgyi'o zhes te ji skad bsgo ba bzhin du gsang ba pa'i bu des byas so/ / de nas gsang ba pa'i bdag po lag na rdo rjes bu gnyis pa lag babangs zhes bya ba la smras pa/ khyod rang gi rdzu 'phrul gyi stobs kyis song las zla ba'i lha rnams nas bzung ste/ bar snang dang / rgyal chen bzhi'i ris dang / sum cu rtsa gsum pa dang / 'thab bral dang / dga' ldan dang / 'phrul dga' dang gzhan 'phrul dbang byed kyi lha'i bu rnams la/ bcom ldan 'das gsang ba pa'i bdag po lag na rdo rje'i gnas lcang lo can gyi pho brang 'khor du gdugs tshod gsol gyis/ khyed kyi nang nas su lta 'dod pa de myur du shog cig ces sbron cig/ yab de ltar bgyi'o zhes te ji skad bsgo ba bzhin du gzhon nu lag bzangs kyis byas so// de nas skad cig thang cig yud tsam de la 'dod pa na spyod pa dang / gzugs na spyod pa'i lha'i bu brgya stong dag gis dpag tshad khri khor yug gi bar snang khyab par gyur to// de nas gsang ba pa'i bdag po lag na rdo rjes bcom ldan 'das la mchod pa zo shams te/ nam nangs pa dang pus ma g.yas pa'i lha nga si la btsugs te/ bcom ldan 'das ga la ba de lags su thal ma sbyar ba btud nas/ tshigs su bcad pa'i dbyangs kyis bcom ldan 'das la gdugs chod bab pa gsol pa/ thub pa chen po dus 'di lags// skyes bunatso bo gshegs su gsol/ skyes bu dam pa gshegs su gsol// skyes ba cang mkhyen gshegs su gsol// zab pa chen pa gdugs tshad pag// nang gnyis gsus gshegs gsol/ / rkang gnyis dam pa gshegs su gsol// rkang gnyis cang mkhyen gshegs su gsol// tshul khrims pad+ma'i rdzing nas 'khrungs// brtson 'grus chab kyis rnam pa 'phel// slob ma bung ba sgra 'byin pa// thub pa pad+ma gshegs su gsol// 'phags pa'i bden par gnas bcas te// byams dang thugs rje'i spyan mnga' zhing // bdag med pa yi sgra sgrogs pa/ / rgyal ba seng ge gshegs su gsol// khrims ni rtsa ba chu ba dran// byang chub yan lag me tog rgyan// rnam grol 'bras bu phun sum tshogs// rgyal ba sdong po gshegs su gsol/ / shes rab rgya chen zab pa bo// ting 'dzin chab ni grang ldan zhing // rnam 'byor pa yi tshong pas gtams// yon tan rgya mtsho gshegs su gsol// thugs rje'i dkyil 'khor dpal ldan pa/ / shes rab 'od zer legs par brgyan// slob ma pad+ma kha 'byed pa// thub pa nyi ma gshegs su gsol// phas kyi rgal bas mi bskyod cing / rnam thar la sogs sman chags can// slob dang mi slob ri dgas gtam// thub pa ri bo gshegs su gsol/ de nas bcom ldan 'das kyis/ gsang ba pa'i bdag po lag na rdo rjes gdugs chod bab par mkhyen nas/ dge slong rnams la bka' stsal pa// dge slong dag gsang ba pa'i bdag pos gdugs tshong bab kyis/ rlom gos gyon la lhung bzed thogs shing zhag bdun byin gyis brlabs pa byin gyis rlobs la gtsug lag khang skyong skas shig/ de na nyan thos dang byang chub sems dpa' gang dag rdzu 'phrul dang ldan pa de dag ni rang gi rdzu 'phrul gyi stobs kyis bar snang las dong ngo / / gang dag rdzu 'phrul dang ldan pa ma yin pa de dag ni de bzhin gshegs pa'i 'od kyi dkyil 'khor gyi khrad du zhugs nas/ bcom ldan 'das dang lhan cig tu nam mkha'i dkyil gyi lam nas dong ngo // de nas bcom ldan 'das bya rgod kyi phung po'i ri las mi snang bar gyur nas/ byang chub sems dpa'i tshogs kyis ni bskor/ nyan thos kyi tshogs kyis ni mdun du bdar/ lha'i tshogs kyis ni mngon par bstod/ lha'i bu mo rnams glu dbyangs len/ 'od zer ni 'gyed me tog gi char ni 'bebs/ rol mo sil snyan bye ba khrag khrig brgya stong ni len/ zhing rnams ni g.yo bar mdzad cing / sangs rgyas kyi mthu chen po dang / sangs rgyas kyi rdzu 'phrul chen po dang / sangs rgyas kyi rnam par 'phrul pa chen po dang / sangs rgyas kyi cho 'phrul chen po dang / sangs rgyas kyi dpal chen po dang / sangs rgyas kyi gzi brjid chen po dang / sangs rgyas kyi spyod lam chen po dang / sangs rgyas kyi rnam par rol pa chen pos lcang lo can gyi pho brang 'khor ga la ba der nam mkha' dkyil gyi lam nas ngang pa'i rgyal po bzhin du thogs pa med par gshegs pa dang / 'dod pa na spyod pa dang / gzugs na spyod pa'i lha'i bu de dag gis/ bcom ldan 'das nam mkha'i dkyil gyi lam nas/ ngang pa'i rgyal po ltar thogs pa mi mnga'/ nyi ma'i dkyil 'khor 'char ba ni 'dra/ zla ba nye ba'i dkyil 'khor skar ma'i tshogs kyis bskor ba dang ni mtshungs/ lha'i dbang po brgya byin ltar lha'i tshogs kyis ni bskor/ tshangs pa chen po ltar tshangs pa'i tshogs kyis bskor cing gshegs par rgyang ring po nas mthong ngo / / mthong nas kyang tshim zhing mgu la yi rangs te/ rab tu dga' nas dga' ba dang yid bde ba skyes te/ bcom ldan 'das la mchod pa'i las kyi phyir/ lha'i me tog ut+pa la dang / ku mu ta dang / pad+ma dkar po dang / man da ra ba dang / man da ra ba chen pa dang / yongs su 'du dang / yongs su 'du chen po dang / man dzu sha ka dang / man dzu sha ka chen po dang / s+tha la dang / sba la chen po dang / mdog mdzes dang / mdog mdzes chen po dang / 'khor lo dang / 'khor lo chen dang / dri zhim dang / pad+ma 'dab brgyad dang / 'dab stong dang / skar 'od dang / skar ma dga' dang / kun tu bsrung dang / bsung rtag dang / rtag tu me rto chags dang / mig tu sdug pa de dag dang / me tog gzhan dag gis kyang / bcom ldan 'das la mngon par gtor ro// gdugs dang / rgyal mtshan dang / dan dag kyang bsgreng ngo // rol mo sil snyan brgya stong yang len to// de nas bcom ldan 'das kyis bkod pa rnam pa de lta bu me tog gi char 'bebs pa dang spos dang / 'phreng ba dang / byug pa dang / phye ma dang / gos dang / gdugs dang / rgyal mtshan dang / ba dan gyi char 'bebs pa dang / sil snyan dang glu dbyangs dang / rol mo'i sgra dang / lha'i bu mo brgya stong glu len pa dag dang / skad cig thang cig yud tsam de la lcang lo can gyi pho brang 'khor du byon te/ byang chub sems dpa' rnams dang / nyan thos chen po rnams dang thabs cig tu rgyal po chen po rnam thos kyi bu'i 'dun khang du bzhugs so// bcom ldan 'das sa la bzhugs ma thag tu/ de nas de'i chos chen po dal zhing mi drag la sems can thams cad la mi gnod par g.yos par gyur to// de nas rgyal po chen po bzhis/ bcom ldan 'das lcang lo can gyi pho brang 'khor du byon par rig nas/ myur ba myur bar la gar du btsun mo'i 'khor dang bcas gnyer gyi 'khor dang bcas te me tog dang / spos dang / 'phreng ba dang / byug pa thogs nas/ bcom ldan 'das ga la ba der dong ste phyin pa dang / bcom ldan 'das kyi zhabs la mag zas phyag 'tshal te/ ji ltar thogs thogs pa'i me tog dang / spos dang / 'phreng ba dang / byug pa rnams kyis bcom ldan 'das la mchod pa byas nas thal mo sbyar te/ bcom ldan 'das la phyag 'tshal zhing phyogs gcig tu 'khod do// btsun mo'i 'khor dang / dpung gi tshogs dang / 'khor 'dus pa gang yin pa de dag thams cad kyis kyang / bcom ldan 'das kyi zhabs la mgo bos phyag 'tshal te/ thal mo sbyar nas bdud pa dang / bcom ldan 'das kyis rgyal po chen po bzhi las brtsams te/ 'bar de ltar 'dus pa de dag pa/ de ku chu'i gtas kyi sbyang ba mdzad pas/ klu dang / gnod sbyin dang / drib dang / thul bus dang / zin pa'i 'khar de'i nang na sa thog chags tas stong gis byang chub tu sems bskyed do/ / rgyal po chen po de dag gi btsun mo'i 'khor gyi nang nas bud med khris bla na med pa yang dag par rdzogs pa'i byang chub tu sems bskyed do/ / de nas gsang ba pa'i bdag po lag na rdo rje btsun mo'i 'khor dang bcas/ gnyen gyi g.yog 'khor dang bcas shing 'khor dang yon tan mtha' yas bkod pa'i g.yog 'khor dang bcas te/ me tog dang / bdug pa dang / spos dang / 'phreng ba dang / byug pa dang / phye ma dang / gos dang / gdugs dang rgyal mtshan dang / ba dan thams cad thogs shing sil snyan dang / pheg rdob pa dang / rol mo'i sgra 'byin pa rnams dang lhan cig tu rgyal po chen po rnam thos kyi bu'i 'dun khang gA la ba dang / bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te lan bdun bskor ba byas nas/ ji ltar thogs thogs pa'i me tog dang / bdug pa dang / spos dang / 'phreng ba dang / byug pa dang / phye ma dang / gos dang / gdugs dang / rgyal mtshan dang / ba dan rnams kyis bcom ldan 'das la mchod pa byas te sil snyan dang rol mo byas nas/ bcom ldan 'das la phyag byas te/ dge slong gi dge 'dun dang bcas byang chub sems dpa'i tshogs dang bcas par lhan cig tu rang gi 'khor gyi khyams su spyan drangs so/ / de nas bcom ldan 'das 'khor gyi khyams der sa la mi rten pa rnam pa thams cad kyi mchog dang ldan pa nyid kyis seng ge'i gdan ji lta bshams pa la bzhugs so/ / byang chub sems dpa' dang / nyan thos chen po de dag thams cad dang ldan pa'i 'khor kyang stan ci rigs pa dag la 'khod do/ / de nas gsang ba pa'i bdag po lag na rdo rjes brgya byin dang / tshangs pa dang / 'jig rten skyong ba de dag dang lha'i 'khor chen po de la 'di skad ces smras so/ / khyed de bzhin gshegs pa la bsu bgyis shig/ mchod pa dang rim gro gyis shig/ de bzhin gshegs pas kyang / de la gang dag yi rangs dang // zhal tir bya ba byed pa ni// de dag bsod nams skal ba can// de dag yan tan chung ba min// zhes bka' stsal gyis/ de la grogs pa dag khyed kyis rjes su yi rang ba dang ldan pa dang / zhal ta bya ba dang ldan pa'i bsod nams bya ba'i dngos po long zhig/ de nas lha'i bu de dag gis 'khor gyi khyams bkod pa de dang seng ge'i khri bkod pa'ang mthong ngo / / de mthong nas ngo mtshar du gyur te/ 'di de bzhin gshegs pa'i mthu 'am/ 'on te gsang ba pa'i bdag po'i 'am/ su'i yin zhes ched du brjod pa ched du brjod pa dang / de dag gis bar snang las 'di ni gsang ba pa'i bdag po'i byin gyi rlabs yin te/ grogs po dag sangs rgyas kyi zhing 'di nas shar phyogs logs su sangs rgyas kyi zhing gang+gA'i klung gi bye ma snyed 'das pa na/ 'jig rten gyi khams yon tan rin po chen po che mtha' yas pa bkod pa zhes bya ba de na/ de bzhin gshegs pa bkod pa chen po'i rgyal po zhes bya ba chos ston pa der/ gsang ba pa'i bdag po lag na rdo rjes bkod pa rnams 'di lta bu mthong nas/ gsang ba paba'i bdag pos bkod pa de nyid 'khor gyi khyams 'dir byin gyis brlabs so zhes sgra thos so/ / bcom ldan 'das seng ge'i gdan de la bzhugs ma thag tu/ de nas de'i tshe lung lo can gyi pho brang 'khor na gnod sbyin dang / srin po dang / yi dgas dang / sha za dang / dri za dang / gsang ba pa dang / lto 'phye chen po ji snyed 'khod pa de dag thams cad bcom ldan 'das ga la ba der dong sta phyin pa dang / bcom ldan 'das kyi zhabs la mgo bos phrag 'tshal te/ phyogs gcig tu 'khod nas thal mo sbyar te/ bcom ldan 'das la 'dud do/ / de nas gsang ba pa'i bdag po lag na rdo rjes/ rgyal po chen po bzhi dang / thams cad dang ldan pa'i 'khor la smras pa/ khyed thams cad lhan cig tu 'dus la lhan cig tu tshur shog/ ji ltar bshams pa'i zhal zas bcom ldan 'das la gsol cig/ de nas gsang ba po'i bdag po lag na rdo rjes btsun mo'i 'khor dang bcas/ gnyen gyi 'khor dang bcas/ bu dang bcas/ dpung dang bcas/ g.yog 'khor dang bcas te/ rang gi lag nas gus par bsti stang du byas te/ bza' ba dang bca' ba bsod pa mang po ro bro ba mang po du ma dang ldan pa/ byang chub sems dpa'i lhag pa'i bsam pas yongs su dag pa de bzhin gshegs pa la mchod par 'os pa'i zhal zas kyis/ de bzhin gshegs pa byang chub sems dpa'i dge 'dun dang / dge slong gi dge 'dun dang bcas pa la bstabs te tshim par byas so// bstabs te tshim par byas nas lhung bzed bkrus te/ bcom ldan 'das phyag bcabs par rig nas/ chos mnyan pa'i phyir bcom ldan 'das kyi spyan sngar 'dug go// lcang lo can gyi pho brang 'khor na 'khod pa'i gnod sbyin dang / srin po gang yin pa de dag kyang 'dus nas/ bcom ldan 'das kyi zhal du bltas te/ thal mo sbyar nas phyag 'tshal te 'khod par gyur to// lcang lo can du gshegs nas bshos gsol ba'i le'u zhes bya ste bco brgyad pa'o// // de nas gsang ba pa'i bdag po log na rdo rjes chos mnyan pa'i phyir/ bcom ldan 'das la gsol ba btab pa/ ci nas byang chub tu sems ma bskyed pa'i sems can rnams byang chub tu sems skyed par 'gyur ba dang / phyir mi ldog pa la gnas par 'gyur ba dang / gnod sbyin dang / srin po dang / sha za dang / dri za dang / gsang ba pa dang / lto 'phye chen po'i 'khor 'di'i yun ring po'i don dang / sman pa dang bde ba dang / grub pa dang / bde bar 'gyur ba dang / khyad par gyi khyad par du mngon par du 'phags par 'gyur ba dang / nyams pa'i cha can du mi 'gyur bar de ltar chos kyi tshul la 'jug pa/ bcom ldan 'das kyis bshad du gsol/ de skad ces gsol pa dang / bcom ldan 'das kyis/ gsang ba pa'i bdag po lag na rdo rje dang / thams cad dang ldan pa'i 'khor de la bka' stsal pa/ grogs po dag de'i phyir legs par rab tu nyon la yid la zung zhig dang bshad par bya ste/ rigs kyi bu 'am/ rigs kyi bu mo dag gang la zhugs na/ khyad par du mngon par 'phags par 'gyur zhing / nyams pa'i cha can du mi 'gyur ba'i chos kyi tshul khyed la bstan par bya'o// bcom ldan 'das legs so zhes gsol te/ gsang ba pa'i bdag po lag na rdo rje dang / thams cad dang ldan pa'i 'khor des/ bcom ldan 'das kyi ltar mnyan pa dang / bcom ldan 'das kyis/ de dag la 'di skad ces bka' stsal to/ / grogs po dag 'di la rigs kyi bu 'am/ rigs kyi bu mo bsam pa thag pa nas/ bla na med pa yang dag par rdzogs pa'i byang chub tu sems khaskyed de dad pa yin/ dang ba mang zhing 'phags pa rnams la lta 'dod pa dang / dam pa'i chos mnyan par 'dod pa dang / ser sna med par btang ba gtong ba dang / lag brkyang ste gtong ba la dga' ba dang / mchod sbyin byed pa'i ngang can dang / gtong ba phun sum tshogs pa dang / sbyin pa 'gyed pa la dga' ba dang / khong khro ba med pa'i sems dang ldan pa dang / rnyog pa med pa'i sems dang ldan pa dang / de las kyi rnam par smin pa la yid ches pa dang / mos pa dang / rtogs pa dang / som nyi med la the tsam mi za zhing / yid gnyis mi za ba yin/ de dkar po dang nag po'i las rnams kyi rnam par smin pa chud mi za bar rig nas/ srog gi phyir yang mi bya ba mi byed do/ de srog gcod pa spangs pa yin/ ma byin par len pa dang / 'dod pa la log par g.yem pa dang / brdzun du smra ba dang / phra ma dang / ngag rtsub po dang / tshig bkyal pa dang / brnab sems dang / gnod sems dang / log par lta ba spangs pa yin te/ mi dge ba bcu'i las kyi lam la mi dmigs bas no/ / da dang par gyur nas dge srung ba/ bram pa gang dag yang dag par song ba dang / yang dag par zhugs pa dang / tshul khrims dang ldan pa dang tan dang ldan pa dang / nges pa dang / dge ba'i chos can dang / mang du thos pa dang / thos pa la mngon par brtson pa dang / tshul bzhin du yid la byed pa la rab tu brtson pa dang / zhi ba dang / dul ba dang / nye bar zhi ba dang / ngo zlogs phod par smra zhing gtsam bur mi smra ba dang / dge ba'i bsam pa can dang / mi dge ba'i chos yongs su spong ba dang / mi rgod pa dang / ma khengs pa dang / mu cor smra ba ma yin pa dang / tshig ma 'chal ba dang / dran pa nye bar gnas pa dang / shin tu mnyam par gzhag pa'i sems dang ldan pa dang / srid pa'i tshul bcad pa dang / zug rngu phyung ba dang / khur bor ba dang / som nyi las nges par brgal ba dang the tshom las brgal ba dang / yang srid pa las brgal ba 'di lta ste/ de bzhin gshegs pa dang / de bzhin gshegs pa'i nyan thos dge sbyong dang / bram ze rnam pa de lta bu la dge ba'i bshes gnyen du rig nas bstan to/ / bsnyen te// bsnyen bkur byed do// mnyes par byed cing / mi mnyes par mi byed la/ dgyes par byed de/ des dge ba'i bshes gnyen de dag mnyes par byas pas/ chos kyi gtam gyis yang dag par ston/ yang dag par 'dzin du 'jug/ yang dag par gzengs bstod/ yang dag par dga' bar mdzad de/ sbyin pas ni longs spyod chen por 'gyur bar yang dag par ston/ tshul khrims kyis ni mtho ris su skye ba dang / sa pas ni shes rab chen por 'gyur ba dang / sgom pas ni 'bral bar 'gyur bar yang dag par ston to// 'di ni sbyin pa'o// 'di ni sbyin pa'i rnam par smin pa'o// 'di ni ser sna'o/ / 'di ni ser sna'i rnam par smin pa'o// 'di ni tshul khrims so// 'di ni tshul khrims kyi rnam par smon pa'o// de ni bzod pa'o// 'di ni bzod pa'i rnam par smin pa'o/ / 'di ni brtson 'grus so// 'di ni brtson 'grus kyi rnam par smin pa'o// 'di ni bsam gtan no// 'di ni bsam gtan gyi rnam par smin pa'o// 'di ni shes rab bo/ / 'di ni shes rab kyi rnam par smin pa'o// 'di ni 'chal pa'i shes rab bo// 'di ni 'chal pa'i shes rab kyi rnam par smin pa'o// 'di ni lus kyi legs par spyad pa'o/ / 'di ni lus kyi legs par spyad pa'i rnam par smin pa'o// 'di ni lus kyi nyes par spyad pa'o// 'di ni lus kyi nyes par spyad pa'i rnam par smin pa'o// 'di ni ngag gi legs par spyad pa'o// 'od ni ngag gi legs par spyad pa'i rnam par smin pa'o// 'od ni ngag gi nyes par spyad pa'o// 'di ni ngag gi nyes par spyad pa'i rnam bar smin pa'o/ / 'di ni yid kyi legs par spyad pa'o// 'di ni yid kyi legs par spyad pa'i rnam par smin pa'o// 'di ni yid kyi nyes par spyad pa'o// 'don yid nyes par spyad pa'i rnam par smin pa'o/ / 'di ni dge ba'o// 'di ni mi dge ba'o// 'di ni bya ba'o// 'di ni bya ba ma yin pa'o// 'di ni byas na yun ring po'i don dang / phan pa dang / bde ba dang / grub pa dang / bde bar 'gyur ro zhes de ltar dge ba'i shwe gnyen de dag chos kyi gtam gyis yang dag par ston/ yang dag par 'dzin du 'jug yang dag par gzengs bstod/ yang dag par dga' bar mdzad do// de nas de dag snod du rung ba mkhyen nas/ zab mo'i gtam 'di lta ste/ stong pa nyid kyi gtam dang / mtshan ma med pa'i gtam dang / smon pa med pa'i gtam dang / mngon par 'du byed pa med pa'i gtam dang / ma skyes pa'i gtam dang / ma byung ba'i gtam dang / bdag med pa dang / sems can med pa dang / srog med pa dang / gang zag med pa'i gtam rab tu ston to// rten cing 'brel par 'byung ba zab mo'i gtam 'di lta ste/ 'di yod pa'i phyir 'di 'byung / 'di med pa'i phyir 'di mi 'byung / 'di yod pa'i phyir 'di skye/ 'di med pa'i phyir 'di 'gag pa 'di lta ste/ ma rig pa'i rkyen gyis 'du byed rnams/ 'du byed rnams kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug/ skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi/ mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung ste/ de ltar sdug bsngal gyi phung po chen po 'ba' zhig pa 'di 'byung bar 'gyur ro// 'di med pa'i phyir 'di mi 'byung / 'di 'gag pas 'di 'gag ste/ 'di ltar ma rig pa 'gags pas 'du byed 'gag/ 'du byed 'gags pas rnam par shes pa 'gag/ rnam par shes pa 'gags pas ming dang gzugs 'gag/ ming dang gzugs 'gags pas skye mched drug 'gag/ skye mched drug 'gags pas reg pa 'gag/ reg pa 'gags pas tshor ba 'gag/ tshor ba 'gags pas sred pa 'gag/ sred pa 'gags pas len pa 'gag/ len pa 'gags pas srid pa 'gag/ srid pa 'gags pa skye ba 'gag/ skye ba 'gags pas rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag par 'gyur te/ de ltar sdug bsngal gyi phung po chen po 'ba' zhig pa 'di 'gag par 'gyur ro/ / de la don dam par na 'byung ba 'am/ 'gag pa'i chos gang yang med do// de ci'i phyir zhe na/ chos thams cad ni rten cing 'brel par 'byung ba ste/ bdag po med pa/ byed pa po med pa/ tshor ba po med pa/ rgyu dang rkyen las byung ba'o// 'di la 'jug pa 'am/ ldog pa 'am/ rjes su 'jug pa'i chos gang yang med de/ gzhan du na yang dag pa ma yin pa/ kun tu gti mug pas khams gsum pa 'dogs par 'gyur te/ nyon mongs pa'i rjes su 'jug pa dang / las kyi rjes su 'jug pa dang / sdug bsngal gyi rjes su 'jug pa'i 'dogs pa 'byung ba ni ma gtogs so// yang dag pa ma yin pa kun tu gti mug pa de'ang yang dag pa ji lta ba bzhin du yongs su brtags na chos gang yang chos gang gi byed pa por 'gyur ba med de/ gang la byed pa po mi dmigs pa de la 'jug pa med/ ldog pa med do zhes brjod par bya'o// de chos zab mo'i gtam de lta bu thos nas som nyi med do/ / the tshom mi za'o// chos thams cad la chags pa med par 'jug ste/ de gzugs la mi chags so// tshor ba dang / 'du shes dang / 'du byed rnams dang / rnam par shes pa la mi chags so// de ming dang gzugs dang / mig gi rnam par shes pa la mi chags so// rna ba dang / dang / lce dang / lus dang / yid dang / chos rnams dang / yid kyi rnam par shes pa la mi chags so// chos thams cad rang bzhin gyis stong pa dang / chos thams cad rang bzhin gyis dben par yid ches so/ / grogs po dag de ltar dad pa la gnas pa'i byang chub sems dpa' ni sangs rgyas mthong ba las yongs su nyams par mi 'gyur ro// dam pa'i chos nyan pa dang / dge 'dun la bsnyen bkur byed pa las yongs su nyams par mi 'gyur ro// de gang dang gang du skyes pa de dang der sangs rgyas mthong ba dang / chos nyan pa dang / dge 'dun la bsnyen bkur bya ba dang bral bar mi 'gyur ro// sangs rgyas bcom ldan 'das rnams kyi spyan sngar skye bar 'gyur ro// der skyes nas kyang brtson 'grus brtsams par 'gyur/ dge ba'i chos yongs su btsal ba la mngon par brtson par 'gyur ro// de brtson 'grus brtsams pas khyim gyi gnas don du gnyer bar mi 'gyur ro// chung ma dang mo dang / bran po dang / bran mo dang / las byed pa dang / zho shas 'tsho ba yongs su 'dzin pas yongs su spyod pa don du gnyer bar mi 'gyur ba ste/ de na tshad gzhon nur rnam par rtse ba la mi dga' bas/ na tshod mdzes pa la bab pa'i tshe sangs rgyas bcom ldan 'das rnams kyi bstan pa la dad pas khyim nas khyim med par myur du rab tu 'byung // ngo // de dad pas rab tu byung nas/ dge ba'i bshes gnyen rnams dang / dge ba'i grogs po dge ba thob par byed pa rnams dang / dge ba'i bsam pa thob bo// de dge ba'i bsam pa dang ldan pas/ dge ba'i chos rnams nyan to// sgrub pa snying por byed kyi/ tshig lhur len pa'i blo dang ldan pa ma yin no// mang du thos pa yongs su btsal ba'i phyir brtson 'grus brtsams pa'ang yin te/ ji ltar thos pa'i chos rnams kyang zang zing med pa'i sems kyis thob pa dang / bkur sti dang tshigs su bcad pa dag la mi re bar gzhan dag la rgya cher yang dag par ston to/ / bdag gi tshig gi rjes su 'brang bar gzhan dag la chos mi ston to// ji ltar thos pa dang / ji ltar gnas pa de bzhin du gzhan dag la chos ston to/ / chos nyan pa rnams la ni byams pa chen po 'thob bo// sems can thams cad la ni snying rje chen po skyed do// de mang du thos par gyur pas lus dang srog la mi lta ba yin/ 'dod pa chung ba dang / chog shes pa dang / rab tu dben pa dang / mgu sla ba dang / gas sla ba dang / dgon pa dang / bas mthar mngon par dga' ba yin/ ji ltar thos ba'i chos rnams kyi don la yongs su rtog pa yin no/ / don la ston pa yin te/ tshig 'bru la ni ston pa ma yin no// lha dang / mi dang / lha ma yin du bcas pa'i 'jig rten gyi ston par gyur pa yin/ bdag 'ba' zhig gi phyir brtson pa ma yin gyi/ sems can thams cad kyi don gyi phyir bla na med pa'i theg pa chen po 'di lta ste/ sa rgyas kyi ye shes yongs su tshol lo/ / bag yod pa lhur len pa'ang yin te/ de la bag yod pa gang zhe na/ 'di lta ste/ dbang po sdom pa'o// de mig gis gzugs rnams mthong nas mtshan mar 'dzin cing / mngon rtags su mi 'dzin pa yin no// de gzugs rnams kyi ro myang ba dang / nyes dmigs dang / 'byung ba'ang yang dag pa ji lta ba bzhin du rab tu shes so/ / de bzhin du rna bas sgra rnams dang / snas dri rnams dang / lces ro rnams dang / lus kyis reg bya rnams dang / yid kyis chos rnams shes nas mtshan mar mi 'dzin cing / mngon rtags su mi 'dzin pa yin te/ chos rnams kyi ro myang ba dang / nyes dmigs dang / 'byung ba'ang yang dag pa ji lta ba bzhin du rab tu shes te/ 'di bag yod pa zhes bya'o/ / gzhan yang bag yod pa ni gang rang gi sems 'dul ba dang / gzhan gyi sems rjes su srung ba dang / nyon mongs pa la dga' ba sel ba dang / chos la dga' ba'i rjes su 'jug pa dang / 'dod pa la rnam par rtog pa dang / gnod sems kyi rnam par rtog pa dang / rnam par 'tshe ba'i rnam par rtog pa rnams kyi rgyu ba med pa dang / mi dge ba'i rtsa ba chags pa dang / zhe sdang dang / gti mug gi rgyu ba med pa dang / lus kyi nyes par spyod pa'i rgyu ba med pa dang / ngag gi gnyis par spyod pa'i rgyu ba med pa dang / yid kyi nyes par spyod pa'i rgyu ba med pa dang / tshul bzhin ma yin pa yid la byed pa'i rgyu ba med pa dang / sdig pa mi dge ba'i chos thams cad kyi rgyu ba med pa ste/ 'di ni bag yod pa zhes bya'o// grogs po dag de ltaran bag yod par tshul bzhin yid la byed pa la brtson pa'i byang chub sems dpa' ni dad pa dang / bag yod pa dang ldan pa yin no// gsang ba pa'i bdag po dad pa mang ba dang / rtag tu mthun pa dang / chos don du gnyer ba dang / chos 'dod par bya'o// gsang ba pa'i bdag po dad pa dang ldan pa'i skyes bu gang zag ni 'jig rten pha rol tu ngan 'gro'i 'jig pa med pa yin te/ de'i sems nyes par spyod pa la mi 'gro'o// 'phags pa rnams kyis bsngags par 'gyur ro// gsang ba pa'i bdag po gzhan yang chos spyod pa la gar+b+ha pa'i skyes bu gang zag ni chos dang ldan par 'gro ba yin te/ sangs rgyas mthong ba rnams mnyes par byed do// 'phags pa'i lam la gnas so// che ba nyid kyang 'thob bo// gsang ba pa'i bdag po che ba nyid thob nas/ che ba nyid 'di lta ste/ de bzhin gshegs pa'i ye shes thob par byed pa'i byang chub kyi sems yongs su rdzogs par bya'o/ / gsang ba pa'i bdag po gzhan yang bde ba thob par 'dod pa'i skyes bu gang zag gis shin tu grub pa dang / bde ba yongs su mya ngan las 'das pa la brtson par bya'o/ / gsang ba pa'i bdag po sngon gyi dge ba'i rtsa ba rnams kyis 'ongs pa'i 'khor 'di ji ltar lhang nge ba la ltos/ gsang ba pa'i bdag po de la dge ba'i rtsa ba las yongs su mi nyams par bya ba'i phyir shin tu brtson par bya'o/ / gsang ba pa'i bdag po ji ltar dge ba'i rtsa ba las yongs su nyams par mi 'gyur zhe na/ gsang ba pa'i bdag po bag yod par gnas pa'i lha dang mi rnams ni dge ba'i rtse ba las yongs su nyams par mi 'gyur ro/ / de la bag yod pa ni sems rjes su srung ba dang / yul 'dor ba dang / 'dod pa la dga' ba rnam par spong ba dang / chos kyi dga' ba la rten pa dang / 'dod pa la rnam par rtog pa dang / gnod sems kyi rnam par rtog pa dang / rnam par 'che ba'i rnam par rtog pa rnams kyi rgyu ba med pa dang / mi dge ba rnams dang tshul bzhin ma yin pa yid la byed pa rnams kyi rgyu ba med pa dang / chags pa dang / zhe sdang dang / gti mug rnams kyi rgyu ba med pa dang / lus dang / ngag dang / yid kyi gnas ngan len rnams kyi rgyu ba med pa nas/ nyams pa'i cha dang mthun par 'gyur ba'i chos thams cad kyi bar gyi rgyu ba med pa ste/ 'di ni bag yod pa zhes bya'o// gsang ba pa'i bdag po su dad pa dang ldan zhing bag yod pa dang ldan pa des/ brtson 'grus gang gagis bag yod par byed pa dang / dad pa byed pa'i chos de dag yang dag par bsgrub par 'gyur ba'i brtson 'grus dang ldan par bya'o// gsang ba pa'i bdag po su dad pa dang brtson 'grus dang ldan pa des dran pa dang shes bzhin la brtson par bya'o/ / dran pa dang shes bzhin des byang chub kyi phyogs kyi chos thams cad chud za bar mi 'gyur ro// gsang ba pa'i bdag po su dad pa dang / bag yod pa dang / brtson 'grus dang / dran pa dang / shes bzhin dang ldan pa des tshul bzhin du sbyor ba la brtson par bya'o// gsang ba pa'i bdag po tshul bzhin la brtson pa'i byang chub sems dpa' ni gang yod pa de'ang rab tu shes so/ / gang med pa de'ang med pa rab tu shes so// de la yod pa ni gang med pa ni gang zhe na/ yang dag par sbyor ba dang ldan pa la ni 'phags pa'i rnam par grol ba yod do// 'di ni yod pa zhes bya'o// de la med pa gang zhe na/ log par sbyar ba dang ldan pa lan 'phags pa rnas par thub pa ma dang / ngan meng pa#// gzhan yang las dang nam pa sbyin pan ma da// gang snang dA rnam par / ba dang ldan pa ni med do// gzhan yang kun rdzob tu mig dang / rna ba dang / sna dang / lce dang / lus dang / yid ni yang ngo // gang mig nas yid kyi bar dang ldan pa ni med do/ / gzhan yang byang chub sems dpa' brtson 'grus brtsams pa la ni byang chub yod do// le lo can la ni byang chub med do// phyin ci log las byung ba'i phung po lnga dag ni yod do/ / rgyu med pa las chos 'byung ba ni med do// gzhan yang mi rtag pa dang / sdug bsngal ba dang / 'gyur ba'i chos can gyi gzugs ni yod do// rtag pa dang / brtan pa dang / zer zug dang / mi 'gyur ba'i chos can dang / yang dag par de bzhin nyid du gnas pa'i gzugs de ni med do// de bzhin du mi rtag pa dang / sdug bsngal ba dang / 'gyur ba'i chos can gyi tshor ba dang / 'du shes dang / 'du byed rnams dang / rnam par shes pa ni yod do// rtag pa dang / brtan pa dang / thar zug dang / mi 'gyur ba'i chos can dang / yang dag par de bzhin nyid du gnas pa'i rnam par shes pa de ni med do// gzhan yang ma rig pa'i rkyen gyis du byed zhes bya ba de dag ni yod do/ / ma rig pa med na 'du byed rnams zhes bya ba de dag med do// 'du byed kyi rkyen gyis rnam par shes pa zhes bya ba de ni yod do// 'du byed rnams med na rnam par shes pa zhes bya ba de ni med do/ / rnam par shes pa'i rkyen gyis ming dang gzugs zhes bya ba de ni yod do// rnam par shes pa med na ming dang gzugs zhes bya ba de ni med do/ / ming dang gzugs kyi rkyen gyis skye mched drug ces bya ba de ni yod do// ming dang gzugs med na skye mched drug ces bya ba de ni med do// skye mched drug gi rkyen gyis reg pa zhes bya ba de ni yod do/ / skye mched drug med na reg pa zhes bya ba de ni med do// reg pa'i rkyen gyis tshor ba zhes bya ba de ni yod do// reg pa med na tshor ba zhes bya ba de ni med do/ / tshor ba'i rkyen gyis sred pa zhes bya ba de ni yod do// tshor ba med na sred pa zhes bya ba de ni med do// sred pa'i rkyen gyis len pa zhes bya ba de ni yod do/ / sred pa med na len pa zhes bya ba de ni med do// len pa'i rkyen gyis srid pa zhes bya ba de ni yod do// len pa med na srid pa zhes bya ba de ni med do// srid pa'i rkyen gyis skye ba zhes bya ba de ni yod do/ / srid pa med na skye ba zhes bya ba de ni med do// skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams ni yod do// skye ba med na rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams med do// gzhan yang sbyin pas longs spyod chen por 'gyur ba ni yod do// sbyin pas dbul por 'gyur ni med do/ / tshul khrims kyis mtho ris su skye ba ni yod do// tshul khrims kyis ngan song du skye ba ni med do// thos pas shes rab chen por 'gyur ba ni yod do// rdzas pas shes rab 'chal par 'gyur ba ni med do/ / bsgom pas 'bral bar 'gyur ba ni yod do// bsgoms pas 'bral bar mi 'gyur ba ni med do// tshul bzhin ma yin pa yid la byed pa dang ldan na nyon mongs pa 'byung ba ni yod do/ / tshul bzhin ma yin pa yid la byed pa dang bral na nyon mongs pa 'byung ba ni med do// mngon pa'i nga rgyal can la rna kun shes pa brda sprod pa med do/ / mngon pa'i nga rgyal med pa la ni mya ngan las 'das pa yod do// gzhan yang thams cad kyi rjes su song ba'i stong pa nyid ni yod do// nang gi rjes su song ba'i bdag ni meng ngo / / ye shes dang ldan pa la ni thar pa yod do// nga rgyal dang ldan pa la ni 'byung ba med do// bdag gam/ sems can nam/ @ gam/ gang zag ces bya ba gang yin pa de ni med do// gsang ba pa'i bdag po de ltar na bag yod pa dang / tshul bzhin yid la byed pa dang ldan pa'i byang chub sems dpas 'jig rten na mkhas pa rnams la yod par grags pa gang yin pa de ni yod par rab tu shes so/ / 'jig rten na mkhas pa rnams la med par grags pa gang yin pa de ni med par rab tu shes so/ / de yod do zhes tha snyad 'dogs pa la'ang mi chags so// med do zhes tha snyad 'dogs pa la'ang mi chags te/ sangs rgyas bcom ldan 'das rnams kyis gsungs pa yang dag pa'i don rjes su rtogs so/ / gsang ba pa'i bdag po de la de bzhin gshegs pas chos thams cad mdor bsdus te/ chos kyi mdo bzhir rnam par gzhag go/ / bzhi gang zhe na/ dge sbyong dang / bram ze rtag par smra ba rnams dang / lha tshe ring po rtag par 'du shes pa rnams kyi gzhom pa'i phyir 'du byed thams cad mi rtag go zhes bya ba dang / lha dang mi bde bar 'du shes pa rnams kyi gzhom pa'i phyir 'du byed thams cad sdug bsngal lo zhes bya ba dang / mu stegs can bdag tu smra ba rnams kyi gzhom pa'i phyir chos thams cad la bdag med do zhes bya ba dang / rnam par rtog pa la dpyod pa mngon pa'i nga rgyal can rnams kyi gzhom pa'i phyir mya ngan las 'das pa ni nga zhes bya'o// gsang ba pa'i bdag po mi rtag ces bya ba de ni shin tu mi rtag pa'i don gyi tshig bla dgas so// sdug bsngal zhes bya ba de ni smon pa dang bral ba'i tshig bla dgas so/ / bdag med ces bya ba de ni stong pa nyid kyi mtshan nyid kyi tshig bla dgas so// mya ngan las 'das pa ni zhi ba'o zhes bya ba de ni mtshan ma med pa mngon du bya ba'i tshig bla dgas so// gsang ba pa'i bdag po de ltar na chos thams cad la de ltar mos shing tshul bzhin yid la byed pa dang ldan pa'i byang chub sems dpa' ni dge ba byang chub kyi phyogs kyi chos rnams las mi nyams shing yongs su nyams par mi 'gyur te/ sangs rgyas kyi chos thams cad kyang myur du yongs su rdzogs par byed do// de nas bcom ldan 'das la 'jig rten skyong ba rgyal po bzhis 'di skad ces gsol to/ / bcom ldan 'das rgyal po chen po bzhi po bdag cag 'jig rten skyong ba zhes bgyi na/ bcom ldan 'das bdag cag gis ji ltar 'jig rten bskyong bar bgyi/ de nas bcom ldan 'das kyis/ 'jig rten skyong ba rgyal po chen po bzhi la 'di skad ces bka' stsal to// grogs po dag khyed kyis chos kyi bya bas 'jig rten skyongs shig/ de la dge ba bcu'i las kyi lam 'di dag ni 'jig rten skyong bar byed pa'o// bcu gang zhe na/ 'di lta ste/ srog gcod pa spong ba dang / rang gi longs spyod kyis chog par 'dzin pa dang / gzhan gyi chung ma dag la mi 'phyo ba dang / chos spyod pa rnams la bden pa nyid dang / gzhan gyi 'khor mi 'byed ba dang / za ba'i tshig med de zher mi 'debs pa dang / tshig tsam ji lta ba bzhin te gzhan la mi slu ba dang / gzhan gyi longs spyod la 'dod pa med pa dang / gnod sems nye bar zhi ba dang / lta ba yongs su dag cing yang dag par song ba ste/ grogs po dag dge ba bcu'i las kyi lam de dag ni 'jig rten skyong bar byed pa'o// grogs po dag gzhan yang 'jig rten skyong bar byed pa'i chos brgyad de/ brgyad gang zhe na/ 'di lta ste/ ji skad smras pa de bzhin du byed pa dang / bla ma la gus pa dang / thams cad du mthun par 'dzin pa dang / drang ba dang / mnyen pa dang / sems can thams cad la byams pa'i sems dang ldan pa dang / sdig pa thams cad mi byed pa dang / dge ba'i rtsa ba thams cad yang dag par sdud pa ste/ grogs po dag chos brgyad po de dag ni 'jig rten skyong bar byed pa'o// grogs po dag gzhan yang yang dag par mgu bar bya ba'i chos 'jig rten skyong bar byed pa drug ste/ drug gang zhe na/ 'di lta ste/ ston pa dang / tshangs pa mtshungs par spyod pa mkhas pa rnams dang / sems can thams cad byams pa'i lus kyi las 'di ni yang dag par mgu bar 'gyur ba'i chos dga' bar byed pa dang / bla mar byed pa dang / yid du 'ong bar byed pa dang / dga' bar bya ba dang / bla mar bya ba dang / gus par bya ba dang / bsgom pa dang / bsdu ba dang / ting nge 'dzin du bya bar 'gyur ba dang po'o// de bzhin du ston pa dang / tshangs pa mtshungs par spyod pa mkhas pa rnams dang / sems can thams cad la byams pa'i ngag dang yid kyi las 'di ni yang dag par mgu bar 'gyur ba'i chos dga' bar byed pa dang / bla mar byed po dang / yid du 'ong bar byed pa dang / dga' bar bya ba dang / bla mar bya ba dang / gus par bya ba dang / bsgom pa dang / bsdu ba dang / ting nge 'dzin du bya bar 'gyur ba gnyis pa dang gsum pa'o// rnyed pa gang dag chos dang mthun pa/ chos kyis rnyed pa tha na lhung bzed kyi nang du chud pa 'am/ lhung bzed par g togs pa de lta bu'i rnyed pa dag gis tshangs pa mtshungs par spyad pa mkhas pa rnams dang lhan cig tu rnyed pa mthun par bya'o snyam pa 'di ni yang dag par mgu bar 'gyur ba'i chos dga' bar byed pa dang / bla mar byed pa dang / yid du 'ong bar byed pa dang / dga' bar bya ba dang / bla mar bya ba dang / gus par bya ba dang / bsgom par bya ba dang / bsdu ba dang / ting nge 'dzin du bya bar 'gyur ba bzhi pa'o// tshul khrims ma nyams pa/ skyon med pa/ 'dren ma ma yin pa/ sra sra ma yin pa/ rang dbang can/ ma 'bags pa/ mkhas pas bsngags pa/ tshangs pa mtshungs par spyod pa/ mkhas pa rnams kyis ma smad pa/ gang dag yin pa de lta bu'i tshul khrims rnams kyis tshangs pa mtshungs par spyod pa mkhas pa rnams dang lhan cig tu tshul khrims mthun par bya'o snyam pa 'di ni yang dag par mgu bar 'gyur ba'i chos dga' bar byed pa dang / mgu bar byed pa dang / bla mar byed pa dang / yid du 'ong bar byed pa dang / dga' bar bya ba dang / bla mar bya ba dang / gus par bya ba dang / bsgom pa dang / bsdu ba dang / ting nge 'dzin du bya bar 'gyur ba lnga pa'o/ / lta ba gang 'phags pa nges par 'byung ba nges par 'byed pa'i cha dang mthun pa de byed pa'i sdug bsngal yang dag par zad par 'gyur ba dang / sdug b sngal mthar 'byin pa nges par 'byung ba'i lta ba de lta bus tshangs pa mtshungs par spyad pa rnams dang lhan cig tu lta ba mthun par bya'o snyam pa 'di ni yang dag par mgu bar 'gyur ba'i chos dga' bar byed pa dang / bla mar byed pa dang / yid du 'ong bar byed pa dang / dga' bar bya ba dang / bla mar bya ba dang / gus par bya ba dang / bsgom pa dang bsdu ba dang / ting nge 'dzin du bya bar 'gyur ba drug pa ste/ grogs po dag yang dag par mgu bar bya ba'i chos drug po de dag ni 'jig rten skyong bar byed pa'o// grogs po dag gzhan yang 'jig rten skyong bar byed pa'i chos bzhi ste/ bzhi gang zhe na/ 'di lta ste/ 'dod pa dang / zhe sdang dang / gti mug dang / 'jig pa spangs pas 'dod pas 'gro ba ma yin par mi 'gro ba dang / zhe sdang gis 'gro ba ma yin par mi 'gro ba dang / gti mug gis 'gro ba me yin par mi 'gro ba dang / 'jigs pas 'dra ba ma yin par mi 'gro ba ste/ grogs po dag 'gro ba ma yin par 'gro ba spangs pa'i chos bzhi po 'di dag ni 'jig rten skyong bar byed pa'o// grogs po dag gzhan yang 'jig rten skyong bar byed pa'i chos gnyis te/ gnyis gang zhe na/ 'di lta ste/ ngo tsha shes pa dang / khrel yod pa ste/ chos gnyis po de dag ni 'jig rten skyong bar byed pa'o// grogs po dag gzhan yang 'jig rten skyong bar byed pa'i chos ni gcig kho na te/ 'di lta ste/ bden pa ni 'jig rten skyong bar byed pa/ bka' blo bde ba ni 'jig rten skyong bar byed pa/ gya med pa ni 'jig rten skyong bar byed pa ste/ grogs po dag chos gcig pu de ni 'jig rten skyong bar byed pa'o// grogs po dag de lta bu'i chos la brtson na 'jig rten sbyang bar byed de/ grogs po dag khyed kyis chos de lta bu la brtson pas 'jig rten skyongs shig/ 'jig rten skyong ba'i le'u zhes bya ste bcu dgu pa'o// // de nas bcom ldan 'das 'di snyam du dgongs te/ gsang sngags kyi tshig gang dag brjod pas 'khor 'di thams cad dge ba dang ldan par 'gyur ba dang / de bzhin gshegs pa'i byang chub 'di'ang yun ring du gnas par 'gyur ba'i gsang sngags kyi tshig de dag ngas 'khor 'di la brjod par bya'o snyam nas/ de nas bcom ldan 'das kyis/ gsang ba pa'i bdag po lag na rdo rje la bka' stsal pa gsang ba pa'i bdag po ngas klu'i rgyal po sog ma med kyi gnas su gsang sngags kyi tshig gang dag smras pa de dag dang / byang chub kyi snying po mchog dam par 'dug nas 'gro ba la phan pa dang bde ba'i phyir/ ngas sems kyi dran pas gang dag smras pa de dag khyod kyis dran nam/ gsol pa/ bcom ldan 'das dran lags so// bcom ldan 'das kyis bka' stsal / gsang ba pa'i bdag po gsang sngags kyi tshig de dag la khyod spobs par gyis shAH/ de nas gsang ba pa'i bdag po lag na rdo rje stan las langs te/ bam 'das kyi spyan sngar tsug cig pur 'dug nas/ lag pa gnyis bcom ldan 'das kyi zhabs gnyis la gtugs te/ gsang sngags kyi tshig 'di dag smras so// 'di lta ste/ A r+yal/ / @##/ na// / masan s+yA / ma ga tas pa / da ma// nabid+d+ha/ ta / tAn / Ta na / toho/ nA kA nA ma/ yak+Sha rAs/ gan d+harbA d+hAm/ kin nA ra NAm/ ma sor ga rnam/ swa sIr b+ha ba N+Da la nAm/ bkau ran du ma hA bar rba tA/ sam bya ba tan gardza tu sa mu dra ba ga i ti/ gsang sngags kyi tshig bstan pa 'di bshad pa na lha'i gnas thams cad rab tu g.yos sa// sa thams cad kyang rab tu g.yas so// rgya mtsho chen pa'ang rab tu 'khrug go/ de na thams cad dang ldan pa'i 'khor de'ang 'dar bar pad nas/ bcom ldan 'das kyi zhabs gnyis la phyag 'tshal bar gyur to// bcom ldan 'das kyis stong gi 'jig rten gyi khams de la zhabs gcig gis reg par mdzad do/ / de na thams cad dang ldan pa'i 'khor de/ de bzhin gshegs pa'i zhabs la ma reg tsam du nye bar 'dag ste/ 'di skad ces gsol to// bcom ldan 'das bdag cag bsrung du gsol/ bde bar gshegs pa bdag cag la bskyab tu gsol/ bdag cag la gnod lags so// bdag cag la rab tu gnod lags so/ / bdag cag 'dar bad bad lags so// bcom ldan 'das kyis bka' stsal pa/ grogs po dag ma 'jigs shig/ ma 'jigs shig/ de bzhin gshegs pas byin gyis brlabs pa'i gsang sngags kyi tshig 'di dag gi yul ni/ 'di lta ste/ sa chen po 'di rab tu g.yos pa dang / rgya mtsho chen po 'khrug pa dang / khyed kyang nam mkha' la gnas nas rab tu g.yos pa yin no// de nas bcom ldan 'das kyis gsang ba pa'i bdag po lag na rdo rje'i 'khor gyi khyams su/ ci nas srog chags brgyad khris byang chub tu sems bskyed pa dang / sems can tshad med pa de dag gis bslab pa'i gnas rnams blangs par gyur pa de ltar chos rgya cher bstan to// / / bam po dgu pa/ de nas gsang ba pa'i bdag po'i bu rdo rje'i sdes bcom ldan 'das la rin po che'i dra bas mngon par bkab nas/ bcom ldan 'das la 'di skad ces gsol to/ / bcom ldan 'das byang chub sems dpa' ji ltar na bla na med pa yang dag par rdzogs pa'i byang chub la mi 'khrugs pa'i chos can du 'gyur ba lags/ bcom ldan 'das kyis bka' stsal pa/ rigs kyi bu byang chub sems dpa' sems dpa' chen po ches bcu dang ldan na/ bla na med pa yang dag par rdzogs pa'i byang rgyub la mi 'khrugs pa'i chos can du 'gyur ro/ / bcu gang zhe na/ kha zab med pa byams pa chen po dang / yongs su ma skye ba'i snying chen po dang bya ba thams cad nyams 'og tu chud par byed pa'i brtson 'grus dang / stong pa nyid kyi rnam par sbyar ba'i ting nge 'dzin dang / mngon sum du rtogs pa'i shes rab dang / thams cad kyi rjes su sang ba'i mkhas pa dang / dus gsum yongs su sbyang ba'i ye shes dang / bdon pa mthong ba sbyang bar bya ba'i sgrib pa med pa dang / rnam pa thams cad kyi mchog dang ldan pa'i stong nyid dang / ji lta ba bzhin gyis yongs su dag pa'i lam la 'jug pa ste/ gzhon nu byang chub sems dpa' chos bcu po de dag dang ldan na/ bla na med pa yang dag par rdzogs pa'i byang chub la mi 'khrugs pa'i chos can du 'gyur ro/ / gsang ba pa'i bdag po'i bu rdo rje'i sdes/ bcom ldan 'das la yang 'di skad ces gsol to// bcom ldan 'das ji ltar na byang chub sems dpa' sangs rgyas kyi chos bsam gyis mi khyab pa nyid thos na/ mi sdang mi skrag cing skrag par mi 'gyur ba lags/ bcom ldan 'das kyis bka' stsal pa/ gzhon nu byang chub sems dpa' chos brgyad dang ldan na/ sangs rgyas kyi chos bsam gyis mi khyab pa nyid thos na/ mi sdang mi skrag cing skrag par mi 'gyur te brgyad gang zhe na/ shes rab kyis brtan pa yin/ ye shes kyis brtan pa yin/ dge ba'i bshes gnyen gyis yongs su zin pa yin/ rgya chen po la mos pa yin// sgyu ma dang mtshungs pa'i chos las nges par byung ba yin/ chos la mi rtag par mos pa yin/ sems nam mkha' dang mtshungs pa yin/ chos thams cad rnam par bsgrub par gnas pa'i mtshan nyid du shes pa yin te/ gzhon nu byang chub sems dpa' chos brgyad pa de dag dang ldan na/ sangs rgyas kyi chos bsam gyis mi khyab pa nyid thos na mi sdang mi skrag cing skrag par mi 'gyur ro/ / gsol pa/ bcom ldan 'das byang chub sems dpa' chos du dang ldan na/ bgyi ba thams cad la dbang dang ldan par 'gyur ba lags/ bcom ldan 'das kyis bka' stsal pa/ gzhon nu byang chub sems dpa' chos bzhi dang ldan na/ bya ba thams cad la dbang dang ldan par 'gyur te/ bzhi gang zhe na/ legs par bskams shing nyams par ma gyur pa'i mngon par shes pa lnga dang ldan pa yin/ rnam par thar pa'i sgos yongs su bsgos pa'i bsam gtan bzhi dang ldan pa yin/ tshangs pa'i bla ma 'jig rten las 'das pa'i tshangs pa'i gnas pa bzhi dang ldan pa yin/ thams cad kyi rjes su rnam par rgyu ba'i thabs dang shes rab las nges pa byung ba yin te/ gzhon nu byang chub sems dpa' chos bzhi pa de dag dang ldan na/ bya ba thams cad la dbang dang ldan par 'gyur ro// gsal pa/ bcom ldan 'das byang chub sems dpa' rnams kyi sgo du mchis/ bcom ldan 'das kyis bka' stsal pa/ gzhan nu byang chub sems dpa' rnams kyi sgo bzhi ste/ bzhi gang zhe na/ 'di lta ste/ sems can gyi dbang po la 'jug pa ye shes kyi sgo dang / tshig rab tu dbye ba bstan pa shes rab kyi sgo dang / skad thams cad kun tu 'dzin pa la 'jug pa gzung kyi sgo dang / chos mi zad pa bstan pa so so yang dag par rig pa'i sgo ste/ gzhon nu bzhi po de dag ni byang chub sems dpa' rnams kyi sgo'o// gsol pa/ bcom ldan 'das byang chub sems dpa' rnams kyi stobs du mchis/ bcom ldan 'das kyis bka' stsal pa// gzhon nu byang chub sems dpa' rnams kyi stobs ni dgu ste/ dgu gang zhe na/ snying rje bar bya ba'i phyir nges par sems dpa'i stobs dang / phyir mi ldog par bya ba'i phyir brtson 'grus kyi stobs dang / shes rab chen por bya ba'i phyir thos pa'i stobs dang / rnam par grol ba yongs su rdzogs par bya ba'i phyir rmo pa'i stobs dang / 'bral bar bya ba'i phyir bsgoms pa'i stobs dang / sems can bsrung ba'i phyir bzod pa'i stobs dang bdud tshar gcod pa'i phyir byang chub kyi sems kyi stobs dang / sems can yongs su smin par bya ba'i phyir snying rje chen po'i stobs dang / stobs bcu yongs su rdzogs par bya/ ba'i phyir mi skye bar bzod pa'i stobs te/ gzhon nu dgu po de dag ni byang chub sems dpa' rnams kyi stobs so// bstan pa 'di bshad pa na/ gsang ba pa'i bdag po'i bu de dag mi skye ba'i chos la bzod pa thob par gyur te/ de dag bzod pa thob nas/ bcom ldan 'das la 'di skad ces gsol to// bcom ldan 'das chos kyi rnam grangs 'di gsang ba pa'i bdag po'i gnas su yun ring du gnas shing spyod par 'gyur ba dang / sems can snod du gyur pa de dag gi rna lam du grags par 'gyur ba dang / de bzhin gshegs pa yongs su mya ngan las 'das pa'i slad du na 'dzam bu gling du rgyas par 'gyur zhing / ci nas kyang nub par mi 'gyur bar byin gyis brlab tu gsol/ de nas bcom ldan 'das kyis/ gsang ba pa'i bdag po'i bu de dag gis gsol ba btab pa mkhyen nas/ gsang ba pa'i bdag po lag na rdo rje la bka' stsal pa/ gsang ba pa'i bdag pa 'di lta ste/ dam pa'i chos kyi tshul yun ring du gnas par bya ba dang / bdud dang phas kyi rgol ba thams cad chos dang mthun pas char gcod par bya ba'i phyir ngas khyod la 'phrul gyis/ byang chub sems dpa' byang chub kyi snang ba mtshas dam pa la 'dug pa 'byung ba dang / bdud kyi sa 'ongs pa na 'dud char gtsang pa'i phyir byad/ kyis gsang sngags kyi gzhi gang dag pasams shing brjod pa dang / kha ton bya ba de dag la khyad spabs par gyis shig/ de nas gsang ba pa'i bdag po lag na rdo rjes bcom ldan 'das kyis bskul bar rig nas/ stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btung nas/ de'i tshe gsang sngags kyi gzhi 'di dag smras so// tad+ya thA/ hu lu/ hu lA/ hu le/ d+hA ra/ d+hA rA te/ a ku sha la kA ye/ tsa le/ tsa la ba ti/ sA raM/ kU re/ krAn ti ba le/ krA me/ krAn ti ka/ sha me/ hu lu/ a li khi/ khi ri kha re/ A be sha ni sa ra Ne/ dza ma dza ya ba ti/ s+thi re/ a brti/ bi brte/ a brta naM/ mai tra b+hU tA nan sang gra he/ da me/ da ma sam ban ne/ tIr+Ne ta ra ya se/ swa yan/ swa sti de be b+h+yo/ nA ge r+g+ga/ yawe b+h+yo/ gan d+harma rAk+ka se b+h+yo/ ma nu Sha a ma nu She b+hu swa stir b+ha ba tum dA su kham/ gsang sngags 'di dag rab brjod pas// ri yi rgyal po rnams kyang g.yos// sa yang rab tu g.yos par gyur/ / chu yi rgyal po rnams kyang 'khrugs// gsang sngags 'di dag rab brjod pas// bas kyi rgol rnams tshar yang gcod// chos smra ba ni yang dag bsdus/ chos kyi mdzod ni kun tu bsrungs// gsang sngags gzhi 'di thos nas ni// lha tshogs kun tu dga' gyur nas// dam chos ring du gnas 'gyur zhes// phan tshun du ni smra bar byed/ / stong gsum po yang rab tu g.yos// khor yang rab tu 'dar gyur nas/ mi yi dbang po'i zhabs gnyis la// gtugs pa byas te skyabs su dong // de dag mi 'jigs der phyin nas/ / ston pas 'di skad bka' stsal te// mdo 'di byin gyis brlabs pas na// dam chos ring du gnas par 'gyur// de nas bcom ldan 'das kyis gsang ba pa'i bdag po lag na rdo rje'i gnas su zhag bdun 'das 'das su sems can tshad med pa dag gi don mdzad nas/ zhag bdun 'das te lcang lo can gyi brang 'khor du sems can gyi don mdzad pa ji snyed pa de dag thams cad rgyas par mdzad nas/ gsang ba pa'i bdag po lag na rdo rje'i gnas nas gshegs te/ nam mkha'i dkyil gyi lam de nyid nas byang chub sems dpa'i tshogs kyis ni bskor/ nyan thos kyi tshogs kyis ni mdun du bdang / lha'i tshogs kyis ni phyag byas/ lha'i bu mo'i tshogs kyis ni mngon par bstod/ gnod sbyin dang / dri ba dang / lha ma yin dang / nam mkha' lding du mag ni bskrur/ brgya byin dang / tshangs pa dang / 'a rten skyong ba rnams kyis ni mngon par bstod/ 'od zer gyi dra ba ni rab tu 'gyed/ rol mo sil snyan ni len/ me tog gi char ni 'bebs/ zhing rnams ni rab tu g.yo bar mdzad cing / sangs rgyas kyi mthu chen po dang / sangs rgyas kyi rdzu 'phrul chen po dang / sangs rgyas kyi rnam par 'phrul pa chen po dang / sangs rgyas kyi cho 'phrul chen po ba sangs rgyas kyi dpal chen po dang / sangs rgyas kyi gzi brjid chen po dang / sangs rgyas kyi spyod lam chen po dang / sangs rgyas kyi rnam par rol pa chen pos dang ba'i rgyab po ltar thogs pa med par gshegs te/ slar bya rgod kyi rung ba'i ril byon te// gsang ba pa'o bdag pa lag na rdo rje'ang bcom ldan 'das kyi zhabs 'bring du 'brang bar gyur to// bzhud pa dang byon pa'i le'u zhes bya ste nyi shu pa'o// // de nas bcom ldan 'das byang chub sems dpa' rnams dang / nyan thos chen po rnams dang thabs cig tu bya rgod kyi phung po'i ro la bzhugs so/ / de nas bcom ldan 'das phye ma red kyi dus kyi tshe nang du yang dag 'jog las bzhengs nas chos ston to// de nas rgyal po'i khab kyi grong khyer chen po'i srog chags drug khri dang / rgyal po ma skyes dgra 'khor dang bcas pas/ bcom ldan 'das slar gshegs par rig nas/ phye ma red kyi dus kyi tshe me tog dang / spos dang / 'phreng ba dang / byug pa thogs to/ rgyal po'i khab kyi grong khyer chen po nas byung nas/ bya rgod kyi phung po'i ri ga la ba dang / bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go/ phyogs gcig tu 'dug nas kyang rgyal po ma skyes dgras/ bcom ldan 'das la 'di skad ces gsol to// bcom ldan 'das bdag 'di na 'dun khang na mchis mchis na/ gzhon nu 'jigs byed sbyin mchis te 'di skad ces mchi'o/ / yab bcom ldan 'das ni gsang ba pa'i bdag po lag na rdo rje'i gnas lcang lo can gyi pho brang 'khor du gdugs tshod gsol nas slar gshegs shes gda'o zhes mchis nas/ bcom ldan 'das de la bdag gis 'di snyam du bsamra te/ gang gi slad du gsang ba pa'i bdag po lag na rdo rje'i gnas lcang lo can gyi pho brang 'khor du bcom ldan 'das spyan drangs na yang / sems can yongs su smin par mdzad pa'i slad du/ lcang lo can gyi pho brang 'khor du gshegs pas/ 'di ltar gang de bzhin gshegs pas yongs su btang ba'i sems can de ni sems can gyi rigs na gang yang ma mchis te/ sems can rnams la sangs rgyas bcom ldan 'das rnams kyi thugs rje chen po 'jug pa ni ngo mtshar to/ / bcom ldan 'das de bzhin gshegs pas chos rnam par nges pa lung bstan pa lung bstan pas/ gsang ba pa'i bdag po lag na rdo rje dga' bar gyur pa'i bdag nyid chen po ngo mtshar to snyam du bgyid do/ / bcom ldan 'das gsang ba pa'i bdag po lag na rdo rjes de bzhin gshegs pa dgra bcom pa yang dag par rdzogs pa'i sangs rgyas ji snyed cig la dge ba'i rtsa ba bskyed na des 'di 'dra ba'i spobs pa dang ldan par gyur/ de skad ces gsol pa dang / bcom ldan 'das kyis/ rgyal po ma skyes dgra la 'di skad ces bka' stsal to// rgyal po chen po sems can dge ba'i rtsa ba ma bskyed pa rnams kyis ni gnas 'di la mos par dka' ste/ 'on gyis kyang dge ba'i rtsa ba bskyed par gyur pa de dag ni mos par 'gyur ro/ / rgyal po chen po phyogs bcu'i 'jig rten gyi khams gang+gA'i klung gi bye ma snyed po de dag ni bgrang ba'i tshul gyis mtha' rtogs par nus kyis/ gsang ba pa'i bdag po lag na rdo rjes sangs rgyas bcom ldan 'das ji snyed cig la mchod pa dang / bsnyen bkur byas pa'i sangs rgyas bcom ldan 'das de dag ni bgrang ba'i tshul gyis mtha' rtogs par mi nus te/ de dag gi gan nas tshangs par spyad pa spyad pa des na spobs pa 'di lta bu dang ldan par gyur to/ rgyal po chen pa khyod kyis rnam grangs 'dis kyang 'di ltar rig par bya ste/ rgyal po chen po sngon byung ba 'das pa'i dus na/ bskal pa grangs med pa'i yang chos grangs med pa rgya che ba'i yang ches rgya che ba/ tshad med pa/ bsam gyis mi khyab par gyur pa/ de'i tshe de'i dus na ma smad pa zhes bya ba'i bskal pa la 'jig rten gyi khams rnam par rgyal ba can zhes bya bar de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rnam par zhi spyod ces bya ba 'jig rten du byung ste/ bcom ldan 'das de bzhin gshegs pa rnam par zhi spyod de/ rigs kyi bu dag khyed kyis yus dang srog kyang btang ste/ brtson 'grus brtsams par bya ba zhes byang chub sems dpa'i gtam 'ba' zhig yang dag par stan to/ / rgyal ba chen po de'i tshe byang chub sems dpa' dpa' stobs zhes bya ba 'khor der 'dus par gyur te 'dug pa des/ bcom ldan 'das la 'di skad ces gsol to// bcom ldan 'das kyis byang chub sems dpa' rnams lus srog kyang btang ste/ brtson 'grus brtsam par bya'o zhes de skad bka' stsal pa la/ bcom ldan 'das kyis bka' stsal ba'i don bdag gis 'tshal ba ltar na/ bcom ldan 'das byang chub sems dpa' 'di snyam du myur du bla na med pa yang dag par rdzogs pa'i byang chub tu mngon par rdzogs par 'tshang rgya bar bya'o snyam du sems pa de ni le lo can du grags pa lags pa snyam du bdag bgyid do/ / de ci'i slad du zhe na/ bcom ldan 'das byang chub sems dpa' brtson 'grus brtsams pa rnams ni 'khor ba la yongs su skyo ba'i blo skye bar mi 'gyur te/ bcom ldan 'das byang chub sems dpa' rnams ni sems can yongs su smin par bgyi ba'i slad du 'khor ba la phan yon du lta ba lags kyis/ mya ngan las 'das pa la ni de lta ma lags te/ bcom ldan 'das byang chub sems dpa' rnams ni sems can gyi don la brtson pa lags so/ / de ci'i slad du zhe na/ bcom ldan 'das byang chub sems dpa' brtson 'grus la mos pa rnams la 'khor ba ni ches pa de'i/ mya ngan las 'das pa ni de lta ma lags so/ / de ci'i slad du zhe na/ bcom ldan 'das byang chub sems dpa' sems can gyi don la brtson pa de dag ni ji lta ji ltar sems can rnams kyi don bgyid pa de lta de ltar bde bar 'gyur te/ bcom ldan 'das yongs su mya ngan las 'das na slad kyis ci zhig bgyi bar 'gyur/ bcom ldan 'das de lta bas na byang chub sems dpas 'khor ba'i bde ba'i ro mi myang bar 'khor ba spyod yul du bgyis te/ mya ngan las 'das pa spyod yul du mi bgyi'o// bcom ldan 'das byang chub sems dpa' 'khor ba'i bde ba'i ro mi myang babar 'khor ba spyod yul du bgyod cing sems can gyi don la brtson pa ni/ sangs rgyas bcom ldan 'das tshad ma mchis pa mthong bar 'gyur/ chos tshad ma mchis pa nyan par 'gyur zhing / sems can tshad ma mchis pa yongs su smin par bgyid do// bcom ldan 'das byang chub sems dpa' 'khor ba spyod yul du bgyid pa ni sems can gyi spyod yul gyi rjes su 'jug go/ / bcom ldan 'das byang chub sems dpa' mya ngan las 'das pa spyod yul du bgyid pa ni btang snyoms su ltung logs so// bcom ldan 'das gal te byang chub sems dpa' 'khor ba'i spyod yul gyis skrag na/ spyod yul ma lags par ltung ste/ slad kyis sems can gyi don mi bgyid/ de bzhin gshegs pa'i spyod yul la gnas par mi 'gyur zhing / sems can thams cad kyi nye bar 'tshe bar mi 'gyur lags so// de'i spyod yul ma lags pa gang zhe na/ 'di lta ste/ nyan thos dang rang sangs rgyas kyis 'tshal zhing / sems can yongs su smin par bgyid pa la g.yel ba lags so// de ci'i slad du zhe na/ bcom ldan 'das nyan thos rnams kyi spyod yul gang lags pa de ni/ byang chub sems dpa'i spyod yul ma lags so// de ci'i slad du zhe na/ bcom ldan 'das nyan thos dang rang sangs rgyas rnams ni 'khor bas skrag pa'i spyod yul ba lags so/ / byang chub sems dpa' rnams ni 'khor ba dpag tu ma mchis pa yongs su 'dzin pa lags te/ bcom ldan 'das de la byang chub sems dpa' rang gi sprad yul la gnas par bgyi'o/ / rgyal po chen pos de skad ces gsol pa dang / de bzhin gshegs pa rnam par zhi spyod kyis/ byang chub sems dpa' dpa' stobs la 'di skad ces bka' stsal to/ / skyes bu dam pa khyod kyis tshig 'di legs par smras pa legs so legs so// byang chub sems dpas rang gi spyod yul gyi bya ba dag la gus par byas te/ rang gi spyod yul la spyad par bya'i/ gzhan gyi spyad yul la spyad par mi bya'o// gsol pa/ bcom ldan 'das byang chub sems dpa' rnams kyi rang gi spyod yul gang lags bka' stsol pa/ rigs kyi bu byang chub sems do pa'i rang gi spyod yul ni/ 'di lta ste/ 'khor ba dpag tu med pa yongs su 'dzin pas mi skrag pa dang / byang chub sems dpa'i spyod pa'i phan yon dang / nyan thos dang rang sangs rgyas kyi sa la 'dod pa med pa dang / nying mtshams sbyor ba med par yang shes la/ khams gsum du'ang mtshams sbyor ba dang / sel ba dang / sdud pa dang / dge ba'i rtsa ba rnams spel ba dang / tshul la mkhas pa dang / bsdu ba shes pa dang / dge ba thams cad sogs pa la mkhas po dang / zad pa'ang shes la/ bsod nams kyi tshogs mi zad pa la'ang mkhas pa dang / skye ba med par yang rab tu rtogs la/ bsams bzhin du skye ba la'ang mkhas pa dang / sems can yang med la/ sems can yongs su smin par byed pa la'ang mkhas pa dang / chos thams cad la dben par shes la/ dam pa'i chos yongs su bzung ba la'ang mkhas pa dang / sangs rgyas kyi zhing thams cad nam mkha'i rang bzhin du'ang shes la/ sangs rgyas kyi zhing yongs su sbyong ba la'ang mkhas pa dang / sangs rgyas thams cad chos kyi sku yin par yang shes la/ mtshan dang dpe byad bzang po'i rgyan rnam par bsgrub pa yongs su tshol ba la'ang mkhas pa dang / mngon par 'du byed pa med par yang shes la dge ba'i rtsa ba thams cad mngon par du bya ba'i rgyun mi gcod pa la'ang mkhas pa dang / 'dus byas kyi chos kyang yongs su sbyang la/ don nyung zhing bya ba nyung ba dang / sems can thams cad kyi tsi d+ya'o cog la'ang mkhas la/ lus dang sems dben par dga' ba'ang shes pa dang / chos bstan pa'ang mi 'dor la/ smra ba la smra ba la'ang mkhas pa dang / bsam gtan yang skyed la/ bsam gtan gyi ro myang bar yang mi byed pa dang / chos zab mo rtogs pa'ang shes la/ sems can gyi spyad pa sna tshogs kyi rjes su'ang 'jug cing / gtam yang dag par ston pa la mkhas pa dang / 'byung ba med par yang shes la/ bsams bzhin du sring ba'ang yongs su 'dzin pa 'o kA mthong yang shes la/ 'bras bu thob par mi byed pa la'ang mkhas pa dang / nyan thos dang rang sangs rgyas kyi yul yang yin la/ de bzhin gshegs pa'i rnam par grol ba 'a dang pa'i rgyan mi gcod pa la'ang mkhas pa dang / byang chub sems dpa'i spyod pa mi 'dor ba'ang shes la/ sangs rgyas kyi yul la lta ba la'ang mkhas pa ste/ rigs kyi bu 'di ni bar chub sems dpa' rnams kyi rang gi spyod yul lo/ / rgyal po chen po de ltar na byang chub sems dpa' dpa' stobs des/ bcom ldan 'das de bzhin gshegs pa rnam par zhi spyod pas/ spyod yul yongs su dag pa bstan pa 'di thos nas ngo mtshar du gyur te/ bcom ldan 'das la 'di skad ces gsol to// bcom ldan 'das de bzhin gshegs pas/ byang chub sems dpa' rnams kyi rang gi spyod yul yongs su dag pa bstan pa 'di legs par gsungs pa ni ngo mtshar lags so/ / bcom ldan 'das kyis bka' stsal pa'i don bdag gis 'tshal ba dang bdag sems pa ltar na byang chub sems dpa' thabs la mkhas pa'i rang gi spyod yul ni chos thams cad lags pa snyam bgyid do/ / bcom ldan 'das 'di lta ste/ dper bgyi na gnas gang lags pa dang / gzugs snang ba thams cad la mi sgrib pa dang / nam mkha'i spyod yul sgrib pa mchis pas gzugs su gda' ba thams cad ni nam mkha'i spyad yul lags so// bcom ldan 'das de bzhin du mngon par rdzogs par 'tshang rgya bas/ byang chub sems dpa' thobs la mkhas pa'i spyod yul ni chos thams cad lags so// bcom ldan 'das 'di lta ste/ dper bgyi na gnod pa ma mchis pa'i slad du gzugs su gda' ba thams cad ni nam mkha'i spyod yul lags te/ dug go shing ljon pa 'am/ sman gyi shing ljon pa 'am/ tsher ma can gyi zhing ljon pa 'am/ me tog gi shing ljon pa 'am/ 'bras bu'i shing ljon pa 'am/ spos kyi shing ljon pa gang lags pa de dag thams cad ni nam mkha' las rnam par 'phel yang / nam mkha' ni de dag gis kun nas nyon mongs par yang mi 'gyur/ rnam par dag par yang mi 'gyur/ rjes su 'chags par yang mi 'gyur/ khong khro bar yang mi 'gyur lags so// bcom ldan 'das de bzhin du byang chub sems dpa' thams la mkhas pa/ shes rab las nges par byung ba'i rang gi spyod yul ni chos thams cad lags te/ so so'i skye ba'i chos gang dag lags pa dang / slob pa'i chos dang / mi slob pa'i chos dang / rang sangs rgyas kyi chos dang / byang chub sems dpa'i chos gang dag lags pa dang / de bzhin gshegs pa'i chos gang dag lags pa rnams so/ / de ci'i slad du zhe na/ de dag thams cad ni nges mngon par rdzogs par rdzogs par bgyi ba lags so// bcom ldan 'das 'di lta ste/ dper bgyin zhugs ni rtswa 'am/ nags tshal gang yang rung ste/ de las mi 'bros kyi/ de dag thams cad ni me sgron gsal bar 'bar bar bgyid pas phan par gyur pa lags so// bcom ldan 'das de bzhin du shes rab kyis me sgron 'bar bar bgyid pas/ chos thams cad ni byang chub sems dpa'i rang gi spyod yul lags so// bcom ldan 'das 'di lta ste/ dper bgyi ma chen po che'i lus ni zhugs kyis mi 'tshig/ mtshon gyis mi khums/ dug gis mi 'gum ste/ de pha rol gyi gnod pas mi tshugs so// bcom ldan 'das de bzhin du byang chub sems dpa'i shes rab dang ye shes kyang nyan thos dang 'dris par bgyid pa dang / rang sangs rgyas dang 'dris par bgyid pa dang / nyon mongs pa dang 'dris par bgyid pas zhi bar bgyid mi nus te/ de ji lta ji ltar 'dris par bgyid ba de lta de ltar byang chub sems dpa' lhag mthong la brtson pa shes rab gsal bar 'gyur ro/ / bcom ldan 'das 'di lta ste/ dper bgyi na nor bu rin po che chab dang bar bgyid pa ni rnyog pa thams cad dang bar bgyid do/ / bcom ldan 'das de bzhin du byang chub sems dpa'i shes rab rin po che'ang sems can rnams kyi nyon mongs pa'i dri ma thams cad dang bar bgyid do// bcom ldan 'das 'di lta ste/ dper bgyi na sman gyi rigs 'bral byed ces bgyi ba de ni dug dang lhan cig tu'ang mi gnas la/ dug thams cad kyang zhi bar bgyid do// bcom ldan 'das de bzhin du byang chub sems dpa'i thabs dang shes rab bsgom pa'ang sems can gyi nyon mongs pa 'am/ rang gi nyon mongs pa rnams dang lhan cig tu mi gnas shing / sems can rnams kyi nyon mongs pa thams cad kyang zhi bar bgyid do/ / bcom ldan 'das rnam grangs 'dis na/ chos thams cad byang chub sems dpa'i rang gi spyod yul lags so// rgyal po chen po byang chub sems dpa' dpa' stobs kyis de skad bstan pa na/ srog chags brgyad stong gis bla na med pa yang dag par rdzogs pa'i byang chub tu sems bskyed do// byang chub sems dpa' nyis brgya ni mi skye ba'i chos la bzod pa skyes so/ / rgyal po chen po 'di ji snyam du sems/ de'i tshe de'i dus na bcom ldan 'das de bzhin gshegs pa rnam par zhi spyod kyi gsung rab la byang chub sems dpa' dpa' stobs zhes bya bar gyur pa de gzhan zhig yin snyam du sems na/ de ltar mi blta ste/ gsang ba pa'i bdag po lag na rdo rje 'di nyid tshe de'i dus na byang chub sems dpa' dpa' stobs zhes bya bar gyur te/ rgyal po chen po skyes bu dam pa 'di ni brtson 'grus kyi go cha brtan po 'di lta bu bgos so// de ltar sangs rgyas mang po la bsnyen bkur byas so/ / dpa' stobs kyi le'u zhes bya ste nyi shu gcig pa'o// // de nas rgyal po ma skyes dgra 'di snyam du sems te/ gsang ba pa'i bdag po lag na rdo rje lag pa g.yas pa na rdo rje thogs pa de ci lci ba zhig gam/ 'on te yang ba zhig/ gang gi phyir na gsang ba pa'i bdag po lag na rdo rje 'di stobs kyi shugs chen po bdog pa zhes byasnyam mo// de nas gsang ba pa'i bdag po lag na rdo rjes rgyal po ma skyes dgra'i sems kyis rnam par rtog pa sems kyis shes nas/ rgyal po chen po ma skyes dgra la 'di skad ces smras so// rgyal ba chen po rdo rje 'di ni lci ba'ang yin la/ yang ba'ang yin no// smras pa/ ci'i phyir ni lci ba yin la/ ji ltar na yang ba'ang yin/ smras pa/ rgyal po chen po sems can nga rgyal dang / rgyags pa dang / dregs pas snyems pa rnams yongs su gdul ba'i phyir lci ba yin no// sems can nga rgyal med pa dang / drang ba rnams la ni yang ba yin no// de nas gsang ba pa'i bdag po lag na rdo rjes sa phyogs de rdo rjer byin gyis brlabs nas/ rdo rje de sa'i steng du bzhag pa dang / de bzhag ma thag tu/ stong gsum gyi stong chen po'i 'jig rten gyi khams rnam pa drug tu rab tu g.yos so/ / de nas gsang ba bdag po lag na rdo rjes/ rgyal po ma skyes dgra la 'di skad ces smras so// rgyal po chen po khyod kyis rdo rje 'di sa steng 'di nas theg cig/ de nas rgyal po ma skyes dgras tshan po che chen po'i stobs kyi shugs chen po dang ldan pas rdo rje de stobs kyi shugs thams cad kyi 'deg par bskyod na/ skra'i rtse mo cha tsam yang bskyod pa 'am/ bsgral bar ma nus na/ de ngo mtshar du gyur te thal mo sbyar nas/ bcom ldan 'das la 'di skad ces gsol to// bcom ldan 'das bdag ni chen po che chen po'i stobs kyi shugs dang ldan te/ go cha dang ya lang bskon pa'i glang po che'ang lag pa la gcig gis gdeg pa'i rngo thog na/ bdag gis rdo rje 'di ltar chung ba 'ang bskyod pa 'am/ bskul ba'i rdo'ang ma thog na/ gdeg par lta smos kyang ci 'tshal te/ 'di la rgyu ci zhig mchis/ bcom ldan 'das kyis bka' stsal pa/ rgyal po chen po rdo rje 'di ni ltos/ 'di la khyed yi ma 'chad cigade nas rgyal po ma skyes dgras/ lha'i dbang po brgya byin la 'di skad ces smras so// ka'u shi ka khyod rdo rje 'chang ba zhes bya na/ rdo rje 'di sa'i steng 'din theg / / de nas la'i dbang pa rgya rkyen gyis rangag skabs kyi thugs dang / rdu yul gyi stobs dang / bas kyi grags sems cad bstan / de bskyod pa 'am/ bskul bar ma nus so// de nas lha'i dbang po brgya byin ngo mtshar du gyur te/ bcom ldan 'das la 'di skad ces gsol to// bcom ldan 'das bdag gang gi lha ma yin dang g.yul 'gyed pa de'i tshe lag pa g.yas pas lha ma yin gyi dbang po thag zangs ris kyi shing rta dpag tshad bdun brgya pa drag tu mchi ba'ang 'dzin pa'i rngo thog na/ bdag gis rdo rje chung ngu 'di bskyod pa 'am/ bskul ba'i rngo ma thog pa 'di/ bcom ldan 'das ci lags/ sangs rgyas kyi byin gyi rlabs lags sam/ bcom ldan 'das kyis bka' stsal pa/ ko'u shi ka rdo rje 'di ni lci ste/ 'di la nga'i byin rlabs ma yin par rig par bya'o// koru shi ka 'di ji snyam du sems/ ri'i rgyal po ri rab lci ba yin nam/ gsol ba/ bcom ldan 'das ri'i rgyal po ri rab ji tsam du lci ba ni dper bgyi bar yang sla ba ma lags ma/ / bcom ldan 'das kyis bka' stsal pa/ 'u shi ka rdo rje 'di ni lci ste/ ko'u shi ka gal te gsang ba ba'i bdag po lag na rdo rje'i rang bzhin gyi khor yug gi ri la bsnun na/ de'ang dper na phub ma spar gang gtor ba bzhin du rnam par 'thor te/ ko'u shi ka rdo rje 'di'i stobs kyi shugs ni de tsam mo// de nas lha'i dbang po brgya byin gyis/ tshe dang ldan pa mo'u 'gal gyi bu chen po la 'di skad ces smras so// btsun pa mo'u 'gal gyi bu chen po khyod bcom ldan 'das kyis nyan thos rnams kyi nang na rdzu 'phrul dang ldan pa'i mchog tu bstan pa yin na/ rdo rje 'di sa'i steng 'di nas theg cig/ de nas tshe dang ldan pa mo'u 'gal gyi bu chen pos 'di snyam du bsams gal te bdag gis lha dang bcas pa'i 'jig rten 'di'i mdun du/ rdo rje 'di gdeg ma nus na ni bdag la dbang za bar 'gyur ro snyam nas/ des de 'dra ba'i stobs kyi shugs kyis rdo rje de la bzung ba dang / stong gsum gyi stong chen po'i 'jig rten gyi khams 'di rnam pa drug tu g.yos/ rab tu g.yos te/ chu'ang gnam du brgal cing / rgya mtsho thams cad 'khrugs kyang rdo rje de bskyod pa 'am/ bskul bar ma nus so// de nas tshe dang ldan pa mo'u 'gal gyi bu chen po ngo mtshar du gyur nas/ bcom ldan 'das kyi zhabs gnyis la mgo zos phyag 'tshal te/ 'di skad ces gsol to/ bcom ldan 'das bdag bcom ldan 'das kyis nyan thos kyi nang na rdzu 'phrul dang ldan pa'i mchog tu bstan pa lags te/ bcom ldan 'das bdag de ltar rdzu 'phrul che zhing / de ltar dbang che bar grags la/ de ltar mthu che ba lags te/ bcom ldan 'das bdag gang gi tshe 'tshal na/ rgya mtsho chen po bzhi'i chab kyi phung po lag mthil gcig tu 'jog go// bcom ldan ' das stong gsum gyi stong chen po'i 'jig rten gyi khams 'di'ang dper bgyi na mi la la zhig gis kar sha pa Na gcig mjug mo'i rtsems bsgo bzlog pa de bzhin du bdag gis bsgra bzlog go/ / bcom ldan 'das nyi ma dang zla ba 'di ltar rdzu 'phrul che zhing mthu che ba mchi ba'ang bdag gis thogs par bgyid do// ri'i rgyal po ri rab kyang lag pa ya gcig gis blangs te/ tshangs pa'i 'jig rten gyi bar du 'phen to// bcom ldan 'das bdag gis klu'i rgyal po dga' bo dang nye dga' bo de gnyis kyang btul lo// bcom ldan 'das bdag 'jig rten gyi khams 'od zer can du rang mchis/ bdag gis ri rab tsam gyi khams de dag kyang 'tshal 'tshal na/ bcom ldan 'das bdag gis rdo rje 'di ltar chung ba 'di bskyod pa 'am/ bskul ba'i rdo'ang ma thog pa 'di/ bcom ldan 'das bdag rdzu 'phrul gyi stobs de las yongs su nyams pa 'am/ gcig tu ma gyur lags sam/ bcom ldan 'das kyis bka' stsal pa/ mo'u 'gal gyi bu chen po khyod rdzu 'phrul gyi stobs de las yongs su nyams pa ni med mod kyi/ byang chub sems dpa'i stobs kyi byin gyi rlabs 'di/ nyan thos dang rang sangs rgyas tham cad kyis kyang rnam par dkrug par mi nus na/ sems can gzhan dag gis lta smos kyang ci dgos/ mo'u 'gal gyi bu sangs rgyas kyi zhing gang+gA'i klung gi bye ma snyed dag na ri'i rgyal ba rab yod pa rnams ni bskyod pa 'am/ bskul bar nus kyi/ rdo rje 'di na sa phyogs 'di nas bskyod pa 'am/ bskul bar mi nus so// tshe dang ldan pa mo'u 'gal gyi bu chen pos gsol pa/ bcom ldan 'das 'di ltar rdo rje 'di 'chang bas gsang ba pa'i bdag po lag na rdo rje ni stobs che ba lags so// bcom ldan 'das kyis bka' stsal pa/ mo'u 'gal gyi bu stong gsum gyi stong chen po'i 'jig rten gyi khams na ri rab ji snyed yod pa de dag thams cad ri gcig tu gyur kyang de ni gdeg par nus kyi/ rdo rje 'di ni gdeg par mi nus so/ / de nas gnas brtan mo'u 'gal gyi bu chen po ngo mtshar du gyur te/ bcom ldan 'das la 'di skad ces gsol to// bcom ldan 'das 'di ltar rdo rje 'di 'chang bas gsang ba pa'i bdag po lag na rdo rje 'di ni stobs kyi shugs chen po dang ldan pa lags te ngo mtshar to/ / bcom ldan 'das ci lags/ gsang ba pa'i bdag po lag na rdo rje'i stobs de pha ma las gyur pa lags sam/ 'on te rdzu 'phrul gyi stobs lags/ bcom ldan 'das kyis bka' stsal pa/ mo'u 'gal gyi bu pha ma las gyur pa'i stobs de ni gang ci'ang rung ste/ 'jug pa tsam du ming bstan par zad do// gal te byang chub sems dpa' rnams kyi rdzu 'phrul gyi stobs de ma lus par bstan na/ lha dang bcas pa'i 'jig rten rgya rgya bor 'gyur ro/ / de nas bcom ldan 'das kyis glang po che'i lha stangs kyis phyogs thams cad du kun tu gzigs te/ gsang ba ba'i bdag pa lag rdo rje la 'di skad ces bka' stsal to/ / gsang ba pa'i bdag po khyod kyis rdo rje 'di sa'i steng 'di nas thog cig/ de nas gsang ba pa'i bdag po lag rdo rjes de'i tshe stong gsu stong chen po'i 'jig rten gyi khams g.yos par byas nas/ sa'i steng de nas rdo rje de lag pa g.yon pas blangs te stang gi bar snang du 'phangs nas/ des de bar lda @ bdun bskor te lag pa g.yas par bzhag go/ / de na thams cad dang ldan pa'i 'khor de ngo mtshar du gyur te thal mo sbyar nas/ gsang ba pa'i bdag po lag ra rdo rje la phag 'tshal te/ 'di ltar rdo rje 'di 'chang bas gsang ba pa'i bdag po lag na rdo rje ji tsam du stobs kyi shugs dang ldan pa ni ngo mtshar to// bcom ldan 'das sems kyang 'di lta bu'i stobs dang ldan par gyur cig ces smras so/ / de nas bcom ldan 'das la/ rgyal po ma skyes dgras 'di skad ces gsol to// bcom ldan 'ang byang chub sems dpa' chos du dang ldan na stobs 'di lta bu thob/ bcom ldan 'das kyis bka' stsal pa/ rgyal po chen po byang chub sems dpa' chos bcu pa bu 'thob ste/ bcu gang zhe na/ rgyal po chen po 'di la byang chub sems dpa' lus dang srog ni yongs su gtong gi/ dam pa'i chos ni yongs su mi gtang ba dang / sems can tha/ cad la 'dud cing nga rgyal 'phel bar mi byed pa dang / sems can mthu chung ba rnams la bzod cing khong khro bar mi byed pa dang / sems can bkres pa rnams la kha zas bzang po mchog sbyin pa dang / sems can 'jigs pa rnams la mi 'jigs pa sbyin pa dang / sems can nad pa rnams la yang dag pa'i gso ba bya bar spro ba dang / sems can dbul po rnam lo longs spyod dag gis tshim par byed pa dang / de bzhin gshegs pa'i mchod rten la rdo thal gyis ska ba dang / sems can rnams la kun tu dga' bar 'gyur ba'i tshig sgrogs pa dang / sems can dbul po sdug bsngal ba ngal ba chang pa rnams kyi khur khyer ba ste/ rgyal po chen po byang chub sems dpa' chos bcu po de dag dang ldan na/ stobs 'di lta bu 'thob bo/ / gsol pa/ bcom ldan 'das ji ltar na byang chub sems dpa' cang shes pa la gnas shing cang shes pa'i 'gro bar 'gro ba lags/ bcom ldan 'das kyis bka' phul pa/ rgyal po chen pa byang chub sems dpa' chos brgyad dang ldan na cang shes par 'gyur zhing / cang shes pa'i 'gro bar 'gro ste/ brgyad gang zhe na/ 'di lta ste/ bka' / bde ba dang / drang ba dang / mnyen pa dang / nges pa dang / g.yo med pa dang / sgyu med pa dang / phrag dog med pa dang / sems las su rung ba ste/ rgyal po chen po byang chub sems dpa' chos brgyad po de dag dang ldan na cang shes par 'gyur zhing / cang shes pa'i 'gro bar 'gro'o// gsol pa/ bcom ldan 'das byang chub sems dpa' rnams kyi cang shes kyi 'gro ba du zhig mchis/ bcom ldan 'das kyis bka' stsal pa/ rgyal po chen po byang chub sems dpa' rnams kyi cang shes kyi 'gro bzhi ste/ bzhi gang zhe na/ gang gi tshe mi'i 'jig rten du skyes pa de'i tshe 'khor los sgyur ba'i rgyal por 'gyur te/ der yang sangs rgyas 'byung ba mnyes par byed pa dang / lha'i dbang po brgya byin du 'gyur te/ der yang sangs rgyas 'byung ba mnyes par byed pa dang / mi mjed kyi bdag po tshangs par 'gyur te/ der yang sangs rgyas 'byung ba mnyes par byed pa dang / khyim bdag tshong dpon du 'gyur te/ der yang sangs rgyas 'byung ba mnyes par byed pa ste/ rgyal po chen po bzhi po de dag ni/ byang chub sems dpa' rnams kyi cad shes kyi 'gro ba'o/ / rgyal po ma skyes dgras gsal pa/ bcom ldan 'das dad pa'i rgyu mthun pa ci lags/ bcom ldan 'das kyis bka' stsal pa/ rgyal po chen po dang pa'o// rgyu mthun pa ni dge ba'i bshes gnyen no// gsol pa/ bcom ldan 'das sbyin pa'i rgyu mthun pa ci lags/ bka' stsal pa/ rgyal po chen po sbyin pa'i rgyu mthur pa ni longs spyad do/ / gsol pa/ bcom ldan 'das thos pa'i rgyu mthun pa ci lags/ bka' stsal pa/ rgyal po chen po thos pa'i rgyu mthun pa ni shes rab bo// gsal ba/ bcom ldan 'das tshul khrims kyi rgyu mthun pa ci lags/ bka' stsal pa/ rgyal po chen po tshul khrims kyi rgyu mthun pa ni bde 'gro thams cad du 'gro ba'o// gsol pa/ bcom ldan 'das bzod pa'i rgyu mthun pa ci lags/ bka' stsal pa/ rgyal po chen po bzod pa'i rgyu mthun pa ni sems can rjes su srung ba'o// gsol pa/ bcom ldan 'das brtson 'grus kyi rgyu mthun pa ci lags/ bka' stsal pa/ rgyal po chen po brtson 'grus kyi rgyu mthun pa ni sangs rgyas kyi chos thams cad yongs su rdzogs par byed pa'o// gsol pa/ bcom ldan 'das bsam gtan gyi rgyu mthun pa tsa lags/ bka' stsal pa/ rgyal bachen pa bsam gtan rtsa rgyumathun pa na nya ba pan pa'o// gsam hA/ bcam ldan 'das shes rab mthun pa ci lags/ bka' stsal pa/ rgyal po chen po shes rab kyi rgyu mthun pa ni nyon mongs pa thams cad sel ba'o// gsol pa/ bcom ldan 'das chos nyan pa'i rgyu mthun pa ci lags/ bka' stsal pa/ rgyal po chen pa chos nyan pa'i rgyu mthun pa ni the tshom spong ba'o// gsol ba/ bcom ldan 'das chos yongs su 'dri ba'i rgyu mthun pa lags/ bka' stsal pa/ rgyal po chen po chos yongs su 'dri ba'i rgyu mthun pa ni som nyi med pa'o// gsol pa/ bcom ldan 'das dben par gnas pa'i rgyu mthun pa ci lags/ bka' stsal pa/ rgyal po chen po dben par gnas pa'i rgyu mthun pa ni bsam gtan dang mngon par shes pa thob pa'o// gsol pa/ bcom ldan 'das bskam pa'i rgyu mthun pa ci lags/ bka' stsal pa/ rgyal po chen po bsgom pa'i rgyu mthun pa ni 'bral ba'o// gsol pa/ bcom ldan 'das mi rtag pa thos pa'i rgyu mthun pa ci lags/ bka' stsal pa/ rgyal po chen po mi rtag pa thos pa'i rgyu mthun pa ni yongs su 'dzin pa 'dor ba'o// gsol pa/ bcom ldan 'das sdug bsngal thos pa'i rgyu mthun pa ci lags/ bka' stsal pa/ rgyal po chen po sdug bsngal thos pa'i rgyu mthun pa ni nye bar len pa med pa'o/ / gsol pa/ bcom ldan 'das bdag med pa thos pa'i rgyu mthun pa ci lags/ bka' stsal pa/ rgyal po chen bo bdag med pa thos pa'i rgyu mthun pa ni ngar 'dzin pa dang nga yir 'dzin pa 'gog pa'o/ / bcom ldan 'das zhi ba thos pa'i rgyu mthun pa ci lags/ bka' stsal pa/ rgyal po chen po zhib thos pa'i rgyu mthun pa ni nye bar zhi ba'o/ / gsol pa/ bcom ldan 'das tshul bzhin yid la bgyid pa'i rgyu mthun pa ci lags/ bka' stsal pa/ rgyal po chen po tshul bzhin yid la byed pa'i rgyu mthun pa ni 'phags pa'i yang dag pa'i lta ba skye ba'o/ / gsol pa/ bcom ldan 'das lus dang sems dben pa'i rgyu mthun pa ci lags/ bka' stsal ba/ rgyal po chen po lus dang sems dben pa'i rgyu mthun pa ni bsam gtan dang mngon par shes pa skye ba'o/ / gsol pa/ bcom ldan 'das lam gyi rgyu mthun pa ci legs/ bka' stsal pa/ rgyal po chen po lam gyi rgyu mthun pa ni 'bras bu mngon par rtogs pa'o/ / gsol pa/ bcom ldan 'das mos pa'i rgyu mthun pa ci lags/ bka' stsal pa/ rgyal po chen po mos pa'i rgyu mthun pa ni rnam par grol bar yongs su rdzogs par byed pa'o/ / gsol pa/ bcom ldan 'das sangs rgyas 'byung ba'i rgyu mthun pa ci lags/ bka' stsal pa/ rgyal po chen po sa rgyas 'byung ba'i rgyu mthun pa ni byang chub kyi phyogs kyi chos thams cad 'thob pa'o/ / gsol pa/ bcom ldan 'das sangs rgyas 'byung ba ji lta bu lags/ bka' stsal pa/ rgyal po chen pa byang chub tu sems bskyed pa ji lta ba bzhin no/ / gsol pa/ bcom ldan 'das byang chub tu sems bskyed pa ji lta bu lags/ bka' stsal pa/ rgyal po chen po snying rje chen po bskyed pa ji lta ba bzhin no/ / gsol pa/ bcom ldan 'das sangs rgyas 'byung ba su'i lags/ bka' stsal pa/ rgyal po chen po su dad pa skyed pa'i'o// gsol pab/ bcom ldan 'das dad pa skyed pa su lags/ bka' stsal pa/ rgyal po chen po su byang chub tu sems bskyed pa'o// gsol pa/ bcom ldan 'das byang chub tu sems bskyed pa de su lags/ bka' stsal pa/ rgyal po chen po su lhag pa'i bsam pa rnam par mi 'khrugs pa'o// gsol pa/ bcom ldan 'das su lhag pa'i bsam pa rnam par mi 'khrug pa lags/ bka' stsal pa/ rgyal po chen po su snying rje chen po bskyed pa'o// gsol pa/ bcom ldan 'das snying rje chen po skyed pa ji lta bu lags/ bka' stsal pa/ rgyal po chen po ji ltar sems can rnams la yongs su mi gtong ba skyed pa lta bu'o/ / gsol pa/ bcom ldan 'das ji ltar na sems can rnams yongs su mi gtong ba lags/ bka' stsal pa/ rgyal po chen po gang gi tshe bdag gi bde ba yongs su gtang ba'o// gsol pa/ bcom ldan 'das bdag gi bde ba gtong ba ji lta bu lags/ bka' stsal pa/ rgyal ba chen po su dkon mchog gsum yongs su mi gtong ba yin no/ / gsol pa/ bcom ldan 'das dkan mchog gsum yongs su mi gtong ba su lags/ bka' stsal pa/ rgyal chen po su nyon mongs pa thams cad yongs su gtong ba de dkon mchog gsum yongs su mi gtong ba yin no/ / de nas bcom ldan 'das la/ rgyal po ma skyes dgras 'di skad ces gsol to/ / ji tsam du de bzhin gshegs pas chos 'dul ba bstan pa legs par gsungs pa dang / ji tsam du de bzhin gshegs pas bslab pa legs par bcas pa dang / ji tsam du sangs rgyas bcom ldan 'das rnams kyi chos bstan pa rjes su mthun pa dang / rgyu dang 'bras bu chab mi 'tshal ba dang / rtag pa dang chad pa ma mchis pa dang / las dang bya ba la 'jug pa bstan pa dang / dge ba dang mi dge ba chab mi 'tshal ba dang / mi slu ba'i mtshan nyid legs par gsungs pa na/ bcom ldan 'das ngo mtshar lags so// bde bar gshegs pa ngo mtshar lags so// bcom ldan 'das dge ba'i rtsa ba ma bskyed pa dang / sdig pa'i grogs pos yongs su zin pa dag ma gtogs par/ 'di ltar rgya che zhing 'di ltar gya nom pa'i bstan pa 'di la brtson pa rnams la su zhig zlog par bgyid/ gnod par bgyid/ spang bar bgyid/ bcom ldan 'das bdag gis ni sngon gyi dge ba'i rtsa ba rnams la byas pa mi gzo bar mi bgyi'o/ / gang gi mthus bdag nyid nyon mongs pa'i dri ma thams cad dang sdig pa thams cad las rnam par log pa'i de bzhin gshegs pa la/ bdag gis sha dang zag gis kyang bka' drin lan blan pa'i rnga ma thogs lags so/ / bcom ldan 'das gang gi mthus bdag gi bzang po ma lags pa'i 'gyod pa chen po bsal ba dang chos snang ba chen po thob par bgyis pa'i 'jam dpal gzhon nur gyur pa yun ring po'i dge ba'i bshes gnyen la'ang bdag gis drin lan blan pa'i rngo ma thog lags so/ / tshangs pa'i spyod bapa 'di mtha' dag ni/ 'di lta ste/ dge ba'i bshes gnyen las byung ngo zhes bgyi ba ni/ bcom ldan 'das kyis legs par gsungs pa'o// ma skyes dgras zhus pa lung bstan pa'i le'u zhes bya ste nyi shu rtsa gnyis pa'o/ / // bam po bcu pa ste tha ma'o// de nas byang chub sems dpa' sems dpa' chen po zhi ba'i blo gros kyis gsang ba pa'i bdag po lag na rdo rje la 'di skad ces smras so/ / gsang ba pa'i bdag po gang gi tshe/ bcom ldan 'das kyis sprul pa sprul pa de'i tshe/ khyod kyang sprul pa sprul lam/ lag na rdo rjes spras pa/ bcom ldan 'das mngon sum du bzhugs pa 'di kha za'i dbang yin te/ zhi ba'i blo gros gal te de bzhin gshegs pas de bzhin gshegs pa gang+gA'i klung gi bye ma snyed cig sprul na/ kho ba sprul pa gzugs tha dad pa rnam par rtsen pa tha dad pa'ang de snyed de dag gi rjes su 'brang ba yin te/ zhi ba'i blo gros 'di ni sngon gyi bsam pa yongs su dag pa'i rgyu mthun pa'o// denas byang chub sems dpa' chen bzhi pa'i blo gras kyis/ gsang ba pa'i bdag po lag na rdo rje la 'di skad ces smras so// gsang ba pa'i bdag po gang gi phyir phyi ma'i tshe lnga brgya tha ma la/ chos kyi rnam grangs 'di spyod pa dang / rgyas par 'gyur ba dang / chos kyi rnam grangs 'di dam pa'i chos yongs su 'dzin pa skyes bu dam pa de dag gi lag tu 'gro bar de bzhin gshegs pa la gsol ba thob cig/ gsang ba pa'i bdag pos smras pa/ rigs kyi bu chos kyi rnam grangs 'di sangs rgyas thams cad kyis byin gyis brlabs zin to// de ci'i phyir zhe na/ yi ge gang dag gis chos kyi rnam grangs 'di bsnyad pa'i yi ge de dag ni ma skyes pa/ zad par mi 'gyur ba/ nub par mi 'gyur ba'o// yi ge gang gis don gang brjod pa'i don de'ang nub par bya bar mi nus ba'o/ / zhi ba'i zla gros de bzhin gshegs pa'i dam pa'i chos ni nub par 'gyur ba ma yin pa'o// de ci'i phyir zhe na/ de la skye ba ci'ang med do// gang skye ba med pa de ni 'gag go// bcom ldan 'das kyis 'di la dgongs nas/ de bzhin gshegs pa rnams byung yang rung / ma byung yang rung ste/ chos rnams kyi chos nyid dang / chos kyi dbyings dang / chos gnas pa nyid dang / chos ji lta ba bzhin 'di ni 'dug pa nyid do zhes gsungs te/ de ltar na rten cing 'brel par 'byung ba dang mi 'gal ba yin no// gang rten cing 'brel par 'byung ba dang mi 'gal ba de dam pa'i chos yin no/ / dam pa'i chos gang yin pa de rtag par mi nub ste/ des na dam pa'i chos zhes bya'o// zhi ba'i blo gros kyis smras pa/ gsang ba pa'i bdag po gang dag dam pa'i chos yongs su gzung ba'i phyir go cha gyon pa de dag gang du go cha gyon/ smras pa/ gang dag dam pa'i chos yongs su gzung ba'i phyir go cha gyon pa de dag ni/ chos thams cad dang mi 'gal bar bya ba'i phyir go cha gyon no// de ci'i phyir zhe na/ gang chos thams cad dang mi 'gal ba de nyid dam pa'i chos so// smras pa/ ji ltar na chos dang 'gal ba gang yin/ smras pa/ yi ge dang 'gal na chos dang 'gal ba yin te/ chos dang ni nam yang 'gal bar mi 'gyur ro// de la gang dag mi 'gal ba de dag dam pa'i chos yongs su 'dzin pa'o/ / smras pa/ gsang ba pa'i bdag po gang dag 'jig rten thams cad dang 'gal ba de dag dam pa'i chos yongs su 'dzin pa'i rnam grangs yod dam/ smras pa/ zhi ba'i zla gros yod de/ de ci'i phyir zhe na/ zhi ba'i blo gros 'jig rten ni lta ba la mngon par zhen pa yin la/ de ni stong pa nyid du smra ba yin te/ des na de 'jig rten thams cad dang 'gal lo/ / 'jig rten ni rtog pa dang / bde ba dang / bdag dang / bdag gir smra ba yin la/ de ni mi rtag pa dang / sdug bsngal ba dang / bdag med pa dang mi sdug pa dang / bdag dang / bdag gi med par smra ba yin te/ des na de 'jig rten thams cad dang 'gal lo// 'jig rten ni rgyun phyogs su 'gro ba yin la/ de ni rgyun las bzlog ste 'gro ba des na de 'jig rten thams cad dang 'gal lo/ / 'jig rten ni tshe 'di ltar len pa yin la/ da ni tshe rabra 'pho ba lhur len pa yin te/ des na de 'jig rten thams cad dang 'gal lo/ / 'jig rten ni phung po dang / khams dang / skye mched rnams la mngon par zhen pa yin la/ de ni chos thams cad la mngon par zhen pa med par bya ba'i phyir chos ston to// des na 'jig rten thams cad dang 'gal lo// zhi ba'i blo gros rnam grangs 'dis ni gang dag 'jig rten thams cad dang 'gal ba de dag dam pa'i chos yongs su 'dzin to// smras pa// gsang ba pa'i bdag po khyod dam pa'i chos yongs su 'dzin tam/ smras pa/ rigs kyi bu yongs su 'dzin te/ bdag yongs su mi 'dzin sems can yongs su mi 'dzin/ chos yong su mi 'dzin to/ / smras pa/ ji ltar yongs su mi 'dzin/ smras pa/ bdag dben pa dang / sems can dben pa dang / chos dben pa dang / bdag dang / sems can dang chos dben pa ma yin pa dang / 'das pa dben pa dang / ma 'ongs pa dben pa dang / da ltar byung ba dben pa dang / 'das pa dang / ma 'ongs pa dang / da ltar byung ba'i dus dben pa dang / 'das pa dang / ma 'ongs pa dang / da ltar byung ba'i dus dben pa ma yin pa dang / sangs rgyas dben pa dang / sangs rgyas dben pa ma yin pa dang / zhing dben pa dang / zhing dben pa ma yin pa dang / chos dben pa dang / chos dben pa ma yin par gang de ltar chos rnams rjes su rtogs pa de ni dam pa'i chos yongs su 'dzin pa'o// / de nas bcom ldan 'das kyis/ gsang ba pa'i bdag po lag na rdo rje la legs so zhes bya ba byin te/ skyes bu dam pa legs so legs so// 'di ni dam pa'i chos yongs su 'dzin pa'o/ / gsang ba pa'i bdag po dam pa'i chos yongs su 'dzin pa ni gang thams cad mi 'dzin pa dang / mchog tu 'dzin pa med pa dang / gang chos thams cad la mtshan ma dang spros par mi 'dzin pa dang / kun tu spyod pa med pa dang / gang yongs su rtog pa thams cad la mi rtog cing rnam par mi rtog pa'o// de'i tshe lha'i bu rgyal po bzang zhes bya ba 'khor de nyid du 'dus par gyur pa des/ bcom ldan 'das la 'di skad ces gsol to// bcom ldan 'das nye bar zhi ba ni sangs rgyas kyi bka' lags so// bcom ldan 'das sangs rgyas kyi bka' na nye bar zhi bar bgyi ba'i ched lags te/ nye bar zhi ba gang lags pa de sangs rgyas kyi bka' 'o// bcom ldan 'das de la gang dag dmigs pa thams cad nye bar zhi bar mthong ba de dag nye bar zhi ba lags te/ de dag ni slad kyis 'bar ba ma lags/ mchod pa ma lags/ 'bar bar bgyid pa ma lags so// gang dag zhi ba dang / rab tu zhi ba dang / nye bar zhi ba dag da bzhin gshegs pa'i dam pa'i chos 'dzin cing mi 'dor ba lags te/ ji ltar chos thams cad mi 'dzin mi 'dor ba de ltar 'dzin to// lha'i bu des de skad bstan pas/ dge slong sto ni sems rnam par grol lo/ / lha'i bu stong ni chos kyi mig rnam par dag go// de nas byang chub sems dpa' zhi ba'i blo gros kyis/ lha'i bu rgyal po bzang la 'di skad ces smras so/ / lha'i bu spobs pa 'di su'i yin/ smras pa/ spobs pa 'di su bag chags thams cad spangs pa dang / tshig gi lam thams cad med pa dang / don dam par brjod du med pa dang mngon par zhen pa med pa de dag gi spobs pa yin no/ / smras pa/ lha'i bu spongs pa ji ltar skye/ smras pa/ spobs pa med pa dang / spobs pa ma yin pa'i phyir ro// de ci'i phyir na/ spobs pa med pa zhes bya ba de ni nying mtshams sbyor ba med pa'i tshig go// spobs pa ma yin pa zhes bya ba de ni spob pa med pa'i tshig go/ rigs kyi bu 'di skad du spobs pa 'di su'i yin zhes smras pa la/ 'di ni su gzhan gyi rnam par rig pa la rnam par shes pa mi 'jug pa dang / bdag gi rnam par rig pa la rnam par shes pa mi gnas pa de'i spobs pa'o// 'di ni su dmigs pa la'ang yid kyi rnam par rig pa mi dmigs la/ dmigs pa med pa'i chos nyid la'ang mi gnas pa de'i spobs pa'o// 'di ni su chos thams cad la'ang shes pa mi 'jug la/ de shes pas chos gang yang rab tu ma rtogs pa med pa de'i spobs pa'o// 'di ni su gnas med pa dang / len pa med pa dang / 'dor ba med pa dang / chu bo las brgal ba de'i spobs pa'o// 'di ni skye ba med pa las skyes pa dang 'gog pa'ang med la/ mya ngan las 'da' bar 'gyur ba de'i spobs pa'o// de nas bcom ldan 'das la/ byang chub sems dpa' zhi ba'i blo gros kyis 'di skad ces gsol to// bcom ldan 'das lha'i bu rgyal po bzang 'di'i spobs pa ni ngo mtshar lags so// bcom ldan 'das kyis bka' stsal pa/ zhi ba'i blo gros lha'i bu rgyal po bzang 'di ni gsang ba pa'i bdag po lag na rdo rjes de bzhin gshegs pa'i gsang ba bstan pa'i chos kyi rnam grangs 'di nyan par 'dod nas/ de bzhin gshegs pa mi 'khrugs pa'i sangs rgyas kyi zhing 'jig rten gyi khams mngon par dga' ba nas 'dir 'ongs so// zhi ba'i blo gros lha'i bu rgyal po bzang 'dis chos kyi rnam pa'i rjes su 'jug pa zhes bya ba'i gzungs thob ste/ de 'dod na bskal pa brgya stong du thogs pa med pa'i spobs pas bstan kyang / 'di'i spobs pa zad par mi 'gyur ro// rgyal po bzang gi le'u zhes bya ste nyi shu rtsa gsum pa'o// / de nas bcom ldan 'das la/ byang chub sems dpa' zhi ba'i blo gas kyis 'di skad ces gsol to// bcom ldan 'das chos kyi rnam pa'i rjes su 'jug pa zhes bgyi ba'i gzungs de gang lags/ bcom ldan 'das kyis bka' stsal pa/ zhi ba'i blo gros chos kyi rnam pa'i rjes su 'jug pa ni gang yi ge rnams la yi ge'i rjes su 'jug pa shes pa ste/ zhi ba'i blo gros chos thams cad ni a zhes bya ba'i rjes su 'jug pa'o// chos thams cad ni a zhes bya ba'i skra'o/ / a zhes bya ba las byung ba'o// a zhes bya ba'i mtha'a'o// a zhes bya ba ni tshig gi las thams cad kyi las byed do// a zhes bya ba ni mi shes pa'o// rnam par mi shes pa'o/ / chos thams cad ni a zhes bya ba'i rjes su 'jug ste/ de'i phyir rnam pa'i rjes su 'jug pa zhes bya ba'i gzungs zhes bya'o// zhi ba'i blo gros rjes su 'jug pa ni de la chos phra rab tsam yang zhugs pa med pa dang byung ba med pa'o/ / zhi ba'i blo gros yi ge de dag ni ga zhig nas lhags nas khong pa'i nang du 'jug pa med do// yi ge de dag ni khong pa'i nang du gnas pa ma yin no/ / yi ge de dag ni byung nas phyogs 'ga' zhig tu 'gro ba ma yin no// yi ge de dag ni phan tshun 'bar bar byed pa ma yin no// yi ge de dag ni smras kyang rung ma smras kyang rung ste/ zad par 'gyur ba 'am/ 'phel bar 'gyur ba ma yin no// yi ge de dag ni chos zhe 'am/ chos ma yin zhes bya bar rnam par mi rtog go/ / yi ge de dag ni sus kyang bskyed pa 'am/ bkag pa med do// yi ge de dag ni sus kyang byas pa 'am/ chung gsan pa med do// zhi ba'i zla gros yi ge bgrang ba ji lta bar sems bgrang ba'ang de bzhin na/ / sems bgrang ba ji lta bar chos thams cad bgrang ba'ang de bzhin no// chos thams cad bgrang ba ji lta bar bgrang ba med pa'ang de bzhin no// de ci'i phyir zhe na/ chos ni bgrang bar nye bar 'gro ba ma yin te/ bgrang ba med pa ni chos bgrang ba'o// ji ltar chos bgrang bar nye bar mi 'gro ba bzhin du/ a zhes bya ba'i rjes su 'jug pa'ang de lta bu ste/ gzod ma nyid nas ma skyes pa la 'jug pa/ skye ba med pa la 'jug pa'o// ma skyes pa dang ma byung ba gang yin pa de la 'jug pa gang yang med do// de ltar na 'jug pa med pa ni rjes su 'jug pa'o/ / zhi ba'i blo gros su bgrang ba 'di la zhugs pa de'i spobs pa rgyun bcad par mi nus so// de ci'i phyir zhe na/ rgyun chad pa med pas des chos nyid rjes su rtogs so/ / des chos nyid mi zad par rjes su rtags so// de ji lta ji ltar chos ston pa de lta de ltar chos de dag rjod cing mngon du 'gyur ro// de chos kyi rnam pa'i rjes su 'jug pa 'di lta bu 'dis sems can gyi rnam pa la 'jug par 'jug go/ / sems can gyi rnam pa'i rjes su 'jug pas mos pa ji lta ba bzhin du chos ston to// zhi ba'i zla gros gzungs thob pa'i byang chub sems dpa' ni sems kyi dri ma med pa yin no/ / bsam pas rnam par dag pa yin no// sbyor bas gtsang ma yin no// lhag pa'i bsam pas mngon du 'phags pa yin no/ / bsgrub pa la legs par gnas pa yin no// shes rab kyis mngon du 'phags pa yin no// dam bcas pa nyams 'og tu chud pas brtan pa yin no// bdud rnams kyis mi shigs pa yin no/ / pha rol mu stegs byed rnams kyis mi 'dus pa yin no// nyon mongs pa rnams kyis mi brdzi ba yin no// phyir rgol pa rnams kyis mi thub pa yin na/ lus kyis stobs dang ldan pa yin no// sems kyis zhum pa med pa yin no// spobs pas mi zad pa yin no// bstan pa rnams la mtha' yas pa yin no// nges pa'i tshig rnams la mu med pa yin no/ / ye shes kyis chags pa med pa yin no// blos gting dpag dka' ba yin no// bden pa bstan pa rnams la don zab pa yin no// thos pas rgya mtsho lta bu yin no/ / ting nge 'dzin gyis lhun po dang mtshungs pa yin no// 'khor gyi nang na seng ge dang mtshungs pa yin no// 'jig rten gyi chos rnams la pad+ma dang mtshungs pa yin no// sems can thams cad kyi nye bar 'tsho bas sa dang mtshungs pa yin no/ / nyon mongs pa dang sred pa 'khru bas chu dang mtshungs pa yin no// sems can thams cad yangs su smin par byed pas me dang mtshungs pa yin no/ / sems can thams cad la sems mnyam pas zla ba dang mtshungs pa yin no// nyon mongs pa'i mun pa sel bas nyi ma dang mtshungs ba yin no/ / nyon mongs pa'i dgra 'joms pas dpa' bo dang mtshungs pa yin no// sems shin tu dul bas glang po dang mtshungs pa yin no// chos mngon du sgrog pas 'brug dang mtshungs pa yin no/ / chos kyi char 'bebs pas char dang mtshungs pa yin no// sems can rnams kyi nyon mongs pa'i nad zhi bar byed pas sman pa dang mtshungs pa yin no// chos kyi rgyal srid byed pas rgyal ba dang mtshungs pa yin no/ / 'jig rten gyi chos skyong bas 'jig rten sbyang ba dang mtshungs pa yin no// lha dang mi rnams kyi spyan du gyur pas brgya byin dang mtshung pa yin no/ / dbang thob ste rang gi sems la dbang sgyur bas tshangs pa dang mtshungs pa yin no// gnas med par rgyu bas bya dang mtshungs pa yin no// 'du 'jis 'jigs shing skrag pas ri dgas dang spre'u dang mtshungs pa yin no/ / sems can thams cad kyis nyes par byas pa thams cad bzod pas ma dang mtshungs pa yin no// bzo thams cad slob pas pha dang mtshungs pa yin no/ / chos rim po che thams cad sbyin pas rnam thos kyi bu dang mtshungs pa yin no// bsod nams dag gis brgyan pa yin no// mtshan rnams kyis klubs pa yin no/ / dpe byad bzang po rnams kyis smras pa yin no// 'jig rten gyis blta bar bya ba yin no// blta ba'i gzhi yin no// 'phags pa'i nor bdun dang ldan pas mi dbul ba yin no/ / sangs rgyas rnams kyis yongs su bzung ba yin no// rig pa rnams kyis bsngags pa yin no// mkhas pa thams cad kyis skur pa mi gdab pa yin no// rnams kyis legs par bsrungs pa yin no// klu dang gnod sbyin rnams kyis legs par bzung ba yin no// chos bstan pa rnams la dbang phyug tu gyur pa yin no// mngon par shes pa rnams la dbang sgyur ba yin no/ / sems can gyi bsam pa rnams la rjes su song ba yin no// sems can gyi dbang po rnams la rjes su zhugs pa yin no// chos bstan pa la chog mi shes pa yin no/ / rnyed pa dang bkur sti don du mi gnyer ba yin no// chos bstan pa dag la ser sna med pa yin no// tshul khrims rnam par dag pa nyon mongs pa med pa yin no// bzod pa yongs su dag pas gnod pa med pa yin no/ / brtson 'grus yongs su dag pas las kyi mtha'i legs par mthar phyin pa yin no// bsam gtan yongs su dag pas cang shes pa yin no/ / shes rab yongs su dag pas blo legs par dkar ba yin no// tshad med pa rnams la tshangs pa'i bla ma yin no// bsam gtan dang / ting nge 'dzin dang / snyoms par 'jug pa rnams la 'jig rten las 'das pa yin no// byang chub kyi lam gyis bla na med pa yin no// dbang bskur ba thob pas yon tan gyi rnam pa thams cad dang ldan pa yin no/ / zhi ba'i blo gros de ltar byang chub sems dpa' gzungs thob pa ni yon tan gyi bsngags pa tshad med pa de lta bu dang ldan pa yin te/ zhi ba'i blo gros gal te de bzhin gshes bas 'phrin las gzhan mi mdzad par lo brgya stong rgyun du byang chub sems dpa' gzungs thob pa'i bsngags pa rjod kyang zad par mi 'gyur ro/ / de nas byang chub sems dpa' zhi ba'i blo gros kyis/ lha'i bu rgyal po bzang la 'di skad ces smras so// grogs po de bzhin gshegs pas khyod kyi yon tan gyi bsngags pa mtha' yas pa rjod pa mdzad pa ni khyod kyis rnyed pa legs par rnyed do/ / de skad ces smras pa dang / lha'i bu rgyal po bzang gis/ byang chub sems dpa' zhi ba'i blo gros la 'di skad ces smras so// rigs kyi bu 'di la yang dag pa don dam par na gang de ltar bsngags pa'i chos gang yang mi dmigs so/ / rigs kyi bu gang la kha dog med pa dang / gzugs med pa dang / dbyibs med pa de'i yan tan gyi bsngags pa dang / gzugs kyi mtha' rtogs par mi nus so// gang la gzugs dang / kha dag dang / dbyibs 'ba' zhig yod pa de'i bsngags pa ni rdzang par nus so/ / de nas bcom ldan 'das la/ lha'i rgyal po bzang gis 'di skad ces gsol to// bcom ldan 'das chos thams cad ni ma bsgrubs pa/ nga'i ba ma mchis pa dang yongs su 'dzin pa ma mchis pa gang gis kyang nye bar sprad par bgyi ba ma lags pa/ gang gis kyang bsal ba ma lags pa ste/ 'di la brtson pa dang yang dag par sbyor bar bgyi'o/ / bcom ldan 'das brtson pa dang yang dag par sbyar bar 'gyur ba rnams la chos de dag mngon du 'gyur lags so// bcom ldan 'das 'di lta ste/ dper bgyi na sa chen po chab kyi phung po'i steng na gnas te/ de la mi gang zhig khron pa 'am/ khron pa chen po rko ba de chab dang ldan par 'gyur te/ gang mi rko ba des ni chab mi rnyed lags so// bcom ldan 'das de bzhin du thams cad kyi rjes su zhugs pa'i ye shes de la su zhig brtson par bgyid pa de ni ye shes 'tho par 'gyur te/ su brtson par mi bgyid pa des ni ye shes 'thab bar mi 'gyur lags so/ / bcom ldan 'das de lta lags pas byang chub don du gnyer ba rnams kyis rtag tu brtson pa dang / brtson 'grus brtsam par bgyi'o// de ltar na brtson pa de dag la chos de dag mngon du 'gyur lagaso/ / bcom ldan 'das 'di lta ste/ dper bgyi na skyes bu dmus long gis de las skyes pa'i gzugs rnams mi mthong lags so/ / bcom ldan 'das de bzhin du nyon mongs pas ldongs pa'i sems can rnams kyang / de las skyes pa'i chos rnams mi mthong lags so// bcom ldan 'das 'di lta ste/ dper bgyi na skyes bu mig dang ldan yang snang ba ma mchis na'ang mi mthong lags so// bcom ldan 'das de bzhin du gang dag lha'i mig dang ldan du lags kyang // de dag dge ba'i bshes gnyen gyi man ngag ma mchis na mos par mi 'gyur/ mthong bar mi 'gyur lags so// bcom ldan 'das 'di lta ste/ dper bgyi na lha'i mig la ni snang bas bgyi ba ma mchis so/ / bcom ldan 'das de bzhin du yongs su sbyang ba bgyis pa la'ang rjes su bstan mi 'tshal lo// bcom ldan 'das 'di lta ste/ dper bgyi na mngal na mchis pa'i sems can ni mi gda' mi mthong yang skye lags so/ / bcom ldan 'das de bzhin du byang chub sems dpa' brtson 'grus brtsams pa'i byang chub kyang mi mthong mod kyi/ sangs rgyas kyi chos rnams kyis kyang skye'o/ / bcom ldan 'das 'di lta ste/ dper bgyi na ri'i rgyal po gangs can la shing ldan pa gang skyes de ni bar ma dor chag pa 'am/ skam par mi 'gyur lags so// bcom ldan 'das de bzhin du 'phags pa'i chos la sbyor bar brtson pa gang gi shes pa skyes pa de'ang mi 'jig cing yongs su nyams par mi 'gyur lags so// bcom ldan 'das 'di lta ste/ dper bgyi na gang gi tshe 'khor los sgyur ba'i rgyal po byung ba de'i tshe rin po che sna bdun 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / bdun pa blon po rin po che 'byung bar 'gyur lags so// bcom ldan 'das de bzhin du gang gi tshe/ byang chub kyi sems skye ba de'i tshe/ chos rin po che sna bdun 'di lta ste/ sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / thabs 'byung bar 'gyur lags so// bcom ldan 'das 'di lta ste/ dper bgyi na gang gi tshe 'khor los sgyur ba'i rgyal po gling bzhi pa'i 'jig rten gyi khams su rgyu ba de'i tshe/ sems can rnams la de'i byams pa tha dad pa ma mchis lags so// bcom ldan 'das de bzhin du gang gi tshe byang chub sems dpas bsdu ba'i dngos po bzhi po sbyin pa dang / snyan par smra ba dang / don spyad pa dang / don mthun pas sems can dag sdud pa de'i tshe/ sems can rnams la de tha dad pa ma mchis lags so// dper bgyi na gang gi tshe 'khor las sgyur ba'i rgyal po 'dun khang na mchis pa de'i tshe 'thab pa dang rtsod pa ma mchis lags so/ / bcom ldan 'das de bzhin du gang gi tshe/ byang chub sems dpa' chos kyi 'bel ba'i gtam gyi slad du mchis pa de'i tshe 'thab pa 'am/ rtsod pa'i gtam ma mchis lags so// bcom ldan 'das 'di lta ste/ dper bgyi na gang gi tshe stong gsum gyi stong chen po'i 'jig rten gyi khams gnas par 'gyur ba de'i tshe/ thog mar ri'i rgyal po ri rab dang rgya mtsho chen po gnas par 'gyur lags so// bcom ldan 'das de bzhin du gang gi tshe/ byang chub sems dpa' thog mar byang chub tu sems bskyed pa de'i tshe/ lhag pa'i bsam pa dang snying rje chen po thog mar gnas lags so// bcom ldan 'das 'di lta ste/ dper bgyi na gang gi tshe gdugs 'char ba de'i tshe ri gang mtho ba de dag la thog mar 'od ce bab bo// bcom ldan 'das de bzhin du gang gi tshe byang chub sems dpa' ye shes kyi snang ba thog mar 'byung ba de'i tshe/ sems can gang dag dge ba'i rtsa ba sbyangs pa de dag gis ye shes kyi snang ba de myong bar 'gyur lags so// bcom ldan 'das 'di lta ste/ dper bgyi na sa bon thams cad dang / rtswa dang / shing gel ba dang / sman dang / nags tshal thams cad ni sas bzod de/ thams cad las bcud mnyam du gtong ngo // bcom ldan 'das de bzhin du gzungs thob pa'i byang chub sems dpa' yang sems can thams cad la chos kyi bsam pa'i gtong bas sems chags pa ma mchis par gtong ngo // de nas bcom ldan 'das kyis/ lha'i bu rgyal po bzang la legs so zhes bya ba byin te/ lha'i bu khyod kyis byang chub sems dpa' rnams kyi dpe dgod pa bstan pa 'di legs par smras pa legs so legs so/ / lha'i bu rtswa dang nags tshal ji snyed pa dang / ming gi brda dang / chos kyi brda dang / sgra'i brda dag ji snyed pa dang / gzugs dang kha dog gi brda dag ji snyed pa dang / sems can gyi sems kyi spyod pa la 'jug pa ji snyed pa dang / ming dang gzugs rab tu brjod pa ji snyed pa dang / sems can rnams kyi spyod pa ji snyed pa dang / sems can rnams kyi yongs su spyad pa zas skom ji snyed par/ lha'i bu byang chub sems dpa' gzungs thob pa'i dpe dgod pa bstan pa'ang de snyed do// lho'i bu gzungs thob pa'i byang chub sems dpa'i tshig gang ci'ang rung ste/ sangs rgyas kyi bka' ma yin pa med do// gzugs su snang ba 'am/ sgra 'am/ dri 'am/ ra 'am/ reg bya 'am/ chos su snang ba gang ci'ang rung ste/ de la gang snang bar mi 'gyur ba med do// de la gzhan las thos pa la rag las pa'i spobs pa med do// gzhan gyi blta ba la rag las pa'i bstan pa med do/ / de mi zad pa dang / mtha' yas pa dang / thams cad kyi rjes su 'gro ba dang / thams cad la 'jug pa'i rjes su song ba yin no/ / de la rgyun chad pa med do// chags pa med do// lus lci ba med do// sems zhum pa med do// de sangs rgyas brgya stong gi spyan sngar ston kyang zhum par mi 'gyur te/ 'di ltar sangs rgyas kyi byin gyi rlabs kyis byin gyis brlabs pa'i byang chub sems dpa' des gzungs dang / shes rab dang / ye shes dang / spobs pa thob bo/ / de ston kyang zhum par mi 'gyur/ kun tu zhum par mi 'gyur zhing / zlog par mi 'gyur te/ 'di ltar byang chub sems dpa' de chags pa med pa gsum gyi rjes su song yin no/ / gsum gang zhe na/ bdag la chags pa med pa dang / sems can la chags pa med pa dang / chos la chags pa med pa'o// yongs su dag pa gsum gyi rjes su song ba yin te/ gsum gang zhe na/ chos kyi dbyings yongs su dag pa dang / de bzhin nyid yongs su dag pa dang / yang dag pa'i mtha' yongs su dag pa'o// ma zad pa gsum gyi rjes su song ba yin te/ gsum gang zhe na/ chos mi zad pa dang / yi ge mi zad pa dang / bstan pa mi zad pa'o// byin gyi rlabs gsum thob pa yin te/ gsum gang zhe na/ spobs pa'i byin gyi rlabs dang / chos kyi don gyi byin gyi rlabs dang / chos la 'jug pa'i byin gyi rlabs so// dga' ba gsum thob pa yin te/ gsum gang zhe na/ shes kyis dga' ba dang / shes rab kyis dga' ba dang / the tshom chad pas dga' ba'o// myur ba gsum thob pa yin te/ gsum gang zhe na/ dran pa myur ba dang / blo gros myur ba dang / rtogs pa myur ba'o// gzungs kyi yon tan bsngags pa'i dpe dgod pa mi zad pa bstan pa 'di bshad pa na/ byang chub sems dpa' brgyad brgyas gzungs thob par gyur to// gzungs kyi yon tan gyi bsngags pa'i dpe dgod pa mi zad pa'i le'u zhes bya ste nyi shu rtsa bzhi pa'o// // de nas bcom ldan 'das la/ gsang ba pa'i bdag po lag na rdo rjes 'di skad ces gsol to/ / bcom ldan 'das slad ma'i tshe/ slad ma'i dus lnga brgya tha ma la ci nas chos kyi rnam grangs 'di 'dzam bu'i gling du spyod par byin gyis brlab tu gsal/ bcom ldan 'das kyis bka' stsal pa/ gsang ba pa'i bdag po dam pa'i chos yongs su gzung ba'i phyir/ ngas de bzhin gshegs pa rin chen zlo ba las chos sba ba dang / bsrung ba'i gsang sngags kyi gzhi gang dag thos pa de dag khyod kyis dran nam/ gsol pa/ bcom ldan 'das dran lags so// bcom ldan 'das kyis bka' stsal pa/ gsang ba pa'i bdag po de bas na chos kyi rnam grangs 'di yun ring du gnas par bya ba'i chos sba ba dang / bsrung ba'i gsang sngags kyi gzhi 'di dag khyod kyis 'khor 'di la rjod cig/ de ltar chos kyi rnam grangs 'di yun ring du gnas par 'gyur ro/ de nas gsang ba pa'i bdag po lag na rdo rjes phyogs bcu'i sangs rgyas thams cad la phyag 'tshal te/ gsang sngags kyi gzhi 'di dag smras so// tad+ya thA/ dzA ye/ dzA ya ma te/ dzA ya sha tU/ A le a ma laM/ a lu li taM/ ma me/ ma ma ma ti/ nA ma san ti ud te me/ ut+ta ma ti/ ut+ta ra NaM/ A re/ A ra ma Ni/ a ri sha ma ni/ a mu 'u li/ a mu 'u li/ a bat+ti te/ mu 'u la a nu ga te/ ad Te/ mang Te/ mad Ti te/ A di/ mA Di/ mA Di te/ khu ru khu ru san d+hi/ d+har+m+ma a nu ga te/ d+harmA dak+She/ d+har+m+ma pra ze she/ sa re sa ra/ sa re/ a be d+he/ be d+ha san d+hi/ i hi/ e ha ni/ e ta dA nu ga me/ bdud rnams tshar gcod pa/ mu stegs can rnams 'joms pa/ chos la gnod par sems pa rnams rmugs par byed pa/ nyon mongs pa rnams sel ba/ chos kyi tshul rnams 'bar bar byed pa/ chos smra ba rnams kun tu srung ba/ mya ngan las 'das par 'dzud pa/ byang chub yongs su smin par byed pa rnams yongs su 'dzin pa/ 'khor yang dag par 'jams pa/ chomanyan pa rnams la lus sbyin par byed pa/ yang dag par song ba rnams kyis bsam pa/ yang dag par zhugs pa rnam kyis blta ba/ gsang sngags kyi gzhi rnams mngon du gyur pa/ gsang sngags kyi mtshams 'gugs pa/ brjod pa shes pa/ phyad pa mi thul pa/ bstan pa'i ngo bo nyid du chud za bar ma gyur cig/ gsang ba pa'i bdag po lag na rdo rjes gsang sngags kyi gzhi 'di dag yongs su brjod ma thag tu/ de nas stong gsum gyi stong chen po'i 'jig rten gyi khams 'di rab tu g.yos so/ / stong gsum gyi stong chen po'i 'jig rten gyi khams 'di na bdud gang dag 'khod pa de dag thams cad dpung dang bcas/ g.yog 'khor dang bcas te/ bcom ldan 'das kyi gan du lhags nas lus btud thal mo sbyar te/ bcom ldan 'das la 'di skad ces gsol to// bcom ldan 'das bdag cag gis chos smra ba su'i kha'i sgo nas gsang sngags kyi gzhi 'di dag 'byung ba de la rim gro bgyi'o/ / bsnyen bkur bgyi'o// bcom ldan 'das gsang sngags kyi gzhi 'di dag gi dpal ni/ lha dang bcas pa'i 'jig rten gyi bzod par rngo ma thogs lags so/ / bcom ldan 'das bdag cag nyid kyis chos kyi rnam grangs 'di sba bar bgyi'o// glags lta ba gzhan dag kyang tsharabacad par @bgyi'o/ / de nas bcom ldan 'das kyis glang po che'i lta stangs kyis phyogs bzhi kun tu gzigs te/ de'i tshe gsang sngags kyi gzhi 'di dag bka' stsal to/ / dza ye/ dur dza ye/ dza ya ma ti/ sha me sha tu nire g+ha ta ni/ a mu 'u le/ mu 'u la ba ri ts+tshi na ne/ mA ra se'i n+ya bi tra sa ni/ mug te mug ta ba ti/ shud de/ a b+he d+hi/ b+ha ya mo tsa ni/ b+hA ro ha ra Ne/ tad de bi d+ya ba bya ba rod ti ma/ pha rol rgol ba tshar gcod pa// chos smra ba dag kun sdud pa// chos kyi mdzod ni kun srung ba// rig sngags 'di ni sangs rgyas gsungs/ / a me/ a ma ma me/ ma ma ts+tshe de/ ar+the/ ar+tha ni/ sta ra Ne/ 'jig rten skyong ba bzhi dgug pa'i tshig rnams smras pa'o// d+hI re/ d+hI ra b+ha ti/ gu ba te/ shu b+he/ shu b+ha ba ti sa maM/ lha'i dbang po brgya byin 'dir dgug par bya'o// mai trI/ so ma ba ti/ k+Shan ti/ kri ba ka ru/ No d+hA hi te/ pra ti/ u paM k+Sha saM pan ne/ tshangs pa yang 'dir bkug par bya'o// a ra De bi ra De/ kha khe/ a mu'u le/ mu'u la sho d+ha ni/ bdud 'di tshar gcod bya ba'i phyir// gsang sngags gzhi ni 'di dag smras/ / mdo sde legs par bshad pa 'di// mi yi dbang pos byin gyis brlabs// gang tshe shes par 'gyur ba na// de yi tshe na spyad par 'gyur// gsang sngag 'di dag rab brjod pas/ / sa ni rab tu g.yos par 'gyur// bdud rnams thams cad lhags gyur te// 'di skad kyi ni tshig smras so// phyi ma'i dus na mdo sde 'di// gang dag lag tu mchi 'gyur ba/ / chos smra mkhas pa de dag ni// bdag cag rnams kyis bsrung bar bgyi// de nas bcom ldan 'das kyis/ gsang ba pa'i bdag po lag na rdo rje la bka' stsal pa/ gsang ba pa'i bdag po chos kyi rnam grangs 'di de bzhin gshegs pa nyid kyis byin gyis brlabs par shes par gyis shig/ byin gyi rlabs 'di ni sus kyang rnam par dkrug par mi nus so/ / de ci'i phyir zhe na/ gsang ba'i bdag po ngas mngon par shes te/ 'das pa'i dus na bskal pa ma smad pa zhes bya ba la/ 'jig rten gyi khams ma smad pa zhes bya bar/ de bzhin gshegs pa rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ da mi rnams kyi ston pa sangs rgyas bcom ldan 'das rin chen zla ba zhes bya ba 'jig rten du byung ngo // de bzhin gshegs pa de'i gsung rab la/ dge slong chas smra ba/ rdzu 'phrul che ba/ dbang che bar grags pa/ mthu che ba/ shes rab 'phags zhes bya ba dang / bden pas byin zhes bya ba gnyis byung ste/ chos smra ba de gnyis kyis/ de bzhin gi shegs pa de laH/ gsang sngags kyi gzhi 'di dag bzung nas/ bcom ldan 'das des chos kyi 'khor lo bskor ba bskal pa phyed tshang bar rjes su bskor nas/ stong gsum gyi stong chen po'i 'jig rten gyi khams na/ bdud bye ba phrag brgya 'khod pa gang yin pa de dag thams cad yongs su smin par byas te/ byang chub yang dag par 'dzin du bcug go/ de nas bcom ldan 'das la/ byang chub sems dpa' zhi ba'i zla gros kyis 'di skad ces gsol to// bcom ldan 'das de bzhin gshegs pa rin chen zla ba de bzhugs sam/ 'on te yongs su mya ngan las 'das lags/ bcom ldan 'das kyis bka' stsal pa/ zhi ba'i blo gros de bzhin gshegs pa rin chen zla ba de ni/ shar phyogs logs kyi sangs rgyas kyi zhing bye ba brgya stong phrag bcu pa na/ 'jig rten gyi khams ma smad pa zhes bya ba na bzhugs so// de bzhin gshegs pa de'i tshe tshad ni bskal pa khri thub bo// rigs kyi bu de bzhin gshegs pa de'i sangs rgyas kyi zhing na bdud gang dag 'khod pa de dag khros shing sdang bar gyur pa dang / de bzhin gshegs pa des gsang sngags kyi gzhi 'di dag gis de dag btul/ legs par yongs su btul te/ de dag thams cad byang chub tu yongs su smin par byas so// rigs kyi bu nga dang / gsang ba pa'i bdag po lag na rdo rje gnyis kyis de bzhin gshe pa rin chen zla ba de'i gsung rab la tshangs par spyod pa spyad nas/ byang chub tu nges par byung ste/ nga ni shes rab 'phags zhes bya bar gyur to// gsang ba pa'i bdag pan bden pas zhes bya bar gyur to/ / zhi ba'i blo gros de ltar dod gnyis lhan cig tu mthun par bag yod par sangs rgyas bcom ldan 'das tshad med pa dag la bsti stang du byas so// bla mar byas so// rim gro byas so// mchod pa byas so// zhi ba'i blo gros de ltar na gsang sngags kyi gzhi 'di dag ni bdud tshar gcad pa dang / dam pa'i chos yongs su gzung ba'i phyir gces spras byed par 'gyur ro/ / de nas bcom ldan 'das kyis thams cad dang ldan pa'i 'khor la gzigs nas 'di skad ces bka' stsal to// grogs po dag de bzhin gshegs pa yong su mya ngan las 'das pa'i 'og tu/ bskal pa grangs med par bsgrubs pa'i byang chub 'di nub par mi 'gyur bar bya ba'i phyir gzung ba dang / yongs su bsrung bar khyed kyi nang na su spro/ de nas 'khor de'i nang nas byang chub sems dpa' khri nyis stong dam pa'i chos yongs su gzung ba'i phyir langs te/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar ba btud de/ de'i tshe tshigs su bcad pa 'di dag smras so// lus dang srog kyang spang bgyis la// rnam par smin la mi re bar// 'jig rten mgon pos gsungs pa yi/ / mdo sde 'di ni gzung bar bgyi/ rgyal ba bzang la sogs pa lha'i bu lnga stong gis thal mo sbyar te/ bcom ldan 'das la 'di skad ces gsol to/ / bcom ldan 'das bdag cag gis de bzhin gshegs pa'i byang chub 'di gzung bar bgyi'o// de'i tshe tshigs su bcad pa 'di'ang smras so// sems can kun gyi don slad du/ / snying rje brtan par bskyed nas ni// sangs rgyas kyis gsungs zab pa yi// mdo sde 'di ni gzung bar bgyi/ de nas lha'i dbang po brgya byin dang / tshangs pa gtsug pud can dang / rgyal po chen po rnam thos kyi bus/ de'i tshe tshigs su bcad pa 'di smras so// nad kun las ni thar bgyid pa// sad 'di sman dang 'dra bab lags/ / ston pa legs par sems bskyed de/ bdag cag gis kyang gzung bar bgyi/ de nas bcom ldan 'das la/ gsang ba pa'i bdag po lag na rdo rjes 'di skad ces gsol to/ / bcom ldan 'das bdag gis kyang de bzhin gshegs pa'i bla na med pa yang dag par rdzogs pa'i byang chub bskal pa grangs ma mchis par bsgrubs pa 'di gzung bar bgyi'o/ / de'i tshe tshigs su bcad pa 'di'ang smras so// chos 'di yi ge ma mchis na// mi yi dbang pos thugs rje yis// yi ge rnams kyis rab bshad pa// de ni bdag gis / gzung bar bgyi/ de nas bcom ldan 'das kyis/ tshangs pa gtsug pud can la bka' stsal pa/ tshangs pa gsum po 'di dag ni/ de bzhin gshegs pa la mchod pa dang / rim gro byed pa bla na med pa'o// mchod pa'i las bla na med pa'o// bsod nams tshad med pa 'byung ba'o// gsum gang zhe na/ gang bla na med pa yang dag par rdzogs pa'i byang chub tu sems bskyed pa dang / gang de bzhin gshegs pa rnams kyi chos 'dzin pa dang / gang ji ltar thos pa'i chos rnams de bzhin nyid du bsgrub pa ste/ tshangs pa gsum po 'di ni bzhin gshegs pa la mchod pa dang / rim gro bya ba bla na med pa'o// tshangs pa gal te de bzhin gshegs pa tshe'i tshad bskal par bzhugs pas mchod pa'i dngos po gsum po 'di dag gi bsod nams kyi rnam par smin pa bskal pa'i bar du bstan du zin kyang mthar phyin par mi 'gyur ro/ / tshangs pa de lta bas na de bzhin gshegs pa la mchod pa dang / rim gro bya ba bla na med pas mchod pa byed 'dod pas mchod pa'i dngos po gsum po 'di dag gis mchod par bya'o/ / tshangs pa de bzhin gshegs pa gcig gi dam pa'i chos kyi tshig bzhi pa'i tshigs su bcad pa yongs su bzung na/ 'das pa dang / ma byon pa dang / da ltar byung ba'i de bzhin gshegs pa rnams kyi byang chub yongs su gzung bar 'gyur ro// de ci'i phyir zhe na/ tshangs pa bzhin gshegs pa rnams kyi byang chub ni chos la nges par byung ba yin pas/ de chos kyis mchod par bya'i/ zang zing gis ni ma yin na// dam pa'i chos kyis mchod pa ni mchod pa thams cad kyi nang na mchog tu bshad do/ / dam par bshad do// phul du bshad do// tshangs pa ngas mngon par shes te/ 'das pa'i dus na nga rgyal po'i pho brang zhig tu skyes te/ rgyal bu gzhon nu blo gros ldan zhes bya bar gyur pa de ni/ nga nyid kyis log pa'i rmi lam na tshigs su bcad pa gnyis thos nas bzung ba dang / nga sad nas 'di snyam du bsams te/ bdag gis gter chen po zhig rnyed do snyam nas/ ngas gter chen po rnyed do zhes skad cher phyung ba dang / nga'i pha ma gnyis na re/ gzhon nu gter ga la yod ces zer ro/ / ngas pa ma gnyis la tshigs su bcad de smras pa/ 'jig rten gter chen rnams ni rgyal po dang // rkun po mi chu bslus pas zad par 'gyur// de bzhin gshegs ba rnams kyi chos gter ni/ / bskal pa bye ba mang por chud mi za// sems can don brtson byang chub sems dang ni// tshul bzhin nyid kyis dben sems gang yin dang // rtag tu bag yod 'chi mang rgyu yin te/ yongs su 'dzin med bde ba kun gyi rgyu// tshangs pa tshigs su bcad pa 'di gnyis ngas rmi lam du zos te/ tshangs pa ngas tshigs su bcad pa 'di gnyis kyis sems can brgyad stong ni byang chub tu yongs su smin par byas so/ / srog chags bzhi khri nyis stang ni bde 'gror 'gro bar byas so// tshangs pa khyod kyis rnam grangs 'dis kyang ji ltar gang dag thos pa la brtson pa dang / brtson nas yang dag par sgrub pa dang / sgrub pa la gnas nas kyang gzhan la phan 'dogs pa de dag gis/ gter chen pa zab par de ltar rig par bya'o// tshangs pa theg pa chen po la gces spras byed pa'i chos gnyis te/ gnyis gang zhe na/ sems can thams cad la khong khro ba med pa dang / thos pa tshol bas chog ma shes pa ste/ gnyis po de dag go/ / tshangs pa de lta bas na chos kyi tshul 'di rgyun ma gcad cig/ tshangs pa khyod kyis bskal pa bzang po pa'i de bzhin gshegs pa thams cad la gsol ba gdab pa dang / dam pa'i chos yongs su bzung ba gyis shig/ tshangs pa bskal pa bzang po 'di la sangs rgyas bcom ldan 'das gzhan 'byung bar 'gyur ba de dag de 'dra bar yongs su dag pa'i sems can du 'gyur nani/ der khyod btang snyoms can du 'gyur ro// tshangs pa 'di ltar nyon mongs pa can gyi dus 'di na/ su zhig nyin gcig gam/ mtshan gcig dam pa'i chos 'dzin pa de ni ches mang gi sangs rgyas kyi zhing yongs su dag pa rnams su bskal pa brgya stong gis ni de lta ma yin no/ / tshangs pa de lta bas na khyod kyis dus ngan pa 'dir dam pa'i chos yongs su gzung ba'i phyir brtson 'grus su bya'o/ / de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo de bzhin gshegs pa'i gas babalag na rdo rje'i le'u klu'i gzungs chen po bstan pa 'di long zhig/ zung zhig/ lhogs shig/ gzhan dag la rgya cher yang dag pa ston cig/ kun dga' bo chos kyi rnam grangs 'di khyad la yongs su gtad do/ / de bzhin gshegs pa'i gsang ba bsam gyis mi khyab pa 'di skye bo phal pa la ma bshad cig/ kun dga' bo sems can dman pa la mos pa rnams ni 'di la mgo rmongs par 'gyur te/ kun dga' bo chos kyi rnam grangs 'di ni de tsam du mos par dka' ba/ de tsam du rtogs par dka' ba'o// sems can gang dag cang shes pa/ sbyang bar legs par byas pa/ chos 'di dag gi snod du gyur pa ma gtogs te/ de dag ni chos kyi tshul gyi rgyud 'di thos na skrag par mi 'gyur ro// de skad ces bka' stsal pa dang / tshe dang ldan ba kun dga' bos/ bcom ldan 'das la 'di skad ces gsol to// bcom ldan 'das sangs rgyas kyi mthus bdag gis chos kyi rnam grangs 'di blangs lags te/ mthu ci mchis pas rje rtsa thog tu gzung bar bgyi'o/ / bshad par bgyi'o// bcom ldan 'das kyis bka' stsal pa/ kun dga' bo khyod kyis sems can chen po dam pa'i chos yongs su gzung ba'i phyir langs pa 'di dag mthong ngam/ gsol pa/ bcom ldan 'das mthong lags so// bcom ldan 'das kyis bka' sprul pa/ kun dga' bo 'di dag thams cad ni khyod chas kyi rnam grangs 'di ston pa na/ phan 'dogs par 'gyur ba sha stag go/ gsol pa/ bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo da lta bas na khyod kyis chos kyi rnam grangs 'di lag na rdo rje'i le'u zhes bya bar zung zhig/ 'di de bzhin gshegs pa'i gsang ba bstan pa'i le'u zhes bya bar yang zung zhig/ 'di sangs rgyas kyi chos bsam gyis mi khyab pa bstan pa zhes bya bar yang zung zhig/ 'di bsod nams tshad med pa 'byung ba zhes bya bar yang zung zhig/ kun dga' bo byang chub sems dpa'i theg pa pa'i skyes bu gang zag gang zhig sangs rgyas kyi spyan gyis gzigs pa'i sangs rgyas kyi zhing rnams sa'i steng nas bzung ste/ srid pa'i rtse mo'i bar du rin po che thams cad kyis yongs su bkang nas sbyin pa byin te/ de'i rnam par smin pa la re ba bas/ gang gis chos kyi rnam grangs 'di legs par bton te/ zang zing med pa'i sems kyis gzhan dag la'ang rgya cher yang dag par bshad na/ 'di ni de bas bsod nams ches mang du bskyed do// de bas na chos kyi rnam grangs 'di de bzhin gshegs pa'i gsang ba bstan pa'i le'u dang / bsod nams tshad med par byung ba zhes bya'o// dam pa'i chos yongs su btad pa'i le'u 'di bstan pa na/ srog chags bye ba rgya phrag bcus bla na med pa yang dag par rdzogs pa'i byang chub tu sems bskyed do/ / byang chub sems dpa' dgu khri drug stong ni bzod pa thob par gyur to// srog chags brgyad khri bzhi stong chos rnams la chos kyi mig rnam par dag go/ dge slong stong drug brgya ni sems rnam par grol lo// phyogs bcu'i sangs rgyas kyi zhing tshad med pa dag ni rab tu g.yos so// lha brgya stong dag gis ni rol mo sil snyan blangs shing / me tog gi char yang rab tu phab ste/ 'di skad du chos kyi rnam grangs 'di 'dzam bu'i gling du shin tu yun ring du gnas par gyur cig ces kyang smras so/ / bcom ldan 'das kyis de skad ces bka' stsal nas/ gsang ba pa'i bdag po lag rdo rje dang / byang chub sems dpa' zhi ba'i blo gros dang / lha'i bu rgyal po bzang dang / rgyal po ma skyes dgra dang / byang chub sems dpa' de dag dang / dge slong de dag dang / tshe dang ldan pa kun dga' bo dang / lha dang / mi dang / lha ma yin dang / dri bar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// dam pa'i chos yongs su gtad pa'i le'u zhes bya ba sta ci shu pa'o/ / / 'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ 'phags pa de bzhin gshegs pa'i gsang ba bsam gyis mi khyab pa bstan pa zhes bya ba'i le'u ste/ 'dus pa gsum pa rdzogs so// // rgya gar gyi mkhan po dzi na mi tra dang / dA na shI la dang / mu ne bar ma dang chen gyi lo tsa ba ban+de ye shes sdes bsgyur cing zhus te/

CLOSE WINDOW