91a3 'gro ba kun gyi dpal du shar/ /'phags pa rten cing 'brel bar 'byung ba'i snying po'i cho ga'i gzungs/ rdzogs so// // @#/ /rgya gar skad du/ Ar+ya pra tI t+ya sa mud pA da nA ma ma hA yA na sU tra/ bod skad du/ 'phags pa rten cing 'brel bar
91a4 'byung ba zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das sum bcu rtsa gsum lha'i gnas na ar mo nig lta bu'i rdo leb la/ tshe dang ldan pa
91a5 rta thul la sogs pa nyan thos chen po rnams dang / 'phags pa byams pa dang / 'phags pa spyan ras gzigs dbang phyug dang phyag na rdo rje la sogs pa byang chub sems dpa' sems dpa' chen po yon tan rin po che dpag tu med pas brgyan pa rnams dang /
91a6 mi mjed kyi bdag po tshangs pa chen po dang / sred med kyi bu dang / dbang phyug chen po la sogs pa'i lha rnams dang / lha'i dbang po brgya byin dang / dri za'i rgyal po zur phud lnga pa la sogs pa dang thabs gcig tu bzhugs te/ de nas byang chub sems dpa'
91a7 sems dpa' chen po spyan ras gzigs dbang phyug stan las langs te bla gos phrag pa gcig tu gzar nas/ pus mo g.yas pa'i lha nga ri rab kyi rtse mo la btsugs te/ bcom ldan 'das ga la ba de logs su thal mo sbyar ba btud nas bcom ldan
91a8 'das la 'di skad ces gsol to/ /bcom ldan 'das lha 'di dag ni mchod rten bgyid par 'tshal ba sha stag ste/ 'khor gyi dkyil 'khor 'dir mchis na/ ci nas tshangs pa'i bsod nams 'phel ba dang / lha dang bcas pa bdud dang bcas pa/
91b1 tshangs pa dang bcas pa'i 'jig rten dang / dge sbyong dang bram zer bcas pa'i skye dgu las dge slong dang / dge slong ma dang / dge bsnyen dang / dge bsnyen ma dag bsod nams shin tu mang du 'phel bar 'gyur ba de lta de ltar bcom ldan 'das kyis de dag la
91b2 chos bstan du gsol zhes zhus pa dang / de nas bcom ldan 'das kyis rten cing 'brel par 'byung ba'i tshigs su bcad pa bka' stsal pa/ ye d+harmA he tu pra b+ha bA he tun te ShA~M ta thA ga to h+ya ba data/ te ShAny+tsa yo ni ro d+ha e ba~M bA dI ma hA shra ma NaH/ chos
91b3 gang rgyus 'byung de dag gis/ /rgyu dang de 'gog gang yin pa/ /de bzhin gshegs pas bka' stsal te/ /dge sbyong chen pos de skad gsungs/ /spyan ras gzigs dbang phyug 'di lta ste/ rten cing 'brel par 'byung ba 'di ni de bzhin gshegs pa rnams kyi
91b4 chos kyi sku yin te/ sus rten cing 'brel par 'byung ba mthong ba des de bzhin gshegs pa mthong ngo / /spyan ras gzigs dbang phyug rigs kyi bu 'am/ rigs kyi bu mo dad pa can gang la la zhig gis mi gnas pa'i sa phyogs su mchod rten ni skyu ru ra'i 'bru tsam/
91b5 srog shing ni khab tsam/ gdugs ni ba gu la'i me tog tsam zhig byas la/ rten cing 'brel par 'byung ba'i chos kyi dbyings kyi tshigs su bcad pa nang du bcug na des tshangs pa'i bsod nams skyed par 'gyur te/ 'di nas shi 'phos shing 'chi ba'i dus byas
91b6 nas tshangs pa'i 'jig rten du skye bar 'gyur ro/ /bcom ldan 'das kyis de skad ces bka' stsal nas/ nyan thos de dag dang / byang chub sems dpa' de dag dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas
pa'i 'jig rten yi rangs te/