| བོད་ཡིག |
336b5 rdzogs s+ho// // dkon mchog gsum la phyag 'tshal lo/ /gang la ser sna rnam chags pa/ /rnam 'joms dri ma med
336b6 mdzad pa/ /thugs zhi gnod pa mi mnga' des/ /khyed la bde legs mdzad par 'gyur/ /'dren pa gang zhig 'gro ba rnams/ /thar pa'i lam du 'dzud mdzad cing / /chos rnams thams cad ston pa des/ /khyed la
336b7 bde legs mdzad par 'gyur/ /ston pa 'gro ba rnams kyi rten/ /sems can kun gyi don gyi phyir/ /gang gis bde ba mnga' mdzad des/ /khyed la bde legs mdzad par 'gyur / /skyob pa gang zhig
336b8 byams pa yi/ /thugs kyis 'gro ba 'di dag kun/ /bu gcig bzhin du rtag bskyangs des/ /khyed la bde legs mdzad par 'gyur/ /gang zhig 'khor bar 'khor ba yi/ /sems can kun gyi rten gyur cig /gling dang dpung gnyen
337a1 gyur pa des/ /khyed la bde legs mdzad par 'gyur/ /gang zhig chos kun mngon sum gyur/ /gtsang zhing slu ba mi mnga' ba/ /gsung gtsang gtsang bar mdzad pa des/ /khyed la bde legs mdzad par 'gyur/ /dpa'
337a2 bo chen po gang skyes pa/ /phun sum tshogs don 'byor gyur cing / /don grub tshogs kyang grub pa des/ /khyed la bde legs mdzad par 'gyur/ /gang zhig skyes pas sa rnams dang / /nags tshal bcas pa rab g.yos nas/ /
337a3 sems can thams cad rab dga' des/ /khyed la bde legs mdzad par 'gyur/ /byang chub snying por gang zhig gis/ /sa rnams rnam drug g.yor gyur cing / /bdud yid mi bder gyur pa des/ /khyed la bde legs
337a4 mdzad par 'gyur/ /chos kyi 'khor lo bskor ba na/ /'phags pa'i bden pa gsungs pa gang / /thub pa'i grags pa 'byung ba des/ /khyed la bde legs mdzad par 'gyur/ /yid 'phrog gang gis mu stegs
337a5 byed/ /thams cad chos kyis pham mdzad cing / /tshogs kun dbang du mdzad pa des/ /khyed la bde legs mdzad par 'gyur/ /sangs rgyas khyed la bde legs mdzad/ /brgya byin lhar bcas bde legs dang / /
337a6 'byung po kun gyi bde legs ni/ /khyed la dus kun sbyin gyur cig /sangs rgyas bsod nams mthu dag dang / /lha rnams kyis ni bsams pa yis/ /khyed kyi don 'dod gang yin pa / /don de di ring grub gyur cig /
337a7 rkang gnyis khyed cag bde legs shog /rkang bzhi khyed cag bde legs shog /khyed cag lam 'gro bde legs shog /phyir 'ong dag kyang bde legs shog /nyin mo bde legs mtshan bde legs/ /
337a8 nyi ma'i gung la'ang bde legs shing / /khyed rnams kun du bde legs shog /khyed cag sdig par ma gyur cig /sangs rgyas lha ni stong rnams kyis/ /yongs su bskor te gshegs
337b1 mdzad kyis/ /sdang sems ldan pa rnams byer cig /snying rje'i bdag nyid can rnams 'khod/ /sangs rgyas rang sangs rgyas rnams dang / /dgra bcom slob pa'i bden tshig gis/ /'jig rten mi phan byed pa rnams/ /
337b2 grong khyer 'di ni gtong gyur cig /sems can kun dang srog chags kun/ /'byung po kun dang khyed cag kun/ /bde ba 'ba' zhig ldan gyur cig /thams cad nad ni med gyur cig /kun gyis bzang po mthong gyur cig /
337b3 gang yang sdig par ma gyur cig /'byung po gang dag 'dir ni lhags gyur cing / /sa 'am 'on te bar snang gnas pa rnams/ /skye dgu rnams la rtag tu byams bgyid cing / /nyin dang mtshan du chos la spyod gyur cig /'dul
ba lung gi cha shas yangs pa'i grong khyer du 'jug pa'i bde legs kyi tshigs su bcad pa/