287a1 @#/ /rgya gar skad du/ Ar+yA ba lo ki te shwa ra sa ha sri ka b+hu dza lo tsa na nirmA Na bi stA ra pa ri pUr+NA sa~M ga ma hA kA ru Ni ka d+ha ra Ni/ bod skad du/ 'phags pa spyan ras gzigs kyi dbang phyug phyag stong spyan stong du sprul pa rgya chen po yongs su rdzogs pa
287a2 thogs pa med par thugs rje chen po dang ldan pa'i gzungs/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das ri po ta la ka'i steng na/ 'phags
287a3 pa spyan ras gzigs dbang phyug gi med khang pa rin po ches rnam par brgyan pa'i nang na seng ge'i gdan rin po che sna tshogs kyis spras pa/ rin po che sna tshogs kyis rgyal mtshan dang / lha'i ba dan la sogs pa lhab lhub kyis klubs
287a4 pa'i nang na bzhugs te/ de'i tshe de bzhin gshegs pas gzungs sngags kun tu 'dzin pas bshad pa dgongs nas/ de byang chub sems dpa' sems dpa' chen po grangs med dpag tu med pa dag dang thabs gcig tu bzhugs pa
287a5 la 'di lta ste/ byang chub sems dpa' gzungs 'dzin rgyal po dang / byang chub sems dpa' rin po che'i rgyal po dang / byang chub sems dpa' sman gyi rgyal po dang / byang chub sems dpa' sman gyi bla dang / byang chub sems dpa' spyan ras
287a6 gzigs dbang phyug dang / byang chub sems dpa' mthu chen thob dang / byang chub sems dpa' me tog bkod pa dang / byang chub sems dpa' cher bkod pa dang / byang chub sems dpa' rin po che bkod pa dang / byang chub sems dpa' dpal
287a7 gyi snying po dang / byang chub sems dpa' rdo rje'i snying po dang / byang chub sems dpa' nam mkha'i snying po dang / byang chub sems dpa' byams pa dang / byang chub sems dpa' kun tu bzang po dang / byang chub sems dpa' 'jam dpal la sogs
287a8 pa byang chub sems dpa' sems dpa' chen po de dag thams cad kyang chos chen po'i dbang spyi bo nas bskur ba sha stag dang / nyan thos kyi dge 'dun chen po'i nang na gtso bo/ 'od srungs chen po dang / nyan thos kyi dge 'dun grangs med pa dag dgra
287b1 bcom pa'i sa bcu la spyod pa sha stag dang / yang tshangs lha rnams kyi nang na gtso bo tshangs pa chen po dang / tshangs lha grangs med pa dag dang / yang lha'i bu'i nang na gtso bo lha'i bu zer snang du ba can dang / lha'i bu grangs med pa dag dang / 'jig rten
287b2 skyong ba'i gtso bo gnas srung po la sogs pa rgyal po chen po bzhi dag dang / lha dang klu dang / gnod sbyin dang / dri za dang / lha ma yin dang / namakha' lding dang / mi 'am ci dang / lto 'phye chen po dang / mi dang / mi ma yin pa la sogs pa grangs med pa'i
287b3 nang na gtso bo klu'i rgyal po'i dpal dang / 'dod pa'i khams kyi lha mo grangs med pa'i nang na gtso mo lha mo gzhon nu'i mig dang / namakha' dang / chu bo dang / mtsho dang / rdzing dang / chu mig dang / chu bran dang / shing dang / sman dang / tshal dang grong
287b4 khyim dang / sa dang / chu dang / me dang / rlung dang / ri dang / nags tshal la sogs pa'i lha kun dang thabs gcig go/ de nas byang chub sems dpa' 'phags pa spyan ras gzigs kyi dbang phyug gis 'khor mang po 'dus pa'i nang nas gsangs
287b5 te rdzu 'phrul gyi 'od phyogs bcur btang nas/ stong gsum gyi stong chen po'i 'jig rten gyi khams kun kyang gser gyi kha dog tu snang / lha'i gnas dang / klu'i gnas dang / gnyan po thams cad kyi gnas kun kyang g.yos/ rab tu
287b6 g.yos/ chu bo dang / rgya mtsho dang / ri rab dang / lcags kyi ri dang / khor yug dang / sa'i ri dang / rdo'i ri dang / ri nag po dang / ri dmar po la sogs pa kun kyang g.yos/ rab tu g.yos/ kun du rab tu g.yos/ /nyi ma dang / zla ba dang /
287b7 nor bu dang / me dang / gza' skar rnams kyi 'od kyang med par gyur to/ /de nas byang chub sems dpa' sems dpa' chen po gzungs 'dzin rgyal pos 'di lta bu'i ya mtshan ngo mtshar rmad du gyur pa mthong nas stan las langs te/
287b8 bcom ldan 'das ga la ba der logs su thal mo sbyar nas/ bcom ldan 'das la 'di lta bu'i rdzu 'phrul gyi ltas ngo mtshar du byung ba su'i mthu lags/ shes bcom ldan 'das la tshigs su bcad de zhus pa/
288a1 gang zhig de ring mngon par rdzogs 'tshang rgya/ 'di ltar 'od chen kun du btang nas su/ phyogs bcu'i 'jig rten kha dog gser du snang / stong khams kun kyang khyab par de bzhin no/ su zhig de ring dbang phyug thob pa ste/
288a2 mthu chen ngo mtshar ldan pa'i ltas byung bas/ 'jig rten mtha' yas kun kyang rab g.yos shing / lha klu'i khang khyim kun kyang bde ma gyur/ su yi mthu stobs rgyu rkyen gang lags pa/ bdag cag ma rig thibs por skyes
288a3 pas na/ bcom ldan byams pa dang ni thugs rje yis/ 'phrul 'di su yi yon tan bshad du gsol/ de nas bcom ldan 'das kyis byang chub sems dpa' gzungs 'dzin rgyal po la 'di skad ces bka' stsal to/ rigs
288a4 kyi bu khyed rnams shes par gyis shig de ltar 'khor 'dir 'dus pa'i nang nas byang chub sems dpa' sems dpa' chen po spyan ras gzigs dbang phyug ces bya ba thog mar bskal pa grangs med pa nas byams pa dang snying rje chen
288a5 po bsgrubs te/ gzungs kyi sgo grangs med pa sdud cing spyod pa la mkhas pas sems can thams cad bde ba la bkod pa'i phyir/ 'di lta bu'i rdzu 'phrul gyi ltas chen po gsangs te btang ba yin no/ bcom ldan 'das
288a6 kyis de skad ces bka' stsal nas/ byang chub sems dpa' spyan ras gzigs dbang phyug stan las langs te/ gos tshags bcos nas bcom ldan 'das ga la ba de logs su thal mo sbyar ba btud nas/ bcom ldan
288a7 'das la 'di skad ces gsol to/ bcom ldan 'das bdag la thugs rje chen po dang ldan pa'i gzungs sngags kyi snying po mchis te/ sems can thams cad bde ba la gnas par bgyi ba dang / nad thams cad sel
288a8 bar bgyi ba dang / che skyang bar bgyi ba dang / phyug cing longs spyod dang ldan par bgyi ba dang / sdig pa mi dge ba'i las thams cad sel bar bgyi ba dang / bgegs dang / sgribs pa rnams sel bar bgyi ba dang /
288b1 chos dkar po thams cad dang / yon tan thams cad rnam par 'phel bar bgyi ba dang / legs pa'i sa bon thams cad yongs su grub par bgyi ba dang / 'jigs shing skrag pa 'gyur ba thams cad las yongs su thar bar bgyi
288b2 ba dang / re ba thams cad myur du bskong bar bgyi ba'i slad du bshad par 'tshal na/ de bzhin gshegs pas thugs rjer dgongs te gnang bar mdzad du gsol/ /de nas bcom ldan 'das kyis bka' stsal pa/ rigs kyi bu byams pa dang snying rje chen
288b3 po dang ldan pa khyod sems can thams cad bde ba la gnas par bya ba'i phyir gsang sngags bshad par 'dod na da dus la bab kyis myur du bshad pa'i rigs so/ nga yang rjes su thugs rangs te/ de bzhin gshegs pa thams cad kyang
288b4 de bzhin du rjes su thugs rangs so zhes bka' stsal nas/ byang chub sems dpa' spyan ras gzigs dbang phyug gis kyang bcom ldan 'das la 'di skad ces gsol to/ bdag sngon du dran pa 'das pa'i dus bskal pa 'bum phrag
288b5 grangs ma mchis pa'i pha rol na de bzhin gshegs pa dgra bcom pa yang dag par rdzogs pa'i sangs rgyas 'od stong 'bab pa'i rgyal po dben par gnas shes bgyi ba 'jig rten du gshegs te/ sangs rgyas bcom ldan 'das de bdag
288b6 dang / sems can thams cad la byams pa dang / thugs rjer dgongs pa'i slad du shin du rgya che ba thogs pa ma mchis pa'i thugs rje chen po dang ldan pa'i gzungs kyi snying po 'di bshad de/ phyag gser gyi kha dog can bdag gi
288b7 spyi bor gzhag nas/ 'di skad ces bka' l+tsal pa/ rigs kyi bu khyod gsang sngags kyi snying po 'di gzungs su zung la/ phyis ma 'ongs pa'i dus ngan pa na sems can thams cad la phan pa dang / bde ba chen por gyis
288b8 shig ces bka' stsal pa nas/ bdag de'i tshe de'i dus nas dang po la gnas pa las gzungs sngags 'di lan cig thos pa tsam gyis 'phags te sa brgyad du phyin to/ de'i tshe de'i dus na bdag shin tu dga' ba skyes
289a1 nas yi dam du bcas pa/ bdag gis dus slad ma la sems can thams cad la phan pa dang bde ba'i 'gyur ba bgyi ba'i mthu zhig rnyed par 'gyur na/ bdag gi lus 'di la lag pa stong dang ldan par gyur cig ces smon lam btab
289a2 ma thag tu lus la lag pa stong dang mig stong tshang bar byung bar 'gyur te/ de nas phyogs bcu'i sa chen po rnam pa drug du g.yos par phyogs bcu'i sangs rgyas stong gis 'od zer btang nas/ bdag gi lus la phyogs bcu'i
289a3 sangs rgyas stong gis 'od zer btang ste/ bdag gi lus dang phyogs bcu'i 'jig rten mtha' yas par snang ba chen por mdzad do/ /de'i slan cad kyang sangs rgyas mang po dang 'khor mang po'i tshogs grangs ma mchis pa'i nang nas
289a4 yang 'di skad du thos te/ bsnyen bkur bgyis blangs te/ sems dga' ba dang rab tu dga' ba skyes te/ dga' ba dpag tu ma mchis pa nas yang bskal pa 'bum phrag grangs ma mchis pa'i skye shi ni shin du phra ba las thar
289a5 te 'phags so/ /de slan cad rtag tu bzlas brjod bgyi ste gzungs su gzung nas/ bskyud ma myong ste/ sngags 'di gzungs su 'dzin pa'i slad du bdag gar byung gar skyes kyang rtag tu sangs rgyas kyi spyan sngar pad ma la rdzus shing
289a6 skyes te/ mngal du skye ma myong ngo / /gal te dge slong ngam/ dge slong ma 'am/ dge bsnyen nam/ dge bsnyen ma 'am/ de ma yin pa gang la la zhig gzung sngags 'di 'dzin par 'tshal na/ sems can thams cad
289a7 la byams pa dang / snying rje cher bskyed do/ /thog mar bdag spyan ras gzigs kyi ming nas brjod cing smon lam 'di skad du gdab par bgyi'o/ /thugs rje chen po spyan ras gzigs la phyag 'tshal lo/ /bdag gis chos nyid
289a8 kun du myur du chud gyur cig /thugs rje chen po spyan ras gzigs la phyag 'tshal lo/ /bdag gis shes rab spyan ni myur du thob gyur cig /thugs rje chen po spyan ras gzigs la phyag 'tshal lo/ /bdag gis sems
289b1 can thams cad myur du sgrol gyur cig /thugs rje chen po spyan ras gzigs la phyag 'tshal lo/ /bdag gis thabs la mkhas pa myur du thob gyur cig /thugs rje chen po spyan ras gzigs la phyag 'tshal lo/ /bdag ni shes rab grur ni myur du
289b2 zhugs gyur cig /thugs rje chen po spyan ras gzigs la phyag 'tshal lo/ /bdag gis sdug bsngal mtsho las myur du rgal gyur cig /thugs rje chen po spyan ras gzigs la phyag 'tshal lo/ /bdag gis tshul khrims lam la
289b3 myur du rdzogs gyur cig /thugs rje chen po spyan ras gzigs la phyag 'tshal lo/ /bdag gis mya ngan 'das kyi ri la myur du 'dzegs gyur cig /thugs rje chen po spyan ras gzigs la phyag 'tshal lo/ /bdag gi 'dus ma
289b4 byas kyi khang par myur du 'dus gyur cig /thugs rje chen po spyan ras gzigs la phyag 'tshal lo/ /bdag gis myur du chos nyid sku dang mthun gyur cig /gal te mtshon gyi ri la phyogs gyur na/ /mtshon gyi ri ni rab
289b5 tu zhig cing rnyil gyur cig /gal te bdag gis chu tshan zangs la phyogs gyur na/ /me dang chu tshan rang du zhi zhing med gyur cig /gal te bdag gis sems can dmyal bar phyogs gyur na/ /sems can dmyal ba zhi zhing sdug bsngal
289b6 zad gyur cig /gal te bdag gis yi dags bkres ltogs phyogs gyur na/ /yi dags ltogs pa rab tu 'grangs gyur cig /gal te bdag gis lha ma yin du phyogs gyur na/ /lha ma yin gyi ngan sems yongs su
289b7 zhi gyur cig /gal te bdag gis byol song rgyud ru phyogs gyur na/ /bdag gis shes rab chen po'i rang bzhin thob gyur cig /de skad smon lam btab pa'i 'og tu sems brtse gcig tu bdag dang bdag gi mkhan po de
289b8 bzhin gshegs pa tshe dpag tu med pa la mngon du dmigs te/ gsang sngags 'di zhag cig gi bar bzlas pa lan lnga tshang bar bgyis na/ bskal pa brgya stong khri phrag 'bum gyi bar du bsags pa'i sdig lci ba kun
290a1 kyang 'byung bar 'gyur ro/ /yang bcom ldan 'das la 'di skad ces gsol to/ /bcom ldan 'das lha dang mi dang gang la la zhig thugs rje chen po'i rig sngags 'di 'dzin pa 'am/ 'chang ba 'am/ klog pa 'am/ gdon
290a2 par bgyis na/ tshe 'phos shing 'gum pa'i khar phyogs bcu'i sangs rgyas kun der gshegs te/ phyag gis 'dzin cing sangs rgyas kyi zhing gang nas gang du skye bar 'dod pa de dang der skye bar 'gyur ro/ /bcom ldan 'das
290a3 sems can gang la la zhig thugs rje chen po'i gsang sngags 'di gzungs su gzungs ste/ bzlas pa las ngan song gsum du ltung na/ bdag mngon par rdzogs par 'tshang rgya bar ma gyur cig /gang gis thugs
290a4 rje chen po'i gzungs su 'dzin cing / bzlas brjod bgyis pa las sangs rgyas kyi zhing du ma skyes na bdag mngon par rdzogs par 'tshang rgya bar ma gyur cig /gang gis thugs rje chen po'i gsang sngags 'di gzungs
290a5 su 'dzin cing bzlas brjod bgyis pa las/ ting nge 'dzin grangs med pa'i rang rig pa ma thob na/ bdag mngon par rdzogs par 'tshang rgya bar ma gyur cig /thugs rje chen po'i gsang sngags 'di gang la las
290a6 gzungs su gzung ste/ bzlas pa bgyis pa las/ da ltar gyi tshe 'di la re ba thams cad ma skongs na thugs rje chen po'i gzungs sngags kyi snying po zhes bgyir yang mi rung ste/ gang dge ba mi spyod pa dang
290a7 sems thag pa nas mi bsgrub pa ni ma gtogs so/ /bud med gang la las bud med kyi lus kyis skyo ste/ skyes pa'i lus su skye bar 'tshal na thugs rje chen po'i gzungs sngags 'di bzlas par bgyis te/
290a8 gzungs su gzungs pa las bud med kyi lus las skyes pa'i lus su ma gyur na/ bdag mngon par rdzogs par 'tshang rgya bar ma gyur cig /gang yid gnyis sam the tsom chung zad tsam skyes pas ni 'grub
290b1 par mi 'gyur ro/ /sems can gang zhig dkon mchog gsum gyi dkor dang zhal zas la 'bags te/ spyad pa'i sdig pa sangs rgyas stong 'jig rten du gshegs pa'i tshe yang 'thol zhing 'chags su mi snang ste/ 'thol du lags kyang sdig pa mi 'byang
290b2 bar mi 'gyur ba rigs sngags 'di 'chang ba 'am bzlas pa bgyis na de ma thag tu sdig pa 'byung bar 'gyur ro/ /dkon mchog gsum gyi dkor nor dang / zhal zas las spyod pa'i sdig pa phyogs bcu'i dge 'dun la 'thol zhing 'chags
290b3 na gdod byang ba lags te/ da 'dir thugs rje chen po'i gzungs sngags bzlas pa tsam gyis phyogs bcu'i dge 'dun yang der ltung ba byang zhing tshangs par bgyis pas sdig pa thams cad kyang myur du 'byang ngo / /mi dge bcu dang / mtshams
290b4 med pa lnga dang / gang zag la skur ba dang / mchod rten la 'dral ba dang / tshul khrims 'chal ba dang / gtsug lag khang zhig pa dang / dkon mchog gsum gyi dkor brkus pa dang / tshangs par spyod pa la mya ngan bgyis pa
290b5 la sogs pa'i sdig pa lci ba la sogs pa thams cad 'byang bar 'gyur ro/ /gang gzungs sngags 'di la the tsom 'tshal ba ni ma gtogs so/ /de sdig pa'i las chung ba dang / yang ba las kyang 'byung bar mi 'gyur na sdig pa
290b6 lci ba lta smos kyang ci 'tshal te/ sdig pa 'phral mi 'byang du lags kyis kyang / yun ring du byang chub kyi rgyur ni 'gyur ro/ /spyan ras gzigs dbang phyug gis kyang bcon ldan 'das la 'di skad ces gsol to/
290b7 bcon ldan 'das gal te lha dang mi rnams kyis thugs rje chen po ldan pa'i rigs sngags kyi snying po gzungs su 'dzin cing bzlas brjod bgyis na/ legs pa'i yon tan rnam pa bcwa lnga 'thob pa dang / gshis ngan du 'gum
290b8 pa rnam pa bcwa lnga mi myong bar 'gyur ro/ gshis ngan du mi 'gum pa gang zhe na/ ltogs te mi 'gum/ mtshon cha dang lcags dbyig gis mi 'gum/ dgra sha klan pas mi 'gum/ dmag gis g.yul du
291a1 mi 'gum/ stag dang / spyang gi la sogs pa'i gcan zan gyis mi 'gum/ sbrul dang sdig pa la sogs pa'i gdug pa can gyis mi 'gum chab kyis mi 'gum/ zhugs kyis mi 'tshig /dug gis mi 'gum/ mkha' 'gro
291a2 mas mi 'gum/ sems stor cing myos pas mi 'gum/ ri 'am brag gam shing ngam gad kar lhung ste mi 'gum/ byad stems kyis mi 'gum/ lham srin dang / 'dre gdon gyis mi 'gum/ nad ngan gyis mi 'gum/ lcebs
291a3 bas mi 'gum ste/ thugs rje chen po dang ldan pa'i gzungs sngags 'chang bzlas pa des gshis ngan du 'gum pa rnam pa bcwa lnga po myong bar mi 'gyur ro/ /legs pa'i yon tan bcwa lnga gang zhe na/ gang nas gang du skye ba'i
291a4 sar chos bzhin du bgyid pa'i rgyal po dang phrad pa dang / rtag par dge ba'i yul du skye ba dang / rtag par dus bzang po dang phrad pa dang / rtag par dge ba'i grogs po dang phrad pa dang / dbang po dang yan lag tshang ba dang /
291a5 spyod lam zhi dul can du 'gyur ba dang / tshu khrims mi nyams pa dang / gnyen bshes dang 'khor ldan zhing 'dum 'phrod pa dang / 'tshog chas dang nor zas yod pa gzhan gyis mi 'phrog pa dang / rtag par gzhan gyis bkur
291a6 sti dang phu dud bgyi ba dang / 'tshog chas dang nor zas la sogs pa phun sum tshogs pa dang / yid la 'dod cing 'tshal lo cog myur du 'grub pa dang / lha dang klu kun gyis rtag tu mgon skyabs bgyid par 'gyur ba dang /
291a7 gar byung gar skyes kyang sangs rgyas kyi drung du skye zhing dam pa'i chos thos pa dang dam pa'i chos thos nas don bzang po la rtog pa dang / thugs rje chen po dang ldan pa'i gzungs sngags 'chang ba dang bzlas pa des legs pa'i yon tan rnam pa bcwa lnga po
291a8 'di dag dang ldan par 'gyur ro/ /lha dang mi rnams kyis rigs sngags 'di rtag tu rgyun mi 'chad par 'chang ba dang / bzlas brjod du bgyi ba'i rigs te/ de la le lo bgyi ba'i mi rigs so/ /byang chub sems dpa' 'phags
291b1 pa spyan ras gzigs dbang phyug gis tshig de skad ces gsol nas/ 'khor 'dus pa mang po'i dbus su thal mo sbyar cing lus drang por bsrang nas sems can thams cad kyi phyir snying rje cher bskyed de/ mdangs phye zhing 'dzum dmul nas rgya
291b2 cher yongs su rdzogs pa thogs pa med par thugs rje chen po dang ldan pa'i gzungs sngags kyi snying po dam pa 'di brjod do/ /na mo rat+na tra yA ya/ na mo Ar+yA ba lo ki te shwa rA ya/ bo d+hi satwA ya/ ma hA sa twA ya/ ma hA kA ru Ni
291b3 kA ya/ sarba b+ha ba sa mut+t+ro/ co sha na ka ra ya/ sarba byA d+hi pra sha man ka rA ya/ sarbe t+yu ba dra ba/ bi na Shu Na ka rA ya/ ta sa na maskr-i da twa/ i mam Ar+yA ba lo ki ti shwa rA ya/ ta ba nI la kan+te na ma hr-i da ya
291b4 mA baR+ta yi Sh+yA mi/ sarba aR+tha yi ta sa da nan/ shu ban a tse yan/ sarba b+hU tA nAn/ ba b+ha marga/ bi sho d+ha kan/ tad+ya thA/ a lo ke lo ka /ma ti lo ka a ti kran+ta/ a ti kran+ta he h+ya ta re ba ha bo d+hi satwA/ he bo d+hi satwA/
291b5 hi bri ya bo d+hi satwA/ he kA ru Ni ka /rmar hrir yan/ hi hi hi re/ Ar+yA ba lo ke te shwa ra/ pa ra ma me tra/ tsit+ta na/ kA ru Ni ka /ku ru ku ru/ karma sA d+ha ya/ bin+da na de hi de ni/ ka mang+ga ma/ bi had+ga ma/ sid+d+ha yo ge shwa ra/
291b6 d+hu rU d+hu rU/ bi yan+ti/ ma hA bi yan+ti/ d+ha ra d+ha ra/ da ren tre shwa ra/ tsa la bi ma la mU rte/ Ar+yA ba lo kI te shwa ra/ dzin kriSh+Na/ dzaT mo ku Ta/ lam+ba bra lam+ba/ bi lam+ba/ ma hA bi lam+ba/ ma hA sing+d+ha/ bid+yA d+ha ra/ ba la ba la/
291b7 ma hA ba la/ ma la ma la/ ma hA ma la/ tsa la tsa la/ ma hA tsa la/ ki na ba ka sha /kriSh+Na bar+N+Na/ kriSh+Na pak+Sha ni r+g+g+ha ta na/ he pad ma hasta/ tsa la tsa la/ ni sha tsa re/ shwa ri kr-iSh+Na sar ba krid tra/ yadz+nyo ba
291b8 bI ti/ e h+ye hi/ ba ra ha mu kha/ tri pu ra/ da ha ne shwa ra/ na ra ya Na ba la rU pa/ be Sha d+ha ri/ he nI kan la kaN+Tha he ma hA/ ha la ha la/ bi Sha nir dza ti/ lo ka s+ya rA ga pa sha na/ shan sha nan
292a1 de sha ni sha nan/ mo ha bi sha nan/ nir mo k+Sha na/ hu lu hu lu/ ma hu la/ ha la ha re/ ma hA pad ma/ ba na sa ra sa ra/ si ri si ri/ su ru su ru/ bud+ha bud+ha/ bo d+ha ya bo d+ha ya/ bo d+ha ya mi te/ nI la kaN+Tha/ e h+ye hi/ bA ma
292a2 s+thi ta sing+ha mu kha/ ha sa ha sa/ mun tsa mun tsa/ ma hA ha ta ha sa/ e h+ye haM/ sid+d+ha yo gI shwa ra/ ba na ba na/ ba tsa na/ sa d+ha ya sa d+ha ya/ ba dan/ sma ra sma ra/ tan b+ha ga ban tam/ lo ka bi lo ta ka tan/
292a3 ta thA ga ta na/ da da hi me/ da ri shan ba/ ka ma s+ya/ da ni sha ra/ pra la d+ha ya man swA hA/ sid+d+ha swA hA/ ma hA sid+d+ha ya swA hA/ sid+d+ha yo ge shwa ra swA hA/ nI la kaN+ThA ya swA hA/
292a4 hA/ sid+d+ha bid+yA d+ha rA ya swA hA/ pad ma ha stA ya swA hA/ kr-iSh+Na sa ra ba yadz+nyo ba bI ya swA hA/ ma hA la ku ta/ da ra ya swA hA/ tsakrA yu d+ha ya swA hA/ shad+ga sha p+ta d+hA ra Ni bo d+ha ya swA hA/ bI ma skan+da de sha stid ta/ kriSh+Na dzi na ya
292a5 swA hA/ ma hA b+h+ya swA hA/ kra tsar ma Ni ba si ni ya swA hA/ ka lo ke shwa ra ya swA hA/ sarba sid+d+hi shwa r+ya swA hA/ rak+Sha rak+Sha ma ra na/ bdag bsrung du gsol/ bsrung du gsol/ /na mo b+ha ga ba ti/
292a6 Ar+yA ba lo ki ti shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ sid+d+h+ya n+tu du man+t+ra pa da swA hA/ oM hrI tre+e lo kya bi dza yA/ a mo g+ha pA sha a pra ti ha ta hr-i da hU~M phaT swA hA/ /byang chub sems dpa'
292a7 'phags pa spyan ras gzigs dbang phyug gis sngags 'di brjod ma thag tu sa chen po rnam pa drug tu g.yos so/ /de nas lha rnams kyis me tog rin po che'i char phab ste mchod do/ /phyogs bcu'i sangs rgyas kyang
292a8 shin tu thugs dgyes par gyur nas lha'i bdud dang mu stegs rnams kyang 'jigs skrag ste skyi bung zhes byed do/ /'khor 'dus pa'i tshogs thams cad 'bras bu'i khyad par 'thob pa/ gcig ni rgyun du zhugs pa'i 'bras
292b1 bu/ kha cig ni lan cig phyir 'ong ba/ kha cig ni phyir mi 'ong ba/ kha cig ni dgra bcom pa'i 'bras bu/ kha cig ni sa dang po dang / sa gnyis pa dang / sa gsum pa dang sa bzhi pa dang / sa lnga pa dang / sa bcu pa'i bar gyi 'bras
292b2 bu thob pa/ sems can mang po zhig kyang de'i tshe/ byang chub tu sems bskyed do/ /de nas tshangs pa chen po stan las langs te/ gos tshags bcos nas thal mo sbyar cing bsnyen bkur gus pa'i tshul du byang chub
292b3 sems dpa' 'phags pa spyan ras gzigs dbang phyug la 'di skad ces smras so/ /skyes bu chen po legs so/ /bdag sngon sangs rgyas grangs ma mchis pa nas chos kyi rnam grangs mang po zhig thos kyis kyang 'di lta bu'i
292b4 thugs rje chen po dang ldan pa thogs pa mi mnga' ba'i gzungs kyi snying po tshigs thos ma myong ste/ skyes bu chen po'i gzungs 'di'i mtshan nyid ji lta bu lags pa bdag la bstan du gsom/ /bdag cag phal mang po yang /
292b5 thos par smon to/ /de nas byang chub sems dpa' 'phags pa spyan ras gzigs dbang phyug gis tshangs pa chen po la smras pa/ khyed thabs la mkhas pas sems can thams cad la phan pa dang / bde bar bya ba'i
292b6 phyir 'di skad du 'dri na/ legs par nyon cig dang / ngas khyed rnams la mdo tsam zhig bshad do/ /gzungs 'di'i mtshan nyid ni 'di lta ste/ byams pa chen po dang snying rje chen po'i sems so/ /
292b7 'dus ma byas pa'i sems so/ /chags pa med pa'i sems so/ /stong pa nyid du rtogs pa'i sems so/ /ri mo gus pa'i sems so/ /bdag dman pa'i sems so/ /'khrug pa med pa'i sems so/ /
292b8 bla na med pa'i byang chub kyi sems so/ /de lta bu'i sems ni gzungs kyi mtshan nyid ces byas te/ khyod kyang de bzhin du sbyong cig /tshangs pa chen pos smras pa/ bdag la sogs pa phal mang pos gzungs 'di'i
293a1 mtshan nyid ni gdod 'tshal te/ der phyin cad gzungs su gzungs zhing ming skyud par bgyi'o/ /spyan ras gzigs dbang phyug gis smras pa/ rigs kyi bu 'am rigs kyi bu mo gang la las byang chub kyi sems rgya
293a2 cher bskyed de/ sems can thams cad mya ngan las bzla ba'i phyir/ tshul khrims 'dzin cing sems can thams cad la snyoms pa'i sems bskyed de/ sngags 'di rtag tu rgyun mi 'chad par khang pa dben pa zhig
293a3 tu khrus byas te gos gtsang ma bgo zhing rgyal mtshan dang / ba dan dang / mar me dang / bdug spos dang / byug pa dang / me tog dang / zhal zas rnams kyis mchod cing don gzhan btang ste sems rtse gcig tu cho ga bzhin
293a4 bzlas brjod byas na/ de'i tshe byang chub sems dpa' nyi 'od dang / byang chub sems dpa' zla 'od dang / rig 'dzin grangs med pa dag dang lhan cig tu der 'ongs te/ de la phan par byed pa'i rtags dang mtshan ma ston
293a5 par 'gyur ro/ /ngas kyang de'i tshe de'i dus na mig stong gis brtag cing lag stong gis bskyab par bya'o/ /mu stegs kyi gtsug lag thams cad la mkhas shing khong ngu chud par bya'o/ /gang gis gzungs sngags
293a6 'di gzungs su gzung zhing bzlas brjod byas na 'jig rten gyi 'dre gdon gyi nad brgyad khri bzhi stong kun gso bar nus te mi 'tsho ba med do/ /gcig tu na lha ma srin thams cad bkol pa dang lha'i bdud thams cad pham
293a7 par byed pa dang / mu stegs can thams cad thul bar 'gyur ro/ /gal te gang la las dgon pa na gnas shing bsam gtan byed dam/ mdo sde klog pa 'am/ kha ton byed pa las 'byung po dang yi dags
293a8 la sogs pas bgegs byas te/ sems mi bde na/ sngags de lan gcig bton pa tsam gyis bgegs byed pa rnams 'ching bar 'gyur ro/ /de cho ga bzhin du
293b1 bzlas brjod byas te/ sems can thams cad la byams pa dang / snying rje bskyed de/ de'i tshe de'i dus na ngas 'jig rten skyong ba dang / rdo rje gsang ba 'dzin dang / klu'i rgyal po la sogs pa bsgo ste/ de la bsrung ba dang / skyob pa
293b2 dang / sba ba'i phyir dus thams cad du phyi bzhin du 'brang zhing skad cig tu yang mi 'bral bar/ ji ltar rang gi mig dang srog la 'phangs pa bzhin rim gro byed pa bzhin bsrung zhing skyob du gzhug go/ 'di ltar ngas ni gsang 'dzin
293b3 thal sbyor dang / /rdo rje 'tshol ba dang ni lcags kyu dang / /lu gu rgyud dang stobs chen sde brgyad rnams/ /gzungs 'dzin de la bsrung zhing skyob du gzhug /ngas ni sred med bu dang dbang ldan dang / /kum bi ra dang ka pa li ka
293b4 dang / / ba hu chu bdag dang ni legs ldan rnams/ /gzungs 'dzin de la bsrung zhing skyob du gzhug /ngas ni mgrin bcu dang ni tsan da ra/ /ka lan ta ka dang ni san tsam bal/ /ban ki la dang pirba ka la rgyal/ /gzungs
293b5 'dzin de la bsrung zhing skyob tu gzhug /ngas ni ing dig bi ta sar ga dang / /tshangs pa chen po sam pra ka dang ni/ /tshangs ris lha yi sde dang gshin rje rnams/ /gzungs 'dzin de la bsrung zhing skyob du gzhug /
293b6 ngas ni brgya byin sum bcu gnyis dbang bcas/ /dbyangs can dpal dang ni sa ta na dang / /ma mo la sogs mthu chen rnams kyis kyang / /gzungs 'dzin de la bsrung zhing skyob tu gzhug /ngas ni 'jig rten skyong
293b7 ba gnas bsrungs dang / /'phags skyes mig mi bzang dang ngal bso dang / /gser can dang ni rma bya chen mo rnams/ /rtag tu de la bsrung zhing skyob tu gzhug /ngas ni rig 'dzin nyi shu rtsa brgyad dang / /gnod sbyin
293b8 sde dpon chen po nor bzangs dang / /gang ba bzang dang yang dag shes rnams kyis/ /rtag tu de la bsrung zhing skyob tu gzhug /ngas ni klu yi rgyal po dga' bo dang / /nye dga' bo dang ma dros rnams dang ni/ /klu'i yi rgyal po i la
294a1 ma la sogs/ /gzungs 'dzin de la bsrung zhing skyob tu gzhug /ngas ni lha ma yin dang dri za dang / /namakha' lding dang mi 'am ci dang ni/ /lto 'phye chen po dang ni grul bum gyis/ /gzungs 'dzin de la bsrung zhing skyob du gzhug
294a2 ngas ni chu dang me dang rlung lha dang / /'brug dang glog gi lha rnams mthu chen dang / /'byung po sha za rnams kyis rtag pa ru/ /gzungs 'dzin de la bsrung zhing skyob tu gzhug /de dag kun kyang so so nas 'khor lnga brgya dang
294a3 gnod sbyin stobs po che rnams thugs rje chen po'i rigs sngags 'chang ba de la bsrung ba dang skyob pa dang / sba ba'i phyir dus thams cad du 'brang bar byed do/ /de 'brog dgon pa na gcig pu gnas pa'i tshe/ mgon po dag res
294a4 kyis bsrung ba byed cing gdon dang bgegs sel bar byed do/ /dgon pa chen por bslad dam lam 'tshol bar gyur na/ rigs sngags 'di bzlas pa tsam gyis mgon po dang / klu'i rgyal po la sogs pa mir sprul te/
294a5 lam gang yin pa ston par byed do/ /gal te 'brog dgon pa 'am mya ngam 'am/ nags tshal dag du 'gro ba'i tshe/ chu dang mes 'phongs na/ rigs sngags 'di dran pa tsam gyis/ klu rnams kyi chu dang me mngon du
294a6 sprul cing 'byung bar byed do/ /'phags pa spyan ras gzigs dbang phyug gis kyang sngags 'di'i yon tan tshigs su bcad de brjod pa/ /gang zhig ri brag dgon par gnas pa'i tshe/ /gcan zan stags dang dom dred spyang gi dang
294a7 sbrul gdugs can dang brlabs pa'i 'dre rnams la/ /sngags 'di brjod pa tsam gyis gnod mi nus/ /gang zhig rgya mtsho 'am chu klung sar 'gro na/ /klu gdug 'jog po chu srin nya rnams dang / /gnod sbyin srin po 'bar ba ru sbal
294a8 rnams/ /sngags 'di thos pa tsam gyis lus sbed 'gyur/ /pha rol dmag tshogs phrad de dgras bskor tam/ /sdig pa can gyis nor zas 'joms pa'i tshe/ /bsam pa thag pas thugs rje'i sngags brjod na/ /de dag byams sems
294b1 g.yo zhing phyir yang ldog /gang zhig rje dpon dag gis brtson bzung nas/ /khri mon dang ni btson rar 'jug pa'i tshe/ /bsam pa thag pas thugs rje'i sngags brjod na/ /rje dpon sems slod gnang zhing slar la gtong / /dug can zas rnams
294b2 gnod par gyur pa'i tshe/ bsam pa thag pas thugs rje'i sngags brjod na/ /dug can zas de 'phral du bdud rtsir 'gyur/ /bud med gang zhig bu dag btsa' ba na/ /gdon bgegs zhugs te sdug bsngal mi bzang tshe/ /thugs rje
294b3 yi ni sngags 'di brjod byas pas/ /gdon bgegs byer zhing bde bar btsa' bar 'gyur/ /klu gdug gor 'dres rims nad gtong ba na/ /na tsha mi bzad 'chi sgor bsnyen pa'i tshe/ /bsam pa thag pas thugs rje'i sngags brjod na/ /
294b4 rims nad zhi zhing tshe srog nur par 'gyur/ /klu dang chu srin gdon gyis skrangs gyur cing / 'bras dang shu ba rnag khrag mi bzad tshe/ /bsam pa thag pas thugs rje'i sngags brjod nas/ mchil ma thengs gsum btab pas
294b5 rjes bzhin 'byang / /snyigs ma can gyi sems can sdig spyod cing / /sngags dang byad kyis khon la shar gnyer ba/ /bsam pa thag pas thugs rje'i sngags brjod na/ /byad sngags drag po de la slar 'khor ro/ /
294b6 dus ngan snyigs can 'khrug cing chos 'jig tshe/ /chags med bdo zhing 'dod la sems rmongs te/ /bza' shug dben zhing nyin mtshan gzhan dag la/ /'dod pa'i chags sems gtong ba'i dus med pa/ /de tshe thugs rje
294b7 can gyi sngags brjod na/ /'dod chags me dang 'khrug sems 'gag par 'gyur/ /gal te nga yi sngags kyi yon tan kun/ /rgya cher bshad du bskal par mi rdzogs so/ /'phags pa spyan ras gzigs dbang
294b8 phyug phyag stong spyan stong du sgrul pa'i gzungs rdzogs s+ho// //