308b3 tho gar yul nas rnyed pa ste/ /'gro ba kun gyi dpal du shar/ /rdzogs s+ho// // @/ /rgya gar skad du/ Ar+ya pra tI t+ya sa mud pA da nA ma ma hA yA na sU tra/ bod skad du/ 'phags pa rten cing 'brel bar 'byung ba zhes bya
308b4 ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus cig na/ bcom ldan 'das sum bcu rtsa gsum lha'i gnas na ar mo ni ga lta
308b5 bu'i rdo leb la/ tshe dang ldan pa rta thul la sogs pa nyan thos chen po rnams dang / 'phags pa byams pa dang / 'phags pa spyan ras gzigs dbang phyug dang / phyag na rdo rje la sogs pa byang chub sems dpa' sems
308b6 dpa' chen po yon tan rin po che dpag tu med pas brgyan pa rnams dang / mi 'jed gyi bdag po tshangs pa chen po dang / srid med kyi bu dang / dbang phyug chen po la sogs pa'i lha rnams dang / lha'i dbang po brgya
308b7 byin dang / dri za'i rgyal po zur phud lnga pa la sogs pa dang / thabs gcig tu gzhugs te/ de nas byang chub sems dpa' sems dpa' chen po spyan ras gzigs dbang phyug stan las langs te bla gos phrag pa cig
308b8 tu bzar nas/ pus mo g.yas pa'i lha nga ri rab kyi rtse mo la btsug te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan
309a1 'das lha 'di dag ni mchod rten bgyid par 'tshal ba sha stag ste/ 'khor gyi dkyil 'khor 'dir mchis na/ ci nas tshangs pa'i bsod nams 'phel ba dang / lha dang bcas pa/ bdud dang bcas pa/ tshangs pa
309a2 dang bcas pa'i 'jig rten dang / dge sbyong dang bram zer bcas pa'i skye dgu las dge slong dang / dge slong ma dang / dge bsnyen dang / dge bsnyen ma dag bsod nams shin du mang tu 'phel bar 'gyur ba de lta de ltar bcom
309a3 ldan 'das kyis de dag la chos bstan du gsol zhes zhus pa dang / de nas bcom ldan 'das kyis rten cing 'brel par 'byung ba'i tshigs su bcad pa bka' stsal pa/ ye d+harmA he tu pra b+ha bA he tun te ShA~M ta thA ga to h+ya ba data/
309a4 te ShAny+tsa yo ni ro d+ha e ba~M bA dI ma hA shra ma NaH chos gang rgyus 'byung de dag gi/ /rgyu dang de 'gog gang yin pa/ /de bzhin gshegs pas bka' stsal te/ /dge sbyong chen po de skad gsungs/ /spyan ras
309a5 gzigs dbang phyug 'di lta ste/ rten cing 'brel bar 'byung ba 'di ni de bzhin gshegs pa rnams kyi chos kyi sku yin te/ sus rten cing 'brel par 'byung ba mthong ba des de bzhin gshegs pa mthong ngo / /
309a6 spyan ras gzigs dbang phyug rigs kyi bu 'am/ rigs kyi bu mo dad pa can gang la la zhig gis mi gnas pa'i sa phyogs su mchod rten ni skyu ru ra'i 'bru tsam/ srog shing ni mo khab tsam/ gdugs
309a7 ni bak+ku la'i me tog tsam zhig byas la/ rten cing 'brel par 'byung ba chos kyi dbyings kyi tshigs su bcad pa nang du bcug na/ des tshangs pa'i bsod nams bskyed par 'gyur te/ 'di nas shi 'phos shing 'chi
309a8 ba'i dus byas nas tshangs pa'i 'jig rten du skye bar 'gyur ro/ /bcom ldan 'das kyis de skad ces bka' stsal nas/ nyan thos de dag dang / byang chub sems dpa' de dag dang / thams cad dang ldan pa'i 'khor de dag dang / lha dang /
309b1 mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa rten cing 'brel par 'byung ba zhes bya ba theg pa chen po'i mdo
rdzogs so/