CLOSE WINDOW

J353
བོད་ཡིག

@#/ /rgya gar skad du/ sha ka pra kri ya/ bod skad du/ dbang gi rab tu byed pa/ thugs rje chen po 'phags pa spyan ras gzigs la phyag 'tshal lo/ / phab pa btang ba'i phyi nas mgo bo dang ni snying ga spyi gtsug rnams dang lte ba mgrin pa dang / /gsang ba rnams su bsrung ba rgyal ba rnams kyis rang gi rigs gyur rnams la rang gi rdor gsum gyis/ /slob ma rnams kyi lus la gos ser skon zhing mig rnams bkab nas dkyil 'khor 'dir ni gzhug par bya/ /kun rdzob don du rab mchog lam nas gshegs nyid rnams la brtul zhugs rnams ni sbyin bya rtag pa ru/ /bsad dang mi bden pa dang gzhan gyi bud med rnams spangs de bzhin gzhan nor chang 'thung dag kyang ste/ /'khor ba'i rdo rje zhags pa rang gi dge ba 'joms par byed pa sdig pa lnga po 'di nyid rnams/ /gang zhig gang gi dus su byung ba'i lha dang mi yi bla ma de yi ming gis rab tu sbyin byas pa'i/ /sna tshogs gtso bo'i bka' stsal 'di yis srid pa'i 'jigs pa 'joms pas khyed rnams kyis kyang skyang bar gyis/ /rgyan 'gyed kha na ma tho bcas pa'i zas dang tshig ngan klog dang 'byung po lha min chos rnams dang / /ba lang byis pa bud med skyes pa rnams dang lha dang mi rnams bla ma lnga ni gsad mi bya/ /grogs dang rje bo dang ni lha dang mi yi bla ma dge 'dun dbugs 'byin rnams la 'khu ba dang / /dbang po rnams kyis yongs su chags rnams min te srid pa'i bdag po'i brtul zhugs nyi shu rtsa lnga'o/ /dpal ldan sngags kyi mngon par bsngags pa lag pa'i pad+ma kha sbyar du ni me tog gcig byin te/ /dang por lan gsum bskor te lag pa'i pad+ma kha sbyar gnas pa'i me tog dkyil 'khor du ni dor/ /gnas gyur gang du me tog bzang po lhung ba de nyid de yi rigs su nges so mi bdag kye/ /phyi nas dbang bdun rnams dang rnam gsum 'dir ni ji lta ba bzhin bla med yang dag rab tu sbyin/ /klu rnams kyis sam bzhis te rgyal ba rnam rgyal bcas pa'i bum pa nor bu gser gyi bum pa'am/ /sa las byung ba rnams su rin chen sman ldan dang ni dri ldan rnams kyis lha mo rnams kyis khrus bya'o/ /sangs rgyas rab dbye rnams kyis dbu rgyan spyan te mchog gi bla mas nus ma rnams kyis dar dpyangs nyid/ /rdo rje dril bus nyi ma zla ba nyid de brtul zhugs kyis kyang yul dang dbang po spyad par bya/ /ming gis khro bo rnams dang byams sogs dang ni rgyal ba'i bdag po'i rjes gnang phyi mor bcas pa sbyin/ /rdo rje dang ni dril bu rab tu byin nas mchog gi snying rjes dag pa'i chos rnams bstan par bya/ /rdo rje'i rigs su nges pa srog gcod pa dang ral gri la mi bden pa yi ngag brjod par bya ba dang / /rin chen du ni gzhan nor 'phrog dang mchog gi pad+ma'i rigs nyid du yang gzhan gyi bud med 'phrog /'khor lor chang dang mar me sangs rgyas rnams dang yul rnams mtha' dag shin tu bstan par bya'o/ /gri gug tu ni gdol pa mo la sogs pa bud med mtha' dag mkha' yi pad+ma smad mi bya/ /sems can rnams kyi don du nor dang lus bcas sbyin bya 'di ni khyod kyis bsrung bar bya ba min/ /rigs kyi bu rnams gzhan du bskal pa grangs med pas kyang sangs rgyas min par rgyal bas gsungs par nges/ /chu yis sgrol ma la sogs lha mo rnams dang dbu rgyan rgyal ba rnams te dar dpyangs nus ma rnams/ /rdo rje dril bus nyi zla dag dang brtul zhugs yul sogs rnams dang ming gis byams pa sogs su sbyor/ /rjes gnang rdzogs pa'i byang chub dpal ldan srid pa'i 'jigs pa 'joms pa dus kyi 'khor lo rjes khyab pa/ /de ltar dbang bdun rnams kyis sdig pa'i dri ma 'joms pas dkyil 'khor nyid du yang dag rab tu sbyin/ /dbang bdun rnams kyis dbang rnams bskur na dge ba'i dbang gis sa bdun dbang phyug nyid du 'gyur ba'o/ /phyis ni phyir mi ldog la sogs pa nges par rab tu 'jug pa bum pa dang ni gsang ba'i dbang / /shes rab ye shes dbang rnams bskur bas srid pa'i 'jigs pa 'joms pa'i 'jam dbyangs nyid du 'gyur ba'o/ /'gro ba g.yo sgyu'i dbang gis rtsa ba'i ltung ba byung na 'di nyid la yang dmyal ba'i sdug bsngal 'gyur/ /rtsa ba'i ltung ba byung na dbang bdun la gnas yon tan can gyis bzlas pas rnam par dag par 'gyur/ /gal te bum pa dang ni gsang bar brtul zhugs nges pa'i dbang ste gong mar dag pa yod ma yin/ /gang zhig la ni rtsa ba'i ltung ba byung na dag par bya ba'i don du dkyil 'khor 'dir 'jug bya/ /rjes gnang thob nas tshogs kyi rigs su 'gro na rgan pa zhes pa las ni gzhon pa'o/ /rtsa ba'i ltung ba bu rnams kyis te dpal ldan bla ma'i thugs sun phyung ba ri bong 'dzin par 'gyur/ /de yi bka' las 'das pa gzhan te de bzhin du ni spun la khro ba gsum par nges par 'gyur/ /byams pa spangs pas bzhi par 'gyur te gzhan yang byang chub sems nyid rab tu spangs pa las ni mda'/ /grub mtha' smod pa drug pa nyid de gzhan yang ma yin skye bo rnams la gsang ba byin pa ri/ /phung po nyon mongs pa las klu ru 'gyur te gzhan yang dag pa'i chos la ma dad dgu pa'o/ /sgyu yi byams pa phyogs te ming sogs bral ba bde ba ster la rtog pa gang yin drag po'o/ /dag pa'i sems can rnams la rab tu skyon brjod nyi mar 'gyur te dam tshig rnyed pa spangs na gzhan/ /bud med thams cad la smod nges par ma nur 'gyur te rdo rje theg pa la gnas rnams kyi'o/ /phyogs ni lo ni gcig nas rnam pa bcu yi bar du lta dang rig par bya ba yin pa ste/ /de nas 'khyud bya rnams ni rgya mtsho rnams dang ro bcas bstan par bya ba g.yo ba la sogs pa/ / nyi shu'i lo yi 'og ma'i phyag rgya rnams ni mchog tu 'jigs byed khro bo 'byung po lha min rigs/ /dbang gi don du drug dang gsum gyis bde mnyam 'bras ster ba dang gzhan ni bsgom pa'i don du'o/ /gang zhig dang por yang yang ni dpal ldan shes rab nu mar reg pa de nyid bum pa'i dbang du brjod/ /ri bong 'dzin pa myangs dang gsang ba mthong bar byas pas gsang ba'i dbang du rab tu 'gyur ba'o/ /mtha' dag rgyal ba'i rigs kyis yan lag kha rnams sbyang bar bya ste shes rab ye shes dbang sbyin bya/ /rgyal ba dpang por byas te slob ma'i don du phyag rgya sbyin dang gzhan yang bla ma la yang 'dir/ /rgyan rnams thams cad ldan pa'i gser zhun dang ni mtshungs pa'i lo nyid bcu gnyis ma ste bu mo mdzes/ /thabs dang shes rab bdag nyid ldan pas rang gi rdo rje nor bus spyad bya nyid ni chags bcas la/ /slob ma dag pa shes nas rdo rje sa bon bcas pa khar ni yang dag gzhugs par bya ba nyid/ / phyis ni rang gi phyag rgya bu la byin nas de nas gzhan yang du ba'i lam la sogs ldan yang / /skrag dang 'khrul pa'i sems dang g.yo dang gzhan gyi dbang du 'gro ba dang ni nang ldan bu btsas dang / /khro ldan khengs shing 'dod la chags dang brdzun dang rtsod pa la dga' yan lag nyams dang ma dag pa/ /de lta bu rnams shes rab ye shes dbang du shin tu 'bad de bla mas spang bya mi dbang po/ /slar gsungs sangs rgyas bla ma dag la gus ldan dam tshig 'dzin la phyag 'tshal ba dang mchod par bya/ /'gro ba rnams kyi rang gi yid nyid 'dod chags kyis ni 'khrugs par byed dang gang bar 'gyur ba nyid/ /yan lag mchog la gang ba las ni 'bar bas ri bong 'dzin pa zhu nas yang dag 'dzag pa nyid/ /oD+Da dgug par rab tu byas pas mchog gi bde ba ster ba thig le thar pa gsum gyi thar/ /snang reg 'dus dang 'gyur dang bde ba rnams te dga' ba'i dbye ba la sogs pa yis de ltar ro/ /dang por yang ni mi rnams kun gyis mig gis bltas pa 'di yis 'dod chags 'khrugs pa dga' ba ste/ /phyi nas gang ba rang gis lus la rab tu 'dus pa mchog tu dga' ba nyid du 'gyur ba'o/ /'bar ba yang dag rol pas rdo rje las ni pad mar thig le 'dzag pa khyad par dga' ba'o/ /oD+Da rdo rje las ni thig le gsum gyi mtha' ru bde ba 'gyur byed lhan cig skyes dga'o/ /'dod dang dga' dang g.yo ba dang ni mi 'gyur ba ste bzhi rnams kyis ni de yi sbyor ba gcig /gang ba nus pa dang ni skye ba nges par yin te mchog tu dga' ba nyid rnams gnyis pa'o/ /'bar ba dang ni thig le dag dang yur ba dang ste khyad par dga' ba nyid rnams gsum pa'o/ /oD+Da dang ni sgra tsam nyid de gnyid dang lhan cig skyes pa'i dga' ba nyid rnams bzhi pa'o/ /sems kyis bsam par bya ba ma ste reg par bya zhing 'khyud pa yis ni sring mor 'gyur ba'o/ /rdo rje rab tu zhugs pa bu mor brjod de byed bcas shin tu bde ba de bzhin tsha mo'o/ /thig le ltung ba chung mar 'gyur te chags bral gzhan gyi rigs su gyur pa'i rnal 'byor ma nyid do/ /de ltar rnal 'byor phyag rgya drug ni sa dang chu dang me dang rlung dang nam mkha' chad pa'i dngos/ /chu skyes su ni rdo rje rab zhugs pa dang mer ni rlung dang thig le ma lhung rim pa ste/ / de ltar rnal 'byor gsum gyi rab tu gsal bar nges par sku dang gsung dang thugs kyi phyag rgya'o/ /chags dang chags bral mtha' dang sngon du bde ba dam pa'i gter ni sbyor bas go cha bzhi pa'o/ /phyag rgya rnams la yum gyi mchog gyur rnam pa bcu po de ni dpal ldan bla ma'i zhal 'di'o/ /rnam pa bdun dang rnam pa gsum ste bcu po 'di ni 'jig rten kun rdzob kyi dbang ste/ /de ltar de bzhin yang bzhi pa zhes gsungs pas so/ /bzhi pa ni gsum pa shes rab ye shes ma yin te/ 'jig rten las 'das pa'i dbang bzhi pa zhes smos pa'i phyir dang / de bzhin yang zhes gsungs pas so/ /'dir bcom ldan 'das kyis bka' stsal pa/ gang zhig shes rab kyi ni nu mar reg pa nyid dang gzhan yang bdud rtsi myong dang 'khyud pa'o/ /shes rab dang ni 'dus pas byang chub sems nyid zhu ba skad cig ma bzhir bdud rtsir gyur pa gang / /de rnams thams cad 'jig rten pa yi lam gyi rgyu ru snying rje mchog gis nges par bstan pa'o/ /gang zhig 'jig rten las 'das dbang ni rgyal ba'i bdag po dam pa'i phyag rgya bzang dang rjes 'dus pa/ /las kyi phyag rgya dri ma dang bcas sems g.yeng byed de ye shes phyag rgya rnam par rtog yin pas/ /yang dag spangs te rdzogs pa'i byang chub rgyur ni rgyal mchog skyed byed phyag rgya bzang po bsgom pa ni/ /gos pa med cing mi 'gyur mun 'joms kun la khyab pa mkha' mtshungs rnal 'byor pa yi go bya ba/ /lus la gnas pa'i ye shes gzi brjid srid pa'i dri ma 'joms pa dus kyi 'khor los rjes khyab pas/ /sems kyi snang ba tsam ste rang gi yid las skyes pa me long gi ni gzugs brnyan lta bur nges/ /ma lus rgyal sras rnams dang sangs rgyas rnams kyis bsten pa rnal 'byor dbang po rnams kyis bstan byas na/ /ye shes snang ba de nyid rab tu shar bas bdud dpung yul dang bcas pa mtha' dag bsregs pa dang / /chags pa la sogs rnams kyis rnal 'byor pa rnams lus la lo gcig sbyor bas bde mnyam ster bar byed/ /shes rab ye shes zhes pa sems kyi snang ba nyid de de yang rnam pa bcu ru 'gyur ba'o/ /dbang 'dir zhugs pa gang zhig dri ma med pa'i ri bong can mtshungs me long gzugs brnyan lta bur nges/ /de nas bde ba 'dzag pa med pa lhan cig skyes pa 'gyur med bzhi pa mya ngan 'das par reg /des na sangs rgyas zhal ni gang gi thugs dang zhal la gnas pa de nyid dpal ldan bla ma'o/ /nam mkhar chags pa'i sems kyi mig mi 'dzums pa dang ni rdo rje'i lam du zhugs rnams kyis/ /stong pa las ni du ba smig rgyu rab tu gsal ba dri med srin bu me khyer mar me dang / /'bar dang nyi ma zla ba rdo rje rnams kyang gzhan yang mchog gi cha dang thig le nyid rnams so/ /de yi dbus su sangs rgyas sku ni yul dang rnam par bral ba longs spyod rdzogs sku du ma'o/ /chu 'dzin bral ba'i mkha' la snang ba rnal 'byor rtse gcig gnas pa'i lta bas lta bar bya ba ni/ /ji srid nges par ri mo nag po dri med 'od zer 'phro ba mthong ba dus kyi rtsa yis so/ /der ni thams cad mkhyen pa'i sku ni chu nang nyi ma bzhin du rnyog pa med pa sna tshogs mdog /yul dang rnam par bral ba'i rnam pa ma lus rang gi sems te gzhan gyi sems nyid ma yin no/ /sku mthong gyur nas nyin zhag so so'i dus su srog gi rlung nyid rab tu dgag par byas pa dang / /brtul zhugs can rnams lam gyi sems ni zla ba drug gis reg bya bral nas bde mnyam 'gyur ba'o/ /ji srid nges par rang gi lus la 'od zer 'khor los yongs su 'khor bar byed pa mthong ba'i bar/ /chags dang chags bral mtha' dang dang por song ba'i skad cig ma nas khyab bdag dbugs kyi grangs 'phel lo/ /mtha' dang 'bar ba'i dbus kyang khyad par dang ni lhan cig skyes dang ye shes dang ni rnam shes dang / /gnyid dang brgyal ba'i dbus su gnas pa'i rdo rje pad+ma dag gis gnyis sbyor bde ba gang yin pa/ /de yis 'phal bar rab tu bya ba bla ma'i nges pa'i stobs kyis 'di nyid 'phel bar the tshom med/ / bdud dang nyon mongs 'joms shing rgyal ba'i bdag po la gnas rnal 'byor pa yis lo gcig sbyor ba yis/ /sa yi rnam par snang yang sra ba min dang chu yi gzugs su snang yang chu min gsher ba med pa'i phyir/ /me yi rnam par snang yang me min rlung gi gzugs su snang yang g.yo ba med pas rlung ma yin/ /stong pa'i rnam pa yin yang mthong ste dkar dang sngo ba la sogs mthong yang sna tshogs kha dog min/ /rnam pa kun ldan yin yang mi mthong rang sems dri ma nyon mongs dang ni bdud kyi mthu stobs kyis/ /sgra tsam thig le cha dang ye shes rnams ni bdud rtsi gnas su 'gro dang lcags sgrog bcings pa'i rtsa/ /srog dang thur sel lam gsum rnams nas rdo rje pad mar dang ni pad+ma rdo rje ldan pa yis/ / dbus su rlung dag 'gro ba 'jug pa yang dag 'dus pa yul dang yul can med par 'gyur ba dang / /du ba la sogs mtshan ma rnams ni gang zhig gzung dang 'di rnams 'dzin pa thams cad gsang ba chen po'o/ /dbus su srog gzhug pa ni nyi ma dang bcas zla bar gyur pa g.yas dang g.yon pa bcing ba dang / /phyag rgya dang ni sbyor ba'i sems kyis mchog tu bde gyur pa dang rdo rje yang dag sad pa dang / /bde ba dam pa'i don du pad mar rdo rje bskyod dam rang gi lag pa'i pad mas gsor ba yis/ /sa bon ma btang bde ba de ni 'chi ba'i 'jigs pa 'joms pa dpal ldan bla ma'i zhal nyid do/ /sa ni chu la 'jug 'gyur chu yang me la de bzhin me ni rlung la 'jug par 'gyur ba'o/ /rlung ni stong pa la ste stong pa mtshan ma rnam pa bcur 'gyur mtshan ma rnam pa kun ldan du/ /rnam pa kun ldan mi 'gyur bde ba dam pa gzhom du med pa ye shes sku ru 'gyur ba'o/ /mi yi bdag po ye shes las ni rdzu 'phrul dngos grub 'gyur ro skyes bu rnams kyi skye ba 'dir/ /'dod pas sprul pa'i sku ru nges par 'gyur te gang ba rdzogs pa gsung du rab tu 'gyur ba'o/ /'bar ba sprul pa'i thugs te oD+Da las ni mchog tu bde bar mdzad pa'i ye shes shes su brjod/ /dga' ba longs spyod rdzogs pa'i sku ste mchog dga' khyad par dga' dang bcas pa dag gi rim pa yis/ /gsung dang thugs te lhan cig skyes pa'i dga' ba sogs las ye shes rdo rje la sogs 'byung bar byed/ /g.yo ba nges par chos kyi sku ste srid gsum phyag byas pa dang 'byung bar 'gyur ba de yi gsung / /nyid ni nges par chos kyi thugs ta dur+ya de yi ye shes nyid yin srid pa'i 'jigs pa 'joms/ /yi ge nges par dag pa'i sku ste dbyangs dang bral ba'i cha dang thig le sgra tsam rim pa yis/ /gsung dang thugs dang ye shes rdo rje srid pa rnam gsum la gnas dag pa'i sku ru skyed par byed/ /sad dang rmi lam rang bzhin dag dang gzhan yang de bzhin gnyid log pa dang tur+ya'i rang bzhin rnams/ /lus gnas pa dang dbugs nyid thim pa rnam par rgyu dang yul las bskyod pa med pa'i sems thim pa/ /ye shes gnas kyang bud med dang ni rab 'dus pa las byang chub sems zhu gyur pa'i skad cig ni/ /sprul pa la sogs rim pas thugs kyi rdo rje rnam pa bzhi ru nges par rab tu 'gyur ba yi/ /de ltar sems ni rnam pa bzhi rnams srid pa rnam gsum gyur pa'i srog chags rnams kyi thig le'i dbus/ /khyab byed bde mnyam 'bras ster thar pa'i rgyu ru rnal 'byor dbang po rnams kyis bsrung bar bya ba ni/ /rnal 'byor rnams la mchog gi bde ba bskyed par sa bon thig le btang na thar par ga la 'gyur/ /de phyir 'khor ba'i bde ba skad cig ma 'di brtul zhugs can rnams kyis ni rgyun du spong bar bya/ / dpal dus kyi 'khor lo'i tshigs su bcad pa sum bcu lhag pa'i stong phrag gcig pa las mdor bsdus pa dbang rab tu byed pa rdzogs s+ho// //rgya gar gyi paN Ti ta mkhas pa chen po sa man ta shrI dang / lo ts+tsha ba dge slong chos rab kyis bsgyur cing zhus te gtan la phab pa'o/