CLOSE WINDOW

H808
བོད་ཡིག

rgya gar skad duH lo ka sto tra pU dza tan+t+ra nA ma no bi ka san+ta kaH bod skad du/ 'jig rten mchod bstod sgrub pa rtsa ba'i rgyud ces bya ba/ bcom ldan 'das rdo rje 'dzin pa la phyag 'tshal lo/ 'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku dang gsung dang thugs kyi bdag nyid gsang ba chen po rdo rje 'dzin pa/ dus gsum gyi sangs rgyas ma lus pa thams cad kyi sku dang gsung dang thugs kyi 'phrin las ma lus pa yang dag par sgrub par mdzad pa/ mthu dang / stobs dang / mi 'jigs pa dang / dbang phyug dang / gzugs kyis 'jigs par byed pa/ gtum po dang / drag shul can dang / dregs pa can dang / stobs can dang / bzod par dka' ba dag myur du 'dul bar byed pa/ bde bar gshegs pa thams cad kyi thugs kyi snying po de kho na nyid las phyung ba/ byang chub sems dpa' sems dpa' chen po gtso bo sa chen po mthar phyin pa la rab tu bzhugs pa/ 'dod pa'i khams dang gzugs kyi khams su gtogs pa'i dbang phyug lha'i rigs rnams kyi bdag po chen po/ lcang lo can gyi gnas dang / ri rab kyi gnas kyi gnod sbyin rnams kyi ded dpon chen po de/ 'og min gyi gnas lha'i rgyal po'i khang bzang na bzhugs te/ dus gsum du rnam par bzhugs pa'i sangs rgyas rnams kyi sku gsung thugs kyi rnam par 'phrul pa'i 'od zer sna tshogs bkye nas tshig 'di skad du bskul te/ kye kye gsang bdag rdo rje 'dzin/ khyod ni sangs rgyas thams cad kyis/ bstan pa dam pa srung ba yi/ mthu stobs bdag por dbang bskur te/ dam tshig chen po de gzigs la/ sku gsung thugs kyi gsang ba las/ 'jigs byed 'jigs par byed pa yi/ sku mchog drag po'i gsung dang bcas/ gtum po'i thugs kyis shugs phyung la/ gdul dka' ma lus 'dul ba'i phyir/ sprul pa lnga 'phrul 'phrin las kyis/ sngon gyi thugs dam rol par mdzod/ ces bskul ma thag tu bcom ldan 'das de sangs rgyas kyi 'phrin las mdzad pa'i dus la bab par mkhyen nas nyid kyi sku gsung thugs zhi ba chos nyid de bzhin las ma g.yos kyang gdul bar bya ba'i yul drag shul can rnams la gzigs nas phyogs bcu nam mkha'i mtha' dang mnyam pa'i 'jig rten gyi khams ma lus pa thams cad du sku'i rnam par 'phrul pa bsam gyis mi khyab pa khro bo chen po'i gzugs 'di lta ste/ sku mdog mthing nag zhal dgu pa la/ g.yas kyi zhal ni kham nag gtsigs pa/ g.yon gyi zhal ni smug nag bsdus pa/ dbus kyi zhal ni mthing nag khro zhing rngam pa/ phyag g.yas kyi rdo rje 'bar bas g.yon gyi thod khrag dkrug cing gsol ba/ g.yas 'og ma brgyad na lha chen po bsgral ba'i mgo bcad de bsnams pa/ g.yon 'og ma brgyad na klu chen po brgyad kyi mgo bsnams pa/ de dag kyang g.yang gzhi dang bcas pa/ g.yas kyi spyan dgu gyen la bzlog pa/ g.yon gyi spyan dgu 'phred la gzigs pa/ dbus kyi spyan dgu thur la sdang mig mdzad pa/ khro gnyer drag po dpral bar bsdus pa/ shangs nas srid pa'i rlung drag po 'tshub pa/ zhal nas bskal ba'i me 'bar ba/ mche ba dmar po bar snang khams su gtsigs pa/ sma ra ag tshom sprin bzhin du gtibs pa/ dbu skra ral pa kham nag srid pa'i rtse mor 'bar zhing 'khyil ba/ snyan nas gdug pa'i sgra chen po 'byin pa/ sbrul gyi chun pos yan lag dkris pa/ bdud dang ru tra bsgral ba dang glang po che'i pags pa na bzar gsol ba/ stag gi pags pas sku smad dkris pa/ khrag dang zhag gi thig le dang ri mos brgyan pa/ thal chen gyis lus la byugs pa/ thod pa skam po dang rlon pa dang sha khrag ra ri can gyis phreng bar byas nas brgyan pa/ zhabs brgyad kyis tshangs pa dang khyab 'jug dang dbang phyug chen po dang brgya byin chung ma dang bcas pa dag mnan pa/ yum chen po rab tu gtum mo 'jigs byed ma rang gi sku dang mtshungs pa zhig dang mnyam par sbyor ba/ grangs med cing brjod kyis mi lang ba bye ba til gyi gang bu bzhin du gyur pa thams cad kyang oM badzra tsan+d+ha sarba duSh+Tan ta ka ha na da ha pa tsa hUM phaT/ ces bya ba'i gsung sgra drag po 'byin pa/ de dag re re las kyang sprul pa dang yang sprul bsam gyis mi khyab pa rab tu snang bar mdzad pa/ 'jig rten gyi khams kyi dregs pa can lha'i tshogs dang / bdud dang / gshin rje dang / srin po dang / gnod sbyin dang / gza' bdud dang / klu dang / rgyal po dang / ging dang / ma mo chen mo rnams dang / mkha' 'gro'i tshogs dang / ru tra dang / mu stegs dang / srog gi bdag po dang / nor gyi bdag po dang / tshe'i bdag po dang / sngags kyi bdag po dang / srid pa'i bdag po dang / gzhan yang 'jig rten gyi khams thams cad dang / dur khrod chen po dang / yul chen po dang / 'dzam bu'i gling gi mtha' 'khob kyi sa dang / ri'i rgyal po dang / ri phra mo dang / rgya mtsho dang / chu bran dang / yongs su 'du ba'i shing dang / nags tshal chen po dang / gnas phra mo bsam gyis mi khyab pa dag na gnas pa'i 'jig rten gyi dregs pa can pho dang mo'i rnam par 'dug pa dang / gtso bo dang / 'khor dang / khyad par rgyu ba dang / bran dang / g.yog gi tshogs dang bcas pa dag gis rang rang gi gnas nas myur bar dngang zhing skrag la 'jigs pa dang yang ba'i sems dang / dul ba'i sems kyis thon te bcom ldan 'das de'i spyan sngar rlung drag po'i shugs kyis rab tu bskyod pa'i shing bal gyi 'dab ma bzhin du rang dbang med par lhags par gyur te/ phyogs bcu'i 'jig rten gyi khams ma lus pa dang / khyad par du mi mjed kyi 'jig rten gyi khams na gling bzhi dang / rgya mtsho chen po dang / rol pa'i chu klu'i gnas dang bcas pa ri rab chen po dang / ri bdun gyi gnod sbyin gyi tshogs dang / lha'i gnas 'dod pa'i khams dang / gzugs kyi khams dang / gzugs med pa'i khams dang bcas pa dang / dmyal ba dang / yi dwags dang / byol song gi gnas na gnas pa dang / dzam bu'i gling gi sa'i chan gnas pa'i dregs pa can rnams so so nas rang rang gi mdun na drag po chen po'i sku gzi byin dpag tu med pa/ gzhan dag gis nye ba'i thugs mi thub pa re re 'dug pa mthong ste/ de dag thams cad tha dad du rang rang gi sde dpon chen po rnams la skyabs su 'gro bar byed do/ sde dpon chen po rnams ni/ 'jigs byed chen po'i sku gsang ba pa'i bdag po de la rang gi 'khor dang bcas te skyabs su 'gro bar byed de/ thams cad kyi rang rang gi gzugs dang / longs spyod dang / 'khor dang / rgyan dang / bzhon pa dang / gnas dang nye bar bde bar spyod pa 'phrin las khyad par ma lus par ston cing / ming gi snying po rnams mngon du phyung ste smras so/ /mahA de ba e dza/ u ma de ba e dza/ d+hu dra ma du phrag dza/ dun ti ma du dza/ zhes 'jig rten gyi dbang phyug chen po yab yum bdud pho mo dang bcas pa rnams kyi rang rang gi ming phul ba'o/ de nas gshin rje'i ded dpon rang gi tshogs dang bcas pas rang rang gi ming dang srog dang bcas pa yul ba/ hrIHSh+T-i kr-iSh+Na ya ma pre ta dza/ ma ma ya mun+t+ri b+hi tr-i dza/ zhes phul lo/ de nas srin po'i sde dpon rang gi 'khor dang bcas pa'i ming gi snying po rak+Sha ra sha ra ma ti rak+Sha ma shu ti dzaHzhes phul lo/ de nas gnod sbyin gyi sde dpon rang gi 'khor dang bcas pa'i ming dang srog gi snying po yak+Sha ku be rak+Sha ta me yak+Shi ma sha dza zhes phul lo/ de nas 'jig rten gyi gnod sbyin lha'i sde dpon kha ba can gyi dbang pos rang gi ming phul ba/ gaM b+ha b+had tra d+he ba ta ru ti dza zhes phul lo/ de nas 'jig rten gyi rgyal phran gyi ded dpon lha'i the bcu gsum gyi bdag pos ming phul ba/ gaM ta pa sha li ba ra tri saM ka ra sha dza zhes phul lo/ de nas spyi bdud kyi sde dpon rang gi 'khor dang bcas pas ming gi snying po smras pa/ duspra shaM dza a ka ru gaM tsa dza zhes phul lo/ de nas ye shes dang las la grub pa'i dam tshig gi tshogs kyi bdag mo srid pa dbang sdud ma dang / ral pa gcig ma dang / mkha' 'gro ma'i tshogs kun gyis rang rang gi snying po phul ba/ ma ma trag mu tra ra tsa e ka dza Ti ru ru ro tiSh+Ta b+hat+to re tu ma ti kha mun+t+ra pa tsa la me sha dza zhes phul lo/ /de nas 'jig rten gyi lha btsan po dang / ru tra'i rigs kyi ded dpon chen po rnams kyi rang rang gi ming gi snying po de ba a b+hi shu tri ru tra ni dzi haM shaM tri dza zhes phul lo/ /de nas 'jig rten gyi bgegs kyi rgyal po dang / mu stegs byed pa dang / bdud dmu ba'i tshogs kyis rang rang gi ming gi snying po bi nA ya ka tir+thi ta ka du mun mun ba/ dzaHzhes phul lo/ de nas 'jig rten gyi srog gi bdag po dang / gnod sbyin klu'i bdag po rdo rje can dang / bla'i rgyal po chen po dang / lha'i dbang phyug nag po chen po'i tshogs kyi sde dpon chen po rnams kyis rang rang gi ming gi snying po ging+ka ra tri pa le rA dza badzra bu ru lu dza badzra la ru tri dza mahA ka la yak+Shi dza zhes phul lo/ de nas 'jig rten gyi klu dang gza' skar gyi sde dpon chen po rnams kyis rang rang gi srog gi snying po phyung ba/ nA ga tsi ta hu ya nA ga me k+She tra hu la g+hu he pa sha mi ke hUM dza zhes phul lo/ gzhan yang 'jig rten gyi khams kyi dregs pa'i dbang phyug ma rungs pa'i 'khor dang bcas pa dag gis rang rang gi lus dang srog dang bcas pa/ e a nri dza sa ma ya srog breng breng dza dza zhes phul lo/ de nas bcom ldan 'das kyis dregs pa can 'khor dang bcas pa de dag dbugs phyung nas mi 'jigs pa byin te 'di skad du/ kye ma 'jig rten grags pa'i tshogs/ khyed rnams nga la ma 'jigs shig/ nga ni sangs rgyas thams cad kyi/ sku gsung thugs kyi 'phrin las bdag/ chos nyid zhi ba chen po yi/ thugs rje dang ni ye shes kyis/ dus gsum 'dus byas 'dus ma byas/ skad cig nyid la mngon du gsal/ ma 'ongs sems can don gyi phyir/ sna tshogs lus kyi gsang ba ston/ dregs pa'i sde dpon khyed rnams kyang / thog ma med nas da lta'i bar/ nyon mongs 'khrul pa'i dbang gyur te/ gnas ngan len gyi bag chags kyis/ lus ngag yid kyis mi dger spyod/ 'khor ba'i sdug bsngal rgyun mi 'chad/ na rag chen por lhung nas ni/ thar pa'i dus med 'byung srid kyi/ de bas da lta'i dus mchog 'dir/ nga dang sangs rgyas thams cad kyi/ sku gsung thugs dang yon tan dang / mdzad pa'i 'phrin las rab son la/ bsgo ba'i gsung bzhin nyan par gyis/ las dang srid ba don yod la/ mi dge'i bag chags dor bar gyis/ bslab pa'i gzhi bzung sems bskyed la/ mthu stobs nus pa drag shul dag/ sangs rgyas bstan pa'i rjes su spyod/ rig 'dzin rnams kyi bka' bzhin skyongs/ khyed cag rgyal po rje dpon dang / bran g.yog tshul du lus brten pa/ dngos grub gsol zhing 'phrin las sgrubs/ gal te de ltar mi byed cing / gsang ba'i tshig las 'gal byed na/ khyed kyi lus sems srog gi rgyud/ da lta nyid du ma rungs 'gyur/ zhes bka' stsal nas dam pa'i tha tshig la bkod nas bzhag go/ 'jig rten pa'i sde dpon gyi tshogs rab tu 'dul ba gleng gzhi'i le'u ste dang po'o// //de nas 'dod pa'i khams kyi lha'i dbang phyug chen po yab yum la sogs pa'i dregs pa can gyi 'khor rab tu 'dus pa de dag gis bcom ldan 'das de bzhin gshegs pa thams cad kyi sku gsung thugs gsang ba'i bdag po chen po la 'di skad ces gsol to/ kye ma bcom ldan gsang ba'i bdag/ 'jig rten gnas pa'i drag shul can/ 'dod chags zhe sdang sred len gyis/ gang gi mchod cing brten byas nas/ bdag cag rnams ni dga' mgu rangs/ khyod kyi bka' lung rjes bzhin du/ brtul zhugs 'dzin pa de dag la/ 'phrin las spyod pa'i grogs bya'i phyir/ bdag cag so so'i gnas dang dus/ rang gi sde dang 'khor g.yog dpung / mthun pa'i las dang longs spyod dang / cha lugs rigs dang bsam pa dang / khams dang byed pa'i tshul dag dang / dam tshig sbyor ba'i khyad par dag/ bdag cag rnams dang ma 'ongs pa'i/ rig pa'i tshul 'dzin don phyi ru/ ma lus rgyas par bshad du gsol/ zhes gsol pas/ de nas bcom ldan 'das kyis 'jig rten gyi dregs pa can dag gis gtso bo dbang phyug chen po la sogs pa rnams/ so so'i las dang gcig tu sbas pa dang / tha dad du sbyar ba dang / nges pa dang / ma nges pa dang / rim pa dang / 'chol ba dang / khyi dang / nang dang / gsang ba dang / sbas pa dang / tshogs pa dang / 'thor ba dang / mthun pa'i rdzas dang / snying po dang / ma ga pa dang / gnyer gtad pa dang / skul ba dang / rbad pa dang / bzlog pa dang / tshar gcad pa dang / gzir ba dang / spogs pa dang / las sna tshogs pa dag gi sgo nas rol pa chen po'i gsang ba sku gsung thugs kyi rdo rje dam tshig chen po las phyung ste bka' stsal to/ nyon cig 'jig rten dreg pa'i tshogs/ phyi ma'i tshe na snyigs ma'i dus/ dge sbyong chen po'i bstan pa 'di/ so so skye bo rnams la snang / nyan thos rang rgyal rnams kyi tshul/ rdo rje 'chang ba rnams kyi skuHrgyud dag sa lam rdzogs la gsal/ spros med chos sku 'du 'bral med/ ting nge 'dzin la sbyangs pas 'grub/ bsam pa chos lnga smon pa yis/ rigs drug so so'i bdag por snang / las kyi dregs pas khyed rnams ni/ 'jigs shing 'jigs par byed pa yis/ gtum zhing dpa' la ches dpa' bas/ gdul zhing drag par nus pa las/ zhi bas gdul bar mi 'gyur te/ rig pa 'dzin pa'i skyes bu ni/ stobs ldan dregs tshogs kun 'dul ba/ khams gsum spyi la dbang sgyur byed/ nga dang gnyis mer sbyor ba yis/ las kyi bya ba rab rdzogs pas/ dur khrod chen po rab 'jigs pas/ byin gyis brlabs pa'i dben sa ru/ sgrib byang bsod nams bsags pa dang / bar chod bdud bzlog las la 'bad/ mthun rdzas sa la pho brang bzhengs/ dam tshig drag po'i rdzas kyis bran/ thod mkhar bang mdzod ldan pa 'am/ e traM grangs dang sbyar bar bya/ dregs pa'i lus ngag yid gnas brten/ ngas bshad tshul dang mthun par dgod/ phyi rol sgo sogs rgyan 'jigs ldan/ dur khrod chen po sngon du phyung / tsa ra ma he chu glang dang / seng+ge glang chen rta nag dang / bya khyi lug nag rnga mo dang / stag dang bya rgod khyi phag nag/ dur bya chu srin nya rus spal/ rgod dkar rgod nag rta dkar dmar/ so bya dre'u ba glang rnams/ rgyal mtshan sha khrag snying dang bcas/ so so'i mthun pa'i gnas su bsham/ 'bru bzang bshos dang dam tshig rdzas/ bdud rtsi sha khrag snying sbyar ba/ rin chen bcud kyis sbreng ba ni/ grangs mnyam yang na phyogs bzhir gzhag/ gdugs dang ba dan bla res dang / lda lngi dra ba za ra tshags/ 'di la shis shing mthun pas te/ stag gzig dom dred 'phar sbyang dang / kang+ka dur bya bya rgod khra/ mi rta ban glang ke le yi/ sha rgyus pags pa mgo yis bya/ mda' gzhu mdung dang kha T+wAM ga/ ral gri chu gri spu gri dang / tri shUl phur pa so mang dang / mtshon cha drag pos bskor zhing gtams/ mdzes dang mi mdzes snyan mi snyan/ dri nga ba dang gdang ba dang / kha mngar tsha skyur rtsub pa dang / tsha grang 'jam rtsub dro dang bsil/ gzugs sgra dri ro reg rnams kyis/ ji ltar 'dod pa bzhin du gtad/ de nas rdo rje 'dzin pa des/ phyi nang gsang ba'i srung ba yis/ gnod cing 'tshe ba tshar bcad de/ bsod nams tshogs kyis rang rgyud sbyang / gzhan phan byang chub sems kyis bsgrub/ chos rnams gnas lugs bzhin du bsgom/ ma mthong ba la snying rje bskyed/ ngo bo skyed rgyu hUM du bsgom/ de las snod kyi gzhi mo lnga/ ye shas 'byung ba lnga ru bsam/ steng du rin chen ri rab kyi/ dbus su dur khrod gzhal med khang / thod mkhar e traM sum cu pa/ gzugs brnyan bzhin du ting 'dzin bskyed/ dbus su nyi zla pad+ma dang / ro bzhi bsnol ba'i steng nyid du/ rdo rje 'chang ba'i sku gsung thugs/ nga nyid kun la snang bzhin bsam/ yum chen khams gsum spyi 'dul ma/ gtso dang gnyis med sbyor ba las/ thabs dang shes rab 'od zer las/ e dgu'i rnam pa sa bon tshul/ 'phro 'dus gri gug kha T+wAM gsal/ de nyid gsal ba'i rgyud sbyangs pas/ 'dod khams dbang phyug gtso bo che/ lha mo yum dang bcas par 'gyur/ seng+ge glang chen zhabs kyis gnon/ zhal gcig phyag gnyis mthing nag rngam/ na bza' ljang nag klubs ber gsol/ gtso chen gri gug tsit+ta bsnams/ yum gyis kha T+wAM thod khrag bzung / yab yum gnyis med thugs ka nas/ ya ma/ dun+tiHrak+Sha/ yak+Sha las/ phyogs bzhir bdud dang gshin rje dang / srin po gnod sbyin sde dpon dang / yab yum bcas pa gsal bar spro/ gra heHnA ga/ steng 'og tu ni bdud klu'i gza'i/ sde dpon yab yum spro zhing bskyed/ de ba/ tri dza/ du triHgang bzang lha dang rnam rgyal dang / spyi bdud sde dpon shar du bskyed/ ma maMHdza ti/ d+ha ki las/ ma chen srid pa'i rgyal mo dang / ral gcig ma dang mgyogs byed ma/ mo tshogs sde dpon lho phyogs su'o/ ru traHa b+hiHhaM shaM las/ lha sbyin btsan dmar ril btsan gyi/ sde dpon nub kyi phyogs su bskyed/ bi traHti thiHrmu du las/ bgegs dang mu stegs rmu bdud kyi/ sde dpon byang gi phyogs su bskyed/ tri yaM/ ra tri sa trin tri las/ srid pa'i srog gi bdag po dang / gnod sbyin klu tsha bdud rgyal po/ sku lha gsang ba rdo rje legs/ nag po chen po chos srung rje/ shar lho nub byang sgo bzhir bskyed/ phyi rol khyams su dregs pa can/ so so'i g.yog 'khor mang po dag/ bka' nyan gsung sdod tshul du bskyed/ rang rang sngags kyis bstan par bya/ dbang po'i tshul du gsal ba dang / 'jig rten rang rgyud so so yi/ gnas nas 'od kyis bkye pa dang / gsang ba'i snying pos myur du 'bod/ ting nge 'dzin gyi tshul 'dra ba/ rang gi gzugs brnyan lus la bstim/ rang rgyud pa dang gzugs brnyan 'dres/ oM AHhUM oM badzra tsan+d+ha sarba duSh+TaM ta ka ha na da ha pa tsa hUM phaT/ sku gsung thugs ldan byin brlab cing / rdo rje 'chang bas dbang bskur bya/ dur khrod gnas kyi sgo bzhi nas/ bka' nyan las byed sde brgyad kyis/ lus ngag gus pas phyag 'tshal zhing / phyi nang gsang ba'i 'dod yon tshogs/ 'tshe zhing gdug pa'i bsam pa can/ gzugs can gzugs med bcas pa yis/ dregs pa'i tshogs la mnyes par dbul/ sku yi cha lugs so so yi/ don rtags mthun pa'i tshig gis bstod/ sku gsung thugs kyi yon tan dang / 'phrin las smos te thugs dam bskul/ rdo rje 'dzin pa'i sku gsung thugs/ gsal bstan tshad dang ldan pa yis/ nam mkha'i khams kun mthas khyab kun/ rang gi yul gsum gsal bar dmigs/ dregs pa'i sde dpon re re'i drung / rdul snyed 'dul byed gnyen po gnas/ phal pa re re'i gnas drung du/ sde dpon chen po de bzhin bsam/ bka' nyan gsung sdod g.yo ma nus/ cung tsam 'da' bar mi spyod cing / rang gi 'dod pa mi spobs la/ skad cig tsam la don sgrub dmigs/ de nyid kyis ni gtso chen gyi/ bsnyen cing sgrub pa tshad rtags ldan/ yongs su rdzogs par gyur nas ni/ dregs pa'i ded dpon tshogs rnams kyis/ so so'i gzugs brnyan gsal btab ste/ rang gi ming gi snying po dang / gcod 'phrog yi ge spos te bzlas/ dus tshad grangs dang mtshan ma yis/ tshad bzung ma nor grub pa yis/ rtags la phab ste las la sbyar/ nga nyid rjes su sgrub byed pas/ dregs pa myur du dbang du sdud/ ces bka' stsal to/ 'jig rten pa'i ded dpon gyi tshogs nye bar sgrub pa'i rtsa ba'i las kyi gnyer gtad pa'i le'u ste gnyis pa'o// //de nas rab tu bshad bya ba/ 'di dag kun la ngas bshad pa'i/ sde dpon chen po rang gnas nas/ 'bod dang gzhug pa mnyes pa dang / bstod dang thugs dam bskul ba dag/ tshig brjod 'di yis brtan par bya/ thugs rje rnam dag dbyings kyi dkyil 'khor nas/ chos sku stong nyid dbyings las ma g.yos kyang / 'jig rten dregs pa'i tshogs rnams 'dul ba'i phyir/ khro chen dpa' gtum 'jigs byed skur bstan pa/ thugs dam dgyes bskul gsang ba'i yum dang bcas/ ma rtogs shugs kyis 'dul phyir gshegs su gsol/ dregs pa'i dbang phyug 'jig rten lha yi gtso/ 'dod pa'i lha mo bde chen 'byung gnas ma/ 'khor tshogs drag shul mthu stobs dpung gi bdag/ khro gtum gdug pa'i rtsal 'chang dpal dang ldan/ rdo rje 'chang gi bka' bzhin rjes su sgrub/ dam tshig rjes dgongs gnas 'dir gshegs su gsol/ badzra sarba duSh+TaM a ta na ya e dza b+h+yo/ a gats+tsha sa ma ya hring hring / dur khrod gsang ba mchog gi dkyil 'khor 'dir/ lha chen nyi zla pad+ma'i gdan steng du/ bcom ldan khro rgyal rngam brjid 'bar ba'i skuHyab yum da gyes par rol cing bzhugs su gsol/ snang srid dregs pa ma lus ded dpon gtso/ /'dod khams bdag po dgyes mdzad yum dang bcas/ lha srin tshogs kyi gtso chen 'khor dang bcas/ 'phrin las mthun pa'i gdan la bzhugs su gsol/ badzra sarba duSh+Tan a ta na ya e dza b+h+yo/ sa ma ya sti ta badzra hUM dza/ dus gsum sangs rgyas thugs kyi snying po mchogaH chos kyi sku las gzugs sku 'gro don sprul/ che btsan 'gran zla med pa khro bo'i rje/ dbang sdud yum dang bcas la phyag 'tshal bstod/ phyogs bcu'i rgyal ba ma lus sras dang bcas/ dam bcas bstan pa'i tshul srung 'jig rten mgon/ zhing bcu sgrol mdzad 'phrin las drag shul can/ sde dpon sum cu'i tshogs la phyag 'tshal lo/ badzra sarba duSh+Tan a ta na ya e dza b+h+yo/ na ma a ra li hoHdpal chen dregs pa kun 'dul yab yum la/ sku gsung thugs mnyes mchod pa 'bul ba ni/ gdugs dang rgyal mtshan ba dan bla re dang / phreng ba phye ma lnga ldi za ra tshags/ bdug spos me tog mar me chab bsil dang / gzugs mdzes sgra snyan dri zhim ro bro dang / reg 'jam 'dod yon ma lus ji snyed pa'i/ 'phags pa'i thun mong mchod tshogs bzhes su gsol/ khyad par gsang ba'i mchod pa 'bul ba ni/ dus gsum gnas su sbyangs pa'i sha rus khrag/ dug lnga sman du sgrub pa'i dam tshig rdzas/ stobs mchog nus pa ba liM mchod pa dngos/ thugs rjes mthun pa'i ngang gis bzhes su gsol/ /dpal chen yab yum bka' bzhin rjes sgrub pa'i/ dbang phyug chen po yab yum mnga' bdag rje/ 'jig rten 'das kyang 'khor ba'i cha lugs 'dzin/ bka' yi bstan srung sde dpon sum cu la/ 'dod pa'i yon tan mchod cing sbyin pa ni/ dkar dmar ser ljang la sogs mdog/ zlum po gru bzhi la sogs dbyibs/ che chung sbom phra ring thung tshad/ mdzes dang mi mdzes sdug mi sdug/ 'byung ba rten 'brel rol mo'i sgra/ glu tshig bstod dbyangs snyan pa'i tshig/ spos sman bdud rtsi me tog driHsreg bsung baM bsung dri dang ngad/ kha mngar tsha skyur ska ba dang / lan tshwa spod dang byi skyu dang / 'jam rtsub bsil yang tsha dang bro/ so so'i yon tan tshogs dang bcas/ 'dod rgur 'bul gyi bzhes su gsol/ bdud rtsi lnga dang sha lnga dang / don snying lnga dang 'byung ba lnga/ dbang po lnga dang yul lnga dang / phung po lnga dang nang khrol lnga/ 'tshe zhing gsod dang bar du gcod/ gdug par sems shing log par lta/ mi mthun phyogs lngar bcas pa rnams/ so sor 'bul bas bzhes su gsol/ badzra sarba duSh+Tan a ta na ya e tsa dza b+h+yo/ mahA ba liM ta/ a mr-i ta/ su ka ta/ maM sa rak+ta/ pi pa ta/ b+ha su ta/ la ma ta/ i daM gr-ih+Nan+tu sa ma du/ kha kha/ khA hi khA hiHbcom ldan dpal chen dregs pa kun 'dul dang / yum chen khams gsum spyi 'dul 'khor bcas kyis/ sku mdog 'gyur med me long gzugs brnyan bzhin/ gsal zhing rtog med snang ba ma 'gags pa/ sku lnga lhun grub rdzogs pa'i dngos grub stsol/ gsung mchog 'gag med brag ca sbra snyan bzhin/ snyan dang mi snyan grags stong tshangs pa'i gsung / gsung dbyangs nam mkha'i mthas khyab dngos grub stsol/ thugs mchog spros bral bsam 'das chos kyi dbyings/ mi rtog bde chen thabs dang shes rab dang / rtsol med mi g.yo mchog gi dngos grub stsol/ yon tan brjod kyis mi lang sna tshogs yod/ 'das dang ma 'das mchog dang thun mong gi/ grub pa brgyad dang mthar thug dngos grub stsol/ 'jigs pa brgyad sogs zhi dang 'byor pa rgyas/ log lta mos pa'i tshul gyis dbang du sdud/ mngon spyod dgra bgegs 'dul ba'i dngos grub stsol/ badzra sarba duSh+Tan a ta na ya e dza kA ya sid+d+hi/ wAk+ka sid+d+hi/ tsit+ta sid+d+hi/ gu Na sid+d+hi/ karma sid+d+hi/ hUM hUM hUM/ bcom ldan dpal chen dregs pa kun 'dul ni/ dbu dgu phyag ni bco brgyad de/ sku mdog mthing nag khro zhing rngam/ g.yas kyi zhal gsum smug nag bgrad/ g.yon gyi zhal gsum kham nag gtsigs/ dbu skra ral pa me dpung 'bar/ spyan dgu sdang mig bzlog cing bgrad/ shangs nas srid pa'i rlung nag 'thor/ snyan nas stong gsum 'brug sgra ldir/ sma ra ag tshom me ltar 'bar/ mche gtsigs srid gsum rtsa ba gcod/ phyag dgu g.yas g.yon dang po yis/ rdo rjes thod khrag dkrug cing gsol/ g.yas kyi phyag brgyad 'og ma na/ dregs pa'i lha brgyad bsgral ba yi/ g.yang gzhi mgo bor bcas te bsnams/ g.yon gyi phyag brgyad 'og ma na/ klu chen brgyad kyi ban+d+ha ru/ dregs pa'i snying khrag bkang nas gsol/ dpa' bo'i chas brgyad sku la rdzogs/ zhabs brgyad brkyang bskum dor stabs kyis/ khams gsum bdag po sde bzhi mnan/ yum chen khams gsum spyi 'dul ma/ zhal gcig phyag gnyis mthing nag skuHrdo rje 'phyar zhing thod khrag stob/ gnyis med thugs kyi 'phrin las kyis/ 'jig rten dregs pa bran du 'khol/ lha srin sde brgyad las la 'gyed/ dgra bgegs gdug pa rtsad nas gcod/ khro rgyal gtso la phyag 'tshal bstod/ dpal gyi bka' bzhin las mdzad pa'i/ lha chen dbang phyug chen po ni/ zhal gcig phyag gnyis sku mdog mthing / phyag g.yas gri gug tsit+ta g.yon/ lha mo u ma de ba ni/ sku mdog mthing nag gtso la 'dud/ phyag g.yas rtse gsum thod khrag g.yon/ seng+ge glang chen gdan la bzhugs/ sde dpon dregs pa kun gyi gtso/ yab yum sku la phyag 'tshal bstod/ bdud kyi rgyal po'i sde dpon ni/ khram shing g.yas la dgra sta g.yon/ bdud rta nag po'i khri la bzhugs/ sbyor yum bdud mo re ma ti/ khrag bam g.yas la nad rkyal g.yon/ bong bu gwa dmar gdan la bzhugs/ gshin rje'i sde dpon chen po ni/ be con g.yas la thod dbyug g.yon/ sbyor ba gshin rje za byed mo/ phyag gnyis srid pa'i 'khor lo bskor/ yab yum ma he chu glang gnon/ srin po'i sde dpon glog phreng can/ phyag gnyis thog ser 'dril zhing 'phen/ srin mo sbal mgo khrag mig ma/ phyag g.yas phur pa khrag phor g.yon/ yab yum 'brug dang rnga mo gnon/ gnod sbyin sde dpon me sbal ni/ phyag g.yas rin chen g.yon ral gri/ sbyor yum gnod sbyin nag mo ni/ phyag g.yas spu gri g.yon sbyang mo/ stag seng phag mo zhabs kyis mnan/ bza' bdud ded dpon chen po ni/ phyag g.yas mda' gzhu g.yon sbrul zhags/ sku smad sbrul 'khril 'brug chen gnon/ sbyor yum thog gi bu yug can/ g.yas g.yon phyag gis thog ser 'bebs/ klu rgyal ded dpon chen po ni/ phyag g.yas sbrul zhags g.yon nad rkyal/ sbyor yum klu mo nag mo ni/ sbrul mgo phyag mtshan yab kyi tshul/ yab yum chu srin rus sbal gnon/ phyogs bzhi steng 'og gnas bzhugs pa'i/ dregs pa'i ded dpon 'di dag ni/ kun kyang sku mdog mthing nag la/ khros pa'i cha byad 'jigs tshul can/ dur khrod g.yang gzhi'i chas kyis brgyan/ rang gi tshogs 'dus 'phrin las mdzad/ yab yum bcas la phyag 'chal bstod/ gnod sbyin sta yi rgyal po ni/ shel gri ba dan dkar po 'dzin/ rgod dkar ru bzang zhabs kyis mnan/ gnam rgyal chen po ded dpon ni/ phyag g.yas ldan dkar g.yon shel gri/ rta dkar rdog dmar zhabs kyis mnan/ spyi bdud rgyal po gu rum rtseHphyag g.yas ba dan g.yon shel gri/ zhabs gnyis rdo rta gro bo gnon/ dkar po'i ded dpon chen po gsum/ shar phyogs gnas la phyag 'chal bstod/ srid pa'i ma me ded dpon mo/ 'khor lo g.yas la me long g.yon/ zhabs gnyis 'brug mo mgo dgu gnon/ sngags kyi srung ma chen mo ni/ tsit+ta g.yas la spyad mo g.yon/ dred rta nag mo zhabs kyis gnon/ mkha' 'gro nag mo mgyogs byed ma/ rgyu zhags g.yas la mtshon gru g.yon/ so bya nag po zhabs kyis gnon/ nag mo'i ded dpon ma mo gsum/ lho phyogs gnas la phyag 'tshal bstod/ rdo rje bdud 'dul nag po ni/ g.yas g.yon phyag gis thun khrag 'phen/ drag btsan srog zan dmar po ni/ mda' gzhu 'phen zhing dar dmar 'phyar/ che btsan 'gong rgyal chen po ni/ shag lang dang ni zhags pa 'dzin/ dmar po'i ded dpon rgyal po gsum/ kun kyang rta dmar zhabs kyis gnon/ nub phyogs skyong la phyag 'tshal bstod/ bi na ya ga bgegs kyi rgyal/ phyag g.yas kha T+wAM g.yon thod khrag/ phyi rol skyong ba'i mu stegs gtso/ tri shUl g.yas la thong khrag g.yon/ rmu bdud chen po khrag med ni/ mda' gzhu dang ni shang lang 'dzin/ nag po'i tshogs kyi ded dpon gsum/ bdud rta nag po zhabs kyis gnon/ byang phyogs gnas la phyag 'tshal bstod/ tshangs pa'i rgyal po srog gi bdag/ spu gri g.yas la nyi zhags g.yon/ seng+ge dkar po zhabs kyis gnon/ bdud kyi rgyal po nor gyi bdag/ bdud zhags g.yas la spu gri g.yon/ ban glang sna ring zhabs kyis gnon/ sku lha'i rgyal po yul gyi bdag/ phyag g.yas rdo rje g.yon pa dan/ ra dkar gnam ru zhabs kyis gnon/ nag po chen po tshogs kyi bdag/ phyag g.yas be con g.yon thod khrag/ rta nag mgyogs pa zhabs kyis gnon/ phyogs kyi sde dpon chen po bzhi/ sku mdog dkar ser dmar nag mdzes/ sgo bzhir gnas la phyag 'tshal bstod/ ded dpon dregs pa 'di dag ni/ khro zhing gtum pa'i tshul 'chang zhing / na bza' g.yang gzhi 'jigs pa'i chas/ sna tshogs mdzes pa'i rgyan dang ldan/ rang gi 'khor g.yog tshogs kyis bskor/ sprul pa'i cho 'phrul bsam mi khyab/ mchod bstod chen pos khyed bsgrubs na/ so so'i tshogs 'dul 'phrin las mdzod/ zhes brjod ting 'dzin ldan pa yis/ dregs pa'i ded dpon mchod cing bstod/ 'di ltar spyod pa'i rnal 'byor gyis/ 'jig rten gtso bdag gzhung bzhin bsgrub/ rdo rje 'dzin dang gnyis su med/ ces bka' stsal to/ 'jig rten gyi ded dpon nye bar sgrub pa rdo rje'i dam tshig mchod bstod kyi le'u ste gsum pa'o// //de nas rab tu bshad bya ba/ 'jig rten dregs pa dbang sdud cing / tshar gcad las la bskul ba'i phyir/ byin rlabs gnas pa'i dbang bskur bshad/ gsang zhing dben pa'i gnas dag tu/ sngar bshad las kyi pho brang bsham/ yo byad rdzas kyi khyad par 'phags/ ma lus par ni gzung bar bya/ rdo rje 'chang ba rjes 'brang bcas/ mtshan nyid ldan pa mngon sum sbyar/ dus kyi grangs dang mtshan ma'i rtags/ bsnyen pa'i lung bzhin brtson par 'bad/ gzugs brnyan bdag po slob ma rnams/ khyad par gnas pa'i sta gon bya/ bris dang brkos pa la sogs pa'i/ ded dpon rnams kyi gzugs brnyan dang / phur pa grangs dang mnyam par dgram/ gzhan yang bum pa mchod gtor dang / dug gtor thun gtor thun rdzas dang / sha khrag bshos chang bza' btung sogs/ rgyal mtshan ba dan mda' dang gzhu/ dpa' ba'i chas dang rol mo'i sgra/ rab tu brdar zhing mdzes par bsham/ rdo rje 'dzin pas ting 'dzin gsal/ las kyi rgyal pos mchod bstod bya/ rgyu dang mdangs kyis thugs dam bskang / bshags dral gcugs spyang dbab pa bya/ mos shing spros bdag dang ba yis/ bdud 'dul gtso la skyabs su 'gro bstan pa srung par sems bskyed de/ bla ma sangs rgyas rdo rje 'dzin/ he ru ka dang gnyis med la/ gdug byed log lta 'dul nus pa'i/ mthu dbang chen po'i gzhung 'tshal gyi/ brtse ba'i thugs kyis dgongs nas ni/ dkyil 'khor dam par gzhug tu gsol/ nyon cig skal ldan rigs kyi bu/ dus gsum sangs rgyas sku gsung thugs/ gnas pa'i bstan pa bsrung ba'i phyir/ spro bas 'jug pa khyod lags kyi/ mngon spyod brtul zhugs dam pa yis/ dam tshig chen po'i sar 'dug shog/ mgon po he ru ka dpal rje/ 'dul ba'i 'khor tshogs bcas pa yi/ drag shul spyod pa'i pho brang du/ mdzes pa'i me tog bdag 'bul gyi/ rdo rje dam tshig 'di bzhes la/ dregs pa 'dul nus dngos grub stsol/ pra ti g+h+r-i h+Na puSh+pa hUM/ dpal ldan rdo rje 'chang ba yi/ rjes 'jug rigs kyi bu khyod ni/ thog ma med nas da lta'i bar/ bstan pa srung ba'i skal ldan te/ sde dpon dbang chen dkyil 'khor 'dir/ bstan la rab dga' sems kyis ltos/ badzra ya sa ma ya ma d+ha la tsag shu pra be sha ya phaT/ rdo rje bdud rtsi dam tshig chuH'di las dus gsum 'da' mi bya/ grub pa'i 'bras bu gnyis yin te/ tshul bzhin mi 'da' bros dor cig/ mahA sa ma ya i da te na rag kAn ShA pa mi li/ rdo rje 'dzin pa bka' drin che/ thugs rjes rtag tu byin brlabs phyir/ 'di nas rdzogs sangs rgyas kyi bar/ mthu stobs dngos grub stsal du gsol/ badzra sa ma ya tsit+ta sid+d+hi sid+d+hi hUM/ thog ma'i sangs rgyas sras bcas kyi/ rjes su sgrub pa bdag yin gyi/ 'jig rten 'das dang ma 'das pa'i/ lha dang dregs pa mthu stobs can/ gtso dang 'khor du bcas rnams kyis/ sku gsung thugs kyi dam tshig dgongs/ rdo rje slob ma rig 'dzin la/ dbang bskur dngos grub stsol mdzad pa/ nus chen rtags mtshan bstan du gsol/ rdo rje 'dzin pa dpal ldan gyis/ khri stan chen po'i steng 'dug la/ snod ldan slob ma mdun bzhag ste/ dkyil 'khor gnas pa'i bum pa yis/ sku gsung thugs su dbang bskur bya/ gnyen po gtso dang gdul bya'i yul/ dregs chen yab yum 'khor bcas kyi/ mdzes pa'i sku gzugs sku yi dbang / so so'i tshig bstod snying po dang / smon lam bcas pa gsung gi'o/ rang rgyud gnas dag don rtags kyis/ chos skur dbang bskur thugs kyi 'o/ rigs sbyangs stobs la ngang gis gsal/ phur pa drag shul rdzas kyi dbang / mchod gtor bshos cha sku gsung thugs/ ma lus mnyes par byas pas te/ yo byad tshogs kyi longs spyod spel/ rgyal mtshan ba dan sgra dang bcas/ dus rnams kun tu mnga' thang rgyas/ sha khrag dug gtor thun rdzas rnams/ dregs pa'i ded dpon dbang sdud cing / pho nya 'phrin las bskul mdzad de/ mngon spyod gdug pa tshar gcod dbang / 'di dag kyang ni gzugs brnyan sgra/ don ngo shes pas dbang bskur te/ chos sku spyi dang dregs pa yi/ sde dpon so so'i dam tshig rtsal/ thugs rje dang ni rtogs pa yis/ rang bzhin don gyis sgrol byed pa'i/ dpag med don chen 'dir 'dus te/ tha dad mi gnas gcig yin no/ gzung dang 'dzin pa'i bdag nyid kyis/ phyi nang 'khor bcas so sor snang / ma lus dbang bsdu zil mnan phyir/ so so'i snying po tshad kyis bstim/ nga rgyal brtan po bdun du skyes/ don snying sha rus khrag sogs bza'/ dus gsum tshar gcad dbyings nas dbyung / gzugs brnyan bstims la rab tu gsal/ dbang bsdu las bcol gdul ba'i phyir/ zhabs 'og mnan te bran bzhin bsgo/ dam tshig rdzas mchod sngar bzhin gso/ dam tshig dbab cing bstod bskul bcol/ 'jig rten lha srin khyed rnams kyang / nga dang sangs rgyas thams cad kyis/ zhal mthong lung bstan mchog stsal pa/ srid pa'i sa bon phra mo yis/ da rung 'jig rten las la spyod/ rang rgyu da rtsub mos phan gnod sbyor/ nga ni bka' yi dam tshig gzung / ma 'ongs dus na bsgrub bya dang / sgrub par byed pa de dag dang / mnyam par kun la dbang bsgyur te/ chos nyid rig pa'i rgyal po rdzogs/ theg mchog ma 'dres cir yang ston/ ma lus myur du rdzogs bya'i phyir/ rgyal tshab spyi bor bzhag gnas pa/ kun tu bzang po nyid thob 'gyur/ ces bka' stsal to/ 'jig rten gyi sde dpon chen po nye bar sgrub pa'i rdo rje dam tshig chen po'i dkyil 'khor du dbang bskur ba'i le'u ste bzhi pa'o// // de nas rab tu bshad bya ba/ dregs pa'i 'khor tshogs mnyes bya'i phyir/ mthun rdzas gzugs kyis bkang ba ni/ ri bo'i rtse mo'i chu bo'i mdo/ 'jig rten dbang phyug 'du gnas su/ skal med yul la mchod sbyin gnas/ thod mkhar re mig dgu sogs sam/ yang na gling bzhi ri rab brtsigs/ 'bru dang sha khrag sna tshogs pa/ rin chen spos sman me tog stsal/ dregs pa bdag po so so yi/ gzugs brnyan rang gi 'khor dang bcas/ sku mdog phyag mtshan yongs rdzogs shing / rang gi gdan khri bzhon par bcibs/ ri rab thod mkhar yang steng du/ lha chen yab yum 'khor bcas bzhugs/ bang rim re mig dang po gsum/ bdud dang gshin rje srin po dang / gnod sbyin gza' dang klu rnams kyi/ sde dpon yab yum 'khor bcas dgod/ gnyis po la ni dkar po dang / nag mo dmar po nag po'o/ sde dpon bcu gnyis gnas su bya/ gsum pa'i phyogs bzhir sgo srung bzhi/ 'khor bcas rang gi gnas su dgod/ tha ma gsum mam bzhi pa la/ phyi nang gsang ba sbas pa la/ gsang ba'i gter dang drag po sngags/ las byed btags chags lha ma srin/ sde brgyad gzugs brnyan gnas su dgod/ gtso chen sum cu'i mthun rdzas ni/ rang gi gdan nam bzhon pa yi/ srog chags gzugs ni lnga 'am b+cuHbrgya'am stong ngam grub tshad bya/ skyes pa bud med glang chen rtaH ban glang ra lug bya ra khyiHlongs spyod bskong rdzas sngar bzhin no/ sde brgyad phal pa kun la ni/ shes ldan mi dang byol song ste/ 'dab chags gcan gzan ri dwags dang / sa chur gnas dang dud 'gro'i tshogs/ mthong thos dran pa rnams kyi gzugs/ ji ltar nus pa'i grangs kyis bskor/ 'di dag bskang ba'i yo byad ni/ 'gro ba'i glud du 'bul ba ni/ rin chen ngar mi rgyan ldan dang / nam mkha' sems kyi gzugs brnyan dang / sku gsung thugs ldan rgyang bu dang / shing glud yul mkhar mtshon pa dang / skyes pa bud med phyag cha dang / rgyal mtshan ba dan ru mtshon rnams/ dregs pa so so'i sku mdog dang / mthun pa grangs mnyam gnas su dgod/ mchod gtor bshos cha mar me dang / gling tshad chung du de bzhin no/ bzlog gsad drag po zor gyi rdzas/ sbyin pa'i sa la zor phor du/ gru gsum mnyam byas dug khrag dang / thun rdzas sna tshogs stsal ba dang / gdug pa'i shing gi rtsang phur dang / ban+d+ha dug thun gtor mar bcas/ bzhi brgyad bcu drug sum cu gnyis/ ci rigs sbyar te mdzes par dgod/ steng du zhing lpags g.yang gzhi 'am/ dar nag mtshon skud gdugs kyis dbub/ tha mar ras bzang yol bas bres/ de nas rdo rje 'dzin pa yis/ gtso chen bskyed cing rdzogs pa dang / dregs pa mchod bstod mnyes byas nas/ gzugs brnyan mthun rdzas bsngo ba ni/ rnal 'byor ting 'dzin nga rgyal gsal/ bdud rtsi mchod skyems rak+ta sbreng / sha chen spos kyi dri bsung 'phul/ rnga chen gling bu rol mo sgra chen bsgrags/ mda' chen ba dan nag pos g.yab/ hUM nga ni dpal chen he ru ka/ gdul dka' ma lus 'dul bar byed/ 'jig rten dregs pa zas su zaHkhams gsum srid gsum nga yi dbang / snang srid 'khro 'das nga yi bran/ nga yi bka' bzhin 'dir 'dus shig/ nyon mongs dbang gis dregs pa yi/ lha bdud gshin rje srin po dang / gnod sbyin gza' klu rgyal po dang / ging dang ma mo lha btsan dang / rang gi sde dang g.yog tu bcas/ dam tshig dbang gis gnas 'dir bzhugs/ mthun pa'i rdzas kyis thugs dam bskang / ri rab chen po'i yang steng nas/ lha chen dbang phyug chen po bzhengs/ btsun mo u ma de ba bzhengs/ na bza' dar nag ber chen gsol/ chibs su seng+ge glang chen chibs/ khyod kyi cho 'phrul ston pa ni/ g.yas na pho rgyud pho nyar 'gyed/ g.yon na mo rgyud las la 'khol/ 'khor du 'jig rten dregs pas bskor/ dam tshig dbang gis gnas 'dir bzhugs/ mthun pa'i rdzas kyis thugs dam bskang / rtsal gyi rgyal po seng+ge dang / stobs kyi rgyal po glang chen dang / shes ldan mi dang cang shes rtaHtheg chen glang dang 'dod 'jo'i ba/ rin chen lug dang gtsang ldan dang / thos gsang khyi dang mkha' lding bya/ khyed kyis bzhes pa'i dkor du 'bul/ rin chen rgyan ldan dar mi dang / sems kyi gzugs brnyan nam mkha' dang / sku gsung thugs ldan rgyang bu dang / shing ris yul mkhar mtshon pa dang / pho glud mda' dang mo glud 'phang / rgyal mtshan pa dan ru mtshon rnams/ nyid kyi sku mdog dang mthun pa'i/ rnal 'byor rnams kyi glud du 'bul/ dam rdzas sbyar ba'i mchod gtor dang / mthun rdzas ldan pa'i bshos cha dang / snang gsal 'od ldan mar me dang / rgyan ldan mdzes pa'i gling tshad dang / mdzes pa'i gzugs dang snyan pa'i sgra/ zhim pa'i dri dang bda' ba'i ro/ khyed kyi thugs dam bskang phyir 'bul/ lha chen yab yum 'khor dang bcas/ sngon gyi dam tshig rjes dgongs te/ mdos glud mthun rdzas bzhed pa'i dkor/ sna tshogs sbyar ba 'di bzhes la/ sangs rgyas bstan pa khyed kyis srungs/ dkon mchog dbu 'phang khyod kyis bstod/ rnal 'byor sku dgra khyed kyis sgrol/ sgrub pa po la bar gcod pa'i/ stong phrag brgyad cu'i bgegs rigs rnams/ bzhi brgya rtsa bzhi'i nad rnams dang / glo bur gnod pa brgyad cu gcig/ ye 'brog sum brgya drug cu'i tshogs/ dus min 'chi ba rnam brgyad dang / gshis ngan 'gum pa bco lnga dang / gzugs can dgra dang gzugs med bgegs/ rmi lam mtshan ltas ngan pa rnams/ zhi dang bsal zhing bzlog pa dang / gdul dang tshar gcad las mdzod cig/ ri rab chen po'i shar phyogs nas/ srid pa'i rgyal po skos rje ni/ bdud rnams kun gyi sde dpon bzhengs/ na bza' mthing nag ber chen gsol/ ral pa nag po mun ltar btibs/ spyan mig nyi zla 'khyil ba 'dra/ rno dpal mche ba zla tshes gtsigs/ sma ra kham nag srid rtser 'bar/ chibs su bdud rta nag po bcibs/ khyod kyi cho 'phrul ston pa ni/ khram thog bdud sde g.yas nas rol/ sho thogs rtsis pa g.yon nas 'gyed/ snang srid pho bdud khyod kyi 'khor/ dam tshig dbang gis gnas 'dir bzhugs/ mthun pa'i rdzas kyis thugs dam bskang / shugs ldan rta nag la sogs pa/ khyod kyi bzhed pa'i dkor du 'bul/ rin chen ngar mi la sogs pa/ rnal 'byor rnams kyi glud du 'bul/ dam rdzas mchod gtor la sogs pa/ khyed kyi thugs dam bskang phyir 'bul/ srid pa'i bdud rje 'khor bcas kyis/ sngon gyi dam tshig rjes dgongs la/ ji ltar bcol ba'i las mdzod cig/ bdud mo chen mo re ma ti/ ma bdud kun gyi sde dpon bzhengs/ dpal ldan nag mo 'jigs gzugs can/ nag mo sha zlog bdud kyi ma/ sku la mthing nag ber chen gsol/ chibs su bong bu gwa dmar chibs/ khyod kyi cho 'phrul ston pa ni/ ma bdud 'bum phrag pho nyar 'gyed/ nag mo stong sde las la 'dzud/ snang srid bdud mo khyod kyi 'khor/ dam tshig dbang gis gnas 'dir bzhugs/ cang shes bong bu la sogs pa/ mthun pa'i rdzas kyis thugs dam bskang / srid pa'i bdud mo 'khor bcas kyis/ ji ltar bcol ba'i 'phrin las mdzod/ ri rab chen po'i lho phyogs nas/ gshin rje ya ma rA dza ste/ gshin rje'i tshogs kyi sde dpon bzhengs/ sku mdog nag po ral pa can/ gdug pa'i thod sbrul g.yang gzhis brgyan/ gcan gzan gdug pa'i pags pas dkris/ sha za'i mgo gcad thod du bcings/ zhal bgrad mche ba rab tu gtsigs/ ma he nag po chibs su chibs/ khyod kyi cho 'phrul ston pa ni/ gshin rje pho mo pho nyar 'gyed/ 'chi bdag gshin rje btsun mo ste/ gsod byed mon mo'i tshul 'dzin cing / gshin rje mo yi sde dpon bzhengs/ za byed dur khrod chas kyis brgyan/ g.yang gzhi nag mo sku la gsol/ chu glang nag po chibs su bcibs/ khyod kyi cho 'phrul ston pa ni/ yi dwags pho mo las la 'dzud/ snang srid gshin rje khyod kyi 'khor/ dam tshig dbang gis gnas 'dir bzhugs/ ma he chu glang la sogs pa/ mthun pa'i rdzas kyis thugs dam bskang / gshin rje pho mo 'khor dang bcas/ ji ltar bcol ba'i 'phrin las mdzod/ ri rab chen po'i nub phyogs nas/ srin po nag po glog phreng can/ srin po'i tshogs kyi sde dpon bzhengs/ sku mdog mthing nag 'bar ba la/ glog dang 'od kyi phreng bas brgyan/ 'brug chen 'ur pa chibs su bcibs/ khyod kyi cho 'phrul ston pa ni/ srin po 'bum phrag pho nyar 'gyed/ srin mo gsod byed las la 'dzud/ gcan gzan gdug pa phyi nas rol/ 'khor du snang srid srin pos bskor/ srin mo sbal mgo khrag mig ma/ srin mo rnams kyi sde dpon bzhengs/ sku mdog dmar nag 'jigs su rung / lus la khrag gis lwa nag gsol/ rus sbal dkar po'i thor tshugs can/ chibs su rnga mo gdong drug chibs/ khyod kyi cho 'phrul bstan pa ni/ srin mo kha 'bar pho nyar 'gyed/ gdong srin nag mo las la 'dzud/ snang srid srin mo 'khor dang bcas/ srog gcod srin po yab yum 'khor/ dam tshig dbang gis gnas 'dir bzhugs/ 'brug sngon rnga mo la sogs pa/ mthun pa'i rdzas kyis thugs dam bskang / srin po pho mo'i 'khor gyis bskor/ ji ltar bcol ba'i 'phrin las mdzod/ ri rab chen po'i byang phyogs nas/ gnod sbyin yak+Sha me dbal can/ gnod sbyin kun gyi sde dpon bzhengs/ sku mdog mthing sngon 'bar ba la/ me dpung tshub ma na bzar gsol/ stag seng rngam pa chibs su bcibs/ khyod kyi cho 'phrul ston pa ni/ g.yas na me dbal 'bar ba la/ g.yon na du 'thul phyu ru ru/ gnod sbyin stong sde pho nyar 'gyed/ zhub chas 'bum sde las la 'dzud/ 'jig rten gnod sbyin 'khor gyis bskor/ gnod sbyin chen mo blo mon ma/ gnod sbyin bu mo gdug pa can/ nag mo rdo rje lcags mchu ma/ snyan cha rin chen ne'u les brgyan/ sku la ba ti nag po gsol/ chibs su lcags kyi phag mo bcibs/ khyod kyi cho 'phrul ston pa ni/ nor 'dzin mo ni pho nyar 'gyed/ glo mon nag mo las la 'dzud/ gnod sbyin mo ni 'bum sdes bskor/ shan pa gnod sbyin yab yum 'khor/ dam tshig dbang gis gnas 'dir bzhugs/ stag seng phag mo la sogs pa'i/ mthun pa'i rdzas kyis thugs dam bskang / gnod sbyin pho mo 'khor dang bcas/ ji ltar bcol ba'i 'phrin las mdzod/ ri rab chen po'i steng phyogs su/ gza' bdud chen po mi bzad pa/ rog ti khyab 'jug rA hu la/ gza' bdud sde dpon chen po bzhengs/ mgo dgu smad sbrul mgo mang lus/ chibs su 'brug chen glog 'gyu bcibs/ khyod kyi cho 'phrul ston pa ni/ 'brug sgra stong gsum ldi ri riHnam mkha' glog 'od khyugs se khyugs/ gza' bran rgyu skar pho nyar 'gyed/ thog ser ki kang drag tu 'bebs/ gza' bdud stong gi 'khor gyis bskor/ gnam sman thog gi bu yug ma/ gdong mo rnams kyi sde dpon bzhengs/ sku mdog dmar skya mdzes pa la/ na bza' gu zu mdzes pa gsol/ 'brug sgra glog gi 'od la zhon/ khyod kyi cho 'phrul ston pa ni/ gza' chen nyi zla klad la bskor/ rgyu skar tshogs ni zhal la 'char/ lha sman 'bum ni pho nyar 'gyed/ gdong zor ma mo las la 'dzud/ zor gdong srin mo'i 'khor gyis bskor/ gza' gdong gnam sman yab yum 'khor/ dam tshig dbang gis gnas 'dir bzhugs/ 'brug chen 'ur pa la sogs pa'i/ mthun pa'i rdzas kyis thugs dam bskang / gza' bdud gdong mo sman dang bcas/ ji ltar bcol ba'i 'phrin las mdzod/ ri rab chen po'i 'og phyogs nas/ klu bdud nag mo mgo dgu pa/ klu rnams kun gyi sde dpon yin/ sku stod dud kha nag mo la/ tsha ba'i 'bu sring nyi li li/ sku smad dug sbrul nag po la/ grang ba'i sbal lcong pha la la/ chibs su chu srin mgo dgu bcibs/ khyod kyi cho 'phrul ston pa ni/ klu rgyal stong ni pho nyar 'gyed/ klu bran 'bum ni las la 'dzud/ klu bdud gdug pa'i 'khor gyis bskor/ klu mo yak+Sha nag mo ni/ klu bdud nag mo'i sde dpon bzhengs/ sku mdog dud kha 'jigs bag can/ sbrul nag gshibs pa'i ral pa las/ mdze dang shu ba'i tsha tsha 'phro/ sbrul gyi thul ba na bzar gsol/ sbal sbrul nye'u tha ra ra/ rus sbal nag po chibs su bcibs/ khyod kyi cho 'phrul ston pa ni/ klu rigs lnga yi sprul pa 'gyed/ sa bdag gdug pa'i pho nya gtong / snang srid klu mo'i 'khor dang bcas/ gdug pa klu bdud yab yum 'khor/ dam tshig dbang gis gnas 'dir bzhugs/ chu srin rus sbal la sogs pa'i/ mthun pa'i rdzas kyis thugs dam bskang / klu bdud pho mo yab yum 'khor/ ji ltar bcol ba'i 'phrin las mdzod/ ri rab chen po mdzes pa yi/ bang rim gnyis pa'i shar phyogs la/ gnod sbyin rgyal po gang ba bzang / srid pa lha yi bcas/ sde dpon bzhengs/ mdog dkar ral ka 'bar ba gsol/ gnam ru dkar po chibs su bcibs/ khyod kyi cho 'phrul ston pa ni/ gnod sbyin stong ni pho nyar 'gyed/ lha dmag 'bum sde las la 'dzud/ ba dan can ni g.yas nas rol/ go mtshon can ni g.yon nas rol/ gnod sbyin lha yi 'khor dang bcas/ skyes bu gnam rgyal chen po ni/ rgyal phran kun gyi sde dpon bzhengs/ na bza' dar zab ber chen gsol/ rta dkar rngog dmar chibs su bcibs/ khyod kyi cho 'phrul ston pa ni/ rgyal bran stong ste pho nyar 'gyed/ grong rgyu phra mo las la 'dzud/ the rgyal phra mo'i 'khor dang bcas/ spyi bdud rgyal po gu rum rtseHmi ma lha yi sde dpon bzhengs/ sku stod rgya che'i slog pa gsol/ 'bum bye smad kyi sham thabs can/ dbu la shel rmog dkar po gsol/ chibs su rdo rta gro bo bcibs/ khyod kyi cho 'phrul ston pa ni/ srid pa'i khyung chen klad na lding / stag seng tshang ma phyi nas rol/ sde dpon mched lnga pho nyar 'gyed/ ma sangs spun dgu las la 'dzud/ lha ma srin gyi 'khor dang bcas/ skyes bu dkar po sde gsum yang / dam tshig dbang gis gnas 'dir bzhugs/ gnam ru rta dkar gro bo chibs/ mthun pa'i rdzas kyis thugs dam bskang / dkar po sde gsum 'khor dang bcas/ ji ltar bcol ba'i 'phrin las mdzod/ bang rim gnyis pa'i lho phyogs nas/ ma chen srid pa'i rgyal mo ni/ snang srid ma mo'i sde dpon bzhengs/ na bza' dar nag gu zu gsol/ chibs su 'brug mo yid mgyogs chibs/ khyod kyi cho 'phrul ston pa ni/ tshogs kyi rje mo pho nyar 'gyed/ sman mo lnga bcu rtsa brgyad 'khor/ snang srid ma mo'i tshogs kyis bskor/ e ka dza Ti ral gcig ma/ bka' yi srung ma'i sde dpon ni/ sku la na bza' mthing nag gsol/ chibs su dre rta nag mo chibs/ khyod kyi cho 'phrul ston pa ni/ srin mo nag mo pho nyar 'gyed/ bal mo nag mo las la 'khol/ mon mo nag mo sna tshogs sprul/ smug nag 'bum gyi 'khor dang bcas/ dpal ldan nag mo mgyogs byed ma/ mkha' 'gro tshogs kyi sde dpon bzhengs/ na bza' mthing nag gu zu gsol/ chibs su so bya rog po zhon/ khyod kyi cho 'phrul ston pa ni/ rigs kyi mkha' 'gro pho nyar 'gyed/ sna tshogs mkha' 'gro las la 'dzud/ snang srid mkha' 'gro'i 'khor gyis bskor/ dpal ldan nag mo sde gsum yang / dam tshig dbang gis gnas 'dir bzhugs/ 'brug dang dre rta so bya sogs/ mthun pa'i rdzas kyis thugs dam bskang / nag mo sde gsum 'khor dang bcas/ ji ltar bcol ba'i 'phrin las mdzod/ bang rim gnyis pa'i nub phyogs nas/ skyes bu rdo rje bdud 'dul ni/ gnod sbyin ru tra'i sde dpon bzhengs/ na bza' mthing nag ber chen gsol/ ral pa nag po mun ltar gtibs/ chibs su rta dre'u nag po chibs/ zhing lpags gyon pa pho nyar 'gyed/ ral 'chas bgos pa las la 'dzud/ snang srid ru tra'i 'khor gyis bskor/ btsan rgyal srog zan dmar po ni/ srid pa'i btsan gyi sde dpon bzhengs/ sku la dar dkar ras dmar gsol/ chibs su rta dmar glog 'gyu chibs/ khyod kyi cho 'phrul ston pa ni/ dbu la bse rmog dmar po gsol/ btsan po kha bzhi pho nyar 'gyed/ mgyogs pa sde brgyad las la 'dzud/ snang srid dregs pa'i btsan gyis bskor/ skyes bu yam shud dmar po ni/ btsan 'gong rnams kyi sde dpon bzhengs/ sku la zab dmar ber chen gsol/ chibs su rta dmar yid mgyogs chibs/ khyod kyi cho 'phrul ston pa ni/ g.yas su bro brdung chi li li/ g.yon na spyugs glu kyu ru ru/ rta zhon stong ni phyi na 'breng / srid pa'i btsan 'god 'khor dang bcas/ skyes mchog dmar po sde gsum ni/ dam tshig dbang gis gnas 'dir bzhugs/ dre nag rta dmar la sogs pa'i/ mthun pa'i rdzas kyis thugs dam bskang / dmar po sde gsum 'khor dang bcas/ ji ltar bcol ba'i 'phrin las mdzod/ bang rim bzhi pa'i byang phyogs nas/ bi nA ya ka bgegs kyi rgyal/ log 'dren kun gyi sde dpon bzhengs/ na bza' mthing nag beng chen gsol/ chibs su rta nag mgyogs pa chibs/ khyod kyi cho 'phrul ston pa ni/ rgyal chen bzhi ni pho nyar 'gyed/ phyogs skyong tshogs ni las la 'dzud/ snang srid bgegs kyi tshogs kyis bskor/ dbang phyug gu lang nag po ni/ mu stegs tshogs kyi sde dpon bzhengs/ na bza' mthing nag ber chen gsol/ chibs su stag seng ma he chibs/ khyod kyi cho 'phrul ston pa ni/ sa gzhi kun ni dmag gis 'gengs/ bar snang mtshon dang dar gyis b+kang / nam mkha' glog dang 'od kyis 'gengs/ gcan gzan 'dab chags rgyug cing lding / mu stegs nag po'i 'khor gyis bskor/ dmu bdud nag mo bkrag med ni/ dmu bdud tshogs kyi sde dpon bzhengs/ na bza' mthing nag ber chen gsol/ chibs su dmu rta nag po chibs/ khyod kyi cho 'phrul ston pa ni/ dmu bdud 'bum phrag pho nyar 'gyed/ dmu bran stong sde las la 'dzud/ snang srid dmu yi 'khor gyis bskor/ skyes mchog nag po sde gsum yang / dam tshig dbang gis gnas 'dir bzhugs/ stag seng ma he rta la sogs/ mthun pa'i rdzas kyis thugs dam bskang / phyi rol nag po'i tshogs dang bcas/ ji ltar bcol ba'i 'phrin las mdzod/ ri rab chen po mdzes pa yi/ bang rim gsum pa'i shar phyogs la/ tshangs pa dkar po srog gi b+dag/ lha chen ging gi sde dpon bzhengs/ srid pa gsum gyi myur mgyogs par/ sku la bya rgod thul ba gsol/ chibs su seng+ge dkar po chibs/ khyod kyi cho 'phrul ston pa ni/ ging chen bco brgyad pho nyar 'gyed/ ging bdud pho mo las la 'gyed/ mi rta ra lug bya dang khyi/ stag dang bya rgod la sogs pa'i/ mthun pa'i rdzas kyis thugs dam bskang / bang rim gsum pa'i lho phyogs la/ gnod sbyin rgyal po nor gyi bdag/ sku la dom gyi slog pa gsol/ chib+sa su ba glang sna ring chibs/ khyod kyi cho 'phrul ston pa ni/ skyes pa brgya dang bud med rgya/ nyan thos stong dang sngags pa stong / 'bag seng kon bu bsam mi khyab/ stag seng ba lang spra dang spre/ mthun pa'i rdzas kyis thugs dam bskang / bang rim gsum pa'i nub phyogs la/ rdo rje mdzes pa zhes bya ba/ 'jig rten lha yi sde dpon yin/ mthar shel gyi na bza' gsol/ kun kyang shel gyi na bza' gsol/ ra dkar gnam ru chibs su chibs/ khyod kyi cho 'phrul ston pa ni/ 'dzin ging bzhi bcu pho nyar 'gyed/ rang gi 'khor sde las la 'dzud/ tsa ra bya khyi la sogs pa'i/ mthun pa'i rdzas kyis thugs dam bskang / bang rim gsum pa'i byang phyogs la/ lha chen nag po chen po ste/ bstan pa srung ba'i sde dpon bzhengs/ na bza' ljang nag ber nag gsol/ chibs su bdud rta bra nag chibs/ khyod kyi cho 'phrul ston pa ni/ lha dmag phyogs kyi dbugs 'byin cing / lha min g.yul ngo rab tu bzlog/ phyogs skyong dpal mgon las la 'dzud/ mi rta ra lug bya dang khyi/ nag po'i tshogs kyis thugs dam bskang / dregs pa'i bka' nyan sgo srung bzhi/ rang gi bka' nyan 'khor dang bcas/ dam tshig dbang gis gnas 'dir bzhugs/ mthun pa'i rdzas kyis thugs dam bskang / dbang chen sde bzhi 'khor dang bcas/ ji ltar bcol pa'i 'phrin las mdzod/ bang rim tha ma'i phyogs bzhi na/ phyi yi lha srin sde brgyad dang / nang gi lha srin sde brgyad dang / sbas pa'i lha srin sde brgyad dang / gsang ba'i lha srin sde brgyad dang / yang gsang gter gyi lha srin dang / drag po sngags kyi lha srin dang / las byed myur mgyogs lha srin dang / brtags shing chags pa'i lha srin dang / sde brgyad 'khor dang bcas pa la/ khyed kyi thugs dam bskang ba ni/ shes ldan mi dang cang shes rta/ theg chen glang dang 'dod 'jo'i ba/ rin chen lug dang gtsang ldan ra/ thos gsang khyi dang mkha' lding bya/ khyed kyi bzhed pa'i dkor du 'bul/ rin chen rgyan ldan ngar mi dngaHsem+sa kyi gzugs ldan ngar mi dang / sku gsung thugs ldan rgyang bu dang / shing glud yul mkhar mtshon pa dang / pho glud mda' dang mo glud 'phang / rgyal mtshan ba dan rol mo rnams/ nyid kyi sku mdog dang mthun pa/ rnal 'byor rnams kyi glud du 'bul/ dam rdzas sbyar ba'i mchod gtor dang / mthun rdzas ldan pa'i bshos cha dang / snang gsal 'od ldan mar me dang / rgyan ldan mdzes pa'i gling tshad dang / mdzes pa'i gzugs dang snyan pa'i sgra/ zhim pa'i dri dang bda' ba'i ro/ khyed kyi thugs dam bskang phyir 'bul/ 'jig rten dregs pa 'khor dang bcas/ sngon gyi dam tshig rjes dgongs te/ mdos glud mthun rdzas bzhed pa'i dkor/ sna tshogs sbyar ba 'di bzhes la/ sangs rgyas bstan pa khyed kyis srungs/ dkon mchog dbu 'phang khyed kyis bstod/ rnal 'byor sku dgra khyed kyis sgrol/ sgrub pa po la bar gcod pa'i/ stong phrag brgyad cu'i bgegs rigs dang / bzhi brgya rtsa bzhi'i nad rnams dang / glo bur gnod pa brgyad cu gcig/ ye 'brog sum brgya drug cu'i tshogs/ dus min 'chi ba rnam brgyad dang / gshis ngan 'gum pa brgyad cu gcig/ gzugs can dgra dang gzugs med bgegs/ rmi lam mtshan ltas ngan pa rnams/ zhi dang bsal zhing bzlog pa dang / gdul dang tshar gcad las mdzod cig/ ces brjod rang gi mthun rdzas bstab/ bskang bzlog gsad dang gso la sogs/ ji ltar 'dod pa'i 'phrin las bcol/ gang la dmigs pa de bzhin 'grub/ ces bka' stsal to/ 'jig rten gyi dregs pa can gyi sde dpon 'khor dang bcas pa rnams mchod bstod rgya chen po'i sgo nas nye bar sgrub pa'i le'u ste lnga pa'o// //de nas rab tu bshad bya ba/ dregs pa'i 'khor tshogs 'di rnams kun/ ngo bo rang rig byang chub sems/ ma skyes dbyings las g.yos pa med/ 'jig rten gnas dang mthun 'dug cing / mchod dang bstod pas mnyes 'gyur bas/ 'jig rten mchod bstod ces su brjod/ phyi nang gsang ba'i bye brag ste/ snang dang srid pa'i dkyil 'khor kun/ gsang ba'i bdag po de nyid dang / gnas skabs mchod bstod phyi yin no/ dag pa'i ting nge 'dzin las byung / rang gi snang ba 'dus pa'i tshogs/ dbang po'i yul gyi longs spyod dang / gtsang spra'i rtog pa sbyang pa'i rdzas/ 'dod chags bzhi dang 'bru bcud rtsi/ gnyis med pha rol snang byed pa/ rang gi ngang du mnyes byed cing / so so'i mtshan dang dpe byad dag/ nges par bstan pa nang gi'o/ sems dang sems la bstar ba'i tshogs/ thams cad ye nas dkyil 'khor che/ ma bcos rang bzhin lhun gyis grub/ lung nas ma lus 'dus pa las/ chos gzhan med de yul nyid dang / yul du 'dzin pa snang ba'i bdag /gnyis med rtogs shing khong du chud/ mchod bstod rab tu gsang ba yi/ lus las sprul zhing bsgrubs pas sku/ 'bru bcu sgra yi 'khor lo gsung / rang grol snying po ma bcos thugs/ lha klu gnod sbyin btsan dang bdud/ srin po gza' dang mo rigs rnams/ dregs shing gdug pa khro zhing gtumaH myur mgyogs rmugs shing thibs pa dang / dregs dang dbyings pa so so'i sde/ ri rab bshos gtsang rgyan dang bcas/ 'bru lug snying rtse tsa ru'i dbyibs/ dkar dmar bcud ldan dmigs kyis mchod/ pha dang rgyal po grogs dang lha/ ma dang rje khol bran lta bu/ brten pa rang gi tshul yin no/ che btsan dbang gis dngos grub dang / longs spyod 'phel zhing mngag par blang / rgyud 'jam skyabs che bka' nyan zhing / drag rtsal ldan zhing slar mi ldog/ shin tu nye ba yon tan te/ rang la rtsub cing 'tshe ba dang / longs spyod mi 'byor mi 'phrod dang / glo bur nad kyis gzir byed cing / slar ldog bkra shis nyams pa dang / bsgo ba mi nyan don med cing / rang rgyud rtsub cing khengs pa dang / rigs rgyud ma smin kun gyis brnyas/ bsam don mi 'grub mnga' thang nyams/ rgyud don sbas pa ma shes skyon/ khrims kyi bdag po lta bu'i lha/ gnad kyis bcing zhing bsgrub par bya/ dbang chen pha dang mtshungs pa'i bdud/ mtshungs med grogs dang 'dra ba'i btsan/ gnod sbyin khrims kyi gtso lta bu/ srin po srog dang rgol ba'i gshed/ gza' rgod lag yan gzhon lta bu/ sdong bu dug sbrul lta bu klu/ mo rgyud dbang chen rje dbon ma/ mtshungs ldan de yi gnyen pos bsgrub/ khugs su ma bcug bsgo mi nyan/ se long gnad med bdud du 'gyur/ bcud phur ma thebs slar la ldog/ rang gi rab rol ma gzhar g.yel/ lto ba ma dkrugs las mi myur/ log non ma ldan bdag nyid stob/ dbang du ma 'dus bsgo mi nyan/ gnad kyis mnan ngag brgyad kyis ni/ mchod bstod bsgrubs te 'phrin las bcol/ zhes bka' stsal to/ 'jig rten gyi sde dpon chen po rnams kyi zab pa'i mchod bstod gnad kyi le'u ste drug pa'o// //de nas gzhan yang rab bshad bya/ 'jig rten dregs pa'i sde dpon rnams/ drag po'i las la sbyar ba ni/ dur khrod gdug pa'i gnas dag tu/ rtsa ba'i bsnyen pa sngon song nas/ so so'i mthun pa'i rdzas bsar te/ drag po'i las kyi khang pa ni/ e dbyibs sum cu ldan par bsham/ phyi nang gsang ba sku gsung thugs/ gnas byin brlab dang bskang dang mchod/ spyi dang so sor bsngags pa dag/ rab tu bde bar 'dod pas dmigs/ gzugs sgra bsam pa'i nus pa yis/ lus dang lus kyi 'khrul 'khor dang / srog dang srog gi gnyen po yis/ sems dang sems kyi ngo bo las/ phyi nang kun tu bsngags pa ste/ 'phro 'du 'od kyis drang zhing dgug/ rang gzhan dmigs pa de la bstim/ sha lus khrag sogs ma lus bzas/ dregs pa'i sde dpon sku gsung thugs/ ma lus mnyes pa 'di yis bya/ gang la dmigs pa tshad kyis sgrol/ ting nge 'dzin gyi brtul zhugs kyis/ bul dang myur ba'i blo yi stobs/ 'di la the tshom mi bya ste/ rdo rje 'chang chen gsang ba'i bka'/ gal te 'bar bas mngon spyod cing / myur du 'pho bar bya ba ni/ rno sbal tsha rtsub dri nga ba'i/ yam shing gdug pas dbyibs ldan brtsig/ gdol pa rigs ngan shan pa dang / g.yung mo grogs bral khyim gyi mes/ sbar zhing dug khrag mngar ba la/ gzugs brnyan rdzogs par longs spyod pa'i/ slar yang dmigs te lhag ma dbul/ gtso dang 'khor gyis rab phye ba'i/ drag po'i tshig gis rab tu bgrang / dregs pa'i bdag po so so yi/ che brjod gnad dang bcas pa yis/ stob cing sbyin pa rim bzhin bya/ drang srong 'phrin las rdzogs par bskul/ thal chen dang ni drag po'i rdzas/ rme khrag gsum dang gsod byed gsum/ mtshon bral rin chen gsum gyi dbyig/ rang byung bkra shis bzlog pa'i rdzas/ nang du 'du 'phror sbyar ba ni/ sgra tshig ting nge 'dzin ldan pas/ stobs chen 'khor los dbab cing 'phang / dregs pa 'khor bcas las su d+mig+sa/ gzhan yang mchod rdzas gzugs brnyan byas/ rab tu bstan pa'i dmigs pas bstim/ 'gyu gnas sa dang chu phug dang / sa gsher 'thab dang phung shul dang / rgya mtsho'i dbus dang lam po che/ mtshon gyis brdegs dang rlung gis bskyal/ bag med ltung zhing me chus 'joms/ lugs nas byung ba'i rten 'brel te/ brnag pa'i yid kyis 'dzin phur gdab/ gdug byed 'khor dang zas su gtad/ ji srid 'khor ba ma stongs par/ thar bar mi 'gyur las kyi ging / byams dang snying rje'i sems ma rtogs/ 'di ltar mngon par spyad pa yis/ bstan la rab sdang phyir gyur pa'i/ rjes 'brang log par lta ba rnams/ tshar gcod sgrol zhing 'dul ba yi/ zhes bka' stsal to/ 'jig rten gyi sde dpon chen po'i 'phrin las drag po'i las la sbyar ba'i le'u ste/ bdun pa'o// //de nas gzhan yang gshad pa ni/ 'jig rten dregs pa rang gi gnas/ gsang ba'i snying po drag shul gzungs/ kun bsdus dril dang phye mas mnan/ badzra sarba duSh+TaMn/ e ka pa ra asta na ya/ ma hA shwa ra de ba de bi/ du phrag dun+ting ma ya/ pre ta bi kr-i sta na rak+Sha rak+Sho yak+Sha k+Shi ta/ biSh+Ti pa tra a se la dza na ga gu ling sha dza/ tsa du tri tsa ra tsa la ma du tri/ ma ma ru lu man+t+ra rA dza du ma ti/ ma kA la ru tra tIk+Sh+Na tir+thi ka tha/ a b+hi shu tri pa sha li haM shaM tri dza/ rA dza king+ka ra/ sa du tri nA tha kA la A gats+tsha hring hring dza 'bod pa'i sngags so/ badzra sarba duSh+TAn e ka pa ra sarba pany+tsa a mr-i ta a gats+tsha/ ba li d+ta gr-ih+Na i maM ta gr-i h+Nan+tu ma hA ga na pU dza kha kha khA hi khA hi/ 'di dag sbyar bas mchod par 'gyur/ sarba A yu mi tra sid+d+hi pu tra brta ni/ sid+d+hi pu tra ba hu b+ha dra bA su d+ha ra rat+na rat+na puSh+TiM sid+d+hi/ ma hA dz+nyA na sarba d+ha rma gar+b+ha kA ya wa k+tsit+ta sid+d+hi sid+d+hi/ pha la sid+d+hi mahA sid+d+hi a be sha ya a/ ha ha hi ho/ rab tu sbyar bas dngos grub blang / sarba sha truM yak+Sha rbad rbad b+h+yo b+h+yo/ 'di yis rab tu rbad par bya/ r+n+ri hur thums dza/dza/ sha truM tsit+ta mA ra ya rbad/ rU pa ya kan+da rbud rbud phaT phaT mA ra ya thums thums/ ha na ha na/ da ha da ha/ pa tsa pa tsa/ tiSh+Tha tiSh+Tha/ thun rbad thun rbad/ 'di yis dmigs pa rab tu gsad/ ma mA ra ya phri pre ta ka hring hring / tri sha phA li rU pa ya/ bin+d+ha bin+d+ha/ hu lu hu lu/ rbad nAn laM nAn/ oM nan hUM nan/ stam+b+ha ya stam+b+ha ya nan/ zhes pa yis ni mnan bar bya/ sarba mA ra ha ka raM raM/ dz+wa la raM dz+wa la raM/ s+pho Ta ya s+pho Ta ya/ ho ha ya ho ha ya/ raM tsa ya raM ku ya/ zhes pas ma lus bsreg par bya/ mA ra sha truM thun b+h+yo thum ri li b+h+yo na te thun/ A be sha ya b+h+yo/ dmigs pa 'di yis 'phang bar bya'o/ badzra uts+tsha Ta ya phaT a gri sarba b+h+yo bzlog/ sa ma ya rbad sa myags bzlog/ pha rol nus pa 'di yis bzlog/ ma hA b+ha ri sha ya/ a be sha ye pra tsa yaHbe tsa ya/ be tsa ya/ zhi bas lugs dbyung chu dbab pa'o/ nA ga gra he bi tsa ya phroM phroM hril hril/ shar shar/ raM na tsag ne phroM hril shar shar phob phob/ drag pos bzlog cing bstab pa'o/ /ma hA shAn+tiM puSh+TiM wa shaM ku ru mA ra ya dza ya karma ma li a mu ki sid+d+hi su sid+d+hi ka ra swa sti swAhA/ 'phrin las thams cad rab sgrub pa'i/ mthun pa'i rdzas dang ting 'dzin gyis/ las kyi khyad par so sor dbye/ gnas sgyur dang ni grub pa'i mtha'/ snying rje byams pas rang bskul zhing / kun tu khyab pa'i mchod sbyin bya/ zhi dang rgyas dang dbang du bya/ drag pos bsgral zhing tshar gcod pa'i/ las kun rang gzhan don du spyad/ 'jig rten gnas shing srog dang snying / yi ge gsal bar rang 'byung gnas/ mngon du du rgyu ba thugs ka ste/ ring thung pho mo khrag dang dus/ chags sdang snying srog snying rje gtser/ rdo rje pad+ma rlung dang gnas/ thabs dang shes rab chos can dang / chos nyid las dang 'bras bu yis/ mi 'chang gnad 'tshang bod dang drang / grogs dang ldan pas las la sbyar/ zhes bka' stsal to/ 'jig rten gyi sde dpon chen po rnams kyi las sna tshogs kyi rtsa ba'i snying po gnad kyi le'u ste brgyad pa'o// //de nas yang dag bshad bya ba/ 'jig rten dregs pa'i gtso chen rnams/ tshul bzhin rab tu bsgrubs pa yis/ grub cing nye ba'i rtags rnams ni/ nyams dang rbad rtags rmi lam rtags/ 'di la so sor 'byung 'gyur te/ dga' zhing mdangs ldan stobs rnyed dang / bde dang rtogs pa spro bskyed cing / mngon rgyu yid kyis gdeng thob kyis/ nyams nga bag tsha dogs med cing / nus lan 'phrin las mthar phyin rtogs/ 'di dag la sogs rim par 'byung / lus 'jam dbugs kyis mi gnod cing / yang zhing brtan la khyad par dga'/ nad dang gdon gyis brdzi mi nus/ 'byung ba'i nus pas mi bskyod cing / kha dog dang ldan sdug cing mdzes/ 'di la sogs pa lus 'byung gda'/ ji ltar bsgo ba gzhan gyis 'dzin/ rang dang sangs rgyas rnams kyis gsungs/ mthun pa'i tshul gyis mi 'dor la/ snyan dang mi snyan ci brjod rnams/ tshangs pa yi dbyangs bzhin du 'ong / grags thos tsam gyis dbang du byed/ tshul mdzes 'jug pa dag gi brda/ gang la brtsam pa de 'grub cing / ma zhum mi spor mi 'dor bas/ dbang dang ldan zhing mi g.yo la/ gsang ba'i mthu stobs rab tu thob/ yid kyi yul du brda 'byung ba'i/ snga phyi de ma thag pa 'o/ bag chags ma yin rmi lam ni/ rgyal po mkhan po slob dpon dang / che btsan rigs ldan rgyan bcas ldan/ gcan gzan 'dab chags dud 'gro dang / skyes ba bud med bus pa sogs/ rang gi gnas su lhags pa ni/ nye bar 'grub pa'i rtags yin no/ bran 'bangs mngag pa'i tshul 'chang zhing / bka' bsgo las byed nyan pa rtags/ ring ba'i gnas nas glu len cing / rgyang mig lta ba g.yel ba'i rtags/ rang la chad pa'i las rtsom zhing / nyes lan 'ded pa bzlog pa'i rtags/ zas skom 'dod cing 'khrig lan bsnyag/ rang nyid gnod 'gyod ma skongs rtags/ 'jom zhing dud mos 'debs byed pa/ ma dag lus snang nyams pa'i rtags/ rang gi bsgo ba mi nyan zhing / slar zhing tshur la 'khol 'dod pa/ gnyen pos dbang du ma gyur rtags/ mtshon cha brdung zhing tshad ma ldan/ nus med bya ba mi 'grub pas/ sngags kyi nus pa ma grub rtags/ gzhan 'dod rang la med pa dang / rang gi yod pa 'dod med rnams/ mchod bskang mthun rdzas ma chang rtags/ sha rus khrag sogs longs spyod cing / ngo mthon rab tu che ba na/ las byas 'grub pa'i rtags yin no/ pha rol dmag tshogs ma byung zhing / sgo med khang par bdag zhugs la/ ngan sngags gzhan gyis bzlog ba'i rtags/ bye brag sde brgyad so so ni/ mi dang dud 'gro 'dab chags sogs/ pho tshogs nag po bdud kyi rtags/ mo tshogs rgyan bzang ma mo ste/ che btsan 'bag seng gtsug lag khang / bus pa spra spre rgyal po'i rtags/ mi rta khra spyang ri dwags ni/ brag btsan ri btsan rtags yin no/ chu gnas dud 'gro klu yi rtags/ ma he ra lug mig mang dang / mun pa bu yug gza' yi rtags/ skyes pa chas bzang 'byor pa can/ ri mtsho la gnas gnod sbyin rtags/ nya pa shan ba bya pa dang / dmag gi go mtshon srin po'i rtags/ 'di dag sngar bshad bzang ngan sbyar/ bye brag sgrub pa'i rtags su 'gyur/ zhes bka' stsal to/ 'jig rten gyi sde dpon chen po sgrub pa'i rtags kyi le'u ste/ dgu pa'oH u0f7f de nas gzhan yang rab bshad pa/ dregs pa can gyi khyad par rdzas/ mdzes pa'i gzugs brnyan sku yi rten/ ming nas 'bod pa gsung gi rten/ phyag mtshan dam pa thugs kyi rten/ lug g.yag dkar po sbal sbrul nya/ glang rta sngon po rin po che/ g.yul bshams myur bsgral bya gcan dang / nal bu shel nag bya nag dang / rta lug khyi dang rgod nag dang / ra phag bya khyi dkar po dang / kla klor rog dom khyi nag/ sbrul nag bya rgod ra skyes dang / rta ra bya khyi dmar po yi/ snying khrag mgo dang rgyal mtshan ni/ lha klu gnod sbyin srin po dang / ma mo bdud dang rgyal po ging / gshin rje gza' dang btsan rnams kyi/ rim bzhin so so brten pa'i rdzas/ rab tu gsang ba nyid yin no/ e ldan gdug bcas rgyud med kyi/ thod pa mtshon cha phur pa dag/ dug khrag rin chen drag po'i 'bru/ kun tshogs rab tu gsang ba'i rdzas/ klu gzung snod ni sha khrag bcas/ ru bzang rigs med myur song chu/ myu gu sna tshogs dri ldan rdzas/ chu drag dpa' rabs dud pa'i rdzas yin no/ mchod rten ri rab rgya gram bcas/ dme rdzas rigs ngan mgo bo gsum/ dmigs pa'i 'bab rdzas pad+ma ni/ slar la bzlog pa'i rdzas yin no/ nad gdug baM ril mgo rkang rnam/ rab tu mnan pa'i rdzas yin no/ dug khrag tshogs dang mtshan ma ngan/ dmigs pa'i rten la 'phang ba'i rdzas/ ngan pa'i sa yi rten khang dang / gdug cing rab tu tsha ba'i shing / 'bru nag dug khrag bsres pa'i rdzas/ gzhan yang dbang can dregs pa'i 'khor/ so so'i rigs dang sder bcas pa'i/ mthun dang mi mthun gtsang dang sme/ bsngags pa'i kun rdzas shes par 'gyur/ ma 'ongs dus na rdo rje 'chang / rang gi rig 'dzin byang chub sems/ brtul zhugs can gyis 'grub pa yis/ dbus dang mtha' 'kho ba yul rnams dang / sangs rgyas zhing gi 'jig rten khams/ kun nas sde dpon g.yog bcas pa'i/ yid dang dngos po'i lus can rnams/ khams dang rigs pa bsam pa dang / skyed pa rten gnas yo byad dang / ma lus rdzogs par rab tu rtogs/ shes ldan mig can rnams la ston/ de tshe dregs pa'i gtso chen rnams/ da lta nga yis gdams pa yin/ yang dag don la ma 'da' zhig/ khyed rnams kyang ni dus nam zhig/ las kyi gnas ngan len spangs te/ byang chub sa la myur 'gro yi/ de bas bka' yi dam mnos la/ ji ltar dmigs pa bzhin bsgrubs shing / gsang chen nga yi bstan pa'i tshul/ phyi rol phyogs la sogs pa yis/ nyams shing smras par mi 'gyur bas/ rgyas shing bstan par khyod kyis byos/ zhes bka' stsal to/ 'jig rten gyi sde dpon chen po'i rten rdzas dang / las kyi gnyer bsgo ba'i le'u ste bcu pa'oH u0f7fde nas bcom ldan 'das de bzhin gshegs ba thams cad kyi sku dang gsung dang thugs kyi bdag nyid gsang ba chen po'i sku'i rnam par rol pa chen po de dag nyid kyi sku la rab tu bsdus pa mdzad de dgyes pa'i gsung gis 'di skad ces bka' stsal to/ kye ma 'dus pa'i 'khor tshogs rnams/ bdud dang gshin rje la sogs pa'i/ 'jig rten dbang chen gtso chen rnams/ mthar thug mya ngan 'das nas kyang / dus gsum sangs rgyas thams cad kyi/ bstan pa'i tha tshig sgrub pa dang / rnal 'byor lam gyi grogs mdzad phyir/ drag po'i sku gsung thugs nyid dang / yon tan 'phrin las sna tshogs ston/ phyi ma'i dus na rig pa 'dzin/ skyes bu brtson ldan rnams kyis ni/ gnyis su 'dzin par yongs mi bya/ yul snang phyi nang ma lus kun/ rang rigs sems kyi rgyal por bsgrub/ de ni ma bcos yul mi bral/ ma chad ma lhung bdag po med/ gnyis med mnyam nyid lhun gyis grub/ nges 'gyur sbar blang rtsol sems bral/ ma lus rtsa ba snying gi srog/ de nyid shes bya rab tu blang / dbang gi rgyal po 'char bar 'gyur/ gal te nga dang dregs pa can/ so so rang rgyud ldan pa yis/ gnyis 'dzin yid kyis rtog spyod cing / mtshan mar rab tu sgom byed par/ rkang med khams gsum bgrod 'dod cing / mig med stong gsum blta dang mtshungs/ bdud bzhi dga' ba skyed par byed/ de bas rigs mchog ma rnams kyis/ gsang bdag nga nyid shes par gyis/ zhes bka' stsal nas nyid kyi sku gsung thugs kyi dkyil 'khor chen po chos nyid de bzhin nyid spros dang bral ba'i dbyings su thim par mdzad do/ 'jig rten gyi sde dpon chen po 'khor dang bcas pa chos sku mthar thug tu sgrub par gdams pa'i le'u ste bcu gcig pa'o/ /dregs pa can gyi sde dpon 'jig rten mchod bstod sgrub pa rtsa ba'i rgyud ces bya ba rdzogs so/ shrub+haM/ @/ skye ba 'di nas tshe rabs thams cad du/ /gsang gsum rgyud sde rgya mtsho'i snying po'i don/ /rtogs nas gzhan la sdom par byed pa la/ /rgyal ba sras bcas rnams dang cig gyur cig /

CLOSE WINDOW