བོད་ཡིག

e-texts based on the ACIP/ALL Input

/ //rgya gar skad du/ bi na ya ut+ta ra gran+tha/ bod skad du/ 'dul ba gzhung dam pa/ thams cad mkhyen pa la phyag 'tshal lo/ /bam po dang po/ mdor na/ byol song gsum dang lam gsum dang / /gsheg dang bcad dang rnam pa gnyis/ /'dzin pa dang yang bltab pa dang / /so dang ma reg phag mo bzhin/ /de nas sangs rgyas bcom ldan 'das la tshe dang ldan pa u pa lis zhus pa/ btsun pa/ dge slong gis mi'i bud med sman nam/ sngags kyis byol song gi skye gnas su skyes par bsgyur te mi tshangs par spyod par bgyid na/ cir 'gyur/ mthar 'gyur ro/ /btsun pa/ dge slong gis sngags sam/ sman gyis bdag nyid byol song gi skye gnas su skyes par bsgyur te mi'i bud med dang ldan cig tu mi tshangs par spyod pa bgyid na/ cir 'gyur/ de ste dge slong du 'du shes yod na/ 'khrig par sbyor ba bya ba yin pas mthar 'gyur ro/ /de ste dge slong du 'du shes med na/ nyes pa sbom por 'gyur ro/ /btsun pa/ dge slong gis sngags sam/ sman gyis bdag dang mi'i bud med gnyis byol song gi skye gnas su skyes par bsgyur te/ gcig la gcig mi tshangs par spyod pa bgyid na/ cir 'gyur/ de ste dge slong du 'du shes yod na/ 'khrig par sbyor bar bya ba yin pas mthar 'gyur ro/ /dge slong du 'du shes med na/ nyes pa sbom por 'gyur ro/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis bcug ma thag tu mthar 'gyur ro/ /zhes gsungs na/ ji tsam gyis na/ khar bcug pa zhes bgyi/ u pa li/ so las dkre 'das na'o/ /ji tsam gyis na/ bshang ba'i lam du bcug pa zhes bgyi/ rkub khar dkre 'das na'o/ /ji tsam gyis na/ gci ba'i lam du bcug pa zhes bgyi/ kha shun las dkre 'das na'o/ /btsun pa/ bud med phyed du gsheg par gyur la/ sgo gsum gyi bu gu yang nyams par gyur pa de/ dge slong gis phyed tshal gyis phyed tshal la sbyar te mi tshangs par spyod pa bgyid na/ cir 'gyur/ nyes pa sbom por 'gyur ro/ /btsun pa/ dge slong gis bud med rked du bcad par gyur pa zhig /sgo gsum gyi bu gu las/ sgo'i bu gu gang yang rung ste ma nyams par gyur pa der mi tshangs par spyod pa bgyid na/ cir 'gyur/ mthar 'gyur ro/ /btsun pa/ mgo bcad pa'i bud med la mi tshangs par spyod na/ cir 'gyur/ bshang ba'i lam mam/ gci ba'i lam du byed na/ mthar 'gyur ro/ /'on te kha'i lam mam/ sbu gu'am/ sgrog rus kyi bu gur byed na/ nyes pa sbom por 'gyur ro/ /bcom ldan 'das kyis mi ma yin pa'i bud med dang lhan cig tu mi tshangs par spyod pa 'khrig pa'i chos byed na/ mthar 'gyur ro/ /zhes gsungs na/ mi ma lags par ji lta bu/ yan lag thams cad dang mnyam par gyur pa'o/ /de bzhin du byol song du gyur pa rnams la yang shes par bya'o/ btsun pa/ bltab ste bcug na/ cir 'gyur/ nyes pa sbom por 'gyur ro/ /btsun pa/ dge slong gis so'i phyi rol mchu nang du mi tshangs par spyod pa bgyid na/ cir 'gyur lags/ nyes pa sbom por 'gyur ro/ /btsun pa/ dge slong gis bshang ba'i lam mam/ gci ba'i lam mam/ kha'i lam rnams su ma reg par bcug na/ cir 'gyur/ nyes pa sbom por 'gyur ro/ /btsun pa/ dge slong gis phag mo'i ro bsregs pa spu med pa la mi tshangs par spyod pa bgyid na/ cir 'gyur/ nyes pa sbom por 'gyur te/ byol song gi skye gnas thams cad la yang 'di bzhin du brjod par bya'o/ /mdor na/ gzhan gyi yan lag skyes pa dang / spyil po gnyis kyang de bzhin te/ /nyams pa gnyis dang dkris pa dang / /bzhi pa gnyis dang bdun pa'o/ /btsun pa/ dge slong gis gzhan gyi mo mtshan du gzhan gyi pho mtshan bcug na/ cir 'gyur/ nyes pa sbom por 'gyur ro/ /btsun pa/ dge slong zhig dge slong gcig pu mi tshangs par spyod pa'i slad du spyil por zhugs na/ mthar 'gyur bar mchis sam/ u pa li/ yod de/ ji ltar mtshan ring ngam/ rgyab mnyen lta bu'o/ /btsun pa/ dge slong sbrang skyabs kyi spyil bur zhugs pa las/ bud med de'i phyi na 'dug pa la de na 'dug bzhin dkris nas log par spyad na/ cir 'gyur/ mthar 'gyur ro/ /btsun pa/ bcom ldan 'das kyis gson por nyams pa'o/ /zhes gsungs na/ ji tsam gyis na gson por nyams pa zhes bgyi/ ji ltar rma byung ba'am/ rul ba'am/ zhig pa'am/ srog chags kyis zos par gyur pa de tsam gyis na/ de dag gson por nyams pa zhes bya'o/ /ji tsam gyis na gson por ma nyams pa zhes bgyi/ ji ltar de'i mi gnyis ka mnyam par gyur pa ni/ ma nyams pa ste/ shi ba la yang de bzhin du brjod par bya'o/ /de bzhin du mi ma yin pa dang / byol song gi skye gnas su skyes par gyur pa dang / skyes pa dang / ma ning dang / ma ning pho rnams la yang de bzhin du brjod par bya'o/ /dkris te bcug na/ mthar mi 'gyur ro/ /zhes btsun pa bcom ldan 'das kyis gsungs na/ dge slong dag gis phying bu'am/ gro ga stug po zhig gis dkris te bcug na/ cir 'gyur/ nyes pa sbom por 'gyur ro/ /de ste seng ras sam/ dar la'am/ gos srab mo rnams kyis dkris te bcug na/ cir 'gyur/ mthar 'gyur ro/ /btsun pa/ dge slong gis lam la lam du 'du shes te bcug na/ cir 'gyur/ mthar 'gyur ro/ /lam la lam ma lags par 'du shes te bcug na/ cir 'gyur/ mthar 'gyur ro/ /lam lags pa la lam ma lags par 'du shes te bcug na/ cir 'gyur/ nyes pa sbom por 'gyur ro/ /lam ma lags pa la lam du 'du shes te bcug na/ cir 'gyur/ nyes pa sbom por 'gyur ro/ /dge slong gis dkris pa la dkris par 'du shes te bcug na/ cir 'gyur/ nyes pa sbom por 'gyur ro/ /dkris pa la ma dkris par 'du shes te bcug na/ cir 'gyur/ nyes pa sbom por 'gyur ro/ /ma dkris pa la dkris par 'du shes te bcug na/ cir 'gyur/ nyes pa sbom por 'gyur ro/ /ma dkris pa la ma dkris par 'du shes te bcug na/ cir 'gyur/ mthar 'gyur ro/ / btsun pa/ bsnyen par ma rdzogs pa na mi tshangs par spyad par bshams nas bsnyen par ma rdzogs par bcug na/ cir 'gyur/ nyes byas so/ /bsnyen par ma rdzogs pa na bshams nas bsnyen par rdzogs kar bcug na/ cir 'gyur/ nyes byas so/ /bsnyen par ma rdzogs par bshams nas bsnyen par rdzogs te bcug na/ cir 'gyur/ mthar 'gyur ro/ /bsnyen par rdzogs kar bshams nas bsnyen par rdzogs kar bcug na/ cir 'gyur/ nyes byas so/ /bsnyen par rdzogs kar bshams nas bsnyen par rdzogs te bcug na/ cir 'gyur/ mthar 'gyur ro/ /bsnyen par rdzogs pa nas bshams la bsnyen par rdzogs nas bcug na/ cir 'gyur/ mthar 'gyur ro/ /bsnyen par rdzogs nas bshams te bsnyen par ma rdzogs par bcug na/ cir 'gyur/ nyes pa sbom por 'gyur ro/ /ji ltar dge slong gis mi tshangs par spyad pa'i rgyu rkyen gyis mthar gyur pa de bzhin du bslab pa byin pa dang / dge slong ma la yang mthar 'gyur ro/ /dge slob ma dang / dge tshul ma dang / dge tshul pha la ni| nyes byas so/ /mdor na/ brgyad cu'i sde dang mtshan ma dang / /mi mnyam rin thang 'on te mtshan/ /bsnyen par rdzogs pa bdun pa byas/ sho gam bcu gcig de bzhin no/ /btsun pa/ dge slong gis brgyad bcu'i sde gnyis kar bdag nyid gtogs par bgrang du bcug na/ cir 'gyur/ nyes byas so/ /de la chos dang ldan pa'i skal pa gang lags/ dang po'o/ /de ste blangs nas bcabs na/ shes bzhin gyi brdzun du smras pas ltung ba'o/ /nam grub par gyur pa na/ rin thang brtsi bar bya'o/ /btsun pa/ mi rnams kyi mtshan ma btsugs te bzhag pa de las/ dge slong gis rin che ba'i mtshan ma rin chung ba'i gnas su bskyed na/ cir 'gyur/ nyes pa sbom por 'gyur ro/ /de ste rin chung ba'i mtshan ma rin chen po'i gnas su bskyod na/ cir 'gyur/ mthar 'gyur ro/ /btsun pa/ ji ltar dge slong gis rin thang ma mchis pa'i dngos po zhig brkus na/ cir 'gyur/ mthar 'gyur ro/ /rin thang med pa'i dngos po gang zhe na/ rin chen por gyur pas de la rin thang gcad du mi chod pa'o/ /de ste rin thang ma mchis pa'i dngos po zhig brkus na/ cir 'gyur/ nyes pa sbom por 'gyur ro/ /rin thang med pa'i dngos po gang zhe na gang chung bar gyur pas rin gcad du mi nus pa'o/ /btsun pa dge slong gis gzhal du mi rung ba'i dngos po zhig brkus na/ cir 'gyur/ mthar 'gyur ro/ /de ste gzhal du rung ba'i dngos po zhig brkus na/ cir 'gyur/ nyes pa sbom por 'gyur ro/ /btsun pa/ dge slong gis brku ba'i phyir bshams pa las mtshan 'phos te/ dge slong mar gyur nas brkus na/ cir 'gyur/ mthar 'gyur ro/ /btsun pa/ dge slong mas brku bar bshams pa las mtshan 'phos te dge slong du gyur na/ cir 'gyur/ mthar 'gyur ro/ /btsun pa/ bsnyen par ma rdzogs par brku bar bshams nas bsnyen par ma rdzogs par brkus na/ cir 'gyur/ nyes byas so/ /bsnyen par ma rdzogs par brku bar bshams nas bsnyen par rdzogs kar brkus na/ cir 'gyur/ nyes byas so/ /bsnyen par ma rdzogs par brku bar bshams te bsnyen par rdzogs nas brkus na/ cir 'gyur/ mthar 'gyur ro/ /bsnyen par rdzogs kar brku bar bshams nas bsnyen par rdzogs kar brkus na/ cir 'gyur/ nyes byas so/ /bsnyen par rdzogs kar brku ba'i slad du bshams nas bsnyen par rdzogs te brkus na/ cir 'gyur/ mthar 'gyur ro/ /btsun pa/ dge slong gis bsnyen par rdzogs te brku bar bshams la bsnyen par rdzogs nas brkus na/ cir 'gyur/ mthar 'gyur ro/ / bsnyen par rdzogs nas brku bar bshams te bsnyen par ma rdzogs par brkus na/ cir 'gyur/ nyes pa sbom por 'gyur ro/ /btsun pa/ dge slong gis nam mkha' las sho gam bzlas na/ cir 'gyur/ dngos po ji lta ba bzhin no/ /'on te rdzu 'phrul gyis bzlas na/ nyes pa med do/ /btsun pa/ dge slong gis lam ma lags pa nas sho gam bzlas na/ cir 'gyur/ de ste de'i sa las 'das na/ nyes pa sbom por 'gyur ro/ /btsun pa/ dge slong gis tshong pa rnams la 'gro'o/ /zhes smras na/ cir 'gyur/ /nyes byas so/ /btsun pa/ 'di ltar tshong pa rnams kyi sho gam du gtogs pa'i rdzas rnams sho gam gyi sar ma phyin par tshong pa rnams kyis dge slong la/ 'phags pa/ sho gam gyi gnas las bsgral te stsol cig /ces smras pa las/ de dge slong gis bzlas na/ cir 'gyur/ nyes byas so/ /btsun pa/ 'di ltar tshong pa rnams kyi sho gam du gtogs pa'i rdzas rnams sho gam gyi sar ma phyin par tshong pa dag gis dge slong la/ 'phags pa/ sho gam gyi gnas las bsgral te stsol cig/ de'i sho gam ci mchis pa'i phyed ni/ khyed snoms shig / ces de skad smras pa las/ de dge slong gis bzlas na/ cir 'gyur/ nyes pa sbom por 'gyur ro/ /btsun pa/ tshong pa rnams kyi sho gam du gtogs pa'i rdzas rnams sho gam gyi sar ma phyin par tshong pa rnams kyis dge slong la/ 'phags pa/ sho gam gyi gnas las bsgral te stsol cig /de la sho gam ci mchis pa khyod nyid snoms shig /ces de skad smras pa las/ de dge slong gis bzlas na/ cir 'gyur/ nyes pa sbom por 'gyur ro/ /btsun pa/ tshong pa rnams kyi sho gam du gtogs pa'i rdzas sho gam gyi sar ma phyin par dge slong gis lam gzhan du bstan na/ cir 'gyur/ nyes byas so/ /btsun pa/ 'di ltar tshong pa rnams kyi sho gam du gtogs pa'i rdzas rnams sho gam gyi sar phyin nas tshong pa rnams kyis dge slong la/ 'phags pa/ sho gam gyi gnas las sgrol cig /ces de skad smras pa las/ de dge slong gis bzlas na/ cir 'gyur/ nyes byas so/ /btsun pa/ tshong pa rnams kyi sho gam du gtogs pa'i rdzas rnams sho gam gyi sar phyin nas tshong pa rnams kyis dge slong la/ 'phags pa/ sho gam gyi gnas las bsgral te stsol cig dang / 'dir sho gam ji snyed pa'i phyed khyod snoms shig /ces de skad smras pa las/ dge slong gis de bzlas na/ cir 'gyur/ sho gam gyi rin thang brtsi bar bya'o/ /btsun pa/ tshong pa rnams kyi sho gam du gtogs pa'i rdzas rnams sho gam gyi sar phyin nas tshong pa rnams kyis dge slong la/ 'phags pa/ sho gam gyi gnas las bsgral te stsol cig dang / 'dir sho gam ji snyed pa de thams cad khyod snoms shig /ces de skad smras pa las/ de dge slong gis bzlas na/ cir 'gyur/ sho gam gyi rin thang brtsi bar bya'o/ /mdor na/ chos gos gdang shing bzhi pa dang / /brku ba pa Na gsum pa dang / /sbyor ba gsum dang the tshom dang / /gling dang gzhan phyir mi ma yin/ /btsun pa/ dge slong gis dang por brku sems kyis chos gos kyi gdang shing gi thog ma bcad de phyi ma la bdag gir 'du shes na/ cir 'gyur/ nyes pa sbom por 'gyur ro/ /btsun pa/ dge slong gis dang por chos gos kyi gdang shing gcod pa'i tshe bdag gir 'du shes la/ phyis brku bar 'du shes na/ cir 'gyur/ rin thang brtsi bar bya'o/ /btsun pa/ dge slong gis chos gos kyi gdang shing brku sems kyis brkus pa las/ chos gos kyi gdang shing de la chos gos bkal cing mchis pa dang / chos gos dang bcas te brkus na/ cir 'gyur/ chos gos kyi gdang shing gi rin thang brtsi bar bya'o/ /btsun pa/ chos gos kyi gdang shing la chos gos bkal te bzhag pa de/ dge slong bzhi'am de bas mang bas brkus na/ cir 'gyur/ nyes pa sbom por 'gyur ro/ /'on te so sor bgos pa las/ re re la yang ma sha lnga thob na/ mthar 'gyur ro/ /sangs rgyas bcom ldan 'das la tshe dang ldan pa u pa lis zhus pa/ btsun pa/ rku ba la rnam pa du/ u pa li/ drug ste/ sgyus rku ba dang / mthus rku ba dang / bskyis pa las brnogs te rku ba dang / gtams pa las brnogs te rku ba dang / skyong zhing rku ba dang / chos rku ba'o/ /btsun pa/ bcom ldan 'das kyis rku ba rnam pa drug gsungs na/ rku ba gang gis mthar 'gyur/ chos rku ba ma gtogs pa'i lhag ma rnams kyis mthar 'gyur ro/ /btsun pa/ bcom ldan 'das kyis ma sha lnga brkus na/ mthar 'gyur ro/ / zhes gsungs na/ btsun pa/ dge slong gis ma sha gsum brkus pas mthar 'gyur ba mchis sam/ u pa li/ yod de/ ma sha gsum gyi bzhi cha gcig tu gyur pa'o/ /btsun pa/ dge slong gis ma sha lnga brkus kyang mthar mi 'gyur ba mchis sam/ yod de/ ma sha lnga las lhag pas bzhi cha gcig tu gyur pa'o/ /btsun pa/ bcom ldan 'das kyis ma sha lnga brkus kyang mthar mi 'gyur ro/ /zhes gsungs na/ na na ka ji lta bu'i ma sha lnga brkus na/ mthar 'gyur/ na na ka ma sha ka nyi shu pa'o/ /ma sha ka ji lta bu/ ka ka ni/ bzhi pa'o/ /kaR+sha pa Na ji lta bu/ rgyan thams cad kyis byas pa'o/ /btsun pa/ bcom ldan 'das kyis ma sha lnga brkus kyang mthar mi 'gyur ro/ /zhes gsungs na/ btsun pa/ dge slong gis kaR+sha pa Na stong brkus kyang mthar mi 'gyur ba mchis sam/ yod de/ bor bar 'du shes nas blangs pa'o/ /btsun pa/ bcom ldan 'das kyis ma sha lnga brkus pas mthar 'gyur ro/ /zhes gsungs na/ btsun pa/ dge slong gis ma sha lnga brkus kyang mthar mi 'gyur ba mchis sam/ yod de/ 'di ltar re re'am/ gnyis gnyis sam/ gsum gsum mam/ bzhi bzhi brkus kyi/ nam yang lngar ma tshang na'o/ /btsun pa/ dge slong gis yo byad chen po bdag gir 'du shes pas blangs la/ rku sems kyis sbas na/ cir 'gyur/ nyes pa sbom por 'gyur ro/ /btsun pa/ de ste rku sems kyis blangs la/ bdag gir 'du shes pas sbas na| cir 'gyur/ nyes pa sbom por 'gyur ro/ /btsun pa/ dge slong gis ci 'di de'i 'am zhes the tshom dang yid gnyis kyis de brkus sam/ de 'di yin nam/ de 'di ma yin zhes de yang brkus na/ cir 'gyur/ dngos po ji lta ba bzhin no/ /btsun pa/ dge slong gis nub kyi ba lang spyod kyi gling du ma stsal bar brkus na/ cir 'gyur/ de ste de dag gi grangs ltar ma sha lnga brkus na/ mthar 'gyur ro/ / btsun pa/ shar gyi lus 'phags gling du ma stsal par brkus na/ cir 'gyur/ de ste de dag gi grangs ltar ma sha lnga brkus na/ mthar 'gyur ro/ /btsun pa/ byang gi sgra mi snyan gyi gling du ma stsal bar brkus na/ cir 'gyur/ u pa la/ de ma byin par len pa med de/ de ste rku sems bskyed na/ nyes pa sbom por 'gyur ro/ /btsun pa/ dge slong gis gzhan gyi slad du ma stsal bar brkus na/ cir 'gyur/ nyes pa sbom por 'gyur ro/ /de ste de'i yon no/ /snyam du sems na/ nyes pa med do/ /btsun pa/ dge slong gis mi ma lags pa la mi ma lags par 'du shes nas ma stsal bar brkus na/ cir 'gyur/ nyes pa sbom por 'gyur ro/ /mi ma yin pa la mir 'du shes na/ nyes pa sbom por 'gyur ro/ /mi la mi ma yin par 'du shes na/ nyes pa sbom por 'gyur ro/ /mi la mir 'du shes na/ mthar 'gyur ro| |mdor na/ mchod rten ring bsrel glegs bam dang / dge 'dun bsngos dang gcig nas gcig /'du shes gnyis dang de ltar gnas/ ma rnyed khyim ni tha ma'o/ /btsun pa| dge slong gis mchod rten dang mchod rten gyi nye 'khor gyi rgyan brkus na/ cir 'gyur/ nyes pa sbom por 'gyur ro/ /dge slong gis ring bsrel brkus na/ cir 'gyur/ mthar 'gyur ro/ /btsun pa| dge slong gis glegs bam brkus na/ cir 'gyur/ glegs bam gyi rin thang brtsi bar bya'o/ /btsun pa/ dge slong gis phyogs bzhi'i dge 'dun gyi ma stsal bar brkus na/ cir 'gyur/ nyes pa sbom por 'gyur ro/ /btsun pa/ dge slong gis gang zag mang po rnams kyi ma stsal bar brkus na/ cir 'gyur/ nyes pa sbom por 'gyur te/ de las so so'i skal pa la ma sha lnga byung ba brkus na/ mthar 'gyur ro| |btsun pa/ dge slong gis bsngos pa las ma stsal bar brkus na/ cir 'gyur/ mthar 'gyur ro/ /btsun pa/ dge slong mang pos gcig nas gcig tu brgyud de ma stsal bar brkus na/ cir 'gyur/ nyes pa sbom por 'gyur ro/ /'on te so sor bgos nas ji snyed kyis bdag gir byas pa de snyed la rin thang brtsi bar bya'o/ /btsun pa/ dge slong gis gzhan gyi lags par 'du shes te ma stsal bar brkus na/ cir 'gyur/ nyes pa sbom por 'gyur ro/ /btsun pa/ dge slong gis yongs su bzung ba la yongs su bzung bar 'du shes te ma stsal bar brkus na/ cir 'gyur/ mthar 'gyur ro/ /yongs su ma bzung ba la yongs su ma bzung bar 'du shes te ma stsal bar brkus na/ cir 'gyur/ nyes pa sbom por 'gyur ro/ /yongs su bzung ba la ma bzung bar 'du shes te ma stsal bar blangs na/ cir 'gyur/ nyes pa sbom por 'gyur ro/ /yongs su bzung ba la yongs su ma bzung bar 'du shes na/ nyes pa med do/ /btsun pa/ bcom ldan 'das kyis yo byad chen po ma byin par brkus na/ mtha' 'gyur ro/ /zhes gsungs na/ btsun pa/ dge slong gis yo byad chen po ma stsal bar brkus na/ mthar mi 'gyur ba mchis sam/ yod de/ gnas gang du bzhag par gyur pa'i gnas de nyid nas brkus pa'o/ /btsun pa/ dge slong gis rnyed pa mi dbang bar de bdag nyid dbang ngo / /zhes de skad mchis na/ cir 'gyur/ de shes bzhin du rdzun smras pa'i ltung ba'o/ /de ste sems nye bar bzhag pa yin na ni/ nyes pa sbom por 'gyur ro| |mngon du grub na/ rin thang brtsi bar bya'o/ /btsun pa/ dge slong gcig pu khyim du zhugs pa las ma stsal bar blangs pa'i slad du mthar 'gyur ba mchis sam/ u pa li/ yod de/ ji ltar dge slong gis ma byin par blangs pa'i rkyen gyis brku ba'i phyir bshams nas nang du zhugs sam/ nang du zhugs te bshams na/ mthar 'gyur ro/ /de bzhin du bslab pa byin pa dang / dge slong ma la yang mthar 'gyur ro/ /dge slob ma dang / dge tshul ma dang / dge tshul pha rnams la ni/ nyes byas so/ /mdor na/ byol song gsum dang las srid dang / /sred pa ma dang bzhi pa dang / /mngal gnyis dang ni gso ba dang / /'du shes dang ni bzhi pa'o/ /btsun pa/ dge slong gis sngags sam/ sman gyis mi byol song gi skye gnas su bsgyur te 'tsho ba dang phral na/ cir 'gyur/ mthar 'gyur ro| |btsun pa/ dge slong gis sngags sam/ sman gyis bdag nyid byol song gi skye gnas su bsgyur te mi'i 'tsho ba dang phral na/ cir 'gyur/ de ste dge slong du 'du shes yod na mi chags par bya ba la nges byed pas na/ mthar 'gyur ro/ /dge slong du 'du shes med na/ nyes pa sbom por 'gyur ro/ /btsun pa/ dge slong pha dang ma 'tsho ba dang phral na/ mthar yang mi 'gyur la/ mtshams med pa'i kha na ma tho bar yang mi 'gyur ba mchis sam/ yod de/ gang gi pha ma byol song gi skye gnas su gyur pa'o/ /btsun pa/ dge slong gis pha bkum yang mthar yang mi 'gyur la mtshams med pa'i kha na ma tho bar yang mi 'gyur ba mchis sam/ u pa li/ las kyi srid pa ni/ mngon par skyed pa'i phyir pha zhes bya bas na/ de ste zag pa dang bcas pa'i las kyi srid pa bsad par gyur pa'o/ /dge slong gis ma bkum na/ mthar yang mi 'gyur la/ mtshams med pa'i kha na ma tho bar yang mi 'gyur ba mchis sam/ u pa li/ sred pa ni/ skyed pa'i phyir ma zhes bya bas na/ sred pa bsad par gyur pa'o/ /btsun pa/ dge slong gis ma dgum par 'tshal ba las/ bud med gzhan bkum na/ cir 'gyur/ nyes pa sbom por 'gyur ro/ /btsun pa/ dge slong gis bud med gzhan dgum par 'tshal ba las ma bkum na/ cir 'gyur/ nyes pa sbom por 'gyur ro/ /btsun pa/ dge slong gis ma dgum par bshams pa las bud med gzhan 'tsho ba dang phral na/ cir 'gyur/ nyes pa sbom por 'gyur ro/ /dge slong gis bud med gzhan dgum par bshams pa las mi'i 'tsho ba dang phral na/ cir 'gyur/ nyes pa sbom por 'gyur ro/ /btsun pa/ dge slong gis ma'i bud med kyi mngal du byol song gi skye gnas bkum na/ cir 'gyur/ nyes pa sbom por 'gyur ro/ /btsun pa/ dge slong gis byol song ma'i mngal du mi bkum na/ cir 'gyur/ de ste mngal na mir 'du shes na ni/ mthar 'gyur ro/ /de ste ma yin na/ ltung ba'o/ /btsun pa/ ma ni/ skyed pa lags la/ gzhan ni/ gso ba lags na/ de gnyis gang 'tsho ba dang bral na/ mthar yang 'gyur la/ mtshams med pa'i kha na ma tho bar yang 'gyur/ gang gis bskyed pa'o/ /btsun pa/ dge slong gis mi la ming 'du shes te bkum na/ cir 'gyur/ mthar 'gyur ro| |mi la mi ma lags par 'du shes te bkum na/ cir 'gyur/ nyes pa sbom por 'gyur ro/ /mi ma lags pa la mir 'du shes te bkum na/ cir 'gyur/ nyes pa sbom por 'gyur ro/ /mi ma lags pa la mi ma lags par 'du shes te bkum na/ cir 'gyur/ nyes pa sbom por 'gyur ro/ /mdor na/ the tshom rnam pa gnyis pa dang / /bdag dang dgra bcom gnyis de bzhin/ /rkun po gnyis dang gzhan 'du shes/ /bdun pa dang yang tha ma'o/ /btsun pa/ dge slong gis de 'di yin nam/ de 'di ma yin zhes yid gnyis dang the tshom 'tshal bzhin de yang 'tsho ba dang phral na/ cir 'gyur/ mthar 'gyur ro/ /btsun pa/ dge slong gis bdag nyid 'tsho ba dang phral na/ cir 'gyur/ nyes pa sbom por 'gyur ro/ /btsun pa/ dge slong gis pha dang ma dgum par bshams nas bdag nyid bkum na/ cir 'gyur/ de ste pha dang ma sngar dus byas na mthar yang 'gyur la mtshams med pa'i kha na ma tho bar yang 'gyur ro/ /'on te de nyid sngar dus byas na/ nyes pa sbom por 'gyur te/ mtshams med pa'i kha na ma tho bar yang mi 'gyur ro/ /btsun pa/ dge slong gis dgra bcom pa dgum par 'tshal ba las so so'i skye bo zhig bkum na/ cir 'gyur/ nyes pa sbom por 'gyur ro/ /btsun pa/ dge slong gis so so'i skye bo zhig dgum par 'tshal ba las dgra bcom pa zhig bkum na cir 'gyur/ nyes pa sbom por 'gyur ro/ /btsun pa/ dge slong gis dgra bcom pa dgum par bshams nas so so'i skye bo zhig bkum na cir 'gyur/ nyes pa sbom por 'gyur ro/ / btsun pa/ dge slong gis so so'i skye bo zhig dgum par bshams pa las dgra bcom pa 'tsho ba dang phral na/ cir 'gyur/ nyes pa sbom por 'gyur ro/ /btsun pa/ rkun po zhig dgum par dkri ba las bros te/ de la grong gi snyegs ma'am/ rgyal po'i snyegs ma yang rung / phyi bzhin du snyegs pa dang / dge slong zhig shul gyi mdun nas mchi ba de la/ de dag gis khyod kyis rkun po zhig bros pa mthong ngam zhes dris pa dang / dge slong des rkun po de la gsod sems nye bar gnas par gyur nas des de dag la bstan na/ cir 'gyur/ mthar 'gyur ro/ /btsun pa/ rkun po zhig dgum par dkri ba las bros te/ de la grong gi snyegs ma'am/ rgyal po'i snyegs ma yang rung / phyi bzhin du bsnyegs pa dang / dge slong zhig kyang shul gyi mdun nas mchi ba de la de dag gis khyod kyis rkun po zhig bros pa mthong ngam zhes dris pa dang / dge slong des rkun po de la yang gsod sems nye bar gnas par gyur te/ des de dag ma bstan nas de dag gi 'tsho ba dang phral na/ cir 'gyur/ nyes byas so/ /btsun pa/ gnyis lhan cig mchis pa la gzhan dgum mo/ /snyam pa las gzhan bkum na/ cir 'gyur/ nyes pa sbom por 'gyur ro/ /bsnyen par ma rdzogs par dgum par bshams te bsnyen par rdzogs par bkum na/ cir 'gyur/ nyes byas so /bsnyen par ma rdzogs par dgum par bshams pa las/ bsnyen par rdzogs kar bkum na/ cir 'gyur/ nyes byas so/ /bsnyen par ma rdzogs par dgum par bshams pa las bsnyen par rdzogs te bkum na/ cir 'gyur/ mthar 'gyur ro/ /bsnyen par rdzogs kar dgum par bshams te bsnyen par rdzogs kar bkum na/ cir 'gyur/ /nyes byas so/ /bsnyen par rdzogs kar dgum par bshams te bsnyen par rdzogs nas bkum na/ cir 'gyur/ mthar 'gyur ro/ /bsnyen par rdzogs nas dgum par bshams pa las/ bsnyen par rdzogs nas bkum na/ cir 'gyur/ mthar 'gyur ro/ /bsnyen par rdzogs nas dgum par bshams pa las/ bsnyen par ma rdzogs par bkum na/ cir 'gyur/ nyes pa sbom por 'gyur ro| |btsun pa/ dge slong gcig pu 'tsho ba dang dbral ba'i slad du khyim du zhugs na/ mthar 'gyur ba mchis sam/ u pa li/ yod de/ ji ltar dge slong des gsad par bshams nas nang du zhugs pa'o/ /ji ltar dge slong gis 'tsho ba dang phral ba'i rkyen gyis mthar gyur pa de bzhin du bslab pa byin pa dang / dge slong ma la yang mthar 'gyur ro/ /dge slob ma dang / dge tshul pha dang / dge tshul ma rnams la nyes byas so/ /mdor na/ dag dang ston pa rnam par gzigs/ /mi slob slob dpon nyon mongs dang / /nyams dang grol dang 'jigs pa dang / skye dang rnyed dang 'di 'dra ba'o/ /btsun pa/ dge slong gis 'di skad du bdag ni/ dag pa'o/ /zhes mchi na/ cir 'gyur/ nyes pa sbom por 'gyur ro/ /btsun pa/ dge slong gis 'di skad du bdag ni/ ston pa'o/ /zhes mchi na/ cir 'gyur/ nyes pa sbom por 'gyur ro/ /btsun pa/ dge slong gis 'di skad du bdag ni/ rnam par gzigs dang / spyi tor dang / gsod skyabs dang / log pa dang sel dang / gser thub dang / 'od srung rnams kyi nyan thos pa'o/ /zhes mchi na/ cir 'gyur/ de ste sngon gyi gnas su lung ston na ni/ mthar 'gyur ro/ /'on te des 'di skad du gang gi tshe shAkya thub pa la skyabs su song ba nas bzung ste yang dag par rdzogs pa'i sangs rgyas thams cad la skyabs su song ngo / /zhes smras na/ nyes pa sbom por 'gyur ro/ /btsun pa/ dge slong gis 'di skad du bdag ni/ mi slob pa'o/ /zhes mchi na/ cir 'gyur/ de ste nyon mongs pa spangs par lung ston na/ mthar 'gyur ro/ /'on te de 'di skad du bdag bzo gang yang mi slob pa'o/ /zhes smras na/ nyes pa sbom por 'gyur ro/ /btsun pa/ dge slong gis 'di skad du bdag ni/ slob pa'o/ /zhes mchi na/ cir 'gyur/ de ste slob pa'i spyod par lung ston na/ mthar 'gyur ro/ /'on te de 'di skad du mtshungs par spyod pa la slob bo/ /zhes smras na/ nyes pa sbom por 'gyur ro/ /btsun pa/ dge slong gis 'di skad du bdag la nyon mongs pa med do/ /zhes mchi na/ cir 'gyur/ de ste nyon mongs pa spangs par lung ston na/ mthar 'gyur ro/ /'on te 'di skad du bdag la lhung bzed dam/ chos gos sam/ dge slong gi 'tsho ba'i yo byad gang yang rung ba rnams med do/ /zhes smras na/ nyes pa sbom por 'gyur ro/ /btsun pa| dge slong gis 'di skad du bdag ni/ nyams pa'o/ /zhes mchi na/ cir 'gyur/ de ste 'di skad du dge sbyong gi 'bras bu las nyams pa'o/ /zhes smras na/ mthar 'gyur ro/ /btsun pa/ dge slong gis 'di skad du bdag ni/ grol ba'o/ /zhes mchi na/ cir 'gyur/ de ste 'di skad du bdag ni/ sbyor ba dang / bcings pa dang / bag la nyal ba dang / nye ba'i nyon mongs pa dang / kun nas dkris te 'das pa las grol lo// zhes smras na/ mthar 'gyur ro/ /btsun pa/ dge slong gis 'di skad du bdag la 'jigs pa med do/ /zhes mchi na/ cir 'gyur/ de ste 'jigs pa spangs par lung ston na/ mthar 'gyur ro/ /de ste 'jig rten pas cung zad kyang mi 'jigs so/ /zhes mchi na/ cir 'gyur/ nyes pa sbom por 'gyur ro/ /btsun pa/ dge slong gis 'di skad du 'di ni/ bdag gi skye ba tha ma'o/ /zhes mchi na| cir 'gyur/ de ste skye ba zad par lung ston na/ mthar 'gyur ro/ /'on te de 'di skad du skye ba zad/ 'gags/ bral/ rnam par bral ba ste/ de ltar 'di ni/ skye ba'i tha ma'o/ /zhes smras na/ nyes pa sbom por 'gyur ro/ /btsun pa/ dge slong gis 'di skad du bdag gis rab tu thob bo/ /zhes mchi na/ cir 'gyur/ de ste dge slong gi 'bras bu thob bo/ /zhes smras na/ mthar 'gyur ro/ /'on te 'jig rten gyi dngos por lung ston na/ nyes pa sbom por 'gyur ro/ /btsun pa/ dge slong gis 'di skad du/ e ma'o/ /bdag ci 'dra ba de 'dra bar khyod gyur pa ngo mtshar che'o/ /zhes mchi na/ cir 'gyur/ nyes pa sbom por 'gyur ro/ /mdor na/ ma smin bzod dang rang bris dang / /spangs dang 'bras bu gnyis pa dang / 'du shes bzhi dang thob bya dang / /'jig rten gyi ni tha ma'o/ /btsun pa/ dge slong gis de la tshe dang ldan pa khyod zag pa zad pa'i 'bras bu yod dam zhes dris pa dang / des kyang zhib tu shing thog ma smin pa zhig bcangs par gyur nas de 'di skad du ma smin to/ /zhes mchi na/ cir 'gyur/ nyes pa sbom por 'gyur ro/ /btsun pa/ dge slong gis 'di skad du rgyun du zhugs pa'i 'bras bu dang / lan gcig phyir 'ong ba dang / phyir mi 'ong ba dang / mchog gi 'bras bu bdag gis thob bo/ / zhes mchi na/ cir 'gyur/ mthar 'gyur ro/ /btsun pa/ dge slong gis bdag nyid kyis bris la 'di skad du bdag dgra bcom pa'o/ /zhes 'di sus bris zhes mchis na/ cir 'gyur/ nyes pa sbom por 'gyur ro/ /btsun pa/ dge slong la khyim bdag cig gis khyod kyis 'bras bu thob bo/ /zhes dris pa dang / des kyang me tog dang / 'bras bu smin pa rnams bcangs nas de 'di skad du ma smin no/ /zhes mchi na/ cir 'gyur/ nyes pa sbom por 'gyur ro/ /btsun pa/ dge slong gis 'di skad du bdag ni/ nyams so/ /zhes mchi na/ cir 'gyur/ de ste thob pa las nyams par lung ston na/ mthar 'gyur ro/ /btsun pa/ dge slong gis bdag ni/ rgyun tu zhugs pa dang / lan gcig phyir 'ong ba dang / phyir mi 'ong ba dang / dgra bcom pa rnams ma yin no/ /zhes mchi na/ cir 'gyur/ nyes pa sbom por 'gyur ro| |btsun pa/ dge slong gis 'gro ba zhes bya ba'i ri la rgyun tu zhugs pa'i 'bras bu thob bo/ /ri dgu po zhes bya ba'i ngos la lan gcig phyir 'ong ba'i 'bras bu/ bya rgod spungs pa zhes bya ba la phyir mi 'ong ba'i 'bras bu/ 'od ma'i tshal du mchog gi 'bras bu thob bo/ /zhes mchi na/ cir 'gyur/ mthar 'gyur ro/ /btsun pa/ dge slong gis mi la mi ma lags par 'du shes te mi las bla mar gyur pa'i chos shig lung ston na/ cir 'gyur/ nyes pa sbom por 'gyur ro/ /mi ma yin pa la mir 'du shes na/ nyes pa sbom por 'gyur ro/ /mi ma yin pa la mi ma yin par 'du shes na| nyes pa sbom por 'gyur ro/ /mi la mir 'du shes na/ mthar 'gyur ro/ /btsun pa/ dge slong gis 'di skad du nyan thos kyis thob par bya ba gang yin pa de/ bdag gis thob bo/ /zhes mchi na/ cir 'gyur/ nyes pa sbom por 'gyur ro/ /btsun pa/ dge slong gis 'di skad du deng bdag gis 'jig rten gyi bsam gtan la snyoms par ma zhugs te/ srod la ni/ ma yin/ de phan chad ma yin no/ /zhes mchi na/ cir 'gyur/ nyes pa sbom por 'gyur ro/ /btsun pa/ dge slong gis 'di skad du/ lung bstan gyi/ tshur shog ces mchi na/ cir 'gyur| nyes pa sbom por 'gyur ro/ /mdor na/ 'phrin pa spring yig lag brda dang / /gzhan zhig zer dang gcig nas gcig /smyon pa gang dang sems 'khrugs dang / /na ba 'on pa glen pa 'o| |btsun pa/ dge slong gis pho nya las mi las bla mar gyur pa'i chos smras na/ cir 'gyur/ nyes pa sbom por 'gyur ro/ /de bzhin du spring yig dang / lag brda dang / gzhan la bsgo ba dang / gcig nas gcig tu brgyud na/ thams cad nyes pa sbom por 'gyur ro/ /btsun pa/ dge slong gis smyon pa zhig la mi las bla mar gyur pa'i chos smras nas/ cir 'gyur/ nyes pa sbom por 'gyur ro/ /de bzhin du sems 'khrugs pa dang / nad kyis gzir ba dang / 'on pa dang / glen pa thams cad la nyes pa sbom por 'gyur ro/ /mdor na/ gnyid log ra ro rab myos dang / /snyoms zhugs 'gro ba de bzhin te/ /skad dang lus dang dben pa sngags/ /gzhan gyis gzhan la tha ma'o/ /btsun pa/ dge slong gis gnyid kyis log pa zhig gi drung du mi las bla mar gyur pa'i chos smras na/ cir 'gyur/ nyes pa sbom por 'gyur ro/ /de bzhin du ra ro ba dang / myos pa dang / 'gro ba gzhan du gyur pa rnams kyi drung du smras pa thams cad nyes pa sbom por 'gyur ro/ /btsun pa/ dge slong gis 'phags pas 'phags pa'i skad du dge slong zhig la mi las bla mar gyur pa'i chos smras na/ dge slong des kyang 'phags pa'i skad ma 'tshal na/ cir 'gyur/ nyes pa sbom por 'gyur ro/ /'phags pa zhig gis mtha' 'khob pa'i skad du smras pa dang / dge slong des kyang mtha' 'khob pa'i skad ma 'tshal na/ cir 'gyur/ nyes pa sbom por 'gyur ro/ /mtha' 'khob pa zhig gis mtha' 'khob pa'i skad du smras pa dang / dge slong des kyang mtha' 'khob pa'i skad ma 'tshal na/ cir 'gyur/ nyes pa sbom por 'gyur ro/ / mtha' 'khob pa zhig gis 'phags pa'i skad du mi las bla mar gyur pa'i chos smras pa dang / dge slong des kyang 'phags pa'i skad ma 'tshal na/ cir 'gyur/ nyes pa sbom por 'gyur ro/ / btsun pa/ dge slong gis lus kyi dmigs bas mi las bla mar gyur pa'i chos ston na/ cir gyur/ nyes pa sbom por 'gyur ro/ /btsun pa/ dge slong gis dben pa la mi dben par 'du shes te mi las bla mar gyur pa'i chos smras na/ cir 'gyur/ nyes pa sbom por 'gyur ro/ /btsun pa/ dge slong gis sngags sam/ sman gyis bdag nyid mi snang bar bgyis te mi las bla mar gyur pa'i chos smras na/ cir 'gyur/ nyes pa sbom por 'gyur ro/ /btsun pa/ dge slong gis gzhan las mi las bla mar gyur pa'i chos smras na| cir 'gyur/ nyes pa sbom por 'gyur ro/ /btsun pa/ dge slong gis gzhan zhig gi slad du mi las bla mar gyur pa'i chos smras na/ cir 'gyur/ nyes byas so/ /ji ltar dge slong gis smras pa'i rkyen gyis mthar gyur pa de bzhin du bslab pa byin pa dang / dge slong ma rnams kyi yang mthar 'gyur/ dge slob ma dang / dge tshul ma dang / dge tshul pha rnams la nyes byas so/ /u pa lis zhus pa'i nang nas phas pham pa dang ldan pa rdzogs so// //mdor na/ ma log sbu bu de bzhin g.yos/ /mi rtsol med pa rnams dang mtshan/ /gzhan dang bdun ni de bzhin te/ /sder bcas bsdus par gyur pa'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ gnyid kyis ma log par brtsal nas log ste khu ba byung na/ cir 'gyur/ nyes pa sbom par 'gyur ro/ /btsun pa/ gnyid kyis log pa'i tshe brtsal nas ma log pa'i tshe khu ba byung na/ cir 'gyur/ de ste brtsal na/ nyes pa sbom por 'gyur ro/ /ma brtsal na/ nyes pa med do/ /btsun pas ni/ spu bur 'ongs pa'i khu ba phyung na/ nyes pa sbom po'o/ /zhes gsungs na/ ji tsam gyis na/ sbu bur mchis pa lags/ gnas nas 'phags ma thag tu sbu bur bkag pa'o/ /btsun pa/ bcom ldan 'das kyis g.yos pa las bkag pa'o/ /zhes gsungs te/ ji tsam gyis na g.yos pa las bkag pa lags/ gnas nas g.yos ma thag tu bkag pa'o/ /btsun pa/ ma brtsal bar khu ba byung na/ cir 'gyur/ de ste dga' bar ma tshor na/ nyes pa med do/ /btsun pa| dge slong gis khu ba 'byin pa las mtshan 'phos te dge slong mar gyur na/ cir 'gyur/ dge 'dun gyi lhag ma las byung ba'i nyes pa sbom por 'gyur ro/ /btsun pa/ dge slong ma zhig khu ba 'byin pa las mtshan 'phos te dge slong du gyur na/ cir 'gyur/ ltung ba las byung ba'i nyes byas so/ /btsun pa/ dge slong gis gzhan gyi pho mtshan las khu ba phyung na/ cir 'gyur/ nyes pa sbom par 'gyur ro/ /btsun pa/ bsnyen par ma rdzogs par brtsal nas bsnyen par ma rdzogs par phyung na/ cir 'gyur/ /nyes byas so/ /bsnyen par ma rdzogs par brtsal nas bsnyen par rdzogs kar byung na/ cir 'gyur/ nyes byas so/ /bsnyen par ma rdzogs par brtsal nas bsnyen par rdzogs nas phyung na/ cir 'gyur/ dge 'dun gyi lhag ma'o/ /bsnyen par rdzogs kar brtsal nas bsnyen par rdzogs kar phyung na/ cir 'gyur/ nyes byas so/ /bsnyen par rdzogs kar brtsal nas bsnyen par rdzogs pa dang phyung na/ cir 'gyur/ dge 'dun lhag ma'o| |bsnyen par rdzogs te brtsal nas bsnyen par rdzogs nas phyung na/ cir 'gyur/ dge 'dun gyi lhag ma'o/ /bsnyen par rdzogs nas brtsams te bsnyen par ma rdzogs par phyung na/ cir 'gyur/ nyes pa sbom por 'gyur ro/ /ji ltar dge slong khu ba phyung ba'i rkyen gyis dge 'dun gyi lhag mar gyur pa de bzhin du bslab pa byin pa la yang dge 'dun gyi lhag ma'o/ /dge slong ma la ni ji ltar dngos po bzhin no/ /dge slob ma dang / dge tshul ma dang / dge tshul pha rnams la ni/ nyes byas so/ /mdor na/ lus dang the tshom so dang ni/ /rma spu sen mo de bzhin te| |bzhi pa gnyis dang bdun pa rnams/ /sde tshan dag tu bsdus pa'o/ /btsun pa/ bud med kyi dbang po nyams pa de dang lhan cig tu dge slong gis lus kyis kun tu reg par bgyid na/ cir 'gyur/ nyes pa sbom por 'gyur ro/ /btsun pa/ dge slong lus kyi dbang po nyams par gyur pa zhig gis bud med dang lhan cig tu lus kyis kun tu reg par bgyid na/ cir 'gyur nyes pa sbom por 'gyur ro/ /btsun pa/ gnyis ka'i lus kyi dbang po nyams par gyur pa de gnyis gcig la gcig kun tu reg par bgyid na/ cir 'gyur/ nyes byas so/ /btsun pa| dge slong gis 'di bud med la bud med ma lags zhes the tshom dang / yid gnyis dang / dogs pa skyes bzhin du de de dang lhan cig tu lus kyis kun tu reg par bgyid na/ cir 'gyur/ nyes pa sbom por 'gyur ro/ /btsun pa/ sos reg na/ cir 'gyur/ nyes pa sbom por 'gyur ro/ /btsun pa/ so la reg na/ cir 'gyur/ nyes pa sbom por 'gyur ro/ /btsun pa| rmas reg na cir 'gyur/ nyes pa sbom por 'gyur ro/ /btsun pa/ spus reg na/ cir 'gyur/ nyes pa sbom por 'gyur ro/ /btsun pa/ spu la reg na/ cir 'gyur/ nyes pa sbom por 'gyur ro/ /btsun pa/ sen mo la reg na/ cir 'gyur/ nyes pa sbom por 'gyur ro/ /btsun pa/ sen mos reg na/ cir 'gyur/ nyes pa sbom por 'gyur ro/ /btsun pa/ dge slong gis mi'i bud med la mir 'du shes te reg na/ cir 'gyur/ dge 'dun gyi lhag ma'o/ /mi la mi ma yin par 'du shes te reg na/ cir 'gyur/ nyes pa sbom por 'gyur ro/ / mi ma lags pa la mir 'du shes te reg na/ cir 'gyur/ nyes pa sbom por 'gyur ro/ /mi ma lags pa la mi ma lags par 'du shes te reg na/ cir 'gyur/ nyes pa sbom por 'gyur ro/ /btsun pa/ dge slong gis g.yogs pa la g.yogs par 'du shes te reg na/ cir 'gyur/ nyes pa sbom por 'gyur ro/ /g.yogs pa la ma g.yogs par 'du shes te reg na/ cir 'gyur/ nyes pa sbom por 'gyur ro/ /ma g.yogs pa la g.yogs par 'du shes te reg na/ cir 'gyur/ nyes pa sbom por 'gyur ro/ /ma g.yogs pa la ma g.yogs par 'du shes te reg na/ cir 'gyur/ dge 'dun gyi lhag ma'o/ /btsun pa/ bsnyen par ma rdzogs par lus kyis kun tu reg par bshams nas bsnyen par ma rdzogs par reg na/ cir 'gyur/ nyes byas so/ /bsnyen par ma rdzogs par bshams la bsnyen par rdzogs kar reg na/ cir 'gyur/ nyes byas so/ /bsnyen par ma rdzogs par bshams la bsnyen par rdzogs pa dang reg na/ cir 'gyur/ nyes pa sbom por 'gyur ro/ /bsnyen par rdzogs kar bshams la bsnyen par rdzogs kar reg na/ cir 'gyur/ nyes byas so/ /bsnyen par rdzogs kar bshams la bsnyen par rdzogs nas reg na/ cir 'gyur/ nyes pa sbom por 'gyur ro/ /bsnyen par rdzogs nas bshams la bsnyen par rdzogs pa na reg na/ cir 'gyur/ dge 'dun gyi lhag ma'o/ /bsnyen par rdzogs nas bshams la bsnyen par ma rdzogs par reg na/ cir 'gyur/ nyes pa sbom por 'gyur ro/ / mdor na/ gzhan du 'du shes ro rus pa/ /mtshan dang skyes pa mnyen pa dang / /ma ning pha dang ma ning ma/ /snyoms zhugs nyal dang 'gro ba'o/ /btsun pa/ dge slong gis bud med gzhan zhig la chags pa las gzhan dang lhan cig tu lus kyis kun tu reg par bgyid na/ cir 'gyur/ nyes pa sbom por 'gyur ro/ /btsun pa/ bud med kyi ro dang lhan cig tu reg na| cir 'gyur/ nyes pa sbom por 'gyur ro/ /btsun pa/ bud med kyi keng rus sha med pa la reg na/ cir 'gyur/ nyes byas so/ /btsun pa/ dge slong gis bud med dang lhan cig tu lus kyis kun tu reg par bgyid pa las/ de'i mtshan 'phos te dge slong mar gyur na/ cir 'gyur/ nyes pa sbom por 'gyur ro/ /btsun pa/ dge slong mas skyes pa dang lhan cig tu lus kyis kun tu reg par bgyid pa las/ mtshan 'phos te dge slong phar gyur na/ cir 'gyur/ nyes pa sbom por 'gyur ro/ /btsun pa/ dge slong gis skyes pa dang lhan cig tu lus kyis kun tu reg par bgyid na/ cir 'gyur/ nyes pa sbom por 'gyur ro/ /btsun pa/ dge slong gis 'jam mam snyam du bsam ste reg na/ cir 'gyur/ nyes pa sbom por 'gyur ro/ /mnyen nam/ dro'am snyam du bsam pa'ang de bzhin no/ /btsun pa/ dge slong gis ma ning pha dang lhan cig tu reg na/ cir 'gyur/ nyes pa sbom por 'gyur ro| |ma ning ma dang lhan cig tu reg na/ cir 'gyur/ nyes pa sbom por 'gyur ro/ /btsun pa/ dge slong gis snyoms par zhugs pa mo dang lhan cig tu reg na/ cir 'gyur/ dge 'dun gyi lhag ma'o/ /btsun pa/ dge slong gis bud med nyal ba dang lhan cig tu reg na/ cir 'gyur/ dge 'dun gyi lhag ma'o/ /btsun pa/ dge slong gis 'gro ba gzhan du gnas pa mo dang lhan cig tu reg na/ cir 'gyur/ nyes pa sbom por 'gyur ro/ /ji ltar dge slong gis lus kyis kun tu reg par byas pa las dge 'dun gyi lhag mar gyur pa de bzhin du bslab pa byin pa la yang dge 'dun gyi lhag mar 'gyur ro/ /dge slong ma rnams la ni/ phas pham par 'gyur ro/ /dge slob ma dang / dge tshul ma dang / dge tshul pha rnams la nyes byas so/ /mdor na/ skad dang lus dang dben sngags dang / /gzhan las gzhan phyir sprul pa dang / /'phrin pa spring yig lag brda dang / /gzhan zhig zer dang bdun pa ste/ /bsgo ba ma ning skyes pa dang / /ma ning bzang dang sdig can no/ /btsun pa/ dge slong 'phags pa zhig gis 'phags pa'i skad du bud med la gnas ngan len gyis tshig smras pa las bud med des 'phags pa'i skad ma 'tshal na/ cir 'gyur/ nyes pa sbom por 'gyur ro/ /'phags pas mtha' la 'khob pa'i skad du smras pa dang / bud med des kyang mtha' 'khob pa'i skad ma 'tshal na/ cir 'gyur/ nyes pa sbom por 'gyur ro/ /mtha' 'khob pas mtha' 'khob pa'i skad du smras pa dang / bud med nges mtha' 'khob pa'i skad ma 'tshal na/ cir 'gyur/ nyes pa sbom por 'gyur ro/ /mtha' 'khob pas 'phags pa'i skad du bud med la gnas ngan len gyi skad du smras pa dang / bud med nges kyang 'phags pa'i skad ma 'tshal na/ cir 'gyur/ nyes pa sbom por 'gyur ro/ /btsun pa/ dge slong gis bud med la lus kyi dmigs pas gnas ngan len pa'i tshig bud med la smras na/ cir 'gyur/ nyes pa sbom por 'gyur ro/ /btsun pa/ dge slong gis dben pa la dben par 'du shes te bud med la gnas ngan len gyi tshig smras na/ cir 'gyur/ nyes pa sbom por 'gyur ro/ /btsun pa/ dge slong gis sngags sam/ sman gyis bdag nyid mi snang bar bgyis te bud med la gnas ngan len gyi tshig smras na/ cir 'gyur nyes po sbom por 'gyur ro/ /btsun pa/ dge slong gis bud med la gzhan zhig smrar bcug na/ cir 'gyur/ nyes pa sbom por 'gyur ro/ /btsun pa/ dge slong gis bud med la gzhan gyi slad du gnas ngan len gyi tshig smras na/ cir 'gyur/ nyes pa sbom por 'gyur ro/ /btsun pa/ dge slong gis sprul pa'i bud med la gnas ngan len gyi tshig smras na/ cir 'gyur/ nyes pa sbom por 'gyur ro/ /btsun pa/ dge slong gi bud med la 'phrin pa smrar bcug na/ cir 'gyur/ nyes pa sbom por 'gyur ro/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa thams cad nyes pa sbom por 'gyur ro/ /btsun pa/ bsnyen par ma rdzogs pas gnas ngan len gyi tshig bshams la bsnyen par ma rdzogs par smras na/ cir 'gyur/ nyes byas so/ /bsnyen par ma rdzogs par bshams nas bsnyen par rdzogs kar smras na/ cir 'gyur/ nyes byas so/ /bsnyen par ma rdzogs par bshams nas bsnyen par rdzogs te smras na/ cir 'gyur/ dge 'dun gyi lhag ma'o/ /bsnyen par rdzogs kar bshams nas bsnyen par rdzogs kar smras na/ cir 'gyur/ nyes byas so/ /bsnyen par rdzogs kar bshams nas bsnyen par rdzogs te smras na/ cir 'gyur/ dge 'dun gyi lhag ma'o/ /bsnyen par rdzogs nas bshams te bsnyen par rdzogs par smras na/ cir 'gyur/ dge 'dun gyi lhag ma'o/ /bsnyen par rdzogs te bshams nas bsnyen par ma rdzogs pa na smras na/ cir 'gyur/ nyes pa sbom por 'gyur ro/ /btsun pa/ dge slong gis bud med la 'di skad du che zhe/ mnyam par bgos shig /ces smras na/ cir 'gyur/ nyes pa sbom por 'gyur ro/ /btsun pa| dge slong gis ma ning la smras na/ cir 'gyur/ nyes pa sbom por 'gyur ro/ /skyes pa la smras na/ cir 'gyur/ nyes pa sbom por 'gyur ro/ /ma ning mo la smras na/ cir 'gyur/ nyes pa sbom por 'gyur ro/ /btsun pa/ dge slong gis bud med la 'di skad du bzang ngo / /zhes smras na/ cir 'gyur/ nyes pa sbom por 'gyur ro/ /btsun pa/ dge slong gis bud med la 'di skad du sdig can no/ /zhes smras na/ cir 'gyur/ nyes pa sbom por 'gyur ro/ /mdor na/ smyon ma dang yang sems 'khrugs sam/ /na ba 'on ma glen ma dang / gnyid log ra ro myos ma dang / /dge slong ma dang snyoms zhugs sam/ /sangs rgyas bcom ldan 'das la tshe dang ldan pa u pa lis zhus pa/ btsun pa/ dge slong gis bud med smyon ma la gnas ngan len gyi tshig smras na/ cir 'gyur/ nyes pa sbom por 'gyur te/ sems 'khrugs pa dang / nad kyis gzir ba dang / 'on ma dang / glen ma dang / gnyid log pa dang / /ra ro pa dang / myos ma rnams la yang de bzhin no/ /btsun pa/ dge slong gis bud med la gnas ngan len gyi tshig smra ba na mtshan 'phos te dge slong mar gyur na/ cir 'gyur/ nyes pa sbom por 'gyur ro/ /dge slong mas skyes pa la gnas ngan len gyi tshig smra ba na/ mtshan 'phos te dge slong phar gyur na/ cir 'gyur/ nyes pa sbom por 'gyur ro/ / btsun pa/ bcom ldan 'das kyis dge slong gis bud med la gnas ngan len gyi tshig smras na/ dge 'dun gyi lhag ma'o/ /zhes gsungs na/ dge slong gis bud med la gnas ngan len gyi tshig tu smra ba la dge 'dun gyi lhag mar mi 'gyur ba mchis sam/ yod de/ de ste gzhan gyi phyir na'o/ /btsun pa/ dge slong gis skyes pa la smras na/ cir 'gyur/ nyes pa sbom por 'gyur ro/ /dge slong ma dang / dge slong ma dang / dge tshul ma rnams la smras na/ cir 'gyur/ dge 'dun gyi lhag ma'o// dge slong gis dge tshul la smras na/ cir 'gyur/ nyes pa sbom por 'gyur ro/ /dge slong mas skyes pa la smras na/ cir 'gyur/ nyes pa sbom por 'gyur ro/ /dge slong mas skyes pa dang / dge slong dang / dge tshul pha la smras na/ nyes byas su 'gyur ro/ /dge tshul mas skyes pa dang / dge slong dang / dge tshul ma la smras na/ nyes byas su 'gyur ro/ /dge tshul phas bud med dang / dge slong ma dang / dge slob ma dang / dge tshul ma dang / dge slong dang / dge tshul pha rnams la smras na/ cir 'gyur/ nyes byas so/ /btsun pa/ dge slong gis snyoms par zhugs pa'i bud med la gnas ngan len gyi tshig smras na/ cir 'gyur/ nyes pa sbom por 'gyur ro/ /mdor na/ bzhi pa gnyis dang 'du shes gzhan/ /gnas ngan len du de dag brjod/ /kun spyod pa yang de bzhin du/ /rgyas por bsgrag par bya ba'o/ /btsun pa/ dge slong gis mi ma lags pa'i bud med la mi ma lags par 'du shes te smras na/ cir 'gyur/ nyes pa sbom por 'gyur ro/ /mi ma lags pa la mir 'du shes na/ cir 'gyur/ nyes pa sbom por 'gyur ro/ /mi la mi ma lags par 'du shes na/ cir 'gyur/ nyes pa sbom por 'gyur ro/ /mi la mir 'du shes na/ cir 'gyur/ dge 'dun gyi lhag ma'o/ /btsun pa/ dge slong gis mi'i bud med la mi'i bud med du 'du shes te smras na/ cir 'gyur/ dge 'dun gyi lhag ma'o/ /bud med la skyes par 'du shes na/ cir 'gyur/ nyes pa sbom por 'gyur ro/ /skyes pa la bud med du 'du shes na yang nyes pa sbom por 'gyur ro/ /skyes pa la skyes par 'du shes te smras na/ cir 'gyur/ nyes pa sbom por 'gyur ro/ /btsun pa/ dge slong gis gzhan du 'du shes pa las bud med cig la gnas ngan len gyi tshig smras na/ cir 'gyur/ nyes pa sbom por 'gyur ro/ /dge 'dun gyi lhag ma gsum pa dang / bzhi pa rdzogs te/ ji ltar gnas ngan len pa de bzhin du kun tu spyod pa la yang bya'o/ / //'dul ba gzhung dam pa bam po gnyis pa/ mdor na/ chos gnyis bzhi pa rnam pa drug/ dbang po nye bar bya ba gnyis/ /bdun pa dang yang chad pa dang / /bzhi pa gnyis dang gcig nas gcig /sangs rgyas bcom ldan 'das la tshe dang ldan pa u pa lis zhus pa/ btsun pa/ chos gang 'das pa yang ma lags/ ma 'ongs pa yang ma lags/ da ltar byung ba yang ma lags la/ las kun rdzogs pa'i mthar thug pa'i chos de gang lags/ u pa li/ mya ngan las 'das pa'o/ /btsun pa/ chos gang song zhing 'ongs pa las kun rdzogs pa'i mthar thug pa de gang lags/ u pa li/ smyan byed pa'o/ /de bskyal na/ cir 'gyur/ dge 'dun gyi lhag ma'o/ /btsun pa/ dge slong gis smyon pa zhig las 'phrin blangs te smyon pa la bskyal la smyon pa la lan slar stsal na/ cir 'gyur/ nyes pa sbom por 'gyur ro/ /smyon pa zhig las 'phrin blangs te smyon pa la bskyal la slar lan rang bzhin du gnas pa zhig la stsal na/ cir 'gyur/ nyes pa sbom por 'gyur ro| |smyon pa las 'phrin blangs te rang bzhin du gnas pa la bskyal la smyon pa la slar lan stsal na/ cir 'gyur/ nyes pa sbom por 'gyur ro/ /smyon pa las 'phrin blangs te rang bzhin du gnas pa la lan slar stsal na/ cir 'gyur/ nyes pa sbom por 'gyur ro/ /btsun pa/ dge slong gis rang bzhin du gnas pa las 'phrin blangs te rang bzhin du gnas pa la bskyal la rang bzhin du gnas pa la lan slar stsal na/ cir 'gyur/ dge 'dun gyi lhag mar 'gyur ro/ /rang bzhin du gnas pa las 'phrin blangs te rang bzhin du gnas pa la bskyal la/ smyon pa la slar lan stsal na/ cir 'gyur/ nyes pa sbom por 'gyur/ /rang bzhin du gnas pa las 'phrin blangs te smyon pa la bskyal la rang bzhin du gnas pa la lan slar stsal na/ cir 'gyur nyes pa sbom por 'gyur ro/ /rang bzhin du gnas pa las 'phrin blangs te smyon pa la bskyal la/ smyon pa la lan slar stsal na/ cir 'gyur/ nyes pa sbom por 'gyur ro/ /ji ltar smyon pa la bzhi rgyud gnyis pa de bzhin du sems 'khrugs pa la'ang bzhi rgyud gnyis te/ nad kyis gzir ba dang / dbang ba dang / mi dbang ba rnams la yang bzhi rgyud gnyis par bya'o/ /btsun pa| dge slong gis dbang ba las 'phrin blangs te dbang ba la bskyal la dbang ba la lan slar stsal na/ cir 'gyur/ dge 'dun gyi lhag ma'o/ /dbang ba las 'phrin blangs te dbang ba la bskyal la mi dbang ba la lan slar stsal na/ cir 'gyur/ nyes pa sbom por 'gyur ro/ /dbang ba las 'phrin blangs te mi dbang ba la bskyal la/ dbang ba la lan slar stsal na/ cir 'gyur/ nyes pa sbom por 'gyur ro/ /dbang ba las 'phrin blangs te mi dbang ba la bskyal la/ mi dbang ba la lan slar stsal na/ cir 'gyur/ nyes pa sbom por 'gyur ro/ / btsun pa/ dge slong gis mi dbang ba las 'phrin blangs te mi dbang ba la bskyal la/ mi dbang ba la lan slar stsal na/ cir 'gyur/ nyes pa sbom por 'gyur ro/ /mi dbang ba las 'phrin blangs te mi dbang ba la bskyal la/ dbang ba la lan slar stsal na/ cir 'gyur/ nyes pa sbom por 'gyur ro/ /mi dbang ba las 'phrin blangs te dbang ba la bskyal la/ mi dbang ba la lan slar stsal na/ cir 'gyur/ nyes pa sbom por 'gyur ro/ /mi dbang ba las 'phrin blangs te dbang ba la bskyal la/ dbang ba la lan slar stsal na/ cir 'gyur/ nyes pa sbom por 'gyur ro/ /btsun pa/ dge slong gis khyim bdag cig la 'di skad du bud med nyos la shog cig /ces smras na/ cir 'gyur nyes byas so/ /btsun pa/ dge slong gis khyim bdag cig la 'di skad du bud med 'di zhes bya ba nyos shig /ces smras na/ cir 'gyur/ nyes pa sbom por 'gyur ro/ /bsnyen par ma rdzogs par 'phrin blangs te bsnyen par ma rdzogs par bskyal la/ bsnyen par rdzogs par slar lan bskyal na/ cir 'gyur/ nyes byas so/ /bsnyen par ma rdzogs par 'phrin blangs te bsnyen par ma rdzogs par bskyal la/ bsnyen par rdzogs kar slar lan bskyal na/ cir 'gyur/ nyes byas so/ /bsnyen par ma rdzogs par 'phrin blangs te bsnyen par rdzogs kar bskyal la/ bsnyen par rdzogs te slar lan bskyal na/ cir 'gyur/ dge 'dun gyi lhag ma'o/ /bsnyen par rdzogs kar 'phrin blangs te bsnyen par rdzogs kar bskyal la// bsnyen par rdzogs kar slar lan bskyal na/ cir 'gyur/ nyes byas so/ /bsnyen par rdzogs kar 'phrin blangs te bsnyen par rdzogs kar bskyal la/ bsnyen par rdzogs te slar lan bskyal na| cir 'gyur/ dge 'dun gyi lhag ma'o/ /bsnyen par ma rdzogs pas 'phrin blangs te bsnyen par rdzogs kar bskyal la bsnyen par rdzogs te slar lan bskyal na/ cir 'gyur/ dge 'dun gyi lhag ma'o/ /bsnyen par rdzogs pas 'phrin blangs te bsnyen par rdzogs pas bskyal la/ bsnyen par ma rdzogs pa na slar lan bskyal na/ cir 'gyur/ nyes pa sbom por 'gyur ro/ /btsun pa/ gang zag de nyid chad pas bcad pa lags la/ de nyid kyis chad pa yang bgyid shing / de nyid yid mgu bar spyod pa yang lags la/ de nyid kyis mgu bar bgyid pa spyad lags par 'gyur ba mchis sam/ yod de/ de ni/ 'di ltar mgu bar spyad pa spyad zin pa'i gang zag de la dge 'dun gyi lhag ma'i nyes pa zhig byung nas ma bcabs par dge 'dun gyi drung du song nas yid dam mgu bar bya ba gsol ba dang / des dge 'dun gyi yid mgu bar bya ba byin te/ des yang mgu bar bya ba spyad zin pa dang / dge 'dun gyi lhag ma'i nyes pa gnyis byung ste/ nyes pa gcig ni/ zhag gcig bcabs/ nyes pa gcig ni/ zhag gnyis bcabs nas des dge 'dun la chad pa gsol pa dang / des dge 'dun gyis kyang chad pa byin te/ des zhag gcig chad pa byas pas nyes pa gcig gi chad pa ni/ bri/ gnyis pa'i chad pa ni/ byed/ gsum pa ni/ yid mgu bar spyod pa/ bzhi pa ni/ yid mgu bar spyad zin pa'o/ /btsun pa/ mi'i bud med dang / mi'i skyes pa de gnyis kyi smyan bgyid na/ cir 'gyur/ dge 'dun gyi lhag ma'o/ / mi'i bud med dang / mi ma lags pa'i skyes pa de gnyis kyi smyan bgyis na/ cir 'gyur/ nyes pa sbom por 'gyur ro/ /mi ma lags pa'i bud med dang mi'i skyes pa de gnyis kyi smyan bgyid na/ cir 'gyur/ nyes pa sbom por 'gyur ro/ /mi ma lags pa'i bud med dang / mi ma lags pa'i skyes pa de gnyis kyi smyan bgyid na/ cir 'gyur/ nyes pa sbom por 'gyur ro/ /btsun pa/ mi la mir 'du shes te smyan bgyis na/ cir 'gyur/ dge 'dun gyi lhag ma'o/ /mi la mi ma lags par 'du shes te smyan bgyid na/ cir 'gyur/ nyes pa sbom por 'gyur ro/ /mi ma lags pa la mir 'du shes te smyan bgyid na/ cir 'gyur/ nyes pa sbom por 'gyur ro/ /btsun pa/ dge slong gis gcig nas gcig tu brgyud de smyan bgyid na/ cir 'gyur/ dge 'dun gyi lhag ma'o/ /mdor na/ gzhon nu ma dang bud med mngal/ /za ma ma ning ma ning mo/ /dge 'dun thams cad brtul zhugs gnas/ /mtshan gnyis dang ni 'dra ba'o/ /btsun pa/ gzhon nu'i smyan bgyid na/ cir 'gyur/ nyes pa sbom por 'gyur ro/ /btsun pa/ khyim bdag gi bu ma mchis par smyan bgyid na/ cir 'gyur/ nyes pa sbom por 'gyur ro/ /btsun pa mngal na gnas pa'i smyan bgyid na/ cir 'gyur/ nyes pa sbom por 'gyur ro/ /btsun pa/ za ma'i smyan bgyid na| cir 'gyur/ nyes pa sbom por 'gyur ro/ /ma ning dang ma ning mo'i smyan bgyid na/ cir 'gyur/ nyes pa sbom por 'gyur ro/ /btsun pa/ dge 'dun thams cad tshogs pa dang / khyim bdag cig mchis nas 'di skad du/ 'phags pa rnams bdag gi tshig gis khyim bdag 'di zhes bgyi ba la sring mo'am/ tsha mo'am/ yang tsha mo byin cig /ces gsung spyod dam zhes smras pa dang / gal te dge 'dun thams cad kyis 'phrin blangs te lan slar bskyal na/ dge 'dun thams cad la cir 'gyur/ dge 'dun gyi lhag ma'o/ /de ste dge 'dun thams cad bgros nas dge slong gcig gis bskyal te lan slar bskyal na/ dge 'dun thams cad la cir 'gyur/ dge 'dun gyi lhag ma'o/ /'on te dge slong gcig gis rang gi blon bskyal te lan byin na yang dge 'dun gyi lhag mar 'gyur ro/ /dge slong ma dang / brtul zhugs la gnas pa tshangs par spyod pa gzhan smyan bgyid na| cir 'gyur/ nyes pa sbom por 'gyur ro/ /btsun pa/ dge slong gis 'phrin blangs pa dang / de blangs ma thag tu mtshan 'phos te dge slong mar gyur nas bskyal te lan slar bskyal na/ cir 'gyur/ dge 'dun gyi lhag ma'o/ /btsun pa/ dge slong mas 'phrin blangs nas bskyal te lan slar bskyal ba dang / de'i mtshan 'phos te dge slong phar gyur na/ cir 'gyur/ dge 'dun gyi lhag ma'o/ /btsun pa/ dge slong gis 'phrin blangs nas bskyal ba dang / de'i mtshan 'phos bzhin du lan slar bskyal na/ cir 'gyur| nyes pa sbom por 'gyur ro/ /btsun pa/ dge slong gis 'phrin blangs pa dang / skyes pa de'i mtshan 'phos nas mtshan 'phos bzhin du bskyal te lan slar bskyal na/ cir 'gyur/ nyes pa sbom por 'gyur ro/ /btsun pa/ dge slong gis 'phrin blangs pa dang / bud med la ni/ skyes pa'i mtshan skyes/ skyes pa la ni/ bud med kyi mtshan 'phos pa la 'phos bzhin du bskyal nas lan slar bskyal na/ cir 'gyur/ nyes pa sbom por 'gyur ro/ /sangs rgyas bcom ldan 'das la tshe dang ldan pa u pa lis zhus pa/ btsun pa/ skyes pas bud med dang lhan cig tu dus brda bgyis par gyur pa las/ skyes pas dge slong zhig la 'di skad du/ 'phags pa/ bud med cig gzigs sam zhes smras pa dang / dge slong gis 'tshal bzhin du 'di skad du/ rtsig pa 'di'i drung na 'dug go /zhes mchi na/ cir 'gyur/ nyes pa sbom por 'gyur ro/ /de ste des 'di skad du/ 'phags pa/ bzhud la bud med de tshur shog / ces gsungs shig ces sra spa dang / dge slong de song ste de la smras na/ cir 'gyur/ nyes pa sbom por 'gyur ro/ /ji ltar dge slong gis smyan byas pas dge 'dun gyi lhag mar 'gyur ba de bzhin du bslab pa byin pa dang / dge slong ma la yang dge 'dun gyi lhag mar 'gyur ro/ /dge slong ma dang / dge tshul pha dang / dge tshul ma rnams la ni/ nyes byas su 'gyur ro/ /mdor na/ ma gnang ba dang tshad bya dang / /bdag dang gzhan dang ma g.yogs pa/ /phyir babs bdun brgyud de bzhin te/ /mtshan ni tha mar gyur pa'o/ /btsun pa dge slong gis dngos po ma gnang bar khang ba brtsigs na/ cir 'gyur/ nyes pa sbom por 'gyur ro/ /dngos po gsol nas khang pa ma brtsigs na/ cir 'gyur/ nyes byas so/ /khang pa brtsigs par gnang nas tshad las 'das par bgyis na/ cir 'gyur/ nyes pa sbom por 'gyur ro/ /bdag gis brtsams nas ma lags par bor na/ cir 'gyur/ nyes pa sbom por 'gyur ro| |btsun pa/ gzhan gyis ma lags pa lags par bgyis na/ cir 'gyur/ nyes pa sbom por 'gyur ro/ /steng ma g.yogs pa zhig bgyis na/ cir 'gyur/ nyes pa sbom por 'gyur ro/ /brtsams nas slar babs na/ cir 'gyur/ nyes pa sbom por 'gyur ro/ /de bzhin du bdag nyid kyi 'tsho ba dang phral ba dang / dge tshul phar khas len pa thams cad nyes pa sbom por 'gyur ro/ /de bzhin du ma ning la sogs pa rgyas par ni/ ji ltar bslab pa phul ba bzhin no/ /bsnyen par ma rdzogs par brtsams nas bsnyen par ma rdzogs par lags na/ cir 'gyur/ nyes byas so/ /bsnyen par ma rdzogs par brtsams nas bsnyen par rdzogs kar lags na/ cir 'gyur/ nyes byas so/ /bsnyen par ma rdzogs par brtsams nas bsnyen par rdzogs te lags na/ cir 'gyur/ nyes pa sbom por 'gyur ro/ /bsnyen par rdzogs kar brtsams nas bsnyen par rdzogs kar lags na/ cir 'gyur/ nyes byas so/ /bsnyen par rdzogs kar brtsams nas bsnyen par rdzogs pa na lags na/ cir 'gyur/ nyes pa sbom por 'gyur ro/ /bsnyen par rdzogs pa na brtsams nas bsnyen par rdzogs pa na lags na/ cir 'gyur/ dge 'dun gyi lhag ma'o/ /bsnyen par rdzogs pa na brtsams nas bsnyen par ma rdzogs par lags na/ cir 'gyur/ nyes pa sbom por 'gyur ro/ /btsun pa/ dge slong gis khang pa rtsig par brtsams pa dang / de'i mtshan 'phos te dge slong mar gyur nas lags par bgyid na/ cir 'gyur/ nyes pa sbom por 'gyur ro/ /btsun pa/ dge slong mas khang pa rtsig par brtsams pa dang / mtshan 'phos nas dge slong phar gyur te lags par bgyid na/ cir 'gyur/ nyes byas so/ / bslab pa stsal pas bgyid na/ cir 'gyur/ dge 'dun gyi lhag ma'o/ /dge slong mas bgyid na/ cir 'gyur/ nyes pa sbom por 'gyur ro/ /dge slob ma dang / dge tshul pha dang / dge tshul ma la nyes byas so/ /gtsug lag khang chen po yang de bzhin du bya'o/ /mdor na/ 'phrin pa spring yig lag brda dang / /gzhan zer ba dang gcig nas gcig / smyon pa sems 'khrugs na pa dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba phyi rol pa'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang gis 'khon te 'khon ma btang pas/ dge slong gtsang ma nyes pa med pa la bya ba med par phas pham pa'i chos kyis skur na/ dge 'dun gyi lhag ma'o/ /zhes gsungs na/ dge slong gis bya ba ma mchis par phas pham pa'i chos kyis skur kyang dge 'dun gyi lhag mar mi 'gyur ba mchis sam/ yod de/ dge slong gis 'phrin gyis skur na/ nyes pa sbom por 'gyur ro/ /de bzhin du spring yig dang / lag brda dang / gzhan zer ba dang / gcig nas gcig tu brgyud de skur na/ thams cad nyes pa sbom por 'gyur ro/ /btsun pa/ dge slong gis dge slong smyon pa la skur na/ cir 'gyur/ nyes pa sbom por 'gyur ro/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams la skur na'ang thams cad nyes pa sbom por 'gyur ro/ /btsun pa/ dge slong gis 'di las phyi rol gyi mu stegs can gzhan dge sbyong dang / bram ze dang / spyod pa pa dang / kun tu rgyu ba rnams la skur na/ cir 'gyur/ nyes byas so/ /mdor na/ skad dang lus dang dben pa dang / /sngags dang sman gyis gzhan la bdun/ /khyim pa la ni sogs pa dang / /mtshan yang rnam pa bzhi rgyud 'gyur/ /btsun pa/ dge slong 'phags pas 'phags pa'i skad du dge slong la skur pa dang / dge slong des 'phags pa'i skad ma 'tshal na/ cir 'gyur/ nyes pa sbom por 'gyur ro/ /'phags pas mtha' 'khob pa'i skad du skur ba dang / dge slong des kyang mtha' 'khob pa'i skad ma 'tshal na/ cir 'gyur/ nyes pa sbom por 'gyur ro/ /mtha' 'khob pas kyang mtha' 'khob pa'i skad du skur pa dang / dge slong des kyang mtha' 'khob pa'i skad ma 'tshal na/ cir 'gyur/ nyes pa sbom por 'gyur ro/ /mtha' 'khob pas 'phags pa'i skad du skur pa dang / dge slong des 'phags pa'i skad ma 'tshal na/ cir 'gyur/ nyes pa sbom por 'gyur ro/ /btsun pa/ dge slong gis dge slong la lus kyi dmigs pas skur na/ cir 'gyur/ nyes pa sbom por 'gyur ro/ /btsun pa| dge slong gis dben pa la dben par 'du shes te skur na/ cir 'gyur/ nyes pa sbom por 'gyur ro/ /btsun pa/ dge slong gis sngags dang sman gyis bdag nyid mi snang bar bsgyur te dge slong la skur na/ cir 'gyur/ nyes pa sbom por 'gyur ro/ /btsun pa/ dge slong gis dge slong la gzhan zhig skur pa 'debs su bcug na/ cir 'gyur/ nyes pa sbom por 'gyur ro/ /btsun pa/ dge slong gis dge slong la gzhan gyi slad du skur na/ cir 'gyur/ nyes pa sbom por 'gyur ro/ /btsun pa/ bsnyen par ma rdzogs par skur pa gdab par bshams nas bsnyen par ma rdzogs par grub na/ cir 'gyur/ nyes byas so/ /bsnyen par ma rdzogs par bshams nas bsnyen par rdzogs kar grub na/ cir 'gyur/ nyes byas so/ /bsnyen par ma rdzogs par bshams nas bsnyen par rdzogs te grub na/ cir 'gyur/ dge 'dun gyi lhag ma'o/ /bsnyen par rdzogs kar bshams nas bsnyen par rdzogs kar grub na/ cir 'gyur/ nyes byas so/ /bsnyen par rdzogs kar bshams nas bsnyen par rdzogs te grub na/ cir 'gyur/ dge 'dun gyi lhag ma'o/ / bsnyen par rdzogs pa na bshams te bsnyen par rdzogs pa na grub na/ cir 'gyur/ dge 'dun gyi lhag ma'o/ /bsnyen par rdzogs pa na bshams te bsnyen par ma rdzogs pa na bgyis na/ cir 'gyur/ nyes pa sbom por 'gyur ro/ /btsun pa/ dge slong gis khyim pa la skur na/ cir 'gyur/ nyes byas so/ /de bzhin du ma ning dang / dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / kun gnas dang / sngar 'khrugs pa dang / sngar nyes pa byung ba rnams la skur na/ thams cad nyes pa sbom por 'gyur ro/ /btsun pa/ dge slong gis dge slong la skur na/ cir 'gyur| dge 'dun gyi lhag ma'o/ /de bzhin du dge 'dun phye ba dang / mi gnas pa dang / rjes su phyogs pa dang / bslab pa byin pa'i dge slong rnams la skur na/ thams cad dge 'dun gyi lhag mar 'gyur ro/ /btsun pa/ dge slong gis bsnyen par rdzogs pa la bsnyen par rdzogs par 'du shes te skur na/ cir 'gyur/ dge 'dun gyi lhag ma'o/ /btsun pa/ dge slong gis dge slong la skur pa dang / de'i mtshan 'phos te dge slong mar gyur na/ cir 'gyur/ dge 'dun gyi lhag ma'o/ /btsun pa/ dge slong mas dge slong ma la skur pa dang / mtshan 'phos te dge slong du gyur na/ cir 'gyur/ dge 'dun gyi lhag ma'o/ /btsun pa/ dge slong gis bsnyen par rdzogs pa la bsnyen par rdzogs par 'du shes te skur na/ cir 'gyur/ dge 'dun gyi lhag ma'o/ /dge slong gis bsnyen par rdzogs pa la bsnyen par ma rdzogs par 'du shes te skur na/ cir 'gyur/ nyes pa sbom por 'gyur ro/ /bsnyen par ma rdzogs pa la bsnyen par rdzogs par 'du shes te skur na/ cir 'gyur/ nyes pa sbom por 'gyur ro/ /bsnyen par ma rdzogs pa la bsnyen par ma rdzogs par 'du shes te skur na/ cir 'gyur/ nyes byas so/ /btsun pa/ dge slong gis mi la mir 'du shes te skur na/ cir 'gyur/ dge 'dun gyi lhag ma'o/ /mi la mi ma lags par 'du shes te skur na/ cir 'gyur/ nyes pa sbom por 'gyur ro/ /mi ma lags pa la mir 'du shes te skur na/ cir 'gyur/ nyes pa sbom por 'gyur ro/ /mi ma lags pa la mi ma lags par 'du shes te skur na/ cir 'gyur/ nyes pa sbom por 'gyur ro/ /mdor na/ mtha' dang 'on te mtshams med pa/ /gsad par mi bya gcig la gcig /bris dang chas skur de bzhin te/ /rgyas par byed dang de bzhin no/ / btsun pa/ dge slong zhig bdag nyid 'di skad du/ bdag gis mi tshangs par spyod pa 'khrig pa'i chos bgyis so/ /zhes mchi ba'i dge slong de la dge slong gis rtsa ba ma mchis par rku ba dang / gsod pa dang / rdzun rnams kyis skur na/ cir 'gyur/ dge 'dun gyi lhag mar 'gyur ro/ /btsun pa/ dge slong zhig bdag nyid 'di skad du/ bdag gis yo byad chen po zhig brkus so/ /zhes mchi ba'i dge slong de la dge slong gis rtsa ba ma mchis par gsod pa dang / rdzun dang / mi tshangs par spyod pa rnams kyis skur na/ cir 'gyur/ dge 'dun gyi lhag ma'o/ /btsun pa/ dge slong zhig bdag nyid 'di skad du/ bdag gis mi zhig 'tsho ba dang phral lo/ /zhes mchi ba'i dge slong de la dge slong gis rtsa ba ma mchis par rdzun dang / mi tshangs par spyod pa dang / rku ba rnams kyis skur na/ cir 'gyur/ dge 'dun gyi lhag ma'o/ /btsun pa/ dge slong zhig bdag nyid 'di skad du bdag gis mi las bla mar gyur pa'i chos smras so/ /zhes mchi ba'i dge slong de la dge slong gis rtsa ba ma mchis par mi tshangs par spyod pa dang / rku ba dang / gsod pa rnams kyi skur na/ cir 'gyur/ dge 'dun gyi lhag ma'o/ /btsun pa/ bcom ldan 'das kyis dge slong gis dge slong la rtsa ba med par phas pham pa'i chos kyis skur na/ dge 'dun gyi lhag mar 'gyur ro/ /zhes gsungs na/ btsun pa| dge slong gis dge slong la rtsa ba ma mchis par mtshams med pas skur na/ cir 'gyur/ de ste pha dang / ma dang / dgra bcom pa bsad pa rnams kyis skur na/ dge 'dun gyi lhag mar 'gyur ro/ /gang la rtsa ba med par dge 'dun gyi dbyen dang / ngan sems kyis khrag phyung bas skur na/ nyes byas su 'gyur ro/ /de ci'i phyir zhe na/ u pa li/ pha dang / ma dang / dgra bcom pa bsad pas skur pa gang yin pa de ni/ phas pham pas skur ba'o/ /dge 'dun gyi dbyen dang / ngan sems kyis khrag phyung bas skur pa gang yin pa de ni/ nyes pa sbom pos skur ba ste/ nyes pa sbom pos ni/ dge slong ma yin par mi 'gyur gyi/ de ni/ bshags par 'os so/ /dge slong gis dge slong la rtsa ba med par phas pham pa'i chos kyis skur na/ dge 'dun gyi lhag mar 'gyur ro/ /rtsa ba med par dge 'dun gyi lhag mas skur na/ ltung bar 'gyur ro/ /rtsa ba med par ltung ba dang / so sor mthol ba rnams dang / nyes byas rnams kyis skur na/ nyes byas su 'gyur ro/ /de bzhin du rtsa ba med par nyes pa sbom pos skur na yang nyes byas su 'gyur ro/ /btsun pa/ dge slong gis dge slong ma la skur na/ cir 'gyur/ dge 'dun gyi lhag ma'o| |btsun pa/ bcom ldan 'das kyis dge slong gis dge slong la skur na/ dge 'dun gyi lhag mar 'gyur ro/ /zhes gsungs na/ dge slong gis dge slob ma dang / dge tshul pha dang / dge tshul ma rnams la skur na/ cir 'gyur/ nyes pa sbom por 'gyur ro/ /dge slong mas dge slong ma la skur na/ cir 'gyur/ dge 'dun gyi lhag ma'o/ /dge slong mas dge slong la skur na/ cir 'gyur/ dge 'dun gyi lhag ma'o/ /dge tshul phas dge slob ma dang / dge tshul ma la skur na/ nyes byas su 'gyur ro/ /dge slong mas dge slong ma dang / dge slob ma dang / dge tshul pha dang / dge tshul ma rnams la skur na/ nyes byas su 'gyur ro/ /dge tshul gyis dge slong dang / dge slong ma dang / dge slob ma dang / dge tshul ma rnams la skur na/ nyes byas su 'gyur ro/ /dge tshul mas dge slong dang / dge slong ma dang / dge slob ma dang / dge tshul rnams la skur na/ nyes byas su 'gyur ro| |btsun pa/ dge slong gis bdag nyid kyis bris la 'di skad du/ yi ge 'di ni/ 'di skad zer te/ khyod ni/ mi tshangs par spyod pa'i phas pham pha byung ngo / /zhes mchi na/ cir 'gyur/ nyes pa sbom por 'gyur ro/ /ji ltar rtsa ba med pa de bzhin du chas skur pa'ang de bzhin du rgyas par brjod par bya'o/ /mdor na/ bsdus pa'i gsol pa btang snyoms dang // glen pa dran par bya ba dang / bzhi pa 'dug dang rtag pa dang / /dad dang gcig bu nam mkha' dang / /khyer ba rgyas par de bzhin bya/ /sangs rgyas bcom ldan 'das la tshe dang ldan pa u pa lis zhus pa/ btsun pa/ dge slong sdum par ma bsgos par gsol ba dang bzhi'i las kyis bsgo na/ bsgo ba zhes bgyi'am/ ma bsgo ba zhes bgyi/ bsgo ba chags sam/ mi 'chags/ u pa li/ mi 'chags te/ dge 'dun la yang 'das pa dang bcas par 'gyur ro/ /btsun pa/ sdum par bsgo bas gsol ba dang bzhi'i las kyis bsgo na/ bsgo ba zhes bgyi 'am/ ma bsgo ba zhes bgyi/ bsgo ba 'chags sam/ mi 'chags/ u pa li/ 'chags te/ dge 'dun la yang 'das pa dang bcas par mi 'gyur ro/ /btsun pa/ bskrad pa'i las ma bgyis par sdum par bsgo na/ bsgo ba zhes bgyi'am/ ma bsgo ba zhes bgyi/ bsgo ba 'chags sam/ ma 'chags/ u pa li/ mi 'chags te/ dge 'dun la'ang 'das pa dang bcas par 'gyur ro/ /btsun pa/ bskrad pa'i las bgyis la sdum par bsgo na/ bsgo ba zhes bgyi'am/ ma bsgo ba zhes bgyi/ bsgo ba 'chags sam/ mi 'chags/ u pa li/ 'chags te/ dge 'dun la yang 'das pa dang bcas par mi 'gyur ro/ /btsun pa/ bskrad pa'i las ma bgyis par gsol pa dang bzhi'i las kyis bsgo na/ bsgo ba zhes bgyi 'am/ ma bsgo ba zhes bgyi/ bsgo ba 'chags sam/ mi 'chags/ u pa li/ mi 'chags te/ dge 'dun la yang 'das pa dang bcas par 'gyur ro/ /btsun pa/ bskrad pa'i las bgyis nas gsol ba dang bzhi'i las kyis bsgo na/ bsgo ba zhes bgyi'am/ ma bsgo ba zhes bgyi/ bsgo ba 'chags sam/ mi 'chags/ u pa li/ mi 'chags te/ dge 'dun la'ang 'das pa dang bcas par 'gyur ro/ /btsun pa/ bskrad pa'i las bgyis nas gsol ba dang bzhi'i las kyis bsgo na/ bsgo ba zhes bgyi 'am/ ma bsgo ba zhes bgyi/ bsgo ba 'chags sam/ mi 'chags/ u pa li/ 'chags te/ dge 'dun la'ang 'das pa dang bcas par mi 'gyur ro/ /btsun pa/ ma gleng zhing dran par ma bgyis par bdag nyid tshig bka' blo mi bde ba la gnas na/ bsgo bar bgyi'am/ u pa li/ ma yin no/ /bsgo ba 'chags sam/ u pa li/ mi 'chags so/ /btsun pa| gleng zhing dran par bgyis la bdag nyid tshig bka' blo mi bde ba la gnas na/ cir 'gyur/ nyes byas so/ /bsgo ba zhes bgyi'am/ u pa li/ bsgo ba zhes bya'o/ /bsgo ba 'chags sam/ u pa li/ 'chags so/ /btsun pa/ mtshams kyi nang na mchis pas mtshams kyi slad rol na mchis pa rnams la bsgo na/ bsgo ba zhes bgyi'am/ u pa li| ma yin no/ /mtshams kyi slad rol na mchis pas mtshams kyi nang na mchis pa rnams la bsgo na/ bsgo ba zhes bgyi'am/ u pa li/ ma yin no/ /btsun pa/ las bgyid pa mtshams kyi nang na mchis pas mtshams kyi slad rol na mchis pa rnams la bsgo na/ bsgo ba zhes bgyi'am/ u pa li/ ma yin no/ /btsun pa/ las bgyid pa mtshams kyi slad rol na mchis pas mtshams kyi nang na mchis pa rnams la bsgo na/ bsgo ba zhes bgyi'am/ u pa li/ ma yin no/ /btsun pa/ las bgyid pas mtshams mnan/ mtshams bzung / mtshams su 'greng ngam 'dug ste bsgo na/ bsgo ba zhes bgyi'am/ bsgo ba 'chags sam/ u pa li/ bsgo ba zhes bya ste/ bsgo ba 'chags so/ /btsun pa/ dge slong las bgyid pa ma bskos pas mtshams kyi nang nas gang zag bzhi zhig spangs na/ spangs zhes bgyi'am/ u pa li/ ma yin no/ /btsun pa/ dge slong las bgyid par bsgo bas mtshams kyi nang nas gang zag bzhi zhig spangs na/ spangs pa zhes bgyi'am/ 'on te re re nas sam/ gnyis gnyis nas sam/ gsum gsum nas spangs na/ spangs pa zhes bya'o| |btsun pa/ mtshams gcig pa'i phyogs bzhin mtshungs par gnas pa'i dge slong dag gis dge slong bzhi la bsgo na/ bsgo ba zhes kyang bgyi la/ nongs pa cung zad du yang mi 'gyur zhing / des dge 'dun mi mthun par yang mi 'gyur ba mchis sam/ u pa li/ yod de/ gcig la gcig dad pa byin la/ de ste re re'am/ gnyis gnyis sam/ gsum gsum la bsgo ste/ bzhir mtshang na'o/ /de ci'i phyir zhe na/ mang pos mang po la las byar mi rung ngo / /btsun pa/ las bgyid pa phyogs gcig tu mchis pa gnas bzhi'i las thams cad bgyi ba rung ngam/ u pa li/ rung ste/ ji ltar de yang dge slong las byed pa des gnas bzhi char gyi mtshams kyi mdor khri'am/ khri'u'am/ smyug ma'am/ re lde la mnan te 'dug par gyur la/ gnas de dag tu 'di lta ste/ bzhi sdes bya ba'i las sam/ lnga sdes bya ba'i las sam/ bcu sdes bya ba'i las sam/ nyi shu sdes bya ba'i las kyang rung ste/ las 'di lta bu dag nye bar byung bar gyur pa ste/ de ci'i phyir zhe na/ de ni/ de dag gi las byed pa'o/ /de ni/ de dag gi grangs su skong pa'o/ /sa la mchis pas nam mkha' la mchis pa rnams la bsgo na/ bsgo ba zhes bgyi'am/ u pa li/ ma yin no/ /btsun pa/ las bgyid pa nam mkha' la mchis las la mchis pa rnams la bsgo na/ bsgo ba zhes bgyi'am/ u pa li/ ma yin no/ /dge 'dun gyi lhag ma'o/ /bzhi po lus pa la yang de bzhin du brjod par bya'o/ /dge slong la ji lta ba bzhin bslab pa byin pa dang / dge slong ma rnams la yang dge 'dun gyi lhag mar 'gyur ro/ /dge slob ma dang / dge tshul pha dang / dge tshul ma rnams la nyes byas so/ /u pa lis zhus pa'i nang nas dge 'dun gyi lhag ma rdzogs so/ / //mdor na/ tha ma lam dang rgyal rigs dang / /phung po lhag ma de bzhin te/ /kha dang sha kha ra dang hwags/ /bu ram mar dang mi mngon pa'o/ / btsun pa/ dge bsnyen ma dad pa zhig dge slong gi drung du mchis nas 'di skad du/ btsun pa/ bdag gis dge slong zhig la tha ma dang po bgyid pa mthong ngo / /zhes mchi na/ dge bsnyen ma dad pa'i tshig bzhin bgyi'am/ mi bgyi/ mi bya'o/ /de de'i ngo bo tshol du stsal tam/ mi stsal/ mi gzhug ste/ de na zla lta yod dam zhes de la dri bar bya'o/ /de ste yod do/ /zhes zer na/ gnyis ka la dris la/ de ste mthun na/ dge bsnyen ma dad pa'i tshig bzhin du gyis shig /de de'i ngo bo tshol du yang chug cig /'on te des 'di skad smras te/ tha ma dang po'i nyes pa ni/ ma byung gi /bdag gis gnyis pa'am/ gsum pa'am/ bzhi pa yang rung / nyes pa byung ba ni/ mthong ngo / /zhes smras na/ dge slong de dam 'char chug cig /ji ltar dang po pa de bzhin du gnyis pa dang / gsum pa dang / bzhi pa'i tha ma rnams la yang de ltar bya'o/ /btsun pa/ dge bsnyen ma dad pa zhig dge slong rnams kyi drung du mchis nas 'di skad du/ btsun pa/ dge slong zhig gis kha'i sgor ma rung par bgyis pa bdag gis mthong ngo / /zhes mchi na/ dge bsnyen ma dad pa'i tshig bzhin du bgyi'am/ mi bya'o/ / de de'i ngo bo tshol du stsal tam/ mi gzhug go /de la/ de na zla lta yod dam zhes dris la/ de ste yod do/ /zhes zer na/ gnyis ka la dris shig /de ste mthun na/ dge bsnyen ma dad pa'i tshig bzhin du bya ste/ de de'i ngo bo tshol tu yang chug cig /'on te des 'di skad du/ 'dis kha'i sgor ni ma rung bar yang ma gyur mod kyi/ bshang ba'i sgor ma rung ngo / /zhes zer na/ dge slong de dam 'char chug cig /kha'i sgor ji lta ba de bzhin du gci ba'i sgo dang / bshang ba'i sgor yang de bzhin bya'o/ /btsun pa/ dge bsnyen ma dad pa zhig dge slong rnams kyi drung du mchis nas 'di skad du/ btsun pa/ dge slong zhig rgyal rigs ma zhig dang lhan cig tu ma rung bar gyur pa bdag gis mthong ngo / /zhes mchi na/ dge bsnyen ma dad pa'i tshig bzhin du bgyi'am/ mi bya'o/ /de'i ngo bo tshol du stsal tam/ mi gzhug go /de la de ni ci zla lta yod dam zhes dris shig /de ste yod do/ zhes zer na/ gnyis ka la dris la/ de ste mthun na/ dge bsnyen ma dad pa'i tshig bzhin du bya ste/ de de'i ngo bo tshol du gzhug go /'on te des 'di skad du/ rgyal rigs ma dang lhan cig tu ma rung bar ma gyur gyi/ 'di ni/ bram ze mo dang ma rung bar gyur to/ /zhes zer na/ dge slong dam 'char chug cig /rgyal rigs ma la ji lta ba bzhin du bram ze mo dang / rje'u rigs mo dang / dkar mo dang / sngon mo dang / ser skya mo dang / ring mo dang / thung ngu dang / shin tu legs pa mo dang / rid de ma dang / tshon mo dang / lus mnyam pa dang / 'gro ba dang / 'dug pa dang / 'greng ba dang / 'phres pa rnams la yang rgyas par bya'o/ /btsun pa/ dge bsnyen ma dad pa zhig dge slong rnams kyi drung du mchis nas 'di skad du/ btsun pa| dge slong zhig gis ltung ba'i phung po dang po'i nyes pa byung ba bdag gis mthong ngo / /zhes mchi na/ dge bsnyen ma dad pa'i tshig bzhin du bgyi'am/ mi bya'o/ /de'i ngo bo tshol du stsal tam/ mi gzhug go /de la/ de na ci zla lta yod dam zhes dris shig /de ste yod do/ /zhes zer na/ gnyis ka la dris la/ de ste mthun par zer na/ dge bsnyen ma dad pa'i tshig bzhin du bya ste/ de de'i ngo bo tshol du yang chug cig /'on te des 'di skad 'dis ltung ba'i phung po dang po ni/ ma byung gi/ gnyis pa dang / gsum pa dang / bzhi pa dang / lnga pa'i phung po rnams ni/ byung ngo / /zhes zer na/ de bzhin du lnga pa'i bar du smros shig /btsun pa/ dge bsnyen ma dad pa zhig dge slong rnams kyi drung du mchis nas 'di skad du/ btsun pa/ dge slong zhig gis dge 'dun gyi lhag ma byung ba bdag gis mthong ngo / /zhes mchi na/ dge bsnyen ma dad pa'i tshig bzhin du bgyi'am/ mi bya'o/ /de de'i ngo bo tshol du stsal tam/ mi gzhug go / de la/ ci de na zla lta yod dam zhes dris shig /de ste yod do/ /zhes zer na/ gnyis ka la dris la/ de ste mthun par smras na ni/ dge bsnyen ma dad pa'i tshig bzhin du byos shig / de de'i ngo bo tshol du chug cig /'on te des 'di skad du/ dge 'dun gyi lhag ma dang po ni/ ma byung gi /gnyis pa dang / gsum pa dang / bzhi pa nas dge 'dun gyi lhag ma bcu gsum pa'i bar du byung ngo / /zhes zer na/ de dge slong dam 'char chug cig /dang po la ji lta ba bzhin gnyis pa dang / gsum pa nas dge 'dun gyi lhag ma bcu gsum pa'i bar du yang de bzhin no/ /dge bsnyen ma dad pa zhig dge slong rnams kyi drung du mchis nas 'di skad du/ btsun pa/ dge slong zhig gis khar khu ba phyung ba bdag gis mthong ngo / /zhes mchi na/ dge bsnyen ma dad pa'i tshig bzhin du bgyi'am/ mi bya'o/ /de'i ngo bo tshol du stsal tam/ mi gzhug go /de la/ ci de na zla lta yod dam zhes dris shig / de ste yod do/ /zhes zer na/ de gnyis ka la yang dris la/ de ste mthun par smras na/ dge bsnyen ma dad pa'i tshig bzhin du bya ste/ de de'i ngo bo tshol du yang gzhug go /'on te des 'di skad du/ khar ma rung bar ni ma gyur kyi/ so'i phyi rol mchur khu ba phyung ngo / /zhes zer na/ dge slong dam 'char chug cig /btsun pa/ dge bsnyen ma dad pa zhig dge slong rnams kyi drung du mchis nas 'di skad du/ btsun pa/ dge slong zhig gis gci ba'i lam du khu ba phyung bar bdag gis mthong ngo / /zhes mchi na/ dge bsnyen ma dad pa'i tshig bzhin du bgyi'am/ mi bya'o/ /de'i ngo bo tshol du stsal tam/ mi gzhug go /de la/ ci de na zla lta yod dam zhes dris shig /de ste yod do/ /zhes zer na/ de gnyis ka la yang dris la/ de ste mthun par smras na/ dge bsnyen ma dad pa'i tshig bzhin du bya ste/ de de'i ngo bo tshol du yang gzhug go /'dis gci ba'i lam du ni/ ma rung bar ma byas kyi/ brla'i nang du khu ba blugs so/ /zhes zer na/ dge slong dam 'char chug cig /btsun pa/ dge bsnyen ma dad pa zhig dge slong rnams kyi drung du mchis nas 'di skad du/ dge slong zhig gis bshang ba'i lam du khu ba phyung bar bdag gis mthong ngo / /zhes mchi na/ dge bsnyen ma dad pa'i tshig bzhin du bgyi'am/ mi bya'o/ /de de'i ngo bo tshol du stsal tam/ mi gzhug go /de la/ ci de na zla lta yod dam zhes dris shig / de ste yod do/ /zhes zer na/ de gnyis ka la yang dris la/ de ste mthun par smra na/ dge bsnyen ma dad pa'i tshig bzhin bya ste/ de de'i ngo bo tshol du yang gzhug go / 'on te des 'di skad du bshang ba'i lam du ni/ ma rung bar ma gyur kyi/ 'dis sna'i nang du khu ba phyung ngo / /zhes zer na/ dge slong dam 'char chug cig /btsun pa/ dge bsnyen ma dad pa zhig dge slong rnams kyi drung du mchis nas 'di skad du/ btsun pa/ bdag gis dge slong zhig dus ma yin par skyo ma 'thung ba mthong ngo / /zhes mchi na| de de'i ngo bo tshol du stsal tam/ mi gzhug go /de la/ ci de na zla lta yod dam zhes dris shig /de ste yod do/ /zhes zer na/ gnyis ka la yang dris la/ de ste mthun par smra na/ dge bsnyen ma dad pa'i tshig bzhin du bya ste/ de de'i ngo bo tshol du chug cig /'on te des 'di skad du/ 'di dus ma yin par skyo ma ni/ ma mthungs kyi/ sha kha ra'i chu zhig ni/ 'dis 'thungs so/ /zhes zer na/ dge slong dam 'char chug cig /btsun pa/ dge bsnyen ma dad pa zhig dge slong rnams kyi drung du mchis nas 'di skad du/ btsun pa/ dge slong zhig gis bu ram chang zhig 'thungs pa bdag gis mthong ngo / /zhes zer na/ dge bsnyen ma dad pa'i tshig bzhin du bgyi'am/ mi bya'o/ /de de'i ngo bo tshol du stsal tam/ mi gzhug go/ de la/ ci de na zla lta yod dam zhes dris shig /de ste yod do/ /zhes zer na/ de gnyis ka la dris la/ de ste mthun par smra na/ dge bsnyen ma dad pa'i tshig bzhin du bya ste/ de de'i ngo bo tshol du chug cig / 'on te des 'di skad du/ 'dis bu ram chang ni/ ma mthungs kyi/ 'dis hwags kyi chu zhig 'thungs so/ /zhes zer na/ dge slong dam 'char chug cig /btsun pa/ dge bsnyen ma dad pa zhig dge slong rnams kyi drung du mchis nas 'di skad du/ btsun pa/ dge slong zhig gis dus ma lags par sha za ba bdag gis mthong ngo / /zhes mchi na/ dge bsnyen ma dad pa'i tshig bzhin du bgyi'am/ mi bya'o/ /de de'i ngo bo tshol du stsal tam/ mi gzhug go /de la/ ci de na zla lta yod dam zhes dris shig /de ste yod do/ /zhes zer na/ gnyis ka la'ang dris la| de ste mthun par smra na/ dge bsnyen ma dad pa'i tshig bzhin du bya ste/ de de'i ngo bo tshol du chug cig /'on te des 'di skad du/ 'dis dus ma yin par sha ni ma zos kyi/ 'dis bu ram zhig zos so/ /zhes zer na/ dge slong dam 'char chug cig /btsun pa/ dge bsnyen ma dad pa zhig dge slong rnams kyi drung du mchis na 'di skad du/ btsun pa/ dge slong zhig gis dus ma lags par kha zas za ba bdag gis mthong ngo / /zhes mchi na/ dge bsnyen ma dad pa'i tshig bzhin du bgyi'am/ mi bya'o/ /de de'i ngo bo tshol du stsal tam/ mi gzhug go /de la/ ci de na zla lta yod dam zhes dris shig / de ste yod do/ /zhes zer na/ de gnyis ka la'ang dris la/ de ste mthun par smra na/ dge bsnyen ma dad pa'i tshig bzhin du bya ste/ de de'i ngo bo tshol du chug cig /'on te des 'di skad du/ 'dis dus ma yin par kha zas ni ma zos kyi/ 'dis mar zhig zos so/ /zhes zer na/ dge slong dam 'char chug cig /dge bsnyen ma dad pa bden pa mthong bas mi mngon pa'i dngos po gang smras kyang rung ste/ dge slong dam 'char chug cig /mi mngon pa rdzogs so// //'dul ba gzhung dam pa bam po gsum pa/mdor na| de nyid stor dang tshig pa dang / /sems 'khrugs byin gyis ma brlabs pa/ /mi rung ba dang dus las 'das/ /mtshan dang bzhi rgyud gsum pa'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ dgung bcu las 'das pa'i gos kyang de nyid lags la/ de nyid dgung gcig gis bral bar 'gyur ba mchis sam/ u pa li/ yod de/ ji ltar yang dge slong des gos kyi rgyud ma chad par zhag bcu po'i tha ma la gos shig rnyed de/ des gos de byin gyis brlabs nas mtshams kyi phyi rol tu gos de med par skya rengs shar na/ gos de ni/ zhag bcu 'das shing nub gcig gis bral ba'o/ /btsun pa/ dge slong gis spang ba'i gos stor bar gyur na/ nongs pa bshags par bgyi'am/ u pa li/ bshags par bya'o/ /nongs pa bshags nas rnyed na/ spang ngam/ u pa li/ ma yin no/ /btsun pa/ dge slong gis spang ba'i gos mes tshig gam zos par gyur na/ dum bu de spang bar bgyi'am/ u pa li/ ma yin te/ nyes pa 'ba' zhig bshags par bya'o/ /'on te khru gang gru bzhi yan chad lus par gyur na/ spang bar bya'o/ /btsun pa/ dge slong gis gos rnyed ma thag tu sems 'khrugs par gyur na/ gang nas bzung ste de'i dgung bcur bgrang bar bgyi'am/ nam rang gi sems phyir rnyed pa nas gzung ngo / /btsun pa/ dge slong gis gos brgyad dam dgu zhig byin gyis ma brlabs ma bsngos par nam 'tsho ba'i bar du bcangs na/ nongs par mi 'gyur ba mchis sam/ u pa li/ yod de/ ji ltar dge slong gis nyi ma re re zhing gos las slar phyung ste/ gzhan la byin gyis rlob pa'o/ /btsun pa/ bcom ldan 'das kyis dgung bcu 'das na/ gos spang bar 'gyur ro/ /zhes gsungs na/ btsun pa/ dge slong gis gos dgung bcu las lhag par bcangs kyang spang pa'i ltung bar mi 'gyur pa mchis sam/ u pa li/ yod de/ ji ltar gos kyi rgyu rung bar gyur la spun mi rung bar gyur pa dang / rgyu mi rung bar gyur la spun rung bar gyur pa dang / gnyis ka mi rung bar gyur ba ste/ mi rung ba ni/ rnga mo'i bal dang / ba lang gi bal dang / ra'i bal dang / ri dwags kyi bal dang 'dres pa dang / thags su ma btags pa de lta bu'i gos zhag bcu las lhag par bcangs na/ nyes byas su 'gyur ro/ /btsun pa/ bcom ldan 'das kyis dge slong gis zhag bcu'i bar du gos lhag pa bcang bar bya'o/ / zhes gsungs na/ btsun pa/ dge slong gis nam 'tsho'i bar du gos lhag pa bcangs na/ nongs par mi 'gyur ba mchis sam/ u pa li/ yod de/ zhag bcu tshun chad du dus las 'das par gyur na'o/ /btsun pa/ bcangs na nongs par mi 'gyur ba'i gos kyang de nyid lags la/ bcangs na nongs par 'gyur ba'i gos kyang de nyid lags pa mchis sam/ u pa li/ yod de/ ji ltar dge slong des rin che ba'i gos shig bcangs pa las mtshan 'phos nas dge slong mar gyur te bcangs na/ nyes par 'gyur ro/ /btsun pa| dge slong gis gos rnyed nas dgung bcu 'das pa dang mtshan 'phos te dge slong mar gyur nas dgung bcu 'das na/ cir 'gyur/ spang ba'i ltung bar 'gyur ro/ /btsun pa/ dge slong mas rnyed nas dgung bcu 'das pa dang mtshan 'phos nas dge slong phar gyur te dgung bcu 'das na/ cir 'gyur/ spang ba'i ltung bar 'gyur ro/ /btsun pa/ dge slong gis dgung bcu la dgung bcur 'du shes te skya rengs shar na/ cir 'gyur/ spang ba'i ltung bar 'gyur ro/ /btsun pa/ dgung bcu ma lags par 'du shes na/ cir 'gyur/ nyes pa med do/ / dgung bcu ma lags pa la dgung bcur 'du shes na/ cir 'gyur/ nyes byas so/ /zhag bcur ma lon pa la zhag bcu ma lon par 'du shes na/ ltung ba med do/ /btsun pa/ gtan pa bting ba'i gnas su dge slong gis gos shig rnyed na/ gos de spang bar 'gyur ba mchis sam/ u pa li/ yod de/ ji ltar dge slong de'i gos spang bar gyur nas dge slong des gos de ma spangs/ bral bar ma byas/ nyes pa ma mthol ba'i bar du dge 'dun gyis gtan pa bting ba dang / dge slong de gos rnyed na/ spang bar 'gyur ro/ /btsun pa/ bslab pa stsal ba rnams kyis dgung bcu las lhag par gos lhag pa bcangs na/ cir 'gyur/ spang pa'i ltung bar 'gyur ro/ /btsun pa/ dge slong mas dgung bcu las 'das par gos lhag pa bcangs na/ cir 'gyur/ spang ba'i ltung bar 'gyur ro/ /dge slob ma dang / dge tshul pha dang / dge tshul ma rnams kyis zhag bcu las 'das par gos lhag pa bcangs na/ nyes byas su 'gyur ro/ /mdor na/ dge 'dun gyi dang sa dang mtshams/ /mnan dang bskor bar ma byas dang / /mtshams ma bcad dang ma g.yogs dang / /bzhi rgyud mtshan yang de bzhin no/ /sangs rgyas bcom ldan 'das la tshe dang ldan pa u pa lis zhus pa/ btsun pa/ dge 'dun gyi chos gos byin gyis brlabs par gnang ngam/ u pa li/ mi gnang ngo / /btsun pa/ de 'dra ba'i rkyen byung na/ gnang ngam/ u pa li/ gnang ngo / /btsun pa/ dge slong gis dge 'dun gyis chos gos byin gyis brlabs te chos gos ma mchis par mtshams kyi slad rol tu bral bar bgyis na chos gos dang bral bzhes bgyi'am/ bral ba zhes bya'o/ /chos gos de spang bar bgyi'am/ u pa li/ ma yin no/ /nongs pa mthol bar bgyi'am/ mthol bar bya'o/ / btsun pa/ dge slong gis chos gos sa la bzhag ste nam mkha' la skya rengs shar ram/ chos gos nam mkha' la bzhag ste sa la skya rengs shar na/ chos gos dang bral ba'am/ ma bral ba zhes bgyi/ bral ba zhes bya'o/ /btsun pa/ dge slong gis chos gos mtshams kyi nang du bzhag ste mtshams kyi slad rol tu skya rengs shar ram/ mtshams kyi slad rol tu chos gos bzhag la mtshams kyi nang du skya rengs shar na/ chos gos dang bral ba zhes bgyi'am/ bral ba zhes bya'o/ /btsun pa/ dge slong gis mtshams mnan na/ mtshams bzung / mtshams su 'greng ngam 'dug la/ mtshams kyi bar du chos gos bzhag ste skya rengs shar na/ chos gos dang bral ba zhes bgyi'am/ bral ba zhes bya'o/ / btsun pa/ dge slong mtshams kyi nang du mchis la/ chos gos kyang mtshams kyi nang du bzhag pa las/ chos gos de dang 'bral bar 'gyur ba mchis sam/ u pa li/ yod de/ chos gos kyi sdom pa ma bskos pa'o/ /btsun pa/ mtshams ma bcad pa'i gnas su ji tsam gyis na/ dge slong chos gos dang bral ba zhes bgyi/ u pa li/ ji tsam gtsug lag khang gi nye 'khor tam/ khang pa'am/ sgo khyams sam/ bskor ba'i khang pa'am/ dge slong gis kun tu spyad pa'i kun dga' ra ba'am/ phyi ra'am/ shing thags sam/ 'o bas rnams shes par bya'o/ /btsun pa/ dge slong gis gnas gcig la thog kyang gcig par gnas la/ de nyid du chos gos kyang bzhag na/ de chos gos dang bral bar 'gyur ba mchis sam| u pa li/ yod de/ ji ltar gnas der mu stegs can sna tshogs dang / dge sbyong dang / bram ze dang / spyod pa pa dang / kun tu rgyu ba rnams gnas pa dang spun so sor bgos pa rnams su'o| |btsun pa/ dge slong gis mtshams kyi slad rol la mtshams kyi slad rol tu 'du shes na/ cir 'gyur/ spang ba'i ltung bar 'gyur ro/ /mtshams kyi nang la mtshams kyi slad rol tu 'du shes na/ cir 'gyur/ nyes byas so/ /mtshams kyi slad rol la mtshams kyi nang du 'du shes na/ cir 'gyur/ nyes pa med do/ /mtshams kyi nang la mtshams kyi nang du 'du shes na| cir 'gyur/ nyes pa med do/ /btsun pa/ dge slong gis mtshams kyi nang du chos gos bzhag ste mtshams kyi slad rol tu skya rengs shar ba dang mtshan 'phos te dge slong mar gyur na| cir 'gyur/ spang ba'i ltung bar 'gyur ro/ /btsun pa/ dge slong mas mtshams kyi nang du chos gos bzhag la/ mtshams kyi slad rol tu skya rengs shar ba dang mtshan 'phos te dge slong du gyur na/ cir 'gyur/ spang ba'i ltung bar 'gyur ro/ /btsun pa/ dge slong gis su'i mdun du chos gos byin gyis brlab par bgyi/ u pa li/ dge slong gis dge slong dang / dge tshul pha'i mdun du chos gos byin gyis brlab par bya'o/ /dge tshul phas ni/ dge slong dang / dge tshul pha'i mdun du chos gos byin gyis brlab par bya'o/ / dge slong mas ni/ dge slong ma dang / dge slob ma dang / dge tshul ma'i mdun du chos gos byin gyis brlab par bya'o/ /dge slob mas ni/ dge slong ma dang / dge slob ma dang / dge tshul ma rnams kyi mdun du chos gos byin gyis brlab par bya'o/ /dge tshul mas ni/ dge slong ma dang / dge slob ma dang / dge tshul ma rnams kyi mdun du chos gos byin gyis brlab par bya ste/ slar dbyung ba dang / bsngo ba yang de bzhin du bya'o/ /btsun pa/ bslab pa stsal bas chos gos ma mchis par mtshams kyi slad rol tu skya rengs shar na/ cir 'gyur/ spang ba'i ltung bar 'gyur ro/ /de bzhin du dge slong ma la yang spang ba'i ltung ba rgyas par brjod do/ /dge slob ma dang / dge tshul pha dang / dge tshul ma rnams la nyes byas so/ /mdor na/ sems 'khrugs pa dang dus las 'das/ /rung ba dag kyang de bzhin te/ /mi rung ba dang gding ba yang / /de bzhin rdzogs pa bzhi dang mtshan/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis dge slong gis ring na yang zla ba gcig tu gos zhog cig ces gsungs na/ btsun pa/ dge slong gis gos rnyed ma thag tu sems 'khrugs par gyur na/ gang nas bzung ste de'i zla ba bgrang bar bgyi/ nam rang gi sems phyir rnyed pa tshun chad do/ /btsun pa/ bcom ldan 'das kyis ni/ dge slong gis ring na zla ba gcig tu gos chongs shig ces gsungs na/ btsun pa/ dge slong gis nam 'tsho'i bar du gos bzhag kyang nongs par mi 'gyur ba mchis sam/ u pa li/ yod de/ zla ba gcig tshun chad dus byas na'o/ /btsun pa/ bcom ldan 'das kyis dge slong gis ring na yang zla ba gcig tu gos zhog cig ces gsungs na/ gos de ji lta bu lags/ rung ba bdun po las gang yang rung ba ste/ bcom ldan 'das kyis kyang ma bkag ste/ gnang ba'o/ /btsun pa/ bcom ldan 'das kyis dge slong gis ring na yang zla ba gcig tu gos zhog cig ces gsungs na/ dge slong gis zla ba gcig las lhag par bzhag kyang spang ba'i ltung bar mi 'gyur ba mchis sam/ u pa li/ yod de/ ji ltar gos de rgyu rung bar gyur la spun mi rung ba dang / spun rung bar gyur la rgyu mi rung ba dang / gnyis ka mi rung ba ste/ mi rung ba ni/ rnga mo'i bal dang / ba lang gi bal dang / ra'i bal dang / ri dwags kyi bal dang 'dres pa pa dang / thags su ma btags pa de lta bu'i gos ni/ zla ba gcig las lhag par bzhag kyang nyes byas su 'gyur ro/ /btsun pa/ bcom ldan 'das kyis ring na yang dge slong gis gos zla ba gcig tu zhog cig ces gsungs na/ btsun pa/ dge slong gis zla ba drug tu gos bzhag kyang nongs par mi 'gyur ba mchis sam/ u pa li/ yod de/ gos rnyed nas zhag sum cu lon pa dang / dge 'dun gyi gtan pa bting par gyur pa'o/ /btsun pa/ bcom ldan 'das kyis chos gos gsum du ma longs pa zla ba gcig tu zhog cig ces gsungs na/ btsun pa/ dge slong gang chos gos gsum longs par yang gyur la/ des chos gos gsum ma longs pa zhig rnyed na/ de yang ring na zla ba gcig tu gzhag par bgyi'am/ u pa li/ ma yin no/ /de ci'i phyir zhe na/ chos gos gsum tshang na/ gang gos gzhan rnyed pa dag longs kyang rung / ma longs kyang rung ste/ de thams cad kyang ring na yang zhag bcur zhog cig / chos gos gsum longs pa zhig la gal te chos gos su longs pa rnyed na/ de yang ring na/ zhag bcur zhog cig /'on te ma longs pa zhig rnyed na/ ring na yang zla ba gcig tu gzhag par bya'o/ /de las 'das par bzhag na/ spang ba'i ltung bar 'gyur ro/ /btsun pa/ dge slong gis zla ba gcig la zla ba gcig tu 'du shes te skya rengs shar na/ cir 'gyur/ spang ba'i ltung bar 'gyur ro/ /zla ba gcig la zla ba gcig ma lags par 'du shes na/ cir 'gyur/ nyes pa med do/ /zla ba gcig ma yin pa la zla ba gcig tu 'du shes na| nyes byas su 'gyur ro/ /zla ba gcig ma lon pa la zla ba gcig ma lon par 'du shes na/ nyes pa med do/ /btsun pa/ dge slong gis rnyed nas zla ba gcig tu bzhag pa na/ mtshan 'phos te dge slong mar gyur nas zla ba gcig 'das na/ cir 'gyur/ spang pa'i ltung bar 'gyur ro/ /btsun pa/ dge slong mas gos rnyed nas zla ba gcig tu bzhag pa na/ mtshan 'phos te dge slong du gyur nas zla ba gcig 'das na/ cir 'gyur/ spang ba'i ltung bar 'gyur ro/ /btsun pa/ bslab pa stsal bas ring na zla ba gcig tu gos bzhag pa las 'das na/ cir 'gyur/ spang ba'i ltung bar 'gyur ro/ /btsun pa/ dge slong mas ring na zla ba gcig tu gos bzhag pa las 'das na/ cir 'gyur/ nyes byas su 'gyur ro/ /dge slong ma dang / dge tshul pha dang / dge tshul ma rnams kyis ring na zla ba gcig 'das par gos bcangs na/ cir 'gyur/ nyes byas so/ /mdor na/ 'phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na ba 'on pa glen pa dang / /khyim pa dag la sogs pa ste/ /bslab pa byin pa tha ma'o/ /sangs rgyas bcom ldan 'das la tshe dang ldan pa u pa lis zhus pa| btsun pa/ bcom ldan 'das kyis yang dge slong gang gis gnyen ma lags pa'i dge slong ma la gos rnying pa 'khrur stsal na/ spang ba'i ltung bar 'gyur ro/ /zhes gsungs na/ btsun pa/ dge slong gis gnyen ma lags pa'i dge slong ma la 'phrin gyis gos 'khrur stsal na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de 'khrur bcug na/ thams cad nyes byas su 'gyur ro/ /btsun pa/ dge slong gis dge slong ma smyon ma la 'khrur stsal na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen ma dang / lkugs ma dang / 'on ma rnams la 'khrur bcug na/ thams cad kyang nyes byas su 'gyur ro/ /btsun pa/ dge slong gis ma ning ma la 'khrur stsal na/ cir 'gyur/ nyes byas so/ /de bzhin du dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyi khrag phyung ba dang / mu stegs can dang / mu stegs can du song ba dang / rkun gnas dang / so sor gnas pa dang / mi gnas pa dang / sngar 'khrugs pa dang / sngar nyes pa byung ba rnams la 'khrur bcug na/ thams cad nyes byas su 'gyur ro/ /btsun pa/ dge slong gis dge 'dun gyi dbyen ma dang / nye bar phyogs pa dang / bslab pa stsal ba rnams la 'khrur stsal na/ cir 'gyur/ spang ba'i ltung bar 'gyur ro/ /mdor na/ thun mong bkrus dang dge 'dun dang / /mtshan gnyis dang ni mi rung ba/ /spangs dang gzhan dang gyon pa dang / /bdun pa bzhi pa de bzhin te/ /dge slong ma dang tha ma'o/ /btsun pa/ dge slong gis gos thun mong ba 'khrur stsal na/ cir 'gyur/ nyes byas so/ /bkrus pa 'khrur stsal na/ cir 'gyur/ nyes byas so/ /btsun pa/ dge slong gis dge 'dun gyi gos 'khrur stsal na/ cir 'gyur/ nyes byas so/ /de ste gang zag gis spyad par 'gyur ba zhig yongs su spyad de dri ma can na yang nyes byas su 'gyur ro/ /'on te mal stan gyi dngos po 'khrur bcug na/ nyes pa med do/ /btsun pa/ dge slong gis gnyen ma lags pa'i dge slong ma la gos rnying pa 'khrur stsal pa na/ mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong ma la gnyen ma lags pa'i dge slong gis gos 'khrur stsal ba na/ mtshan 'phos te dge slong du gyur na/ cir 'gyur nyes byas so/ /btsun pa/ dge slong gis gnyen ma lags pa'i dge slong ma la gos 'khrur stsal ba na/ dge slong ma mtshan 'phos te dge slong du gyur nas bkrus na/ cir 'gyur/ nyes byas so/ de bzhin du dge slong la'ang bya'o/ /btsun pa/ dge slong gis gnyen ma lags pa'i dge slong ma la gos rnying pa 'khrur stsal na/ spang ba'i ltung bar mi 'gyur ba mchis sam/ u pa li/ yod de/ ji ltar gos de yang rgyu rung bar gyur la spun mi rung ba dang / spun rung bar gyur la rgyu mi rung ba dang / gnyis ka mi rung bar gyur pa ste/ mi rung ba ni/ rnga mo'i bal dang / ra'i bal dang / ba lang gi bal dang / ri dwags kyi bal dang 'dres pa dang / thags su ma btags pa de lta bu'i gos rnams 'khrur bcug na/ nyes byas su 'gyur ro/ /btsun pa/ dge slong gis gos spangs ba zhig 'khrur stsal na/ cir 'gyur/ nyes byas so/ /de ste spangs pa ma yin pa zhig 'khrur bcug na/ spang ba'i ltung bar 'gyur ro/ /'on te spangs pa zhig 'khrur bcug na/ nyes byas su 'gyur ro/ /btsun pa/ dge slong gis gzhan gyi gos 'khrur stsal na/ cir 'gyur/ nyes byas so/ /btsun pa/ dge slong gis gos rung ba dang / grong du zhugs pa las gos de lus las ma bral bzhin du spangs par 'gyur ba mchis sam/ u pa li/ yod de/ /ji ltar yang dge slong des khyim gyi nang du zhugs pa dang / gos la bshang ba dang / gci ba'am/ gzhan yang mi gtsang bas reg par gyur pa dang / des gnyen ma yin pa'i dge slong ma la 'khrur bcug na/ spang ba'i ltung bar 'gyur ro/ /bsnyen par ma rdzogs par 'khrur stsal nas bsnyen par ma rdzogs par lags na/ cir 'gyur/ nyes byas so/ /bsnyen par ma rdzogs par 'khrur stsal nas bsnyen par rdzogs kar lags na/ cir 'gyur/ nyes byas so/ /bsnyen par ma rdzogs par 'khrur stsal nas bsnyen par rdzogs nas lags na/ cir 'gyur/ nyes byas so/ /bsnyen par ma rdzogs par stsal nas bsnyen par rdzogs kar lags na/ cir 'gyur/ nyes byas so/ /bsnyen par rdzogs kar 'khrur stsal nas bsnyen par rdzogs pa dang lags na/ cir 'gyur/ nyes byas so/ /bsnyen par rdzogs pas 'khrur stsal nas bsnyen par rdzogs nas lags na/ cir 'gyur| spang bar 'gyur ro/ /bsnyen par rdzogs pas 'khrur stsal nas bsnyen par ma rdzogs par lags na/ cir 'gyur/ nyes byas so/ /btsun pa/ dge slong gis bsnyen par rdzogs pa la bsnyen par rdzogs par 'du shes te gos rnying pa 'khrur stsal na/ cir 'gyur/ spang bar 'gyur ro/ /bsnyen par rdzogs pa la bsnyen par ma rdzogs par 'du shes na/ nyes byas su 'gyur ro/ /bsnyen par ma rdzogs pa la bsnyen par rdzogs par 'du shes na/ nyes byas su 'gyur ro/ /bsnyen par ma rdzogs pa la bsnyen par ma rdzogs par 'du shes na/ nyes byas su 'gyur ro/ /btsun pa/ dge slong gis gnyen ma lags pa'i dge slong ma la gnyen ma lags par 'du shes te gos rnying pa 'khrur stsal na/ cir 'gyur/ spang bar 'gyur ro/ /gnyen ma yin pa la gnyen yin par 'du shes na/ nyes pa med do/ /gnyen la gnyen ma yin par 'du shes na/ nyes byas su 'gyur ro/ /gnyen la gnyen du 'du shes na/ nyes pa med do/ /btsun pa/ dge slong gis gnyen ma lags pa'i dge slong ma la gos rnying pa 'khrur stsal na/ cir 'gyur/ spang bar 'gyur ro/ /dge slob ma dang / dge tshul ma dang / khyim pa mo dang / mu stegs can gzhan dge sbyong dang / bram ze dang / spyod pa pa dang / kun tu rgyu ba rnams la 'khrur stsal na/ cir 'gyur/ nyes byas so/ /de bzhin du 'gro ba gzhan du gnas pa la 'khrur bcug na yang nyes byas su 'gyur ro/ /dge slong mas dge slong dang / dge tshul dang / mu stegs can gzhan dge sbyong dang / bram ze dang / spyod pa dang / kun tu rgyu ba rnams dang / 'gro ba gzhan du gnas pa la 'khrur stsal na/ cir 'gyur nyes byas su 'gyur ro/ /khyim pa dang / khyim pa mo la 'khrur bcug na yang nyes byas su 'gyur ro/ /dge slob ma dang / dge tshul ma la nyes byas so/ /btso ba dang brdung ba rnams la yang de bzhin du rgyas par bya'o/ /mdor na/ smyon par gyur dang sems 'khrugs dang / /na ba 'on pa glen pa dang / /ma ning ma la sogs pa dang / /bslab pa byin pa tha ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang gis gnyen ma lags pa'i dge slong ma las gos bslangs na/ spang ba'i ltung bar 'gyur ro/ /zhes gsungs na| btsun pa/ dge slong gis dge slong ma smyon ma las gos shig blangs na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / lkugs pa dang / glen pa dang / 'on pa dang / ma ning mo dang / dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyi khrag phyung ba dang / mu stegs can dang / mu stegs can du song ba dang / rkun gnas dang / sngar nyes pa byung ba dang / sngar 'khrugs pa mo rnams las gos bslangs na/ cir 'gyur/ thams cad nyes byas su 'gyur ro/ /btsun pa| dge slong gis dge slong ma dge 'dun gyi dbyen bgyid pa dang / so sor gnas pa dang / nye bar phyogs pa dang / bslab pa stsal pa rnams la gos shig bslangs na/ cir 'gyur/ /spang ba'i ltung bar 'gyur ro/ /mdor na/ 'phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na ba 'on pa glen ma dang / /gnyid log ra ro myos ma dang / /snyoms zhugs 'gro ba ma ning ma/ /btsun pa/ dge slong gis gnyen ma lags pa'i dge slong ma las 'phrin gyis gos bslangs te gos thob na/ cir 'gyur/ nyes byas so/ /de bzhin du spring yig dang / lag brda dang / gcig nas gcig tu brgyud pa rnams ni/ thams cad nyes byas su 'gyur ro/ /btsun pa/ dge slong gis dge slong ma smyon ma las gos bslangs te gos thob na| cir 'gyur/ nyes byas su 'gyur ro/ /btsun pa/ dge slong gis dge slong ma smyon ma la sogs pa la gos bslangs te gos thob na/ cir 'gyur/ thams cad nyes byas su 'gyur ro/ /btsun pa/ dge slong gis dge slong ma dge 'dun gyi dbyen bgyis pa dang / so sor gnas pa dang / nye bar phyogs pa dang / bslab pa stsal ba rnams las gos bslangs te gos thob na/ cir 'gyur/ spang ba'i ltung bar 'gyur ro/ /mdor na/ mi rung ba dang bzhi ba gnyis/ /bdun pa dang yang mtshan de bzhin/ /dge slong dge slong ma de bzhin/ /sder gyur pa ni bsdus pa'o/ /btsun pa/ dge slong gis gnyen ma lags pa'i dge slong ma las gos bslangs kyang spang ba'i ltung bar mi 'gyur ba mchis sam/ u pa li/ yod de/ /ji ltar gos te rgyu rung bar gyur la spun mi rung ba dang / spun rung bar gyur la rgyu mi rung ba dang / gnyis ka mi rung bar gyur pa ste/ mi rung ba ni/ ba lang gi bal dang / rnga mo'i bal dang / ra'i bal dang / ri dwags kyi bal dang 'dres pa dang / thags su ma btags pa'i gos de 'dra ba zhig bslangs na/ nyes byas so/ /btsun pa/ dge slong gis gnyen ma lags pa'i dge slong ma las gnyen ma lags par 'du shes te gos bslangs na/ cir 'gyur spang ba'i ltung bar 'gyur ro/ /gnyen ma yin pa la gnyen yin par 'du shes na/ nyes pa med do/ /gnyen la gnyen ma yin par 'du shes na/ nyes byas su 'gyur ro/ /gnyen la gnyen du 'du shes na/ nyes pa med do/ /btsun pa/ dge slong gis bsnyen par rdzogs pa'i dge slong ma la bsnyen par rdzogs par 'du shes te bslangs na/ cir 'gyur/ spang ba'i ltung bar 'gyur ro/ / bsnyen par rdzogs pa la bsnyen par rdzogs par 'du shes na/ nyes byas so/ /bsnyen par ma rdzogs pa la bsnyen par rdzogs par 'du shes na/ nyes byas so/ /bsnyen par ma rdzogs pa la bsnyen par ma rdzogs par 'du shes na/ nyes byas so/ /btsun pa/ bsnyen par ma rdzogs pas gnyen ma lags pa'i dge slong ma la gos bslangs nas bsnyen par ma rdzogs par blangs na/ cir 'gyur| nyes byas so/ /bsnyen par ma rdzogs pas bslangs nas bsnyen par rdzogs kar blangs na/ cir 'gyur/ nyes byas so/ /bsnyen par ma rdzogs par bslangs nas bsnyen par rdzogs te blangs na| cir 'gyur/ nyes byas so/ /bsnyen par rdzogs kar bslangs nas bsnyen par rdzogs kar blangs na/ cir 'gyur/ nyes byas so/ /bsnyen par rdzogs kar bslangs nas bsnyen par rdzogs te blangs na| cir 'gyur/ nyes byas so/ /bsnyen par rdzogs te bslangs nas bsnyen par rdzogs te blangs na/ cir 'gyur/ spang ba'i ltung bar 'gyur ro/ /bsnyen par rdzogs te bslangs nas bsnyen par ma rdzogs par blangs na/ cir 'gyur/ nyes byas so/ btsun pa/ dge slong gis gnyen ma lags pa'i dge slong ma las gos len pa na/ mtshan 'phos dge slong mar gyur na/ cir 'gyur/ nyes byas so/ /btsun pa/ dge slong mas gnyen ma lags pa'i dge slong ma las gos len pa na/ mtshan 'phos te dge slong phar gyur nas blangs na/ cir 'gyur/ nyes byas so/ /btsun pa| dge slong mas gnyen ma lags pa'i dge slong pha las gos len pa na/ dge slong ma de yang mtshan 'phos te dge slong pha las blangs na/ cir 'gyur/ nyes byas so/ /btsun pa/ dge slong mas gnyen ma lags pa'i dge slong las gos len pa na/ dge slong de yang mtshan 'phos te dge slong ma las blangs na/ cir 'gyur/ nyes byas so/ /dge slob ma dang / dge tshul ma las blangs na/ cir 'gyur/ nyes byas so/ /dge slong mas dge slong dang / dge tshul pha las blangs na/ cir 'gyur/ nyes byas so/ /de bzhin du dge slob ma dang / dge tshul ma las blangs na yang nyes byas su 'gyur ro/ dge tshul phas dge slong ma dang / dge tshul ma dang / dge slob ma las blangs na yang nyes byas su 'gyur ro/ /mdor na/ 'phrin pa spring yig lag brda dang / /gzhan zer ba dang gcig nas gcig smyon par gyur dang sems 'khrugs dang / /na ba 'on pa glen pa dang / /gnyid log pa dang ra ro ba/ /myos pa 'gro ba phyi rol pa'o/ /btsun pa/ bcom ldan 'das kyis yang dge slong gis gnyen ma lags pa'i khyim bdag gam/ khyim bdag gi mchis brang las gos bslangs na/ spang bar 'gyur ro/ /zhes gsungs na/ dge slong gis khyim bdag gam/ khyim bdag gi mchis brang las gos bslangs kyang spang pa'i ltung bar mi 'gyur ba mchis sam/ u pa li/ yod de/ ji ltar yang 'phrin gyis bslangs na/ nyes byas su 'gyur te/ thob na yang nyes byas su zad do/ /de bzhin du spring yig dang / lag brda dang / gzhan zer ba dang / gcig nas gcig tu rgyud pa thams cad nyes byas su 'gyur ro/ /btsun pa/ dge slong gis khyim bdag smyon pa las bslangs te gos thob na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / 'on pa dang / glen pa dang / lkugs pa dang / gnyid log pa dang / ra ro ba dang / myos pa dang / 'gro ba gzhan du gnas pa rnams las bslangs te gos thob na/ cir 'gyur/ nyes byas so/ / mdor na/ mi rung bzhi pa gnyis pa dang / bdun pa mtshan yang de bzhin te/ /nyug rum de bzhin ma ning mo/ /ma ning dge slong de bzhin no/ /btsun pa/ dge slong gis gnyen ma lags pa'i khyim bdag gi mchis brang la gos bslangs kyang spang bar mi 'gyur ba mchis sam/ u pa li/ yod de/ ji ltar yang gos de'i rgyu rung bar gyur la spun mi rung ba dang / spun rung bar gyur la rgyu mi rung ba dang / gnyis ka mi rung ba ste/ mi rung ba ni/ rnga mo'i bal dang / ra'i bal dang / ba lang gi bal dang / ri dwags kyi bal dang 'dres pa dang / thags su ma btags pa de 'dra ba'i gos shig bslangs te gos rnyed na/ nyes byas so/ /btsun pa/ dge slong gis gnyen ma lags pa la gnyen ma lags par 'du shes nas gos bslangs te gos thob na/ cir 'gyur/ spang ba'i ltung bar 'gyur ro/ /gnyen ma yin pa la gnyen du 'du shes na/ nyes pa med do// gnyen la gnyen ma yin par 'du shes na/ nyes byas su 'gyur ro/ /gnyen la gnyen du 'du shes na/ nyes pa med do/ /btsun pa/ dge slong gis mi la mir 'du shes te gos bslangs pa las gos thob na/ cir 'gyur/ spang bar 'gyur ro/ /mi la mi ma yin par 'du shes na/ nyes byas su 'gyur ro/ /mi ma yin pa la mir 'du shes na yang nyes byas su 'gyur ro/ /mi ma yin pa la mi ma yin par 'du shes na yang nyes byas su 'gyur ro/ /bsnyen par ma rdzogs par bslangs te bsnyen par ma rdzogs par thob na/ cir 'gyur/ nyes byas so/ /bsnyen par ma rdzogs par bslangs te bsnyen par rdzogs kar thob na| cir 'gyur/ nyes byas so/ /bsnyen par ma rdzogs par bslangs nas bsnyen par rdzogs te thob na/ cir 'gyur/ nyes byas so/ /bsnyen par rdzogs kar bslangs te bsnyen par rdzogs kar thob na/ cir 'gyur/ nyes byas so| |bsnyen par rdzogs kar bslangs te bsnyen par rdzogs nas thob na/ cir 'gyur/ nyes byas so/ /bsnyen par rdzogs te bslangs nas bsnyen par rdzogs te thob na/ cir 'gyur/ spang bar 'gyur ro/ /bsnyen par rdzogs nas bslangs te bsnyen par ma rdzogs par thob na/ cir 'gyur/ nyes byas so/ /btsun pa/ dge slong gis gnyen ma lags pa'i khyim bdag gam/ khyim bdag gi mchis brang las gos bslangs pa na/ mtshan 'phos te dge slong mar gyur nas thob na/ cir 'gyur/ spang bar 'gyur ro/ /btsun pa/ dge slong mas gnyen ma lags pa'i khyim bdag gam/ khyim bdag gi mchis brang las gos bslangs pa na/ mtshan 'phos nas dge slong phar gyur te thob na/ cir 'gyur/ spang bar 'gyur ro/ /btsun pa/ dge slong gis khyim bdag la gos bslangs pa las khyim bdag de yang mtshan 'phos te bud med las blangs na/ cir 'gyur/ spang bar 'gyur ro/ /btsun pa/ dge slong gis khyim bdag gis mchis brang la bslangs pa na/ khyim bdag gis mchis brang de yang mtshan 'phos te skyes pa las blangs na/ cir 'gyur/ spang bar 'gyur/ /de bzhin du dge slong ma la yang brjod par bya'o/ /btsun pa/ dge slong gis nyug rum las gos bslangs te gos thob na/ cir 'gyur/ nyes byas so/ /de bzhin du ma ning dang / ma ning mo thams cad nyes byas su 'gyur ro/ /btsun pa/ bcom ldan 'das kyis dge slong gis gnyen ma lags pa'i khyim bdag gam/ khyim bdag gi mchis brang las gos bslangs na/ spang ba'i ltung bar 'gyur ro/ /zhes gsungs na/ btsun pa/ dge slong gis dge slong ma la bslangs te gos thob na/ cir 'gyur/ spang bar 'gyur ro/ /dge slob ma dang / dge tshul ma dang / dge slong ma dang / dge tshul pha rnams la bslangs te gos thob na/ cir 'gyur/ nyes byas so/ /btsun pa/ dge slong mas khyim bdag gam/ khyim bdag gi mchis brang la bslangs te gos thob na/ cir 'gyur/ spang bar 'gyur ro/ /dge slong mas dge slong ma dang / dge slob ma dang / dge tshul ma dang / dge tshul pha rnams la bslangs te gos thob na/ cir 'gyur/ nyes byas so/ /de bzhin du dge slob ma dang / dge tshul pha rnams la'ang nyes byas te/ rgyas par brjod par bya'o/ /bslangs pa la ji lta ba bzhin du stod g.yogs dang / mthang gos la tha dad pa ci zhe na/ stod g.yogs dang / mthang gos la gnyis te/ dge slong gi stod g.yogs dang / mthang gos dang / khyim pa'i stod g.yogs dang / mthang gos so/ /dge slong gis khyim pa'i stod g.yogs dang / /mthang gos thob nas khyim pa'i mthang gos dang / stod g.yogs blangs pa las/ de ste ma chog par gyur na/ ma slongs shig /'on te lhag na yang ma sbyin cig /dge slong gis khyim bdag gi stod g.yogs dang / mthang gos ma chog gam lhag nas bslangs pa de ni/ nyes byas su 'gyur ro/ /thob na/ spang ba'i ltung ba'o/ /dge slong gis dge slong gi stod g.yogs dang / mthang gos thob nas stod g.yogs dang mthang gos blangs pa las/ de ste ma chog par gyur na/ bslang bar bya'o/ /'on te lhag par gyur na/ phyir sbyin par bya'o/ /dge slong gis mthang gos dang / stod g.yogs lhag pa phyir ma byin nam/ lhag par bslangs na/ des bslangs pa ni/ nyes byas so/ /thob na/ spang ba'i ltung ba'o/ /de la khyim bdag gi mthang gos dang / stod g.yogs ma chog pa'am/ lhag par bslangs sam/ dge slong gis mthang gos dang / stod g.yogs lhag pa phyir ma byin nam/ lhag par bslangs na/ spang par 'gyur ro/ /lhag pa rnams ni/ ji ltar bslab pa'i gnas kyi gzhung snga ma'i rim pa de bzhin du bslab pa'i gnas 'di la yang bya'o/ /mdor na/ 'phrin pa spring yig lag brda dang / /gzhan zer ba dang gcig nas gcig /smyon pa sems 'khrugs nad pa dang / /gnyid log ra ro myos pa dang // snyoms zhugs 'gro ba phyi rol pa'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis dge slong la gnyen ma lags pa'i khyim bdag gam/ khyim bdag gi mchis brang gis gos kyi rin zhig bzhag par gyur pa dang / de la sngar ma stsal bar dge slong des gos bsgrub pa'i phyir rtog pa cung zad cig bskyed nas mngon par grub na/ spang ba'i ltung bar 'gyur ro/ /zhes gsungs na/ btsun pa/ dge slong gis rnam par rtog pa bskyed nas 'phrin gyis gos thob na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa thams cad nyes byas su 'gyur ro/ /btsun pa/ dge slong gis smyos pa la rnam par rtog pa bskyed nas gos thob na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / gnyid log pa dang / ra ro ba dang / myos pa dang / snyoms par zhugs pa dang / 'di las phyi rol tu gyur pa mu stegs can gzhan dge sbyong dang / bram ze dang / spyod pa pa dang / kun tu rgyu ba rnams la rtog pa bskyed de gos thob na/ cir 'gyur/ nyes byas so/ /mdor na/ mi rung ba dang bzhi ba gnyis/ /bdun pa dang ni mtshan de bzhin/ /nyug rum ma ning de bzhin te/ /ma ning dge slong de bzhin no/ /btsun pa/ khyim bdag gam/ khyim bdag gi mchis brang la rtog pa bskyed kyang spang bar mi 'gyur ba mchis sam/ u pa li/ yod de/ ji ltar yang gos de'i rgyu rung bar gyur la spun mi rung bar gyur pa dang / rgyu mi rung bar gyur la spun rung ba dang / gnyis ka mi rung bar gyur pa ste/ mi rung ba ni/ rnga mo'i bal dang / ra'i bal dang / ba lang gi bal dang / ri dwags kyi bal dang 'dres pa dang / thags su ma btags pa de lta bu'i gos kyi phyir rtog pa bskyed de gos thob na/ nyes byas so/ /btsun pa/ dge slong gis gnyen ma lags pa la gnyen ma lags par 'du shes te rtog pa bskyed nas gos thob na/ cir 'gyur/ spang bar 'gyur ro/ /gnyen ma yin pa la gnyen du 'du shes na/ nyes pa med do/ /gnyen la gnyen ma yin par 'du shes na/ nyes byas so/ /gnyen la gnyen du 'du shes na/ nyes pa med do/ /btsun pa/ dge slong gis mi la mir 'du shes te rtog pa bskyed de gos thob na/ cir 'gyur/ spang bar 'gyur ro/ /mi la mi ma lags par 'du shes na/ cir 'gyur/ nyes byas so/ /mi ma lags pa la mir 'du shes na/ cir 'gyur/ nyes byas so/ /mi ma lags pa la mi ma lags par 'du shes na/ cir 'gyur/ nyes byas so/ /btsun pa/ bsnyen par ma rdzogs par rtog pa bskyed te bsnyen par ma rdzogs par thob na/ cir 'gyur/ nyes byas so/ /bsnyen par ma rdzogs pa na/ rtogs pa bskyed nas bsnyen par rdzogs kar thob na/ cir 'gyur/ nyes byas so/ /bsnyen par ma rdzogs pa na rtog pa bskyed nas bsnyen par rdzogs nas thob na/ cir 'gyur/ nyes byas so/ /bsnyen par rdzogs kar rnam par rtog pa bskyed nas bsnyen par rdzogs kar thob na/ cir 'gyur/ nyes byas so/ /bsnyen par rdzogs nas rnam par rtog pa bskyed nas bsnyen par rdzogs nas thob na/ cir 'gyur/ spang bar 'gyur ro/ /bsnyen par rdzogs nas rnam par rtog pa bskyed nas bsnyen par ma rdzogs pa thob na/ cir 'gyur/ nyes byas so/ /btsun pa/ dge slong gis gnyen ma lags pa'i khyim bdag gam/ khyim bdag gi mchis brang la rnam par rtog pa bskyed pa na/ mtshan 'phos te dge slong mar gyur nas thob na/ cir 'gyur/ spang bar 'gyur ro/ /btsun pa/ dge slong mas khyim bdag gam/ khyim bdag gi mchis brang la rnam par rtog pa bskyed pa na/ mtshan 'phos te dge slong du gyur nas thob na/ cir 'gyur/ spang bar 'gyur ro/ /btsun pa/ dge slong gis gnyen ma lags pa'i khyim bdag la rnam par rtog pa bskyed pa na/ khyim bdag de yang mtshan 'phos te bud med du gyur pa las blangs na/ cir 'gyur/ spang bar 'gyur ro/ /btsun pa/ dge slong gis gnyen ma lags pa'i khyim bdag gi mchis brang la rnam par rtog pa bskyed pa na/ khyim bdag gi mchis brang de yang mtshan 'phos te skyes par gyur pa las blangs na/ cir 'gyur/ spang bar 'gyur ro/ /dge slong ma la yang de bzhin du sbyar bar bya'o/ /btsun pa/ dge slong gis nyug rum la rnam par rtog pa bskyed nas gos thob na/ cir 'gyur/ nyes byas so/ /de bzhin du ma ning dang / ma ning mo la yang nyes byas so/ /btsun pa| dge slong gos ma gtogs par yo byad gzhan gyi phyir rnam par rtog pa bskyed na/ cir 'gyur/ nyes byas so/ /btsun pa/ dge slong gis dge slong dang / dge slong ma dang / dge slob ma dang / dge tshul pha dang / dge tshul ma rnams kyi slad du rnam par rtog pa bskyed na/ cir 'gyur/ nyes byas so/ /ji ltar dge slong gis rnam par rtog pa bskyed na/ spang ba'i ltung bar 'gyur ba de bzhin du bslab pa byin pa dang / dge slong ma la yang spang ba'i ltung bar 'gyur ro/ /dge tshul pha dang / dge slob ma dang / dge tshul ma rnams la nyes byas su rgyas par bya'o/ /ji ltar bslab pa'i gnas kyi gzhung 'di bzhin du bslab pa'i gnas gnyis pa la yang rgyas par bya'o/ /mdor na/ 'phrin pa spring yig lag brda dang / /gzhan zer ba dang gcig nas gcig / smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba phyi rol pa'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis lan bzhi/ lan lnga/ lan drug tu bslangs pa'i 'og tu ma smra bar gnas su 'dug cig /de ste dge slong des gos mngon du grub na ni/ legs/ de ste mngon du ma grub na/ de las lhag par brtsal te gos de mngon du 'grub pa'i phyir de las lhag par brtsal nas gos mngon du grub na/ spang ba'i ltung bar 'gyur ro/ /zhes gsungs na/ btsun pa/ dge slong gis lan bzhi/ lan lnga/ lan drug phan chad las 'das par gos bsgrub pa'i slad du brtsal kyang spang ba'i ltung bar mi 'gyur ba mchis sam/ u pa li/ yod de/ ji ltar yang 'phrin gyis lan bzhi/ lan lnga/ lan drug tu bslangs pa las lhag par gos bsgrub pa'i phyir bslangs te gos mngon du grub na/ nyes byas su 'gyur ro/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa thams cad nyes byas su 'gyur ro/ /btsun pa/ dge slong gis smyon pa la lan bzhi/ lan lnga/ lan drug tu bslangs pa las/ lhag par gos bsgrub pa'i phyir bslangs te gos mngon du grub na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / 'on pa dang / lkugs pa rnams thams cad la nyes byas su 'gyur ro/ /btsun pa/ dge slong gis gnyid log pa la lan bzhi/ lan lnga/ lan drug tu bslangs pa las lhag par bsgrub pa'i phyir bslangs nas gos mngon du grub na/ cir 'gyur/ nyes byas so/ /de bzhin du ra ro ba dang / myos pa dang / snyoms par zhugs pa dang / 'gro ba gzhan du gnas pa dang / 'di las phyi'i mu stegs can gzhan dge sbyong dang / bram ze dang / spyod pa pa dang / kun tu rgyu ba rnams la lan bzhi/ lan lnga/ lan drug tu bslangs pa las/ lhag par gos bsgrub pa'i phyir bslangs te gos mngon du grub na/ cir 'gyur/ nyes byas so/ /mdor na/ mi rung ba dang bzhi pa dang / /bdun pa mtshan yang de bzhin te/ nyug rum dang ni ma ning ma/ /ma ning tha mar gyur pa'o/ /btsun pa/ dge slong gis chos gos bsgrub pa'i slad du lan bzhi/ lan lnga/ lan drug tu bslangs pa las lhag par bslangs kyang spang bar mi 'gyur pa mchis sam/ u pa li/ yod de/ ji ltar yang gos de'i rgyu rung bar gyur la spun mi rung ba dang / spun rung bar gyur la rgyu mi rung bar gyur pa dang / gnyis ka mi rung bar gyur pa ste/ mi rung ba ni/ rnga mo'i bal dang / ba lang gi bal dang / ra'i bal dang / ri dwags kyi bal dang 'dres pa dang / thags su ma btags pa de lta bu'i gos gyi phyir lan bzhi/ lan lnga/ lan drug las lhag par bslangs na/ thams cad nyes byas su 'gyur ro/ /btsun pa/ dge slong gis mi la mir 'du shes te lhag par bslangs na/ cir 'gyur| spang bar 'gyur ro/ /mi la mi ma yin par 'du shes na/ nyes byas so/ /mi ma yin pa la mi ma yin par 'du shes na/ nyes byas su 'gyur ro/ /mi ma yin pa la mir 'du shes na/ nyes byas su 'gyur ro/ /btsun pa/ dge slong gis bsnyen par ma rdzogs par bslangs te bsnyen par ma rdzogs par thob na/ cir 'gyur/ nyes byas so/ /bsnyen par ma rdzogs par bslangs te bsnyen par rdzogs kar thob na/ cir 'gyur/ nyes byas so/ /bsnyen par ma rdzogs par bslangs te bsnyen par rdzogs nas thob na/ cir 'gyur/ nyes byas so/ /bsnyen par rdzogs kar bslangs nas bsnyen par rdzogs kar thob na/ cir 'gyur/ nyes byas so/ /bsnyen par rdzogs kar bslangs nas bsnyen par rdzogs te thob na/ cir 'gyur/ nyes byas so/ /bsnyen par rdzogs nas bslangs nas bsnyen par rdzogs nas thob na/ cir 'gyur/ ltung ba'o/ /btsun pa/ dge slong gis lan bzhi/ lan lnga/ lan drug tu bslangs pa las/ de'i mtshan 'phos te dge slong mar gyur nas thob na/ cir 'gyur/ spang bar 'gyur ro/ /btsun pa/ dge slong mas lhag par bslangs pa dang / de'i mtshan 'phos te dge slong du gyur nas thob na/ cir 'gyur/ spang bar 'gyur ro/ /btsun pa/ dge slong gis khyim bdag la lhag par bslangs pa dang / khyim bdag de yang mtshan 'phos te bud med du gyur pa las bslangs na/ cir 'gyur/ spang bar 'gyur ro/ /btsun pa/ dge slong gis khyim bdag gi mchis brang la lhag par bslangs pa dang / khyim bdag gi mchis brang de yang mtshan 'phos te skyes par gyur pa las bslangs na/ cir 'gyur/ spang bar 'gyur ro/ /dge slong ma la yang de bzhin du sbyar bar bya'o/ /btsun pa/ dge slong gis gos bsgrub pa'i slad du nyug rum la lan bzhi/ lan lnga/ lan drug tu bslangs pa las lhag par gos bsgrub pa'i phyir bslangs te gos mngon du grub na/ cir 'gyur/ nyes byas so/ /de bzhin du ma ning dang / ma ning ma thams cad la nyes byas su 'gyur ro/ / btsun pa/ dge slong gis dge slong dang / dge slong ma dang / dge slob ma dang / dge tshul pha dang / dge tshul ma rnams kyi slad du lhag par bslangs na/ cir 'gyur/ nyes byas so/ /btsun pa/ dge slong gis de las gzhan pa'i yo byad rnams kyi slad du lhag par bslangs na/ cir 'gyur/ nyes byas so/ /btsun pa/ bslab pa stsal bas lan drug tu bslangs pa las lhag par bslangs na/ cir 'gyur/ spang bar 'gyur ro/ /dge slong mas bslangs na/ cir 'gyur/ spang bar 'gyur ro/ /dge slob ma dang / dge tshul ma dang / dge tshul pha rnams la nyes byas su 'gyur ro/ /mdor na/ 'phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na ba 'on pa glen pa'o/ /btsun pa/ dge slong gi 'phrin gyis gding ba bgyid du stsal na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa dang / smyon pa dang / sems 'khrugs pa dang / nad kyis gzir ba dang / 'on pa dang / lkugs pa dang / dmus long dang / glen pa rnams te/ thams cad kyang nyes byas so/ /ji ltar dge slong gis srin bal las gding ba byed du bcug na/ spang ba'i ltung bar 'gyur ba de bzhin du bslab pa byin pa la yang spang ba'i ltung bar 'gyur ro/ /dge slong ma dang / dge slob ma dang / dge tshul ma dang / dge tshul pha rnams la nyes byas so/ /ji ltar bslab pa'i gnas kyi le'u 'di ji lta ba bzhin du bal rang bzhin gyis nag pa la yang rgyas par ro/ /de la tha dad du bya ba gang zhe na/ bzhi ste/ rang bzhin gyis nag pa la rang bzhin gyis nag par 'du shes pa dag ni/ gzhir bya'o/ /de bzhin du bslab pa'i gnas gnyis por yang thams cad smra bar bya'o/ /de la tha dad du bya ba gang zhe na/ dge slong gis bal dkar po dang ngan pa nyung ba la nyung bar 'du shes te bsres pa ni/ gzhir bya'o/ /mdor na/ gzhan gyis gzhan gyi ma zin dang / blangs dang mu stegs 'gro ba gzhan/ /mi rung mtshan dang bzhi pa dang / bde bar gshegs kyi bdun pa'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis dge slong gis lo drug tshun chad du gding ba bgyid du stsal na/ spang bar 'gyur ro/ /zhes gsungs na/ btsun pa/ dge slong gis gzhan bgyid du stsal na/ cir 'gyur/ nyes byas so/ /gzhan gyi slad du bgyid du stsal na/ cir 'gyur nyes byas so/ /btsun pa/ dge slong gis gzhan gyis ma lags pa lags par bgyid na/ cir 'gyur/ nyes byas so/ /khyim pa bgyid du stsal na/ cir 'gyur/ nyes byas so/ /de bzhin du dge tshul pha dang / bslab pa byin pa dang / sngar 'khrugs pa dang / sngar nyes pa byung ba dang / rkun gnas dang / so sor gnas pa dang / mi gnas pa rnams la byed du bcug na/ thams cad nyes byas su 'gyur ro/ /btsun pa/ dge slong gis 'di las slad rol gyi mu stegs can dge slong gzhan bram ze dang / spyod pa pa dang / kun tu rgyu ba rnams la bgyid du stsal na/ cir 'gyur/ nyes byas so/ /btsun pa/ dge slong gis 'gro ba gzhan du gnas pa rnams bgyid du stsal na/ cir 'gyur/ nyes byas so/ /btsun pa/ dge slong gis lo drug tshun chad du gding ba bgyid kyang spang bar mi 'gyur ba mchis sam/ u pa li/ yod de/ ji ltar yang gding ba de'i rgyu rung bar gyur la spun mi rung ba dang / spun rung bar gyur la rgyu mi rung ba dang / gnyis ka mi rung bar gyur pa ste/ mi rung ba ni/ rnga mo'i bal dang / ba lang gi bal dang / ra'i bal dang / ri dwags kyi bal dang 'dres par byas pa dang / thags su ma btags pa rnams ni/ nyes byas su 'gyur ro/ /btsun pa/ dge slong gis lo drug tshun chad du gding ba bgyid pa las/ mtshan 'phos nas dge slong mar gyur te lags na/ cir 'gyur/ nyes byas so/ /btsun pa/ dge slong mas lo drug tshun chad du gding ba bgyid pa las/ mtshan 'phos te dge slong du gyur nas lags na/ cir 'gyur/ spang bar 'gyur ro/ /btsun pa/ dge slong gis lo drug 'das pa la 'das par 'du shes te gding ba bgyid du stsal na/ cir 'gyur/ nyes pa med do/ / 'das pa la ma 'das par 'du shes te bgyid du stsal na/ cir 'gyur/ nyes byas so/ /ma 'das pa la 'das par 'du shes na/ nyes pa med do/ /ma 'das pa la ma 'das par 'du shes te byed du bcug na/ spang bar 'gyur ro/ /btsun pa/ dge slong gis lo drug tshun chad du bde bar gshegs pa'i chos gos kyi tshad du gding ba bgyid du stsal na/ cir 'gyur/ nyes byas so/ /btsun pa/ bsnyen par ma rdzogs pas lo drug tshun chad du brtsams te bsnyen par ma rdzogs par lags na/ cir 'gyur/ nyes byas so/ /bdun brgyud du yang rgyas par bya'o| |mdor na/ 'phrin pa spring yig lag brda dang / gzhan zer ba dang gcig nas gcig /smyon par gyur dang sems 'khrugs dang / /na ba 'on pa glen pa'o/ /btsun pa/ dge slong gis lo drug tshun chad du 'phrin pa las gding ba bgyid du stsal na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa dang / smyon pa dang / sems 'khrugs pa dang / nad kyis gzir ba dang / glen pa dang / lkugs pa dang / 'on pa rnams thams cad nyes byas su 'gyur ro/ / ji ltar dge slong gis lo drug tshun chad du gding ba byed du bcug na/ spang ba'i ltung bar 'gyur ba de bzhin du bslab pa byin pa la yang spang ba'i ltung bar 'gyur ro/ /dge slong la nyes byas so/ /dge slob ma dang / dge tshul ma dang / dge tshul pha rnams la yang nyes byas su 'gyur ro/ /mdor na/ gzhan gyis gzhan gyi ma zin dang // khyim pa mu stegs 'gro ba dang / /mi rung ba dang de bzhin mtshan/ /bzhi pa bdun pa de ltar ro/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis dge slong gis gding ba gsar pa kha dog ngan par bgyi ba'i slad du g.yogs ma rnying pa las bde bar gshegs pa'i mtho gang gis ma glan par g.yogs ma bgyis na/ spang ba'i ltung bar 'gyur ro/ /zhes gsungs na/ btsun pa/ dge slong gis bde bar gshegs pa'i mtho gang las sor gcig gam/ sor phyed phri na/ /cir 'gyur/ spang bar 'gyur ro/ /btsun pa/ dge slong gis gzhan bgyid du stsal na/ cir 'gyur/ nyes byas so/ /gzhan gyi slad du bgyid du stsal na/ cir 'gyur/ nyes byas so/ /gzhan gyis ma lags pa lags par bgyis na/ cir 'gyur/ nyes byas so/ /khyim pa bgyid du stsal na/ cir 'gyur/ nyes byas so/ /bslab pa byin pa dang / sngar 'khrugs pa dang / sngon nyes pa byung ba dang / rkun gnas rnams byed du bcug na/ thams cad nyes byas su 'gyur ro/ /btsun pa/ dge slong gis 'di las slad rol gyi mu stegs can dge sbyong gzhan bram ze dang / spyod pa pa dang / kun tu rgyu rnams bgyid du stsal na/ cir 'gyur/ nyes byas so/ /'gro ba gzhan du gnas pa zhig bgyid du stsal na/ cir 'gyur/ nyes byas so/ /btsun pa| dge slong gis bde bar gshegs pa'i mtho gang las sor gcig gam/ sor phyed phri nas g.yogs ma bgyid kyang spang bar mi 'gyur ba mchis sam/ u pa li/ yod do/ ji ltar yang g.yogs ma de'i rgyu rung bar gyur la spun mi rung ba dang / spun rung bar gyur la rgyu mi rung ba dang / gnyis ka mi rung ba ste/ mi rung ba ni/ rnga mo'i bal dang / ba lang gi bal dang / ra'i bal dang / ri dwags kyi bal dang 'dres pa dang / thags su ma btags pa 'di 'dra ba zhig las g.yogs ma zhig byas na/ nyes byas su 'gyur ro/ /btsun pa/ dge slong gis bde bar gshegs pa'i mtho gang las sor gcig gam sor phyed phri ste g.yogs ma bgyid pa las/ mtshan 'phos te dge slong mar gyur nas lags na/ cir 'gyur/ nyes byas so/ /btsun pa/ dge slong mas bde bar gshegs pa'i mtho gang las sor gcig gam sor phyed phri ste g.yogs ma bgyid pa las/ mtshan 'phos te dge slong du gyur pas lags na/ cir 'gyur/ spang bar 'gyur ro/ /btsun pa/ dge slong gis bde bar gshegs pa'i mtho gang bas chung ba la chung bar 'du shes te glan nas g.yogs ma bgyid du stsal na/ cir 'gyur/ spang ba'i ltung bar 'gyur ro/ /chung ba la che bar 'du shes te bgyid du stsal na/ cir 'gyur/ nyes pa med do/ /che ba la chung bar 'du shes te glan nas bgyid du stsal na/ cir 'gyur/ nyes byas so/ /che ba la che bar 'du shes te glan nas byed du bcug na/ nyes pa med do/ /btsun pa/ bsnyen par ma rdzogs pas bde bar gshegs pa'i mtho gang las sor gcig gam sor phyed phri ste g.yogs ma gzhan brtsams nas bsnyen par ma rdzogs par lags na/ cir 'gyur/ nyes byas so/ /bsnyen par ma rdzogs par brtsams te bsnyen par rdzogs kar lags na/ cir 'gyur/ nyes byas so/ /bsnyen par ma rdzogs par brtsams te bsnyen par rdzogs nas lags na/ cir 'gyur/ nyes byas so/ / bsnyen par rdzogs kar brtsams te bsnyen par rdzogs kar lags na/ cir 'gyur/ nyes byas so/ /bsnyen par rdzogs kar brtsams te bsnyen par rdzogs nas lags na/ cir 'gyur/ nyes byas so/ /bsnyen par rdzogs te brtsams nas bsnyen par rdzogs nas lags na/ cir 'gyur/ spang bar 'gyur ro/ /bsnyen par rdzogs pa na brtsams te bsnyen par ma rdzogs par lags na/ cir 'gyur/ nyes byas so/ /mdor na/ 'phrin pa spring yig lag brda dang / gzhan zer ba dang gcig nas gcig /smyon par gyur dang sems 'khrugs dang / /na ba 'on pa glen pa'o/ /btsun pa/ dge slong gis bde bar gshegs pa'i mtho gang las sor gcig gam/ sor phyed phri nas 'phrin gyis g.yogs ma bgyid du stsal na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa dang / smyon pa dang / sems 'khrugs pa dang / nad kyis gzir ba dang / glen pa dang / lkugs pa dang / 'on pa rnams la byed du bcug na/ thams cad nyes byas su 'gyur ro/ /ji ltar dge song gis g.yogs ma byed du bcug pa las spang bar 'gyur ba de bzhin du bslab pa byin pas byed du bcug na yang spang bar 'gyur ro/ /dge slong ma dang / dge slob ma dang / dge tshul pha dang / dge tshul ma rnams la nyes byas so/ /mdor na/ nam mkha' rdzu 'phrul sprul pa dang / /sngags dang gzhan gsum de bzhin te/ /mi rung ba dang mtshan gnyis pa/ /bzhi pa bdun rgyud de bzhin no/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis dge slong gis dpag tshad gsum las 'das par lug gi bal 'tshal na/ spang bar 'gyur ro/ /zhes gsungs na/ btsun pa/ dge slong gis dpag tshad gsum las 'das par nam mkha' las lug gi bal 'tshal na/ cir 'gyur/ nyes byas so/ /rdzu 'phrul gyis 'tshal na/ cir 'gyur/ nyes pa med do/ /rung bar byed pa sprul pas 'tshal na/ cir 'gyur/ nyes byas so/ /btsun pa/ dge slong gis sngags sam/ sman gyis bdag mi snang bar bgyis te 'tshal na/ cir 'gyur/ nyes byas so/ /gzhan gyi slad du 'tshal na/ cir 'gyur/ nyes byas so/ /gzhan la bskur na/ cir 'gyur/ nyes byas so/ /btsun pa/ dge slong gis dpag tshad gsum las 'das par lug gi bal 'tshal kyang spang bar mi 'gyur ba mchis sam/ u pa li/ yod de/ dge slong lam du zhugs pa zhig gis lug gi bal zhig rnyed nas de des dpag tshad gsum gyi bar du rang gis khyer ba dang / des lug gis bal gzhan zhig rnyed nas des snga ma bor te phyi ma khyer nas song ba ste/ de ltar na/ nyes pa med do/ /btsun pa/ dge slong gis lug gi bal ma gtogs par de las gzhan pa mi rung ba'i bal rnga mo'i bal dang / ba lang gi bal dang / ra'i bal dang / ri dwags kyi bal rnams dang 'dres pa mi rung ba zhig 'tshal na/ cir 'gyur/ nyes byas so/ /btsun pa/ dge slong gis lug gi bal dpag tshad gsum las 'das par 'tshal ba dang / mtshan 'phos te dge slong mar gyur la mtshams las 'das na/ cir 'gyur/ nyes byas so/ /btsun pa/ dge slong mas lug gi bal dpag tshad gsum las 'das par 'tshal ba dang / mtshan 'phos te dge slong mar gyur nas mtshams las 'das na/ cir 'gyur/ spang bar 'gyur ro/ /btsun pa/ dge slong gis lug gi bal dpag tshad gsum las 'das par rgyang grags la rgyang grags su 'du shes te 'tshal na/ cir 'gyur/ spang bar 'gyur ro/ /rgyang grags la rgyang grags ma lags par 'du shes na/ cir 'gyur/ nyes byas su 'gyur ro/ /rgyang grags ma lags pa la rgyang grags su 'du shes na/ cir 'gyur/ nyes byas so/ /rgyang grags ma lags pa la rgyang grags ma lags par 'du shes na/ cir 'gyur/ nyes byas so/ /btsun pa/ bsnyen par ma rdzogs pa zhig gis lug gi bal zhig btsal te mchis nas bsnyen par ma rdzogs par mtshams las 'das na/ cir 'gyur/ nyes byas so/ /bsnyen par ma rdzogs par 'tshal nas bsnyen par rdzogs par mtshams las 'das na/ cir 'gyur/ nyes byas so/ /bsnyen par ma rdzogs par 'tshal nas bsnyen par rdzogs te mtshams las 'das na/ cir 'gyur/ nyes byas so/ /bsnyen par rdzogs kar 'tshal nas bsnyen par rdzogs kar mtshams las 'das na/ cir 'gyur/ nyes byas so/ / bsnyen par rdzogs kar 'tshal te bsnyen par rdzogs nas mtshams las 'das na/ cir 'gyur/ nyes byas so/ /bsnyen par rdzogs te 'tshal nas bsnyen par rdzogs nas mtshams las 'das na/ cir 'gyur/ spang bar 'gyur ro/ /bsnyen par rdzogs te 'tshal la bsnyen par ma rdzogs par mtshams las 'das na/ cir 'gyur/ nyes byas so/ /mdor na/ 'phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na ba 'on pa glen pa'o/ /btsun pa/ dge slong gis lug gi bal dpag tshad gsum las 'das par 'phrin pa la bskur na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa dang / smyon pa dang / sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / dmus long rnams la bskur na/ thams cad nyes byas su 'gyur ro/ /ji ltar dge slong gis lug gi bal dpag tshad gsum las 'das na/ spang ba'i ltung bar 'gyur ba de bzhin du bslab pa byin pa la yang spang ba'i ltung bar 'gyur ro/ /dge slong ma dang / dge slob ma dang / dge tshul pha dang / dge tshul ma rnams la nyes byas su 'gyur ro// // 'dul ba gzhung dam pa bam po bzhi pa/ mdor na/ 'phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / / na ba dang ni 'gro ba rnams/ /khyim bdag dag la sogs pa ste/ /bslab pa byin pa tha ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gis gnyen ma lags pa'i dge slong ma la lug gi bal 'khrur stsal na/ spang ba'i ltung bar 'gyur ro/ /zhes gsungs na/ btsun pa/ dge slong gis 'phrin gyis lug gi bal 'khrur stsal na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de 'khrur bcug na/ thams cad nyes byas su 'gyur ro/ /btsun pa/ dge slong gis dge slong ma smyon ma la lug gi bal 'khrur stsal na/ cir 'gyur/ nyes byas so/ /de bzhin du du sems 'khrugs pa dang / nad kyis gzir ba dang / lkugs pa dang / 'on pa rnams la 'khrur bcug na/ thams cad nyes byas su 'gyur ro/ /btsun pa/ dge slong gis khyim pa mo la 'khrur stsal na/ cir 'gyur/ nyes byas so/ /de bzhin du ma ning ma dang / dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can du song ba rnams dang / rkun gnas dang / sngar 'khrugs pa rnams la 'khrur bcug na/ thams cad nyes byas su 'gyur ro/ /btsun pa/ dge slong gis dge slong ma dge 'dun dbyen bgyid pa dang / nye bar phyogs pa dang / bslab pa stsal ba rnams la 'khrur stsal na/ cir 'gyur/ spang bar 'gyur ro/ /bslab pa stsal pa zhig gis gnyen ma lags pa'i dge slong ma la de bzhin du lug gi bal 'khrur stsal na/ cir 'gyur/ spang bar 'gyur ro/ /mdor na/ thun mong dag dang bkrus pa dang / /de bzhin dge 'dun mtshan gnyis dang / /mi rung ba dang spang ba dang / /mi shes pa yang de bzhin te/ /bdun pa dang ni bzhi pa dang / /dge slong ma ni tha ma'o/ /btsun pa/ dge slong gis lug gi bal thun mong ba zhig 'khrur stsal na/ cir 'gyur/ nyes byas so/ /bkrus pa zhig 'khrur stsal na/ cir 'gyur/ nyes byas so/ /btsun pa/ dge slong gis dge 'dun gyi lug gi bal zhig 'khrur stsal na/ cir 'gyur/ nyes byas so/ /de ste gang zag gis yongs su spyad pa zhig yin te yongs su spyad nas dri ma can du gyur na ni/ nyes byas so/ /'on te mal stan gyi dngos po zhig 'khrur bcug na ni/ nyes pa med do/ /btsun pa/ dge slong gis gnyen ma lags pa'i dge slong la lug gi bal zhig 'khrur stsal pa dang / mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong mas gnyen ma lags pa'i dge slong la lug gi bal zhig 'khrur stsal pa dang / mtshan 'phos te dge slong du gyur na/ cir 'gyur/ nyes byas so/ btsun pa/ bcom ldan 'das kyis dge slong gis gnyen ma lags pa'i dge slong ma la lug gi bal 'khrur stsal na/ spang ba'i ltung bar 'gyur ro/ /zhes gsungs na/ btsun pa/ dge slong gis gnyen ma lags pa'i dge slong ma la lug gi bal 'khrur stsal kyang spang ba'i ltung bar mi 'gyur ba mchis sam/ u pa li/ yod de/ mi rung ba dang 'dres pa 'khrur bcug pa ste/ mi rung ba ni/ rnga mo'i bal dang / ba lang gi bal dang / ra'i bal dang / ri dwags kyi bal te/ de dag dang 'dres pa zhig 'khrur bcug na/ nyes byas su 'gyur ro/ /btsun pa/ dge slong gis spang ba'i lug gi bal 'khrur stsal na/ cir 'gyur/ de ste ma spangs par gyur na ni/ spang ba'i ltung bar 'gyur ro/ /'on te spangs par gyur pa zhig na ni/ nyes byas su 'gyur ro/ /btsun pa/ dge slong gis gzhan gyi lug gi bal zhig 'khrur stsal cir 'gyur/ nyes byas so/ /btsun pa/ bsnyen par ma rdzogs par lug gi bal zhig 'khrur stsal la/ bsnyen par ma rdzogs par lags na/ cir 'gyur/ nyes byas so/ /bsnyen par ma rdzogs par 'khrur stsal la/ bsnyen par rdzogs kar lags na/ cir 'gyur/ nyes byas so/ /bsnyen par rdzogs par 'khrur stsal la bsnyen par rdzogs te lags na/ cir 'gyur/ nyes byas so/ /bsnyen par rdzogs kar 'khrur stsal na/ bsnyen par rdzogs kar lags na/ cir 'gyur/ nyes byas so/ /bsnyen par rdzogs kar 'khrur stsal la/ bsnyen par rdzogs nas lags na/ cir 'gyur/ nyes byas so/ /bsnyen par rdzogs nas 'khrur stsal la/ bsnyen par rdzogs nas lags na/ cir 'gyur/ spang bar 'gyur ro/ /bsnyen par rdzogs pa na 'khrur stsal la/ bsnyen par ma rdzogs par lags na/ cir 'gyur/ nyes byas so/ /btsun pa/ dge slong gis gnyen ma lags pa la gnyen ma lags par 'du shes te lug gi bal 'khrur stsal na/ cir 'gyur/ spang bar 'gyur ro/ /gnyen ma yin pa la gnyen du 'du shes na/ nyes pa med do/ /gnyen la gnyen ma yin par 'du shes na/ nyes byas so/ /gnyen la gnyen du 'du shes na/ nyes pa med do/ /btsun pa/ dge slong gis bsnyen par rdzogs ma la bsnyen par rdzogs mar 'du shes te lug gi bal 'khrur stsal na/ cir 'gyur/ spang bar 'gyur ro/ /bsnyen par rdzogs ma la bsnyen par ma rdzogs mar 'du shes na/ nyes byas su 'gyur ro/ /bsnyen par ma rdzogs ma la bsnyen par rdzogs mar 'du shes na/ nyes byas su 'gyur ro/ /bsnyen par ma rdzogs ma la bsnyen par ma rdzogs mar 'du shes na/ nyes byas su 'gyur ro/ /dge slong gis gnyen ma lags pa'i dge slong ma la lug gi bal 'khrur stsal na/ cir 'gyur/ spang bar 'gyur ro/ /dge slong ma dang / dge tshul ma dang / khyim pa mo dang / mu stegs can dge sbyong gzhan spyad pa pa dang / kun tu rgyu ba dang / de bzhin du 'gro ba gzhan du gnas pa rnams la 'khrur bcug na/ thams cad nyes byas su 'gyur ro/ /dge slong mas dge slong dang / dge tshul pha dang / 'di las phyi'i mu stegs can dge sbyong gzhan bram ze dang / spyod pa dang / kun tu rgyu ba dang / de bzhin du 'gro ba gzhan du gnas pa rnams la 'khrur stsal na/ cir 'gyur/ nyes byas so/ /khyim bdag dang / khyim bdag mo la yang nyes byas su 'gyur ro/ /dge slob ma dang / dge tshul pha dang / dge tshul ma rnams la nyes byas te/ btso ba dang rmel ba'ang de bzhin du shes par bya'o/ / mdor na/ 'phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na ba 'on pa glen pa'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang bdag gi lag gis gser ram dngul blangs sam/ len du stsal na/ spang ba'i ltung bar 'gyur ro/ /zhes gsungs na/ btsun pa/ dge slong gis 'phrin pa la gser dang dngul len du stsal na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de len du bcug na/ thams cad nyes byas su 'gyur ro/ /btsun pa/ dge slong gis gser ram dngul smyon pa zhig len du stsal na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / dig pa dang / lkugs pa dang / 'on pa rnams len du bcug na| thams cad nyes byas su 'gyur ro/ /btsun pa/ dge slong gis smyon pa las gser ram dngul blangs na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / lkugs pa dang / 'on pa dang / ra ro ba dang / myos pa dang / 'gro ba gzhan du gnas pa rnams las gser ram dngul blangs sam/ len du bcug na/ thams cad nyes byas su 'gyur ro/ /mdor na/ mi nye mtshan dang ma sha dang / /bzhi pa dang ni bdun pa dang / /brgyad dang khyim pa la sogs pa/ /khyim pa gzhan dang dge slong ma/ / btsun pa/ dge slong gis gser dang dngul blangs sam/ len du stsal na yang spang ba'i ltung bar mi 'gyur ba mchis sam/ u pa li/ yod do/ /gnas mi nye ba nas blangs pa dang / yo byad gzhan du 'du shes pa'o/ /btsun pa/ dge slong gis gser dang dngul len pa na/ mtshan 'phos te dge slong mar gyur na/ cir 'gyur/ spang bar 'gyur ro/ /btsun pa| dge slong mas gser dang / dngul len pa na/ mtshan 'phos te dge slong phar gyur na/ cir 'gyur/ spang bar 'gyur ro/ /btsun pa/ dge slong gis gser gyi ma sha'am dngul gyi ma sha blangs na/ cir 'gyur/ spang bar 'gyur ro/ /de ste lcags kyi ma sha'am/ zangs kyi ma sha blangs sam/ len du bcug na/ nyes byas su 'gyur ro/ /btsun pa/ dge slong gis gser la gser du 'du shes te blangs na/ cir 'gyur/ spang bar 'gyur ro/ /gser la gser ma yin par 'du shes na/ nyes pa med do/ /gser ma lags pa la gser du 'du shes na/ cir 'gyur/ nyes byas so/ /gser ma yin pa la gser ma yin par 'du shes na/ nyes pa med do/ /btsun pa/ bsnyen par ma rdzogs par gser dang dngul zhig bslangs nas bsnyen par ma rdzogs par thob na/ cir 'gyur/ nyes byas so/ /bsnyen par ma rdzogs par bslangs nas bsnyen par rdzogs kar thob na/ cir 'gyur/ nyes byas so/ /bsnyen par ma rdzogs par bslangs la bsnyen par rdzogs te thob na/ cir 'gyur/ nyes byas so/ /bsnyen par rdzogs kar bslangs la bsnyen par rdzogs kar thob na/ cir 'gyur/ nyes byas so/ /bsnyen par rdzogs kar bslangs la bsnyen par rdzogs te thob na/ cir 'gyur/ nyes byas so/ /bsnyen par rdzogs te bslangs la bsnyen par rdzogs nas thob na/ cir 'gyur/ spang bar 'gyur ro/ /bsnyen par rdzogs pa na bslangs la bsnyen par ma rdzogs par thob na/ cir 'gyur/ nyes byas so/ /btsun pa| dge slong gis gser dang dngul mngon sum du khyim pa len du stsal na/ cir 'gyur/ spang ba'i ltung bar 'gyur ro/ /de bzhin du za ma dang / ma ning dang / dge slong ma sun phyung ba dang / pha dang / ma dang / dgra bcom pa bsad pa dang / dge 'dun gyi dbyen byas pa dang / de bzhin gshegs pa la ngan sems kyis khrag phyung ba dang / mu stegs can du song ba dang / rkun gnas dang / so sor gnas pa dang / mi gnas pa dang / nye bar phyogs pa dang / sngar 'khrugs pa dang / sngar nyes pa byung ba dang / bslab pa byin pa rnams kyis mngon sum du blangs sam/ len du bcug na/ thams cad spang ba'i ltung bar 'gyur ro/ /btsun pa/ dge slong bdag gis gser dang dngul blangs sam/ len du stsal kyang nongs par mi 'gyur pa mchis sam/ u pa li/ yod de/ ji ltar yang de ni/ dge slong gi gser dang dngul blangs kyang bdag gir bya ba'i sems ma bskyed pa ste/ de phyir mi rung bas rung ba'i dngos po gzhan blang ngo / /snyam nas blangs pa'o/ /btsun pa/ dge slong gis gzhan gyi slad du gser dang dngul blangs na/ cir 'gyur/ nyes byas so/ /btsun pa/ bslab pa stsal pas gser dang dngul blangs sam/ len du stsal na/ cir 'gyur/ spang ba'i ltung bar 'gyur ro/ /btsun pa/ dge slong mas gser dang dngul bdag gi lag gis blangs sam/ len du stsal na/ cir 'gyur/ spang ba'i ltung bar 'gyur ro/ /btsun pa/ dge slob ma dang / dge tshul pha dang / dge tshul ma dag gis gser dang dngul bdag gis blangs sam/ len du stsal na/ cir 'gyur/ nyes byas so/ /mdor na/ 'phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na ba 'on pa 'gro ba'o/ /sangs rgyas bcom ldan 'das la tshe dang ldan pa u pa lis zhus pa/ bcom ldan 'das kyis yang dge slong gang nor rnam pa sna tshogs kyis spogs bgyid na/ spang ba'i ltung bar 'gyur ro/ /zhes gsungs na/ btsun pa/ dge slong gis 'phrin pa las nor rnam pa sna tshogs kyis spogs bgyid na/ cir 'gyur/ nyes byas so/ /de bzhin du spring yig dang / lag brda dang / gzhan gyi phyir dang / gzhan zer ba dang / gcig nas gcig tu brgyud pa'o/ /btsun pa/ dge slong gis smyon pa dang lhan cig tu nor rnam pa sna tshogs kyis spogs bgyid na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / 'on pa dang / lkugs pa dang / de bzhin du 'gro ba gzhan du gnas pa lhan cig tu nor rnam pa sna tshogs kyis spogs byas na/ thams cad nyes byas su 'gyur ro/ /mdor na/ mtshan dang bzhi pa bdun de ltar/ /de bzhin du yang bslab pa dang / /'dra ba dang ni gnyen pa dang / /dge slong ma ni tha ma yin/ /sangs rgyas bcom ldan 'das la tshe dang ldan pa u pa lis zhus pa/ btsun pa/ dge slong gis nor rnam pa sna tshogs kyis spogs bgyid pa na/ mtshan 'phos te dge slong mar gyur pa dang rnyed pa mngon par grub na/ cir 'gyur/ spang bar 'gyur ro/ /btsun pa/ dge slong mas nor rnam pa sna tshogs kyis spogs bgyid pa las/ mtshan 'phos te dge slong du gyur nas rnyed pa grub na/ cir 'gyur/ spang bar 'gyur ro/ /btsun pa/ dge slong gis mi la mir 'du shes te nor rnam pa sna tshogs kyis spogs bgyis na/ cir 'gyur/ /spang bar 'gyur ro/ /mi la mi ma lags par 'du shes na/ cir 'gyur/ nyes byas so/ /mi ma lags pa la mir 'du shes na/ cir 'gyur/ nyes byas so/ /mi ma lags pa la mi ma lags par 'du shes na/ cir 'gyur/ nyes byas so/ /btsun pa/ bsnyen par ma rdzogs par nor rnam pa sna tshogs kyis spogs bgyis nas bsnyen par ma rdzogs par rnyed pa mngon par grub na/ cir 'gyur/ nyes byas so/ /bsnyen par ma rdzogs par bshams la bsnyen par rdzogs kar mngon par grub na/ cir 'gyur/ nyes byas so/ /bsnyen par ma rdzogs par bshams la bsnyen par rdzogs te mngon par grub na/ cir 'gyur/ nyes byas so/ /bsnyen par rdzogs kar bshams la bsnyen par rdzogs kar mngon par grub na/ cir 'gyur/ nyes byas so/ /bsnyen par rdzogs kar bshams la bsnyen par rdzogs te mngon par grub na/ cir 'gyur/ nyes byas so/ /bsnyen par rdzogs pa na bshams la bsnyen par rdzogs nas mngon par grub na/ cir 'gyur/ spang bar 'gyur ro/ /bsnyen par rdzogs pas bshams la bsnyen par ma rdzogs pa na mngon par grub na/ cir 'gyur/ nyes byas so/ /btsun pa/ bslab pa stsal pas nor rnam pa sna tshogs kyis spogs bgyid na/ cir 'gyur/ spang bar 'gyur ro/ /btsun pa/ gnyen dang lhan cig tu nor rnam pa sna tshogs kyis spogs bgyid na/ cir 'gyur/ nyes byas so/ /btsun pa/ dge slong gis nor rnam pa sna tshogs kyis spogs bgyis kyang spang bar mi 'gyur ba mchis sam/ u pa li/ yod de/ 'dra bas 'dra ba brjes na/ nyes pa med do/ btsun pa/ dge slong mas nor rnam pa sna tshogs kyis spogs bgyid na/ cir 'gyur/ spang bar 'gyur ro/ /dge slob ma dang / dge tshul pha dang / dge tshul ma rnams la nyes byas so/ /bslab pa'i gnas 'dir ji lta ba de ltar nyo ba dang / btsong pa yang rgyas par bya'o/ /mdor na/ de nyid dang ni stor ba dang / /yul gzhan mu stegs can rnams dang / /ma bsregs pa dang dkar po dang / /smyon pa mtshan dang 'phrin pa dang / /yod dang 'tsho ba dge slong ma/ /sangs rgyas bcom ldan 'das la tshe dang ldan pa u pa lis zhus pa/ lhung bzed de nyid bcangs na| nongs par 'gyur ba dang / de nyid bcangs bas nongs par mi 'gyur ba mchis sam/ u pa li/ yod de/ ji ltar yang dge slong gis lhung bzed chen po zhig bcangs pa na/ mtshan 'phos te dge slong mar gyur nas bcangs na/ nyes byas su 'gyur ro/ /btsun pa/ dge slong gis spang ba'i ltung bzed stor bar gyur na/ ltung ba bshags par bgyi'am/ u pa li/ bshags par bya'o/ /nongs pa bshags nas slad rnyed na/ spang bar bgyi'am/ u pa li/ ma yin no/ /btsun pa/ bcom ldan 'das kyis dge slong gis dgung bcu las 'das par lhung bzed lhag pa ma 'chang zhig / ces gsungs na/ btsun pa/ dge slong gis dgung bcu las 'das par lhung bzed lhag pa bcangs kyang nongs par mi 'gyur ba mchis sam/ u pa li yod de/ ji ltar dge slong gis yul gzhan du dge slong la lhung bzed cig bskur bar byas nas des lhung bzed de shin tu yun ring por bcangs kyang nyes pa med do/ /btsun pa/ dge slong gis mu stegs can gyis lhung bzed bcangs na/ cir 'gyur/ nyes byas so/ /btsun pa/ dge slong gis lhung bzed ma bsregs pa'am/ lhung bzed chung ngu'am/ lhung bzed chen po bcangs na| cir 'gyur/ nyes byas so/ /btsun pa/ dge slong gis lhung bzed dkar po bcangs na/ cir 'gyur/ nyes byas so/ /dge slong gis lhung bzed rnyed ma thag tu smyos par gyur na/ gang nas bzung ste dgung bcur bgrang bar bgyi/ gang gi tshe rang gi sems slar rnyed pa de nas gzung ngo / /btsun pa/ dge slong gis dgung bcu las 'das par lhung bzed lhag pa bcangs kyang spang par mi 'gyur ba mchis sam/ u pa li/ yod de/ ji ltar yang dge slong gis lhung bzed rnyed nas zhag bcu lon pa dang mtshan 'phos te dge slong mar gyur na/ nyes pa med do/ /btsun pa/ dge slong mas dgung bcu las 'das par lhung bzed lhag pa bcangs kyang nongs par mi 'gyur ba mchis sam/ u pa li/ yod de/ ji ltar yang dge slong ma de lhung bzed rnyed ma thag tu mtshan 'phos te dge slong du gyur na/ nyes pa med do/ /btsun pa/ dge slong gis shin tu ring bar lhung bzed lhag pa bcangs kyang nongs par mi 'gyur ba mchis sam/ u pa li/ yod de/ ji ltar yang dge slong gis dge slong la lhung bzed kyi phyir 'phrin pa btang ba des lhung bzed blangs te shin tu ring bar bcangs kyang nyes pa med do/ /btsun pa/ dge slong gis lhung bzed gcig mchis la mchis bzhin du lhung bzed gcig po de spang bar 'gyur ba mchis sam/ u pa li/ yod de/ byin gyis ma brlabs par bcangs pa'o/ /dge slong gis nam 'tsho'i bar du lhung bzed lhag pa bcangs kyang spang bar 'gyur ba mchis sam/ u pa li/ yod de/ ji ltar dge slong de zhag bcur ma lon par dus byas pa'o/ /btsun pa/ bslab pa stsal pa dgung bcu las 'das par lhung bzed lhag pa bcangs na/ cir 'gyur/ spang bar 'gyur ro/ /dge slong mas zhag bcu las 'das par lhung bzed lhag pa bcangs na/ spang ba'i lhung bar 'gyur ro/ /dge slob ma dang / dge tshul ma dang / dge tshul pha rnams la nyes byas su 'gyur ro/ /mdor na/ 'phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na ba 'on pa 'gro ba'o/ /de nas sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang lhan pa lnga las nyung ba'i lhung bzed spyad du yod bzhin du lhung bzed gzhan btsal na/ spang bar 'gyur ro/ /zhes gsungs na/ btsun pa/ dge slong gis 'phrin pa las lhung bzed gnyis pa btsal te lhung bzed rnyed na/ cir 'gyur/ nyes byas so/ /'phrin pa las ji lta ba de bzhin du spring yig dang / lag brda dang / gzhan zer pa dang / gcig nas gcig tu brgyud pa thams cad nyes byas su 'gyur ro/ /btsun pa/ dge slong gis smyon pa las lhung bzed gnyis pa btsal na/ cir 'gyur/ lhung bzed rnyed na/ nyes byas su 'gyur ro/ /de bzhin du sems 'khrugs pa dang / nad kyis gzir ba dang / dig pa dang / lkugs pa dang / 'on pa dang / 'gro ba gzhan du gnas pa rnams las lhung bzed gnyis pa btsal te lhung bzed rnyed na/ thams cad nyes byas su 'gyur ro/ /mdor na/ mu stegs can dang za ma mtshan/ /rnam pa bdun yang de bzhin te/ /thun mong pa dang bzhi pa dang / /yo byad rnams dang dge slong ma/ /btsun pa/ dge slong gis 'di la gzhan phyi'i mu stegs can dge sbyong gzhan bram ze dang / spyod pa pa dang / kun tu rgyu ba rnams las lhung bzed gnyis pa blangs nas lhung bzed gnyis pa thob na/ cir 'gyur/ nyes byas so/ /btsun pa| dge slong gis mu stegs can gyi snod cig gang gis snyed na/ cir 'gyur/ nyes byas so/ /btsun pa/ dge slong gis za ma las lhung bzed gnyis pa btsal te lhung bzed rnyed na| cir 'gyur/ nyes byas so/ /de bzhin du ma ning pha dang / ma ning ma dang / mtshan gnyis pa rnams las btsal te lhung bzed thob na/ nyes byas su 'gyur ro/ /btsun pa/ dge slong gis lhung bzed spyad pa mchis bzhin du lhung bzed gzhan blangs pa dang / de'i mtshan 'phos te dge slong mar gyur nas thob na/ cir 'gyur/ spang bar 'gyur ro/ /btsun pa/ dge slong mas lhung bzed mchis bzhin du gnyis pa btsal pa las/ mtshan 'phos te dge slong du gyur nas rnyed na/ cir 'gyur/ spang bar 'gyur ro/ /btsun pa/ dge slong gis lhung bzed mchis bzhin du khyim bdag gam/ khyim bdag gi mchis brang las lhung bzed gnyis pa tshol ba na/ de gnyis mtshan 'phos te mtshan 'phos nas rnyed na/ cir 'gyur/ spang bar 'gyur ro/ /btsun pa/ dge slong mas khyim bdag gam/ khyim bdag gi mchis brang las lhung bzed gnyis pa slong ba na/ de gnyis mtshan 'phos te mtshan 'phos nas thob na/ cir 'gyur/ spang bar 'gyur ro/ /bsnyen par ma rdzogs par bslangs la bsnyen par ma rdzogs par thob na/ cir 'gyur/ nyes byas so/ /bsnyen par ma rdzogs par bslangs la bsnyen par rdzogs kar thob na/ cir 'gyur/ nyes byas so/ /bsnyen par ma rdzogs par bslangs la/ bsnyen par rdzogs nas thob na/ cir 'gyur/ nyes byas so/ /bsnyen par rdzogs kar bslangs la bsnyen par rdzogs kar thob na/ cir 'gyur/ nyes byas so/ /bsnyen par rdzogs kar bslangs la bsnyen par rdzogs te thob na/ cir 'gyur nyes byas so/ /bsnyen par rdzogs nas bslangs te bsnyen par rdzogs pa na thob na/ cir 'gyur/ spang bar 'gyur ro/ /bsnyen par rdzogs nas bslangs te bsnyen par rdzogs par thob na/ cir 'gyur/ nyes byas so/ /dge slong gnyis kyis lhung bzed gcig bslangs na/ cir 'gyur/ nyes byas so/ /btsun pa/ dge slong gis mi la mir 'du shes te lhung bzed bslangs nas lhung bzed thob na/ cir 'gyur/ spang bar 'gyur ro/ /mi la mi ma lags par 'du shes te bslangs na/ cir 'gyur/ nyes byas so/ /mi ma lags pa la mir 'du shes te bslangs na/ cir 'gyur/ nyes byas so/ /mi ma lags pa la mi ma lags par 'du shes te bslangs na/ cir 'gyur/ nyes byas so/ /btsun pa/ dge slong gis rang gis yo byad dam/ rin gyis lhung bzed gnyis pa btsal na/ cir 'gyur/ nyes byas so/ /btsun pa/ bslab pa stsal pas lhung bzed mchis bzhin du lhung bzed gnyis pa btsal te lhung bzed rnyed na/ cir 'gyur/ spang bar 'gyur ro/ /btsun pa/ dge slong mas lhung bzed mchis bzhin du lhung bzed gnyis pa btsal te lhung bzed rnyed na/ cir 'gyur/ spang bar 'gyur ro/ /dge slong ma dang / dge tshul ma dang / dge tshul pha rnams kyis lhung bzed mchis bzhin du lhung bzed gnyis pa btsal te lhung bzed rnyed na/ cir 'gyur/ nyes byas so/ /mdor na/ 'phrin pa spring yig lag brda dang / gzhan zer ba dang gcig nas gcig / smyon par gyur dang sems 'khrugs dang / /na ba 'on pa 'gro ba'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang gnyen ma lags pa'i thag pa la gos 'thag tu stsal na/ spang bar 'gyur ro/ /zhes gsungs na/ btsun pa/ dge slong gis 'phrin pa las 'thag tu stsal na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa dang / gzhan gyi phyir 'thag tu bcug na| thams cad nyes byas su 'gyur ro/ /btsun pa/ dge slong gis tha ga pa smyon pa zhig la gos 'thag tu stsal na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / mi ma yin pa'i 'gro ba'i gnas pa tha ga pa rnams la gos 'thag tu bcug na/ thams cad nyes byas so/ /mdor na/ ma ning dag dang za ma dang / /thun mong mtshan yang de bzhin te/ /de ltar mi rung bdun pa dang / /bzhi pa slob dang dge slong ma/ /btsun pa/ dge slong gis tha ga pa ma ning zhig la gos 'thag tu stsal na/ cir 'gyur/ nyes byas so/ /de bzhin du za ma dang / ma ning ma dang / mtshan gnyis pa thams cad nyes byas su 'gyur ro/ /btsun pa/ dge slong gis thun mong gos shig 'thag tu stsal na/ cir 'gyur/ nyes byas so/ /btsun pa/ dge slong gis tha ga pa gnyen ma lags ba la gos zhig 'thag tu stsal pa dang / de'i mtshan 'phos te dge slong mar gyur nas thob na/ cir 'gyur/ spang bar 'gyur ro/ /btsun pa/ dge slong ngam dge slong mas tha ga pa gnyen ma lags pa la gos shig 'thag tu stsal pa dang / mtshan 'phos te mtshan 'phos nas blangs na/ cir 'gyur/ spang bar 'gyur ro/ /btsun pa/ dge slong gis tha ga pa gnyen ma lags pa la gos 'thag tu stsal kyang spang bar mi 'gyur ba mchis sam/ u pa li/ yod de/ ji ltar yang gos kyi rgyu rung bar gyur la spun mi rung ba dang / spun rung bar gyur la rgyu mi rung ba dang / gnyis ka yang mi rung bar gyur pa ste/ mi rung ba ni/ rnga mo'i bal dang / ba lang gi bal dang / ra'i bal dang / ri dwags kyi bal dang 'dres pa rnams 'thag tu bcug na/ thams cad nyes byas su 'gyur ro/ /btsun pa/ bsnyen par ma rdzogs par 'thag tu stsal la bsnyen par ma rdzogs par thob na/ cir 'gyur/ nyes byas so/ /bsnyen par ma rdzogs par 'thag tu stsal la bsnyen par rdzogs kar thob na/ cir 'gyur/ nyes byas so/ /bsnyen par ma rdzogs par 'thag tu stsal la bsnyen par rdzogs nas thob na/ cir 'gyur/ nyes byas so/ /bsnyen par rdzogs kar 'thag tu stsal la bsnyen par rdzogs kar thob na/ cir 'gyur nyes byas so/ /bsnyen par rdzogs kar 'thag tu stsal la bsnyen par rdzogs nas thob na/ cir 'gyur/ nyes byas so/ /bsnyen par rdzogs pas 'thag tu stsal la bsnyen par rdzogs pas thob na/ cir 'gyur/ spang bar 'gyur ro/ /bsnyen par rdzogs pas 'thag tu stsal la bsnyen par ma rdzogs pas thob na/ cir 'gyur/ nyes byas so/ /btsun pa/ dge slong gis mi ma lags pa la mi ma lags par 'du shes te 'thag tu stsal na/ cir 'gyur/ nyes byas so/ /mi la mi ma yin par 'du shes na/ nyes byas su 'gyur ro/ /mi ma yin pa la mir 'du shes na/ nyes byas su 'gyur ro/ /mi la mir 'du shes te 'thag tu stsal na/ cir 'gyur/ spang bar 'gyur ro/ /btsun pa/ dge slong gis gnyen ma lags par 'du shes te 'thag tu stsal na/ cir 'gyur/ spang bar 'gyur ro/ /gnyen ma yin pa la gnyen du 'du shes na/ nyes pa med do/ /gnyen la gnyen ma yin par 'du shes te 'thag tu bcug na/ nyes byas su 'gyur ro/ /gnyen la gnyen du 'du shes te 'thag tu bcug na/ nyes pa med do/ /btsun pa/ bslab pa stsal pas tha ga pa gnyen ma lags pa la gos shig 'thag tu stsal te gos thob na/ cir 'gyur ro/ /spang bar 'gyur ro/ /dge slong la ji lta ba bzhin du dge slong ma la yang snga ma bzhin te/ ji ltar bslab pa'i gnas snga ma bzhin pa nas bsnyen par rdzogs kar rnyed na/ cir 'gyur/ nyes byas so/ /zhes bya ba'i bar du'o/ /bsnyen par ma rdzogs par rnam par rtog pa bskyed nas bsnyen par rdzogs pas rnyed na/ cir 'gyur/ nyes byas so/ /bsnyen par ma rdzogs pas rnam par rtog pa bskyed la bsnyen par rdzogs kar thob na/ cir 'gyur/ nyes byas so/ /bsnyen par ma rdzogs pas rnam par rtog pa bskyed la bsnyen par rdzogs te thob na/ cir 'gyur/ nyes byas so/ /bsnyen par rdzogs kar rnam par rtog pa bskyed la bsnyen par rdzogs kar thob na/ cir 'gyur/ nyes byas so/ /bsnyen par rdzogs kar rnam par rtog pa bskyed la bsnyen par rdzogs nas thob na/ cir 'gyur/ nyes byas so/ /bsnyen par rdzogs pas rnam par rtog pa bskyed la bsnyen par rdzogs pas thob na/ cir 'gyur/ spang bar 'gyur ro/ /bsnyen par rdzogs pas rnam par rtog pa bskyed la bsnyen par ma rdzogs par thob na/ cir 'gyur/ nyes byas so/ /btsun pa/ dge slong gis mi la mir 'du shes te rnam par rtog pa bskyed nas gos mngon du grub na/ cir 'gyur/ spang bar 'gyur ro/ /mi la mi ma yin par 'du shes na/ nyes byas su 'gyur ro/ /mi ma yin pa la mir 'du shes na/ nyes byas su 'gyur ro/ /mi ma yin pa la mi ma yin par 'du shes na/ nyes byas su 'gyur ro/ / btsun pa/ dge slong gis gnyen ma lags pa'i tha ga pa la gnyen ma lags par 'du shes te rnam par rtog pa bskyed nas gos mngon du grub na/ cir 'gyur/ spang bar 'gyur ro/ /gnyen ma lags pa la gnyen lags par 'du shes na/ cir 'gyur/ nyes pa med do/ /gnyen la gnyen ma lags par 'du shes na/ cir 'gyur/ nyes byas so/ /gnyen la gnyen du 'du shes na/ nyes pa med do/ /bslab pa stsal pas rnam par rtog pa bskyed nas gos mngon du grub na/ cir 'gyur/ spang bar 'gyur ro/ /btsun pa/ dge slong mas rnam par rtog pa bskyed de gos mngon du grub na/ cir 'gyur/ spang bar 'gyur ro/ /dge tshul pha dang / dge tshul ma rnams kyis rnam par rtog pa bskyed de gos mngon du grub na/ cir 'gyur/ nyes byas so/ /mdor na/ /'phrin pa spring yig lag brda dang / gzhan zer ba dang gcig nas gcig /smyon par gyur dang sems 'khrugs dang / /na ba 'on pa 'gro pa'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang gis dge slong la gos shig stsal nas 'phrog gam 'phrog tu stsal na/ spang bar 'gyur ro/ /zhes gsungs na/ btsun pa/ dge slong gis 'phrin gyis 'phrog na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa dang / gzhan gyi phyir 'phrog na/ thams cad nyes byas su 'gyur ro/ /btsun pa/ dge slong gis dge slong smyon pa la gos shig stsal pa las slar 'phrog na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa rnams la gos byin pa las slar 'phrog na/ thams cad nyes byas su 'gyur ro/ /btsun pa/ dge slong gis 'di las slad rol gyi mu stegs can dge sbyong gzhan bram ze dang / spyod pa ba dang / kun tu rgyu ba rnams la gos stsal pa las slar 'phrog na/ cir 'gyur/ thams cad nyes byas so/ /btsun pa/ 'gro ba gzhan du gnas pa zhig la gos stsal ba las 'phrog na/ cir 'gyur/ nyes byas so/ /mdor na/ khyim pa dag la sogs pa dang / /thun mong mtshan yang de bzhin te/ /ma chog mi rung de bzhin du/ /bzhi pa bdun pa de ltar ro/ /btsun pa/ dge slong gis khyim pa la gos stsal pa las slar 'phrog na/ cir 'gyur/ nyes byas so/ /de bzhin du ma ning dang / dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can du song ba dang / rkun gnas dang / sngar 'khrugs pa dang / sngon nyes pa byung ba rnams la gos shig byin pa gos shig 'phrog na/ thams cad nyes byas su 'gyur ro/ /btsun pa/ dge slong gis pha ma dang / mi gnas pa dang / so sor gnas pa dang / sngar 'khrugs pa'i dge slong rnams la gos stsal pa las slar 'phrog na/ cir 'gyur/ nyes byas so/ /dge 'dun gyis dbyen gyis pa dang / de la nye bar phyogs pa dang / bslab pa byin pa rnams la gos shig byin pa las khyim pa 'phrog tu bcug na/ thams cad kyang spang ba'i ltung bar 'gyur ro/ /btsun pa/ dge slong gis dge slong ma dang / dge slong ma dang / dge tshul ma dang / dge tshul pha rnams la gos stsal pa las slar 'phrog na/ cir 'gyur/ nyes byas so/ /btsun pa/ dge slong gis dge slong zhig la gos stsal nas khyim pa zhig 'phrog tu stsal na/ cir 'gyur/ spang ba'i ltung bar 'gyur ro/ /de bzhin du za ma dang / ma ning dang / dge slong ma sun phyung ba dang / pha dang / ma dang / dgra bcom pa bsad pa dang / dge 'dun gyis dbyen byas pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas pa dang / so sor gnas pa dang / mi gnas pa dang / sngar 'khrugs pa dang / sngar nyes pa byung ba dang / nye bar phyogs pa dang / bslab pa byin pa dang / dge slong dang / dge slong ma dang / dge slob ma dang / dge tshul pha dang / dge tshul ma rnams 'phrog tu bcug na/ thams cad spang ba'i ltung bar 'gyur ro/ /btsun pa/ dge slong gnyis kyis gos thun mong zhig stsal la de nas phyis gcig gis 'phrog na/ cir 'gyur/ nyes byas so/ /btsun pa/ dge slong gis dge slong la gos shig stsal te slar 'phrog na/ de'i mtshan 'phos te dge slong mar gyur nas mngon du grub na/ cir 'gyur/ nyes byas so/ /btsun pa/ dge slong mas dge slong ma la gos shig stsal te slar 'phrog pa na/ mtshan 'phos te dge slong du gyur nas mngon du grub na/ cir 'gyur/ nyes byas so/ /btsun pa/ dge slong gis dge slong la gos khru gang las chung ba zhig stsal pa las 'phrog na/ cir 'gyur/ nyes byas so/ /btsun pa/ dge slong gis dge slong la gos stsal nas slar 'phrog kyang spang ba'i ltung bar mi 'gyur ba mchis sam/ u pa li/ yod de/ ji ltar gos de'i rgyu rung bar gyur la spun mi rung ba dang / spun rung bar gyur la rgyu mi rung ba dang / gnyis ka mi rung bar gyur pa ste/ mi rung ba ni/ rnga mo'i bal dang / ba lang gi bal dang / ra'i bal dang / ri dwags kyi bal dang 'dres pa dang / de dag dang 'dra bar thags su ma btags pa'i gos shig stsal te 'phrog na/ cir 'gyur/ nyes byas so/ /btsun pa/ dge slong gis bsnyen par rdzogs pa la bsnyen par rdzogs par 'du shes te gos stsal pa las slar 'phrog na/ cir 'gyur/ spang bar 'gyur ro/ /bsnyen par rdzogs pa la bsnyen par ma rdzogs par 'du shes te gos stsal pa las slar 'phrog na/ cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes te stsal pa las slar 'phrog na/ cir 'gyur/ nyes byas so/ /bsnyen par ma rdzogs pa la bsnyen par ma rdzogs par 'du shes te gos stsal pa las slar 'phrog na/ cir 'gyur/ nyes byas so/ /btsun pa/ bsnyen par ma rdzogs par dbrog par bshams nas bsnyen par ma rdzogs par 'phrog na/ cir 'gyur/ nyes byas so/ /bsnyen par ma rdzogs par dbrog par bshams nas bsnyen par rdzogs kar mngon du grub na/ cir 'gyur/ nyes byas so/ /bsnyen par ma rdzogs par dbrog par bshams nas bsnyen par rdzogs te mngon du grub na/ cir 'gyur/ nyes byas so/ /bsnyen par rdzogs kar dbrog par bshams nas bsnyen par rdzogs kar mngon du grub na/ cir 'gyur/ nyes byas so/ /bsnyen par rdzogs kar dbrog par bshams nas bsnyen par rdzogs te mngon du grub na/ cir 'gyur/ nyes byas so/ /bsnyen par rdzogs nas dbrog par bshams nas bsnyen par rdzogs te mngon du grub na/ cir 'gyur/ spang bar 'gyur ro/ /bsnyen par rdzogs pa na dbrog par bshams nas bsnyen par ma rdzogs par mngon du grub na/ cir 'gyur/ nyes byas so/ /btsun pa/ bslab pa stsal pas dge slong la gos stsal nas slar 'phrog na/ cir 'gyur/ spang bar 'gyur ro/ /btsun pa/ dge slong gis dge slong ma la gos shig stsal pa las 'phrog na/ cir 'gyur/ nyes byas so/ /btsun pa/ dge slong phas dge slong ma la gos shig stsal pa las 'phrog na/ cir 'gyur/ nyes byas so/ /btsun pa/ dge slong mas dge slong ma la gos shig stsal pa las slar 'phrog na/ cir 'gyur/ spang bar 'gyur ro/ /dge slong mas dge slong dang / dge slong ma dang / dge tshul pha dang / dge tshul ma rnams la gos shig stsal pa las slar 'phrog na/ cir 'gyur/ nyes byas so/ /dge slob ma dang / dge tshul pha rnams la nyes byas su rgyas par sbyar ro/ /mdor na/ sems 'khrugs pa dang dus 'das pa/ /mtshan dang thun mong de bzhin te/ /mi rung bzhi pa de lta bur/ /bdun pa dus dang dge slong ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis dge slong gis brtad pa'i gos/ nam gos 'bul ba'i dus kyi bar gzhag cing / /de las 'das par bzhag na/ spang bar 'gyur ro/ /zhes gsungs na/ btsun pa| 'das par bzhag kyang spang bar mi 'gyur ba mchis sam/ u pa li/ yod de/ ji ltar dge slong de gos rnyed ma thag tu sems 'khrugs par gyur pa'o/ /btsun pa/ dge slong gis nam 'tsho'i bar du brtad pa'i gos bcangs kyang spang bar mi 'gyur ba mchis sam/ u pa li/ yod de/ nam gos 'bul ba'i dus tshun tshad du dus byas pa'o/ /btsun pa/ dge slong gis brtad pa'i gos/ nam gos 'bul ba'i dus las 'das pa na/ mtshan 'phos te dge slong mar gyur na/ cir 'gyur/ spang bar 'gyur ro/ /btsun pa/ dge slong mas brtad pa'i gos shig /nam gos 'bul ba'i dus las 'das pa na/ mtshan 'phos te dge slong du gyur na/ cir 'gyur/ spang bar 'gyur ro/ /btsun pa/ dge slong gis brtad pa'i gos thun mong ba zhig / nam gos 'bul ba'i dus las 'das par bzhag na/ cir 'gyur/ nyes byas so/ /btsun pa/ dge slong gis brtad pa'i gos shig/ nam gos 'bul ba'i dus las 'das par bzhag kyang spang bar mi 'gyur ba mchis sam/ u pa li/ yod do/ ji ltar yang gos de'i rgyu rung bar gyur la spun mi rung ba dang / spun rung bar gyur la rgyu mi rung ba dang / gnyis ka mi rung ba ste/ mi rung ba ni/ rnga mo'i bal dang / ba lang gi bal dang / ra'i bal dang / ri dwags kyi bal dang 'dres pa'o/ /de lta bu'i gos thags su ma btags pa zhig / gos 'bul ba'i dus las 'das par bzhag na/ nyes byas su 'gyur ro/ /btsun pa/ dge slong gis gos 'bul ba'i dus las 'das pa la 'das par 'du shes te gos bzhag na/ cir 'gyur/ spang bar 'gyur ro/ /'das pa la ma 'das par 'du shes te bzhag na/ cir 'gyur/ nyes pa med do/ /ma 'das pa la 'das par 'du shes te bzhag na/ nyes byas su 'gyur ro/ /ma 'das pa la ma 'das par 'du shes te bzhag na/ nyes pa med do/ /btsun pa/ bsnyen par ma rdzogs par bzhag ste bsnyen par ma rdzogs par dus las yol na/ cir 'gyur/ nyes byas so/ /bsnyen par ma rdzogs par bzhag ste bsnyen par rdzogs kar dus las yol na/ cir 'gyur/ nyes byas so/ /bsnyen par ma rdzogs par bzhag ste bsnyen par rdzogs nas dus las yol na/ cir 'gyur/ nyes byas so/ /bsnyen par rdzogs kar bzhag ste bsnyen par rdzogs kar dus las yol na/ cir 'gyur/ nyes byas so/ /bsnyen par rdzogs kar bzhag ste bsnyen par rdzogs nas dus las yol na/ cir 'gyur/ nyes byas so/ /bsnyen par rdzogs nas bzhag ste bsnyen par rdzogs nas dus las yol na/ cir 'gyur/ spang bar 'gyur ro/ /bsnyen par rdzogs pas bzhag nas bsnyen par ma rdzogs par dus las yol na/ cir 'gyur/ nyes byas so/ /btsun pa/ tshul nas ma byung bar rgyal pos shol bor na/ dge slong gis brtad pa'i gos ji ltar bsgrub par bgyi/ ji ltar tshul du zhugs pa bzhin no/ /brtad pa'i gos zhag bcu las 'das pa zhes bgyi'am/ zhag bcu las ma 'das pa zhes bgyi/ zhag bcu las 'das pa zhes bya'o/ /btsun pa/ brtad pa'i gos dus ma lags pa'i gos su bgyir rung ngam/ u pa li/ mi rung ngo / /btsun pa/ bcom ldan 'das kyis brtad pa'i gos/ nam gos 'bul ba'i dus kyi bar du chongs shig / ces gsungs na/ btsun pa/ gos 'bul ba'i dus gang lags/ u pa li/ tshul nas byung ba ste/ tshul nas ma byung gi bar du ni/ thams cad dus ma yin no/ /btsun pa/ bslab pa stsal pas gos 'bul ba'i dus las 'das par gos bzhag na/ cir 'gyur/ spang bar 'gyur ro/ /btsun pa/ dge slong mas brtad pa'i gos 'bul ba'i dus las 'das par bzhag na/ cir 'gyur/ spang bar 'gyur ro/ /dge slob ma dang / dge tshul pha dang / dge tshul ma rnams la nyes byas te/ rgyas par brjod par bya'o/ / mdor na/ mi rung ba dang bzhi ba dang / /bar chad bdun pa de bzhin te/ /sdom pa dang ni dge 'dun gyi/ /nam mkha' mtshan dang dge slong ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis ring na yang zhag drug tu dge slong des gos de dang bral bar 'dug cig /de las ring du bral na/ spang bar 'gyur ro/ /zhes gsungs na| btsun pa/ dge slong gis zhag drug las 'das par gos de dang bral yang spang bar mi 'gyur ba mchis sam/ u pa li/ yod de/ ji ltar yang gos de'i rgyu rung bar gyur la spun mi rung ba dang / spun rung bar gyur la rgyu mi rung ba dang / gnyis ka mi rung bar gyur pa ste/ mi rung ba ni/ rnga mo'i bal dang / ba lang gi bal dang / ra'i bal dang / ri dwags kyi bal dang 'dres pa'o/ / de dang 'dra bar thags su ma btags pa'i gos zhag drug las 'das par bral na/ nyes byas su 'gyur ro/ /btsun pa/ dge slong gis zhag drug las 'das pa la 'das par 'du shes te gos de dang bral na| cir 'gyur/ spang bar 'gyur ro/ /'das pa la ma 'das par 'du shes te bral na/ nyes pa med do/ /ma 'das pa la 'das par 'du shes te bral na/ nyes byas su 'gyur ro/ /ma 'das pa la ma 'das par 'du shes te bral na/ nyes pa med do/ /btsun pa/ dge slong gis zhag drug las 'das par gos de dang bral kyang spang bar mi 'gyur ba mchis sam/ u pa li/ yod de/ ji ltar yang dge slong de 'ong ba na de la bar chad brgyud las gang yang rung ba'i bar chad gcig byung bar gyur ba'o/ /btsun pa/ bsnyen par ma rdzogs par bzhag la bsnyen par ma rdzogs par bral na/ cir 'gyur/ nyes byas so/ /bsnyen par rdzogs par bzhag la bsnyen par rdzogs kar bral na/ cir 'gyur/ nyes byas so/ /bsnyen par ma rdzogs par bzhag la bsnyen par rdzogs te bral na/ cir 'gyur/ nyes byas so/ /bsnyen par rdzogs kar bzhag la bsnyen par rdzogs kar bral na/ cir 'gyur/ nyes byas so/ /bsnyen par rdzogs kar bzhag la bsnyen par rdzogs te bral na/ cir 'gyur/ nyes byas so/ /bsnyen par rdzogs pas bzhag la bsnyen par rdzogs nas bral na/ cir 'gyur/ spang bar 'gyur ro/ /bsnyen par rdzogs te bzhag la bsnyen par ma rdzogs par bral na/ cir 'gyur/ nyes byas so/ /btsun pa/ dge slong gis zhag drug las 'das par gos de dang bral yang sdang par mi 'gyur ba mchis sam/ u pa li/ yod de/ ji ltar yang dge slong des gos dang mi 'bral ba'i sdom pa thob par gyur pa'o/ /btsun pa/ dge slong gis dge 'dun gyis gos shig byin gyis bslabs te bzhag nas zhag drug las 'das par bral na/ bral ba zhes bgyi'am/ ma bral ba zhes bgyi/ u pa li/ bral ba zhes bya'o/ /spang bar bgyi'am/ u pa li/ ma yin te/ ltung ba gcig pu bshags par bya'o/ /btsun pa/ dge slong gis khyim gyi nang du gos bzhag par gyur la/ de nam mkha' la mchis nas zhag drug las 'das par bgyis na/ cir 'gyur/ spang bar 'gyur ro/ /btsun pa/ dge slong gis khyim gyi nang du gos bzhag par gyur la/ gos de dang zhag drug las 'das par bral ba na/ de'i mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong mas khyim gyi nang du gos bzhag par gyur la/ gos de dang zhag drug las 'das par bral ba na/ de'i mtshan 'phos te dge slong du gyur na/ cir 'gyur/ spang bar 'gyur ro/ /btsun pa/ bslab pa stsal pas zhag drug las 'das par bral na/ cir 'gyur/ spang bar 'gyur ro/ /dge slong mas bral na ni/ nyes byas so/ /dge slob ma dang / dge tshul ma la yang nyes byas so/ /btsun pa/ dge tshul phas zhag drug las 'das par bral na/ cir 'gyur/ nyes byas so// //'dul ba gzhung dam pa/ bam po lnga pa/ mdor na/ 'phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /nad pa 'on pa glen pa'o/ /gnyid log ra ro myos pa dang / /snyoms zhugs mu stegs 'gro ba 'o/ /sangs rgyas bcom ldan 'das la tshe dang ldan ba u pa lis zhus pa/ btsun pa/ bcom ldan 'das kyis dge slong gis dbyar gyi ras chen shin tu myur du tshol lam| shin tu ring du bcangs na/ spang bar 'gyur ro/ /zhes gsungs na/ btsun pa/ dge slong gis dbyar gyi ras chen 'phrin pa las myur du btsal te ras rnyed na/ cir 'gyur/ nyes byas so/ /shin tu ring bar bcangs na/ cir 'gyur/ nyes byas so/ /'phrin pa las ji lta ba de bzhin du spring yig dang / lag brda dang / gzhan zer ba dang / gcig nas gcig tu brgyud pa rnams so/ /btsun pa/ dge slong gis smyon pa las dbyar gyi ras chen myur du btsal te ras rnyed na/ cir 'gyur/ nyes byas so/ /shin tu ring bar bcangs na/ cir 'gyur/ /nyes byas so/ /smyon pa las ji lta ba bzhin du sems 'khrugs pa dang / nad kyis gzir ba dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / de bzhin du 'di las phyi rol gyi mu stegs can dge sbyong gzhan bram ze dang / spyod pa ba dang / kun tu rgyu ba rnams las btsal ba dang / de bzhin du 'gro ba gzhan du gnas pa las shin tu myur bar btsal te rnyed na/ cir 'gyur/ nyes byas so/ /shin tu ring bar bcangs na yang nyes byas su 'gyur ro/ /mdor na/ mi rung ba dang de bzhin mtshan/ /thun mong bdun pa de bzhin te/ /mchog pa dang seng ras dang / /bzhi pa dang yang dge slong ma'o/ /btsun pa/ dge slong gis dbyar gyi ras chen shin tu myur bar btsal la/ shin tu ring bar bcangs kyang spang bar mi 'gyur ba mchis sam/ u pa li/ yod de/ gos de'i rgyu rung bar gyur la spun mi rung ba dang / spun rung bar gyur la rgyu mi rung ba dang / gnyis ka mi rung ba ste/ mi rung ba ni/ rnga mo'i bal dang / ba lang gi bal dang / ra'i bal dang / ri dwags kyi bal dang 'dres pa dang / de lta bu las thags su ma btags pa'i dbyar gyi ras chen zhig shin tu myur bar btsal tam/ shin tu ring bar bcangs na/ nyes byas su 'gyur ro/ /btsun pa/ dge slong gis dbyar gyi ras chen shin tu myur bar btsal tam| shin tu ring bar bcangs pa na/ de'i mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong ma zhig gis dbyar gyi ras chen shin tu myur bar btsal tam/ shin tu ring bar bcangs pa na/ mtshan 'phos te dge slong du gyur na/ cir 'gyur/ spang bar 'gyur ro/ /btsun pa/ dge slong gis dbyar gyi ras chen thun mong ba zhig shin tu myur bar btsal tam/ shin tu ring bar bcangs na/ cir 'gyur/ nyes byas so/ /btsun pa/ bsnyen par ma rdzogs par dbyar gyi ras chen bslangs nas bsnyen par ma rdzogs par thob ste shin tu ring bar bcangs na/ cir 'gyur/ nyes byas so/ /bsnyen par ma rdzogs par bslangs te bsnyen par rdzogs kar thob nas shin tu ring bar bcangs na/ cir 'gyur/ nyes byas so/ /bsnyen par rdzogs par bslangs te bsnyen par rdzogs nas thob la shin tu ring bar bcangs na/ cir 'gyur/ nyes byas so/ /bsnyen par rdzogs kar bslangs la bsnyen par rdzogs kar thob ste shin tu ring bar bcangs na/ cir 'gyur/ nyes byas so/ /bsnyen par rdzogs par bslangs la bsnyen par rdzogs nas thob ste shin tu ring bar bcangs na/ cir 'gyur/ nyes byas so/ /bsnyen par rdzogs nas bslangs la bsnyen par rdzogs nas thob ste shin tu ring bar bcangs na/ cir 'gyur/ spang bar 'gyur ro/ /bsnyen par rdzogs pa na bslangs la bsnyen par ma rdzogs par thob ste shin tu ring bar bcangs na/ cir 'gyur/ nyes byas so/ /btsun pa/ dbyar gyi ras chen du ma 'tshal ba zhig shin tu myur bar btsal tam/ shin tu ring bar bcangs na/ cir 'gyur/ nyes byas so/ /btsun pa/ seng ras kyi dbyar gyi ras chen zhig shin tu myur bar btsal tam/ shin tu ring bar bcangs na/ cir 'gyur/ nyes byas so/ /btsun pa/ dge slong gis mi la mir 'du shes te/ de las dbyar gyi ras chen zhig shin tu myur bar btsal nas ras chen rnyed na/ cir 'gyur/ spang bar 'gyur ro/ /ring du btsangs na yang de bzhin no/ /mi la mi ma yin par 'du shes te/ de las thob na ni/ nyes byas su 'gyur ro/ /mi ma yin pa la mir 'du shes te/ de las thob na ni/ nyes byas su 'gyur ro/ /mi ma yin pa la mi ma yin par 'du shes te/ de las thob na/ nyes byas su 'gyur ro/ /btsun pa/ dge slong gis dbyar gyi ras chen tshul nas 'byung ba las zla ba phyed 'das pa la 'das par 'du shes te bcangs na/ cir 'gyur/ spang bar 'gyur ro/ /'das pa la ma 'das par 'du shes na/ nyes pa med do/ /ma 'das pa la 'das par 'du shes na/ nyes byas su 'gyur ro/ /ma 'das pa la ma 'das par 'du shes na/ nyes pa med do/ /btsun pa/ dbyar tshul du zhugs pa dang rgyal pos shol bor na/ dge slong de dag gis ji ltar dbyar tshul du zhugs nas 'byung bar bgyi/ ji ltar tshul du zhugs pa bzhin no/ /dbyar gyi ras chen ji ltar bcang bar bgyi/ ji ltar tshul nas byung nga bzhin no/ /btsun pa/ bslab pa stsal bas dbyar gyi ras chen shin tu myur bar btsal tam/ shin tu ring bar bcangs na/ cir 'gyur/ spang bar 'gyur ro/ /btsun pa/ dge tshul phas dbyar gyi ras chen shin tu myur bar btsal tam/ shin tu ring bar bcangs na/ cir 'gyur/ nyes byas so/ /btsun pa/ dge slong mas dbyar gyi ras chen btsal na/ cir 'gyur/ nyes byas so/ zhag bcu las 'das par bcangs na/ spang bar 'gyur ro/ /dge slob ma dang / dge tshul mas dbyar gyi ras chen btsal tam/ zhag bcu las 'das par bcangs na/ nyes byas su 'gyur ro/ /mdor na/ 'phrin pa spring yig lag brda dang / /gzhan zer pa dang gcig nas gcig /smyon par gyur dang sems 'khrugs dang / /na ba 'on pa glen pa 'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis dge slong gang gis rnyed pa dge 'dun la bsngos par 'tshal bzhin du bdag nyid la bsngos na/ spang bar 'gyur ro/ /zhes gsungs na/ btsun pa| dge slong gis rnyed pa dge 'dun la bsngos par 'tshal bzhin du 'phrin pa las bdag nyid la bsngos te rnyed pa mngon du grub na/ cir 'gyur/ nyes byas so/ /'phrin pas ji lta ba de bzhin du spring yig dang / lag brda dang / gzhan zer ba dang / gcig nas gcig tu brgyud pa rnams so/ /btsun pa/ dge slong smyon pa zhig gis rnyed pa dge 'dun la bsngos par 'tshal bzhin du bdag nyid la bsngos te rnyed pa mngon par grub na/ cir 'gyur/ nyes byas so/ /smyon pa la ji lta ba de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa rnams kyis kyang thams cad nyes byas su 'gyur ro/ /mdor na/ ma chog pa dang mi rung rigs/ /bdun pa dag dang bzhi pa mtshan/ /khyim pa dag la sogs pa dang / /'gro ba bslab dang dge slong ma'o/ /btsun pa/ dge slong gis dge 'dun la bsngos pa'i gos khru gang bas chung ba zhig bdag nyid la bsngos te gos mngon du grub na/ cir 'gyur/ /nyes byas so/ /'on te khru gang gru bzhi par gyur pa'am/ de bas che ba ni/ spang bar 'gyur ro/ /btsun pa/ dge slong gis dge 'dun la rnyed pa bsngos par 'tshal bzhin du bdag nyid la bsngos kyang spang bar mi 'gyur ba mchis sam/ u pa li/ yod de/ ji ltar gos de'i rgyu rung bar gyur la spun mi rung ba dang / spun rung bar gyur la rgyu mi rung ba dang / gnyis ka mi rung bar gyur pa ste/ mi rung ba ni/ rnga mo'i bal dang / ba lang gi bal dang / ra'i bal dang / ri drags kyi bal dang 'dres pa dang / thags su ma btags pa de lta bu'i gos shig bdag nyid la bsngos te mngon du grub na/ nyes byas su 'gyur ro/ /btsun pa/ dge slong gis pha dang ma las gos blangs na/ spang bar 'gyur ba mchis sam/ u pa li/ yod de/ ji ltar yang de ni/ pha dang ma gnyis kyis dge 'dun la bsngos par shes bzhin du bdag nyid la bsngos na/ spang bar 'gyur ro/ /btsun pa/ bsnyen par ma rdzogs par bslangs la bsnyen par ma rdzogs par thob na/ cir 'gyur/ nyes byas so/ /bsnyen par ma rdzogs par bslangs la bsnyen par rdzogs kar thob na/ cir 'gyur/ nyes byas so/ /bsnyen par ma rdzogs par bslangs la bsnyen par rdzogs nas thob na/ cir 'gyur/ nyes byas so/ /bsnyen par rdzogs kar bslangs la bsnyen par rdzogs kar thob na/ cir 'gyur/ nyes byas so/ /bsnyen par rdzogs kar bslangs la bsnyen par rdzogs nas thob na/ cir 'gyur/ nyes byas so/ /bsnyen par rdzogs pa na bslangs la bsnyen par rdzogs pa na thob na/ cir 'gyur/ spang bar 'gyur ro/ /bsnyen par rdzogs pa na bslangs la bsnyen par ma rdzogs par thob na/ cir 'gyur/ nyes byas so/ /btsun pa/ dge slong gis dge 'dun la rnyed pa bsngos par 'tshal bzhin du bsngos par 'du shes te bdag nyid la bsngos na/ cir 'gyur/ spang bar 'gyur ro/ /bsngos pa la ma bsngos par 'du shes na/ nyes pa med do/ ma bsngos pa la bsngos par 'du shes na/ nyes byas so/ /ma bsngos pa la ma bsngos par 'du shes te thob na/ nyes pa med do/ /btsun pa/ dge slong gis rnyed pa dge 'dun la bsngos par 'tshal bzhin du bdag nyid la bsngos pa dang mtshan 'phos te dge slong mar gyur nas thob na/ cir 'gyur/ spang bar 'gyur ro/ /btsun pa/ dge slong mas rnyed pa dge 'dun la bsngos par 'tshal bzhin du bdag nyid la bsngos pa dang mtshan 'phos te dge slong du gyur nas thob na/ cir 'gyur/ spang bar 'gyur ro/ /btsun pa/ dge slong gis rnyed pa khyim pa la bsngos pa bdag nyid la bsngos te rnyed pa mngon du grub na/ cir 'gyur/ nyes byas so/ /de bzhin za ma dang / ma ning dang / dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / dge 'dun phye ba dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas pa dang / so sor gnas pa dang / mi gnas pa dang / nye bar phyogs pa dang / sngon nyes pa byung ba dang / sngon 'khrugs pa dang / bslab pa stsal pa rnams la rnyed pa bsngos pa bdag nyid la bsngos te rnyed pa mngon du grub na/ nyes byas su 'gyur ro/ /btsun pa/ dge slong gis 'gro ba gzhan du gnas pa rnams la rnyed pa bsngos pa bdag nyid la bsngos te rnyed par mngon du grub na/ nyes byas su 'gyur ro/ /btsun pa/ bslab pa stsal pas rnyed pa dge 'dun la bsngos par 'tshal bzhin du bdag nyid la bsngos te rnyed pa mngon du grub na/ cir 'gyur/ spang bar 'gyur ro/ /btsun pa/ dge slong zhig gis dge slong gnyis sam/ mang po rnams la rnyed pa bsngos pa las/ bdag nyid la bsngos te rnyed pa mngon du grub na/ cir 'gyur/ nyes byas so| |dge slong gis dge 'dun nam/ dge slong ma'i dge 'dun nam/ dge 'dun gnyis ka la rnyed pa bsngos pa bdag nyid la bsngos te rnyed pa mngon du grub na/ cir 'gyur/ spang bar 'gyur ro/ /btsun pa/ dge slong gis dge slong ma la rnyed pa bsngos pa dang / dge slob ma dang / dge tshul ma dang / dge tshul pha rnams la rnyed pa bsngos pa bdag nyid la bsngos te rnyed pa mngon du grub na/ cir 'gyur/ nyes byas so/ /de bzhin du dge slong mas dge slong dang / dge slong ma dang / dge slob ma dang / dge tshul ma dang / dge tshul pha rnams la rnyed pa bsngos pa bdag nyid la bsngos te rnyed pa mngon du grub na/ cir 'gyur/ nyes byas so/ /de bzhin du dge slob ma dang / dge tshul pha dang / dge tshul ma rnams la yang nyes byas su rgyas par brjod par par bya'o/ /mdor na/ mi rung ba dang bzhi pa dag /stor ba 'tsho ba mtshan de bzhin/ /de nyid dang ni bdun pa 'byung / /byin gyis ma brlabs byin gyis brlabs/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis sman zhag bdun las 'das na/ spang ba'o/ /zhes gsungs na/ btsun pa/ sman zhag bdun las 'das kyang spang bar mi 'gyur ba mchis sam/ u pa li/ yod de/ sman mi rung bar gyur pa ste/ mi rung ba ni/ mi rung ba dang 'dres pa dang / gang dge slong rnams kyis spyad du mi rung ba'o/ /btsun pa/ dge slong gis sman rnyed nas zhag bdun lon la zhag bdun lon par yang 'du shes te skya rengs shar na/ cir 'gyur/ spang bar 'gyur ro/ /zhag bdun la zhag bdun ma lon par 'du shes na/ nyes pa med do/ /zhag bdun ma lon pa la zhag bdun du 'du shes na/ nyes byas so/ /zhag bdun ma lon pa la zhag bdun ma lon par 'du shes te skya rengs shar na/ nyes pa med do/ /btsun pa/ dge slong gis sman spang ba zhig stor bar gyur na/ ltung ba bshags par bgyi'am/ mi bshags par bgyi/ u pa li/ bshags par bya'o/ /ltung ba bshags nas slar rnyed pa na/ spang bar bgyi'am/ u pa li/ mi bya'o/ / btsun pa/ dge slong gis nam 'tsho'i bar du sman bcangs kyang spang bar mi 'gyur ba mchis sam/ u pa li/ yod de/ zhag bdun ma lon par dus byas pa'o| |btsun pa/ dge slong gis sman rnyed nas zhag bdun lon pa dang zhag bdun las 'das pa na/ mtshan 'phos te dge slong mar gyur na/ cir 'gyur/ spang bar 'gyur ro/ /btsun pa/ dge slong mas zhag bdun lon pa dang / sman rnyed nas zhag bdun las 'das pa na/ mtshan 'phos te dge slong du gyur na/ cir 'gyur/ spang bar 'gyur ro/ /btsun pa/ sman de nyid spang bar 'gyur la| de nyid spang bar mi 'gyur ba yang mchis sam/ u pa li/ yod de/ ji ltar dge slong gi sman de zhag bdun las 'das la/ dus kyang yol ba'o/ /btsun pa/ bsnyen par ma rdzogs par rnyed la/ bsnyen par ma rdzogs par zhag bdun las 'das na/ cir 'gyur/ nyes byas so/ /bsnyen par ma rdzogs par rnyed la/ bsnyen par rdzogs kar zhag bdun las 'das na/ cir 'gyur/ nyes byas so| |bsnyen par ma rdzogs par rnyed la/ bsnyen par rdzogs nas zhag bdun las 'das na/ cir 'gyur/ nyes byas so/ /bsnyen par rdzogs kar rnyed la/ bsnyen par rdzogs kar zhag bdun las 'das na/ cir 'gyur/ nyes byas so/ /bsnyen par rdzogs kar rnyed la/ bsnyen par rdzogs nas zhag bdun las 'das na/ cir 'gyur/ nyes byas so/ /bsnyen par rdzogs pa na rnyed la/ bsnyen par rdzogs pa na zhag bdun las 'das na/ cir 'gyur/ spang bar 'gyur ro/ /bsnyen par rdzogs pa na rnyed la/ bsnyen par ma rdzogs par zhag bdun las 'das na/ cir 'gyur/ nyes byas so/ /btsun pa| dge slong gis sman rnyed pa dang zhag bdun lon nas sems 'khrugs par gyur na/ gang nas bzung ste zhag bdun du bgrang bar bgyi/ gang gi tshe sems slar rnyed pa nas gzung ngo / /btsun pa/ snga dro dang / phyi dro dang / zhag bdun dang / nam 'tsho'i bar kyi sman gang yin pa de dag byin len ma bgyis/ byin gyis ma brlabs par bdag gi'o/ /zhes bdag gir byas te kun tu spyad pa spyod du gnang ngam/ u pa li/ mi gnang ngo / /ji ltar yang de dge slong gis sman de snga dro'i dus su byin len byas na ni/ snga dro'i dus su yongs su spyad par bya'o/ /phyi dro'i dus su byin len byas na ni/ phyi dro'i dus su yongs su spyad par bya'o/ /de ste dus las yol na/ cir 'gyur/ spang bar 'gyur ro/ /btsun pa/ dge slong gis sman spangs pa zhig btsal lam/ byin gyis rlob na/ cir 'gyur/ nyes byas so| |btsun pa/ sngo dro'i dang / phyi dro'i dang / zhag bdun gyi dang / nam 'tsho'i bar gyi sman gang yin pa 'di dag byin len bgyis la byin gyis brlabs na/ 'tshal du gnang ngam/ u pa li/ gnang ste/ snga dro'i ni/ snga dro spyad par bya ste/ dus las yol na/ spyad par mi bya'o/ /phyi dro'i yang phyi dro spyad par bya ste/ phyi dro las yol na/ spyad par mi bya'o/ /zhag bdun pa'i yang zhag bdun du spyad par bya ste/ zhag bdun las yol na/ spyad par mi bya'o/ /nam 'tsho'i bar gyi yang na ma 'tsho'i bar du spyad par bya'o/ /de ste spyad na/ cir 'gyur/ spangs pa spyad pa'i phyir ltung ba'o/ /btsun pa/ de ste byin gyis brlabs na/ cir 'gyur/ nyes byas so/ /btsun pa/ bslab pa stsal bas sman zhag bdun las 'das na/ cir 'gyur/ spang bar 'gyur ro| |btsun pa/ dge slong mas sman zhag bdun las 'das na/ cir 'gyur/ spang bar 'gyur ro/ /dge slob ma dang / dge tshul ma dang / dge tshul pha rnams la ni/ nyes byas su rgyas par brjod par bya'o/ /spang ba'i ltung ba rdzogs so// //mdor na/ 'phrin pa spring yig lag brda dang / gzhan zer ba dang gcig nas gcig /smyon par gyur dang sems 'khrugs dang / /na ba 'on pa glen pa dang / /gnyid log ra ro myos pa dang / /snyoms zhugs 'gro ba tha ma 'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis 'tshal bzhin du rdzun smras na/ ltung bar 'gyur ro/ /zhes gsungs na/ btsun pa/ dge slong gis 'phrin pa las rdzun smras na/ cir 'gyur/ nyes byas so/ /de bzhin du spring yig dang / /lag brda dang / gzhan zer ba dang / gcig nas gcig tu brgyud pa rnams so/ /btsun pa/ dge slong gis smyon pa zhig la rdzun smras na/ cir 'gyur/ nyes byas su 'gyur ro/ /de bzhin du sems 'khrugs pa dang / /nad kyis gzir ba dang / glen pa dang / lkugs pa dang / 'on pa dang / gnyid kyis log pa dang / ra ro ba dang / myos pa dang / 'gro ba gzhan du gnas pa rnams la rdzun smras na/ thams cad nyes byas su 'gyur ro/ /mdor na/ dben dang skad dang bzhi pa dang / /mu stegs can dang mi smra dang / /mtshan dang bdun pa de bzhin te/ / lus dang slob dang dge slong ma/ /btsun pa/ dge slong gis dben pa la mi dben par 'du shes te rdzun smras na/ cir 'gyur/ nyes byas so/ /btsun pa/ dge slong 'phags pas 'phags pa'i skad du mtha' 'khob pa la rdzun smras pa dang / mtha' 'khob pa des kyang 'phags pa'i skad ma 'tshal na/ cir 'gyur/ nyes byas so/ /'phags pas mtha' 'khob pa'i skad du 'phags pa zhig la rdzun smras pa dang / 'phags pa des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas mtha' 'khob pa'i skad du 'phags pa la rdzun smras pa dang / 'phags pa des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas 'phags pa'i skad du mtha' 'khob pa la rdzun smras pa dang / mtha' 'khob pa des kyang 'phags pa'i skad ma 'tshal na/ cir 'gyur/ nyes byas so/ /btsun pa/ dge slong gis mi la mir 'du shes te rdzun smras na/ cir 'gyur/ ltung ba'o/ /mi la mi ma yin par 'du shes na/ nyes byas su 'gyur ro/ /mi ma yin pa la mir 'du shes na/ nyes byas su 'gyur ro/ /mi ma lags pa la mi ma lags par 'du shes te rdzun smras na/ cir 'gyur/ nyes byas so/ /btsun pa/ dge slong gis dge slong la khyod su zhes dris pa dang / des 'di skad du mu stegs can no/ /zhes smras na/ bslab pa phul ba zhes bgyi'am/ u pa li/ ma yin te/ shes bzhin du rdzun smras pas ltung bar 'gyur ro/ /btsun pa/ dge slong gis dge slong la/ ci khyod mu stegs can nam zhes dris na/ mi smra pas khas blangs na/ cir 'gyur/ nyes byas so/ /btsun pa/ dge slong gis rdzun smra ba na/ mtshan 'phos te dge slong mar gyur na/ cir 'gyur/ ltung bar 'gyur ro/ /btsun pa/ dge slong mas rdzun smra ba na/ mtshan 'phos te dge slong du gyur na/ cir 'gyur/ ltung ba'o/ /btsun pa/ bsnyen par ma rdzogs par rdzun smra bar bshams la bsnyen par ma rdzogs par smras na| cir 'gyur/ nyes byas so/ /bsnyen par ma rdzogs par bshams la bsnyen par rdzogs kar smras na/ cir 'gyur/ nyes byas so/ /bsnyen par ma rdzogs par bshams nas bsnyen par rdzogs te smras na/ cir 'gyur/ nyes byas so/ /bsnyen par rdzogs kar bshams la bsnyen par rdzogs kar smras na/ cir 'gyur/ nyes byas so/ /bsnyen par rdzogs kar bshams la bsnyen par rdzogs te smras na/ cir 'gyur/ nyes byas so/ /bsnyen par rdzogs te bshams la bsnyen par rdzogs te smras na/ cir 'gyur/ ltung ba'o/ /bsnyen par rdzogs te bshams la bsnyen par ma rdzogs par smras na/ cir 'gyur/ nyes byas so/ /btsun pa/ dge slong gis dge slong la/ ci khyod kyis 'di zhes bya ba mthong ngam zhes dris pa dang / des ma mthong bar lus kyi dmigs pas mthong ngo / /zhes smras na/ cir 'gyur/ nyes byas so/ /btsun pa/ bslab pa stsal bas rdzun smras na/ cir 'gyur/ ltung bar 'gyur ro/ /btsun pa/ dge slong mas rdzun smras na/ cir 'gyur/ ltung ba'o/ /dge slob ma dang / dge tshul ma dang / dge tshul pha rnams la nyes byas so/ /mdor na/ 'phrin pa spring yig lag brda dang / /gzhan zer ba dang gcig nas gcig / smyon par gyur dang sems 'khrugs dang / /na ba 'on pa glen pa dang / /gnyid log pa dang ra ro dang / /myos pa snyoms zhugs tha ma 'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis mi'i skyon smras na/ ltung bar 'gyur ro/ /zhes gsungs na/ btsun pa/ dge slong gis 'phrin gyis mi'i skyon gyi tshig smras na/ cir 'gyur/ nyes byas so/ /'phrin gyis ji lta ba de bzhin du spring yig dang / lag brda dang / gzhan zer ba dang / gcig nas gcig tu brgyud pa thams cad nyes byas su 'gyur ro/ /btsun pa/ dge slong gis smyon pa la mi'i skyon gyi tshig smras na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa rnams la mi'i skyon gyi tshig smras na/ cir 'gyur/ thams cad nyes byas so/ /btsun pa/ dge slong gis 'gro ba gzhan du gnas pa la mi'i skyon gyi tshig smras na/ cir 'gyur/ nyes byas so/ /mdor na/ skad dang lus dang de bzhin dben/ /mtshan dang bzhi pa bdun pa dang / /khyim pa dag la sogs pa rnams/ /bslab pa byin dang dge slong ma'o/ /btsun pa/ dge slong 'phags pas 'phags pa'i skad du mtha' 'khob ba la mi'i skyon gyi tshig smras pa dang / mtha' 'khob pa des 'phags pa'i skad ma 'tshal na/ cir 'gyur/ nyes byas so/ /'phags pas mtha' 'khob pa'i skad du 'phags pa la mi'i skyon gyi tshig smras pa dang / 'phags pa des mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas mtha' 'khob pa'i skad du 'phags pa la mi'i skyon gyi tshig smras pa dang / 'phags pa des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas 'phags pa'i skad du mtha' 'khob pa la mi'i skyon gyi tshig smras pa dang / mtha' 'khob pa des kyang 'phags pa'i skad ma 'tshal na/ cir 'gyur/ nyes byas so/ /btsun pa/ lus kyi dmigs pas mi'i skyon gyi tshig smras na/ cir 'gyur/ nyes byas so/ /btsun pa/ dben pa la mi dben par 'du shes te mi'i skyon gyi tshig smras na/ cir 'gyur/ nyes byas so/ /btsun pa dge slong gis dge slong la mi'i skyon gyi tshig smra ba na/ mtshan 'phos te dge slong mar gyur na/ cir 'gyur/ ltung ba'o/ /btsun pa/ dge slong mas dge slong ma la mi'i skyon gyi tshig smra ba na/ mtshan 'phos te dge slong phar gyur na/ cir 'gyur/ ltung ba'o/ /btsun pa/ dge slong gis bsnyen par rdzogs pa la bsnyen par rdzogs par 'du shes te mi'i skyon gyi tshig smras na/ cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes na/ cir 'gyur/ nyes byas su 'gyur ro/ /bsnyen par ma rdzogs pa la bsnyen par rdzogs par 'du shes na/ cir 'gyur/ nyes byas su 'gyur ro/ /bsnyen par ma rdzogs pa la bsnyen par ma rdzogs par 'du shes na/ cir 'gyur/ nyes byas su 'gyur ro/ /btsun pa/ dge slong gis mi la mi 'du shes te mi'i skyon gyi tshig smras na/ cir 'gyur/ ltung ba'o/ /mi la mi ma yin par 'du shes na/ nyes byas su 'gyur ro/ /mi ma yin pa la mir 'du shes na/ nyes byas su 'gyur ro/ /mi ma yin pa la mi ma yin par 'du shes na/ nyes byas su 'gyur ro/ /btsun pa/ bsnyen par ma rdzogs par mi'i skyon gyi chig smra bar bshams la bsnyen par ma rdzogs par smras na/ cir 'gyur/ nyes byas so/ /bsnyen par ma rdzogs par bshams la bsnyen par rdzogs kar smras na/ cir 'gyur/ nyes byas so/ /bsnyen par ma rdzogs par bshams la bsnyen par rdzogs te smras na/ cir 'gyur/ nyes byas so/ /bsnyen par rdzogs par bshams la bsnyen par rdzogs kar smras na/ cir 'gyur/ nyes byas so/ /bsnyen par rdzogs kar bshams la bsnyen par rdzogs te smras na/ cir 'gyur/ nyes byas so/ /bsnyen par rdzogs pa na bshams la bsnyen par rdzogs te smras na/ cir 'gyur/ ltung ba'o/ /bsnyen par rdzogs pa na bshams la bsnyen par ma rdzogs par smras na/ cir 'gyur/ nyes byas so/ /btsun pa/ dge slong gis khyim pa la mi'i skyon gyi tshig smras na/ cir 'gyur/ nyes byas so/ /btsun pa/ dge slong gis ma ning la mi'i skyon gyi tshig smras na/ cir 'gyur/ nyes byas so/ /de bzhin du dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / za ma dang / mi gnas pa dang / so sor gnas pa dag sngar 'khrugs pa dang / sngar nyes pa byung ba rnams la mi'i skyon gyi tshig smras na/ thams cad nyes byas su 'gyur ro/ /btsun pa/ dge slong gis dge 'dun gyi dbyen bgyis pa dang / nye bar phyogs pa dang / bslab pa stsal ba'i dge slong rnams la mi'i skyon gyi tshig smras na/ cir 'gyur/ ltung ba'o/ /btsun pa/ bslab pa stsal pas mi'i skyon gyi chis smras na/ cir 'gyur/ ltung ba'o/ /btsun pa/ dge slong gis dge slong ma dang / dge slob ma dang / dge tshul ma dang / dge tshul pha rnams la mi'i skyon gyi tshig smras na/ cir 'gyur/ thams cad nyes byas su 'gyur ro/ /btsun pa/ dge slong mas dge slong ma la mi'i skyon gyi tshig smras na/ cir 'gyur/ ltung ba'o/ /dge slong mas dge slong pha dang / dge tshul pha dang / dge slob ma dang / dge tshul ma rnams la mi'i skyon gyi tshig smras na/ thams cad nyes byas su 'gyur ro/ /dge slob ma dang / dge tshul ma dang / dge tshul pha rnams la yang nyes byas su rgyas par brjod par bya'o/ /ji ltar mi'i skyon smra ba de bzhin du phra ma smra ba la yang gzhung rgyas par bya'o/ /mdor na/ skad dang lus dang dben pa dang / /mtshan dang bzhi pa bdun pa dang / /khyim pa dag la sogs pa rnams/ /bslab pa byin pa tha ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slob gang dge 'dun mthun pas chos bzhin du rtsod pa zhi bar bgyis par 'tshal bzhin du yang phyis las kyis bskyos na/ ltung bar 'gyur ro/ /zhes gsungs na/ btsun pa/ dge slong gis chos bzhin gyis rtsod pa zhi bar bgyis pa la las kyis bskyos kyang ltung bar mi 'gyur ba mchis sam/ u pa li/ yod de/ ji ltar yang de ni/ sngon nyes pa byung ba dang / sngar 'khrugs pa dang / mi gnas pa rnams kyis chos bzhin du rtsod pa zhi bar byas pa las/ phyis las kyis bskyos na/ nyes byas su 'gyur ro/ /btsun pa/ chos bzhin du rtsod pa zhi bar bgyis pa las/ dge slong 'phags pas 'phags pa'i skad du phyis yang las kyis bskyos pa dang / mtha' 'khob pa des kyang 'phags pa'i skad ma 'tshal na/ cir 'gyur/ nyes byas so// chos bzhin du zhi bar gyur ba la 'phags pas mtha' 'khob pa'i skad du 'phags pa la phyis las kyis bskyos pa dang / 'phags pa des kyang mtha' 'khob pa'i skad ma 'tshal na| cir 'gyur/ nyes byas so/ /chos bzhin du rtsod pa zhi bar gyur pa'i 'phags pa la mtha' 'khob pas mtha' 'khob pa'i skad du phyis las kyis bskyos pa dang / 'phags pa des kyang mtha' 'khob pa'i skad ma 'tshal na/ cir 'gyur/ nyes byas so/ /chos bzhin du rtsod pa zhi bar gyur pa'i mtha' 'khob pa la mtha' 'khob pas 'phags pa'i skad du phyis las kyis bskyos pa dang / mtha' 'khob pa des kyang 'phags pa'i skad ma 'tshal na/ cir 'gyur/ nyes byas so/ /btsun pa/ dge slong gis chos bzhin du rtsod pa zhi bar gyur pa la phyis lus kyi dmigs pas las kyis bskyos na/ cir 'gyur/ nyes byas so/ /btsun pa/ dge slong gis dge 'dun gyi rtsod pa chos bzhin du zhi bar bgyis par 'tshal bzhin du dben pa la mi dben par 'du shes te bskyos na/ cir 'gyur/ nyes byas so/ /btsun pa/ dge slong gis chos bzhin du rtsod pa zhi bar gyur pa las phyis las de skyo bar bgyid pa na/ mtshan 'phos te dge slong mar gyur na/ cir 'gyur/ ltung bar 'gyur ro/ /btsun pa/ dge slong mas chos bzhin du rtsod pa zhi bar gyur pa la phyis las de skyo bar bgyid pa na/ mtshan 'phos te dge slong phar gyur na/ cir 'gyur/ ltung bar 'gyur ro/ /btsun pa/ dge slong gis chos bzhin du rtsod pa zhi bar gyur pa chos bzhin du rtsod par 'du shes te phyis las kyis bskyos na/ cir 'gyur/ ltung bar 'gyur ro/ /chos bzhin du rtsod pa la chos bzhin ma lags par 'du shes te phyis las kyis bskyos na/ cir 'gyur/ nyes byas so/ /chos bzhin du rtsod pa ma lags pa la chos bzhin du rtsod par 'du shes te phyis las kyis bskyos na/ cir 'gyur/ nyes byas so/ /chos bzhin du rtsod pa ma lags pa la chos bzhin du rtsod pa ma lags par 'du shes te phyis las kyis bskyos na/ cir 'gyur/ nyes byas so/ /btsun pa/ dge slong gis bsnyen par rdzogs pa la bsnyen par rdzogs par 'du shes te chos bzhin du rtsod pa zhi ba la phyis las kyis bskyos na/ cir 'gyur/ ltung bar 'gyur ro/ /bsnyen par rdzogs pa la bsnyen par ma rdzogs par 'du shes te chos bzhin du rtsod pa zhi ba la phyis las kyis bskyos na/ cir 'gyur/ nyes byas so/ /bsnyen par rdzogs pa la bsnyen par rdzogs par 'du shes te rtsod pa chos bzhin du zhi ba la phyis las kyis bskyos na/ cir 'gyur/ nyes byas so/ /bsnyen par ma rdzogs pa la bsnyen par ma rdzogs par 'du shes te chos bzhin du rtsod pa zhi ba la phyis las kyis bskyos na/ cir 'gyur/ nyes byas so/ / btsun pa/ bsnyen par ma rdzogs pas chos bzhin du rtsod pa zhi ba la phyis las kyis bskyos par bshams nas bsnyen par ma rdzogs par lags par bgyis na/ cir 'gyur/ nyes byas so/ /bsnyen par ma rdzogs par bshams nas bsnyen par rdzogs kar lags na/ cir 'gyur/ nyes byas so/ /bsnyen par ma rdzogs par bshams la bsnyen par rdzogs te lags na| cir 'gyur/ nyes byas so/ /bsnyen par rdzogs kar bshams la bsnyen par rdzogs kar lags na/ cir 'gyur/ nyes byas so/ /bsnyen par rdzogs kar bshams la bsnyen par rdzogs te lags na/ cir 'gyur/ nyes byas so/ /bsnyen par rdzogs pa na bshams la bsnyen par rdzogs pa na lags na/ cir 'gyur/ ltung ba'o/ /bsnyen par rdzogs pa na bshams la bsnyen par ma rdzogs pa na lags na/ cir 'gyur/ nyes byas so/ /btsun pa/ dge slong gis khyim pa'i rtsod pa chos bzhin du gyur pa la phyis las kyis bskyos na/ cir 'gyur/ nyes byas so/ /btsun pa/ dge slong gis za ma dang / ma ning dang / mtshan gnyis pa dang / dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / sngar 'khrugs pa dang / sngar nyes par byung ba rnams kyi rtsod pa chos bzhin du zhi bar gyur pa la phyis las kyis bskyos na/ cir 'gyur/ nyes byas so/ /btsun pa/ dge slong gis dge 'dun gyi dbyen byas pa dang / nye bar song ba dang / bslab pa byin pa rnams kyi rtsod pa chos bzhin du rtsod pa zhi bar gyur pa la phyis las kyis bskyos na/ cir 'gyur/ ltung ba'o/ /mdor na/ 'phrin pa spring yig lag brda dang / /gzhan zer ba dang gcig nas gcig / sems 'khrugs pa dang na ba dang / /'on pa dag dang 'gro ba'o/ /btsun pa/ dge slong gis dge slong gi rtsod pa chos bzhin du zhi bar gyur pa la phyis 'phrin gyis bskyos na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa thams cad nyes byas su 'gyur ro/ /btsun pa/ dge slong gis smyon pa'i rtsod pa chos bzhin du zhi bar gyur pa la phyis las kyis bskyos na/ cir 'gyur/ nyes byas so/ /de bzhin du sems 'khrugs pa dang / nad kyis gzir pa dang / glen pa dang / lkugs pa dang / 'on pa dang / 'gro ba gzhan du gnas pa rnams kyi rtsod pa chos bzhin du zhi bar gyur pa la phyis las kyis bskyos na| thams cad kyang nyes byas su 'gyur ro/ /btsun pa/ dge slong gis dge slong ma'i rtsod pa chos bzhin du zhi bar gyur pa la phyis las kyis bskyos na/ cir 'gyur/ nyes byas so// dge slob ma dang / dge tshul ma dang / dge tshul pha rnams kyis bskyos na/ thams cad nyes byas su 'gyur ro/ /dge slong mas dge slong ma'i bskyos na/ ltung bar 'gyur ro/ /dge slong gis dge tshul pha dang / dge slob ma dang / dge tshul ma rnams kyi bskyos na/ cir 'gyur/ nyes byas so/ /btsun pa/ bslab pa stsal bas rtsod pa chos bzhin du zhi bar gyur pa la phyis las kyis bskyos na/ cir 'gyur/ ltung bar 'gyur ro/ /dge slob ma dang / dge tshul ma dang / dge tshul pha rnams kyis ni/ nyes byas te/ rgyas par brjod par bya'o/ /mdor na| 'phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na ba 'on pa glen pa dang / /gnyid log ra ro myos pa dang // snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang gis rig pa'i skyes ba med par bud med la tshig lnga'am drug las lhag par chos bshad na/ ltung bar 'gyur ro/ /zhes gsungs na/ btsun pa/ dge slong gis rig pa'i skyes pa ma mchis par 'phrin pa las bud med la tshig lnga'am drug las lhag par bshad na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa rnams so/ /btsun pa/ dge slong gis smyon ma la rig pa'i skyes pa ma mchis par tshig lnga'am drug las lhag par chos bshad na/ cir 'gyur/ nyes byas so/ /de bzhin du sems 'khrugs ma dang / nad kyis gzir ba dang / glen ma dang / lkugs ma dang / 'on ma dang / gnyid kyis log pa dang / ra ro ba dang / myos ma dang / snyoms par zhugs ma dang / 'gro ba gzhan du gnas ma rnams la bshad na/ thams cad kyang nyes byas su 'gyur ro/ /btsun pa/ dge slong gis rig pa'i skyes pa med par smyon pa zhig dang tshig lnga'am drug las lhag par bud med la chos bshad na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / myos pa dang / snyoms par zhugs pa dang / dmus long dang / mtha' 'khob pa dang / 'gro ba gzhan du gnas pa'i rig pa'i skyes pa zhig dang chos bshad na/ thams cad nyes byas su 'gyur ro/ /mdor na/ skad dang lus dang dben pa dang / /de ltar za ma ma ning ma/ /mtshan dang bzhi pa de bzhin du/ bslab pa byin dang dge slong ma'o/ /btsun pa/ dge slong 'phags pas 'phags pa'i skad du rig pa'i skyes pa ma mchis par bud med la tshig lnga'am drug las lhag par chos bshad pa dang / bud med des kyang 'phags pa'i skad ma 'tshal na/ cir 'gyur/ nyes byas so/ /'phags pas mtha' 'khob pa'i skad du rig pa'i skyes pa ma mchis par bud med la tshig lnga'am drug las lhag par chos bshad pa dang / bud med des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas mtha' 'khob pa'i skad du rig pa'i skyes pa ma mchis par bud med la tshig lnga'am drug las lhag par chos bshad pa dang / bud med des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas 'phags pa'i skad du rig pa'i skyes pa ma mchis par bud med la tshig lnga'am drug las lhag par chos bshad pa dang / bud med des kyang 'phags pa'i skad ma 'tshal na/ cir 'gyur/ nyes byas so/ /btsun pa/ dge slong 'phags pas 'phags pa'i skad du g.yog mtha' 'khob pa dang lhan cig tu bud med la tshig lnga'am drug las lhag par chos bshad pa dang / g.yog des kyang 'phags pa'i skad ma 'tshal na/ cir 'gyur/ nyes byas so/ /de bzhin du 'phags pas mtha' 'khob pa'i skad du g.yog 'phags pa dang lhan cig tu chos 'chad na/ nyes byas su 'gyur ro/ /mtha' 'khob pas mtha' 'khob pa'i skad du g.yog 'phags pa dang lhan cig tu chos bshad na/ nyes byas su 'gyur ro/ /mtha' 'khob pas 'phags pa'i skad du g.yog mtha' 'khob pa dang lhan cig pa dang bud med la tshig lnga'am dug las lhag par chos bshad pa dang / g.yog des kyang 'phags pa'i skad ma 'tshal na/ cir 'gyur/ nyes byas so/ /btsun pa/ dge slong gis lus kyi dmigs pas bud med la chos lnga'am drug las lhag par chos bshad na/ cir 'gyur/ nyes byas so/ /btsun pa| dge slong gis dben pa la dben par 'du shes te bud med la tshig lnga'am drug las lhag par chos bshad na/ cir 'gyur/ nyes byas so/ /btsun pa/ dge slong g.yog ma ning dang lhan cig tu bud med la chos bshad na/ cir 'gyur/ nyes byas so/ /de bzhin du g.yog za ma dang / mtshan gnyis pa dang lhan cig tu bud med la chos bshad na/ cir 'gyur/ nyes byas so/ /btsun pa/ dge slong gis rig pa'i skyes pa ma mchis par ma ning mo la chos bshad na/ cir 'gyur/ nyes byas so/ /btsun pa/ dge slong gis bud med la tshig lnga'am drug las lhag par chos bshad pa na/ mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong mas skyes pa la chos 'chad pa na/ mtshan 'phos te dge slong du gyur na/ cir 'gyur/ nyes byas so/ /btsun pa/ dge slong gis bud med la bud med du 'du shes te tshig lnga'am drug las lhag par chos 'chad na/ cir 'gyur/ ltung ba'o/ /bud med la bud med ma yin par 'du shes na/ nyes pa med do/ /bud med ma yin pa la bud med du 'du shes na/ nyes byas so| |bud med ma yin pa la bud med ma yin par 'du shes te tshig lnga'am drug las lhag par chos bshad na/ nyes pa med do/ /btsun pa/ dge slong gis mi'i bud med la mi'i bud med du 'du shes te tshig lnga'am drug las lhag par chos bshad na/ cir 'gyur/ ltung ba'o/ /mi la mi ma yin par 'du shes na/ nyes byas so/ /mi ma yin pa la mir 'du shes na/ nyes byas su 'gyur ro/ /mi ma yin pa la mi ma yin par 'du shes na/ nyes byas so/ /btsun pa/ dge slong gis g.yog mi la mir 'du shes te bud med la chos bshad na/ cir 'gyur/ nyes pa med do/ /mi la mi ma lags par 'du shes te chos bshad na/ cir 'gyur/ nyes byas so/ /mi ma lags pa la mir 'du shes te chos bshad na/ cir 'gyur/ nyes pa med do/ mi ma lags pa la mi ma lags par 'du shes te bshad na/ cir 'gyur/ nyes byas su 'gyur ro/ /btsun pa/ bslab pa stsal pas bud med la tshig lnga'am drug las lhag par chos bshad na/ cir 'gyur/ ltung ba'o/ /btsun pa/ dge slong mas skyes pa la tshig lnga'am drug las lhag par chos bshad na/ cir 'gyur/ ltung ba'o/ /dge slob ma dang / dge tshul ma dang / dge tshul pha rnams la nyes byas su rgyas par brjod par bya'o/ /mdor na/ smyon par gyur dang sems 'khrugs dang / /na ba 'on pa 'gro ba dang / /khyim pa de bzhin tshig rnams dang / /mtshan yang de bzhin dge slong ma/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang bsnyen par ma rdzogs pa'i gang zag dang tshig mnyam du chos bklags na/ ltung bar 'gyur ro/ /zhes gsungs na/ btsun pa/ dge slong gis smyon pa dang tshig mnyam du chos bklags na/ cir 'gyur/ nyes byas so/ / de bzhin du sems 'khrugs pa dang / nad kyis gzir ba dang / glen pa dang / dig pa dang / 'on pa dang / de bzhin du 'gro ba gzhan du gnas pa dag dang tshig mnyam du chos bklags na/ thams cad nyes byas su 'gyur ro/ /btsun pa/ dge slong gis khyim pa dang tshig mnyam du chos bklags na/ cir 'gyur/ ltung bar 'gyur ro/ /za ma dang / ma ning dang tshig mnyam du chos bklags na/ cir 'gyur/ ltung bar 'gyur ro/ /btsun pa/ dge slong gis dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas pa dang / so sor gnas pa dang / sngon nyes pa byung ba dang / sngar 'khrugs pa rnams dang tshig mnyam du chos bklags na/ cir 'gyur/ ltung bar 'gyur ro/ /btsun pa/ dge slong gis dge 'dun gyi dbyen bgyis pa dang / nye bar phyogs pa dang / bslab pa stsal pa rnams dang tshig mnyam du chos bklags na/ cir 'gyur/ nyes byas so/ 'phags pas 'phags pa'i skad du dge slong dang tshig mnyam du chos bklags pa dang / dge slong des kyang 'phags pa'i skad ma 'tshal na/ cir 'gyur/ nyes byas so// 'phags pas mtha' 'khob pa'i skad du dge slong dang tshig mnyam du chos bklags pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ / mtha' 'khob pas mtha' 'khob pa'i skad du dge slong dang tshig mnyam du chos bklags pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so| |mtha' 'khob pas 'phags pa'i skad du dge slong dang tshig mnyam du chos bklags pa dang / dge slong des kyang 'phags pa'i skad ma 'tshal na/ cir 'gyur/ nyes byas so/ btsun pa/ dge slong gis bsnyen par ma rdzogs pa'i gang zag dang tshig mnyam du chos klog pa na/ mtshan 'phos te dge slong mar gyur na/ cir 'gyur/ ltung ba'o/ /btsun pa/ dge slong mas bsnyen par ma rdzogs pa'i gang zag dang tshig mnyam du chos klog pa na/ mtshan 'phos te dge slong du gyur na/ cir 'gyur/ ltung ba'o/ /btsun pa/ dge slong ngam/ dge slong mas bsnyen par ma rdzogs pa'i gang zag dang tshig mnyam du chos klog pa dang / bsnyen par ma rdzogs pa de yang mtshan 'phos na/ cir 'gyur/ ltung ba'o/ /btsun pa/ dge slong gis bsnyen par ma rdzogs pa la bsnyen par ma rdzogs par 'du shes te tshig mnyam du chos bklags na/ cir 'gyur/ ltung bar 'gyur ro/ /bsnyen par ma rdzogs pa la bsnyen par rdzogs par 'du shes na cir 'gyur/ nyes byas so/ /bsnyen par rdzogs pa la bsnyen par ma rdzogs par 'du shes na/ cir 'gyur/ nyes byas so/ /bsnyen par rdzogs pa la bsnyen par rdzogs par 'du shes te bklags na/ cir 'gyur/ nyes pa med do/ /btsun pa/ dge slong gis mi la mir 'du shes te bklags na/ cir 'gyur/ ltung ba'o/ /mi la mi ma lags par 'du shes te bklags na/ cir 'gyur/ nyes byas so /mi ma lags pa la mir 'du shes na/ cir 'gyur/ nyes byas so/ /mi ma lags pa la mi ma lags par 'du shes na/ cir 'gyur/ nyes byas so/ /btsun pa/ dge slong ma dang tshig mnyam du chos bklags na/ cir 'gyur/ nyes byas so/ /dge slob ma dang / dge tshul ma dang / tshig mnyam du chos bklags na/ thams cad ltung bar 'gyur ro/ /btsun pa/ dge slong mas bsnyen par ma rdzogs pa'i gang zag dang tshig mnyam du chos bklags na/ cir 'gyur/ /ltung ba'o/ /dge slong ma dang dge slong tshig mnyam du chos klog na/ nyes byas su 'gyur ro/ /dge slob ma dang / dge tshul ma dang / dge tshul pha rnams dang klog na/ ltung bar 'gyur ro/ /dge slong ma dang / dge tshul ma dang / dge tshul pha rnams la nyes byas so/ /btsun pa/ bslab pa stsal pas bsnyen par ma rdzogs pa'i gang zag dang tshig mnyam du chos bklags na/ cir 'gyur/ ltung bar 'gyur ro// // 'dul ba gzhung dam pa bam po drug pa/ mdor na/ 'phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /'on pa glen pa gnyid log rnams/ /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang dge 'dun gyis sdom pa stsal pa ma gtogs par bsnyen par ma rdzogs pa'i gang zag la gnas ngan len gyi nongs pa smras na/ ltung bar 'gyur ro/ /zhes gsungs na/ btsun pa/ dge slong gis bsnyen par ma rdzogs pa'i gang zag la 'phrin pa las gnas ngan len gyi nongs pa smras na/ cir 'gyur/ nyes byas so/ /de bzhin du spring yig dang / lag brda dang / gzhan zer pa dang / gcig nas gcig tu brgyud pa thams cad nyes byas su 'gyur ro/ /btsun pa/ dge slong gis smyon pa la gnas ngan len gyi nongs pa smras na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / dig pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams la gnas ngan len gyi nongs pa smras na/ thams cad nyes byas su 'gyur ro/ /mdor na/ tshig dang lus dang dben de ltar/ bzhi pa mtshan yang de bzhin te/ bskos dang bdun pa dag nyid dang / /khyim pa bslab dang dge slong ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ dge slong 'phags pas 'phags pa'i skad du mtha' 'khob pa la gnas ngan len gyi nongs pa smras pa dang / mtha' 'khob pa des kyang 'phags pa'i skad ma 'tshal na/ cir 'gyur/ nyes byas so/ / 'phags pas mtha' 'khob pa'i skad du 'phags pa la smras pa dang / 'phags pa des mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas mtha' 'khob pa'i skad du 'phags pa la smras pa dang / 'phags pa des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas 'phags pa'i skad du mtha' 'khob pa la smras pa dang / mtha' 'khob pa des kyang 'phags pa'i skad ma 'tshal na/ cir 'gyur/ nyes byas so/ /btsun pa/ dge slong gis lus kyi dmigs pas gnas ngan len gyi nongs pa smras na/ cir 'gyur/ nyes byas so/ /btsun pa/ dben pa la mi dben par 'du shes te gnas ngan len gyi nyes pa smras na/ cir 'gyur/ nyes byas so/ /btsun pa/ dge slong gis bsnyen par ma rdzogs pa la bsnyen par ma rdzogs par 'du shes te gnas ngan len gyi nongs pa smras na/ cir 'gyur/ ltung ba'o/ /bsnyen par ma rdzogs pa la bsnyen par rdzogs par 'du shes te smras na/ cir 'gyur/ nyes byas so/ /bsnyen par rdzogs pa la bsnyen par rdzogs par 'du shes te smras na/ nyes pa med do/ /bsnyen par rdzogs pa la bsnyen par ma rdzogs par 'du shes te smras na/ cir 'gyur/ nyes byas so/ /btsun pa/ dge slong gis mi la mir 'du shes te smras na/ cir 'gyur/ ltung bar 'gyur ro/ /mi la mi ma lags par 'du shes te smras na/ cir 'gyur/ nyes byas so/ /mi ma lags pa la mir 'du shes te smras na/ cir 'gyur/ nyes byas su 'gyur ro/ /mi ma lags pa la mi ma lags par 'du shes te smras na/ cir 'gyur/ nyes byas so/ /btsun pa/ dge slong gis bsnyen par ma rdzogs pa la gnas ngan len kyi nyes pa smra ba na/ mtshan 'phos te dge slong mar gyur na/ cir 'gyur/ ltung bar 'gyur ro/ /btsun pa/ dge slong mas bsnyen par ma rdzogs pa'i gang zag la gnas ngan len gyi nyes pa zhig smra ba na/ mtshan 'phos te dge slong du gyur na/ cir 'gyur/ ltung bar 'gyur ro/ /btsun pa/ bcom ldan 'das kyis yang dge slong gang gis dge 'dun gyis stsal pa ma gtogs par bsnyen par ma rdzogs pa'i gang zag la gnas ngan len gyi nyes pa smras na/ ltung bar 'gyur ro/ /zhes gsungs na/ btsun pa/ dge 'dun gyis ma bskos pa'i dge slong gis bsnyen par ma rdzogs pa'i gang zag la gnas ngan len gyi nyes pa smras kyang nongs par mi 'gyur ba mchis sam/ u pa li/ yod de/ gang zag 'di bzhi'o/ /'di lta ste/ gang zag gang nyes pa'i mthar bya ba dang / rigs kyi mthar bya ba sbyin pa'ang yod/ gang zag gang nyes pa'i mthar bya ba dang / rigs kyi mthar bya ba med pa sbyin pa'ang yod/ gang zag gang rigs kyi mthar bya ba dang / nyes pa'i mthar bya ba med pa sbyin pa'ang yod/ gang zag gang nyes pa'i mthar bya ba yang med/ rigs kyi mthar bya ba yang med par sbyin pa yang yod do/ /nyes pa'i mthar bya ba dang / rigs kyi mthar bya ba sbyin pa gang zhe na/ nyes pa chung ngu gang gis rigs mang du sun pa'o/ /nyes pa'i mthar bya ba med pa dang / rigs kyi mthar bya ba med pa sbyin pa gang zhe na/ gang gis nyes pa chung ngus rigs mang du sun pa'o/ /rigs kyi mthar bya ba dang / nyes pa'i mthar bya ba med pa sbyin pa gang zhe na/ gang gis nyes pa chen pos rigs nyung ngu sun pa'o/ /nyes pa'i mthar bya ba yang med/ rigs kyi mthar bya ba yang med pa sbyin pa gang zhe na/ gang gis nyes pa chen pos rigs mang du sun pa'o/ /gang zag gang la nyes pa'i mthar bya ba dang / rigs kyi mthar bya ba sbyin pa ni/ de la nyes pa ji tsam pa dang / rigs ji snyed du so sor rig pa de dag la bsgo bar bya'o/ /de las lhag par bsgo na/ ltung bar 'gyur ro/ /gang zag gang la nyes pa'i mthar bya'i/ rigs kyi mthar bya ba med pa sbyin pa ni/ de'i nyes pa ji tsam pa dang / rigs ji snyed kyi so sor rig pa thams cad la bsgo bar bya'o/ /de las lhag par bsgo na/ ltung bar 'gyur ro| |gang zag gang la rigs kyi mthar bya'i/ nyes pa'i mthar bya ba med pa sbyin pa ni/ de la nyes pa thams cad bsgo bar bya'i/ rigs ji snyed kyi so sor rig pa de dag thams cad la ni| bsgo bar mi bya'o/ /de las lhag par bsgo na/ ltung bar 'gyur ro/ /gang zag gang la ltung ba'i mthar yang bya ba med la/ rigs kyi mthar yang bya ba med pa sbyin pa ni/ de'i nyes pa thams cad dang / rigs ji snyed kyi so sor rig pa de dag thams cad la bsgo bar bya ste/ bsgo yang ltung ba med do/ /btsun pa/ bsnyen par ma rdzogs pas bsnyen par ma rdzogs pa'i gang zag la gnas ngan len gyi nongs pa smra bar bshams nas bsnyen par ma rdzogs par grub na/ cir 'gyur/ nyes byas so/ /bsnyen par ma rdzogs par bshams la bsnyen par rdzogs kar grub na/ cir 'gyur/ nyes byas so/ /bsnyen par ma rdzogs par bshams la bsnyen par rdzogs te grub na/ cir 'gyur/ nyes byas so/ /bsnyen par rdzogs kar bshams la bsnyen par rdzogs kar grub na/ cir 'gyur/ nyes byas so/ /bsnyen par rdzogs kar bshams la bsnyen par rdzogs te grub na/ cir 'gyur/ nyes byas so/ /bsnyen par rdzogs pa na bshams la bsnyen par rdzogs pa na grub na/ cir 'gyur/ ltung ba'o/ /bsnyen par rdzogs pa na bshams la bsnyen par ma rdzogs pa na grub na/ cir 'gyur/ nyes byas so/ /btsun pa/ dge slong gis bdag nyid kyi gnas ngan len gyi nongs pa bsnyen par ma rdzogs pa la smras na/ cir 'gyur/ nyes byas so/ /dge slong gis dge slong gi gnas ngan len gyi nongs pa za ma la smras na/ cir 'gyur/ nyes byas so/ /de bzhin du ma ning dang / ma ning mo rnams dang / mtshan gnyis pa la smras na/ thams cad nyes byas so/ /dge slong gis dge slong gi gnas ngan len gyi nongs pa dge slong ma sun phyung ba la smras na/ cir 'gyur/ ltung ba'o/ /de bzhin du pha dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / sngar 'khrugs pa dang / sngar nyes pa byung ba rnams la smras na/ thams cad ltung bar 'gyur ro/ /dge slong gis dge slong gi gnas ngan len gyi nongs pa dge 'dun gyi dbyen byas pa dang / nye bar phyogs pa dang / bslab pa byin pa rnams kyi dge slong dang dge slong ma rnams la smras na/ thams cad nyes byas su 'gyur ro/ /dge slob ma dang / dge tshul ma dang / dge tshul pha rnams la smras na/ thams cad ltung bar 'gyur ro/ /dge slong mas dge slong ma'i gnas ngan len gyi nongs pa bsnyen par ma rdzogs pa la smras na/ cir 'gyur/ ltung ba'o/ /dge slong gis dge slong ma la smras na/ cir 'gyur/ nyes byas so/ /dge slob ma dang / dge tshul ma dang / dge tshul pha rnams la smras na/ thams cad ltung bar 'gyur ro/ /btsun pa/ bslab pa stsal pas gnas ngan len gyi nongs pa bsnyen par ma rdzogs pa la smras na/ cir 'gyur/ ltung ba'o/ /de bzhin du dge slob ma dang / dge tshul ma dang / dge tshul pha rnams la yang thams cad nyes byas su rgyas par brjod par bya'o/ /sangs rgyas ston pa'o/ /zhes bya ba ma gtogs pa mi las bla mar gyur pa'i chos yang dag par smras na/ phas pham par bshad pa las rim par dbye'o/ /mdor na/ 'phrin pa spring yig lag brda dang / /gzhan zer ba dang gcig nas gcig/ smyon par gyur dang sems 'khrugs dang / /na ba 'on pa glen pa dang / /gnyid log ra ro myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang sngar yid mthun par bgyis pa las phyis 'di skad du/ tshe dang ldan pa/ dge 'dun gyi rnyed pa 'di ltar mdza' ba'i gang zag la bsngos so/ /zhes mchis na/ ltung bar 'gyur ro/ /zhes gsungs na/ btsun pa/ dge slong gis 'phrin pa las 'di skad du/ tshe dang ldan pa| dge 'dun gyi rnyed pa 'di ltar mdza' ba'i gang zag la bsngos so/ /zhes smras na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa thams cad nyes byas su 'gyur ro/ /btsun pa/ dge slong gis smyon pa la 'di skad du/ tshe dang ldan pa/ dge 'dun gyi rnyed pa 'di ltar mdza' ba'i gang zag la bsngos so/ /zhes smras na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / dig pa dang / 'on pa dang / gnyid log pa dang / myos pa dang / snyoms par zhugs pa dang / 'gro ba gzhan du gnas pa rnams la 'di skad du/ tshe dang ldan pa/ dge 'dun gyi rnyed pa 'di ltar mdza' ba'i gang zag la bsngos so/ /zhes smras na/ thams cad nyes byas su 'gyur ro/ /mdor na/ skad dang lus dang dben pa dang / /mtshan dang bzhi pa bdun pa dang / khyim pa mi rung chung ngu dang / /rnyed pa tha ma dge slong ma/ /btsun pa/ dge slong 'phags pas 'phags pa'i skad du dge slong zhig la 'di skad du/ tshe dang ldan pa/ dge 'dun gyi rnyed pa 'di ltar mdza' ba'i gang zag la bsngos so/ /zhes smras pa dang / dge slong des kyang 'phags pa'i skad ma 'tshal na/ cir 'gyur/ nyes byas so/ /'phags pas mtha' 'khob pa'i skad du dge slong zhig la 'di skad du/ tshe dang ldan pa/ dge 'dun gyi rnyed pa 'di ltar mdza' ba'i gang zag la bsngos so/ /zhes smras pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ / mtha' 'khob pas mtha' 'khob pa'i skad du dge slong zhig la 'di skad du/ tshe dang ldan pa/ dge 'dun gyi rnyed pa 'di ltar mdza' ba'i gang zag la bsngos so/ /zhes smras pa dang / 'phags pa des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas 'phags pa'i skad du dge slong zhig la 'di skad du/ tshe dang ldan pa/ dge 'dun gyi rnyed pa 'di ltar mdza' ba'i gang zag la bsngos so/ /zhes smras pa dang / dge slong des kyang 'phags pa'i skad ma 'tshal na/ cir 'gyur/ nyes byas so/ /btsun pa/ dge slong gis lus kyi dmigs pas 'di skad du/ tshe dang ldan pa/ dge 'dun gyi rnyed pa 'di ltar mdza' ba'i gang zag la bsngos so/ /zhes go bar bgyis na/ cir 'gyur/ nyes byas so/ /btsun pa/ dge slong gis dben pa la mi dben par 'du shes te 'di skad du/ tshe dang ldan pa/ dge 'dun gyi rnyed pa 'di ltar mdza' ba'i gang zag la bsngos so/ /zhes smras na/ cir 'gyur/ nyes byas so/ /btsun pa/ dge slong gis 'di skad du/ tshe dang ldan pa/ dge 'dun gyi rnyed pa 'di ltar mdza' ba'i gang zag la bsngos so/ /zhes smra ba na/ de'i mtshan 'phos te dge slong mar gyur na/ cir 'gyur/ ltung ba'o/ /btsun pa/ dge slong mas 'di skad du smra ba na/ mtshan 'phos te dge slong du gyur na/ cir 'gyur/ ltung ba'o/ /btsun pa/ dge slong gis bsnyen par rdzogs pa la bsnyen par rdzogs par 'du shes nas 'di skad du/ tshe dang ldan pa/ dge 'dun gyi rnyed pa 'di ltar mdza' ba'i gang zag la bsngos so/ /zhes smras na/ cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes te de bzhin du smras na/ cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes te de bzhin du smras na/ cir 'gyur/ nyes byas so/ /bsnyen par ma rdzogs pa la bsnyen par ma rdzogs par 'du shes te de bzhin du smras na/ cir 'gyur/ nyes byas so/ /btsun pa/ bsnyen par ma rdzogs par yid mthun par gyur la bsnyen par ma rdzogs pas 'di skad du/ tshe dang ldan pa/ dge 'dun gyi rnyed pa 'di ltar mdza' ba'i gang zag la bsngos so/ /zhes smras na/ cir 'gyur/ nyes byas so/ /bsnyen par ma rdzogs par yid mthun par gyur la bsnyen par rdzogs kar 'di skad smras na/ cir 'gyur/ nyes byas so/ / bsnyen par ma rdzogs par yid mthun par gyur la bsnyen par rdzogs nas de bzhin du smras na/ cir 'gyur/ nyes byas so/ /bsnyen par rdzogs kar yid mthun par gyur la bsnyen par rdzogs kar de bzhin du smras na/ cir 'gyur/ nyes byas so/ /bsnyen par rdzogs par yid mthun par gyur la bsnyen par rdzogs nas de bzhin du smras na/ cir 'gyur/ nyes byas so/ /bsnyen par rdzogs par yid mthun par gyur la bsnyen par rdzogs nas de skad smras na/ cir 'gyur/ ltung ba'o/ /bsnyen par rdzogs par yid mthun par gyur la bsnyen par ma rdzogs pas 'di skad smras na/ cir 'gyur| nyes byas so/ /btsun pa/ dge slong gis khyim pa la 'di skad du/ tshe dang ldan pa/ dge 'dun gyi rnyed pa 'di ltar mdza' ba'i gang zag la bsngos so/ /zhes smras na/ cir 'gyur/ nyes byas so/ /de bzhin du za ma dang / ma ning dang / mtshan gnyis pa dang / pha dang / ma bsad pa dang / dgra bcom pa bsad pa dang / dge slong ma sun phyung ba dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / sngar nyes pa byung ba dang / sngar 'khrugs pa rnams la 'di skad du smras na/ cir 'gyur/ nyes byas so/ /btsun pa/ dge slong gis nyes bar phyogs pa dang / bslab pa stsal ba rnams la 'di skad du/ tshe dang ldan pa/ dge 'dun gyi rnyed pa 'di ltar mdza' ba'i gang zag la bsngos so/ /zhes smras na/ cir 'gyur/ ltung ba'o/ /btsun pa/ dge slong gis 'di skad du/ tshe dang ldan pa/ dge 'dun gyi rnyed pa 'di ltar mdza' ba'i gang zag la bsngos so/ /zhes smras kyang ltung bar mi 'gyur ba mchis sam/ u pa li/ yod de/ ji ltar yang gos de'i rgyu rung la spun mi rung ba dang / spun rung la rgyu mi rung bar gyur pa dang / gnyis ka mi rung ba ste/ mi rung ba ni/ rnga mo'i bal dang / ba lang gi bal dang / ra'i bal dang / ri dwags kyi bal dang 'dres pa dang / thags su ma btags pa dang / gos kyi rgyu de lta bu dag gi phyir 'di skad smras na/ nyes byas su 'gyur ro/ /btsun pa/ dge 'dun gyi gos khru gang du ma 'tshal ba zhig rnyed par gyur te/ de yang dge slong gis mthun par bgyis pa'i 'og tu 'di skad du/ tshe dang ldan pa/ dge 'dun gyi rnyed pa 'di ltar mdza' ba'i gang zag la bsngos so/ /zhes smras na/ cir 'gyur/ nyes byas so/ /btsun pa/ dge slong gis gos kyi rnyed pa ma gtogs par de las gzhan pa'i rnyed pa rnams kyi phyir 'di skad du smras na/ cir 'gyur/ nyes byas so/ /btsun pa/ dge 'dun gyis dge slong de'i mngon du ma bab par gos stsal par gyur pa las/ de'i 'og tu mchis nas 'di skad du/ tshe dang ldan pa/ dge 'dun gyi rnyed pa 'di ltar mdza' ba'i gang zag la bsngos so/ /zhes smras na| cir 'gyur/ nyes byas so/ /btsun pa/ bslab pa stsal pas 'di skad du smras na/ cir 'gyur/ ltung ba'o/ /dge slong mas 'di skad du smras na yang ltung bar 'gyur ro/ /dge slob ma dang / dge tshul pha dang / dge tshul ma rnams kyis 'di skad du/ tshe dang ldan pa/ dge 'dun gyi rnyed pa 'di ltar mdza' ba'i gang zag la bsngos so/ /zhes smras na/ nyes byas su 'gyur ro| |mdor na/ 'phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na ba 'on pa glen pa dang / /gnyid log ra ro myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis bslab pa la 'phya na/ ltung ba'o/ /zhes gsungs na/ btsun pa/ dge slong gis 'phrin pas bslab pa la dpyas na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa thams cad nyes byas su 'gyur ro/ /btsun pa/ dge slong gis smyon pa'i drung du bslab pa la dpyas na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / 'on pa dang / lkugs pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams kyi drung du bslab pa la dpyas na/ thams cad nyes byas su 'gyur ro/ /mdor na/ skad dang lus dang dben pa dang / /de bzhin mtshan dang bzhi pa dang / /khyim pa la sogs sprul pa dang / /bslab pa dang yang dge slong ma'o/ /btsun pa/ dge slong 'phags pas 'phags pa'i skad du dge slong gi drung du bslab pa la dpyas pa dang / dge slong des kyang 'phags pa'i skad ma 'tshal na/ cir 'gyur/ nyes byas so/ /'phags pas mtha' 'khob pa'i skad du dge slong gi drung du bslab pa la dpyas pa dang / dge slong des mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas mtha' 'khob pa'i skad du dge slong gi drung du bslab pa la dpyas pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas 'phags pa'i skad du dge slong gi drung du bslab pa la dpyas pa dang / dge slong des kyang 'phags pa'i skad ma 'tshal na/ cir 'gyur/ nyes byas so/ /btsun pa/ dge slong gis lus kyi dmigs pas bslab pa la dpyas na/ cir 'gyur/ nyes byas so// btsun pa/ dge slong gis dben pa la mi dben par 'du shes te bslab pa la dpyas na/ cir 'gyur/ nyes byas so/ /btsun pa/ dge slong gis bslab pa la dpya ba na/ mtshan 'phos te dge slong mar gyur na/ cir 'gyur/ ltung ba'o/ /btsun pa/ dge slong mas bslab pa la dpya ba na/ mtshan 'phos te dge slong du gyur na/ cir 'gyur/ ltung ba'o/ /btsun pa/ dge slong gis bsnyen par rdzogs pa la bsnyen par rdzogs par 'du shes te de'i drung du bslab pa la dpyas na/ cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes te de'i drung du bslab pa la dpyas na/ cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes te de'i drung du bslab pa la dpyas na/ cir 'gyur/ nyes byas so/ /bsnyen par ma rdzogs pa la bsnyen par ma rdzogs par 'du shes te de'i drung du bslab pa la dpyas na/ cir 'gyur/ nyes byas so/ /btsun pa/ dge slong gis khyim pa'i drung du bslab pa la dpyas na/ cir 'gyur/ nyes byas so/ /za ma dang / ma ning dang / dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / sngar nyes pa byung ba dang / sngar 'khrugs pa rnams kyi drung du bslab pa la dpyas na/ thams cad nyes byas su 'gyur ro/ /btsun pa/ dge slong gis dge 'dun gyi dbyen bgyis pa dang / nye bar phyogs pa dang / bslab pa stsal pa rnams kyi drung du bslab pa la dpyas na/ cir 'gyur/ thams cad nyes byas su 'gyur ro/ /btsun pa/ dge slong gis sprul pa'i drung du bslab pa la dpyas na/ cir 'gyur/ nyes byas so/ /btsun pa/ dge slong gis dge slong ma dang / dge slob ma dang / dge tshul ma dang / dge tshul pha rnams kyi drung du bslab pa la dpyas na/ cir 'gyur/ nyes byas so/ /dge slong mas dge slong ma'i drung du bslab pa la dpyas na/ cir 'gyur/ ltung ba'o/ /dge slong mas dge slong dang / dge slob ma dang / dge tshul ma dang / dge tshul pha rnams kyi drung du bslab pa la dpyas na/ cir 'gyur/ nyes byas so/ /btsun pa/ bslab pa stsal bas bslab pa la dpyas na/ cir 'gyur/ ltung ba'o/ /dge slob ma dang / dge tshul pha dang / dge tshul ma rnams la nyes byas su 'gyur ro/ /mdor na/ rdzu 'phrul lus dang rdo dreg dang / /rtsa ba me tog nya lcibs dang / /gnas tshang sha mo rnying pa dang / /me tog 'bras bu shun pa dang / /mtshan dang bzhi pa bdun pa dang / /tha mar gyur pa 'bras bu 'o/ /sangs rgyas bcom ldan 'das la tshe dang ldan pa u pa lis zhus pa| btsun pa/ bcom ldan 'das kyis sa bon gyi grong dang / srog chags kyi grong bshig gam/ 'jig tu stsal na/ ltung ba'o/ /zhes gsungs na/ btsun pa/ dge slong gis rdzu 'phrul gyis shing bkum na/ cir 'gyur/ nyes byas so/ /btsun pa/ dge slong gis lus kyi dmigs pas shing bkum na/ cir 'gyur/ nyes byas so/ /btsun pa/ dge slong gis rdo'i dreg pa bkogs na| cir 'gyur/ nyes byas so/ /btsun pa/ dge slong gis rtsa ba ma zug pa'i sa bon gyi dngos po phyung na/ cir 'gyur/ nyes byas so/ /btsun pa/ dge slong gis g.ya' can dang / rlam can bkrus na/ cir 'gyur/ nyes byas so/ /btsun pa/ dge slong gis 'dam rdzab nas nya lcibs phyung ste thang la bor na/ cir 'gyur/ nyes byas so/ /btsun pa/ dge slong gis srog chags kyi gnas bshig na/ cir 'gyur/ nyes byas so/ /bsregs sam ma rung bar bgyis na/ cir 'gyur/ nyes byas so/ /btsun pa/ dge slong gis bya'i tshang dral tam/ phyung ngam/ bshig na| cir 'gyur/ nyes byas so/ /btsun pa/ dge slong gis 'dzim mam/ sha mo btogs na/ cir 'gyur/ nyes byas so/ /btsun pa/ dge slong gis shing rgan gyi shun pa bshus na/ cir 'gyur/ nyes byas so/ /btsun pa/ dge slong gis me tog dang / 'bras bu dang / lo ma rnying pa btogs na/ cir 'gyur/ nyes byas so/ /btsun pa/ dge slong gis shing 'gums pa na/ mtshan 'phos te dge slong mar gyur na/ cir 'gyur/ ltung ba'o/ /btsun pa/ dge slong mas shing 'gums pa na/ mtshan 'phos te dge slong du gyur na/ cir 'gyur/ ltung ba'o/ /btsun pa/ dge slong gis sa bon la sa bon du 'du shes te chud gsan na/ cir 'gyur/ ltung ba'o/ /sa bon la sa bon ma lags par 'du shes te chud gsan na/ cir 'gyur/ nyes pa med do/ /sa bon ma yin pa la sa bon du 'du shes na/ nyes byas su 'gyur/ sa bon ma yin pa la sa bon ma yin par 'du shes te bshig na/ nyes pa med do/ /btsun pa/ bsnyen par ma rdzogs pa na dgum par bshams la bsnyen par ma rdzogs par bkum na/ cir 'gyur/ nyes pa med do/ /bsnyen par ma rdzogs par bshams la bsnyen par rdzogs kar bkum na/ cir 'gyur/ nyes pa med do/ /bsnyen par ma rdzogs par bshams la bsnyen par rdzogs te bkum na/ cir 'gyur/ nyes byas so/ /bsnyen par rdzogs kar bshams la bsnyen par rdzogs kar bkum na/ cir 'gyur/ nyes pa med do/ /bsnyen par rdzogs kar bshams la bsnyen par rdzogs te bkum na/ cir 'gyur/ nyes byas so/ /bsnyen par rdzogs te bshams la bsnyen par rdzogs te bkum na/ cir 'gyur/ ltung ba'o/ /bsnyen par rdzogs pa na bshams la bsnyen par ma rdzogs pa na bkum na/ cir 'gyur/ nyes byas so/ /btsun pa/ dge slong gis rung bar ma bgyis pa'i 'bras bu 'tshal yang nongs par mi 'gyur ba mchis sam/ u pa li/ yod de/ mngon par ma smin pa'i sa bon ni sa bon gyi dngos po ma yin no/ /snyam du bsam nas zos pa'o/ /btsun pa/ dge slong gis sa bon gyi rigs lnga la mes rung bar bgyis te 'tshal yang ltung bar 'gyur ba mchis sam/ u pa li/ yod de/ sa bon gyi rigs lnga la rung bar byas kyang sa'i nang du bzhag gam/ snod kyi nang du bzhag gam/ gdang shing la bkal yang rung ste/ myu gu skyes par gyur pa'o/ /de chud gsad na/ cir 'gyur/ ltung ba'o/ /mdor na/ 'phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa dang ni 'gro ba dang / /khyim pa dag la sogs pa rnams/ /bslab pa byin dang dge slong ma'o/ /btsun pa/ dge slong gis 'phrin gyis shing bkum na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa thams cad nyes byas su 'gyur ro/ /btsun pa/ dge slong gis smyon pa zhig shing 'gum su stsal na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / 'gro ba gzhan du gnas pa rnams shing gcod du bcug na/ thams cad nyes byas su 'gyur ro/ /btsun pa/ dge slong gis mngon sum du khyim pa shing 'gums su stsal na/ cir 'gyur/ ltung ba'o/ /de bzhin du za ma dang / ma ning dang / dge slong ma sun phyung ba dang / pha dang / ma bsad pa dang / dgra bcom pa bsad pa dang / dge 'dun gyi dbyen byas pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / sngar nyes pa byung ba dang / sngar 'khrugs pa dang / nye bar phyogs pa dang / bslab pa byin pa rnams mngon sum du shing gcod du bcug na/ thams cad nyes byas su 'gyur ro/ /btsun pa/ bslab pa stsal pas ran sngon po bkum mam/ 'gums su stsal na/ cir 'gyur/ /ltung ba'o/ /btsun pa/ dge slong mas ran sngon po bkum mam/ 'gums su stsal na/ cir 'gyur/ ltung ba'o/ /btsun pa/ dge slong mas ran sngon po bkum mam/ 'gums su stsal na/ cir 'gyur/ nyes byas so/ /dge tshul pha dang / dge tshul ma rnams la nyes pa med do/ /mdor na/ skad dang lus dang dben pa dang / /mtshan dang bzhi pa bdun pa dang / khyim pa dag la sogs pa rnams/ /bskos pa dag dang ma bskos pa'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis nongs pa ngor brjod cing dpyas 'dogs na/ ltung bar 'gyur ro/ /zhes gsungs na/ dge slong gis nyes pa ngor brjod cing dpyas btags kyang ltung bar mi 'gyur ba mchis sam/ u pa li/ yod de/ ji ltar yang de ni/ mi ma yin pa las rab tu byung zhing bsnyen par rdzogs pa la nyes pa ngor brjod na/ nyes byas su 'gyur ro/ /btsun pa/ dge slong 'phags pas 'phags pa'i skad du dge slong la nongs pa ngor brjod cing dpyas btags pa dang / dge slong des kyang 'phags pa'i skad ma 'tshal na/ cir 'gyur/ nyes byas so/ /'phags pas mthar 'khob pa'i skad du dge slong la nongs pa ngor brjod cing dpyas btags pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas mtha' 'khob pa'i skad du dge slong la nongs pa ngor brjod cing dpyas btags kyang dge slong des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas 'phags pa'i skad du dge slong la nongs pa ngor brjod cing dpyas btags pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ /btsun pa/ dge slong gis lus kyi dmigs pas nongs pa ngor brjod cing dpyas btags na/ cir 'gyur/ nyes byas so/ /btsun pa/ dge slong gis dben pa la mi dben par 'du shes te nongs pa ngor brjod cing dpyas btags na/ cir 'gyur/ nyes byas so/ /btsun pa/ dge slong gis nongs pa ngor brjod cing dpyas 'dogs pa na/ mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong mas nongs pa ngor brjod cing dpyas 'dogs pa na/ mtshan 'phos te dge slong du gyur na/ cir 'gyur/ nyes byas so/ /btsun pa/ dge slong gis bsnyen par rdzogs pa la bsnyen par rdzogs par 'du shes te nongs pa ngor brjod cing dpyas 'dogs na/ cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes na/ nyes byas su 'gyur ro/ /bsnyen par ma rdzogs pa la bsnyen par rdzogs par 'du shes na/ nyes byas su 'gyur ro/ /bsnyen par ma rdzogs pa la bsnyen par ma rdzogs par 'du shes na/ nyes byas su 'gyur ro/ /btsun pa/ bsnyen par ma rdzogs pa zhig la dge 'dun gyis nongs pa ngor brjod cing dpyas 'dogs par bgrang bar gyur la/ bsnyen par ma rdzogs par nongs pa ngor brjod cing dpyas 'dogs na/ cir 'gyur/ nyes byas so/ /bsnyen par ma rdzogs par bgrang la bsnyen par rdzogs kar nongs pa ngor brjod cing dpyas 'dogs na/ cir 'gyur/ nyes byas so/ /bsnyen par ma rdzogs par bgrang la bsnyen par rdzogs te nongs pa ngor brjod cing dpyas 'dogs na/ cir 'gyur/ nyes byas so// bsnyen par rdzogs kar bgrang la bsnyen par rdzogs kar nongs pa ngor brjod cing dpyas 'dogs na/ cir 'gyur/ nyes byas so/ /bsnyen par rdzogs kar bgrang la bsnyen par rdzogs te nongs pa ngor brjod cing dpyas 'dogs na/ cir 'gyur/ nyes byas so/ /bsnyen par rdzogs te bgrang la bsnyen par rdzogs nas nongs pa ngor brjod cing dpyas 'dogs na/ ltung ba'o/ / bsnyen par rdzogs nas bgrang la bsnyen par ma rdzogs pa na nongs pa ngor brjod cing dpyas 'dogs na/ cir 'gyur/ nyes byas so/ /btsun pa/ dge slong gis khyim pa la nongs pa ngor brjod cing dpyas 'dogs na/ cir 'gyur/ nyes byas so/ /btsun pa/ dge slong gis za ma dang / ma ning dang / dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / sngar nyes pa byung ba dang / sngon 'khrugs pa rnams la nyes pa ngor brjod cing dpyas 'dogs na/ thams cad nyes byas su 'gyur ro/ /btsun pa/ dge slong gis dge 'dun gyi dbyen bgyis pa dang / nye bar phyogs pa dang / bslab pa stsal pa'i dge slong la nongs pa ngor brjod cing dpyas 'dogs na/ cir 'gyur/ thams cad ltung bar 'gyur ro/ /btsun pa/ dge slong gis bskos sam ma bskos kyang rung / dge 'dun gyi zhal ta byed pa ma gtogs par de las gzhan la nongs pa ngor brjod cing dpyas 'dogs na/ cir 'gyur/ nyes byas so/ /mdor na/ 'phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma 'o/ /btsun pa/ dge slong gis 'phrin pa las nongs pa ngor brjod cing dpyas 'dogs na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa thams cad nyes byas su 'gyur ro/ /btsun pa/ dge slong gis smyon pa las nongs pa ngor brjod cing dpyas 'dogs na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams la nyes pa ngor brjod na/ nyes byas su 'gyur ro/ /btsun pa/ dge slong gis dge slong ma dang / dge slob ma dang / dge tshul ma dang / dge tshul pha rnams la nongs pa ngor brjod cing dpyas 'dogs na/ cir 'gyur/ nyes byas so/ /btsun pa/ dge slong mas dge slong dang / dge tshul pha dang / dge tshul ma dang / dge slong ma rnams la nongs pa ngor brjod cing dpyas 'dogs na/ cir 'gyur/ nyes byas so/ /btsun pa/ bslab pa stsal bas nongs pa ngor brjod cing dpyas 'dogs na/ cir 'gyur/ ltung ba'o/ / dge slob ma dang / dge tshul ma dang / dge tshul pha rnams la nongs pa dor brjod cing dpyas 'dogs na/ cir 'gyur/ nyes byas so/ /mdor na/ nyes pa dag kyang de bzhin te/ lus dang tshig dang mi smra mtshan/ khyim pa dag la sogs pa rnams/ /bzhi pa tha mar gyur pa'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis bsgo ba bzhin mi bgyid na/ ltung bar 'gyur ro/ /zhes gsungs na/ btsun pa/ dge slong gis nongs pa ma gtogs par de las gzhan zhig bsgo ba bzhin du mi bgyid na/ cir 'gyur/ nyes byas so/ /btsun pa/ dge slong gis lus kyi dmigs pas bsgo ba bzhin mi bgyid na/ cir 'gyur/ nyes byas so/ /btsun pa/ dge slong 'phags pas 'phags pa'i skad du bsgo ba bzhin ma bgyis pa dang / dge slong des kya 'phags pa'i skad ma 'tshal na/ cir 'gyur/ nyes byas so/ /'phags pas mtha' 'khob pa'i skad du bsgo ba bzhin ma bgyis pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas mtha' 'khob pa'i skad du dge slong gis bsgo ba bzhin ma bgyis pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas 'phags pa'i skad du dge slong gis bsgo ba bzhin ma bgyis pa dang / dge slong des kyang 'phags pa'i skad ma 'tshal na/ cir 'gyur/ nyes byas so/ /btsun pa/ dge slong gis dge slong la mi smra bas bsgo ba bzhin ma bgyis na| cir 'gyur/ nyes byas so/ /btsun pa/ dge slong gis dge slong gis bsgo ba bzhin ma bgyis pa dang / mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong mas dge slong mas bsgo ba bzhin ma bgyis pa dang / mtshan 'phos te dge slong du gyur na/ cir 'gyur/ nyes byas so/ /btsun pa/ dge slong gis khyim pas bsgo ba bzhin ma bgyis na/ cir 'gyur/ nyes byas so/ /de bzhin du za ma dang / ma ning dang / dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / so sor gnas pa dang / mi gnas pa dang / sngar 'khrugs pa dang / sngon nyes pa byung ba rnams kyis bsgo ba bzhin ma bgyis na/ thams cad nyes byas su 'gyur ro/ /btsun pa/ dge slong gis dge 'dun gyi dbyen bgyis pa dang / nye bar phyogs pa dang / bslab pa stsal ba rnams kyis bsgo ba bzhin ma bgyis na/ cir 'gyur/ thams cad ltung bar 'gyur ro/ /btsun pa/ dge slong gis bsnyen par rdzogs pa la bsnyen par rdzogs par 'du shes te bsgo ba bzhin ma bgyis na/ cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes te bsgo ba bzhin ma bgyis na/ cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes te bsgo ba bzhin ma bgyis na/ cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes te bsgo ba bzhin ma bgyis na/ cir 'gyur/ nyes byas so/ /mdor na/ 'phrin pa spring yig lag brda dang / /gzhan zer ba dang gcig nas gcig/ smyon par gyur dang sems 'khrugs dang / /na ba 'on pa glen pa'o/ /btsun pa/ dge slong gis 'phrin gyis bsgo ba bzhin ma bgyis na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de bsgo ba bzhin ma bgyis na/ cir 'gyur/ thams cad nyes byas su 'gyur ro/ /btsun pa/ dge slong gis dge slong smyon pas bsgo ba bzhin ma bgyis na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / 'gro ba gzhan du gnas pa rnams kyis bsgo ba bzhin ma bgyis na/ thams cad nyes byas so/ /btsun pa/ dge slong gis dge slong ma dang / dge tshul ma dang / dge tshul pha rnams kyis bsgo ba bzhin ma bgyis na/ cir 'gyur/ nyes byas so/ /btsun pa/ bslab pa stsal pas bsgo ba bzhin ma bgyis na/ cir 'gyur/ ltung ba'o/ /dge slob ma dang / dge tshul ma dang / dge tshul pha rnams las bsgo ba bzhin ma bgyis na/ cir 'gyur/ nyes byas so/ /mdor na/ mi rung ba dang gang zag dang / /ma chog lhag dang bdun pa dang / /mtshan dang bzhi pa de bzhin du/ /lus dang skad dang dben de bzhin/ /khyim pa dag la sogs pa rnams/ /bar du gcod pa tha ma yin/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang dge 'dun gyi mal stan bla gab med par bting ngam/ 'ding du stsal bar 'tshal bzhin du ma brtul tam brtul du ma stsal tam/ dge slong la yang ma gtad par gzhan du mchis na/ ltung bar 'gyur ro/ /zhes gsungs na/ btsun pa/ dge slong gis dge 'dun gyi mal stan bting pa las ma gtad par gzhan du mchis kyang ltung bar mi 'gyur ba mchis sam/ u pa li/ yod de/ ji ltar mal stan de'i rgyu rung la spun mi rung ba dang / spun rung la rgyu mi rung ba dang / gnyis ka mi rung ba ste/ mi rung ba ni/ rnga mo'i bal dang / ba lang gi bal dang / ra'i bal dang / ri dwags kyi bal dang 'dres pa dang / thags su ma btags pa de lta bu'i mal stan zhig bting ngam 'ding du bcug pa las ma gtad par song na/ nyes byas su 'gyur ro/ /btsun pa/ dge slong gang zag gi mal stan bting ngam/ 'ding du bcug pa las/ ma gtad par mchis na/ cir 'gyur/ nyes byas so/ /btsun pa/ dge slong gis dge 'dun gyi khri dang khri'u bkram pa las ma gtad par gzhan du mchis kyang ltung bar mi 'gyur ba mchis sam/ u pa li/ yod de/ rkang pa'i tshad bde bar gshegs pa'i sor brgyad las lhag gam/ ma chog na/ nyes byas su 'gyur ro/ /btsun pa/ bsnyen par ma rdzogs pas mal stan bting ba la bsnyen par ma rdzogs par nye 'khor las 'das na/ cir 'gyur/ nyes byas so/ /bsnyen par ma rdzogs par bting la bsnyen par rdzogs kar nye 'khor las 'das na/ cir 'gyur/ nyes byas so/ /bsnyen par ma rdzogs par bting la bsnyen par rdzogs pa na nye 'khor las 'das na/ cir 'gyur/ nyes byas so/ /bsnyen par rdzogs kar bting la bsnyen par rdzogs kar nye 'khor las 'das na/ cir 'gyur/ nyes byas so/ /bsnyen par rdzogs kar bting la bsnyen par rdzogs te nye 'khor las 'das na/ cir 'gyur/ nyes byas so/ /bsnyen par rdzogs pa na bting la bsnyen par rdzogs te nye 'khor las 'das na/ cir 'gyur/ ltung ba'o/ /bsnyen par rdzogs pa na bting la bsnyen par ma rdzogs par nye 'khor las 'das na/ cir 'gyur/ nyes byas so/ /btsun pa/ dge slong gis dge 'dun gyi mal stan bting nas ma brtul cing dge slong mchis pa la'ang ma gtad par gzhan du mchis pa na/ mtshan 'phos te dge slong mar gyur na/ cir 'gyur/ ltung ba'o/ /btsun pa/ dge slong mas dge 'dun gyi mal stan bting ba ma brtul cing dge slong ma mchis pa la yang ma gtad par gzhan du mchis pa dang / mtshan 'phos te dge slong du gyur na/ cir 'gyur/ ltung ba'o/ /btsun pa/ dge slong gis dge 'dun gyi mal stan bting pa las ma brtul cing dge slong mchis pa la yang ma gtad par mtshams kyi slad rol la mtshams kyi slad rol tu 'du shes te gzhan du mchis na/ cir 'gyur/ ltung ba'o/ /mtshams kyi phyi rol la mtshams kyi nang du 'du shes na/ nyes pa med do/ /mtshams kyi phyi nang la mtshams kyi phyi rol tu 'du shes na/ nyes byas so/ /mtshams kyi nang la mtshams kyi nang du 'du shes na/ nyes pa med do/ /btsun pa/ dge slong 'phags pas 'phags pa'i skad kyis dge slong la dge 'dun gyi mal stan gtad de gzhan du mchis pa dang / dge slong des kyang 'phags pa'i skad ma 'tshal na/ cir 'gyur/ nyes byas so/ 'phags pas mtha' 'khob pa'i skad du dge slong la dge 'dun gyi mal stan gtad de gzhan du mchis pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ / mtha' 'khob pas mtha' 'khob pa'i skad du dge slong la gtad de gzhan du mchis pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas 'phags pa'i skad du dge slong la gtad de gzhan du mchis pa dang / dge slong des kyang 'phags pa'i skad ma 'tshal na/ cir 'gyur/ nyes byas so/ /btsun pa/ dge slong gis dge 'dun gyi mal stan bting ba la lus kyi dmigs pas dge slong mchis pa la gtad de gzhan du mchis na/ cir 'gyur/ nyes byas so/ /btsun pa/ dge slong gis dge 'dun gyi mal stan bting pa dben pa la mi dben par 'du shes nas gtad de gzhan du mchis na/ cir 'gyur/ nyes byas so/ /btsun pa/ dge slong gis dge 'dun gyi mal stan bting pa dge slong mchis pa la ni/ ma gtad kyi/ khyim pa la gtad de gzhan du mchis na/ cir 'gyur/ nyes byas so/ /de bzhin du za ma dang / dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / sngar nyes pa byung ba dang / sngar 'khrugs pa rnams la gtad de gzhan du mchis na/ cir 'gyur/ nyes byas so/ /btsun pa/ dge slong gis dge 'dun gyi dbyen bgyis pa dang / nye bar phyogs pa dang / bslab pa stsal ba la gtad de gzhan du mchis na/ cir 'gyur/ nyes byas so/ /btsun pa/ dge slong gis dge 'dun gyi mal stan bting ba ma brtul cing dge slong mchis bzhin du ma gtad par nye 'khor 'das kyang nongs par mi 'gyur ba mchis sam/ u pa li/ yod de/ de ni/ 'di ltar dge slong des kyang mal stan de yal bar ma bor bar song ba dang / gtsug lag khang der bar chad brgyad las gang yang rung ba'i bar chad gcig byung bar gyur pa'o/ /mdor na/ smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /btsun pa/ dge slong gis dge 'dun gyi mal stan bting ba ma brtul bar dge slong smyon pa zhig la gtad de gzhan du mchis na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / /glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / 'gro ba gzhan du gnas pa rnams la gtad de gzhan du mchis na/ cir 'gyur/ nyes byas so/ /btsun pa/ dge slong gis dge slong ma la gtad de gzhan du mchis na/ cir 'gyur/ nyes byas so/ /dge slong ma dang / dge tshul ma dang / dge tshul pha la gtad de gzhan du mchis na/ cir 'gyur/ nyes byas so/ /btsun pa/ dge slong mas dge slob ma dang / dge tshul ma dang / dge tshul pha rnams la gtad de gzhan du mchis na/ cir 'gyur| nyes byas so/ /btsun pa/ bslab pa stsal bas dge 'dun gyi mal stan bting ba dge slong mchis bzhin du ma gtad par gzhan du mchis na/ cir 'gyur/ ltung ba'o/ / dge slob ma dang / dge tshul ma dang / dge tshul pha rnams la nyes byas so/ /mal stan la ji lta ba de bzhin du gding ba la yang rgyas par bya'o/ /tshad bde bar gshegs pa'i sor brgyad las chung ngam lhag pa ni/ mi rung bas na/ ma gtogs so/ /mdor na/ 'phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pa lis zhus pa| btsun pa/ bcom ldan 'das kyis dge slong gang gis 'tshal bzhin du dge 'dun gyi gtsug lag khang nas dge slong zhig bskrad dam skrod du stsal na/ ltung bar 'gyur ro/ / zhes gsungs na/ btsun pa/ dge slong gis 'phrin gyis bskrad na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa thams cad nyes byas su 'gyur ro/ /btsun pa/ dge slong gis dge slong smyon pa zhig bskrad dam/ skrod du stsal na/ cir 'gyur/ nyes byas so| |de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams bskrad dam/ skrod du stsal na/ cir 'gyur/ nyes byas so// //'dul ba gzhung dam pa bam po bdun pa/ mdor na/ mtshan dang bzhi pa bdun pa dang / /de bzhin khyim pa la sogs rnams/ /dge 'dun tha mar gyur ba'o/ /btsun pa/ dge slong gis dge 'dun gyi gtsug lag khang nas dge slong zhig bskrad dam/ skrod du stsal na/ mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong mas dge 'dun gyi gtsug lag khang nas dge slong ma bskrad dam/ skrod du stsal ba na/ mtshan 'phos te dge slong du gyur na/ cir 'gyur/ nyes byas so/ /btsun pa/ dge slong gis bsnyen par rdzogs pa la bsnyen par rdzogs par 'du shes te bskrad dam/ skrod du stsal na/ cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes na/ nyes byas su 'gyur ro/ /bsnyen par ma rdzogs pa la bsnyen par rdzogs par 'du shes na/ nyes byas su 'gyur ro/ /bsnyen par ma rdzogs pa la bsnyen par ma rdzogs par 'du shes na/ nyes byas su 'gyur ro/ /btsun pa/ bsnyen par ma rdzogs pa na dge slong zhig bskrad par bshams nas bsnyen par ma rdzogs pa na grub na/ cir 'gyur/ nyes byas so/ /bsnyen par ma rdzogs par bshams la bsnyen par rdzogs kar bskrad na/ cir 'gyur/ nyes byas so/ /bsnyen par ma rdzogs par bshams la bsnyen par rdzogs te bskrad na/ cir 'gyur/ nyes byas so/ /bsnyen par rdzogs kar bshams la bsnyen par rdzogs kar bskrad na/ cir 'gyur/ nyes byas so/ /bsnyen par rdzogs kar bshams la bsnyen par rdzogs te bskrad na/ cir 'gyur/ nyes byas so/ / bsnyen par rdzogs nas bshams la bsnyen par rdzogs pa na bskrad na/ cir 'gyur/ ltung ba'o/ /bsnyen par rdzogs nas bshams la bsnyen par ma rdzogs pa na bskrad na/ cir 'gyur/ nyes byas so/ /btsun pa/ dge slong gis khyim pa zhig bskrad dam/ skrod du stsal na/ cir 'gyur/ nyes byas so/ /btsun pa/ dge slong gis za ma dang / ma ning dang / dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / sngar nyes pa byung bar ba dang / sngar 'khrugs pa rnams bskrad dam/ skrod du bcug na/ thams cad kyang nyes byas su 'gyur ro/ /btsun pa/ dge slong gis dge slong dge 'dun gyi dbyen bgyis pa dang / nye bar phyogs pa dang / bslab pa stsal ba rnams bskrad dam/ skrod du stsal na/ cir 'gyur/ thams cad ltung bar 'gyur ro/ /btsun pa/ dge slong zhig mngon sum du khyim pa zhig skrod du stsal na/ cir 'gyur/ ltung ba'o/ /de bzhin du za ma dang / ma ning dang / dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / so sor gnas pa dang / mi gnas pa dang / sngar 'khrugs pa dang / sngar nyes pa byung ba dang / nye bar phyogs pa dang / bslab pa stsal ba dang / dge slong ma dang / dge slob ma dang / dge tshul ma dang / dge tshul phas skrod du stsal na/ cir 'gyur/ ltung ba'o/ /btsun pa/ dge slong ma zhig gis dge slong ma bskrad dam/ skrod du stsal na/ cir 'gyur/ ltung ba'o/ /btsun pa/ dge slong mas dge slob ma dang / dge tshul ma dang / dge tshul pha rnams bskrad dam/ skrod du stsal na/ cir 'gyur/ nyes byas so/ /btsun pa/ bslab pa stsal bas dge slong ma zhig bskrad dam/ skrod du stsal na/ cir 'gyur/ ltung ba'o/ / dge slong ma dang / dge tshul ma dang / dge tshul pha rnams la nyes byas so/ /mdor na/ smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma 'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang gis snga na mchis pa'i dge slong la slad kyis mchis te shin tu gnod par bgyid cing mchis sam/ nyal bar bgyid na/ ltung ba'o/ /zhes gsungs na/ btsun pa/ dge slong gis dge slong smyon pa zhig la shin tu gnod par bgyid cing mchis sam/ nyal bar bgyid na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams la shin tu gnod par bgyid cing mchis sam/ nyal bar bgyid na/ cir 'gyur/ nyes byas so/ /mdor na/ gang zag gi dang dge 'dun gyi/ /de bzhin mtshan dang bzhi pa dang / /khyim pa dag la sogs pa rnams/ /mi rung ba ni tha mar gyur/ /btsun pa/ dge slong gis gang zag gi gtsug lag khang na snga na mchis pa'i dge slong rnams la shin tu gnod par bgyid cing mchis sam/ nyal bar bgyis na/ cir 'gyur/ nyes byas so/ /btsun pa/ dge s long gis dge 'dun gyi gtsug lag khang ma gtogs par de las gzhan pa'i gnas na snga na mchis pa'i dge slong rnams la shin tu gnod par bgyid cing mchis sam/ nyal bar bgyid na/ cir 'gyur/ nyes byas so/ /btsun pa/ dge slong rnams la shin tu gnod par bgyid cing mchis sam/ nyal bar bgyid pa na/ mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong gis bsnyen par ma rdzogs pa la bsnyen par ma rdzogs par 'du shes te mchis sam/ nyal bar bgyid na/ cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes na/ nyes byas so/ /bsnyen par rdzogs pa la bsnyen par ma rdzogs par 'du shes na/ nyes byas so/ /bsnyen par rdzogs pa la bsnyen par rdzogs par 'du shes te shin tu gnod par bgyid cing mchis sam/ nyal bar bgyid na/ cir 'gyur/ ltung ba'o/ /btsun pa/ dge slong gis khyim pa la shin tu gnod par bgyid cing mchis sam/ nyal bar bgyid na/ cir 'gyur/ nyes byas so/ /de bzhin du za ma dang / ma ning dang / sngar nyes pa byung ba rnams la shin tu gnod par bgyid cing mchis sam/ nyal bar byed na/ thams cad nyes byas su 'gyur ro/ /btsun pa/ dge slong gis dge 'dun gyi dbyen bgyis pa dang / nye bar phyogs pa dang / bslab pa stsal pa rnams la shin tu gnod bar bgyid cing mchis sam/ nyal bar bgyid na/ cir 'gyur/ thams cad ltung bar 'gyur ro/ /btsun pa/ dge slong gis dge 'dun gyi gtsug lag khang na snga ma mchis pa'i dge slong rnams la shin tu gnod par bgyid cing mchis sam/ nyal bar bgyid kyang ltung bar mi 'gyur ba mchis sam/ u pa li/ yod de/ mi rung ba'i mal stan yin te/ gang dge slong rnams kyis spyad du mi rung ba'o/ /btsun pa/ dge slong gis dge slong ma dang / dge slob ma dang / dge tshul ma dang / dge tshul pha rnams la shin tu gnod par bgyid cing mchis sam/ nyal bar bgyid na/ cir 'gyur/ nyes byas so/ /btsun pa/ dge slong mas dge slong dang / dge slob ma dang / dge tshul ma dang / dge tshul pha rnams la shin tu gnod par bgyid cing mchis sam/ nyal bar bgyid na/ cir 'gyur/ nyes byas so/ /btsun pa/ bslab pa stsal pas snga na mchis pa'i dge slong rnams la shin tu gnod par bgyid cing mchis sam/ nyal bar bgyid na/ cir 'gyur/ ltung ba'o/ /dge slob ma dang / dge tshul ma dang / dge tshul pha rnams ni/ nyes byas so/ /mdor na/ gang zag gi dang dge 'dun gyi/ /de bzhin mtshan dang bzhi ba dang / /mi rung ba dang de bzhin bdun/ /nam mkha' g.yogs pa tha ma 'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang dge 'dun gyi gtsug lag khang gi steng du khang bu brtsegs pa'i nang du khri'am/ khri'u yang rung / rkang pa gzer bu ma mchis par 'tshal bzhin du mchis sam/ nyal bar bgyid na/ ltung ba'o/ /zhes gsungs na/ btsun pa/ dge slong gis gang zag gi gtsug lag khang gi steng du khang bu brtsegs pa'i khri'am/ khri'u yang rung / gzer bu ma mchis pa la mchis sam/ nyal bar bgyid na/ cir 'gyur/ nyes byas so/ /btsun pa/ dge slong gis dge 'dun gyi gtsug lag khang ma gtogs par de las gzhan pa'i gnas kyi steng du khang bu brtsegs pa'i nang du gzer bu ma mchis pa'i khri'am/ khri'u'i steng du mchis sam/ nyal bar bgyid na/ cir 'gyur/ nyes byas so/ /btsun pa/ dge slong gis steng gi yang thog gi khang bur shin tu gnod par bgyid cing mchis sam/ nyal bar bgyid pa na/ mtshan 'phos te dge slong mar gyur na/ cir 'gyur/ ltung ba'o/ /btsun pa/ dge slong gis steng gi yang thog gi khang bu la yang thog tu 'du shes te gzer bu ma mchis pa'i khri'am khri'u'i steng du ljid kyis phab ste mchis sam/ nyal bar bgyid na/ cir 'gyur/ ltung ba'o/ /yang thog la yang thog ma yin par 'du shes na/ nyes pa med do/ /yang thog ma yin pa la yang thog yin par 'du shes na/ nyes byas su 'gyur ro/ /yang thog ma yin pa la yang thog ma yin par 'du shes na| nyes pa med do/ /btsun pa/ dge slong gis steng gi yang thog gi khang bur khri'am khri'u rkang pa gzer bu ma mchis pa'i steng du ljid kyis phab ste mchis sam/ nyal bar bgyid kyang ltung bar mi 'gyur ba mchis sam/ u pa li/ yod de/ mal stan mi rung bar gyur pa gang la dge slong rnams kyis spyad par mi rung ba'o/ /btsun pa/ bsnyen par ma rdzogs par bshams la bsnyen par ma rdzogs par mchis na/ cir 'gyur/ nyes byas so/ /bsnyen par ma rdzogs par bshams la bsnyen par rdzogs kar mchis na/ cir 'gyur/ nyes byas so/ /bsnyen par ma rdzogs pa na bshams la bsnyen par rdzogs pa na ljid kyis phab ste mchis sam/ nyal bar bgyid na/ cir 'gyur/ nyes byas so/ /bsnyen par rdzogs kar bshams la bsnyen par rdzogs kar shin tu ljid kyis phab ste mchis sam/ nyal bar bgyid na/ cir 'gyur/ nyes byas so/ /bsnyen par rdzogs kar bshams la bsnyen par rdzogs te ljid kyis phab ste mchis sam/ nyal bar bgyid na/ cir 'gyur/ nyes byas so/ /bsnyen par rdzogs pa na bshams la bsnyen par rdzogs nas ljid kyis phab ste mchis sam/ nyal bar bgyid na/ cir 'gyur/ ltung ba'o/ /bsnyen par rdzogs pa na bshams la bsnyen par ma rdzogs pa na ljid kyis phab ste mchis sam/ nyal bar bgyid na/ cir 'gyur/ nyes byas so/ /btsun pa/ dge slong gis khri'am/ khri'u rkang pa gzer bu mchis pa la ljid kyis phab ste mchis sam/ nyal bar bgyid kyang ltung bar mi 'gyur ba mchis sam/ u pa li/ yod de/ de ni/ 'di ltar gtsug lag khang gi steng spang leb kyis g.yogs pa dang sa gang du gyur pa yang rung ste/ steng du 'dug gam/ nyal bar byed na/ nyes pa med do/ /btsun pa/ bslab pa stsal pas steng gi yang thog gi khang bu'i khri'am khri'u rkang pa gzer bu ma mchis pa la ljid kyis phab ste mchis sam/ nyal bar bgyid na/ cir 'gyur/ ltung ba'o/ /dge slong mas ljid kyis phab ste mchis sam/ nyal bar bgyid na/ cir 'gyur/ ltung ba'o/ /dge slob ma dang / dge tshul ma dang / dge tshul pha rnams ljid kyis phab ste mchis sam/ nyal bar bgyid na/ cir 'gyur/ nyes byas so/ /srog chags dang bcas pa'i chus rtswa dang / sa dang / ba lang gi lci ba la btab na/ ltung ba'o/ /zhes gsungs pa yang bstan pa bzhin rgyas par brjod par bya'o/ /mdor na/ 'phrin pa spring yig lag brda dang / /gzhan zer ba dang gcig nas gcig/ /smyon pa sems 'khrugs na ba dang / /'on pa dang ni 'gro ba rnams/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis dge slong gis gtsug lag khang chen po zhig rtsig na 'jim pa dang pha gur spel te rim pa gnyis sam/ gsum gyi bar du rtsigs shig /de las lhag par brtsigs na/ ltung bar 'gyur ro/ /zhes gsungs na/ btsun pa/ dge slong gis 'phrin gyis rim pa gnyis sam/ gsum las lhag par brtsigs na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa thams cad nyes byas su 'gyur ro/ /btsun pa/ dge slong smyon pas rim pa gnyis sam/ gsum las lhag par brtsigs na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / 'gro ba gzhan du gnas pa rnams rtsig tu stsal na/ cir 'gyur/ thams cad nyes byas su 'gyur ro/ /mdor na/ chen po gang zag rdo ba dang / /gzhan gyis brtsams pa'ang de bzhin te/ /mtshan dang bzhi pa de bzhin du/ /bslab pa byin dang dge slong ma'o/ /btsun pa/ dge slong gis gtsug lag khang chen po ma gtogs par de las gzhan pa dge 'dun gyi dngos po zhig brtsigs te rim pa gnyis sam/ gsum las lhag par brtsigs na/ cir 'gyur/ nyes byas so/ /btsun pa/ dge slong gis gang zag gi gtsug lag khang zhig rtsig pa lhag par brtsigs na/ cir 'gyur/ nyes byas so/ /btsun pa/ dge slong gis dge 'dun gyi gtsug lag khang rtsig pa'i tshe na/ rim pa gnyis sam/ gsum las lhag par brtsigs kyang ltung bar mi 'gyur ba mchis sam/ u pa li/ yod de/ de ni/ 'di ltar gtsug lag khang de rdo ba 'ba' zhig gis brtsigs sam/ sbyin bdag gis 'di skad du/ sbyin pa zin na blta'o/ /zhes smras na/ nyes pa med do/ /btsun pa/ dge slong gis gzhan gyis rim pa gnyis sam/ gsum brtsigs sam/ gzhan gyis brtsams pa las lags par bgyis na/ cir 'gyur/ nyes byas so/ /btsun pa/ dge slong gis 'jim pa dang pha gur spel te rim pa gnyis sam/ gsum las lhag par brtsams te lags par ma bgyis na/ cir 'gyur/ nyes byas so/ /sems 'khrugs par gyur pa'am/ dus byas pa yang de bzhin no/ /btsun pa/ dge slong gis 'jim pa dang pha gur spel te rim pa gnyis sam/ gsum las lhag par brtsigs pa na/ mtshan 'phos te dge slong mar gyur nas lags par bgyis na/ cir 'gyur/ ltung ba'o/ /btsun pa/ dge slong mas 'jim pa dang pha gur spel te rim pa gnyis sam/ gsum las lhag par brtsigs pa na/ mtshan 'phos te dge slong phar gyur nas lags par bgyis na/ cir 'gyur/ ltung ba'o/ /btsun pa/ dge slong gis 'jim pa dang pha gur spel te rim pa gnyis sam gsum las lhag pa la lhag par 'du shes te brtsigs na/ cir 'gyur/ ltung ba'o/ /lhag pa la ma lhag par 'du shes na/ nyes pa med do/ /ma lhag pa la lhag par 'du shes na/ nyes byas so/ /ma lhag pa la ma lhag par 'du shes na/ nyes pa med do/ /btsun pa/ bslab pa stsal pas rim pa gnyis sam/ gsum las lhag par brtsigs na/ cir 'gyur/ ltung ba'o/ /btsun pa/ dge slong mas rim pa gnyis sam/ gsum las lhag par brtsigs na/ cir 'gyur/ ltung ba'o/ /dge slob ma dang / dge tshul ma dang / dge tshul pha rnams la nyes byas so/ /mdor na/ 'phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang dge 'dun gyis ma bskos par dge slong ma la ston na/ ltung ba'o/ /zhes gsungs na/ btsun pa/ dge slong gis dge 'dun gyis ma bskos par 'phrin gyis dge slong ma la ston na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa thams cad nyes byas su 'gyur ro/ /btsun pa/ dge slong gis dge 'dun gyis ma bskos par dge slong ma smyon ma zhig la bstan na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / 'on pa dang / lkugs pa dang / gnyid log pa dang / ra ro ba dang / smyos pa dang / snyoms par zhugs pa dang / 'gro ba gzhan du gnas pa rnams la bstan na/ thams cad nyes byas su 'gyur ro/ /mdor na/ tshig dang lus dang dben pa dang / /mtshan dang bzhi pa lnga pa dang / /btang ba dang ni nye bar song / /slob pa gzhan dang lan gnyis bskos/ /btsun pa/ dge slong 'phags pas 'phags pa'i skad du dge slong ma la bstan pa dang / dge slong ma des kyang 'phags pa'i skad ma 'tshal na/ cir 'gyur/ nyes byas so/ /'phags pas mtha' 'khob pa'i skad du dge slong ma la bstan pa dang / dge slong ma des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas 'phags pa'i skad du dge slong ma la bstan pa dang / dge slong ma des kyang 'phags pa'i skad ma 'tshal na/ cir 'gyur/ nyes byas so/ /mtha' 'khob pas mtha' 'khob pa'i skad du dge slong ma la bstan pa dang / dge slong ma des kyang mtha' 'khob pa'i skad ma 'tshal na/ cir 'gyur/ nyes byas so/ /btsun pa/ dge slong gis lus kyi dmigs pas dge slong ma la bstan na| cir 'gyur/ nyes byas so/ /btsun pa/ dge slong gis dben pa la mi dben par 'du shes te bstan na/ cir 'gyur/ nyes byas so/ /btsun pa/ dge slong gis dge slong ma la ston pa na/ de'i mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong gis dge slong ma la ston pa na/ dge slong ma de'i mtshan 'phos te dge slong du gyur na/ cir 'gyur/ nyes byas so/ /btsun pa/ dge slong gis bsnyen par ma rdzogs pa la bsnyen par ma rdzogs par 'du shes na/ cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes na/ nyes byas su 'gyur ro/ /bsnyen par rdzogs pa la bsnyen par ma rdzogs par 'du shes na/ nyes byas su 'gyur ro/ /bsnyen par rdzogs pa la bsnyen par rdzogs par 'du shes te bstan na/ cir 'gyur/ ltung ba'o/ /btsun pa/ dge slong gis dge slong ma ma ning dang / rkun gnas dang / so sor gnas pa dang / sngar nyes pa byung ba dang / sngar 'khrugs pa rnams la bstan na/ cir 'gyur/ thams cad nyes byas su 'gyur ro/ /btsun pa/ dge slong gis dge 'dun gyi dbyen bgyid ma dang / nye bar phyogs pa dang / bslab pa stsal ma rnams la bstan na/ cir 'gyur/ thams cad ltung bar 'gyur ro/ /dge slong ma dang / dge tshul ma rnams la bstan na/ thams cad nyes byas su 'gyur ro/ /btsun pa/ dge slong ma la ston par bgyid pa des bar du btang bar gyur na/ lan gnyis su bsko 'tshal lam/ u pa li/ mi dgos te/ sngar sdom pa byin pa nyid kyis ston cig /btsun pa/ rjes su ma phyogs pa'i dge slong gis rjes su phyogs pa'i dge slong ma la bstan na/ cir 'gyur/ nyes byas so/ /btsun pa/ rjes su phyogs pa'i dge slong gis rjes su ma phyogs pa'i dge slong ma la bstan na/ cir 'gyur/ nyes byas so/ /btsun pa/ bslab pa stsal pa zhig sngar dge slong ma la ston par bskos pa las/ /de ni/ nongs pa tshangs na/ lan gnyis bsko 'tshal lam/ u pa li/ mi dgos te/ sngar sdom pa byin pa nyid kyis ston cig /btsun pa/ dge slong ma la ston pa'i dge slong gnas gzhan du bskos pa las/ gnas gzhan du mchis nas ston na/ sngar ston pa de nyid kyis dge slong ma la bstan par bgyi'am/ bstan par mi bgyi/ u pa li/ bstan par bya'o/ / btsun pa/ dge slong ma la ston pa sems 'khrugs par gyur nas rang gi sems slar rnyed na/ lan gnyis su bsko 'tshal lam/ u pa li/ mi dgos so/ /chos lnga dang ldan pa dge slong ma la ston par bskos na/ bskos pa zhes bgyi'am/ ma bskos pa zhes bgyi/ u pa li/ bskos pa zhes bya ste/ dge 'dun yang 'das pa dang bcas par mi 'gyur ro/ /btsun pa/ dge slong dge 'dun gyis dge slong ma la ston par bskos kyang nongs pa dang bcas par 'gyur ba mchis sam/ u pa li/ yod de/ chos lnga dang mi ldan par gyur pa'o/ /btsun pa/ dge slong dge slong ma la ston par dge 'dun gyis ma bskos kyang nongs par mi 'gyur ba mchis sam/ u pa li/ yod de/ dgra bcom pas bstan pa'o/ /btsun pa/ bslab pa stsal pa zhig dge slong ma la ston par dge 'dun gyis ma bskos na/ cir 'gyur/ ltung ba'o/ /btsun pa/ dge tshul pha zhig dge slong ma la ston na/ cir 'gyur/ nyes byas so/ /mdor na/ 'phrin pa spring yig lag brda dang / / gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis dge slong dge 'dun gyis gdugs pas kyi bar du dge slong ma la ston par bskos pa dang / de las 'das par ston na/ ltung bar 'gyur ro/ /zhes gsungs na/ btsun pa/ dge slong gis 'phrin gyis gdugs pas pa'i dus las 'das par bstan na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa thams cad nyes byas su 'gyur ro/ /btsun pa/ dge slong gis dge slong ma smyon ma zhig la gdugs pas pa'i dus las 'das par bstan na/ cir 'gyur/ nyes byas so/ /de bzhin du sems 'khrugs ma dang / nad kyis gzir ma dang / glen ma dang / lkugs ma dang / 'on ma dang / dmus long ma dang / gnyid log ma dang / ra ro ma dang / myos ma dang / snyoms zhugs ma dang / 'gro ba gzhan du gnas ma rnams la bstan na/ thams cad nyes byas su 'gyur ro/ /mdor na/ skad dang lus dang dben pha dang / /mtshan dang bzhi ba de bzhin te/ /ma ning ma dang bar chad dang / /dbyar ni tha mar gyur pa'o/ /btsun pa/ dge slong 'phags pas 'phags pa'i skad du gdugs bas pa'i dus las 'das par dge slong ma la bstan pa dang / dge slong ma des kyang 'phags pa'i skad ma 'tshal na/ cir 'gyur/ nyes byas so/ /'phags pa zhig gis mtha' 'khob pa'i skad du dge slong ma la bstan pa dang / dge slong ma des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas mtha' 'khob pa'i skad du dge slong ma la bstan pa dang / dge slong ma des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas 'phags pa'i skad du gdugs bas ba'i dus las 'das par dge slong ma la bstan pa dang / dge slong ma des kyang 'phags pa'i skad ma 'tshal na| cir 'gyur/ nyes byas so/ /btsun pa/ dge slong gis lus kyi dmigs pas gdugs pas pa'i dus las 'das par dge slong ma la bstan na/ cir 'gyur/ nyes byas so/ /btsun pa/ dge slong gis dben pa la mi dben par 'du shes te gdugs bas pa'i dus las 'das par dge slong ma la bstan na/ cir 'gyur/ nyes byas so/ /btsun pa/ dge slong gis gdugs pas pa'i dus las 'das par dge slong ma la ston pa na/ mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong gis gdugs bas pa'i dus las 'das par dge slong ma la bstan pa las/ dge slong ma de yang mtshan 'phos te dge slong du gyur na/ cir 'gyur/ nyes byas so/ /btsun pa/ dge slong gis bsnyen par ma rdzogs pa la bsnyen par ma rdzogs par 'du shes te gdugs pas pa'i dus las 'das par dge slong ma la bstan na/ cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes na/ cir 'gyur/ nyes byas so/ / bsnyen par rdzogs pa la bsnyen par ma rdzogs par 'du shes na/ cir 'gyur/ nyes byas so/ /bsnyen par rdzogs pa la bsnyen par rdzogs par 'du shes te gdugs pas pa'i dus las 'das par dge slong ma la bstan na/ cir 'gyur/ ltung ba'o/ /btsun pa/ dge slong gis gdugs bas pa la gdugs bas par 'du shes te dge slong ma la bstan na/ cir 'gyur/ ltung ba'o/ /nyi ma ma nub pa la nyi ma ma nub par 'du shes te bstan na/ cir 'gyur/ nyes pa med do/ /nyi ma ma nub pa la nub par 'du shes te bstan na/ nyes byas so/ /nyi ma ma nub pa la nyi ma ma nub par 'du shes te bstan na/ nyes pa med do/ /btsun pa/ dge slong gis dge slong ma ma ning dang / rkun gnas dang / mi gnas pa dang / so sor gnas pa dang / sngar nyes pa byung ba dang / sngar 'khrugs pa rnams la bstan na/ cir 'gyur/ thams cad nyes byas so/ /btsun pa/ dge slong gis dge slong ma dge 'dun gyi dbyen bgyis pa dang / nye bar phyogs pa dang / bslab pa stsal pa rnams la gdugs bas pa'i dus las 'das par bstan na/ cir 'gyur/ ltung ba'o/ /btsun pa/ dge slong gis gdugs bas pa'i dus las 'das par dge slong ma la bstan kyang ltung bar mi 'gyur ba mchis sam/ u pa li/ yod de/ dge slong ma dag 'ong ba las bar du bar chad brgyad las gang yang rung ba zhig byung bar gyur na/ nyes pa med do/ /btsun pa/ dge slong gis gdugs bas pa'i dus las 'das par dge slong ma la bstan kyang ltung bar mi 'gyur ba mchis sam/ u pa li/ yod de/ dge slong ma'i gnas su song ste ston na/ nyes pa med do/ /mdor na/ skad dang lus dang dben pa dang / /mtshan dang bzhi pa de bzhin du/ /bdun pa ma ning de bzhin te/ /bslab pa stsal dang dge slong ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang dge slong ma la 'di skad du zas cung zad tsam gyi phyir tshe dang ldan pa dge slong ma la ston to/ /zhes mchi na/ ltung bar 'gyur ro/ /zhes gsungs na/ btsun pa/ dge slong 'phags pas 'phags pa'i skad du dge slong la 'di skad du zad cung zad tsam gyi phyir tshe dang ldan pa khyod dge slong ma la ston to/ /zhes smras pa dang / dge slong des kyang 'phags pa'i skad ma 'tshal na/ cir 'gyur nyes byas so/ /'phags pas mtha' 'khob pa'i skad du dge slong la de skad smras pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas mtha' 'khob pa'i skad du dge slong la de skad smras pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas 'phags pa'i skad du dge slong la 'di ltar/ tshe dang ldan pa/ khyod zas cung zad tsam gyi phyir dge slong ma la ston to/ /zhes smras pa dang / dge slong des kyang 'phags pa'i skad ma 'tshal na/ cir 'gyur/ nyes byas so/ /btsun pa/ dge slong la lus kyi dmigs pas 'di ltar tshe dang ldan pa zas cung zad tsam gyi phyir dge slong ma la ston to/ /zhes go bar bgyis na/ cir 'gyur/ nyes byas so/ /btsun pa/ dge slong gis dben pa la mi dben par 'du shes nas 'di skad du/ tshe dang ldan pa/ khyod zas cung zad tsam gyi phyir dge slong ma la ston to/ /zhes smras na/ cir 'gyur/ nyes byas so/ /btsun pa/ dge slong gis dge slong la 'di skad du/ tshe dang ldan pa/ khyod zas cung zad tsam gyi phyir dge slong ma la chos ston to/ /zhes smra ba na/ de'i mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong mas dge slong la 'di skad du/ 'phags pa khyod kyis zas cung zad tsam gyi phyir dge slong ma la ston to/ /zhes smra ba na/ dge slong ma de yang mtshan 'phos te dge slong du gyur na/ cir 'gyur/ ltung ba'o/ /btsun pa/ dge slong gis bsnyen par rdzogs pa la bsnyen par rdzogs par 'du shes nas 'di skad du/ tshe dang ldan pa/ khyod zas cung zad tsam gyi phyir dge slong ma la ston to/ /zhes smras na/ cir 'gyur/ ltung ba'o/ / bsnyen par rdzogs pa la bsnyen par ma rdzogs par 'du shes na/ nyes byas su 'gyur ro/ /bsnyen par ma rdzogs pa la bsnyen par rdzogs par 'du shes na/ nyes byas su 'gyur ro/ /bsnyen par ma rdzogs pa la bsnyen par ma rdzogs par 'du shes na/ nyes byas su 'gyur ro/ /btsun pa/ bsnyen par ma rdzogs pas mthong nas bsnyen par ma rdzogs pas 'di skad du/ tshe dang ldan pa/ khyod zas cung zad tsam gyi phyir dge slong ma la ston to/ /zhes smras na/ cir 'gyur/ nyes byas so/ /bsnyen par ma rdzogs par mthong la bsnyen par rdzogs kar de skad smras na/ cir 'gyur nyes byas so/ /bsnyen par ma rdzogs par mthong la bsnyen par rdzogs te de skad smras na/ cir 'gyur/ nyes byas so/ /bsnyen par rdzogs kar mthong la bsnyen par rdzogs kar de skad smras na/ cir 'gyur/ nyes byas so/ /bsnyen par rdzogs par mthong la bsnyen par rdzogs nas de skad smras na/ cir 'gyur/ nyes byas so/ /bsnyen par rdzogs pa na mthong la bsnyen par rdzogs pa na de skad smras na/ cir 'gyur/ ltung ba'o/ /bsnyen par rdzogs pa na mthong la bsnyen par ma rdzogs pa na de skad smras na/ cir 'gyur/ nyes byas so/ /dge slong gis za ma dang / dge slong ma sun phyung ba nas sngar 'khrugs pa'i bar du de dag la 'di skad du/ tshe dang ldan pa/ khyod zas cung zad tsam gyi phyir dge slong ma la ston to/ /zhes smras na/ cir 'gyur/ nyes byas so/ /btsun pa/ dge slong gis dge 'dun gyi dbyen bgyis pa dang / nye bar phyogs pa dang / bslab pa stsal pa rnams la de skad smras na/ cir 'gyur/ thams cad ltung bar 'gyur ro/ /btsun pa/ bslab pa stsal pas 'di skad du tshe dang ldan pa/ khyod zas cung zad tsam gyi phyir dge slong ma la ston to/ /zhes smras na/ cir 'gyur/ ltung ba'o/ /btsun pa/ dge slong mas dge slob ma dang / dge tshul ma dang / dge tshul pha rnams la 'di skad du/ tshe dang ldan pa/ khyod zas cung zad tsam gyi phyir dge slong ma la ston to/ /zhes smras na/ cir 'gyur/ nyes byas so/ /mdor na/ 'phrin pa spring yig lag brda dang / /gzhan zer ba dang gcig nas gcig / smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /btsun pa/ dge slong gis dge slong la 'phrin gyis 'di skad du| tshe dang ldan pa/ khyod zas cung zad tsam zhig gi phyir dge slong ma la ston to/ /zhes smras na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa dang / smyon pa dang / sems 'khrugs pa dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams la thams cad nyes byas su 'gyur ro/ /mdor na/ mi rung ba dang bdun pa dang / /de bzhin mtshan dang bzhi pa dang / /gzhan gyis brtsams dang ma zin dang / /che ba mchog gi lhag de bzhin/ / sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang gis gnyen ma lags pa'i dge slong ma'i gos bgyis na/ ltung bar 'gyur ro// zhes gsungs na/ btsun pa/ dge slong gis gnyen ma lags pa'i dge slong ma'i gos bgyis kyang ltung bar mi 'gyur ba mchis sam/ u pa li/ yod de/ de ni/ 'di ltar rgyu rung bar gyur la spun mi rung ba dang / spun rung bar gyur la rgyu mi rung bar gyur pa dang / gnyis ka mi rung bar gyur ba ste/ mi rung ba ni/ rnga mo'i bal dang / ba lang gi bal dang / ri dwags kyi bal dang / ra'i bal dang 'dres pa dang / thags su ma btags pa dang / gos de 'dra ba zhig bgyid du stsal na/ cir 'gyur/ nyes byas so/ /btsun pa/ bsnyen par ma rdzogs pas gnyen ma lags pa'i dge slong ma'i gos bgyi bar brtsams nas bsnyen par ma rdzogs par lags na/ cir 'gyur/ nyes byas so/ /bsnyen par ma rdzogs par brtsams la bsnyen par rdzogs kar lags na/ cir 'gyur/ nyes byas so/ /bsnyen par ma rdzogs par brtsams la bsnyen par rdzogs pa na lags na/ cir 'gyur/ nyes byas so/ /bsnyen par rdzogs kar brtsams la bsnyen par rdzogs kar lags na/ cir 'gyur/ nyes byas so/ /bsnyen par rdzogs kar brtsams la bsnyen par rdzogs te lags na/ cir 'gyur/ nyes byas so/ /bsnyen par rdzogs pa na brtsams la bsnyen par rdzogs pa na lags na/ cir 'gyur/ ltung ba'o/ /bsnyen par rdzogs pa na brtsams la bsnyen par ma rdzogs pa na lags na/ cir 'gyur/ nyes byas so/ /btsun pa/ dge slong gis gnyen ma lags pa'i dge slong ma'i gos bgyid pa na/ mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong mas gnyen ma lags pa'i dge slong gis gos bgyid pa na/ mtshan 'phos te dge slong du gyur na/ cir 'gyur/ nyes byas so/ /btsun pa/ dge slong gis gnyen ma lags pa'i dge slong ma'i gos bgyid pa na/ dge slong ma de yang mtshan 'phos te dge slong du gyur na/ cir 'gyur/ nyes byas so/ /btsun pa/ dge slong gis gnyen ma lags pa'i dge slong ma la gnyen ma lags par 'du shes te gos bgyid na/ cir 'gyur/ ltung ba'o/ /gnyen ma lags pa la gnyen lags par 'du shes na/ cir 'gyur/ nyes pa med do/ /btsun pa/ dge slong gis gnyen la gnyen ma lags par 'du shes na/ cir 'gyur/ nyes byas so/ /gnyen la gnyen du 'du shes te gos bgyid na/ cir 'gyur/ nyes pa med do/ /btsun pa/ dge slong gis gnyen ma lags pa'i dge slong ma bsnyen par rdzogs pa la bsnyen par rdzogs par 'du shes te gos bgyid na/ cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes na/ nyes byas su 'gyur ro/ /bsnyen par ma rdzogs pa la bsnyen par ma rdzogs par 'du shes na/ cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes na/ cir 'gyur/ nyes byas so/ /btsun pa/ dge slong gis gnyen ma lags pa'i dge slong ma'i gos gzhan bgyid du stsal na/ cir 'gyur/ nyes byas so/ /btsun pa/ dge slong gis gnyen ma lags pa'i dge slong ma'i gos gzhan gyis brtsams pa lags par bgyid na/ cir 'gyur/ nyes byas so/ /btsun pa/ dge slong gis gnyen ma lags pa'i dge slong ma'i gos bgyid pa las ma lags par bor na/ cir 'gyur/ nyes byas so/ /btsun pa/ dge slong gis gnyen ma lags pa'i dge slong ma'i gos tshad las chung ba zhig bgyis nas byin gyis brlab tu mi rung na/ cir 'gyur/ nyes byas so/ /btsun pa/ dge slong gis gnyen ma lags pa'i dge slong ma'i gos tshad las lhag par bgyid na/ byin gyis brlab tu mi rung na/ cir 'gyur/ nyes byas so// //'dul ba gzhung dam pa/ bam po brgyad pa/ mdor na| smyon pa sems 'khrugs na ba dang / /'on pa dang ni glen pa dang / /ma ning 'gro ba de bzhin te/ /bslab pa stsal dang dge slong ma'o/ /btsun pa/ dge slong gis dge slong ma smyon pa'i gos bgyis na| cir 'gyur/ nyes byas so/ /de bzhin du sems 'khrugs ma dang / nad kyis gzir ma dang / lkugs ma dang / 'on ma dang / dmus long ma dang / ma ning ma dang / rkun gnas ma dang / mi gnas ma dang / so sor gnas ma dang / sngar 'khrugs pa dang / sngar nyes ba byung ba dang / 'gro ba gzhan du gnas pa rnams kyi gos byas na/ thams cad nyes byas su 'gyur ro/ /btsun pa/ dge slong mas dge 'dun gyi dbyen bgyis pa dang / nye bar phyogs pa dang / bslab pa stsal ba rnams kyis gos bgyis na/ cir 'gyur/ thams cad ltung bar 'gyur ro/ /btsun pa/ dge slong gis dge slob ma dang / dge tshul ma'i gos bgyis na/ cir 'gyur/ nyes byas so/ /btsun pa/ dge slong mas gnyen ma lags pa'i dge slong dang / dge tshul pha rnams kyi gos bgyis na/ cir 'gyur/ nyes byas so/ / btsun pa/ bslab pa stsal pas gnyen ma lags pa'i dge slong ma'i gos bgyis na/ cir 'gyur/ ltung ba'o/ /mdor na/ 'phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang gnyen ma lags pa'i dge slong ma la gos stsal na/ ltung bar 'gyur ro/ /zhes gsungs na/ btsun pa/ dge slong gis gnyen ma lags pa'i dge slong ma la 'phrin gyis gos stsal na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa rnams dang / de bzhin du dge slong ma smyon ma la gos byin pa dang / sems 'khrugs ma dang / nad kyis gzir ma dang / lkugs ma dang / 'on pa ma dang / gnyid log ma dang / ra ro ma dang / myos ma dang / snyoms par zhugs ma dang / de bzhin du 'gro ba gzhan du gnas ma rnams la gos byin na/ thams cad nyes byas su 'gyur ro/ /mdor na/ mi rung ba dang bzhi pa dang / /de bzhin mtshan dang mchog lhag /de ltar bdun pa rin che ba/ /thun mong ba dang ma ning ngo / /btsun pa/ dge slong gis gnyen ma lags pa'i dge slong ma la gos stsal kyang ltung bar mi 'gyur ba mchis sam/ u pa li/ yod de/ ji ltar gos de'i rgyu rung bar gyur la spun mi rung ba dang / spun rung bar gyur la rgyu mi rung ba dang / gnyis ka mi rung ba ste/ mi rung ba ni/ rnga mo'i bal dang / ba lang gi bal dang / ra'i bal dang / ri dwags kyi bal dang 'dres pa dang / thags su ma btags pa'o/ /gos de 'dra ba zhig stsal na/ cir 'gyur/ nyes byas so/ /btsun pa/ dge slong gis dge slong ma bsnyen par rdzogs pa la bsnyen par rdzogs par 'du shes te gos stsal na/ cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes na/ cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes na/ cir 'gyur/ nyes byas so/ /bsnyen par ma rdzogs pa la bsnyen par ma rdzogs par 'du shes na/ cir 'gyur/ nyes byas so/ /btsun pa/ dge slong gis gnyen ma lags pa'i dge slong ma la gnyen ma lags par 'du shes te stsal na/ cir 'gyur/ ltung ba'o/ /gnyen ma lags pa la gnyen du 'du shes na/ cir 'gyur/ nyes pa med do/ /gnyen la gnyen ma lags par 'du shes na/ cir 'gyur/ nyes byas so/ /gnyen la gnyen du 'du shes na/ cir 'gyur/ nyes pa med do/ /btsun pa/ dge slong gis gnyen ma lags pa'i dge slong ma la gos stsal pa na/ mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong mas gnyen ma lags pa'i dge slong la gos stsal pa na/ mtshan 'phos te dge slong bar gyur na/ cir 'gyur/ nyes byas so/ /btsun pa/ dge slong gis gnyen ma lags pa'i dge slong ma la gos stsal kyang nongs par mi 'gyur ba mchis sam/ u pa li/ yod de/ khru gang las chung bar gyur pa'i gos dang / bde bar gshegs pa'i chos gos kyi tshad du gyur pa'o/ /btsun pa/ bsnyen par ma rdzogs pa na bsngos la bsnyen par ma rdzogs pa na stsal na/ cir 'gyur/ nyes byas so/ /bsnyen par ma rdzogs par bsngos la bsnyen par rdzogs kar stsal na/ cir 'gyur/ nyes byas so/ /bsnyen par ma rdzogs pa na bsngos la bsnyen par rdzogs te stsal na/ cir 'gyur/ nyes byas so/ /bsnyen par rdzogs kar bsngos la bsnyen par rdzogs kar stsal na/ cir 'gyur/ nyes byas so/ /bsnyen par rdzogs kar bsngos la bsnyen par rdzogs te stsal na/ cir 'gyur/ nyes byas so/ /bsnyen par rdzogs pa na bsngos la bsnyen par rdzogs pa na stsal na/ cir 'gyur/ ltung ba'o/ / bsnyen par rdzogs pa na bsngos la bsnyen par ma rdzogs par stsal na/ cir 'gyur/ nyes byas so/ /btsun pa/ dge slong gis gnyen ma lags pa'i dge slong ma la gos rin po che zhig stsal na/ cir 'gyur| nyes byas so/ /btsun pa/ dge slong gis gnyen ma lags pa'i dge slong ma la gos stsal kyang nongs par mi 'gyur ba mchis sam/ u pa li/ yod de/ rin du btsong la rin gyis nyos pa'o/ /btsun pa/ dge slong gis gnyen ma lags pa'i dge slong ma la gos thun mong bstsal na/ cir 'gyur/ nyes byas so/ /btsun pa/ dge slong gis khyim pa zhig la gos stsal na/ cir 'gyur/ gal te dge sbyong gi gos byin na/ nyes byas su 'gyur ro/ /'on te khyim pa'i gos byin na/ nyes pa med do/ /btsun pa/ dge slong gis dge slob ma dang / dge tshul ma la gos stsal na/ cir 'gyur/ nyes byas so/ /de bzhin du ma ning dang / rkun gnas ma dang / mi gnas ma dang / so sor gnas ma dang / sngon nyes pa byung ba dang / sngar 'khrugs pa rnams la gos byin na/ thams cad nyes byas su 'gyur ro/ /btsun pa/ dge slong gis dge 'dun gyi dbyen ma dang / nye bar phyogs ma dang / bslab pa stsal ba mo rnams la gos stsal na/ cir 'gyur/ thams cad ltung ba'o/ /btsun pa/ dge slong mas khyim pa la gos stsal na/ cir 'gyur/ gal te dge sbyong gi gos byin na/ ltung bar 'gyur ro/ /'on te khyim pa'i gos byin na/ nyes pa med do/ / btsun pa/ dge slong mas dge slong dang / dge tshul pha la gos stsal na/ cir 'gyur/ nyes byas so/ /btsun pa/ bslab pa stsal pas gnyen ma lags pa'i dge slong ma la gos stsal na/ cir 'gyur/ ltung ba'o/ /dge slong ma dang / dge tshul ma la nyes byas so/ /mdor na/ sngags dang bzhi ba rdzu 'phrul dang / /mtshan dang dus dang bdun pa dang / /lam ma yin dang khyim la sogs/ /skad dang lus dang dbyen de bzhin/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang dge slong ma'i 'gron po mang po dang lhan cig tu 'thams te shul du zhugs na/ ltung bar 'gyur ro/ /zhes gsungs na/ btsun pa/ dge slong gi 'thams nas sngags sam/ sman gyis bdag nyid mi snang bar bgyis te mchis na/ cir 'gyur/ nyes byas so/ /btsun pa/ dge slong gis bsnyen par rdzogs ma la bsnyen par rdzogs par 'du shes te 'thams nas mchis na/ cir 'gyur/ ltung ba'o/ /bsnyen par rdzogs ma la bsnyen par ma rdzogs par 'du shes na/ nyes byas su 'gyur ro/ /bsnyen par ma rdzogs ma la bsnyen par rdzogs par 'du shes na/ nyes byas su 'gyur/ /bsnyen par ma rdzogs ma la bsnyen par ma rdzogs par 'du shes na/ nyes byas su 'gyur ro/ /btsun pa/ dge slong gis dge slong ma dang 'thams nas lhan cig tu rdzu 'phrul gyis mchis na/ cir 'gyur/ nyes byas so/ /btsun pa/ dge slong gis dge slong ma'i mgron po mang po dang 'thams nas lhan cig tu 'grogs te mchi ba na/ mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong ma dge slong pha'i mgron po mang po dang 'thams nas lhan cig tu shul du zhugs te mchi ba na/ mtshan 'phos te dge slong phar gyur na/ cir 'gyur/ nyes byas so/ /btsun pa/ dge slong gis dge slong ma dang 'thams nas shul du zhugs te mchis kyang nongs par mi 'gyur ba mchis sam/ u pa li/ yod de/ de ni/ 'di ltar lam du bar chad brgyad po las gang yang rung ste/ bar chad gcig byung bar gyur pa'o/ /btsun pa/ bsnyen par ma rdzogs par 'thams la bsnyen par ma rdzogs par mchis na/ cir 'gyur/ nyes byas so/ /bsnyen par ma rdzogs par 'thams la bsnyen par rdzogs te mchis na/ cir 'gyur/ nyes byas so/ /bsnyen par ma rdzogs par 'thams la bsnyen par rdzogs kar mchis na/ cir 'gyur/ nyes byas so/ /bsnyen par rdzogs kar 'thams la bsnyen par rdzogs kar mchis na/ cir 'gyur/ nyes byas so/ /bsnyen par rdzogs kar 'thams la bsnyen par rdzogs te mchis na/ cir 'gyur/ nyes byas so/ /bsnyen par rdzogs pa na 'thams la bsnyen par rdzogs pa na mchis na/ cir 'gyur/ ltung ba'o/ /bsnyen par rdzogs pa na 'thams la bsnyen par ma rdzogs pa na mchis na/ cir 'gyur/ nyes byas so/ /btsun pa| dge slong gis 'thams na shul ma lags par mchis na/ cir 'gyur/ nyes byas so/ /btsun pa/ dge slong gis khyim pa mo nas sngar 'khrugs pa'i bar du lhan cig tu 'thams te mchis na/ cir 'gyur/ nyes byas so/ /btsun pa/ dge slong gis dge 'dun gyis dbyen ma dang / /rjes su phyogs ma dang / bslab pa stsal pa mo dang 'thams nas lhan cig mchis na/ cir 'gyur ltung ba'o/ /btsun pa/ dge slong 'phags pas 'phags pa'i skad du dge slong ma dang lhan cig 'thams pa dang / dge slong ma des kyang 'phags pa'i skad ma 'tshal na/ cir 'gyur/ nyes byas so/ / 'phags pas mtha' 'khob pa'i skad du 'thams pa dang / dge slong ma des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas mtha' 'khob pa'i skad du 'thams pa dang / dge slong ma des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas 'phags pa'i skad du 'thams pa dang / dge slong ma des kyang 'phags pa'i skad ma 'tshal na/ cir 'gyur/ nyes byas so/ /btsun pa/ dge slong gis dge slong ma dang lhan cig tu lus kyi dmigs pas 'thams te shul du zhugs pa na/ cir 'gyur/ nyes byas so// btsun pa/ dge slong gis dben pa la mi dben par 'du shes te 'thams na/ cir 'gyur/ nyes byas so/ /mdor na/ 'phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /btsun pa/ dge slong gis dge slong ma dang lhan cig tu 'phrin gyis 'thams nas shul du zhugs na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa thams cad nyes byas su 'gyur ro/ /btsun pa/ dge slong gis dge slong ma smyon ma dang 'thams nas lhan cig tu shul du zhugs te mchis na/ cir 'gyur/ nyes byas so/ /de bzhin du sems 'khrugs ma dang / nad kyis gzir ma dang / glen ma dang / lkugs ma dang / 'on ma dang / dmus long ma dang / gnyid log pa dang / ra ro ba dang / myos pa dang / snyoms par zhugs pa dang / de bzhin du 'gro ba gzhan du gnas ma rnams dang 'thams nas lhan cig lam du zhugs te dong na/ thams cad nyes byas su 'gyur ro/ /btsun pa/ bslab pa stsal bas dge slong ma dang 'thams nas lhan cig tu shul du zhugs na/ cir 'gyur/ ltung ba'o/ /btsun pa/ dge slong gis dge slob ma dang / dge tshul ma dang 'thams nas lhan cig tu mchis na/ cir 'gyur/ nyes byas so/ /btsun pa/ dge slong mas dge slong dang / dge tshul pha dang / khyim pa rnams dang 'thams nas lhan cig tu mchis na/ cir 'gyur/ nyes byas so/ /dge slob ma dang / dge tshul ma dang / dge tshul pha rnams dang 'thams nas mchis na/ cir 'gyur/ nyes byas so/ /ji ltar lam du zhugs pa de bzhin du gru rgal ba la yang shes par bya ste/ rdzu 'phrul lam/ lam gzhan du 'gro ba ma gtogs par lhag ma rnams ni/ de bzhin du rgyas par brjod par bya'o/ /mdor na/ smyon par gyur dang sems 'khrugs dang / /na ba 'on pa glen pa dang / /gnyid log ra ro myos pa dang / /snyoms zhugs 'gro ba tha ma 'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang bud med dang lhan cig gnyis pu dben pa skyabs mchis pa na mchis na/ ltung bar 'gyur ro/ /zhes gsungs na/ btsun pa/ dge slong zhig smyon pa dang lhan cig tu dben pa skyabs mchis pa na mchis na/ cir 'gyur/ nyes byas so/ / de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / dmus long pa dang / gnyid log pa dang / ra ro ba dang / myos pa dang / snyoms par zhugs pa dang / de bzhin du 'gro ba gzhan du gnas pa rnams dang lhan cig tu dben pa skyabs mchis pa na mchis na/ cir 'gyur/ nyes byas so/ /mdor na/ gzhon nu ma dang nam mkha' dang / /sngags dang mtshan dang bzhi pa dang / /ma ning dben pa de bzhin te/ /bslab pa stsal pa dge slong ma'o/ /btsun pa/ dge slong zhig gzhon nu ma dang lhan cig tu dben pa skyabs mchis par mchis pa na/ cir 'gyur/ nyes byas so/ /btsun pa/ bud med dogs la mchis la dge slong nam mkha' la mchis na/ cir 'gyur/ nyes byas so/ /btsun pa/ dge slong gis sngags dang / sman gyis bdag nyid mi snang bar bsgyur te mchis par bgyid na/ cir 'gyur/ nyes byas so/ /btsun pa/ dge slong gis bud med dang lhan cig tu dben pa skyabs mchis par mchis pa na/ mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong ma skyes pa dang lhan cig gnyis pu dben pa skyabs mchis pa na mchis pa dang / mtshan 'phos te dge slong du gyur na/ cir 'gyur/ nyes byas so/ /btsun pa/ mi'i bud med la mir 'du shes te gnyis su dben pa skyabs mchis par mchis na/ cir 'gyur/ ltung ba'o/ /mi la mi ma yin par 'du shes na/ nyes byas su 'gyur ro/ /mi ma yin pa la mir 'du shes na/ nyes byas su 'gyur ro/ /mi ma yin pa la mi ma yin par 'du shes na/ nyes byas su 'gyur ro/ /btsun pa/ dge slong ma ning ma dang lhan cig gnyis pu dben pa skyabs mchis pa na mchis na/ cir 'gyur/ nyes byas so/ /mtshan gnyis pa yang de bzhin no/ /btsun pa/ dge slong gis ma ning dang lhan cig dben pa skyabs mchis par mchis na/ cir 'gyur/ nyes byas so/ /btsun pa/ dge slong gis dge slong ma sun phyung ba dang lhan cig tu dben pa skyabs mchis par mchis na/ cir 'gyur/ ltung ba'o/ /de bzhin du pha dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba mo rnams dang lhan cig tu dben pa skyabs mchis par mchis na/ cir 'gyur/ thams cad ltung bar 'gyur ro/ /btsun pa/ dge slong gis dge slong ma dang lhan cig tu gnyis pu dben pa skyabs mchis par mchis na/ cir 'gyur/ ltung ba'o/ /de bzhin du dge slob ma dang / dge tshul ma dang / rkun gnas ma dang / so sor gnas ma dang / mi gnas ma dang / dge 'dun gyi dbyen ma dang / sngar nyes pa byung ma dang / bslab pa stsal pa mo dang gnyis pu lhan cig dben pa skyabs yod pa na 'dug na/ thams cad ltung bar 'gyur ro/ /btsun pa/ dge slong ma skyes pa dang gnyis pu lhan cig tu dben pa skyabs mchis pa na mchis na/ cir 'gyur/ ltung ba'o/ /dge slong dang lhan cig tu dben pa skyabs mchis pa na mchis na/ cir 'gyur/ ltung ba'o/ /dge tshul pha dang lhan cig tu gnyis pu dben pa skyabs mchis pa na mchis na/ cir 'gyur/ ltung ba'o/ /btsun pa/ bslab pa stsal pa bud med dang lhan cig tu gnyis pu dben pa skyabs mchis pa na mchis na/ cir 'gyur/ ltung ba'o// btsun pa/ dge slong bud med dang gnyis pu lhan cig mi dben pa la dben par 'du shes te skyabs mchis pa na mchis na/ cir 'gyur/ nyes byas so/ /dge slob ma dang / dge tshul ma dang / dge tshul pha rnams la nyes byas so/ /ji ltar bud med dang lhan cig tu 'dug par byed pa de bzhin du dge slong ma dang lhan cig tu 'dug pa la yang rgyas par brjod par bya'o/ /mdor na/ 'phrin pa spring yig lag brda dang / /gzhan zer ba dang gcig nas gcig/ smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang dge slong ma rnams kyis sbyor du stsal pa'i zas zos na/ ltung bar 'gyur ro/ /zhes gsungs na/ btsun pa/ dge slong gis dge slong mas 'phrin gyis sbyor du stsal pa'i zas 'tshal bzhin du 'tshal na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa thams cad nyes byas su 'gyur ro/ /btsun pa/ dge slong gis dge slong ma smyon mas sbyor du stsal pa'i zas 'tshal na/ cir 'gyur/ nyes byas so/ /de bzhin du dge slong ma sems 'khrugs ma dang / nad kyis gzir ma dang / glen ma dang / lkugs ma dang / 'on ma dang / 'gro ba gzhan du gnas pa rnams la sbyor du bcug pa'i zas zos na/ thams cad nyes byas su 'gyur ro/ /btsun pa/ dge slong gis khyim bdag gam/ khyim bdag gi chung ma smyon mas sbyor du stsal ba'i zas dge slong des 'tshal bzhin du 'tshal na/ cir 'gyur/ nyes byas so/ /de bzhin du sems 'khrugs ma dang / nad kyis gzir ma dang / glen ma dang / lkugs ma dang / 'on ma dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa mo rnams kyis sbyor du bcug pa dge slong des shes bzhin du zos na/ thams cad nyes byas su 'gyur ro/ /mdor na/ gzhan gyi phyir dang de bzhin lus/ /mtshan dang bzhi pa bdun pa dang / /tshul khrims gzhan dang dge slong dang / /khyim pa bslab pa tha ma'o/ /btsun pa/ dge slong mas gzhan gyi slad du sbyor du stsal pa des kyang de ltar 'du shes te gzhan la stsal pa dang / dge slong des kyang 'tshal bzhin du 'tshal na/ cir 'gyur/ nyes byas so/ /btsun pa/ dge slong mas lus kyi dmigs pas zas sbyor du stsal pa dang / dge slong des 'tshal na/ cir 'gyur/ nyes byas so/ /btsun pa/ dge slong gis dge slong mas sbyor du stsal pa'i zas 'tshal ba na/ mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong mas dge slong gis sbyor du stsal pa'i zas 'tshal ba na/ mtshan 'phos te dge slong du gyur na/ cir 'gyur/ nyes byas so/ /btsun pa/ dge slong gis dge slong mas sbyor du stsal pa'i zas la sbyor du stsal par 'du shes na/ cir 'gyur/ ltung ba'o/ /sbyor du bcug pa la sbyor du ma bcug par 'du shes te zos na/ nyes pa med do/ /sbyor du ma bcug pa la sbyor du bcug par 'du shes te zos na/ nyes byas so/ /sbyor du ma bcug pa la sbyor du ma bcug par 'du shes te zos na/ nyes pa med do/ /btsun pa/ dge slong gis dge slong ma bsnyen par rdzogs pa la bsnyen par rdzogs par 'du shes te sbyor du stsal ba 'tshal na/ cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes na/ cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes na/ cir 'gyur/ nyes byas so/ /bsnyen par ma rdzogs pa la bsnyen par ma rdzogs par 'du shes na/ cir 'gyur/ nyes byas so/ /bsnyen par ma rdzogs pa na sbyor du stsal la bsnyen par ma rdzogs par 'tshal na/ cir 'gyur/ nyes byas so/ /bsnyen par ma rdzogs pa na sbyor du stsal la bsnyen par rdzogs kar 'tshal na/ cir 'gyur/ nyes byas so/ /bsnyen par ma rdzogs pa na sbyor du stsal la bsnyen par rdzogs pa na 'tshal na/ cir 'gyur/ nyes byas so/ /bsnyen par rdzogs kar sbyor du stsal la bsnyen par rdzogs kar 'tshal na/ cir 'gyur/ nyes byas so/ /bsnyen par rdzogs par sbyor du stsal la bsnyen par rdzogs nas 'tshal na/ cir 'gyur/ nyes byas so/ /bsnyen par rdzogs pa na sbyor du stsal la bsnyen par rdzogs par 'tshal na/ cir 'gyur/ ltung ba'o/ /bsnyen par rdzogs pa na sbyor du stsal la bsnyen par ma rdzogs pa na 'tshal na/ cir 'gyur/ nyes byas so/ /btsun pa/ dge slong gis tshul khrims dang / thos pa dang ldan pa'i slad du sbyor du stsal pa ma gtogs par yon tan gzhan gyi slad du stsal te 'tshal na/ cir 'gyur/ nyes byas so/ /btsun pa/ dge slong gis zas ma gtogs par de las gzhan pa'i rtsa ba dang / 'bras bu la sogs pa sbyor du stsal ba 'tshal na/ cir 'gyur/ nyes byas so/ /btsun pa/ dge slong gis dge slong zhig sbyor du stsal ba 'tshal na/ cir 'gyur/ nyes byas so/ /de bzhin du dge tshul pha dang / za ma dang / ma ning dang / dge slong ma sun phyung ba nas rgyas par bslab pa stsal pa rnams kyis sbyor du bcug pa'i zas zos na/ thams cad nyes byas su 'gyur ro/ /btsun pa/ dge slong gis dge slong mas sbyor du stsal ba'i zas 'tshal na/ cir 'gyur/ nyes byas so/ /de bzhin du dge tshul ma dang / ma ning ma dang / dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas pa dang / mi gnas pa dang / so sor gnas pa dang / sngar nyes pa byung ba dang / sngar 'khrugs pa dang / khyim pa mo rnams kyis sbyor du bcug pa zos na/ thams cad nyes byas su 'gyur ro/ /btsun pa/ dge slong gis dge 'dun gyi dbyen bgyis pa dang / nye bar phyogs pa dang / bslab pa stsal pa rnams kyis sbyor du stsal pa 'tshal na/ cir 'gyur/ thams cad ltung bar 'gyur ro/ /btsun pa/ dge slong mas dge slong gis sbyor du stsal pa'i zas 'tshal na/ cir 'gyur/ nyes byas so/ /de bzhin du dge tshul pha dang / dge slong ma dang / dge tshul ma dang / khyim pa mo dang / ma ning mo dang / bslab bstsal pa rnams kyis sbyor du stsal pa'i zas zos na/ thams cad nyes byas su 'gyur bar rgyas par sbyar ro/ /btsun pa/ bslab pa stsal pas dge slong mas sbyor du stsal pa'i zas 'tshal na/ cir 'gyur/ ltung ba'o/ /dge slob ma dang / dge tshul ma dang / dge tshul pha rnams kyis sbyor du stsal pa'i zas 'tshal na/ cir 'gyur/ nyes byas so/ /mdor na/ zas dang gtses kyang de bzhin te/ /mnyam pa gnyis dang mi rung dang / /spun gyi lhag ma 'tshal rnams dang / /bzhi pa bdun pa gnyis pa'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis dus la bab pa ma gtogs par yang yang 'tshal na/ ltung bar 'gyur ro// zhes gsungs na/ btsun pa/ dge slong gis kha gnyis su mgron du bos pa bdag gir bgyis kyang ltung bar mi 'gyur ba mchis sam/ u pa li/ yod de/ de yang sngar bza' ba dang / bca' ba dang / btung ba dang / gzhibs pa dang / bldag pa la sogs pa la mgron du bos la phyis zan la mgron du bos pa'o/ /btsun pa/ dge slong la gtses par sems shing mgron du bos par dge slong des 'tshal nas slad kyis mgron du bos pa la khas blangs te 'tshal na/ cir 'gyur/ nyes pa med do/ /btsun pa/ dge slong gis lan gnyis/ lan gsum du mgron du bos te 'tshal na/ nongs par mi 'gyur ba mchis sam/ u pa li/ yod de/ de ni/ 'di ltar dge slong gis gos med par mgron du bos te zos pa'i 'og tu gos dang bcas pa dang kha gnyis su mgron du bos par gyur pa'o/ /btsun pa/ dge slong gis gos dang bcas pa gnyis su 'tshal yang nongs par mi 'gyur ba mchis sam/ u pa li/ yod de/ gos mi rung ba'o/ /de yang dge slong gis shes te 'tshal na/ cir 'gyur/ nyes byas so/ /btsun pa/ dge slong mi rung ba'i zas la mgron du bos pa dang / de'i 'og tu rung ba'i zas btsal te 'tshal na/ cir 'gyur/ nyes pa med do/ /btsun pa/ dge slong nang par zas la mgron du bos la de'i 'og tu yang bos pa'i zan 'tshal na/ cir 'gyur/ nyes pa med do/ /btsun pa/ dge slong gis gos ma mchis pa'i zas slad ma 'tshal ba na/ mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong ma gos ma mchis pa'i mgron du bos pa slad ma 'tshal ba na/ mtshan 'phos te dge slong phar gyur na/ cir 'gyur/ nyes byas so/ /btsun pa/ dge slong gis gos ma mchis pa la gos ma mchis par 'du shes te mgron du bos pa slad ma 'tshal na/ cir 'gyur/ ltung ba'o/ /gos med pa la gos dang bcas par 'du shes te zos na/ nyes pa med do/ /gos dang bcas pa la gos med par 'du shes te zos na/ nyes byas su 'gyur ro/ /gos dang bcas pa la gos dang bcas par 'du shes te zos na/ nyes pa med do/ /btsun pa/ bsnyen par ma rdzogs pa na gos ma mchis par mgron du bos bslad mar khas blangs la/ bsnyen par ma rdzogs par 'tshal na/ cir 'gyur/ nyes byas so/ /bsnyen par ma rdzogs pa na khas blangs la bsnyen par rdzogs kar 'tshal na/ cir 'gyur/ nyes byas so/ /bsnyen par ma rdzogs pa na khas blangs la bsnyen par rdzogs te 'tshal na/ cir 'gyur/ nyes byas so/ /bsnyen par rdzogs kar khas blangs la bsnyen par rdzogs te 'tshal na/ cir 'gyur/ nyes byas so/ /bsnyen par rdzogs kar khas blangs la bsnyen par rdzogs kar 'tshal na/ cir 'gyur/ nyes byas so/ /bsnyen par rdzogs pa na khas blangs la bsnyen par rdzogs nas 'tshal na/ cir 'gyur/ ltung ba'o/ /bsnyen par rdzogs pa na khas blangs la bsnyen par ma rdzogs pa na 'tshal na/ cir 'gyur/ nyes byas so/ /btsun pa/ dge slong gis gnas gcig tu mchis te 'tshal kyang nongs par mi 'gyur ba mchis sam/ u pa li/ yod de/ de ni/ 'di ltar dge slong khyim bdag gnyis kyis lhan cig zas la mgron du bas pa'o/ /btsun pa/ bslab pa stsal bas zas yang yang 'tshal na/ cir 'gyur/ ltung ba'o/ /mdor na/ smyon par gyur dang sems 'khrugs dang / /na ba 'on pa glen pa dang / /ma ning 'gro ba de bzhin te/ /dge slong ma ni tha ma 'o/ /btsun pa/ dge slong gis smyon pa zhig gis gos ma mchis par mgron du bos pa slad mar khas blangs te 'tshal na/ cir 'gyur/ nyes byas so// sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / ma ning dang / ma ning ma dang / 'di las phyi rol gyi mu stegs can dge sbyong gzhan bram ze dang / spyod pa pa dang / kun tu rgyu ba yang de bzhin no/ /de bzhin du dge slong dang / dge slong ma dang / dge slob ma dang / dge tshul pha dang / dge tshul ma dang / 'gro ba gzhan du gnas pa rnams kyis kyang gos med par mgron du bos pa phyi ma stsal te zos na/ thams cad nyes byas su 'gyur ro/ /btsun pa/ dge slong mas zas yang yang 'tshal na/ cir 'gyur/ nyes byas so/ /dge slob ma dang / dge tshul ma rnams kyis 'tshal na/ cir 'gyur/ nyes byas so/ /mdor na/ sngags dang bzhi pa nam mkha' dang / /mtshan dang zas kyang de bzhin te/ /bdun pa gnyis pa gzhan dag dang / /gzhan du gyur pa tha ma 'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis dge slong bro ma 'tshal bar mu stegs can gyi gnas su dgongs na/ zan lan gcig zo zhig /de las lhag par zos na/ ltung bar 'gyur ro/ /zhes gsungs na/ btsun pa/ dge slong gis sngags sam/ sman gyis bdag mi snang bar bgyis te zas lan gnyis 'tshal na/ cir 'gyur/ nyes byas so/ /btsun pa/ dge slong gis mu stegs can gyi gnas la mu stegs can gyi gnas su 'du shes te zan lan gnyis 'tshal na/ cir 'gyur/ ltung ba'o/ /mu stegs can gyi gnas la mu stegs can gyi gnas ma yin par 'du shes na/ nyes pa med do/ /mu stegs can gyi gnas ma yin pa la mu stegs can gyi gnas su 'du shes na/ nyes byas su 'gyur ro/ /mu stegs can gyi gnas ma yin pa la mu stegs can gyi gnas ma yin par 'du shes na/ nyes pa med do/ /btsun pa/ dge slong gis nam mkha' la gnas nas zan lan gnyis 'tshal na/ cir 'gyur/ nyes byas so/ /btsun pa/ dge slong gis mu stegs can gyi gnas su zan lan gnyis 'tshal ba na/ mtshan 'phos te dge slong mar gyur na/ cir 'gyur/ ltung ba'o/ /btsun pa/ dge slong mas mu stegs can gyi gnas su zan lan gnyis 'tshal ba na/ mtshan 'phos te dge slong du gyur na/ cir 'gyur/ ltung ba'o/ /btsun pa/ dge slong gis zan ma gtogs par de las gzhan pa'i bza' ba dang / bca' ba dang / btung ba dang / bldag pa rnams 'tshal na/ cir 'gyur/ nyes byas so/ /btsun pa/ bsnyen par ma rdzogs pa na mu stegs can gyis gnas su dgongs la bsnyen par ma rdzogs pas 'tshal na/ cir 'gyur/ nyes byas so/ / bsnyen par rdzogs pa na gnas la bsnyen par rdzogs kar 'tshal na/ cir 'gyur/ nyes byas so/ /bsnyen par ma rdzogs pa na gnas la bsnyen par rdzogs nas 'tshal na/ cir 'gyur/ nyes byas so| |bsnyen par rdzogs kar gnas la bsnyen par rdzogs kar 'tshal na/ cir 'gyur/ nyes byas so/ /bsnyen par rdzogs kar gnas la bsnyen par rdzogs te 'tshal na/ cir 'gyur/ nyes byas so| |bsnyen par rdzogs pa na gnas la bsnyen par rdzogs pa na 'tshal na/ cir 'gyur/ ltung ba'o/ /bsnyen par rdzogs pa na gnas la bsnyen par ma rdzogs par 'tshal na/ cir 'gyur/ nyes byas so/ / btsun pa/ dge slong gis gzhan nas zas blangs te mu stegs can gyi gnas su mchis nas 'tshal na/ cir 'gyur/ nyes byas so/ /btsun pa/ dge slong gis mu stegs can gyi gnas nas zas blangs la gzhan du mchis te 'tshal na/ cir 'gyur/ nyes byas so/ /btsun pa/ dge slong gis mu stegs can gyi gnas ma gtogs par de las gzhan pa'i dge sbyong dang bram ze'i gnas su 'tshal na/ cir 'gyur/ nyes byas so/ /mdor na/ smyon par gyur dang sems 'khrugs dang / /na ba 'on pa 'gro ba dang / /za ma ma ning de bzhin te/ /bslab pa byin dang dge slob ma'o/ /btsun pa/ dge slong gis smyon pa'i gnas su zas slad ma 'tshal na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / za ma dang / ma ning rnams dang / de bzhin du 'gro ba gzhan du gnas pa rnams kyi gnas su zas phyi ma zos na/ thams cad nyes byas so/ /btsun pa/ bslab pa stsal pas mu stegs can gyi gnas su dgong la zas slad ma 'tshal na/ cir 'gyur/ ltung ba'o/ /dge slob ma dang / dge tshul pha dang / dge tshul ma rnams 'tshal na/ cir 'gyur/ nyes byas so// //'dul ba gzhung dam pa bam po dgu pa/ mdor na/ 'phrin ba spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / na ba 'on pa 'gro ba'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis dge slong mang po grong du 'dong ba dang de dag la bram ze dang khyim bdag dag gis skyo ma dang / mar dang / khur ba rnams mang du byin pa la dge slong de dag gis 'dod na/ lhung bzed gang ba gnyis sam/ gsum longs shig/ de las lhag par blangs na/ ltung bar 'gyur ro/ /zhes gsungs na/ btsun pa/ dge slong gis 'phrin gyis lhung bzed gang ba gsum las lhag par blangs na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de blangs na/ thams cad nyes byas su 'gyur ro/ /btsun pa/ dge slong gis smyon pa las lhung bzed gang ba gsum las lhag par blangs na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / 'gro ba gzhan du gnas pa rnams las lhung bzed gang ba gsum las lhag par blangs na| thams cad nyes byas su 'gyur ro/ /mdor na/ gzhan gyis gzhan dang 'di las phyi/ /zas dang mi rung ba dag dang / /mtshan dang bzhi pa bdun pa dang / /ma ning dag kyang de bzhin no/ / btsun pa/ dge slong gis lhung bzed gang ba gsum las lhag par gzhan len du stsal na/ cir 'gyur/ nyes byas so/ /btsun pa/ dge slong gis gzhan zhig gi phyir blangs na/ cir 'gyur/ nyes byas so/ /btsun pa/ dge slong gis 'di las gzhan gyi phyi rol gyi mu stegs can dge sbyong gzhan bram ze dang / spyod pa pa dang / kun tu rgyu ba rnams las lhung bzed gang ba gsum las lhag par blangs na| cir 'gyur/ thams cad nyes byas so/ /btsun pa/ dge slong gis lhung bzed gang ba gsum las lhag par blangs kyang nongs par mi 'gyur ba mchis sam/ u pa li/ yod de/ zas mi rung ba blangs na/ nyes byas so/ /btsun pa/ dge slong gis zas ma gtogs par de las gzhan pa'i bza' ba dang / bca' ba dang / btung ba dang / gzhib pa rnams lhung bzed gang ba gsum las lhag par blangs na| cir 'gyur/ nyes byas so/ /btsun pa/ dge slong gis lhung bzed gang ba gsum las lhag par len pa na/ mtshan 'phos te dge slong mar gyur na/ cir 'gyur/ ltung ba'o/ /btsun pa/ dge slong mas lhung bzed gang ba gsum las lhag par len pa na/ mtshan 'phos te dge slong du gyur na/ cir 'gyur/ ltung ba'o/ /btsun pa/ dge slong gis mi la mir 'du shes te lhung bzed gang ba gsum las lhag par blangs na/ cir 'gyur/ ltung ba'o/ /mi la mi ma yin par 'du shes na/ nyes byas su 'gyur ro/ /mi ma yin pa la mir 'du shes na/ nyes byas su 'gyur ro/ /mi ma yin pa la mi ma yin par 'du shes na/ nyes byas su 'gyur ro/ /btsun pa/ dge slong gis drug phul phyed dang lnga las lhag par la lhag par 'du shes te blangs na/ cir 'gyur/ ltung ba'o/ /lhag pa la ma lhag par 'du shes na/ nyes pa med do/ /ma lhag pa la lhag par 'du shes na/ nyes byas su 'gyur ro/ /ma lhag pa la ma lhag par 'du shes na/ nyes pa med do/ / btsun pa/ bsnyen par ma rdzogs pa na rnyed la bsnyen par ma rdzogs par blangs na/ cir 'gyur/ nyes byas so/ /bsnyen par ma rdzogs pa na rnyed la bsnyen par rdzogs kar blangs na/ cir 'gyur/ nyes byas so/ /bsnyen par ma rdzogs pa na rnyed la bsnyen par rdzogs pa na blangs na/ cir 'gyur/ nyes byas so/ /bsnyen par rdzogs kar rnyed la bsnyen par rdzogs kar blangs na/ cir 'gyur/ nyes byas so/ / bsnyen par rdzogs kar rnyed la bsnyen par rdzogs nas blangs na/ cir 'gyur/ nyes byas so/ /bsnyen par rdzogs pa na rnyed la bsnyen par rdzogs nas blangs na/ cir 'gyur/ ltung ba'o/ /bsnyen par rdzogs pa na rnyed la bsnyen par ma rdzogs par blangs na/ cir 'gyur/ nyes byas so/ /btsun pa/ dge slong gis lhung bzed gang ba gsum las lhag par blangs kyang nongs par mi 'gyur ba mchis sam/ u pa li/ yod de/ khyim de nyid du 'dug ste za ba'o/ /btsun pa/ dge slong gis ma ning las lhung bzed gang ba gsum las lhag par blangs na/ cir 'gyur/ nyes byas so/ /de bzhin du za ma dang / ma ning rnams las blangs na/ thams cad nyes byas su 'gyur ro/ /btsun pa/ bslab pa stsal pas lhung bzed gang ba gsum las lhag par blangs na/ cir 'gyur/ ltung ba'o/ / btsun pa/ dge slong mas lhung bzed gang ba gsum las lhag par blangs na/ cir 'gyur/ ltung ba'o/ /dge slob ma dang / dge tshul ma dang / dge tshul pha rnams kyis blangs na/ cir 'gyur/ nyes byas so| |mdor na/ dus dang mtshan ni de bzhin te/ /bza' ba dang ni gzhib pa dang / /mi rung bdun pa de bzhin te/ /kun rdzogs ma byas byas pa'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang gis 'tshal ma 'tshal lags la/ lhag por ma bgyis par bza' ba dang / bca' ba rnams 'chos sam/ 'tshal na/ ltung bar 'gyur ro/ /zhes gsungs na/ btsun pa/ dge slong gis lhag por ma bgyis pa'i bza' ba dang bca' ba zhig 'chos sam/ 'tshal yang nongs par mi 'gyur ba mchis sam/ u pa li/ yod de/ na ba'i dus su byin gyis brlabs te zos pa'o/ /btsun pa/ dge slong gis 'tshal ma 'tshal lags nas spangs pa las/ de las lhag por ma bgyis par bca' ba dang / bza' ba zhig 'tshal ba na/ mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong mas zas 'tshal lags nas spangs pa las/ des lhag por ma bgyis par bca' ba dang / bza' ba zhig 'tshal ba na/ mtshan 'phos te dge slong du gyur na/ cir 'gyur/ ltung ba'o/ /btsun pa/ dge slong gis lhag por bgyis pa na/ mtshan 'phos na lhag por bgyis pa zhes bgyi'am/ lhag por ma byas pa zhes bya'o/ /btsun pa/ dge slong gis zas ma gtogs par de las gzhan pa bza' ba dang / bca' ba dang / btung ba dang / gzhib pa dang / bldag pa la sogs pa bza' ba'i zas yin gyi/ sman ma lags pa de dag lhag por ma bgyis par 'tshal na/ cir 'gyur/ ltung ba'o/ /btsun pa/ dge slong gis zas ma gtogs par de las gzhan pa'i bza' ba dang / bca' ba dang / btung ba dang / gzhib pa dang / bldag pa la sogs pa spangs na/ spangs pa zhes bgyi'am/ u pa li/ ma yin no/ /de ci'i phyir zhe na/ u pa li/ bza' ba dang / btung ba dang / gzhib pa dang / bldag pa la sogs pa la spangs pa med do/ /btsun pa/ dge slong gis spangs pa la spangs par 'du shes te lhag por ma bgyis pa'i bza' ba dang / btung ba rnams 'tshal na/ cir 'gyur/ ltung ba'o/ /spangs pa lam spangs par 'du shes te 'tshal na/ cir 'gyur/ nyes pa med do/ /ma spangs pa la spangs par 'du shes te zos na/ nyes byas 'gyur ro/ /ma spangs pa la ma spangs par 'du shes te zos na/ nyes pa med do/ /btsun pa/ dge slong gis lhag por ma bgyis pa la lhag por ma bgyis par 'du shes te bca' ba dang / bza' ba rnams 'tshal na/ cir 'gyur/ ltung ba'o/ /lhag por ma byas pa la lhag por 'du shes te bza' ba dang / bca' ba rnams zos na/ nyes pa med do/ /lhag por byas pa la lhag por ma byas par 'du shes te zos na/ nyes byas so/ /lhag por byas pa la lhag por byas par 'du shes te zos na/ nyes pa med do/ /btsun pa/ dge slong gis mi rung ba'i zas 'tshal la spangs na/ spangs pa zhes bgyi'am/ ma spangs pa zhes bgyi/ u pa li/ spangs pa zhes bya'o/ /btsun pa/ bsnyen par ma rdzogs pa na spangs la bsnyen par ma rdzogs par lhag por ma bgyis pa 'tshal na/ cir 'gyur/ nyes byas so/ /bsnyen par ma rdzogs pa na spangs la bsnyen par rdzogs kar 'tshal na/ cir 'gyur/ nyes byas so/ /bsnyen par ma rdzogs pa na spangs la bsnyen par rdzogs pa na 'tshal na/ cir 'gyur/ nyes byas so/ /bsnyen par rdzogs kar spangs la bsnyen par rdzogs kar 'tshal na/ cir 'gyur/ nyes byas so/ /bsnyen par rdzogs kar spangs la bsnyen par rdzogs nas 'tshal na/ cir 'gyur/ nyes byas so/ /bsnyen par rdzogs pa na spangs la bsnyen par rdzogs pa na 'tshal na/ cir 'gyur/ ltung ba'o/ /bsnyen par rdzogs pa na spangs la bsnyen par ma rdzogs par 'tshal na/ cir 'gyur/ nyes byas so/ /btsun pa/ dge slong gis kun tu rdzogs par ma brims par spangs na/ spangs pa zhes bgyi'am/ ma spangs pa zhes bgyi/ u pa li/ ma spangs pa zhes bya'o/ /de ci'i phyir zhe na/ u pa li/ kun tu rdzogs par ma brims pa la yang spangs pa med do/ /btsun pa/ rnam pa dus na/ lhag por ma bgyis pa zhes bgyi/ u pa li/ lnga ste/ gzhan la ma blangs pa dang / bca' ba dang / bza' ba rnams mngon sum du ma gyur pa dang / byin len ma byas pa dang / bsnyen par ma rdzogs pa dang / rang bzhin du gnas pa ma yin pa las lhag por byas pa rnams ni/ lhag mar ma byas pa zhes brjod par bya'o/ /u pa li/ rnam pa lngas na/ lhag por byas pa zhes bya ste/ gzhan las blangs pa dang / bca' ba dang bza' ba rnams mngon sum du gyur pa dang / byin len byas pa dang / bsnyen par rdzogs pa dang / rang bzhin du gnas pa las lhag por byas pa ni/ lhag por byas pa zhes bya'o/ /btsun pa/ su'i mdun du lhag por bgyi/ u pa li/ dge slong gis ni/ dge slong gi mdun du lhag por bya'o/ /dge slong ma'i mdun du ni/ ma yin no/ /dge slong mas ni/ dge slong ma la'o/ /dge tshul phas ni/ dge tshul pha'i mdun du lhag por bya'o/ /dge slob mas ni/ dge slong ma dang / dge slob ma dang / dge tshul ma'i mdun du lhag por bya'o/ /btsun pa/ dge slong ma'i mdun du lhag por bgyi'am/ u pa li/ ma yin no/ /de ste btsun pa/ lhag por bgyis na/ lhag por bgyis pa zhes bgyi'am/ 'tshal bar yang bgyi'am/ u pa li/ ma yin no/ /mdor na/ 'phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / 'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /btsun pa/ dge slong gis 'phrin pa las lhag par bgyis na/ lhag por bgyis pa zhes bgyi'am/ u pa li/ ma yin no/ /de bzhin du spring yig dang / lag brda dang / gzhan zer ba dang / gcig nas gcig tu brgyud de lhag por byas na'ang lhag por ma byas pa zhes bya'o/ /btsun pa/ dge slong gis smyon pa zhig las lhag por bgyis na/ lhag por bgyis pa zhes bgyi'am/ lhag por ma bgyis pa zhes bgyi/ lhag por ma byas pa zhes bya'o/ /de bzhin du dge slong sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams kyi drung du lhag por bgyis na/ lhag par bgyis pa zhes bgyi'am/ u pa li/ ma yin no/ /btsun pa/ dge slong gis ma ning las lhag por bgyis na/ lhag por bgyi ba zhes bgyi'am/ u pa li/ ma yin no/ /de bzhin du dge slong ma sun byung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / sngar nyes pa byung ba dang / sdar 'khrugs pa rnams las lhag por bgyis na/ lhag por bgyis pa zhes bgyi'am/ u pa li/ de ni/ ma yin no/ /btsun pa/ dge slong gis dge slong za ma las lhag por bgyis na/ lhag por bgyis pa zhes bgyi'am/ lhag por byas pa zhes mi bya ste/ lhag por byed pa nyid shin tu 'das pa dang bcas pa'o/ /btsun pa/ dge slong gis dge 'dun gyi dbyen bgyis pa dang / nye bar phyogs pa dang / bslab pa stsal pa rnams las/ lhag por bgyis na/ lhag por bgyis pa zhes bgyi'am/ lhag por ma bgyis pa zhes bgyi/ u pa li/ lhag por byas pa zhes mi bya ste/ lhag por byed pa ni/ shin tu 'das pa dang bcas par 'gyur ro/ /btsun pa/ bslab pa stsal pas lhag por ma bgyis pa'i bza' ba dang / bca' ba 'tshal na/ cir 'gyur/ ltung ba'o/ /btsun pa/ dge slong mas zas 'tshal te spangs pa'i 'og tu bza' ba dang / bca' ba 'tshal na/ cir 'gyur/ ltung ba'o/ btsun pa/ dge slob ma dang / dge tshul ma dang / dge tshul pha rnams kyis lhag por ma bgyis pa'i bza' ba dang / bca' ba 'tshal na/ cir 'gyur/ nyes byas so/ /mdor na/ skad dang lus dang dben de bzhin/ /zas dang mi rung ba dag dang / /mtshan dang bzhi pa de bzhin te/ /dge 'dun dbyen dang dge slong ma'o/ sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang gis 'tshal ma 'tshal lags te spangs par 'tshal bzhin du lhag por ma bgyis pa'i zas dus kyis stob na/ ltung bar 'gyur ro/ /zhes gsungs na/ btsun pa/ dge slong 'phags pas 'phags pa'i skad du dge slong la lhag por ma bgyis pa'i bca' ba dang / bza' ba bstabs pa dang / dge slong des kyang 'phags pa'i skad ma 'tshal na/ cir 'gyur/ nyes byas so/ /'phags pas mtha' 'khob pa'i skad du bstabs pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas mtha' 'khob pa'i skad du bstabs pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas 'phags pa'i skad du bstabs pa dang / dge slong des kyang 'phags pa'i skad ma 'tshal na/ cir 'gyur/ nyes byas so/ /btsun pa/ dge slong gis lus kyi dmigs pas dge slong la lhag par ma bgyis pa'i bca' ba dang / bza' ba rnams bstabs na/ cir 'gyur nyes byas so/ /btsun pa/ dge slong gis mi dben pa la dben par 'du shes te lhag por ma bgyis pa'i bca' ba dang / bza' ba rnams bstabs na/ cir 'gyur/ nyes byas so/ /btsun pa/ dge slong gis zas ma gtogs par de las gzhan pa'i bca' ba dang / btung ba dang / gzhib pa dang / bldag pa la sogs pa dus kyis stob na/ cir 'gyur/ ltung ba'o/ btsun pa/ dge slong gis zas 'tshal lags par 'tshal bzhin du mi rung ba bzhag pa'i bca' ba dang / bza' ba rnams dus kyi bstabs na/ cir 'gyur/ nyes byas so/ /btsun pa/ dge slong gis zas 'tshal lags par 'tshal bzhin du lhag por ma bgyis pa'i bca' ba dang / bza' ba rnams dus kyis stob pa na/ mtshan dngos te dge slong ma 'gyur na/ cir 'gyur/ nyes byas so/ /btsun pa/ dge slong mas dge slong ma zhig zas 'tshal lags par 'tshal bzhin du lhag por ma bgyis pa'i bca' ba dang / bza' ba rnams dus kyis stob pa na/ mtshan 'phos te dge slong du gyur na/ cir 'gyur/ nyes byas so/ /btsun pa/ dge slong gis bsnyen par rdzogs pa la bsnyen par rdzogs par 'du shes te dus kyis bstabs na/ cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes te bstabs na/ cir 'gyur/ nyes byas so/ /bsnyen par ma rdzogs pa la bsnyen par ma rdzogs par 'du shes te bstabs na/ cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes te bstabs na/ cir 'gyur/ nyes byas so/ /btsun pa/ dge slong gis dge slong zhig zas 'tshal lags par 'tshal bzhin du spangs pa las spangs par 'du shes te shin tu bstabs na/ cir 'gyur/ ltung ba'o/ /spangs pa la ma spangs par 'du shes te bstabs na/ cir 'gyur/ nyes pa med do/ /ma spangs pa la spangs par 'du shes na/ cir 'gyur/ nyes byas so/ /ma spangs pa la ma spangs par 'du shes te bstabs na/ nyes pa med do/ /btsun pa/ dge slong gis za ma dang / ma ning zas 'tshal lags te spangs pa la bca' ba dang / bza' ba shin tu bstabs na/ cir 'gyur/ nyes byas so/ /de bzhin du dge slong ma sun phyung ba dang / pha dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / sngar nyes pa byung ba rnams la dus kyis bstabs na/ thams cad nyes byas su 'gyur ro/ /btsun pa/ dge slong gis dge 'dun gyi dbyen bgyis pa dang / nye bar phyogs pa dang / bslab pa stsal pa rnams kyis zas 'tshal te spangs pa la dus kyis bstabs na/ cir 'gyur/ thams cad ltung bar 'gyur ro/ /btsun pa/ dge slong gis dge slong ma dang / dge slob ma dang / dge tshul ma dang / dge tshul pha rnams zas 'tshal lags te spangs par 'tshal bzhin du dus kyis bstabs na/ cir 'gyur/ nyes byas so/ /btsun pa/ dge slong mas dge slong ma dang / dge tshul dang / dge tshul pha la lhag por ma bgyis pas shin tu bstabs na/ cir 'gyur/ nyes byas so/ /dge slob ma dang / dge tshul ma dang / dge tshul pha la yang nyes byas te/ gcig la gcig rgyas par sbyar bar bya'o/ /btsun pa/ bslab pa stsal pa'i dge slong zhig zas 'tshal lags te spangs pa la lhag por ma bgyis pa'i bza' ba dang / bca' ba dus kyis bstabs na/ cir 'gyur/ ltung ba'o/ /btsun pa/ dge long mas zas 'tshal te spangs par 'tshal bzhin du bza' ba dang / bca' ba rnam pa lnga dus kyis bstabs na/ cir 'gyur/ ltung ba'o/ /dge slob ma dang / dge tshul ma dang / dge tshul pha rnams la nyes byas so/ /mdor na/ 'phrin pa spring yig lag brda dang / gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / ra ro ba dang myos pa dang / snyoms zhugs 'gro ba tha ma'o/ /btsun pa/ dge slong gis dge slong zhig zas 'tshal te spangs par 'tshal bzhin du ltag por ma bgyis pa'i bca' ba dang / bza' ba rnams 'phrin pa la dus kyis bstabs na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa dang / smyon pa dang / sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa'i dge slong la lhag por ma byas pa'i bca' ba dang / bza' ba dus kyis bstabs na/ thams cad nyes byas su 'gyur ro/ /mdor na/ sngags dang nam mkha' mtshan rnams dang / mi rung dus dang bza' ba dang / /de nyid dang ni gzhan du dang / / mang po mtshan dang bzhi pa'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis dge slong gang dus la bab pa ma gtogs par mang po 'dus shing za na/ ltung bar 'gyur ro/ /zhes gsungs na/ btsun pa/ dge slong gis sngags dang / sman gyis bdag mi snang bar bgyis te mang po 'dus par 'tshal na/ cir 'gyur/ nyes byas so/ /dge slong gis nam mkha' la mchis te zas dogs la mchis pa 'tshal na/ cir 'gyur/ nyes byas so/ /btsun pa/ dge slong gis dog sa la mchis te zas nam mkha' la mchis par 'tshal na/ cir 'gyur/ nyes byas so/ /btsun pa/ dge slong mtshams kyi slad rol na mchis te zas mtshams kyi nang na mchis pa 'tshal na/ cir 'gyur/ nyes byas so/ /btsun pa/ dge slong mtshams kyi nang na mchis te zas mtshams kyi slad rol na mchis pa 'tshal na/ cir 'gyur/ nyes byas so/ /btsun pa/ dge slong gis zas mi rung ba mang po 'dus te 'tshal na/ cir 'gyur/ nyes byas so/ /btsun pa/ dge slong gis mang po 'dus shing zas 'tshal kyang nongs par mi 'gyur ba mchis sam/ u pa li/ yod de/ dus drug las gang yang rung ba'i dus shig byung bar 'gyur ba'o/ /btsun pa/ dge slong gis zas ma gtogs par de las gzhan pa'i bza' ba dang / btung ba dang / gzhib pa dang / bldag pa rnams mang po 'dus te 'tshal na/ cir 'gyur/ nyes byas so/ /btsun pa/ dge slong gis mtshams kyi slad rol nas gzhan zhig gis zas blangs te mtshams kyi nang du mchis nas mang po 'dus te 'tshal na/ cir 'gyur/ nyes byas so/ /btsun pa/ dge slong gis mtshams kyi nang nas zas shig blangs te gzhan du mchis nas mang po 'dus te 'tshal na/ cir 'gyur/ nyes byas so/ / btsun pa/ mtshams gcig nas gcig pa'i dge slong mang po zhig so sor 'dus te 'tshal yang lhung bar mi 'gyur ba mchis sam/ u pa li/ yod de/ de ste gnas gsum gsum 'dus te zos kyi/ bzhir mtshang ba'o/ / btsun pa/ dge slong mang po 'dus te zas 'tshal ba na/ mtshan 'phos te dge slong mar gyur na/ cir 'gyur/ ltung ba'o/ /btsun pa/ dge slong ma mang du 'dus te zas 'tshal ba na/ mtshan 'phos te dge slong phar gyur na/ cir 'gyur/ ltung ba'o/ /btsun pa/ dge slong gis mtshams kyi nang la mtshams kyi nang du 'du shes te mang po 'dus shing zas 'tshal na/ cir 'gyur/ ltung ba'o/ /mtshams kyi nang la mtshams kyi phyi rol tu 'du shes te zos na/ nyes pa med do/ /mtshams kyi phyi rol la mtshams kyi nang du 'du shes te zos na/ nyes byas so/ /mtshams kyi phyi rol la mtshams kyi phyi rol tu 'du shes te zos na/ nyes pa med do/ /mdor na/ smyon par gyur dang sems 'khrugs dang / /na ba 'on pa glen pa dang / ma ning 'gro ba de bzhin te/ mang po 'dus smad dge slong ma'o/ /btsun pa/ dge slong gis smyon pas mang po'i grangs su bskangs te lhan cig mtshams kyi nang du mang po 'dus nas zas 'tshal na/ cir 'gyur/ nyes byas so/ /sems 'khrugs pa dang / nad kyis gzir ba dang / 'on pa dang / glen pa yang de bzhin no/ /btsun pa/ dge slong gis za ma dang / ma ning gis mang po'i grangs su bskangs te lhan cig mtshams kyi nang du mang po 'dus shing 'tshal na/ cir 'gyur/ nyes byas so/ /de bzhin du dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / sngar nyes pa byung ba dang / sngar 'khrugs pa rnams kyis mang po'i grangs su bskangs te mtshams kyi nang du lhan cig tu mang po 'dus shing 'tshal na/ cir 'gyur/ nyes byas so/ /btsun pa/ dge slong gis dge 'dun gyi dbyen bgyis pa dang / nye bar phyogs pa dang / bslab pa stsal pa rnams kyis mang po'i grangs su bskangs te lhan cig mang po 'dus shing 'tshal na/ cir 'gyur/ thams cad ltung bor 'gyur ro/ /btsun pa/ dge slong gis 'gro ba gzhan du gnas pa'i dge slong gis mang po'i grangs su bskangs te lhan cig mtshams kyi nang du mang po 'dus shing zas 'tshal na/ cir 'gyur/ nyes byas so/ /btsun pa/ dge slong gis dge slong ma dang / dge slob ma dang / dge tshul ma dang / dge tshul pha rnams kyis mang po'i grangs su bskangs te lhan cig mtshams kyi nang du mang po 'dus shing zas 'tshal na/ cir 'gyur/ nyes byas so/ /btsun pa/ dge slong gis mang po 'dus te zas 'tshal yang nongs par mi 'gyur ba mchis sam/ u pa li/ yod de/ de yang 'di ltar gnas de nyid du zas nar mar gyur tam/ zas phan tshun du bskur bar gyur ba'o/ /btsun pa/ dge slong gis dben pa la mang por 'du shes te zas 'tshal na/ cir 'gyur/ nyes byas so/ /btsun pa/ bslab pa stsal pas mang po 'dus shing zas 'tshal na/ cir 'gyur/ ltung ba'o/ /btsun pa/ dge slong mas mang po 'dus shing 'tshal na/ cir 'gyur/ ltung ba'o/ /btsun pa/ dge slong ma dang / dge tshul ma dang / dge tshul pha rnams kyis mang por 'dus shing 'tshal na/ cir 'gyur/ nyes byas so/ /mdor na/ lha zas bzhi pa de bzhin te/ gling dang lha dang mtshan rnams dang / /kha zas ma yin nyes pa dang / /ngan pa dag dang dge slong ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang dus ma lags par bca' ba dang / bza' ba rnams 'chos sam/ 'tshal na/ ltung bar 'gyur ro/ /zhes gsungs na/ btsun pa/ dge slong gis dus ma lags par zas 'tshal kyang nongs par mi 'gyur ba mchis sam/ u pa li/ yod de/ lha'i zas zos pa'o/ /btsun pa/ lha'i zas kyi rang bzhin ji lta bu/ u pa li/ mar gyi rang bzhin lta bu'o/ /btsun pa/ dge slong gis dus ma lags par 'du shes te 'tshal na/ cir 'gyur/ ltung ba'o/ /dus ma lags pa la dus su 'du shes te 'tshal na/ cir 'gyur/ nyes pa med do/ /dus la dus ma lags par 'du shes te 'tshal na/ cir 'gyur/ nyes byas so/ /dus la dus su 'du shes te 'tshal na/ cir 'gyur/ nyes pa med do/ /zas la zas su 'du shes te 'tshal na/ cir 'gyur/ ltung ba'o/ /zas la zas ma lags par 'du shes te zos na/ nyes pa med do/ /zas ma lags pa la zas su 'du shes te 'tshal na/ cir 'gyur/ nyes byas so/ /zas ma lags pa la zas ma lags par 'du shes te 'tshal na/ cir 'gyur/ nyes pa med do/ /btsun pa/ dge slong gis dus ma lags par bca' ba dang / bza' ba rnams 'chos kyang nongs par mi 'gyur ba mchis sam| u pa li/ yod de/ gling gsum dang lha'i gnas su yang 'dzam bu'i gling gi dus su zos pa'o/ /btsun pa/ dge slong gis dus ma lags par bca' ba dang / bza' ba rnams 'tshal ba na/ mtshan 'phos te dge slong mar gyur na/ cir 'gyur/ ltung ba'o/ /btsun pa/ dge slong mas dus ma lags par bca' ba dang / bza' ba rnams 'tshal ba na/ mtshan 'phos te dge slong du gyur na/ cir 'gyur| ltung ba'o/ /btsun pa/ dge slong gis dus ma lags par bca' ba dang / bza' ba rnams 'tshal kyang nongs par mi 'gyur ba mchis sam/ u pa li/ yod de/ zas dang bcas pa'i bca' ba dang / bza' ba rnams ma gtogs par gang de las gzhan pa'i bza' ba rnams sman du bya ba'i phyir yin gyi/ zas kyi phyir ma yin pa'o/ /btsun pa/ dge slong gis skad cig spyad pa'i ltung bas ltung ba bzhir 'gyur ba mchis sam/ u pa li/ yod de/ ma byin pa mi rung ba bzhag par gyur pa dus ma yin par zos pa'o/ /btsun pa/ bcom ldan 'das kyis nad pa la zas ngan pa la zas ngan pa stsol cig/ ces gsungs pa de ni/ ji lta bu/ thal ba dang / sa dang / tshan bu dang / gcin no/ /btsun pa/ 'di thams cad/ ci dus ma lags par rung ngam/ tshan bu ma gtogs par gzhan thams cad ni/ dus ma yin par rung ngo / /btsun pa/ bslab pa stsal pas dus ma lags par bca' ba dang / bza' ba rnams 'tshal na/ cir 'gyur/ ltung ba'o/ /btsun pa/ dge slong mas dus ma lags par bca' ba dang / bza' ba rnams 'tshal na/ cir 'gyur/ ltung ba'o/ /dge slob ma dang / dge tshul ma dang / dge tshul pha rnams kyis dus ma lags par bca' ba dang / bza' ba rnams 'tshal na/ cir 'gyur/ nyes byas so/ /mdor na/ smyon par gyur dang sems 'khrugs dang / /na ba ma ning 'gro ba dang / /mtshan dang bzhi pa bza' ba dang / /lha zas gling dang dge slong ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang gis bzhag pa'i bca' ba dang / bza' ba 'tshal na/ ltung bar 'gyur ro/ / zhes gsungs na/ btsun pa/ dge slong gis smyon pas bgyis pa'i bca' ba dang / bza' ba 'tshal na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / za ma dang / ma ning dang / dge slong ma sun phyung ba dang / pha dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / so sor gnas pa dang / sngar nyes pa byung ba dang / sngar 'khrugs pa dang / de bzhin du 'gro ba gzhan du gnas pa'i dge slong rnams kyis bzhag par byas pa zos na/ thams cad nyes byas su 'gyur ro/ /btsun pa/ dge slong gis dge 'dun gyi dbyen bgyis pa dang / nye bar phyogs pa dang / bslab pa stsal pa rnams kyis bzhag par bgyis pa 'tshal na/ cir 'gyur/ ltung ba'o/ /btsun pa/ dge slong gis bzhag pa'i bca' ba dang / bza' ba rnams 'tshal ba na/ mtshan 'phos te dge slong mar gyur na/ cir 'gyur/ ltung ba'o/ /btsun pa/ dge slong mas bzhag pa'i bca' ba dang / bza' ba rnams 'tshal ba na/ mtshan 'phos te dge slong du gyur na/ cir 'gyur/ ltung ba'o/ /btsun pa/ dge slong gis bzhag pa la bzhag par 'du shes te 'tshal na/ cir 'gyur/ ltung ba'o/ /bzhag pa la ma bzhag par 'du shes te 'tshal na/ cir 'gyur/ nyes pa med do/ /ma bzhag pa la bzhag par 'du shes te 'tshal na/ cir 'gyur/ nyes byas so/ /ma bzhag pa la ma bzhag par 'du shes te 'tshal na/ cir 'gyur/ nyes pa med do/ /btsun pa/ dge slong gis bca' ba dang / bza' ba ma gtogs par de las gzhan pa'i sman bca' ba dang / btung ba dang / gzhib pa dang / bldag pa dang / thal ba dang / lan tshwa dang / rgya skyegs dang / bsngal ba la sogs pa bzhag par gyur pa 'tshal na| cir 'gyur/ nyes byas so/ /btsun pa/ dge slong gis zas ngan pa bzhag pa 'tshal na/ cir 'gyur/ nyes byas so/ /btsun pa/ dge slong gis bzhag pa'i zas 'tshal kyang nongs par mi 'gyur ba mchis sam/ u pa li/ yod de/ lha'i zas zos na/ nyes byas su 'gyur ro/ /btsun pa/ dge slong gis shar gyi lus 'phags gling dang / nub kyi ba lang spyod dang / byang gi sgra mi snyan gyi gling rnams kyis bzhag pa 'tshal na/ cir 'gyur/ u pa li/ gal te 'dzam bu'i gling gi dus su dus las 'das pa bzhag pa kun tu spyad de zos na/ ltung bar 'gyur ro/ /'on te de dag gi dus su dus las 'das te zos na/ nyes pa med do/ /btsun pa/ dge slong gis dge slong mas bzhag pa 'tshal na/ cir 'gyur/ nyes pa med do/ /btsun pa/ dge slong mas dge slong gis bzhag pa 'tshal na/ cir 'gyur/ nyes pa med do/ /dge slong dang / dge slong mas bzhag pa dge slob mas zos na/ nyes pa med do/ /btsun pa/ bslab pa stsal pas bzhag pa'i bca' ba dang / bza' ba 'tshal na/ cir 'gyur/ ltung ba'o/ /btsun pa/ dge slong mas bzhag pa 'tshal na/ cir 'gyur/ ltung ba'o/ /btsun pa/ dge slob mas bzhag pa 'tshal na/ cir 'gyur/ nyes byas so/ /dge tshul pha dang / dge tshul ma rnams kyis bzhag pa zos na/ nyes pa med do// //'dul ba gzhung dam pa/ bam po bcu pa/ mdor na/ smyon pa byin len bca' ba dang / /myos pa gnyis dang don med dang / /mtshan dang bzhi pa gling rnams dang / /sprul pa mi snang 'gro ba'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang ma stsal bar khar bca' ba mid na/ chab dang so shing ma gtogs te ltung bar 'gyur ro/ /zhes gsungs na/ btsun pa/ dge slong gis smyon pa las byin len bgyis na/ byin len bgyis pa zhes bgyi'am/ u pa li/ de ste gtong ba'i 'du shes dang ldan na/ byin len byas pa zhes bya'o/ /gal te gtong pa'i 'du shes dang mi ldan na/ byin len ma byas pa zhes bya'o/ /sems 'khrugs pa dang / nad kyis gzir ba dang / ra ro ba dang / myos pa yang de bzhin du brjod par bya'o/ /btsun pa/ dge slong gis bza' ba dang / bca' ba byin len ma bgyis par 'tshal yang nongs pa ltung bar mi 'gyur ba mchis sam/ u pa li/ yod de/ smod pa'i skye bo mang po rnams kyis bsam pa yongs su btang nas bor ba rung bar byas pa zos pa'o/ /btsun pa/ dge slong gis byin len bgyis pa'i bca' ba dang / bza' ba rnams 'tshal na/ nongs par 'gyur ba mchis sam/ u pa li/ yod de/ gzhan du 'du shes te byin len byas nas zos pa'o/ /btsun pa/ dge slong gis bca' ba dang / bza' ba ma gtogs par de las gzhan pa'i sman bca' ba dang / btung ba dang / gzhib pa dang / bldag pa dang / thal ba dang / lan tshwa dang / sbrang rtsi dang / bsngal ba la sogs pa byin len ma bgyis par 'tshal na/ cir 'gyur/ ltung ba'o/ /btsun pa/ dge slong gis zas ngan pa byin len ma bgyis par 'tshal na/ cir 'gyur/ nyes byas so/ /btsun pa/ dge slong gis lhung bzed du myos pa zhig gis bca' ba dang / bza' ba blugs na/ byin len byas pa zhes bgyi'am/ u pa li/ mi rung gi/ byin len phyis gyis shig /btsun pa/ dge slong gnyis sam/ mang yang rung ste/ sbyor ba gcig gis byin len bgyid du stsal na/ byin len bgyis pa zhes bgyi'am/ u pa li/ byin len byas pa zhes bya'o/ /btsun pa/ dge slong gis 'dod par ma bsam par byin len bgyis na/ byin len bgyis pa zhes bgyi'am/ u pa li/ ma yin no/ /de ci'i phyir zhe na/ dge slong mi 'dod pa la byin len med kyi/ phyis yang byin len byos shig /btsun pa/ dge slong gis bza' ba dang / bca' ba byin len ma bgyis par 'tshal ba na/ mtshan 'phos te dge slong mar gyur na/ cir 'gyur/ ltung ba'o/ /btsun pa/ dge slong mas bza' ba dang / bca' ba byin len ma bgyis par 'tshal ba na/ mtshan 'phos te dge slong du gyur na/ cir 'gyur/ ltung ba'o/ /btsun pa/ dge slong gis bza' ba dang / bca' ba byin len ma bgyis pa la byin len ma bgyis par 'du shes te 'tshal na/ cir 'gyur/ ltung ba'o/ /byin len ma bgyis pa la byin len bgyis par 'du shes te 'tshal na/ cir 'gyur/ nyes pa med do/ /byin len bgyis pa la byin len ma bgyis par 'du shes te 'tshal na/ cir 'gyur/ nyes byas so/ /byin len bgyis pa la byin len bgyis par 'du shes te 'tshal na/ cir 'gyur/ nyes pa med do/ /btsun pa/ byang gi sgra mi snyan gyi gling du byin len ma bgyis par 'tshal bar bgyi'am/ mi 'tshal bar bgyi/ u pa li/ bza' bar bya'o/ /btsun pa/ de las gzhan pa'i gling du byin len ma bgyis par 'tshal bar bgyi'am/ u pa li| ma yin no/ /btsun pa/ dge slong sprul pa sems can gyi grangs su mi gtogs par rung bar bgyid pas byin len bgyis na/ byin len bgyis pa zhes bgyi'am/ u pa li/ ma yin te/ phyis byin len bya'o/ /btsun pa/ dge slong rung bar bgyid pa mi gda' bzhin du byin len bgyid du stsal na/ byin len bgyis pa zhes bgyi'am/ byin len byas pa zhes bya mod kyi/ nyes byas su 'gyur ro| |btsun pa/ bcom ldan 'das kyis 'gro ba gzhan du gnas pa rnams las byin len byos shig ces gsungs na/ btsun pa/ ji lta bu'i 'gro ba gzhan du gnas pa rnams las byin len bgyi/ u pa li/ gang la 'bul bar snang zhing yongs su gtong ba'i 'du shes dang yang ldan na/ byin len byas la bza' bar bya'o/ /btsun pa/ bslab pa stsal pas byin len ma bgyis par 'tshal na/ cir 'gyur/ ltung ba'o/ /btsun pa/ dge slong mas byin len ma bgyis par 'tshal na/ cir 'gyur/ ltung ba'o/ /btsun pa/ dge slong mas byin len ma bgyis par 'tshal na/ cir 'gyur/ nyes byas so/ /btsun pa/ dge tshul ma dang / dge tshul phas byin len ma bgyis par 'tshal na/ cir 'gyur/ nyes pa med do/ /mdor na/ 'phrin pa spring yig lag brda dang // gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ / sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang bdag gi slad du bro ma 'tshal bar rigs gzhan las bsod pa'i zas shig bslangs te 'tshal na/ ltung bar 'gyur ro/ /zhes gsungs na/ btsun pa/ dge slong gis bsod pa'i zas 'phrin gyis bslangs te 'tshal na/ cir 'gyur/ nyes byas so/ /de bzhin du spring yig dang | lag brda dang / gzhan zer ba dang / gcig nas gcig tu brgyud cing bslangs te zos na/ thams cad nyes byas su 'gyur ro/ /btsun pa/ dge slong gis smyon pa las bsod pa'i zas shig bslangs te 'tshal na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams las bsod pa'i zas shig bslangs te zos na/ thams cad nyes byas su 'gyur ro/ /mdor na/ skad dang lus dang dben pa dang / /gzhan gyi phyir dang mi rung dang / /mtshan dang bzhi pa gnyen pa dag /bsod pa bdun la de bzhin te/ /khyim pa dag la sogs pa dang / /bslab pa byin dang dge slong ma'o/ /btsun pa/ dge slong 'phags pas 'phags pa'i skad du bsod pa'i zas bslangs pa dang / khyim bdag des kyang 'phags pa'i skad ma 'tshal na/ cir 'gyur/ nyes byas so/ /'phags pas mtha' 'khob pa'i skad du bsod pa'i zas bslangs pa dang / khyim bdag des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas mtha' 'khob pa'i skad du bsod pa'i zas bslangs pa dang / khyim bdag des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas 'phags pa'i skad du bsod pa'i zas bslangs pa dang / khyim bdag des kyang 'phags pa'i skad ma 'tshal na/ cir 'gyur/ nyes byas so| |btsun pa/ dge slong gis lus kyi dmigs pas bsod pa'i zas bslangs te 'tshal na/ cir 'gyur/ nyes byas so/ /btsun pa/ dge slong gis dben pa la mi dben par 'du shes te bsod pa'i zas bslangs nas 'tshal na/ cir 'gyur/ nyes byas so/ /btsun pa/ dge slong gis gzhan gyi slad du bsod pa'i zas bslangs te 'tshal na/ cir 'gyur/ nyes byas so/ /btsun pa/ dge slong gis sha dang | 'o ma mi rung ba bslangs te 'tshal na/ cir 'gyur/ nyes byas so/ /btsun pa/ dge slong gis bsod pa'i zas bslangs te 'tshal ba na/ mtshan 'phos te dge slong mar gyur na/ cir 'gyur/ so sor bshags par bya'o/ /btsun pa/ dge slong mas bsod pa'i zas bslangs te 'tshal ba na/ mtshan 'phos te dge slong du gyur na/ cir 'gyur/ ltung ba'o/ /btsun pa/ dge slong gis mi la mir 'du shes nas bsod pa'i zas bslangs te 'tshal na/ cir 'gyur/ ltung ba'o/ /mi la mi ma lags par 'du shes te 'tshal na/ cir 'gyur/ nyes byas so/ /mi ma lags pa la mir 'du shes nas bslangs te 'tshal na/ cir 'gyur/ nyes byas so/ /mi ma lags pa la mi ma lags par 'du shes nas bslangs te 'tshal na/ cir 'gyur/ nyes byas so/ /btsun pa/ dge slong gis zas bsod pa la bsod par 'du shes te bslangs nas 'tshal na/ cir 'gyur/ ltung ba'o/ /bsod pa la mi bsod par 'du shes te bslangs nas 'tshal na/ cir 'gyur/ nyes byas so/ /mi bsod pa la bsod par 'du shes nas bslangs te 'tshal na/ cir 'gyur/ nyes byas so/ /mi bsod pa la mi bsod par 'du shes nas bslangs te 'tshal na/ cir 'gyur/ nyes byas so/ /btsun pa/ bro ma 'tshal ba na bslangs la bro ma 'tshal ba la 'tshal na/ cir 'gyur/ ltung ba'o/ /bro ma 'tshal ba na bslangs la bro 'tshal ba na/ cir 'gyur/ nyes byas so/ /bro 'tshal ba na bslangs la bro ma 'tshal bar 'tshal na/ cir 'gyur/ nyes byas so/ /bro 'tshal ba na bslangs la bro 'tshal ba na 'tshal na/ cir 'gyur/ nyes pa med do/ /btsun pa/ dge slong gnyen las bsod pa'i zas bslangs te 'tshal na/ cir 'gyur/ nyes pa med do/ /btsun pa/ dge slong gis bsod pa'i zas ma gtogs par de las gzhan pa bca' ba dang / btung ba dang / bzhib pa dang / bldag pa la sogs pa bslangs te 'tshal na| cir 'gyur/ nyes byas so/ /btsun pa/ bsnyen par ma rdzogs pa na bsod pa'i zas bslangs la bsnyen par ma rdzogs pa na 'tshal na/ cir 'gyur/ nyes byas so/ /bsnyen par ma rdzogs pa na bslangs la bsnyen par rdzogs kar 'tshal na/ cir 'gyur/ nyes byas so/ /bsnyen par ma rdzogs pa na bslangs la bsnyen par rdzogs nas 'tshal na/ cir 'gyur/ nyes byas so/ /bsnyen par rdzogs kar bslangs la bsnyen par rdzogs kar 'tshal na/ cir 'gyur/ nyes byas so/ /bsnyen par rdzogs kar bslangs la bsnyen par rdzogs nas 'tshal na/ cir 'gyur/ nyes byas so/ /bsnyen par rdzogs pa na bslangs la bsnyen par rdzogs pa na 'tshal na/ cir 'gyur/ ltung ba'o/ /bsnyen par rdzogs pa na bslangs la bsnyen par ma rdzogs pa na 'tshal na/ cir 'gyur/ nyes byas so/ /btsun pa/ dge slong gis khyim pa bsod pa'i zas shig slong du stsal te 'tshal na/ cir 'gyur/ nyes byas so/ /de bzhin du za ma dang / ma ning dang / dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas pa dang / so sor gnas pa dang / mi gnas pa dang / sngar nyes pa byung ba dang / sngar 'khrugs pa dang / nye bar phyogs pa dang / bslab pa stsal ba dang / dge slong ma dang / dge slob ma dang / dge tshul ma dang / dge tshul pha rnams las bslangs te 'tshal na/ cir 'gyur/ thams cad nyes byas su 'gyur ro/ /btsun pa/ bslab pa stsal pas bsod pa'i zas bslangs te 'tshal na/ cir 'gyur/ ltung ba'o/ /btsun pa/ dge slong mas bsod pa'i zas bslangs te 'tshal na/ cir 'gyur/ bshags par bya'o/ /btsun pa/ dge slong ma dang / dge tshul ma dang / dge tshul phas bsod pa'i zas bslangs te 'tshal na/ cir 'gyur/ nyes byas so/ /srog chags dang bcas pa'i chu ltung bar bshad pa yang rgyas par brjod par bya'o/ /mdor na/ dben pa dang ni nam mkha' sngags// mtshan dang bzhi pa ma ning dang / /ma ning mo dang g.yogs pa dang / /gzhon nu ma dang dge sbyong ngo / /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang 'tshal bzhin du smen ngan dang bcas pa'i grong du nan gyis mchis par bgyid na/ ltung bar 'gyur ro/ /zhes gsungs na/ btsun pa/ dge slong gis 'tshal bzhin du smen ngan dang bcas pa'i grong dben pa la dben par 'du shes te nan gyis mchis par bgyid na/ cir 'gyur/ nyes byas so/ /btsun pa/ dge slong gis 'tshal bzhin du smen ngan dang bcas pa'i grong du nam mkha' la nan gyis mchis par bgyid na/ cir 'gyur/ nyes byas so/ /btsun pa/ dge slong gis 'tshal bzhin du smen ngan dang bcas pa'i grong du sngags sam/ sman gyis bdag mi snang bar bsgyur te mchis par bgyid na/ cir 'gyur/ nyes byas so/ /btsun pa/ dge slong gis 'tshal bzhin du smen ngan dang bcas pa'i grong du nan gyis mchis par bgyid pa na/ mtshan 'phos te dge slong mar gyur na/ cir 'gyur/ ltung ba'o/ /btsun pa/ dge slong mas 'tshal bzhin du smen ngan dang bcas pa'i grong du nan gyis mchis par bgyid pa na/ mtshan 'phos te dge slong du gyur na/ cir 'gyur/ ltung ba'o/ /btsun pa/ dge slong gis grong du mi la mir 'du shes te nan gyis mchis par bgyid na/ cir 'gyur/ ltung ba'o/ /mi la mi ma lags par 'du shes te nan gyis mchis par bgyid na/ cir 'gyur/ nyes byas so/ /mi ma lags pa la mir 'du shes te mchis par bgyid na/ cir 'gyur/ nyes byas so/ /mi ma lags pa la mi ma lags par 'du shes te nan gyis mchis par bgyid na/ cir 'gyur/ nyes byas so/ /btsun pa/ dge slong gis smen ngan la smen ngan du 'du shes na/ cir 'gyur/ ltung ba'o/ /smen ngan la smen ngan ma lags par 'du shes na/ cir 'gyur/ nyes pa med do/ /smen ngan ma lags pa la smen ngan du 'du shes na/ cir 'gyur/ nyes byas so/ /smen ngan ma lags pa la smen ngan ma lags par 'du shes na/ cir 'gyur/ nyes pa med do/ /btsun pa/ dge slong gis 'tshal bzhin du ma ning gi grong du smen ngan dang bcas par nan gyis mchis par bgyid na/ cir 'gyur/ nyes byas so| |btsun pa/ dge slong gis ma ning dang lhan cig tu nan gyis mchis par bgyid na/ cir 'gyur/ nyes byas so/ /btsun pa/ dge slong gis smen ngan dang bcas pa'i grong du skyabs su mchis par nan gyis mchis par bgyis na/ cir 'gyur/ nyes byas so/ /btsun pa/ dge slong dag gis gzhon nu bag mar mchis lags pa'i drung du nan gyis mchis par bgyid na/ cir 'gyur/ nyes byas so/ /btsun pa/ dge slong gis 'tshal bzhin du smen ngan dang bcas pa'i grong du thos pa tsam gyi nye 'khor du spangs te nan tan gyis mchis par bgyid na/ cir 'gyur/ nyes byas so/ /mdor na/ smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /btsun pa| dge slong gis smyon pa'i grong du nan gyis mchis par bgyid na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams dang lhan cig tu nan gyis 'dug na/ thams cad nyes byas su 'gyur ro/ /btsun pa/ bslab pa stsal bas 'tshal bzhin du smen ngan dang bcas pa'i grong du nan gyis mchis par bgyid na/ cir 'gyur/ ltung ba'o/ /btsun pa/ dge slong mas 'tshal bzhin du smen ngan dang bcas pa'i grong du nan gyis mchis par bgyis na/ cir 'gyur/ ltung ba'o/ /dge slob ma dang / dge tshul ma dang / dge tshul phas 'tshal bzhin du smen ngan dang bcas pa'i grong du 'dug par bgyid pa'i le'u bzhin du smen ngan dang bcas par gab ste 'dug pa yang brjod par bya'o/ /mdor na/ 'phrin pa spring yig lag brda dang / /gzhan zer ba dang gcig nas gcig / smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa| bcom ldan 'das kyis yang dge slong gang gcer bu pa'am/ gcer bu ma'am/ kun tu rgyu ba'am/ kun tu rgyu ba mo yang rung ste/ rang gi sug pa nas bca' ba dang / bza' ba stsal na/ ltung bar 'gyur ro/ /zhes gsungs na/ btsun pa/ dge slong gis 'phrin gyis gcer bu pa'am/ gcer bu ma'am/ kun tu rgyu ba pho'am/ kun tu rgyu ba mo yang rung ste/ rang gi lag gis bca' ba dang / bza' ba stsal na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de byin na/ thams cad nyes byas su 'gyur ro/ /btsun pa/ dge slong gis gcer bu pa yang rung / gcer bu ma yang rung / kun tu rgyu pho'am/ kun tu rgyu ba mo yang rung ste/ smyon pa la rang gi sug pa nas bca' ba dang / bza' ba stsal na/ cir 'gyur/ nyes byas so| |de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams kyis gcer bu pa dang / gcer bu ma dang / kun tu rgyu ba'am/ kun tu rgyu ba mo yang rung ba la bca' ba dang / bza' ba byin na/ thams cad nyes byas su 'gyur ro/ /mdor na/ mi rung zas dang gcer bu pa/ /snod dang mtshan dang bdun pa dang / /bzhi pa dag dang sngags rnams dang / /gzhan gyis gzhan gyi ma ning ngo / / btsun pa/ dge slong gis gcer bu pa'am/ kun tu rgyu ba pho yang rung ste/ bca' ba dang / bza' ba stsal na/ cir 'gyur/ nyes byas so/ /btsun pa/ dge slong gis bza' ba ma gtogs par de las gzhan pa'i bca' ba dang / btung ba dang / gzhib pa dang / bldag pa la sogs pa stsal na/ cir 'gyur/ nyes byas so/ /btsun pa/ dge slong gis gcer bu pa'am/ kun tu rgyu ba ma gtogs par de las gzhan pa dge sbyong dang / bram ze rnams la rang gi sug pa nas bca' ba dang / bza' ba stsal na/ cir 'gyur/ nyes byas so/ /btsun pa/ dge slong gis gcer bu pa'am/ kun tu rgyu ba yang rung / de la bca' ba dang / bza' ba stsal kyang nongs par mi 'gyur ba mchis sam/ u pa li/ yod de/ snod sa la bzhag nas blugs te byin pa dang / sdig par lta ba de las bral bar 'dod pa dang / gnyen la byin pa'o/ /btsun pa/ dge slong gis gcer bu pa'am/ kun tu rgyu ba la rang gi sug pa nas bca' ba dang / bza' ba stsal ba na/ mtshan 'phos te dge slong mar gyur na/ cir 'gyur/ ltung ba'o/ /btsun pa/ dge slong mas gcer bu pa'am/ kun tu rgyu ba la rang gi sug pa nas bca' ba dang / bza' ba stsol ba na/ mtshan 'phos te dge slong du gyur na/ cir 'gyur/ ltung ba'o/ /btsun pa/ bsnyen par ma rdzogs pa na gcer bu pa'am/ kun tu rgyu ba la bca' ba dang / bza' ba rang gi sug pa nas bsngos la bsnyen par ma rdzogs pa na stsal na/ cir 'gyur/ nyes byas so/ /bsnyen par ma rdzogs pa na bsngos la bsnyen par rdzogs kar stsal na/ cir 'gyur/ nyes byas so/ /bsnyen par ma rdzogs pa na bsngos la bsnyen par rdzogs te stsal na/ cir 'gyur/ nyes byas so/ /bsnyen par rdzogs kar bsngos la bsnyen par rdzogs kar stsal na/ cir 'gyur/ nyes byas so/ /bsnyen par rdzogs kar bsngos la bsnyen par rdzogs te stsal na/ cir 'gyur/ nyes byas so/ /bsnyen par rdzogs pas bsngos la bsnyen par rdzogs nas stsal na/ cir 'gyur/ ltung ba'o/ /bsnyen par rdzogs pa na bsngos la bsnyen par ma rdzogs pa na stsal na/ cir 'gyur/ nyes byas so/ /btsun pa/ dge slong gis mi la mir 'du shes te gcer bu pa'am/ kun tu rgyu ba la bca' ba dang / bza' ba stsal na/ cir 'gyur| ltung ba'o/ /mi la mi lags par 'du shes te stsal na/ cir 'gyur/ nyes byas so/ /mi ma lags pa la mir 'du shes te stsal na/ cir 'gyur/ nyes byas so| |mi ma lags pa la mi ma lags par 'du shes te stsal na/ cir 'gyur/ nyes byas so/ /btsun pa/ dge slong gis sngags sam/ sman gyis bdag mi snang bar bsgyur te gcer bu pa'am/ kun tu rgyu ba la bca' ba dang / bza' ba stsal na/ cir 'gyur/ nyes byas so/ /btsun pa/ dge slong gis gcer bu pa'am/ kun tu rgyu ba la bca' ba dang / bza' ba gzhan las stsal na/ cir 'gyur/ nyes byas so/ /btsun pa/ dge slong gis gcer bu pa'am/ kun tu rgyu ba la bca' ba dang / bza' ba gzhan gyi slad du stsal na/ cir 'gyur/ nyes byas so| |btsun pa/ dge slong gis gcer bu pa'am/ kun tu rgyu ba ma ning la bca' ba dang / bza' ba stsal na/ cir 'gyur/ nyes byas so/ /btsun pa/ dge slong gis gcer bu pa 'am| kun tu rgyu ba mo yang rung / ma ning mo la bca' ba dang / bza' ba stsal na/ cir 'gyur/ nyes byas so/ /btsun pa/ bslab pa stsal pas gcer bu pa'am/ kun tu rgyu ba la bca' pa dang / bza' ba stsal na/ cir 'gyur/ ltung ba'o/ /btsun pa/ dge slong mas gcer bu pa'am/ kun tu rgyu ba la rang gi sug pa nas bca' ba dang / bza' ba stsal na/ cir 'gyur| ltung ba'o/ /btsun pa/ dge slob ma dang / dge tshul ma dang / dge tshul pha rnams kyis gcer bu pa'am/ kun tu rgyu ba la rang gi sug pa nas bca' ba dang / bza' ba stsal na/ cir 'gyur| nyes byas so/ /mdor na/ smyon pa sems 'khrugs na ba dang / /'on pa 'gro dang mtshan rnams dang / /lta ba rgyal po bdun pa dang / /bzhi pa dag dang ma ning ngo / /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang g.yul shom pa la bltar mchi na/ ltung bar 'gyur ro/ /zhes gsungs na/ btsun pa/ dge slong smyon pa g.yul shom pa la bltar mchi na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang | 'on pa rnams kyis g.yul shom pa la bltar mchi na/ cir 'gyur/ nyes byas so/ /btsun pa/ dge slong gis 'gro ba gzhan du gnas pa'i g.yul shom pa la bltar mchi na| cir 'gyur/ nyes byas so/ /btsun pa/ dge slong gis g.yul shom pa la bltar mchi ba na mtshan 'phos te dge slong mar gyur na/ cir 'gyur/ ltung ba'o/ /btsun pa/ dge slong ma g.yul shom pa la bltar mchi ba na mtshan 'phos te dge slong du gyur na/ cir 'gyur/ ltung ba'o/ /btsun pa/ dge slong gis g.yul shom pa la blta ba'i tshe 'khor tsam du bskyed de mchi na/ cir 'gyur/ nyes byas so/ /btsun pa/ dge slong gis g.yul shom pa la bltar mchis kyang nongs par mi 'gyur ba mchis sam/ u pa li/ yod de/ de ni/ 'di ltar dge slong rgyal po'i pho nyas bkug pa'o/ /btsun pa/ bsnyen par ma rdzogs pa na lus kyis mchis la/ bsnyen par ma rdzogs pa na bltas na/ cir 'gyur/ nyes byas so| |bsnyen par ma rdzogs pa na mchis la/ bsnyen par rdzogs kar bltas na/ cir 'gyur/ nyes byas so/ /bsnyen par ma rdzogs pa na mchis la/ bsnyen par rdzogs nas bltas na/ cir 'gyur/ nyes byas so/ /bsnyen par rdzogs kar mchis la/ bsnyen par rdzogs kar bltas na/ cir 'gyur/ nyes byas so/ /bsnyen par rdzogs kar mchis la/ bsnyen par rdzogs nas bltas na/ cir 'gyur/ nyes byas so/ /bsnyen par rdzogs pa na mchis la/ bsnyen par rdzogs pa na bltas na/ cir 'gyur/ ltung ba'o/ /bsnyen par rdzogs pa na mchis la/ bsnyen par ma rdzogs pa na bltas na/ cir 'gyur/ nyes byas so/ /btsun pa/ dge slong gis mi'i g.yul la mi'i g.yul du 'du shes te bltar mchis na/ cir 'gyur/ ltung ba'o/ / mi'i g.yul la mi ma lags pa'i g.yul du 'du shes na/ cir 'gyur/ nyes byas so/ /mi ma lags pa'i g.yul la mi'i g.yul du 'du shes na/ cir 'gyur/ nyes byas so/ /mi ma lags pa'i g.yul la mi ma lags pa'i g.yul du 'du shes na/ cir 'gyur/ nyes byas so/ /btsun pa/ dge slong gis ma ning gi g.yul shom pa la bltar mchis na/ cir 'gyur/ nyes byas so| |btsun pa/ bslab pa stsal pas g.yul shom pa la bltar mchis na/ cir 'gyur/ ltung ba'o/ /btsun pa/ dge slong ma g.yul shom pa la bltar mchis na/ cir 'gyur/ ltung ba'o| |btsun pa/ dge slong ma dang / dge tshul ma dang / dge tshul pha rnams g.yul shom pa la bltar mchis na/ cir 'gyur/ nyes byas so/ /bslab pa'i gnas kyi le'u 'di bzhin du g.yul shom par blta na zhag gnyis las mi 'da' ba yang rgyas par brjod par bya'o/ /mdor na/ 'phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log pa/ /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang gis dge slong la brdegs na ltung bar 'gyur ro/ /zhes gsungs na/ btsun pa/ dge slong gis dge slong zhig 'phrin gyis brdeg tu stsal na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de brdeg tu bcug na/ thams cad nyes byas su 'gyur ro/ /btsun pa/ dge slong gis dge slong smyon pa la brdegs na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / de bzhin du 'gro ba gzhan du gnas pa'i dge slong rnams la brdegs na/ thams cad nyes byas su 'gyur ro/ /mdor na/ sngags dang sman dang gzhan gyi dang / /gzhan gyi bzhi pa bdun pa dang / /khyim pa dag la sogs pa rnams/ /mtshan dang de bzhin dge slong ma'o/ /dge slong gis sngags sam sman gyis bdag mi snang bar bsgyur te dge slong la brdegs na/ cir 'gyur/ nyes byas so/ /btsun pa/ dge slong gis dge slong la brdegs kyang nongs par mi 'gyur ba mchis sam/ u pa li/ yod de/ rtsed mor bsam ste brdegs sam/ gzas par sems pa'o/ /btsun pa/ dge slong gis dge slong la gzhan gyi phyir brdegs na| cir 'gyur/ nyes byas so/ /btsun pa/ dge slong gis dge slong la gzhan brdeg tu stsal na/ cir 'gyur/ nyes byas so/ /btsun pa/ dge slong gis mi la mir 'du shes te brdegs na| cir 'gyur/ ltung ba'o/ /mi la mi ma lags par 'du shes na/ cir 'gyur/ nyes byas so/ /mi ma lags pa la mir 'du shes na cir 'gyur/ nyes byas so/ /mi ma lags pa la mi ma lags par 'du shes na cir 'gyur/ nyes byas so/ /btsun pa/ dge slong gis bsnyen par rdzogs pa la bsnyen par rdzogs par 'du shes te brdegs na cir 'gyur/ ltung ba'o/ / bsnyen par rdzogs pa la bsnyen par ma rdzogs par 'du shes na/ nyes byas so/ /bsnyen par ma rdzogs pa la bsnyen par rdzogs par 'du shes na/ nyes byas so/ /bsnyen par ma rdzogs pa la bsnyen par ma rdzogs par 'du shes na/ nyes byas su 'gyur ro/ /btsun pa/ bsnyen par ma rdzogs pa na brdegs par bshams la/ bsnyen par ma rdzogs pa na brdegs na/ cir 'gyur/ nyes byas so/ /bsnyen par ma rdzogs pa na bshams la/ bsnyen par rdzogs kar brdegs na/ cir 'gyur/ nyes byas so/ /bsnyen par ma rdzogs pa na bshams la/ bsnyen par rdzogs nas brdegs na/ cir 'gyur/ nyes byas so/ /bsnyen par rdzogs kar bshams la/ bsnyen par rdzogs kar brdegs na/ cir 'gyur/ nyes byas so/ /bsnyen par rdzogs kar bshams la/ bsnyen par rdzogs nas brdegs na/ cir 'gyur/ nyes byas so/ /bsnyen par rdzogs pa na bshams pa/ bsnyen par rdzogs nas brdegs na/ cir 'gyur/ ltung ba'o/ /bsnyen par rdzogs pa na bshams la/ bsnyen par ma rdzogs pa na brdegs na/ cir 'gyur/ nyes byas so/ /btsun pa/ dge slong gis khyim pa la brdegs na/ cir 'gyur/ nyes byas so/ /de bzhin du za ma dang / ma ning dang / dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / sngar nyes pa byung ba dang / sngar 'khrugs pa rnams la brdegs na/ thams cad nyes byas su 'gyur ro/ /btsun pa/ dge slong gis dge 'dun gyi dbyen bgyis pa dang / nye bar phyogs pa dang / bslab pa stsal pa rnams la brdegs na/ cir 'gyur/ thams cad du ltung bar 'gyur ro/ /btsun pa/ dge slong gis dge slong la brdegs pa na mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong mas dge slong ma la brdegs pa na mtshan 'phos te dge slong du gyur na/ cir 'gyur/ nyes byas so/ /btsun pa/ dge slong gis dge slong ma dang / dge slob ma dang / dge tshul ma dang / dge tshul pha rnams la brdegs na/ cir 'gyur/ nyes byas so/ /btsun pa/ dge slong mas dge slong dang / dge slob ma dang / dge tshul ma dang / dge tshul pha rnams la brdegs na/ cir 'gyur/ nyes byas so/ / btsun pa/ bslab pa stsal pas dge slong la brdegs na/ cir 'gyur/ ltung ba'o/ /btsun pa/ dge slong mas dge slong ma la brdegs na/ cir 'gyur/ ltung ba'o/ /dge slob ma dang / dge tshul ma dang / dge tshul pha rnams la nyes byas so/ /ji ltar brdegs pa'i le'u smras pa de bzhin du brdegs par gzas pa yang brjod par bya'o/ /mdor na/ 'phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang dge slong gi gnas ngan len gyi nongs pa bcabs na/ ltung ba'o/ /zhes gsungs na/ btsun pa/ dge slong gis dge slong gi gnas ngan len gyi nongs pa 'phrin gyis bcabs na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de gnas ngan len gyi nongs pa bcabs na/ thams cad nyes byas su 'gyur ro/ /btsun pa/ dge slong gis dge slong gi gnas ngan len gyi nongs pa smyon pa la bcabs na/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams la dge slong gi gnas ngan len gyi nyes pa bcabs na/ thams cad nyes byas su 'gyur ro/ /btsun pa/ dge slob gis dge slong smyon pas gnas ngan len gyi nongs pa bcabs na/ cir 'gyur/ nyes byas so/ /de bzhin du sems 'khrugs pa dang / nad kyis gzir pa dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa'i dge slong rnams kyis gnas ngan len gyi nyes pa bcabs na/ thams cad nyes byas su 'gyur ro| |mdor na/ skad dang lus dang dben pa dang / /nyes mtshan bzhi pa bdun pa dang / /khyim pa dag la sogs pa rnams/ /bcabs dang de ltar dge slong ma'o/ /btsun pa/ dge slong gis dris nas 'phags pas 'phags pa'i skad du dge slong gi gnas ngan len gyi nongs pa bcabs pa dang / dge slong des kyang 'phags pa'i skad ma 'tshal na/ cir 'gyur/ nyes byas so/ /'phags pas mtha' 'khob pa'i skad du dge slong gi gnas ngan len gyi nongs pa bcabs pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas mtha' 'khob pa'i skad du dge slong gi gnas ngan len gyi nongs pa bcabs pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas 'phags pa'i skad du gnas ngan len gyi nongs pa bcabs pa dang / dge slong des kyang 'phags pa'i skad ma 'tshal na/ cir 'gyur/ nyes byas so/ /btsun pa/ dge slong gis dris nas lus kyi dmigs pas dge slong gi gnas ngan len gyi nongs pa bcabs na/ cir 'gyur/ nyes byas so/ /btsun pa/ dge slong gis dge slong gi gnas ngan len gyi nongs pa bcabs kyang nongs par mi 'gyur ba mchis sam/ u pa li/ yod de/ de ni/ 'di ltar dge slong zhig de'i rgyus 'tsho ba'i bar chad dam/ dge slong gis bar chad dam/ tshangs par spyod pa'i bar chad du 'gyur ba'o| |btsun pa/ dge slong gis dge slong gi nongs pa bcabs kyang nongs pa ltung bar mi 'gyur ba mchis sam/ u pa li/ yod de/ gnas ngan len gyi nyes pa ma gtogs par de las gzhan pa'i nyes pa zhig bcabs pa'o/ /btsun pa/ dge slong gis dge slong gi gnas ngan len gyi nongs pa 'chab pa na mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong mas dge slong ma'i gnas ngan len gyi nongs pa 'chab pa na mtshan 'phos te dge slong du gyur na/ cir 'gyur/ nyes byas so/ /btsun pa/ dge slong gis dge slong gi gnas ngan len la gnas ngan len du 'du shes te bcabs na/ cir 'gyur/ ltung ba'o/ /gnas ngan len la gnas ngan len ma lags par 'du shes te bcabs na/ cir 'gyur/ nyes byas so/ /gnas ngan len ma lags la gnas ngan len ma lags par 'du shes te bcabs na/ cir 'gyur/ nyes pa med do/ /gnas ngan len ma lags pa la gnas ngan len du 'du shes te bcabs na/ cir 'gyur/ nyes byas so/ /btsun pa/ dge slong gis bsnyen par rdzogs pa la bsnyen par rdzogs par 'du shes te gnas ngan len gyi nongs pa bcabs na/ cir 'gyur| ltung ba'o/ /bsnyen par rdzogs pa la bsnyen par ma rdzogs par 'du shes te dge slong gi gnas ngan len gyi nongs pa bcabs na/ cir 'gyur/ nyes byas so/ /bsnyen par ma rdzogs pa la bsnyen par ma rdzogs par 'du shes te bcabs na/ cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes te bcabs na/ cir 'gyur/ nyes byas so| |btsun pa/ bsnyen par rdzogs pa na dge slong gi gnas ngan len gyi nongs pa mthong la/ bsnyen par ma rdzogs pa na bcabs na/ cir 'gyur/ nyes byas so/ /bsnyen par ma rdzogs pa na mthong la/ bsnyen par rdzogs kar bcabs na/ cir 'gyur/ nyes byas so/ /bsnyen par ma rdzogs pa ma mthong la/ bsnyen par rdzogs pa na bcabs na/ cir 'gyur/ nyes byas so/ / bsnyen par rdzogs kar mthong la/ bsnyen par rdzogs kar bcabs na/ cir 'gyur/ nyes byas so/ /bsnyen par rdzogs kar mthong la/ bsnyen par rdzogs nas bcabs na/ cir 'gyur/ nyes byas so/ /bsnyen par rdzogs pa na mthong la/ bsnyen par rdzogs pa na bcabs na/ cir 'gyur/ ltung ba'o/ /bsnyen par rdzogs pa na mthong la/ bsnyen par ma rdzogs pa na bcabs na| cir 'gyur/ nyes byas so/ /btsun pa/ dge slong gis khyim pa'i gnas ngan len gyi nongs pa bcabs na/ cir 'gyur/ nyes byas so/ /de bzhin du za ma dang / ma ning dang / dge slong ma sun phyung ba dang / pa bsad pa dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / rkun gnas dang / mi gnas pa dang / so sor gnas pa dang / mu stegs can dang / mu stegs can du song ba dang / sngar 'khrugs pa dang / sngar nyes pa byung ba rnams kyi gnas ngan len gyi nyes pa bcabs na/ thams cad nyes byas su 'gyur ro| |btsun pa/ dge slong gis dge 'dun gyi dbyen bgyis pa dang / nye bar phyogs pa dang / bslab pa stsal pa rnams kyi gnas ngan len gyi nongs pa bcabs na/ cir 'gyur/ ltung bar 'gyur ro/ / btsun pa/ dge slong gis dge slong gi gnas ngan len gyi nongs pa khyim pa la bcabs na/ cir 'gyur/ nyes byas so/ /de bzhin du za ma dang / ma ning nas sngar 'khrugs pa rnams kyi bar du bcabs na/ thams cad nyes byas su 'gyur ro/ /btsun pa/ dge slong gis dge slong gi gnas ngan len gyi nongs pa dge 'dun gyi dbyen bgyis pa dang / nye bar phyogs pa dang / bslab pa stsal pa rnams la bcabs na/ cir 'gyur/ thams cad ltung bar 'gyur ro/ /btsun pa/ dge slong gis dge slong gi gnas ngan len gyi nongs pa khyim pa la smras na/ bcabs pa zhes bgyi'am/ u pa li| ma yin no/ /de bzhin du za ma dang / ma ning dang / bslab pa stsal pa'i bar du de dag la smras na/ bcabs pa zhes bgyi'am/ u pa li/ ma yin no/ /btsun pa dge slong gis dge slong ma'i gnas ngan len gyi nongs pa dang / dge slob ma dang / dge tshul ma dang / dge tshul pha rnams kyi gnas ngan len gyi nongs pa bcabs na/ cir 'gyur/ nyes byas so| |btsun pa/ dge slong mas dge slong dang / dge slob ma dang / dge tshul ma dang / dge tshul pha rnams kyi gnas ngan len gyi nongs pa bcabs na/ cir 'gyur/ nyes byas so/ /btsun pa/ bslab pa stsal pas gnas ngan len gyi nongs pa bcabs na/ cir 'gyur/ ltung ba'o/ /btsun pa/ dge slong mas dge slong ma'i gnas ngan len gyi nongs pa bcabs na/ cir 'gyur/ ltung ba'o/ /dge slob ma dang / dge tshul ma dang / dge tshul pha rnams kyi gnas ngan len gyi nongs pa bcabs na/ cir 'gyur/ nyes byas so// // 'dul ba gzhung dam pa/ bam po bcu gcig pa/ mdor na/ 'phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma 'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang dge slong la 'di skad du/ zas dang dbral bar 'dod nas tshe dang ldan pa/ khyod ni/ kho bo dang lhan cig tu gtam zer ram/ 'grogs kyang rung ste/ bde bar mi 'gyur gyi/ khyod song zhig| ces smras nas dge slong de skad cig tsam yang zas dang bral bar 'gyur ba de 'dra ba'i rkyen cig bgyis na/ ltung bar 'gyur ro/ /zhes gsungs na/ btsun pa/ dge slong gis dge slong la 'phrin gyis zas dang phral na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de zas dang phral na/ thams cad nyes byas su 'gyur ro/ /btsun pa/ dge slong gis dge slong smyon pa zhig zas dang phral na/ cir 'gyur/ nyes byas so/ /de bzhin du sems 'khrugs pa dang / nad kyis gzir pa dang / lkugs pa dang | 'on pa dang / glen pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa'i dge slong rnams zas dang phral na/ thams cad nyes byas su 'gyur ro/ /mdor na/ skad dang lus dang dben pa dang / /gzhan gyis gzhan gyi mtshan dag dang / /khyim pa dag la sogs pa rnams/ /bzhi pa bdun pa bza' ba'o/ /btsun pa/ dge slong 'phags pas 'phags pa'i skad du zas dang phral ba dang / dge slong des kyang 'phags pa'i skad ma 'tshal na/ cir 'gyur/ nyes byas so/ /'phags pas mtha' 'khob pa'i skad du zas dang phral ba dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas mtha' 'khob pa'i skad du zas dang phral ba dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas 'phags pa'i skad du zas dang phral ba dang / dge slong des kyang 'phags pa'i skad ma 'tshal na/ cir 'gyur/ nyes byas so/ /btsun pa/ dge slong gis dge slong la lus kyi dmigs pas zas dang phral na/ cir 'gyur/ nyes byas so/ /btsun pa/ dge slong gis dben pa la mi dben par 'du shes te zas dang phral na/ cir 'gyur/ nyes byas so/ /btsun pa/ dge slong gis dge slong gzhan las zas dang bral bar bgyid du stsal na/ cir 'gyur/ nyes byas so/ /btsun pa/ dge slong gis gzhan gyi slad du zas dang phral na/ cir 'gyur/ nyes byas so/ /btsun pa/ dge slong gis dge slong zas dang phral ba na mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong mas dge slong ma zas dang bral bar bgyid pa na mtshan 'phos te dge slong du gyur na/ cir 'gyur/ nyes byas so/ / btsun pa/ dge slong gis khyim pa zas dang phral na/ cir 'gyur/ nyes byas so/ /de bzhin du za ma dang / ma ning dang / dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / sngar nyes pa byung ba dang / sngar 'khrugs pa rnams zas dang phral na/ thams cad nyes byas su 'gyur ro/ /btsun pa/ dge slong gis dge 'dun gyi dbyen bgyis pa dang / nye bar phyogs pa dang / bslab pa stsal ba rnams zas dang phral na/ cir 'gyur/ thams cad ltung bar 'gyur ro/ /btsun pa/ dge slong gis mi la mir 'du shes te zas dang phral na/ cir 'gyur/ ltung ba'o| |mi la mi ma lags par 'du shes te zas dang phral na/ cir 'gyur/ nyes byas so/ /mi ma lags pa la mi ma lags par 'du shes te zas dang phral na/ cir 'gyur/ nyes byas so/ / mi ma lags pa la mir 'du shes te zas dang phral na/ cir 'gyur/ nyes byas so/ /btsun pa/ dge slong gis bsnyen par rdzogs pa la bsnyen par rdzogs par 'du shes te zas dang phral na/ cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes te zas dang phral na/ cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes te zas dang phral na/ cir 'gyur/ nyes byas so/ /bsnyen par ma rdzogs pa la bsnyen par ma rdzogs par 'du shes te zas dang phral na/ cir 'gyur/ nyes byas so/ /btsun pa/ bsnyen par ma rdzogs pa na mgron du bos la bsnyen par ma rdzogs pa na zas dang phral na/ cir 'gyur/ nyes byas so/ /bsnyen par ma rdzogs pa na mgron du bos la bsnyen par rdzogs te zas dang phral na/ cir 'gyur/ nyes byas so/ /bsnyen par ma rdzogs pa na mgron du bos la bsnyen par rdzogs kar zas dang phral na/ cir 'gyur/ nyes byas so/ /bsnyen par rdzogs kar mgron du bos la bsnyen par rdzogs kar zas dang phral na/ cir 'gyur/ nyes byas so/ /bsnyen par rdzogs kar mgron du bos la bsnyen par rdzogs nas zas dang phral na/ cir 'gyur/ nyes byas so/ /bsnyen par rdzogs pa na mgron du bos la bsnyen par rdzogs te zas dang phral na/ cir 'gyur/ ltung ba'o/ /bsnyen par rdzogs pa na mgron du bos la bsnyen par ma rdzogs pa na zas dang phral na/ cir 'gyur/ nyes byas so/ /btsun pa/ dge slong gis dge slong zas dang phral kyang nongs pa ltung bar mi 'gyur ba mchis sam/ u pa li/ yod de/ sman pas lung bsgos te zas dang phral ba'o/ /btsun pa/ dge slong zas dang yang phral/ nongs pa ltung bar mi 'gyur ba mchis sam/ u pa li/ yod de/ zas ma gtogs par de las gzhan pa'i bca' ba dang / bza' ba dang / btung ba dang / bldag pa dang / gzhib pa la sogs pa'i zas dang phral na/ nyes byas su 'gyur ro/ /btsun pa/ dge slong gis dge slong ma dang / dge slob ma dang / dge tshul ma dang / dge tshul pha rnams zas dang phral na/ cir 'gyur/ nyes byas so/ /btsun pa/ dge slong mas dge slong dang / dge slob ma dang / dge tshul ma dang / dge tshul pha rnams zas dang phral na/ cir 'gyur/ nyes byas so/ /btsun pa/ bslab pa stsal bas dge slong zas dang phral na/ cir 'gyur/ ltung ba'o/ /btsun pa/ dge slong mas dge slong ma zas dang phral na/ cir 'gyur/ ltung ba'o/ /btsun pa/ dge slob ma dang / dge tshul ma dang / dge tshul pha rnams kyis dge slong dang / dge slong ma dang / dge slob ma dang / dge tshul pha rnams zas dang phral na/ cir 'gyur/ nyes byas so/ /mdor na/ 'phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na ba 'on pa 'gro ba'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang bro ma 'tshal bar bdag gi slad du bdag gis zhugs bus sam/ 'bud du stsal na/ ltung bar 'gyur ro/ /zhes gsungs na/ btsun pa/ dge slong gis 'phrin gyis zhugs 'bud du stsal na| cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de me 'bud du bcug na/ nyes byas su 'gyur ro/ / btsun pa/ dge slong gis smyon pa zhugs 'bud du stsal na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / 'gro ba gzhan du gnas pa rnams me 'bud du bcug na/ thams cad nyes byas su 'gyur ro/ /mdor na/ skad dang lus dang dben pa dang / de ltar gzhan gyis gzhan gyi mtshan/ /khyim pa dag la sogs pa rnams/ /bzhi pa bdun pa de bzhin no/ /btsun pa/ dge slong 'phags pas 'phags pa'i skad du zhugs 'bud du stsal ba dang / dge slong des kyang 'phags pa'i skad ma 'tshal na/ cir 'gyur/ nyes byas so/ /'phags pas mtha' 'khob ba'i skad du zhugs 'bud du stsal pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas mtha' 'khob pa'i skad du zhugs 'bud du stsal pa dang / dge slong des kyang mtha' 'khob pa'i skad ma 'tshal na| cir 'gyur/ nyes byas so/ /mtha' 'khob pas 'phags pa'i skad du zhugs 'bud du stsal pa dang / dge slong des kyang 'phags pa'i skad ma 'tshal na/ cir 'gyur/ nyes byas so/ / btsun pa/ dge slong gis lus kyi dmigs pas zhugs 'bud du stsal na/ cir 'gyur/ nyes byas so/ /btsun pa/ dge slong gis dben pa la mi dben par 'du shes te zhugs 'bud du stsal na/ cir 'gyur/ nyes byas so/ /btsun pa/ dge slong gis gzhan zhugs 'bud du stsal na/ cir 'gyur/ ltung ba'o/ /btsun pa/ dge slong gis gzhan gyi slad du zhugs 'bud du stsal na/ cir 'gyur/ nyes byas so/ /btsun pa/ dge slong gis zhugs 'bud du stsol pa na mtshan 'phos te dge slong mar gyur na/ cir 'gyur/ ltung ba'o/ /btsun pa/ dge slong mas zhugs 'bud du stsol pa na mtshan 'phos te dge slong du gyur na/ cir 'gyur/ /ltung ba'o/ /btsun pa/ dge slong gis khyim pa mngon sum du zhugs 'bud du stsal na/ cir 'gyur/ ltung ba'o/ /de bzhin du za ma dang / ma ning dang / dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / sngar 'khrugs pa dang / sngar nyes pa byung ba rnams me 'bud du bcug na/ thams cad ltung bar 'gyur ro/ /btsun pa| dge slong gis dge 'dun gyi dbyen bgyis pa dang / nye bar phyogs pa dang / bslab pa stsal pa rnams zhugs 'bud du stsal na/ cir 'gyur/ thams cad ltung bar 'gyur ro/ /btsun pa/ dge slong gis mi la mir 'du shes te zhugs 'bud du stsal na/ cir 'gyur/ ltung ba'o/ /mi la mi ma lags par 'du shes te zhugs 'bud du stsal na/ cir 'gyur/ nyes byas so/ /mi ma lags pa la mir 'du shes te zhugs 'bud du stsal na/ cir 'gyur/ nyes byas so/ /mi ma lags pa la mi ma lags par 'du shes te zhugs 'bud du stsal na/ cir 'gyur/ nyes byas so/ /btsun pa/ bsnyen par ma rdzogs pa na bshams la bsnyen par ma rdzogs pa na zhugs 'bud du stsal na/ cir 'gyur/ nyes byas so/ /bsnyen par ma rdzogs pa na bshams la bsnyen par rdzogs kar zhugs 'bud du stsal na/ cir 'gyur/ nyes byas so/ /bsnyen par ma rdzogs pa na bshams la bsnyen par rdzogs pa na zhugs 'bud du stsal na/ cir 'gyur/ nyes byas so/ /bsnyen par rdzogs kar bshams la bsnyen bar rdzogs kar zhugs 'bud du stsal na/ cir 'gyur/ nyes byas so/ /bsnyen par rdzogs kar bshams la bsnyen par rdzogs nas zhugs 'bud du stsal na/ cir 'gyur/ nyes byas so/ /bsnyen par rdzogs pa na bshams la bsnyen par rdzogs pa na zhugs 'bud du stsal na/ cir 'gyur/ ltung ba'o/ /bsnyen par rdzogs pa na bshams la bsnyen par ma rdzogs pa na zhugs 'bud du stsal na/ cir 'gyur/ nyes byas so/ /btsun pa/ bslab ba stsal bas zhugs 'bud du stsal na/ cir 'gyur/ ltung ba'o/ /btsun pa/ dge slong mas zhugs 'bud du stsal na/ cir 'gyur/ ltung ba'o/ /dge slob ma dang / dge tshul ma dang / dge tshul pha rnams kyis zhugs 'bud du stsal na/ cir 'gyur/ nyes byas so/ /mdor na/ 'phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma 'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang dge 'dun gyi chos dang mthun par bgyid pa la dad pa phul ba las de'i 'og tu 'khyig pa'i chos bgyid de/ dge slong khyod la dad pa mi sbyin gyi/ thong zhig /ces smras na| ltung bar 'gyur ro/ /zhes gsungs na/ btsun pa/ dge slong gis dge 'dun gyi chos dang mthun pa'i dad pa stsal bas/ de'i 'og tu 'phrin gyis 'khyig pa'i chos bgyis na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de 'khyig pa'i chos byas na/ nyes byas so/ /btsun pa/ dge slong gis dge 'dun gyi chos dang ldan pa'i bgyi ba la dad pa stsal nas de'i 'og tu smyon pa la 'khyig pa'i chos bgyis na/ cir 'gyur/ nyes byas so/ /de bzhin du sems 'khrugs pa dang / nad kyis gzir pa dang / glen pa dang / lkugs pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams la 'khyig pa'i chos byas na/ thams cad nyes byas su 'gyur ro/ /mdor na/ skad dang lus dang dben pa dang / /de bzhin gzhan gyis gzhan gyi mtshan/ /khyim pa dag la sogs pa rnams/ /bzhi pa bdun pa de bzhin no/ /btsun pa/ dge slong 'phags pas 'phags pa'i skad du 'khyig pa'i chos bgyis pa dang / dge slong des kyang 'phags pa'i skad ma 'tshal na/ cir 'gyur/ nyes byas so/ /'phags pas mtha' 'khob pa'i skad du 'khyig pa'i chos bgyis pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas mtha' 'khob pa'i skad du 'khyig pa'i chos bgyis pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so// mtha' 'khob pas 'phags pa'i skad du 'khyig pa'i chos bgyis pa dang / dge slong des kyang 'phags pa'i skad ma 'tshal na/ cir 'gyur/ nyes byas so/ /btsun pa/ dge slong gis lus kyi dmigs pas 'khyig pa'i chos bgyis na/ cir 'gyur/ nyes byas so/ /btsun pa/ dge slong gis dben pa la mi dben par 'du shes te 'khyig pa'i chos bgyis na/ cir 'gyur/ nyes byas so/ /btsun pa/ dge slong gis gzhan 'khyig tu stsal na/ cir 'gyur/ nyes byas so/ /btsun pa/ dge slong gis gzhan gyi slad du 'khyig pa'i chos bgyis na/ cir 'gyur/ nyes byas so/ /btsun pa/ dge slong gis 'khyig pa'i chos bgyid pa na mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong mas 'khyig pa'i chos bgyid pa na mtshan 'phos te dge slong du gyur na/ cir 'gyur/ nyes byas so/ /btsun pa/ dge slong gis khyim pa la 'khyig pa'i chos bgyis na/ cir 'gyur/ nyes byas so/ /de bzhin du za ma dang / ma ning dang / dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / sngar nyes pa byung ba dang / sngar 'khrugs pa rnams la 'khyig pa'i chos byas na/ thams cad nyes byas su 'gyur ro/ /btsun pa/ dge slong gis dge 'dun gyi dbyen bgyis pa dang / nye bar phyogs pa dang / bslab pa stsal pa rnams la 'khyig pa'i chos bgyis na/ cir 'gyur/ thams cad ltung bar 'gyur ro/ /btsun pa/ dge slong gis chos dang mthun pa'i las la chos dang mthun pa'i las su 'du shes te dad pa stsal nas 'khyig pa'i chos bgyis na/ cir 'gyur/ ltung ba'o/ /chos dang mthun pa'i las la chos dang mthun pa'i las ma lags par 'du shes te 'khyig pa'i chos bgyis na/ cir 'gyur/ nyes byas so/ /chos dang mi mthun pa'i las la chos dang mthun pa'i las su 'du shes te 'khyig pa'i chos bgyis na/ cir 'gyur/ nyes byas so/ /chos dang mi mthun pa'i las la chos dang mi mthun pa'i las su 'du shes nas 'khyig pa'i chos bgyis na/ cir 'gyur/ nyes byas so/ /btsun pa/ dge slong gis bsnyen par rdzogs pa la bsnyen par rdzogs par 'du shes te 'khyig pa'i chos bgyis na/ cir 'gyur| ltung ba'o/ /bsnyen par rdzogs pa la bsnyen par ma rdzogs par 'du shes te 'khyig pa'i chos bgyis na/ cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes te 'khyig pa'i chos bgyis na/ cir 'gyur/ nyes byas so/ /bsnyen par ma rdzogs pa na bsnyen par ma rdzogs par 'du shes te 'khyig pa'i chos bgyis na/ cir 'gyur/ nyes byas so/ /bsnyen par ma rdzogs pa na dad pa stsal la bsnyen par ma rdzogs pa na 'khyig pa'i chos bgyis na/ cir 'gyur/ nyes byas so/ /bsnyen par ma rdzogs pa na dad pa stsal la bsnyen par rdzogs kar 'khyig pa'i chos bgyis na/ cir 'gyur/ nyes byas so/ /btsun pa/ bsnyen par ma rdzogs pa na dad pa stsal la bsnyen par rdzogs pa na 'khyig pa'i chos bgyis na/ cir 'gyur/ nyes byas so/ /bsnyen par rdzogs kar dad pa la stsal la bsnyen par rdzogs kar 'khyig pa'i chos bgyis na/ cir 'gyur/ nyes byas so/ /bsnyen par rdzogs kar dad pa stsal la bsnyen par rdzogs nas 'khyig pa'i chos bgyis na/ cir 'gyur/ nyes byas so/ /bsnyen par rdzogs nas dad pa stsal la bsnyen par rdzogs pas 'khyig pa'i chos bgyis na/ cir 'gyur/ ltung ba'o/ /bsnyen par rdzogs pa na dad pa stsal la bsnyen par ma rdzogs pa na 'khyig pa'i chos bgyis na/ cir 'gyur/ nyes byas so/ /btsun pa/ dge slong gis dge 'dun gyi chos dang ldan pa'i bgyi ba la dad pa stsal nas dge slong ma dang / dge slob ma dang / dge tshul ma dang / dge tshul pha rnams la 'khyig pa'i chos bgyid na/ cir 'gyur/ nyes byas so/ /btsun pa/ dge slong mas dge slong dang / dge slong ma dang / dge tshul ma dang / dge tshul pha rnams la 'khyig pa'i chos bgyis na/ cir 'gyur/ nyes byas so/ /btsun pa| bslab pa stsal pas dge 'dun gyi chos dang mthun pa'i bgyi ba la dad pa stsal nas 'khyig pa'i chos bgyis na/ cir 'gyur/ ltung ba'o/ /btsun pa/ dge slong gis dge 'dun gyi chos dang mthun pa'i bgyi ba la dad pa stsal pa las 'khyig pa'i chos bgyis na/ cir 'gyur/ ltung ba'o/ /dge slong ma dang / dge slob ma dang / dge tshul ma dang / dge tshul pha rnams la nyes byas su 'gyur ro/ /mdor na/ smyon par gyur dang sems 'khrugs pa/ /na ba 'on pa 'gro ba sngags/ /nam mkha' gnyis dang bzhi pa mtshan/ /de bzhin sprul pa ma ning dang // g.yogs su bskor ba dge slong ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang bsnyen par ma rdzogs pa'i gang zag dang lhan cig tu nub gnyis las 'das par khyim gcig gi nang na nyal bar bgyid na/ ltung bar 'gyur ro/ /zhes gsungs na/ btsun pa| dge slong gis smyon pa dang lhan cig tu nub gnyis khyim gyi nang na nyal la/ nub gsum pa la rang bzhin du gnas pa dang lhan cig tu nyal na/ cir 'gyur/ nyes byas so/ /btsun pa| dge slong gis nub gnyis su rang bzhin du gnas pa dang nyal la/ nub gsum pa la smyon pa dang lhan cig tu nyal na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / 'on pa dang / lkugs pa dang / 'gro ba gzhan du gnas pa rnams dang lhan cig nyal na/ thams cad nyes byas su 'gyur ro/ /btsun pa/ dge slong g is sngags sam sman gyis bdag mi snang bar bsgyur te bsnyen par ma rdzogs pa'i gang zag dang lhan cig tu nub gnyis las 'das par khang pa gcig gi nang na nyal bar bgyid na| cir 'gyur/ nyes byas so/ /btsun pa/ dge slong gis bsnyen par ma rdzogs pa'i gang zag dang lhan cig tu nub gnyis las 'das par nam mkha' la nyal na/ cir 'gyur/ nyes byas so/ /btsun pa/ dge slong gis bsnyen par ma rdzogs pa'i gang zag dang lhan cig tu nub gnyis khang pa gcig tu nyal la/ nub gsum par bud med dang lhan cig tu nyal na/ cir 'gyur/ ltung ba'o/ /btsun pa/ dge slong gis bsnyen par ma rdzogs pa la bsnyen par ma rdzogs par 'du shes te nub gnyis 'das par nyal bar bgyid na/ cir 'gyur/ ltung ba'o/ / bsnyen par ma rdzogs pa la bsnyen par rdzogs par 'du shes na/ cir 'gyur/ nyes pa med do/ /bsnyen par rdzogs pa la bsnyen par ma rdzogs par 'du shes te nyal na/ cir 'gyur/ nyes byas so/ /bsnyen par rdzogs pa la bsnyen par rdzogs par 'du shes te nyal na/ cir 'gyur/ nyes byas so/ /btsun pa/ dge slong gis mi la mir 'du shes te nub gnyis las 'das par nyal na/ cir 'gyur/ ltung ba'o/ /mi la mi ma lags par 'du shes te nyal na/ cir 'gyur/ nyes byas so/ /mi ma lags pa la mir 'du shes te nyal na/ cir 'gyur/ nyes byas so/ /mi ma lags pa la mi ma lags par 'du shes te nyal na/ cir 'gyur/ nyes byas so/ /btsun pa/ dge slong bsnyen par ma rdzogs pa'i gang zag dang nub gnyis las 'das par lhan cig nyal ba na mtshan 'phos te dge slong mar gyur na/ cir 'gyur/ ltung ba'o/ /btsun pa/ dge slong mas bsnyen par ma rdzogs pa'i gang zag dang lhan cig tu nub gnyis las 'das par nyal ba na mtshan 'phos te dge slong du gyur na/ cir 'gyur/ ltung ba'o/ /btsun pa/ dge slong gis sprul pa dang lhan cig tu nub gnyis las 'das par khyim gcig na nyal na/ cir 'gyur/ nyes byas so/ /btsun pa/ dge slong gis bsnyen par ma rdzogs pa'i gang zag dang lhan cig tu nub gnyis nyal la nub gsum par ma ning dang lhan cig tu nyal na/ cir 'gyur/ ltung ba dang / nyes byas su 'gyur ro/ /btsun pa/ dge slong bsnyen par ma rdzogs pa'i gang zag dang lhan cig khang pa gcig gi nang na nyal yang nongs par mi 'gyur ba mchis sam/ u pa li/ yod de/ 'di ltar de ni/ de'i gnas thams cad ma g.yogs par gyur pa'am/ ra bas bskor ba'am/ phyed bskor ba'am/ thams cad ma bskor bar gyur pa'am/ ma g.yogs pa'am/ de phyed ma g.yogs pa de lta bu'i gnas su nyal na/ nyes med du 'gyur ro/ /btsun pa/ dge slong gis ri grog po'am/ shing gi phug gam/ shing stug por de bsnyen par ma rdzogs pa dang lhan cig tu nub gnyis las 'das par nyal na/ cir 'gyur/ nyes byas so/ /btsun pa/ bslab pa stsal pas bsnyen par ma rdzogs pa'i gang zag dang lhan cig tu nub gnyis las 'das par nyal na/ cir 'gyur/ ltung ba'o/ /btsun pa/ dge slong ma bsnyen par ma rdzogs pa'i gang zag dang lhan cig tu khyim gcig gi nang na nub gnyis las 'das par nyal na/ cir 'gyur/ ltung ba'o/ /dge slob ma dang / dge tshul ma dang / dge tshul pha rnams la nyes pa med do/ /dge slong a riSh+Tas lan gsum du ngag bcag pas dge 'dun gyi lhag mar bshad pa dang sbyar ro/ /mdor na/ 'phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs pa/ /na ba 'on pa 'gro ba'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang zag de ltar smra bas chos kyi rjes su ma bgyis/ sdig pa de la lta bar gyur pa ma spangs par 'tshal bzhin du de dang lhan cig tu smra'am/ kun tu smra'am/ zas 'tshal lam/ de dang / lhan cig tu khyim gcig tu nyal bar bgyid na/ ltung bar 'gyur ro/ /zhes gsungs na/ btsun pa/ dge slong gis gang zag de ltar smra bar 'tshal bzhin du 'phrin gyis smra'am/ kun tu smra na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa thams cad nyes byas su 'gyur ro/ /btsun pa/ dge slong gis dge slong smyon pa chos kyi rjes su ma bgyis pa zhig la smra'am/ kun tu smra'am/ zas 'tshal na/ khang pa gcig tu lhan cig nyal na/ cir 'gyur/ nyes byas so/ /de bzhin du sems 'khrugs pa dang / nad kyis gzir pa dang / lkugs pa dang / 'on pa dang / glen pa dang / 'gro ba gzhan du gnas pa'i dge slong chos kyi rjes su ma byas pa la smra'am/ kun tu smra'am/ za'am/ khang pa gcig tu lhan cig nyal na/ thams cad nyes byas su 'gyur ro/ /btsun pa/ dge slong gis gang zag de ltar smra ba chos kyi rjes su ma bgyis par 'tshal bzhin du sngags sam sman gyis bdag mi snang bar bsgyur te de dang lhan cig smra'am/ kun tu smra'am/ zas 'tshal lam/ de dang lhan cig tu khyim gcig gi nang du nyal na/ cir 'gyur/ nyes byas so/ /mdor na/ sngags dang nam mkha' skad rnams dang / /lus dang dben dang za ma dang / /bdun pa bzhi pa de ltar te/ /mtshan dang ma ning de bzhin no/ /btsun pa/ dge slong gis gang zag de ltar smra zhing chos kyi rjes su ma bgyis par 'tshal bzhin du sngags sam/ sman gyis bdag mi snang bar bsgyur te/ de dang lhan cig smra'am/ kun tu smra'am/ zas 'tshal zhing / de dang lhan cig tu nyal bar bgyid na/ cir 'gyur/ nyes byas so/ /btsun pa/ dge slong gis gang zag de ltar smra bar 'tshal bzhin du de dang lhan cig nam mkha' la mchis te nyal na/ cir 'gyur/ nyes byas so/ /btsun pa/ de ltar smra ba'i gang zag la dge slong 'phags pas 'phags pa'i skad du smras pa dang / gang zag des kyang 'phags pa'i skad ma 'tshal na/ cir 'gyur/ nyes byas so/ /'phags pas mtha' 'khob pa'i skad du gang zag de la de ltar smra zhing chos kyi rjes su ma bgyis pa la smras pa dang / gang zag des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas mtha' 'khob pa'i skad du de ltar smra ba'i gang zag la smras pa dang | gang zag des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas 'phags pa'i skad du de ltar smra ba'i gang zag la smras pa dang / gang zag des kyang 'phags pa'i skad ma 'tshal na/ cir 'gyur/ nyes byas so/ /btsun pa/ dge slong gis gang zag de ltar smra bar 'tshal bzhin du lus kyi dmigs pas go bar bgyis na| cir 'gyur/ nyes byas so/ /btsun pa/ dge slong gis dben pa la mi dben par 'du shes te gang zag de ltar smra ba la smras sam/ nyal na/ cir 'gyur/ nyes byas so/ /btsun pa| dge slong gis 'tshal bzhin du de ltar smra ba'i gang zag dang lhan cig zas ma gtogs par de las gzhan pa'i bca' ba dang / btung ba dang / bldag pa dang / gzhib pa la sogs pa 'tshal na/ cir 'gyur/ nyes byas so/ /btsun pa/ bsnyen par ma rdzogs pa na de ltar smra ba'i gang zag tu 'tshal la bsnyen par ma rdzogs pa na smras na/ cir 'gyur/ nyes byas so| |bsnyen par ma rdzogs pa na 'tshal la bsnyen par rdzogs kar smras na/ cir 'gyur/ nyes byas so/ /bsnyen par ma rdzogs pa na 'tshal la bsnyen par rdzogs pa na smras na/ cir 'gyur/ nyes byas so/ /bsnyen par rdzogs kar 'tshal la bsnyen par rdzogs kar smras na/ cir 'gyur/ nyes byas so/ /bsnyen par rdzogs kar 'tshal la bsnyen par rdzogs pa na smras na/ cir 'gyur/ nyes byas so/ /bsnyen par rdzogs pa na 'tshal la bsnyen par rdzogs pa na smras na/ cir 'gyur/ ltung ba'o/ /bsnyen par rdzogs pa na 'tshal la bsnyen par ma rdzogs pa na smras na/ cir 'gyur/ nyes byas so/ /btsun pa/ dge slong gis de ltar smra ba'i gang zag bsnyen par rdzogs pa la bsnyen par rdzogs par 'du shes te smras na/ cir 'gyur| ltung ba'o/ /bsnyen par rdzogs pa la bsnyen par ma rdzogs par 'du shes te smras na/ cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes te smras na| cir 'gyur/ nyes byas so/ /bsnyen par ma rdzogs pa la bsnyen par ma rdzogs par 'du shes te smras na/ cir 'gyur/ nyes byas so/ /btsun pa/ dge slong gis 'tshal bzhin du de ltar smra ba'i gang zag bzod par ma bgyis pa la bzod par ma bgyid par 'du shes te smras na/ cir 'gyur/ ltung ba'o/ bzod par ma bgyis pa la bzod par bgyis par 'du shes te smras na/ cir 'gyur/ nyes pa med do/ /bzod pa bgyis pa la bzod pa ma bgyis par 'du shes te smras na/ cir 'gyur/ nyes byas so/ /bzod par bgyis pa la bzod par bgyis par 'du shes te smras na/ cir 'gyur nyes pa med do/ /btsun pa/ dge slong gis de ltar smra ba'i gang zag la smra ba na mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong mas de ltar smra ba'i dge slong ma la 'tshal bzhin du smra ba na mtshan 'phos te dge slong du gyur na/ cir 'gyur/ nyes byas so/ /btsun pa/ dge slong gis 'tshal bzhin du de ltar smra ba'i gang zag ma ning la smras na/ cir 'gyur/ nyes byas so| |de bzhin du dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / sngar 'khrugs pa dang / sngar nyes pa byung ba'i gang zag rnams la smras na/ thams cad nyes byas su 'gyur ro/ /btsun pa/ dge slong gis de de ltar smra bar 'tshal bzhin du dge 'dun gyi dbyen bgyis pa dang / nye bar phyogs pa dang / bslab pa stsal ba'i gang zag la smras na/ cir 'gyur/ thams cad ltung bar 'gyur ro/ /btsun pa/ dge slong gis gnyid kyis log pa dang / ra ro ba dang / myos pa'i gang zag la de ltar smra zhing chos kyi rjes su ma bgyis pa la smras na/ cir 'gyur/ nyes byas so/ / btsun pa/ dge slong gis de ltar smra ba'i dge slong ma dang / dge slob ma dang / dge tshul ma dang / dge tshul pha rnams la smras na/ cir 'gyur/ nyes byas so/ /btsun pa| bslab pa stsal bas gang zag de ltar smra ba'i chos kyi rjes su ma bgyis par 'tshal bzhin du de dang lhan cig smras sam/ kun tu smras sam/ zas 'tshal tam/ de dang lhan cig tu nyal na/ cir 'gyur/ ltung ba'o/ /btsun pa/ dge slong mas de ltar smra ba'i dge slong mar 'tshal bzhin du smra'am/ kun tu smra'am/ de dang lhan cig tu khyim gcig tu nyal bar bgyid na/ cir 'gyur ltung bar 'gyur ro/ /btsun pa/ dge slong ma dang / dge tshul pha de ltar smra zhing chos kyi rjes su ma bgyis pa la smras na/ cir 'gyur/ nyes byas so/ /dge slob ma dang / dge tshul ma dang / dge tshul pha rnams la nyes byas so/ /ji ltar de ltar smra ba'i gang zag de bzhin du de ltar dge sbyong ma rung bar byas pa bstan pa yang brjod par bya'o/ /tha dad pa ci yod ces gsol pa dang / lus dang longs spyod ma gtogs par bsnyen bkur dang yid bzho ba yang brjod par bya'o/ /mdor na/ mi rung ba dang mtshan dag dang / /bzhi pa bdun pa de ltar te/ /ma chog thams cad rang bzhin dang / /tshon dang bslab pa dge slong ma/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gis gos gsar pa rnyed na/ kha dog ngan par bya ba gsum las gang yang rung ba zhig gis kha dog ngan par gyis shig /dge slong gis kha dog ngan par bya ba gsum las gang yang rung ba zhig gis kha dog ngan par ma bsgyur bar gos bgos na/ ltung bar 'gyur ro/ /zhes gsungs na/ btsun pa/ dge slong gis kha dog ngan par bsgyur ba gsum las gang yang rung ba zhig gis kha dog ngan par ma bsgyur ba'i gos bgos kyang nongs pa ltung bar mi 'gyur ba mchis sam/ u pa li/ yod de/ mi rung ba'i gos spyod pa ste/ mi rung ba ni/ rnga mo'i bal dang / ba lang gi bal dang / ra'i bal dang / ri dwags kyi bal dang 'dres pa dang / thags su ma btags pa ste/ de lta bu'i gos spyad na/ nyes byas su 'gyur ro/ /btsun pa/ dge slong gis kha dog ngan par bsgyur ba gsum las gang yang rung ba zhig gis kha dog ngan par ma bsgyur bar gos spyod pa na mtshan 'phos te dge slong mar gyur na/ cir 'gyur/ ltung ba'o/ /dge slong mas kha dog ngan par bsgyur ba gsum las gang yang rung ba zhig gis kha dog ngan par ma bsgyur bar gos spyod pa na mtshan 'phos te dge slong du gyur na/ cir 'gyur/ ltung ba'o/ /btsun pa/ dge slong gis kha dog ngan par bsgyur ba'i gos la kha dog ngan par bsgyur ba ma lags par 'du shes te spyad na/ cir 'gyur/ ltung ba'o/ /kha dog ngan par ma bsgyur ba la kha dog ngan par bsgyur bar 'du shes te spyad na/ nyes pa med do/ /kha dog ngan par bsgyur ba la kha dog ngan par ma bsgyur bar 'du shes te spyad na/ cir 'gyur/ nyes byas so/ /kha dog ngan par bsgyur ba la kha dog ngan par 'gyur bar 'du shes te spyad na/ cir 'gyur/ nyes pa med do/ /btsun pa/ bsnyen par ma rdzogs pa na rnyed la bsnyen par ma rdzogs pa na kha dog ngan par bsgyur ba gsum las gang yang rung ste/ kha dog ngan par ma bsgyur bar spyad na/ cir 'gyur/ nyes byas so/ /bsnyen par ma rdzogs pa na rnyed la bsnyen par rdzogs kar spyad na/ cir 'gyur/ nyes byas so/ /bsnyen par ma rdzogs pa na rnyed la bsnyen par rdzogs nas spyad na/ cir 'gyur/ ltung ba'o/ /bsnyen par rdzogs kar rnyed la bsnyen par rdzogs kar spyad na/ cir 'gyur/ nyes byas so/ /bsnyen par rdzogs kar rnyed la bsnyen par rdzogs nas spyad na/ cir 'gyur/ ltung ba'o/ /bsnyen par rdzogs pa na rnyed la bsnyen par rdzogs nas spyad na/ cir 'gyur/ ltung ba'o/ /bsnyen par rdzogs kar rnyed la bsnyen par ma rdzogs pa na spyad na/ cir 'gyur/ nyes byas so/ /btsun pa/ dge slong gis gos khru gang las chung ba'am/ bde bar gshegs pa'i chos gos kyi tshad cig kha dog ngan par bsgyur ba gsum las gang yang rung ba zhig gis kha dog ngan par ma bsgyur bar spyad na/ cir 'gyur/ ltung ba'o/ /btsun pa/ dge slong gis kha dog ngan par bsgyur ba gsum las gang yang rung ba zhig gis kha dog ngan par bsgyur ba'i gos spyad kyang nongs pa dang bcas par 'gyur ba mchis sam/ u pa li/ yod de/ de 'di ltar dge slong gis thams cad sngon po'am/ ser po'am/ thams cad dmar po'i gos spyad pa'o/ /btsun pa/ dge slong gis kha dog ngan par bsgyur ba rnam pa gsum las gang yang rung ba zhig gis kha dog ngan par ma bsgyur bar spyad kyang nongs par mi 'gyur ba ma mchis sam/ u pa li/ yod de/ 'di ltar dge slong des gos kyi rang bzhin bgos pa'o/ /btsun pa/ dge slong gis kha dog ngan par bsgyur ba gsum las gang yang rung ba zhig gis kha dog ngan par bsgyur ba'i gos spyad kyang nongs pa dang bcas par 'gyur ba mchis sam/ u pa li/ yod de/ tshon chen por btsos pa'o/ /de la tshon chen po ni/ gur gum dang / le brgan rtsi dang / rgya skyegs dang / btsod dang / rma shing dang / 'di lta bu'i tshon gyis btsos pa zhig spyad na/ nyes byas su 'gyur ro/ /btsun pa/ bslab pa stsal pas kha dog ngan par bsgyur ba gsum las gang yang rung ba zhig gis kha dog ngan par ma bsgyur ba'i gos spyad na/ cir 'gyur/ ltung ba'o/ /btsun pa/ dge slong mas kha dog ngan par bsgyur ba gsum las gang yang rung ba zhig gis kha dog ngan par ma bsgyur ba'i gos spyad na/ cir 'gyur/ ltung ba'o/ /btsun pa/ dge slob ma dang / dge tshul ma dang / dge tshul pha rnams kyis kha dog ngan par bsgyur ba gsum las gang yang rung ba zhig gis kha dog ngan par ma bsgyur bar spyad na/ cir 'gyur/ nyes byas so/ /mdor na/ bud med rin chen mtshan de bzhin/ /bzhi pa reg pa yang de bzhin/ /gzhan gyis dang ni bdun pa mtshon/ /rol mo dag dang sprul pa yin/ /sangs rgyas bcom ldan 'das la tshe dang ldan pa u pa lis zhus pa/ btsun pa| bcom ldan 'das kyis yang dge slong gang rin po che'am/ rin po cher gtogs pa rang gi sug pas bzung ngam/ 'dzin tu stsal na/ ra ba'i nang na mchis sam/ gnas kyi nang na mchis pa ma gtogs te ltung bar 'gyur ro/ /zhes gsungs na/ btsun pa/ dge slong gis rin po che'am/ rin po cher gtogs pa rang gi sug pas bzung yang nongs pa ltung bar mi 'gyur ba mchis sam/ u pa li/ yod de/ bud med rin po che la sogs pa rin po che lnga bzung na/ ji ltar dngos po bzhin du nyes par 'gyur ro/ /'on te nor bu rin po che dang / 'khor lo rin po che bzung na/ ltung ba'o/ /btsun pa/ dge slong gis rin po che'am/ rin po cher gtogs pa zhig 'dzin pa na mtshan 'phos te dge slong mar gyur na/ cir 'gyur/ ltung ba'o/ / btsun pa/ dge slong mas rin po che'am/ rin po cher gtogs pa zhig 'dzin pa na mtshan 'phos te dge slong du gyur na/ cir 'gyur/ ltung ba'o/ /btsun pa/ dge slong gis rin po che la rin po cher 'du shes te bzung na/ cir 'gyur/ ltung ba'o/ /rin po che la rin po che ma lags par 'du shes te bzung na/ cir 'gyur/ nyes pa med do/ /rin po che ma lags pa la rin po cher 'du shes te bzung na/ cir 'gyur/ nyes byas so/ /rin po che ma lags pa la rin po che ma lags par 'du shes te bzung na/ cir 'gyur/ nyes pa med do/ /de bzhin du rin po cher gtogs par 'du shes pa yang bzhir sbyar ro/ /btsun pa/ dge slong gis rin po che'am/ rin po cher gtogs pa la reg na/ cir 'gyur/ ltung ba'o/ /btsun pa/ dge slong gis rin po che'am/ rin po cher gtogs pa la gzhan 'dzin du stsal na/ cir 'gyur/ ltung ba'o/ /btsun pa/ bsnyen par ma rdzogs pa na rin po che'am/ rin po cher gtogs pa zhig bzung bar bshams la bsnyen par ma rdzogs pa na bzung na/ cir 'gyur/ nyes byas so/ /bsnyen par ma rdzogs pa na bshams la bsnyen par rdzogs kar bzung na/ cir 'gyur/ nyes byas so/ /bsnyen par ma rdzogs pa na bshams la bsnyen par rdzogs nas bzung na/ cir 'gyur/ nyes byas so/ /bsnyen par rdzogs kar bshams la bsnyen par rdzogs kar bzung na/ cir 'gyur/ nyes byas so/ /bsnyen par rdzogs kar bshams la bsnyen par rdzogs nas bzung na/ cir 'gyur/ nyes byas so/ /bsnyen par rdzogs pa na bshams la bsnyen par rdzogs pa na bzung na/ cir 'gyur/ ltung ba'o/ /bsnyen par rdzogs pa na bshams la bsnyen par ma rdzogs pa na bzung na/ cir 'gyur/ nyes byas so/ /btsun pa/ dge slong gis rin po che'am/ rin po cher gtogs pa bzung yang nongs pa ltung bar mi 'gyur ba mchis sam/ u pa li/ yod de/ lha rdzas kyi rin po che'am/ rin po cher gtogs pa bzung na/ nyes med du 'gyur ro/ /btsun pa/ dge slong gis rin po cher gtogs pa bzung yang nongs pa ltung bar mi 'gyur ba mchis sam/ u pa li/ yod de/ nyams pa bzung ba'o/ /btsun pa/ dge slong gis sprul pa'i rin po che'am/ rin po cher gtogs pa bzung na/ cir 'gyur/ nyes byas so/ /btsun pa/ dge slong gis rin po che'am/ rin po cher gtogs pa spyad kyang nongs pa ltung bar mi 'gyur ba mchis sam/ u pa li/ yod de/ lha'i gnas sam/ klu'i gnas sam/ gnod sbyin gyi gnas sam/ rgyal po'i pho brang ngam/ rgyal po'am/ blon po'i khyim de dag tu stan dang snod gzhan med par gyur pa'o/ /btsun pa/ bslab pa stsal pas rin po che'am/ rin po cher gtogs pa bzung na/ cir 'gyur/ ltung ba'o/ /btsun pa/ dge slong mas rin po che'am/ rin po cher gtogs pa bzung na/ cir 'gyur/ ltung ba'o/ /btsun pa/ dge slob mas rin po che'am/ rin po cher gtogs pa bzung na/ cir 'gyur/ nyes byas so/ /btsun pa/ dge tshul ma dang / dge tshul phas rin po che'am/ rin po cher gtogs pa bzung na/ cir 'gyur/ nyes pa med do// //'dul ba gzhung dam pa/ bam po bcu gnyis pa/ mdor na/ dus dang bzhi pa de lta ste/ /sbyor ba dang ni de bzhin mtshan/ /de bzhin chu dang char pa dang / /bslab pa byin dang dge slong ma/ sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis zla ba phyed cing khrus bgyis na/ dus la bab pa ma gtogs par ltung bar 'gyur ro/ /zhes gsangs na/ btsun pa/ dge slong gis rtag tu khrus bgyis kyang nongs par mi 'gyur ba mchis sam/ u pa li/ yod de/ dus la bab pa bdun las gang yang rung ste/ dus la bab pa zhig tu khrus bya'o/ /btsun pa/ dge slong gis zla ba phyed ma lon par 'du shes te khrus bgyis na/ cir 'gyur/ ltung ba'o/ /zla ba phyed ma lon pa la zla ba byed lon par 'du shes te khrus byas na/ nyes pa med do/ /zla ba phyed lon pa la zla ba phyed ma lon par 'du shes te khrus bgyis na/ cir 'gyur/ nyes byas so/ /zla ba phyed lon pa la zla ba phyed lon par 'du shes te khrus bgyis na/ cir 'gyur/ nyes pa med do/ /btsun pa/ dge slong gis chab la chab tu 'du shes te khrus bgyis na/ cir 'gyur/ ltung ba'o/ /chab la chab ma lags par 'du shes te khrus bgyis na/ cir 'gyur/ nyes byas so/ /chab ma lags pa la chab tu 'du shes te khrus bgyis na/ cir 'gyur/ nyes byas so/ /chab ma lags pa la chab ma lags par 'du shes te khrus bgyis na/ cir 'gyur/ nyes byas so/ /btsun pa/ dge slong gis dus su byin gyis brlabs te khrus bgyis kyang de la nongs pa dang bcas par 'gyur ba mchis sam/ u pa li/ yod de/ khrus byed pa btang nas byi'u zul byed pa'o/ /btsun pa/ dge slong gis zla ba phyed tshun chad du dus su byin gyis ma brlabs par khrus bgyis pa na mtshan 'phos te dge slong mar gyur na/ cir 'gyur/ ltung ba'o/ /btsun pa/ dge slong mas dus su byin gyis ma brlabs par khrus bgyid pa na mtshan 'phos te dge slong du gyur na/ cir 'gyur/ ltung ba'o/ /btsun pa/ dge slong gis chab ma gtogs pa de las gzhan pa'i dngos po zhig gis khrus bgyis na/ cir 'gyur/ nyes byas so/ / dge slong gis rtag tu khrus bgyis kyang nongs par mi 'gyur ba mchis sam/ u pa li/ yod de/ chu rgal bar bsam pa'am/ char pa bab ste khrus byas pa'o/ /btsun pa/ bslab pa stsal pas zla ba phyed tshun chad dus su byin gyis ma brlabs par khrus bgyis na/ cir 'gyur/ ltung ba'o/ /btsun pa/ dge slong mas zla ba phyed tshun chad dus su byin gyis ma brlabs par khrus bgyis na/ cir 'gyur/ ltung ba'o/ /btsun pa/ dge slob ma dang / dge tshul ma dang / dge tshul pha rnams kyis byin gyis ma brlabs par zla ba phyed tshun chad khrus bgyis na/ cir 'gyur/ nyes byas so/ /shes bzhin du byol song du gyur pa'i srog chags 'tsho ba dang bral ba ni/ phas pham pa'i skabs su bshad pa bzhin rnam par dbye'o/ /mdor na/ 'phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gis dge slong la 'tshal bzhin du 'gyod pa bskyed na/ ltung bar 'gyur ro/ /zhes gsungs na/ btsun pa/ dge slong gis dge slong zhig 'phrin gyis 'gyod pa bskyed na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de 'gyod pa bskyed na/ thams cad nyes byas su 'gyur ro/ /btsun pa/ dge slong gis dge slong smyon pa 'gyod pa bskyed na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa'i dge slong rnams 'gyod pa bskyed na/ thams cad nyes byas su 'gyur ro/ /mdor na/ skad dang lus dang dben pa sngags/ /mtshan dang bzhi pa bdun pa dang / / khyim pa dag la sogs pa rnams/ /lhag ma gzhan gyis dge slong ma'o/ /btsun pa/ dge slong 'phags pas 'phags pa'i skad du 'gyod pa bskyed pa dang / dge slong des kyang 'phags pa'i skad ma 'tshal na/ cir 'gyur/ nyes byas so/ /btsun pa/ dge slong 'phags pas mtha' 'khob pa'i skad du 'gyod pa bskyed pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas mtha' 'khob pa'i skad du 'gyod pa bskyed pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas 'phags pa'i skad du 'gyod pa bskyed pa dang / dge slong des kyang 'phags pa'i skad ma 'tshal na/ cir 'gyur/ nyes byas so/ /btsun pa/ dge slong gis dge slong la lus kyi dmigs pas 'gyod pa bskyed na/ cir 'gyur/ nyes byas so/ /btsun pa/ dge slong gis dben pa la mi dben par 'du shes te 'gyod pa bskyed na/ cir 'gyur/ nyes byas so/ /btsun pa/ dge slong gis sngags sam/ sman gyis bdag mi snang bar bsgyur te dge slong la 'gyod pa bskyed na/ cir 'gyur/ nyes byas so/ /btsun pa/ dge slong gis dge slong gi 'gyod pa bskyed pa na mtshan 'phos te dge slong mar 'gyur na/ cir 'gyur/ nyes byas so/ /btsun pa/ dge slong mas 'gyod pa bskyed na mtshan 'phos te dge slong du gyur na/ cir 'gyur/ nyes byas so/ /btsun pa/ dge slong gis bsnyen par rdzogs pa la bsnyen par rdzogs par 'du shes te 'gyod pa bskyed na/ cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes te 'gyod pa bskyed na/ nyes byas su 'gyur ro/ /bsnyen par ma rdzogs pa la bsnyen par rdzogs par 'du shes te 'gyod pa bskyed na/ nyes byas su 'gyur ro/ /bsnyen par ma rdzogs pa la bsnyen par ma rdzogs par 'du shes te 'gyod pa bskyed na/ cir 'gyur/ nyes byas so/ /btsun pa/ bsnyen par ma rdzogs pa na 'gyod pa bskyed par bshams la bsnyen par ma rdzogs pa na grub na/ cir 'gyur/ nyes byas so/ /bsnyen par ma rdzogs pa na bshams la bsnyen par rdzogs kar grub na/ cir 'gyur/ nyes byas so/ /bsnyen par ma rdzogs pa na bshams la bsnyen par rdzogs te grub na/ cir 'gyur/ nyes byas so/ /bsnyen par rdzogs kar bshams la bsnyen par rdzogs kar grub na/ cir 'gyur/ nyes byas so/ /bsnyen par rdzogs kar bshams la bsnyen par rdzogs nas grub na/ cir 'gyur/ nyes byas so/ /bsnyen par rdzogs pa na bshams la bsnyen par rdzogs pa na grub na/ cir 'gyur/ ltung ba'o/ /bsnyen par rdzogs pa na bshams la bsnyen par ma rdzogs pa na grub na/ cir 'gyur/ nyes byas so/ /btsun pa/ dge slong gis khyim pa la 'gyod pa bskyed na/ cir 'gyur/ nyes byas so/ /de bzhin du za ma dang / ma ning dang / dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / so sor gnas pa dang / mi gnas pa dang / sngar nyes pa byung ba dang / sngar 'khrugs pa rnams la 'gyod pa bskyed na/ thams cad nyes byas su 'gyur ro/ /btsun pa/ dge slong gis dge 'dun gyi dbyen bgyis pa dang / nye ba phyogs pa dang / bslab pa stsal pa rnams la 'gyod pa bskyed na/ cir 'gyur/ thams cad ltung bar 'gyur ro/ /btsun pa/ dge slong gis dge slong la 'gyod pa bskyed kyang nongs pa ltung bar mi 'gyur ba mchis sam/ u pa li/ yod de/ nyes pa'i lhag mar bcas pa'i nyes pa zhig 'gyod pa bskyed par gyur ba'o/ /btsun pa/ dge slong gis gzhan dag gis slad du 'gyod pa bskyed na/ cir 'gyur/ nyes byas so/ /btsun pa/ dge slong gis dge slong ma dang / dge slob ma dang / dge tshul ma dang / dge tshul pha rnams la 'gyod pa bskyed na/ cir 'gyur/ nyes byas so/ /btsun pa/ dge slong mas dge slong ma 'gyod pa bskyed na/ cir 'gyur/ ltung ba'o/ /dge slong dang / dge slob ma dang / dge tshul ma dang / dge tshul pha rnams la 'gyod pa bskyed na/ thams cad nyes byas su 'gyur ro/ /de bzhin du dge slob ma dang / dge tshul ma dang / dge tshul pha rnams gcig la gcig 'gyod pa bskyed na/ nyes byas su sbyar ro/ /btsun pa/ bslab pa stsal pas dge slong rnams la 'gyod pa bskyed na/ cir 'gyur/ ltung ba'o/ /mdor na/ smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma 'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis mdzub mos ga ga tshil bgyis na/ ltung bar 'gyur ro/ /zhes gsungs na/ btsun pa/ dge slong gis dge slong smyon pa la ga ga tshil bgyis na/ cir 'gyur/ nyes byas so| |de bzhin du sems 'khrugs pa dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa'i dge slong rnams la ga ga tshil byas na/ thams cad nyes byas su 'gyur ro/ /mdor na/ lus dang so dang sor mo dang / /spu dang g.yogs dang rma de bzhin/ /khyim pa dag la sogs pa rnams/ /mtshan dang bzhi pa bdun pa'o/ /btsun pa/ dge slong gis mdzub mos ga ga tshil bgyis pa ma gtogs par de las gzhan pa lus kyi phyogs su mgo bo'am/ phrag pa'am/ gru mo'am/ pus mo'am/ rting pa'am/ shing ngam/ rdo'am/ bong ba rnams kyis ga ga tshil bgyis na/ cir 'gyur/ thams cad nyes byas su 'gyur ro/ /btsun pa/ dge slong gis lus kyi dbang po nyams pas lus kyi dbang po ma nyams pa la ga ga tshil bgyis na/ cir 'gyur/ nyes byas so/ /btsun pa/ dge slong gis lus kyi dbang po ma nyams pas lus kyi dbang po nyams pa la ga ga tshil bgyis na/ cir 'gyur/ nyes byas so/ /dge slong gis sos ga ga tshil bgyis na/ cir 'gyur/ nyes byas so/ /btsun pa/ dge slong gis so la ga ga tshil bgyis na/ cir 'gyur/ nyes byas so/ /btsun pa/ dge slong gis sen mos ga ga tshil bgyis na/ cir 'gyur/ nyes byas so/ /btsun pa/ dge slong gis spus ga ga tshil bgyis sam/ spu la ga ga tshil bgyis na/ cir 'gyur/ nyes byas so/ /btsun pa/ dge slong gis g.yogs pa dang bcas pa la ga ga tshil bgyis na/ cir 'gyur/ nyes byas so/ /btsun pa/ dge slong gis rmas ga ga tshil bgyis sam/ rma ga ga tshil bgyis na/ cir 'gyur/ nyes byas so/ /btsun pa/ dge slong gis khyim pa la ga ga tshil bgyis na/ cir 'gyur/ nyes byas so// de bzhin du za ma dang / ma ning dang / dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / so sor gnas pa dang / mi gnas pa dang / sngar nyes pa byung ba dang / sngar 'khrugs pa rnams la ga ga tshil byas na/ thams cad nyes byas su 'gyur ro/ /btsun pa/ dge song gis dge 'dun gyi dbyen bgyis pa dang / nye bar phyogs pa dang / bslab pa stsal ba la ga ga tshil bgyis na/ cir 'gyur thams cad ltung bar 'gyur ro/ /btsun pa/ dge slong gis dge slong ma la ga ga tshil bgyis sam/ dge slong ma dang / dge tshul ma dang / dge tshul pha rnams la ga ga tshil bgyis na/ cir 'gyur/ thams cad nyes byas su 'gyur ro/ /btsun pa/ dge slong mas dge slong dang / dge slob ma dang / dge slob ma dang / dge tshul pha rnams la ga ga tshil bgyis na/ cir 'gyur/ thams cad nyes byas su 'gyur ro/ /btsun pa/ dge slong gis dge slong la ga ga tshil bgyid pa na mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong mas dge slong ma la ga ga tshil bgyid pa na mtshan 'phos te dge slong du gyur na/ cir 'gyur/ nyes byas so/ /btsun pa/ dge slong gis bsnyen par rdzogs pa la bsnyen par rdzogs par 'du shes te ga ga tshil bgyis na| cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes te ga ga tshil bgyis na/ cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes te ga ga tshil bgyis na/ cir 'gyur/ nyes byas so// bsnyen par ma rdzogs pa la bsnyen par rdzogs par 'du shes te ga ga tshil bgyis na/ cir 'gyur/ nyes byas so/ /de bzhin du mi la mir 'du shes pa yang bzhir sbyar ro/ btsun pa/ bsnyen par ma rdzogs pa na bsam la bsnyen par ma rdzogs pa na ga ga tshil bgyis na/ cir 'gyur/ nyes byas so/ /bsnyen par ma rdzogs pa na bsam la bsnyen par rdzogs kar ga ga tshil bgyis na/ cir 'gyur/ nyes byas so/ /bsnyen par ma rdzogs pa na bsam la bsnyen par rdzogs pa na ga ga tshil bgyis na/ cir 'gyur/ nyes byas so/ /bsnyen par rdzogs kar bsam la bsnyen par rdzogs kar ga ga tshil bgyis na/ cir 'gyur/ nyes byas so/ /bsnyen par rdzogs kar bsam la bsnyen par rdzogs pa na ga ga tshil bgyis na/ cir 'gyur/ nyes byas so/ /gang bsnyen par rdzogs pa na bsam la bsnyen par rdzogs pa na ga ga tshil bgyis na/ cir 'gyur/ ltung ba'o| |bsnyen par rdzogs pa na bsam la bsnyen par ma rdzogs pa na ga ga tshil bgyis na/ cir 'gyur/ nyes byas so/ /btsun pa/ bslab pa stsal pas dge slong la ga ga tshil bgyis na/ cir 'gyur/ ltung ba'o/ /btsun pa/ dge slong mas dge slong ma la ga ga tshil bgyis na/ cir 'gyur/ ltung ba'o/ /dge slob ma dang / dge tshul pha rnams la nyes byas so/ /mdor na/ 'phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang / myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis chab la dga' bar bgyis na ltung bar 'gyur ro/ /zhes gsungs na/ btsun pa/ dge slong gis 'phrin gyis chab la dga' bar bgyid du stsal na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de chu la dga' bar byed du bcug na/ thams cad nyes byas su 'gyur ro/ /btsun pa/ dge slong gis smyon pa la chab kyis dga' bar bgyis na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams chu la dga' bar byas na/ thams cad nyes byas su 'gyur ro/ /ji ltar dga' bar byed pa de bzhin du rtse ba dang / mos pa yang rgyas par brjod par bya'o/ /mdor na/ chu dang gnyis dang de bzhin bsngags/ /gzhan gyis gzhan gyis mtshan rnams dang / /dben dang bzhi ma ning dang / /bslab pa byin dang dge slong ma'o/ /btsun pa/ dge slong gis chab ma gtogs par de las gzhan pa'i dngos pos dga' bar bgyid na/ cir 'gyur/ nyes byas so/ /btsun pa/ dge slong gis char 'bab pa'i chu'i thigs pa'am/ kha ba'am/ zil ba'i thigs pa rnams kyis dga' bar bgyid na/ cir 'gyur/ nyes byas so/ /btsun pa/ dge slong gis sngags sam/ sman gyis bdag mi snang bar ba sgyur te dga' bar bgyis na/ cir 'gyur/ nyes byas so/ /btsun pa/ dge slong gzhan gyis dga' bar bgyid du stsal na/ cir 'gyur/ ltung ba'o// btsun pa/ dge slong gis gzhan dag gi slad du dga' bar bgyis na/ cir 'gyur/ nyes byas so/ /btsun pa/ dge slong gis chab la dga' bar bgyid pa na mtshan 'phos te dge slong mar gyur na/ cir 'gyur/ ltung ba'o/ /btsun pa/ dge slong mas chab la dga' bar bgyid pa na mtshan 'phos te dge slong du gyur na/ cir 'gyur/ ltung ba'o/ /btsun pa/ dge slong gis dben pa la mi dben par 'du shes te dga' bar bgyid na/ cir 'gyur/ ltung ba'o/ /chu la chu ma yin par 'du shes na/ nyes byas su 'gyur ro/ /chab ma lags pa la chab ma lags par 'du shes te dga' bar bgyid na/ cir 'gyur/ nyes byas so/ /de bzhin du mi la mir 'du shes pa yang bzhir sbyar ro/ /btsun pa/ dge slong gis ma ning zhig dga' bar bgyid du stsal na/ cir 'gyur/ nyes byas so/ /de bzhin du ma ning dang / mtshan gnyis pa zhig dga' bar byed du bcug na/ thams cad nyes byas su 'gyur ro/ /ji ltar dga' bar byed pa de bzhin du rtse ba dang / mos pa dang / rgod pa dang / rgyug pa dang / lus kyis brdeg pa rnams su yang rgyas par bshad do/ /btsun pa/ bslab pa stsal pas dga' bar bgyis na/ cir 'gyur/ ltung ba'o// btsun pa/ dge slong mas chab kyis dga' bar bgyid dam/ dga' bar bgyid du stsal na/ cir 'gyur/ ltung ba'o/ /dge slong ma dang / dge tshul ma dang / dge tshul pha rnams la nyes byas so/ /mdor na/ smyon pa sems 'khrugs na ba dang / /ma ning ma dang 'gro ba sprul/ /nam mkha' dang ni sngags dang mtshan/ /bzhi pa de bzhin ma ning ngo / /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang bud med dang khyim gcig tu nyal bar bgyid na/ ltung bar 'gyur ro/ /zhes gsungs na/ btsun pa/ dge slong gis smyon pa dang lhan cig tu khyim gcig tu nyal na/ cir 'gyur/ nyes byas su 'gyur ro/ /de bzhin du sems 'khrugs pa dang / nad kyis gzir ba dang / 'gro ba gzhan du gnas pa dang / lhan cig khyim gcig tu nyal bar bgyid na/ cir 'gyur/ nyes byas so/ /btsun pa/ dge slong gis bud med sprul pa dang lhan cig tu khyim gcig tu nyal na/ cir 'gyur/ nyes byas su 'gyur ro/ /btsun pa/ dge slong gis bud med dang lhan cig tu khyim gcig gi nang du nam mkha' la nyal bar bgyid na/ cir 'gyur/ nyes byas so/ /btsun pa/ dge slong gis sngags sam sman gyis bdag mi snang bar bsgyur te bud med dang lhan cig tu khyim gcig tu nyal bar bgyid na/ cir 'gyur/ nyes byas so/ /btsun pa/ dge slong gis bud med dang lhan cig tu khyim gcig tu nyal bar bgyid pa na mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong mas skyes pa dang lhan cig tu khyim gcig tu nyal bar bgyid pa na mtshan 'phos te dge slong du gyur na/ cir 'gyur/ nyes byas so/ /btsun pa/ dge slong gis bud med la bud med du 'du shes te nyal bar bgyid na/ cir 'gyur/ ltung ba'o/ /bud med la bud med ma yin par 'du shes na/ nyes pa med do/ /bud med ma yin pa la bud med du 'du shes na/ nyes byas su 'gyur ro/ /bud med ma yin pa la bud med ma yin par 'du shes na/ nyes pa med do/ /btsun pa/ dge slong gis mi'i bud med la mir 'du shes te lhan cig khyim gcig tu nyal bar bgyid na/ cir 'gyur/ ltung ba'o/ /mi la mi ma yin par 'du shes na/ nyes byas su 'gyur ro/ /mi ma yin pa la mir 'du shes na/ nyes byas su 'gyur ro/ /mi ma yin pa la mi ma yin par 'du shes na/ nyes byas su 'gyur ro/ /btsun pa/ dge slong gis ma ning dang lhan cig khyim gcig tu nyal bar bgyid na/ cir 'gyur/ nyes byas so/ /mdor na/ ri dang stug po'i shing dang ni/ /bskor dang g.yogs dang chen po dang / /gzung ba de bzhin nyin par dang / /bslab pa byin dang dge slong ma/ /btsun pa/ dge slong gis bud med dang lhan cig tu ri'i grog po'am/ shing stug po'am/ shing phug tu nyal bar bgyid na/ cir 'gyur/ nyes byas so/ /btsun pa/ dge slong gis bud med dang lhan cig thams cad g.yogs pa'am/ phyed bskor ba'am/ ma bskor bar nyal na/ cir 'gyur/ nyes byas so/ /btsun pa/ dge slong gis bud med dang lhan cig ris bskor ba'am/ ma g.yogs pa'am/ phyed g.yogs pa'am/ phyed ma g.yogs par nyal bar bgyid na/ cir 'gyur/ nyes byas so/ /btsun pa/ bcom ldan 'das kyis byol song mo'i skye gnas dang lhan cig khyim gcig tu nyal na/ nyes byas su 'gyur ro/ /zhes gsungs na/ de ni/ ji lta bu lags/ u pa li/ byol song gi skye gnas su gyur pa chen po'o/ /chen po ji lta bu lags/ bka' stsal pa/ bya'i nang na khyim bya mo'o/ /gzhan yang khyim bya mo dang 'dra ba'o/ /rkang pa bzhi pa'i nang na spre'u mo'am/ gzhan yang spre'u mo dang 'dra'o/ /btsun pa/ bcom ldan 'das kyis mi ma yin pa'i bud med dang lhan cig khyim gcig tu nyal bar bgyid na/ nyes byas su 'gyur ro/ /zhes gsungs na/ mi ma lags pa ji lta bu lags/ yan lag thams cad nas gzung zhing bltar yod pa'o/ /btsun pa/ dge slong gis bud med dang lhan cig khyim gcig gi nang du nyin par nyal bar bgyid na/ cir 'gyur/ u pa li/ skya rengs ma shar gyi bar du nyes byas su 'gyur ro/ /skya rengs shar nas ltung byed du 'gyur ro/ /btsun pa/ bslab pa stsal pas bud med dang lhan cig khyim gcig gi nang du nyal bar bgyid na/ cir 'gyur/ ltung ba'o/ /btsun pa/ dge slong mas skyes pa dang lhan cig tu khyim gcig tu nyal bar bgyid na/ cir 'gyur/ ltung ba'o/ /dge slob ma dang / dge tshul ma dang / dge tshul pha rnams la nyes byas so/ /mdor na/ 'phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang | |'on pa glen pa gnyid log dang / ra ro ba dang myos pa dang / /snyoms zhugs 'gro ba tha ma 'o/ /sangs rgyas bcom ldan 'das la tshe dang ldan pa u pa lis zhus pa/ btsun pa| bcom ldan 'das kyis yang dge slong la bsdigs sam/ sdigs su stsal na/ ltung bar 'gyur ro/ /zhes gsungs na/ btsun pa/ dge slong gis dge slong la 'phrin gyis sdigs su stsal na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de sdigs su bcug na/ thams cad nyes byas su 'gyur ro/ /de bzhin du dge slong sems 'khrugs pa dang / /nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams bsdigs sam/ bsdigs su bcug na/ thams cad nyes byas su 'gyur ro/ /mdor na/ skad dang lus dang dben pa sngas/ /gzhan gyis gzhan gyi bdun pa dang / /khyim pa dag la sogs pa rnams/ /bzhi pa mtshan yang de bzhin no/ /btsun pa/ dge slong 'phags pas 'phags pa'i skad du dge slong bsdigs pa dang / dge slong des kyang 'phags pa'i skad ma 'tshal na/ cir 'gyur/ nyes byas so/ /'phags pas mtha' 'khob pa'i skad du dge slong bsdigs pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ /dge slong mtha' 'khob pas mtha' 'khob pa'i skad du dge slong bsdigs pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas 'phags pa'i skad du dge slong bsdigs pa dang / dge slong des kyang 'phags pa'i skad ma 'tshal na/ cir 'gyur/ nyes byas so| |btsun pa/ dge slong gis lus kyi dmigs pas dge slong bsdigs na/ cir 'gyur/ nyes byas so/ /btsun pa/ dge slong gis dben pa la mi dben par 'du shes te dge slong bsdigs na| cir 'gyur/ nyes byas so/ /btsun pa/ dge slong gis sngags sam sman gyis bdag mi snang bar bsgyur te dge slong bsdigs na/ cir 'gyur/ nyes byas so/ /btsun pa/ dge slong gis gzhan sdigs su stsal na/ cir 'gyur/ nyes byas so/ /btsun pa/ dge slong gis dge slong gzhan gyi slad du bsdigs na/ cir 'gyur/ nyes byas so/ / btsun pa/ bsnyen par ma rdzogs pa na dge slong bsdigs par bshams la bsnyen par ma rdzogs par grub na/ cir 'gyur/ nyes byas so/ /bsnyen par ma rdzogs pa na bshams la bsnyen par rdzogs kar grub na/ cir 'gyur/ nyes byas so/ /bsnyen par ma rdzogs kar bshams la bsnyen par rdzogs te grub na/ cir 'gyur/ nyes byas so/ /bsnyen par rdzogs kar bshams la bsnyen par rdzogs kar grub na/ cir 'gyur/ nyes byas so/ /bsnyen par rdzogs kar bshams la bsnyen par rdzogs te grub na/ cir 'gyur/ nyes byas so/ /bsnyen par rdzogs pa na bshams la bsnyen par rdzogs pa na grub na/ cir 'gyur/ ltung ba'o/ /bsnyen par rdzogs pa na bshams la bsnyen par ma rdzogs pa na grub na/ cir 'gyur/ nyes byas so| |btsun pa/ dge slong gis khyim pa bsdigs na/ cir 'gyur/ nyes byas so/ /de bzhin du za ma dang / ma ning dang / dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / so sor gnas pa dang / mi gnas pa dang / sngar nyes pa byung ba dang / sngar 'khrugs pa sdigs su bcug na/ thams cad nyes byas su 'gyur ro/ /btsun pa/ dge slong gis dge 'dun gyi dbyen bgyis pa dang / nye bar phyogs pa dang / bslab pa stsal ba'i dge slong mngon sum du bsdigs sam/ sdigs su stsal na/ cir 'gyur/ thams cad ltung bar 'gyur ro/ /btsun pa/ dge slong gis dge slong la mngon sum du khyim pa sdigs su stsal na/ cir 'gyur/ ltung ba'o/ /de bzhin du ma ning dang / dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / so sor gnas pa dang / mi gnas pa dang / sngar nyes pa byung ba dang / sngar 'khrugs pa dang / nye bar phyogs pa dang / bslab pa bstsal ba'i dge slong dang / dge slong ma dang / dge slob ma dang / dge tshul ma dang / dge tshul pha rnams kyis bsdigs na/ thams cad ltung bar 'gyur ro/ /btsun pa/ dge slong gis dge slong ma dang / dge slob ma dang / dge tshul ma dang / dge tshul pha rnams la bsdigs sam/ sdigs su stsal na/ cir 'gyur/ nyes byas so/ /btsun pa/ dge slong mas dge slong dang / dge slob ma dang / dge tshul ma dang / dge tshul pha rnams la bsdigs sam/ sdigs su stsal na/ cir 'gyur/ thams cad nyes byas so/ /btsun pa/ dge slong gis bsnyen par rdzogs pa la bsnyen par rdzogs par 'du shes te bsdigs sam/ sdigs su stsal na/ cir 'gyur/ ltung ba'o/ /bsnyen par rdzogs pa la bsnyen par ma rdzogs par ma rdzogs par 'du shes na/ cir 'gyur/ nyes byas su 'gyur ro/ /bsnyen par ma rdzogs pa la bsnyen par rdzogs par 'du shes na/ nyes byas su 'gyur ro/ /bsnyen par ma rdzogs pa la bsnyen par ma rdzogs par 'du shes te bsdigs sam/ sdigs su bcug na/ nyes byas su 'gyur ro/ /btsun pa/ dge slong gis dge slong la bsdigs sam/ sdigs su stsal pa na mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong mas dge slong ma bsdigs sam/ sdigs su stsal pa na mtshan 'phos te dge slong du gyur na/ cir 'gyur/ nyes byas so/ /btsun pa/ bslab pa stsal bas dge slong la bsdigs sam/ sdigs su stsal na/ cir 'gyur/ ltung ba'o/ /btsun pa/ dge slong mas dge slong ma la bsdigs sam/ sdigs su stsal na/ cir 'gyur/ ltung ba'o/ /dge slob ma dang / dge tshul ma dang / dge tshul pha rnams la nyes byas su rgyas par brjod par bya'o/ /mdor na/ 'phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis dge slong gang gis dge slong gi lhung bzed dam/ gos sam/ gzhan gang yang rung ste/ dge slong gi yo byad gcig sbas sam/ sbed du stsal na/ ltung bar 'gyur ro/ /zhes gsungs na/ btsun pa| dge slong gis dge slong gi lhung bzed dam/ gos sam/ gzhan gang yang rung ste/ dge slong gi yo byad gcig 'phrin gyis sbed du stsal na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud nas sbed du bcug na/ thams cad nyes byas su 'gyur ro/ /btsun pa/ dge slong gis dge slong smyon pa'i lhung bzed dam/ gos sam/ gzhan gang yang dge sbyong gi yo byad gcig sbas sam/ sbed du stsal na/ cir 'gyur/ thams cad nyes byas su 'gyur ro/ /de bzhin du dge slong sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams kyi lhung bzed dam/ gos sam/ gzhan gang yang rung dge sbyong gi yo byad sbas sam/ sbed du bcug na/ thams cad nyes byas su 'gyur ro/ /mdor na/ mi rung ba dang de bzhin sngags/ /chung dang che dang gos rnams dang / /khyim pa dag la sogs pa rnams/ /mtshan dang bzhi pa bdun pa dang / /gzhan gyis dge 'dun gzhan gyi phyir/ /bslab pa byin dang dge slong ma'o/ /btsun pa/ dge slong gis dge slong gi lhung bzed dam/ gos sam/ gzhan gang yang rung dge slong gi yo byad mi rung ba sbas sam/ sbed du stsal na/ cir 'gyur/ nyes byas so| |btsun pa/ dge slong gis sngags sam sman gyis bdag mi snang bar bsgyur te dge slong gi lhung bzed dam/ gos sam/ gzhan gang yang rung dge sbyong gi yo byad cig sbas sam/ sbed du stsal na/ cir 'gyur/ nyes byas so/ /btsun pa/ dge slong gis sngags sam/ sman nam/ rdzu 'phrul gyis dge slong gi lhung bzed dam/ gos sam/ gzhan gang rung dge sbyong gi yo byad sbas na/ cir 'gyur/ nyes byas so/ /btsun pa/ dge slong gis gos khru gang las chung ba'am/ lhung bzed chung ba'am/ tshad las che ba'i lhung bzed sbed du stsal na/ cir 'gyur/ nyes byas so/ /btsun pa/ dge slong gis lhung bzed dam/ gos sam/ gzhan gang yang rung ste/ dge slong gi yo byad ma gtogs par de las gzhan khyim pa dang mthun pa'i yo byad sbas sam/ sbed du stsal na/ cir 'gyur/ nyes byas so/ /btsun pa/ dge slong gis khyim pa'i snod dam/ gos sam/ gzhan gang yang rung ste/ yo byad sbed du stsal na/ cir 'gyur/ nyes byas so/ /de bzhin du za ma dang / ma ning dang / dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / so sor gnas pa dang / mi gnas pa dang / sngar 'khrugs pa dang / sngar nyes pa byung ba'i lhung bzed dam/ gos sam/ gzhan gang yang rung ste/ dge sbyong gi yo byad sbas sam/ sbed du bcug na/ thams cad nyes byas su 'gyur ro/ /btsun pa/ dge slong gis dge 'dun gyi dbyen bgyis pa dang / nye bar phyogs pa dang / bslab pa stsal pa'i dge slong gi lhung bzed dam/ gos sbas sam/ sbed du stsal na/ cir 'gyur/ thams cad ltung ba'o/ /btsun pa/ dge slong gis dge slong ma'am/ dge slong ma dang / dge tshul ma'am/ dge tshul pha'i lhung bzed dam/ gos sam/ gzhan gang yang rung ste/ dge sbyong gi yo byad sbas sam/ sbed du stsal na/ cir 'gyur/ nyes byas so/ /btsun pa/ dge slong mas dge slong ngam/ dge slob ma'am/ dge tshul ma'am/ dge tshul pha'i lhung bzed dam/ gos sam/ gzhan gang yang rung ste/ dge sbyong gi yo byad sbas sam/ sbed du stsal na/ cir 'gyur/ nyes byas so/ /btsun pa/ dge slong gis lhung bzed dam/ gos sam/ gzhan gang yang rung dge sbyong gi yo byad mngon sum du khyim pa sbed du stsal na/ cir 'gyur| ltung ba'o/ /de bzhin du za ma dang / ma ning dang / dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / so sor gnas pa dang / mi gnas pa dang / sngar nyes ba byung ba dang / sngar 'khrugs pa dang / nye bar phyogs pa dang / bslab pa byin pa dang / dge slong dang / dge slong ma dang / dge slob ma dang / dge tshul ma dang / dge tshul pha rnams mngon sum du sbed du bcug na/ ltung bar 'gyur ro/ /btsun pa/ dge slong gis dge slong gi lhung bzed dam/ gos sam/ gzhan gang yang rung dge slong gi yo byad sbas sam/ sbed du stsol pa na mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong mas dge slong ma'i lhung bzed dam/ gos sam/ gzhan gang yang rung dge sbyong gi yo byad sbas sam/ sbed du stsol pa na mtshan 'phos te dge slong du gyur na/ cir 'gyur/ nyes byas so/ /btsun pa/ dge slong gis bsnyen par rdzogs pa la bsnyen par rdzogs par 'du shes te sbas na/ cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes na/ nyes byas su 'gyur ro/ /bsnyen par ma rdzogs pa la bsnyen par rdzogs par 'du shes na/ nyes byas su 'gyur ro/ /btsun pa/ bsnyen par ma rdzogs pa la bsnyen par ma rdzogs par 'du shes te sbas na/ cir 'gyur/ nyes byas so/ /btsun pa/ bsnyen par ma rdzogs pa na sba bar bshams la bsnyen par rdzogs pa na grub na/ cir 'gyur/ nyes byas so/ /bsnyen par ma rdzogs pa na bshams la bsnyen par rdzogs kar grub na/ cir 'gyur/ nyes byas so/ /bsnyen par ma rdzogs pa na bshams la bsnyen par rdzogs nas grub na/ cir 'gyur/ nyes byas so/ /bsnyen par rdzogs kar bshams la bsnyen par rdzogs kar grub na/ cir 'gyur/ nyes byas so/ /bsnyen par rdzogs kar bshams la bsnyen par rdzogs nas grub na/ cir 'gyur/ nyes byas so/ /bsnyen par rdzogs pa na bshams la bsnyen par rdzogs nas grub na/ cir 'gyur/ ltung ba'o/ / bsnyen par rdzogs pa na bshams la bsnyen par ma rdzogs pa na grub na/ cir 'gyur/ nyes byas so/ /btsun pa/ dge slong gis dge slong gi lhung bzed dam/ gos sam/ gzhan gang yang rung dge slong gi yo byad rnams gzhan sbed du stsal na/ cir 'gyur/ nyes byas so/ /btsun pa/ dge slong gis dge 'dun gyi yo byad sbas sam/ sbed du stsal na/ cir 'gyur/ nyes byas so/ /btsun pa/ dge slong gis dge slong gi lhung bzed dam/ gos sam/ gzhan gang yang rung dge sbyong gi 'tsho ba'i yo byad rnams gzhan gyi slad du sbas na/ cir 'gyur/ nyes byas so| |btsun pa/ bslab pa stsal pas dge slong gi lhung bzed dam/ gos sam/ gzhan gang yang rung dge sbyong gi yo byad gcig sbas sam/ sbed du stsal na| cir 'gyur/ ltung ba'o/ /btsun pa/ dge slong mas dge slong ma'i lhung bzed dam/ gos sam/ gzhan gang yang rung dge sbyong gi yo byad cig sbas sam/ sbed du stsal na/ cir 'gyur| ltung ba'o/ /dge slob ma dang / dge tshul ma dang / dge tshul pha rnams la nyes byas so/ /mdor na/ 'phrin pa spring yig lag brda dang / /gzhan zer ba dang gcig nas gcig/ smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang gis gos stsal la slar ma g.yar bar spyad na/ ltung bar 'gyur ro/ /zhes gsungs na/ btsun pa/ dge slong gis dge slong ma 'phrin gyis gos stsal la slar ma g.yar bar spyad na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud nas gos byin pa las phyir ma brnyas par spyad na/ thams cad nyes byas su 'gyur ro/ /btsun pa/ dge slong gis dge slong smyon pa la gos stsal pa las slar ma g.yar bar spyad na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa'i dge slong la gos byin pa las phyir ma brnyas par spyad na/ thams cad nyes byas su 'gyur ro/ /mdor na/ mi rung ba dang de bzhin sngags/ /chung dang che dang gos rnams dang / /khyim pa dag la sogs pa rnams/ /mtshan dang bzhi pa bdun pa dang / /gzhan gyi rgyu dang gzhan la dang / /bslab pa byin dang dge slong ma'o/ /btsun pa/ dge slong gis dge slong la gos stsal la slar ma g.yar bar spyad kyang nongs pa ltung bar mi 'gyur ba mchis sam/ u pa li/ yod de/ gos mi rung bar gyur ba ste/ de la mi rung ba ni/ rnga mo'i bal dang / ba lang gi bal dang / ri dwags kyi bal dang / ra'i bal dang 'dres pa dang / thags su ma btags pa'o/ /de 'dra ba'i gos stsal pa las slar ma g.yar bar spyad na/ cir 'gyur/ nyes byas su 'gyur ro| |btsun pa/ dge slong gis sngags sam/ sman nam/ rdzu 'phrul gyis sprul te stsal nas slar ma g.yar bar spyad na/ cir 'gyur/ nyes byas so/ /btsun pa/ dge slong gis gos khru gang bas chung ba'am/ bde bar gshegs pa'i gos kyi tshad gcig stsal pa las/ slar ma g.yar bar spyad na/ cir 'gyur/ nyes byas so/ /btsun pa/ dge slong gis gos ma gtogs par de las gzhan pa'i dge sbyong gi yo byad stsal ba las/ slar ma g.yar bar spyad na/ cir 'gyur/ nyes byas so/ /btsun pa/ dge slong gis khyim pa la gos stsal pa las slar ma g.yar bar spyad na/ cir 'gyur/ nyes byas so/ /btsun pa/ dge slong gis dge slong za ma dang / ma ning la gos stsal pa las slar ma g.yar bar spyad na/ cir 'gyur/ nyes byas so/ / de bzhin du pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang | mi gnas pa dang / so sor gnas pa dang / sngar nyes pa byung ba dang / sngar 'khrugs pa rnams la gos byin te phyir ma brnyas par spyad na/ thams cad nyes byas su 'gyur ro/ /btsun pa| dge slong gis dge 'dun gyi dbyen bgyis pa dang / nye bar phyogs pa dang / bslab pa stsal pa'i dge slong la gos stsal ba las slar ma g.yar bar spyad na/ cir 'gyur/ ltung ba'o/ / btsun pa/ dge slong gis dge slong ma dang / dge slob ma dang / dge tshul ma dang / dge tshul pha rnams la gos stsal pa las slar ma g.yar bar spyad na/ cir 'gyur/ nyes byas so/ /btsun pa| dge slong gis dge slong dang / dge slob ma dang / dge tshul ma dang / dge tshul pha rnams la gos stsal pa las slar ma g.yar bar spyod pa na mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong gis dge slong la gos stsal pa las slar ma g.yar bar spyad pa na mtshan 'phos te dge slong mar gyur na cir 'gyur/ nyes byas so/ /btsun pa/ dge slong mas dge slong ma la gos stsal pa las slar ma g.yar bar spyod pa na mtshan 'phos te dge slong du gyur na/ cir 'gyur/ nyes byas so/ /btsun pa/ dge slong gis bsnyen par rdzogs pa la bsnyen par rdzogs par 'du shes nas gos stsal pa las slar ma g.yar bar spyad na/ cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes na/ cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes na/ cir 'gyur/ nyes byas so/ /bsnyen par ma rdzogs pa la bsnyen par ma rdzogs par 'du shes te gos stsal ba las slar ma g.yar bar spyad na/ cir 'gyur/ nyes byas so/ /btsun pa/ bsnyen par ma rdzogs pa na gos stsal la bsnyen par ma rdzogs pa na slar ma g.yar bar spyad na/ cir 'gyur/ nyes byas so/ /bsnyen par ma rdzogs pa na stsal la bsnyen par rdzogs kar slar ma g.yar bar spyad na/ cir 'gyur/ nyes byas so/ /bsnyen par ma rdzogs pa na stsal la bsnyen par rdzogs nas slar ma g.yar bar spyad na/ cir 'gyur/ nyes byas so/ /bsnyen par rdzogs kar gos stsal la bsnyen par rdzogs kar slar ma g.yar bar spyad na/ cir 'gyur/ nyes byas so/ /bsnyen par rdzogs kar gos stsal la bsnyen par rdzogs nas slar ma g.yar bar spyad na/ cir 'gyur/ nyes byas so/ /bsnyen par rdzogs pa na gos stsal la bsnyen par rdzogs pa na slar ma g.yar bar spyad na/ cir 'gyur/ ltung ba'o/ /bsnyen par rdzogs pa na gos stsal la bsnyen par ma rdzogs pa na slar ma g.yar bar spyad na/ cir 'gyur/ nyes byas so/ /btsun pa/ dge slong gis dge slong gzhan las gos stsal ba las slar ma g.yar bar spyad na/ cir 'gyur/ nyes byas so/ /btsun pa/ dge slong gis dge slong la gos thun mong ba zhig stsal pa las/ slar ma g.yar bar spyad na/ cir 'gyur/ nyes byas so/ /btsun pa/ dge slong gis dge slong la gzhan gyi slad du gos stsal pa las slar ma g.yar bar spyad na/ cir 'gyur/ nyes byas so/ /btsun pa/ bslab pa stsal pas dge slong la gos stsal te slar ma g.yar bar spyad na/ cir 'gyur/ ltung ba'o/ /dge slob ma dang / dge tshul ma dang / dge tshul pha rnams la thams cad nyes byas su rgyas par bya'o/ /dge 'dun gyi lhag mas skur pa ni/ phas pham pas skur par bshad pa bzhin rnam par dbye'o// //'dul ba gzhung dam pa/ bam po bcu gsum pa/ mdor na/ smyon pa sems 'khrugs na pa dang / /sngags dang nam mkha' de bzhin te/ /mtshan dang de bzhin bzhi ba dang / /gzhon nu dag dang ma ning ma/ /sprul pa ma ning de bzhin no/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang skyes pa ma mchis par bud med dang lhan cig shul du zhugs na/ ltung bar 'gyur ro/ /zhes gsungs na/ btsun pa/ dge slong gis smyon ma dang lhan cig shul du zhugs na/ cir 'gyur/ nyes byas so/ /de bzhin du sems 'khrugs ma dang / nad kyis gzir ma dang / glen ma dang / lkugs ma dang / 'on ma dang / de bzhin du 'gro ba gzhan du gnas ma dang lhan cig lam du zhugs te 'gro na/ nyes byas su 'gyur ro/ /btsun pa/ dge slong gis skyes pa smyon pa dang / bud med dang lhan cig shul du zhugs na/ cir 'gyur/ nyes byas so/ /de bzhin du skyes pa sems 'khrugs pa dang / nad kyis gzir ba dang / glen pa dang / lkugs pa dang / 'gro ba gzhan du gnas pa rnams dang / bud med dang lhan cig lam du zhugs na/ thams cad nyes byas su 'gyur ro/ /dge slong gis bud med dang / ma ning dang lhan cig shul du zhugs na/ cir 'gyur| nyes byas so/ /btsun pa/ dge slong gis sngags sam sman gyis bdag mi snang bar bsgyur te skyes pa ma mchis par bud med dang lhan cig shul du zhugs te mchis na/ cir 'gyur/ nyes byas so| |btsun pa/ dge slong gis skyes pa ma mchis par bud med dang lhan cig nam mkha' la mchis na/ cir 'gyur/ nyes byas so/ /btsun pa/ dge slong gis skyes pa ma mchis par bud med dang lhan cig shul du zhugs pa na mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong mas skyes pa dang lhan cig shul du zhugs pa na mtshan 'phos te dge slong du gyur na/ cir 'gyur/ nyes byas so/ /btsun pa/ dge slong gis mi'i bud med la mir 'du shes te shul du zhugs na/ cir 'gyur/ ltung ba'o/ /mi la mi ma lags par 'du shes na/ cir 'gyur/ nyes byas so/ /mi ma lags pa la mir 'du shes na/ cir 'gyur/ nyes byas so/ /mi ma lags pa mi ma lags par 'du shes na/ cir 'gyur/ nyes byas so/ /btsun pa dge slong gis mi'i bud med la bud med du 'du shes nas shul du zhugs na/ ci 'gyur/ ltung ba'o/ /mi'i bud med la skyes par 'du shes te shul du zhugs na/ cir 'gyur/ nyes pa med do// skyes pa la bud mad la bud med du 'du shes nas shul du zhugs na/ cir 'gyur/ nyes byas so/ /skyes pa la skyes par 'du shes te shul du zhugs pa na/ cir 'gyur/ nyes pa med do/ /btsun pa/ dge slong gis skyes pa med par gzhon nu ma dang lhan cig shul du zhugs na/ cir 'gyur/ nyes byas so/ /btsun pa/ dge slong gis ma ning mo dang lhan cig shul du zhugs na/ cir 'gyur/ nyes byas so| |btsun pa/ dge slong gis skyes pa ma mchis par bud med dang lhan cig shul du zhugs na/ cir 'gyur/ ltung ba'o/ /btsun pa/ dge slong gis ma ning dang lhan cig shul du zhugs na/ cir 'gyur/ nyes byas so/ /btsun pa/ bslab pa stsal pa skyes pa ma mchis par bud med dang lhan cig shul du zhugs na/ cir 'gyur/ ltung ba'o/ /btsun pa/ dge slong ma bud med ma mchis par skyes pa dang lhan cig shul du zhugs na/ cir 'gyur/ dngos po ji lta ba bzhin no/ /dge slob ma dang / dge tshul ma dang / dge tshul pha rnams la nyes byas su brjod par bya'o/ /mdor na/ smyon par gyur dang / sems 'khrugs dang / /na ba 'on pa 'gro ba rnams/ nam mkha' mtshan dang bzhi pa dang / /sprul pa dang ni ma ning lam/ /lam ma yin dang dge slong ma'o/ /sangs rgyas bcom 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang mgon po mang po rku ba dang lhan cig shul du zhugs mchis na/ ltung bar 'gyur ro/ /zhes gsungs na/ btsun pa/ dge slong gis rkun po smyon pa zhig dang lhan cig shul du zhugs te mchis na/ cir 'gyur/ nyes byas so/ /de bzhin du mgon po mang po rku ba sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / 'gro ba gzhan du gnas pa rnams dang lhan cig lam du zhugs te song na/ thams cad nyes byas su 'gyur ro/ /btsun pa/ dge slong gis sngags sam sman gyis bdag mi snang bar bsgyur te mgon po mang po dang lhan cig 'grogs te mchis na/ cir 'gyur/ nyes byas so/ /btsun pa/ dge slong gis mgon po mang po rku ba dang lhan cig nam mkha' la mchis na/ cir 'gyur/ nyes byas so/ /btsun pa/ dge slong gis mgron po mang po rku ba dang lhan cig mchi ba na mtshan 'phos te dge slong mar gyur na/ cir 'gyur/ ltung ba'o/ /btsun pa dge slong ma mgon po mang po rku ba dang lhan cig tu zhugs te mchi ba na mtshan 'phos te dge slong du gyur pa na/ cir 'gyur/ ltung ba'o/ /btsun pa/ dge slong gis mgron po mang po rku ba la mgron po mang po rku bar 'du shes te shul du zhugs te mchis na/ cir 'gyur/ ltung ba'o/ /mgon po mang po rku ba la rku ba ma lags par 'du shes te mchis na/ cir 'gyur/ nyes pa med do/ /mgron po mang po rku ba ma lags pa la mgron po rku bar 'du shes te mchis na/ cir 'gyur/ nyes byas so/ /mgron po mang po rku ba ma lags pa la mgron po mang po rku ba ma lags par 'du shes na/ cir 'gyur/ nyes pa med do/ /btsun pa/ dge slong gis mi la mir 'du shes te mgron po mang po rku ba dang lhan cig lam du zhugs te mchis na/ cir 'gyur/ ltung ba'o/ /mi la mi ma lags par 'du shes na/ cir 'gyur/ nyes byas su 'gyur ro/ /mi ma lags pa la mir 'du shes na/ cir 'gyur/ nyes byas su 'gyur ro/ /mi ma lags pa la mi ma lags par 'du shes na/ cir 'gyur/ nyes byas so/ /btsun pa/ dge slong gis mgron po mang po rku ba sprul pa dang lhan cig shul du zhugs te mchis na/ cir 'gyur/ nyes byas so| |btsun pa/ dge slong gis rkun po ma ning dang lhan cig shul du zhugs mchis na/ cir 'gyur/ nyes byas so/ /btsun pa/ dge slong gis mgron po mang po rku ba dang lhan cig shul du zhugs te mchis kyang nongs par mi 'gyur ba mchis sam/ u pa li/ yod de/ rgyang grags gcig tshun chad phyir ldog gam/ rkun pos dge slong bzung ste khrid dam/ 'on de dag nyid bsel bar gyur tam/ lam stor nas lam ston pa'o/ /btsun pa/ dge slong gis mgron po mang po rku ba dang lhan cig shul ma lags par mchis na/ cir 'gyur/ ltung ba'o/ /btsun pa dang / bslab pa stsal pa mgron po mang po rku ba dang lhan cig shul du zhugs te mchis na/ cir 'gyur/ ltung ba'o/ /btsun pa/ dge slong mas mgon po mang po rku ba dang lhan cig shul du zhugs mchis na/ cir 'gyur/ ltung ba'o/ /dge slob ma dang / dge tshul ma dang / dge tshul pha rnams la nyes byas so/ /mdor na/ sngar 'khrugs bsnyen par rdzogs dang / mtshan/ /bzhi pa smyon pa sems 'khrugs dang / /na ba 'on pa 'gro ba dang / /khyim pa la sogs khyim pa mo/ /bslab pa byin dang dge slong ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang lo nyis shur ma lon pa'i gang zag cig dge slong gi dngos por bsnyen par rdzogs par bgyid na/ ltung bar 'gyur ro/ /zhes gsungs na/ btsun pa/ dge slong gis lo nyi shu la lags par 'du shes te bsnyen par rdzogs par bgyis na/ bsnyen par rdzogs pa zhes bgyi'am/ u pa li/ 'di bzhi ni/ sngar 'khrugs pa ste/ lo nyi shur yang ma lon la lo nyi shu ma lon par yang 'du shes nas de la dge slong gis lo nyi shu lon nam zhes dris pa dang / des 'di skad du/ bdag ni/ lo shi shu ma lon par shes shing dran te the tshom med do/ /zhes smras pa dang / gang zag de dge slong gis dge slong gi dngos por bsnyen par rdzogs par byas na/ 'di ni/ sngar 'khrugs pa dang po'o/ /lo nyi shu ma lon par 'gyur pa la lo nyi shu ma lon par 'du shes nas dge slong gis lo nyi shu lon nam zhes dris pa dang / des 'di skad du/ mi shes so/ /mi dran no/ /zhes smras pa'i gang zag de/ dge slong rnams kyis dge slong gi dngos por bsnyen par rdzogs par byas na/ 'di na/ sngar 'khrugs pa gnyis pa'o/ /lo nyi shu ma lon par gyur pa lo nyi shu ma lon par 'du shes nas dge slong gis lo nyi shu lon nam zhes dris pa dang / des 'di skad du/ bdag ni/ the tshom za'o/ /zhes smras pa dang / gang zag de/ dge slong gis dge slong gi dngos por bsnyen par rdzogs par byas na/ 'di ni/ sngar 'khrugs pa gsum pa'o/ /lo nyi shu ma lon par gyur pa la lo nyi shur ma lon par 'du shes nas dge slong gis dris kyang lan ni mi glon pa'i gang zag de/ dge slong rnams kyis dge slong gi dngos por bsnyen par rdzogs par byas na/ 'di ni/ sngar 'khrugs pa bzhi pa se/ u pa li/ sngar 'khrugs pa 'di bzhi ma gtogs par lhag ma rnams ni/ bsnyen par rdzogs pa zhes bya'o/ / btsun pa/ dge slong gis lo nyi shu ma lags pa'i gang zag cig dge slong gi dngos por bsnyen par rdzogs par bgyid pa na mtshan 'phos te dge slong mar gyur na/ cir 'gyur/ ltung ba'o/ /btsun pa| dge slong mas lo shi shu ma lags pa'am/ lo bcu gnyis ma lags pa zhig dge slong ma'i dngos por bsnyen par rdzogs par bgyid pa na mtshan 'phos te dge slong du gyur na/ cir 'gyur/ ltung ba'o/ /btsun pa/ dge slong gis lo nyi shu ma lags pa la lo nyi shu ma lags par 'du shes te bsnyen par rdzogs par bgyis na/ cir 'gyur/ ltung ba'o/ /lo nyi shu ma lon pa la lo nyi shu lon par 'du shes te bsnyen par rdzogs par byas na/ nyes pa med do/ /lo nyi shu lon pa la lo nyi shu ma lon par 'du shes te bsnyen par rdzogs par byas na/ nyes byas su 'gyur ro// lo nyi shu lon pa la lo nyi shu lon par 'du shes te bsnyen par rdzogs par byas na/ nyes pa med do/ /btsun pa/ dge slong gis smyon pa zhig lo nyi shu ma lags par 'du shes te bsnyen par rdzogs par bgyis na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / 'gro ba gzhan du gnas pa rnams lo nyi shu ma lon par 'du shes te bsnyen par rdzogs par byas na/ thams cad nyes byas su 'gyur ro/ /btsun pa/ dge slong gis khyim pa lo nyi shu ma lags par 'du shes te bsnyen par rdzogs par bgyis na/ cir 'gyur/ ltung ba'o/ /dge tshul pha'ang de bzhin no/ /btsun pa/ dge slong gis ma ning lo nyi shu ma lags par 'du shes te bsnyen par rdzogs par bgyis na/ cir 'gyur/ nyes byas so/ /de bzhin du dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / sngar 'khrugs pa dang / sngar nyes pa byung ba rnams lo nyi shu ma lon par 'du shes te bsnyen par rdzogs par byas na/ thams cad nyes byas su 'gyur ro/ /btsun pa/ dge slong lo nyi shu ma lags par du shes te bsnyen par rdzogs par bgyis kyang nongs pa ltung bar yang mi 'gyur la/ legs par bsnyen par rdzogs par 'gyur ba mchis sam/ u pa li/ yod de/ mi la song ba ni/ lo nyi shu ma lon yang bsnyen par rdzogs par byos shig / btsun pa/ bslab pa stsal bas lo shi shu ma lon pa'i gang zag bsnyen par rdzogs par bgyis na/ cir 'gyur/ ltung ba'o/ /btsun pa/ dge slong mas gzhon nu ma lo nyi shu ma lon pa dang / mi la song ba lo bcu gnyis su ma lon par bsnyen par rdzogs par bgyis na/ cir 'gyur/ ltung ba'o/ /dge slob ma dang / dge tshul ma dang / dge tshul rnams la nyes pa med do/ /mdor na/ 'phrin pa spring yig lag brda dang / gzhan zer ba dang gcig nas gcig /smyon par gyur dang sems 'khrugs dang / /na ba 'on pa 'gro ba 'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang bdag gis sug pas sa brkos sam/ rkor stsal na/ ltung bar 'gyur ro/ /zhes gsungs na/ btsun pa/ dge slong gis 'phrin gyis sa rkor stsal na| cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de rkor bcug na/ thams cad nyes byas su 'gyur ro/ /btsun pa/ dge slong gis smyon pas rkor stsal na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / 'gro ba gzhan du gnas pa rnams ni/ thams cad nyes byas su 'gyur ro/ mdor na/ mtshan dang bzhi pa bdun de bzhin/ /khyim pa dag la sogs pa dang / skad dang lus dang ma 'thas pa/ /phung pa sa zhag tshig pa'o/ /btsun pa| dge slong gis rang gi sug pas sa la rko ba na mtshan 'phos te dge slong mar gyur na/ cir 'gyur/ ltung ba'o/ /btsun pa/ dge slong mas rang gi sug pas sa la rko ba na mtshan 'phos te dge slong du gyur na/ cir 'gyur/ ltung ba'o/ /btsun pa/ dge slong gis sa la sar 'du shes te brkos sam/ rkor stsal na/ cir 'gyur/ ltung ba'o/ /sa la sa ma yin par 'du shes na/ nyes pa med do/ /sa ma yin pa la sar 'du shes te rkor bcug na/ nyes byas so/ /sa ma yin pa la sa ma yin par 'du shes na/ nyes pa med do/ /btsun pa/ dge slong gis gzhan sa rkor stsal na/ cir 'gyur/ nyes byas so/ /btsun pa/ dge slong gis gzhan gyi slad du sa brkos na/ cir 'gyur/ ltung ba'o/ /btsun pa/ bsnyen par ma rdzogs pa nas rko bar bshams la bsnyen par ma rdzogs par grub na cir 'gyur/ nyes byas so/ /bsnyen par ma rdzogs pa na bshams la bsnyen par rdzogs kar grub na/ cir 'gyur/ nyes byas so/ /bsnyen par ma rdzogs pa na bshams la bsnyen par rdzogs na grub na| cir 'gyur/ nyos byas so/ /bsnyen par rdzogs kar bshams la bsnyen par rdzogs kar grub na/ cir 'gyur/ nyes byas so/ /bsnyen par rdzogs kar bshams la bsnyen par rdzogs pa na grub na/ cir 'gyur/ nyes byas so/ /bsnyen par rdzogs pa na bshams la bsnyen par rdzogs pa na grub na/ cir 'gyur/ ltung ba'o/ /bsnyen par rdzogs pa na bshams la bsnyen par ma rdzogs pa na grub na/ cir 'gyur/ nyes byas so/ /btsun pa/ dge slong gis mngon sum du khyim pa sa rkor stsal na/ cir 'gyur/ ltung ba'o/ /de bzhin du za ma dang / ma ning dang / dge slong ma sun phyung ba dang / pha dang / ma bsad pa dang / dgra bcom pa bsad pa dang / dge 'dun gyi dbyen byas pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / so sor gnas pa dang / mi gnas pa dang / sngar 'khrugs pa dang / sngar nyes pa byung ba dang / nyes bar phyogs pa dang / bslab pa byin pa dang / dge slong dang / dge slong ma dang / dge slob ma dang / dge tshul ma dang / dge tshul pha rnams mngon sum du sa rkor bcug na/ thams cad ltung bar 'gyur ro/ /btsun pa/ dge slong 'phags pas 'phags pa'i skad du sa rkor stsal ba dang / gang zag des kyang 'phags pa'i skad ma 'tshal na/ cir 'gyur/ nyes byas so/ /'phags pas mtha' 'khob pa'i skad du sa rkor stsal pa dang / gang zag des kyang mtha' 'khob pa'i skad ma 'tshal na/ cir 'gyur/ nyes byas so/ /btsun pa/ dge slong mtha' 'khob pas mtha' 'khob pa'i skad du sa rkor stsal pa dang / gang zag des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas 'phags pa'i skad du sa rkor stsal pa dang / gang zag des kyang 'phags pa'i skad ma 'tshal na/ cir 'gyur/ nyes byas so/ /btsun pa/ dge slong gis lus kyi dmigs pas sa rkor stsal na/ cir 'gyur/ nyes byas so/ /btsun pa/ dge slong gis ma 'thas pa'i sa rkor stsal na/ cir 'gyur/ nyes byas so/ /btsun pa/ dge slong gis sa la phur pa btab na/ cir 'gyur/ ltung ba'o/ /btsun pa/ de ste phyung na/ cir 'gyur/ nyes byas so// btsun pa/ dge slong gis sa zhag bshus na/ cir 'gyur/ nyes byas so/ /btsun pa/ dge slong gis sa la brud na/ cir 'gyur/ nyes byas so/ /btsun pa/ dge slong gis sa la ba lang gi lci ba'am/ gyo ral chags pa bkogs na/ cir 'gyur/ nyes byas so/ /btsun pa/ dge slong gis tshig pa brkos na/ cir 'gyur/ nyes byas so/ / btsun pa/ bslab pa stsal pas/ bdag gis sug pas sa brkos sam/ rkor stsal na/ cir 'gyur/ ltung ba'o/ /btsun pa/ dge slong mas bdag gis sug pas sa brkos sam/ rkor stsal na/ cir 'gyur/ ltung ba'o/ /dge slong ma la nyes byas so/ /dge tshul dang / dge tshul pha la nyes pa med do/ /mdor na/ 'phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / 'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis dge slong gis zla ba bzhir ni/ mgron du bos pa bdag gir byos shig /de las lhag par bdag gir bgyis na/ ltung bar 'gyur ro/ /zhes gsungs na/ btsun pa/ dge slong gis dus ji srid du ji tsam zhig gis mgron bgyis pa de las 'das par 'phrin gyis bslangs te 'tshal na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud nas bslangs te zos na/ thams cad nyes byas su 'gyur ro/ /btsun pa/ dge slong zhig smyon pas mgron bgyis pa dang / de las 'das pa bslangs te 'tshal na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms spar zhugs pa dang / 'gro ba gzhan du gnas pa rnams kyis dus ji srid du ji tsam zhig gis mgron byas pa de las 'das par bslangs te zos na/ thams cad nyes byas su 'gyur ro/ /mdor na/ mi rung ba dang ma gtogs dang / /mtshan dang bzhi pa de bzhin te/ /bskos pa dang yang bar chad dang / /gzhan gyis gzhan gyi bdun pa'o/ /btsun pa/ dge slong gis dus ji srid cig tu bca' ba dang / bza' ba ji tsam gyis mgron bgyis pa de las 'das par bca' ba dang / bza' ba rung ba bslangs te 'tshal na/ cir 'gyur/ ltung ba'o/ /btsun pa/ dge slong gis dus ji srid du ji tsam gyis mgron bgyis pa de las 'das par bca' ba dang / bza' ba ma gtogs par de las gzhan pa sman rnams sman du bgyi bar 'tshal te zas su ma lags pa de dag bslangs te 'tshal na/ cir 'gyur/ nyes byas so/ /btsun pa/ dge slong gis dus ji srid du ji tsam zhig gis mgron bgyis pa de las 'das par bslangs te 'tshal ba na mtshan 'phos te dge slong mar gyur na/ cir 'gyur/ ltung ba'o/ /btsun pa/ dge slong mas dus ji srid du ji tsam gyis mgron bgyis pa de las 'das par bslangs te 'tshal ba na mtshan 'phos te dge slong du gyur na/ cir 'gyur/ ltung ba'o/ / btsun pa/ dge slong gis mi la mir 'du shes te bslangs nas 'tshal na/ cir 'gyur/ ltung ba'o/ /mi la mi ma yin par 'du shes na/ nyes byas su 'gyur ro/ /mi ma yin pa la mir 'du shes na/ nyes byas su 'gyur ro/ /mi ma lags pa la mi ma lags par 'du shes nas de las 'das par bslangs te 'tshal na/ cir 'gyur/ nyes byas so/ /btsun pa/ dge slong gis dus ji srid ji tsam zhig gis mgron du bos pa de tsam zhig 'tshal yang nongs pa dang bcas par mi 'gyur ba mchis sam/ u pa li/ yod de/ ji ltar dge slong gis bslab pa'i sdom pa stsal ba'i grong du spyan drangs te zos pa'o/ /btsun pa/ dge slong gis dus ji srid ji tsam zhig gis mgron du bos pa de las 'das par bslangs te 'tshal yang nongs par mi 'gyur ba mchis sam/ u pa li/ yod de/ ji ltar dge slong de na ste zos sam/ gzhan du 'gro ba'i phyir bar chad brgyad las gang yang rung ste bar chad gcig byung bar gyur pa'o/ /btsun pa/ dge slong gis dus ji srid du ji tsam gyis mgron du bos pa de las 'das par gzhan gyi slad du bslangs te 'tshal na/ cir 'gyur/ nyes byas so/ /btsun pa/ dge slong gis dus ji srid du ji tsam zhig gis mgron du bos pa de las 'das par gzhan slong du stsal te 'tshal na/ cir 'gyur/ nyes byas so/ /btsun pa/ bsnyen par ma rdzogs pa na bslangs la bsnyen par ma rdzogs pa na 'tshal na/ cir 'gyur/ nyes byas so/ /bsnyen par ma rdzogs pa na bslangs la bsnyen par rdzogs kar 'tshal na/ cir 'gyur/ nyes byas so/ /bsnyen par ma rdzogs pa na bslangs la bsnyen par rdzogs pa na 'tshal na/ cir 'gyur/ nyes byas so/ /bsnyen par rdzogs kar bslangs la bsnyen par rdzogs kar 'tshal na/ cir 'gyur/ nyes byas so/ /bsnyen par rdzogs kar bslangs la bsnyen par rdzogs nas 'tshal na/ cir 'gyur/ nyes byas so/ /bsnyen par rdzogs pa na bslangs la bsnyen par rdzogs nas 'tshal na/ cir 'gyur/ ltung ba'o/ /bsnyen par rdzogs pa na bslangs la bsnyen par ma rdzogs pa na 'tshal na/ cir 'gyur/ nyes byas sos/ /btsun pa/ bslab pa stsal pas de las lhag par bslangs te 'tshal na/ cir 'gyur/ ltung ba'o/ /btsun pa/ dge slong mas de las lhag par bslangs te 'tshal na/ cir 'gyur/ ltung ba'o/ /dge slob ma dang / dge tshul ma dang / dge tshul pha rnams kyis de las lhag par bslangs te 'tshal na/ cir 'gyur/ nyes byas so/ /mdor na/ 'phrin pa spring yig lag brda dang / /gzhan zer ba dang gcig nas gcig/ smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang dge slong gis dge slong la tshe dang ldan pa/ khyod kyis bslab pa 'di la slobs shig ces bsgo ba dang / des de dag la 'di skad du/ bdag ni/ tshe dang ldan pas bsgo ba bzhin du bslab pa 'di mi slob bo/ /zhes smras na/ ltung bar 'gyur ro/ /zhes gsungs na/ btsun pa/ dge slong gis dge slong la bsgo ba dang / 'phrin gyis 'di skad du/ bdag ni/ tshe dang ldan pa dag gis bsgo ba bzhin du bslab pa 'di la mi slob bo/ /zhes smras na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de smras na/ thams cad nyes byas su 'gyur ro/ /btsun pa/ dge slong zhig la dge slong rnams kyis bsgo ba dang / dge slong smyon pa zhig 'di skad du/ bdag ni/ tshe dang ldan pas bsgo ba bzhin bslab pa 'di la mi slob bo/ /zhes smras na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa'i dge slong rnams kyis 'di skad du/ bdag ni/ tshe dang ldan pas bsgo ba bzhin bslab pa 'di la mi slob bo/ /zhes smras na/ thams cad nyes byas su 'gyur ro/ /mdor na/ skad dang lus dang dben pa dang / /gzhan gyis gzhan gyi bdun pa dang / /khyim pa dag la sogs pa ste/ /mtshan dang bzhi pa bdun pa'o/ /btsun pa/ dge slong 'phags pas 'phags pa'i skad du dge slong la 'di skad du/ bdag tshe dang ldan pas bsgo ba bzhin bslab pa 'di la mi slob po/ /zhes smras pa dang / dge slong des kyang 'phags pa'i skad ma 'tshal na/ cir 'gyur/ nyes byas sos/ /'phags pas mtha' 'khob pa'i skad du de skad smras pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas mtha' 'khob pa'i skad du de skad smras pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas 'phags pa'i skad du de skad smras pa dang / dge slong des kyang 'phags pa'i skad ma 'tshal na/ cir 'gyur/ nyes byas sos/ /btsun pa/ dge slong gis lus kyi dmigs pas 'di skad du/ bdag tshe dang ldan pas bsgo ba bzhin bslab pa 'di la mi slob bo/ /zhes go bar bgyis na/ cir 'gyur/ nyes byas so/ /btsun pa/ dge slong gis dben pa la mi dben par 'du shes nas 'di skad du/ bdag tshe dang ldan pa'i tshig gis slobs shig ba mi slob bo/ /zhes smras na/ cir 'gyur/ nyes byas so/ /btsun pa/ dge slong gis bdag tshe dang ldan pas bsgo ba bzhin bslab pa 'di la mi slob bo/ /zhes gzhan smrar stsal na/ cir 'gyur/ nyes byas so/ /btsun pa/ dge slong gis gzhan gyi slad du 'di skad du/ tshe dang ldan pas bsgo ba bzhin bslab pa 'di la mi slob bo/ /zhes smras na/ cir 'gyur/ nyes byas sos/ /btsun pa/ bsnyen par ma rdzogs pa na bsgo ba la bsnyen par ma rdzogs pa na 'di skad du/ bdag tshe dang ldan pas bsgo ba bzhin bslab pa 'di la mi slob bo/ /zhes smras na/ cir 'gyur/ nyes byas so/ /bsnyen par ma rdzogs pa na bsgo la bsnyen par rdzogs kar de skad smras na/ cir 'gyur/ nyes byas sos/ /bsnyen par ma rdzogs pa na bsgo la bsnyen par rdzogs pa na 'di skad du/ bdag tshe dang ldan pas bsgo ba bzhin bslab pa 'di la mi slob bo/ /zhes smras na/ cir 'gyur/ nyes byas so/ /bsnyen par rdzogs kar bsgo la bsnyen par rdzogs kar de skad smras na/ cir 'gyur/ nyes byas so/ /bsnyen par rdzogs kar bsgo la bsnyen par rdzogs pa na de skad smras na/ cir 'gyur/ nyes byas sos/ /bsnyen par rdzogs pa na bsgo ba la bsnyen par rdzogs pa na de skad smras na/ cir 'gyur/ ltung ba'o/ /bsnyen par rdzogs pa na bsgo la bsnyen par ma rdzogs pa na de skad smras na/ cir 'gyur/ nyes byas so/ /btsun pa/ dge slong zhig la khyim pas bsgo ba dang 'di skad du/ bdag tshe dang ldan pas bsgo ba bzhin bslab pa 'di la mi slob bo/ /zhes smras na/ cir 'gyur/ nyes byas so/ /de bzhin du za ma dang / ma ning dang / dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / sngar nyes pa byung ba dang / sngar 'khrugs pa rnams kyis bsgo la de skad smras na/ thams cad nyes byas su 'gyur ro/ /btsun pa/ dge slong gis dge 'dun gyi dbyen bgyis pa dang / nye bar phyogs pa dang / bslab pa stsal pa'i dge slong rnams kyis bsgo ba dang de skad smras na/ cir 'gyur/ thams cad nyes byas so/ /btsun pa/ dge slong la dge slong ma dang / dge slob ma dang / dge tshul ma dang / dge tshul pha rnams kyis bsgo ba dang de skad smras na/ cir 'gyur/ nyes byas so/ /btsun pa/ dge slong gis 'di skad du/ bdag tshe dang ldan pas bsgo ba bzhin bslab pa 'di la mi slob bo/ /zhes smra ba na mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong mas de skad smra ba na mtshan 'phos te dge slong du gyur na/ cir 'gyur/ nyes byas so/ /btsun pa/ dge slong gis bsnyen par rdzogs pa la bsnyen par rdzogs par 'du shes te 'di skad du/ bdag tshe dang ldan pas bsgo ba bzhin bslab pa 'di la mi slob bo/ /zhes smras na/ cir 'gyur/ ltung ba'o/ /bsnyen par rdzogs pa la bsnyen par rdzogs par 'du shes na/ nyes byas su 'gyur ro/ /bsnyen par ma rdzogs pa la bsnyen par rdzogs par 'du shes na/ cir 'gyur/ nyes byas su 'gyur ro/ / bsnyen par ma rdzogs pa la bsnyen par ma rdzogs par 'du shes na/ nyes byas su 'gyur ro/ /ji ltar dge slong gis de skad smras pas ltung bar 'gyur ba de bzhin du bslab pa byin pa dang / dge slong ma la yang ltung bar 'gyur ro/ /dge slob ma dang / dge tshul ma dang / dge tshul pha rnams la nyes byas so/ /mdor na/ smyon par gyur dang sems 'khrugs dang / /na ba 'on pa 'gro ba dang / /mtshan dang bzhi pa de bzhin te/ sngags dang gzhan gyis 'di dag bdun/ /khyim pa dag la sogs pa ste/ /nye bar zhi dang dge slong ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang dge slong rnams 'thab par gyur/ mtshang 'dru bar gyur cing mchis pa la cang mi mchi bar nyan cing mchis na/ ltung bar 'gyur ro/ /zhes gsungs na/ btsun pa/ dge slong gis dge slong smyon pa dag 'thab par gyur cing mchis pa la cang mi mchi bar nyan cing mchis na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / 'gro ba gzhan du gnas pa'i dge slong rnams la cang mi zer bar nyan cing 'dug na/ thams cad nyes byas su 'gyur ro/ /btsun pa/ dge slong gis dge slong rnams 'thab par gyur cing mchis pa la cang mi mchi bar nyan cing mchi ba na mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong mas cang mi mchi bar nyan cing mchi ba na mtshan 'phos te dge slong du gyur na/ cir 'gyur/ nyes byas so/ /btsun pa/ dge slong gis bsnyen par rdzogs pa la bsnyen par ma rdzogs par 'du shes te cang mi mchi bar nyan cing mchis na/ cir 'gyur/ nyes byas so/ /btsun pa/ dge slong gis sngags sam sman gyis bdag mi snang bar bsgyur te cang mi mchi bar nyan cing mchis na/ cir 'gyur/ nyes byas so/ /btsun pa/ dge slong gis dge slong rnams 'thab par gyur cing mchis pa la gzhan du stsal na/ cir 'gyur/ nyes byas so/ /btsun pa/ dge slong gis dge slong rnams 'thab par gyur cing mchis pa la gzhan dag gi slad du mnyan na/ cir 'gyur/ nyes byas sos/ /btsun pa/ bsnyen par ma rdzogs pa na mnyan par bshams la bsnyen par ma rdzogs par mnyan na/ cir 'gyur/ nyes byas so/ /bsnyen par ma rdzogs pa na bshams la bsnyen par rdzogs kar mnyan na/ cir 'gyur/ nyes byas so/ /bsnyen par ma rdzogs pa na bshams la bsnyen par rdzogs nas mnyan na/ cir 'gyur/ nyes byas so/ /bsnyen par rdzogs par bshams la bsnyen par rdzogs kar mnyan na/ cir 'gyur/ nyes byas so/ /bsnyen par rdzogs kar bshams la bsnyen par rdzogs pa na mnyan na/ cir 'gyur/ nyes byas so/ /bsnyen par rdzogs pa na bshams la bsnyen par rdzogs pa na mnyan na/ cir 'gyur/ ltung ba'o/ /bsnyen par rdzogs pa na bshams la bsnyen par ma rdzogs pa na mnyan na/ cir 'gyur/ nyes byas so/ /btsun pa/ dge slong gis khyim pa rnams 'thab par gyur cing mchis pa la cang mi mchi bar nyan cing mchis na/ cir 'gyur/ nyes byas so/ /de bzhin du za ma dang / ma ning dang / dge slong ma sun phyung ba dang / pha dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / sngar nyes pa byung ba dang / sngar 'khrugs pa rnams la cang mi zer bar nyan cing 'dug na/ thams cad nyes byas su 'gyur ro/ /btsun pa/ dge slong gis dge 'dun gyi dbyen bgyis pa la cang mi mchi bar nyan cing mchis na/ cir 'gyur/ ltung ba'o/ /nye bar phyogs pa dang / bslab pa stsal pa rnams la cang mi mchi bar nyan cing mchis na/ cir 'gyur/ thams cad ltung bar 'gyur ro/ / btsun pa/ dge slong gis dge slong ma dang / dge slob ma dang / dge tshul ma dang / dge tshul pha rnams la cang mi mchi bar nyan cing mchis na/ cir 'gyur/ thams cad nyes byas su 'gyur ro/ /btsun pa/ dge slong rnams 'thab mor gyur cing mchis pa la cang mi mchi bar nyan cing mchis kyang nongs par mi 'gyur ba mchis sam/ u pa li/ yod de/ de ni/ 'di ltar dge slong des zhi bar bya bar bsam nas nyan pa'o/ /btsun pa/ bslab pa stsal pas cang mi mchi bar nyan cing mchis na/ cir 'gyur/ ltung ba'o/ /btsun pa/ dge slong mas cang mi mchi bar nyan cing mchis na/ cir 'gyur/ ltung ba'o/ /dge slob ma dang / dge tshul ma dang / dge tshul pha rnams ni cang mi smra bar nyan cing mchis na/ cir 'gyur/ nyes byas so/ /mdor na/ 'phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang dge 'dun rnams chos nges pa'i gtam smra ba na/ dge slong mchis bzhin 'tshal bar ma bgyis par cang mi smra bar stan las langs te mchis na/ ltung bar 'gyur ro/ /zhes gsungs na/ btsun pa/ dge slong gis dge 'dun chos nges pa'i gtam 'phrin gyis dad pa phul te mchis na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud nas dad pa byin nas song na/ thams cad nyes byas su 'gyur ro/ /btsun pa/ dge slong gis dge 'dun chos nges pa'i gtam smra ba'i tshe dge slong smyon pa la dad pa phul te mchis na/ cir 'gyur/ nyes byas so/ /de bzhin du dge slong sems 'khrugs pa dang / nad kyis gzir ba dang / glen pa dang / 'on pa dang / lkugs pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa la dad pa byin te song na/ thams cad nyes byas su 'gyur ro/ /mdor na/ ma ning dag la sogs pa dang / /mtshan dang de bzhin bzhi pa dang / /dge slong dang ni nam mkha' sngags/ /lus dang skad dang dge slong ma'o/ /btsun pa/ dge slong gis ma ning la dad pa stsal te mchis na/ cir 'gyur/ nyes byas so/ /de bzhin du ma ning ma dang / dge slong ma sun phyung ba dang / pha dang / ma dang | dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / sngar 'khrugs pa dang / sngar nyes pa byung ba dang / nye bar phyogs pa dang / bslab pa byin pa rnams la dad pa byin te song na/ thams cad nyes byas su 'gyur ro/ /btsun pa/ dge slong gis dge 'dun chos nges pa'i gtam smra ba na dad pa ma stsal te cang mi mchi bar stan las langs te mchi ba na mtshan 'phos te dge slong mar gyur na/ cir 'gyur/ ltung ba'o/ /btsun pa/ dge slong mas chos nges pa'i gtam smras pa'i tshe dad pa ma stsal par cang mi mchi bar bstan las langs te mchi ba na mtshan 'phos te dge slong du gyur na/ cir 'gyur/ ltung ba'o/ /btsun pa/ dge slong gis chos kyi las su 'du shes nas dad pa ma stsal bar mchis na/ cir 'gyur| ltung ba'o/ /chos kyi las la chos kyi las ma yin par 'du shes na/ nyes byas su 'gyur ro/ /chos ma yin pa'i las la chos kyis las su 'du shes na/ nyes byas su 'gyur ro/ /chos ma lags pa'i las la chos ma lags pa'i las su 'du shes te dad pa ma stsal bar mchis na/ cir 'gyur/ nyes byas so/ /btsun pa/ dge slong gis dge 'dun chos nges pa'i gtam smra ba na cang mi mchi bar stan las langs te mchis kyang nongs pa ltung bar mi 'gyur ba mchis sam/ u pa li/ yod de/ thos pa'i nye 'khor tsam du 'dug la smra ba ni| thos kyi/ don go bar ma gyur pa'o/ /btsun pa/ dge slong gis dge 'dun chos nges pa'i gtam smras pa na dad pa ma stsal par steng gi nam mkha' la mchis na/ cir 'gyur/ nyes byas so/ /btsun pa/ dge slong gis dge 'dun chos nges pa'i gtam smra ba na sngags sam sman gyis bdag mi snang bar bsgyur te mchis na/ cir 'gyur/ nyes byas so/ /btsun pa| dge slong gis dge 'dun chos nges pa'i gtam smra ba na lus kyi dmigs pas dad pa stsal te mchis na/ cir 'gyur/ nyes byas so/ /btsun pa/ dge slong gis dge 'dun chos nges pa'i gtam smra ba'i tshe dge slong 'phags pas 'phags pa'i skad du dad pa stsal te mchis pa dang / dge slong des kyang 'phags pa'i skad ma 'tshal na/ cir 'gyur/ nyes byas so// 'phags pas mtha' 'khob pa'i skad du dad pa stsal te mchis pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ / mtha' 'khob pas mtha' 'khob pa'i skad du dad pa stsal te mchis pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas 'phags pa'i skad du dad pa stsal te mchis pa dang / dge slong des kyang 'phags pa'i skad ma 'tshal na/ cir 'gyur/ nyes byas so/ /btsun pa/ bslab pa stsal pas dge 'dun chos nges pa'i gtam smra ba na cang mi mchi bar stan las langs te mchis na/ cir 'gyur/ ltung ba'o/ /btsun pa/ dge slong mas dge 'dun nges pa'i gtam smra ba na cang mi mchi bar stan las langs te mchis na/ cir 'gyur/ ltung ba'o/ /dge slob ma dang / dge tshul ma dang / dge tshul pha rnams la nyes byas so/ /mdor na/ 'phrin pa spring yig lag brda dang / /gzhan zer ba dang gcig nas gcig / smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis bsgo ba rna la gzon na/ ltung bar 'gyur ro/ /zhes gsungs na/ btsun pa/ dge slong gis dge 'dun gyi zhal ta bas bsgos nas 'phrin gyis slar bzlog ste ma mnyan na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud nas slar bzlog ste ma mnyan na/ thams cad nyes byas su 'gyur ro/ /btsun pa/ dge slong gis dge 'dun gyi zhal ta ba smyon pas bsgo ba slar bzlog ste ma mnyan na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa rnams kyis bsgo ba slar bzlog ste ma mnyan na/ thams cad nyes byas su 'gyur ro/ /btsun pa/ dge slong gis dge 'dun gyi zhal ta bas bsgo ba dang gnyid log nas ma mnyan na/ cir 'gyur/ nyes byas so/ /de bzhin du ra ro ba dang / myos pa dang / snyoms par zhugs pa rnams las ma mnyan na/ thams cad nyes byas su 'gyur ro/ /btsun pa/ dge slong gis 'gro ba gzhan du gnas pa'i dge 'dun gyi zhal ta bas bsgo ba las slar bzlog ste ma mnyan na/ cir 'gyur/ nyes byas so// //'dul ba gzhung dam pa/ bam po bcu bzhi pa/ mdor na/ skad dang lus dang dben pa sngags/ /mtshan dang bzhi pa bdun pa dang | / bgrangs dang bdun pa mi smra dang / /bslab pa byin dang dge slong ma'o/ /btsun pa/ dge 'dun gyi zhal ta bas bsgo ba na/ dge slong 'phags pas 'phags pa'i skad du slar bzlog ste ma mnyan pa dang / dge slong des kyang 'phags pa'i skad ma 'tshal na/ cir 'gyur/ nyes byas so/ /'phags pas mtha' 'khob pa'i skad du slar bzlog ste ma mnyan pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas mtha' 'khob pa'i skad du slar bzlog ste ma mnyan pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas 'phags pa'i skad du slar bzlog ste ma mnyan pa dang / dge slong des kyang 'phags pa'i skad ma 'tshal na/ cir 'gyur/ nyes byas so/ /btsun pa/ dge slong gis dge 'dun gyi zhal ta bas bsgo ba na lus kyi dmigs pas slar bzlog ste ma mnyan na/ cir 'gyur/ nyes byas so/ /btsun pa/ dge slong gis dge 'dun gyi zhal ta bas bsgo ba na dben pa la mi dben par 'du shes te slar bzlog nas ma mnyan na/ cir 'gyur/ nyes byas so/ /btsun pa/ dge slong gis dge 'dun gyi zhal ta bas bsgo ba na sngags sam sman gyis bdag mi snang bar bsgyur te slar bzlog nas ma mnyan na/ cir 'gyur/ nyes byas so/ /btsun pa/ dge slong gis dge 'dun gyi bka' slar bzlog ste mtshan 'phos te dge slong mar gyur na/ cir 'gyur/ ltung ba'o/ /btsun pa/ dge slong mas dge 'dun gyi bka' slar bzlog ste mi nyan pa na mtshan 'phos te dge slong du gyur na| cir 'gyur/ ltung ba'o/ /btsun pa/ dge slong gis dge 'dun gyi zhal ta bas bsgo ba na chos la chos su 'du shes te slar bzlog nas ma mnyan na/ cir 'gyur/ ltung ba'o/ /chos la chos ma lags par 'du shes na/ cir 'gyur/ nyes byas so/ /chos ma lags pa la chos su 'du shes na/ cir 'gyur/ nyes byas so/ /chos ma lags pa la chos ma lags par 'du shes na| cir 'gyur/ nyes byas so/ /btsun pa/ dge 'dun gyi zhal ta bas bsgo ba na slar bzlog ste ma mnyan kyang nongs pa ltung bar mi 'gyur ba mchis sam/ u pa li/ yod de/ dge 'dun gyis ma gus par ma bgrangs pa yin te/ de yang dge 'dun gyi bya bar bcas pa las 'das pas nyes byas so/ /btsun pa/ bsnyen par ma rdzogs pa na dge 'dun gyis ma gus par bgrangs par gyur la bsnyen par ma rdzogs pa na slar bzlog ste ma mnyan na/ cir 'gyur/ nyes byas so/ /bsnyen par ma rdzogs pa na bgrangs la bsnyen par rdzogs kar slar bzlog ste ma mnyan na/ cir 'gyur/ nyes byas so/ /bsnyen par ma rdzogs pa na bgrangs la bsnyen par rdzogs pa na slar bzlog ste ma mnyan na/ cir 'gyur/ nyes byas so/ /bsnyen par rdzogs kar bgrangs la bsnyen par rdzogs kar slar bzlog ste ma mnyan na/ cir 'gyur/ nyes byas so/ /bsnyen par rdzogs kar bgrangs la bsnyen par rdzogs pa na slar bzlog ste ma mnyan na/ cir 'gyur/ nyes byas so/ /bsnyen par rdzogs pa na bgrangs la bsnyen par rdzogs pa na slar bzlog ste ma mnyan na/ cir 'gyur/ ltung ba'o/ / bsnyen par rdzogs pa na bgrangs la bsnyen par ma rdzogs pa na slar bzlog ste ma mnyan na/ cir 'gyur/ nyes byas so/ /btsun pa/ dge slong gis dge 'dun gyi zhal ta bas bsgo ba na cang mi mchi bar ma mnyan na/ cir 'gyur/ nyes byas so/ /btsun pa/ bslab pa stsal bas dge 'dun gyi zhal ta bas bsgo ba na slar bzlog ste ma mnyan na/ cir 'gyur/ ltung ba'o/ /btsun pa/ dge slong mas dge 'dun gyi zhal ta bas bsgo ba na slar bzlog ste ma mnyan na/ cir 'gyur/ ltung ba'o/ /dge slong ma dang / dge tshul ma dang / dge tshul pha rnams la nyes byas so/ /mdor na/ 'bras bu gnyis dang de bzhin sngags/ /phabs dang tshwa dang 'khur chang dang / /rtsa ba sdong bu 'bras can dang / /bdun pa rtsa med bsres pa dang / /bsgos dang lha dang bzhi pa mtshan/ /sangs rgyas bcom ldan 'das la tshe dang ldan pa u pa lis zhus pa/ /btsun pa/ bcom ldan 'das kyis chang dang / 'bras bu'i chang smyos par 'gyur ba 'tshal na/ ltung bar 'gyur ro/ /zhes gsungs na/ btsun pa/ dge slong gis rtsa ba dang / sdong bu dang / lo ma dang / me tog dang / 'bras bu rnams kyi myos par 'gyur ba 'tshal na/ cir 'gyur/ nyes byas so/ /btsun pa/ dge slong gis rtsa ba dang / sdong bu dang / lo ma dang / me tog dang / 'bras bu dang / dngos po gzhan chang gi nang du bzhag pa 'tshal na| cir 'gyur/ nyes byas so/ /btsun pa/ dge slong gis chang ngam 'bras bu'i chang myos par 'gyur ba bdag gi drung du sngags sam sman gyis blangs te 'tshal na/ cir 'gyur/ nyes byas so| |btsun pa/ dge slong gis phabs 'tshal na/ cir 'gyur/ nyes byas so/ /btsun pa/ chang tshwar gyur pa 'tshal bar bgyi'am/ u pa li/ de ste chang gi dngos po mang du gyur la tshwa'i dngos po nyung na/ mi btung ngo / /'on te tshwa'i dngos po mang bar mngon la chang gi dngos po nyung na 'thung zhig /u pa li/ de ci'i phyir zhe na/ des ni/ chang gi bya ba byed mi nus so/ /btsun pa/ chang tshwar gyur pa dus ma lags par 'tshal du gnang ngam/ u pa li/ de ste dad par gyur la rnam par dang zhing myos par mi 'gyur na/ chus bslad de chu tshags kyis tshogs la 'thung zhig / btsun pa/ dge slong gis chang 'khur ba na 'dzin pa las 'tshal na/ cir 'gyur/ nyes byas so/ /btsun pa/ rtsa ba dang / sdong bu dang / lo ma dang / me tog dang / 'bras bu 'di rnams kyi khu ba dus ma lags par 'tshal du gnang ngam/ u pa li/ de ste dang zhing rab tu gsal bar gyur la chu tshags kyis btsags la chus bslad de 'thung zhig / de ste rang gi dngos po las gyur nas chang gi dngos por gyur na/ 'tshal bar bgyi'am/ u pa li/ ma yin no/ /btsun pa/ dge slong gis myos par 'gyur ba'i chang ma gtogs par de las gzhan pa'i chang gi dri dang / chang gi ro dang / chang gi kha dog dang / chang gi bro ba rnams 'tshal na/ cir 'gyur/ nyes byas so/ /kha dog chang 'dra ba'i tshwa ni| nyes pa med do/ /btsun pa/ dge slong gis chang dang 'bras chan du 'dres pa las chang btsags nas 'bras 'tshal na/ cir 'gyur/ nyes byas so/ /btsun pa/ bsnyen par ma rdzogs pa na bslangs la bsnyen par ma rdzogs pa na 'tshal na/ cir 'gyur/ nyes byas so/ /bsnyen par ma rdzogs pa na bslangs la bsnyen par rdzogs kar 'tshal na/ cir 'gyur/ nyes byas so/ /bsnyen par ma rdzogs pa na bslangs la bsnyen par rdzogs pa na 'tshal na/ cir 'gyur/ nyes byas so/ /bsnyen par rdzogs kar bslangs la bsnyen par rdzogs kar 'tshal na/ cir 'gyur/ nyes byas so/ /bsnyen par rdzogs kar bslangs la bsnyen par rdzogs pa na 'tshal na/ cir 'gyur/ nyes byas so/ /bsnyen par rdzogs pa na bslangs la bsnyen par rdzogs pa na 'tshal na/ cir 'gyur/ ltung ba'o/ /bsnyen par rdzogs pa na bslangs la bsnyen par ma rdzogs pa na 'tshal na/ cir 'gyur/ nyes byas so/ /btsun pa/ dge slong gis rgun chang gi dpung 'tshal na/ cir 'gyur/ nyes byas so/ /btsun pa/ dge slong gis chang gi nang du stsal ba'i dngos po 'tshal na/ cir 'gyur/ nyes byas so/ /btsun pa/ dge slong gis chang gi rlangs pas bdugs pa la bro ma 'tshal bas 'tshal na/ cir 'gyur/ nyes byas so/ /btsun pa/ dge slong gis myos par 'gyur ba'i btung ba 'tshal yang nongs pa ltung bar mi 'gyur ba mchis sam/ u pa li/ yod de/ lha'i chang 'thungs na/ nyes byas su 'gyur ro/ /btsun pa/ dge slong gis chang la chang du 'du shes te 'tshal na/ cir 'gyur/ /ltung ba'o/ /chang la chang ma lags par 'du shes te 'tshal na/ cir 'gyur/ nyes pa med do/ /chang ma lags pa la chang du 'du shes te 'tshal na/ cir 'gyur/ nyes byas so/ /chang ma lags pa la chang ma lags par 'du shes te 'tshal na/ cir 'gyur/ nyes pa med do/ /btsun pa/ dge slong gis chang dang / 'bras bu'i chang 'tshal ba na mtshan 'phos te dge slong mar gyur na/ cir 'gyur/ ltung ba'o/ /btsun pa/ dge slong ma chang dang / 'bras bu'i chang 'tshal ba na mtshan 'phos te dge slong du gyur na/ cir 'gyur/ ltung ba'o/ /btsun pa/ bslab pa stsal pas chad dang / 'bras bu'i chang 'tshal na/ cir 'gyur/ ltung ba'o/ /btsun pa/ dge slong mas chang dang / 'bras bu'i chang 'tshal na/ cir 'gyur/ ltung ba'o/ /dge slob ma dang / dge tshul ma dang / dge tshul pha la nyes byas su 'gyur ro/ /mdor na/ 'phrin pa spring yig lag brda dang / gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma 'o/ /sangs rgyas bcom ldan 'das la tshe dang ldan pa u pa lis zhus pa| btsun pa/ bcom ldan 'das kyis yang dge slong gang dge slong mchis bzhin du 'tshal bar ma bgyis par slad dro grong du mchis na/ ltung bar 'gyur ro/ /zhes gsungs na| btsun pa/ dge slong gis dge slong la 'phrin gyis 'tshal bar bgyis te mchis na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang | gcig nas gcig tu brgyud de shes par byas te song na/ thams cad nyes byas su 'gyur ro/ /btsun pa/ dge slong gis dge slong smyon pa zhig la 'tshal bar bgyis te slad dro grong du zhugs na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang | ra ro ba dang / snyoms par zhugs pa dang / 'gro ba gzhan du gnas pa'i dge slong rnams la shes par byas te song na/ thams cad nyes byas su 'gyur ro/ /mdor na/ sngags dang nam mkha' skad dang lus/ /dben pa dang ni dge slong med/ /gtsug lag khang dad bskor ba dang / /mtshams dang mtshan dang bzhi pa dang / /khyim pa bar chad dge 'dun dang / /bslab pa byin dang dge slong ma'o/ /btsun pa/ dge slong gis sngags sam sman gyis bdag mi snang bar bsgyur te mchis pa'i dge slong mchis bzhin du 'tshal bar ma bgyis par mchis na/ cir 'gyur/ nyes byas so| |btsun pa/ dge slong gis mchis pa'i dge slong mchis bzhin du 'tshal bar ma bgyis par nam mkha' las slad dro grong du mchis na/ cir 'gyur/ nyes byas so/ /btsun pa/ dge slong 'phags pas 'phags pa'i skad du dge slong la 'tshal bar bgyis te mchis pa dang / /dge slong des kyang 'phags pa'i skad ma 'tshal na/ cir 'gyur/ nyes byas so/ /'phags pas mtha' 'khob pa'i skad du 'tshal bar bgyis te mchis pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas mtha' 'khob pa'i skad du 'tshal bar bgyis te mchis pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas 'phags pa'i skad du 'tshal bar bgyis te mchis pa dang / dge slong des kyang 'phags pa'i skad ma 'tshal na/ cir 'gyur/ nyes byas so/ /btsun pa/ dge slong gis lus kyi dmigs pas dge slong mchis pa la 'tshal bar bgyis te mchis na/ cir 'gyur/ nyes byas so/ /btsun pa/ dge slong gis dben pa la mi dben par 'du shes nas 'tshal bar bgyis te grong du mchis na/ cir 'gyur/ nyes pa med do/ /btsun pa/ dge slong gis dge slong mchis pa la 'tshal bar ma bgyis par slad dro grong du mchis kyang nongs par mi 'gyur ba mchis sam| u pa li/ yod de/ 'di ltar yang dge slong de ni/ dge slong med pa'i gnas na 'dug pa'o/ /btsun pa/ grong gi nang na gtsug lag khang zhig mchis sam bskor bar gyur pa de nas 'tshal bar ma bgyis par mchis na/ cir 'gyur/ nyes byas so/ /btsun pa/ dge slong nam mkha' la mchis pas sa la mchis pa zhig la 'tshal bar bgyis na/ 'tshal bar bgyis pa zhes bgyi'am/ u pa li/ shes par byas pa zhes bya'o/ /de bzhin du sa la gnas pas nam mkha' la gnas pa dang / mtshams kyi nang na gnas pas mtshams kyi phyi rol na gnas pa la 'tshal bar bgyis na/ 'tshal bar bgyis pa zhes bgyi'am/ u pa li/ shes par byas pa zhes bya'o/ /btsun pa/ dge slong gis mchis pa'i dge slong 'tshal bar ma bgyis par slad dro grong du mchis pa dang / mtshan 'phos te dge slong mar gyur na/ cir 'gyur/ ltung ba'o/ /btsun pa/ dge slong mas mchis pa dge slong ma la 'tshal bar ma bgyis par slad dro dbyar mo khang nas grong du mchis pa dang mtshan 'phos te dge slong du gyur na/ cir 'gyur/ ltung ba'o/ /btsun pa/ dge slong gis slad dro la slad dror 'du shes te dge slong mchis bzhin du 'tshal bar ma bgyis par grong du mchis na/ cir 'gyur/ ltung ba'o/ /dus ma lags pa la dus su 'du shes te mchis na/ cir 'gyur/ nyes pa med do/ /dus la dus ma lags par 'du shes na/ cir 'gyur/ nyes byas so/ /dus la dus su 'du shes na/ cir 'gyur/ nyes pa med do/ /btsun pa/ dge slong gis khyim pa zhig 'tshal bar bgyis na| cir 'gyur/ nyes byas so/ /de bzhin du za ma dang / ma ning dang / dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / nye bar phyogs pa dang / sngar nyes pa byung ba dang / sngar 'khrugs pa dang / bslab pa byin pa rnams la shes par byas te song na/ thams cad nyes byas su 'gyur ro/ /btsun pa/ dge slong gis slad dro grong du mchis kyang nongs par mi 'gyur ba mchis sam/ u pa li/ yod de/ 'di ltar yang dge slong de gtsug lag khang du bar chad brgyad las gang yang rung ba'i bar chad gcig byung bar gyur pa'o/ /btsun pa/ dge 'dun thams cad dam/ slob dpon nam/ mkhan po'am/ gzhan yang rung ste/ tshangs pa mtshungs par spyod pa mkhas pa dag dus ma lags par dge slong 'tshal bar ma bgyis par grong du mchis na/ de dag gis kyang 'tshal bar bgyi'am/ u pa li/ des kyang shes par byos shig /btsun pa/ slab pa stsal bas dge slong mchis bzhin du 'tshal bar ma bgyis par slad dro grong du mchis na/ cir 'gyur/ ltung ba'o/ /btsun pa/ dge slong mas dge slong ma mchis par 'tshal bzhin du dbyar mo khang nas grong du mchis na/ cir 'gyur/ ltung ba'o/ /dge slob ma dang / dge tshul ma dang / dge tshul pha rnams la nyes byas su 'gyur ro/ /mdor na/ 'phrin pa spring yig lag brda dang / /gzhan zer ba dang gcig nas gcig / smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang grong du zas la mgron du bos pa dang / zas snga ma'am/ phyi ma yang rung ste/ des khyim bdag de la 'tshal bar ma bgyis par grong gzhan du song na/ ltung bar 'gyur ro/ /zhes gsungs na/ btsun pa/ dge slong gis zas la mgron du bos pa dang / 'phrin gyis khyim bdag 'tshal bar bgyis te grong gzhan du mchis na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud nas shes par byas te grong gzhan du song na/ thams cad nyes byas su 'gyur ro/ /btsun pa/ dge slong grong gzhan du zas la mgron du bos pa dang / zas snga ma'am/ phyi ma yang rung ste/ des khyim bdag smyon pa zhig la 'tshal bar ma bgyis par grong gzhan du mchis na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / 'gro ba gzhan du gnas pa rnams la shes par ma byas par grong gzhan du song na/ thams cad nyes byas su 'gyur ro/ /mdor na/ skad dang lus dang dben pa dang / /sngags dang mtshan dang bdun pa dang / /zas dang mgron du bos pa gnyis/ /ma ning bslab byin dge slong ma'o/ /btsun pa/ dge slong 'phags pas 'phags pa'i skad du 'tshal bar bgyis te grong du mchis pa dang / khyim bdag des kyang 'phags pa'i skad ma 'tshal na/ cir 'gyur/ nyes byas so/ /'phags pas mtha' 'khob pa'i skad du 'tshal bar bgyis te grong du mchis pa dang / khyim bdag des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas mtha' 'khob pa'i skad du 'tshal bar bgyis te grong du mchis pa dang / khyim bdag gis kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas 'phags pa'i skad du khyim bdag 'tshal bar bgyis te grong du mchis pa dang / khyim bdag des kyang 'phags pa'i skad ma 'tshal na/ cir 'gyur/ nyes byas so/ /btsun pa/ dge slong gis lus kyi dmigs pas khyim bdag 'tshal bar bgyis te grong du mchis na/ cir 'gyur/ nyes byas so/ /btsun pa/ dge slong gis dben pa la mi dben par 'du shes nas 'tshal bar bgyis te grong du mchis na/ cir 'gyur/ nyes pa med do/ /btsun pa/ dge slong gis sngags sam sman gyis bdag mi snang bar bsgyur te 'tshal bar bgyis nas grong du mchis na/ cir 'gyur/ nyes byas so/ /btsun pa/ dge slong gis khyim bdag 'tshal bar ma bgyis bar grong du mchis pa dang mtshan 'phos te dge slong mar gyur na/ cir 'gyur/ ltung ba'o/ /btsun pa/ dge slong mas khyim bdag 'tshal bar ma bgyis par grong du mchis pa dang mtshan 'phos te dge slong du gyur na/ cir 'gyur/ ltung ba'o/ /btsun pa/ dge slong gis mi la mir 'du shes te 'tshal bar ma bgyis par grong du mchis na/ cir 'gyur| ltung ba'o/ /mi la mi ma yin par 'du shes na/ nyes byas su 'gyur ro/ /mi ma yin pa la mir 'du shes na/ nyes byas su 'gyur ro/ /mi ma yin pa la mi ma yin par 'du shes na| nyes byas su 'gyur ro/ /btsun pa/ dge slong gis zan ma gtogs par de las gzhan pa'i bca' ba dang / btung ba dang / bzhib pa dang / bldag pa la sogs pa la mgron du bos pa dang / khyim bdag 'tshal bar ma bgyis par grong du mchis na/ cir 'gyur/ nyes byas so/ /btsun pa/ dge slong gis khyim bdag 'tshal bar ma bgyis pa grong gcig tu mchis kyang nongs pa ltung bar mi 'gyur ba mchis sam/ u pa li/ yod de/ grong gcig tu zhugs nas gdugs tshod yol bar byed pa'o/ /btsun pa/ dge slong zhig za ma'am/ ma ning ngam/ mtshan gnyis pas mgron du bos pa dang / 'tshal bar ma bgyis par grong du mchis na/ cir 'gyur/ nyes byas so/ /btsun pa/ bslab pa stsal pas zas la grong du bos pa dang / des khyim bdag 'tshal bar ma bgyis par grong du mchis na/ cir 'gyur/ ltung ba'o/ /btsun pa/ dge slong mas zas la grong du mgron du bos pa dang / des khyim bdag 'tshal bar ma bgyis par grong du mchis na/ cir 'gyur/ nyes byas so/ /dge slob ma dang / dge tshul ma dang / dge tshul pha rnams la nyes byas su 'gyur ro/ /mdor na/ sngags dang nam mkha' de bzhin te/ /mtshan dang de bzhin bzhi pa dang / /grong dang stong pa bskor ba dang / /ma bzhag pa dang bzhag pa 'o| |sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang rgyal po rgyal rigs rgyal thabs spyi bo nas blugs pa'i khyim du nam ma nangs shing skya rengs ma shar la/ rin po che'am/ rin po cher gtogs pa rnams ma bsdus par sgo gtan nam sgo gtan gyi nye 'khor las 'das na/ ltung bar 'gyur ro/ /zhes gsungs na/ btsun pa/ dge slong gis nam ma nangs shing skya rengs ma shar la/ rin po che'am/ rin po cher gtogs pa rnams ma bsdus par sngags sam sman gyis bdag mi snang bar bsgyur te sgo gtan nyi tshe las 'das na/ cir 'gyur/ nyes byas so/ /btsun pa/ dge slong gis nam ma nangs shing skya rengs ma shar la/ rin po che'am/ rin po cher gtogs pa rnams ma bsdus par nam mkha' la sgo gtan nyi tshe las 'das na/ cir 'gyur/ nyes byas so/ /btsun pa/ dge slong gis nam ma nangs shing skya rengs ma shar la/ rin po che'am/ rin po cher gtogs pa rnams ma bsdus par sgo gtan nyi tshe 'da' bar bgyid pa na mtshan 'phos te dge slong mar gyur na/ cir 'gyur/ ltung ba'o/ /btsun pa/ dge slong mas sgo gtan nyi tshe 'da' bar bgyid pa na mtshan 'phos te dge slong du gyur na/ cir 'gyur/ ltung ba'o/ /btsun pa/ dge slong gis skya rengs ma shar ba la ma shar bar 'du shes te rin po che'am/ rin po cher gtogs pa rnams ma bsdus par sgo gtan nyi tshe 'das na/ cir 'gyur/ ltung ba'o/ /ma shar ba la shar bar 'du shes te 'das na/ cir 'gyur/ nyes pa med do/ /shar ba la ma shar bar 'du shes te 'das na/ nyes byas so/ /shar ba la shar bar 'du shes te 'das na/ nyes pa med do/ /btsun pa| dge slong gis rin po che'am/ rin po cher gtogs pa rnams ma bsdus pa la ma bsdus par 'du shes te sgo gtan nyi tshe 'das na/ cir 'gyur/ ltung ba'o/ /ma bsdus pa la bsdus par 'du shes te 'das na/ cir 'gyur/ nyes pa med do/ /bsdus pa la ma bsdus par 'du shes te 'das na/ cir 'gyur/ nyes byas so/ /bsdus pa la bsdus par 'du shes te 'das na/ cir 'gyur/ nyes pa med do/ /btsun pa/ dge slong gis mi la mir 'du shes te sgo gtan nyi tshe 'das na/ cir 'gyur/ ltung ba'o/ /mi la mi ma lags par 'du shes na| cir 'gyur/ nyes byas so/ /mi ma lags pa la mir 'du shes na/ cir 'gyur/ nyes byas so/ /mi ma lags pa la mi ma lags par 'du shes na/ cir 'gyur/ nyes byas su 'gyur ro/ /btsun pa/ dge slong gis rgyal po'i khab ma gtogs par de las gzhan pa'i grong du nam ma nangs shing skya rengs ma shar la/ rin po che'am/ rin po cher gtogs pa ma bsdus par sgo gtan nyi tshe las 'das na/ cir 'gyur/ nyes byas so/ /btsun pa/ dge slong gis nam ma nangs shing skya rengs ma shar la/ rin po che'am/ rin po cher gtogs pa ma bsdus par sgo gtan nyi tshe las 'das kyang nongs par mi 'gyur ba mchis sam/ u pa li/ yod de/ 'di ltar yang dge slong des rgyal po'i khab stong par song ba'o/ /btsun pa/ rgyal po'i pho brang thams cad bskor bar gyur la/ phyed g.yogs pa'am/ ma g.yogs pa yang rung ste/ der dge slong des nam ma nangs shing skya rengs ma shar la/ rin po che'am/ rin po cher gtogs pa ma bsdus par sgo gtan nyi tshe las 'das na/ cir 'gyur/ ltung ba'o/ / btsun pa/ dge slong gis rgyal po'i khab thams cad g.yogs par gyur la/ phyed bskor ba zhig tu nam ma nangs skya rengs ma shar la/ rin po che'am/ rin po cher gtogs pa rnams ma bsdus par sgo gtan nyi tshe las 'das na/ cir 'gyur/ ltung ba'o/ /btsun pa/ dge slong gis nam nangs te skya rengs shar la/ rin po che'am/ rin po cher gtogs pa rnams bsdus nas sgo gtan nyi tshe las 'das na/ cir 'gyur/ nyes pa med do/ /btsun pa/ dge slong gis nam ma nangs skya rengs ma shar bar rin po che'am/ rin po cher gtogs pa ma bsdus par sgo gtan nyi tshe las 'das na/ cir 'gyur/ nyes byas so/ /btsun pa/ dge slong gis nam ma nangs skya rengs ma shar bar rin po che'am/ rin po cher gtogs pa ma bsdus par sgo gtan nyi tshe las 'das kyang nongs pa ltung bar mi 'gyur ba mchis sam/ u pa li/ yod de/ mi'i 'gro ba ma gtogs par de las 'gro ba gzhan du gnas pa rnams kyi sgo gtan gcig pu las 'das na/ nyes byas su 'gyur ro/ /btsun pa/ bslab pa stsal pas nam ma nangs skya rengs ma shar la/ rin po che'am/ rin po cher gtogs pa ma bsdus par sgo gtan nyi tshe las 'das na/ cir 'gyur/ ltung ba'o/ /btsun pa/ dge slong mas nam ma nangs skya rengs ma shar la/ rin po che'am/ rin po cher gtogs pa rnams ma bsdus par sgo gtan nyi tshe las 'das na/ cir 'gyur/ ltung ba'o/ /dge slob ma dang / dge tshul ma dang / dge tshul pha rnams la nyes byas su 'gyur ro/ /mdor na/ 'phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang // 'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma 'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang zla ba phyed phyed cing so sor thar pa'i mdo bshad pa klog pa'i tshe 'di skad du/ tshe dang ldan pa/ bdag gis ji ltar chos 'di dag mdo sder gtogs shing mdo sder 'dus par da gdod 'tshal to/ /zhes smra na/ ltung bar 'gyur ro/ /zhes gsungs na/ btsun pa/ dge slong gis 'phrin gyis 'di skad du/ tshe dang ldan pa/ bdag gis ji ltar chos 'di dag mdo sder gtogs shing mdo sder 'dus par da gdod 'tshal to/ /zhes mchi na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud nas de skad smras na/ thams cad nyes byas su 'gyur ro/ /btsun pa/ dge slong gis dge slong smyon pa la 'di skad du/ tshe dang ldan pa bdag gis chos 'di dag mdo sder gtogs shing / mdo sder 'dus par da gdod 'tshal to/ /zhes mchi na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / 'gro ba gzhan du gnas pa'i dge slong rnams la 'di skad du/ tshe dang ldan pa/ bdag gis chos 'di dag mdo sder gtogs shing mdo sder 'dus par da gdod 'tshal to/ /zhes mchi na| thams cad nyes byas su 'gyur ro/ /mdor na/ skad dang lus dang dben pa dang / /sngags dang mtshan dang bzhi pa dang / /khyim pa dag la sogs pa rnams/ /gzhan gyi phyir dang dge slong ma'o/ /btsun pa/ dge slong 'phags pas 'phags pa'i skad du 'di skad du/ tshe dang ldan pa/ bdag gis 'di ltar chos 'di dag mdo sder gtogs shing mdo sder 'dus par da gdod 'tshal to/ /zhes smra ba dang / dge slong des kyang 'phags pa'i skad ma 'tshal na/ cir 'gyur/ nyes byas so/ /'phags pas mtha' 'khob pa'i skad du de skad smras pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas mtha' 'khob pa'i skad du de skad smras pa dang / dge slong des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas 'phags pa'i skad du 'di skad du/ tshe dang ldan pa/ bdag gis 'di ltar chos 'di dag mdo sder gtogs shing mdo sder 'dus par da gdod 'tshal to/ /zhes smras pa dang / dge slong des kyang 'phags pa'i skad ma 'tshal na/ cir 'gyur/ nyes byas so| |btsun pa/ dge slong gis lus kyi dmigs pas tshe dang ldan pa/ bdag gis 'di dag mdo sder gtogs shing mdo sder 'dus par da gdod 'tshal to/ /zhes go bar bgyis na/ cir 'gyur/ nyes byas so/ /btsun pa/ dge slong gis dben pa la mi dben par 'du shes te 'di skad du/ tshe dang ldan pa/ bdag gis 'di ltar chos 'di dag mdo sder gtogs shing mdo sder 'dus par da gdod 'tshal to/ /zhes smras na/ cir 'gyur/ nyes byas so/ /btsun pa/ dge slong gis sngags sam sman gyis bdag mi snang bar bsgyur te 'di skad du/ tshe dang ldan pa/ bdag gis 'di ltar chos 'di dag mdo sder gtogs shing mdo sder 'dus par da gdod 'tshal to/ /zhes smras na/ cir 'gyur/ nyes byas so/ /btsun pa/ dge slong de skad smra ba na mtshan 'phos te dge slong mar gyur na/ cir 'gyur/ ltung ba'o/ /btsun pa/ dge slong mas de skad smra ba na mtshan 'phos te dge slong du gyur na/ cir 'gyur ltung ba'o/ /btsun pa/ dge slong gis bsnyen par rdzogs pa la bsnyen par rdzogs par 'du shes te 'di skad du/ tshe dang ldan pa/ bdag gis 'di ltar chos 'di dag mdo sder gtogs shing mdo sder 'dus par da gdod 'tshal to/ /zhes smra na/ cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes na/ nyes byas su 'gyur ro/ / bsnyen par ma rdzogs pa la bsnyen par rdzogs par 'du shes na/ nyes byas su 'gyur ro/ /bsnyen par ma rdzogs pa la bsnyen par ma rdzogs par 'du shes na/ nyes byas su 'gyur ro/ / btsun pa/ dge slong gis khyim pa la 'di skad du/ tshe dang ldan pa/ bdag gis 'di ltar chos 'di dag mdo sder gtogs shing mdo sder 'dus par da gdod 'tshal to/ /zhes smras na/ cir 'gyur| nyes byas so/ /de bzhin du za ma dang / ma ning dang / dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / sngar 'khrugs pa dang / sngar nyes pa byung ba rnams la smras na/ thams cad nyes byas su 'gyur ro/ /btsun pa/ dge slong gis dge 'dun gyi dbyen bgyis pa dang / nye bar phyogs pa dang / bslab pa stsal pa rnams la de skad du smras na/ cir 'gyur| thams cad ltung bar 'gyur ro/ /btsun pa/ dge slong gis dge slong ma dang / dge slong ma dang / dge tshul pha rnams la 'di skad du/ tshe dang ldan pa/ bdag ni/ 'di ltar chos 'di dag mdo sder gtogs shing mdo sder 'dus par da gdod 'tshal to/ /zhes mchi na/ /cir 'gyur/ nyes byas su 'gyur ro/ /mdor na/ 'phrin pa spring yig lag brda dang / /gzhan zer ba dang gcig nas gcig /smyon bar gyur dang sems 'khrugs dang / /na pa 'on pa 'gro ba 'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang rus pa'am/ ba so'am/ rwas khab ral bgyis na/ ltung bar 'gyur ro/ /zhes gsungs na/ btsun pa| dge slong gis 'phrin gyis rus pa'am/ ba so'am/ rwa las khab ral bgyid du stsal na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de byed du bcug na/ nyes byas so/ /de bzhin du smyon pa la byed du bcug pa dang / sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / 'gro ba gzhan du gnas pa rnams byed du bcug na/ thams cad nyes byas su 'gyur ro/ /mdor na/ gzhan dang gzhan phyir ma zin mtshan/ / bzhi pa mi rung bdun pa dang / /de bzhin ma gtogs tha ma'o/ /btsun pa/ dge slong gis rus pa'am/ ba so'am/ rwa las khab ral gzhan gyis brtsams pa lags par bgyis na/ cir 'gyur/ nyes byas so/ /btsun pa/ dge slong gis gzhan gyi slad du khab ral bgyis na/ cir 'gyur/ nyes byas so/ /btsun pa/ dge slong gis ma lags par bgyis te bor na/ cir 'gyur| nyes byas so/ /btsun pa/ dge slong gis rus pa'am/ ba so'am/ rwa las khab ral bgyid pa na mtshan 'phos te dge slong mar gyur na/ cir 'gyur/ ltung ba'o/ /btsun pa/ dge slong mas rus pa'am/ ba so'am/ rwa las khab ral bgyid pa na mtshan 'phos te dge slong du gyur na/ cir 'gyur/ ltung ba'o/ /btsun pa/ dge slong gis mi la mir 'du shes te khab ral bgyid du stsal na/ cir 'gyur/ ltung ba'o/ /mi la mi ma yin par 'du shes na/ nyes byas su 'gyur ro/ /mi ma yin pa la mir 'du shes na/ nyes byas su 'gyur ro/ /mi ma yin pa la mi ma yin par 'du shes na/ nyes byas su 'gyur ro/ /btsun pa/ dge slong gis rus pa'am/ ba so'am/ rwa las khab ral bgyid du stsal kyang nongs pa ltung bar mi 'gyur ba mchis sam/ u pa li/ yod de| mi rung ba las byas pa'o/ /btsun pa/ bsnyen par ma rdzogs pa na brtsams la bsnyen par ma rdzogs pa na grub na/ cir 'gyur/ nyes byas so/ /bsnyen par ma rdzogs pa na brtsams la bsnyen par rdzogs kar grub na/ cir 'gyur/ nyes byas so/ /bsnyen par ma rdzogs pa na brtsams la bsnyen par rdzogs pa na grub na/ cir 'gyur/ nyes byas so/ /bsnyen par rdzogs kar brtsams la bsnyen par rdzogs kar grub na/ cir 'gyur/ nyes byas so/ /bsnyen par rdzogs pa na brtsams la bsnyen par rdzogs pa na grub na/ cir 'gyur/ ltung ba'o// bsnyen par rdzogs pa na brtsams la bsnyen par ma rdzogs par grub na/ cir 'gyur/ nyes byas so/ /btsun pa/ dge slong gis khab ral ma gtogs par de las gzhan pa'i yo byad rnams rus pa'am/ ba bso'am/ rwa las bgyid du stsal na/ cir 'gyur/ nyes byas so/ /btsun pa/ bslab pa stsal pas rus pa'am/ ba so'am/ rwa las khab ral bgyid du stsal na/ cir 'gyur/ ltung ba'o/ /dge slong mas byed du bcug na'ang ltung bar 'gyur ro/ /dge slob ma dang / dge tshul ma dang / dge tshul pha rnams kyis bgyid du stsal na/ cir 'gyur| nyes byas so/ /mdor na/ gzhan gyis gzhan phyir ma zin dang / /mtshan dang de bzhin bzhi pa dang / /khyim pa dag la sogs pa rnams/ /mi rung ba dang bdun pa'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis dge slong gis dge 'dun gyi khri'am/ khri'u bgyid na/ bu gar gzhug pa ma gtogs par rkang pa bde bar gshegs pa'i sor brgyad las lhag par bgyis nas bcangs na/ ltung bar 'gyur ro/ /zhes gsungs na/ btsun pa/ dge slong gis bde bar gshegs pa'i sor brgyad las lhag par gzhan gyis brtsams pa lags par bgyis na/ cir 'gyur/ nyes byas so/ /btsun pa/ dge slong gis gzhan gyis slad du bgyid du stsal na/ cir 'gyur ro/ /nyes byas so/ / btsun pa/ ma lags par bgyis te bor na/ cir 'gyur/ nyes byas so/ /btsun pa/ dge slong gis khri'am/ khri'u bde bar gshegs pa'i sor brgyad las lhag par bgyid du stsol ba na mtshan 'phos te dge slong mar gyur na/ cir 'gyur/ ltung ba'o/ /btsun pa/ dge slong mas dge 'dun gyi khri'am/ khri'u bde bar gshegs pa'i sor brgyad kyi tshad las 'das par bgyid du stsol pa na mtshan 'phos te dge slong du gyur na/ cir 'gyur/ ltung ba'o/ /btsun pa/ dge slong gis dge 'dun gyi khri'am/ khri'u bde bar gshegs pa'i sor brgyad kyi tshad las lhag pa la lhag par 'du shes te bgyid du stsal na/ cir 'gyur/ ltung ba'o/ /lhag pa la ma lhag par 'du shes te byed du bcug na/ nyes pa med do/ /ma lhag pa la lhag par 'du shes te bgyid du stsal na/ cir 'gyur/ nyes byas so/ /ma lhag pa la ma lhag par 'du shes na/ nyes pa med do/ /btsun pa/ dge slong gis dge 'dun gyi khri'am/ khri'u bde bar gshegs pa'i sor brgyad kyi tshad las lhag par khyim pa bgyid du stsal na/ cir 'gyur/ nyes byas so/ /de bzhin du za ma dang / ma ning dang / dge slong ma sun phyung ba nas rgyas par bslab pa byin pa'i bar byed du bcug na/ thams cad nyes byas su 'gyur ro/ /btsun pa/ dge slong gis dge 'dun gyi khri'am/ khri'u bde bar gshegs pa'i sor brgyad las lhag par bgyid du stsal kyang nongs pa ltung bar mi 'gyur ba mchis sam/ u pa li/ yod de/ mi rung ba byed du bcug pa'o/ /btsun pa/ bsnyen par ma rdzogs pa na dge 'dun gyi khri'am/ khri'u bde bar gshegs pa'i sor brgyad kyi tshad las lhag par brtsams la bsnyen par ma rdzogs par grub na/ cir 'gyur/ nyes byas so/ /bsnyen par ma rdzogs pa na brtsams la bsnyen par rdzogs kar grub na/ cir 'gyur/ nyes byas so/ /bsnyen par ma rdzogs pa na brtsams la bsnyen par rdzogs te grub na/ cir 'gyur/ nyes byas so/ /bsnyen par rdzogs kar brtsams la bsnyen par rdzogs kar grub na/ cir 'gyur/ nyes byas so/ /bsnyen par rdzogs kar brtsams la bsnyen par rdzogs nas grub na/ cir 'gyur/ nyes byas so/ /bsnyen par rdzogs pa na brtsams la bsnyen par rdzogs pa na grub na/ cir 'gyur/ ltung ba'o/ /bsnyen par rdzogs pa na brtsams la bsnyen par ma rdzogs par grub na/ cir 'gyur/ nyes byas so/ /mdor na/ 'phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na ba 'on pa 'gro ba'o/ /btsun pa| dge slong gis dge 'dun gyi khri'am/ khri'u bde bar gshegs pa'i sor brgyad kyi tshad las lhag par 'phrin gyis bgyid du stsal na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de byed du bcug na/ thams cad nyes byas su 'gyur ro/ /btsun pa/ dge slong gis dge 'dun gyi khri'am/ khri'u bde bar gshegs pa'i sor brgyad kyi tshad las lhag par smyon pa bgyid du stsal na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / 'gro ba gzhan du gnas pa rnams byed du bcug na/ thams cad nyes byas su 'gyur ro/ /btsun pa/ bslab pa stsal pas dge 'dun gyi khri'am/ khri'u bde bar gshegs pa'i sor brgyad kyi tshad las lhag par bgyid du stsal na/ cir 'gyur/ ltung ba'o/ /dge slong mas bgyid du stsal na/ cir 'gyur/ ltung ba'o/ /dge slob ma dang / dge tshul ma dang / dge tshul pha rnams kyis bgyid du stsal na/ cir 'gyur/ nyes byas so/ /ji ltar bslab pa'i gnas kyis le'u 'di ji lta ba de bzhin du lhung bzed dang / gding ba dang / g.yan pa dgab pa dang / gos dbyar gyi ras chen dang / bde bar gshegs pa'i chos gos kyang de bzhin du brjod par bya'o/ /'dul ba gzhung dam pa las/ ltung ba rnams rdzogs so/ / //'dul ba gzhung dam pa bam po bco lnga pa/ mdor na/ smyon par gyur dang sems 'khrugs dang / /na ba 'on pa 'gro ba dang / /mi rung ba dang mtshan dang ni/ /bzhi pa bdun pa de bzhin no/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis yang dge slong gang gnyen ma lags pa'i dge slong ma srang na bsod snyoms spyod pa las bca' ba dang / bza' ba blangs te 'tshal na/ so sor bshags pa zhes gsungs na/ btsun pa/ dge slong gis dge slong ma smyon ma srang na mchis pa las bdag gi sug pas bsod snyoms blangs te 'tshal na/ cir 'gyur/ nyes byas so/ /de bzhin du dge slong ma sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / 'gro ba gzhan du gnas pa rnams las bsod snyoms blangs te zos na/ thams cad nyes byas su 'gyur ro/ / btsun pa/ dge slong gis gnyen ma lags pa'i dge slong ma srang na mchis pa las bdag gi sug bas bsod snyoms blangs te 'tshal kyang nongs pa ltung bar mi 'gyur ba mchis sam/ u pa li/ yod de/ mi rung ba'i zas zos na/ nyes byas su 'gyur ro/ /btsun pa/ dge slong gis gnyen ma lags pa'i dge slong ma bsod snyoms spyod cing srang na mchis pa las bdag gi sug bas bca' ba dang / bza' ba blangs te 'tshal ba na mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong mas gnyen ma lags pa'i dge slong ma bsod snyoms spyod cing srang na mchis pa de las bdag gi sug pas bsod snyoms blangs te 'tshal ba na mtshan 'phos te dge slong du gyur na/ cir 'gyur/ nyes byas so/ /btsun pa/ dge slong gis bsnyen par rdzogs par 'du shes te de las bsod snyoms blangs te 'tshal na/ cir 'gyur/ so sor bshags par bya'o/ /bsnyen par rdzogs pa la bsnyen par ma rdzogs par 'du shes na/ nyes byas so/ /bsnyen par ma rdzogs pa la bsnyen par rdzogs par 'du shes na/ nyes byas so/ /bsnyen par ma rdzogs pa la bsnyen par ma rdzogs par 'du shes na/ nyes byas so/ /de bzhin du mi la mir 'du shes pa la yang bzhir bya'o/ /btsun pa/ bsnyen par ma rdzogs pa na blangs la bsnyen par ma rdzogs pa na 'tshal na| cir 'gyur/ nyes byas so/ /bsnyen par ma rdzogs pa na blangs la bsnyen par rdzogs kar 'tshal na/ cir 'gyur/ nyes byas so/ /bsnyen par ma rdzogs pa na blangs la bsnyen par rdzogs pa na 'tshal na/ cir 'gyur/ nyes byas so/ /bsnyen par rdzogs kar blangs la bsnyen par rdzogs kar 'tshal na/ cir 'gyur/ nyes byas so/ /bsnyen par rdzogs kar blangs la bsnyen par rdzogs te 'tshal na/ cir 'gyur/ nyes byas so/ /bsnyen par rdzogs pa na blangs la bsnyen par rdzogs pa na 'tshal na/ cir 'gyur/ so sor bshags par bya'o/ /bsnyen par rdzogs pa na blangs la bsnyen par ma rdzogs pa na 'tshal na/ cir 'gyur/ nyes byas so/ /mdor na/ zas dang sngags kyang de bzhin te/ /gzhan gyis gzhan gyi ma ning dang / /ma ning ma la sogs pa dang / /bslab pa byin dang dge slong ma'o/ /btsun pa/ dge slong gis zas ma gtogs pa de las gzhan pa'i bca' ba dang / btung ba dang / bzhib pa dang / bldag pa la sogs pa blangs te 'tshal na/ cir 'gyur/ nyes byas so/ /btsun pa/ dge slong gis gnyen ma lags pa'i dge slong ma srang du zhugs pa las bsod snyoms gzhan gyi slad du blangs te bdag nyid kyis 'tshal na/ cir 'gyur/ nyes byas so/ /btsun pa/ dge slong gis gnyen ma lags pa'i dge slong ma las bsod snyoms blangs te 'tshal kyang nongs pa so sor bshags par mi bya ba mchis sam/ u pa li/ yod de/ 'di ltar yang dge slong de srang na 'dug par gyur la/ dge slong ma dbyar mo khang ngam/ grong na 'dug pas byin na/ nyes byas su 'gyur ro/ /btsun pa/ dge slong mas dge slong ma ning srang na mchis pa las bsod snyoms blangs te 'tshal na/ cir 'gyur/ nyes byas so/ /btsun pa/ dge slong gis dge slong ma ma ning mo srang na mchis pa las bsod snyoms blangs te 'tshal na/ cir 'gyur/ nyes byas so/ /de bzhin du dge slong ma sun phyung ba nas rgyas par sngar 'khrugs pa'i bar du bsod snyoms blangs te zos na yang thams cad nyes byas su 'gyur ro/ /btsun pa/ dge slong gis dge 'dun gyi dbyen bgyis pa dang / nyes bar phyogs pa dang / bslab pa stsal ba'i dge slong ma srang na mchis pa las bsod snyoms blangs te 'tshal na/ cir 'gyur/ so sor bshags pa'o/ / btsun pa/ dge slong gis dge slong ma dang / dge tshul ma las bsod snyoms blangs te 'tshal na/ cir 'gyur/ nyes byas so/ /btsun pa/ bslab pa stsal pas gnyen ma lags pa'i dge slong ma srang na mchis pa las bsod snyoms blangs te 'tshal na/ cir 'gyur/ so sor bshags par bya'o/ /btsun pa/ dge slong mas gnyen ma lags pa'i dge slong srang na mchis pa las bsod snyoms blangs te 'tshal na/ cir 'gyur/ so sor bshags par bya'o/ /dge tshul pha las bsod snyoms blangs te 'tshal na/ cir 'gyur/ nyes byas so/ /ji ltar dge slong gis so sor bshags par bya ba de bzhin du dge slong ma dang / dge tshul ma dang / dge tshul pha rnams la nyes byas su 'gyur ro/ /mdor na/ 'phrin pa spring yig lag brda dang / /gzhan zer ba dang gcig nas gcig / smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis dge slong de dag gis dge slong ma de dag la 'di skad ces/ sring mo/ /dge slong dag zan zos kyi bar du sdod cig / ces smros shig /dge slong 'ga' zhig gis kyang dge slong ma de la de skad smra bar ma spobs na/ so sor bshags par bya'o/ /zhes gsungs na/ btsun pa/ dge slong gis 'phrin gyis bsgos te 'tshal na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud nas bsgos te 'tshal na/ cir 'gyur/ nyes byas so/ /btsun pa/ dge slong ma smyon ma shom zhing mchis pa las dge slong de dag gis ma bsgo bar 'tshal na/ cir 'gyur/ nyes byas so/ / de bzhin du dge slong ma sems 'khrugs pa dang / nad kyis gzir ba dang / glen pa dang / lkugs ma dang / 'on ma dang / 'gro ba gzhan du gnas pa rnams la ma bsgo bar zos na/ thams cad nyes byas su 'gyur ro/ /btsun pa/ dge slong mas dge slong dag gi slad du shom pa na gnyid kyis log pa la dge slong de dag gis log bzhin du bsgos te 'tshal na/ cir 'gyur| nyes byas so/ /de bzhin du ra ro ba dang / myos pa dang / snyoms par zhugs pa rnams la bsgos te zos na/ thams cad nyes byas su 'gyur ro/ /mdor na/ skad dang lus dang dben pa dang | / sngags dang mtshan dang bzhi pa dang / /mi rung zas dang khyim pa dang / /bslab pa byin dang dge slong ngo / /btsun pa/ dge slong 'phags pas 'phags pa'i skad du dge slong ma la bsgo ba dang / dge slong ma des kyang 'phags pa'i skad ma 'tshal na/ cir 'gyur/ nyes byas so/ /'phags pas mtha' 'khob pa'i skad du bsgo ba dang / dge slong ma des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas mtha' 'khob pa'i skad du bsgo ba dang / dge slong ma des kyang mtha' 'khob pa'i skad ma 'tshal na/ cir 'gyur/ nyes byas so/ /mtha' 'khob pas 'phags pa'i skad du bsgo ste 'tshal ba dang / dge slong ma des kyang 'phags pa'i skad ma 'tshal na/ cir 'gyur/ nyes byas so/ /btsun pa/ dge slong gis lus kyi dmigs pas bsgo ste 'tshal na/ cir 'gyur/ nyes byas so/ /btsun pa/ dge slong dag gis dge slong ma shom pa dben pa la mi dben par 'du shes te bsgo nas 'tshal na/ cir 'gyur/ nyes pa med do/ /btsun pa/ dge slong gis sngags sam sman gyis bdag mi snang bar bsgyur te dge slong ma la ma bsgos na/ cir 'gyur/ nyes byas so// btsun pa/ dge slong gis dge slong ma shom pa'i tshe ma bsgo bar 'tshal ba na mtshan 'phos te dge slong mar gyur na/ cir 'gyur/ nyes byas so/ /btsun pa| dge slong mas dge slong gi slad du shom pa'i che na ma bsgos par 'tshal ba na mtshan 'phos te dge slong du gyur na/ cir 'gyur/ nyes byas so/ /btsun pa/ dge slong gis dge slong ma bsnyen par rdzogs pa la bsnyen par rdzogs par 'du shes te ma bsgos par 'tshal na/ cir 'gyur/ so sor bshags par bya'o/ /bsnyen par rdzogs ma la bsnyen par ma rdzogs par 'du shes te ma bsgos na/ nyes byas su 'gyur ro/ /bsnyen par ma rdzogs ma la bsnyen par rdzogs par 'du shes na/ nyes byas su 'gyur ro/ /bsnyen par ma rdzogs ma la bsnyen par ma rdzogs par 'du shes na/ nyes byas su 'gyur ro/ /btsun pa/ dge slong mas mi rung ba'i zas sbyor cig par shom zhing mchis pa na/ de la dge slong dag gis ma bsgos par 'tshal na cir 'gyur/ nyes byas so/ /btsun pa/ dge slong mas zan ma gtogs par de las gzhan pa'i bca' ba dang / btung ba dang / bza' ba dang / bldag pa la sogs pa sbyor cig par shom zhing mchis pa na/ de la dge slong dag gis ma bsgos par 'tshal na/ cir 'gyur/ nyes byas so/ /btsun pa/ dge slong gis khyim pa mo zhig shom pa'i tshe ma bsgos par 'tshal na| cir 'gyur/ nyes byas so/ /de bzhin du dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rgyun gnas dang / so sor gnas pa dang / mi gnas pa dang / sngar nyes pa byung ba dang / sngar 'khrugs pa rnams shom pa na ma bsgos par zas zos na/ thams cad nyes byas su 'gyur ro/ /btsun pa/ dge slong gis dge 'dun gyi dbyen bgyis pa mo dang / nye bar phyogs pa mo dang / bslab pa stsal pa mo rnams kyis bsgo bar 'tshal na/ cir 'gyur/ so sor bshags par bya'o/ /btsun pa/ dge slong gis dge slong ma dang / dge slob ma dang / dge tshul ma dang / dge tshul phas bsgo ba 'tshal na/ cir 'gyur/ nyes byas so/ /btsun pa/ bslab pa stsal pas dge slong mas bsgo ba'i zas 'tshal na/ cir 'gyur/ so sor bshags par bya'o/ /btsun pa/ dge slong mas bsgo ba'i zas 'tshal na/ cir 'gyur/ so sor bshags par bya'o/ /dge slob ma dang / dge tshul ma dang / dge tshul pha rnams la nyes byas su 'gyur ro/ /mdor na/ 'phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa dang ni glen pa'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis dge 'dun la slob pa'i grong du gyur pa de la bslab pa'i sdom pa stsal ba las/ yang dge slong gang gis slob pa'i grong la bslab pa'i sdom pa bcas pa de lta bu las rang gi sug pas bca' ba dang / bza' ba blangs te 'tshal na/ so sor bshags par bgyi'o/ /zhes gsungs na/ btsun pa/ dge slong gis bslab pa'i sdom pa stsal ba las 'phrin gyis bca' ba dang / bza' ba blangs te 'tshal na/ cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud nas blangs te zos na/ thams cad nyes byas su 'gyur ro/ /btsun pa/ dge slong gis bslab pa'i sdom pa stsal pas smyon pa'i grong nas bza' ba dang / bca' ba blangs te 'tshal na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang | glen pa dang / lkugs pa dang / 'on pa dang / ma ning mo dang / ma ning dang / 'gro ba gzhan du gnas pa rnams las bca' ba dang / bza' ba blangs te zos na/ thams cad nyes byas su 'gyur ro/ /mdor na/ gzhan gyis gzhan phyir de bzhin te/ /sngags dang zas dang mi rung pa/ /mgron pos mtshan yang de bzhin te/ /de ltar bzhi po dge slong ma'o/ /btsun pa/ dge slong gis bslab pa'i sdom pa stsal pa'i grong nas bca' ba dang / bza' ba gzhan gyis blangs te 'tshal na/ cir 'gyur/ nyes byas so/ /btsun pa/ dge slong gis bslab pa'i sdom pa stsal pa'i grong nas gzhan gyi slad du bca' ba dang / bza' ba blangs te bdag nyid 'tshal na/ cir 'gyur/ nyes byas so/ /btsun pa/ dge slong gis sngags sam sman gyis bdag mi snang bar bsgyur te bslab pa'i sdom pa stsal pa'i grong nas bca' ba dang / bza' ba blangs te 'tshal na/ cir 'gyur/ nyes byas so/ /btsun pa/ dge slong gis bslab pa'i sdom pa stsal pa'i grong nas zan ma gtogs par de las gzhan pa'i bca' ba dang / btung ba dang / zhib pa dang / bldag pa la sogs pa 'tshal na/ cir 'gyur/ nyes byas so/ /btsun pa/ dge slong gis bslab pa'i sdom pa stsal pa'i grong nas mi rung ba'i zas blangs te 'tshal na/ cir 'gyur/ nyes byas so/ /btsun pa/ dge slong gis bslab pa'i sdom pa stsal pa'i grong nas bdag gi sug pas bca' ba dang / bza' ba blangs te 'tshal kyang nongs pa ltung bar mi 'gyur ba mchis sam/ u pa li/ yod de/ de ni/ 'di ltar dge slong grong du sngar mgron du bos par gyur la/ de'i 'og tu dge 'dun gyi bslab pa'i sdom pa byin par 'gyur pa'o/ /btsun pa/ dge slong gis bslab pa'i sdom pa stsal pa'i grong nas bca' ba dang / bza' ba 'tshal pa na mtshan 'phos te dge slong mar gyur na/ cir 'gyur/ so sor bshags par bya'o/ /btsun pa/ dge slong mas bslab pa'i sdom pa stsal pa'i grong nas bca' ba dang / bza' ba 'tshal pa na mtshan 'phos te dge slong du gyur na/ cir 'gyur/ so sor bshags par bya'o| |btsun pa/ dge slong gis bslab pa'i sdom pa stsal pa'i grong nas stsal bar 'du shes te bca' ba dang / bza' ba blangs te 'tshal na/ cir 'gyur/ so sor bshags par bya'o/ /stsal pa la ma stsal par 'du shes te 'tshal na/ cir 'gyur/ nyes pa med do/ /ma stsal pa la stsal par 'du shes te 'tshal na/ cir 'gyur/ nyes byas so/ /ma stsal pa la ma stsal par 'du shes te 'tshal na/ cir 'gyur/ nyes pa med do/ /btsun pa/ dge slong gis bslab pa'i sdom pa stsal ba'i grong nas mi la mir 'du shes nas bca' ba dang / bza' ba zhig blangs te 'tshal na/ cir 'gyur/ so sor bshags par bya'o/ /mi la mi lags par 'du shes na/ cir 'gyur/ nyes byas so/ /mi ma lags pa la mir 'du shes na/ cir 'gyur/ nyes byas so/ /mi ma lags pa la mi ma lags par 'du shes na/ cir 'gyur/ nyes byas su 'gyur ro/ /btsun pa/ bslab pa stsal pas bslab pa'i sdom pa stsal pa'i grong nas bca' ba dang / bza' ba blangs te 'tshal na/ cir 'gyur/ so sor bshags par bya'o/ /btsun pa/ dge slong mas bslab pa'i sdom pa stsal pa'i grong nas bca' ba dang / bza' ba blangs te 'tshal na/ cir 'gyur/ so sor bshags par bya'o/ /dge slob ma dang / dge tshul ma dang / dge tshul pha rnams kyis 'tshal na/ cir 'gyur/ nyes byas so/ /mdor na/ 'phrin pa spring yig lag brda dang / /gzhan zer ba dang gcig nas gcig / smyon par gyur dang sems 'khrugs dang / /na ba 'on pa 'gro ba 'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis dge 'dun dgon pa la gnas par gyur pa na dogs pa dang bcas par 'tshal/ 'jigs pa dang bcas par 'tshal/ 'jigs shing skrag pa dang bcas par 'tshal bzhin du yang dge slong gis de lta bur dge 'dun dgon pa la gnas shing dogs pa dang bcas par 'tshal/ 'jigs pa dang bcas pa 'tshal/ 'jigs shing skrag pa dang bcas par 'tshal bzhin du kun dga' ra ba'i slad rol nas bca' ba dang / bza' ba blangs te kun dga' ra ba'i nang na bca' ba dang / bza' ba 'tshal na/ so sor bshags par bgyi ba'o/ /zhes gsungs na/ btsun pa/ dge slong gis de lta bur dgon pa la gnas pa na/ kun dga' ra ba'i slad rol nas bca' ba dang / bza' ba blangs te kun dga' ra ba'i nang na bca' ba dang / bza' ba 'phrin gyis blangs te 'tshal na/ cir 'gyur/ nyes byas so/ /de bzhin du spring yig dang / lag brnga dang / gzhan zer ba dang / gcig nas gcig tu brgyud nas blangs te 'tshal na/ cir 'gyur/ nyes byas so/ /btsun pa/ dge slong gis de lta bur dgon pa la gnas pa na/ kun dga' ra ba'i slad rol nas smyon pa zhig las bca' ba dang / bza' ba rnams blangs te 'tshal na/ cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / ma ning dang / ma ning mo dang / mtshan gnyis pa dang / 'gro ba gzhan du gnas pa rnams las kun dga' ra ba'i slad rol nas bca' ba dang / bza' ba blangs te zas na/ thams cad nyes byas su 'gyur ro/ /mdor na/ gzhan gyis gzhan phyir de bzhin te/ /sngags dang zas dang mi rung dang | |rab tu rtogs dang de bzhin du/ /rkun po mtshan dang bzhi pa'o/ /btsun pa/ dge slong de lta bur dgon pa la gnas pa na/ kun dga' ra ba'i nang du gzhan gyis bca' ba dang / bza' ba blangs te bdag nyid kyis 'tshal na/ cir 'gyur/ nyes byas so/ /btsun pa/ dge slong gis de lta bur dgon pa la gnas pa na/ gzhan dag gi slad du bca' ba dang / bza' ba bdag nyid kyis blangs te kun dga' ra ba'i nang du 'tshal na/ cir 'gyur/ nyes byas so/ /btsun pa/ dge slong gis de lta bur dgon pa la gnas pa na/ sngags sam sman gyis bdag nyid mi snang bar bsgyur te kun dga' ra ba'i nang na bca' ba dang / bza' ba blangs te 'tshal na/ cir 'gyur/ nyes byas so/ /btsun pa/ dge slong gis de lta bur dgon pa la gnas pa na/ zas ma gtogs pa'i de las gzhan pa'i bca' ba dang / btung ba dang / bzhib pa dang / bldag pa blangs te 'tshal na/ cir 'gyur/ nyes byas so/ /btsun pa/ dge slong gis de lta bur dgon pa na gnas pa na/ kun dga' ra ba'i nang du mi rung ba'i zas blangs te 'tshal na/ cir 'gyur/ nyes byas so/ /btsun pa/ dge slong gis de lta bur dgon pa na gnas pa na/ kun dga' ra ba'i nang du bca' ba dang / bza' ba blangs te 'tshal yang nongs par mi 'gyur ba mchis sam/ u pa li/ yod de/ rab tu yang dag par rtogs pa'i nags su zos na/ nyes pa med do/ /btsun pa/ dge slong gis de lta bur dgon pa la gnas pa na yang dag par rtogs pa'i nags dang / kun dga' ra ba'i nang du bca' ba dang / bza' ba blangs te 'tshal yang nongs par mi 'gyur ba mchis sam/ u pa li/ yod de/ 'di ltar yang dge slong des rkun po'i sde nye bar gnas bzhin du zos na'o/ /btsun pa/ dge slong gis kun dga' ra ba'i nang du bca' ba dang / bza' ba blangs te 'tshal ba na mtshan 'phos te dge slong mar gyur na/ cir 'gyur/ so sor bshags par bya'o/ /btsun pa/ dge slong mas kun dga' ra ba'i nang du bza' ba dang / bca' ba blangs te 'tshal ba na mtshan 'phos te dge slong du gyur na/ cir 'gyur/ so sor bshags par bya'o/ / btsun pa/ dge slong gis rab tu yang dag par rtogs pa la rab tu yang dag par 'du shes te bca' ba dang / bza' ba blangs te 'tshal na/ cir 'gyur/ nyes pa med do/ /rab tu yang dag par rtogs pa la rab tu yang dag par ma rtogs par 'du shes te 'tshal na/ nyes byas su 'gyur ro/ /rab tu yang dag par ma rtogs pa la rab tu yang dag par rtogs par 'du shes te 'tshal na/ cir 'gyur/ nyes pa med do/ /rab tu yang dag par ma rtogs pa la rab tu yang dag par ma rtogs par 'du shes te 'tshal na/ cir 'gyur/ so sor bshags par bya ba'o/ /de bzhin du mi la mir 'du shes pa yang brjod par bya'o/ /btsun pa/ bslab pa stsal pas rab tu yang dag par ma rtogs pa'i nags su bca' ba dang / bza' ba blangs te 'tshal na/ cir 'gyur/ so sor bshags par bya'o/ /btsun pa/ dge slong mas rab tu yang dag par ma rtogs pa'i gnas kyi kun dga' ra ba'i nang du bca' ba dang / bza' ba blangs te 'tshal na/ cir 'gyur/ so sor bshags par bya ba'o| |dge slob ma dang / dge tshul ma dang / dge tshul pha rnams la nyes byas su 'gyur ro/ /'dul ba'i gzhung dam pa las/ so sor thar pa'i rnam par 'byed pa'i bslab pa rdzogs so// // mdor na/ dbyibs dang kha dog bar chad dang / /mkhan po gnyis dang sun phyung dang / /gnas dang gang zag gling rnams dang / /sa dang mtshams dang bsnyen par rdzogs/ /lnga pa dang ni las gsum dang / /khyim pa mtha' 'khob tha ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis skyes pa bud med 'dra ba rab tu 'byung zhing bsnyen par rdzogs par ma byed cig / ces gsungs na/ btsun pa/ skyes pa mdog bud med 'dra ba/ mtshan ma bud med 'dra ba/ skad bud med 'dra ba/ dbyibs bud med 'dra ba zhig dge slong gi dngos por bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par rdzogs pa zhes bya ste/ bsnyen par rdzogs par byed pa ni/ 'das pa dang bcas pa'o/ / btsun pa/ bud med gcig mdog skyes pa dang 'dra ba/ /mtshan ma skyes pa dang 'dra ba/ skad skyes pa dang 'dra ba/ dbyibs skyes pa dang 'dra ba zhig bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par rdzogs pa zhes bya ste/ bsnyen par rdzogs par byed pa ni/ 'das pa dang bcas pa'o/ /btsun pa/ bar chad kyi chos dang ldan pa zhig bdag bar chad kyi chos dang ldan no/ /zhes smra ba'i gang zag de/ dge slong rnams kyis dge slong gi dngos por bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par ma rdzogs pa zhes bya ste| bsnyen par rdzogs par byed pa ni/ 'das pa dang bcas pa'o/ /bar chad kyi chos rnams dang ldan pa zhig /bdag ni/ bar chad kyi chos dang mi ldan no/ /zhes smra ba'i gang zag de/ dge slong rnams kyis dge slong gi dngos por bsnyen par rdzogs par bgyis na bsnyen par rdzogs pa zhes bgyi'am/ u pa li/ bsnyen par ma rdzogs pa zhes bya ste/ bsnyen par rdzogs par byed pa rnams kyang 'das pa dang bcas pa'o/ /bar chad kyi chos rnams mi ldan pa la bdag ni/ ldan no/ /zhes smra ba'i gang zag de/ dge slong dag gis dge slong gi dngos por bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par rdzogs pa zhes bya ste/ bsnyen par rdzogs par byed pa ni/ 'das pa dang bcas pa'o/ /bar chad kyi chos rnams dang mi ldan pa zhig / bdag ni/ mi ldan no/ /zhes smra ba'i gang zag de/ dge slong rnams kyis dge slong gi dngos por bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par rdzogs pa zhes bya ste/ bsnyen par rdzogs par byed pa ni/ 'das pa dang bcas par mi 'gyur ro/ /btsun pa/ bsnyen par rdzogs par bgyid pas bar chad kyi chos rnams ma dris par bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par rdzogs pa zhes bya ste/ bsnyen par rdzogs par byed pa ni/ 'das pa dang bcas par 'gyur ro/ /btsun pa/ lo nyi shu ma lags pa bsnyen par rdzogs par bgyis na/ bsnyen par rdzogs pa zhes bgyi'am/ u pa li/ shes par nus pa ma gtogs par lhag ma rnams ni/ bsnyen par rdzogs pa zhes bya'o/ /btsun pa/ lhung bzed ma mchis/ chos gos ma mchis par bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par rdzogs pa zhes bya ste/ bsnyen par rdzogs par byed pa ni/ 'das pa dang bcas pa'o/ /btsun pa/ pha dang mas ma gnang ba bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par rdzogs pa zhes bya ste/ bsnyen par rdzogs par byed pa ni/ 'das pa dang bcas pa'o/ /btsun pa/ pha dang mas ma gnang ba bsnyen par rdzogs par bgyis kyang nongs par mi 'gyur ba mchis sam/ u pa li/ yod da/ de'i pha dang / ma dus las 'das par gyur tam/ byol song du gyur tam/ jo bos gnang bar gyur pa'o/ /btsun pa/ bu skal zhig na/ de gang la gsol bar bya| gang gi bu yin par khas blangs pa'o/ /btsun pa/ bran bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par rdzogs pa zhes bya ste/ bsnyen par rdzogs par byed pa ni/ 'das pa dang bcas pa'o/ /btsun pa/ brkus pa dang / rnyed btson dang / rgyal po la gtses pa dang / rgyal po dang 'khon pa dang / rgyal po la gnod pa'i las byed pa bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par rdzogs pa zhes bya ste/ bsnyen par rdzogs par byed pa ni/ 'das pa dang bcas pa'o/ /btsun pa/ za ma bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par ma rdzogs pa zhes bya ste/ bsnyen par rdzogs par byed pa yang 'das pa dang bcas pa'o/ /btsun pa/ ma ning bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par ma rdzogs pa zhes bya ste/ bsnyen par rdzogs par byed pa ni/ 'das pa dang bcas pa'o/ /btsun pa/ dge slong ma sun phyung ba bsnyen par rdzogs par bgyis na/ bsnyen par rdzogs pa zhes bgyi'am/ u pa li/ kha cig ni/ bsnyen par rdzogs pa zhes bya'o/ /kha cig ni/ bsnyen par ma rdzogs pa ste/ gang gis dge slong ma la mi tshangs par spyad pas sun phyung bar gyur pa 'di ni/ bsnyen par ma rdzogs pa zhes bya ste/ nye bar gnas na yang mig lam na mi snang bar byos shig / gang gis dge slong ma lus la reg pa tsam gyis sun phyung bar gyur pa ni/ bsnyen par rdzogs pa zhes bya ste/ ma bskrad cig /btsun pa/ ma bsad pa'i gang zag bsnyen par rdzogs par bgyis na/ bsnyen par rdzogs pa zhes bgyi'am/ u pa li/ kha cig ni/ bsnyen par rdzogs pa zhes bya'o/ /kha cig ni/ bsnyen par ma rdzogs pa ste/ gang gis gzhan du 'du shes nas ma 'tsho ba dang bral bar gyur tam/ gzhan du sbyor ba yang rung ste/ 'di ni/ bsnyen par rdzogs pa zhes bya ste/ nye bar gnas na yang mig lam na mi snang bar ma byed cig /gang gis shes bzhin du ma'i 'tsho ba dang bral bar gyur pa 'di ni/ bsnyen par ma rdzogs pa zhes bya ste/ nye bar gnas na mig lam na snang bar ma byed cig /ji ltar ma bsad pa de bzhin du pha bsad pa dang / dgra bcom pa bsad pa la yang brjod par bya'o/ /btsun pa/ dge 'dun gyis dbyen bgyis pa'i gang zag gis bslab pa phul te nyams par bgyis pa dang / des slar yang legs par gsungs pa'i chos 'dul ba la dad de rab tu byung nas bsnyen par rdzogs te dge slong gi dngos por 'tshal ba de/ dge slong gis bsnyen par rdzogs par bgyis na/ bsnyen par rdzogs par zhes bgyi'am/ u pa li/ kha cig ni/ bsnyen par rdzogs pa zhes bya'o/ /kha cig ni/ bsnyen par ma rdzogs pa ste/ gang gis chos ma yin par 'du shes pas dge 'dun phye bar gyur pa 'di ni/ bsnyen par ma rdzogs pa zhes bya ste/ nye bar gnas na yang mig lam na mi snang bar byos shig /gang gis chos su 'du shes te dge 'dun phye bar gyur pa 'di ni/ bsnyen par rdzogs pa zhes bya ste/ nye bar gnas na yang mig la man mi snang bar ma bya zhig / btsun pa/ de bzhin gshegs pa la ngan sems kyis khrag phyung ba bsnyen par rdzogs par bgyis na/ bsnyen par rdzogs pa zhes bgyi'am/ u pa li/ kha cig ni/ bsnyen par rdzogs pa zhes bya'o/ /kha cig ni/ bsnyen par ma rdzogs pa zhes bya ste/ gang gis de bzhin gshegs pa la shes bzhin du ngan sems kyis khrag phyung bar gyur pa 'di ni/ bsnyen par ma rdzogs pa zhes bya ste/ nye bar gnas na'ang mig lam na yang mi snang bar byos shig /gang gis de bzhin gshegs pa la shes bzhin ma yin par ngan sems med pas khrag phyung bar gyur pa 'di ni/ bsnyen par rdzogs pa zhes bya ste/ nye bar gnas na'ang mig lam na mi snang bar ma byed cig /btsun pa/ mu stegs can bsnyen par rdzogs par bgyis na/ bsnyen par rdzogs pa zhes bgyi'am/ kha cig ni/ bsnyen par rdzogs pa zhes bya'o/ /kha cig ni/ bsnyen par ma rdzogs pa ste/ gang des lta ba ma spangs pa 'di ni/ bsnyen par ma rdzogs pa zhes bya ste/ nye bar gnas na'ang mi lam na mi snang bar byos shig /de ste des lta ba spangs na/ bsnyen par rdzogs pa zhes bya ste/ nye bar gnas na mig lam na mi snang bar ma bya zhig/ btsun pa/ mu stegs can du song ba'i gang zag bsnyen par rdzogs par bgyis na/ bsnyen par rdzogs pa zhes bgyi'am/ kha cig ni/ bsnyen par rdzogs pa zhes bya'o/ /kha cig ni/ bsnyen par ma rdzogs pa zhes bya ste/ gang gis bslab pa ma phul bar mu stegs can gyi rgyal mtshan bzung bar gyur la/ de'i lta ba la yang dga' ba de ni/ bsnyen par ma rdzogs pa zhes bya ste/ nye bar gnas na'ang mig lam na yang mi snang bar byos shig / gang gis bslab pa phul la mu stegs kyi rgyal mtshan bzung bar gyur nas kyang de'i lta ba la mi dga' bar gyur pa de ni/ bsnyen par rdzogs pa zhes bya ste/ nye bar gnas na yang mig lam na mi snang bar ma bya zhig/ btsun pa/ rku thabs su gnas pa bsnyen par rdzogs par bgyis na/ bsnyen par rdzogs pa zhes bgyi'am/ kha cig ni/ bsnyen par ma rdzogs pa'o/ /kha cig ni/ bsnyen par rdzogs pa zhes bya ste/ gang gis rku sems kyis rang gi mtshan ma blangs te lan gnyis lan gsum du gso sbyong gi las myong bar 'gyur ba 'di ni/ bsnyen par ma rdzogs pa zhes bya ste/ nye bar gnas na yang mig lam na mi snang bar byos shig /gang gis rku sems kyis rab tu ma byung la/ gso sbyong gi las lan gcig myong ngam/ ma myong bar gyur pa 'di ni/ bsnyen par rdzogs pa zhes bya ste/ nye bar gnas na yang mig lam na mi snang bar ma bya zhig /btsun pa/ so sor gnas pa'i gang zag bslab pa phul nas khyim pa'i dngos por mchis pa las de slar legs par gsungs pa'i chos 'dul ba la bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par ma rdzogs pa zhes mi bya ste/ bsnyen par rdzogs par byed pa ni/ 'das pa dang bcas pa'o/ /btsun pa/ sngar nongs pa byung ba bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par ma rdzogs pa zhes bya ste/ bsnyen par rdzogs par byed pa'ang 'das pa dang bcas pa'o/ /btsun pa/ ji tsam gyis na sngar nongs pa byung ba zhes bgyi/ u pa li/ gang gis sngar rab tu byung la bslab pa ma phul bar phas pham pa bzhi las gang yang rung ba'i phas pham pa byung bar gyur pa dang / des bslab pa phul nas khyim pa'i dngos por song ba las/ des slar yang legs par gsungs pa'i chos 'dul ba la rab tu byung bsnyen par rdzogs nas dge slong gis dngos por 'dod pa 'di ni/ sngon nyes pa byung ba'i gang zag ces bya'o/ /btsun pa/ bcom ldan 'das kyis sngon nongs pa byung ba'i gang zag bsnyen par rdzogs par ma bya zhig / ces gsungs na/ btsun pa/ sngon nongs pa byung ba'i gang zag bsnyen par rdzogs par bgyis na/ bsnyen par rdzogs par 'gyur ba mchis sam/ u pa li/ yod de/ 'di ltar yang des dge slong ma'i thun mong ma yin pa'i phas pham par gyur pa dang / des bslab pa phul te khyim pa'i dngos por song ba na/ der mtshan 'phos te skyes par gyur nas legs par gsungs pa'i chos 'dul ba la rab tu byung zhing bsnyen par rdzogs te dge slong gi dngos por 'dod pa dang / dge slong gis bsnyen par rdzogs par byas na/ 'di ni/ bsnyen par rdzogs pa zhes bya'o/ /btsun pa/ bcom ldan 'das kyis dge slong ma lan gcig slar babs pa rab tu dbyung zhing bsnyen par rdzogs par ma bya zhig / ces gsungs na/ de ste btsun pa/ bsnyen par rdzogs par bgyis na/ bsnyen par rdzogs pa zhes bgyi'am/ bsnyen par ma rdzogs pa zhes bgyi/ bsnyen par ma rdzogs pa zhes bya ste| bsnyen par rdzogs par byed pa yang 'das pa dang bcas pa'o/ /btsun pa/ sngar 'khrugs pa'i gang zag bsnyen par rdzogs par bgyis na/ bsnyen par rdzogs pa zhes bgyi'am/ bsnyen par ma rdzogs pa zhes bgyi/ kha cig ni/ bsnyen par rdzogs pa zhes bya/ kha cig ni/ bsnyen par ma rdzogs pa zhes bya ste/ gang gis lo nyi shu ma lon par shes pa dang / des chos dang 'dul ba 'di yin zhes khas blangs pa'i gang zag de/ dge slong dag gis bsnyen par rdzogs par byas na/ 'di ni/ bsnyen par rdzogs pa zhes bya ste/ bsnyen par rdzogs par byed pa de ni/ 'das pa dang bcas par mi 'gyur ro/ /btsun pa/ nye bar phyogs pas bslab pa phul te khyim pa'i dngos por mchis nas legs par gsungs pa'i chos 'dul ba la bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par rdzogs pa zhes bya ste/ bsnyen par rdzogs par byed pa ni/ 'das pa dang bcas pa'o/ /btsun pa/ bslab pa stsal pas bslab pa phul te khyim pa'i dngos por mchis pa las de slar legs par gsungs pa'i chos 'dul ba la rab tu byung zhing bsnyen par rdzogs te dge slong gi dngos por 'tshal ba dang / dge slong gis bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par rdzogs pa zhes bya ste/ bsnyen par rdzogs par byed pa ni/ 'das pa dang bcas pa'o/ /btsun pa/ bu lon chags pa bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par rdzogs pa zhes bya ste/ bsnyen par rdzogs par byed pa ni/ 'das pa dang bcas pa'o/ /btsun pa/ nad pa bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par rdzogs pa zhes bya ste/ bsnyen par rdzogs par byed pa ni/ 'das pa dang bcas pa'o/ /btsun pa/ mkhan po ma mchis par bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par rdzogs par zhes bya ste/ bsnyen par rdzogs par byed pa ni/ 'das pa dang bcas pa'o/ /btsun pa/ bsnyen par rdzogs kar mkhan po spong na/ bsnyen par rdzogs pa zhes bgyi'am/ u pa li/ kha cig ni/ bsnyen par rdzogs pa zhes bya'o/ /kha cig ni/ bsnyen par ma rdzogs pa zhes bya ste/ gang gis dge slong nyid la mi rigs pa'o/ /ngo tsha med pa'o/ /'dzem pa med pa'o/ /zhes smod cing / mkhan po sbong ba 'di ni/ bsnyen par ma rdzogs pa zhes bya'o/ /gang gis mkhan po la mi rigs pa'o/ /ngo tsha med pa'o/ /zhes smod kyi dge sbyong nyid la ma yin par mkhan po sbong ba 'di ni/ bsnyen par rdzogs pa zhes bya'o/ /btsun pa/ bcom ldan 'das kyis 'khor sun 'byin pa'i gang zag rab tu dbyung zhing bsnyen par rdzogs par ma bya zhig / ces gsungs na/ btsun pa/ des de bsnyen par rdzogs par bgyis na/ bsnyen par rdzogs pa zhes bgyi'am/ u pa li/ 'khor sun 'byin pa bzhi ste/ sngar 'khrugs pa ma gtogs pa'i lhag ma rnams ni/ bsnyen par rdzogs pa zhes bya ste/ bsnyen par rdzogs par byed pa ni/ 'das pa dang bcas pa'o/ /btsun pa/ las bgyid pa phyogs gcig tu mchis la/ gnas bzhir gang zag bzhi bsnyen par rdzogs par bgyid du gnang ngam/ gnang ste/ de yang 'di ltar las byed pa'i dge slong gnas bzhi char gyi mtshams su shing ngam/ 'khar ba'am/ re lde rnams kyis mnan te re re nas sam/ gnyis gnyis nas sam/ gsum gsum nas bsnyen par rdzogs par bya ste/ bzhir mtshang na'o/ /btsun pa/ las gcig gis gnyis sam gsum bsnyen par rdzogs par gnang ngam/ u pa li/ gnang ngo / /btsun pa/ las bgyid pa'i dge slong phyogs gcig tu mchis na/ gsol ba gcig dang las gcig gis gang zag bzhi bsnyen par rdzogs par bgyis na/ las kyang bgyis la/ dge slong de dag kyang 'das pa dang bcas par mi 'gyur ba mchis sam| u pa li/ yod de/ 'di ltar yang las byed pa'i dge slong gis mtshams mnan te mtshams su gnas sam/ mtshams su 'greng ngam/ mtshams su 'dug nas gnyis ni/ mtshams kyi nang du bzhag / gnyis ni/ mtshams kyi phyi rol tu bzhag ste las byed pa'o/ /btsun pa/ nub kyi ba lang spyod pa'am/ shar gyi lus 'phags kyi gang zag bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par rdzogs pa zhes bya ste/ bsnyen par rdzogs par byed pa ni/ 'das pa dang bcas pa'o/ /btsun pa/ byang gi sgra mi snyan gyi gang zag bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par rdzogs pa zhes mi bya ste/ bsnyen par rdzogs par byed pa'ang 'das pa dang bcas pa'o/ /btsun pa/ dogs la mchis pas grangs su bskang ste nam mkha' la mchis pa bsnyen par rdzogs par gnang ngam/ u pa li/ mi gnang ngo / /btsun pa/ nam mkha' la mchis pas grangs su bskang ste dogs la mchis pa bsnyen par rdzogs par gnang ngam/ u pa li/ mi gnang ngo / /btsun pa/ las bgyid pa dogs la mchis pas nam mkha' la mchis pa'i las bgyid par gnang ngam/ u pa li/ mi gnang ngo / /btsun pa/ nam mkha' la mchis pa'i las bgyid pas dog sa la mchis pa'i las bgyid du gnang ngam/ u pa li/ mi gnang ngo / /de bzhin du mtshams kyi nang na 'dug pa dang / mtshams kyi phyi rol na 'dug pa'ang bzhir bya'o// //'dul ba gzhung dam pa bam po bcu drug pa/ btsun pa/ bcom ldan 'das kyis ljongs mtha' 'khob tu 'dul ba 'dzin pa dang lngas bsnyen par rdzogs par byos shig / ces gsungs na/ btsun pa/ bcur yang mchis la mchis bzhin du 'dul ba 'dzin pa dang bzhis bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par rdzogs pa zhes bya ste/ bsnyen par rdzogs par byed pa rnams ni/ 'das pa dang bcas pa'o/ /btsun pa/ bcom ldan 'das kyis ljongs kyi dbus su 'dul ba 'dzin pa dang grangs bcus lhag pa'ang rung pas bsnyen par rdzogs par 'gyur ro/ /zhes gsungs na/ btsun pa/ grangs nyi shu'am/ lhag par yang rung ste/ mchis bzhin pa las grangs nyi shu las nyung bas bsnyen par rdzogs par bgyis na/ bsnyen par rdzogs pa zhes bgyi'am/ bsnyen par ma rdzogs pa zhes bgyi/ u pa li/ bsnyen par rdzogs pa zhes bya ste/ bsnyen par rdzogs par byed pa rnams ni/ 'das pa dang bcas pa'o/ /btsun pa/ bcom ldan 'das kyis rnam pa lngas na/ bsnyen par rdzogs pa zhes bya ste/ bsnyen par rdzogs par 'dod pa'i ming nas brjod nas las mi nyams par byed pa'i bar du'o/ /zhes gsungs na/ btsun pa/ las bgyid pas bsnyen par rdzogs par bgyid pa na/ bsnyen par rdzogs pa'i ming nas ma brjod la mkhan po'i ming nas brjod/ dge 'dun gyi ming nas brjod/ gsol ba'ang bgyis/ las kyang ma nyams na/ bsnyen par rdzogs pa zhes bgyi'am/ u pa li/ bsnyen par ma rdzogs pa zhes bya ste/ bsnyen par rdzogs par byed pa rnams kyang 'das pa dang bcas pa'o/ /bsnyen par rdzogs par 'tshal ba'i ming nas brjod/ dge 'dun gyi ming nas brjod la mkhan po'i ming nas ma brjod/ gsol ba'ang bgyis/ las kyang ma nyams na/ bsnyen par rdzogs pa zhes bgyi'am/ u pa li/ bsnyen par ma rdzogs pa zhes bya ste/ bsnyen par rdzogs par byed pa rnams kyang 'das pa dang bcas pa'o/ /bsnyen par rdzogs par 'tshal ba'i ming nas brjod/ mkhan po'i ming nas kyang brjod la/ dge 'dun gyi ming nas ni/ ma brjod la/ gsol ba ni/ bgyis/ las kyang ma nyams na| bsnyen par rdzogs pa zhes bgyi'am/ u pa li/ bsnyen par ma rdzogs pa zhes bya ste/ bsnyen par rdzogs par byed pa rnams kyang 'das pa dang bcas pa'o/ /bsnyen par rdzogs par 'tshal ba'i ming nas brjod/ mkhan po'i ming nas brjod/ dge 'dun gyi ming nas kyang brjod/ gsol ba ni/ ma bgyis la/ las kyang ma nyams na/ bsnyen par rdzogs pa zhes bgyi'am/ u pa li/ bsnyen par ma rdzogs pa zhes bya ste/ bsnyen par rdzogs par byed pa rnams kyang 'das pa dang bcas pa'o/ /bsnyen par rdzogs par 'tshal ba'i ming nas brjod/ mkhan po'i ming nas brjod/ dge 'dun gyi ming nas brjod/ gsol ba'ang bgyis la/ las ni/ nyams na/ bsnyen par rdzogs pa zhes bgyi'am/ u pa li/ bsnyen par ma rdzogs pa zhes bya ste/ bsnyen par rdzogs par byed pa rnams kyang 'das pa dang bcas pa'o/ /btsun pa/ dge tshul pha dge slong ma'i las kyis bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par rdzogs pa zhes bya ste/ bsnyen par rdzogs par byed pa rnams ni/ 'das pa dang bcas pa'o/ /btsun pa/ dge slong ma dge slong gi las kyis bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par rdzogs pa zhes bya ste/ bsnyen par rdzogs par byed pa rnams ni/ 'das pa dang bcas pa'o/ /btsun pa/ las bgyid pa bsnyen par rdzogs par bgyid pa'i tshe dus 'das na/ bsnyen par rdzogs pa zhes bgyi'am/ u pa li/ de ste las mang du byas par gyur na ni/ bsnyen par rdzogs pa zhes bya'o/ /btsun pa/ bsnyen par rdzogs kar ngag gcod cing bdag bsnyen par rdzogs par ma bgyi zhig ces slar smra na/ bsnyen par rdzogs pa zhes bgyi'am/ u pa li/ bsnyen par ma rdzogs pa zhes bya ste/ bsnyen par rdzogs par byed pa rnams kyang 'das pa dang bcas pa'o/ /btsun pa/ bsnyen par rdzogs kar khyim pa lags par 'tshal na/ bsnyen par rdzogs pa zhes bgyi'am/ bsnyen par ma rdzogs pa zhes bya ste/ bsnyen par rdzogs par byed pa rnams ni/ 'das pa dang bcas pa'o/ /btsun pa/ mtha' 'khob pas 'phags pa'i skad du bsnyen par rdzogs par bgyis pa dang mtha' 'khob pa des kyang 'phags pa'i skad ma 'tshal na/ bsnyen par rdzogs pa zhes bgyi'am/ de ste gsung rab 'di dang ldan zhing rab tu ldan la khas len pa'i sems yod na/ bsnyen par rdzogs pa zhes bya ste/ bsnyen par rdzogs par byed pa rnams ni/ mi bya ba mngon par spyad de bsnyen par rdzogs par byas pas 'das pa dang bcas par 'gyur ro/ mdor na/ smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / snyoms par zhugs dang 'gro ba mtshan/ /btsun pa/ smyon pa bsnyen par rdzogs par bgyis na/ bsnyen par rdzogs pa zhes bgyi'am/ u pa li/ de ste bsnyen par rdzogs pa'i 'dus shes yod la/ lus sam tshig gi dmigs pas khas blangs na/ bsnyen par rdzogs pa zhes bya'o/ /ji ltar smyon pa bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa rnams kyang rgyas par brjod par bya'o/ /btsun pa/ gnyid log pa bsnyen par rdzogs par bgyid na/ bsnyen par rdzogs pa zhes bgyi'am/ u pa li/ de ste lus dang tshig gis dmigs la gsol ba dang / las byed pa'i tshe gnyid kyis log kyang bsnyen par rdzogs pa zhes bya'o/ /ji ltar gnyid kyis log pa de bzhin du ra ro ba dang / snyoms par zhugs pa rnams la'ang brjod par bya'o/ /btsun pa/ 'gro ba gzhan du gnas pa bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par rdzogs pa zhes bya ste/ bsnyen par rdzogs par byed pa rnams ni/ 'das pa dang bcas pa'o/ /btsun pa/ bsnyen par rdzogs kar mtshan 'phos na/ bsnyen par rdzogs pa zhes bgyi'am/ bsnyen par rdzogs pa zhes bya ste/ dge slong ma'i nang du spos shig / mdor na/ smyon par gyur dang sems 'khrugs dang / /na ba 'on pa glen pa dang / /khyim pa dag la sogs pa rnams/ /bslab pa byin dang de ltar mtshan/ /btsun pa/ las bgyid pa smyon pas bsnyen par rdzogs par bgyis na/ bsnyen par rdzogs pa zhes bgyi'am/ u pa li/ gal te las byed pa'i dge slong gis dge slong gi 'du shes dang ldan zhing gsol ba byas la/ las kyang ma nyams na/ bsnyen par rdzogs pa zhes bya ste/ bsnyen par rdzogs par byed pa rnams ni/ 'das pa dang bcas pa'o/ /de bzhin du sems 'khrugs pa dang / nad kyis gzir ba dang / lkugs pa dang / 'on pa dang / de bzhin du ra ro ba rnams la yang brjod par bya'o/ /btsun pa/ las bgyid pa khyim pas bsnyen par rdzogs par bgyis na/ bsnyen par rdzogs par zhes bgyi'am/ u pa li/ bsnyen par ma rdzogs pa zhes bya ste/ bsnyen par rdzogs par byed pa rnams kyang 'das pa dang bcas pa'o/ /de bzhin du ma ning dang / dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / sngar nyes pa byung ba dang / sngar 'khrugs pas las bgyis te bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par ma rdzogs pa zhes bya ste/ bsnyen par rdzogs par byed pa rnams kyang 'das pa dang bcas pa'o/ /btsun pa/ las bgyid pa za mas bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par ma rdzogs pa zhes bya ste/ bsnyen par rdzogs par byed pa rnams kyang 'das pa dang bcas pa'o/ /btsun pa/ las bgyid pa dge 'dun gyi dbyen bgyis pa dang / nye bar phyogs pa dang / bslab pa stsal pa rnams kyis bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par rdzogs pa zhes bya ste/ bsnyen par rdzogs par byed pa rnams ni/ 'das pa dang bcas pa'o/ /btsun pa/ las bgyid pa 'gro ba gzhan du gnas pas bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par rdzogs pa zhes bya ste/ bsnyen par rdzogs par byed pa rnams ni/ 'das pa dang bcas pa'o/ /btsun pa/ bsnyen par rdzogs par bgyid pa na las bgyid pa'i mtshan 'phos na bsnyen par rdzogs pa zhes bgyi'am/ u pa li/ bsnyen par rdzogs pa zhes bya ste/ bsnyen par rdzogs par byed pa rnams ni/ 'das pa dang bcas pa'o/ /mdor na/ spyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms par zhugs dang 'gro ba mtshan/ /khyim bdag la sogs pa rnams/ /bslab pa byin pa tha ma'o/ /btsun pa/ mkhan po smyon pas bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par rdzogs pa zhes bya ste/ bsnyen par rdzogs par byed pa rnams ni/ 'das pa dang bcas pa'o/ /de bzhin du mkhan po sems 'khrugs pa dang / nad kyis gzir ba dang / snyoms par zhugs pa rnams so/ /btsun pa/ mkhan po 'gro ba gzhan du gnas pas bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par rdzogs pa zhes bya ste/ bsnyen par rdzogs par byed pa rnams ni/ 'das pa dang bcas pa'o/ /btsun pa/ dge tshul pha bsnyen par rdzogs par bgyid pa na mkhan po'i mtshan 'phos na/ bsnyen par rdzogs pa zhes bgyi'am/ u pa li/ bsnyen par rdzogs ba zhes bya ste/ bsnyen par rdzogs par byed pa rnams ni/ 'das pa dang bcas pa'o/ /btsun pa/ mkhan po khyim pas bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par rdzogs pa zhes bya ste/ bsnyen par rdzogs par byed pa rnams ni/ 'das pa dang bcas pa'o/ /de bzhin du mkhan po za ma dang / ma ning nas rgyas par bslab pa stsal pa'i bar du de rnams kyis bsnyen par rdzogs par bgyis na/ bsnyen par rdzogs pa zhes bgyi'am/ u pa li/ bsnyen par rdzogs pa zhes bya ste/ bsnyen par rdzogs par byed pa rnams ni/ 'das pa dang bcas pa'o/ /'dul ba gzhung dam pa las/ bsnyen par rdzogs pa'i dngos po rdzogs so// //mdor na/ phyed dang gsum dang bskor ba dang / /bzhi pa dang ni mtshams dang mtshan/ /zhig dang snga ma mtshams dang shing / /dbyung ba mi rung khyim pa dag /dbyung ba tha mar smras pa'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ bcom ldan 'das kyis mtshams chen po chod cig /ces gsungs na/ btsun pa/ mtshams chen po'i tshad ji tsam/ u pa li/ dpag tshad phyed dang gsum mo/ /de tshun chad ni/ thams cad kyang chung ngu ste/ dkyil 'khor gang du grangs bzhi bcu bskor bar shong ba'o/ /btsun pa/ dpag tshad phyed dang gsum las 'das par mtshams bkum na/ de mtshams zhes bgyi'am/ u pa li/ ma yin te/ dpag tshad phyed dang gsum ni/ mtshams so/ /de las 'das pa ni/ mtshams ma yin no/ /de ste mtshams bcad na yang ma bcad pa zhes bya'o/ /dge slong rnams kyang 'das ba dang bcas pa ste/ de bzhin du thams cad shes par bya'o/ /btsun pa/ 'og gi mtshams gang lags/ u pa li/ chu yod pa'i bar du'o/ / btsun pa/ dpag tshad phyed dang gsum las 'das pa na chab mchis na/ de mtshams zhes bgyi'am/ u pa li/ ma yin te/ dpag tshad phyed dang gsum ni/ mtshams so/ /de man chad ni/ mtshams ma yin no/ /btsun pa/ steng gi nam mkha' la mtshams gang lags/ u pa li/ ji tsam rtsig sgal lam/ shing gi rtse mo yod pa'o/ /btsun pa/ dpag tshad phyed dang gsum las 'das pa na rtsig sgal lam/ shing gi rtse mo mchis na/ de mtshams zhes bgyi'am/ u pa li/ ma yin te/ dpag tshad phyed dang gsum ni/ mtshams zhes bya'i/ de yan chad ni/ mtshams ma yin no/ /btsun pa/ ri'i rtse mo'i mtshams gang lags/ u pa li/ chu mig yod pa'o/ /btsun pa/ dpag tshad phyed dang gsum las 'das pa na chab mig mchis na/ de mtshams zhes bgyi'am/ u pa li/ ma yin te/ dpag tshad phyed dang gsum ni/ mtshams so/ /de yan chad ni/ mtshams ma yin no/ /btsun pa/ mtshams la yang mtshams kyis bskor bar gnang ngam/ u pa li/ mi gnang ste/ rgyang grags kyi mtshams dang / rtsig pa'i mtshams dang / chus bskor ba'i dkyil 'khor ni/ ma gtogs so/ /btsun pa/ las bgyid pa 'phags pas 'phags pa'i skad du mtshams bkum ba dang / dge slong de dag gis 'phags pa'i skad ma 'tshal na/ mtshams bkum pa zhes bgyi'am/ u pa li/ bcad pa zhes bya ste/ las byed pa ni/ 'das pa dang bcas pa'o/ /btsun pa/ 'phags pas mtha' 'khob pa'i skad du mtshams bkum pa dang / dge slong de dag gis mtha' 'khob pa'i skad ma 'tshal na/ mtshams bkum pa zhes bgyi'am/ u pa li/ bcad pa zhes bya ste/ las byed pa ni/ 'das pa dang bcas pa'o/ /btsun pa/ mtha' 'khob pas mtha' 'khob pa'i skad du mtshams bkum pa dang / dge slong de dag gis mtha' 'khob pa'i skad ma 'tshal na/ mtshams bkum pa zhes bgyi'am/ u pa li/ mtshams bcad pa zhes bya ste/ las byed pa ni/ 'das pa dang bcas pa'o/ /btsun pa/ mtha' 'khob pas 'phags pa'i skad du mtshams bkum pa dang / dge slong de dag gis 'phags pa'i skad ma 'tshal na/ mtshams bkum pa zhes bgyi'am/ u pa li/ mtshams bcad pa zhes bya ste/ las byed pa ni/ 'das pa dang bcas pa'o/ /btsun pa/ steng gi nam mkha' la mtshams dgum par rung ngam/ u pa li/ mi rung ste/ u pa li/ de ci'i phyir zhe na/ mtshan ma bstan du med pa'i phyir ro/ /btsun pa/ nyi ma dang / zla ba dang / skar mas mtshams dgum du rung ngam/ u pa li/ mi rung ngo / /u pa li/ de ci'i phyir zhe na/ de ni/ 'di ltar nyi ma dang / zla ba dang / skar ma ni/ mi brtan zhing g.yo ba'i phyir ro/ /btsun pa/ chu rlabs dang / chu rlabs kyi rgyud dam/ klung gi 'gram du ni/ mtshams dgum du rung ngam/ u pa li/ mi rung ngo / /u pa li/ de ci'i phyir zhe na/ de ni/ 'di ltar chu rlabs dang / chu rlabs kyi rgyud dang / klung gi 'gram ni/ g.yo zhing mi brtan pa'i phyir ro/ /btsun pa/ de ste klung gi 'gram brtan par gyur na/ mtshams dgum du rung ngam/ u pa li/ mi rung ngo / /btsun pa/ rdzu 'phrul lam/ sgyu mas mtshams dgum du rung ngam/ u pa li/ mi rung ngo / /u pa li/ de ci'i phyir zhe na/ de ni/ 'di ltar rdzu 'phrul dang / sgyu ma ni/ tha snyad du mi 'dogs pa'i phyir ro/ /btsun pa/ klung ngam yur ba las mtshams bzlar rung ngam/ u pa li/ mi rung ste/ de klung ngam/ yur chu rtag tu mi 'bab par gyur pa'o/ /btsun pa/ rtag tu 'bab pa'i chu gting zab pa las mtshams bzla bar rung ngam/ u pa li/ rung ste/ 'di ltar yang klung dang / yur chu de la shing ngam/ rtsig pa'am/ re lde rnams kyis bkab par gyur pa'o/ /btsun pa/ de ste shing ngam/ re lde 'jig pa'i chos su gyur na/ zhig pa zhes bgyi'am/ de ste sbyor ba btang na/ zhig pa zhes bya'o/ /'on te slar dga' bar sbyor bam btang na/ ma zhig pa zhes bya'o/ /btsun pa/ las bgyid pa mtshams gcod pa na mtshan gyur na/ mtshams bcad pa zhes bgyi'am/ u pa li/ mtshams bcad pa zhes bya'o/ /btsun pa/ mtshams kyis mtshams dgrol du rung ngam/ u pa li/ rgyang grags kyi mtshams dang / rtsig pa'i mtshams ma gtogs par gzhan mi rung ngo / /btsun pa/ mtshams 'jig pa rnam pa du mchis/ u pa li/ lnga ste/ mtshams med pa dang / dge slong med pa dang / re ba med pa dang / gsol ba dang / las dang lnga yin no/ /btsun pa/ sngon gyi mtshams ma bkrol par mtshams gzhan dgum du rung ngam/ u pa li/ rgyang grags kyi mtshams dang / rtsig pa'i mtshams dang / dkyil 'khor gyi mtshams ma gtogs par mi rung ngo / /u pa li/ de ci'i phyir zhe na/ gsol pa dang / las kyis mtshams gcad do/ /gsol pa dang / las kyis mtshams dgrol lo/ /btsun pa/ mtshams bkum pas mtshams dgrol ba'am/ mtshams bkrol bas mtshams bkum par 'gyur pa mchis sam/ u pa li/ yod de/ las kyis mtshams bcad na/ rgyang grags kyi mtshams dang / rtsig pa'i mtshams dgrol pa zhes bya'o/ /las kyis mtshams bkrol na/ rgyang grags kyi mtshams dang / rtsig pa'i mtshams bcad pa zhes bya'o/ /btsun pa/ mchis pa'i rjes su mchi ba gang / u pa li/ mtshams so/ /btsun pa/ mchis pa'i rjes su mchis pa gang / u pa li/ mtshams so/ /btsun pa/ gnas bzhi'am/ gnas lnga'am/ de las mang yang rung / shing gcig gis mtshams dgum par rung ngam/ u pa li/ rung ste/ ji tsam du mtshan ma bsgrag cing gzhag par nus pa'i bar du'o/ /btsun pa/ mtshams nas mtshams spo bar rung ngam/ u pa li/ mi rung ste/ rgyang grags kyi mtshams dang / rtsig pa'i mtshams ni/ ma gtogs so/ /btsun pa/ spo mi 'tshal ba'i mtshams du/ u pa li/ gcig ste/ las kyi mtshams sam/ chu mig gam/ khron pa'o/ /btsun pa/ rung ba'i sa dang / mi rung ba'i sa'o/ /zhes bgyi na/ btsun pa/ rung ba'i sa gang lags/ u pa li/ gnas gang na mtshams kyi nang na rung ba'i gnas su byin gyis brlabs par gyur pa 'di ni/ rung ba'i sa zhes bya'o/ /u pa li/ gnas gang na mtshams kyi nang du rung ba'i gnas byin gyis ma brlabs par gyur pa 'di ni/ mi rung ba'i sa zhes bya'o/ /u pa li/ dam pa'i chos yod pa'i bar du ni/ mi rung ba'i sa yang yod do/ /u pa li/ dam pa'i chos med par gyur na/ thams cad kyang rung ba'i sa'o/ /btsun pa/ ji tsam gyis na/ dam pa'i chos mchis pa zhes bgyi/ u pa li/ gang gi tshe nan tan byed pa rnams nan tan byed cing las kyang byed de/ nan tan du bya bas nan tan byed la/ las kyang byed pa'i bar du ni/ dam pa'i chos yod pa zhes bya'o/ /btsun pa/ ji tsam gyis na/ dam pa'i chos ma mchis par gyur pa zhes bgyi/ u pa li/ gang gi tshe nan tan byed pa rnams ni/ nan tan mi byed cing / las kyang mi byed de/ nan tan byed pas nan tan mi byed la las kyang mi byed pa'i tshe dam pa'i chos med par gyur pa zhes bya'o/ /btsun pa/ las bgyid pa khyim pas mtshams bkum na/ mtshams bkum pa zhes bgyi'am/ u pa li/ ma yin no/ /de bzhin du las byed pa za ma dang / ma ning dang / dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / sngar 'khrugs pa rnams kyis mtshams bkum na/ mtshams bkum pa zhes bgyi'am/ u pa li/ ma yin no/ /btsun pa/ las bgyid pa dge 'dun gyi dbyen bgyis pa dang / nye bar phyogs pa dang / bslab pa stsal pa rnams kyis mtshams bkum na/ bkum pa zhes bgyi'am/ u pa li/ mtshams bcad pa zhes ni/ bya la/ dge 'dun rnams ni/ 'das pa dang bcas pa'o/ /btsun pa/ las bgyid pa smyon pas mtshams bkum na/ mtshams bkum pa zhes bgyi'am/ u pa li/ de ste dge slong gi 'du shes dang ldan la mtshan ma rnams kyang ston nus shing gsol pa'ang byas te las ma nyams na/ mtshams bcad pa zhes bya'o/ /de bzhin du las byed pa sems 'khrugs pa dang / nad kyis gzir ba dang / glen pa dang / 'on pa rnams kyang brjod par bya'o/ /btsun pa/ las byed pa 'gro ba gzhan du gnas pas mtshams bkum na/ mtshams bkum pa zhes bgyi'am/ u pa li/ ma yin no/ /btsun pa/ mtshams 'gum pa na las bgyid pa'i dge slong dus las 'das na/ mtshams bkum pa zhes bgyi'am/ u pa li/ de ste mtshan ma bsgrags par yang rtogs la/ las kyang mang du byas bar gyur na/ mtshams bcad pa zhes bya'o// u pa li/ de ste mtshan ma bsgrags par yang ma rtogs la/ las kyang mang du ma byas par gyur na/ mtshams ma bcad pa zhes bya'o/ /de bzhin du khyim pa yin par shes pa dang / ma ning yin pa dang / dge slong ma sun phyung ba dang / pha dang / ma dang / dgra bcom pa bsad pa yin pa dang / de bzhin gshegs pa la ngan sems kyis khrag phyung ba yin pa dang / mu stegs can dang / mu stegs can du song ba yin pa dang / rkun gnas dang / mi gnas pa yin pa dang / so sor gnas pa yin pa dang / sngar nyes pa byung ba yin pa dang / sngar 'khrugs pa yin par shes pa nas/ de bzhin du 'gro ba gzhan du gnas pa bdag nyid yin par shes pa'ang rgyas par brjod par bya'o/ /btsun pa/ mtshams 'gum pa na dge 'dun gyi dbyen bgyis par 'tshal ba dang / nye bar phyogs pa dang / bslab pa stsal pa lags par 'tshal na/ mtshams bkum pa zhes bgyi'am/ u pa li/ mtshams bcad pa zhes bya ste/ dge 'dun ni/ 'das pa dang bcas pa'o/ /btsun pa/ khyim pas grangs su bskangs te mtshams bkum na/ mtshams bkum pa zhes bgyi'am/ u pa li/ ma yin no/ /de bzhin du ma ning nas sngar 'khrugs pa rnams kyi bar du de dag gis grangs su bskangs te mtshams bkum na/ mtshams bkum pa zhes bgyi'am/ u pa li/ ma yin no/ /btsun pa dge slong za mas grangs su bskangs te mtshams bkum na/ mtshams bkum pa zhes bgyi'am/ u pa li/ bcad pa zhes mi bya ste/ dge 'dun yang 'das pa dang bcas pa'o/ /dge 'dun gyi dbyen bgyis pa dang / nye bar phyogs pa dang / bslab pa stsal pa rnams kyis grangs su bskangs te mtshams bkum na/ mtshams bkum pa zhes bgyi'am/ u pa li/ mtshams bcad pa zhes bya ste/ dge 'dun ni/ 'das pa dang bcas pa'o/ /mdor na/ mtshams dang rung ba'i gnas dag dang / /las gcig klung yang de bzhin te/ / zhig pa dang ni gling gsum dang / /grong dang gsum pa de bzhin no/ /btsun pa/ mtshams kyi mtshan ma ma mchis par gyur na/ mtshams zhig pa zhes bgyi'am/ u pa li/ zhig pa zhes bya'o/ /btsun pa/ mtshams zhig na/ rung ba'i gnas kyang zhig pa zhes bgyi'am/ u pa li/ zhig pa zhes bya'o/ /btsun pa/ las gcig dang / gsol pa gcig gis las bgyid pa phyogs gcig tu mchis te gnas bzhir mtshams dgum par rung ngam/ u pa li/ rung ste/ ji ltar yang las byed pa'i dge slong des gnas bzhi'i mtshams su shing ngam/ dbyig pa'am/ re lde la mnan te mtshams bcad pa'o/ /btsun pa/ mtshams dgum pa'i gnas su klung ngam/ yur chus mtshams non na/ mtshams zhig pa zhes bgyi'am/ u pa li/ de ste mtshams kyi mtshan ma brtan po yod na/ ma zhig pa zhes bya'o/ /de ste mtshams kyi mtshan ma med par gyur na/ zhig pa zhes bya'o/ /btsun pa/ mtshams zhig na/ chos gos dang mi 'bral ba'i sdom pa yang ma mchis pa zhes bgyi'am/ mchis pa zhes bgyi/ u pa li/ yod pa zhes bya'o/ /btsun pas ni/ las kyi mtshams su chos gos dang mi 'bral ba'i sdom pa skos shig /ces gsungs na/ btsun pa/ rgyang grags kyi mtshams dang / rtsig pa'i mtshams la yang chos gos dang mi 'bral ba'i sdom pa bsko bar bgyi'am/ de ste dgos par gyur na/ skos shig /btsun pa/ grong dang / gtsug lag khang lhan cig tu mchis te mtshams 'bral bar gyur na/ de la chos gos dang ni/ 'bral ba gang tshun chad bsgo bar bgyi/ grong gi nye 'khor ma gtogs pa'o/ /btsun pa/ bcom ldan 'das kyis ni grong ngam grong gi nye 'khor ma gtogs bar chos gos dang mi 'bral ba'i sdom pa'o/ /zhes gsungs na/ chos gos dang mi 'bral ba'i sdom pa bskos pa las/ grong zhig der btsugs na/ de phyogs su chos gos dang mi 'bral ba'i sdom pa zhig par 'gyur ram/ u pa li/ zhig pa zhes bya'o/ /btsun pa/ chos gos dang mi 'bral ba'i sdom pa bskos pa las grong gud du 'phos na/ btsun pa/ ci'i phyir phyogs der chos gos dang / mi bral bar sdom pa bsko bar bgyi'am/ u pa li/ mi dgos te/ sngon gyi sdom pa gsos pas chog go/ mdor na/ dran pa bzhi pa gsum pa dang / lnga pa dang ni gnyis tshan dang / /nyes pa gnyis dang skabs 'byed dang / /sems pa 'dug pa langs pa dang / /khyim pa dag la sogs pa dang / /smyon pa 'chad dang mang po'o/ /btsun pa/ dge 'dun gyis skya rengs shar ba'i tshe deng ni/ bdag cag gi gso sbyong ngo / /zhes dran par gyur na/ dge slong de dag gis gso sbyong ji ltar bgyi/ deng bdag cag gi gso sbyong ngo / /zhes sems las tshig tu brjod cing / 'on te de na so sor thar pa klog na/ bklags pa zhes bya ste/ dge slong dag gis gso sbyong yang byas mod kyi/ 'das pa dang bcas par 'gyur ro/ /btsun pa/ bcom ldan 'das kyis gso sbyong gi las rnam pa bzhi ste/ chos bzhin ma yin par byed cing ma 'dus pa dang / chos bzhin ma yin pa la 'dus pa dang / chos bzhin la ma 'dus pa dang / chos bzhin la 'dus pa rnams so/ /zhes gsungs na/ chos bzhin ma yin par byed cing ma 'dus pa gang zhe na/ gang gi tshe so sor thar pa bklag par bya ba de'i tshe mi klog / gang gis bklag par bya ba des mi klog /ji ltar bklag par bya ba de ltar mi klog /ji srid du bklag pa de srid du mi klog pa dang ma 'dus par gyur pa'o/ /chos bzhin ma yin pa la 'dus pa gang zhe na/ gang gi so sor thar pa bklag par bya ba de'i tshe mi klog pa nas rgyas par ji srid du bklag par bya ba de srid du mi klog cing 'dus par gyur pa'o/ /chos bzhin la ma 'dus pa gang zhe na/ gang gi tshe so sor thar pa bklag par bya ba de'i tshe klog /gang gis bklag par bya ba des klog /ji ltar bklag par bya ba de ltar klog /ji tsam du bklag par bya ba de tsam bklags pa dang ma 'dus par gyur pa'o/ /chos bzhin la 'dus pa gang zhe na/ gang gi tshe so sor thar pa bklag par bya ba de'i tshe klog pa nas rgyas bar ji srid du bklag par bya ba de srid du klog cing 'dus par gyur ba'i bar du'o/ /btsun pa/ 'phags pas 'phags pa'i skad du so sor thar pa bklags pa dang / dge slong de dag gis 'phags pa'i skad ma 'tshal na/ gso sbyong bgyis pa zhes bgyi'am/ u pa li/ ma byas pa zhes bya ste/ so sor thar pa'i mdo klog pa yang 'das pa dang bcas pa'o/ /mtha' 'khob pas 'phags pa'i skad du so sor thar pa bklags pa dang / dge slong de dag gis 'phags pa'i skad ma 'tshal na/ gso sbyong bgyis pa zhes bgyi'am/ u pa li/ ma byas pa zhes bya ste/ so sor thar pa'i mdo klog pa yang 'das pa dang bcas pa'o/ /'phags pas mtha' 'khob pa'i skad du so sor thar pa bklags pa dang / dge slong de dag gis mtha' 'khob pa'i skad ma 'tshal na/ gso sbyong bgyis pa zhes bgyi'am/ u pa li/ ma byas pa zhes bya ste/ so sor thar pa'i mdo klog pa yang 'das pa dang bcas pa'o/ /mtha' 'khob pas mtha' 'khob pa'i skad du so sor thar pa'i mdo bklags pa dang / dge slong de dag gis mtha' 'khob pa'i skad ma 'tshal na/ gso sbyong bgyis pa zhes bgyi'am/ u pa li/ ma byas pa zhes bya ste/ so sor thar pa'i mdo klog pa yang 'das pa dang bcas pa'o/ /btsun pa/ sa la gnas pa'i grangs nam mkha' la gnas pas bskangs te so sor thar pa'i mdo klog pa bklags na/ gso sbyong bgyis pa zhes bgyi'am/ u pa li/ ma byas pa zhes bya ste/ dge slong de dag kyang 'das pa dang bcas pa'o/ /btsun pa/ nam mkha' la gnas pa'i grangs sa la gnas pas bskangs te so sor thar pa'i mdo klog pa bklags na/ gso sbyong bgyis pa zhes bgyi'am/ u pa li/ ma byas pa zhes bya ste/ dge slong de dag kyang 'das pa dang bcas pa'o/ /btsun pa/ sa la gnas pa rnams la nam mkha' la gnas pas so sor thar pa'i mdo klog cing gso sbyong bgyis na/ gso sbyong bgyis pa zhes bgyi'am/ u pa li/ ma byas pa zhes bya ste/ dge 'dun de dag kyang 'das pa dang bcas pa'o/ /btsun pa/ nam mkha' la gnas pa rnams la sa la gnas pas so sor thar pa'i mdo klog cing gso sbyong bgyis na/ gso sbyong bgyis pa zhes bgyi'am/ u pa li/ ma byas pa zhes bya ste/ dge slong de dag kyang 'das pa dang bcas pa'o/ /de bzhin du mtshams kyi nang na 'dug pa dang / mtshams kyi phyi rol na 'dug par lhan cig rgyas pas bzhir bya'o/ /btsun pa/ so sor thar pa klog pa la rnam pa du mchis/ u pa li/ rnam pa lnga ste/ gsol ba byas nas gleng gzhi bklags te lhag ma rnams thos par zad do/ /zhes bsgrags pa 'di ni/ so sor thar pa'i mdo klog pa dang po'o/ /gsol ba byas nas gleng gzhi bklags te phas pham pa bzhi bklags nas lhag ma rnams thos pa'o/ /zhes bsgrags pa 'di ni/ so sor thar pa'i mdo klog pa gnyis pa'o/ /gsol ba byas te gleng gzhi bklags/ phas pham pa bzhi bklags/ dge 'dun gyi lhag ma bcu gsum bklags la lhag ma rnams thos pa'o/ /zhes bsgrags pa 'di ni/ so sor thar pa'i mdo klog pa gsum pa'o/ /gsol ba byas te gleng gzhi bklags/ phas pham pa bzhi dang / dge 'dun gyi lhag ma bcu gsum dang / mi mngon pa gnyis bklags nas lhag ma rnams thos pa'o/ /zhes bsgrags pa 'di ni/ so sor thar pa'i mdo klog pa bzhi pa ste| rgyas pa klog pa dang 'di lnga'o/ /btsun pa/ gso sbyong gi las la rnam pa du/ u pa li/ lnga ste/ bklag pa dang / mi bklag par sems bskyed pa dang / byin gyis brlab pa dang / yongs su dag pa dang / skabs 'byed pa dang rnam pa lnga'o/ /btsun pa/ so sor thar pa'i mdo klog pas so sor thar pa'i mdo klog pa klog pa'i tshe mtshan gyur na/ gso sbyong bgyis pa zhes bgyi'am/ u pa li/ byas pa zhes bya'o/ / btsun pa/ dge slong phyogs gcig tu mchis pas gnas bzhir so sor thar pa'i mdo bklags la/ gso sbyong yang bgyis na/ dge slong de dag 'das pa dang bcas par mi 'gyur ba mchis sam/ u pa li/ yod de/ 'di ltar so sor thar pa'i mdo klog pa'i dge slong de gnas pa'i mtshams su shing ngam/ dbyig pa'am/ re ldes mnan te so sor thar pa'i mdo bklags pa'o/ /btsun pa/ gnas gcig pa'i mtshams kyi nang na gnas gcig pa'i dge slong rnams kyis phyogs bzhir so sor gso sbyong bgyis na/ gso sbyong yang bgyis la dge slong de dag kyang 'das pa dang bcas bar mi 'gyur ba mchis sam/ u pa li/ yod de/ gcig gis gcig la dad pa byin pa'o/ /btsun pa/ so sor thar pa'i mdo klog pa'i dge slong phyogs gcig tu mchis pa mtshams kyi nang dang / mtshams kyi slad rol na gnas pa rnams la so sor thar pa bklags na/ gso sbyong yang bgyis la/ dge slong de dag kyang 'das pa dang bcas par mi 'gyur ba mchis sam/ u pa li/ yod de/ 'di ltar yang so sor thar pa'i mdo klog pa'i dge slong gis mtshams non te mnan nas mtshams su 'greng ngam 'dug la/ mtshams kyi nang dang / mtshams kyi phyi rol na/ gnas pa rnams la so sor thar pa bklags pa'o/ /btsun pa| dge slong gis so sor thar pa'i mdo klog pa lnga las gang yang rung ste/ so sor thar pa'i mdo klog pa ma bklags kyang gso sbyong bgyis par 'gyur ba mchis sam/ u pa li/ yod de/ skabs 'byed pa'i tshe skabs 'byed pas skabs phye ba'o/ /btsun pa/ dge slong gis tshig tu ma smras kyang gso sbyong bgyis par 'gyur ba mchis sam/ u pa li/ yod de/ sems bskyed pas so/ /btsun pas 'khor rnams ma langs/ dge slong rnams ni/ ma dong pa'o/ /zhes gsungs na/ btsun pa/ ji tsam gyis na/ 'khor ma longs pa zhes bgyi/ u pa li/ gang du dge slong bzhi'am/ de las mang du 'dug par gyur na/ ma langs pa zhes bya'o/ /bzhir ma tshang na ni/ langs pa zhes bya'o/ /btsun pa/ dge slong gis so sor thar pa'i mdo klog pa bklags pa dang / stan las langs te mchis nas dge slong mchis bzhin du 'tshal bar ma bgyis kyang kun tu ltung bar mi 'gyur ba mchis sam/ u pa li/ yod de/ bshang ba dang / gci ba'i sar song ste/ de yang thos pa'i nye 'khor las ma 'das pa'o/ /khyim pas so sor thar pa'i mdo klog pa bgyis te gso sbyong bgyis na/ gso sbyong bgyis pa zhes bgyi'am/ u pa li/ gso sbyong ma byas pa zhes bya ste/ dge 'dun kyang 'das pa dang bcas pa'o/ /de bzhin du za ma dang / ma ning dang / dge slong ma sun phyung ba dang / mi gnas pa dang / so sor gnas pa dang / 'gro ba gzhan du gnas pa nas sngar 'khrugs pa'i bar du de dag ni/ u pa li/ gso sbyong ma byas pa zhes bya ste| dge 'dun kyang 'das pa dang bcas pa'o/ /btsun pa/ dge 'dun gyi dbyen bgyis pa dang / nye bar phyogs pa dang / bslab pa stsal pa rnams kyis so sor thar pa'i mdo klog pa bgyis te gso sbyong bgyis na/ bgyis pa zhes bgyi'am/ u pa li/ byas pa zhes bya ste/ dge slong rnams ni/ 'das pa dang / bcas pa'o/ /btsun pa/ smyon pas so sor thar pa'i mdo klog pa bgyis te gso sbyong bgyis na/ gso sbyong bgyis pa zhes bgyi'am/ u pa li/ byas pa zhes bya ste/ dge 'dun rnams ni/ 'das pa dang bcas pa'o/ /btsun pa/ de bzhin du sems 'khrugs pa dang / nad kyis gzir ba dang / 'on pas so sor thar pa'i mdo klog pa bgyis te gso sbyong bgyis na/ gso sbyong bgyis pa zhes bgyi'am/ gso sbyong byas pa zhes bya ste/ dge 'dun ni/ 'das pa dang bcas pa'o/ /ji ltar so sor thar pa'i mdo klog pa de bzhin du mang por bskang pa yang rgyas par sbyar ro/ /mdor na/ ma phul blangs pa dge 'dun dang / /bzhi pa dang ni gnyis pa mtshan/ /'khor ba dang ni gcig nas gcig /byin dang lam dang de bzhin mang // sangs rgyas bcom ldan 'das la tshe dang ldan pa u pa lis zhus pa/ btsun pa/ dge slong gis dad pa dang / yongs su dag pa blangs te steng gi nam mkha' las re ba med par mchis sam mtshams kyi slad rol du mchis na/ dad pa dang / yongs su dag pa ma phul ba zhes bgyi'am/ u pa li/ ma phul ba zhes bya'o/ /btsun pa/ de ste re ba dang bcas pas mchis na/ dad pa dang / yongs su dag pa ma phul ba zhes bgyi'am/ u pa li/ ma yin no/ /btsun pa/ sa la gnas pas nam mkha' la gnas pa rnams la dad pa dang / yongs su dag pa stsal du rung ngam/ u pa li/ mi rung ngo / /blang du rung ngam/ u pa li/ mi rung ngo / /btsun pa/ nam mkha' la gnas pas sa la gnas pa rnams la dad pa dang / yongs su dag pa stsal par rung ngam/ u pa li/ mi rung ngo / /blang bar rung ngam/ u pa li/ mi rung ngo / / de bzhin du mtshams kyi nang du 'dug pa dang / mtshams kyi phyi rol na 'dug pa rnams la yang bzhir bya'o/ /btsun pa/ dge slong gis dge 'dun thams cad 'dus shing tshogs pa la dad pa dang / yongs su dag pa phul na/ des dad pa dang / yongs su dag pa phul ba zhes bgyi'am/ u pa li/ phul ba zhes bya'o/ /sus rma bar bgyi/ sus kyang ma yin no/ /btsun pa/ dge slong 'phags pas 'phags pa'i skad du dad pa dang / yongs su dag pa phul ba dang / dge slong des kyang 'phags pa'i skad ma 'tshal na/ dad pa dang / yongs su dag pa phul ba zhes bgyi'am/ u pa li| ma yin no/ /'phags pas mtha' 'khob pa'i skad du dad pa dang / yongs su dag pa phul ba dang / dge slong des kyang mtha' 'khob pa'i skad ma 'tshal na/ dad pa dang / yongs su dag pa phul ba zhes bgyi'am/ u pa li/ ma yin no/ /mtha' 'khob pas mtha' 'khob pa'i skad du dad pa dang / yongs su dag pa phul ba dang / dge slong des kyang mtha' 'khob pa'i skad ma 'tshal na/ dad pa dang / yongs su dag pa phul ba zhes bgyi'am/ u pa li/ ma yin no/ /mtha' 'khob bas 'phags pa'i skad du dad pa dang / yongs su dag pa phul ba dang / dge slong des kyang 'phags pa'i skad ma 'tshal na| dad pa dang / yongs su dag pa phul ba zhes bgyi'am/ u pa li/ ma yin no/ /btsun pa/ dge slong gis lus kyi dmigs pas skad ma brjod na/ dad pa dang / yongs su dag pa phul ba zhes bgyi'am/ u pa li/ phul ba zhes bya'o/ /tshig gis smras la lus kyis ma lags na/ dad pa dang / yongs su dag pa phul ba zhes bgyi'am/ u pa li/ phul ba zhes bya'o/ /lus dang tshig gis smras na/ dad pa dang / yongs su dag pa phul ba zhes bgyi'am/ u pa li/ phul ba zhes bya'o/ /lus kyis kyang ma lags/ tshig gis kyang ma lags na/ dad pa dang / yongs su dag pa phul ba zhes bgyi'am/ u pa li/ ma yin no/ /btsun pa/ dad pa dang / yongs su dag pa stsal pa las dad pa dang / yongs su dag pa len pa'i dge slong mtshan 'phos na/ ma phul ba zhes bgyi'am/ u pa li/ ma yin no/ /btsun pa/ gcig nas gcig tu brgyud de dad pa dang / yongs su dag pa phul na/ dad pa dang / yongs su dag pa phul ba zhes bgyi'am/ u pa li/ phul ba zhes bya ste/ dge slong de dag ni/ 'das pa dang bcas pa'o/ /btsun pa/ chad pa 'khor bas dad pa dang / yongs su dag pa phul na/ dad pa dang / yongs su dag pa phul ba zhes bgyi'am/ u pa li/ phul ba zhes bya ste/ dge slong de dag ni/ 'das pa dang bcas pa'o/ /btsun pa/ dge slong gis dad pa dang / yongs su dag pa phul nas khyim par khas blangs na/ dad pa phul ba zhes bgyi'am/ u pa li/ ma phul ba zhes bya'o/ /de bzhin du ma ning lags par khas blangs pa nas sngar 'khrugs pa lags par khas blangs pa'i bar du rgyas par dad pa dang / yongs su dag pa ma phul ba zhes bgyi'am/ u pa li/ ma phul ba zhes bya'o/ /btsun pa/ dge slong gis dad pa dang / yongs su dag pa phul nas zam lags par khas blangs na/ dad pa dang / yongs su dag pa ma phul ba zhes bgyi'am/ u pa li/ ma phul ba zhes bya'o/ /de ste dge 'dun gyi dbyen bgyis pa dang / nye bar phyogs pa dang / bslab pa stsal pa rnams lags par khas blangs na/ dad pa dang / yongs su dag pa ma phul ba zhes bgyi'am/ u pa li/ ma yin no/ /btsun pa/ dge slong gis dad pa dang / yongs su dag pa blangs nas khyim pa lags par khas blangs na/ dad pa dang / yongs su dag pa ma phul ba zhes bgyi'am/ u pa li/ ma phul ba zhes bya'o/ /de bzhin du ma ning lags par khas blangs nas sngar 'khrugs pa lags par khas blangs pa'i bar du rgyas par dad pa dang / yongs su dag pa ma phul ba zhes bgyi'am/ u pa li/ ma phul ba zhes bya'o/ /btsun pa/ dge slong gis dad pa dang / yongs su dag pa blangs pa dang / za ma dang / mi gnas pa dang / so sor gnas pa rnams lags par khas blangs na/ dad pa dang / yongs su dag pa ma phul ba zhes bgyi'am/ u pa li/ ma phul ba zhes bya'o/ /btsun pa/ dge slong gis dge 'dun gyi dbyen bgyis pa lags par khas blangs pa dang / nye bar phyogs pa dang / bslab pa stsal pa lags par khas blangs na/ dad pa dang / yongs su dag pa ma phul ba zhes bgyi'am/ u pa li/ ma yin no/ / btsun pa/ dge slong gis dad pa dang / yongs su dag pa blangs te dge 'dun gyi nang du mchis nas khyim pa lags par khas blangs na/ dad pa dang / yongs su dag pa ma phul ba zhes bgyi'am/ u pa li| phul ba zhes bya'o/ /de bzhin du ma ning nas sngar 'khrugs pa lags par khas blangs pa'i bar du rgyas par dad pa dang / yongs su dag pa ma phul ba zhes bgyi'am/ u pa li/ phul ba zhes bya'o/ / btsun pa/ dge slong gis dad pa dang / yongs su dag pa blangs te dge 'dun gyi nang du mchis nas za ma lags par khas blangs na/ dad pa dang / yongs su dag pa ma phul ba zhes bgyi'am/ u pa li/ ma yin no/ /de bzhin du dge 'dun gyi dbyen bgyis pa dang / mi gnas pa dang / so sor gnas pa dang / nye bar phyogs pa dang / bslab pa stsal pa lags par khas blangs na/ btsun pa/ dad pa dang / yongs su dag pa ma phul ba zhes bgyi'am/ u pa li/ ma yin no/ /gso sbyong gi dngos po rdzogs so// //'dul ba gzhung dam pa bam po bcu bdun pa/ mdor na/ bzhi pa rnam pa bzhi dag dang // dngos po gnas gnyis de bzhin te/ /dran pa 'gro ba spangs pa dang / /'dug pa dag dang langs pa mtshan/ /khyim pa dag la sogs pa dang / /smyon pa dang ni chad pa grangs/ /sangs rgyas bcom ldan 'das la tshe dang ldan pa u pa lis zhus pa/ btsun pa/ skabs 'byed pa'i las la rnam pa du mchis/ u pa li/ bzhi ste/ chos bzhin ma yin pas skabs 'byed cing ma 'dus pa dang / chos bzhin ma yin par 'dus pa dang / chos bzhin dum 'dus pa dang / chos bzhin du 'dus pa'o/ /chos bzhin ma yin pas skabs 'byed pa gang zhe na/ gang gi tshe skabs dbye bar bya ba de'i tshe na skabs 'byed par mi byed pa dang / ji ltar skabs dbye ba de ltar skabs 'byed pa de mi byed pa dang / ji tsam du skabs dbye bar bya ba de tsam skabs 'byed par mi byed pa dang / gang gis skabs dbye bar bya ba des skabs 'byed par mi byed pa dang / ma 'dus par yang gyur pa'o/ /chos ma yin pas 'dus pa gang zhe na/ gang gi tshe skabs dbye bar bya ba de'i tshe na skabs 'byed par mi byed pa nas gang gis skabs dbye bar bya ba des skabs 'byed par mi byed pa'i bar du rgyas par brjod de/ 'dus par yang gyur pa'o/ /chos bzhin du ma 'dus pa gang zhe na/ gang gi tshe na skabs 'byed par byed pa dang / ji ltar skabs dbye bar bya ba de ltar skabs 'byed par byed pa dang / ji tsam du skabs dbye bar bya ba de tsam du skabs 'byed par byed pa dang / gang gis skabs dbye bar bya ba des skabs 'byed par byed cing ma 'dus par gyur pa'o/ /chos bzhin du 'dus pa gang zhe na/ gang gi tshe skabs dbye bar bya ba de'i tshe na skabs 'byed par byed pa nas gang gis skabs dbye bar bya ba des skabs 'byed par byed pa'i bar du rgyas par brjod de/ 'dus par yang gyur pa'o/ /btsun pa/ 'phags pas 'phags pa'i skad du skabs phye ba dang / dge slong de dag gis kyang 'phags pa'i skad ma 'tshal na/ skabs phye ba zhes bgyi'am/ u pa li/ skabs ma phye ba zhes bya ste/ dge slong de dag kyang 'das pa dang bcas pa'o/ /'phags pas mtha' 'khob pa'i skad du skabs phye ba dang / dge slong de dag kyang mtha' 'khob pa'i skad ma 'tshal na/ skabs phye ba zhes bgyi'am/ u pa li/ skabs ma phye ba zhes bya ste/ dge slong de dag kyang 'das pa dang bcas pa'o/ /mtha' 'khob pas mtha' 'khob pa'i skad du skabs phye ba dang / dge slong de dag kyang mtha' 'khob pa'i skad ma 'tshal na/ skabs phye ba zhes bgyi'am/ u pa li/ skabs ma phye ba zhes bya ste/ dge slong de dag kyang 'das pa dang bcas pa'o/ /mtha' 'khob pas 'phags pa'i skad du skabs phye ba dang / dge slong de dag kyang 'phags pa'i skad ma 'tshal na/ skabs phye ba zhes bgyi'am/ u pa li/ skabs ma phye ba zhes bya ste/ dge slong de dag kyang 'das pa dang bcas pa'o/ /btsun pa/ sa la gnas pa'i grangs nam mkha' la gnas pas bskangs te skabs phye na/ skabs phye ba zhes bgyi'am/ u pa li/ skabs ma phye ba zhes bya ste/ dge slong de dag kyang 'das pa dang bcas pa'o/ /btsun pa/ nam mkha' la gnas pa'i grangs la gnas pas bskangs te skabs phye na/ skabs phye ba zhes bgyi'am/ u pa li/ skabs ma phye ba zhes bya ste/ dge slong de dag kyang 'das pa dang bcas pa'o/ /btsun pa/ sa la gnas pas nam mkha' la gnas pa rnams la skabs phye na/ skabs phye ba zhes bgyi'am/ u pa li/ skabs ma phye ba zhes bya ste/ dge slong de dag kyang 'das pa dang bcas pa'o/ /btsun pa/ nam mkha' la gnas pas sa la gnas pa rnams la skabs phye na/ skabs phye ba zhes bgyi'am/ u pa li/ skabs ma phye ba zhes bya ste/ dge slong de dag kyang 'das pa dang bcas pa'o/ /de bzhin du mtshams kyi nang na 'khod pa dang / mtshams kyi phyi rol na 'khod pa rnams lhan cig tu rnam pa bzhir bya'o/ / btsun pa/ bcom ldan 'das kyis gang skabs 'byed pa de nyid kyi tshe dngos po ni/ yod/ gang zag ni/ med do/ /zhes gsungs na/ btsun pa/ dngos po ni/ gang lags/ gang zag ni/ gang lags| nyes pa ni/ dngos po'o/ /nyes par byed pa ni/ gang zag ces bya'o/ /btsun pa/ tshig tu ma brjod kyang skabs phye bar 'gyur ba mchis sam/ u pa li/ yod de/ 'di ltar dge slong des spring yig gam/ lag brdas skabs phye ba'o/ /btsun pa/ dge slong zhig phyogs gcig tu 'greng nas gnas bzhir skabs 'byed na/ skabs phye bar 'gyur ba mchis sam/ u pa li/ yod de/ 'di ltar yang skabs 'byed pa'i dge slong des gnas bzhi'i mtshams su shing ngam re ldes mnan te skabs 'byed pa'o/ /btsun pa/ gnas kyang gcig /mtshams kyang gcig par lhan cig gnas pa'i dge slong dag gis phyogs bzhir skabs phye na/ skabs phye bar yang 'gyur la/ dge 'dun de dag kyang 'das pa dang bcas par mi 'gyur ba mchis sam/ u pa li/ yod de/ gcig la gcig dad pa byin pa'o/ /btsun pa/ dge 'dun thams cad kyis skya rengs shar pa na dran par gyur na/ dge slong dag gis ji ltar skabs dbye bar bgyi/ deng ni/ bdag cag gis dbye'o/ /zhes tshig tu brjod par bya'o/ /yang na ni/ tshig gsum pas skabs phye na/ skabs phye ba zhes bya ste/ dge slong de dag ni/ 'das pa dang bcas pa'o/ /btsun pa/ bcom ldan 'das kyis gang gnyen gyi don gyi slad du dbyar gyi nang du skabs phye zhig / ces gsungs na/ btsun pa/ thabs ji ltar stsal bar bgyi/ u pa li/ gang ring du gnas la skabs 'byed pa'i tshe 'ong mi nus pa'o/ /btsun pa/ dge slong gis gnyen gyi don gyi slad du dbyar gyi nang du skabs phye ste zhag bdun nam/ bzhi bcur yang rung byin gyis brlabs nas mchis pa las/ de ste skabs 'byed pa bco lnga pa'i skabs 'byed pa de nyid kyi tshe slar mchis na/ ci/ des yang skabs dbye bar bgyi'am/ u pa li/ ma yin te/ de la ni/ skabs phye ba des chog go /btsun pa/ dge slong zhig skabs 'byed pa tshes bco lnga pa nyid kyi tshe spangs na/ de dang lhan cig skabs dbye bar bgyi'am/ u pa li/ ma yin no/ /btsun pa/ bcom ldan 'das kyis gang dge slong gi 'khor rnams ma langs ma dong pa'o/ /zhes gsungs na/ btsun pa/ ji tsam gyis na/ 'khor ma langs pa zhes bgyi/ u pa li/ gang du dge slong bzhi'am/ lnga'am/ de las mang yang rung ste 'khod par gyur na/ ma langs pa zhes bya'o/ /bzhi las nyung na/ langs pa zhes bya'o/ /btsun pa/ skabs dbye ba bco lnga pa de nyid kyi tshe stan las langs te song na/ dge slong mchis bzhin du 'tshal bar ma bgyis kyang nongs par mi 'gyur ba mchis sam/ u pa li/ yod de/ ji ltar dge slong bshang ba dang / gci ba'i sar song la/ de yang thos pa'i nye 'khor las ma 'das pa'o/ /btsun pa/ skabs 'byed par bgyi ba skabs 'byed pa'i tshe mtshan 'phos te dge slong mar gyur nas skabs phye na/ skabs phye ba zhes bgyi'am/ u pa li/ skabs phye ba zhe bya'o/ /btsun pa/ skabs 'byed pa khyim pas skabs phye na/ skabs phye ba zhes bgyi'am/ u pa li/ skabs ma phye ba zhes bya ste/ dge 'dun kyang 'das pa dang bcas pa'o/ /de bzhin du za ma dang / ma ning dang / mi gnas pa dang / 'gro ba gzhan du gnas pa nas rgyas par sngar 'khrugs pa rnams kyi bar du yang skabs ma phye ba zhes bya ste/ dge 'dun de dag kyang 'das pa dang bcas pa'o/ /btsun pa/ dge 'dun gyi dbyen bgyis pa dang / nye bar phyogs pa dang / bslab pa stsal bas skabs phye na/ skabs phye ba zhes bgyi'am/ u pa li/ skabs phye ba zhes bya ste/ dge 'dun ni/ 'das pa dang bcas pa'o/ /btsun pa/ skabs 'byed pa smyon pas skabs phye na/ skabs phye ba zhes bgyi'am/ u pa li/ skabs phye ba zhes bya ste/ dge 'dun ni| 'das pa dang bcas pa'o/ /de bzhin du skabs 'byed pa sems 'khrugs pa dang / nad kyis gzir ba dang / glen pa dang / lkugs pa dang / 'on pa rnams kyis skabs phye na/ skabs phye ba zhes bgyi'am/ u pa li/ skabs phye ba zhes bya ste/ dge 'dun ni/ 'das pa dang bcas pa'o/ /btsun pa/ 'phrin gyis skabs phye na/ skabs phye ba zhes bgyi'am/ u pa li/ skabs phye ba zhes bya ste/ dge 'dun ni/ 'das pa dang bcas pa'o/ /de bzhin du spring yig dang / lag brda dang / gcig nas gcig tu brgyud de skabs phye na/ skabs phye ba zhes bgyi'am/ u pa li/ skabs phye ba zhes bya ste/ dge 'dun ni| 'das pa dang bcas pa'o/ /btsun pa/ gzhan zer ro/ /zhes skabs phye na/ skabs phye ba zhes bgyi'am/ u pa li/ ma yin no/ /btsun pa/ khyim pas grangs su bskangs te skabs phye na/ skabs phye ba zhes bgyi'am/ u pa li/ skabs ma phye ba zhes bya ste/ dge 'dun yang 'das pa dang bcas pa'o/ /de bzhin du za ma dang / ma ning dang / mi gnas pa dang / so sor gnas pa dang / 'gro ba gzhan du gnas pa nas sngar 'khrugs pa rnams kyi bar du sbyar bar bya'o/ /btsun pa/ dge 'dun gyi dbyen bgyis pa dang / nye bar phyogs pa dang / bslab pa stsal pa rnams kyis grangs su bskangs te skabs phye na/ skabs phye ba zhes bgyi'am/ u pa li/ skabs phye ba zhes bya ste/ dge 'dun ni/ 'das pa dang bcas pa'o/ /btsun pa/ de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / myos pa dang / ra ro ba dang / snyoms par zhugs pa dang / 'gro ba gzhan du gnas pa rnams kyis grangs su bskangs te skabs phye na/ skabs phye ba zhes bgyi'am/ u pa li/ skabs phye ba zhes bya ste/ dge 'dun ni/ 'das pa dang bcas pa'o/ /mdor na/ phul dang blangs dang dge 'dun dang / /bzhi pa dang ni gnyis dang mtshan/ /chad pa bral ba gcig nas gcig / lam dang mang po de bzhin no/ /btsun pa/ dge slong gis dad pa dang / skabs phye ba blangs te steng gi nam mkha' la mtshams kyi slad rol du re ba ma mchis par mchis na/ dad pa dang / skabs phye ba ma phul ba zhes bgyi'am/ u pa li/ ma phul ba zhes bya'o/ /btsun pa/ de ste re ba dang bcas pas mchis na/ ma phul ba zhes bgyi'am/ u pa li/ ma yin mod kyi/ 'das pa dang bcas par 'gyur ro/ /btsun pa/ sa la gnas pa rnams kyis nam mkha' la gnas pa rnams la dad pa dang / skabs dbye ba dbul du rung ngam/ u pa li/ ma yin no/ /btsun pa/ blang bar rung ngam/ u pa li/ ma yin no/ /btsun pa/ nam mkha' la gnas pa rnams kyis sa la gnas pa rnams la dad pa dang / skabs dbye ba dbul du rung ngam/ u pa li/ ma yin no/ /de bzhin du mtshams kyi nang na 'khod pa rnams dang / mtshams kyi phyi rol na 'khod pa rnams kyang rnam pa bzhir brjod par bya'o/ /btsun pa/ dge slong gis dge 'du thams cad tshogs shing 'khod pa la dad pa dang / skabs dbye ba phul na/ dad pa dang / skabs dbye ba phul ba zhes bgyi'am/ u pa li/ phul ba zhes bya'o/ /sus bsgrag par bgyi/ sus kyang ma yin no/ / btsun pa/ dge slong 'phags pas 'phags pa'i skad du dad pa dang / skabs dbye ba phul dang / dge slong de dag gis 'phags pa'i skad ma 'tshal na/ dad pa dang / skabs dbye ba phul ba zhes bgyi'am/ u pa li/ ma yin no/ /'phags pas mtha' 'khob pa'i skad du dad pa dang / skabs dbye ba phul ba dang / dge slong de dag gis mtha' 'khob pa'i skad ma 'tshal na/ dad pa dang / skabs dbye ba phul ba zhes bgyi'am/ u pa li/ ma yin no/ /btsun pa/ mtha' 'khob pas mtha' 'khob pa'i skad du dad pa dang / skabs dbye ba phul ba dang / dge slong de dag gis mtha' 'khob pa'i skad ma 'tshal na| dad pa dang / skabs dbye ba phul ba zhes bgyi'am/ u pa li/ ma yin no/ /btsun pa/ mtha' 'khob pas 'phags pa'i skad du dad pa dang / skabs dbye ba phul ba dang / dge slong de dag gis 'phags pa'i skad ma 'tshal na/ dad pa dang / skabs dbye ba phul ba zhes bgyi'am/ u pa li/ ma yin no/ /btsun pa/ dad pa dang / skabs dbye ba phul ba'i dge slong gis lus kyis dmigs kyi/ tshig gis ma lags na/ dad pa dang / skabs dbye ba phul ba zhes bgyi'am/ u pa li/ phul ba zhes bya'o/ /de bzhin du tshig tu smras kyi/ lus kyis ma lags pa dang / tshig dang lus kyis dmigs pas kyang dad pa dang / skabs dbye ba phul ba zhes bgyi'am/ u pa li/ phul ba zhes bya'o/ /btsun pa/ de ste lus kyis kyang ma dmigs/ tshig gis ma smras na/ dad pa dang / skabs dbye ba phul ba zhes bgyi'am/ u pa li/ ma yin no/ /btsun pa/ dad pa dang / skabs dbye ba 'bul ba'i dge slong mtshan gyur na/ dad pa dang / skabs dbye ba phul ba zhes bgyi'am/ u pa li/ ma yin no/ /btsun pa/ chad pa bral bas dad pa dang / skabs dbye ba phul na/ dad pa dang / skabs dbye ba phul ba zhes bgyi'am/ u pa li/ phul ba zhes bya ste/ dge slong de dag ni/ 'das pa dang bcas ba'o/ /btsun pa/ dad pa dang / skabs dbye ba gcig nas gcig tu brgyud de smras na/ dad pa dang / skabs dbye ba phul ba zhes bgyi'am/ u pa li/ phul ba zhes bya'o/ /dge slong de dag ni| 'das pa dang bcas pa'o/ /dad pa dang / skabs phye ba phul nas khyim pa lags par khas blangs na/ dad pa dang / skabs dbye ba phul ba zhes bgyi'am/ u pa li/ ma phul ba zhes bya'o/ / de bzhin du ma ning lags par khas blangs pa nas rgyas par sngar 'khrugs pa lags pa'i bar du khas blangs na/ dad pa dang / skabs phye ba ma phul ba zhes bgyi'am/ u pa li/ ma phul ba zhes bya'o/ /btsun pa/ dad pa dang / skabs 'byed pa 'bul ba'i dge slong dad pa dang / skabs dbye ba 'bul ba'i tshe za ma lags par khas blangs na/ dad pa dang / skabs dbye ba ma phul ba zhes bgyi'am/ u pa li/ ma yin no/ /btsun pa/ de ste dge 'dun gyi dbyen bgyis pa lags par khas blangs pa dang / nye bar phyogs pa dang / bslab pa stsal pa lags par khas blangs na/ dad pa dang / skabs phye ba phul ba zhes bgyi'am/ u pa li/ ma yin no/ /btsun pa/ dad pa dang / skabs dbye ba len pa'i dge slong gis dad pa dang / skabs phye ba blangs nas dge 'dun gyi nang du mchis te khyim pa lags par khas blangs na/ dad pa dang / skabs phye ba ma phul ba zhes bgyi'am/ u pa li/ ma phul ba zhes mi bya'o/ /de bzhin du ma ning lags par khas blangs pa nas rgyas par sngar 'khrugs pa lags pa'i bar du khas blangs na/ dad pa dang / skabs phye ba ma phul ba zhes bgyi'am/ u pa li/ ma phul ba zhes mi bya'o/ / btsun pa/ de ste za ma lags par khas blangs na/ dad pa dang / skabs phye ba ma phul ba zhes bgyi'am/ u pa li/ ma yin no/ /de bzhin du dge 'dun gyi dbyen bgyis pa nas bslab pa stsal pa lags par bar du khas blangs na/ dad pa dang / skabs phye ba ma phul ba zhes bgyi'am/ u pa li/ ma yin no/ /skabs 'byed pa'i dngos po rdzogs so// //mdor na/ gru dang nam mkha' gsum pa dang / /spyod yul the tshom song ba dang / /mtshan dang gsum pa gnas rnams dang / /dbyar gsum pa dang de bzhin no/ /btsun pa/ dge slong gis phur pa la btags pa'i grur dbyar tshul du zhugs na/ tshul du zhugs pa zhes bgyi'am/ u pa li/ tshul du zhugs pa zhes bya'o/ /btsun pa/ de ste dbyar gyi nang logs su gru btang na| dbyar zhig pa zhes bgyi'am/ u pa li/ ma yin no/ /btsun pa/ dbyar tshul du zhugs pa'i dge slong zhig zhag bdun du byin gyis brlabs te steng gi nam mkha' las mtshams kyi slad rol du mchis na/ dbyar zhig pa zhes bgyi'am/ dbyar ma zhig pa zhes bgyi/ u pa li/ dbyar ma zhig pa zhes bya'o/ /btsun pa/ dge slong gis steng gi nam mkha' la dbyar tshul du zhugs na/ tshul du zhugs pa zhes bgyi'am/ u pa li/ ma yin no/ /btsun pa/ dge slong gis steng gi nam mkha' la gzhal med khang du dbyar tshul du zhugs na/ tshul du zhugs pa zhes bgyi'am/ u pa li/ tshul du zhugs pa zhes bya'o/ /btsun pa/ de ste gzhal med khang de nas gnas gzhan du mchis na/ dbyar zhig pa zhes bgyi'am/ u pa li/ ma yin no/ /btsun pa/ bcom ldan 'das kyis gang spyod yul la brten te tshul du zhugs shig / ces gsungs na/ btsun pa/ dge slong gis spyod yul ma mchis par dbyar tshul du zhugs na/ tshul du zhugs pa zhes bgyi'am/ u pa li/ tshul du zhugs pa zhes bya'o/ /btsun pa/ dge slong gis spyod yul la brten te dbyar tshul du zhugs par gyur na/ ci/ des der zhag bdun du byin gyis brlabs te mchi ba zhes bgyi'am/ u pa li/ ma yin te/ des de nyid la brten nas dbyar tshul du zhugs pa'i phyir ro/ /btsun pa/ dge slong gis dbyar tshul du zhugs te bdag tshul du zhugs sam ma zhugs zhes the tshom za zhing dogs par gyur na| tshul du zhugs pa zhes bgyi'am/ u pa li/ tshul du zhugs pa zhes bya'o/ /btsun pa/ de ste the tshom dang dogs pa las the tshom dang dogs pa bsal ma nus na/ des slar yang dbyar tshul du 'jug par bgyi'am/ u pa li/ tshul du 'jug par bya'o/ /btsun pa/ de'i dbyar gyi tshul gang lags/ u pa li/ snga ma'o/ /btsun pa/ dge slong gis gnas 'dir dbyar gnas par bya'o/ /snyam du song ste bsam nas gtsug lag khang zhig tu song ste de der phyin pa dang / skya rengs shar nas dbyar phyi mar gyur na/ tshul du zhugs pa zhes bgyi'am/ u pa li/ tshul du zhugs pa zhes bya ste/ des der tshul du 'jug par bsam pa'i phyir ro/ /btsun pa/ dge slong gis gtsug lag khang zhig tu song ste gnas 'dir bdag tshul du 'jug go /zhes bsam nas des rkang pa ya gcig ni/ mtshams kyi nang du bzhag /rkang pa ya gcig ni/ mtshams kyi slad rol du bzhag pa dang / skya rengs shar nas dbyar phyi mar gyur na/ tshul du zhugs pa zhes bgyi'am/ u pa li/ tshul du zhugs pa zhes bya ste/ des de ltar der tshul du 'jug par bsam pa'i phyir ro/ /btsun pa/ dge slong gis dbyar tshul du zhugs pa na mtshan gyur na/ tshul du zhugs pa zhes bgyi'am/ u pa li/ tshul du zhugs pa zhes bya'o/ /des gnas der gnas par bgyi'am/ u pa li/ ma yin te/ dge slong ma'i dbyar mo khang du song la gnas par gyis shig /btsun pa/ dge slong gis gnas bzhir dbyar tshul du zhugs kyang dbyar tshul du zhugs par 'gyur ba mchis sam/ u pa li/ yod de/ 'di ltar dge slong des gnas bzhi'i mtshams su shing ngam/ 'od ma'am/ re ldes mnan te dbyar tshul du zhugs pa'o/ /de gang du gnas par bgyi/ gang dga' bar ro| |btsun pa/ de ste shing ngam/ 'od ma'am/ re lde ni/ 'jig pa'i chos can du gyur na/ dbyar zhig pa zhes bgyi'am/ u pa li/ ma yin no/ /des dbyar gang du gnas par bgyi| gang dga' ba'i gnas gcig tu'o/ /de'i dbyar gang du gtogs/ /sems kyis gang du gnas par bsam pa'o/ /lhag ma rnams ni/ btang ba zhes bya'o/ /btsun pa/ de ste de phan chad zhag bdun du byin gyis brlabs par gnas de nas gnyis por mchis na/ dbyar zhig pa zhes bgyi'am/ u pa li/ dbyar zhig pa zhes bya'o/ /btsun pa/ dge slong gis gnas bzhi'am/ de las mang ba rnams mtshams gcig tu bgyis te dbyar tshul du zhugs na/ gnas de dag thams cad du dbyar tshul du zhugs pa zhes bgyi'am/ u pa li/ dbyar tshul du zhugs pa zhes bya'o/ /des gang du gnas par bgyi/ gang dga' bar ro/ /btsun pa/ dge slong gis gnas gcig tu dbyar tshul du zhugs te de slan chad gnas gnyis pa dang / gsum pa dang / bzhi par dbyar tshul du zhugs na/ tshul du zhugs pa zhes bgyi'am/ u pa li/ tshul du zhugs pa zhes bya'o/ /gnas gang du/ phyi mar ro/ /btsun pa/ gang la dbyar gyi tshul snga ma yang ma mchis/ phyi ma yang ma mchis na/ de'i ming ji skad ces bgyi/ u pa li/ dbyar zhig pa zhes bya'o/ /btsun pa/ gang la snga ma dang / phyi ma'i dbyar gyi tshul mchis la/ des kyang zhag bdun du byin gyis ma brlabs par mtshams kyi slad rol du don zhig gi slad du mchis te slar mchis bsam na/ dbyar zhig pa zhes bgyi'am/ u pa li/ dbyar zhig pa zhes bya'o/ /ci/ des yang slar dbyar tshul du 'jug par bgyi'am/ u pa li/ ma yin te/ de yi dam las 'gal bas na/ nyes ba 'chags su chug cig /btsun pa/ ji srid du dbyar tshul du 'jug /u pa li/ zla ba gsum mo/ /btsun pa/ gang dbyar slad mar tshul du zhugs par gyur pa des ji ltar tshul nas 'byung bar bgyi/ nam zhugs pa na zla ba gsum du gnas pa'i grangs tshang ba'am/ yang na rkyen zhig byung na yang rung ngo / /mdor na/ skya rengs bsam pa spangs pa dang / /gnas dang shing rta ba lang khyim/ /shing dang grog po phug de bzhin/ /zhig pa 'gro yang de bzhin te/ /sde lnga dang ni bsam pa dang / /bdun po dang ni mi gnas pa'o/ /btsun pa/ dbyar gyi nang logs su dge 'dun 'khrugs nas der yang dge slong gis bsam bzhin du chos kyi phyogs dang chos ma lags pa'i phyogs la gnas na/ /dbyar zhig pa zhes bgyi'am/ u pa li/ de ste lta ba sgrog bzhin pa las skya rengs shar na ni/ dbyar zhig ba zhes bya'o/ /btsun pa/ bcom ldan 'das kyis yang dge slong gi mdun du dbyar tshul du zhugs shig /ces gsungs na/ btsun pa/ dge slong gis dge slong ma mchis nas sems bskyed de dbyar tshul du zhugs na/ dbyar tshul du zhugs pa zhes bgyi'am/ u pa li/ tshul du zhugs pa zhes bya ste/ dge slong yod bzhin na ni/ 'das pa dang bcas pa'o/ /btsun pa/ dge slong dbyar gyi nang logs su spangs pa de dang lhan cig gnas su gnas par bgyi'am/ u pa li/ gnas par bya ste/ skabs phye nas ma gnas shig / btsun pa/ bcom ldan 'das kyis ni/ gang dge slong gis gnas 'di na bdag la dge slong mdo sde 'dzin pa dang / ma lta bu 'dzin pa'i dge slong de lta bu dag gis the tshom ma skyes pa dag ni/ mi skyed/ the tshom skyes pa ni/ sel bar byed/ yod dam med pa'i gnas rtogs la dbyar tshul du zhugs shig /ces gsungs na/ btsun pa/ mdo sde 'dzin pa dang / ma lta bu 'dzin pa ma mchis par dbyar tshul du 'jug tu rung ngam/ u pa li/ mi rung ngo / /btsun pa/ 'dul ba 'dzin pa ma mchis par dbyar tshul du 'jug tu rung ngam/ u pa li/ mi rung ngo / /de ste btsun pa/ 'dul ba 'dzin pa ma mchis na/ so sor thar pa'i mdo 'don pa'i dge slong btsal 'tshal lam/ so sor thar pa 'don pa med na/ dbyar tshul du 'jug tu mi gnang ngo / /btsun pa/ shing rta spyod pa'i khyim mam/ ba lang rdzi'i khyim du gnas te dbyar tshul du 'jug tu rung ngam/ u pa li/ de ste des 'di snyam du dbyar tshul gnas 'di nas gung du mi 'dong bar des bsam na/ rung ngo / /btsun pa/ de ste tshul du zhugs pa las dong na/ dbyar zhig pa zhes bgyi'am/ u pa li/ ma yin no/ /btsun pa/ shing drung ngam/ ri brag gam/ phug gam/ spyil por dbyar tshul du 'jug tu rung ngam/ u pa li/ rung ngo / /btsun pa/ dge slong gis don zhig gi slad du zhag bdun nam bzhi bcur byin gyis brlabs te mchis pa las/ de yang dus 'das par gyur na/ zhag bdun nam bzhi bcur byin gyis brlabs pa de zhig ces bgyi'am/ u pa li/ ma yin te/ don gzhan gyi zad par gyis shig /btsun pa/ dge slong gis zhag bdun na skabs 'byed par 'gyur ro/ /snyam nas byin gyis ma brlabs par mchis na/ dbyar zhig pa zhes bgyi'am/ u pa li/ dbyar zhig pa zhes bya'o/ /btsun pa/ de ste zhag drug gam/ lnga'am/ bzhi'am/ gcig na tshul nas 'byung bar 'gyur ro/ /snyam nas byin gyis brlabs par mchis na/ dbyar zhig pa zhes bgyi'am/ u pa li/ dbyar zhig pa zhes bya'o/ /btsun pa/ bcom ldan 'das kyis zhag bdun du byin gyis rlobs la song shig / ces gsungs na/ btsun pa/ gang gis byin gyis brlab par bgyi/ u pa li/ sde lngas so/ /gang du byin gyis brlab par bgyi/ mtshams kyi nang du'o/ /ji ltar byin gyis brlab par bgyi/ sems bskyed la tshig tu brjod par bya ste/ bdag ming 'di zhes bgyi ba mtshams kyi nang gi gnas 'dir dbyar snga ma gsum tshul du zhugs te bdag ming 'di zhes bgyi ba don 'di lta bu'i phyir mtshams kyi slad rol du mchi bar byin gyis brlabs te bdag gi dbyar ni/ 'di nyid de/ dbyar 'di nyid du gnas pa'o/ /btsun pa/ gang gi don du byin gyis brlab par bgyi/ u pa li| sde bdun gyi phyir ro/ /btsun pa/ bcom ldan 'das kyis ni/ zhag bzhi bcu'i sdom pa stsol cig /ces gsungs na/ gang la stsal bar bgyi/ u pa li/ sde lnga la'o| |btsun pa/ bcom ldan 'das kyis ni/ dge 'dun gyi don gyi slad du ni/ zhag bzhi bcu'i sdom pa byin cig /ces gsungs na/ btsun pa/ dge slong dang / dge slong ma dang / dge slob ma dang / dge tshul ma dang / dge tshul pha dang / dge bsnyen ma dang / dge bsnyen pha dang / bsnyen gnas 'di las slad rol gyi mu stegs can dge sbyong gzhan bram ze dang / spyod pa pa kun tu rgyu ba rnams kyi don gyi slad du zhag bzhi bcu'i sdom pa stsal bar bgyi'am/ u pa li/ rung ngo / /btsun pa/ bcom ldan 'das kyis ni/ /zhag bzhi bcur bsko bar bya'o/ /zhes gsungs na/ btsun pa/ zhag sum cu rtsa dgu'am/ zhag sum cu'am/ zhag nyi shur bsko bar rung ngam/ u pa li/ rung ngo / /btsun pa/ zhag bzhi bcu'i steng du yang zhag sum cu rtsa dgu'am/ zhag sum cu'am/ zhag nyi shu'am/ zhag bcu'am/ zhag bdun du bskor bar rung ngam/ u pa li/ mi rung ngo / /btsun pa/ zhag sum cu rtsa dgu'i steng du zhag sum cu'am/ zhag nyi shu'am/ zhag bcu'am/ zhag bdun du bsko bar rung ngam/ u pa li/ mi rung ngo / /btsun pa/ zhag bzhi bcu'i steng du zhag bdun du byin gyis brlab tu rung ngam/ u pa li/ mi rung ngo / /u pa li/ de ci'i phyir zhe na/ mtshams kyi nang du ni/ zhag mang du gnas par bya'o/ /mtshams kyi phyi rol tu ni/ zhag nyung ngu gnas par bya'o/ /btsun pa/ zhag sum rtsa dgu'i steng du zhag bdun du byin gyis brlab tu rung ngam/ u pa li/ mi rung ngo // btsun pa/ zhag sum cu'am/ nyi shu'am/ zhag bdun gyi steng du zhag bdun du byin gyis brlab tu rung ngam/ u pa li/ rung ngo / /btsun pa/ zhag bdun gyi steng du zhag bzhi bcur bsko bar rung ngam/ u pa li/ mi rung ngo / /u pa li/ de ci'i phyir zhe na/ mtshams kyi nang du ni/ zhag mang du gnas par bya'o/ /mtshams kyi phyi rol tu ni/ zhag nyung du gnas par bya'o/ /btsun pa/ zhag bdun gyi steng du zhag sum cu rtsa dgur bsko bar rung ngam/ u pa li/ mi rung ngo / /btsun pa/ zhag bdun gyi steng du zhag sum cu'am/ zhag nyi shu'am/ zhag bcu'am/ zhag bdun du bskor rung ngam/ u pa li/ rung ngo / /btsun pa| dge slong dbyar tshul du zhugs pa las slob dpon dang / mkhan po dus bgyis nas des gnas bca' ba ma rnyed de mchis na/ de dbyar zhig pa zhes bgyi'am/ u pa li/ dbyar zhig pa zhes bya'o| |dbyar gyi dngos po rdzogs so/ / //mdor na/ lham gnyis pags pa rnam gnyis dang / /dom lpags yang na mjug ma dang / /mal stan mtho dang mal stan che/ /lham yu can dang shing lham mo/ /btsun pa/ bcom ldan 'das kyis lham mi rung ba rnam pa lnga ma 'chang zhig /ces gsungs na/ btsun pa/ gzhan yang gcan gzan mi sun pa dang / ba lang ngan pa dang / rta ngan pa gzhan dag kyang mchis na/ de dag gi pags pa'i lham yang bcang bar mi bgyi'am/ u pa li/ lham de dag kyang ma 'chang zhig /btsun pa/ bcom ldan 'das kyis khyim pas bgos pa'i lham dman ma bor ba chongs shig / ces gsungs na/ btsun pa/ dge slong khyim pas bor ba'i lham dman ma bcangs kyang nongs pa dang bcas par 'gyur ba mchis sam/ u pa li/ yod de/ /'di ltar yang dge slong des thams cad ri mo can nam/ gser gyis brgyan pa'am/ dngul gyis brgyan pa bcangs pa'o/ /btsun pa/ dge slong gis mi rung ba rnam pa lnga bcangs kyang nongs par mi 'gyur ba mchis sam/ u pa li/ yod de/ 'di ltar yang des ri dwags phra mo'am/ klus 'jig par gyur na'o/ /btsun pa/ bcom ldan 'das kyis dge slong gis pags pa ma 'chang zhig / pags pa'i steng du ma 'dug cig /ces gsungs na/ btsun pa/ ji tsam gyis pags pa'i steng du 'dug pa zhes bgyi/ u pa li/ ji tsam rkub tshos bzhag par gyur pa'o/ /btsun pa ji tsam gyis na/ nyal ba zhes bgyi/ u pa li/ lus kyis 'phres pa'o/ /btsun pa/ bcom ldan 'das kyis dge slong gis pags pa ma 'chang zhig /ces gsungs na/ btsun pa/ dge slong gis pags pa bcangs kyang nongs par mi 'gyur ba mchis sam/ u pa li/ yod de/ nad pas ni/ pags pa chongs shig /mi na bas ni/ ma yin no/ /btsun pa/ bcom ldan 'das kyis dom gyi pags pa chongs shig / ces gsungs na/ btsun pa/ ci/ nad pas bcang bar bgyi'am/ 'on te mi na bas kyang bcang bar bgyi/ u pa li/ na ba dang / mi na ba gnyis kas chongs shig btsun pa/ bcom ldan 'das kyis mjug ma lnga la 'jus te klung rgol cig /ces gsungs na/ btsun pa/ rkang pa bzhi pa gzhan dag kyang mchis na/ de dag gi las rgal bar yang rung ngam/ u pa li/ rgol cig /btsun pa/ de ste pho ma mchis na/ mo'i las rgal bar bgyi'am/ u pa li/ de ni/ bar chad cig byung na/ rgal bar bya'o/ /btsun pa/ bcom ldan 'das kyis dge slong mal stan mthon por ma 'dug cig / ces gsungs na/ btsun pa/ mal stan mthon po'i tshad ji tsam/ bde bar gshegs pa'i sor brgyad las lhag pa ni/ mal stan mthon po'o/ /btsun pa| bcom ldan 'das kyis dge slong rnams mal stan mtho zhing che ba lam 'dug cig / ces gsungs na/ btsun pa/ dge slong mal stan mtho zhing che ba la mchis kyang nongs par mi 'gyur ba mchis sam/ u pa li/ yod de/ /lha'i khyim dang / klu'i khyim dang / gnod sbyin gyi khyim dang / rgyal po'i khyim dang / rgyal po'i blon po'i khyim de dag tu stan gzhan med na'o/ /btsun pa| dge slong gis bzhon pa la 'tshal na/ nongs pa gsum du 'gyur ba mchis sam/ u pa li/ yod de/ 'di ltar yang bzhon pa de mo yin pa dang / gser gyis brgyan par gyur pa'o// btsun pa/ bcom ldan 'das kyis ljongs kha ba can du lham yu ba can chongs shig /ces gsungs na/ btsun pa/ dge slong gis de las gzhan pa'i ljongs su lham yu ba can bcangs kyang nongs par mi 'gyur ba mchis sam/ u pa li/ yod de/ gang du lham yu ba can med na/ 'tsho bar mi nus pa'o/ /btsun pa/ bcom ldan 'das kyis dge slong gis shing lham ma 'chang zhig / ces gsungs na/ btsun pa/ dge slong gis shing lham bcangs kyang nongs par mi 'gyur ba mchis sam/ u pa li/ yod de/ /chu yod pa'i yul chus gang bas shing lham med par 'gro bar mi nus pa der ro/ /pags pa'i dngos po rdzogs so// //mdor na/ sman gnyis lan tshwa rnam pa gnyis/ /mar la rnam gnyis de bzhin te/ /sa dang btsos dang bu ram dang / /'bru mar phan pa tha ma'o/ /sangs rgyas bcom ldan 'das la tshe dang ldan pa u pa lis zhus pa/ btsun pa/ sman de nyid snga dro'i lags la/ de nyid slad dro'i yang lags/ de nyid zhag bdun pa'i yang lags/ de nyid nam 'tsho ba'i bar du bcang ba lags par 'gyur ba mchis sam/ u pa li/ yod de/ u pa li/ bu ram shing ni/ snga dro'i 'o/ /khu ba ni/ phyi dro'i 'o/ /bu ram ni/ zhag bdun pa'i 'o/ /bsregs pa'i thal ba ni/ nam 'tsho'i bar du'o/ /u pa li/ zho ni/ snga dro'i 'o/ chu ni/ phyi dro'i 'o/ /mar ni/ zhag bdun pa'i 'o/ /bsregs pa'i thal ba ni/ nam 'tsho'i bar du'o/ /u pa li/ sha ni/ snga dro'i 'o/ /zhag ni/ zhag bdun pa'i 'o/ /bsregs pa'i thal pa ni/ nam 'tsho'i bar du'o/ /u pa li/ 'bru ni/ snga dro'i 'o| |'bru mar ni/ zhag bdun pa'i 'o/ /bsregs pa'i thal ba ni/ nam 'tsho'i bar du'o/ /btsun pa/ snga dro ba dang / phyi dro ba dang / zhag bdun pa dang / nam 'tsho'i bar gyi sman 'di dag rnams phan tshun 'dres na/ 'tshal du rung ngam/ u pa li/ mi rung ngo / /btsun pa/ blangs pa dang / byin len ma bgyis pa dang / blangs pa la byin len bgyis pa dang / nang du bzhag pa dang / nang du btsos pa dang / rang gis btsos pa'i rnams 'tshal du rung ngam/ u pa li/ mi rung ngo / /btsun pa/ dge slong gis snga dro'i dang / slad dro'i dang / zhag bdun pa'i dang / nam 'tsho'i bar gyi sman gang lags pa de dag blangs pa dang / byin len ma bgyis pa dang / blangs pa la byin len bgyis pa dang / nang du bzhag pa dang / nang du btsos pa dang / rang gis btsos pa dang / dge slong gis btsos pa'i rnams 'tshal na/ cir 'gyur/ nyes byas so/ /btsun pa/ dge slong mas snga dro ba'i dang / slad dro ba'i dang / zhag bdun pa'i dang / nam 'tsho'i bar gyi sman gang lags pa de dag blangs pa dang / byin len ma bgyis pa dang / blangs pa la byin len byas pa dang / nang du bzhag pa dang / nang du btsos pa dang / rang gis btsos pa dang / dge slong mas btsos pa rnams 'tshal na/ cir 'gyur/ nyes byas so/ /btsun pa| dge slong gis blangs pa la byin len bgyis pa dang / nang du bzhag pa dang / nang du btsos pa dang / rang gis btsos pa dang / dge slong gis btsos pa 'tshal ba na mtshan 'phos te dge slong mar gyur na/ cir 'gyur/ nyes byas so/ /btsun pa/ dge slong mas blangs pa la byin len bgyis dang / nang du bzhag pa dang / nang du btsos pa dang / rang gis btsos pa dang / dge slong mas btsos pa 'tshal ba na mtshan 'phos te dge slong phar gyur na/ cir 'gyur/ nyes byas so/ /btsun pa/ snga dro ba gang lags pa dang / slad dro ba gang lags pa dang / zhag bdun pa gang lags pa dang / nam 'tsho'i bar gyi sman rnams gang lags pa phan tshun 'dres te ma phye na/ nam 'tsho'i bar du byin gyis brlab tu rung ngam/ u pa li/ mi rung ste/ snga dro ba dang / phyi dro ba dang / zhag bdun pa de rnams kyis nam 'tsho'i bar du bya ba byar mi rung ste/ byin gyis brlab tu mi rung ngo / /de ste yang snga dro ba'i dang / phyi dro ba'i dang / zhag bdun pa'i rnams dbye bar nus na/ byin gyis brlab tu rung ngam/ btsun pa/ mi rung ba zhig gis lan tshwa btsos nas 'tshal bar bgyi'am/ u pa li/ mi na bas bza' bar mi bya'o| |sha las btsos pa'am/ mar las btsos pa'am/ 'bru mar las btsos pa yang de bzhin no/ /btsun pa/ mi rung ba'i lan tshwas 'bru mar ram/ mar btsos pa 'tshal du rung ngam/ u pa li/ mi rung ngo / /btsun pa/ mar ram/ 'bru mar chang dang lhan cig btsos pa 'tshal du rung ngam/ u pa li/ bzar rung ngo / /btsun pa/ mar ram/ 'bru mar chang dang lhan cig tu 'dres par gyur pa 'tshal du rung ngam/ u pa li/ rung ngo / /btsun pa/ chang gis spangs pa'i sman 'tshal du rung ngam/ u pa li/ na ba la ni/ rung gi /mi na ba la ni/ ma yin no/ /btsun pa/ mi rung ba'i sa la shing zhig skyes la/ mi rung ba'i sar 'bras bu zhig lhung na/ 'tshal du rung ngam/ u pa li/ mi rung ngo / /mi rung ba'i sa la shing zhig skyes la rung ba'i sar 'bras bu lhung na/ 'tshal du rung ngam/ u pa li/ mi rung ngo / /rung ba'i sa la shing zhig skyes la/ mi rung ba'i sar 'bras bu lhung na/ 'tshal du rung ngam/ de ste zhag gcig lon par ma gyur na ni/ bza' bar bya'o/ /rung ba'i sa la shing zhig skyes la rung ba'i sar 'bras bu lhung na/ 'tshal du rung ngam/ u pa li/ bzar rung ngo / /rung ba'i sa na zhugs mchis la/ mi rung ba'i sa na mchis bas zhugs sam/ zhugs lce'am/ zhugs lce chad pas rung bar bgyid na/ rung zhes bgyi'am/ bgyis pa zhes brjod dam/ 'tshal bar bgyi'am/ u pa li/ mi rung ngo / /rung pa'i sa na zhugs mchis la/ mi rung ba'i sa na mchis pas zhugs su bcug na/ rung zhes bgyi'am/ bgyis pa zhes bgyi'am/ 'tshal du rung ngam/ u pa li/ ma yin no/ /mi rung ba'i sa na zhugs mchis la/ rung ba'i sa na mchis pas zhugs sam| zhugs lce'am/ zhugs lce chad pas rung bar bgyis na/ rung bar bgyis pa zhes bgyi'am/ u pa li/ rung bar byas pa zhes bya ste/ bza' bar bya'o/ /mi rung ba'i sa na zhugs mchis la/ rung ba'i sa na mchis pas zhugs su stsal na/ rung bar bgyis pa zhes bgyi'am/ rung bar byas pa zhes bya'o/ /'tshal du rung ngam/ u pa li/ bza' bar bya'o/ /mi rung ba'i sa na sgyed pu gsum mchis la/ rung ba'i sa na zhugs mchis pa'i zhugs lce des bsgral du rung ngam/ u pa li/ mi rung ngo / /mi rung ba'i sa na zhugs mchis la rung ba'i sa na sgyed pu gnyis mchis pa dang / mi rung ba'i sa na sgyed pu gcig mchis pa zhugs lce des bsgral na/ 'tshal du rung ngam/ u pa li/ mi rung ngo / /mi rung ba'i sa na sgyed bu gcig mchis la/ rung ba'i sa na zhugs mchis pa de'i zhugs lces bsgral na/ de 'tshal du rung ngam/ u pa li/ mi rung ngo / /rung ba'i sa na zhugs mchis la rung ba'i sa na sgyed bu gnyis mchis pa dang / mi rung pa'i sa na sgyed pu gcig mchis la zhugs lce des bsgral na/ 'tshal du rung ngam/ u pa li/ bza' bar bya'o/ /rung ba'i sa na sgyed pu gsum mchis la rung ba'i sa na zhugs mchis na zhugs lce des bsgral na/ 'tshal du rung ngam/ u pa li/ rung ngo / /btsun pa/ dge slong gis sa bon gyi rigs lnga la zhugs sam/ mtshon tam/ sen mos rung bar bgyid na/ rung bar bgyis pa zhes bgyi'am/ rung bar byas pa zhes bya ste/ rung bar byas pas na/ bza' bar bya'o/ /mes rung bar byas pa ma gtogs te/ lhag ma rnams ni/ bza' bar bya'o/ /btsun pa/ bcom ldan 'das kyis btung ba rnam pa brgyad 'thung zhig / ces gsungs na/ rtsa ba dang / sdong bu dang / lo ma dang / 'bras bu dang / bsngal bar bsres pa 'di dag 'tshal du rung ngam/ u pa li/ rung ngo / /btsun pa| bu ram chab dgung bdun du byin gyis brlab tu rung ngam/ u pa li/ mi rung ngo / /ji srid du btung bar bgyi/ dngos por ma gyur pa'i bar du'o/ /btsun pa/ mi rung ba'i sman 'bru mar du bsgral ba 'tshal bar bgyi'am/ u pa li/ ma yin no/ /btsun pa/ nad pa'i g.yog ji ltar bgyi/ ston pa'i 'du shes pas sman phan pa dang mthun pas g.yog bya'o/ /btsun pa/ nad pa la ci stsal bar bgyi/ u pa li/ rang bzhin gyis kha na ma tho ba ma gtogs par gang gis nad pa sos par 'gyur ba de dag byin cig /mdor na/ 'ug pa 'ol ba bya rgod dang / /bya rog kang+ka chu skyar mo/ /mi ro za'i bya rnams dang / /sen mo mchu stobs gang ldan pa'o/ /btsun pa/ 'ug pa'i sha 'tshal du rung ngam/ u pa li/ mi rung ngo / /'ol ba'i sha dang / bya rgod kyi sha dang / bya rog gi sha dang / bya kang+ka'i sha dang / chu skyar mo'i sha dang / gzhan yang mi ro 'tshal ba rnams dang / sen mo dang / mchu stobs dang ldan pa'i sha 'tshal du rung ngam/ u pa li/ mi rung ngo / /mdor na/ kan+tu dang ni pad pa dang / /srin bu sbal pa'ang de bzhin te/ /sre mo sbrul dang go d+ha dang / /sbal pa dkar po rnga mo sram/ /btsun pa/ srog chags kan+tu'i sha 'tshal du rung ngam/ u pa li| mi rung ngo / /btsun pa/ pad pa'i sha dang / sbal pa'i sha dang / sre mo'i sha dang / sbrul gyi sha dang / go d+ha'i sha dang / sbal pa dkar po'i sha dang / sram gyi sha dang / bya rog gi sha dang / gzhan yang chu na gnas pa dang / sen mo dang mche ba'i stobs dang ldan pa dang / gzhan yang mi ro za ba de dag gi sha 'tshal du rung ngam/ u pa li/ mi rung ngo / /mdor na/ bal glang dang yang wa dang rta/ /spre'u dang mi yang de bzhin te/ /seng+ge stag dang dom dag dang / /sen mo mche ba gang mthu ldan/ /btsun pa/ ba lang gi sha 'tshal du rung ngam/ u pa li/ mi rung ngo / / btsun pa/ rta dang / wa'i sha dang / spre'u'i sha dang / mi'i sha dang / seng+ge'i sha dang / stag gi sha dang / dom gyi sha dang / gzhan yang rkang bzhi pa sen mo dang mche ba'i stobs dang ldan pa de dag gi sha 'tshal du rung ngam/ u pa li/ mi rung ngo / /btsun pa/ gang gi sha 'tshal du mi rung ba de'i zhag dang / 'o ma 'tshal du rung ngam/ u pa li/ mi rung ngo / /u pa li/ de ci'i phyir zhe na/ u pa li/ gang gis sha mi rung ba de'i thams cad kyang mi rung ba'o/ /btsun pa/ sha rjen 'tshal du rung ngam/ u pa li/ mi rung ngo / /bdag gi phyir bsad pa'i sha 'tshal du rung ngam/ u pa li/ mi rung ngo / /sman gyi dngos po rdzogs so// //'dul ba gzhung dam pa/ bam po bco brgyad pa/ mdor na/ dbyar gnyis bye bar gyur pa gnas/ / rnyed dang dge 'dun dag gi gnyis/ /smyos pa chad pa gsum pa dang / /sbyor ba mgron po mang po dbyar/ /btsun pa/ khyim bdag cig gis dbyar tshul du zhugs pa la chos gos 'di 'bul lo/ / zhes mchi ste/ dbyar gnas pa rnams la chos gos shig phul na/ de la dbyar gyi zla ba tha mar yang ma gyur la/ gtan pa yang ma bting na/ gang gis 'thob/ u pa li/ dbyar gnas pa rnams kyis so/ /btsun pa/ khyim bdag cig gis chos gos 'di ni/ dbyar tshul du zhugs pa rnams la 'bul lo/ /zhes mchi ste/ dbyar tshul du zhugs pa'i dge 'dun rnams la phul ba der dbyar gyi zla ba yang tha mar gyur la gnas der gtan pa bting na/ gang gis 'thob/ dbyar gnas pa rnams kyis so/ /btsun pa/ khyim bdag cig gis dge 'dun la gnas 'dir dge slong gang gnas pa de dag la chos gos 'di 'bul lo/ /zhes mchi ste/ gos shig phul na/ gang gis 'thob/ gang la byin pas so/ /de bzhin du gnyis pa dang / gsum pa nas bcu pa'i bar du rgyas par de dag la phul na/ gang gis 'thob/ gang la byin pas so/ /btsun pa/ khyim bdag cig gis dge 'dun la gos shig phul te gos 'di ni/ gnas 'dir sang phod gnas pa'i dge slong de dag la dbul lo/ /zhes mchi na/ gang gis 'thob/ gang la byin pas so/ /de bzhin du gnyis pa dang / gsum pa nas lo bcu'i bar du gnas pa de dag la dbul lo/ /zhes mchi na/ gang gis 'thob/ gang la byin pas so/ /'on te gnas de na da ltar mi gnas par gyur na/ dge slong de dag gis gos de dag bgo bar bgyi'am/ u pa li/ bgo bar gyis shig /btsun pa/ dbyar gyi nang logs su dge 'dun dag bye na/ dbyar gyi rnyed pa de dag stsal bar bgyi'am/ u pa li/ ma yin no/ /btsun pa| dbyar gyi gnas su ring du gnas par gyur pa las dge 'dun bye na/ dbyar gyi rnyed pa de dag stsal bar bgyi'am/ byin cig /su la/ phyogs gnyis ka la'o/ /btsun pa/ dbyar gyi nang logs su dge slong gis lhung bzed dang / chos gos btsal te mchis na/ de'i dbyar gyi rnyed pa stsal bar bgyi'am/ u pa li/ ma yin no/ /btsun pa/ de ste dbyar gyi gnas su yun ring du gnas par gyur na/ de'i dbyar gyi rnyed pa stsal tam/ u pa li/ byin cig /su la/ gang la bcol pa'am bsngos par gyur pa'o/ /btsun pa/ dbyar gyi nang logs su dge slong zhig dus bgyis na/ de la dbyar gyi rnyed pa stsal bar bgyi'am/ ma sbyin cig /de ste dbyar gyi nang logs su yun ring du gnas par gyur te dus 'das na/ dbyar gyi rnyed pa stsal tam/ u pa li/ byin cig /su la/ gang la bsngos par gyur pa la'o/ /'on te su la'ang bsngos par gyur pa ma mchis na/ su la stsal/ dge 'dun la'o/ /btsun pa/ dbyar gyi nang logs su dge slong zhig dge tshul pha lags par khas blangs na/ de la dbyar gyi rnyed pa stsal bar bgyi'am/ sbyin par bya'o/ /de la ji tsam zhig stsal/ dge tshul pha'i skal pa'o// de ste dbyar gyi gnas su yun ring du gnas par gyur nas dge tshul pha lags par khas blangs na/ ji tsam stsal bar bgyi/ dge slong gi skal pa'o/ /btsun pa/ dbyar gyi nang logs su dge slong zhig khyim pa lags par khas blangs na/ de dbyar gyi rnyed pa stsal par bgyi'am/ mi sbyin no/ /de ste dbyar gyi gnas su yun ring du gnas par gyur nas khyim pa lags par las blangs na/ de dbyar gyi rnyed pa stsal par bgyi'am/ byin cig /su la/ gang la bsngos par gyur pa la'o/ /btsun pa/ dbyar gyi nang logs su dge slong zhig ma ning lags par khas blangs pa dang / dge slong ma sun phyung ba dang / pha dang / ma dang / dgra bcom pa bsad pa dang / dge 'dun gyi dbyen bgyis pa dang / de bzhin gshegs la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / sngar nyes pa byung ba dang / sngar 'khrugs pa rnams lags par khas blangs na/ de dag la dbyar gyi rnyed pa stsal par bgyi'am/ u pa li/ mi sbyin no/ /btsun pa/ de ste dbyar gyi gnas su yun ring du gnas par gyur nas rab tu shes na/ de la dbyar gyi rnyed pa stsal bar bgyi'am/ u pa li/ sbyin par bya'o/ /btsun pa/ dbyar gyi nang logs su dge slong ma lags par khas blangs pa dang / mi gnas pa dang / so sor gnas pa dang / nye bar phyogs pa dang / bslab pa stsal pa rnams lags par khas blangs na/ de dag dbyar gyi rnyed pa stsal par bgyi'am/ mi sbyin no/ /btsun pa/ de ste yang dbyar gyi gnas su yun ring du gnas sam/ dbyar rangs par gnas pa de dag la khas blangs na/ de dag la dbyar gyi rnyed pa stsal par bgyi'am/ u pa li/ sbyin par bya'o/ /btsun pa/ dge slong gis gnas bzhi nas chos gos kyi skal pa bdag gir bgyis kyang nongs par mi 'gyur ba mchis sam/ u pa li/ yod de/ 'di ltar yang dge slong des gnas bzhi char mtshams gcig tu byas nas dbyar tshul du zhugs pa'o/ /btsun pa/ ji tsam gyis na/ chos gos rnyed pa zhes bgyi/ u pa li/ 'di lta ste/ 'di ni/ bdag gi chos gos so/ /snyam nas mig gis mthong bar gyur pa'am/ lag pa'am/ phrag pa'am/ pang par bzhag par gyur pa'o/ /btsun pa/ dge slong gcig pus dge 'dun gyi rnyed pa bdag gir bgyis kyang nongs par mi 'gyur ba mchis sam/ u pa li/ yod de/ 'di ltar yang dge slong gcig pu gnas par gyur la de yang mi dag gis dge 'dun gyi phyir gos phul na'o/ / btsun pa/ dge slong gis dge 'dun gyis rnyed pa brtags pa bdag gir bgyis kyang nongs pa dang bcas par 'gyur ba mchis sam/ u pa li/ yod de/ dge 'dun la bsngos par gyur pa'o/ /btsun pa/ dge slong smyon pa chos gos bged par bsko'am/ u pa li/ ma yin no/ /sems 'khrugs pa dang / nad kyis gzir ba dang / glen pa dang / lkugs pa dang / 'on pa'ang de bzhin no/ /btsun pa/ dge slong dmus long chos gos bged par bsko bar bgyi'am/ u pa li/ ma yin no/ /btsun pa/ dge slong smyon pa'i chos gos gang nas bzung ste bsngo bar bgyi/ nam rang gi sems sor chud pa tshun chad do/ /btsun pa/ smyon pa las chos gos blang bar bgyi'am/ mi blang bar bgyi/ kha cig las ni/ blang bar bya/ kha cig las ni/ mi blang bar bya'o/ /gang las blang bar bya/ gang la pha'am/ ma'am/ spun nam/ sring mo gson pa'am/ rang gi khyim nas byung yang rung ste/ yongs su gtong ba'i 'du shes kyang yod pa'o/ /btsun pa/ dbyar zhig pa las dbyar gyi rnyed pa stsal par bgyi'am/ kha cig la ni/ sbyin/ kha cig la ni/ mi sbyin no/ /gang la mi sbyin zhe na/ gang la dbyar snga ma'i tshul yang med la phyi ma'i tshul yang med par shes pa'o/ /gang la sbyin par bya zhe na/ gang la dbyar snga ma'i tshul yang yod la phyi ma'i yang yod par shes pa'o/ /btsun pa/ nad g.yog gi sbyor ba btang bar gyur te gzhan la yang spro bar bgyis la nad pa yang dus bgyis na/ nad g.yog gang la gos stsal par bgyi/ phyi ma la'o/ /btsun pa/ nad g.yog mtshams kyi slad rol du mchis pa las nad pa dus bgyis na/ nad g.yog de la gos stsal par bgyi'am/ de ste nad pa'i don zhig la song bar gyur na/ de la nad g.yog gi gos sbyin par bya'o/ /'on te gzhan gyi don zhig la song na ni/ mi sbyin no/ /btsun pa/ nad g.yog gnas gzhan du dbyar du zhugs par gyur na/ de la nad g.yog gi gos stsal par bgyi'am/ mi stsal bar bgyi/ sbyin par bya'o/ /btsun pa/ dge tshul phas nad g.yog bgyis na/ de la nad g.yog gi gos stsal bar bgyi'am/ u pa li/ sbyin par bya'o/ /btsun pa/ dge slong mas nad g.yog bgyis pa las nad pa dus bgyis na/ de la nad g.yog gi gos stsal par bgyi'am/ mi sbyin no/ /dge slob ma dang / dge tshul ma rnams kyang de bzhin no/ /btsun pa/ mgron po mang po bcom pa'i gos rnyed na/ blang bar bgyi'am/ mi blang bar bgyi/ u pa li/ de ste tshong pas byin na/ blang bar bya'o/ /'on te rkun pos byin na/ de'i tshe mi blang ngo / /btsun pa/ bcom ldan 'das kyis dge slong gi dbyar gyi nang logs su dbyar gyi rnyed pa ma bgod cig /ces gsungs na/ btsun pa/ khyim bdag cig gis gnas mang zhig nas dge slong dag mgron du bos te gnas gcig tu 'tshal ma 'tshal nas dge 'dun dag la mngon sum du gos phul na/ dge slong de dag gis gos bgo bar bgyi'am/ u pa li/ gos de dag ni/ rkyen 'byung ba'i gos pas bgo bar bya'o/ /btsun pa/ dbyar gyi nang logs su dge slong zhig dus bgyis na/ dge slong de dag gis gos de dag bgo bar bgyi'am/ shi ba'i gos bas na/ bgo bar bya'o/ /mdor na/ grong gnyis spu can phyi rol mtshams/ /de bzhin du yang mchod rten no/ /mtshams las bsngos par byas pa dang / /chad pa tha mar gyur pa'o/ /btsun pa/ grong gi nang na gtsug lag khang zhig mchis la der dbyar tshul du zhugs pa'i dge 'dun rnams don zhig gi slad du mtshams kyi slad rol du mchis par gyur pa dang / de'i mtha' na 'khod pa'i dge slong dag grong khyer gyi mtshams kyi nang na mchis pa las/ der mi dag gis dge 'dun la dbyar gyi rnyed pa zhig phul na/ gang gis 'thob/ grong khyer gyi dge 'dun gyis so/ /btsun pa/ grong khyer du dge 'dun tshul du zhugs nas dbyar gyi nang logs su bye na/ dbyar gyi rnyed pa gang gis 'thob/ u pa li/ chos la phyogs pas so/ /btsun pa/ dge slong gis spu can las chos gos gsum du byin gyis brlabs na/ byin gyis brlabs pa zhes bgyi'am/ gos gzhan zhig yod na ni/ byin gyis ma rlobs shig /byin gyis brlabs na ni/ 'das pa dang bcas par 'gyur ro/ /btsun pa/ dge slong gis mtshams kyi slad rol du mchis nas dge 'dun gyi rnyed pa bdag nyid kyis bdag gir bgyis na/ cir 'gyur/ nyes byas so/ /btsun pa/ dbyar tshul du zhugs pa'i dge 'dun dbyar gyi nang logs su mchod rten gyi rnyed pa bgos kyang nongs par mi 'gyur zhing rung bar 'gyur ba mchis sam/ u pa li/ yod de/ nyan thos kyi mchod rten la bsngos par gyur pa ni/ shi ba'i yo byad pas na/ bgo bar bya'o/ /btsun pa/ bcom ldan 'das kyis gum pa'i yo byad mtshams kyi nang na 'khod pas bgo bar gyis shig / ces gsungs na/ btsun pa/ dge slong gis gum pa'i yo byad byin gyis brlabs te mtshams kyi slad rol du mchis na/ gum pa'i yo byad kyi skal ba stsal tam/ u pa li/ sbyin no/ /de ste byin gyis ma brlabs par mchis na/ stsal tam/ u pa li/ ma yin no/ /btsun pa/ gum pa'i yo byad dang gos byin gyis ma brlabs par dge slong gzhan dag cig mchis na/ de dag la gum pa'i yo byad kyi skal pa stsal par bgyi'am/ u pa li/ sbyin par bya'o/ /btsun pa/ de ste byin gyis brlabs nas mchis na| stsal par bgyi'am/ u pa li/ ma yin no/ /btsun pa/ bcom ldan 'das kyis gum pa'i yo byad rnams gsol ba dang las kyis byin gyis rlobs shig /ces gsungs na/ btsun pa| gnas gang na dge slong gcig pu mchis na/ de ji ltar byin gyis brlab par bgyi/ u pa li/ dge slong des sems bskyed nas tshig tu smra bar bya ste/ bgo ba'i las rdzas 'di ni/ bdag gis 'thob pas na/ bdag gis chos gos 'di bsdu bar bgyi'o/ /bdag gir bya'o/ /'di ni/ byin gyis brlab par bya'o/ /zhes byin gyis brlab par bya'o/ /gnas gang na dge slong gnyis sam gsum yang rung gnas na/ de dag kyang gcig la gcig smra bar bya'o/ /btsun pa/ gos ma dras pa la byin gyis brlab tu rung ngam/ u pa li/ mi rung ngo / /btsun pa/ de dang 'dra ba'i rkyen zhig byung na/ rung ngam/ u pa li/ mi rung ngo / /gos kyi dngos po rdzogs so// //mdor na/ rnying pa gnyis dang bzhag pa dang / /gsar pa brtan pa zhig pa dang / /zin pa dang ni ma zin pa/ /dus su rnyed pa'ang ma bgos gnyis/ /mi rung mtshams kyi phyi rol dang / /ma bgos gang zag de bzhin bcu/ /btsun pa/ gos rnying pa gtan par bting na/ bting ba zhes bgyi'am/ u pa li/ bting ba zhes bya ste/ dge 'dun ni/ 'das pa dang bcas pa'o/ /gos rnying pa gang zhe na/ gang gis sngar dge 'dun gyis gtan pa bting bar gyur pa'o/ /gos rnying pa bcangs pa gtan par bting na/ bting ba zhes bgyi'am/ u pa li/ bting ba zhes bya ste/ dge 'dun ni| 'das pa dang bcas pa'o/ /gos rnying par bcangs pa gang zhe na/ gang dge slong gis spyad pa'o/ /btsun pa/ nye bar bzhag pa'i gos gtan par bting na/ bting ba zhes bgyi'am/ u pa li/ bting ba zhes bya ste/ dge 'dun ni/ 'das pa dang bcas pa'o/ /nye bar bzhag pa'i gos gang zhe na/ spangs pa'o/ /btsun pa/ gos gsar pa gtan par bting na/ bting ba zhes bgyi'am/ u pa li/ bting ba zhes bya ste/ dge 'dun yang 'das pa dang bcas par mi 'gyur ro/ /gos gsar pa gang zhe na/ gang dge 'dun gyis thog mar gtan par bting ba'o/ /btsun pa| brtan pa'i gos gtan par bting na/ bting ba zhes bgyi'am/ u pa li/ bting ba zhes bya ste/ dge 'dun ni/ 'das pa dang bcas pa'o/ /brtan pa'i gos gang zhe na/ gos gang dbyar tha ma'i zla ba la rnyed pa'o/ /btsun pa/ gos zhig pa zhig gtan par bting na/ bting ba zhes bgyi'am/ u pa li/ bting ba zhes bya ste/ dge 'dun ni/ 'das pa dang bcas pa'o/ /gos zhig pa gang zhe na/ gos rul pa'o/ /btsun pa/ gos ma lags pa zhig gtan par bting na/ bting ba zhes bgyi'am/ u pa li/ bting ba zhes bya ste/ dge 'dun ni| 'das pa dang bcas pa'o/ /btsun pa/ gos lags pa gtan par bting na/ bting ba zhes bgyi'am/ u pa li/ bting ba zhes bya ste/ dge 'dun yang 'das pa dang bcas par mi 'gyur ro/ /btsun pa/ bcom ldan 'das kyis gang dus su rnyed pa'i gos gtan par things shig /ces gsungs na/ dus su rnyed pa'i gos gtan par bting na/ bting ba zhes bgyi'am/ u pa li| bting ba zhes bya ste/ dus kyi gos gang zhe na/ gos gang zla ba gsum 'das nas de nyid kyi nya bri'i zhag cig la rnyed pa'o/ /btsun pa/ bcom ldan 'das kyis ma gyon pa'i gos gtan par bting na/ bting ba zhes gsungs na/ ma gyon pa'i gos gang lags/ gsar pa btags ma thag pa'o/ /btsun pa/ bcom ldan 'das kyis ma gyon pa'i gos rung ba gtan par things shig / ces gsungs na/ bting ba zhes bgyi'am/ u pa li/ bting ba zhes bya'o/ /gos ma gyon pa rung ba gang zhe na/ kha dog can no/ /btsun pa/ mi rung ba'i gos shig gtan par bting na| bting ba zhes bgyi'am/ u pa li/ bting ba zhes bya ste/ dge 'dun ni/ 'das pa dang bcas pa'o/ /mi rung ba'i gos gang zhe na/ rang gi rgyus mi rung ba'o/ /btsun pa/ gos gsar pa gtan pa 'ding bar ma bskos pas gtan par bting na/ bting ba zhes bgyi'am/ u pa li/ bting ba zhes bya ste/ dge 'dun ni/ 'das pa dang bcas pa'o/ /btsun pa/ mtshams kyi slad rol du bskos pa'i chos gos gtan par bting ba zhes bgyi'am/ u pa li/ bting ba zhes bya ste/ dge 'dun ni/ 'das pa dang bcas pa'o/ /btsun pa/ gtan pa bting ba chad pas bcad pas gtan pa bting na/ bting ba zhes bgyi'am/ u pa li/ bting ba zhes bya ste/ dge 'dun ni/ 'das pa dang bcas pa'o/ /btsun pa/ de bzhin du gtan pa bting ba chad pa 'khor ba dang / yid mgu bar spyod pa dang / yid mgu bar spyad pa lags pa dang / bslab pa stsal pa dang / dbyar ma mchis pa dang / zhig pa dang / dbyar phyi mar tshul du zhugs pa dang / dbyar gzhan du gnas pa dang / smyon pa rnams kyis gtan pa bting na/ bting ba zhes bgyi'am/ u pa li/ bting ba zhes bya ste/ dge 'dun ni/ 'das pa dang bcas pa'o/ /mdor na/ lnga pa gnyis dang sems gnyis dang / /shol bor gnyis kyang de bzhin te/ /bud med mtshan dang brtan pa dang / /gnas la rnam pa drug tu bya/ /btsun pa/ bcom ldan 'das kyis gang zag lnga gtan pa 'ding bar mi bsko ste/ de ni/ chad pa bgyi pa dang / chad pa 'khor ba dang / yid mgu bar spyod pa dang / yid mgu bar spyod pa lags pa dang / bslab pa stsal pa rnams so/ /zhes gsungs na/ btsun pa/ chad pa bgyid pa'i gang zag cig gis gtan pa bting na/ bting ba zhes bgyi'am/ u pa li/ bting ba zhes bya ste/ dge 'dun ni/ 'das pa dang bcas pa'o/ /btsun pa/ de bzhin du chad pa 'khor ba dang / yid mgu bar spyod pa dang / yid mgu bar spyad pa lags pa dang / bslab pa stsal pa rnams kyis gtan pa bting na/ bting ba zhes bgyi'am/ u pa li/ bting ba zhes bya ste/ dge 'dun ni/ 'das pa dang bcas pa'o/ /gzhan yang gang zag lnga gtan pa 'ding bar mi bsko ste/ dbyar med pa dang / dbyar zhig pa dang / dbyar phyi mar tshul du zhugs pa dang / dbyar gzhan du gnas pa dang / spangs pa rnams so/ /btsun pa/ bcom ldan 'das kyis gzhan yang gang zag lnga ste/ dbyar med pa dang / dbyar zhig pa dang / dbyar phyi mar tshul du zhugs pa dang / dbyar gzhan du gnas pa dang / spangs pa rnams kyis gtan pa bting na/ bting bar bya'o/ /zhes gsungs na/ btsun pa/ de ste dbyar ma mchis pas gtan pa bting na/ gtan pa bting ba zhes bgyi'am/ u pa li/ kha cig ni/ bting ba zhes bya'o/ /kha cig ni/ ma bting ba zhes bya'o/ /btsun pa/ gang gis bting ba lags/ gang gis ma bting ba lags/ u pa li/ 'di ltar dge tshul pha dbyar tshul du zhugs pa la dbyar phyi ma'i gnas su bsnyen par rdzogs te zla ba gsum 'das pas gtan pa bting na/ de la gtan pa bting ba zhes bya'o/ /de ci'i phyir zhe na/ u pa li/ zla ba gsum 'das nas gtan pa zhes bya ste/ de yang zla ba gsum du mngon no/ /u pa li/ gang phyi mar zhugs pa las rab tu byung ste bsnyen par rdzogs la de yang zla ba gsum du gnas pa'i dge slong dang lhan cig gtan pa bting na/ de ni/ gtan pa ma bting ba zhes bya'o/ /u pa li/ zla ba gsum lon nas gtan pa bting ba zhes bya ste/ de zla ba gsum ma lon par mngon no/ /btsun pa/ dbyar zhig pa zhig gis gtan pa bting na/ gtan pa bting ba zhes bgyi'am/ u pa li/ kha cig ni/ bting ba zhes bya'o/ /kha cig ni/ ma bting ba zhes bya'o/ /btsun pa/ gang gis bting ba zhes bgyi/ gang gis ma bting ba zhes bgyi/ u pa li/ gang gis dbyar snga mar yang shes pa med la/ dbyar phyi ma'i tshul yang med pa ste/ de zla ba gsum du dge slong dang lhan cig gnas pa dang gcig car gtan pa bting na/ de'i gtan pa ma bting ba zhes bya'o/ /u pa li/ zla ba gsum gnas nas gtan pa zhes bya ste/ de la ni/ zla ba gsum du shes pa'ang med do/ /u pa li/ gang dbyar snga mar gnas pa'am/ phyi mar yang shes la/ des zhag bdun nam bzhi bcur byin gyis brlabs nas mtshams kyi phyi rol tu song nas skya rengs shar ba de yang zla ba gsum du gnas pa'i gtan pa bting na/ de'i gtan pa bting ba zhes bya'o/ /u pa li/ zla ba gsum du gnas nas gtan pa zhes bya ste/ de la yang zla ba gsum du mngon no/ /yid ma las 'gal bas nyes byas su 'gyur ro/ /btsun pa/ dbyar phyi mar tshul du zhugs pa zhig gtan pa bting na/ bting ba zhes bgyi'am/ u pa li/ kha cig ni/ gtan pa bting ba zhes bya'o/ /kha cig ni/ ma bting ba zhes bya'o| |btsun pa/ gang gis gtan pa bting ba zhes bgyi/ u pa li/ gang dbyar snga mar tshul du zhugs pa'i dge slong gi dge 'dun gtan pa 'ding ba'i dge slong dang / dbyar phyi mar tshul du zhugs pa de dag lhan cig tu gtan pa bting na/ de'i gtan pa bting ba zhes bya'o/ /u pa li/ zla ba gsum du gnas nas gtan pa zhes bya ste/ de ni/ zla ba gsum du shes pa'ang med do/ /u pa li/ dge 'dun thams cad dbyar phyi mar tshul du zhugs la zla ba gsum du gnas nas gtan pa bting na/ de dag ni/ gtan pa bting ba zhes bya'o/ /u pa li/ zla ba gsum du gnas nas gtan pa zhes bya ste/ de dag ni/ zla ba gsum du mngon no/ /btsun pa/ dbyar gzhan du gnas pa zhig gis gtan pa bting na/ gtan pa bting ba zhes bgyi'am/ u pa li/ kha cig ni/ gtan pa bting ba zhes bya'o// kha cig ni/ ma bting ba zhes bya'o/ /btsun pa/ gang gis gtan pa bting ba zhes bgyi/ gang gis gtan pa ma bting ba zhes bgyi/ u pa li/ dge slong dag mtshams so sor bcad pa'i gnas na dbyar gzhan du gnas la/ gzhan du song ste gtan pa bting na/ de'i gtan pa ma bting ba zhes bya'o/ /u pa li/ gtan pa gang zhe na/ zla ba gsum du gnas nas gtan pa bting ba de la ni/ zla ba gsum du shes pa yang med do/ /u pa li/ gang zla ba gsum du gnas pa'i dge slong gi dge 'dun rnams dbyar zla ba gsum 'das pa dang / de nyid kyi nya bri'i zhag cig la mtshams chen po bkrol te gnas bzhi'am/ lnga'i mtshams gcig tu byas nas gtan pa bting na/ gnas de dag thams cad du gtan pa bting ba zhes bya'o/ /de bzhin du gnas la gnas gzhan du gtan pa bting ba zhes bya'o/ /btsun pa/ spangs pas gtan pa bting na/ gtan pa bting ba zhes bgyi'am/ u pa li/ kha cig ni/ bting ba zhes bya'o/ /kha cig ni/ ma bting ba zhes bya'o| |btsun pa/ gang gis gtan pa ma bting ba zhes bgyi/ u pa li/ dbyar tshul du zhugs pa'i dge slong gang la dge 'dun 'dus pa rnams kyis spangs pa'i las byas pa de dag kyang bzod pa ma gsol bar dbyar gnas pa dag kyang lhan cig gtan pa bting na/ de'i gtan pa ni/ ma bting ba zhes bya'o/ /gang gi bting ba zhes bgyi/ u pa li/ dge slong gang dbyar tshul du zhugs pa la dge 'dun 'dus pa rnams kyis mnyam du mi spyod pa'i sdom pa bcas par gyur tam/ dkar pa'i las byas par gyur la/ des kyang bzod pa gsol na/ dbyar gnas pa'i dge 'dun rnams dang lhan cig tu gtan pa bting na/ de'i gtan ba bting ba zhes bya'o/ /btsun pa/ bcom ldan 'das kyis dge slong gtan pa 'ding bas gtan pa blangs nas bkru ba dang / brkyang ba dang / dra ba dang / btsem pa thams cad dang / khab so tha ma'i bar du thog mar 'gro bar byos la/ bdag gis chos gos 'dis dge 'dun gyi gtan pa 'ding bar bya ba 'ding ngo / /bdag gis gding ngo / / zhes sems rnam pa gsum skyed cig /sems rnam pa gsum bskyed kyang chos gos 'dis dge 'dun gyi gtan pa 'ding bar bya/ bdag gis gding ngo / /zhes sems rnam pa gnyis bskyed na/ gtan pa bting ba zhes bya'o/ /btsun pa/ sems bskyed pa gcig gis gtan pa 'ding du rung ngam/ u pa li/ rung ste/ 'di ltar yang gtan pa 'ding ba'i dge slong gis gtan pa gding bar bdag ming 'di zhes bgyi bas gos 'dis dge 'dun gyi gtan pa gding ngo / /zhes sems bskyed na/ gtan pa bting ba zhes bya'o/ /btsun pa/ tshul nas 'byung ba'i tshe rgyal pos shol bor na dge slong de dag gis gtan pa ji ltar gding bar bgyi/ ji ltar tshul nas byung ba bzhin no/ /btsun pa/ gtan pa de nyid rung la de nyid mi rung bar 'gyur ba mchis sam/ u pa li/ yod de/ 'di ltar yang dge slong de dag kha cig ni/ shol bor/ kha cig shol ma bor bar tshul du zhugs te de nyid du khyim bdag gis shol ma bor ba'i gnas su tshul nas 'byung ba de nyid kyi nya bri'i zhag cig la dge 'dun gnyi ga la zan byin te gtan pa'i gos phul na/ gos de shol ma bor ba la ni/ rung ngo / shol bor ba la ni/ mi rung ngo / /btsun pa/ gang ma lta bu'i tshig brgyad po 'di dag gis ni/ gtan pa las 'byung bar 'gyur ro/ /de la thun mong ba ni/ du/ thun mong ma lags pa ni/ du/ u pa li/ thog ma dang tha ma ma gtogs par lhag ma rnams ni/ thun mong pa'o/ / btsun pa/ gtan pa 'ding ba'i dge slong gis gtan pa 'ding ba'i tshe mtshan gyur na/ gtan pa bting ba zhes bgyi'am/ u pa li/ bting ba zhes bya ste/ gtan pa sbed pa'i dge slong dad par byos shig / btsun pa/ gtan pa zhes kyang bgyi/ gtan pa 'ding ba zhes kyang bgyi/ gtan pa 'byin pa zhes kyang bgyi na/ btsun pa/ gtan pa ni/ gang / gtan pa 'ding ba ni/ gang / gtan pa 'byin pa ni/ gang lags/ u pa li/ gos ni/ gtan pa'o/ /sems bskyed pa ni/ gtan pa 'ding ba'o/ /ma lta bu'i tshig brgyad po ni/ gtan pa 'byin pa'o/ /btsun pa/ dge slong rnams kyis gnas bzhi'am/ lnga mtshams kyi nang du bgyis nas dbyar tshul du zhugs te de dag tshul nas byung ste gtan pa bting na/ gnas de dag thams cad du gtan pa bting ba zhes bgyi'am/ u pa li/ thams cad du gtan pa bting ba zhes bya'o/ /btsun pa/ de ste gtan pa bting nas mtshams chen po bkrol te so sor mtshams bkum na/ gtan pa phyung ba zhes bgyi'am/ u pa li/ ma yin no/ /gnas de dag thams cad gtan pa bting ba zhes bgyi'am/ u pa li/ gtan pa bting ba zhes bya'o/ /de ste so sor mtshams bcad nas gtan pa phyung na/ gnas de dag thams cad du gtan pa phyung ba zhes bgyi'am/ u pa li/ ma yin te/ gang dag 'byin pa de dag ni/ gtan pa phyung ba zhes bya'o/ /gang dag mi 'byin pa de dag ni/ gtan pa ma phyung ba zhes bya'o/ /btsun pa/ tshul nas byung ba dang / dge slong rnams kyis gnas bzhi'am/ lnga mtshams gcig tu byas nas gtan pa bting na/ gnas de dag thams cad du gtan pa bting ba zhes bgyi'am/ u pa li/ thams cad du gtan pa bting ba zhes bya'o/ /btsun pa/ de ste gtan pa bting nas mtshams chen po bkrol te so sor mtshams bkum na/ gtan pa ma bting ba zhes bgyi'am/ u pa li/ ma yin te/ de dag thams cad du gtan pa bting ba zhes bya'o/ /btsun pa/ de ste so sor mtshams bkum nas gtan pa phyung na/ gnas de dag thams cad du gtan pa phyung ba zhes bgyi'am/ u pa li/ ma yin te/ gang 'byin pa de dag ni/ gtan pa phyung ba zhes bya'o/ /gang mi 'byin pa de dag ni/ gtan pa ma phyung ba zhes bya'o/ /mdor na/ zla ba gsum dang lnga pa dang / /gso sbyong gi ni mtha' lnga gsum/ /sbyar ma dang ni ras chen rkyen/ /'byin pa gnyis dang bye ba gnyis/ /tshad gnyis pa yang de bzhin te/ /khyim pa dag la sogs pa dang / /bslab pa byin pa tha ma 'o/ /btsun pa/ ji srid cig tu gtan pa gding bar bgyi/ u pa li/ zla ba gsum ste/ ji ltar zla ba gsum du gnas par tshul du zhugs pa'o/ /btsun pa/ ji srid cig tu gtan pa bcang bar bgyi/ zla ba lnga'o/ /btsun pa/ gang dbyar phyi ma'i mthar gtan pa bting ba na/ de dag kyang zla ba lngar gtan pa bting bar 'gyur ram/ u pa li/ gang gis gtan pa ji ltar bting bar gyur pa de dag gi grangs bzhin zla ba lngar bcang bar bya'o/ /btsun pa/ gso sbyong gi mthar gtan pa 'ding bar bgyi'am/ u pa li/ gso sbyong gi mthar bya'o/ /btsun pa/ gso sbyong gi mthar dbyung bar bgyi'am/ u pa li/ gso sbyong gi mthar bya'o/ /btsun pa/ dbyar ma rung bar gzhag pa la rgyu du/ rkyen du/ bcom ldan 'das kyis bka' stsal pa/ rgyu lnga dang / rkyen lnga'o/ /lnga po de dag gang zhe na/ dge slong dang bcas/ sgo glegs dang bcas pa'i gnas su gyur pa dang / 'jigs pa dang bcas/ dogs pa dang bcas pa'i yul dang / char 'bab pa'am/ char 'bab par dogs par gyur pa dang / dus ma yin par grong gzhan du 'gro bar 'dod par gyur pa dang / gnas na gtan pa bting bar gyur pa dang / gsol ba dang las ni/ tha ma'o/ /btsun pa/ dbyar gyi gos ras chen rung bar gzhag pa la rgyu du/ rkyen du u pa li/ gsum ste/ char pa mi 'bab cing char pa 'bab par mi dogs par gyur pa dang / dus ma yin par grong gzhan nam/ grong khyer gzhan nam/ klung rgal 'dod par gyur pa dang / klung gi drung ngam khron pa'i drung na mi gnas pa'o/ / btsun pa/ dbyar gyi gos ras chen ji srid du bcang bar bgyi/ zla ba phyed dang lnga'o/ /btsun pa/ gtan pa 'ding ba'i gnas su rkyen med par 'gyur ba du/ u pa li/ bcu ste/ zhag gcig gis 'bral ba med pa dang / zhag bcu las 'da' ba med pa dang / zla ba gcig las 'da' ba med pa dang / gos ma bsngos pa rnams bcang ba dang / chos gos stod g.yogs dang mthang gos gnyis pus ljongs spyod du 'gro ba dang / mang po za ba med pa dang / yang yang za ba med pa dang / spyan ma drangs par 'gro ba dang / gos rnams ci bder tshol ba dang / ston zla tha chung nas dpyad zla ra ba'i bar du ste/ gang gi rnyed pa thob pa de dag ni/ dbyar gnas pa'i dge 'dun gyis bgo bar bya'o/ /btsun pa/ ci bslab pa'i gnas sam/ chos gos byin gyis brlabs pa de dag ma mchis par 'gyur ram/ u pa li/ ma yin te/ 'di dag ni/ yon tan no/ /btsun pa/ gsol ba dang / las ma byas pas sngar gtan pa dbyung bar 'gyur ba mchis sam/ u pa li/ yod de/ 'di ltar yang dge slong gzhi pa de dag gis de nyid kyi nya bri'i zhag cig la gtan pa bting bar gyur pa dang / dge slong glo bur pa mang zhig lhags nas de dag ni/ de'i nyin mo bco lngar gyur te gso sbyong byed/ so sor thar pa klog pa dang / de ste dge slong gzhi pa rnams kyang de dag gi rjes su zhugs nas gso sbyong byas na/ gsol ba dang las ma byas par gtan pa phyung ba zhes bya'o/ /btsun pa/ dge slong gzhi pa rnams kyis gtan pa bting ste mtshams kyi slad rol du mchis pa dang / glo bur du dge slong rnams lhags te gtan pa phyung na/ phyung ba zhes bgyi'am/ u pa li/ ma yin no/ /de ci'i phyir zhe na/ u pa li/ gang gis gtan pa bting ba de nyid kyis gtan pa phyung ba zhes bya'o/ /btsun pa/ dbyar tshul du zhugs pa las dge 'dun bye na/ gang gis gtan pa gding / chos bzhin du smra ba rnams kyis so/ /btsun pa/ gtan pa bting ba'i gnas su dge 'dun bye na/ dbyar gyi rnyed pa sus 'thob/ phyogs gnyis kas so/ /btsun pa/ de ste mngon du gyur pa las rnyed na/ sus 'thob/ chos kyi phyogs kyis so/ /btsun pa/ tshad las chung ba'i chos gos dum bur sbyar te gos su btsem zhing gtan par bting na/ gtan par bting ba zhes bgyi'am/ u pa li/ ma bting ba zhes bya'o/ /btsun pa/ tshad las chung ba zhig gtan par bting na/ gtan par bting ba zhes bgyi'am/ u pa li/ ma bting ba zhes bya'o/ /btsun pa/ gos ji lta bus gtan pa gding bar bgyi/ u pa li/ mchur lnga/ zheng du gsum pas so/ /btsun pa/ gtan pa bting ba khyim pa zhig gis gtan pa bting na/ gtan pa bting ba zhes bgyi'am/ u pa li/ ma bting ba zhes bya ste/ dge 'dun yang 'das pa dang bcas pa'o/ /de bzhin du gtan pa 'ding ba ma ning dang / mi gnas pa dang / so sor gnas pa nas sngar 'khrugs pa'i bar du de dag gis gtan pa bting na/ gtan pa bting ba zhes bgyi'am/ u pa li/ ma bting ba zhes bya ste/ dge 'dun yang 'das pa dang bcas pa'o/ /btsun pa/ gtan pa bting ba za ma zhig gis gtan pa bting na/ bting ba zhes bgyi'am/ u pa li/ ma bting ba zhes bya ste/ dge 'dun yang 'das pa dang bcas pa'o/ /btsun pa/ gtan pa 'ding ba dge 'dun gyi dbyen bgyis pa dang / nye bar phyogs pa dang / bslab pa stsal pa rnams kyis gtan pa bting na/ bting ba zhes bgyi'am/ u pa li/ bting ba zhes bya ste/ dge 'dun ni/ 'das pa dang bcas pa'o/ /btsun pa/ gtan pa 'ding ba smyon ba zhig gis gtan pa bting na/ gtan pa bting ba zhes bgyi'am/ u pa li/ ma bting ba zhes bya'o/ /de ste dge slong gi 'du shes yod la| bdag ming 'di zhes bgyi bas dge 'dun gyi gtan pa gding ngo / /bdag gis bting ngo / /zhes sems bskyed na/ gtan pa bting ba zhes bya'o/ /de bzhin du sems 'khrugs pa dang / nad kyis gzir ba rnams su shes par bya'o/ /btsun pa/ gtan pa 'ding ba glen pa dang / lkugs pa dang / 'on pa rnams kyis gtan pa bting na/ bting ba zhes bgyi'am/ u pa li/ bting ba zhes bya ste/ dge 'dun ni/ 'das pa dang bcas pa'o/ /btsun pa/ gtan pa 'ding ba gzhan du gnas pas gtan pa bting na/ bting ba zhes bgyi'am/ u pa li/ bting ba zhes bya ste/ dge 'dun ni/ 'das pa dang bcas pa'o/ /gtan pa'i dngos po rdzogs so// //mdor na/ gang du gang gis mtshams bzhi dang / /bsgo ba gos dang gso sbyong bzhi/ /gtan bzhi bye ba gang zag go /btsun pa/ yul ko'u sham+b+hi'i dge 'dun gang gi tshe bye bar gyur/ nam mtshams kyi nang na gcig pu gnas pa las gso sbyong byed pa dang / dge 'dun gyi bya ba dang / dge 'dun gyi don rnams tha dad par byas pa na'o/ /btsun pa/ yul ko'u sham+b+hir dang po dge 'dun gang gis phye/ chos ma yin par smras pas/ de dag gis thog mar mtshams kyi nang du gso sbyong dang / dge 'dun gyi bya ba dang dge 'dun gyi don rnams tha dad par byas pas so/ /btsun pa/ yul ko'u sham+b+hi pas mtshams bshig na/ mtshams zhig pa zhes bgyi'am/ u pa li/ ma yin no/ /btsun pa/ de ste yul yangs pa can na gnas pas mtshams bshig na/ mtshams zhig pa zhes bgyi'am/ u pa li/ ma yin no/ /btsun pa/ dge slong ma'i dge 'dun bye nas phyogs dang / gzhan gyi phyogs su gnas pa la zla ba phyed phyed cing lung dbog pa dang bstan par bgyi'am/ btsun pa/ 'di skad du/ sring mo rnams je mthun par gyis shig / ces sgos shig /btsun pa/ dge slong ma'i dge 'dun bye nas phyogs su gnas pa'i dge slong ma dag gis zla ba phyed phyed cing lung 'bog cing bstan pa btsal bar bgyi'am/ btsal bar bya'o/ /su las btsal/ chos phyogs pa las so/ /btsun pa/ dge slong gi dge 'dun bye nas phyogs gnyis su gnas pa dag gis dge slong ma dag la lung 'bog cing bstan pa stsal bar bgyi'am/ dge slong ma'i dge 'dun mi bye bar bya ba'i phyir byin cig /btsun pa/ yul ko'u sham+b+hir phyogs gnyis ka 'dus shing 'khod par byed na/ gzu bos gang du dge slong ma la lung dbog par bgyi/ mtshams kyi phyi rol song ba'o/ /btsun pa/ yul ko'u sham+b+hir phyogs gnyis ka 'dus shing 'khod par gyur la/ dge slong gzu bo dag kyang mtshams kyi slad rol tu mchis par gyur ba dang / khyim bdag cig mchis nas dge 'dun la gos shig phul na/ gang gis 'thob/ phyogs gnyis kas so/ /yul ko'u sham+b+hi na gnas pas yul yangs pa can na gnas pa dag dang lhan cig tu gso sbyong bgyid na/ gso sbyong bgyis pa zhes bgyi'am/ u pa li/ ma yin no/ /yul yangs pa can na gnas pas yul ko'u sham+b+hi pa dag dang lhan cig tu gso sbyong bgyid na/ gso sbyong bgyis pa zhes bgyi'am/ u pa li/ ma yin no/ /gzu bo rnams yul ko'u sham+b+hi na gnas pa dag dang lhan cig tu gso sbyong bgyid na/ gso sbyong bgyis pa zhes bgyi'am/ u pa li/ ma yin no/ /gzu bo dag yul yangs pa can na gnas pa dang lhan cig tu gso sbyong bgyid na/ gso sbyong bgyis pa zhes bgyi'am/ u pa li/ ma yin no/ /de ste byed na/ gzu bo'i dngos po med do/ /btsun pa| gtan pa bting ba'i gnas su dge 'dun bye na/ gtan pa gang gis gding bar bgyi/ chos su smra ba dag gis so/ /btsun pa/ gtan pa bting ba'i gnas su dge 'dun bye na/ gtan pa gang gis dbyung bar bgyi/ chos su smra ba rnams kyis so/ /btsun pa/ gang nye bar phyogs pa de thams cad so sor gnas pa lags sam/ nye bar phyogs pa gnas pa ma yin pa'ang yod/ so sor gnas la nye bar phyogs pa yang yod/ nye bar phyogs la so sor gnas pa'ang yod/ nye bar yang ma phyogs la so sor gnas pa ma yin pa'ang yod do| |nye bar phyogs la so sor gnas pa ma yin pa ni/ gang dngos po lnga la nye bar phyogs par gyur pa ste/ ma mthong ba'i phyir dge 'dun gyis spangs par ma gyur pa dang / slar las ma byas pa'i phyir spangs par ma gyur pa dang / sdig pa la lta ba ma btang ba'i phyir spangs par ma gyur pa'o/ /so sor gnas la nye bar ma phyogs pa ni/ 'di ltar dge slong de ma mthong ba'i phyir dge 'dun gyis spangs par gyur pa dang / slar las ma byas pa'i phyir dang / sdig par lta ba ma btang ba'i phyir spangs par gyur pa dang / dngos po lnga la yang nye bar phyogs par ma gyur pa'o/ /nye bar yang phyogs la so sor yang gnas pa ni/ de 'di ltar dge slong de dngos po lnga la nye bar phyogs par yang gyur la/ ma mthong ba'i phyir dge 'dun gyis kyang spangs par gyur pa dang / slar las ma byas pa'i phyir dang / sdig pa la lta ba ma btang ba'i phyir spangs par gyur pa'o/ /nye bar phyogs pa'ang ma yin la so sor gnas pa'ang ma yin pa ni/ rnam pa de lta bu dag ma gtogs pa'o/ /gang nye bar phyogs pa de na/ cang mi gnas pa lags sam/ nye bar phyogs pa mi gnas pa ma yin pa yang yod/ mi gnas la nye bar phyogs pa yang yod/ nye bar yang phyogs la mi gnas pa yang yod/ nye bar yang ma phyogs la mi gnas pa ma yin pa yang yod do/ /nye bar phyogs la mi gnas pa ma yin pa ni/ 'di ltar dge slong de dngos po lnga la nye bar phyogs par gyur la phas pham pa bzhi'i nyes pa gang yang rung ba byung bar ma gyur pa'o/ /mi gnas la nye bar yang ma phyogs pa ni/ de 'di ltar dge slong de phas pham pa bzhi las gang yang rung ba'i nyes pa byung bar gyur la/ dngos po lnga la ni/ nye bar ma phyogs pa yin no/ /nye bar yang phyogs la mi gnas pa yang yin pa ni/ 'di ltar dge slong de dngos po lnga la nye bar phyogs par gyur cing / phas pham pa bzhi las gang yang rung ba'i nyes pa byung ba yin no/ /nye bar phyogs pa yang ma yin la mi gnas pa yang ma yin pa ni/ rnam pa de lta bu ma gtogs pa'o/ /gang so sor gnas pa de thams cad mi gnas pa lags sam/ so sor gnas pa la mi gnas pa ma yin pa'ang yod/ mi gnas la so sor gnas pa ma yin pa yang yod/ so sor yang gnas la mi gnas pa yang yod/ gnas la so sor yang mi gnas pa yang yod do/ /so sor gnas la mi gnas pa ma yin pa ni/ 'di ltar dge slong de ma mthong ba'i phyir spangs par gyur cing / /slar las ma byas pa dang / sdig pa la lta ba ma btang ba'i phyir spangs par gyur la/ phas pham pa bzhi las nyes pa gang yang rung ba ma byung ba yin no/ /mi gnas la so sor gnas pa ma yin pa ni/ gang 'di ltar dge slong des phas pham pa bzhi'i nyes pa gang yang rung ba byung bar gyur gyi/ ma mthong ba'i phyir dge 'dun gyis spangs pa ma byas par gyur cing / slar las ma byas pa dang / sdig pa la lta ba ma btang ba'i phyir spangs par ma gyur ba'o/ /mi gnas la so sor yang gnas pa ni/ de 'di ltar dge slong de ma mthong ba'i phyir spangs pa yang yin la/ phas pham pa bzhi'i nyes pa gang yang rung ba byung bar gyur ba'o/ /mi gnas pa'ang ma yin la so sor gnas pa'ang ma yin pa ni/ rnam pa de lta bu ma gtogs pa'o/ btsun pa/ dge slong nyid kyis dge slong gi dge 'dun 'byed kyi/ dge slong mas ma lags/ dge slob mas ma lags/ dge tshul mas ma lags/ dge tshul pas ma lags sam/ u pa li/ dge slong nyid kyis dge slong gi dge 'dun 'byed kyi/ dge slong mas ma yin/ dge slob mas ma yin/ dge tshul mas ma yin/ dge tshul phas ma yin mod kyi/ 'on kyang dge slong rnams ni/ dge 'dun dbye ba'i phyir rtsol lo/ /btsun pa/ dge slong ma nyid kyis dge slong ma'i dge 'dun 'byed kyi/ dge slong gis ma lags/ dge slob mas ma lags/ dge tshul mas ma lags/ dge tshul phas ma lags sam/ u pa li/ dge slong ma nyid kyis dge slong ma'i dge 'dun 'byed kyi/ dge slong phas ma yin/ dge slob mas ma yin/ dge tshul mas ma yin/ dge tshul phas ma yin mod kyi/ 'on kyang dge slong rnams ni/ dge 'dun dbye ba'i phyir rtsol lo/ /btsun pa/ dbye ba ni/ gang kha na ma tho dang ldan pa ni/ gang lags/ dbye ba ni/ dge 'dun no/ /kha na ma tho ba dang ldan pa ni/ 'byed pa'o/ /btsun pa/ dge 'dun phye na/ cir 'gyur/ sbom po ste/ gsol pa dang / las ma mnyan na/ dge 'dun gyi lhag ma'o/ /btsun pa/ ji tsam gyis na/ dge 'dun phye ba zhes bgyi/ u pa li/ gang gi tshe ji snyed pa'i dge slong rnams mtshams su byi na/ bya ba la bab par gyur/ de dag thams cad 'dus shing mngon sum du gyur/ dad pa blang ba'i rigs pa las dad pa blangs par gyur/ dge slong rnams kyis kyang mtshams kyi nang la mtshams kyi nang yin par 'du shes te gso sbyong dang las tha dad du byed pa de ltar na/ dge 'dun bye ba zhes bya'o/ /dge 'dun phye bas nongs pa gang bshags par bgyi/ nye pa sbom po'o/ /btsun pa/ bcom ldan 'das kyis de lta bu'i gang zag la gleng bar ma bya zhig / dran par ma bya zhig /ces gsungs na/ de lta bu'i gang zag gang lags/ gang zag gang mdo sde 'dzin pa/ ma lta bu 'dzin pa/ bsod nams chen po/ 'khor g.yogs mang po/ grags pa de'o/ /de lta bu'i gang zag cig spangs na/ cir 'gyur/ nyes pa sbom bor 'gyur ro/ /yul ko'u sham+b+hi'i dngos po rdzogs so/ / //'dul ba gzhung dam pa/ bam po bcu dgu pa/ mdor na/ skad dang nam mkha' mtshams dang sa/ /chos gnyis dang ni ma 'dus pa/ /chad pa 'khor dang gcig nas gcig/ ma 'dus gang zag gnas de bzhin/ btsun pa/ 'phags pa zhig gis 'phags pa'i skad du las bgyis pa dang / dge slong de dag gis kyang 'phags pa'i skad ma 'tshal na/ las bgyis pa zhes bgyi'am/ u pa li/ las byas pa zhes bya ste/ las byed pa'i dge slong ni/ 'das pa dang bcas pa'o/ /btsun pa/ 'phags pa zhig gis mtha' 'khob pa'i skad du las bgyis pa dang / dge slong de dag gis mtha' 'khob pa'i skad ma 'tshal na/ las bgyis pa zhes bgyi'am/ u pa li/ las byas pa zhes bya ste/ las byed pa ni/ 'das pa dang / bcas pa'o/ /btsun pa/ mtha' 'khob pa zhig gis mtha' 'khob pa'i skad du las bgyis pa dang / dge slong de dag gis kyang mtha' 'khob pa'i skad ma 'tshal na/ las bgyis pa zhes bgyi'am/ u pa li/ las byas pa zhes bya ste/ las byed pa ni/ 'das pa dang bcas pa'o/ /btsun pa/ mtha' 'khob pa zhig gis 'phags pa'i skad du las bgyis pa dang / dge slong de dag gis 'phags pa'i skad ma 'tshal na/ las bgyis pa zhes bgyi'am/ u pa li/ las byas pa zhes bya ste/ las byed pa ni/ 'das pa dang bcas pa'o/ /btsun pa/ sa la gnas pas nam mkha' la gnas pa'i grangs su bskangs na/ las bgyir rung ngam/ u pa li/ mi rung ngo / /btsun pa/ nam mkha' la gnas pas sa la gnas pa'i grangs su bskangs na/ las bgyis rung ngam/ u pa li/ mi rung ngo / /btsun pa/ las bgyid pa sa la gnas pas nam mkha' la gnas pa rnams kyi las bgyir rung ngam/ u pa li/ mi rung ngo / btsun pa/ las bgyid pa nam mkha' la gnas pas sa la gnas pa rnams kyi las bgyir rung ngam/ u pa li/ mi rung ngo / /de bzhin du mtshams kyi nang na gnas pa dang / mtshams kyi phyi rol na gnas pa rnams dang lhan cig bzhir bya'o/ /btsun pa/ sa la gnas pas sa la gnas pa rnams dang lhan cig las bgyir rung ngam/ u pa li/ rung ste/ 'di ltar yang des sa la gnas pas grangs bskangs shing sa la gnas pa rnams las dad pa blangs par gyur pa'o/ /ji ltar sa la gnas pas sa la gnas pa dang lhan cig pa de bzhin du sa la gnas pa dang rtsig pa la gnas par ro/ /sal gnas pa dang shing la gnas par ro/ /rtsig pa la gnas pa dang rtsig pa la gnas par ro/ /rtsig pa la gnas pa dang sa la gnas par ro| |rtsig pa la gnas pa dang shing la gnas par ro/ /shing la gnas pa dang shing la gnas par ro/ /shing la gnas pa dang sa la gnas par ro/ /shing la gnas pa dang rtsig pa la gnas pa lhan cig tu las bgyir rung ngam/ u pa li/ rung ste/ ji ltar yang shing la gnas pa rnams kyis grangs su bskangs te sa la gnas pa rnams las dad pa blangs par gyur pa'o/ / las rnam pa bzhi ste/ chos bzhin ma yin par byed cing ma 'dus pa dang / chos bzhin ma yin par 'dus pa dang / chos bzhin du ma 'dus pa dang / chos bzhin du 'dus pa'o/ /chos bzhin ma yin par ma 'dus pa gang zhe na/ gsol ba byas nas las ma bsgrags te ma 'dus par yang gyur pa'o/ /chos bzhin ma yin par 'dus pa gang zhe na/ gsol ba byas nas las ma bsgrags par 'dus par yang gyur pa'o/ /chos bzhin du ma 'dus pa gang zhe na/ gsol ba byas la las bsgrags pa dang / ma 'dus par yang gyur pa'o/ /chos bzhin du 'dus pa gang zhe na/ gsol ba byas shing las bsgrags la 'dus par yang gyur pa'o/ /gzhan yang / las rnam pa bzhi ste/ chos bzhin ma yin par mthun la ma 'dus pa dang / chos bzhin ma yin par mthun la 'dus pa dang / chos bzhin du mthun la ma 'dus pa dang / chos bzhin du mthun la 'dus pa'o/ /chos bzhin ma yin par mthun la ma 'dus pa gang zhe na/ sngar las bsgrags la phyis gsol ba byed cing ma 'dus par yang gyur pa'o/ /chos bzhin ma yin par mthun zhing 'dus pa gang zhe na/ sngar bsgrags la phyis gsol ba byed cing 'dus par yang gyur pa'o/ /chos bzhin du mthun la ma 'dus pa gang zhe na/ las de nyid kyis gsol ba byas te las gzhan bsgrags la ma 'dus par yang gyur pa'o/ /chos bzhin du mthun la 'dus pa gang zhe na/ las de nyid kyis gsol ba byas shing las gzhan bsgrags la 'dus par yang gyur pa'o/ /btsun pa/ ma 'dus pa'i las zhes kyang bgyi/ 'dus pa'i las zhes kyang bgyi na/ btsun pa/ ma 'dus pa'i las gang lags/ u pa li/ dge slong ji snyed pa rnams kyis mtshams su yang phyin/ las la yang bab par gyur/ thams cad mngon sum du 'dus par gyur/ dad pa blang ba'i rigs pa yang dad pa blangs par gyur na/ dge slong rnams ni/ zlog cing 'khyal te/ de dag slar zlog cing 'khyal bzhin du las byas na/ de ni/ ma 'dus pa'i las zhes bya'o/ /'dus pa'i las gang zhe na/ dge slong ji snyed pa rnams mtshams su phyin cing las la bab par gyur/ thams cad kyang mngon sum du 'dus par gyur/ dad pa blang ba'i rigs pa yang dad pa blangs par gyur/ dge slong dag slar mi zlog cing 'khyal bar mi byed de/ de dag slar mi zlog cing mi 'khyal bzhin du las byed pas na/ de ni/ 'dus pa'i las zhes bya'o/ /btsun pa/ dge 'dun thams cad 'dus te 'khod nas las bgyis kyang las de ma 'dus pa'i las su 'gyur ba mchis sam/ u pa li/ yod de/ de ni/ 'di ltar gsol ba dang / las byed pa na/ dge slong dag slar zlog cing 'khyal te dge slong slar zlog cing 'khyal bzhin las byed pa'o/ /btsun pa/ las bgyid pa chad pa 'khor ba zhig gis las bgyis na/ las bgyis pa zhes bgyi'am/ u pa li/ byas pa zhes bya ste/ dge 'dun rnams ni/ 'das pa dang bcas pa'o/ /btsun pa/ chad pa 'khor ba zhig gis dad pa blangs nas las bgyis na/ las bgyis pa zhes bgyi'am/ u pa li/ byas pa zhes bya ste/ dge slong de dag ni/ 'das pa dang bcas pa'o/ /btsun pa/ dad pa gcig nas gcig tu blangs te las bgyis na/ las bgyis pa zhes bgyi'am/ u pa li/ byas pa zhes bya ste/ dge 'dun rnams ni/ 'das pa dang bcas pa'o/ /btsun pa/ ma 'dus par las bgyis na/ las bgyis pa zhes bgyi'am/ u pa li/ ma byas zhes bya ste/ dge 'dun yang 'das pa dang bcas pa'o| |btsun pa/ gcig gis gcig la/ gcig gis gnyis la/ gcig gis gsum la/ gcig gis mang po la las bgyir rung ngam/ u pa li/ mi rung ngo / /btsun pa/ gnyis kyis gcig la/ gnyis kyis gnyis la/ gnyis kyis gsum la/ gnyis kyis mang po la las rnams bgyir rung ngam/ u pa li/ mi rung ngo / /btsun pa/ gsum gyis gcig la/ gsum gyis gnyis la/ gsum gyis gsum la/ gsum gyis mang po la las bgyir rung ngam/ u pa li/ mi rung ngo / /btsun pa/ mang pos mang po la las bgyir rung ngam/ u pa li/ mi rung ngo / /btsun pa/ las bgyid pa gnas gcig tu mchis la gnas bzhir las thams cad bgyir rung ngam/ u pa li/ rung ste/ de 'di ltar las byed pa'i dge slong des gnas bzhi char gyi mtshams shing ngam/ 'dam bu'am/ re ldes mnan te las byed pa'o/ /btsun pa/ las bgyid pas mtshams gcig par gsol ba gcig dang / las gcig gis gang zag bzhi la las bgyis na/ las bgyis pa zhes bgyi'am/ u pa li/ ma yin no/ /de ci'i phyir zhe na/ mtshams gcig par mang pos mang po la las byar mi rung ngo / /btsun pa/ dge slong gis mtshams gcig la mtshungs par gnas pa'i dge slong rnams la las bgyis kyang nongs par yang mi 'gyur la/ dge 'dun ma 'dus par yang mi 'gyur ba mchis sam/ u pa li/ yod de/ dad pa byin pas so/ /btsun pa/ las bgyid pa'i dge slong gnas gcig na mchis pas gang zag bzhi la las bgyis na/ las de yang bgyis par 'gyur la/ dge slong de dag kyang 'das pa dang bcas par mi 'gyur ba mchis sam/ u pa li/ yod de/ 'di ltar las byed pa'i dge slong de mtshams mnan/ mtshams bzung nas mtshams su 'greng ngam/ 'dug nas mtshams kyi nang du gnyis 'dug /mtshams kyi phyi rol tu gnyis 'dug pa la las byed pa'o/ /mdor na/ mngon sum gyur dang snga ma dag / las rnam gsum dang shi ba dang / /mi spyad dang ni bde ba mtshams/ /nyes pa las kyang de bzhin no/ /btsun pa/ bcom ldan 'das kyis mngon sum du gyur pa la las rnams gyis shig / ces gsungs na/ btsun pa/ dge 'dun gyis mngon sum du ma gyur par las rnams bgyis kyang las rnams bgyis par 'gyur ba mchis sam/ u pa li/ yod de/ 'di ltar yang dge slong ma'i dge 'dun gyis phyag mi bya ba'i sdom pa dang / longs spyod dang bral ba'i sdom pa byin pa dang / dge slong gi dge 'dun gyis dge slong la smyon pa'i sdom pa byin par gyur pa'o/ /btsun pa/ sngar las bsgrags te phyis gsol ba bgyid na/ bgyis pa zhes bgyi'am/ u pa li/ byas pa zhes bya ste/ dge slong de dag ni/ 'das pa dang bcas pa'o/ /btsun pa/ bdag nyid kyis bdag spangs na/ spangs pa zhes bgyi'am/ u pa li/ spangs pa zhes bya'o/ /btsun pa/ bdag nyid kyis spangs te bdag nyid kyis bdag nyid la bzod par bgyid na/ bzod pa bgyid pa zhes bgyi'am/ u pa li/ bzod pa byas pa zhes bya'o/ /btsun pa/ bsdigs pa'i las bgyis pa la bsdigs pa'i las bgyis pa zhes bgyi'am/ u pa li/ ma yin no/ /de bzhin du smad pa'i las bgyis pa la smad pa'i las bgyis pa dang / bskrad pa'i las bgyis pa dang / slar sdum pa'i las bgyis pa dang / ma mthong ba'i phyir spangs pa'i las bgyis pa dang / slar gyi las ma bgyis pa dang / sdig pa la lta ba slar ma btang ba'i phyir spang ba'i las bgyis pa dang / chad pas bcad pa la chad pa'i dang / yid mgu ba'i spyod pa la yid mgu ba'i dang / dbyung ba'i phyir las bgyis pa la dbyung ba'i phyir las bgyis na/ las bgyis pa zhes bgyi'am/ u pa li/ ma yin no/ /btsun pa/ bsdigs pa'i las bgyis pa la smad pa'i las bgyid/ bskrad pa dang / slar sdum pa'i dang / ma mthong ba'i phyir spangs pa dang / slar gyi las ma bgyis pa dang / sdig pa la lta ba slar ma btang ba'i phyir spang ba'i las dang / chad pas bcad pa'i dang / yid mgu ba'i dang / dbyung ba'i las bgyid na/ las bgyis pa zhes bgyi'am/ u pa li/ byas pa zhes bya'o/ /de bzhin du las thams cad kyang 'khor lo'i rgyud bzhin du bya'o/ /btsun pa/ bsdigs pa'i las su 'os pa zhig la smad pa dang / bskrad pa dang / slar sdum pa'i las rnams bgyis na/ las bgyis pa zhes bgyi'am/ u pa li/ byas pa zhes bya ste/ sma dbab pa'i las so/ /btsun pa/ bsdigs pa'i las su 'os pa zhig la ma mthong pa'i slad du spangs pa dang / slar ma bgyis pa dang / sdig pa la lta ba slar ma btang ba'i slad du spangs pa'i las bgyis na/ las bgyis pa zhes bgyi'am/ u pa li/ ma byas pa zhes bya'o/ /de ci'i phyir zhe na/ u pa li/ sma dbab pa'i las ni/ gzhan no/ /spang ba'i las ni/ gzhan no/ /btsun pa/ bsdigs pa'i las su 'os pa zhig la chad pas bcad pa dang / yid mgu ba dang / dbyung ba'i las bgyis na/ las bgyis pa zhes bgyi'am/ u pa li/ ma byas pa zhes bya'o/ /de ci'i phyir zhe na/ sma dbab pa'i las ni/ gzhan no/ /rnam par dag pa'i las ni/ gzhan no/ /btsun pa/ ma mthong ba'i slad du spang ba'i las su 'os pa zhig la slar las ma bgyis pa dang / sdig pa la lta ba slar ma btang ba'i slad du spang pa'i las shig bgyis na/ las bgyis pa zhes bgyi'am/ u pa li/ byas pa zhes bya'o/ /de ci'i phyir zhe na/ de dag thams cad ni/ spang pa'i las so/ /btsun pa/ ma mthong ba'i phyir spang ba'i las su 'os pa zhig la bsdigs pa dang / smad pa dang / bskrad pa dang / slar sdum pa'i las shig bgyis na/ las bgyis pa zhes bgyi'am/ u pa li/ ma byas pa zhes bya'o// de ci'i phyir zhe na/ u pa li/ spang ba'i las ni/ gzhan/ sma dbab pa'i las ni/ gzhan no/ /btsun pa/ ma mthong ba'i slad du spang ba'i las su 'os pa zhig la chad pas bcad pa dang / yid mgu ba dang / dbyung ba'i las bgyis na/ bgyis pa zhes bgyi'am/ u pa li/ ma byas pa zhes bya ste/ de ci'i phyir zhe na/ u pa li/ spang ba'i las ni/ gzhan no/ /rnam par dag pa'i las ni/ gzhan no/ /btsun pa/ chad pas gcad par 'os pa zhig la yid mgu ba dang / dbyung ba'i las bgyis na/ las bgyis pa zhes bgyi'am/ u pa li/ byas pa zhes bya'o/ /de ci'i phyir zhe na/ u pa li/ 'di dag thams cad ni/ rnam par dag pa'i las so/ /btsun pa/ chad pas gcad par 'os pa zhig la bsdigs pa dang / smad pa dang / bskrad pa dang / slar sdum pa'i las bgyis na/ las bgyis pa zhes bgyi'am/ u pa li/ ma byas pa zhes bya'o/ /de ci'i phyir zhe na/ u pa li/ rnam par dag pa'i las ni/ gzhan/ sma dbab pa'i las ni/ gzhan no/ /btsun pa/ chad pas gcad par 'os pa zhig la ma mthong ba'i phyir spang ba'i las bgyis sam/ slar gyi las ma bgyis pa dang / sdig pa la lta ba slar ma btang ba'i slad du spang ba'i las bgyis na/ las bgyis pa zhes bgyi'am/ u pa li/ ma byas pa zhes bya'o/ /de ci'i phyir zhe na/ u pa li/ rnam par dag pa'i las ni/ gzhan/ spang ba'i las ni/ gzhan no/ /btsun pa/ las gzhan gyis gsol ba bgyis la/ las gzhan gyis bsgrags na/ las bgyis pa zhes bgyi'am/ u pa li/ ma byas pa zhes bya ste/ dge slong de dag kyang 'das pa dang bcas pa'o/ /btsun pa/ bcom ldan 'das kyis ni/ gang zag byis pa dang / glen pa dang / mi gsal ba dang / mi mkhas pa dang / ngo tsha med pa dang / tshig mi brtan pa dang / yi dam las nyams pa dang / sngon nyes pa byung ba dang / sngar 'khrugs pa dang / smyon pa dang rnam pa bcus dkrugs kyang 'khrugs par mi 'gyur ro/ / zhes gsungs na/ btsun pa/ de ste chos bzhin ma lags par las bgyid cing / de dag kyang slar bzlog /slar dkrugs te/ de dag gis slar bzlog /slar dkrugs na/ slar dkrugs pa mi btsan nam/ u pa li/ btsan te/ ngas chos bzhin gyi las la dgongs te gsungs pas na/ gang la chos bzhin gyi las byed pa de la slar bzlog pa dang / dkrugs pa ni/ mi btsan no/ /btsun pa/ gang zag bcu gnyis kyi las bsko ba'i tshe dang / bsnyen par rdzogs par rigs pa la bsnyen par rdzogs par bgyid pa'i tshe dbyung bar rigs pa la 'byin pa'i tshe slar zlog cing slar dkugs te bdag la las ma byed cig / ces mchi na/ de dag gis slar bzlog pa dang / slar dkrugs pa mi btsan nam/ u pa li/ btsan no/ /chad pa'i las la ngas dgongs te gsungs so/ /btsun pa/ las bgyid pa zhig las bgyid pa'i tshe dus 'das na/ las bgyis pa zhes bgyi'am/ u pa li/ de ste las mang du byas pa de'ang dus 'das na/ las byas pa zhes bya'o/ /btsun pa/ nye bar phyogs pa dang lhan cig kun tu spyad par bgyi'am/ kun tu mi spyad par bgyi/ u pa li/ nye bar phyogs pa dang lhan cig kun tu mi spyad par bya'o/ /btsun pa/ spangs pa de grogs zhes bgyi'am/ grogs ma lags pa zhes bgyi/ u pa li/ spangs pa thams cad ni/ grogs ma yin pa zhes bya'o/ /btsun pa/ bcom ldan 'das kyis bsdigs pa'i las bgyis pa la bzod pa stsol cig / ces gsungs na/ btsun pa/ gang du bzod pa stsal bar bgyi/ mtshams kyi nang du'o/ /ji ltar bzod pa gsol bar bgyi/ spu 'greng ba nyal bzhin du dge 'dun la spu bsnyal te 'byung bar rtsol zhing phyag 'tshal bar ston/ mtshams kyi nang du 'dug nas bzod pa gsol te nyes pa mthol ba'o/ /btsun pa/ su gang la dge 'dun gyi nang du lan gsum du bsgo'ang slar ma btang ba de dag thams cad nongs par 'gyur ram/ su gang la nongs pa byung ba de dag thams cad kyang lan gsum du bsgo bar bgyi 'am/ su gang la zhig dge 'dun gyi nang du lan gsum du bsgo yang slar ma btang ba de dag thams cad la nyes par 'gyur ro/ /nongs pa byung yang de dge 'dun gyi nang du lan gsum du bsgo mi 'tshal bar 'gyur ba mchis sam/ u pa li/ yod de/ bsgo ba'i rigs pa zhig bsgo bar 'os pa ma gtogs par de las nyes pa gzhan byung ba'o/ /btsun pa/ bcom ldan 'das kyis ni/ chos gang dang ldan pa'i dge slong de la sma dbab pa'i las dang / spang ba'i las dang / rnam par dag pa'i las rnams bya'o/ /zhes gsungs na/ btsun pa/ de ste dge slong ma la yang de lta bu'i chos dang ldan par gyur na/ de dag la yang las de rnams bgyi'am/ u pa li/ bya'o/ /btsun pa/ de ste dge slob ma dang / dge tshul ma dang / dge tshul pha rnams chos de dag dang ldan par gyur na/ de dag la yang las de rnams bgyi'am/ u pa li/ rnam par dag pa'i las ma gtogs par las gzhan rnams ni/ mi bya'o/ /mdor na/ smyon pa sems 'khrugs na ba dang / 'on pa glen pa gnyid log dang / /ra ro ba dang smyos pa dang / /snyoms zhugs 'gro ba de bzhin mtshan/ /ma ning dag la sogs pa dang / /bslab pa byin pa tha ma'o/ /btsun pa/ smyon pa la las bgyid na/ las bgyis pa zhes bgyi'am/ u pa li/ smyon pa la sdom pa byin pa ma gtogs pa'i las lhag ma rnams ni/ de ste slar dge slong du 'du shes yod cing / las 'di ni/ bdag la byed do bar shes na/ las byas ba zhes bya'o/ /sems 'khrugs pa dang / nad kyis gzir ba dang / glen pa dang / lkugs pa dang / 'on pa rnams kyang de bzhin no/ /btsun pa/ gnyid kyis log pa zhig la las bgyid na/ las bgyis pa zhes bgyi'am/ u pa li/ de ste lus sam/ ngag gis dmigs nas gsol ba dang / las byas pa'i tshe gnyid log na/ las byas pa zhes bya'o/ /de bzhin du myos pa dang / ra ro ba dang / snyoms par zhugs pa rnams la yang brjod par bya'o/ /btsun pa/ 'gro ba gzhan du gnas pa zhig la las bgyid na/ las bgyis pa zhes bgyi'am/ u pa li/ lhung bzed khas dbub pa ma gtogs te/ lhag ma rnams ni/ byas pa zhes bya'o/ /btsun pa/ gang la las bgyid pa de'i mtshan gyur na/ las bgyis pa zhes bgyi'am/ u pa li/ byas pa zhes bya'o/ /btsun pa/ ma ning zhig la las bgyid na/ las bgyis pa zhes bgyi'am/ u pa li/ ma byas pa zhes bya'o/ /de bzhin du dge slong ma sun phyung ba nas sngar 'khrugs pa'i bar du brjod par bya'o/ /btsun pa/ za ma zhig la las bgyid na/ las bgyis pa zhes bgyi'am/ u pa li/ ma byas pa zhes bya'o/ /btsun pa/ dge 'dun gyi dbyen bgyis pa dang / nye bar phyogs pa dang / bslab pa stsal pa rnams la las bgyid na/ las bgyis pa zhes bgyi'am/ u pa li/ byas pa zhes bya ste/ dge 'dun ni/ 'das pa dang bcas pa'o/ /mdor na/ smyon pa dang ni sems 'khrugs dang / /na ba 'on pa glen pa dang / /khyim pa dag la sogs pa dang / /bslab pa byin dang de bzhin mtshan/ /btsun pa/ las bgyid pa smyon pa zhig gis las bgyid na/ bgyis pa zhes bgyi'am/ ma bgyis pa zhes bgyi/ u pa li/ de ste dge slong du 'du shes slar rnyed cing gsol ba byas te las ma nyams na/ byas pa zhes bya'o/ /sems 'khrugs pa dang / nad kyis gzir ba dang / glen pa dang / lkugs pa dang / 'on pa rnams kyang de bzhin no/ /btsun pa/ las bgyid pa 'gro ba gzhan du gnas pa zhig gis las bgyis na/ bgyis pa zhes bgyi'am/ u pa li/ de bzhin no/ /de bzhin du las bgyid pa khyim pa dang / za ma dang / ma ning dang / lhan cig mi gnas pa dang / so sor gnas pa nas sngar 'khrugs pa'i bar du de dag gis las bgyid na/ las bgyis pa zhes bgyi'am/ u pa li/ ma yin no/ /btsun pa/ dge 'dun gyi dbyen bgyis pa dang / nye bar phyogs pa dang / bslab pa stsal ba rnams kyis las bgyid na/ las bgyis pa zhes bgyi'am/ u pa li/ byas pa zhes bya ste/ dge 'dun ni/ 'das pa dang bcas pa'o/ /btsun pa/ las bgyid pas las bgyid pa de mtshan gyur na/ las bgyis pa zhes bgyi'am/ u pa li/ byas pa zhes bya'o/ /ji ltar las byed pa de bzhin du grangs su bskangs pas kyang brjod par bya'o/ /las kyi dngos po ste/ dmar skya'i dngos po rdzogs so// // mdor na/ chad pa rnam pa bdun du byas/ /gnas gsum dang ni mu stegs can/ /bsgrags pa dang ni nyes pa dang / /mtshan dang sbyin pa ma yin pa'o/ /btsun pa/ gang zag de nyid chad pa bgyid pa lags la/ de nyid chad pa 'khor ba yang lags/ de nyid mgu bar spyod pa lags la/ gang zag de nyid kyis yid mgu bar spyad lags par 'gyur ba mchis sam/ u pa li/ yod de/ de 'di ltar gang zag yid mgu bar spyad zin pa las dge 'dun gyi lhag ma'i nyes pa byung ste/ de dge 'dun la yid mgu bar bya ba gsol te/ dge 'dun gyis de la yid mgu bar bya ba byin te/ de yid mgu bar bya ba spyod pa na/ de yang dge 'dun gyi lhag ma'i nyes pa gnyis byung ste/ gcig ni/ zhag gcig tu bcabs la/ gcig ni/ zhag gnyis su bcabs nas de nyes pa de dag gis phyir dge 'dun las chad par bya ba gsol pa dang / de la dge 'dun gyis kyang chad par byed pa yin no/ /des zhag gcig tu chad pa byas te de'i nyes pa gcig gi chad pa ni/ byas so/ /gnyis pa'i chad pa ni/ byed/ gsum du ni/ yid mgu bar bya ba spyod/ /bzhi pa ni/ yid mgu bar bya ba spyad pa'o/ /btsun pa/ chad pa bgyid pa'i rigs pa zhig la yid mgu bar bgyid pa stsal na/ stsal pa zhes bgyi'am/ u pa li/ byin pa zhes bya ste/ dge 'dun ni/ 'das pa dang bcas pa'o/ /btsun pa/ chad pa bgyid pa'i rigs pa'i gang zag cig phyung na/ phyung pa zhes bgyi'am/ u pa li/ phyung ba zhes bya ste/ dge 'dun ni| 'das pa dang bcas pa'o/ /btsun pa/ yid mgu bar bgyid par rigs pa'i gang zag la chad pa bgyid pa stsal na/ stsal pa zhes bgyi'am/ u pa li/ ma yin te| dge 'dun yang 'das pa dang bcas pa'o/ /btsun pa/ yid mgu bar bgyid par rigs pa'i gang zag cig phyung na/ phyung ba zhes bgyi'am/ u pa li/ phyung ba zhes bya ste/ dge 'dun ni/ 'das pa dang bcas pa'o/ /btsun pa/ dbyung bar rigs pa'i gang zag la chad pa bgyid du stsal na/ stsal pa zhes bgyi'am/ u pa li/ ma yin te/ dge 'dun yang 'das pa dang bcas pa'o/ / btsun pa/ dbyung bar rigs pa'i gang zag cig yid mgu bar bgyid pa stsal na/ stsal pa zhes bgyi'am/ u pa li/ ma yin te/ dge 'dun yang 'das pa dang bcas pa'o/ /btsun pa/ las bgyid pa phyogs gcig tu mchis la gnas bzhir chad pa bgyid pa dang / yid mgu bar bgyid pa stsol cing dbyung ba'i las kyang bgyid par rung ngam/ u pa li/ de 'di ltar las byed pa'i dge slong de gnas bzhi'i mtshams su shing ngam/ dbyig pa'am/ re ldes mnan te las byed na/ rung ngo / /btsun pa/ las bgyid pas gnas bzhi'i mtshams su shing ngam/ dbyig pa'am/ re ldes mnan te gsol pa gcig dang / las gcig gis gang zag bzhi la chad pa bgyid pa dang / yid mgu bar bgyid pa dang / dbyung ba'i las rnams bgyid na/ bgyis pa zhes bgyi'am/ u pa li/ ma yin no/ /de ci'i phyir zhe na/ u pa li/ mtshams gcig pa la mang pos mang po la las byar mi rung ngo / /btsun pa/ dge slong zhig gis mtshams gcig na gnas shing lhan cig tu 'khod pa'i dge slong de dag ma mchis bzhin du chad pa bgyid pa dang / yid mgu bar bgyid pa dang / dbyung ba'i las bgyid kyang nongs par mi 'gyur la/ des dge 'dun la yang mi mthun par mi 'gyur ba mchis sam/ u pa li/ yod de/ dad pa rjes su phul ba'o/ /btsun pa/ las bgyid pa'i dge slong phyogs gcig tu mchis nas gang zag bzhi la chad pa bgyid pa dang / yid mgu bar bgyid pa'i las bgyid na/ las kyang bgyis par 'gyur la/ dge slong de dag kyang 'das pa dang bcas par mi 'gyur ba mchis sam/ u pa li/ yod de/ 'di ltar las byed pa'i dge slong des mtshams mnan/ mtshams bzung ste mtshams su 'greng ngam/ 'dug kyang rung / gnyis ni/ mtshams kyi nang du bzhag /gnyis ni/ mtshams kyi phyi rol tu bzhag ste byed pa'o/ /btsun pa/ bcom ldan 'das kyis ni/ chad pa bgyid pa gnyis thog gcig pa'i gnas su ma gnas shig /ces gsungs na/ btsun pa/ chad pa bgyid pa gnyis thog gcig pa'i gnas su gnas kyang nongs par mi 'gyur ba mchis sam/ u pa li/ yod de/ sngon mu stegs can dang lhan cig gnas na'o/ /btsun pa/ nongs pa gang yang ma byung ba de'ang chad pa bgyid pa mchis sam/ u pa li/ yod de/ sngon mu stegs can no/ /btsun pa/ dge 'dun gyi lhag ma ma byung ba zhig la chad pa bgyid du stsal kyang nongs par mi 'gyur ba mchis sam/ u pa li/ yod de/ mu stegs can la'o/ /btsun pa/ dge slong zhig gis nongs pa'i ming dang rigs ma bsgrags na/ bcabs pa zhes bgyi'am/ u pa li/ bcabs pa zhes bya'o/ /btsun pa/ de ste rigs bsgrags la ming ma bsgrags na/ bcabs pa zhes bgyi'am/ u pa li/ ma yin no/ /btsun pa/ dge 'dun gyi lhag ma du las byung / u pa li/ bcu gsum las so/ /btsun pa/ dge slong zhig gis dge 'dun gyi lhag ma'i nongs pa zhig byung la ma bshags shing slar ma bgyis bzhin byang bar 'gyur ba mchis sam/ u pa li/ yod de/ 'di ltar dge slong de thun mong ma yin pa'i dge 'dun gyi lhag ma zhig byung bar gyur la de'i mtshan 'phos te dge slong mar gyur na/ de la dge 'dun gyi lhag ma las ni/ byung gi /nyes byas kyi ltung ba ni/ bshags par bya'o/ /btsun pa/ dge slong ma zhig gis dge 'dun gyi lhag ma'i nongs pa zhig byung la ma bshags shing slar ma bgyis bzhin byang bar 'gyur ba mchis sam/ u pa li/ yod de/ 'di ltar dge slong ma de thung mong ma yin pa'i dge 'dun gyi lhag ma'i nyes pa zhig byung bar gyur la de'i mtshan 'phos te dge slong phar gyur na/ dge 'dun gyi lhag ma las ni/ byung gi/ nyes byas kyi ltung ba ni/ bshags par bya'o/ /btsun pa/ dge 'dun gyi lhag ma'i nongs pa las byung ba bzhin slar yang nongs pa de bshags par 'gyur ba mchis sam/ u pa li/ yod de/ 'di ltar yang dge slong des thun mongs ma yin pa'i dge 'dun gyi lhag ma'i nyes pa byung bar gyur pa dang / de'i mtshan 'phos te dge slong mar gyur nas dge 'dun gyi lhag ma byung ba dang / de slar yang mtshan 'phos te dge slong du gyur na/ nyes pa de bshags dgos so/ /btsun pa/ dge slong zhig chad pa spyod pa las de mtshan 'phos te dge slong mar gyur na/ chad pa bral ba zhes bgyi'am/ u pa li/ ma yin te/ dge slong ma la chad pa bya'o/ /btsun pa/ dge slong de yid mgu bar bgyi ba spyod pa na mtshan 'phos te dge slong mar gyur na/ chad pa bral ba zhes bgyi'am/ u pa li/ ma yin te/ ji tsam du spyad pa de bgrangs la dge 'dun sde gnyis la zla ba phyed du skongs shig /btsun pa/ dge slong ma zhig chad pa spyod pa na mtshan 'phos te dge slong phar gyur na/ chad pa bral ba zhes bgyi'am/ u pa li/ ma yin te/ dge slong pha la chad pa byos shig /btsun pa/ dge slong ma zhig yid mgu bar bgyi ba spyod pa na mtshan 'phos te dge slong phar gyur na/ chad pa bral ba zhes bgyi'am/ u pa li/ ma yin te/ zhag drug tu bgrangs la phyung zhig /btsun pa/ bslab pa stsal pas dge slong la chad pa bgyi ba dang / yid mgu bar bgyi ba stsal par rung ngam/ u pa li/ mi rung ngo / /btsun pa/ bslab pa stsal pa la chad pa bgyi ba dang / yid mgu bar bgyi ba stsal ba rung ngam/ u pa li/ mi rung ngo / /mdor na/ nyes dang de bzhin mtshan mo dang / /skad rnams dang yang bzhi pa dang / /lus dang dben dang de bzhin sngags/ /bzhi pa gnyis dang sbyangs pa'o/ /btsun pa/ nongs pa dang bcas pas dge slong la chad pa bgyi ba dang / yid mgu bar bgyi ba stsal bar rung ngam/ u pa li/ mi rung ngo / /btsun pa/ nongs pa dang bcas pa las chad par bgyi'am/ yid mgu bar bgyi ba spyad du rung ngam/ u pa li/ mi rung ngo / /de bzhin du grangs su skong ba'ang brjod par bya'o/ /btsun pa/ chad pa bgyid pa bzhi gnas gcig na chad pa bgyid dam/ yid mgu bar bgyi ba spyod du rung ngam/ u pa li/ mi rung ste/ mang pos mang po la chad par bya ba'am/ yid mgu bar bya ba mi spyad do/ /btsun pa/ bcom ldan 'das kyis ni/ chad pa byed pa gnas gzhan du ma gnas shig / ces gsungs na/ btsun pa/ de ste gnas gzhan du gnas na/ zhag bgrang bar bgyi'am/ u pa li/ ma yin no/ /btsun pa/ 'phags pa zhig gis 'phags pa'i skad du dge slong la nongs par smras pa dang / dge slong des kyang 'phags pa'i skad ma 'tshal na/ smras pa zhes bgyi'am/ u pa li/ ma yin no/ /bcabs par 'gyur ram/ u pa li/ mi 'gyur ro/ /btsun pa/ 'phags pa'i zhig gis mtha' 'khob pa'i skad du dge slong la nongs pa smras pa dang / dge slong des kyang mtha' 'khob pa'i skad ma 'tshal na/ smras pa zhes bgyi'am/ u pa li| ma yin no/ /btsun pa/ mtha' 'khob pa zhig gis mtha' 'khob pa'i skad du dge slong la nongs pa smras pa dang / dge slong des kyang mtha' 'khob pa'i skad ma 'tshal na/ smras pa zhes bgyi'am/ u pa li| ma yin no/ /bcabs par 'gyur ram/ u pa li/ mi 'gyur ro/ /btsun pa/ mtha' 'khob pa zhig gis 'phags pa'i skad du dge slong la nongs pa smras pa dang / dge slong des kyang 'phags pa'i skad ma 'tshal na/ smras pa zhes bgyi'am/ u pa li/ ma yin no/ /bcabs par 'gyur ram/ u pa li/ mi 'gyur ro/ /btsun pa/ nongs pa lus kyis dmigs shing ston na/ smras pa zhes bgyi'am/ u pa li/ ma yin no/ /btsun pa/ dben pa la mi dben par 'du shes nas nongs pa smras na/ smras pa zhes bgyi'am/ u pa li/ ma yin no/ /bcabs par 'gyur ram| u pa li/ mi 'gyur ro/ /btsun pa/ dge slong zhig gis sman nam/ sngags kyis bdag mi snang bar bgyis te nongs pa smras na/ smras pa zhes bgyi'am/ u pa li/ ma yin no/ /bcabs par 'gyur ram/ u pa li/ mi 'gyur ro/ /btsun pa/ sa la gnas pa dag gis nam mkha' la gnas pa rnams la chad pa bgyi'am/ yid mgu bar bgyi'am/ dbyung ba'i las kyang rung bgyid na| las bgyis pa zhes bgyi'am/ u pa li/ ma yin no/ /btsun pa/ nam mkha' la gnas pa dag gis sa la gnas pa rnams la chad pa bgyi ba'am/ yid mgu bar bgyi ba'am/ dbyung ba'i las kyang rung bgyid na/ las bgyis pa zhes bgyi'am/ u pa li/ ma yin no/ /btsun pa/ sa la gnas pa dag gis nam mkha' la gnas pa rnams kyi grangs su bskangs te chad pa bgyi ba'am/ yid mgu bar bgyi ba'am/ dbyung ba'i las kyang rung bgyid na/ las bgyis pa zhes bgyi'am/ u pa li/ ma yin no/ /btsun pa/ nam mkha' la gnas pa dag gis sa la gnas pa rnams kyi grangs su bskangs te chad pa bgyi ba'am/ yid mgu bar bgyi ba'am/ dbyung ba'i las kyang rung bgyid na/ las bgyis pa zhes bgyi ba'am/ u pa li/ ma yin no/ /de bzhin du mtshams kyi nang na gnas pa dang / mtshams kyi phyi rol na gnas pa rnams su lhan cig rnam pa bzhir byos shig// //'dul ba gzhung dam pa/ bam po nyi shu pa/ sangs rgyas bcom ldan 'das la tshe dang ldan pa u pa lis zhus pa/ btsun pa/ dge 'dun gyi lhag ma'i chos bcu gsum po 'di rnams las/ khu ba las byung ba zhag gcig bcabs pa nas chig bka' blo mi bde ba las byung ba zhag bcu gsum bcabs pa'i bar du ste/ btsun pa/ nongs pa bcu gsum po de dag dus tha dad pa mi 'dra bar bcabs pa rnams la gsol ba gcig dang / las gcig gis chad pa bgyid du stsal bar rung ngam/ u pa li/ rung ngo / /btsun pa/ chad pa 'khor nas yid mgu bar bgyid du stsal bar rung ngam/ u pa li/ rung ngo / /yid mgu bar bgyi ba spyad lags pa las/ dbyung ba stsal du rung ngam/ u pa li/ rung ngo / /btsun pa/ dge 'dun gyi lhag ma nongs pa mang po mi 'dra ba las byung ba rnams gsol pa gcig dang / las gcig gis dus gcig tu gzhan la chad pa bgyid pa dang / gzhan la yid mgu bar bgyid pa dang / gzhan la dbyung ba stsal du rung ngam/ u pa li/ mi rung ngo // btsun pa/ dge 'dun gyi lhag ma nongs pa mang po mi 'dra ba las byung ba rnams gsol ba gcig dang / las gcig gis dus gcig tu gang zag gcig la chad pa dang / yid mgu bar bgyi pa dang / dbyung ba rnams stsal du rung ngam/ u pa li/ mi rung ngo / /mdor na/ smyon pa sems 'khrugs nad kyis gzir/ /'on glen gnyid log ra ro ba/ /myos dang snyoms zhugs 'gro ba mtshan// khyim pa dag la sogs pa dang / /bslab pa byin pa tha ma'o/ /btsun pa/ smyon pa zhig gis nongs pa smras na/ smras pa zhes bgyi'am/ u pa li/ ma yin no/ /bcabs par 'gyur ram/ u pa li| mi 'gyur ro/ /de bzhin du sems 'khrugs pa dang / nad kyis gzir ba rnams so/ /btsun pa/ smyon pa zhig la nongs pa smras na/ smras pa zhes bgyi'am/ u pa li/ ma yin no/ /bcab pa zhes bgyi'am/ u pa li/ ma yin no/ /de bzhin du sems 'khrugs pa dang / nad kyis gzir ba dang / glen pa dang / 'on pa dang / lkugs pa dang / gnyid log pa dang / myos pa dang / ra ro ba dang / snyoms par zhugs pa rnams la smras na/ smras pa zhes bgyi'am/ u pa li/ ma yin no/ /bcabs par 'gyur ram/ u pa li/ mi 'gyur ro/ /btsun pa| 'gro ba gzhan du gnas pa zhig la nongs pa smras na/ smras pa zhes bgyi'am/ u pa li/ smras pa zhes bya'o/ /bcabs par 'gyur ram/ u pa li/ mi 'gyur ro/ /de bzhin du ma ning dang / dge slong ma sun phyung ba nas sngar 'khrugs pa'i bar du de dag la nongs pa smras na/ smras pa zhes bgyi'am/ u pa li/ smras pa zhes bya'o/ /bcabs par 'gyur ram/ u pa li| mi 'gyur ro/ /btsun pa/ dge slong gis za ma zhig la nongs pa smras na/ smras pa zhes bgyi'am/ u pa li/ smras pa zhes bya'o/ /bcabs par 'gyur ram/ u pa li/ mi 'gyur ro// de bzhin du dge 'dun gyi dbyen bgyis pa dang / mi gnas pa dang / so sor gnas pa dang / nye bar phyogs pa dang / bslab pa stsal pa rnams la nongs pa smras na/ smras pa zhes bgyi'am/ u pa li/ smras pa zhes bya'o/ /bcabs par 'gyur ram/ u pa li/ mi 'gyur ro/ /btsun pa/ dge slong gis nongs pa smra ba na mtshan 'phos na/ smras pa zhes bgyi'am/ u pa li| smras pa zhes bya'o/ /bcabs par 'gyur ram/ u pa li/ ma yin no/ /btsun pa/ dge slong gis dge 'dun gyi lhag ma'i nongs pa zhig byung na/ nam 'tsho'i bar du dbyung du mi rung ba mchis sam/ u pa li/ yod de/ ji ltar dge slong gis phas pham pa bzhi'i nyes pa las gang yang rung ste/ 'das pa de'i 'og tu dge 'dun gyi lhag ma'i nyes pa zhig byung ba'o// //mdor na/ smyon pa sems 'khrugs na ba dang / /'on glen gnyid log ra ro ba/ /myos dang snyoms zhugs 'gro ba mtshan/ /ma ning dag la sogs pa dang / /bslab pa byin pa tha ma'o/ /btsun pa/ smyon pa zhig la chad pa dang / yid mgu bar bgyi ba dang / dbyung ba'i las rnams bgyid na/ bgyis pa zhes bgyi'am/ u pa li/ de ste slar dge slong du 'du shes pa de nyid dam/ lus dang ngag gis kyang dmigs shing / las 'di ni/ bdag la byed par shes na/ las byas pa zhes bya'o/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa rnams la'ang brjod par bya'o/ /btsun pa/ gnyid log pa dang / ra ro ba zhig la chad pa dang / yid mgu bar bgyi ba dang / dbyung ba'i las rnams bgyid na/ las bgyis pa zhes bgyi'am/ u pa li/ de ste lus sam/ ngag gis dmigs pa las gsol pa byed pa'i tshe gnyid kyis log na'ang byas pa zhes bya'o/ /de bzhin du ra ro ba dang / myos pa dang / snyoms par zhugs pa rnams la yang brjod par bya'o/ /btsun pa/ 'gro ba gzhan du gnas pa'i dge slong zhig la chad pa dang / yid mgu bar bgyi ba dang / dbyung ba'ang rung las bgyid na/ las bgyis pa zhes bgyi'am/ u pa li/ ma yin no/ /de bzhin du ma ning dang / dge slong ma sun phyung ba dang / mi gnas pa dang / so sor gnas pa nas sngar 'khrugs pa'i bar du brjod par bya'o/ /btsun pa/ dge slong gis za ma zhig la chad pa dang / yid mgu bar bgyi ba dang / dbyung ba'ang rung las bgyid na/ las bgyis pa zhes bgyi'am/ u pa li/ ma byas pa zhes bya'o/ /btsun pa/ dge 'dun gyi dbyen bgyis pa'i dge slong dang / nye bar phyogs pa dang / bslab pa stsal ba zhig la chad pa dang / yid mgu bar bgyi ba dang / dbyung ba'ang rung las bgyid na/ las bgyis pa zhes bgyi'am/ u pa li/ ma byas pa zhes bya ste/ dge 'dun dag kyang 'das pa dang bcas pa'o/ /gang zag gi dngos po dang chad pa'i dngos po rdzogs so// //mdor na/ 'phrin pa spring yig lag brda dang / /gzhan zer ba dang gcig nas gcig / smyon pa sems 'khrugs na ba dang / /'on pa dag dang glen pa dang / /ma ning dag la sogs pa dang / /bslab pa byin pa tha ma'o/ /btsun pa/ dge slong zhig gis 'phrin gyis gso sbyong bkag na/ bkag pa zhes bgyi'am/ u pa li/ ma yin no/ /de bzhin du spring yig dang / lag brda dang / gzhan zer ba dang / gcig nas gcig tu brgyud de gso sbyong bkag na gso sbyong bkag pa zhes bgyi'am/ u pa li/ ma yin no/ /sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / ma ning dang / dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / nye bar phyogs pa dang / sngon nyes pa byung ba dang / sngar 'khrugs pa rnams kyang de bzhin no/ /btsun pa/ bslab pa stsal ba zhig gis gso sbyong bkag na/ gso sbyong bkag pa zhes bgyi'am/ u pa li/ ma yin no/ /btsun pa/ za ma zhig gis gso sbyong bkag na gso sbyong bkag pa zhes bgyi'am/ u pa li/ ma yin no/ /mdor na/ smyon par gyur dang sems 'khrugs dang / /nad kyis gzir dang 'on glen pa/ /gnyid log ra ro myos pa dang / /snyoms par zhugs dang 'gro ba mtshan/ /ma ning dag la sogs pa dang / /bslab pa byin pa tha ma'o/ / btsun pa/ smyon pa zhig la gso sbyong bkag na/ gso sbyong bkag pa zhes bgyi'am/ u pa li/ ma yin no/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa la yar brjod par bya'o/ /btsun pa/ 'gro ba gzhan du gnas pa zhig la gso sbyong bkag na/ gso sbyong bkag pa zhes bgyi'am/ u pa li/ bkag pa zhes bya'o/ /btsun pa/ de bzhin du ma ning nas bslab pa stsal pa rnams kyi bar du gso sbyong bkag pa zhes bgyi'am/ u pa li/ gso sbyong bkag pa zhes bya'o/ /btsun pa/ za ma zhig la gso sbyong bkag na/ gso sbyong bkag pa zhes bgyi'am/ u pa li/ bkag pa zhes bya'o/ /mdor na/ skad dang lus dang dben dang sngags/ /mig dang rna ba de bzhin te/ /mtshams dang sa dang de bzhin gnas/ /gso sbyong yin te tha ma 'o/ /btsun pa/ 'phags pa zhig gis 'phags pa'i skad du gso sbyong bkag pa dang / dge slong de dag kyang 'phags pa'i skad ma 'tshal na/ gso sbyong bkag pa zhes bgyi'am/ u pa li/ ma yin no/ /de bzhin du rnam pa bzhir rgyas par bya'o/ /btsun pa/ dge slong zhig gis lus kyis dmigs pas gso sbyong bkag na/ gso sbyong bkag pa zhes bgyi'am/ u pa li/ ma yin no/ /btsun pa/ dben pa la mi dben par 'du shes te gso sbyong bkag na/ bkag pa zhes bgyi'am/ u pa li/ ma yin no/ /btsun pa/ dge slong zhig gis sngags sam/ sman gyis bdag mi snang bar bgyis te gso sbyong bkag na/ gso sbyong bkag pa zhes bgyi'am/ u pa li/ ma yin no/ /btsun pa/ lha'i mig gis mthong ste gso sbyong bkag na/ gso sbyong bkag pa zhes bgyi'am/ u pa li/ ma bkag pa zhes bya ste/ dge 'dun yang 'das pa dang bcas pa'o/ /btsun pa/ lha'i rna bas thos te gso sbyong bkag na/ gso sbyong bkag pa zhes bgyi'am/ u pa li/ ma yin te/ dge 'dun yang 'das pa dang bcas pa'o/ /btsun pa/ mtshams kyi nang na mchis pas mtshams kyi slad rol na mchis pa rnams la gso sbyong bkag na/ gso sbyong bkag pa zhes bgyi'am/ u pa li/ ma yin no/ /btsun pa/ mtshams kyi slad rol na mchis pa zhig gis mtshams kyi nang na mchis pa rnams la gso sbyong bkag na/ gso sbyong bkag pa zhes bgyi'am/ u pa li/ ma yin no/ /btsun pa/ sa la gnas pa zhig gis nam mkha' la gnas pa rnams kyi gso sbyong bkag na/ gso sbyong bkag pa zhes bgyi'am/ u pa li/ ma yin no/ /btsun pa/ nam mkha' la gnas pa zhig gis sa la gnas pa rnams kyi gso sbyong bkag na/ gso sbyong bkag pa zhes bgyi'am/ u pa li/ ma yin no/ /btsun pa/ dge slong zhig phyogs gcig tu mchis nas gnas bzhir gang zag bzhi la gso sbyong bkag par 'gyur ba mchis sam/ u pa li/ yod de/ /'di ltar dge slong des gnas bzhi'i mtshams su shing ngam/ 'dam bu'am/ re ldes mtshams su mnan te gso sbyong bkag na/ bkag pa zhes bya'o/ / btsun pa/ dge slong zhig gis dge slong la gso sbyong bkag kyang bkag par mi 'gyur ba mchis sam/ u pa li/ yod de/ de bkra shis kyi gso sbyong gdon pa'o/ /mdor na/ gleng ba dran par bya de bzhin/ /skabs 'byed pa dang smra bar bya/ /lung dbog pa dang 'gog pa dang / /gso sbyong dag dang skabs dbye ba'o/ /btsun pa/ bcom ldan 'das kyis skabs phye nas gleng bar bya'o/ /dran par bya'o/ /zhes gsungs na/ btsun pa/ skabs phye ba la gleng zhing dran par bgyis na/ nongs pa dang bcas par 'gyur ba mchis sam/ u pa li/ yod de/ skabs phye ba btang nas gleng ba dang / dran par byas pa'o/ /btsun pa/ chos bzhin du gang du gleng bar bgyi/ dge 'dun gyi nang du'o/ /btsun pa/ chos bzhin du gang du dran par bgyi/ dge 'dun gyi nang du'o/ /btsun pa/ chos bzhin du gang du skabs dbye bar bgyi/ dge 'dun gyi nang du'o/ /btsun pa/ chos bzhin du gang du smra bar bgyi/ dge 'dun gyi nang du'o/ /btsun pa/ chos bzhin du lung dpog pa gang du dgag par bgyi/ dge 'dun gyi nang du'o/ /btsun pa/ chos bzhin du skabs 'byed pa gang du dgag par bgyi/ dge 'dun gyi nang du'o/ /btsun pa/ skabs dbye bar gsol ba gang du bgyi/ dge 'dun gyi nang du'o/ /btsun pa/ gang du skabs dbye bar bgyi/ dge 'dun gyi nang du'o/ /btsun pa/ chos bzhin du bgyi ba rnams gang du bgyi/ dge 'dun gyi nang du'o/ /btsun pa/ chos bzhin du rtsod pa gang du bgyi/ dge 'dun gyi nang du'o/ /btsun pa/ chos bzhin gyi yi dam gang du bgyi/ dge 'dun gyi nang du'o/ /btsun pa/ chos bzhin du gso sbyong dgag pa ni/ du/ chos bzhin ma lags pa ni/ du/ chos bzhin ma yin pa'i gso sbyong dgag pa ni/ gcig go/ chos bzhin pa'ang gcig go /chos bzhin ma yin pa ni/ gnyis te/ chos bzhin pa'ang gnyis so/ /chos bzhin ma yin pa ni/ gsum ste/ chos bzhin pa'ang gsum mo/ /chos bzhin ma yin pa ni/ bzhi ste/ chos bzhin pa'ang bzhi'o/ /chos bzhin ma yin pa ni/ lnga ste/ chos bzhin pa'ang lnga'o/ /chos bzhin ma yin pa ni/ drug ste/ chos bzhin pa'ang drug go /chos bzhin ma yin pa ni/ bdun te/ chos bzhin pa'ang bdun no/ /chos bzhin ma yin pa ni/ brgyad de/ chos bzhin pa'ang brgyad do/ /chos bzhin ma yin pa ni/ dgu ste/ chos bzhin pa'ang dgu'o/ /chos bzhin ma yin pa ni/ bcu ste/ chos bzhin pa'ang bcu'o/ / chos bzhin ma yin pas gso sbyong dgag pa gcig gang zhe na/ byas pa la gzhi med pas gso sbyong 'gog pa ni/ chos bzhin ma yin pa'i gso sbyong 'gog pa'o/ /byas pa la gzhi yod pas gso sbyong 'gog pa ni/ chos bzhin du gso sbyong 'gog pa'o/ /'di ni/ chos bzhin ma yin pa'i gso sbyong 'gog pa gcig dang / chos bzhin yang gcig go /chos bzhin ma yin pa gnyis dang / chos bzhin du gso sbyong 'gog pa gnyis po gang zhe na/ ji ltar yang de ni/ dge slong gis dge slong la byas pa la gzhi med pa dang / ma byas pa la gzhi med pas gso sbyong 'gog pa ni/ chos bzhin ma yin pa'i gso sbyong 'gog pa'o/ /byas pa la gzhi yod pa dang / ma byas pa la gzhi yod pas gso sbyong 'gog pa ni/ chos bzhin du gso sbyong 'gog pa'o/ /chos bzhin ma yin pa gsum dang / chos bzhin du gso sbyong 'gog pa gsum gang zhe na/ ji ltar yang de ni/ dge slong gis dge slong la byas pa la gzhi med pa dang / ma byas pa la gzhi med pa dang / byas pa dang ma byas pa la gzhi med pas gso sbyong 'gog pa ni/ chos bzhin ma yin pa'i gso sbyong 'gog pa'o/ /byas pa la gzhi yod pa dang / ma byas pa la gzhi yod pa dang / byas pa dang ma byas pa la gzhi yod pas gso sbyong 'gog pa ni/ chos bzhin du gso sbyong 'gog pa'o/ /chos bzhin ma yin pa bzhi dang / chos bzhin du gso sbyong 'gog pa bzhi gang zhe na/ tshul khrims nyams pa dang / lta ba nyams pa dang / spyod pa nyams pa dang / 'tsho ba nyams pa la gzhi med pa bzhis gso sbyong 'gog pa ni/ chos bzhin ma yin pa'i gso sbyong 'gog pa'o/ /tshul khrims nyams pa dang / lta ba nyams pa dang / spyod pa nyams pa dang / 'tsho ba nyams pa la gzhi yod pa bzhis gso sbyong 'gog pa ni/ chos bzhin du gso sbyong 'gog pa'o/ /chos bzhin ma yin pa lnga dang / chos bzhin du gso sbyong 'gog pa lnga po gang zhe na/ phas pham pa dang / dge 'dun gyi lhag ma dang / ltung ba dang / so sor bshags pa dang / nyes byas rnams la gzhi med pas gso sbyong 'gog pa ni/ chos bzhin ma yin pa'i gso sbyong 'gog pa'o/ /phas pham pa dang / dge 'dun gyi lhag ma dang / ltung ba dang / so sor bshags pa dang / nyes byas rnams la gzhi yod pas gso sbyong 'gog pa ni/ chos bzhin du gso sbyong 'gog pa'o/ /chos bzhin ma yin pa drug dang / chos bzhin du gso sbyong 'gog pa drug po gang zhe na/ lhag ma yod pa byas pa la gzhi med pa dang / lhag ma yod pa ma byas pa la gzhi med pa dang / lhag ma yod pa byas pa dang ma byas pa la gzhi med pa dang / lhag ma med pa byas pa la gzhi med pa dang / lhag ma med pa ma byas pa la gzhi med pa dang / lhag ma med pa byas pa dang ma byas pa la gzhi med pas gso sbyong 'gog pa ni/ chos bzhin ma yin pa'i gso sbyong 'gog pa'o/ /chos bzhin du gso sbyong 'gog pa drug po gang zhe na/ lhag ma yod pa byas pa la gzhi yod pa dang / lhag ma yod pa ma byas pa la gzhi yod pa dang / lhag ma yod pa byas pa dang ma byas pa la gzhi yod pa dang / lhag ma med pa ma byas pa la gzhi yod pa dang / lhag ma med pa byas pa la gzhi yod pa dang / lhag ma med pa byas pa dang ma byas pa la gzhi yod pas gso sbyong 'gog pa ni/ chos bzhin du gso sbyong 'gog pa'o/ /chos bzhin ma yin pa bdun dang / chos bzhin du gso sbyong 'gog pa bdun po gang zhe na/ phas pham pa dang / dge 'dun gyi lhag ma dang / ltung ba dang / so sor bshags pa dang / nyes byas dang / lta ba nyams pa dang / 'tsho ba nyams pa la gzhi med pas gso sbyong 'gog pa ni chos bzhin ma yin pa'i gso sbyong 'gog pa'o/ /phas pham pa dang / dge 'dun gyi lhag ma dang / ltung ba dang / so sor bshags pa dang / nyes byas dang / lta ba nyams pa dang / 'tsho ba nyams pa la gzhi yod pas gso sbyong 'gog pa ni chos bzhin du gso sbyong 'gog pa'o/ /chos bzhin ma yin pa brgyad dang / chos bzhin du gso sbyong 'gog pa brgyad gang zhe na/ tshul khrims nyams pa dang / spyod pa nyams pa dang / lta ba nyams pa dang / 'tsho ba nyams pas byas pa la gzhi med pa dang / tshul khrims nyams pa dang / lta ba nyams pa dang / spyod pa nyams pa dang / 'tsho ba nyams par ma byas pa la gzhi med pas gso sbyong 'gog pa ni chos bzhin ma yin pa'i gso sbyong 'gog pa'o/ /tshul khrims nyams pa dang / spyod pa nyams pa dang / lta ba nyams pa dang / 'tsho ba nyams par byas pa la gzhi yod pa dang / tshul khrims nyams pa dang / lta ba nyams pa dang / spyod pa nyams pa dang / 'tsho ba nyams par ma byas pa la gzhi yod pas gso sbyong 'gog pa ni chos bzhin du gso sbyong 'gog ba'o/ /chos bzhin ma yin pa dgu dang / chos bzhin du gso sbyong 'gog pa gang zhe na/ lhag ma dang bcas pa byas pa la gzhi med pa dang / lhag ma dang bcas pa ma byas pa la gzhi med pa dang / lhag ma dang bcas pa byas pa dang ma byas pa la gzhi med pa dang / lhag ma med pa byas pa la gzhi med pa dang / lhag ma med pa ma byas pa la gzhi med pa dang / lhag ma med pa byas pa dang ma byas pa la gzhi med pa dang / lhag ma med pa dang lhag ma med pa byas pa la gzhi med pa dang / lhag ma dang bcas pa dang lhag ma med pa ma byas pa la gzhi med pa dang / lhag ma dang bcas pa dang lhag ma med pa byas pa dang ma byas pa la gzhi med pas gso sbyong 'gog pa ni chos bzhin ma yin pa'i gso sbyong 'gog pa'o/ / lhag ma dang bcas pa byas pa la gzhi yod pa dang / lhag ma dang bcas pa ma byas pa la gzhi yod pa dang / lhag ma dang bcas pa byas pa dang ma byas pa la gzhi yod pa dang / lhag ma med pa byas pa la gzhi yod pa dang / lhag ma med pa ma byas pa la gzhi yod pa dang / lhag ma med pa byas pa dang ma byas pa la gzhi yod pa dang / lhag ma dang bcas pa dang lhag ma med pa byas pa la gzhi yod pa dang / lhag ma dang bcas pa dang lhag ma med pa ma byas pa la gzhi yod pa dang / lhag ma dang bcas pa dang lhag ma med pa byas pa dang ma byas pa la gzhi yod pas gso sbyong 'gog pa ni chos bzhin du gso sbyong 'gog pa'o/ /chos bzhin ma yin pa bcu dang / chos bzhin du gso sbyong 'gog pa bcu gang zhe na/ phas pham pa yin/ phas pham pa'i gtam la zhugs pa yin/ tshul khrims nyams pa yin/ lta ba nyams pa yin/ spyod pa nyams pa yin/ 'tsho ba nyams pa yin/ bslab pa phul ba yin/ bslab pa phul ba'i gtam la zhugs pa yin/ dge 'dun la dpyas 'dogs pa yin/ dge 'dun la dpyas 'dogs pa'i gtam la zhugs pa yin no/ /de la ji ltar na/ phas pham pa yin zhe na/ gang gi rnam pa dang / gang gi tshul dang / gang gi mtshan mas dge slong phas pham pa'i nyes pa byung ba de'i rnam pa dang / de'i tshul dang / de'i mtshan mas dge slong phas pham pa'i nyes pa byung par mthong ba yin no/ /de des mthong bas gso sbyong 'gog pa ni/ chos bzhin du gso sbyong 'gog pa yin te/ de ltar na/ phas pham pa yin no/ /ji ltar na/ phas pham pa'i gtam la zhugs pa yin zhe na/ ji ltar yang de ni/ gtsug lag khang ngam/ gtsug lag khang gi phyi rol yang rung / dge slong mang po 'dus shid 'khod par gyur pa rnams kyang de las byung ba/ de dang mthun pa/ de'i rang bzhin gyi gtam la zhugs pa yin te/ dad pa las thos kyang rung / bdag rang rnam pa la dogs pa skyes kyang rung ste/ de des thos pa dang / dogs pas gso sbyong 'gog pa ni/ chos bzhin du gso sbyong 'gog pa'o/ /ji ltar na/ tshul khrims nyams pa yin zhe na/ phas pham pa bzhi las gang yang rung phas pham pa shin tu 'das par gyur pa'o/ /ji ltar na/ lta ba nyams pa yin zhe na/ lta ba drug cu rtsa gnyis las gang yang rung ste/ lta bar 'gyur ba rab tu thob pa yin no/ /ji ltar na spyod pa nyams par gyur pa yin zhe na/ mi spyod pa rnams spyod pa ste/ dge slong gi bslab pa rnams la mi slob pa'o/ /ji ltar na/ 'tsho ba nyams pa yin zhe na/ 'tsho ba yongs su ma dag pa yin no/ /ji ltar bslab pa phul ba yin zhe na/ gang gi rnam pa dang / gang gi tshul dang / gang gi mtshan mas dge slong bslab pa 'bul bde'i rnam pa dang / de'i tshul dang / de'i mtshan mas dge slong du mthong ba yin te/ de des mthong nas gso sbyong 'gog pa ni/ chos bzhin du gso sbyong 'gog pa'o/ /ji ltar na/ bslab pa phul ba'i gtam la zhugs pa yin zhe na/ ji ltar yang de ni/ gtsug lag khang ngam/ gtsug lag khang gi phyi rol na'ang rung / dge slong rnams 'dus te 'khod pa de dag kyang de las byung ba/ de dang mthun pa/ de'i rang bzhin gyi gtam la zhugs pa yin te/ dad pa las thos kyang rung / bdag nyid rnam pa la dogs pa skyes kyang rung ste/ de des thos pa dang / de'i dogs pas gso sbyong 'gog pa ni/ chos bzhin du gso sbyong 'gog pa'o/ /ji ltar na/ dge 'dun la dpyas 'dogs pa yin zhe na/ gang gi rnam pa dang / gang gi tshul dang / gang gi mtshan mas dge slong gi dge 'dun la smod pa de lta bu'i rnam pa dang / de lta bu'i tshul dang / de lta bu'i mtshan mas dge 'dun la smod pa'i dge slong du mthong ba yin te/ de des mthong nas gso sbyong 'gog pa ni/ chos bzhin du gso sbyong 'gog pa'o/ /ji ltar na/ dge 'dun la dpyas 'dogs pa'i gtam la zhugs pa yin zhe na/ ji ltar yang de ni/ gtsug lag khang ngam/ gtsug lag khang gi phyi rol tu'ang rung / dge slong rnams 'dus te 'khod pa de dag kyang de las byung ba/ de dang mthun pa/ de'i rang bzhin gyi gtam la zhugs pa yin te/ dad pa las thos kyang rung / bdag rang rnam pa la dogs pa skyes kyang rung ste/ de des thos pa dang / de lta bu'i dogs pas gso sbyong 'gog pa ni/ chos bzhin du gso sbyong 'gog pa'o/ /chos bzhin bcu po 'di dag ldog pa ni/ chos bzhin ma yin par sbyar bar bya'o/ /gso sbyong dgag pa'i dngos po rdzogs so/ / //mdor na/ dge tshul lo ma lon pa gcig /kha dog ngan dang gnas de bzhin/ /ma bskos pa dang phyag bya ba/ /mngon sum rdul gzan med pa'o/ /btsun pa/ dge tshul pha nyi tshe dbyar tshul du zhugs na/ de dag gis mal stan bgo bar bgyi'am/ u pa li/ ma yin no/ /de dag gis mal stan blang bar bgyi'am/ u pa li/ blang bar ni/ bya'o/ /btsun pa/ lo ma lon pa dag cig nyi tshe dbyar tshul du zhugs na/ de dag gis mal stan bgo bar bgyi'am/ u pa li/ ma yin no/ /de dag gis mal stan blang bar bgyi'am/ u pa li/ blang bar ni/ bya'o/ /btsun pa/ dge slong gcig gam/ gnyis sam/ gsum mam/ bzhi dbyar tshul du zhugs na/ de dag gis mal stan bgo bar bgyi'am/ u pa li/ ma yin no/ de dag gis mal stan blang bar bgyi'am/ u pa li/ blang bar ni/ bya'o/ /u pa li/ gang du dge slong lnga'am/ de las lhag par gnas na/ de dag gis gsol ba byas la mal stan bged ba skos shig / bskos pa des mal stan bgo'o/ /btsun pa/ mal stan de nyid spyad pas nongs par 'gyur ba dang / de nyid spyad pas nongs par mi 'gyur ba mchis sam/ u pa li/ yod de/ gang zag gis mal stan kha dog ngan par ma gyur pa'am/ kha tshar ring ba spyad na/ nyes pa dang bcas pa'o/ /dge 'dun gyi spyad na/ nyes pa med do/ /btsun pa/ bcom ldan 'das kyis dge slong gis dge 'dun gyi mal stan gnas gzhan du khyer zhing ma spyod cig / ces gsungs na/ btsun pa/ dge slong zhig gis dge 'dun gyi mal stan gnas gzhan du 'tshal te spyad na/ cir 'gyur/ nyes byas so/ /bar chad brgyad las gang yang rung ste bar chad gcig byung bar gyur pa dang / gnas de nyid du mal stan srung bar mi nus pa dang / gnas der mi gnas par sdom pa bcas pa la ni/ nyes pa med do/ /btsun pa/ ma bskos pas ma la stan bgo bar bgyi'am/ u pa li/ ma yin no/ /btsun pa/ dge slong zhig gis dge 'dun gyi mal stan de nyid spyad na/ nongs par 'gyur ba dang / de nyid spyad pas nongs par mi 'gyur ba ma chis sam/ u pa li/ yod de/ spu phyir zlog ste gyon na/ nyes pa dang bcas pa'o/ /bting na/ nyes pa med do// rdul gzan med par gyon na/ nyes pa dang bcas pa'o/ /rdul gzan dang bcas par gyon na/ nyes pa med do/ /btsun pa/ bcom ldan 'das kyis thams cad du nye bar phyogs pa dang gnas par mi bya'o/ /zhes gsungs na/ btsun pa/ ci/ nye bar ma phyogs pas nye bar phyogs pa rgan pa la yang phyag bgyi'am/ u pa li/ ma yin te/ nye bar phyogs pa thams cad kyis nye bar ma phyogs pa rnams la phyag byos shig / dge slong rnams kyi tha mar gzhag go /btsun pa/ ci/ de dag la mal stan kyang dge slong de dag gi tha mar stsal tam/ u pa li/ nye bar phyogs pa la rnyed pa dang mal stan byin pa med do/ /btsun pa/ mngon sum du ma gyur pa la mal stan stsal par bgyi'am/ kha cig la byin cig /kha cig la ma sbyin cig /gang la stsal bar bgyi/ song nas phyir 'ong ba la ni/ byin cig /su la mi stsal/ song nas phyir 'ong ba la ni/ ma sbyin cig /btsun pa/ bcom ldan 'das kyis dge slong gis dge 'dun gyi rdzas rdul gzan ma mchis par ma spyad cig / ces gsungs na/ btsun pa/ dge slong gis dge 'dun gyi rdzas rdul gzan ma mchis par spyad kyang nongs par mi 'gyur ba mchis dam/ a pa li/ yod de/ ji ltar yang de ni/ khyim bdag gcig gis g.yogs pa'am bgo ba zhig rdul gzan med par spyad par dge 'dun la phul ba yin no/ /mdor na/ kun dga' bo dang gang zag dang / /de ltar phyag dang rung ba dang / /tha ma dbyar du gnas pa dang / /sum cha dbri ba de bzhin te/ /khyim pa dag la sogs pa dang / /bslab pa byin pa tha ma 'o/ /btsun pa/ bcom ldan 'das kyis kun dga' bo khyod kyis mal stan lhag ma rnams bgos shig /ces gsungs na/ lhag pa gang lags/ gang gcig dang / gnyis po'i phyogs las lhag par gyur pa'o/ /btsun pa/ bcom ldan 'das kyis dge slong gis dge 'dun gyi mal stan rdul gzan ma mchis par ma spyad cig / ces gsungs na/ btsun pa/ dge slong gang zag gis mal stan spyad na/ cir 'gyur/ nyes byas so/ /btsun pa/ bcom ldan 'das kyis gang dge slong glo bur du lhags pa dang / gzhi pa rnams ji ltar rgan rim bzhin phyag byos shig / ces gsungs na/ btsun pa/ de ste chad pa bgyid pa'i dge slong rgan pa la'ang phyag bgyi'am/ u pa li/ ma yin no/ /de ci'i phyir zhe na/ u pa li/ phyag bya ba'i mi rigs pa thams cad la phyag mi bya ste/ 'khon yod pa ni/ ma gtogs so/ /u pa li/ dge 'dun gyi nang na phyag bya ba'i mi rigs pa'i gang zag rnams gang zhe na/ bsdigs pa'i las byas pa dang / smad pa'i las byas pa dang / bskrad pa'i las byas pa dang / slar sdum pa'i las byas pa dang / ma mthong ba'i phyir spang ba'i las byas pa dang / las slar mi byed pa'i phyir spang ba'i las byas pa dang / sdig pa la lta ba slar ma sbangs pa'i phyir spang ba'i las byas pa dang / chad pa byed pa dang / gzhi nas bslangs te chad pa byed pa dang / chad pa 'khor ba dang / yid mgu bar bya ba spyod pa dang / gzhi nas bslangs te yid mgu bar bya ba spyod pa dang / khyim pa dang / ma ning dang / dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / sngar nyes pa byung ba dang / sngon 'khrugs pa dang / nye bar phyogs pa dang / bslab pa stsal pa dang / dge slong ma dang / dge slob ma dang / dge tshul pha dang / dge tshul ma dang / shin tu gzhon pa rnams la phyag ma byed cig / bshang ba byed pa la phyag mi bya'o/ /bshang ba byed pas phyag mi bya'o/ /gci ba byed pa la phyag mi bya'o/ /gci ba byed pas phyag mi bya'o/ /so shing za ba la phyag mi bya'o/ /so shing za bas phyag mi bya'o/ /zas za ba la phyag mi bya'o/ /zas za bas phyag mi bya'o/ /'thung ba la phyag mi bya'o/ /'thung bas phyag mi bya'o/ /sgren mo la phyag mi bya'o/ /sgren mos phyag mi bya'o// gos gcig pa la phyag mi bya'o/ /gos gcig pas phyag mi bya'o/ /mi snang bar 'dug pas phyag mi bya'o/ /mi bde bar 'dug pa la phyag mi bya'o/ /mi bde bar 'dug pas phyag mi bya'o/ /lung nod pa la zhugs pa'am/ yid la byed pa la zhugs pa'am/ chos nyan par zhugs pa la phyag mi bya'o/ /lung nod pa dang / yid la byed pa dang / chos nyan par zhugs pas phyag mi bya'o/ /yengs pa la phyag mi bya'o/ /khyim gyi nang du zhugs pa la phyag mi bya ste/ gang zag 'di dag ni/ phyag bya bar mi rigs pa'o/ /btsun pa/ dge slong zhig gis dge 'dun gyi khri'am/ khri'u la mchis sam/ nyal yang nongs pa ltung bar mi 'gyur ba mchis sam/ u pa li/ yod de/ mi rung ba la 'dug gam/ nyal ba ste/ gang dge slong rnams kyis spyad par mi rung ba'o/ /btsun pa/ bcom ldan 'das kyis gang chad pa bgyid pa'i dge slong ni/ dge slong rnams kyis tha mar stsal tam/ u pa li/ ma yin te/ rim gyis sbyin no/ /btsun pa/ bcom ldan 'das kyis gang dbyar med pa dang / rang bzhin du gnas pa rnams la mal stan sngar byin cig / de'i 'og tu spangs pa'i rnams la'o/ /zhes gsungs na/ de ste mal stan lhag par gyur na/ rang bzhin du gnas pa dang lhan cig tu stsal tam/ u pa li/ mi sbyin no// btsun pa/ dge slong zhig gis gnas bzhi nas mal stan blangs kyang nongs par mi 'gyur ba mchis sam/ u pa li/ yod de/ ji ltar yang de ni/ dge slong zhig gis gnas bzhi'i mtshams shing ngam/ 'dam bu'am/ re ldes mnan te dbyar tshul du zhugs pa yin no/ /btsun pa/ bcom ldan 'das kyis dge tshul pha rnams ni/ rnyed pa'i sum cha byin cig /ces gsungs na/ btsun pa/ ci/ mal stan yang sum cha stsal tam/ u pa li/ ma yin te/ skal pa mnyam par byin cig /btsun pa/ bcom ldan 'das kyis gang dge slong gsar bu rnams kyis rgan po rnams las sngon du mal stan ma blang zhig / ces gsungs na/ btsun pa/ dge slong gzhon nus rgan pa las sngar mal stan blangs kyang nongs par mi 'gyur ba mchis sam/ u pa li/ yod de/ gang gis dge 'dun las gnas kyi gnang ba thob pa dang / nye g.yog gi gnang ba thob pa yin/ 'jigs pa'i sa nas thos te 'ongs pa yin no/ /btsun pa/ khyim pa mal stan 'god par bsko'am u pa li/ ma yin no/ /de bzhin du zam nas bslab pa stsal pa'i bar du rgyas par mal stan 'god par bsko'am/ u pa li/ ma yin no/ /btsun pa/ smyon pa mal stan 'god par bsko'am/ u pa li/ ma yin no/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa rnams so/ /btsun pa/ 'gro ba gzhan du gnas pa dag mal stan 'god par bsko'am/ u pa li/ ma yin no/ /btsun pa/ ma ning la mal stan stsal tam/ u pa li/ ma yin no/ /de bzhin du dge slong ma sun phyung ba nas sngar 'khrugs pa'i bar du de dag la mal stan stsal tam/ u pa li/ ma yin no/ /btsun pa/ dge 'dun gyi dbyen bgyis pa dang / bslab pa stsal pa la mal stan stsal tam/ u pa li/ byin cig /btsun pa/ smyon pa la mal stan stsal tam/ u pa li/ de ste spyad pa bzhin du mi spyad na/ ma spyin cig /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa rnams la yang brjod par bya'o/ /btsun pa/ mal stan 'god par dge slong bsko ba'i tshe mtshan 'phos na/ bskos pa zhes bgyi'am/ u pa li/ bskos pa zhes bya'o/ /des mal stan bsko bar bgyi'am/ u pa li/ ma yin no/ /mal stan gyi dngos po rdzogs so// //'du ba gzhung dam pa/ bam po nyer gcig pa/ mdor na/ gsum du byas pa'i gzu bo dang / /rnam par zhi ba'i mtshan de bzhin/ /gso sbyong dag gi mngon sum dag /'byung ba dag kyang de bzhin no/ /sangs rgyas bcom ldan 'das la tshe dang ldan pa u pa lis zhus pa/ btsun pa/ gzu bo chos du dang ldan na/ 'dul ba 'dzin cing rtsod pa rnam par zhi bar bgyid nas pa lags/ u pa li/ bcu gcig ste/ bcu gcig gang zhe na/ rtsod pa shes/ rtsod pa ci la byung ba shes/ rtsod pa bsdu ba shes/ rtsod pa rnam par zhi ba shes/ rtsod pa shin tu zhi bas phyis mi 'byung bar shes/ 'byung ba shes/ bcas pa shes/ rdzes su bcas pa shes/ dgag pa shes/ mngon par rjes su gnang ba shes/ las byas pa dang ma byas pa shes pa ste/ u pa li/ chos bcu gcig po 'di dag dang ldan pa'i gzu bo ni/ 'dul ba 'dzin pa/ rtsod pa rnam par zhi bar byed nus pa yin no/ /gzhan yang chos bcu gcig ste/ bcu gcig po gang zhe na/ nyes pa shes/ nyes pa med pa shes/ nyes pa lci ba shes/ nyes pa yang ba shes/ nyes pa byung ba shes/ nyes pa las dbyung ba shes/ 'dod pa'i phyir mi 'gro/ zhe sdang dang / 'jigs pa dang / gti mug gi phyir mi 'gro ba dang / chad pa'i las bya ba dang mi bya ba shes pa ste/ u pa li/ bcu gcig po 'di dag gis rnam par zhi bar bya ba'i bar du rgyas par ro/ /gzhan yang chos bcu gcig gi bar du ste/ bcu gcig po gang zhe na/ mdo sde la mkhas pa yin/ 'dul ba la mkhas pa yin/ rnam par 'byed pa la mkhas pa yin/ lung la zhugs pa yin/ mdo sde 'byed pa yin/ 'khrul ba mi 'dzin pa yin/ gsang ba'i tshig mi 'dzin pa yin/ gdon mi za bar 'dzin pa yin/ tshig mang po mi 'dzin pa yin/ dam bcas pa 'dzin pa yin/ lan gsum gyi bar du gzhog pa yin te/ u pa li/ chos bcu gcig po 'di dag dang ldan pa'i gzu bo ni/ 'dul ba 'dzin pa/ rtsod pa rnam par zhi bar byed nus pa yin no/ /chos du dang ldan pas rtsod pa shin tu zhi ba lags/ u pa li/ nyi shu rtsa gcig ste/ nyi shu rtsa gcig po gang zhe na/ dge 'dun la bsgo ba yin/ chos dang bcas pas rgyal po'i bka' dang mthun pa yin/ phyogs dang pha rol gyi phyogs kyi dge slong dag go bar byed pa yin/ rgol ba dang phyir rgol ba'i dge slong la chos dang mthun pas rgol ba dang / phyir rgol ba'i dge slong la 'dul ba ma nyams par byed pa yin/ mi gtsang ba'i gang zag gi nyes pa dang ma bcas pa yin/ byung ba chud ma gsan pa yin/ bcas pa chud ma gsan pa yin/ rjes su bcas pa chud ma gsan pa yin/ dgag pa chud ma gsan pa yin/ mngon par rjes su gnang ba chud ma gsan pa yin/ nyes pa chud ma gsan pa yin/ rgol ba'i dge slong gi yi dam shin tu bzung ba yin/ lan 'debs pa'i yi dam shing tu bzung ba yin/ mdo sde'i tshig kyang bstan pa yin/ 'dul ba dang mthun pa yin/ chos kyi mig rjes su bzung ba yin/ bskos nas rnam par zhi bar byed pa yin/ nyes pa ston pa yin/ chad pa'i las dmigs su bab pa yin/ rnam par dag pa ston pa yin/ chos dang / 'dul ba dang / ston pa'i bstan pas rtsod pa rnam par zhi ba yin te/ u pa li/ chos nyi shu rtsa gcig po 'di rnams dang ldan na/ rtsod pa rnam par zhi ba zhes bya'o/ /btsun pa/ rgol ba'am/ slar rgol ba'i dge slong mtshan 'phos na/ rtsod bzhi ba zhes bgyi'am/ u pa li/ zhi ba zhes bya'o/ /btsun pa/ bcom ldan 'das kyis rtsod pa byung ba byung ma thag tu rtsod pa zhi bar byed pa'i chos bdun gyis rnam par zhi bar bya'o/ /zhes gsungs na/ btsun pa/ rtsod pa rnam pa bzhi las gang yang rung ste/ rtsod pa zhig byung na/ rtsod pa zhi bar bgyid pa'i chos bdun po las gang yang rung ba'i rtsod pa zhi bar bgyid pa'i chos kyis rnam par zhi bar ma bgyis par rnam par zhi bar 'gyur ba mchis sam/ u pa li/ yod de/ de ni/ mthun pa'i gso sbyong ngo / /btsun pa/ rtsod pa bzhi las gang yang rung ste rtsod pa zhig byung na/ rgol ba dang / slar rgol ba'i dge slong rnams las gang gi tshig gzung bar bgyi/ rgan rim gyis gzung ngo / /btsun pa/ de ste gnyis ka'i lo grangs mnyam na/ gang gi tshig gzung bar bgyi/ gang mang du thos pa yin no/ /btsun pa/ de ste gnyis ka'ang gzhung la mtshungs par gyur na/ gang gi tshig gzung bar bgyi/ gang byang ba yin no/ /de ste gnyis ka byang bar gyur na/ gang gi tshig gzung bar bgyi/ gang byang ba'i shas che ba yin te/ de'i tshig gis rtsod pa rnams rnam par zhi bar bya'o/ /btsun pa/ bcom ldan 'das kyis gang tshul shing mang pos rtsod pa zhi bar bya ba las/ gang gi phyogs su tshul shing gcig gis kyang lhag par gyur na/ de'i phyogs des rnam par zhi bar bya'o/ /zhes gsungs na/ btsun pa/ de ste phyogs gnyis ka tshul shing mnyam par gyur na/ gang gi dbang gis rtsod pa rnams rnam par zhi bar bgyi/ u pa li/ phyogs gang gi dge slong dag phal cher byang ba'i shas che ba yin no/ /btsun pa/ gang dge slong rnams rtsod pa dge slong rnams kyis rnam par zhi bar bgyid ma nus na/ btsun pa/ dge slong mas rnam par zhi bar bgyir rung ngam/ u pa li/ rung ngo / /de bzhin du sde lnga'i rnams phan tshun gcig la gcig sbyar bar bya'o/ /mdor na/ 'phrin pa spring yin lag brda dang / /gzhan zer ba dang gcig nas gcig /smyon pa sems 'khrugs na ba dang / /'on glen khyim pa dag la sogs/ /bslab pa byin pa tha ma 'o/ /btsun pa/ 'phrin gyis rtsod pa rnam par zhi bar bgyis na/ rnam par zhi ba zhes bgyi'am/ u pa li/ rnam par zhi ba zhes bya ste/ dge 'dun ni/ 'das pa dang bcas pa'o/ /de bzhin du spring yig dang / lag brda dang / gzhan zer ba dang / gcig nas gcig tu brgyud de rnam par zhi bar bgyis na/ rnam par zhi ba zhes bgyi'am/ u pa li/ rnam par zhi ba zhes bya ste/ dge 'dun ni/ 'das pa dang bcas pa'o/ /btsun pa/ smyon pa zhig gis rtsod pa rnam par zhi bar bgyis na/ rtsod pa rnam par zhi ba zhes bgyi'am/ u pa li/ rnam par zhi ba zhes bya ste/ dge 'dun ni/ 'das pa dang bcas pa'o/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa rnams kyis rnam par zhi bar bgyis na/ rnam par zhi ba zhes bgyi'am/ u pa li/ rnam par zhi ba zhes bya ste/ dge 'dun ni/ 'das pa dang bcas pa'o/ /btsun pa/ khyim pa zhig gis rtsod pa rnam par zhi bar bgyis na/ rnam par zhi ba zhes bgyi'am/ u pa li/ rnam par zhi ba zhes bya ste/ dge 'dun ni/ 'das pa dang bcas pa'o/ /btsun pa/ de bzhin du ma ning nas bslab pa stsal pa rnams kyi bar du rgyas par de dag gi rtsod pa rnam par zhi bar bgyis na/ rnam par zhi ba zhes bgyi'am/ u pa li/ rnam par zhi ba zhes bya ste/ dge 'dun ni/ 'das pa dang bcas pa'o/ /btsun pa/ rgol ba'am/ slar rgol ba dus bgyis na/ rtsod pa rnam par zhi ba zhes bgyi'am/ u pa li/ rnam par zhi ba zhes bya'o/ /de bzhin du khyim pa lags par khas blangs pa nas bslab pa stsal pa lags pa'i bar du rgyas par khas blangs na/ rtsod pa rnam par zhi ba zhes bgyi'am/ u pa li/ rnam par zhi ba zhes bya'o/ /btsun pa/ rgol ba'am/ slar rgol ba'i dge slong mtshan 'phos na/ rtsod pa rnam par zhi ba zhes bgyi'am/ u pa li/ rnam par zhi ba zhes bya'o/ /rtsod pa'i dngos po rdzogs so// //mdor na/ bye 'byed dge 'dun ca co dang / /tha dad pa dang tshul bzhin dang / /bskal pa kha na ma tho log dge 'dun dbye dang mi mkhas pa'o/ /btsun pa/ dge 'dun bye ba zhes kyang bgyi/ /btsun pa/ dge 'dun 'dus pa zhes kyang bgyi na/ btsun pa/ dge 'dun bye ba gang lags/ u pa li/ gang dbyen byed pas chos ma yin pa la chos ma yin par 'du shes/ 'dul ba ma yin pa la 'dul ba ma yin par 'du shes par gyur bzhin du des 'du shes bcabs/ bzod pa bcabs/ dad pa bcabs/ blo gros dang / lta ba dang / rtog pa rnams bcabs te 'di skad du/ 'di ni/ chos so/ /'di ni/ 'dul ba'o/ /'di ni/ ston pa'i bstan pa'o/ /zhes smras nas des dge slong dag la bsgo/ yang dag par bsgo/ slob/ len du 'jug / brtul zhugs kyi gzhi lnga yang rjes su bsgrags te/ 'di ltar/ tshe dang ldan pa/ khyed cag lag gang dad cing bzod de mos pa de dag gis ni/ tshul shing longs shig /de gang gis brtul zhugs kyi gnas lnga bsgrags te gsol ba byas/ tshul shing brims te mang po khrid de 'gro ba 'di ni/ dge 'dun bye ba zhes bya'o/ /dge 'dun 'dus pa gang zhe na/ dge slong mtshams kyi nang na ji snyed 'khod par gyur pa de dag las byed pa na/ de dag thams cad 'dus par gyur/ mngon sum du gyur/ dad pa blang bar rigs pa'i rnams las dad pa blangs par gyur/ dge slong rnams kyang 'thab pa med/ rtsod pa med la/ de dag chos su 'du shes/ 'dul bar 'du shes te gso sbyong gi las byed pa 'di ni/ dge 'dun 'dus pa zhes bya'o/ /btsun pa/ dge 'dun 'byed pas bstir med pa'i kha na ma tho ba bskyed la mtshams med pa'i las su 'gyur ba gang lags/ u pa li/ nam 'byed pas chos ma yin pa la chos ma yin par 'du shes pa yin/ bye ba la'ang chos ma yin par 'du shes bzhin du des 'du shes bcabs/ bzod pa bcabs/ dad pa dang / blo gros dang / lta ba dang / rtog pa rnams bcabs te 'di skad du/ chos ni/ 'di'o/ /'dul ba ni/ 'di'o/ /ston pa'i bstan pa ni/ 'di'o// zhes smras nas des dge slong dag la bsgo/ yang dag par bsgo/ slob/ len du 'jug/ brtul zhugs kyi gzhi lnga yang rjes su bsgrags te gang dbyen byed pa des brtul zhugs kyi gzhi lnga rjes su bsgrags te gsol ba byas/ tshul shing brims nas mang po khrid de song ba 'di ni/ dge 'dun 'byed pa yin te/ bstir med pa'i kha na ma tho ba'ang bskyed/ yang dag par bsgo ba blangs shing len du 'jug pas mtshams med pa'i las su 'ang 'gyur ro/ /dge 'dun 'byed pas bstir med pa'i kha na ma tho ba ni/ skye la/ de mtshams med pa'i las su mi 'gyur ba gang zhe na/ u pa li/ gang dbyen byed pas chos ma yin pa la chos ma yin par 'du shes par gyur la/ bye ba la ni/ chos su 'du shes pa dang / chos ma yin pa la chos ma yin par 'du shes par gyur la/ bye ba la yang chos ma yin par 'du shes pa dang / chos ma yin pa la chos ma yin par 'du shes par gyur la/ bye ba la the tshom za ba dang / chos ma yin pa la chos su 'du shes la/ bye ba la chos ma yin par 'du shes pa dang / chos ma yin pa la chos su 'du shes la/ bye ba la yang chos su 'du shes pa dang / chos ma yin pa la chos su 'du shes la/ bye ba la the tshom du gyur pa dang / chos la chos su 'du shes la/ bye ba la chos ma yin par 'du shes pa dang / chos la chos ma yin par 'du shes la/ bye ba la chos su 'du shes pa dang / chos la chos ma yin par 'du shes la/ bye ba la the tshom du gyur pa dang / chos la chos ma yin par 'du shes la/ bye ba la yang chos ma yin par 'du shes pa dang / chos la chos ma yin par 'du shes la/ bye ba la chos su 'du shes pa dang / chos la chos ma yin par 'du shes la/ bye ba la the tshom du gyur pa dang / chos dang chos ma yin pa la the tshom du gyur la/ bye ba la chos ma yin par 'du shes pa dang / chos ma yin pa la the tshom du gyur la/ bye ba la chos su 'du shes pa dang / chos ma yin pa la the tshom du gyur la bye ba la yang the tshom du gyur pa dang / chos la the tshom du gyur la/ bye ba la chos ma yin par 'du shes pa dang / chos la the tshom du gyur la/ bye ba la chos su 'du shes pa dang / chos la the tshom du gyur la/ bye ba la yang the tshom du gyur pa ste/ des 'du shes bcabs/ bzod pa bcabs/ dad pa bcabs/ blo gros dang / lta ba dang rtog pa rnams bcabs te 'di skad du/ 'di ni/ chos so/ /'di ni/ 'dul ba'o/ /'di ni/ ston pa'i bstan pa'o/ /zhes smras nas des yang dge slong rnams la bsgo/ yang dag par bsgo/ slob/ len du 'jug / dge 'dun bye ba'i phyir brtson pa 'di ni/ dge 'dun 'byed par byed pa ste/ bstir med pa'i kha na ma tho ba ni/ skye la/ de mtshams med pa'i las su mi 'gyur ba zhes bya'o/ /btsun pa/ gang la la dge 'dun bye ba de thams cad dge 'dun ca cor 'gyur ram/ dge 'dun bye la dge 'dun ca co med pa yang yod/ dge 'dun ca cor gyur la dge 'dun mi 'bye ba yang yod/ dge 'dun yang bye la dge 'dun ca cor yang 'gyur ba yod/ dge 'dun yang mi 'bye la dge 'dun ca cor yang mi 'gyur ba yod de/ dge 'dun bye la dge 'dun ca co med pa gang zhe na/ gang chos su 'du shes la dge 'dun 'byed pa'o/ /dge 'dun ca cor gyur la dge 'dun mi bye ba gang zhe na/ dbyen du 'gyur ba'i dngos po bcu bzhi las gang yang rung ste/ dbyen du 'gyur ba'i dngos po zhig shin tu gdon mi za bar bzung bar gyur la/ dge 'dun ni/ bye bar ma gyur pa'o/ /dge 'dun yang bye la dge 'dun gyi ca cor yang 'gyur pa gang zhe na/ 'di ltar dge 'dun de dag bye bar gyur la/ dbyen du 'gyur ba'i dngos po bcu bzhi las gang yang rung ste/ dbyen du 'gyur ba'i dngos po zhig shin tu gdon mi za bar bzung bar gyur pa'o/ /dge 'dun yang mi 'bye la dge 'dun gyi ca cor yang mi 'gyur ba gang zhe na/ rnam pa 'di lta bu dag ma gtogs pa'o/ /btsun pa/ gang dge 'dun bye ba de thams cad dge 'dun tha dad par gyur pa lags sam/ dge 'dun tha dad par 'gyur la/ dge 'dun mi 'bye ba yang yod/ /dge 'dun bye la dge 'dun tha dad par mi 'gyur ba yang yod/ dge 'dun bye la dge 'dun tha dad par 'gyur ba yang yod/ dge 'dun mi 'bye la dge 'dun tha dad par mi 'gyur ba yang yod de dge 'dun tha dad par gyur la dge 'dun mi dbye ba ni/ 'di ltar/ dge 'dun rnam gnyis so so'i gzhi la gnas par gyur/ rnyed pa yang tha dad/ gnas kyang tha dad/ mtshams kyang tha dad par gyur la/ dge 'dun ni/ ma bye ba'o/ /dge 'dun bye la dge 'dun tha dad par mi 'gyur ba ni/ gang chos su 'du shes pas dge 'dun phye ba'o/ /dge 'dun bye la dge 'dun tha dad pa ni/ 'di ltar dge 'dun bye bar gyur la/ dge 'dun rnam gnyis so so na gnas par gyur/ rnyed pa tha dad pa dang / gnas tha dad pa dang / mtshams tha dad par gyur pa'o/ /dge 'dun ma bye la dge 'dun tha dad par yang ma gyur pa ni/ rnam pa de lta bu dag ma gtogs pa'o/ /ji ltar dge 'dun tha dad pa la rnam pa bzhir gyur pa bzhin du dge 'dun gyi tshul la yang rnam pa bzhir brjod par bya'o/ /btsun pa/ gang la las dge 'dun gyi dbyen bgyid pa de dag thams cad bskal par gnas sam/ dge 'dun gyi dbyen byas la bskal par mi gnas pa yang yod/ bskal par gnas la dge 'dun gyi dbyen ma byas pa'ang yod/ dge 'dun gyi dbyen byas la bskal par gnas pa'ang yod/ dge 'dun gyi dbyen ma byas la bskal par mi gnas pa yang yod de/ dge 'dun gyi dbyen byas la bskal par mi gnas pa ni/ gang gis chos su 'du shes pas dge 'dun phye ba'o/ /bskal par gnas la dge 'dun gyi dbyen ma byas pa ni/ blang po'i rgyal po e ra ba na dang / glang po'i rgyal po shin tu brtan pa dang / glang po'i rgyal po yid du 'ong ba dang / glang po'i rgyal po gshin rje dang / tshangs lha nye phan gyi lha rnams so/ /dge 'dun phye la bskal bar gnas pa ni/ lha sbyin no/ /dge 'dun yang ma phye la bskal par yang mi gnas pa ni/ rnam pa 'di lta bu dag ma gtogs pa'o/ /gang la las dge 'dun phye na/ de dag thams cad bskal par gnas pa'i kha na ma tho ba skye ba yang rnam pa bzhir brjod par bya ste/ de yang de bzhin du dbye bar bya'o/ /gang la la dge 'dun 'byed pa de dag thams cad log par nges pa lags sam/ dge 'dun 'byed la log par nges pa ma yin pa yang yod/ log par nges la dge 'dun mi 'byed pa'ang yod/ dge 'dun 'byed la log par nges pa'ang yod/ dge 'dun 'byed pa yang ma yin la log par nges pa ma yin pa'ang yod de/ dge 'dun 'byed la log par nges pa ma yin pa ni/ gang chos su 'du shes shing dge 'dun 'byed pa'o/ /log par nges la dge 'dun 'byed pa ma yin pa de ni/ mtshams med pa bzhi'o/ /dge 'dun 'byed la log par yang nges pa ni/ lhas byin no/ /dge 'dun 'byed pa'ang ma yin la log par nges par 'ang ma yin pa ni/ rnam pa 'di lta bu dag ma gtogs pa'o/ /gang la la dge 'dun 'byed pa de dag thams cad mi mkhas pa dang ma rig par gyur pa lags sam| dge 'dun 'byed la mi mkhas pa ma yin zhing ma rig par gyur pa ma yin pa'ang yod/ mi mkhas pa dang ma rig pa yin la dge 'dun mi 'byed pa'ang yod/ dge 'dun 'byed la mi mkhas pa dang ma rig par gyur pa'ang yod/ dge 'dun yang mi 'byed la mkhas pa'ang yin ma rig par gyur pa ma yin pa'ang yod de/ dge 'dun 'byed la mi mkhas pa'ang ma yin ma rig par gyur pa ma yin pa ni/ gang chos su 'du shes pas dge 'dun 'byed pa'o/ /mi mkhas pa dang ma rig par gyur la dge 'dun mi 'byed pa ni/ ston pa drug go /dge 'dun 'byed la mi mkhas pa dang ma rig pa ni/ lhas byin no/ /dge 'dun yang mi 'byed la mi mkhas pa'ang ma yin/ ma rig par gyur pa'ang ma yin pa ni/ rnam pa 'di dag ma gtogs pa'o/ /mdor na/ phye ba rnam pa drug tu byas| |rgol ba rnam bzhi gso sbyong dang / /mtshams la rnam bzhi gsum pa dang / /bskal pa brtan min de bzhin te/ /khyim pa dag la sogs pa dang / /bslab pa byin pa tha ma'o/ /btsun pa/ phye ba dang ldan pa gang lags/ kha na ma tho ba gang lags/ u pa li/ dge 'dun ni/ phye ba dang ldan pa'o/ /'byed pa ni/ kha na ma tho ba'o/ /btsun pa/ dge 'dun phye na/ cir 'gyur/ nyes pa sbom por 'gyur ro/ /btsun pa/ dge 'dun phye na/ nongs pa gang bshags par bgyi/ nyes pa sbom po'o/ /btsun pa/ 'di ltar dge slong dag gis dge slong gi dge 'dun 'byed kyi/ dge slong mas ma lags/ dge slob mas ma lags/ dge tshul mas ma lags/ dge tshul phas ma lags sam/ u pa li/ de bzhin te/ dge slong dag gis dge 'dun 'byed kyi/ dge slong mas ma yin/ dge slob mas ma yin/ dge tshul mas ma yin/ dge tshul phas ma yin no/ /u pa li/ de bzhin du dge slong ma dag gis dge slong ma'i dge 'dun 'byed kyi/ dge slong gis ma yin/ dge slob mas ma yin/ dge tshul mas ma yin/ dge tshul phas ma yin te/ 'on kyang dge 'dun 'byed pa'i phyir ni/ rtsol lo/ /btsun pa/ bcom ldan 'das kyis rnam pa gnyis kyi slad du dge 'dun 'byed de/ rjes su bsgrags pa dang / tshul shing len pa'o/ /zhes gsungs na/ btsun pa/ gang rtsed mor 'tshal ba'am/ ma 'tshal ba zhig gis rjes su bsgrags shing tshul shing brims na/ dge 'dun phye ba zhes bgyi'am/ u pa li/ ma yin no/ /'o na/ cir 'gyur/ nyes byas so/ /dge 'dun 'byed pa'i dge slong gis dge 'dun 'byed pa na mtshan 'phos na/ dge 'dun phye ba zhes bgyi'am/ u pa li/ ma yin no/ /btsun pa/ dge slong ma'i dge 'dun bye nas phyogs dang / pha rol gyi phyogs su gnas na/ dge slong ma la zla ba phyed phyed cing bstan pa'i lung stsal tam/ u pa li/ ma sbyin par 'di skad du/ sring mo rnams rjes su mthun par gyis shig /ces sgos shig /btsun pa/ dge slong gi dge 'dun bye ste phyogs dang / pha rol gyi phyogs su gnas na/ dge slong mas zla ba phyed phyed cing bstan pa'i lung gsol bar bgyi'am/ u pa li/ gsol bar bya'o/ /gang las gsol/ rjes su ma phyogs pa rnams las so/ /btsun pa/ dge slong gi dge 'dun bye ste phyogs dang / pha rol gyi phyogs su gnas na/ dge slong ma la bstan pa'i lung stsal bar bgyi'am/ u pa li/ dge slong ma yang bye bar mi 'gyur ba'i phyir bas na/ byin cig /btsun pa/ dge slong ma'i dge 'dun bye ste phyogs dang / pha rol gyi phyogs su gnas pa la gang gis dge slong ma la lung stsal bar bgyi/ rjes su ma phyogs pa rnams kyis sbyin no/ /btsun pa/ dge slong gi dge 'dun bye ste phyogs dang / pha rol gyi phyogs su gnas na/ dge slong mas gso sbyong bgyi'am/ u pa li/ bya'o/ /btsun pa/ dge slong gi dge 'dun bye ste phyogs dang / pha rol gyi phyogs su gnas na/ nye bar phyogs pa'i dge slong rnams kyis gso sbyong bgyi'am/ u pa li/ ma yin no/ /de ci'i phyir zhe na/ dge 'dun 'dus pa las gso sbyong bya'o/ /btsun pa/ nye bar phyogs pas nye bar ma phyogs pa rnams kyi mtshams bkrol na/ mtshams bkrol ba zhes bgyi'am/ u pa li/ ma yin no/ /btsun pa/ nye bar ma phyogs pa rnams kyis nye bar phyogs pa rnams kyi mtshams bkrol na/ mtshams bkrol ba zhes bgyi'am/ u pa li/ bkrol ba zhes bya'o/ /btsun pa/ gang la la zhig nye bar phyogs pa de dag thams cad so sor gnas pa zhes bgyi'am/ rnam pa bzhir rgyas par brjod do/ /btsun pa/ gang la la zhig nye bar phyogs nas de dag thams cad mi gnas pa zhes bgyi'am/ rnam pa bzhir rgyas par brjod do/ /btsun pa/ gang la la so sor gnas na/ de dag thams cad mi gnas pa zhes bgyi'am/ rnam pa bzhir rgyas par brjod do/ /btsun pa/ bcom ldan 'das kyis lcags rnam par brgyar gyes pa'i dum bu yang stsal bar bya'o/ /zhes gsungs na/ lcags kyi dum bu zhes bgyi ba gang lags/ dad pa stsal bar bya ba dang / mos pa stsal bar bya ba dang / 'dun pa stsal bar bya ba dang / dge 'dun 'dus pa stsal bar bya ste/ dge 'dun dbye ba'i phyir ni stsal bar mi bya'o/ /btsun pa/ dge 'dun bye ste phyogs dang / pha rol gyi phyogs su gnas na/ gtan pa gang gis dbyung bar bgyi/ nye bar ma phyogs pa rnams kyis so/ /btsun pa/ ma ning zhig gis dge 'dun phye na/ dge 'dun phye ba zhes bgyi'am/ u pa li/ ma yin no/ /btsun pa/ de bzhin du dge slong ma sun phyung ba nas bslab pa stsal ba'i bar du rgyas par de dag gis dge 'dun phye na/ dge 'dun phye ba zhes bgyi'am/ u pa li/ ma yin no/ /btsun pa/ smyon pa zhig gis dge 'dun phye na/ dge 'dun phye ba zhes bgyi'am/ u pa li/ ma yin no/ /btsun pa/ de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa rnams kyis dge 'dun phye na/ dge 'dun phye ba zhes bgyi'am/ u pa li/ ma yin no/ /de ci'i phyir zhe na/ u pa li/ rang bzhin du gnas pa ma yin pas na/ dge 'dun dbye bar mi nus so/ /ji ltar dge 'dun 'byed pa de bzhin du grangs su mi 'gyur bar yang brjod par bya'o/ /dge 'dun gyi dbyen gyi dngos po rdzogs te/ u pa lis zhus pa rdzogs so// // mdor na/ bzang sbyin rdo rje 'du shes dang / /bal glang mo dang rgod ma dang / /ba dang rnga mo ri dwags mo/ /bong lug khyi phag mo rnams so/ /sangs rgyas bcom ldan 'das grong khyer yangs pa can na spre'u rdzing 'gram gyi khang bu brtsegs pa na bzhugs so/ /ka lan+da ka'i bu bzang sbyin la bslab pa'i gnas bcas pas las dang po pa la nyes pa med pa ni/ bdag gis bslab pa ma bcas pa'i tshe lan mang du mi tshangs par spyod pa 'khrig pa'i chos byas nas bdag gi las dang po pa gang yin zhes the tshom du gyur nas sems la dogs pa dang / 'gyod pa rnams skyes te/ des de lta bur gyur pa dge slong rnams la smras nas dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ dge slong dag /bslab pa'i gnas ma bcas pa na/ ka lan+da ka'i bu bzang sbyin gyis shin tu 'das par gyur ba ni/ thams cad kyang las dang po pa yin te/ las dang po pa la ni/ nyes pa med do/ /dge slong rdo rje'i bu zhes bya bas bslab pa ma phul bslab pa nyams pa ma bshags par khyim par gyur te/ des de na mi tshangs par spyod pa 'khrig pa'i chos byas nas de 'di snyam du gyur to/ /re zhig dge slong rnams la dris la/ de ste bdag rab tu 'byung zhing bsnyen par rdzogs par rung na ni/ rab tu 'byung ngo / /de ste mi rung na/ 'di nyid na 'dug go/ snyam du bsam nas des de ltar gyur pa nas bcom ldan 'das kyis bka' stsal pa'i bar du rgyas par bya ste/ dge slong dag/ bslab pa ma phul/ bslab pa nyams pa ma bshags par khyim pa'i dngos por gyur te mi tshangs par spyod pa 'khrig pa'i chos la brten na/ gang zag de slar yang rab tu 'byung zhing bsnyen par rdzogs par mi rung gi/ de bzhin du bslab pa'i gnas bshad par bya'o/ /yang dge slong gang bslab pa ma phul/ bslab pa nyams pa ma bshags bzhin du mi tshangs par spyod pa 'khrig pa'i chos byas na/ dge slong de yang phas pham pa yin gyi/ lhan cig ma gnas shig /dge slong gcig pu zhig dgon pa na 'dug ste/ de las mi ring ba na bal glang mo zhig la bu byung ste/ bal glang mo de las be'u mo zhig byung ngo / /de'i ma de ni/ zas la song nas dge slong des rtswa blangs te de la rtswa byin/ chu blud pa dang / des de 'dug pa la mo mtshan bye bar mthong ste/ des de mthong nas chags par gyur te der log par zhugs pa dang / de ngo tsha ba'i chos su gyur nas des bdag phas pham pa'i nyes pa ma byung grang snyam du bsam nas the tshom skyes te des de lta bur gyur pa dge slong rnams la smras pa nas rgyas par brjod de/ bcom ldan 'das kyis bka' stsal pa/ dge slong dag /der reg par ma gyur pas phas pham pa'i nyes pa ni/ med kyi/ nyes pa sbom por 'gyur ro/ /nam bal glang gi phru gu de chen por gyur pa dang / des de'i mo mtshan mthong ste/ des de mthong nas chags pa dang / des der gzhug snyam nas mo mtshan gyi khar btsugs pa dang / des de la phra ba gcig brgyab nas skrag par gyur te/ bdag la phas pham pa'i ltung ba ma byung grang snyam bsam nas des de lta bur gyur pa rgyas par smras pa dang / bcom ldan 'das kyis bka' stsal pa/ dge slong dag /skrag pa la ni/ chags pa med pas phas pham pa'i nyes pa ni/ med kyi/ nyes pa sbom por 'gyur ro/ /ji ltar bal glang mo bzhin du rgod ma dang / rnga mo dang / ri dwags mo dang khong mo dag lug mo dang / khyi mo dang / phag mo rnams kyang de bzhin no/ /mdor na/ smyon par gyur dang sems 'khrugs pa dang / /nad kyis gzir dang mi rnams dang / /lam min lam du 'du shes dang / /lam gsum rab tu bsgrags pa'o/ /btsun pa/ bcom ldan 'das kyis smyon pa la nongs pa ma mchis so/ /zhes gsungs na/ ji tsam gyis na/ smyon pa zhes bgyi/ rnam pa lngas smyon par 'gyur te/ gnyen bshes zad pa dang / longs spyod zad pa dang / nor zad pa dang / khams ma mnyam pa dang / mi ma yin pas brlams pa dang / sngon gyi las kyi rnam par smin pa ste/ rnam pa 'di lngas smyon par 'gyur ro/ / de ste dge slong gi dngos por shes na ni/ dngos po ji lta ba bzhin no/ /de ste dge slong gi dngos por mi shes na/ smyon pa la nyes pa med do/ /btsun pa/ bcom ldan 'das kyis sems 'khrugs pa la nongs pa ma mchis so/ /zhes gsungs na/ ji tsam gyis na/ sems 'khrugs pa zhes bgyi/ rnam pa lngas ni/ sems 'khrugs pa zhes bya ste/ mi ma yin pas de'i sems dkrugs pa dang / mi ma yin pas de la brlams pa dang / mi ma yin pas de'i mdangs 'phrog pa dang / khams ma mnyam pa dang / sngon gyi las kyi rnam par smin pa ste/ rnam pa 'di lngas ni/ sems 'khrugs pa zhes bya ste/ rgyas par ro/ /btsun pa/ bcom ldan 'das kyis nad kyis gzir ba la nongs pa ma mchis so/ /zhes gsungs na/ ji tsam gyis na/ nad kyis gzir ba zhes bgyi/ rnam pa lngas ni/ nad kyis gzir ba zhes bya ste/ de la rlung gis bskyod pa dang / mkhris pa dang / bad kan dang / 'dus pa dang / dus gyur pa rnams te/ rnam pa 'di lnga ni/ nad kyis gzir ba zhes bya'o/ /dge slong gis lam la lam ma yin par 'du shes nas mi tshangs par spyod pa 'khrig pa'i chos byas te dge slong de la bdag la phas pham pa'i nyes pa ma byung grang snyam bsam ste/ the tshom skyes nas des de ltar gyur pa rgyas par smras pa dang / bcom ldan 'das kyis bka' stsal pa/ lam la lam ma yin par 'du shes na/ phas pham par 'gyur ro/ /lam la the tshom za bar 'du shes na'ang phas pham par 'gyur ro/ /lam ma yin pa la lam du 'du shes na/ nyes pa sbom por 'gyur ro/ /lam ma yin pa la the tshom za bar 'du shes na/ nyes pa sbom por 'gyur ro/ /lam gsum la bshang ba'i lam dang / gci ba'i lam dang / kha'i lam mo/ /dge slong gis gci ba'i lam du dkris te kha shun 'das na/ phas pham par 'gyur ro/ /dge slong gis bshang ba'i lam du dkris te rkub kha 'das na/ phas pham par 'gyur ro/ /dge slong gis kha'i lam du dkris te so 'das na/ phas pham par 'gyur ro/ /mdor na/ spre'u mo seng+ge khrung khrung mo/ /rma bya khyim bya'ang de bzhin te/ /mtshan ring dang ni rgyab mnyen dang / /nan di ka dang khra gnyis so/ /nyes pa sbom po bzhi ste/ spre'u mo dang / mtshan ring ni/ ji ltar rnam par 'byed pa las byung ba bzhin no/ /bcom ldan 'das kyis bka' stsal pa/ phas pham par 'gyur ro/ /rgyab mnyen kyang phas pham par 'gyur ro/ /nan di ka la yang bslab pa byin pa ji ltar 'dul ba bzhin no/ /dge slong zhig bla gab med par 'dug nas sgren mor khrus byed de/ de'i nye g.yog ni/ mi bzhi zhig byed de/ de'i lus la reg pas pho mtshan las su rung bar gyur te 'dod chags kun tu gnas pa dang / dge slong gzhan zhig mdun na 'dug par gyur pa des de'i pho mtshan bdag gi khar bcug pa dang / des kyang lus btud de khu ba phyung nas dge slong de the tshom skyes nas bdag la phas pham pa'i nyes pa ma byung grang snyam du bsam ste/ des de ltar gyur pa nas bcom ldan 'das kyis bka' stsal pa'i bar du rgyas par bya ste/ de la phas pham pa'i nyes pa ni/ med mod kyi/ bla gab med pa la 'greng ngam 'dug kyang rung gzhan las byed pa bdag gir ma byed cig / dge slong zhig 'dod chags kun tu gnas pas gzir ba dang / de la dge slong mdza' bo zhig yod de/ de de'i drung du song nas des de la/ tshe dang ldan pa/ 'dod chags kyis kun tu khebs shing gzir to/ /zhes smras na/ de na re/ song la mi tshangs par spyod cig /ces bsgos pa dang / de yang song nas mi tshangs par spyod pa byas so/ / de la bsgo bas bdag la phas pham pa'i nyes pa ma byung grang zhes the tshom skyes nas bcom ldan 'das kyis bka' stsal pa/ phas pham pa'i nyes pa ni/ med kyi/ nyes pa sbom por 'gyur ro/ / sangs rgyas bcom ldan 'das la tshe dang ldan pa u pa lis zhus pa/ btsun pa/ nyes pa sbom po ji ltar mthol bar bgyi/ u pa li/ nyes pa sbom po ni/ 'di bzhi ste/ phas pham pa las byung ba lci ba dang / phas pham pa las byung ba yang ba dang / dge 'dun gyi lhag ma las byung ba lci ba dang / dge 'dun gyi lhag ma las byung ba yang ba rnams te/ de la u pa li/ gang phas pham pa las byung ba'i nyes pa sbom po lci ba de ni/ mtshams kyi nang du dge 'dun thams cad kyi mdun du bshags par bya'o/ /gang phas pham pa las byung ba'i yang ba de ni/ mtshams kyi phyi rol tu dge slong bzhi'i mdun du bshags par bya'o/ /dge 'dun gyi lhag ma las byung ba'i nyes pa sbom po lci ba ni/ mtshams kyi phyi rol tu dge slong bzhi'i mdun du bshags par bya'o/ /dge 'dun gyi lhag ma las byung ba'i yang ba ni/ mtshams kyi nang du dge slong gcig gi mdun du bshags par bya'o/ /mdor na/ glal dang las su rung bar gyur/ /ma dang dur khrod gnas pa dang / /'od bzang dang ni bzang skyes dang / /shin tu bzang ba smyugs pa dang / /rab tu bzang zhes bya ba'o/ /dge slong gis ma bkab par glal ba dang / 'dod chags kyis kun tu gzir ba'i dge slong zhig de'i mdun na 'dug pas pho mtshan de'i khar bcug nas de lus btud de khu ba phyung nas dge slong de bdag la phas pham pa'i nyes pa ma byung grang zhes the tshom skyes pa dang / bcom ldan 'das kyis bka' stsal pa/ phas pham pa'i nyes pa ni/ ma byung mod kyi/ da phan chad dge slong gis ma bkab par glal bar ma byed cig /glal na/ nyes byas su 'gyur ro/ /dge slong zhig pho mtshan bsgreng bzhin las su rung bar gyur nas/ des bdag gis mo mtshan gyi nang du bcug kyang nyes par mi 'gyur ro/ /snyam du bsam ste des bud med kyi mo mtshan du bcug nas bdag la phas pham pa'i nyes pa ma byung grang zhes the tshom skyes pa dang / bcom ldan 'das kyis bka' stsal pa/ bcug ma thag tu/ phas pham par 'gyur ro/ /dge slong zhig 'dod chags kyis kun tu khebs shing gzir ba dang / de ma'i drung du song nas 'di skad ces/ ma/ 'dod chags kun tu gnas pas gzir to/ /zhes smras pa dang / ma na re/ bu/ khyod ni/ 'di nyid nas byung ba yin gyi/ da'ang 'di nyid du chug cig /ces smras pa dang / des de nyid du gzhug snyam ste rma khar btsugs nas de ngo tsha ba'i chos su gyur to/ /dge slong de bdag la phas pham pa'i chos su ma gyur grang zhes the tshom skyes pa dang / bcom ldan 'das kyis bka' stsal pa/ ngo tsha ba la ni/ chags pa med pas/ phas pham pa'i nyes pa med mod kyi/ de nyes pa sbom por 'gyur ro/ /dge slong zhig mi ro brtag pa'i phyir dur khrod du song ba dang / des de na bud med rgyan gyis brgyan bzhin du bor ba'i ro zhig mthong ngo / /des de mthong nas chags pa'i chos skyes te/ des de'i nang du gzhug ces rma khar btsugs pa dang / de'i nang du yang srin bus gang zhing 'dug ste/ dge slong de bdag la phas pham pa'i nyes pa ma byung grang zhes the tshom skyes pa dang / bcom ldan 'das kyis bka' stsal pa/ dge slong dag /nyams pa de la rnam pa gnyis te/ nang nyams pa dang / phyi nyams pa ste/ phas pham pa'i nyes pa ni/ med mod kyi/ nyes pa sbom por 'gyur ro/ /'od bzang ma zhes bya ba'i dge bsnyen ma zhig nub mo dus byas nas de brgyan bzhin du dur khrod du bor ba dang / dge slong zhig mi ro la brtag pa'i phyir dur khrod du song ba des de mthong nas de la chags pa'i chos skyes te/ des de'i nang du gzhug ces rma khar btsugs pa dang / de'ang langs te 'dug nas dge slong de 'jigs par gyur te/ bdag la phas pham pa'i nyes pa ma byung grang zhes the tshom skyes pa dang / bcom ldan 'das kyis bka' stsal pa/ dge slong 'jigs pa la ni/ chags pa med pas phas pham pa'i nyes pa ni/ med mod kyi/ nyes pa sbom por 'gyur ro/ /khyim bdag bzang skyes zhes bya ba'i chung ma de'i grong du nye bar 'gro ba dge slong zhig yod pa der song nas de la 'di skad du khyim bdag gi chung ma/ 'dod chags kyis khebs shing gzir to/ /zhes smras pa dang / mos smras pa/ 'og mar smyugs la steng mar khu ba thongs shig /steng mar smyugs la 'og mar khu ba thongs shig/ de la kho mos mi tshangs par spyod par mi shes so/ /zhes smras pa dang / des kyang 'di snyam du bsnyam ste 'di ni/ bzang ngo / /'di ni/ legs so/ /de lta bur ni/ rung ngo / /snyam du bsam nas 'og mar smyugs te steng mar khu ba btang ba dang / dge slong de the tshom skyes nas bcom ldan 'das kyis bka' stsal pa/ bcug ma thag tu phas pham par 'gyur ro/ /shin tu bzang mo'i gleng gzhi ni/ ji ltar rnam par 'byed pa las 'byung ba bzhin no/ /rab tu bzang zhes bya ba'i dge slong zhig gcig bu dgon pa la gnas te/ de nas rgyang mi ring ba zhig na bram ze'i zhing zhig yod de/ bram ze de zhing la rtag tu 'ong bas mthong ste| de mthong nas dad pa skyes so/ /des de zan la mgron du bos nas des kyang de la khas blangs so/ /des nang par sngar zas rnams sbyar te/ bu mo chung ngu sgren mor spyod pa zhig 'bod du btang ba dang / des de'i mo mtshan mthong ngo / /des mthong nas chags pa skyes te byas pa dang / de'i mo mtshan ral nas de the tshom skyes te bcom ldan 'das kyis bka' stsal pa/ de ste mi tshangs par spyad pas dga' ba tshor na ni/ phas pham par 'gyur ro/ /de ste ma tshor na ni/ nyes pa sbom por 'gyur ro/ /mdor na/ las su mi rung gnyid log la/ /gnod pa dang ni ra ro dang / /nad kyis gzir dang mi 'dod bzhin/ /skyes pa dang ni ma ning ngo / /dge slong zhig rang bzhin gyis pho mtshan las su mi rung ste/ gang las su rung bzhin du bcug na/ phas pham pa'i nyes par 'gyur gyi/ las su mi rung bzhin du bcug na/ nyes par mi 'gyur ro/ /snyam nas des ma bsgreng bzhin du bcug pa dang / the tshom skyes nas bcom ldan 'das kyis bka' stsal pa/ phas pham pa'i nyes pa med mod kyi/ nyes pa sbom por 'gyur ro/ /dge slong gis bud med gnyid log pa la byas pa dang / dge slong de the tshom skyes nas bcom ldan 'das kyis bka' stsal pa/ de ste lag pas ni/ lag par/ rkang pas ni/ rkang par/ brlas ni/ brlar/ 'drong gis ni/ 'drong la 'byar na/ phas pham par 'gyur ro/ /ma 'byar na ni/ nyes pa sbom por 'gyur ro/ /ji ltar gnyid log pa de bzhin du| ra ro ba dang / nad kyis gzir ba mi 'dod bzhin pa'o/ /ji ltar bud med la rnam pa bzhir brjod pa skyes pa dang / ma ning la yang de bzhin no// //'dul ba gzhung dam pa| bam po nyer gnyis pa/ mdor na/ rnam pa bzhi dang lnga pa dang / /lam rnams kun dang gnyid log pa/ /lan gcig gsum pa byas pa dang / /bud med skyes pa ma ning ngo / /dge slong nyal ba la bud med kyis byas te 'gyod pa skyes pa dang / bcom ldan 'das kyis bka' stsal pa/ dge slong / khyod kyis ci dga' bar tshor ram/ gsol pa/ dga' ba tshor ro/ /bcom ldan 'das kyis bka' stsal pa/ shes sam/ smras pa/ 'tshal ba ni/ ma mchis te/ bdag g.yos pa tsam du gyur to/ /bcom ldan 'das kyis bka' stsal pa/ dge slong gnyid kyis log pa g.yos pa tsam du gyur pa la phas pham pa'i nyes pa med de/ nyes pa sbom por 'gyur ro/ /dge slong zhig nyal ba na bud med kyis byas te/ de 'gyod pa skyes pa dang bcom ldan 'das kyis bka' stsal pa/ dge slong / khyod kyis ci dga' ba tshor ram/ gsol pa/ dga' ba ma tshor ro/ /bcom ldan 'das kyis bka' stsal pa/ dga' ba ma tshor na/ nyes pa med do/ /dge slong nyal zhing 'dug pa la bud med kyis byas te/ de 'gyod pa skyes pa dang / bcom ldan 'das kyis bka' stsal pa/ dge slong / ci/ khyod kyis shes sam/ gsol pa/ ma 'tshol to/ /bcom ldan 'das kyis bka' stsal pa/ shes pa med na/ nyes pa med do/ / dge slong nyal zhing 'dug pa la bud med kyis byas te 'gyod pa skyes pa dang / bcom ldan 'das kyis bka' stsal pa/ ci/ dge slong khyod kyis shes pa'am/ dga' ba tshor ba yod dam/ gsol pa/ 'tshal ba'ang ma mchis/ dga' ba tshor ba'ang ma mchis so/ /bcom ldan 'das kyis bka' stsal pa/ shes pa med pa dang / dga' ba tshor ba med pa la nyes pa med do| |dge slong la ji lta bar dge slong ma dang / dge slob ma dang / dge tshul ma dang / dge tshul pha la yang de bzhin no/ /sdig pa can gyi dge sbyong gsum pos bud med bzung ste lam kun tu byas kyang nyes par mi 'gyur ro/ /zhes smras nas/ de dag gis de'i lam kun tu byas pa dang / de dag the tshom skyes nas bcom ldan 'das kyis bka' stsal pa/ bcug ma thag tu phas pham par 'gyur ro/ /bud med la ji lta bar skyes pa dang / ma ning thams cad la'ang de bzhin no/ /mdor na/ bud med skyes pa ma ning dang / /sun phyung dga' ba ma tshor dang / /dgon pa gsum dang rab byung lnga'o/ /dge slong zhig nyal ba la bud med kyis byas te dge slong de 'gyod pa skyes nas bcom ldan 'das kyis bka' stsal pa/ dge slong / ci khyod kyis shes sam/ gsol pa/ ma 'tshal to| |ma shes pa la nyes pa med do/ /bud med la ji lta bar skyes pa dang / ma ning la yang de bzhin no/ /dgon pa'i dge slong sdig can gyis dge slob ma khrid nas khyod ni/ bsnyen par ma rdzogs pas mi tshangs par spyod na/ bdag cag gnyi ga la nyes par mi 'gyur ro/ /zhes smras pa dang / des khas blangs so/ /des khas blangs nas 'gyod pa skyes pa dang / des de ma dad bzhin du byas nas dge slob ma de/ bdag ni/ dge slob ma ma yin par ma gyur grang snyam du 'gyod pa skyes pa dang / bcom ldan 'das kyis bka' stsal pa/ bslab pa nyams kyi/ slar yang byin cig /nyes byas su 'gyur ro/ /dgon pa'i sdig can mas dge tshul pha brid nas khyod ni/ bsnyen par ma rdzogs pas mi tshangs par spyod kyang bdag cag gnyis ka la nyes par mi 'gyur ro/ /zhes smras pa nas rgyas par te| bcom ldan 'das kyis bka' stsal pa/ dge tshul pha la nyes byas su 'gyur te/ dge tshul ma la yang de bzhin no/ /dgon pa'i sdig can mas lor ma lon pa la khyod bsnyen par rdzogs nas ring por ma lon gyi/ mi tshangs par spyad kyang bdag cag la nyes par mi 'gyur ro/ /zhes smras nas des kyang de la khas blangs te/ des khas blangs nas slar 'gyod pa skyes pa dang / des de la ma dad bzhin du byas nas dge slong de 'di snyam du/ bdag la phas pham pa'i nyes pa ma byung grang snyam ste 'gyod pa skyes pa dang / bcom ldan 'das kyis bka' stsal pa/ dga' ba mi tshor ba la ni/ phas pham pa'i nyes pa med de/ nyes pa sbom por 'gyur ro/ /dge slong zhig gis dge slong zhig nyal ba la byas pa dang / dge slong des thog ma dang / bar dang / tha ma rnams ma shes na/ dge slong gang gis byas pa de ma rung bar byos shig / rgyas par ni/ rnam par 'byed pa las ji skad 'byung ba bzhin no/ /mdor na/ bzhi pa gzugs brnyan klu mo dang / gnod sbyin lha mo dri za mo/ /lha min yi dwags mi za mo| |sha za mo yang de bzhin no/ /dge slong zhig gis shing gi gzugs brnyan byas pa/ gzugs legs pa/ blta na sdug pa/ mdzes pa zhig mthong ste/ de mthong ba dang 'dod pa'i chos skyes nas de nyid du gzhug snyam ste/ rma khar bcug pa dang / des kyang phye nas dge slong de 'gyod pa skyes pa dang / bcom ldan 'das kyis bka' stsal pa/ de ste yan lag thams cad reg par byas na/ phas pham par 'gyur ro/ /'on te mo mtshan sprad pa tsam gyis ni/ nyes pa sbom por 'gyur ro/ /ji ltar shing las byas pa de bzhin du sa las byas pa dang / rdo las byas pa dang / gos las byas pa rnams kyang de bzhin no/ /klu'i bu mo zhig dge slong gi drung du 'ongs nas btsun pa/ mi tshangs par spyad kyi/ tshur spyon zhes smras pa dang / des khas blangs nas des der gzhug ces rma khar bcug pa dang / de yang lus ring mo gyur nas dge slong de 'jigs par gyur nas/ 'gyod pa skyes pa dang / bcom ldan 'das kyis bka' stsal pa/ dge slong 'jigs pa la chags pa med pas na/ phas pham pa'i nyes pa med de/ nyes pa sbom por 'gyur ro/ /de bzhin du gnod sbyin gyi bu mo'i bar du rgyas par te/ de yang mi snang bar gyur nas dge slong de 'gyod pa skyes pa dang / bcom ldan 'das kyis bka' stsal pa/ phas pham pa'i nyes pa med de/ nyes pa sbom por 'gyur ro/ /lha'i bu mo dang / dri za'i bu mo dang / lha ma yin gyi bu mo rnams kyang de bzhin du rgyas par te/ ji ltar klu'i bu mo bzhin du lus cher gyur nas dge slong de 'gyod pa skyes pa dang / bcom ldan 'das kyis bka' stsal pa/ dge slong 'jigs pa la ni/ 'dod chags med pas phas pham pa'i nyes pa med de/ nyes pa sbom por 'gyur ro/ /de bzhin du yi dwags kyi bu mo de'i mo mtshan cher gyur pa dang / des der rkang pa bcug nas dge slong de 'gyod pa skyes pa dang / bcom ldan 'das kyis bka' stsal pa/ phas pham pa'i nyes pa med de/ nyes pa sbom por 'gyur ro/ /dge slong gcig bu dgon pa la gnas pa dang / der mi za mo zhig 'ongs te btsun pa/ mi tshangs par spyad kyi/ tshur spyon ces smras na/ dge slong de tshul khrims dang ldan pas spro ba ma bskyed pa dang / des smras pa/ btsun pa/ spro ba skyed cig /khyod ma rungs par byas sa re/ des de la ci dga' bar byos shig /spro ba mi bskyed do/ /zhes smras pa dang / mos dge slong de nyal ba la phyar bas dkris te rgyal po btsun mo dang lhan cig tu gzims pa'i mchan du bcug pa dang / rgyal po des dge slong de mthong nas khyod 'dir ci la 'ongs/ des smras pa/ bdag gcig pu dgon pa na gnas pa dang / der mi za mo zhig mchis nas bdag la btsun pa| mi tshangs par spyad kyi/ tshur spyon ces mchis nas bdag gis spro ba ma bskyed pa dang / des btsun pa/ spro ba skyed cig /khyod ma rungs par byas sa re zhes mchi nas de la bdag gis ci dga' bar byos shig / spro ba ni/ mi bskyed do/ /zhes de skad smras pa dang / bdag nyal ba la des phyar bas dkris te 'dir bzhag go /rgyal pos btsun pa gang du 'di lta bur 'jigs par 'gyur ba de lta bu'i dgon par ci'i phyir gnas zhes smras nas dge slong bskrad pa dang / dge slong de 'gyod pa skyes nas bcom ldan 'das kyis bka' stsal pa| phas pham pa'i nyes pa med de/ phyin chad gang du 'di ltar 'jigs par 'gyur ba de lta bu'i dgon par ma gnas shig /de bzhin du sha za mos kyang byas te des kyang nyal ba la phyar bas dkris nas chang 'tshong pa'i spyil bur bcug go / chang 'tshong ba des spyil bur bltas pa dang / dge slong mthong nas rgyas par ni/ ji ltar mi za mos byas pa bzhin no/ / mdor na/ ut+pa la kha dog dga' mo dang / /phru gu gnyis dang sha snag dang / khyi mo wa mo bya rog mo/ /mi ma yin dang chu rgal dang / /nya dang sram dang shing thun mo'o/ /bcom ldan 'das mnyan du yod pa na bzhugs so/ /dge slong ma ut+pa la'i kha dog ma snga dro sham thabs bgos te mnyan du yod par bsod snyoms la zhugs pa nas rgyas par rkang pa bkrus te nang du yang dag 'jog la 'jug pa'i phyir gnas khang du zhugs pa dang / sgo phye ste 'phres nas tsha ba'i dus la bab pas gnyid kyis log cing nyal ba dang / g.yon can srang phran nas rgyu zhing 'dong ba rnams kyis mthong ste de dag gis nyal ba la byas so/ /de dag gis byas nas dong ba dang / de yang sad nas dge slong ma de 'gyod pa skyes pa dang / bcom ldan 'das kyis bka' stsal pa| nyes pa med de/ phyin chad dge slong mas sgo ma bcad par ma 'phres shig /'phres na/ nyes byas su 'gyur ro/ /de bzhin du snyoms par zhugs pa la byas na yang nyes pa med de/ phyin chad dge slong ma sgom bcad par snyoms par ma 'jug cig / snyom par zhugs na/ nyes byas su 'gyur ro/ /dge slong zhig mnyan du yod par bsod snyoms la zhugs pa dang / de khyim bdag gang gi khyim du zhugs pa khyim bdag de'i phag gi phru gu zhig phur ba la btags pas de phur pa de la 'khor zhing 'dug pa dang / dge slong des snying rje skyes nas de phur pa las bkrol te btang ba dang / khyim bdag des dge slong de mthong nas des brgyugs te dge slong de'i gong ba nas bzung ste khyod kyis kho bo'i phag gi phru gu btang bas na/ khyod ni/ rku ba'o/ /khyod ni/ glen pa'o/ /khyod ni/ dge sbyong sdig can no/ /zhes smras pa dang / de 'di snyam du bdag gis phag gi phru gu btang bas na/ bdag ni/ rku ba/ bdag ni/ glen pa/ bdag ni/ dge sbyong sdig can du gyur gyi/ bdag song la mi tshangs par spyad do/ /snyam du bsam nas de song ste mi tshangs par spyad pa byas pa dang / des 'di snyam du/ dge slong dag la dris la/ de ste bdag rab tu byung nas bsnyen par rdzogs pa 'chags na ni/ bdag rab tu 'byung ngo / /mi 'chags na ni/ 'di nyid du gnas so/ /snyam du bsam nas des de ltar gyur pa dge slong rnams la smras pa dang / dge slong rnams kyis bcom ldan 'das la gsol nas bcom ldan 'das kyis bka' stsal pa/ dge slong dag /snga ma la nyes pa med kyi/ phyi ma la ni/ nyes par gyur to/ /de ltar bya gag gi phru gu yang de bzhin no/ /khyim bdag cig gis sha snag gu zhig khyer te song ba bya 'ol pas 'phrog ste khyer nas sha snag gu de 'ol ba'i lag nas shor te dge slong bsod snyoms la spyod pa de'i lhung bzed du lhung ngo / / khyim bdag des sha snag gu de dge slong de'i lhung bzed na 'dug pa mthong ba dang / des dge slong de'i gong pa nas bzung ste kho pa'i sha snag gu de 'ol bas khyer ba la khyod kyi lhung bzed nas zin pas na/ khyod ni/ rku ba'o/ /khyod ni/ glen pa'o/ /khyod ni/ dge sbyong sdig can no/ /zhes smras pa dang / de 'di snyam du/ 'di'i sha snag gu de bdag gi lhung bzed nas zin pas na/ bdag ni/ rku ba'o/ /bdag ni/ glen pa'o/ /bdag ni/ dge sbyong sdig can du gyur gyi/ bdag song la mi tshangs par spyad par bya'o/ /snyam du bsam mo/ /rgyas par ni/ ji ltar phag gi phru gu bzhin no/ /dge slong zhig gis khyi mo'i mdun du gci ba byas pa dang / des de'i pho mtshan khar bcug nas des khu ba byung ste/ lus kyang btud nas dge slong de 'gyod pa skyes pa dang / bcom ldan 'das kyis bka' stsal pa/ phas pham pa'i nyes pa med de/ phyin chad dge slong gis khyi mo'i mdun du gci ba ma byed cig /yang na/ de skrod cig /yang na/ gud du song zhig /dge slong zhig 'chag pa na wa mo zhig sgra 'byin cing phyag dar khrod kyi gos 'dral lo/ /de nas de 'di snyam du/ bdag gi phyag dar khrod kyi gos 'dral ba de su yin pa song ste blta'o/ /snyam du bsam nas de phyag dar khrod kyi gos kyis dkris te 'dug pa dang / wa mo de yang 'ongs nas dge slong de'i steng du zhon pa dang / des phyag dar khrod kyi gos kyis wa de dkris te bzung nas de 'di snyam du/ wa 'di pho'am/ mo yin pa blta'o/ /zhes bsam nas des de'i mo mtshan mthong ngo / /des mthong nas 'dod pa'i chos skyes te/ des de nyid kyi nang du gzhug go /snyam du bsam nas rma khar btsugs pa dang / mos slar log ste sos btab nas dge slong de skrag par gyur pa dang / bcom ldan 'das kyis bka' stsal pa/ dge slong skrag pa la phas pham pa'i nyes pa med de/ nyes pa spom por 'gyur ro/ /dge slong zhig gcig bu nags stug po na gnas pa dang / de de nas mi'am ci mos khrid nas des de brag phug tu bcug ste/ des ci nas kyang 'du shes gyur pa de ltar byas so/ /des de 'du shes bsgyur te spyod yul gyi phyir song ba dang / dge slong de 'du shes thob nas de gnas de nas langs te bros so/ /dge slong de 'gyod pa skyes pa dang / bcom ldan 'das kyis bka' stsal pa/ nyes pa med de| phyin chad dge slong gis gang du 'di lta bur 'jigs par 'gyur ba'i dgon par ma gnas shig / dge slong zhig sgren mor chu klung brgal ba las de'i pho mtshan nyas bzung ba dang / des kyang lus btud de khu ba phyung nas dge slong de 'gyod pa skyes pa dang / bcom ldan 'das kyis bka' stsal pa/ nyes pa med de/ phyin chad 'di lta bur 'jigs par 'gyur ba'i chu klung gang yin pa la sgren mor ma rgal cig / bud med cig sgren mor shing thags kyi nang na khu le lta bus chu 'chu shing 'dug pa la dge slong zhig gis shing thags kyi gseb nas de'i mo mtshan mthong ngo / /des mthong nas chags pa dang / de'i mo mtshan la de'i pho mtshan gyis reg nas bcom ldan 'das kyis bka' stsal pa/ phas pham pa'i nyes pa ni/ med de nyes pa sdom por 'gyur ro/ /bcom ldan 'das mnyan du yod pa'i dze ta'i tshal mgon med zas sbyin gyi kun dga' ra ba na bzhugs so/ /dge slong dag gis bya ba byas nas 'chag cing nyin par spyod pa'i gnas su song ste/ des der gdan bting nas skyil mo krung bcas te 'dug pa dang tsha ba'i dus la bab pas des der 'phres te nyal ba dang gnyid kyis log go/ /de nyal ba na sham thabs bsnyil nas pho mtshan las su rung bar gyur te/ bud med shing thun zhig shing tshol zhing gnas der 'ongs pa dang / des dge slong de mi sdug par nyal ba mthong ngo / /des mthong nas shin tu chags te/ des dge slong de la nyal po byas so/ /nyal po byas nas de song ba dang / dge slong de yang sad nas des/ 'phags pa/ bdag gi khyim 'di zhes bgyi ba na mchis kyi/ de ste yang bzhed na| der spyon cig / ces smras pa dang / dge slong de 'gyod pa skyes nas bcom ldan 'das kyis bka' stsal pa/ dge slong / ci khyod kyis shes sam/ gsol pa/ ma 'tshal te/ mi shes na/ nyes pa med de/ bla gab med par gcig pu 'phres te ma 'dug cig /'dug na/ nyes byas su 'gyur ro/ /mdor na/ pa la sha yi rtswa rnga ma/ /tsam pa ka yi rgyu lnga dang / /rgyal po'i khab na sman dpyad dang / /b+ha ru kad tsa'i smad 'tshong ma'o/ /bcom ldan 'das ke ta'i shing pa la sha'i nags na bzhugs so/ /de nas dge slong gzhan zhig la rtswa rngam zhig gis rgyas par ni/ ji ltar shing thun ma bzhin no/ /grong khyer tsam par nad g.yan pas btab pa dang / rgyu lnga dang rkyen lngas pho mtshan las su rung ba 'gyur te/ rnam par 'byed pa las ji skad 'byung ba bzhin no/ /bcom ldan 'das rgyal po'i khab na bzhugs so/ /dge slong zhig pho mtshan nad kyis gzir ba dang 'tsho byed kyi pha mtshan yang nad kyis gzir bar gyur ba na/ des bud med kyis khar bcug pa dang / de nad de las thar to/ /zhes des thos nas des 'di snyam du/ bcom ldan 'das kyis nad pa'i sman dpyad du gnang gi /bud med kyi khar gzhug go /snyam du bsam ste/ des bud med kyi khar bcug nas nad de las thar pa dang / dge slong de 'gyod pa skyes nas bcom ldan 'das kyis bka' stsal pa/ bcug ma thag tu phas pham par 'gyur ro/ /yul b+ha ru kad tsa'i smad 'tshong ma zhig gi khyim du rkun po gcig cig gnas te/ de de nas byung zhing mi dag la gnod pa byed pa dang / de dag gis rgyal po la gsol nas/ rgyal pos smad 'tshong ma bos nas/ ci/ khyod kyi khyim na rkun po gnas sam zhes dris pa dang / lha/ su yang ma mchis so/ /de ste btsal te rnyed na ni/ khyod kyis bcabs te sbas pas chad pas gcad do/ /mi de dag gis rkun po de bzung ste khrid nas rgyal po la gsol ba dang / rgyal pos bka' stsal pa/ khyod song la smad 'tshong ma 'di rkang pa'i mkhrig ma nas 'breng bas thogs la ltag par sprel te dur khrod du 'or cig /su gang zhig gis 'di btang na/ de chad pa 'di nyid kyis gcad do/ /de ste gson na ni/ khyi rnams la sbyin no/ /de dag gis de'i rkang pa'i mkhrig ma nas 'breng bas btags nas ltag par sprel te dur khrod du bor ba dang / dge slong zhig dur khrod na mi rol rtog cing 'dug pa des mthong ste/ 'dod pa'i chos skyes nas des 'di ltar de nyid du gzhug snyam ste rma khar btsugs pa dang / de'ang langs te 'dug nas btsun pa sngon du chu zhig stsol cig / ces smras pa dang / des de la chu blud nas des smras pa/ btsun pa/ /kho mo'i lus dang mngal mi gtsang ba 'di cir dgos/ des de na gnas kyis bar du bzung ba dang / de'i gnyen bshes rnams 'ong ba dge slong des rgyang ma nas mthong ste ngo tsha bas phyogs gcig tu song ba dang / des gnyen bshes de dag la smras pa/ kho mo 'di ltar cung zad 'tsho ba de dag thams cad dge slong 'di'i mthu yin gyi/ de pos shig /ces des smras pa dang / de dag gis bos nas des smras pa/ btsun pa/ kho mo cung zad 'tsho ba de thams cad ni/ khyod kyi drin te/ 'di dag ni/ kho mo'i gnyen bshes lags na/ 'di dag gis gsos te sos pa dang / de ste kho mo la bgyi ba mchis na/ khyim 'di na mchis kyi/ der spyon cig /ces smras pa dang / dge slong de 'gyod pa skyes nas bcom ldan 'das kyis bka' stsal pa/ phas pham pa'i nyes pa med de/ nyes pa sbom por 'gyur ro/ /mdor na/ ba lang nang dang khron pa dang / /reg dang gru yang nub pa dang / /skyes pa dag dang ser skya dang / /bud med bu dang ser skya dang / /bzang skyes nor can pho brang skyong / /dge slong pho brang 'khor skyong ba ba lang gi nang du song ba dang / de glang mi srun pas brdungs nas bud med kyi steng du 'gyel ba dang / dge slong de 'gyod pa skyes nas bcom ldan 'das kyis bka' stsal pa/ nyes pa med de/ /shes par byos la ba lang gi nang du song zhig / dge slong zhig khron pa zhig tu bltas pa dang / der lhung nas der sngar yang bud med cig lhung bas de'i mgul nas 'jus so/ /khyim bdag dag gis thag pa blangs te dge slong de phyung ba dang / de'i mgul nas bud med cig gis 'jus par mthong nas de dag gis bud med 'di ga las 'ongs zhes smras pa dang / dge slong gis/ 'di ni/ sngar lhung bas kho bo'i mgul nas 'jus so/ /zhes smras nas dge slong de 'gyod pa skyes pa dang / bcom ldan 'das kyis bka' stsal pa/ nyes pa med de/ bag yod par byos la khron par ltos shig /dge slong zhig bsod snyoms spyod pa las sgo khang dog pa zhig nas byung ba dang / bud med cig kyang nang du 'jug pa de'i mo mtshan gyis de'i pho mtshan la reg pa dang / dge slong de 'gyod pa skyes nas bcom ldan 'das kyis bka' stsal pa/ nyes pa med de/ bag yod par byos la grong du bsod snyoms spyod cig /dge slong zhig gru las klung brgal ba na gru de nub pa dang / bud med cig kyang de na yod de/ des de'i mgul nas 'jus so/ /dge slong brgal ba dang / dge slong de 'gyod pa skyes nas bcom ldan 'das kyis bka' stsal pa/ nyes pa med de/ bag yod par byos la klung rgol cig / skyes pa ser skya zhes bya ba zhig dge slong ma'i drung du song ste 'di skad du/ 'phags ma/ bdag tu phyung zhig /ces smras pa dang / de de dag gis ma brtags par rab tu byung ste/ des dge slong ma la reg pa dang / de dag 'gyod pa skyes nas bcom ldan 'das kyis bka' stsal pa/ nyes pa med de/ shin tu brtags la rab tu dbyung bar byos shig sbom mo dga' ldan mo yang rgyas par gzhan gyi bu bor ba bzhin no/ /bcom ldan 'das kyis bka' stsal pa/ dge slong mas bu dor bar ma byed cig /bor na nyes pa sbom por 'gyur ro/ /ser skya bzang mo'i gleng gzhi rgyas par byas pa dang / bcom ldan 'das kyis bka' stsal pa/ bzang mo/ ci khyod kyis dga' ba tshor ram/ btsun pa/ bdag gis dga' ba lta ga la tshor gyi/ ji ltar thong lcags bsregs pa bzhin no/ /bcom ldan 'das kyis bka' stsal pa/ bud med kyi mo mtshan gyi phyogs ni/ las rnam par smin pa las skyes te/ nan gyis byas pa la nyes pa med do/ / dge slong ma bzang mo skyes zhes bya ba de g.yon can rnams kyis bzung nas kha bkab ste nags stug por khrid nas sun phyung ste slar btang ba las/ dge slong ma dag gis gnas nas bskrad pa dang / des smras pa/ 'phags ma/ bdag gis ni/ dga' ba tshor ro/ /khyod g.yon can gyis bzung ste nags stug por khrid nas sun phyung ste slar btang ba yin na/ ci'i phyir dga' ba ma tshor/ de ltar gyur pa dge slong ma rnams kyis dge slong rnams la smras pa dang / dge slong dag gis bcom ldan 'das la gsol nas bcom ldan 'das kyis bka' stsal pa/ ci/ khyod kyis dga' tshor ram/ btsun pa/ bdag 'gres ldog sug pa g.yabs na/ dga' ba lta ga la tshor zhes gsol ba dang / bcom ldan 'das kyis bka' stsal pa/ dge slong dag /bud med kyi mo mtshan gyi phyogs ni/ las rnam par smin pa las skyes te/ 'gro ba dang / ldog pa dang / lag pa g.yob pa la ni/ nan gyis bzung ba zhes bya ste/ nan gyis bzung ba la ni/ nyes pa med do/ /dge slong ma nor can mo zhes bya ba zhig mnyan du yod par bsod snyoms spyod pa na/ g.yon can rnams kyis bzung ste nags stug por khrid nas sun phyung ste btang ba dang / dge slong ma dag gis gnas nas bskrad nas/ 'phags ma/ bdag gis dga' ba ma tshor ro/ /zhes smras pa dang / khyod g.yon can rnams kyis bcings te nags stug por khrid nas sun phyung ste btang ba yin na/ ci'i phyir dga' ba mtshor/ de ltar gyur pa dge slong ma dag gis dge slong dag la smras pa dang / dge slong dag gis kyang bcom ldan 'das la gsol nas bcom ldan 'das kyis bka' stsal pa/ ci/ khyod kyis dga' ba tshor ram/ btsun pa/ bdag gis dus nas bos dkrogs te bdag la ma 'dzin cig /ces smras na/ dga' ba lta ga la tshor/ bcom ldan 'das kyis bka' stsal pa/ bud med kyi mo mtshon gyi phyogs ni/ las rnam par smin pa las skyes te/ ngu bzhin pa ni/ nan gyis bzung ba zhes bya'o/ /bos dkrogs nas bdag la ma 'dzin cig /ces smra ba ni/ nan gyis bzung ba zhes bya ba ste/ nan gyis bzung ba la nyes pa med do/ /dge slong ma pho brang skyong zhes bya ba zhig mnyan du yod par bsod snyoms spyod pa na/ g.yon can rnams kyis bzung ste nags stug por khrid nas sun phyung ste btang ba la de dge slong ma dag gis kyang gnas nas bskrad pa dang / des smras pa/ bdag gis dga' ba ni/ ma tshor ro/ /'on kun dga' bo'i drung du song zhig /ces smras nas de de'i drung du song ba dang / gnas brtan gyis kyang mthong nas des gus pa'i tshig tu ma smras pa dang / gnas brtan gyis kyang bskrad nas de 'di snyam du/ bdag 'di 'dra bar 'tsho zhing 'dug pa bas/ song la bum pa bye mas bkad ba mgul du btags te klung a dzir ba tir mchong ngo / /snyam du bsam nas des bum pa bye mas bkang ba mgul du btags ta klung a dzi ra ba tir mchongs pa dang / tha gu ngan pa zhig pas chad de bying zhing nub pa g.yon can rnams kyis mthong nas de dag gis phyung ste bzhag nas nam 'du shes slar rnyed pa dang / de la sun 'byin to/ /dge slong ma dag kyang tshol zhing gnas der lhags pa dang / de dag gis de la sun 'byin par mthong nas des smras pa/ 'di sngon ni/ dge slong ma yin na/ da dung yang dge slong ma yin nam zhes smras nas de ltar gyur pa dge slong rnams la smras pa dang / bcom ldan 'das kyis bka' stsal pa/ ci/ khyod kyis dga' ba tshor ram/ btsun pa/ 'gres ldog sug pa g.yabs nas bdag la ma 'dzin cig /ces smras na/ dga' ba lta ga la tshor/ bcom ldan 'das kyis bka' stsal pa/ dge slong dag /bud med kyi mo mtshan gyi phyogs ni/ las rnam par smin pa las skyes te/ 'gre ba ni/ nan gyis bzung ba zhes bya ba nas bdag la ma 'dzin cig / ces smra ba ni/ nan gyis bzung ba zhes bya ba'i bar du rgyas par te/ nan gyis bzung ba la ni/ nyes pa med do/ /mdor na/ nor can dgon par 'du shes dang / /bsod snyoms bcu dang rkun po bcu/ /gzhan yang sho gam gnas kyi bcu/ /sangs rgyas bcom ldan 'das rgyal po'i khab na bzhugs so/ /sngon gyi rdzab dge slong nor can bslab pa'i gnas ma bcas pas las dang po pa la ni/ nyes pa med de/ bdag gis ni/ shing mang zhig ma byin par blangs te 'ongs na/ gang la bdag las dang po par 'gyur zhes sems la gdung zhing 'gyod de/ 'gyod par gyur pa dang / bcom ldan 'das kyis bka' stsal pa/ dge slong dang / bslab pa'i gnas ma bcas pas sngon gyi rdza ba dge slong nor can ni/ kun las kyang 'das te thams cad du las dang po pa yin pas las dang po pa la nyes pa med do/ /dge slong zhig dgon pa la bdag po med pa'i yo byad la bdag po yod par 'du shes nas ma byin par blangs pa dang / dge slong de 'gyod pa skyes nas bcom ldan 'das kyis bka' stsal pa/ bdag po yod pa la bdag po yod par 'du shes na/ phas pham par 'gyur ro/ /bdag po yod pa la the tshom du gyur na/ phas pham par 'gyur ro/ /bdag po med pa la bdag po yod par 'du shes na/ nyes pa sbom por 'gyur ro/ /bdag po med pa la bdag po med par 'du shes na/ nyes pa med do| |dge slong gis bsod snyoms 'bras chan zhig mi dbang bar blangs pa dang / bcom ldan 'das kyis bka' stsal pa/ phas pham pa'i nyes pa med de/ nyes pa sbom por 'gyur ro/ /bsod snyoms 'bras chan la ji lta ba bzhin du bsod snyoms phye dang phye tshal btsos pa'i bsod snyoms dang / bsod snyoms sha dang / bsod snyoms bag tshos rnams thams cad kyang de bzhin du nyes pa sbom por 'gyur ro/ /dge slong zhig mgron du ma bos par zan zos pa dang / dge slong de 'gyod pa skyes nas bcom ldan 'das kyis bka' stsal pa/ phas pham pa'i nyes pa med de/ nyes byas su 'gyur ro| |ljongs ko sa lar dge 'dun gyis bshos bgod pa na dge slong gzhi pa zhig grong gzhan du song ba dang / de dang lhan cig spyod pa gnyis shig yod de/ de gnyis kas mkhan po'i zan so sor mnos pa dang / de gnyis 'di snyam du/ khyod kyis kyang mnos/ kho bos kyang mnos na/ gang gis mi dbang bar blangs mi shes te/ phas pham pa'i nyes par ma gyur grang snyam du bsam pa dang / bcom ldan 'das kyis bka' stsal pa/ blangs pa la nyes pa med de/ gzhan shes par byos shig /ljongs ko sa lar dge 'dun gyis bshos bgod pa na/ dge slong gzhi pa zhig grong gzhan du song nas dge slong de'i mdza' bo des de'i zan mnos pa dang / de 'ongs nas smras pa/ tshe dang ldan pa/ khyod kyis kho bo'i zan mnos sam/ smras pa/ mnos so/ /dge slong des ngas ma bcol bar khyod kyis ci phyir mnos zhes smras pa dang / dge slong 'gyod pa skyes nas bcom ldan 'das kyis bka' stsal pa/ nyes pa med de/ ma bcol bar ni/ ma nod cig /ljongs ko sa lar dge 'dun gyi bshos bgod pa na/ dge slong nad pa zhig yod de/ de'i nad g.yog gis zan mnos te/ des mnos nas song ba dang / dge slong de'ang dus 'das nas des ji ltar bya ba mi shes nas bcom ldan 'das kyis bka' stsal pa/ de ste sngar dus las 'das la/ phyis mnos na ni/ de nyid du slar phul cig /'on te sngar mnos la phyis dus las 'das na/ yo byad gzhan ji lta ba de ltar byos shig / dge slong zhig gis dge slong zhig la 'di skad du/ tshe dang ldan pa/ tshur shog /rkun po la 'dong ngo / /zhes smras nas de gnyis dong ste lam gyi phyed du phyin pa dang / bdag cag ni/ dge bar gsungs pa'i chos 'dul ba la rab tu byung bas rkun po byas na ni/ bdag cag gnyis mi mdzes shing mi rigs so/ /snyam ste ngo tsha ba'i chos dang ldan par gyur nas de gnyis der ma dong ba dang / de gnyis 'gyod pa skyes nas bcom ldan 'das kyis bka' stsal pa/ phas pham pa'i nyes pa med de/ nyes byas su 'gyur ro/ /de dge slong zhig gis dge slong dag cig la tshe dang ldan pa dag / tshur shog /rkun po la 'dong zhes de skad smras pa dang / de dag dong nas lam gyi phyed du phyin pa dang / bdag cag ni/ mi mdzes so/ /snyam nas ngo tsha ba'i chos dang ldan par gyur te de der ma dong ba dang / dge slong de dag 'gyod pa skyes nas bcom ldan 'das kyis bka' stsal pa/ phas pham pa'i nyes pa med de/ nyes byas su 'gyur ro/ /de dag bzhin du byas pa las gcig ni/ ngo tsha ba'i chos dang ldan nas de 'di snyam du/ de ste ma song na ni/ de dag gis bdag 'tsho ba dang phral bar 'gyur gyi/ bdag song la bdag gis ma byin par mi blang zhing bdag gi skal ba mi bkur ro/ / snyam du bsam nas des der ma byin par ma blangs/ skal pa yang ma khyer ba dang / dge slong de 'gyod pa skyes nas bcom ldan 'das kyis bka' stsal pa/ phas pham bzhi nyes pa med de/ nyes byas su 'gyur ro/ /dge slong dag gis dge slong dag la tshe dang ldan pa/ tshur shog /rkun po la 'dong ngo / /zhes smras nas de dag der dong ba dang / de dag las/ phyed ni/ las byed/ phyed ni/ lam srung ngo / /de dag las lam srung ba gang yin pa de dag 'di snyam du/ bdag cag gis ni/ ma blangs shing / ma brkus pas nyes par mi 'gyur ro/ /snyam du bsam pa dang / de ltar gyur pa dge slong dag gis thos nas bcom ldan 'das la gsol pa dang / bcom ldan 'das kyis bka' stsal pa/ de ste dngos po tshang na/ phas pham par 'gyur ro/ /dngos po ma tshang na/ nyes pa sbom por 'gyur ro/ /dge slong zhig gis dge slong zhig la tshe dang ldan pa/ tshur shog /rkun po la 'dong ngo / /zhes smras nas de dag gis ma byin par blangs pa dang / gzhan du ni/ dngos po ma tshang gi/ de gnyis kyis gang nas blangs pa de nyid du dngos po tshang nas dge slong de gnyis 'gyod pa skyes pa dang / bcom ldan 'das kyis bka' stsal pa/ gnas gang nas bskyod pa de'i rin thang brtsi bar bya'o/ /dge slong zhig gis dge slong dag cig la tshe dang ldan pa dag /tshur shog /rkun po la 'dong ngo / /gang gis ci thob pa de de nyid dbang ngo / /zhes smras nas de dag der dong ba dang / de dag las kha cig gis ni/ thob/ kha cig gis ni/ ma thob nas de dag 'gyod pa skyes pa dang / bcom ldan 'das kyis bka' stsal pa/ phas pham pa'i nyes pa med de/ nyes pa sbom por 'gyur ro// dge slong de dag la rkun pos kyang byin/ thun mong ba dang / srung ba dag gis kyang byin na/ de dag 'gyod pa skyes nas ma blangs pa dang / bcom ldan 'das kyis bka' stsal pa/ rjes su gnang ba ni/ sbyin par byed pa la sbyin bdag tu sems nye bar bzhag ste longs shig /dge slong zhig gi lhan cig spyod pa de rkun pos khrid pa dang / de de nas bos te 'ongs nas dge slong de 'gyod pa skyes pa dang / bcom ldan 'das kyis bka' stsal pa/ dge slong bdag nyid kyis bdag rkur rung gi /nyes pa med do/ /dge slong zhig la sho gam bcad pa'i rdzas shig lag na yod na/ de ste sho gam gyi gnas las 'das na ni/ phas pham par 'gyur ro/ /de 'di snyam du/ 'di ni/ bdag gi ma'i 'o/ /'di ni/ bdag gi pha'i 'o/ /'di ni/ bdag gi phu bo'i 'o/ / 'di ni/ bdag gi sring mo dang / mkhan po dang / slob dpon dang / mchod rten dang / dge 'dun rnams kyi'o/ /snyam du bsam nas mang po la bsngos te 'das na/ nyes pa sbom por 'gyur ro/ /nam mkha' las 'das na ni/ nyes pa med do/ /mdor na/ khri'u dang glegs bam seng ras dang / /chang dang sha dang gos dang nang / /phyag dar khrod dang dur khrod dang / /dur khrod kyi ni gnas gnyis so/ /dge slong zhig gis khri'u zhig brnyas nas khyer te 'ongs nas des slar mi sbyin no/ /snyam du bsam pa dang / dge slong de 'gyod pa skyes nas bcom ldan 'das kyis bka' stsal pa/ phas pham pa'i nyes pa med de| nyes pa sbom por 'gyur ro/ /dge slong zhig gis glegs bam zhig brnyas nas khyer te 'ongs pa dang / de yang rgyas par de bzhin no/ /dge slong zhig gis seng ras shig ma byin par blangs te| des de brkus nas bshig pa dang / de'i nang nas dar rin thang chen po zhig byung ste/ dge slong de 'gyod pa skyes nas bcom ldan 'das kyis bka' stsal pa/ seng ras kyi rin thang brtsi bar bya'o| |rkun po dag gis chang zhig khyer te dgon pa la dong nas chang kha cig ni/ 'thungs/ kha cig ni/ sbas te dong ba dang / dge slong dag kyang gnas der nyin par spyod pa'i phyir dong pa dang / de dag gis de mthong nas de dag gis tshwar 'gyur gyi/ song la gtsug lag khang du skyol cing / ces smras nas/ de gtsug lag khang du bskyal to/ /rkun po dag kyang skom nas der song ste btsal ba dang / ma rnyed nas de dag gis dge slong de dag mthong ste de dag la btsun pa/ kye khyed kyis chang zhig ma bsnams sam zhes dris pa dang / dge slong de dag gis khyer ro| |zhes smras pa dang / rkun pos btsun pa/ kho bo cag gi chang brkus pas khyed ni/ rkun ma'o/ /zhes smras pa dang / dge slong de dag 'gyod pa skyes nas bcom ldan 'das kyis bka' stsal pa/ nyes pa med de/ bdag po yod dam med shin tu brtags la blang bar bya'o/ /de ltar sha la'ang de bzhin no/ /rkun pos grong bcom nas ram mdar bsnyegs pa dang / gtsug lag khang du phyin te de dag skrag pas gtsug lag khang du song nas gos kyang dge slong dag la phul nas dgon pa la bros pa dang / khyim bdag de dag gis gtsug lag khang de bskor nas de dag gtsug lag khang du dong ba dang de dag gis dge slong dag gi lag pa na gos de dag 'dug par mthong nas de dag gis gos 'di ni/ bdag cag gi'o/ /zhes smras pa dang / dge slong de dag gis kho bo cag la rkun pos byin no| |zhes smras pa dang / dge slong de dag 'gyod pa skyes pa dang / bcom ldan 'das kyis bka' stsal pa/ nyes pa med de/ rkun pos brkus nas bstab pa'i nor ma len cig /'on te rkun po rgyal mtshan can zhig gis byin na ni/ de las blangs par byos la/ gos gris dros la kha dog bsgyur te chongs shig /de kha dog bsgyur kyang slar slong na/ de'ang byin cig /btso blag mkhan zhig gis gos thal chu'i nang du bcug pa dang / des brjed de grong du song ngo / /des yang gos dran par gyur nas de slar log ste song ba dang / dge slong zhig kyang phyag dar khrod kyi gos tshol zhing gnas der phyin nas de gos de mthong ste dge slong des gos de blangs nas song ba dang / btso blag mkhan des mthong nas btsun pa/ gos ma brku zhes smras pa dang / dge slong gis kho bo phyag dar khrod kyi gos tshol ba las 'di mthong na/ khyod la 'di cir dgos zhes smras pa dang / btso blag mkhan gyis btsun pa/ kho bos gos 'di thal skyor bcug pa las brjed de/ 'di ni/ bdag gi gos lags kyi/ ma brku zhig /khyod kyis ni/ ma byin par blangs so/ /zhes smras pa dang / dge slong de 'gyod pa skyes nas bcom ldan 'das kyis bka' stsal pa/ nyes pa med de/ bdag po gzhan yod dam med shin tu brtags la blang bar bya'o/ /btso blag mkhan gyis gos shig bkrus te shing drung du 'dug pa dang / phyag dar khrod pa zhig phyag dar khrod pa'i gos tshol zhing gnas der phyin te/ des gos de mthong nas gos de blangs te song ba dang / btso blag mkhan des mthong nas btsun pa/ 'di ni/ bdag gis gos lags kyi/ ma brku zhig /ces smras pa dang / de ste khyod kyi yin na/ slar khyer cig / dge slong de 'gyod pa skyes nas bcom ldan 'das kyis bka' stsal pa/ shin tu brtag par bya ba rgyas par ro/ /khyim bdag cig gis gos bzhag ste bshang ba byed pa dang / phyag dar khrod pa zhig phyag dar khrod pa'i gos tshol zhing gnas der phyin pa des mthong nas des de khyer te song ba dang / khyim bdag de'ang langs te btsun pa/ 'di ni/ bdag gi bgo ba lags kyi/ ma brku zhig /ces smras pa dang / de ste khyod kyi yin na/ slar khyer cig /dge slong de 'gyod pa skyes nas bcom ldan 'das kyis bka' stsal pa/ nyes pa med de/ shin tu rtogs la khyer cig /dze ta'i tshal nas shin tu mi ring ba zhig na zhing rmed pa'i las byed pa zhig gos rnams bzhag ste zhing rmed pa dang / dge slong phyag dar khrod pa zhig phyag dar khrod kyi gos tshol zhing gnas der phyin te des gos de mthong nas des gos de khyer te song ba dang / zhing rmed pa'i las byed pa des mthong nas btsun pa/ gos ma brku zhig /ces smras pa dang / des de la ma nyan pa dang / des kyang brgyugs te bzung nas btsun pa/ rigs sam/ gos de ma byin par ma blang zhig / 'di ni/ kho bo phyag dar khrod kyi gos tshol ba na mthong ste khyod la 'di cir dgos/ btsun pa/ gos 'di bzhag nas bdag zhing rmed rmed de/ gos 'di ni/ bdag gi'o/ /zhes smras nas de ste khyod kyi yin na/ slar khyer cig /dge slong de 'gyod pa skyes nas bcom ldan 'das kyis bka' stsal pa/ nyes pa med de/ shin tu brtags par bgyis te longs shig / khyim bdag cig gis dge sbyong shAkya'i bu rnams ni/ ltung ba'i gos rnams phyar dar gyi gos so/ /zhes khyer ro/ /zhes thos pa dang / des res rin che ba zhig la kaR+sha pa Na brgyad phur pa phur te phyag dar spungs pa'i khrod du brkos nas sbas te kha tshar tsam zhig snang bar byas te song ba dang / dge slong zhig phyag dar khrod kyi gos tshol zhing gnas der phyin te/ des kha tshar mthong nas des de nas drangs te khyer ba dang / khyim bdag des mthong nas btsun pa/ ras ma brku zhig /ces smras pa dang / dge slong gis/ ngas 'di ni/ phyag dar khrod kyi gos tshol ba las rnyed na/ de khyod la cir dgos zhes smras pa dang / btsun pa/ bdag gis ni/ dge sbyong shAkya'i bu rnams kyis ltung ba'i gos gang rnyed pa de/ phyag dar khrod pa'o/ /zhes te khyer ro/ /zhes thos nas bdag gis ras la kaR+sha pa Na brgyad phur pa phur te phyag dar spungs par sbas pa'o/ /dge slong des kaR+sha pa Na brgyad po de mthong nas de ste khyod kyi yin na/ khyer cig /ces smras nas dge slong de 'gyod pa skyes pa dang / bcom ldan 'das kyis bka' stsal pa/ nyes pa med de/ shin tu brtags la bkur bar bya'o/ /khyim bdag gi khye'u zhig gis srang du gos bzhag ste rtsed mo rtse'o/ /de rtses nas khyim du song ba dang / dge slong zhig phyag dar khrod kyi gos tshol zhing gnas der 'ongs pa dang / des gos de mthong nas des de blangs te song ba dang / bud med cig kyang khyim de nas byung ste des kyang dge slong de mthong nas btsun pa/ gos ma brku zhig /ces smras pa dang / 'di ni/ kho bos phyag dar khrod kyi gos tshol ba na rnyed do/ /btsun pa/ kho mo'i khye'u rtse ba na gos brjed de khyim du mchis so/ /zhes smras pa dang / de ste khyod kyi yin na/ khyer cig /dge slong de 'gyod pa skyes nas bcom ldan 'das kyis bka' stsal pa/ shin tu brtags la blang bar byos shig /dge slong zhig gis phyag dar khrod pa'i gos sbas te mnyan du yod par bsod snyoms la zhugs pa dang / dge slong gzhan zhig kyang phyag dar khrod kyi gos tshol zhing gnas der phyin nas des de mthong ste bkrus pa dang / dge slong des kyang phyag dar khrod kyi gos btsal na ma rnyed nas des dge slong de 'khru ba mthong nas/ des tshe dang ldan pa/ khyod la ni/ phas pham pa'i nyes pa byung ngo / /zhes smras pa dang / ci'i phyir/ kho bo'i phyag dar khrod kyi gos 'di ma byin par blangs pa'i phyir ro/ /'di la ni/ bdag po yod par kho bos ma shes so/ /zhes smras pa dang / dge slong de 'gyod pa skyes nas bcom ldan 'das kyis bka' stsal pa/ nyes pa med de/ shin tu brtags la blang bar gyis shig /dge slong de dag gis kyang mi gtsang bas reg pa'i phyag dar khrod kyi gos bcangs pa dang / lha phran rnams 'phya nas bcom ldan 'das kyis bka' stsal pa/ phyag dar khrod kyi gos ni/ shin tu bkrus te legs par btsems la bcang bar bya yi/ dge slong dag gis mi gtsang bas reg pa'i phyag dar khrod kyi gos ma 'chang zhig / 'chang ba gang yin pa de ni/ nyes byas su 'gyur ro/ /dge slong de dag gis bdag po yod pa'i dur khrod nas gos blangs pa dang / rigs ngan rnams kyis gang cung zad bdag cag gis las su bya ba thams cad 'di dag gi phyir byed na/ 'di nas gos ma brku zhig /ces de skad mi snyan par smra ba dang / bcom ldan 'das kyis bka' stsal pa/ bdag po dang bcas pa'i dur khrod nas gos ma len cig /blangs na/ nyes pa sbom por 'gyur ro/ /dur khrod nas shin tu mi ring ba zhig na log pa'i lha khang zhig yod de/ de nas ras shig rlung gis khyer nas dur khrod du lhung ba dang / dge slong zhig phyag dar khrod kyi gos tshol zhing dur khrod du 'ongs pa des ras de rnyed nas de blangs te khyer ba dang / log pa'i lha khang na gnas pa de dag gis mthong nas btsun pa/ bdag gi ras 'di log pa'i lha khang nas dur khrod du lhung ba yin gyi/ ras 'di ma brku zhig / ces smras pa dang / de ste khyod kyi yin na/ slar khyer cig /dge slong de 'gyod pa skyes nas bcom ldan 'das kyis bka' stsal pa/ bdag po gzhan yod med shin tu rtogs la longs shig/ / //sarba mang+ga laM// //

CLOSE WINDOW