བོད་ཡིག

e-texts based on the ACIP/ALL Input

/'phags pa las kyi sgrib pa thams cad rnam par sbyong ba zhes bya ba'i gzungs rdzogs so// //rgya gar skad du/ AR+ya bid+yA ut+ta ma mahA tan+t+ra| bod skad du/ 'phags pa rig pa mchog gi rgyud chen po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na| bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de nas byang chub sems dpa' sems dpa' chen po lag n a rdo rje rig pa bye ba phrag du mas bskor nas bcom ldan 'das ga la ba der song ste phyin nas bar snang las babs te bcom ldan 'das kyi zhabs la mgo bos phyag 'tshal nas bcom ldan 'das la lan gsum bskor ba byas te phyogs gcig tu 'dug go / de nas byang chub sems dpa' spyan ras gzigs dbang phyug kyang rig pa bye ba du mas y ongs su bskor nas 'khor de nyid du 'dus te bcom ldan 'das kyi zhabs la mgo bos phyag 'tshal nas bcom ldan 'das la lan gsum bskor ba byas te phyogs gcig tu 'dug go / de nas 'byung po'i bdag po dbang ldan 'byung po bye ba phrag du mas bskor nas 'khor de nyid du 'dus par gyur te bcom ldan 'das kyi zhabs dang / phyag na rdo rje la mgo bos phyag 'tshal te phyogs gcig tu 'dug go / de nas gdol pa'i rgyal po phur bu gsum pa yang 'khor de nyid du 'dus par gyur to/ /rgyal po chen po b zhi yang g.yog 'khor bye ba phrag du mas kun nas bskor te 'khor de nyid du 'dus nas bcom ldan 'das kyi zhabs la mgo bos phyag 'tshal te phyogs gcig tu 'dug go / de nas byang chub sems dpa' lag na rdo rjes bla gos phrag pa gcig tu gzar te pus mo g.yas pa'i lha nga sa la btsugs nas bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /bcom ldan 'das/ sems can thams cad kyi don gyi slang du bdag gsang sngags kyi tshig 'chad par gnang ba mdzad du gsol/ bcom ldan 'das kyis byang chub sems dpa' lag na rdo rje la 'di skad ces bka' stsal to/ /lag na rdo rje| khyod ni/ shin tu ma rungs pa/ lag na rdo rje/ khyod ni/ shin tu brtsam pa med pa/ shin tu gtum pa yin na/ ji ltar sems can rnams kyi don gyi phyir gsang sngags 'chang / lag na rdo rje/ khyod ni/ dam tshig shes pa yin la/ sems can gang dag dam tshig mi shes par brjod pa rnams ni/ rdo rjes mthar byed pa yin na/ khyod ji ltar gsang sngags 'chang / gsol pa/ bcom ldan 'das/ de de lta lags mod kyi/ bcom ldan 'das/ gang dag rig pa mchog 'di'i don 'don pa dang / 'chang ba dang / mchod pa bgyis pa de dag ni/ bdag gi dam tshig 'tshal ba lags/ bdag gi dkyil 'khor du zhugs pa lags pas/ bcom ldan 'das kyis gnang bar mdzad du gsol/ de nas bcom ldan 'das la gnod sbyin gyi bdag po lag na rdo rjes 'di skad ces gsol to/ /bcom ldan 'das/ bdag gi yi ge bzhi pa zhes bgyi ba 'di ni/ rig pa'i tshogs thams cad kyi snying por gyur pa/ las mang po rab tu sgrub pa/ stobs dang pha rol gnon pa dpag tu ma mchis pa/ bstan pa thogs pa ma mchis pa ste/ bcom ldan 'das rig pa'i rgyal po bshad par bgyi'o/ /kye kye lha yul dang / sa dang / chu la gnas pa'i 'byung po'i tshogs rnams/ khyed yid rtse gcig tu gyis la nyon cig /rdo rjes mgo bkas par gyur ta re/ de nas lag na rdo rjes rang gi rig pa'i tshogs la bltas nas gsang sngags smras pa/ na mo rat+na tra ya s+ya/ na mash+tsaN+Da badzra pA Ni s+ya/ ma hA yak+Sha se nA pa ti s+ya/ ma hA shAkya saM bud+d+hA ya/ birli/ kirli/ mirli/ hirli/ bid+yu ta ta ma yartsi ni mi li swAhA/ de nas thams cad dang ldan pa'i 'khor de 'dar yed yed nas thal mo sbyar te bcom ldan 'das la 'di skad ces gsol to/ /bcom ldan 'das/ bdag cag la bskyab tu gsol/ bde bar gshegs pa/ bdag cag la bskyab tu gsol/ de nas gnod sbyin gyi dbang po lag na rdo rjes thams cad dang ldan pa'i 'khor la grogs po dag ma 'jigs shig / ma 'jigs shig /rig pa'i rgyal po dran par gyis shig ces dbugs phyung ngo / /de nas thams cad dang ldan pa'i 'khor de ngo mtshar du gyur nas bcom ldan 'das la 'di skad ces gsol to/ /bcom ldan 'das/ byang chub sems dpa' lag na rdo rje 'di lta bu'i gsang sngags kyi tshig dag 'chad pa ni/ ngo mtshar to/ /bcom ldan 'das/ bdag cag ni/ rig pa'i rgyal po gang na gnas pa der mchod par 'tshal lo/ / su klog pa dang / mchod par bgyid pa dang / sgrub pa'i rig sngags 'chang de'i brtson pa bskyed par bgyi'o/ /bka' stsal pa/ rigs kyi bu dag /de de bzhin te/ de de bzhin no/ /de nas rig pa'i rgyal po'i las ni/ 'di lags te/ srad bu'am/ thal ba'am/ chu la lan gcig brjod pas srung bar 'gyur ro/ /rig sngags bcad na/ mtshon rnon po la lan gnyis brjod de rtswa ku sha bcad do/ /yang na sa dra'o/ /de ltar na rig sngags thams cad bcad par 'gyur ro/ /lan gsum brjod na/ rigs sngags tshang bar 'gyur te/ mar gyi ngo zhag brgyad la 'phags pa lag na rdo rje'i mdun du mchod pa bgyis la rig sngags gang yi ge ma tshang pa'am/ dran pa nyams pa de lan brgya rtsa brgyad brjod de rig pa'i mchog gi snying po dang lhan cig tu lan gsum brjod na/ rmi lam du ston to/ /ci ste las bcang par gyur na/ rtswa ku shas byab par bya ste| rdzogs par 'gyur ro/ /lag na rdo rje'i mdun du lan bzhi brjod na/ dge ba dang mi dge ba ston par 'gyur ro/ /ci 'dod pa yid bzhin du sbyor ba bgyis na/ las rnams su 'gyur ro/ /gdon tshar bcad na/ thal ba'am/ chu'am/ dur khrod kyi sol bas bsnun no/ /yang na gzugs bgyis te lcug mas bzhus na/ gtong bar 'gyur ro/ /yang na sa la gzugs bgyis te dur khrod kyi sol bas lag mthil la rdo rje bris te lag pas bkab na/ gtong bar 'gyur ro/ /skud pa la mdud pa bor ba rnams kyis rig sngags bcing ngo / /mkha' 'gro ma rnams bcad par bgyi na/ yungs kar dag la lan bdun bdun bsngags te bsnun na mkha' 'gro ma thams cad ma rungs par 'gyur ro/ /dbab par bgyi na/ rna bar bzlas brjod bgyi'o/ /yang na tsan+dan dmar pos dkyil 'khor byugs la rdo rje rtse lnga pa bris te gu gul gyis bdug pa dang / me tog rnams kyis dbab bo/ /phyag rgya gzhig na/ chu'am/ thal lcag gam/ so phag gi dum bu rnams kyis so/ /dug las gso na/ chu'am/ rma bya'i mdongs sam/ chu dri'am/ me long gis so/ /mar gyi ngo zhag bcu bzhi nas lag na rdo rje'i mdun du zhag gsum smyung bar byas la brgyad stong bzlas brjod bgyi'o/ /de nas bcom ldan 'das lag na rdo rjes dam pa stsol bar 'gyur te/ de'i 'og tu dug gso ba la sogs pa dang / las gzhan rnams kyang bgyi'o/ /gal te mkha' 'gro ma rnams shin tu bcad par 'tshal na/ de nas lag na rdo rje'i mdun du 'bras kyi zegs mas lan brgya stong sbyin sreg bgyis na/ lag na rdo rjes ji skad bshad pa bzhin du tshe ji tsam thub par rig sngags thams cad ma rungs par 'gyur ro/ /seng ldeng gi rdo rje bgyis te rig sngags 'chang gi ming nas brjod la sa la lan gcig btsugs na bshig par 'gyur te/ de phyin chad rig sngags 'chang de'i gsang sngags rnams mi 'jug go /rig sngags gcad par bgyi 'tshal na/ rig sngags 'chang gi gzugs bgyis pa bcad na/ bcad pa bgyis par 'gyur ro/ /rig sngags bshig par bgyid 'tshal bas rig sngags de rig pa mchog gi snying po dang lhan cig brjod na/ rig sngags thams cad bshig par 'gyur te/ las mi bgyid do/ /rig pa 'gugs par 'tshal bas mar gyi ngo zhag brgyad la nyin zhag gcig smyung ba bgyis la lag na rdo rje'i mdun du mchod par bgyis te rig pa mchog gi snying po dang lhan cig lan brgya stong bzlas brjod bgyis na/ rig pa 'gugs te/ phyis rig pa sgrub bo/ /rig pa nyams par bgyis na/ bzlas brjod byas pas cho ga ste/ che ge mo'i rig pa la gnod pa mdzod cig ces bgyis na/ rig pa de las mi bgyid do/ /rig pa tshar gcad par bgyi na/ thal ba la gzugs bgyi ste/ rig pa mchog gi snying po dang lhan cig brjod la rkang pa g.yon pas kyang phyis na/ rig pa smad pa dang / nyams par 'gyur te/ las mi bgyid do/ /gal te rig sngags 'chang gzhig par 'tshal na/ lag na rdo rje'i mdun du rig sngags 'chang gi ming nas brjod de mar me'i snying po me lce dang bcas pa bdun sbyin sreg bgyis na/ rig sngags 'chang ba bshig par 'gyur te/ bsod nams kyang 'jig go /srog kyang 'jig go /rig sngags 'chang de'i tshe ji tsam par gsang sngags rnams mi 'grub bo/ /slar gso bar bgyi na/ ma la ta'i me tog mar la smyugs pa'i sbyin sreg bgyi ba lan nyi shu rtsa gcig lag na rdo rje'i mdun du sbyin sreg bgyi na rig pa 'grub bo/ /las 'di dag ni/ ma bsgrubs kyang bgyid do/ /ci ste bgyid 'tshal na/ ri la 'dzegs te kha zas 'o skyo 'thung zhing lan 'bum bzlas brjod bgyis na rig pa'i rgyal po'i mchog rang gi gzugs su mthong bar 'gyur te/ de la bu ci bya zhes gsung bar 'gyur ro/ /de nas bcom ldan 'das/ las thams cad mdzad du gsol zhes brjod par bgyi'o/ /de bzhin du gyur cig ces brjod nas mi snang bar 'gyur ro/ /de nas yid kyis bzlas brjod bgyis na/ rig sngags 'chang yang 'gug go/ grog mkhar gyi sa las sbrul bgyis te sngags kyis btab na/ klu thams cad 'chi'o/ /dbang du yang 'gyur ro| |gsag ma la lan bdun bsngags te mtshor bor na/ mtsho skam par 'gyur ro/ /'bab chu chen por bor na/ 'bab chu chen po skam par 'gyur ro/ /gang du bor ba de skam par 'gyur ro/ /bdag gi rig pa'i rgyal po 'di ni/ rig pa'i rgyal po thams cad dang / rig pa thams cad kyi mchog tu brjod pa'o/ /gal te rig pa gzhan dag gi las mi 'tshal na yang sbyor ba 'dis rig pa thams cad sbyor bar bgyi'o/ /las thams cad bgyid do/ /las bgyid na/ rig pa'i rgyal po lhan cig lan gsum brjod la 'ga' zhig ma mchis na/ de'i mgo dum bu zhim thig le'i snyi ma bzhin du 'gas par 'gyur ro/ /gang gi tshe gsang ba pa rnams kyi gsang sngags grub pa de'i tshe las thams cad du rig pa'i mchog bzlas brjod bgyi'o/ /mar gyi ngo zhag brgyad la nyin zhag gcig smyung ba bgyis te lag na rdo rje'i mdun du mchod pa bgyis la ba smad spu mthun gyi mar gsar blangs te mar gsar des seng ldeng gi mer lan brgyad stong sbyin sreg bgyis na/ rig pa'i mchog rig pa sgrub pa rnams la dam pa stsol bar 'gyur ro/ /gang gi tshe pha rol 'bros par bgyid 'tshal na/ phub ma las lan brgya stong sbyin sreg bya'o/ /so phag gis kyang 'phangs na/ 'bros par 'gyur ro/ / mar gyi nyin zhag gcig smyung ba bgyis te lag na rdo rje'i mdun du arga'i zhugs bus la rtswa dur ba'i lo ma lan brgyad stong sbyin sreg bgyis na/ ti na ra gcig rnyed par 'gyur ro/ /mar gyi ngo zhag bcu bzhi nas zhag gsum smyung ba bgyis te lag na rdo rje'i mdun du me tog ku mu da dang / zho dang / sbrang rtsi dang / mar la smyugs pa khri me'i nang du sbyin sreg bgyis na/ dpal che bar 'gyur ro/ /rgya mtsho'i dbu ba dang / rgya spos dang / ldong ros rnams cha bsnyams te rma bya'i mkhris pa dang / ril bu sran ma tsam du bgyis te lag na rdo rje'i mdun du rig pa'i mchog lan brgyad stong bzlas brjod bgyis la sbrul gyis zin pa la chu la btang na/ 'jog pos zin pa yang 'tsho'o// srin bus zin pa dang / bas bldags dang / 'bras phreng bar gyur pa la chab bskol ba las gtang ngo / /sbrum ma bu ma phyin pa la ni/ mar las btang na bde bar btsa' bar 'gyur ro/ /byis pa gdon gyis zin na/ bdug pas bdugs pas gtong bar 'gyur ro/ /bud med kyi nad la ni/ dar ba las gtang ngo / /phug tu 'jug na| lus la bsku'o/ /sgrub pa na bdag la bdugs na/ log 'dren thams cad las thar par 'gyur ro/ /lag na rdo rje'i mdun du srad bu la rig pa'i mchog brgyad stong bzlas brjod bgyis te lag pa la btags nas g.yul ngor zhugs na/ pha rol gyis mi tshugs par 'gyur ro/ /sbyin sreg bgyis pa'i thal ba'am/ thal ba gtsang mas kham phor bkang la rig pa mchog bzlas brjod bgyid na/ rkun po gang na 'dug pa der mchi'o/ /gang gis rig pa'i rgyal po 'di yid kyis bzlas brjod bgyis pa de la dbang phyug chen po dang / dbang phyug chen po'i tshogs dang / bgegs dang / log 'dren dang / mkha' 'gro ma dang / srin po dang / sha za dang / gnod sbyin dang / 'byung po dang / grul bum dang / srul po dang / mdangs 'phrog pa dang / gdon rgyan ma dang / ma mo dang / lag na rdo rje'i phyag brnyan dang / gang gis kyang glags mi rnyed kyi/ lag na rdo rje'i de'i mgo 'gems so/ /bcom ldan 'das kyi spyan snga'am/ phyogs gtsang mar mchod pa bgyis te rtswa ku sha'i mdung rtse gsum pa thogs la yungs kar zho dang / sbrang rtsi dang / mar bsregs pa sbyin blugs lan nyi shu rtsa gcig sbyin sreg bgyi zhing nyin bdun dus gsum du gcer bus skra bshig la bgyis na/ nor stsol bar bgyid do/ / mar gyi ngo zhag drug nas brtsams te mtsho 'gram du mchis la mar gyi ngo zhag brgyad pa'i bar du yungs kar dag las sbyin sreg lan brgya stong bgyis na/ nor dang / gos rnams stsol bar 'gyur ro/ /'phags pa rig pa'i rgyal po'i mchog sgrub pa ni/ ri mo mkhan gso sbyong bzung bas ma gong pa'i ras la spyin dang ma 'dres pa'i tshon rtsi rnams kyis sangs rgyas kyi sku gzugs bri bar bgyi'o/ /g.yas phyogs su lag na rdo rje stan nang tshangs can gyi steng na mchis par bri'o/ /lag na rdo rje'i 'og tu rig pa'i mchog bri'o| |bcom ldan 'das ni/ gser gyi kha dog lta bu'o/ /lag na rdo rje ni/ sngo bsangs te/ rgyan thams cad kyis brgyan pa'o/ /rig pa'i rgyal po yang sngo bsangs te/ rgyan thams cad kyis brgyan la stan gor bu'i steng na mchis par bri'o/ /mar gyi ngo zhag bcu bzhi la nyin zhag gcig smyung ba bgyis te ci nus su mchod par bgyis la rgyal pa'i blo gros kyis rig pa'i rgyal po dgug par bgyi'o/ /rdo rje'i khas nye reg bgyi'o/ /rdo rje'i lte bas spos dbul bar bgyi'o/ /me kha las me tog dbul bar bgyi'o/ /gdong dkar gyis bsrung bar bgyi'o/ /rdo rje sor mos khrus bgyi'o/ /nag mos khu ba bcing bar bgyi'o/ /gyen du lta ba'i gdong gis phyogs bcing bar bgyi'o/ /rdo rje'i seng+ge'i khris 'dug par bgyi'o/ /rdo rje ldan mas bgegs gzhom par bgyi'o/ /shugs ldan mas slar gshegs su gsol lo/ /phyis rig pa mchog gi ri mo'i gzugs kyi mdun du gu gul gyi ril bu brgyad stong sbyin sreg bgyis na/ dngos grub kyi mtshan mar bcom ldan 'das kyi gzugs 'gul bar 'gyur ro/ /zhag bdun na ti na ra brgya rnyed par 'gyur ro/ /yang na longs spyod stsol bar 'gyur ro/ /mar gyi ngo zhag brgyad na lag na rdo rje'i mdun du du ru ka'i 'bras bu las lan brgyad brgya sbyin sreg bgyid na/ gang 'dod pa de smyo bar 'gyur ro/ /lag na rdo rje'i mdun du mar dang gu gul gyi ril bu brgyad brgya'i sbyin sreg bgyis na/ sos par 'gyur ro/ / mar gyi ngo zhig brgyad la nyin zhag gcig smyung ba bgyis te shing a shwat+tha'i lo 'dab kyi steng du ldong ros bzhag la ji srid kyis rnam gsum grub pa de srid du bzlas brjod bgyi'o| |dro bar gyur na/ rkang pas mchi'o/ /du ba 'thul na/ mi snang ba dang / lo bdun stong du 'tsho'o/ /'bar na/ bskal bar gnas par 'gyur ro/ /rlung bzhin du lag na rdo rje'i gnas su mchi zhing kha zas ci 'dod pa za'o/ /a tha rA dzA d+hA ma shi ka d+hu kA ma kr-i ta aSh+Ta mya a ho rA tri shi te na badzra pA Ni s+ya a gra ta arka k+Sh+The ag+ni pra dz+wA le/ ru d+hi ra a ga ta Na ti lA nA aSh+Ta sa ha sraM hu dzu ya da rA dza ba sho ba ti badzra kA mo pa saM ha ti/ ci ste dgra gsod par 'dod na/ lag na rdo rje'i mdun du seng ldeng gi zhugs bus la yungs kar dang ske tshe'i 'bru las lan brgyad stong sbyin sreg bgyis na dgra mchi'o/ /gnod par sems par bgyis na/ lag na rdo rje'i mdun du yi dwags kyi shing gi zhugs bus la til nag po la lan brgya stong sbyin sreg bgyis na gnod par sems par bgyis par 'gyur ro/ /mar gyi ngo zhag bcu bzhi la nyin zhag gcig smyung ba bgyis te lag na rdo rje'i rkang pa g.yas pa'i mthe bong las bzung la de'i ming nas phyung ste bzlas brjod bgyis na 'phral du dgrar mi 'gyur ro/ /mar gyi ngo zhag brgyad la nyin zhag gcig smyung ba bgyis te rig pa m chog gi sngags kyis btab pa'i chang gis rdo rje bkrus la rig sngags kyang lan brgyad brgya bzlas brjod bgyis na gang gi ming nas phyung ste bzlas brjod bgyis pa de gdon gyis zin par 'gyur ro/ /rdo rje 'o mas bkrus la rig sngags lan brgyad stong bzlas pa bgyis na sos par 'gyur ro/ /yul 'khor gzhig par 'dod pas seng ldeng gi rdo rje bgyis la yar gyi ngo tshes bcu gnyis la lag na rdo rje'i mdun du lan brgya stong bzlas brjod bgyis te shul gyi bzhi mdor btsugs na/ yul 'khor 'jig par 'gyur ro/ /phyung na/ snga ma kho na bzhin rtag par 'gyur ro/ /mar ngo'i zhag dgu la lag na rdo rje'i mdun du rig pa mchog gis ske tshe'i 'bru la lan brgyad stong bzlas brjod bgyis na phung bar 'gyur ro/ /lag na rdo rje'i mdun du mar dang bsres pa'i ske tshe'i 'bru la lan brgyad stong sbyin sreg bgyis na brtas par 'gyur ro/ / mar gyi ngo zhag brgyad la ba smad spu mthun gyi 'o ma blangs te rig pa mchog gi bzlas brjod byas shing bsrungs la/ de las mar gsar blangs te thod pa'i nang du bzhag la thod pa de blangs te mar gyi ngo zhag bcu bzhi la nyin zhag gcig smyung ba bgyis la mngon mtshan gcig yod par song ste 'byung po thams cad pa'i gtor ma bgyis la/ thod pa de thogs te lus kyi lho phyogs su 'dug la ji tsam na 'bar ba de srid du bzlas brjod bgyi'o/ /de nas de 'thungs na/ ci 'dod pa'i gzugs su 'gyur ro/ /nam mkha' la 'gro bar 'gyur ro/ /mi snang bar 'gyur ro/ /gzugs sna tshogs ston par 'gyur ro/ /lo lnga brgya 'tsho bar 'gyur ro/ /bdag rig pa'i rgyal po'i mchog 'di ni/ rig pa thams cad kyi gtso bo'o/ /bdag srung na/ gos kyi mtha' mar mdud pa dor ro/ /gzhan srung na/ spyi gtsug tu skra mdud dor ro/ /chu srin kum+b+hi ra'i kha bcings na/ phyogs bzhir chu gtor ro/ /stag la ni/ yid kyis dkyil 'khor bgyis na bcings par 'gyur ro/ /mtshams bcad na/ yungs kar gyis so/ /zhing srung na/ phur bu dag gis so/ / sman srung na/ yid kyis rig pa'i mchog sbyar bar bgyi'o/ /gzhan yang sgrub pa na ma god pa'i ras la spyin dang ma 'dres pa'i tshon rtsi rnams kyis rig pa'i rgyal po'i mchog bri bar bgyi ste/ mdog sngo bsangs/ sham thabs ser po/ /lag pa g.yon na zhags pa/ g.yas pas dam pa sbyin pa bri bar bya'o/ /'og tu sgrub pa po lag na pog phor thogs pa bri'o/ /zhag bdun zas su 'o skyo btung ngo / /tha mar zhag gsum smyung ba bgyis te mar gyi ngo zhag bcu bzhi la ci nus kyis mchod pa bgyis la skra tshogs las zhags pa bgyis te lag pa g.yas par thogs te ji srid du rang gi gzugs kyis mchi ba de srid du bzlas brjod bgyi'o/ /rdo rje bzhad mas smrar gzhug ste/ de bu ci bya zhes smra bar 'gyur ro/ /des tshangs pa'am/ khyab 'jug gam/ dbang phyug chen po'am/ che ge mo zhes bya ba zhags pas bzung la khrid de sbyon cig ces brjod do/ /yang na rgyal po'am/ gnod sbyin nam/ srin po'am/ sha za'am/ gang dgug par 'dod na/ de dgug pa ste/ de dag thams cad phyag brlan du 'gyur ro/ /gang bsam pa de 'tshal te mchi'o/ /gang na ma god pa'i ras la ri mo mkhan gso sbyong bzung bas sbyin dang ma 'dres pa'i tshon rtsi rnams kyis rig pa'i rgyal po'i mchog dri bar bya ste/ mdog sngo bsangs/ rgyan thams cad kyis brgyan pa/ stod g.yogs dar dkar/ smad g.yogs ras/ lag pa bzhi pa/ lag pa g.yon pa gcig na rdo rje/ gcig na lcags kyu/ g.yas pa gcig dam pa sbyin pa/ gcig be con thogs par bri bar bgyi'o/ /'og tu sgrub pa po lag na pog phor thogs par bgyi'o /g.yas phyogs su rdo rje khu tshur mdog gser lta bu/ rgyan thams cad kyis brgyan pa/ lag pa gnyi ga na rdo rje thogs pa bri'o/ /g.yon logs su rdo rje blo gros bri bar bgyi ste/ de yang mdog gser lta bu/ rgyan thams cad kyis brgyan par bgyi'o/ /de nas rdo rje sgrub pa ni/ zla ba gcig slong mo'i zas zos la tha mar lus sbyang bar bgyi ste/ cho 'phrul g yi zla ba nya la zhag gsum smyung ba bgyis la lcags sna gsum la bgyis pa'i rdo rje ri mo'i sku gzugs kyi mdun du shing a shwat+tha'i lo ma bdun gyi steng du bzhag la bsgrub ste| ji srid kyis 'bar ba de srid du bzlas brjod bgyi'o/ /'bar nas blang bar bgyi ste/ blangs ma thag tu lag na rdo rje 'dra bar 'gyur ro/ /nyi ma shar ba'i kha dog 'dra bar 'gyur| rig sngags 'chang gi 'khor los bsgyur bar 'gyur ro/ /de nas lcags kyu bsgrubs na/ sngar spyad par bgyi ste/ rtswa ku sha rtsa ba med pa las lcags kyu bgyis la m ar gyi ngo zhag bcu bzhi la zhag gsum smyung ba bgyis te ri mo'i sku gzugs kyi mdun du mchod pa rgya cher bgyis la me tog gi steng du bzhag ste de'i steng du lag pa bzhag la ji srid kyis 'bar ba de srid du bzlas brjod bgyi'o/ /'bar nas blang bar bgyi ste/ blangs ma thag tu sa ser ga mthong zhing tshangs pa'i gnas su mchi bar 'gyur ro/ /lag na lcags kyu thogs na/ sum cu rtsa gsum pas kyang zil gyis mnan par mi nus so/ /be con sgrub pa bshad par bgyi ste/ lcags sna gsum las be bcon sor bcu drug pa/ dbyibs tho ba 'dra ba zur drug par bgyi'o/ /sngar spyad pa bgyis la mar gyi ngo zhag bcu bzhi la zhag gsum smyung ba bgyis te ri mo'i sku gzugs kyi mdun du mchod pa rgya cher bgyis la ras dkar po'i steng du bzhag ste ji srid 'bar ba de srid du bzlas brjod bgyi'o/ /de nas blangs ma thag tu lag na rdo rje 'dra bar 'gyur te/ lag na rdo rje dang stobs mnyam ste/ lag na rdo rje'i gnas su mchi bar 'gyur ro/ /dngos grub rnam pa gsum la bskal par gnas par 'gyur ro/ /sgrub pa thams cad du pho nya mo rnams kyis las thams cad bgyis te rig pa sna tshogs sbyar bar bgyi'o/ /de ltar gang gis rig pa'i rgyal po 'don pa dang / mchod pa de de bzhin gshegs pa thams cad mchod pa lags so/ /mnyes par bgyis pa lags so/ /thod pa blangs te khrag gis bkang ste mar gyi ngo zhag brgyad la nyin zhag gcig smyung ba bgyis te khang stong ngam/ kun dga'i ra bar ji srid kyis bud med 'byung ba de srid du bzlas brjod bgyi'o/ /de la che ge mo zhes bya ba la gnod pa gyis shig par brjod na/ gnas par bgyid do| |gnod pa bgyid du 'jug go / rings par bgyid do/ /rig pa'i rgyal po 'di 'gugs pa 'dis bkug nas phyis rgyal ba'i blo gros kyis dgug par bgyi'o/ /na mo rat+na tra ya s+ya/ na mash+tsaN+Da badzra pA Ni s+ya/ ma hA yak+Sha se nA pa ti s+ya/ tu ru tu ru/ tsu ru tsu ru/ ki ri ki ri/ rai tra pra tsaN+Da ya Ta ya/ A gats+tsha A gats+tsha/ ma ma ar+t+ta ma/ pa ri pU ra ya| askr-i ta bid+yA d+ha rot+ta ma a haM/ s+t+waM A kaR+Sha ya mi/ ma ma sarba ar+tha ma nor tha pa ri pU ra ko b+ha ba/ ma ma ar+tha sid+d+hiny+tsad da ma tsi raM ku ru swAhA/ ci ste tshes brgyad la sgrub par 'tshal na/ tshes bdun gyi phyem red gu gul gyis bdugs la gsang sngags lan brgya rtsa brgyad brjod do/ /sgrub pa ni/ rgyal ba'i blo gros kyis dgug go/ sgrub pa thams cad dang / las thams cad du yang dgug pa 'dis dgug ge /na mo rat+na tra ya s+ya/ na mash+tsaN+Da badzra pA Ni s+ya/ ma hA yak+Sha se nA pa ti s+ya/ dza ya ma ti/ dzi na ti dzi na d+ha ri Ni/ A be sha ya/ da sha ma ta shAM ba/ de ba nA ga yak+Sha gan+d+har+b+he kA nu tsarma ru shi la hu la hu/ gr-ih+Na phU mi pa ta ye/ shI g+h+raM badzra pA Ni s+t+waM/ Adz+nyA pa ya ti swAhA/ rgyal ba'i blo gros 'dis dgug par bgyi'o/ / de nas rdo rje lcags sgrog gis bcing bar bgyi'o/ /na mo rat+na tra yA ya/ na mash+tsaN+Da badzra pA Na ye/ ma hA yak+Sha se nA pa ta ye/ ku ru ku ru/ tsa ta tsa ta/ ma la ma la/ sa ra sa ra/ tiSh+Tha tiSh+Tha| ma hA ba la/ sa ma ya ma nu sma ra sid+ha/ na mash+tsaN+Da badzra pA Ni/ Adz+nyA pha ya ti swAhA/ rdo rje lcags sgrog 'dis gu gul gyi ril bu gsum yungs kar gyi 'bru mar du smyugs la sbyin sreg bgyis na/ bcings par 'gyur ro/ /rig pa gang sgrub pa dang / pho nya mo yang rung ste/ de 'di nyid kyis bcing bar bgyi'o/ /rdo rje ser mos bcing ba las dgrol par bgyi'o/ /na mo rat+na tra yA ya/ na mash+tsaN+Da badzra pA Na ye/ ma hA yak+Sha se nA pa ta ye/ hu lu hu lu/ gats+tsha gats+tsha/ ma hA pa la/ swa b+hA ba na ma pu na na ma gan ma ya ku ru ku ru/ gats+tsha gats+tsha swAhA/ chab khyor ba gsum gtor/ me tog kyang dbul lo/ /de nas shugs ldan gyis slar gshegs su gsol lo/ /na mo badzra pA Na ye/ phaT phaT| gats+tsha gats+tsha/ b+ha ga ba te/ ma hA yak+ShA d+hi pa te tsi ri li tsi ri li/ hi ri li/ tsi ni li/ hi ri le a bi ga naM ku ru swAhA/ shugs ldan gyis slar gshegs su gsol ba'i sngags te| a ka ru'i bdug pa la lan bdun bzlas brjod bgyis pas so/ /na mo badzra pA Ni s+ya/ na maste b+ha ga ba ti/ badzra mu khi gau ri bak+t+re/ ga ra te ga ra te/ ki ni ti ki ni ti swAhA/ nye reg bya ba'i gsang sngags so/ /na mo badzra pA Ni s+ya/ dz+wa la badzra Ni bi hu ru hu ru/ la hu la hu/ phra ti gr-ih+na s+t+waM/ i maM gan+d+ha kI li kI la ya swAhA/ spos kyi gsang sngags so/ / na mo badzra pA Ni s+ya/ da ha da ha/ pa tsa pa tsa/ ban+d+ha ban+d+ha/ shi khi swAhA/ me tog gi gsang sngags so/ /na mo badzra pA Ni s+ya/ a ti ni/ tsi li ni/ kha la karma Ni/ da ra tsi li ni/ tsi li ni swAhA| bdug pa'i gsang sngags so/ /na mo badzra pA Ni s+ya/ na ma ste/ b+ha ga pa ti sha ta mu khi/ ma hA gau ri tsa tshu le/ tsu tsu le/ tsi tsi rak+Sha rak+Sha swAhA/ srad bus bsrung bar bgyi'o/ na mo badzra pA Ni s+ya/ ka ta ka ta/ ma ta ma ta/ ra ra ra ra/ badzra biM ga la/ ma ta da ra da ra ni/ ki ri Ni ki ri Ni/ ki ri Ni ki ri Ni swAhA/ khrus bgyi ba'i gsang sngags so/ /na mo badzra pA Ni s+ya| na maste/ b+ha ga ba ti/ da sha ba ti sha ba ti/ sa ha sra pa ti A gats+tsha/ shI g+h+raM ki ri ki ri/ shu kra baM d+ha baM d+ha swAhA/ srad bu la lan bdun bzlas brjod bgyis te khu ba bcing ngo // na mo badzra pa Ni s+ya/ ut+ta ma rak+Sha/ a d+ho rak+Sha/ tsa tur di shaM rak+Sha/ ma tha ma tha/ trA sa ya trA sa ya/ stam+b+ha ya stam+b+ha ya/ ud d+h+r-i ta badzra Adz+nyA pa ya ti swAhA/ yungs kar la lan nyi shu rtsa gcig bzlas brjod bgyis te phyogs bcing ngo / /na mo badzra pA Ni s+ya/ tad+ya thA/ badzre badzre Ni/ badzra siM ha ni/ badzra pA Ni/ pri ye badzra bar de bi kr-i ta daMSh+Ta ka rA la ba ne/ laM po d+ha ra bi kri ta gau ra rU pa da ra sha na mardza ra bak+t+re/ madz+dza mAM sa sri ye/ e hi e hi b+ha ba ti b+h+yo gu ru pra dz+wa li ta/ gra ke shi i daM ma nu sha sha rI ra ma nu pra bi sha/ ka ta ka ta/ pu ra pu ra/ d+hu na d+hu na| pa ta pa ta/ balgu balgu/ ha sa ha sa/ A bi she A bi she/ spa ta spa ta/ kiM tsi ra ya si/ b+ha ga ba ti/ ba hu rU pe/ ad b+hi ka sri ga la he ru ka ra bid tre/ aT+Ta T+Ta ha se/ i ma se tu sta| gra ha s+ya hr-i da yaM/ b+hin+da b+hin+da/ tsa la tsa la/ gu mu gu mu/ ku ru ku ru/ A bi sha A bi sha/ badzra pA Ni/ Adz+nyA pa ya ti swAhA/ las thams cad du rtswa ku sha sbams pa la sngags kyis btab ste bdug par bgyi'o/ /na mo badzra pA Ni s+ya/ la la ha se ha sa/ badzre Ne ku ru ku ru/ kam+pa kam+pa/ tsa la tsa la/ dzalpa dzalpa swAhA/ gshegs nas gsung du gzhug go / na mo badzra pA Ni s+ya/ d+hu d+hu ma sa la ma sa la/ d+hu ru me a ma le/ badzra pA Ni yak+ShA d+hi pa ti ma tsa me ka sh+tsid big+h+naM ku ru swAhA/ yungs kar ram/ thal bas bgegs rab tu zhi bar bya'o/ /ci ste rig sngags 'chang grub pa rnams kyi rig pa bcad par 'tshal na/ mar gyi ngo tshes bco lnga la lag na rdo rje'i mdun du ba ku la'i me tog dag las lan brgyad stong sbyin sreg bgyis na/ rig sngags 'chang thams cad kyi rig sngags bcad par 'gyur ro/ /ma god pa'i ras la spyin dang ma 'dres pa'i tshon rtsi rnams kyis rig pa'i mchog bri bar bgyi ste/ mdog sngo bsangs/ rgyan thams cad kyis brgyan pa'o/ /sbyin sreg bgyi ba bza' zhing bri bar bgyi'o/ /mar gyi ngo zhag b cu bzhi la zhag gcig smyung ba bgyis te ri mo'i sku gzugs kyi mdun du ci nus su mchod pa bgyis la byang chub kyi shing gis zhugs bus te ta ma la'i me tog mar la smyugs pa brgyad stong sbyin sreg bgyis na/ ri mo'i sku gzugs 'gul lo/ /me tog gi phreng ba yang 'gul lo/ /de nas mtshan mo'i lha mo me tog ces bgyi ba grub par 'gyur te/ lha mo me tog gi las rnams su 'gyur ro/ /rig sngags 'chang gi rig pa'i sgrub pa la bgegs su mi 'gyur ro/ /log 'dren gyis mi tshugs so/ /dngos grub 'dis mtshan mo'i lha mo bzhi dngos grub tu 'gyur te/ srod ni/ lha mo me tog gi'o/ /mjing ni/ lha mo phreng ba'i 'o/ /nam gung ni/ lha mo ku mu da'i'o/ /tho rangs ni/ lha mo mdzes ma'i'o| |rig sngags 'chang ni/ rig pa sgrub na srod la log 'dren gnas su 'ong ste/ de nas mtshan mo'i lha mo me tog gis log 'dren mthong nas bcom ldan 'das lag na rdo rje yid la bgyid do/ /lag na rdo rje yid la bgyis pas log 'dren rnams skrag cing nyams te nyam thag nas 'bros par 'gyur ro/ /lag na rdo rje rig sngags 'chang de'i mdun du 'dug cing dngos grub kyang myur du stsol bar bgyid do/ /mjing la gal te bgegs byung na/ mtshan mo'i lha mo phreng ba des lha chen po la bcom ldan 'das lag na rdo rje khyod la 'bod do zhes sgrog go / des de thos nas snying 'dar zhing myur ba myung bar mdun du 'dug ste/ des na rig sngags 'chang de la bgegs su mi 'gyur ro| |dngos grub kyang myur du 'grub bo/ /nam gung la gal te bgegs byung na/ mtshan mo'i lha mo ku mu da de yang rgyal po chen po bzhi la kye kye btsun pa kun dag /lag na rdo rje khyod la 'bod do zhes sgrog go / de dag gis tshig de thos nas snying 'dar zhing myur ba myur bar mdun du 'dug ste/ de nas de la bgegs su mi 'gyur ro| |tho rangs la gal te bgegs byung na/ mtshan mo'i lha mo mdzes ma yang log 'dren rnams la kye kye log 'dren sdang ba rnams/ drag po lag na rdo rjes bka' stsal to zhes bsgo bar bgyi'o/ /de dag gis de'i tshig thos nas phyogs bcur 'bros so/ /des na de la bgegs su mi 'gyur te/ bde bar las rnams 'grub par byed do/ /mar gyi ngo zhag brgyad dam/ bcu bzhi la bud med bu byung ba'i khye'u lte ba sor gnyis tsam bcad la gser gyi gyim bag gis dkris te mar gyi ngo zhag brgyad la nyin zhag gcig smyung ba bgyis te lag na rdo rje'i mdun du lan brgyad stong bzlas brjod bgyis na mi snang bar 'gyur ro/ /tshe yang nyis 'gyur du 'gyur ro/ /zhag bdun du phye thug btung ngo / /phyis mar gyi ngo zhag bcu bzhi nas zhag gsum smyung ba bgyis te/ zhi ba'i mtshan yod par song la mtshan gyi steng gi lho phyogs logs su lag pa g.yas pa bzhag ste skra las bgyis pa'i skud pas bcing ngo / /bcings nas ji srid kyis bcad do zhes skra 'byung ba de srid du bzlas brjod bgyi'o/ /sgra lan gsum du byung na dngos grub tu 'gyur ro/ /khu tshur bcangs te bsgrub par bgyi'o/ /khu tshur bcangs nas/ mi snang bar 'gyur ro/ /skra lcang lo 'khyil bar 'gyur ro/ /lo bcu drug lon pa tsam du 'gyur ro/ /lo bdun brgyar 'tsho bar 'gyur ro/ /dbang phyug chen po'i tshogs rnams kyang phyag brnyan du 'gyur ro/ /ci ste dgra gsad par 'tshal na/ mar gyi ngo zhag bcu bzhi la nyin gcig smyung ba bgyis te spra tshil las gzugs bgyis la seng ldeng gi phur bu lngas gnad du btsugs te/ dur khrod du mchis la dong brkos te dong der bcug la steng du zhugs bus la dug dang / khrag dang / yungs kar bsres la lan brgya stong sbyin sreg bgyis na/ du zhing tshig ste 'phral du 'gum mo/ /mar gyi ngo zhag bcu b zhi la ba ser mo'i lci ba sa la ma lhung ba blangs te sa phyogs gtsang mar gzugs bgyis la ci nus kyis mchod de zhag gcig smyung ba bgyis la shing bil ba'i lo ma bsregs shing zho dang / sbrang rtsi dang / mar la smyugs te brgyad stong sbyin sreg bgyis na/ dpral ba las 'od zer 'byung ngo / /de nas dngos grub tu 'gyur te/ gser dpag tu med pa stsol bar 'gyur ro/ /yang na nyin gcig bzhin du ti na ra stsol bar 'gyur ro/ /gseg ma la lan brgyad stong bzlas te dur khrod du por na/ yi dwags thams cad glu len cing gar byed par 'gyur ro/ /mar gyi ngo zhag bcu bzhi nas lag na rdo rje'i rkang ba'i drung du zhag gsum smyung ba bgyis la shing kA ra bI ra'i me tog las lan brgyad stong sbyin sreg bgyi'o/ /de nas kA ra bI ra'i me tog dag las me tog cig blangs te klu'i gnas su song la bzlas brjod bgyis na/ klu dang klu mo rnams dbang du 'gyur te ci 'tshal ba rnams rnyed do/ /lag bu mig dang / gser dang / mchod phyir thogs kyang kA ra bI ra'i me tog dang 'dra'o/ /gang na gnod sbyin mo 'dug pa der bzlas brjod bgyis na| gnod sbyin mo mchi ste chung mar 'gyur ro/ /yang na nor stsol bar 'gyur ro/ /gal te mi mchi na/ zhag gcig smyung ba bgyis te shing ma da na'i tsher ma dang / dug dang / khrag bsres pa lan brgya stong seng ldeng gi zhugs la sbyin sreg bgyis na/ de tshig cing mi sdug par 'gyur la mchi'o/ /gal te klu mo mi mchi na/ de la yang de nyid kyis sbyin sreg bgyi'o/ /yar gyi ngo tshes bco lnga la zhag gsum smyung ba bgyis te rgya mtshor 'bab pa'i chu bor zhugs la klu shing gi me tog brgyad stong byi dor bgyis na/ dus ma yin par char 'bab bo/ /zhag bdun 'o skyo 'thungs la mar gyi ngo zhag brgyad la zhag gcig smyung ba bgyis te lag na rdo rje'i mdun du mchod pa bgyis la sa las bgyis pa'i rdo rje bzhag ste/ de'i rked par shing a shwat+tha'i lo ma bdun bzhag la de'i steng du ldong ros bzhag ste ji srid kyis dngos grub gsum du gyur pa de srid du bzlas brjod bgyi'o/ /'bar bar gyur na/ lo bdun stong du 'tsho'o/ /lus mdzes par bgyis la mar gyi ngo zhag bcu bzhi la nyin gcig smyung ba bgyis te lam gyi sum mdor mchod pa rgya cher bgyis la der 'dug ste ldong ros sran ma tsam zhig khar bcug la ji srid du kha'i nang du gas par gyur pa de srid du bzlas brjod bgyi'o/ /de nas dngos grub tu 'gyur te/ thig le bgyis na mi snang bar 'gyur ro/ /lo lnga brgya thub par 'gyur ro/ /ci 'dod pa'i gzugs can du 'gyur ro/ /nyi ma'i gung tshigs la bgyi'o/ /tshes grangs dang skar ma gang ma mi 'tshal/ smyung ba bgyi mi 'tshal bar skyes pa'i ro ma rmas ma nyams pa blangs te rdo rje sen mo'i sngags bzlas brjod bgyis la bkru'o/ /rdo rje lte bas spos stsal bar bgyi'o/ /rdo rje me kha las me tog stsal bar bgyi'o/ /de nas de'i snying gar 'dug ste mi do tsam gyan du ma 'phags kyi bar du rig pa mchog gi snying po dang lhan cig bzlas brjod bgyi'o/ /gyen du 'phags ma thag tu slar 'og tu ltung ngo / /lhung nas bud med bcu nye bar gnas par 'gyur te/ de dag g.yog 'khor rnams la stsal bar bgyi'o/ /de dag kyang stobs mnyam par 'gyur ro/ /ci ste ma stsal na/ bdag bud med bcus bskor te mi la zhon te gar dga' ba der mchi'o/ /yang yid kyis bsam pa de bzhon pa las 'byung ngo / /lo brgyad khrir 'tsho bar 'gyur ro/ /rig sngags 'chang du yang 'gyur ro/ /mar gyi ngo zhag brgyad dam bcu bzhi la skyes pa shi ba'i ro bzhag pa'i phyogs kyi g.yas rol gyi zur shing khyer song la/ phyi ma mar gyi ngo zhag brgyad la de mdung rtse gsum par bgyis la slong mo ba'i zas bza' zhing rig sngags 'chang bzlas brjod bgyi'o/ /phyi ma mar gyi ngo zhag brgyad nas zhag gsum smyung ba bgyis te dur khrod du song la mdung rtse gsum pa la mchod pa rgya cher bgyis te/ mdung rtse gsum pa lag pa g.yas par thogs la/ rig pa'i mchog lan brgyad stong bzlas brjod bgyis na/ mdung rtse gsum pa las 'od zer 'byung ste/ de nas dngos grub du 'gyur ro/ /mtshan mo btsugs na/ rgyan thams cad kyis brgyan pa'i bud med dag 'byung ngo / /skyes pa ci la ma reg par chas pa dag kyang nye bar gnas so/ /gang bsam pa thams cad rnyed do/ /phyung na/ thams cad med par 'gyur ro/ /'byung po rnams phyag brnyan du 'gyur ro/ /cho ga gang la blangs pa'i cho ga de nyid la bsgrub par bgyi'o/ /mar gyi ngo zhag bcu bzhi la zhag gcig smyung ba bgyis te lag na rdo rje'i mdun du ci nus kyis mchod pa bgyis la de'i mdun du 'bras chan gyis lo ma bkang ste bzhag la 'bras chan mi snang bar ma gyur gyi bar du bzlas brjod bgyi'o/ /de nas dngos grub tu 'gyur te/ phyis 'bras chan la 'pho bar bgyid do/ /rdzas kyang 'pho bar 'gyur ro/ /'bru'i rnam pa gzhan dag kyang 'pho bar 'gyur ro/ /mar gyi ngo zhag brgyad la zhag gcig smyung ba bgyis te seng ldeng la bgyis pa'i rdo rje la shing kun gyis bdugs la rig pa mchog gi snying po dang lhan cig bzlas brjod bgyis na/ gang gi ming nas phyung ste bzlas brjod bgyis pa de brjed byed kyis zin par 'gyur ro/ /lce pog gis bdugs la lan brgya stong bzlas brjod bgyis na/ gtong bar 'gyur ro/ /mar gyi ngo zhag brgyad la nyin zhag gcig smyung ba bgyis la e raN+Da'i shing gi zhugs bus la ba lang gi pags pa la sreg blugs lan brgyad stong ming nas brjod de sbyin sreg bgyis na ba lang rnams 'chi'o/ /skyes pa'i ro ma smad ma nyams pa blangs te chu 'gram gyi phyogs gcig gam/ skam sa gtsang mar pho nya mo rnams kyis las thams cad bgyi'o/ /de nas rig sngags 'chang nyi ma'i gung tshigs la mi ro'i mgo shar phyogs su bstan te phyogs bzhir bsnyen bkur bgyid pa bzhi gzhag par bgyi'o/ /de nas rig sngags 'chang de'i snying gar ldong ros bcug ste dngos grub rnam gsum ma thob kyi bar du bzlas brjod bya'o/ /'bar bar gyur na/ lo stong thub bo/ /rkang pa la bskus na/ lo lnga brgya thub ste/ 'di ni/ dngos grub bo/ /mang gyi ngo zhag brgyad la nyin zhag gcig smyung ba bgyis te lag na rdo rje'i mdun du pa la sha'i shing gis zhugs bus la shing bil ba'i yam sreg shing zho dang / sbrang rtsi dang / mar la smyugs pa brgyad stong sbyin sreg bgyi zhing ming nas brjod na/ phyugs chung rnyed do/ /gal te ma rnyed na/ phyugs chung de 'chi'o/ /dgra gang la nad kyis btab par bgyid 'tshal na| ru rta btags la bdag gi lus la dril ba'i dri ma bsags te mar gyi ngo zhag brgyad la lag na rdo rje'i mdun du du ru ka'i shing gi zhugs bus la/ dri ma des lan brgyad stong sbyin sreg bgyi zhing ming nas brjod na/ de mdze nad kyis 'debs so/ /lag na rdo rje'i mdun du lce bog gi bdug pas bdugs la rig sngags kyang lan brgyad stong bzlas brjod bgyis na/ gso ba bgyis par 'gyur ro/ |yar gyi ngo zhag gcig rgya mtshor 'bab pa'i chu klung du zhugs la zas su chu skyo 'thung zhing zla ba nya'i bar du bzlas brjod bgyis na yul gru 'thob bo/ /bram ze dbang du bgyi na/ yar gyi ngo tshes drug nas brgyad kyi bar du dus gsum du lag na rdo rje'i mdun du sna ma'i me tog la lan brgya stong bzlas brjod bgyis la tha mar zhag gcig smyung ba bgyis na skyes pa'am/ bud med kyang rung ste dbang du 'gyur ro/ /mar gyi ngo zhag brgyad la zhag gcig smyung ba bgyis te lag na rdo rje'i mdun du bil ba'i shing gi zhugs bus la yungs kar gyi 'bru mar dang bsres pa'i til las lan brgyad stong sbyin sreg bgyi zhing ming nas brjod na dbang du 'gyur ro/ /bud med yugs sa mo dbang du bgyi na/ nyin zhag gcig smyung ba bgyis la lag na rdo rje'i mdun du arga'i shing gi zhugs bus te arga'i me tog mar la smyugs pa lan brgya stong sbyin sreg bgyi zhing ming nas brjod na dbang du 'gyur ro/ /dus gsum du khrus bgyi zhing lag na rdo rje'i mdun du shing ma da na'i tsher ma las lan brgya stong sbyin sreg bgyis na| zhag gsum gyis dbang du 'gyur ro/ /mi ngas 'byung bar 'tshal na/ mar gyi ngo zhag brgyad la dur khrod du song la dur khrod kyi shing gi zhugs pus la dug rlon pas lan brgyad stong sbyin sreg bgyis na mi ngas 'byung ngo / /zhi bar bgyi na/ mar gyi ngo zhag brgyad la zhag gcig smyung ba bgyis te lag na rdo rje'i mdun du shing tha mal pa'i zhugs bus ut+pa la dang / zho dang / sbrang rtsi dang / mar la smyugs pa brgyad stong sbyin sreg bgyis na zhi bar 'gyur ro/ /gzhan bskrad par 'tshal na/ bya khwa'i gshog pa yungs kar gyi 'bru mar la smyugs pa brgyad stong zhag bdun dus gsum du sbyin sreg bgyi'o/ /'di ni/ bskrad pa'i mchog go/ dbye ba bgyi na/ zhag bdun dus gsum du ba lang gi lci ba las brgyad stong sbyin sreg bgyis na dbye ba bgyis par 'gyur ro/ /las gcig gis cho ga rgyas par sgrub par 'tshal bas mA ma kI thogs la pad+ma'i rdzing du song ste mA ma kI la reg par pad+ma 'bum phul na rig pa'i rgyal po mchog rang gi gzugs ston te de la bu ci bya zhes smra'o/ /des bcom ldan 'das/ cho ga rgyas pa'i dngos grub stsal du gsol/ zhes brjod pa dang / de bzhin bya'o zhes brjod nas mi snang bar 'gyur ro/ /de cho ga rgyas pa las 'byung ba'i las thams cad dngos grub tu 'gyur ro| |gal te des las grub par ma gyur na/ de'i 'og tu las 'di bsgrubs na dngos grub kyi mchog tu 'gyur ro/ /yar gyi ngo nya nas bzung ste phyi ma'i nya'i bar du mi smra pa'i brtul zhugs kyis zas su 'o skyo 'thung zhing de bzhin gshegs pa'i mdun du 'bum bzlas brjod bgyis na / de bzhin gshegs pa'i gzugs 'gul bar 'gyur te/ de nas cho ga rgyas pa dang / dngos grub tu 'gyur ro/ /ras sngon po la lan brgya rtsa brgyad bzlas brjod bgyis te 'og sgor bcings la lan nyi shu rtsa gcig sbyin sreg bgyis pa'i thal bas mgo bor srung bar bgyis na/ gyad phar non cing gyad kyis tshur mi non no/ /yid gzhungs par bgyi na/ bra ma'i khu ba mar dang cha bsnyams la mar gyi ngo zhag bcu bzhi la nyin zhag gcig smyung ba bgyis te lag na rdo rje'o mdun du lan brgyad stong bzlas brjod bgyis pa 'thungs na/ thos pa 'dzin par 'gyur ro/ /yar gyi ngo tshes zhag gcig nas brtsams te lag na rdo rje'i mdun du mar dang 'o ma bsres pa las lan brgya rtsa brgyad bzlas brjod bgyis pa 'thungs shing zhag bdun bgyis na/ thos pa 'dzin par 'gyur ro/ /yar gyi ngo nya la nyin zhag gcig smyung ba bgyis te lag na rdo rje'i mdun du ang go ta'i me tog brgyad stong sbyin sreg bgyis na/ nyi ma gsum pa la thos pa 'dzin par 'gyur ro/ /zhag bdun na lag na rdo rje'i kha nas 'od zer 'byung ste/ rig sngags 'chang la bskor ba byas nas gyen du 'gro bar 'gyur ro/ /rig sngags 'chang ji ltar 'dod pa'i gzugs can du 'gyur ro/ /lo sum stong thub par 'gyur ro/ /mar gyi ngo zhag bcu la lag na rdo rje'i mdun du sna ma'i me tog brgyad stong phul na/ gnas ston par 'gyur ro/ /cho ga rgyas pa sgrub pa pos nya dang / sha dang / til dang / sran chan gyi bag dang / lha bshos dang / kha 'da' dang / la phug dang / shing thog rnams bza' bar mi bgyi'o/ /gal te 'di dag kyang zos la las kyang bsgrubs na/ lag na rdo rje'i de nyid mthar byed cing las kyang dngos grub tu mi 'gyur ro/ /seng+ge sgrub na/ mar gyi ngo zhag brgyad la grog mkhar rtse mo yod pa'i mdun nas sa blangs te ba'i rnam lnga dang bsres la seng+ge'i gzugs bgyis te gso sbyong bzung la/ zla ba gcig zas su 'o skyo 'thung zhing tha mar zhag gsum smyung ba bgyis te mar gyi ngo zhag brgyad la bsgrub bo/ /sngar po nya mo rnams kyis las rnams bgyi'o/ /bsnyen bskur bgyis pa rnams kyang bsrung bar bgyi'o/ /de nas lag na rdo rje'i mdun du bzlas brjod bgyis te seng+ge'i sgra 'byin gyi bar du bgyi'o/ /seng+ge'i sgra thos nas lha ma yin gyi bu mo rnams 'byung ngo / /de dag la 'dod pa bskyed par mi bgyi'o/ /gal te 'dod pa bskyed na/ seng+ge ni/ ma mchis so/ /lha ma yin gyi bu rnams ni/ mchis te/ lha ma yin rnams kyang yongs su spyad par 'gyur ro/ /gal te de dag la 'dod pa ma bskyed na/ seng+ger 'gyur te/ seng+ge la zhon nas rig sngags 'chang gi bu mo brgyad cu 'byung ngo / /rig sngags 'chang bzhi stong yang g.yog 'khor du 'gyur ro/ /gang du 'dod pa der mchi'o/ /rig sngags 'chang gi 'khor los bsgyur bar 'gyur ro/ /'khor lo la sogs pa'i spyod yul du mi 'gyur ro/ /gang gi tshe rdo rje dang / 'khor lo dang / mdung rtse gsum pa dang / be con dang / zhags pa dang / mdung thung dang / dbyug to rnams mchi ba de'i che seng+ges seng+ga'i sgra 'byin te seng+ge'i sgras mtshon pa thams cad dpag tshad brgyad khrir mchi'o/ /rig sngags 'chang gi rgyal po gang dag seng+ge'i sgra thos pa de dag thams cad sa la lhung ngo / /mtshon chad dag thams cad kyang dbang du 'gyur ro/ /bskal par gnas pa'i rig sngags 'chang gi rgyal por 'gyur ro/ /mar gyi ngo zhag brgyad la nyin zhag gcig smyang ba bgyis te ba'i lci ba sa la ma lhung ba blangs te skam sa gtsang ma'i phyogs su gnod sbyin gyi gzugs bgyis te/ de la me tog dmar po dang / gtor ma dmar po sbyin no/ /pho nya mo rnams kyis las thams cad bgyi'o| |phyogs gcig tu gnod sbyin thams cad la me kha las me tog dkar po rnams stsol to/ /gzugs de'i mdun du arga'i shing gi zhugs bus la shing bil ba'i yam sreg shing zho dang / sbrang rtsi dang / mar la smyugs pa brgyad stong sbyin srag bgyi'o/ /de nas gzugs 'gul zhing dngos grub tu 'gyur te/ nyin re ti na ra re re dbul lo| |dpon g.yog bdun gyi zas dbul lo/ /las 'di bsam par bgyis te gtsang mar bgyis la lan gcig bzlas brjod bgyis te ba nag mo ma smad spu mthun gyi 'o ma blangs la bram ze'i bu mos bsrubs pa'i mar blangs te mar gyi ngo zhag bcu bzhi la zhag gsum du smyung ba bgyis te mtshan gcig yod pa'am/ lag na rdo rje'i khyim du song la shing a shwat+tha'i lo ma bdun blangs te de dag gi steng du gnod sbyin gyi gzugs mthe bong gi cha tsam zhig bgyi ste/ de nas 'gul gyi bar du bzlas brjod bgyi'o| |de nas so la ma reg par med do/ /de nas dngos grub tu 'gyur te/ de nyin re ti na ra re re dbul lo/ /dpon g.yog bcu gnyis kyi zas dbul lo/ /'di ni/ dngos grub bo/ / rig sngags gang gzhag la byin pa'i rig sngags de phyi dro bzlas brjod bgyis la/ phyi de nyin rig pa mchog gi snying po dang lhan cig bzlas brjod bgyis na/ de la tshigs su bcad par 'gyur gyi/ gsang sngags su mi 'gyur ro/ /de nas 'byung po'i bdag po dbang ldan gyis bcom ldan 'das la 'di skad ces gsol to/ /bcom ldan 'das/ rig pa'i rgyal po yi ge bzhi pa ni/ bskal pa bzhir gnas pa lags so/ /bcom ldan 'das/ rig pa'i rgyal po rdzu 'phrul che ba/ dbang che ba dang / ma rungs pa/ gtum pa/ drag po lags so/ /bcom ldan 'das/ ming brjod pas bdag la gnod pa lags so/ /da nas bcom ldan 'das kyis 'byung po'i bdag po dbang ldan la 'di skad ces bka' stsal to/ /'byung po'i bdag po/ de de bzhin te/ ji skad smras pa de bzhin no/ /'byung po bdag po/ rig pa'i rgyal po chen po rig pa mchog 'di ni/ rdzu 'phrul che ba'o/ / 'byung po'i bdag po/ rig pa'i rgyal po chen po 'di ni/ 'gro lding ba'i gzugs can 'gro lding gi skad du brjod pa'o/ /'byung po'i bdag po/ rig pa'i rgyal po chen po'i mchog 'di ni| phyag 'tshal ba dang bcas par yi ge sum cu rtsa gnyis pa'o/ /yi ge bzhi pa 'di yang mi mnyam pa dang mnyam pa/ mtshungs pa med pa ste/ bskal pa bzhir gnas pa yin no| |bcom ldan 'das de bzhin gshegs pa mar me mdzad nas bzung ste bshad pa'o/ /'byung po'i bdag po/ 'di thos na sems can gang dag mtshams med pa lnga byed pa de dag kyang sems can dmyal ba chen po mnar med par skye ba de ni/ gnas ma yin zhing go skabs med de/ rig pa'i rgyal po chen po rig pa mchog gi mthu ni/ 'di yin no/ /'di lta ste| dper na/ nor bu rin po che chen po'i rgyal po gtsug tor ldan zhes bya ba mthong ba tsam gyis nad thams cad med par 'gyur zhing gdon thams cad kyang 'bros par 'gyur ro/ / 'byung po'i bdag po/ de bzhin du rig pa'i rgyal po chen po bzhi dag gang gis bzlas brjod byas pa de mtshon gyis 'chi ba'i dus byed par mi 'gyur te/ dug gis ma yin/ chus ma yin/ mes ma yin zhing / de yang bar mdor 'chi bar mi 'gyur ro/ /ngan 'gro log par ltung bar mi 'gyur ro/ /nges par rdo rje'i rigs su skye bar 'gyur r o| |de nas tshe dang ldan pa shA ri'i bus bcom ldan 'das la lan gsum bskor ba byas te spyan sngar 'dug nas mgo btud de bcom ldan 'das la 'di skad ces gsol to| |bcom ldan 'das/ ci'i skad du rig pa'i rgyal po lag na rdo rje 'di skad du rig pa'i rgyal po mi mnyam pa dang mnyam pa/ mtshungs pa med pa 'di bdag gis bcom ldan 'das de bzhin gshegs pa mar me mdzad nas bzung ste bshad do zhes gsung / bcom ldan 'das/ bdag gi mngon par shes pa'i stobs kyis mA ma kI de ltar rdzu 'phrul che ba yang rjes su dran te/ rdo rje 'chang chen po 'di nyid kyis de bzhin gshegs pa 'khor ba 'jig gi gsung rab la lha rnams la mA ma kI bstan te/ 'khor ' dus pa der mtshams med pa bgyis pa'i sems can gcig cig ha cang yang mi ring ba zhig na mchis pa de 'od zer gyi snang ba de mthong nas yid dga' bar gyur te rnam par bltas nas rig sngags 'chang rnams kyi rgyal bo rdo rje phreng ba zhes bgyi bar 'gyur to/ /shA ri'i bus rig sngags 'chang de la bsams so/ /de nas bcom ldan 'das la lan gsum bskor ba byas te/ de dang shA ri'i bu yang bcom ldan 'das kyi spyan sngar 'dug nas bcom ldan 'das la 'di skad ces gsol to/ /bcom ldan 'das/ de'i slad du mA ma kI de ltar rdzu 'phrul che'o zhes bdag mchi'o/ /bcom ldan 'das kyis bka' stsal pa/ shA ri'i bu/ don de rdo rje 'chang chen po la dris shig /de nas shA ri'i bus rdo rje 'chang chen po la 'di skad ces smras so/ /rig pa'i rgyal po mchog/ khyod ci'i phyir bcom ldan 'das de bzhin gshegs pa mar me mdzad nas bzung ste bdag gis rig pa'i rgyal po chen po 'di bshad ces de skad smra/ rdo rje 'chang chen pos 'di skad ces smras so/ /shA ri'i bu/ de ji snyam du sems/ ci de bzhin gshegs pa gtso bo yin nam/ shes rab kyi pha rol tu phyin pa gtso bo yin/ shes rab kyi pha rol tu phyin pa gtso bo yin nam/ de bzhin gshegs pa gtso bo yin zhe na/ shA ri'i bu/ de bzhin gshegs pa dgra bcom pa yang dag par rdzogs pa'i sangs rgyas thams cad ni/ shes rab kyi pha rol tu phyin pa las byung la/ de bzhin gshegs pa thams cad kyis shes rab kyi pha rol tu phyin pa bshad do/ shA ri'i bu/ de bzhin du bdag gis kyang rig pa'i rgyal po chen po mchog gi snying po la byas la/ bcom ldan 'das de bzhin gshegs pa ye shes sgron ma chen po'i 'od zer gyi rgyal po de'i mthus mA ma kI phyag rgya chen po'i rgyal mo chen mo de thob bo/ /de nas shA ri'i bu cang mi smra bar gyur ro/ /de'i tshe bcom ldan 'das kyis 'byung po'i bdag po dbang ldan la bka' stsal pa/ 'byung po'i bdag po/ gang gis de bzhin gshegs pa 'bum phrag gang+gA'i klung dgu bcu rtsa gnyis kyi bye ma snyed la phyag byas pa byas/ gang gis rig pa'i rgyal po chen po'i mchog lag na rdo rje la yid kyis phyag byas pa de ni/ de nyid las bsod nams mang du bskyed do/ /de nas byang chub sems dpa' rtogs pa dri ma med pas bcom ldan 'das kyi zhabs gnyis la gtugs te bcom ldan 'das la 'di skad ces gsol to/ /bcom ldan 'das/ byang chub sems dpa' lag na rdo rje 'dis ji srid cig nas rig pa'i rgyal po chen po dang / rig sngags 'chang gi bdag por bskos pa thob ste| 'di ting nge 'dzin gang gis gnas/ 'di'i sngon gyi dge ba'i bshes gnyen ni/ su lags/ 'di gnas pa gang gis gnas/ de skad ces gsol ba dang / bcom ldan 'das kyis byang chub sems dpa' rtogs pa dri ma med pa la 'di skad ces bka' stsal to/ /rtogs pa dri ma med pa/ sngon byung ba 'das pa'i dus na bskal pa gang+gA'i klung dgu bcu'i bye ma snyed 'das pa na gdul dka' zhes bya ba'i bskal pa chen po byung ste/ bskal ba chen po la de bzhin gshegs pa dgra bcom pa yang dag par rdzogs pa'i sangs rgyas ye shes sgron ma chen mo'i 'od zer zhes bya ba 'jig rten du byung ngo / /rigs kyi bu/ 'jig rten gyi khams mi mjed 'di ni/ de'i tshe de'i dus na rdo rje ldan zhes bya ba'i 'jig rten gyi khams su gyur to/ /bcom ldan 'das de bzhin gshegs pa ye shes sgron ma chen po'i 'od zer de ni/ byang chub sems dpa' bye ba khrag khrig brgya stong phrag drug cu la mun pa mun nag rnam par sel ba rnam par snang byed ces bya ba'i chos kyi rnam grangs de bzhin gshegs pa'i gsang ba 'chad do/ /rdo rje 'chang gi rigs 'jig rten gyi khams rab 'byams dpag tu med pa nas 'dus pa 'jig rten gyi khams mtha' yas mu med pa'i rngul phra rab snyed la ting nge 'dzin dang / gzungs kyi sngags pa dpag tu med pa bstan pa'i phyir 'dzum pa mdzad do/ /de nas rdo rje 'chang chen po'i khyu mchog tu gyur pa 'jig rten mtha' yas pa'i dbang phyug gi rgyal po zhes bya ba ' khor 'dus pa de nyid du 'dus par gyur ba de stan las langs te bla gos phrag pa gcig tu gzar nas pus mo g.yas pa'i lha ngas la btsugs te bcom ldan 'das kyi zhabs gnyis la gtugs nas yang langs te/ rtogs yangs pa chen po rab 'byams kyi 'og gi phyogs nas phyag rgya chen po bsgyur bas rdo rje blangs te phyogs b cu'i 'jig rten gyi khams rab 'byams mtha' yas rgya mtsho rnam pa bcu yang dag par bskul nas de dag gis rgyal po bsgyings par bsgyur bas rgya mtsho chen po bsdu ba'i t shul gyi nga rgyal chen po nges rdo rje gsor nas dus kyi tha ma 'jig pa'i me lta bu'i mig gi 'dzum pa'i 'od zer 'bar ba'i dkyil 'khor gyi 'og gi phyogs kyi phyag rgya bsgyur bas rdo rje de de bzhin gshegs pa'i zhabs kyi drung du bzhag ste zhabs gnyis la phyag 'tshal nas de bzhin gshegs pa de la 'dzum pa mdzad pa'i rgyu de zhus pa/ de ci'i slad du bcom ldan 'das kyis byang chub sems dpa' chen po'i 'khor 'dus pa la 'dzum pa bstan/ bcom ldan 'das kyi zhal gyi sgo dang / smin mtshams kyi mdzod spu nas sngon ma byung ba'i 'od zer kha dog sna tshogs byung / bcom ldan 'das/ de'i slad du 'khor 'dis bskul nas bdag bcom ldan 'das la zhu zhing mchis na/ thugs rje chen po dang ldan pa bcom ldan 'das kyis bdag dang byang chub sems dpa'i tshogs 'di la thugs brtse pa'i slad du bka' stsal du gsol/ rdo rje bsgyings pa chen po 'jig rten mtha' yas pa'i dbang phyug gi rgyal po lag na rdo rjes de skad zhus pa dang / de nas de'i tshe bcom ldan 'das kyis mtshan dpal be'u chen po las mthon kha chen po dang / baiDUR+ya lta bu 'od zer nor bu rin po che chen po skar mdog lta bu'i 'od dang ldan pa 'od zer chen po'i dkyil 'khor phyogs bcu'i 'jig rten gyi khams rab ' byams mtha' yas par cher snang ba'i 'od zer gyi me lce byung nas dri ma med pa'i 'od zer rnam par 'phro ba'i dkyil 'khor las lag pa g.yon pas rdo rje blangs pa las gsang ba'i bdag po lag na rdo rje rig pa'i rgyal po chen po byung ngo / /lcags kyu'i mtshan las ni/ lcags kyu/ nyas ni/ 'dong ba'i rdo rje ma/ bkra shis las ni/ lu gu rgyud/ g.yung drung 'khyil pa mchog tu mdzes shing me 'bar ba lta bu las ni/ me kha la/ bya ma bum las ni/ ser mo/ /gdugs las ni/ rgyal mtshan drag po/ /rdo rje las ni/ dga' ba ste/ rgyal mo chen mo pho nya mo dang 'khro du bcas pa bdun po de dag byung ngo / /de dag gi mdun du ma rungs pa khro bo'i gzugs stobs po chen dang / khro bo ki li ki li dus kyi ma'i rin po che lta bu rdo rje khu tshur las byung ngo / /lag ngar las ni/ khu tshur ro/ /phrag pa 'bar zhing mdzes pa las ni/ rdo rje gnam lcags te/ de ltar 'khor dang bcas pa'i pho nya mo bcu'o| |de bzhin du drug cu phrag bzhir bsgre'o/ /rtogs pa dri ma med pa/ 'di ltar lag na rdo rje g.yog 'khor dang bcas shing pho nya mo dang / 'khor d ang bcas pa byung nas dam tshig chen po dang ldan pa'i dkyil 'khor du bcom ldan 'das de bzhin gshegs pa ye shes sgron ma mchen po'i 'od zer las des de bzhin gshegs pa'i byin gyi rlabs kyis gsol ba btab pa dang / de bzhin gshegs pa de'i ma med bzhes bya ba'i ting nge 'dzin la mnyam par bzhag ste thog mar de bzhin gshegs pas sku dang / gsung dang / thugs kyi gsang ba bcu dang / gsang ba mtha' yas dkrigs phrag bye ba dang ldan ba'i mdo sde'i dbang po'i rgyal po de gdul dka' ba rnams 'dul ba dang / thams cad mkhyen pa'i ye shes bstan pa'i phyir de bzhin gshegs pa'i 'khor dam tshig can 'dus pa'i dkyil 'khro du bshad do/ /rtogs pa dri ma med pa/ de tshun chad bcom ldan 'das de bzhin gshegs pa ye shes sgron ma chen po'i 'od zer de la sogs pa sangs rgyas bye ba phrag dgu bcu rtsa dgu'i gam du bdud pham par mdzad nas bstan pa kun tu bzung bar gyur to/ /rtogs pa dri ma med pa/ de la bcom ldan 'das de bzhin gshegs pa ye shes sgron ma chen po 'od zer de'i ' og tu bskal pa dgu bcu rtsa drug pa la 'jig rten gyi khams mi mjed 'dir de bzhin gshegs pa dgra bcom pa yang dag par rdzogs pa'i sangs rgyas don gzigs pa zhes bya ba 'jig rten du byung ste/ bcom ldan 'das de'i gsung rab la bdud cang mi smra ba zhes bya ba de byung ngo / /rtogs pa dri ma med ba/ lag na rdo rje des kyang bdud pham par byas nas don gzigs pa zhes bya ba'i de bzhin gshegs pa brgyad cu dang / sangs rgyas bye ba phrag dgu bcu rtsa gcig las bdud pham par byas te bstan pa srung bar byas so/ /de tshun chang bskal ba d gu bcu rtsa drug lhag ba zhig 'das nas sangs rgyas gser du snang bas rnam par rol ba zhes bya ba bskal ba bye ba phrag drug cu rtsa brgyad las bdud pham par byas te bstan pa kun tu bsrungs par gyur to/ /de'i 'og tu der stong snyed 'das nas lag na rdo rje 'di de bzhin gshegs pa de dag gi gsang ba 'dzin pa dang / bstan pa srung bar gyur to/ /de bzhin du sbyar te tha mar de bzhin gshegs pa gtsug tor can dang / rnam par gzigs dang / thams cad skyob dang / gser thub dang / de bzhin du log par dang sel dang / mi 'khrugs pa dang / 'od srung la sogs pa dang / nga'i bstan pa la yang ma dul ba dang / de bzhin du gsang ba 'dzin cing bskal pa bzang po la 'jig rten gyi khams mi mjed 'di nyid du sangs rgyas kyi mdzad pa byed de/ bskal pa bzang po'i de bzhin gshegs pa dgra bcom pa yang dag par rdzogs pa'i sangs rgyas ji snyed pa thams cad la de bzhin du mthar gyis thabs 'dis bstan pa la bya ba byas nas mngon par rdzogs par sangs rgyas te/ rdo rje'i rtsal gyis 'gro ba zhes bya ba'i de bzhin gshegs pa dgra bcom p a yang dag par rdzogs pa'i sangs rgyas su 'gyur ro zhes bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas bka' stsal to| |de nas bcom ldan 'das la 'byung po'i bdag po dbang ldan gyis 'di skad ces gsol to/ /bcom ldan 'das/ bdag gis kyang rig pa mchog gi las stsal bar bgyi'o/ /ma god pa'i ras la ri mo mkhan gso sbyong bzung bas sangs rgyas kyi sku gzugs gser gyi kha dog ltar 'brir stsal to/ /de bzhin gshegs pa'i g.yas rol du lag na rdo rje mdog sngo bsangs/ rgyan thams cad kyis brgyan pa'o/ /lag na rdo rje'i g.yas rol du ni/ pho nya mo bcu gnyis te/ rgyal ba'i blo gros ma dang / me kha la ni| sngo bsangs so/ /rdo rje'i gdong dang / rdo rje lte ba dang / gdong dkar mo dang / rdo rje ser mo dang / nag mo dang / gyen du lta ba'i gdong ni/ gser mdog go/ rdo rje seng+ge'i khri dang / rdo rje ldan ma dang / shugs ldan ma dang / rdo rje bzhad ma ni/ dmar mor bri bar bgyi ste/ pho nya mo thams cad kyang rgyan thams cad kyis brgyan par bgyi'o/ /bcom ldan 'das kyi g.yon rol tu dbang phyug chen po mdog dkar po ral pa can mtshan ma bsgreng ba/ dka' thub zlog pa dang lhan cig bri bar bya'o/ /'byung po mdog dmar po mi sdug pa bzhi yang bri bar bya'o/ /phyis rig sngags 'chang gis dus gsum du khrus bgyi zhing zla ba gcig gi bar du brgyad brgya brgyad brgya bzlas brjod bgyi zhing zas su chu skyo btung bar bgyi'o/ /tha mar lus sbyang ba bgyi ste/ de'i 'og tu zhag gsum smyung ba bgyis la/ gnas bzhir bsnyen bkur bgyid pa bzhi gzhag go/ /pho nya mo rnams kyis las thams cad bgyi'o/ /ri mo'i sku gzugs kyi spyan sngar rtswa ku sha spam sa pa'i steng du 'dug ste/ mchod pa rgya cher bgyis la gtor ma yang shin tu rgya cher bgyi'o/ /lce pog gi bdug pas bdug go / ri mo'i sku gzugs kyi spyan sngar arga'i shing gi zhugs bus la/ me tog dkar po zho dang / sbrang rtsi dang / mar la smyugs pas me stag dag byung gi bar du sbyin sreg bgyi'o/ /de'i 'og tu ut+pa la sngon po lta g+bu'i ral gri byung gi bar du lcags phyes sbyin sreg bgyi'o/ /de blangs ma thag tu skra lcang lo 'khyil bar 'gyur/ lo bcu drug pa lta bur 'gyur/ nyi ma 'char ba'i 'od ltar 'gyur/ dpon g.yog drug nam mkha' la mchi bar 'gyur ro/ /lo khri nyis stong thub par 'gyur/ de bzhin du grogs rnams kyang dpag tshad stong du gyen du 'phags par 'gyur ro/ /de bzhin du 'og ma dbang phyug chen po'i ral gri bsgrub par bgyi'o/ /gzhan yang ral gri sgrub pa ni/ zla ba gcig slong mo'i zas za zhing / phyis mar gyi ngo zhag bcu bzhi la ri mo'i gzugs kyi mdun du pho nya mo rnams kyis las thams cad bgyi'o/ /zhag gsum smyung ba bgyis te ral gri ma chag cing 'phan med pa blangs la/ ral gri lag pa g.yas na thogs te 'bar gyi bar du bzlas brjod bgyi'o/ /de blangs pa tsam gyis nam mkha' la 'phag go / lo bcu drug lon pa lta bur 'gyur ro/ /rig sngags 'chang stong gi bdag por 'gyur ro/ /lo khri nyis stong thub par 'gyur ro/ /gzhan yang 'khor lo sgrub pa bshad par bgyi'o/ /slong mo'i zas bza' zhing phyis mar gyi ngo zhag bcu bzhi nas zhag gsum smyung ba bgyis te lag na rdo rje'i mdun du mchod pa rgya cher bgyis la/ gtor ma dang lha bshos kyang shin tu rgya cher sbyar cing pho nya mo rnams kyis las thams cad bgyi'o/ /lcags sna gsum la 'khor lo rtsibs bcu drug pa bgyis la/ shing a shwa t+tha'i lo ma bdun gyi steng du bzhag la 'bar gyi bar du bzlas brjod bgyi'o/ /'bar nas sa g.yo bar 'gyur ro/ /rig sngags 'chang thams cad skrag par 'gyur ro/ / des blangs pa tsam gyis skra lcang lo 'khyil bar 'gyur ro/ /lo bcu drug lon pa lta bur 'gyur ro/ /mdog nyi ma shar ba bzhin du 'gyur ro/ /rig sngags 'chang gi 'khor los bsgyur bar 'gyur ro/ /bud med brgyad 'byung bar 'gyur ro/ /dpon g.yog bcu drug 'gro bar 'gyur ro/ /rig sngags 'chang gzhan brgya yang 'byung ste/ bsnyen bkur bgyid par 'gyur ro/ /gang gi gnas che ge mo zhes bgyi bar mchi bar bsam pa de'i tshe 'khor lo dpag tshad tsam du me lce 'bar ba stong 'byin cing 'gro ste/ bsdo ba ci yod pa phung bar 'gyur ro/ /lo brgyad khri thub bo/ /gang gi tshe 'chi ba de'i tshe lha'i nang du skye'o/ /de nas rig pa'i rgyal po las kyi dkyil 'khor bshad par bgyi ste/ brtag pa bgyis la gnas ma nyams par shes rab can gyis dkyil 'khor bri'o/ khru ni bcu gnyis sgo bzhi pa/ /de bzhin du ni khru brgyad la/ /de la thog mar bri ba ni/ /rim pa gnyis pa dmar po ste/ /rim pa gsum pa nag po'o/ /dkyil 'khor de yi byang phyogs su/ /sangs rgyas bcom ldan bri bar bgyi/ /de bzhin gshegs dang nye bar ni/ /bcom ldan phyag na rdo rje ste/ /rdo rje thogs shing rim pas bskor/ /sgo rnams kun tu bsrung bar bgyi/ /sgo bzhir sgo ba rnams bri 'o/ /shar phyogs su ni drag po dang / /gzhon nu dang ni ma mo bri/ /lho phyogs su ni khyab 'jug dang / /nyi zla dang ni tshangs pa bri/ /nub phyogs su ni gshin rje dang / /ka t+ya'i bu mo gtum mo bri/ /byang phyogs su ni lha mo dpal/ /de bzhin lha mo dbyangs can bri/ /lha rnams 'di dag thams cad ni/ /ji skad bshad pa bzhin du bri/ /bya ma bu ma mgul chings can gyis bskor zhing sgo skor yang gzhag go / dbus su gtun shing skra'i srad bu dang bcas pa gcig gzhag go /bya ma bum gyi lho phyogs su rdo rje bri'o/ /lha rnams kyang mtshon cha dang bcas par bgyi ste/ drag po'i ni/ mdung rtse gsum pa bri'o/ /gzhon nu'i ni/ mdung thung ngo / /ma mo rnams kyi ni/ mche ba'o/ /khyab 'jug gi ni/ 'khor lo'o/ /zla ba dang nyi ma'i ni/ gzhu'o/ /tshangs pa'i ni/ ril ba spyi blugs so/ /gshin rje'i ni/ be con no/ /gzhan dag mtshon cha tha mal pa'o/ /zhugs na rab tu bus nas su/ /brgyad brgyad tshang ba'i yam srog shing / /lha bshos dri dang bdug pa dang / /gtor ma btsal nas lha spyan dang / /sbyin sreg 'di ni sbrang rtsi dang / /mar dang 'bras yos lan tshwa dang / /de bzhin yungs kar rnams kyis bgyi/ /yungs kar gyis ni srung ba bgyi/ /gtsang ma'i gos ni bgo bar bgyi/ /mchod pa dag ni sngar bgyis te/ /de yi 'og tu las brtsam mo/ /'jig rten na ni ci yod pa'i/ /mna' tshig rnams kyis ma nas bsgrag go/ dam tshig 'di ltar su srung ba de la log 'dren thams cad kyis glags mi rnyed cing las kyang dngos grub tu 'gyur ro/ /dkon mchog gsum la dang pas dkyil 'khor sngar mthong nas de'i 'og tu rig pa mchog bsgrub par bgyi'o/ /su zhig gzhan du bgyid na de'i rdo rje nyid kyis mthar bgyid par 'gyur ro/ /dkyil 'khor gyi cho ga rdzogs so// //rig pa mchog sgrub pa 'di ni/ 'di lags te/ zla ba gcig zas su 'o skyo 'thungs la phyis mar gyi ngo zhag bcu bzhi nas zhag gsum smyung ba bgyis te gos gtsang ma dgos la/ ring bsrel dang bcas pa'i mchod rten nam/ sangs rgyas kyi sku gzugs sam/ byang chub kyi shing ngam/ bcom ldan 'das lag na rdo rje yang ci nus su mchod do/ /pho nya rnams kyis dri dang / me tog dang / bdug pa dang / gtor ma sbyin no| |de nas lcags kyi ral gri bgyis te bung med rgyan thams cad kyis brgyan pa/ bud med bcus bskor ba nam 'ongs kyi bar du bzlas brjod bgyi'o/ /'ongs nas g.yog 'khor 'bul lo/ /ral gri de g.yog 'khor la bzhag na/ bud med de chung mar 'gyur ro/ /gal te 'tshal na/ bud med de dag kyang chung mar 'gyur ro// gal te mi 'tshal na/ g.yog 'khor rnams la stsal to/ /g.yog 'khor rnams dang lhan cig tu nam mkha' la mchi'o/ /'og tu yang dpag tshang stong du yang mchi'o| |steng du yang de bzhin no/ /ral gri de thogs na 'khor los bsgyur ba ma gtogs par rig sngags 'chad thams cad kyis mi sod do/ /lo khri thub bo/ /sgrub pa gzhan yang yod de/ tshes grangs dang / skar ma gdam mi dgos/ smyung ba bya mi dgos so/ /bud med de legs par bsku zhing me tog gis kyang mchod la pho nya mo rnams kyis kyang las bya'o/ /de'i 'og tu bud med de kha bub tu bzhag la bud med de'i rgyab tu zhon te bud med de 'gul zhing sgra 'byin yang 'jigs par mi bya zhing / gyen du 'phag gi bar du rig pa'i rgyal po bzlas brjod bya'o/ /yang sa la lhung ngo / /lhung nas de las 'bab par bya'o/ /de nas bud med rgyan thams cad kyis brgyan pa rnams mthong ngo / /de'i nang nas bud med cig kha bub tu 'dug cing dbugs 'byin pa de'i rgyab tu zhon na/ nam mkha' la 'phag cing mdog nyi ma shar ba lta bur 'gyur ro| |bud med kyi glo la ral gri 'dzam bu'i chu ba'i gser gyis brgyan cing mu tig dang / rin po ches spras pa 'phyang ngo / /las 'di ni/ rgyal mtshan dang 'gre'o zhes smras nas bya'o| |le lo can dang / byas pa mi gzo ba rnams kyis las 'di mi bya'o/ /gang nus pa brtan zhing mthu stobs dang ldan pa rtsol par nges par byas pas las 'di brtsam par ste| las 'di sgrub pa pos rtag tu go cha sra ba dang / tshangs par spyod par bya zhing nya dang sha yongs su spang bar bya'o/ /rig sngags 'chang gis ldong ros sgrub pa'i tshe gal te ste na| de dgug pa'i phyir 'di brtsam par bya ste/ rig sngags 'chang grub pa'am/ klu'am/ gnod sbyin nam/ sha za'am/ grul bum yang rung ste dbab pa byas pa de la gang gis rdzas khyer ba des nga la slar byin cig dang phung bar mi bya'o zhes brjod par bya'o/ /mar gyi ngo zhag bcu bzhi la nyin zhag gcig smyung ba bgyis te zangs po che btsugs la 'bru mar blugs te bskol la rig pa'i rgyal po bzlas brjod byas na rig sngags 'chang grub pa yang rung / gang yin pa de der 'ong zhing 'ongs nas kyang slar 'bul la de la ci yang mi bya'o/ /gal te mi 'ong na/ phyis snying pos yan lag dang / nying lag rnams gtubs te gzhag go/ srung ba byas pa'i cho gas bya'o/ /gzhan du na ma rungs par 'gyur ro/ /gal te srung ba ma byas na/ grub pa rnams kyis ma rungs par byed do/ /yan lag dang nyid lag gtubs pas 'ong zhing rdzas kyang sbyin par byed do| |'di skad du bcom ldan 'das/ yongs su bskyab tu gsol zhes smra'o/ /de slar gso ba'i phyir 'bru mar gyi zangs po che las 'bru mar blangs te 'phags pa lag na rdo rje'i mdun du snying pos sreg blugs lan stong sbyin sreg byas na/ sos shing dbang du yang 'gyur ro/ /dbyig dug bsal bar 'dod na/ lag pa dang rkang pa snod du bcug la rlung g.yab kyis g.yabs te gang du 'dod pa der rig pa'i rgyal po bzlas brjod byas na/ dbyig dug byung ste nad med par 'gyur ro/ /mig ser gyi nad bsal bar 'dod na/ chu la lan bdun bsngags la skom du blud na 'tsho'o/ /mig nad bsal bar 'dod na/ me tog rtsa ba ring po dag la lan bdun bzlas brjod byas te sngags kyis btab la snod du bcug na 'tsho'o/ /de nas rig pa'i rgyal po'i mchog lag na rdo rje la log 'dren gyis 'di skad ces smras so/ /bcom ldan 'das/ sems can thams cad kyi don gyi slad du rig pa mchog 'di 'chad dam/ bcom ldan 'das/ gang gis bdag sa la 'khyams shing sems can rnams la yang glags rnyed par 'gyur bar bdag la mi gzigs sam/ de nas gnod sbyin gyi dbang po lag na rdo rjes log 'dren la 'di skad ces smras so/ /khyod nyon cig /gang dag dam tshig mi shes par nga'i rig pa'i cho ga rgyas par klog pa de dag khyer cig / gang dag gcig gi lhag ma gcig za ba dang / lha la phul ba'i dri dang / bdug pa dang / me tog la spyod pa de dag khyer cig / gang dag nga'i dam tshig shes pa dang / cho ga rgyas pa las 'byung ba bzhin du spong bar byed pa dang / gang dag rig pa mchog rdo rje'i rig sngags dang bcas/ gsang chen dang bcas par 'dzin pa de dag la glags ma tshol cig/ chud ma gson cig /de skad thos pa dang / log 'dren de dag ca co nas dga' zhing mgu la yid rangs te lag na rdo rje'i rkang pa la phyag bya ba'i gsang sngags smras pa/ na mo rat+na tra yA ya/ na mash+tsaN+Da badzra pA Na ye/ ma hA yak+Sha se na pa ta ye/ tad+ya thA/ hu ru badzra pA Ni/ hu ru badzra pA Ni/ tro Ta tha ya badzra pA Ni/ s+pho Ta ya badzra pA Ni/ da ha pa tsa ma tha badzra pA Ni swAhA/ ri mo mkhan gso sbyong bzung bsam god pa'i ras la sbyin dang ma 'dres pa'i tshon gyis 'phags pa lag na rdo rje bri bar bya ste/ pri yang ku ltar sngo bsangs/ rgyan thams cad kyis brgyan pa'o/ /de'i g.yog 'khor log 'dren bzhi bcu bri bar bya ste/ kha dog sna tshogs pa lag na rdo rje'i rkang pa gnyis la mgo bos phyag 'tshal ba bri bar bya'o/ /sna dkar la gcu bar bya'o/ /de'i 'og tu rig sngags 'chang gis mar gyi ngo zhag bcu bzhi nas brtsams te ba'i rnam lngas lus sbyang ba byas la dus gsum du khrus bya zhing ri mo'i sku gzugs kyi mdun du dus gsum du brgya rtsa brgyad sbyin sreg bya'o/ /zla ba phyi ma mar gyi ngo zhag bcu bzhi la nyin zhag gcig smyung ba byas te lag na rdo rje la mchod pa byas nas dri dang / me tog dang / bdug pa phul te log 'dren rnams la yang bag btsos par pa ta ka dang / mo ta ka da dang / pu pa li ka dang / rtsa ba dang shing tog gzhan dag kyang phul la/ lag na rdo rje'i mdun du sna ma'i me tog zho dang / sbrang rtsi dang / mar la smyugs pa brgyad stong sbyin sreg bya'o/ /'og dang ri mo'i sku gzugs 'gul zhing ha ha zhes bya ba'i sgra sgrog ste/ de la yang 'jigs par mi bya'o/ /yang lan brgya stong sbyin sreg byas na/ de nas mi mi sdug pa zhig 'ong ste/ de la yang 'jigs par mi bya'o/ /rdo rje bzhad mas smrar bcug na/ de ci zhes smra'o/ /des lag na rdo rje'i mdun du gang smras pa de dran par bgyis la de bzhin gyis shig ces brjod par bya'o/ /de bzhin du bya'o zhes smras nas mi snang bar 'gyur ro/ /de'i 'og tu rig sngags sgrub pa la log 'dren de dag dngos grub sbyin par 'gyur/ nyin gcig bzhin kaR+sha pa Na nyi shu sbyin par 'gyur/ dbang du yang 'gyur ro/ /yid la gang ci bsam pa de thams cad byed par yang 'gyur ro/ /bcom ldan 'das/ gzhan yang brjod par bgyi'o/ /gang dag rig pa mchog gi cho ga rgyas par sgrub par bgyi ba dang / mchod par bgyid pa de dag la ci yang mi bgyi'o/ /'dod pa thams cad za zhing sgrub pa de la dngos grub stsal to/ /gang dag bdag cag gis gsang sngags 'chang ba de dag la log 'dren nam/ log 'dran gyi bu'am/ log 'dren gyi 'khor gang la la zhig glags lta ba'am/ gang glags rnam par tshol ba de'i mgo tshal pa brgyar 'gas so/ /bcom ldan 'das/ bdag cag gis mi snyan pa brjod par bgyi'o/ /sgrub pa'i dus na gsang sngags 'di nyid kyis me tog la lan bdun sngags kyis btab la stsal bar bgyis na/ log 'dren thams cad dngos grub stsol to/ /sngags 'di nyid kyis gzhan la bgegs bgyid do/ /skar ma gdam mi 'tshal/ smyung ba bgyi mi 'tshal lo/ /lag na rdo rje'i mdun du mon sran gre'u las bgyis pa'i snum khru phu pa la ka brgyad stong sbyin sreg bgyis la 'di skad du che ge mo zhes bya ba'i bgegs gyis shig ces brjod na/ de'i tshe log 'dren de dag dga' zhing mgu bar gyur pa'i yid kyis bgegs bgyid do/ /bsam na zhi bar 'gyur ro/ /ci ste log 'dren rnams mthong bar 'tshal na/ mar gyi ngo zhag brgyad la nyin zhag gcig smyung ba bgyis te/ dur khrod du mchis la mgal ba blangs te dri dang / me tog dang / bdugs pas brgyan pa bgyis la/ rig pa dpag tu ma mchis par bzlas brjod bgyis na/ dgung phyed kyi dus na log 'dren rnams mchi ste/ de dag la rdo rje lte bas dri stsal bar bgyi'o/ /me kha las me tog stsal bar bgyi'o| |rdo rje bzhad mas smrar stsal te/ /'di skad sems dang bar gyis shig ces brjod na/ log 'dren de dag rtse zhing dgod do/ /de nas rig sngags 'chang gis rig pa mchog dran par bgyis na/ de dag mi 'gul te/ 'di skad du khyed sems dang bar gyis shig ces brjod par bgyi'o/ /de bzhin du bya'o zhes smras nas mi snang bar gyur to| |de'i 'og tu rig pa la bgegs mi bgyid do/ /sngags 'di nyid kyis skyes pa dang / bud med dbang du bgyi bar 'tshal na/ mar gyi ngo zhag brgyad la grog mkhar r tsa'i mdun gyi dog sa blangs la gzugs bgyis te lag na rdo rje'i mdun du thab khung bgyis la thab khung gi nang du dgon pa'i ba lang gi lci bas zhugs bus te zhugs kyi nang du gzugs stsal la de'i steng du lan tshwa'i sbyin sreg lan brgya rtsa brgyad bzlas brjod bgyis te dgung bdun du dus gsum na dbang du 'gyur ro/ /bgegs brgyad khri gtsug phud 'phyang ba zhes bgyi ba'i bgegs de stong gsum gyi stong chen po'i 'jig rten gyi khams na bgegs bgyid pa lags te/ de'i bar du bsgrub par bgyi'o/ /sgrub p a'i dus na rig sngags 'chang gis grog mkhar gyi dogs las gtsug phud 'phyang gi sku gzugs bgyis la mar gyi ngo zhag brgyad dam bzhi la lag na rdo rje'i mdun du bzhag ste zho dang / 'o mas bkrus la/ me tog dang / bdug pas mchod de rig pa brgyad stong bzlas brjod bgyis na de nas yid dga' nas 'jig rten gyi 'phrul po ches dngos grub stsol to/ /dgos pa zhig grub na yang de la dngos grub stsol to/ /log 'dren gyi sgrub pa rdzogs so// //rig sngags 'chang gi nor sgrub pa dang / las byang bar bgyi bar 'tshal na/ ba lang gi lhas su mchis la mar gyi ngo zhag brgyad nas brtsams te zas su'o skyo 'tshal zhing 'bum bzlas brjod bgyis na rig pa'i rgyal po tshangs pa'i gdugs kyi gung la ce sbyang mo sgra 'byin te/ sgra lan lnga brgya 'byin to/ /de nas dngos grub tu 'gyur te/ ti na ra stong rnyed cing las kyang byang bar 'gyur ro/ /ci ste lag na rdo rje bcom ldan 'das lag na rdo rje mthong bar 'tshal na/ pad+ma'i rdzing du mchis la yar gyi ngo zhag bdun nas brtsams te zas su 'o skyo 'thung zhing lan sum stong bzlas brjod bgyis na nyid kyis lag na rdo rje mthong ngo / /me kha la bzlas brjod bgyis pas me tog dbul lo/ /rdo rje bzhad mas smrar stsal te/ rig sngags 'chang gis 'di skad du bcom ldan 'das/ bdag yongs su bskyab tu gsol zhes brjod do/ /de 'di skad du bu de ci bya zhes brjod pa dang / de nas bcom ldan 'das yid kyis gang bsam pa de thob par mdzad du gsol zhes brjod do/ /de bzhin du gyur cig ces brjod nas mi snang bar 'gyur ro/ /de'i 'og tu yid la gang bsam pa de thams cad 'grub bo/ /byis pa log 'dren gyis zin na/ lag na rdo rje'i mdun du lan brgya rtsa brgyad bzlas brjod bgyis pa'i spos chus bkrus na gtong ngo / /gal te log 'dren gyi gnas sgrub par 'tshal na/ rig sngags 'chang gis yar gyi ngo'i nya nas brtsams te zas su 'o skyo 'thung zhing rig pa bzlas brjod bgyi'o/ / de nas mar gyi ngo zhag brgyad la nyin zhag gcig smyung ba bgyis te mtshan gcig mchis par mchis la ci 'byor pas mchod de/ me tog dkar po stong gis mtshan ma bsnun na/ mtshan brgyar 'gas te/ de nas log 'dren gyi las dngos grub tu 'gyur re/ /log 'dren rnams ngag nyan par yang 'gyur ro/ /log 'dren rnams gsad do snyam du khros pa'i yid kyis bzlas brjod bgyis na/ log 'dren rnams 'gum mo/ /gang du bsgoms pa der thams cad bgyid do/ /yar gyi tshes brgyad nas brtsams la 'phags pa lag na rdo rje'i mdun du nang par rig pa lan brgya rtsa brgyad bzlas brjod bgyi'o/ /gdugs kyi gung la yang de bzhin du bgyi'o/ /phye ma red lan brgya rtsa brgyad bzlas brjod bgyis te/ de ltar dgung bdun du bgyis na bdun pa'i gdugs la ti na ra sbyin par bgyid do/ /ci nus kyis mchod par bgyi'o/ /zas su'o skyo 'thung bar bgyi'o/ /yar gyi ngo'i tshes lnga nas brtsams te rgya mtshor 'bab pa'i chu klung du zhugs la snga dro nas phyi dro'i bar du bzlas brjod bgyis na ti nar gcig rnyed do/ /tshes grangs dang skar ma gdam mi 'tshal/ smyung ba bgyi mi 'tshal bar yungs kar 'phru stong las rdo rje bgyis te kham phor du stsal la lo mas kha bcad de rig pa brgya rtsa brgyad bzlas brjod bgyi'o/ /ras zung gcig stsol gyi bar du gzhag go /de nas mtsha'ur dor ro/ /tshes grangs dang skar ma gdam mi 'tshol/ /smyung ba bgyi mi 'tshal bar rked pa nub tsam gyi chab tu zhugs la lan brgyad stong bzlas brjod bgyis na ras zung gcig stsol bar bgyid do/ /mar gyi ngo zhag brgyad la nyin zhag gcig smyung ba bgyis la lag na rdo rje'i mdun du mchod pa bgyis la/ shing bil ba'i zhugs shing gi zhugs bus te sna ma'i me tog zho dang / sbrang rtsi dang / mar la smyugs pa brgyad stong sbyin sreg bgyis na/ ti na ra stsol bar bgyid do/ /yar gyi ngo tshes bcu gsum la de bzhin gshegs pa'i spyan sngar mchod pa bgyis te nyin zhag gcig smyung ba bgyis la lan brgya stong bzlas brjod bgyis na/ ras zung gcig rnyed do/ /de nas lag na rdo rjes bcom ldan 'das la 'di skad ces gsol to/ /bcom ldan 'das/ bdag la gsan du gsol/ yon tan bsam gyis mi khyab pa'i las brjod par bgyi'o/ /dgung gsum du smyung ba bgyis la mar gyi ngo zhag bcu bzhi la n+ya gro d+ha'i shing gcig pu mchis par mchis la/ dri dang / me tog dang / bdug pas brgyan par bgyi'o/ /pho nya mo rnams kyis thams cad bgyi'o/ /de nas rig sngags 'chang gis ras yug ma god pas shing n+ya gro d+ha dkris la rtswa ku sha spams pa'i steng du mchis shing / rig pa'i rgyal po brgyad stong bzlas brjod bgyis na/ de nas shing n+ya gro d+ha las 'od zer cig byung ste/ des rig sngags 'chang la bskor ba bgyis nas spyi bor nub bar 'gyur ro/ /de nas rig sngags 'chang gis ras la btags te de bzhin gshegs pa thams cad dang / lag na rdo rje la phyag bgyis la ras de de bzhin gshegs pa la phul na/ yid la bsam pa tsam gyis skye bo bdun gyis bskor te nam mkha' la mchi ci 'tshal ba gzugs can du 'gyur ro/ /dpag tshad sum stong du gyen du 'phag go /'og tu yang de bzhin no/ /bsam pa tsam gyis lha'i rigs thams cad 'gugs par 'gyur ro| |sems can thams cad kyi sems dang spyod pa yang 'tshal bar 'gyur ro/ /sa dang po la gnas pa'i byang chub sems dpa' rnams dang lhan cig gnas par 'gyur ro// khri bdun stong thub par 'gyur ro/ /de'i bsam pa dang / dgos pa thams cad 'byor par 'gyur ro/ /rig sngags 'chang grub pa dang / sa la gnas pa rnams kyi rnam pa'i spyod yul du mi 'gyur ro/ /gang gi tshe nam mkha' la gnas pa de'i tshe rig sngags 'chang rnams kyi spyod yul du mi 'gyur ro/ /dngos grub 'dis lha thams cad dang / rig sngags 'chang thams cad mdun na gnas par 'gyur ro/ /de bzhin du lag na rdo rje'i cho ga rgyas pa thams cad dngos grub tu 'gyur ro/ /'di sgrub pa'i rig sngags 'chang gi mtshams ma mchis pa lnga 'byang bar 'gyur ro/ /gang gi tshe 'gum pa de'i tshe lag na rdo rje'i gnas su mchi'o/ /yar gyi ngo tshes brgyad nas brtsams te lus sbyang ba bgyis pa la zas su'o skyo 'thung zhing rig pa bzlas brjod bgyi'o/ /mar gyi ngo zhag brgyad la nyin zhag gcig smyung ba bgyis te mtshan gcig mchis par mchis la sham thabs ser po bgo zhing bsgrub par bgyi'o/ /de nas rig sngags 'chang gis gtor ma'i cho ga rgya cher bgyis la mtshan gyi steng du zhabs g.yon pa bzhag ste rig sngags brgyad stong bzlas brjod bgyis na/ de nas mtshan las 'od zer cig byung ste/ des rig sngags 'chang la bskor ba bgyis nas mgo bor nub par 'gyur te/ des skra lcang lo 'khyil zhing gdugs shar ba lta bu'i mdog can gyi rig sngags 'chang du 'gyur ro/ /yid kyis gar 'tshal ba der mchi bar 'gyur ro// lo dgu stong thub par 'gyur ro/ /bcom ldan 'das/ 'di yang stobs dang pha rol gnon pa dpag tu ma mchis shing 'byung po thams cad dang / gnod sbyin thams cad dang / klu thams cad dang / log 'dren thams cad kyis mi tshugs pa lags te/ rig pa'i rigs rgyud thams cad kyi snying po mchog gi gsang sngags bshad par bgyi'o| |Tak+ki hUM dza/ 'di dang / pho nya mo rnams kyi las kyi khyad par brjod par bgyi'o/ /snying po'i las rnams ni/ ri mo mkhan gso sbyong bzung bas ma gong ba'i ras la sbyin dang ma 'dres pa'i tshon gyis sangs rgyas kyi sku gzugs bri bar bgyi'o/ /de'i g.yon rol tu kun dga' bo dang / g.yas rol du lag na rdo rje yab thogs pa bri bar bgyi'o/ /bcom ldan 'das ni/ gser gyi mdog can no/ /kun dga' bo ni/ sngo bsangs so/ /lag na rdo rje yar sngo bsangs te/ rgyan thams cad kyis brgyan pa'o/ /de'i 'og tu sgrub pa po lag na pog phor thogs par bri'o/ /de nas yar gyi ngo nas dgung gsum smyung ba bgyis te/ ri mo'i sku gzugs kyi mdun du lung thang gi shing gi zhugs bus la sna ma'i me tog mar la smyugs pa lan brgyad stong sbyin sreg bgyis na/ de bzhin gshegs pa'i dpral ba las 'od zer byung ste/ de nas dngos grub tu 'gyur ro/ /des yid kyis gang bsam pa de 'byor bar 'gyur ro/ /'khor los bsgyur ba nyid dam/ rig sngags 'chang nyid ni/ ma gtogs so/ /gtor ma rgya cher stsal bar bgyi'o/ /ma bsgrubs par las rnams su 'gyur ba lags te/ lan bdun bzlas brjod bgyis pa'i thal ba'am/ srad bu'am/ chus ni/ bkru bar bgyi'o/ /grogs srung na/ spyi bor mdud pa dor ro/ /lan gsum bzlas brjod bgyis pas yul 'khor bsrung ngo / /gseg ma la lan bdun bzlas brjod bgyis pa chab tu stsal bas chu srin kum b+hir dang / chu srin bcing ngo / /yal gas ni| rims nad gso bar bgyi'o/ /chab bam rtswa ku shas ni/ dug las gso bar bgyi'o/ /bgegs dang log 'dren phung bar bgyi bar 'tshal bas/ sgrub pa'i dus na arga'i shing gi zhugs bus la ske tshe'i 'bru las lan brgya stong sbyin sreg bgyis na/ log 'dren rnams phung bar 'gyur ro/ /phyugs chung dbang du bgyis par 'tshal bas/ mda' thogs la lag na rdo rje'i mdun du lan brgya rtsa brgyad bzlas brjod bgyis te phyugs chung gi lag nas bzung na/ dbang du 'gyur ro/ /chang ma rung bar bgyi bar 'tshal na| lan bdun bzlas brjod bgyis pa'i gseg ma khyim gyi sgor dor ro/ /chab la mi 'bying bar bgyis na/ shing sha l+ya ka'i 'bras bu la lan bdun bzlas brjod bgyis te stsal na chab mi 'bying ba bgyis par 'gyur ro/ /mar gyi ngo zhag brgyad la nyin zhag gcig smyung ba bgyis te/ lag na rdo rje'i mdun du shing bil ba'i bud shing gi zhugs bus la sreg blugs rgya skyegs la lan stong bskyar zhing sbyin sreg bgyis na/ nad rkang ske mas gyis 'debs par bgyid do/ /mar dang gu gul gyi sreg blugs lan brgya stong sbyin sreg bgyis na/ zhi bar 'gyur ro/ /yar gyi ngo nya nas brtsams te gdugs kyi gung la gos gsar pa ba gos la zangs kyi snod du zho dang 'bras chan stsol te gdong gtugs la bstan cing phyugs chung gi ming nas phyung ste lan brgya stong bzlas brjod bgyis na/ phyugs chung mchi'o/ /gal te mi mchin/ phyugs chung de 'gum mo/ /gdug bdun du bgyi'o/ /'bras can gyi gdugs la dbul lo/ /shing sha mi phur bu sor brgyad ba blangs te srad bus dkris te lag na rdo rje'i mdun du lan brgya rtsa brgyad bzlas brjod bgyis la gru mi 'gul bar bgyi'o zhes bgyi ste/ chab tu dor na gru mi 'gul ba bgyis par 'gyur ro/ /mar gyi ngo zhag bzhi la zhag gcig smyung ba bgyis te mtshan gcig mchis par mchis la/ 'byung po'i gtor ma stsal te lho phyogs kyi ngos la shu dag brgya stong sbyin sreg bgyis na/ ti na ra gsum rnyed do/ /shu dag la lan nyi shu rtsa gcig bzlas brjod bgyis te so phrag tu stsal na/ shags 'gyed pa'i tshe gzhan gyis lan mi thebs par smra bar 'gyur ro/ /lag na rdo rje'i mdun du gi'u wang la lan brgya stong bzlas brjod bgyis la/ des thig le bgyis na dpal che bar 'gyur ro/ /rgyal po'i pho brang 'khor du lan thebs par smra bar 'gyur ro/ /bud med dbang du bgyid na/ lag na rdo rje'i mdun du pa la sha'i shing gi zhugs bus la/ snga dro lan tshwa la lan stong rtswa brgyad sbyin sreg bgyis nas ming nas brjod na/ nyi ma bdun gyis 'grub ste| za gcig par bgyi'o/ /yugs sa mo dbang du bgyid na/ mar gyi ngo zhag drug nas brtsams te bcu'i bar du dus gsum du lag na rdo rje'i mdun du lung thang gi shing la zhugs bus la mon sran gre'u lan brgya rtsa brgyad sbyin sreg bgyis na/ dbang du 'gyur ro/ /bram ze'i bu mo dbang du bgyid par 'tshal bas/ mar gyi ngo zhag brgyad la lag na rdo rje'i mdun du du ba ma mchis pa'i me mdag la rgya skyegs kyis lan brgya stong sbyin sreg bgyis na/ dbang du 'gyur ro/ /skyes pa dbang du bgyi na/ mar gyi ngo zhag brgyad la zhag gcig smyung ba bgyis nas lag na rdo rje'i mdun du dong ka'i shing gi zhugs bus la yungs kar la lan brgya stong sbyin sreg bgyis na/ dbang du 'gyur ro/ / Tak+ki hUM dzaHrA dzA nA ma pa shi ka tu ka me na shukla pany+tsa mye ma ho ra ta shI te badzra pA Ni s+ya a gra ta pri ya ku ba ta she rat+ni ma pra dz+wa l+ya shwe sar sha paM in+d+ra ya baM tse ki kri t+ya bi shwa ru d+hi ra ak+tA nAM aSh+Ta sa ha sraM dzU ya sho ba ti/ mar gyi ngo zhag brgyad dam bcu bzhi nas zhag gsum smyung ba bgyis te lag na rdo rje'i mdun du mchod pa ci nus kyis mchod de/ rig pa mchog gis dri dang / me tog dang / bdug pa thams cad la phul la/ de'i 'og tu rig sngags 'chang gis shing sA la ser po las sgrom bu bgyis te/ sgrom bu der lig bu mig stsal la dro bar gyur pa dang / du bar 'thul ba dang / 'bar ba'i bar du bzlas brjod bgyi'o/ /dro bar gyur na/ dbang du 'gyur ro/ /du ba 'thul na/ mi snang bar 'gyur ro/ /'bar na/ nam mkha' la mchi bar bgyi'o/ /mdog gdugs shar ba 'dra bar 'gyur ro/ /lo bdun stong thub par 'gyur ro/ /lus zhig nas lag na rdo rje mthong bar 'gyur ro/ /mar gyi bo zhag brgyad la nyin zhag gcig smyung ba bgyis te dur khrod du mchis la skyes pa'i ro ma smas pa blangs te rig pa mchog gis dri dang / me tog dang / bdug pas brgyan pa bgyis la mgo bo shar phyogs su bstan te/ de nas rig sngags 'chang gcer bur byung la skra bshig ste/ de'i snying gar mchis la mi ro'i khar mi'i thod ba yungs kar gyis gtams pa bzhag la yungs kar rnams mi snang gi bar du bzlas brjod bgyi'o/ /de nas dngos grub tu 'gyur ro/ /mi thod blangs la mtshe'ur bor na de nas yid kyis bsam pa tsam gyis nam mkha' la mchi bar 'gyur te/ nam mkha' la mchi'o/ /mi snang bar 'gyur ro/ /rgyal por bgyid do/ /bdag mi sdug par yang ston to/ / slar yang rgyan thams cad kyis brgyan pa dang / mdog gdugs shar ba lta bur yang ston to/ /bdag gis gang bsam pa de dag thams cad 'grub bo/ / tshe lo stong thub par 'gyur ro/ /mar gyi ngo zhag brgyad la nyin zhag gcig smyung ba bgyis te lag na rdo rje'i mdun du rig pa mchog gis lag na rdo rje la dri dang / me tog dang / bdug pa rnams dbul lo/ /grong gi phug ron gyi khar ldong ros stsal la dro bar gyur pa dang / du ba 'thul ba dang / 'bar gyi bar du bzlas brjod bgyi'o/ /dro bar gyur pas thig le bgyis na/ chab kyi nang du dgung zla gcig mchis shing chab kyi nang du gzhag go /gang mthong ba de dbang du 'gyur ro/ /du ba 'thul na/ mi snang bar 'gyur te/ mi snang bar gyur na/ grub pa rnams kyi spyod yul du mi 'gyur ro/ /lo stong thub par 'gyur ro/ /'bar na/ nam mkha' la mchi bar 'gyur te/ dpag tshad stong tshun chad mthong zhing sgra yang thos so/ /lo khri nyis stong thub par 'gyur ro/ /lag na rdo rje grub par 'gyur ro/ /chu la lan bdun bzlas brjod bgyis pas gar bgyid du stsal te/ lan gsum bzlas brjod bgyis pa'i du bas gsang tshig smrar stsal to/ /yid kyis lan bdun bzlas brjod bgyis pa'i me tog gis smrar stsal to/ /yar gyi ngo zhag brgyad la zhag gcig smyung ba bgyis te lag na rdo rje'i mdun du pa la sha'i shing gi zhugs bus la ku mu da'i me tog zho dang / sbrang rtsi dang / mar la smyugs pa brgyad stong sbyin sreg bgyis na/ yid kyis bsam pa de dag thams cad 'grub ste/ rig sngags 'chang gi rgyal po nyid ni/ ma gtogs so/ /mar ngo zhag brgyad nas brtsams te zas su 'o skyo 'tshal zhing lag na rdo rje'i mdun du bil ba'i shing gi zhugs bus la bil ba'i yam sreg shing 'bum sbyin sreg bgyis na/ rgyal po nyid stsol to/ /cho ga 'di nyid kyis rig sngags 'chang nyid kyang stsol to/ /mar gyi ngo zhag brgyad la nyin zhag gcig smyung ba bgyis te lag na rdo rje'i mdun du seng ldeng gi shing gi zhugs bus la ske tshe'i me tog la lan brgya stong sbyin sreg bgyis na/ las grub pa'i mchog tu 'gyur ro/ /mar gyi ngo zhag bcu bzhi la lag na rdo rje'i mdun du arga'i shing gis zhugs bus la arga'i me tog las lan 'bum sbyin sreg bgyis na/ ti na ra stong stsol lo/ /byang chub kyi shing gi 'og tu zas su chu grog 'tshal zhing lan sum 'bum bzlas brjod bgyis na/ rig sngags 'chang brgyas bskor ba'i rig sngags 'chang du 'gyur ro/ /'dod pa thams cad longs spyod du 'gyur ro/ /lo dgu stong thub par 'gyur ro/ /gang rig pa'i rgyal po sgrub par 'tshal ba des mar gyi ngo zhag brgyad nas bzung ste zas su 'o skyo 'tshal zhing rgya mtshor 'bab pa'i chu klung du zhugs te ku mu da'i me tog rgyas pa 'bum du phul na/ de nas rig sngags 'chang la chu'i nang du klus rig par bgyid de/ de la 'jigs par mi bgyi'o/ /de nas bcom ldan 'das rig pa'i mchog 'grub par 'gyur te/ de grub pas cho ga rgyas pa thams cad grub par 'gyur ro/ /rig pa'i mchog gi snying po'i cho ga rgyas pa rdzogs so// // de nas bcom ldan 'das la phyag na rdo rje rjes 'di skad ces gsol to/ /bcom ldan 'das/ nye ba'i snying po 'di mchog tu mi bzad pa/ cho ga rgyas pa mang po rab tu sgrub pa bgyid pa/ lha dang bcas pa'i 'jig rten gyis 'gal bar bgyi ba ma lags pa 'byung po thams cad dang / lha thams cad kyis mi tshugs te/ phyir zhing bshad par bgyi'o/ /de nas bcom ldan 'das kyis lag na rdo rje la 'di skad ces bka' stsal to/ /shod cig /gnod sbyin gyi dbang po/ sems can rnams kyi don gyi phyir de bzhin gshegs pas gnang gi /shod cig /de nas lag na rdo rjes thams cad dang ldan pa'i 'khor 'dus pa la rnam par bltas nas lha de dag la 'di skad ces smras so/ /kye kye lha'i tshogs rnams nyon cig /nye ba'i snying po 'di ni/ mchog tu mi bzad pa/ de bzhin gshegs pas kyang 'gal bar mdzed pa ma yin te/ phyi phyir bshad kyi/ lha'i tshogs rnams de nyon cig /de nas lag na rdo rjes bcom ldan 'das kyi zhabs gnyis la gtugs nas gsang sngags smras pa/ na mo rat+na tra ya s+ya/ na ma sh+tsaN+Da badzra pA Ni s+ya/ mahA yak+Sha se nA pa ti s+ya/ na mash+tsaN+Da pra marda nA ya swAhA/ hi ri mi ri ti ri ni swAhA/ de nas gsang sngags smras pas stong gsum gyi stong chen po'i 'jig rten gyi khams rnam pa drug tu g.yos so/ /gzhal med khang na gnas pa'i lha rnams k yang kha bub tu 'gyel nas skyabs med cing dpung gnyen med de 'dar yed yed nas gsang ba'i bdag po ci nas bdag cag srog dang bral bar mi 'gyur bar bdag cag la yongs su bskyab tu gsol zhes lag na rdo rje la skyabs su dong ngo / /log 'dren rnams kyang 'gul ma nus nas yid kyis lag na rdo rje la phyag 'tshal lo/ /de nas bcom ldan 'das lag na rdo rjes cung zad 'dzum pa'i bzhin gyis lha de dag la 'di skad ces smras so/ /grogs po khyed longs shig /nga'i dam tshig la yang dag par gnas par gyis shig /de thos nas lha rnams rab tu dga' ba'i bzhin gyis bcom ldan 'das lag na rdo rje'i rkang pa gnyis la phyag 'tshal nas bcom ldan 'das la 'di skad ces gsol to/ /bcom ldan 'das lag na rdo rje 'di ni/ mchog tu mi bzad pa lags so/ /bcom ldan 'das kyis bka' stsal pa/ lha dag /de de bzhin no/ /de nas bcom ldan 'das la lag na rdo rjes gsol pa/ bcom ldan 'das/ bdag gi rig pa 'di ni/ lha rnams 'chi 'pho bar bgyid pa/ gnod sbyin rnams phung bar bgyid pa/ gnod sbyin rnams phung bar bgyid pa| dri za rnams lhung bar bgyid pa/ log 'dren rnams nges par brlag par bgyid pa/ rdo rje'i rigs thams cad skrag par bgyid pa/ tshangs pa dang / khyab 'jug dang / dbang phyug chen po la sogs pa la gnod par bgyid pa lags so/ /bcom ldan 'das/ bdag gi nye ba'i snying po 'di ni/ bdag la yang phur bus 'debs pa lags te/ bcom ldan 'das/ mgu bar bgyid pa/ skam par bgyid pa/ chad pas gcod pa lags so/ /lha rnams 'chi 'pho bar bgyid pa dang / gnod par bgyid pa dang / phur bus gdab par bgyid par ' tshal bas mar gyi ngo zhag bcu bzhi la zhag gsum smyung ba bgyis te ba'i lci ba sa la ma lhung ba las brgya byin gyi gzugs bgyis la lag na rdo rje'i mdun du bzhag ste de'i steng du shing kun gyi shing gi zhugs bus la bri yang ku'i yam sreg shing yungs kar gyi 'bru mar la smyugs pa brgya stong sbyin sreg bgyi'o/ /de nas lha rnams so so nas tshig cing brgya byin gyi gan du mchi'o/ /brgya byin yang lha rnams dbugs 'byin te/ grogs po dag ma 'jigs shig ces lha rnams dbugs phyung nas rig sngags 'chang gi gan du mchi ste phyin pa dang / tshig 'di skad du kye ma'o rig sngags 'chang la dge sbyong gi tshul med do/ /zhes smras pa dang / rig sngags 'chang gis 'di skad du bcom ldan 'das lag na rdo rjes gang bshad pa de dran par gyis shig ces brjod par bgyi'o/ /de thos nas shin tu dga' ba'i bzhin gyis rig sngags 'chang la rig pa stsol lo/ /de'i 'og tu rig sngags 'chang gi rig pa mchog gis slar gtang bar bgyi'o/ /rig pa des rig sngags 'chang gi 'khor los bsgyur bar 'gyur te/ rig sngags 'chang bdun stong gi bdag por bskal bar gnas par 'gyur ro/ /lha rnams kyang g.yos par bgyid par 'gyur ro/ /gnod sbyin rnams kyang phung bar bgyid par 'tshal bas gang nas gnod sbyin nam/ gnod sbyin mo g nas pa der mar gyi ngo zhag brgyad la mchis la nyin zhag gcig smyung ba bgyis te byang chub kyi shing gi zhugs bus la a pa m+r+ga'i yam sreg shing las lan brgya stong sbyin sreg bgyi'o| |de nas gnod sbyin de dag 'bros pa tshur shog ces brjod na slar mchi'o/ /mchis nas kyang de'i bsnyen bkur gyis shig ces brjod do/ /gdugs gcig bzhin du ti na ra bdun bdun stsal lo/ /gang du bskos pa de thams cad bgyid do/ /dri za rnams lhung bar bgyid par 'tshal bas rgya mtshor 'bab pa'i klung gi ngos su yar gyi ngo tshes brgyad la nyin zhag gcig smyung ba bgyis te kham po dza'i shing gi zhugs bus la yungs kar mar dang bsres pas lan khrir sbyin sreg bgyi'o/ /de nas yi dwags kyi gzugs can gyi mi zhig mchi'o/ /mchis nas kyang rkang pa gnyis la phyag bgyid pa dang / bde bar gyur cig ces brjod par bgyi'o/ /de nas mi des rkang pa gnyis la lig bu mig bzhag nas slar mchi'o/ /lig bu mig des mig bskus na/ dri za'i gzugs su 'gyur ro/ /rkang gis 'gro bar 'gyur ro/ /lo lnga stong thub bar 'gyur ro| |dri za rnams kyang srung ba dang / skyob pa dang / sbed par bgyid do/ /log 'dren rnams kyang brlag par bgyid na/ sman a sa de ba dang / shing ba la kar ba sa'i tshig gu dang / ne'u le'i spu dang / sbrul skogs brjes pa dang / rdzas de dag gis gnod sbyin gyi gzugs la bdug par bgyi'o/ /rig pa yang lan brgya stong bzlas brjod bgyi'o/ /de nas rmi lam du log 'dren rnams bred cing ci bya gtol med par mthong ngo / /de'i nang nas mi zhig 'di skad ces kyi rig sngags 'chang / bdag cag la gnod pa ma mdzad par 'di snoms shig ces smra'o/ /de nas nang bar ti na ra cig stsol lo/ /sgrub pa'i dus na yang bdug pa 'di nyid kyis bdag la bdugs na/ log 'dren thams cad nyams par 'gyur ro/ /log 'dren gyi las bgyi na yang mar gyi ngo zhag brgyad la nyin zhag gcig smyung ba bgyis la bgyi'o/ /rdo rje'i rigs skrag par bgyi na/ lce 'bab pas bcag pa'i shing blangs la mar gyi ngo zhag gcig smyung ba bgyis te lag na rdo rje'i mdun du lce 'bab pas bcag pa'i shing gi zhugs bus la kham po dza'i yam sreg shing brgya stong sbyin sreg bgyis na/ rdo rje'i rigs thams cad skrag par 'gyur ro/ /ri'i dngos grub kyang stsol lo/ / tshangs pa dang / khyab 'jug dang / dbang phyug chen po la sogs pa la gnod pa bgyid na/ mar gyi ngo zhag bcu bzhi la zhag gsum smyung ba bgyis te mtshan gcig mchis par mchis la ci nus kyis mchod de/ mtshan ma khrag gis bskus la khros pa dang bcas pas lag pa gnyis kas 'khyud de rig pa lan brgya stong bzlas brjod bgyis na/ de na mtshan ma 'gul lo/ /skrag par 'gyur zhing rang gi cho ga rgyas pa rnams kyi dngos grub stsol to/ /de ltar cho ga rgyas pa thams cad 'grub par 'gyur r o| |lag na rdo rje la phur bus gdab na mar gyi ngo zhag brgyad la zhag gcig smyung ba bgyis te lag na rdo rje'i mdun du seng ldeng gi shing gi zhugs bus la kham po dza'i yam sreg shing brgya stong sbyin sreg bgyis na/ sreg blugs gsum pa'i tshe 'dar ro/ /brgyas tshar gcod par 'gyur ro/ /sum brgyas skam par 'gyur ro/ /bzhi brgya pa'i tshe lag na rdo rje la phur bus btab par 'gyur ro/ /lag na rdo rje phur bus btab pas lag na rdo rje'i rigs thams cad dang / tshangs pa dang / khyab 'jug dang / dbang phyug chen po la sogs pa thams cad kyang phur bus btab par 'gyur ro/ /brgya stong tshang ba'i tshe lag na rdo rje'i tshig nas mchi ste rig sngags 'chang ci 'dod ci sbyin ces brjod pa dang / bcom ldan 'das/ cho ga rgyas pa dngos grub bdag la stsal du gsol zhes brjod par bya'o/ /de ltar gyur cig ces brjod nas mi snang bar gyur to/ /de nas rig sngags 'chang gis myur bar lag na rdo rje'i gzugs 'o mas bkru bar bgyi'o/ / de nas mchis pa'i mar dang / gu gul gyis lan brgya stong sbyin sreg bgyi'o/ /de nas sos par 'gyur ro/ /lha la yang mchod pa rgya cher bgyis la shugs ldan mas slar gshegs su gsol lo/ /bcom ldan 'das rig pa'i rgyal po sgrub pa'i rig sngags 'chang la gal te dngos grub tu ma gyur na/ rig sngags 'chang des las bdag gir bya ba yin par dmigs par bgyi'o/ /lan gnyis su yang bsgrub par bgyi'o/ /ma grub na yang las bdag gir bya ba yin par dmigs par bgyi'o/ /bcom ldan 'das kyis bka' stsal pa/ ci'i phyir de skad smra/ gsol pa/ bcom ldan 'das/ pha 'gums pa dang / ma 'gums pa dang / tshangs pa la gnod pa bgyis pa'i sems can dag kyang mchis/ mtshams ma mchis pa lnga dang ldan pa'i sems can dag kyang mchis te/ bcom ldan 'das/ de'i slad du bdag 'di skad ces brtson 'grus brtsams la bsgrub par bya'o zhes mchi'o/ /lan bdun du yang sgrub pa la 'jug par bgyi'o/ /gal te ma grub na/ las 'di brtsam par bgyi s te| mar gyi ngo zhag brgyad la nyin zhag gcig smyung bar bgyis la dur khrod kyi shing gi zhugs bus te seng ldeng gi yam sreg gi shing la bdag gi khrag byugs la lan brgya stong sbyin sreg bgyi'o/ /gal te ma mchis na rang gi shas lan brgya stong sbyin sreg bgyis na mchi bar bgyi ste/ bcom ldan 'das rig sngags kyi dngos grub kyang stsal bar bgyi'o/ /las 'di ni/ mchog tu mi bzad pa lags te/ rig sngags 'chang des mi bzad pa'i las 'di thog mar mi bgyi'o/ /de ci'i slad du zhe na/ de bzhin gshegs pa rnams kyi byang chub ni/ bcom ldan 'das kyis kyang 'gal bar bgyi ba ma lags pa lta bu ste/ gal te rig sngags 'chang gis las thog mar brtsam ste/ bcom ldan 'das/ de ni/ bdag la gnod pa bgyid de/ de kho na nyid kyang mi mthong la bdag la gnod pa bgyid do/ /bcom ldan 'das| bdag la gnod pa bgyid na/ lha thams cad la gnod pa bgyid par 'gyur ro/ /gnod sbyin thams cad la yang gnod pa bgyis par 'gyur te/ de dag rig sngags 'chang de la glags tshol zhing mchis par 'gyur/ gal te mtshams ma mchis pa lnga dang ldan pa'i rig sngags 'chang zhig rig pa'i rgyal po bsgrubs na/ sgrub pa bdun pa la dngos grub stsal bar bgyi'o/ /gal te ma stsal na/ de bzhin gshegs pa thams cad 'khus par 'gyur ro/ /bcom ldan 'das/ gzhan yang gang gis rig sngags 'chang rnams kyi dngos grub tu 'gyur ba'i rdzas rnams mi 'phrog par brjod par bgyi'o/ /byang chub sems dpa' chen po smros shig /bcom ldan 'das/ rig sngags 'chang gis lig bu mig dang ldong ros la sogs pa sgrub na/ thog mar 'o mas bkru bar bgyi ste/ bkrus pas dngos grub tu 'gyur ro/ /dngos grub tu gyur pa'i rdzas rnams kyang rig sngags 'chang gi bla ma dang / bdag dang / grogs rnams la cha gsum du bgo bar bgyi'o/ /ral gri dang / 'khor lo dang / mdung rtse gsum pa zhig grub la/ stor na yid kyis 'di snyam du sems can gang bsod nams chung ba de'i stor grang snyam du bsam la rig sngags 'chang des sbyin sreg bgyi'o/ /yang na lag pa bkan te mnan no/ /gal te shin tu gnod pa bgyis na/ rig sngags 'chang des 'di skad du rdzas 'di ni/ lag na rdo rje'i yin no zhes brjod par bgyi'o/ / bcom ldan 'das/ bdag gi ming thos nas yid kyis kyang 'khu bas sems pa ni/ lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bram ze'i skye rgu dang bcas pa'i 'jig rten na ma mthong ngo / /de nas thams cad dang bcas pa'i 'khor des byang chub sems dpa' chen po legs so legs so/ / stobs dang pha rol gnon pa dpag tu med pa khyod seng+ge'i sgra 'di lta bu 'byin pa legs so zhes te legs so zhes bya ba byin no/ /bcom ldan 'das/ 'di ni/ bdag gi nye ba'i snying po lags te/ 'di lan gcig brjod pas cho ga chen po rgyas pa brgyad brjod par 'gyur ro/ /lag na rdo rje/ de de bzhin te/ de de bzhin no| |bcom ldan 'das/ rig pa'i rgyal po 'di bdun sgrub pa dang / gnod pa bgyid na/ yid kyis bzlas brjod bgyi'o/ /ci ste rig sngags 'chang rig sngags sgrub par 'tshal na/ rig sngags 'chang des thog mar rig sngags de lan brgya rtsa brgyad brjod par bgyi'o/ /nye ba'i snying po yang lan brgya rtsa brgyad bzlas brjod bgyi'o/ /de nas rig sngags 'chang gis rig sngags bsgrub par bgyi'o/ /gal te rig sngags ma grub na/ de nyid du mchis la du ba mchis pa'i me mdag tu ske tshe las lan brgya stong sbyin sreg bgyis na/ rig pa de nyams par gyur nas de'i mdun du mchi ste dngos grub tu stsol to/ /de nyid du mchis la rig sngags 'chang gis yang rig pa bsgrub na/ myur du 'grub bo/ /gsang sngags thams cad kyi las kyang 'dis 'grub pa lags so/ /spos rnams kyi lag na rdo rje'i g zugs bgyis la gdugs bdun dus gsum du lan brgya rtsa brgyad bzlas brjod bgyis la mar gyi ngo zhag bcu bzhi pa la nyin zhag gcig smyung ba bgyis te dpag tu ma mchis par bzlas brjod bgyis na/ gnod sbyin mo mchi bar 'gyur te/ rdo rje bzhad mas smrar stsal bar bgyi'o/ /gang gi tshe ngas che ge mo zhes bya ba la rgyobs shig rgyobs shig / sregs shig sregs shig /zungs shig /myos par gyis shig /ma rungs par gyis shig ces bsgo ba thams cad la gnod pa gyis shig/ bcom ldan 'das dran pa tsam gyis kyang thams cad gyis shig ces bsgo bar bgyi'o/ /nye ba'i snying po rdzogs so// //nag mo drag mo'i las rnams lags te gsang sngags thams cad du gsang sngags gang las mi bgyid pa de nag mo drag mo 'dis bkug na/ de las bgyid do/ /bkug kyang gal te ma grub na/ phyem red lag na rdo rje'i mdun du rig sngags de lan bdun brjod la de'i 'og tu nag mo drag mo'i sngags lan brgya rtsa brgyad brjod par bgyi'o/ /de nas sngags de rmi lam du ston par bgyid do| |yi ge ma tshang ba dang / phur bu btab pas spra bar bgyid do/ /gal te yi ge ma tshang bar gyur na/ rig pa mchog gis tshang bar bgyid do/ /gal te phur bus btab bar gyur na/ rig pa mchog nyid kyis phur bus 'byung bar bgyid do/ /phyem red lag na rdo rje'i mdun du mchod pa bgyis la sngags de rang gi khrag gis shing ta la'i lo ma bris te rtswa ku sha las bgyis pa'i rdo rje la bdun sngags la bsnun na/ de nas phur bu 'byin par 'gyur ro/ /gdon dgug na/ me tog gis bgyi'o| |gdon rengs par bgyid na/ lan gsum bzlas brjod bgyis pa'i chab kyis bgyi'o/ /gdon spong bar bgyi na/ bdug pas bgyi'o/ /gdon dbab na/ rna bar bzlas brjod bgyis pas so/ /gdon gtong bar 'dod na/ sha ka ra'i chab la lan bdun bzlas brjod bgyis na gtong ngo / /tsan+dan dmar po las rdo rje bgyis la mar gyi ngo zhag brgyad la nyin zhag gcig smyung ba bgyis te lag na rdo rje'i mdun du ba lang gi shas bdug par bgyi'o/ /rig pa yang lan brgya stong bzlas brjod bgyis na/ pha rol brjed byed kyis zin par bgyid do/ /rdo rje 'o mas bkrus la rig pa yang lan brgya stong bzlas brjod bgyis na/ thar par yang bgyis par 'gyur ro/ /rdo rje de nyid la sha chen pos bdugs la rig pa yang lan brgya stong bzlas brjod bgyis na/ 'gum par bgyid do/ /tshes grangs dang skar ma gdam mi 'tshal/ smyung ba bgyi mi 'tshal te/ 'di la rgyu ni/ khro bo nyid do/ /dgra gsad par 'tshal bas gos rlon pa bgos la kha gdugs bltas te dgra'i srog bskams kyi bar du gsang sngags bzlas brjod bgyi'o/ /rdo rje 'o mas bkrus la rig pa yang lan brgya stong bzlas brjod bgyis na/ snga mkho bzhin 'gyur ro/ /gal te nag mo drag mo sgrub par 'tshal na/ thog ma nyid du zas su 'o skyo 'tshal zhing lan 'bum bzlas brjod bgyi'o/ /de'i 'og tu ri mo mkhan gso sbyong bzung bas ma god pa'i ras la sangs rgyas kyi sku gzugs gser mdog lta bu bri bar bgyi'o/ /de'i g.yon rol du nag mo drag mo bri bar bgyi'o/ /mar gyi ngo zhag bcu bzhi la zhag gsum smyung ba bgyis te mchod pa rgya cher bgyis la nag mo drag mo mchi bar 'gyur gyi bar du rig pa bzlas brjod bgyi'o/ /mchis pa dang rig pa mchog gis mchod yon dbul lo/ /de nas de rig sngags 'dzin ci sbyin par bya zhes mchi ba dang / de nas bcom ldan 'das ma/ rgyal po bgyid du stsol cig ces brjod na/ de bzhin du gyur cig ces brjod nas mi gda' bar 'gyur ro| |nag mo drag mo'i cho ga rdzogs so/ / //rgyal ba ldan ma'i las rnams lags te/ lha thams cad dgug na lan gsum bzlas brjod bgyis pa'i chab kyis bgyi'o// dud 'gro'i skye gnas su gtogs pa thams cad dgug na/ yid kyis bgyi'o/ /bud med dbang du bgyid na/ yar gyi ngo tshes brgyad nas brtsams te lag na rdo rje'i mdun du gdugs bdun dus gsum du du ba ma mchis pa'i me mdag la na le sham gyis lan brgya rtsa brgyad sbyin sreg bgyis na dbang du 'gyur ro/ /dbab par bgyid na/ chab bam/ bye'u rug pa'i 'o mas bgyi'o/ /gdon bcing ngam/ bskyod par bgyi na/ gu gul gyis bgyi'o/ /dur khrod kyi thal ba la gzugs bgyis la lan gsum bzlas brjod byas pas gdon gyis gtong bar bgyid do/ /dur khrod kyi sol ba las gdon gyi gzugs bgyis la mtshon rnon pos bcad na/ bcad par 'gyur te/ gtong ngo / /dug las gsol na/ yal gas bgyi'o/ /mar gyi ngo zhag bcu bzhi la dur khrod du dur khrod kyi thal bas gzugs bgyis la bzlas brjod lan brgya stong bgyis pa'i seng ldeng gi phur bus snying gar btsugs na/ gzer thabs drag pos btab par 'gyur ro/ /phyung na/ sos par 'gyur ro/ /yar gyi ngo tshes bdun la nyin zhag gcig smyung ba bgyis te lag na rdo rje'i mdun du bya rog ma langs kyi bar du lan stong rtsa brgyad bzlas brjod bgyis na/ ti na ra gcig stsol to/ /sgrub pa bgyi na/ ma god pa'i ras la spyin dang ma 'dres pa'i tshon gyis sangs rgyas kyi sku gzugs gser gyi mdog can bri bar bgyi'o/ /de'i g.yon rol tu 'phags pa spyan ras gzigs dbang phyug bri bar bgyi'o| |de'i g.yas rol tu 'phags pa lag na rdo rje bri bar bgyi'o/ /'phags pa spyan ras gzigs dbang phyug ni/ 'dam bu mda' rgyu'i kha dog ltar dkar ba'o/ /lag na rdo rje ni/ sngo bsangs te/ rgyan thams cad kyis brgyan pa'o/ /lag na rdo rje g.yas rol du ni/ rgyal ba ldan ma sngo bsangs la/ de yang rgyan thams cad kyis brgyan pa'o/ /de'i 'og rol tu ni/ sgrub pa po lag na pog phor thogs par bri'o/ /de nas zhag gsum smyung ba bgyis te mar gyi ngo zhag brgyad la ri mo'i sku gzugs la mchod pa rgya cher bgyis la/ gu gul gyi bdug pa bsreg cing ri mo'i sku gzugs kyi mdun du zhugs bus la kA ra bI ra'i me tog zho dang / sbrang rtsi dang / mar la smyugs pa brgyad stong sbyin sreg bgyi'o/ /de nas me thab nas kA ra bI ra'i me tog pad+ma'i tshad tsam du 'byung ngo / /kA ra bI ra'i pad+ma'i dbus nas kA ra bI ra 'dra ba'i ldong ros 'byung ste/ rig pa'i rgyal po bzlas brjod bgyid bzhin du de blang bar bgyi'o/ /blangs pa tsam gyis gdugs shar ba'i mdog lta bu dang / skra lcang lo 'khyil ba dang / lo bcu drug lon pa'i lus lta bur 'gyur/ lo brgyad khri thub par 'gyur/ nam mkha' la mchi ba dang / mnyam pa ma mchis pa dang / kha zas ci 'tshal ba rnams 'tshal bar 'gyur ro/ /rig sngags 'chang rnams kyi spyod yul ma lags par 'gyur ro/ /bdag 'gum pa'i dus 'tshal ba 'gyur ro/ /gal te slad kyis kyang brtson 'grus bskyed na/ tshe de'i nyis 'gyur thub par 'gyur ro/ /yar gyi ngo zla ba nya la nyin zhag gcig smyung ba bgyis te mchod pa bgyis la me tog dri zhim po las brgya stong phul na/ kaR+sha pa Na lnga stsol to/ /dgra bskrad par 'tshal na/ yar gyi ngo tshes gcig la dur khrod kyi gnas su zhugs bus la dur khrod kyi thal bas sbyin sreg bgyis na bskrad par 'gyur ro/ /mar gyi ngo zhag bcu bzhi la nyin zhag gcig smyung bar bgyis te lag na rdo rje'i mdun du pri yang ku'i shing gi zhugs bus la be kang+ka ta'i yam sreg shing brgya stong sbyin sreg bgyis na/ nor stsol to/ /dpal che bar bgyi na/ lag na rdo rje'i mdun du til gyis lan brgya stong bzlas brjod bgyi'o| |dbye bar bgyi na/ yar gyi ngo tshes lnga la nyin zhag gcig smyung ba bgyis te lag na rdo rje'i mdun du mon sran gre'u las lan brgya stong sbyin sreg bgyis na dbye bar bgyis par 'gyur ro/ /tshes grangs dang skar ma gdam mi 'tshal/ smyung ba bgyi mi 'tshal te lag na rdo rje'i mdun du gdugs bdun dus gsum du ba ru ra brgya rtsa brgyad sbyin sreg bgyis na/ phyugs chung rnyed do/ /bud med dbang du bgyi na/ gdugs bdun dus gsum du mon sran gre'u las sbyin sreg bgyi'o/ /skyes pa dbang du bgyi na/ mar gyi ngo zhag bcu bzhi la lag na rdo rje'i mdun du nyin zhag gcig smyung ba bgyis la til las lan brgya stong bgyis na skyes pa dbang du 'gyur ro/ /rA dzA ma te ba shI ka ra mi shukla pra ti pa d+ha maM b+he badzra pA Ne ra g+h+ra ta ar+k+ka este rag nim pa dz+wa l+ya shwe ta sa ra sha pa naM aSh+Ta sa ha sraM dzu hu yad ya bad asta mi ti ba sha / rgyal ba ldan pa'i cho ga rdzogs so// // rdo rje lcags sgrog gi las rnams te/ rig sngags bcing na/ srad bu la lan nyi shu rtsa gcig bzlas brjod bgyis te mdud pa dor ro/ /yungs kar gyis ni/ zhugs kyi ra bar 'gyur ro/ /chab kyis ni| yul gru chen por 'gyur ro/ /thal bas ni/ rdo rje ra bar 'gyur ro/ /bcing ba thams cad rdo rje lcags sgrog 'di nyid sbyar bar bgyi'o/ /gang dag bdag gi rig pa mchog gi cho ga rgyas pa la dam tshig mthong nas 'jig rten pa dang / 'jig rten las 'das pa'i rig sngags sgrub pa de dag la gang dag bgegs bgyid dam/ rdzas 'phrog pa de dag ni/ dam tshig ma 'chal zhing rigs la 'khu ba lags te/ de dag ma rung par bgyi ba'i slad du las 'di brtsam par bgyi'o/ /tsan+dan dmar po las lag na rdo rje'i gzugs bgyis te mar gyi ngo zhag brgyad la nyin zhag gcig smyung ba bgyis te lag na rdo rje'i mdun du seng ldeng gi shing gi zhugs bus la/ sha chen po sreg blugs lan bdun sbyin sreg bgyis te de'i 'og tu 'di skad ces lha'am/ gnod sbyin nam/ grub pa'am/ rig sngags 'chang ngam/ log 'dren nam/ log 'dren g.yog 'khor ram/ grul bum mam/ 'byung po'am/ sha za'am/ gang gis bdag gi rdzas ji ltar khyer ba des slar byin cig ces brjod par bgyi'o/ /de skad thos nas gal te des stsal na ni/ cang mi bgyi'o/ /gal te ma stsal na yang 'di skad skrag par bgyi ste/ gang gis bdag gi rdzas khyer ba des slar byin cig ces bgyi'o/ /ci ste ma stsal na/ lag na rdo rje'i rigs las phyi rol pa lag na rdo rje'i rigs la 'khu ba lags pas bya gag gi rtug pa blangs la yang lan gsum brjod par bgyi'o/ /de ltar bgyis kyang ma stsal na/ bya gag gi rtug pa lag na rdo rje la bdug cing rig sngags kyang lan brgyad brgya bzlas brjod bgyi'o| |de nas lag na rdo rje'i rigs la 'khu ba nges kyi hud kyi hud ces mchi la tshig cings phyogs der ltung ngo / /mig kyang 'jar ro/ /'gum par yang 'gyur ro/ /de'i rigs rabs chad par 'gyur ro/ /nor ni/ slar khugs par 'gyur ro/ /gsad par ni/ mi bgyi'o/ /gdon gyi las rnams kyang bgyi ste/ sa zin pa'am ma zin pa yang rung ste yid kyis dbab par bgyi'o/ / bye'u rug pa'i lo ma'am/ sra rtsi pog gam/ chab kyis dug las gso bar bgyi'o/ /bdag gso zhing mdze nad ma mchis par bgyi na/ dog sa la lan brgya rtsa brgyad bzlas brjod bgyis la bsku bar bgyi'o/ /nad kri ta si ma mchis par bgyi na/ srad bu la lan brgya rtsa brgyad bzlas brjod bgyid la gang na nad kri ta si mchis bder bcing bar bgyi'o/ /mar gyi ngo zhag brgyad la nyin zhag gcig smyung ba bgyis te lag na rdo rje'i mdun du bil ba'i shing gi zhugs bus la bil ba'i yam sreg shing khri sbyin sreg bgyis na/ longs spyod dag stsol lo/ /yar gyi ngo nya la nyin zhag gcig smyung ba bgyis te lag na rdo rje'i mdun du a ba marga'i yam sreg shing khri rig pa mchog dang lhan cig pas sbyin sreg bgyis na/ rdo rje lcags sgrog mthong zhing gang blangs pa de stsol lo/ /rdo rje lcags sgrog gi cho ga rdzogs so// //rdo rje ser mo'i las rnams lags te/ gdon babs pa gtong bar bgyi na/ chab gyis bgyi'o/ /'dar bar bgyi na/ mdzub mo la lan bdun bzlas brjod bgyis te bstan na 'dar ro/ /gdon rnam par gzhom na/ yid kyis lan bdun bzlas brjod bgyi'o/ /chab kyis ni/ rengs par bgyid do/ /rig pas bcings pa las dgrol na| rdo rje sor mo'i sngags lan bdun brjod de/ song zhig song zhig ces brjod na/ grol bar 'gyur ro/ /bcing ba dgrol na/ lan 'bum bzlas brjod bgyis pas grol lo/ /rkang rdul la lan brgya rtsa brgyad bzlas brjod bgyis pas thig le bgyis na/ gang bsam pa de rnyed do/ /mar gyi ngo zhag bcu bzhi nas zhag gcig smyung ba bgyis te n+ya gro d+ha gcig pu mchis par mchis la mchod pa rgya cher bgyis te n+ya gro d+ha'i drung du mchis la sh+le sh+me ta ka'i lo ma dag gi steng du rtswa dur ba'i lo ma bzhag ste 'bar gyi bar du bzlas brjod bgyi'o/ /'bar nas mgo bor bzhag na/ de me tog gi phreng bar 'gyur ro/ /des mgo la bcings na/ dpag tshad stong du gyen du 'phag go /lo khri nyis stong thub bo/ /zla ba spyang kis zin pa'i tshe zhag gcig smyung ba bgyis la lag na rdo rje'i mdun du ras dkar po bzhag la 'bar gyi bar du bzlas brjod bgyis na/ blangs pa tsam gyis gdugs shar ba lta bu'i mdog can du 'gyur zhing lo nyis stong thub par 'gyur ro/ /rdo rje ser mo'i cho ga rdzogs so// //shugs ldan ma'i las rnams lags te/ gdon tshar gcad na/ dur khrod kyi sol bas gzugs bris la/ lan gsum bzlas brjod bgyis pa'i lcug mas bzhus na gdon gyis gtang ngo / /skra las bgyis pa'i srad bu gtun shing gis brdungs na/ gdon du zhing gtong ngo / /gzegs ma las sbyin sreg bgyis na/ gdon gyi yan lag 'tshig par 'gyur ro/ /ba lang gi lci ba las gzugs bgyis la lan bdun bzlas brjod bgyis pa'i thur mas mig phyung na/ zhar bar 'gyur ro/ /lan bdun bzlas brjod bgyis pa'i gseg mas shing ljon pa la bsnun na/ 'pho bar 'gyur ro/ /dbab na/ me tog gis bgyi'o/ /dgrol na/ yid kyis so/ /'di dag la sogs pa ni/ don gyi las rnams lags so/ /srung ba ni/ lan nyi shu rtsa gcig bzlas brjod bgyis pa'i thal bas bgyi'o/ /yul gru srung ba ni/ lan bdun bzlas brjod bgyis pa'i chab kyis bgyi'o/ /bskrad pa ni| yungs kar gyis bgyi'o/ /nang par langs te shugs ldan ma'i sngags lan brgya rtsa brgyad brjod na/ nad thams cad las thar par 'gyur ro/ /bud med dbang du bgyi na/ mar gyi ngo zhag brgyad nas brtsams te dgung bdun dus gsum du lung thang gi shing gi zhugs bus la/ til gyi sreg blugs lan nyi shu rtsa gcig sbyin sreg bgyis na/ dbang du 'gyur ro/ /rA dz+nyA na ba ma shi ka tu ka ma kr-iSh+Na sra a b+ha mi ma a ho ra tro shi te na badzra pA Ni ra g+hu ta ti la ka shwe raka niM pra dz+wa l+ya ru d+hi ra ak+ta naM ri dza ka naM aSh+Ta sa ha sraM dzu hU ya ba sho b+ha ba ti/ rgya mtshor 'bab pa'i chu ngogs g nyi ga'i sa blangs la za ma tog bgyis te za ma tog der lig bu mig stsal la za ma tog kyang mi thod kha sbyar gyi nang du stsal te mar gyi ngo zhag brgyad nas dgung gsum smyung ba bgyis te mtshan gcig mchis par mchis la lho phyogs su mchis te mi thod thogs la 'bar gyi bar bzlas brjod bgyi'o/ /'bar nas blangs te rig pa mchog gis srung ba bgyis te lig bu mig gcig la btags te lig bu mig de'o ma dang lhan cig 'tshal na/ 'tshal ba tsam gyis skra lcang lo 'khyil bar 'gyur/ mdog ut+pa la'i kha dog lta bur 'gyur/ mtshon gang dag 'phangs pa de dag phye mar lhags par 'gyur/ lo drug khri thub par 'gyur/ dbang phyug chen po'i tshogs rnams grogs su 'gyur ro/ /mar gyi ngo zhag bcu bzhi la nyin zhag gcig smyung ba bgyis te lag na rdo rje'i mdun du byang chub kyi shing gi zhugs bus la me tog ut+pa la zho dang / sprang rtsi dang / mar la smyugs pa brgya stong sbyin sreg bgyis na yul rnyed do/ /'byung po thams cad dbang du bgyi bar 'tshal bas mar gyi ngo zhag gsum du smyung ba bgyis te dur khrod du mchis la pri yang ku'i shing gi zhugs bus te mar la lan brgya rtsa brgyad sbyin sreg bgyis na/ 'byung po thams cad mchi bar 'gyur te/ de dag la phyag brnyan gyis shig ces brjod na/ gang dang gang du bskos pa de dag thams cad bgyid do/ /yar gyi ngo tshes lnga la nyin zhag gcig smyung ba bgyis te lag na rdo rje'i mdun du a ti muk+ta ka'i me tog stong rtsa brgyad phul na/ longs spyod rnams stsol te/ shugs ldan ma'i cho ga rdzogs so/ / //rdo rje gdong gi las rnams lags te/ lan brgya rtsa brgyad bzlas brjod bgyis pa'i bum pas gdugs bdun khrus bgyis na/ sdig pa thams cad las grel bar 'gyur ro/ /byis pa gang dag gdon gyis zin pa de khrus bgyis na/ gtong bar 'gyur ro/ /gdon gyis zin pa rnams la lan nyi shu rtsa gcig bzlas brjod bgyis pa'i bdug pas bdugs na/ gtong bar 'gyur ro/ /gang dag nam gru dang / srul po dang / gdon brnyan mas zin pa de dag tshon sna lnga'i skud pa la mdud pa bdun bor te lag pa la bcings na/ gtong ngo / / dug las gson/ yal gas bgyi'o/ /srin bu ti kas zin pa dang / nad tsi lu ta dang / rkang shu byung ba las la lan nyi shu rtsa gcig bzlas brjod bgyis te bskus na/ lan gsum gyi tha ma la sos par 'gyur ro/ /phyag rgya gzhig na/ chab kyis bgyi'o/ /dbyig dug bsal bar bgyi na/ chab kyis rkang lag bkrus la snod du stsal te/ de nas rtswa ku shas byabs na 'byang bar 'gyur ro/ /gdon spo na/ lan bdun bzlas brjod bgyis pa'i thal bas bgyi'o/ /nad tsi lu ma mchis par bgyi na/ mtshon rnon pos sa shur gyis dras la yang rked du bcad na tsi lu ma mchis par 'gyur ro/ /nad bri ha ma mchis par bgyi ba yang de bzhin no/ /'dzer pa ma mchis par bgyi na/ sa la lan bdun bzlas brjod bgyis pas bgyi'o/ /mar gyi ngo zhag bcu bzhi la nyin zhag gcig smyung ba bgyis te lag na rdo rje'i mdun du mchod pa ci nus su bgyis la gi wang ras dkar po'i steng du bzhag ste 'bar gyi bar du bzlas brjod bgyi'o/ /'bar nas blang bar bgyis te/ blangs nas thig le bgyis na/ mi gda' bar 'gyur/ 'byung po thams cad kyis mi tshugs par 'gyur ro/ /zla ba gcig slong mo ba'i zas 'tshal zhing tha mar zhag g sum smyung ba bgyis la mar gyi ngo zhag bcu bzhi la lag na rdo rje'i mdun du mchod pa rgya cher bgyis te shu dag chang par bcangs la sbrul du gyur gyi bar bzlas brjod bgyi zhing / des mi 'jigs par bgyi'o/ /slar yang shu dag tu gyur gyi bar du bzlas brjod bgyi'o/ /de nas de bza' bar bgyi ste/ 'tshal ba tsam gyis gdugs shar ba lta bu'i mdog can du 'gyur zhing lo lnga stong thub par 'gyur ro/ /mar gyi ngo zhag brgyad la lha chen po gnas su mchis la nyin zhag gcig smyung ba bgyis la/ lha chen po gzhogs g.yas par lig bu mig a shwat+tha'i lo ma'i steng du bzhag ste du ba 'thul gyi bar du bzlas brjod bgyi'o/ /de nas lig bu mig blangs te lha'i skal ba bzhag la mig la bskus na/ mi gda' bar 'gyur ro/ /lo bdun stong thub par 'gyur ro/ /arga'i me tog dur khrod kyi mes bsregs nas mar gyi ngo zhag brgyad la nyin zhag gcig smyung ba bgyis nas lha chen po'i gnas su mchis la shing a shwat+tha'i lo ma'i steng du bzhag ste lan brgya stong bzlas brjod bgyis la thig le bgyis na/ mi gda' bar 'gyur ro/ /lo lnga stong thub par 'gyur ro/ /zla ba gcig skyo 'tshal zhing mar gyi ngo zhag bcu bzhi la mi'i rus pa zla gam lta bur bgyis la de nas rig sngags 'chang gi ring bsrel dang bcas pa'i mchod rten gyi drung du lag na rdo rje'i gzugs dang / dbang phyug chen po'i gzugs bzhag la rig sngags 'chang gis bcom ldan 'das dang / lag na rdo rje dang / dbang phyug chen po la r gya cher mchod de rig sngags 'chang gis yar gyi ngo'i tshes brgyad nas nyin zhag gcig smyung ba bgyis la zla gam blangs te ras dkar po'i steng du bzhag la 'bar gyi par du bzlas brjod bgyi'o/ /'bar nas blangs te mgo bor bzhag na/ ci 'dod pa'i gzugs can du 'gyur ro/ /lag na rdo rje dang / dbang phyug chen po'i gzugs su yang bsgyur/ yid kyis gang bsam pa de thams cad kyang 'grub bo/ /lo stong thub par 'gyur ro/ /'chi ba'i dus kyang 'tshal lo/ /zas su 'o skyo 'tshal zhing lag na rdo rje'i mdun du sh+le sh+me ta ka'i shing gi zhugs bus la| a pa marga'i yam sreg shing 'bum sbyin sreg bgyis na/ rgyal po nyid 'thob bo/ /rdo rje gdong gi cho ga rdzogs so// //rdo rje lte ba'i las rnams lags te/ ri mo mkhan gso sbyong bzung bas ma god pa'i ras la spyin dang ma 'dres pa'i tshon gyis 'phags pa lag na rdo rje'i mdog sngo bsangs/ rgyan thams cad kyis brgyan pa/ dar ram ras kyi sham thabs can bri bar bya'o/ /de'i g.yas rol tu rdo rje'i lte ba gser gyi mdog lta bu bri bar bgyis te/ de yang rgyan thams cad kyis brgyan par bgyi'o/ /de nas rig sngags 'chang zas su 'o skyo 'tshal bar bgyi'o| |mar gyi ngo zhag bcu bzhi nas zhag gsum smyung ba bgyis te ci nus kyis mchod pa bgyis la tsan+dan dmar po mtho gang la rdo rje bgyis te/ rdo rje'i rked par ldong ros bzhag la byang chub kyi shing gi lo mas g.yogs te dngos grub rnam gsum byung gi bar du bzlas brjod bgyi'o/ /'bar bar gyur na/ bskal par gnas shing rig sngags 'chang thams cad kyis mi tshugs par 'gyur ro/ /dpag tshad stong gyen du 'phags shing de'i mod la slar mchi'o/ /gang gi tshe 'gum pa de'i lag na rdo rje'i rigs su skye'o/ /ci ste du ba 'thul na sa blangs te thig le bgyis na/ mi gda' bar 'gyur/ lo bcu drug lon pa lta bu'i lus su 'gyur/ lo bdun stong thub par 'gyur ro/ /bro bar gyur nas blangs la thig ler bgyis na/ gang mthong ba de dbang du 'gyur te/ dud 'gro'i/ skye gnas su gtogs pa yang dbang du 'gyur ro/ /zla ba gcig zas su chu grog 'tshal zhing mar gyi ngo zhag brgyad nas zhag gsum smyung ba bgyis te ba lang gi lhas sam/ kun dga'i ra ba'am/ yang na gnas gtsang mar mchod pa rgya cher bgyis la/ ldong ros til gyi lo ma bdun gyi steng du bzhag ste gdol pa'i bu mo'i mo mtshan nam/ 'ji ba las bgyis pa'i mo mtshan gyi steng du gzhag par bgyi zhing / gdol pa'i bu mo ral gri thogs pa bzhi phyogs bzhir bzhag par bgyis la| de nas rig sngags 'chang gi dngos grub rnam pa gsum byung gi bar du bzlas brjod bgyi'o/ /'bar bar gyur na/ gdugs shar ba 'dra ba'i mdog tu 'gyur/ skra lcang lo 'khyil bar 'gyur ro| |lo bcu drug lon pa lta bur 'gyur/ 'og tu dpag tshad stong du mchi bar 'gyur/ steng du yang de bzhin mchi bar 'gyur/ dpag tshad stong tshun chad kyis thos shing mthong bar 'gyur/ lo khri nyis stong 'tsho bar 'gyur/ nam mkha' la rlung gi shugs ngang mtshungs par 'gyur/ grub pa thams cad kyang 'dis dbang du 'gyur/ tshes grangs dang skar ma 'dam mi 'tshal/ smyung ba bgyi m i 'tshal te bud med gyi ro blangs la lig bu mig de'i mo mtshan gyi steng du bzhag ste mar gyi ngo zhag brgyad la nyin zhag gcig smyung ba bgyis la lag na rdo rje'i mdun du mchod la bgyis te lan brgya stong bzlas brjod bgyis la/ lig bu mig de blangs te mig la bskus na/ mi gda' bar 'gyur/ lo bdun stong thub par 'gyur ro/ /mar gyi ngo zhag brgyad la z hag gcig smyung ba bgyis te gdol ba'i khyim nas zhugs blangs la seng ldeng gi shing gi zhugs bus te dug dang khrag dang bsres pa'i yungs kar gyis lan brgyad stong sbyin sreg bgyis na/ gang gi ming nas smos te sbyin sreg bgyis pa de dbang du 'gyur ro/ /mar gyi ngo zhag bcu gnyis la mi rus kyi thur mas blangs te lan brgya stong bzlas brjod bgyis la dgra'i khyim sgor btsugs na/ dgung gsum gyis 'bros par 'gyur ro/ /rdo rje lte ba'i cho ga rdzogs so// //me kha la'i las rnams lags te/ srung ba bgyi na/ lan bdun bzlas brjod bgyis pa'i srad bus lag pa la bcing bar bgyi'o/ /yul gru srung na/ lan nyi shu rtsa gcig bzlas brjod bgyis pa'i chab kyis bgyi'o/ /dbab na/ bye'u rug pa'i lo ma'am rma bya'i mdongs kyis bgyi'o/ /gdon la gnod pa bgyid na/ chab kyis bgyi'o/ /khyim mam/ lha khang ngam/ kun dga'i ra bar mchis la gang du bzlas brjod bgyis pa de nas 'byung po gdon thams cad 'bros par 'gyur ro/ /gdon tshar bcad na/ khrag gis gzugs bris la rkang pas mnan te lan brgya rtsa brgyad bzlas brjod bgyis na gdon gyi rigs phung bar 'gyur ro/ /rig pa sgrub na/ thog ma nyid las 'di bgyis te lag na rdo rje'i mdun du sh+le sh+me ta ka'i shing gis zhugs bus la ku ra ba'i me tog brgya stong sbyin sreg bgyis na lha des rig pa'i lha bzung nas khrid de mchi'o/ /khrid de mchis nas myur du dngos grub tu 'gyur ro/ /ci ste log 'dren rnams kyi rigs sgrub par 'tshal na /log 'dren rnams kyi log 'dren gyi rigs ni/ bzhi mchis te/ so gcig pa'i rigs dang / kam po dza'i rigs dang / rnam par 'joms pa'i rigs dang / phung byed kyi rigs so/ /se gcig pa'i rigs la gtsug phud 'phyang la sogs pa log 'dren brgyad khri mchis te de dag ni/ stong gsum gyi stong chen po'i 'jig rten gyi khams na bgegs bgyid do/ /kam po dza'i rigs la ni/ dbang phyug chen po'i g.yog 'khor ba lang rna ba la sogs pa bgegs drug khri mchis te/ dbang phyug chen po'i cho ga rgyas pa la bgegs bgyid cing rig pa yang 'joms par bgyid do/ /rnam par 'joms pa'i rigs la ni/ 'jig rten skyong ba'i g.yog 'khor mya ngan med la sogs pa log 'dren drug khri mchis te/ de dag kyang dbang phyug chen po dang / phur bu gsum pa'i cho ga rgyas pa la bgegs bgyid do/ /phung byed kyi rigs la ni/ lag na rdo rje'i g.yog 'khor murda ta ka la sogs pa'i log 'dren bye ba phrag 'bum mchis te| de dag ni/ rig pa'i cho ga rgyas pa thams cad la bgegs bgyid cing / rig pa yang 'joms par bgyid do/ /'di ni/ log 'dren de dag gi sgrub pa lags te/ so gcig pa'i rigs kyi sgrub ba ni/ mar gyi ngo zhag bcu bzhi la nyin zhag gcig smyung ba bgyis te lag na rdo rje'i mdun du dur khrod kyi shing gis zhugs bus la ba lang gi mkhris pas sbags pa'i yungs kar la lan brgya stong sbyin sreg bgyis na/ kyi hud kyi hud ces mchi ba'i sgra grag cing grub par 'gyur te/ grub nas kyang sgrub pa la bgegs mi bgyid de/ bde bar sgrub tu mchis so/ /kam po dza'i rigs kyi sgrub ba ni/ mar gyi ngo zhag lnga la nyin zhag gcig smyung ba bgyis te la gan rdo rje dang / dbang phyug chen po la mchod pa bgyis nas lag na rdo rje'i mdun du arga'i shing gis zhugs bus la mon sran gre'u dang mar bsres pa la lan brgya stong sbyin sreg bgyis na/ lag na rdo rje'i gzugs 'gul te/ de nas 'grub par 'gyur ro/ /grub nas kyang dbang phyug chen po'i cho ga rgyas par bklags pa tsam gyis rig pa thams cad 'grub bo/ /rnam par 'joms pa'i rigs kyi sgrub pa ni/ mar gyi ngo zhag bcu bzhi la nyin zhag gcig smyung ba bgyis te mtshan gcig mchis par mchis la mchod pa rgya chen po bgyis la log 'dren rnams la yang gtor ma bgyi'o/ /de'i mdun du be kang+ka ta'i zhugs bus la khrag dang bsres pa'i yungs kar gyis lan brgya stong sbyin sreg bgyis na/ de'i 'og tu grib ma gda' zhing 'grub par 'gyur ro/ /rnam par 'joms pa'i rigs grub na/ log 'dren rnams dbang du 'gyur ro/ /gang dang gang du dgos pa de thams cad bgyid do/ /phung byed kyi rigs kyi sgrub p a ni| zla ba phyed zas su 'o skyo 'tshal zhing mar gyi ngo zhag bcu bzhi la nyin zhag gcig smyung ba bgyis te lag na rdo rje'i mdun du mchod ba rgya cher bgyis la zhugs mar gnyis bus te/ gcig ni/ lag na rdo rje la dbul lo/ /gcig ni/ murda ta ka la dbul lo/ /de nas rig sngags 'chang gis srung ba bgyis la lag na rdo rje'i mdun du seng ldeng gi shing gis zhugs bus te na le sham dkar po dag gi khrag bsres pas lan brgya stong sbyin sreg bgyis na/ lag na rdo rje'i rkang pa g.yas pa'i mthe bong las 'od za 'byung ste/ de nas 'grub par 'gyur ro/ /phung byed kyi rigs sgrub na/ rig pa'i cho ga thams cad bde bar sgrub tu mchis te/ bgegs ma mchis pa'o/ /log 'dren de dag kyang phyag brnyan du 'gyur ro/ /log 'dren rnams kyang rig sngags 'chang la gsang sngags stsol te/ des lo stong thub par 'gyur ro/ /zas su 'o thug 'tshal zhing lag na rdo rje'i mdun du lan 'bum bzlas brjod bgyis na/ me kha la 'grub par 'gyur te/ gdugs gcig bzhin kaR+Sha pa Na brgya stong stsol to/ /rtag tu bzlas brjod bgyis na/ dgra las rgyal lo| |mar gyi ngo zhag gcig smyung ba bgyis te lag na rdo rje'i mdun du pad+ma brgya stong phul na/ rig pa'i rgyal po dam pa stsol bar 'gyur ro/ /me kha la'i cho ga rdzogs so// // gdon dkar mo'i las rnams lags te/ ri mo mkhan gso sbyong bzung bas ma god pa'i ras la sbyin dang ma 'dres pa'i tshon gyis lag na rdo rje mdog sngo bsangs/ rgyan thams cad kyis brgyan pa/ pho nya mo bcu gnyis kyis bskor ba bri bar bgyi ste/ kha dog ji lta ba bzhin du bri bar bgyi'o/ /pho nya mo thams cad kyang rgyan thams cad kyis brgyan pa bri bar bgyi'o/ /tha mar ri'i rtse mo rnams bri bar bgyi'o/ /de nas rig sngags 'chang gis yar gyi ngo tshes gcig nas brtsams te zas su chu sgrog 'chal zhing mar gyi ngo zhag brgyad la thug gi bar du bzlas brjod bgyi'o/ /mar gyi ngo zhag brgyad la nyin zhag gcig smyung ba bgyis te lag na rdo rje la mchod pa rgya char bgyis la 'byung bo'i gtor ma yang bzang du bgyi'o/ /de'i 'og tu rig sngags 'chang gis ri mo'i gzugs kyi mdun du byang chub kyi shing gis zhugs bus la pad+ma zho dang sbrang rtsi dang mar la smyugs pa brgya stong sbyin sreg bgyi'o/ /de nas ca tso'i sgra chen po grag par 'gyur te/ de la mi 'jigs par bgyi'o/ /de nas gdong dkar mo gzugs mi sdug par bsgyur nas mchi ste/ de la yang ma 'jigs par bgyi'o/ /rdo rje bzhad ma'i bzlas brjod bgyis la de la 'di skad ces lag na rdo rje'i gnang chen ma bcom ldan 'das ma khyod legs par byon tam zhes brjod par bgyi'o/ /de de skad thos nas dga' bar 'gyur te/ des 'di skad du chi bya ba zhes brjod pa dang / bcom ldan 'das ma lo lnga stong thub par 'tshal lo zhes brjod par bgyi ste/ de bzhin du gyur cig ces brjod nas dga' ba'i yid kyis ral gri stsol te/ de nas mi gda' bar 'gyur ro/ /ral gri de blangs nas skra lcang lor 'khyil bar 'gyur/ gdugs shar ba lta bu'i mdog can du 'gyur/ rig sngags 'chang thams cad kyi snying du sdug par 'gyur ro/ /ma bsgrubs par las rnams 'grub par 'gyur ro/ /dbab par bgyi na/ gdon gyis zin pa'i rkang pa la rkang pas mnan te dbab par bgyi'o/ /'byung po dang / sha za rnams dbab na/ lan bdun bzlas brjod bgyis pa'i yungs kar gyis bgyi'o/ /dug las gso na/ yal gas bgyi'o/ /gdon bza' bar bgyi na/ lan gsum bzlas brjod bgyis pa'i me tog dmar pos bgyi'o gdon 'khungs par bgyi na/ yid kyis bzlas brjod bgyis pas bgyi'o/ /dbye bar bgyi na/ mar gyi ngo zhag brgyad nas brtsams te lag na rdo rje'i mdun du gdugs bdun dus gsum du ba ru ra'i shing gis zhugs bus la/ sbrul khog pa brjes pa'i sreg blugs gsum sbyin sreg bgyi'o/ /long bar bgyi na/ dbang phyug chen po'i gnas su mchis la ne'u le'u lces lan brgyad brgya sbyin sreg bgyi zhing ming nas phyung na/ long bar 'gyur ro/ /lag na rdo rje'i mdun du shu dag brgyad brgya sbyin sreg bgyis na/ snga mkho bzhin du 'gyur ro/ gdong dkar mo'i cho ga rdzogs so// //rdo rje ser mo'i las rnams lags te/ yar gyi ngo tshes brgyad nas brtsams te dur khrod du zla ba drug bzlas brjod bgyis na/ rgyal po nyid stsol to/ /zla ba gsum bzlas brjod bgyis na/ nyi tshe ba'i longs spyod rnams stsol to/ /zla ba gcig bzlas brjod bgyis na/ di na ra khri nyis stong stsol to/ /zas su ni/ slong mo'i zas rnams bza' bar bgyi'o/ /dgra bskrad par 'tshal na/ bya nag bkra'i 'dab ma blangs te lag na rdo rje'i mdun du lan brgya stong bzlas brjod bgyis la dgra'i khyim du bzhag na dgra 'phral du 'bros so/ /gzhan nad kyis 'debs par 'tshal na/ mar gyi ngo zhag brgyad la lag na rdo rje'i mdun du shing badzra'i rtsa bas rdo rje la bdug par bgyi zhing / rig pa yang lan brgya stong bzlas brjod bgyis na/ gang yid la bsam pa de nad kyis thebs par 'gyur ro// lag na rdo rje'i mdun du lce pog gis bdug cing rig pa yang lan brgyad stong bzlas brjod bgyis na/ gsos pa bgyis par 'gyur ro/ /'byung po dang sha za rnams rengs par bgyi na/ yid kyis bgyi'o/ /dbab pa'i me long gis bgyis te/ me'i sbyin sreg bgyis pa'i thal bas dag par phyis la khye'u dag la bstan na/ bden pa brjod do/ /gdon bskrad na/ yungs kar gtun du brdungs na du zhing gtong bar 'gyur ro/ /dur khrod kyi sol pas sa la gzugs bris la de'i lag pa'am mgul bar lag na rdo rje bris te mnan na gtong bar 'gyur ro/ /mar gyi ngo zhag brgyad la nyin zhag gcig smyung ba byas te lag na rdo rje'i mdun du yungs kar za ma tog tu stsal la bzlas brjod bgyis na/ des reg pa tsam gyis gdon du zhing gtong bar 'gyur ro/ /dgra bsad par 'tshal na/ dur khrod kyi sol ba blangs la gzugs bris te snying gar mnan la bzlas brjod bgyis na 'phral du dgra ma lags par 'gyur ro/ /tshes grangs dang skar ma gdam mi 'tshal/ smyung ba bgyi mi 'tshal te/ dgra skam par bgyi na/ mar gyi ngo zhag brgyad l a shing ma da na las gzugs bgyis la seng ldeng gi phur bu snying gar btsugs te rig pa gang lan brgya stong bzlas brjod bgyis na nad drag pos 'debs shing skam par yang 'gyur ro/ /phyung na sos par yang 'gyur ro/ /rdo rje ser mo'i cho ga rdzogs so// //nag ser gyi las rnams lags te/ yul gru srung na/ chab kyis bgyi'o// mtshams bcad na/ lan nyi shu rtsa gcig bzlas brjod bgyis pa'i phur bus bgyi'o/ /sman srung na/ yid kyis bgyi'o/ /rkang gnyis pa dang / rkang bzhi pa rnams dgar na thal mos brdabs pas bgyi'o/ /rig sngags bcad na/ mtshon rnon pos sa la shub rer dras na rig sngags bcad par 'gyur ro/ /gdon dbab na/ yid kyis bgyi'o/ /gdon spo na/ lan bdun bzlas brjod bgyis pa'i me tog gis bgyi'o/ /yar gyi ngo tshes brgyad la nyin zhag gcig smyung ba bgyis te rgya mtshor 'bab pa'i chu klung du zhugs la rig pa lan brgya stong bzas brjod bgyis na/ 'grub par 'gyur ro/ /grub nas las su gyur te glang po che rengs par bgyi ba dang / rta rengs par bgyi pha dang / pha rol gyi dmag tshogs rengs par bgyi ba dang / gang yid la bsam pa de dag thams cad rengs par bgyid do/ /mar gyi ngo zhag brgyad la nyin zhag gcig smyung ba bgyis te nag mo'i mdun du arga'i shin gis zhugs bus la 'bras sA lu mar dang bsres pas lan brgya stong sbyin sreg bgyis na/ nag mo mchis par 'gyur te/ de la pho nya mo'i gsang sngags kyis mchod yon phul na/ de khyod nyid la dam pa gang sbyin par bya zhes smra bar 'gyur ro/ /de la 'di skad du sa'i bdag por gyur pa stsol cig ces brjod par bgyi'o/ /des 'di skad du yul gcig gi rgyal por gyur cig ces brjod na/ de bzhin du gyur cig ces brjod par bgyi ste/ slar gtang ba'i gsang sngags kyis kyang slar gtang zhing / me tog dkar pos kyang slar btang na/ de nas mi gda' bar 'gyur ro/ /lung thang gi shing drung na gtum mo kha shar phyogs su bstan pa mchis pa de'i mdun du mar gyi ngo zhag brgyad la zhag gcig smyung ba bgyis te du bam mchis pa'i mdag mar me'i snying po brgya stong bor na/ di na ra stong stsol to/ /nag ser gyi cho ga rdzogs so/ / //rdo rje bstod de 'dzin pa'i las rnams lags te/ mar gyi ngo zhag brgyad la zhag gcig smyung ba bgyis te lag na rdo rje'i mdun du me tog dkar po brgya stong phul na| mtshan mas btab bstod stsol to/ /mar gyi ngo zhag bcu bzhi la zhag gcig smyung ba bgyis te lag na rdo rje'i rkang pa g.yas pa'i mthe bong nas bzung la gzugs 'gul gyi bar du bzlas brjod bgyis na/ yid kyis bsam pas rengs par bgyid de/ dud 'gro'i skye gnas su mchi ba'i sems can de dag thams cad rengs par bgyid do/ / yid kyis grol bar 'gyur ro/ /mar gyi ngo zhag brgyad la zhag gcig smyung pa bgyis te lag na rdo rje'i mdun du lag na rdo rje la mchod pa bgyis la shing sh+le sh+me ta ka'i phur bu b langs te skud pa dmar pos dkris la de nas rig sngags 'chad gis pa la sha'i shing gis zhugs bus te phur bu la lan brgya stong bzlas brjod bgyis la de nas dum bu gsum du bcad de/ dum bu re re la lan nyi shu rtsa re re bzlas brjod bgyis la zhugs su bor na/ nang par di na ra sum stong stsol to/ /yar gyi ngo tshes brgyad la zhag gcig smyung ba bgyis te rgya mtshor 'bab pa'i chu klung du zhugs la pad+ma 'bum phul na rgyal po nyid stsol te/ /skyes pa dbang du bgyi na/ mar gyi ngo zhag brgyad la zhag gcig s myung ba bgyis te lag na rdo rje'i mdun du byang chub kyi shing gis zhugs bus la ku mu da'i me tog zho dang sbrang rtsi dang mar la smyugs pa brgya stong sbyin sreg bgyis na skyes pa dbang du 'gyur ro/ /bud med dbang du bgyi na/ mar gyi ngo zhag bcu gnyis la lag na rdo rje'i mdun du dri mchog gi me tog brgya stong gis lag na rdo rje la bsnun na bud med dbang du 'gyur ro/ /rdo rje bstod de 'dzin gyi cho ga rdzogs so// //rdo rje seng+ge'i khri'i las rnams lags te/ dbab na/ gdon gyis zin pa'am/ ma zin pa yang rung gu gul gyis dbab po/ /gdon bcings na/ yid kyis bgyi'o/ /gdon skrag par bgyi na/ lan bdun bzlas brjod bgyis pa'i thal mos brdab par bgyi'o/ /gdon 'bros par bgyi na/ sol bas gzugs bris la lcug mas bsnun na gtong bar 'gyur ro/ /gdon skam na/ gu gul gyi bdug pas bgyi'o/ /gdon bza' bar bgyi na/ lan bdun bzlas brjod bgyis pa'i shas bgyi'o/ /gdon gcad na/ mtshon rnon pos rtswa ku sha bcad na gdon bcad par 'gyur ro/ /dug spo na/ chab bam/ yal gas bgyi'o// byis pa gdon gyis zin pa rnams la yal gas bya ba par bgyi'o/ /chur mi 'bying par bgyi na/ lan bdun bzlas brjod bgyis pa'i yungs kar gyis bgyi'o/ /mtshon gyis mi tshugs par bgyi na/ yid kyis bgyi'o/ /mar gyi ngo zhag bcu bzhi la lag na rdo rje'i mdun du tsan+dan dmar pos gdong dmar phris nas de la gtor ma sna tshogs stsal cing grog mkhar gyis la mdud rtse gsum pa bgyis te lag pa g.yon na rdo rje thogs pa mdung rtse gsum pa'i steng du mchis te lan brgya stong bzlas brjod bgyis na/ gter mthong bar 'gyur ro/ /yar gyi ngo tshes lnga nas brtsams te rgya mtshor 'bab pa'i chu klung du zhugs la lan 'bum bzlas brjod bgyis na/ rig sngags 'chang gi 'khor los bsgyur bar 'gyur/ rig sngags lan dug stong gi g.yog 'khor dang ldan par 'gyur ro/ /bskal par gnas par yang 'gyur ro/ /zla ba gcig zas su 'o skyo 'tshal zhing mar gyi ngo zhag bcu bzhi la zhag gsum s myung ba bgyis te dbang phyug chen po'i gnas su mchis la glo g.yas logs su mchod pa bgyis te phag rgod kyi mche ba la gi wang gis bskus la ras dkar po'i steng du bzhag ste rig pa bzlas brjod bgyis na/ bgegs rnam pa sna tshogs 'byung ste/ rig ba'i rgyal pos bsnun par bgyi'o/ /de nas mche ba de 'bar bar 'gyur te/ 'bar nas blang bar bgyi'o/ /blangs ma thag tu mdud rtse gsum par 'gyur te/ rig sngags thams cad kyi spyod yul du mi 'gyur/ dpag tshad gyen du 'phags par 'gyur ro| |lo dgu stong thub par 'gyur ro/ /rdo rje seng+ge'i khri'i cho ga rdzogs so// //rdo rje ldan ma'i las rnams lag ste/ ri mo mkhan gso sbyong bzung bas ma god pa'i ras la sbyin dang ma 'dres pa'i tshon gyis 'phags pa phyag na rdo rje mdog sdo bsangs/ rgyan thams cad kyis brgyan pa bri bar bya'o/ /de'i g.yas rol du rdo rje dang lag bzang yang bri bar bgyi ste/ gnyi ga yang gser gyi mdog can/ rgyan thams cad kyis brgyan par bgyi'o/ /g.yon rol du rdo rje ldan ma rgyan thams cad kyis brgyan pa bri'o/ /tha mar ri'i rtse mo rnams bri bar bgyi'o/ /de nas rig sngags 'chang gis tshes gcig nas brtsams te zas su 'o skyo 'tshal zhing zla ba nya'i bar du bzlas brjod bgyi'o/ /de nas z hag gsum smyung bar gyis te bcom ldan 'das la mchod pa rgya cher bgyis la bil ba'i shing gis zhugs bus la bil ba'i me tog zho dang sbrang rtsi dang mar la smyugs pa brgya stong sbyin sreg bgyis na/ de nas rdo rje rje'i 'gul nas grub par 'gyur te/ nyin gcig bzhin di na ra lnga lnga stsol to/ /de bzhin du dgod par bgyi'o/ /mar gyi ngo zhag bcu bzhi la zhag gcig smyung ba bgyis te ri mo'i gzugs kyi mdun du du ba ma mchis pa'i mdag me la a ka ru stong sbyin sreg bgyis na/ ri mo'i gzugs kyi me tog gi phreng ba 'gul nas 'grub par 'gyur te/ grub nas yul gru stsol lo/ /bud med dbang du bgyi na/ gdugs bdun dus gsum du ka ra bI ra'i shing gis zhugs bus la mar dang bsres pa'i yungs gyis sbyin sreg lan brgya stong bgyi'o/ /yugs sa mo dbang du bgyi na/ sa phyogs gtsang mar lung thang gi shing gis zhugs bus la til la lan brgya stong sbyin sreg bgyis na yugs sa mo dbang du 'gyur ro/ /skyes pa dbang du bgyi na/ mar gyi ngo zhag bcu bzhi la zhug gcig smyung ba bgyis te lag na rdo rje'i mdun du arga'i shing gis zhugs bus la ske tshe'i 'bru la lan brgyad stong sbyi na sreg bgyis na dbang du 'gyur ro/ /rdo rje ldan ma'i cho ga rdzogs so// //rdo rje bzhad ma'i las rnams lags te/ dbab na/ me tog dkar po dag gis bgyi'o/ /bcing na/ yid kyis bgyi'o/ /smras stsal na/ lan bdun bzlas brjod bgyis pa'i chab kyis bgyi'o/ /gang bgyid du stsal na/ gu gul gyis bdug par bgyi'o| |zas stsal na/ kA ra bI ra'i me tog la lan bdun bzlas brjod bgyis par bgyi'o/ /brjod du stsal na/ lan bdun bzlas brjod bgyis pa'i yungs kar gyis bsnun na 'das pa dang / ma 'ongs pa brjod do/ /gdon dgod du stsal na/ lan bdun bzlas brjod bgyis pa'i me tog gtor ro/ bcing na/ chab kyis bgyi'o/ /brdeg na/ se gol gtogs par bgyi'o/ /tshar gcad na/ rtswa la lan bdun sngags kyis btab la mgo la bzhag na myos par 'gyur te gdon 'bros so/ /bcad na| ba lang gi lci ba las gzugs bgyis la mtshon rnon pos bcad na bcad par 'gyur ro/ /gdon bsdigs pa dang rgyug tu gzhug na/ mdzub mos bsdig par bgyi'o// gdon dkyil 'khor du gzhug na/ rdo rje'i phyag rgyas bsnun na dkyil 'khor du gzhug go/ gdon 'bros par bgyi na/ don gyi mdun du lan brgya rtsa brgyad sbyin sreg bgyis na gdon du zhing 'bros so/ /gdon spo na/ yid kyis gar 'tshal ba der rbad do/ /dug dbab na/ sra rtsi pog gis bdug pas bgyi'o/ /phur bu dbab na/ lung tang gi lo ma'i bdug pas bgyi'o/ /rims dbab na/ kA ra bI ra'i me tog gi bdug pas bgyi'o/ /rims zhag bzhi pa dbab na/ mdas bgyi'o/ /srung ba bgyi na/ lan bdun bzlas brjod bgyis ba'i srad bus bgyi'o/ /chang ma rung bar bgyi na/ gseg ma la lan bdun bzlas brjod bgyis la khang steng du bor na chang ma rung par bgyis par 'gyur ro/ /gdon gyis btab par bgyi na/ yid kyis bgyi'o/ /skyes pa dang bud med dbang du bgyi na/ mar gyi ngo zhag brgyad nas brtsams te gdugs bdun dus gsum du phub ma las lan brgya stong sbyin sreg bgyis na dbang du 'gyur ro/ /dbye bar bgyi na/ mar gyi ngo zhag brgyad la nyin zhag gcig smyung ba bgyis te lag na rdo rje mdun du skyes pa'i skra las lan brgya stong sbyin sreg bgyis na dbye ba bgyis par 'gyur ro/ /ro langs sgrub par 'tshal bas tshes grangs dang ska ra ma gdam mi 'tshal/ smyung ba bgyi mi 'tshal bas bud med kyi ro langs la spos dang bdug pas mchod de/ mgo shar phyogs su bstan la/ de nas rig sngags 'chang gis rdo rje bzhag ma brjod par gyis na/ bud med de dgod cing ldang bar 'gyur te| de la nyal po bgyi'o/ /gal te ma nus na rig sngags 'chang gis la gor du rig pa mchog dran par bgyi zhing snying po gnyis ka bzlas brjod bgyis pa'i yungs kar gyis bsnun par bgyi'o/ /de nas bud med de dgod cing mchi ste/ de la rtsed par bgyi'o/ /de nas bud med de sbrum par gyur te/ de nas rig sngags 'chang gis rdo rje bzhad ma bzlas brjod bgyis pa'i yungs kar gyis bsnun par bgyi'o/ de nas de mi 'gul bar 'gyur ro/ /yang rig pa mchog gis yungs kar gyis bsnun par bgyi'o/ /de nas lto 'gas te bzhad ma bzlas brjod bgyis la mngal blangs bar bgyi'o/ /mngal blangs nas kyang yungs kar gyis bsnun na/ dum bu brgyar 'gyur te/ phru m a'i nang du stsal la mi thod gsum gyi steng du mchis la yongs su smin par 'gyur gyi bar du rdo rje bzhad ma bzlas brjod bgyis la blangs te grogs rnams la yang stsal cing 'tshal na skra lcang lo 'khyil par 'gyur/ gdugs shar ba lta bu'i mdog tu 'gyur/ lo bcu drug lon pa lta bur 'gyur/ nam mkha' la mchi bar 'gyur/ rig sngags 'chang thams cad bran du 'gyur/ rdo rje'i 'khor los bsgyur bar 'gyur/ dpag tshad stong gyen du 'phags par 'gyur/ dpag tshad stong tshun chad kyis thos par 'gyur/ la brgyad khri thub par 'gyur/ mtshon chas lus la mi tshugs par 'gyur/ rdo rje nyid du 'gyur/ bdag mchi bar 'tshal bar 'gyur ro/ /lha'i sgrub pa ni/ zla ba gcig zas su chu grog 'tshal zhing de'i 'og tu mar gyi ngo zhag brgyad nas zhag gsum smyung ba bgyis te lag na rdo rje mchad cing lha thams cad kyang mchod par bgyi'o| |de nas rig sngags 'chang gis lag na rdo rje'i mdun du ldong ros shing a shwatha'i lo ma bdun gyi steng du bzhag ste dngos grub gsum byung gi bar du bzlas brjod bgyi'o/ 'bar par gyur na/ nam mkha' la mchi par 'gyur ro/ /du ba 'thul na/ mi gda' bar 'gyur/ lo lnga stong thub pa'i rig sngags 'chang nyid du 'gyur/ lo lnga stong thub pa'i rkang gis 'gro bar 'gyur ro/ /sa phyogs gang na gnod sbyin mo mchis ba der mar gyi ngo zhag brgyad nas zhag gsum smyung ba bgyis te gnas dben par mchis la dur khrod kyi shing gis zhugs bus la seng ldeng gi yum sreg zhing khrag dang dug la smyugs pa lan brgya stong sbyin sreg byis na/ gnod sbyin mo de mchi bar 'gyur te/ mchis nas 'di skad du ci bya zhes mchi ba dang / des 'di skad du gang bsam pa de gyis shig ces brjod par bgyi'o/ /gal te btub na 'di skad du dpag tshad brgya nas bud med nga'i gan du khrid shog /grogs po brgyad cu la zan byin cig/ nyin gcig bzhin ras zung brgyad dang / kaR+Sha pa Na brgyad brgyad phul cig ces brjod dang / de ltar bgyi'o zhes mchis par 'gyur te/ de'i 'go tu bud med khrid de mchi'o/ /yid kyis bzlas brjod bgyi'o/ /yid kyis slar gtang bar bgyi'o/ /rdo rje bzhad ma'i cho ga rdzogs so// //pho nya mo thams cad kyi las ni/ 'di lags te/ rig pa mchog gi pho nya mo ni/ las thams cad du yang sbyar bar bgyi'o/ /las thams cad du yang rig pa mchog gi snying po dang lhan cig sbyar bar bgyi ste/ sgrub pa ma lags pa'i rig pa yang sgrub par bgyid do/ /srin bu ka ta'i dug gis gnod bar gyur pa rnams la ni/ yi ge bri ba'i gzhi dang / snag tsha dang / smyug gu yang sngags lan bdun bdun gyis bsngags la gang 'dod pa bris te bskur na sos par 'gyur ro/ /de nas yang bcom ldan 'das la lag na rdo rjes 'di skad ces gsol to/ /bcom ldan 'das| gzhan yang gang gis rig pa thams cad dngos grub tu 'gyur ba stsol ba'i rig pa'i lha thams cad kyi gsang ba brjod par bgyi'o/ /gal te rig sngags 'chang rig pa sgrub par 'tshal na/ rig pa'i lha de la 'dis mgu bar bgyi'o/ /mar gyi ngo zhag bcu bzhi la zhag gcig smyung ba bgyis te rgya mtshor 'bab pa'i chu klung gi ngogs gnyi ga'i sa blangs la lha'i gzugs bgyis te spyin dang ma 'dres pa'i tshon gyis lha'i kha dog ci 'dra ba de 'dra bar bri bar bgyi'o/ /mar sbrang rtsis lto dgang bar bgyi'o| |me tog pad+ma'i dbus su lha de gzhag par bgyi'o/ /pad+ma'i ze ba ni/ a ga ru dang tsan+dan gyis bsku bar bgyi'o/ /dus gsum du bdug pas kyang bdug par bgyi ste| gu gul dang / du ru ka dang / ga pur dang / shing sha mi'i me tog dang / de rnams bsres pa'i bdug pas bdug par bgyi'o/ /gdugs gsum gyi bar du bgyi'o/ /de nas gzugs de 'o ma'i nang du stsal te zhig par ma gyur gyi bar du bzhag la zhig nas 'o ma rgya mtshor 'bab pa'i chab kyi nang du stsol to/ /de nas sbyor ba 'dis lha nge mgu bar 'gyur zhing dga' ba mthong ste myur du dngos grub kyang stsol te/ bcom ldan 'das/ 'di ni/ rig pa'i rigs thams cad kyang gsang ba lags te/ 'dis lha thams cad 'grub par 'gyur ro/ /bcom ldan 'das/ gsang ba 'di ni/ bdag gis sems can thams cad kyi don gyi slad du brjod do/ /bcom ldan 'das/ rig pa'i rgyal bo bdag gis bshad pa 'di ni/ rig sngags thams cad kyi rgyal po ste/ rig pa thams cad sgrub tu stsal ba/ mtshungs pa ma mchis pa/ mi mnyam pa dang mnyam pa/ zla ma mchis pa lags so/ /'di ni/ bdag gis sems can thams cad kyi don gyi slad du bshad do/ /de nas bcom ldan 'das kyis thams cad dang ldan pa'i 'khor 'dus pa la bka' stsal pa| grogs po dag/ byang chub sems dpa' sems dpa' chen po stobs chen po lag na rdo rje mthong ngam/ gsol ba/ bcom ldan 'das/ mthong lags so/ /bde bar gshegs pa| mthong lags so/ /bcom ldan 'das kyis bka' stsal pa/ grogs po dag /byang chub sems dpa' chen po lag na rdo rje la gang gis 'di ltar yid kyis phyag 'tshal na yang des de bzhin gshegs pa stong phrag dgu la phyag byas par 'gyur ro/ /de nas thams cad dang ldan pa'i 'khor des lag na rdo rje'i rkang pa gnyis la gtugs te phyag 'tshal nas 'di skad ces byang chub sems dpa' khyod de bzhin gshegs pas bstod cing bkur te bsngags pa legs so legs so/ /brtson 'grus dang brtul ba chen po dang ldan pa legs so zhes bya ba smras so/ /de nas gzhon nu rdo rje sdes bcom ldan 'das kyi zhabs dang / lag na rda rje la phyag 'tshal te byang chub sems dpa' lag na rdo rje la 'di skad ces smras so/ /yab/ bdag kyang rig pa mchog la dga' bas gang gis rig pa mchog sgrub pa'i rig sngags 'chang de la gnod sbyin thams cad dang / log 'dren thams cad dang / rig sngags 'chang thams cad dang / grub pa thams cad dang / klu thams cad dang / yi dwags thams cad dang / grul bum thams cad bgegs bgyid par mi 'gyur bar sems can thams cad kyi don gyi slad du gsang sngags stsal bar bgyi'o/ /de nas gnod sbyin gyi dbang po lag na rdo rjes gzhon nu rdo rje sde la 'di skad ces smras so/ /bzhin bzang / khyod sems can thams cad la phan bar brtson pa legs so/ /bzhin bzang / khyod rig pa mchog gi don gyi phyir gsang sngags smros shig/ de nas phas gnang bas gzhon nu rdo rje sde dga' mgu yid rangs te bcom ldan 'das kyi zhabs gnyis la phyag 'tshal nas log 'dren nges par gzhig pa'i gsang sngags smras pa/ na mo bud+d+hA ya/ na mo d+harmA ya/ na mo saM g+hA ya/ na mash+tsaN+Da badzra pA Na ye/ ma hA yak+Sha se nA pa ta ye/ na mo badzra se nA ya/ ku ma ra rU pa d+hA ra Ni/ a pra ti ha tA ya/ ma hA ba la pa rA kra mA ya/ tsa la tsa la/ ku la ku la/ ma tha ma tha/ nA sha ya sarba big+h+nan/ bi nA ya kaM ban+d+ha ban+d+ha/ s+pho Ta ya s+pho Ta ya| ma ra ma ra/ bin+da bin+da/ ye ma ma duSh+Ta/ ts+tshin+da s+t+waM mya kr-in+ta dzam+b+ha mo ha ya ni/ sum+b+ha ya stam+b+ha ya swAhA/ sgrub pa'i dus na grogs mkhar bgyis las rdo rje bgyis te srung ba bgyi'o// srung ba'i dus na til nag pos sbyin sreg brgya stong bgyis na/ bgegs thams cad bcom par 'gyur ro/ /sgrub pa'i dus na lan bdun bzlas brjod bgyis pa'i yungs kar gyis mtshams gcad do/ /rkang rjes kyi sa'am thal ba la lan gsum bzlas brjod bgyis te srung ba bgyi'o/ /sgrub pa'i dus na 'jim pa las rdo rje'i gzugs bgyis te spos dang / me tog dang / bdug pas mchod la rig pa lan brgya stong bzlas brjod bgyis na/ sgrub pa'i tshe byin gyis rlob par bgyid cing dngos grub tu 'gyur ro/ / lha rnams dbab na/ gu gul gyi bdug pas bgyi'o/ /klu dkrug par bgyi na/ rdo rje'i phyag rgya bgyis la lag na rdo rje'i mdun du bzlas brjod lan brgyad brgya bgyis te gang na klu gnas pa'i mtsho der bor na/ klu thams cad skrag par 'gyur ro/ /dri za rnams g.yos par bgyi na/ mar gyi ngo zhag brgyad la nyin zhag gcig smyung ba bgyis te lag na rdo rje'i mdun du dur khrod kyi sol bas dri za'i gzugs bris la/ de'i lto bar srin lag bzhag ste rig pa lan brgya stong brjod na/ snying po brjod pas mchi bar 'gyur ro/ /mchis nas bar snang las sman 'dor te/ de 'tshal na thos pa 'dzin par 'gyur/ dri za thams cad kyang srung bar 'gyur ro/ /gnod sbyin rnams brlag par bgyi na/ phyogs gang na gnod sbyin nam gnod sbyin mo gnas ba'i phyogs der mchis la lcags phur sor bzhi pa blangs te lan brgya rtsa brgyad bzlas brjod bgyis te btsugs na/ gnod sbyin 'bros par 'gyur ro/ /ci ste sgrub bar 'tshal na/ ri mo mkhan gso sbyong bzung bas ma god pa'i ras la sangs rgyas kyi gzugs gser gyi mdog can bri bar bgyi'o/ /de'i g.yon rol du lag na rdo rje mdog sngo bsangs/ rgyan thams cad kyis brgyan pa bri'o/ /de bzhin gshegs pa'i g.yas rol du rdo rje sde gzhon nu'i gzugs 'dzin pa gser gyi mdog can/ lag pa g.yon pa na pad+ma/ g.yas pas dam pa sbyin par bri'o/ /de'i 'og rol du sgrub pa po lag na pog phor thogs ba bri'o/ /de nas rig sngags 'chang gis zla ba phyed zas su 'o skyo 'thung zhing rig pa bzlas brjod bgyi'o/ /de nas mar gyi ngo zhag brgyad la nyin zhag gcig smyung ba bgyis te rgya cher mchod la gtor ma yang rgya cher bgyi'o/ /de nas rig sngags 'chang gis sna ma'i me tog brgya stong gis de bzhin gshegs pa la phog par bgyi'o/ /dngos grub kyi mtshan mar ni/ mar me'i me lce gyen du mchi la spu zing zhes bgyid na dngos grub tu 'gyur ro/ /yid kyis gang bsam pa de stsol te/ rig sngags 'chang nyid dang / 'dod pa dang ldan pa ni/ ma gtogs so/ /las thams cad du yang sbyar bar bgyi ste/ yid kyi las bgyi'o/ /rdo rje sde'i cho ga rdzogs so// //de nas mu d+ha da kas lag na rdo rje la 'di skad ces smras so/ /yab/ bdag ni khyod kyi rig sngags kyi cho ga rgyas pa thams cad la bgegs bgyid pa lags mod kyi/ gang dag rig pa mchog sgrub pa de dag la bdag slar bcing ba stsal bar bgyi'o/ /bdag bcings na/ rig sngags 'chang de la su yang bgegs bgyid par mi 'gyur ro| |bzhin bzang / de de bzhin te/ bdag cag bcing ba smros shig/ smros shig/ de nas mu d+ha da kas lag na rdo rje'i rkang pa gnyis la gtugs te bdag bcing ba'i gsang sngags smras pa/ na mo rat+na tra ya s+ya/ na mash+tsaN+Da badzra pA Ni s+ya/ tad+ya thA/ rdzi rdzi ru ru kha ri bi kha ri/ tiSh+Tha tiSh+Tha/ tsa la ya tsa la ya/ badzra pA Ni s+ya/ a kro d+ha b+ha sha d+haM/ sma ra sma ra| ban+d+ha ban+d+ha swAhA/ lag na rdo rje dang | mu d+ha da ka'i mdun du me tog dmar po dang bdug pas mchod la/ de nas sgrub pa'i dus na srad bu dkar po la mdud pa gsum dor ro| |su zhig rtag tu 'chang ba de la thams cad dngos grub tu 'gyur ro/ /sgrub pa thams cad dang / las thams cad du yang spra tshil las mu d+ha da ka'i gzugs bgyis te lag pa g.yon na mdung rtse gsum pa thogs par bgyi'o/ /de nas rig sngags 'chang gis tsan+dan dmar po'i mdung rtse gsum pas snying gar btsugs pa de'i 'og tu rde'u nag pos bkang ste dngos grub stsal gyi bar du gzhag par bgyi'o/ /de nas rig sngags 'chang gis mdung rtse gsum pa phyung la 'o mas bkrus te rig pa yang lan brgya rtsa brgyad bzlas brjod bgyis la thams cad bgyi'o/ /gal te las de ltar ma bgyis na/ dngos grub tu mi 'gyur ro/ /mu d+ha da ka'i sgrub pa lags te/ ri mo mkhan gso sbyong bzung bas ma god pa'i ras la sangs rgyas kyi gzugs gser gyi kha dog can bri bar bgyi'o/ /de bzhin gshegs pa'i g.yon rol du lag na rdo rje mdog sngo bas rgyan thams cad kyis brgyan pa bri'o/ /de bzhin gshegs pa'i g.yas rol du ni/ 'phags pa kun dga' bo gser gyi mdog can lag na rnga yab thogs pa bri'o/ /lag na rdo rje'i 'og logs su mu d+ha da ka mdog dmar la mig gsum pa/ 'dod pa'i gzugs 'dzin pa/ gad mo rta skad 'byin cing lag pa g.yas pa kha 'gram du bzhag pa b ri'o| |de nas rig sngags 'chang gis mar gyi ngo zhag bcu bzhi la nyin zhag gcig smyung ba bgyis la ri mo'i gzugs la mchod pa rgya cher bgyis la de'i mdun du a kaR+Sha'i shing gis zhugs bus te yungs kar dang / til nag po dang / 'bras yos dang / 'di rnams mar dang bsres pa la lan brgya stong bgyis na/ ri mo'i gzugs kyi me tog gi phreng ba 'gul bar 'gyur te/ dngos grub tu 'gyur ro/ /dngos grub tu gyur na/ rdo rje'i rigs thams cad kyi dngos grub tu 'gyur ro/ /las gzhan dag kyang bgyis te/ sbrul gyis zin pa dbab na/ sra rtsi pog gis bdug pas bgyi'o/ /gdon bskrad na/ rkang rjes kyis lag mthil du mdung rtse gsum pa bris la bstan na gdon du zhing 'bros so/ /skyes pa dang bud med dbang du bgyi na/ mu d+ha da ka la phyag bgyis la gdugs gang yang rung ste sh+le sh+me ta ka'i shing gis zhugs bus la ba ru ra'i me tog brgya stong sbyin sreg bgyis na dbang du 'gyur ro/ /mo mtshan bcing bar 'tshal na/ dur khrod kyi thal ba dur khrod kyi ras kyis bcings la rig pa yang lan brgya rtsa brgyad bzlas brjod bgyis na mo mtshan bcings par 'gyur ro/ /dgrol na dbye'o/ /byis pa gdon skem byed kyis zin pa rnams ni/ chab la lan brgya rtsa brgyad bzlas brjod bgyis te bkrus na sos par 'gyur ro/ /'byung po dang / 'dre dang / klu rnams bskrad na/ thal mo brdabs pas bgyi'o/ /AR+ya mu d+ha da ka'i cho ga rdzogs s o|| ||de nas byang chub sems dpa' spyan ras gzigs dbang phyug gis bla gos phrag pa gcig tu gzar te pus mo g.yas pa'i lha nga sa la btsugs nas bcom ldan 'das la 'di skad ces gsol to/ /bcom ldan 'das/ bdag gis kyang lag na rdo rje la gsang sngags stsal bar bgyi'o/ /lag na rdo rje/ 'di ni/ khro bo gos dkar mo'i snying po bton pa tsam gyis 'grub pa ste/ 'di kho bos brjod par bgyi'o/ /'di bton pa tsam gyis sems can thams cad rengs par 'gyur ro/ /na maHsarba ta thA ga te b+h+yo/ b+ha ga ba te/ oM b+ha ya nA sha ne trA sa ne trA sa ya/ b+h-i ku Ti ta ti be ta ti swAhA/ rig pa 'di bton pa tsam gyis bgegs thams cad bcom par 'gyur ro| |bdag srung na/ thal ba la lan bdun bzlas brjod bgyis pas bgyi'o/ /gzhan srung na/ spyi bor lan gsum bzlas brjod bgyis te skra mdud par bgyi'o/ /sems can thams cad rengs par bgyi na/ yid kyis bgyi'o/ /dbang du bgyi na/ yar gyi ngo zla ba nya la zhag gcig smyung ba bgyis la 'phags pa spyan ras gzigs dbang phyug gi mdun du byang chub kyi shing gis zhugs bus la til gyis lan brgya stong sbyin sreg bgyis na dbang du 'gyur ro/ /ma rungs par bgyi 'tshal na/ mi rus kyi phur bu blangs la lan brgya stong sngags kyis btab ste dgra'i khyim du btsugs na dgra ma rungs par 'gyur ro/ /dgra 'gum na/ mar gyi ngo zhag brgyad la dur khrod kyi thal ba blangs te dur khrod kyi zhugs su lan brgya stong sbyin sreg bgyis na 'gum mo/ /bskam na/ mar gyi ngo zhag bcu bzhi la chab lte ba nub tsam du zhugs la dgra'i srog bskams kyi bar du bzlas brjod bgyi'o/ /mtshams bcad par 'chal na/ seng ldeng gi phur pa sor bzhi pa blangs te phur bu re re la yang lan brgya rtsa brgyad bzlas brjod bgyis la phyogs bzhir btsugs na mtshams bcad par 'gyur ro/ /yul 'khor bcing na/ lan nyi shu rtsa gcig bzlas brjod bgyis pa'i chab kyis bgyi'o/ /sems can rnams bskrad na/ lan bdun bzlas brjod bgyis pa'i yungs kar gyis bgyi'o/ /lig bu mig dang ldong ros sgrub na/ zla ba gcig zas su 'o skyo 'tshal zhing yar gyi ngo tshes brgyad nas zhag gsum smyung ba bgyis te ring bsrel dang bcas pa'i mchod rten nam/ sangs rgyas kyi sku gzugs kyi spyan sngar shing a shwat+tha'i lo ma bdun gyi steng du lig bu mig dang ldong ros bzhag pa dngos grub gsum byung gi bar du bzlas brjod bgyi'o/ /'bar na ni/ lo stong thub par 'gyur ro/ /rig sngags 'chang skra lcang lo 'khyil pa can du 'gyur ro/ /du ba 'thul na ni/ mi gda' bar 'gyur ro/ /lo dgu stong thub par 'gyur ro/ /yul 'khor ma rungs par bgyid par 'tshal bas mar gyi ngo zhag brgyad la dur khrod kyi shing gis zhugs bus la yungs kar dang / dug dang / khrag dang bsres la lan brgya stong sbyin sreg bgyis na yul 'khor ma rungs par 'gyur ro/ /mar gyis lan brgya stong sbyin sreg bgyis na zhi bar 'gyur ro/ /dgra 'gum na/ tshes grangs dang skar ma gdam mi 'tshal te/ lung thang gi shing gis zhugs bus la shing arga'i lo ma brgya stong sbyin sreg bgyis na zhag gsum na 'gum mo/ /shags 'gyed na/ rig pa bzlas brjod bgyis la gdong la byugs na rgyal bar 'gyur ro/ /khros pa'i mdun du bzlas brjod bgyis na dga' bar 'gyur ro/ /yugs sa mo dbang du bgyi bar 'tshal bas yar gyi ngo zhag brgyad la 'phags pa spyan ras gzigs dbang phyug gi mdun du me tog dkar po brgya stong sbyin sreg bgyid na dbang du 'gyur ro/ /dgra tshar bcad na/ 'phags pa spyan ras gzigs dbang phyug gi mdun du du ba ma mchis pa'i me mdag la rgya skyegs kyis lan brgya stong sbyin sreg bgyi'o/ /bzlas brjod bgyis na/ gang 'dod pa de rnyed par 'gyur ro/ /mkha' 'gro ma thams cad kyi dkyil 'khor bcing na/ yungs kar la lan bdun bzlas brjod bgyis pas bgyi'o/ /chu srin ku m+b+hi ra'i kha bcing na/ gseg ma la lan bdun bzlas brjod bgyis te chab tu bor na kha bcing bar 'gyur ro/ /seng+ge dang / stag dang / ma he dang / glang po che dang / rgyal po dang / chom rkun gyi nang du chud na bsam par bya'o| |ri mo mkhan gso sbyong bzung bas ma god pa'i ras la sangs rgyas kyi sku gzugs bri bar bya ste/ g.yon rol du ni/ lag na rdo rje/ g.yas rol du ni/ 'phags pa spyan ras gzigs dbang phyug go/ de bzhin gshegs pa ni/ gser gyi mdog can du bri'o/ /lag na rdo rje ni/ lo bcu drug tsam lon pa'i gzugs 'dra la kha dog sngo bsangs/ rgyan thams cad kyis brgyan pa bri'o/ /'phags pa spyan ras gzigs kyi dbang phyug gi g.yas rol du ni/ lha mo bri/ de yang 'dam bu mda' rgyu ltar dkar ba'o/ /'phags pa spyan ras gzigs kyang de dang 'dra'o/ /lha mo ni/ pad+ma'i phreng bas brgyan pa bri'o/ /de'i 'og rol du sgrub pa po pog phor thogs pa bri'o// sgrub pa po zla ba gcig gi bar du zas su 'o skyo 'tshal zhing yar gyi ngo tshes brgyad la mchod pa rgya chen po bgyis te lha mo la 'od zer byung gi bar du bzlas brjod bgyi'o/ /'od zer de de bzhin gshegs pa'i zhabs kyi mthe bong nub par 'gyur ro/ /de nas dngos grub tu 'gyur te/ rgyal po nyid stsol to/ /yid kyis gang bsam pa de dag thams cad 'byor to/ /yar gyi ngo zla ba nya nas zhag gsum smyung ba bgyis te rgya mtshor 'bab pa'i chu klung du zhugs la pad+ma 'bum bor na lha mo nyid mthong ngo / /dam pa gang blangs pa de rnyed de/ rgyal po nyid dam/ rig sngags 'chang nyid du 'gyur ro/ /tha mar zhag gsum smyung ba bgyi'o/ /'phags pa spyan ras gzigs kyi dbang phyug gi cho ga rdzogs so/ / //de nas bcom ldan 'das kyis lag na rdo rje la 'di skad ces bka' stsal to/ /lag na rdo rje/ ngas kyang gang gis rdo rje'i rigs dang / cho ga rgyas pa chen po gzhan dag kyang 'grub par 'gyur pa'i gsang sngags kyi cho ga rgyas pa 'dir sbyin par bgyi'o/ /de lta bas na/ cho ga rgyas pa thams cad du 'di gcig pu sbar bar bgyi'o/ /lag na rdo rje/ 'di dran pa tsam gyis rig pa'i lha thams cad mngon du 'gyur ro/ /na ma sarba ta thA ga te b+h+yo b+ha ga bad+h+yaH/ oM ru ru spu ru dz+wa la tiSh+Tha sid+d+ha lo tsa ne sarba ar+tha sA d+ha ni swAhA/ lag na rdo rje/ spyan 'di ni/ sems can thams cad kyi don gyi phyir de bzhin gshegs pa bye ba phrag bcus dgongs te/ ngas kyang da ltar sems can rnams kyi don dang / khro bo rnams dga' bar bya ba dang / gdul dka' ba rnams 'dul ba'i phyir bshad do/ /ri mo mkhan gso sbyong dang ldan pas ma god pa'i ras la sbyin dang ma 'dres pa'i tshon gyis sangs rgyas kyi sku gzugs gser gyi mdog can chos ston pa bri bar bya'o/ /de'i g.yas rol du 'phags pa lag na rdo rje mdog sngo bsangs/ rgyan thams cad kyis brgyan pa chos nyan pa bri'o/ /de bzhin gshegs pa'i g.yon rol du 'phags pa spyan ras gzigs dbang phyug 'dam bu mda' rgyu ltar dkar ba/ skra'i thor tshugs dang cod pan can/ stag lpags kyi sham thabs gyon pa/ lag na rnga yang thogs pa bri bar bya'o/ /de nas zla ba phyed zas su 'o skyo 'thung zhing rig pa bzlas brjod bya'o/ /des mar gyi ngo zhag bcu bzhi la nyin zhag gcig smyung ba bgyis te ri mo'i gzugs la mchod pa rgya cher byas la rig pa lan brgya stong bzlas brjod bya'o/ /de bzhin gshegs pa'i glo g.yas nas 'od zer byung ste lag na rdo rje la nub na 'grub par 'gyur re// rgyal po nyid dam/ rig sngags 'chang nyid de/ dam pa gnyis sbyin par byed do/ /rgyal po nyid du gyur na/ rig sngags 'chang rnams kyi 'khor los bsgyur bar 'gyur ro| |rig sngags 'chang nyid du gyur na ni/ rig sngags 'chang drug khri'i bdag po nyi ma shar ba lta bu'i mdog can lo bcu drug lon pa lta bu'i lus su 'gyur ro/ /lo khri bzhi stong thub par 'gyur ro/ /sems can thams cad kyi skad shes par 'gyur ro/ /slong mo'i zas bza' zhing ri'i rtse mor ring bsrel dang bcas pa'i mchod rten gyi drung du me tog dkar po zho dang / sbrang rtsi dang / mar la smyugs pa 'bum sbyin sreg bya zhing lan 'bum bzlas brjod byas na/ de bzhin gshegs pa'i gzugs mngon sum du 'gyur te/ mthong nas gang sgrub pa de 'grub bo/ /su zhig rtag tu lan gsum brjod cing phyag kyang 'tshal na/ des de bzhin gshegs pa bye ba phrag bcu la bsti stang byas pa dang / bla mar byas pa dang / rim gro byas pa dang / mchod pa byas par 'gyur ro/ /gang gi tshe shi ba de'i tshe bde ba can du skye bar 'gyur ro/ /mar gyi ngo zhag brgyad la nyin zhag gcig smyung ba byas te bcom ldan 'das la mchod pa byas la tsan+dan dkar pos dkyil 'khor byugs te rig pa lan brgya stong bzlas brjod byas na / de nas dngos grub tu 'gyur ro/ /de'i 'og tu las thams cad la sbyar bar bya'o/ /mig la lan bdun bsngags na/ gang mthong ba de dbang du 'gyur ro/ /lag na rdo rje'i mdun du ldong ros la lan brgyad brgya bzlas brjod byas nas mig la bskus na/ gang mthong ba de dbang du 'gyur ro/ /rkang rjes kyis blangs la lan bdun sngags kyis btab ste bud med gang gi mgo bor gtor na/ de dbang du 'gyur ro/ /bdag gi mchil ma lan bdun bsngags te thig le byas na/ gang mthong ba de dbang du 'gyur ro/ /gang gi ming nas brjod de yungs kar la lan brgyad brgya sbyin sreg byas na/ de dbang du 'gyur ro/ /bud med dbang du bya na/ til nag po las lan brgyad brgya sbyin sreg bya zhing ming nas kyang brjod na de dbang du 'gyur ro/ /kr-iSh+Na tsa tu ra da sh+ye na shwe ta/ phuSh+Na na ma aSh+Ta sa ha sra Ne/ badzra pA Ni ra ha na ta pa s+ya/ rA dza pa da ni ya sho ba ti/ ldong ros kyis lag mthil du gzugs bris la ming nas brjod cing nyi ma la bltas te lan brgyad brgya bzlas brjod byas na/ dbang du 'gyur ro/ /dur khrod kyi sol ba blangs te rtsig ngos la gzugs bris la mo mtshan gyi steng du mdzub mo bzhag ste lan brgyad brgya bzlas brjod byas na/ dbang du 'gyur ro/ /spra tshil la gzugs byas te ldan pa g.yas par bzhag la lan brgyad brgya bzlas brjod byas na/ dbang du 'gyur ro/ /gi wang dang / shu dag dang / dung gi lte ba dang / rgya spos rnams bsres te btags la rig pa lan brgya stong bzlas brjod byas te zas dang / skom dang / bza' ba'i nang du btab na/ dbang du 'gyur ro/ /dur khrod kyi thal ba blangs la lag na rdo rje'i mdun du lan brgyad brgya bzlas brjod byas te gang la gtor ba de dbang du 'gyur ro/ /lag na rdo rje'i mdun du me tog dkar po brgyad brgya gtor na/ dbang du 'gyur ro/ /dur khrod kyi sol ba blangs te rtsig ngos la gzugs bris la shing kA ra bI ra'i me tog brgya rtsa brgyad mo mtshan du phog par byas na/ dbang du 'gyur ro/ /ba lang gi lci ba sa la ma lhung ba blangs te zhi ba'i mtshan gcig byas la de'i mdun du rtswa ku sha las mdung rtse gsum byas pas nyi ma gsum du yungs kar dang / zho dang / sbrang rtsi bsres pa'i sreg blugs lan bdun bdun sbyin sreg byas na/ dbang du 'gyur ro/ /lag na rdo rje'i mdun du ldum bu ba sha ka'i yam sreg shing brgyad brgya sbyin sreg byas na/ dbang du 'gyur ro/ /gzhon nu ma dbang du bya na/ a rang ga na'i me tog brgya stong gis lag na rdo rje la phog par byas na gzhon nu ma dbang du 'gyur ro/ /yugs sa mo dbang du bya na/ lag na rdo rje'i mdun du mon sran gre'u sbyin sreg bya zhing ming nas kyang brjod na dbang du 'gyur ro/ /thal ba la lan bdun sngags kyis btab ste bud med la gtor na/ dbang du 'gyur ro/ /bud med kyi mdun du rig pa lan brgyad brgya bzlas brjod byas na/ dbang du 'gyur ro/ /shing bu sor bzhi pa blangs te g.yab na 'ong zhing dbang du 'gyur ro/ /me tog dkar po blangs te lag na rdo rje'i mdun du lan brgya stong bzlas brjod byas la bud med mthong bar g.yab na 'ong zhing dbang du 'gyur ro/ /gzhan yang las byed 'dod na/ bu mo gtsang mas bkal ba'i skud pa brkyang nas blangs te lag na rdo rje'i mdun du nyis khugs dang bzhi khugs byas pa bzhag la bzlas brjod byas te gcig la gcig 'khril na dgongs pa 'grub par 'gyur ro/ /ge'u wang sgrub par 'dod pas nyi ma bdun du z as su 'o skyo 'thung zhing yar gyi ngo zhag bcu bzhi la nyin zhag gcig smyung ba byas te lag na rdo rje la mchod pa rgya cher byas la gi'u wang pad+ma'i steng du bzhag ste 'bar gyi bar du bzlas brjod bya'o/ /'bar nas blang bar bya'o/ /blangs pa tsam gyis nyi ma shar ba lta bu'i mdog dang ldan par 'gyur ro/ /dgos pa thams cad yid kyis bsam pa tsam gyis 'byung bar 'gyur/ rig sngags 'chang thams cad kyis mi sod par 'gyur/ lo dgu stong thub par 'gyur ro/ /zla ba phyed zas su 'o skyo 'thung zhing / de nas rig sngags 'chang gis grog mkhar gyis las nor rgyas kyi gzugs byas la de'i steng du 'dug ste nam 'gul bar gyur gyi bar du rig sngags lan 'bum bzlas brjod byas na longs spyod ster ro/ /'das pa dang / ma 'ongs pa dang / da ltar byung ba rnams ston par 'gyur/ lo lnga brgya thub par 'gyur| bde ba can du skye bar 'gyur/ zas su 'o skyo 'thung zhing lag na rdo rje'i mdun du lan 'bum bzlas brjod byas na/ longs spyod ster te/ zla ba gcig gi bar du slong m o'i zas bza' zhing yar gyi ngo zhag bcu bzhi la zhag gcig smyung ba bgyis te lag na rdo rje la mched pa byas nas bcom ldan 'das la yang lhag par mchod de lag na rdo rje'i rkang pa nas bzung la rig sngags bzlas brjod byas te lag na rdo rje'i gzugs 'gul bar gyur gyi bar du bzlas brjod bya'o/ /'gul bar gyur na/ grub ba thams cad kyis mthong bar 'gyur ro/ /yid kyis bsam pas kha zas 'byung bar 'gyur/ lo lnga stong thub par 'gyur ro/ /de nas gnod sbyin gyi dbang po lag na rdo rjes bcom ldan 'das la 'di skad ces gsol to/ /sangs rgyas bcom ldan 'das gang dag sems can rnams kyi don gyi slad du gsang sngags 'di lta bu gsungs pa ni/ ngo mtshar to zhes gsol nas 'khor thams cad ngo mtshar du gyur to/ /sangs rgyas kyi spyan gyi cho ga rdzogs so// //de nas 'byung po'i bdag po dbang ldan gyis bla gos phrag p a gcig tu gzar nas pus mo g.yas pa'i lha nga sa la btsugs te bcom ldan 'das gang na ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das/ bdag gi mig 'di ni/ rig pa thams cad kyi gtso mo lags te/ 'di dran pa tsam gyis bdag gis dngos grub stsal bar bgyi'o/ /bcom ldan 'das/ bdag gis kyang sems can rnams kyi don gyi slad du byang chub sems dpa' chen po lag na rdo rje la ming dbul bar 'tshal lo/ /'byung po'i bdag po/ de bzhin du gyis shig /de nas 'byung po'i bdag po dbang ldan gyis lag na rdo rje'i zhabs gnyis la btugs nas lag na rdo rje la 'di skad ces smras so| |gsang ba'i bdag po/ khyod kyis rig sngags chen po'i ming 'di bzhes su gsol/ na mo ru trA ya le le/ li li li li/ ka mu kA ya swAhA/ lig bu mig bud med kyi s kras bcings la rgya mtsho 'bab pa'i chu klung gi ngos gnyis ka'i 'jim pa blangs pa'i nang du bcug ste bsregs la dbang phyug chen po'i gnas su song nas mar gyi ngo zhag brgyad dam bcu bzhi la zhag gcig smyung ba byas te lig bu mig blangs la lan brgya stong bzlas brjod byas nas sbyang bar bya ste/ mig la bskus na gang la bltas pa de dbang du 'gyur ro/ /mar gyi ngo zhag brgyad la dur khrod kyi sol ba blangs te mi'i thod pa la brdar nas lan brgya rtsa brgyad bzlas brjod byas pas thig le byas na/ gang la bltas pa de dbang du 'gyur ro/ /sol ba yang bsgrub par bya ste/ zhag bdun gyi bar du zas su chu dang phye'i 'dag gu za zhing mar gyi ngo zhag bcu bzhi la zhag gcig smyung ba bgyis te dur khrod du song la/ de nas thag bu la skyang nul ba ko tsam byas te mchod pa chen po byas nas dur khrod kyi sol ba blangs te/ de nas rig sngags 'chang gis sol ba mi'i thod pa'i nang du bzhag la lag pas mnan te dud par 'thul bar gyur gyi bar du rig sngags bzlas brjod byas nas blangs te thig le byas na/ lus mi snang bar 'gyur zhing / bsam pas kyang kha zas 'byung bar byed de/ tshe lo stong thub par 'gyur la/ dbang phyug chen po'i las rnams bklags pa tsam gyis 'grub par 'gyur ro/ /tshes grangs dang skar ma yang gdam mi 'tshal/ smyung ba yang bgyi mi 'tshal bar bud med shi ba'i ro blangs la dri dang / me tog gis brgyan te/ de'i mo mtshan du til gyi lo ma bzhag nas de'i steng du ldong ros srang gcig gam/ srang phyed bzhag la 'bar bar gyur gyi bar du rig sngags bzlas brjod byas te/ 'bar bar gyur na dbang phyug chen po'i gzugs dang ldan par 'gyur zhing / rab tu 'joms pa'i tshogs kyis bskor la lo dgu stong thub cing dbang phyug chen po'i tshogs rnams dbang du 'gyur ro// dur khrod kyi thal ba blangs te mi'i thod pa'i snod du bzhag la/ mtshan gcig 'dug pa'i gnas su song nas zhag gsum smyud ba byas te mar gyi ngo zhag bcu bzhi la 'byung po'i gtor ma yang byas la/ de nas thod pa'i snod lag tu blangs te dngos grub rnam gsum du gyur gyi bar du bzlas brjod byas na/ dud pa 'thul bas ni| lus mi snang bar 'gyur zhing tshe lo brgya stong thub par 'gyur ro/ /'bar bar 'gyur te/ thig le byas pas ni/ skra lcang lo 'khyil bar 'gyur zhing nam mkha' la 'gro ba dang / tshe lo lnga stong thub par 'gyur ro/ /gi wang sgrub par 'dod pas ni/ mar gyi ngo zhag gcig smyung ba byas te lag na rdo rje'i mdun du mchod pa byas la lag na rdo rje'i lag tu gi'u wang bzhag nas 'bar bar gyur gyi bar du bzlas brjod byas te 'bar bar gyur na/ blangs pa tsam gyis stobs glang po che dang mnyam zhing pha rol gyi mtshon gyis kyang mi tshugs la tshe lo sum stong thub par 'gyur ba dang / gang gtam byas pa de dbang du 'gyur zhing / dbang phyug chen po'i g.yog rnams kyis nyin gcig bzhin ti na ra bcu gnyis dang / gos phrugs bcu gnyis sbyin par bgyid cing / sngon ma byung ba'i bud med kyang khrid de 'ong bar 'gyur ro/ /dbang phyug chen po'i cho ga rdzogs so/ / //de nas ma tang+gi rgyal po phur bu gsum pas lag na rdo rje la 'di skad ces smras so/ /lag na rdo rje/ bdag gis kyang sems can thams cad kyi don gyi phyir mig dbul bar bgyis te/ 'di dran pa tsam gyis bdag gi cho ga rgyas pa thams cad 'grub par 'gyur ro/ /de nas ma tang gi rgyal po phur bu gsum pas bcom ldan 'das dang / lag na rdo rje'i zhabs la mgo bos phyag 'tshal nas gsang sngags smras pa/ na mo badzra pA Ni s+ya/ ma hA yak+Sha se nA pa ti s+ya/ na maHna maHtri sha karma taM gardza s+ya/ a Ta ba Ta/ u bu ri Ni/ gau ri gan+d+ha ri/ ha na da ha/ pa tsa pa tsa/ san+tar ba ya/ tu ru tu ru/ kam+pA ya swAhA/ yar gyi ngo tshes brgyad kyi srod la dkyil 'khor skyang nul gyis byugs nas phur bu gsum pa la dri dang / me tog dang / bdug pa phul te bcom ldan 'das dang / lag na rdo rje la bdug pa gsol nas zhag gcig smyung ba byas te rig sngags lan brgya stong bzlas brjod byas na/ 'grub par 'gyur te/ de'i 'og tu las brtsam par bya'o/ /bud med dbang du bya na/ tshes grangs dang rgyu skar yang gdam mi dgos/ smyung ba yang bya mi dgos par kA ra bI ra'i yam sreg shing gis ming nas smos shing brgya stong gis sbyin sreg byas na/ dbang du 'gyur ro/ /dkyil ' khor skyang nul gyis byugs la lan tshwa las gzugs byas nas mtshon rnon pos rkang pa nas brtsams te bcad cing dud pa med pa'i 'dab ma la lan brgyad brgya sbyin sreg byas na yang dbang du 'gyur ro/ /yar gyi ngo tshes lnga la yang mi'i rus pa'i phur bu sa la btab ste de'i steng du mar me sbar la mar me de'i me lce 'bar ba la nim pa'i lo ma khab kyis btsugs te ming nas smos shing brgyad brgya sbyin sreg byas na/ dbang du 'gyur ro/ /yar gyi tshes bcu gsum la ras bal gyi 'dab ma rgya skyegs k yis kha dog bsgyur ba sred med kyi bu'i chung ma la phul ba las mar me'i snying po byas te mar me sbar la kA ra bI ra'i me tog khab kyis btsugs te brgya stong sbyin sreg byas na yang dbang du 'gyur ro/ /yar gyi ngo zhag brgyad la zhag gcig smyung ba byas te a ti muk+ta ka'i me tog brgya stong gis dka' zlog ma'i mo mtshan la bsnun na yang grong dang / longs spyod kyi gzhi sbyin par byed do/ /mar gyi ngo zhag brgyad la zhag gcig smyung ba byas te a rang ga na'i me tog gis dka' zlog ma'i rkang pa la bsnun na/ bu mo thob par 'gyur ro/ /bud med dbang du bya na/ lag na rdo rje'i mdun du me tog dkar po brgyad brgya phul na dbang du 'gyur ro/ /yar gyi ngo zhag lnga la zhag gcig smyung ba byas te kam po dza 'i shing gis me sbar la ko sha ta ka'i me tog brgya stong gis ming nas smos shing sbyin sreg byas na/ mo mtshan rul bar 'gyur ro/ /dka' zlog ma'i 'o mas bkrus la rig sngags kyang stong rtsa brgyad bzlas brjod byas na/ sos par 'gyur ro/ /phur bu gsum pa'i cho ga rdzogs so// //de nas nam mkha' la rgyu ba'i ma mo bdun gyis c a co dang ga zha'i sgra bton nas 'khor de nyid du 'dus par gyur te 'khor 'dus pa de dag thams cad la lan gsum bskor ba byas nas bcom ldan 'das kyi zhabs la mgo bos phyag 'tshal te bcom ldan 'das la 'di skad ces gsol to/ /bcom ldan 'das/ bdag cag gis kyang byang chub sems dpa' chen po lag na rdo rje la gsang sngags kyi shas 'bul bar 'tshal lo/ /de nas bcom ldan 'das kyis ma mo de dag la 'di skad ces bka' stsal to/ /sring mo dag /gang khyed sems can thams cad la phan pa'i phyir zhugs pa ni| legs so legs so/ /de nas ma mo de dag gis tshig mthun par lag na rdo rje la gsang sngags phul ba/ na mo bud+d+hA ya/ na mo badzra pA Na ye/ ma hA yak+Sha se nA pa ta ye/ tad+ya thA| hu lu hu lu/ la hu la hu/ ha ha/ tiSh+Tha tiSh+Tha/ b+h+ra ma b+h+ra ma/ ban+d+ha ban+d+ha/ kha da kha da/ ma tsa me kha sh+tsid beg+h+naM ka ri Sh+ya ti/ mo ha ni mo ha ni/ na ya ti na ya/ mA li ni bi shwe shwa re/ a mo g+he na maHswAhA/ rig sngags 'di dran pa tsam gyis rig pa mchog sgrub pa'i rig sngags 'chang de la bdag cag ma mo bdun gyis dpag tshad gcig gi bar du bsrung bar bgyi/ yang dag par so sor bskyab par bgyi'o/ /rig sngags kyi las rnams 'byung ste/ ras gsar pa la sbyin dang ma 'dres pa'i tshon rtsis lag na rdo rje mdog sngo bsangs la lo bcu drug lon pa'i sha gzugs can rgyan thams cad kyis brgyan pa/ ma mo bdun gyis bskor ba bri'o/ /ma mo bdun ni/ 'jigs pa'i tshul du bsgrub par bya'o/ /de nas zhag gsum smyung ba byas te mar gyi ngo zhag bcu bzhi la ci nus kyis mchod pa byas te chang dang / sha'i gtor ma yang sbyin par bya'o/ /de nas rig s ngags 'chang gis ri mo'i sku gzugs kyi mdun du seng ldeng gi shing gis me sbar la yungs kar khrag gis bsgos pas lan brgya stong sbyin sreg byas te de nas ri mo'i sku gzugs 'gul bar mthong na/ rig sngags 'chang gi rig pa mchog dran par bya'o/ /bud med mche ba gtsigs pa yang 'ong bar 'gyur te/ des 'jigs par mi bya bar sring mo khyod 'ongs pa legs so/ /rdo rje 'dzin gyis dam tshig byin pa gang yin pa de dran par gyis shig ces smros shig /de skad thos nas ca co'i sgra phyung ste de bzhin du bya'o zhes nas mi snang bar 'gyur ro/ /de nas nyin gcig bzhin du ti na ra re sbyin bar byed cing don thams cad sgrub ste/ rig sngags kyi dngos grub kyang sbyin par byed do// las gzhan dag kyang 'byung ste/ log 'dren phung bar bya ba la ni/ ske tshe dang / lan tshwa sbyin sreg lan brgyad brgya bya'o/ /gdon gzhig pa ni/ skra gtubs pa'i bdug pas bdugs na gdon thams cad 'jigs par 'gyur ro/ /gdon gzhom pa ni/ mdzub mos bya'o/ /lo tog ma rungs par bya ba ni/ mar gyi ngo zhag bcu bzhi la ni a 'bra'i shing gi phur bu sor brgyad pa blangs te lag na rdo rje'i mdun du lan brgyad brgya bzlas brjod byas nas zhing la btab na lo tog med par 'gyur ro/ /chang ma rung bar bya na/ 'o ma'i sreg blugs la lan nyi shu rtsa gcig sbyin sreg byas na ma rung bar 'gyur ro/ /dgra lus mi sdug par bya na/ lam gyi sum mdor skyu ru ra'i shing gis me sbar te dgra'i ming nas smos shing dug gis lan brgya stong sbyin sreg byas na dgra'i lus la mi gtsang ba'i dri mnam par 'gyur ro/ /phyir gso ba ni/ lag na rdo rje la mchod pa rgyas par byas te mar dang / gu gul gyis lan stong rtsa brgyad sbyin sreg byas na phyir 'tsho bar 'gyur ro/ /dbye bar bya ba ni/ mar gyi ngo zhag brgyad la zhag gcig smyung ba byas te lag na rdo rje'i mdun du spen ma'i shing gis me sbar la phub mas lan brgya stong sbyin srag byas na dbye bar 'gyur ro/ /dgra bskrad par 'dod pas ni| mar gyi ngo zhag brgyad la ne'u le'i rus pa blangs nas dgra'i ming nas smos te sbrul gyi khung bur btsugs na de ma thag tu dgra 'bros par 'gyur ro/ /rig pa mchog sgrub pa'i rig sngags 'chang gi cho ga rgyas pa las 'byung ba'i lha rnams la mchod pa byas la btsugs nas byung na yang rtag tu bcing bar bya'o/ /de bcings na| cho ga rgyas par 'grub par 'gyur te/ rig sngags kyi dngos grub las su yang glags tshol bar mi 'gyur ro/ /gang la rig pa mchog gi cho ga rgyas pa thams cad rdzogs pa yod pa de thams cad la ni/ lha rnams yid dga' bar 'gyur te/ rig sngags kyang sbyin par byed do/ /de ma yin na/ lag na rdo rje'i bya ba sgrub pa rnams glags tshol ba'i phyir 'khod do/ /cho ga rgyas pa sgrub pas cho ga rgyas pa las bshad pa bzhin du 'gal ba rnams bsrung bar bya ste/ nya dang / sha spang bar bya'o/ /rtag tu sangs rgyas dang / chos dang / dge 'dun la mngon par dga' bar bya'o/ /gang dag nga'i rdo rje'i rigs la mchod pa byed cing dang bar byed pa dang / rig pa'i mchog 'don cing mchod pa de dag ni/ nga'i dam tshig shes pa yin no/ /de dag ni/ nga la shas cher dang ste/ de dag la nga zhi bar sems so/ /lha thams cad kyang zhi bar sems par 'gyur ro/ /gang dag byang chub sems dpa' rnams kyi tshul las phyi rol du gyur cing 'dod do cog za ba dang / dge sbyong du mi 'dzin pa dang / bram zer mi 'dzin par cho ga rgyas pa 'di sgrub pa de dag ni/ lag na rdo rje 'dzin gyis rdo rjes bshig par 'gyur ro/ /lha thams cad kyang ma dad pa'i sems su 'gyur ro/ /log 'dren rnams kyang glags lta zhing klan ka tshol ba'i phyir 'khod de/ de ma thag tu nad kyis 'debs shing log 'dren rnams kyis non par 'gyur ro/ /ma mo rnams kyi cho ga rdzogs so// //de nas rdo rje khro bo bdud rtsi thab sbyor gyis 'khor 'dus pa thams cad la glang po che'i lta stangs kyis bltas nas bcom ldan 'das la 'di skad ces gsol to/ /bcom ldan 'das| 'di'i sems can rnams ni/ bsod nams dman pa dang / tshul la mi gnas pa dang / pha la ma gus pa dang / ma la ma gus pa dang / bsod nams chung ba dang / dad pa med pa dang / glags tshol ba dang / 'chal ba dang / rtag tu zang zing la brkam pa dang / rtag tu log 'dren dang / mche ba can dang / sha za rnams kyis zin pa lags te/ bgegs dang log 'dren de dag gzhig pa dang / mthar gtugs pa'i slad du gsang sngags bshad par 'tshal lo/ /de nas bcom ldan 'das kyis rdo rje khro bo la bka' stsal to/ /bdud rtsi thab sbyor/ gang khyod sems can thams cad la phan pa'i phyir zhugs pa legs so legs so/ /khyod la de bzhin gshegs pas gnang gi / sems can thams cad kyi phyir gsang sngags shod cig /de nas rdo rje khro bo bdud rtsi thab sbyor gyis bcom ldan 'das dang / lag na rdo rje'i zhabs la gtugs nas gsang sngags bshad pa/ na mo rat+na tra yA ya/ na mash+tsaN+Da badzra pA Na ye/ ma hA yak+Sha se nA pa ta ye/ na mo badzra kro d+hA ya/ pra dz+wa li ta dI p+ta daMSh+To ta ka Ta b+ha ya b+hai ra bA ya/ a si mu sa la/ badzra ba ra shu pA sha ha stA ya/ tad+ya thA/ oM hu lu hu lu/ a mr-i ta kuN+Da li/ kha kha kha kha/ khA na khA na khA na khA na/ khA da khA da khA da khA da/ khA hi khA hi khA hi khA hi/ tiSh+Tha tiSh+Tha |ha na ha na/ da ha da ha/ pa tsa pa tsa/ gr-ih+Na gr-ih+Na/ ban+d+ha ban+d+ha/ gardza gardza/ tardza tardza/ bi s+pho Ta ya bi s+pho Ta ya/ b+ha ga bAn/ a mr-i ta kuN+Da li/ mUrta na tA Da ya badzre Na sarba big+h+nAM bi nA ya kaM ni bA ra ya ma hA ga Na pa ti/ dzI bi tAn+ta ka rA ya/ hUM hUM phaT phaT/ oM kro d+ha ga Na ye swAhA/ bdud rtsi thab sbyor gyi gsang sngags dang po'o/ /na mo rat+na tra yA ya| na mash+tsaN+Da badzra pA Na ye/ ma hA yak+Sha se nA pa ta ye/ na mo ma hA badzra kro d+ha ya/ daMSh+To ta ka Ta b+hai ra bA ya/ a si mu sa la pa ra shu bA sha na ha stA ya/ he he/ pa ta pa ta/ d+ha ba d+ha ba| kha kha/ khA hi khA hi/ a mr-i ta kuN+Da li/ tiSh+Tha tiSh+Tha/ ban+d+ha ban+d+ha/ ha na ha na/ gardza gardza/ ga Na ba ti/ dzI bi ta an+ta ka rA ya swAhA/ gsang sngags gnyis pa'o/ /na mA+o rat+na tra ya ya/ na ma sh+tsaN+Da badzra pA Na ye/ ma hA yak+Sha se nA pa ta ye/ na mo badzra kro d+hA ya/ bi ma la ka na ka dz+wa bu sha na ya ga ga na/ a mr-i ta saM b+ha bA ya/ garta ma l+ya a nu le/ pa na pri yA ya/ badzra pA Ni pri yA ya/ badzra pA Ni tu l+ya/ b+ha ga ya de ba nA ga yak+Sha rAk+Sha sa pra marda nA ya/ trai lokya/ go tsa rA ya/ sha ta s+ya n+ya bi tra ka ra ya hr-i da nan/ gar+b+ho t+ta mA ya a mr-i ta kuN+Da li/ i h+ye hi daMSh+T+ro ta ka Ta b+hai ra ba g+hi bi tud dz+wa la spu liM ka sha ni du le ru pho ti ti saM bud+d+ha/ oM kha kha kha kha/ gr-ih+Na gr-ih+Na/ ban+d+ha ban+d+ha/ ha na ha na/ gardza gardza/ bi s+pho Ta ya bi s+pho Ta ya/ d+ha ka d+ha ka/ dz+wa la dz+wa la/ pra dz+wa la pra dz+wa la/ gra sa gra sa/ sarba big+h+nAM bi nA ya kA nAn hr-i da yaM spa ta/ gan+d+ha rba hr-i da yaM spa ta/ rAk+Sha sa hr-i da yaM spa ta/ sarba dz+wa ra hr-i da yaM spa ta/ sarba tsa tu ka hr-i da yaM spa ta/ sarba nA gA nAM hr-i da yaM spa ta/ hUM hUM spa ta/ da ha da ha/ pa tsa pa tsa/ A bi sha A bi sha/ i daM tsa me kAR+yaM ku ru badzra d+ha ra Adz+nyA pa ya ti swAhA/ gsang sngags gsum pa'o/ / na mo badzra kro d+hA ya/ daMSh+T+rota ka Ta b+hai ra bA ya/ tad+ya thA/ hu lu hu lu/ kha kha kha kha/ khA hi khA hi/ tiSh+Tha tiSh+Tha/ ban+d+ha ban+d+ha swAhA/ khro bo bdud rtsi thab sbyor gyi gsang sngags bzhi pa'o/ /de nas 'di dag gi snying po don yod pa gang 'dod pa dang / bzlas brjod byas shing bsgrubs na/ bdag gi gsang sngags thams cad bton cing bzlas brjod bgyis pa dang / bsgrubs par gyur pa de bshad par 'tshal lo/ /de la 'di ni/ bdag gi snying po lags so/ /oM a mr-i te hUM phaT/ bdud rtsi thab sbyor gyi snying po rdo rje khro bo bdud rtsi thab sbyor gyis gsang sngags rnams bshad ma thag tu sa chen po 'di rnam pa drug tu g.yos so/ /lo ga 'dren rnams kyang skrag ste skyabs med cing rten med par gyur nas de bzhin gshegs pa'i thad du song ste/ bcom ldan 'das/ bdag cag gi skyabs mdzad du gsol/ bde bar gshegs pa| bdag cag gi skyabs mdzad du gsol zhes de skad du smra zhing mgo bo thur du gtugs so/ /kye kye log 'dren ma rungs pa rnams longs la nga'i ngag nyon cig / rdo rje kun tu 'bar zhing rab tu 'bar la/ kun tu rab tu 'bar bas khyed kyi spyi bo gshags sa re/ ngas ral pa ser po can rnams kyi gsang sngags kyis lha'i lo stong ge bar du log 'dren rnams bcom pa dang / gtubs pa dang / brdungs pa dang / gzir ba dang / bskams pa gang yin pa de dran par gyis shig /nga'i mthu dang / brtson 'grus dang / pha rol gnon pa chen po dran par gyis shig /gang nga'i gsang sngags 'dzin cing 'don pa dang / sgrub pa dang / des srung bar byed pa de la glags ma tshol cig /til sbrus pa'am/ zas ngan pa za yang rung / sha za yang rung / grong gi chom rkun spyod kyang rung ste/ rig pa'i mchog la sogs pa rig pa thams cad sgrub pa la glags ma tshol cig / zan za ba'i tshe yang kham dang po la sngags kyis btab ste dbul bar bya'o/ /nyi ma shar ba'i tshe lan bdun brjod na/ de'i phyi bzhin du rtag tu 'brang ngo / /log 'dren rnams kyang glags mi tshol lo/ /nya dang / sha dang / til dang / sran chan dang / pen tshe yang rung / snum 'khur par+pa ta dang / la phug kyang rung ste thams cad zar zin kyang rig sngags 'dzin na/ de la thams cad 'grub par 'gyur ro/ /gang nga'i gsang sngags 'dzin pa ni/ bza' ba ma yin pa za zhing bya ba ma yin pa byed du zin kyang de la gang gis log 'dren rnams glags tshol ba brtun te 'khod par mi 'gyur ba'i gsang sngags bde ba bstan par bya'o/ /rig sngags 'chang sgrub pa na gang du log 'dren rnams kyis glags rnyed par mi 'gyur ba'i gnas kyang bstan par bya ste/ nges par byas pa la ni/ glags tshol ba la brtun par mi 'gyur ro/ /nges par gnas pa la yang gnas nas gnas su 'gro ba na gom pa re re la log 'dren rnams glags tshol ba'i phyir 'khod pa yod do/ /log 'dren sa'i spyi phud ces bya ba gang dag sa brtol nas 'byung ba yang yod do/ /de la bgegs kyi mtshan ma yang bshad par bya ste/ de dag ni/ gom pa re re 'dzin par byed do/ /de dag gis zin na/ bgegs su 'gyur te/ le lo skye bar 'gyur zhing brgyal ba dang / skyug pa dang / mgo 'khor bar 'gyur ro/ /log 'dren de dag ni/ bsod nams kyang zad par byed de/ log 'dren rnams kyis reg pa tsam gyis l ha'i lo stong gi bar du pha rol tu phyin pa drug bsags pa'i bsod nams kyi phung po yang thal bar rlog par byed cing rig sngags 'chang rig sngags sgrub pa'i bsod nams zad par byed do/ de nas rig sngags rnams 'grub par mi 'gyur ro/ /de bas na/ rig sngags 'chang gi lus kyi lci yang las shes par bya ste/ mar dang sra rtsi pog gis bdag nyid bdug par bya'o/ /de nas log 'dren de dag gis gtong bar 'gyur ro/ /gang nga'i gsang sngags 'dzin pa de la ni glags tshol bar brtun par mi 'gyur te/ de bas na/ rig sngags 'chang gis rig pa'i mchog dran par byas na de mnyes par gyur pas 'dzum pa'i bzhin gyis dngos grub myur du 'byin par byed de/ log 'dren rnams kyis ma mthong ba 'grub par 'gyur ro/ /log 'dren sa'i spyi phud ces bya ba rnams kyi mtshan nyid rdzogs so// //log 'dren chu ltar g.yo ba zhes bya ba de dag ni/ chu na gnas te/ rig sngags 'chang khrus byed pa na 'dzin par byed do/ /de dag gi mtshan ma 'byung ste sems 'khrug par byed de/ 'dod pa la lhur sems pa dang / bru bas gzir cing kha zas la mngon par chags pa dang / 'jigs pa'i sems skye bar 'gyur ro/ /de bas na/ rig sngags 'chang gis bdud rtsi thab sbyor dran par bya ste/ dran pa tsam gyis log 'dren rnams 'chi bar 'gyur ro/ /de nas rig sngags 'chang gis snying rje'i sems bskyed par bya ste/ rig pa mchog dran par bya'o/ /de dran pa tsam gyis 'bras bu che bar 'gyur te/ rig sngags kyi lha de dag gis log 'dren rnams myos par mthong nas dga' ba'i sems kyis dngos grub myur du sbyin par byed do/ /log 'dren chu ltar g.yo ba zhes bya ba rnams kyi mtshan nyid rdzogs so/ / //log 'dren rig sngags kyi lha'i mngag gzhug pa zhes bya ba rnams ni/ mthu che ba ste/ de dag ni/ rig sngags 'chang rig sngags las ldang ba na 'dzin par byed do/ /zin par gyur na lus kyi tshul las rtogs par bya ste/ lus tsha bar 'gyur/ sdang bar gyur/ sdig pa'i sems 'byung bar 'gyur ro/ /de nas rig sngags 'chang gis de dag phyir gzhil bar bya ste/ gtsug phud la 'chang la bdug pa thams cad sbyin zhing / rig sngags lan brgya stong bzlas brjod byas na/ phyin chad log 'dren de dag glags tshol ba la brtun par mi 'gyur te/ dga' bar gyur nas dngos grub kyang sbyin par byed do/ /log 'dren 'di dag kyang rig sngags kyi lha thams cad kyi phyi bzhin 'brang zhing gnas pa yin no/ /rtag tu glags tshol ba yang yin te/ su zhig sngags grub pa/ su zhig sngags 'don pa/ su mchod pa byed pas de la bgegs kyang byed cing 'dun pa zlog par byed/ le lo yang 'jug par byed do/ /de bas na/ rig sngags 'chang gis nyi ma logs su kha bltas la rtag tu chu khyor gang gtor nas khro bo'i rig sngags kyang lan bdun brjod par bya ste/ 'di skad du bdag ming 'di zhes bya ba'i rig sngags che ge mo zhes bya ba sgrub kyi/ khyed yid dga' bar gyis shig ces kyang smros shig /dus thams cad du de skad smras nas des log 'dren rnams dga' zhing mgu la yid dga' par gyur te/ dngos grub sbyin par byed cing sems kyang dang bar 'gyur ro/ /grub pa'i tshe yang nang par nyi ma logs su kha bltas la thal mo sbyar nas rig sngags brjod de/ 'di skad du bdag ming 'di zhes bgyi ba'i rig sngags cha ge mo zhig sgrub kyi/ khyed yid dga' bar gyis shig ces kyang smros shig /de nas gtsug phud 'phyang la la sogs pa log 'dren de dag de nyid du 'du bar 'gyur te/ rig sngags 'chang gis khro bar byas la khyed ma 'gul cig ces smros shig /de nas log 'dren de dag bcings shing gzir bar gyur te dngos grub myur du sbyin par byed do/ /log 'dren rnams dgrol ba ni/ yid kyis bya'o/ /log 'dren lha'i mngag gzhug ces bya ba rnams kyi mtshan nyid rdzogs so// // log 'dren 'jig rten me tog ces bya ba rnams ni/ gang gi tshe rig sngags 'chang rig sngags sgrub cing lha la me tog dbul ba na de'i tshe log 'dren de dag gis 'dzin par byed de/ log 'dren de dag nyid kyang me tog gi khongs su 'jug cing gnas so/ /de bas na rig sngags 'chang gis thog ma nyid du me tog de dag rig sngags 'chang bzlas brjod byed bzhin du blang bar bya'o/ /blangs nas gu gul gyi bdug pas bdugs te/ de nas lha la phul na lha rnams yid dga' bar 'gyur ro/ /bdug pas ma bdugs par lha de dag la log 'dren rnams kyis gnod par 'gyur te 'grub par mi 'gyur ro/ /log 'dren 'jig rten me tog ces bya ba rnams kyi mtshan nyid rdzogs so|| ||log 'dren zas su dri za ba zhes bya ba de dag ni/ rig sngags 'chang dri la reg pa na 'dzin par byed de/ ci ste rig sngags 'chang gis dri dag lha la phul na/ lha de dag sems dang ba med cing rgyab kyis phyogs par 'gyur te/ log 'dren de rnams mthong bas 'phang bar 'gyur zhing / rig sngags 'chang la 'grub par mi 'gyur ro| |de bas na/ rig sngags 'chang gis thog ma nyid du khro bo'i bzlas brjod byed bzhin du dri blang bar bya'o/ /des na log 'dren de dag 'byer te rmas par yang 'gyur ro/ / de nas lha de dag dris tshim par byas pas dga' ba'i sems kyis dngos grub stsol to/ /log 'dren zas su dri za ba rnams kyi mtshan nyid rdzogs so// // log 'dren nag po zhes bya ba rnams ni/ bdug pa nyid las 'byung ste/ gang gi tshe rig sngags 'chang lha la bdug pa 'bul ba na de'i tshe 'dzin par byed do/ /log 'dren gyis zin pa'i mtshan nyid ni/ dran pa nyams pa dang / rig sngags gtong bar 'gyur te/ bdug pa mthong bas lha 'phang bar 'gyur zhing dngos grub 'grub par mi 'gyur ro| |de bas na/ rig sngags 'chang gis thog ma nyid du lag pa g.yon pas mar blangs la kham phor gyi nang nas bdug pa phul na/ de phyin chad log 'dren rnams 'byung bar mi 'gyur ro/ /bdug pa des kyang lha thams cad tshim par bya'o/ /lha des kyang dngos grub myur du sbyin par byed do/ /nag po dang / zas su dri za ba ni/ mtshan nyid gcig go /nag po zhes bya ba'i mtshan nyid rdzogs so/ / //log 'dren gtsug phud gcig pa zhes bya ba rnams ni/ mthu che zhing brtson 'grus che ba ste/ log 'dren des kyang mar me'i me lce nyid las 'byung ste/ de bas na rig sngags 'chang gis thog ma nyid du 'di ltar bya ste/ ras dkar po las snying po byas te mar me gnyis sbar nas rig sngags bzlas brjod byed bzhin du kha thur du bstan te bzhag la rig sngags kyang lan brgyad brgya brjod na log 'dren thams cad kha thur du bltas te 'khod par 'gyur ro/ /rigs sngags kyang bde blag tu 'grub par 'gyur ro/ /sgrub pa thams cad la yang thog ma nyid du las de dag bya'o/ /log 'dren gtsug phud gcig pa zhes bya ba rnams kyi mchan nyid rdzogs so/ / //bcom ldan 'das/ gang su log 'dren rnams 'dzin par 'gyur ba dang / gang du rig sngags 'chang rnams kyi dngos grub 'grub par 'gyur ba'i log 'dren rnams kyi gnas bdag gis bshad lags so/ /bcom ldan 'das/ log 'dren thams cad kyi srog mthar thug par bgyi ba'i las 'di yang bshad par 'tshal lo/ /bsgrubs pa'i rig sngags 'chang gis rdo rje khro bo'i dkyil 'khor skyang nul gyis byugs la kA ra bI ra'i shing gis me sbar la/ kA ra bI ra'i me tog dag gi khrag gi nang du smyugs pa'i sreg blugs nyi shu rtsa gcig gis sbyin sreg bya ste/ las de byas nas log 'dren thams cad bcing ngo zhes brjod na/ bcings par 'gyur ro/ /log 'dren thams cad kyi mthar thug par gyis shig ces brjod na/ log 'dren thams cad 'chi bar 'gyur ro/ /bcings pa las bkrol na yang yid kyis bya'o/ /las gzhan dag kyang 'byung ste/ bsrung bar bya na/ lan bdun bzlas brjod byas pa'i chus mgo bor blugs so/ /mtshams bcad na/ lan nyi shu rtsa gcig bzlas brjod byas pa'i seng ldeng gi phur bus bya'o/ /gdon dbab na/ ha ha zhes bya ba dang / gu gul gyi bdug pas bya'o/ /dug las gso bar bya na/ se gol lam yal gas bya'o/ /gdon 'bros par bya na/ me tog dkar po la lan bdun bzlas brjod bya ba'am gu gul gyis bdug pas bya'o/ /dgra bskrad par 'dod pas ni/ mar gyi ngo zhag brgyad la zhag gcig smyung ba byas te/ rdo rje khro bo'i dkyil 'khor skyang nul gyis byugs nas pri yang ku'i shing gis me sbar te phub ma'i sbyin sreg lan brgya stong byas na zhag bdun gyis 'bros par 'gyur ro/ /dgra gsad par 'dod na/ dur khrod du song la rdo rje khro bo'i dkyil 'khor skyang nul gyis byugs pa'i dbus su sa las gzugs byas pa de'i khar dur khrod kyi shing gis me sbar te yungs kar gyi sbyin sreg lan brgya stong byas na/ de ma thag tu dgra 'chi bar 'gyur ro/ /mar gyi do zhag brgyad la lag na rdo rje'i mdun du kA ra bI ra'i me tog dus gsum du brgya rtsa brgyad zhag bdun gyi bar du sbyin sreg byas na/ khrag 'dzag par 'gyur ro/ /'phags pa lag na rdo rje'i mdun du mchod pa byas te kA ra bI ra'i me tog dkar po stong rtsa brgyad phul na/ zhi bar 'gyur ro/ /de nas skyes pa dang bud med dbang du bya bar 'dod na/ ma da n a las gzugs byas te ma da na'i tsher ma bdun gyis gnad rnams su btab la tsha ba gsum gyis snying gar bkang nas zangs kyi thur mas kyang rkang par btsugs la spyi b or phyung ste zhag bdun gyi bar du dus gsum du bzlas brjod byed bzhin du seng ldeng gi me la sreg cing dus gcig kyang lan brgya rtsa brgyad bzlas brjod byas pa'i mjug tu zhag gcig smyung ba byas la mchod pa rgya cher byas te lan brgya stong bzlas brjod byas na skyes pa dang / bud med dbang du 'gyur ro/ /mar gyi ngo zhag bzhi la zhag gcig smyung ba byas te lag na rdo rje'i mdun du bil ba'i shing gi me sbar la/ be kang+ka ta'i yam sreg shing yungs mar gyi nang du smyugs pa brgya stong gis sbyin sreg byas na/ ti na ra re re thob par 'gyur ro/ /yugs sa mo dbang du bya bar 'dod na/ yar gyi ngo zhag brgyad nas brtsams te zhag gsum gyi bar du dus gsum du zar ma'i me tog brgya rtsa brgyad kyis lag na rdo rje la bsnun na/ dbang du 'gyur ro/ /bu mo dbang du bya bar 'dod na/ zhag gsum smyung ba byas te yar gyi ngo tshes bcu gsum la 'dod pa'i lha'i gzugs byas te 'di'i khar 'bras kyi sbyin sreg lan brgya stong byas na/ bu mo dbang du 'gyur ro/ /de nas mdzub mo sgrub par 'dod na/ zhag gsum smyung ba byas te mar gyi ngo zhag bcu bzhi la dur khrod du song nas ba lang gi lci ba sa la ma lhung bas dkyil 'khor skyang nul gyis byugs te/ dkyil 'khor gyi dbus su mi'i thod pa ma chag ma nyams pa bzhag la tsan+dan dmar po'i dri chus gtor nas me tog dmar pos mchod la/ de nas sgrub pa pos mdzub mos g.yab nas gang gi tshe thod pa 'gul na| de'i tshe 'grub par 'gyur te/ gang la mdzub mos bsdigs pa de dbang du 'gyur ro/ /de nas gter dbyung bar 'dod na/ me'i sbyin sreg gi thab tu lcags bzhag pa blangs pa las rdo rje byas la/ rdo rje bal nag gi skud pas dkris te mar gyi ngo zhag bcu bzhi la zhag gcig smyung nga byas nas lag na rdo rje'i mdun du rdo rje de la lan brgya bzlas brjod byas na de'i tshe 'grub par 'gyur ro/ /bsgrubs nas kyang gter gang na yod pa der bzhag pa rdo rje'i gter de blangs te 'byung bar 'gyur ro/ /de nas khro bo'i bzlas brjod byed bzhin du blang bar bya'o/ /de ste med na/ rdo rje nyid 'byung bar 'gyur ro/ /de nas gshed byed bslang 'dod na/ mar gyi ngo zhag bcu bzhi la zhag gcig smyung ba byas te lag na rdo rje'i mdun du dur khrod kyi shing gis me sbar la/ ba lang gi shas sbyin sreg byas pa dang / ji tsam na me'i thab nas gshed byed 'byung bar 'gyur te/ gang la yid kyis bsam pa de bskyab par 'gyur ro/ /mi nad 'byung bar 'dod na/ mar gyi ngo zhag bcu bzhi la dur khrod du song ste dur khrod kyi shing gis me sbar la sgren mor byung zhing skra bshig ste til dang bsres pa'i yungs kar gyis brgyad brgya sbyin sreg byas na mi nad 'byung bar 'gyur ro/ /'phags pa lag na rdo rje'i mdun du pad+ma'i sbyin sreg lan stong rtsa brgyad byas na/ zhi bar 'gyur ro/ /mi mang po gzhig par 'dod na/ tshes grangs dang rgyu skar yang 'dam mi 'tshal/ smyung ba yang bya mi dgos par khro bo nyid mchog tu brtam par bya ste/ dur khrod du song la dur khrod kyi shing gis me sbar sgren mor byung zhing skra bshig ste/ nim pa'i lo mas bsregs pa'i dur khrod kyi thal pa'i sbyin sreg lan brgya stong byas na mi mang po 'jig par 'gyur ro/ / zhi bar 'dod na/ sna ma'i me tog zho dang / sbrang rtsi dang / mar gyi nang du smyugs pas lan brgyad brgya sbyin sreg byas na zhi bar 'gyur ro/ /rdo rje khro bo bdud rtsi thab sbyor gyi cho ga rdzogs so/ / //de nas mi mjed kyi bdag po tshangs pas bcom ldan 'das la 'di skad ces gsol to/ /bcom ldan 'das/ bdud rtsi thab sbyor gang gis log 'dren rnams kyi gsang ba'i gnas 'di dag bshad pa ni/ brtson 'grus dang / mthu dang / pha rol gnon pa che lags so/ /bdag gis kyang de bzhin gshegs pa la rig sngags rnams kyi dngos grub rnams kyi slad du gang gis rig sngags rnams 'grub pa dang / gang gis mi 'grub pa yongs su zhu bar 'tshal lo/ /de nas bcom ldan 'das kyi tshangs pa chen po la 'di skad ces bka' stsal to/ /tshangs pa chen po/ gang khyod sems can thams cad la phan pa'i phyir zhugs te/ dngos grub 'grub par 'gyur ba dang / 'grub par mi 'gyur ba de bzhin gshegs pa la yongs su zhu bar byed pa legs so legs so/ /tshangs pa chen po/ khyod la rig sngags rnams kyi dngos grub 'grub par 'gyur ba dang / 'grub par mi 'gyur ba'i rgyu bshad par bya ste/ 'jug par bya ba ma yin pa la 'jug pa gang yin pa dang / tshangs pa chen po 'joms pa dang / rig sngags la smod pa gang yin pa de la ni/ rig sngags 'grub par mi 'gyur ro/ /mi bzad pa'i las byed pa'am/ sdig pa'i ngang chul can nam/ rdzun zer ba'am/ rig sngags gcod dam/ phur bus 'debs pa gang yin pa de la yang rig sngags 'grub par mi 'gyur ro/ /tshangs pa/ byang chub kyi sems yongs su 'dzin pas ni/ yid kyis kyang lha gzhan la phyag mi bya'o/ /gsol pa| bcom ldan 'das/ de ni/ de lags so/ /bka' stsal pa/ rigs kyi bu'am rigs kyi bu mo gang byang chub kyi sems yongs su 'dzin pas lha gzhan la phyag byas na/ byang chub kyi sems yongs su 'dzin pa med pa'i phyir de la lha de ma dad pa'i phyir te/ de'i phyir des kyang rig sngags 'grub par mi 'gyur ro/ /dud 'gror skyes pa rnams la 'jug par byed pa gang yin pa dang / sbrul 'dzin pa dang / khas rtswa gcod par byed pa gang yin pa de la yang rig sngags 'grub par mi 'gyur ro/ /pad+ma dang khyu mchog la rkang pas reg par byed pa de la yang rig sngags 'grub par mi 'gyur ro/ /tshangs pa| gang gis rig sngags 'grub par mi 'gyur ba ngas mdor bstan pa yin no/ /de nas mi mdzed kyi bdag pos bcom ldan 'das la 'di skad ces gsol to/ /bcom ldan 'das/ sangs rgyas bcom ldan 'das rnams de ltar sems can dag bde blag tu 'grub par bgyi ba'i gnas rnams ston pa thugs rje che ba lags so/ /de nas bcom ldan 'das kyis tshangs pa la 'di skad ces bka' stsal to/ /tshangs pa/ gang dag la rig sngags kyi dngos grub 'grub par 'gyur ba'i phyogs 'ga' tsam zhig khyod la bstan par bya ste/ sangs rgyas dang / chos dang / dge 'dun la dga' ba gang yin pa dag dang / dge ba bcu'i las kyi lam dang ldan pa gang yin pa dag dang / pha la gus pa dang / ma la gus pa gang yin pa dang / rig sngags la mchod pa byed cing rig sngags la bkur sti byed pa gang yin pa dang / gsang sngags 'dzin par byed pa gang yin pa dang / 'byung po'i zas ngan pa dang til sbrus pa mi za ba dang / sems can thams cad la legs par lta ba gang yin pa de la ni/ rig sngags 'grub par 'gyur ro/ /de nas mi mjed kyi bdag po tshangs pa dga' zhing mgu la yid rangs te rab tu dga' nas bcom ldan 'das kyi zhabs gnyis la gtugs te bcom ldan 'das la 'di skad ces gsol to/ /bcom ldan 'das/ bdag gis kyang lag na rdo rje'i tshe ga rgyas pa la gang gis rig sngags 'chang rnams srung ba'i gsang sngags dbul bar 'tshal lo/ / bka' stsal pa/ tshangs pa chen po/ gang khyod kyis sems can thams cad la phan pa'i phyir bsam pa shod cig shod cig /khyod la de bzhin gshegs pas gnang ngo / /de nas mi mjed kyi bdag po tshangs pas lag na rdo rje la gsang sngags phul ba/ na mo rat+na tra ya s+ya/ na ma sh+tsaN+Da badzra pa Ni s+ya/ mahA yak+Sha se nA pa ti s+ya/ tad+ya thA/ na ma tsaN+Da bak+Shi Ni/ a ti ni tsa a se b+hi sha ya/ mi med tsa mye dan tsa/ a ha ra swAhA/ bcom ldan 'das/ rig sngags 'di dran pa tsam gyis log 'dren rnams las thar par 'gyur ro/ /'di dag gi las rnams 'byung ste/ srung pa ni/ lan bdun bzlas brjod byed pa'i skud pas bya'o/ /mtshams gcad pa dang / dug bcing ba ni/ lan brgya rtsa brgyad bzlas brjod byas pa'i chus bya'o// dug las gso ba ni/ yal gas bya'o/ /rgya gzhom pa ni/ chus bya'o/ /dbab pa ni/ gu gul gyis bdug pa'am chus bya'o/ /gdon bcing ba dang / gdon bskyod pa ni/ mthe bos bya'o| |gdon 'khor du gzhug pa ni/ mdzub mo la bzlas brjod byas te bsdig par bya'o/ /skyes pa dang bud med dbang du bya na/ yar gyi ngo tshes gcig la brtsams te zhag bdun gyi bar du dus gsum du sna ma'i me tog stong rtsa brgyad kyis lag na rdo rje la bsnun na dbang du 'gyur ro/ /bum pa la lan brgyad brgyar bsngags te bdag nyid khrus byas na/ log 'dren thams cad kyis gtong bar 'gyur ro/ /rig sngags sgrub pa'i tshe bgegs zhi bar bya na/ lan bdun bzlas brjod byas pa'i thal ba gtsang mas bya'o/ /gzhan la bgegs 'byung bar 'dod na/ rig sngags 'chang gang gis nub mo'i rig sngags sgrub pa de nyid kyi nub mo lag na rdo rje'i mdun du be kaM ka ta'i yam sreg shing brgyad brgyas sbyin sreg byas na/ pha rol la bgegs 'byung bar 'gyur ro/ /'phags pa lag na rdo rje'i bdun du rig sngags lan brgyad brgya bzlas brjod byas na/ rmi lam du yang dag pa ji lta ba bzhin du ston par 'gyur ro/ /gzhig par 'dod na/ lag na rdo rje'i mdun du zhag bdun gyi bar du dus gsum du lha la phul ba'i me tog brgya rtsa brgyad sbyin sreg bya'o/ /rims kyis 'debs par bya na/ mar gyi ngo zhag brgyad na zhag gcig smyung ba byas te lag na rdo rje'i mdun du a shwat+tha'i shing gis me sbar nas yungs kar khrag gis bsgos pas lan stong rtsa brgyad sbyin sreg byas na/ de ma thag tu rims kyis 'debs par 'gyur ro/ /dbye bar bya na/ zhag bdun gyi bar du dus gsum du phub ma'i sbyin sreg brgya rtsa brgyad bya'o/ /gdon gzhig par 'dod na/ lag na rdo rje'i mdun du til dang thal ba'i sbyin sreg brgya rtsa brgyad byas na gdon gyi rigs 'jigs par 'gyur ro/ /gdon mdongs par bya na/ zhim thig le'i lo ma'i sbyin sreg brgya rtsa brgyad byas na mdongs par 'gyur ro| |yungs kar khyor gang btags te 'phags pa lag na rdo rje'i mdun du lan stong rtsa brgyad bzlas brjod byas na/ slar shags 'gyed pa la lan thebs par 'gyur ro/ / nor 'dod na/ yar gyi ngo zla ba nya la zhag gcig smyung ba byas te lag na rdo rje'i mdun du nim pa'i shing gis me sbar nas til gyi sbyin sreg stong rtsa brgyad byas na/ ti na ra re thob par 'gyur ro/ /de nas mdzub mo sgrub par 'dod na/ mar gyi ngo zhag gcig smyung ba byas te khang stong ngam/ dben pa'i phyogs su bud med kyi mo mtshan du mdzub mo btsugs te rig sngags stong rtsa brgyad bzlas brjod byas na 'grub par 'gyur te/ de nas gang la mdzub mos bsdigs pa de dbang du 'gyur ro/ /gos 'dod na yang yar gyi ngo tshes brgyad la zhag gcig smyung ba byas te lte ba nub tsam du chu'i nang du zhugs la kA ra bI ra ka'i me tog brgyad brgya phul na gos phrugs re re thob par 'gyur ro/ / klu mchod pas tshes lnga la zhag gcig smyung ba byas te grog mkhar gyi steng du song la der 'dug nas rig sngags stong rtsa brgyad bzlas brjod byas te/ de nas sbrul mthong ba de la che ge mo zhig gi thad du song la zo zhig zhes smros shig / phyir gso na/ yid kyis bya ste/ gcig pus gso nus kyi/ gzhan sus kyang gso mi nus so| |tshangs pa'i cho ga rdzogs so/ / //de nas rgyal po chen po bzhis bcom ldan 'das kyi zhabs gnyis la phyag 'tshal nas bcom ldan 'das la 'di skad ces gsol to/ /bcom ldan 'das/ bdag cag gis kyang rig pa'i mchog sgrub pa la dngos grub stsal bar 'tshal te/ bgegs gzhil ba'i gsang sngags kyang bshad par 'tshal lo/ /bcom ldan 'das kyis bka' stsal pa/ rigs kyi bu dag /sems can rnams kyi don kyi phyir khyed kyis shod cig /de nas rgyal po chen po bzhis bcom ldan 'das dang / lag na rdo rje'i zhabs gnyis la phyag 'tshal nas tshig mthun par gsang sngags bshad pa/ na mo rat+na tra yA ya/ na mash+tsaN+Da badzra pA Na ye/ mahA yak+Sha se nA pa ta ye/ tad+ya thA/ u grA ya swAhA/ a ti u grA ya swAhA/ u gra bi yA ya swAhA/ a ti u gra bi yA ya swAhA/ u gra kro d+ha nA ya swAhA/ a ti u gra kro d+ha nA ya swAhA/ tsaN+Da ro Sha Na ya swAhA/ ro Sha pra ma nA ya swAhA/ pra ha ra Na badzra pra ha ra Ni swAhA/ aT+Te maT+Te ma ti ni ha se swAhA/ bcom ldan 'das/ 'di dran pa tsam gyis gdon thams cad 'byer bar 'gyur ro/ /yi dwags thams cad dang / sha za thams cad dang / grul bum thams cad dang / 'byung po thams cad dang / gnod sbyin thams cad 'byer bar byed de/ 'gum par yang 'gyur ro/ / de nas rig sngags 'di'i las rnams 'byung ste/ dbab par bya na ni/ zhim thig le'i lo mas bya'o/ /gdon thams cad mnye bar bya na/ gos bsreg par bya'o/ /gdon gyis zin pa la ni/ lan bdun bzlas brjod byas pa'i gtun shing gis bsdig par bya'o/ /gdon 'bros par bya na/ dur khrod kyi sol ba la gzugs byas te mtshon rnon pos bcad na gdon cho nges 'debs shing 'bros par 'gyur ro/ /gdon gyi mdun du lan tshwa dang / ske tshes sbyin sreg lan brgyad brgya byas na/ gdon gyi lus tsha bas 'debs par 'debs par 'gyur ro/ /ba lang gi lci ba las gdon gyi gzugs byas te lcags kyi thur mas mig tu btsugs na/ long bar 'gyur ro/ /gdon gyi mdun du phub ma'i sbyin sreg stong rtsa brgyad byas na/ gdon gyi rigs brlag par 'gyur ro/ /gdon gyi mdun du na le sham gyi sreg lugs nyi shu rtsa gcig sbyin sreg byas na/ gdon khrag skyug par 'gyur ro/ /byi pa gdon gyis zin pa la ni/ bdug pas gtong bar 'gyur ro/ /ci ste mi gtong na/ skra gtubs pa dang / lug ru dang / sgog skya dang / sbrul gyi pags pa brjes pa rnams kyi bdug pas bdugs na de ma thag tu gtong bar 'gyur ro/ /byis pa gdon gyis zin pa rnams la bzlas brjod byas pa'i tshon sna lnga'i skud pas kyang gtong bar 'gyur ro/ /bdag srung na/ lan gsum bzlas brjod byas pa'i thal bas bya'o/ /pha rol srung na/ lan bdun bzlas brjod byas pa'i skud pas bya'o// mtshams bcad na/ lan gsum bzlas brjod byas pa'i gseg mas bya'o/ /sbrul bskrad na/ lan gsum bzlas brjod byas pa'i chu dang thal bas brdab par bya'o// mche ba can thams cad kha bcing bar bya ba dang / smad bcing bar bya ba ni/ yid kyis bya'o/ /gter bcing na/ lan nyi shu rtsa gcig bzlas brjod byas pa'i seng ldeng gi phur bu sa la btab na gter bcings par 'gyur ro/ /chang ma rung bar bya na/ til gyi sreg blugs lan bdun sbyin sreg bya'o/ /nya bskrad na ni/ nim pa'i lo ma la lan bdun bsngags te mtsho'i nang du bor na nya 'bros par 'gyur ro/ /dud 'gror skyes pa rnams la nad dag zhi bar 'dod par bya na/ lag na rdo rje'i gzugs 'o mas bkrus la bzlas brjod kyang stong rtsa brgyad byas na zhi bar 'gyur ro/ /dus ma yin par char 'bab par 'dod na yang yar gyi ngo tshes lnga la zhag gcig smyung ba byas te lte ba nub tsam du chu'i nang du zhugs nas pad+ma'i sbyin sreg khri phul na/ dus ma yin par char pa 'bab par 'gyur ro/ /zhi bar 'dod na/ yar gyi ngo tshes brgyad la zhag gcig smyung ba byas la lag na rdo rje'i mdun du byang chub kyi shing gi bud shing gis me sbar nas ut+pa la'i sbyin sreg stong rtsa brgyad byas na zhi bar 'gyur ro/ /dug gzhom par 'dod na/ rtswa ku shas bya'o| |dug bsal na/ khu tshur gyis bya'o/ /gdon zar gzhug na/ lan bdun bzlas brjod byas pa'i a pa ra tsi ta'i me tog gis bya'o/ /g.yul 'gyed na/ a pa ra tsi ta'i me tog la lan nyi shu rtsa gcig bzlas brjod byas te mgo la btags na gzhan gyis mi thub par 'gyur ro/ /gang gi tshe rig sngags 'chang rig sngags 'grub par 'dod n a| zhag gsum smyung ba byas la nang par bum pa gsar pa bzhi blangs te chus bkang nas rig sngags 'chang gi phyem red na le sham dkar po la lan nyi shu rtsa gcig bzlas brjod byas te bum pa de dag gi nang du blugs na bum pa de dag 'phag cing lud par gyur na/ rig sngags 'chang gis rig sngags 'grub par shes par bya'o/ / de ste mi 'grub na ni/ 'phag par mi bya'o/ /rig sngags 'chang rig sngags sgrub lan zhag gcig smyung bar byas la sa las gzugs byas pa bkod de me'i phyogs su kha dog dmar po gzhag par bya'o/ /gshin rje'i phyogs su ni/ kha dog ser po'o/ /chu lha'i phyogs su ni/ sngo bsangs so/ /rlung gi phyogs su ni/ nag po ste| 'di dag so so'i gnas ji lta ba bzhin du dgod par bya'o/ /de nas rig sngags 'chang rig sngags sgrub pa na ci ste bgegs kyi gzugs dag 'byung bar 'gyur te/ dngos grub phal sgrub na/ gshin rje'i phyogs nas yi dwags mo nag mo zhes bya ba de bgegs byed de/ stag gi gzugs su ston pa dang / wa'i gzugs su 'tshe bar byed do| |de lta bu la sogs pa bgegs byed pa dang / rig sngags 'chang gis gshin rje'i phyogs la lan bdun bzlas brjod byas pa'i yungs kar gyis bsnun na/ bgegs rnams med par 'gyur ro/ /gshin rje'i rgyal po'i g.yog yi dwags ku mu da zhes bya ba rdzu 'phrul che ba yi dwags sum khri'i bdag po zhig yod de/ ku mu da de yang rig sngags 'chang de dngos grub chen po sgrub pa na bgegs byed de/ ku mu da'i bgegs 'byung ba yang la la ni/ yi dwags kyi tshul/ la la ni/ srin po'i gzugs/ la la ni/ khyi'i mgo can/ la la ni/ rnga mo'i mgo can/ la la ni/ bong bu'i mgo can gyi yi dwags te/ de dag 'ong ba'i tshe yang ha ha zhes bya ba'i sgra 'byin cing skar mda' brgya dag kha nas 'byin par byed do/ /de la rig sngags 'chang gis gshin rje'i phyogs kyi gzugs la lan bdun bzlas brjod byas pa'i thal bas bsnun na/ de ma thag tu bgegs thams cad med par 'gyur ro/ /rgyal po de'i phyi bzhin 'brang ba sgo dpon ma sna chad ma zhes bya ba rdzu 'phrul che zhing mthu che ba zhig yod de/ sna chad ma de ni/ bgegs chen po byed pa yin no/ /de yang des gsang sngags kyis bzlog par mi nus te/ de 'ongs ba dang skar mda' ltung bar ston cing sbyugs pa yang len te/ sna chad ma des dkyil 'khor gyi mtshams seng ldeng gi phur bus btab pa ni/ mo mtshan gyis 'byin par byed do/ /dkyil 'khor gyi mtshams thal bas bcad pa ni/ bus pas med par byed do/ /dkyil 'khor gyi mtshams chus bcad pa ni/ mchil mas med par byed do/ /yid kyis dkyil 'khor gyi mtshams bcad pa ni/ gcin gyis 'bral bar byed do// de lta bu'i tshul dag gis dkyil 'khor 'jig par byed pa dang / de la rig sngags 'chang gis myur du sna chad ma'i ming nas smos te sring mo sna chad ma khyod 'ongs ba legs so legs so zhes byas nas lan bdun bsngags pa'i seng ldeng gi phur bu sor bzhi par gshing de'i phyogs kyi snying gar gdab bo/ /de nas sna chad ma des du 'bod kyi sgra phyung nas med par 'gyur te/ rig sngags kyang 'grub par 'gyur ro/ /gshin rje'i phyogs kyi cho ga rdzogs so// //rig sngags 'chang rig sngags sgrub pa na ci ste me'i phyogs nas bgegs kyi gzugs dag 'byung ste/ dngos grub phal sgrub pa na me'i phyogs kyi rgyal po'i g.yog mo srin mo rtsed mo can zhes bya ba yod de/ de ni/ bgegs byed pa yin no| |srin mo rtsed mo can de yang bya'i gzugs su ston par byed cing nga ro mi snyan pa yang 'byin par byed do/ /de la rig sngags 'chang gis me'i phyogs kyi gzugs lan bdun sngags kyis bsngags pa'i yungs kar gyis bsnun na/ med par 'gyur ro/ /dngos grub chen po sgrub pa na rgyal po de'i g.yog srin mo mi sdug pa zhes bya ba rdzu 'phrul che ba srin po sum khri'i bdag po zhig yod de/ mi sdug pa de yang rig sngags 'chang la bgegs byed pa yin te/ mi sdug pa de 'ongs pa dang / mi sdug pa de'i rnam pa'i srin po dag dang / la la khyi mgo can dag dang / la la glang po che'i mgo can dag dang / la la seng+ge'i mgo can lta bu'i bgegs kyi rnam pa dag tu snang ste/ la la ni| brag 'phen par byed/ la la ni/ 'byung po'i 'khrul 'khor ston cing 'jigs pa'i sgra dag kyang 'byin te/ skar mda' brgya dag kyang kha nas 'byin par byed do/ /de la rig sngags 'chang gis me'i phyogs kyi gzugs la lan bdun bsngags pa'i thal bas bsnun na/ bgegs rnams med par 'gyur ro/ /rgyal po de'i g.yog srin po so dkar zhes bya ba mthu che zhing brtson 'grus che ba zhig yod de/ so dkar de yang rig sngags 'chang de la nam gung gi thun la bgegs byed do/ /de yang gsang sngags kyis bzlog par mi nus te/ de 'ongs pa dang ngu 'bod kyi sgra chen po ni/ 'byin/ ri rnams ni/ g.yo/ ri dwags rnams ni/ gar byed/ wa rnams ni/ rtse/ glang po che rnams ni/ skad 'byin te/ des rig sngags 'chang gi me'i phyogs kyi bgegs yin par shes par bya'o/ /so dkar de yang bus pa'i gzugs kyis sgra 'byin zhing 'ong ngo / /yang na lha'i gzugs kyis 'ong ste/ des kyang bltas pa tsam gyis dkyil 'khor thams cad 'jig par byed do/ /de la rig sngags 'chang gis myur du lan bdun bsngags pa'i seng ldeng gi phur bu sor bzhi pas me'i phyogs kyi gzugs la btab ste 'di skad du so dkar bcom mo zhes kyang smras na/ ngu 'bod kyi sgra chen po phyung nas med par 'gyur te/ gsang sngags kyang 'grub par 'gyur ro/ /mo'i phyogs gyi chog rdzogs so// //rig sngags 'chang rig sngags sgrub pa na ci ste rlung gi phyogs nas srod la bgegs kyi gzugs dag 'byung ste/ dngos grub phal sgrub pa na rlung gi phyogs kyi rgyal po'i g.yog mo so sgo ma zhes bya ba zhig yod pa de yang bgags byed de/ mar me gsod cing lha bshos sme bas 'gags par byed do/ /de phyir gzhil bar bya ba ni/ rlung gi phyogs kyi gzugs la lan bdun bsngags pa'i yungs kar gyis bsnun na/ bgegs rnams med par 'gyur ro/ /dngos grub chen po sgrub pa na rlung gi phyogs kyi rgyal po'i g.yog gnod sbyin rdzu 'phrul chen po drug khri'i bdag po zhig yod de/ /'tshub ma gcig pa zhes bya ba de yang rig sngags 'chang de la 'jing gi thun la bgegs byed do/ /'tshub ma gcig pa de yang 'dod rgur sgyur ba'i gzugs can yin te/ ched 'ga' ni/ wa'i gzugs/ ched 'ga' ni/ stag gi gzugs/ ched 'ga' ni/ khyu mchog gi gzugs/ gzugs sna tshogs su bdag nyid ston par byed cing / ched 'ga' ni/ ha ha zhes bya ba'i sgra 'byin cing skar mda' brgya dag ltung bar byed/ gnam yang grum par byed do/ /de la rig sngags 'chang gis rlung gi phyogs kyi gzugs la lan bdun bsngags pa'i thal bas bsnun na/ bgegs rnams med par 'gyur ro/ /rgyal po'i sgo dpon ma lcags kyu dkar mo can zhes bya ba mthu che zhing rdzu 'phrul che la bgegs byed pa chen mo zhig yod de/ de yang gsang sngags kyis bzlog par mi nus te/ de ni/ nam gung gi thun la 'ong ngo / /de 'ongs pa dang dus ma yin pa'i char 'bab cing 'brug kyang di ri ri sgrog / gnam yang grum par byed de/ lcags kyu dkar mo can de yang mdog dkar zhing gzugs kyi lus bstan pas kyang dkyil 'khor 'jig par byed do// de la rig sngags 'chang gis myur du lan bdun bsngags te seng ldeng gi phur bu sor bzhi bas rlung gi phyogs kyi gzugs la btab ste lcags kyu dkar mo can bcom mo zhes kyang smras na| du 'bod kyi sgra chen po phyung nas med par 'gyur te/ gsang sngags kyang 'grub par 'gyur ro/ /rlung gi phyogs kyi cho ga rdzogs so// //rig sngags 'chang rig sngags sgrub pa na chu lha'i phyogs nas bgegs rnams 'byung ste/ dngos grub phal sgrub pa na chu lha'i rgyal po'i g.yog mo klu mo rgyal ba mo zhes bya ba zhig yod de/ rgyal ba mo de yang srod la bgegs byed do/ /thog tu 'ongs la khog skam 'dor bar byed cing pha gu 'phen par byed do/ /de la rig sngags 'chang gis chu'i phyogs kyi gzugs la lan bdun bsngags pa'i yungs kar gyis bsnun na/ med par 'gyur ro/ /rgyal po de'i g.yog klu mo so brtsegs zhes bya ba mthu che zhing rdzu 'phrul che ba klu sum khri'i bdag po zhig yod de/ so brtsegs de yang rig sngags 'chang de la 'jing gi thun la bgegs byed sna tshogs rnam pa mang po byed do/ /so brtsegs de dur khrod du skyes pa thams cad kyi cha lugs dag tu snang zhing kun tu rgyu dang gcer bu lta bu'i bgegs kyi cha lugs dag tu snang ste/ de yang du 'bod kyi sgra chen po 'byin cing skar mda' dag kyang 'byin par byed do/ /de la rig sngags 'chang gis chu lha'i phyogs kyi gzugs la lan bdun bsngags pa'i yungs kar gyis bsnun na/ med par 'gyur ro/ /chu lha'i phyogs kyi rgyal po rgo dpon ma mig ser ma zhes bya ba mthu che zhing rdzu 'phrul che ba gegs chen po byed pa zhig yod de/ de yang gsang sngags kyis bzlog par mi nus te/ rig sngags 'chang de rig sngags sgrub pa na nam gung gi thun la bgegs byed de/ des kyang sgra phyung bas dkyil 'khor thams cad 'jig par byed cing me'i gzugs kyis bgegs byed la skar mda' stong dag snang bar byed do/ /de la rig sngags 'char gis myur du lan bdun bsngags pa'i seng ldeng gi phur bu sor bzhi pas chu lha'i phyogs kyi gzugs la btab cing 'di skad du mig ser ma 'dug cig 'dug cig ces smras na/ 'dug cig 'dug cig ces bya ba thos nas bdag ni/ rma phab bo snyam ste du 'bod kyi sgra chen po phyung nas med par 'gyur te/ rig sngags kyi dngos grub kyang 'grub par 'gyur ro/ /chu lha'i cho ga rdzogs so// //de bas 'dzam pa'i las 'di bshad de/ rig sngags 'chang rig sngags sgrub pa na lan bdun bsngags pa'i seng ldeng gi phur bu sor bzhi pa tshon sna lnga'i skud pas dkris pa/ bgegs thams cad kyi gnas su rkang pa g.yon pas mnan na/ bgegs thams cad bcom pa dang / rengs par byas par 'gyur ro/ /zhag gsum smyung ba b yas te mar gyi ngo zhag brgyad dam zhag bcu bzhi la dbang phyug chen po'i gnas su song ste 'byung po'i gtor ma yang byin la rig sngags lan brgyad brgya bzlas brjod byas na| bgegs kyi las thams cad 'grub par 'gyur te/ bsam pas bgegs thams cad med par 'gyur ro/ /'jig rten skyong ba rnams kyi cho ga rdzogs so// //de nas 'jig rten phan 'dod pa/ /thub pa kun dang lha chen gyis/ /lag na rdo rje'i mdun du bdar/ /lhan cig tu ni 'dus par 'gyur/ /nyi ma bzhin du gzi 'bar zhing / /dka' thub rnal 'byor ldan pa yi/ /thub pa rab mchog ldan pa kun/ /nyin mo bya ba byas nas 'khod/ /thub pa dag ni thams cad dang / /bde byed lha tshogs lha rnams kyis/ /lag na rdo rje sems dpa' che/ /'byung po kun dbang rje la zhus/ /'jig rten dngos grub byed pa yi/ /bgegs rnams dag ni ga la 'byung / /de dag gi ni chag thos nas/ /lag na rdo rje grags pa che/ /dga' par gyur nas dris pa de/ /rgyas par yang ni rab bshad de/ /bgegs rnams ji ltar 'byung 'gyur ba/ /thub pa dag ni kun gyis nyon/ /lha rnams la yang lha min rnams/ /'thab pa'i phyir ni ldang ba ltar/ /sems can rnams la bgegs bya'i phyir/ /de bzhin gshegs rnams 'byung bar 'gyur// ji ltar lha yis lha min rnams/ /g.yul du lan brgyar bcom pa dang / /brgya byin gyis ni g.yul bcom ltar/ /de bzhin gshegs rnams bcom par gyur/ /de tshe lha kun dgar gyur nas/ /'jig rten grags pa de dag ni/ /thams cad stobs dang ldan 'gyur zhing / /de dag nga rgyal dregs pas rgyas/ /'jig rten don dang lha rnams kyis/ /brtson 'grus dang ni mthu bskyed phyir/ /bde zhing rgya mtsho chen po ni/ /gshed byed dang ni dbyung bar brtsams/ /thub pa de dag rmongs pa ste/ /phan pa byas na stobs kyis rgyags// brgyal 'dis ni 'jig rten na/ /ring por mi thogs the tshom med/ /de nas drang srong lhar bcas rnams/ /ca co'i sgra ni rab 'don cing / /rtsom pa chen po skad cig tu/ /'jig rten du ni grags par 'gyur/ /de nas lha rnams thub par bcas/ /khro bo ru ni gyur pa na/ /lhar bcas drang srong de dag la/ /lha chen gyis ni tshig smras pa/ /tshangs bcas lha rnams khyed kyi mthus/ /rtsom pa dag ni ma byed cig /rdo rje 'chang ba dpal ldan 'di/ /gnod sbyin tshogs kun bdag po ste/ /gnod sbyin bde bdag zhi ba po/ /sems can kun la phan par dga'/ /ma rungs 'di dag brlag byed pa/ /brtsams shing tshar gcod nus pa yod/ /de nas lha yi mchog rnams kyis/ /lag na rdo rje dpal ldan mchog /sbyor ba shes shing sbyor gnas nas/ /dpung chen dag ni rab sprul pa/ /rgyal po'i blo gros rdo rje'i gdong / /rdo rje'i lta ba gdong dkar ma/ /rdo rje mig ser 'og pag can/ /rdo rje nag mo pho nya che| |dbang phyug chen mo gnam ngo ma/ /drag mo rdo rje seng+ge'i khri/ /shugs ldan ma dang rdo rje can/ /de bzhin bzhad ma rdo rje can/ /gtum mo rang gi thugs dang ni/ /nye ba'i snying po las kun byed/ /'byung po srin po pho nya mo/ /rnam pa sna tshogs ming grags pa/ /ma rungs gdon rnams bzlog pa dang / /bgegs rnams brlag phyir sprul par gyur| |de nas bsgyur de dgar gyur nas/ /dpal gyis su ni 'khyud pa bzhin/ /lag na rdo rje'i pho nya de/ /kun nas bskor cing 'khod par gyur/ /de nas rab 'bar mi bzad cing / /'byung po thams cad brlag byed cing / /lag na rdo rje'i rdo rje de/ /phyogs brgyad dag tu 'phros par 'gyur/ /de nas stobs chen brtson chen mo| |pho nya mo dag song bar gyur/ /de nas skrag nas gdon de dag /thams cad brdungs te sems stor cing / /rdo rje nag mos 'jigs gzir bas/ /bskyabs kyang rnyed par ma gyur te/ /rdo rje sgrog gis pham byas shing / /rdo rje can gyi yul du bcom/ /de nas de dag yid kyis su/ /de bzhin gshegs la skyabs su song / /dkon mchog gsum gyis mdzes byas shing / /thams cad dge la nges par gyur/ /de nas me ni 'dra ba de/ /rdo rje lta bu'i mtshon thogs pa/ /zhi nas rdo rje la sogs tshogs/ yid ma zhi la yang smras pa/ /kye kye tshogs rnams zhi bar gyis/ /skal ba che rnams ldog par gyis/ /gdon kun dge la nges byas shing / /zhi bar gyur gyi ma gzhom zhig/ lag na rdo rje ltas bstan pa'i/ /thad du yang ni khrid par gyis/ /mi bzad tshogs kyis de nyan nas/ /gdon rnams de dag thams cad ni/ /rnal 'byor bstan bcos mthus btul nas/ /lag na rdo rje'i thad du khrid/ /bcom ldan rdo rje ldan pa des/ /mthong nas ci ste gson 'dod na/ /rig pa'i mchog la phyag byos la/ /phyag rgya mthong nas bsta na la mnos| |gnas nas mi rnams thong zhig ces/ /gdon rnams la ni bgad de smras/ /de skad smras nas gdon de dag /kun gyis de tshe bstan smras pa/ /khyod kyi las 'di mchog yin te| |gzhan gyis mi thub drag cing dge / mnga' bdag khyod kyis bka' stsal pa/ /de bzhin du ni bgyi bar 'tshal/ /sangs rgyas la ni skyabs su mchi/ /chos dang dge 'dun de bzhin te/ /zhi la ma rungs 'dul ba po/ /khyod la rtag tu skyabs su mchi/ /sems can kun la phan pa'i phyir/ /stobs chen de ni skyes pa legs/ /bdag cag gi ni 'tsho pa yi/ /thabs kyi phyir yang bka' stsol cig / de nas dpal ldan rdo rje 'chang / /bgad nas tshogs la smras pa ni/ /khyod kyis blang bar bya ba dang / /me blang ba yang bstan par bya/ /gang dag rtag tu rdzun smra dang / /drin du mi gzo gtsang sbrar med/ /byang chub sems ni rab nyams pa/ /skye bo de rtag rtag tu long / /nya dang sha sogs za ba dang / /mi bya bdag byed pa gang / /rkang pas phyag rgya rdzi byed pa| |skye bo de dag blang bar gyis/ /ci ste gson par 'dod na ni/ /gang dag bden pa'i tshig smra dang / /drin du gzo zhing nges par gnas/ /srog gi phyir yang byang chub sems/ /gtong bar mi byed rab bsdams dang / /rtag tu ngal dad pa dang / /de bzhin rigs mchog rigs la gnas/ /gang rnams kyi ni khyim dag tu/ /rig rgyal dam pa rtag mchod dang / /nga rig pa yi rgyal po mchog /sgrub pa dang ni bzlas brjod byed/ /de dag la ni zhi bar gyis/ /yi ge bzhi pa zhes bya ba'i/ /rdo rje don yod chen po des/ /gdon gang de la dang mi 'dzin/ /de yi spyi bo 'gems par byed/ /rtag tu nga dang rigs mchog la/ /de bzhin dad pa lhur byed dang / /dam tshig gshes pa gang yin de/ /khyed kyis rtag tu mchod pa gyis| |lag na rdo rje'i tshig 'di dag / thos nas kyang ni log 'dren rnams/ /dga' zhing ca co'i sgra 'byin nas/ /skad cig gis ni mi snang gyur/ /rig pa mchog gi rgyud phyi ma las/ log 'dren 'byung po rdzogs so// //las 'di ni/ dam par 'gyur ba dang / drag cing don yod la gzhan gyis mi thub cing dge ba yin te/ dngos grub sgrub pa'i tshe dud pa med pa'i me mdag la rig sngags kyi rgyal pos til nag po'i sbyin sreg lan brgyad brgya byas na/ bgegs thams cad 'byung bar mi 'gyur ro/ /las 'di dag ni mchog yin te/ /'jig rten rnams kyi dngos grub phyir/ /rig mchog mgo bor bzhag na ni/ /spyan rnams dngos grub ston par 'gyur/ /sangs rgyas yul dang chos spyan la/ /gang zhig phyag 'tshal da la ni// bcom ldan gsungs pa'i las la sogs/ /lag na rdo rjes bshad pa yi/ /cho ga 'di dang rdo rje'i rigs/ /de dag thams cad 'grub 'gyur te/ /yul yang yid la bzhag nas ni/ /dngos grub mchog ni bsgrub par bya/ /las 'di dag kyang byas nas ni/ /dngos grub mchog 'gyur shes par bya/ /gang gis nyin mo yang rung ste zhag gcig smyung ba byas te lag na rdo rje'i mdun du dri dang / me tog dang / bdug pa phul nas ba ser mo'i lci ba sa la ma lhung bas lha mo'i gzugs byas te lag pa g.yas par rdo rje thogs par bya/ de'i 'og logs su sgrub pa po snyim pa zed cing 'dug par bya'o/ /de nas rig sngags 'chang gis yid la bsam ste rig sngags brjod nas ci ste gzugs 'gul bar gyur na/ de ma thag tu las 'grub cing / rig sngags kyang bde blag tu 'grub ste/ bgegs thams cad kyang bsam pa tsam gyis 'jigs par 'gyur ro/ /yang na sgrub pa po'i lag tu rdo rje byin na/ /sa'i bdag por 'gyur ro/ /yang na bcom ldan 'das ma las 'od zer 'byung ste/ 'od zer des phog par gyur na ni/ rig sngags 'chang du 'gyur zhing glang po che'i stobs dang ldan la skra lcang lo 'khyil ba dang / nyi ma shar ba'i kha dog can du 'gyur zhing lag tu ral gri 'od bar 'gyur te/ de thogs na rig sngags 'chang thams cad kyis mi sod la sgyu 'phrul dag kyang byed par 'gyur ro/ /gang gi tshe gnyid kyis log pa de na ral gri de dpag tshad gcig tsam nas mgal me'i 'khor lo bzhin du kun nas 'khor bar byed cing sad pa na shugs su 'gro ste/ tshe lo khri bzhi stong thub cing nam 'chi ba de'i tshe bde ba can du skye bar 'gyur ro/ /las de byas te dngos grub kyi mchog sgrub na/ cho ga rgyas pa'i dngos grub sbyin par byed de/ mas bu la bya ba bzhin no/ /dngos grub bsgrub pa'i phyir dbang phyug chen po sgrub pa'i mdor bstan te/ de la ni/ 'di ni/ cho ga rgyas pa'i dngos grub mchog sgrub pa bstan pa ste/ lag na rdo rje'i mdun du byang chub kyi shing gis me sbar la yungs mar dang sbyar bas lan brgya stong sbyin sreg byas na khru do'am khru gsum tsam du dud pa'i khri zhing 'byung ste/ de nas rig sngags 'chang gis rig sngags kyi rigs 'grub pa dang / cho ga rgyas pa 'grub par shes par bya ste/ de nas las brtsam par bya'o/ /yid la bsam ste phur bu gsum pas bshad pa'i cho ga rgyas pa dang / lag na rdo rjes bshad pa bsgrub par bya'o/ /rna bar gshibs te bzlas brjod byas na/ dngos grub kyi mchog ston par 'gyur te/ nub kar lag na rdo rje la mchod pa byas la lag na rdo rje'i rna ba g.yas par rig sngags lan stong rtsa brgyad bzlas brjod byas nas ci ste rmi lam du bram ze mthong na/ las 'grub par 'gyur ro/ /'breg mkhan mthong na ni/ 'grub par mi 'gyur te/ de la blta zhing las bsgrub par bya'o| |ri mo'i gzugs gang gis mthong ba des ni/ rdo rje'i rigs mthong ba yin no/ /rdo rje'i rigs mthong na/ las 'byang bar 'gyur ro/ /las byang na/ dngos grub kyi mchog thob par 'gyur te/ ras ma nyams pa la ri mo mkhan gso sbyong dang ldan pa tshon rtsi spyin med pas sangs rgyas kyi sku gzugs gser gyi kha dog can chos ston pa'i tshul du 'brir gzhug go /de bzhin gshegs pa'i g.yas logs su lha mo gser gyi kha dog can chos nyan pa bri'o/ /de'i 'og logs su lag na rdo rje mdog sdo bsangs la rgyan thams cad kyis brgyan pa chos nyan pa bri| de bzhin gshegs pa'i g.yon logs su dbang phyug chen po 'dam bu mnga' rgyu'i mdog can/ thor tshugs dang cod pan thogs pa bri/ de'i g.yon logs su phur bu gsum pa'i ma ma tang+gi lugs can chos nyan pa'i tshul/ de'i 'og logs su dbang phyug chen po 'dam bu mda' rgyu'i kha dog can/ thor po phur bu gsum pa/ mdog sdo bsangs/ rgyan thams cad kyi mig gsum dang ldan pa bri'o/ /de'i drung du ma tang gi rgyal po phur bu gsum pa/ mdog sdo bsangs/ rgyan thams cad kyi brgyan pa ma tang gi cha lugs su bri'o/ /de'i logs su 'jig rten skyong ba bzhi kha dog tha dad pa dang / rgyan sna tshogs kyis brgyan pa chos nyan pa'i tshul du bri/ lag na rdo rje'i logs su rdo rje sde dang gtsug nas byung rtse zhing 'dug par bri ste/ rdo rje sde ni| gser gyi mdog can la rgyan thams cad kyis brgyan pa bya'o/ /gtsug nas byung gi mdog dmar la mig gsum yod pa/ glang po che'i pags pa'i smad g.yogs can/ klu'i rgyal po nor rgyas kyi se ral kar thogs la rgyan sna tshogs kyis brgyan pa bya'o/ /khyad par du rdo rje sde'i drung du rdo rje khro bo 'bar la log 'dren rnams 'joms shing 'thor ba bri/ rig pa'i mchog 'dod rgur sgyur ba'i gzugs can lan gcig mthong ba tsam gyis ngo shes pa tsam du gsol ba lag na rdo rje'i kha nas byung ba bri'o| |gzugs de mthong na/ sngon gyi sdig pa thams cad las grol bar 'gyur te/ log 'dren rnams kyis kyang mi tshugs so/ /gang ri mo'i gzugs 'di sgrub pa des ni/ dngos grub kyi mchog nges par 'grub par 'gyur ro/ /sgrub par 'dod pa'i rig sngags 'chang gis zhag gsum smyung ba byas te zla ba nya la ri mo'i gzugs mchod pa rgyas par byas na/ gsang sngags snga ma dag gis las rnams bya'o/ /'o mas bkang ba'i snod bzhi dang / zhos bkang ba bzhi dang / de bzhin du btung ba dang sbyar thug gis bkang ba bzhi bzhi dbul zhing 'byung po'i gtor ma yang sbyin no/ de nas rig sngags 'chang gis dngos grub kyi mtshan ma byung gi bar du nam phyed kyi dus su me tog dri zhim po stong rtsa brgyad bzlas brjod lan re re sbyar zhing bcom ldan 'das sangs rgyas kyi yum la bsnun na/ ri mo'i gzugs 'gul ba dang / me tog gi phreng ba g.yo ba dang / lha mo las 'od zer 'byung bar 'gyur te/ ri mo'i gzugs 'dul na ni/ dbab pa'i las dang / zhi ba dang / rgyas pa'i cho ga 'grub par 'gyur ro/ /me tog phreng ba g.yo na ni/ dbab pa'i rig sngags kyi cho ga 'grub par 'gyur ro/ /'od zer byung na ni/ cho ga rgyas pa'i dngos grub mchog tu 'gyur te/ sgrub par gyur na rdo rje'i rigs thams cad 'grub par 'gyur ro/ /'phags pa spyan ras gzigs dbang phyug gis dpal chen mo'i rig sngags kyi cho ga rgyas la lhag ma dag kyang 'grub par 'gyur ro/ /ci ste dbang phyug chen po'i cho ga rgyas pa sgrub par 'dod na rig sngags 'chang des me tog dmar po stong rtsa brgyad bzlas brjod lan re re dang sbyar te dbang phyug chen po la bsnun na/ de'i yang dngos grub rnam pa gsum du 'gyur te/ dbang phyug chen po'i cho ga rgyas pa yang 'grub par 'gyur ro/ /ci ste phur bu gsum pa'i cho ga rgyas par sgrub par 'dod na rig sngags 'chang des ma tog nag po stong rtsa brgyad bzlas brjod lan re dang sbyar te phur bu gsum pa'i ri mo la bsnun na/ de yang dngos grub rnam pa gsum du 'gyur te/ phur bu gsum pas byas pa'i ma tang+gi cho ga rgyas pa thams cad kyang 'grub par 'gyur ro/ / sems can rnams la phan pa'i phyir/ /cho ga 'di ni bdag gis bshad/ /khyed rnams yid ni dga' bzhin pas/ /dngos grub dam pa sbyin par gyis| |gang sangs rgyas kyi yum dran pa tsam gyis 'ong bar mi byed na dngos grub kyang sbyin par mi byed pa ni/ de bzhin gshegs pa la snying rings pa yin te/ ngas kyang rdo rjes spyi bo bkas par bya'o/ /gang cho ga rgyas pa 'di 'chang ba de la gdon thams cad dang / log 'dren thams cad dang / sha za thams cad kyang 'byer zhing skrag par 'gyur ro/ /gang zhig cho ga 'dis mchod pa/ /de la lha mchog rnams kyis mchod/ /gang zhig dngos grub mchod pa la/ /de yis cho ga lha mchod bya/ /gang zhig cho ga 'di mchod dang / /thams cad rdzogs par mchod byed pa/ /de yi lag na rdo rje yis/ /bshad pa bzhin du nges par 'grub/ /gang zhig cho ga 'di 'chang ba/ /sangs rgyas kun gyis byin gyis brlabs/ /lag na rdo rje dpal ldan pa/ /de yi lus kyi spyi bor gnas/ /yi ge bzhi pa zhes bya ba/ /rig sngags kyi rgyal po'i cho ga rtogs so// //

CLOSE WINDOW