291b1 / //rgya gar skar du/ kro d+ha b+hur kuM kU Ta rA dza sto tra man+t+ra/ bod skad du/ khro bo'i rgyal po sme brtsegs la bstod pa'i sngags/ dkon mchog
291b2 gsum la phyag 'tshal lo/ /oM b+hur kuM ma hA prA NA ya/ b+hur tsi b+hur ki ma nA se/ u tsu sma kro d+ha hUM hUM phaT phaT swA hA/ phyag 'tshal phyag 'tshal phyag 'tshal bstod/ /khro la khros pas khro bo che/ /
291b3 sangs rgyas sangs rgyas sngar sangs rgyas/ /chos sku longs sku sprul pa'i sku/ /sme brtsegs zhes bya bdag phyag 'tshal/ /bskal pa'i me ltar 'bar dbus na/ /pad ma nyi zla'i gdan la bzhugs//
291b4 ljang nag chen po sme ba can/ /zhal gsum pa la phyag drug ste/ /g.yas dkar g.yon dmar dbus ljang ba/ /spyan gsum 'jigs pa'i mche ba 'byin/ /mi gtsang bdud rtsi sman bzhin
291b5 gsol/ /g.yas pa rdo rje ral gri bsnams/ /g.yon pa zhags pa lcags kyu'o/ /tha ma sdigs mdzub thugs kar bsnol/ /sme gtsang med pa'i las dag brtson/ /gdug pa sbrul gyis
291b6 dbu lus brgyan/ /'jigs dngangs med par brtul zhugs spyod/ /khro rgyal khyed la phyag 'tshal lo/ /mi gtsang ba ni gtsang bar mdzad/ /khro rgyal khyod la phyag 'tshal bstod/ /'jigs
291b7 pa kun las skyob par mdzad/ /khro rgyal khyod la phyag 'tshal bstod/ /nad dang rims las bsrung bar mdzad/ /khro rgyal khyod la phyag 'tshal bstod/ /mi gtsang zas dang mi gtsang
292a1 gos| |thams cad sel bar byed pa'i mchog /lha dang klu dang gnod sbyin gdon/ /thams cad ma lus dga' bar mdzad/ /nad dang rims dang dal ka yams/ /bsrung
292a2 ba'i las mdzad phyag 'tshal bstod/ /bdag la bsrung ba mdzad du gsol/ /mi gtsang ba rnams gtsang bar mdzad/ /sme ba rnams ni mi smer mdzad/ /lci ba rnams ni yang bar mdzad/ /dog
292a3 pa yangs par mdzad la bstod/ /khro bo'i rgyal po sme brtsegs khyed/ /sangs rgyas kun gyis byin gyis brlabs/ /gang dag khyed la mos rten rnams/ /lus bde sems bde dbang po bde/ /bde ba'i
292a4 lha la phyag 'tshal lo/ /lus dag sems dag dbang po dag /dag pa'i lha la phyag 'tshal lo/ /lus gtsang sems gtsang dbang po gtsang / /gtsang ba'i lha la phyag 'tshal lo/ /lus dang sems dang
292a5 dbang po dang / /dang ba'i lha la phyag 'tshal lo/ /lus gsal sems gsal dbang po gsal/ /gsal ba'i lha la phyag 'tshal lo/ /lha klu yi dwags 'dre srin sogs/ /gnod sbyin 'byung pos 'di
292a6 thos na/ /sdug bsngal zhi nas bde bar 'gyur/ /gangs rgyud bzhin du dkar par 'gyur/ /shel dkar bzhin du gtsang bar 'gyur/ /me long bzhin du gsal bar 'gyur/ /nam mkha' bzhin du dang bar
292a7 'gyur/ /sa dang mkha' la 'khod pa yi/ /lha klu la sogs sde brgyad kun/ /dge ba'i bsams pas 'khod 'gyur te/ /gzhan la ma gnod zhi bar mdzod/ /khro bo'i rgyal po sme brtsegs la bstod
pa'i sngags dang bcas pa rdzogs so/

CLOSE WINDOW