1a1 bde bar gshegs pa'i bstan pa thams can kyi snying po rig pa 'dzin pa'i sde snod rdo rje theg pa snga 'gyur rgyud 'bum rin po che'i rtogs
1a2 par brjod pa lha'i rnga bo che lta bu'i gtam bzhugs so//
1a3 bi ra dza bi di ma hA su khaM bo d+ha yi twA[ u0f85 ]k+Sha raM shA shwa tA de rni ro d+he Sh+wa sAM skr-i t+ya d+hA tau sha ma:
1a4 mi 'gyur rtag brtan gdod ma'i 'gog bden 'dus ma byas dbyings gang du rab zhi rdul bral ye shes bde ba chen po thugs chud pas//
1a5 b+hu ba na sha mi ta yo[ u0f85 ]s+thi tA tsi n+t+ya pU r+N+NaM gu Nai r+d+ha r+m+ma rA dz+ya shrI yA ni t+ya sa m+pa d+ba b+hU be dza ga tra//
1a6 srid zhi'i khams su mi gnas bsam gyis mi khyab mtha' dag yon tan chos kyi rgyal srid dpal gyis rtag tu 'byor pa nyid gyur cing//
2a1 a mr-i ta ma nu ba la m+b+ha kA rai: kr-i bA byo ma nA bi Sh+ta bA nAM b+ha yaM hA ra Na shrI ba hU pa s+thi taM/
2a2 'jig rten 'jig rten 'das pa'i tshul gyis dmigs pa med par kun khyab thugs rjes srid gsum 'jig 'phrog du ma'i dpal ni nyer gnas pa//
2a3 pra sa ra dza la ni d+he rdzi nA nA ma tu pyA sa ma trai sha rI rA Ni kA rA Ni ba r+yaMya na mA myA da rai:
2a4 rab 'byams rgya mtsho'i bde bar gshegs pa'i mi mnyam mnyam pa med pa'i sku gsum tshul la mchog tu dad pas phyag 'tshal lo//
2a5 sna tshogs spros pa rnams kyis ma spros brtag par mi nus shes bya kun la ro mnyam gyur pa gdod nas rab zhi'i dbyings de dang// rtog bral so so rang gi rig pas chos kun de nyid yul dang yul can gnyis su
2a6 med gzigs ji lta ji snyed mkhyen tshul can// gang la dmigs pa spangs pa nyid kyis 'du byas khams su nyams par mi 'gyur rtogs pa dam pa chos mchog gzhan du mi g.yo ba// de der bkri byed ngo bo rgyun rkyen
2b1 'brel par bcas pa'i rjod byed nyid gyur lung gi chos la'ang rtag tu gus par rim gro bgyi// rang bzhin mi 'khrugs zab zhi spros bral 'od gsal khams su gnyis snang blo yis dri ma rab bsags glo bur dang
2b2 ldan 'khor ba'i chos// rab rib tshogs dang mngon par mtshungs pa'i kun nas sgrib byed thabs mkhas chen po'i mig sman bsten pas rim pa bzhin du rab sbyangs pas// dkar po'i phyogs kyi cha shas ji bzhin
2b3 phyogs mtshon tsam nas mtha' dag yon tan kun tu rdzogs par rim pa nyid kyis mngon snang ba'i// gnas lugs bden pa gzigs tshul nyid kyis rim par phye ba theg gsum 'phags pa phyogs su bslan bcas
2b4 dge 'dun la yang gus pas 'dud// zad dang mi skye'i ye shes shes pas brtag dka'i yon tan pha mtha' mi mngon de lta na'ang// sangs rgyas gsung gi sgra dbyangs chos kyi 'khor lo nyid kyang res 'ga' slob
3a1 dpon gzugs kyis dang// zhi ba'i dbyings su rtag par mnal kyang la lar 'bar dang la lar de bzhin chags tshul gyis// spyod tshul gcig pa'i mthar mi gnas pas sems can khams gzung
3a2 grub pa mchog brnyes rnams la 'dud// sems can rnams la mdza' ba nyid gyur bsgrub bya gang yin dam bca'i ri mo snying bkod nas// rab tu 'bad pa du ma'i ba dan g.yo ba gzhig bar rab dka' snying stobs
3a3 chen po'i gzings// zab cing rgya che byang chub spyod pa'i chu gter cher zhugs gang gis thos pas gtan bde yi// 'dod 'jo'i gzhir gyur rgyal bstan rin chen 'dren pa'i ded dpon gang yin de la snying nas
3a4 'dud// grags pa'i me tog 'dzum pa'i gter gyur legs byas brgya yi 'bras bus bdag nyid 'byor pa na// srid pa gsum gyi zug rngu gzhil ba'i chos mchog sman chen bsod nams zong du nyer khugs
3a5 pas// spang dang klog pa'i lam chen gyis phye thub bstan snang bas lta ngan la dga' kun+da'i tshal// cig car zum byed chos ldan rgyal po chos bzhin mdzad rnams rnam thar dran pas dad phyag brtsegs// gang yang
3a6 gdod nas gzhan don la goms snying rje chen pos lcags kyu'i dbang gyur glang po bzhin// ma lus 'gro rgyud chos la 'bab phyir legs gsung snang ba bla na med sbyin srid pa 'dir// snyigs ma'i skyon gyis bag la
3b1 zha ba'i drang srong chen po'i ring lugs slar yang slong byed pas// 'jig rten gsum gyi mchod sdong nyid gyur tshad ma'i skyes bu de la dad pa'i 'dab brgya grol// gang zhig don dam ngo bo yul dang yon tan la gnas
3b2 de yi rang bzhin dag gyur pas/khams dang phung po'i chos las rab brgal gang du shes min spros pa rnams kyi mthar ma lhungs// dngos dang dngos med gnyi ga ro mnyam shes rab dbyings su bde chen sku ni khyab
3b3 cing rtag/chos la rmongs pa'i kun rtog mun bral mi mnyam 'bras ster sngags kyi theg pa mchog tu bstan// gzhal bar dka' ba'i rin chen zong gis rab 'byams rgya mtsho'i 'jig rten nyul yang thob dka'
3b4 ba'i// thub mchog bstan pa yongs kyi dbus gnas thun mong ma yin grub pa'i skyes bus bsten gyur las// cha shas tsam zhig byang phyogs 'dir snang mi yi bdag pos rgya chen legs byas 'du bgyis te// skye
3b5 bo'i tshogs la bdud rtsi'i bgo skal mi 'dzad bkye ba'i ngo mtshar gang zhig 'dir brjod bya// de la bde bar gshegs pa'i bstan pa thams can kyi snying po gsang chen bla na med pa rdo rje theg pa'i rgyud sde rin po che
3b6 'di nyid thog mar gang gis bstan pa'i ston pa dang des ji ltar gsungs pa'i tshul de dag gnas yul so sor ji ltar bab cing 'phel ba'i tshul/de las phyi mo'i tshogs ji snyed pa par du bsgrubs pa dang/ glegs
4a1 bam so sor ji ltar bzhugs pa'i rnam grangs/legs spyad don ldan du bya ba'i shis brjod dang bsngo smon gyis mtha' brgyan pa bcas skabs lnga rim pa bzhin du gleng bar bya'o// dang po la'ang
4a2 gsum ste/gdod ma'i mgon po chos kyi skur mngon par byang chub tshul/ de'i rnam 'phrul rdo rje 'chang gis zhing 'dir zhi ba brnyes tshul/ de las gzugs sku gnyis kyi sprul pa snang tshul sku dang ye shes kyi khyad par
4a3 dang bcas pa 'chad pa la/spyir theg dman rnams kyi 'dod par/ 'o skol gyi ston pa 'di lta bu yang/ so so skye bo grangs med gsum du thar pa cha mthun bsags pa zhig srid pa tha ma par gyur pa byang chub snying po
4a4 rdo rje'i gdan du srod la bdud btul/gung la bsam gtan bzhi'i dngos gzhis sbyor lam rgyud la bskyed nas/ tho rangs skya rengs 'char ka'i skad cig gcig la pha rol tu phyin pa drug mngon du mdzad nas chos
4a5 dang gzugs sku'i bdag nyid can du sangs rgyas te/kun shes nas rab bzang gi bar chos kyi 'khor lo bskor ba sogs las sku gsum gyi rnam gzhag tshang bar khas mi len la/ theg chen gyi mdo sde rnams su
4a6 gsungs pa'i sku gsum dang/sngags la'ang phyi nang gi mngon byang lnga dang/ rgyu 'bras rdo rje 'dzin pa/ lus rtsa sprul sku/ yid longs sku/ khams bdud rtsi chos kyi sku/ snying po ye shes rlung ngo bo nyid kyi sku sogs
4b1 gdul bya dbang po rno rtul dang lam pa'i rnal 'byor pa'i mos pa'i dbang gis de ltar bstan pa tsam du zad la/re zhig theg mchog bla na med pa'i 'od gsal rdo rje snying po thun mong ma yin pa'i lung ltar 'chad
4b2 pa'i dbang du byas na/'khor ba dang mya ngan 'das pa gnyis gang du'ang dbyer mi 'byed pa kun gyi sngon rol du srid zhi yongs la mnga' dbang bsgyur ba'i ston pa kun tu bzang po nyid dbyings rang byung gi ye shes
4b3 bde bar gshegs pa'i snying po gdod ma'i gzhi las gzhi snang du shar ba'i skad cig la rang snang du ngo shes pas rang byung rig pa'i ye shes nyid rang sar grol bas dus gsum/mtha' dbus/ thog mtha' sogs
4b4 shes bya thams cad la rnam par mi rtog pa'i rang byung gi ye shes su sangs rgyas pa ste/rgyud bla ma las/ thog ma dbus mtha' med cing rnam dbyer med// gnyis med gsum bral dri med rnam rtog med// ces
4b5 gsungs pa dang/'jam dpal sgyu 'phrul dra ba las kyang/ rnam par rtog med lhun gyis grub// dus gsum sangs rgyas las byed pa// sangs rgyas thog ma tha ma med// dang po sangs rgyas ris med pa// zhes
4b6 so// de'ang don la med kyang 'khrul snang glo bur ba'i sgrib gnyis bag chags dang bcas pa rang ngo la yongs su dag pas spang ba chen po/ shes dang shes bya gnyis su med pa'i ye shes chen pos srid zhi ris su ma
5a1 chad pa kun khyab tu gzigs pas rtogs pa chen po/de dag gi mthus 'gro ba thams cad kyi don dmigs pa med par rang bzhin lhun gyis grub pa'i phrin las mdzad pa ni sems chen po ste/ mngon
5a2 rtogs rgyan las/sems can kun mchog nyid sems dang// spangs dang rtogs dang gsum po la// chen po gsum gyi rang byung gi/ ched du bya ba 'di shes bya// zhes so// de nyid ci yang mi dmigs pa spros pa'i
5a3 mtha' thams cad dang bral ba chos kyi dbyings kyi ye shes dang 'khor 'das bzang ngan med par mnyam pa nyid du gzigs pas srid zhi'i mtha' la mi gnas pa mnyam pa nyid kyi ye shes te ji lta ba'i mkhyen pa'i
5a4 ye shes la dbang 'byor bas rgyu'i theg pa bdag gis 'jug pa thams cad chos kyi dbyings su zhi ba'i 'gog pa dam pa la gnas par bshad pa'i stong rkyang tsam las 'das pa ste/de bzhin gshegs pa rnams kyi
5a5 so so rang gi ye shes kyis gzigs pa'i yul sa bcu'i dbang phyug rgyal sras rnams dang/gdul bya'i tshogs la gzugs sku mig la snang ba dang/ rna bar gsung thos pa dang/ 'phags pa'i tshul khrims kyi dri snom
5a6 pa dang/chos kyi ro myong ba dang/ ting nge 'dzin bde ba'i reg snang ba dang/ rtog dpyod kyi shes rab kyis chos la 'jal ba sogs kyi gzhi'am rgyur gyur pa'i thim la ma rmugs pa'i ye shes phra ba'i rang bzhin nang
5b1 gsal gzhon nu bum pa sku'i zhing khams chen por shel 'od nang du bsdus pa'i tshul can du bzhugs so// de'i byin rlab las rang snang zhing khams lhun grub stug po bkod pa bsam brjod dang mtshan ma'i yul
5b2 las ring du song ba rgyar ma chad cing phyogs su ma lhungs par sangs rgyas nyid kyi ye shes kyis bsdus pa'i rang snang longs spyod rdzogs sku'i dkyil 'khor nges pa lnga ldan gyi bdag nyid can rigs lnga'i ston pa
5b3 rnams kyang sku dang ye shes tha mi dad kyi rol pa chen por bzhugs pa las dus gzhan du gdod ma'i gzhi las gzhi snang du shar ba'i rtsal rang ngor ma shes pas rmi lam lta bu'i sems can rnams 'khrul pa'i rgyu
5b4 med bzhin la 'khrul pa ltar snang ba'i sdug bsngal gyi 'khor lo g.yo bar gzigs te/brtse ba'i thugs rje skyes nas de dag gi don du zhing khams kyi bkod pa rgya chen po sprul pa ni rang snang longs spyod rdzogs sku
5b5 ye shes rigs lnga gang chen mtsho'i phyag rgya'i gnas rnams dang ba spu'i khung bu re re la'ang 'byung ba bzhi'i rdul phra rab ji snyed pa'i go thams cad na zhing khams chen po dbyibs dang tshad dang thog tha la sogs pa
5b6 brjod pa'i yul thams cad las 'das pa kho nas rgyas par bltams shing/de dag kyang rnam pa tha dad pa ste/ phan tshun 'dres pa dang/ rnam pa gzhan du skye zhing 'gyur ba dang// 'pho zhing ltung ba dang/ rdzas
6a1 gzhan gyis gos pa cung zad kyang med par zhing dang sku rgya mtshos chos kyi dbyings gang bar gyur pa ste/sdong po bkod pa'i mdo las/ spu yi rtse mo gcig la yang// zhing rnams bkod pa bsam mi
6a2 khyab// sna tshogs dbyibs kyang tha dad de// de dag 'dres par 'gyur pa med// ces dang/ gsang ba bsam gyis mi khyab pa'i mdo las/ zhi ba'i blo gros/ nam mkhas ci tsam khyab pa de tsam du// de bzhin
6a3 gshegs pa'i zhing dang skus khyab bo// zhes gsungs pa ltar/ de dag kyang sangs rgyas sku gsum gyi so so'i zhing khams mi 'dra ba gsum du bkod pa ni chos sku'i dus su 'od gsal rdo rje snying po'i zhing dang/ rang
6a4 snang longs sku'i dus su tshangs pa rnga sgra'i zhing dang/sprul sku'i dus su tshangs chen gyi bskal pa zhes bya la de dag rnams su gdod ma'i mgon po nyid kyi sprul pa'i sangs rgyas rgya mtsho dus gsum du byon pa rnams
6a5 dang/sems can gyi khams rgya mtsho yang yod de 'byung ba bzhi dang nam mkhas khyab tshad thams cad tshangs chen bskal pa 'di'i khongs su 'du la/ der ma dag pa'i sems can rnams 'chi 'pho ba dang/ skye zhing
6a6 'byung ba dang/sangs rgyas rnams mya ngan la 'da' ba dang/ bstan pa gnas pa dang/ nub pa dang/ lam sgrub pa la sogs bde sdug gi snang ba sna tshogs la spyod pa'i tshul dang/ de ltar rdul phran re re'i go na'ang
6b1 ri gling rgya mtsho sogs zhing khams tshad med pa snang zhing der ma zad rdul gcig gi steng gi 'jig rten de'i rdul phra ba gcig la'ang sems can gyi khams tshad med pa gnas pa rnams bde bar gshegs pa'i rnam
6b2 'phrul dang/byang chub sems dpa' rnams kyi zhing sbyong ba'i smon lam gyi mthu chen po dang/ sems can rnams kyi 'khrul snang gis las kyi tshogs mngon par 'du bgyis pa dang/ chos nyid kyis rab tu thos pa la
6b3 sogs pa'i rgyu dang rkyen gyis rab tu tshogs pa ste/sangs rgyas phal po che las/ sangs rgyas ye shes yul ni bsam yas pas// byin rlab rnam 'phrul de dag 'di lta bu// zhing khams rgya mtsho bstan pa mtha' dbus
6b4 med// rnam par snang mdzad chos kyi yongs su sbyangs// byang chub sems ni kun gyi bsam pa bzhin// smon lam rgya mtsho bsam yas rnams sbyangs shing// sems can las rnams rgya mtsho bsam yas pas// phyogs
6b5 kun zhing rnams rgya mtsho thams cad 'byung// byang chub sems dpa' kun gyi rnam 'phrul dang// thams cad mkhyen pa nyid la 'jug pa'i sgo// smon lam rgya mtsho thams cad mngon bsgrubs shing// nam mkha'i
6b6 dbyings la 'byams klas zhing 'byung ngo// spyod pa rgya mtshos mtha' dang dbus med rnams// spyod cing tshad med bder gshegs yul la 'jug/ phyogs kyi zhing rnams rgya mtsho kun byang zhing// bskal pa mtha' yas
7a1 zhing rnams re rer sbyong// sems can bsam dbyings bsam gyis mi khyab pa'i// las kyi zhing rnams rgya mtsho thams cad 'byung// zhes dang/ bzang po spyod pa las/ skra tsam khyon la dus gsum
7a2 tshad rnyed kyi// sangs rgyas rgya mtsho zhing rnams rgya mtsho dang// smon lam rgya mtsho spyod cing rab tu 'jug/ ces so// de dag kyang don la med pa gsal snang yin te chos kyi dbyings la kun rdzob pa rnams gdod nas
7a3 grub ma myong ba'i phyir ro// gnyis pa de las zhing 'dir rdo rje 'chang gis sangs rgyas brnyes tshul ni// zhing 'di'i gdul bya'i don du thog ma'i sangs rgyas kun tu bzang po nyid kyis thabs la mkhas pa'i rnam
7a4 'phrul chen pos so skye rang ga mas sems bskyed pa ltar bstan nas sangs rgyas pa'i tshul dang mdzad pa'i rol pa bkye ba ste tshul de lta bu ni thun mong gi theg par yang grags te/yab sras mjal ba'i mdo las/
7a5 dpa' bo chen po thabs mkhas te// sems can yongs su smin bya'i phyir// bye ba phrag brgyar rgyal ba nyid// sangs rgyas nyid du bstan gyur kyang// da dung du yang 'dren pa khyod// sangs rgyas mdzad pa mang ston
7a6 mdzad// ces pa dang/ 'phags pa phal po che las/ byang chub rgya mtsho rab brnyes gyur nas kyang// sems can rgya mtsho rab tu smin bya'i phyir// byang chub sems bskyed rgya mtsho ston mdzad cing// mi 'grib spyod pa
7b1 rgya mtsho dus kun ston// bde gshegs rnams kyi rnam 'phrul de 'dra'o// zhes gsungs pa bzhin/ 'di nas bskal pa dpag tu med pa'i sngon rol du zhing khams rang bzhin rnam par bkod pa zhes bya bar thog
7b2 ma'i mgon po'i rnam par 'phrul pas sangs rgyas me tog mdzes pa chen po la gser gyi rdo rje gcig phul nas dang po byang chub mchog tu thugs bskyed do// de nas skye ba gnyis nas khyim bdag legs sbyin gyi
7b3 sras nor bu'i phreng ba zhes par gyur nas sangs rgyas 'khor lo legs par spyod pa'i drung du chos mnyan/de nas glog gi 'od ces bya ba'i sras bram ze'i khye'u legs byin ces par gyur te sangs rgyas dge ba'i blo
7b4 gros la chos nyan cing lo bdun du ting nge 'dzin la gnas shing/bdun cu rtsa lnga'i mthar gyis rin po che'i phung po rnam par bkod pa zhes bya ba'i ri bo'i rtse mor mngon par rdzogs pa sangs rgyas pa'i tshul bstan
7b5 nas chos sku'i dgongs par bskal chen gcig tu bzhugs shing longs spyod thams cad rdzogs pa'i sku rgyan dang kha dog gi 'khor lor rang byon cing de nyid kyi ngang las rang snang gi rgyal ba rigs lnga dkyil 'khor
7b6 grangs las 'das pa rang byung la/snang cha las mtshan dang dpe byad yongs su rdzogs pa rdo rje 'chang gi skur byung ba ni thugs bskyed pa'i rten rdo rje phul ba las byung ba'o// de dag kyang sku gsung thugs mi zad pa
8a1 rgyan gyi 'khor lo'i mdzad pa sum cu rtsa drug la dbang 'byor ba ste snying thig gi 'chad tshul phyogs gcig yin la/don la gong du bshad pa ltar thog ma'i mgon po'i thabs la mkhas pa'i sgyu 'phrul
8a2 tsam las tha mi dad cing gsang sngags kyi rgyud phal cher ston pa'i rdo rje 'chang dang snying thig yang gsang gi rdo rje'i gnas zab mo ston pa la kun tu bzang po dang gzhan du dam pa dang po'i sangs rgyas dang/rdo rje
8a3 sems dpa' sogs mtshan gyi rnam grangs du mas bsnyad pa ste/rtog bsdus las/ rab tu dag pa kun gyi mchog/ gdod nas grol ba de bzhin gshegs// kun tu bzang po kun gyi bdag/ byang chub sems nyid
8a4 nges pa'o// zhes dang/ sems dpa' thog ma tha ma med// rdo rje sems dpa' dga' ba che// kun tu bzang po kun gyi bdag/ rdo rje snying po gtso bo'i gtso// gdod ma tha ma med phyir yang// dam pa'i dang po zhes
8a5 'dod de// 'khor lo kun gyi gtso phyir na// dam pa dam pa'i dbang phyug yin// zhes gsungs pa ltar ro// gsum pa gzugs sku la gnyis te/ longs sku dang sprul sku'o// dang po ni/ sangs rgyas gsang ba'i lam
8a6 rim las/lhun rdzogs rig pa rang snang ba'i// zhing dang gzhal yas gdan khri rgyan// 'od zer du mar snang ba ste// zhes bshad pa ltar chos kyi sku chen po nang gsal chos nyid kyi ngang du bzhugs pa de nyid man
8b1 shel gyi nang 'od kha dog lnga nyi zer gyi rkyen gyis gsal ba ltar rang snang gi yul la phyir gsal mched pa'i ye shes kyi snang cha sku dang zhing khams tshad med pa la longs su spyod pa'i gnas su sprul pa'i bkod pa
8b2 rnam par snang mdzad gang chen mtsho'i phyag gi mthil na pad+ma'i sdong po skyes pa'i 'dab ma dang ze 'phol rnams la zhing khams nyi shu rtsa lnga re brtsegs mar gnas shing zhabs kyi skyil krung man chad las spos chu'i
8b3 rgyun 'bab pa dag tu'ang zhing khams bcu drug re yod pa de rnams su rigs lnga'i sangs rgyas nges pa lnga ldan gyi rang bzhin mtshan dang dpe byed rgya mtsho'i bdag nyid rtag pa rgyun gyi 'khor lor longs spyod pa
8b4 bgrangs kyis mi lang bar bkod pa de dag ni ye shes gang chen mtsho'i zhing dang sku'i bkod pa longs sku chen po'i mtshan gzhi ste de dag rdul gcig gi steng na rab 'byams rgya mtsho'i rdul snyed kyi zhing yang mi
8b5 'gal zhing sku gcig la rab 'byams rgya mtsho'i sku 'du ba dang/sku re res kyang rab 'byams rgya mtshor khyab pa sogs sgyu 'phrul rdo rje'i rol mo gsang ba bsam gyis mi khyab pa'i gnas su shes par bya ste/ gsang
8b6 ba snying po las/stong gsum yungs 'brur 'jug tshul gyis// dbyings nas dkyil 'khor spyan drang mchod// ces dang/ phal po che las/ rdul gcig steng na rdul snyed sangs rgyas dag/ ces sogs gsungs pa
9a1 bzhin no// zhing khams de dag la mnga' dbang mdzad pa'i ston pa longs spyod rdzogs pa'i sku de'ang rang bzhin bdun gyi khyad par dang ldan pa yin te/ de bzhin nyid du nar son pa'i rang bzhin/
9a2 yon tan ma btsal bar lhun gyis grub pa'i rang bzhin/ ye shes mtha' dbus dang bral ba'i rang bzhin/ 'bras bu la mnga' mdzad kyang rang gi ngo bo bstan du med pa'i rang bzhin/ mnyam pa nyid mngon du mdzad
9a3 kyang spyod yul dang bral ba'i rang bzhin/gcig dang du ma las grol ba'i rang bzhin/ dus gsum 'du 'bral med pa'i rang bzhin te bdun gyi bdag nyid chen por lhun gyis grub pa nyid gdul bya'i dbang gi sku
9a4 gsung thugs kyi mtshan ma sna tshogs par snang ba'i rnam 'gyur gyi cha las mtshan dang dpe byed kyi rnam pa 'bar ba'i gzugs kyi sku la phyag zhabs 'khor los mtshan pa sogs mtshan bzang so gnyis dang/sen mo
9a5 zangs mdog sogs dpe byad brgyad cu rnams te thun mong gi mtshan dpe rnams dang/ston pa'i thugs ye shes bzhis phye ba'i rtsal las phyi'i mtshan dpe/ rtsa 'khor rnams dag pa'i cha las nang gi mtshan dpe/
9a6 khams byang chub kyi sems rnam par dag pa'i cha las gsang ba'i mtshan dpe ste longs spyod rdzogs pa chen po la rtsa khams rnams par dag pa bde ba chen po'i rang bzhin du ro mnyam pa ni rgyan gyi nang nas mdzes
9b1 byed mchog tu gyur par bshad de/sgyu 'phrul rgya mtsho las/ a la ka li bde ba gnyis// phan tshun ma 'dres gcig par shes// bcu drug ngos gnyis mtshan dang ldan// phyogs gcig ye shes lnga ldan pa// brgyad
9b2 cu'o bzod sogs rgyu las 'phags// zhes so// rtog tshogs las shin tu 'das pa'i zag pa dang bral ba'i rnam par grol ba'i ye shes gzigs pa'i phung po dang/ tshul khrims kyi phung po/ ting nge 'dzin gyi phung po/
9b3 shes rab kyi phung po/ rnam par grol ba'i phung po lnga po yang de bzhin gshegs pa'i sku dang gsung thugs yon tan phrin las lnga'i bdag nyid chen po rnam snang/ mi bskyod/ rin 'byung/ snang mtha'/ don grub lnga
9b4 dang/khams lnga yang/ dbyings phyug/ spyan ma/ mA ma kI/ gos dkar ma/ dam tshig sgrol ma rang bzhin gyis rnam par dag pas mi 'gyur ba'i bde ba chen po dang rnam kun mchog ldan gyi stong pa nyid kha sbyor du
9b5 bzhugs pa las/dkyil dang/ 'khor dang/ so so'i tshom bu dang/ yab dang/ yum dang/ sku mdog dang/ phyag mtshan chags can/ chags bral/ de bzhin gshegs pa/ gshegs ma/ sems dpa'/ sems ma/
9b6 khro bo/ khro mo sogs rol pa rmad du byung ba'i 'khor lo'i bkod pa rnams kyang yul yul can las 'das pa'i ye shes rang snang gi yul la kun tu longs spyod pa'i cha nas bzhag pa ste mthong thos snom myong bzhi yang
10a1 rim bzhin/sa snying/ phyag rdor/ nam snying/ spyan gzigs bzhi dang/ yul gzugs sgra dri ro bzhi yang/ sems ma sgeg mo/ phreng ba ma/ glu ma/ gar ma bzhi dang/ de bzhin du spyan dang/ snyan
10a2 dang/shangs dang/ ljags te/ dbang po bzhi yang/ byams pa/ sgrib sel/ kun bzang/ 'jam dpal rnams dang/ 'das pa/ ma 'ongs/ da lta/ ma nges pa'i dus bzhi po yang/ me tog ma dang/ bdug pa ma/
10a3 mar me ma/ dri chab ma rnams dang/ gzhan yang rdo rje btsun mo dang snyoms par 'jug pa'i gsang ba'i yul dbang rnam shes gsum 'dus kyi reg pa dang/ reg byed/ reg bya/ reg shes kyis dga' ba chen po'i ro
10a4 nyams su myong ba yang mthar byed kyi khro bo chen po bzhi dang/rtag chad bdag mtshan bzhi yang khro mo chen mo bzhi'i rang bzhin dang ldan pa sogs mtha' yas pa'i 'khor gyi rnam pa rnams kyang ston pa nyid kyi rol pa
10a5 dkyil dang 'khor gyi tshul du snang ba mi zad rgyan gyi 'khor lo las gzhan du ma gyur pa ste/snying po'i rgyud las/ rang rig mtha' dbus med pa'i dkyil// ye shes bzhi 'phro 'khor lo'i tshul// zhes dang/ khog
10a6 gzhung las/'bras bu mthar phyin 'og min na// bzhugs pa dkyil dang 'khor gyi tshul// zhes bshad pa ltar dang/ de dag kyang sangs rgyas rang snang gi ye shes rnam pa thams cad pa'i bdag nyid sgyu 'phrul dra
10b1 ba'i rol pa rnam pa kun tu zhing dang/kun tu gdan dang/ kun tu gzhal med khang dang/ kun tu shar dang/ kun tu steng dang/ kun tu 'og dang/ kun tu zlum po/ kun tu gru bzhi/ kun tu gru gsum/ kun tu zhal
10b2 dang/kun tu phyag dang/ kun tu zhabs dang/ kun tu spyan dang/ kun tu mdun te/ dbang po re res kyang dbang po thams cad kyi bya ba byed pa ste ye shes kyi rtsal 'gag pa med pas chos kyi dbyings mtha' klas
10b3 par khyab gdal ba'i phy-ir te/seng ge rtsal rdzogs las/ kun tu bzang po'i zhal ni phyogs bcur gzigs// kun gzigs kun bzang sku la mdun rgyab med// phyog bcu gang bar spyan gyis rnam par
10b4 gzigs// zhes dang/ dus kyi 'khor lo las/ thams cad nas ni phyag dang zhabs// kun nas spyan dang dbu dang zhal// kun nas gsan ldan 'jig rten mtha'// thams cad khyab par bzhugs pa ni// zhes
10b5 gsungs pa ltar ro// sangs rgyas kyi yul de ni sangs rgyas kho na'i rgyud kyis bsdus pa'i phyir sa bcu'i dbang phyug rnams kyis kyang mi mthong ste/ sgrib pa mtha' dag las ma grol zhing ji lta ba dang ji snyed pa mkhyen
10b6 pa'i ye shes kyi spyan rdul dang bral ba ma brnyes pa'i phyir te/theg pa chen po'i bstan bcos rgyud bla ma las/ ngag yul min phyir don dam gyis bsdus phyir// rtogs gnas min phyir dpe las 'das phyir
11a1 dang// bla na med phyir srid zhis ma bsdus phyir// rgyal yum 'phags rnams kyis kyang bsam mi khyab// ces gsungs pa ltar ro// gang du 'jig rten las 'das pa'i zhing khams phun sum tshogs pa
11a2 de rnams kyang rang snang gzhi'i 'od gsal chen po'i snang cha dag pa rab 'byams kyi 'khor lo'i snod bcud du shar ba rmi lam dag pa dang chos mtshungs pas gang gi tshe gzung 'dzin bag chags cha bcas rnam par
11a3 byang ba'i gnas skabs der snang ba las phyogs gzhan shed du rdul rdzas rang mtshan du grub pa zhig yod par mi bsams te/sgyu 'phrul rgyas pa las/ yang dag shes pa'i rang rig blo med na// bde chen zhing yang
11a4 ngan song gnas su mthong// theg mchog mnyam pa'i don nyid rtogs pa na// ngan song gnas kyang 'og min dga' ldan gnas// zhes gsungs pa bzhin no// gnyis pa sprul pa'i sku la'ang gsum ste/ rang bzhin
11a5 sprul pa/'gro 'dul sprul pa/ sna tshogs sprul pa'o// de yang gdul bya rang rgyud kyi bder gshegs snying po la sgrib byed kyi dri ma ma dag pa dang/ cung zad dag pa/ shin tu dag pa gsum gyi go rim la ltos nas
11a6 'dul byed kyi ston pa yang de ltar snang ba yin te shin tu dag pa chos kyi sku la 'khor 'das ro mnyam chen po nyid kyi phyir don dam pa'i dbyings las ma g.yos bzhin du gzugs kyi sku ni rtsol pa med pa'i thugs
11b1 rje chen po'i rnam 'phrul 'gag pa med pa'i rol pa ci yang bkye ba las gdul bya 'dul byed gnyis ltar snang ba'i gzhan dbang gi tshul du mos pa'i chu snod rnyog pa med pa ji snyed du sprul pa'i zla gzugs de snyed
11b2 'char ba chos nyid de/rje btsun gyis/ ji ltar baiDUr sa gzhi gtsang ma la// lha dbang lus kyi gzugs brnyan snang ba ltar// de bzhin 'gro sems sa gzhi gtsang ma la// thub pa'i dbang po'i sku yi gzugs brnyan
11b3 'char// zhes dang/ mdo las/ rgyal ba'i chos nyid lus med rab zhi ba// gnyis med rang bzhin med par thugs chud nas// gzugs sku bzang po mtshan gyis brgyan pa yis// 'gro ba ma lus bkang zhing ston
11b4 par mdzad// ces gsungs pa ltar ro// de la rang bzhin sprul pa ni gong gi dbyings snang longs sku chen po'i ston pa de nyid ji ltar dngas shel la gzugs brnyan 'phos pa ltar cung zad dag pa'i gdul bya sa
11b5 bcu'i dbang phyug rnams la snang ba ni 'di ltar rang bzhin sprul sku'i zhing khams dbus na 'og min dang/phyogs bzhir rim pa bzhin mngon par dga' ba/ dpal dang ldan pa/ pad+ma brtsegs pa/ las rab grub
11b6 pa lngar ston pa de bzhin gshegs pa gzugs kyi rgyal po la sogs pa lnga po mtshan dang dpe byad rgya mtsho'i bdag nyid can zhi ba dang khro bo'i rnam 'gyur dpag tu med pa'i skus chos rnams 'jal zhing ston pa dang/gdul bya'i nyon mongs pa lnga'i gnyen por che ba'i zhing khams lnga dang/
12a1 sku lnga dang chos lnga dang ye shes lnga la sogs pas brjod du med cing bsam gyis mi khyab pa'i chos kyi 'khor lo bskor ba de
12a2 nyid ston pa longs spyod rdzogs sku dang 'khor rgyud gzhan gyis bsdus pa'i phyir phyed snang rang bzhin sprul pa zhes nyi zla kha sbyor chen po'i rgyud las phye bar mdzad pa yin la/de dang mtshungs par dbu ma pa chos kyi
12a3 bshes gnyen gyis/byang sems mthong lam pa yan chad la snang ba'i longs sku btags pa bar bshad pa sku 'di dang smon lam/ tshogs kyi 'phen pa'am bzhed pa tsam gyis phye ba'i 'og min gyi gnas gcig kho
12a4 nar mngon par rdzogs par 'tshang rgya ba'i phyir rnam pa rab tu mang po'i longs spyod rdzogs sku 'og min rnams na gnas pa'i sprul pa'i sku 'ba' zhig rgya chen por snang bar zad do// zhes gsal bar bshad
12a5 cing// 'di la lang gshegs su// 'dod pa'i khams dang gzugs med du// sangs rgyas rnam par 'tshang mi rgya// gzugs kyi khams kyi 'og min du// 'dod chags bral khyod 'tshang rgya'o// zhes pa la sogs kyis
12a6 mi yul du mchog gi sprul sku sangs ma rgyas pa'i gong rol du 'og min du 'tshang rgya bar bshad pa'i lung don skabs 'dir sbyor bar mdzad do// de nyid kyi ngang las 'gro ba 'dul ba'i sprul pa'i sku ni 'jig rten gyi
12b1 khams ma lus par gdul bya'i tshogs yongs su smin par mdzad pa'i phyir tshad med pa'i thabs la mkhas pas rnam par rol pa bsam gyis mi khyab pa'i tshul ston pa ste/rje btsun ma pham pas/ khams rnams kun
12b2 tu sna tshogs shing/dpag med bsam yas sprul pa yis// sems can kun gyi don sgrub pa'o// zhes gsungs pa ltar/ dga' ldan gyi gnas na bzhugs pa dang/ 'chi 'pho ba dang/ skye ba dang/ mngon par 'byung
12b3 ba dang/dka' ba spyad pa dang/ byang chub snying por gshegs pa dang/ bdud kyi dpung bcom pa dang/ mngon par rdzogs par byang chub pa dang/ chos kyi 'khor lo bskor ba dang/ yongs su mya ngan las 'da' ba
12b4 dang/chos gnas padang/ chos nus pa ston pa la mkhas pas dus gcig tu phyogs bcu'i 'jig rten gyi khams rab 'byams thams cad du mdzad pa bcu gnyis kyi tshul ston pa mchog gi sprul pa'i sku ste/ de re re
12b5 la'ang gdul bya rigs drug so so'i dbang shes la rang rang gi rigs dang mthun pa'i 'dul byed rig pa'i skyes bu thub pa drug tu sprul nas don mdzad pa ste/glang po'i rtsal lta bu'i mdo las/ 'jam dpal 'di
12b6 la byang chub sems dpa' chen pos pad+mo chen po zhes bya'i ting nge 'dzin la snyoms par zhugs nas/sems can dmyal ba'i gnas yongs su bzung ba'ang yongs su 'dzin te/ de lha'i bde ba gang cung zad yod pa
13a1 de dag thams cad de na myang bar byed do// sems can de dag kyang de dmyal bas dmyal bar mthong ste/ de cha lugs des sems can dmyal pa ba'i sems can de dag dmyal ba dang bral bar gyur pa
13a2 la chos 'chad do// zhes dang/ sangs rgyas phal po che las/ kye rigs kyi bu/ de bzhin gshegs pa'i sprul pa ni tshad med de/ 'gro ba gang dang gang 'dul ba de dang de'i gzugs dang kha dog dang ming gis don mdzad
13a3 do// zhes gsungs pa bzhin no// 'o na 'gro ba drug gi gnas der thub pa ji lta bus 'gro don mdzad tsa na/ sgyu 'phrul bla ma las/ lha yi gnas na brgya byin mgon// lha ma yin la thags zangs ris// mi la bdud
13a4 'dul shAkya'i mgon// yi dwags gnas na kha 'bar te// byol song seng ge nyid du smra// dmyal ba las kyi gshin rje mgon// zhes so// de ltar gnas ris drug po ni gong du bshad pa'i ye shes gang chen mtsho'i zhing
13a5 khams rdul snyed kyi dbus kyi phyag mthil pad+ma'i snying po la gnas pa'i 'jig rten gyi khams rgyud nyi shu rtsa lnga brtsegs mar yod pa'i bcu gsum pa mi mjed 'jig rten gyi khams 'di nyid de/de la mi mjed ces
13a6 pa bzod pa dang/rtul phod pa ste zhing 'di'i sems can rnams 'dod chags la mi mjed pa dang/ zhe sdang la mi mjed pa dang/ gti mug la mi mjed pa dang/ nyon mongs pa'i 'ching ba rnams la mi mjed pa
13b1 zhes bshad pa ste/sA ha'i sgra ni bzod pa'am nus pa la 'jug pa'i phyir de skad du grags so// 'gro ba so so'i las snang yang/ phal chen las/ las kyi bye brag bsam mi khyab// dmyal ba'i 'jig rten thur 'phyang
13b2 dang// gshin rje'i 'jig rten snrel zhi ste// byol song lha min gyen thur 'gro// zhes dang/ yang na/ mgo gyen bstan du 'gro ba mtho ris/ 'phred bstan gyis 'gro ba dud 'gro// mthur bstan gyis 'gro ba dmyal
13b3 ba dang yi dwags te/de drug po stong gsum 'jig rten gcig gi nang du tshang ba ste/ snying po'i 'grel chung las/ stong gsum gcig la chags tshul drug/ sprul sku gcig gi zhing du grags// zhes gsungs pa ltar/
13b4 rlung dkyil nas 'og min gyi bar gling bzhi ba'i 'jig rten gyi khams te de stong phrag gcig tu bgrangs pa 'khor yug gcig gis bskor ba stong dang po dang/ de 'dra ba stong la stong bar ma ste mu khyud gnyis pas
13b5 bskor ba dang/stong bar ma de 'dra ba stong la stong gsum pa'i 'jig rten gyi khams mu khyud gsum pas bskor ba dang/ de lta bu bya ba phrag brgya la rab 'byams mtshams sbyor/ de nyid bye ba phrag brgya la rab
13b6 'byams rgyud/de yang bye ba phrag brgya la rab 'byams rgya mtsho'i 'jig rten gyi khams/ de 'dra ba dung phyur phrag bcu la gzhi dang snying po me tog gis brgyan pa'i zhing gcig ste mchog gi sprul sku gcig gi zhing du
14a1 bshad cing gnas de dag tu gdul bya'i khams dbang spyod tshul ji snyed pa de snyed du 'dul byed kyi sgron ma rnam par bkod nas 'dul ba rnam pa bzhis sems can gyi don la spyod pa ste/de yang sku
14a2 bsod nams chen pos 'dul ba/thugs mngon sum pas 'dul ba/ rdzu 'phrul bsam gyis mi khyab pas 'dul ba/ gsung rig pas 'dul ba dang bzhi las dang po ni bdag cag gi ston pa sprul pa'i sku'i mdzad
14a3 pa'i tshul ni bsam gyis mi khyab pa'i gnas yin pas grangs sogs mtha' gcig tu nges bzung byar med cing theg chen gyi mdo sde rnams su'ang mang nyung ci rigs 'byung ba 'gal bar mi 'du la/'dir gtso che ba
14a4 dag bsdu bas/sku bltams pa/ rab tu byung ba/ dka' thub mdzad pa/ bdud btul ba/ sangs rgyas pa/ chos kyi 'khor lo bskor ba/ cho 'phrul chen po bstan pa/ yongs su mya ngan las 'da' ba rnams ni sku
14a5 bsod nams chen pos 'dul ba ste de dag dngos su mthong ba'i gdul bya rnams bsod nams tshad med pa ldan pa'i phyir de ltar du brjod do// gnyis pa thugs mngon sum pas 'dul ba ni/ dus gsum la ma
14a6 chags ma thogs pa'i ye shes kyis shes bya thams cad la 'jug pa nyid kyis dus gsum so sor mi rtog bzhin du kun tu sgrib pa med pa dus mkhyen pa'i mngon shes/kun tu ma bsgribs par gzhan sems mkhyen
14b1 pa'i mngon shes/thams cad kun tu gzigs pa spyan gyi mngon shes/ thams cad kun tu gsan pa snyan gyi mngon shes/ kun tu sems can gyi don la spyod pa cho ga'i don spyod pa'i mngon shes/ sgrib pa dag pa
14b2 zag zad kyi mngon shes drug po ni thugs kyi rjes su 'gro zhing shes bya thams cad la mngon sum du gzigs shing dbang bsgyur ba'i phyir thugs mngon sum pas 'dul ba'o// gsum pa rdzu 'phrul bsam gyis mi
14b3 khyab pas 'dul ba ni/kun tu sku bsam gyis mi khyab pa dang/ kun tu gsung bsam gyis mi khyab pa dang/ kun tu thugs kyi gsang ba bsam gyis mi khyab pas gdul bya'i don mdzad pa ste lha rnams la tshangs pa
14b4 dang/dbang phyug sogs dang/ mi rnams la 'khor los sgyur ba'i rgyal po/ lha ma yin la thags zangs ris sogs dang/ de bzhin du bya rnams kyi ched du shing rta mo dang/ ri dwags rnams kyi ched du seng ge'i rgyal
14b5 po yi dam brtan pa sogs 'gro ba gang 'dul ba de'i rigs mthun du sprul pa dang gzhan yang zhal gyi dkyil 'khor zhi ba dang/khro bo dang/ phra men la sogs pa rang snang dang mthun pa'i ston pa dang/ rang rang gi
14b6 skal ba dang rjes su mthun par skye zhing 'pho ba dang/gnas pa dang/ gshegs shing bzhugs pa la sogs dus ma nges par ston pa sku'i gsang ba/ gdul bya de dang de'i blo rtog dang rjes su 'tshams par 'jug
15a1 pa'i chos ston pa'ang so so'i skad dang brda' yi tshul gyis go bar mdzad pa ste/phal po che las/ lha yi skad dang klu dang gnod sbyin skad// grul bum skad dang mi yi skad rnams dang// 'gro ba kun gyi
15a2 sgra skad ci tsam pa// thams cad skad du bdag gis chos ston to// zhes gsungs pa ni gsung gi gsang ba/ zag pa thams cad dang bral ba'i ye shes kyis gdul bya'i blo rgyud ji lta bar mkhyen pa'i tshul gyis kun
15a3 tu mthun par 'jug pa thugs kyi gsang ba ste gsum po rdzu 'phrul bsam gyis mi khyab pas 'dul ba'o// bzhi pa gsung rig pas 'dul ba ni/ rigs can lnga'i gdul bya rnams kyi 'du shes dang mthun pa'i theg
15a4 pa lnga'i sgo nas mdor bstan/nyon mongs pa brgyad khri bzhi stong gi gnyen por chos kyi phung po brgyad khri bzhi stong gsungs te rgyas par bshad pa dang/ dbang po'i rim pas mjug bsdu ba ste thams cad kyang sgra
15a5 tshig rang mtshan las 'das pa nyid sems can gyi khams la de bzhin gshegs pa'i byin gyis rlabs kyi mthus rnam rig dang mthun par go bar 'gyur ba ni gsung rig pas 'dul ba ste/nges don gyi mdo sde
15a6 las/nga yi 'di kun bstan pa ni// tshig 'bru gcig kyang bstan pa med// ces gsungs pa bzhin no// gsum pa sna tshogs sprul pa ni/ sems can rnams la gang phan pa chen po'i gzhir gyur to cog rnams te
15b1 'di ltar rang bzhin dang 'du byed las byung ba'i gzugs kyi sku dang/khang bzang/ skyed mos tshal/ g+han+d+ho la/ mya ngan gyi thang la grong khyer du sprul pa dang/ dpag bsam gyi shing/ yid bzhin nor bu/ gru gzings/
15b2 zam pa/ shing rta/ zas gos/ sman sogs bem po'i dngos po dang/ mu ge'i tshe nya bo che/ nad kyis gdungs pa la srog chags des pa/ srin mo'i gling du cang shes b+ha la ha/ 'dam khrod du gser gyi bung ba sogs
15b3 bzo dang skye ba'i sprul pa sna tshogs par ston pa ste/dkon mchog sgron me'i mdo las/ de dag snyan ngag mkhan rgyal snyan ngag sbyor// gar mkhan rnga mkhan gyad dang rol mo mkhan// bzhag mdzes rgyan phreng thogs
15b4 nas gar byed dang// sgyu ma mkhan po gzugs mang kun tu ston// grong ba grong dpon kha lo sgyur bar 'gyur// de bzhin tshong dpon ded dpon khyim bdag 'gyur// rgyal po blon po mdun 'dod pho nya dang// sman
15b5 pa 'jig rten bstan bcos cho ga mkhan// de dag dgon par ljong shing chen por 'gyur// sman dang rin chen mi 'dzad gter rnams dang// yid bzhin nor bu 'dod 'byung sdong po dang// lam gol dang ba rnams
15b6 la lam ston 'gyur// zhes sogs rgya cher gsungs par bzhin shes par bya'o// bye brag rdzogs chen thun mong min pa'i sprul pa'i sku'i 'chad tshul phyogs gcig la/ longs spyod rdzogs pa'i snang cha de nyid las
16a1 gnas ris bcu gnyis su sprul pa'i sku ston pa bcu gnyis sprul pa de dang dus mtshungs par sku gsung thugs kyi sprul pa'i bstan pa chen po gsum du snang bas 'gro ba'i don mdzad pa ste 'dzam bu
16a2 gling 'dir chos sku'i bstan pa dngos rdzogs pa chen po'i byin rlab las rang shar ba rin po che brgya rtsa las 'khrungs pa'i rdo rje phyag gang ba dang/longs yongs su rdzogs par spyod pa'i bstan pa dngos rang byung
16a3 bstan pa bu gcig pa'i byin rlab las rang shar ba'i rin po che brgya rtsa gcig las 'khrungs pa'i glegs bam sor bzhi pa chos nyid kyi rang sgra sgrogs pa/sprul pa'i sku ston pa bcu gnyis kyi byin rlab las rang shar
16a4 ba rin po che brgya rtsa gcig las rang byung ba'i sku gzugs 'gro ba'i lus bongs dang mnyam pa ste de gsum ni 'du ma byas pas skye 'jig med cing byin rlab las rang byung du shar bas rdzu 'phrul dang yon tan
16a5 dpag tu med pas gang dang 'phrad pas 'jig rten gyi khams su byon dang 'byon 'gyur gyi sangs rgyas sprul pa'i sku rnams kyi sku gsung thugs kyi bstan pa 'phel bar byed pa'i rten yin la mthong thos reg pas
16a6 rdos bcas rang dengs su 'gro ba'i phrin las kyi bdag nyid can zhig go/de yang rtag pa rgyun gyi 'khor lo'i rang bzhin can te gang du bzhugs pa'i gnas ni sku gsung thugs kyi bstan pas 'dul ba'i dus kyi
16b1 dbang gis gnas so sor bzhugs shing/sku'i bstan pa'i dus su rdo rje ni u rgyan gyi yul rgya mtsho'i gling na bzhugs shing 'od dang sgra dang/ dge slong rdzu 'phrul dang ldan pa'i sprul pa grangs med pa 'byung bar byed/
16b2 gsung gi bstan pa'i dus su ri ma la ya lag na rdo rje'i gnas su gnod sbyin gyi rgyal po rnams kyi phyag byed do// thugs kyi bstan pa'i dus su rdo rje gdan gyi steng gi nam mkha' la gnas so// glegs bam ni sku'i
16b3 bstan pa'i dus su rdo rje gdan gyi steng du dpag tshad lnga brgya 'phags pa'i nam mkha' la DA ki ma rnams kyibazung nas gnas so// gsung gi bstan pa'i dus su 'di nyid dang lhan cig tu gnas so// thugs kyi
16b4 bstan pa'i dus su rab tu khros pa drang srong gi phug par gnas so// sku gzugs ni/ sku'i bstan pa'i dus su/ 'di nyid kyi byin rlab kyis sangs rgyas kyi sku dngos dang/ de nyid kyi sprul pa dang/ yang sprul rnams
16b5 dang lhan cig tu gnas shing/de dag gi zhal gyi dkyil 'khor dang dngos su spyod pa'o// gsung gi bstan pa'i dus su/ gcig tu ma nges par 'dzam gling kun tu 'khor bar gnas te/ lha dang mi'i 'du ba khyad par
16b6 can rnams kun gyis mchod pa'i gnas su 'gyur zhing/skabs su bstan pa la gnod pa byung ba'i tshe sku las 'od 'byung/ zhal nas hU~M 'byung/ spyan nas ye shes kyi me 'byung ngo// thugs kyis 'dul ba'i bstan pa
17a1 la/sum cu rtsa gsum pa'i lha rnams kyi gzhal med khang lag na rdo rje'i khang brtsegs kyi yang thog na mnyam pa'i rang bzhin dpal chen po zhes bya bas phyag mdzad cing cho 'phrul rgya mtsho'i bdag
17a2 nyid du bzhugs so// de dang dus mtshungs par sprul pa'i sku ston pa bcu gnyis kyang gnas ris bcu gnyis su byon te// sprul pa'i sku'i gdul bya'i gnas bskal ba dang po la dga' ldan brtsegs pa zhes bya bar
17a3 ston pa khye'u snang ba dam pa bsam gyis mi khyab pa/'khor sangs rgyas stong rtsa gcig/ bstan pa kun gyi rtsa ba sgra thal 'gyur/ sdud pa po lha'i bu dga' byed dbang phyug/ grogs lha'i bu nyi ma rab tu snang byed/
17a4 sems can rnams tshe lo dpag tu med pa thub pa'i dus na'o// gnas 'jig rten mi mjed du/ ston pa khye'u 'od mi 'khrugs pa/ 'khor mkha' 'gro ma 'bum phrag gnyis/ bstan pa sku gsung thugs yon tan phrin
17a5 las kyi rgyud lnga dus tshe lo bye ba'i dus na'o// gnas drod gsher 'dus pa 'od kyis spungs par ston pa dpal 'jigs pa skyob pa'i yid/ 'khor byang chub sems dpa' 'bum phrag drug/ bstan pa 'khor ba dong
17a6 sprugs dang/rma bya mjing bsnol/ dpal 'byung bzhi zad pa'i rgyud rnams dang/ dus tshe lo 'bum pa'i dus su'o// gnas chags 'byung mngal du snang bar/ ston pa gzhon nu rol pa rnam par rtse ba/ 'khor gnod
17b1 sbyin dang srin po stong phrag gcig/bstan pa sems sde rtsa ba'i rgyud lnga dang/ yan lag gi rgyud drug/ dus tshe lo brgyad khri'i dus su'o// gnas 'tsho byed gzhon nu'i ldum rar/ ston pa drug pa rdo rje 'chang/ 'khor
17b2 sangs rgyas rabs bdun la sogs pa/bstan pa pha rol du phyin pa drug sogs dang/ dus tshe lo bdun khri'i dus su'o// gnas gsang chen rol pa dur khrod me ri 'bar bar/ ston pa gzhon nu dpa' bo stobs
17b3 ldan/'khor byang chub sems dpa' sprin gyi shugs can bdun/ chos pha rgyud ma rgyud la sogs pa rgyud sde du ma dang/ dus tshe lo drug khri'i dus su'o// gnas srin phug ru lu'i sgra dang ldan par/ ston pa drang srong
17b4 khros pa'i rgyal po/'khor srin po bye ba gcig la chos rags pa 'dul ba'i rgyud bcu la sogs pa/ dus tshe lo khri'i dus na'o// gnas bya rgod phung po'i rgyal po'i khab na/ ston pa dgra bcom pa gser 'od dam pa/
17b5 'khor 'phags pa nyan thos rdzu 'phrul dang ldan pa dpag tu med pa la/ dam pa'i chos 'dul ba khri phrag dpag tu med pa/ dus tshe lo lnga stong thub pa'i dus su'o// gnas sog po g.yu'i smin ma can byang chub kyi
17b6 shing rnam par rgyal pa'i drung du/ston pa brtse bas rol pa'i blo gros/ 'khor sa brgyad pa'i byang chub sems dpa' rnams la/ chos phra rgyud bdun pa la sogs pa rnams gsungs/ dus tshe lo stong gi dus
18a1 su'o// gnas bya rgod spungs par/ ston pa 'od srung bgres po/ 'khor tshe dang ldan pa bdun/ dam pa'i chos mdo sde dang/ kr-i ya/ lung a nu'i chos khri phrag brgyad la sogs pa gsungs/ dus tshe lo lnga
18a2 brgya pa'i dus so// gnas rdo rje gdan byang chub 'byung ba'i shing drung du/ ston pa yab mngon rdzogs rgyal po/ 'khor rigs gsum mgon po la/ chos nges pa'i don 'ba' zhig gsungs/ dus tshe lo sum brgya pa'i dus
18a3 so// gnas mgon med zas sbyin gyi kun dga' ra ba ra/ ston pa shAkya thub pa/ 'khor rnam pa bzhi la/ chos bden pa bzhi'i 'khor lo lan bcu gnyis su skor te/ sdug bsngal ba/ stong pa/ bdag med pa/ kun
18a4 'byung/rgyu rkyen gyi rnam pa/ lam rig pa/ sgrub pa/ 'gog pa/ zhi ba/ gya nom pa ste bcu gnyis su bskor/ dus tshe lo brgya pa'i dus na'o// de ltar na gnas bcu gnyis su byon pa de dag la phun sum tshogs pa lnga re
18a5 bsdoms pas chos kyi rnam grangs drug bcu 'byung zhing mdzad pa phrin las kyi sgo yang sku'i mdzad pa bcu gnyis ni gnas mi 'dra ba bcu gnyis su ston pa nyid sku mdog phyag mtshan mi 'dra ba bcu gnyis su sprul nas
18a6 byon pas gdul bya rigs mi mthun pa bcu gnyis kyi tshogs mi 'dra ba dpag tu med pa'i don mdzad pa mi 'dra ba bcu gnyis mdzad pa'i mdzad pa zhes sku'i gzi mdangs la bsten nas sku'i bstan pa 'phel ba'i
18b1 don du byung ba'o// sku de dag gis dus su gsung chos kyi 'khor lo mi 'dra ba bcu gnyis gsungs pas 'gro ba'i ngag gi bcings pa mi 'dra ba bcu gnyis las grol bar mdzad pa'i mdzad pa zhes gsung gi bstan
18b2 pa 'phel ba'i don du byung ba'o// gsung de tsam zhig gi tshe na thugs kyi dgongs pa mi 'dra ba bcu gnyis kyis 'gro ba'i rigs mi 'dra ba rnams kyi rtog pa bcu gnyis las grol bar mdzad pa'i mdzad pa
18b3 zhes thugs kyi bstan pa 'phel ba'i don du byung ba ste de ltar bstan pa nges pa'i sprul pa'i sku gcig la chos kyi rnam grang dgu bcu rtsa drug tshogs dgongs te/de dag dang ldan pa ni bstan pa'i bdag po zhes
18b4 bya'o// gal te mi ldan na sangs rgyas 'jig rten du byon pa khol bu'i bstan pa zhes bya ste de dag kyang sngon gyi sems bskyed rdzogs pa las byung ba'o// zhes khyad par du ma dang bcas pas bshad cing/ bkod pa
18b5 chen po las/phyi la sogs pa dgu yis ni// mdzad pa'i bye brag dgos par 'gyur// zhes mdzad pa la'ang sku gsung thugs la phyi nang gsum rer dbye ba dang/ de re re la'ang bzhi bzhir dbye ba sogs mang du
18b6 gsungs kyang 'dir mi spro la/de dag rnams kyang khyad par gyi dgongs pa'i phyogs gcig tu mngon cing bde bar gshegs pa thabs la mkhas pas gdul bya'i zhing khams rab 'byams rgya mtsho'i rdul gyi grangs
19a1 dang rjes su mthun par 'tshams pa'i gzugs kyi sku snang zhing/sangs rgyas kyi mdzad pa ston pa ni tshul gcig la tshul tha dad pa dag kyang 'gal bar mi bsams te sangs rgyas kyi rnam 'phrul ni
19a2 bsam gyis mi khyab pa'i gnas yin pa'i phyir so skye lta zhog 'phags chen rnams kyi blo'i spyod yul kyang ma yin te dus dang gdul bya sogs mthar gcig tu nges gzung ma mchis pas phyogs gcig mthong bas
19a3 cig shos la smad par mi bya ste/'di ltar 'phags pa chos thams cad yang dag par sdud pa'i mdo las/ 'jig pa'i bskal pa 'chags pa'i bskal par mos na'ang 'jig pa'i bskal pa 'chags pa'i bskal par
19a4 'gyur te/sems can de dag gis kyang/ 'chags pa'i bskal par shes so// 'chags pa'i bskal pa 'jig pa'i bskal par mos na yang 'chags pa'i bskal pa 'jig pa'i bskal par gyur te/ sems can de
19a5 dag gis kyang 'jig pa'i bskal par shes so// 'jig pa dang 'chags pa yang gzhan du 'gyur ba ma yin te/ mos pa de ltar yang 'gyur ro// de bzhin bskal pa gcig snga dro tsam du mos na yang de na sems can
19a6 de dag gis bskal pa gcig snga dro tsam du shes so// snga dro bskal pa tsam du mos na yang de bzhin du 'gyur te/ de na sems can de dag gis de bzhin du shes te/ 'di ni byang chub sems dpa'i mos pa las byung
19b1 ba'i rdzu 'phrul zhes bya'o// zhes gsungs pa'i phyir ro// de ltar sku gsum po de sku lngar dbye ba la 'chad tshul gnyis te/ zur gyi mkhas pa rnams ni/ sku gsum po de'i snang cha ma 'dres pa'i cha nas mngon par byang
19b2 chub pa'i sku dang/ngo bo dbyer mi phyed pa'i cha nas rdo rje'i sku ste lngar bzhed pas chos sku longs sku sprul sku gsum ni sku mtshan nyid pa yin la/ gzhan gnyis rnam pa'i ldog cha dang ngo bo dbyer mi phyed pa'i cha nas
19b3 bzhag pas sku btags pa bar bzhed/kun mkhyenachos rjes/ chos sku mngon byang rdo rje'i sku gsum po sangs rgyas rang snang gi sku mtshan nyid pa dang/ longs sprul gnyis ni 'dul bya gzhan snang gis bsdus pa'i
19b4 phyir sku btags pa bar bzhed/gang ltar bshad kyang 'gal bar ma mthong mod kyi/ 'on kyang mtshan nyid kyi sgo nas rnam par bzhag na/ gdod nas dbyings rang bzhin gyis rnam par dag pa grol sa'i ka dag
19b5 chen po sangs rgyas thams cad gang du dbyings gcig pa'i klong/lam thams cad kyi bgrod pa mthar phyin pa'i chos nyid de ni rnam pa kun tu mi 'pho zhing mi 'gyur bas rtag brtan 'dus ma byas pas mi 'gyur rdo
19b6 rje'i sku dang/gdod nas dri ma dang bral bas rang bzhin rnam dag dang/ glo bur sgrib gnyis cha bcas shin tu rnam par byang bas na dag pa gnyis ldan gyi sangs rgyas zhes kyang bya ste/ ye shes dra ba las/ dbyings
20a1 kyi dag pa rdo rje'i sku// mi 'gyur mi shigs bsam las 'das// zhes so// dag pa gnyis ldan de nyid kyi ngang las snang cha mkhyen pa'i ye shes ma 'gags pa'i rtsal gyis bral ba'i yon tan stobs
20a2 bcu/mi 'jigs pa bzhi/ sangs rgyas kyi chos ma 'dres pa bco brgyad/ thugs rje chen po la sogs mkhyen brtse nus pa'i yon tan rnams mnga' ba'i cha nas mngon par byang chub pa'i sku zhes bya ba ma 'dres pa'i
20a3 chos thams cad kyi 'char gzhir gnas pa ste/snga ma las/ dri ma bral phyir byang ba ste// yon tan rgyas pas chub pa nyid// gnyis med 'dres phyir zung 'jug phyir// mngon par byang chub skur brjod do// zhes
20a4 bshad pa ltar ro// ye shes kyi sgo nas bzhag na/ chos dbyings ye shes ji lta ba mkhyen pa'i ye shes dang/ ye shes phyi ma bzhi po rten brten pa'i cha nas ji snyed mkhyen pa'i ye shes su bshad cing/ phyis kyi nges don
20a5 smra ba'i mkhas pa chen po dag gis kyang chos kyi dbyings kyi ye shes ni don dam pa dang/phyi ma bzhi po la kun rdzob kyi cha ci rigs par 'dres par bshad pa dang don gcig la/ ye shes de dag kyang snga ma ni/ rgyud
20a6 bla ma las/thog ma dbus mtha' med cing rnam dbyer med/ gnyis med gsum bral dri med rnam rtog med/ ces sogs gsungs pa ltar chos kyi sku dang/ phyi ma bzhi po rim bzhin/ mdo sde rgyan du/ me long ye
20b1 shes nga yi med// yongs su ma chad rtag tu ldan// shes bya kun la ma rmongs la// rtag tu de la mngon phyogs min// ye shes kun gyi rgyu mtshan phyir// ye shes 'byung gnas chen po 'dra// longs spyod rdzogs pa'i
20b2 sangs rgyas nyid// ces dang/ mnyam nyid ye shes sems can la// bsgom pa dag pa la 'dod do// mi gnas zhi bar bzhugs pa ni// mnyam nyid ye shes yin par 'dod// dus rnams kun tu byams pa
20b3 dang// thugs rje chen po dag dang ldan// sems can rnams la mos pa bzhin// sangs rgyas sku ni nges par ston// ces dang/ so sor rtogs pa'i ye shes ni// shes bya kun la rtag mi thogs// ting nge 'dzin dang
20b4 gzungs rnams kyi// gter dang 'dra ba kho na yin// 'khor gyi dkyil 'khor thams cad du// 'byor pa thams cad ston mdzad pa// the tshom thams cad gcod pa yi// chos chen char ni rab tu 'bebs// zhes
20b5 longs spyod rdzogs pa'i sku dang/de nyid las/ bya ba grub pa'i ye shes ni/ khams rnams kun tu sna tshogs shing// dpag med bsam yas sprul pa yis// sems can kun gyi don sgrub pa'o// zhes pa ni sprul pa'i
20b6 sku'o// 'di la kun mkhyen chen pos/ chos dbyings mnyam nyid gnyis gnas lugs gzigs pa'i cha nas ji lta ba mkhyen pa'i ye shes dang/ ye shes gzhan gsum po 'char gzhi dang/ yul gzigs pa dang/
21a1 'gro don mdzad pa'i cha nas ji snyed mkhyen pa'i ye shes su bshad de/ thal 'gyur las/ ji ltar mkhyen pa'i dngos po yis// gnas lugs rang gi don du shes// ji snyed pa yis gdul bya
21a2 yi// bsam pa ji ltar gnas pa shes// de ltar thugs rje'i 'char tshul las// gdul bya'i 'gro ba tha dad la// 'dul byed sku yang de tsam mo// zhes gsungs pa bzhin no// de ltar sku gsum ye shes lnga'i bdag
21a3 nyid chen po'i go 'phang de nyid rgyu'i theg chen gyi lam lnga sa bcu mthar phyin pa'i rgyun mtha'i bar chad med lam la brten pa'i byang chub sems dpa' 'tshang rgya ka ma de la phyogs bcu rab 'byams kyi de bzhin
21a4 gshegs pa rnams kyis 'od zer chen po'i dbang bskur bar mdzad pa mdo las gsungs pas rang sa'i sgrib pa gnyis byang bar gyur kyang/dkar dmar rlung gsum la brten pa'i 'gyur bde myong ba'i snang
21a5 gsum 'pho ba'i bag chags phra ba 'dod chags chen po'i dbang bskur la ma brten par sbyong ba'i thabs med par sngags bla med kyi rgyud dang 'grel pa rnams su ci rigs par bshad pa/'jam dpal sgyu 'phrul
21a6 dra ba las kyang/theg pa gsum gyi nges 'byung gi/ theg pa gcig gi 'bras bur gnas// zhes pa'i dgongs pa dang yang 'byor ba'i phyir rgyu'i theg pa'i mthar thug sngags la brten nas 'grub dgos pa tsam ni rgyu
21b1 'bras kyi theg pa so so'i ming gis kyang shes nus la/'o na rgyu'i theg chen du 'bras bu'i rnam gzhag gsungs pa don med du 'gyur ro snyam na/ skyon med de/ dbang rtul rgyu'i theg par mos pa dag gi ngor de ltar
21b2 bstan du zin kyang mdo'i nges don mthar thug pa sngags su gnas shing/der rang bzhin yongs grub dang/ chos nyid 'od gsal/ dam pa'i bdag sogs spyi tsam zhig gsungs nas gnas lugs shin tu rgyas pa
21b3 chen po dang/de nyid rtogs pa'i thabs kyi sgo yongs su rdzogs par sngags su bstan pa'i phyir sngags kyi sangs rgyas de nyid mdo lam gyi sangs rgyas ma yin par mi 'gyur te lam ring ba'i sne nye lam dang 'phrad pa
21b4 zhig la de gnyis gang nas phyin kyang don gyi gnas su gcig pa bzhin no// 'o na sngags ma gtogs mdo'i lam bstan pa don med do snyam na/ de yang ma yin te/ bgrod thag shin tu nye yang ngam grog dang g.yang
21b5 sa'i lam la skyes bu lus dang blo stobs che ba ma gtogs 'jug mi nus pa bzhin sngags kyi gdul bya dbang rnon blo stobs che ba ma gtogs khe nyen che ba'i phyir dang/bgrod thag ring yang ngam grog sogs kyi
21b6 'jigs pa med par lus dang blo stobs nyams dma' bas 'jug pas dal bus phyin pas khe nyen chung ba ltar mdo'i ring lam bstan pa thams cad mkhyen pa thabs la mkhas pa'i phyir chos ston tshul bla na med pa
22a1 nyid du shes par bya ba'ang gnad dam pa yin la/de ltar ma yin na rgyu 'bras kyi theg pa gnyis dgongs gzhi 'gal ba can du 'gyur zhing mthar thug theg pa gcig tu mi 'du ba dang/ nges don gyi
22a2 phyogs kyang gnyis su 'gyur ba sogs kyi skyon chen po gnas pa'i phyir rgyal ba'i phrin las chud mi gsan pa la mkhas par bya dgos so// 'on kyang sngon gyi chen po dag rgyu 'bras theg pa'i khyad par dang blo gros
22a3 rnam 'byed kyi ched du mdo dang sngags su bshad tshod kyi sangs rgyas la khyad par 'di ltar dpyad de/chos sku la ngo bo'i mtshan nyid/ byin rlab kyi khyad par dang gsum las dang po ni/ mtshan nyid theg pa'i chos sku
22a4 spros pa bral ba'i stong nyid nam mkha' lta bu yin te/'jug pa las/ shes bya'i bud shing ma lus skam po dag/ bsregs pas zhi des rgyal rnams chos sku ste// de tshe skye ba med cing 'gag pa med// sems 'gags
22a5 pa de sku yis mngon sum mdzad// ces pa ltar ro// sngags kyi chos sku ni dbyings dang ye shes kyi rang bzhin snang stong zung du 'jug pa ste/ sgyu 'phrul rgyas pa las/ 'jig rten brtan g.yo la sogs pa// snang ba
22a6 nyid na dngos po med// ces gsungs pa bzhin no// gnyis pa ni/ mtshan nyid theg pa'i chos sku stong pa'i mthar lhungs la/ sngags kyi chos sku ni snang stong gnyis su med pas rtag chad kyi mthar ma lhung
22b1 ba'o// gsum pa ni/ mtshan nyid kyi chos sku las byin rlab gzugs sku gnyis las mi 'char/ sngags kyi chos sku ni dbyings dang ye shes snang stong zung du 'jug pa'i byin rlab las sku lnga la sogs pa ci rigs pa
22b2 'char ro// longs sku dang sprul sku'i khyad par yang 'di ltar yod de// rgyu mtshan nyid kyis gzugs sku gnyis rgyu rkyen gyis bskyed par 'dod la/ sngags kyi gzugs sku ni rgyu dang rkyen gyis bskyed par ma byung ste/ snga
22b3 ma las/rgyu rkyen rag lus med pa'i phyir// zhes so// gsum pa la'ang gnyis te/ longs sku'i khyad par dang/ sprul sku'i khyad par ro// longs sku'i khyad par la'ang gnyis te/ longs su spyad bya'i khyad par ni/
22b4 mtshan nyid theg pa'i longs skus dkar po'i phyogs la longs spyod pa las nag po'i phyogs la mi spyod/ sngags kyi longs sku ni gnyis ka la longs spyod/ spyod byed thabs kyi khyad par yang/ mtshan nyid theg par
22b5 nag po'i phyogs la longs spyod pa'i thabs med/sngags la dkar nag gnyi gar longs spyod pa'i thabs yod pa'i phyir ro// sprul sku la'ang khyad par gnyis las/ gdul bya yul gyi khyad par ni/ mtshan nyid theg
22b6 pa'i sprul skus dkar phyogs kyi gdul bya 'dul ba las nag phyogs kyi gdul bya mi 'dul/sngags kyi sprul sku'i gdul bya la phyogs ris med pa'o// 'dul byed thabs kyi khyad par yang/ rgyu mtshan nyid kyi sprul
23a1 sku la nag phyogs 'dul ba'i thabs med/sngags kyi sprul sku ni gdul bya dkar nag gi phyogs gnyi ga 'dul ba'i thabs dang ldan pa'o// gzhan yang chos sku la mchog tu mi 'gyur ba'i bde ba chen
23a2 pos khyad par du byas pa dang/longs sku nges pa lnga ldan kyang zhing dang ston 'khor thams cad rang snang gzhi'i 'od gsal chen por lhun gyis grub pa'i snang cha las gzhan snang gis bsdus pa min pa dang/ sprul sku
23a3 yang 'dul ba rnam pa bzhi'i sgo nas phrin las rnam pa bzhi rab 'byams ci yang rung ba la mnga' dbang bsgyur nas gdul bya'i don mdzad pa la dbang 'byor pa sogs khyad par gzhan yang yod pa shes par
23a4 bya'o// de nyid kyis 'gro ba'i don mdzad pa de yang/ gang gi tshe de bzhin gshegs pas thams cad mkhyen pa'i go 'phang mngon du mdzad pa na rang gi ngo bo'i cha las gdul bya sems can gyi khams rab 'byams
23a5 rgya mtsho dang 'dul byed thabs kyi khyad par de snyed kyang thugs rje chen po'i rol pa las gzhan du ma gyur pa ste thams cad ro gcig par 'bad med lhun grub tu gnas pas gdul bya'i bsod nams kyi tshogs
23a6 dang/rgyal ba'i thugs bskyed kyi khyad par sogs rgyu dang rkyen la ma ltos par sems can thams cad kyi sems kyi rang bzhin gang yin pa de dang sangs rgyas kyi ye shes bde bar gshegs pa'i snying po chos nyid
23b1 kun khyab kyi rang bzhin 'gro 'ong 'pho 'gyur med par til gyi khams la snum gyis khyab pa bzhin rnam par dbyer med pa'i bdag nyid can du bzhugs pa ni gshis lugs su khyab pa'i phrin las 'dus ma byas
23b2 pa'i ngo bos rtag pa dang/khyab pa dang/ lhun gyis grub pa'i mtshan nyid can te/ dad pa'i stobs bskyed pa la 'jug pa'i mdo las/ 'jam dpal phyogs bcu'i 'jig rten gyi khams rab 'byams thams cad na
23b3 mu stegs can gyi gnas thams cad dang/'jig rten pa dang/ 'jig rten las 'das pa'i las bya ba thams cad gang ci 'byung ba de dag thams cad ni de bzhin gshegs pa'i lhun gyis grub pa'i ye shes kyi
23b4 'byung ngo// de ci'i phyir zhe na/ ma 'dres pa'i chos dang ldan pa'i phyir ro// zhes dang/ rgyud bla ma las/ gzhan gyi dbang gis nges 'byung dang// bdag dang sems can mtshungs gzigs dang// mdzad pa yongs
23b5 su ma rdzogs phyir// 'khor ba srid du mdzad mi 'chad// ces rtag pa'i don dang/ de ltar nam mkha'i mtha' klas kyi// 'gro ba rtag tu lhun grub par// thogs med blo ldan de yis ni// sems can don ni yang dag
23b6 'jug/ces khyab pa dang lhun gyis grub pa'i don dang/ mdo sde las brgya pa las/ rgya mtsho chu srin gnas kyi rlab// dus las yol bar 'gyur srid kyi// gdul bar bya ba'i sras rnams la// sangs rgyas dus las
24a1 yol mi mnga'// zhes gsungs pa bzhin lhun gyis grub pa'i phrin las de nyid gdul bya so so'i rgyud la skal ba dang 'tshams par sad tshul la ltos nas myang 'das kyi rgyud kyis bsdus pa'i 'bad
24a2 rtsol dang rnam par mi rtog bzhin du gshegs snying gi rtsal 'khor ba ltar shar ba glo bur gyi chos dang 'dzom pa las rnam grol gyi lam ston pa dge ba'i bshes gnyen dang/lam gyi stegs dang/ lam gyi rnam par
24a3 shar ba dri ma sbyong ba'i gnyen por 'gro bas byang chub kyi myu gu smin zin pa dang/smin pa dang/ smin par 'gyur ba'i thabs tshu?l ni bde bar gshegs pa'i phrin las dang thugs rje'i rol pa rmad du byung ba ste/ sgyu
24a4 'phrul rgyas pa las/thugs rje chen po'i byin rlab kyis// phyogs bcu'i 'jig rten rdul snyed du// 'gro ba'i phrin las bsam mi khyab// sku gsung thugs dang yon tan dang// lhun gyis grub pa'i phrin las
24a5 kyis// gdul bya rnams ni chud mi gson// ngan song sbyongs shing byang chub zhing// ye shes tshogs rdzogs kun tu ston// zhes gsungs pa'i phyir ro// gzhan du mnyam gzhag gi ye shes la g.yo ba med bzhin du
24a6 rjes thob kyis sems can gyi don mdzad par 'dod pa/ji skad du/ mi rtog pa dang de yi ni// rjes thob de ni ye shes 'dod// ces bshad pa dang/ gdul bya'i dkar po rnam par 'phel ba'i rgyu dang sangs rgyas kyi
24b1 sngon gyi smon lam gyi skyen las 'gro ba'i don 'byung bar 'dod pa ni/'jug pa las/ zhing sku dpag bsam shing ltar gsal gyur pa// yid bzhin nor bu ji bzhin rnam mi rtog/ 'gro sgrol bar du 'jig rten
24b2 'byor slad rtag/'di ni spros dang bral la snang ba yin// zhes gsungs pa rnams kyang thun mong gi gdul bya la ltos pa'i 'chad tshul phyogs re tsam las nges don mthar thug yin dka'o// gnyis pa ston pa de dag
24b3 gis bstan pa dam pa'i chos ji ltar gsungs pa'i tshul la spyir 'khor 'das kyi chos ngos bzung ba/bye brag tu dam pa'i chos kyi 'khor lo bskor tshul lo// dang po la'ang gsum ste ngo bo dang nges tshig dbye
24b4 ba'o// dang po ni/ gang la dmigs pas zag pa dang bcas pa'i las kyis khams gsum du 'khor zhing sdug bsngal 'ba' zhig la spyod pa'i skyon gyi rang bzhin can ni 'jig rten pa'i chos kyi mtshan nyid/ gang
24b5 gis rgyud la brten pas sgrib gnyis 'jig cing 'khor ba'i sdug bsngal las skyob par byed pa'i rnam dkar gyi yon tan mnga' ba ni 'jig rten las 'das pa'i chos kyi mtshan nyid de/ji skad du/ sdug bsngal dag
24b6 ni thams cad dang// sgrib kun sel byed dam pa'i chos// zhes so// nges tshig ni/ Du d+h+r-i nya? 'dzin pa la'o// zhes pa'i byings las bsgrub pas d+harma'i sgra ni chos la 'jug ste rang dang spyi'i mtshan nyid thams cad
25a1 'dzin pa'i phyir/de yang sa sra ba dang chu gsher ba lta bu'i rang mtshan dang/ 'du byas thams cad mi rtag pa/ zag bcas thams cad sdug bsngal ba/ chos thams cad bdag med pa/ mya ngan las
25a2 'das pa zhi ba'o// zhes pa lta bu spyi'i mtshan nyid 'dzin pa thams cad la chos zhes bya ste/ de yang don dgu la 'jug ste/ shes bya dang/ lam dang// myang 'das dang/ yid kyi yul dang// bsod nams dang/ tshe
25a3 dang/gsung rab dang/ 'byung 'gyur dang/ nges pa dang/ lung la 'jug pa rnams so// dbye ba la gnyis te/ 'khor ba'i chos rgyu ma rig pa gsum mtshungs ldan du shar ba ste/ bdag nyid gcig pa'i ma rig pa
25a4 shes pa bskyed pa de la de nyid du ma shes pa dang/lhan cig skyes pa'i ma rig pas rang ngo ma shes pa de dang shes pa de gnyis lhan cig tu skyes pa la/ kun tu brtag pa'i ma rig pas rang snang la gzhan du dpyad
25a5 pa'i cha de gsum ngo bo gcig las ldog pa tha dad du shar bas gzhi las gzhi snang du shar ba de rang nyid las byung bar ma shes pas yul yul can du dpyod byed kyi ma rig pa gsum po rgyu'i rkyen/rang las gzhan
25a6 du bzung bas snang yul me long la rang gi byad shar ba lta bu dmigs pa'i rkyen/nga dang nga yi bar 'dzin pa'i shes pa bdag po'i rkyen/ gsum po dus mtshungs pas de ma thag pa'i rkyen te bzhi po de 'dzom pa'i
25b1 dmigs pa ma dag pa'i cha las snang ba dang shes pa gnyis nang dang phyi rol du gzung 'dzin gyi rnam char bzung bas 'khrul pa ste/thal 'gyur las/ 'khrul pa'i rgyu ni ma rig pa// ma rig pa ni rnam pa
25b2 gsum// zhes dang/ rgyu gcig byed med rtsa ba las// rang ngo yin par ma shes pas// 'di ni 'khor ba'i thog ma'o// zhes dang/ bkod pa chen po las/ lhun grub stong pa'i yul la shar// de tshe rkyen bzhi'i
25b3 'khrul 'khor las// 'dzin pa'i rgya dang bcas par 'gyur// zhes so// 'khrul pa de nyid 'khrul dus nyid nas rang ngo ma shes pa'i sgrib byed kyi rang rtsal ma rig pa'i char kun gzhi dang/ de la brten pa kun
25b4 gzhi'i rnam par shes pa'i sems dang/de las byung ba'i nyon mongs pa drug ste/ shes rab kyi cha las 'khrul pa gti mug/ skyed pa'i rim pa'i cha las 'khrul pa zhe sdang/ lta ba'i cha las 'khrul pa nga rgyal/ snang
25b5 ba'i cha las 'khrul pa 'dod chags/ma rtogs pa'i cha las 'khrul pa phrag dog ste de la sogs pa nyon mongs pa ni bsam pa rjes su 'dzin pa'i sems dang/ dran pa rnams rjes su 'dzin pa'i yid dang/ mtshams
25b6 sbyor ba'i bag chags dang the tshom rnams kyi gzhir gyur pa'i rtog pa dang/yul dang dngos por 'dzin pa'i cha las sogs te dpag tu med la rtogs tshogs kyi rim pas brgyad khri bzhi stong ste/ dug gsum ka cha
26a1 mnyam pa la nyi khri chig stong du mchis pa rnams bag la nyal gyi char shar ba'i yid kyi rnam par shes pa dang/sgo lnga'i shes pa byung zhing/ de nyid yul la 'jug pa na snga logs pa'i shes pa drug gang
26a2 yang rung ba'i rgyun yod pa yul dang de nyid skad cig gis de dang de'i rnam par 'dzin pa da lta'i shes pa dang/de'i rjes la bde sdug bar ma gsum gang rung tshor ba ni reg pa'i tshor ba zhes bya ste de ltar drug tshan
26a3 gsum du dbye ba'i khams bco brgyad dang/rdul phra rab tshogs pa gzhig cing gzhom du rung ba'i gzugs kyi phung po/ myong zhing sred pa 'byung ba tshor ba'i phung po/ g.yo zhing yul la 'jug pa 'du shes kyi phung po/
26a4 byed cing bag chags sogs pa 'du byed gyi phung po ste lnga dang/ rtogs tshogs gang zhig skye zhing mchod par byed pa'i yul gyi rnam pa las rang gi skad cig phyi logs kyi rgyun dang de nyid 'dzin byed kyi shes pa gnyis
26a5 skye zhing mched par byed pa'i mig gis bzung yul gzugs sogs drug dang/shes pa'i rnam pa las skad cig phyi logs su skye zhing yul la mched rung du skye ba'i gzugs la gzugs su shes pa mig gi rnam shes
26a6 la sogs drug ste bcu gnyis po dang/yul 'dzin pa la dbang byed pa'i mig gi dbang po sogs lnga dang/ rnam par rig byed shes pa dang po'i gzugs can gyi bdag po'i rkyen las byung ba yid kyi dbang po ste
26b1 drug dang/las kyang/ bsod nams dang/ bsod nams ma yin pa/ mi g.yo ba gsum ste dang po ni 'khor ba'i bde 'bras skyed byed dge bcu la sogs dang/ gnyis pa ni/ de las ldog pa'i las ngan 'gror
26b2 'phen byed/gsum pa khams gong mar 'phen byed kyi las so// de rnams ni nang sems kyis bsdus pa yin la/ de dag gi snang cha dang rten gzhir gyur pa phyi yul gyis bsdus pa'i khams 'byung ba chen po lnga
26b3 chags pa dang/gnas pa dang/ 'jigs pa dang/ stongs pa bzhis rgyu dang rkyen dang rten dang dngos po byed la/ de las yul snang sems kyi bag chags brtas pas rmi lam lta bur 'dod pa'i khams gling bzhi ri
26b4 rab khor yug dang bcas pa'i 'jig rten dang/gzugs kyi khams 'od lnga rang gsal 'ja' tshon lta bu dang/ gzugs med pa'i khams srid rtse'i ting nge 'dzin gyi cha las byung ba sogs mdor na khams gsum
26b5 gyis bsdus pa'i snod bcud brtan g.yo'i bkod pa thams cad 'phags pa rnams kyi don dam pa'i gzigs ngor mi snang yang sems can rnams kyi blo 'khrul pa'i snang tshul smig rgyu la chu 'khrul pa dang/thag khra la
26b6 sbrul du mthong ba'i shes pa phyin ci log tu gyur pa'i gzung 'dzin gyi dbang gis snang ste/mu tig phreng ba las/ de ltar snang ba sna tshogs rnams// thag pa la ni sbrul mthong ltar// de ma yin la der bzung
27a1 bas// phyi nang snod bcud gnyis su chags// de yang brtag na thag pa nyid// snod bcud ye nas stong pa ste// don dam kun rdzob gzugs can no// sbrul mthong de nyid mthong bas bden// thag
27a2 mthong yang dag nyid du bden// dper na mtho la bya bzhin gnas// bden pa gnyis kyi rang bzhin ni// 'jig rten kun rdzob tsam du ste// yang dag nyid la 'brel ba med// stong pa nyid kyi dbyings las ni// de
27a3 yi ngo bo thams cad grol// zhes dang/ 'jam dpal zhal lung las/ 'khor ba'i chos rnam thag khra la// sprul ltar med pa nyid du 'dod// ces gsungs pa bzhin no// de yang 'khor ba bde sdug mtho dman
27a4 sogs snang tshul mtha' dag pa rnams skyed mkhan ni kun nas nyon mongs pa dang bcas pa'i zag bcas kyi las gsum po ste las kyis byas pa/las kyi sprul pa/ las kyis rnam par smin pa/ las kyis snang ba
27a5 las gzhan du ma gyur ba ste/mdo sde las brgya pa las/ 'jig rten sna tshogs las las skyes// bde dang sdug bsngal las kyis byas// rkyen rnams tshogs nas las 'byung zhing// las kyi bde dang sdug bsngal
27a6 byas// zhes dang/ dbu ma la 'jug pa las/ sems nyid kyis ni sems can 'jig rten dang// snod kyi 'jig rten sna tshogs las la bgo/ 'gro ba ma lus las las skyes par gsungs// zhes bshad pa ltar
27b1 ro// gnyis pa 'khor ba'i sdug bsngal las skyob par byed pa myang 'das dam pa'i chos te/ de ni chos thams cad kyi rab dang/ mchog dang/ phul du gyur cing gzhan las khyad par du gyur pas na dam pa zhes pa'i
27b2 sgras brjod pa'o// de lta bu'i chos de la'ang gnyis te/ slob dpon ba su ban+d+hus/ ston pa'i dam chos rnam gnyis te// lung dang rtogs pa'i bdag nyid do// zhes bshad pas/ brjod bya rtogs pa'i chos dang/ rjod
27b3 byed lung gi chos so// rtogs pa'i chos la'ang gnyis te/ 'phags pa rnams gang du gshegs pa'i 'gog bden bsam brjod kyi yul las brgal ba'i myang 'das chen po gnyis snang gi mtshan ma thams can nub
27b4 pa'i dbyings su snyoms par zhugs pa rtogs pa'i yon tan gyis thob pa gang yin pa de dang/gang gis gshegs pa'i lam bden rang bzhin gyis rnam par dag pa'i 'od gsal ba'i snying po can so so rang gis
27b5 rig par bya ba'i spyod yul sgrib pa'i gnyen por gyur pa'i zag med kyi ye shes 'khor bcas rtogs pa'i ngo bor gyur pa ste snga ma ni 'phags bzhi'i thugs rgyud kyi spang bya spangs pa'i zad mi skye'i ye shes te chags
27b6 bral gyi ngo bo dang/phyi ma ni gang gis spong byed chags pa dang bral bar byed pa'i gnyen po'i ye shes kyi rang bzhin te/ 'phags pa ma pham pas/ bsam med gnyis med rtog med pa// dag gsal gnyen po'i
28a1 phyogs nyid kyis// gang zhig gang gis chags bral la// bden gnyis mtshan nyid can de chos// chags bral nyid ni 'gog pa dang// lam gyi bden pa dag gis bsdus// zhes gsungs pa bzhin
28a2 no// lung gi chos la'ang ngo bo'i sgo nas legs par gsungs pa'i bka' dang/ de'i dgongs pa 'grel pa'i bstan bcos gnyis su 'byed de/ snga ma ni/ brjod bya gang zhig don chen po dang ldan cing khams gsum
28a3 gyi nyon mongs pa mtha' dag spong ba'i thabs su gyur pa/zhi ba mya ngan las 'da' ba'i phyogs ston par byed pa tshad mar gyur pa sangs rgyas bcom ldan 'das rnams kyi gsung gi mtshan nyid khyad par du 'phags
28a4 pa ste/rje btsun gyis/ gang zhig don ldan chos dang nyer 'brel zhing/ khams gsum kun nas nyon mongs spong byed gsungs// zhi ba'i phan yon ston par mdzad pa gang// de ni drang srong gsung yin bzlog pa
28a5 gzhan// zhes gsungs pa ltar ro// nges tshig ni/ su b+hA Shi ta ces pa phyin ci ma log pas na legs pa gsung pa ste/ dam pa'i chos ni thog mar dge ba/ bar du dge ba/ tha mar dge ba/ don bzang po/ tshig 'bru
28a6 bzang po/ma 'dres pa/ yongs su rdzogs pa/ yongs su dag pa/ yongs su byang ba la sogs pa'i tshul can dang/ gzhan yang mdo las/ bcom ldan 'das kyi chos ni legs par gsungs pa/ yang dag par
28b1 mthong ba/nad med pa/ dus chad pa med pa/ nye bar gtod pa/ 'di mthong ba la don yod pa/ mkhas pa rnams kyis rang gis rig par bya ba'o// zhes gsungs pa'i phyir ro// dbye na/ zhal nas gsungs pa dang/
28b2 byin gyis brlabs pa/ rjes su gnang ba gsum mo// dang po ni/ shes rab kyi pha rol tu phyin pa sdud pa lta bu dang/ gnyis pa ni/ sku gsung thugs kyi byin rlab las byung ba/ sa bcu pa'i mdo dang/ ma skyes dgra'i
28b3 'gyod pa bsal ba'i mdo dang/kun tu bzang po'i spyod pa ston pa'i mdo lta bu'o// gsum pa ni/ bsdu ba po rnams la chos kyi tshul yang dag par sdud pa'i tshul/ mgor gleng gzhi/ bar du tshig dang don rgyu rkyen
28b4 'brel pa dang bcas pa/mjug tu bcom ldan 'das kyis de skad ces bka' stsal nas thams cad dang ldan pa'i 'khor de dag yi rangs te bcom ldan 'das kyis gsungs pa la mngon par bstod do// zhes bris
28b5 shig ces rjes su gnang bar mdzad pa dang/gzhan yang gnod sbyin rnams kyi rigs sngags dang/ nam mkha'/ ljon shing/ rnga bo che/ gaN+Di/ pi waM sogs ci rigs par chos kyi sgra 'byung ba rnams kyang rjes su
28b6 gnang ba'i bkar bsdu'o// yang brjod bya brjod byed kyi sgo nas dbye na/ lhag pa tshul khrims kyi bslab pa brjod bya'i gtso bor ston pa 'dul ba'i sde snod/ lhag pa shes rab kyi bslab pa gtso bor ston pa
29a1 mdo sde'i sde snod/lhag pa ting nge 'dzin gyi bslab pa gtso bor ston pa mngon pa'i sde snod de/ mtshan gzhi yang/ lung sde bzhi sogs dang/ sher phyin stong phrag brgya pa sogs dang/ mngon pa sde bdun lta
29a2 bu'o/rnam pa gcig tu na bka' thams cad sde snod gnyis su'ang dbyer rigs te/ nyams su len pa po gang zag gi dbang du byas na/ nyan thos dang/ byang chub sems dpa'i sde snod gnyis so// dman dang mchog gi
29a3 skal bar 'tshams pa'i phyir thogs med zhabs kyis/gsum po de ni theg pa dman pa dang/ theg pa mchog gi bye brag gis gnyis su 'gyur te/ nyan thos kyi sde snod dang/ byang chub sems dpa'i sde snod do// zhes
29a4 gsungs pas so/khyad par 'byed byed dngos ni/ blo stobs chen po theg chen kyi bsam sbyor rgyud la skyes pa rnams la byang chub sems dpa'i theg pa dang/ rang nyid zhi bde'i bsam sbyor 'ba' zhig don du gnyer ba
29a5 la nyan thos kyi theg pa bstan pa'o// de la theg pa'i ngo bo dang/ nges tshig/ rnam grangs dbye ba'i sgo nas chos kyi 'khor lo bskor tshul dang bcas pa 'chad pa'o// dang po ni/ 'khor ba las 'phags te myang 'das kyi
29a6 phyogs su 'gro ba'i lam bden gyis bsdus pa'i chos so// nges tshig yA na'i sgra ni/ bzhon pa dang/ khyogs dang/ lam sogs la 'jug pa'i don can gyis 'gro ba'i don du 'gyur te rnam mkhyen kyi bar du 'gro ba'i
29b1 lam dang bzhon pa lta bu yin pa'i phyir lam bden thams cad la theg pa'i sgras bsnyad pa ste/brgyud nas mya ngan las 'das pa dang/ gzhung gi tshogs dang/ brjod par bya ba lta bu la yang 'jug par shes par
29b2 bya'o// dbye na slob pa'i rgyud kyis bsdus pa'i lam bden 'dis bgrod byed kyi theg pa dang/ mi slob rgyud kyis bsdus pa'i lam bden 'dir bgrod bya'i theg pa yin pa'i phyir/ 'phags pa sdud pa las kyang/ de
29b3 gang zhon nas sems can thams cad mya ngan zlo// dga' skyed bde ba mngon par sgrub byed yon tan mchog/ theg pa 'di ni mkha' 'dra gzhal med khang chen no// zhes gsungs pa bzhin no// dbye na/ dman
29b4 pa'i theg pa dang mchog gi theg pa'o// dang po ni blo dman pa nyid kyis sgrib gnyis lhag med du 'jom pa'i nus pa med pa'i phyir dang/ don gcig du zhes pa'i phyir dang/ thabs chen po dang mi ldan pa'i phyir dang/
29b5 bdag med pa gnyis char ma rtogs pa'i phyir dang/ brtson 'grus dang snying stobs chen po mi ldan pa'i phyir sogs kyis theg pa dman pa zhes gdags so// theg pa chen po ni khyad par gyi yon tan bdun dang ldan
29b6 pa'i phyir te/chos kyi tshul rgya chen po'i don dang ldan pa'i phyir dmigs pa chen po/ bdag gzhan gyi don chen po dag sgrub pa'i phyir sgrub pa chen po/ bdag med pa gnyis rtogs pa'i phyir ye shes chen po dang/
30a1 grangs med pa gsum sogs su tshogs chen po bsag pa'i phyir brtson 'grus rtul ba med pa'i phyir brtson pa chen po dang/ snying rje chen pos 'khor ba yongs su mi gtong bzh-in du nyon mongs pas mi
30a2 gos pa'i phyir thabs la mkhas pa chen po dang/sangs rgyas kyi sa'i chos rnams kyang 'dir bskyed pa'i phyir grub pa chen po dang/ rgyun mi 'chad pa'i mdzad pa ston pa'i phyir phrin las chen po dang ldan pa'o// yang na
30a3 khyad par gsum gyis 'phags par bstan te/ji skad du/ dmigs pa rnam par dag pa dang// grogs kyi mthu dang spyod pa'i sa// blo ldan rnams kyi theg pa ni// chen po'i chen por yongs su bsgrags// zhes so// de
30a4 la theg pa chung ngu dang chen po gnyis sam/nyan rang byang sems sngags kyi theg pa ste bzhi'am/ yang na theg pa'i rim pa ni lnga zhig ste/ lha dang mi'i theg pa/ nyan thos kyi theg pa/ rang sangs rgyas kyi theg pa/ byang chub
30a5 sems dpa'i theg pa/gsang ba sngags kyi theg pa lnga'o// yang na nyan rang byang sems gsum dang sngags la nang gses drug tu dbye bas dgur bstan pa sogs gdul bya'i skal bar ltos nas theg pa'i dbye bsdu
30a6 bsam gyis mi khyab pa zhig bstan mod kyi gang ltar byas kyang 'gal ba med de ji skad du/chos kyi dbyings la dbyer med phyir// gtso bor theg dbyer ma mchis kyang// khyod kyis theg pa gsum po ni// 'gro ba
30b1 'dul phyir bstan pa yin// zhes gsungs pa ltar ro/ kha cig gis rdo rje snying 'grel du/ sangs rgyas pa la bzhi pa dang// lnga pa thub pa'i dgongs pa min// zhes gsungs pa'i don gyis theg pa gsum las grangs
30b2 gzhan mi 'thad par dam bca' yang/lung de'i don ni/ theg dman nyan rang dang/ byang chub sems dpa'i theg par gsang sngags kyang don gyis bsdus nas skabs der spyi tsam du de ltar bstan nas/ bye brag tu
30b3 sangs rgyas pa la zhes pa'i tshig gi nus pas phyir rol lta ba log pa'i rtsa ba'i grub mtha' lnga sogs grangs mtshungs 'gog pa'i ched dgos dbang gis de skad gsungs pa yin la/gal te theg pa gsum las grangs
30b4 gzhan nges par 'gog pa yin na/lang kar gshegs pa las/ lha yi theg dang tshangs pa'i theg/ nyan thos kyi dang de bzhin du// de bzhin gshegs dang rang rgyal gyi// theg pa de dag ngas bshad do// zhes theg pa lnga
30b5 gsungs pa dang/'jam dpal sgyu dra las/ theg pa sna tshogs thabs tshul gyis// 'gro ba'i don la brtson pa po// theg pa gsum gyi nges 'byung gis// theg pa gcig gi 'bras bu gnas// zhes gsungs pa'i theg pa
30b6 gcig 'di gang la ngos 'dzin/nyan rang 'khor ba las nges par 'byung ba gang zhig gdod theg chen gyi bsam sbyor rgyud la skyes nas rnam mkhyen sgrub pa la bsams na mi rung ste/ theg pa gsum gyi nges 'byung zhes
31a1 bshad pa'i phyir dang/byang chub sems dpa' mtha' gnyis las nges par 'byung bas rgyu'i theg chen rang lam gyis sangs rgyas 'phags pa'i go 'phang mngon du byed pa la bsams na theg pa gsum gyi
31a2 rjes su theg pa gcig bkar nas gsungs pa la don gyis dben par 'gyur te/'dir gang bzhag ce na/ gnas skabs su theg pa du ma'i rnam gzhag mdzad pa'ang de dang de'i gnas skabs dang gtso che chung gi dbang
31a3 gis gdul bya drang ba'i thabs su bstan nas de rnams rang rang gi lam gyi 'bras bu rjes mthun re thob tu zin kyang da dung de'i gong du sangs rgyas thams cad kyis gang du bgrod pa gcig pa'i lam rdo rje'i theg pa
31a4 mchog bstan du yod pa la dgongs pa ste gzhan rnams de nyid la bkri ba'i lam staigs tsam du bstan cing rdzogs pa'i byang chub kyi bar du bgrod bya'i lam rnams skas kyi gdang bu ltar gnas shing/klu sgrub
31a5 kyis/thabs 'di rdzogs pa'i sangs rgyas kyis// skas kyi gdang bu lta bur bstan/ zhes dang/ mdo pad+ma dkar po las/ drang srong rnams kyis theg pa gsum bstan pa// rnam 'dren rnams kyis thabs la mkhas pa
31a6 ste// theg pa gcig las gnyis su yod ma yin// bsti ba'i don du theg pa gsum bstan no// zhes dang/ lang gshegs las/ srid pa'i lam gyis dub pa rnams// ngal bso'i don de de nyid min// zhes bshad pa
31b1 bzhin no// gzhan yang theg pa gsum kho nar bzhag pas ma khyab ste/ dkon mchog brtsegs par/ 'od srung theg pa ni gnyis te chung ngu dang/ chen po'o/ zhes sogs gsungs pa'i phyir dang/ de bas na rang lugs
31b2 'dir nyan rang byang sems sngags kyi theg pa ste bzhir grangs nges pa'i phyi ma la rgyud ste 'og ma gsum dang/bla med la bskyed rdzogs gsum du dbye ba mdzad nas de theg pa'i rim par bzhag pa la 'gal bar 'du
31b3 ba'i cha shas tsam yang gnas pa'i skabs med de/sangs rgyas kyi sas bsdus pa'i chos thams cad la spyir theg pa gcig gi sgra sbyar ba'am bye brag ji snyed pa la theg pa so so'i sgra sbyar kyang rung ste thams cad mkhyen
31b4 pa'i bar du bgro byed kyi lam yin pas so// de'ang phyi mtshan nyid kyi theg pa gsum pos rim bzhin dgra bcom pa dang ne tso'am bse ru lta bu'i rang sangs rgyas dang/ bcu gcig kun tu 'od kyi sa mthar 'degs
31b5 pas na theg pa dang/gnyis pa phyi thub pa rgyud kyi theg pa gsum pos rim bzhin rigs gsum rdo rje 'dzin pa'i sa dang/ rigs bzhi mkha' la spyod pa'i sa dang/ rigs lnga stug po bkod pa'i sar 'degs par byed
31b6 pas na theg pa dang/gsum pa nang pa thabs kyi rgyud rnam pa gsum gyis rim pa bzhin yi ge 'khor lo tshogs chen gyi sa dang/ bde ba chen po'i sa dang/ ye shes bla ma'i sar 'degs par byed pas na theg pa'i sgra
32a1 bshad bzhag la/'di la dgongs nas/ lang gshegs su/ ji srid sems can 'jug pa'i bar// theg pa dag la thug pa med// ces gsungs pa sems kyi rnam par rtog par ji snyed pa dang rjes su
32a2 'tshams par theg pa'i sgo yang de snyed du yod par gsungs pa'i phyir skabs 'dir dbang po 'bring dang rnon po dag la'ang dbye ba gsum gsum du phyes pa gdul bya'i blo tshod la dgongs nas sngags kyi theg pa gong
32a3 'og rnams de dang mtshungs par bstan nas rang rang gi gzhung lam du lta sgom sbyod 'bras tshar re tshang bar lam so sor rang skya thub pa'i don tsam du bshad nas mthar phyin pa blo zad chos zad 'phags pa'i lam
32a4 bden sgra ji bzhin pa'i mthar thug par bzhag pa yin te/der ma zad nyan rang theg pa'i myang 'das ni gnas skabs tsam las mthar thug ma yin cing des rnam par grol ba'i myang 'das 'thob par byed pa la rang
32a5 lam gyi 'bras bu mngon du byas nas gdod theg chen la 'jug dgos pa'i phyir theg chen du don gyis 'dus la rgyu'i theg chen dang rgyud sde 'og ma gsum du 'bras bu'i rnam gzhag rnam grangs pa re bstan kyang de dag tu
32a6 'bras bu de bgrod byed kyi lam sbas don zab mo khyad par ba rnams ma bstan la 'bras bu dngos la'ang yongs su rdzogs pa dang ma rdzogs pa'i khyad par che la bla med kyi theg par ni thabs yongs su rdzogs par
32b1 bstan pa'i phyir dang/'og ma rnams kyi lam dang 'bras bu'i tshul thams cad kyang 'di nyid la tshang zhing bla med kyi thun mong min pa'i chos rnams de dag la med la de dang de'i dod thub kyang gzhag tu med pa'i phyir
32b2 der 'du la/bla med la'ang bskyed rdzogs gnyis po lam gang zhig sgrub tshul blos byas las ma 'das pas bsgrub bya 'du byas su 'gyur bas ye shes mthong ba la khyad par shin tu che ste/ rdzogs pa chen po ni blos byas
32b3 chos kyis reg pa'i skabs med pas chos nyid kyi bden pa gnas lugs ltar rtogs pa'i stobs kyis thob pa 'phags rgyud kyis bsdus pa'i lam bden zag pa med pa'i ye shes te lam 'og mas mngon du bya rgyu rnam
32b4 grangs mang pos bstan pa'i chos nyid ma nor ba 'dir mngon sum du mthong bar 'gyur ba'i phyir theg pa ma lus pa theg pa chen po bla na med pa 'dir 'du ba yin la de'i phyir 'di la ye shes kyi theg pa zhes bshad
32b5 pa'ang yin te/sangs rgyas phal po che'i mdo las/ ye shes kyi theg pa dang/ theg pa chen po la rab tu gzhol ba'i sems kyi dge ba'i rtsa ba de dag yongs su bsngo'o// zhes dang/ lha'i bu rab rtsal sems kyis zhus
32b6 pa'i mdo las/theg pa chen po'i theg pa 'di// sangs rgyas theg pa bsam mi khyab// sems can gyi ni go skabs 'byed// theg pa chen po bla na med// theg pa ji snyed ci yod pa// 'di ni de yi mchog
33a1 tu dgongs// de phyir theg pa chen po las// theg pa thams cad rab tu dbye// zhes dang/ 'phags pa rtogs chen phyag rgya las kyang/ theg pa ni gcig kho nar bas te/ gnyis dang gsum du ma mchis
33a2 so// zhes dang/ de'i 'grel par/ de yang gdul byar theg pa gsum gyis 'dul ba la nyan thos dang/ rang rgyal dang/ theg pa chen po bstan to// yang dag par theg pa gcig ste 'bras bu rdo rje'i theg pa'o// zhes
33a3 dang/yum bar ma las/ rab 'byor theg pa ni gcig kho na ste/ bla na med pa sangs rgyas kyi theg pa'o// zhes dang/ lang kar gshegs pa las// theg pa gcig las gnyis pa yod ma yin// gsum pa nam yang yod
33a4 min 'jig rten na// sna tshogs 'gro ba 'dul bar mdzad ma gtogs// zhes pa la sogs skabs 'gar theg pa gcig tu gsungs pa dang/ yang kha cig tu gnyis dang gsum dang lnga sogs su grangs kyi mtha' ma
33a5 bkag par gsungs pa'ang yod de/byis pa rnams ni drang ba'i phyir// theg pa tha dad ngas bshad do// zhes dang/ lha yi theg dang tshangs theg dang/ sogs sngar smos pa bzhin dang/ la lar grangs med par yang
33a6 gsungs te/ji srid sems ni 'jug gi bar// zhes sogs gsungs pa dang gnas lugs ma 'khrul ba mthong ba'i gang zag la dgongs nas theg pa med par gsungs pa'ang yod de/ lang gshegs las/ sems ni
33b1 rab tu gyur pa na// theg pa med cing 'gro ba'ang med// ces gsungs pa bzhin dgos pa'i dbang gis de lta bur bstan pa rnams la mtha' gcig tu 'di tsam zhig yin la/ 'di tsam zhig min no zhes rnam gzhag
33b2 'grigs 'grigs ltar smra ba yang yang dag pa'i gnas la blo gros kyi 'jug pa ma phyogs pa'i rtags su shes par bya zhing/'dir re zhig theg pa'i rim pa dgur grangs nges par mdzad pa ltar bzhag na/ rig pa rang
33b3 shar chen po'i rgyud las/mdo dang rgyas pa chen po dang// shin tu rgyas pa chen po'o// shin tu rgyas pa chen po ni// brgyad khri bzhi stong bsam mi khyab// rgya che grangs mang chen po ste// bsam gyis mi khyab gzhal du
33b4 med// brjod med bsam 'das chen po'o// rgyas pa chen po 'di ltar te// dbye ba rnam pa dgur 'dod do// nyan thos dang ni rang rgyal dang// de bzhin byang chub sems dpa'o// kr-i yA dang ni u pa dang// de bzhin yo
33b5 ga'i theg par bshad// ma hA a nu yo ga dang// de bzhin rdzogs chen a ti'o// de ltar rnam pa dgur bshad de// chos kyi bstan pa chen po yin// zhes gsungs pa ltar/ gdul bya dbang po dman 'bring mchog gi
33b6 gnas skabs la gsum gsum du dbye bar 'dul byed kyi theg pa'ang de dang mtshungs par ston par mdzad de/a ti bkod pa chen po las/ nga yis bstan pa'i chos rnams ni// sems can blo yi rim pa las// che
34a1 dang chung gi khyad par gyis// rim pa gnyis kyi tshul du bstan// rang rang lta dang sor bzhag go/ zhes gsungs pa'i rang rang gi lta ba la phyin ci log dang yang dag pa gnyis su dbye ba'i phyi ma ni/ de nyid
34a2 las/yang dag pa ni rim gsum ste// chung ba'i blo dang chen po dang/ de bzhin 'bring po'i blo can la// rim pa gsum gyis tshul du bstan// chung ba'i rim pa rnam gsum ste// de yi blo dang mthun pa'i chos// rtog pas
34a3 spags la nyan thos so// 'du shes can la rang rgyal te// rtog 'dzud can la byang sems so// 'bring po gsum la bstan pa ni// rab tu dman la bya ba dang// dman pa rnams la spyod pa'o// rnam shes can la rnal
34a4 'byor nyid// chen po rim ldan gsum dag la// sems yas pa la bskyed pa ste// sems bcud can la rdzogs pa ste// mchog gsang rab la rdzogs pa che// zhes gsungs pa bzhin no// gnyis par theg pa'i rim pa
34a5 de dag gi chos kyi 'khor lo sku gsum gyi ston pas ji ltar bskor ba'i tshul la rgyu'i chos 'khor gsum bskor tshul mdor bsdus pa dang/'bras bu'i gsang sngags kyi chos 'khor bskor tshul rgyas par bshad
34a6 pa'o// dang po ni/ spyir chos kyi 'khor lo zhes pa ni dam pa'i chos kyi mtshan gyi rnam grangs te/ thar pa dang mi mthun pa'i phyogs 'joms shing 'khor ba'i rgyun gcod pa dang/ sangs rgyas kyi mdzad pa rgyud mi gcod
34b1 pa'i don gyis de ltar du bshad la// de'ang bye brag smra ba rnams kyis lung gi chos 'khor la mthong lam kho nas khyab par 'dod cing/ mdo sde bas mthong sgom mi slob gsum char la chos 'khor du 'dod la/ theg chen
34b2 pas lam lnga po thams cad chos 'khor du bzhed pa yin no// de yang thog mar thub pa mchog gi sprul skus rgyu'i theg pa'i chos 'khor gsum rim pa can du bskor te/ dang po bden pa bzhi las brtsam pa dang/ gnyis
34b3 pa mtshan nyid med pa/gsum pa legs pa rnam par phye ba'o// dang po ni/ ston pas chos kyi 'khor lo bskor ba gang zhig/ yongs su ma dag pa'i sems can gyi khams gzigs nas mi rtag pa/ mi gtsang ba/ sdug
34b4 bsngal ba/bdag med pa/ mi sdug pa sogs yid 'byung ba'i gtam gyis bskul nas 'khor ba la mngon par chags pa'i blo 'dor bar byed pas don dam bden pa mthong rung du bsgrubs pas theg chen gyi lam
34b5 stegs su 'gyur ba la dgongs nas yul bA ra nA sir drang srong lhung ba ri dwags kyi nags tshal du 'khor lnga ste bzang po la sdug bsngal ba dang/kun 'byung ba dang/ lam dang/ 'gog pa bzhi po lan gsum du bzlas
34b6 nas chos kyi tshul ston pa theg dman nyan rang gi sde snod de lung sde bzhi la sogs pa rnams so// gnyis pa ni/ ston pas chos kyi 'khor lo bskor ba gang zhig chos kyi 'khor lo dang po bskor ba de tsam gyis de bzhin
35a1 gshegs pa'i brtson 'grus rgyun mi gcod cing/de'i 'og tu chos thams cad stong pa nyid dang/ mtshan ma med pa dang/ smon pa med pa'i tshul rgya chen po'i gtam gyis sangs rgyas kyi tshul khong du chud
35a2 nas bdag 'dzin bzlog pa'i phyir spros pa'i phyogs gcig 'gog pa rnam grangs pa'i don dam bden pa rtogs pas theg chen gyi lam dngos gzhi la dgongs te rgyal po'i khab gyi bya rgod phung po'i ri sogs su gtso
35a3 bor byang chub sems dpa'i dge 'dun rnams la gzugs nas rnam mkhyen kyi bar gyi chos rnams rang gi ngo bos shin tu dben pa'i smra bsam brjod med de bzhin nyid kyi tshul rgya che bar ston pa theg chen byang chub
35a4 sems dpa'i sde snod de/rgyas pa sher phyin bye ba phrag brgya pa dang/ stong phrag brgya pa/ 'bring po nyi khri lnga stong sogs dang/ bsdus pa brgyad stong pa la sogs pa dang de las 'phros pa bsam gyis mi khyab par shes
35a5 par bya'o// gsum pa ni/ ston pas chos kyi 'khor lo tha ma bskor ba gang zhig/ chos kyi 'khor lo gnyis pa bskor ba de tsam gyis de bzhin gshegs pas brtson 'grus kyi rgyun mi gcod cing/ de'i 'og tu phyir mi
35a6 ldog pa'i 'khor lo'i gtam dang 'khor gsum yongs su dag pa'i gtam gyis sems can de dag sangs rgyas kyi yul la 'dzud par byed pas yod med la sogs lta ba'i gzhi thams cad bzlog nas rnam grangs ma
35b1 yin pa'i don dam bden pa dngos su ston pa theg pa chen po'i lam gyi snying po la dgongs te/ri ma la ya dang/ byang chub snying po dang/ yangs pa can sogs su dus nges pa med par snying po'i gdul bya byang chub
35b2 sems dpa' chen po'i tshogs la gzugs nas kun mkhyen gyi bar gyi chos rnams kun tu brtag pa dang/gzhan gyi dbang dang/ yongs su grub pa gsum du legs par phyes nas gzhi lam 'bras bu'i tshul du gtan
35b3 la phab nas de bzhin gshegs pa'i snying po'i gnas lugs rgya che bar bstan pa shin tu rgyas pa chen po'i mdo sde 'dus pa chen po bye ba phrag brgya dang/sangs rgyas phal po che dang/ lang kar gshegs pa dang/ rgyan
35b4 stug po bkod pa dang/yongs su myang ngan las 'das pa chen po dang dgongs pa nges par 'grel pa la sogs pa rnams so// rgyu'i theg pa de la grub mtha'i sgo nas dbye na bzhi ste/ nyan thos la bye brag smra ba dang mdo
35b5 sde pa gnyis/theg chen dbu sems gnyis te bzhi'o// de dag so so'i bden pa gnyis kyi 'jog tshul sogs grub mtha'i khas len mi 'dra ba re re yod cing/ bye brag tu smra bas/ shes bya thams cad gzhi lnga 'dod pa
35b6 ste/snang ba gzugs kyi gzhi/ gtso bo sems kyi gzhi/ 'khor sems byung gi gzhi/ ldan pa ma yin 'du byed kyi gzhi/ 'dus ma byas kyi gzhi ste lnga las/ dang po ni/ rdul phra rab 'dus pa'i bdag nyid can gyi rags
36a1 pa'i dngos po bcom pa'am blos so sor bsal ba na/der 'dzin gyi blo 'dor rung gi chos su dmigs pa kun rdzob bden pa'i mtshan nyid/ bcom pa'ang blos gsal bas der 'dzin gyi blo 'dor du mi
36a2 rung ba don dam bden pa'i mtshan nyid de/mdzod las/ gang la bcom dang blo yis gzhan// gsal ba de blo mi 'jug pa// bum chu bzhin du kun rdzob tu// yod de don dam gzhan yin no// zhes bshad pa bzhin
36a3 dang/'dis kun rdzob bden pa don dam du ma grub kyang bden grub tu 'dod de dngos po thams cad la bden grub gyis khyab par khas blangs pas so// gnyis pa ni/ sgo lnga yid dang bcas pa'i rnam shes kyis phyi'i
36a4 don mthong ba dang/gsum pa ni/ tshor ba 'du shes sogs sems byung lnga bcu rtsa gcig po thams cad gtso bo rnam shes dang lhan cig yul la 'jug pas dmigs pa mtshungs pa dang/ dpyod pa mtshungs pa/ dus
36a5 mtshungs pa/rten mtshungs pa/ rdzas mtshungs pa'i sgo nas dbang pos don la bltas pas rnam shes kyis don rtogs pa dang/ sems byung gis kyang don gyi khyad par rtogs pa gzung 'dzin dus mnyam du skye bar 'dod
36a6 pas sems dang sems byung gnyi ga phyi rol gyi don rig pa ma gtogs rang rig pa med par 'dod la/bzhi pa ni/ snyoms 'jug sogs dang ming tshig yi ge sogs dus gsum rdzas su yod pa dper na/ bum pa bum pa'i 'das
36b1 pa'i dus su yod la/ma 'ongs pa'i dus su'ang yod/ da lta'i dus su'ang yod pa lta bu ste las gang byas pa'ang chud mi za bar rdzas su thob par 'dod do// lnga pa ni/ 'dus ma byas nam mkha' dang/ so sor brtag 'gog/ so sor
36b2 brtag min 'gog gsum dang/lam bden 'khor bcas dang/ yid kyi rnam shes 'khor bcas zag med yin la/ lhag ma rnams ni zag bcas su 'dod do// gnyis pa mdo sde pa'i 'dod pa
36b3 phal cher bye smra dang mtshungs la/khyad par ni/ bye smras gzugs su 'dod pa rig byed ma yin pa'i gzugs spong sems la rgyun chags pa la sogs pa yin kyang gzugs la brten nas 'byung bas gzugs btags
36b4 yod tsam dang dus gsum yang rdzas grub tu mi 'dod cing dbang po rnams rnam shes kyi bdag can yin pa dang yul rnams kyang shes pa la rnam pa gtod byed kyi dmigs pa'i rkyen du 'dod/sems dang sems byung gi
36b5 gzhi sgo lnga'i rnam shes dang 'khor sems byung gzugs la sogs pa yul la dmigs te gzugs sgra la sogs phyir rol gyi yul mthong ba med kyang me long la rang gi bzhin dang 'dra ba'i rnam pa gtad pa ltar/skad
36b6 cig da lta'i snga logs su gzugs sogs kyi don gyi rnam pa gtod byed phag na mos gtad pas/skad cig da lta ba la gzugs sogs de dang de'i rnam par shar ba yin cing/ skad cig de'i ma 'ongs pa la da lta'i
37a1 gtod byed kyi phyi logs su rnam pa gtad pas shes pa phyi rol don gyi rnam pa shar te yul du dmigs pas gzung 'dzin yul yul can du gyur pa la don rtogs so zhes btags pa ste/rnam nges las/
37a2 'dra ba nyams su myong ba la// don myong zhes ni rnam par brjod// ces so// snang ba shes pa'i ngo bo yin yang rnam pa gtod byed phyi rol na med pas 'khrul pa yin la/ shes pa thams cad gsal bar myong pa rang rig
37a3 pa ni ma 'khrul pa'o zhes 'dod/ldan min 'du byed rnams kyang gzugs dang/ sems dang/ sems byung gi gnas skabs tsam las rdzas gzhan du mi 'dod cing 'dus ma byas gsum ni mo gsham gyi bu ltar rdzas su
37a4 med pa'o// zhes smra'o// de ltar nyan thos rigs nges rnams kyis spyod pa so thar brgyad gang rung la gnas shing bden pa bzhi la mi rtag pa sogs bzhi re bsgoms pas gang zag rang rkya thub pa'i rdzas yod kyi bdag
37a5 gis dben par rtogs shing de nyid goms pas dug gsum sa bon dang bcas pa dang/nyon mongs pa can ma yin pa'i mi shes pa'i sgrib pa gnyis lam lnga mthar phyin pa na sgom lam rdo rje lta bu'i ting nge 'dzin gyis
37a6 bcoms te thob pa chad pa'i tshul gyis spangs te lhag bcas dang lhag med kyi dgra bcom pa'i 'bras bu mngon du byed pa yin la/rang sangs rgyas rnams kyis bden bzhi mi rtag sogs la rten cing 'brel bar 'byung
37b1 ba'i tshul bcu gnyis bsnan nas bsgoms pas lam bgrod tshul spyir snga ma dang mtshungs kyang nyan thos pas 'dzin pa gang zag gi bdag spang bar 'dod kyang/gzung ba yul gyi dngos po rdul phran cha med don dam du
37b2 'dod pa gang zhig/rang sangs rgyas rnams kyis phyi'i don bslus pa sems snang tsam las don dam du mi bden par 'dod kyang nang 'dzin byed kyi shes pa bden par 'dod pa sems tsam pa dang phyogs mtshungs te/
37b3 mngon rtogs rgyan las/ gzung don rtog pa spang phyir dang// 'dzin pa ma spangs phyir du ni/ rten gyi bse ru lta bu'i lam// yang dag bsdus par shes par bya// zhes gsungs pa bzhin no// de lta bus tshogs lam chen
37b4 po man chad du bdag med pa bsgoms nas sbyor lam drod nas mi slob lam gyi bar stan thog gcig tu mngon du byed pas dbang po rno rtul gyi dbang gis nyan rang gnyis theg pa tha dad du 'byed pa yin la/bsam pa
37b5 dang rtogs rigs la khyad par cher med cing de'i dbang gis sde snod kyang gcig go/gsum pa byang chub sems dpa'i theg pa la'ang grub mtha'i sgo nas gnyis te/ rnam rig smra ba dang dbu ma pa'o// dang po ni/ bye
37b6 brag smra bas 'dod pa'i shes pa dus cha dang rdul phran phyogs chas gzhig na mi rnyed pa mdo sde pas bkag pa ltar don la ma reg cing phag na mo'i rdzas kyang dam bca' tsam ste/de'i phyir na ting nge 'dzin rgyal po'i mdo
38a1 las/kye rgyal ba'i sras dag khams gsum po 'di ni sems tsam mo// zhes bka' stsal pa ltar chos thams cad sems kyi snang cha tsam du 'dod pa'i phyir rnam rig smra ba'i grub mtha' btags shing
38a2 'dis kyang 'khor lo tha ma'i lung gi rjes su 'brangs nas chos thams cad kun tu brtag pa dang/gzhan gyi dbang dang/ yongs su grub pa gsum gyi rnam par gzhag pa khas len pa yin la/ kun brtags la'ang dbye
38a3 na rnam grangs pa'i kun brtags dang/mtshan nyid yongs su chad pa'i kun brtags gnyis las snga ma ni tha snyad gdags pa'i phyir chos rnams kyi ngo bo nyid dam bye brag tu ming dang brdar btags pa don la med
38a4 bzhin du blos sgro btags pa rnams so// phyi ma ni bdag gnyis lta bu'o// gzhan gyi dbang la'ang gnyis te/ ma dag pa'i gzhan dbang dang dag pa'i gzhan dbang ngo// snga ma ni/ chos rnams rten cing 'brel par 'byung
38a5 ba ste/ma rig pa'i rkyen gyis 'du byed byung/ zhes pa lta bu sdug bsngal gyi phung po chen po 'ba' zhig 'di byung bar gyur to// zhes gsungs pa ltar zag bcas nyer len gyi phung po lngas bsdus pa rnams so// phyi ma ni/
38a6 shin tu dag pa'i rgyal ba rnams kyi sku dang ye shes zhing khams la sogs pa rnams te snga ma las dang bag chags kyi rkyen gzhan dang/ phyi ma 'di ni sgrib pa bral stobs kyi rkyen las byung bas na de ltar btags
38b1 pa'o// yongs su grub pa'ang gnyis te/ 'gyur med dang/ phyin ci ma log pa gnyis so// snga ma ni/ gnas lugs kyi don te/ chos dbyings 'gyur med rang bzhin 'od gsal pa'i snying po can te/ rgyan stug po bkod
38b2 pa las/snying po de la kun gzhi'i sgras// rab tu brtag par gyur pa yin// zhes gsungs pas/ de'i steng na nyon mongs pa thams cad kyi rtsa bar gyur pa ris su ma chad pa'i ma rig lung ma bstan kyi shes pa sa
38b3 bon thams cad pa'i kun gzhi zhes pa rtog pa dang bral ba/yul la mi 'dzin pa'o// de las mched pa sgo lnga'i rnam shes dang/ de'i rjes la skyes pas phyi nang gi don la spyod pa'i yid kyi rnam shes/ de la dpyad pas
38b4 chags sdang bar ma gsum gang yang rung ba las byung ba dug gsum mam lnga gang yin pa skye ba nyon yid do// phyin ci ma log pa'i yongs grub ni zag pa med pa'i lam mthar phyin nas 'bras bu'i dam pa kun gzhi'i
38b5 steng gi nyon mongs pa cha dang bcas pa rnam par byang bas snying po de nyid phyin ci ma log par mngon du gyur pa la bshad do// sems tsam pa'i grub mtha' 'di la dbye na/ rnam bden pa dang/ rnam rdzun pa gnyis
38b6 so// snga mas sngon por 'dzin pa'i mig shes la sngon po sngon por snang ba ltar grub par khas len/ phyi mas ni sngon por snang ba sogs thams cad don dang blo gnyis ka'i ngo bor med de ma rig pa'i bag chags la sgro
39a1 btags nas de ltar snang ba blo ma rig pa'i bslad pa zhugs pa'i shes pa las rdzas gzhan ma yin par 'dod pa snga ma las cung zad 'phags shing de la dbye na gzung 'dzin grangs mnyam pa dang/sna
39a2 tshogs gnyis med pa/sgo nga phyed tshal pa sogs yul shes gnyis kyis dbye bas tha dad pa dang/ rnam rdzun pa la'ang sems kyi ngo bo ma rig pa'i bag chags kyis dri mas bslad pa dang ma bslad par 'dod pas dri
39a3 bcas dri med gnyis su dbye la/gzung 'dzin grangs mnyam pa la rnam shes tshogs brgyad smra ba dang tshogs drug smra ba gnyis so// sna tshogs gnyis med pa la tshogs drug 'dod pa dang rnam shes gcig pur 'dod pa
39a4 gnyis sogs dbye bas mtha' yas par 'gyur la 'di nyid nyan rang gi theg pa las cung zad 'phags kyang yongs grub don dam pa'i bden pa ji bzhin ma rtogs te rnam bden rdzun gnyis kas phyi rol yul gyi rnam pa
39a5 bden med du rtogs kyang gnyis su med pa'i shes pa rang rig rang gsal don dam par bden pa dang yongs grub tu khas blangs pa'i phyir ro// gnyis pa dbu ma la'ang/ rags pa phyi'i dbu ma ngo bo nyid med par smra ba
39a6 dang/phra ba nang gi nges don dbu ma chen po'o// dang po la'ang rang rgyud smra ba'i dbu ma dang thal 'gyur gnyis so// dang po ni/ bye mdo sems gsum gyi grub mtha' ni dngos por 'dzin pa'i mthar lhung ba'i phyir 'dzin
39b1 zhen gyi spros pa las mi ldog la/'dir chos thams cad mtha' gnyis gang du'ang ma lhung ba'i dbus ma nyid khas blangs pa'i phyir dbu ma ste/ de yang chos thams cad kun rdzob blo 'khrul pa'i shes ngo la yod cing/ don
39b2 dam par blo ma 'khrul pa'i rig shes su med par 'dod pa gang zhig/rang rgyud smra ba'i dbu ma'i 'dod pa ste/ snga ma de la dbye na snang la don byed nus pa yang dag kun rdzob dang/ snang la don byed mi nus pa log pa'i
39b3 kun rdzob gnyis dang/don dam la'ang myu gu bdag las mi skye ba sogs spros pa phyogs re gcod pa rnam grangs pa dang/ myu gu bdag las mi skye gzhan las kyang mi skye ba sogs mtha' bzhi'i spros pa rnams gcod pa
39b4 rnam grangs ma yin pa'i don dam gnyis su 'dod la/mtshan nyid ni/ dpyod byed kyi rig pas dgag par nus pa la dpyad mi bzod pa kun rdzob dang/ rig pas dgag mi nus pa la dpyad bzod pa zhes don dam
39b5 bden pa'i mtshan nyid de/'di ltar chos can kun rdzob kyi snang ba thams cad dgag bya med pa la med par rtogs par bya ba'i phyir te bden dngos med pa la med par shes par byed pas phyi rol gyi don dang shes pa'i
39b6 dngos po gnyis kas stong ste yod med kyi sgro skur gang du'ang ma phye ba'i ye shes tsam zhig khas len pa yin te/'grel chung las/ so so rang gi rig pa'i ye shes kyis// zhes sogs gsungs pa bzhin dang/ dgag bya
40a1 'gog byed kyi rig pa yang/rgyu la dpyod pa rdo rje'i zegs ma/ 'bras bu la dpyad pa yod med skye 'gog/ gnyi gar dpyod pa mu bzhi skye 'gog/ ma yin dgag gtan tshigs su bkod pa rten 'brel
40a2 chen po/med dgag gtan tshigs su bkod pa gcig dang du bral la sogs/ gtan tshigs dang rig pas bsgrubs pas bsgrub bya sgyu ma la sogs yongs dpyod ma yin par dgag pa ni ma yin te bden pa'i dngos po
40a3 bkag pa tsam gyi rnam dpyad med dgag bsgrubs pa yin te rig shes rjes dpags kyis rang bzhin skye med nam mkha' lta bu spros bral don dam bden pa'i mtshan nyid du dbu ma rang rgyud pa'i bzhed pa yin la/'
40a4 dis don dam par med la kun rdzob tu yod par bsgrubs pas rtag chad kyi skyon gnas shing blos dpyad pa'i rig shes kyis spros bral med dgag tsam rtogs pa'ang nges pa'i don du mi gnas la spros pa 'gog pa'i
40a5 rig shes kyang spros pa'i bye brag las mi 'da'o/gnyis pa thal 'gyur pa'i bzhed pa'i phyogs ni/ blo 'khrul pa dang ma 'khrul pa gnyis kyi dbye bas bden pa gnyis su 'byed de/ byang 'phags kyi mnyam gzhag dang
40a6 sangs rgyas kyi rnam pa kun tu mkhyen pa'i ye shes kyi yul du shes dang shes bya yul yul can gyi gzung 'dzin du snang ba gang yang med de dper na gnyid du ma log pas rmi lam mi mthong ba bzhin te/slob dpon chen
40b1 po klu sgrub kyis/dper na gnyid log gnyid dbang gis// bu dang bud med gzhal yas khang// gnas la sogs pa mthong gyur na// sad nas de yis mi snang ltar// de bzhin kun rdzob shes pa dag/ blo gros mig ni
40b2 bye gyur zhing// mi shes gnyid dang bral gyur nas// sad pa'i tshe na mi gzigs so// zhes gsungs pa bzhin no// yul can ye shes kyi 'jug pa'ang nye bar zhi ba zhes bya ste gang gi tshe sems dang sems las byung ba'i
40b3 spros pa thams cad rgyud chad cing 'gags nas bsam brjod thams cad dang bral ba'i chos dbyings zhi ba chen po'i 'gog par gnas pa de la blo ma 'khrul pa'i chos nyid ces bya ste/zla ba grags pas/ gang phyir chos
40b4 nyid skye med yin phyir blo yang skye ba dang bral la// de phyir de rnams brten la de yis de nyid rig pa lta bu ste// gang phyir sems ni yul gyi rnam par 'byung bas de yi yul// de rab rigs pa de bzhin tha snyad brten nas
40b5 rig pa yin// zhes dang/ shes bya'i bud shing skam po ma lus pa// bsregs nas zhi ste rgyal rnams chos sku ste// de tshe skye ba med cing 'gag pa med// sems 'gag pa de sku yis mngon sum mdzad// ces bshad pa'i
40b6 gnas de ni don dam pa'i bden pa rtogs pa zhes btags te de'i yul ni gshis kyi gnas lugs chos kyi dbyings rang bzhin gyis rnam par dag pa yin la/mthong ba rdzun pa blo 'khrul pa ni so skye ma rig pa'i
41a1 bag chags kyis bslad pas 'di ltar mig nad can gyis rab rib dang skra shad 'dzag pa la bden par zhen pa ltar 'di ltar 'gro ba drug gi gnas dang longs spyod bde sdug mtho dman sna tshogs su
41a2 snang ba 'khrul pa'i gzung 'dzin gyi rnam pa dang/'phags pa rnams kyis rjes thob tu gzhan dang thun mong du snod bcud la sogs par snang ba'i rnam pa gnyis dbang po skyon can gyi rnam pa dang/ skyon med pa gnyis
41a3 ltar kun rdzob gnyis su bzhag ste/'jug pa las/ mthong ba rdzun pa rnam pa gnyis yin te// dbang po gsal dang dbang po skyon ldan no// skyon ldan dbang po rnams kyi shes pa ni// dbang po legs gyur la ltos
41a4 legs par 'dod// ces so// de yi dbang gis 'khor ba'i chos sems dang sems las byung ba yul gyi rnam par snang ba dang bcas pa thams cad kun rdzob yin la/ sa thob kyang sems dang sems byung ma 'gags
41a5 pa'i cha yul ma dag pa'i gzugs sogs tshogs drug snang ba dang bcas pa mdor na spang byar gyur to cog kun rdzob kyi phyogs su bslan nas 'khrul par bzhag la/kun rdzob de'ang dbang po skyon can la snang ba log
41a6 pa'i kun rdzob dang/skyon med kyi yul du snang ba yang dag pa'i kun rdzob gnyis te snga ma ni 'jig rten shes ngo la snang yang mi bden par grags pa zla ba gnyis dang rmi lam la sogs dang/ phyi ma ni 'jig rten shes
41b1 ngor snang la bden par grags pa zla ba gcig tu snang ba la sogs pa'o// de'ang gnyis su 'dzin pa'i 'khrul blo'i gnas skabs su bden pa ltar snang ba mig skyon can la skra shad du snang ba mig dag pa la ci yang med
41b2 pa bzhin du blo 'khrul pa la sna tshogs su snang ba nyid 'phags pa'i mnyam gzhag dang 'khrul pa zad pa'i sangs rgyas la dmigs par bya ba ci yang med pas 'khrul snang cha dang bcas pa mi snang ste/'jug pa las/
41b3 rab rib mthu yis skra shad la sogs pa// dngos po logs pa gang zhig rnam brtags las// de nyid gang gis bdag nyid mig dag pas// mthong ba gang yin de bzhin 'dir shes bya// zhes dang/ klu sgrub kyi dbu ma
41b4 'khrul 'joms su'ang/de bzhin mkhas pa yang dag gis// shes pa nyi mas mi shes pa'i// bag chags ma lus bcom pa'i tshe// sems dang sems byung yul mi gzigs// zhes gsungs pa ltar gzung 'dzin spros
41b5 pa thams cad dang bral ba'i ngo bo sgra tshig la sogs pa dngos su mi rtog pa'i cha nas gzhan las shes pa ma yin pa sems dang sems byung gi rnyog pa ma lus pa chos kyi dbyings su zhi pa/rnam par rtog pa las 'das
41b6 pa/spros pa thams cad dang bral ba/ grub pa'i mthas ma reg pa ste/ chos nyid kyi gnas lugs de ni don dam bden pa'i mtshan nyid/ rtsa ba shes rab las/ gzhan las shes min zhi ba dang// spros pa rnams kyis ma
42a1 spros pa// rnam rtog med don tha dad min// de ni de yi mtshan nyid do// zhes bshad pa ltar mdor bsdus na/ sangs rgyas 'phags pa'i thugs sgrib pa thams cad dang bral ba'i zab pa dang zhi ba'i mtshan
42a2 nyid can gyi dbyings dang/de rtogs byed rnam pa thams cad mkhyen pa'i ye shes/ byang 'phags kyi mnyam gzhag gi ye shes kyi ngo bo dang/ de'i rjes thob kyi snang ba lhag mthong gi rnam par gyur to cog don dam pa'i
42a3 bden pa'o// de yang gtan tshigs lnga po rnams kyis chos thams cad rang bzhin med par 'jal mod kyi/ rang rgyud pa ltar kun rdzob bden pa bkag nas rdzun par bsgrubs pa dang/ don dam spros pa bkag nas
42a4 spros med du sgrub pa sogs res 'jog can ma yin par chos thams cad yod min med min gang du'ang mi phye bar brjod du med pa'i gnas lugs bsam gyis mi khyab par skyel ba ni thal 'gyur ma 'khrul ba'i
42a5 dgongs pa 'dis khas blangs pa'i grub mtha' thams cad bkag ste/rtsod bzlog las/ gal te ngas dam bca' 'ga' yod// de tshe nga la skyon 'di yod// nga la dam bca' med pas na// nga ni skyon med kho
42a6 na yin// zhes dang/ bzhi brgya pa las/ yod dang med dang yod med ces// gang la phyogs ni yod min pa// de la yun ni ring po na'ang// klan ka brjod par nus ma yin// zhes pa dang/ rin chen sgron ma las/
42b1 khas blangs pa yi dngos po ni// phra rab tsam yang yon min te// gdod nas skye ba med pa'i phyir// mo gsham gyi ni bu bzhin no// zhes bshad pa ltar ro// 'o na bden pa gnyis kyi rnam gzhag kyang med par 'gyur ro zhe
42b2 na/gnas lugs la bden gnyis sogs gnyis chos thams cad la 'das kyang/ 'jig rten snang lugs su sgro btags pa tsam du de ltar 'dogs par byed pa/ de nyid grub mtha'i bden zhen ltar bzung ba ma yin
42b3 te/'jug pa las/ ji ltar khyod kyis gzhan dbang dngos 'dor ltar// kun rdzob kyang ni bdag gis khas ma blangs// zhes dang/ ting 'dzin rgyal po las/ yi ge med pa'i chos rnams la// nyan pa gang dang ston pa
42b4 gang// 'gyur ba med la sgro btags nas// nyan cing ston par byed pa'ang yin// zhes gsungs pa bzhin no// de lta bu'i chos nyid la mnyam par bzhag pa shes rab dang thabs snying rje chen po zung du 'jug cing
42b5 bsgoms pa ye shes kyi tshogs dang/rjes thob tu chos thams cad sgyu ma lta bur shes pas bsod nams kyi tshogs bsags pa las mthar gyis chos kyi sku dang gzugs sku rnam pa gnyis 'thob par 'gyur ba ste/ rin
42b6 chen phreng ba las/sangs rgyas rnams kyi gzugs sku 'di// bsod nams tshogs las byung ba ste// chos kyi sku ni mdor bsdus nas// rgyal po ye shes tshogs las 'khrungs// zhes gsungs pa bzhin no// de yang gzhi
43a1 dbu ma bden gnyis/lam dbu ma tshogs gnyis/ 'bras bu dbu ma sku gnyis zung 'jug tu 'dus pa yin no// gnyis pa nges don dbu ma chen po'i tshul cung zad rnam par gzhag par bya ste/ de la slob
43a2 dpon skal ldan gyis dbu ma'i bstan bcos rin chen sgron mar/thal rang gi dbu ma ni rags pa phyi'i dbu ma ste/ thos pa las byung ba'i rig par smra bas phyi rol pa dang rtsod pa'i dus dang/ bstan bcos chen po byed
43a3 pa dang/rig pa chen po'i gzhung 'dzugs pa'i tshe smra bar bya ba yin la/ phra ba nang gi dbu ma nyams su len pa'i tshe ni rnal 'byor spyod pa'i dbu ma nyid bsgom par bya'o// zhes dbu ma la phyi nang phra rags gnyis su
43a4 gsungs pa'i phyi ma ste de yang 'khor lo tha ma'i dgongs pa phyir mi ldog pa dang 'khor gsum yongs su dag pa'i gtam gyis chos thams cad mtshan nyid gsum du bstan pa'i don rgya che ba'i gnas rnams rgyal tshab ma
43a5 pham pas don gyi dgongs pa rgyas par phyes pa ste/de yang sngar smos pa'i sems tsam smra ba'i lugs kyi stong gzhi gzhan dbang dgag bya kun brtags kyis stong pa'i yongs grub tu bshad pa yin la/ 'dir ni chos nyid
43a6 yongs grub dgag bya kun brtags kyis stong par bzhed de 'di ltar gzhan dbang du rtog pa'i phung po khams dang skye mched kun brtags bdag dang bdag gi bas stong pa'i gzhir gsungs la/stong gzhi gzhan dbang
43b1 gis stong pa'i gzhi chos nyid yongs grub yin te/de nyid stong pa'i gzhi ni nam yang mi srid de ngo bo dri ma dang skyon gyi dngos po rnam par dbye ba dang bcas pa'i 'khor ba'i chos glo bur ba'i mtshan nyid can gyis stong la
43b2 ye nas lhun grub tu gnas pa'i mya ngan las 'das pa'i yon tan kyi tshogs kyis mi stong ba ste/rgyud bla ma las/ rnam dbyer bcas pa'i mtshan nyid can// glo bur dag gis khams stong gis// rnam dbyer med pa'i
43b3 mtshan nyid kyis// bla med chos kyis stong ma yin// zhes pa dang/ de'i 'grel par/ 'dis ci bstan zhe na gang gi phyir rang bzhin gyis yongs su dag pa de bzhin gshegs pa'i khams 'di la bsal bar bya ba kun
43b4 nas nyon mongs pa'i rgyu mtshan ni 'ga' yang med de glo bur ba'i dri ma dang bral ba 'di'i rang bzhin yin pa'i phyir ro// 'di la rnam par byang ba'i rgyu mtshan can gzhag par bya ba cung zad yod pa ma yin te/ rnam
43b5 par dbye ba med pa'i chos dag pa'i chos nyid ni rang bzhin yin pa'i phyir ro/des na de bzhin gshegs pa'i snying po ni rnam par dbye ba yod pa dang bral ba shes pa nyon mongs pa'i sbubs thams cad kyis stong pa yin
43b6 la/rnam par dbye ba med pa bral mi shes pa bsam gyis mi khyab pa'i sangs rgyas kyi chos gang+ga'i klung gi bye ma snyed las 'das pas mi stong ngo// zhes gsungs pa bzhin no// de yang kun tu brtags pa ni mtshan nyid ngo
44a1 bo nyid med pa/gzhan gyi dbang ni skye ba ngo bo nyid med pa dang/ yongs su grub pa don dam ngo bo nyid med pas gsungs pa'i snga ma gnyis ni bcos ma glo bur bar gyur pa'i gzung 'dzin spros pa'i cha
44a2 rnams rang gi ngo bos stong zhing/phyi ma ni rang bzhin gnyug ma dngos po med pa'i ngo bo nyid stong pa nyid ni rang bzhin gyis rnam par dag pas stong cha nas chos sku'i yon tan dang snang cha nas sku dang zhing khams gzhal
44a3 yas khang sogs kyi 'char gzhir gnas shing rig pa'i cha nas stobs bcu mi 'jigs bzhi sogs kyi rten gzhir gyur pas bral rgyu dang bral 'bras gdod nas lhun grub tu bzhugs pas sangs rgyas kyi rang bzhin bde
44a4 bar gshegs pa'i snying po zhes bya ba de ni skye 'jig 'pho 'gyur 'phel 'grib rgyu rkyen sogs kyi khams su mi gnas shing tha snyad dang bsam brjod kyi yul yang ma yin pa rtag tu gos pa med par yod pa yin te/'jam dpal rnam par rol pa las/
44a5 sring mo gang rang bzhin gyis 'od gsal ba la glo bur gyi nyon mongs pa byung yang rang bzhin gyi 'od gsal ba de ni glo bur gyi nyon mongs pa des kun nas nyon mongs par byed mi
44a6 nus so// zhes dang/ rgyal tshab ma pham pas/ 'dus ma byas shing lhun gyis grub// gzhan gyi rkyen gyis rtogs min pa// mkhyen dang brtse dang nus par ldan// don gnyis ldan pa'i sangs rgyas nyid// ces gsungs pa
44b1 ltar ro// gzhan du rang stong pa ltar chos thams cad rang gi ngo bos stong pa kho nar bzung na mtha' gcig tu chos kyi sku yang rang stong du 'gyur zhing sku dang ye shes zhing khams sogs kyang med par 'gyur ba dang
44b2 der brten pa'i tshogs bsags pa dang sgrib pa sbyong ba rnams kyang med par 'gyur zhing rgyu dang 'bras bu'i theg pa dag gis gzhi gang du lam gang gis dri ma sbyong ba'i thabs ji snyed bstan pa rnams kyang nyams
44b3 par 'gyur te sbyang gzhi med pas sbyong byed dgos pa med pa dang/ye shes kyis stong pas gzhan don mdzad pa dang mkhyen par mi 'gyur ba dang/ ma dag pa'i gzhan dbang kun rdzob tsam du'ang med pas dag
44b4 pa'i gzhan dbang gnas yongs su 'gyur ba'i yon tan rnams kyang med par 'gyur ba dang/bcings pa dang grol ba'i gzhir gyur pa'i bdag med par 'gyur ba dang/ so so rang gis rig par bya ba'i chos
44b5 med pas 'gyur ba sogs skyon gyi rnam pa du ma gnas shing lta ba mi zad pa'i 'byung gnas skye ba'i bdag nyid can du gsungs te/'phags pa dkon mchog brtsegs pa'i 'od srung gis zhus pa'i mdo las/
44b6 'od srung gang zag stong pa nyid du dmigs pa'i stong pa nyid la rton pa de dag ni nga'i gsung rab 'di las nyams rab tu nyams zhes bshad de 'od srung gang zag tu lta ba ri rab tsam la gnas pa sla'i/ mngon
45a1 pa'i nga rgyal stong pa nyid du blta ba ni de lta ma yin no// de ci'i phyir zhe na/ 'od srung lta bar gyur pa thams cad las 'byung ba ni stong pa nyid yin na 'od srung gang stong pa nyid kho nar blta ba de ni
45a2 gsor mi rung ngo zhes ngas bshad do// zhes gsungs pa sogs kyis shes par nus shing/ 'o na mi stong pa yin nam zhe na ma yin te/ 'phags pa lang kar gshegs pa'i mdo las/ chos thams cad kyi don
45a3 dam pa 'phags pa'i ye shes chen po stong pa nyid gang zhe na/'di lta ste so so rang gis rig pa 'phags pa'i ye shes thob pa ni lta ba dang nyes pa thams cad kyi bag chags kyi stong ste 'di ni chos thams cad kyi
45a4 don dam pa 'phags pa'i ye shes chen po stong pa nyid ces bya'o// zhes pa dang/ de lta bu'i don dam pa gzhan gyis stong pa'i tshul 'di 'khor lo bar pa'i mdo sde nas kyang 'byung ste/ shes rab kyi pha rol tu
45a5 phyin pa stong phrag nyi shu lnga pa las/de la gzhan gyi dngos po stong pa nyid gang zhe na/ de bzhin gshegs pa rnams byung yang rung de bzhin gshegs pa rnams ma byung yang rung ste/ chos kyi gnas nyid dang/ chos
45a6 nyid dang/chos kyi dbyings dang/ chos skyon med pa nyid dang/ de bzhin nyid dang/ ma nor ba de bzhin nyid dang/ gzhan ma yin pa de bzhin nyid dang/ yang dag pa'i mtha' ni de bzhin nyid du gnas pa ste/ de ltar
45b1 chos nyid de dag gzhan gyis stong pa gang yin pa de ni gzhan gyi dngos pos stong pa nyid ces bya ste/rab 'byor 'di ni byang chub sems dpa' sems dpa' chen po rnams kyi theg pa chen po'o// zhes dang/ rgyud bla ma
45b2 las kyang/rnam dbyer bcas pa'i mtshan nyid can/ zhes pa sogs sngar smos pa ltar rgya cher gsungs so// de lta bu'i dbyings de nyid sems can kyi rgyud las sa'i khams su rin po che'i gter gnas pa bzhin rang gi
45b3 ngo bo la dri mas ma gos kyang blo bur 'khor ba dang rnam pa mtshungs ldan du gnas pa chu dang chab rom gyi dpe bzhin du bzhugs pa ste/ting nge 'dzin rgyal po las/ dag pa dang ba 'od gsal ba// mi 'khrugs 'dus ma
45b4 byas pa ni// bde bar gshegs pa'i snying po ste// ye nas gnas pa'i chos nyid do// slob dpon klu'i chos kyi dbyings kyi bstod par/ sa yi nang na gnas pa'i chu// dri ma med par yang dag gnas// nyon mongs nang na
45b5 ye shes kyang// de bzhin dri ma med par gnas// zhes pa la sogs pa nges don snying po'i mdo sde rnams su snying po'i bzhugs tshul bsam gyis mi khyab par gsungs shing gshegs snying de nyid rang ngo la ltos nas
45b6 'khor 'das bzang ngan med par mnyam pa nyid de/de bzhin nyid de thams cad la/ khyad par med cing dag gyur pa// de bzhin gshegs nyid de yi phyir// 'gro kun de yi snying po can// zhes dang/ de bzhin
46a1 gshegs pa'i snying po'i mdo las/kye rigs kyi bu/ 'di ni chos rnams kyi chos nyid kyis de bzhin gshegs pa rnams byung yang rung ma byung yang rung sems can 'di dag ni rtag tu bde bar gsheg
46a2 pa'i snying po can yin no// zhes pa dang/ ga las 'jig med du/ 'khor ba mya ngan 'das pa la/ khyad par cung zad yod ma yin// mya ngan 'das pa'ang 'khor ba las/ khyad par cung zad yod ma yin// mya ngan
46a3 'das mtha' gang yin pa// de ni 'khor ba'i mtha' yin la// de gnyis khyad par cung zad ni// shin tu phra ba'ang yod min te// zhes sogs rgya cher gsungs pa rnams ni chos nyid mi 'gyur ba'i yongs grub la
46a4 dgongs pa yin te/rgyud bla ma las/ ji ltar sngar bzhin phyis de bzhin// 'gyur ba med pa'i chos nyid do// zhes gsungs pa'i phyir ro// dri ma glo bur ba de la gnas skabs kyi sgo nas dbye na gsum du 'gyur te/
46a5 rgyud bla ma las/ ma dag ma dag dag pa dang// shin tu rnam dag go rim bzhin// sems can byang chub sems dpa' dang// de bzhin gshegs pa zhes brjod do// zhes pa dang/ de'i 'grel par/ 'di ltar ma
46a6 dag pa'i gnas skabs su ni sems can gyi khams zhes bya ba dang/ma dag pa dang dag pa'i gnas skabs su ni byang chub sems dpa' zhes bya ba dang/ shin tu rnam par dag pa'i gnas skabs su ni de
46b1 bzhin gshegs pa zhes bya ba'o// zhes bshad pa bzhin dang/ de bzhin du theg pa gsum sogs tha dad pa dang/ sa bcu lam lnga sogs gong 'og gi dbye bas tha dad par bzhag pa rnams dang de bzhin du 'gro ba
46b2 bzang ngan nyan rang dang byang sems sangs rgyas 'phags pa la sogs gong 'og bzang ngan ltar du snang ba thams cad kyang/dper na rdza snod dang/ shing snod dang/ rin po che'i snod la sogs pa tha dad bzang
46b3 ngan ltar du snang yang snod de dag gi nang gi nam mkha' la bzang ngan med par mnyam pa ltar chos kyi dbyings don dam pa'i bden pa rang bzhin gyi 'od gsal ba de ni bzang ngan dang dbri bsnan med par kun la
46b4 khyab par yod de/rgyud bla ma las/ ji ltar rtog med bdag nyid can// nam mkha' kun tu rjes song ltar// sems kyi rang bzhin dri med dbyings// de bzhin kun tu 'gro ba nyid// de spyi'i mtshan nyid nges pa
46b5 dang// yon tan mthar thug khyab pa ste// gzugs kyi rnam pa dman pa dang// bar pa mchog la nam mkha' bzhin// zhes gsungs pa bzhin no// 'o na gong du gnas skabs gsum smos pa ci zhe na/ snying po de nyid
46b6 sgrib byed kyi dri ma las grol ba dang ma grol pa'i khyad par gyis 'khor ba dang myang 'das gnyis su phye ba yin te/de nyid las/ nyon mongs dra bas g.yogs pa la// sems can zhes ni nges par brjod// de nyid
47a1 nyon mongs bral gyur na// sangs rgyas zhes ni rjod par byed// ces gsungs pa bzhin dang/ gnas skabs gsum po de yang/ sgrib pa'i mun pa chen pos bsgribs pa'i so so skye bo yang yon tan cha
47a2 shas tsam las med pa las/snying po dri ma gsal stobs gcen po'i nus pa che chung gi dbang gis rim pa bzhin srab tu u0f84song bas nyan rang gi dgra bcom yon tan 'phags pa dang/ de dag gis kyang mi shes p
47a3 a thams cad ma spangs pa las gong mar gyur pas thob pa'i byang chub sems dpa' rnams 'phags par snang ba dang/de bas sgrib pa thams cad dang bral ba'i sangs rgyas 'phags par snang ba'o// de lta bas
47a4 na dbyings don dam pa'i bden pa de nyid nyan thos rang rgyal/byang chub sems dpa' ste 'phags pa 'og ma gsum gyis gnas lugs ji lta ba bzhin mi mthong ste tshogs sbyor gyi lam la gnas pas yid
47a5 dpyod kyi mos pa tsam las mngon sum du mi mthong/mthong sgom gnyis su phyogs re mthong la/ 'on kyang lam de bas bu chung gis mthongs ka'i nyi zhur mthong ba tsam las yongs la khyab pa'i nyi ma mi mthong
47a6 ba bzhin dbyings kyi yon tan cha shas tsam las yongs su rdzogs pa mthong ba'i skabs med de/ngag yul min phyir don dam gyis bsdus phyir// rtogs gnas min phyir dpe las 'das phyir dang// rgyal yum
47b1 'phags rnams kyis kyang bsam mi khyab// ces gsungs pa ltar ro// sangs rgyas kyi sar ni rang bzhin ci yin pa mngon sum du gyur nas yongs su rdzogs par gzigs pa ste/ rgyud bla ma'i 'grel par/ sprin
47b2 mthongs mkha' la nyi bzhin 'dir khyod phyogs gcig blo gros can// blo mig dag pa'i 'phags rnams kyis kyang thams cad rab tu mthong ma lags// bcom ldan 'das khyod chos sku rnam dag blo gros mtha'
47b3 yas pas// shes bya mtha' med mkha' dbyings khyab pa de dag gis kun mthong// zhes bshad pa bzhin no// de ltar sems can gyi khams la dbyings rang bzhin gyis 'od gsal ba de rang chas su bzhugs pas
47b4 sems can rnams tshogs gnyis bsags shing sgrib gnyis spangs pa'i sangs rgyas su 'gyur ro zhe na/de'ang ma yin pa'i rgyu mtshan/ spang ba la gnyis yod de rang bzhin rnam dag dang glo bur dri bral lo// dang po
47b5 ni chos nyid kyi ngo bo la gdod nas tshang ste/zad pa gnyen pos zad pa ma yin zhing rang gi ngo bo gdod ma nyid nas dag pa chen po'i gshis lugs su gnas pa la 'gyur ba med pa ste/ sangs rgyas thams cad kyi
47b6 yul la 'jug pa ye shes snang ba rgyan gyi mdo las/'jam dpal sems ni rang bzhin gyis 'od gsal ba'i phyir te de ni glo bur ba'i nye ba'i nyon mongs pa thams cad kyis nye bar nyon mongs par zad kyis/
48a1 rang bzhin gyis kun nas nyon mongs pa ma yin no// rang bzhin gyis 'od gsal ba gang yin pa de ni kun nas nyon mongs pa med pa nyid yin no// kun nas nyon mongs pa med pa de la ni gnyen po
48a2 gang gis kun nas nyon mongs pa spong bar 'gyur ba'i gnyen po med do// zhes pa dang/ shes rab kyi pha rol tu phyin pa stong phrag nyi shu lnga pa las/ kau shi ka de ji snyam du sems/ de la sems can gang yang skye
48a3 ba'am 'gag par gyur pa yod dam/smras pa/ btsun pa rab 'byor de ni med de/ de ci'i phyir zhe na sems can thog ma nas rnam par dag pa'i phyir ro// zhes pa dang yang de nyid las/ gzugs rang bzhin gyis
48a4 'od gsal ba'i phyir rnam par dag pa kun nas nyon mongs pa med pa'o// tshor ba dang 'du shes dang 'du byed dang rnam par shes pa rang bzhin gyis 'od gsal ba'i phyir rnam par dag pa kun nas nyon mongs pa
48a5 med pa'o/rnam pa thams cad mkhyen pa nyid kyi bar du rang bzhin gyis 'od gsal ba'i phyir rnam par dag pa kun nas nyon mongs pa med pa'o// zhes sogs rgya cher gsungs pa dang/ rang bzhin gyis ni yongs
48a6 dag phyir// nyon mongs gdod nas zad phyir ro// zhes pa la sogs pa rnams so// de bas na rnam par shes pa'i chos las 'das pa dang sgrib pa kun las nges par grol ba nyid kyi phyir rang bzhin gyi spang ba de
48b1 don dam pa'i chos nyid la gdod nas tshang ba ste/des na chos nyid gang la yod pa der spang pa'ang yod de chos nyid yongs grub de nyid rang bzhin gyis rnam par dag pa'i phyir ro// spang ba gnyis pa ni/ glo bur gyi
48b2 sgrib byed de dang 'tshams pa'i gnyen pos bsal ba ste lam gyis ma sbyangs par gzhi la yod pa'i yon tan mngon du mi 'gyur ba sngar bshad pa bzhin sems can gyi skabs su gyur kyang des grub mtha' 'di la
48b3 skyon du mi 'gyur te sems can rnams sgrib pa kun bral kyi sangs rgyas su mi bzhed pa'i phyir ro// de bzhin du rtogs pa'ang gnyis te gdod nas chos nyid rang gi rig pas rtogs pa rang byung ye shes dang/ lam
48b4 bsgom stobs kyis rtogs pa gzhan byung ye shes gnyis te/dang po ni/ don dam chos nyid de rtogs byed so so rang gi rig pa shes rab rang byung gi ye shes 'jig rten las 'das pa'i mtshan nyid can te/ bdag
48b5 rig gzhan rig thams cad rig/kun shes kun rig dam pa po// zhes gsungs pa ltar gnyug ma'i spangs rtogs gnyis po don dam pa'i gnas lugs rang gi ngo bor tshang ba ste/ rje btsun byams pas/ 'di la
48b6 gsal bya gang yang med// gzhag par bya ba'ang cung zad med// yang dag nyid la yang dag blta// yang dag mthong na rnam par grol// zhes gsungs pa bzhin no// rtogs pa gnyis pa ni/ lam bsgom stobs kyis
49a1 rtogs pa rgyas 'gyur gyi rigs de mnyam gzhag gis ye shes kyi tshogs dang/rjes thob tu bsod nams kyi tshogs gnyis bsags pas mthar bral stobs kyis yon tan mngon du gyur pa la phyin ci
49a2 ma log pa'i yongs grub tu gdags pa ste/mdo sde rgyan las/ snga ma phyi ma khyad med kyang// sgrib pa kun gyi dri med pa// de bzhin nyid ni sangs rgyas 'dod// ces pa bzhin no// de la kun rdzob rang gi ngo bos stong
49a3 pa dang/don dam gzhan gyis stong pa'i tshul 'di nyid 'khor lo bar tha gnyis nas ci rig par bstan la/ khyad par stong gzhi bde gshegs snying po zab gsal gnyis su med pa'i ye shes kyi bzhugs tshul
49a4 bka' tha ma'i sde snod rnams su rgyas par gsungs pa dang chos thams cad sems kyi snang cha tsam du gsungs pa la sngon gyi slob dpon 'ga' zhig gis dgos pa'i dbang gis sems don dam par khas blangs pas
49a5 deng sang grub mtha' bzhir grags pa'i nang gi rnam rig smra bar brjod pa 'di byung ba yin la don gyi dgongs pa ji bzhin ma longs te chos thams cad sems kyi snang cha tsam du gsungs pa'i sems de kun gzhi'i
49a6 rnam shes su dgongs pa'i skabs dang/chos nyid yongs grub la dgongs pa'i skabs gnyis yod de snga ma la dgongs nas 'khrul pa'i yul dang yul can du kun rdzob pa yin pa'i phyir rtag pa mi srid pas don dam
49b1 bden par ma gsungs te/ye shes snang ba rgyan gyi mdo las// shA ra dwa ta'i bu/ sems zhes bya ba ni sems dang yid kyi rnam par shes pa dang/ yid dang/ yid kyi lus dang/ yid kyi dbang po dang/ yid kyi
49b2 khams te/'di ni sems zhes bya'o// de stong pa nyid gang zhe na/ shA ra dwa ta'i bu sems ni sems kyis stong ste/ de la byed pa po gang yang med do// gal te de'i byed pa po 'ga' zhig yod na ni des byas na gzhan
49b3 gyis myong ba de lta bur 'gyur ro// sems kyis kyang sems mngon par 'du mi byed do// zhes pa la sogs gsungs shing/ chos thams cad sems kyi snang cha tsam du gsungs kyang de don dam pa'i bden par
49b4 gsungs pa'i skabs med la/sems dang/ yid dang/ rnam shes thams cad las 'das pa'i ye shes la don dam pa'i bden par bstan te/ 'phags pa lang kar gshegs pa'i mdo las/ sems dang/ yid
49b5 dang/yid kyi rnam par shes pa dang/ rnam par rtog pa dang/ 'du shes med par gyur pas mi skye ba'i chos la bzod pa thob par 'gyur te/ blo gros chen po snang ba med pa rnam par rtog pas dben pa'i chos bstan
49b6 pa'i phyir don dam pa 'di la go rim dang go rim gyi mtshams sbyar ba med do// zhes dang/ sems dang yid dang rnam shes dang// 'du shes rtog pa spangs pa ste// rnam par rtog pa'i chos thob pa// nyan thos rnams
50a1 ni rgyal sras yin// zhing dang bzod pa'i khyad par las// de bzhin gshegs kyi ye shes dge// zhes sogs gsungs pa bzhin no// gzhan yang sems tsam pa'i grub mtha' smra ba gang zhig/ don
50a2 dam bden par 'dod pa ni rnam shes las ma 'das la de ni 'khor ba'i yul can gyi shes pa zang ka ma ste 'jig rten las 'phags par mi nus pa'i phyir dang/don dam pa'i bden pa ni zag pa med pa'i dbyings
50a3 dang de rtogs pa'i sgrib bral kyi ye shes 'phags pa rnams kyi so so rang gi rig pa 'jig rten las 'das pa'i mtshan nyid can te/de gnyis kyi khyad par ni theg pa chen po'i mdo sde las/ de la blo gros chen po ye
50a4 shes ni rnam pa gsum ste/'jig rten pa dang/ 'jig rten las 'das pa dang/ 'jig rten las 'das pa'i mchog go/ de las skyes nas 'jig pa ni rnam par shes pa'o// ma skyes mi 'jig pa ni ye shes
50a5 so// gzhan yang blo gros chen po mtshan ma dang mtshan ma med par ltung ba dang/ yod pa dang med par ltung ba dang/ mtshan nyid sna tshogs kyi rgyu las skyes pa rnams ni rnam par shes pa'o// mtshan ma dang mtshan ma
50a6 med pa las shin tu 'das pa'i mtshan nyid ni ye shes so// gzhan yang blo gros chen po de la sogs pa'i mtshan nyid ni rnam par shes pa'o// bri ba'i mtshan nyid ni ye shes so// de la rnam pa gsum ni 'di lta ste/
50b1 rang dang spyi'i mtshan nyid rtogs par byed pa dang/ skye ba 'jig pa rtogs par byed pa dang/ skye ba med pa dang/ 'gag pa med par rtogs par byed pa'o// de la 'jig rten pa'i ye shes ni yod pa dang med pa'i
50b2 phyogs las mngon par chags pa mu stegs byed dang/byis pa so so'i skye bo thams cad kyi'o// de la 'jig rten las 'das pa'i ye shes ni rang dang spyi'i mtshan nyid du ltung ba'i bsam pa la mngon par chags pa
50b3 nyan thos dang rang sangs rgyas thams cad kyi'o// de la 'jig rten las 'das pa mchog gi ye shes ni sangs rgyas dang byang chub sems dpa' rnams kyi snang ba med pa'i chos la rab tu rnam par 'byed pa dang/ skye
50b4 ba med pa dang/'gag pa med par mthong ba dang/ yod pa dang med pa'i phyogs dang bral ba de bzhin gshegs pa'i sa bdag med pa thugs su chud pa'i phyir 'byung ba'o// gzhan yang blo gros chen po chags pa
50b5 med pa'i mtshan nyid ni ye shes so// yul sna tshogs la chags pa'i mtshan nyid can ni rnam par shes pa'o// gzhan yang blo gros chen po gsum du 'dus pa'i bya ba skye ba dang ldan pa'i mtshan nyid ni rnam par shes
50b6 pa'o// mi ldan pa'i ngo bo nyid kyi mtshan nyid ni ye shes so// gzhan yang blo gros chen po thob pa med pa'i mtshan nyid ni ye shes te bdag gi so so rang gi 'phags pa'i ye shes kyis rtogs pa'i spyod yul du mi
51a1 'byung mi 'jug pa'i phyir chu la chu zla bzhin no// de la 'di skad ces bya ste// sems kyis su ni las la sogs// ye shes kyis ni rnam par 'byed// shes rab kyis kyang snang med dang// mthu yang
51a2 rab tu thob par byed// sems ni yul dang 'brel ba ste// zhes pa la sogs pa rgyas par gsungs pa dang// de bzhin du 'phags pa dkon mchog sprin gyi mdo las/ chos 'di ni yi ge thams cad las yang dag
51a3 par 'das pa/smra ba thams cad las yang dag par 'das pa/ tshig gi spyod yul thams cad las yang dag par 'das pa/ ngag gi lam thams cad las yang dag par 'das pa/ spros pa thams cad dang bral
51a4 ba/blang ba dang dor ba thams cad dang bral ba/ phye ba dang btsum pa thams cad dang bral ba/ rtog ge thams cad dang bral ba/ brtags par bya ba ma yin pa/ rtog ge'i spyod yul ma yin pa/ rtog ge'i spyod
51a5 yul las yang dag par 'das pa/mtshan ma med pa/ mtshan ma dang bral ba/ mtshan ma'i spyod yul las yang dag par 'das pa/ byis pa'i spyod yul las yang dag par 'das pa/ bdud thams cad kyi yul
51a6 las yang dag par 'das pa/nyon mongs pa thams cad kyi spyod yul las yang dag par 'das pa/ rnam par shes pa'i spyod yul las yang dag par 'das pa/ gnas ma yin pa/ mi gnas pa/ zhi ba/
51b1 'phags pa'i ye shes kyi spyod yul te/ de dag gnyis kyi so so rang gis rig pa/ dri ma med pa/ ma gos pa dang/ rnam par dag pa/ gya nom pa/ mchog/ dam pa/ phul/ rtag pa/ brtan pa/ ther zug/ mi
51b2 'jigs pa'i chos can te/de bzhin gshegs pa rnams byung yang rung/ ma byung yang rung ste chos kyi dbyings 'di ni 'dug pa kho na'o// zhes pa la sogs pas don dam 'phags pa'i ye shes bsam gyis mi
51b3 khyab pa'i tshul rgyas pa bstan pa dag ni sems tsam pa 'dod pa'i lam du mi gnas te gzung 'dzin gnyis med shes pa rang rig rang gsal de nyid sangs rgyas kyi rgyu grung por khas blangs shing yul can gzhan
51b4 dbang bden par 'dod pas rnam shes rdzas grub don dam par 'dod pa gang zhig chos kyi bdag med sgra ji bzhin pa yang rtogs par dka' ba'i phyir ro// de ltar yang lang gshegs las/ sems tsam yin te
51b5 snang ba med// snang ba med pas mi skye ste// dbu ma yi ni lam 'di dag/ nga dang gzhan dag gis kyang bshad// sems tsam du ni rtogs pa dang// phyi rol dngos po rnam bsal ba// rnam par rtog pa rnam ldog
51b6 pas// lam de nyid ni dbu ma'o// zhes bshad pa bzhin bka' tha ma'i dgongs pa 'di nyid nges don dbu ma chen por gnas pa ni byang chub sems dpa' chen po rnams kyi 'grel pa dang theg chen gyi slob dpon
52a1 shing rta gnyis rjes 'brangs dang bcas pas rang gzhung rnams su gsal bar bstan pa yin la/'on kyang slob dpon 'ga' zhig gis dgos dbang la brten nas rnam gzhag gzhan dang gzhan du
52a2 smra ba dag byung srid na'ang de dag rnams skye 'phags ji ltar yin tshad gzung dka' la/'phags pa'i sar bzhugs par grub na dgongs gzhi gzhan dang gzhan gyis de ltar gsungs pa'i skabs srid pas rang re
52a3 byis pa rnams kyis mtha' gcig tu bzung nas chos spang gi las ngan mi bsog pa nyid du gnad du go la/gal te 'dir ngo bo nyid gsum bstan pa'i phyir sems tsam pa'o zhes smras kyang/ yum bar ma las/
52a4 byams pa/ yongs su brtags pa'i gzugs gang yin pa de ni rdzas med par blta'o// rnam par brtags pa'i gzugs gang yin pa de ni rnam par rtog pa rdzas yod pa'i phyir rdzas yod par blta yi rang dbang du
52a5 'jug pa ni ma yin no// chos nyid kyi gzugs gang yin pa de ni rdzas med pa yang ma yin rdzas yod pa yang ma yin don dam pas rab tu phye ba yin par blta bar bya'o// zhes sogs gsungs pa dang// brgyad stong
52a6 don bsdus su'ang/shes rab pha rol phyin pa ni// bstan pa gsum la yang dag brten// brtags pa dang ni gzhan dbang dang// yongs su grub pa kho na'o// med ces bya ba sogs tshig gis// brtags pa thams
52b1 cad 'gog pa ste// sgyu ma la sogs dpe rnams kyis// gzhan gyi dbang ni yang dag bstan// rnam par byang ba bzhi yis ni// yongs su grub par rab tu bsgrags// shes rab pho rol phyin pa ni// sangs rgyas
52b2 rnams kyis gzhan bstan med// ces pa la sogs pa ngo bo nyid gsum gyi tshul bka' bar ba nas kyang rgyas par bstan pa dang/ de bzhin du gzhan yang slob dpon klu'i bshes gnyen gyi sku gsum la 'jug pa'i
52b3 sgor yang/ngo bo nyid gsum gyis sku gsum thob pa'i rgyur bsdus pa dang/ de'i 'grel pa dbu ma pa chen po ye shes zla bas mdzad par yang de dang don gcig par bshad pa sogs dbu ma'i gzhung chen po thams
52b4 cad du ngo bo nyid gsum gyi rnam gzhag mdzad pa thams cad kyang dbu ma'i lugs su de med cing sems tsam gyi lugs kho na'o zhes smra ba rnams kyis gzhung de dang de ma mthong bar zad la/gzhan yang lang
52b5 gshegs las/sems tsam la ni brten nas su// phyi rol don ni mi brtag go/ snang ba med pa la brten nas// sems tsam la ni 'da' bar bya// yang dag dmigs pa la brten nas// snang ba med las 'da'
52b6 bar bya// rnal 'byor snang ba med gnas na// theg pa chen po mi mthong ngo// zhes gnas skabs su sems tsam du bstan nas mthar de las yang dag par 'das nas snang med dbu ma dang/ de las kyang 'das
53a1 nas snang bcas dbu ma ston cing/de la ma sleb na theg chen gyi don zab mo mi mthong bar gsungs pa yin la/ spyir sems kyi sgras smos pa thams cad sems tsam du smra ba'ang nongs te/ de bzhin
53a2 nyid dang/yang dag pa'i mtha' dang/ rang bzhin gyis mya ngan las 'das pa dang/ chos kyi dbyings dang/ 'od gsal ba'i sems dang/ kun tu bzang po'i yid la sogs pa mtha' thams cad dang bral ba'i
53a3 gnas la sems kyi sgras bstan pa'i skabs yod de/yum rgyas pa las/ rab 'byor sems de ni sems ma mchis te sems kyi rang bzhin ni 'od gsal ba'o// zhes 'khor ba'i sems dang sems byung las 'das
53a4 pa'i 'od gsal ba'i sems nyid gsungs pa/rnam shes las ma 'das pa'i sems tsam du nor bar mi bya ste/ phyi ma'i mtshan nyid ni/ mdo las/ rnam par rtog pa'i bag chags 'brel// sems las byung ba sna
53a5 tshogs pa// mi las phyi rol snang ba ni// 'jigs rten pa yi sems tsam mo// zhes gsungs pas/ 'jig rten dang 'jig rten rten las 'das pa'i sems tsam gyi khyad par bstan pa sngar bshad pa'i rnam shes ye
53a6 shes kyi khyad par dang don gcig cing de bzhin du shin tu zab pa'i theg chen rnams su bstan pa'i ming gzhan gyis bsnyad pa'i sems kyi don can rnams kyang de bzhin du shes dgos la/der ma zad zag pa med
53b1 pa'i dbyings dang/bsam gyis mi khyab pa'i dbyings dang/ don dam pa'i dge ba dang/ chos nyid mi 'gyur zhing brtan pa dang/ don dam pa'i gnas lugs su bden pa dang/ gdod nas rnam par grol pa'i sku
53b2 dang/mtha' bzhi'i spros pa thams cad dang bral ba dang/ bdag gnyis spangs pa sogs thub pa chen po'i chos kyi sku dang dbyer med pa'i yon tan gyi tshogs gang+gA'i klung gi bye ma snyed las 'das pa rnams kyang
53b3 rnam shes kyi chos la shin tu 'das par lhun grub tu gnas pa'i phyir 'jig rten pa'i sems tsam smra ba dang rnam pa rab tu 'gal ba can yin no// spyir phyogs su ma lhung ba'i blo gros tshad mar gyur pa dag gis
53b4 stong lugs gnyis ka yang shing rta'i srol so so la brten pa'i grub mtha' bzhir grangs nges pa dag gi rtse mor gyur pa'i dbu mar gnas pa la khyad par med de gnyis ka'i skabs su yod pa dang bden par yod pa
53b5 la khyad par med de/nges don gyi dgongs pa 'grel pa la rgyal bas lung bstan pa'i slob dpon chen po klu thogs rnam gnyis so so'i bstan bcos kyis gsal bar rtogs shing/ de dang mthun par rtsod dus
53b6 kyi thams cad mkhyen pa rin chen 'byung gnas zhi ba dang/legs ldan zhabs dang/ gser gling ba dang/ jo bo rje sogs kyis kyang bshad la/ slob dpon seng ge bzang pos kyang zhal gyis bzhes te/ de rgyan gyi
54a1 dgongs pa 'chad pa na/gnyis su med pa'i ye shes 'ba' zhig 'di yang dag par yod pa'i ngo bo yin no snyam du nges par byas nas zhes pa 'di rnal 'byor gyi sa gsum pa'i sgom byung gi rnal 'byor
54a2 ram bsam byung gi rim pa gang rung du bzhed pa'i phyir dang/de bzhin nyid kyi ngos 'dzin ye shes la bshad pa dang/ ngo bo nyid sku'i 'grel par gnas tshul kyi sku lhag ma gsum po chos nyid du bshad pa'i phyir ro/
54a3 de'i phyir 'khor lo bar ba nas dngos su bstan pa'i stong nyid kyis lus can rnams kyi blo lhan skyes kyi ngar 'dzin dang/ mu stegs byed rnams kyis grub mthas gsar du btags pa'i bdag tu lta ba dang/ rang sde
54a4 dngos por smra ba'i grub mtha'i 'dzin zhen gyi spros pa gcod pa'i don du nges don med dgag kho nar bzhed cing ci yang mi bsgom pa la stong nyid bsgom pa dang/ci yang ma mthong ba la de kho na nyid rtogs par
54a5 bstan pas de dang de'i don mthong bas bdag med tshul bzhin du rtogs par byed pa'i go yul gyi lta ba ste mtshan 'dzin gzhig par dka' ba yang thos bsam las byung ba'i shes rab kyis 'gog par byed pa
54a6 la thal rang gi rig pa spros pa gcod byed la rno ba dang/bsgom pa nyams myong gis gtan la 'bebs pa'i tshe ni 'khor lo gsum par gsungs pa'i dbu ma chen po'i lugs 'di nyid mchog tu zab la rgya che ba yin
54b1 te/dbyings rang bzhin gyis rnam par dag pa don dam pa'i bden pa rang byung gi ye shes de nyid ni chos thams cad kyi thog ma'i gnas lugs yin pa gang zhig/ so so rang gi rig pas nyams su myang byar yod
54b2 pa'i ye shes yin pa'i phyir te/sgra gcan zin gyis yum la bstod par/ smra bsam brjod med shes rab pha rol phyin// ma skyes mi 'gag nam mkha'i ngo bo nyid// so so rang rig ye shes spyod yul ba// dus gsum
54b3 rgyal ba'i yum la phyag 'tshal lo// zhes pa dang/ zab zhi spros bral 'od gsal 'dus ma byas// bdud rtsi lta bu'i chos shig bdag gis rnyed// ces gsungs pa sogs kyis bsam gyis mi khyab pa'i ye shes mtshon
54b4 par byas shing 'di nyid kyi rang bzhin mthong bas don dam bden pa mthong ba zhes bya'i ci yang med pa'i stong nyid tsam la don dam bden par mi rung ngo// de'i phyir chos nyid yongs grub ni gnyis su med pa'i de
54b5 bzhin nyid kyi ye shes yin pa'i phyir rnam shes kyi chos la yang dag par 'das pa sangs rgyas chos kyi sku dang/ngo bo nyid sku'i sgras bstan pa/ gsang sngags su gsungs pa'i rgyud gsum gyi rnam par gzhag pa dang/ lha
54b6 dang/sngags dang/ rdo rje'i bdag dang/ bde ba chen po dang/ rnam pa kun gyi mchog dang ldan pa'i stong pa nyid dang/ gnyug ma'i lus ngag yid gsum gyi rten mi shigs pa'i thig le chen po sogs rgyu 'bras kyi theg
55a1 pa chen po dag gis sbyang gzhi dang/sbyong byed dang sbyangs 'bras sogs kyi rnam par gzhag pa dang/ gzhi lam 'bras bu'i rnam gzhag thun mong ma yin pa rnams kyang sems tsam par grags pa'i
55a2 grub mtha' dang 'gal ba'i chos su gnas shing/rang stong pa ltar 'dod pa'i lam du'ang mi gnas par 'khor lo tha ma'i dgongs pa sa bcu'i dbang phyug chen po rnams kyis bkral ba dang sngags kyi rgyud sde
55a3 rnams kyis bstan pa gcig la gcig ltos kyis mi 'gal bar gnas pa ni shes par bya dgos la/de lta nyid phyir bka' tha ma'i dgongs pa 'jig rten pa'i sems tsam smra ba dang rnam pa kun tu gcig pa ma yin
55a4 par theg pa'i rim pa 'og ma 'og ma'i dgos pa gong ma gong ma'i nang du rim gyis 'du zhing mtha' gcig tu grub pa las 'gal ba med kyang 'og ma la gong ma ches khyad par du 'phags pa bde bar gshegs pa'i
55a5 bstan pa rin po che'i khyad par du nges pa khong du chud dgos te de ltar min na 'khor lo dang por/sdug bsngal ba dang/ bdag med pa dang/ mi gtsang ba dang/ mi rtag pa zhes bstan nas/ bka' bar par thams
55a6 cad stong pa nyid du gtan la phab nas slar yang mtha' mar bde ba dang/gtsang ba dang/ rtag pa dang/ bdag dam par bstan pa'i don gyi dgongs pa rton pa bzhi la gdengs du gyur ba'i blo gros kyis blangs ma
55b1 shes par sgra ji bzhin par bzung na gdul bya mgo rmongs par 'gyur ba dang bstan pa 'gal bar dpyod pa'i rnam par rtog par can du 'gyur te/'di la dgongs nas rgyud bla ma'i 'grel par/ mdor bsdu na
55b2 gang zag bzhi po 'di ni de bzhin gshegs pa'i snying po mthong ba la mig dang mi ldan par bzhag ste/bzhi gang zhe na 'di lta ste/ so so skye bo dang/ nyan thos dang/ rang sangs rgyas dang/ theg pa la gsar du
55b3 zhugs pa'i byang chub sems dpa' ste/ji skad du/ bcom ldan 'das de bzhin gshegs pa'i snying po 'di ni/ 'jig tshogs la blta bar ltung ba rnams dang/ phyin ci log la mngon par dga' ba rnams dang/ stong
55b4 pa nyid la sems rnam par g.yengs pa rnams kyis spyod yul ma lags so// zhes gsungs pa yin no// zhes pa la sogs pa gsungs pa bzhin gzhan yang tshul 'di nyid bka' dang bstan bcos thams cad nas
55b5 shin tu sgrub tu yod kyang 'dir de tsam zhig las ma bkod la spros pas chog go/da ni bstan pa de dag drangs nges gnyis su rnam par gzhag na/ chos kyi 'khor lo rim pa gsum po de dag gis gong du sgrib byed
55b6 glo bur ba'i dri ma rags pa dang/phra ba dang/ shin tu phra ba'i tshul rnams sbyong byed kyi thabs rgya che chung las don du gshegs snying gcig pu'i steng gi dri ma sbyong ba la gsum ka mthun zhing/ 'di ltar dang pos mi
56a1 rtag pa sogs kyis 'khor ba la yid 'byung zhing mya ngan 'das pa'i sgor 'jug pa'i rgyu byed/gnyis pa rnam par thar pa'i sgo gsum gyis 'jig rten pa'i bdag tu lta ba sogs mtshan 'dzin gyi
56a2 gnyen por 'gyur zhing/gsum pa phyir mi ldog pa'i gtam gyis bde bar gshegs pa'i tshul rgya chen po khong du chud par byed pa la dgongs pa ste/ gzungs kyi dbang phyug rgyal pos zhus pa'i mdo las/ rigs kyi
56a3 bu 'di ltar dper na nor bu mkhan mkhas pas nor bu sbyong pa'i tshul legs par shes pa des/nor bu rin po che'i rigs nas yongs su ma dag pa'i nor bu blangs te lan tshA'i chu snyog por sbangs nas skra'i re
56a4 bas yongs su sbyong bar byed do// de bzhin du de'i 'og tu zas kyi khu bar sbangs te bal gyi lwa bas yongs su sbyong bas yongs su sbyong bar byed do// de bzhin du de'i 'og tu sman bzang po'i khu bas spangs te ras
56a5 srab mos yongs su sbyong bas yongs su sbyong bar byed do// yongs su sbyangs te dri ma dang bral ba ni baiDUr+ya rigs chen po zhes brjod do// de bzhin du sems can la dang po mi rtag pa dang sdug bsngal ba sogs
56a6 yid 'byung ba'i gtam gyis 'dul ba la 'dzud bar mdzad pa dang/de'i 'og tu rnam par thar pa gsum gyis de bzhin gshegs pa'i tshul rtogs pa mdzad pa dang/ de 'og tu phyir mi ldog pa'i 'khor lo'i gtam
56b1 gyis de bzhin gshegs pa'i yul la 'jug par mdzad do// zhugs par gyur cing chos nyid rtogs na ni bla na med pa'i yon gnas so// zhes pa la sogs pas rgyas par gsungs shing/ de bzhin du bka' rim pa
56b2 gsum po drang don dang nges don du rnam par dbye ba yang/dgongs pa nges par 'grel pa'i mdo las/ bcom ldan 'das kyi nyan thos kyi theg pa la zhugs pa rnams la 'phags pa'i bden pa bzhi ston pa'i chos
56b3 kyi 'khor lo dang po bskor ba de yang bla na mchis pa/skabs mchis pa/ drang ba'i don rtsod pa'i gzhir gnas su gyur pa lags la/ bcom ldan 'das kyis chos rnams kyi ngo bo nyid ma mchis pa las
56b4 brtsams te/theg pa chen por yang dag par zhugs pa rnams la stong pa nyid ston pa'i chos kyi 'khor lo gnyis pa bskor ba de yang bla na mchis pa/ skabs mchis pa/ drang ba'i don/ rtsod pa'i gzhir gyur pa
56b5 lags kyi bcom ldan 'das kyis chos rnams ngo bo nyid ma mchis pa nyid las brtsam te theg pa thams cad la yang dag par zhugs pa rnams la legs par rnam par phye ba dang ldan pa'i shin tu ngo mtshar rmad du
56b6 byung ba'i chos kyi 'khor lo gsum pa bskor te/chos kyi 'khor lo bskor ba de ni bla na ma mchis pa/ skabs ma mchis pa/ nges pa'i don/ rtsod pa'i gzhir ma gyur pa lags so// zhes pa la sogs pa'i sgo nas drang
57a1 nges kyi rnam par gzhag par mdzad la/de ltar 'khor lo bar ba drang don du bzhag pa'i rgyu mtshan ni chos 'khor 'dir dgos pa'i dbang gis bde bar gshegs pa'i stobs sogs don dam gyi
57a2 yon tan rang stong ma yin pa rnams kyang phal cher rang stong du ston pa dang de dag legs par phye ste nang 'gal med par ma bstan pa sogs kyis bla na mchis pa la sogs pa gsungs la/gsum par ni kun rdzob
57a3 kyi chos rnams rang stong dang don dam pa'i chos gzhan gyis stong pas de dag gi tshul nyid legs par rnam par ji ltar phyes nas bstan pa'i rgyu mtshan gyis kyang de ltar du bzhag go/gal te 'khor lo bar par
57a4 shes rab kyi pha rol tu phyin pa bstan pa'i phyir nges don yin la/de las bzlog nas ston pa'i phyir tha ma drang don dgongs pa can yin no zhes smra ba ni legs par ma brtags pa ste/ ma skyes mi 'gag gdod nas
57a5 zhi ba la sogs pa sher phyin sgra ji bzhin pa ni 'khor lo tha ma nyid du mchog tu rgyas shing/shin tu zab pa'i tshul ni rdo rje theg par bstan la/ de nyid mi gsal ba dang/ gsal ba dang/ rab tu gsal bar ston
57a6 pa'i rgyu mtshan gyis bla na yod med dang skabs yod med kyi khyad par gsungs pa yin gyi sher phyin gyi ngo bo la khyad par yod pa ma yin te/gang bde gshegs snying po dang/ chos kyi dbyings dang/ 'od gsal ba'i
57b1 sems dang/rang bzhin kyis dag pa'i rigs dang/ yang dag pa'i mtha' dang/ dngos po med pa'i ngo bo nyid stong pa nyid la sogs pa ming gis bstan pa mtha' yas pa thams cad rang byung gnyis su med pa'i ye
57b2 shes su gcig pa yin la/de nyid shes rab kyi pha rol tu phyin pa ste/ slob dpon phyogs kyi glang pos/ shes rab pha rol phyin gnyis med// ye shes de ni de bzhin gshegs// bsgrub bya don de dang ldan
57b3 pas// gzhung lam dag la de'i sgra yin// zhes gsungs pa'i phyir ro// de bas na bka' tha ma nges don mthar thug tu lung dang rig pa thams cad kyis 'grub ste rgyal ba nyid kyis drang nges dbye bar mdzad pa dang/
57b4 gzhan yang ji skad du/ thogs med ces bya'i dge slong ni// bstan bcos de yi don la mkhas// mdo sde drang don nges pa'i don// rnam pa mang po rab tu 'byed// ces rgyal pas drangs nges 'byed par lung du bstan
57b5 pa'i 'phags pa de nyid kyis tha ma nges don mthar thug tu bzhag pa yin cing/bar ba nges don dang tha ma drang don yin pa'i lung gang yang med mod kyi/ 'on kyang bka' tha ma 'di nyid rnam rig smra bar 'dod pa
57b6 dag gis de ltar byas pa yin srid kyang gong du drangs pa'i nor bu sbyong ba'i dpe dang nad pa'i sman dang yi ge slob pa'i dpe sogs kyis bstan pa'i go rim dang 'gal ba dang/rgyal ba nyid dang 'phags pas rnam
58a1 par gzhag pa la'ang dgos pa med par 'gyur ba sogs skyon mtha' yas shing/der ma zad gdul bya rnams la dang po drang don dang/ bar du nges don bstan nas slar yang drang don zlos te bstan
58a2 pa la dgongs pa'i len lugs dang dgos pa ci yod kyang bsam dgos so// de bas na nges don mthar thug la dngos por smra ba'i grub mthar bzhag pa dang sangs rgyas dang byang chub sems dpa' chen po rnams
58a3 la kun rdzob bstan pa'i skur zhus dang/snying po'i chos 'di spang bar 'gyur ba sogs sdig to mi zad par shes par bya'o// gzhan yang theg pa gsum kyi sgo nas kyang nges don 'khor lo tha mar 'du ba'i dbang du
58a4 mdzad pas kyang nges don mthar thug tu grub ste/phyir mi ldog pa 'khor lo'i mdo las kyang/ de nas bcom ldan 'das de'i bsnyen bkur ba byang chub sems dpa' chen po sgra dbyangs snyan pa zhes pa de pad+ma'i stan
58a5 las langs te gsol pa/bcom ldan 'das/ 'jig rten gyi khams mi mjed 'di ji srid cig na mchis/ bka' stsal pa/ rigs kyi bu 'jig rten gyi khams 'di nas nub phyogs logs su 'jig rten gyi khams
58a6 gang+gA'i klung gi bye ma snyed las 'das pa na'o// gsol pa/ bcom ldan 'das 'jig rten gyi khams de na bcom ldan 'das gang chos ston/ de bzhin gshegs pa shAkya thub pa zhes bya'o// chos ston pa ci 'dra zhig
58b1 lags/theg pa gsum las brtsams te'o// theg pa gsum po gang lags/ nyan thos kyi theg pa dang/ rang sangs rgyas kyi theg pa dang/ theg pa chen po ste theg pa gsum po de las brtsams te chos
58b2 ston to// sangs rgyas bcom ldan 'das kyis chos bstan pa mthun lags sam/ rigs kyi bu sangs rgyas bcom ldan 'das rnams kyis chos bstan pa ni mthun no// sangs rgyas bcom ldan 'das rnams kyis
58b3 chos bstan pa ci tsam zhig mthun/bka' stsal pa/ sangs rgyas bcom ldan 'das rnams kyis chos bstan pa ni phyir mi ldog pa'i 'khor lor mthun no// zhes pa la sogs pas rgya cher gsungs so// bzhi pa rdo
58b4 rje theg pa'i sde snod bshad pa la'ang gsum ste/rgyu'i theg pa las khyad par 'phags tshul/ ngo bo nges tshig dbye ba'i sgo nas bshad pa/ mtshan nyid de dang ldan pa'i chos kyi 'khor lo bskor tshul lo// dang po la'ang
58b5 gnyis te spyi dang bye brag go/dang po ni/ spyir theg pa chen po de la rgyu mtshan nyid dang 'bras bu rdo rje'i theg pa gnyis te/ legs par grub pa'i rgyud las/ rgyu dang 'bras bu'i dbye ba yis// pha rol phyin pa'i theg
58b6 pa dang// rdo rje'i theg pa bla na med/ ces pa'o// gnyis pa ni/ chos nyid bsam gyis mi khyab pa zab cing rgya che ba'i gnas lugs 'jal ba na/ mtshan nyid theg pas gtan tshigs kyi sgo nas gzhal ba'i bsam
59a1 shes kyis rjes su dpag pa nges pa'i tshad mas gtan la phab pa'i don dam bden pa blos byas kyi gzhi dang/de la nges shes kyi blo skyes pa la 'bad pas 'jog pa'i zhi gnas dang/ de la rtog
59a2 dpyod lhag mthong du btags pa tsam gyis ting nge 'dzin dang/dus ring po zhig tu tshogs grangs med pa 'du byas pa'i rgyu las thob pa la phyogs pa'i 'bras bu la dmigs pa'i zab pa tsam dang/ rgya che ba'i phung
59a3 khams skye mched la sogs kyang kun rdzob kyi bden par gtan la phab nas blang dor kyi 'du shes dam pos dkris pa tsam las med la/sngags su gtan tshigs dang blos byas pa'i bsam byung gi shes rab la ma
59a4 ltos par/dbang gsum pa dang/ ye shes btsan thabs su dbab pa dang/ rdo rje'i lus kyi rten 'brel las rtsa rlung thig le la gnad du bsnun pas blos ma byas pa'i ye shes rnam par mi rtog pa'i chos nyid dam
59a5 chos kyi sku'i snying po gtan la phebs nas/de nyid kyi ngang du rang bzhin gyis blos gnas pas don dam pa'i bden pa rtogs nas tshe gcig la sogs pa la byang chub mngon du byed pas zab mo mngon sum du skye ba
59a6 dang/rgya che ba yang dbyings 'od gsal gyi dkyil 'khor du ye nas gnas pas gzhi rgyud gtan la phab nas/ de la brten pa'i kun rdzob ltar snang ba'i snod bcud skye mched thams cad spang blang dang bral ba'i lha
59b1 dang gzhal yas khang dang zhing gi bkod par rtogs pas lam gyi rgyu rnams nyams su blang byar bstan pas/thun mong gi dngos grub grub pa brgyad sogs dang/ thun mong ma yin pa mthong lam nas mi slob pa'i bar gyi
59b2 'bras bu'i rgyud gtan la 'bebs pa'i phyir zab cing rgya che ba'i don la rmongs pa med pa yin no// rnam pa gzhan du/ myur ba dang/ bde ba dang/ thabs la mkhas pas kyang khyad par du 'phags te/ ji ltar myur ba
59b3 yin zhe na/skye ba 'di 'am/ skye ba bcu drug gam/ bskal pa gsum mam/ bskal pa brgyad kyis byang chub thob pa ste/ rgyu cis myur ba yin zhe na/ cho ga'i khyad par kyis lha rnams dngos su mchod pa len pas yongs
59b4 su spyad pa las byung ba'i bsod nams yod pa dang/sngags kyi mthus chu thigs pa gcig kyang gang+gA'i bye snyed du 'gyur bas de snyed kyi bsod nams 'byung ba dang/ las dang po pas ma dag pa'i snang ba 'gog pa'i zhing
59b5 sbyong ba'i ting nge 'dzin mngon du byed pa dang/sngags dang ting nge 'dzin gyi khyad par re res kyang sems can rnams smin pa'i rgyu khyad par can 'di dag theg pa 'di nyid la zhugs pa tsam la'ang yod cing/ ting nge 'dzin
59b6 gyi spyod yul gyis gzugs bden pa gnyis ka'i tshul gyis 'bras bu'i rnam pa la dmigs pa'i shes rab rnams dang po nas tha ma'i bar du yod pa dang/ji ltar na bde ba yin zhe na/ lus dang sems la tshor ba rtsub
60a1 po med pa nyid de/rgyu cis bde ba yin zhe na/ 'di la skal ba drug dang ldan pa'i lus kyang 'grub pa dang/ rdzu 'phrul dang ting nge 'dzin mang po 'thob pa dang/ sngags kyi mthus sangs rgyas rnams mngon
60a2 sum du bzhugs pa dang/sngags dang rgyud kyi sbyor bas sems can gyi bsam pa thams cad sgrub pa'i phyir dang/ thabs la mkhas pa gang zhe na/ 'pho ba med pa'i bde ba sogs tshul khrims kyi bslab pa dang/ mtshan
60a3 bcas dang mtshan ma med pa'i ting nge 'dzin gyi bslab pa dang/bden gnyis gdod nas dbyer med pa'i rang bzhin du rtogs pa'i shes rab kyi bslab pa dang/ spyod yul la 'jug pa rnams so// gzhan yang ra li
60a4 bsam gyis mi khyab pa'i rgyud las/nyan thos la sogs theg chung la// man ngag yod pa ma yin te// lta ba spyod pa sems bzung dang// rgyud dang lam dang 'bras bu sa// dus dang longs spyod rnal 'byor
60a5 dang// bdag gzhan don dang dgos pa dang// ngal dub mtha' spangs tshegs chung dang// tshogs bsags pa dang khyad par dang/ khyad par rnam par bco lnga yis// rig 'dzin theg pa khyad par 'phags// zhes
60a6 bstan pas/lta bas khyad par du 'phags pa ni/ sems nyid don dam bden pa dkor bdun ngo bo nyid du gdod nas lhun gyis grub pa ste/ de yang ngo bo rang bzhin gyis dag pa'i cha nas dbyings don dam/ mya ngan
60b1 las 'das pa'i chos thams cad kyi 'char gzhir gnas pa de nyid dwangs gsal sgrib g.yogs thams cad dang bral ba'i cha nas ye shes don dam/de la sku dang ye shes kyi yon tan 'char rung ma 'gags par gnas
60b2 pa 'bras bu'i don dam ste/phyi ma 'di la sangs rgyas kyi sku gsung thugs yon tan phrin las lnga'i gsang ba chen po 'bras bu'i chos rnams lhun grub tu bzhugs pa ni rang bzhin gdod ma'i 'gog pa don dam bden pa
60b3 chen por gtan la phab nas/sems nyid don dam bden pa de nyid kyi rtsal lam snang cha snod bcud byis pa rnams la kun rdzob pa ltar snang ba rnams kyang sku dang ye shes kyi dkyil 'khor chen por rang snang bas
60b4 'khor 'das bzang ngan dbyer med pa mnyam pa nyid du rdzogs par gtan la dbab pa kun rdzob kyi bden pa/de gnyis kyang blang dor res 'jog can ma yin par gser dang gser gyi kha dog lta bu dang/ g.yu dang
60b5 g.yu'i sngon po dang/mar me dang mar me'i 'od lta bur zung 'jug ngo bo gcig pa'i bdag nyid du gdod nas gnas pa ni bden pa dbyer med lhag pa'i chos sku chen po ste/ der 'dzin gyi bsam brjod las kyang yang
60b6 dag par 'das pas na tha snyad tsam du bden pa dbyer med bsam brjod las 'das pa zhes gdags pa yin la/de nyid sangs rgyas kyis bzang por ma mdzad/ sems can gyis ngan par ma bcos pa'i phyir bcos
61a1 ma glo bur gyi chos ma yin par gdod ma khungs thub kyi chos sems nyid gnyug ma'i gshis lugs su de ltar du gnas pa'i phyir te/sangs rgyas gsang ba'i lam rim du// rgyal 'gros ma mdzad ma
61a2 bcos phyir// rang bzhin ngang gis dbyer med la// de ming zhen pa grol phyir du// tha snyad gnyis par bsam brjod 'das// zhes so// bden pa gnyis kyi gnas tshul de sngags kyi lta ba khyad par du 'phags pa yin
61a3 kyang/bod kyi mkhas pa 'ga' zhig gis spyir phar phyin theg pa'i lta ba dang gsang sngags gnyis khyad par mi 'byed par 'dod pa dang/ bye brag kun rdzob ji ltar snang ba de ni lta bar mi rung ste/ yul kun rdzob pa la
61a4 dmigs pa'i yul can gyis bsgom pa'i blo ngo yin pa'i phyir byams snying rje byang chub kyi sems sogs sgom pa bzhin no// zhes 'chad mod/ 'di ni rdo rje theg pa'i grub mtha' la blo ma phyogs pa'i gtam ste/ gong du
61a5 bshad pa de sngags kyi lta ba shes par bya ba'i gnad gal po che yin la bsgom par bya ba'ang shin tu yin te/lta ba zhes pa chos thams cad kyi gdod ma'i gnas lugs gang yin pa de la de dang rjes su mthun pa'i shes
61a6 rab kyi mig gis blta ba'i don yin pa gang zhig 'phags pa rnams kyis ma 'khrul ba'i ye shes la snang ba ni chos thams cad kyi gnas lugs don dam par bden pa tshad ma yin la/sems can rnams kyi 'khrul
61b1 blo'i rnam shes kyi yul du snang ba'i chos rnams ni snang lugs kun rdzob par rdzun pa yin pa'i phyir/dper na chu gcig la'ang 'gro ba drug gis snang tshul du mar mthong la/ sangs rgyas rnams kyis yum mA ma kI'i
61b2 dbyings su snang ba bzhin no// yang gnas lugs la ci yang mi dmigs pa'i spros pa dang bral ba kho na'o// de ni mdo lam du bshad pa'i mtshan nyid ma 'khrul pa yin pa'i phyir mdo sngags kyi lta ba la khyad par
61b3 med par grub zer na/dbyings spros pa thams cad dang bral ba'i cha nas chos sku'i rnam pa lam byed rgyu'i theg chen du bshad pa ltar yin kyang spros bral med dgag kho na la zag med kyi chos thams cad kyi 'char
61b4 gzhir gyur pa'i rnam pa kun gyi mchog dang ldan pa'i stong pa nyid dang/sngags kyis khyad par du byas pa'i bde ba chen po'i yon tan kyang ma tshang ste/ dri ma med pa'i 'od las/ nam mkha'i khams la rnam pa thams
61b5 cad pa'i stong pa nyid dang me long gi pra phab pa bzhin du skye ba med pa'i chos rnams nges par mthong la/rang gi sems kyis spros pa'i rab tu snang ba rmi lam dang mtshungs pa'i don du sems pa/ rdul phra rab tshogs
61b6 pa'i bdag nyid kyi chos rnam par dpyad pa'i stong pa chad pa'i stong pa nyid las ring du byas pa/nang gi bde ba rang gi rig par bya ba'i chos la rjes su chags pa/ phyi rol kyi dbang pos rang rig par bya ba'i bde
62a1 ba'i chos yongs su spangs pa/zhes sogs gsungs pa'i phyir dang/ lta 'dod mdor bstan du/ phung po rnam dpyad stong pa nyid// chu shing bzhin du snying po med// rnam pa thams cad mchog ldan
62a2 pa'i// stong nyid de ltar 'gyur ba yin// skye ba med pa 'gag med pa// shes bya gang zhig 'dir mthong ba// stong pa'i dngos pos stong pa nyid// phung po rnam par dpyad pas min// ces bshad pa ltar dang/ kun
62a3 rdzob kyi mtshan nyid med par gtan la phab pa tsam las dag mnyam chen por gdod nas gnas pa'i gnad mi shes la/de ma shes pas gzugs sku gnyis kyi rten 'brel sgrig pa'i rnam pa lam byed sdom pa mi
62a4 shes/de ma shes pas 'dod yon longs su spyod pa'i tshogs khyad par can bsags pa'i thabs mi shes pas spang gnyen gyi 'ching bas grangs med gsum gyi mtha' la re ltos 'cha' dgos pa yin la/ sngags su
62a5 bde stong zung du 'jug pa'i dbyings dang ye shes gnyis su med pa'i ngo bo nyid kyis 'bras bu dam pa ye nas lhun gyis grub par bzhugs pa'i thog ma'i gnas lugs shin tu rnam par dag pa de nyid lta ba'i yul
62a6 du shes par byas nas de kho na nyid la bslab pa'am/de la goms su 'jug pa sgom pa yin pa'i phyir de dang de rnam pa lam byed kyis sgyu ma lta bu'i bskyed rim dang rtsa rlung thig le la gnad du bsnun pa'i rdzogs
62b1 rim khyad par can la blo sbyangs bas ma dag pa'i gzhan dbang las byung ba'i 'khrul rtog glo bur pa'i snang tshul snod bcud phung khams skye mched thams cad rim gyis nub nas yongs su dag pa'i sku dang ye shes kyi
62b2 dkyil 'khor gdod ma'i gnas lugs mngon du 'gyur ba'i gnad yod pas sngags kyi lta sgom khyad par du 'phags par shes par bya dgos pa'i phyir 'bras bu'i theg par grub ste/pad+ma rtse mo las/ dri med
62b3 dbyings kyi rang bzhin ni// sku gsum ye shes bzhi dang bcas// gang tshe dag pa de nyid du// rang gsal mngon du 'char ba dang// 'dra ba lam du byed pa la// 'bras bu'i theg par yang dag brjod// ces
62b4 gsungs pa'i phyir dang/byams snying rje byang chub kyi sems bsgom pa ni ji ltar snang ba la dmigs pa'i yul can gyi shes pa ma dag pa'i bcos ma glo bur ba yin pa'i phyir sngags kyi lta sgom thun mong ma yin pa
62b5 dang gcig pa'i skabs med de de ni mdo'i gzhung lam du gsungs pa'i kun rdzob sems bskyed kyi bye brag yin pa byis pa'i blo gros kyis kyang rtogs nus pa der zad la/de'i phyir/ sgyu 'phrul lam rim du/ bla
62b6 med theg pa'i nang nas ni// don dam du ni mnyam rdzogs la// kun rdzob tu ni thams cad du// dag dang ma dag gnyis su 'dzin// thabs kyi theg pa chen por ni// rnam par byang dang sdug bsngal dag/ kun rdzob
63a1 tu yang dbyer med pas// lta ba mtho dman de tsam mo// zhes bshad pas so// da rung de las kyang ches khyad par du gyur pa ni/ dbyings dag mnyam rang bzhin gyis rnam par dag pa'i 'od gsal
63a2 rang gnas chen po bcos bsgyur med pa'i ye shes byas chos blo las 'das pa'i bcings grol gzod nas dag pa'i ngang la yid dpyod blos btags kyis bzo 'chos mi dgos par rang bab gshis kyi lugs su
63a3 bzhag pa dus gsum las 'das pa'i rig pa dri ma med pa de la spros pa thams cad dang bral ba'i gnas lugs phyin ci ma log par gnas pa dang/blo dang yid dpyod kyis rtag chad kyi mtha' bsal bar rlom
63a4 pas sems dang sems byung blang dor gyi mtha' la zhen pa gnyis rang bzhin lhun gyis grub pa'i spros bral dang/'bad rtsol gyis byas pa'i khyad par gnam sa lta bur yod cing lta ba'i gnas lugs su snga ma
63a5 dngos dang phyi ma btags pa ba bzhin no// lhar blta ba na kr-i yas dag pa chos nyid kyi lha dang/ yo gas de'i steng du mi gnas pa'i ye shes chen pos byin gyis brlabs pa'i lha dang/ bla na med pas de gnyis ka'i
63a6 steng du lhun gyis grub pa'i dkyil 'khor du rtogs pa'i phyir ro// de ltar ma yin na gzhi'i gnas lugs su sbyang gzhi med pas sbyang bya dang sbyong byed kyi rten 'brel la dgos pa ma grub cing de ma yin la der 'dzin
63b1 du 'gyur bas ri bong la rwa bsgom pa dang mtshungs so// gzhan yang 'di nyid lta bar khyad par du gyur pa/ slob dpon in+d+ra b+hu tis kyang/ bla ma'i khyad par/ snod kyi khyad par/ cho ga'i khyad par/ las kyi khyad par/
63b2 dam tshig gi khyad par/ lta ba'i khyad par/ spyod pa'i khyad par zhes bshad pa'i phyir dang/ sangs rgyas ye shes zhabs kyis kyang/ theg pa 'di ni rnam pa gsum gyis thun mong ma yin te/ 'di ltar sgrub pa po dang/ lam
63b3 dang/'bras bu gsum mo// zhes pas lta ba dang 'bras bu la khyad par yod par bshad pa'i phyi mas rgyu 'bras kyi sangs rgyas la khyad par phye ba'ang yin la/ gzhan du khyad par gsum gyis 'phags par yang bstan
63b4 te/theg pa gsum rnam par bzhag pa las/ dmigs pa rnam par dag pa dang// grogs kyi mthu dang spyod pa'i sa// blo ldan rnams kyis theg pa ni// chen po'i chen por yongs su bsgrags// zhes pas chos thams cad
63b5 dbyer med par dkyil 'khor gsum gyi rang bzhin zhing dang spyod yul yongs su dag par blta bas dmigs pa rnam par dag pa lta ba dang/de'i grogs thun mong ma yin pa'i dam tshig gi sdom pa dang ldan pa'i mthu
63b6 dang/de bzhin gshegs pa'i mdzad spyod nyams su len pas 'phags par bstan to// zhes bkral la/ yang na chen po'i chen po bzhis 'phags par bstan te/ 'phags pa thabs kyi zhags pa las/ dmigs pa
64a1 chen po yang chen po dang/de bzhin du sgrub pa dang/ ye shes dang/ thabs rnams kyi chen po'i yang chen por gyur pas 'phags pa bstan la/ Dom+bi pas kyang/ 'di ni snod kyi khyad par dang// snod du
64a2 byed pa'i chos dang ni// gzhung dang lam gyi khyad par dang// 'bras bu dag gi khyad par gyis// sngags kyi theg pa khyad par 'phags// zhes gsungs pas/ gnas lugs rtogs pa'i lta ba ni 'bras bu yin pa'i phyir
64a3 de la khyad par bstan pas lta ba la khyad yod pa grub po// de bzhin du spyod pa yang mtshan nyid la spang bya dug lnga spang 'geg gis 'du shes la gnas pa'i zag bcas kyi tshul khrims la blang dor byed la/ sngags su dag
64a4 mnyam sgyu ma'i rang bzhin gyis kun 'byung lam du bsgyur bas tshogs dang/mchod pa dang/ 'pho ba med pa'i tshul khrims sogs kyis 'phags/ sems bzung ba yang/ mtshan nyid kyis zhi lhag gi ting nge 'dzin la
64a5 sems bzung ba'i 'bad rtsol gyi ngal ba chen pos dus ring por sgrub dgos pa nyid/sngags su rim pa gnyis dang zung 'jug gi rnal 'byor khyad par can gyi skad cig la ye shes rtogs pa'i phyir 'phags/ rgyu'ang
64a6 mtshan nyid kyis tshogs sogs sngon du song bas don dam mthong bar 'dod la/sngags su bral rgyu'i ye shes rang la gnas pa nyid btsan thabs su ngo sprad pas chos nyid kyi bden pa rtogs pas 'phags/ lam yang
64b1 mtshan nyid kyis tshogs bsags pa la mnyam rjes res 'jog gis lam bskal chen du mar bgrod dgos pa nyid/sngags su mnyam rjes dbyer med kyi lam la zhugs pas myur du bgrod pas 'phags/ 'bras
64b2 bu'ang mtshan nyid dus ring po zhig tu phyis 'byung bar 'dod/sngags su gzhi 'bras dbyer med da lta lhun grub tu 'dod pas 'phags/ sa'ang mtshan nyid du spang gnyen rim can gyis dbye bas bcu gcig tu 'dod
64b3 la/sngags su bcu gnyis ma chags pad+ma can gyi sa dang/ bcu gsum rdo rje 'dzin pa la sogs kyis 'phags/ dus kyang mtshan nyid pas bskal chen grangs med gsum sogs 'gor la/ sngags su dam tshig ma
64b4 nyams pas tshe gcig sogs kyi 'grub pas 'phags/longs spyod kyang mtshan nyid la 'dod yon spangs te sgrub/ sngags la grogs su byed pas 'phags/ rnal 'byor kyang mtshan nyid pas mnyam rjes tha dad du 'byed
64b5 la/sngags su dbyer med bsam gyis mi khyab pa'i rnal 'byor lam du byed pas 'phags/ bdag gzhan gyi don sgrub pa'ang mtshan nyid pas gnas skabs cung zad phan pa tsam las cher mi 'grub/ sngags kyis las
64b6 gang yang rung bas tshar gcod dang rjes 'dzin gyi sgo mang pos rang dang gzhan gyi don la spyod pas 'phags/dgongs pa'ang mtshan nyid la rgyu'i theg pa tsam las ma shes pa nyid/ sngags la 'bras bu gsang chen nges
65a1 par byed pas 'phags/bya sla bas ngal dub kyi skyon spangs pa dang/ tshegs chung ngus don chen po 'grub pa'i phyir yang mtshan nyid las 'phags la/ tshogs bsags pa yang mtshan nyid la/ sbyin
65a2 sogs phar phyin drug gi spyod pas bskal pa grangs med pa rnams su rgya cher bsags dgos pa nyid/sngags su nyung ngu tsam yang sngags kyi byin rlab kyis nam mkha'i mdzod du spel nas sbyin pa byar yod pa'i phyir
65a3 rgya che zhing yul thams cad sangs rgyas zhing du shes pa dang/longs spyod thams cad tshogs su 'gyur ba dang/ nyon mongs rnams rang bzhin gyis ma spangs par dag pas bsod nams dang ye shes kyi tshogs myur
65a4 du 'dums shing rdzogs pas 'phags so// gzhan yang mtshan nyid du sku snang la sgyu ma'i rang bzhin dang/ lus bya ba tha mal gyi sgo nas dge ba la 'jug pa las med/ sngags su sku'i gsang ba snod bcud du snang
65a5 ba thams cad lha dang gzhal yas khang/lus dkyil 'khor du rdzogs pas lha'i phyag rgya 'du 'phro las ma 'das pas 'phags/ mtshan nyid du gsung brag cha ltar stong pa dang/ ngag smra ba'i 'jug pa bcad de dge
65a6 ba la 'jug pa tsam las med/sngags su gsung gi gsang ba sgra dbyangs mi shigs pa'i nA da chen po'i rang bzhin shes pas chos kyi char 'bebs pa dang/ ngag gsung gi dkyil 'khor du gdod nas gnas pas
65b1 sgra tshig grag pa thams cad sngags kyi rang gdangs su shar bas ci smras thams cad nus pa thogs pa med pas don sgrub pa'i phyir 'phags/mtshan nyid pas thugs dran rtog thams cad rang bzhin med pas rgyas
65b2 'debs pa dang/yid tha mal gyi rnam rtog 'du 'phro bkag nas zhi lhag gi ting nge 'dzin sgrub la/ sngags su thugs kyi gsang ba chos nyid mchog tu mi 'gyur ba'i bde ba chen po dang rnam pa kun gyi mchog dang ldan
65b3 pa'i dngos po med pa'i ngo bo nyid stong pa nyid zung du 'jug pa'i rang bzhin du shar bas/yid kyis dran rtog thams cad chos nyid kyi rol pa 'gag pa med par shar bas ting nge 'dzin chu bo rgyun gyi rnal 'byor
65b4 mnyam rjes gnyis med rnam par mi rtog pa'i dkyil 'khor du lhun gyis grub pa'i phyir 'phags so// de tsam gyis mtshon pas khyad par gzhan yang bsam gyis mi khyab par shes par bya ste/ mdor na/ dgongs pa
65b5 lung ston las/shin tu grangs med bskal pa ru// sangs rgyas rnams kyis gang mkhyen pa// sngags pa rnams kyis dus gcig tu// tshe gcig rdzogs pa'i byang chub thob// ces gsungs pas sdud par bya'o// gnyis
65b6 pa ngo bo ni/ston pas gsungs pa'i theg chen gyi sde snod gang zhig rgyu 'bras dbyer med lhun grub tu blta bas kun 'byung bden pa'i rang bzhin lam bden dang sdug bsngal bden pa'i rang bzhin 'gog bden du
66a1 snang bas byed las gzhi'i gnas lugs la spang blang med par nyams su blang pas 'bras bu myur du 'grub par byed pa zhig go/gsum pa nges tshig ni/ ma na yid dang tra ya skyob pa la 'jug pa yi ge
66a2 phyis bsnan gyi dbang gis man+t+ra zhes pa/gsang ba 'dus pa las/ dbang po dang ni yul rnams kyi// rkyen gyis gang dang gang byung yid// yid de man ces bya bar bshad// tra ni skyob par byed pa'i don// ces dang/
66a3 snga 'gyur thig le kun gsal chen po las kyang/ sngags gsum dag gi nges tshig ni// shes skyon phyir na der brjod pa'o// zhes bshad pa ltar yid shes pa de myur du skyob pa'i phyir na sngags so// de yang bde bas
66a4 skyob pa ni ma hA mA yA las/'dod pa'i longs spyod lnga po la// ci bde bar ni spyad pas 'grub// ces pa dang/ myur bas skyob pa ni/ grangs med pa gsum gyis tshogs sogs la ma ltos par thabs la mkhas
66a5 pas tshe gcig sogs kyi 'bras bu mngon du byed nus pas na myur ba dang 'bras bu'i theg par bzhag pa yin te/dpal kha sbyor thig le las/ bskal pa bye ba du ma ru// bsgrub par dka' ba'i sangs rgyas
66a6 kyang// tshe 'di nyid la ster bas na// 'bras bu'i theg pa zhes bya'o// zhes pa dang/ sangs rgyas mnyam sbyor las/ bskal pa bye ba grangs med kyis// sangs rgyas kun dngos mi thob pa// gsang sngags tshe 'di'i
66b1 cho ga yis// tshe 'di nyid la thob par 'gyur// ces gsungs pa bzhin no// yang na/ e waM gyis mtshon pa'i rnam kun mchog ldan gyi stong gzugs phyag rgya chen po zhu ba des drangs pas 'dod chags chen po'i thig
66b2 le'i 'gros las shar ba'i lhan cig skyes pa'i bde ba dang stong pa ngo bo gcig tu gyur pa'i zung 'jug ye shes mi 'gyur ba'i bde ba chen po de ni sangs rgyas kun gyi sdom pa yin la/des spang bya 'gyur ba de 'pho
66b3 ba'i bag chags dang mtshan rtog sdom par byed pa'i yid bde myur gyi sgo nas skyob pas kyang sngags te/dus kyi 'khor lo las/ dbyangs dang gsal byed kyi tshogs ni mi 'gyur ba ma yin te mi 'gyur ba'i sgras ni
66b4 mchog tu mi 'gyur ba bde ba'i ye shes rdo rje sems dpa'o// de bzhin du yid skyob par gyur pa nyid kyi spyir sngags kyang mchog tu mi 'gyur ba'i ye shes su brjod do// zhes pa dang/ rdo rje rtse mo las/ sngags
66b5 rnams kun gyi mtshan nyid ni// sangs rgyas kun gyi thugs yin te// chos kyi snying po sgrub byed pas// chos kyi dbyings dang yang dag ldan// zhes so/ de rgyas par ston pa'i bka'i tshogs la rig pa 'dzin pa'i sde
66b6 snod dam rdo rje theg pa'i sde snod ces btags te/pi To ka zhes pa gang bu dang bre bo che la 'jug pas don gyis 'di ltar phung po khams dang skye mched kyi chos nas sku dang ye shes kyi bar gyi shes bya'i tshul rnams
67a1 gnas lugs ltar gtan la phab cing zhib par bstan pa'i phyir shin tu rgyas pa'i sde snod dang/sde snod 'og ma gsum gyi brjod bya thams cad 'dir 'dus shing rdzogs pas sde snod thams cad kyi ma
67a2 mo 'ang yin te/sgyu 'phrul rgyas pa las/ mnyam nyid don rtogs rang rig rgyal po ni// rgya mtsho chen por chu klung kun 'bar ltar// bla med don rtogs thabs chen 'di dag tu// rnam thar theg pa bsam yas ma
67a3 lus 'dus// zhes so// de la rig pa 'dzin pa ni/ gang zhe na 'jig rten pa dang/ 'jig rten las 'das pa gnyis las dang po ni/ ril bu mig sman dngos grub dang// sa 'og ral gri dngos grub dang// mkha'
67a4 la 'phur dang mi snang dang// shi ba med dang nad 'joms so// zhes las chen brgyad grub pa rig pa 'dzin pa chung ngu dang/ 'bring ni 'dod pa'i rig pa 'dzin pa phal pa dang/ chen po ni tshe dang longs spyod
67a5 la sogs pa bskal pa drug gam dpag tu med par 'dod pa dang/gzugs kyi rig pa 'dzin pa gsum dang/ 'jig rten las 'das pa mthong lam nas bzung slob pa'i sar gnas pa zung 'jug gi sems can
67a6 nam dri ma med pa'i ye shes kyi sku ste rig pa 'dzin pa dang/de nyid 'ja' lus yin mod kyi khams gsum pa'i gzugs can ma yin cing de la yon tan gyi khyad par bdun dang ldan te/ ting nge 'dzin la gnas pa
67b1 dang/mngon shes lnga dang ldan pa dang/ zhing sna tshogs su 'gro ba'i don spyod pa dang/ 'dod cing 'chums pa med pa dang/ 'dod pa mtha' yas pa la bde ba chen por longs spyod pa dang/ tshe tshad las brgal ba
67b2 dang/yid kyis lus su gnas pa'o// de yang phung po'i za ma tog ma nyams pa ni/ ye shes kyi sku tsam dang/ las sam ting nge 'dzin gyis nyams pa de'i tshe rig pa 'dzin pa'i ye shes kyi sku zhes bya ste de la ma hA yo
67b3 gar rnam smin/tshe dbang/ phyag chen/ lhun grub ste lnga dang/ mnyam sbyor du bdun du dbye bar mdzad la/ de dag rnams kyis bslab par bya ba'i gzhir gyur pas sam theg pa 'di la zhugs pas thun mong dang
67b4 mchog gi grub pa de lta bu thob par 'gyur ba'i phyir rig pa 'dzin pa'i sde snod de/dpung bzang gi rgyud kyi 'grel pa las/ rig 'dzin gyi sde snod ces bya ba ni rig sngags 'chang rnams kyis bslang ba'i gzhi dang/
67b5 lta ba'i rlung gi grub pa'i mtha' 'di nyid kyis ston to// zhes bshad pa ltar ro// de nyid rdo rje theg pa yin te/ rdo rje mi phyed pa dang mi shigs pa'i don du bshad na gang tha dad du mi phyed pa ni 'khor 'das gnyis
67b6 snang tshul la tha dad kyang gnas lugs su sems nyid las nam yang g.yos pa med pas na/tha dad med pa'i rang bzhin ni// rdo rje zhes su brjod pa yin// zhes pa dang/ mi shigs pa ni mtshan mar gyur pa'i chos
68a1 gang gis kyang mi shigs pa ni chos nyid kyi ngo bo yin pas sangs rgyas thams cad kyi thugs te/de nyid rdo rje dang mtshungs pa'i phyir sangs rgyas thams cad kyi thugs rdo rje zhes brjod pa ni sngags kyi
68a2 ngo bor gnas pa gong du smos pa bzhin dang/de 'thob byed kyi rten nam bgrod byed du gyur pa'i phyir theg pa'i sgras smos pas brjod bya dang rjod byed kyi tshul te/ 'dus pa'i 'grel pa las/ rdo rje'i theg pa zhes bya
68a3 ba ni theg pa chen po ma lus pa bsdus pa ni pha rol tu phyin pa drug yin la/de rnams bsdus pa ni thabs dang shes rab yin zhing de dag kyang bsdus pa ro gcig pa de ni byang chub kyi sems yin te/ de yang rdo rje
68a4 sems dpa'i ting nge 'dzin yin la de nyid ni rdo rje yin no// rdo rje yang yin la theg pa yang yin pas na rdo rje theg pa ste sngags kyi theg pa zhes bya ba'i don to// bla med ces bya ba ni/ theg pa thams cad kyi mchog
68a5 nyid du gyur pa'i phyir ro// zhes bshad pa dang/ 'phags pa spyan ras gzigs kyis dri ma med pa'i 'od las/ rdo rje zhes pa ni mi phyed pa'i ye shes bsam du med pa'i thugs rdo rje'o// de gang la yod pa de ni rdo rje
68a6 can te/zhes dang/ rdo rje ni mi phyed pa dang mi chod pa chen po yin la de nyid theg pa yin pa ni rdo rje theg pa ste sngags kyi tshul dang/ pha rol tu phyin pa'i tshul 'bras bu dang rgyu'i bdag nyid gcig du 'dres par gyur
68b1 pa'o// zhes dang/ rdo rje theg pa ni yang dag par rdzogs pa'i sangs rgyas kyi theg pa ste/ mu stegs dang/ nyan thos dang/ rang sangs rgyas kyi theg pa rnams kyis mi phyed pa'i phyir rdo rje theg pa ste/ thar par 'dis
68b2 'gro ba'i phyir rdo rje theg pa'o// zhes sogs rgya cher gsungs so// yang na tan+t+ra'i sgra las sems skyob pa la 'jug ste/ tsi tan sems dang tra ya skyob pa la 'jug pa'i phyir/ dka' 'grel ye shes ldan las/ de
68b3 sems rnam par rtog pa las skyob par byed pas na rgyud do// rgyud kyi tshogs sam rigs su gyur pas na rgyud sde'o// zhes 'byung ba ltar dang// yang na pi wang gi rgyud ltar rgyud chags su gnas pa la 'jug ste
68b4 sems can nas sangs rgyas kyi bar du sems kyi chos nyid rang bzhin rnam dag de gzhi lam 'bras gsum gyis bsdus pas rgyun ma chad par 'brel par gnas pa'i phyir rgyud de/gsang ba 'dus pa las/ rgyud ni
68b5 rgyun chags zhes bya ste// rgyud de rnam pa gsum du 'gyur// gzhi dang de yi rang bzhin dang// mi 'phrog pa yis rab dbye bas// rang bzhin rnam pa rgyu yin te// gzhi ni thabs zhes bya ba yin// de bzhin mi 'phrog
68b6 'bras bu de// gsum gyis rgyud kyi don bsdus pa'o// zhes pa dang/ snying po'i rgyud phyi ma las/ rgyud ni rgyun chags la bshad de// thabs dang rgyu las 'bras bu'o// zhes so// de nyid thabs kyi rkyen gyis zin pa
69a1 dang ma zin pa la ltos nas gzhi lam 'bras gsum du snang ste/gang rtogs par bya ba gzhi'am rgyu'i rgyud/ gang gis rtogs shing bgrod pa thabs sam lam gyi rgyud/ gang du mthar phyin pa 'bras bu'i
69a2 rgyud dang gsum ste de yang brjod bya la ltos nas gzhi dang 'bras bu'i rgyud dang rdzod byed la ltos nas thabs sam lam gyi rgyud de sngags rnams dang de'i cho ga la sogs pas 'jig rten dang 'jig rten las 'das
69a3 pa'i dgos pa ma lus par 'grub par byed pa ste/rdo rje rtse mo las/ 'bral dang ma tshang med phyir dang// phun sum tshogs pas rgyud ces bya// zhes so// de la gzhi'i rgyud gang zhe na/ thog ma med pa'i dus rnams
69a4 nas brgyud de 'ongs pa/sems kyi rang bzhin 'od gsal ba gang yin pa dang/ sems dang sems las byung ba rnams dang/ snod dang bcud kyi rang bzhin dang/ rtsa dang/ rlung dang/ khams dang/ chos kyi
69a5 dbyings gang yin pa rnams spyir btang ste gtso bo ni/gzhi 'ching grol med pa'i gnas lugs rang rig pa byang chub kyi sems bden pa dbyer med blo'i spyod yul dang bral ba rang bzhin gyis 'od gsal bar ye
69a6 nas gnas pa gang yin pa ste zhing dang/sku dang/ ye shes la sogs pa 'bras bu'i chos mthun pa'i khyad par can rang bzhin bde ba chen po rgyun 'chad pa med pa chos nyid kyi sa thob pa ste khyad par gyi chos bzhi
69b1 dang ldan pa de nyid rtogs ma rtogs kyi dbang gis 'khor 'das gnyis kyi gzhi'am rgyur 'gyur mod kyi/'on kyang rang bzhin la 'gyur ba med par rgyun chags pas na rgyu'i rgyud ces bya ste/ de nyid sangs rgyas kyi
69b2 ngo bo yin pa'i cha nas bde gshegs snying po dang/stong chas chos sku'i yon tan dang/ snang chas gzugs sku'i yon tan 'char rung du gnas pas rang bzhin gnas rigs dang/ 'khor 'das gnyis kyi 'byung gzhi
69b3 yin pas kun gzhi'i ye shes dang/kri ya'i bdag gi de kho na nyid dang/ u pa dang yo gas don dam mtshan ma med pa'i byin rlab kun rdzob rdo rje dbyings kyi lhar blta ba dang/ ma hA yo ga'i bden gnyis dbyer
69b4 med lhag pa'i chos sku chen po dang/a nu yo ga'i dbyings dang ye shes gnyis su med pa'i sras rtsa ba byang chub sems kyi dkyil 'khor dang/ a ti yo ga'i ngo bo rang bzhin thugs rje gsum la sogs pa'i tha snyad
69b5 gang la'ang 'jug pa'i gzhi ste bye brag lus can rnams kyi snying ga chos kyi 'khor lo'i dbus su rgyu'i rgyud kyi rten dwangs ma lnga ldan gyi dbus su chos sku byang chub sems nyid thig le mi shigs pa'i rang bzhin
69b6 du bzhugs par bshad cing 'byung lnga sems dang bcas pa'i dngas ma drug yang gnyis gnyis ro gcig tu 'jug pas shin tu phra ba'i sgo gsum rdo rje mi shigs pa gsum gyi rang bzhin du ye nas gnas shing rnam pa
70a1 kun tu mi g.yo ba ste/rdo rje phreng ba las/ lus can snying la gang gnas pa// rang byung zag med ye shes gzugs// mi shigs thig le bde chen po// nam mkha' lta bur kun khyab pa// mi gnas chos
70a2 sku'i rang bzhin yin// zhes pa dang/ dpal dus kyi 'khor lo las/ bum pa'i chu ni len par byed pa na yang nam mkha' 'gro ba min pa ji lta bar/ mkha' khyab mkha' yi rdo rje can ni yul dang rnam par bral ba
70a3 lus kyi dbus su de bzhin no// zhes pa la sogs pas rgyas par gsungs pa de nyid grol gzhi lhun grub kyi chos nyid ye shes rang la gnas pa 'bras rgyud nyer len gyi rgyur nges pa ste/ man ngag snye ma las/ dngos
70a4 po rnams kyis stong pa nyid kyi ngo bo ni rang bzhin dang rnam pa zhes don gzhan ma yin te/rang gi ngo bo zhes pa'i don to// de rgyu ste/ nye bar len pa'i byed pa po'i rdo rje 'dzin pa ste/ gang 'di rnams kyi thog ma med
70a5 pa'i dus nas dri mas ma gos pa'i ngo bo nyid kyis grub pa'i sangs rgyas nyid de kho na ni dri ma med pa thob pa'i mtshan nyid can sangs rgyas nyid kyi rgyu'o// zhes gsungs pa'i phyir dang/ sbyang gzhi 'bras rgyud nyer
70a6 len de la sgrib byed kyi dri ma 'khor ba ltar snang ba'i chos rnams ni gzung yul bden par med bzhin du 'dzin byed log pa'i rnam shes kyi de dang der btags nas bzhag pa'i phyir sbyang bya yin la/des bsgribs
70b1 pas 'dam rdzabs kyi khrod kyi nor bu bzhin gnas pa ste/klu sgrub kyis/ sa yi nang na gnas pa'i chu// dri ma med par yang dag gnas// nyon mongs nang nas ye shes kyang/ de bzhin dri ma med par gnas// zhes
70b2 bshad pa ltar ro// gnyis pa lam gyi rgyud ni/ gzhi rgyud la sgrib byed kyi dri ma de nyid sbyong byed kyi thabs su gyur pa la bya ste gzhi shes par byed pa dang mar 'brel/ 'bras bu thob par byed pa dang yar 'brel pas
70b3 gzhi 'bras bar gyi bya byed 'brel pa can du gnas pa'i phyir na lam gyi rgyud do// ngo bo'i sgo nas dbye na/ dbang bskur ba dang/ dam tshig rnams dang/ sdom pa dang/ ting nge 'dzin dang/ las dang dngos grub gyi
70b4 sbyor ba rnams so// de la dbang bskur ba ni/ bum pa dang/ gsang ba dang/ shes rab ye shes dang/ de kho na nyid dang/ 'jig rten pa dang/ 'jig rten las 'das pa dang/ slob ma'i dbang dang/ phyir mi ldog
70b5 pa dang/tha mal gyis dbang dang/ mchog gi dbang dang/ 'jug pa'i cho ga dang/ dngos gzhi dang/ rjes su gnang ba dang/ lung bstan pa dang/ gzengs bstod pa dang/ yon dbul ba dang bcas pa rnams te/
70b6 rdo rje las rim las/ dbang phyug 'jug dang bzod gsol dang// khrus dgab dri dang lus dbul dang// bgegs bskrad lhar rlob dam tshig sbyin// de nyid dbab dang chu nan dang/ bsgrag dang rin chen dor ba
71a1 dang// lha dbab pa dang nan tan dang// mig dbye dkyil 'khor legs mthong bstan// tshogs mchod yon dang rnam bco brgyad// 'di yis yan lag rdzogs par 'gyur// ces pa lta bu'o// dam
71a2 tshig la yang ngo bo'i sgo nas dbye na/bsrung ba'i dam tshig dang/ bsgrub pa'i dam tshig gnyis las/ dang po ni/ rtsa ba'i ltung ba dang yan lag gi ltung ba gnyis so// de yang rim pas ltung ba bcu bzhi dang/ sbom po
71a3 brgyad rnams so// ji skad du/ slob dpon smad par mi bya zhing// bde gshegs bka' las 'da' mi bya// spun la smad par mi bya zhing// sems can rnams la byams mi spang// byang chub sems ni dor mi
71a4 bya// rang gzhan chos la smad mi bya// ma smin pa la gsang mi bsgrag/ phung po rnam pa smad mi bya// dag pa'i chos la som nyi spangs// gdug pa can la byams pa spangs// ming sogs bral la der mi rtog/ dad ldan
71a5 sems ni sum mi dbyung// dam tshig spong dang bud med smod// rtsa ba'i ltung ba zhes brjod do// zhes bshad pa la sogs pa rnams dang// gzhan yang ting nge 'dzin dang/ spyod lam dang/ bza' ba dang/ mi 'bral
71a6 ba'i yo byad sogs sgrub pa'i dam tshig dang/rigs lnga so so'i brtul bzhugs te ting nge 'dzin gyi dam tshig dang/ las dang po pa dang/ cung zad brtan pa thob pa dang/ brtan pa cher thob pa'i dam tshig dang/ sku
71b1 gsung thugs rdo rje'i dam tshig dang/bum dbang dang/ gsang dbang dang/ sher dbang gi dam tshig dang/ gzhan yang bsnyen pa'i dam tshig dang/ 'jig rten pa so so'i bsgrub pa'i/ las so so'i/ 'jig rten
71b2 las 'das pa'i bsgrub pa'i/sgrub pa chen po'i dam tshig la sogs pa rnams dang 'di las thun mong ma yin pa gzhan rnams kyang shes par bya'o// sdom pa ni/ sngags kyi tshul khrims de 'thob par byed pa'i cho ga
71b3 ni rig pa 'dzin pa'i sde snod 'dir bshad pa'i dbang bskur ba'o// thob pa'i dus ni dbang so so'i dngos gzhi rdzogs pa na'o// ngo bo ni byin gyis brlabs pa'i sems kyi rgyun gyi khyad par nyes pa rnams bzlog
71b4 par byed pa yon tan kyi rten mthu brtas pa'o// dbye na/ thun mong dang thun mong ma yin pa gnyis las/ dang po ni/ bya ba sogs phyi rgyud kyi sdom pa dang/ gnyis pa ni/ bla na med pa'i rgyud 'dir bde bas byin
71b5 gyis brlob pa ste/bum pa dang/ gsang ba dang/ shes rab ye shes kyi sdom pa rnams te/ 'jig rten pa dang 'jig rten las 'das pa gnyis gnyis su rtogs par bya la/ gtong ba'i dus ni spyir rtsa ba'i ltung ba
71b6 byung ba dang/bye brag sngags kyi theg pa spang ba de'i tshe na'o// gso ba'i cho ga ni sdig pa yongs su sbyangs nas slar yang dbang bskur gyi cho gas blang ba yin no// ting nge 'dzin kyang/ mtshan ma dang bcas pa dang
72a1 mtshan ma med pa gnyis so// de la bya ba'i rgyudu du de kho na nyid bzhi la sogs pa dang/ bla med du kun brtags bskyed rim gyi rnal 'byor dang/ yongs grub rdzogs rim gyi rnal 'byor gnyis su byung
72a2 ba'i dang po la'ang/ngo bo dang/ yan lag dang/ dbye ba dang/ gnas skabs dang/ dngos btags kyi khyad par ro// dang po ni/ snang ba ris med la snying rje chen po'i 'phen pa dang ting nge 'dzin gyi gzhung de dang
72a3 mtshungs ldan du gyur pa'i lha sku'i rnam pa can srid pa gsum dang chos mthun du bsgoms pas sku gsum gyi smin byed du 'gro ba gang zhig bskyed rim gyi ngo bor gnas pa yin te/yan lag ni/ thun mtshams sam
72a4 mchod pa dang bstod pa la sogs pa dang rnal 'byor chen po brgyad la sogs pa rnams so// dbye ba ni/ dang po sbyor ba dang/ dkyil 'khor rgyal mchog dang/ las rgyal mchog dang/ bsnyen pa dang/ nyer sgrub
72a5 dang/sgrub pa dang/ sgrub pa chen po dang/ rnal 'byor dang/ rjes su rnal 'byor dang/ shin tu rnal 'byor dang/ rnal 'byor chen po rnams so// gnas skabs su sbyor na/ las dang po pa dang/ ye shes phebs pa
72a6 dang/ye shes la dbang ba dang/ ye shes la ches dbang ba'o// bskyed rim dngos ni yan lag bdun dang ldan pa nyid yin la gzhan rnams ni btags pa pa'o// gnyis pa la'ang ngo bo/ dbye ba/ rang bzhin dang
72b1 gsum las/dang po ni/ rlung yid sems gsum dbu mar thim pas bde stong gi ye shes mngon du gyur pa gang zhig rdzogs rim gyi ngo bor nges pa yin te/ dbye na/ dngos dang/ btags pa dang/ mtshan ma can
72b2 dang/mtshan ma med pa dang/ khyab byed dang/ khyab bya'i rim pa rnams so// de la dang po ni/ zhu ba'i bde ba lhan skyes chen po dang/ sgyu ma'i sku dang/ rang bzhin lhan skyes dang/ zung 'jug gi sku dang/ rlung d+hU
72b3 tir thim pa'i mthar thob pa kun nas nyon mongs pa med pa dang/rnam par byang ba'i snang ba gsum dang/ dga' ba gsum dang/ de rnams dngos su thob pa'i lam gang yin pa de rnams la rdzogs pa'i rim pa
72b4 dngos zhes bya la/gzhan du rtsa dang/ rlung dang/ phra mo dang/ thig le'i rnal 'byor dang/ phyag rgya'i rim pa rlung dbu mar 'jug pa dang/ gnas pa dang/ thim par byed pa'i las can rnams ni rdzogs rim dngos
72b5 ma yin kyang de 'thob byed yin pas rdzogs rim du btags pa yin la/mtshan ma can kyi rdzogs rim la'ang dngos btags gnyis las/ snga ma ni/ sems dang sems las byung ba'i mtshan nyid can gyi snang ba
72b6 gsum ni 'od gsal bar gnas yongs su ma gyur pa ste so so'i skye bo thams cad dang gzhan la yang yod do// phyi ma ni/ sgra don can gyi rtog pa dang mtshungs ldan du gyur pa gang yin pa ste don gyi 'od gsal
73a1 ma thob pa'i bar dag tu ci rigs par yod do// mtshan ma med pa'i rdzogs rim la yang dngos dang btags pa gnyis las/ dang po ni/ 'phags rgyud kyi rtogs pa dang/ phyi ma ni so skye'i gnas
73a2 skabs su'ang yod do/khyab byed kyi rdzogs pa'i rim pa ni/ so sor sdud pa dang/ bsam gtan dang/ srog rtsol dang/ 'dzin pa dang/ rjes su dran pa dang/ ting nge 'dzin dang/ dga' ba bzhi dang/ snang ba dang/
73a3 snang ba mched pa dang/ snang ba nye bar thob pa dang/ 'od gsal ba dang/ snang phyogs dang/ stong phyogs dang/ bde ba'i phyogs dang/ phyogs dang bral ba rnams te gang rdzogs pa'i rim pa de thams cad la khyab
73a4 pa'i phyir ro/khyab bya'i rdzogs rim ni/ lus ngag sems gsum rnam par dben pa dang/ bdag byin gyis brlab pa'i rim pa dang/ 'od gsal ba dang/ zung 'jug dang/ rdzogs pa'i rim par spyod pa'i ting nge
73a5 'dzin dang/bdag byin gyis brlab pa'i sgo dang/ sna tshogs rdo rje dang/ nor bu 'gengs pa dang/ dza lan+d+ha ra dang/ bsam mi khyab dang/ rang bzhin gyis brlab pa dang/ dkyil 'khor 'khor lo dang/ rgyud kyi
73a6 rim pa dang/sngags dang/ ye shes dang/ gsang ba'i rim pa dang/ dbyibs dang/ chos dang/ rtsa rlung thig le'i rim pa dang/ me dang/ las dang/ ye shes dang/ dam tshig dang/ phyag rgya chen po ste bzhi dang/
73b1 snying ga'i thig le dang/ nor bu dang/ sprul pa dang/ mi shigs pa'i rnal 'byor la sogs dbye ba'i sgo nas dpag tu med par yod la de dag gi gnad gang la bsnun pa'i yul lus chags gnas 'jig pa'i tshul
73b2 la ji ltar gnad du bsnun zhe na/yul dang/ dus dang/ lus dang/ rlung dang/ dmigs pa'i gnad rnams so// de rnams kyis yon tan mngon du byed cing dri ma rnams sbyong bar byed pa yin kyang da dung rgyu rkyen la
73b3 ltos dgos pa'i phyir 'du byas pa'i mtshan nyid can no// de dag rnams kyis ye shes phebs pa ni tshogs lam chung ngu ste dran pa nye bar gzhag pa dang/ ye shes la ches dbang bas yang dag pa'i spong ba ste tshogs kyi
73b4 lam 'bring po dang/de nyid spyod pas mthar phyin cing lta stangs rnams la thogs pa med pa dang/ sangs rgyas rnams mngon du gyur pa dang/ skye ba gcig gis thogs pa ni rdzu 'phrul gyi rkang pa can tshogs lam chen
73b5 po yin no// rdzogs rim dngos kyis sems dben pa thob pa zhu ba de'i mthar thug pa dbang po lnga'i rang bzhin drod dang/ rtse mo zhes bya la/ ye shes kyi sku ni nam mkha' mdzod thob pa stobs lnga dang ldan pa bzod
73b6 pa dang chos mchog ste 'dir rtsa rlung thig le'i 'gros rnams thim pa'i ye shes yon tan gyi gzhir gyur pas gong ma'i lam dang mthun pa bcu gnyis su dbye ba yod la/de'i tshe ye shes kyi sku la sangs rgyas zhes
74a1 btags so// don dam pa so so rang gi rig pa thams cad stong pa 'od gsal ba ni byang chub kyi yan lag mthong ba'i lam ste 'di la dga' ba'i rang bzhin bden pa bcu drug dang ldan no// slob
74a2 pa'i zung 'jug ni sa lhag ma dgu dang/sa bcu tsam dang/ rgyun mtha'i ye shes dag las rnam grol lam dang/ khyad par gyi lam ni sa bcu gnyis sam bcu gsum ste yan lag bdun dang ldan pa'i ye shes gong
74a3 ma'i gzhir gyur pa ste 'di rnams ni bsgom pa'i lam 'phags lam yan lag brgyad do// rgyud kyi sbyor ba ni/ las dang dngos grub kyi rgyud do// dang po ni/ bsam gtan gyi las dang/ sbyin sreg gi las dang/
74a4 'khrul 'khor gyi las dang/ sbyor ba'i las phal pa dang/ gzhan yang las chen bcu gnyis la sogs pa rnams so// dngos grub kyi rgyud la'ang gnyis te/ dang po ni/ rdzas kyi rig pa 'dzin pa dang/ lus dang/
74a5 longs spyod dang/ 'dod pa dang/ gzugs kyi rig pa 'dzin pa dang/ gzugs med par 'gro ba'o// ngang pa dang/ mkha' lding dang/ khyung mchog la sogs bzhon pa dang/ rdo rje dang/ 'khor lo dang/ pad+ma la
74a6 sogs pa dang/rin po che bdun dang/ 'jig rten pa rnams kyi mtshon cha dang/ yi ge dang ming gi sngags kyi rig pa 'dzin pa la sogs pa dang/ gzhan yang lha dang/ klu dang/ gnod sbyin dang/ srin po la sogs
74b1 pa bsgrubs pas gzhan la brten pa'i 'jig rten pa'i dngos grub mtha' yas pa rnams dang/de las che longs tsam bsdus pas ril bu sogs las chen po brgyad rnams dang/ 'dod pa'i rig 'dzin dang/
74b2 gzugs kyi rig 'dzin rnams so// de la spyod pa ni/ spros bcas dang/ spros med dang/ shin tu spros med do// yang na/ a ba d+hU ti dang/ kun bzang dang/ phyogs las rnam par rgyal ba ste gsum mo// gsum pa
74b3 'bras bu'i rgyud ni/de ltar gzhi rgyud sgrib byed kyi dri ma de lam bsgom stobs kyis dag pa las gzhi la ji ltar yod pa'i yon tan mngon du gyur pa ni 'bras bu ste/ snying po'i 'grel pa khog gzhung las// grub pa
74b4 mthar phyin 'bras bur brjod// ces pas bla na med pa mchog gi 'bras bu don du gnyer ba rnams bsam pa yongs su rdzogs pa'i phyir 'bras bu dang/ nam yang rgyun mi 'chad pas na rgyud do// dbye na dngos dang
74b5 brtags pa gnyis las/dngos ni mi slob pa'i zung 'jug rdo rje 'chang chen po sgyu ma'i sku dang/ slob pa'i zung 'jug gi sems can 'bras bu dngos min kyang der btags pa ste khams gsum pa ma yin pa'i phyir dang
74b6 yon tan brgyad tshan gnyis la dbang 'byor pa'o// mi slob pa'i sangs rgyas kyi sa'i yon tan byang chub kyi phyogs rnams dang/ tshad med pa dang/ dbang bcu dang/ stobs bcu dang/ shes pa bcu dang/ ma
75a1 'dres pa bco brgyad dang/mi 'jigs pa dang/ nyon mongs med pa dang/ mkhyen pa dang/ thugs rje chen po dang/ zad par dang/ zil gnon dang/ rnam thar la sogs rgyu'i sde snod las ji ltar bshad
75a2 pa rnams dang/sngags su bshad pa'i zung 'jug gi yon tan khyad par ba yang/ ji skad du/ rtag pa dang ni mi gdung dang// bsil ba dang ni gcig pa dang// bde ba dang ni dri med dang// dga' ba dang ni yid dwangs
75a3 pa// zhes ro myong brgyad dang/ sku yi dbang phyug dang ni gsung gi dbang phyug dang// de bzhin du ni thugs kyi dbang phyug dang// rdzu 'phrul kun 'gro gnas kyi dbang phyug dang// ci 'dod byed dang yon tan brgyad
75a4 pa'o// zhes dbang phyug pa brgyad dang/ longs spyod rdzogs dang kha sbyor bde chen rang bzhin med// snying rjes yongs gang rgyun mi 'chad dang 'gog pa med// ces kha sbyor bdun dang/ gzugs phra reg pa yang ba dang/
75a5 khyab pa yang dag thob pa nyid// rab tu gsal ba nyid bstan pa// dbang phyug nyid dang 'dod dgur bsgyur// zhes yon tan brgyad la sogs pa dang/ gzhan yang/ rang bzhin med pa la sogs pas zab pa rnams
75a6 dang/bsod nams dang ye shes la sogs pa rgya che ba rnams dang/ yul thams cad la sogs par khyab pa rnams dang/ rgyun mi 'chad pa la sogs kyis rtag pa rnams dang/ kha sbyor chen po la sogs pas bde ba
75b1 rnams kyi bdag nyid chos dang longs spyod rdzogs pa dang/sprul pa dang/ bde ba chen po la sogs pa sku'i bye brag rnams so// de dag rnams kyis brjod bya rgyud gsum gyi rnam par gzhag pa spyir nges par byas nas/
75b2 de dag rjod byed sde snod kyi sgo nas bye brag tu dbye na/ dgos pa'i dbang gis rgyud sde gnyis dang/ bzhi dang/ lnga dang/ bdun du dbye ba sogs mang zhing/ dang po ni bya ba dang/ rnal 'byor gnyis so// de la'ang
75b3 gnyis gnyis te/bya ba dang/ spyod pa dang/ rnal 'byor dang/ rnal 'byor bla na med pa'o// de ltar yang/ rdo rje snying po bkod pa'i rgyud las/ bde bar gshegs pas dgongs pa'i rgyud// rnam pa bzhi ru yang dag
75b4 bshad// bya spyod rnal 'byor bla med do// zhes gsungs pa bzhin/ dbye tshul mi 'dra ba du ma yod kyang/ yongs su grags pa rgyud sde bzhir dbye ba de dag gi dgos pa yang/ dbang po tha ma dang/ 'bring
75b5 dang/rab dang/ ches rab tu gyur pa rnams la ltos nas lam de dang des rim gyis 'bras bu'i bar bkri ba'i thabs su bstan pa ste/ gur las/ dman pa rnams la bya ba'i rgyud// bya min rnal 'byor de lhag la// sems can
75b6 mchog la rnal 'byor rgyud// rnal 'byor bla med de ltag la'o// zhes pa dang/ dus bzhir ltos nas kyang rgyud sde bzhi bstan par gsungs pa yod de/ ji skad du/ rdzogs ldan dang por bya ba'i rgyud// gsum ldan
76a1 gnyis par spyod pa'i rgyud// gnyis ldan gsum par rnal 'byor rgyud// rtsod ldan bzhi par bla med do// dus bzhi la ni dgongs nas kyang// rgyud ni rnam pa bzhir bshad do// zhes 'byung ba ltar
76a2 ro// de yang 'dod chags rigs bzhi'i gdul bya rnams 'dul ba'i phyir rgyud sde bzhir bstan par gsungs pa'ang de la don gyis 'dus pas logs su mi spro la/ dbye ba'i dgos pa gzhan dang gzhan yang mang du
76a3 yod mod kyi spros pas chog go/re zhig rgyud sde bzhir grangs nges pa de dag gi dang po gsum ni dka' thub rig byed kyi theg pa'am lus ngag phyi'i bya ba gtso bor ston pa dang/ phyi'i bya ba dang nang gi sems gnyis
76a4 mnyam pa dang/nang gi sems gtso bor ston cing phyi'i bya ba'ang mi 'dor ba rim pa bzhin ston pas phyi rgyud sde gsum du bzhag pa ste/ bya ba dang/ spyod pa dang/ rnal 'byor gsum mo// de dag kyang dgyes rdor
76a5 don bsdus kyi 'grel pa las/de kho na nyid bsgom pa'i nus pa chung na mtshan ma can gyi spyod pa la mngon par dga' ba rnams la phyi'i spyod pa de dag shas cher ston pa bya ba'i rgyud/ ces pa dang/ gang zhig bya ba'i
76a6 khyad par la'ang mos shing thabs shes rab kyi spyod pa rgya chen po la'ang sbyor ba'i nang gi bdag nyid can gyi tshul yang mi 'dor bar spro ba de dag la ni bya ba dang rnal 'byor gyi rgyud cha gnyis las mthun pa'i gnyi
76b1 ga'i rgyud/ces sogs dang/ rnam snang mngon byang gi 'grel ba las/ 'phags pa de nyid bsdus pa la sogs pa nang gi sbyor ba gtso bor gyur pa yin mod kyi/ phyi'i spyod pa rnams kyang med ma yin no// zhes bshad
76b2 pas so// de'i phyir kr-i yA zhes pa bya ba'i don te lus ngag gi bya ba gtso bor ston pa'i phyir dang/ lta ba don dam par mtha' bzh-i spros pa dang bral ba'i dag par bdag gi de kho na nyid rtogs pa'i yon tan las/
76b3 kun rdzob yongs su dag pa lha'i mtshan nyid du blta bas dngos grub gzhan la re zhing rtsol ba'i thabs su gyur pa ste/ sangs rgyas gsang ba'i lam rim du// gnyis med mnyam par ma shes pas// don dam dag pa
76b4 chos nyid tsam// ye shes yon tan kun rdzob lha// res bsgom bya ba las kyi sa// zhes bshad pa bzhin bsgom pa kun rdzob dag pa'i lha rigs gsum gyi rnal 'byor te/ stong pa'i lha/ yi ge'i lha/ sgra'i lha/
76b5 gzugs kyi lha/ phyag rgya'i lha/ mtshan ma'i lha ste drug gis bdag lha ru gsal ba'am mi gsal ba gang rung gis ye shes pa rje bo dang/ bdag 'bangs kyi rnam pas dngos grub don du gnyer ba ste/ rang shar las/
76b6 lha dang rnal 'byor dag pa gnyis// rje dang 'bangs kyi tshul du blta// zhes so// spyod pa khrus dang/ gtsang sbra dang/ smyung bar gnas pa la sogs dka' thub kyis lha mnyes par byed pa dang/ brtul zhugs dang
77a1 rjes su mthun pa la gnas pas bzlas brjod kyi de nyid sgra dang/sems dang/ gzhi la sems gzhol ba dang/ bsam gtan gyi de nyid ni/ ji skad du/ gsang sngags mer gnas dngos grub
77a2 ster// sgrar gnas rnal 'byor ster bar byed// sgra mthas thar pa sbyin par byed// ces bshad pa ltar gsum mo// de dag lam du byas pa'i 'bras bu gnas skabs su 'dod pa'i lha dang skal pa mnyam pa'i rig
77a3 'dzin mkha' spyod 'grub cing rten de la sngags kyi spyod pa spyad pa'i nye rgyu la brten nas mthar thug 'dir bshad pa'i rigs gsum rdo rje 'dzin pa'i sa mngon du byed pa ste/gal po las/ mi tshe bdun na sangs
77a4 rgyas sa// rigs gsum mgon pos 'gro ba 'dul// zhes gsungs so// de dag ston pa'i sde snod kyang/ dpung bzang gi rgyud dang/ sgrol ma 'byung ba dang/ dam tshig gsum rgyal dang/ 'byung po 'dul byed la
77a5 sogs pa rnams so// rigs kyi sgo nas dbye na drug tu 'gyur te/ de bzhin gshegs pa'i/ pad+ma'i/ rdo rje'i/ nor bu'i/ rgyas pa'i/ 'jig rten pa'i rigs te drug go/ de dag re re la'ang rigs kyi gtso bo dang/
77a6 bdag po dang/ yum dang/ gtsug tor dang/ khro bo dang/ khro mo dang/ pho nya dang/ pho nya mo dang/ bka' nyan pho dang/ bka' nyan mo rnams su dbye ba yod la/ de rnams kyang bsdu na gsang sngags dang rig sngags
77b1 gnyis su 'du'o// gnyis pa ni/ u pa ya ste lta ba rnal 'byor dang spyod pa bya ba ltar spyod pas na cha mnyam gyi rgyud dang/ gnyi ga'i rgyud du brjod pa de gnyis kyi mtshams sbyor du gyur pa ste/ rang shar las/ u pa
77b2 ya ni 'di ltar te// lta ba yo gar blta ba la// spyod pa kr-i yAr spyod pa'o// de phyir gnyis ka'i rgyud du grags// zhes so// lta spyod de dag gzhir bzhag nas bsgom pa mtshan bcas dang/ yi ge dang/ phyag rgya dang/
77b3 gzugs kyi lha rnams nges pa'i sgo nas sgom zhing rtse gcig pa'i sbyor bas ting nge 'dzin brtan par gyur pa ste/ rnam snang mngon byang las/ yi ge dang ni yi ge sbyar// de bzhin gzhi las gzhir gyur nyid// shin tu
77b4 bsdams pas yid las ni// bzlas brjod 'bum phrag gcig bya'o// zhes pa dang/ mtshan med kyi rnal 'byor don dam pa'i ngang la sems 'jog pa sogs la goms par gyur pas 'bras bu rig pa 'dzin pa'i
77b5 lus 'grub pa sogs gnas skabs dang/rten des sngags kyi spyod pa spyad pas mthar thug mi tshe lnga 'am/ 'gor na bskal pa gsum mam gcig gis rigs bzhi rdo rje 'dzin pa'i sa mngon du byed de/ gal po
77b6 las/rigs bzhi rdo rje 'chang sar gnas// zhes so// de dag ston pa'i sde snod rnam par snang mdzad mngon par byang chub pa dang/ phyag na rdo rje dbang bskur ba la sogs pa rnams so// gsum pa ni/ yo ga zhes
78a1 pa rnal 'byor te/slob dpon kun dga' snying pos/ rnal 'byor gyi rgyud 'di ni bsgom pa gtso bor ston pa yin pas/ ci dga' ba'i bzlas pa bstan pa'i phyir/ zhes dang/ de kho na nyid snang ba'i
78a2 don bsdus las kyang/rgyud 'di ni ting nge 'dzin bsgom pa gtso bor ston pas na rnal 'byor gyi rgyud ces bya'o// zhes gsungs pa ltar/ lta ba don dam par chos thams cad spros pa dang bral ba'i rang bzhin 'od
78a3 gsal ba stong pa nyid du rtogs pa'i ye shes kyi byin rlabs kun rdzob rdo rje dbyings kyi lhar blta bas rtog pa bzang ngan kyi rtsol bas 'bras bu sgrub par 'dod pa ste/lam rim las/ lhun grub mnyam pa ma rtogs
78a4 pas// chos sku rnam dag ye shes kyi// byin rlabs rdo rje dbyings sprul lha// blang dor byed pa las kyi sa// zhes pa ltar bsgom pa phyag rgya bzhi dang 'brel ba'i rim pa mngon byang lnga dang/ rnal 'byor bzhi'i rim
78a5 pas bdag lhar bsgom pa 'khor bcas thabs kyi rnal 'byor dang/sems kyi de kho na nyid mngon par rtogs pa so so rang rig pa'i ye shes mnyam par 'jog pa sogs kyi nang gi ting nge 'dzin la gtso bor byed
78a6 pa dang/spyod pa gtsang sbra sogs phyi ltar grogs su brten pas 'bras bu mkha' spyod rig pa 'dzin pa sogs gnas skabs dang/ mthar thug mi tshe gsum mam bcu drug gis phyag rgya chen po grub nas rim gyis
78b1 rigs lnga stug po bkod pa'i sar mngon par byang chub pa lnga'i sgo nas ye shes lnga'i ngo bor 'tshang rgya ba ste/kun byed rgyal po las/ yo ga stug po bkod 'dod pas// mi tshe gsum na grol bar 'dod// ces
78b2 so// de ston par byed pa'i sde snod ni/ de kho na nyid 'dus pa dang/ dpal mchog dang po la sogs pa rnams so// rigs kyi sgo nas dbye na/ rtsa ba'i rigs dang/ sangs rgyas dang/ rdo rje dang/ rin chen dang/
78b3 chos dang/ las kyi rigs te lnga dang/ de re re la'ang rigs chung lnga lnga/ de yang/ snying po dang/ phyag rgya dang/ gsang sngags dang/ rigs sngags bzhi bzhir phye bas brgyad du 'gyur la/ bsdu na thabs shes
78b4 gnyis su 'du ste/de kho na nyid 'dus par yab dang/ shes phyin tshul brgya lnga bcu pa la yum gyi sgras smos pa bzhin no// gnyis pa dbang bsgyur thabs kyi theg pa'am rnal 'byor bla na med pa ni/ rgyud sde 'og ma
78b5 gsum du blang dor dang spang gnyen sogs gtsang sme'i 'du shes kyis bkris pa dang/thabs shes ya bral bas/ bde ba chen po'i gnas lugs la rmongs pa sogs kyis mtshan nyid kyi theg pa dang tshul mthun pa
78b6 nyid shas che ba'i phyir phyi rgyud sde gsum mam rgyud sde 'og mar bzhag pa yin la/khyad par can gyi lam 'di ni nye ba'i lam dang thabs kyi rgyud kyang yin te/ rnal 'byor bla na med pa'i lam 'di nyid la zhugs
79a1 nas theg pa gzhan snon mi dgos par 'di nyid kho nas 'bras bu la sbyor ba'i phyir dang/theg pa gzhan du dug gsum spang byar byed la 'dir ni dmigs med lta ba'i gzer btab pas 'dod
79a2 chags bde stong/zhe sdang gsal stong/ gti mug rig stong gi ngo bor dug gsum ma spangs lam du khyer bas tshe gcig gis zung 'jug gi go 'phang khyad par can 'grub pa'i thabs rmad du byung ba ste de'i phyir phyi
79a3 rgyud sde gsum la ring lam zhes pa spyir sngags lam yin pas myur lam du grub mod kyi/'on kyang de dag mthar gyis bla na med pa'i lam 'dir 'jug dgos pas theg pa 'di nyid la ltos nas ring ba'i lam
79a4 zhes bshad pa yin no/gzhan yang thabs rang byung gi ye shes dang shes rab stong pa nyid zung du 'jug pa'i mtshon byed lha yab yum 'khril sbyor dang/ sha lnga bdud rtsi lnga sogs la longs spyod pa'i thabs kyi rnal
79a5 'byor khyad par can sogs du mas 'phags pa ste/gsang ba 'dus pa las/ thabs dang shes rab snyoms 'jug pa// rnal 'byor zhes ni bshad pa yin// gang gi dngos med shes rab ste// thabs ni dngos po'i
79a6 mtshan nyid do// zhes so// dbye na/ thabs pha yi rgyud dang/ shes rab ma yi rgyud dang/ zung 'jug gnyis med kyi rgyud dang gsum mo// rigs kyi sgo nas dbye na/ pha rgyud la mi bskyod pa'i/ rnam snang gi/ rin
79b1 'byung gi/'od dpag med kyi/ don grub kyi/ rdo rje 'chang gi rigs te drug dang/ de bzhin du ma rgyud phyogs su'ang/ rdo rje sems dpa'i/ rnam snang gi/ rdo rje nyi ma'i/ pad+ma gar dbang gi/ rta mchog gi/ he ru ka'i
79b2 rigs te drug tu dbye ba bsdoms pas rgyud kyi rab tu dbye ba bcu gnyis su 'gyur la/de las kyang dbye na rigs mtha' yas par gsungs pas rgyud kyang de snyed du 'gyur te/ bsdu na thabs shes gnyis dang de
79b3 yang bskyed rdzogs gnyis su ma 'dus pa med la/de dag kyang rdzogs pa chen por don gyis 'dus so// de las nang pa bskyed rdzogs gsum bye brag tu bshad pa la/ dang po ma hA yo ga ste rnal 'byor chen po'i gzhi
79b4 rgyud kyi gnas lugs de nyid rtogs bya'i lta bar gtan la 'bebs par byed pa la rtog ge dang rig pa ltar snang gis gtan la mi pheb cing kun khyab tshad ma gsum gyis gtan la phab cing rang rig mngon sum
79b5 gyis rtogs dgos pa'i phyir ro// gtan la 'bebs byed kyi gtan tshigs kyang/ rtogs pa bzhi'i/ dag pa gsum gyi/ mnyam pa bzhi'i/ bdag nyid chen po'i gtan tshigs dang bzhi las/ dang po ni/ snying po'i
79b6 rgyud las/rgyu gcig pa dang yig 'bru'i tshul// byin gyis brlabs dang mngon sum pa// rab tu rtogs pa rnam bzhi yis// thams cad mngon rdzogs rgyal po che// zhes pas/ rgyu gcig pa'i gtan tshigs kyis
80a1 chos thams cad rang byung skye med du gtan la phab/yig 'bru'i tshul gyi gtan tshigs kyis chos thams cad rol pa 'gag med du gtan la phab/ byin gyis brlabs kyi gtan tshigs kyis
80a2 chos thams cad ngo bo dbyer med du gtan la phab/mngon sum pa'i gtan tshigs kyis chos thams cad mtshan nyid blo bral du gtan la phab pa ni rtogs pa bzhi'i gtan tshigs so/ gnyis pa ni/ snod bcud rgyud
80a3 rnams dag rtogs shing// zhes pas/ dag pa gsum gyi gtan tshigs kyis phyi nang snod bcud phung khams skye mched thams cad dag pa chen por gtan la phab/ gsum pa ni/ mnyam gnyis lhag pa'i mnyam gnyis
80a4 kyi// dkyil 'khor kun tu bzang po'i zhing// zhes pas/ mnyam pa bzhi'i gtan tshigs kyis kun rdzob dang don dam kyi bden pas bsdus pa'i chos thams cad mnyam pa chen por gtan la phab/ bzhi pa ni/ rang
80a5 byung ye shes gnas med snang// zhes pas/ bdag nyid chen po'i gtan tshigs kyis chos thams cad sems nyid rang byung gi ye shes chen po gcig gi bdag nyid du ye nas gnas par gtan la phab pa ste 'jal
80a6 byed kyi gtan tshigs de rnams kyis rang bzhin rgyu'i rgyud kyi gnas lugs mngon sum du rtogs pa ni rnal 'byor chen po'i grub pa'i mtha' thun mong min pa ste/rgya mtsho las/ rgya mtsho dwangs pa'i gzugs brnyan
80b1 ltar// sgra brnyan yid la byed min par// rang rig mngon sum dmigs bral ba// rang gsal gsum bral mi bsgul bar// nges par gdeng du gang byed pa// thos bsam bsgom pa'i lta mthar phyin// zhes dang/
80b2 rngam glog las/ mngon sum rig par thag chod na// rnal 'byor sa la sleb pa yin// zhes so// de ltar lta ba'i don nges pa gzhir bzhag nas lam thabs kyi rim pa dang/ grol ba'i rim pa gnyis las dang po
80b3 la'ang/grol lam thabs su rnam par bstan/ zhes pas/ 'ching byed kyi las la spyad pas grol ba'i 'bras bu thob pa ste/ gtso bor thabs kyi khyad par brtul bzhugs kyi spyod pa rmad du byung ba'i 'bras bu myur du
80b4 'grub par byed pas dug gsum ma spangs thog brjas kyi spyod pa'i brtul bzhugs gang zhig/lta ba'i gdeng dang ldan pas spyad na mi 'ching bar ma zad grol ba'i 'bras bu myur du thob la/ de ltar ma yin pa zhig
80b5 gis spyad na grol ba mi thob par ma zad ngan song du ltung ba'i nyen chen po dang ldan pas ma k+Shi ka'i sbyor ba bzhin khe nyen che zhing de lta bu'i thabs lam de la gnyis te/gdams ngag steng dang 'og gi sgo// zhes
80b6 pas/snga ma rim gyis ltar bsgom pa rang lus steng sgo 'khor lo drug la brten nas 'bar 'dzag gi sbyor bas bde ba chen po'i ye shes nyams su myong ba bshad rgyud rgya mtsho nas bstan pa dang/ phyi ma cig car ltar
81a1 gzhan lus 'og sgo mkha' gsang gnyis la brten nas bsnyen pa dang/nye bar bsnyen pa dang/ sgrub pa dang/ sgrub pa chen po'i sbyor ba bzhis skad cig la bde stong gi ye shes btsan thabs su skye
81a2 ba'i sa lam chig chod du rdzogs pa'i thabs lam cig car ba ste bshad rgyud thal ba nas bstan pa bzhin no// gnyis pa grol lam la/ gtso bor shes rab gsum gyis gtan la phab cing rtogs pas rang rgyud kyi
81a3 'ching ba rang sangs su song nas chos nyid kyi klong du grol bar 'gyur ba/thabs lam lta bu'i myur khyad med kyang ji zhig na 'bras bur sbyor ba la khyad med cing khe nyen chung ba rin po chen kau stu b+ha'i dpe bzhin
81a4 no// de la'ang dbang po'i rim pas cig car dang rim gyis gnyis su 'byed pa'i dang po ni/ dbang dus su grol ba in+d+ta b+hu ti lta bu'o// gnyis pa ni/ snying po'i rgyud las/ shes 'jug mtshan nyid 'byor ba'i
81a5 gzung// 'bras bu smin byed rgyu dang rkyen// nus mthu can du gang gyur pa// rig 'dzin rgyal ba'i zhing du grags// zhes so// de la gsum ste/ rgyu shes pa'i mtshan nyid lta ba/ rkyen 'jug pa'i mtshan nyid ting nge
81a6 'dzin dang/lam 'gyur gyi 'bras bu rig 'dzin no// dang po ni gong du smos zin la/ gnyis pa ting nge 'dzin la mos bsgom dang/ nges rdzogs gnyis las/ dang po ni/ don spyi'i rnam pa tsam de dang de mos pa
81b1 lam byed kyis bsgom pa'o// gnyis pa ni/ rim pa gnyis po'i ting nge 'dzin nyams lnga mthar phyin kyi bar du slob pa ste/ bi ma la'i phyag rgya bsam gtan gyi 'grel pa las/ g.yo thob goms brtan mthar phyin
81b2 lnga// bsam gtan nyams kyi skye tshul yin// zhes pa ltar bsgom bya'i lam ni/ snying po'i rgyud las/ srid pa rim par smin tshul gyis// 'jug pa'i yan lag lnga ru bzhag/ gang dag dngos kun rang rig phyir// shi
81b3 ba don dam bden pa ste// skye ba bar ma kun rdzob yin// skye ba'i rim gsum gnyis med don// zhes pas/ 'chi bar skye gsum gyi srid pa cig car du sbyong ba'i lam rdzogs par ston pa la/ 'chi ba 'od gsal
81b4 dang rjes su mthun pa'i lam stong pa chen po dang/bar do dang rjes su mthun pa'i lam snying rjes chen po dang/ skye ba'i rim pa gsum dang rjes su mthun pa'i lam phyag rgya gcig pa dang/ phyag rgya spros bcas dang/
81b5 tshom bu tshogs bsgrub ste lnga'o// de'ang rags pa bskyed rim dang/ phra ba rdzogs rim gyis sbyor tshul gnyis las/ dang po ni/ lus can rnams 'chi 'pho ba'i tshe phyi nang gi thim rim rnams rdzogs pa'i mthar 'chi
81b6 srid chos sku'i 'od gsal 'char la/de nyid lam du khyer ba'i phyir snang grag gis bsdus pa'i chos thams cad chos sku spros bral de bzhin nyid kyi ting nge 'dzin bsgom pa dang/ 'od gsal de nyid ngos ma zim par
82a1 bar do'i yid lus sgyu ma lta bu'i gnas skabs kyi bag chags sbyong byed dmigs pa med pa'i kun snang gi ting nge 'dzin gyi ngo bo snying rje chen po mkha' khyab du bsgom zhing/gzhi de las bar dor ma
82a2 grol bar ma'i mngal du skye ba bzung ba nas btsas ba'i bar gyi bag chags sbyong byed phyag rgya gcig pa la phra rags gnyis te gang du skye bar 'gyur ba'i gnas la sred pa skyes pa'i rkyen gyis der 'jug ma rag gi
82a3 bar srid kyi gnas skabs sbyong byed phra ba rgyu'i ting nge 'dzin gyi ngo bo yig 'bru gsal brtan gyi tshad brgyad dang ldan pa la bslab pa dang/de nyid pha ma'i khu rdul gyi bar du zhugs nas phyi rol dbang po yul la sad
82a4 kyi gnas skabs sbyong byed rags pa lha sku la bslab pa mngon byang bzhi dang/tshogs gsum sogs kyis bskyed pa skye gnas rigs bzhi'i tshul dang mthun pa la bslab pa dang/ btsas nas nar son pa'i bar gyi
82a5 bag chags sbyong byed phyag rgya spros bcas la bslab pa'ang bzhi ste/lam rim las/ 'khor lo tshom bu grangs zhal phyag/ ces bshad pa ltar/ dkyil 'khor spro ba dang/ tshom bu spro ba dang/ grangs spro ba dang/ zhal
82a6 phyag spro ba ste bzhi la rim bzhin zhi ba dang khro bo'i dkyil 'khor rgyas 'bring bsdus pa dang/tshom bu gcig gsum lnga pa dang grangs la'ang/ zhi ba la stong dang nyi khri bzhi stong dang/ bsam yas lhun grub rnams
82b1 dang/khro bo la'ang/ stong bzhi brgya lnga bcu dang/ bdun khri drug stong brgyad brgya lnga bcu dang/ bsam yas lhun grub la bslab pa rnams dang/ zhal phyag yang rgyas 'bring bsdus gsum gyi tshul lo// nar son nas
82b2 rgan po'i bar gyi bag chags sbyong byed tshom bu tshogs kyi sgrub pa la/phun sum tshogs pa lngas sgrub pa'i gzhi bzung ba dang/ bsnyen sgrub yan lag bzhis bzhung bsrang ba dang/ 'bras bu rig 'dzin 'grub pa'i
82b3 dus bstan pa dang gsum gyi chings su yan lag dang dbye ba mtha' yas par 'gyur ro// de ltar zag bcas kyi lam lnga po des mar 'khor ba dang rnam pa mthun pas de dang de'i bag chags sbyong zhing dag/ yar
82b4 sangs rgyas sku gsum dang de'i mdzad spyod kyi rigs kyi nus pa gsos thebs pas 'bras bur rdzogs par byed/bar du lam 'og mas gong ma sgom rung gi gzhi bting bas smin byed du 'gro ba'i thabs
82b5 so// gnyis pa phra ba rdzogs rim gyis sbyong tshul kyang/ de dang rnam pa mthun pa'i bsam gtan la tsher ma mi 'byung ba'i gnas su lus gnad dang ldan pas rig pa ma bcos par so ma'i ngang du 'jog pa rig pa spyi
82b6 blugs dang/thos bsam gyi lta ba dran par byas nas de'i ngang la 'jog pa ni mthong ba'i rjes la 'jog pa ste 'jog thabs gnyis po gang rung gis rnam par mi rtog pa'i ting nge 'dzin la bslab pa nyin mo'i rnal
83a1 'byor dang/mtshan mo gnyid stug gi 'od gsal dang sbrel ba'i nyin mtshan kha sbyor du nyams su blangs pas nyams lnga mthar phyin pa la bslab pa dang po/ stong nyid 'od gsal gyi ngang du sems
83a2 'gag pa de'i ngang las stong gzugs kyi rnam par 'char ba de dang mtshan mo 'od gsal gyi snang ba gang shar 'dzin med kyis rgyas 'debs pa gnyis pa/snang ba ris med la snying rje chen po'i 'phen pa ting nge
83a3 'dzin gyis zhu ba de dang mtshungs ldan du gyur pa'i lha sku phyag rgya gcig pas gang shar gyi snang ba la rgyas 'debs pa gsum pa/lha snang de la ches cher 'phel bas snang ba thams cad zung 'jug gi lha sku gtso 'khor
83a4 dang tshom bu ma 'dres yongs su rdzogs pa la goms su 'jug pa bzhi pa/tshom bu gang rung la brten pa spros bcas bskyed rim dang phyogs mthun nam/ spros med rnal 'byor pa pho mo gtso bo yab yum tshogs pa la
83a5 brten pa dang/shin tu spros med yab mi 'gyur ba'i bde ba chen po dang/ yum rnam kun mchog ldan gyi stong pa nyid kha sbyor zung 'jug tu bsgom pa lnga pa'o// de dag gi dus su spyod pa yang/ thabs lam
83a6 brtul zhugs kyi spyod pa dang/grol lam bag yod kyi spyod pa gnyis las phyi ma la/ dad brtson gyi spyod pa dang/ shes rab dang mthun pa'i/ snying rje dang mthun pa'i/ phyogs gcig pa'i/ spros bcas kyi/ tshogs
83b1 kyi/rdzu 'phrul kyi/ cig car ba'i spyod pa dang bdun du phyes nas bshad do// de dag gis blo rab 'bring tha ma'i dbye bas/ zla ba drug/ lo gcig zla ba gnyis/ lo gcig zla ba bzhi rnams kyis zag pa med pa'i
83b2 mthong lam la sbyong bar byed de/lam rim las/ zhag ni sum cu u0f84phrag drug gam// bcu gnyis bcu bzhi bcu drug gis// dbang bsgyur rigs kyi dam pa 'grub// ces gsungs pa yin la/ gsum pa lam 'gyur g
83b3 yi 'bras bu rig 'dzin ni/de ltar bsgoms pas zag pa med pa'i mthong sgom mthar lam gsum gyis bsdus pa'i rig 'dzin bzhi mngon du byed pa ste mthong lam la blo'i nus stobs che chung gis rnam smin gyi
83b4 lus dngas ma'i lus su ma gyur pa rnam smin rig 'dzin dang/dngas ma'i lus su gyur pa lam mchog yongs su rdzogs pa tshe dbang rig 'dzin gnyis dang/ sa lhag ma dgu sgom lam phyag rgya chen po'i rig 'dzin
83b5 gyis bsdus shing/de'ang gnyis pa nas lnga pa'i bar la rdo rje'i rig 'dzin dang/ drug pa dang bdun pa gnyis la 'khor lo rig 'dzin dang/ brgyad pa rin po che'i rig 'dzin dang/ dgu pa pad+ma'i rig 'dzin dang/
83b6 bcu pa ral gri'i rig 'dzin du mdzad spyod kyi sgo nas dbye bar yod la/ sa bcu'i rnam grol lam tshud chad phyag chen du bsdus shing/ sa bcu'i khyad par lam mam mthar lam lhun grub rig 'dzin ni sku lnga
84a1 lhun 'grub rdo rje 'chang gi cha lugs 'dzin pa drug pa'i rgyal tshab mdzad pa gsang ba'i bdag po bzhin no// de yang rgyu'i theg pa'i 'phags pa rnams dang/ rnal 'byor chen po 'di nyid kyi rig pa
84a2 'dzin pa rnams sa'i mu tshod mtshungs kyang dgongs pa la khyad par che ste/rgyu'i theg pa'i sa dang po dang rnam smin rig 'dzin gnyis dgongs pa mnyam la/ rgyu'i sa brgyad pa dang tshe dbang rig 'dzin/ bcu pa dang
84a3 phyag chen rig 'dzin/mi slob pa'i sa kun tu 'od dang lhun grub rig 'dzin gnyis dgongs pa mnyam pa'i phyir te/ lam chung las/ de yang dang po dang po dang// skal mnyam gnyis pa'i rigs can
84a4 dang// brgyad pa'i sems dpar skal pa mnyam// gsum dang bcu dag skal mnyam mo// dgongs spyod rgya mtshos khyad par 'phags// zhes bshad pa bzhin no// des lam gong mar sbyor ba'i mthar/ chos sku dang/
84a5 longs spyod dang/ sprul pa dang/ mngon byang dang/ rdo rje'i sku ste lnga dang/ skye med don gyi gsung sogs gsung lnga dang// chos dbyings ye shes sogs thugs lnga dang// rnam par dag pa'i zhing khams sogs yon
84a6 tan lnga dang/lhun grub sogs phrin las lnga ste 'bras bu'i chos nyer lnga'i bdag nyid chen po'i go 'phang mngon du byed pa yin no// de dag ston pa'i sde snod la rgyud sde dang sgrub sde gnyis las/ dang po ni/ rdo rje
84b1 sems dpa' sgyu 'phrul dra ba sogs sgyu 'phrul sde brgyad rnams dang/gnyis pa sgrub sde brgyad spyi bye brag rnams dang/ gzhan yang 'dus pa dang/ gshin rjes gshed dmar nag 'jigs gsum sogs dang/ zla
84b2 gsang thig le sogs pha rgyud dang/bde mchog dang dus kyi 'khor lo sogs ma rgyud rnams kyang 'dir sdud par shes par bya'o// gnyis pa rdzogs pa a nu yo ga ste/ rjes su rnal 'byor ni/ bskyed pa rnal 'byor
84b3 chen po dang/yongs su rdzogs pa shin tu rnal 'byor gyi theg pa dag gi mtshams sbyor du gyur pa yin la/ 'di nyid kyi rtogs bya'i lta ba/ dbyings dang ye shes zung du 'jug pa'i mtshan nyid can dkyil 'khor rnam
84b4 pa gsum dbyer med pa'i rtsa ba byang chub sems kyi dkyil 'khor du chos thams cad ye gdod ma nas sangs rgyas pa nyid de/spyi mdo dgongs pa 'dus pa las/ thams cad bdag nyid der gcig pas// ye nas
84b5 sangs rgyas bde chen nyid// skye 'gag med pa'i snying po yin// bya byed med pa'i dkyil 'khor gsum// ye nas grub zin lhun gyis grub// ces so// de la dkyil 'khor rnam pa gsum ni/ snang srid 'khor 'das
84b6 kyi chos thams cad sems kyi rang rtsal du 'du zhing sems nyid skye med spros pa'i mtha' thams cad dang bral ba yum kun tu bzang mo'i mkha' klong rnam par dag pa ni ye ji bzhin pa'i dkyil 'khor dang/de
85a1 nyid thams cad nas thams cad du ma 'gags par rang snang ris med kun khyab tu shar ba ni kun tu bzang po rang byung gi ye shes rang bzhin lhun grub kyi dkyil 'khor dang/de gnyis kyang ngo bo tha
85a2 mi dad par zung 'jug tu gnas pa ni dbyings dang ye shes gnyis su med pa'i sras bde ba chen po rtsa ba byang chub sems kyi dkyil 'khor ro// rtogs bya'i gzhi de dang rtogs byed kyi lam gnyi ga rnal 'byor
85a3 gsum du bsdus nas bshad de/spyi mdo dgongs 'dus las/ grogs po dag/ de bas na bsam gyis mi khyab pa'i rnam pa gang zhe na/ 'di ltar bsam gyis mi khyab pa'i chos thams cad kyi rnam pa ni/ rnal 'byor
85a4 rnam pa gsum gyis yongs su 'brel pa ste/gsum gang zhe na/ bya ba'i rnal 'byor dang/ bya ba byed pa'i rnal 'byor dang/ bya ba med pa'i rnal 'byor ro// zhes pa dang/ yang rgyu'i rnal 'byor dang/ rkyen gyi rnal
85a5 'byor dang/'bras bu'i rnal 'byor gsum du rtsa rgyud kun 'dus rig par gsungs shing/ rtsa bshad kyi rgyud de gnyis kyi dgongs don gcig tu bsdus nas bstan pa ni/ don bsdus las/ kun bzang thugs
85a6 rjes 'gro don du/theg pa gsum snang 'dul mdzad pa'i// don dam nges pa'i theg pa las// gsang sgo mchod pa'i mdo rgyud don// rnam pa gsum du shes bya ste// bya ba rgyu dang byed pa rkyen// bya bral 'bras bu'i
85b1 rnal 'byor dag/ji snyed chos kyi rtsa bar bshad// ces gsungs pas/ bya ba rgyu'i rnal 'byor dang/ byed pa rkyen gyi rnal 'byor dang/ bya bral 'bras bu'i rnal 'byor te gsum las/ dang po ni/ chos thams cad kyi
85b2 gnas lugs dkyil 'khor rnam pa gsum gyi rang bzhin du ma 'dres yongs su rdzogs par gnas pa nyid yin te/de nyid las/ phyi nang bye brag ji snyed pa'i// chos rnams thams cad byang chub sems// ji bzhin ngang
85b3 du ye gnas pas/shes par bya ba rgyud don yin// zhes so// gnyis pa ni/ lam gyi rtsol ba dang bcas pa'i byed pas srid pa las brgal te zhi ba gnas skabs kyi 'bras bu la 'jug par byed pa nyan rang byang sems
85b4 kyi theg pa gsum ste/snga ma las/ rtsol bcas spyod pas 'dren 'jug pa'i// theg pa de ni bya byed rkyen// zhes so// gsum pa ni/ sems kyi chos nyid gdod ma nas rang bzhin gyis rnam par dag pas 'bras bu gzhan
85b5 nas btsal ba'i rtsol sgrub kyi re dogs dang bral ba sngags phyi nang gi theg pa ste/de nyid las/ gzhan du 'bras bu re rtsol med// bsgrub bya nyid la lam gnas pas// thabs chen theg 'di bya bral lo// zhes so// de
85b6 ltar rnal 'byor phyi ma gnyis po de la thun mong spyi'i lam zhes bya zhing/de'i nang nas kyang khyad par 'di'i lam la dbye na/ de nyid las/ ngo bo thabs dang shes rab ste// zhes pa/ thabs kyi nges pa'i lam dang/ shes
86a1 rab rnam par grol ba'i lam gnyis su grangs nges pa las/dang po ni/ mchog tu mi 'gyur ba'i bde ba chen po lhan cig skyes pa zhu bde'i ye shes sgrub pa'i thabs gang zhig/ 'khor lo bzhi'i
86a2 sgom thabs kyis lhan skyes ye shes rim gyis 'dren pa'i thabs steng sgo'i man ngag dang/mkha' gsang gi snyoms 'jug la brten nas lhan skyes kyi ye shes cig car du 'dren pa'i thabs 'og sgo'i man ngag gnyis te/
86a3 de las/ rol pa'i ka ra la sogs pa// man ngag thabs kyis de 'jug dang// zhes so// gnyis pa ni/ gong gi de'i 'phros su/ thos bsam bsgom pa'i tshul 'gro ba'i// der ni 'jug pa rnam gsum ste// rtogs
86a4 dpyod don dang yi ge yid// ces pas/ dang po rtog dpyod kyi rjes su 'jug pa lta ba gtan la phab pa ni/ lam gyi sngon du 'gro dgos te/ de yang chos can shes bya'i don la/ shes byed rig pa'i gtan tshigs rnams
86a5 kyis so sor brtag pas chos thams cad kyi gnas lugs chos nyid ye ji bzhin pa dkyil 'khor gsum gyi rang bzhin smra bsam brjod bral du gtan la phebs pa ni 'di nyid kyi grub mtha'o// gnyis pa don gyi rjes
86a6 su 'jug pa ni/mtshan med rnam par mi rtog pa'i ting nge 'dzin la gnas pa ste/ bsgom bya chos nyid ji bzhin pa'i ngang la/ sgom byed kyi blo yi de bzhin par bzhag pa yin te/ dgongs 'dus las// ji bzhin pa yi
86b1 chos nyid la// de bzhin pa yi blo bzhag na// brjod pa med pa'i ngang nyid las// ma yengs rgyun du dran pa'o// gsum pa yi ge'i rjes su 'jug pa ni/ mtshan bcas lha'i ting 'dzin bsgom pa ste/ sa bon nam brten
86b2 dang brten pa so so'i bskyed sngags brjod pa tsam gyis chu la nya lngang ba ltar snod bcud thams cad lha'i gzhal yas khang dang dkyil 'khor gyi 'khor lor gsal la ma 'dres par bsgoms pa gtso bor byed pa'i
86b3 nyams len lam 'di nyid kyi thun mong ma yin pa'i khyad par ro// de ltar bsgrubs pas grub pa 'bras bu'i tshul la'ang/ blo stobs che ba rnams rtogs goms thams cad chig chod du byed pas mthar phyin pas sa lam
86b4 rim bgrod kyi rtsol pa dang bral zhing/blo 'bring tha gnyis kyis ni/ sa bcu pa'i slob lam bzhi rim gyis sam thod rgal gang rung gis bgrod nas mi slob pa'i lam mthar thug gi 'bras bu la sbyor bar byed de/ de
86b5 yang/dang po 'gyur ba ma nges pa'i sa dang/ brten pa gzhi'i sa gnyis ni tshogs lam 'dun pa sems dpa'i rnal 'byor gyis bsdus shing mos spyod kyi lha sku/ 'dis thun mong gi dngos grub spyan dang mngon shes la
86b6 sogs pa grub/gsum pa gal chen sbyong ba dang/ bzhi pa bslab pa rgyun gyi sa dang/ bsod nams rten gyi sa gsum ni/ sbyor lam rigs chen 'byed pa'i rnal 'byor te rlung sems kyi lha sku 'grub cing der tshogs
87a1 kyis spyod pa'i nye rgyu la brten pas 'gyur ba de rags pa bcoms te zag pa thams cad zad nas/brten pas khyad par du 'gro ba'i sa ni mthong lam dbugs chen 'byin pa'i rnal 'byor te bde
87a2 stong 'od gsal gyi lha sku 'grub/mthong lam 'od gsal las langs pa'i rjes la dmigs pa 'bras bu skye ba'i sa sgom lam lung chen thob pa'i rnal 'byor te ye shes dang dag pa'i slob pa'i zung 'jug gi lha sku
87a3 rgyun mi 'chad pa 'grub/de nas gnas pa mi 'gyur ba dang/ bdal ba chos nyid kyi sa dang/ rdzogs pa ci chibs kyi sa gsum po mthar lam rtsal chen rdzogs pa'i rnal 'byor gyis bsdus pa ste de'i mthar mi slob
87a4 pa'i lam rgyun mtha'i bar chad med lam la brten nas 'dod chags chen po'i lam gyis 'bras bu'i dbang bskur bas snang gsum 'pho ba'i bag chags phra ba'ang sbyangs te mi slob pa'i zung 'jug 'bras bu'i chos
87a5 nyer lnga po dbyer med lhun grub kyi ngo bo sku bzhi ye shes lnga'i bdag nyid dpal kun tu bzang po'i gong 'phang la mnga' dbang 'byor bas rtag khyab lhun gyis grub pa'i phrin las kyis gdul bya'i
87a6 don mdzad pa ste/don bsdus las/ 'bras bu nyid ni rdzogs sangs rgyas// sku gsung thugs dang yon tan las// nyi shu rtsa lngas bsdus mtha' yas// lhun rdzogs rnam kun mkhyen pa'o// zhes gsungs so// gsum pa theg pa kun gyi
87b1 yang rtser gyur cing bgrod bya thams cad kyi mthar thug pa rdzogs pa chen po a ti yo ga ni/'og ma las khyad par du 'phags tshul dang/ de dag gi dbye ba 'chad pa'o// dang po ni/ dbyings rang bzhin gyis rnam par
87b2 dag pa sems nyid 'od gsal ba'i rang bzhin lhun grub rang gnas chen por gdod ma nyid nas gnas pa'i rang byung gi ye shes 'gyur ba med pa la rdzogs pa chen po'i gzhir 'dod pa gang zhig/theg pa'i rgyal po
87b3 'di nyid kyis gzhal na rim pa 'og ma brgyad po'i theg pa rnams kyis don la yod ma myong ba'i sems rtog glo bur ba 'ba' zhig gis 'gyur ba med pa la blos bzo 'chos shing bsgyur/spang du med pa la gnyen pos
87b4 bcos nas spangs/bsal du med pa la bsal 'dod kyis blos skyon du dmigs/ thob tu med pa la gzhan nas thob byar yod pa'i re dogs kyi dbyen bcug/ rtsol sgrub dang bral bar 'bad rtsol gyis ma rig pa chen
87b5 pos rang gnas kyi ye shes la bsgribs pas rnal ma'i de kho na nyid la reg pa'i skabs med pa ste/'di ltar theg pa 'og ma'i nyan rang gis rtogs pa'i bdag med ni shes pa dang rdul rdzas la don dam du 'dod la/
87b6 rnam rig smra bas rang shes rang gsal nyid kyi rnam shes la don dam yongs grub tu 'dod pa dag ni 'jig rten pa'i sems dang sems byung las 'das pa med cing/ dbu mas bden pa gnyis kyis gzhal ba'i skye
88a1 med/'gag med/ yod med/ med min la sogs gtan tshigs chen po bzhi la sogs pas dpyad pa'i 'gog bden dang/ mtha' bral dang/ spros bral sogs kyi mtshungs dpe nam mkha' lta bu'i
88a2 stong par 'dzin pa dang/sngags 'og ma'i bya bas dag pa gsum gyi lha gtsang sbra sogs dka' thub kyis mnyes pa'i dngos grub 'grub par 'dod pa dang/ nye ba'i rnal 'byor gyis lta spyod gong 'og ya cha bas
88a3 mtshan 'dzin dang/rnal 'byor gyis don dam pa'i byin rlabs lhar bltas nas phyag rgya bzhi'i rnal 'byor la dmigs pa dang/ rnal 'byor chen pos bskyed rim dang/ rdzogs rim rtsa thig rlung gsum la gnad du
88a4 gcun pas ye shes skye ba 'dod cing/rjes su rnal 'byor gyis dbyings ye shes bskyed bya skyed byed lha'i dkyil 'khor du blta ba sogs mdor na a nu man chad kyi rim pa de dag thams cad blos reg pa'i grub
88a5 mtha' kho na ste/de dag thams cad kyang blo ngor 'di ni med do// stong ngo// bden no// snyam pa'i snyam byed dang/ yid byed dang/ rtog dpyod kyis yul yul can la chos nyid yin par brlams pa las gnyug ma'i
88a6 gnas lugs ji bzhin mthong ba ni med de/ji skad du/ de bzhin gshegs pa'i snying po'i mdo las/ rgyal pos long ba du ma bsags te glang chen bstan te/ mtshan nyid so sor smos shig/ ces bsgos pas/ de
88b1 dag rnams kyis glang po che'i sna la reg pa rnams ni lcags kyu 'dra'o// zhes zer/ mig la reg pa rnams ni phor pa 'dra'o// rna ba la reg pa rnams ni zhib ma 'dra'o// rgyab la reg pa rnams ni khyogs dang
88b2 'dra'o// mjug ma la reg pa rnams ni thig gu 'dra'o// zhes zer ro// de rnams kyis glang po che gzhan la smras pa ma yin yang/ thams cad du rtogs pa ni ma yin no/ de bzhin du sangs rgyas kyi rang bzhin yang/ stong
88b3 pa nyid dang/sgyu ma lta bu dang/ 'od gsal ba la sogs tha dad par smras kyang thams cad du rtogs pa ni ma yin no// zhes gsungs pa ltar ro// lam de dag gis rdzogs pa chen po'i don la bsgribs shing rdzogs pa
88b4 chen po'i lam la gnas bzhin par de dag gi rtog pa skyes na gol bar bshad de/kun byed rgyal po las/ nges pa thob pa'i theg pa drug/ rdzogs pa chen po'i gol sar bstan/ de yang ji lta bu zhe na/ byang chub sems
88b5 dpa' mdo sde ni/kun tu 'od kyi sa 'dod pa// bden pa gnyis kyi rtog dpyod kyis// chos nyid stong pa nam mkhar 'dod// a ti yo ga'i bde chen ni// rtogs dpyod 'das pa'i byang chub sems// rtogs dpyod
88b6 'das la mdo sdes bsgribs// rdzogs chen rtog dang dpyod pa ni// mdo sde dag tu gol bar bshad// kri ya rdo rje 'dzin 'dod pa// dag pa rnam gsum sgor zhugs nas// gzung 'dzin dag pa'i yul la gnas// a
89a1 ti yo ga'i bde chen ni// gzung 'dzin 'das pa'i byang chub sems// gzung 'dzin 'das la kr-I yas bsgribs// rdzogs chen gzung dang 'dzin byed pa// kr-I ya dag tu gol bar bshad// u pa ya yi
89a2 lta spyod ni// kr-I ya spyod cing yo ga bsgrub// lta spyod 'brel pa'i don med pas// gnyis su med pa'i don ma rtogs// a ti yo ga'i bde chen ni// gnyis su med pa'i byang chub sems// gnyis su med la u pas
89a3 bsgribs// rdzogs chen gnyis su byed pa ni// u pa ya ru gol bar bshad// yo ga stug po bkod 'dod pa// mtshan ma yod med sgor zhugs nas// phyag rgya bzhi la gtsor byed de// blang dor med la 'jug ma
89a4 nus// a ti yo ga'i bde chen ni// blang dor med pa'i byang chub sems// blang dor med la yo gas bsgribs// rdzogs chen blang dang dor byed pa// yo ga dag tu gol bar bshad// ma hA rdo rje 'chang 'dod pa// thabs
89a5 dang shes rab sgor zhugs nas// rang rgyud dag pa'i dkyil 'khor la// bsnyen sgrub rnam bzhi sgrub par byed// a ti yo ga'i bde chen ni/ rtsol sgrub 'das pa'i byang chub sems// rtsol sgrub 'das la ma hAs
89a6 bsgribs// rdzogs chen rtsol sgrub byed pa ni// ma hA yo gar gol bar bshad// a nu dbyer med pa 'dod pa// dbyings dang ye shes sgor zhugs nas// 'di ltar snang ba'i chos rnams la// rgyu ni dag pa'i dbyings lta
89b1 ba// 'bras bu ye shes dkyil 'khor blta// a ti yo ga'i bde chen ni// rgyu 'bras 'das pa'i byang chub sems// rgyu 'bras 'das la a nus bsgribs// rdzogs chen rgyu 'bras gnyis blta na// a nu yo gar gol bar
89b2 bshad// ces gsungs pas/ de dag rnams ni sems kyis byas shing bcos pas sems ni tshogs brgyad kun tu rtog pa dor bya'i dri ma yin la/ 'di ltar rang bzhin rdzogs pa chen po ni sems las 'das pa'i sems
89b3 nyid rig pa rang byung gi ye shes 'od gsal 'dus ma byas par gshis kyi yon tan thams cad lhun grub tu bzhugs pa las bskyed bya skyed byed kyi rgyu 'bras dang gzhan gyi rkyen la sogs pa'i khams la rang bzhin gyis
89b4 grol bas ltos mi dgos pa nam mkha' lta bu'i mtshan nyid gnas lugs 'pho 'gyur med par grub pa'i gnad kyis thog ma'i mgon po kun tu bzang po nyid kyang byas pa med par rang byung gi ye shes rang ngo rtogs
89b5 pa'i cha nas sangs rgyas pa las thos bsam dang 'du byas pa'i tshogs bsags sogs rkyen gzhan gyis ma byung bar bstan pa ste/sangs rgyas rnams kyi yul la 'jug pa ye shes snang ba rgyan kyi mdo las/ sangs rgyas
89b6 rnams kyis ni chos 'ga' yang ma gzigs/ma gsan/ ma dgongs/ rnam par mi mkhyen/ kun tu mi mkhyen to// sangs rgyas rnams kyis ni ma gsungs/ ma brjod do// sangs rgyas rnams kyis ni mi gsung mi
90a1 brjod do// sangs rgyas rnams ni gsung bar mi 'gyur brjod par mi 'gyur ro// sangs rgyas rnams ni mngon par rdzogs par 'tshang rgya bar mi mdzad do// sangs rgyas rnams kyis ni chos gang yang
90a2 mngon par rdzogs par 'tshang ma rgyas so// sangs rgyas rnams ni nyon mongs pa ma spangs so// sangs rgyas rnams kyis ni rnam par byang ba mngon sum du ma mdzad do// sangs rgyas rnams kyis ni chos gang yang ma
90a3 gzigs/ma gsan/ ma myangs/ ma mnams/ ma rig/ mi mkhyen to// de ci'i phyir zhe na/ 'jam dpal chos thams cad ni gzod ma nas yongs su dag pa'i phyir ro// zhes dang/ mgon po byams pas/ ji ltar sngon
90a4 bzhin phyis de bzhin// 'gyur ba med pa'i chos nyid do// zhes dang/ 'dus ma byas shing lhun gyis grub// gzhan gyi rkyen gyis rtogs min pa// zhes pa la sogs gsungs pa ltar chos thams cad kyi rang bzhin dang/
90a5 gnas lugs sam/ gshis lugs sam/ chos nyid gang yin pa de ni 'dus ma byas pa/ rgyu rkyen gyis ma bskyed pa/ gzhan la rag ma lus shing/ rkyen gzhan gyi mi rtogs pa/ blos bsgrubs pa'i mtha' la mi gnas pa
90a6 zhig ste/'phags pa dkon mchog brtsegs pa theg pa chen po'i mdo'i 'od srung gis zhus pa las/ gang 'dus ma byas pa de ni 'phags pa rnams kyi rigs so// 'phags pa rnams kyi rigs gang yin pa de la bslab
90b1 pa yang med bslab pa las 'das pa yang med do// gang bslab pa yang med bslab pa las 'das pa yang med pa de la rgyu ba yang med mi rgyu ba yang med/ rab tu rgyu ba yang med/ gang la rgyu ba yang med/ mi rgyu ba yang
90b2 med/rab tu rgyu ba yang med pa de la sems kyang med/ sems las byung ba'i chos rnams kyang med do// gang la sems kyang med/ sems las byung ba'i chos rnams kyang med pa de la las kyang med/ las kyi rnam par
90b3 smin pa yang med do// gang la las kyang med/ las kyi rnam par smin pa yang med pa de la bde ba yang med/ sdug bsngal ba yang med do// gang la bde ba yang med/ sdug bsngal ba yang med pa de ni 'phags pa rnams
90b4 kyi rigs te/'phags pa rnams kyi rigs gang yin pa de la ni las kyang med/ las mngon par 'du byed pa yang med do// zhes dang/ dgongs pa nges par 'grel pa theg pa chen po'i mdo sde las/ 'phags pa rnams
90b5 kyis 'phags pa'i shes pa dang/'phags pa'i mthong bas brjod du med par mngon par rdzogs par sangs rgyas pa gang yin pa ste/ brjod du med pa'i de nyid mngon par rdzogs par rtogs par bya ba'i phyir 'dus ma
90b6 byas zhes ming du btags so// zhes dang/ rtsa ba shes rab las// rang bzhin rgyu dang rkyen las ni// 'byung bar rigs pa ma yin no// rgyu dang rkyen las byung ba ni// rang bzhin byas pa can du 'gyur// rang bzhin
91a1 byas pa can zhes byar// ji lta bur na rung bar 'gyur// rang bzhin dag ni bcos med dang// gzhan la ltos pa med pa yin// ces sogs rgya cher gsungs pa 'dis rang bzhin gshis kyi gnas
91a2 lugs rdzogs pa chen po'i grub pa'i mtha' rgyu rkyen las 'das pa'i 'dus ma byas kyi ye shes mngon par rtogs pa'i sgra dbyangs mngon sum du sgrogs par mdzad cing/de nyid mtha' bral du gtan la phab pa'i
91a3 tshul yang/gang dag rang bzhin gzhan dngos dang// dngos dang dngos med nyi blta ba// de dag sangs rgyas bstan pa la// de nyid mthong ba ma yin no// zhes dadang/ dpal nA ro pas de kho na nyid sgrub
91a4 pa'i thabs shes bya ba rdzogs pa chen po'i lam gyi rim pa las kyang/sangs rgyas sems can rang bzhin gcig/ sems kyi ye shes gsang ba 'di// snying po'i don las rmad du byung// rang byung che ba bdag nyid
91a5 sku// rang rig bde ba rdzogs pa che// thugs rje snang ba sprul pa'i sku// ngo bo ma grub gsang ba'i sems// snang dang mi snang dbyer med do// zhes pa dang/ de nyid la lam gyi dmigs pa 'og ma ltar mi gnas pa'i
91a6 tshul yang/snga ma las/ rdzogs pa'i ye shes snying po la// rim pa'i lam med mthar phyin pa// zhes so// 'o na rim pa 'og ma de dag bstan pa la dgos pa ci zhe na/ gdul bya'i blo rim la ltos pa'ang 'og mas blo
91b1 sbyangs nas rim gyis lam 'dir 'jug pa'i thabs sam lam stegs su 'gyur ba la dgongs pa ste/bde bar gshegs pa'i bstan pa thams cad kyi snying po'am brjod bya'i mthar thug pa ni shes rab kyi pha rol tu
91b2 phyin pa'i ye shes gnyug ma'i de bzhin nyid gcig pu yin la/de nyid rang rig mngon sum gyis rdzogs par gtan la phebs pa ni rdzogs pa chen po'i lam las gzhan du med cing/ sdom pa gsum dang/ phar
91b3 phyin drug dang/bskyed pa'i rim pa dang/ rdzogs pa'i rim pa de dag thams cad kyang rdzogs pa chen po rtogs pa'i thabs dang de nyid gang du bgrod pa'i ngal stegs tsam du bstan pa ste/ gsang snying las/ sa
91b4 rnams khyad par bkod pa yang// gsang ba'i snying por 'gro ba'i lam// zhes dang/ in+d+ra b+hu ti'i dbang gi 'khor lo'i man ngag las/ rang bzhin gyis ni 'od gsal zhing// rdzogs pa chen po'i mthar thug
91b5 pa// man ngag kun gyi mchog gi mchog/ de sgrub thabs su gsungs par zad// ces dang/ zhi ba lhas kyang/ yan lag de kun thams cad ni// thub pas shes rab don du gsungs// zhes bshad pas so// de ltar
91b6 yin pa de'i phyir rdzogs pa chen po'i rang bzhin 'di nyid bde bar gshegs pas bka' 'khor lo bar par spros pa'i mtshan ma mi dmigs pa'i tshul gyis bsam gyis mi khyab pa'i gnas lugs rgyas par bstan
92a1 mod kyi/gshis kyi bzhugs tshul ma bstan/ 'khor lo tha mar gshis kyi bzhugs tshul bstan kyang de mngon du byed pa'i lam mtshan nyid pa ma bstan/ de'i phyir 'khor lo bar pa'i dgongs pa
92a2 'phags mchog klus bkral ba'i rig tshogs kyi dgongs pa ma 'gyur ba dang/de'i chos dbyings bstod pa sogs dang/ tha ma'i dgongs pa rgyal tshab byams pa dang 'phags mchog thogs med sku mched sogs
92a3 kyis bkral ba bcas shing rta chen po rnam gnyis kyi dgongs pa mthar thug 'gal bar mi 'du bar rdzogs pa chen po nyid du don gyis gnas te gang gi phyir zhe na/rang bzhin chos nyid zab mo'i gnas lugs de
92a4 las gzhan slob dpon de dag mi bzhed cing/de las gzhan du rdzogs pa chen po'ang ma grub pa'i phyir ro// 'on kyang de nyid mngon du byed pa'i lam sngags kho na khyad par du 'phags mod kyi/ de lta na'ang sngags
92a5 'og ma'i mtshan bcas dang mtshan med kyi rim pa tsam po dang/bla med mchog tu grags pa dus kyi 'khor lo'i sbyor ba yan lag drug dang/ gzhan yang rim pa lnga pa sogs kyis rtsa thig rlung gsum gyi byed pa
92a6 bcings pas 'od gsal rtags bcu dang stong gzugs re khA nag po'i nang du srid pa gsum gyi gzugs brnyan mthong bar bshad pa tsam ste de'ang shes nyams 'phel 'grib can te ji ltar bsgoms kyang 'byung ba
92b1 'od du dengs pa'i rdo rje'i sku sgrub mi nus pa'i phyir de dag skal dman rnams 'dir drang pa'i don tsam las nges pa'i don la ma reg ste/nA ro pas/ nges pa'i thabs cig snying po'i don// phyag rgya rim bzhi sbyor ba
92b2 drug/bsam pa'i theg pa sna tshogs pa// drang ba nyid gyur nges pa min// ngo bo nyid la mtho dman med// mos 'jug bsam pa'i rtog par zad// ces gsungs pa bzhin no// der ma zad lam 'og ma'i bskyed
92b3 rim bsgom pa ni rdzogs rim gyi smin byed tsam dang/de bsgoms pas las brgya dang ye rgya'i khyad par gyis 'dod pa'i rig 'dzin dang gzugs kyi rig 'dzin gang rung gi rten des mkha' spyod 'grub par tsam
92b4 las med la/rdzogs rim rtsa thig rlung gsum gcun pas ye shes skye bar 'dod pa yang rtsol bcas kyi rkyen khar ma 'das la/ dbang gsum pa'i bde stong gi ye shes kyang dbang po gnyis sbyor gyi dga' ba'i rjes
92b5 su skye bar 'dod pa gang zhig/khams gsum las ma grol ba'i phyir 'pho med kyi bde ba chen po mchog tu mi 'gyur ba'i ye shes ni de rtogs par ma bstan cing snga ma de dag bde ba'i bsam gtan tsam du bshad pa
92b6 ste/dpal nA ro pas de kho na nyid sgrub pa las/ nges par spros bral rang byung sems// chags pa'i lam gyis shes mi 'gyur// rang byung 'od gsal snying po 'di// mtshan ma med pa'i rang bzhin pas// shes
93a1 rab thabs kyi chags pa bral// thig le 'dod rtsol spro bsdu med// shes rab thabs la snyoms 'jug pa// bde ba'i bsam gtan chen po yin// sgyu ma'i ro la ma chags par// chags med ye shes
93a2 rdzogs pa'i lam// zhes gsungs pa ltar ro// de ltar grub pa nyid kyis rang bzhin yongs su dag pa'i shes rab rdzogs pa chen po'i gnas lugs gang zhig ma rtogs par ni blo'i yul du dmigs pa'i sdom gsum
93a3 dang/pha rol tu phyin pa drug dang bskyed rdzogs sogs lam bden gyi rnam pa de dang des nyon mongs pa'i tshogs nyan rang gis spang/ byang sems kyis 'geg gsangs sngags kyis lam du sgyur ba sogs ci rigs
93a4 pa'i thabs rnams dran bsam rang rgyud pa'i rtog dpyod kyis bsgrubs pa'i dge rtsa 'du byas pa las ma 'das shing/dbu ma rgyan las/ ngo bo 'dus byas ma yin pa// 'ga' yang gang na yod ma yin/ zhes pa ltar
93a5 ro// gnas lugs kyi de nyid rtogs pa'i skabs thob pa nyid nas kyang 'og ma ltar dkar nag dge sdig gi spang blang la sogs spyod pa'i mtha' la zhen na ye shes kyi tshogs dam pa'i gegs dang gol sa chen por
93a6 bshad de/dkon brtsegs las/ de bzhin gshegs pa rnams kyi dgongs pa'i rnam grangs 'di la 'jug par bya'o// dge ba'am mi dge ba'i chos rnams la mngon par zhen par mi bya ste/ mi dge ba'i chos rnams
93b1 la mngon par zhen pas/mi dge ba'i chos rnams la mngon par zhen par 'gyur ro// dge ba'i chos rnam la mngon par zhen pas sdug bsngal dang/ yid mi bde ba'i chos rnams mngon par 'byung bar 'gyur ba
93b2 'di dag ni sdug bsngal 'phags pa'i bden par btags pas de bzhin gshegs pas mi dge ba'i chos kyi rnam grangs su bstan to// dge ba dang mi dge ba la mngon par zhen pa med pa dang/ sred pa 'gog pa
93b3 'di dag ni kun 'byung ba spang zhing 'phags pa'i bden pa gnyis po rtogs par bya ba'i phyir de bzhin gshegs pas dge ba'i chos kyi rnam grangs su bstan to// zhes so// yang de nyid las/ de la dge ba yang stong
93b4 la/mi dge ba yang stong/ dge ba yang rnam par dben la/ mi dge ba yang rnam par dben/ dge ba yang mi dge ba dang mi 'dre la/ mi dge ba yang dge ba dang mi 'dre zhing/ dge ba dang mi dge bar mngon par
93b5 zhen pa'i rgyu dang rkyen med do// zhes dang/ theg pa chen po'i sde snod ye shes dam pa'i mdo las/ byang chub sems dpa' ye shes tog gis gsol pa/ bsod dmas kyi tshogs gang lags/ bka' stsal pa/ sbyin pa
93b6 la sogs dkar po'i chos mtshan ma dang bcas pa'o// ye shes kyi tshogs gang lags/ shes rab la sogs mtshan ma med pa'o// gsol ba/ de gnyis ji ltar gsog par bgyi// bka' stsal pa/ bsod nams kyi
94a1 tshogs ni 'khor ba'i bsod nams kyi tshogs zhes bya la dper na ba lang gi rmig rjes kyi chu dang mtshungs so// de ci'i phyir zhe na/ myur du brlags pa/ zad pa/ 'bri ba/ lha ma'i bde ba myong nas slar
94a2 ngan song du 'khor bar byed pa yin no// ye shes kyi tshogs ni mya ngan las 'das pa'i tshogs zhes bya ste/ dper na rgya mtsho chen po'i chu lta bu/ mi brlag pa/ mi 'dzad pa/ mi bslu ba/ mya ngan las 'das pa thob
94a3 par byed pa'o// ye shes tog ye shes kyi tshogs kho na bsag par bya'o// zhes gsungs pa dang/ der ma zad sngags phyi nang gi de nyid bcu yang rnal ma'i don la sgrib byed kyi mtshan mar gyur pa ste/ kun byed las/
94a4 lta ba bsgom med dam tshig bsrung du med// sa la sbyang med lam la bgrod du med// phrin las rtsol med dbang la skur du med// sgo gsum rtsol med dkyil 'khor bskyed du med// rgyu 'bras gnyis med nam
94a5 mkha' lta bu'o// zhes dang/ 'phags pa 'jam dpal gyis kyang// de la dkyil 'khor sbyin sreg dang// gtor ma bzlas pa bgrang phreng dang// skyil mo krung dang stangs stabs sogs// spros bral rnam par bslu ba
94a6 ste// bya ba ma yin dgag pa'ang min// zhes dang/ bya ba rnams la rnal 'byor pa// lam chen dag tu yongs 'dzin pa// ri dwags smig rgyu snyegs pa ltar// rtag tu snang yang mi zin no// zhes dang/ kye rdo rje las/
94b1 bsgom med sgom pa po yang med// lha med sngags kyang yod ma yin// zhes dang/ thig le mnyam gnas kyi rgyud las/ bde ba chen po'i ngang gnas na// dam tshig med cing sdom pa'ang med// bya dang byed dang rtsol
94b2 ba med// nam mkha' lta bur 'grub par 'gyur// zhes dang/ mkha' 'gro ma gsang mdzod las kyang/ 'di ltar snang ba'i dngos po rnams// sgyu ma lha dang lha mor gnas// bsdom bya med cing sdom byed med// rtsa
94b3 dang rlung dang thig le med// stong pa nyid kyis 'grub par 'gyur// zhes dang/ khrus dang gtsang sbra 'dir mi dgos// dka' thub dka' spyad 'dir mi dgos// zhes dang/ sangs rgyas thams cad kyi yul la 'jug
94b4 pa ye shes snang ba rgyan gyi mdo las/kun dga' bo de ltar na de bzhin gshegs pas chos rnams rnam par byang ba'o// zhes bstan kyang gang yang rnam par byang ba med do// gang gis yang rnam par byang ba med
94b5 do// gang gis kyang rnams par byang ba med de// gang la yang rnam par byang ba med do// kun dga' bo chos kyi phyag rgya de ni chos thams cad kyi phyag rgya ste/ phyag rgya med pa yin no// ma byas pa'i phyag rgya yin
94b6 no// dbyer med pa'i phyag rgya yin no// kun dga' bo gang dag phyag rgya des btab pa de dang de dag ni byang chub sems dpa' sems dpa' chen po yin// rigs btsun pa yin/ mi yi seng ge yin/ spyod pa gcig
95a1 pa yin/bag tsha ba med pa yin/ sgra sgrogs pa yin/ gzhan mu stegs can dag skrag par byed pa yin/ bdud kyi sde 'dul bar byed pa yin/ gzhan mu stegs can dag ri sul gyi phug tu 'jug par
95a2 byed pa yin/dmigs pa can dag skrag par byed pa yin/ lhag pa'i nga rgyal can dag 'bigs par byed pa yin/ rdeg par byed pa yin/ sangs rgyas kyi sras bdud sun 'byin pa dag mngon par dga' bar byed
95a3 pa yin/chos nyid kyang rnam par 'byed par byed pa yin/ phyogs bcur chos kyi rgyal mtshan yang sgreng bar byed pa yin/ de dag ni chos kyi rnga rdung bar byed pa yin/ chos kyi bcud 'thung bar byed pa yin/ zhes pa
95a4 sogs kyis rgya cher bstan la/de la blo rgya chung ba dag gis bya ba dang spyod pa'i rgyud sogs rdo rje theg pa ma yin nam/ de dag las ni las dang bya bas 'grub par bstan la/ gzhan yang theg pa chen po'i mdo sde
95a5 rnams las/sbyin pa sogs bsod nams kyi tshogs thams cad mkhyen pa'i rgyu'i gtso bor gsungs pa dang 'gal lo zhe na/ de dag ni bde bar gshegs pas dgongs te gsungs pa/ byis pa blo dman pa dang
95a6 spros pa la dga' ba dang shin tu zab mo'i gnas la 'jigs pa rnams nye bar bzung ba'i phyir gsungs pa yin te/ji skad du de kho na nyid 'jug pa las// stong nyid lta bas grol 'gyur te// sgom pa lhag ma de
95b1 don yin// lus ngag yid kyi spyod pa kun// theg pa dman la bstan pa yin// zhes 'byung ba dang/ slob dpon klu sgrub kyis kyang/ de nyid tshol la thog mar ni// thams cad yod ces smra bar bya// don rnams
95b2 rtogs shing chags med pa// phyis ni rnam par dben don nyid// ces dang/ gzhan yang rdo rje gtsug tor las kyang// de kho nyid la mnyam gnas na// dam tshig med cing sngags spyad med// rdo rje dril bu gzung mi
95b3 dgos// de nyid bcu bral 'grub par 'gyur// zhes pa la sogs pa'i lung dang bcas slob dpon 'jam dpal grags pas rgya cher bshad la/ de dag gis ni 'khor 'das ro mnyam chen por gshis lugs su grol ba'i rang
95b4 grol rgya yan chen po dam tshig bsrung mtshams dang/tshig dang yi ge'i yul las 'das pa'i brjod med kyi de kho na nyid ma rtogs na bskyed rdzogs sogs yid dpyod kyi chos so cog gis mi grol
95b5 ba'i tshul gsal bar bstan zhing/de dang mtshungs par 'jam dpal sgyu 'phrul dra ba las kyang/ lag na rdo rje/ ngas sems can rnams kyi blo'i khyad par dang rigs kyi bye brag gis theg pa'i khyad par rnams
95b6 bstan te la la phyi rol pa'i tshul lo// la la nyan thos kyi theg pa'o// la la rang sangs rgyas kyi theg pa dang/ gzhan yang pha rol phyin pa'i theg pa dang/ rig pa 'dzin pa'i rgyud dpag tu med pa bstan kyang thig le
96a1 chen po yi ge med pa brda' dang bral bas gnyis su med par sangs rgyas par rig par bya'o// zhes rdo rje'i lung gis bsnyon du med pa'i sgra dbyangs sgrogs par mdzad do// gal te rdzogs pa chen
96a2 por/de ltar bstan pa nyid kyis lam 'og ma'i thabs kyi phyogs rnams spang bar yang mi 'grub ste/ rang byung gi ye shes rdzogs pa chen po'i de kho na nyid la rnam byang gi che ba'i yon tan rnams lhun grub tu
96a3 bzhugs shing sangs rgyas sku gsum rang chas su yod pas logs nas btsal zhing bsgrub mi dgos pa de nyid bla ma'i man ngag gis rtogs par gyur pa'i skabs nyid nas/dag mnyam chen po'i dkyil 'khor spros
96a4 pa med pa'i bdag nyid la lha dang sngags kyi rang bzhin kyang tshang zhing 'di nyid ma bcos pa ye ji bzhin pa'i ngang las ma g.yos par rtsol sgrub med pa kho nar bzhag pas 'grub cing de la sbyin sogs phar phyin
96a5 drug gi spyod pa'i phyogs kyang tshang bar 'gyur te/tshangs pa khyad par sems kyi zhus pa theg pa chen po'i mdo las/ mngon par 'du mi byed pa'i tshul gyis tshul khrims kyis mya ngan las 'das pa'o// skad cig pa'i
96a6 tshul gyis bzod pas mya ngan las 'das pa'o// blang ba dang dor ba med pa'i tshul gyis brtson 'grus kyis mya ngan las 'das pa'o// rnam par mi rtog pa'i tshul gyis bsam gtan gyis mya ngan las 'das
96b1 pa'o// thogs pa med pa'i tshul gyis shes rab kyis mya ngan las 'das pa'o// chos kyi dbyings 'dod chags dang bral bas na 'dod chags ni 'dod chags dang bral ba'i mtha'o// chos kyi dbyings la gtum pa
96b2 med pas zhe sdang ni yang dag pa'i mtha'o// chos rnams la rmongs pa med pa'i phyir gti mug ni gti mug med pa'i mtha'o// shi 'pho med pa dang skye ba med pa'i tshul gyis 'khor ba yang mya ngan las 'das
96b3 pa'o// mngon par chags pa med pa'i tshul gyis mya ngan las 'das pa yang 'khor ba'o// tha snyad du 'dogs pa'i lta bas bden pa yang brdzun pa'o// mngon pa'i nga rgyal can rnams la ni brdzun pa yang bden pa'o
96b4 zhes de ltar shes so// zhes dang/ shes rab kyis pha rol tu phyin pa stong phrag nyi shu lnga pa las/ de nyid las bla na med pa yang dag par rdzogs pa'i byang chub kyi bar du lhur len pa ma yin/ sangs rgyas kyi zhing
96b5 yongs su dag par bya ba lhur len pa ma yin/sems can yongs su smin par bya ba lhur len pa ma yin/ sangs rgyas blta ba lhur len pa ma yin/ dge ba'i rtsa ba bskyed pa lhur len pa ma yin no// de ci'i phyir zhe
96b6 na/rab 'byor de ni 'di ltar chos thams cad rang gi mtshan nyid kyis stong pa'i phyir/ byang chub sems dpa' sems dpa' chen pos gang la lhur blang ba bskyed pa dang/ gang gis bskyed pa dang/ gang la bskyed
97a1 par bya ba'i chos de lta bu gang yang yang dag par rjes su mi mthong ngo// zhes sogs rgya cher gsungs pa ltar bya ba thams cad dang bral ba'i gnas lugs de la lam bden gyi chos thams cad kyang
97a2 ma rtsol bzhin du chu brgya zam 'og tu 'du ba bzhin rang bzhin gyis tshang ba yin te/kun byed las/ don gyi snying po rnal ma byar med las// rnal 'byor chen po rnams kyis mthong ba ni// ye nas rang rgyud dag
97a3 pa'i dkyil 'khor la// rgyu las bdag nyid lha yi dkyil 'khor de// bsnyen sgrub yan lag bzhi yis rdzogs byas te// 'phro 'du bdag nyid lhun gyis grub par gnas// zhes dang/ gsang snying las/ phyogs bcu
97a4 dus bzhi gang nas kyang// rdzogs pa'i sangs rgyas rnyed mi 'gyur// sems nyid rdzogs pa'i sangs rgyas las// sangs rgyas gzhan du ma tshol cig/ btsal kyang rgyal bas mi rnyed do// zhes dang/ kun byed las/
97a5 sems ni ji bzhin pa yi dngos po ste// chos rnams thams cad de bzhin nyid du 'grub// ji bzhin pa la'ang 'chos par ma byed cig/ ngo bo nyid las gzhan du ma bsgrubs shig/ btsal ba rgyal bas dbyings nas
97a6 rnyed mi 'gyur// sngar byas zin pas da ni byed mi dgos// sngar bsgrubs zin pas da sgrub ma byed par// mi rtog cir mi dgongs la mnyam par zhog/ ces dang/ kye rdo rje las/ spros pa med pa'i rang bzhin
97b1 la// lha dang sngags ni rnam par gnas// zhes so// gzhan yang sngags dang/ phyag rgya dang/ dam tshig dang/ 'phro 'du sogs thams cad kyang dran mchog rgyal po reg pa'i chos nyid la rdzogs pa'i tshul dpal nA
97b2 ro pa'i de kho na nyid sgrub thabs las kyang/yi ge med pa snying po'i gsung// dam pa byang chub sems la gnas// rgyal po dam tshig ma bcos pa// bsrung ba med pa'i tshul gyis bsrung// 'gyur ba med pa'i phyag
97b3 rgya la// 'gyur ba med pa'i don gyis 'debs// mtha' dbus med pa'i dkyil 'khor la// ye shes 'du 'phro med par gsal// bsam bral rang bzhin rgyal ba'i thugs// byang chub sems las 'da' ba
97b4 med// ces dang/ de bzhin du rgyu'i theg pa'i spyod pa'i phyogs kyang tshang bar bstan te/ de nyid las/ de nyid snying po'i don ldan pas// 'dod pa'i tshogs la yid mi 'jug/ de bzhin pha rol phyin pa drug/ rang
97b5 byung rdzogs pa'i sems la gnas// bsam bral mi rtog dgongs pa la// de nyid pha rol phyin drug ldan// mi rtogs 'dzin med tshul la gnas// ma yengs rig pa rgyun mi 'chad/ med shes rab pha rol
97b6 phyin// zhes sogs gzhan dang gzhan du'ang rgya cher gsungs kyang 'dir de tsam mo// de ltar yin pa nyid kyis gnas lugs de bzhin nyid kyi lta ba'i gzhi 'di ni dmigs pa med pa'i ngo bo'i mi mthun phyogs rnam
98a1 rtog gis dben pa/yul gyi mi mthun phyogs mtshan ma'i snang bas dben pa/ yul can gyi mi mthun phyogs gti mug dang bral ba'i sgo nas 'khor ba'i sa bon drung nas 'byin pa dus gsum mnyam
98a2 pa nyid kyi lta ba zhes bya ba ste/ngo bo ni bsam brjod rgyu 'bras dang bcas pa'i rnam shes tshogs brgyad kyi rgyal khams las 'das shing rig pa'i chos nyid rang bzhin rdzogs pa chen po'i ye shes su gnas pa yin
98a3 te de skad du 'ang/slob dpon 'phags pas// 'jig rten pas ni gang spangs pa// de ni don dam yin par bshad// ces dang de'i 'grel pas/ phyin ci ma log pa de nyid/ 'jig rten tha mal pas gang la ma
98a4 rtogs par gang yin gyis bsam par ma gyur/yid kyis bsam gyis mi khyab pa// dbang po'i yul du ma gyur pa// ma rig pa'i ling tog gis mun pas ma mthong bas spangs pa/ dbang po shin tu rnon po 'phags
98a5 pa'i ye shes kyis mthong ba'i yul don dam pa'o// zhes gsungs pa ltar 'phags pa'i bden pa gzung 'dzin gnyis dang bral ba'i so so rang gi rig pa'i ye shes kyis nyams su myang bya dang/ don dam pa'i bden
98a6 pa dang/yang dag pa'i mtha' dang/ stong pa nyid stong pa nyid dang/ chen po stong pa nyid sogs mtshan gyis bsnyad pa gang yin pa ste sangs rgyas rnams kyi chos kyi sku dang mtshungs ldan du yod pa'i ye shes kyi spyi
98b1 gzugs can gang zhig/'phags pa dkon mchog sprin gyi mdo las/ chos 'di ni yi ge thams cad las yang dag par 'das pa/ smra ba thams cad las yang dag par 'das pa/ tshig gi spyod yul thams cad
98b2 las yang dag par 'das pa/ngag gi lam thams cad las yang dag par 'das pa/ spros pa thams cad dang bral ba blang ba dang dor ba thams cad dang bral ba/ phye ba dang/ btsums pa thams cad dang bral ba/
98b3 rtog ge thams cad dang bral ba/ rtag par bya ba ma yin pa/ rtog ge'i spyod yul ma yin pa/ rtog ge'i spyod yul las yang dag par 'das pa// mtshan ma med pas mtshan ma dang bral ba/ mtshan ma'i spyod yul
98b4 las yang dag par 'das pa/byis pa'i spyod yul las yang dag par 'das pa/ bdud thams cad kyi yul las yang dag par 'das pa/ nyon mongs pa thams cad kyi spyod yul las yang dag par 'das pa/ rnam
98b5 par shes pa'i spyod yul las yang dag par 'das pa/gnas ma yin pa/ mi gnas pa/ zhi ba/ 'phags pa'i ye shes kyi spyod yul te/ de dag nyid kyi so so rang gis rig pa/ dri ma med pa/ ma gos pa dang/ rnam
98b6 par dag pa/gya nom pa/ mchog/ dam pa/ phul/ rtag pa/ brtan pa/ ther zug/ mi 'jig pa'i chos can te/ de bzhin gshegs pa rnams byung yang rung/ ma byung yang rung ste/ chos kyi dbyings 'di ni 'dug pa kho
99a1 na'o// zhes gsungs shing tshig thams rdzogs pa chen po'i gnas lugs gdod nas dag pa'i dngos don ji bzhin par bstan to/ de la rdzogs pa chen po zhes pa'i mtshan gyis bsnyad pa ni/ rang byung
99a2 gi ye shes rgya chad phyogs lhung med pa gang du theg pa mtha' dag gi brjod bya gang yin pa gcig gi ngo bor gnas shing rdzogs pas sam/rnam par byang ba'i chos thams cad blo'i 'dzin stangs kyis ched du ma dpyad
99a3 par rig pa'i chos nyid skad cig ma'i ngang du rdzogs pa'i phyir/kun byed las/ gcig rdzogs gnyis rdzogs sems la rdzogs// gcig rdzogs sems kyis byas par rdzogs// gnyis rdzogs phun sum tshogs
99a4 par rdzogs// kun rdzogs byang chub sems su rdzogs// zhes dang/ blo gros rgya mtshos zhus pa'i mdo las// gang dag chos tshul 'di dag rnam dag cing// rdzogs pa'i byang chub sems bstan kha lo bsgyur// de
99a5 dag byang chub sems mchog rnam dag ste// nyon mongs dri mas gzhar yang gos mi 'gyur// ji ste nam mkha' nyon mongs bya bar nus// de la rjes kyang bstan par nus srid kyi// rang bzhin 'od gsal rdzogs
99a6 pa'i byang chub sems// de ni nam yang nyon mongs byar mi nus// zhes gsungs pas/ rdzogs pa chen po chos nyid 'od gsal byang chub sems kyi rang bzhin ka dag gi mtshan nyid ma 'khrul bar bstan cing/ de
99b1 dang mtshungs par yongs su mya ngan las 'das pa'i mdo las kyang/gzhan yang yang dag pa zhes bya ba ni 'jig rten kyi dbu ma'o// rdzogs pa zhes bya ba ni mthar lam dbu ma la nan tan byas na nges pa bla na med
99b2 pa yang dag par rdzogs par shes pa'o// zhes gsungs pa 'dis snga ma ni rig shes kyis rjes dpags tshad mas bzhag pa dang/ phyi ma 'di blo'i yul ma yin pa'i phyir 'phags pa'i lam 'di nyid kyi dgongs par
99b3 don gyis gnas pa yin no// a ti yo ga zhes pa nges tshig gi dbang du na/ a ti ni shin tu ba'i don te/ mchog dang/ rab dang/ phul dang/ rtse mo dang/ yang snying du gyur pa'o// yo ga rnal 'byor te/ rnal
99b4 'byor thams cad kyi mthar thug pas na shin tu rnal 'byor ro// de nyid rdzogs rim thams cad kyi snying por gyur pas de'i bla na bgrod bya gzhan med la/ 'di nyid kyis shin tu zab cing brtag par dka' ba'i
99b5 nam mkha' lta bu'i skye ba med pa'i chos nyid bcar phog tu ston pas na chen po'i sgras bstan pa yin te/bcom ldan 'das kyis/ nam mkha' ltar bsam gyis mi khyab pa'i chos ston pa ni shin tu chen po'o// zhes
99b6 bka' stsal pa'ang 'di'i nges tshig la dgongs pa'o// gzhan yang rang byung gi rig pa nyid la 'khor 'das kyi chos mtha' dag rdzogs pa'i tshul nA ro pas kyang/ ma bcos rig pa'i ting 'dzin gsal// bya ba med
100a1 bzhin don kun rdzogs// rang byung gnyug ma kun gyi gzhi// bgrod med rnal 'byor lhun grub lam// ji bzhin kun rdzogs 'bras bu nyid// thig le bya bral rdzogs pa'i gter// bde ba'i ye shes
100a2 mi rtog thugs// skal ldan dang po nyid nas rdzogs// 'gro drug 'khor ba'i rtogs pa dang// rgyal ba'i ye shes mya ngan 'das// bde chen rig pa gcig gi ngang// rang byung ji bzhin ma bcos pa// lhun rdzogs
100a3 spros pa med pa'i ngang// zhes so// gzhan yang 'phags pa 'jam dpal dbyangs kyi zhal gyi lung slob dpon ye shes zhabs kyis bsdus pa las kyang/ rdzogs pa chen po ye shes spyi yi gzugs// yongs su dag sku
100a4 rdo rje 'chang chen po// dpal ldan kun gyi ngo bo rim gnyis 'dis// sdug bsngal lam bcas bskal pa gsum du yang// rang gi rjes mthun byang chub bla dang bcas// thob nas de bde cung tsam rab tshogs
100a5 pa// rnal 'byor de yis ci phyir de mi bsgom// zhes dang/ de'i 'grel par/ rdzogs pa chen po zhes pa ni rim pa gnyis pa'i rim pa gnyis pa'o// de'i ye shes ni me long lta bu la sogs pa lnga'i 'o// spyi gzugs
100a6 zhes pa ni de rnams kyi shin tu rnam par dag pa'i yongs su dag pa ste/de bas na yongs su dag pa'i sku zhes te/ ji bzhin pa'i 'bras bu'i sku yin pas na de skad de/ de nyid la rdo rje 'chang chen por zhes
100b1 so// dpal ldan kun zhes pa ni/ rang gi shes rab dang ldan pas na sangs rgyas thams cad la bya'o// de nyid de thams cad kyi don dam pa dang kun rdzob kyi ngo bo'o// de nyid la rim pa gnyis 'di zhes te rdzogs
100b2 pa'i rim pa de kho na zhes so// lam ring ba rnams kyi thabs che ba 'di bsgom par gsungs pa/ sdug bsngal zhes pa la sogs pa'o// sdug bsngal zhes pa ni mgo spyin pa la sogs pa'i sgo nas lam rnams la
100b3 bskal pa gsum du yang gsung te/dad pas spyod pa dang/ dang po nas bdun pa dang/ brgyad pa nas bcu pa'i bar du grangs med pa'i bskal ba rang gi rjes su mthun pa'i byang chub thob kyang de'i gong na bla na
100b4 med pa'i sangs rgyas rdo rje 'chang chen po yod pas na bla dang bcas zhes so// de'i bde ba ni bde ba chen po'i sbyor ba la ltos na/ cung zad tsam ste de la rab tu chags pa'i rnal 'byor pa de yis 'di lta bu dpal
100b5 dang ldan pa kun nas bkra shis pa 'di/tshe gcig gis 'grub pa'i lam 'di ci'i phyir mi bsgom ste bsgom par bya ba kho na'o// zhes bi ta pa des legs par bshad do// de bzhin nyid kyi chos nyid zab mo'i
100b6 gnas lugs ni tshad ma dang rtog ge'i rig shes ltar snang gis rtogs bya'i yul du mi gnas pa'i tshul yang/'phags pa dgongs pa nges 'grel las/ so so rang rig ye shes spyod yul ba// brjod du med cing tha
101a1 snyad yongs chad pa// rtsod dang bral ba don dam chos yin te// de ni rtog ge kun las 'das mtshan nyid// ces dang/ lang kar gshegs pa las/ byis pa ngan pa rtog ge pa// ro dang 'dra bas de
101a2 ltar brtag/ces gsungs pa bzhin no// gang dag rtog ge'i bsam byung gi shes rab ni sgra tshig tha snyad dang mtshan ma'i chos kyi rjes su rnam par rtog pa'i sems dang sems byung gis kun tu bskyed pa'i/
101a3 phyogs chos dang/ mtshan mtshon dang/ rdzas ldog dang/ 'gal khyab sogs kyi rtog pas btags pas chos thams cad rang bzhin med pa dang/ rnam rig med pa dang/ dngos po med pa dang/ kun gzhi med pa la
101a4 sogs stong pa nyid du blos bzhag cing rjes su dpag par byed pa ni byis pa'i skye bo dag gi rtog pa'i phreng ba tsam du slob dpon 'phags pa nyid kyi zhal gyi bzhes shing/ji skad du slob dpon nyid kyis// skye ba
101a5 dang ni 'gag pa la// rkyen ni rtog pa gcig pu yin// rnam rig tsam du 'byung ba ni// dngos po'i rang bzhin yod ma yin// rtog par gyur pa'i rtog ge pa// btags pa tsam du bsgom pa na// rang bzhin med cing
101a6 rnam rig med// dngos po med cing kun gzhi med// 'di dag byis pas rab tu btags// rtog ge ngan pas kun tu bskyed// ces gsungs pas so// de lta bas na don dam pa'i bden pa ni spros pa nye bar zhi ba/
101b1 mtshan ma'i chos dang bral ba/ tshig dang tha snyad kyi lam du mi gnas pa/ kun tu rtog pa'i rjes su 'brang ma myong pas na rtog dpyod dang rjes dpags kyi yul dang shin tu 'gal ba can yin la/ de nyid kyi phyir
101b2 gnas tshul de lta bu'i ye shes de nyid la mnyam par bzhag pa'i gnas skabs gshis la bya rtsol dang bral ba'i grub mtha'i 'jog lugs 'di ma shes na rtog dpyod kyi thos pa thams cad ni tshig gi spun pa/bsam pa dang go ba ni rnam rtog gi yo lang bsgom pa ni der 'dzin/
101b3 myong ba ni 'ol tshod du song bas blo'i ngo la 'thad 'thad 'dra ba ji ltar shar ru gnas lugs zab mo'i phyogs nye tsam du phyin par yang shin tu
101b4 dka' ste/'di ltar sangs rgyas kyi snying po'i mdo las/ gang so so'i skye bo dang/ nyan thos dang/ rang sangs rgyas dang/ byang chub sems dpa' rnams kyis kyang ji lta ba bzhin du sangs rgyas kyi snying po mthong ba
101b5 ma yin no// dper na dmus longs zhig gis gzhan la mar gyi kha dog dris pas/ kha ba 'dra'o zhes smras pa dang des kha ba la reg pas mar gyi kha dog grang mor 'dzin to// dris pa/ kha ba'i kha dog ci 'dra/ smras
101b6 pa/ngang pa'i gshog pa 'dra'o// ngang pa'i gshog sgra thos pas kha ba'i kha dog 'ur 'ur bor 'dzin to// dris pa/ gshog pa'i kha dog ci 'dra/ dung dang 'dra'o// dung la reg pas 'jam bor 'dug pas/ de yang
102a1 'jam por 'dzin to// ji ltar smras kyang dmus long gis kha dog ji lta ba bzhin mi shes pa de ltar sangs rgyas kyi rang bzhin mthong bar yang rab tu dka'o// zhes bka' stsal zhing/ de bzhin du
102a2 'phags pa 'jam dpal gyis de kho na nyid sgrub pa'i thabs zhal gyi lung du yang/de 'dra'i rab mchog ye shes ni// so so skye bos ga la shes// nyan thos rnams kyis mi shes so// rang sangs rgyas kyis kyang mi
102a3 shes// rnal 'byor spyod dang dbu ma pa// byang chub sems dpas mi shes so// bla bcas sangs rgyas kun gyis kyang// 'di ni cung zad mi shes so// zhes sogs rgyal ba sras dang bcas pas rgya cher bstan la/ de
102a4 ltar rtogs par dka' ba yang 'bad rtsol dang/zhe 'dod dang/ rtog dpyod dang/ rgyu 'bras su dmigs pa'i rtog pa 'ba' zhig pa'i sems dang sems las byung ba'i nyer len spros pa'i mtshan ma sna tshogs pa lta
102a5 ba'i yul dang yul can du bzung ba'i re dogs kyis dbyen bcos shing bsgribs par gyur la/'dir ni rdzogs pa chen po'i spyi'i lam du bcing grol med pa'i gnas lugs gshis kyi bzhugs tshul gtan la
102a6 phebs pa'i ngang de las ma g.yos par mnyam par bzhag pas spros pa thams cad rang gi dbyings su zhi ba las bya ba thams cad dang bral ba'i blo 'das chen po'i ngang la rang gnas rgyun bzhag tu skyong ba las
102b1 bzo mi 'chos/rtsal snang glo bur gyi dri ma mtha' dag kyang rang rig ye stong 'pho 'gyur med pa'i klong du chu dang rlab bzhin spang gnyen du ma grub par rang sangs/ rang dngas/ rang grol du 'gyur ba tsam las/
102b2 gzhan du mi btsal/ ched du mi bsgom/ gcig tu mi gnas/ blos mi gzhag/ rnam par mi rtog/ skyon du mi 'dzin/ phyir mi bsal/ nang du mi bsgrub par rang bab rang lugs su 'jog pa tsam la bsgom pa mnyam gzhag gi tha
102b3 snyad btags pa ste/de nyid kyi phyir ngo bo bsam brjod dang bral bas stong pa nyid/ rnam par rtog pa dang bral bas mtshan ma med pa/ blang dor re dogs dang bral bas smon pa med pa/ dus gsum du dmigs pa mi
102b4 'jug pa'i phyir 'khor gsum yongs su chad pa'i mtshan nyid du rang bzhin gyis gnas pa yin te/byang chub sems dpa'i sde snod las/ de la 'khor gsum yongs su chad pa gang zhe na/ gang 'das pa la sems mi 'jug pa dang/
102b5 ma 'ongs pa la rnam par shes pa rjes su mi 'jug pa dang/ da ltar byung ba la yid la byed pa mi 'jug pa ste/ de sems dang/ yid dang/ rnam par shes pa la mi gnas pas 'das pa la mi rtog/ ma 'ongs pa la rlom sems su mi
102b6 byed/da ltar byung ba la spros par mi byed/ 'di ni dus gsum mnyam pa nyid 'khor gsum yongs su dag pa yin na sems can rnams kyis khong du ma chud pas de
103a1 khong du chud par bya'o/zhes sems can rnams la de bzhin gshegs pa'i snying rje chen po 'jug go/ zhes dang/ tshangs pa khyad par sems kyis zhus pa'i mdo las/ chos thams cad sngon gyi mtha'
103a2 nas yongs su dag pa'o// chos thams cad phyi ma'i mtha' nas yongs su dag pa'o// chos thams cad da ltar byung ba'i mtha' nas yongs su dag pa ste/ 'di ni dus gsum yongs su dag pa zhes bya'o// gang yongs
103a3 su dag pa 'di ni nam du yang yongs su ma dag par mi 'gyur te/yongs su dag pa gang gis rang bzhin yongs su dag pa 'di ni shin tu yongs su dag pa ste/ de'i phyir chos thams cad rang bzhin gyis 'od gsal
103a4 ba zhes bya'o// chos thams cad kyi rang bzhin de gang zhe na/ chos thams cad ni stong pa nyid kyi rang bzhin can te dmigs pa dang bral ba'o// chos thams cad ni mtshan ma med pa'i rang bzhin te rtog pa dang rnam
103a5 par rtog pa dang bral ba'o// chos thams cad ni smon pa med pa'i rang bzhin can te/ blang ba med pa/ dor ba med pa/ bsam pa med pa/ nus pa med pa shin tu ngo bo nyid dang bral ba yin te/ de ni rang bzhin
103a6 gyis 'od gsal ba'o// 'khor ba'i rang bzhin gang yin pa de mya ngan las 'das pa'i rang bzhin yin no// mya ngan las 'das pa'i rang bzhin gang yin pa de chos thams cad kyi rang bzhin yin te/ de'i phyir
103b1 sems rang bzhin gyis 'od gsal ba zhes bya'o// zhes dang/ kun byed rgyal po las/ ngang la gnas pas g.yo med lhun gyis grub// rang bzhin gnas pas sus kyang bcos su med// ma bcos ji bzhin pa ru
103b2 gnas pa de// bya ba med pa las kyi mchog tu bstan// gcig la gnyis su bltas pas bsgom pa nor// ngo bo gcig la gnyis kyis theb pa med// ces dang/ mngon rtogs rgyan las/ 'di la bsal bya ci yang
103b3 med// gzhag par bya ba'ang cung zad med// yang dag nyid la yang dag blta// yang dag mthong na rnam par grol/ zhes dang/ slob dpon nA ro ta pas kyang// 'dzin pa'i cha la gang gnas kyang// 'khor ba'i
103b4 'bras bu nyid du 'gyur// rang 'dod don gyis mthar mi phyin// ye shes gsang ba bde ba'i sa// 'dod pas mi 'grub thob pa med// 'dod med rang bzhin nyid las 'byung// shes pa rang lugs so ma
103b5 nyid// kun bzang rgyal ba'i dgongs pa'o// zhes dang/ dam pa'i don la gang 'jug pa// nges pa'i gdam ngag zab mo yis// btsal med rang bzhag btsal ba dang/ mi bsgom rang lugs
103b6 bsgom pa dang// mi gnas tshul la 'dug pa dang// gzhag med mnyam gzhag rang byung bde// mi rtog don la gyi na pa// dge mi dge yi rnam rtog bral// byang chub sems kyi mtshan nyid do// zhes sogs rgya cher
104a1 gsungs shing/slob dpon klu'i dbu ma las kyang/ grub pa med pa'i chos rnams la// gnyis dang gsum sogs ga la srid// snang sems khas len spros dang bral// chos nyid blo 'das bsgom du
104a2 med// ces blo 'das chen po bsgom du med pa'i don gsal bar bstan cing/ gzhan yang slob dpon klu'i byang chub kyis kyang/ a ti'i rnal 'byor rig pa med// ji ltar bzhag pa de ltar yin// gnyis med
104a3 sems la rtag lta dang// chad par 'gyur ba ma yin no// zhes gshis lugs rang bab tu bzhag pa nyid kyis 'grub par bstan pa lta bu'o// de ltar bzhag pas blo 'das 'phags pa'i ye shes bsal bzhag med
104a4 pa'i de kho na nyid rang rig mngon sum du rdzogs par gtan la phebs shing/rtogs pa'i gnas skabs der de bzhin gshegs pas legs par gsungs pa'i chos kyi sgo thams cad der 'du zhing gnas pa'i tshul
104a5 yang/zla ba sgron ma'i mdo las/ 'jig rten khams ni stong dag tu// ngas ni mdo sde gang bshad pa// tshig 'bru tha dad don gcig ste// thams cad brjod par nus ma yin// tshig gcig rnam par bsgom na
104a6 ni// de dag thams cad bsgom par 'gyur// ji snyed sangs rgyas thams cad kyis// chos rnams mang po rab bshad pa// chos rnams thams cad stong pa nyid// mi gang don la mkhas pa dag/ tshig 'di bslab par
104b1 gyur pa na// sangs rgyas chos ni dkon ma yin// zhes so// de la dbang po'i rim pas grub mtha'i 'jal lugs gsum du byung ste/ bkod pa chen po las/ 'on kyang nga 'das 'og dag tu// 'di ltar rnam par snang
104b2 bar 'gyur// yid can rnams la sems kyi sde// nam mkha' can la klong gi sde// rim rtsol bral ba man ngag sde// zhes pas 'di ltar chos thams cad sems nyid las gud na med pas spang bya'i mtha' las grol
104b3 ba sems kyi sde/chos can thams cad chos nyid kun tu bzang mo'i klong du 'ub chub pas gnyen po'i mtha' las grol ba bya bral klong gi sde/ don rang gi mtshan nyid yin lugs ltar gtan la 'bebs pas spang
104b4 gnyen gnyis ka'i mtha' las grol ba zab pa man ngag gi sde gsum mo// dang po ni/ theg pa'i rim pa dang/ bden pa gnyis dang/ phar phyin drug dang/ rim pa gnyis sogs la der 'dzin gyi 'du shes dam
104b5 pos dkris pa'i zag pa dang bcas pa'i lam bden 'du byas pa gang zhig dag mnyam chen po'i ye shes gnyug ma'i byang chub sems kyi rang bzhin chos dbyings spros pa dang bral ba don dam bden pa'i gshis de
104b6 nyid rgyu 'bras dge sdig blang dor gyi cha las rnam par grol ba'i dbyings chen por la bzla ba sems kyi sde'i grub mtha' ste/mdor na gzung 'dzin gnyis snang gi chos thams cad las 'das pa'o// de'i tshul ni/
105a1 kun byed las/ sems nyid byang chub sems kyi ngo bo la// lta ba sgom med spyod pa spyad du med/ 'bras bu bsgrub med sa la bgrod du med// dkyil 'khor bskyed med bzlas brjod rdzogs rim med/
105a2 dbang la bskur med dam tshig bsrung du med// ye nas lhun grub dag pa'i chos nyid la// glo bur rim rtsol rgyu 'bras chos las 'das// zhes dang/ yo ga shin tu rnal 'byor rdzogs chen la// rgyu dang 'bras bu
105a3 yod zer smra byed na// de ni rdzogs chen rtogs pa'i don mi ldan// don dam kun rdzob gnyis su smra byed na// sgro dang skur ba gdab pa'i tshig yin te// de yis gnyis su med par rtogs pa med// dus gsum
105a4 sangs rgyas rnams kyis rtogs pa yang// gnyis su ma mthong rnam gzhag gcig tu rtogs// zhes dang/ 'phags pa kun rdzob dang don dam pa'i bden pa bstan pa'i mdo las/ 'jam dpal gyis smras pa/ lha'i
105a5 bu don dam par na de bzhin nyid dang/chos kyi dbyings dang/ shin tu mi skye ba gang dang mnyam pa/ don dam par na mtshams med pa lnga po dag kyang nga dang mnyam mo// don dam par na de bzhin nyid dang/ chos
105a6 kyi dbyings dang/shin tu mi skye ba gang dang mnyam pa/ don dam par na lta bar gyur pa rnams kyang de dang mnyam mo// zhes dang/ de ltar bstan pas zab mo'i gnas la blta ba'i blo gros kyi spyan phra ba 'ga' zhig
105b1 gis rdzogs chen gyis thabs kyi cha yal bar dor bas las rgyu 'bras la bskur par btab bo// zhes nan gyis 'gog par byas so// zab mo'i gnas la byis pa'i blo gros skrag pa skye ba bden kyang chos 'di bas
105b2 rnam shes rtog pa'i yul las 'das pa'i ye shes kyi rgyal khams don dam pa'i bden pa chos kyi dbyings 'dus ma byas su smra ba gang zhig/khams gsum dang dkar nag las kyi cha 'du byas pa'i khams su mi
105b3 gnas shing de las yongs su grol ba'i bdag nyid can du 'dod pa'i phyir rgyu rkyen gyis ma bskyed pa sngar gyi lung rnams kyis kyang rtogs par nus la/gal te der 'dod na/ slob dpon klu sgrub kyi dbu ma rtsa shes
105b4 las/las dang nyon mongs rnam rtog las// de dag spros las spros pa ni// stong pa nyid kyis 'gag par 'gyur// zhes/ las dkar nag gi rgyu 'bras thams cad rnam rtog gi mtshan ma tsam las byung bar gsungs
105b5 nas de dag thams cad spros pa dang bral ba'i stong pa nyid kyis zhi bar gsungs shing/de nye bar zhi ba'i tshul yang/ gzhan las shes min zhi ba dang/ spros pa rnams kyis ma spros pa// de ni de nyid mtshan nyid
105b6 do// zhes dang/ yang de nyid las/ nyon mongs las dang lus rnams dang// byed pa po dang 'bras bu dag/ dri za'i grong dang smig rgyu dang// mig yor chu zla ji bzhin no// zhes dang/ de nyid kyi dbu ma srid pa 'pho
106a1 ba las/cir yang mi rtog stong pa ste// yid la mi byed skye 'chi med// snang ba sgyu ma dge sdig bral// stong dang snying rje 'khor 'das stong// sgyu ma gsal stong brjod med kyi// chos nyid gsal dngos rtog
106a2 pa med// ces sogs don dam bden pa'i chos nyid rtogs pa'i ngo na 'dus byas pa'i dkar nag gi las thams cad kyis 'ching grol med par bzang ngan ro mnyam chen por rtogs pa sngar smos pa ltar chos thams
106a3 cad kyi rang bzhin smon pa med pa'i mtshan nyid can du la bzla ba'i chos nyid drang thad du ston pa'i skabs te/'di ltar byang chub sems dpa'i spyod pa dam pa las/ rin chen byin gyis smras pa/ 'di skad ces smra bar bya
106a4 ste/'dod chags ma spangs shig/ zhe sdang ma gzhil cig/ gti mug ma bsal cig/ rang gi lus las gyen du ma bskyod cig/ mi dge ba spyod cig/ lta ba tshar ma gcod cig/ kun tu sbyor ba rnams ma ston cig/ phung
106a5 po rnams yongs su zung zhig/khams rnams ril por gyis shig/ skye mched rnams la spyod cig/ byis pa'i sa las 'da' bar ma byed cig/ mi dge ba la rtogs shig/ dge ba la spongs shig/ sangs rgyas yid la ma
106a6 byed cig/chos ma sems shig/ dge 'dun la ni mchod pa ma byed cig/ bslab pa dag yang dag par ma len cig/ srid pa nye bar zhi ba don du ma gnyer cig/ chu bo las ma brgal cig/ ces gdams ngag de lta
106b1 bus las dang po pa'i byang chub sems dpa' la gdams par bya'o// rjes su bstan par bya'o// de ci'i phyir zhe na/ chos rnams kyi chos gnas pa 'di ni gnas pa kho na yin pa'i phyir ro// zhes gsungs pa dang/ de
106b2 bzhin du dpal gsang ba 'dus pa las kyang/sems can sangs rgyas mi mnyam mnyam// bsgrub bya su yin sgrub po gang// sgrub pa'i dbang po bdag nyid che// sangs rgyas thams cad gsod pa yin// ji ltar sdig
106b3 pas gos mi 'gyur// gal te gos gyur 'bras bu gang// zhes dang/ yang de nyid las/ dngos rnams thams cad sgyu ma bzhin// skye dang sdud par mdzad pa po// des na de yi sdig mi 'gyur// bsod nams dag kyang de
106b4 bzhin no// gang la sdig dang bsod nams med// de ni byang chub yin par gsungs// zhes pa la sogs pas rgyas par bstan pa de rnams kyis kyang thabs kyi cha yal bar 'dor bar 'gyur ram/ 'on kyang gnas
106b5 lugs de nyid ma rtogs shing rmi lam lta bu'i chos la bden par 'du shes pa rnams la rmi lam lta bu'i rgyu 'bras smin pa chos nyid de/dbu ma las/ yul can sgyu ma tsam nyid du// sgyu ma'i sems dang ldan pa la// bsod
106b6 nams dang ni sdig pa 'byung// de phyir rmi lam lta bur rdzun// zhes gsungs pas so// sems kyi sde la dbye na bdun te/ dang po 'bras bu sems kyi byung sar 'dod pa'i sems phyogs pa ni/ 'bras bu gdod ma'i
107a1 dbyings la 'gyur ba med pas sems la 'pho 'gyur med pa'i ngang las grol gzhi'i lhun grub kyi snang cha las 'khor ba ltar shar kyang ngang las ma g.yos pas ma dag rang mtshan gyis stong la/snang ba'i
107a2 cha nas dbyings las byung zhing dbyings la gnas/dbyings su thim pa nam mkha'i cho 'phrul bzhin te ye grol rang bzhag 'bad rtsol med par la bzla ba'o// gnyis pa gol sgrib la bzla ba ni/ a nu man chad kyi rim
107a3 pa brgyad po rnams ni blos btags pas gzhi las gol ba yin la/'dir ni rang byung gi ye shes blo dang bral bas rgyu rkyen la bzla bas chos nyid ye stong chen po dran bsam phyogs 'dzin byung tshor sogs las 'das
107a4 pa'i gshis su ma bsgribs pa'o// gsum pa gtan tshigs khung rdib pa ni/ gzhi sems nyid spros bral chen po la bcos su med pa'i don rtogs pas ngo bo skye med du grol/ rtsal 'gag med rgya yan chen por phyam gdal
107a5 bas bag chags kyis rten med pas rnam smin dkar nag gnyis ma grub pas chos nyid ye stong/rang sangs/ mtha' grol chen po'i gtan tshigs kyis 'khor 'das mnyam pa nyid du grol bar 'dod pa'o// bzhi pa rgya
107a6 chad phyogs lhung med par 'dod pa ni/sems nyid rang byung gi ye shes kyis 'khor 'das kun la khyab kyang/ snang ba dngos por rgya ma chad/ stong pa dngos med du rgya ma chad/ gnyis ka ma yin pas zung 'jug gi
107b1 phyogs su'ang ma lhungs/ngo bo stong pas rtag pa'i mtha' las grol/ rtsal ma 'gags pas chad mtha' las grol bas bya bral bde sdug las 'das pa'i chos nyid do// lnga pa phyogs 'dzin grub mtha'i sa ni/ sems kyi
107b2 ngo bo gang du'ang mi gnas shing gang du'ang ma grub par cir yang snang la cir yang ma 'gags par 'char ba ste/sgyu 'phrul bla ma las/ cir yang med la cir yang snang// ma bskyed sgyu 'phrul sna tshogs snang// rgyal ba'i
107b3 dkyil 'khor sna tshogs kyang// sems kyi cho 'phrul chen po yin// zhes gsungs pa ltar shar yang mi dgag mi 'dzin mi rtog pa'o// drug pa blo bral phyogs 'dzin las 'das pa ni/ rang byung gi ye shes blo dang bral
107b4 bas ji ltar snang yang bden rdzun gang du'ang ma grub pas yod med mtha' grol chen po'i rol pa'o// bdun pa sems kyi phyogs yin tu smra ba ni/ 'di ltar snang ba thams cad sems kyi rol pa yin pas sna tshogs su
107b5 snang yang sems nyid ngo bo med pas snang ba sna tshogs kyang ngo bo med pa'i phyir dang/gang shar sems kyi rnam par 'dzin byed dang/ snang ba gzung bar byung ba gnyis ka'ang snang ba tha dad du snang yang/ yin gang yang
107b6 ma yin pa'i chos nyid rang byung gi ye shes su dbyer med pa'i phyir/rang rtsal lhun grub kyi gdangs las 'khor 'das gnyis su shar yang shar mkhan la ngo bo med pas shar sa rang grol du 'gro ba 'di'i khyad par gyi
108a1 chos te/kun byed las/ snang srid snod bcud sangs rgyas sems can kun// sems kyis byas shing sems kyi ngang du gcig/ ces so// de ltar sems kyi sde la rjod byed kyi rgyud sho lo ka 'bum phrag nyi
108a2 shu rtsa gnyis yod par gsungs pa bsdu na/chos nyid brjod du med pa'i klong dang/ lta ba min pa med pa'i klong dang/ spyod pa yin pa med pa'i klong gsum po la bam po drug stong sum brgyar gnas pa nyid bsdu na/
108a3 gnas pa gzhi thogs phebs pa'i 'phyong/ snang ba rang sar grol ba'i 'phyong/ ngo mnyam tha dad med pa'i 'phyong gsum du 'dus la/ chos nyid la 'chugs pa med pa'i gzer bu lnga bcu/ yul sems la lta ba'i gnas
108a4 lnga brgya bcu gcig/snang sems cig car du shan 'byed pa khri phrag gnyis/ lta ba thod rgal du la bzla ba lnga khri/ sgom yod rtog pa gcod pa'i gnad chig stong rnams mtshan thogs pa'i rgyud sde chen po stong dang gsum
108a5 bzhugs pa yin no// mdo 'gag tu dril na sems sde'i grub mtha' 'dis chos su ji ltar snang ba la chos nyid kyi phyag rgyas phar rgyas mi 'debs par chos can ji ltar snang ba thams cad chos nyid byang chub sems kyi
108a6 dbyings su rdzogs pas rtsal lam rol pa tsam du snang rig ngos bzung dang bral bar skyel ba ste/dpal nA ro ta pas kyang/ sna tshogs snang ba'i rang bzhin 'di// chos nyid yin par dbyer med pas// zung du 'jug
108b1 pa gang dgongs pa// gsal ba'i sems de nyid la ni// chos nyid ma yin bag mi snang// thams cad snang ba'i ngo bo 'di// ye shes snying po nyid du mthong// ngo bo nyid la brjod pa bral// zhes so// gnyis pa klong gi
108b2 sde'i ngo bo ni rang byung gi ye shes chos nyid kun tu bzang po'i klong yangs par chos can ji ltar snang ba thams cad rang snang bkod pa'i rgyan tsam las 'ching grol dang/shar bya shar byed du ma grub pas/ sems sde ltar
108b3 rtsal dang rol par snang bar mi bzhed cing/ltos grub dang/ yod med dang/ yin min dang/ dag ma dag gang du'ang mi dpyod par ye grol phyogs 'byams chen por gtan la phab pa 'di nyid kyi grub pa'i mtha'
108b4 'o// de yang slob dpon nA ro pa chen pos de kho na nyid sgrub pa'i thabs las/ rtsol bral rig pa mi rtog pa// ma bcos rang snang bde ba'i klong// ye shes lhun grub klong du shar// rang byung nam mkha' lta bur
108b5 khyab// rang snang rol pa byang chub sems// sgyu ma'i ye shes bde ba'i klong// rang rig ye shes 'dzin pa yin// rang byung sgyu mar mngon sum gsal// zhes so// de la dbye na// klong nag po rgyu med du smra ba/ klong khra bo
108b6 sna tshogs su smra ba/klong dkar po sems su smra ba/ klong rab 'byams rgyu 'bras la bzla ba'o// dang po klong nag po'i ngo bo ni/ rang byung gnyug ma'i ye shes de nyid 'gyur med rgyu dang rkyen las 'das pa'i rang bzhin
109a1 phyogs char med pas chos can dang chos nyid gnyis kar mi ltos par 'dod pa ste/de la dbye na/ mdzad pa klong nag/ thugs rjes klong nag/ sprul pa klong nag gi sde dang gsum mo/ gnyis pa klong khra
109a2 bo'i ngo bo ni/rang byung gi ye shes de nyid kyi rol par snang ba rnams/ yin sna tshogs rang shar du snang ba chos nyid kyi rgyan dang rol pa la/ min phyogs me kun khyab tu shar ba rol ba dgag sgrub las 'das par 'dod
109a3 pa'o// de la dbye na/ yod smra sems sde dang mthun pa'i klong khra bo dang/ med smra rang gnas dang mthun pa'i klong khra bo dang/ yod med man ngag dang mthun pa'i klong khra bo gsum mo// gsum pa klong dkar po sems
109a4 su smra ba'i ngo bo ni/rang byung rig pa'i ngang las phyi snang ba dang/ nang rig par shar ba thams cad sems kyi rol pa ste/ snang ba dang rkyen rang sar grol bas byar med rgyu nas dag ste gnas lugs la bsgrub tu med
109a5 par 'dod pa'o/de la dbye na/ brjod med rang shar chen po'i klong dkar po/ lta sgom gnyis su med pa'i klong dkar po gnyis so// bzhi pa klong rab 'byams rgyu 'bras la bzla ba'i ngo bo ni/ rang byung gi ye shes kyi
109a6 ngang las shar ba'i chos thams cad snang bar sems kyis shes la/mi snang bar gnas lugs kyis shes par 'dod do// de la'ang dbye na/ bya ba dang bral ba phyi'i rab 'byams/ grub mtha' rang gzhung smra ba nang gi
109b1 rab 'byams/gags bsal ba gsang ba'i rab 'byams/ gnad bkrol ba de kho na nyid kyi rab 'byams so// de dag kyang bsdu na/ rol pa/ rgyan/ chos nyid/ bya bral kyi klong bzhi las/ dang po ni/ sems nyid kyi
109b2 rol pa 'gag med tu shar ba'i ngang nas 'pho 'gyur med pas yin la/dngos med kyi rol pa mthar 'dzin du ma grub pas min/ phyogs yan nam mkha' dang 'dra ba'i dgongs pa'o// gnyis pa ni/ snang ba/ sems/
109b3 rang byung/ bcos bslad med pa bzhi rim pa bzhin ye nas rgyan du shar bas skye med kyi ngang las 'gag med du shar ba snang sems mi dgag/ mi bsgrub/ rang 'phros rang gsal chen po'i dgongs pa'o// gsum pa
109b4 ni/thams cad gang nas kyang ma 'ongs/ mi gnas/ mi 'gag/ chos nyid kyi ngang las de'i rol rtsal thams cad snang yang 'byung bzhi nam mkha'i dbyings las ma g.yos ltar/ chos nyid kyi ngang du phyam gdal bar
109b5 'dod do// bzhi pa ni/ gang la'ang 'bad rtsol gyis blang dor mi dgos te/ ma byas ye zan/ ma grol ye grol/ ma sbyangs ye dag/ ma bsgrubs ye grub tu gnas pas nam mkha' ltar 'dus ma byas kyi khams su gnas
109b6 pa'o// de ltar klong gi sde de rnams bsdu na dgur 'dus te/ lta ba 'pho 'gyur min pa'i klong/ bsgom pa yin med med pa'i klong/ 'bras bu re dogs med pa'i klong/ ngo bo grub gsal med pa'i klong/ rang bzhin ma
110a1 'gags pa'i klong/mtshan nyid la snang sems grol ba'i klong/ dbyings 'pho 'gyur med pa'i klong/ rol pa 'gag med rang shar gyi klong/ lhun mnyam ye grol cog bzhag gi klong dgu'o// de yang bsdu
110a2 na/lhun grub yangs pa chen po'i klong/ rang gsal bya rtsol med pa'i klong/ ma byas ye nas grub pa'i klong dang gsum du 'dus so// de dag gi tshul rgyas par ston pa'i rgyud stong phrag gsum gyi mtshan gyis bsdus pa
110a3 la/le'u chig khri chig stong/ sha lo ka 'bum phrag drug cu rtsa bzhi yod pa rnams kyang la bzla ba khri phrag brgyad du 'dus la/ de'ang shan 'byed khri phrag gnyis su 'du/ de yang gags dgu brgyar 'dus te/ gnad gnyis
110a4 stong gzer bu lnga bcu dang bcas pa thams cad kyang bsdu na/byas grol/ bzhag grol/ cer grol gsum du 'dus te/ mnga' bdag mai tri pas bsdebs pa'i do ha las/ mi rtog rtog med rtog dpyod yul las
110a5 'das// mi sems sems med bsam du ci yang med// rten dang rten med 'gro 'ong gnas dang bral// 'khor 'das bde sdug bde chen klong du sad// ma bcos yengs med rang bzhin lhug pa la// sems byung rgyun
110a6 chad 'od gsal 'gro 'ong bral// snang ba smrar med slob dpon su yang med// chos nyid rang gsal rig pa chos skur 'phrod// ces gsungs pas kyang 'di'i grub mtha' lhongs pa'o// gsum pa man ngag sde ni/ 'og
110b1 ma gnyis las khyad par du gyur pa ste/'di ltar sems sdes sems yin pas gsal ba las zab mo'i phyogs shas che bar bsgrubs kyang/ gsal ba'i rtsal chos nyid du ma rtogs pas yid dpyod du 'dzin par nye
110b2 zhing/klong sdes zab gsal mnyam par bsgrubs kyang chos nyid la 'dzin pa'i yid dpyod las stong phyogs kyi gol sar shor nye la/ man ngag sde ni/ ngo bo ka nas dag pa brjod bral blo 'das chen po'i gdangs rang
110b3 snang lhun grub kyi rang rtsal las chos can gyi snang ba thams cad chos nyid spros pa dang bral ba'i dbyings su sdud pa'i don gyis khyad par du 'phags pa ste/a ti bkod pa chen po las/ kye/ rdo rje 'dzin pa/ de ltar
110b4 gtan la ma phab na// yid dpyod 'dzin pa rnams dang ni// khyad par ci yang med par 'gyur// de phyir ngas gsang snying po 'di// mun pa las ni mar me'am// ba blang rnams las glang chen nam/ gcan gzan rnams
110b5 las seng ge'am// rkang thang rnams las rta ba bzhin// kun gyi nang nas khyad par 'phags// zhes so// ngo bo ni/ gdod ma nyid nas grol zhing ka nas dag pa'i chos nyid la nyi tshe ba'i blta bya'i yul dang/ lta byed kyi
110b6 shes pa gnyis su chad pas 'khrul ma 'khrul dang/rtogs ma rtogs su bsgrubs pa'i ltos gzhi dang/ ltos pa'i chos las log pas/ rang gi ngo bo spros bral gyi cha nas shes bya shes byed kyi yul yul can gnyis ka
111a1 yang dag pa ma yin par mnyam zhing tha snyad tsam du btags pa las/de 'dzin gyi bsam brjod las yang dag par 'das pa na/ blo dang/ yin snyam dang/ snyam byed dang/ yid dpyod las 'das pa'i
111a2 don gnad thog tu phebs pa'i me btsa' lta bu ste/rtsa ba shes rab las/ thams cad yang dag yang dag min// yang dag yang dag ma yin nyid// yang dag min min yang dag min// de ni sangs rgyas rjes bstan
111a3 pa'o// zhes gsungs shing/ 'jam dpal gyis/ rang bzhin gyis ni 'od gsal ba// gdod nas dag pa nam mkha' bzhin// med nas chos rnams mtshan nyid spangs// chos dang chos nyid yang med de// dngos po med
111a4 pa'i mkha' dang mtshungs// tshig dang yi ge kun las grol// zhes so// 'di las gzhan du lta bar 'dogs pa'i yul du dmigs pa de srid du yul can sems kyi 'dzin stangs spong bar mi nus shing/ de ma spangs pas
111a5 mi zad pa dang skye ba'i bdaganyid can du 'gyur bas srid pa'i rtsa ba 'byin par mi nus pa'i phyir/de nyid las/ rgyal ba rnams kyi stong nyid ni// lta kun nges par 'byin par gsungs// zhes gsungs pas so/ khyad
111a6 par gyi man ngag sde la dbye na/kha 'thor dang/ kha gtam dang/ rgyud rang gzhung du bstan pa dang gsum las/ dang po kha 'thor gyi ngo bo ni/ blo las 'das pa'i ye shes dbye bsal gzhan ltos med par skad cig nyid
111b1 la 'char ba'o// dbye na/ bzhag pa lam gyi mtha' gcod pa'i man ngag dang/ grol ba stobs dag pa lam mngon gyur gyi man ngag gnyis so// gnyis pa kha gtam gyi tshul du gsungs pa'i ngo bo blo bral ma 'khrul pa/
111b2 rang bzhin rnam rtog gi khungs rdib pa/ mtshan nyid ngos bzung dang bral ba'o// dbye na/ gleng pa yongs la bor ba'i kha gtam dang/ khar phog dus med pa'i kha gtam gnyis so// gsum pa/ rgyud rang gzhung du bstan
111b3 pa'i ngo bo bka' thams cad kyi byung sar gyur pa/rang bzhin 'khor 'das dang bral bas spang blang bya rtsol med/ chos nyid sgra dang tshig tu mi gnas pas stong nyid la rtsod pas mi reg pa'o// dbye na/ lta ba sgang dril ba
111b4 dang/gtar ga gegs sel ba dang/ gab pa mngon du phyung ba dang/ bshad pa rang gsal gyi tshul dang bzhi'o// 'di dag la'ang lta bsgom spyod gsum gyi gnad gab pa dang/ mngon du phyung ba dang/ drod tshad dang/
111b5 yul shes gnad la bor nas rig pa ther la 'byin pa'i gnad/ 'khrul pa gzhi la bzlog pa/ thig le gnad la dbab pa sogs zab la rgya che ba'i nang gses kyi dbye ba mang du yod kyang mdor bsdu na/ lus dang 'dra
111b6 ba phyir skor/mig dang 'dra ba nang skor/ snying dang 'dra ba gsang skor/ thams cad rdzogs pa dang 'dra ba yang gsang bla na med pa'i skor te bzhi'o// dang po phyir skor gyi ngo bo la nyon mongs ma grub pas dug lnga lam du
112a1 khyer/rang bzhin la rtsol sgrub med pas cir snang chos nyid du shar/ mtshan nyid la phyogs cha med pas stong nyid gang du'ang phye ba med pa'o// nang skor gyi ngo bo gzugs can las 'das pas mtshan ma
112a2 med pa'i chos nyid/rang bzhin 'gro 'ong med pas rtag pa rgyun gnas kyi ye shes so// mtshan nyid ni/ 'khor 'das gnyis ka la zug pas rtsa ba lta bu/ rang ngo tha dad du 'dril bas sdong po/ rtsal snang cir yang rgyas
112a3 pas yal ga/gsal cha mi 'gag pas me tog/ sna tshogs gcig tu smin pas 'bras bu lta bu'o// gsang skor gyi ngo bo sprad pa dang rtogs pa dus mnyam pas shes rab gsum la ma ltos/ rang bzhin dbugs chad pa
112a4 dang grol ba dang dum mnyam pas goms stobs la ma ltos/mtshan nyid ni sangs rgyas pa dang thugs rje 'byung ba dus mnyam pas rgyu tshogs gnyis la mi ltos pa'o// yang gsang bla na med pa ni/ ngo bo shes bya ma yin
112a5 pas shes byed la mi ltos/rang bzhin mngon sum mthong bas chos nyid yid dpyod du mi gnas/ mtshan nyid snang ba bzhis 'bras bu phyis dus la re ba mi 'cha' bar tshe 'di nyid kyis gdod ma'i gzhi dbyings su sbyor
112a6 ba'o// de lta bu'i tshul la rjod byed tshig gi rgyud khri khrag gnyis/ le'u stong phrag sum cu rtsa lnga/ sha lo ka 'bum phrag drug cu rtsa bzhi/ gnad stong phrag lnga/ 'phyong chen po brgyad/ gzer bu brgya dang brgyad cu// gags
112b1 stong phrag dgu brgya/shan 'byed khri phrag bdun/ la bzla ba 'bum phrag phyed dang gnyis sogs brjod bya dang brjod byed nam mkha'i mtha' dang mnyam par bka' stsal/ man ngag gi sde de gsum ka'ang klong gsum du
112b2 'du ste/rol pa 'gag pa med pa'i klong/ blo la ma grol ba med pa'i klong/ ngo bo la bzang ngan med pa'i klong gsum mo// man ngag gi snying po'ang/ gnad bkrol ba dang/ 'gag bsdam pa dang/ ngo sprad pa dang/
112b3 mngon sum rang gnad la dbab pa dang bzhi'o// de ltar bstan pa thams cad kyi snying por rdzogs pa chen po'i man ngag ste ba'i lags 'dis so so'i rang gi rig pa ni ye shes kyi nyams su myang bya'i yul yin la zag
112b4 pa dang bcas pa'i nyer bar len pa'i rnam shes tshogs brgyad po'i rang bzhin can gyi sems las 'das pa'i tshul ni/seng ge rtsal rdzogs las/ sems dang ye shes bag chags dngos ma yin// ye shes bag chags
112b5 kun dang bral gyur kyang// sems kyis sna tshogs bag chags sdud par byang// sems dang ye shes gnyis su ma phye na// snang ba yul gyi rtsa ba mi chod pas// rkyen bral chos nyid dag kyang rtogs par dka'// zhes dang/
112b6 na ro pa'i dekho na nyid sgrub pa'i thabs las kyang/ byang chub sems kyi rang rig 'di// bag chags 'khrul pa'i dbang gis na// brtags pas sna tshogs med bzhin 'grub// sems kyi bag chags phyir snang
113a1 yang// rig pa 'od gsal 'gyur ba med// ces dang/ rnam rtog sems kyi rgyu ba bral// rang rig 'od gsal 'dzin pa med// ces so// mdor na snang grag bsam yul du gnas so cog thams cad ni
113a2 sems kyis snang ba ste 'khor ba'i chos thams cad kyi rang gi mtshan nyid 'dzin pa'i sems te/'phags pa stong phrag brgya pa las kyang/ sems la sems ma mchis te sems kyi rang bzhin ni 'od gsal ba'o// zhes
113a3 'jig rten pa'i sems sems byung las 'das pa'i sems nyid kyi don du gsungs pa'ang snga ma dang don gcig go/gzhan yang 'phags pa dkon mchog brtsegs pa las/ sems dang yid dang rnam par shes pa dang
113a4 yang bral ba/ting nge 'dzin gyi gnas kyang mi 'dor pa ste/ 'di ni de bzhin gshegs pa'i thugs kyi gsang ba bsam gyi mi khyab pa yin no// zhes so// 'phags pa klu sgrub kyis kyang/ sems med pas na chos kyang
113a5 med// de ltar lus dang khams kyang med// de ltar gnyis med lam gyis ni// de nyid du ni rab tu bshad// ces pa la sogs rgya cher gsungs pa rnams kyang sems las 'das pa'i rig pa la dgongs pa yin la/ de
113a6 lta bu'i rig pa de nyid kyang thog ma med pa nas rang ngo la 'khor ba'i chos gang gis kyang ma gos pas srid pa'i nyer len gyi rgyu zad pas ye grol/gnyen po gang gis kyang ma bcos par gang shar thams cad sbrul
113b1 mdud rang zhig pa bzhin 'grol byed gzhan la ma ltos pa dang rang grol/tshogs brgyad kyi shes pa thams cad kyang yul yul can gnyis su med pa skad cig nyid la thog babs chen por rang bzhin gyis grol bas
113b2 cer grol/dus gsum dang shes bya gang du'ang mi gnas pas mtha' grol te/ de ltar grol lugs chen po bzhi'i ngang du gnas pa rang gi rig pa rang byung gi ye shes de nyid lam 'di nyid kyi khyad chos su nges par byas
113b3 nas/de tshul bzhin rtogs par bya ba la stong ngos ka dag gis rig pa spros bral du gyur pas stong pa'i chos zad par byed pa khregs chod dang/ snang ngos lhun grub kyis rdos bcas 'od gsal du dwangs pas snang ba'i
113b4 chos nyid zad par byed pa gnyis kyi dang po ni/theg pa'i mchog 'di'i dgongs pa rig pa'i ngo bo 'ching grol med pa'i gshis lugs ka nas dag pa'i ngo bo de nyid ma bcos pa rgya gang du'ang ma chad/ rang gi rang
113b5 bzhin la ngo bo 'di zhes gdags su med pas phyogs gang du'ang ma lhungs shing/rtog pa'i blo dang bral bas bsam brjod las 'das pa'i zang thal rjen pa'i rig pa de nyid stong pa nyid dang/ lam dus tshig dang yi ge
113b6 mi mtshon pas mtshan ma med pa dang/'bras bu'i ngos nas thob bya re dogs med pas smon pa med pa dang/ rig pa'i cha las byang chub kyi yon tan rnams rdzogs shing 'od gsal ba'i rang bzhin gyi rnam par thar pa
114a1 bzhi'i bdag nyid can gyi rig pa gang la lta bsgom spyod 'bras rtogs bcas rtogs med kyi shes pas bsdus pa'i chos rnams mi 'grub cing/bltas pas mi mthong/ bsgoms pas mi rtogs/ spyod pas
114a2 phan mi btags/'bras bu sgrub tu med la/ de med pas sa la sbyang ba dang/ lam la bgrod pa dang/ 'bras bu la dmigs pa dang/ de dang de'i rim pa'ang byar med pa ste/ dpal sa ra has kyang/ kye ma rgyu dang
114a3 'bras bu gnyis la ma lta zhig/dngos por skye ba'i rgyu dang 'bras bu yod yin te// re dang dogs pa'i sems kyis rnal 'byor sems myos na// lhan cig skyes pa'i ye shes gnad der 'ching bar 'gyur// kye ma rang
114a4 bzhin bral bas de nyid bsgom du yod ma zer// gal te bsgom par bya dang sgom byed gnyis rtogs na/ gnyis su 'dzin pa'i yid kyis byang chub tu sems na// skyes bu de yi rang gis rang la sdig pa byas// zhes
114a5 so// gnas tshul de lta bu blor ma chud pa kha cig gis rgyu bskyed rim sogs tshogs gnyis ma bsags na 'bras bu gzugs sku mi 'grub par 'dod pa sogs rdzogs rim zab mo rnams la skur pa gdab pa chos spang
114a6 gi las te/lam 'dis sangs rgyas rnams kyi mthar thug pa chos kyi sku yin na de ni thob la/ gzhan du gang dag nga la gzugs su mthong// gang dag nga la sgrar shes pa// log pa'i lam du zhugs pa yi// skye bo de dag
114b1 nga mi mthong// sangs rgyas rnams kyi chos kyi sku// zhes gsungs pas so// de'i phyir rdo rje snying po ka dag gi rig pa ni gdod ma'i chos kyi sku'i yin lugs ji lta ba la goms su 'jug pa ste/ spros pa'i sgrib byed las
114b2 grol ba nyi ma rang bzhin gyis gsal ba lta bu yin la/rim pa brgyad po'i nyer len sems kyi kun du rtog pa 'ba' zhig gis bskyed pa'i mtshan bcas kyi rim pa la brten pa sgrib byed gyis sgrib pa sbyangs nas gzod
114b3 nyi ma mthong bar 'dod pa lta bu'i khyad yod pas rang byung gi ye shes la rtog pa'i lta bsgom spyod 'bras kyis ma bcos par rang bzhag nyid du la zlo ba ste rig pa de nyid rgya yan/ma bcos/ mi 'chos/ mi bsgom/
114b4 mi yengs/ mi 'khrul/ rtog dpyod ma zhugs pa/ lhag ge/ rjen ne// lhod de bar rang bab tu bzhag pa tsam la lta ba dang bsgom pa'i bla dwags btags pa tsam ste/ rang shar las/ rig pa spros dang bral ba
114b5 la// 'khrul dang ma rig ga la yod// ye shes sems dang bral ba la// ma rig bag chags ga la yod// ces so// de ltar mnyam par bzhag pa nyid kyis rig pa ka dag chen po'i gshis ma bcos pa'i gnas lugs
114b6 bcar phog tu ngo 'phrod pa la gzung 'dzin gyis 'ching mi nus shing/de la bsgom bya sgom byed kyi slad mi gzhug pa'i tshul rdo rje'i gad mo chen po bcu gnyis sogs kyis legs par ston cing/ lam 'di nyid la goms
115a1 pa brtan par gyur pa na mthar gyis grol sa'i ka dag chen por sdud pa ni 'byung bzhi rags pa'i rdul phran ye shes kyi me stobs su gyur pas sbyangs te/cho 'phrul chen po dang bcas te thim par 'gyur la
115a2 gzhan don du 'gyur na rdul phran dengs pa de ring bsrel rnam bzhir sprul nas 'jog pa'ang yod la/rig pa ni chos sku'i dbyings su 'khyil nas sprul pa'i sku rgyun chad med pas 'gro don mdzad pa'o// gnyis pa lhun
115a3 grub kyi snang ba gtan la phab pa thod rgal gyi man ngag ni/de yang khregs chod kyis gzung yul 'khrul pa'i snang ba gzhi med rtsa bral gshis thog tu grol ba yin la/ 'dir ni khams gsum gyi snang cha de dag thams
115a4 cad rig pa'i rang gdangs 'od lnga'i thig le chen po'i 'od gsal du grol ba'i phyir 'og ma las khyad par du 'phags pa ste/thal 'gyur las 'di ni ngang yul bstan pa las// 'khor rkyen 'jug pa ma yin
115a5 par// zang ma nyid dang thal byung du// yul dang shes pa'i snang cha las// thad ka so so'i gzhi las grol// zhes dang/ dpal na ro pas kyang/ dngos po rang bzhin thams cad ni// chos kyi dbyings kyi thig le
115a6 yin// de nyid sgrub pa'i thabs su ni// snying po rig pa nyid shar bas// mtha' yi mun pa ngang gis dag/ sgrub med rang byung sgrub pa 'dis/ khams gsum 'od gsal thugs su sgrub// ces bshad pa 'dis dbyings
115b1 kyi snang ba dang/snying po rig pa rdo rje lu gu rgyud smin pa'i mthar chos nyid zad pa'i snang bas khams gsum phyi nang gi 'byung ba rnam 'od gsal du dengs pa'i lam mdor bstan cing/ de yang bca' ba lus kyi gnad
115b2 gsum/'khrid pa dbyings kyi gnad gsum/ snang ba yul gyi gnad gsum du bsdus te nyams su blangs pa las phyi ma 'di la sgron ma bzhir dbye na/ rgyangs zhag chu'i sgron ma/ rig pa dbyings kyi sgron ma/ thig le stong
115b3 pa'i sgron ma/shes rab rang byung gi sgron ma bzhi las dang po ni 'char byed kyi sgo ste/ rig cha'i gdangs phyi rol gyi lam la mthong ba'i phyir dang/ gnyis pa nang dbyings phyi ru gsal ba'i gdangs 'char gzhi/ gsum
115b4 pa 'char ba'i rnam pa rtsol byed kyi rten dang/bzhi pa ni dngas la yul med du 'char ba'i rig ngo lhag mthong gi gnas lugs ma nor ba ste de dag gi dbye ba'ang/ rang shar las/ nam mkha' stong pa'i dkyil 'khor
115b5 du// bcos med sgron ma rnam pa bzhi// ma 'gags pa yi don gyis gsal// rig pa dbyings kyi sgron ma ni// nam mkha' stong pa'i klong dkyil du// dbyings kyi rang bzhin 'od kyi sku// ma 'gags 'gag med rnam
115b6 par gsal// ye shes lnga ldan thugs kyi sku// lu gu rgyud kyi tshul du 'char// de yang 'gro dang 'ong ba dang// 'gul pa dang ni 'phrig pa'o// rig pa dbyings kyi sgron ma ru// bcug ste rig pa ma 'gul na// 'gyur med
116a1 rtogs pa'i rab tu bshad// shes rab rang byung sgron ma ni// sgro 'dogs thams cad gcod pa dang// thig le stong pa'i sgron ma ni// rtsol ba med par shar gyur na// rgyangs zhag chu yi sgron ma yis// de
116a2 la blta ba ma yengs na// mthar phyin bsgom pa'i tshad du gsungs// zhes pa ltar/ lhag mthong gi rig pa rdo rje lu gu rgyud la bltas pas goms pa'i rim pas snang ba bzhir 'byongs shing/ chos nyid mngon sum gyis
116a3 zhing khams kyi sgo phye/de las thig le sku ru smin du nye ba nyams gong 'phel sprul sku/ sku ru smin pa rig pa tshad phebs longs sku/ de nas snang ba thams cad thig le chen po gcig gi dkyil 'khor du dag nas blos
116a4 btags pa'i chos so cog thams cad zad cing chos nyid du 'dzin pa tsam yang zad pas chos sku'i snang ba mthong ste/thal 'gyur las/ chos nyid mngon sum mthong ba yis// yid dpyod 'dzin pa'i mtha' las
116a5 'das// nyams snang gong du 'phel ba yis// 'khrul ba'i snang ba nub pa dang// bar do'i ye shes mngon du byed// rig pa tshad phebs snang ba yis// sku gsum rtogs pa'i lam snang 'das// chos nyid zad pa'i snang
116a6 ba yis/khams gsum 'khor ba'i rgyun thag chad// ces gsungs pa bzhin no// thig le skur smin pa'i tshul 'di dang phyogs mtshungs tsam dus kyi 'khor lor yang gsungs pa yod de/ nam mkhar kun nas zhen pa'i
116b1 sems dang mig ni mi 'dzum rdo rje'i lam du rab tu zhugs pa yis// stong pa las ni du ba smig rgyu rab gsal dri ma med pa'i mkha' snang nyid dang mar me dang// 'bar ba dang ni zla ba nyi ma rdo rje rnams dang mchog gi cha
116b2 dang thig le mthong bar 'gyur// de yi dbus su sangs rgyas gzugs ni yul dang rnam par bral ba du ma longs spyod rdzogs pa'i sku// zhes gsungs so// 'di ltar gsang ba bla na med pa 'dir thog ma nas 'khor ba'i
116b3 sems las 'das pa'i rang byung gi rig pa nyid bcar phog tu lam du byed pa la mkhas pas myur du 'bras bu rang thog tu pheb pa'i gnad kyang de yin la/de ltar ma yin na nyams su len dus 'khor ba'i sems dang
116b4 sems byung las ma 'das pas 'bras bu 'khor ba nyid de rgyu 'bras mi bslu bar gcig pa'i phyir 'gal bar 'du ba'i skabs med la/khyad par mngon sum 'od gsal la blta ba'i rig pa skad cig ma de nyid ni
116b5 khams gsum pa'i sems sems byung kun gzhi dang bcas pa ldog pa ste/mngon sum la bltas pas nang kun rtog gi 'phro 'du med pas 'dod pa'i sems log/ gsal ba'i ngang la gsal bar 'jog byed gyi gnyen
116b6 po med pas gzugs kyi khams las log/rtog med rtse gcig la chos nyid kyi ngang du zhen pa'i blo med pas gzugs med kyi khams las log/ dwangs la rig pa'i phyir kun gzhi las log/ rang byung gi ye shes
117a1 su thag chod pas kun gzhi'i rnam shes las log/snang ba 'od gsal gyi yul las tha mal gyi rjes su snang ba med pas sgo lnga'i rnam shes las log/ de'i tshe dpyod byed kyi rtog pa dang chags sdang gi kun
117a2 rtog med pas yid shes dang nyon shes las log ste/mdor na khams gsum gyi sems dang sems byung thams cad las rnams par grol ba ni sangs rgyas kyi ye shes zhi ba nyid las gzhan ma yin pa'i mthar thug pa
117a3 ste/de'i phyir/ dkon mchog brtsegs pa chen po'i chos kyi rnam grangs las/ zhi ba'i blo gros/ de bzhin gshegs pa'i thugs kyi gsang ba 'di sems dang/ yid dang rnam par shes pa dang yang bral la/ ting nge 'dzin
117a4 gyi gnas kyang mi 'dor la/'di ni de bzhin gshegs pa rnams kyi thugs kyi gsang ba bsam gyis mi khyab pa'o// zhes gsungs pa'i phyir ro// gang dag sngags kyi grub mtha' rgyud sde 'og ma rnams su ro rkyang gi rlung
117a5 dbu mar tshud pas bde gsal mi rtog pa'i ye shes la lhan cig skyes pa'i ye shes su 'dod pa gang zhig/tshogs brgyad kyi rnam shes las ma log ste/ tshor ba bde ba ni yid dang nyon yid kyis rjes su bskyed cing/
117a6 sems rtog med kyi cha ni kun gzhi las gzhan du ma 'das shing/ rlung dang khams rnams ro rkyang gi lam nas dbu mar 'jug cing/ de'i rtsa mdud re re grol stobs kyis sa bcu'i spangs rtogs 'char bar 'dod pas
117b1 'gro drug gi rtsa 'dab tu rlung sems zhugs pas ma dag pa'i 'khrul snang 'char ba'i phyir gol ma gol kyi gnad kyang de yin la/'dir ni rlung rnams rang zhir 'jog pa las dbu mar 'jug pa sogs med cing rtsa
117b2 'dab so so'i rlung rang dag la song dus 'od kyi rtsa'i ye shes kyi rlung rang sa na rang gsal bas dag pa ye shes kyi snang ba sku dang/zhing khams dang 'od kyi rang bzhin las ma dag pa'i 'khrul snang 'char ba'i skabs
117b3 med cing dbu ma'i 'od kyi rtsa rnams 'phel bas/rtsa mdud kyi rnam pa rnams rim gyis 'od du yal ba'i yon tan las sa'i mngon rtogs rnams rang snang du 'char ro// de yang rtsa mdud dang po gnyis 'od du yal bas/
117b4 phyir snang 'od kyi nang du sangs rgyas kyi zhing khams brgya phrag 'char la/ de dag tu 'od zer 'gyed pa dang/ rang snang du 'dus pas bgrod pa dang/ lus 'gul bas zhing brgya g.yo ba dang/ nang du chos nyid mi rtog
117b5 pa'i ting nge 'dzin brgya la 'jug cing ldang ba la sogs 'byung ba'i phyir de dag gis mtshon pa'i lam gong ma rnams kyang theg pa 'og ma las ches khyad par du 'phags par shes par bya dgos la/de ltar snang ba
117b6 bzhi'i lam mthar phyin pa de'i tshe khregs chod kyis lus rdul phran du dengs pa yod kyang des rdo rje'i sku mi 'grub/de ma 'grub pas brten des 'khor ba ma stongs kyi bar gzhan don rlabs po che sgrub pa'i thabs med
118a1 pas/gzugs sku de nyid chu'i zla ba ltar snang gzugs yod kyang rig gzugs med par bzhugs nas sems can gyi don dpag tu med par mdzad pa la 'pho ba chen po'i sku zhes slob dpon chen po pad+ma
118a2 'byung gnas dang/bi ma la mi tra lta bu'o// gal te rten des re zhig gdul bar bya ba med na/ phyir gsal zung 'jug gzugs kyi sku'i rang snang de nyid nang dbyings spros pa dang bral ba chos sku'i ngang du thim nas so
118a3 so rang gi rig pa phra ba'i ye shes nang gsal gzhon nu bum pa sku'i tshul gyis 'khyil ba las de'i ngang du gdul bya 'dul byed kyi rol pa bkye ba na/'gag pa med pa'i thugs rje chen po'i ye shes 'phro ba'i gzhir shin
118a4 tu mnyam par bzhag pa las ma g.yos bzhin du bzhugs pa'i chos nyid de ni dbyings dang ye shes gnyis su med pa'i chos kyi sku'i mthar thug pa ste/ka dag dang lhun grub gnyis med kyi grol sa ka dag chen po gdod
118a5 ma'i gzhi'i gnas lugs su byang chub pa yin la/ngo bo nyid med par smra ba'i dbu ma pa rnams kyis 'di skabs su 'jug pa thams cad zhi ba'i 'gog pa dam pa la gnas pas rang snang gi sku dang ye shes kyang mi 'dod
118a6 de spros pa'i mtha' thams cad dang bral ba nyid kyang stong pa mtha' gcig tu bzhed pa'i phyir ro/'di ltar rnam pa thams cad mkhyen pa'i ye shes yul yul can du rnam pa mi rtog pa la rang rang gi bzhed tshul tha dad pa
118b1 byung yang gdod ma'i mgon po'i dgongs pa rdzogs chen rang lam gyis khyad par 'di ltar bzhag ste/ngo bo ka dag gi cha nas dbyings stong pa nyid spros pa thams cad dang bral bar/ lhun grub kyi cha nas rang snang
118b2 longs spyod rdzogs pa'i zhing dang sku'i 'char gzhi phra ba'i ye shes gsum dang/de'i rtsal las mtshan nyid 'dzin pa'i ye shes lnga dang/ shes bya mkhyen pa'i ye shes 'char gzhi'i cha shel 'od nang du gsal ba phyi rol du
118b3 mi mngon pa bzhin gnas pa yin la/ye shes de nyid yod pas sku dang ye shes thams cad kyi 'byung gnas su gyur pa dang/ chos kyi sku las ma g.yos bzhin du gzugs sku gnyis phrin las dang bcas pa gdul bya la
118b4 snang ba'i nus pa 'di nyid las 'byung ba ste/de ltar yin pas ye shes yod pas gdul bya'i don dang/ thams cad mkhyen pa'i yon tan tshad med pa rnams kyang ma 'byung bar 'gyur la de ltar min na sdud pa las/ ye
118b5 shes med na yon tan 'phel med byang chub dang// rgya mtsho 'dra ba'i sangs rgyas chos kyang med par 'gyur// zhes pa dang/ sgron ma snang byed las// de ltar ye shes cha med na// phyi rol nam mkha' stong pa dang/ khyad
118b6 par nyid ni yod ma yin// de phyir gzhi nas ye shes khyab// ye shes med na chad pa dang/ khyad par ci yang yod mi 'gyur// zhes pa la sogs mtha' yas par gsungs so// yon tan lhun grub kyi tshul 'di la mnyam
119a1 sbyor 'grel chen las kyang/thabs dang shes rab gnyis su med pa'i mtshan nyid bde ba chen po'i sku 'di ni rnal 'byor gyi bdag nyid can te gnyis can du rtog pa'i mtshan ma bdud la sogs
119a2 pa'i tshogs rnams ngang gis bcom zhing/legs pa'i yon tan gyi bkod pa thams cad la mnga' brnyes pas yon tan gyi bye brag gzhan med de rang bzhin lhun gyis grub pa dang rtogs pas mngon du gyur pa'i tshul du
119a3 bzhugs shing/zhes pa la sogs pa rnams kyis legs par bshad do// chos kyi sku de'i ngang las rang snang longs spyod rdzogs pa'i skur bzhengs pa'i byin rlabs las dag pa'i zhing khams su de bzhin gshegs pa
119a4 rig lnga dang/ma dag pa'i zhing du mchog gi sprul sku sogs phrin las rgyun mi 'chad du 'byung ba yin no// rjes mtha' rten bzhi'i man ngag kyang/ mi 'gul ba gsum la gzhi bca' ba/ sdod pa gsum gyis tshad bzung
119a5 ba/thob pa gsum gyis gzer gdab pa/ gdengs bzhi'i grol tshad bstan pa la sogs pas mjug bsdu ba yin no// mdor na rdzogs pa chen po'i gnas lugs ni lta ba yongs grub/ rgyu 'bras dag mnyam bden pa
119a6 dbyer med/gzung 'dzin rang zhig/ skye 'gag zang thal/ spros ma spros kyi mthar ma lhungs/ blos ma bcos/ phyir mi 'phro/ nang du mi gzung/ bar du mi gzhag/ brjod tshad thams cad tshig dang tha snyad kyi sbun pa/
119b1 bsam tshad dpyod tshad thams cad rtog pas btags pa kho nar song bas rang ngo khas len gyi mthar mi gnas pa'i ngang du la bzla ba zhig ste/ rdo rje sems dpa' snying gi me long las/ rig pa'i chos thams cad bdag
119b2 rtog gi blo dang bral bar shes par gyis shig/ces so/ 'on kyang snga phyi ci rigs pa rnams su chos nyid zab mo blos byas kyis sgrub par rlom pa rnams ni chos nyid blo bral kyi gtam zab mos skrag par gyur zhing/
119b3 'dis lam gyi rim pa 'og ma rnams sun phyung ba ltar snang ba la zab mo'i phyogs dang rgya che ba'i gnas la shin tu mdza' ba ma yin pa'i rtog ge'i blo gros ltar snang dang lhan cig tu dus snga phyi tsam la'ang
119b4 phrag pa dog pa'i dka' thub res 'ga' ma yin par lhur len pa dag byung mod kyi/'phags pa 'jam dpal gyis/ bya ba rnams la rnal 'byor pa// lam chen dag tu yongs 'dzin pa// ri dwags smig rgyu snyeg pa
119b5 ltar// rtag tu snang yang mi zin no// de bas de dag thams cad kyang// yang dag min pa'i blo dang bcas// 'og ma 'og ma'i rnal 'byor blo// gong ma gong ma'i khyad par 'phags// 'og ma'i blo ni gong ma yi// shes
119b6 rab kyis ni sun 'byin no// zhes gsungs pa bzhin shes par bya zhing rtsod pa'i kun lhongs chos nyid bsam gyis mi khyab pa'i ngang du zhi ba la mkhas par bya'o// 'dir smras pa// yon tan rin thang bral ba'i rin chen
120a1 tshogs kyis phyur bur gtams pa thub pa'i chos tshul gang chen mtsho// nyes pa'i ro dang lhan cig mi gnas 'phags pa lag 'gro'i dbang po rnams kyis bsten pa nyid gyur pas// sdug bsngal de
120a2 rgyu kun 'byung nyon mongs rdul gyis chags pa sel byed 'gog lam rgya mtsho'i sprin chen las// drang dang nges pa'i char gyis rigs khams myu gu sad tshul la ltos rnam gsum sde snod tshul du snang// blang dang
120a3 dor ba'i dka' thub sdom pas snying ni rnyogs pa dang bcas lhan skyes bde ba 'di btang nas// phra rab rdul la rnam dpyad 'gyur med bde bral stong pa'i chos la blo yis stong par gang bltas pas// rdzogs
120a4 pa'i byang chub dpal las nyams gzigs de phyir 'pho med lhan skyes bde ba chen po'i khyad par gyis// sangs rgyas shes rab gang du'ang mi gnas gsang ba sngags kyi tshig gi rdo rje'i theg pa ston par
120a5 mdzad// de las cha shas tsam re thub mchog gi/ sras kyi thu bo gsang ba 'dzin rnams dang// blo mthu che brnyes dgra bcom mchog rnams kyi// chos rab 'byed pa'i yul las gzhan gyis ci// ji lta'i chos nyid
120a6 spros pa med mkhyen yang// kun rdzob rnam 'gyur ji snyed spros tshul gyis// ma 'dres mkhyen pas gdul bya'i khams dbang dang// rjes mthun bdud rtsi'i bgo bshar mdzad 'di rmad// 'on kyang nyung ngu'i thos
120b1 pas blo khengs shing// chung ngu'i gnas la dpyod pa'i mig goms pas// zab cing rgya che'i gnas kyis 'jigs gyur nas// rang blo'i rnyogs mas rnyogs mar sgrubs pa'ang yod// gzhan du rton pa bzhi yi rig
120b2 sngags kyis// rnam par dag pa'i chos spyad rnon po yis// ma nor gzigs pas legs bshad sgo phyes shing// grub gnyis mdzod dbang sgyur phyir 'khrul yod min// de phyir srid bde lcags kyus snying btab
120b3 pa'i// gzhan dbang 'ching ba'i sred pa 'di thongs la// rgyal rnams gang du bde bar gshegs gyur pa'i// byang chub snying po'i lam bzang 'dir 'jug mdzod// bde bar gshegs pa'i bstan pa thams cad
120b4 kyi snying po rig pa 'dzin pa'i sde snod rdo rje theg pa las snga 'gyur rgyud sde rin po che'i rtogs pa brjod pa lha'i rnga bo che lta bu'i gtam las sku gsum gyi ston pa dang de'i bstan pa ji ltar byung ba'i tshul rnam
120b5 gzhag rags pa tsam zhig brjod pa'i skabs te dang po'o//// a ba bo d+ha ma na n+te b+hi: bi mu tsI hr-i t+k+r-i pA[ u0f85 ]m+b+ha sA A r+d+ra shA ta ba ra smai b+hu kra b+ha be b+ha be ba ba rtate/ pha mtha' mi
120b6 mngon mngon par rtogs pa yis// rnam par grol ba'i thugs ni snying rje'i chus// rab brlan gzhan la bde mchog 'jo slad du// srid pa'i gnas su srid pa bzhin du 'jug/ byang chub sems kyis bres pa'i bdud
121a1 rtsi'i sprin// chos dbyings sa bla'i lam kun 'gengs pa las// mi 'dzad 'gro rgyud dri mas nog pa gang// dag byed rgyud du 'bab pa'i phrin las can// brjod med chos 'khor nA da rtag pa'i
121a2 sgra// sgrib pa kun bral rdo rje'i snyan dbang gis// yul du mdzad pa'i brdzu bag la brten nas// skal pa ldan la gdams pas rab mtshon te// bshad dang sgrub pa'i lam chen gyis phye ba'i// smin grol 'od zer bye
121a3 bas 'jig rten 'dir// mun pa'i brtan pa 'phrog pa'i chos mchog nyid// 'dren pa'i shing rta che rnams rmad du byung// rgyal ba'i legs gsungs rgya mtsho'i pha rol du// mngon par son nas don mchog dbyig gi
121a4 char// gang du skal ba ldan la 'bebs mdzad pa'i// ded dpon de dag su yis phyag 'os min// gang gi rnam thar nyi 'od kyis phye ba'i// blo gros chu skye 'dzum brgya grol ba las// dad pa'i ke sar phang phung rnam
121a5 bkod pas// rgyal rnams mnyes pa'i phyogs su rab bslan te// gzhal dka'i zong gis tshe rabs bye bar yang// rnyed par sla min thub mchog bstan pa'i tshul// srid gsum kun dgar byed pa'i gtam bzang
121a6 po// thos pa'i rna ba de yang bdud rtsir byed// da ni rim pa de dag gi nang nas gsang sngags rdo rje theg pa'i chos kyi 'khor lo gang du bskor ba dang/ gang gis bskor ba/ bstan pa de nyid ji ltar bskyangs tshul
121b1 dang bcas pa'o// de la rang lugs thun mong ma yin pa 'dir bstan pa'i bab lugs chen po gsum du gnas pa ste/ rgyal ba dgongs pa'i brgyud pa/ rig 'dzin brda'i brgyud pa/ gang zag snyan khung gi brgyud pa
121b2 dang gsum mo// de'ang bshad rgyud rgya mtsho las// rgyal ba sems dpa' rnal 'byor pa// dgongs pa rig pa rna bar brgyud// ces so// de la dang po ni 'khor 'das yongs kyi spyi dpal khyab bdag rigs drug pa
121b3 kun tu bzang po rang snang dbyings kyi zhing khams shin tu dag pa rdo rje'i 'og min chen por mtshan rdzogs rdo rje 'chang gi rnam pas rang bzhin gnyis su med pa'i 'khor rgyal tshab rigs lnga'i ston pa dang rang snang
121b4 gi 'khor rgyal ba zhi khro'i dkyil 'khor tshad med pa'i rnam pa dang bcas par snang ba rnams la/'od gsal rdo rje'i snying po chos nyid bsam gyis mi khyab pa'i gnas lugs rdzogs pa chen po tshig dang sgras brjod
121b5 pa thams cad bral ba'i de kho na nyid kyi ye shes dgongs pas byin gyis brlabs kyis rtogs par mdzad pa la chos sku'i gsung du brdas btags pa ste/thal 'gyur las/ des na chos nyid nam mkha' la/ khyab
121b6 'jug chen po'i gsung gis ni// byin gyis brlabs kyis rang sgrar snang// zhes pa dang/ snying 'grel las/ ston pa chos kyi skus 'khor ye shes rgya mtsho la skye med don gyi gsung gis brda sprod pa'o// zhes dang/
122a1 sgyu 'phrul lam rim las kyang/ brjod dang 'dra bar brda' sprod pa// ngo bo nyid kyis bshad pa'i phyir// ma 'ongs don du gtan tshigs nges/ zhes gsungs so// bye brag 'od gsal rdo rje snying po'i
122a2 gnas zab cing rgya che ba'i phyogs rnams ni gnas dang ston 'khor chos rnams rang byung rig pa'i ye shes lhun grub rin po che'i sbubs sku gsum rang snang bkod pa chen po'i rang bzhin 'byams klas pa las sprul
122a3 pa sogs sgra rtog gi yul las brgal ba'i chos nyid mnyam pa chen por ro gcig pa'i tshul gyis chos kyi 'khor lo bskor ba la g.yo ba med pa ste/rdzogs pa chen po'i rgyud nyi zla kha sbyor las/ gang gis kyang ma
122a4 byas pa yongs su bkod pa chen po'i gnas/rang bzhin gyis rnam par dag pa/ kha dog dang gzugs brnyan thams cad dus gcig la gsal ba/ bkod pa rgya che la dkyil yangs pa/ kha dog ma 'dres la yongs
122a5 su rdzogs pa/ldem bzhin pa/ mer bzhin pa/ 'gul bzhin pa/ 'phrig bzhin pa/ shin tu mnyam pa chen po na/ bcom ldan 'das mngon par byang chub pa chen po/ sangs rgyas thams cad kyi lta ba dang/ dgongs
122a6 pa dang/mdzad spyod mi 'dzad pa rgyan gyi 'khor lo chen po nyid/ rig pa rdo rje lug gu rgyud dang/ rig pa khyab gdal chen po'i sku dang/ rig pa mngon sum du snang byed kyi sku dang/ ma bkod pa'i rang bzhin gyi ye
122b1 shes chen po lnga dang/chos thams cad stong pa nyid dang/ mtshan ma med pa dang/ mi dmigs pa dang/ rang gi mtshan nyid dang bral ba dang/ mi gnas pa'i stong pa chen po dang/ mi 'gyur ba chos sku'i tshul 'dzin
122b2 pa dang/kun tu gsal ba longs spyod rdzogs pa'i sku'i tshul 'dzin pa dang/ mdzad pa ma lus pa sprul pa sku'i tshul 'dzin pa dang/ rnam par 'phrul pa ci yang ma yin pa'i rigs las/ de bzhin gshegs pa rang
122b3 gi mtshan nyid 'dzin pa'i rigs dang/rdo rje rigs kyi mtshan nyid 'dzin pa'i lha dang lha mo dang/ rin po che'i rigs kyi mtshan nyid 'dzin pa'i lha dang lha mo dang/ pad+ma'i rigs kyi mtshan nyid 'dzin pa'i lha dang lha
122b4 mo dang/las kyi rigs kyi mtshan nyid 'dzin pa'i lha dang lha mo dang/ mi mdzad pa'i mdzad pa chen po las/ rnam par snang mdzad chen po'i sku phyag rgya dang bcas pa/ rdo rje mi bskyod pa chen po sku phyag rgya dang bcas
122b5 pa dang/rin chen 'byung ldan chen po sku phyag rgya dang bcas pa dang/ snang ba mtha' yas chen po sku phyag rgya dang bcas pa dang/ don yon grub pa chen po sku phyag rgya dang bcas pa dang/ sems dpa' chen po'i rol
122b6 pa'i lta stangs rnams dang/sems ma chen mo sgeg mo'i cha lugs rnams dang/ rang byung gi he ru ka chen po lnga dang/ sku'i phung po du ma rnams dang/ 'jig rten las 'das pa'i theg pa chen po'i yan lag bsam
123a1 gyis mi khyab pa rnams dang/'dul ba'i sde dang/ mdo sde'i sde dang/ mngon pa'i sde dang/ rang bzhin rdzogs pa chen po'i rnam grangs rnams te/ gsung gi phung po bsam gyis mi khyab pa rnams dang/
123a2 sems rnam par sbyang ba dang/ rnam par gzhil ba dang/ rnam par btul ba dang/ rnal du phab pa dang/ mi gnas pa'i rig pa chen po la sogs te/ thugs rnams dang/ nam mkha' la dngos por dbang bsgyur ba
123a3 dang/chu la sreg byed du dbang bsgyur ba dang/ me la sdud par byed par dbang bsgyur ba dang/ sa la bskyod par byed par dbang bsgyur ba dang/ rlung la brtan par byed par dbang bsgyur ba rnams te phrin las
123a4 rnams dang/ma bzlas par rtags rnams rang byung ba dang/ ma bsgrubs par dngos grub chen po rang byung ba dang/ ma bskur ma btsal bzhag pa'i dbang rnams rang thob pa dang/ ma bslabs par chos thams cad
123a5 kyi don rang shes pa dang/ma bsgoms par sangs rgyas nyid rang gis rang thob pa la sogs te/ yon tan dpag tu med pa rnams dang/ mi 'byed pa rgyun gyi ting nge 'dzin la thabs cig tu snyoms par zhugs
123a6 so// de nas mi rtog pa'i thub pa chen po zhes bya ba/ ston pa rdo rje 'chang chen po de la/ ma chags pa'i mchod pas ni mchod/ ma bskul ba'i dbyangs kyis ni gdung/ mi gnas pa'i bsam pas ni bzung/ ma bting
123b1 ba'i stan las ni langs/ma byas pa'i bla gos ni gzar/ ma bsgrags pa'i glu yis ni bskul/ ma gleng pa'i tshig ni zhus/ zhes pa la sogs gsungs pa bzhin no// de las ma g.yos bzhin du sa bcu rgyun mtha'i
123b2 'phags chen rnams la snang ba'i gzhan snang gis bsdus pa'i longs yongs su rdzogs par spyod pa'i zhing khams khyad par can gyi 'og min du rigs drug pa'i rnam pa dang/rigs lnga'i ston pa'i rnam pas rig pa
123b3 khyad par can gyi 'khor byang chub sems dpa' chen po phyag na rdo rje dang/spyan ras gzigs dang/ 'jam dbyangs sogs dbang po dang yul snang dag pa'i 'bras bu'i sems dpa' rnams la brjod du med pa'i
123b4 rdo rje theg pa rnal 'byor bla na med pa'i chos kyi 'khor lo dgongs pa brda'i sgo nas rtag pa rgyud gyi 'khor lor bskor ba yin te/snying po las/ 'og min bla med gnas mchog tu// sku nyid rnam par snang mdzad
123b5 tshul// byang chub sems dpa'i 'khor rnams la// de bzhin gsungs mchog mi smra ste// sku yis chos rnams 'jal bar ston// ces gsungs shing/ 'di ni gtsang ma'i gnas ris rnams spangs pa'i gnas gang na
123b6 bar dbang bsgyur chen po'i 'og min du bshad pa yang yod de/sgyu 'phrul rdo rje las/ gtsang ma'i rigs rnams rnam spangs pas// 'og min chen po'i gnas mchog tu// rigs bdag phyag rgya lhun grub
124a1 sku// gcig dang du ma rnam spangs pa// sangs rgyas kun gyi gzugs spyi ste// gdod nas theg chen mdzod yin te// sgrib pa mtha' spangs gdul bya la// skad cig gcig gis snang bar mdzad// ces
124a2 gsungs pa dang/theg chen gyi mdo sde rnams su shAkya thub pa 'og min du longs spyod rdzogs skur sangs rgyas zin nas slar mi yul du mdzad pa bcu gnyis bstan par gsungs pa rnams kyang phyogs re tsam la
124a3 dgongs pa ste/rgyan stug las/ yang dag sangs rgyas 'og min du// sangs rgyas ma gyur 'dod khams su// sangs rgyas mdzad pa mi mdzad do// zhes gsungs pa dang/ lang gshegs 'grel pa las/ gtsang ma'i
124a4 gnas nas byung zhes pa ni gtsang ma'i gnas kyi bye brag 'og min du longs spyod rdzogs pa'i skur sangs rgyas pa'o// zhes bshad pa dang yang mthun no// de bzhin du byang sems sa dgu pa la snang ba'i 'og min
124a5 tsam po dang/sa brgyad pa la snang ba'i btags pa'i 'og min dang/ rdo rje btsun mo'i b+ha ga ste chos kyi dbyings thar pa chen po'i pho brang rnams su drag po dang 'jigs byed la sogs pa'i gdul bya gdug pa can
124a6 rnams kyi dbang shes su snang bar che mchog he ru ka dang/gzhon nu dpa' bo stobs ldan dang/ pad+ma gar gyi dbang phyug sogs dang/ gzhan yang he badzra dang/ tsakra sam+ba ra dang/ dus kyi 'khor lo sogs rdo rje'i
124b1 gnas gang ston pa de'i gtso bo'i rnam pa dang rnam 'gyur las 'khor gyi dkyil 'khor sprul te nA da mi shigs pa'i sgra'i chos kyi 'khor lo bskor ba ste/bder 'dus rtsa rgyud las/ nga ni che ba'i rgyal po ste// 'chad
124b2 dang nyan pa'ang nga nyid yin// ces dang/ dgyes rdor las/ 'chad pa po nga chos kyang nga// rang gi tshogs ldan nyan pa'ang nga// zhes gsungs pa'i tshul gyis so/ de dang mtshungs par dga' ldan dang/ ri rab kyi rtse
124b3 dang/au Di yA na dang/ sham+b+ha la la sogs kun rdzob kyi gnas rnams su'ang bya ba dang/ spyod pa dang/ rnal 'byor gyi rgyud rnams chags bral gyi gzugs kyis sam/ 'khor lo sgyur ba'i rnam pas bstan kyang rung
124b4 ste/gsang snying las// de tshe mi mthun sna tshogs la// so sor 'dra bar snang ba ni// de bzhin nyid las ma g.yos kyang// las kyi dbang gis so sor snang// zhes bshad pa bzhin no// de'i phyir 'og min sogs
124b5 dag pa'i zhing khams rnams su rang bzhin gnyis su med pa dang/rig pa khyad par can gyi 'khor la gsang sngags kyi chos 'khor bskor bar mdzad pa de las ma g.yos bzhin du 'jig rten du mchog gi sprul sku'i
124b6 rnam pas mdzad pa bcu gnyis bstan pa dang/gdul bya dag ma dag sna tshogs la ci rigs par theg pa gsum gyi chos kyi 'khor lo rim pa gsum du bskor bar snang ste/ gsang snying las/ thugs rje chen po'i
125a1 byin gyis brlabs zhes bya ba rig pa'i skyes bu thub pa drug de bzhin gshegs pa'i sku gsung thugs rdo rje las thon to// thon nas kyang las kyis dbang gis snrel gzhi dang yas man gyi 'jig rten
125a2 drug gi phyogs bcu mtha' med pa'i stong gsum gyi stong chen po re rer thub pa chen po bcom ldan 'das re res 'dul ba rnam pa bzhis 'gro ba lnga'i don mdzad do// zhes dang/ 'jam dpal sgyu dra'i bshad rgyud
125a3 las/gleng gzhi rnam pa gsum yin te// 'og min gnas dang ri rab rtse// 'dzam bu'i gling 'dir grags pa yin// byang chub sems dpa' lha rnams dang// ston pa yang ni rnam gsum ste// sangs rgyas rdo rje 'chang
125a4 chen dang// sprul sku 'khor los sgyur ba dang// shAkya thub pa nyid kyis gsungs// dus ni gdul bya 'dul ba'i tshe// 'khor rnams 'dus pa'i dus der gsungs// zhes gsungs pa dang/ gzhan yang slob dpon nyi
125a5 'ong seng ges 'og min du longs spyod rdzogs pa'i skus rdo rje theg pa ston pa dang dus mtshungs par mi yul du mchog gi sprul skus byang chub snying po rdo rje gdan du 'tshang rgya tshul ma bstan pa'i gong rol du btags
125a6 pa'i lus dka' thub kyi gnas nai rany+dza na'i 'gram du bzhag nas ye shes kyi lus 'og min du gshegs pa la de bzhin gshegs pa thams cad kyi byin gyis brlabs pas/rdo rje dbyings chen por sangs rgyas te ri
125b1 rab kyi rtse dang rgya mtsho'i 'gram du yo ga'i rgyud rnams gsungs/de nas au Di yA na dang sa ho ra'i yul rnams su gshegs nas in+d+ra b+hu ti la sogs pa rnams la gsang sngags bla med kyi rgyud sde thams cad bstan
125b2 nas/slar btags pa'i lus la zhugs te rdo rje gdan du 'tshang rgya ba'i tshul bstan par bzhed la/ de dang mthun par slob dpon ye shes zhabs kyis kyang/ de don ma rtogs nai rany+dzar// ci yang ma yin ting
125b3 'dzin gnas// de tshe bde gshegs kun gyis kyang// thal byung blo can de bzlog ste// nam mkha'i dbyings ltar rnam dag pa'i// zab gsal gnyis med rab bstan te// nam phyed dus su rgyal ba ltar// de nyid
125b4 bsgoms pas tho rengs su// skad cig gis ni yang dag rtogs// byang chub snying por bzhugs byas nas// mthu chen bdud rnams rab bcom ste// sems can gzung bar bya ba'i phyir// chos kyi 'khor lo bskor
125b5 ba'o// zhes gsungs pa dang/ slob dpon chen po sgeg pa'i rdo rjes/ ston pas 'og min du gsang sngags ston pa dang dus gcig tu mchog gi sprul skus 'jig rten tu thun mong gi theg pa bshad par bzhed de/
125b6 des mdzad pa'i snying po'i 'grel pa spar khab tu/ drug pa'i ston pa lhun gyis grub pa'i thabs dang/ smon lam gyis go phyes nas/ le'u dang por rgyu snang bar mdzad/ gnyis par rkyen sbyar/ gsum par thun mong
126a1 bca' gzhi'i ston pa drug snang ba mdzad de dus mtshungs par tha dad pa'i rgyud rnams byung ba'o// zhes bshad pa 'dis mdo dang sngags kyi sde snod thams cad sdud par 'gyur la rang re theg chen nges
126a2 don la mos pa lam du byed ba rnams kyis ston pa gdod ma'i mgon po gcig las tha dad du mi bsam zhing/chos kyi 'khor lo ji snyed cig dus gcig tu bskor ba yang gdul bya'i bsam pa'i dbang gis tha dad
126a3 ltar snang ba las dus snga phyi sogs rnam gzhag sgrig tu med par shes par bya ba nyid legs so// gnyis pa bka' de rnams bsdus pa po so sos bsdus tshul ni/ bla med kyi rgyud rnams phal cher sdud pa po tha dad
126a4 ltar bstan kyang bye brag rdzogs pa chen po nges gsang man ngag gi sde rnams dang/gsang ba snying po sogs rgyud sde 'ga' zhig ston 'khor dgongs pa tha mi dad pa'i phyir/ gsang snying las/ 'di skad bdag
126a5 gis thos pa zhes 'byung ba dang/bde mchog rtsa rgyud las kyang/ de nas gsang ba bshad par bya/ zhes 'byung ba ste 'di skad bdag gis bshad pa'am thos pa la sogs pa rgyud don ma lus pa mtshon pa'i tshig
126a6 'phrad de rgyud dbu zhabs kyi don thams cad tshang ba'i phyir ram/gleng slong gi skabs lhan cig pa'i 'khor rgyun mtha'i byang chub sems dpa' rnams la gtso bo yab yum gyis yab kyi thabs kyi cha dang yum gyis
126b1 shes rab kyi cha bzung nas sbyor ba'i lam gyis 'dod chags chen po'i dbang bskur ba dang thabs shes dbyer med kyi cha bzung nas zab pa'i dbang gsum bskur ba'i mthar khu rdul rlung gsum 'gyur bde myong
126b2 ba'i sems dang bcas pa bcom pas ston 'khor dgongs pa dbyer med du gyur pa thun mong ma yin pa'i gleng slong du bshad pa ste/dus kyi 'khor lo las/ rgyud rnams dag las 'di skad bdag gis thos zhes
126b3 gsungs pa gang de 'di ltar bdag gis shes pa ste/rdo rje can ni zla ba zhu las rdo rje gang zhig spyi mgrin snying ga'i chu skyes lte gsang dang// thugs med rnams kyi b+ha gar de yi thig le grol ba gsum gyis mchog gi
126b4 pad+ma la gnas pa// deng 'dir sangs rgyas zhing du rab tu bzhugs pa bcom ldan 'das su rnal 'byor rnams kyis rig par bya// zhes gsungs shing/ dbang rnon gyi gdul byas 'di nyid kho nas rgyud don rdzogs par rtogs
126b5 par bshad pa'i phyir sdud pa pos sbyar ba'i tshig kho nar mtha' gcig tu 'dod pa mi legs shing 'di skad bdag gis thos pa zhes 'khor gyi tshig ltar ma smos pas rgyud ma yin par yang mi 'grub ste/dpal gsang ba grub pa'i rgyud las/
126b6 / 'di yi sdud par byed pa po// gzhan dag yod pa ma yin te// bdag nyid 'ba' zhig smra bar byed// rgyud mdzad pa ni thugs rdo rje// zhes dang/ dgyes rdor las// 'chad pa
127a1 po nga chos kyang nga// zhes pa la sogs gsungs pa'i phyir sdud pa po yang ston pa nyid las gzhan du ma gyur te/ gsang ba grub pa las/ rgyun 'chad pa de thugs rdo rje// 'chad pa po de sdud pa'ang
127a2 de// zhes gsungs pas so// gzhan yang de bzhin gshegs pa rnams kyi thugs kyi gsang ba 'dzin pa dang bka'i bsdu ba po byang chub sems dpa' chen po lag na rdo rje ni ston 'khor gang du bshad kyang mi 'gal
127a3 te/sangs rgyas rnams kyi thugs rdo rje las gzhan du ma gyur pa'i phyir ro// de bas na rdzogs pa chen po sogs rgyud rnams phal mo che gsang ba'i bdag po dang/ rdo rje chos dang/ rdo rje snying po dang/ 'jam dpal
127a4 dang/spyan ras gzigs dang/ sprul pa'i sku dga' rab rdo rje la sogs pa rnams dang/ mkha' 'gro ma pUrna nye bar zhi ba la sogs/ mkha' 'gro dang/ mkha' 'gro ma'i tshogs dang/ gzhan yang gdul bya lha dang/
127a5 klu dang/ gnod sbyin la sogs rigs can ma nges pa'i tshogs kyis bsdu bar mdzad la/ mtha' dag pa'i rgyud rnams gsang ba'i bdag po kho nas bsdus par yang rung ste bde bar gshegs pas gsang sngags kyi
127a6 bstan pa gtad cing ma 'ongs pa na 'jig rten du gsang sngags sgrogs par dbang bskur ba dang/sangs rgyas rnams kyi rdo rje'i snyan gcig tu bsdus par gsungs pa dang rgyud sde rnams glegs bam la 'god par
127b1 rjes su gnang ba sogs drug pa'i rgyal tshab chen po yin pa'i phyir te/gsang snying las/ de bzhin gshegs pa thams cad la// gsang ba 'di las gzhan mi mnga'// sgro dang skur pa zhi ba'i phyir// gsang ba'i snying
127b2 po de kho na// nyid de nges pa'i dbyings nas phyung// zhes bstan pa gtad pa dang/ ye shes thig le'i rgyud las/ ma 'ongs pa'i dus su gsang ba'i rgyud skal ba dang ldan pa rnams la sus 'chad par byed/ bka'
127b3 stsal pa/phyag na rdo rje mgon pos bshad par byed/ ces pa dang/ in+d+ra b+hu ti'i bde mchog rtsa rgyud kyi 'grel pa las/ rgyud rnams ma lus sems dpa' chen po'i tshogs// bye ba phrag ni dgu bcu rtsa drug
127b4 sogs// 'dus te rje btsun gsang ba'i bdag po la// gsol ba btab tshe 'di skad bdag thos zhes// rab tu gsungs pa gser gyi glegs bam la// baiDUr+ya ni zhun mas yi ger bkod// ces gsungs pa'i phyir
127b5 ro// bye brag rgyud rnams zhu ba po gang yin pa de nyid bsdu ba po yang yin te/ dus 'khor zla ba bzang po/ brtag gnyis rdo rje snying po/ sdom 'byung phyag rdor/ rdo rje mkha' 'gro phag mo bsdus pa bzhin no// de dang
127b6 dus mtshungs par rgyu'i theg chen gyi mdo sde rnams kyang byang chub sems dpa' gtso bo gtso bor dag dang gzhan yang byang chub sems dpa'i dge 'dun lnga brgya dag gis bsdus par bshad cing/'jig rten du
128a1 mchog gi sprul sku mya ngan las 'das pa'i 'og tu nyan thos dgra bcom pa gtso bo rnams dang so skye ci rigs pa dag gis theg dman gyi sde snod gsum kyang ji snyed pa bsdu ba byas so// gnyis pa
128a2 bstan pa de nyid 'jig rten du ji ltar byung ba'i tshul la gnyis te/rig 'dzin brda'i brgyud pa dang/ gang zag snyan khung gi brgyud pa'o// dang po la'ang gnyis te/ rig 'dzin mi ma yin pa dang/ mi dang mi ma yin
128a3 pa gnyis ka las byung ba'o// dang po ni/ rgyal sras sems dpa'i 'khor de dag gi nang nas ston pa nyid kyis sprul pa rigs gsum du snang bar mdzad pa des gdul bya lha klu gnod sbyin gsum la brda'i sgo nas
128a4 bshad cing bstan pa ste/'jam dpal gyis gtso bor zab mo phyogs kyis gdul bya'i don mdzad pas lta ba'i phyogs ston/ spyan ras gzigs kyis snying rje'i phyogs kyis gdul bya'i don mdzad pas sgrub
128a5 pa'i phyogs ston/phyag na rdo rjes thabs la mkhas pas drag shul phyogs kyis 'gro ba'i don mdzad pas spyod pa'i phyogs ston/ de yang 'jam dpal gyis lha'i gnas su lha grags ldan mchog skyong la bshad/ des
128a6 lha tshangs pa rin chen 'od 'bar la bshad/des skye dgu'i bdag po tshangs pa dang/ tshangs pa kun sgrol dang/ tshangs pa gtsug phud 'dzin dang/ dbang po brgya byin sogs lha'i rig pa 'dzin pa tshom bu 'bum sde
128b1 la bshad/spyan ras gzigs kyis klu'i gnas su klu rgyal mgrin pa nag po la bshad/ de nas klu mo kha 'dul ma dang/ klu mo 'dul tshang ma dang/ klu yid 'ong dga' ba dang/ 'jog po sogs klu'i rig 'dzin
128b2 tshom bu 'bum sde la bshad/phyag na rdo rjes gnod sbyin gyi gnas su gnod sbyin kun tu bzang po la bshad/ de nas gnod sbyin lag na rdo rje dang/ gnod sbyin skar mda' gdongs sogs gnod sbyin gyi rig
128b3 'dzin tshom bu 'bum sde la bshad cing/de dag rnams kyis so so'i 'khor kyi tshogs la'ang bshad pas tshom bu dang bcas pas rdo rje 'chang gi sa brnyes par gyur to// rdzogs pa chen po'i skor ni sum cu rtsa gsum
128b4 gyi lha de ba bzang skyong gi bu lhag sems can la rmi ltas khyad par can bzhi byung ba dang mthun par phyogs bcu dus gsum gyi sangs rgyas thams cad dang rigs lnga'i sangs rgyas thams cad kyis rdo rje sems dpa'
128b5 byin gyis brlabs pa la brten nas/rdo rje sems dpas lha'i bu lhag sems can la rgyal thabs spyi blugs kyi dbang bskur zhing rdzogs pa chen po'i man ngag rnams gnang nas lha yul du dar bar gyur to// de
128b6 yang ye shes zhabs kyi grol thig tu/de nas bzung ste don mchog 'di// skal bar ldan pa 'ga' zhig la// zhal nas zhal dang snyan nas snyan// brgyud de nges pa'i don bstan pa'o// zhes gsungs pa ltar
129a1 ro// gnyis pa ni/ dgongs pa lung ston pa'i mdo las/ 'dren pa'i theg pa gsum po dag/ bcom ldan nges par gsungs lags na// rgyu 'bras lhun grub tu spyod cing// sangs rgyas gzhan nas mi
129a2 'tshol ba'i// nges pa'i theg pa cis ma gsungs// zhes zhus pa'i lan du/ rgyu la mos par rgyu'i chos kyi// 'khor lo rab tu bkor byas nas// rdo rje theg pa'i nye lam zhig/ ma 'ongs dus nas 'byung bar
129a3 'gyur// zhes gsungs pa bzhin/ ston pa mchog gi sprul sku mya ngan las 'das nas lo nyi shu rtsa brgyad 'das pa na lha grags ldan chos skyong/ klu rgyal 'jog po/ gnod sbyin skar mda' gdong/ srin po blo
129a4 gros thabs ldan/mi'i rig 'dzin li tsa bi dri ma med par grags pa ste/ dam pa'i rigs can dra ma lnga pos 'jig rten na mgon po yongs su mya ngan las 'das par rang gi mngon par shes pas shes nas nang du
129a5 yang dag par 'jog pa las langs te lang+ka'i yul gyi ri ma la ya'i rtse mor rdzu 'phrul gyis bya bas 'dus te/kye ma ho// kye ma 'jig rten blong// ston pa sgron ma'i 'od nub tshe// 'jig rten mun pa gang gis
129a6 bsal// zhes pa la sogs pa'i gdung tshig nyi shu rtsa gsum bton cing rma ga chad par ngus so// gang gi tshe bcom ldan 'das kyis 'jig rten na gsang sngags kyi sgra yongs su grags pa phyis 'byung bar lung bstan
129b1 pa bzhin dus la bab pa de'i tshe gsang ba'i bdag po lag na rdo rjes sangs rgyas kyis gsang sngags ston par dbang bskur ba brnyes pa'i phyir der mngon sum du snang bar mdzad nas rigs can lnga dang gzhan
129b2 yang rig pa 'dzin pa'i dge 'dun phal mo che la sngon ston pas 'og min la sogs par gsang sngags kyi theg pa bstan pa rnams slar yang bzlas te ston par mdzad la/de rnams srin po blo gros thabs ldan gyis
129b3 gser gyi glegs bam la baiDUr+ya zhun mas yi ger bris te dgongs pa'i rtsal bdun gyis nam mkha' la mi mngon par rgyas btab ste sbas so// tshul 'di ni in+d+ra b+hu ti'i bde mchog rtsa rgyud kyi 'grel pa'i lung gong
129b4 du drangs pa bzhin no// ri ma la ya yod pa'i lang+ka'i yul de yang dzam+bu'i gling gi gling g.yog rnga yab kyi lang+ka de ni ma yin te bcom ldan 'das lang+ka'i bdag po sgra sgrogs kyi bu mgrin bcus spyan drangs te blo gros
129b5 chen pos zhus pa las shin tu rgyas pa chen po'i mdo lang kar gshegs pa gsungs pa'i gnas dzam+bu gling gi shar lho mtshams kyi rgya mtshos bcad pa'i gling phran zhig yin la/gling de dang gzhan yang/ zangs gling
129b6 dang/nas gling dang/ d+ha na shrI'i gling dang/ pa yi gu'i gling sogs gling phran de dag rnams su snga phyi ci rigs par bstan pa dar bar yod cing/ bye brag lang+ka'i yul de sngon srin po sgra sgrogs kyis bzung ba'i phyir
130a1 de ltar grags la phyis srin po'i yul stongs nas de dpon seng ges bzung bas deng sang sing+ga la'i gling du 'bod pa yin cing yul der slob dpon chen po kah+na pa byon nas bi shwa rU bI zhes pa'i srin
130a2 mo chen mo 'khor lnga brgya'i tshogs dang bcas pa btul ba dang/sngags kyi bstan pa spel pa sogs mdzad/ phyis su theg chen gyi slob dpon lang+ka rgyal ba bzang po 'khrungs la/ slob dpon tsan+d+ra go mis kyang yul
130a3 der byon/shAn+ti pa dang pan chen nags kyi rin chen yang byan nas sngags kyi bstan pa spel ba sogs mdzad cing sngon ma'i rgyal por ma Nas mgrin bcu 'joms pa'i dus dzam+bu'i gling dang de gnyis kyi bar rgya
130a4 mtsho chen po la rdo'i zam pa btsugs nas phyin pas da ltar rgya mtsho'i nang du rdo'i phung po chen po mngon sum du snang zhing skabs 'gar rdo'i phung po la gzings thogs pas byol nas 'gro dgos pa dang der srin po
130a5 mgrin bcu bsad pa'i khrag gis spags pa yin zer ba'i rdo dmar po kho nas sa gzhi khyab pa la snga dro tsam 'gro dgos pa yod cing de'i dbus su su ma naHku Ta ste yid bzang brtsegs pa zhes pa'i ri sul gcig
130a6 yan chad brag ri'i phreng bas bskor bas skye bo phal gyis bgrod par mi nus pa zhig yod la/der paN chen dpon slob kyang byon nas lo drug bzhugs nas rgya gar du byon pa yin no// der yod pa'i ri bo de
130b1 yang thun mong du ming de ltar grags kyang don du drag shul yod pa'am ma la ya'i ri yin cing mtshan nyid thams cad kyang tshang ba ste/ji skad du/ rtse na rtsal gyi rgyal po gnas// ngos la brag dkar khyi tshugs
130b2 pa// seng ge gnam du 'phyong 'dras brgyan// rtsi sman rtsa brgyad rtsa bar 'khrungs// 'du ba'i nad kyis yongs mi tshugs// spyi bor ka lan+ta ka ni// mi gnyis gcig pur gnas pa yi// mdzod ldan de yis tshangs
130b3 bcas pa// skal ldan rnams kyis bgrod par sla// skal med rnams kyis yongs mi thar// zhes bshad pas so// gling gzhan las bsngags par 'os pa'i yon tan gzhan gyis kyang 'phags par yod de ri de'i rtsa
130b4 ba dang nye ba'i byang dngos su gu Na wer zhes pa'i mchod rten chen po sogs de bzhin gshegs pa'i ring bsrel bzhugs pa'i mchon rten mang po dang/de'i nub phyogs su bud+d+ha sha ra Na zhes de bzhin gshegs pa
130b5 zhag bdun du mnyam par bzhag pa la bzhugs pa'i shing sdong dang/dza lI muk+ti ka ta lI ma Ni ka/ ra Ne ba ne kuny+dza ra g+ha ri g+ha ri pad+ma nI na rI/ b+hA la de sha sing+ga la/ chu rnams mu tig khyim rnams nor bus gang ba/
130b6 nags rnams glang po khyim rnams bud med pad+ma can gyis gang ba'i yul sing+ga la/ zhes ched du brjod par grags pa dang/ byang shar du kaN+Da la zhes pa'i phug nags 'thug po zhig na brag phug 'dug pa der shrI pA du
131a1 ka ste sangs rgyas kyi zhabs rjes shin tu che ba zhig yod cing der zhabs rjes kyi dus ston byed pa na dge slong stong phrag bcu gnyis re tshogs pa sogs sngon nas da lta'i bar du theg pa che chung gi
131a2 bstan pa shin tu dar ba yod do// zhes pa ni 'phros don no// gnyis pa bstan pa de mi yul du bab pa'i gang zag snyan khung gi brgyud par ji ltar byon pa ni/ spyir thun mong gi bka'i bsdu ba gnyis pa'i 'jug tsam
131a3 du nyi 'og gi rgyal po pad+ma chen po'i dus su o Di bi sha'i yul gyi rgyal po tsan+t+ra rak+Shi ta'i khyim du 'phags pa 'jam dpal dge slong gi gzugs kyis byon te theg pa chen po ci rigs par bshad cing glegs bam zhig
131a4 kyang bzhag go/de 'ga' zhig gis 'phags pa brgyad stong pa yin par 'dod la/ gsang sngags pa rnams de kho na nyid bsdus pa yin zhes zer/ 'di ston pa mya ngan las 'das pa'i 'og tu theg pa chen po mi yul
131a5 du byung ba'i thog ma yin/de tsam zhig nas sngags kyang bya ba dang spyod pa'i rgyud rnams cung zad re byung bar mngon mod kyi yongs su grags par ni ma yin no// de nas bka' bsdu gsum pa'i 'og tu rgyal po ka
131a6 niSh+ka'i bu'i dus su theg chen smra ba'i slob dpon lnga brgya byon zhing thams cad kyang gsang ba'i bdag po sogs las lung len cing rdzu 'phrul thob pa sha stag ste de rnams nub phyogs kyi rgyal po lak+Sha a shwas spyan
131b1 drangs te a b+hu zhes pa'i ri'i rtse mor gtsug lag khang byas te bzhugs su gsol/rang gi 'khor blo rno ba lnga brgya yang rab tu byung nas slob dpon lnga brgya po de dag las theg chen gyi chos mnyam du bcug/ der
131b2 rgyal pos sde snod rnams yi ger 'dri bar bsams te ci tsam zhes dris so// spyir tshad gzung bar mi nus kyi// 'dir yod pa ni 'bum phrag brgya'o// rgyal pos mang mod kyi bri bar bya'o// zhes thams cad yi ge
131b3 bris te de rnams nyid la phul lo// 'di skabs nas brtsams theg pa chen po shin tu dar bar gyur la bya spyod kyi rgyu rnams kyang gsang nas nyams su len pa ches mang bar byung zhing slob dpon de rnams kyis yul
131b4 so so nas sngags rgyud de dag rnam grangs du ma blangs shing spel bar mdzad/bla med kyi rgyud sde ni phyis kyi bar du skal pa mchog dang ldan pa re gnyis la thod rgal du lhag pa'i lha sogs kyis bstan zhing rang nyid
131b5 gcig pus nyams su blangs bas dngos grub thob pa las rjes su gdams pa bzhag pa dang/brgyud pa rim can du 'dom pa sogs cung zad kyang med pas mngon mtshan du dar ba lta ci/ mtshan tsam yang thams
131b6 cad kyis mi shes so// gang gi tshe gsang ba'i bdag pos ri ma la yar rigs can lnga la gsang sngags kyi chos 'khor bskor ba de'i tshe sa ho ra'i rgyal po dza gsang sngags phyi rgyud kyi sgrub par bzhugs pa la rmi ltas
132a1 ngo mtshar ba bdun byung ste/de yang/ sku gsung thugs rtags thim pa dang/ rin chen glegs bam bab pa dang/ chos kyi bgro ba byed pa dang/ kun gyis dam par bsgrags pa dang/ mchod pa chen po
132a2 byas pa dang/rin chen char du 'bab pa dang/ sangs rgyas sa la lung bstan pa'o// zhes so// de la rgyal po dza ni ston pas mdo rgyud thams cad nas lung bstan pa ste/ bde mchog sdom 'byung gi rgyud phyi ma las/
132a3 nga ni 'di nas mi snang nas// lo grangs brgya dang bcu gnyis na// lha gnas gsum du grags pa yi// bstan pa'i snying po dam pa bzhin/ 'dzam gling shar gyi phyogs mtshams kyi// rgyal po dza zhes bya ba la// bsod
132a4 nams chen po'i mthus snang bas// gsang ba'i bdag pos snang bar 'gyur// zhes pa dang/ de dang mtshungs par spyi mdo dgongs 'dus las kyang 'byung ngo// de yang rgyal po dza zhes pa 'ga' zhig gis ston pa
132a5 dngos kyi dbang bskur thob pa'i in+d+ra b+hu ti chen po la byed pa dang/kha cig gis de nyid kyi sras yin par yang byed/ 'ga' zhig gis in+d+ra b+hu ti bar pa la 'dod pa sogs mi 'dra bar byur ba 'phags chen gyi rnam
132a6 'phrul so skyes bsam par mi nus pas de ltar yin du'ang rung la/'on kyang dus dang bstun nas slob dpon ku ku rA dza dang dus mtshungs su bshad pas de ltar na/ in+d+ra b+hu ti bar pa la byed dgos pa 'dra zhing/
132b1 grub thob chen po lwa ba pa'i zhabs dang rgyal po 'di gnyis gcig gam tha dad gang ltar dus gcig cing/ rol pa'i rdo rje dang/ mtsho skyes dang/ dza lan+d+ha ri pa rnams dang yang 'ol spyi tsam du dus mtshungs
132b2 so// gang ltar rgyal po de nyid rgyud sde 'og ma'i rnal 'byor bsgom zhing bzhugs pa'i tshe sngar gyi rmi ltas dang mthun par dngos su rgyal po'i khang par sangs rgyas mnyam sbyor la sogs pa gsang sngags kyi sde snod
132b3 chen po rnams kyi glegs bam dang gsang ba'i bdag po'i sku khru gang ba zhig bab par gyur to// de nas gsol ba btab pas rdor sems zhal mthong gi le'u rtogs nas de dang phyag na rdo rje'i sku la brten nas zla ba
132b4 bdun bsgrubs pas rdo rje sems dpa'i zhal mthong zhing ye shes kyi dbang bskur ba thob pas glegs bam gyi brda' dang don ma lus pa mkhyen par gyur to// de dang dus mnyam par a nu yo ga'i sde snod rnams
132b5 kyang sing+ga la'i gling du bab par gyur te/kun bzang ye shes gsal bar ston pa'i thabs kyi lam mchog 'dus pa'i rgyud kyi le'u lnga par/ ma hA yo ga'i rgyud rnams ni rgyal po dza'i khang steng du 'bab par 'gyur la/
132b6 a nu yo ga'i rgyud rnams ni sing+ga la'i nags tshal du 'byung bar 'gyur ro// zhes lung bstan pas kyang ngo// de nas rgyal pos rgyud don ma lus pa mkhyen par gyur kyang dge ba'i bshes kyi rkyen la ma ltos par
133a1 gdul bya rnams rgyud la rang dgar 'jug pa dgag pa'i phyir ma rtogs pa ltar mdzad nas glegs bam rnams za hor gyi yul tsam na mkhyen pa che bar grags pa slaub dpon u pa rA dza la bstan pas
133a2 brda dang don ma mjal/de nas slob dpon ku ku rA dza la bstan pas des rdo rje sems dpa' sgyu 'phrul dra ba'i rdor sems zhal mthong gi le'u rtogs te bsgrubs pas rdo rje sems dpa' zhal bstan nas da ste rgyud
133a3 kyi don rnams gsang bdag gis ston par 'gyur ro// zhes lung bstan/ da dung bsgrubs pas gsang bdag dngos su byon nas don gyi bstan pa dang/ theg pa thams cad rdzogs pa'i dbang bskur nas tshig gi
133a4 bstan pa li tsa bI dri ma med pa la zhus shig ces lung byin pa ltar slob dpon gyis gsang bdag gis bka' ltar rgyud sde chen po bco brgyad du phyes nas rgyal po dza la bstan par bshad de/shes phyin tshul brgya lnga
133a5 bcu pa'i 'grel pa slob dpon ye shes bshes gnyen gyis mdzad pa las/sngon sangs rgyas mi yul na lo brgyad cu bzhugs pa'i tshe na/ sarba bud+d+ha sa ma yo ga dang/ gu h+ya sa mA dza la sogs pas 'dul zhing theg pa
133a6 de dag gi snod du gyur pa 'dzam bu'i gling gi mi yul na med pas rgyal chen bzhi dang sum cu rtsa gsum dang/dga' ldan la sogs pa'i gnas na lha rnams dang skal ba bzang po'i byang chub sems dpa' la sogs
133b1 pa snod du gyur nas de'i tshe mdo sde de na bzhugs so// slad kyi sangs rgyas mya ngan las 'das pa'i 'og tu za hor rgyal po 'khor dang bcas pa ngo mtshar du chos la dad pa dag cig 'dug pa theg pa de'i 'dul skal du
133b2 gyur cing snod du gyur nas sarba bud+d+ha sa ma yo ga la sogs pa sde snod chen po bco brgyad phyag na rdo rje'i byin gyis rlabs kyis za hor gyi yul du gshegs pa dang/za hor gyi rgyal po in+d+ta b+hu tis mdo sde dag bltas na
133b3 brda ma 'phrod nas sngon gyi las kyi dbang gis na mngon par shes pa thob pas bltas na yul gyi dbus su yul ma la pa na A tsar+ya ku ku rA dza nyin zhing khyi stong tsam la chos 'chad/mtshan zhing ni khyi de dag la dam tshig
133b4 gi longs spyod mdzad pa khyi'i slob dpon mdzad pa zhig bzhugs pa de theg pa'i snod du gyur la/bdag gi 'dul skal du gyur pa yang 'dra nas rgyal pos pho nya btang ste slob dpon gshegs su gsol ba dang/ slob
133b5 dpon de yang sngon gyi las kyi dbang gis na mngon par shes pa lnga dang ldan nas/rgyal po de bdag gi 'dul skal du 'bab bam mi 'bab mdo sde de dag gi snod du bdag gyur ram ma gyur brtags na/ bdag
133b6 gis 'dul skal du yang bab/bdag kyang mdo sde'i snod du yang gyur/ rgyal po'i the tshom yang sel bar 'gyur mod kyi/ 'on kyang mdo sde dag sngar ma bltas na brgya la rgyal po'i the tshem dag ma sel
134a1 bar gyur na shin tu mi legs pas pho nya la slar spring ba/mdo sde dag kho bos sngar bltas 'tshal gyis tshur skur zhig ces springs pa dang/ de nas mdo sde dag phas gshegs te bltas na mgo mjug
134a2 gar blta ba'i cha ma mchis na de nyid du lus brdabs te mgon med do// skyabs med do// zhes bos pa dang dpal rdo rje sems dpa' mngon par gshegs te khyod ci 'dod ces dris pa dang/ bdag mdo sde zab mo
134a3 'di bltas pa tsam gyis shes par 'dod ces gsol ba dang/de bzhin gnang ngo zhes gsungs nas de nas sarba bud+d+ha sa ma yo ga la sogs pa'i glengs bam rnams ma phye bar de dag gi don yid la mngon sum du
134a4 gsal bar gyur to// de nas slob dpon de za hor gyi yul du gshegs nas rgyal po 'khor dang bcas pa rnams la d+harma de dag bshad de/ rdo rje sems dpas lung bstan nas rgyal po 'khor dang bcas pa rnams rdo
134a5 rje dbyings kyi dkyil 'khor ltar sgom du stsal te dbus su rgyal po nyid/btsun mo dam pa bzhi yum gyi sar bkod/ blon po bzhi rigs bzhi'i sar bkod/ sras mo rnams nang gi lha mo'i sar bkod/ btsun mo
134a6 phal ba rnams phyi'i lha mo'i sar bkod/blon po phal ba rnams sgo srung bzhi dang/ bskal pa bzang po'i byang chub sems dpa' ltar bkod pa dang/ rgyal pos bsams pa bdag cag 'khor dang bcas pa rig
134b1 'dzin gyi gnas su grub pa'i phyir dang dam pa'i chos 'di mi nub par bya ba'i phyir sras shakra pu ti rgyal tshab tu dbang bskur nas/A tsar+ya ku ku pas lung dang man ngag bstan pa rgyal bu de la bstan te bzhag nas
134b2 bsgoms pa dang/rgyal po 'khor dang bcas pa stongs la gnas pa'i byang chub sems dpa'i rigs 'dzin du grub bo// de'i sras shakra bu tis kyang de bzhin du bsgoms pa dang/ 'khor sgom pa bdun brgya dang yang
134b3 rig 'dzin gyi gnas grub bo// yang rgyal bu shakra bu tis sras ni chung ste sras mo go ba de byi la dpal dam pa'i nang nas tshul brgya lnga bcu pa bkod de bshams nas in+d+ra b+hu ti'i lung de sras mo yul dang sa 'dzin du
134b4 stsal de la bstan ba las sras mo de yang 'khor dang bcas pa brgya dang yang rig 'dzin gyi gnas grub bo// de nas sras mo des/ rgyal bu la lung man ngag bzhag pa las 'phel ba ni deng du 'di lags te/ zhes
134b5 bshad cing/dad pa mtshung par mnyam sbyor 'grel pa las kyang/ sprul pa'i sku 'das phyi ma'i dus kyi tshe// rgyal ba'i bka' gsang 'dzam gling gnas su shar// rgyal po'i khab tu spyan drangs mchod byas te// dga' zhing
134b6 gus bstod legs bltas brda' ma 'jal// thugs rje'i 'brel shugs gsang sngags 'dzin par grags// dam pa bzung ste glegs bam gzigs par zhus// sgyu 'phrul thig le stong pa'i dkyil
135a1 'khor gzhung// grub thob lhag pa'i lha yis lung bstan mdzad// rdo rje theg pa'i gzhung lugs sna tshogs mtha'// dam pa rnams kyis gdams pa ji bzhin pa// mi 'gal legs par bsdus shing rab
135a2 bkrol te// 'grel dang bsdus don sgrub thabs mang du bstan// zhes gsungs pa'i phyir lugs de gnyi ga 'gal ba med kyang rgyal po rang nyid kyis rtogs pa'i phyogs legs par mngon te nyid kyi mdzad pa'i lam
135a3 rnam bkod du/shar phyogs in+d+ra'i lung pa na// rgya lung rdo rje brtsegs pa ru// rigs can in+d+ra b+hu ti ngas// gsang ba'i bdag pos mngon bstan pas// sgyu 'phrul dra ba'i bsgrub pa yang// tshom bu lnga bcu stong dang
135a4 bcas// phyag na rdo rje mngon grub ste// spang len brtul zhugs spyod pa'i dbang// dge bar bskur nas sdig pa med// de nas sa la reg par byas// zhes pa dang/ sangs rgyas gsang ba'i lam rim las/ 'grel pa
135a5 snang ba mngon brtags pas// thugs kyi sgrub pa mngon rtogs te// de nyid sgo nas de nyid grub// brtan pa'i dngos grub de nas thob// don dam bcud kyis de nas rgyas// 'dod pa'i bsam pa de ru 'grub// lhag
135a6 pa'i lha dang de ru mjal// zhes pa la sogs pas rang nyid kyis rtogs par bshad pa'i phyir ro// de la slob dpon ku ku rA dza khyi'i rgyal po zhes par grags shing lo rgyus 'ga' zhig tu ku ta rA dza zhes kyang 'byung ste
135b1 nyin mo khyi'i rnam pa can gyi dpa' bo dang rnal 'byor ma stong phrag re la chos ston cing mtshan mo de dag dang lhan cig tu dur khrod kyis gnas rnams su gshegs nas tshogs kyi 'khor lo la sogs pa dam tshig gi kun
135b2 tu spyod pa la gnas shing de ltar lo bcu gnyis su spyad pas mthar phyag rgya chen po'i dngos grub brnyes pa yin la/yang kha cig gis slob dpon 'dis spyod pa la gnas pa'i tshe/ u rgyan du byon nas slar yang rgyud sde
135b3 chen po bco brgyad kyi nang nas sangs rgyas mnyam sbyor la sogs pa'i nang rgyud sde lnga rgya cher bshad cing mthar gyis zla gsang thig le la brten nas mchog gi dngos grub brnyes pa yin no zhes kyang zer/slob dpon
135b4 'dis mnyam sbyor la rtsal du bton cing gsang don rnam par dgod pa drug dang/dkyil 'khor thams cad kyi rjes su 'jug pa'i cho ga lnga pa sogs bstan bcos du ma mdzad do// de ltar ma hA yo ga la rgyud sde dang
135b5 sgrub sde gnyis su yod pa las snga ma tan+t+ra chen po sde bco brgyad ni sku gsung thugs yon tan phrin las lnga'i gzhi dang rtsa bar gyur ba'i rgyud sde chen po lnga dang/sgrub pa'i yan lag tu 'gro ba'i rgyud sde lnga dang/ spyod pa'i
135b6 yan lag tu 'gro ba'i rgyud sde lnga dang/ma tshang ba kha skong ba'i phyi ma'i rgyud gnyis dang/ thams cad kyi bsdus don lta bu'i rgyud sde gcig dang bco brgyad do// de thams cad rgyal pos ku ku rA dza la bshad/ des
136a1 sras shakra pu tri'am in+d+ra b+hu ti chung ba la bshad/des seng ha rA dza la bshad/ des shakra pu ti 'am u pa rA dza la bshad/ des sras mo go ma de bI la bshad cing so so'i tshom bu dang bcas pa tshogs
136a2 sgrub kyi lam gyis rdo rje 'chang gi sa la gshegs so// de ltar yang lam rim las// de nas rdo rje gdan steng gi/ 'dzam gling shar gyi phyogs mtshams su// pho brang dam pa rin chen nang// bkra shis dam pa'i khang
136a3 bu ru// ku ku rA dzen+d+ra b+hu ti// sed+ha u pa rA dza dang// sras mo go ma de bI sogs// sgyu 'phrul dra ba'i dbang thob nas// tshogs kyi dkyil 'khor mngon bsgrubs te// rdo rje 'chang sar mngon du gshegs// zhes
136a4 so// rgyal po 'dis sgyu 'phrul lam rnam bkod dang/ rim pa gnyis pa la sogs pa mdzad cing bla med kyi bstan bcos gzhan yang bde mchog rtsa rgyud kyi 'grel pa dang/ ye shes grub pa dang/ lhan cig skyes
136a5 grub sogs mchog tu gsang ba'i don slong nges pa mang po mdzad/'phags yul gyi grub chen rnams la khyab gdal du gyur pa'i rgyud dang/ gdams ngag ci rigs pa thams cad las phal mo che rgyal po'i rigs kyi
136a6 slob dpon 'di nyid las byung ba shas che zhing/bde ba chen po dang 'od gsal gyi gdams pa'i bka' rnams rgyal po 'dis grub thob byis pa'i zhabs sam dza lan+d+ha ri pa la gnang/ des nag po spyod pa slob ma'i
136b1 tshogs dang bcas pa la brgyud nas/til+li pa dang nA ro pa slob ma'i tshogs dang bcas pa thams cad brgyud pa'i srol ka 'di nyid las byung ba yin no// de bzhin du las kyi phyag rgya'i bka' bab sa'i khungs kyang de
136b2 nyid do// sras mo go ma de bIs rgyal po ku ku rA dza/ des slob dpon sgeg pa rdo rje dang/ sangs rgyas gsang ba gsum la bshad de/ de la slob dpon sgeg pa rdo rje ni yul ShaM Sha ra 'khrungs/ u rgyan gyi gnas su rab
136b3 tu byung zhing sde snod gsum la sbyangs/khyad par thogs med lugs kyi grub mtha' la mkhas shing thun mong gi rig pa'i gnas thams cad kyang mkhyen/ u rgyan gyi gling phran ma d+hi ma zhes bya bar 'phags pa 'jam
136b4 dpal gyi mtshan yang dag par brjod pa'i sgrub pa mdzad pas grub par nye ba na 'jam dpal gyi bris sku'i zhal las 'od zer byung ste gling de yun ring du snang bar byas pas nyi ma dang 'dra ba zhes bya bar mtshan
136b5 gsol/dus gzhan zhig tu lta ba log pa'i sgrub ba po zhig la nang pa'i pan+Di ta'i dbang po lnga bsgrub rdzas la dgos pa byung nas slob dpon bkrong du 'ongs pa na glang po che dang/ rta dang/ khye'u dang/ bu mo dang/
136b6 ma he dang/ rma bya sogs sna tshogs pa'i gzugs su snang bar mdzad pas slob dpon gang yin ma shes par phyir log pas sna tshogs gzugs can zhes mtshan du grags shing sku tshe'i smad la o rgyan gyi yul du 'gro
137a1 ba'i don rgya cher mdzad/slob dpon chen po 'di spyir rgyud sde thams cad dang khyad par sgyu 'phrul dra ba la mkhas shing grub pa brnyes pa yin/ na lan+dar yang lo bcu bzhugs shing sngags kyi bstan pa
137a2 bskyangs/mtshan yang dag par brjod pa bla med rgyud du bkral ba'i TI ka mdzad pa dang/ dgyes pa rdo rje'i rdzogs rim thig le chen po'i rim pa dang/ 'dus pa la rgyud kyis bshad pa bla ma'i man ngag gi bshad
137a3 pa dang/lhan skyes sgrub thabs sogs rgyud gzhan dang/ gsang ba snying po'i 'grel pa spar khab dang/ thugs thig dang/ rim pa drug pa dang/ dam tshig gsal bkra dang/ phra rgyas sogs sgyu 'phrul phyogs la'ang
137a4 bstan bcos mang du mdzad cing rgya cher bshad/mthar gyis rdo rje'i sku brnyes pa yin no// 'di rab tu byung ba'i mtshan dpal ldan byang chub mchog gi bskal ba dang ldan pa zhes bya ba dang/ gsang mtshan sgeg pa'i
137a5 rdo rje dang/bstan bcos rnams su sgeg pa'i rdo rje nyi ma dang 'dra ba sna tshogs gzugs can zhes 'byung ba yin no// 'di la slob dpon ye shes zhabs kyis kyang/ sgyu 'phrul dra ba dang/ mnyam sbyor dang/ gsang
137a6 ba 'dus pa dang/zla gsang thig le ste tan+t+ra sde bco brgyad kyi gtso bo nang rgyud sde lngar grags pa rnams gsan cing bsgoms pas ye shes la dbang thob pa yin te/ zhal gyi lung las/ des nas yon tan kun
137b1 'byung u rgyan yul du bgrod/'jo sgeg rdo rje zhes byar mtshan gsol rab tu grags// de las mang thos rnam par dpyad cing de nyid du// zhes pa la sogs pa gsungs pa'i phyir ro// gang gi tshe sgeg pa'i zhabs
137b2 kyis u rgyan du sngags kyi bstan pa skyong ba de'i tshe gdol pa'i bu zhig gis Ar+ya de ba mjal/byin gyis brlabs pas chos rdol shes su byung/ 'phags pa klu sgrub yab sras kyi sngags gzhung rnams ci rigs par
137b3 bshad pa'i ma tang+gipa dang/kong+ka na ru bsrung ba'i zhabs kyis kyang zla grags las dngos su mnyan nas/ sgron gsal gyi glegs bam thog mar rnyed cing/ de bzhin du paN+Di ta sgra gcan 'dzin gyis kyang klu byang
137b4 mjal zer te 'dus pa 'phags skor thog mar byung ba'i skabs ka yin/slob dpon sangs rgyas gsang ba ni yul dbus su 'khrungs shing na lan+dar rab tu byung/ 'di dang slob dpon sangs rgyas zhi ba gnyis ka ye
137b5 shes zhabs kyi sku tshe'i stod kyi slob ma yin/wA ra nA si'i gnas shin tu 'phags pa 'jam dpal bsgrubs pas nam zhig na bris skur bzhad cing/ dngos grub kyi rdzas ba dmar po'i mar khu yang khol/ me tog
137b6 rnying pa rnams kyang kha 'bus pas dngos grub gyi ltas su mkhyen kyang thog mar me tog 'bul lam mar khu gsol snyam pa'i the tshom gyi ngang du cung zad lus pas gnod sbyin mo zhig gis gegs byas te slob dpon gyi
138a1 'gram par thal lcag bsnun pas cung zad brgyal/de sangs tsan bris sku rdul gyis gos/ me tog rnying/ mar khu bo ba yang gzigs/ 'on kyang rdul phyis me tog dbu la phul/ mar khu gang yod
138a2 gsol bas sku lus nad thams cad dang bral zhing shin tu stobs dang ldan pa dang blo shin tu rno zhing mngon par shes pa la dbang sgyur ba byung/de skabs shes o rgyan du byon nas slob dpon sgeg pa'i rdo rje dang
138a3 mjal zhing/rnal 'byor rgyud dang bla med nang rgyud sde lnga gsan cing khyad par sgyu 'phrul la mkhas/ dus gzhan zhig tu sangs rgyas zhi ba dang mnyam du ri bo ta lar 'phags pa spyan ras gzigs mjal bar byon
138a4 pas ri'i rtsa bar 'phags ma sgrol ma klu'i tshogs la chos ston pa dang/sked par khro gnyer can mas lha ma yin dang gnod sbyin gyi tshogs la chos ston pa dang/ rtse mor 'phags pa mngon sum du bzhugs pa yang
138a5 rang rang gi snang ba dang mthun par mjal/der sangs rgyas gsang bas zhabs sa la mi reg pa sogs dngos grub kyang brnyes/ 'phags ma sgrol mas ri kha ba can gyi gangs ti ser song la sgrub pa gyis zhes lung
138a6 bstan/tshur slebs nas bA ra nA sI la sogs par lo mang po'i bar du chos bshad pas slar yang 'phags pa 'jam dpal gyis sngar sgrol mas lung bstan pa ltar bskul bas/ ri ti ser byon nas sgrub pa mdzad
138b1 pas rdo rje dbyings kyi dkyil 'khor chen po lan grangs du mar gzigs shing 'jam dpal dbyangs dang mi dang mi lag pa bzhin du gyur/mi ma yin pa rnams kyang bran du khol/ slob dpon 'dis gsang ba snying po
138b2 la 'grel pa rnam dbye 'grel dang/rdo rje las rim dang/ dkyil 'khor chos don dang/ dam pa rgyan dang/ dra chen dra chung dang/ lam rim che chung gnyis dang/ zhi ba dang khro bo'i mngon par rtogs pa'i rim pa
138b3 dang/rnal 'byor rgyud la'ang rdo rje dbyings kyi sgrub thabs yo ga la 'jug pa dang/ rnam snang mngon byang gi bsdus 'grel dang/ bsam gtan phyi ma'i rgyas 'grel sogs shin tu mang bar mdzad cing bod la'ang
138b4 bka' drin che ba'i tshul 'og tu 'chad par 'gyur la/mthar sku lus mi snang bar gyur skad/ yang rgyal po ku ku rA dzas/ ro langs bde ba'i dngos grub dang/ drang srong b+hA Shi ta gnyis
138b5 la bshad/snga mas badzra ha s+ya la bshad/ slob dpon 'dis gsang ba 'dus pa la'ang 'grel pa dgongs pa thams cad nye bar len pa dang/ bde ba chen po'i sgrub thabs sogs mdzad nas rtsal du bton cing bshad pas 'phags yul du
138b6 'dus pa la bkal srol mi 'dra ba lugs nyi shu rtsa bzhi yod par 'dod pa las bod du drug byung ba'i bzhi pa 'dus pa rdo rje bzhad pa'i skor gyi srol ka byung sa de yin/'dis na lan+da'i nub sgo srung ba ngag gi dbang
139a1 phyug grags pa la 'khor lo sdom pa'i dbang bskur ba mdzad cing rgyud kyang bshad/gdams pa dang rjes su gdams pa rnams kyang bstsal/ man ngag bsgoms pas ngag gi dbang phyug chen po sogs
139a2 grub pa thob cing sku lus de nyid kyis zung 'jug gi sku phyag rgya chen po'i rig 'dzin du gyur pa yin no// slob dpon de dang drang srong b+ha Shi ta gnyis kas za hor rgyal po pra hasti la bshad/ 'di ni nub phyogs su rgyal
139a3 rigs su sku 'khrungs tsi ta ba ri'i yul gyi slob dpon zhi ba 'od dang ma ru'i yul gyi 'dul 'dzin chen po bsod nams grags pa las rab tu byung zhing mtshan shAkya 'od du grags/sde snod gsum ka la mkhas par
139a4 sbyangs shing slob dpon rdo rje bzhad pa sogs sngags kyi rdo rje 'dzin pa yang ches mang bar brten cing rgyud sde thams cad thugs su chud pa dang mchog gi dngos grub brnyes pa yin zhes grags/sngags su zhugs
139a5 pa'i mtshan pra b+hA ha sti zhes 'byung/slob dpon 'di'i slob ma shAkya bshes gnyen gyis rnal 'byor rgyud de kho na nyid bsdus pa'i 'grel pa ko sa la'i rgyan zhes bya ba'ang brtsams/ 'di gnyis kas kha cher byon nas
139a6 'gro don rgya chen po mdzad de/snga ma las slob dpon sangs rgyas gsang ba dang slob dpon chen po pad+ma sam+b+ha ba gnyis kyis gsan zhing slob dpon pad+mas rgyal po dza nyid la'ang gsan no// de yang slob dpon chen
139b1 po 'di ni 'jam dpal sgyu 'phrul dra ba las/dpal ldan sangs rgyas pad+ma skyes// kun mkhyen ye shes mdzod 'dzin pa// rgyal po sgyu 'phrul sna tshogs 'chang// che ba sangs rgyas rig sngags 'chang// zhes lung gis
139b2 bstan pa yin la/don du de bzhin gshegs pa thams cad kyi gsung rdo rje'i bdag nyid sangs rgyas 'od dpag tu med pa'i sprul pa'i sku ste d+ha na ko sa'i mtsho'i dbus su pad+ma'i sdong po las mngal gyi dri mas ma
139b3 gos par brdzus te 'khrungs so// de la gter ma'i phyogs phal che bar rdzus skyes kho na grags che la/ bka' ma phur pa'i rnam bshad sogs su mngal skyes kyi phyogs kyang gsungs shing/ de dang mthun par
139b4 'phags pa'i yul gyi gtam du'ang grags mod/rnam 'phrul bsam gyis mi khyab pa la dbang 'byor ba'i phyir gang ltar yin kyang rung la/ brdzus skyes ltar na hu rmu dzu dang/ si ko d+ha ra dang/ d+ha na ko sa dang/ rug+ma
139b5 sogs gling phran re yin cing o Di yA na'i yul dngos ma yin kyang de rnams su 'gro don ci rigs par mdzad do// zhes 'byung la/ u rgyan gyi yul nyid du'ang shar dang lho dang byang gsum du rgya mtsho chen po re yod
139b6 pas/de dag gang du 'khrungs pa'i tshul gsal ka 'phags yul pa'i gtam rgyud du ma byung/ gang ltar o Di yA na'i 'phral skad du sra do zhes pa rgya gar pa rnams sri ga d+ha ra me tog phreng ba 'dzin zhes pa o rgyan gyi
140a1 rgyal po'i rigs su gyur pa'i blon po dkon mchog gsum la bla mar byed pa zhig gis thog mar rnyed cing mjal/mngal skyes kyi phyogs su de'i sras yin par 'dod/ 'di'i ming zur chag pas kr-iSh+Na
140a2 'dzin du gyur pa de yin/de nas rig pa'i gnas yan lag dang bcas pas so so'i slob dpon brten nas sbyang ba'i tshul gyis nyams 'og tu chud par mdzad/ ShaM ra ga Sha zhes bya bar 'dul pa 'dzin pa zhig las
140a3 skyabs su 'gro ba dang/bslab pa'i gzhi lnga blangs/ sde snod gsum kyang bslabs/ sngags kyi slob dpon shAn+ti rU'u pa las bya spyod rnal 'byor rgyud kyi dbang bskur ba mang po zhus pas/ me tog thams cad pad+ma'i
140a4 rigs kyi lha kho nar phog/gzhan yang grub thob chen po su kha de ba zhes 'phags pa spyan ras gzigs dang gnyis su med pa zhig dang/ u rgyan gyi yul nyid du smad 'tshong ma su kha d+ha rI zhes rdo rje 'chang las
140a5 dngos su chos gsan pa'i grub pa mo chen mo de la gsang sngags nang gi dbang dang gdams pa mang po yang zhus so// dge slong ma kun dga' mo zhes pa'ang 'di'i mtshan gyi rnam grangs so// de nas gnas dben pa
140a6 rnams su bsnyen pa dang/nye bar bsnyen pa dang/ sgrub pa dang/ sgrub pa chen po rnams mdzad pa na thog mar cho 'phrul gyi rigs du ma byung yang rnam par mi rtog pa'i lam du btang nas bsgoms pas de bzhin
140b1 gshegs pa 'od dpag med sogs sangs rgyas dang byang chub sems dpa' du ma'i zhal gzigs/khro bo'i rgyal po ha ya grI ba dngos su gzigs/ mkha' 'gro ma dang 'byung po rnams bran du khol ba sogs byung/
140b2 skabs der rgyal srid kyi bya ba'ang ci rigs par mdzad/ dus gzhan zhig tu yul de'i blon po'i tshogs dang ma 'tshams pa ltar mdzad nas srid spangs te dur khrod chen po bsil ba'i tshal du byon/ der rig sngags
140b3 bzlas shing spyod pa mdzad pas khams gsum rnam rgyal dang gshin rje'i gshed la sogs pa rdo rje'i khro bo thams cad kyi zhal gzigs shing gsung thos/ma hA kA la dang re ma ti sogs bran bzhin byed/ klu dang
140b4 gnod sbyin thams cad kyang mngag gzhug tu khol/'jig rten dang 'jig rten las 'das pa'i drag sngags 'bum phrag brgya la dbang thob/ 'dzam bu'i gling na gdod nas grub pa'i dur khrod chen po gzhan rnams
140b5 su'ang rdzu 'phrul gyis byon cing der grub pa'i slob dpon rnams dang mjal zhing ral gri sogs thun mong gi grub chen brgyad po'ang nyams 'og tu chud par mdzad/de tsam na rig pa 'dzin pa'i lus su gyur kyang da
140b6 ni spyod pa spyad de zung 'jug gi go 'phang thob par bya snyam du dgongs pa na sangs rgyas snang ba mtha' yas kyis de kho na nyid ma mthong bar drag shul spyod pa'i las kyis 'dod pa'i don la bar du gcod pa yin gyi
141a1 khyod kyi 'di tsam gyis mchog gi dngos grub mi thob pas sngon gyi las 'brel yod pa'i slob dpon sangs rgyas ye shes yin pas des bstan pa bzhin sgoms shig/ces lung bstan pa ltar yul
141a2 dbus su byon cing slob dpon shAkya 'od las rgyud sde 'og ma gsum sogs sngags phyi nang thams cad la sgro 'dogs chod par mdzad/slob dpon chen po ye shes zhabs las pha rol phyin pa'i sde snod rnams dang/
141a3 sgyu 'phrul dra ba dang/ zla gsang thig le dang/ sangs rgyas mnyam sbyor dang/ gsang ba 'dus pa dang/ karma mA la sogs rgyud dang man ngag thams cad gsan/ sangs rgyas gsang ba las kyang rnal 'byor rgyud dang
141a4 gsang ba snying po la sogs rgyud sde mang po gsan cing mtha' dag pa thugs su chud par mdzad/khyad par sprul pa'i sku dga' rab rdo rje dang/ 'jam dpal bshes gnyen dang/ shrI seng ha gsum las rdzogs pa
141a5 chen po don brgyud kyi man ngag rig pa rgyal thabs spyi blugs kyi tshul du thos pas zab gsal gnyis su med pa'i ye shes nam mkha' dang mnyam pa la rang dbang brnyes shing rdo rje 'chang dang mi gnyis par
141a6 gyur/spyir slob dpon chen po 'di ni sprul pa'i sku yin pas thun mong rim gyis pa ltar gsan bsam la ma ltos kyang 'dir re zhig gdul bya'i dbang gis thun mong ltar bshad pa yin gyi thun mong ma yin pa'i
141b1 rnam thar kyang 'chad par byar yod mod kyi spros pas chog go/de la ye shes zhabs kyis slob ma mthong ba'i chos su mya ngan las 'das pa bzhi'i ya gyal bde ba chen po pad+ma ka ra zhes pa slob dpon 'di nyid yin
141b2 ces 'phags yul du grags mod/slob dpon de nyid kyis lung bstan pa ltar grong khyer pan+Da pa'i byang ngos par+shi bya ba'i nags kyi mthongs su ri de'u zhig yod pa der yin zer/ don du brag phug ma ra ti kar pad+ma
141b3 can gyi las rgya man+dA ri la brten nas bde ba chen po'i lam gyis zla ba drug tu sgrub pa chen po mdzad pas phra yang sogs kyi yon tan dang ldan pa'i rdo rje'i skur gyur/ti ra hu ti sogs tha ru'i rgyal khams dang/ ka
141b4 ma ru dang bal po sogs byang phyogs kyi yul rnams su'ang chos ston pa dang/thun mong gi grub pa rnams kyis phan 'dogs par mdzad/ tsam+pArna'i yul du klung chen po b+ha taM zhes pa nyin lam gcig tsam sa'i 'og tu
141b5 bcug pa dang/tsha lam tsam du bcug pa gnyis yod/ de skabs tsam du rgya gar lho phyogs tri ling ga dang nye ba tri ma la'i yul la k+Sha mAn gyi gnas dang nye ba na shi ba s+thA na zhes pas dbang phyug gi ling+ga rang byung du
141b6 byung/des nang pa'i sde rnams dang lha khang sogs la shin tu gnod pa zhig yod la/ yang shar phyogs b+hang ga lar nye ba bA' ren+d+ra'i lho nub bA gal zhes bya bar mtsho chung zhig gsar du rdol zhing der mu stegs la
142a1 dga' ba'i klu gdug pa can zhig kyang gnas bcas/de'i mthus shar phyogs su mu stegs kyi sde gsar pa mang du byung/ sangs rgyas pa rnams la klu de shin tu cho 'phrul che bas gnod par gyur/ ma
142a2 ga d+ha'i rgyal po'i khab na shel gyi pha wang gcig la mu stegs pa'i lha 'byung po mang du gnas pas bsgrub mi dgos par mig mthong dang rna sgrogs dang mo rtsis kyi mngon shes sogs ston pa zhig byung/de rnams
142a3 'dul bar dgongs te rdo rje gdan du sgrub khang mdzad nas 'khor los sgyur ba drug gi dkyil 'khor zhal phyes nas dpal yang dag he ru ka bsgrubs pas 'bar ba dang/ha ha hi hi sogs bzhad pa brgyad kyis
142a4 bzhad pa'i dpal he ru kas zhal bstan/phur bu gsum byung ba las khro bo khams gsum rnam rgyal gyi phur bu slob dpon nyid kyis blangs te tri ma la'i ling+ga dang nye ba'i shing sdong gcig la btab pas de skor gyi
142a5 nags thams cad tshig/ling+ga phyed lhag tsam thal bar song/ phyis nang pa la gnod pa med cing mchod pa nyams pa rnams kyang gsos/ khro bo bdud rtsi 'khyil ba'i phur bu dkyil 'khor gyi gzungs ma man dA ra
142a6 ba'ang ngang tshul can gyis blangs te b+haM ga la'i mtsho de la btab pas klu 'khor bcas thal bar song/zhag bdun nas mtsho yang bskams/ mu stegs kyi sde de rnams zhig/ phur bu chung ba de sgrub g.yog ka ma ru'i
142b1 rnal 'byor pa rat+na shi las blangs te rgyal po'i khab gyi shel gyi pha wang de la btab pas sil gyis zhig/de gnyis kyis kyang sangs rgyas pa'i sde rnams la phan par byung/ gnyis ka'ang rig pa 'dzin pa'i lus su
142b2 gyur te mi snang la/'dod na sprul pa'i lus kyis snang bar byed do/ slob dpon gyis tri ma la dang bi kra ma shI lar thogs re bzhugs shing lha khang re'ang bzhengs/ de nas slar yang o rgyan du byon/ skal pa dang
142b3 ldan pa rnams la gsang sngags phyi nang gi chos mang du bstan cing thams cad kyang dngos grub sna re ma thob pa med/lha khang chen po gcig kyang bzhengs/ de skabs o rgyan dang nye ba'i yul kats+tsha na sangs rgyas pa'i
142b4 sde bzang ba zhig yod/yul mo la tA na'i grong khyer bA ga da'i rgyal po stag gzig tu ruSh+ka yin pa de'i dmag gis yul rnams bcom/ chos grwa 'ga' ni zhig bshigs/ mang po 'jom la khad kyi skabs dmag mi
142b5 rnams nI la zhes pa'i chu klung la gru dang rkyal gyis byung bar/tshur kha nas slob dpon gyis lta stangs sdigs mdzub drag tu mdzad pas gru che ba bdun dang gru chung lnga brgya tsam dang/ rkyal zhing 'ong ba'i mi dang bcas
142b6 pa thams cad chur byings nas tu ru Sh+ka'i dpa' bo thams cad shi'o// de phyin chad phyogs der tu ruSh+ka'i gnod pa ma byung ngo// bal yul phyogs su phebs nas yang le shod du dpal yang dag he ru ka'i sgrub pa tshom
143a1 bu lnga pa'i tshogs kyi spyod pa spros bcas zla ba drug tu spyad pas phyogs bcu'i sangs rgyas thams cad zhal rtag tu ston cing gsung gleng mdzad pa dang/'od gsal gyi sku las zung 'jug gi skur
143a2 bzhengs te phyag rgya chen po mchog gi dngos grub mngon du mdzad do// de nas rgya gar shar nub lho dbus rnams su 'gro don ci rigs par mdzad la/ de nas chu bo gang gA'i byang phyogs nai pa la'i yul phan chad du
143a3 'gro ba'i don cher mdzad/de bas kyang 'gro lding gi yul du 'gro don che/ de bas kyang bod kyi yul du 'gro ba'i don rgya che/ de las kyang rnga yab gling phran sogs su mi ma yin gyi 'gro don mdzad pa shin tu rgya ches
143a4 che ba yin te/snga ma rnams ni yul nyi tshe ba dang skye bo nyung ngu tsam dang/ dus kyang lo grangs brgya stong snyed sogs yun thung ngu yin la/ phyi ma 'di la ni yul dus skye bo sogs tshad gzhal bar dka' ba'i phyir slob
143a5 dpon 'di nyid gtso bor mi ma yin 'dul ba'i phrin las can no// de la slob dpon 'di rab tu byung ba'i mtshan pad+ma 'byung gnas dang/ gsang ba'i mtshan pad+ma sam+b+ha ba dang/ ma hA su kha dang/ pad+ma badzra la sogs
143a6 mtshan gyi rnam grangs dang/phyis o rgyan d+harma gany+dzi nas dgyes rdor gyi rgyud spyan 'dren pa po slob dpon mtsho skyes su grags pa o rgyan du rgyal pos gson bsregs byas pas slob dpon yab yum he ru ka'i rnam
143b1 par bzhugs pa sogs cho 'phrul khyad par can bstan pa de yang 'di nyid yin nam sems shing gzhan yang slob dpon chen po pad+ma badzra che chung dang/Dom+bi pa dang/ bI ru ba dang/ nag po spyod pa chen po la sogs
143b2 pa rnams kyang slob dpon nyid sku'i rnam pa gzhan dang mtshan gzhan gyis yul ci rigs par 'gro don ma nges par mdzad par grub la/de dag kyang rnam pa 'di dang mtshan 'dis mtshon pa'i rnam thar gyi dbang du
143b3 byas pa yin mod/dngos rgyud kyi khyad par tsam ma gtogs sprul pa'i sku 'di nyid kyi gdul bya'i zhing du ma gyur pa gcig kyang med pa'i phyir zung 'jug gi go 'phang la bzhugs pa rnams kyi rnam par thar pa'i
143b4 mtha' ni sus kyang brjod par mi nus so// de bas na grub thob chen po rnams gdul bya phal gyi mngon sum du mi snang bas yun ring por song ba na slar yang sku snang bar mdzad nas dus ring por bzhugs pa dang/
143b5 skabs re yul la lar mi snang bar la lar snang ba dang/ kha cig tu 'pho ba'i tshul mdzad nas kha cig tu skye bar ston pa sogs rnam 'phrul mtha' yas pa'i phyir sngon bI ru pa mi snang bar gyur nas slar yang sku
143b6 dngos kyis lan gsum du byon pa dang/dza lan+d+ha ri pa lan lnga byon pa dang/ spyod pa ba chen po de bI ko Tar grongs pa'i tshul mdzad nas slob ma rnams kyis sku gdung bsregs pa bcas grub pa na slar yang yul
144a1 gzhan du snga ma'i sku de nyid kyi 'gro don mdzad pa dang yul la lar skye ba gsar du bzung nas mchog gi dngos grub brnyes pa'i tshul mdzad par grags pa sogs la so skye'i snang tshul dang bstun pa'i
144a2 dus snga phyi dang gnas yul sogs khrig khrig kad kad sgrig tu mi btub cing phal pa'i rnam gzhag rgyal po la 'grigs pa'i skabs med pa bzhin no// de yang sems can rnams kyi mos pa dang/ bsam pa'i dbang
144a3 gi rjes su kun tu 'gro ba'i rdzu 'phrul las dbang phyug pa nyid kyis te/'phags pa chos thams cad yang dag pa sdud pa'i mdo sde las/ 'jig pa'i bskal pa chags pa'i bskal par mos na yang 'jig pa'i
144a4 bskal pa chags pa'i bskal par 'gyur te/sems can de dag gis kyang chags pa'i bskal par shes so// chags pa'i bskal pa 'jig pa'i bskal par mos na yang chags pa'i bskal pa 'jig pa'i bskal par
144a5 'gyur te/sems can de dag gis kyang 'jig pa'i bskal bar shes so// 'jig pa dang chags pa yang gzhan du gyur pa ma yin te mos pa de ltar du 'gyur ro// de bzhin du bskal pa gcig snga dro tsam du mos na
144a6 yang de na sems can de dag gis bskal pa gcig snga dro tsam du shes so// snga dro bskal pa tsam du mos na yang de bzhin du 'gyur te/ des na sems can de dag gis de bzhin du shes te/ 'di ni byang chub sems
144b1 dpa'i mos pa la byung ba'i rdzu 'phrul zhes bya'o// zhes pa la sogs pas gsungs pa'i phyir ro// slob dpon 'di nyid 'gro lding du phebs pa'i snga phyi gang yin mi gsal zhing 'dir grags pa ltar na bod kyi ljongs
144b2 'di nas srin po'i yul du byon par 'dod la/'gro lding ba rnams 'gro lding nyid nas der byon par 'dod la/ sku'i bkod pa gnyis dus gcig tu bstan par byas kyang mi 'gal mod/ gang ltar yang rgya gar lho
144b3 phyogs nas nub drang thad du grus brgal te rgya mtsho la phyin pa na rgya mtsho'i dbus kyi gling chung du DA mi Di pa zhes bya ba yod de sngon du srin po dang mkha' 'gro ma rnams nam mkha' la lding zhing 'gro ba kho nas gang
144b4 ba'i phyir de skad du grags shing 'byung po mi'i gzugs can gyi skyes pa dang/bud med rnams ni rigs sngags sna tshogs pas ngan thabs byed pa gdug pa'i mkha' 'gro 'am sngags 'chang ma shas che/ yul der
144b5 slob dpon gyis thog mar byon te gling de nyid gyi bdag mo sngags 'chang ma drug cu rtsa bzhi rgyal po'i btsun mo'i tshul gyis yod pa thams cad bkug nas sngags dang phyag rgyas gzir te btul nas gtso mo gzhan
144b6 rnams kyang bsdur bcug nas dam bzhag dang po mdzad/lan cig slob dpon grong khyer du byon pa zhig la/ sngags 'chang ma mang po 'dzam bu gling gi mi mang po za bar gzigs te/ de thams cad dbang med du
145a1 bkugs nas bsdigs pas de rnams 'bros par brtsams pa na yan lag la phur bus btab cing phyin chad 'dzam bu gling pa rnams la gnod par mi byed pa'i mna' bor du bcug cing sems
145a2 bskyed kyang phog ste dam bzhag gnyis pa mdzad/yang dus gzhan zhig tu na mgron khang zhig tu byon pas bud med mang pos snod du mar chu bskol gyin 'dug pa ji zhig na chu de rnams la la khrag tu 'gro/ la la
145a3 tshil du 'gro/de bzhin du la la thig le dang sha dang/ mar khu dang/ bu ram dang/ 'bras chan dang/ chang la sogs par 'gyur par gzigs nas de rnams la dris pas slob dpon yin pa ngo ma shes te 'di dag
145a4 ni 'dzam bu gling pa'i mi rnams kyi lus dang zas kyi bcud bkug pa yin zer/khyod rnams kyis slob dpon pad+ma ka ra'i drung du mna' bor ba ma yin nam byas pas/ nged rnams gyis dpon mos mna' bor yang kho
145a5 mo cag gis ma bor ro zer bas/yang sngar gyi phug pa der sngags 'chang ma dpon g.yog bsdus pas 'bum phrag bcu gnyis byung/ de thams cad kyi srog sngags dang sgrub thabs blangs/ dpon mo rnams dkyil
145a6 'khor du bcug/g.yog rnam las sems bskyed phog/ thams cad kyang mna' 'dor du bcug ste dam bzhag gsum pa mdzad/ gzhan yang yul de'i mi ma yin pa thams cad btul/ mi rnams kyang 'dul bar
145b1 dgongs te yi dwags parbA re zhes bya ba yul de'i rgyal po'i pho lha mthu rtsal che ba zhig yod pa'ang btul/rgyal po'i btsun mo rnams dkyil 'khor mchod pa'i gzungs ma'i ched du bkug pas rgyal po khros te dmag
145b2 gi tshogs dang bcas te byung ba la slob dpon gyis yungs kar gtor bas go cha dang mtshon cha ma lus pa tshig/dmag thams cad kyang lus rengs/ ngag lkugs/ sems myosate shi la thug par gyur pa na skye
145b3 bo thams cad kyis gsol ba btab pas slob dpon gyis bum pa'i chus bkrus pas skad cig la bde bar gsos so// de nas rgyal po 'khor bcas kyis zhabs la phyag btsal nas bka' bzhin sgrub par byas
145b4 pas/sangs rgyas kyi bstan pa tshugs shig gsungs/ bi d+ha/ ar+d+ha/ su d+hA zhes pa'i gtsug lag khang gsum bzhengs/ rab gnas slob dpon gyis mdzad/ ma ga d+ha nas sde snod gsum gyi mkhan po spyan drangs te
145b5 bshad pa dang lag len rkang tshugs pa btsugs/slob dpon nyid kyis rgyal po 'khor bcas la gdams pa mang du gsungs/ skal ba dang ldan pa drug la rgyud drug bshad/ de drug po yang grub pa thob/ yul so
145b6 sor lha khang mang du bzhengs/de ltar yul der lo bcu gnyis su bzhugs nas mthar bla gos kyis gshog pa'i tshul mdzad de nam mkha'i lam la gya gyur gshegs te/ lho nub srin po'i gling du bzhud do zer/
146a1 yul der phra men ma rnams dam bzhag dang po mdzad dus kyi me thab brag las bcos pa yod/ gnyis pa'i skabs 'kha' 'gro ma rnams la phur bu btab pa'i rjes stong phrag tsam dang/ grub pa'i phur
146a2 bu gzhan rnams yal nas med kyang/gcig ma 'ongs pa'i spyod yul du bzhag pa mi'i lus bongs sum 'gyur tsam yod pa rdo shing zangs lcags sogs gang yin mtshon du med pa zhig yod skad do// gling der slob
146a3 dpon chen po pad+ma'i lugs kyi sngags gzhung rnam dar bar yod cing/dges rdor dang/ zla gsang thig le dang/ dpal mchog rnams shin tu dar/ phyis su rgya gar lho phyogs pa bud+d+ha nA tha gup+tas kyang der phebs
146a4 shing slob dpon blo gros bzang po la slob dpon pad+ma lugs kyi dgyes rdor dang/bde mchog gi dbang bskur ba dang/ rgyud kyi bshad pa mang po zhus shing gzhan yang phur pa dang/ khro bcu'i rgyud dang/ rta mgrin
146a5 dang/yang dag dang/ ma mo'i skor sogs rgya gar na ma grags pa'i rgyud sde mang po bzhugs shing mdor na slob dpon chen po'i bka' srol gyi rgyud sde bzhi'i nyan bshad bsgom gsum shin tu dar zhing rgyas pa da
146a6 lta'i bar du yod do// der ma zad bskyed rim gyi bka' rnams ni slob dpon chen po 'di nyid la ka ma ru'i slob dpon rat+na shI las zhus/ des ka yas+tha br-id+d+ha la gdams/ 'di kyai rdor 'grel ba kha sbyor dri med
146b1 mdzad mkhan de yin/des dur ha ri la gdams/ des rdo rje gdan pa che ba la gdams/ des rdo rje gdan pa bar ba la gdams/ de nas slob dpon ab+h+ya ka ra slob ma'i tshogs dang bcas pa las byung ba yin
146b2 la/de bzhin du las kyi phyag rgya'i bka' yang slob dpon 'dis ku sa la la gnang/ de la ku sa la b+ha dra chung pas zhus/ de la slob dpon a si ta g+ha nas zhus/ de la ye shes bshes gnyen gyis zhus nas rim
146b3 bzhin byung ba yin cing bka' bab de rnams bzhugs pa'i slob dpon rnams slob dpon chen po 'di nyid kyi rjes 'brangs su don gyis 'gyur ba yin no// !// sgrub sde'i phyogs su'ang bka' gter gnyis
146b4 kyi bab tshul la dang po ni/slob dpon hU~M ka ra la thugs mi bskyod pa'i rigs he ru ka kal po sogs yang dag thugs kyi bka' babs te/ slob dpon 'di ni bal po'i yul du bram ze'i rigs su 'khrungs shing
146b5 rig byed sogs dang mu stegs kyi gzhung lugs la'ang shin tu mkhas shing nus pa'ang thob/phyis sangs rgyas kyi bstan pa la mchog tu dad pas yul dbus su na lan+d+rar slob dpon sangs rgyas ye shes dang pan+Di ta
146b6 sgra gcan 'dzin bzang po las rab tu byung/pha rol phyin pa nas bzung gsang sngags phyi nang gi bar gyi thos pas rgyud sbyangs/ dbang bskur ba nod cing gdams pa dang rjes su gdams pa mtha' dag gnang/
147a1 khyad par dpal he ru ka'i dkyil 'khor du dbang bskur ba'i tshe me tog khro bo hU~M mdzad la phog/ yun ring du bsgoms pas rim pa gnyis kyi ting nge 'dzin khyad par can skyes shing/ zla ba drug tu sgrub
147a2 pa byas pas dngos grub thob par dgongs te las rgya gdol ba'i bu mo ut+pal sngon po'i kha dog lta bu rdo rje'i rigs kyi phyag rgya'i mtshan nyid tshang ba zhig dgos pas phyogs gzhan zhig nas btsal ba rnyed nas pha ma
147a3 la bslangs pas de rnams na re/bram ze'i slob dpon khyod smyo ba yin nam/ nged gdol ba'i rigs yin pas khyod nyid dang nged rnams la'ang chad pa mi 'ong ngam zer/ nga la sgrub pa'i rten du dgos pas tha mal gyi
147a4 rigs nyams pa sogs kyi chad pa mi 'ong byas pas 'o na bu mo'i lus dang mnyam pa'i gser dngul dgos zer/der slob dpon kyi skad cig la sa 'og gi gter phyung ste de rnams la byin/ de nas slob dpon
147a5 phyag rgyar bcas pas ri phug gcig tu bsnyen pa dang/nye bar bsnyen pa dang/ sgrub pa rnams zla ba drug gi ring byas pa yar ngo'i tshes brgyad kyi tho rangs kyi dus su nam mkha' la hU~M gi sgra chen po grags/ badzra he ru
147a6 ka sogs dkyil 'khor thams cad kyang mngon sum du mthong/sgrub pa chen po'i lam gyis phyag rgya chen po mchog gi dngos grub thob bo// sgyu 'phrul lam rim las// zhag ni sum cu phrag drug dang// bcu gnyis
147b1 bcu bzhi bcu drug gis// dbang sgyur rigs kyi dam pa 'grub// ces bshad pa'i snga ma'o// slob dpon 'dis bskyed rdzogs gsum dang sngags rgyud gzhan gyis kyang 'gro ba mang po'i don mdzad la/ yang dag
147b2 ru lu gser phreng dang sangs rgyas mnyam sbyor gyi man ngag yan lag bzhi'i don snang bar byed pa dang/khrag 'thung chen po'i sgrub thabs yang dag par grub pa sogs rim pa gnyis kyi bstan bcos kyang mang du
147b3 mdzad nas mthar gyis sku lus de nyid kyis sangs rgyas mi 'khrugs pa'i zhing du khyung gi rgyal po 'phur pa bltar bzhud do// 'di las bskyed rim gyi bka' rnams slob dpon a ba d+hU ti pa dang/ o rgyan gyi
147b4 slob dpon sangs rgyas dpal zhi bas zhus/de las rdo rje gdan pa chen po sau ri pas zhus shing de las slob dpon chen po 'jigs med 'byung gnas sbas pa slob ma'i tshogs dang bcas pa 'khrungs pa yin no/
147b5 slob dpon 'jam dpal bshes gnyen la sku rnam snang gi rigs 'jam dpal khros pa gsang rgyud la sogs gshin rje gshed kyi bka' rnams babs te/ slob dpon 'di yang rgya gar nub phyogs rim pa
147b6 gnyis pa zhes bya ba'i grong khyer du yab sA d+hu sA s+t+r-i dang yum snang ba sgron me zhes bya ba'i sras su 'khrungs/rig byed yan lag dang bcas pa la mkhas pa zhig ste slob dpon chen po
148a1 ro langs thal mdog la sogs pa las sngags phyi nang gi dbang bskur ba dang/gdams ngag thun mong dang thun mong ma yin pa thams cad kyang thob/ slob dpon rol pa'i rdo rje las dgra
148a2 gdong 'jigs gsum sogs kyang gsan no zer/gang ltar thun mong gi grub pa rnams nyams 'og tu chud cing zung 'jug gi go 'phang thob par nye ba na spyod pa la gshegs pas mu stegs kyi kha 'dzin mchog tu che
148a3 ba'i rgyal po zhig glang po che la gzhon nas 'ongs pa dang zam pa gcig gi steng du 'phrad pa na lam bzur res ma byung bar slob dpon gyis sdigs mdzub bstan pas/rgyal po glang po che dang bcas pa phyed tshal du
148a4 bkas te zam pa'i g.yas g.yon nas lhung ngo// der rgyal po'i 'khor rnams kyi bzod par gsol zhing gsol ba btab pas slar gsos te nang pa'i bstan pa la bkod do// de yang ji skad du/ 'jig rten lha la
148a5 phyag mi 'tshal// glang po byung yang lam mi bzur/ kha nas gsang sngags rgyal po zlos// rkang pa brag rir thogs med 'gro// zhes pa'o// ji zhig na 'phags pa 'jal dpal dbyangs dang mi gnyis pa'i zung
148a6 'jug gi go 'phang mthon por gshegs pa yin cing 'jam dpal ya mAn+ta ka mngon sum du snang bas dbang bskur zhing rgyud dang man ngag thams cad bstan/sprul pa'i las gshin mang pos bskor ba byed cing
148b1 srog snying phul/ri ma la ya nas las bzhi tshang ba'i gser gyi glegs bam baiDUr+yas bris pa bton/ gzigs pa'i mod la thugs su chud de mu stegs 'dul ba'i sngags rgod las la sbyar bas mu stegs kyi rgyal
148b2 khams rlag par mdzad/glegs bam dngos rdo rje gdan gyi byang du mi snang bar rgyas btab bo// 'di la bram ze snying po grub par grags pa de ltar na slob dpon chen po dzi ta ri'i yab bram ze snying po'i zhabs yin
148b3 par mngon zhing slob dpon de nyid kyang 'jam dpal gyi rig sngags grub pas rgyal po d+harma pA las bla mar bkur nas rang gi sras la 'phags pa 'jam dpal gyi dbang bskur bas grub pa thob pa'i lo rgyus 'byung
148b4 ngo// slob dpon 'di nyid kyi slob ma dpal dus kyi 'khor lo'i rgyud phyi ma nas lung bstan pa'i bram ze ye shes rdo rje dang byang chub rdo rje gnyis char las rgyud sde mang po'i bshad bka' byung zhing/ khyad par slob
148b5 dpon 'di las don yod rdo rje che bas gshed skor mtha' dag zhus shing de las don yod rdo rje chung bas zhus pa sogs bod du grags pa'i skyo lugs kyi gshed skor gang du byung ba'i khungs 'ded sa de nyid yin
148b6 no// slob dpon chen po 'phags pa klu sgrub la gsung snang mtha'i rigs rta mchog rol pa sogs pad+ma gsung gi tan+t+ra rnams kyi bka' babs shing/ de la slob dpon 'di 'ga' zhig gis bi kra ma shI la'i gtor
149a1 ma'i slob dpon ba lin A tsar+ya yin/'phags pa klu sgrub min zer yang ba liM A tsar+ya'i mtshan la klu sgrub snying po zer ba srid kyang 'phags pa mi zer/ de'i phyir slob dpon 'phags pas mdzad pa'i
149a2 bstan bcos rnams su 'phags pa klu sgrub snying po zhes bkod 'dug pa'i phyir gtor ma'i slob dpon dang 'khrul bar mi bya'o// de nyid kyi rnam thar grags che ba ltar yin la/ 'on kyang slob dpon 'dis ma hA kA
149a3 la'i rgyud brgyad dang/lha mo nag mo'i rgyud dang/ ku ru kul+le'i rtog pa sogs rgyud kyi rnam grangs gzhan yang mang du spyan drangs/ ye shes kyi mkha' 'gro ma rnams las zhal gyis gdams pa thob/ sgrub thabs mi
149a4 gcig pa kho na'ang brgya drug cu spyan drangs par bshad/thun mong gi dngos grub brgyad po re re la'ang mi 'dra ba du ma grub/ shrI bar pa tar lo nyis brgyar gnod sbyin mo rnams kyi 'khor dang bcas sngags kyi spyod
149a5 pas bzhugs shing mthar gyis rdo rje'i sku grub bo// slob dpon bi ma la mi tra la yon tan rin 'byung gi rigs bdud rtsi bam brgyad sogs rdo rje bdud rtsi'i bka' rnams babs te/ slob dpon 'di 'phags yul
149a6 nub phyogs glang po'i tshal zhes bya ba sku 'khrungs/rig pa'i gnas yan lag dang bcas pa thams cad thugs su chud/ sde snod 'dzin pa rnams las theg pa che chung gi mdo sde rnams kyang gsan cing mkhas par
149b1 mdzad/slob dpon bud+d+ha gu h+ya la sogs rdo rje 'dzin pa chen po du ma las rgyud sde mtha' dag gsan cing bsgoms pas phyag rgya chen po mchog gi dngos grub nyams 'og tu chud/ sgyu 'phrul la khyad par du mkhas shing
149b2 snying po'i 'grel pa khog gzhung gsal sgron dang/bla ma'i 'grel pa mun sel dang/ le lag gi spyan 'grel dang/ brgyad cu pa'i bsdus 'grel dang/ shes rab spyan 'byed dang/ rim pa gsum pa dang/ phyag rgya
149b3 bsam bstan dang/sbyin sreg dang/ ro sreg gi las/ thig gi rim pa dang/ 'grel chung sogs bstan bcos mang po mdzad do// don grub kyi rigs phrin las phur pa'i rgyud rnams kyi bka' slob dpon pra b+ha ha sti
149b4 la babs shing/slob dpon chen po pad+ma saM b+ha bas kyang yang le shod du he ru ka'i dkyil 'khor la brten nas phyag rgya chen po mchog gi rig 'dzin mngon du mdzad pa'i skabs klu gyong po dang/ gnod sbyin rgod ma
149b5 kha dang/bar snang khams kyi glog ma sprin gsum gyi yid la mi bzod pa'i tshor ba skyes te mtho brtsams pa 'dul ba'i ched du bi d+yot+ta ma 'bum sde'i rgyud la brten nas sgrub pa mdzad pas badzra ku mA ra zhal bstan
149b6 cing bar chad kyi mtshan ma rnams bcom/ma mo bcu gnyis dang sa bdag mo bzhi sogs dam 'og tu bcug/ slar slob dpon pra b+ha ha sti la'ang kI la ya'i rgyud tshar bco brgyad gsan par grags shing phrin las
150a1 phur pa'i bka' rnams ma lus pa'i bdag nyid du gyur// de rnams slob dpon so sos rang gi nyams su blangs shing skal ba dang ldan pa'i gdul bya gzhan la'ang rgya cher bshad do// gnyis pa gter
150a2 ma'i phyogs ni/byang chub sems dpa' rdo rje chos kyi sgrub sde spyi bye brag rnams glegs bam du bkod pa re zhig mi'i 'jig rten du bstan pa'i yul ma gzigs nas mkha' 'gro las kyi dbang mo che la gtad/ des
150a3 sgrub pa bka' brgyad kyi spyi rgyud lnga dang/dgos rgyud bcu rnams rin po che sna brgyad kyi sgrom bur bcug/ dgos rgyud rnams tha dad pa'i sgrom bur bcug nas dur khrod bsil ba'i tshal gyi mchod rten bde byed
150a4 legs tshal du mi snang bar rgyas btab bo/dus phyis grub pa'i slob dpon chen po brgyad kyis mngon par shes pas shes te gnas der 'dus shing dgongs pa'i brtul zhugs bskyed de 'jig rten pa'i mkha' 'gro
150a5 ma dang dregs pa'i tshogs rnams la bden pa'i tshig dang mthun pa'i rdzas kyis bkrol/gzhan don du dgongs pa'i ting nge 'dzin gyi mthus mkha' 'gro ma las kyi dbang mo che mngon sum du byon nas sgrom bu rnams
150a6 blangs te/che mchog gi bse sgrom bi ma la yang dag gi dngul sgrom hU~M kA ra/ gshin rje'i lcags sgrom 'jam dpal bshes gnyen/ rta mgrin gyi zangs sgrom nA ga rdzu na/ phur pa'i g.yu sgrom pad+ma 'byung gnas/ ma
150b1 mo'i bse sgrom d+ha na saM skr-i ta/mchod bstod kyi mchod sgrom ram bu gu h+ya/ drag sngags kyi gzi sgrom zhi ba'i snying po rnams las so sor gtad de rang rang gi don la mkhas shing sngags kyi dngos grub brnyes par gyur
150b2 pa yin te/rin po che sna brgyad kyi sgrom bu las bde gshegs 'dus pa tshom bu gcig tu 'dus pa'i rgyud dang man ngag gi dka' rnams byung ba slob dpon pad+ma la babs pa yin no/ gnyis pa rdzogs pa a nu yo
150b3 ga'i skor rnams gsang ba'i bdag pos rgyal po dza'am lung bstan rdo rje la dbang bskur zhing bstan pa thams cad kyi don thugs su chud pa yin mod/'on kyang tshur mthong gi ngor gsang sngags la rang dgar
150b4 'jug pa dgag pa'i phyir mi'i rig 'dzin dge bsnyen li tsa bI dri med grags pa brten pa'i tshul gyis dbang bskur ba dang tshig gi bstan pa thams cad kyang zhus/spyi mdo'i 'grel ba sogs bstan bcos kyang
150b5 mdzad/des sngar li tsa bI la brten pa'i dus kyi grogs slob dpon u ba rA dza dang rang gi sras shA' kra pu tri dang/ nA ga pu tri dang/ gu h+ya pu tri gsum la sprul pa'i dkyil 'khor du dbang bskur zhing gdams ngag
150b6 kyang bstan/u pa rA dza la shrI d+ha na'i gling du dpal ldan 'bras spungs sam mchod rten dpal yon can du dbang bskur zhing rgyud gtad do// grong khyer skyid pa'i 'byung gnas su rang gi sras gsum la dbang bskur/
151a1 de yang shA' kra pu tri ni in+d+ra b+hU ti chung bar grags pa de yin/ 'dis grub pa brnyes pa'i tshe slob dpon lA ba par grags pa yin zer/ lhan cig skyes grub kyi 'grel pa las kyang de ltar bshad de/
151a2 gang ltar 'khor lo sdom pa sogs rgyud sde 'ga' zhig in+d+ra b+hU tis lam srol dbye bar mdzad pas bram ze rin chen rdo rje sogs brgyud srol de'i rjes 'brang yin no// de yang rgya gar gyi bla ma phyis byon pa 'ga'
151a3 zhig gis slob dpon lwa ba pa de rgyal po'i sras zhig yin/yul yang o rgyan gyi nang tshan zhig yin ces gsungs pa ltar na in+d+ra b+hU ti chung pa yin kyang rung ste/ des thog mar sngags kyi slob dpon chen po zhig
151a4 las dbang bskur ba nod cing gdams pa bsgoms pas ye shes rtogs par gyur pa na dus gzhan zhig tu o rgyan gyi d+hu ma s+thi ra mkha' 'gro ma'i grong khyer du song bas mu stegs kyi mkha' 'gro ma rnams kyis me
151a5 tog gi phreng ba lag tu gtad pa de blangs pas sangs rgyas pa'i mkha' 'gro ma rnams kyis bu me tog blangs pa ma legs/dmu stegs kyi rjes su 'jug dgos na zer/ der slob dpon gyis ting nge 'dzin bsgoms
151a6 shing bzhugs pas nam phyed tsam na mu stegs kyi mkha' 'gro ma rnams kyis rdo char phab pa bskyed rim gyi srung 'khor bsgoms pa'i mtshams tshun la ma gnod/bskyed rim gyi phan yon de 'dra na rdzogs rim gyi nus
151b1 pa bstan par bya'o dgongs nas mtshan ma med pa'i ting nge 'dzin la gnas pas rdo thams cad nam mkha' la chags so// deng sang yang o rgyan gyi yul slob dpon 'di'i sgrub phug gi steng gi nam mkha' la pha wang
151b2 chen po rten med du yod pa dang/brag me long ltar 'jam pa'i ngos la'ang pha wang mang po chags pa mngon sum gyi spyod yul du gyur pa yod/ lan cig rgyal po'i pho brang gi sgo drung kho nar gzims nas bzhugs
151b3 shing pho brang du phyin pa thams cad slob dpon la phyag ma byas na byin pa rengs 'gro ba kho na byung bas thams cad kyis phyag byas nas 'gro dgos pa byung/gzim log pa'i yun ni lo grangs bcu gnyis yin te slob
151b4 dpon gyi ni 'od gsal thun gcig go/skabs shig o rgyan gyi yul gyi phra men ma lnga brgyas slob dpon la bar chad brtsam par 'dod nas btsal bas slob dpon gyi shul du lwa ba gcig las gzhan mi 'dug
151b5 pas/kye ma dge slong 'di'i sgyu ma la ltos/ rang gi lus lwa bar bsgyur nas 'dug na 'di dum bu so sor bgos nas bza' bar bya'o// zhes/ lwa ba de dum bu lnga brgyar byas nas zos so// der slob dpon gyis
151b6 lus snang bar byas te de rnams dmod pa bor bas phra men ma lnga brgya po rnams lug ma mo lnga brgyar gyur/de rnams rgyal po'i drung du song nas dge slong dur khrod bdag pos bdag po cag rnams 'di ltar byas
152a1 pas lhas dgrol ba'i thabs 'tshal lo zer/der rgyal pos slob dpon la zhus pas slob dpon gcer bu bzhengs nas rgyal po khyod kyi yul gyi sngags 'chang ma rnams kyis/ dge slong la nor lwa ba
152a2 gcig yod pa'ang zos so// de bas na sngags 'chang ma rnams khug cig gsung/ der thams cad bkug nas re re la sdigs mdzub re bstan pas go brnyan sna tshogs su gyur nas lwa ba'i dum bu so sor skyugs
152a3 so// de dag tshem bu byas pa cung zad ma 'grig/ da rung gsum yod pa khug cig gsungs pas btsun mo'i 'khor gyi nang na'ang gsum yod pa'ang bkug nas snga ma bzhin skyugs su bcug pas 'grigs nas sku la
152a4 gsol ba rje btsun lwa ba par grags shing/gzhan yang 'di dang rgyal po in+d+ra b+hU ti gnyis kyis grub pa thob pa'i rtags skye bo rnams la bstan pa'i lo rgyus dang/ slob dpon rol pa'i rdo rje thun mong gi dngos
152a5 grub thob pa'i skabs shig o rgyan gyi yul du slob dpon 'di dang lhan cig par byon pas ri mu run+Da ka la rdzu 'phrul 'gran pa'i lo rgyus sogs shin tu mang bar yod cing rol pa'i rdo rjes kyang slon dpon 'di la
152a6 phyag mdzad pa dang gdams pa zhus pa'i 'og tu mchog gi dngos grub thob pa yin zhes grags shing/phyag chen thig le'i skor rnams kyang 'di dus su o rgyan gyi yul du dar ba yin/ phyis o rgyan gyi yul der rgyal
152b1 po dang slob dpon gnyis char gyis gdams pa bstan pas thams cad rig pa 'dzin par gyur nas o rgyan gyi yum de tsam du che ba'ang stongs su nye bar gyur skad/'di gong du smos pa'i rgyal po dza'i sras in+d+ra b+hU
152b2 ti chung ba 'khor tshom bu dang bcas pa rig pa 'dzin par gyur par gsungs pa dang don gcig gam snyam mo// de ltar in+d+ra b+hU ti chung bas seng ha pu tra dang ku ku rA dza phyi ma gnyis la rgya mtsho'i 'gram du dbang
152b3 bskur zhing rgyud bshad/phyi mas slob dpon chen po ro lang bde ba la dbang bskur zhing bshad/ 'di sprul pa'i sku dga' rab rdo rje'i mtshan gyi rnam grangs so// 'di yan chad kyi brgyud pa de rnams rang rang gi
152b4 'khor tshom bu khri phrag lnga nas gcig gi bar gyi thams cad kyang spros bcas kyi spyod pa tshogs kyi sgrub pas zung 'jug gi sku brnyes te mi snang bar gyur skad/slob dpon des slob dpon rdo rje bzhad pa la ut+tas
152b5 ra'i tshal du dbang bskur zhing rgyud kyang bshad/des kyang bde ba chen po'i lam gyis mchog gi dngos grub thob cing rnal 'byor rig pa'i nyi ma zhes bya ba'i bstan bcos mdo'i zab lam gtan la dbab pa zhig
152b6 kyang mdzad/des slob dpon pra b+ha ha sti la g+ha dza ne'i yul gyi chu klung sin+d+hU'i 'gram du dbang bskur ba dang rgyud bshad/ 'di sngar smos pa bzhin rab tu byung ba'i mtshan shAkya 'od ces grags shing/ des slob ma
153a1 shAkya 'od chung ba dang/shAkya bshes gnyen dang/ shAkya seng ge gsum la bstan/ bar pa 'di rnal 'byor rgyud la shin tu mkhas pas de nyid 'dus pa'i 'grel pa ko sa la'i rgyan ces bya ba yul ko sa
153a2 lar brtsam shing khong nyid kyis bla ma bcu gcig tsam la zhus par bshad cing sku tshe'i smad du kha cher byon nas 'gro don cher mdzad/phyi ma ni slob dpon chen po pad+ma sam+b+ha ba'i mtshan gyi rnam grangs te/ des lha'i
153a3 bshos khang dgu thog tu slob dpon d+ha na rak+Shi ta la bshad/'dis mdo'i rnam grangs 'chad pa'i bstan bcos mdzad/ des o rgyan gyi rdo rje'i phug tu slob dpon hU~M mdzad la bshad/ 'dis rtsa rgyud la rgya bdun
153a4 'grel pa dang/rnal 'byor sa'i sgron ma la sogs mdo'i bstan bcos mang po mdzad/ rgya gar dang ta sig gi mtshams a su ra'i brag phug tu phyag rgya mo ga ga sid+d+hi la brten nas sgrub pa mdzad pas rig pa 'dzin
153a5 pa'i sku gyur/de'ang lus mi snang ba ni bcud len dang/ thig le dbab bzung dang/ sgron ma rlung gi 'khor lo sogs 'jig rten pa'i lam las kyang 'byung mod/ 'di dag ni mthong lam rnam par mi rtog pa'i ye
153a6 shes nye rgyu'i spyod pa la brten nas rnam smin gyi lus 'od gsal du gnas 'gyur pa min pas khyad par che bar shes par bya'o// slob dpon des bde ba gsal mdzad la grong khyer dpal yon can du dbang bskur
153b1 zhing rgyud gtad/'dis slob dpon hUM ka ra la'ang gsan/ rig sngags grub pas rig pa 'dzin pa'i skur gyur/ mdo'i yig sna bco brgyad dang rnal 'byor gyi rim pa theg chen sgron ma sogs mdzad/ des skal pa
153b2 mchog dang ldan pa'i thugs sras bzhi la bshad de/ma ga d+ha ra mdo'i mkhan po d+harma bo d+hi la bshad/ 'dis mdo'i don bsdu ba dang/ shes rab sgron ma dang bkol mdo rnams mdzad/ shrI lan+dar mkhan po d+harma rA dza
153b3 bA lar dbang bskur zhing rgyud rnams bshad/bal po'i rgyal po ba su d+ha ra dang gtsug lag dpal dge gnyis la rgyal po'i khab kyi grong khyer du dbang bskur zhing rgyud kyi bshad pa bstsal/ phyi ma gsum pos slob
153b4 dpon d+ha na rak+Shi ta las kyang gsan ces grags/bshad ma thag pa'i brgyud pa de thams cad ni dbang bka' dang/ bshad bka' dang/ man ngag gi bka' thams cad 'dus pa'i brgyud pa yin no// yang slob
153b5 dpon de gsum kas bru sha'i slob dpon che btsan skyes la yul dbus su dbang bskur zhing rgyud bshad/bsgoms pas grub pa thob pa la phyis slob dpon d+ha na rak+Shi ta bru sha'i yul du spyan drangs shing mdo dgongs
153b6 'dus la sogs pa bsgyur bar brtsams pa na mos pa chung bas ma 'gyur te bal yul du byon/ba su d+ha ra dang d+harma bo d+hi la bshad/ phyis bru sha'i yul du d+harma bo d+hi dang d+ha na rak+Shi ta'i drung du slob dpon che btsan
154a1 skyes kyis bru sha'i skad dang yi ge bsgyur ro//// gsum pa rdzogs pa chen po a ti yo ga'i skor ni/ gang gi tshe bcom ldan 'das gsang ba'i bdag po phyag na rdo rjes ri rab kyi byang phyogs
154a2 dur khrod me ri 'bar bar mkha' 'gro dang/mkha' 'gro ma dang/ grub pa dang/ rig pa 'dzin pa'i tshogs la gsang ba sngags kyi chos ston pa de'i tshe 'phags yul nub phyogs o rgyan gyi yul d+ha na ko sha'i gling
154a3 zhes bya bar ko sha zhes pa'i srog chags lus mi la gdong dred kyi rnam pa spar mo lcags kyis gtams pa kho nas gang zhing tsan+dan la sogs shing ljon pa mang pos bskor ba'i phyir de skad du grags so// zhes kyang
154a4 byung/yul der bde byed brtsegs pa zhes bya ba'i lha khang chen po gcig la lha khang chung ngu stong drug brgya brgyad kyis bskor ba dpal dang 'byor pa phun sum tshogs pa'i gnas su rgyal po u pa rA dza dang btsun mo
154a5 snang ba gsal ba'i 'od ldan ma zhes bya ba gnyis la sras mo su d+harma bya ba rab tu byung nas yun ring por ma lon par bsnyen par rdzogs pa'i dge slong ma zhig yul de nas dpag tshad tsam 'das par gser gyi bye
154a6 ma bdal ba'i rgya mtsho'i gling zhig tu rtswa'i spyil bu chung ngu zhig la gnas te g.yog mo bde ba'i snying ldan ma bya ba dang lhan cig tu rnal 'byor bsgoms shing gnas pa'i tshe nub gcig dge slong ma'i rmi lam du mi
154b1 dkar po dri ma dang bral ba zhig gis shel gyi bum pa oM A: hU~M swA ha'i yi ges rgyas btab pa gcig spyi bor lan gsum bzhag pas bum pa de las 'od 'phros pas khams gsum po gsal bar mthong ba zhig
154b2 rmis/de nas mi ring bar dge slong ma la rdzogs pa chen po lha yul du dar bar byed pa rdo rje sems dpa'i sprul sku lha'i bu sems lhag can rgyal ba'i sras su btsas so// de'i tshe dge slong ma nyid shin tu ngo tsha nas
154b3 mi rigs pa chen por mthong ste// pha med bu 'di 'jig rten 'dre bas gzhan na su// 'jig rten bdud dam tshangs pa la sogs sam// rgyal po btsan nam dmu la sogs pa'i rigs/ khams gsum dag na 'dod
154b4 ldan su zhig yin// gal te lha dang lha min sna tshogs gzugs// 'di ltar byung ba'i dpe ni sus mthong med// rgyal khams chos med 'di ni su la srid/ kye ma/ bdag ni khrims gtsang 'gro las rgyal 'dod
154b5 pas// 'di ni log sred 'gro bas dpyas 'gyur sdig re che// zhes pa la sogs smre sngags mang du bton nas g.yog mo des 'di ni sangs rgyas rnams kyi sras yin pas de ltar mi rigs so zhes smras kyang ma nyan
154b6 par thal dong du bskyur/de'i tshe sgra dang 'od la sogs pa'ang byung bar gyur to// gang gi tshe zhag gsum song ba na ci yang ma nyes par 'dug pa mthong nas sprul pa yin pas shes te bkur sti chen po dang bcas
155a1 pas spyan drangs pa na bar snang nas lha rnams kyis/mgon po ston pa bcom ldan 'das// rang bzhin snang mdzad 'jig rten mgon// bdag kyang rab tu skyabs pa dang// nam mkha'i rdo rje deng
155a2 bdag gsol// zhes ched du rjod par byed cing mkha' 'gro dang/ mkha' 'gro ma dang/ lha dang/ klu dang/ gnod sbyin la sogs pa'i 'jig rten skyong ba rnams kyis kyang mchod pa'i yo byad du mas rjed par byed
155a3 do/zhag bdun song ba na sras kyis yum la/ kye ma bdag gis pan+Di ta rnams la chos kyi gtam spob par 'tshal na yum bdag la ci bder gnang ba stsol cig/ zhes gsungs pa na yum gyis bu khyod ni shin tu
155a4 gzhon gyi pan+Di ta rnams mkhas shing gzhung pas khyod kyis thub par dka'o// ces kyang bgyi bar gsol ba na/ sngar smos pa'i rgyal po'i mchod gnas su mkhas pa lnga brgya yod pa de dang chos kyi gtam gyis
155a5 shig/de nas sras kyi yul de nyid du byon nas rgyal po dang mjal nas lo rgyus snga ma bzhin bsnyad do// rgyal pos kyang khye'u 'di na gzhon pas pan+Di ta rnams dang chos kyi gtam 'ong bar dka' mod kyi/ 'on kyang
155a6 lus la skyes bu chen po'i mtshan mang po 'dug pas sprul pa yin kyang srid snyam nas mchod gnas rnams la tshul de bzhin bsnyad pas de rnams gsung ma mthun pa las mkhyen pa che ba gcig gis/ltas shin tu
155b1 bzang ba zhig kyang byung/byis pa de yar thong dang sprul pa yin te 'ong gsungs nas mjal ba na pan+Di ta rnams la phyag mdzad cing 'gro gleng dang brgal brtag gi rim pa mang du mdzad pas pan+Di ta rnams kyi spobs
155b2 pa bcom pas zhabs spyi bor blangs shing bkur sti rgya chen pos mchod nas pra dz+nyA b+ha ba zhes mtshan gsol/rgyal po'ang shin tu ngo mtshar zhing dga' bas slob dpon chen po dga' rab rdo rje zhes bya bar mtshan
155b3 btags/sngar yum gyis thal dong du bskyur yang ma nyes pa la ngo mtshar bas ro langs bde ba'am ro langs thal mdog tu gsol/ de nas byang phyogs ri bo nyi ma rab tu snang byed ces bya ba brag ri shin tu
155b4 'jigs pa yi dwags kyi tshogs mngon sum du rgyu ba zhig gi steng du rtswa'i spyil bur lo sum cu rtsa gnyis kyi bar du ting nge 'dzin la bzhugs pa'i tshe/sa lan bdun du g.yos shing nam mkha' las mu stegs kyis
155b5 bstan pa nyams par byas so zhes pa'i sgra grag pa thos pas mu stegs kyi rgyal pos gshed ma btang nas slob dpon bkrong bar brtsams na nam mkha'i lam nas gshegs pa mthong bas rgyal po 'khor bcas
155b6 mchog tu dad nas sangs rgyas pa'i bstan pa la zhugs so// de nas theg pa phyi nang gi sde snod rnams dang/ khyad par rang bzhin rdzogs pa chen po shwa lo ka 'bum phrag drug cu rtsa bzhi thugs la bzhugs pa de
156a1 rnams rdo rje sems dpas mngon sum du zhal bstan nas rig pa spyi blugs kyi dbang gis mi slob pa'i ye shes mngon du mdzad pa'i tshul bstan/tshig gi rgyud rnams yi ger 'god pa'i lung byin te ri
156a2 ma la ya'i rin chen spungs pa rgyas pa'i rtse mor slob dpon nyid dang/rdo rje dbyings kyi mkha' 'gro ma 'jig rten bde ba'i ro dang ldan pa dang/ bde byed ser mo yon tan mtha' yas pa'i mkha' 'gro ma gsum
156a3 gyis lo gsum gyi bar du tshig dang yi ge dkar chag du btab// rang byung rang bab kyi yi ge sprul pa'i sku dang bcas pa phyin ci ma log par legs par bkod nas mkha' 'gro ma mngon par 'byung ba'i phug tu
156a4 bzhugs su gsol/dus gzhan zhig tu rdo rje gdan gyi byang shar mtshams dur khrod chen po bsil ba'i tshal zhes bya ba dbus su mchod rten chen po yod cing gdug pa'i mkha' 'gro ma dang sems can rab tu
156a5 gdug pa du ma'i gnas su gyur pa zhig tu byon nas mkha' 'gro ma nyi ma'i 'od zer la sogs dpag tu med pa la chos ston cing bzhugs pa na slob dpon 'jam dpal bshes gnyen la 'phags pa 'jam dpal
156a6 rnon pos lung bstan te/kye rigs kyi bu/ 'bras bu tshe gcig la sangs rgyas par 'dod na dur khrod chen po bsil ba'i tshal du song zhig/ ces gsungs pas/ 'jam dpal bshes gnyen gyis dur khrod bsil
156b1 ba'i tshal du byon nas slob dpon dga' rab rdo rje mjal zhing lo bdun cu rtsa lnga'i bar du chos nyan cing/gdams pa dang rjes su gdams pa mtha' dag pa bstsal nas chu bo dan tig bya bar slob dpon chen po
156b2 zag pa med pa'i dbyings su mya ngan las 'da' bar mdzad do// de'i tshe 'jam dpal bshes gnyis gyis/ kye ma kye hud kye ma blong// zhes pa la sogs gdung tshig lan gsum bton pas nam mkhar 'od phung gi
156b3 dkyil nas slob dpon gyis sku mngon sum du snang bar mdzad nas gser gyi za ma tog sen gang ba gcig phyag tu babs pas tshig gsum gnad du brdeg pa'i 'das rjes kyi gdams pa bzhag go/de nas slob
156b4 dpon chen po 'jam dpal bshes gnyen gyis 'bum phrag drug cu rtsa bzhi'i grangs las rdzogs pa chen po sde gsum du phyes te/sems gnas rnams la sems kyi sde// bya bral rnams la klong gi sde// gnad gtso
156b5 ba la man ngag sde gsum dang/de las kyang khyad par du bsdus pa thig le rang gnad du dbab pa 'di las snyan brgyud dang bshad rgyud gnyis su phyes nas snyan brgyud rnams mchan du btang/ bshad rgyud
156b6 snying thig gi bka' rnams re zhig gtad pa'i snod ma rnyed nas rdo rje gdan gyi byang shar pha wang rdo rje rgya gram gyis rgyas btab pa'i 'og tu sbas te mi snang bar byas/slob dpon nyid rdo rje gdan gyi nub phyogs dur
157a1 khrod chen po so sa gling du gshegs shing der mi sdug pa'i mkha' 'gro ma rnams dang sems can dpag tu med pa dang spyod pa la gnas pa'i sgrub pa po yang mang du rgyu ba rnams la chos ston cing lo brgya
157a2 rtsa dgu'i bar ting nge 'dzin la bzhugs so// slob dpon 'di'i slob ma ni dkyil 'khor chen po'i rdo rje slob dpon sangs rgyas ye shes zhabs yin cing thog mar slob dpon dza lan+d+ha ri ba dang/ o rgyan gyi slob
157a3 dpon sgeg pa rdo rje dang/rnal 'byor ma gu ne ru sogs bla ma mang po bsten nas gsang sngags kyi tshul rnams mang du gsan/ yo byad rnams rmugs 'dzin dang nor rgyun mas sbyor/ lan cig kong ka na'i slob
157a4 dpon pA li ta pA da lo dgu'i bar brten cing 'dus pa'i rgyud tshar bco brgyad mnyan kyang de kho na nyid ma rtogs par bla ma la zhus pas de ni kho bos kyang ma rtogs so gsungs/de nas rdo rje gdan gyi rgyab ku ba'i
157a5 tshal zhes bya bar bsnyen sgrub yan lag bzhi spog chog dang bcas pas zla ba bcu gnyis/drag shul spyod pa zla ba drug ste bco brgyad du bsgrubs pas de kho na nyid rtogs par 'dod na 'phags pa 'jam dpal la
157a6 dris shig ces lung bstan byung bas 'o na 'jam dpal ri bo rtse lngar bzhugs pas der 'gro dgos dgongs te de phyogs su song song ba na nyi ma phyed tsam na khang pa dkar tsag tsag zhig gi 'gram na 'jam dpal
157b1 bshes gnyen khyim btsun rgan po chos gos kyi thong byas pa bud med ngan ngon gcig dang lhan cig zhing rmo bar gzigs pas cung zad ma dad/de'i 'gram zhig tu khyi mo dkar po ngan ma zhig kyang nyal nas
157b2 'dug/der zas kyi dus la bab pas bsod snyoms slong ba zhig la/ yur ba nas nya zhig bzung ste khyi mo la byin/ des skyugs pa slob dpon la drangs pa rnam par rtog pas ma blangs bas/ khyim btsun na re/
157b3 'dzam bu gling ba rnam rtog che/ zas bzang po drongs gsungs te gzhan zhig tu song ngo// der bud med des 'bras chan dang zho drangs pa gsol nas 'gro bar brtsams pas/ de ring nyi ma phyis pas grong du ni mi
157b4 sleb/sang nyin song zer ba bzhin bzhugs te gsang 'dus kyi rgyud bklags pas slob dpon rang nyid the tshom za ba'i gnas gar yod kyi thad der bud med des kyang mi dga' ba'i rnam 'gyur re byas pas/
157b5 'dis gzhan sems shes par 'dug dgongs te the tshom bsal bar zhus pas ngas mi shes/ da ci'i khyim btsun de 'dus pa la shin tu mkhas/ phyi ma red na sleb 'ong bas de la the tshom chod zer ba ltar phyi ma red
157b6 na khyim btsun chang gis bzi nas gom pa 'khyor bzhin du byung bas der sngags kyi spyod pa can du shes te zhabs la phyag 'tshal nas the tsom gcod par zhus pas dbang bskur dgos gsungs/gzhan nas thob zhu?
158a1 pas/nga'i chos ston pa la nga rang gis dbang bskur dgos gsungs nas khang pa zhig tu song/ srod kyi dus su slob dpon nang du bos pa la/ 'jam pa'i rdo rje lha bcu dgu'i dkyil 'khor sprul pa'i
158a2 drung na khyim btsun bud med khyi mo dang bcas pa snang ste dbang su la len gsungs pas/dkyil 'khor la 'tshal lo zhus pas 'o na longs shig gsungs te gsum ka khang pa gzhan zhig tu song dkyil 'khor yang
158a3 mi snang bar gyur/der slob dpon thugs skyo ste/ khyod ni sems can kun gyi yab gcig la sogs gdung pa'i lus kyis gsol ba btab pas slar yang sngar bzhin dkyil 'khor sprul te dbang bskur/ rdzogs pa
158a4 chen po sems sde'i man ngag bshad pas rtogs pa nam mkha' dang mnyam par gyur/'jam dpal zhal lung zhes rim pa gnyis kyi de kho na nyid bsgom pa 'di nyid slob dpon gis sdud pa po'i tshul mdzad pa yin/
158a5 des chos thams cad kyi gting sleb/ thog mar khyis skyugs pa'i zas dang khyim btsun gyi spyod pa sogs la ma dad pa'i rten 'brel gyis sku lus de nyid kyis mchog gi dngos grub ma thob kyang bar dor rdo rje 'chang
158a6 gi go 'phang mngon du mdzad pa yin zhes grags/slar bsrung pa'i zhabs kyis kyang slob dpon 'di las gdams pa zhus pas grub pa thob bo// bstan bcos kyang grol ba'i thig le dang/ sgrub thabs kun bzang
158b1 sogs shin tu mang bar mdzad/slob dpon 'di'i rdzogs rim gyi man ngag sngon chad bod du 'gyur ba rnams sems sde kho na'i grub mtha' gtsang sing nge bar gnas shing rgyu mtshan des rjes 'brangs slob ma'i
158b2 tshogs dang bcas pa'ang rdzogs pa chen po'i don gyi brgyud par 'gro la/'ga' zhig gis slob dpon shrI sid+ha yang 'di nyid kyi mtshan gyi rnam grangs su 'dod pa thos shing lo rgyus kyi bab 'gar brtag na de ltar
158b3 yin du rung snyam pa'ang 'dug go/dus de tsam na rgya nag po'i yul grong khyer sho khyam zhes bya bar khyim bdag dge ba'i yid can dang bud med snang ba gsal ba rab tu mkhyen ma zhes pa gnyis kyi sras slob dpon
158b4 shrI siM ha zhes bya ba sbyangs pa'i yon tan dang ldan pa zhig lo bco lnga lon pa'i tshe slob dpon ha ri b+ha la las sgra tshad sogs thun mong gi rig pa rnams lo gsum du mnyan nas mkhas pa chen por gyur pa'i skabs
158b5 shig nub phyogs kyi grong khyer gser gling bya bar 'gro ba'i lam bar du 'phags pa spyan ras gzigs nam mkhar byon nas skal ldan 'bras bu nges par 'dod na rgya gar gyi dur khrod so sa gling du song zhig/ces
158b6 lung bstan pas slob dpon nyid yid tshim par gyur te da dung 'bras bu bla na med pa de nyid go sla ba'i phyir gsang sngags kyi rgyud gzhan la'ang mkhas par bya snyam du dgongs te ri bo rtse lngar gdol pa'i rigs kyi
159a1 slob dpon b+he la kirtir sngags phyi nang gi chos rnams ma lus par gsan cing nyams 'og tu chud par mdzad/rab tu byung nas dge slong sde snod 'dzin pa mdzad cing lo sum cu'i bar du 'dul
159a2 khrims kyi brtul zhugs su gnas/slar yang 'phags pa'i lung gis sngon bzhin bskul bas rgya gar du bgrod pa'i lam la dka' ba med pa'i rdzu 'phrul zhig bsgrub par bya dgongs te lo gsum du sgrub pa mdzad
159a3 pas rig pa 'dzin pa'i skur gyur/de nas zhabs sa la khru gang tsam gyis ma reg par dur khrod so sa gling du byon nas slob dpon chen po 'jam dpal bshes gnyen mjal zhing bla ma'i bya ba rnams byas/ rjes su
159a4 gzung bar gsol ba btab pas bla mas kyang dgyes bzhin du gnang/lo nyer lnga'i bar la gdams pa dang rjes su gdams pa rnams bstsal ba'i 'og tu slob dpon chen po nyid sku 'od phung du yal/ de'i tshe'i shrI
159a5 siM has smre sngags kyi gdung dbyangs bton pas nam mkha' nas slob dpon gyis sku dngos su bstan te rin po che'i za ma tog sen gang ba gcig phyag tu gtad par sgom nyams drug pa zhes bya ba'i 'das rjes bab
159a6 pas slob dpon nyid don gyi gdeng dang ldan par gyur to// de'i 'og tu rgya gar nub phyogs gser gyis brgyan pa'i gling du slob dpon mjal dpal bshes gnyen brdzus te skyes pa la 'jam dpal bshes gnyen
159b1 phyi mar grags shing/des slob dpon pad+ma 'byung gnas la sngags phyi nang thams cad gsungs shing slob dpon Ar+ya de ba la'ang rdzogs pa chen po bstan pas zag bcas mi snang bar gyur skad/ de nas slob dpon
159b2 shrI siM has rdo rje gdan gyi 'og nas sngar sbas pa'i rgyud rnams bton te rgya nag tu byon cing rdzogs pa chen po man ngag gi sde la/phyi skor/ nang skor/ gsang skor/ gsang ba bla na med pa bzhir phyes nas skor snga ma
159b3 gsum spros bcas kyi don du bsdebs nas byang chub shing gi lha khang bya 'dabs su gter du sbas/gsang ba bla na med pa'i skor mkha' 'gro'i lung bstan pa ltar bkra shis khri sgo'i ka bar smon lam gyis rgyas
159b4 btab ste sbas// slob dpon nyi bsil byin zhes pa'i dur khrod chen por gdug pa'i mi ma yin rnams kyi bkur sti dang bcas pas ting nge 'dzin la bzhugs so// de'i tshe 'phags yul nub phyogs glang po'i sgang
159b5 zhes bya bar yab khyim bdag bde ldan 'khor lo dang yum bdag nyid gsal rigs ma'i sras bi ma la mi tra zhes pa dang/shar phyogs ka ma shrI la'i shar gyi grong khyer du yab gdol pa zhi ba'i lag pa dang/ yum
159b6 dge ba'i sems can ma gnyis kyi sras ye shes mdo zhes bya ba gnyis shig bzhugs pa la dpal rdo rje sems dpa' mngon sum du byon nas/kye rigs kyi bu gnyis/ khyed gnyis skye ba lnga brgyar pan+Di ta'i lus
160a1 blangs shing dam pa'i chos spyad kyang 'bras bu sngar yang ma thob/da yang mi 'thob pas tshe 'di nyid kyis zag bcas kyi phung po mi snang bar 'tshang rgya bar 'dod na rgya nag po'i byang chub shing drung gi lha
160a2 khang du song zhig/ces lung bstan pas bi ma la mi tras de nyid du lhung bzed blangs te byon pas slob dpon shrI sid+ha mjal zhing lo nyi shu'i bar la snyan brgyud phyi nang gsang gsum gyi gdams pa ma lus par
160a3 bstsal mod kyi/'on kyang de dag gi dpe ni ma gnang ngo// der bi ma la thugs tshims te slar rgya gar du byon nas dz+nyA na su tra la ji ltar gyur pa rnams bsnyad pas khong nyid kyang 'bad rtsol chen pos rgya nag tu byon
160a4 nas mkha' 'gros lung bstan pa bzhin dur khrod chen po bsil byin du slob dpon dang mjal/lo gsum gyi bar bla ma'i bya ba ci rigs pas mnyes par mdzad cing mthar gser gyi man+Dal phul nas gdams pa
160a5 gnang ba zhus pas lo dgu'i bar du snyan brgyud kyi gdams pa dpe dang bcas pa gnang/de tsam gyis thugs tshims te 'byon par brtsams pa na slob dpon gyis rab tu tshim mam gsungs pas tshim mo zhus pa na/
160a6 bla mas gtad pa med do// gsungs pas dz+nyA na su tra rtog pa skyes te da dung rab tu zab pa'i gdams pa gnang bar zhus pas 'di la dbang bskur thob dgos gsung nas phyi spros bcas kyi dbang rdzogs par gnang
160b1 nas gsang ba bla na med pa'i man ngag rnams kyang lo gsum gyi bar du gnang/de nas nyams su blang bar zhus pas spros med kyi dbang rdzogs par gnang zhing ri bo ko sa la'i rtse mor 'khor 'das ru shan dbye
160b2 ba'i spyod pa mdzad cing rab tu spros med kyi dbang dang/rim pas shin tu spros med kyi dbang yang rdzogs par gnang/ de nas lo bcu drug tu nyams su blangs nas bsgoms/ slob dpon ni khyad par gyi spyod pa sna
160b3 tshogs pas gnas shing dus gzhan zhig tu li yul gyi rgyal pos spyan drangs nas der bzhud pa'i zhag bdun na sgra dang ltas chen po byung bas ye shes mdos steng gi nam mkha' la slob dpon bzhugs pa mthong bas
160b4 sku mya ngan las 'das par shes te smre sngags kyi gdung tshig bton pas/gzer bu bdun pa'i zhal chems phyag tu bab pa dang/ snying thig gsang ba'i man ngag gi dpe rnams bkra shis khro sgo'i ka ba'i nang na yod
160b5 pas de longs la dur khrod b+ha sing du song zhig/ces lung bstan pa'ang thos/ der dz+nyA na sU tras gsang ba'i dpe rnams bton nas rgya gar gyi dur khrod b+ha sing du byon cing der 'jig rten dang 'jig rten las
160b6 'das pa'i mkha' 'gro dang mkha' 'gro ma rnams la gsang ba snying thig gi chos kyi 'khor lo bskor bzhin du bzhugs pa la de'i tshe bi ma la spyod pa la gnas par mkha' 'gro'i lung gis/kye skal ldan/ sngar bas
161a1 zab pa'i snying thig gi gdams pa bzhed na dur khrod chen po b+ha sing gi nags su song zhig/ces lung bstan pa bzhin du de nyid du byon pas dz+nyA na sU tra dang mjal zhing ches zab pa'i gdams pas
161a2 rjes su gzung bar gsol ba btab pas/slob dpon gyi cho 'phrul sna tshogs pa snang bar mdzad cing spros bcas dang spros med kyi dbang rnams bskur/ ri bo snang byed kyi rtse mor 'khor 'das shan 'byed pa'i spyod
161a3 pa dang/shin tu spros med kyi dbang rdzogs par mdzad pas thun mong ma yin pa'i rtogs pa 'khrungs// shangs kyi rtse mo yi ge a dkar po zag la khad pa gcig kyang byung/ de nas rab tu spros med kyi dbang rdzogs
161a4 par gnang bas sems kyi de nyid rjen par mthong/dbang de dag gi rim pa bzhin rdzogs pa chen po skor bzhi'i gdams pa dpe dang bcas pa ma lus par gnang/ lo bcu'i bar la zhun thar bcad cing de'i 'og tu dz+nyA na sU tra nyid
161a5 'od phung du yal bar bi ma las sme sngags dang gdungs dbyangs bton pas slar yang sku mngon sum du snang bar mdzad nas rin po che'i za ma tog rin chen sna lngas rgyas btab pa gcig
161a6 bstsal ba phyag tu bab pa las bzhag thab bzhi pa zhes pa'i 'das rjes thob pas tshig la lhag chad med cing don la 'khrul pa med pa'i gdeng thob par gyur to// de nas slob dpon bi ma la shar phyogs ka ma ru'i
161b1 grong khyer du rgyal po seng ge bzang po'i bla mchod du lo nyi shur bzhugs shing/de nas nub phyogs su grong khyer b+hir+Ya zhes par rgyal po d+harma pA la'i mchod gnas kyang mdzad/ de'i 'og tu rab tu snang byed ces pa'i
161b2 dur khrod chen por phyogs las rnam par rgyal ba'i brtul zhugs kyi spyod pa spyad cing gdug pa'i tshogs la chos ston cing bzhugs/gsang ba mchog gi dpe rnams tshar gsum du bris nas/ tshar gcig o rgyan gyi
161b3 yul rgya mtsho gser gyi bye ma bdal ba'i gling du sbas/tshar gcig kha che'i yul gser gling zhes pa'i brag skyibs su sbas/ tshar gcig dur khrod der mkha' 'gro ma rnams kyi mchod pa'i rten du bzhugs so// slob
161b4 dpon nyid kyis mthar 'pho ba chen po'i sku grub pas 'phags yul du ci rigs par bzhugs shing bod du byon pa ni 'og tu 'chad par 'gyur ro//// spyir 'phags pa'i yul gyi gsang sngags spyod pa rnams
161b5 gsang ba bsrung ba la blo shin tu brtan pas dngos grub ma thob gyi bar gsang sngags spyod pa gzhan gyis mi shes shing gang gi tshe cho 'phrul chen po dang bcas mi snang bar gyur ba'am nus pa khyad par can bstan pa
161b6 na/a la la ho// de ni sngags kyi spyod pa can no// zhes slad kyis shes par 'gyur ba 'ba' zhig yin la/ rgyu des sngags nyams su blangs pa thams cad la tha na dngos grub sna te ma thob pa med cing/ de'ang
162a1 bya spyod kyi rgyud rnams sngon du dar che ba tsam yin kyang mngon mtshan du spyod pa ni med/phyis su bla med rnams dar ba nas de dag rim gyis nub pa ltar gyur cing/ bla med kyi rgyud rnams sngar nas
162a2 gtan med pa ma yin kyang skal ba dang ldan pa re gnyis tsam gyis cung zad re nyams su blangs pas de thams cad kyang mod la mi snang bar gyur pa sha stag byung bas/brgyud nas rim par 'dom pa dang rjes su
162a3 gdams pa bzhag pa ni med do// de nas rgyal po dza'am in+d+ra b+hu ti bar pa'i skabs tsam du grub pa'i slob dpon ches che ba rnams kyis o rgyan gyi gnas d+hU ma s+thi ra sogs gnas rnams nas ye shes kyi mkha' 'gro
162a4 ma rnams dang bka' bgros te/rgyud la la tshad ma dang/ la la'i don bsdus pa dang/ 'ga' zhig las rtog pa khol bton tsam re spyan drangs shing snod ldan re re tsam la gsang nas bshad pas bla med kyi lam
162a5 rnams ches cher dar ba ltar gyur nas grub pa'i skyes bu phyogs thams cad nas mang po zhig dus skabs de byung yang/thun mong du spyod pa ni ga la yin/ sngags kyi glegs bam dang bstan bcos rnams kyang thun
162a6 mong gi gzhung ltar yongs khyab tu yod pa ma yin te/dper na klu sgrub gyi sngags gzhung rnams slob dpon nyid slob ma'i tshogs dang bcas pa 'das nas yun ring por lon pa'i dus phyis shig kong+ka na'i bsrung ba'i
162b1 zhabs kyi sgron gsal gyi glegs bam rnyed/ma taM gi pas 'phags pa lha'i ye shes kyi sku mjal ba sogs las 'phags skor gyi 'dus pa dar ba'i mgo brtsams pa bzhin no// de bzhin du shin tu gsang ba rdzogs
162b2 pa chen po'i skor rnams sprul pa'i sku dga' rab rdo rjes bstan nas bzung skal pa mchog dang ldan pa'i slob dpon de dag la zhal nas snyan du chig brgyud ma gtogs glegs bam bstan pa'ang med de slob dpon
162b3 re re'i mtshams su dpe rnams mi snang bar sbas pa'i phyir ro// shin tu zab pa'i man ngag rnams ni 'das rjes zhal chems kyi tshul du bzhag pa kho na yin te thun mong du phyogs tsam yang ma grags pas sngon gyi rgyud
162b4 sde sangs rgyas thod pa dang/'phags skor rnams dang/ rdzogs pa chen po la sogs pa rnams brgyud thag nye mor 'byung ba'i rgyu mtshan yang de yin la/ gsang sngags kyi rgyud sde mtha' dag pa ni rdo rje 'chang nyid
162b5 kyi spyod yul las gzhan du ma gyur zhing/de las cha shas tsam zhig mi dang mi ma yin pa'i gnas rnams su byung la/ de las mi yi yul du byung ba ni nyung ngu tsam zhig yin par mngon te de dag kyang phal mo che u rgyan
162b6 nas 'phags yul du phebs pa mang zhing/deng sang ni yul de'i mthil d+hU ma s+thi ra ste du ba'i gnas zhes bya bar grong khyer chung ngu zhig yod cing/ rgyal po in+d+ra b+hU ti'i pho brang sogs ni shul tsam las med/ yul de
163a1 kla klos dbang byed pa las phyi nang gi grub mtha' 'dzin pa ni su yang med/bud med rnams ni sngon gyi mkha' 'gro ma'i rigs su yod pas lta stangs dang/ ci rigs par rig sngags grub pas lus
163a2 gzhan du sgyur ba dang/las phran tshegs la dbang byed pa zhing gi mkha' 'gro ma 'ba' zhig yin/ gnas der d+harma gany+dzi sngags kyi rgyud sde bzhugs pa'i pho brang de yang mngon sum gyi spyod yul du med pas ltar snang
163a3 du phal pa'i grong du gyur pa yin nam snyam zhing/da dung sngags kyi rgyud sde 'phags yul du ma byung ba yang ci rigs pa yod par grub la/ de yang thun mong gi spyod yul du ma gyur bar mkha' 'gro ma rnams kyis mi
163a4 mngon pa'i dbyings su bzung nas gnas so// der ma zad rgya gar na gtan ma grags pa'i rgyud mang po 'gro lding gi gling sogs na yod par mngon sum gyis grub pa la mtshon na mi'i yul gzhan dang gzhan sngags
163a5 kyi gdul bya gyur pa rnams su'ang de ltar 'byung ba nges pa'i phyir mtha' gcig tu tshad gzung bar rlom pa ni byis pa nyer spyod kyi blo gros gyi na ba ste/mdor na bsam bya ma yin par shes par bya dgos pa nyid de/
163a6 bde mchog sdom pa 'byung ba'i rgyud las/ rnal 'byor rgyud rnams kyi ni tshad// bye ba phrag ni drug nges te// de bzhin rnal 'byor ma rgyud grags// bye ba phrag ni bcu drug grangs// theg chen las gzhan mdo sde
163b1 rnams// dung phyur phrag brgyad gsungs pa yin// de bzhin pha rol phyin pa'i tshul// sa ya dang ni dung phyur lnga// 'di dag thams cad thub dbang po// sku gsum bdag nyid can gyis gsungs// zhes pa lta bus
163b2 mtshon pas so// phyis yul dbus su bstan pa dngos gzhi nub pa ltar gyur kyang shar phyogs su mtha' 'khob kyi yul dang yul phran mang po'i spyi'i ming ko ki'i yul du grags pa dang/ lho phyogs su DA mi Do dwi pa
163b3 dang/d+ha na shrI'i gling dang/ tsan+t+ra dwi ba la sogs dang/ byang gi phyogs su gu dzi rA tha sogs ci rigs par theg pa che chung dang gsang sngags kyi bstan pa sngon nas dar ba ma nyams pa dang/ gsar du byung ba sogs
163b4 da lta'ang bstan pa rnal ma bzhugs pa las gsang sngags pa rnams ni slob dpon chen po pad+ma 'byung gnas zhabs kyi bka' srol 'dzin pa shas che zhing/phal cher zhig ni grub thob chen po go rak+Sha'i rjes 'bras dzo
163b5 ki sde tshan bcu gnyis ci rigs pa dang/khyad par na tha pan+tha'i nang tshan na De shwa ra'i sde las rdo rje slob dpon chen po shAn+ta gup+ta thugs sras dang bcas pa'i rjes 'brang gi dzo ki kho na shin tu mang ngo// dus phyis
163b6 'phags yul lho phyogs kyi 'bigs byed ri bo'i khongs su b+haM dwa kyi yul du rgyal srid byed cing rig sngags grub pa'i rgyal po ma la b+ha dra zhes bya ba lho phyogs kyi rgyud phal cher la lung bsgyur ba zhig byung/des zhi ba
164a1 spas pa slob ma'i tshogs dang bcas pa bla mar khur zhing bde bar bshegs pa'i bstan pa rin po che gsar du spel bar byed la/ma 'ongs pa na lho phyogs kyi rgyud ri b+hin+da'i nang du dam pa'i chos
164a2 gsar du dar bar byed par rgyal bas lung bstan pa nyid yin no// zhes 'phags yul ba rnams sgrog par byed la/ rgyun de dag las deng sang gi bar du'ang bstan pa rin po che dar bar yod ces thos
164a3 so//// de las ri kha ba can gyi khongs su bstan pa de nyid ji ltar byon cing bskyangs pa'i tshul ni/ ljongs 'dir rgyal ba'i bstan pa dar ba'i rgyud ni slob dpon chen po pad+ma'i zhabs kyis bka' drin kho na
164a4 las te/thog mar chos byar ma btub pa la sgo du ma nas dam pa'i chos byar btub pa'i snod du byin gyis brlabs shing/ gdod gtsug lag khang bzhengs/ de nas mdo dang sngags kyi grwa btsugs nas bstan pa
164a5 dngos gzhi dar bar mdzad pa'i phyir ro// de yang 'jam dpal rtsa rgyud du/ khyu mchog khyu mchog bzang po dang// sa 'od de bzhin sa 'od bzang// de bzhin pha rol gnon nyid dang// rkang pa'i bgros shes bstan
164a6 pa yin// ces bod kyi btsan po rnams lung bstan pa las bzhi bas 'od bzang ste/ byang chub sems dpa' 'jam dpal gyi sprul pa khri srong lde'u btsan gyis bod du chos dar bar bzhed nas/ A u0f84tsar+ya bo d+hi satwa
164b1 shAn+ta rak+Shi ta spyan drangs te pho brang klung tshugs zhes bya bar bzhugs su gsol nas zla ba mang por rgyu'i theg pa'i chos mang du bshad pas bod kyi 'byung po rnams khros nas/pho brang 'phang thang chus khyer/ dmar po ri
164b2 la thog brgyab/yul khams su mi ngas chen po btang/ sad dang ser ba cher byung bas bod rnams chos byas pas lan zer/ chos byar ma btub pas/ A tsar+ya'i zhal nas bod kyi 'dre srin gdug pa can rnams 'dul
164b3 ba la da lta sa'i steng tsam na mthu che ba sngags kyi mkhan po pad+ma siM b+ha ba zhes bya ba spyan 'dren dgos gsungs te khong nyid re zhig bal por bzhud do// ji zhig nas rgyal pos sba gsal snang slob dpon gnyis spyan
164b4 'dren par brdzangs pa/slob dpon chen pos mkhyen nas nyid dang A' tsar+ya bo d+hi sa twa dang/ bal po'i rdo bzo mkhas pa gcig bcas 'byon grabs yod pa dang 'dzom/ de nas bo d+hi sa twa sngon la phebs/ slob dpon
164b5 gyis skyid grong nas tshur byon pas bod kyi lha 'dre rnams kyis kha char drag po phab pa dang/ri phan tshun kha sbyar bas slob dpon ri'i khong seng du bzhud nas lha 'dre rnams ting nge 'dzin gyis bcings shing dam la
164b6 bzhag/de nas bzung lam gyi mi ma yin thams cad 'dul zhing byon/ 'o yug gi thad kyi chu tshad la nyi tshe ba'i dmyal ba yod par snying rje bya'o gsungs te dgongs pa gtad pas chu khol pa 'jam nyil
165a1 gyis song/ru mtshams su phebs/ gangs dkar 'jigs nas thag ring du bros/ gnam du phebs nas dmar thab mdzad pas thang lha khros nas gangs la thug chom dang glo bur du sprin nag 'khrigs
165a2 pa las thog dang ser ba mi bzad pa byung ba na slob dpon gyis gangs la sdigs mdzub bstan pas gangs cher zhu/snying drung gi klu gdug pa can chos la 'tshe ba zhig 'dul bar dgongs pa gtad pas klu phyi'i rgya
165a3 mtshor bros/der zhag gsum dgongs pa mdzad pas klu dang thang lha bcas dam 'og tu chug cing chos la bkod/ gzhan yang gnam mtsho dang jo mo gangs dkar la sogs pa'i lha srin rnams btul/ de lan le
165a4 shod dang/'phan yul sogs nas rim bzhin byon nas 'byung po rnams dam 'og tu bcug pa dang/ sa dpyad nyes pa rnams kyang bcos/ ngam shod du phebs nas zung mkhar mdar rdo'i mchod rten lnga bzhengs/
165a5 pho brang dmar 'om bu tshad du bod rje dang mjal 'phrad mdzad/ phyag la ma 'chams par rgyal po'i na bza' la phyag mdzad pas na bza' tshigs pas btsan pos slob dpon gyi zhabs la phyag phul/ brag dmar
165a6 mgrin bzang gi lhang khang la rab gnas zhal bsro mdzad par lha sku rnams ston mo'i sar spyan drangs pas nub mo lha khang stongs par song/nang par lha khang du lha rnams bshos gsol zhing gtam mdzad pa dngos
165b1 su mthong/de'i nyin mo mchod pa'i yo byad thams cad rang sgra sgrogs shing 'phel bar gyur/ dbang po gsal ba'i byis pa 'ga' la pra sen phabs pas sngar mkhan po byang chub sems dpas chos bshad pa la 'khrug
165b2 pa'i bod kyi lha klu mi srun pa thams cad kyi ming dang spyod tshul gnas la sogs par smras pas de rnams bsdigs shing gzir bas dam 'og tu bcug cing chos la bkod/so so'i srog sngags dang cho ga rnams blangs/
165b3 des kyang ma thul ba rnams sbyin sreg gis btul ba sogs mdzad/ de 'dra ba lan gnyis mdzad/ ma dros gzi can la sogs pa'i klu rnams btul/ rgyal po dang grogs po byas nas lha khang bzhengs pa'i gser phye
165b4 'dre'u khal bcu bzhi phul/skabs der be har dang yar lha sham po'ang btul/ de tsam na rgyal blon rje 'bangs skal ba dang ldan pa rnams la sngags 'og ma dang bla med ci rigs pa'i dbang bskur ba dang/ phur pa
165b5 'bum sde dang man ngag lta phreng sogs gsungs/de dag gi tshe dkyil 'khor mchod pa'i gzungs ma mchims bza' lha mo btsan dang/ mkhar chen bza' 'tsho rgyal gnyis kyang ting nge 'dzin gyis mthus bkug ste
165b6 dkyil 'khor gyi mtha' sleb/khong gnyis nyid la'ang lhun gyis grub pa'i rtogs pa 'khrungs nas grub pa mo chen mor gyur/ bsam yas gtsug lag khang gis cho ga mdzad pa na thig skud 'then par lcog ro bu chung
166a1 sman dang lha bu sman gnyis ting nge 'dzin gyis bkug ste thig sna ba byas/dus gzhan zhig tu slob dpon gyis/ btsan po khyod kyi yul 'di bzang por bya/ ngam shod kyi bye ma tshal dang ne seng du bya/ gra
166a2 dol yul gsum sogs chu med pa rnams su chu dbyung/gram pa thams cad zhing sar bya/ bai shra ba Na las nor blangs te nor gyi 'byung khungs su bya/ gtsang po sbubs su 'jug/ rgya hor gyi rgyal po thams cad bod kyi
166a3 dbang du 'du bar bya'o// zhes pa la sogs bka' mchid bstsal ba na/ de ltar 'tshal lo zhus pas/ snga dro tsam dgongs par bzhugs pa na/ brag dmar gyi skam sa gcig tu chu rdol/ brag dmar mtsho mo 'gul sngon
166a4 bye thang yin pa ne sing du song/brag zla ba'i gdong du nags chen po skad cig la byung/ zung mkhar la phu chu med par chu klung chen po nar gyis byung ba sogs lhag ma rnams kyang bka' bzhin 'byung nges pa la sems
166a5 can spyi mthun gyi las kyi rgyu byas/nag phyogs kyi blon po rnams kyis bar chad brtsams pas rkyen byas te lhag ma rnams ma grub bo// 'on kyang 'di skabs shig tu dpal bsam yas mi 'gyur lhun gyis grub pa'i
166a6 gtsug lag khang yang 'byongs te rab tu gnas par mdzad/cho 'phrul dang ngo mtshar bsam gyis mi khyab pa byung/ rje 'bangs skal ba dang ldan pa rnams la gsang sngags phyi nang gi chos bsam las 'das par
166b1 gsungs/'on kyang lkog chos kho na las mngon mtshan du bstan pa ni ma yin no// 'on kyang sngon du rgyal brgyud mnga' thang 'phel ba'i sbyin sreg mdzad 'phro la lus/ lha klu dam bzhag lan gsum pa'ang ma grub pa
166b2 dang/bod kyi blon po smon lam log pa rnams kyi 'bras bu la brten nas bod kyi bde skyid la sked nyag 'ong/ chos 'khor chen po gcig tu 'byongs te bar skabs su 'khrug pa chen po 'ong/ klu dang rgyal po 'di phugs
166b3 zhe brnag/rgyal brgyud kyang khrims la mi gnas pas sil bur 'thor ba 'byung bar 'dug gsungs te ma 'ongs pa mkhyen pas drag sngags kyang mang du gsungs/ chos dang drag sngags kyi dpe mang po gter du sbas shing
166b4 rdzu 'phrul gyi bkod pa kho nas chos dang nor gyi gter kha brgya rtsa brgyad dang phra mo grangs las 'das pa yul tha dad du sbas nas phyi ma'i dus su skal ba dang ldan pa rnams dang 'phrad pa'i smon lam kyi rgyas btab par
166b5 mdzad do// spyir slob dpon chen po bod yul du bzhugs yun sogs la 'dod pa mi 'dra ba du ma 'byung yang gcig tu tshad gzung bar nus pa ma yin te/ rnam 'phrul bsam gyis mi khyab pa'i phyir gang ltar byas kyang
166b6 rung mod/dus yun thung ngu tsam la'ang yul thams cad du byon pa dang/ de dag tu dngos su chos ston pa dang/ gter kha mang po sbas pa dang/ yul so sor byon pa dang/ sgrub gnas so sor bzhugs pa dang gshegs
167a1 pa sogs mdzad pa mtha' yas par de lta bu ston pa'i long med snyam pa dang/dus thung ngu las ma bzhugs par 'dod pa dang/ yun ring po bzhugs pa sogs 'gal lo snyam du mi sems te zung 'jug
167a2 grub pa chen po 'di lta bu rdzu 'phrul mtha' yas pa la mnga' brnyes pa'i phyir ro// dus skabs de dag tu gzhan yang 'phags pa'i yul nas slob dpon rgyal ba'i gshes gnyen dang/ thams cad mkhyen pa'i lha dang/
167a3 sbyin pa'i ngang tshul sogs sdom brtson sde snod 'dzin pa chen po rnams dang/ bi ma la mi tra dang/ shAn+tiM gar+b+ha la sogs rdo rje 'dzin pa mang du spyan drangs te/ mdo sngags kyi bstan pa dngos gzhi btsugs shing thog mar
167a4 bod kyi mi la rab byung btub bam mi btum nyams sad pa'i phyir rba khri gzigs rab tu byung zhing bsnyen par rdzogs/mtshan dpal dbyangs sam rba rat+nar yang grags/ de nas rim bzhin rba gsal snang/ bai ro tsa na/
167a5 rgyal ba mchog dbyangs/ rma rin chen mchog la sogs pa drug rab tu byung zhing bsnyen par rdzogs/ ye shes dbang po sogs su ming spos/ de la sad mi drug tu grags pa byung/ de nas bod la rab byung btub par
167a6 dgongs te blo gsal ba sum brgya tsam rab tu byung/ska cog sogs kyis 'dul ba lung sde bzhi bsgyur te gzhi thams cad yod par smra ba'i lugs kyi bshad pa dang/ lag len btsugs shing bstan pa'i gzhi bzhengs/
167b1 rba rat+nas/ sangs rgyas ye shes dang/ ska ba 'od mchog dang/ de'i mkhan bu gtsang g.yo smar gsum rnams la bshad cing/ phyi ma 'di gsum gyi glang dar gyis bstan pa bsnubs pa'i tshe 'dul ba dre'u khal gcig
167b2 bkal nas khams su bros phebs pa rma lung an chung gnam rdzong ngam/dan tig shel gyi yang dgon du bsgoms shing bzhugs pa las/ phyis bla ma rmug gsal 'bar gyis rab tu byung bar zhus pas smar gyis mkhan
167b3 po dang g.yos slob dpon mdzad de rab tu byung/mtshan shAkya dge ba rab gsal du btags/ de las dbus gtsang gi mi bcus khams su 'ongs nas tshig gsum rim nod kyis bsnyen par rdzogs pa'i rgyun las deng
167b4 sang gi bar du 'dul ba'i lag len dang bshad pa'i rgyun brgyud de dar ba 'di yin no// mngon par gong 'og rnams ni pan+Di ta dzi na mi tra dang lo tsA ba ska ba dpal brtsegs sogs kyis bsgyur bshad mdzad cing/ de
167b5 dag gi slob ma sna nam zla ba'i rdo rje dang lha lung dpal gyi rdo rje dang/dbas ye shes rgyal ba gsum la bshad cing/ phyi mas khams su byon nas bshad pa sogs las/ da lta'i bar du shin tu dar bar gyur to/ mdo
167b6 sde'i phyogs 'khor lo bar pa sher phyin kyi skor rnams rlang khams pa go chas 'bum thugs la bzung ba sogs rgya gar du gang bzhugs rnams bsgyur bshad nyan gsum gyis dar ba mdzad/'khor lo tha ma'i mdo ji
168a1 snyed pa rnams kyang ska cog dang bai ro sogs kyis bsgyur cing bshad nyan kyis gtan la phab cing/sde snod gsum po de dag gi dgongs 'grel bstan bcos kyi skor yang phal che ba de skabs bsgyur ba
168a2 yin te/de la brten pa'i bshad sgrub gnyis ga'i srol deng sang gi bar du byung ba yin no/ gsang sngags la bya spyod rnal 'byor gyi rgyud rnams ci rigs par nyan bshad mdzad mod kyi/ 'on kyang mchog tu spel ba ni
168a3 rnal 'byor bla med kyi skor rnams so// de la yang bskyed rdzogs gsum la/ bskyed pa ma hA yo ga la rgyud sde dang sgrub sde gnyis kyi dang po tan+t+ra chen po bco brgyad de dag gi spyi 'am rtsa bar gyur pa rdo rje sems dpa' sgyu
168a4 'phrul dra ba gsang ba snying po'i skor sgyu 'phrul sde brgyad rnams slob dpon bi ma las rma rin chen mchog la bshad cing bsgyur/rmas gtsug tu rin chen gzhon nu dang kye re mchog skyong gnyis la bshad/ de gnyi gas
168a5 zhang rgyal ba'i yon tan dang dar rje dpal gyi grags pa gnyis la bshad/de gnyis kyi snga mas dbus gtsang du lan mang po bshad cing khams su'ang byon te bshad pa mdzad/ zhang gi brgyud pa rnams la bka' ma
168a6 mchims phu ma'am man ngag brgyud par grags so// yang slob dpon pad+mas gnyags dz+nyA na ku mA ra la gsungs shing man ngag lta ba'i phreng bar grags pa'ang bstan/ gnyags kyis sog po dpal kyi ye shes la bshad
168b1 cing/de dang zhang gnyi gas gnubs sangs rgyas ye shes rin po che la bshad do/ yab slob dpon sangs rgyas gsang bas gangs te ser dbas 'jam dpal dang/ bran ka muk+ti sogs la sgyu 'phrul lam rnam bkod
168b2 sogs gsang snying gi skor rnams bshad/de bzhin du dpal gsang ba 'dus pa slob dpon rdo rje bzhad pa'i lugs kyi bshad srol dang/ bi shwa mi tra'i 'grel pa rnams la brten pa'i nyan bshad dang sgrub pa'i srol ka
168b3 dang/sangs rgyas mnyam sbyor ku ku rA dza dang hU~M ka ra'i bka' srol gyi gzhung 'grel rnams dang o rgyan gyi rgyal po'i grub thob brgya byin sdong po'i mnyam sbyor 'grel chen sogs la brten pa'i 'chad nyan dang sgrub pa'i
168b4 srol dar bar mdzad cing he ru ka dang rta mchog gi dkyil 'khor la brten pa'i yi dam skal ldan gzhan rnams la bstsal pas btsan pos rta mgrin grub pas rta skad 'dzam gling khyab par thos pa sogs byung// gnyis
168b5 pa sgrub sde'i skor la/spyir gshed skor rnams ni slob dpon shAn+tiM gar+b+has bod du dar bar mdzad/ bdud rtsi'i skor slob dpon bi ma las gnyags dz+nyA na ku mA ra sogs la bstan cing dar ba yin la/ gzhan rnams ni
168b6 phal cher slob dpon pad+ma kho nas dar zhing rgyas par mdzad do// bye brag tu btsan po khri srong lde'u btsan gyis gsol ba btab pas dpal kyi mchims phu'i bre dgu dge 'ur skal ba mchog dang ldan pa'i rje 'bangs
169a1 brgyad la sgrub sde chen po brgyad kyi phyi nang gsang ba'i dkyil 'khor du dbang bskur ba'i rim pa rnams rdzogs par mdzad cing so so'i me tog phog pa'i lha'i sgrub thabs dang man ngag gnang ba nyams su
169a2 blangs pas lha so so'i zhal gzigs/mnga' bdag btsan pos che mchog grub pas ting nge 'dzin khyad par can skyes shing sgom byung gi shes rab klong rdol bas bka' yang dag pa'i tshad ma'i bstan bcod mdzad/ nam
169a3 mkha'i snying pos yang dag grub cing nyi zer la bcibs/sangs rgyas ye shes kyi 'jam dpal grub cing brag la phur ba thebs/ rgyal ba mchog dbyangs kyis dbang chen grub cing dbu gtsug nas rta mgo 'byin cing rta
169a4 skad sgrogs/mkhar chen bzas phur pa grub cing shi ba slong nus/ dpal gyi ye shes kyis ma mo grub pas ma tshogs las la khol/ dpal gyi seng ges mchod bstod grub pas sde brgyad mngag gzhug tu khol bai ro tsA na
169a5 drags sngags grub pas ye shes kyi spyan dang ldan cing rdzu 'phrul la mnga' brnyes par gyur/gzhan yang slob dpon chen pos dbang dang gdams ngag dang rjes su gdams pa las mchog gi dngos grub brnyes pa
169a6 gnyags dz+nyA na ku mA ra/cog ro klu'i rgyal mtshan/ ska ba dpal brtsegs/ 'bre dpal gyi blo gos/ sna nam rdo rje bdud 'joms/ 'bre rgyal ba'i blo gros/ rlang khams pa go cha/ gtsug ru rin chen gzhon nu/ rma rin
169b1 chen mchog/gnyan dpal dbyangs/ lha lung dpal gyi rdo rje la sogs nam mkha' la bya bzhin 'gro ba dang/ chu la byi'u zul gyis 'gro ba dang/ ri brag la mi thogs par 'dzul ba dang/ lus lha'i dkyil 'khor du skye
169b2 bo mang po la ston nus pa dang/lus de nyid kyis zung 'jug gi go 'phang brnyes pa sha stag byung zhing/ 'tshe rgyal dang 'brog bza' la sogs bud med grub pa thob pa'ang mang du byung ngo// sgrub sde phyi ma gsum la 'jig
169b3 rten sde gsum zhes bod du slob dpon chen pos lha 'dre rnams dam la btags nas dkyil 'khor du bzhag pa kho na yin par 'dod kyang/ma mo rbod gtong la dbyings dang ye shes kyi mkha' 'gro shas che zhing bka'
169b4 nyan srid pa'i dman mo dang mkha' 'gro'i rigs su gtogs pa'ang du ma yod pa'i mkha' 'gro rgya mtsho'i dkyil 'khor yin cing/'di la 'jig rten gyi dman mo lnga bcu la sogs srid pa'i ma mo rnams bkod pa ni/
169b5 phyi snod 'jig rten dang/ nang rtsa thig rlung gsum/ gsang ba sems kyi 'byung 'jug dang rten 'brel las rgyud gsum dregs pa'i ma mo ltar snang ba'i rnam shes kyis bsdus pa rnams don du ma skyes kun tu bzang mo'i
169b6 dbyings mkha' klong rnam par dag pa'i dkyil 'khor las mi 'da' bar gdod nas gnas pa'i phyir rdo rje 'chang thabs la mkhas par de ltar bstan pa yin te/mkha' 'gro rgya mtsho'i rgyud las// stong pa nyid ni
170a1 mkhas pa yi// ye shes rnam shes ngo bo'i phyir// dur khrod bcom ldan 'das rang nyid// sprul pa'i 'khor lo 'di la ni// zhes gsungs shing/ de dang mthun par sku gsung thugs kyi 'khor lo rnams su
170a2 bkod pa'i ma mo'i nges pa yang/de nyid las/ dbang po gshin rje ma chu mo// gnod sbyin 'byung mo drang srong ma// srin mo rlung gi chung ma ste// zhes pa dang/ ma dang chung ma srin mo dang// bu mo sring mo'i bu mo dang// pha
170a3 yi sring mo de dang ni// zhang po yi ni chung ma dang// chung ma'i spun zla ma dang ni// de nyid kyi ni pha yi ma// chung ma yi ni phyi mo dang// ma yi ma dang gnyen mo dang// ma yin spun zla'i bu mo dang/ rang gi phyi mo'i spun zla
170a4 dang// spun zla'i bu mo de'i bu mo// pha yi ma dang phyi mo dang/ khu bo yi ni chung ma dang// bu mo'i bu yi chung ma dang// slar yang chung ma'i spun zla dang// rang pha'i sring mo'i bu mo dang// de nyid kyi ni rang rig skyes// spun
170a5 zla'i chung ma bu mo dang// bu nyid kyi ni chung ma dang// bu mo'i khyo yi ma dang ni// bu nyid kyi ni sgyug mo dang// bu mo'i bu mor yang dag bshad// pho nya sum cu drug rnams so// zhes dang/ yi dwags dmyal mos mnar med
170a6 la// thig nag mo dang me mdag mo// tsha ba mo dang rab tsha mo// ngu 'bod ma dang ngu 'bod che// mar nag tu 'tshir ri gnyis 'tshir// zhes pa la sogs thugs kyi 'khor lor bkod pas mtshon/ 'jig rten 'khor ba'i
170b1 tshul gyis dkyil 'khor du bzhag pa ni mnyam pa chen po'i don la spyod pa'i sngags kyi tha tshig ste/dgyes rdor las/ 'di nyid 'khor ba zhes bya la// 'di nyid mya ngan 'das pa zhes// 'khor ba spangs pa'i pha rol
170b2 tu// mya ngan 'das pa yod ma yin// zhes gsungs pa'i don la bsam dgos shing/ de bzhin du 'jig rten mchod bstod dang dmod pa drag sngags kyang sngon gyi tshe 'og min du dpal chen pos rU tra sogs gdul bya
170b3 gdug pa can rnams la sbyor sgrol gyi phrin las rmad du byung ba'i chos bstan cing 'jig rten khams kyi gdug pa can rnams dus gcig tu btul/rang rang gi srog gi snying po dang/ sngags rgyud kyi sbyor ba dang/ las
170b4 kyi tshogs dang/cho ga'i rtog pa rnams blangs/ dkyil 'khor du bcug/ dbang bskur/ rigs dang mthun pa'i ming btags/ lung bstan phog/ zas kyi pha 'bab byin/ las kyi gnyer gtad nas 'gro ba tha dad pa
170b5 dang/rigs dang/ skye gnas dang/ kha dog dang/ dbyibs dang/ spyod pa dang/ bsam pa dang/ brtul zhugs dang/ tshul dang nges pa'i tshig brjod pa dang/ tshig gi lam tha dad pa rnams tshul bzhin du mkhyen nas
170b6 de dang de'i yul la 'tshams pa'i sngags dang/phyag rgya dang/ dkyil 'khor bstan nas thun mong gi las tshogs dang dngos grub rnams sgrub pa'i phyir 'di tsam du ma zad 'jig rten pa'i sngags rgyud du ma gsungs pa
171a1 yod cing/de dag rang ngos nas myang 'das kyi lam mtshan nyid pa ma yin kyang byang chub sems kyis zin pas de la bstan pas sgo du mas sems can rnams rjes su 'dzin pa la ma rmongs par grub pas
171a2 rnam mkhyen gyi rgyud grung por 'gyur ba la dgongs nas thams cad mkhyen pas bstan pa yin te gsang sngags thabs lam rmongs pa'ang 'di rigs su dgongs pa ma yin na gang la ngos 'dzin/de ltar yang phyag na rdo
171a3 rje dbang bskur ba'i rgyud las kyang/lag na rdo rje ting nge 'dzin de las langs te nyan thos dang/ rang sangs rgyas dang/ lha dang/ klu dang/ gnod sbyin dang/ dri za dang/ lha ma yin dang/ nam mkha' lding dang/
171a4 mi'am ci dang/ lto 'phye chen po dang/ mi dang mi ma yin pa la sogs sems can thams cad kyi srog la dbab pa'i tshogs kyis bye ba bsreg pa zhes bya ba'i ting nge 'dzin la snyoms par zhugs nas sngags kyi sgra smras
171a5 pa'i mod la thams cad dang ldan pa'i 'khor de chu shing gi tshal rtsa ba bcad pa lta bu dang/rlung chen pos bskyod pa bzhin du khas bub tu 'khor lo chen po'i rdo rje'i dkyil 'khor gyi steng du bsgyel to// de'i tshe de dag
171a6 rnams kyis sangs rgyas kyi zhing 'di thams cad dang/stong gi 'jig rten gyi khams thams cad kyang tshig ste thal bar gyur pa mthong ngo// de'i tshe de bzhin gshegs pa rnams kyis lag na rdo rje la legs so zhes bya ba
171b1 brjod de bka' stsal pa/sngags kyi spyod pa rgya mtsho yi// snying po stobs chen ldan pa 'di// bstan pa 'di ni srung byed cing// theg pa chen po'i gnas 'di la// gdul dka' rtag tu 'dul ba ste// dpa' bo chen po khyod
171b2 kyis bshad// de nas 'jam dpal gzhon nur gyur pas de dag byin gyis brlabs te lag na rdo rje la 'di skad ces smras so// rigs kyi bu 'khor 'di la dam tshig la 'jug pa'i sgo cung zad stsol zhig dang/ de bstan
171b3 pa 'di la srog gi re ba thob cing dad pa thob nas rang rang gi gsang sngags kyi snying po 'bul bar 'gyur ro// zhes smras pa dang/ lag na rdo rjes 'jam dpal la smras pa/ ting nge 'dzin la dbang thob cing// nam
171b4 mkha' lta bur chags med la// kun tu sangs rgyas thams cad kyi// smon lam rtag tu rdzogs byed pa// gsang sngags kun gyi spyod pa dang// de bzhin gsang sngags sgrub pa dang// brtul zhugs dang ni rtags dang
171b5 gzugs// dus dang yul dang cho ga shod// de nas 'jam dpal gyis de rnams la byin gyis brlabs pas de rnams langs te/ kye ma ye shes kye ma skyid// kye ma sngags shes bsam mi khyab// des ni bdag cag thams
171b6 cad kyang// mgon dang bsam gtan dga' dang ldan/ sems zhi tshegs ni ma mchis par// sangs rgyas bstan pa lhur len gyur// sangs rgyas rnams kyi spyan sngar ni// bdag cag thams cad mchis nas su// cho
172a1 ga'i rgyal po tshul chen 'dir// snying po dag ni dag dbul lo// zhes gsol te/ de nas 'khor gyi gnod sbyin dang/ sha za dang/ ma mo dang/ mkha' 'gro ma dang/ srin po dang/ rig sngags 'chang ba
172a2 dang/mi'am ci dang/ dri za dang/ klu dang/ 'byung po dang/ sring mo bzhi la sogs pa rnams kyis rang rang gi snying po rnams phul te/ spyi dang bye brag gi sgrub thabs dang/ dkyil 'khor dang/ sngags dang/ phyag rgya
172a3 dang/cho ga'i rtog pa rnams gsungs so// de lta bu gdod nas grub pa'i rgyud gzhung du 'byung bzhin 'jig rten pa'i lha dang dkyil 'khor yod pa'i gzhung de bod mar 'gyur ba'i rnam rtog 'di snga phyi kun tu byung bar
172a4 mngon la/slob dpon chen pos bod kyi ljaungs su lha 'dre de dag dam la yang skyor gyis tshul gyis btags shing gtso bo gtso bo rnams sngon smos pa'i cho ga de dag gis dkyil 'khor du bcug pa yod srid kyang de tsam
172a5 gyis rgyud gzhung de bod kho na'i dbang du mi 'gyur te/bya rgyud kyi dkyil 'khor du gnas gtsang gi lha rnams yod pas de kho na'i rgyud du mi 'gyur ba bzhin no// rdzogs pa a nu yo ga'i skor rnams ni/ mdo mkhan d+harma
172a6 bo d+hi dang/ba su d+ha ra dang/ bru sha'i slob dpon cha btsan skyes gsum kar gyis gnubs chen sangs rgyas ye shes la bshad de bod du byon pa yin no// rdzogs pa chen po a ti yo ga la sde gsum gyi dang po sems klong
172b1 gi sde gnyis ni/yul snye mo bye mkhar du 'khrungs pa'i dngos grub brnyes pa'i slob dpon chen po bai ro tsa na btsan po khri srong lde'u btsan gyis bskul ba bzhin 'jigs pa chen po brgyad sogs bzod du med du med pa'i
172b2 dka' ba lnga phrag bcu las bdun gyis lhag pa khyad du bsad nas rgya gar gyi yul du brtol bar d+ha na ko sha'i tsan+dan bsil byed kyi nags su slob dpon shrI sid+has rdzu 'phrul gyis bkod pa'i ke'u tshang chen po dgu
172b3 brtsegs dang nye bar sleb/der chu len gyi rnal 'byor ma la phrin brdzangs kyang lan ma byung bar bai ros lta stangs mdzad pas chu snod sa la 'byar/ rnal 'byor mas rang gi brang phyes nas rdo rje dbyings kyi dkyil 'khor
172b4 bstan cing des grogs byas te slob dpon dpal gyi seng ge dang mjal/gser gyi man+Dal phul te rtsol med kyi theg pa gsung bar zhus pas brtag par bya gsungs/ nang par gsang ba'i rtsis rgya btab nas zab mo'i
172b5 gnad rnams bstan par bya mod kyi/'on kyang shin tu ma gsang na rgyal po'i chad pas srog gi nyen du 'gyur bas nyin par pan+Di ta gzhan rnams las rgyu 'bras kyi chos nyon/ mtshan mo man ngag gi chos bstan par bya'o
172b6 gsungs te gzhan gyis mi rtog pa'i thabs dang rten 'brel rnams mdzad/slob dpon gyis mtshan mo man ngag sems sde bco brgyad rnams dar dkar po la ra dkar mo'i 'o mas bris shing bstan srung rnams la chad tho
173a1 blangs te shin tu gsang ba'i rgyas btab bo// da dung yang bai ro'i thugs ma tshim ste bzhugs pas rgyud sde drug cu'i dbang dang man ngag thams cad dang/ 'bras bu rang chas su ston pa klong gi sde dkar
173a2 nag khra gsum rnams bstan pas chos thams cad kyi gting mthar phyin/da dung ma tshim pa ltar mdzad pas slob dpon gyi zhal nas/ chos kyi dbyings la zad med kyang// de bzhin nyid ni gcig shes na// ma lus de
173a3 la yongs su rdzogs// de las yod na sid+d+hi kan// ces gsungs nas/ gdams pa btsa' lugs gsum/ sbyin pa'i gnas bzhi/ mi sbyin pa'i gnas bzhi rnams gsungs/ du ba'i gnas kyi dur khrod chen por slob
173a4 dpon dga' rab rdo rje dang yang mjal nas rdzogs pa chen po 'bum phrag drug cu rtsa bzhi'i don brgyud thob cing de nyid du rtogs grol dus mnyam kyi dngos grub chen po mngon du brnyes so// 'di slob dpon gyi ye shes
173a5 kyi sku yin kyang rung ste skye 'chi med pa'i zung 'jug gi skus mkha' khyab tu bzhugs pa'i phyir dus snga phyi sogs so skye ltar mi bsam ste mchog gzigs rnams kyi spyod yul yin pas so// de nas bai ros rkang mgyogs kyi
173a6 grub pa la brten nas bod du byon nas btsan po la nyin mo rgyu 'bras thun mong ba dang/mtshan mo rdzogs pa chen po lkog chos kho nar gsungs/ sems sde snga 'gyur lnga bsgyur/ de tshe rgya gar bas gdams ngag bod du
173b1 shor ba la phrag dog gis bod rnams the tshom bskyed pa'i phra ma dang/chos la gnag pa'i btsun mo dang blon po rnams kyi dbang las slob dpon tsha ba rong du byon dgos pa byung/ rgyal rong brag la mgon po'i dgon
173b2 par g.yu sgra snying po rjes su bzung ba sogs 'gro ba rnams smin grol la bkod/tsha rong stag rtse mkhar du gsang ston ye shes bla ma la rdzogs pa chen po'i skor rnams gsungs/ stong khung rong gi brag dmar dgon rdzong d
173b3 u spang rgan sangs rgyas mgon po la gsungs/dbus su gnyags dz+nyA na ku mA ra dang li bza' shes rab sgron mar gsungs pa ste rim pa lngar grags shing/ phyi ma 'dis bai ro li yul du spyan drangs te/ mthar bal bo
173b4 b+ha sing gi nags su zung 'jug gi skur gyur to// gnyags gyis sog po dpal gyi ye shes/ gra dpal gyi snying po/ lha lung dpal gyi rdo rje/ 'o bran dpal gyi gzhon nu sogs las rim bzhin brgyud pa gcig dang/
173b5 yang sog pos gnubs chen la brgyud pa'i lugs gcig dang/ yang rtsangs shwa ka rdor gyis spang rak+Shi ta/ ya zi dar ma shes rab/ zer mo dge slong/ mar pa shes rab 'od/ de nas zur sgro phug par brgyud de byung ba
173b6 yin no// yang bai ro'i slob ma spang sangs rgyas mgon po'i slob rgyun las 'ja' lus grub pa sha stag byung ba ni/ spang rgan po'i slob ma ngan lam byang chub rgyal mtshan yin/ de ni yul dbu ru ngan lam ral gsum pa
174a1 dge slong lo drug cu rtsa bdun lon pa zhig gis rgyal mo stag rtse mkhar du byon/spang mi pham mgon po la gdams pa zhus pas gnang ste da yul du ma 'gro/ wa seng ge brag la sgom gsungs/ slob dpon
174a2 gyi bka' bzhin nyan te der byon nas bsgoms pas lo brgya dang bdun cu rtsa gnyis lon pa'i tshe phung po lhag med du gshegs/de la slob ma zad dam rin chen dbyig bya ba mdo khams stod pa zhig byung/ des ngan
174a3 lam la gdams pa zhus/brag de nyid du bla ma dang 'bral ba med par sgom bzhin bzhugs pas/ lo brgya dang bzhi bcu zhe bzhi lon pa'i tshe phung po lhag med du gshegs/ de la yar klung 'phyos nas khu 'gyur gsal
174a4 ba'i mchog ces bya ba'i slob ma rten dge slong yin pa/lo lnga bcu rtsa bdun lon pa gcig byung/ za dam rin chen gyis mdags ngag gnang bas yul du log pa'i bsam pa spangs/ wa seng ge brag nyid du bzhugs
174a5 nas bsgoms pas khu 'gyur gsal lo brgya dang bcu bdun lon tshe/phung po lhag med du gshegs/ de ltar slob dpon gsum ka wa seng ge brag ces bya bar sbrul gy-i lo gcig par gcig rting la gcig sku na bun
174a6 nam 'jam tshon yal ba bzhin du gshegs so// de la slob ma byang chub grags zhes bya ba// yul nyang g.yu 'brug stod pa rten dge slong lo bzhi bcu rtsa gnyis lon pa zhig byung/ khu 'gyur gsal ba la gdams pa zhus
174b1 nas yar log/bsam yas mchims phur sgom gyin bzhugs tsa na/ dbu du zhwa'i nyang shes rab 'byung gnas zhes bya ba dge slong bgres po gcig bzhugs 'dug pa dang mjal/ khong na re/ bsnyen par rdzogs nas
174b2 lo nga rgan yang gdams pa khyed che bar 'dug/rjes su gzung bar 'tshal zhus pas/ nyang byang chub grags kyis khong la gdams pa rnams byin/ phug po che dang yang rdzong du bzhugs/ rang gi slob ma dang yang slob dag
174b3 la 'byung bzhi zad par gyi sprul bsgyur bstan/mthar rang nyid gtsang rgyam nye du kha'i phung po ri bo che la da lta rang 'dug pa'i 'phro la ri zur na yar sku lus sprin chad pa bzhin du phung po lhag med du gshegs so// der
174b4 nyang shes rab 'byung gnas kyis mchims phu dpal gyi nags khrod/sgrags kyi yang rdzong/ phug po che rnams su bzhugs/ der rdzogs pa chen po rang snang ris med kyi dgongs pa mngon du shar nas/ phug po che lha ri'i
174b5 rtse mo la yod pa'i shug pa rkang gcig par na bza' dang/phreng ba dang/ ka pA li rnams gzar nas/ sku nam mkha' la 'ja' tshon dengs pa bzhin song ngo// de la slob ma yul lo mo ba/ rus sba yin pa gcig byung
174b6 bas slob dpon sba sgom du grags/de rang gi yul na yod pa'i tshe 'khrug pa yod pas/ yum na re/ bu 'di sring mo drug gi ming gcig po yin/ slob dpon shes rab 'byung gnas la 'chol/ ma shi ba rang gis cho ga
175a1 zer lo bcu drug pa gcig nyang la bcol nas yod tsa na/sngar gyi nyang byang chub grags pa de phug po che dang/ yang rdzong dang/ mchims phu rnams su sha pa gcig khrid nas byon pas/ nyang sha ba can zhes
175a2 kyang grags/phug po cher phyi ma'i res byon tsa na/ ngas khyod gnyis la ltas mo gcig bstan gyi ltos shig gsungs/ der slob dpon shes 'byung dang/ sba sgom gnyis kyis g.yas g.yon nas bltas tsa/ slob dpon
175a3 dbus na yod pa de mi snang bar song/der ngo mtshar skyes nas yod tsa na/ rlung 'tshub khru gang ba gcig tu gyur nas phar bskyil tshur bskyil byas/ de mer song/ de'ang chu gtor gtong ba'i 'khar gzhong gcig tu
175a4 'phos nas chur ltem gyis song/des tshub cig gi ngang la slob dpon rang du krong gis song/ de ltar 'byung bzhi zad par gyi skye mched la dbang bsgyur nas 'di skad du/ 'byung ba'i snyigs ma dwangs nas dwangs ma ma
175a5 yal ba'i bar du de ltar 'ong ba yin/shes rab kyis sgom rgyu med pa'i don mthong yang/ brda' la yengs pa med par bskyangs na de ltar du rang dbang thob pa la tshegs med/ ma yengs par skyong ba gal che ba yin
175a6 gsungs/de nas re zhig na sba sgom gyis bal bu'i nag la shing 'thu bar phyin pas/ khong rang gi 'jag spyil me dmar bun bun 'dug pa mthong/ slob dpon ni me mi 'bud me shor ba yin nam snyam bltar phyin pas/
175b1 'jag spyil sngar bzhin las me mi snang/ slob dpon la de ci tsug yin dris pas/ ngas me'i ting nge 'dzin la mnyam par bzhag pa yin/ nga'i bla ma nyang byang chub grags pa'i de mi dran nam gsungs/ yang skabs shig
175b2 slob dpon gyi bzhugs sar chu ltem me 'dug pa mthong/mthar slob dpon gyis/ nga mi 'dug na lha ri'i rtse mo la ltos shig gsungs/ re zhig na slob dpon ma byung nas ri la skyo sangs la bzhud pa yin gyi sang
175b3 dgongs 'byon du 'ong snyam tsa na yang ma byon/bltar phyin tsa na/ dbu zhwa dang/ bo d+hi tse'i 'phreng ba la sogs pa shugs pa la gzar/ slob dpon phung po lhag med du gshegs so// 'di ni rang bzhin rdzogs pa chen
175b4 po la nam mkha' dang/mkha' 'gro'i 'chi lugs/ me dpung dang rig 'dzin gyi 'chi lugs zhes pa'i ya gyal gcig yin no// sba sgom lo nyi shu rtsa bzhi lon tsa na nyang shes 'byung gis gdams pa btab pa yin// sba
175b5 sgom 'di rten dge bsnyen du bzhugs/mtshan ye shes byang chub du grags/ rtogs pa khyad par can mnga'/ rdo la 'dam rdzab ltar mdzad/ brag la sku'i par 'debs/ dgung lo dgu bcu rtsa brgyad lon pa'i tshe sku snyun
175b6 pa med par gshegs/jo mo gang mos phyi rol gyi mi rnams la pur mjal ma btang bar mchod khang du pur me la sbyangs pas/ 'od rdza ma tsam zhig nam mkha' la 'gro ba phyi rol gyi mi kun gyis mthong/ shul du gdung
176a1 rus gcig kyang ma byung ngo// de'i slob ma ni 'dzeng ste/ yum mtshar dgu skyid de zhes bya ba yar klung thang chung ba'i ma jo yin/ thang chung btsad po'i bu che bas phab nas 'dzeng 'khrungs/ lo bcu drug lon
176a2 pa'i dus/'grul zla kha shas dang bcas dol gyi gdong snar tshang la phyin tsa na/ dol gyi 'tsher chung na mi mang po spungs 'dug bltar phyin pas dam pa rgya gar dang mjal/ zla ba bcu bzhir dam pa'i phyags phyir
176a3 'brangs/gtsang gi gnas gzhi bzangs can du sleb tsa na/ dam pas snam bu gcig gnang nas/ khong dang thung 'dug pas khyod rang yul du log/ dgas po nas kham bu khyer la shog/ dol du 'gro ba'i zla bor 'dug
176a4 go gsungs/der 'dzeng gis lam du zhugs pa na/ dam pa tshur breng gis byon/ 'dzeng gis bden pa gnyis la 'jus te/ ci yang ma yin gnas gyur pa// gnas gyur pa la gnyis 'dzin med// ces gsungs na
176a5 mgo thug lan gnyis brgyab pas/sems had de ba la shes pa bkra gsal ba zhig byung/ kha nang na chu khyil le snang/ de ni dam pas byin gyis brlabs/ rdo rje zam pa dang mjal ba'i lung bstan par 'dug ste/ dus
176a6 phyis las ma go gsungs/dam pas brten 'brel 'ga' tsam dang/ sngags kyi gnad mang du gnang/ rgyang ru tshal mar yi ge drug pa'i gdams ngag gnang nas bsgrub pas byin rlabs chen po byung/ yang chu bo chen po
176b1 'di'i shar phyogs na tsan dan gyi nags yod/de na khyod kyi bla ma yod gsungs nas lung bstan/ de nas dbus su byon/ a khu dpal 'bal la khrag 'thung dang be har/ gnubs shangs po che la kr-i ya dang kha 'bar
176b2 ma'i gtor chen zhus/khong gis gtsang du ba ri ba la 'bul ba skyel du btang bas/ ba ri la'ang 'jam dpal dang khyung sgrub zhus/ dge bshes spo la snga 'gyur rigs zhus/ de nas sum cu rtsa lnga lon pa'i tshe ngam shod
176b3 rgyud lcang tshigs su byon/phug po che'i la kha na dge bshes btsan kha bo che rgya gar nas byon ma thag pa gcig jo mo bas spyan drangs nas/ chos dang bza' ba dang ltas mo yod zer/ nang par snga bar byon tsa na/ bud
176b4 med gcig na re/khrab nas lam zur 'di nas yar phyin na/ slob dpon sba sgom bya ba lto ster ba la yangs pa zhig yod zer/ phyin pas rnal 'byor pa tsho gcig gis kyang sleb nas tsha ba drangs/ phye zangs kyi khyem bu re
176b5 yang gtong gi 'dug/de tshor byin zin nas/ de na gsar bu gcig kyang 'dug gsungs nas chu bum pa gang len du bcug/ chu gtor mdzad nas phug chung zu rar khrid/ tshod ma ge ru pho pa gang byin/ de nub kyang
176b6 bza' byin nas brag rtsa gcig tu nyal/nang par 'gro dgos sems tsa na/ yang lto byin nas nga'i nye gnas btsun chung gcig yod pa zo thang du gser len du song ba char ches pas ma byung/ shing gcig thus gsungs/
177a1 der nags khrod nas shing khur che ba gcig bskyal bas/ sba sgom mnyes nas phyag rgya chen po brda'i man ngag dang/ rdzogs pa chen po skor bdun rang chas bya ba bshad/ der nyer gnas kyang byung/ nged
177a2 ma sleb pas slob dpon 'og brgyal sems tsa na khyed kyi go bcad 'dug pa da dung zhag 'ga' tsam bzhugs zer/yang yar klung lan cig bskor nas byung/ der sba sgom gang zag khyad par can du shes nas yul du
177a3 ma phyin par 'on dang zangs ri yan chad du bsod snyoms byas/sgye gcig nyos/ nas sgye gang dang bcas pa slob dpon sba sgom la phul bas/ khyod kyis nga'i g.yog byas pa yin pas des rung/ 'di la khyod rang gi
177a4 rgyags gyis/nga la man ngag rdo rje zam pa zhes bya ba skad cig ma'i don rtogs nas tshe gcig lus gcig la phung po lhag med du sangs rgyas pa'i brgyud pa breng ma chad pa gcig yod/ da gong phan chad su la'ang ma smras
177a5 pa yin/da khyod la sbyin no gsungs/ nas nan gyis phul nas 'di slob dpon rang la bsngos pa yin/ gdams ngag thugs la gdags par zhu/ rgyags rnyed de 'ong byas pas/ phyag g.yon pas sbyi bo nas bzung
177a6 g.yas pas ltag khung nas rtab rtab byed cing/'or che dam tshig can du 'dug/ gdams ngag gis phan thog par gda' gsungs/ der lo chung gi sngags pa gcig la gshin rje dmar po'i sgrub thabs zhig byin pas/
177b1 sran nas khal brgyad byung/ lo mo dang 'phrun du bsrung skyob zhar re tsam byas pa chos rgyags ldang ba rnyed/ der rdo rje zam pa'i byin rlabs zhu ba la tshogs kyi yo byad ma tshogs pa'i ngang/ slob dpon gyis/ byin rlabs da
177b2 lta bya/phyi nas bar chad 'ong gsungs/ gangs par du grogs po gcig la pir mo gcig bcol ba'i rin slong du phyin pas/ ma jo'i sham thabs zhig thob/ de'i snam pa tsho phral nas btsongs/ chang phud dang/ gtor ma
177b3 dang/nas bre lnga sha gzugs gcig rnams la bsten nas/ mar me'i dod nyin par bya'o gsungs nas grol lam dbang bzhi rdzogs par bskur/ gdams ngag ma lus pa gnang/ phyi nas kyang byin brlabs lan bzhi
177b4 tsam zhus/nas dang gser la sogs pa'i 'bul ba lan lnga bskyal/ re zhig na/ snang ba 'di kun rdzun pa'i chos can yin gsungs nas/ chu rdo gcig la phyag char gyis brgyab pas grub mo yan chad thim gyis song/
177b5 yang sku lus phyir shigs kyi mdzad pas brag la 'dal gyis thal nas rjes wal le byung/ phug chung rong nas lta stangs kyis shug pa'i gdung mang po bkug/ jo mo'i mchod khang phug pa'i shing yin gsungs/ de lta bu'i
177b6 slob dpon las rdo rje zam pa'i skor ma lus pa thob cing gzhan yang jo bo rje'i pha rol tu phyin pa'i lam brkyang khug sogs kyang thob/de bzhin du yu mo la sbyor drug/ khams pa lung pa la thun brgyad ma/ sne'u zur pa'i
178a1 slob ma la dmigs pa skor gsum/shod bu lo tswa ba la 'grel chung/ dge bshes dgrol sgom la nA ro'i thabs lam zhus shing/ rdo rje zam pa phar la bshad/ so snyun gdangs la sgron sprul dang rgyab
178a2 sha/rdza bor ba la bdud rtsi thigs gsum/ ri khrod rlung chung la rna brgyud tshig gsum/ rlung ngam chen po la do ha'i man ngag/ lab sgron la gcod yul/ rgyal ba sbo ston la sde skor bdun pa/ gnubs shangs chen la ba
178a3 ri pa'i kr-i la'i chos bco lnga/ding ri kun dga' la gdams pa sna tshogs sogs thos pa shin tu mang/ dwags po lha rje la chos drug dang skyes sbyor zhus/ rtogs pa nyams bsdur bas shin tu mnyes/ spyan snga rnal 'byor
178a4 gyi gra sa ru spyod pa byas pas brtul zhugs can du grags/grogs mched kyang a tsa ra stag sham can dang/ bla ma dbu 'dren pa dang/ bla ma thud kha 'bar/ bla ma drod 'byor/ zhang 'gro smyon la sogs de tsa na'i rnal
178a5 'byor gyi dbang po sha stag dang 'grogs/gtsang du gcer bu lo lnga byas/ gzhan yang snang ba la thog rdzis shin tu che bas dgun 'khyags pa'i rum/ dbyar chu bo'i gzhung/ ma nges pa'i g.yang rong zab mor mchong ba
178a6 dang/mgo brdeb pa dang/ mtshon brdeg pa la sogs te spyod pa tshan po che ma byas bya ba med pas dpa' bo 'dzeng chung du grags/ so mang btsan la phyag rgya chen po btab pas 'khrul snang ye shes su gnas gyur/ ri
178b1 khrod rlung chung pa dang/dngul mo rgya le lcam la yi ge bzhi pa dang rdzogs chen btab pas 'khrul zhig chen por gyur te mthar phung po lhag med du dengs/ de bzhin du ma jo dad pa can dang/ khams pa snying rus can zhig
178b2 la rdo rje zam pa bstan pas ma jo mon kha zer mo'i mtsho dang/khams pa kong po mtsho rdzong du nam mkha' dang mkha' 'gro'i 'chi lugs kyis phung po lhag med du song/ ras pa sgom stag sho ras/ rgya ras/ rlung ras
178b3 sogs la gdams pa btab pa tsam gyis bde drod 'bar/de bzhin du chos nyid bstan pa tsam gyis rtogs grol du song ba shin tu mang/ 'dzeng d+harmA bo d+hi nyid kyis gsungs nas kyang/ nga'i gam du lo tsA ba yang bzhi
178b4 tsam byung/rab byung dang/ ston chen dang/ sgom pa sgom ma yus po che rang mthong can mang zhig byung/ tshul bzhin nyams su len pa a cang che ste/ dwags por nyams len en re byed pa'i nya ma bcu gcig tsam dang
178b5 por 'chi dus thebs pa/'chi khar gnad gcod med pa/ ro la 'ja' zug pa byung ba yin/ nga'i gdams pa 'di la bal ma bal las byed pa dang/ pha ma sri'u gso ba 'dra ba'i nyams len lo lnga drug gcig byas na/
178b6 phung po lhag med du song nas shul du mi'i lus po mi yong nges gsungs/ rdzu 'phrul gyi bkod pa rgya mtsho lta bu la dbang 'byor bas re sku lus 'ja' ru 'khyil/ res zhabs sa la mi reg par gshegs/ snang sems ro
179a1 gcig tu 'dres pas thag ring po'i sa yang yud tsam la 'khor/gzhan sems shes pa la sogs pa'i mngon par shes pa thogs med mnga' bas ma 'ongs pa thams cad lung ston/ lha'i mig dag pas jo
179a2 sras ma rdo rje skyid kyi bu nam phyed na gnyid log pa rgya mthongs nas mar rbab tu 'chor la khad pa gzigs/snang ba la nyin mtshan med pas nub mo sbur ma'i khrod du rgya khab ltung ba bde blag tu gzigs pa sogs yod/
179a3 phyi res gtsang du lo bdun bzhugs nas slar phug po cher byon pas/ slob dpon sba sgom gyis/ nam mkha' 'di khong du chud par gyis/ de rten med du rtogs nas sgom med kyi gzar chen thebs pa yin gsungs
179a4 pas nges shes gting nas 'drongs/de nas dwags po zhu ru bzhugs shing bla ma zhal gdams la gu ru zhi ba sde skor mdun pa'i gdams pa zhus/ de'i lta zur dgon par brda' bzhi lo gsum bskyangs pas chos thams
179a5 cad la byan tshud/spros bral gyi dgongs pa nam mkha' lta bur song/ lar dka' thub la shin tu bzod pas/ phug po cher rdo rje zam pa zhus nas bdud rtsi'i dka' thub mdzad/ rims kyis rdzi bar ma nus/ gnubs
179a6 shong po che'i drung du bla ma'i bran gyi dka' thub byas par gar phyin du bla mas thugs la 'dogs/dam pa rgya gar gyi drung du rtog dpyod kyi dka' thub byas pas chos thams cad la rang byan tshud/ skyid khung du phur pa'i
179b1 bzlas pa la dka' thub byas pas 'jig rten gyi lha 'dres ci smras nyan/jo bo bka' gdams pa'i sa ru zhi dul gyi dka' thub byas pas gar phyin du gzhan gyis byams/ yi ge bzhi la mi sdod pa gsum gyi dka' thub
179b2 byas pa bde drod 'bar nas gcer bu lo lnga byas/de la nges shes skyes nas phag mo mngon 'byung la sgrub pa'i dka' thub byas pas 'gur mo'i nub phyogs su rje btsun mi'i zhal gzigs/ brda' mang po gnang/
179b3 gnubs yul rong du rmi lam sbyangs pas snang ba thams cad rmi lam du shes/ gzho stod ti sgro'i shel phug tu khro bo bdud rtsi 'khyil pa'i zhal mthong/ mi ma yin cig gis bsnyen bkur cher byas/ btsun gzugs
179b4 gcig nam mkha' la 'phur nas phar 'gro tshur 'gro byed pa mthong/btsal bas ma rnyed mi yin min ma shes gsungs/ dwags po zhu ru a dzi bsgrubs pas nyi ma dro khar zhal gzigs/ dam bsre byed snyam tsa na jo mo phya
179b5 le byon nas/bud med can zer nas 'od cig tu yal/ lha zur du bcud len gyi sgrub pa byas pa tshe dpag med zhal mthong/ chos mang po'i rnam gzhag rgyud la shar/ o dkar brag tu sgrub pa mdzad pas bde mchog
179b6 yab yum zhal gzigs/lan cig 'gro snying 'dod pa zhig byung nas/ mor 'gar grong mo che'i mdun du byon/ chu'i rdzing mo zhig la thub chod byas mchongs pas/ 'khyags pa chag nas chur bying/ skyengs pa'i rnam rtog
180a1 cing shar tsa na/chu la rlangs pa nam mkha' mi mthong ba tsam byung/ mi rnams ngo mtshar skyes nas dgun grang bdo ba la de tsam tshugs pa/ lcags bsregs chu la btsud pa 'dra ba byung zer/ rang la
180a2 'khyags pa'i snang ba ni byung gsungs/yang lan cig jo mo dang gnyis kyis shing 'thur phyin pas shing khur che ba gcig rnyed/ de khur nas mtha' chen po gcig gi khar sleb pa dang/ 'di ni rmi lam du 'dug snyam nas
180a3 mchongs pas bya babs pa bzhin du song/jo mo na re bla ma khyed mi'ang cig mi 'dug/ dam pa rgya gar dran zer/ de yan du gdams pa mang du ma 'phel/ grong chog mdzad cing gsang spyod bskyangs/ de nas thag ring
180a4 nas slob ma mang du byung nas 'phel/re zhig na bal bu dor las spyan drangs/ gdams ngag gsungs pas/ nyi ma snga dro dang po la 'ja'i gdugs dang re mig mang po byung/ chos thon nas ri logs la skyo sangs la
180a5 byon/'ja' de bla ma grongs pa'i rtags mi dga' ba min nam zhus pas/ nga'i bla ma sba sgom gyis 'bar ston shes rab grags spun gnyis la gdams pa 'di gnang ba'i dus kyang/ ngams shod lung pa dang/ phug po
180a6 che'i ri logs khengs pa tsam byung ba yin/gdams pa 'di la rtags 'di 'ong gsungs/ yang bla ma 'di 'dzin na bzhugs pa'i dus su slob ma jo sras 'dzeng gi drung du byon pas/ mchod rten rtsa ba'i gad rtsa gcig na
180b1 bzhugs 'dug/de nas dben khang du phyin tsa na bla ma 'dzeng ni ma mthong/ 'od phub tsam zhig 'dug/ rtsar nya tsa na 'od de mi 'dug nas de tsug lags zhus pas/ mnyam par bzhag pa'i rtags yin mi la ma smra
180b2 gsungs/yang a jo dngos grub la mdze byung bas/ ngas bzlas grogs byas mdze ni ma sos/ ngas phyag na rdo rje'i zhal mthong dgod bro gsungs/ de ltar chos tshul gzhan la grags pa'i ro snyoms dang/ chos drug dang/
180b3 gcod yul dang/ rim pa lnga la sogs pa'i gdams pa'i don gyi thob bya gang yin pa nyams 'og tu chud pa'i 'dzeng sgom d+harmA bo d+hi 'di dgung lo brgya dang gnyis lon pa'i dus zhig snyun pa ltar bstan pas/ 'khor
180b4 rnams kyis bla ma grongs kyi dogs tsa na/zhal nas mdang rmi lam bzang/ nga mi 'chi rgya'i po ra'i steng na 'dug pa la nyi zla gnyis shar byung/ rus pa'i spyil po mang po'i steng na bud med mang po 'dug pas/ bla ma
180b5 'dzeng khyod lo bzhi na shog zer ba gcig rmis gsungs/yang re zhig na/ ngas lo mang po lon te nga la'ang tig pa bshad rgyu med gsungs/ de ni rtog dpyod la 'dzin pa dag pas nang du dgongs pa zad sar
180b6 'khyol ba'i rtags yin no// der 'khor rnams kyis dge rtsa gcig mdzad par zhus pas/ 'dus byas kyi dge rtsa la thugs mi gtod/ bcud len cig mdzad par zhus pas kyang/ bcud len byas na lo bcu tsam
181a1 tshe bsring nus te/dus ngan gyi tshe ring ba la dgos pa med gsungs/ gzhan la skyo ba yang dag bskul nas sku gshegs so// pur sbyangs pas nam mkha' 'jas gang/ mchod rten dang ring bsrel
181a2 yang mang du byon don/'di ni tshogs pa bskyangs pas snyigs ma 'ja' lus su ma dengs kyang/ don gyi ka dag chos zad kyi sa la mya ngan las 'das pa'i rtags mtha' dag tshang zhing snyan brgyud rdo rje zam pa'i dar
181a3 rgyas kyang 'di'i ring nas che bar byung ste dngos kyi slob ma yang/slob dpon kun bzang dang/ 'dzeng jo sras dang/ btsan thang pa nyang d+harma sid+ha dang/ slob dpon gser lung pa dang/ bla ma du rdo rje rgyal mtshan
181a4 dang/gzig ye shes dbang po dang/ g.yag ston zla ba 'od zer la sogs mang du byon no// dgung lo yang brgya dang bcu bdun lon tshe gshegs pa yin/ 'di jo 'brom dang/ phya pa chos kyi seng ge dang/ rje btsun
181a5 mi la dpon slob dang snga phyir thog mnyam pa tsam yin no// de la 'dzes jo sras ni/ sngags pa'i rigs la btsas pas chung ngu nas yig rtses la sbyangs/ 'ol kha'i lha bris pa la sgyu 'phrul la sogs rnying ma dang/
181a6 dgyes rdor dang mtshan brjod zhus/ slob dpon lha ris pa 'da' khar gzhung chen po 'di tsam zhig shes kyang 'chi khar pa a ro thun bdun las ma byung/ khyod rang kyang gzhung ma bslabs par gdams ngag la nan
181b1 tan gyis/dwags po na khyed rang gi bla ma 'dzeng bya ba gcig yod 'dug pas der song zhes lung bstan/ gang bar du rdzogs chen lhun grub mkhan slob dpon zem gyi sar dbyar dgun thog drug bsdad kyang thugs
181b2 la ma btags/gdams ngag gi spros pa ma chod nas slob dpon 'dzeng la dpal lung du rdo rje zam pa tshar gsum zhus/ byin rlabs mdzad nas/ khyed rang re zhig gtsang du song la gzhung slob/ gtsang nas 'khor
181b3 tsa na a mis dgon pa gcig tu sdod cig gsungs/der gdams pa mi gnang ba dgongs nas/ gzhan su shes dris pas/ gra phyi'i jo sras zhang la skyabs bya bas shes gsungs/ de la zhu bar sems tsa na khong
181b4 grongs/yang dwags po rang du log nas 'dzeng la zhus pas kyang ma gnang/ slob ma gcig la zhu bsams nas/ sho skyam du slob dpon ngu'i spyan sngar phyin tsa na/ re ba tsam bcos nas 'dis mi 'ongs da dung
181b5 dwags por song la zhus gsungs/yang dwags por byon nas zhus pas/ cis kyang 'dod na gdams pa la nan tan byed dgos pa yin gsungs nas rdzogs par gnang/ dbyar dgun thog 'ga' slob dpon gyi drung du bsdad/ lo
181b6 drug tsam lon nas phran tshegs rnams kyang rdzogs/gzhan la byin rlab mdzad pa'i las slob kyang byas/ thod pa'i slob ma rog po dga' dang/ ma jo bzlo ba la sogs pa lnga bcu tsam gyis rdo rje
182a1 zam pa zhus pas jo sras kyis shod/khyed tshos nyon gsungs nas slob dpon gyi khri kha nas gsungs/ dpon slob gnyis lo ngo bco brgyad tsam du 'grogs/ gdams ngag gi bka' phog nas brgyud
182a2 'dzin bskos so// de ltar 'dzeng d+harma bo d+hi dang/ jo sras 'dzeng chung smyon pa gnyi ga'i slob ma slob dpon kun bzang yin te/ de ni khu bo pha jo dbus pa phag mo gru pa'i slob ma sgom chen po zhig yin/ ma zi bza'
182a3 des chog bya ba ma jo smyon ma bsam 'grub bya ba la chos thob pa gnyis ka la rmi lam gyi ltas bzang po dang bcas te 'khrungs/lo brgyad dgu la slob dpon kor ston rA dza las slob gnyer cung zad byas/ bco lnga
182a4 lon pa'i tshe khong grongs nas slob dpon du ba'i gam du lo lnga tsam zhi byed zhu zhing bsdad nas zhabs tog 'grub tshad byas/gser lung dgon par slob dpon du dang 'jal ba'i tshe/ bco lnga'i zla ba'i rum na skar
182a5 ma gnyis thim pa rmis/'dzeng chen po la rdo rje zam pa tshar gcig zhus/ de nas 'dzeng jo sras spung ring du spyan drangs nas rdo rje zam pa tshar bdun zhus/ dwags por dgun thog bzhi phyin/ rdo rje zam pa tshar phyed pa
182a6 gcig dang bcu bzhi thob/jo sras dang lo brgyad 'grogs nas rdo rje zam pa tshar bdun zhus/ phyi nas sho ru tshar gnyis/ gser lung du tshar gcig/ gzhan la gsung 'phror mjal ba dang dril bas 'dzes mes
182b1 dbon gnyis la rdo rje zam pa tshar sum cu rtsa lnga thob/gnyis ka'i gdams pa bka' babs nas gzhung bshad che chung gnyis kyang mdzad do// 'di la sras sprul sku 'od 'bar seng ge bya ba byung/ de ni blo rno ba/
182b2 shes rab phun sum tshogs pa zhig ste/ lo bcu bzhi pa la rdo rje zam pa gsungs/ des brgyud 'dzin jo mgon la gnang/ des bya med tshul rin la gnang ngo// yang 'dzeng gis yar klungs btsan thang pa nyang d+harmA
182b3 sid+ha la rdo rje zam pa bshad pas byin rlab bzhugs/rtogs pa thod rgal du skyes/ dur khrod dgon par bzhugs te 'gro don rgya chen po mdzad/ mthar dgung lo don bdun pa la gshegs/ 'di nas brgyud pa'i
182b4 gzhung bshad kyang yod do// de'i slob ma badzra pA ni/ de'i slob ma bla ma lha'o// yang 'dzeng gis gser lung pa la bshad/ des slob dpon rang grol/ des sras po chos rin la bshad do// yang 'dzeng gis du rdo rje
182b5 rgyal mtshan la bshad/des ngu ston dad pa brtson 'grus/ de'i slob ma zhig gis byas pa'i gzhung bshad kyang yod/ yang 'dzeng gis gzig ye shes dbang po// des mkhan po la kha pa/ des slob dpon mgon skya
182b6 ba/des slob dpon go ri ba/ des so ston la bshad de so ston gyi gzhung bshad kyang snang ngo// yang 'dzeng gis spung ring pa g.yag ston zla ba 'od zer/ des klog ston dge 'dun skyabs/ 'di nas brgyud pa'i
183a1 gzhung bshad kyang yod/yang spung ring g.yag ston gyis lo brgya la nye ba thub/ des 'on nag stod pa gla ru ban de la bshad nas kyang dar/ yang 'dzeng gis skye tshe ye shes dbang phyug la bshad/ des
183a2 gzigs ye shes dbang po/des mkhan chen ngur pa/ des du ston badzre shwa ra/ des mkhan chen bsod nams rgyal mtshan/ des mkhan chen gzhon nu shes rab/ de slob dpon gzhon du grags pa/ des mkhan chen
183a3 sangs rgyas bzang po/des bla ma brtson 'grus dbang phyug/ des mtha' bzhi grags pa rin chen/ des slob dpon shwakya rgyal po/ 'di sku gzhon nu'i tshe khrab la khar rab tu byung/ lo dus la bsnyen par rdzogs/
183a4 mdzod dang 'dul ba la byang bas skyor lung du gra skor mdzad/ thugs dam 'phel bar bzhugs pa la/ sku na ha cang mtho bas spyan mi gsal yang/ gzhan gyis spyan tshab byas te rjes su brjod nas gsung ba
183a5 sogs thugs bskyed shin tu che/dgung lo brgyar nye bar bzhugs nas gshegs pa'i rjes thugs las ring bsrel zad pa med par 'byon pa byung/ 'dis 'gos lo gzhon nu dpal la gsungs pa yin no// rdo rje
183a6 zam pa'i lo rgyus bshad zin to//// gsum pa man ngag sde'i mchog tu zab pa snying thig gi skor rnams slob dpon chen po bi ma la mi tra dgung lo nyis brgyar nye ba na bod du rgyal pos bstan pa btsugs pa'i
183b1 skabs su gyur cing/der nyang ting 'dzin bzang po bya ba ting nge 'dzin thun gcig gis lo bdun du mi g.yo zhing sha'i spyan gyis gling bzhi cig car du gzigs pa zhig bzhugs pas lung bstan cing bskul bas
183b2 btsan pos lo tswa ska cog gnyis gser gyi skyes dang bcas pa spyan 'dren du brdzangs pas gdul bya'i dus la bab par gzigs te byon par rgya gar bas phrag dog gis dbyen bcos pas bod rnams the tshom par ngo
183b3 mtshar ba'i cho 'phrul gyis dad par mdzad/rgyu 'bras kyi chos spyi dang/ bye brag g.yu sgras lo tsA byas te sems sde phyi 'gyur bcu gsum bsgyur/ shin tu zab pa'i man ngag snying thig ni btsan po dang nyang ting 'dzin
183b4 bzang po gnyis la lkog tu gsungs pa las gzhan snod du rung ba ma gzigs nas dpe rnams bod yig mdzad nas mchims phu'i dge gong du sbas/slob dpon 'di lo bcu gsum bod du bzhugs nas phyis rgya
183b5 nag ri bo rtse lnga gshegs/thub pa'i bstan pa ji srid gnas kyi bar sku lus de nyid kyis bzhugs shing lo brgya brgya na ljongs 'dir sprul pa re byon nas snying thig gi bstan pa gsal bar mdzad par zhal gyis
183b6 bzhes so// bi ma la rgya nag tu gshegs nas lo lnga bcu rtsa lnga nas nyang ting 'dzin bzang po zag pa zad pa'i phung por gyur/ rdo rje legs pas khams su ser ba phab pa'i nas rnga mo'i rgyab brgya phul ba la brten
184a1 nas dbu ru zhwa'i lha khang bzhengs/gdams pa'i dpe rnams de nyid kyi ke'u tshang rim gsum gyi sgo'i ka ba'i khong du sbas/ snyan brgyud rnams 'bro rin chen 'bar ba la bshad/ de lha sa brag lha'i
184a2 phug tu 'ja' lus su yal lo// nyang ban chen po 'od du dengs nas lo brgyad lon cing nyang mi dar ma dang dus mtshung par dbu ru gzhol ma dge mchog gi bu gnas brtan ldang ma ba lhun grub rgyal mtshan ces bya
184a3 ba/ngo bo bi ma la'i sprul par grags kyang rnam par shes pa lkog tu gyur pa rnams la gnas brtan dkyus ma'i ngang tshul du snang ba gcig la rdo rje legs pas lung bstan nas snga sbas pa'i gter rngams phyung/
184a4 dbas blo gros la tshig rgyud kyang mnyan nas chos nyid yid dpyod du ma lus par nyams su blangs/ man ngag rnyed nas bco lnga pa la bshad/ rgyud bzhag pa'i snod 'tshol du byon pa na/ nyang stod nas lce btsun seng
184a5 ge dbang phyug ces bya ba rnyed/de la gdams pa rim pa bdun du btab/ de dang nye bar kha rag sgom chung la'ang btab pas khong yang des grol/ lce btsun la dpe rnams dag par bris la khra'i zla ba la skyol cig
184a6 gsungs/phyis zhig lce btsun gyis 'bul ba shin tu mang po dang bcas byon pas snye thang du mal dro'i nyang bka' gdams pa bya ba dang 'phrad/ des ldang ma gshegs pa'i gtam bshad pas/ 'bul ba rnams
184b1 gnas gzhi gcig 'dug pa'i dge 'dun rnams la phul/nyang bka' gdams pa na re/ ldang ma de gnas brtan yin pa tsam las gang zag bzang por sngar sus kyang ma rig/ sku gshegs pa'i dus nam mkha'
184b2 'jas khengs/sku gdung dang ring bsrel dpag tu med pa byon pas thams cad ngo mtshar zhig 'gyod pa skyes gda'/ khyed kyang 'bul ba 'di tsam 'khyer lugs gyis gdams ngag khyad par can yod mchi bas
184b3 bdag la stsol zhig zhus pas gdams pa byin/des gzho'i ti sgro brag la lo gnyis bsgoms pas phung po lhag med du song ba yin no// de la lce btsun chen po ni/ yul nyang ro gnyan tsho'i lce thub pa'i dbang po
184b4 zhes bya ba'i bu gzhon nu nas chos mang po la thos pa'i pha rol tu son pa zhig yin/gnas brtan ldang ma ba dang ri gzar rgod po lung du mjal/ kha rag tu gdams pa gsung pa'i dus btab ste rdzogs par thob/
184b5 slob dpon gshegs nas gter dpe rnying pa rnams lang gro 'chad pa stag 'dra'i chu mig gi rtsa dang/ 'u yug dang/ jal gyi phu ste gter kha gsum du sbas/ 'u yug nas shangs man chod kyi ri rgyud rnams la 'pho zhing
184b6 bsgoms pa'i tshe/rmi lam na a tsa ra gcig byung nas/ bdag ni bi ma mi tra mkhas pa ste// skal ldan snying po'i yang bcud don 'dod na// mchims phu brag dmar dge gong yang 'debs la// gsang ba snying tig
185a1 snying dang 'dra ba yod// de dag khyer la 'u yug phyi gong du// sus kyang mthong ba med pa lo bdun sgoms// zag bcas phung po snang ba ma yin no// zhes gsungs pa thos nas mchims phur byon/ bud
185a2 med dung so 'khor ma g.yu'i smin ma can zhig gis dpe rnams byin// slar 'o yug phyi gong rdza'i ra bar bzhugs pas bi ma la dngos su byon/ zla ba phyed du dbang khrid gdams pa rdzogs par gnang nas slob dpon
185a3 bi ma la rgya nag tu gshegs/de nas lce btsun gyis lo bdun bsgoms pas phung po lhag med grub/ sprul pa'i sku zhang ston la gdams ngag rdzogs par byin nas/ lo brgya dang nyi shu rtsa lnga na nam mkha' la 'ja'
185a4 'od kyi phung po gcig tu gshegs so// gter sbas pa'i lo sum cu na rong snar mda' lce sgom nag pos kha shas bton nas rang nyams su longs shig/ gzhan mang po la'ang bshad/ de bzhin du lang gro 'chad pa
185a5 ltag nas shangs pa ras pa zhes bya bas kyang bton nas dar rgyas byung zhes grags/de la zhang ston ni/ yul yar 'brog do nang du 'khrungs/ mtshan bkra shis rdo rje zhes bya ste/ lo bcu gcig par bla ma lce sgom la
185a6 gdam pa mang du zhus/de nas nyi shu rtsa gcig gi bar mkhas grub kyi bla ma mang du bsten nas/ sde snod gsum dang/ rgyud sde gsar rnying gi phyogs thams cad la sbyangs pas mkhyen rab kyi pad+mo rgyas/ nyang stod khu
185b1 yul na yod pa'i tshe/nam mkha' las bla ma dang/ thugs rje chen po/ sgrol ma la sogs pa'i zhal mthong zhing lung bstan thob/ rdo rje legs pa mi dkar zhwa dkar can du byas pas dngos grub byin gyi 'dong zer
185b2 nas khrid/nyang smad pa tshab tu lha gsol ba mang pos bza' btung byin pa dngos grub de la zer ram snyam tsa na/ mi dkar des dngos grub gzhan du yod kyi 'dong zer 'od kyi lam sna byas nas byon/ khang stong
185b3 gcig tu nyal bas 'dir mi rung zer/brag phug cig tu byon tsa na khang stong 'gyel/ kho'i sprul pas bza' btung yang byin/ 'o yug mda' na 'khrug pa chen po yod pa yang rdo rje legs pas bsgribs nas dmag
185b4 gis ma mthong/der brag seng ge 'dra ba'i rtser sleb tsa na kho stor/ phyir log go snyam na yang ma thar/ cha ma phyed pa'i ngang las bltas tsa na brag phug kha byang bstan gyi sgo rtswas 'gags pa mthong/ de brus pas dang
185b5 por sbrul dang sbal pa shig shig snang/de nas kha byang rnyed dus mi dkar des sgron me btegs byung bas/ dar cig nag dwangs dang skad shin tu mi srun pa zhig byung/ khos brda' sbyar bas/ ngas a ce bos kyi zer
185b6 ba'i mod/e ka tsa Ti spyan gcig khrag tu khol ba/ mche ba gtsigs shing bltar mi bzod pa tsam du byung/ khos 'di ni lung bstan pa de'o byas pas/ tshogs 'khor brgya rtsa brgyad thong/ lo gsum du su la'ang ma
186a1 bshad zer/brag phug gi sgo rtsa nas g.yu gnyis rnyed pa las rgyu byas/ tshogs 'khor brgya rtsa brgyad btang/ lo nyi shu rtsa lnga la dbus su byon/ mchims phu nas bi ma la'i chos gter yang thon/
186a2 dngos dang zhal mjal nas rjes gnang thob/ slar shang rta nag tu byon pa'i zam khar lce btsun chen po dang mjal/ gsang ba snying thig gi gdams pa rdzogs par thob/ sku na mthon por song nas brgyud 'dzin gyi
186a3 slad du sras nyi 'bum bskrun/ngas tshogs pa ma bskyangs na phung po lhag med 'ong ba yin gsungs/ lus shin tu sbyangs pa byang chub kyi yan lag la dbang thob pas res 'ga' rgyal ba rigs lngar gsal/ sku lus
186a4 la grib ma gtan mi mnga'/rdzogs pa chen po'i chos gsung dus 'ja' gur 'khyil pa sogs ngo mtshar gyi ltas mang po yong/ dgung lo bdun cu don gcig pa me pho phag gi lo sa ga zla ba'i nyer gnyis la shar
186a5 phyogs kyi nam mkha' las sgra chen po lan bdun grags shing/sa chen po 'di lan gsum g.yos/ 'ja' dang/ 'od dang/ sil snyan gyi sgra dang/ dri zhim gyi ngad la sogs pa gdod ma'i sa la mngon par byang
186a6 chub pa'i rtags ma lus pa bstan te gshegs so// de'i phyi nub pur sbyangs pas gdung chen lnga dang/ ring bsrel kha dog lnga pa sku lnga'i rgyal tshab du bzhag me tog gi char dang 'ja'i gur la sogs pas 'gro ba mang
186b1 po dad pa'i gnas la sbyar zhing rang bzhin gyis bstan la gnas pa byung ngo// de'i slob ma sras nyi 'bum ste/ yum rgyal mo g.yang de'i lhums su zhugs pa'i dus nyi ma mang po dus gcig la shar ba byung bas yab
186b2 kyis sems can gyi ma rig pa'i mun pa bsal bar lung bstan nas nyi ma 'bum du btags/lo lnga nas rim pa yab las gsang ba snying tig gi dbang khrid gdams pa nyams 'og tu chud par mdzad/ dgung lo
186b3 bcu pa la che sar bton dus rgyud bcu bdun la bshad pa mdzad pas bu slob kun ngo mtshar skye ba byung/lo nyi shu'i bar du bsgrub pa kho na la nan tan mdzad/ de nas rjes thob sgyu ma lta bu'i ting 'dzin dang
186b4 'grogs nas rngog rgyal rtse'i sar gsar ma'i rgyud man ngag dang bcas pa la gsan pa mdzad/nyi shu rtsa gnyis pa la jo mo rgya gar dngos grub gyi rten du bzung/ nyi shu rtsa bdun la 'khon grags pa rgyal mtshan dang/
186b5 bla ma stag so ba bsten nas rgyud gsum gdams ngag dang bcas pa dang/ bde mchog ma la gyo lugs mkhyen par mdzad/ kha rag gi 'brug ston grags pa la bde mchog dang/ rje btsun ma rwa lugs/ ye shes
186b6 mgon po sogs zhus/zhang g.yu brag pa ngang gzhung gi rngog rdo rje seng ge la sogs te mkhas grub gyi bla ma mang po bsten nas mdo rgyud du ma la thos bsam phyogs med mdzad/ tshig don chen mo zhes bya ba'i bstan
187a1 bcos kyang mdzad de dgung lo lnga bcu rtsa drug la gshegs/pur sbyangs pas gdung rigs lnga byon/ 'ja' tshon gyi gur phub/ cho 'phrul zla ba la khug chos me tog skyes pa sogs byung ngo// 'di
187a2 sgra thal 'gyur nas phyag rdor gyi sprul pa badzra pha lar lung bstan pa la ngos 'dzin par grags so// de'i slob ma gu ru jo 'ber ni gcung po zla ba 'bum gyi sras yin/ lo bdun man chod lkugs pa 'dra bar yod pa
187a3 la brgyad nas shes rab me ltar 'bar/bco brgyad kyi bar du khu bo nyi 'bum dang 'grogs/ gsang ba bla med kyi dbang khrid gdams pa dang bcas rdzogs par mdzad cing/ rgyud kyi bshad pa la thos pas sgro
187a4 'dogs gcod pa dang/man ngag gi don la bsgoms pas nyams su blangs pa la brtson/ bcu dgu nas nyi shu'i bar sa skya lo tswa ba la rgyud gsum man ngag dang bcas pa dang/ bde mchog mal gyo lugs nyan/
187a5 dbu tshad la sogs pa'i rig pa'ang khong du chud par byas/ de bzhin du khro phu lo tswa ba la mi tra dzo ka'i gdams pa dang/ chu mig pa la tshad ma bsdus pa/ bal po grags 'bum la do ha dang phyag chen kha 'thor sogs
187a6 mkhas grub du ma la sde snod dang rgyud lung mang po lo sum cu rtsa drug tshun mnyan pas rig pa rno zhing thos pa shin tu mang bar grags/bsgrub pa mdzad res yi dam gyi lha zhal mthong ba yin te thugs sgam pas mi
187b1 gsung/lha sar jo bo la mchod pa phul dus 'od kyi thig le'i khong nas 'phags pa lag na pad+ma dang/ rdo rje 'dzin pa zhal gzigs/ tho reng zhig tshe dpag med kyi zhal mthong bas/ nged cag la tshe ring rgyud med
187b2 kyang kho bo legs par byung ba de'i byin rlabs yin gsungs/de ltar tshad med pa'i mkhyen rab dang thugs rje'i mnga' bdag gis 'gro ba 'dren pa'i ded dpon du gyur nas drug bcu pa la gshegs/ zhag bdun
187b3 du 'ja'i dra bas 'brel/sku gdung la oM AHhU~M dang ring bsrel mang po byon to// de'i slob ma 'khrul zhig seng ge rgyab pa yin te/ g.yo ru gra'i phu so gad phreng gi grong du nyi ma rtse shar la 'ja'i gur phub cing
187b4 'khrungs/lo dgu nas rigs sad de dag snang dang mos gus dpag med shar/ bcu pa'i tshe snang ba 'di rmi lam lta bu sgyu ma lta bu la sra zhing 'thas 'thas 'dra ba mi bden snyam pa dang/ bcu gnyis pa la 'khor ba
187b5 la skyo ba tshad med par skyes nas chos 'ba' zhig las gang gis kyang mi phan par nges shes rnyed/bcu gsum gyi tho rangs nyi zla dus gcig la shar ba'i rmi lam sad dus/ 'phags pa thugs rje chen po'i zhal
187b6 mthong/tshe gcig gis grol ba snying tig gi don sgoms shig gsungs/ de nas bzung snying rje phyogs med du rgyas/ 'gro ba kun la bu gcig pa'i 'du shes shar/ rkyen re la brten nas gzhan la mtho 'grogs dang
188a1 khyad gsod mi byed pa'i dam bca' byas/lus kyi srin bu ngag snying rje chen pos mi 'dor zhing/ longs sprang dang dman pa kho na la byams pa sogs theg pa chen po'i rigs sad pa'i rtags khyad par
188a2 can mnga'/bco brgyad la snang ba bden med du rtogs pas smyon pa khrog langs pa lta bu song ste/ pha mas lha gsol ba'i yo byad bsags pa gtor zhing/ pho gdon rgyal po mchod/ mo gdon bsen mo mchod/
188a3 ces byas pas/ khyod 'dra ba'i bu skye ba zer 'thabs/ nyi shu la mkhan po lde'u sgang pa dang/ slob dpon bskras sgang pa las rab tu byung/ nyi shu tsa lnga lon tshe sri zhal gyi seng ge rgyab tu byon/ seng ge rgyab pa bar pa
188a4 la tshal pa'i chos skor/bla ma tsa ri ba las seng ge mjing bsnol/ ras pa dri med 'od/ lha ri dpal/ gzhon nu 'bum/ ston 'char byang yon/ jo sras su grags pa rnams la/ gsang sngags gsar rnying zhi byed/
188a5 gcod yul/ phyag chen mang du nyan/ khyad par thugs rjes chen pos lung bstan bzhin gu ru jo 'ber las rdzogs pa chen po thos pas rtogs pa thod rgal du skyes/ khro bo ma la sogs pa'i ri khrod dang lung stong
188a6 rnams su lo mang po'i bar du sgrub pa kho na la gzhol bas dgongs pa ka dag gi sar gshegs/skal ldan mang po smin grol la bkod nas/ drug bcu rtsa bzhi pa la theg pa mchog gi 'bras bu thob pa'i rtags khyab
188b1 par ba rnams mngon du bstan nas gshegs so// de'i slob ma grub chen me long rdo rje ni/ sgrags kyi phur rnal 'byor pa bsam yas kyi sras su btsas/ lo dgu na grub thob za lung pa dang/ mkhan po se lung pa
188b2 las rab tu byung/de dus gshin po'i dge rtsar yum rgyas 'bring bsdus gsum kho na sgrogs pas lo bcu drug gi dus sgrags kyi phu'i zhogs steng bya bar brgyad stong brgya rtsa mdzad pas gnas lugs kyi don rtogs/
188b3 zangs mtshor bsgoms pas nyams 'bar zhing mngon shes phra mo 'ang shar/ de nas phyogs med 'grims te/ mtshur bu'i do bo ras pa sogs bla ma mang po bsten/ sha 'ug ltag sgo dang/ mkhar chu la sogs pa'i
188b4 gnas chen mang por byon/nas bre gang gis zla ba gcig dang zhag nyi shu'i 'tsho ba byas pa sogs dka' thub la shin tu bzod pa gcig yin/ dka' ba spyad pa'ang bsam gyis mi khyab/ lo bco brgyad pa'i tshe seng
188b5 ge rgyab pa sangs rgyas dbon po mjal nas man ngag snying tig thob/da man ngag gis 'tshengs bsams pa'i spob pa skyes te bsgoms pas sngon 'gro'i dus rang nas zhag drug tu rdo rje sems dpa'i zhal nyin
188b6 mtshan med par mthong/dngos gzhi'i dus brgyud pa'i bla ma rnams rmi lam du mjal nas byin gyis brlabs/ nyi shu rtsa gsum par sangs rgyas ras pa la rdo rje pho mo la sogs pa'i gter chos du ma gsan nas
189a1 bsgrubs pas/rdo rje phag mo mngon sum du mjal/ brag la gsang rdor bsnun pas thim gyis song/ rta mgrin/ sgrol ma/ spyan ras gzigs/ slob dpon chen po/ kun tu bzang po/ rdo rje sems
189a2 dpa'/bi ma la/ za lung pa/ sangs rgyas ras pa/ 'gro mgon phag gru rnams zhal gzigs/ dung lung du mkha' 'gro'i sgra shin tu snyan pas skye rgyud chod pa'i lung bstan/ ka ba can du phag mo dmar mo/ grub thob
189a3 za lung pa nam mkha'i klong du mjal/ngar chung na bzhugs pa'i tshe rmi lam na phag mo gtso 'khor lnga mthong/ der mnal sad tsa nas/ 'od kyi phag mo dngos su gzigs/ skyabs gnas rdzong du rdo rje sems dpas
189a4 rmi lam du rdzogs pa chen po'i dbang bskur/spyir bla ma mang po bsten cing khyad 'phags kyi bla ma bcu gsum bzhugs/ bka' drin 'gran zla bral ba grub thob za lung pa/ mtshur phu'i ngo bo ras pa/ 'khrul zhig
189a5 seng ge rgyab pa gsum las snying por don rnyed pa yin/'di brtul zhugs shin tu che bas zhig po'i spyod pa blang dor med pas gsang ba sngags kyi dam tshig la sgra ji bzhin par spyon nus/ rgod phrug nam mkha' la
189a6 lding ba mthong bas rig pa brtul zhugs kyi ngar thogs nas nam mkha'i lam la 'gro ba dang/brag la 'dam ltar byed pa byung/ mkhan pa ljongs dang/ mkhan pa gling dang/ seng ge rdzong dang/ mkhar chu rnams su
189b1 sgrub pa'i rgyal mtshan btsugs shing 'gro don mdzad/tshe tshad sum cu rtsa bdun yin pa la/ slob dpon kun dga' zhes pa'i skal ldan zhig gis gsol ba thebs pas/ dgung lo drug cu rtsa gcig pa la dur khrod la
189b2 bar gshegs pa'i tshe 'od chen po sgra dang bcas pa nub phyogs su yal ba kun gyis mthong/pur gyi rnam pa sbyang dus/ nam mkha'i lam nas pur khang la 'od lnga'i snam bu brkyang pa sogs ngo mtshar ba'i ltas
189b3 dpag tu med pa byung zhing/sku lnga thob pa'i rtags kyi gdung yang rgyud las ji skad bshad pa bzhin byon to// 'di grub thob o rgyan pa dang dus mtshungs/ u rgyan pa bcu phrag lhag bcas kyis bgres la sku tshe yang
189b4 ring ngo// me long pa'i slob ma ni rig 'dzin ku mA rA dza ste/ g.yo ru 'on par gsar rdzid kha ces bya ba'i grong rdal du 'khrungs/ thar pa rgyan du btags/ chung ngu nas dad pa dang snying rje dang shes rab la sogs te
189b5 'phags pa'i nor gyi khyad chos mang po mnga' bas klog yig ma bslabs par mkhyen/lo bdun pa la kong po 'or shod mtho stengs dgon pa'i bla ma dgyes rdor ba las/ kyai rdo rje dang bde mchog gi dbang zhus/ lo
189b6 dgu pa'i tshe mkhan po gtsang pa las yongs rdzogs kyi dge bsnyen blangs/spyan ras gzigs 'khor ba dong sprugs kyis chos skor la sbyangs/ bcu gnyis pa la phag mo gru'i mkhan po yer ba pa dang slob dpon
190a1 mnga' ris pa las rab tu byung/mtshan gzhon nu rgyal por btags/ 'dul ba bslabs/ rin po che grags ye ba la log lnga'i bar du nA ro chos drug la sogs pa dang/ mtshar stengs pa la brtag
190a2 gnyis nyan/dpon sangs shel bzo rig pa bslabs/ yi ge drug pa bzlas pas shel gyi khang bu gcig na thugs rje chen po zhal 'dzum pa mthong/ khyung nag shag dar la rnying ma'i rgyud lung man ngag mang du zhus/
190a3 ngang phug tu me long rdo rje dang mjal/ phyag rgya chen po'i khrid zhus pas sems car mthong du ngo 'phrod/ de nas grub chen ba mon gyi mkha' 'gro gling la gshegs pa'i phyags phyir byon/ rdo rje phag mo'i chos skor
190a4 sogs zhus nas bsnyen par mdzad pas/tshes bcu'i nub cig u rgyan pad+ma dang mjal/ e ma rigs kyi bu/ rtag tu chos gyis shig gsungs/ de nas mtshur phur byon nas gnyan ras dang/ dar ma mgon po la
190a5 karma pa'i chos skor rnams zhus/de nas la stod ding ri dang/ spu trar byon pas/ grub chen u rgyan pa dang/ rje karma pa rang byung rdo rje dgung lo bdun pa rab tu byung ma thag pa dang mjal/ u rgyan pa las gdams
190a6 pa mang du nod/de nas lo 'ga' na o rgyan pas gnyan ras la snying tig zhus pa'i zla la tshang bar thob/ rgya sman pa nam mkha' rdo rje las gsang skor gnad kyi ngo sprod dang/ skal ldan pa chos kyi seng ge las
190b1 gsang ba gnad kyi me long sogs rdzogs chen gsang ba'i skor zhus/slar mkhar chur grub chen me long rdo rjer gsang ba snying tig dbang khrid gdams pa dang bcas pa legs pa thob/ 'bul rgyu gzhan med pas
190b2 lus ngag gi zhabs tog dang/dbyar ril po gnyis su ri mo mdzad/ nas khal bzhi bzhi gnang ba'i gnyis gnyis kyis shog bu nyos/ mtshan mo dpe rnams bris/ phyed pos mar me dang gsol ba mdzad pas/
190b3 dka' thub kyi mthus shig nad drag po zhig byung/ thugs dam yang khyad par can 'khrungs/ bla ma mnyes nas 'gro don gyis shig pa'i rjes su gnang ba thob/ dbang gral du bla ma'i dbu'i bar snang la mgon po
190b4 phyag bzhi pa dang/sgo'i thad na e ka dza TI mthing mo zhing dbyug dang spyang mo bsnams pa bongs nyis thog tsam pa/ phyi ngos na las kyi ma mo khrag ral can lag pas khrag bcus nas 'thung ba rnams mthong/ lo
190b5 brgyad du bla ma 'du 'bral med par bsten/u rgyan gyi sgrub gnas snyug tshal sbug tu dgun thog cig bzhugs pas rdo rje phag mo zhal gzigs/ de nas shes rab phyogs med du rgyas/ re zhig yar klungs mtshar
190b6 stengs kyi ri khrod btab nas bzhugs/de nas bla ma 'da' bar mkhyen nas mkhar chur byon tsa na/ bla ma'i sras gnyis sa skyags su 'dzom/ slar log nyi shu lnga'i dus mchod btsugs/ tsa ri la byon pas krig
191a1 mo lha'i ne'u gsing gi rdo sku la 'ja' tshon sna lnga zug pa sogs byung/de nas mtshur phur chos rje rang byung rdo rje gdan drangs te snying tig gi gdams pa rnams phul/ shangs su byon nas lce sgom nag
191a2 po'i brgyud pa slob dpon sgom pa la gsang skor snyan brgyud rnams dang/bsam gtan mig gi sgron me zhus/ ding ri sna dmar du dbon po byang sgrub la yang dgon pa'i ri chos rnams nyan/ u rgyan pa rin chen
191a3 dpal dang yang mjal/mar lam bla ma bkra lung ba las gshin rje dgra nag la sogs pa zhus/ slob dpon ye mgon la sogs pa bshes gnyen mang dag las gsang skor dang/ rgod tshang ba'i khrid kyi skor/ a
191a4 ro'i khrid mo che don skor la sogs pa bod na grags pa che ba'i rdzogs rim phal mo che khong du chud/chos phyir dka' spyad bzod pas tsa ri gsar ma bgrod nas rnying ma'i g.yu mtsho 'gram du gcig pur zla ba brgyad
191a5 bzhugs/cho 'phrul chen po byung ba gshis thog tu ro snyoms pas gzhi bdag dbang du 'dus nas khad par gdan drangs bsnyen bkur byas/ dzam b+ha las nor bu byin/ mtsho nang du 'od lnga'i lbu ba sel po tsam
191a6 zhig thim 'gro ba gzigs/thugs nges 'byung dang skyo shas kyis rgyud brlan pas dus rtag tu sham po la sogs gangs khrod dang lung stong 'ba' zhig tu lhags skyob tsam la brten nas bzhugs pas slob ma'i
191b1 tshogs mang po 'khor ba mtha' can du mdzad/sprul pa'i skur gdon mi za ba karma pa rang byung rdo rje dang/ rgyal ba klong chen pa gnyis rdzogs pa chen po'i slob ma'i gtso bor gyur pas bstan pa 'di spel ba'i phrin
191b2 las la mu dang mthar ma son/de skad du 'bri gung pa chos rgyal rin chen phun tshogs kyis/ chos 'di'i bstan pa'i bdag po kun mkhyen klong chen pa yin/ rgyal ba rang byung rdo rje'i dus 'phrin las rgya che/ zhes
191b3 gsungs pas mtshon no// byang chub sems dpa'i spyod pa la shin tu goms pas snying rje chen po'i dbang gis grong dang yul 'khor mang po dag la'ang thabs la mkhas pas thar pa'i sa bon 'debs pa kho na lhur
191b4 mdzad cing/kong po nas e la thug gi bar 'jigs pas nyan pa'i lam phrang la 'gro ba dag gi dbugs 'byin pa dang/ ri dwags dang nya la sogs pa'i sems can nyam chung ba de dag thugs shin tu brtse bas
191b5 bdog pa la 'phangs sems med pas ri rgya dang/lam rgya dang/ chu rgya la sogs pa mdzad nas bde 'jam la bkod/ gang du bzhugs pa'i lung pa dang/ yul grong thams cad kyi sad ser yams nad la sogs
191b6 pa zhi bar mdzad cing phan pa 'ba' zhig lhur len/snying tig gi gdams pa rdzogs rim gzhan dang ma 'dres par rang skad kyi grub mtha' bslang ste 'chad nus pa dang/ shangs la sme ba a'i ri mo can mnga' ba
192a1 sngags bdag gza' dang dam can rnams kyis bka' la nyan cing mi dang mi lab pa bzhin du yod pa dang/mngon par shes pas gdul bya'i bsam pa mkhyen nas 'dul lugs mkhas pa dang/
192a2 gzhan rgyud byin gyis rlobs nus pa dang/ rjes su bzung pa'i skal ldan kun la 'das dus rtags khyad par can 'byung ba sogs slob dpon bi ma la'i sku'i bkod par grags shing/ thal 'gyur las dge slong
192a3 dpal ldan zhes lung bstan to// de ltar don gyi 'gro don bsam gyis mi khyab pa'i ngang nas bdun cu rtsa brgyad pa chu mo lug gi lo'i ston zla 'bring po'i nyi shu lnga la sgra dang 'od dang/ gur khyim la sogs pa'i
192a4 rtags ngo mtshar ba dang bcas sku gshegs pas/nye gnas sgom dar la sogs pa drung na yod pa rnams kyis mo gus chen pos gdung ba bskyed pas slar bzhengs te skyil mo krung bcas/ zhal 'dzum pa'i ngang nas
192a5 khyed rnams mya ngan ma byed/nga shi ba min gsungs nas gdams ngag gzhal ta ci rigs pa byon/ zhag bcu gsum sku tshe slar la bsrings/ der tshes bdun gyi nyin gshegs pa'i phyi na ji ltar bgyi/ bla ma kun
192a6 mkhyen pa gdan 'dren nam zhus pas/khong 'o brgyal du ma 'jug/ da gzod chos kyi zhun thar ma chod pa yod na der song/ kha ta mang po sngar nas byas zin/ cal col ma smra gsungs/ drang srong tsog pu'i 'dug
192b1 stangs dang/chos sku'i gzigs stangs kyi ngang las 'dzum par mdzad de/ tshe brgyad kyi tho rangs kha na gdod ma'i grong khyer ga na ba der gshegs so// nyi shu lnga la pur bzhu bas dbu thod ril por byon pa'i nang na
192b2 rigs lnga'i tshom dkyil dang/snyan gong g.yas na rje btsun ma mthing ga tshon gang pa/ gdung rigs lnga dang/ ring bsrel la sogs pa byon cing 'ja'i gur gyis khor khor yug du dkrigs so/ de la rgyal ba'i
192b3 dbang po karma pa rang byung rdo rje ni/'phags pa spyan ras gzigs 'jig rten du dngos su byon pa ste/ chos kyi dbyings nas ye shes kyi mkha' 'gro ma rnams kyi rdo rje'i glus bskul nas sems can rnams la tshad
192b4 med pa'i snying rjes gzigs te stod lung du rgan rgon gnyis kyi bu shi ba'i ro la grong 'jug gi rnam pas gshegs tsa na/shi mi gson la blta ba ltas ngan yin zer nas mig khab kyis gtsags/ dal 'byor gyi
192b5 chos bco brgyad tshang ba'i lus las gzhan du gyur pas slar 'phos te/rnal 'byor pho mo gnyis kyi bur srid pa bzung/ sngon gnas rjes su dran pa la sgrib byed skra'i rtse mo tsam yang med pas mngal gyi dri mas
192b6 gtan nas ma gos pa rgya gar na shAkya thub pa dang/bod du skyes bu chen po 'di las med par grags/ rgya bod gnyis kar sangs rgyas kyi bstan pa'i srog shing gcig pur bzhugs/ bsam yas mchims phu dang
193a1 g.ya' ma lung sogs nas tshe tshu'i gter bzhes nas gong ma rgyal po'i tshe bsrings/bi ma la mi tra rang gi mdzod spur thim pa gzigs pa'i mod la snying thig gi dgongs pa ji lta ba bzhin mngon du
193a2 gyur/'on kyang gsang sngags bla ma la bsten pa'i mig ltos tsam ston pa'i slad du bcom bskyungs nas rig 'dzin ku mA rA dza las gsang ba snying tig gi man ngag yongs su rdzogs pa gsan/ 'di ni slob dpon
193a3 chen po pad+ma las brgyud pa gcig 'ong thang ba la dgongs pa'i tshe slob dpon sangs rgyas gnyis pa zhal gzigs/man ngag snying tig dngos su thob kyang tshig brgyud la nan tan du bya ba'i phyir sho'i rgyal sras
193a4 legs pa spyan drangs nas tsa ri dgon gsar du rdzogs par gsan/slar slob ma rnams la rtsal du bton nas gsungs/ bka' las/ chos 'di lta bu nub tu 'phangs pas g.yung ston rdo rje dpal gyis gtsang/ ye
193a5 rgyal bas khams kong/ye shes rgyal mtshan pas hor dang rgya nag/ sprul sku bas dbus su dar bar gyis zhes sman lung pa shAkya gzhon nu sogs la rjes su gdams/ sa la gnas pa'i byang sems kyis// rgya mtsho'i
193a6 bar du spel bar byed// ces pa de yin par grags/ kun tu bzang po thugs kyi klong na rang gsal te dgongs pa'i gter mdzod chen po la dbang bsgyur nas karma snying tig ces grags pa'i gdams pa yang byung/
193b1 'di dag kyang bstan pa'i chu mgo gcig yin no// rgyal ba gnyis pa dpal bsam yas pa kun mkhyen ngag gi dbang po'am/ klong chen rab 'byams ni/ g.yo ru gra'i cha stod grong du ngan lam btsan po 'od kyi
193b2 dkyil 'khor can zhes bya ba ma smad pa'i rigs kyi yon tan can no// rus ni rog ste sad mi bdun gyi nang tshan dz+nyA na in+d+ra rak+Shi ta'am/ bod skad du ye shes dbang po bsrung/ slob dpon chen po'i dngos
193b3 slob dge slong rgyal ba mchog dbyangs dang gdung gcig pa'i rabs nyer lnga pa/mes po lha srung zhes bdud rtsi'i bcud len grub pas lo brgya dang lngar 'tsho ba de'i sras slob dpon bstan pa srung zhes rig gnas dang sngags
193b4 kyi rnal 'byor la rang byan chud pa zhig/'brom ston rin po che rgyal ba'i 'byung gnas kyi gdung las byon par 'brom bza' ma bsod rnams rgyan zhes bya ba dang 'dus pa las skye ba'i myu gu bzung ngo// de'i tshe yum
193b5 la seng ge chen po gcig gi dpral ba na nyi ma'i 'od zer 'bar bas srid pa gsum lhag ger gsal ba zhig rang nyid la thim par rmis so// de nas rab byung lnga pa'i phur bus spre'u spo zla'i tshes bcu'i nyin mngal
193b6 gyi chu 'dzin las rnam par grol/gzhon nu don grub la lha'i dbang pos bya ba bzhin du nam grub re ma tis ngas bsrung ba yin zhes lag tu blangs/ slar yum la gtad nas mi snang bar song/ 'di ltar byang chub
194a1 sems dpa' ni 'phags pa'i nor gyis gdod nas phyug pas dad pa dang/snying rje la sogs pa'i yon tan bsgrib med du gsal/ lo lnga nas bri klog legs par mkhyen/ yab las bka' brgyad
194a2 bder 'dus/phur pa/ rta mgrin bla ma'i las gzhung sogs sgrub phrin mang du gsan/ sman rtsis la sogs pa'i rig pa'ang khong du chud/ dgu pa'i steng du nyi khri dang brgyad stong brgya tshar bton pas lhag med
194a3 du thugs la 'dzul/bcu gnyis pa'i tshe bsam yas pa mkhas po bsam 'grub rin chen dang/ slob dpon kun dga' 'od zer las rab byung gi dngos po brnyes/ mtshan tshul khrims blo gros su grags/ dam pa'i
194a4 chos 'dul ba la legs par sbyangs pas lo bcu bzhi par bshad pa'i ba dan bzung chog pa byung/bcu drug par slob dpon bkra shis rin chen la lam 'bras dang/ chos drug gnyis/ phag mo'i chos drug/ bde
194a5 mchog dril bu pa/phyag rdor 'khor chen la sogs pa'i dbang khrid gdams pa mang du nyan/ slob dpon dbang ye/ ston tshul/ khro phu pa la sogs par/ bya spyod/ rnal 'byor/ rdo rje gur/ mkha' 'gro rgya mtsho/
194a6 sangs rgyas thod pa/ rdo rje phreng ba/ dus kyi 'khor lo sogs pa'i sngags rgyud mang po dang/ rin po che za lung pa sogs la zhang tshal pa'i gdams sgor/ rgod tshang pa'i lam khrid/ gcod yul/ zhi byed snga phyi bar
194b1 gsum la sogs pa mang du nyan/bcu dgu par gangs ri'i khrod na tshad ma smra ba'i rig gra chen po rngog legs pa'i shes rab kyis legs par bskrun pa'i gnas gsang phu ne'u thog gi ma la ya'i nags klung chen
194b2 por zhugs nas gling stod gdan rabs bco lnga pa slob dpon btsan dgon pa dang/gdan rabs bcu drug pa bla brang pa chos dpal rgyal mtshan gnyis las/ byams pa'i chos lnga/ tshad ma sde bdun/ phar phyin/
194b3 dbu ma la sogs mtshan nyid theg pa'i lung rigs kyi pad+ma'i rtsa ba mngar por gyur pa dag lo drug gi bar du lhag ma ma lus par zos pas blo gros chen po'i lus kyi stobs lhag par rgyas/ dpang lo blo gros brtan
194b4 pa la mdo ting nge 'dzin rgyal po la sogs pa'i zab chos mdo lnga/shes rab snying po'i rgya cher 'grel pas mtshon pa'i lung phran mang po sogs nang pa'i gzhung/ sgra dang snyan dngags dang/ sdeb sbyor dang/ zlos
194b5 gar la sogs pa'i phyi rol pa dang thun mong du gyur pa'i gnas thams cad la thos bsam mthar phyin pa'i sna zhags ring por brkyangs/shes rab kyi lha 'jam pa'i dbyangs/ mtsho ldan ma/ mi g.yo ba/ phag dkar
194b6 rnams la sgrub pa mdzad pas kun kyang zhal gzigs/khyad par sgra dbyangs lha mo phyag mthil du bzhag nas gling bzhi ri rab dang bcas pa zhag bdun du bstan cing lung bstan thob/ lhag pa'i lha de dag gis
195a1 kyang thogs pa med pa'i blo gros kyi dngos grub chen po'i gnas gang yin pa'i dra ba dang/dra ba phyed pa'i 'phyang 'phrul dang/ rin po che'i tog gis rnam par dpyangs pa/ brgal ba dang/
195a2 brtag pa dang/ rigs pa'i thal 'gyur gyi sgra chen pos sa 'di g.yo ba tsam du gyur nas/ rgol ba ngan pa'i khyu mchog ra gcig pa'i brtul zhug 'dzin pa rnams sgrub pa dang/ sun 'byin pa'i rkang pa mchog
195a3 gis rnam par brdzi ba dang/rnam par 'thag pa dang/ rnam par nyam nyes par byas nas cang mi smras pa'i gnas la bkod pa bsam yas lung mang pa'am/ klong chen rab 'byams zhes pa'i mtshan gyi rnga bo che
195a4 mkha' la 'gro ba dang/mi ma yin gyi gnas su'ang grags pa gsal ba nyid do// de ltar lung dang rigs pa'i gnas rgya chen po la mi 'jigs pa'i nyams brtas par gyur na'ang/ 'di ltar skyes bu chen po ni
195a5 rnam par grol ba'i lam la gang nye ba'i phyogs la 'jug par rtsom ste/phyogs bral gyi gnas su lhags nas byang chub sems dpa' rtag tu ngu'i rnam par thar pa la yid gzhung pas/ bla ma dang dge ba'i bshes
195a6 gnyen du ma la mdo dang/rgyud dang/ man ngag mang du zhus nas thos pa dang bsam pa'i blo gros cher bskyed/ gangs ri'i khrod na gzhung lugs dang man ngag mang du gnas pa la phyogs dang ris su bcad pa
195b1 spangs te bung ba gzhon nus sbrang rtsi'i snying po la bya ba bzhin du/dan phag pa/ slob dpon gzhon nu don grub myos mthing ma ba sangs rgyas grags pa sogs bla ma bzhi la mdo sgyu sems gsum/ rnying ma rgyud 'bum gyi
195b2 gtsos mang dag gsan pas snga 'gyur rdo rje theg pa'i grub pa'i mtha' chen por gcig tu 'jug pa'i rten 'brel shar/phyis gsang ba'i snying po la snying tig dang mthun pa'i TI ka phyogs bcu'i mun pa thams cad rnam
195b3 par sel ba nyi zla'i sprin gyi snang ba zhes bya ba dang/spyi'i khog dbub gnyis mdzad/ gsang snying 'grel ba spar khab gyi lugs ltar 'chad pa mi legs kyi/ rong zom kyi lugs ltar legs pa yin zhes gsungs/ lar
195b4 g.yung 'grel dang bcas 'di gsum rang bshad sgroms che bar snang/slob dpon gzhon rgyal la sogs par dbu ma tshig 'jug la sogs 'phags skor rnams tshang ba dang/ gzhon rdor la spyod 'jug dang bslab
195b5 btus la sogs pa/jo bo'i yi dam skor sbyor drug/ chos drug/ mkhan po la khro phu pa'i skor/ kha rag chos skor/ sgrub thabs rgya mtsho/ chos chung brgya rtsa/ 'dul ba lung la sogs shin tu mang ba rje rang byung rdo rje la
195b6 sbyor drug gegs sel dang bcas pa/nA ro chos drug/ sku gsum ngo sprod/ rgyal ba rgya mtsho/ spyan ras gzigs rgyal po lugs/ gsang 'dus/ sam+bu Ti/ ma hA mA yA/ gshin rje gshed dmar nag sogs chos bka' rgya
196a1 mmissin
197a1 g textmissin
198a1 g textmissin
199a1 g textmissin
200a1 g textmissin
201a1 g textmissin
202a1 g textmissin
203a1 g textmissin
204a1 g textmissin
205a1 g textmissin
206a1 g textmissin
207a1 g textmissin
208a1 g textmissin
209a1 g textmissin
210a1 g textissing
211a1 gsang phu'i chos grwa sogs gtsug lag khang dang chos sde rnams la bstod pa'i tshogs bzhi bcu rtsa gsum mo// gnyis pa khyad par nang gi bstan bcos kyi skor la/ dang po rgyu mtshan nyid kyi theg pa'i skor
211a2 la/byams chos lnga'i spyi don gyi 'grel pa/ sa lam gyi rnam gzhag rin po che'i them skas rtsa 'grel dang bcas pa/ mngon rtogs rgyan gyi lus rnam gzhag gi gsal byed rgyan gyi snang ba/ 'dul ba kA ri ka'i gsal byed
211a3 'od kyi snye ma/dbu ma thal 'gyur gyi gnas gsal ba rab tu mi gnas pa'i don bsdus/ bslab bya rgyal sras lam bzang sogs legs bshad rgya che ba'i chos sde nyi shu rtsa gsum/ gnyis pa 'bras bu sngags kyi skor la/
211a4 chos spyod thams cad kyi mngon par rtogs pa rgyud kyi bshad 'grel byang chub ljon shing/ rgyud sde spyi'i don bshad rdo rje 'byung ba/ dam tshig gsum bkod kyi rnam bshad nyi ma'i 'od zer/ sgrub phrin skor la'ang gnas
211a5 brtan bcu drug gi cho ga gzhan phan nor bu/sgrol ma man+Dal bzhi pa'i cho ga bde legs kun 'byung/ sman bla'i cho ga yon tan phreng rdzogs/ spyod rgyud sgrub thabs zla ba'i nor bu/ rnam snang sgrub thabs ngan song kun
211a6 sbyong/kun rig rtsa ba'i dkyil 'khor du slob ma 'jug cing dbang bskur ba'i cho ga mi 'khrugs pa'i sgrub thabs sdug bsngal kun spyod/ shAka thub sgrub thabs 'od zer kun 'byung/ byams pa'i sgrub thabs pad+ma
211b1 brtsegs pa/gzhan yang 'jam dpal/ dbyangs can ma/ phag mo/ mi g.yo ba/ dzam b+ha la/ de dag rnams la dkar ser dmar sngon sogs so so'i sgrub thabs/ dmar po skor gsum/ 'od zer can/ nor rgyun ma/
211b2 aM gu li/ dug sel can/ rnam rgyal sogs dang/ dbang phyug khyab 'jug sogs 'jigs rten pa'i sde/ gzhan bya spyod rnal 'byor bla med gsar rnying thams cad kyi rtsa gsum chos srung nor lha bcas/ rgyal ba sras
211b3 bcas kyi sgrub thabs skor chos sde brgyad cu rtsa lnga/gsum pa nges don gsang ba'i bstan bcos la/ dang po zab gsang rgyud sde'i dgongs bcud rdzogs rim skor la/ bde mchog rim lnga'i zab don snying po'i yang zhun/
211b4 gsang 'dus rim lnga'i zab don 'od gsal 'khor lo/ sbyor drug bsdus don de nyid 'dus pa/ lam 'bras bsdus don rim gnyis 'khor lo/ chos drug snying po 'od gsal rnam sbyang sogs chos sde nyi shu lhag tsam/
211b5 gnyis pa 'od gsal rdo rje snying po'i skor la/ ngal gso skor gsum dang/ mdzod chen bdun bcas pa'i sde tshan sngar bshad zin la/ bi ma la'i snying tig zab pa pod bzhi dang man ngag brgya bcu dgu brjod bya che bas
211b6 'thor ba bsdus pa lta bu bla ma yang tig gam/yang zab yid bzhin nor bu/ skye ba snga ma la mkha' 'gro'i snying tig rjod byed tshig gi gter la dbang ba/ da res mchims phur brjod bya'i don la dbang bsgyur nas/
212a1 rgyas par bkral pa'i zab cing rgya che ba shog skya/ yang zab rnams shog 'dra/ shin tu yang zab rnams shog ser te skor gsum du phab pa'i mkha' 'gro yang tig/ gnyis ka'i don rgyas pa bkral ba zab
212a2 mo yang tig/snyan brgyud thig le gsang skor dang/ snying tig rnam pa gsum du bsdus pa'i chos kyi rnam grangs bcu phrag bzhi lhag bcas te/ kun dril bas sde tshan brgya phrag gnyis dang drug cu rtsa gsum tsam mo// de
212a3 dag kyang mdo tsam smos pa ste/gzhan du chos 'byung rin po che'i gter mdzod ces bya ba dang/ chos spyod rab tu gsal ba dang/ shi gson gyi bsngo ba rin chen phreng ba dang/ rgyu la khams 'dus pa me tog phreng ldan
212a4 dang/rkyen la khams 'dus pa ka tha sum cu/ rgyu rkyen gnyis ka la khams 'dus pa dus la mngon par skyo ba'i rabs la sogs pa shin tu mang la/ dus de dag tu bsdu ba'i brtson 'grus nyung ba'am/ mkhas rmongs kyi
212a5 bstan bcos la bye brag mi phyed pa'i shugs kyis nub pa'ang shin tu mang ba yod mchi ste gsung rab kyi dkar chag rin po che'i mdzod khang zhes bya ba la shes par bya ba ni phyi mtha' 'di'i gtan tshigs tsam mo// babs
212a6 lugs chen mor sgra mkhas dpal 'dzin du lung bstan pa la sngon gyi bla ma rnams kyis ngos 'dzin par 'dug ste/go rim gyi nges pa ltar na blo gros mchog tu ngos bzung na 'thad la/ ku ma rA dza dang gnyis kyi bar la
212b1 lo brgya brgya'i gtan tshigs mi 'grub snyam du'ang dogs par mi bya ste/lo brgya ni spyir bstan pa 'di yid dpyod dang 'dres pa'i tshe de'i gsal byed re 'byon pa la dgongs kyi/ gzhan du ni gnas skabs de dang de'i
212b2 gdul bya'i rten 'brel kho na las ltos nas sprul pa sgyu ma lta bus don mdzad pa'i phyir ro// don la kun tu bzang po 'jig rten du byon nas chos kyi 'khor lo bskor ba yin pas 'di'i gsung rab tshig bzhi pa yan chad
212b3 la'ang ces spras su bya ba yin no// de la gsung gi bdud rtsi myangs pa las byung ba'i slob ma'i gtso bo dag smos pa ni/ zhog thar gling pa mkhas grub bde legs rgya mtsho/ mkhas grub chos kyi grags pa/ mkhas grub
212b4 khyab gdal lhun grub ste grags pa thob pa'i mkhas grub gsum/mdo khams pa 'dan sgom chos kyi grags pa/ rgyal sras bzod pa/ bla ma dpal mchog pa/ gu ru ye shes rab 'byams/ gzhon nu sangs rgyas
212b5 te thugs kyi sras lnga/sprul sku dpal 'byor rgya mtsho/ slob dpon sangs rgyas kun dga'/ slob dpon blo gros bzang po// stag mgo bya bral chos rje ste/ bstan pa spel ba'i bshes gnyen bzhi/ pha rgod rtogs ldan
212b6 rgyal po/rnal 'byor pa 'od zer go cha/ rig 'dzin 'od gsal rang grol/ bya btang bsod nams 'od zer grub pa thob pa'i rnal 'byor pa bzhi/ gzhan yang sne gdong gong ma dang mtshams sbyor ba'i sangs rgyas
213a1 dpal rin dang/grags pa dpal/ glu mkhas bsod nams seng ge la sogs bstan 'dzin gyi bshes gnyen du ma byung/ phyis chos rgyal 'bri gung pa rin chen phun tshogs la zhal bstan cing/ rang gi
213a2 sras sprul sku zla ba zhes dbu gtsugs rta mgos mtshan par ston pa de'i skye ba yin par lung bstan/dbu zhwa bskon te byin gyis brlabs pa las dngos kyi slob mar gyur te gsung rab rnams la 'dzin skyong spel ba'i
213a3 gces spras dpag tu med pa mdzad/de las pad+ma'i rgyal tshab shAn ta pu ri pa'am/ gter chen shes rab 'od zer la brgyud/ dpal ri theg pa mchog gi gling bskrun nas bstan pa'i sbyin bdag zhabs drung 'phyong rgyas
213a4 pa la sems nyid ngal gso rtsa 'grel par du brko bar bskul/bstan pa 'di la bshad sgrub byed dgos par gdams pas don gyi brgyud 'dzin yin pa yang zhal gyis bzhes so// dus phyis rig pa 'dzin pa mkhyen
213a5 brtse'i 'od zer la sa mo yos kyi lor dpal gyi mchims phur ye shes kyi sku lan gsum bstan cing shing rta chen mo sogs gab pa'i man ngag thams cad 'dis gsal zhes glegs bam zhig kyang gtad/gdams pa
213a6 dang rjes su gdams pa thams cad bstsal nas chos tshul rgya mtsho dang khyad par kun mkhyen bla ma nyid kyi gzhung lugs dang gdams pa mtha' dag la rang byan tshud/shin tu nye brgyud kyang rung ste 'phags pa lhas ma taM
213b1 gi pa rjes su bzung ba bzhin no// man ngag snying gi thig le'i skabs kyi gtam bshad zin to//// da ni mdo sgyu sems gsum gyi bstan pa spyi'i babs tshul la/ gangs ri'i khrod 'dir snga 'gyur rdo rje theg pa'i
213b2 bstan pa dang por gnyags la babs/bar du gnubs la babs/ tha mar zur la babs zhes 'chad pa'i dang po slob dpon gnyags dz+nyA na ku mA ra ni/ yul yar klungs shel pa'am 'phyos/ rus las ming du chags
213b3 pa gnyags stag sgra lha snang dang/sru bza' sgron skyid gnyis kyi sras su byung/ mgrin pa na sme ba rdo rje rgya gram yod/ mtshan rgyal ba'i blo gros su btags/ mkhan po bo d+hi sa twa las rab tu byung zhing bsnyen par rdzogs/
213b4 mdo sngags kyi chos mang po'i 'gyur byed spobs pa bsam gyis mi khyab pa yin/ slob dpon chen po dang/ bi ma la dang/ bai ro dang/ g.yu sgra snying po kun la bsten pas bka'i chu bo bzhin 'dus pa yin/ dkyus
213b5 bshad gzhung gi chu bo 'grel Ti ka stong thun dang bcas pa/snyan brgyud gdams ngag gi chu bo gnad yig dmar khrid dang bcas pa/ byin rlab dbang gi chu bo skur thabs ngo sprod dang bcas pa/ phyag bzhes phrin sgrub kyi
213b6 chu bo bstan srung drag sngags dang bcas pa'o// de la slob dpon chen pos bdud rtsi yon tan gyi dkyil 'khor du smin par mdzad pas yar klungs shel gyi brag phug rdo ba skam po'i khong nas grub chu bton/ 'di las
214a1 brgyud pa'i sgyu 'phrul kyang yod dgos te/gtso bor phur pa las mngon rtags brnyes pa yin/ btsan po khri srong gshegs pa'i phyi zhig na btsun mo tshe spong bza' bsam sbyor mi srun pas lo paN phal cher
214a2 dbu 'phang smad/gnyags dz+nyA na ku mA ras yar 'brog tu bzhugs pa la/ rang gi pha sbun gnyags dge ston dgra langs te 'di mu stegs kyi sngags mkhan yin no zer g.yo can gyi kha smras byas/ bse zhos byugs pa'i
214a3 b+han+d+ha nang dmar ba yod pa de brkus nas skye bo blun por gyur pa dag la ston cing/b+han+d+ha'i nang gri rtse drud nas 'di ni zag zog gi las so zhes dbyen bcos/ skye bo rnams the tshom sel ba'i ched du/ gang du bzhugs
214a4 sar rin po che'i rnyed pa sprul pas mi rnams kyis rdzu 'phrul du shes nas kho'i ngag la yid mi gtod kyang/da dung bya ba mang po bsogs nas sku la brdo ba'i thabs sna tshogs byed pa mkhyen nas gshegs/ kong po
214a5 mchims yul gyi phu na phebs tsa na/lung stong gcig na ra ma bdun 'gro zhing 'dug/ g.yog po glal mig 'og btsan bya bar 'di ded cig gsungs pas/ kho na re/ ra la bdag po yod mchi 'dis ci 'tshal zhus pas/
214a6 lung stong gi ra la bdag po ga na 'ong ded cig gsungs/ der bdag po mchims bya rog gis shes te rkun khag phab/ ra la bdun 'jal dgos zer/ bdun 'jal sprad tsa na/ da dung ma tshims par dben pa
214b1 bshigs/lcags kyis tho ba bzung nas 'ded du byung/ gnyags kyis bros nas gtsug lag khang gi nang du chud/ sgo bcad pas them pa la tho bas brdeg cing btsun chung gi mgo la de'u thebs zer/ der yang bzhugs
214b2 su ma ster bas/dbus su gtad de byon tsa na/ 'gro sras chung bya ba sha ba gcig ded nas byung ba phrad/ kho'i rta drogs/ sha ba shor bas/ kho yang khros te gsod du byung ba la 'bros pa'i 'dun pa gcig gtad pas khos
214b3 ma mthong nas thar/dus de tsam na lha sras mu ne btsan po yum dmar rgyan gyi dug gis bkrongs pa'i 'dad kyi tshogs dbur slob dpon bi ma la rgya nag nas rdzu 'phrul gyis gshegs pa dang mjal/ gser phye long mo
214b4 gang phul bas/lo tsA ba dpon g.yog skyid dam gsungs// yar 'brog sgang du skyid bgyi ru// dge la ston gyis ma ster ro// mchims yul gting du skyid bgyi ru// bya rog dmyal bas ma ster ro// bod yul dbus su
214b5 skyid bgyi ru// 'gro sras chung gis ma ster ro// zhes zhus pas/ lo tsA bar brnyas na bstan pa la shin tu gnod par dgongs nas/ phur pa phun sum tshogs pa dang/ gsham sngon gnyis thugs nas phyung ste bshad/ lho
214b6 brag g.yar chu sna'i brag phug tu lo paN lhan cig pas seng phur nyi shu rtsa gcig la bsten nas bsgrubs pas phur bu phan tshun 'khrol ba tsam du grub/der gnyags kyis ting nge 'dzin gyi ngang nas phur bu gdengs te bya
215a1 rog la'o byas pa/stod khams kyi bya rog thams cad tshogs byung/ slar mchims bya rogs la'o zhes bsgril bas/ mchims nas bya rog zung zhig byung/ gnyags khros nas bya rogs gcig la gdengs
215a2 pas mod la shi'o// der bi ma las mngon spyod kyi mthus gsad pa grub kyis/ da chos nyid kyi mthus gso ba e 'grub gsos shig gsungs pas/ slob dpon dza lan+d+ha ri pa dang/ slob ma nag po spyod pa bzhin
215a3 gnyags kyis slong ma nus/bi ma las bye ma gcig btab pa'i mod la bya rog sos te dengs par gyur to// rtogs pas bdag ma bsgral bar/ drag shul gyi las brtsam pa grub kyang nyes pa che'o gsungs nas gnas
215a4 lung gi cho ga mdzad/der mchims lha g.yag dkar du brdzus nas byung ba sngun la bsgral/ de nas mchims bya rog/ bla sbyang rab 'bring tha gsum/ bran dang khol po/ 'og rta sgo khyi gnag gi gnyen mtshams dang
215a5 bcas pa phur pa gdengs mchog gi mthus bsgral nas rabs bcad/de nas pha spun gnyags dge ston la btab pas 'di ltar drag po mthu'i las ni rnam pa zhe sdang rdo rje'i rten 'brel la lhag par ltos pa zhig la/
215a6 slob dpon bi ma la'i thugs rjes gnyags la snying rje chen po'ang skyes/ dgongs pa chos nyid du gyur pas ye ma thabs/ der slob dpon bi ma la'i las 'dir grogs mngon spyod kyi mtshan dang ldan pa zhig rnyed
215b1 na thebs gsungs pas 'tshol du byon/dus de tsa na mgar byed pa la sog por 'bod pas/ sog po beg tse zhes bya ba khro bo'i dbyibs su yod pa gcig rnyed/ de'i gzugs mgo bo rgya mdud du 'dril zhing/ ro smad
215b2 zur gsum pa'i rnam par shar ba la sogs pa'i mtshan rtags thams cad tshang bar gzigs/gnyags kyis kho bo'i phyi na mar byon/ kho mgar byed pa'i sbud pa 'bud grogs mdzad kyi rgyu mtshan nyid kyi chos bshad
215b3 pas kho'i rna lam du ma byung/kr-i yog sde gsum bshad pas res 'ga' tsam nyan cing gzhan tho ba chems chems brdung skad/ nang rgyud sde gsum bshad kyin lcags kyi lcug ma snyod pa rnams khyur mid byas pas/ kho ya
215b4 mtshan skyes te 'di lta bu'i rdzu 'phrul ci las byung zer/da lta bshad pa'i chos de nyams su blangs pa las byung smras pas/ kho shin tu dad de lag cha thams cad phul nas slob mar byas/ lha dpal gyi ye shes su ming
215b5 spos/de bzhin du 'o bran dpal gyi gzhon nu yang phur pa sgrub pa'i mtshan ldan du shes nas dpon slob gsum kas bsgrubs pas/ de dge ston gyi tshor te gsod du 'gro ba'i sta gon brtsams pa na/ gzhan dag gis
215b6 ban+der brnyas pa mi rung zer nas bshol btab kyang ma nyan/nang par 'gro rgyu'i nub bud med mang pos mtha' bskor nas mgo bcad pa rmis/ de chung ma la bshad pas nan gyis bshol btab kyang ma nyan par rta la
216a1 zhon nas song ba na/bya chen po zhig 'phur byung nas rta 'drogs/ sha khams khrag thig tu gyur te srung mas dngos su bsgral bar grags/ der sog po dpal ye snying bton nas slob dpon la phul bas/
216a2 sdig pa ci yang mi bya zhing// dge ba phun sum tshogs par spyad// rang gi sems ni yongs su gdul// sems can thams cad bde gyur cig/ gsungs/ mdor na skyob pa'i lha bya khrar sprul pa dang/ bla spyang bran khol
216a3 'og rta sgo khyi gnyen mtshams tshud chad bsgral zhing rabs bcad/de bzhin du 'gro sras chung ne thang la rta khyung 'tsho ba'i rnam par shes pa'ang bkug ste gdab las kyis tshar bcad/ 'gro lha spyang ki sngon por byas pa
216a4 dang/bla spyang bran khol thams cad sngar bzhin kha dag par byas/ de'ang gnyags lo tsA chen po 'di sangs rgyas dngos dang mtshungs pa'i paN grub rnams la bsten pas/ sgra tshad mtshan nyid/ sngags phyi nang kun la
216a5 mkhyen pa shin tu che bar grags/lo tswa ba chen por bstan nas dam pa'i chos mang por bsgyur/ mdo sgyu sems gsum ka'i bstan pa'i mnga' bdag tu gyur cing nyan bshad kyi sgo nas slob ma khyad par can mang du
216a6 bskrun pas bka' drin bsam gyis mi khyab/mthar snyan brgyud rdo rje'i zam pa dang/ man ngag sde las dngos grub chen por brnyes te stong gsal 'od kyi phung por gshegs so// de la slob ma'i gtso bo ni phur pa
216b1 mkhan po dag dpal brgyad du 'dren pa yod de/'dir sog po dpal gyi ye shes/ gra dpal gyi snying po/ lha lung dpal gyi rdo rje/ 'o bran dpal gyi gzhon nu/ gnyan dpal dbyangs/ mtshur nag ye shes dpal/ u
216b2 pa do gsal/thang dpal gyi rdo rje/ dgye 'phags pa shes rab/ b+hu su ku mchog rnams te/ dbon brgyud rnams las kyang phrin las rgya cher byung ngo// sog po dpal gyi ye shes ni yul yar 'brog pa yin/ slob dpon
216b3 chen po'i dus nas dngos grub brnyes tshar ba gcig thun mong ba'i snang ngor mgar gyi tshul du bzhugs/gnyags lo chen po de mkhyen pa shin tu che bas slob dpon rnams las kyang rang nyid mkhas snyam pa lan gsum
216b4 skyes pas srog la 'bab pa'i do gal tshar gsum byung bar grags/de la rgyu 'bras mi bslu ba'i bden pa las bdag gir mdzad pa'i tshul ston pa la bab pa'i skabs shig na/ gnyags la sku dgra lan gsum du
216b5 langs pa'i res gcig yul nye 'khor gyi gnyags dmar pha spun gyis mi sha mkhon tu byas nas slob dpon btson du bzung/sog po dpal ye de don la grub pa'i spyod pa 'ba' zhig yin gyi rnam par gcan zan gyi
216b6 gnya' nas 'dzin pa sogs rtul phod par ston pas/skabs 'dir bla ma'i phyir du lus srog 'dor ba'i rdo rje dam tshig gnyan po la 'tshal bas btson srung gnyis bkums/ slob dpon btson dong nas spyan drangs pa
217a1 sogs sku dgra lan gsum btul zhing thugs las gsum bzung bas/rdo rje phur pa'i dkyil 'khor mngon sum par sprul nas rjes su bzung ba 'di tsam don la gnas so// des gnubs chen la rjes
217a2 su gdams pa'o// de la snga 'gyur gyi bstan pa bar tu gnubs la babs te/ gnubs chen sangs rgyas rin po che 'di/ btsan pa'i khri srong lde'u btsan nas/ khri bkra shis brtsegs pa dpal gyi bar ci rigs par byung
217a3 bar 'dod pa dang/yang ral pa can gyi dus su byung nas/ khri bkra shis brtsegs pa'i bar bzhugs par 'dod pa dang/ yang snga ma btsan po khri srong lde'u btsan dang/ phyi ma ral pa can gyi dus na byung ngo zhes gtan
217a4 tshigs yod de/rgya bo cher/ rgya gar mkhas pa bi ma mi tra dang// u rgyan mkhan po pad+ma 'byung gnas dang// bal po'i mkhas pa ba su d+ha ra dang// bod kyi mkhas pa dz+nyA na ku mA ras// bdag la gnang ba'i man ngag 'di
217a5 rnams yin// ces pas btsan pos khri srong gi dus su byung bar rtsod pa med la/ sku tshe'i tshad brgya dang bcu gsum la gtan tshigs bsgrigs nas byon pa'i dus phyir bsring ba dang/ dus gnubs dang/ yul sgrags la
217a6 gzugs brnyan gnyis par bcos pas snga phyi gnyis par byung ste snying po med do// 'dir ni gnubs kyi ban chung sangs rgyas ngas// lo ni brgya dang sum cur lon// zhes phyi mtha'i tha tshig min pas skabs kyi 'phros
217b1 don la'ang byung bas tshe'i rig pa 'dzin pa brnyes/mnga' bdag dpal 'khor btsan gyi bar du bzhugs par snang ngo// de la yab gnubs rigs gsal ba'i dbang phyug dang/ yum mchims mo bkra shis mtsho zhes
217b2 bya ba'i bur btsas/mtshan rdo rje khri gtsug tu grags/ lo bdun par 'o bran dpal gyi gzhon nu las bri klog sbyangs/ mkhan po bod+hi sa twa las rab tu byung/ slob dpon ba su d+ha ra bsam yas su byon pa dang mjal
217b3 nas gser srang gsum gyi 'bul bar byas te man ngag 'ga' zhig thos/slob dpon 'byon khar slar bal yul du shog ces pa'i rjes su gnang ba thob pas rgya bal la 'gro ba'i blo chung ngu nas skyes/ spyir rgya gar la
217b4 lan bdun byon pa'i snga res dang po lo bcu gsum pa yin/ces zer/ slob dpon chen po pad+ma'i zhabs las sgrub chen bka' brgyad kyi dkyil 'khor du dbang bskur ba thob cing dngos grub brnyes/ re zhig na yul
217b5 gzhis btsongs pa'i rin gser zho lnga bcu byung ba bsnams te rgya bal la gtad de byon/slob dpon ba su d+ha ra las/ rgyud dang man ngag mang du thos/ des mdo lung gi mkhan po chos rgyal skyong dang/ drag sngags kyi
217b6 mnga' bdag ram bu gu h+ya'ang bsten/rgya gar dang/ bal po dang/ bru sha'i yul na gnas pa'i mkhas pa mang zhig bsten/ rgya gar du mkhan po chos rgyal skyong las mdo lung 'ga' zhig dang/ khyad par bru sha'i mkhan
218a1 po che btsan skyes las mdo dgongs pa 'dus pa yongs su rdzogs par mkhyen par mdzad/bsam yas su lo tswa ba chen po'i grar bzhugs shing dam pa'i chos kyang bsgyur/ dben pa 'ba' zhig brten
218a2 dgongs pa la/spyir dus 'di tsam na rgyal khrims zhig cing/ phyogs ris kyi 'khrug pa dar ba'i skabs su gyur pas gnubs chen yab sras la 'o brgyal chen po byung/ khyad par sku che snga ma la rgya gar du shan pa ma ru tse
218a3 bya bar 'khrungs nas sems can gyi don mdzad pa'i 'dul zhing lhag ma ma lus par rdzogs par mdzad pa dang/bod 'dir dpon sras kyi bstan pa nyams par byed pas mtshon snga phyir bstan pa la gnod byed mang du
218a4 'byung ba de dag drag sngags kyis tshar bcad nas bstan pa srung ba'i phyir rgyal ba'i phrin las kyis bskul ba las rnam pa'i rkyen yul ba'i khengs log snga phyi bar gsum du byung nas rigs kyi sras gnyis bkrongs pas/ji skad du/
218a5 nyon mongs bod yul dbus su langs// 'tsho ba'i zas rnams 'bangs kyis phral// ces dang/ bdag 'dra gnubs kyi ban chung yang// snying nas chos bzhin bya sems skyes// zhe sdang dgra bos byed ma
218a6 ster// sangs rgyas bstan pa srung ba'i phyir// zhe sdang de ma thag tu bskyed// dkar po'i che ba 'don bsams nas// ngan sngags yig sna sna tshogs bslabs// zhes pa ltar rgya bal gyi yul nas gshed skor rgya mtsho'i
218b1 drag sngags rnams spyan drangs pa yin te/bla ma bcu gcig zhabs nas btegs/ 'on kyang mkhas pa bzhi la gtugs// slob dpon dpal gyi seng ge dang// rgya gar khrag 'thung nag po dang// phung byed shAn+tiM gar+b+ha
218b2 dang// bal po ba su d+ha ra bzhi// mkhas pa bzhi yi thugs brtol nas// zab pa'i man ngag thugs la btags// zhes dang/ de dag kyang gnad du bsdus pa la bal po'i slob dpon nyid las byung ste/ 'di skad/ slob
218b3 dpon bal po'i rgyal po yis// yang le shod kyi brag phug tu// gnubs kyi ban chung 'dir shog gsungs// bam chen ro yi dbang bskur nas// lha ru 'jam dpal tshe bdag gtad// ces pas mtshon no// de ltar
218b4 slob dpon 'di rgya gar du byon pa'i re zhig rdo rje gdan la tshogs gsog mdzad pas/nam mkha'i klong nas gser gyi rdo rje rtse dgu pa zhig rang gi thad khru gang gi sar byung ste lan gnyis su ma zin/ gsum pa'i tshe phyag
218b5 g.yas pa'i mtheb srin gyi bar du chags pa'i mod la de phyag na rdo rje dngos kyi skur gyur/dbang bskur/ byin gyis brlabs/ sangs rgyas ye shes su ming gi cod pan dpyangs/ dbang rtags su rdo rje rtse dgu pa 'bral
218b6 med du 'chang ba da lta rong byams chen gyi thugs ka na yod par grags/rgya bal gyi ru mtshams rdo rje rtse lnga'i brag phug tu slob dpon pad+ma las kyang sdom pa nod pa sogs rgyud dang man ngag mang po thugs su chud/ dur
219a1 khrod dang/mtsho gling dang/ mi ma yin drag po rgyu ba'i gnas su sgrubs pa mdzad pas/ 'jam dpal ya mAn+ta ka la sogs te yi dam gyi lha dpag tu med pa'i zhal gzigs/ klu dang/ gnod sbyin dang/ dri
219a2 za dang/yi dwags drag po dag dang yang gtam 'dre zhing mchod par byed/ nus pa shin tu che bas lha srin kun gyis stangs phul/ dur khrod phu lung nag por e ka tsa Tis zhal bstan/ bram ze mo'i thod pa dngos grub kyi
219a3 rdzas su byin/pad+ma gar gyi dbang phyug gis mon nag kha khra'i thod pa'ang dam tshig gi rdzas su spras/ mngon shes dang rdzu 'phrul thogs pa med par grub/ bod yul dbus kyi gnas sgrags kyi yang rdzong du sgrub gnas kyi
219a4 mthil mdzad/de bzhin du nyug gi rdo rje sgrom bur zla ba dgus sems nyid btsan sa zin/ gtsang gi phung po ri bo che dang/ g.yung gi rdza lhun mo sogs zhabs kyis bcags/ drug cu re gcig par sgrags su khengs
219a5 'og byung bas gshin rje'i gshed kyi drag sngags rnon pos grong khyer mang po brlag par mdzad/de skad du/ bdag 'dra sangs rgyas ye shes kyis/ sgrub khang ya ma'i mkhar la byas// sgrags la nag po'i rtse mo ru// nye
219a6 'byed rlung gi 'khor lo bskor// sgrags kyi grong khyer sum cu rtsa bdun brlag/ ces 'byung ngo// slar gnubs yul rong du bros/ der yang bzhugs su ma ster bas snye mo bye mkhar bzung/ gnas der yang dmag gi
219b1 chom pos bskor zhing sku srog la bsdo bar nyen pa na/mkhar gyi rtse nas lha 'dre gnyen po dpang du gsol/ tshigs su bcad pa'i bden pa bdar/ chos gos brdabs pas dam can chos skyong rnams mngon sum par byung
219b2 ste/bdag cag gi mthu rtsal gyis ri rab thal bar brlag/ nyi zla cha lang rdeb/ gnam sa bla 'og bsgyur nus kyang/ tshe rabs snga ma'i lan chags brdol bas sngon chad grogs byed du ma ster/ da ni bka' bzhin
219b3 'tshal lo zer bas chos gos kyi chag nas seng ldeng gi phur bu bton/dam can rnams kyi srog snying drangs/ dmag mi yod pa'i ri logs la dril zhing bsdigs pas/ ri las me dpung chen po byung ste dmag
219b4 rnams thams cad bsregs shing brlag par byas/slar rab tu 'gyod nas bsam gtan mig gi sgron ma sdig sbyong du mdzad par grags/ sku dgra thul rjes lo gsum gyi bar la dbul zhing phongs/ sog po dpal gyi ye
219b5 shes las sems phyogs dang sgru 'phrul la sogs pa gsan/sgrags yang rdzong du de kho na nyid kyi ting nge 'dzin la gzhol/ mnga' bdag ral ba can gyi bar yan chod du rgya gar dang bod kyi bar du 'byon bzhud kyi ngang
219b6 du yod pa la/dar mas bstan pa bsnubs pa thugs kyis ma bzod nas slar yang drag sngags spu gri reg chod mang po tshags su btsud nas mngon spyod kyi thugs rjes mtshams sbyar bar dgongs pa la/ sdig spyod rgyal
220a1 po lha lung dpal gyi rdo rjes bsgral zin pas drag sngags 'chol gyi dogs nas gter du sbas/mdo sgyu sems gsum gyi bstan pa'i rgyun slob ma'i tshogs la mi nub par spel nas mthar rang bzhin
220a2 rdzogs pa chen po'i lam nas lhun 'grub 'od kyi phung por mya ngan las 'das so// 'di la rgyud 'dzin gyi slob bu sras kyi dam pa gcig/ thugs zin gyi sras bzhi dang lngar byung ba las/ sras kyi dam pa yon tan rgya
220a3 mtsho ni skye ba snga ma yab sras su 'brel/'dir gnubs khu lung du btsas/ skye ba snga ma'i phung po rgya gar d+ha na d+ha las gnod sbyin mo'i rkang mgyogs bsgrubs nas grub kyang gshog pa bcag pas ma nus/ slar rkang
220a4 mgyogs cig shos bsgrubs pas khos thu ba'i nang du d+ha na d+ha la khur nas mtshan gang gcig la khu lung yon tan rgya mtsho'i rtsar bskyal/der yon tan rgya mtsho'i skye ba snga ma rang gi gcung por gyur pa la rjes su brtse
220a5 bas dbang bskur/yon bdag la thun mong dngos grub byin pas mi rabs bdun tshun chad dar bar grags/ yon tan rgya mtsho la sgrub gnas grong du mi rung gsungs nas mkhar gdongs yon mo'i gtsug rum lta bu'i
220a6 sa gnad bstan te/bstan srung gshin rje dmar nag dang/ ma gshin gyi skor sogs byin nas rgya gar du gshegs/ der yon tan rgya mtsho lo sum cu lon pa'i tshe khyi ra la 'khyams pa slob dpon sangs rgyas ye shes
220b1 sngar gyi shugs la nag por bzhugs pa dang mjal bas/rus gcig pa dang/ skal ba can dgongs nas chos sgor bcug ste rjes su bzung/ lta ba sgang dril ba/ gab pa mngon du phyung/ gsang ba khong lto ltar phyung/
220b2 star ga gegs sel gyi tshul te bzhi ka bshad pas gdams ngag thams cad rdzogs par grags/ 'dila'ang khengs log byung ste gshed ma brgyas bskor ba'i tshe yang 'bar ba lta stangs kyi rdzu 'phrul mngon sum du grub
220b3 pas/spyan g.yas pa nas me 'bar/ g.yon pa nas chu 'brub pas sprul pas glags blta ba'i skabs ma rnyed par rang rang gi lag cha 'chor ba'i ngang du 'bros dgos pa byung/ spyir yi dam mang po'i zhal gzigs/
220b4 dam can bran du khol/ chos nyid kyi bden pa mngon du gyur pas dngos grub chen po gnyis ka brnyes pa zhig yin te/ rnam thar rgyas pa yi ge'i lam du 'dren par mi nus pas so lugs kyi yig cha sogs la shes
220b5 so// thugs zin gyi sras bzhi ni/ so so ye shes dbang phyug la lta ba skang dril te bshad/ pa gor blo chen 'phags la gzhung 'grel Ti ka dang sbyar nas bshad/ dan yon tan mchog la star ga gegs sel gyi tshul du
220b6 bshad/sru legs pa'i sgron ma la tshig sdeb sbyor legs par bshad/ bzhi ka tshang ba ni yon tan rgya mtsho yin no// 'di la sras ye shes rgya mtsho dang/ pad+ma dbang rgyal gnyis byung/ ye shes rgya mtsho'i sras lha rje hU~M chung/
221a1 'dis rje btsun mi la la drag sngags bstan pas mthu chen gyi grags pa thon pa de byung/ yon tan rgya mtsho yab sras kyi slob ma nyang shes rab mchog/ 'di bskyed rdzogs gsum ka la mkhas par grags
221a2 shing dog la gshongs kyi gtsug lag khang yang bzhengs/ha'o sgol gyi brag la sgrub pa mdzad pa'i tshe/ rdo rje phur pa'i dkyil 'khor zhal gzigs/ brag la rdo rje brgyab pas 'jim pa la byas pa bzhin thim gyi
221a3 song ba sogs grub pa brnyes pa'i lo rgyus mang du yod/de'i slob ma chos lung shes rab 'byung gnas yin/ bla ma'i thugs zin cing/ bskyed rdzogs gsum ka la mkhas pa'i grags pa thob// de dag las brgyud pa phal mo
221a4 cher rong lugs sam/rus las btags te nyang lugs kyang zer ro// yang so ye shes dbang phyug gi slob ma ngan thung byang chub rgyal mtshan/ kong btsan shes rab ye shes/ ra thung shes rab tshul khrims te gsum ka
221a5 yin gyi breng chags su mi 'dren zhes 'gos gzhon nu dpal ba bzhed/yon tan rgya mtsho yab sras dang/ so ye dbang gnyis ka'i slob ma nyang shes rab mchog/ de'i slob ma ye shes 'byung gnas/ de'i slob ma lha rje
221a6 zur po che ste zur po che ni stong tshab 'phags pa rin po che la'ang thug pas/gnubs chen dang zur po che'i bar na bla ma gcig yod pa yin no// da ni tha ma zur la babs pa'i rnam gzhag bshad par bya ste/ de la zur
221b1 po che shAkya 'byung gnas kyis bstan pa phyi dar la snga 'gyur gyi bstan pa'i rtsa ba btsugs/zur chung ba shes rab grags kyis yal ga brkyangs/ zur shAkya seng ges lo 'bras rgyas par mdzad pas zur mes dpon rnam
221b2 gsum zhes grags la/spyir zur ces bya ba'i gdung 'di dang po rgya gar nas lhags pa zhig ste/ 'phags pa'i yul du 'od gsal lha dbang gzhon nu gtsug tor can/ de'i sras man+da zangs zhu can/ de'i sras mdo
221b3 khams su byung ba zur rgyal ba gsum sgrags/de'i sras zur bshes gnyen stag sgra can/ de'i sras zur rin chen rgya mtsho/ de'i sras mtsho bzang mig po che/ deb sngon du lha rje zur po che 'di'i sras su 'chad cing/
221b4 gzhan du a tsa ra'i sras su 'dod kyang/ 'dir zur pa'i rabs nyi shu rtsa bdun gyi yi ge zhig mthong ba de nyid btsan par bgyis te mig po che la zur a tsa ra/ zur kha can lag can/ zur bzang shes rab 'byung
221b5 gnas te sras gsum byung bas tha chung sher 'byung gi sras lha rje zur po che/zur ston bla ma/ zur sgom rdo rje 'byung gnas/ zur sgom chung dang bzhir byung la/ che ba a tsa ras rgya gar la byon pa'i sras nyi ma'i snying po/
221b6 slar bod du byon nas thag lung par bzhugs pa'i sras zur thag pa sgom chen/ de'i sras zur chung shes rab grags pa yin zhes smra'o// de la lha rje zur po che ni dpal chen po 'jig rten du mngon sum byon pa yin te/
222a1 yul mdo khams kyi sa'i cha yar rdzong ngam g.yar mo zhes bya bar yum yon bdag mo bde ba lcam zhes bya ba'i sras su 'khrungs/ lhums su zhugs pa'i tshe yab kyi mnal lam du gser gyi 'khor lo rtsibs
222a2 stong pa phyag tu byung ba dang/'phags pa spyan ras gzigs yum la thim pa sogs byung bas sprul pa'i skur shes nas mtshan shAkya 'byung gnas su btags/ yab las bri klog mkhyen par mdzad/ sgyu 'phrul gyi skor dang
222a3 man ngag phran tshegs zhus/bla chen dgongs pa rab gsal las tshig gsum rim nod kyis lo dus la bsnyen par rdzogs/ 'di sprul pa'i skur 'dug pas mtshan spo mi dgos gsungs/ mes po rin chen rgya mtsho'i drung
222a4 nas mtshan nyid sde gsum/kr-i ya/ rnam 'joms/ rnam snang/ sgyu dra/ dpal mchog dang po rnams dang/ gsang sngags nang gi man ngag thab lam la sogs pa'ang mkhas par mkhyen/ de yang gsung las/ rtsa rlung rta ru
222a5 zhon/gtum mo gos su gyon/ gdams ngag skyo grogs su khrid/ dad pas sna drangs te mdo khams kyi sa cha brgal nas 'dam gyi phyogs su nye bar sleb ces gsungs pa ltar/ khams nas 'dam du sleb pa'i tshe lam cha
222a6 ma 'tshal ba la sprin gseb nas lha'i bu gnyis kyis lam bstan te dbus phyogs su brtol/yar klung na mo lung du kr-i ya la sgrub pa mdzad pa'i tshe/ theg pa chen po gsang ba bla na med pa'i rigs sad de/ spang len
222b1 rtsol byas kyi lam 'di ni 'ching ba'i rgyur 'dug/tshegs chung la bya sla ba gsang sngags bla med kyi lam zhig dang mjal bar shog dgongs pa'i nub/ nags tshal can gyi ri la sgom zer ba zhig byung/ der gtsang po la
222b2 lam rgyus bcol nas gtsang la gtad de byon/gsang sngags kyi chos la mkhas grub brnyes pa su yod dris pas nags tshal gsum sgril bya ba na yod zer/ der sngar gyi rmi lam dran nas byon/ dge gong gi lce shag
222b3 mchog la bdud rtsi sman sgrub la sogs pa zhus/spyir zur chen la bla ma mang du bzhugs te/ khyad par du chos lung gi nyang ye shes 'byung gnas las zur pa'i me tog phog pa'i chos sgyu 'phrul dang sems phyogs rnyed pa
222b4 yin/tho gar nam mkha' sprel lde la mdo dang par khab/ rdzogs chen man ngag dang bcas pa/ yul gser kyi gnyan nag dbang drag dang/ lce shAkya rgyal mtshan las gsang dbang dang thabs lam/ nyang stod kyi 'dre khro
222b5 chung la ka dag dang lhun grub/sgyu 'phrul lam rim/ mchims phu'i rog shAka 'byung dang ldan ma sher tshul las yang dag/ zhu ston bsod nams shAkya las mdo yongs rdzogs/ stong tshab byang chub/ rgya ston glo gros/
222b6 bka' sdod ye shes snying po rnams la'ang mdo lung/ dbang sgrub/ rgyud 'grel phrin las dang bcas pa gsan zhing/ bla ma de dag kyang rta la sogs pa'i bdog dgu'i 'bul ba dang/ 'khor gsum yang dag gi mchod
223a1 pas mnyes par byas pa 'ba' zhig go/tshul de lta bus mkhas pa mang po'i man ngag blangs/ dgongs pa nyams 'og tu chud/ sde snod dang/ rgyud sde'i grub mtha' kun la mkhas shing byang chub par byas
223a2 nas/rtsa rgyud dang bshad rgyud sdebs/ rtsa ba dang 'grel pa sdebs/ rgyud dang sgrub thabs su sdebs/ sgrub thabs chog yig la sogs par sdebs nas lag len du thebs par byas/ nags tshal can gyi ri la dpal
223a3 yang dag gi sgrub pa kho na la gcig tu gzhol bas bskyed rdzogs bzlas gsum gyi gdeng chen po stobs su gyur/mgrin pa longs spyod kyi 'khor lo'i rtsa mdud grol nas shes rab phyogs med du rgyas/ slob ma mang du
223a4 'dus pa la mdo dang sgyu 'phrul gyi 'chad nyan kyang mdzad/rgyun du g.yeng ba'i las thams cad rnam par spangs/ che thabs dang 'du 'dzi bshigs/ byang chub phyi dus la mi re ba da lta nyid kho nar mngon du mdzad pa'i
223a5 brtson 'grus drag po rgyud la brten nas bsgrubs pas re zhig na gtor len tu rnal 'byor pa'i rnam pa can zhig byung/de la cung zad byin pas khos ril bo thob/ rtsigs pa'i drung na phar 'gro ba dang/ zur po che 'di
223a6 snyan pa dang yon tan mnga' ba zhig 'dug ste/rog shAka 'byung gi rgyun gtor tsam yang mi 'dug zer/ de nye gnas kyis thos nas bla ma la zhus pas bos shog gsungs 'bod du phyin pas phu gcig na ka pA la nas
223b1 zan 'brul za zhing snang/'dod do byas kyang yang ma nyan par rog shAka 'byung mchims phur tshe la dbang thob nas yod pa yin/ zur po che la chos len mi thong gyis shig zer/ rkang pa sa la ma reg par song/ der
223b2 bzang sgom shes rab rgyal po dre'u'i khal dang bcas chos len du btang bas/bsam yas su slebs te dris tsa na su la'ang bshad rgyu mi gda'/ slar rgan mo zhig gis de dang po tsa na mchims phu'i ri 'di la yod pa
223b3 yin zer/rdzi'u gcig gis/ ri 'di la yod yod 'dra/ skabs re tsa na rnga dang/ ru lu'i sgra ngas kyang thos zer/ der bzang sgom gyis rtswa phang phung yod pa zhig tu kha la phog/ dad gus kyis gsol ba btab pas/ sgra
223b4 chen po dang bcas brag phug gi sgo de mthong/der mos gus chen po dang bcas phug par thal gyis song bas/ gsang ba'i sgrol ging bco brgyad kyis 'du bar 'ong ba 'di sgrol zhig zer/ der bla ma rog gis 'di
223b5 las can yin pas mi rung gsungs/lo rgyus zhus pas/ nga rog shAka 'byung/ slob ma zur shAka 'byung/ mtshams sbyor shes rab rgyal po/ rten 'brel bzang gsungs/ der bzang sgom la sangs rgyas mnyam sbyor/
223b6 yang dag gi bdag gzhan dkyil 'khor bcu gnyis/ yang phur sgrags ma la sogs pa'i dkyil 'khor drug cu rtsa gnyis kyi dbang bskur/ dpe dang bka' lung rjes su gdams pa thams cad thob ste bsam yas rgal
224a1 bar sleb pa'i dus su/khal gyi steng na khye'u dar gyi ber thod can zhig mthong bas slar log ste dris pas/ tshangs pa dung thod can 'go ba yin gsungs nas gsol ka'ang gnang/ slar gdams pa bla ma
224a2 zur chen la gsang ba'i ngang nas phul/slob dpon kun gyis sgom sgrub lo du mar mdzad cing 'chad nyan bskyangs pas 'gro phan che bar byung na'ang/ zur chen po dben pa 'ba' zhig la thugs gtod pas/ 'di yang
224a3 dge sbyor gyi g.yeng bar 'dug pas bo dong mnga' bdag brag la 'gro gsungs te der gcig pur sgom sgrub la zhugs tsa na/bu slob rnams kyang rjes su 'brangs byung bas/ khyod rnams nga'i rtsa bar yong don byang
224a4 chub thob pa re ba yin na sgom sgrub min pa gzhan gang gis kyang phan mi thogs/'jig rten gyi g.yeng ba rgyab tu zhog la sgrub pa la 'bungs/ nga yang sgrub pa kho na byed gsungs te/ dpon slob kun so sor sgrub pa
224a5 mdzad/de nas re zhig na mkha' 'gro'i lung gis sa smad la phebs nas 'gro don che bar bskul bas/ rta nag gi lung par byon/ 'ug pa'i tshang yod pa'i brag phug kha shar bstan gcig tu yang dag lha dgu'i sgrub pa
224a6 mdzad pas/dpal chen po yang dag lha dgu'i zhal mngon sum du mthong/ de ltar bzhugs gnas kyi ming las bla ma 'ug pa lung ba zhes kun tu grags/ der bsgrub rgyags kyang dkon shing 'byon pa'i lung bstan
224b1 kyang byung nas smad phyogs su ljongs bsgyur bar chas pas gzhi bdag ze re ze btsan bya bas gzugs bstan te bzhugs par zhus pa na/nga la gnas gzhan du 'gro ba'i lung bstan yang byung/ rgyags kyang med pas
224b2 'gro gsungs pas/dpon slob rnams kyi 'tsho ba bdag gis 'bul/ cis kyang bzhugs par zhu zhus pas/ re zhig bzhugs par zhal gyis bzhes/ rta nag gi phyug po zhig la nad drag po byung nas/ mo lung la tshogs
224b3 gtor thong/bla ma 'ug pa lung pa la byin rlab zhus zer bas/ nad pas bla ma'i drung du phyin pas zhal mthong ba tsam gyis bder song/ byin rlab zhus/ tshogs 'khor byas ma thag tu nad las grol/ de bzhin du nad
224b4 gdon gyis mnar tshad la byin rlab dpag tu med pa byung bas skye bo rnams dad de sku bsod chen po skyes/bla ma'i dgongs pa la/ thun mong gi bsod nams 'di mchog sgrub pa'i bar chad chen po yin/ ri bo dgu
224b5 'dus la sgom du 'gro dgongs nas gshegs tsa na/gzhi bdag des bsgrub rgyags ni phul yod/ cis kyang bzhugs par zhu zer bas/ khyod kyi 'tsho ba 'di gzhi dag po zhig kyang dka'/ 'du 'god kyis g.yeng bar
224b6 'gyur bas da lan 'gro gsungs pas/khong gdong mchi mas gang nas cis kyang mi bzhugs nas bdag la'ang thugs rjes dgongs 'tshal zhus nas srog snying phul/ bla mas dge bsnyen gyi gdams pa phog nas
225a1 bstan pa bsrung bar bsgos/mar lam jo mo sna dmar kyang dam la bzhag/ de nas g.yas su thar du byon/ zur chung pa la nga la ri bo dgu 'dus su sgom zer ba'i lung bstan byung ba de brag rgya bo 'di
225a2 yin par 'dug gsungs nas dpon slob thams cad sgrub pa la bzhugs so// de'i tshe lha rje zur po che la slob ma rtse mo bzhi/ rtsa lkog dang lnga/ sgom chen brgya rtsa brgyad yod pa'i rtse mo bzhi ni/ lta dgongs kyi rtse mor
225a3 gyur pa zur chung shes rab grags/sgyu 'phrul gyi bshad pa'i rtse mo me nyags khyung grags/ mkhyen rgya'i rtse mor gyur pa zhang 'gos chung/ sgom sgrub gyi rtse mor gyur pa bzang sgom shes rab rgyal po/ rtse lkog ni chos kyi
225a4 steng du pho ze'i rtse mor gyur pa rtsags bla ma'o// yang rtse lkog brgyad du 'dren pa'ang yod do// de bzhin du gru sgom sba 'gying/ yul sgom nag mo/ lce sgom shAka rgyal/ zur sgom rdo 'byung/ g.yu sgom jo 'bar/ sba sgom
225a5 bsod nams snying po la sogs te sgom chen brgya rtsa brgyad do// de thams cad kyang nam mkha' la 'gro ba sogs rdzu 'phrul thob pa 'ba' zhig tu grags/ des nas re zhig bla ma'i drung du bud med gsum byung nas/
225a6 g.yas ru shangs kyi mda' shangs chu'i shar na lung pa dbyibs zla gam/ phu na brag snying 'dra ba mda' na thang ma traM bsgral ba'i pags pa lta bu/ ri dbyibs glang po che'i sna 'dra ba la brag seng ge'i ya thod lta bu/ rdza
225b1 gsum nas chu gsum 'bab pa sku gsum gyi don rnyed pa zhig yod kyi der bsgoms nas skye ba 'di nyid la 'tshang rgya zhing/'gro don yun ring bar 'gyur ro zhes lung byin pas/ zur chung pa la brag rgya bo sgrub gnas kyi
225b2 pha phogs su mdzad/bla ma 'khor dang bcas pa mar byon/ sa dmigs mkhyen nas zhang mo yon tan rgyan gyis sbyin bdag byas/ des phul ba'i phug par bla ma bzhugs/ zur chung pa sogs sgom chen brgya lhag tsam
225b3 yod pa lung pa'i phu mda' thams cad du sbyil po dang/brag skyibs dang/ lhags skyobs la brten nas sgrub pa mdzad/ yul mi tsho bdun gyis zhabs tog byas shing/ yon bdag gi rtsa ba sram pa bon grong pas byas/
225b4 bla ma sangs rgyas dngos su 'dzin to// der lo mang por sgrub pa mdzad/ zhi ba zhe gnyis dang/ khrag 'thung lnga bcu'i zhal mthong/ khyad par du yang dag gi lha tshogs mi dang mi phrad pa bzhin gzigs nas gsung gleng
225b5 mdzad/gau ri brgyad la sogs pa bran du khol/ mi ma yin rnams kyis las gang bcol nyan pa byung/ der bla ma'i zhal nas/ ngas 'ug pa lung gi sa rdo ri brag thams cad zhi khro'i lha tshogs su mthong/ khyad par dben
225b6 ser mo'i lho ri 'di rgyal ba rigs lngar rgyun du mthong bas zhi ba'i lha khang bzhengs gsungs te sta gon mdzad/sa'i dpyad gzigs nas sa dgra ngan pa dag bcos/ lho ri sdig nag thur du rgyug pa 'dra ba'i
226a1 rwa dbrag tu zur po che dpal chen po'i skur bzhengs nas zhabs g.yas pa bzhag sar zhabs rjes kyang byung/der he ru ka'i sku 'bum phrag yod pa'i mchod rten dang/ phyogs bzhi dbus dang lnga rtse
226a2 mo bzhi dang rtse lkog lngas mchod rten re re yang bzhengs/klu dung skyong gnas pa'i chu mig la zangs bkab nas kha bcad/ de'i steng du gtsug lag khang gi rmang bting/ che chung nyang stod rtsis kyi lha khang dang mnyam pa
226a3 byed rgyu la/rdo bzo bas cung zad bskum zer/ de bzhin du bzo bo phal cher bsod nams ma yin pa 'du byed la spro bas/ shing thams cad khod mi snyoms shing/ ring thung du gnas pa la sogs phyag rdzas dron
226a4 pa'i thabs 'ba' zhig byas kyang/'di ltar byang chub sems dpa' gtong ba la goms pa'i snying stobs la ser sna dang 'jur bu'i rnam rtog gis rdzi bar nus pa ma yin pas nor rdzas la rmi lam dang sgyu ma lta bur
226a5 gzigs/ka chen ya gcig bregs thal te ma snyogs pa/ zhabs kyis bsgril bas ring thung snyoms pa'i grub rtags bstan/ de la rdo rje'i rtags sbyar nas yod/ de bzhin du ka ba kyog por gyur pa rnams zhabs
226a6 kyis bsgril pas mda' ltar 'khrongs pa dang/log sgrub bzod pa sogs tshad med pa'i thugs rje dang nus pa mthong bas/ bzo bo rnams slar 'gyod pa chen po skyes/ lha khang tshar ba'i shing lhag rnams la rtsigs
226b1 pa med par ka ba bzhis btegs pa'i sgo khang khyad 'phags zhig byas par 'gyod tshangs rgya phugs zhes grags la de slar mgon khang du mdzad/de ltar gtsug lag khang dbu rtse ka ba bzhi pa rnam snang kun tu
226b2 zhal gyis gtso byas pa'i zhi ba'i lha tshogs/khyams stod ka ba brgyad kyi sar sgo srung rta bdud gnyis/ glo 'bur lho byang gnyis na yum chen mo dang/ mar me mdzad la mchod lha bzhi bzhis bskor ba/ mgon khang na
226b3 legs ldan/dpal ldan lha mo/ tshangs pa dang/ brgya byin rnams 'bur sku byas/ khyams stod ka ba brgyad kyi sar bla ma brgyud pa'i gyang ris/ skor khang la pad+ma brgya ldan la sogs pa'i dkyil 'khor nyi shu rtsa
226b4 gsum/khyams smad ka ba nyi shu'i sar sangs rgyas stong rtsa/ phyogs bcu'i sangs rgyas tshe dpag med pa nye sras kyis bskor ba/ sangs rgyas rabs bdun/ mdzad pa bcu gnyis/ byang chub sems dpa' chos
226b5 'phags/sgrol ma 'jigs pa brgyad skyob/ rigs gsum mgon po/ ma la ya'i zhing bkod/ srid pa'i tsakra la sogs pa gyang ris su mdzad/ de ltar skya bzo grub nas/ da ni nga'i lha khang thang ka yan chod gser
226b6 gyis 'byug pa yin/gser 'grong ri tshugs po la 'don gsungs nas dgongs pa mdzad pas/ nam phyed na gzhi bdag btsan de rta pa nag po gcig tu byas nas byung/ zur po che la phyag dang bskor ba byas nas
227a1 lha khang gi thog kha yan chod gser du byugs nas/nged kyi gser 'dzad pas/ lha'i sku rnams khyab nges zhig 'bul zer bas de bzhin du mdzad/ rab tu gnas pa'i tshe rgyal ba zur che chung gis kun
227a2 rig rnam snang gi dbu gtsug nas zhugs thugs kar thon/thugs ka nas zhugs dbu gtsug tu thon pa la sogs rdzu 'phrul gyi bkod pa zad mi shes pa bstan pas bzo bo rnams snying thag pa nas dad par gyur te/
227a3 bla ma'i lha khang ri rab btsam la/ mchod rten gyi 'degs byed zer/ bsam yas mchod rten sdon mo la dpe byas/ bkra shis sgo mang lha khang gi byang phyogs su dad bzhengs kyis phul/ bla ma'i mtshan gdan sa la
227a4 chags pas dpal 'ug bya lung zhes yongs su grags/lha rje zur po che'i ring la dbu brnyes/ zur chung pas srol btod/ zur shAkya seng ges dar rgyas su mdzad zer ba de gdan rabs 'dis snga 'gyur rdo rje theg
227a5 pa'i bstan pa la bya ba brlab po che mdzad pa'i rnam gzhag yin no// de nas 'chad nyan la sogs pa'i 'gro don rgya chen po mdzad/ re zhig na dpon slob kun gyis yang dben ser mo'i yang dag gi lo sgrub mdzad
227a6 pas mar zad de mchod me ma byung bas/chu mig zhag bdun du mar khur byin gyis brlabs nas mar khu 'dzad med blangs chog pa byung/ der thog mar 'chad nyan pa rnams bshad pa la gtso bor 'don pas dang po
227b1 tsa na phrin las shes pa nyung ste/khong rnams chos rar 'gro gleng byed pa'i tshe phrin las shes shing 'gro gleng med pa dag mi shes pa'i phyogs su phul bas/ rgyun gtor lhan cig tu gtong ba'i tshe phrin las shes pa tshos
227b2 gyer du ma nyan/der bla ma'i zhal nas/ gang la mthar phyin pa gcig gis grol ba yin/ gcig gis gcig la khyad gsod mi rung/ theg pa dgu'i grub mtha' rang sa na yod kyi/ theg pa'i kha 'dzin pa ma yin/
227b3 gsungs pa thams cad la don kyi go ba khyad par can skyes nas zhi dul du gnas pa byung/ de'i dus su bla ma'i zhal nas/ slob ma rtse mo bzhi la/ lam nyams su len pa la gang gal che/ khyed bzhi po go ba re zhog
227b4 gsungs pa la/zur chung pas/ sngar zhen gyi bag chags tshan po che 'di/ ma bsgoms na mi 'dzad pa gcig 'dug pas/ nyams len la blo thags chod pa gal che/ 'phral gyi sgrib pa dri ma 'dra ba 'di/ da lta nas
227b5 dag dgos pa 'dug pas/nang dang nub tu dge sbyor byed pa gal che/ ji srid gnas lugs mngon du ma gyur gyi bar du bsod nams kyi tshogs gsog dgos pa 'dug pas/ dge ba phra ba la brtson pa gal che
227b6 zhus/de bzhin du gzhan gsum pos kyang rang sa'i go ba re zhus pas/ bla ma mnyes pas/ dam pa'i lha chos byed pa la// lam lta sgom spyod pa gsum du gda'// lta ba zhes ming du btags pa de// lta rgyu byung na lta
228a1 ba min// lta rgyu med pa'i don la blta// chos nyid brjod med lam du 'khyer// zhes pa la sogs pa lta sgom spyod pa'i lam khyer gyi mgur gsungs pas slob ma kun mos pa mchog tu 'phel/ de nas
228a2 bla ma zur po ches 'ug pa lung du tshogs pa bskyangs shing rgyud kyi bshad grwa dang sgom grwa chen po mdzad/zur chung bas yang dben sngon mor yang dag gi sgrub pa mdzad cing bzhugs tsa na/ shangs kyi sgrub khang gdong
228a3 la rgyu'i he ru ka zhal gcig phyag gnyis pa krong nger 'dug pa gzigs/sgrub pa thon nas bla mar lo rgyus zhus pas/ bla ma'i zhal nas/ zur chung pa dpal chen po la grub pa thob pa yin/ nga la rig 'dzin nam
228a4 mkha'i snying pos kyang he ru ka'i sku bzhengs nas bod 'bangs la gnod pa'i gdon mthu bo che thul zhing 'gro don 'byung ba'i lung bstan kyang yod pas de'i slad du 'gro zhes gsungs/nye gnas la 'o cag lha khang
228a5 bzhengs pa'i yo byad sdogs shig/nged tshos sa gdul bya yi gsungs/ brag seng ge'i ya thod kyi khar bzhugs/ gtor ma bshams/ bla ma dpal chen po'i ting nge 'dzin la bzhugs nas stangs stabs mdzad pa'i
228a6 tshe/sangs rgyas mthong ba'i skal ba dang ldan pa rnams kyis mngon sum pa'i skur mthong ba byung/ de nas 'gram rdo bslang ba'i dus su zur chung ba sku lus speg cing zhal rod ngan pa la brnyas nas/ gzhan kun
228b1 gyis 'gram rdo chen po re bzhag gin/da zur chung bas gyad rdo gcig 'jog thang zhes zur za bar byas pas/ zur chung pa na re/ dpon slob rnams tsha ba la gshegs shig/ nged kyang da lta 'dod de zer ste ma byon/
228b2 khong rnams kyis tsha ba zin nas thon pa dang/ gyad kyi rdo theg pa lta ci smos/ sgul ba'ang mi nus pa'i pha wang chen po brgyad rmang gi phyogs bzhi mtshams brgyad du bzhag nas/ de la rdo dkar gyis zur chung pa'i gyad
228b3 rdo lags bya ba bris pa mthong bas/gra pa rnams spobs pa smad cing gzu bor gyur pa dag mos par gyur to// der nag phyogs kyi lha 'dre byed pa mi srun pas lha khang brtsigs pa'i 'gal rkyen dang mtho 'tshams
228b4 pa'ang zur chung pas gyad rdo bzhag pa phyin chad nas zhi bar grags/shing sgrigs ran pa'i tshe ka ba bzhi kyog por byung ba bla ma'i zhal nas 'di zur chung pas srongs shig gsungs pas/ rlung khug pa gcig gi ngang
228b5 la dgye ba dang gug pa'i rten 'brel cig mdzad nas mda' bzhin du bsrangs/thog phub zin pa tsam la/ ngas lha bzo ba bkug pas khugs yong gi 'dug gsungs/ zhag gnyis pa la lha bzo shes pa 'ga' zhig
228b6 chos zhu ru byung/ma mkhyen pa ltar mdzad nas/ khyed rnams yon tan mkhan gyi rigs sam gsungs/ bdag cag rnams ni lha bzo mkhan te sku drung du chos zhur bcar ba lags zhus pas/ rten 'brel bzang/ ci
229a1 'dod pa'i chos kyang 'ong/dus kyi snyigs ma la 'gro don chen po 'ong bas dpal chen pa'i skur bzhengs pa yin/ khyod rnams kyis de bzhin du 'tshal zhes gsungs pas/ khong rnams kyang dang ba
229a2 shin tu ston par gyur nas dpal yang dag gi bum dbang sngon la bskur/de nas de bzhin gshegs pa'i gdung ring bsrel dang/ bram ze skye ba bdun pa'i sha/ dur khrod brgyad kyi sa rdo chu shing/ rin po che'i
229a3 rigs/rgya bod rig 'dzin gyis bsgrubs pa'i chos sman rnams bsres pa'i lde gu sta gon byas/ sku tshad ji tsam bgyi zhus pas/ thog dpangs dang bstun par gnang/ der 'bras bu'i he ru ka zhal gsum phyag drug
229a4 pa mtshar ba dang/rngams pa dang/ bzhad pa ci lta bu zhig byung yang/ bla mas zhal mthong ba ltar ma byung bas skyor cig gsungs/ lan mar po bskyar dgos pa byung/ res gcig na/ da nga dang 'dra ba gcig shes
229a5 sam gsungs/shes mchi zhus pas/ do nub gsol ba thob la/ sang nga la blta ru shog gsungs/ sang zur chung pa dang bcas lha bzo rnams kyis drung du phyin pas/ nye gnas don yod rdo rje la gtor tshogs
229a6 shoms gsungs/yang dag gi las gzhung bsrangs/ tshogs 'khor mdzad nas da ltos shig gsungs te lta stangs mdzad pa'i mod la he ru ka dngos su gyur nas/ dbu sprin dang na bun gyi mtshams na lhag ge pa/
229b1 zhabs g.yas 'ug pa lung gi he ru ka'i brag gdong dang/ g.yon btsad po pur khang gi ri rtser bzhag pa/ zhal gcig phyag gnyis/ mche ba gtsigs shing ljags 'dril ba/ rdo rje'i gshogs pas bar snang gang ba/
229b2 'jigs shing rngams pa gcig mthong ba dang/ lha bzo ba rnams zil ma bzod par dran med du brgyal/ brgyal sangs tsa na dgongs pa glod nas bla ma zhal 'dzum lhag ge 'dug/ da shes sam gsungs/ zhal
229b3 gcig phyag gnyis pa'i sku zhig gsal bar mthong/de nas gang yang dran pa med par song bas/ da bzhengs rgyu zhal gsum phyag drug pa gcig bstan par zhus pas/ de yang zab ste/ gdul bya'i dbang gis zhal
229b4 gcig phyag gnyis 'byon/zhes gsungs nas de ltar bzhengs pa'i tshe/ lte ba man chad snga ma mthong bas mtshon par nus la/ yan chad da dung skyor cig gsungs nas lan grags mang por bskyar dgos pa byung
229b5 bas/zhal nas khyed tsho sgrib pa ma dag pa yin/ 'jim pa legs par sbyor la 'dir zhog/ chu mig pha gi nga'i bdud rtsi ka pA la gang gtor ba las byung ba'i sgrub chu yin pas khrus gyis/ lha khang gi phyi la skor ba
229b6 lan bdun skor la shog/de bar du nang 'dir su yang ma 'ong/ ngas dpal chen po la gsol ba 'debs pa yin gsungs/ khong rnams de ltar byed pa'i ring la nang na 'phros dir dir 'dug khrus dang bskor
230a1 ba tshar nas nang du phyin tsa na/sku drung na su yang med/ bla ma dgongs pa la bzhugs/ 'jim pa rnams zad/ dpal chen po lte ba yan chod rang byon du shar 'dug pas/ bu slob dang lha bzo ba kun
230a2 ngo mtshar dpag tu med pa skyes/phyag 'tshal bzhin du bla ma rang gis 'di ltar mkhyen pa la/ kha sang nas mi mdzad pa/ bdag tshor tshod bgam pa lags mod zhus pas/ nga nyid lta bu'i gang zag la// nga nyid lta
230a3 bu'i rten cig 'byung/snyigs ma'i dus su 'gro ba 'dren// nad dang gdon gyi gnyen por 'gyur// sngar yang he ru ka nyid la brten nas he ru ka nyid byung ba yin la/ da yang he ru ka nyid la he ru ka nyid thim par
230a4 'gyur ro// zhes ma 'ongs pa'ang bstan no// sngon dus na byon pa'i grub pa'i slob dpon chen po 'di dag ni gsang ba bsrung ba la thugs shin tu sgam pas/ 'di ltar mi'i 'du tshogs mang po 'ong sar gsang sgrub
230a5 ltar bzhengs pa shin tu gnyan pas mi btub gsungs/khro mo brgyad po rgyud lugs ltar bzhengs shig gsungs nas bzhengs/ g.yas phyogs kyi gyang ris la sgyu 'phrul zhi ba/ g.yon phyogs la 'bar ba khro bo'i lha
230a6 tshogs/mdun du mdo yongs rdzogs/ steng du dkyil 'khor gsum dang/ sgo khang ngos la dpal mgon ma hA kA la drag po gshin rje ltar sgrub pa/ stag zhon mon pa sde brgyad dang bcas pa bris/ de nas rab tu
230b1 gnas pa'i dus la bab ste/chang ma su la 'chol/ sha gang nas 'tshol sogs rab ston gyi nye bsdogs bya ba na/ nye gnas na re/ bzo bo dang/ las byed/ mgron po'i skyong dar mangs pas dngos po phal cher zad/
230b2 da 'bul ba sgug pa dang yon bdag gi sar g.yar skyi'ang byed dgos pas rab gnas dal gyis gnang bar gsol bas/ zur chung pa na re/ rab gnas dus la byed/ chang gi nas btsal bas mi lang/ rdza mas
230b3 kyang mi khom/de bas chang ma klu la 'chol/ sha rnyed pa'ang dka'/ rnyed kyang rin mi 'khyongs/ sram pa bon grong pa'i glang la sha ru byed/ rtsam pa mi ma yin la 'degs bskul bas chog/ de ltar byas na mi ldang ba
230b4 gang yang med gsungs/der bla ma zur po ches/ nas khal stong gi chang las mi 'gro/ khyod rang nas bre drug tshos/ mi'i mdun na rab gnas kyi chang tshong mang po yod pa ltar gyis/ zur chung pas klu mo khug gcig
230b5 gsungs/de nas ya zad brag gdong gi brag la gnas pa'i klu bdud kyi sring mo de zur chung pas dgongs pa mdzad de bkugs pas sbrul phra mo gcig byung/ lta stangs mdzad pas/ bud med dkar mo gcig tu
230b6 song/der zur po ches/ nga'i lha khang rab gnas kyi chang ma byed dgos gsungs pas/ nged gtsang ma klu'i rigs grib la sdar/ skyur la 'dzem/ bla ma'i gzi byin yang mi bzod pas chang mgo mi thon/ nga'i ming po
231a1 la 'chol ba zhu/rkyen gang dgos 'bul zer/ der bla mas 'o na zur chung pa/ ming po 'gugs sam byin gyis brlab gsungs pas/ bdag gis 'gugs par 'tshal zer nas lta stangs mdzad pas/
231a2 sdig pa rA tsa rtsid bu tsam zhig byung/ ting nge 'dzin gyis gzir bas gzugs mngon sum du bstan byung/ der chang ma byed par bsgos pas/ bdag lha 'dre'i rigs su gtogs pas bya dga' dang sems 'dzin du
231a3 ma dgos/chang ma byed du mi khom yang/ bla ma'i bka' gcog par mi nus zer/ der khong gnyis kyi srog snying blangs/ dam la bzhag/ gnang nyin yong bas grabs mdzod/ nged klu'i rigs grib la sdar bas
231a4 gtsang zhing sdod sa btsan pa'i thabs zhu zer/der bla ma zur po ches/ ngas byin gyis brlabs kyis gsungs/ rdza ma them bu gsum pa spos chus bkrus/ bdud dang klu brten pa'i mthun rdzas kyang 'du byas/ nas
231a5 bre drug gi glu ma rnams blugs/kha nas dkar gtsang mas bkang/ der klu bdud ming sring gnyis bcug/ kha bla ma'i na bza' phod kas bcad/ phu rung nas chu blug tu rung bar byas/ rdo rje'i mdud rgya byas pas klu
231a6 phyogs phyogs kyi chang rnams kyi bcud bsdus te chang la 'dzad pa ma byung/der nye gnas kyis chang gis ldang mchi/ rtsam pa ji ltar byed zhus pas/ phan snod mang po g.yor cig gsungs der bla mas gtor ma
231b1 gcig mdzad/phad bu'i snod rnams su rtsam pa khyor ba re thob la zhog gsungs/ de ltar byas pas sang nyin snod thams cad rtsam pas khengs/ yang bla ma'i zhal nas grwa pa gcig sram pa bon grong pa'i sar dengs
231b2 la/nged la rab gnas byed pa'i chang gi sbang ma mang po shing nags la pho btab ba 'di 'phangs/ glang rnams sbang ma za bar thong gyis gsungs/ de bzhin byas pas glang mang po bskur byung/ bla ma'i gsung gi zur
231b3 chung pas sgrol lam/gso gsungs pas/ bdag bla ma'i bka' bzhin sgrub par zhu zhus pas/ zur po ches dgongs pa mdzad de thun re 'phangs pas/ glang thams cad nyal gyis shi lpags pa bshus/ rus pa ma
231b4 bcags/lhu tshigs ma bral bar gyis/ nang gi don snod rnams kyang rang sor zhog/ phyi sha rnams bregs shig gsungs pas/ nye gnas skrag ste/ 'di pa dpon slob sdig rgyal du 'dug/ glang la spang ma ster
231b5 gsungs nas thams cad bsad/da glang 'don mi byung na ji ltar byed snyam/ blo shin tu 'tshub pa'i ngang nas rab gnas kyi sha ston byas/ ston mo grub nas glang 'don mi byung/ nye gnas rtab rtab por gyur pa dang/
231b6 bla ma'i gsung gis khong tsho la'ang bza' ba byin/ zur chung pas glang bdag po la sprod cig gsungs/ der zur chung pas pags pa'i khud du rus pa rnams gril/ nang rol rnams kyang btsud/ na bza' bkab/ se
232a1 gol gcig gtogs pa'i mod la glang rnams 'dar phri li li langs byung/rgan mo gcig gis sha 'dral ba'i che rus rtsi hrad pa byung bas/ phyis glang de la rtsib gyol byung skad/ gsad gso'i rdzu
232a2 'phrul de lta bu mdzad pas/der tshogs tshad thams cad shin tu dad par gyur/ bla ma zur chen yang mnyes pa'i ngang nas dpal chen po la gzigs te/ 'gro ba'i don chen po mdzad 'tshal gsungs pas/ sku gar
232a3 dgu'i rnam par rol zhing/he he/ smos ci 'tshal/ gsungs pas dang po rngams zhal du yod pa la/ de nas bzhad zhal ru gyur pa yin no// da nged rang rnams yang dag gi lo sgrub byed pa yin gsungs pas/ nye
232a4 gnas na re cha rkyen gyis mi ldang zer/zur chung pas/ chang mi ldang na klu bdun sgor bas chog/ sha dang rtsam pa yang bag tsam mchis/ rnal 'byor dam tshig ma nyams na/ 'tsho ba snang srid lha 'dres sbyor/ gzhi
232a5 bdag gi 'bul ba'ang 'ongs pas lo sgrub mdzad pa dga' zer/der rnal 'byor pho mo brgya tsam tshogs/ sgrub pa po rnams la'ang chang ka pA la re dang/ zan bya ngang mo'i sgo nga tsam re/ sha dam tshig gi bza' ba
232a6 tsam drongs shig gsungs te lo sgrub mdzad/der bla ma'i zhal nas khyed rtse mo bzhi dgongs pa 'gran pa yin gsungs pas/ thams cad kyis mnyam par bzhag pa na/ gsum po la g.yo 'gul med pa'i dgongs
232b1 pa ri bo lta bu rkyen gyis dprog mi nus pa byung/zur chung pa ris med mnyam pa chen po'i gnas la byon pas lta ba mtho ba mtshon phyir shing rta gang tsam 'phags nas gda' skad/ yang bla ma'i zhal nas/ da zur chung
232b2 ba'i ru lu'i bzlas pa la phyi nas nyon cig gsungs/rnal 'byor ma gcig gis phyi nas nyan pas/ sngar bas chung du ma song/ ri zur gcig 'das nas nyan pas kyang chung du ma song bas/ der bla ma'i gsung gis/
232b3 khyed rnams mched grogs mnyam por yin kyang/ zur chung pa'i grib ma la'ang 'gom du mi rung gsungs nas gzengs bstod do// de nas sgrub pa thon pa dang/ dpon slob rnams grogs po'i sum mdor byon/ bla
232b4 ma thugs nyams 'ur nas brag rdo rje'i gtan pa bya ba'i steng du ru lu'i bro brdung mdzad pas/zhabs kyi long bu man chod 'dam la brgyab pa bzhin song/ zur chung pas nga'i bla ma sangs rgyas dngos su 'dug pas
232b5 zhabs spyi bor len pa yin zer zhabs rjes la dbu gtugs pas thor tshugs snyan cha dang bcas pa'i rjes lham mer byung/der bzang sgom sher rgyal na re/ bla ma khu dbon gnyis kyi grub rtags khyad du 'phags/
232b6 'di la mi phyugs kyi rdog bzhag na bsod nams ma yin par 'gyur nye zer nas/ lag sor lnga gyad stobs po che lngar sprul nas brag rdo rje'i gtan pa gyen du bslangs nas bzhag/ yang zhag 'gos chung pa dang/
233a1 mi nyags khyung grags gnyis kyis/ 'di bsten pa nged la bab zer nas/ gyad stobs po che mang pos bsgul bar yang mi nus pa'i pha wang re blangs nas g.yas g.yon nas bsten te/ rtsa ba brtan
233a2 par byas pa da lta mngon sum na yod do// de nas 'ug pa lung du 'bras bu'i dpal chen po bzhengs par bzhed nas/ slob ma thams cad kyang phar dengs shig gsungs pas/ zur chung pa bla ma'i phyag phyi snyogs
233a3 par 'ong gi zer nam mkha' la 'phur nas brag rgya bor gshegs/grwa pa rnams ko ba brgyud nas song/ klu bdud ming sring gnyis na re/ bdag cag ko ba la mi grib can dang 'grogs par mi rung bas/ rab la
233a4 khrid par zhu mtshal zhes zhus pas/bla mas de bzhin rung gsungs/ der nye gnas la rdza ma bskur bas ljid bya sgro las yang pa byung/ chu khar phebs pa dang nye gnas la khyod rang nga la 'jus/ the tshom med par
233a5 shog gsungs pas/kho'i sems las su ma rungs nas chu la skyur ba min nam sems/ de mkhyen nas/ da khyod nga'i phyin mi thar ba 'dug/ ko ba skor la shog/ ngas sngon la 'gro yi gsungs bla ma zhabs chu la mi
233a6 reg par gshegs so// nye gnas kyis ko bar phyin pas ko ba pha rir thal/ der sgug yun ring ba dang kha skoms nas chang btsags/ yog tshad 'thungs pas rnam rtog la/ chang btsos nas lo gcig dang zla ba bzhi
233b1 song/'di tsam yong ba bla mas rdza ma'i nang du ci bcug pa yin snyam nas rdza ma'i rgya bshigs pas/ sprul dkar nag gnya' shing tsam pa gnyis mdud pa shig ge grol nas nam mkha' la gdengs/ shul du sdig
233b2 sbal lcong mo la sogs pa 'dug pa dag kyang tshag sgra 'ur sgra dang bcas nam mkha' la song ma thag sbang ma sngo hrul le sings po skyur sing nge song/der sbang ma rnams pho/ rdza ma khur phyin pas chu thon pa dang rdza ma'ang
233b3 chag/der bla ma'i bka' las rten 'brel 'chugs/ 'og gdong gi klu bdud ming sring gnyis phyir ma thon na/ 'ug pa lung du dgon pa bod tsam na che ba chags/ sram pa sgrub khang yang dar rgyas che la sa mi gnyan
233b4 pa zhig 'ongs te/da rdza ma chu lhor thon par gnas gzhi dang/ sde dgon 'ga' zhig chags par 'gyur zhes gsungs/ klu bdud ming sring sram pa sgrub khang gi bka' bsrung la bskos/ rten 'brel des 'bras bu'i
233b5 dpal chen po yang ma grub po// de nas bshad grwa dang sgom grwa phyag rgya chen po byung/ de'i tshe nya ri na ma ma g.yung drung bkra shis bza' mi gnyis bu tsha med la nor gyis 'byor pa yod pa/ chos 'khor bya bar 'dod
233b6 nas yul mi dang nye du kun bsags te slob dpon gang bzang dris pas/la la sngags pa/ la la btsun pa/ la la bon po zer kha ma 'chams pas khyed rang gang mos la gyis shig pa'i gros btags/ mo na re/
234a1 nga'i yo byad kyis ldang pas gsum ka la byad zer/ der sngags pa 'ug pa lung pa/ bon po la ke rtse pa/ btsun pa chu mig ring mo pa rnams gdan drangs so// mchog gnas gsum po 'dus nas lha
234a2 khang sdebs su rtsigs pa'i gros byas pas lha'i gtso bo la ma mthun/sngags pas rdo rje sems dpa' la byed zer/ btsun pas shAkya thub pa la byed zer/ bon pos gshen rab mi bo la byed zer/ lha khang so sor
234a3 rtsigs su chad/lha rje 'ug pa lung pas sgro phug pas dma' ba gcig tu bon po dang bsdebs nas brtsigs pas/ bon bo na re/ da gdod lha bzhengs pa'i tshe yang/ khyed kyi lhas gtso bo byas na nga'i lhas 'khor
234a4 byed/nga'i lhas gtso bo byas nas khyed kyi lhas 'khor du byed dgos zer bas de gnyis gang yang legs pa gcig mi 'ong bar 'dug dgongs nas lha khang de bon po la byin/ sgro ston pas sgro phug ces bya ba'i
234a5 gnas phul te der lha khang brtsigs so// de'i tshe yon bdag gnyen sde gsum na re/ lha khang la rgya phibs sus khel pa la me tog sdud zer ba la/ sngags pa dang bon bos khel/ btsun pas ma khel lo// der
234a6 sngags bon gnyis lo re mos su sdud pas/btsun pa na re/ bdag cag la'ang slong re zhu zer/ lo gcig byin pas/ de phyin chad lo gsum ka lo res sdud du song/ sgro phug gi gtsug lag khang der dus gsum
234b1 sangs rgyas kyis gtso byas pa'i lha khang che chung brgyad/khyams stod ka ba nyi shu dang/ khyams smad ka ba drug cu'i sa yod/ gnas 'dir chos grwa chen po tshugs/ de yang thag gi rgya por yang dag gi sgrub pa'i skabs
234b2 yin par yang grags shing rgyal ba zur po che la sku bsod shin tu rgyas pa'i skabs shig na/'brog mi lo tswa ba pan+Di ta rdzongs pa'i gser ma ldang nas khyed kyis gser mang po khyer shog/ ngas gdams pa zab mo
234b3 sbyin no zer/'di ltar skyes bu chen po rnams ni gzhan la phan 'dogs pa'i dam bca'i rtsa ba brtan cing/ sdong po bkod pa las/ rigs kyi bu khyed kyis dge ba'i rtsa ba gcig la chags par ma byed cig/ chos kyi
234b4 sgo gcig dang spyod pa gcig yongs su rdzogs pas chog par ma 'dzin cig/de ci'i phyir zhe na/ rigs kyi bu byang chub sems dpa' ni dge ba'i rtsa ba tshad med pa yongs su bsdu bar bya dgos so// zhes pas byang
234b5 chub sems dpa'i bsdu ba'i dngos po bzhi'i spyod pa ma tshang ba med pa rang gir bya ba'i slad du/karma pak+Shis mtshur phu'i gtsug lag khang gi rgya phebs 'dams cog rtse la nas mthong ba tsam gyis srid du bgam par
234b6 mdzad pa bzhin/rgyal ba zur po ches dgongs pa can gyi slad du/ sgro phug gi lha ri gdong dang/ thag gi yang gdong gnyis sbubs su bcug pa'i gser 'bum re byed/ de gnyis kyi bar lcags thag gi sbrel lo
235a1 gsungs pa dang/gra pa rnams na re/ 'o na bdag cag gis kyang mthud du zangs sder re dang/ dril bu re dang/ lcags thag re 'bul lo zhes dam bcas/ de'i g.yer chen po byung nas gzhi bdag
235a2 gnyis kyang blo 'drogs par gyur te/gser ra'i mchin pa tsam zhig zhu rten du phul nas gser 'bum mi mdzad pa'i zhu ba byas/ gser gyi gter kha phul nas srog chags kyi gzugs ma byung bar longs zhes zer/
235a3 khung bu gcig nas gser shin tu mang por byung ba'i mthar gser spal pa 'dra ba zhig byung ba dang 'phro bcad/ mu gu lung du lo tsA ba la gser srang brgya'i mthud byas/ ston gyi dus su ber thog tu tsher ma khur ba
235a4 sogs gus pa'i spyod lam kyang mdzad/rgyud gsum cha lag dang/ gur la shin tu mkhas par byang chub mod kyi/ bla ma chen po'i bka' drin gyis/ a po'i sems phyogs nor du thal/ zhes gsar 'gyur gyi chos la
235a5 ro myangs pas/slar yang rang gi sems phyogs yid bzhin rin chen lta bu'i nor du thal zhes nges shes lhag par skyes pa'i gsung byon to// lar phag mo grub pas lam 'bras gsan pa'i phyir dwags po snying pa
235a6 rin po che la thugs pa nad bur byed pa dang/gangs ri'i khrod tsam na dkon pa'i dge slong rdo rje 'dzin pa grub thob rnal 'byor gyi dbang po lha rje zur po che rang srid kyi phyogs la mtho snyam pa'i kun slong gi gdon
235b1 chen pos/bde gshegs rgya bo pa/ 'brom ston rgyal ba'i 'byung gnas/ bla ma zhang rin po che/ ston pa byad 'bar rnams sde snod gsum gyi dgrar blta ba'i cho nge 'don pa ni rang nyid kyi mgo na chab 'tshal ba'i spyi
235b2 brtol chen po'o// de ltar sgro phug gi gtsang khang 'byongs tsam pa drug cu re gcig pa'i tshe lam lnga'i yon tan mthar phyin nas lhun grub rig 'dzin gyi sa la gnas pa'i skyes bu chen po sprul pa'i skur rtsod pa med pa
235b3 de ni rags lus dwangs mar gnas 'gyur ba'i dgongs pa gtad de/brag rgya bo nas zur chung pa bos shig gsungs/ byon pa dang nga'i gang nas 'di zur chung pa la gtod pa yin// slob ma'i tshogs la chos
235b4 kyis phan 'dogs dgos pa blo dang 'tshams par sbyor/ngas skyong ba bzhin du skyongs/ slob ma rnams kyis kyang zur chung pa 'di dpal chen po'i sku gsung thugs kyi dngos grub thob pa yin pas nga bas 'di
235b5 lhag/ci mdzad legs par ltos/ gsung ma bcag/ sku'i grib ma dang zhabs rjes na bza' tsam la'ang ma 'gong/ ngas skyong bzhin skyong bar yod pas mos gus phun sum tshogs pa gyis shig gsungs/ de nas
235b6 sram pa sgrub khang du gshegs/lan gcig nye gnas la da nang tsha ba snga se gyis gsungs/ der nyi ma shar ba dang sku mdun du phyin pas/ bla ma gzims mal na sku tshags mdzad cing 'dug/ da lta nas sku tshags
236a1 mdzad pa gar gshegs pa yin zhus pas/nga ni bde chen zhing du 'gro// dpal chen nga dang dbyer med pas// yi dam lha la gsol ba thob// ces gsungs nas rdo rje dril bu 'khrol le'i ngang la sku
236a2 'od kyi rang bzhin du gyur te/dpal chen po'i thugs kar thim mo/ de'i dus su khams pa'i 'bul skyel yong ba dang 'grigs pas/ lam du bla ma dang mjal/ khams pa'i snang ba byin gyis brlabs nas sprul
236a3 pa'i gzhal yas khang du 'bul ba'ang bzhes/bsngo ba mdzad/ slar khams pa nyid log pa las sad pa bzhin du ci yang mi gda' bas/ the tshom gyi ngang nas phyin tsa na lam du bla ma dpal che po'i thugs kar thim
236a4 mo zhes thos so// de lta bu'i dpal chen po 'di byin rlabs shin tu che bas slan chad kyang sku gnyer la rgya ston shAka ye la bsu ba gyis zhes gsung byon/ bsu ba byas tsa na/ rgya ston de ba dkar mo zhig la
236a5 chibs/spyang zhwa zhig gsol nas byung/ dpal chen po'i sku mdun du 'od dkar po gcig tu gyur te/ g.yon skor lan gsum byas nas sku la dngos su thim pa dkon gnyer mdze don ldan zhes bya bas mngon sum
236a6 par mthong/de bzhin du mtshan ldan zur mo 'od 'bum bya ba'ang sku la thim par grags so/ rtse mo bzhi'i nang nas kyang glang po'i nang na khyu mchog lta bu bde gshegs rgyal po pa'am/ zur chung shes rab grags pa
236b1 ni/sngags 'chang 'ug pa lung pa'i gdung gi phyi mo yin te/ de la yab lpag pa sgom chen res dga' ldom bu'i tshul du'ang yod pa'i bur g.yas ru gtsang gi sa'i char ma jo shes rab skyid la ngo mtshar ba'i ltas khyad
236b2 par ba dang bcas pas btsas/lo bdun par 'bri klog dang/ dgu la zhi khro'i phrin las gyer shes pa byung/ bcu gsum lon pa'i skabs gcig na gzims mal na phyag dpe gzigs shing yod tsa na/ jo mo zhig
236b3 yod pa rgyugs byung ste zhing la shwa log shor 'dug go/khyod nyal bas chog gam zer ba la/ smad gos gsar pa zhig yod pa gyon/ rung chu brgal nas khyem gyi chu bkag gyin yod tsa na/ mo na re ngas dka' las
236b4 byas pa'i gos brjes kyang mi byed par chud 'dza' zhes rgol du byung/kho bo mi 'phangs par gos 'phangs na de na yod ces bskyur bas/ mo khros te nga la brnyas pa yin zer nas rang yul du bros/ zur chung pa
236b5 'khor ba la skyo ba skye drag nas gdung khungs nas zhus lud pa de khyer rjes la skad btang pas/mo yar shog ces 'bod du re nas tshom mar bsdad pa la zhud gtad de/ pho nor pho mo nor mo bya ba yin pas zhud khyer
236b6 cig smras pas/mo yi chad nas yul du song/ der zur chung pas pha la gros ma dris/ ma la rgyags ma blangs/ grogs kyi ngo la ma bltas par sbyang slog zhig yod pa khyer nas zur po che la gtad de byon pas/ lam
237a1 du rta nag gi 'brog pa g.yu dang zangs khyer ba gnyis dang/shangs pa khrag khyer ba rnams sdebs su byung ste byon/ der zur chung par sbyang slog pa las 'bul rgyu med/ gzhan gsum pos phyag rten
237a2 phul bas/bla ma'i zhal nas/ khong rnams 'khor ba la blo log ma log blta bas spang zan dang/ lo thug re drongs gsungs pas/ 'brog pa gnyis po zar ma 'dod/ shangs pas cung zad zos/ zur chung pas lhag
237a3 med zos pas/bla ma'i zhal nas sbyang slog dang khrab gnyis zhog/ g.yu dang zangs bdag po la gtod gsungs pas/ 'brog pa ma dga' ste phyag rten slog pa 'u cag la chos mi slob pa'i rtags yin zer nas
237a4 song/rten 'brel de las zur ba'i chos la gshe ba de byung/ der zur chung pa la khyod kyi rus pa ci yin gsungs pas/ bla ma dang rus gcig par brjod na 'gran par song dogs nas/ zur chung chung zhig lags
237a5 byas pas bla dwags su de ltar thogs/de las can du mkhyen nas slon gnyer byed du bcug pas blo gros kyi spobs pa mchog tu gyur pa zhig byung/ dang po shin tu dbul bas bla mas gtor ma btang ba dag blangs
237a6 nas zan chang bya bzhin gsol ba na/gra pa gzhan tshos/ khong chang gi kha skyur dri chil le sdod/ chang bla ma la'ang mi 'dren/ mched grogs la'ang mi ster zhus pas/ bla mas/ de ring zur chung pa shing thus shog
237b1 gsungs/shul du zur chung pa'i sbyil bu g.yeng du bcug pas/ bem po zhig gi 'o na ban chang ka pA la gang las gzhan ci yang med skad/ de bla mas zur chung pa 'tsho ba chad na rang re'i zab la shog gsungs pas/
237b2 nga bla ma'i dkor la 'bag ri zer dka' spyad 'ba' zhig khur bzod par mdzad/ nyin gcig bla mas bse phor phul dgu shong ba zhig bsnams nas khyod la skom ster rgyu e yod gsungs/ zan chang zhus pas snod
237b3 do gsol/da dung khyer shog gsungs nas gsol/ da e 'dug gsungs pas bre gang tsam gda' zhus pas/ da mi yog par 'dug/ yog na khyod la gsod nams bod tsam na che ba 'ong ste/ 'on kyang nga la bsnyen
237b4 bkur gyi rten 'brel las bsod nams chen po 'ong gsungs// der nas khal gsum gnang nas 'di zad pa dang yo byad mi 'thogs pa yong gsungs/ der zur chung pas thos pa dang/ bsam pa dang/ sgom pa'i
237b5 gnas gang yin pa la phrugs gcig tu nyin dang mtshan med par brtson pa bskyed pas/sprul pa'i sku yin pas mkhyen rab kyi klong rdol/ nyams rtogs bsam gyis mi khyab pa 'khrungs kyang dpe cha tsam 'dri ba'i yo
237b6 byad kyang rngom thogs par yod tsa na/lha rje zur po che la pan gyi khang sngon bya ba na jo mo g.yu mo bya ba'i sgom ma phyug mo ma smad gnyis yod pas/ khyod rang 'di'i steng du sdod gsungs/ nga khyim thab mi byed zhus
238a1 pas/'du shes ma chung/ ston pas gnang ba dang bkag pa'i mtshams ngas shes/ khong gnyis kyi yo byad la spyad nas dbang zhus/ dpe bris/ chos thams cad lhag ma ma lus par nyan pas chog pa
238a2 yin/des khong gnyis kyang tshogs rdzogs/ khyod rang gi don yang grub pa de dga' mod gsungs/ der gsungs bzhin nyan pas 'dod pa thams cad rdzogs pa dang/ yang gsung gis/ da khyod der ma sdod/ dpe
238a3 cha la sogs pa mchod pa'i yo byad rim gyis skyol la nga'i 'dir shog gsungs/de ltar byas pas cang mchi 'am/ khong gnyis kyang drin che zhus pas/ blo ma chung/ khyod kyis 'gro ba'i don nus pa zhig 'ong bar
238a4 'dug/snyigs ma'i dus 'dir sangs rgyas kyi bstan pa dar bar byas nas 'gro ba mang po'i don byed dgos pa yin/ khong gnyis kyi drin las du'ang de che/ 'di la gab pas rang don gzhan don gang yang mi
238a5 'grub gsungs/der ji skad gsungs pa bzhin nyan pas bla ma'i dgongs pa ji bzhin du longs/ skabs shig na lha rje bzhugs pa'i sgo rtsa na mchod rten gcig yod pa la zur chung pa skor ba byed kyin 'dug pa
238a6 gzigs/zhabs sa la mi reg par khru gang tsam nas sga ra ra gda'/ bla ma'i thugs la 'di sprul pa'i sku gcig yin nyan 'dug pas ngo mtshar che snyam du dgongs shing dgyes so// de bzhin du zur chung pa phyogs
238b1 ga shed na 'byon bzhud kyi lung stong bye ma'i gseb tu tshad pas shin tu gdungs ba la zhal skyems 'dren par byung ba dang/ri stong gi rtse mo la sgom du gshegs pas sku bkres pa la zhal zas 'dren pa sogs gang
238b2 'dod pa'i thugs dgongs 'bad med 'grub pa byung bas/da ni ngas 'gro ba'i don byas kyang 'grub dgongs pa'i tshe/ bla ma'i zhal nas kyang/ da khyod kyis bshad pa gyis gsungs/ der mdo dgongs 'dus
238b3 gsungs pas dus gcig la dpe 'grems sum brgya byung/de'i tshe zur chung pa la bla mas bsngags pa chen po mdzad pas/ bla mas dpon po'i dbu 'phang bstod ces cung zad mi gus pa'i rnam pa byed pa byung/ bla
238b4 ma la skur ba byas na bsod nams ma yin pa chen por mkhyen nas/nam zhig e dmar rdo rje spo zhes bya ba dpon slob thams cad chos 'khor la byon tsa na/ srang kha gcig na khyi mo ma smad ro smad la 'bu zhugs pa
238b5 zhig 'dug/bla ma zur chen gyis reg pa tsam mdzad/ zur chung pas khyi mo ma smad bsad// 'bu zhal du gsol bas/ gzhan rnams na re/ zur chung pa zer ba'i smyo spyod mkhan 'di 'dra'i chad nyan du bskos/ 'o
238b6 skol la sbyin bdag rnams kyang mos pa ldog gda' zer/bla ma'i zhal nas khyi rnams ngan song du 'gro ba ngas kyang shes te sgrol ma nus pa yin/ khong gis bsgral ba ngo mtshar che gsungs/ der zur chung pas lta
239a1 stangs gcig mdzad pas/khyi ro rnams mchod pa'i lha mor gyur/ 'bu rnams skyugs pas nam mkha' la co dir dir song/ der zur chen pas/ da khyed rnams ngo mtshar skyes sam gsungs pas/ mig
239a2 'phrul du gda' zer/der shangs chu rgyas pa dang thug pas zur chen gyis chu pha rir ka pA la rdzu 'phrul gyis bskyur nas/ 'di sus lon la nga'i bshad gra 'bog pa yin gsungs pas/ rtse mo gzhan gsum pos
239a3 kyang len ma nus/zur chung pas zhabs chu la ma reg par byon nas blangs so// yang rlung gi nus pa 'gran par bskul bas/ rtse mo bzhi la sogs pa'i ston sgom gzhan rnams kyis kyang zhabs sa la ma reg par
239a4 'gro nus par byung yang/zur chung pas ta la gang tsam gyi nam mkha' la 'phangs te sram pa sgrub khang du sngon la brtol bas rtse mo gzhan gsum yang nges shes rnyed/ bla mas ci gsung gyi bka' bsgrubs pas
239a5 zhabs tog kyang mthar phyin to// re zhig na zur chung pa la gnas kyi lung bstan rim pa gsum du byung ste stong nyid rtogs pa'i rnal 'byor pa de la ched du 'dzin pa ma yin pas 'khrul snang gi sde tshan du dor med/
239a6 mthar rus pa'i rgyan gyis spras pa'i bu mo lo bcu drug pa DA ma ru dang gar stabs sgyur ba lnga byung nas ming po khyod ri bo dgu 'dus la bsgoms na don gnyis grub bo zer zhing brag rgya bo la mdzub mo gtad pas/
239b1 ri bo dgu 'dus/ chu mig dgu 'dus/ ne sing dgu 'dus pas theg pa rim pa dgu rdzogs pa'i rtags su mkhyen/ brag rgya bo de bcom ldan 'das dpal chen po la gau rI ma brgyad kyis bskor ba 'dra ba yin pas
239b2 'di la sgrub pa byas na sgrub thag nye la byin rlab che/lar 'khor ba sdug bsngal gyi rang bzhin yin pas 'jig rten gyi 'khri ba chod dgos/ phyi ma'i don sgrub pa la 'du 'dzi dang khe drag gis mi phan/ ma'i ngo bsrung
239b3 ba 'di 'phral du bya dka' la phugs snying po med pa yin pas nga gcig pur sgom pa yin gsungs nas grwa pa rnams go ma chod mi gsum la gtad nas/chos 'chad nyan kyi bstan pa khyed rnams kyis skyongs shig
239b4 ces brag rgya bo la gshegs so// de byon nas sgrub pa kho na la bzhugs pas gzhi bdag gi lhongs cho 'phrul shin tu che bar byung ste/ 'di ltar grub pa'i khyu mchog chen po dag ni rmi lam dang mngon sum rdzun pa'i
239b5 ngang du ro gcig pas nub gcig mnal lam du/brag rgya bo'i rtser mi nag po gcig byung nas zhabs gnyis nas bsdus te klad la bskor te bskyur byung bas/ thag gi mdo'i thang chen po gcig tu brdabs pa rmis/
239b6 sang tsa na thang dkyil na dngos su 'dug pas yang 'dzeg dgos pa byung ste cho 'phrul chen po la ma 'dzengs par bzhugs/ yang sdig pa rtsid bu tsam gyis sgrub khang khengs pas rgyu 'bras la zlo ba'i rtogs pa mngon du
240a1 gyur nas/sdig pa'i rwa gnyis nas 'jus te phyed mar gshag pa dang chabs gcig/ sdig pa mi dge so sor bshags// zhes don la mi rton tshig la rton pa'i ku re mdzad de bskyur bas thams cad
240a2 rnam par snang mdzad du gyur nas nam mkha' la dengs/yang lan cig grog mo'i dmag drangs byung bas/ nye gnas la tsong ge khyer shog gsungs tsong ges brdungs pas/ nye gnas na re sdig pa la dgongs mdzod
240a3 ces zhe khrel brdas pas/khyod de la mi dad na 'di ltar bya yis gsungs nas grog mo zhal du btab gin phu mdzad pas/ thams cad rdo rje sems dpar krong krong gyur te nam mkha' la song bas nye gnas shin tu
240a4 dad/gsad gso'i rdzu 'phrul bsam gyis mi khyab pas gzhi bdag ming sring gsum dam la btags te dngos su gzugs bstan nas zhabs spyi bor blangs/ brag la phur pa btab pa'i gru chu da lta'ang yod/ der
240a5 gsang ba sgyu 'phrul las byung ba'i phyag rgya bsam gtan gyi sgrub pa mdzad pas/rdo rje sems dpa'i zhal gzigs/ thag gi lung pa rdo rje sems dpa' khengs pa byung/ snang ba zad sar kyi skye mched brnyes pas sku
240a6 me dang/chu dang/ rlung dang/ sa tshub tu 'gro ba dang/ cir snang thams cad rdo rje sems dpa'i rang bzhin du bkra lam lam gsal ba byung ste bzang rtog gi mthu brtas pa yin/ yang dag par gtad pa med snyam du
240b1 dgongs/der snang sems chos nyid gsum ro gcig tu 'dres nas dgongs pa zad pa'i sa la skyel te sa rdo ri brag thams cad la thogs pa med pa dang/ nam mkha' la bya lta bur 'gro ba sogs 'byung ba lnga la
240b2 rang dbang thob pa byung/da zla ba gcig na slob ma snod ldan zhig 'ong gsungs/ re zhig na mtshan nyid pa'i dge bshes sba dge mthong bya ba thag tu chos 'khor la byung/ khong gis gra pa blo rno ba gcig zur chung la
240b3 rtsod pa byed du btang bas/khos ka ba la mdzub mo gtad nas ka ba chos can/ khyod 'jig rten rang rgyud pa'i 'khrul ngor ka ba rang rgyud du snang yang/ nga rdzogs pa chen po rang snang ris med kyi don la ka ba grub
240b4 pa mi gda' gsungs nas/phyag yug yug mdzad pas ka ba la chags thogs med par song/ kho ngo mtshar skyes nas smra ma nus/ dad pa lhag par thob nas slob mar byas pa ma thog byad 'bar ro// 'di rdo'i ka ba
240b5 yin/chag dum da lta'ang yod zer ba dngos por zhen pa dag gi 'dod pa min na rung ngo// de la slob ma ka ba bzhi/ gdung ma brgyad/ phyam bcu drug/ dral ma sum cu rtsa gnyis/ sgom chen mi gnyis/ yus po che mi
240b6 gcig/dkyus pa gnyis/ sta gu ra mi gnyis/ go ma chod gsum la sogs pa mang du byon te/ ka ba bzhi po ni/ dang po dge bshes khyung po grags se'i gra ba mtshan nyid pa chen po blo gros shin tu rno ba yin/ bde
241a1 gshegs rgya bo pa dang/dge bshes khyung po gnyis nyang rur yon bdag gcig gis gdan drangs te 'dzom pa'i dus/ khyung pos khong bzhi po btang nas/ zur chung pa bya ba'i chos log mkhan 'di
241a2 sun dbyung la shog/ces bsgos pas bzhi pos lha rje'i spyan sngar phyin tsa na/ zur chung pa thul pa phyi nang ldog nas bzhes te 'dug/ der gcig gis/ lpags pa phyi nang slog pa'i gos 'di gang gi chos lugs yin
241a3 zer/lpags pa dang po nas 'di ltar yod pas phyi nang ma ldog/ phyi nang 'dzol ba khyed rang gi chos yin mod gsungs/ gcig gis 'o na chos gtam bya'o smras pas/ chos kyi ngo bo brjod med mtha' bral la chos
241a4 gtam ga na yod gsungs/der skyo ston gyis dris pa/ 'o na khyed rdzogs pa chen po pa'i lugs kyis sgom la gtso bor byed pa lags sam byas pas/ nga dmigs pa gang la gtad 'dug gsungs/ 'o na mi bsgom
241a5 pa lags sam byas pas/nga gang la yengs 'dug gsungs pas spobs pa lan med du song/ yang glan ston shAka bzang gis dris pa/ khyod gsang ba sgyu 'phrul pa'i lugs kyi snang ba thams cad lha dang lha mor
241a6 'dod pa lags sam byas pas/yul bem po rang rgyud du snang ba'i mngon sum gyi tshad ma sus 'gegs gsungs/ 'o na mi 'dod pa e yin byas pas/ sems can gyi ma dag pa'i 'khrul snang rang rgyud pa skyong
241b1 phyir mdo rgyud kyi dgongs pa dang 'gal bar sus nus gsungs pas/khong bzhi'i brgal brtag gi rig pa rnon po'i tshig gi tshogs/ don gyi mthu che ba'i lan sgra gcan gyi lag pa lta bus rnam par bkab cing/
241b2 snying rje chen po'i gzhan dbang gi sdar mos brdzis pas/ 'di ltar las 'phro sad pa'i gang zag ni slob dpon dpa' bo 'phags pa lha'i gdul zhing du gyur pa lta bu ste/ 'di skad du/ kye ma theg pa chen po'i don
241b3 phyin ci ma log par rtogs pa/rigs pa dang grol ba'i spobs pa dang ldan pa 'di lta bu'i bshes gnyen ni rnyed par dka'o// 'on kyang da lta dngos su phyin na slob dpon mi dgyes su 'ongs pas/ sang phod thabs
241b4 kyis rtog ge ngan pa'i slob dpon dang dbral bar byas la/rnal 'byor gyi dbang phyug srid pa'i dra ba gcod pa'i mtshon cha rnon po'i dpal dang 'grogs par bgyi ba la gdon mi za ba'i dam bca' lhur len to
241b5 zhes mna' thos bcad nas dengs so// de ltar dengs pa'ang me tog zas can pad+ma'i tshal la bya ba bzhin du sang phod las 'phro dang smon lam bzang po'i gshog pa skyang ste bde gshegs rgya bo pa'i chos grwa ma la
241b6 ya'i nags klu chen por lhag pa las ka ba bzhi byung ba yin no// der khong bzhi pos khyung po'i drung du phyin tsa na/ khyed tshos zur chung pa sun phyung ngam zer/ sun phyin pa mi gda' byas pas/ phrag dog gi 'thor rlung
242a1 drag pos yid rnal du mi phebs pa tsam du gyur nas zur chung ba 'dra ba'i lta ba ngan pa can skye bo thams cad log pa'i lam du 'khrid pa 'di bsad na sangs rgya nges zer ro// de zur pa'i grwa pa dag
242a2 gis thos nas snyan du gsol pas/rgyud rang bzhin gyis grol ba'i byang chub sems dpa' la khong khro ba'i rnam par rtog pa med pas cang mi gsungs pas lan btab/ nang par chos khri'i kha nas bzhad kyin
242a3 'dug/bla ma ci la dgyes zhus pas/ chos bya ba nga'i theg pa chen po gsang sngags 'di yin par 'dug/ sgrol pa la brten nas sangs rgyas bar 'dod pa 'di gsang sngags kyi lugs yin/ mtshan nyid pa la med
242a4 snyam tsa na/zur chung ba lta bu bsad na sangs rgya gsungs nas khyung po grags se lta bu'i mtshan nyid pa chen po yang blo phugs nga'i chos la gtod pa 'dug pas nga dga' ba gcig byung gsungs skad/ de la sems
242a5 phyogs kyi ka ba gung bu'i skyon ston shAka ye/mdo'i ka ba sbyong lung gi yang kheng bla ma/ sgyu 'phrul gyi ka ba chu bar gyi glan shAkya bzang po/ phrin sgrub kyi ka ba nag mo ri'i mda' tig jo shAka go/ yang ma thog byang
242a6 'bar dang rgyud pa lnga zhes kyang grags/gdung brgyad ni ma thog pa skyo ston chos seng/ glan shAkya byang chub/ rtsag shAka rings/ gnubs ston bag ma/ dbus pa sa 'thor/ shu ston zla grags/ rtse phron byang dpal
242b1 dang brgyad do// yang nga la gzi chen/ na la rnga snying po/ ram ston rgyal ba gsum drangs pa'ang yod/ sgom chen mi gnyis ni/ 'ba' sgom dig ma dang/ bon sgom do ba'o// yus po che ni la stod kyi zi ston bsod
242b2 rgyal lo// sta gu ra mi gnyis ni/ zhang ston sngags se dang/ khyung po grags se'o// phyam dral la sogs te dkyus ma'i ming smos ma 'tshal lo// go ma chod mi gsum ni/ mgo phya tsha/ mig chung dbang seng/ mgo chung
242b3 dbang nge gsum mo// de bla ma zur chung pa brag rgya bor lo nyi shu rtsa bzhi sgrub pa thun gcig la bzhugs nas 'ja' lus su gshegs pa'i dgongs pa gtad yod pa la sku mtshams thon dgos pa'i rkyen gnyis
242b4 byung bas/lo ril po bcu gsum dang ngo gcig ste bcu bzhi bzhugs/ 'di'i skabs shig na nye gnas kyis kyang sku la bcar du med pa'i rgyun ring bar bzhugs/ re zhig na dud pa dang ldab ldib tsam yang ma byung/
242b5 sku la snyun pa mi mnga' 'am snyam nas nye gnas kyis bltar phyin tsa na/ zhal dang shangs la sdom thag breng nge 'dug/ bla ma grongs snyam nas ngu shor bas dgongs pa grol/ bla ma'i zhal nas nga de kha'i ngang la bzhag
242b6 na mgo la thod pa mi 'gel ba gcig yong ba yin te/da skye ba gcig len par 'dug gsungs/ de sa skya lo chen yin zer/ 'di ni chos nyid cig car du zad nas phung po rdul phran du ma dengs tsam pa'i lam
243a1 rtags su snang/yang nang gcig/ tsha ba'i sta gon gyis shig/ da res lo ma'i tshod ma bya'o gsungs/ nye gnas kyis chu ma khol ba la bla mas tshod ma bsnams byung/ ngas 'ug pa lung 'khor nas khyod
243a2 chu mi khol ba ci yin gsungs/ku re yin nam zhus pas/ zur po ches gnang ba'i gsol ras zhig yod pa nye gnas la gnang bas/ kho yid lhag par ches/ nga'i bla ma rlung sems la rang dbang thob nges yin
243a3 snyam pa'i mos gus skyes so// de la dgon pa nas 'byon pa'i rkyen gcig ni/ go ma chod mi gsum gyis bstan pa ma 'khyongs te/ 'og bya tshas thabs lam gyi rgyab tu ma rgyud dgos zer 'gos khug pa'i rtsar song/
243a4 mig chung dbang seng na re/ dkyil 'khor phyir 'don pa la rgyab tu yo ga dgos zer nas sum pa ye 'bar gyi rtsar song/ 'gos chung dbang nges bzhi lam gyi grub mtha'i rgyab tu tshad ma dgos zer spangs ka dar
243a5 chung pa'i rtsar song ngo// de dag ni gsang ba snying po la lam thabs grol gnyis ka yod de ma rgyud kyi mtshan nyid ma phyed/ dkyil 'khor rang sa nas thon pa la mig ltag khung du 'chus/ tshad ma tshig gi grub mtha'
243a6 yin te gzhi lam thog tu mi phebs pa ma go/rgyud des go ma chod mi gsum gyis bshad gra ma 'khyongs pas sku mtshams las thon dgos pa byung/ rkyen gcig ni/ sgro phug lha khang gi mjug skyongs dang/ rab gnas
243b1 ma grub tsam la rgyal ba zur po che skye ba ma spangs par zung 'jug gi grub mtha' snyogs par bzhed nas/nga'i lag rjes khyod kyis skyongs shig ces bla ma'i bka' byung nas byon pa yin no// de ltar bde gshegs
243b2 zur chung ba phrin las rgyas ba'i dus na/bod kyi sngags pa tshogs tshad kyis phyag mi byed pa dang/ gral gong du 'gro ba med pas/ 'gos lo tswa bas gzhan rnams la phyag mi 'tshal ba dang/ gral zhabs su mi sgrig
243b3 pa'i khrims bcas mod/nam zhig shangs su ston mo chen po gcig la thams cad tshogs pa na/ zur chung pa gral mgo na bzhugs pa'i spyan sngar 'gos kyis slebs/ de'i tshe 'di ltar tshig la mkhas shing nyon
243b4 mongs la grim pa'i bshes gnyen chen po dag gis dgongs pa sangs rgyas dang mnyam pa'i rnal 'byor gyi dbang po dag gi zil bzod pa ma yin pas/lnga sde bzang po'i nang khrims bzhin rang dbang brtan pa bral
243b5 ba'i 'du byed rtab rtab por gyur nas phyag mi byed pa'i dam bca'i ri mo rjes shul tsam yang med par zubs/yan lag lnga'i 'khri shing sa la 'byar ba bzhin du gyur pas kun kyang phyag byed pa la mngon du phyogs
243b6 so// de ltar ston mo gyes tsa na gzhan dag na re/ zur chung pa la phyag mi byed pa'i dam bca' rang res mdzad pa la sngon la nyid kyis mdzad pa ci yin dris pas/ kho'i drung du phyin tsa na bcom ldan 'das dpal
244a1 chen po'am de 'di ka yin pa 'dug snyam pa las/mi yi 'du shes ma skyes gsung skad/ lar rdzu 'phrul shin tu che bas nyi zer la 'byor bzhud mdzad par grags te/ 'ug pa lung du snga chos/ sgro phug
244a2 tu gung chos/brag rgya bor dgong chos te 'gyangs kha shin tu che sar nyi ma re la chos thun gsum re 'chad/ de bzhin du lha zer mo 'kha' 'gro ma rnams bro brdungs mdzad pa gzigs pas rkyen byas mkha' 'gro las
244a3 la bkol nas mchod khang ka ba bdun dang/khyad 'phags gnyis te gus btegs pa zhig bzhengs pas/ mkha' 'gro lha khang du grags/ sangs rgyas bzhi bcu rtsa gnyis dang/ bka' srung legs ldan lde gur
244a4 bzhengs/dkyil 'khor rgyas bsdus gnyis logs la bris/ rab tu gnas pa'i tshe legs ldan gyi sku la phu dung gi lcags brab cing sangs rgyas kyi bstan pa e srung gsungs pas dbu gug gug pa byung/ dkon
244a5 mchog gi dbu 'phang e bstod gsungs pas mchu lheb lheb pa byung/de bzhin du dpal chen po zhal gzigs pa'i zhabs yon bzhag sar yang dag gi lha khang bzhengs/ ma thog byang 'bar gyis lha khang la shing
244a6 gnyan khrag tu 'dzag pa gcod du bstsal nas lha khang 'byongs/shing phud bla ma la phul ba'i tshe/ gzhi bdag phreng bas spen ma'i ka ba gcig lus nas gtsang por drangs pa rnga mo phrang du zhag lnga chu la byings nas
244b1 ma thon/der slob ma gnyis btang nas brag la dkar gtor 'di spungs/ mtsho la dmar gtor 'di rgyob la bla ma zur chung pa'i shing da lta bskyal na skyol cig/ ces sdigs su bcug pas/ chu bdag skrag nas
244b2 phral du thon pa sogs lha 'dre'i bka' la nyan/de lta bu'i che ba'i yon tan gyis brgyan pa'i lha rje zur chung pa de sku mya ngan las 'da' bar nye ba'i tshe/ bu slob rnams kyis rigs sras bskrun par/ gsol ba
244b3 btab pas gsang bdag lag na rdo rje yum gyi lhums su mngon byang lnga'i ting nge 'dzin gyis spyan drangs pa zur shAkya seng ge mtshan dpe'i ngo mtshar gsal bar byas/zhal gyi gdams pa brgyad cu par grags pa/
244b4 ri'i bu gyis/ hrul po'i gos gyon mi zhim pa'i zas zo/ dgra gnya' rengs su thong/ zhing tha rengs su zhog/ blo thag chos la chod/ ces pa la sogs pa gsungs nas drug cu rtsa gcig bzhes pa'i shing pho stag la
244b5 brag rgya bor 'od dang sgra dang sa g.yo ba dang bcas 'og min rdo rje bkod pa'i grong khyer du gshegs so//// de la bod 'dir dpal gsang ba'i snying po'i bshad pa'i chu 'go lta bur gyur pa gsang bdag sgro
244b6 phug pa chen po'am zung shAkya seng ge ni/jo sras mo mda' mo gtsug gtor lcam zhes bya ba slob mar gyur pa zhig yod pa der mngal du sprul pa'i sku 'dzin nus par dgongs nas/ de nyid kyi ming po ka ba bzhi'i
245a1 gras mda' te chos shAka la/khyod kyi sring mo 'di bdag gir rung ngam zhes gsungs pas/ mda' tig na re/ bka' bzhin 'tshal zhes de'i lag pa na rdo rje dril bu bzhag ste/ 'di gzhan la ma
245a2 brgyud par bla ma'i phyag tu phul zhig par bsgos pas rten 'brel chen po 'grigs/de khab tu bzhes pa ma yin pas gra pa'i tshogs kyang sdang zhing 'don par brtsams pa na/ skyo ston shAka ye na re/ 'di'i srin lag
245a3 la bstan pa'i gtso bo gcig 'dug par rmis pas/rigs sras 'dra mthong na bstan pa phan srid kyi zhog gsungs/ de bzhin du ka ba gzhan rnams la'ang sangs rgyas kyi sku dang/ gser gyi rdo rje sogs jo mo
245a4 la thim pa rmis pas bzhag go/de la rngog lo chen po'i bcu drug pa shing pho stag la sgro phug pa sku bltams/ der bla ma'i zhal nas nga'i bu 'di lhums su 'jug pa'i tshe phyag na rdo rje thim pa'i mtshan ma yod pa yin
245a5 pas 'gro ba la phan pa zhig yod gsungs nas/na shAkya seng ge btags/ yab kyis spong dag byas na ci yang med pa dang thug pas/ yum na re/ kha sing nas bu skye ba ni thugs la mnga'/ rkan mar tsam yang mi
245a6 'jog pa zer ba la/kho la bsod nams yod na ngas ma bzhag kyang 'ong/ de med na bzhag kyang mi phan gsungs khang thog na bzhugs tsa na/ btsun ma phyug mo zhig gis nas rgyab mang po dang/ mar phon cher
245b1 phul/mdo khams nas 'bul skyel lhags pas/ 'di la bsod nams kyang 'ong/ 'gro ba la'ang phan gsungs/ zla ba brgyad na yab gshegs pas/ yum dang zhang pos bskyangs nas mda' phur lo bco lnga
245b2 bzhugs/de nas chu bar du glan shAkya bzang po'i drung du byon nas gsang ba sgyu 'phrul dang/ skeng lung du yang khyed gi sar yang byon nas chos gsan/ dgung lo bcu dgu pa la che 'don mdzad pas phrin las shin
245b3 tu rgyas te bslab gnyer g.yel ba byung/der skabs btsal nas gong bur skyo'i rtsar lo gcig byon/ de nas slar phrin las cher rgyas te gzhan du bzhud pa'i skabs ma byung/ bla ma mkhas grub kyi tshogs tshul spyan
245b4 drangs nas slob gnyer rdzogs par mdzad/khyad par ka ba bzhi las yab chos mdo sgyu sems gsum rgyud man ngag phrin sgrub phyag bzhes dbang dang bcas pa yongs su rdzogs par gsan cing khyad par du zhang po
245b5 mda' tig las mdo'i skor zhib par brnyes/glan shAkya byang chub la rdzogs chen skor lugs/ lha rje shangs nag la rdzogs chen brgyud pa tha ma sogs mdor na bla ma mang po la thos bsam gyi sgro 'dogs chod par
245b6 mdzad/rang gi grub mtha' gsan pa'i bla ma de dag la'ang yum rgyas 'bring bsdus gsum gyis sna drangs pa'i 'bul ba rgya chen pos thugs zin par mdzad/ nya ri sgro phug tu sgrub pa yun ring du mdzad pas bskyed
246a1 rdzogs kyi gnas la man ngag gi rgyud nas gsungs pa'i gzer bzhi thebs/yi dam lha'i sku gsung thugs dang tha dad med par 'dres pas sku gzhon nu nas gzi byin shin tu che ste thams cad zil
246a2 gyis gnon nus/re zhig na dam pa sangs rgyas ding ri na bzhugs pa dpon slob lngas mjal du byon/ phebs rgyu'i nyin dam pa'i zhal nas de ring phyag na rdo rje'i sprul pa 'byon pa yod kyi bsu ba gyis gsungs/
246a3 dar gdugs la sogs bshams pas/ nyi ma rgas su chas tsa na sngags pa dpon slob lnga byung/ gzhan su yang mi gda' zhus pas/ de ka la bsu ba gyis gsungs/ der lha rjes sgro phug pas dam pa la mngon mkhyen
246a4 e 'dug blta yi gsungs nas slob ma zhig nyid du rdzur bcug nas sngon la btang/khong rang phyin zhabs 'bring ba ltar byas pas/ dam pas sgro phug pa'i mgul na lba ba yod pa la gzigs nas/ phyag sna lba ba
246a5 can gyis drongs/dpon slob go ma log pa bzang gsungs pas/ mos gus chen po thob/ chos kyi bdud rtsi'ang nod/ dam pa'i zhal nas sgro phug pa la 'di bstan pa'i spyi dpal chen por 'gyur zhes dbugs
246a6 'byin mdzad/yang re zhig na phyag rdor gyi bris sku byed pa'i bri bkod kyi tshe/ lha bris pa la khyed rang 'di 'dra ba zhig bris zhes phyag na rdo rje'i skur dngos su bstan pa sogs rgyu mtshan du ma'i sgo nas dpal gsang
246b1 ba'i bdag po byang phyogs kyi rgyud 'dir gsang sngags kyi bstan pa rgyas par mdzad pa la byon no zhes grags/spyir gdul bya'i tshogs dpag tu med la/ khyad par slob ma dge ba'i bshes gnyen chen po gra sa
246b2 'dzin cing bstan pa skyong ba gdugs thogs pa stong thon pas ring mo'i mtha' yang phrin las bsam gyis mi khyab/sgro phug tu chos gsungs pa'i dus gcig chos khri rgyab yol med pa gcig la bzhugs te mtha'
246b3 skor thams cad grwa pas bskor nas yod pa la/phyogs thams cad du zhal thal le bar byung bas rdo rje sems dpa' sgyu 'phrul 'dra ba'i dkyil 'khor gyi bdag po'i zhal skyin mngon sum par yid ches shing sprul
246b4 pa'i skur rtsod pa med par grags/dbyar chos dgun chos kyi dus phyogs re na mar dpe 'grims lnga brgya tsam re dang/ ston chos dang dpyid chos kyi dus sum brgya tsam yod cing/ spyir khri phrag thal ba byung bas/
246b5 chos ra'i gos bde dog la'ang gser zho re'i 'ja' len byed pa'i dar rgyas byung/ mkhyen brtse nus gsum gyi yon tan phun sum tshogs shing dpal gsang ba'i snying po de kho na nyid nges pa'i rgyud don la rang byan
246b6 tshud pa tsam gyis chos spyan thob pas gsang bdag sgro phug pa'i bshad srol zhes dus da lta'i bar du ldab ldib byed pa 'di byung zhing nyi zla ltar grags pa yin no// de la thugs zin gyi slob ma bcu gnyis byung ste/
247a1 nag po bzhi/ ston pa bzhi/ mes bzhi las/ nag po bzhi ni/ lce ston rgya nag/ zur nag 'khor lo/ nyar nag mdo bo/ mda' nag gtsug tor dbang phyug go/ ston pa bzhi ni/ nyi ston chos seng/
247a2 gyabs ston rdo rje mgon po// zhang ston/ rgya ston bzhi'o// mes bzhi ni/ rtsangs pa byi ston/ g.yu ston hor po/ spangs ston lcags kyu/ dbus pa chos seng ngo// 'dren tshul 'di zur stod lugs su grags la/ smad
247a3 lugs su de las tha dad pa'ang yod/de ltar sprul pa'i sku gsang bdag sgro phug pa chen po de nyid tha ma'i mdzad pa ston par babs pa'i tshe/ ston pa bzhi la khyed tshos tshogs 'khor gyi cha rkyen 'dra khyer la
247a4 shog/ngas kyang sdegs gyi gsungs/ ston pa bzhin gsungs bzhin du bsgrubs pa dang/ sgro phug gi ltag lha ri gdong gi rtse byon nas tshogs 'khor rgya chen po mdzad/ gsung gi gsang ba mang po rjes su bstan nas/
247a5 khyed rnams nga med pa la mya ngan ma byed cig/ ngas da res lus ma spangs par khyer nas rig 'dzin gyi sa la 'gro ba yin/ des khyed rnams la shul du 'ang bkra shis/ mi rgyud dang bstan pa 'phel ba gcig 'ong ngo
247a6 gsungs nas/dpal gyi mgur las rdo rje'i glu gcig bzhengs/ nam mkha' la je mtho je mthor 'phags kyin mgur re bzhengs nas mthar mi mngon pa'i sar gshegs pa dang/ ston pa bzhi snying phyung ba lta bu'i
247b1 sdug bsngal gyis mnar nas cho nges btab/'gre ldog byas/ mtshan nas bos pas bya babs pa bzhin du byon/ khyed rnams de ltar mi byed pa yin te/ ngas gong du kha ta ni legs pas bcug/ de la mi nyan par/
247b2 da nga'i mi rgyud la bkra shis pa bag mi 'ong gsungs/ de nas phyi lo drug cu rtsa gcig pa shing po stag la 'og min tshogs chen 'dus pa'i grong khyer du gshegs so// pur sbyong ba'i tshe sngags pa gzhon mdzes gcig
247b3 gis rta dang bzang gcig la dung gi sga rang gug ngo mtshar can bstad pa zhig phul/de 'di nas byung dang 'dir song sus kyang ngo shes pa ma byung bas lhas 'degs bskyal bar grags/ de bzhin du btsan dang/ ma
247b4 mo dang/klu rnams kyis kyang 'degs bskyal te/ mi la med pa'i nor sna bzhi byung ba yin no// 'di sa skya pa kun dga' snying po las lo bco brgyad kyis bgres pas dwags po lha rje dang/ phag mo grub pa/ bla ma
247b5 zhang/jo sras 'dzes sogs dang thog rags pa tsam mnyam mo// yang bi ma la'i slob ma rong tshu tshan gyi dge slong ma sgre mo/ de'i slob ma lho brag bya ze'i mar pa shes rab 'od/ de'i slob ma shangs lha bu'i lang ston
247b6 dar ma bsod nams/de'i slob ma lha rje hor bo sgro phug pa yin pas bi ma la dang gnyis kyi bar la bla ma gsum las med do//// de la sgro phug pa'i slob ma lce ston rgya nag ni 'khrungs sa nyang stod pa yin/
248a1 mtshan nyid kyi grwa sa na phu po gnyis slob gnyer la yod pa'i sar rgyag skyel du byon/ zhar nyan byas pas khong gnyis kyis ched du sbyangs pa las lhag pa byung/ der rgya nag na re/ khyed gnyis kyis lo
248a2 gsum nyan kyang go ba ci yang mi 'dug/ngas nyan na go ba 'dug byas pas/ phu po gnyis na re/ nged gnyis la de las ma byung/ chos sus shes kyang 'dra yi khyod go na khyod rang nyon/ nged kyis rgyags skyel byed
248a3 zer bas/der lha rje rgya nag gis bzhugs nas khyung po grags se la phar phyin/ 'bal na mngon pa/ stag pa kha che la dbu tshad/ 'gar bsod nams ye shes la'ang gtugs te lo dgur nyan pas mkhas pa'i pha
248a4 rol tu son/sum cu pa'i tshe gsang bdag sgro phug pa la sngags gsan du byon nas lo bcu gcig bzhugs te/ lo gsum gyi bar jo sras nyang stod pa gsungs pa tsam las spyan sngar gsung gleng zhib pa tsam ma byung
248a5 skabs shig na rgya brtson seng dpon g.yog dang lha rje chos 'khor stabs gcig tu 'dzom pa'i tshe/rgya btson dpon g.yog gis rtsod pa btsugs pas/ lha rje rgya nag gis khong rnams sun phyung/ nga rgyal bcag
248a6 pas mnyes te thugs la 'dogs par byung ba'i khar/sras jo btsun rdo rje grags glo kha phye bas rab tu dgyes nas/ bskyed rdzogs gsum gyi gzhung gdams ngag dang/ khyad par gyi man ngag yig chung dang bcas
248b1 pa gnang bas lha rje lha khang pa zur tsho gzhan las chos kha tshang zhing man ngag zab pa yin/bzhi bcu tham pa la gshegs btsun mdzad/ de'i phyi lo sgro phug pa gshegs/ nyang stod kyi rgya tsang skor la bdud rtsi/ nyang
248b2 smad sgro dar seng la rnam 'joms dang/phur pa rtsa ba sor bzhag lugs/ gzhan yang skyi lugs la sogs pa phur pa lugs tha dad pa dang/ dam pa spor mang la rdzogs chen spor lugs/ jo mo nyang mo la rdzogs
248b3 chen khams lugs a ro'i thugs bcud/de bzhin du rdzogs chen bram ze'i skor dang ke tshang ma la sogs thos pa shin tu mang bas sngags dang/ mtshan nyid/ rgyud dang sgrub thabs thams cad kyi bdag por gyur/
248b4 sman sgrub mdzad pa'i tshe sman gyi pho brang las lha mo mngon sum du thon nas dkyil 'khor la bskor ba lan gsum byas te thim par kun gyis mthong/ gzhan don rgya chen po mdzad nas lnga bcu rtsa drug pa la gshegs
248b5 so// 'di'i dpon po bla ma chen po yon tan gzungs ni/ me pho rta la 'khrungs/ bcu gcig nas slob gnyer mdzad/ lo bcu gsum khu bo dang 'grogs nas bskyed rdzogs gsum gyi rgyud lung man ngag kun la slob
248b6 gnyer rdzogs/nyi shu rtsa bzhi bzhes pa'i tshe khu bo rgya nag pa sku gshegs nas gdan sa mdzad/ dbus pa ston shAka dang/ dbus pa zhig po sogs las the tshom gyi dras thag bcad nas rang gzhan gyi don mdzad pa
249a1 yin no//// dbus pa ston shAka gam dam pa se sprag pa ni/ gzad kyi gces pa wa thung rgyud yin/ sgro phug pa'i gra sar yi ge 'drir byon pa la dad pa thob nas slob gnyer byas/ lha rje rgya nag
249a2 gshegs tsun mdzad pa'i phyir 'breng du gshegs nas rgyud dang gdams ngag thams cad rdzogs/sgom sgrub 'ba' zhig bya bar bsam te byang ril dgon pa 'tshol du byon pas/ yol ba brag la dam pa yol chung
249a3 pa brag brko ba dang mjal/'dir dgon pa mdzad pa lags sam byas pa yin zer/ 'di min pa byas mi gda' 'am byas pas/ pha ngos na se ba kha brag can gcig na 'dug ste/ de bas 'di btsan pas 'dir
249a4 byed zer/der dam pa ston shAka gis brag se ba kha sbrag skyes pa der byon tsa na/ chu mig 'gram nas zan rdog 'ga' zhig rnyed pas bzang ltas su bzung/ der bzhugs te sgom sgrub mdzad pas rtogs pa khyad par
249a5 can skyes/lha 'dres bka' la nyan gdul bya mang po'i don nus pa byung ste dam bse sbrag pa zhes grags so//// dbus pa zhig po ni/ yar klung byas pa yin/ rje sgo phug pa'i gdan sar yig mkhan chos la
249a6 tshud pa zhig ste/lha rje rgya nag gi phyi la 'brangs/ bskyed rdzogs gsum ka la 'byongs par byas/ yul la che 'don la 'gro snyam tsa na/ de'i cha rkyen gdugs dang/ dung dang/ mchod cha sogs dgos par sems
249b1 nas de dag 'don pa'i phyir bal yul du byon/lam du bsams pa langs chos de tsam shes kyang nyams su blangs rgyu zhig mi 'dug/ da lta shi na cis kyang mi phan/ gdams ngag kho na blo gtod dgos par 'dug
249b2 snyam nas slar log/bla ma'i spyan sngar phyin nas zhus pas/ snyan brgyud rin po che'i gangams ngag gnang/ de la nyams len mdzad cing byon pas/ mang yul gung thang du rtol tsa na rdzogs pa chen po'i ye shes
249b3 brjod du med pa zhag bdun du shar/der bal po nas mchod cha blangs/ mang yul gung thang du lhogs tsam na/ tshad pa phyin 'brangs nas bsnyangs/ da mi dga' ba e yin snyam nas blo thag bcad/ ka ca rnams
249b4 grong du bzhag/ri la byon nas nyams su blangs pas sa rdo ri brag thams cad la thog pa med pa byung/ sngar gyi bsams pa de dag dgos med 'ga' zhig tu shes nas che 'don gyi ka ca thams cad gang dgar
249b5 bskyur/many+dzi dang ting bdun cha gcig yod pa de mthong ba dang bla ma'i drin dran te/ nga la dgongs pa 'di 'dra 'char ba yang bla ma'i thugs rje yin pas 'di tsam zhig bla ma la 'bul dgos snyam khyer phyin pas/
249b6 'dod pa zad pas de yang lam du skyur 'dod pa byung ste/ yang bla ma'i drin bsams te byin/ lha khang du slebs tsa na/ bla ma'i drung du bskyur nas/ ting khyod kyis nga ji tsam zhig bcings gsung skad/ der ri 'ba'
250a1 zhig la bzhugs nas nyams len mdzad pas/chos thams cad blo la 'char ba dang/ snang ba bden med du bun long song bas rbab kyis ma tshugs/ g.yas ru'i ba gor phur zhugs pa'i tshe gzims
250a2 mal gyi steng du thog byung yang ma gnod/gzhan gyis thog byung ngam zhus pas/ thog gam de byung gsungs/ ma gnod dam zhus pas/ sgra grag stong dbyer med yin/ thog la rang bzhin ga la yod gsungs te rnal
250a3 'byor gyi dbang phyug chen por bzhugs/sgom sgrub 'ba' zhig gi ngang nas mtshams 'og tu gra sa lo bco brgyad bskyangs/ dgung lo bdun cu pa la gshegs so// dam pa'i skyes bu 'di la slob ma/ zhig po bdud
250a4 rtsi/ston pa bla skyabs/ dbus pa jo bsod/ snying ston nyi ma rdo rje la sogs pa gzhung lugs la mkhas pa mang du byung/ gzhan yang la stod kyi mes ston mgon po dang/ dpyal kun dga' rdo rje la sogs pas kyang
250a5 zhabs la gtugs so//// thugs kyi sras zhig po bdud rtsi ni/ yab mes kyi ring nas mkhas pa dang/ grub pa'i dpa' bo brgyud mar byung ba las 'di'i yab sangs rgyas dwags chung ste/ dwags po rgya ras kyi
250a6 phyin 'brangs pas dwags chung bar grags/des lho brag tu byon nas/ lho stod phur mong sgang bya ba'i dgon par 'gro don mdzad cing bzhugs pa la/ gzad pa'i yon bdag rnams kyis gdan drangs/ gzad kyi lha
250b1 gdong dgon pa dang/'ug skad dgon pa la sogs pa phul nas bzhugs/ bu slob mang du 'phel/ de la jo mo wang mo bya ba zhig yod pa dang gnyis kyi bur gzad kyi lha gdong dgon par btsas/ zhib ma'i nang du
250b2 bsnyal pa 'ja' tshon zug/dgung lo gnyis tsam lon pa'i tshe yab la rmi lam ngo mtshar ba byung nas/ dang 'chi bar 'dug/ shi nas kyang rig 'dzin gyi sa la 'gro bar 'dug/ bu 'dis kyang gzhan la phan thogs
250b3 par 'dug gsungs te gshegs/zhig po rin po che 'di cher skyes pa dang snying rje shin tu che bas gos bcos pa thams cad mas bshol kyang ma nyan par lam zan pa nyam thag gcig yod pa la byin/ der mo ma
250b4 rnon po gcig na re/khyod kyi bu 'di ci 'dra zhig 'ong/ 'di la 'jig rten gyi lha 'dre thams cad tshogs nas bskor ba byed cing mched par 'dug zer/ ston ka gcig 'ongs nas 'don tsa na/ ma na re/ mi thams
250b5 cad 'ongs 'don pa la gtor ma gtong gi 'dug/glen pa khyod kyang chu gtor 'dra thong/ rang re yang 'ongs 'dod pa yin byas pas/ 'ongs 'don sar byis pa des song nas/ gzad lung pa'i lha 'dre tsho/ nyang
250b6 nag 'ol po'i lha 'dre cho/sprang po 'u lu'i rgyal nag/ da nang su'i yang sar ma 'gro bar/ rgan mo wang mo'i 'ongs 'don gyi yod pas 'di'i 'ongs las khyer zer nas/ thor thor byas pas/ a ma khros nas
251a1 phyar gyin 'dug/der zhing re bzhi bya ba lon na ltar legs na'ang bzhi bcu las mi thon pa zhig la/ de'i lo snye ma ha cang med pa la khal lnga bcu thal ba byung bas 'di sprul pa gcig yin nyen 'dug
251a2 zer nas/zhang po dam pa se sbrag pa'i rtsar slob gnyer la btang/ lo gsum gyi ring la rdzogs chen ring lugs/ sgang dril/ gab phyung sogs legs par thos/ bla ma gshegs khar mig mchi mas 'gags nas
251a3 dran pa tsam ma byung gsungs/bcu drug pa la skyil mkhar lha khang ba yon tan gzungs kyi zhabs la gtugs/ lo mang du bzhugs nas bskyed rdzogs gsum ka la blo gros byang bar mdzad/ nyams len gyi gtso bo
251a4 dang 'chad nyan thams cad sems phyogs la mdzad de zhal gyis kyang sems phyogs kho na bsgrubs pa yin gsungs/kun byed rgyal po dang mdo bcu la sogs pa sems phyogs kyi rgyud sde chen po nyi shu rtsa bzhi
251a5 gsan/rtsa ba sems sde'i skor la/ skor lugs rang lugs/ khams lugs la sogs pa bshad srol mi gcig pa bcu bzhi gsan/ rang lugs kyi sgom yig chen po rnams las/ rnal 'byor rig pa'i nyi ma/ bsam gtan mig gi sgron ma/
251a6 bsam gtan snying gi nyi ma/ gdar sha dang gzer bu/ zhu len khu gdab/ rdo rje sems dpa'i zhu lan sogs sgom yig phal mo che thos/ snyan brgyud kyi skor la/ skor rong khams
251b1 gsum ka'i gdams pa dang/bram ze'i skor gyi snyan brgyud/ ke tshang dang/ rdzogs phrang snyan brgyud klong la sogs pa bsam gyis mi khyab pa zhig gsan te/ rdzogs chen gyi skor la thos bsam gyi sgro 'dogs lhag
251b2 par chod pa yin/dgung lo bcu drug la bshad pa mdzad de skor lugs kyi stong thun gsungs pas mkhas pa'i thog chod/ der lha rje gnubs sman bya ba na re/ dbus pa'i jo sras khyed nga'i rta khyung phrug kha che dang
251b3 'dra ba 'dug zer/nas khal bcu gcig gi phogs byas skad/ bla ma lha khang ba'i drung du lo bcu bzhi bzhugs/ bar skabs kun tu zhang po'i gdan sa se sbrag tu'ang bzhugs te sgom sgrub dang bshad pa bag re
251b4 mdzad/slob gnyer tshar ba dang yab kyi slob ma bla ma mdos bya ba gcig gis gdan drangs te gzad du byon nas 'ug skad dgon pa bzung/ gtsang du se sprag dang/ dam pa se sprag pa'i sgom ma rnal 'byor ma shAg
251b5 gnyen la sogs pa bzhis nged kyis se sprag la mi thar ba 'dug pas ri sgab 'dir ngal gsos gcig byed zer nas brtsigs pa'i chos sdings kyang bzung/zhang tshal pa'i slob ma gtsang sgom hrul leb bya bas
251b6 zhig po'i spyan sngar bla ma zhang gi lo rgyus bshad pas dad par gyur nas gdan drangs/chos 'khor btsugs/ chos 'brel ma zhus kyang rgyud byin gyis brlabs pa'i bla ma yin gsungs nas mos gus dang zhabs
252a1 tog che bar mdzad/bla ma zhang gis khyod kyi dgon pa 'di chu shing 'dzom pa mi 'dug ste/ 'du ba che zhing 'gro ba la phan pa zhig 'ong bas chos sdings su thogs gsungs/ der mi rnams na re/ chos lha
252a2 khang pa la nyan/zhabs rtog tshal pa la byed zer ba la/ bla ma lha khang pa de phrag dog rtsa ba nas zhi bas nas khal nyi shu tsam dang sha mar kha yar bskur te/ khyod bla ma bzang po gdan drangs nas chos 'khor 'jugs
252a3 pa las ngas kyang mthud byed dgos pa yin te/de las ma 'byor gsungs pas/ rmongs pa dag gi kha smras 'phro chad/ nga rang yang bla ma rnying pa la mos gus gsar pa skyes gsungs/ phrin las dus la babs pas
252a4 gdul bya dpag tu med pa 'dus/'gro ba'i don rgya chen po mdzad/ bla ma la shin tu gus pas mnyes pa gsum gyi gzhung bsrang zhing sku mdun nas 'byon tshad la zhabs spyi bor ma blangs par 'gro ma myongs
252a5 gsungs/gser gyi rgyas 'bring bsdus gsum la sogs te mdo rgyas tshar bcu bdun gyis sna drangs pa'i chos dang zang zing gi zhabs tog bsam gyis mi khyab pa mdzad/ byin rlabs zhugs pas dgongs pa ji lta
252a6 ba bzhin du longs/rtogs grol dus mnyam du song nas sa rdo ri brag thams cad la thogs med du 'gro nus pa dang/ mi ma yin gyis skor ba byed pa byung/ mngon par shes pa mnga' ba'i lo rgyus mang du yod/
252b1 gzad phu'i da lung dgon par bzhugs pa'i tshe skur pha wang la thim pa dang/ srin po rir gyang la thogs med du gshegs pa sogs rdzu 'phrul du ma mnga'/ gangs ri'i khrod 'di'i yul dang phyogs thams cad du
252b2 byon nas 'gro ba mang po thar pa'i lam la bkod/bstan pa'i bya ba la sku gsung thugs kyi rten bzhengs pa dang/ zhig pa gso ba dang/ gzhan gyis bzhengs pa la yo byad gtong ba la sogs pha rol tu phyin pa drug
252b3 ka'i don nyams su len shes/rgya gar nas byon pa'i lo paN mkhas pa thams cad kyi zhabs tog mdzad/ sde snod 'dzin pa'i bshes gnyen chen po rnams kyi zhabs nas 'degs/ rtag par 'jig rten gyi bya ba la
252b4 blo mi 'jug par sgom sgrub kho na mdzad/sems can dbul zhing phongs pa kun gyi sbyin bdag mdzad pas theg pa chen po'i rigs lhag par sad pa yin/ rgyu des rgya gar nag dang bal po la sogs pa'i skye bo skad
252b5 rigs mi gcig pa kun kyang 'du/ma ga d+ha rdo rje gdan la zhabs tog lan gsum/ 'dzam bu'i gling gi rgyan gcig pu jo shAka rnam gnyis la sri zhu lan bzhi/ rdo rags lan bzhi mdzad/ rjes su phrin las skyong ba'i dge
252b6 ba'i bshes gnyen kyang bgrangs kyis mi lang ba byung ste gangs khrod 'dir rtsod med du grags pa'i skyes bu chen po zhig yin no// de lta bu'i mdzad pa phun sum tshogs pas dngos dang brgyud nas gzhan la
253a1 sman pa sha stag mdzad de/lha sa'i rdo rags phyi ma mdzad pa'i gshegs skyems kyi dus las 'phro ngan pa'i 'khor ba kha cig gis chang 'thab byas pas thugs skyo ba'i gsung byon te lnga bcu rtsa drug pa
253a2 zhes pas mo lug gi lor gsang phu'i rgyar gad logs kyi dgon par skur gshegs/pur cha la bkal nas gzad 'ug skad dgon par zla ba bzhi bzhugs/ de nas btsan po dang/ dpon skya slob ma'i tshogs kyis
253a3 gdan sar bsams nas bzhengs pa'i gzad thang skya'i gtsug lag khang du gdan drangs pa'i tshe/sa rab tu g.yos shing/ yon chab las pad+ma'i sdong bu skye ba sogs ltas ngo mtshar ba byung/ nang par pur sbyangs
253a4 pas sgra dang/'od dang/ 'ja' tshon dang/ mchod rten yig 'bru la sogs pa dpag tu med pa byon to// gtsug lag khang de ni da lta rjes tsam du snang ngo// zhig po la slob ma yang thugs sras su gyur pa ni/ rta ston
253a5 jo ye/ma hA lhun po/ mkhas pa jo nam/ dbus pa jo bsod/ bzang ston hor grags/ gnyer ston bla ma dang drug las/ gtso bor gyur pa rta ston jo ye ni/ yab rta ston jo 'bum/ zhes bya ba g.yo ru stod kyi bdag
253a6 po 'khor 'bangs dang yul gzhi'i 'dzom pa zhig yod/de 'khor ba la skyo ba skyes nas g.yog bzhi khrid de bros/ lha rje glan nya tshal pa'i thugs sras gnyos chu bo ri ba'i spyan sngar byon/ dpon g.yog lnga kas
253b1 stabs gcig tu chos 'khor du zhugs/sngags rnying ma spyi dang/ khyad par rdzogs chen skor lugs gzhung gdams ngag dang bcas pa la shin tu byang chub/ phag mo grub pa'i spyan sngar lam 'bras dang phyag chen/
253b2 dbur ston bla ma mtshar ston las phyag chen sgang lugs kyi do ha/ zangs gri 'gro ras las ras chung pa'i chos skor/ nang ston mgon po las rnam 'joms dang phur pa sogs mdor na bla ma mang po las chos ris
253b3 med gsan pa yin te/gnyos chu bo ri pa dang/ phag mo gru pa rtsa ba'i bla mar 'dzin/ chu bo ri la sgrub pa mdzad pas gdul bya mang du 'dus/ de la sras rta ston jo ye 'di chu mo lug la bltams/ de nas lo bzhi pa
253b4 la gcung po jo bsod btsas/'di chung ngu nas zhig po'i drung du byon thugs la btags/ jo yes kyis lo bcu gnyis par bla ma dmar ston las bde mchog dang phyag rdor bdud rtsi thigs pa'i skor zhus/ gzungs
253b5 rir la bsnyen pa lo gnyis mdzad/yab dang lhan du bde mchog gi dbang brgya rtsa brgyad zhus/ kha rag ston snying gi sar sgyu 'phrul lo gnyis nyan/ bla ma rtsags dang se dur lung pa gnyis las rdzogs chen skor
253b6 lugs gzhung gdams pa dang bcas pa zhus/dgung lo bcu drug par rdo rje sems dpa' nam mkha' che la bshad pa mdzad/ bcu drug gi gsham na ngam shod smad du byon/ yab kyi slob ma rje btsun zhags las
254a1 phyag rgya chen po sgang lugs gsan/zangs ri rgya ras las lo ro ras chung pa'i chos skor/ dgyes rdor mes lugs/ 'jam dpal gsang ldan/ bde mchog lU hi pa dang/ mtsho skyes rdo rje'i
254a2 sgrub thabs/lam 'bras zham lugs/ zhi byed lugs gsum ka sogs mdor na gsar rnying ris med la thos pa shin tu che ba yin/ re zhig na nang ston jo 'khyams las phur pa gsan nas chu bo rir bsgrub pa
254a3 mdzad/lo nyer lnga pa'i tshe zhig po'i drung na byon pa yin/ dang po chos zhu ba'i rtog pa med de/ chos kyang nga rang mkhas/ gdams ngag kyang nga rang che/ khong snyan pa dang grags pa che bar 'dug pa dang/ gcung po'i
254a4 bla ma yin pas mjal 'phrad kyi rnam pa zhig bya snyam nas byon pas/zhig po bdud rtsi 'ug skad dgon pa na bzhugs pa dang mjal/ zhal mthong ba tsam gyis gus pa dbang med du skyes/ nang par log 'gro tsa na
254a5 sku drung du 'ong bas thugs kyis gzung bar zhu zhus pas/khyed mos sam gsungs/ shin tu mos pa thob zhus pas/ 'o na las 'phro yod pa yin da lta nas sdod/ 'khor ba'i mtshan nyid la rtag pa med na phyis ji ltar
254a6 'ong cha med gsung/da res cha rkyen med byas pas/ 'dir 'ong pa la rgyags phye khur ba su yang med/ khyod gcig pu la cha rkyen ci 'tshal gsungs/ der lo bdun gyi bar du zhag gcig kyang ma bral bar bsten/
254b1 mnyes pa gsum gyi sri zhu byas/ kun byed rgyal po ma bu sum skor/ bshad rgyud mdo bcu/ 'khor ba rtsad gcod kyi rgyud la bshad rgyud ste bzhi/ rtsa 'grel rgyab chos man ngag dang bcas pa/ rtsa ba bco brgyad kyi
254b2 bshad srol la zab pa gzhung dang/gab pa mngon phyung/ man ngan sgom sdebs su bshad pa/ de'i sgom 'grel snying gi nyi ma drug/ yang snying rig pa'i nyi ma drug/ snyan brgyud sgro ba nag po'i skor/ sgom yig chen mo/
254b3 rig nyi/ mig sgron/ gdar sha gze bu rnams dang/ gdams pa snyan rgyud skor dang/ skor lugs rong lugs/ khams lugs kyi gdams ngag lag khrid dang bcas pa nan tan che bar mdzad/ gsung gi chu rgyun
254b4 legs par 'thungs pas/byin rlab cig car du zhugs/ rtogs pa thod rgal du skyes pas 'jig rten gyi sgro skur la nyams ming/ tshul chos med pa'i spyod pa skyong/ bla ma la shin tu gus/ ci gsung dang du len
254b5 pas dgongs pa gcig tu 'dres te/bla ma ci mnyes byed pa ci bsam 'grub par gyur cig gsung ba lan gsum thos/ spyir bla ma thams cad la zhabs tog ma grub pa med/ khyad par zhig po la yul
254b6 gzhis thams cad btsongs nas spong dag byas pa'i chos 'khor lan bzhi btsugs/snga phyi bsdoms pas rta bzang po kho na la'ang bdun cu rtsa bzhi phul zhes grags/ gdams pa'i gsung sgros thams cad yi ger
255a1 bkod pas rjes 'brang la drin che/chos zhu ba'i spros pa chod nas nags khrod dam/ ri sul gnyan po mi skad bya skad mi grag pa zhig tu 'dir song dang 'dir yong med pa gcig bya nyam pa'i snying stobs
255a2 bsam gyis mi khyab bas dpe cha rnams kyang yig chung zin bris 'ba' zhig tu byas te/bla ma slob dpon gyis gdan sa'i bya ba bkal bas gsungs gcog ma phod/ 'on kyang bla ma'i zhabs tog 'ba' zhig byas pas
255a3 sgrib pa tshan po che dag pa dang/ting nge 'dzin kyang gong 'phel du song bas ri khrod 'grims pa las chod che ba byung gsungs/ de'i rgyu mtshan yang/ thang skya'i thugs rje chen po bzhengs pa'i tshe zur mkhar du zangs bzhus
255a4 kyi las zla ba bco brgyad byas pas rtogs pa khyad par can skyes/slob dpon sprul sku'i chibs pa pho drag btsad pos khyer ba'i tshe/ rdor thebs phu'i snang gsal brag la chos skyong bsgrubs pas mgon po'i zhal
255a5 gzigs/stod lungs su bsod snyoms la byon pa'i tshe rmi lam du bla ma dang mjal nas sdug bsngal rang sangs la song/ de nas bzung sdug bsngal rang rgyud pa skye ma myong gsungs/ gdan sa'i bya ba dang/ zhig po
255a6 phrin las bsgrub pa'i phyir/rgyal khams kun tu 'gro don rgya chen po dang/ lha sa'i jo shAka gnyis la zhabs tog lo drug mdzad de/ drug cu rtsa brgyad pa lcags pho stag gi lo u u0f84rgyan pa'i 'khrungs lo la gshegs shing/
255b1 sku gdung dang ring bsrel mang por byon to//// 'di'i gcung po jo bsod ni/ sku na chung ngu nas zhig po drung du byon/ thugs la btags nas sems phyogs rdzogs par gnang/ khyod chos la nan tan byed pa zhig
255b2 'dug pas nga'i bla ma'i rtsar song zhes gsungs nas/lha khang pa chen po la gtad/ mdo sgyu sems gsum rdzogs par thob mkhas pa'i phul du phyin pa gcig byang ste sum cu rtsa gcig pa la mya ngan las 'das pas phrin
255b3 las ha cang ma smin to//// rta ston gzi brjid ni/ sangs rgyas dpon ston gyi slob ma yin/ mkhas pa chen por gyur pas gsang ba'i snying po la Ti ka rgyas par mdzad/ brgyud pa 'di'i lo rgyus phal mo che yang 'di
255b4 mdzad snang/'on kyang g.yung ston pa'i khog dbub dang cung mi gcig par yod/ 'di yan chod du sgyu 'phrul dang sems phyogs mtha' dag la mkhas par grags//// yang g.yung 'grel du 'phros don mang du smos
255b5 pa'i 'grel pa spar khab kyi bshad rgyun ma chad par 'ded pa'i khungs 'di nas// gtsang pa byi ston dang/ sgong dri nges pa nye ston chos kyi seng ge gnyis kyang gsang bdag sgro phug pa'i slob ma yin/ de gnyis kas
255b6 rtsabs nag 'od 'bar la gsungs/des mes ston mgon po/ des bla ma srong/ des pak+Shi shAka 'od de/ 'di zur pa'i gdung yin/ skye ba snga phyi thal le dran pa'i zur dbang chen 'od po zhes grub pa'i dbang po de las
256a1 sras mo lnga yod de// sras med nas gdung ba yod pa'i tshe/ paN chen shAkya shrI shing pho byi ba'i lo la khro phur gdan drangs pa'i phyi nas dbang chen 'od pos 'ug pa lung du'ang spyan drangs/ der paN chen gyis
256a2 'ug pa lung 'di gsang sngags kyi gnas yon tan du mas brgyan par 'dug/byang ngos ri rgyal ba rigs lnga'i rang bzhin du snang/ bya ri dwags la sogs pa 'di dag kyang 'phags pa'i sprul par 'dug/ rabs re la
256a3 gsang sngags kyi chos sgra sgrogs pa re 'byung bas ring po ma yin par khyed la sras gnyis 'byung bas de la nga'i ming las gras pa thogs shig/bstan pa dang 'gro la phan par 'ong gsungs/ de nas de bzhin du byung
256a4 bas/sras che ba la shAkya mgon dang/ chung ba la shAkya 'od ces btags/ gcen 'di yang ngo mtshar can byung/ gcung shAkya 'od ni chung ngu nas mngon shes rdol thabs su smra zhing// chos thams cad brda'i sgo nas ston
256a5 shes pa'i brtul zhugs can zhig byung/rgya khab gong pa bla mar bsten nas yab chos mtha' dag gsan/ bar do mngon sum du gzigs pas gzhan gyi gnas lung byed pa byon nas/ khyed kyi gshin po gshed dang ma
256a6 phral/byang chub sems kyis ma zin pa'i cho ga la don med do/ gsungs nas gnas lung bskyar dgos pa byung/ nyin gcig nga la 'gyod pa byung gsungs/ ci lags zhus pas/ nga rigs 'dzin gyi tshogs gral du rtag
256b1 par tshud pa la/pho bo shAkya mgon la tshig rtsub shor bas de'i nub mo nas dam nyams yin zer rig 'dzin gyi gral du ma tshud gsungs nas bshags pa mdzad/ mi nyag g+ha ras la nye ba dgra ru langs nas bod na mthu
256b2 su che dris pas/shAkya 'od po che zer ba thos nas cha rkyen mang po bskur te/ zla ba brgyad kyi sa cha nas kyang mthu zhu bar btang byung ba la/ nga la mthu med/ nga'i 'khar ba 'di dgos na khyer gsungs nas yig lan kyang
256b3 ma mdzad/bang chen gyis lo rgyus brjod pas/ g+ha ras khros te nga'i dngos po bzung nas gdams ngag mi ster ba zer/ phyag 'khar brdabs pas/ de'i khong nas rdo rje legs pa lha bzhi'i skor thon/ kho dga' ste
256b4 bsgrubs pas/pha tshan mang por rtsad chad/ de'i sdig sbyong dang dge rtsa la lha khang dang mchod rten bzhengs/ drin len du 'bul ba mang po khyer nas mi nyag g+ha ra nyid kyang byon/ zur shAkya 'od dang mjal/ gsang snying
256b5 la sogs pa'i chos mang po nyams su len cing/gnyis ka bsdebs nas lho brag mkhar chur byon/ kho mthing lha khang dang/ spa gro la sogs pa'i gnas su sgom zhing bzhugs tsa na/ mnga' bdag nyang yab sras dang
256b6 mjal/bka' brgyad bde 'dus la sogs te nyang lugs phal cher zhus/ rang gnas su phebs/ slar g+ha ras na re/ bla ma bka' drin che/ nged hor yul du 'gro bas mi gcig gtong bar zhu/ drin lan zhabs tog
257a1 byed zer nas gshegs/de'i tshe hor yul na nu bo a ri b+ho gas rgyal sa bzung nas rgyal po se chen gan rgyal srid ma thob ste dmag 'khrug g.yo ba'i skabs su yod/ mi nyag g+ha ra sa la se chen gan gyis/
257a2 bod la mthu bya ba yod zer bas khyed kyis shes sam dris/ g+ha ras na re/ shes/ gsad pa dang/ bskrad pa dang/ 'gugs pa gsum gang bya gsungs/ der se chen gyis las kyis shi ba dang 'grigs na gsad pa the
257a3 tshom che/'gro 'dod pa dang thug na bskrad pa yid gnyis za/ nga'i sgar 'dir dgra bo khugs na ma gtogs yong 'dod pa kho la med nges yin pas khug gcig zer/ der bla ma 'phags pa rin po che dpang por bzhag
257a4 nas/g+ha ras kyis rlung 'khor gyi sbyor ba brtsams pas/ nu bo a ri b+ho ga brtan pa bral nas byung/ da dung yid ma ches/ mtsho 'di dang thang 'di'i dkyil du thog phob cig zer/ g+ha ras kyis de dang der thog phab pas
257a5 yid ches/sngags pa rnams la skrag par gyur nas bya dga' chen po byas/ 'di pa tshal gyi slob ma gshin rje la nus pa thob pa gcig yin zer te/ de yang yin mod/ drag sngags kyi sbyor pa mthar thug pa zur pa las
257a6 rnyed pa yin/der pak+Shi shAka 'od kyis ston pa rA hu bya ba gcig mngags pas/ g+ha ras dang mjal/ gnang sbyin bzang po byin/ mnga' bdag nyang gi gter yig kha byang na gtsang gi sa'i cha brag rdo rje tshe brtan na tshe chu'i
257b1 gter yod par bshad pa de/ston pa ra hu la bskur nas bla ma shAka 'od la 'bul du bcug de dang stabs gcig par se chen gan gyi lung/ shAkya 'od po dang/ shAkya mgon po la zlo ba// rim gro gang dgos gyis la/
257b2 tshe chu thon la nged la skur/ de'i yon tan 'byung mod/ khyed rnams kyi skyid sdug ngas shes pa yin/ gtor phye'i bsres la dngul bre gcig yod/ bya ba'i gser yig byung/ der rim 'gro chen po byas/ gong ma non ches/
257b3 gser yig pa ngang thung bas 'o brgyal ba tsam byung/ sgyu 'phrul gyi brgyud pa la sgra 'od zer gsum ma'i gsol 'debs mdzad pa'i nub mo gter sgo'i lung bstan gsal po thob/ de nas zur shAkya 'od/ gu ru khyung
257b4 grags/dpon chen shAka bzang/ gser yig pa a ga yan rnams 'dzoms khrom gter du byas pa la/ gter sgo la spu gri reg chod kyi 'khor lo 'khor nas 'dzul ma nus/ der zur shAkya 'od kyis gzud par gsol/
257b5 gter bdag mchod pas spu gri rang mal du bsdad nas thams cad ngo mtshar/ gter khung nas sol ba g.yengs pa'i dkyil na sbal pa kha mig deng deng/ lag pa gdengs pa mthong ba'i mod la rlung gi 'khrul 'khor
257b6 byung nas thams cad ha las/bla mas rak+Sha'i phreng bas mnan nas/ bden pa bdar bas rlung gi 'khrul 'khor kyang zhi/ chu dar gyi khebs bsal bas zangs kyi ga'u gsum sbrags kyi nang du pho thod mo thod kha sbyar ba'i
258a1 nang du thog sngas pas reg ma thag tu rdul du bun long 'gro ba'i dar zab mang pos dril ba'i rta phag zhal sbyor/rdor sems yab yum/ sgrub thabs kyi shog ril bcu gsum gyi dbus na tshe chu'i snod mu
258a2 men gyi bum pa snag bu che shos tsam pa byung bas thams cad ngo mtshar skyes/phud bla mas bzhes na dgung lo brgya thub rgyu la/ ljags thog nas thur mas phri bas rten 'brel 'phyugs/ de tshas mang por gril nas gnyid
258a3 mi log pa'i brtson pas rgya nag tu khyer/rgyal po se chen gan gyis gsol bas lo brgya 'tshos par grags/ de'i bya dgar dbus gtsang na yod pa'i sngags pa thams cad khral dmag las thar du bcug pa'i 'ja' sa
258a4 longs/gong ma'i bla ma rnams dang byas pa mnyam pa'i phyir pa shir btags/ tshe chu'i yon du spa na hor dud zhe lnga'i sa phul// mes 'gril gyi ri la dgon pa chen po 'debs par bzhed pa la/ klu'i grong khyer chen po
258a5 yod pas klus zhu ba phul/rgya rgan gyi thad mtshor yod pas tshab tu phul klu'i cho 'phrul gyis skabs su bcug nas der sngags sde chen po btab/ mkhar rdo rje brag gi lte ba la sgrub ba rtse gcig tu mdzad nas drug cu rtsa
258a6 gsum par gshegs/phur la reg pas mdze nad sos pa byung ngo// 'di'i slob ma rta nag bdud 'dul/ des mda' shAkya 'phel/ de las zur byams pa seng ges gsan te/ 'di'i yab la zur nyi ma seng ge zhes bya
258b1 ste mes po pa shi ba'i sras yin/khro phur rab tu byung/ khro lo byams pa dpal gyis mtshan gsol/ yon tan du ma dang ldan/ khyad par byang chub sems kyi rtsa ba brtan pas hor dmag gi dus mi chen sam b+ha tas gser
258b2 mang po phul ba la/bdag gser mi 'dod/ mi 'jigs pa'i sbyin pa 'tshal bar zhu byas nas 'gro ba mang po'i srog bskyabs/ khro phu'i 'bum chen brtsigs dus su chu shin tu dkon pa la mthu rtsal gyis char rgyun chen
258b3 po phab/stod hor gyis sa skya'i bstan pa la shin tu 'tshe bar brtsams dus/ gong ma mchod yon gyi lung dang/ dpon chen kun gzhon gyi bca' hu byung ba ltar/ drag po mngon spyod gi nus pas dmag khri tsho gsum
258b4 gangs dbrag tu srog gi rgyu ba bcad pas sa bstan la'ang phyag rjes lhag par che/bar dga' lha khang sku gsung thugs kyi rten dang brten pa bskrun pas mtshon bstan 'gro'i don la phrin las rlab che ba de'i sras
258b5 yin//// de la zur byams pa seng ge 'di/ theg pa chen po'i rigs sad pas byis pa'i dus nas snying rje che ba zhig yod/ gzhan gyis sems can la 'tshe ba byed pa gzigs na thugs la khur chen po 'byung/ khro
258b6 phur rab tu byung nas mtshan yang de ltar thogs/mtshan nyid kyi rig pa dang khro phu'i chos lugs mkhas par mkhyen nas dgung lo bcu bzhi la bshad pa mdzad pas mkhas pa'i grags pa thob/ g.yung ston rdo rje dpal
259a1 bas kyang kho bo'i bla ma zur thams cad mkhyen pa zhes gsungs/khro phu'i chos khri la bzhugs nas grwa pa rnams la mngon pa gsungs pas thog chod/ dgung lo bco lnga la 'ug bya lung du mda' shAkya 'phel
259a2 las gsang snying gsan sbyong mdzad pas mkhas pa'i dbang por gyur/bcu bdun la rgyud kyi rnam gzhag mdzad nas chos gzhi bzung/ bcu dgu la lce ston sgrub pa 'bum la sgyu 'phrul lam rim dang/ rdzogs chen
259a3 gsan pas rtogs pa thod rgal du skyes/nyi shu la la stod nas rta ston gzi brjid spyan drangs nas/ sgyu 'phrul zur lugs kyi phan nus zab gsum gyi dbang dang/ dgongs 'dus rtsa lung skor zhus/ zur lung pa
259a4 grub thob bshes gnyen las mdo dbang dang/se lugs kyi zhi khro rgyas 'bring bsdus gsum gsan/ thar lo nyi ma rgyal mtshan la sgra tshad/ khro phu'i slob dpon dpal mchog las rdo rje phreng bas mtshon pa'i gsar ma rgya
259a5 chen po/bsam sdings grub pa dpal las lam 'bras/ bla ma yon tan mgon las phyag rdor dang rnam 'joms/ dpon dpal chen mgon las bstan srung dang/ sman rtsis g.yul rgyal gangs pa shAka 'bum las
259a6 gshin rje dmar nag dang/klong sde'i skor la sogs te mdor na bla ma mang po las rigs gnas phyi nang/ sde snod/ rgyud sde mtha' yas pa zhig gsan zhing/ rtsa ba chod par sbyangs nas gtso bor thugs dam 'ba'
259b1 zhig la bzhugs/yid dam mang pos zhal gzigs/ sku mdun na sus slob pa yin yang snang ba rang sar 'gyur nas/ nges 'byung dang dad pa dang/ snying rje rang dbang med par skye ba zhig yod par grags/ lar skyes
259b2 bu dam pa 'di la bon po zhig gis zas ngan sbyar bas dgung lo nyi shu rtsa bdun las ma bzhugs te mkhyen brtse nus gsum gyi yon tan dpag par dka' bas sprul pa'i skur yid ches so// de la slob ma'i tshogs
259b3 bsam gyis mi khyab cing/sgyu 'phrul lam rim/ gsang ba'i snying po/ 'grel pa spar khab/ mdo dang bcas pa tshad du rdzogs pa'i bshes gnyen gzhan phan rgya cher spyod cing grags pa thob pa rang yang bcu drug tsam
259b4 yod pa las/gtso bor gyur pa ni snga tshar gyi thu bo g.yung ston rdo rje dpal/ phyi tshar gyi thu bo rta nag sgrol ma ba bsam 'grub rdo rje'o//// de la g.yung ston pa ni/ gdung rus glan/ shing pho spre'u'i lor skye ba'i myu gu
259b5 tshong 'dus su bzung/sku gzhon nu nas mkhyen pa phun sum tshogs/ spyir mtshan nyid thams cad mkhyen cing khyad par mngon pa kun las btus la mkhas/ sngags gsar rnying thams cad la blo mthu shin tu che/ khyad
259b6 par karma pa rang byung rdo rje'i sras kyi dam par gyur cing/zur byams pa seng ge las mdo sgyu sems gsum gyi man ngag rdzogs pas phyogs 'di la'ang smra ba'i dbang phyug chen por gyur/ gsang ba'i snying po la Ti ka
260a1 gsal byed me long mdzad de bshad rlabs gzhan las che/zur byams pa seng ge'i gangs pa shAka 'bum las gshed skor gsan pa'i phyag phyir 'brangs nas bslab/ 'khrul 'khor las sbyor sogs la
260a2 shin tu mkhas shing mthu che bas/slar zur byams pa seng ge'i sku tshe la bar du gcod pa'i lha khud bon po la gshin rje'i 'khor lo bskor nas mi nor zhing khang dang bcas pa gtsang po la sbyangs te rmeg med du
260a3 btang dus/bla ma'i sku dgra thul ba kho bo tsam/ zhes pa'i tshigs bcad kyang mdzad/ sku gzhon dus gong ma'i lung gis rgya nag tu byon/ sngar 'jig rten gyi khams na ma grags pa tsam gyis mdos gtor mdzad/ yul
260a4 gru 'ga' zhig la than pa chen po byung bas/gong ma'i lung gis bsngags te char 'bebs mdzad pas nus pa mngon sum du thon/ gong ma dgyes te bya dga' chen po byin pa'i nom pa dang bcas bod du phebs/ dngos po
260a5 rnams ngo shes dang grogs mched su la'ang ma byin par yum gyi don du bla ma dge 'dun la phul/bu ston rin po che'i yang slob mar gyur nas dus kyi 'khor lo la shin tu mkhas/ rgod sgros chu'i grod pa dum bur bcad
260a6 kyang chu mi 'bo ba dang/lcags bsregs la sha rjen gyis reg kyang mi 'tshig pa/ rtsigs pa la rdo drug sbyor gyi zhal ba byas pa rtsigs pa brag chen la 'gyur ba la sogs pa'i rten 'brel mang po mkhyen/ gtso bor karma pa
260b1 rang byung rdo rje'i dbugs 'byin chen pos man ngag spyi dang khyad par rdzogs pa chen po la nyams bzhes mdzad/rgya cher rol pa las bshad pa'i gter chen po brgyad thob pas/ legs par bshad pas sems can thams
260b2 cad tshim par byed pa spobs pa'i gter chen po yongs su grol nas/mdo sngags kyi sangs rgyas la khyad par phye ba'i bstan bcos mdzad pa g.yag sde paN chen gyis gzigs/ shin tu dad pas dpon slob
260b3 bco lngas byon te zhabs la gtugs// sku tshe'i smad la tshogs pa chos lung pa las bsnyen par rdzogs/ mtshan rdo rje 'bum zhes pa rdo rje dpal du bsgyur/ mon spa gro dang/ phung po ri bo che/ ra dum brag la sogs
260b4 par bzhugs shing bshad pas kyang gzhan la phan pa rgya chen po mdzad/brgyad cu rtsa gnyis pa shing mo sprul gyi lor zhi bar gshegs so//// rta nag sgrol ma ba bsam 'grub rdo rje ni/ sngags rnying ma las dngos
260b5 grub brnyes pa rim can gyi sras su rta nag gnas gsar du 'khrungs/zur byams pa seng ge las gsan pa rgya chen po mdzad cing khyad par sgyu 'phrul la mchog tu mkhas/ glan nya tshal pa bsod nams mgon po la sgyu
260b6 'phrul gyi dbang nod/mkhyen pa dang phrin las dpag par dka' ba yin te dben pa 'ba' zhig la thugs gtad do// bye ma seng ger rdzogs pa chen po snying thig la thugs dam rtse gcig tu mdzad/ rig pa tshad la
261a1 phebs te sangs rgyas kyi zhing khams rgya mtsho dang mnyam pa de nyid du spyod/yang dben pa'i zur shAkya 'byung gnas dang/ 'ug pa lung pa'i bla ma seng ge pa gnyis chung chung nas sku drung du bzhag na legs
261a2 pas bskyangs pa'i bla ma'i dam tshig la gcig tu gus shing/zur rgyud la bka' drin che/ shangs pa kun mkhyen zhes grags pa bla na gsal ba de'ang byis pa'i dus na bla ma 'dis dbang mang po bskur zhing byin gyis
261a3 brlabs pas mkhas pa chen por gyur pa sogs byin rlab bsam gyis mi khyab/dgung lo brgyad cu rtsa gnyis pa me pho 'brug gi lo gshegs khar sras la/ nga bde ba can du 'gro/ khyed kyis kyang nga'i lo dang mnyam
261a4 pa thub/de nas bde ba can du shog ces gsungs nas gshegs/ de la zur rgyud dang/ sras rgyud gnyis las zur rgyud ni/ zur ham shAkya 'byung gnas te/ 'di'i yab zur bzang po dpal zhes bya ba'i ring la gong ma
261a5 bu yan thu gan gyi lung dang gnang byin blangs/slar gong ma'i lung gis rgya nag ru 'byon dgos pa byung/ dang po gong ma rgyal po'i rim gro par gyur la mthu rtsal dang nus pa shin tu che bas lo nyes las skyobs pa dang/
261a6 mdos zor thog sel la sogs pas ngo log choms nus/ khyad par rgyal po'i pho brang ta'i tu'i steng gi nam mkhar mi mthun pa'i mtshan ma sprin nag po sdig pa'i gzugs can byung ba sus kyang bshig ma nus pa'i tshe/
261b1 rgyal po'i lung gis skabs dbye nas ma mo 'khang phab kyi mdos dar khang bco brgyad kyis bcings pa btang/ gtor 'chams mdzad pas sprin nag 'thor ba sogs mtha' 'khob gyi yul du dam pa'i chos kyi che ba
261b2 lan mang du bton pas gong ma dad de/yang dag lha dgu'i dbang dang tshe dbang zhus/ dngul gyi tham ka dang/ dngul bre bcu gsum/ phod kha phyed gnyis brgya 'dengs pa'i gos dar gyi 'bul ba phul/ pho brang ta'i tur
261b3 sngags sde btsugs/de'i dus kyi las bzhi'i phur pa pho brang na yod par grags/ de ltar zang zing gi rdzas 'byor pa las rtsa rgyud gsang snying/ 'grel pa spar khab/ gsang sngags lam rim/ man ngag dgu pa sogs
261b4 pa'i snga 'gyur gyi chos sde nyi shu rtsa brgyad par du bsgrubs/so so nas stong phrag re btab ste grwa pa la bkye/ rgyud 'bum bzhengs pa'i cha rkyen mang po bskur ba sogs bstan pa la phan pa rgya che/ slar rgyal po bu yan thu
261b5 rlung gi nad la tshad pa'i bcos byas nas gshegs// 'di dus sa skya dang zur tsho rnams grub mtha'i snying po gcig pas 'dris shin tu zab pa yin/ rgyu des zur byams pa seng ge gshegs pa'i lo rgyus sa skyar bskyal
261b6 bas/de ma legs/ da zur bzang po dpal rgya nag nas bos shig gsungs/ gzhan rnams kyang bgros nas nye gnas 'jam dbyangs gdan 'dren du btang/ des rgya nag tu brtol ba'i tshe tshad pa'i nad kyis bsnyun
262a1 nas 'grongs la khad yod de/mkha' 'gro chos skyong gi byin gyis brlabs nas cung drag pa'i mgo bstan/ de'i tshe nyid kyi gzigs snang la rgyal po bu yan thu dang mjal nas/ khyod bod du 'byon nam
262a2 gnang sbyin ji ltar byin ces gsungs pa la lan zhib tu zhus pas/ci yang ma byin par 'dug gsungs nas yal/ de'i lo rgyus dpon mo tha bu las thos te khyod mthong bas gong ma dran zer nas mchi ma phyung/ slar
262a3 dngul bre bcu byin/rdo rje sems dpa'i sku rgya nag li ma dang/ chos skyong lcam bral gyi 'chams sku bzhengs pa gdan drangs nas bod la byon pa'i tshe mgon pos bod la zhal gzigs nas gom pa bdun 'phags pas
262a4 bse 'bag gom bdun mar grags/bod du byon nas bstan pa'i bya ba la rgyud 'bum bzhengs/ chos skyong bran du 'khol/ ma 'ongs pa mngon sum du lung ston/ slar yang gong ma'i lung gis rgya nag tu gshegs dgos
262a5 pa byung ba'i tshe/'byon par mi spro bas/ rgyal po'i pho nya the mur dar dang/ g+ha ra la dngul bre la sogs pa byin te slog kyang rgyal po'i chad pa 'ong zer 'gro ma 'dod/ der rang dbang thams cad bde ba yin/ gzhan
262a6 dbang thams cad sdug bsngal yin/zhes pa la sogs pa'i zhal gdams mdzad nas rgya nag tu gshegs/ spyir dgung lo sum cu so brgyad las ma bzhugs pa de'i sras yin/ de la zur ham shAka 'byung 'dis chung ngu
262b1 nas yab mes kyi chos la sbyangs shing las sad pas/rang lo lnga par yab rgya yul du gshegs pa'i bsu ba mi chen dang bcas pa'i dbus su rtsa rgyud la bshad pa tho re long mdzad pa thams cad ha las/ dgung lo
262b2 bdun pa nas bshad grwa bskyangs/bla ma kun spangs sar dge tshul dang/ chos rje bsod nams grags pa las bsnyen par rdzogs pa'i mtshan shAkya 'byung gnas su grags/ zur pa shi'i sras/ zur shAkya seng ge zhes bya
262b3 ba go lug rgyal po'i lung dang/gnang byin gser bre chen srang drug cu ma bzhi/ dngul dgar bre chen nyi shu/ gos phyi nang nyis brgya rnams thob cing/ dpon mo tha'u sogs pas kyang bdog pa rgya cher byin pas zur pa'i
262b4 bstan srid la phan pa rgya cher btags la/khyad par rgyal ba zur po che'i sku chos kyi dum bu bzhugs pa'i 'jam dbyangs kyi gser sku shin tu mtshar ba bzhengs nas dpal 'ug bya lung gi rten gtsor mnga' gsol/
262b5 bshad grwa dang sgom grwa'i tshugs kha chen po zin par byas/ bdog pa la 'phangs pa med pas bstan pa'i rim gro lhur len/ mthong na mi mthun pa med pa'i gzi byin gyis hor gyi mi chen the mur dar kyang dad par gyur
262b6 nas tshe dbang zhu ba la sogs pa'i dang ba ston nus pa'i sems dpa' chen po'i ngang tshul la gnas pa de dang/sa bzang lo chen rgyal ba g.yung/ 'jam dbyangs bsam 'grub rdo rje/ sa skya pa'i gdung brgyud/ zur pa'i
263a1 dbu che grags pa che ba rnams kyis mtshon bod dbus gtsang gi mkhas btsun bzang gsum thams cad la gtugs nas mtshan nyid sde gsum/gsang sngags gsar rnying thams cad kyi gzhung dang man
263a2 ngag la legs par sbyangs/khyad par du mngon rtogs rgyan/ spyod 'jug/ dus kyi 'khor lo/ kun byed rgyal po/ sgyu 'phrul lam rim/ gsang ba snying po/ 'grel pa spar khab rnams nan tan du sbyangs pas mkhas grub
263a3 chen por grags/dus phyis mdo dbang zur lugs kyi bstan pa'i bdag po 'di kho na yin/ sgrol chen bsam rdor las mdo dbang gsan pa'i tshe/ rgya bod kyi na bza'/ thab chas/ nas khal lnga bcu sogs kyis sna
263a4 drangs pa'i 'bul ba byas te lung lag len phyag bzhes thams cad mtha' chod par mdzad/gtad rgya kho na'i don du'ang gos yug chen dang gser gyi 'bul bas mnyes par mdzad/ shAkya thub pa dang/ he ru ka rigs
263a5 lnga gzigs snang du shin tu gsal ba gzigs/'dus pa mdo'i lha thems/ gtad rgya'i 'grel pa sogs mang du mdzad/ mdo sgyu sems gsum gyi bstan pa la bya ba rgya chen po mdzad cing/ sgrol ma pa'i sras sangs
263a6 rgyas rin chen dang/gnyal pa bde legs pa la sogs te bstan pa'i gsal byed du gyur pa'i slob ma mang dag bskrun nas dgung lo sum cu so brgyad la gshegs/ gnyal pa bde legs kyi chog khrigs kyang yod
263b1 do//// yang sgrol chen pa'i sras pha rgyud ltar byas na/ sras sangs rgyas rin chen rgyal mtshan dpal bzang po zhes grags pa de nyid yab kyi lnga bcu rtsa drug pa lcags pho stag la gnas gsar du 'khrungs/ mi
263b2 rnams kyis khyed kyi sras 'dis phan ni mi thogs/de tsam gyi gtsigs kyis ci bya zer bas/ 'gro ba la phan thogs pa gcig 'ong gsungs/ dgung lo drug pa la gsang ba snying po'i rgyud thugs su tshud/ zur shAka 'byung
263b3 ba'i spyan sngar byon/nga'i bla ma'i sras zhes gces par bskyangs pas rgyud bzung ba de g.yengs/ yang lo brgyad lon pa na bskyar te bzung/ chos brin rnams yab kyis bslabs pas lo bcu bzhi par gzhan la dbang
263b4 skur ba'i slob dpon pher pa byung/yab las sgyu 'phrul gyi chos skor rnams thugs su chud par mdzad/ da nga rab tu byung nas mtshan nyid kyang sbyang/ gsar ma'i rgyud sde'ang slob pa yin zhus pas/ re zhig mi rung/
263b5 gzod rab tu byung bas chog gsungs/ der ma gcig zhig bdag gir bzung bas sras kha shas 'khrungs/ dge bsnyen gyi rten la bslab sbyangs rdzogs par mdzad/ slar chos 'khor sgang du chig rdzogs mdzad/ sku shin
263b6 tu btsun par bzhugs/sgyu 'phrul la mkhas par gyur pas dgung lo bzhi bcu skor la gsang ba snying po la Ti ka che ba gcig dang/ lam rnam bkod la'ang rnam bshad chen po zhig mdzad/ de bzhin du phrin las shar
264a1 ba brgyad las/khro bo la mngon par rtogs pa rgyas pa zhig mdzad pa dang/ gnas lung la'ang cho ga rgyas pa zhig mdzad/ yab dang thugs sras thub pa rdo rje sogs la man ngag mang du mnyan cing nyams
264a2 su bstar/dgung lo bcu bdun pa la 'gos lo ye bzang rtse ba rjes su bzung ste/ 'di ltar sgyu 'phrul zhi khro'i dbang dang/ sgyu 'phrul gyi tshe dbang/ dong sprugs kyi dbang/ tshe bdag dang/ yang dag me gcig gi dbang/
264a3 sna bo pa'i lugs kyi rta mgrin dang/ zla rgyal ma'i lugs kyi rjes gnang/ phur pa sa lugs kyi dbang drag po'i rjes gnang dang bcas pa/ sems sde bco brgyad kyi rig pa'i rtsal dbang/ gsang snying rgyud 'grel pa
264a4 dang bcas pa'i bshad pa/lam rnam par bkod pa'i Ti ka gnyis kyis mdzad pa'i thog nas bshad pa rgyas pa/ gzhan sgyu 'phul gyi khog gzhung bzhi bcu la sogs pa'i gzhung chung bzhi bcu tsam/ mdo dgongs pa
264a5 'dus pa dang/de'i rtsa ba'i rgyud kun 'dus dang/ gnubs chen gyi mdo 'grel mun pa'i go cha/ sgyu 'phrul brgyad cu pa dang/ bla ma gnyis/ yang dag rtsa ba'i lung rnams kyang gnang/ snying thig spros bcas la sogs
264a6 pa'i dbang bzhi dang/me long bas mdzad pa'i yi ge'i steng nas khrid yig/ rdzogs chen a ro'i man ngag kyang khrid du mdzad/ de bzhin du byang sems ye rgyal ba nas brgyud pa'i thugs rje chen po'i smar khrid kyang
264b1 gnang ste/rgyu mtshan de la brten nas 'gos lo ye bzang rtse bas/ gsang sngags rnying ma zhes grags pa'i phyogs la lhag par mos pa thob cing/ chos spangs pa'i sgribs pas ma spags tsam mo// zhes thos pa'i pha rol
264b2 tu son pa'i mthar thug don dang ldan par song ba yin zhes nges pa brten pa'i tha tshig go/de ltar chos rje sangs rgyas rin chen pas bdun bcu rtsa gnyis pa lcags mo glang gi lo la dbus su phebs/ gangs po ri'i
264b3 bsam gtan gling du dbang grags pa rgyal mtshan gyis zhabs nas btegs/'dus pa mdo la sogs pa'i dbang mang po dang/ gsang snying la sogs pa'i bshad pa dang lung mang po byin/ brgyad cu rtsa gnyis pa lcags
264b4 mo phag gi lo la gtsang du sku gshegs/zur chung pa 'khrungs gnas dus 'di yan chad la lo bzhi brgya dang bcu bdun song//// bdag nyid chen po 'gos gzhon nu dpal ni yab 'gos ston 'byung gnas rdo rje
264b5 dang/yum srid thar skyid gnyis kyi sras su chu sprel la 'khrungs/ spyan g.yas mkhan chen las rab tu byung/ karma pa de bzhin gshegs pa las byang sdom dang/ chos drug gsan/ rngog byang chub dpal las rngog chos
264b6 rnams gsan/khyad par paN chen ba na rat+na las bla med kyi rgyud sde phal mo che'i dbang bskur ba rnams zhus/ mtshan brjod dang dpyid thig/ dbang mdor bstan/ dpe med 'tsho'i sbyor drug rtsa 'grel rnams zhus shing
265a1 bsgyur/rje 'di nyid kyis sgrol chen sangs rgyas rin chen dgung lo bdun cu pa la sa mo phag gi lor sgyu 'phrul zhi khro'i dbang dang/ sgyu 'phrul gyi tshe dbang/ na rag dong sbrugs tshe bdag/ yang dag me
265a2 gcig rta mgrin/lha mo dang zla rgyal lugs/ phur pa 'khor lugs/ sems sde bco brgyad kyi rigs pa'i rtsal dbang sogs snga 'gyur rgyud sde'i dbang bka' thams cad ma tshang ba med pa gsan/ bshad pa'i bka'
265a3 gsang ba snying po rgyud dang 'grel pa so sor bshad pa dang/lam rnam bkod kyi Ti ka khong nyid kyis mdzad pa dang/ gzhan yang khog gzhung gsal sgron sogs rgya bod kyi gzhung chung bzhi bcu skor gyi bshad lung rnams
265a4 dang/mdo dgongs 'dus dang de'i rtsa ba'i rgyud kun 'dus rig pa dang/ gnubs sangs rgyas ye shes kyis mdzad pa'i mdo'i 'grel pa mun pa'i go cha/ sgyu 'phrul brgyad bcu pa dang/ bzhi bcu pa dang/ bla ma gnyis/
265a5 yang dag rtsa ba'i lung rnams kyang gsan/ snying thig la rtsa ba'i dbang spros bcas spros med bzhi'i dbang bskur ba dang/ grub thob me long rdo rjes mdzad pa'i khrid yig gi steng nas khrid dang/ a ro'i lugs kyi rdzogs
265a6 chen man ngag gi khrid kyang gsan zhing mdor na gsang sngags snga 'gyur gyi bstan pa'i bdag po lta bur gyur zhing rje nyid kyis kyang gsang sngags rnying ma zhes grags pa'i phyogs la lhag par mos pa thob cing/chos
265b1 spangs pa'i sgrib pas ma spags tsam mo// zhes gsungs pa'ang bod kyi mkhas rlom phyogs lhung can 'ga' zhig la dgongs pa yin te/ don du'ang rje 'di ni grub mtha' phyogs su ma lhung ba'i bshes gnyen gzhan las
265b2 khyad par du 'phags pa yin cing bstan bcos rnams kyang tshad mar gyur pa'i legs bshad che ba yang mngon sum gyis grub bo// rje 'dis karma pa chos grags rgya mtsho la sems 'grel skor gsum sogs chos bka'
265b3 dbang khrid mang po phul/zhwa dmar cod pan 'dzin pa bzhi pa chos kyi grags pa ye shes dpal bzang po bsnyen par rdzogs pa'i mkhan po dang sgru 'phrul gtso bor gyur pa'i gsar rnying gi rgyud sde rgya mtsho'i dbang bka'/
265b4 bshad dka'/ man ngag gi khrid sogs bsam gyis mi khyab par gnang/ rje zhwa dmar nas kyang bka' drin che ba'i bla ma gcig pur mdzad/ gzhan yang bka' gter gyi bstan pa sgo du ma nas spel bzhin par dgung
265b5 lo dgu bcu tham pa lcags glang lor skur gshegs so//// zhwa dmar bzhi pa spyan snga rin po che tre shod khang dmar du/ yab ldong dgon pa skyabs dang yum dbra bza' bsod nams sgrol ma'i sras su 'khrungs/
265b6 zur mang dgon rje bdun pa chos grags rgya mtsho dang mjal te rab du byung/ mtshan chos kyi grags pa ye shes dpal bzang por gsol/ mkhan po go shrI grags dpal pa dang/ pan sgar pa las kyang chos gsan/
266a1 dgung lo nyer bzhi pa la 'gos lo chen po yid bzang rtse bas mkhan po mdzad de bsnyen par rdzogs/ dus kyi 'khor lo/ bde dgyes/ gsang 'jigs sogs gsar ma'i rgyud sde rnams dang/ sgyu 'phrul
266a2 gsang ba snying po'i dbang bka' dang bshad pa'i bka' thams cad sogs snga phyir gsan pa mtha' yas pa mdzad/ngan lam rgyal ba mchog dbyangs kyi gdungs rigs lo chen bsod nams rgya mtsho las kyang
266a3 gsar rnying gi chos mang du gsan/rje 'gos las phur pa'i dbang gsan tshe mnal lam du slob dpon pad+ma zhal gzigs shing gdam pa'ang bstsal/ gsar rnying gi chos tshul mtha' dag gdul bya rnams la ston bzhin
266a4 pa'i ngang nas dgung lo don gsum pa la gzugs sku brtul/don dam nges 'byed dbu ma chen po'i lha khr-id rgyal tshab chen po'i chos nga la brten cing/ chos skad mthar thug pa phyir mi ldog pa'i gtam gtso bor bzhed
266a5 pa rje 'di kun mkhyen chen po klong chen pa/karma pa bdun pa/ kun mkhyen dol bu chen po sogs mthun no//// de nyid kyis 'bri gung zur pa rin chen phun tshogs la bstsal ba ste/ 'di ni dbur stod 'bri gung sku
266a6 gnyer sgang zhes bya bar skyu ra'i rigs su sku bltams/dgung lo brgyad kyi steng du spyan snga rin po che chos kyi grags pa las rab tu byung/ bcu gsum par rtsis thang bsam gtan gling du dkar po bas khrag 'brug gi
266b1 zhig gsos mdzad pa'i rab gnas la spyan drangs pa'i tshe ngo mtshar ba'i cho 'phrul ci yang byung/yangs pa can dang/ klung shod/ gzho stod til gro sogs gnas chen rnams su sgrub pa la snying por mdzad/ ti grol
266b2 bzhugs pa'i skabs shed 'phags yul gyi grub thob rdo rje mgon po byon nas dza bi ra'i b+hu rlung gi man ngag sogs gdams pa dang rjes su gdams pa bstsal/mkha' 'gro'i lung bstan bzhin sku rten dkar chag tu
266b3 bsgyur zhing yangs pa can du gter gyi kha byang babs pa bzhin gu ru rin po che'i sku gsung thugs bcud dam chos dgongs pa yang zab shog ser rigs lnga til gro'i DA ki'i tshogs khang chen mo nas spyan drangs/dus
266b4 gzhan zhig tu zangs mdog dpal rir byon nas gu ru rin po che he ru ka'i rnam par mjal zhing ga Na tsakra'i 'du bar longs spyad cing/rtsa ba gsum gyi dkyil 'khor la brten nas dbang bskur zhing gdams pa dang
266b5 rjes su gdams pa thams cad bstsal te he ru ka'i sku slob dpon pad+mar gnas 'gyur bas zhal gyi man ngag kyang mang du gnang nas slar rang gnas su phebs/bka' gter gnyis kyi bdag por gyur/ mdo sgyu
266b6 sems gsum la bshad srol thun mong ma yin pa dang/bka' brgyad lugs dgu/ snying thig ya bzhi/ gter kha gong 'og sogs la rtsal du bton cing 'chad nyan gyi phrin las shin tu rgya che zhing mnga' ri paN chen rin
267a1 po che'i phyag srol ltar bka' mas khog dbub/gter ma'i man ngag gis brgyan pa zhigs phyag len du 'debs par mdzad do// des rang grol nyi zla sangs rgyas la sgyu 'phrul skor rnams gsungs/ des
267a2 'khon rigs slob dpon tshe dbang nor rgyas la bshad cing des khong nyid kyi sras 'khon ston dpal 'byor lhun grub la bshad de/rje 'di nyid yab slob dpon de dang/ yum rgyal mo 'dzom gyi sras su lcags bya lor
267a3 'khrungs/chung ngu nas dam pa'i bag chags sad cing nges 'byung gi thugs yang dag pa skyes/ dgung lo bcu lon pa'i tshe thams cad mkhyen pa bsod nams rgya mtsho las rab tu byung/ skyabs 'gro dang sems
267a4 bskyed/thugs rje chen po'i sgom lung sogs gsan/ de sogs gsar rnying gi bla ma 'ga' las ci rigs pa'i chos tshul rnams thams cad gsan/ sgra'i ri mo dang snyan dngags/ sum rtags/ gso rigs sogs
267a5 la'ang bslabs sbyangs dpyis phyin par mdzad/khyad par yab rdo rje 'dzin pa las sgyu 'phrul gsang ba snying po dang/ de'i 'grel pa g.yung ston gyis mdzad pa dang/ kun mkhyen klong chen pa'i phyogs bcu mun sel
267a6 sogs sgyu 'phrul skor gyi 'grel Tika rnams la sbyangs par mdzad pa na sgro phug pa chen po'i bag chags sad pas lam 'di nyid la brten pa'i mkhas grub 'gran zla med par gyur/dgung lo bco brgyad par gnubs
267b1 nam mkha'i snying po'i rnam 'phrul rig 'dzin chen po nyi zla sangs rgyas kyi drung du rdzogs chen klong gsal snying thig gi dbang khrid man ngag dang bcas pa gsan pas chos thams cad kyi gnas lugs rdzogs pa chen po
267b2 rang rig chos kyi skur ngo 'phrod cing gting sleb/gzhan yang bka' gter gyi chos shin tu mang ba gsan/ khyad par don tig 'gro ba kun grol dang/ theg mchog rin po che'i mdzod la bshad lung gsan/ mdo phyogs
267b3 kyi gzhung lugs chen po kun la'ang gsan bsam mthar phyin par mdzad cing chos gra chen po rtses dang du gzhung lugs rab 'byams smra ba'i gra skor mdzad/brag dgon spyan snga gzhon nu chos dpal las rdo rje phreng ba
267b4 sogs gsar rnying gi chos rgya che ba gsan/dgung lo so bzhi par rgyal khang rtse ba dpal 'byor rgya mtsho dang chos kyi rje dge 'dun rgyal mtshan pa mkhan slob las bsnyen par rdzogs pa'ang mdzad nas mtshan dpal
267b5 'byor lhun grub tu gsol/dge lugs phyogs kyi sngags skor rnams kyang gsan/ gsang phu dang se ra byes kyi 'chad nyan slob dpon pa'ang mdzad/ rgyud gsang ba snying po la sngar bshad srol ches dar yang phyis nyag
267b6 phra bar gyur pas rje 'di nyid mkhyen pa che ba'i grags pas/brag sna chos rje u rgyan bstan 'dzin ched gnyer gyis byon te g.yung 'grel kyi steng nas zhib par gsan cing le'u lnga pa yan gyi zin bris kyang mdzad/ khyad
268a1 par zur 'khor lo'i mgon po chos dbyings rang grol rjes su bzung zhing gsang ba snying po g.yung 'grel las nyin re chos thun gnyis re dang/gzhan yang snying thig gi skor rnams sogs mtha' yas pa
268a2 gsan/rje'i bslab ston ltar zur chen gyis chos gra chen po rtse dang du gra skor gyi bstan pa'i rnam gzhag mdzad pas snga 'gyur la rgyud bshad med de 'ong snyam pa'i phrag dog can rnams kha rog ste 'dug go/ 'di tsam
268a3 nas 'du 'dzi'i g.yeng ba spangs te/yul di wI ko Ti'am pha wang kha'i nags khrod du dben pa brten cing bzhugs/ phyag na pad+ma lnga pa chen pos kyang zhabs la gtugs te/ gsar rnying gi dbang lung khrid man ngag gi
268a4 skor mtha' yas pa gsan/bla chen 'ga' zhig gis ltar grub mtha' gtsang gtsang mo yin rgyu pa'i mtshan nyid pa skam po'i rigs kyi shan ma shor ba dang dge ba'i bshes gnyen mtshan nyid dang ldan pas zin pa'i rjes
268a5 de 'dra'i rigs la zer ba yin/de nas dgung gi grangs don drug pa la rje lnga pa chen pos zhabs brtan gyi gsol 'debs mdzad pas da ste yun ring e sdod mi shes zhes zhal gyis ma bzhes shing rnga yab pad+ma 'od kyi
268a6 gzhal yas su 'gro dgos pa zhes gsungs la/me glang zla ba brgyad pa'i tshes bcu gcig la ngo mtshar ba'i ltas dang bcas gzugs sku chos kyi dbyings su thim par gyur/ rje 'di nyid kyis mdzad pa'i bstan bcos
268b1 kyang phyag rdzogs dbu gsum gyi lta ba spyi khyab tu ngo sprod pa'i khrid yig dang/dbu ma'i lta khrid dang/ tha snyad rig pa'i skor yang mang po yod/ rje de'i thugs kyi sras slob ma ni zur chen chos dbyings rang grol yin te
268b2 'di nyid zur gyi rig 'dzin brgyud pa'i gdungs rabs ma chad pa las/yab rig 'dzin chen po ku mA rA dza'i rnam 'phrul zur chen gzhon nu don 'grub dang yum mkha' 'gro'i rigs las mtshan ldan yid 'dzin
268b3 gnyis kyi sras su shing 'brug lor sku bltams/drung pa dkon mchog rin chen pa'i sku skye bar ngos 'dzin mdzad/ rim gyis yi ge 'bri klog dang 'phags yul gyi yig rigs rnams kyang dka' tshegs la ma ltos
268b4 par thugs su chud/yab las nyer mkho'i sgrub skor rnams kyang bslab/ dgung lo dgu par byang ba rig 'dzin ngag gi dbang po mjal zhing zhal nas sku skye bas snga 'gyur gyi bstan pa la phan thogs chen po zhig yong
268b5 zhes lung bstan/lha ris dang rtsis skor rnams dang drag sngags kyi skor 'ga' zhig kyang mkhyen par mdzad cing dgung lo bcu gnyis tsam nas snang gsal rin po che ngag dbang ye shes grub pa'i zhabs su bcar te
268b6 bka' brgyad bder 'dus skor dang/mkha' 'gro snying thig bka' gter gnyis/ bla ma nor bu rgya mtsho/ kar gling zhi khro dgongs pa rang grol sogs kyi dbang lung dang/ nyams khrid mthar phyin pa gsan/ gzhan
269a1 yang ci rigs pa'i gter chos rnams gsan/zhi khro'i dbang bskur ba'i gsang mtshan chos dbyings rang grol du phog/ phyag chen lnga ldan dang gcod khrid sogs sku nyams su bstar/ zir pa stag mgor
269a2 lo gsum phyogs gsum mdzad cing gtso bor rdzogs chen mkha' 'gro snying thig gi ka dag dang lhun grub gnad du bsnun pas chos thams cad kyi rdzun phugs rdib/rang rig gdod ma'i mgon po'i rang zhal mngon du
269a3 gyur pa'i rtogs pa brnyes shing 'od gsal du longs sku'i zhing khams nyul ba'i rtsal 'byongs par gyur/dgung lo bcu bdun pa la rdo rje 'chang pha wang kha pa dpal 'byor mtshan can gyi drung du byon te bla ma sku 'das kyi
269a4 bar la rim gro ba mdzad cing mnyes pa gsum gyis bsten/bla mas kyang thugs dgyes pas rjes su bskyangs nas bka' gter kyi chos tshul rgya mtsho lta bu bum pa gang byo'i tshul gyis gnang/ gtso bor dpal snying po'i
269a5 rtsa rgyud rtsa ba dang/'grel pa spar khab/ bod 'grel g.yung Tika rnams sbyar ba'i gsung bshad mdzad pa nyin re rtsi bzhag thun gnyis re bstsal/ zin dka' se pa la re zeg rgyab i chog zhus pas/ rgyang tsam ma song
269a6 bar zin bris byas na 'jag chen po ma yong bas re zhig nas nged kyis tshod byed gsungs// gzim chung thog khar skyong sbyang gnang nas shog bu sum cu tsam song nas rje'i bka' bzhin zin bris kyang mdzad pas le'u lnga
269b1 pa yan chad song/de man chad kyi zin bris 'phro can du lus/ chu khyi lor dgung lo nyi shu bzhes par slar yang dge bsnyen nas bzung bsnyen rdzogs kyi bar du bsgrubs par mdzad/ snying 'grel phyogs bcu mun sel
269b2 sogs la gzigs rtogs dang/'dus pa'i 'grel pa sgron gsal la bzhi sbrags kyi bshad pa/ rim lnga gsal sgron/ bde mchog sbas don kun gsal/ nor bzang gi dus 'khor spyi don sogs dang/ gsang 'dus
269b3 bskyed rdzogs sogs kyi bshad pa zhus shing thugs la nges par mdzad/shing byi lor chos grwa chen po dpal gyi rtses ngang du dgun chos chen mo'i thog gsang ba snying po'i rgyud kyi bshad pa mdzad pas ston chen tshig la
269b4 rton pa rnams kyi spobs pa bcom zhing snying po'i bstan pa la bya ba cher mdzad pas gzu bor gnas pa rnams bsngags par brjod cing byang ba rig 'dzin chen pos kyang legs dar dpyangs/rje pha wang kha pa las kyang
269b5 klong gsal snying thig gi dbang lung man ngag gi khrid rnams zhib par gsan zhing bsgoms pas nyams rtogs bogs sngar las kyang cher 'khrungs/b+hai ra ba'i 'khrul 'khor sogs gsar ma phyogs kyi drag sngags kyang
269b6 mang du gsan/dge 'bri gnyis 'gras che zhing 'bri gung zur pa rat+na'i zhabs sogs kyis rA hu la'i las sbyor mdzad pas dga' ldan khri pa mang po steng grib kyis gshegs pa la rje dkon mchog chos 'phel khyab
270a1 'jug gi 'jigs pa las grol ba'i srung 'khor kyang mdzad/kaH thog pa stag bla pad+ma ma ti lha sar byon nas snying po'i 'grel pa phyogs bcu mun ser sogs gsan cing khong gis lho brag gsung sprul
270a2 la'ang de'i bshad lung phul ba sogs chos rgyun de ka ma chad par byung ba 'di'o// tshur kaH thogs pa las dgongs 'dus po ti'i lung dbang dang rgyud dgu bcangs thabs bcas pa dang/ las byang me tog phreng mdzes
270a3 sogs kyang gsan// lhag par bka' brgyad bde gshegs 'dus pa'i dkyil 'khor la brten pa'i sa ra ya Na'i sgrub pa mdzad/ 'di skabs tsam nas rgyal mchog lnga pa chen pos bla mar bkur zhing zil gnon sogs
270a4 chos bka' rnams gsan zhing drag sngags kyi skor sogs zhi rgyas dbang drag gi phrin las rab 'byams kyi lung phyag khrid thams cad phul zhing thugs nyams su bstar/kar gtsang mchod yon gyis dge lugs spyi dang
270a5 bye brag dge ldan pho brang ba la sdang zug che bas tsi kum par sde gzar gyi skabs su las sbyor mtha' yas pa mdzad pas/rgyal dbang lnga pa'i phrin las dus bab dang rje 'di nyid kyi byin rlabs lhag par myur bas dge
270a6 ldan pho brang gi lung las bod khams yongs la khyab pa de byung/snum zan grong pa'i rkang 'thung 'khrig pa'i klung// khe nyin gsher gyis don chen 'grub pa'i zhugs// 'bar min ma babs las kyi rta gdong mes// sgar
270b1 gtsang srid sde'i chu bo skem de mtshar// zhes lnga pa chen pos dge phyogs rnams kyis mngon spyod kyi nus pa mngon du ma gyur bar 'os med kyi rje 'di pas bstan pa spyi la sman yon chen por gyur pa'i ched du brjod par
270b2 mdzad do// gzhan yang phur pa lugs gsum dang bka' brgyad lugs gsum/ rdzogs pa chen po klong gsal snying thig sogs kyi nyams khrid rnams gsan pa sku nyams su bstar bas rdzogs pa chen po'i nyams myong
270b3 ma 'khrul pa thugs rgyud la 'khrungs shing 'khor 'das re dogs dang bral ba'i gdeng 'khrungs so// zhes zhal gyis bzhes/ gnas gsar ba mgon po bsod nams mchog ldan dang yang chos kyi dga' ston stob res
270b4 mdzad/byang ba rig 'dzin ngag gi dbang po'i sprul pa'i sku snga 'gyur bstan pa'i nyi ma rig 'dzin pad+ma phrin las ngos 'dzin par mdzad cing thub bstan rdo rje brag gi gdan sar bkod nas/ bka' gter gyi chos
270b5 mtha' dag bstsal zhing bstan pa'i bdag por mnga' gsol/sku tshe'i mthar 'gro dgon skye med zhing gi gdan sa gung thang du bzhugs/ dar sding rig 'dzin chen po 'phrin las lhun grub la snying po'i rgyud kyi bshad
270b6 pa gnang/tshur yang bka' brgyad sogs dbang lung mang du gsan pa dang/ rgya bod hor gsum gyi bla ma skye sbrul sogs chos don gnyer rnams la bka' gter gsar rnying gis rnam par grol ba'i lam gyi dngos
271a1 po ci rigs par sbyor bar mdzad nas sa bya lor rad gung grangs re drug lon pa na ngo mtshar gyi ltas dang bcas pa pad+ma 'od kyi zhing khams su gshegs so// rje 'di nyid la thugs sras slob ma'i
271a2 tshogs bgrang gis mi spyod par bzhugs kyang/gtso bor gyur pa ni rgyal mchog lnga pa chen po ste zhing khams gzhan du gshegs pa'i tshe yang ye shes kyi skus rjes su bzung bar gsungs shing rnam thar rgyal ba mchog
271a3 gi zhal gsum mar/legs byas 'di mthun rigs rtsal kun tu bzang// mngon sum rang ngo 'phrod min de srid du// skye bar mgon po khyod kyis dge ba'i bshes// mdzad nas 'bral pa med par rjes 'dzin
271a4 shog/// ces gsungs pas kyang mtshon par nus so// 'dis gnubs chen sangs rgyas ye shes kyi rnam 'phrul gnyos ston chen po phrin las lhun 'grub la gsang ba snying po'i bshad rgyun spar khab dang g.yung
271a5 Tika gnyis ka'i steng nas bstsal zhing/de las bai ro dang g.yu sgra'i thugs bskyed dus su smin pa rig 'dzin 'gyur med rdo rje sku mched kyi bka' drin las deng sang gi bar du rgyun ma chad par byung ba yin
271a6 no//// yang sgro phug pa chen po'i slob brgyud 'phyong rgyas rgya sman pa sangs rgyas grags zhes bya ba ni/ rus gnya' yul rgya sman stag rtse sar 'khrungs/ gzhon nu'i dus dzam+b+ha la bsgrubs pas zhing chung zhig yod
271b1 pa de'ang chus khyer/bya bral la byon pas spu gu dor phyug po mdzes khyer ba zhig gi ro khur mi ma 'byung bar 'dug/ snying rje drag po skyes te rtog med mdzad nas ro las byas pas mal 'gram nas gser mang po
271b2 byung/des dzam+b+ha las dngos grub byin par 'dug/ slar log te gra phyi khang dmar du khyung po khro bo thug/ khong yang dag bsgrub pa'i phyag phyir bsgrub pa mdzad pas/ yang dag mar me dgu pas zhal gzigs/ de nas
271b3 gtsang du byon/gsang bdag sgro phug pa'i slob ma bya chen po'i dbon po zhig la mdo dang sgyu 'phrul la sogs pa'i gsan pa mdzad/ der phyug po zhig gi nas khal brgya tham pa phul/ cha rkyen gyis mi 'thogs par
271b4 byung bas sgro phug pa'i slob ma nyang nag mdo bo/de'i slob ma lha rjes mda' seng gi las sgyu 'phrul nyan/ mkhas pa chen por gyur nas/ rang yul du rdo thog thel btab/ gnyal pa zhig po'i slob ma rgya 'ching ru
271b5 pas kyang rdo thog pa'i zhabs la gtugs te thos pa mang du mdzad/khyad par du 'di la slob ma mkhas shing grub pa'i dpa' bo skyi chos kyi seng ge bya ba zhig byung/ des gong ma se chen gyi spyan sngar byon pas/ rgyal
271b6 pos nus pa brtag pa'i phyir thub chod mdzad de mchod rten gyi nang du bcug nas sgo brtsigs te lo gcig bzhag/lo dus na phye ste bltas pas/ rdo rje phur bu'i skur gyur 'dug pas ngo mtshar chen po skyes/ rdo thog
272a1 pa la dar ring chen mo la sogs pa'i dngos po tshan chen gnang/'ja' sas bcad pa'i dgon gzhis kyang mang du yod de dar rgyas shin tu che ba byung/ da lta ni ming du grags pa'i rjes shul tsam ste
272a2 bstan pa'i 'phel 'grib 'di yang skyo ba bskul ba'i rang bzhin no/skyi chos kyi seng ge'i slob ma ni/ sman lung pa shAkya 'od de/ 'di ni 'phyong po'i kha ru'i nyang ston chen por sras lnga byung ba yar klung sprul sku mched
272a3 lngar grags pa'i che shos yin/yul yar klung dgon pa sman lung yin pas de skad du grags/ tshigs gnyis pa chos ldan pa'i gdan sa da lta chos ldan zhes pa'i dgon rol 'di ka yin/ mtshan dngos mgon po rdo
272a4 rje zhes bya ba ste grub pa shin tu brnyes pas gyang la sku rgyab gtad pa'i rjes thim gyis song ba da lta'ang yod/sngar 'dir chos gra chen po chags par snang ste rgyud 'bum gyi ras ma'ang shin tu mang bar mthong/ sman
272a5 bsgrub mdzad pas yul 'di sdig pa dang grog sbur kyang dkon pa yin zhes thos/srung ma shin tu nus pa che bas da lta dgon shul kyang bsrung bar snang ste/ lha 'dre rnams dam tshig la shin tu gnas pa zhig
272a6 go/tshigs 'og ma gsum la skal ldan pa/ dur khrod pa/ dbang rgyal ba zhes grags/ de las 'dir tshigs dang po sman lung pa shAkya 'od kyis skyi chos kyi seng ge la mdo sgyu 'phrul rnams legs par bslab// phyis
272b1 glan shAkya 'od po'i sras glan mkhas pa bsod nams rgyal la'ang gsan nas/gsang ba snying po'i khog dbub dang/ Ti ka rgyud don rnam nges la sogs pa yig cha mang du mdzad/ 'di'i slob ma dwags po'i sangs
272b2 rgyas gong la ba yin/de la dwags po nyid du slob ma bla ma gnyen la sogs pa mang du thon zhing/ gtso bor go 'jo ba dag po'i bla mar gyur nas khams su shin tu dar bar gyur ro// yang sman lung pa la dbon shAkya
272b3 'bum pas gsang ba snying po'i bshad pa mkhas par bslab/de la mkhas grub chos dpal yab sras gnyis kyis kyang gsang snying gi bshad pa legs par nod/ sman lung pa'i brgyud pa de dag ni gter kha gong
272b4 'og la'ang gnas dus der chos kyi bdag por gyur ba zhig go/// skyi chos kyi seng ge'i gdan sa ba rgya ye shes mgon pos kyang skyi dang glan chos rgyal gnyis ka la gtugs nas mdo dang sgyu 'phrul mkhas
272b5 par mkhyen/de'i dbon po rdo rje rgyal mtshan ces bya ba gzhon nu la gsang phur byon nas tshad ma rnam nges mkhas par sbyangs/ de nas phu bo rgya ye shes mgon po las mdo dang sgyu 'phrul legs par bslabs nas/
272b6 'grel pa spar khab gzhung du byas pa'i Tika dang/ dbang gi cho ga la sogs pa mdzad/ des rang gi dbon po bla ma tshul rgyal ba la gsungs/ de la ri gdong pa shes rab rgyal mtshan gyis gsan/ 'dis dwags
273a1 por sku rabs dpon g.yog dang sngags pa rnams la bshad pas re zhig na dwags po'i phyogs na'ang dar ba yod zer/shes rgyal gyi slob ma zhang mkhar bsod nams bzang po/ de'i slob ma slob
273a2 dpon bkra shis rgya mtsho/'di la rdo rje rgyal mtshan pa'i snying Tika gi thog nas bshad lung dang/ phur pa lha nag la sogs pa 'gos gzhon nu'i zhabs kyis gsan to//// yang khams lugs su grags pa ni/
273a3 gsang ba snying po'i 'grel pa slob dpon nyi 'od seng ges mdzad pa slob dpon bai ra tsa nas khams 'o rdu byams chen gyi gtsug lag khang du bsgyur nas bshad pa'ang mdzad/ khyad par phyogs der snga 'gyur gyi
273a4 bstan pa yongs su grags par byung ba'i thog ma lta bu ni kaH thog pa yin cing/de la kaH thog pa dam pa bde bar gshegs pa zhes kyang bya/ bla mar shar pa spobs pa mtha' yas sam shes rab seng ge zhes
273a5 grags pa'i bdag nyid chen po de ni bskal pa thog ma med pa'i dus nas byang chub mchog gi go 'phang mngon du byas pa zhig snying po mchog gi bstan pa dang gdul bya mang po zhig gi don mdzad pa'i phyir thabs la
273a6 mkhas pa'i gnad gsang gis lha'i dbang po brgya byin gyi sras mo dang/'od srung gi dus su rgyal po kr-i ka'i sras mo bdun gyi che bar skye ba blangs shing de bzhin gshegs pa bsnyen bkur du mas mnyes par byas
273b1 pa'i 'og tu bdag cag gi ston pa'i drung du gnas brtan chen po b+ha ra d+h+wa dza dang/de'i rjes su mu stegs kyi pan+dita phyis sangs rgyas par gyur pa zhig dang/ sing+ga la'i rgyal po rigs su 'khrungs nas na lan+da'i mkhan
273b2 po rgyal ba'i lha las rab tu byung zhing dus skabs der mu stegs zhi ba pa zhig gis bstan pa la gnod pa cher byas pas slob dpon gyis thog mar grub mtha' de la bslabs nas nyams 'og tu chud pa dang gzod
273b3 rtsod pas btul te nang par chug/yang mu stegs kyi mkhas pa 'ga' zhig dang rtsod pa'i tshe 'jam dpal dbyangs gi mdun gyi nam mkhar byon pas rtsod pa'i spobs pa bcoms/ byang chub sems dpa'i spyod pa la
273b4 'jug pa gsungs nas lho phyogs su byon pa sogs slob dpon chen po zhi ba lhar gyur pa dang/dga' rab rdo rje'i slob ma tog rtse bar gyur nas bsam gyis mi khyab pa'i gzhung mdzad pa dang/ bod kyi ljongs su
273b5 sad mi bdun gyi nang nas rma rin chen mchog tu gyur nas gsang ba snying po'i rgyud la sogs pa bsgyur nas nyan bshad byas pa dang/'phags yul nub phyogs bA ra nA si'i rgyal por gyur pa'i tshe/ bla mchod pan+Dita
273b6 dang/bar la phra ma bcug pa'i blon po'i lce bcad pas da lta ljags cung zad mi bde ba yin gsungs pa dang/ ri dwags kr-i Sh+Na sA ra dang/ drang srong gang+gA ra ri'i drung du ne tso zhig tu gyur pa la drang srong gis rig
274a1 sngags bslabs pas shes shing nus pa'ang thob/dus gzhan zhig tu ri de'i shar phyogs kyi mtsho zhig la gnas pa'i klu sems can la byams pa zhig yod/ de'i lho phyogs su nag po'i phyogs kyi klu
274a2 gdug pa can zhig kyang yod de des sems can la gnod pa rtsom pa'i snga rol du klu dkar po'i steng du dmag drangs nas 'jigs pa'i cho 'phrul dang bcas pas 'ongs pa na klu dkar pos ne tsho la skyabs su song
274a3 bas/des gdugs pa'i klu'i phyogs su bltas te rig sngags bzlas shing gshog pa brdabs pas gdug pa'i lag 'gro 'khor dang bcas pa de nyid du brlag par gyur to// de'i 'og tu 'phags yul nub phyogs
274a4 su rgyal rigs kyi pan+Di ta rten rab byung la sngags kyi nus pa thob pas DA ki rnams la dbang bsgyur bar rat+na shI la zhes pa dang/lho phyogs kyi rgyud du rje rigs kyi pan+Di ta gzhon nu seng ge zhes sngags la mkhyen pa
274a5 che ba zhig dang/de'i 'og tu pan+Di ta chen po su ma ti kIrti'am mtshan gzhan bal po pan+te par grags pa dpal nA ro pa'i dngos kyi slob mar gyur cing/ bka' bab dang po phyag rgya chen po'i ye shes la rang dbang
274a6 brnyes shing rgyud sde thams cad la mkhyen pa che/khyad par bde mchog la grub pa thob/ lho brag mar pa lo ts+tshas kyang nA ro pa'i 'og tu bka' drin che ba'i bla mar mdzad/ sku tshe'i mthar mi nyag rgyal pos spyan drangs
274b1 te rgyal khams der phebs te rgyal po la dbang bskur ba du ma sogs dang phan pa rgya chen po mdzad/de nas kyi tan gyi rgyal pos kyang spyan drangs te sngon du chos ma dar bas rgyal khams thams cad chos la bcug
274b2 cing/rgyal srid chos bzhin byed du bcug/ rgyal po'i gtsos dra ma rnams la bde mchog gi dbang bskur mdzad cing yi dam du phog pa thams cad kyi bsgoms pas dngos grub sna re ma thob pa med par grags/ de
274b3 nas rgya mtsho'i gling zhig tu byon pa na sgra dang 'od la sogs pa'i ltas chen po byung nas gshegs pa'i tshul bstan/de nas bar do gzhan ma byung bar yab kyi spyi bor bzhugs nas yum gyi lhums su zhugs pa yin
274b4 gsungs te/bdag nyid chen po 'dir sku skye ba bzhes pa yin no// dam pa 'di mdo khams bu 'bor sgang du gtogs pa 'bri chu'i 'gram du rje phag mo grub pa dang yum mched du gyur pa ste rje phag gru rme shod 'bal
274b5 mor da lta gser khang du brjod pa der 'khrungs pa yin pas rje 'di yang de dang mi ring ba zhig tu 'khrungs pa yin te 'ong/gang ltar gdung rus sga yab gtsang pa dpal grags/ yum gtsang mo rin chen rgyan gnyis
274b6 kyi sras su chu pho stag gi lor 'khrungs/'di rje khams pa chen po 'am phag gru lo bcu gsum pa'i chu stag de yin/ bcu bdun la dbus su byon/ 'phan yul du bla ma byang chub seng ge las rab tu byung/ mtshan shes
275a1 rab seng ger gsol/nags kyi mkhan chen las smad 'dul gyi rgyun las bsnyen par rdzogs shing 'dul phyogs la mkhas par sbyangs/ zur sgro phug pa chen po'i thugs sras 'dzam ston 'gro ba'i
275a2 mgon po bya ba las/sgyu 'phrul gsang snying gi skor dang sems phyogs sogs gsan pas de dang de la mkhas pa'i pha rol tu phyin/ rje sgro phug pa dang kaH thog pa'i bar la bla ma gcig bzhugs pa de yin/ lnga pa
275a3 chen po'i gsan yig tu kaH thog pa rang gis sgro phug pa la thug par gsungs/'dzam ston pa zhes pa ni yul gyi ming nas btags pa ste/ rje karma pa dus mkhyen gyi rnam thar la dpyad na kam po gnas dang nye ba
275a4 zhig yin par grub cing/der nyid kyi slob ma rtogs ldan zhig gis skye ba ngos bzung ba la 'dzam skye ba gsum pa zhes grags pa dang/ gzhan yang 'dzam ston sangs rgyas bya ba dang/ 'dzam gyi spang phug tu
275a5 bzhugs pa'i btsun pa zhig gis rje dus mkhyen/spyan ras gzigs su mthong bas 'dzam yul tsam na sgom bzang bar grags pa sogs kyi lo rgyus byung ba dpa' bo gtsug lag pas kyang de dang mthun par bkod
275a6 'dug cing/da lta 'ga' zhig gi 'dam spang phug ces brjod pa'i yul de yin no// rwa lo'i slob ma kam lo tswa las bde mchog rgyud chen bcu sogs dang/ cog ro lo tswa las phag mo phyi ma dang sdom 'byung/ kam
275b1 chos kyi ye shes las dgyes pa rdo rje'i skor/'gos lo tsa ba'i slob ma ldong ston rdo rje snying po dang bo d+hi zhang ston las 'dus pa/ de gnyis ka'i slob ma la stod dpal gyi dbang phyug las sgron gsal gyi bshad pa
275b2 dang gshed skor/rje dus mkhyen las 'khor lo bde mchog gi dbang bskur gyi rim pa dang/ phyag rgya chen po/ nA ro chos drug gi man ngag la sogs pa rnams gsan/ rje dbu se'i thugs kyi sras mchog tu mdzad
275b3 cing spyir yang bdag nyid chen po 'di'i skye ba du mar 'jam pa'i dbyangs kyis dge ba'i bshes gnyen mdzad pas shes bya thams cad la chags thogs spangs pa'i thams cad mkhyen par bzhugs shing mdo
275b4 sngags spyi dang khyad par rdo rje theg pa snga phyir bod kyi ljongs su 'gyur ba tsam la gsan bsam ma mdzad pa med pa lta bu dang/'dzam ston rin po ches/ khyod kam po'i gnas su song nas sgrub pa la gzhol na phung
275b5 po 'od du dengs pa gcig 'ongs/kaH thogs tu song na bstan pa mthar rgyas pa gcig 'ongs te mchi gsungs pas bstan pa kho na thugs la bcangs te kaH thog ces pa'i sa cha 'tshol nas byon pa zhig la thog
275b6 mar ka thil du sleb cing der phyugs 'tsho ba'i byis pa rnams la kaH thog gang du yod dri bar mdzad pas phu ya ki yin zer/der phyugs rnams gdul bya'i rten 'brel dang/ rdzi bu rnams slob ma'i rten 'brel du
276a1 dgongs/de nas sa yul yi ge ka 'dra ba'i thog sa mo yos kyi lor dgon pa 'debs pa'i gtsug lag khang bzhengs pa na bon kyi tha tshig la gnas pa'i rdo gnyan rmad bus gzugs dngos su bstan
276a2 nas sgo sna tshogs kyis bar chad brtsams pa la rje dpon slob gsum gyis rjes 'ded du phyin pa na pha wang zhig la thims/de chos rje gtsang ston gyis chos gos kyis bcings nas khrid/ dam pas phyag lcag gis
276a3 brab nas ded/lung pa'i shod kyi chu khar bskyal ba dengs sang mngon sum gyi yul du gyur pa dang/ bon po brgyad kyis ngan sngags bsgrubs pa dpal lha mos bsgrub khang gi brag brdibs nas sleb pa de'i steng dam
276a4 pa'i phyag gis rgya gram bris pas pha wang brgyad sleb bya ba yin/de la sogs pa grub pa'i rtags mtshan bsam gyis mi khyab pa dang bcas pas chos gzhi btab nas bzhugs/ shar a mdo'i yul tshun chad/ lho tsha
276a5 ba rong dang glo mon tshun gyi slob ma rnams 'dus pa la gtso bor rdzogs pa chen po dang/sgyu 'phrul gsang ba snying po'i bshad pa'i bka' dang dbang bka' bsgrub pa sogs rgya bod kyi 'grel pa gzhung che chung thams
276a6 cad la dpal ldan zur ba'i bka' srol gyi rgyun dang mdo dgongs pa 'dus pa la sogs rtsal du bton nas gsungs/gzhan yang 'jam dpal sgyu dra sogs dang mdo phyogs su'ang rgyal ba byams pa'i gzhung chen
276b1 po rnams dang byang chub sems dpa'i spyod pa la 'jug pa sogs shin tu mang bar bshad cing mdor na mdo khams kyi ljongs su gsang sngags kyi bstan pa gzhi bzhengs su btings pa yin/dgung lo don gcig
276b2 par chu pho bya ba'i tha skar can gyi zla bar gzugs sku brtul ba'i tshul bzhengs/skyes bu chen po 'di nyid la 'phags pa 'jam pa'i dbyangs ni gshegs bzhugs mi mnga' bar dus thams cad du mi dang mi lab pa
276b3 bzhin bzhugs shing mdzad pa thams cad lung ston pa zhig yod la/sangs rgyas mi bskyod pa dang/ bde ba can dang/ sman gyi bla ma'i zhing khams sogs ni rtag par gzigs/ sgyu 'phrul zhi khro dang/ bde mchog
276b4 lha drug cu rtsa gnyis dang/dpal he ru ka'i dkyil 'khor rnams kyang nam bzhed la gzigs shing/ de bzhin gshegs pa rigs lnga sogs las chos gsan pa dang/ byang chub sems dpa' rnams dang chos kyi
276b5 gtam mdzad pa dang sku'i skye ba 'di nyid kyi 'og tu bde ba can du byang chub sems dpa' blo gros snying po zhes bya ba'i tshul gyis bzhugs shing sa brgyad pa'i mngon rtogs brnyes pa dang/ma 'ongs pa na bskal pa
276b6 skar ma bkram pa lta bu la bde bar gshegs pa tshe dpag tu med par 'gyur ba'i lung bstan brnyes shing mdor na skyes bu 'di nyid kyi spangs rtogs ni thun mong gi snang ngor sprul pa'i sku 'jig rten du bzhugs pa
277a1 la dgongs pa dus gsum gyi bde bar gshegs pa rnams dang dbyer med pa ste so skyes bsam par mi nus so// de nyid kyi rgyal tshab gtsang ston pa ni de bzhin gshegs pa thams cad kyi thugs rdo
277a2 rje mi bskyod pa'i rnam par 'phrul pa las 'phags pa'i yul du mnga' bdag mai tri pa'i thugs sras rgya gar phyag na zhes bya bar gyur cing slob dpon de las dbang bzhi rten can zhus nas bsgoms pas phyag rgya chen
277a3 po'i bka' bab cing rtogs pa mngon du gyur/glang chen smyon pa sdigs mdzub bstan pas bzlog pa sogs nus pa thob/ mthar sku lus de nyid kyis phyag rgya chen po'i dngos grub thob/ de'i 'og tu kaM lo tswa ba ye
277a4 shes mchog ces bya ba sngags rgyud thams cad la mkhas shing khyad par tsakra sam+bar la brten nas grub pa brnyes pa zhig dang/de'i rjes su gtsang kha'i phyogs su sde snod 'dzin pa chen po zhig dang/ de'i 'og du
277a5 chos kyi rje nyid yin par gsungs shing 'khrungs pa'i yul ni bu 'bor sgang gi bye brag gtsang zhal zhes pa de nyid yin nam sems te/yul las mtshan du chags pa gtsang ston zhes brjod pa'i phyir dang/ rje nyid kyi
277a6 gsungs las/ban sdom rdo rje rgyal mtshan nga// bu 'bor sgang du skyes pa yin// bla ma dam pa bsten pa yin// gdams ngag bdud rtsi 'thungs pa yin// sgrub la brtson 'grus chung ba yin// dkar po'i grogs
277b1 kyis btags pa yin// mi ngo bsrung la g.yel ba yin// sbas yul mthil du rgas pa yin// zhes 'byung ba'i phyir ro// dgung lo bcu bdun par bla ma bde bar gshegs pa mjal nas chos gsan/ dpon slob
277b2 lhan gcig par mi nyag tu byon/der man ngag thams cad kyang gnang/ nyi shu rtsa gcig par 'bri ti ra mdo'i dgon du byon nas bzhugs/ nyer gsum la kaH thog tu byon nas bsgoms pas dus gzhan zhig tu bla
277b3 ma bde bar gshegs pa'i nyams snang du/lung mdo chen po zhig chus gang ba'i nang du 'od chen po bltar mi bzod pa zhig 'dug pa la ci yin gsung bar skyes bu chen po khyod kyi slong ma bcu gcig kun tu 'od
277b4 kyi sa la gnas pa'i gdan yin zer ba byung/de khyod yin gsungs/ de tsam na dpal he ru ka dang bzhi bcu rtsa gnyis kyi dkyil 'khor rnams gzigs/ dpal lha mo dang nag po chen po yang dus rtag tu gzigs/
277b5 dgung lo nga drug pa la kaH thog gi gdan sar phebs/ mdo sgyu sems gsum gyi bstan pa bla ma'i bka' srol bzhin bskyangs/ 'di skabs su sems dpa' chen po spom brag pas kaH thog gi rin po che gtsang ston
277b6 pa de snyan pa shin tu che bas ci 'dra zhig yin nam dgongs pa btang bas sprin med pa'i nam mkha' lta bu'i 'od sngon po'i gzhal yas khang chen po zhig gi nang na longs spyod rdzogs pa'i lha tshogs mang po bzhugs
278a1 pa gsal ba dang/rin po che gtsang ston pa bzhugs pa'i thad nas 'ja' 'od kha dog sna tshogs pa'i phung po bsam gyis mi khyab pa gzigs pas 'di sangs rgyas yin par 'dug dgongs nas de
278a2 nub tshogs mchod cig mdzad par gsang sngags rnying ma'i he ru ka mang po zhal gzigs/mnal lam du rin po che sna tshogs las grub pa'i ri chen po dpag par dka' ba zhig gi dngos su sman sna tshogs skyes pa
278a3 la mi mang po sman thu zhing 'dug/ri de'i rtse mo na 'od sngon po'i gzhal yas khang chen po zhig gi dbus su bla ma kaH thog pa 'od kyi rang bzhin du bzhugs 'dug/ dung dkar po chen po 'bud mi med par rang grag
278a4 tu grags pa las/dung dpag tu med pa 'phros te thams cad kyang rang grags tu phyogs thams cad khyab par ti ri ri 'gro ba gzigs/ khong gi snyan pa phyogs med du 'gro bar 'dug gsungs/ de'i phyis su
278a5 kaH thog tu byon nas rin po che gtsang ston las sgyu 'phrul gyi dbang bskur ba zhus pas mkhyen pa'i ye shes phyogs med du sad par gyur/kaH thog pa thugs dam rdzogs pa chen po la mnyam par bzhag pa'i tshe
278a6 nam mkha' ltar ci yang mi snang ba dang/nub gsum la zhi khro'i lha tshogs dpag tu med pa gzigs pa sogs dag snang bsam gyis mi khyab pa shar gsungs/ de yang rin po che 'di nyid kyi thugs rgyud kyi yon tan
278b1 rnams gtsang ston rin po che'i byin rlab kyis sad par mdzad la/de nyid kyi yon tan rnams kyang spom brag pas gzigs pas dpon slob de dag gi mngon rtogs ci 'dra yin soms shig/ lan gcig mi bskyod
278b2 pa'i zhing khams gzigs pa zhig la 'khor gyi sems dpa' rnams kyis chos rje 'di la byang chub sems dpa' nor bu'i snying po zhes pa'i sgra ti ri ri sgrogs shing sku skye ba de'i 'og tu bde ba can du de ltar 'gyur ba
278b3 yin gsungs/yang zhing khams de nyid lan gcig gzigs par ston pa mi bskyod pas rigs kyi bu nor bu'i snying po khyod ma 'ongs pa'i dus su de bzhin gshegs pa 'od zer rab tu 'gro ba zhes bya bar 'gyur ro
278b4 zhes lung bstan pa'ang gsan/dgung lo dgu bcu bzhes pa me pho byi ba'i lor sprul pa bsdus so// de nyid kyi rgyal tshab byams pa 'bum ni/ 'phags pa'i yul du grub chen dza lan+d+ha ri pa'i thugs sras grub pa'i
278b5 'khor lo sgyur ba spyod 'chang dbang po yin te/rje btsun mi tra dzo kis slob ma so ma dzo ki la/ khyod bod du 'gro na lan gcig kaH thog tu 'gro dgos pa yin gsung/ ci'i phyir zhus pas/ slob dpon shAn+ta de ba
278b6 dang slob dpon badzra pA ni bod la skye ba bzhes nas gdul bya dpag tu med pa'i don mdzad la/de'i gdan sar da lta'ang slob dpon kah+na pa chen po sku skye ba der bzhes nas gdul bya dpag tu med pa'i don
279a1 mdzad nas da lta'ang bzhugs so// zhes gsungs pa dang/ gzhan yang/ rgya gar gyi rgyal po d+harma pA la'i sras ma hI pA lar 'khrungs shing grub pa'i slob dpon mang po bsnyen bkur gyis mnyes par
279a2 mdzad/bA ra nA sIr bram ze'i rigs kyi dge slong dA na kIrti zhes pa bram ze chen po'i slob ma phag mo zhal gnyis ma la thugs dam mdzad pa zhig dang/ ma ga d+har tshogs dpon gyi rigs su 'khrungs pa rten dge
279a3 slong A nan+da shrI zhes pa bde mchog lhan skyes la brten nas dngos grub brnyes shing rdo rje gdan gyi mkhan po mdzad nas bstan pa la bya ba mdzad/de'i 'og tu rje byams pa chen por sku skye ba bzhes pa yin no/ dam
279a4 pa rin po che dang chos kyi rje gnyis car las mdo sngags kyi chos tshul rgya mtsho tsam gsan bsam bsgom gsum mdzad de mthar phyin pa ni chos kyi rje las mdzad pa ste/dam pa rin po che/ bu khyod las byung ba'i
279a5 byams pa 'bum// zhes gsungs pa'i phyir ro// chos kyi rje sku ma bzhugs pa'i 'og tu dgung lo zhe brgyad pa la gdan sar bzhugs shing sgyu 'phrul dang rdzogs chen gtso bor gyur pa'i mdo sngags kyi chos tshul rgya
279a6 mtsho lta bu'i dga' ston spel/mchog gi sprul sku karma pa chen po 'bri rgyal dam pa chos phyug tu sku 'khrungs shing byang chub sems dpa' spom brag pa dang sha 'bam du thog mar mjal ba zhig la khong gi bka' bzhin
279b1 kaH thog tu phebs nas byams rin po ches mkhan po dang/spyan snga mang phu ba bsod nams 'bum pas las slob mdzad de karma pa bsnyen par rdzogs pa dge slong gi dngos po bsgrubs te thub pa'i rgyal tshab tu
279b2 mnga' gsol/mtshan chos kyi bla mar gsol zhing sgyu 'phrul dang rdzogs chen gyi dbang dang gdams pa'ang gsan/ dgung gi grangs don bzhi'i bar bstan pa dang 'gro ba'i don mdzad nas chu byi lor gzugs sku'i
279b3 bkod pa bsdus shing de'i 'og tu dpal ldan 'bras spungs su byang chub sems dpa' ka ma la shrI zhes par gyur nas gdul bya'i don mdzad/de'i rjes su bde ba can du byang chub sems dpa' zla ba'i snying po'am
279b4 kun tu bzang po zhes bya ba'i tshul gyis phyi mtha'i bar bzhugs shing sems can mtha' yas pa'i don mdzad do// de nyid kyi rgyal tshab spyan snga ba chen po bsod nams 'bum pa dgung grangs sum cu bzhes par
279b5 gdan sar bzhugs/mdo sgyu 'phrul rdzogs chen gtso bor bton cing bstan pa bskyangs/ re gcig pa la gshegs/ de nyid kyi rgyal tshab dbu 'od ye shes 'bum shing pho stag la sku 'khrungs/ nyer dgu la gdan
279b6 sar phebs/mdo sgyu sems gsum gtso bor gyur pa'i mdo sngags kyi chos kyi 'khor lo rgya chen po bskor zhing dus skabs der chos kyi rje sa skya pan+tita dang 'phags pa rin po che khu dbon hor rgyal pos gdan
280a1 drangs te phebs/lam bar 'dzin du rnam rgyal lha khang bzhengs/ kaH thog pa'ang der phebs/ sa skya pa bzhugs pa'i phyogs thams cad dngul gyis gzhi dang sa 'dzin gyi rang bzhin du gyur/ cig
280a2 shos kyi phyogs su de dag gis dben par gyur pa na/der lha khang la gsar rnying gnyis rab gnas dus gcig mdzad rgyur kaH thog pa'i zhal nas rab gnas kyi thog ma'i bgegs skrod de nged rnying ma bas byed/
280a3 ye shes pa gzhugs pa sogs rab gnas dngos gzhi de khyed gsar ma mdzad par zhu gsungs/ der kaH thog pas bgegs skrod pa'i ting nge 'dzin la zhugs pas lha khang phyi nang bsgyur/ sa skya bas ye shes pa
280a4 dbab pas slar rnal du gnas par mdzad pa'i ngo mtshar bstan/kaH thog pas 'phags pa rin po che la sgyu 'phrul zhi khro'i dbang bskur ba mdzad cing hor yul du theg/ slar chos kyi rje hor yul du gzugs sku
280a5 bsdus/'phags pas bod du phyir byon skabs skyes su mchod rten li ma thog tshad gsum dang ting chen po bdun tshar sogs kaH thog tu dbul bar mdzad pa lta'ang yod/ de dag gi tshul sa skya pan+Di'i rtog pa brjod
280a6 pa snyan ngag gi bstan bcos chen po dge dbang gnyis pa rin spung sa spyod ngag dbang 'jigs med grags pas mdzad pa skal bzang legs lam du/'bri chur sgras bod bdud kyi rtsi// btung ba thams cad
280b1 legs byas su// 'gro ba'i rgyud gyis nyer 'tsho rnams// bde dang 'byor pa phyugs gzigs nas// kye ma ma la srid pa yi// rnam 'gyur yid 'ong rtsom pa las// rten 'byung tshogs ni rgya che ba// brtag par bya de
280b2 rgyal gyur gsungs// de nas rdzu 'phrul rkang pa bzhi yi 'degs 'jog re la chos 'khor mtshan ma brgya// 'god bzhin spro bas rgyal ba'i gong 'phang la zhon 'dzin du byon la de bzhin du// gsang sngags rnying ma'i
280b3 snying po rnal 'byor grub pa yongs mdzad shar gyi kaH thog pa// dbu 'od ye shes 'bum ste gzi byin nyi ma 'bum phrag 'gongs dang lhan cig tu// brten pa lha yi snang brnyan 'ga'// gsar du bsgrubs la
280b4 kaH thog pas// bgegs rnams bskrad pa'i drag shul gyis// lha sku rnams kyang ring du song// dam tshig sems dpa' de yar ba// gang du sa skya paN chen mthus// skad cig la bkug ye shes kyi// sems dpa'
280b5 brjid ldan lhag gnas bstsal// thabs shes bdag gi nga yir med// ye shes sgyu ma'i rang mtshan las// mchog chos grub pa'i rol rtsed kyis// phreng ba mnyam nyid bsham mo che// theg pa rim pa dgu yi
280b6 mgon// de yis 'phags par sgyu 'phrul dbang// bskur ba'i dril chen sgra bzhin du// rna ba brgyud mar dbyangs su len// dngul gyi sa gzhi sa 'dzin can// yangs shing dar ba'i ku mud dang// 'khrul las zla
281a1 ba'i 'jig rten ni// dga' ba 'khyil ba'i thad brgyud do// zhes pa la sogs kyis rjod byed snyan cing mdzes pa'i rgyan dang/ brjod bya don gyi lus rdzogs par gyur pas snyan dngags smra ba gzhan
281a2 gyis cha tsam yang bsgrun du med pa nyid du mthong ngo// rje dbu 'od pa'i rgyal tshab byang chub dpal pa dgung lo zhe bzhi par gdan sar byon/ 'di'i dus su bar khrod dang/ spang khrod/ dam phug rnams su phung po 'od
281a3 skur dengs pa mang du byung/lha khang bzhengs skabs su las byed rnams kyis phyugs lug mang po bsad nas sha lpags pa so sor phral ba la drung nas se gol zhig gtogs par mdzad pas thams cad co dir gyis
281a4 mkha' spyod du song bar grags/dgung lo re bzhi pa la gzhan don du gshegs/ de'i rgyal tshab bsod nams bzang po dgung lo nga gsum pa la gdan sar phebs/ gzhi sgyu 'phrul dang rdzogs chen gyis bzung zhing
281a5 'di skabs tsam nas nyang dang chos dbang sogs gter chos sngon ma sngon ma rnams cung zad re dar bar byung/re gsum pa la gzhan don du gshegs/ rgyal tshab kun dga' 'bum pas kyang sngon bzhin du bstan
281a6 pa bskyangs/de nas dbang phyug dpal ba dgung grangs so brgyad par gdan sa mdzad cing 'di skabs bshad pa bag tsam re las sgrub pa kho na gtso bor mdzad cing thugs dam la rtse gcig tu bzhugs pa la/ dus
281b1 gzhan zhig tu 'jang rgyal po dmag dpung chen po byung bar nye gnas kyis dmag byung bas ci tsug drag zhus par khong nyid kyi thog tu rtsam pa mang po lugs shig gsungs// de bzhin du byas pas kha ba chen po bab
281b2 nas dmag rnams phyir log/slar zhabs su btud de gser gyi thub pa'i sku dang/ ba so las bcos pa'i gan+d+ho la'i bkod pa/ da lta'i gtsug lag khang gi rtse'i gany+dzir che ba 'di rnams phul/ de nyid dgung grangs
281b3 nga gsum pa la gzugs sku bsdus// rgyal tshab blo gros 'bum pa zhe gsum pa la gdan sa mdzad/ 'di'i slob ma chu gsor nam mkha' 'bum sogs grub brnyes mang po byung/ zur 'ug pa lung dang gsang sngags
281b4 gling rnams su bar skabs su bstan pa nyag phra bar gyur pa la mdo sgyu 'phrul sogs dar bar mdzad cing dbus gtsang khams gsum du bstan pa la phyag rjes che/re lnga par gzhan don du gshegs/ rgyal tshab blo
281b5 gros seng ge dgung lo so drug par gdan sa mdzad/bka' ma snga dar rnams kyis gzhi bzung nas gter ma'i skor yang 'di skabs ka dar rgyas su mdzad pa yin/ drug cu pa la gshegs/ rgyal tshab byang chub blo
281b6 gros kyis kyang sngon gyi rgyun de ka dang khyad par sgyu 'phrul sde bzhi dang lam rnams bkod la'ang bshad pa mdzad/ri rtsibs dang bar khrod sogs su spang ba bsam gtan gyi sde'ing shin tu rgyas/ de nyid kyi rgyal tshab
282a1 byang chub seng ge dang byang chub rgyal mtshan gnyis kyis kyang bka' gter gyi 'chad nyan sgom gsum shin tu rgyas par mdzad/byang chub rgyal mtshan gyi slob ma bu 'bor mkhas grub dz+nyA na ke tu ni
282a2 gnyags ye shes gzhon nu'i rnam 'phrul du lung gis bstan cing mdo sngags spyi'i lam rim thams cad la mkhas/khyad par mkhas grub chen po bra'o chos 'bum las 'dus pa mdo dang sgyu 'phrul zhi khro'i dbang
282a3 dang bshad pa sgrub thabs sogs ma lus par gsan/bla ma de las rmog ston rdo rje dpal bzang gis 'dus pa mdo zhus shing/ de las sems dpa' chen po dar lung pa rdo rje rnam rgyal gyis zhus/ rgyun de las
282a4 'dus pa mdo khams lugs su grags pa dbus su bab pa yin te slar 'chad do// mkhas grub ye shes rgyal mtshan gyis gsang ba snying po rtsa 'grel rnams dang/ mdo dgongs 'dus/ rdzogs chen sems klong man
282a5 ngag gi sde gsum so so'i bka' srol gyi rtsa ba rnams slar yang nyi ma ltar gsal bar mdzad cing bshad sgrub kyis bstan pa khyab gdal du spel/zhi khro dang phur ba bka' ma'i 'grel pa/ gsang ba snying po la
282a6 'grel pa/sa bcad/ bsdus don/ lam rnam bkod la Ti ka dang mchan bu/ spar khab dang thugs thig la mchan 'grel/ dam tshig gsal kra la 'grel pa gsal ba'i me long/ zhi khro'i phyag rgya bcing thabs kyi yi
282b1 ge/dam pa rin po che'i theg pa spyi bcing gi 'grel pa/ tshogs kyi 'khor lo'i rnam bshad sogs bstan bcos shin tu mang bar mdzad/ rje de nyid kyi slob ma kha ba dkar po ba nam mkha' rgya mtsho/ kun dga' zla
282b2 ba/phyogs med byang sems/ lab ston nam mkha' rin chen sogs mkhas shing dngos grub brnyes pa kho na'ang mang du byon pa las kha ba dkar po bas gsang snying spyi don dang/ sa bcad/ bsdus don/ lam rnam
282b3 bkod la Ti ka sogs mdzad/mkhas grub chen po nyid sku tshe'i mthar 'phags mtsho ri khrod du sgrub pa kho na la gzhol zhing bzhugs nas bu 'bor dang kha ba dkar po/ 'jang yan chad kyi gdul bya dpag tu med
282b4 pa'i don mdzad nas mkha' 'gro ma las kyi dbang mo ches khyod drug cu re bzhi'i dus 'di nas tshe 'phos nas byang gi phyogs su 'gro don rgya cher mdzad/de nas bde ba can du byang chub sems dpa' bde ba'i myu
282b5 gus sangs rgyas kyi zhing sbyangs shing dag pa'i bskal pa yon tan bkod par bde ba'i snying po zhes bya bar 'tshang rgya bar 'gyur ro// zhes lung bstan pa'ang thob/ sangs rgyas dang byang chub sems dpa'i tshogs
282b6 kyis zhal gzigs shing thun mong gi spyod yul du'ang bla gos nyi zer la bkal ba sogs mkhas pa dang grub pa'i rnam thar la bsam gyis mi khyab bo// 'di yan chad kaH thogs bla rabs bcu gsum zhes rigs
283a1 gsum mgon po'i rnam 'phrul zam mi 'chad du byon cing/snga 'gyur gyi bstan pa bshad sgrub gnyis ldan gyis bskyangs pa yin no// yang dam pa bder gshegs gyi slob ma rong po thos chog rnam
283a2 gsum zhes/shes rab rgyal mtshan dang/ shes rab dpal ba/ shes rab rdo rje gsum ste dbang rnon cig car gyi gdul bya ji bzhin par nges shing dam pa rin po che'i chos gsungs pa'i sgra thos pa tsam gyis
283a3 chos thams cad kyi gting sleb pa'i grub pa'i dbang phyug chen por gyur/khong gsum nyid kyis shar rgyal mo rong du bstan pa spel ba las da lta'i bar bstan pa rin po che ma nyams shing dar ba 'di ka byung ba yin
283a4 no// yang ka dam pa'i slob ma'i mchog lung bstan bu bzhir grags pa las/ 'bru tsha sgang pas bum rong bzhag gsum kha ba dkar po yan chad du dgon gnas brgya rtsa brgyad btab par grags shing bstan pa khyab
283a5 gdal du spel ba'i phyag rjes che/tsa sde spyan snga nam mkha' rdo rjes go 'jo tsa sde dgon pa 'debs par mdzad/ khong gi slob ma drung thugs rje ye shes/ ston pa dbang 'byor sogs las sgyu 'phrul dang rdzogs chen
283a6 gyi skor rnams dbus su babs pas khams lugs zhes pa de byung/rmog ston 'jam dpal seng ges 'bri rgyud du dgon pa mdzad cing bstan pa dang sems can gyi don rlab bo che bsgrubs/ khong las
283b1 grub thob rmog rabs bcu gsum du grags pa'i rgyud rnams byung/grub thob ma Ni rin chen gu ru chos kyi dbang phyug gi thugs rje chen po yang snying 'dus pa'i rtsa ba'i chos kyi bdag por ngos bzung zhing khong nyid kyi
283b2 sras mo kun grol 'bum dang lhan cig kaH thog tu sngags kyi lung bstan mdzad kyang ma Ni rin chen rab byung gi brtul zhugs las ma 'das pas rten 'brel cung zad phyugs/'on kyang gong ma rnams gsum gyi
283b3 gdung 'bum sogs kyi zhabs tog mdzad pa'i las zin ma thag de nyid du bla gos kyis gshog pa ltar mdzad nas nam mkha' la bya bzhin 'phur nas phar ka'i ri rtser bab/der zhabs rjes kyang yod/ de nas ra
283b4 gcog tu bzhugs shing ring por ma thogs par sku 'od phung du yal lo// bla rabs bcu gsum gyi rjes su drung rabs bcu gsum byon nas rim gyis bka' gter gyi bstan pa bskyangs mod/ 'on kyang bka' ma
283b5 rnams phyis rim gyis nyag phra ba bzhin gyur/smos ma thag pa'i bla rabs rnams kyi dus dge 'dun khri phrag bco brgyad du longs pa'i bstan pa dar rgyas byung zhing rgyu mtshan nyid kyi bshad gra dang 'chad nyan kyang
283b6 yod par 'dug cing/slob gra dang bsgom gra sogs so sor byung/ mdor na shar rgyal mo rong/ lho tsha ba rong dang mon/ nub kong po sogs dang dbus gtsang man chad du snga 'gyur gyi bstan pa bshad sgrub gnyis
284a1 ka'i phyogs nas khyab che bas dbus gtsang du bar skabs su mdo dang sgyu 'phrul sems phyogs sogs kyi bstan pa nyag phra bar gyur pa'ang 'di ga'i rgyun gyis gsos shing deng sang gi bar du dbang gi
284a2 chu bo dang/bshad pa'i srol/ man ngag gi rgyun/ lung gi brgyud pa rnams ma chad par yod pa 'di ka yin no// de'ang 'dus pa mdo dang sgyu 'phrul gnyis kyi dbang lung man ngag brgyud pa'i chu bo bab lugs
284a3 phyogs gcig ni/dam gtsang byams gsum nas/ tsa sde spyan snga ba nam mkha' rdo rje/ drung thugs rje ye shes/ ston pa dbang 'byor/ rje btsun dpal 'bar ba nam mkha' rdo rje/ ston pa mgon rgyal/ yang khrod tshul
284a4 khrims rgyal mtshan/bra'o chos kyi 'bum pa/ bu 'bor ba mkhas grub ye shes rgyal mtshan/ bzhag bla mkhas grub ye shes 'bum pa/ de las mon kaH thog pa bsod nams rgyal mtshan/ kaH thog pa rnam grol
284a5 bzang po/kaH thog pa chos kyi seng ge lha bro ba chos kyi dbang po nas rim par/ rje sman lung pa blo mchog rdo rje nas deng sang gi bar du rgyun ma chad par byung ba yin no// yang mdo dbang khams lus zhes pa ni/
284a6 bar skabs der/ sgrol chen bsam 'grub rdo rjes/ zur yang dben pa shAkya 'byung gnas lcam sring gnyis la gnang ba las/ zur mo dge 'dun 'bum las brgyud pa ste/ zur mo 'di don la rang bzhin gyi rnal
284b1 'byor ma yin mod/rnam pa gzhon dus nas 'khor ba'i skyon dang bral bas sku btsun/ bskyed rdzogs gsum ka la sbyangs pas mthar son/ gnas lugs rtogs shing ting 'dzin gyi sgo du ma las dbang 'byor pas
284b2 mkhas shing grub pa mo chen mo gyur te nyang smad rtse rgyal kyi sgom khang du bzhugs nas 'gro ba'i don mdzad/des yang dben gsang sngags gling pa zur ston shAkya bshes gnyen la dbang bskur/ des kaH thog gi
284b3 mkhas grub bra'o chos 'bum la/des bshes gnyen dkon mchog bzang po des kaH thog pa rmog ston rdo rje dpal bzang po la dbang bskur/ 'dis glan lugs kyi dbang chog du ma du ma khrig nyid gzhir byas pa
284b4 la 'gos rtsi lung pa'i phyag bzhes gro ston dpal ldan grags kyi chog khrigs kyis kyang brgyan/sgyu 'phrul zhi khro dang sems sde a don bco brgyad kyi sgos bka' yang sbyar te dbang mchog sprang rtsi'i chu rgyun mdzad/
284b5 mdzad pa po 'chi med kyis brnyes pa'i rig 'dzin grub par grags shing skyes mchog dam pa yin nges su ma zad/ skul ba po'ang bshes gnyen 'gran zla dang bral ba mang pos mdzad pas 'gangs che zhing/ sgrub
284b6 rdzas thun mong bco lnga'i dbang gnyal ba'i chog khrigs su cad pa 'dir 'byung ba dang/sgyu 'phrul zhi ba'i zab dbang gsum gyi bka' dbus gtsang du bar skabs su chad pa kaH thog lugs 'dir bzhugs pas
285a1 sos shing/sems sde a don bco brgyad kyi dbang rgyun 'dis bzung bas bstan rgyun la phan pa chen po'i sgor gyur pa yin no// rmog ston gyis byang chub sems dpa' chen po dar lung pa rdo rje rnam
285a2 rgyal/des khyung tshang pa 'khrul zhig blo gros dpal ldan la/ des dbang ston karma gu ru la/ des sngags 'chang kun bzang dpal 'byor la/ des gsang bdag phrin las lhun grub la/ des dwags ston chos rgyal
285a3 bstan 'dzin la dbang skur zhing/des gter chen chos kyi rgyal po 'gyur med rdo rje la khams lugs brgyud pa'i chu bo bab pa yin no// yang rog shes rab 'od las kyang mdo sgyu'i bshad bka' shin tu dar ba
285a4 byung ste/shes rab 'od 'dis dang por rog ston btsan po la so lugs kyi mdo dang sgyu 'phrul dang sems phyogs gsan/ lhab dres ma gong pa la mdo dang sgyu 'phrul skyo lugs/ lhab kyi zur chos pa slob dpon yam
285a5 chos dngos grub la mdo dang/sgyu 'phrul zur lugs/ yang sgro phug pa'i slob ma gnubs ston/ des kha rag snying po/ des yam shud/ yang kha rag snying pos sras pad+ma 'bar/ des rog shes rab/ yang/ so dar ma
285a6 seng ge la sgyu 'phrul mchan mang zhes sngar mchan bus Ti ka 'chad pa'i srol yod pa de gsan/yang chu bar gyi glan shAkya bzang po las brgyud pa dang/ lha rje nya ri ba'i slob ma nyang nag mdo bo las brgyud pa ste/
285b1 mdor na bla ma 'dis lugs tha dad pa mang po gsan cing/ sgyu 'phrul gzhi lam 'bras gsum gyi stong thun dang/ lam rnam bkod kyi Ti ka brtsams/ des snye mdo thams cad gzigs pa zhes grags par bshad
285b2 cing/des kyang snying Tig dang/ lam rnam bkod la mchan bu zhib par mdzad/ rog gi gdung brgyud rnams la'ang dbang dang rgyud kyi bshad pa shin tu dar bar byung ngo// de bzhin du gtsang stod mang dkar du
285b3 yang stod zur pa zhes grags pa rim par byung nas bshad sgrub legs par mdzad/des la stod lho byang thams cad du'ang me mched pa bzhin gyur pas/ byang du me ston 'byung gnas 'od ces pa dang/ snar
285b4 ston seng ge 'od ces pa dang/byang tar la mo pa yon tan dbang phyug ces bya ba la sogs pa'i bshad pa yang tho re long yod la// gzhan yang ngan phag tu sgyu 'phrul gyi bshad pa rim par byung bas rgyal ba klong
285b5 chen pas der gsan par mdzad do// da ni gangs ri'i khrod 'di tsam na phul du byung ba'i pan+Di ta chen por grags pa rong pa chos kyi bzang po'i gtam brjod pa la dran pa nye bar gzhag par bya ste/ de la rong
285b6 ban dpal gyi rin po che'i sras/rong ban rin chen tshul khrims zhes bya ba des rgyu'i dus kyi mngon byang lnga'i cho ga byas pa las/ phyogs kyi glang po'i shes rab/ dbyigs gnyen zhabs kyi thos pa/ tsan+d+ra go mi'i
286a1 brjod pa/chos kyi grags pa'i brgal brtag/ slob dpon dpa' bo'i rtsom pa ste/ phun sum tshogs pa lnga'i ngo bor byang chub pa'i skye ba'i myu gu gtsang smad ru lag gi sa'i cha snar lung rong du bzung
286a2 ngo// de ni bstan pa snga dar gyi zhabs su slob dpon smr-i ti dz+nyA na kIrti zhes bya ba'i pan+Di ta gcig byon nas mdo khams kyi sa'i char rgyud 'ga' zhig gi 'gyur yang bcos/ tha ga na'i mtshan brjod kyi 'grel pa la
286a3 sogs pa gsang sngags kyi 'grel pa dang/'jam dpal gsang ldan la sogs pa'i sgrub thabs mang por bsgyur/ sgra'i bstan bcos 'ga' zhig kyang mdzad nas myang ngan 'das pa gang gi de ma thag pa'i sku skye ba
286a4 yin par grags/bka' 'gyur mdo mangs kyi lung rgyun la smr-i ti dang breng chags su 'dren pa ni dpyad gzhir 'dug/ yang a tsa ra phra la ring mo zhes bya ba'i pan+Di ta gcig khams su byon/ gsang ba 'dus pa'i rgya
286a5 cher 'grel pa la sogs bsgyur bshad mdzad nas 'das pa de nyid kyi skye ba yin par yang grags/sku gzhon nu nas lhun gyis grub pa'i shes rab chen po mnga' bas nyang smad du 'gar ston tshul khrims bzang po
286a6 la gsan pa mdzad/yab kyis rgyags skyel du byon pas/ mched grogs dag na re/ khyed kyi bu 'di blo bred/ tho co che bas nged cag kyang sun par byed na da res 'khrid par 'thad ces zer/ yab kyis slob dpon
286b1 la khong rnams de skad mchid na 'khrid par bya'am zhus pas/'gar ston chen pos/ de skad ma zer/ chos thams cad khos go nas yod pa yin gsung skad/ lo bcu gcig pa la mtshan nyid gsan/ chos dbar la
286b2 byis pa'i rtse sar yang slob dpon gyi gsung tshad shar re 'ong bas/chos thams cad tshar re gsan pa kho nas tshigs gcig kyang ma nor bar thugs su chud pas 'jam dpal gyi sprul par grags/ bcu gsum lon
286b3 pa'i tshe gsan pa rdzogs pa dang 'dra bar byung zhing/shes bya thams cad la ma rmongs pa byung/ nyid kyi zhal nas kyang/ bdag thos pa chung ba yang ma yin te/ chos thams cad ma thos pa med do// thos pa che ba yang
286b4 ma yin te chos thams cad tshar re las ma dgos so gsung skad/skyes bu chen po 'di ni shes rab myur la zab pa/ rgya che la dri ma dang bral ba'i spobs pa mchog tu dge bas mdo rgyud dang bstan bcos la sogs
286b5 pa'i rgya gzhung brling po sngar ma gzigs pa mtha' dag tshar re re'am/gnyis tshun chad gzigs pas tshig dang don gyi cha ma lus pa thams cad thugs la zin cing mi brjed pa'i gzungs thob par grags
286b6 pas/thog ma nyid nas ha cang ma 'bad par saM skr-i ta dang/ skad rigs kyi bye brag gzhan mang po la'ang ma rmongs shing/ phyi nang gi rig pa'i gnas dang/ gtsug lag thams cad la thogs pa med pa'i blo gros gyi
287a1 tsher ma rno bas/bod kyi skad nyid la'ang 'di ni don 'di tsam la 'jug go zhes ston pa'i khyad par phra mo'ang gzhan las ches lhag/ tshad ma'i bstan bcos dang/ rig byed kyi bstan bcos dang/
287a2 don du 'gyur ba'i tshigs bcad dang/ snyan dngags la sogs pa'ang dbyug pa can gyi gzhung kho na la ma ltos par rig pa de ston pa'i gzhung lugs rgya chen po mang po'i don mkhyen pa yin/ byis pa'i dus a tsa ra
287a3 'dug tshad la dgyes shing de dag dang brda' 'phrod pas bi brta'i pu ta la brtags pa tsam gyis mkhyen pa la tshegs ma byung/tha na dud 'gro'i brda' dang skad kyi rim pa'ang mkhyen par grags/ smra sgo la sogs
287a4 pa'i 'grel pa dang bstan bcos kyang mang du mdzad/blo gros kyi mthu bsam gyis mi khyab pas spyir chos la mos pa'i mi rnams dang/ chos kyi gang zag dang/ khyad par du rdo rje theg pa la zhugs shing/ gsang
287a5 sngags kyi las dang dngos grub sgrub par 'dod pa dag la phan gdags pa'i dgongs pa zab mo mnga' bas/phyin ci ma log pa'i gdams pas nan tan tu 'doms shing phan thogs par mdzad/ mngon par shes
287a6 pa'i cha dang ldan zhing sems can 'dul ba'i dus dang gnas skabs mkhyen pas/'gro ba phal pa blo bsgyur shing/ chos la gnas pa rnams de'i 'gal zlar gyur pa las ldog pa'i phyir/ 'byar zhing 'grig pa'i
287b1 bstan bcos zhal sgo'i chu skyes las phyung ste phan 'dogs pa la rtag tu skyo ba mi mnga'/chos kyis blo ma bsgyur ba'i tha mal ba dag la sair sna spangs nas bdog pa gtong ba dang/ log sgrub bzod pas snying rje'i
287b2 yul du mdzad nas zhi bde la 'god/sdom pa'i gnas dang thugs dam la nor bu rin po che dang srog gi dbang po ltar gces spras mdzad cing gzhan yang del 'god/ dam pa'i chos rtsom pa na glegs bam bsdu
287b3 zhing gzigs pa la sogs pa'i rtogs dpyod kyi sgro 'dogs mi dgos par/chos kyi tshig don la thogs rdug med par 'jug pa'i spobs pa'i gter chen po brgyad grol zhing bstan bcos rnams kyang don bzang
287b4 po/tshig 'bru bzang po/ brjod pa ma 'dres pa sha stag 'byung bas/ ston pa drang srong chen po'i gsung gi gsang ba dang rjes su mthun pa'i phyir gzhan mkhas par grags pa gang gis kyang rtsod mi nus shing/ des
287b5 mdzad pa'i gsang sngags kyi man ngag rnams la slob pa'i rgyud du byung ba'i gang zag/lung ma thob kyang yi ge las byung ba bzhin sbyar ba las byin rlab ma byung ba med ces grags pas bde bar gshegs pa'i sprul
287b6 pa'i sku nyid du'ang gleng/gnas lnga rig pa'i pan+Di ta mngon par shes pa lnga dang ldan pa jo bo a ti sha dang bdag nyid chen po 'di mjal ba'i tshe/ jo bo'i zhal nas/ rgya gar gyi A tsar+ya nag po spyod pa de nyid tshe
288a1 'phos pa jo bo 'di kho na yin te/kho bos 'di dang chos gtam bya ba ga la thub ces rtsod med du grags par gsungs/ spyir gtam du'ang/ 'dul ba mtshur ston dbyig gi mkhas// chog
288a2 sgrigs bzangs kyi ye grags mkhas// sgra dang tshad ma rong pa mkhas// thams cad 'dzom pa a pho rang// chos grags rang zer skad/ spyir bla ma mang po las mdo sngags so so'i brgyud pa'i bring chags mthud pa
288a3 tsam yod mod kyi/khyad par du snga 'gyur rdo rje theg pa'i chos skor las/ slob dpon chen po pad+ma'i gdams pa rnams ni sna nam rdo rje bdud 'joms/ mkhar chen dpal gyi dbang phyug/ dom a tsa ra dpal me
288a4 tog/sgro rdo rje gzhon nu/ zhang zhung yon tan grags/ rong ban yon tan/ rog ban tshul khrims rin po che las nyid kyis gsan to// bai ro tsa na'i man ngag rnams/ bai ros g.yu sgra/ des bla chen dgongs pa
288a5 gsal/des grum shing glag can/ des gnubs dpal brtan/ des ya zi bon ston/ des kun mkhyen rong zom la bshad de sems sde'i brgyud pa gcig go/ yang klong thang sgrol mar a ro ye shes 'byung gnas
288a6 zhes bya ba'i grub pa'i skyes bu zhig byung ste/de la rgya gar bdun brgyud dang/ rgya'i slob dpon bdun brgyudakyi gdams pa mnga' zhing// des cog ro zangs dkar mdzod khur dang/ ya zi bon ston/ des nyid
288b1 la'o// 'di la rdzogs chen khams lugs shes zer/ yang bi ma las nyang ting 'dzin bzang po la gsungs pa dang/ bi ma las rma rin chen mchog dang/ gnyags dz+nyA na ku mA ra la gsungs pa'i man ngag
288b2 kyang// gnyis kas khu byang chub 'od/ khyung po dbyig 'od la brgyud nas rim gyis rong zom la mnga' bas gsang sngags snga 'gyur gyi bstan pa'i bdag po 'gran zla spangs pa zhig ste 'di nyid la'ang bstan pa'i chu
288b3 mgo gcig gnas so// gsang snying 'grel pa rong lugs kyi mgor/ dkon mchog gsum gyi rang bzhin byang chub sems// zhes yod pas dkon cog 'grel zhes ming du thogs la/ kun mkhyen chen po'i 'grel
288b4 pa phyogs bcu mun sel theg rgyal gyi lugs su bkral zhing zhal gsal/kun mkhyen rong pa'i 'grel pa 'di dbyings che bar bkral bas sgrom che zhing kha dam par snang ste/ bod 'grel gyi gtso bo 'di gnyis yin
288b5 pas shes na blo gros la nus pa chen po ster ba yin no// deng sku gzhon nu'i tshe mdo ston seng ge bya ba la snga 'gyur gsan pa'i tshe/ re zhig na mnal lam du/ gsang ba snying pos zan byas/ sangs rgyas mnyam sbyor
288b6 gyi tshod ma byas nas gsol gyin 'dug pa rmis/de slob dpon la brjod pas/ shin tu ngo mtshar che/ chos de khong du chud pa'i rtags yin/ khyod kyis 'grel ba re gyis gsung skad/ der bla ma'i dgongs pa rdzogs
289a1 par bya ba'i phyir/bslab pa rin po che gsum la brten pa'i man ngag gsum mdzad de/ lhag pa tshul khrims kyi bslab pa'i don gyi nges brjod dam tshig mdo rgyas/ lhag pa ting nge 'dzin gyi bslab pa
289a2 ston pa 'grel pa tshul bzhi yan lag bco lnga pa/lhag pa shes rab gyi bslab pa ston pa rdzogs pa chen po'i lta sgom man ngag/ mnyam sbyor gyi 'grel pa/ de bzhin du ngan song sbyong rgyud/ 'jigs byed la
289a3 sogs pa'i 'grel pa dang man ngag mang po/de dag gi nang nas kyang theg pa chen po'i tshul la 'jug pa'i bstan bcos la sogs pa gzhung gting zab la go don slongs che ba brjod kyis mi lang ba dang/ mdor na
289a4 mdo sde dang/rgyud sde dang/ bstan bcos kyi bye brag la thugs su mi chud pa bya ba shes bya la srid pa ma gyur pas thams cad mkhyen pa'i gnas la rang gir mdzad de tha na 'jig rten pa'i zhing las dang/ phyugs
289a5 skyong ba dang/dkar she ji ltar bsgrub pa tshun chad kyi bstan bcos kyang mdzad pas/ dus de'i tshe bod ru bzhi'i mkhas pa thams cad kyi dang por brtsad pa'i bya ba lhags pa'ang/ slar slob dpon chos kyi grags
289a6 pa'i brtul bzhugs kyis gang dang gang gi spobs pa'i 'khri shing nyam nyes par byas nas nga rgyal gyi gdeng ka la brkyang nul bya ba'i skabs byung ba yin te/'di ltar shab kyi yang mkhyen bla ma/ mar pa do pa/ 'u
289b1 yug pa mda' ston/mdo'i khyung po hU~M snying/ se khrom rgya mtsho 'bar/ mtshams ston go cha/ spang ka dar chung/ 'gos lhas btsas/ rgya rgyal tshul la sogs pa'i mkhas pa thams cad kyis bod du skyes pa'i gang zag
289b2 gis bstan bcos 'di tsam rtsom pa zhes dpyas gdags/sun 'byin pa'i rig pa bsams te/ khyu mchog rA brdar ba la phyogs pa bzhin du skyes bu chen po de'i gam du song song ba na/ lung gi 'thad pa dang/
289b3 rig pas dpyad bzod pa dang/ gtan tshigs dang bla mas nye bar bstan pa dang mi 'gal zhing sgra skyon dang/ don skyon la sogs kyi 'gal zla'i phyogs thams cad rnam par spangs pa'i mkhyen rabs kyi spobs
289b4 pas tshar bcad/bstan bcos re mthong zhing/ de'i don la ro myangs pas thams cad ngo mtshar skyes nas bsti stang du mdzad/ ri mor mdzad/ bla mar mdzad pa sha stag yin zhes grags/ de skad du go rub lo tsA ba
289b5 dge slong chos kyi shes rab ces bya ba thos pa mang po'i gzungs 'dzin pa de nyid kyis kyang dang por dpyas gdags/bar du bla ma rong pas mdzad pa'i theg pa chen po'i tshul la 'jug pa'i po ti gzigs pas gus
289b6 pa chen po skyes/tha mar zang zing mang pos bsnyen bkur te mi 'chab par byas nas/ rjes su gzung bar gsol ba btab/ 'jam dpal gsang ba'i rgyud la sogs pa'i chos mang du gsan/ gsang rgyud kyi skabs
290a1 na mar pan+Di ta chen po'i zhal nas/'o skol la da lta rgya dpe yod par gyur na 'di ltar 'gro ba yin te/ rgya dpe med pas da lta bcos su med gsungs pa la/ go rub lo tswa bas de blo la bzung ste phyis
290a2 jo bo kr-iSh+Na zhes bya ba'i pan+Di ta las rgya dpe byung nas de la mnyan pas/rong pa pan+Di ta'i gsung bzhin byung nas shin tu mos pa thob par gyur te/ kr-iSh+Na pa las byung ba'i rgya dpe gcig rong pa nyid la phul nas/ slar
290a3 yang gsan skad/de bzhin du mar pa chos kyi dbang phyug la sogs pa'i lo tswa ba dang/ mkhas par grags pa'i blo rtsal can mang pos kyang zhabs la btud/ rgya gar gyi mkhan po many+dzu shrI warma dang/ many+dzu shrI dz+nyAn
290a4 dang/u pA ya shrI mi tra dang/ bud+d+ha A kar b+ha dra dang/ de bA ka ra tsan+d+ra dang/ pa ra me shwa dang/ a mo g+ha badzra la sogs pa pan+Di ta mang po bsten nas/ de dag gi lo tswa ba mdzad de/ rdo rje 'jigs byed dang/ gshin
290a5 rje dgra nag gi rgyud dang/'jam dpal gsang ldan dang/ bde mchog rtsa rgyud la sogs pa mang du bsgyur/ 'gyur shin tu bzang bas gsang 'gyur gyi dper 'os/ rgya gar gyi pan+Di ta kun na re/ d+harma b+ha dra khyod chos
290a6 mang po rtsoms la 'gro ba rnams skyobs shig/khyod kyi yon tan gzhan lta zhog/ sgra tshad kyi lugs 'di'i gsum cha tsam las mi shes pas kyang rgya gar na chos rtsom pa yin na/ khyod ci'i phyir mi brtsam zhes gsungs
290b1 skad/de lta bu'i yon tan phun sum tshogs pa dang ldan yang/ gcom bskyungs pa dang/ khengs pa snyol pa lhur mdzad pas/ rgyal ba klong chen pas rgya 'grel las mngon par 'phags par brjod pa'i rang nyid kyi
290b2 'grel pa bzang po dkon mchog 'grel lta bu'i gsham du'ang/mkhas dang 'phags chen rnams kyis mdzad pa'i gzhung la'ang/ sgro skur dpyad par byed na bdag gzhung cis mi smos/ zhes 'phags chen lag na
290b3 rdo rjes bsdus pa'i rgyud la'ang mun pas sprul pa'i shes rab kyis gzhung brtag byed pa yod na/bdag gi 'grel pa smos ci 'tshal zhes slob dpon zhi ba lha'i rnam par thar par bskyangs nas ngang gis dge ba byang
290b4 chub sems dpa' spyod pa can du ston/grub pa'i rnam thar la gzhal na/ brag chen gzar po me long lta bu'i ngos la'ang rdzu 'phrul gyi spyod pas gshegs pa dang/ brag la phur pa 'debs pa dang/ nam mkha'
290b5 la 'phur ba dang/bod kyi lha 'dre phal mo che'i gnas dang spyod pa thugs su chud pa'i mngon par mkhyen pas mnga' ba sogs mang du yod mod kyi/ 'di lta bu'i lta ba mchog tu gyur cing/ so so yang dag rig bzhi'i
290b6 sa thob pa dag la skye bo phal pa yid brtan par byed pa'i mngon rtags gyi na ba yi ge'i lam du 'dren pa ngo mtshar ba ma yin no// de ltar sprul pa'i skur rtsod pa med pa'i pan+Di ta chen po de la gnas skabs de tsam
291a1 byon pa'i mkhas pa thams cad kyi mngon par bstod cing spyi bos btud par gyur la/dgung lo brgya dang bcu dgu bzhugs te sku la snyun pa med pa'i ngang nas gshegs par grags/ bod gangs can
291a2 gyi rgyud 'dir 'di dang mnyam pa'i mkhas pa ni su yang ma byung zhes 'gos lo chen pos kyang bsngags shing yongs su grags pa'o// rjes su slob pa la sras brgyud dang slob brgyud gnyis las/ dang po ni/ sras
291a3 gzi brjid 'bar/'bum 'bar gnyis las sras brgyud yun ring po'i bar byung ba kun kyang rdo rje phur pa las dngos grub brnyes pa sha stag yin/ slob brgyud ni/ go rub lo tswa ba dang/ mar pa do pa/ 'gos la
291a4 sogs pa'i lo tswa ba chen po bcu bdun/g.yag rdo rje 'dzin pa la sogs te grub thob chen po sum cu rtsa lnga/ ma gcig zha ma'i ming po rje 'khun bu pa la sogs pa sgom chen rnal 'byor gyi dbang po brgya brgyad cu/
291a5 yol ba'i lcags dge bsnyen rdo rje dbang phyug dang/ yang khyer bla ma la sogs pa gdugs thogs pa lnga brgya la sogs pa'o//// de ltar sngon rabs pa rnams kyi yi dam kyi gtso bor yang phur kho nas bzung ba
291a6 yin pas yang dag gi skor des shes la/rdo rje phur pa ji ltar dar ba'i gtam cung zad brjod de/ de la rigs 'dzin gyi slob dpon u rgyan gyi mkhan po pad+ma sam+b+ha wa'i zhabs la brgyud de/ phur pa rgyal po lugs
291b1 su grags pa dang/jo mo lugs dang/ lcags lugs dang/ yang sna nam mam rong lugs dang/ lha nag dang/ lha khra ste sku mdog las grags pa sogs rnam grangs tha dad mod/ de dag kyang ngo bo gcig la man
291b2 ngag gi ldog cha dang/bka' babs kyi khyad par las de dang der grags pa'o// de la dang po ni bsam yas 'byongs nas slob dpon chen pos btsan po khri srong lde'u btsan dang jo mo mkhar chen bza' dang/ spyan
291b3 'dren pa mi gsum la gnang bas de skad du grags//// jo mo lugs ni/ slob dpon gshegs khar nyung la 'dus pa phur pa rtsa ba'i dum bu stod las byang chub sgrub pa dang/ smad las dmod pa lam khyer bcud
291b4 du dril ba 'di jo mo mkhar chen bza' la gsungs/des lho phyogs mon kha sna rings seng ge rdzong gi brag phug tu mtshan ma rdzas kyi dkyil 'khor zhal phye nas bsgrubs pas zhag nyer gcig na phur bu thams cad
291b5 bzhad cing/'od 'phro ba dang/ 'phar g.yo byed pa dang/ der jo mo'i dgongs pa la/ phur pa grub na gdab las bya/ zer ba yin te dngos la gdab pa'i yul du gyur pa ni med 'on kyang pha mes kyi za 'dre la
291b6 gdab bo snyam du dgongs nas bsnyen phur dril bas/phur pa nam mkha' la deng nge song/ pha yul gyi khang ltag na pha mes kyi za 'drer gyur pa zhig gnas pa'i rten skyer pa'i phung po'i steng du babs nas/ skyer phung
292a1 tshigs/za 'dre mnyam pa nyid kyi glong du bsgral/ slar phur pa de jo mo'i dpon brgyud rnams kyis bcangs/ gdengs pa tsam gyis chog pa byung bas/ mkhar chen bza' 'dre 'dul gyi brgyud par grags/
292a2 jo mor rang gi ming po mkhar chen dpal gyi dbang phyug la bshad nas rim par dar ro//// lcam lugs su grags pa ni/ cog ro bzas slob dpon dngos la thugs kyang/ dbang bla ma la ma zhus yi dam la
292a3 zhus pas yid dam slob dpon gyi thugs kar bsdus te dbang skal chad/slar jo mo 'tsho rgyal la rjes su gnang nas jo mos cog ro bza' la gdams pa las brgyud pa'o//// yang/ sna nam lugs su
292a4 grags pa ni rong zom chen po las brgyud pa'i lugs kho na ste brgyud pa sngar bshad ma thag pas shes la/'dir kha cig tu/ rong zom chen po'i mes po rong ban yon tan rin chen nam/ dpal gyi rin chen des
292a5 slon dpon chen po dngos la thug/dgung lo sum brgya 'tsho zhes zer/ de'i sras rong pa pan+ti ta'i yab rin chen tshul khrims kyis kyang lo phyed gnyis brgyar bzhugs pa las brgyud pas rong lugs zhes bshad pa
292a6 yin par shes so//// phur pa lha nag tu grags pa ni/ u rgyan yab yum nas 'bre a tsa ra sa le/ lang lab byang chub rdo rje nas rim par/ yar 'brog pa gu rub yang dag ces bya bas phur pa mya ngan las
292b1 'das pa'i rgyud la brten nas lha thams cad nag por mdzad pas de ltar grags la/'di la 'bre a tsa ra sa le byas na lam lab kyi bar dang de gnyis phyi thag ring bas brgyud pa ltag mi 'phrod 'bre a tsa ra nu ru
292b2 zhes bya bas tshe'i grub pa thob pa yin ces zer ba'ang 'dug ste/ming gi khyad par du byas kyang 'gal ba ni chung mod/ 'on kyang bla ma 'phags pa rin po che la smad las sgrol dbang gi rgyun ma rnyed nas/ sprang po la
292b3 'dug kyang zhu'o zhes btsal bas/'tsho rgyal gyi dngos slob a tsa ra gu ru bya ba tshe'i rig 'dzin thob pa zhig bsil ba tshal la sogs pa'i gnas nges med du rgyu ba la yod zer ba thos/ der glo bo lo tsA ba la
292b4 gser mang po bskur nas sgrol dbang gi rgyun thob pa yin ces zer ro//// phur pa sa lugs su grags pa ni/ slob dpon chen po pad+ma'i zhabs kyi slob ma 'khon klu'i dbang po las rim par brgyud de/ chos
292b5 dang rigs brgyud gnyis ka zam ma chad pas sa skya pa rnams la grags pas de skad du grags pa'o//// yang phur pa gsang ba'i rgyud la brten pa phur pa phun sum tshogs pa dang/ gsang ba'i rgyud drug dang/
292b6 ki lA ya tan+t+ra bcu gnyis nas bsdus pa gsham sngon can gyi skor gnyags las brgyud tshul sngar bshad zin to// de lta bu'i yi dam las mngon rtags brnyes pa ni bsam gyis mi khyab pa zhig byung bas thams cad
293a1 bsnyad par mi nus la/khyad par du gyur pa la lang lab byang chub rdo rje zhes bya ba de gzhon nu nas pha ma dang bral/ pha tshan rnams kyis rje btsun mi la la ji ltar byas pa bzhin du shin tu nyam thag
293a2 par gyur pas/'bre a tsa ras thugs kyis ma bzod nas phur pa'i man ngag las gnad du zab pa'i skor byin te sgrub pa byas nas pha spun rnams rtsad bcad/ de la grags pa chen po 'phel na'ang sngon gyi sbyin
293a3 'bras dbul bas 'khor re'i lug rdzi byed cing yod tsa na/dge bshes rwa lo tswa ba de mnga' thang dang 'byor pa shin tu rgyas/ bod kyi bla dpon che dgus dbang med du 'dud dgos pa yin/ de ltar ma bgyis na
293a4 khong gis gshin rje'i drag sngags kyis sgrol bar grags/de la dum pa rgya zhang khrom gyi gshin rje'i skor rdza'i zom gang gter nas phyung ste/ tshe bdag sdig pa snyings 'dzings la sogs pa phyed tsam las ma bshus pa
293a5 rnams/rA lo'i sngun du son pas/ rang nyid kyi gshed skor la lhan thabs su byas/ de la rgya gar gyi khungs dang 'gyur bcos/ de bzhin du bum thang gi gter kha mang po'i khrod nas kyang mthu gtad ser gsum/
293a6 rnam sras/ dzam b+ha la/ tshogs bdag la sogs pa man ngag zab dgu byung bas gsar 'gyur gyi gshin rje las mtha' mang la myur bar song/ mar pa'i sras dar ma mdo sde la sogs pa byang chub sems dpa'
293b1 bcu gsum dang/gnyan lo tsA ba sogs rang mnyam gyi lo tsA ba bcu gsum bsgral ba'i sngags mkhan de/ 'khor re'i sar chos 'khor la byon pas lang lab kyis phyag ma btsal/ mi blun po gcig yin par
293b2 'dug dgongs pa la/slar lang lab kyi mtshan nyid thos nas/ 'o na kho la do nub gyi tshe las med kyi spur zer/ drag shul gyi las brtsams pas/ dgug 'dren gyi bden bdar dang po'i tshe khong dpon slob la
293b3 rtsang phur gyi char babs nas/tho phyi'i gra pa rnams smas/ bar pa la phyogs bcu khro bo'i dkyil 'khor za gsod dang bcas pa'i lcags phur gyi char babs/ tha ma'i tshe me dpung dang 'ur sgras gang ste nam mkha' la
293b4 bltas pas/lcags bsregs lta bu'i rdo rje gzhon nu ri do chad tsam pa rA lo'i thog tu rngams rngams 'cha' 'cha' ltar 'dug pas skrag par gyur te/ bzod gsol byas/ phyag dang 'bul bas bsnyen bkur/
293b5 gshin rje mkhan po phur pa la rdugs zer ba de nas byung/ phur pa'i stod las la dngos grub brnyes pa mang du byung ste/ smad las la rtsal shugs 'di las thon pa ma byung bar grags/ de la slob ma'i gtso bor gyur
293b6 pa sna nam shes rab tshul khrims/mong dgu'i skyi gyang sgyel/ rog gi skra phur bu mgo/ 'u yug rol po'i nyang nag go/ de la skyi gyang sgyel/ skyi ba na byang chub rin chen bya ba'i khang zhing dang nor rnams pha spun gyis
294a1 'phrogs/skyo ba shin tu 'phel te lang lab la phur pa zhus pas zla ba dgur lha bsnyen gyis/ de nas bse lcags shel gsum la zla ba gnyis sgrubs shig/ don 'grub bo gsungs/ de ltar byas
294a2 pas nus pa tshad du phyin/byang gi drung na mi mang po nyi ma 'de zhing 'dug pa la bltas pas/ thams cad dgra ru ma gyur pa mi 'dug nas/ phur pa gyang la bsdigs pas gyang 'gyel/ thams cad phyi ma'i lam du
294a3 bkod pas skyi gyang sgyel du grags pas mtshon nus pa can sha stag byung ste yi ger brir mi lang/lar phur pa 'di nus pa mchog tu che bar grags pas/ slob dpon chen pos tsan+dan gyi nags la me shor ba la
294a4 gdengs pas nags sor chud/bi ma las gang+gA gyen du 'phyur ba la gdengs pas gang+gA yan man du chad/ bal po shrI la many+dzUs brag mkhar gong can la gdengs pas brag ri dum bur nyil/ jo mo mkhar chen
294a5 bzas spyang ki'i rjes sa la btab pas spyang ki rbab la 'dril/me nu rgyal ba'i snying pos bya rog gis phreng ba khyer ba la bsdigs pas bya rog thang la lhung/ lo dpal gyi blo gros kyis dmag gi sgra khyim la thebs
294a6 pas mon dmag cham la phebs/de la sogs te dgra bgegs gnyis la thebs pas chos 'phrul stobs po che gang gis kyang rdzi bar ma nus/ nang du nyon mongs dug lnga la thebs pas mchog gi dngos grub thob pa
294b1 dpag tu med pa byung ngo//// yang gter ma'i phyogs rang bzos ma bslad pa'ang shin tu mang mod de/ mngon rtags gsal ba slob dpon chen pos btsan po la dbang rgyud gdams pa dang bcas gnang
294b2 nas/rta mgrin yang gsang gi chos skor dang lhan cig yer pa se ba lung gi brag la gter du gtams pa/ grub pa'i dbang phyug 'dar phya ru bas jo mo nag rgyal gyi phug pa gong mar bsgrub pa mdzad pas slob
294b3 dpon chen po dang dngos su mjal/yer pa zla ba phug tu sgrubs shig gsungs pas de bzhin du mdzad/ der nang re bzhin slob dpon chen po nyi zer la chibs nas phebs te chos gsungs/ nub re bzhin srin po
294b4 'dul du 'gro zhes nyi zer la bcibs te bzhud/de'i tshe yer pa'i seb lung nas mtshan ma rdzas kyi phur pa gter nas phyung/ lha sa'i tshong dus su phebs pa na/ rlung 'tshub chen pos khrom 'thor ba byung/ de nas
294b5 gtsang du byon tsa na/sa paN skyid grong du 'byon pa dang gnas khar gcig tu 'dzom/ 'dar phyar zhal 'chos pas A+oM badzra kyi li kyi li ya zhes bgrags pas sa paN gyis/ de ma dag/ badzra kI li kI la ya zer ba
294b6 yin gsungs/der 'dar phyar thugs yus nas/ sngags ma dag kyang 'di bzhin byed pa yin gsungs nas brag la phur pa tham tham brgyab pas 'jim pa la byas pa bzhin song/ slar phur pa tshul la gcus
295a1 gyin then pas dpal nas cung zad gas/der sa paN gyis grub thob tu shes nas/ nga mu stegs pa dang rtsod du 'gro bas de'i rim gror 'byon dgos gsungs/ rung gsungs nas lhan cig tu byon/
295a2 skyid sgrong du phebs pa na/ rgya gar gyi lugs bzhin bstan pa gang rgyal ba'i ru mtshon du btsugs/ sa paN dang 'phrog byed dga' bo gnyis nyi ma bcu gsum gyi bar rtsod pa'i g.yul ngo la zhugs pas/ mthar sa
295a3 paN rtsod pa las rgyal yang/grub rtags 'gran zer 'phrog byed dga' bo nang pa'i bstan pa la 'jug tu ma nyan/ des mu stegs des ral pa rgyab tu bskyur/ lag pa gshog pa ltar byas te nam mkha' la 'phur
295a4 bas/sa paN gyis rigs sngags kyi mthu las gzhan gyis mi thul bar gzigs te badzra kyi li kyi la rgyugs shog ces 'dar phyar pos/ der rnal 'byor gyi dbang phyug chen pos mu stegs kyi grib ma'i snying gar/ oM
295a5 badzra kyi li kyi lA ya oM phaT/ces phur pa btab pas/ mu stegs pa bya la rdo btags pa bzhin du sa la lhungs/ de nas sa paN gyis rtsod pa las rgyal ba'i dpa' rtags su 'phrog byed dga' bo rab tu ma byung bar
295a6 khrid byon pa na/slob dpon chen pos bod la mu stegs bsrung bar bka' bsgos pas brtan ma bcu gnyis kyi chad pas bcad de skyid grong dang bod kyi so mtshams su mu stegs de kha nas khrag skyugs nas lnga pa'i
295b1 lam du btang/lar phyi rol pa'i grub mtha' 'dzin pa tsam bod la bltar mi mngon par lhags srid kyi/ sangs rgyas kyi bstan pa la dngos kyi rgol ba byed nus pa'i blo stobs can mi 'ongs pa yin/ 'dis mus
295b2 srad du byon nas gtsug lag khang gi rten gtsor phur pa 'di bzhag/slar rim gyis gyar nas da lta se ra phur mjal zhes zer ba'i rgyun can 'di byung ngo//// da ni gter kha gong 'og gi gtam bshad par bya
295b3 ste/rgya cher rol pa las/ brjed pa med pa dran pa'i gter dang/ blo gros rab tu 'byed pas blo gros kyi gter dang/ mdo sde thams cad kyi rnam pa khong du chud pas rtogs pa'i gter dang/ thos pa thams cad
295b4 kun tu 'dzin pas gzungs kyi gter dang/legs par bshad pas sems can thams cad tshim par byed pas slobs pa'i gter dang/ dam pa'i chos yongs su bsrung bas chos kyi gter dang/ dkon mchog
295b5 gsum gyi rigs rgyun mi gcod pas byang chub kyi sems dang/mi skye ba'i chos la grub pa thob pas sgrub pa'i gter te/ gter chen po brgyad thob par 'gyur ro// zhes bshad pa'i gnas gang yin pa de gdod
295b6 nas sprul pa'i skur byang chub pa'i ye shes dam pa'i spyod yul du gyur la/rnam pa tsam du yang rang don du mchog gi dngos grub chen po'i go 'phang la 'dzegs te/ gsad gsod dang/ rdzu 'phrul gyi yan lag rgya mtsho
296a1 lta bu la dbang 'byor pas rnal 'byor gyi dbang phyug chen po'i sa la bzhugs shing/gzhan don du bstan pa'i bya ba bla na ma mchis pa dang/ sems can gyi khams rgya mtsho lta bu 'dul ba'i thabs la
296a2 mkhas par ston pa ni sprul pa'i sku chen po 'di dag tu yid ches so// de la kha cig gis gter zer ba'i phyogs thams cad la sgro skur byed pa ni lce la thong gshol lnga brgyas rmod pa'i las yin no// gter du
296a3 btags pa rnam pa thams cad pa'i cha la ni kho bo cag gis kyang dgag sgrub gnyis ka bya ba ma yin te/rgyan las/ mi rigs pa yi gzugs la'ang mi rigs na/ the tshom za ba'i chos la smos ci 'tshal zhes dang/
296a4 rang sa na/ dge ba yin na bzang po ste// sdig pa byed pa'ang sdig blta'o// zhes de dang de'i 'bras bu mi 'chol ba'i phyir ro// 'on te rnam pa thams cad nas rdzas 'gal ba mthong ba'i chos su gtan la phebs pa
296a5 byung yang des rnying ma'i bstan pa thams cad nyam nyes par mi blta ste/dper na dge slong lha chen po dang/ sde snod 'dzin pa gzhon nu sde bdud kyis khebs nas de bzhin gshegs pa'i gsung rab chud gsan pa
296a6 lta bu'o// des na chos ma yin pa chos su brdzus pa'am/ gter ma yin pa gter mar brdzus pa de ka sde tshan gcig tu 'jog par 'os kyi/ gsang sngags kyi rgyud sde chen po'i brjod bya dang brjod don ma nor shing/
296b1 'bras bu grub pa la bslu ba med pa 'di dag la sa chos dang rdo chos zhes skur ba byed pa ni bdud kyi las su 'gyur te bcom ldan 'das kyis/ bdag bstod gzhan la smod pa'i byang chub sems dpa' ni// bdud
296b2 kyis yongs su bslus shing blo chung rig par bya// zhes gsungs pa'i phyir ro// de la lha btsad po khri srong lde btsan slar yang rang gi man ngag spel ba'i slad du byon pa mnga' bdag nyang nyi ma 'od zer ni/ yul lho
296b3 brag pa bltam shul ces bya bar/yab nyang ston chos 'khor dang/ yum pad+ma bde rtsal gyi sras su shing 'brug gi lo la bltams/ sku gzhon nu nas ngo mtshar bsam gyis mi khyab cing/ mkha' 'gro ma rigs bzhi/
296b4 rje btsun sgrol ma/ thugs rje chen po/ slob dpon pad+ma la sogs pa'i zhal gzigs shing chos la bskul/ rang gi yab las gsan pa mang po mdzad/ dgung lo bcu gsum pa la thugs rje chen po dang phur pa grub
296b5 ste 'jod phu'i brag la phyag zhabs kyi rjes dang/zangs kyi phur pas rta skad mngon sum du 'tsher ba byung/ ye shes kyi mkha' 'gro mas brag rdo rje rtse lnga 'dra bar song zhig ces smra bo'i ri lung bstan/ 'jal 'dzin
296b6 rgyal sras/kham bu yang le/ gu ru khro bo sogs las gsar rnying gi chos mang po dang/ khyad par grub thob dngos grub las spyan ras gzigs dang/ bka' brgyad bka' ma'i dbang lung yongs su rdzogs/ smra bo'i
297a1 ri la sgrub pa mdzad kyin yod tsa na/bu ltos shig bya ba'i sgra zhig byung/ bltas tsa na rnal 'byor rus pa'i rgyan can zhig 'dug/ nang du bos nas tsha ba drangs pas de na re/ nga ni nam mkha'i rnal
297a2 'byor pa// dbang phyug rdo rje bya ba yin// bu khyod las dang skal bar ldan// pad+mas dbang dang lung gi skyob// gsang sngags zab mo'i chos rnams kun// da lta mkha' 'gro'i lag na yod// gsol ba thob la myur du
297a3 longs// zhes kha byang yang gnad yig gsum gtad de 'ja' ltar yal gra pa mngon shes dang ra shag gter ston gyis kyang kha byang sprad/ khyad par mkha' 'gro ye shes 'tsho rgyal gyi sprul pas stag sgro chos gter
297a4 gyis gang ba gtad pas mkha' 'gro'i sgrub skor sogs man ngag mang po byung/mkho mthing gi gnas yig lha'i phyag mdzub chad pa tshong pas khyer te phul ba las sgrom skya sgrom smug gnyis nas bde gshegs 'dus
297a5 pa rgyal po'i bla dpe dang/rta mgrin/ bka' srung skor gyi mtshon te chos gter dang byin rlab kyi rten dpag tu med pa byon/ bde gshegs 'dus pa'i sman bsgrubs mdzad pas sman gyi lha mos a rur rlon pa phul/
297a6 ye shes mtsho rgyal dang dngos su mjal nas dngos grub ci 'dod gsungs pa la/ chos 'dod zhus pas mkha' 'gro lung bstan gyi skor dang zhu lan brgya rtsa'i dpe gtad/ dur khrod bsil ba'i tshal du mngon sum
297b1 par khrid nas/der slob dpon chen po dang mjal/ bu tshangs pa lha'i me tog sleb bam gsungs nas keng rus kyi khri la bzhag/ sgrub chen dgu'i bka' spyi dang bye brag gi dbang thams cad rdzogs par gnang/ yi
297b2 dam gyi lha dang gnyis su med par gyur nas chos skyong bran du 'khol/phrin las nam mkha'i mtha' dang mnyam par song nas dus de tsa na gsang sngags 'chang ba'i gzugs su gnas pa gnyis lam du 'dri sped pa
297b3 la'ang khyod cag gter kha gong 'og gang gi lugs yin zhes 'dri ba byung/bstan pa'i bya ba dang rdzu 'phrul gyi nus pa bsam gyis mi khyab ste rnam thar grags che bas 'di tsam gyis mtshon par nus/ slob ma ni/
297b4 gnyos grags rgyal/ zhig po bdud rtsi/ sras mi bskyod rdo rje/ sman 'on pa/ se ston khri mchog ste bka' babs kyi bu lnga/ sras chung ba mnga' bdag 'gro mgon nam mkha' dpal ni smin grol yongs rdzogs kyi
297b5 bka' babs gtad pa'i bstan pa'i bdag po yin/dgung lo re dgu pa shing pho byi ba'i lo la rdzu 'phrul gyi bkod pa rgya chen po dang/ khyad par thugs ka nas hrIH yig dkar po zhig bde ba can du gshegs par
297b6 bstan te sku'i bkod pa bsdus/slar sku'i sprul pa rgya gar shar phyogs su bkod pa sna tshogs ston pa'i rnal 'byor pa gcig/ gsung gi sprul pa gu ru chos kyi dbang phyug/ thugs kyi sprul pa yul nyer bzhi la spyod
298a1 pa'i rnal 'byor pa gcig ste gsum cig car du 'byur bar lung bstan/lo tsA ba chag gis gdung bzhugs me spar bar ma nus/ slar ston pa mchog gi sku gdung bzhin me rang byung du 'bar/ de
298a2 las 'ja' tshon byung ba nub phyogs su zugs/gdung khang na khye'u gzhon nu rus pa dang rin po che'i rgyan can ha ri ni sa sgrog pa mkha' 'gro ma mang po'i 'khor dang bcas pa kun gyis mthong/ lha sa'i bcu
298a3 gcig zhal gyi thugs ka dang gdung khang gnyis 'ja' dkar pos tal mar 'brel ba byung/de bzhin gshegs pa thams cad kyi sku gsung thugs mi zad pa rgyan gyi 'khor lo'i yon tan grub pa'i rtags
298a4 su/thugs ljags dang dbu skra la zhugs kyis za bar ma nus zhing/ rten dang ril bsrel mtha' yas pa byon to// de nas sras 'gro mgon yab kyi dgongs pa rdzogs pa'i bya ba la zhugs te// sku'i rten rigs
298a5 gsum sems dpa' mi tshad dang mnyam pa nai pa la'i yul du bskrun nas spyan drangs/gsung gi rten du mdo mangs dang rgyud 'bum gser bris ma/ thugs kyi rten du sku 'bum mthong grol chen mo bzhengs/ rab tu
298a6 gnas pa la kha che'i bsod snyoms pa chen po ma hA pan+Di ta shAkya shrI spyan drangs nas chos 'khor yang btsugs/sras 'gro ba'i mgon po nyid kyi gtsug phud phul/ 'o na yang phrin las 'di ka che gsungs nas rab tu
298b1 'byung bar ma gnang/gser ka To rang blugs pa'i 'bul ba dang zhabs tog gya nom pas bsti stang du byas/ slar pan+Di ta gshegs nas kyang lho brag dang mon yul gyi 'du ba mang pos gser gyi 'bul ba rgya chen
298b2 po byung ba rnams khro phur 'bul du byon pas/pan+Di ta na re/ mchod gnas rang gnas su ldog nas kyang 'bul ba slar skyel ba jo sras mi bzang gsungs nas mnyes tshor chen po mdzad skad/ sras 'gro mgon
298b3 nyid spyan ras gzigs kyi sprul par lung bstan/rdzu 'phrul shin tu che bas dgongs rdzogs su dmigs nas sham po'i mdun gyi rdo rnams nam mkha' la lug khyu bzhin du ded/ gzhan gyi snang ngor gang nas byung cha
298b4 med par skyid chu'i 'gram du rdo skya chag ge chags pa la jo bo'i chur rags mdzad/sngar rdo rnams rigs ma nor bar yod zer/ bal ris kyi thang ka thog tshad ma brgya dang brgyad kyang bzhengs/ mthu rtsal dang nus
298b5 pa shin tu che zhing chos skyong bran du 'khor bas thog ser la sogs pas sku dgrar gyur pa dag zla dus la mi ltos par nyi ma'i snga phyi las btsan thabs su brlags par mdzad pa sogs kyi lo rgyus du ma yod/thugs
298b6 rje bsam gyis mi khyab pas gu ru chos dbang sogs sprul pa'i sku'i slob ma yang mang du byung/'di'i sras mnga' bdag blo ldan 'jal dpal gyi sprul pa dang/ de'i sras mnga' bdag bdud 'dul phyag rdor gyi sprul
299a1 pa ste/nyang rin po che'i gdung rgyud la rigs gsum mgon po'i sprul pa 'byung bar lung bstan pa yin no// chos kyi brgyud pa la'ang sras brgyud dang slob brgyud gnyis ka'i lugs yod
299a2 do//// gter kha 'og mar grags pa'i bdag nyid chen po gu ru chos kyi dbang phyug gi gdung ni/ bstan pa snga dar gyi tshe bon gnya' rings bya bas btsan po khri srong la thog phab ste bkrod par khas blangs pa
299a3 na/slob dpon pad+ma dang/ bi ma la/ bai ro gsum ka'i slob mar gyur pa spang rje btsan khra bya ba'i sngags pa nus pa can zhig gis/ bon pos thog mda' lnga dus gcig phab pa sdigs mdzub kyis blangs te bon
299a4 po'i grong la rang gshed du btang nas brlags par byas/btsan pos de la bya dga' chen po mdzad/ de la sras spang rig 'dzin snying po zhes bya ba zhig byung ste/ des yang 'dul gyi lha khang bzhi'i mchod gnyer
299a5 mdzad/lo skor re la mchod pa la 'byon pa las kho mthing du byon pa'i tshe la yag rdza bar gyi dpon chen sprad pas nor gzhis mang du phul/ tshe snga ma'i yul yin gsungs nas bdag gir mdzad/ de'i sras kun
299a6 mkhyen shes rab rgyal po nas mkhyen ldan nus pa can bar ma chad du byung ba'i spang ston grub pa'i snying po zhes bya ba des bla ma sangs rgyas snying sgom la bdag tshangs par spyod par zhus pas/dge slong gi sde brgyad
299b1 las byang chub sems dpa' gcig 'gro don che bas byang chub sems dpa'i gdung ma bcad gsungs/de'i khyim na bzhugs pa'i tshe mkha' 'gro gar gyi dbang mo la jo mo gyis shig zer ba'i lung bstan byung/
299b2 slar nam mkha' la gya gyur 'gro ba'i grub thob gyi brgyud pa dkar bza' mgon skyid yin par shes nas bdag gir bzung ba las/ lhums su zhugs pa'i tshe nyi zla kha sbyor spyir bor thim pa dang/ lhums nas skye
299b3 med kyi yi ge'i sgra yang yang sgrog pa dang/mda' dang gtad de tshigs su bcad pa sogs rtags khyad par can byung/ spre'u lo dpyid ra'i bco lnga'i nyi shar la bltams/ mtshan brjod gser ma zhig bri zhing yod
299b4 pa'i tshig mtshams la rten 'brel brtags pas/chos kyi dbang phyug chos kyi rgyal/ bya ba dang thug nas mtshan der btags/ mig mthong mkhan dag gis kyang lha 'dres mchod pa 'du ces zer/ yab kyis 'bri
299b5 gung 'jig rten mgon po la phur pa rtsa rgyud nyan pa'i tshe/khyod kyi bu tha chung gcig la chos slobs shig/ des phrin las 'byung ngo zhes kyang gsungs/ de bzhin du mal ka ba can pa na re/ dge bshes lho pa kho de
299b6 mda' lnga dang/gzhu gcig tshags gyis dang/ dgra bo'i snying la phog pa'i mda' gcig 'ong zhes gsungs/ zhang rin po ches kyang dge bshes lho chung pa khyod kyi bu ngas bya'am/ ku re yin khyod la nga 'dra ba'i bu
300a1 gcig 'ong gsungs pa la sogs lung bstan mang po thob/lo bzhi nas yab las bris klog bslabs/ smra sgo mtshon cha/ rig klag sde lnga/ bi brta chen mo sogs sgra'i bstan bcos bcu gsum/ skye bo
300a2 gso thig sogs lugs kyi bstan bcos bcu/nag rtsis dang/ sman dpyad dka' gter/ rgyal rabs sde bdun/ lde rgyud chen po'i sgrung 'bum sogs glu gar gyi bstan bcos brgya dang bzhi/ bon gyi gzhung chen bdun
300a3 cu don lnga/mdos gzhung chen po brgya phrag/ gsang sngags phyi nang gi thig rtsa mang po/ phur pa'i skor bod chen bzhi la sogs pa thos pa mang po mdzad/ bcu la gsar ma'i phyag rdor lugs drug gsan te bsgrubs pas
300a4 bum chu khol/gshin rje'i gshed dang phur pa la bsnyen pa ched du bskyal/ bcu gcig pa la sgyu 'phrul gyi dbang rgyud man ngag thams cad rdzogs/ bcu gnyis la ka ka ni grwa lnga/ sgrub thabs brgya rtsa sogs mkhyen par
300a5 mdzad cing yig brgya'i bsgrub pa mdzad/bcu gsum la yang dag dang ma gshin/ thugs rje chen po lugs gnyis dang rta mgrin la sogs gsar rnying mang po gsan zhing bsgrubs/ bcu gsum pa'i dus nyams snang la
300a6 jo mo sgrol mas shel mkhar cig gi rtser khrid pas rdo rje sems dpa' dang mjal/de na mkha' 'gro ma gdong pa bzhi pa gcig 'dug pa'i mdun zhal dkar po nas/ sangs rgyas bstan pa khyod kyi zung/ g.yas zhal
300b1 ser po nas/dam chos dar ba khyod kyis gyis/ rgyab zhal dmar po nas/ dge 'dun dbu 'phang khyod kyi stod/ g.yon zhal sngon po nas/ dus ngan gdul dkar khyod kyis thul// zer nas mda' dkar po sgro lnga pa
300b2 gcig gtad/dgung lo bcu bzhi par ti sar gro gyang gsar bar/ tshad ma dang/ mngon pa kun las btus/ spyod 'jug/ dgyes rdor la sogs pa'i gzhung chen po dang/ phyag rdzogs zhi byed chos drug la sogs pa'i
300b3 man ngag nyan/mtha' skor ba la dbu ma bden chung/ mtshur ston yab sras la a ti'i skor sogs mdo sngags gsar rnying gi bshad sgrub/ yab las zhi byed phyag rdzogs gcod yul/ gdams ngag ngo sprod/ bstan
300b4 srung drag sngags mtha' dag nyan cing nyams 'og tu tshud par mdzad/bcu bdun pa la mnga' bdag 'gro mgon dang mjal te nyang rin po che nyi ma 'od zer gyi gter chos mtha' yas pa'i bdag por gyur/ bco brgyad
300b5 pa'i tshe sa paN la gnas gzhi sgang por sems bskyed pa dang/gyar gsar du chos 'brel/ lha lung gi mchod rten rtsar rab gnas thob/ de nub mnal lam du rgya nag ri bo rtse lngar me tog u dum wa ra 'tshol du phyin
300b6 pas/ut+pal sngon po'i steng nas 'phags pa 'jam dpal gyis/ dz+nyA na kA ya d+harma d+hA tu/ chos kyi dbang phyug nga yin no// nga ni khyod kyi sems rtog go/ sems rtog ni chos kyi sgo mo bsam gyis mi khyab pa'o// chos kyi sgo
301a1 bsam gyis mi khyab pa'i don ni rang byung gi ye shes thig le nyag gcig go/chos sgo brgyad khri bzhi stong gi don khyod la bshad zin gyi de'i don la dpyod cig/ ces gsungs pa'i mod la mnal sad
301a2 pas chos thams cad thob pa'i nges shes rnyed/yul gra ru mngon pa la mchog tu mkhas pas gra ba mngon shes su grags pa'i sde snod 'dzin pa chen po gter ston rnal 'byor gyi dbang po des bsam yas nas
301a3 bton pa'i kha byang rim par brgyud pa dgung lo bcu gsum pa'i tshe phyag tu byung/bar der kha byang de la brten nas blun po gzu lums can mang pos 'don par brtsams bas la la shi/ la la thog ser gyis byer
301a4 dgos pa byung/kha byang de nang du bzhag na cho 'phrul gyis mi tshugs/ lam phrang dang/ bzhi mdo dang/ chu'i dkyil dang/ sa 'og la sogs par bskyur kyang/ 'byung ba'i gnod pas mi shigs/ bzung du'ang ma
301a5 btub pas brlag gshog ser po zhes ming thogs/yab na re/ thams cad brlag pa'i brlag shog ser po des ci zhig bya/ khyod 'chi ba nyo ba e yin gsungs nas phrogs te phyogs gzhan du sbas/ de slar dgung
301a6 lo nyer gnyis pa 'dir brkus nas rtogs ldan gcod yul ba zhig dang 'grogs/de la brten nas gnams skas can nas yang byang blangs/ rim par bla rdzogs thugs gsum gyis mtshon pa'i gter kha chen po
301b1 bco brgyad la dbang bskur/de dag kyang skal ldan gyi skye bo'i spun ngo mtshar chen po'i snang ba dang 'grogs nas blangs pa dang/ phal cher gter bdag la tha tshig bsgrags/ gzhan las dang skal bar ldan pa
301b2 mngag gzhug tu byas nas rtsod pa med par phyung ba 'ba' zhig go/de yab kyis tshor nas khyod kyis gter thon zer ba/ thon pa rang ci zhig thon khyer shog gsungs/ zangs sgrom gtad pa na dkar chag klog dang
301b3 gsungs/bklags pas/ sangs rgyas mnyam sbyor gyi rgyud gcig shes kun grol 'am de klog dang gsungs/ rgyud kyi mgo nas bklags pas/ da go go des chog/ khyod la sngar gros sna ma thung ba btab pa yin/
301b4 phyis gyod kha snan kyang tshig ro las mi yong/ da gter des 'phung 'tshengs gang yin kyang zin// dus gsum mkhyen pa u rgyan chen po'i bka' rtsod med du 'dug/ zab kyang gter gyi chos la dang re ma dgos/
301b5 nga'i mdun ma lo bzhi bcu'i bar du ru bzhi'i bla ma mkhas grub thams cad kyi dgongs pa blangs/ spros pa chod/ 'khor 'das kyi gzhi rtsa sems nyid gcig pu 'di'i steng du la bzlas zin/ da khyod nga'i kha la nyan
301b6 par song na bla rdzogs thugs gsum 'di'i mgo ci thon gyis/de min pa'i mthu ngan sngags/ sgyogs dang/ dpag chen/ than dang cho 'phrul/ bzo sna kyag kyog rnams chos 'di mgo ma thon par kha'i zur la'angs
302a1 ma 'don/shes shes mang la mthar thon med pa 'di mthar sprang por 'gro ba yin/ spyir gter chos la nga gnag pa ga la yin/ sangs rgyas kyi mdo rgyud kun nas gter lung gsungs/ rig 'dzin
302a2 gong ma'i phyag len yin te/sngar yang gter ston blo chung res chos la dag ma thon par/ gzhogs khyer dang ngo so byas nas 'gro don rlab po che ma grub/ rgya zhang khrom gyis ngan sngags sngon la spel bas 'gro don gya
302a3 rdugs/sku tsha sman pas sman dpyad byas pas chos kyi 'gro don g.yel/ ra shag gter ston gyis mdos chog byas pas phyis mdos mkhan du song/ bon po drag rtsal gyis sngon la be har bsgrubs pas mthu mkhan
302a4 las ma byung/de 'dra la zad pa med/ rgyal ba gong mas gzhan don la dmigs kyang gter ston tshos rtsa ba'i chos kyi gzhung ma bsrangs par phrin las kha khyer du btang bas go ma chod du song/ chos byas na chos
302a5 skyong zhor la yong/mthu yang ma bsgrubs par 'ong ba yin/ de chos skyong rang gi dam bca' yin pas so// blo rtsab rtsub ma mang bar bla rdzogs thugs gsum gyi nyams len la 'bungs shig/ mnga' bdag nyang yab
302a6 sras mi 'khur ba 'di khos thugs rje chen po bsgrubs par byung ba yin/gter ston gya ma rdugs tsam de kho yin/ ngas lo drug gong nas 'gro byas pa'i dus tshod de ra zla ba gnyis tsam nas sleb yong/ mi tshos
302b1 gter rdzur yin zer yong ste rtog pa de mi dgos/nga yan chod kyi spang mi rabs bcu gsum song ste nang gi grub rtags ma byung ba med/ nga yang zhan shos min tsam 'ong gsung skad/ der mnga' bdag 'gro mgon
302b2 gyis gter gyi nyam nga che gsungs nas gzigs pas mchog tu mnyes/lung bstan las hor dmar 'byung tshul yod pa slob dpon mtha' skor bas mthong nas/ hor da lta yul na med pa la zer sku pa btab
302b3 pas/thugs chad nas gdams pa slar sba bar sems pa na/ bu mo gnyis kyi rta dkar gshogs pa can la bskyod nas rnga yab dpal rir khrid/ u rgyan chen pos gsang ba yongs rdzogs kyi dbang rdzogs par
302b4 bskur nas/lam gyi lam mchog gzhan don yin// 'di la sgyid lugs su skyes pa// de yis byang chub rgyang thag ring// zhes sogs zhal gdams bslab byas dbugs phyung/ gnas 'dir ma zhen cig/ zhen na
302b5 skye ba 'pho ba'i nyen yod gsungs pa'i mod la 'od phub lta bus btegs te skad cig la slebs/shing pho byi ba'i lo hor dor rtog gi dmag gis sleb pas ma 'ongs pa mngon sum du gtan la phebs/ btsan po khri
302b6 srong lde'u btsan gyi phyi ma lha'i bu 'od mtha' yas su skyes pas na rim par mnga' bdag nyang gi bar skye ba bcu gsum thal ler dran/slob ma'i dam pa bal yul ya ma bu ba b+ha ro gtsug 'dzin zhes bya ba zhig yod
303a1 de/de nyid bod du gser 'tshol ba'i phyir 'ongs pa la mkha' 'gros lung bstan te gu ru nyid dang mjal/ zhag bdun gyi bar du u rgyan dngos su mthong/ gsung thos pa tsam gyis rtogs pa shar/
303a2 nub gcig dbang mdzad pa'i tshe khyod kyis nga cir mthong gsungs/ yi dam dngos su mthong zhus pas/ 'o na tshogs gtor gzhan na 'bul sa med gsungs nas gna' ba'i khubs phyed la sogs pa'i tshogs rdzas
303a3 rnams skad cig gis bzhes/yang nga cir mthong gsungs/ sangs rgyas dngos su gda' lags zhus pas/ 'o na dbang bskur bya'o gsungs nas mchod rdzas bsdus/ dkyil 'khor bshigs/ shul du bro brdungs/
303a4 blang dor med pa'i spyod pa dang/ rdo rje'i dam tshig chen po'i gnas la skrag par mi 'gyur ba'i las can gyi slob ma'i khams dang bsam pa mkhyen nas rdo rje lus kyi dkyil 'khor chen po nas rnam par snang mdzad dri
303a5 chen lha snams kyi sgo nas phyung ste dbang bskur bas/b+ha ro la lus sbrul shun dor ba lta bu'i nyams shar/ de bzhin du rdo rje gsang ba'i myur lam nas dri chu don yod grub pa lce thog tu blud pas zag med bde ba
303a6 chen po'i ye shes thod rgal du 'bar/snying gar phyag mdzub btsugs nas/ nga bya ba 'di ngos zung zhig gsungs pas yul gyi 'dzin pa bun long nger zhig/ nga mthong don la ma yengs shig/ de la sgom rgyu spu tsam
303b1 med// gsungs pas rdzogs chen bya bral ris med kyi rtogs pa lhag ger shar/ nges shes khyad par can skyes nas da ni dus gsum sangs rgyas byon kyang dbang zhu snyam pa mi gda'/ rgya gar du 'gro ba'i spros pa
303b2 yang chod zhus pas/'khor bar mi 'khyam pa'i sangs rgyas byung na mu stegs pa yin/ khyod rgya gar du song la bla ma rnyed na bla ma tshol/ slob ma rnyed na slob ma tshol zhes gsungs/ zhal ta 'di don shin tu bzang por
303b3 snang/lar bal po b+ha ro 'di las sad pa'i gang zag dad pa shin tu che bas gu ru'i sta zur la khro bo'i spyan mnga' ba dang/ mkha' 'gro dang chos 'gro ba sogs snang ba dag pa 'ba' zhig tu mthong/ lan gcig
303b4 mngon spyod 'di dag la rtags thon pa mchis sam zhus pas/lag len don thog tu phebs te ma Ni 'dren nas de sgrub ma khom gsungs/ der bal pos sgrol ba'i nus pa ston par zhus pas/ ri bong zhig nye ba'i
303b5 sar 'gro ba la/sa la ri bong gi gzugs gcig bris/ khab la sngags lan bdun bgrangs te gzugs brnyan la btab pas ri bong thur la ril li li 'dril/ nga sgrib pa sbyang dgos longs shog gsungs nas btags grol
303b6 btags te tshogs gtor dang bsngo bas rjes su bzung/de 'dra ba mi la byung na 'jigs zhus pas/ mi dang 'phyi ba 'dra gsungs nas 'phyi ba'i gzugs brnyan la sngar bzhin mdzad pas 'phyi khung
304a1 nas ro byung/byas na 'di 'dra ba 'ong ste sems can la gnod pas su la'ang mi ster/ dgra la'ang 'tshang rgya ba'i mthu las gzhan mi byed/ 'di pa dud 'gror song bas gnas spar ba yin/ gzhan mi
304a2 lus thob pa ni shin tu dka'/srog bcad pa'i sdig pa ni mtha' yas/ gcig shi bas mi chog de'i nye 'khor thams cad sdug bsngal ba yin/ dgra la'ang mthu mi byed kyi steng du slar la snying rje bskyed dgos pa
304a3 yin gsungs nas byang chub sems dpa'i spyod phyogs lhag par dang du bzhes/rang don du mthu dang mngon spyod mi mdzad pa'i dam bca' shin tu brtan pa yin te/ thugs rje yul la 'jug pa'i cha nas ngan song
304a4 gsum yang thugs rjes bsgral/zhes pa ste gu ru chen po 'dis mngon du mdzad de/ las kyi lus dug lnga'i phung po can de bsad/ rnam par shes pa chos nyid kyi klong du gsos nas 'khor ba mtha' can du mdzad
304a5 pas gsad gso'i nang nas kyang ngo mtshar che ba gcig yin/bal po b+ha ro ldog khar gser zho drug cu tham pa phul nas rgya bal du ldog pa la bar chad med pa'ang zhu byas pas/ gser phye dang bsres nas sbyin
304a6 bsreg mdzad/ser sna'i mdud pa rtsa ba nas grol/ lar 'di dkon mchog yod par yid ches par ston pa'i mdzad pa ngo mtshar can yin te/ gtong ba la goms pa rnams kyis kyang dkon mchog la dmigs nas
304b1 rdzas dngos med du gtong ba la rnam pa'i cha nas yid gnyis yod pa ltar mi ston yang/don dngos por snang ba'i dge ba'i phyogs la dga' bar byed pa 'di ka cung zad blo la 'phrigs chags pa yin no// der b+ha
304b2 rol sbyin sreg gi thal ba 'phangs sems ma byed par chu la spyod/lam du zas ster ba cig 'ongs/ de bdag gir gyis shig gsungs pa ltar byas pas bu mo gcig gis nyung ma zhig byin/ de gu ru la phul bas
304b3 ras khob la tshog shig gsungs/slar b+ha ro rgya gar du 'gro ba la skyel thung mdzad pas yang gser zho gsum phul/ der gu ru'i zhal nas/ me la bsregs pas mkha' 'gro mnyes na/ chu la gtor na de bas kyang
304b4 dgyes mchi gsungs nas gser de chu la gtor/sras kyi dam par gyur pa pad+ma dbang chen dang/ gnyal du 'khrungs pa'i nyi ma 'od zer sogs sras brgyud dang/ snod ldan gyi bu dgu la sogs pa smin grol du
304b5 mdzad/chu zal mgur gsum la sogs pa'i bla chen dang mi chen mang pos zhabs la gtugs/ gtso bo ma Ni 'ba' zhig gis phrin las mdzad de bod yul thams cad la thar pa'i sa bon rgya chen po btab/ khyad
304b6 par kaH thog pa grub thob ma Ni rin chen ces bya ba las khams su thugs rje chen po'i phrin las rgya cher 'phel/brgya byin dang nyi zla'i lha'i bus kyang mchod bstod byas/ bod kyi lha 'dre thams cad kyis bla mar
305a1 bkur zhing snyan grags kyis 'jig rten g.yogs/'gro ba'i bsod nams bsogs pa'i zhing du/ tshong 'dus 'gur mo'i lha khang dang/ bsam 'grub bde ba chen po'i lha khang gnyis kyang mdzad/ la
305a2 yag gu ru lha khang du gtso bor gdan sar mdzad/lha sa'i jo shAka dang mtshungs pa tsam gyi byin rlab can du grags pa'i bstan gtso'i snang brnyan dang por 'phags pa klu sgrub kyis ri btang bzung nas spyan drangs/
305a3 bar du slob dpon chen pos snab stod sa zam yang dben nas phyung ste/ ha bo'i gangs la rgyas btab pa'i 'di dgung lo nga bdun pa sa pho 'brug gi lor spyan drangs te 'gro ba'i don du bzhugs su gsol/ ma
305a4 'ongs pa na klu yul du spyan 'dren pa bshad/de lta bu'i thugs rje phrin las bsam gyis mi khyab pas 'gro ba'i don mdzad nas mdzad pa brtul bar nye ba'i tshe/ kho bo chos kyi dbang phyug la// sems can rnam
305a5 rtog tha dad kyis// la la chos dbang bde na dga'// la la chos dbang bde yis dogs/ zhes dang/ chos dbang sems nyid re dogs bral// chos dbang sems la zug rngu med// bde na dga' tsho dgyes par
305a6 mdzod// chos dbang zug rngu spang ba med// sdug na dga' 'tsho dgyes par mdzod// chos dbang sems la skye shi med// shi yis dogs tshod dgyes par mdzod// chos dbang sems nyid chos dbyings shi// ma shi
305b1 dogs tsho dgyes par mdzod// chos dbang sems nyid 'pho 'gyur med// rtag tu re tsho dgyes par mdzod// chos dbang sems la rang bzhin med// rtag gis dogs tsho dgyes par mdzod// ces re dogs rtsa ba
305b2 nas zad pa'i rnal 'byor gyi dbang po chen por bzhugs/rang gis bzhengs pa'i lha khang 'bad pa don ldan du 'gyur ba'i phyir/ zhabs tog dgos par gdams shing/ gtsug lag nyams skyen bu yis byas
305b3 kyang thon// lha khang zhabs tog sprang pos byas kyang khur// zhes dang/ kun bzang bde chen chos dbyings gzhal yas su// sgyu ma'i skyes bu chos dbang da ni sdud// ci phyir lus 'di'i gdul bya rdzogs rdzogs
305b4 'dra// las ngan zad pa'i rtags kyang lus la smin// rmi lam mi gzugs chos dbang yal nas 'gro// dpon slob kun 'dus nor bu'i tshogs yon rmis// nga dang 'brel tshad bde chen thob pa'i rtags// zhes dang/
305b5 bdag gi sha rus sran tsad yungs 'bru re// ltor song thams cad lam 'gro bde chen bgrod// ces pa la sogs pa'i zhal gyi gdams pas dbugs dbyungs nas dgung lo nga dgu pa la 'od kyi pho brang chen por
305b6 gshegs so//// da ni bka' gter gyi bstan pa la dngos sam brgyud nas bka' drin bsam gyis mi khyab cing/ spangs pa dang rtogs pa'i yon tan zad mi shes pa mnga' ris paN chen rin po che rjes 'brang
306a1 dang bcas pa'i gtam brjod par bya ste/skyes bu dam pa 'di ni yul mnga' ris glo bo ma thang gi sa'i char/ yab mar pa lo tsA'i skye ba lha rigs grub pa'i dbang po 'jam dbyangs rin chen
306a2 rgyal mtshan ces grub pa'i dbang phyugs thang stong rgyal po la sogs te mkhas grub gyi bla ma mang po'i zhabs la thug cing/bka' gter gyi bstan pa rgya mtsho'i mnga' bdag tu gyur pa de dang/ yum 'gro lcam khrom
306a3 pa rgyan gyi sras su me mo lug gi lo la bsku bltams/mtshan pad+ma dbang rgyal du btags/ dgung lo brgyad pa la rten dge bsnyen du mdzad/ yab las byang chub tu sems bskyed pa'i sdom pas rgyud sbyangs nas/
306a4 'jam dpal mtshan brjod/ sgyu 'phrul zhi khro/ yang dag me dgu/ sems phyogs la sogs gsan pa rgya chen po mdzad/ bcu gcig par rtsa rgyud gsang snying/ slob dpon sgeg pa'i rdo rje'i 'grel pa/ g.yung Tika kha
306a5 dmar can/sum ston gyi Ti ka la sogs pa phal cher zhig zla ba bdun gyis khong du chud/ dgongs 'dus la sogs pa'i mdo'i gnas kyang byang bar byas/ bcu gnyis pa'i tshe mkhas pa mang po'i dbus su gzhung
306a6 bsgyur gyi bshad pa mdzad/bla ma gsang 'dus dang/ sgyu 'phrul zhi khro/ rta mgrin la sogs par bsnyen bsgrub mthar phyin/ lha mo dus sol mas zhal yang yang bstan/ grub mtshan gyi thog mar shwa log chen po zhig
306b1 byung ba la phur pa gdengs pa tsam gyis nam mkha' la thog so bdun tsam 'khyil zhing bzlog/de bzhin du gtor chen 'phangs pa'i tshe sa stengs nas gru gang tsam 'phags pa yang byung/ dme brtsegs kyi sgom
306b2 bzlas mdzad pas gar+khaM dzi r+khaM gyi sgra sgrogs bzhin par mthong/dgung lo bcu bzhi nas bka' brgyad dang ma gshin la sogs pa'i sgrub phrin mang du bslabs shing bzlas sgom gyi la zlos/ de nas lo bdun bar du
306b3 gcod yul dang ro snyoms mdzad/bye ma dang/ chu rdeb me tog la sogs pa'i bcud len kho nas dka' spyad kyi phrang la bshar/ them spangs kyi dam bca' lo gsum/ ngag bcad kyi dam bcas lo gsum/ sha khrag
306b4 gi zas la shin tu sdar zhing/smyung gnas dang/ gso sbyong la sogs mang du mdzad pas spyan ras gzigs lan bdun du gzigs/ lo gcig tu bla ma gsang 'dus kyi gdams ngag la nan tan mdzad/ spyir bla ma
306b5 mkhas grub mang po las mdo sngags chos kyi bdud rtsi ngoms pa med par 'thungs shing/khyad par du yab las mdo dbang dang/ phur pa/ sgrub chen bka' brgyad la nan chags chen po mdzad/ grub pa brnyes pa'i
306b6 rnam thar yang/gsung las/ brag dmar gyi mtsho la ro snyoms byas// smin nags kyi chu la rdog par brdzis/ lha lung gi brag la mkha' ltar ldings// ba gam can brag la byi ltar 'dzul// mgo bo can brag gi
307a1 logs la rgyugs/brogs sher seng dang shes dpal rgyal bzang gsum// byang rgyal dang bla ma rin seng ba// skyes pho mo 'ga' grub thob zer// deng grub thob kyi go bar mi len// chos nyams
307a2 blangs kyi nyams snang thob tsam yin// don 'pho 'gyur bral ba ma rtogs na// lus sgyu ma'i cho 'phrul bya byis ston// zhes grub rtags kyi mthar thug rtogs pa la ngos 'dzin/ bcu bdun gyi lo la dam bca' brgyad
307a3 mdzad de/dge 'dun la mthong phyag byed pa dang/ pha yul du zhag bdun las mi bzhugs pa dang/ dben pa 'ba' zhig la blo gtod pa dang/ rgyal ba'i sgo khang lan gsum las mi 'grim pa dang/ tshong khe dang
307a4 gral 'go mi 'dzin pa dang/ro chog dang dbu gtso mi byed pa dang/ 'tsho ba bsod snyoms la bsten pa dang/ bsgrub pa dang thos bsam 'ba' zhig byed pa rnams so// slob dpon nor bstan bzang po las yang
307a5 yang du bsten nas 'dul ba dang mdo sde'i skor dang/jo bo bka' gdams/ nA ro mkha' spyod ma snyan brgyud bsam gyis mi khyab dang bcas pa zhus/ skyid grongs du 'phags pa wa ti mjal bas gsung byon/ sku tshe
307a6 snga ma'i sngon gnas mang po rjes su dran/dgung lo bcu dgu par pha yul du yig drug gis 'gro don mdzad/ nyi shu la byams chos lnga/ phar phyin/ tshad ma/ dbu ma rtsa she bzhi brgya pa dang/ bslab btus/ spyod
307b1 'jug dngos brgyad don bdun cu sogs gzhung lugs chen po brgya phrag gcig khong du chud/nyer gcig pa la 'jam dbyangs chos skyong dang/ sdom brtson tshul khrims dpal la sogs par gshed dmar la
307b2 sogs pa'i dbang sgrub gdams pa gsan zhing bsgrubs pas zhag bdun na gshed dmar dngos su mthong/nyi shu rtsa gnyis par yab kyi drung du snga 'gyur bka' gter la zhun thar legs par bcad/ bka'
307b3 brgyad kyi sgrub pa mdzad pas bdud rtsi khol/mar me chung ngu zhig gis zhag gsum thub/ de'i tshe yab kyi gzigs snang nyid kyi tshigs su bcad pa/ bu khyod tshe la bar chad ma byung na// 'jig rten 'dir ni chos kyi
307b4 'khor los sgyur// mdang sum dkyil 'khor mtha' la kun bskor nas// bla ma zur chen rngog ston chen po dang// rje btsun grags pa 'phags pa rin po che// nam mkha'i snying po bsod nams bla ma dang// 'gro
307b5 mgon nyang ral ras chung rdor grags dang// rgyal sras dbang chen glo bo yab sras dang// chag lo chos dpal khro phu lo tswa dang// nag tsho lo tsA kun mkhyen mus srad pa/ mkhas grub bsod bzang grub chen dmar
307b6 zhabs dang// dam pa sangs rgyas bai ro bi ma la// u rgyan yab yum rgyal po khri srong dang// ma gcig lab sgron zhang la ras chen pa// khams pa sga lo rgya gar paN chen rnams// gcig la gcig blta 'dzum zhing
308a1 bzhad pa la// kun kyang nga ni pad+ma dbang rgyal yin// smra zhing thams cad khyod la thim nas song// zhes pa ltar yin/ nyer gsum pa la glo bo lo tsA ba lam 'bras tshogs bshad dang/ slob bshad
308a2 gnyis/nyer bzhi pa'i tshe yang tshar gcig bskyar/ nyer lnga pa'i tshe/ bsam grul gling du glo bo mkhan chen bsod nams lhun grub gyis mkhan po/ chos rje dkon mchog skyabs kyis slob dpon/ de bzhin du
308a3 gsang ston pa/grib tshod pa/ grogs dan pa/ dad pa'i dge slong nyi shu rtsa lnga dang bcas pa'i dbus su/ bu lugs kyi las chog gzhir bzhag la/ nam bsod dang/ 'phags pa rin po che'i las chog gi bshad
308a4 sbyar dang bcas tshig gsum gyis bsnyen par rdzogs pa'i dngos por bsgrubs/mkhan slob de rnams las chos kyang mang du nyan/ nyer drug pa la shel gyi ri bo 'brug sgra la sogs pa'i dben par/ chos gos
308a5 gsum dang/glegs bam/ 'khar gsil/ lhung bzed las gzhan pa'i yo byad thams cad spangs te sgo gcig pa'i brtul zhugs bzung/ ston pas bcas pa'i gnang bkag dang/ sbyangs pa'i yon tan bcu
308a6 gnyis la sgra ji bzhin par gnas pa ni skyes bu chen po 'di dang kong po rgod tshang pa sna tshogs rang grol gyi rnam par thar pa mthong ba'i chos la gnas nges par shes/gzhan du mi la ras pa la sogs te rtags
308b1 dang cho ga ma byas pa'ang ji snyed cig yod srid kyi de dag la bstan pa la dga' ba'i lha rnams dang lhan cig rjes su yi rang bar byas so// slar ljongs rgyu ba'i brtul zhugs kyis mnga' ris kyi gnas rten rnams
308b2 kyang mjal/theg pa chen po'i bslab par bya ba'i gnas las 'da' ba ma yin pas chos kyi sbyin pa'ang ci rigs su bstsal/ glo bo mkhan chen las/ dgra gdong/ 'jigs byed/ gshed dmar/ gsang ba 'dus
308b3 pa la sogs pa mang du gsan/mkhan po de dang/ gu ge paN chen rnam rgyal dpal bzang/ 'jam dbyangs blo gros dpal mgon rnams la sgra dang/ tshad ma/ brtag gnyis kyi bshad pa/ gsang sngags kyi dbang
308b4 dang man ngag kyang mang du nyan/spu hrang dang/ te se dang/ kho char la sogs pa'i gnas rten 'khor nas slar glo bor byon/ drang so gter ston shAkya bzang po las byang gter mang du gsan/ mdor na bde kye
308b5 gsang gsum/ma gshin phur pa/ bka' brgyad gsar rnying/ yang phur rta gsum/ rdo rje gur/ gsang 'dus ye shes zhabs lugs/ bde mchog lhan skyes/ lU nag dril gsum/ bong zhal can/ dpal mgon
308b6 zhal bram/dus 'khor 'grel chen/ phyag rdor brgyad bskor/ u tsa ya/ ras chung snyan brgyud/ phyag chen sbyor drug/ u rgyan bsnyen bsgrub/ yang dgon pa'i ri chos/ nyang gter yongs rdzogs/ rdo rje phreng ba la
309a1 sogs te gsar rnying bka' gter bstan bcos/man ngag gi yi ge rnam pa thams cad la dA ri dra'i brtul zhugs kho nas chos sgugs sogs kyi ngal ba dang du blangs te/ skyes rabs las/ me
309a2 tshogs spu gri'i so yang brgal nas ni// 'chi mthar thug gi bar du dam chos btsal// zhes pa ni skyes bu dam pa 'dis phyag len la btab pa yin/ gsar rnying gi rgyud sde chen po de dag la 'ang bsnyen pa ma song ba
309a3 med pas/deng snga 'gyur ba tshos bka' brgyad dang/ gsar ma pa rdo rje phreng ba tsam gyis bsnyen pa rdzogs pa'ang dkon pa'i dngos por gyur na/ 'di lta bu a la la/ dam pa'i chos 'tshol zhing bya btang sgo gcig
309a4 pa'i brtul zhugs kyis bal yul shing kun/bya rung kha shor/ bal po pham mthing/ yam bu'i tshal/ yang le shod la sogs pa thams cad du gshegs shing de dag tu bal bod kyi bla ma mang po bsnyen/ gnas
309a5 'brel dang thugs dam 'ba' zhig mdzad/dag pa'i snang ba mtha' klas par shar/ yi dam dang chos skyong mang po'i zhal gzigs/ mkha' 'gro mas slob dpon a b+h+yA ka ra'i skye bar lung bstan/ lo chen dkon
309a6 mchog skyabs kyis rdo rje phreng ba'i dbang la dogs cha mdzad pas/mtshan lam na 'khor lo sdom pa'i dkyil 'khor gyi gtso bo paN chen pad+ma dbang rgyal gyis mdzad cing 'dug pa'i sgo drung nas mkha' 'gro mas
309b1 khong bkag nas ma btang bas slar 'gyod de gnang/zhar la lam 'bras gsar ma'ang thob/ so brgyad pa nas gsar rnying ris med pa'i chos kyi 'khor lo rgya chen po bskor/ de nas dbus gtsang gi phyogs la
309b2 gsar rnying gi chos rgyun nyams pa dag gso ba'i thugs bskyed bla na med pas/yab dang glo bo'i sde ba dag kun la gnang ba zhus/ rim bzhin zang zang brag/ bkra bzang/ byang 'am ring rnams brgyud de byon/
309b3 bde grol du me ston nam mkha' rgyal mtshan dang/ sngags 'chang shAkya bzang po gnyis mjal/ de nas gcung legs ldan kyang lhan cig pas dbus la byon/ chos tshigs sprul pa'i rdo rje gdan lha sa'i gtsug lag
309b4 khang jo shAka rnams kyis gtsos pa'i rten brten pa rnams mjal/rngog chos dang zhi byed la thugs 'dun drag po yod pas rje btsun ma dang/ dpal lha'i sprul pas bskor lam du 'grogs nas lung bstan/
309b5 gung thang du phyag mchod mdzad/ gzhung spre zhing du rngog bsod nams bstan 'dzin las rngog dkyil rnams legs par nod/ gro thang du zha lu lo chen chos skyong bzang po las gshed dmar skor sogs gsan/
309b6 bsam yas su byon pas sngon btsan po khri srong lde'u btsan du gyur pa'i bag chags du ma sad/ bar khang du bde gshegs 'dus pa'i dkyil 'khor bzhengs nas sgrub mchod dang smon lam mdzad/ lho brag gu ru ba
310a1 sogs la chos kyi bdud rtsi mang du bkye/kaH thog pa chos rje bsod nams rgyal mtshan sogs bshes gnyen mang dag dang chos skyes 'bul res mdzad/ phreng po u rgyan chos rdzong du kong chen nam
310a2 mkha' dpal ldan las bla ma dgongs 'dus gsan/yang rdzong dang mchims phur thugs dam mdzad pas rtsa ba gsum gyi lha tshogs mang po'i zhal gzigs/ chos dbang gi gdung rabs brgyad pas lho brag tu spyan
310a3 drangs nas/mkhar chu/ bsam 'grub bde chen/ lha bro dang/ smra bo cog/ gro bo lung la sogs par byon/ mnga' bdag nyang la u rgyan chen pos lung bstan pa bzhin/ paN chen 'dis chos brgyud nyams pa gso
310a4 bar gsungs pa'i bden pa'i rnga bo che sgrog pa'i dus la babs te/nyang gi gdung sgar zur la rang lugs kyi bshad nyan rgya chen po mdzad/ sdig can 'ga' zhig la gnas spor mdzad pas 'ja' 'od kyis bar snang
310a5 bkang/zha stod dang btsan gro sogs su bsgrub chen bde gshegs 'dus pa'i sman bsgrub dang skye bdun gyis 'gro don mdzad/ spyir skyes bu chen po 'di chos la gnas 'jog shin tu che zhing khyad par sngon gyi smon
310a6 lam las bde gshegs 'dus pa la don gnyer chen po dang ldan pas rang gi yab rje la sogs par bka' brgyad bde 'dus tshar nyi shu rtsa lnga gsan pa'i phyi ma khungs btsun zhing yid rton par nus pa de lho brag
310b1 dgon dkar zhes pa 'dir ri brag la thogs pa med pa'i rje rigs nam mkha'i rnal 'byor las rnyed pas gsan yig tu'ang bsngags pa chen po mdzad cing/dgongs pa mthar thug pa rdzogs pa'i tha tshig kyang
310b2 gsal/slar zhe drug par bsam yas su byon nas bka' 'dus phyi ma rig 'dzin yongs 'dus kyi chos skor rnams rnam snang gsang sgrom nas spyan drangs/ snye mor dgongs 'dus kyi sgrub chen btsugs/ phung po ri
310b3 bo cher bde 'dus la 'chad nyan mdzad/ngor dang gser mdog can du dge tshul slong gi las chog mang du mdzad/ gzhan yang chos 'chad nyan la sogs pa'i 'gro phan rgya chen po mdzad de chu bo ri brgyud brag rdo rje
310b4 zhes pa 'dir zhag gcig gdan chags pas sku tshe'i rten 'brel 'grigs/brag chen phur pa zhes pa'i dpyad las bskyed rdzogs kyi bstan pa zin pa'i brda' don dgongs pa bzhin/ slar phreng po pa dar zhing rgyas
310b5 pa'i tshe kun gzigs phreng po gter chen shes rab 'od zer ti shrIr bkur nas gnas 'dir yun ring por dgon pa bcas nas gtan chags/gsung rab mang po'i sbyar bya du'ang thub bstan rdo rje brag tu sbyar
310b6 ba'o zhes ming gi mnga' gsol/de nas paN chen rin po che nyid phal cher bsam yas bu tshal du gtan chags/ byams pa gling du thu btsun bsod nams rnam rgyal las sangs rgyas mnyam sbyor gsan cing/ phar
311a1 zab chos mkha' 'gro snying tig gi dbang khrid ma lus pa phul nas thugs yid gcig tu 'dres/'o na smon thang du'ang sku mched lhan cig pas yun ring par bzhugs/ gcung rig 'dzin legs ldan
311a2 pa bde lugs gnyis ka'i pho sgo yangs pas 'bri gung pa rin chen phun tshogs bsam yas su gdan drangs nas dpon slob gsum ka bsam yas kyi rab gnas bskyar te bod khams yun du bde ba'i rten 'brel
311a3 bsgrigs/'di nas bzung chos rgyal rin chen phun tshogs kyang sras kyi dam par gyur pas rgyal dbang pad+ma'i ring lugs la rten 'brel chen por gyur/ spyir skyes bu 'di nyid ni gnas lnga rigs pa'i pan+Di ta chen
311a4 po/mdo sngags gsar rnying ris med pa'i bstan pa yongs rdzogs kyi dge ba'i gshes gnyen chen po/ bzhon pa dang 'jol bel la sogs pa'i chos brgyad yongs su spangs pas shAkya thub pa'i rjes zhugs bsod
311a5 snyoms pa chen po/zhen log dang dka' spyad khur du bzod pas bya btang rnal 'byor gyi dbang po chen po/ rig pa dang grol ba'i spobs pa bsam gyis mi khyab pas byang chub sems dpa'i dge 'dun chen po des
311a6 dngos kyi lam nas bstan pa dang sems can gyi don bla na med pa mdzad/snga 'gyur rgyud 'bum rin po'i skor tsho 'byed pa'ang rnam dpyod 'di kho na che zhing/ lung gi rgyun la'ang bka' drin bsam gyis mi khyab/
311b1 tshig nyung la don shin tu mang ba sdom pa gsum gyi rnam par nges pa'i bstan bcos la sogs te/ rnam grangs mtha' yas dag gis brgyud nas bstan 'gro'i don bla na mtho ba'i cho ga mdzad de 'on smon thang nas
311b2 zangs mdog dpal gyi ri bor gshegs so//// da ni slob dpon bai ro tsa na slar yang rigs grol gyis sprul pa'i sgyu 'phrul la chags pa kun mkhyen shes rab 'od zer gyi gtam bshad par bya ste/ bdag
311b3 nyid chen po 'di ni byang ngam chen gyi sa'i char khri bsam gnyis kyi cho 'brang las sa pho stag lo chu stod zla ba'i tshe bcur mngal gyi pad+mo las grol/lhums su zhugs pa'i tshe skyes bu shel gyi kha dog can rin po che'i
311b4 do shal dang ldan pa zhig gis shel bum bdud rtsis gang ba yum gyi spyi bo nas bstims pa rmis/tshe bcu byung res sbra khyim la 'ja' zug pa dang/ dri zhim po'i ngad pa rgyun du byung/ gzhon nu rol rtsed kyi tshe na'ang/
311b5 bcos min gyi nges 'byung dang/ dad pa'i snang ba rgya chen po/ myur la zab pa'i shes rab la sogs te byang chub sems dpa'i ngang tshul gyis lhag par phyug pa zhig ste/ 'jam pa'i dbyangs dang/ gshed dmar dang/
311b6 gnyan mgon rnams kyis zhal bstan pa byung ba 'bri gung pas g.yag sde paN chen gyi bag chags su ngos 'dzin mdzad/ khyad par du rin chen phun tshogs chos kyi rgyal po ji lta ba zhig gi zhal nas/ khyod kyi snying ga
312a1 na a zhig yod pa da lta ston mar na zhes phyag mdzub btsugs pas brjod mi shes pa'i nyams shar/rjes su sku'i bkod pa de kho nar snang zhes gsung/ ru skor de la hor gyis brgyab dus bu chung
312a2 'phrog par brtsams te zhags pas btab pa na lhag pa'i lhas sgrib par gzigs te bros pas thar/de nas grog gi phur bzhugs/ byis pa'i dbus na chos gsung pa dang/ mdo rgyud kyi tshig tshon po cal col du
312a3 'don pa dang/lhag par gzhon nu shes ma bye ba des chu ban gang rgya can kha khyer nas bzung ste ja khang du bskyal ba dang/ rgan pa dag gis sgo bcad nas phyir thon pa na/ sgo ma phye bar thal byung du phyir thon pa
312a4 sogs byung/khyad par theg pa chen po'i rigs sad pas sems can nyam chung ba dag la bzod du med pa'i snying rje dang/ zhang pos 'thos pa'i gal la ci mi snyam pas ka ca ster ba sogs phal ba'i kun tu spyod pa
312a5 las rgyang ring/dgung lo brgyad pa'i tshe e waM gling smad dang nyin sdings gnyis ka'i slob dpon brtan mkhas kyi yon tan rdzogs pa tshul khrims 'od zer ba las dge bsnyen du mdzad/ mchod gral gyi lha phal cher
312a6 ngos 'dzin mdzad pas 'di shes rab thod rgal ba zhig byung zhes mtshan shes rab 'od zer du btags/gser mdog can pa'i slob ma'i mchog paN chen rdor rgyal ba las rab tu byung/ de nas klog pa thos
312b1 bsam gyi grar zhugs nas/dga' ldan khri pa zhal snga nas bstan dar la zab mo lta ba dang/ rgya chen spyod pa'i sems bskyed lugs srol gnyis bslab btus/ spyod 'jug/ mdo sde kun las btus/ byang sa/
312b2 sdom pa nyi shu pa/ klu sgrub lugs kyi don dam sems bskyed sogs nyan zhing klu sgrub gyi gzhung la nan tan ngos/ mtshan nyid kyi gzhung la lo drug gi bar du nyin mtshan med par sbyangs/ slob dpon gnyis po las/
312b3 byams chos lnga/ sa sde lnga sdom rnam gnyis/ dbu ma rig tshogs/ gtam tshogs/ bstod tshogs/ byang chub sems 'grel/ rim lnga rnams dang/ dge ldan pa'i mdo'i lam rim gnyis/ sngags rim chen po la
312b4 sogs te rgya bod kyi gzhung 'grel mang du nyan/lam gyi 'gros la go don phun sum tshogs pa skyes kyang 'khor ba'i sa bon drungs nas 'byin pa lta ba rnam pa dag pa kho na yin/ de la dgag bzhag gi 'dod pa mang
312b5 pos ngo bo ma 'khrul ba gang yin shes dka'/sangs rgyas kyi lta ba zab mo ston pa la klu sgrub lung bstan/ de'i dgongs 'grel tshad ma zla ba grags pa yin/ des kyang sangs rgyas bskyangs la brten nas rtogs pa
312b6 yin pas 'grel pa bud+d+ha pA li ta la bslab gnyer gting thug pa zhig byas pas/deng sang lta ba'i gnas tshul gleng pa rnams la kho bo mgu po rang mi 'ong zhes gsungs/ sa dge gnyis car la mkhas pa'i slob
313a1 dpon gcig yod pa las lugs gnyis ka'i sbyangs pa mthar son/khyad par gsang ba 'dus pa la tsong kha pa chen po'i yig che'i steng nas dgongs pa ji bzhin du longs/ rdor rgyal ba la dgyes
313a2 rdor lha dgu/lam 'bras lugs lnga/ rnam 'grel bcu gcig dang bcas pa/ gur brtag sam gsum lung Ti ka bshad pa dang bcas pa/ dus 'khor yongs rdzogs/ lam rim pa gnyis kyi khrid/ bla ma dam pa'i Ti
313a3 ka'i steng nas gzabs bshad rnams dogs pa'i mtha' dpyad nas nyan pas/slob dpon des/ dge bshes shes rab 'od zer 'dis chos kyi gnad la bkar nas dri shes par 'dug ces 'chad pa la bsnyengs
313a4 pa bral ba dag blo gros la grim cha ster dgos pa byung/rin po che rdor rgyal ba de las spyir mdo sngags kyi gzhung 'grel da lta 'chad nyan yod pa mtha' dag/ de bzhin du gser mdog can pa dang/ sa skya bka'
313a5 'bum yongs rdzogs mnyan nas/zin thun bskyar ba'ang mdzad/ lhag par gser mdog can pa'i yig cha la mchog tu 'dris shing grub mtha'ang 'dzin/ skyes bu dam pa 'di g.yag sde paN chen gyi de ma thag pa'i
313a6 skye ba yin pas sku gzhon nu nas gsal snang shin tu che zhing khyad par paN chen de la slob dpon chen pos seng gdong ma'i gdams pa pu tir longs pa zhig bstsal ba rang nyams su bstar/gzhan blor ma 'chud
313b1 dogs nas mya ngan las 'da' khar e waM rdo spyil du rgyas btab pa dus 'dir phyag tu son mod/'brug pa rin po che pad+ma dkar po'ang gsal snang zhig la the tshom skyes pas/ phyis chad/ de ni a khu mtshan nyid pa'i
313b2 khrod du phyin pas lan par 'dug ces gsungs pa bzhin rten 'brel gzhan dbang du song/grwa sa de dang thal 'gyur gyi mgrin rnga ldir ba'i rigs gra gang dang gang du rtsod pa'i g.yul ngo la lhags pas blo gros
313b3 bsam gyis mi khyab pa song ste/bod 'grel rnams kyang rgya yan du bzhag/ rgyan drug mchog gnyis kyi gzhung 'grel kho na la brten nas/ brgal ba dang/ brtag pa dang/ rigs pa gsum gyi lha'i rnga chen po kun
313b4 nas kun tu yongs su brdungs pas/gling sman slob dpon na re/ khyed slob gsar ba lta bu yin kyang 'di lta bu'i rnam dpyod kham che/ kun mkhyen rong po la bo dong pa'i dge bshes gcig gis/ ci mkhyen zhus
313b5 pas/kho bos phar phyin shes gsungs/ 'o na 'dul ba e gnang zhus pas/ de los shes phar phyin gyi spyod pa yin gsungs/ yang dbu tshad la dris pas/ de bzhin du dbu ma la lta ba dang/ tshad ma la rig lam
313b6 yin gsungs pa ltar/khyed kyis dbu phar la brten nas bstan pa'i sgrom 'tshol lugs/ de las rig lam gyi grub mtha' 'cha' lugs la dpags na/ dge bshes zer na 'di la zer zhes tshogs pa'i khrod rang
314a1 du bsngags pa brjod pas de phyin nas dge bshes shes rab 'od zer zhes grags/rtog ge'i rig pa la tsher ma lta bu'i blo gros mnga' yang/ 'di ltar skyes bu mchog tu gyur pa rnams ni de tsam la
314a2 brten nas grags pa dang/rnyed pa bsgrub pa'i sta gon rtsom pa ma yin pas/ skyo shas dang nges 'byung drag pos rgyud brlan nas sgrub pa nan tan gyi 'khor lo yid la sems shing/ de'i ngang tshul slob dpon zhi ba lha
314a3 dang jo bo rje'i rnam thar la snying thag pa nas smon cing dad pa'i skabs shig na/'bri gung pa rin chen phun tshogs lho rgyud la thegs pa'i e waM dang ha cang mi ring pa'i sa thad skyar sgar phab pa gzigs su byon pas/
314a4 sgar gra tshang sum brgya tsam la spyi chos su spyod 'jug gsung ba dang thug/ sher le'i/ don dam blo yis spyod yul min// zhes pa nas sha lo ka gsum la jo 'grel gtso bor bton/ 'grel pa grags che ba kha yar na
314a5 yams su byas/rig lam gyi sbyor bas kyang brgyan/ bka' rgyud pa'i nyams len dang yang bstun kyin bshad pa yam pa gcig gsung ba mthong bas/ rje btsun dam pa 'di'i thugs rje'i chom rkun gyis snying la
314a6 btab/zang zing gi nye bar dpyad pa sle mo'i khud na shong ba tsam zhig yod pa khang thog nas bskyur/ chas par brtsams pa na/ grogs mched sman dpyad shes pa zhig yod pa re zhig bka'// 'di dus dgung lo
314b1 bco brgyad pa yin/lar skyes bu dam pa'i snying stobs dang smon lam gyi mthu ni gzhan dbang gis rdzi bar nus pa ma yin pas srab med pa'i seng ge nam mkha' la 'phyo ba bzhin du/ gra sa bskyur/ grogs mched
314b2 spangs/dkor la brkam chags byed pa btang nas/ nges don ston pa'i bla ma dang/ dben pa 'ba' zhig yid la bsams nas ri dwags rgya nang nas shor ba bzhin du bros/ 'phan yul du phebs pa dang 'bri gung
314b3 yang ri ba'i rtogs ldan ga la ba sogs dge 'dun bzhi bcu tsam bsod snyoms la byon pa dang 'grogs/dus de tsam na 'bri gung pa lugs gnyis ka nas rnam dpyod che zhing/ thel gyi khri thog tu bzhugs
314b4 nas spyan snga chos kyi grags pa'i spyan ltos sgrigs srol legs pa dang/bla dpon gyi 'khor rgya mtsho'i dbus na lha sras 'bri gung pa rin chen phun tshogs mthong na mi mthun pa med pa'i zhal skyan can de'i phyag
314b5 'bul la lhags pas/mtshan nyid pa'i ham thul yul bud/ mi phyed pa'i dad pa gting nas g.yos/ spyan chab lhug par shor/ mtshan nyid pa'i ri lam dgag sgrub kho na'i a 'thas sbrul gyi shun pa bzhin du dor/
314b6 tshe 'di phyi kun gyi blo gtad zhu snyam byung gsungs/ ri zhig na thol bsam gyi dri mo la zhib tu gnang/ lar bka' rgyud pa 'di la 'jig rten gyi dpal 'byor yod kyang chos kyi 'jug sgo 'gag dam zhing mi ltos
315a1 legs pas/slob gsang ba rnams cog grwa'i sgrigs srol dam por 'jug pa la/ rje'i zhal nas chos khrims par/ e waM pa'i dge bshes 'di yon tan can zhig 'dug/ sgrigs lam 'dur phebs
315a2 kyang/rang gis bsag sbyang yin dgongs nas zla ba gsum gyi bar du nan tan mdzad/ 'khor lo sdom pa dril bu lha lnga'i dbang/ phyag chen lhan cig skyes sbyor gyi khrid/ bka' rgyud gser phreng/ dgongs gcig
315a3 lnga ldan gyi khrid rnams gsan// da ma gcig gi gcod yul la 'dris par byas/ tshe blos btang gi bya btang phyogs bral ba zhig byed dgongs nas snyan du gsol ba na/ khyed gang du'ang ma 'byon par 'di khar
315a4 bzhugs/gcod la'ang nged 'dris che ba yin gsungs nas thugs kyi re ba bskang/ dpon slob gnyis lan mang por mdo sngags dang khyad par gsang sngags gsar rnying gi lugs so so'i dgongs pa 'grel tshul
315a5 don la rton mi rton gyi 'bel gtam dri smed mang po mdzad/gcig la gcig thugs ches/ dge bshes kyi ming ma nor zhes rnam pa kun tu bsngags shing/ bkur mthong chen pos gzengs bstod kyang snyems chung kho
315a6 na lhur len/der 'bri gung pa'i dgongs par/ de 'dra ba'i gang zag mkhyen pa rlabs che shing/ bya btang ba/ phral tshugs kha bzang ba sogs gang la dpags kyang ngo mtshar che snyam du dgongs pa'i tshe/ slob dpon
315b1 chen po'i lung bstan byung bas/lan cig khyed mdo sngags gang la brda' bstan pa tsam gyis khong du chud pa dang bcas kho bo'i 'khrul snang la lo chen bai ro tsa nas byin gyis brlabs pa'i gang zag gsang sngags snga
315b2 'gyur gyi chos la bag chag che ba zhig tu sems pas/khyod slob dpon pad+ma la e dad gsungs/ slob dpon pad+ma la sangs rgyas dngos kyi 'du shes byis pa'i dus nas yod/ gang zag phal la rtog pa chung zhing de'i
315b3 stobs kyis chos la'ang 'dris chung zhus pas/'o na gsol ba thob mdzod/ sku'i snang ba dang lung ston pa thag chod gsungs/ yang ri sgar pa'i chos khrims mdzad dus bstan pa la phyag bzhis shin tu che bas/
315b4 legs par gsungs pa'i dam pa'i chos 'dul ba'i bca' khrims la sus kyang 'da' bar mi nus/ lan cig rje 'bri gung pa'i gsung gis/ dge bshes kyis sang tshogs khrod du dgongs gcig la bshad pa byed
315b5 dgos gsungs/sngar de 'dra ba'i bshad srol mi 'dug kyang/ dgos pa'i slad yin/ bla ma'i bka' ldog tu mi rung ba snyam nas sang tshogs dang dbus su zhabs drung tshogs dbu la byon/ thel gyi mkhan slob chos
315b6 sgo ba dang/rdor 'dzin slob chung/ yang ri sgar pa dang bcas pa'i tshogs pa rgya mtsho'i dbus su/ lnga ldan la rtsa bar byas/ rdo rje'i gsung brgya lnga bcu pa chos tshims su bcad/ dgongs gcig lugs gsum gyi
316a1 grub mtha'i rkang bzung/mdo sngags kyi chos 'khor bstan pa yongs rdzogs kyi tshul du bshad/ skabs don tshor sa paN kyis bkag pa rnams rang stobs kyi sgrub 'byed rnam par dag pa dang bcas
316a2 bshad pas thams cad snga na med pa'i ngo mtshar skyes/sang sku drung nas bcar bas dbu la phyag gis byil zhing/ ngas spyan snga chos kyi grags pa dang/ mnga' ris paN chen gyi legs bshad slob ma kun la bshad pa
316a3 yin yang/phal che bas dgongs gcig 'bri gung pa kho na'i chos skad rang mtshan par gleng ba skad byed/ de 'dra byas nas don gyis ston pa'i bka' dang mi mthun par 'gro/ khyod kyi bshad pa des lnga ldan mdo sngags
316a4 gnyis ka'i nyams len gyi rtsa ba song/dgongs gcig de'i rgyab chos yin pa la sa lugs pa'i phyogs snga spangs pa'i dgag sgrub gnad thog tu 'gro ba byung bas snying tshim/ de bzhin de nas kyang byas pa yin/ re ba
316a5 las lhag gsungs/'di la yig cha zhig kyang mdzad snang ste khams pa'i gra pa zhig gis zin bris khyer bas rgyun chad/ de'i bka' brgyad lugs srol chen po dgu/ bdud rtsi sman bsgrub kyi phyag bzhes/ rnying ma bka'
316a6 gter gyi gshin rje'i rigs lnga/dgongs pa yang zab/ mkha' 'gro'i snying tig brgyud pa gzhan las ches 'phags pa/ byang gter mdzod lnga/ pad gling chos skor rnams dang/ 'bri gung phyogs kyi bka' brgyud bka'
316b1 'bum la sogs pa'i dbang khrid lung gi bshad sbyar mang po gsan/khyad par snga 'gyur gyi grub mtha'i gzhung srong tshul/ kho bo'i rdo rje slob dpon mnga' ris paN chen rin po che'i de'i mkhyen rab la mtha' med/ de'i
316b2 bka' las/rnying ma lugs mthun zhig byed na gsang sngags snga 'gyur rang gi bstan pa'i bab la/ bka' gter zung gcig yin pas/ bka' ma ni/ mdo sgyu sems gsum la snga 'gyur bka' babs kyi chu bo bzhi'i
316b3 sgo nas bshad rgyun rnam par dag pa bzhin bshad pa lag len dang bcas pa bka' ma ltar byed dgos/chos kyi zab gnad rnams brgyud pa dang chos la sel med cing 'kha' 'gro'i kha rlangs chil le ba de gter ma
316b4 yin pas gter chos tshad ldan ltar byed dgos/de ltar byas na rnying ma lugs dang mthun pa gcig yong phebs byung bas/ khyed rang yang nyan 'dod na kho bos de rnams thos pas bshad chog/ brjed gso tsam du'ang
316b5 'gro gsungs nas/bskyed pa ma hA yo ga tan+t+ra sde bco brgyad kyi rtsa ba sgyu 'phrul gsang ba snying po la 'grel pa phyogs bcu mun sel gyi lugs gtso bor bton/ lung a nu yo ga mdo dgongs pa 'dus pa mdo 'grel
316b6 chen mo'i dgongs pa dang/rdzogs pa chen po'i a ti yo ga kun byed rgyal po la sogs pa'i man ngag dngos stobs kyi 'grel pas bkral nas bshad/ de bzhin du gsar rnying gnyis ka'i rgyud 'bum/ rgyal ba klong chen
317a1 pa'i ngal gso skor gsum/mdzod bdun/ snying tig ya bzhi/ zab mo yang tig/ rgyud bcu bdun bi ma la'i Ti ka dang bcas pa/ man ngag brgya bcu dgu rnams gsan/ khyad par dpe khang du ched kyis
317a2 bzhugs nas so so'i yig cha la bsam byung gi shes rab rnam par dag pas dpyad pa na/chos kyi zab gnad rnams rnying ma kho na la snang zhing/ khyad par snying tig la yod par nges shes gting nas 'drongs/ dpon
317a3 slob gnyis ka bstan pa yongs rdzogs kyi bshes gnyen chen por gyur pas mdo phyogs dang gsar ma'i mkhas pa rnams kyi yig cha gang legs kyi dpyad pa la zhugs pa na/sangs rgyas kyi bstan pa'i snying po rdo
317a4 rje'i theg pa dang mthun pa'i chos 'khor ni 'khor lo gsum pa yin/der rgyu'i rgyud bde bar gshegs pa'i snying por grags pa de gsal por bstan/ dgongs pa de 'grel pa la/ rje rang byung rdo rje/ karma pa chos
317a5 grags rgya mtsho/spyan snga chos kyi grags pa/ kun mkhyen klong chen pa rnams shin tu mkhas shing mthun pas de kho na'i grub mtha' la yid brtan par gyis shig gsungs/ kun mkhyen bla ma 'di nyid paN chen gser
317a6 mdog can pa'i grub mtha' la mchog tu 'dris shing nges pa'i shes pa brtan pas skabs 'dir dpyad pa zhugs pa na/kun mkhyen ngag gi dbang po dang shAka mchog pa gnyis grub mtha' ngos 'dzin snying po gcig tu
317b1 mthun pa la nges pa gting nas 'drongs pa yin zhes gsungs/don gyi'ang de ltar yin pa'i 'thad pa ni/ kun mkhyen chen po rdzogs pa chen po'i lta ba'i mthar thug dbu ma thal 'gyur ba dang mtshungs par zhal gyis
317b2 'ches pa yin/sems phyogs kyi lta ba khas len dang bral ba la sogs pa'i chos bzhi po 'di gser mdog can pas ji bzhin par khas len te/ ji skad du/ deng sang gangs can na lugs de thos na snying 'gas nas
317b3 srog 'dor bar byed pa dag mang na/de dag dang dgag sgrub gyi bgyi ba gzengs bstod nas lhur len par mdzod cig kho bo cag ni chos bzhi po de ltar du khas len pa la sngon nyid nas spobs par gyur to// de yang
317b4 lta sgom spyod 'bras gsum po de ni klu sgrub dang thogs med gnyis ka'i shing rta'i srol mthar thug tu mthun/zhes dang/ de bzhin du tshig gi brjod pa tsam du rang gi grub pa'i mtha' la lta ba mchog 'dzin gyi mngon
317b5 rlom sgom pa tsam las/don du de dag gang yang min pa'i 'dod kha'i lta ba ya ma zung gsar byung ba g.yangs su smra ba dag gi 'dod pa'i gting dpyis phyin pa dgongs nas 'di skad du/ deng sang gangs can gyi klog pa
317b6 bdag ni/gsar ma las kyang ches gsar mar gyur pa'i grub pa'i mtha' dag glo pa la zhen cing byang bar byas nas/ tshig gi brjod pa la kho bo cag ni rdzogs pa chen po'am/ phyag rgya pa'am/ bka' gdams pa'am/
318a1 sa skya pa yin no zhes smra ba dag mang ba'i phyir ro// zhes gsungs pas so// de nas skyes bu dam pa 'di kha che'i pan+Di ta shAkya shrIs/ bod btsun rnams kyis 'dul ba nas bshad pa'i rab tu byung ba de mi
318a2 'ong ba 'dug/rje btsun mi la des rtags dang cho ga byas na rab tu byung ba mtshan nyid pa zhig 'ong ba 'dug gsungs pa des thugs drangs/ grub pa'i mtshan ma zhig ma brnyes bar la/ 'jig rten chos brgyad la dor/
318a3 gang dben gyi gnyan khrod du sbyangs pa'i yon tan bcu gnyis la gnas bzhin pas mchog gi dngos grub sgrub par dgongs/ chos gos gsum dang/ lhung bzed/ zhal skyogs tsam las yo byad ci yang ma bzung/ 'tsho
318a4 ba bsod snyoms kyang g.yeng ba'i rgyur dgongs nas/sran ma khal bzhi la bza' ba dang/ de btsos pa'i khu ba las btung bar byas nas grogs ri rin chen spungs pa'i mgul slob dpon chen po'i sgrub phug tu ri mi
318a5 'bab pa'i dam bca' sngon du 'gro bas man ngag mkha' 'gro snying thig gi bskyed rdzogs/rtsa rlung gi lam 'bras bu dang bcas pa lag khrid du 'debs pa'i gdams pa 'bri gung pas bla ma lnga tsam las gsan pas
318a6 man ngag yongs su rdzogs pa'i tshig brgyud dam pa 'di la gdams pa gang gis mnog chos su mdzad nas lo gsum 'di'i ring stan thog gcig tu bsgrubs pas/mngon rtogs bsam gyis mi khyab pa shar/ ting nge
318b1 'dzin gyi sgo mtha' yas pa brnyes/de nas dgon gnas kyi bka' bkod ji lta bu phebs kyang/ rnam g.yeng gi dbang du gyur dogs nas rang sa rang sar dgongs pa bsangs nas gnas gang dben dang/ dben pa
318b2 'ba' zhig tu lo brgyad bzhugs/de'i tshe 'di lta bu'i gang zag sa mthon po la zhugs pa dag ni chos kyi gter la longs spyod pa mdo sde zab mo'i dgongs pa yin pas dgung lo sum cu pa'i tshe/ mkha' 'gro ma mon
318b3 mo'i cha lugs can zhig gis/khyod kyi bslab pas bcings pa'i bya btang 'di nyams re dga'/ 'di 'thung dang zer nas chang bse phor gang byin/ rten 'brel de las me mo lug gi lo'i cho 'phrul zla ba'i tshes bcu'i
318b4 nyin 'od dkar po zhig gi rkyen las thig le chen po'i dbus su slob dpon chen po pad+ma rgyal po'i cha lugs su zhal gzigs/rjes su gdams pa'i gsung gis dbugs dbyung bas grogs ri rin chen spungs pa nas
318b5 pad+ma'i zhal gdams grol tig dgongs pa rang grol gyi gter shog 'dzam bu'i chu bo'i shing shun kha dog ljang skya mtshon gyis mi shigs pa kha shas dang/sku gsung thugs rten gyis mtshon pa'i zab gter rgya mtsho la
318b6 mnga' dbang bsgyur/khyad par lha sa'i gter 'byin pa la dgongs pa zhus pas/ 'bri gung pa'i slob ma bla ma gtsang nas dang bcas grogs su rdzong de gnang/ lha sa'i sku gnyer gyis rnying ma bas gter bton yong
319a1 zhes zon bag byas kyang thugs dam gsol 'debs tshugs pa'i mod la sku gnyer rnams ra ro tha ma'i gnas su song/nor bu stag sha d+he ba/ bsam yas kyi me'i gnod pa bsrung ba'i dug shog gsum/
319a2 de bzhin gshegs pa'i ring bsrel/ mtsho rgyal gyi tshems/ lo rgyus shog ser/ myang grol a rgya can/ snod pad+ma rA ga'i dpyad pa rnams dang/ khyad par bdud rtsi 'khyil pa'i khug nas chos rgyal gyi sku 'don par
319a3 brtsams pa na gter bdag ming po klu rje chu srin gyi mgo can sa 'og nas mngon sum du thon/gnyen po'i rdo rje yod pa mgo thog tu bzhag nas/ slob dpon gyi dam tshig rjes su dran par gyis shig gsungs pas rang
319a4 sar thim/de'i 'jigs zil gyis gnyid du g.yung ba rnams skad shor/ bla ma gtsang gnas kyi dngos gnas su mthong/ bstan skyong ma shin tu 'go bas lam du dre'u'i skad dang thug chom yang yang byung/ der 'bri gung
319a5 rin po che yang dbu skra bsil te spyan 'dren la phebs/na bza' phyag bris ma 'dod gsol can de phul/ shog ser rnams dpon slob lhan cig pas phab pa sogs 'di lta bu'i gter gyi rnam grangs dang nges shes
319a6 'drongs pa gzhan du ma gyur pa lta bu yin te gter byung lo rgyus kyis shes so// de nas zing pa sta mgor gter sgrub la bzhugs pa'i tshe/ nub gcig snang ba thams cad skya tal le ba'i ngang/ bud med gcig na re/ do
319b1 nub slob dpon chen pos tshe bcu gnang gi yod/khyod rang chang 'di 'thung/ sha 'di nal byi'i dur khrod na bram ze skye ba bdun pa'i sha 'dug pas tshogs shar blangs pa yin gsol dang nus pa tshad med/ nam mkha'
319b2 la 'phur yang thub zer/chang de 'thungs/ sha de dmar tsar re 'dug pas yid 'phrigs se ba gcig gis ngang nas zos pas/ de na re/ khyed rnal 'byor pa 'dra po min/ da ste slob dpon mjal du 'dong zer ba'i
319b3 mod la sha'i nus pas nam mkha' la gya gyur khrid nas zangs mdog dpal ri'i bkod pa srin po'i yul gling dang bcas pa ngo mtshar can gzigs/slob dpon yab yum gu ru bde ba chen po'i rnam pas dbang bskur/
319b4 rjes su gdams/ zhal gdams dang bslab bya mdzad/ zla ba gcig gi yun du bzhugs pa'i snang ba byung/ de ste sngon gyi smon lam gyi dbang las bod yul gyi gdul bya rnams dran par gyis zhes mkha' 'gro ma rnams
319b5 kyis bskul bas/rmi lam sad pa bzhin song/ sngar thos bsam gyis dpyad gzhi byas pa'i go myong rtogs pa'i thog tu 'byor pas bstod pa snyan pa'i sgra dbyangs lha yi rol mor grags pa 'di mdzad/ de nas bya ba
319b6 las kyi 'khor lo la zhugs te/rje 'di pa snying po'i sgrub pa 'ba' zhig thugs la gtod na'ang/ kun mkhyen chen po'i ring lugs pa zing pa stag mgo'i bla mar dam tshig la bkar nas bsko bzhag gnang bas/ der
320a1 chos kyi char phab/re zhig na sgar mangs bsam yas su phyags phebs pa las phreng por dgongs 'dus kyi chos bdag nyi ma rgyal mtshan las dpon slob gnyis kas dgongs 'dus dang/ gter phran
320a2 pod bcu gnyis tsam gsan/phreng po bas nan gyis zhus pa'i ngor/ bsam yas dang phreng po gnyis kar rgyal tshab tu mnga' gsol/ bar skabs nas khra 'brug gi jo mo sgrol ma la bud med kyi rgyan gsol bas rab
320a3 gnas nyams/slar bskyar bar pradz+nyA'i zhabs ched du bstsal yang sde srid kyis bkag/ des rten 'brel log ste dpon blon nang bshags pa'i chings la 'bri gung pas gshegs dus 'phyong rgyas zhabs drung hor bsod
320a4 pa'ang dad pa shin tu thob/rje 'bri gung pas dam pa 'di'i bsngags pa brjod de mchod yon gyi lung bstan/ dpag par dka' ba'i yon tan gyis blo 'phrogs nas dkar po pa bstan 'dzin nor bu'ang slob mar gyur/
320a5 de nyid ring por ma lon par gshegs skabs/ bsam yas gtsug lag khang sde dang bcas pa rje btsun 'di la gnyer du gtad pas/ lo gsum gyi bar gtsug lag khang gi zhabs tog/ bar skor zhig gsos/ 'bras
320a6 pa'i gru shan gso ba dang/dkar me'i 'du 'god la sogs pa'ang bdag gir bzhes/ chos rje mnga' bdag pa sku mched sogs 'dus pas phyed nyis brgya tsam la lhan cig skyes sbyor gyi khrid dang/ rgyab chos su mdo
320b1 mdzangs blun/dgongs pa nges 'grel sogs bstsal/ mchog ldan mgon po'i sras rgyal sras bstan pa'i 'byung gnas/ me long rdo rje'i gdung brgyud/ mdo sngags gling pa/ khyad par du gsang phu'i chos rje ston tshag pa
320b2 zhes dus de tsa na dge ba'i bshes gnyen rig pa che bar grags pa de rnams la grol thig gi chos 'khor bskor bas/dam pa 'dis sngon 'gro'i skabs su mdo'i bshad pa/ dngos gzhi'i skabs su rgyud sde'i bshad pa/
320b3 khyad par gter chos 'di pa'i rang skad rgyud sde chen po'i grub pa'i mtha' la gnas pa de'i go don slongs nas bshad pas/ ston tshag pa chen po na re/ da lta mdo sngags la kho bo las sbyangs stobs che ba med snyam pa
320b4 yin te/skye ba brgyud nas sbyangs pa dang mi 'dra ba 'dug/ rje btsun dam pa pradz+nyA ra smi rang kham che gsungs/ de phyin nas ting nge 'dzin kho nal dril/ de'i snyan pas sa skya bdag chen pas kyang 'chi med sku gsum 'dus
320b5 pa'i skor gsan zhing thugs yid 'dres/de bzhin du bya rgod gshongs su sde 'khrugs chen po sus kyang mi 'dums pa byung pa'ang blang dor gyi ston pa'i lung bstan gyis zhi bas paN chen 'bum phrag gsum pa'i sprul
320b6 skur yid ches/rtse gdong pa sku mched rnams kyis kyang dbang chos mang du gsan/ de nas rje 'bri gung pa zas ngan gyi sbyor bas bsnyun pa na/ dam pa 'di la thugs shin tu brtse bas zhal gdams mang du gnang ste sku la
321a1 mnyes thabs kyi ngang nas khams 'phos/phyis 'bri gung phyogs kyi gdung brgyud rin po ches gtsos bu chen thams cad 'dir 'dus/ dgongs pa yang zab mi tsam du 'gro nye'i srog mthud/ thub bstan
321a2 rdo rje brag tu lo gsum gyi bcad rgyar bzhugs dus/slob dpon chen po pad+ma rgyal po'i cha lugs seng ge la bcibs pa zhig zhal gzigs/ deng sang 'di na lta ba ma 'khrul pa'i khyad par 'byed shes pa khyod las med
321a3 pas de'i gnas gsal bar ston cig gsungs pas bden gnyis gsal sgron zhes tshig nyung la don che ba de mdzad/'bri gung pa'i dgongs rdzogs su mdo sngags kyi smon lam zhes bstan pa thams cad ma 'dres pa
321a4 yongs su rdzogs pa'i gsung rab tshig don bzang po de'ang mdzad/slar zhabs drung hor bsod nams dar rgyas kyis 'phyong rgyas su spyan drangs/ pha dang bu phrad pa lta bu'i dgyes pa chen pos ti shrir bkur/ grol tig
321a5 la sogs bzang mo'i gdams pas rjes su bzung/mi 'gyur kun dga' dpal bzang dang/ sprul sku zla ba/ zhig po gar gyi dbang phyug sogs dang yang thugs yid gcig tu 'dres shing chos kyi skyes rgya chen pos phan
321a6 tshun ngoms res mdzad/byang bdag po bkra shis stobs rgyal dang yang mjal bas thugs shin tu ches/ re zhig na phreng por sku snyun pa zhig byung bas rkyen byas/ shAn+ta pu ri'i zhing khams phyi mchod rten la nang gzhal
321b1 med khang/mkha' 'gro'i grong khyer 'bum tsho gsum gyis bskor ba/ gzhal yas khang gi khri 'phang mthon po la dpa' bo chen po thod pa'i dum bu rtsal na tshod bco lnga pa/ sku mdog sngo bsangs shangs zhur dkar po/
321b2 dar dang rin po ches brgyan pa/ dpa' bo dang/ mkha' 'gro dang/ rab byung dang/ byang chub sems dpa'i tshogs dpag tu med pa'i 'khor la theg pa sna tshogs kyi chos 'khor bskor ba gcig gzigs shing/ ma
321b3 'ongs pa na dam pa nyid de'i thugs kar sprul pa bsdu bar lung bstan thob/des skye ba'i mtha' yang chod/ skye ba snga phyi'i gdul bya'i go mthud chog pa byung gsungs/ karma pa dbang phyug rdo rje phreng bor phebs pa dang
321b4 mjal/dag snang mtha' yas pa gzigs/ 'bel gtam mdzad pas thugs lhag par ches/ dge bshes rin po che de mkhyen rab bsam gyis mi khyab zer ba de bden par 'dug ces 'phros don la'ang bsngags pa
321b5 mdzad/sprul pa'i sku dkon mchog yan lag dang mjal du/ drung ram rdza mon pas gsar rnying gi rgyud la dogs slong mang po mdzad pa la/ lan gab la byings cha ba 'ba' zhig gi rgyas btab pas/ ja gral grol nas
321b6 zhabs drung sprul pa'i sku'i gsung nas drung ram par/gang zag khyad par can de la so so skye bos rgol ba byas na ldang mi nus pa de 'dra 'ong zhes gsung skad/ 'brug pa rin po che chos kyi spyan ldan pad+ma dkar po dang
322a1 snga phyir mjal/sa paN gyi dgongs gtad dbu ma rang rgyud pa 'dug pa dang/ dge ldan pa'i sgyu lus phyi ldang nang ldang sogs kyi 'bel gtam zhib rgyas su gnang/ thugs yid gcig tu 'dres/ lan
322a2 gcig sprul pa'i sku khyed lta bu rtog ge'i chos la dgyes pa mi 'gab/da ste snying po'i chos kyi 'phel rgyas kho na la dgongs pa gtod dgos tshul zhus pas thugs la shin tu zhugs/ grol tig gi chos kyi bdag por gyur
322a3 zhing chos skor phal cher gsan pa yin/'brug pa rin po che nyid kyi rnam thar du'ang/ phreng po nas gter ston dge bshes rin po che dang mjal/ thugs ka shin tu nye bar byung zhes snang/ phyi re ba zhig gang gi slob ma
322a4 rin po che lha rtse ba la lnga ldan gyi khrid bstsal/tshe ring pho brang dang sdig stengs rnams su/ 'phyong rgyas zhabs drung/ bde chen gling pa/ sprul sku mdo sngags rgyal sras rin po rnams la grol thig dang/ mkha' 'gro snying
322a5 tig/dgongs pa yang zab rnams kyi bshad sgrub mdzad/ grol dbang la mi stong phrag bdun bdun tshogs pa sha stag dang/ me tog gi char 'ja' 'od la sogs pa'ang byung/ mdo mkhar du sde pa skya rgyal bas 'dad
322a6 kyi grar dbus gdan drangs/rat+na'i gdung brgyud chos rje nor bu pa zhal ngo/ las 'phro gling pa'i sku skye/ lho mon gyi mi khri tsho gsum tsam la chos dang dam rdzas kyi 'brel pa dang/ sangs rgyas kyi mtshan sgrog pa sogs kyi
322b1 'gro don mdzad/gnas der dgon pa 'debs par zhus pa zhal gyis ma bzhes/ 'phyong rgyas su dbus dwags kyi dmag tshan po ches rgol bar lhags pa/ gshin rje nag po sum sgril gyi dmag bzlog dang/ bsam
322b2 yas dpon blon bran du bkol nas bzlog par mdzad/sde pa yar rgyab nas sku 'bring pa nyid lo chen bai ro'i dus kyi tsha rong rgyal mo'i skye ba yin pas mchod yon du 'brel zhing/ dbang khrid gdams pa rjes su bzung/
322b3 mi chen gyi sbyin bdag gcig la thugs nang gtsang/ spang chung dgon gsar ma lag dang bcas pa'ang phul/ 'di dus sgrom grub kyis phyogs phul nas dar rgyas chos sdings pa la bka' bkyon phog/ dgon gnas dam
322b4 pa 'di la tha tshig tu bkar nas phul na'ang gzhan la gnod pa rmi lam tsam du'ang thugs la mi dgongs shing/rang dbang dpal gyis chog shes la mnyes pas/ sprul sku gsung sprul rang la 'jags pa dgongs zhes
322b5 nan zhu mdzad pas de dag kyang drin du gzo zhing dad pas yar byon lha khang du 'bul ba dang bcas mjal du byon/bka' drin zla med par brtsi/ sne'u gdong gong ma/ mkhar thog/ grub rgyal gling/ khro bo mkhar/ bkra
322b6 shis rtse/dpal grong sogs su 'ang gdan drangs shing bsnyen bkur/ chos rje snang gsal sgang pa dang/ mdo khams/ go 'jo/ kaH thog/ nyag re/ cong zhi/ rgyal mo rong sogs nas byon pa'i bla ma rnams so sor smin
323a1 grol gyi gdams pas tshim par mdzad/lar skyes bu chen po 'di dben pa 'ba' zhig la mnyes pas gang du yun ring ba tsam gtan chags pa de dang der yang sku mtshams gtso bor 'don/ rnam pa kun
323a2 tu snga dgongs kyi thugs dam la che gnyan dang thugs brel ci lta bus kyang g.yeng mi nus/nyin gung gi cha la'ang bstan 'gror sman pa'i bya ba las kyi 'khor lo de dang de stabs gcig tu mdzad de thugs ngam kho na'i
323a3 ngang du bzhugs pa las gdul bya'i snang ba dag pa rgyu mtshan du mdzad pa'i bag yangs su lar mi bzhugs/slob ma'i bya ba la thugs bskyed shin tu che bas 'o brgyal ji lta bu byung yang de dang de'i re ba phral phral du
323a4 skong ba las/zhu sna ma 'phrod pa dang chos sgugs kyi ngang la gra tshogs gsog pa rgyal po'i rnam thar mi skyong/ che gnyan su 'dra ba'i thad du'ang rten 'brel sgrig phyogs dang lung bstan sogs la bsnyad pa'i ngo dga' dang
323a5 phye 'thor mdzad pa mi srid/mkhas pa dang grub pa'i ngo nas dpyod ldan thams cad kyis rjes su yi rang ba mngon par bstod cing/ bla dpon che gnyan mang po'i ti shrIr gyur kyang khengs pa dang dregs pa'i gzi byin ngom
323a6 par mi mdzad/phral sku la bcar te yun ring du bsdad kyang thugs kyi gter mi lon zhing gnang spyod log pa'i the tshom tsam yang mi mnga'/ rnam thar gsol 'debs las/ grol byed rlung sems rtsa dang thig le'i
323b1 gnad// zhugs gnas thim gsum dbu ma'i lam dag pas// ro rkyang mdud grol sa bcu rim gyis bgrod// tha mas gtsug tor mchog grub gsol ba 'debs// zhes rdo rje'i gnas chen po'i nye rgyu'i lam gnad du
323b2 song bas sku na mthon por song nas kyang/sku la gnyer bag dang skra dkar med cing gzhon sha chags/ nang gi rtsa mdud grol bas chos kyi tshig don zab cing gting dpag dka' ba'i gnas 'grel pa la bsnyengs pa
323b3 med/gzhan rgyud kyi bsam pa mkhyen pas ma 'ongs pa mngon sum du lung ston pa dang/ 'ga' dang 'gas nyams sad pa'i slad du brtag pa zhus pa'ang mngon sum du gtan la phebs pa dang/ tshogs pa 'dzom che
323b4 sar/khyed rang rnams kyi sku tshe'i smad la glo bur gyi rgyal po stobs can zhig gis dbus gtsang thams cad la dbang bsgyur ba 'ong/ de nas rim pas sems can gyi bde skyid dman pa yin/ zhes sde srid gtsang pa'i
323b5 las don rgyug pa dang/de bzhin du sde pa 'phyong rgyas pa nyid kyi srid la thal ba 'byug pa dang/ sog po gu shrI'i dmag gis dbus gtsang khams gsum bcu pa la sogs mi rabs mang po'i rjes kyi gter lung thig
323b6 khegs pa lnga pa chen pos kyang rnam thar la 'dren par mdzad/de bzhin du drag po mngon spyod kyi las gdeng du gyur pas 'phyong rgyas pa'i gdung la dam sri rgyal bur rdzus pa gdong phyed la sha lpags bral ba zhig byung ba
324a1 rang gter gshin rje'i sgrub pa mdzad pas bdun phrag gnyis nas rnam shes dengs su bcug pa sogs brjod kyis ga na ldang/lar 'phyong rgyas zhabs drung hor bsod pa de lha sras dpal gyi 'byung
324a2 gnas kyi skye bar lung gis zin cing dad stobs bsam gyis mi khyab pas gsang sngags rnying ma'i dge 'dun gyi sde zhig 'dzugs par nan gyis bskul yang/lnga brgya'i tha mar gyur pas grwa sa grwa tshang gi gnas dag kyang
324a3 sbyor ba lhod por gyur pa'i nyes dmigs gzigs nas zhal gyis ma bzhes pa'i thog tu gshegs/de'i sras hor bsod nams stobs rgyas kyis yab kyi dgongs pa rdzogs slad dang/ rang gi bzhed pa stabs gcig
324a4 pas nan tan gsol ba btab pa la brten nas 'phyong rgyas dpal ri theg pa chen po'i gling 'di gsar du btab/spyi rdzas dang mchod gzhis gtsug lag khang gi 'du 'god thams cad zhabs drung 'phyong rgyas pa rang gi
324a5 bla nas sbyar/sdig stengs rin po che ngag dbang 'od zer mkhan por bskos nas dam pa'i chos 'dul ba la legs par gnas pa'i bca' khrims dang/ gzhi gsum gyi cho ga'i phyag len la gnas pas phyi ru 'dul
324a6 ba'i kun tu spyod pa nyams su bstar zhing/nang du gsang sngags rdo rje theg pa'i smin grol rab 'byams las grub mtha'i gzhung rgyal ba klong chen pa'i shing rta chen mo rtsa 'grel gyis slong zhing/ nyams len gter kha
324b1 gong 'og dang/yab sras gnyis kyi gter chos/ snying tig ya zhi/ bla ma dgongs 'dul la sogs pas gzhung srong bar bstan nas rim gyi snga 'gyur bka' ma'i rgyud sde'i lam srol chen po'ang ston par bzhed kyang/
324b2 sde dpon phan tshun mi mdza' ba'i kun slong gis gsel ba'i snyun gzhis lo gcig gi kheng du zhi bar mnal bas bstan pa mtha' rgyas kyi rten 'brel la cung zad gzhar/ de lta na'ang don gyis theg pa rim dgu'i grub
324b3 mtha'i rnam gzhag dpyis phyin pa rgyal ba klong chen pa'i gzhung gis slong zhing/rnal 'byor du bya ba'i gnas la yo ga gsum ka'i zab cing rgya che ba'i ngo bo ma 'khrul zhing mi bslu ba gter kha gong 'og/ bla ma dgongs
324b4 'dus/grol ba'i thig le la sogs pa dang/ rig pa rang shar gyi rgyud don la bye brag tu 'jug pa dgongs pa yang zab rnams mdo sgyu sems gsum ka'i rgyud sde la don gyis rten pa sangs rgyas pad+ma'i ring lugs ma
324b5 nor ba zhes bya'o/zhabs drung 'phyong rgyas pas sems nyid ngal gso rtsa 'grel par gyi sgo 'phar phye ba'i gtam la'ang/ 'gro ba lha dang bcas pa'i ston pa dpal kun tu bzang po de nyid kyis rang gis bdud rtsi brnyes
324b6 pa'i go 'phang la gdul bya rnams dngos sam brgyud pas bkri bar bzhed nas/rgyu dang 'bras bu'i theg pa ji snyed cig gsungs pa de thams cad kyi don snying por dril ba ni mdo sngags thams cad gang zag gcig
325a1 'tshang rgya ba'i lam gyi lus yongs su rdzogs par ston pa'i bstan bcos 'di nyid kun mkhyen ngag gi dbang pos ched du spel bar mdzad pas/spyir rgyal ba'i bstan pa la zhugs so cog dang/ khyad par
325a2 snga 'gyur par khas 'che ba rnams kyis bskyed rim tshig rkyang tsam dang/rdzogs rim sna re'i nyams myong cung zad kyis yid tshim par byas na/ de dag lam ltar snang dang yang dag pa yin min kyang mi shes shing/ brgya
325a3 la rang gi rgyud la myong ba rnal ma zhig skyes na'ang lcags pa'i rmi lam ltar gzhan la 'doms pa'i mthu med pa dag gis gsar rnying gi bstan pa mtha' dag nyams dmas pa la/mkhas shing grub pa rnams kyis 'khu
325a4 zhing gshung ba dang/gal te mdo sngags kyi gzhung lugs rgya chen po la slob pa ni snyigs ma lnga bdo ba'i dus 'dir gshis kyis dka' ba la dgongs nas 'di ni mdo rgyud dang rgya gzhung rtsod pa dang bral ba rnams kyi
325a5 lung ji lta bar bkral bas/blo gros dang ldan pa dag gis rkang tshugs pa'i rtog dpyod kyi mig zhib mos go ba'i gting phyin par bltas tshe/ dpyad pa yongs su rdzogs pa na lam gyi rim pa 'di nyid la nges pa gting
325a6 nas 'drongs shing/de'i tshul la gnad du bsnun nas nyams su blangs na rgyal ba sras dang bcas pa dgyes pa'i 'phyug med kyi myur lam ngo mtshar rmad du byung ba yin zhes/ rje btsun dam pa pradz+nyA ra smi'i gsung gi
325b1 gsang bas lan cig ma yin par bsnyad pa la brten nas/chos bzhin du sa skyong ba mi'i dbang pos bsod nams stobs kyi rgyal pos/ nyid kyi yab rje'i dgongs pa bskang ba dang/ snga 'gyur gyi bstan pa rin po che
325b2 'phel rgyas kyi phyir/'khor lo gsum la lhur byed pa'i dge 'dun gyi lde btsugs shing/ de dag gi 'tsho ba bla nas sbyor ba dang/ smin grol lam gyi cha lag tshes bcu chen mo'i phyag bzhes kyi srol/ de dag gi chas
325b3 sogs gzhan gyi blos dpag par dka' ba'i rgyun dang/bstan bcos 'di nyid kyi glegs bam grangs med du 'char ba'i phyir par du bzhengs te bstan pa'i btsas su bzhag pa yin la/ zhes so// rgyu des sems nyid
325b4 ngal gso rtsa 'grel dang/gsang ba'i snying po/ 'grel pa phyogs bcu mun sel sogs blo la 'doms par byed pa'i rgyun da lta'i bar du'ang gnas pa tsam mo// de ltar dgon gnas bskrun nas yun ring ma song ba la/
325b5 de bzhin gshegs pa la bdud sdig to can gyis bskul ba bzhin du sku mya ngan las 'da' bar bzhed nas rjes 'jug rnams la zhal thems su/ nged kyi phung po 'di sa 'bum gcig tu bzhag na mthar nor bu dbyig tu
325b6 'gyur zhing/bod 'bangs la dge ba dang/ mtha' dmag bzlog pa'i rten 'brel yod de dus dbang gis cir 'gyur cha med/ de bas dum bur byas te yar rgyab gtsang po'i chu la sbyangs na kong po rgyal yan chod kyi
326a1 sems can la phan te mi nus/dus kyi dbang las bstan pa 'phel rgyas yong ba gshis kyis dka'/ dge 'dun rnams rang rang gi bstan pa sgo drung nas ma nub par gyis la sgye bem re gyon/ gtso
326a2 bor thos bsam sgom pa la 'bad 'bungs thon/phral bya ba gang thongs rang gyis/ dka' thub 'dis dal rten chud 'dza' bas 'tsho ba gyi na tsam re bsten/ sdom pa gsum la nyes ltung gi dri mas ma gos par brtson
326a3 'grus drag pos 'bod/gnyen pos rkyen thub pa dang/ dad pas khams gsos pa dang/ 'gro rnams pha mar shes pa'i nyams len la 'bungs/ nga dang phrad par 'dod pa rnams grol tig dgongs pa rang grol dang/
326a4 be bum gyi man ngag rnams la nyams len mdzod/ ces gdams/ dag pa'i gsal snang dpag tu med pa gzigs/ khyad par nyin gcig dus kyi 'khor lo'i mngon dkyil rdzogs par gnang nas dbang mdzad pas/
326a5 dge slong 'bri gung pa na re/ lo dus gnang ba e yin zhus pas de 'dra byed pa med/ cho ga gzung yang ma myong/ de ring byang sham+b+ha la'i snang ba mu mtha' med par shar nas skye bo'i tshogs mang pos gsol ba 'debs pa
326a6 la de ltar byas pa yin/lar zhing khams mang por dbang dang byin rlab bgrang las 'das pa byas pa'i snang ba dang/ gsal snang 'ba' zhig las snang ba rang mtshan par 'char gyi mi 'dug/ da res kyi nang 'dis
326b1 sdig sgrib dag pa 'dra gsungs/yang kun gyi mthong sar byis pa gcig byung/ ci lags zhus pas/ chu bar na sang phrad pa la byon pa yin/ 'bri gung a phyi dang/ bstan skyong ma sogs bod kyi lha 'dre che dgu ngos phrad
326b2 la byon gyi 'dug/lha 'dre rnams phyi thag ring bas sdug bsngal chen po 'dug gsungs/ de nas chu sprel hor zla drug pa'i tshes bcu'i nyin dgongs pa 'pho bar bzhed pa la/ gnyags dz+nyA na ku mA ra'i sprul par lung gis
326b3 zin pa rgyal sras karma kun bzang yum sras sogs kyis mya ngan las mi 'da' bar gsol ba btab pas/sangs rgyas kyi sku tshe'i 'du byed ni btang/ 'tsho ba'i 'du byed ni bsrings pa bzhin du 'o na zhag gsum bsdad
326b4 do gsungs nas tshes bcu gsum gyi snga zhogs kun gyis mthong bar nam mkha'i dbyings nas 'ja' tshon chen po sna lnga'i dra bas sprel/sa chen po 'di yang mya ngan gyis gdungs ba'i cho nge'i sgra 'ur gyis 'don/ skyes bu
326b5 chen po 'jig rten du mi bzhugs pa la yid rab tu skyo nas/'dar zhing g.yo ba'i sgra chen po dang bcas/ dpal ri pad+ma 'od kyi nub phyogs/ bde ba chen po shAn+ta pu ri'i grong khyer ga na ba der dpal chen po thod pa'i
326b6 dum bu rtsal gyi thugs kar thim par gyur to//// yang bskyed rdzogs gsum ga'i bstan pa la bya ba bla lhag tu mdzad pa'i dam pa 'ga' zhig mdo dbang chen mo'i brgyud rim gyi lam du bzhugs pa ni/ sgrol
327a1 chen bsam 'grub rdo rje nas zur haM lcam sring gnyis las so sor brgyud pa dang/sras kyi rgyun las brgyud pa ste gsum byung ba las dang po zur haM las brgyud pa ni zur haM de nyid la gdan sa yang
327a2 dben du ri spug pa lang gro tshe dbang rgyal pos gsan te/de las chu bar nyi spug pa brgyud 'dzin legs pa dpal bzang gis gsan/ de las mnga' ris dbu brtse ba 'jam dbyangs rin chen rgyal mtshan gyis gsan/
327a3 des yos kyi lo la mnga' ris glo bo ma thang dus sras paN chen sku mched la dbang bskur te/ gnyis ka mkhas shing grub pa'i dbang phyug tu gyur cing/ khyad par gcung rig 'dzin legs ldan rjes mdo dbang
327a4 gsan dus dgung lo brgyad pa yin/spyir brgya dang bcu gsum bzhugs nas bshad sgrub kyi phrin las rlabs po ches bstan 'gro'i don mdzad/ de la 'jam dbyangs mkhyen brtse khu dbon gyis gsol ba btab pa la
327a5 brten nas nyug gi rgyal khang du 'dus pa mdo'i chu bo bzhi rdzogs kyi dbang gtad rgya dang bcas gnang ba'i dus skyi ston tshe ring dbang pos kyang gsan cing/des gtsang bsam 'grub rtse'i spel dkar du mdo dbang
327a6 gtad rgya dang bcas gnang ba'i tshe bla chen bres gshongs pa gnyags ston chos rgyal rdo rje chung ngu zhig yab mang ra ba pad+ma bdud 'dul gyis khrid de rdzogs par gsan/phyis gong ra lhun grub sdings su lo chen gzhan
327b1 phan rdo rje dang/gtsang theg mchog gling 'dus pa dang lhan cig rdzogs chen pa nam mkha' 'brug sgra bzang po la'ang gsan cing/ 'di ni mnga' ris 'od gsal mchog/ gong ra lo chen/ lha btsun nam mkha'
327b2 'jigs med gsum rtsa ba'i bla mar 'khur zhing/de sogs bla ma dam pa mang po bsten nas gsan pa rgya che/ rten tshangs spyod grub pa'i dbang phyug chen po'o// des rong smu'i sham b+har du sku mtshams dam po bcad de
327b3 yang ti nag po'i khrid mdzad pa'i zol gyis gsang khog tu sman lung pa chen po nyang ston blo mchog rdo rje nyid la chig brgyud du mdo dbang gtad rgya dang bcas pa gnang/de'i gong du lo chen gzhan phan rdo rje la'ang sgrub
327b4 chen dang 'brel par rdul tshon gyi dkyil 'khor du gsan cing rtsa ba'i bla ma mchog tu 'dzin/spyir mdo sngags rig gnas dang bcas pa mkhyen cing/ khyad par chos dbang gi gter chos la mkhas/ rgyal mchog lnga pa
327b5 chen pos ti shrir bkur ba sogs mkhas grub mang po'i gtsug rgyan no// de snga 'gyur bstan pa'i mnga' bdag rdo rje brag rig 'dzin mchog gi sprul pa'i skur mdo dbang gtan rgya man ngag phyag bzhes dang bcas pa
327b6 mtha' rgyas su bstsal zhing/dam pa 'di ni sna nam rdo rje bdud 'joms kyi yang srid rig 'dzin rje'i skye ba sprul pa'i sku ste/ mon mkhar rnam sras gling du bya nag gi rigs las sde pa karma phun tshogs dbang po'i sras su
328a1 lcags mo sbrul gyi lo la 'khrungs/byang pa rig 'dzin ngag gi dbang po'i sngon rabs gsal bar sad pas dgung lo drug pa la gong ma'i gdan sar spyan drangs/ bri klog dang 'phrin sgrub nas bzung/
328a2 gzhung lugs kyi thugs sbyong bar tshegs med par mkhyen/ kun mkhyen rgyal mchog lnga pa chen por gtsug phud phul te/ mtshan kun bzang pad+ma phrin las su bstsal/ phyis de nyid kyi zhabs drung du bsnyen par rdzogs
328a3 shing zab chos mang du gsan/gzhan yang zur chen chos dbyings rang grol/ mgon po bsod nams mchog ldan sogs mkhas grub kyi bla ma mang du bsten nas/ gsar rnying gi dbang khrid bshad lung man ngag sogs
328a4 chos bka' mtha' yas pa zhig ngom pa med par gsan cing/bsam byung gis gtan la phab pas thogs pa med pa'i mkhyen rab rgyas/ sgrags yang rjong/ chu bo ri/ gdan sa la sogs par sgom pa'i shes rab kyis
328a5 nyams su bzhes pas bskyed rim la brtan pa thob/rdzogs rim gyi ye shes la dbang 'byor pas mkhas grub chen por gyur te/ mkhyen brtse nus pa'i phrin las bshad sgrub las gsum gyi 'khor lo las nam yang mi
328a6 g.yel ba dang/khyad par kun mkhyen rgyal ba lnga pa mchog gi lung gis bskul te 'dus pa mdo'i dbang mchog dkyil 'khor rgya mtsho'i 'jug ngogs zhes bya ba'i bka' rtsom dang/ mdo dbang kyang tshar mang du mdzad
328b1 pa sogs kyis mdo'i bstan pa la phan pa chen por gyur cing/dgung grangs bdun cu don bdun gyi bar de snyed du bstan 'gro'i don rgya chen po mdzad cing bka' rtsom kyang bka' gter gnyi ga'i phyogs su bstan pa'i
328b2 sman yon chen por 'gyur ba pod gsum tsam bzhugs so// gnyis pa zur mo'i brgyud pa ni khams lugs te kaH thog gi skabs bshad zin/ gsum pa sras brgyud ni/ sgrol chen gyi sras sangs rgyas rin chen gyis/
328b3 zhang ston nam mkha' rdo rje la brgyud de/ 'di ni sgrol ma pa yab sras gnyis ka'i bslab rdzogs kyi slob ma mkhas pa zhig ste/ 'jam dbyangs bsam grub rdo rje gshegs pa'i mchod 'bul la bu chen gyi mchog tu gyur
328b4 pa'i bla ma rnams kyis dbu mdzad pa'i chog gra bcu bzhi tsam bsgrubs pa'i bu chen 'dren dus bla ma zur chen pa dang/bla ma gnam sdings pa dang/ zhes rnam thar du bgrangs pa de yin/ khyad par mdo dbang gtad rgya
328b5 bshad pa gdams ngag dang bcas pa sras sangs rgyas rin chen la bde chen sgrol mar gsan/rgyud lung man ngag sgrub sde dang bcas pa thams cad la mkhas/ rta nag gnam sdings kyi sgrub khang du nyams len la gtso
328b6 bor bsgril bas rlung sems la brtan pa thob/bskyed rdzogs kyi dgongs pa mngon du gyur/ phrin las bzhi la dbang 'byor bas gdul bya'i don mdzad do/ des mkhas grub sha mi rdo rje rgyal mtshan la gnam sdings
329a1 dpal gyi sgrub khang du dbang bskur zhing bshad pa gdams ngag dang bcas pa gnang/dben gnas bde chen du sgrub pa la bzhugs pas bskyed rim la brtan pa thob ste las bzhi thogs med du 'grub/
329a2 rdzogs rim gyi nyams rtogs mthar phyin/ bshad sgrub gnyis ka'i phyogs nas bstan pa'i don mdzad do// des rig 'dzin g.yu 'brug rdo rje la bde chen gyi sgrub gnas su 'dus pa mdo'i dbang gtad rgya dang bcas
329a3 pa rdzogs par bskur zhing/bshad pa dang gdams ngag kyang bstsal/ 'on dang rdo sogs dbus ri'i dben gnas rnams dang gtso bor g.yas ru rta nag gi la rgu rdos dgon du nyams len la chig sgril gyis bzhugs
329a4 pas bla ma sgrub chen pa zhes kyang mtshan du grags/nyams rtogs mthar phyin pa brnyes/ byin brlabs mdzad pa tsam gyis nad gdon las grol ba sogs mthu stobs nus pa'i rtsal thon/ dgung lo yang shin tu smin
329a5 par bzhugs te dben par nyams len dang sbrags nas thar 'dod kyi gdul bya skal ldan rnams smin grol la 'god par mdzad do// des gnyags dz+nyA na ku mA ra'i sprul pa mkhas grub blo gros rgyal mtshan dpal
329a6 bzang po la 'dus pa mdo'i chu bo bzhi rdzogs kyi dbang gtad rgya bshad pa gdams ngag phyag bzhes dang bcas pa bstsal/'di ni gtsang g.yas ru'i thag gdong kha ru ldong gi rigs su 'khrungs/ chung ngu nas tha snyad kyi
329b1 rig pa rnams tshegs med par mkhyen cing/khyad par gso rig la mkhas/ gzhon nu'i dus lde pa gdong khar pa'i zhabs phyir bzhugs pas mtshan gdong khar 'tsho byed du grags/ dar la bab pa na rigs sad de
329b2 rab tu byung nas/bla chen rdo rje 'chang grags pa rin chen/ yongs 'dzin ngag dbang grags pa/ pang gling thugs sras zla ba rgyal mtshan/ gter ston zhig po gling pa/ sku lus ma spangs par mkha' spyod tu gshegs pa rdo
329b3 rje seng ge sogs mkhas grub kyi bla ma dam pa du ma'i zhabs la gtugs te/chos kyi sgo mtha' yas pa bzhi ngom pa med par gsan/ de yang gsan lo tsam du ma bzhag par sgro 'dogs chod par mdzad nas/ 'du
329b4 'dzin dang g.yeng bas mi 'phrogs par nyams bzhes la 'bad pas thos bsam sgom gsum cig car du grub/de'i mthus nyams rtogs dang mkhyen rabs kyi klong nang nas brdol te/ mdo sngags kyi gzhung lugs spyi
329b5 dang khyad par snga 'gyur bka' gter gyi chos gang la'ang thogs pa med pa'i mkhyen rab rgyas/rdzogs pa chen po rang snang ris med kyi dgongs pa shar/ rtsa rlung thig le'i 'gros dbu mar thim/ rmi lam sbyong spel sprul
329b6 sgyur la dbang 'byor pas dag pa'i zhing bgrod nas sangs rgyas dang byang sems mang po'i zhal mjal zhing lung bstan thob/nus pa bod 'phung byed kyi 'byung po dang mtha' dmag gdug pa can rnams tshar gcod pa
330a1 dang/bsrung zhing bzlog pa'i rtags phral du thon pas snyan grags kyis kun tu khyab/ sku tshe'i smad la nyang smad skyid sdug tu bzhugs nas 'od gsal rdo rje snying po'i dgongs pa las ma g.yos bzhin du
330a2 dbang bshad lung zab khrid sogs gdul bya'i dbang po dang 'tshams pa'i chos 'chad spel rgyun chags su mdzad pas so so'i re ba skong zhing rnam bshad sgrub yig chog 'phrin phyag bzhes chos 'byung rtsod lan sogs
330a3 kyi rtsom pa dang/gser pod kyi rgyud bcu bdun/ bi ma snying thig/ bde 'dus sogs kyi mtshon bka' gter gyi glegs bam du ma bzhengs pa la sogs te bshad sgrub las gsum gyi phrin las rlabs po che snga 'gyur gyi
330a4 bstan pa gsal zhing rgyas par mdzad/'dis 'chi ba brtags bslu'i yi ge de dgung lo bdun cu don gsum pa la mdzad par gsal bas sku tsher yang ring por bzhugs pa mngon no// des gong ra lo chen gzhan phan
330a5 rdo rje la 'dus pa mdo'i chu bo bzhi rdzogs kyi dbang gtad rgya bshad pa gdams ngag phyag bzhes dang bcas pa gnang zhing/dam pa 'di ni gnubs khro phu ba'i gdung rigs rtogs ldan chos nyid rang grol gyi yang
330a6 tsha lo chen ngag gi dbang po'i gcung dpon chen zhes pa'i sras su shing pho rta'i lo la 'bras yul bkra shis gling du 'khrungs/byis pa'i dus thugs rgod cing brtul zhugs che bas su la'ang mi 'jigs pa'i spobs pa
330b1 mtho/chung ngu nas chags bral gyi rten la 'dun pa ltar zha dmar chos kyi dbang phyug gi drung du dgung lo bcu gnyis pa la dge tshul dang/ nyer gcig pa la bsnyen rdzogs bzhes nas sku btsun pa'i mchog tu gyur/ rang
330b2 gi khu bo zhwa dmar ba'i rig gnas kyi slob dpon du spyan drangs pa'i phyags phyir 'brangs te/sgra ka lA pa/ snyan ngag me long/ sdeb sbyor/ skar rtsis/ rgya bod kyi yig sna sogs brda sprod yan lag dang bcas pa la
330b3 mkhas par sbyangs/chos rje nyid dang rin po che smra seng sogs las mtshan nyid kyi gzhungaci rigs pa'ang slob par mdzad cing chos gsungs pa rnams kyang zhar chos su gsan/ khyad par rang gi khu bo lo chen ngag gi
330b4 dbang po/mkhas grub blo gros rgyal mtshan/ gsung sprul tshul khrims rdo rje/ snyi phu ba rig 'dzin snying po/ rtse le pad+ma legs grub/ kaH thog pa pad+ma blo gros/ yod do ba bkra shis lhun grub sogs skyes chen mang po
330b5 bsten nas/snga 'gyur bka' gter gyi chos dpag tu med pa gsan cing sgro 'dogs chod par sbyangs/ bskyed rdzogs kyi sgom sgrub la brtson par mdzad pas nyams rtogs mthar phyin/ 'jig rten chos brgyad kyi 'du
330b6 'dzis ma gos pas rjes su 'brang ba thams cad kyang dam pa'i chos la ngang gis sbyor/rnying ma rgyud 'bum tshar gsum bzhengs pa'i dang po gnyis bstan rgyun la dgongs nas khams dang kong yul du skyel bar
331a1 mdzad pas mtshon 'gro don nus pa la phyag dpe sogs phyag na gang yod stsol zhing med na'ang sgrub pa'i rgyu'i dngos po lhug par gtong/rnying rgyud kyi lung rgyun kyang rje 'di las khams dbus su khyab
331a2 pas bstan pa la sku drin che/mdo sngags rig gnas dang bcas pa'i 'chad 'phrin rgyun mi 'chad pas gdul bya'i re ba rdzogs par mdzad cing/ chos nyan pa rnams la 'tsho bas kyang rtag tu skyong/ mdor na mkhan
331a3 btsun bzang gsum gyi yon tan gyis mtho zhing/bshad sgrub las gsum gyi phrin las nam mkha' dang mnyam pa'i ngang nas/ dgung lo re gcig bzhes pa dgung keg gi thog tu zhi ba'i dbyings su gshegs
331a4 so// des gnubs chen sangs rgyas ye shes kyi yang srid gsang bdag phrin las lhun grub la brgyud de/ 'di ni yab smyos ston mkhas grub chen po mdo sngags bstan 'dzin gyi sras su lcags mo phag gi lo la chag
331a5 byang chub gling du 'khrungs/dgung lo lnga nas bri klog gnyis ka byang bar mkhyen/ brgyad la yab rje'i drung du dge bsnyen gyi sdom pa gsan/ mtshan o rgyan tshe 'phel du gsol/ de nas brtsams te phrin sgrub phyag
331a6 len gyi skor mkhyen nas kun mkhyen chen po'i gsung rab rnams dang/sgra rtsis sogs tha snyad la'ang sbyangs pas blo gros kyi mthu thob/ khyad par yab rje las bla rdzogs thugs gsum sgrub sde brgyad sogs bka'
331b1 gter gyi dbang khrid bshad lung du ma gsan cing bsam sgom gyis gtan la phab/skyes chen gtsug lag rgya mtsho las rab tu byung zhing mtshan phrin las lhun grub dpal bzang por bstsal/ gsung chos kyang ci
331b2 rigs pa gsan/gzhan yang gsung sprul tshul khrims rdo rje/ lo chen gzhan phan rdo rje/ lha btsun kun bzang rnam rgyal/ rdzogs chen pa 'brug sgra bzang po/ bon lugs pa tshul khrims rgyal mtshan/ zur chos
331b3 dbyings rang grol/'khrul zhig nor bu chos brtan sogs rnying lugs pas rgyal tshab grags pa mchog dbyangs/ mgon po bsod nams mchog ldan sogs gsar ma ste/ gsar rnying gi bla ma dam pa sum cu lhag
331b4 tsam bsten nas mdo sngags kyi chos mtha' yas pa ngom pa med par gsan cing/bye brag 'dus pa mdo'i dbang ni/ dgung lo brgyad pa la sngags 'chang kun bzang dpal 'byor byang chub gling du spyan drangs te
331b5 yab rje dang lhan du zur lugs dang khams lugs gnyis gsan/nyer gcig pa la lha btsun kun bzang rnam rgyal la khams lugs kyi yi ge'i steng nas gsan/ nyi shu rtsa dgu pa sa yos hor zla bzhi pa la gong ra
331b6 lhun grub sdings su ma hA lo tsA ba gzhan phan rdo rje'i drung du 'dus pa mdo'i rtsa ba dang yan lag gi dkyil 'khor thams cad rdul tshon gyis bzhengs par/gnyal pa bde legs pa'i yi ge'i steng nas chu bo bzhi'i
332a1 dbang gtad rgya sgom rim man ngag dang bcas pa sgrub chen gyi las rim dang 'brel par zhag bcu bdun gyi khongs su rdzogs par gsan/gong lo de nyid skal ldan la chos sbyin lhag par bstsal ba
332a2 las/'am bu chos mi 'tshong gsungs nas su'i yang chos yon mi bzhes par phyir slog par mdzad na'ang/ rje 'di'i dbang bum grwa tshang dgu phul ba mnyes mnyes kyis bdag gir mdzad ces grags te/ dbang
332a3 gi chu bo'i snod du gzigs shing bstan pa spel ba'i rten 'brel sgrig byed kyi brda' thabs bstan par mngon/de ltar thos bsam gyi sgro 'dogs yin lugs su bcad nas/ dben pa'i gnas du mar snying po'i
332a4 lam srol ji bzhin pa thugs nyams su bzhes pas/ma dag pa'i snang ba 'gog nus pa'i bskyed rim gyi gsal snang la reg mthong gi mtshan ma thob ste/ phrin las gang brtsams thogs med du 'grub/ rdzogs rim
332a5 ka dag gzhi rdzogs 'pho 'gyur med pa'i gnas lugs ji lta ba nyid rtogs pas/'khor 'das bden 'dzin gyi 'khri ba chad/ snang srid lhun grub 'od gsal gyi klong du dwangs pas yi dam gyi lha du ma'i gzigs
332a6 snang shar zhing lung bstan thob/rang don yid byed kyi 'dzin pa zhig pas gzhan phan mkha' khyab kyi thugs rje rtsol med shugs 'byung gi sgo nas/ thar pa dor gnyer gyi skal ldan mchog dman mang po bshad sgrub
332b1 kyi chos 'khor rgyun chags su bskor bas bstan 'gro'i phan bde rgyas par mdzad cing/khyad par sku gsung thugs kyi sras mchog gter chen chos kyi rje la zab rgyas kyi chos thams cad tshang sprugs su bstsal te
332b2 rgyal tshab tu mnga' bskur nas/dgung lo nga gnyis pa chu stag dbo zla'i nyer gnyis la dbu gtsug phyur bur 'phar ba las zla ba'i zil pa skya chil li ba dang spos dud lta bu'i rlangs pa 'phro bzhin du gzugs sku'i
332b3 bkod pa chos kyi dbyings su bsdus so// des lo chen chos rgyal bstan 'dzin rjes su bzung ste/ 'di ni e 'dam sngon po grong smad du lcags lug la 'khrungs/ sku tshe snga ma'i bag chags gsal bas grwa rigs
332b4 rnams kyis bdag sprad de dwags stod gling sogs gong ma'i dgon pa rnams su spyan drangs/bri klog dang chog phrin rnams tshegs med par thugs su chud nas/ 'phyong rgyas dpal ri grwa tshang du thugs gnyer la
332b5 'byon/gdan sa ba bsod nams rin chen las rab tu byung zhing/ mtshan chos rgyal bstan 'dzin du gsol/ dbang lung yang ci rigs pa gsan/ dgongs 'dus la sogs pa'i cho ga'i tshig 'dzin dang/ de dag
332b6 bri thig bcas dbyangs sogs nas brtsams te/kun mkhyen chen po'i bstan bcos sems nyid ngal gso rtsa 'grel rnams la sbyangs/ der gnubs ston grags pa dbang po la yang bzlog dang lok+t+ri sogs drag
333a1 sngags kyi lag len dang rtsis dkar nag kyang bslabs/dgung lo bco brgyad pa sa pho byi ba'i lor grwa sa'i dge bskos mdzad pas non che ba'i dper 'jog pa byung zhing/ lo de'i nang du rig 'dzin
333a2 phrin las lhun grub 'phyong rgyas dpal rir spyan drangs te/sprul pa'i sku mchog phrin las rnam rgyal gyis dbus grwa gtsang yongs rdzogs la 'dus pa mdo'i dbang bskur gdams ngag gtad rgya dang bcas pa rdul
333a3 tshon gyi dkyil 'khor du sgrub chen dang 'brel par zur lugs dang/zhar byung dpon slob nyung 'dus la ras bris kyi steng nas khams lugs gnyis stsal ba'i tshe lhan cig tu gsan cing/ phyis su'ang gnas dus
333a4 ci rigs par bka' brgyad bde 'dus/dgongs 'dus/ bi ma snying thig/ zhig gling gi gter chos sogs mang du gsan/ gzhan yang lha btsun nam mkha' 'jigs med/ gsung sprul tshul khrims rdo rje sogs
333a5 mkhas grub kyi bla ma dam pa mang po bsten nas bka' gter gyi dbang lung khrid bka' du ma dang/rgya ri dpon pa'i lung gis bskul bas gong rar thegs te/ nyang ston blo mchog rdo rje la/ sgra ka lA pa dang/ snyan
333a6 ngag/sdeb sbyor sogs brda sprod yan lag dang bcas pa gsan te mkhyen par mdzad/ de ltar gsan pa rdzogs rjes e mthong smon dang mtsho mer steng du'ang ci rigs bzhugs shing/ gtso bor dwags stod gling gi
333b1 dgon par stan 'jags te sbas tshul gyis bsnyen sgrub la brtson par mdzad pas nyams rtogs bzang po 'khrungs/srung ma las la khol ba'i mthu rtags nar mar 'ong bas yul de dag gi grong pa rnams kyang bla ma
333b2 gling pa'i bka' dang 'gal na chos skyong gi bka' chad 'ong zhes 'jigs par byed/khyad par dgung lo so gnyis pa chu stag lor dar gling du phebs te rje 'gyur med rdo rje las pad gling gi chos bka' 'ga' zhig
333b3 gsan/de dus yab rje nas gsan pa'i mdo'i dbang rgyun phyag bzhes dang bcas pa rnam par dag pa 'dug par mkhyen te/ phyis gdan sar spyan 'dren gnang ba ltar byon nas rje gter chen bla ma la mdo dbang
333b4 'bul bar mdzad pas/snga 'gyur gyi bstan pa la phan pa bla na med par gyur/ dgung lo don brgyad pa sa byi hor zla bzhi pa la dwags stod gling gi dgon par sku gshegs so// de'ang bka' ma'i phyogs su zur
333b5 mes dbon gsum las slob ma'i rnam grangs ji ltar mched pa shar gyis btab pa dang/de dag las mched pa'ang grangs med pas gang gi ring la dar rgyas su mdzad pa gsang bdag sgro phug pa chen po de gangs
333b6 ri'i khrod na gsang ba'i bdag po sngags kyi bstan pa spel ba'i slad du byon to zhes pa de'ang grags pa don dang ldan no// dus phyis ni gdul bya rdzogs pa ltar gyur nas snyigs ma'i rgud pa stobs su gyur pas
334a1 snga 'gyur gyi bstan pa bags kyis nyag phra ba'i ston gyi chu bran bzhin bltar mi mngon pa'i gnas skabs su gangs can pa rnams kyi gtsug rgyan slob dpon chen po bai ro tsa na dang g.yu sgra snying
334a2 po'i thugs bskyed phrag par khyer bas phyogs mtha' dag nas gdams pa'i chu rgyun phra mo thams cad bsdus te bstan pa'i chu gter chen po mi 'dzad par bskyil bas mdo sgyu sems gsum gyi ring lugs mi
334a3 nub pa'i rgyal mtshan chen po gsar du slong bar byed pa ni gter chen chos kyi rgyal po 'gyur med rdo rje dang lo chen thams cad mkhyen pa ngag dbang chos dpal yab sras slob ma'i tshogs dang bcas pa ste/de la rje
334a4 btsun gter chen dam pa 'di ni/rang gter gab rgya can gyi lung bstan lasaH bai ro khyod ni skye mtha'i byang sems teH khyod kyi 'di gong skye ba 'das pa niH smra bsam brjod 'das ye shes snying po'i donaH sems
334a5 can sangs rgyas mnyam nyid khyab gdal yang u0f7f khams gsum 'gro ba'i 'dren par rdo rje chosaH shAka thub nye gnas A nan+da zhes dang u0f7f rgyal po dza dang shAn+tiM gar+b+ha dang u0f7f bod 'dir sam+b+ho Ta sogs dag pa yiH skye ba de t
334a6 sam snang gi ma dag pa'iH skye tshul brjod du long ba'i gnas ma yinaH de ltar dag pa'i skye ba de dag gisaH 'gro la snying rje chen po'i thugs bskyed pa'ang u0f7f bai ro khyod du skye ba blangs pa yinaH khyod kyang shrI sid+ha ye
334b1 shes mdoH pad+ma bdag sogs gtsug gi bla mar brtenaH gdams pa'i gnad rnams phu thag bcad byas nasaH chos sku'i rang zhal mngon sum rtogs gyur pasaH las 'phro ma dag skye ba len mi sridaH
334b2 'on kyang sems bskyed smon lam bzang po yisaH mtshams sbyor mtha' yas 'gro ba'i dpal nyid duH dbang phyug 'bar dang ra shag rdo rje gling u0f7f kun skyong gling dang mdo sngags gling pa sogasaH pad+ma bdag gi zab gter
334b3 bdag po dang u0f7f gzhan yang theg pa che chung sna tshogs laH de dang mthun pa'i ngo mtshar skye ba'i grangasaH bcu phrag gcig dang gsum tsam 'das pa'i mtharaH zhes gsungs pa ltar/gsang ba'i bdag po rdo rje chos
334b4 nyid gsang sngags kyi bstan pa spel ba'i phyir/skal ldan rgyal po dza dang/ lo tsA ba chen po bai ro tsa na dang/ zur po che shAkya 'byung gnas la sogs pa gang la gang 'dul gyi sku'i bkod pa mtha' yas par bstan
334b5 nas don mdzad pa ste/de yang snyigs ma lnga bdo'i dus 'dir bstan 'gro'i dpung gnyen du skye srid bzung ba'i tshul ni/ sku tshe snga ma'i sku rten 'chi srid 'od gsal gyi dbyings su bsdus pa las/ rig gdangs
334b6 mkha' 'gro'i glus gzhan don du bskul ba'i rkyen gyis/ye shes kyi sku he ru ka'i rnam par bzhengs nas lhums su zhugs te/ yab gnyos ston gsang bdag chen po phrin las lhun grub dang/ yum rje rigs lha
335a1 'dzin dbyangs can sgrol ma'i sras su me khyi'i lo dbo zla'i tshe bcu las g.yo zhing 'ja' 'od 'khrigs pa sogs ngo mtshar ba'i ltas dang bcas te/grwa nang dar rgyas chos gling du sku bltams/ btsas
335a2 ma thag yab rjes blo rno ba'i rten 'brel dang/bar chad bsrung ba'i dbang bskur byin brlabs du ma mdzad/ de dus kyi yul dang bya spyod kyi rnam pa dang/ de nas bzung ste lo gsum gyi bar dzo ki sngo
335a3 sangs thor tshugs can zhig dang/bud med mdzes ma gnyis kyi rgyun du sri zhu byas pa'i dngos gnas rnams phyis kyang thugs la gsal ba'i dran shes khyad par can mnga'/ pang du 'tsho ba'i dus nyid nas ting
335a4 nge 'dzin la dbang 'byor ba'i rnam 'gyur dang gzhon nu rol rtsed kyi tshe yang rgyal ba'i rigs sad pa'i ngang tshul dge bas blo ldan rnams dang bar mdzad/dgung lo bzhi'i thog yab rje la bka' brgyad gsang
335a5 rdzogs kyi dbang gsan pa'i tshe yul snang thams cad la dkyil 'khor gyi 'khor los rgyas thebs pa'i gtso bo dang bla ma dbyer med du gzigs shing dbang bzhi'i sa bon thugs rgyud la thebs pa nyid/bcu pa shing
335a6 lug gi ston bde 'dus kyi dbang gsan dus 'od gsal gyi snang bar slob dpon chen pos pad+mas dbang bskur zhing byin gyis brlabs pa'i nus pas 'phel te bum dbang gi nyams myong yul snang sgyu ma lta bur
335b1 gtan la phebs/de yan chad du bri klog dang/ rang lugs kyi sgrub dkyil dbang rjes gnang rab gnas lung sogs cho ga phrin rnams kyi tshig 'dzin dang/ phyag bzhes thams cad tshegs med du chub ste/ de nas
335b2 brtsams te yab rje'i sku tshab mdzad nas phrin las kyang ci rigs pa skyong bar mdzad/dgung lo bcu gcig pa la dpal ldan 'bras spungs su khams gsum pa'i gtsug gi nor bu kun gzigs rgyal ba lnga pa'i drung
335b3 du gtsug phud phul te/mtshan ngag dbang pad+ma bstan 'dzin du bstsal/ skyi grong gi rang byung 'phags pa thog mar phebs pa dang dus 'grigs pas gong nas rten 'brel bzang zhes dgyes pas dbugs dbyung zhing/
335b4 de dus 'phags pa'i zhal zhi 'dzum chags pa'i nyams gsal ba'i thugs ka nas 'od zer nyid kyi sku la thim pa dang/ bcu bdun pa la bsam yas su rje rgyal ba'i dbang po mjal ba'i tshe spyan ras gzigs kyi
335b5 rnam par gzigs/rim par kun mkhyen rgyal ba'i dbang po lnga pa chen po dang/ yab rje gsang bdag phrin las lhun grub gnyis ni/ sku dngos kyis rjes su bzung ba'i bka' drin phul du byung bar ma zad/ phyis
335b6 ye shes kyi skus kyang byin gyis brlabs pa'i gnad kyis bka' drin mtshungs pa med pa'i rtsa ba'i bla ma rnam pa gnyis dang/gzhan yang smin grol zab lam gsan pa'i bstan 'dzin chen po bcu drug/ zab chos sna
336a1 tshogs gsan pa'i yongs 'dzin sum cu rtsa lnga rnams bsten te/yul dus ci rigs par yongs rdzogs dge bsnyen/ byang sdom bka' srol gsum/ sngar smos pa ltar bka' brgyad yongs rdzogs kyi
336a2 dbang brda don 'phrod pa thog ma'i smin byed du gsan pas sdom pa gsum gyi gzhi bzung ste/mdo/ sgyu 'phrul/ sems sde lugs gsum/ mnyam sbyor/ yang dag phur pa/ gshed skor sogs sngags 'gyur bka'
336a3 ma deng sang rgyun yod do cog dang/gter ma bla rdzogs thugs gsum sgrub sde spyi dang bye brag gi bka' rigs mi 'dra ba du mas mtshon yongs grags phal mo che/ gsar ma'i rdo phreng/ sgrub thabs brgya
336a4 rgyam sogs spyi bka' dang/bde mchog/ dgyes rdor/ dus 'khor/ gsang 'dus/ gshed skor kr-i yog sogs kyi zur bka'/ mdo phyogs mang po dang bcas pa'i dbang khrid bshad lung/ de thams cad kyi rtsa
336a5 bar gyur pa bka' 'gyur ro cog gi lung sogs chos bka' gsan pa ni mtha' yas te ming tsam 'dzin pa'ang dka' ba'i gnas so// dgung lo bcu gsum pa tsam nas bzung/ rtsa rgyud gsang ba snying po/ rgyud bla
336a6 ma/sems nyid ngal gso/ yid bzhin mdzod rtsa 'grel rnams thugs la bzung nas yab rje las gsung bshad rim par gsan cing/ phyis gnubs zur rong zom rnams kyi gsung rab dang/ sa skya pan+Di ta'i rab
336b1 dbye/bcom ldan ral gri'i spyi rnams/ rang byung zhabs kyi nang don rnams kyang thugs la btsud cing/ khyad par kun mkhyen chen po'i gsung rab rnams la gzigs rtogs nan tan mdzad pas blo gros kyis rnam
336b2 par dpyod pa'i mthu thogs pa med pa brnyes te/ji snyed pa'i chos thams cad la sgro 'dogs chod/ dwags ston chos rgyal bstan 'dzin la 'dus pa mdo'i dbang chog rin chen phreng ba'i steng nas dkyil 'khor bzhi
336b3 bcu rtsa lngar phye ba las chu bo bzhi yongs rdzogs gtad rgya mtha' brten tshe dbang dang bcas pa'i dbang gdams ngag bshad lung dang bcas pa dang/dbang chog sbrang rtsi'i chu rgyun gyi steng nas dkyil 'khor nyi shu rtsa
336b4 gcig ras bris la brten par dbang lung gdams ngag dang bcas pa rnams gsan/yang rdo rje drag rig 'dzin mchog gi sprul pa'i skur dkyil 'khor nyi shu rtsa bdun du bsdus pa'i rtsa dkyil ras bris dang de phyin
336b5 tshom bu la brten te dbang mchog rin chen phreng ba'i thog nas dbang gdams ngag bshad lung dang bcas pa mtha' rgyas su gsan cing/gsang mtshan gnyis kas 'gyur med rdo rje rtsal du gsol/ smon lam gyi
336b6 'brel pa sad pas zab gter gyi bka' bab tshul kyang/dgung lo bco brgyad pa chu yos zla ba lnga pa'i tshe bcu la g.ya' ma lung nas rig 'dzin thugs thig/ nyer gnyis pa me lugs khrums zla'i tshe brgyad la rdzu
337a1 'phrul gyi bkod pas shel brag nas gshin rje gshed dregs 'joms/so gcig pa me 'brug stag zla'i nya la o dkar brag nas gur drag dang rdor sems a ti'i skor/ so lnga pa lcags sprel chu
337a2 stod zla ba'i nyer dgu la sha 'ug ltag sgo nas thugs rje chen po bde gshegs kun 'dus kyi chos skor khrom gter du spyan 'dren par mdzad cing/de dag gi snga phyi ci rigs par brag dmar mchims phu/ g.ya' ma
337a3 lung sogs grub pa'i gnas chen ngo mtshar can rnams dang/gdan sa gsar rnying gi gzim chung/ gzim spyil 'od gsal rtse dang bsam gtan rtse sogs dben pa rnams su sku mtshams lo sbrel ma dang/ zla drug
337a4 ma/zla gsum/ zla gcig gis mtha' brten pa yan gyis/ bla ma zhi drag/ rdor sems/ bka' brgyad/ thugs rje chen po/ yang phur/ gshin rje gshed/ rta mgrin/ mkha' spyod ma sogs yi dam gyi lha sum cu rtsa lnga
337a5 tsam gyi bsnyen sgrub dang/rdzogs pa chen po khregs chod kyi nyams bzhes la snying por dril nas/ thod rgal dang rlung sbyor sogs kyang dus gnad dang bstun te thugs nyams su bzhes pas/ ma dag pa'i snang ba
337a6 'gog pa'i bskyed rim la brtan pa thob ste/las bzhi gang yang thogs med du grub/ rdzogs rim rtsa rlung thig le'i 'gros d+hU tIr dag pas zhu bde'i ye shes phyogs brgyar 'bar/ rdzogs pa chen po rang snang ris
337b1 med kyi dgongs pa 'khrungs pas gzung 'dzin gyi mtshan ma rang sar grol/'khor 'das thams cad gzhi med rtsa bral mnyam yang khyab gdal chen por byang chub/ mnyam rjes ris med 'od gsal khor yug gi
337b2 ting nge 'dzin la dbang 'byor/snang spyod thams cad ye shes kyi rol par shar bas/ slob dpon chen po pad+ma dang/ bi ma la/ hU~M mdzad/ sangs rgyas gsang ba/ bai ro tsa na/ mtsho rgyal/ nyang ral/ kun mkhyen chos
337b3 rje sogs rgya bod kyi paN grub du ma'i ye shes kyi sku mngon du snang bas sprul pa'i dkyil 'khor spros te/rang gter gyis mtshon pa'i bka' gter du ma'i dbang bskur zhing zab lam gyi gdams pa'i gnad thams
337b4 cad lhug par bkral nas ston pa dang/rdo rje gzhon nu/ rdor sems/ yang dag/ thugs rje chen po/ zhi khro/ rnal 'byor ma sogs yi dam gyi lha du mas kyang zhal bstan te dbang bskur/ byin gyis brlabs pa dang/
337b5 bde ba can dang rnga yab dpal ri sogs dag pa'i zhing khams mang por bgrod pas zhing yongs su 'byangs pa'i ting nge 'dzin la dbang 'byor pa dang/ mkha' 'gro chos skyong rnams kyis las thogs med du sgrub
337b6 cing lung ston pa sogs ngo mtshar ba'i gzigs snang mtha' yas/chags thogs med pa'i mngon shes mnga' bas dus kyi 'gyur ldog sogs kyi lung bstan pa rnams kyang phyis thog tu bab pa'i yid ches kyi gtan
338a1 tshigs mang du snang ste ma spros so// de yang dgung lo so gcig pa yan chod du sngar thugs rgyud la smin byed kyi sa bon thebs pa nyid rim gyis 'phel bas bum dbang gi nyams myong yul snang thams
338a2 cad gsal stong sgyu ma lta bur gtan la phebs pas/shas cher sku'i 'gro don spyod pa'i dus yin par phyir/ shod chen skyi lung sogs lho byang gi yul tha dad pa du mar chibs bskyod nas sku'i dkyil 'khor mthong ba
338a3 tsam gyis ris med kyi gdul bya bsam gyis mi khyab pa'i rgyud la rnam grol gyi sa bon bzhag ste 'khor ba mtha' can du mdzad pa dang/so gnyis bzhes pa me sbrul dbo zla nas bzung gsang dbang gi nyams myong
338a4 rang rig gsal stong du shar te gzung 'dzin dbyings su grol bas/gsung gi 'gro don la gtso bor spyod pa'i dus yin pa'i phyir/ mchog dman bar pa'i skal ldan tshogs la zab rgyas kyi chos 'khor bar med du
338a5 bskor bar mdzad pa dang/so brgyad bzhes pa chu phag khrums zla nas pho nya'i lam gyis zhu bde'i dpes mtshon pa'i don gyi ye shes rig stong bde ba chen po lhan skyes mi 'gyur ba'i dga' bzhi thugs rgyud la
338a6 'khrungs pa'i nyams myong rim gyis 'phel bas thugs kyi 'gro don la shas cher spyod pa'i dus yin pa'i phyir/de phyin chad spyir chos bka' ris med du gsung ba yin na'ang/ khyad par zab khrid kyi gdams pa
338b1 nyid rgyud thog tu ci smin 'debs par mdzad pas skal ldan rnams rang byung gi ye shes zhal blta ba la btsan thabs su bkri pa'i mdzad pa kho na gtso bor bdag gir bzhes pa dang/de ltar sangs rgyas thams cad
338b2 kyi rdo rje gsum dang ro mnyam pa'i bdag nyid du gyur pas phrin las kyi 'gro don mnyam yangs khyab gdal du spyod pa'i dus yin pa'i phyir/mdzad spyod thams cad rang don yid byed kyi 'khri ba las rnam par grol
338b3 nas/bstan 'gro'i phan bde 'ba' zhig thugs su gcags pa'i snying stobs chen pos bshad sgrub las gsum gyi phrin las rnam par dkar bas dus 'da' ba ste/ de la 'chad pa'i phrin las ni/ gtso bor kun
338b4 mkhyen rgyal mchog lnga pa chen pos snga 'gyur rgyud 'bum rin po ches mtshon zab rgyas kyi chos skor ji snyed pa zhig gsan nas ti shrir bkur zhing/des mtshon te sa phag 'bri stag sogs chen po'i go sar
338b5 bzhugs pa'i skyes mchog du ma dang/dpon chen dpon skya sogs mi chen/ bstan pa gsal bar mdzad pa'i bshes gnyen sku'i sras mched rnams dang/ gsung gi sras dam pa mang pos mtshon dbus gtsang
338b6 khams kong lho mon mnga' ris sogs nas dad 'dus kyi skal ldan mchod dman mtha' yas pa rnams so so'i blo dang 'tshams pa'i snga 'gyur bka' gter dang sngags gsar ma mdo phyogs skor sogs kyi dbang
339a1 khrid bshad lung gi chos sgo du ma zhig rgyun chags su stsol ba'i 'chad phrin 'gran zla med pas bstan pa gsal zhing rgyas par mdzad pa dang/bstan pa yun ring du gnas pa'i phyir sgyu 'phrul dra ba zhi
339a2 ba'i sgrub thabs ye shes char 'bebs/dkyil chog rin chen phreng ba/ khro bo'i sgrub thabs bde chen char 'bebs/ dkyil chog rdo rje'i phreng ba/ 'dus pa mdo'i sgrub thabs dngos grub char 'bebs/ dkyil chog
339a3 dri med 'od phreng/sangs rgyas mnyam sbyor rigs bsdus kyi sgrub thabs bde chen 'dod 'jo/ dkyil chog kun tu bzang po'i zhal lung/ dbang chog byin rlabs char 'bebs/ dpal he ru ka zla gam dgu pa'i
339a4 sgrub thabs bde chen thig le/dkyil chog bdud rtsi'i nying khu/ dbang chog bde chen 'jug ngogs/ tshe dpag med lung lugs kyi sgrub thabs/ na ra gdong sprugs kyi cho ga 'khor ba kun sgrol/ dong sprugs pad+ma
339a5 brgya ldan gyi cho ga bde chen lam bzang sogs dang/bka' brgyad bde gshegs 'dus pa'i las byang bde ba chen po'i rnam rol sogs bka' gter gyi sgrub dkyil khrid yig rnam bshad zhal gdams sogs
339a6 legs bshad kyi bka' rtsoms kyang pod chen bdun du longs pa mdzad/sgrub pa'i phrin las ni/ rje nyid mnyam rjes 'khor yug gi ting nge 'dzin las ma g.yos bzhin du sgom khrid 'bogs pa rnams go yul tsam
339b1 du ma lus par mngon sum rig thog tu ngo sprod cing/dbang dus su ye shes kyi byin slob ma'i rgyud la dngos su phebs pa dang/ bsnyen sgrub kyi las rab 'byams thams cad kyang bshad pa tsam du ma lus par phyag
339b2 bzhes su thebs par mdzad pa yin no// bya ba las kyi 'khor lo'i phrin las ni/ gong zhabs yas phyin sogs kyis bla nas bstsal ba dang/ dad ldan rnams kyis phul ba'i dngos po rnams mdzod phugs ma'i sgo
339b3 lcags mi bsdom par/sdom pa gsum gyis rgyud bsdoms shing bshad sgrub kyi bya bas dus 'da' ba'i 'dus sde o rgyan smin grol gling pa dge 'dun sum brgyar nye ba tsam gsar du bsdu bar mdzad pa la rung ba'i
339b4 rnyed bkur gyis mi brel bar rgyun chags pa dang/de dag gi gnas mal dang rten gsum mchod cha/ dus bzhi'i sgrub mchodakyi yo byad dang rnyed pa/ gzhan yang bris 'bur gyi sku brnyen mang po dang/ gser dngul
339b5 gyi bka' 'gyur gyis mtshon pa'i glegs bam lnga brgya brgal ba dang/snga 'gyur gyi 'brel bshad chog phrin la sogs pa'i bar mang po/ sku 'bum mthong grol chen mos thog drangs pa'i thugs rten du ma
339b6 rnams bzhengs par mdzad cing/gtong ba phun sum tshogs pas ris med pa'i mchod sbyin gyi yul rnams la tshogs gnyis kyi rgyur lhug par gtong ba sogs bstan 'gro'i phan bde rgyas pa'i mdzad pa rlabs chen
340a1 kho na bdag gir gzhes pa ni ngo mtshar rmad du byung ba'i rnam thar ro// de ltar dgung lo bcu drug nas drug cu re dgu'i bar chos kyi phrin las bskyangs pa'i mthar shing rta hor zla dang po nas cung zad
340a2 bsnyun pa'i tshul bstan nas/khyad par tshes nyer lnga nas khu dbon rnams la zhal gdams phyi mtha'i bslab bya bstsal/ de nas bzung zhabs rim du gnas pa rnams kyi snang ngor nub gyi phy-i rtsigs ngos na yod 'dra
340a3 ba'i rgya gling lta bu'i sgra shin tu snyan pa rgyun chags su byung zhing de mtshungs ga pur lta bu'i dring ngad kyis gzims chung phyi nang thams cad khyab pa'ang byung/shar phyogs su gom pa bdun 'gro dgos yod gsungs
340a4 bzheng te zhabs gom bdun spos nas skyil krung gis bzhugs te/snang grags rigs gsum lha sngags chos sku'i ngang/ sku dang ye shes rol par 'byams glas pa// zab gsang rnal 'byor chen po'i nyams len
340a5 la// dbyer med thugs kyi thig ler ro gcig shog/ ces 'da' zhal chems kyi tshul du gsungs te/ shing rta hor zla gnyis pa'i tshes gnyis kyi nyi dros la da ste mkha' 'gro'i bsu ba yang byung ngo gsung ste/ phyag
340a6 gnyis DA dril 'khrol ba'i brda dang spyan lta stangs dang bcas skad cig la mkha' spyod du gshegs so// thugs kyi sras dang gsung gi sras kyis mtshon pa'i bu slob gter lung nas bshad pa ni/ dam ldan chos
340b1 bdag slob bu niH da lta'i mnga' bdag yab sras sogasaH sa thob rje 'bangs skye ba'i mtha'aH 'gro don nus pa sum cu lngaH rang don thub pa brgya rtsa brgyadaH chos kyi 'brel pa stong tshogs gnyisaH smon lam 'brel
340b2 ba khri phrag lngaH las kyis 'brel pa drug cu bdunaH gdugs thogs bdun gyis zhabs nas 'degasaH mi chen gsum gyis mnga' thang spelaH zhes pa ltar/gsung gi bdud rtsi bzhes pa'i zhal slob kyi gtso bo ni
340b3 khams gsum pa thams cad kyi gtsug gi nor bu phyag na pad+ma rgyal dbang thams cad mkhyen pa'i sku zhabasadang/'jam dpal mi skyong chen po'i rnam rol sde srid rin po che sangs rgyas rgya mtsho mchod yon nyi zla zung
340b4 gcig dang/sku mched thun mong gis slob ma che longs tsam zhig 'og tu gsal lo// g.yu sgra'i rnam 'phrul bstan pa'i nyi ma kun mkhyen d+harma shrI ni/ gter gzhung las/ g.yu sgra'i rnam 'phrul blo ldan d+harma'i mingaH
340b5 byang sems dad brtson snying stobs ldan pa 'byung: zhes lung gis bstan pa ltar gter chen rin po che'i gcung du shing pho rta'i lo la sku 'khrungs/rje gter chen bla ma'i drung nas skyabs gsum 'dzin pa'i dge
340b6 bsnyen gyi sdom pa nod cing mtshan bstan 'dzin 'jam dbyangs dbang por gsol/dgung grangs bco lnga pa la rje thams cad mkhyen pa lnga pa chen po las rab tu byung ste/ mtshan ngag dbang chos dpal zhes bstsal
341a1 zhing dge tshul gyi sdom pa dang/dgung grangs nyi shu par slar yang mkhan po de nyid las bsnyen par rdzogs/ phyis kyang gong ma'i lung gis bskul ba bzhin kha rab zhal snga nas dkon mchog bstan
341a2 'dzin las snga 'gyur smad 'dul gyi sdom rgyun rnam dag bzhes/rje gter chen bla ma las bka' srol gsum gyi byang sdom thugs bskyed dang sngar dgung grangs bcu gnyis bar rdul tshon gyi dkyil 'khor du rig
341a3 'dzin thugs thig gi dbang gsan pas thugs rgyud smin par mdzad cing rjes su thob pa'i so byang gyi sdom pa gnyis po de yang snga ma'i sngags kyi tshul khrims las phye ba'i de dang de'i sdom pa'i ngo bor skyes
341a4 pas thugs rgyud legs par bsdams/yi ge 'bri klog dang chog phrin rnams byang chub par mdzad/ dgung grangs bcu drug par gung thang paN chen bshes gnyen rnam rgyal las sgra ka lA pa dang sde sbyor yongs rdzogs
341a5 kyi bshad pa/lAny+tsa dang wartu la sogs yig rigs rnams dang sum rtags kyi bshad pa'ang gsan te/ brda sprod yan lag dang bcas pa la mkhas par sbyangs/ ldum po don 'grub dbang rgyal gyi drung nas rtsis
341a6 dkar nag dbyangs 'char rnams mthar phyin par mdzad/stag lung sgra pa las sa ra swa tI'i ri mo dang/ tsan+t+ra pa'i yi ge bsdu ba dang ting mtha' sogs kyi bshad pa dang sdeb sbyor yang ba'i bya ba rnams gsan/
341b1 gter chen bla ma'i drung nas snyan ngag me long gi bshad pa gsan/ snga 'gyur rang lugs kyi gar thig dbyangs gsum rnams kyang dpyis phyin par mdzad/ gcen rgyal sras bstan pa'i nyi ma las gdul ba'i lag
341b2 len dang brda chad la mkhas par mdzad/sems nyid ngal gso dang 'dul ba lung rig gter mdzod la sogs gzhung phal cher bzung ba tsam gyis go don thogs med du shar/ gter chen chos kyi rgyal po'i drung du
341b3 snying po'i 'grel pa spar khab dang g.yu Tika sbyar ba'i gsung bshad gsan pas rgyud dngos sbas kyi don thams cad gting slebs/dge ba'i gshen gnyen sangs rgyas chos dar las 'dul mngon phar phyin rnams
341b4 kyi bshad pa zhib tu gsan/gung thang paN chen las dbu ma'i stong thun dang 'dul ba sum brgya pa'i bshad pa/ mkhas grub chos skyong rgyal mtshan las zab mo nang don gyi bshad pa rnams dang/ rje bla ma'i drung
341b5 nas chos rje kun mkhyen chen po dang/zur pa yab sras/ rong zom chen po rnams kyi gsung rab rnams mang du thos pa rgyud grol te thos bsam gang byas kha phyir bltas su ma song bar rgyud thog tu dril thub pa'i
341b6 bka' drin thob pa yin no// zhes gsungs/ khyad par gter chen bla ma las snga 'gyur mdo sgyu sems gsum sogs rgyud sde dang sgrub sde'i dbang bka' bshad lung man ngag gi bka' bzhugs so cog dang/
342a1 gter ma'i skor la gter kha gong 'og gis gtsos gter ston grags che ba phal mo che'i gter chos kyi dbang lung man ngag ji snyed pa dang/ de dag gi rtsa bar gyur pa rnying ma rgyud 'bum gyi lung
342a2 yongs rdzogs dang/dgyes rdor nA ro mkha' spyod sogs gsar ma'i rgyud sde mang po'i dbang lung dang/ rig 'dzin pad+ma phrin las las dus 'khor yongs rdzogs kyi dbang dang sgyu 'phrul zhi khro'i dbang gis mtshon
342a3 pa gsar rnying ris bral gyi yongs 'dzin bcu phrag gnyis las so so'i bka' srol tha dad pa'i chos tshul rgya mtsho tsam la gsan bsam bsgom pa mdzad pa'i tshul smos kyi mi lang zhing/bstan pa la dgongs pa'i
342a4 bsnyen rdzogs kyi sdom pa gnang ba'i dge slong bzhi brgya dang zhe bdun/dge tshul chig stong nyis brgya go brgyad/ dgung grangs zhe brgyad nas bzung drug cu re bzhi'i bar dbyar dgun gnyis su skal ba mchog dang
342a5 ldan pa'i blo gsal rig pa 'dzin pa'i dge 'dun drug cu skor re la gsang ba snying po'i rgyud kyi chos 'khor chags med du bskor/sdom gsum rnam nges/ phar phyin/ 'dul ba sogs gzhung chen mang por yang
342a6 bshad pa mdzad/sgyu 'phrul zhi khro'i dbang kho na'ang tshar brgyad dang/ mdo dbang tshar gsum/ dong sprugs tshar lnga la sogs pas mtshon pa'i bka' gter gsar rnying gi dbang lung smin khrid gang gsan thams
342b1 cad lan grangs gsum bzhir ma 'chad par med pa lta bu dang/khyad par dpal ldan sa skya pa bdag chen ngag dbang kun dga' bkra shis la gter gsar gyi dbang lung yongs rdzogs dang/ thugs rje chen po'i
342b2 smin khrid/phur pa spu gri'i dbang sogs chos bka' shin tu mang ba gnang/ dgung grangs nga dgu pa chu 'brug lor mdo khams chab mdor spyan drangs pa bzhin phebs te 'phags pa lha rgyal ba rgya mtsho dang/ zhi ba
342b3 bzang po dang/ngag dbang sprul sku bcas la gter gsar skor gyi dbang lung khrid dang bcas pa/ bla ma gsang 'dus/ nyang gter drag dmar/ phur pa spu gri/ na ra gdong sprugs/ thugs rje chen po rgyal po
342b4 lugs kyi dbang khrid sogs gsar rnying ris med kyi dbang lung man ngag gi bdud rtsi mang pos thugs rgyud smin cing grol bar mdzad/sgra snyan sdeb sbyor sogs tha snyad rig pa rnams kyang don gnyer so so'i blo
342b5 dang 'tshams par tshar lnga drug re ma 'chad pa med pa sogs mdor na dam pa 'di nyid kyi sku tshe ril por mkhas tshul gsum gyis bstan pa'i bya ba rgya chen po mdzad pa'i ngang nas rdzogs pa chen po rang snang ris
342b6 med kyi dgongs pa mngon du gyur pa'i 'phags pa'i sa chen po la gnas pa ni rtsod pa med la/bstan pa yun ring du gnas pa'i phyir mdo dang sgyu 'phrul gyi dgongs don 'grel pa'i shing rta chen po sngon med pa'i
343a1 bstan bcos/sgyu 'phrul rtsa rgyud gsang snying la Tika gsang bdag dgongs brgyan/ spyi don gsang bdag zhal lung/ dkyil 'khor blos bslangs kyi rnam gzhag gsal sgron rtsa 'grel/ mdo dbang
343a2 rnams bshad lung rig man ngag gi gnad gsal byed sgron me/yan lag dkyil 'khor rnams kyi sgrub dkyil dngos grub 'dod 'jo/ rgyud dang man ngag gi lugs gcig tu dril ba'i dbang chog rdo rje'i them skas/
343a3 sgrub khog rin chen 'od kyi snang ba/ zur 'debs dpag bsam snye ma/ thugs rje chen po bde gshegs kun 'dus kyi rnam bshad de kho na nyid snang ba'i 'od/ sdom gsum rnam nges kyi 'grel pa legs bshad ngo
343a4 mtshar dpag bsam snye ma sogs dang/gzhan yang sngags phyi nang gi sgrub thabs/ rjes gnang/ dbang/ bsnyen yig/ khrid yig/ tha snyad rig lam gyi bstan bcos sogs legs bshad phun sum tshogs pa'i
343a5 gter chen por mngon sum du gyur pa'i pu sta ka drug tu longs pa bzhugs/sku mched lhan cig pa'i gsung gi bdud rtsi myangs pa'i slob ma'i tshogs kyang/ sa skya bdag chen kun dga' bkra shis/ 'phags pa lha
343a6 rgyal ba rgya mtsho ston 'khor/gsung sprul ngag dbang kun bzang rdo rje/ thugs sras sprul sku/ rgyal ba'i sras mchog pad+ma 'gyur med rgya mtsho/ yid bzhin legs grub/ rin chen rnam rgyal/ 'od mchog sprul sku/ thang
343b1 'brog sprul sku/bon lung sprul sku/ yon do sprul sku/ khams pa sprul sku kun dga' bstan 'dzin/ dres pa sprul sku/ dpal ri sprul sku/ zangs la mkhar sprul sku/ da la'i hu thog thu ngag dbang bshad sgrub rgya mtsho/
343b2 rong pa rdzogs chen pa/ khams pa rdzogs chen sprul sku/ kaH thog rgyal sras/ kong po drag sku skye/ sna bo gdung brgyud/ me rag bla ma sogs dang/ gzhan yang lung rig smra ba'i mkhas pa dang/ nyams myong ldan pa'i
343b3 grub pa can bgrangs kyis mi lang bas zhabs la gtugs shing bka' srol gyi brgyud pa 'dzin nus pa'i bshes gnyen kho na'ang shin tu mang po byung bas deng sang gi dus su snga 'gyur bka' ma'i phyogs la bshad
343b4 sgrub gyi sgo ma nub tsam dang lung gi mtha' brten pa ma chad tsam du thos bsam byar yod pa 'di ni/dam pa 'di dag gi bka' drin kho na las byung ba yin par snga 'gyur rjes zhugs da lta dang/ slad kyis 'byon
343b5 par 'gyur ba thams cad kyis shes par bya dgongs shing sku mched 'di dag gis mdzad pa'i bstan bcos rnams kyang ngo bo'i sgo nas 'phags yul nas bsgyur ba'i sngon gyi slob dpon chen po rnams kyi bstan
343b6 bcos dang khyad par dmigs su med pa'i legs bshad che ba'ang mngon sum gyis grub cing rang lugs bstan pa mun pa ltar mi gsal ba'i skabs su snang byed kyi sgron ma spar bas 'chi ka ma'i bdud rtsi lta bur
344a1 gyur pa'i phyir kun bzang rdo rje 'chang dang rdo rje chos sogs rgyal dang rgyal ba'i sras kyi gsung dang dbyer med pa'i rim gro bskyed par 'os pa'i phyir/da lam 'dir yang snying po'i 'grel pa dgongs
344a2 rgyan dang/spyi don zhal gyi lung rnam pa gnyis po sgyu 'phrul gsang snying gi skor dang rtsa 'grel stabs gcig tu bkod pa'i rgyu mtshan kyang de yin no// yang rje btsun gter chen de nyid kyi 'o bran dpal gyi dbang phyug
344a3 gi zlos gar du gter lung gis zin pa ltar chos bdag tu ngos 'dzin gnang ba da la'i hu thog thu ngag dbang bshad sgrub rgya mtsho zhes rig pa dang grol ba'i spobs pa can yang dag pa'i lam gyi dge ba'i bshes
344a4 gnyen chen por gyur pas khong nyid kyang dbang rnon chos kyi rjes su 'brangs pas gter kha gong 'og gis mtshon pa'i gter chos rnams kyi dbang lung man ngag yongs su rdzogs par gter ston rin po che dang/mkhan chen lo tswa ba dang/
344a5 rgyal ba'i sras mchog sku mched rnams kyi zhabs la gtugs shing bum pa gang byo'i tshul gyis gsan bsam rgya chen po mdzad/ bsgoms pas drod tshad brnyes shing mngon shes dang lam
344a6 bzhi la rang dbang 'byor pa'i grub pa'i go 'phang mthon por gshegs/byang phyogs kyi skye bo thams cad snga 'gyur rnying ma bka' gter gyi gdul bya'i zhing du mdzad pas deng sang gi bar du phyogs der rgyal ba'i
344b1 phrin las nges don mchog gi 'ba' stegs cung zad mchis pa ni rje de nyid kyi bka' drin kho na las byung ba yin cing rnying rgyud tshang ma skya chos su bzhengs pa dang/gter chos gang gsan thams cad kyi glegs bam
344b2 bzhengs pa rnams kyang bstan 'gro'i mchod sdong chen po 'ba' zhig tu gyur to// yang kaH thog tu bar skabs su bu 'bor pa bkra shis rgya mtshos zhig po gling pa'i drung du bla ma zhig gtong bar zhus pas gtsang pa
344b3 pad+ma rgyal mtshan mngags shing kaH thog tu bzhugs/de'i slob ma stag bu re khe 'bri rgyud du 'khrungs pa pad+ma blo gros zhes grags pa zhig mkhas grub chen por gyur nas dbus su gong ra lo tsA ba dang/ g.yung sprul
344b4 tshul khrims rdo rje/zur chen chos dbyings rang grol sogs skyes chen mang po dang zab chos kyi bdud rtsi stob res mdzad cing/ dbus phyogs su rgyun dkon pa'i chos bka' du ma nyams pa'ang gsos/
344b5 khams phyogs 'dir snying thig ya bzhi dang/ dung mtsho ras pa'i yang tig nag po sogs chos rtsa ba chen po du ma spel ba sogs rnying ma'i bstan pa la sku drin mchog tu che zhing sku tshe sgrub pa kho nar dril ba'i bya bral
344b6 'ba' zhig pa'i tshul gyis bzhugs pa sogs mkhas btsun bzang po'i pha rol tu byon pas kun mkhyen klong chen pa'i sprul par grags/bstan bcos kyang yang tig gi rgyab chos don gsal me long sogs pod
345a1 chen gsum du longs pa mdzad/de nyid kyi dpon brgyud stag bla'i rabs kyi phreng ba mang du byon pa thams cad kyang mkhas shing dngos grub brnyes pa sha stag byon/ khyad par sa bla sangs rgyas rdo rjes
345a2 gong ra lo chen ba ra hi ta'i drung nas rnying rgyud phal che ba'i dpe lung gnyi ga'i rgyun blangs te phyogs 'dir spel/der ma tshad pa rnams phyis kun bzang khyab gdal lhun grub kyi rigs dbon kun bzang rnam rgyal
345a3 dang/kun bzang blo gros sku mched kyis smin gling du gter ston rin po che'i zhabs la gtugs te dpe rnams tshang ba dang/ bka' lung rnams kyang rgyal ba'i sras mchog yid bzhin legs grub las zhus shing
345a4 dpe lung gnyis ka'i rgyun phyogs 'dir tshang bar mdzad pas bstan pa la phyag rjes shin tu che/rgyun de nyid las rdzogs chen sprul pa'i sku rin po che 'gyur med theg mchog bstan 'dzin gyis bka' lung dang
345a5 glegs bam bcas thugs rtsol chen pos sgrub par mdzad cing/bdag cag gi 'dren mchog mtshungs pa med pa de nyid kyis kyang smin gling rgyal ba'i sras mchog rin po che rnam rgyal kyi dngos kyi zhal slob stag bu
345a6 sprul sku mdo rgyud rgya mtsho'i sde zhes bstan pa yongs rdzogs kyi dge ba'i bshes gnyen chen po de nyid las/sgyu 'phrul zhi khro/ nA ra gdong sprugs/ yang dag zla gam dgu pa/ sangs rgyas mnyam sbyor/ 'dus pa chen
345b1 po mdo'i dbang rnams gter chen sku mched yab sras rnams kyi chos khrigs kyi yi ge legs bshad rmad du byung ba'i steng nas gsan pa dang/gsang ba snying po'i 'grel pa dgongs rgyan dang zhal lung gnyis sbyar
345b2 gyi bshad pa go don rnams kyang legs par dpyis phyin par mdzad/rgyud 'bum spyi'i lung yang tshang ma gsan cing gzhan la lan gsum bzhir 'chad spel mdzad pa sogs kyis phyogs 'dir gsang ba sngags kyi
345b3 bstan pa nyin mo ltar slar yang gsal ba mdzad pa yin no/khyad par snyigs ma las kyang ches snyigs mar gyur pa'i dus kyi mtha' ma 'dir bka' gter gyi bstan pa spyi dang khyad par mchog tu zab pa rdzogs pa
345b4 chen po snying thig 'od gsal rdo rje snying po'i bstan pa dus kyi rgud pa'i 'og tu bltar mi mngon pa ltar gyur pa spar yang gzhi bzhengs lta bur slong bar mdzad pa po ni/bla ma dgongs pa 'dus pa'i lung bstan
345b5 bka' rgya ma las/ma 'ongs pa'i tshe lung zin thams cad la mi 'gyur pa'i brda rtags gsum gyi gzer yod pa de nyid las/ gang yang mi 'gyur brda rtags gsum dang ldanaH lus la lte sme snying gar sha mtshan reH
345b6 ngag ni snyan 'gyur sngags tshig rtsol ba can: pad+ma las byung pad+ma'i ming can gnyisaH yid ni rtse gcig gdungs shugs nga nyid dranaH gur tshug 'di min yid la mi byed gsungs/de gsum gsum 'dzom mchog yin
346a1 gnyis 'dzom 'bring u0f7f gcig 'dzom tha ma gang yang las can reHzhes bstan pa dang mtshungs pa'i sku'i rtags mtshan rnams kyang ldan cing/gzhan yang chos rjes gling pa'i bla ma drag po'i lung bstan
346a2 las/dbu g.yor gzhung du byang sems pad+ma'i ming u0f7f bka' rnying bstan skyong thabs mkhas 'gro ba 'dulaH zhes bka' rnying ma'i bstan pa bshad sgrub kyis 'dzin par ched du bsngags pa bzhin/ slob dpon chen po d
346a3 ga' rab rdo rje dang/sprul pa'i dge slong a dkar ma ti/ chos rgyal khri srong lde'u btsan/ rgyal sras lha rje/ yar rje o rgyan gling pa/ kun mkhyen dri med 'od zer/ mnga' ri'i paN chen/ byang pa bdag po sogs
346a4 kyi thugs bskyed gcig tu smin pa'i mkhyen brtse nus gsum gyis snying po'i ring lugs gsal bar mdzad pa la don du lnga brgya pa rnams kyi gtsug gi nor bu slob dpon dri med bshes gnyen zag pa dang bral ba'i sku de
346a5 nyid kyis 'khor ba ma stongs par 'phags pa 'jam dpal bus pa gzhon nu'i tshul gyis chos ston pa'i gnas ri bo che po'u tha'i shin tu bzhugs pa las/lo brgya brgya re na bod kyi ljongs su nyid kyi sprul pa
346a6 res snying thig gi bstan pa la nyams pa rnams gso ba dang/'khrul pa'i dri ma rnams dag par mdzad par zhal gyis bzhes pa bzhin yul dbus 'gyur lho phyogs kyi rgyud du rang byung rdo rje 'jigs med gling pa zhes
346b1 mtshan gyi yi ge rnam par gsal ba zhig byung bar gyur to// de'i thog mar kun mkhyen shes rab 'od zer gyi 'khor lo gsum gyi phyag rjes rma med pa'i gnas dpal gyi ri bo'i chos sde'i khrod du grwadakyus ma'i tshul
346b2 gyis bstan pa'i sgor zhugs par mdzad nas/sdom pa gsum gyi bdud rtsis thugs rgyud legs par gtams shing bka' gter gyi chos tshul spy-i dang bye brag la gsan bsam rgya chen po mdzad pa na rgyal ba'i sras
346b3 mchog rnams kyi tshad med pa'i snying rje chen pos gzhan don kho nar dgongs pa'i spyod pa rlab po che skyes pa'i rabs thams cad du bskyangs pa'i rten cing 'brel par 'byung ba'i smon lam dang/rigs kyi sa bon
346b4 dus su sad pa las srid pa'i ngang tshul ltar snang ji ltar legs kyang sdug bsngal gyi yo lang 'ba' zhig tu gzigs pa'i skyo shas dang nges 'byung tshad med pas drangs pa'i thugs kyis chos sde de gar lo gsum
346b5 du snying po'i sgrub pa la rtse gcig tu gnas pa'i bcad rgya mdzad pa'i tshe/slob dpon chen po pad+ma 'byung gnas dang 'jam dpal bshes gnyen 'od gsal gyi ngang du mjal te/ brda don spros pa med pa'i dbang mang
346b6 po bskur ba'i mthar rang nyid la thim par gyur pa'i snyams snang byung bas de tsam nas rtogs pa byung rgyal tu skyes/nyams kyi 'dzin stangs bud/ las rlung dbang du 'dus/ snang ba'i rdzun phugs rdib/ rig pa
347a1 brtul bzhugs kyi gdeng dang ldan par gyur nas sngon gyi skye ba dran pa sogs dag pa'i snang ba kho nar 'byams klas/dge ba'i bshes gnyen brten nas tha snyad dang gzhung lugs rnams la sbyang
347a2 brtson gyi ngal dub brten ma dgos par sngon sbyangs kyi rang stobs ston pa'i rtsal rdzogs pa'i rig pa phyogs med du grol zhing longs spyod 'khor lo'i mdud pa dbyings su zhig pas/rtsa rlung gi rgyu ba rnams yi ge'i
347a3 sprin du spro bas grag pa thams cad chos tshig gi sgra dbyangs su rang rdol du gyur pas snang ba thams cad dpe char shar zhing byas tshad man ngag tu go bas bla ma dgongs pa 'dus pa'i cho ga'i rnams bshad mkhyen
347a4 brtse'i me long zhes bya ba mdzad/dgung lo nyer dgu pa me glang lo'i smin drug zla ba'i yar ngo'i tshes bcur slob dpon chen po pad+ma'i zhabs la mos gus dang skyo shas kyis drangs pa'i 'od gsal gyi snang bar rje
347a5 nyid seng ge la bcibs nas nam mkha'i lam nas byon pa zhig la chos sku ye shes kyi DA' ki nI mngon sum du mjal zhing shing gi za ma tog gcig phyag tu gtad de/dag pa'i 'khor gyi snang ba laH khyod ni khri srong
347a6 lde'u btsan yinaH ma dag gdul bya'i snang ngo ruH khyod ni seng ge'i ras pa yinaH kun tu bzang po'i thugs nyid gteraH rig 'dzin pad+ma'i klong chen brdaH mkha' 'gro'i gsang mdzod chen mo yinaH d+ha thimaH zhes
347b1 gsungs pa'i mod la yal/der thugs la spro ba tshad med pa skyes te/ za ma tog de kha phye bas shog ser hril mo lnga dang/ shel dkar sran 'phos tsam pa bdun bcas byung ba mkha' 'gro'i lung bzhin thams cad
347b2 zhal du gsol bas tshig dang don gyi gnas thams cad par gyis btab pa bzhin thugs la bkra lam mer gsal ba'i ngo mtshar tshad med par gyur cing/de tshul gyi lo rgyus rnams dpal ri sprul pa'i sku'i snyan du
347b3 gsol nas dngos gter ram dag snang dgongs gter gyi tshul gang rung 'byung bar som nyi bral mod kyi/'on kyang re zhig gsang ba gal che tshul gsungs bzhin thugs las chung ngu'i ngang nas lo bdun gyi bar du
347b4 rlung phyogs tsam du'ang ma bsgrags par rtogs med kho nar mdzad do// de nas dgung lo so gcig pas yos lor dpal gyi mchims phu bre gu dge'u 'og lhun grub rang byung gi phug pa lo gsum du snying po'i sgrub
347b5 par rtse gcig bzhugs pa'i tshe/ma byon bde gshegs snying po ri rab mar me'i rgyal mtshan kun mkhyen bsam yas pa ngag gi dbang po'i ye shes kyi sku lan gsum du mjal ba ste/ de dag kyang lan dang pos
347b6 brjod bya don gyi rgyud dang/rdzod byed tshig gi brgyud pa yongs su rdzogs pa'i don rgyun kyi dgongs pa 'pho bar mdzad pa sku'i byin rlabs dang/ gnyis pas mdzod chen bdun dang shing rta gsum sogs kyi bstan pa
348a1 gtad nas nges don mthar thug gis grub mtha' bzang po 'di nyid 'dzin cing/gzhan la'ang rgya cher ston pa'i sgo mi nub pa'i phyir 'chad pa dang rtsom pa rgya chen pos gzhan don phrin las la dbang
348a2 brnyes pa'i kun mkhyen chos kyi rgyal po nyid kyi don gyi rgyal tshab tu dbang bskur zhing rjes su gnang ba'i gsung gi byin gyis brlab pa dang/gsum pas brjod du med pa'i de kho na nyid rig pa rtsal gyi byin rlabs
348a3 'pho ba'i dbang bskur nas don rgyud rtogs pa'i bdag por rjes su gnang zhing thugs kyis byin gyis brlab pa'o// de'i tshe bstod pa dpyid kyi rgyal mo'i rgyang glu bya ba mdzad/ kun mkhyen chen po'i gdams pa
348a4 rnams kyi don thugs la shar ba bzhin man ngag gi yi ge kun mkhyen zhal lung sogs than thun mdzad/gu ru chos kyi dbang phyug gi gter byin dge bsnyen mkha' ri'i zhus lan du/ bang so dmar po'i shar ram lho
348a5 yi phyogsaH lha bab mchod rten dgon sde 'cha' yang sridaH zhes rdo rje'i lung gis gsal bar bstan pa bzhin dgung grangs so bzhi pa chu rta lor g.yo ru khrag 'brug gi gtsug lag khang dang mi ring ba bkra shis srong
348a6 btsan bang so'i shar gyi phyogs bskungs kyi ri sul byang chub shing gi nags khrod tshe ring ljongs zhes bya ba'i dben gnas chen por sbyin bdag sde pa pu shud pas zhabs 'degs bsgrubs te pad+ma 'od gling thar pa
348b1 chen po'i grong khyer rten brten pa dang bcas pa bskrun par mdzad cing ris su ma chad pa'i skye bo skal ba bzang po chos kyi 'du bar lhag pa rnams la rig pa 'dzin pa byang chub sems dpa'i sde snod gtso bor gyur
348b2 pa'i bshad sgrub kyi sgra dbyangs rgyun mi 'chad du sgrog par mdzad do// sngar babs pa'i thugs gter klong chen snying thig gi chos skor yang rigs lnga DA ki'i gtso mos brda 'grol gyi skangs dbye ba nas rim par
348b3 shog thog tu 'bebs par mdzad pa'i dus kyang gnad byang thugs kyi sgrom bur gsal dgung grangs so drug pa shing sprel lor nges pa bzhin sprel zla'i tshe bcu mchod pa'i cho ga mdzad pa na u rgyan chen po nyid 'khor
348b4 mkha' 'gro'i tshogs dang bcas pa mjal/lho brag gsung sprul rin po che sogs sprul sku rnams gsum gyis thugs gter 'bebs pa legs po'i bskul ma'ang byung bas rten 'brel gyi sgo 'grigs shing/ kong
348b5 smyon sbas pa'i rnal 'byor gyis kyang sngon chad mthong thos med par mngon shes lta bus bskul ma mdzad pas smon lam dus bab kyi rten 'brel la dgongs pas 'dus pa dang po'i 'khor bco lnga la smin grol gyi sgo
348b6 dbye bar mdzad pa nas bzung rim gyis spel bar mdzad do// smin gling gter chen sku mched kyi dngos slob kong po thang 'brog sprul sku rin po che pad+ma rig 'dzin dbang po las mdo dbang chen mo/ grub dbang
349a1 dpal mgon las gsang ba snying po'i bshad lung/lcags zam rin po che bstan 'dzin ye shes lhun grub las rnying rgyud yongs rdzogs kyi lung rnams gsan/ gzhan yang sgyu 'phrul zhi khro/ sangs
349a2 rgyas mnyam sbyor/dong sprugs/ yang dag sogs kyi dbang smin gling gi rgyun las gsan cing/ phyag rgya bcing thabs dang/ cho ga'i khrigs dang/ dkyil 'khor bri thig/ gdangs dbyangs rol mo rnams kyang
349a3 bstan rgyun la dgongs te gsan/mdzod chen gsum dang shing rta gsum gyi don bsdus pas bstan pa yongs su rdzogs pa'i bstan bcos chen por 'gyur zhing gzhan rnams lam stegs tsam dang/ nges don
349a4 rdzogs pa chen po grub mtha' kun gyi rtse mor gnas pa gtan la dbab pa yon tan mdzod rtsa ba dang/de nyid kyi rgyu'i theg pa'i dgongs 'grel bden gnyis shing rta dang/ 'bras bu'i theg pa'i dgongs 'brel
349a5 rnam mkhyen shing rta zhes grags pa'i gzhung chen po dag mdzad de lung dang rig pa'i skya bar nas 'od gsal snying po'i ring lugs slong bar mdzad pas bod yul kyi ljongs su sngon chad klog pa kho nar glo ba zhen pa'i
349a6 ston chen rang rgyud gnam ru ltar gyong ba rnams kyang bsngags pa'i me tog chal chil du bsnyil zhing gus 'dud lhur len pa la spro bar gyur to// phyogs gang du'ang snga 'gyur gyi bstan pa rin po che nyag phra bar gyur
349b1 pas sprul pa'i chos rgyal chen po dang lo paN mchog rnams kyi thugs bskyed rgya chen po'i 'phrag par khyer ba'i gsang mchog nges pa don kyi bstan pa'i phrin las rgya chen po chud 'dza' ba dang 'phags pa mchog de
349b2 rnams kyi phyag rjes rma med pa zub tu nye ba thugs kyis ma bzod de rnying rgyud rin po che smin gling gi dpe gang bzhugs tshang ma dbu shog lnga rin po che sna lngas bris shing de phyin skya chos pu sti nyer lnga skor yo byad dang
349b3 rgyu dngos phun sum tshogs pa bsgrubs par mdzad/sngon chad phyogs 'dir dkar chag tu 'debs pa dang gtan tshigs kyis bsgrubs pa'i deb ther rgyas par 'god pa ma byung mod/ rje btsun chos kyi rgyal po 'di
349b4 nyid kyis gtan tshigs gsum dang 'brel ba'i spobs pa zab la rgya che bas snga 'gyur rgyud 'bum rin po che'i rtogs pa brjod pa 'dzam gling tha grur khyab pa'i rgyan ces bya ba mdzad de lung dang rig pa'i snang ba
349b5 bzang pos log par rtogs pa dang the tshom gyi mun pas phyogs bslad pa thams cad drung nas 'byin par mdzad do// rlangs dpal gyi seng ge'i ye shes kyi skus badzra kI la ya'i dkyil 'khor du dbang bskur ba
349b6 rdzogs par mdzad pas byin rlabs kyi mtshan ma thob pa la brten kI la ya'i tan+t+ra shin tu mang ba gangs ri'i khrod du byon pa las dngos grub brnyes pa'i brgyud pa bar ma chad pa'i bka' srol rgyal po lugs dang/jo mo lugs dang/
350a1 lcam lugs gtso bor gyur pa'i bka' bab tha dad kyi brgyud pa mang du bzhugs pa rnams don du rgyud kyi dgongs par gcig pa'i phyir bka' bab thams cad 'du ba'i rten 'brel
350a2 gyi nges pas/rdo rje bkod pa rnal 'byor chen po dang/ ye shes rtse mo dang/ rtsa rgyud rnal 'byor chen po gtso bor gyur pa'i rgyud sgrub thabs su bsdebs pa sngon med pa'i bka'i bsdu ba mdzad/ de skabs tsam du
350a3 dpal mgon zhal gyi lung gis bskul ba'i rten 'brel las dpal sa skya'i bdag chen sngags 'chang chen po ngag dbang dpal ldan chos skyong dang/ngag dbang kun dga' phan bde rgya mtsho mched kyis spyan drangs
350a4 pa ltar dpal ldan sa skya'i grom pa rgyang gi gtsug lag khang du phebs/sa skya pa chen po sku mched la byang sdom dang rgyud nas btus pa'i phur pa'i dbang chen/ klong chen snying gi thig le'i dbang lung dang man ngag gi
350a5 khrid bka' sogs smin grol gyi bdud rtsis thugs rgyud legs pa gtams par mdzad/phur pa'i dbang ma mdzad gong sa skya bdag po'i mnal lam du/ da res phur khang du bla ma rdzogs chen pa la yang dag gi
350a6 dbang zhus shig/ces byung bas yang dag pa'i chos tshul du nges pa brnyed nas chos sgo thog mar phye bar mdzad pa yin no// gzhan yang yang dag sogs yab chos sngon rnying pa rnams kyang nyams pa gsos pa sogs
350b1 phyogs der bstan 'gro'i don rgya che ba du ma sgrub par mdzad/gzhan yang lho mon du mtsho sna dgon rtse sprul skus spyan drangs shing phyogs de'i skye bo rnams kyang mthong thos don ldan du mdzad/ gnas chen rnams su
350b2 mchod pa dang/bdud rtsi sman gyi sgrub pa khyad par can du ma mdzad/ skal ba dang ldan pa'i slob ma rnams la gdams ngag gi khrid dang/ dbang lung du mas smin par mdzad/ bsam yas ri mthil/ khra
350b3 'brug/shel brag/ srong btsan bang so rnams su bdud rtsi bsgrub pa dang/ zhi rgyas dbang drag gi sbyin bsregs/ tshogs mchod/ gtor bzlog sogs bstan 'gro'i bde thabs du ma dang/ gnas chen gsum gtso
350b4 bor gyur pa'i chos rgyal mes dbon gyis bzhengs pa'i gtsug lag khang rnams su mchod pa sna lnga/brgya/ stong/ khri'i bar lan grangs shin tu mang po dang/ srog bslu kho na'ang bgrangs kyis mi lang ba/ rin po
350b5 che'i rgyu tshogs las bsgrub pa'i sku gsung thugs kyi rten khyad par du 'phags pa du ma dang/mchod pa'i yo byad rgyud dngos phun sum tshogs pa kho na las bsgrub par mdzad nas 'bul sbyor mdzad pa sogs 'khor
350b6 lo gsum gyi phrin las kyis dus 'da' bar gyur cing/dbus gtsang/ khams kong/ lho mon tshul gyi chen dgu mtha' dag dang/ thos bsam par rlom pa'i mkhas pa dang/ sgom pa la dril ba'i sgrub pa po pho mo/
351a1 rang bzhin gyi bstan pa la zhugs pa'i btsun gzugs yan chad kyang rje 'di nyid kyi zhal mjal kho na don du gnyer zhing de dag rnams la gang la gang 'tshams kyi 'jug pa'i chos bka' dbang lung/
351a2 smin khrid/ dge sdig 'jug ldog gi bslab bya dang bcas pa sgo ji snyed pas mngon mtho dang nges legs kyi gnas su bkra bar mdzad pa'i tshul mtha' dag pa ni smos kyis mi lang la/ sgyu 'phrul zhi khro dang tshogs
351a3 chen 'dus pa rnams kyi chog khrigs kyang gsar du mdzad nas/byang theg mchog gling du sgyu 'phrul zhi khro'i sgrub mchod rten ji srid bar sbyor 'jags dang/ dpal gyi ri bor 'dus mdo'i sgrub mchod sogs bka'
351a4 ma rnams 'phel rgyas kyi thabs rgya che ba mdzad/bstan bcos kyang tshad ma gsum dang 'brel pa'i brjod bya dang rjod byed phun sum tshogs shing lung rig man ngag gi gnas rgya cher 'grel pa smos ma thag pa rnams
351a5 gtso bor gyur pa'i pu sta ka bcu gcig tu longs pa tsam bzhugs shing/da lta'i dus su'ang rdo rje theg pa'i bstan pa 'dzin skyong spel ba'i chos kyi 'khor lo rgya chen po bskor bzhin pa dang/ da dung yang bskal pa
351a6 las bskal pa lhag par bstan 'gro'i dpung gnyen dang rtsa lag gcig pur 'jig pa med pa rdo rje lta bu'i gzugs kyi skus bzhugs shing zab pa dang rgya che ba'i chos kyi 'khor lo rgyun mi 'chad par skor bar
351b1 gsol ba 'debs so// 'dir smras pa/ ji snyed rgyal ba'i chos mdzod bzung pas srid pa 'dir ni 'byung dka' ba'i// bstan pa rin chen snang mdzad u dum wa ra ji bzhin rmad byung ba'i// yon tan bgrangs yas
351b2 'khri shing gi 'khyud smin grol bye ba'i 'bras rdzogs pa'i// dam pa'i dpag bsam dga' tshal thob pa'i e ma srid gsum skal ba spom// thos pa rgya mtsho'i pha rol tu byon cing// bsams pas don gyi nor bu lag
351b3 mthil lon// bsgoms pas thub gnyis 'dod dgur 'jo ba'i char// ci yang g.yo ba'i ded dpon mkha' rnams kyis// spros pa'i mtha' kun spangs pa'i chos nyid kyi// rang bzhin gnas la rab tu spobs gyur
351b4 pas// rnam pa'i chos kun chu zla ji bzhin du/ gzigs pa'i spyan ras rab rib dang bral bas// mi zad kun rtog rje son shes bya'i khams// spros pa'i tshul gyi ji snyed mkhyen gyur pas// rnam 'gyur ma nges spros
351b5 tshogs rab mang gzugs// cig char 'char ba'i me long bzhin du gyur// srid nyon dug can drug khri'i dag byed phul// ma smad rgyud du 'bab pa dbang rnon gyi// 'jug ngogs rig 'dzin sde snod mtho ris
351b6 klung// dgongs brda brgyud pa'i ral par bsgyings pa la// 'phags yul mkhas dang grub pa'i rna ba la// nye bar babs shing thugs kyi bum pa ru// legs par 'khyil ba'i bdud rtsi gangs can 'dir// drang srong
352a1 du ma'i mgrin pa'i rgyan gyur pa// rnam dag grub mtha' shing rta'i srol brgya yis// phyes pa'i lam bzang snang byed 'jig rten na// nyi ma lta bu'i khyu mchog bshes rnams kyi// ngang tshul 'di la mi
352a2 bsngags shes ldan su// gang gi rnam thar bsil zer gyis reg pas// 'dir snang dga' ba'i chu skyes nyams byed cing// nges 'byung chu yis rab brlan steng 'thung dkar// zhi ba'i phyogs su grol ba'i 'dzum
352a3 dkar ston// mun pas byugs pa'i gling 'dir dam chos kyi// bstan mchog zla ris snang byas bka' drin mtha'// 'chi med gnas las nges par brgal ba yi// mtha' yas yon tan brjod pas ci zhig longs/
352a4 'on kyang chu thigs gcig gis chur gter bzhin// rab tu dang ba'i blo yis phyogs tsam zhing// bsnyad pa des kyang dpag dka'i rnam thar gyi/ gnas su blta ba'i spobs pa thob par 'gyur// dkar min las
352a5 kyis 'khor bar dam bcings pa'i// brnag dka'i sdug bsngal gyis gtses bdag 'dra yang// dam pa'i rnam thar 'di lta'i rdzas bslab ste// 'dren mchog rnams dang mdzad pa mtshungs spyad shog/ bde bar
352a6 gshegs pa'i bstan pa thams cad kyi snying po rig pa 'dzin pa'i sde snod rdo rje theg pa snga 'gyur rgyud sde rin po che'i rtogs pa brjod pa lha'i rnga bo che lta bu'i gtam las bstan pa de nyid 'jigs rten du ji ltar
352b1 bskyangs pa'i tshul rags pa tsam bshad pa'i skabs te gnyis pa'o//// d+hI ro pA ya ka lA da da k+Sha mA bi dz+nyai rbo d+hi ma naM ga bi kra ma/ sbyin dang bzod sogs thabs mkhas sgyu rtsal la goms pas//
352b2 byang chub phyogs su mdza' ba ma yin rnam gnon pas/ shi Sh+tiM pr-i th+ya b+hi mA na tA ba lA ta A ts+tshi d+ya d+h+ri ya te nr-i bai r+b+hu dze: bstan mchog sa chen mngon rlob stobs ldan las bcad nas// mi bdag 'di
352b3 yi legs byas dpung pas rnam par 'dzin/sa bdag 'ga' zhig rdzas ni du ma glu dang rol mo'i mngon sbyor la yang god par 'gyur// 'ga' zhig chud zos mi bdag ro yi yul la sred pas chos kyi bya ba la ma
352b4 byin// rdzas rnams gang zhig sdig pa'i slad du zad par byed pa de ni de yi sdig par bcings// de phyir blo mchog rnams kyis gzhan gyi phyir du nor rnams ma lus par ni zad par mdzad// gang gis sems ni snying
352b5 rje'i chus bkrus pas// dpag dka'i yon tan du ma'i gzugs 'dzin pa// de la zhi ba chen po'i phyogs 'dzegs pa'i// mngon mtho'i lam yang them skas bzhin du snang// grags pa'i me tog dar ba'i mdzes sdug
352b6 gis// 'byung po kun gyi brtan pa 'phrogs pa bzhin// chos ldan rgyal srid kun gyi snying sdug pas// zla ba bye ba'i khengs pa tshar gcod bzhin// bsod nams gser gyi khams las grub gyur
353a1 pa'i// sde bzhi'i snying po rab mtho dge bcu'i rtsibs// yang dag smon lam brgya yi khor yug can// las kyi byed pos lha 'di'i sug par gtad// yon tan dri bzangs rgyas pa'i gter// gtong pa'i
353a2 ge sar 'khrigs gyur pa'i// mi bdag dang tshul pad+ma la// kun dga'i sbrang rtsi rab tu mngar// e ma rin chen du ma yi// 'byung gnas gtam gyi bdud rtsi'i gter// cha shas lhung ba'i rna ba yang// legs byas ro
353a3 yis lci bar byed// gang du'ang phyogs su ma lhung ba'i// nyi ma lta bu'i rgyal bstan yang// bsod nams 'bab stegs mngon mtho ba'i// sa skyong 'di dang nye snyam bgyid// dam pa'i rang bzhin brtan ldan
353a4 cing// spyod tshul dag pa'i shing gis 'khril// sbyin pa'i grib gsil rgya che ba'i// dpag bsams ra ba 'di byung ngo// gsum pa bstan pa de nyid las deng sang gangs ri'i ljongs 'dir ji tsam snyed pa dag phyi
353a5 mtha'i bar du mi nub cing 'phel ba'i btsas su mi'i dbang pos chos sbyin mi zad pa'i phyi mor bsgrubs pa'i tshul bshad pa la gsum ste/sngon gyi dus su byung ba'i log par bltas pa'i phyogs gsal ba dang/ rnam
353a6 dkar byed pa po'i lo rgyus 'chad pa dang/de dag gi bya ba dngos so// dang po ni/ de la 'phags pa 'jam dpal dbyangs kyi rnam 'phrul gangs can gyi lha btsan po khri srong lde'u btsan gyi thugs bskyed phul du byung
353b1 bas ri kha ba can pa'i gdul bya rnams kyi bsod nams dam pa'i bgo skal du brgyud pa gsum las babs pa'i gsang sngags bla na med pa 'od gsal rdo rje'i snying po la sogs mchog tu zab pa'i rgyud sde mkha'
353b2 'gro dang rig pa 'dzin pa du ma'i thugs bcud thun mong gi spyod yul du ma gyur pa mang po zhig bod 'dir grub pa'i slob dpon chen po mtsho skyes zhabs dang/bi ma la mi tra sogs kyi byin rlabs las byung mod kyi/
353b3 de dag la rjes su yi rang bar byed pa dang sngon gyi chos rgyal dang sprul pa'i lo paN chen po rnams kyi rnam par thar pa la phyag bya ba'i 'os su gyur pa yin te/ 'di ltar bstan pa'i gzugs brnyan tsam yang med pa'i
353b4 gdol spyod mun pa'i gling gnas skabs kyi bde 'bras tsam re ster ba'i 'tshe ba chos su smra ba la gtan gyi skyabs su re ltos 'cha' dgos pa'i skal ba ngan pas nyams nyes par gyur pa la sprul pa'i rgyal pos chos
353b5 kyi sgron me spar bar brtsams pa'ang nag phyogs kyi 'byung po ma rungs pa rnams 'khrug pa'i cho 'phrul 'thor rlung drag po mi zad pas gzhan dbang du gyur par nye ba'i tshe slob dpon chen po pad+ma'i zhabs kyi thugs
353b6 rjes lha srin gdug pa can du gyur to cog btul nas bod rnams chos ci bder byed chog pa mdzad/gtsug lag khang dang chos 'khor bzhengs/ sngon chad ma grags pas chos skad tsam slob pa la'ang blo mthu chung
354a1 ba'i bod rnams la 'bad pa chen pos chos kyi srol btsugs/rab tu byung ba btub bam mi btub thog mar nyams sad pa nas brtsams sangs rgyas kyi bstan pa rin po che thams cad mkhyen pa'i
354a2 lam gyi rmang gzhi bzhengs su btib/sde snod gsum dang gsang sngags kyi chos tshul rgya mtsho tsam sprul pa'i lo paN rnams kyis bsgyur/ 'thor ba bsdus/ gcus pa bsrangs/ gzhi gtan la phab lam nyams 'od tu
354a3 bcug/nyan bshad bsgom gsum gyis gtan la phabs nas rgyal khams dkar 'jam du btang nas thar pa dang thams cad mkhyen pa'i lam la bag yangs su spyod chog pa 'di sngon byon pa'i mkhan slob chos
354a4 rgyal sprul pa'i lo paN de rnams kyi bka' drin yin pas so// de'i phyir phyis 'gyur ba la grub mtha' 'dzin pa'i mkhas pa dang lo tswa ba rnams kyang sngon gyi chen po de dag gis lam srol btod pa'i bshul du dka'
354a5 ba med par 'jug tu yod pa dang/rang gi blo gros de'i snon mar song ba la ngo mtshar du mi 'dzin pa'i khar sngon gyi rgyud 'ga' zhig rgya gar na med pas bod du byas par bsgrags pa sogs phrag dog gis dbyen
354a6 bcos pa shas shig byung mod kyi/rgya gar na med pa tsam gyis rgyud yang dag ma yin par mi 'grub ste/ rgya gar du yod pa'i rgyud rnams rgya gar rang nas byung ba ma yin cing lha klu gnod sbyin mkha' 'gro la sogs
354b1 pa'i gnas dang/'dzam bu gling gi cha shas za hor dang/ sham+b+ha la dang/ sing+ga la'i ri ma la ya dang/ o rgyan dang/ 'gro lding gi yul sogs gnas chen po gzhan dang gzhan rnams nas grub pa'i slob dpon chen
354b2 po rnams kyis spyan drangs nas der byon pa yin pas rgya gar na mi bzhugs pa tsam gyis rgyud yang dag min pa'i khyab pa med la/gal te yul der bzhugs pa 'ga' re yod srid kyang lan re tsam phyin pas mthong
354b3 mi nus te sngon gyi sprul pa'i lo paN 'phags pa'i sa la bzhugs pa rnams yul nyer bzhi la sogs par rdzu 'phrul gyis byon pa yin na der so skyes bgrod par mi nus pa'i phyir ro// rgyu mtshan de dag gis jo bo
354b4 chen po a ti shas kyang chos kyi gtam mi nus par gsungs pa'i mkhas pa chen po rong zom pas gsang sngags snga 'gyur la phyis 'gyur ba rnams las khyad par du 'phags pa'i che ba drug yod ces gsungs te/dang po spyan 'dren yon bdag gi che ba ni/
354b5 snga 'gyur gyi yon bdag 'phags pa rigs gsum mgon po rnam pa rgyal po'i tshul bzung ba mnga' bdag mes dpon rnams gsum yin pas phyi 'gyur pa rnams kyi yon
354b6 bdag dang mi 'dra/gnyis pa gang du bsgyur zhing gtan la phab pa'i gnas ni/ sngon sprul pa'i gtsug lag khang bsam yas sogs chos 'khor stod smad du yin pas/ da lta'i dgon phag phug tu bsgyur ba dang mi
355a1 'dra/gsum pa sgyur byed lo tsA ba'i khyad par ni/ sngon gyi lo tsA ba sgra bsgyur bai ro tsa na dang/ ska cog zhang gsum/ rma gnyags sogs sprul pa'i lo tsA bas bsgyur ba'i chos yin/ da lta'i lo tsA ba
355a2 dbyar mar yul du bsdad/dgun rgya bal du yug re phyin nas bsgyur ba dang mi 'dra/ bzhi pa pan+Di ta'i khyad par ni/ sdon gyi pan+Di ta mkhan po zhi ba 'tsho dang/ sangs rgyas gsang ba dang/ slob dpon chen po pad+ma
355a3 'byung gnas dang/paN chen bi ma mi tra sogs sangs rgyas dang sa chen po la bzhugs pa'i byang 'phags rnams kyis spyan drangs pa'i chos yin/ da lta'i gser 'tshol du 'khyams pa'i pan+Di ta dang mi 'dra/ lnga pa zhu
355a4 rten me tog gi khyad par ni/sngon gser sha ba'i blud bu gang dang/ bre la gzhal nas phul te zhus pa'i chos yin/ da ltar mchan nas gser zho re re gnyis gnyis bton nas zhus pa dang mi 'dra/ drug pa chos kyi
355a5 khyad par ni/sngon 'phags yul du sangs rgyas kyi bstan pa gra ma nyams dus su bsgyur ba ma zad/ 'phags yul na med pa'i rgyud dbang thob pa'i byang chub sems dpa' dang/ grub pa dang/ rig pa 'dzin pa
355a6 dang/mkha' 'gro ma rnams kyis bzung ste/ dag pa'i zhing na bzhugs pa dang/ 'dzam bu'i gling gi cha shas sing+ga la dang/ nub phyogs o rgyan gyi yul sogs nas slob dpon chen po pad+ma dang/ bi ma mi tra sogs
355b1 kyis rdzu 'phrul gyi bkod pas blangs nas bsgyur bas rgya gar du paN grub yongs la ma grags pa mang po zhig kyang bod kyi bsod nams kyi skal par byon/'gyur yang sngon gyi lo tsA ba rnams sprul pa'i sku yin pas
355b2 don ji lta ba bzhin du gtan la phebs pas go sla zhing byings 'jal ba la rlabs che/phyis kyi lo tsA ba rnams kyis don brgyur ma nus par rgya dpe'i go rim ltar sgra bsgyur byas pas tshig grims la go dka'/ byings
355b3 'jal ba rlabs chung ba ltar snang bas mi 'dra ba yin no// zhes gsungs pa ltar la/ bod du bstan pa phyi dar gyi bar skabs der rnam rig sgrin zhing gser cung zad yod pa thams cad rgya bal du 'gro ba'i srol
355b4 zhig dang/mtha' gcig tu bstan pa dang sems can gyi ched du yin na rjes su yi rang bar gyur la/ 'di ltar phrag dog gi kun slong can phal cher zhig ni mkhas par 'dod pa dang/ gzhan gyi rnyed bkur la
355b5 chags pa dang/grags pa don du gnyer ba dang/ rang gi bla ma dang skal mnyam gyi bshes gnyen la 'gran sems phrag dog gi dbang gis rkang pa'i 'khor lo bskor ba'ang mang ste mar pa'i phyag dpe rnams grogs
355b6 kyis chu la dor ba'i rnam thar gyis shes par nus la/de'i phyir kun mkhyen rong pas sangs rgyas kyi bstan pa gra ma nyams pa'i dus su/ sprul pa'i lo tsA bas bka' 'gyur ba med par gtan la phab nas/ shes bya
356a1 dngos po'i 'dug tshul 'bebs shing/de rdzogs par byed pa'i thabs du mas brgyan pa'i chos dang/ dus da lta'i lo tsA rdzun po che sngon gyi 'gyur la bcos ma sna tshogs byas nas/ 'gyur nga bzang/
356a2 khungs nga btsun zer nas/ sangs rgyas kyi bka' dang/ bla ma'i gsung la ras chod byas nas/ mi res chos res bcos/ gcig skyon gcig la 'gel/ pha'i chos la bu'i dpe mi btub pa'i chos dang mi 'dra zhes
356a3 gsungs pa 'di shin tu'ang mad/dngos grub brnyes pa o rgyan pa rin chen dpal gyis/ bod kyi lo tsA ba kha cig rgya gar na rnying ma bsgyur rgyu mi 'dug zer/ de la chag lo tsA ba bdag rang gi dbang zhus kyi bla ma
356a4 yin yang/rgya gar na rnying ma'i rgyud bsgyur rgyu mi 'dug zer/ de 'dra khong rang blo chung gi gtam yin/ lo tsA ba rgya gar shar phyog su yug re las ma phyin pas rgya gar na gang yod cha ci chod/ de las bod na gang yod
356a5 kyi cha yang mi chod/spyir yang rgya gar tshad khungs che bas/ rgya gar gyi dpe rnams rul pa mang/ sangs rgyas kyi bka' la tshad gzung med pa la/ bod kyi lo tsA ba rnams kyis res khungs ci chod/ ngas nub phyogs u
356a6 rgyan gyi yul la phyin pa yang/mu dang mtha' ma chod/ de yang dang po'i rgya dpe rnams dus phyis bal po na mang ba yin/ de bas bal po b+he ha ra'i gtsug lag khang gcig na/ rnying ma'i rgyud rnams kyi rnam grangs rang
356b1 yang bsam gyis mi khyab par bzhugs 'dug/ngas bod kyi rnying ma rnams khungs rnying ma'i rgya dpe dang/ pan+Di ta tshur dgug/ khyed rang rnams mang yul skyid grong du 'dong/ ngas lo tsA ba byas bsgyur zer ba byas te
356b2 ma grub/rnying ma'i 'gyur da rung bya ru yod pa la/ yang bod kyi shes par 'dod pa 'ga' zhig na re/ rnying ma'i dgongs pa 'dus pa bod kyi sngags rgan tshos bcos pa yin mi dag zer/ de 'dra yang 'os su mi 'gro
356b3 ba'i gtam yin/shes na de 'dra ba'i chos rang re tsho yang 'chos dang de las legs rgyu ni sangs rgyas kyi bka' la'ang med/ ces pa dang/ de bzhin du jo bo'i rnam thar na/ yang jo bo'i thugs dgongs pa/
356b4 mi yul du bzhugs pa'i gsang sngags la nga las mkhas pa med snyam pa'i thugs rgyal mnga' ba la/ phyis bod du byon nas be har gling gi dkor mdzod gcig sgo phye nas rgya dpe gzigs pas/ jo bos de gong du ma
356b5 gsan ma gzigs pa mang po bzhugs 'dug nas/theg pa chen po gsang sngags 'di la mi shes pa med snyam/ DA ki mas kyang nam mkha' nas gzhal yas khang dpag tu med pa bstan/ rgyud sde mang po bstan pa
356b6 yin pa la/'di rnams mi gda'/ theg pa chen po gsang sngags 'di la mtha' yod yod mi 'dra gsungs thugs rgyal chags/ bod kyi rgyal po la rjes su yi rang ba mang po phul/ bod du bstan pa dar ba 'dra ba rgya
357a1 gar du yang ma byung ba 'dra gsungs/zhes dang/ slob dpon pad+ma rdo rje 'chang gnyis pa de'i drin las rgya gar na yongs su ma grags pa'i mkha' 'gro'i gsang mdzod mang po bsgyur nas bsam yas be
357a2 har gyi dkor mdzod na bzhugs so// zhes pa 'di dang/ rje btsun tA ra nA thas/ 'gro ldeng gi gling na sngon bstan pa rnal ma med pa las/ slob dpon pad+ma 'byung gnas kyis dang por btsugs/ mar me mdzad
357a3 bzang pos kyang byon/de nas brtsams te lo brgya tsam gyi bar du ma ga d+ha dang/ u rgyan dang/ kha che la sogs pa'i rdo rje 'dzin pa mang po byon te/ sngags kyi theg pa lhag par rgyas par mdzad/ sngon rgyal po d+harma pA
357a4 la'i skabs su sbas te/rgya gar du nub pa'i rgyud kyi rigs dang/ au Di yA na nas spyan drangs pa'i rigs kyi rgyud rgya gar na med pa mang du yod/ ces legs par bshad pas thugs gzu bor gnas pa rnams kyi
357a5 rnam par dpyod pa 'di dag gis 'phags yul du mi 'dug dang ma dag zer ba'i rdzun gtam dang bzang brdzu'i mtshangs thams cad dus gcig la brtol bar snang ste sdang zhugs kyis smras pa de dag gis rang nyid
357a6 chos spang bar 'gyur ba'i zhar la blo gros dman cing bsod nams chung ba'i 'gro ba gzhan dag the tshom bskyed pa'i phyir dge slong lha chen po'i spyod tshul kyis bstan pa'i dbyen tsam du 'gyur bar srid kyi de las
357b1 bsam pa mthar thug pa'i lam du ma song ngo// yang phyis kyi mkhas pa bus snga 'gyur gyi srol 'dzin pa'i rigs kyi thugs zhen dang/ nyang gter mgon po phyag bzhi sogs la nyams bzhes dang/ gu ru mtshan
357b2 brgyad zhal bstan nas lung bstan thob tshul sogs dngos bstan ltar yin na rnying ma'i rgyud rnams btang snyoms su gsungs pa'ang dus skabs de'i grub mtha'i kha 'dzin gzhan gyi ngo la dgongs par mngon te tshal
357b3 pa si tu smon lam rdo rje gangs can 'gyur ro cog gi gsung rab rnams bzhengs pa'i zhu dag la khong nyid kyis byon par mdzad pas/rnying ma mdo sgyu sems gsum dang sgrub sde'i skor bcas bka' 'gyur gyi rgyud
357b4 'bum khrod du bzhugs par mdzad pa'i phyir dang/de yang gdod nas grub pa'i rgyud gzhung du tshad mas grub pa'i phyir bzhag pa yin gyi gsar ma'i ra li so gnyis yongs rdzogs dang/ gnyis med rnam rgyal
357b5 sogs mang po sangs rgyas kyi bka' ma yin par bsgrubs nas dor bar mdzad pas so// paN chen zi lung pa shAkya mchog ldan gyis sdom gsum rab dbye'i dgongs pa dngos bstan drang don du gser gyi thur
357b6 mas 'chad pa na gang zag blo gros ma byang ba rnams ni ne ma nur bskyed cing/blun po phyogs lhung can rnams kyis rgyab rten du 'khyer ba zhig byung mod kyang/ paN chen nyid kyis bzhed pa ni 'di skad du/ spyir rnying
358a1 ma chos ma yin par khas len nus pa dag yod na/de'i tshe de ltar 'dod pa des ska cog zhang gsum gyis bsgyur ba'i sde snod gsum gyi chos rnams dang/ bya ba dang/ spyod pa dang/ rnal 'byor gyi
358a2 rgyud sogs lo chen rin chen bzang po ma byon gong du 'gyur ba thams cad chos ma yin pa nyid du khas len dgos par 'gyur ro// bye brag tu gsang sngags bla med kyi rgyud rnying ma chos ma yin par khas len nus
358a3 pa dag yod na/dpal gsang ba 'dus pa dang/ zla gsang thig le dang/ sangs rgyas mnyam sbyor rnams chos ma yin pa nyid du khas len dgos par 'gyur te/ de gsum rnying ma'i lugs kyi tan+t+ra sde bco brgyad du
358a4 grags pa de'i gtso bor gyur pa dang/rtsa ba de gsum la brten nas bod du rnying mar grags pa'i chos mang dag cig byung bar sngon gyi chen po dag gis 'chad pa'i phyir ro// bye brag tu yang phur chos ma yin par
358a5 khas len pa dag yod na/de'i rgyud kyi rgya dpe dang/ lo tsA ba tshad ldan gyis bsgyur ba sogs kyi gtan tshigs las rnam dag tu grub zin pa dang/ khyad par rnying ma'i rgyud du grags pa gzhan dang gzhan rnams rgyud
358a6 'bum gyi dkar chag tu 'debs par mi mdzad pa'i chen po de dag gis kyang yang dag dang phur pa rtsod med du grub zin pa'i phyir/dper na ral gri dang/ bu ston rin po che'i chos 'byung las bshad pa bzhin
358b1 no// zhes gzhan gyi 'dod pa na yams su bkod nas rang gi bzhed pa'i snying po ni bstan pa 'di'i bdag po ston pa thub pa'i dbang pos/ chags bral gyi gzugs sam 'khor los sgyur ba'i gzugs kyis
358b2 gsungs kyang rung ste/ston pa gcig pu de nyid kyi lha dang sngags kyi rim pa kho na nyams su blangs pa las grub pa brnyes pa'i slob dpon pad+ma 'byung gnas dang/ de'i slob ma rim pa gnyis la brtan pa thob nas
358b3 grub pa'i sa brnyes pa de dag gis/bod du dam pa'i chos dar ba la gegs su gyur pa'i lha 'dre gdug pa can 'dul ba dang/ rdo rje theg pa'i snod du gyur pa rnams rig 'dzin gyi sa la 'god pa'i phyir du/ gang
358b4 dang 'tshams pa'i lha dang sngags dang lta ba'i rim pa rnams gsungs pa dang/de'i don slob mas tshul bzhin nyams su blangs pa dang/ de las grub pa'i sa brnyes pa'i rig pa 'dzin pa mang du byon pa dang/ de dang
358b5 mthun pa'i snyan brgyud dang dgongs pa yi ger bkod pa la brten nas rnying mar grags pa'i chos rnam par dag pa 'di nyid byung ba yin la/'di dag la'ang yang dag par na bstan bcos kyi mtshan nyid tshang ba
358b6 yin te/ji skad du/ gang zhig rgyal ba'i bstan pa 'ba' zhig gi/ dbang byas rnam g.yeng med yid can gyis bshad// ces sogs kyi mtshan nyid de tshang ba'i phyir/ slob dpon pad+mas gsungs pa'i bstan bcos ni
359a1 sangs rgyas kyi bka' dang khyad par yod pa ma yin te/thar pa thob pa'i lam dang rjes mthun pa// de yang drang srong bka' bzhin spyi bor blangs// zhes gsungs pa'i phyir/ dper na rje btsun byams
359a2 pa'i chos lnga dang/dus kyi 'khor lo bsdus pa'i rgyud dang/ de'i 'grel pa dri ma med pa'i 'od la sogs pa bzhin no// yang/ rdzogs pa chen po'i gshis la bya ba dang bral ba'i grub mtha' rgyu rkyen 'dus byas kyi
359a3 khams su mi gnas pa'i ye shes nges don mthar thug pa drang thad du ston pa'i skabs dkar nag dang rgyu 'bras 'bad rtsol gyi byas chos la ltos 'cha' mi dgos par bshad pa la bod 'ga' zhig gis spyod pa'i
359a4 phyogs spangs pas hA shang dang mthun par thal lo zhes skyon mthong ha las las tsam byed pa byung mod/lar bde bar gshegs pas chos kyi 'khor lo gsum bskor ba'i rim pa dang po dge mi dge'i rgyu 'bras
359a5 mi bslu bar ston pa de yang 'jig rten gyi ngo la ltos nas bstan pa'i phyir drang don du bzhag pa yin/bar pa dang tha ma gnyis rnam thar sgo gsum gyi mtshan nyid du don gyis mi mthun pa med la/ nges don zab mo'i
359a6 gnas lugs ston pa la zab pa dang ches zab pa'i khyad par tsam yod/drang nges kyi don de yang 'dus byas dang 'dus ma byas kyi sgo nas 'byed cing brjod bya de dag shas che chung gi sgo nas dbye ba yin par mkhas
359b1 pa kun grags shing grub mod/de lta nyid kyis re zhig bka' bar par rnam shes kyis bsdus pa'i chos thams cad rang gi ngo bos stong par khas blangs nas de nges don du 'chad pa'i skabs/ gang la dmigs par
359b2 bya ba thams cad dang bral ba/rtog pa dang rnam par rtog pa thams cad spangs pa/ gang la blang bar bya ba dang/ dor bar bya ba'i chos su mi dmigs pa ste mdor na gzung 'dzin gyi chos rnams las yang dag par
359b3 'das pa'i 'dus ma byas kyi gnas lugs gang yin pa de la rnam par thar pa gsum gyi mtshan nyid kyang gnas pa'i phyir rdzogs chen pas gzhi'i dus su 'khor 'das mnyam pa nyid du blta bas rgyu 'bras tha dad du
359b4 mi 'byed/lam gyi dus su ci la'ang rnam par mi rtog pas blang ba dang dor ba'i mtha' mi dpyod/ 'bras bu'i dus su thob bya re dogs dang bral ba'i gdeng chos kun zad sar 'khyol ba la grub mtha'i snying por
359b5 byed de/kun byed rgyal po las/ yo ga shin tu rnal 'byor rdzogs chen la// rgyu dang 'bras bu yod zer smra byed na/ de ni rdzogs chen rtogs pa'i don mi ldan// don dam kun rdzob gnyis su smra byed na// sgrodang skur
359b6 pa 'debs pa'i tshig yin te// de yis gnyis su med par rtog pa med// dus gsum sangs rgyas rnams kyis rtog pa yang// gnyis su ma mthong rnam gzhag gcig tu rtogs// zhes gsungs pa bzhin no// de lta
360a1 bu'i grub mtha'i 'cha' lugs chen po 'di ni gnyis su mi gsung ba'i sangs rgyas bcom ldan 'das kyi nges don zab mo'i mdo sde rnams kyi dgongs pa'ang de kho na nyid du gnas pa yin te/tshangs
360a2 pa khyad par sems kyi zhus pa'i mdo las/chos thams cad kyi rang bzhin de gang zhe na/ chos thams cad ni stong pa nyid kyi rang bzhin can te dmigs pa dang bral ba'o// chos thams cad ni mtshan ma med pa'i
360a3 rang bzhin can te rtog pa dang rnam par rtog pa dang bral ba'o// chos thams cad ni smon pa med pa'i rang bzhin can te blang ba med pa/ dor ba med pa/ bsam pa med pa/ nus pa med pa shin tu ngo bo nyid dang
360a4 bral ba yin te/de ni rang bzhin gyis 'od gsal ba'o// 'khor ba'i rang bzhin gang yin pa de mya ngan las 'das pa'i rang bzhin yin no// mya ngan las 'das pa'i rang bzhin gang yin pa de chos thams cad kyi
360a5 rang bzhin yin te/de'i phyir sems rang bzhin gyis 'od gsal ba'o// zhes gsungs pa ltar ro// de'i phyir lta ba khas blangs dang bral ba/ bsgom pa yid byed dang bral ba/ spyod pa blang dor dang bral ba/ 'bras
360a6 bu re dogs dang bral ba bzhi po des rnam par thar pa'i sgo gsum gyi mtshan nyid nyams len rjen par de las gtan du ci zhig phab/khyed nyid kyis tshad mar khas len sor bzhag gi rgyud sde du ma'i rdzogs rim
360b1 man ngag gis 'chad pa na grub mtha' 'khor 'das dbyer med ces pa 'di la ngos ma bzung na rtog ge'i blos bzhag pa'i grub mtha' dang ni 'di gnyis gcig tu mdza' ba'i skabs mi 'byung ngo// 'on te lta ba'i
360b2 ldog pa nas de ltar yin kyang spyod pa'i phyogs dor bas so zer na/lta ba don dam pa'i bden pa ma 'khrul ba'i gnas lugs mthong ba la bzhag nas sems dang sems byung gi go na gnas pa'i bslab pa sogs
360b3 'dus byas kyi dge rtsa sogs byas chos dkar nag gi 'ching grol las 'das pa'i phyir blang dor med par grub cing de smon pa med pa'i mtshan nyid du gnas pa/'phags pa dkon mchog brtsegs pa 'od srung
360b4 gis zhus pa'i mdo las/gang 'dus ma byas pa de ni 'phags pa rnams kyi rigs so// 'phags pa rnams kyi rigs gang yin pa de la bslab pa yang med/ bslab pa las 'das pa yang med do// gang la bslab pa
360b5 yang med bslab pa las 'das pa yang med pa de la rgyu ba yang med mi rgyu ba yang med/rab tu rgyu ba yang med/ gang la rgyu ba yang med/ mi rgyu ba yang med/ rab tu rgyu ba yang med pa de la sems kyang med/ sems
360b6 las byung ba'i chos rnams kyang med do// gang la sems kyang med/ sems las byung ba'i chos rnams kyang med pa de la las kyang med/ las kyi rnam par smin pa yang med do// gang la las kyang med/ las kyi rnam
361a1 par smin pa yang med pa de la bde ba yang med/sdug bsngal yang med/ gang la bde ba yang med/ sdug bsngal ba yang med pa de ni 'phags pa rnams kyi rigs te/ 'phags pa rnams kyi rigs gang
361a2 yin pa de la ni las kyang med/las mngon par 'du byed pa yang med do// zhes pa dang/ dgyes rdor las/ bsgom med sgom pa po yang med// lha med sngags kyang yod ma yin// zhes pa la sogs kyis bstan pa rmad
361a3 du byung ba'i sgra bsgrags pa 'di yang hA shang gi lugs su 'gyur ram ma soms shig/spyir yang shes rab phyin ci ma log par rtogs pas thabs de'i yan lag tsam du byung ba ni sangs rgyas kyi dgongs pa ma nor ba yin
361a4 te/slob dpon 'phags pa lhas kyang/ tshul khrims la ni nyams bla yi// lta las de lta ma yin no// zhes bshad pa ltar lta ba ji bzhin par rtogs nas spyod pa ci las spyad kyang mi 'ching bar ma zad grol ba'i 'bras
361a5 bu 'thob pa rgyal ba'i sras kyi gzhung lam chen po nyid du gnas mod kyi/rdzogs pa chen po'i lam 'dir ni chos nyid mnyam pa chen po'i klong du blang dor med par bzhag pas don 'grub pa las spyod pa ched 'dzin
361a6 gyi spyod pas ma bsgribs par ni khyad par gyi chos te/byang chub sems dpa'i spyod pa dam pa las/ rin byin gyis smras pa/ 'dod chags ma spangs shig/ zhe sdang ma gzhil cig/ gti mug ma bsal cig/ rang gi lus
361b1 las gyen du ma bskyod cig/mi dge ba spyod cig/ lta ba tshar ma gcod cig/ kun tu sbyor ba rnams ma ston cig/ phung po rnams yongs su zung zhig/ khams rnams ril por gyis shig/ skye mched rnams la spyod
361b2 cig/byis pa'i sa las 'da' bar ma byed cig/ mi dge ba la rtogs shig/ dge ba spongs shig/ sangs rgyas yid la ma byed cig/ chos ma sems shig/ dge 'dun la ni mchod pa ma byed cig/ bslab pa dag yang
361b3 dag par ma len cig/srid pa nye bar zhi ba don du ma gnyer cig/ chu bo las ma rgal cig/ ces gdams ngag 'di lta bu'i las dang po pa'i byang chub sems dpa' la gdams par bya'o// rjes su bstan par
361b4 bya'o// de ci'i phyir zhe na/ chos rnams kyi gnas pa 'di ni gnas pa kho na yin pa'i phyir ro// zhes bshad cing de dang gcig par rig pa rang shar chen po'i rgyud las// bdag nyid lha yi dkyil 'khor rang la rang snang
361b5 bas// lha la mchod pa mi dbul mchod pa phul na 'ching bar 'gyur// mchod pa phyag rgya la sogs sku la sgrib pa yin// phyag rgya mi bsgyur bsgyur na rin chen brlag par 'gyur// 'khor ba mi spang spangs na sangs mi rgya/
361b6 sangs rgyas gung na med pas rig pa nyid las gang yang med// 'khor ba gud na med de rang gi sems su thams cad 'dus// 'du byas dge rtsa mi bya byas na 'ching bar 'gyur// mchod rten lha khang la sogs 'du byas
362a1 dge rtsa spang// byas pa'i chos ni mi zin bzhag na zin par 'gyur// bya ba btang ba'i rnal 'byor mi spong spangs na de bzhin gshegs/ yang dag sangs rgyas lam ni de bzhin kun la shes par
362a2 bya// zhes gshis la bya ba thams cad dang bral ba'i chos nyid mnyam pa chen po'i don la gdeng du gyur pa'i lta bas zin pa'i tshe 'du byas pa'i dkar nag gi las kyang mnyam pa nyid du sgra ji bzhin par bstan pa 'di
362a3 nyid kyi rgyud du/dge ba byar med sdig pa spang du med/ dge sdig gnyis dang bral ba'i rig pa chos kyi sku/ dge ba mi bya byas na sangs rgyas med/ sdig pa mi spang spangs na sangs rgyas 'grub mi 'gyur// zhes so// de
362a4 yang gangs can na lugs de thos pa na nan gyis 'gog par byed pa dag mang mod kyi/de dag gi rang bzhin khong du ma chud pas blor ma shongs pa la khag med de 'di ltar 'phags pa don dam dang kun rdzob kyi bden
362a5 pa bstan pa'i mdo las kyang/'jam dpal gyis smras pa/ lha'i bu don dam par na de bzhin nyid dang/ chos kyi dbyings dang/ shin tu mi skye ba gang dang mnyam pa/ don dam par na mtshams med pa lnga po dag kyang de
362a6 dang mnyam mo// don dam par na de bzhin nyid dang/ chos kyi dbyings dang/ shin tu mi skye ba gang dang mnyam pa/ don dam par na lta bar gyur pa rnams kyang de dang mnyam mo// zhes sogs gsungs pa bzhin no// de
362b1 ltar bstan pa nyid kyis spyod pa'i phyogs rnams yal bar 'dor bar mi 'grub ste/rang lugs sems sde'i rgyud chen po rnga la gser zhun du// bde gshegs ma lus yum du gyur pas rgyal ba kun gyi lam gcig
362b2 pu// tshul khrims la sogs pha rol phyin lam spyod pa rgya mtsho'i gzhir gyur pa// zhes shes rab kyi yan lag tu gyur pa'i thabs spyod pa'i phyogs mi 'dor ba'i grub pa'i mtha' chen po 'di yod bzhin thabs la mkhas
362b3 pa'i phyir gnas skabs su kun rdzob bden pa 'dor ba ma yin mod kyi// 'on kyang gnas lugs bden pa'i chos nyid ma 'khrul ba rang gi ngo bo mngon sum rtogs pa'i tshe bden gnyis res 'jog phyogs su ma lhung
362b4 par pha rol phyin pa bcu sogs byang chub phyogs su gyur pa'i lam bden gyi chos rnams kyang 'di nyid du 'du ba'i tshul ni/rig pa rang shar chen po'i rgyud las lhun gyis grub pa'i chos sku nyid// gsal 'grib snang
362b5 ba'i mun pa sangs// rtag chad gnyis kyi mtha' las 'das// mun snang gnyis kyis gzung du med// gcig dang du ma'i chos las 'das// snang dang mi snang chos las 'das// skye dang 'dzin pa'i tshig dang
362b6 bral// gol sgrib bdag rtog ga la yod// bsam pa nyid la bsal du med// shes rab pha rol phyin pa'i mtha'// rig gsal chos kyi sku la 'dus// bsam gtan pha rol phyin pa'i mtha'// sgron ma cog bzhag ngang
363a1 du 'dus// brtson 'grus pha rol phyin pa'i mtha'// rtog med rang byung don la 'dus// bzod pa'i pha rol phyin pa'i mtha'// snang ba thad kar gcod la 'dus// tshul khrims pha rol phyin pa'i
363a2 mtha'// grogs med gcig pur 'dug la 'dus// sbyin pa'i pha rol phyin pa'i mtha'// 'khor ba'i 'dzin chags thong la 'dus// smon lam pha rol phyin pa'i mtha'// snang ba re dogs med la 'dus// thabs
363a3 kyi pha rol phyin pa'i mtha'// rig pa cog bzhag ngang du 'dus// stobs kyi pha rol phyin pa'i mtha'// 'khrul snang rgya yis thebs la 'dus// ye shes pha rol phyin pa'i mtha'// rkyen dang bral bar snang la
363a4 'dus// de bzhin pha rol phyin pa'i don// rang bzhin kun khyab ye shes so// zhes gsungs pa bzhin dang/ de dang mtshungs par/ tshangs pa khyad par sems kyis zhus pa'i mdo las/ gang mi 'dzin pa ni sbyin pa/
363a5 mi gnas pa tshul khrims/ ma bsrungs pa bzod pa/ mi brtson pa brtson 'grus/ mi sems pa bsam gtan/ mi dmigs pa shes rab po// zhes pa dang/ de bzhin du kun byed las/ don gyi snying po rnal ma byar
363a6 med la// rnal 'byor chen po rnams kyis mthong ba ni// ye nas rang rgyud dag pa'i dkyil 'khor la// rgyu las 'bras bu lha yi dkyil 'khor de// bsnyen sgrub yan lag bzhi yis rdzogs byas te// 'phro 'du bdag
363b1 nyid lhun gyis grub par gnas// zhes so// 'o na chos thams cad kyi gnas lugs dge sdig bcing grol las 'das pa'i 'du byas kyi khams su mi gnas na las dkar nag dang rgyu 'bras mi bslu ba'i tshul
363b2 gsungs pa rnams dgos pa med par 'gyur ro// zhe na/ rnam shes kyi ngo la dgongs nas de skad du gsungs pa dper na rmi lam gyi yul du legs nyes gang snang rmi lam du bden kyang/ sad pa'i gnas skabs su
363b3 mi bden pa lta bu la dgongs nas chos thams cad rmi lam lta bu dang sgyu ma lta bu zhes mi bden pa'i dpes gsungs pa'i phyir rnam shes kyis bsdus pa'i 'khrul snang ma zad kyi bar du ni blang dor kyang yod la las
363b4 dkar nag gi rgyu dang 'bras bu'i rnam pa'ang mi bslu ba'i tshul gyis 'byung mod kyi/'khrul pa zad nas bden pa mthong ba'i ye shes kyi ldog pa la de dag mi snang ste yul can gzung 'dzin gyi shes pa med pas yul
363b5 kun rdzob snang bar mi 'gyur ba ni sangs rgyas sras dang bcas pa'i dgongs pa sgra ji bzhin par nges shing/mchog gzigs rnams kyi thugs rgyud la rang bzhin gyis gnas pa'i phyir nges pa'i don zab mo 'grel
363b6 bar lung bstan pa'i shing rta chen po dag gi dgongs pa yang 'dir mthun pa yin te/'phags pa klu'i zhabs kyis/ dper na gnyid log gnyid dbang gis// bu dang bud med gzhal med khang// gnas la sogs
364a1 pa mthong gyur pa// sad nas de yi mi mthong ltar// de bzhin kun rdzob shes pa dag/ blo gros mig ni byed gyur cig/ mi shes gnyid dang bral gyur nas// sad pa'i tshe na mi gzigs so// de bzhin
364a2 mkhas pa yang dag gis// shes pa'i nyi mas mi shes pa'i// bag chags ma lus bcom pa'i tshe// sems dang sems byung yul mi gzigs// zhes pa dang/ de bzhin du 'jug pa las kyang// mig ni rab rib can
364a3 gyi dmigs pa yis// rab rib med shes la gnod min ji ltar// de bzhin dri med ye shes spangs pa'i blos// dri med blo la gnod pa yod ma yin// zhes dang/ zhi ba lhas kyang/ ji srid rkyen rnams tshogs gyur
364a4 na// de srid sgyu ma'ang 'byung bar 'gyur// rkyen rnams rgyun ni chad pa na// kun rdzob tu yang mi 'byung ngo// gang tshe 'khrul pa yod min na// kun rdzob gang gi dmigs par 'gyur// zhes pa la sogs kyis bshad pa
364a5 bzhin no// de ltar grub pas rdzogs pa chen po 'dir lta spyod mnyam pa nyid kyi ye shes du ma ro gcig chen po'i ngang du la bzla ba'i dbang du bgyis na/ gzhi'i dus su ye shes kyis kun rdzob rdzun par rtogs pas
364a6 'dus byas kyi dge rtsa la mi re bas shes rab la sgro ma btags/rnam shes kyi ldog pa la blang dor yod pas thabs la skur pa ma btab/ lam gyi dus su yid la byed pa thams cad rnam par rtog pa las ma 'das
364b1 pas bsgom par bya ba rdul tsam med/'bras bu'i dus su sems dang sems las byung ba thams cad rgyun 'gag na kun rdzob gang la snang bar 'gyur/ gnas 'dir bka' 'khor lo phyi ma gnyis kyi dgongs pa'i
364b2 zhe phugs mthar thug pa 'phags pa'i yul dang gangs can gyi khrod 'dir bde bar gshegs pa'i bstan pa ma 'khrul pa gzung ba rnams kyis legs par bshad pa'i tshul rma med pa yin no// de ltar yin pas rngog
364b3 lo chen po nas dzo zhal yan chad kyi klog pa ba mkhas pa rnams dang bsam gtan pa 'khrul med thams cad kyi yig char 'di bzhin bshad pas so// spyir bdag cag gi ston pas rnam shes kyi ngo la dgongs nas
364b4 blang dor dang rgyu 'bras kyi rnam gzhag rmi lam gyi yul du de'i rgyu 'bras tshad mar gyur pa tsam zhig bstan pas sangs rgyas kyi ye shes su kun rdzob tshad mar grub pa'i go ba zhig la glo ba zhen/rgyu des spyod pa'i
364b5 phyogs su zhen pa a 'thas ko 'thas su song bas 'phags pa'i shes rab dang sangs rgyas kyi ye shes la bcad dras byed pa zhig byung/de zab mo'i gnas phyin ci ma log pa'i grub mtha' la'ang yid ches dka'
364b6 zhing de dag gis bde bar gshegs pa'i phrin las rmad po che yang the tshom gyi phyogs la 'phyang bar byed do// mnyam gzhag gi tshe ci yang yid la mi byed pas hwa shang gi sgom du 'gyur na/ khyed cag gis dbu ma'i
365a1 gzhung chen por 'dod pa'i slob dpon b+ha bya'i dbu ma rin chen sgron ma las/shes pa ci la yang mi gnas/ cir yang mi rtog/ ci la yang sems pa med pa/ zhes dang/ 'phags pa klu'i dgongs pa
365a2 jo bos bkral ba las rtogs dpyod bral ba'i mnyam gzhag gi zhi gnas dang lhag mthong la gnas pa'i tshe shing gnyis drag tu drud pa'i me'i dpe dang bcas pas bshad cing/shes pa gang la'ang mi rtog/ ci yang
365a3 mi 'dzin/dran pa dang yid la byed pa thams cad spangs te/ zhes pa la sogs pas rgyas par bshad cing/ de dang mthun pa kA shi'i sgom rim gsum kar yang bshad pas dbu ma rang rgyud pa rnams la grags pa'i
365a4 gtam zhig yin ni yin/de hwa shang dang mthun rung mi mthun rung mthun par khas blangs zin pa de yin// rdzogs chen gyis rang byung gi rig pa lhag mthong gi ngo bo de nyid so sor rtogs pa'i ye shes su nges pas
365a5 de nyid sgom gyi rten du byas nas rtog dpyod bral ba'i chos nyid la mnyam par gzhag pas rnam par mi rtog pa'i ngang der mtha' grol chen po'i gnas lugs phyin ci ma log par gnas pa yin te/thal 'gyur
365a6 las/rang bzhin rdzogs pa chen po'i mtha'// chos rnams rang sar bzhag pa ste// snang shes chos nyid zung 'jug pas// ye grol cog bzhag nyid la thug/ dgongs pa blo las 'das pa dang// mtshan bcas rang
365b1 sar dag pa dang// stong dang ngo bo'i mtha' grol dang// 'gyu zad rtog pa med pa dang// blo zad yid las 'das pa'o// zhes so// 'di ltar ma rtogs pas rtog dpyod kyi 'du 'phro 'ba' zhig pas lhag mthong gi
365b2 chos nyid la ma reg cing sems dang sems byung gi ldog pas bzhag pa'i stong pa 'ba' zhig ltar snang ba la dmigs pa'i der 'dzin gyi blo dang bcas pa'i 'dzin stangs kyis bsgribs pa ni mi zad pa dang skye ba'i
365b3 bdag nyid can gyi lta ba chen por 'gyur te/'od srung stong pa nyid du dmigs pas stong pa nyid la rton pa de ni nga'i gsung rab 'di las nyams rab tu nyams zhes bshad de/ 'od srung gang zag tu lta ba ri rab
365b4 tsam la gnas pa sla'i/mngon pa'i nga rgyal stong pa nyid du blta ba ni de lta ma yin no// zhes ston pa nyid kyis gsal bar gsungs pa'i phyir ro// de lta na'ang re zhig klu'i zhabs kyis// tha snyad la ni ma brten
365b5 par// dam pa'i don ni rtogs mi 'gyur// zhes bshad pas dgag sgrub kyi rnam dpyad la brten nas rtogs dgos par bstan pa'i phyir zhe na ma yin te/ lung de'i go ba ni don dam pa'i bden pa thog mar brjod
365b6 bya brjod byed kyi tshul la brten nas rtogs dgos par bstan pa tsam las mtha' gcig tu rtog ge'i rig pas dpyad nas rtogs dgos par gsungs pa ma yin te/de phyir de ni rtog ge ba// ro dang 'dra bas rnam
366a1 par brtags// zhes rnam grangs du mas smad par mdzad pa bzhin rtog dpyod kyi 'phrang la gtugs/ dgag sgrub kyi brag ri la bskor ba byas nas rang gnas kyi ye shes sgro skur gyi lam du spur/
366a2 blos dpyad pas mtha' gnyis bsal bar rlom pa srin bu'i kha chus rang nyid bcings pa ltar chos nyid yin lugs kyi steng du pheb pa shin tu dka' ste chos nyid ni bsam gyis mi khyab pa'i phyir tha snyad kyis mtshon
366a3 du med la/tha snyad ni rtog btags kyi ngo bor gnas pa ste/ dgongs pa nges 'grel las/ so so rang rig mtshan nyid spyod yul te// brjod du med cing tha snyad yongs chad pa// rtsod dang bral ba don dam chos yin
366a4 te// de ni rtog ge kun las 'das mtshan nyid// ces gsungs pa'i phyir/ 'dir ni rang bzhin rdzogs pa chen po'i 'dug stangs gsum gyis gzer bsdam/ lta stangs gsum gyis gnas gcun/ sgron ma drug gi
366a5 lam nas chos nyid yid dpyod dang bral bar mngon sum du mthong ba'i phyir lam khyad gnam sa lta bur yod pa yin te/sgra thal 'gyur las/ dam pa'i don ni blo bral nas// dbang po cig car rang grol
366a6 las// mngon sum mthong ba'i gnad kyis ni// rang gi grub pa'i mtha' zhig nas// gang la zhen dang 'dzin med par// yang dag chos nyid ro myong nas// khams gsum 'khor ba'i rten med par// mkha' la
366b1 mkha' nyid thim pa ltar// rnal 'byor mchog kyang de bzhin no// zhes gsungs pa ltar ro// rgyu mtshan de rnams la dgongs nas sa paN gyis/ a ti yo ga'i lta ba yang// ye shes yin gyi theg pa min// zhes
366b2 gsungs la/lta ba zab mo'i gnas lugs ma 'khrul bar grub pa'i ldog pa nas ye shes su legs par bshad kyang/ de nyid theg par mi 'thad par gsungs pa ni dgongs pa can te/ nyan rang byang sems/
366b3 sangs rgyas kyis sas bsdus pa'i ye shes de nyid ma rdzogs pa dang/ cung zad rdzogs pa dang/ yongs su rdzogs pa la brten nas 'phags bzhi'i rnam gzhag dang theg pa'i rim par bzhag pa/ rgyud bla ma las/
366b4 gzugs kyi rnam par dman pa dang// bar ma mchog la nam mkha' bzhin// zhes snod bzang ngan gyi nam mkha' la bzang ngan med pa'i sgrib byed bral stobs che chung gis ye shes mngon du gyur pa bya rgyu yod pa la
366b5 dgongs pa'i phyir theg par bzhag pa la 'gal ba'i gnas cha tsam yang med de/sangs rgyas ma yin pa'i 'phags pa gsum gyi rgyud la ye shes med par bzhed na der zad/ cung zad mthong ba nas rdzogs par
366b6 mthong ba'i bar ye shes gcig pu'i steng dus lam gyi rnam gzhag byung bas theg par bzhag pa mdo rgyud kyi dgongs pa zab mo yin te/sangs rgyas phal po che las/ ye shes kyi theg pa dang/ theg pa chen po la
367a1 rab tu gzhol ba'i sems kyis dge ba'i rtsa ba de dag yongs su bsngo'o// zhes dang/ rab rtsal rnam gnon gyis zhus pa las/ sangs rgyas kyi ye shes ni theg pa chen po'o// zhes gsungs pa'i
367a2 phyir ro// gang dag gdod nas grub pa'i mtha' rdzogs pa chen po la yid mi ches bzhin du blos gsar du bzhag pa'i grub mtha' la mchog tu bzung bas rnam thar sgo gsum gyi don kyang gzhan du 'phul bar
367a3 'gyur te gzugs brnyan spangs pa'i grib ma bzhin no// de bzhin du rgyu'i theg par phyag rgya chen po'i ming tsam yang ma bstan par sgam po pa kho nas bcos par smra ba sogs kyis bstan pa rigs pa ma yin pa'i
367a4 lam du 'dren pa'i skabs kyang byung mod/rnam par 'dus ma byas pa'i dbyings la phyag rgya'i mtshan gyis gsungs te/ sangs rgyas thams cad kyi yul las 'jug pa ye shes snang ba rgyan gyi mdo las/ kun dga'
367a5 bo chos kyi phyag rgya de ni chos thams cad kyi phyag rgya ste/phyag rgya med pa yin no// ma byas pa'i phyag rgya yin no// dbyer med pa'i phyag rgya yin no// kun dga' bo/ gang dag phyag rgya de btab pa de dang de dag ni byang
367a6 chub sems dpa' chen po yin/rigs btsun pa yin/ mi'i seng ge yin/ zhes pa la sogs gsungs pa dang/ slob dpon ye shes grags pas de kho na nyid 'jug pa yang/ yum shes rab kyi pha rol tu phyin pa
367b1 nyid kyi mtshan gzhan ni phyag rgya chen po ste/de ni gnyis su med pa'i ye shes kyi ngo bo nyid yin pa'i phyir ro// zhes pa la sogs pas rgyas par bshad pa'i phyir/ mdo'i dngos bstan du shes rab kyi pha rol tu phyin
367b2 pa la skabs 'gar phyag rgya chen po'i sgras smos par mdzad cing sngags su de nyid bde ba chen po'i thabs kyis bsgrubs pas bde stong phyag rgya chen por 'gyur ba'i phyir mdo sngags kyi khyad par tsam las
367b3 mdo'i theg par phyag rgya chen po gtan nas ma bshad par smra ba'ang cung mi legs te bde gshegs snying po spyi tsam zhig mdo'i lam du bstan nas shin tu rgyas pa'i tshul rnams sngags su bstan pa dang mtshungs pa'i
367b4 phyir ro// de bas na drang don kho na'i phyogs su 'chel ba dang/ tha snyad kyi rnam gzhag tsam la zhen pa dang/ tshig gi rjes su 'brangs pa rnams kyis rang 'dod phyogs lhung gi lung bsgrags pa de dag gi phugs
367b5 bka' dang dgos 'grel gyi bstan bcos du mas gtibs shing/'ol tshod kyi mun mda' rlom tshod tsam du ma song ba shin tu mang bas rigs de la tshad mas 'gog nus pa gang yang med par 'di tsam gyis kyang
367b6 mtshon nus so// yang rnying ma bka' ma mdo dbang du rgyu'i theg pa gsum la dbang bskur gyi cho ga gsungs pa yang/ brtag gnyis las/ dang por gso sbyong sbyin par bya// de la bye brag smra ba bstan// mdo sde pa
368a1 yang de bzhin no// de rjes rnal 'byor spyod pa nyid// de yi rjes su dbu ma bstan// sngags kyi rim pa kun shes nas// de rjes kye yi rdo rje bstan// zhes theg pa rim gyis 'jug pa dang mthun pa
368a2 bshad pa bzhin 'dir sngags lam du theg pa kun gyi gzhung lam tshang bar bstan pas theg dman so thar bsam sbyor byang chub sems kyis zin pa na theg chen so thar du gnas 'gyur bas yon tan kyang 'og ma
368a3 las khyad par 'phags pa bzhin/rgyu'i theg pa gsum sngags kyi thabs mkhas kyis zin pas/ rang sa'i yon tan las khyad par du 'phags pa dang myur lam du'ang 'gyur ba'i phyir don gyi 'thad pa khyad par can
368a4 yod pa ma zad dbang bskur gyi tha snyad dngos bstan kyang sum brgya pa las/nges par 'byung ba'i tshul khrims sdug bsngal spong// 'jig tshogs lta ba gdon gyi rtsa ba 'joms// dpal 'byor pa dang me tog mda'
368a5 can 'joms// rdzogs pa'i byang chub dpal nod dbang bskur yin// zhes dge tshul gyi sdom pa la dbang bskur gyi tha snyad gsungs shing/ spyir dbang gi go ba ni 'khor los sgyur ba'i rgyal po rnams rgyal srid la
368a6 dbang bskur ba'i tshe rin po che'i bum pa'i chus khrus byed cing bram ze rnams kyis shis par brjod nas rin chen bdun sogs rgyal srid dbang du byed 'jug pa'i srol yod pa la 'dra ba rgyu mtshan du byas nas/m
368b1 do lam du sa bcu'i rgyun mtha'i byang chub sems dpa' 'tshang rgya ka'i tshe phyogs bcu'i de bzhin gshegs pa rnams kyi mdzod spu las 'od zer spros pa sems dpa' de'i spyi bor nus pa la 'od zer chen po'i
368b2 dbang zhes tha snyad mdzad pa ltar don du lam gang du 'jug pa de'i lta sgom spyod 'bras la dbang du byed pa'i thabs sangs rgyas kyi byin rlab la dbang gi brda btags pa yin te/'phags pa lang kar gshegs
368b3 pa'i mdo sde las/blo gros chen po gzhan yang byin gyis brlabs gnyis gyis byin du brlabs pa'i byang chub sems dpa' dag de bzhin gshegs pa dgra bcom pa yang dag par rdzogs pa'i sangs rgyas rnams kyi
368b4 zhabs la gtug cing 'dri ba yongs su 'dri'o// byin gyis brlabs gnyis po gang gis byin du brlabs zhe na/ 'di lta ste/ ting nge 'dzin la snyoms par 'jug pa'i byin gyi rlabs kyi byin du brlabs dang/ sku dang/
368b5 zhal dang/ phyag thams cad kyis dbang bskur ba'i byin gyis brlabs so// de la blo gros chen po byang chub sems dpa' sems dpa' chen po rnams dang po las sangs rgyas kyi byin gyi rlabs kyis byin du brlabs
368b6 nas/byang chub sems dpa'i ting nge 'dzin theg pa chen po rab tu snang ba zhes bya ba la snyoms par 'jug ste/ byang chub sems dpa' sems dpa' chen po dag byang chub sems dpa'i ting nge 'dzin theg pa chen po
369a1 rab tu snang ba la snyoms par zhugs ma thag tu phyogs bcu'i 'jig rten gyi khams na bzhugs pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis zhal bstan
369a2 te/sku dang zhal dang gsung thams cad yang dag par bstan pas blo gros chen po byang chub sems dpa' sems dpa' chen po rdo rje'i snying po dang/ yon tan de lta bu'i mtshan nyid dang ldan pa'i byang chub sems
369a3 dpa' sems dpa' chen po gzhan dag la ji lta ba bzhin du byin gyis rlabs mdzad do// blo gros chen po de ltar sa dang po la byang chub sems dpa' sems dpa' chen po dag ting nge 'dzin la snyoms par 'jug
369a4 par byin gyis rlabs rab tu 'thob po// bskal pa brgya stong kun tu bsags pa'i dge ba'i rtsa ba dag gis mthar gyis sa'i phyogs dang mi mthun pa'i phyogs kyi mtshan nyid rtogs par khong du chud pas byang chub
369a5 sems dpa'i chos kyi sprin la pad+mo chen po'i gzhal med khang du stan la 'dug pa'i byang chub sems dpa' sems dpa' chen po rin po che'i rgyan thams cad kyis brgyan pa'i cod pan can/de dang mthun pa'i byang
369a6 chub sems dpa' sems dpa' rnams kyis yongs su bskor ba la rgyal ba'i phyag phyogs bcu'i 'jig rten nas byung ba/ba bla dang/ gser dang/ me tog tsam pa ka dang/ zla ba'i 'od zer dang/ pad mo 'dra bas
369b1 byang chub sems dpa' sems dpa' chen po pad ma chen po'i gzhal med khang na stan la 'dug pa de la dbang byed pa dang/'khor los sgyur ba dang/ dbang po'i rgyal po ltar spyi bo nas dbang bskur ro// sku dang
369b2 zhal dang phyag thams cad kyis dbang bskur bas byang chub sems dpa' de dang byang chub sems dpa' 'di dag ni phyag gi dbang bskur pa'i byin gyis rlabs kyis byin du brlabs pa zhes bya'o// blo gros chen po
369b3 'di ni byang chub sems dpa' sems dpa' chen po rnams kyi byin gyis rlabs gnyis te/byin gyis rlabs gnyis po des byin du brlabs pas byang chub sems dpa' sems dpa' chen po rnams sangs
369b4 rgyas thams cad kyi zhal du blta ba'i de lta ma yin na ni/de bzhin gshegs pa dgra bcom pa yang dag par rdzogs pa'i sangs rgyas rnams la blta bar mi nus so// blo gros chen po gzhan byang chub sems
369b5 dpa' sems dpa' chen po rnams ting nge 'dzin dang/rdzu 'phrul dang/ bstan pa'i rnam par gang ci spobs kyang de dag thams cad kyi sangs rgyas kyi byin gyi rlabs gnyis kyis byin gyis brlabs pa'o// blo gros
369b6 chen po gal te yang byin gyis rlabs med par byang chub sems dpa' sems dpa' chen po rnams kyi spobs pa 'byung na ni/blo gros chen po byis pa so so'i skye bo rnams kyis kyang spobs pa 'byung bar 'gyur
370a1 ro// de ci'i phyir zhe na/ 'di lta ste/ byin gyis ma brlabs pa'i phyir ro// blo gros chen po tsA dang/ shing gel pa dang/ lcug ma dang/ shing dang/ ri dang/ rol mo'i cha spyad rnam pa sna tshogs dang/
370a2 grong khyer dang/ khang pa dang/ khyim dang/ gzhal med khang gi gnas dag kyang de bzhin gshegs pa byon pa'i byin gyi rlabs kyis sgra 'byin na blo gros chen po sems yod pa dag lta ci smos/ blo gros chen po lkugs
370a3 pa dang/'on pa dang/ long ba dag kyang rang gi nyes pa las rnam par grol te/ blo gros chen po de bzhin gshegs pa'i byin gyi rlabs ni de ltar yon tan gyi bye brag che'o// blo gros chen pos yang gsol pa/
370a4 bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams byang chub sems dpa' sems dpa' chen po dag la ting nge 'dzin la snyoms par 'jug par gnas pa'i dus
370a5 dang khyad par gyi sa la dbang bskur ba'i byin gyi rlabs ci'i slad du mdzad/bcom ldan 'das kyis bka' stsal pa/ bdud kyi las dang nyon mongs pas mi 'khrugs pa dang/ nyan thos kyi bsam gtan dang sar mi
370a6 lhung ba dang/de bzhin gshegs pa'i sa so sor rang gis rig par bya ba dang/ 'thob pa'i chos dang/ khong du chud pa rnam par 'phel ba'i phyir blo gros chen po rgyu 'di rnams kyis de bzhin gshegs pa dgra bcom
370b1 pa yang dag par rdzogs pa'i sangs rgyas rnams byang chub sems dpa' sems dpa' chen po dag la byin gyi rlabs kyis byin du rlob par mdzad do// blo gros chen po byin gyis ma brlabs pa'i byang chub sems dpa' sems
370b2 dpa' chen po dag ni mu stegs can dang/nyan thos dang/ bdud kyi bsam par ltung zhing bla na med pa yang dag par rdzogs pa'i byang chub tu mngon par 'tshang mi rgya ste/ de ltar de'i phyir byang chub sems dpa'
370b3 sems dpa' chen po dag de bzhin gshegs pa dgra bcom pa yang dag par rdzogs pa'i sangs rgyas rnams kyis rjes su bzung ba yin no// de la 'di skad ces bya ste/ mi yi dbang po'i byin rlabs
370b4 las// dbang bskur ting 'dzin dag la sogs// smon lam dag gis rnam sbyangs pa// dang po dang ni bcu par 'byung// zhes pa sogs kyis rgyas par gsungs pa bzhin rgyun mtha'i byang chub sems dpa' dbang
370b5 la brten nas 'tshang rgya dgos par bshad pa de la bsnyon du med pa'i phyir nyan rang byang sems gsum gyi gnas skabs su rang lam rnams bsgom par dbang ba dang/mthar thug tu theg chen byang chub sems
370b6 kyis zin pa'i phyir nyan rang gnyis kyang thams cad mkhyen pa'i go 'phang 'thob pa'i myur lam du 'gyur ba'i gnas khyad par can yod pa'i phyir rdo rje 'chang thabs la mkhas shing thams cad mkhyen pa'i phyir de
371a1 skad gsungs pa yin la bla med kyi dbang gong ma gsum la ma brten par sngags phyi pa'i rgyud kyi rdo rje 'chang gi go 'phang mi 'thob par bshad pa'ang don gyis 'dir mthun cing mdo lam du sbas te
371a2 'od zer chen po'i dbang ngam byin rlab tsam du gsungs pa'i phyir ro// yang/ 'gos lhas btsas chos rje zur pa'i drung du chos zhu bar phyin pa ma thob pa'i snying nad la brten khong rgya gar du phyin pas rnying ma'i rgyud
371a3 rnams rgya gar na med par bsgrags shing/dpal gsang ba'i snying po la skyon bzhi sogs kyi klan ka bkod par byas pa la bod 'ga' zhig gis skyor zlos re byed pa'ang byung mod/ khong nyid rgya gar du phyin pas
371a4 yul phran shas shig la ma grags pas snga 'gyur med par mi 'grub cing/rdzogs pa chen po sogs ches zab pa'i rgyud sde rnams zhal nas snyan du brgyud pa chig brgyud tsam ma gtogs dpe yang mi snang bar mdzad/
371a5 gdams pa shul du bzhag pa tsam yang med na bod du khyi dang byi la yan chad la gsang sngags khrom chos byed pa'i srol 'di lta bu rgya gar du med pas khong gis ma mthong zhing ma thos pa bden mod kyi/ 'on kyang jo
371a6 bo lha gcig dI paM ka ra lta bu'i 'phags yul tsam na sngags su mkhyen pa che bar grags pas kyang bod du be har dkor mdzod gling gi rgya dpe rnams gzigs pas khong nyid kyis sngon chad gsan gzigs ma myong
371b1 ba'i rgyud sde mang po bzhugs pas sngags la mkhas pa'i thugs rgyal chags pa'i lo rgyus jo bo nyid kyi rnam thar du gsal na khong lta bu'i so skyes ma mthong ba la khag med cing der ma zad nub phyogs u rgyan gyi yul
371b2 tshun chad chu bzhin nyul ba'i gzhan snang zil gyis gnon pas nus pa o rgyan pa rin chen dpal lta bu kyang mi yul du byon pa'i sngags kyi mtha' ma gzigs par gsungs pas mtshon nus shing rgyas pa 'og tu
371b3 'chad par 'gyur ro// de bzhin du gsang ba snying po bod mar bsgrags pa'i rdzun phugs bcom ldan ral gri/ paN chen shAkya shrI/ thar pa lo tsA ba/ 'gos lo gzhon nu dpal ba/ sha gad lo tswa sogs kyi phyag tu rgya
371b4 dpe dngos ma son pas gtibs shing khyad par phyis 'gyur tsam la mkhas pa'i mchog bstan pa'i byi dor ba chen po rig pa'i ral gris gsang snying sgrub pa las 'di ltar gsungs te/'di rgyud yang dag pa yin
371b5 pa'i rgyu mtshan ni/dpal gsang ba 'dus pa'i 'grel chen slob dpon bi shwa mi tras mdzad pa las/ ye shes sems dpa' gang reg pa// zhes pa'i 'grel pa/ gsang ba snying po las/ 'og min gyi gnas mtha'
371b6 dang mu med pa na gzhi tshad med pa'i ye shes kyi dkyil 'khor gsal ba la/ye shes rin po che 'bar ba'i gzhal yang khang/ rgya phyogs bcur yongs su ma chad pa zhes bya ba dang/ bsam gyis mi khyab
372a1 pa thams cad du sku gsung thugs sna tshogs par kun tu snang ba zhes bya ba dang/mchod rten sangs rgyas thams cad kyi// pho brang gnas shes bya ba yin// zhes pa'i 'grel par/ rtse mo phyogs bcu
372a2 dus bzhi'i sangs rgyas kyi dkyil 'khor ma lus pa thams cad kyang so so ma yin/ngo bo nyid gcig pa'i ye shes kun tu 'khyil ba zhes bya ba dang/ rang bzhin rang bzhin med pa'i rgyu/ zhes pa'i 'grel par/ e
372a3 ma ngo mtshar rmad kyi chos// rdzogs pa'i sangs rgyas kun gyi gsang// skye ba med las thams cad skyes// skyes pa nyid na skye ba med// ces pa dang/ gsang ba'i don 'chad pa ni/ gsang snying las rang bzhin dang/
372a4 gab pa dang/ sbas pa dang/ mi bstan pa'i gsang ba zhes 'byung/ bya ba dang/ gsang snying las/ dbang lnga 'byung/ zhes bya ba dang/ mthing ga dkar po ser le brgan/ zhes pa dang/ mtha' dbus med par lhun
372a5 gyis grub/ces bya ba'i bar dang/ gsang snying las/ de kho na nyid gsum du 'byung/ zhes bya ba la sogs pa thams cad la gsang snying gi mtshan smos nas drangs so// log pa'i skyon bzhi la sogs pa spang ba ni/
372a6 'di skad bshad pa ni sangs rgyas kyi gsung thams cad sa bcu pa bas kyang bsdu bar mi nus pas sangs rgyas nyid kyi bsdus par 'dod pa'i lugs yin te/ gsang 'dus kyi 'grel pa slob dpon mtsho skyes kyis
372b1 mdzad pa'i gsang ba grub pa las// slob dpon phal cher 'di skad brjod// dpal ldan 'dus pa mdangs chen gyi// rgyud gyi bsdus par byed pa po// dpa' bo 'jig rten dbang phyug zer// bla ma'i zhabs kyi
372b2 bka' drin gyis// dpal ldan 'dus pa'i sdud pa po// gzhan dag yod pa ma yin zhes// bdag nyid 'ba' zhig smra bar byed// rgyu mdzad pa ni thugs rdo rje// zhes bshad pa bzhin gsung mkhan nyid kyis bsdus
372b3 pa'i lugs yin/gzhi tshad med pa ni chos mngon pa nas kyang 'og min la tshad med par bshad pa yod do// dus bzhi ni bi shwa mi tra'i 'grel chen nas kyang/ dus bzhi mnyam pa nyid du de bzhin rig par bya/
372b4 zhes pa dang/ phyogs bcu dus bzhi'i mgon po kun gyi/ zhes gsar ma nas kyang bshad la/ sangs rgyas gsang bas bskal pa bzhi la bshad do// rdo rje sems dpa' dbus su 'byung ba ni dkyil 'khor gyi gtso
372b5 bo 'pho bar bya ba gsar ma nas kyang bshad do// tig ni shes rab mig du smra// zhes pa ni gsang rnying gi rgya dpe las/ sU tri pradz+nya tika Sh+ya ti bya ba yod de/ sU tri thig gi rgya skad yin/ nyi 'od seng ge'i 'grel pa nas
372b6 kyang thig la bshad/tig gna' skad yin/ rgyud gzhan du kha 'phangs pa ni/ dgyes pa rdo rje la sogs pa phyis gsungs pa thams cad kyang dang por gsungs pa'i de nyid bsdus par kha 'phangs nas yod do// zhes
373a1 pa la sogs kyis legs par bshad pa ltar 'phags yul du yongs su grags pa'i bstan bcos chen por rgyud 'di nyid kyi lung drangs shing sngar smos pa'i slob dpon de dag rnams kyis 'grel pa'i
373a2 rnam grangs du ma dang bcas pas 'chad nyan gyis gtan la phab pa mngon sum du gyur bzhin rang gi blo gros dang grags pa zong mar gtong ba'i smyon ham gyi rgya bskyed lugs la ltos shig/'on kyang paN chen shAka
373a3 mchog pas// rnying ma'i chos rnams 'phags yul nas// bsgyur bar 'bad pas bsgrub mi dgos// slob dpon sprul pa'i sku nyid kyis// gsungs pa nyid du grub pas chog/ 'phags pa'i yul nas phyis bsgyur
373a4 ba'i// sngags dang brda skad ma mthun kyang// mchog dang thun mong grub pa la// mi bslu 'grub phyir de tshad ma// dper na yul chen so so nas// grub pa mchog rnams kyis blangs pa'i// chos kyang glegs bam so
373a5 so las// 'phags pa'i yul du bsgyur ba min// rdo rje sems dpas gnang thob pa'i// bka' yi bsdu ba po nyid kyis// yul khams so so'i skad nyid du// bshad par chog par gsungs pa yin// rnying ma'i chos
373a6 lugs 'phags yul nas// bsgyur bar nges rnams grub mi dgos// ma nges pa rnams bstan bcos su// bsgrubs las grub par 'gyur 'di yang// gang 'di rnam rtog rang bzo'i lam// rnyed nas 'phyan par
373b1 gyur min gyi// bod kyi yul du sngon byon pa'i// chen po rnams kyis der bshad pa'o// zhes rigs par smras pa 'di ni drang por gnas pa'i rtog dpyod kyis shes bya rig pa'i gtan tshigs su snang zhing/ spyir rgya
373b2 gar nas byung ba kho nas chos de 'gangs che ru mi 'gro ste bstan bcos rnams kyang yul gyi sgo nas bzang ngan 'byed par mkhas pa rnams ma grags shing mdzad pa po gang dag grub pa'i sa la bzhugs pa zhig
373b3 yin na des mdzad pa'i bstan bcos rnams kyang tshad mar byed dgos pa'i phyir rgya bod gang du byung kyang khyad med par grub pas skabs 'gar rgya gar ba'i bstan bcos las bod kyi bstan bcos bzang ba'ang
373b4 yod de/rgya paN so skyes sgra tshad la byang ba kho na rgyu mtshan du byas te brtsams pa dang bod kyi grub brnyes snga ma rnams kyis mdzad pa de dag las phyi ma btsan par bya dgos pa nyid de/ snga 'gyur kyi rgyud dang rig pa
373b5 'dzin pa'i sa chen por bzhugs pa de dag gis mdzad pa'i man ngag la brten nas nyams su blangs pas mchog dang thun mong gi dngos grub mi bslu bar 'grub pa bod 'dir yang mngon sum du gyur pa rdzogs pa
373b6 chen po klong sde'i gdams pas spang mi pham mgon po'i slob brgyud bdun gyi rim pa dang/nyang ting 'dzin bzang po nas ldang ma sogs bdun brgyud du 'od gsal snying thig gi lam nas 'ja' lus 'pho ba chen
374a1 por gzugs sku dengs pa sogs ji snyed byung ba dang/zur mes dpon gsum sogs shi ba slong nus pa'i brtul zhugs dang/ sku de nyid kyis mkha' la mi snang bar gyur pa'ang du ma byung ba dang/
374a2 'phags pa'i blo gros kyis bde bar gshegs pa'i chos tshul zab mo'i gnas 'jal ba la bsnyengs pa mi mnga' ba'i 'dzam gling mdzes pa'i rgyan mchog klu thogs rnam gnyis lta bu'i go 'phang la zhabs stegs
374a3 bkod pa rong zom chos kyi bzang po dang/kun mkhyen chos kyi rgyal po klong chen rab 'byams pa sogs mang du thos pa rgya mtsho'i pha rol du son pa'ang ji snyed byung bar gyur la/ thun mong du'ang sprul pa'i lo tsA ba
374a4 bai ro tsa nas bsgyur ba'i sman gyi rgyud bzhis kyang 'gro ba mtha' yas pa la dbugs 'byin chen po ster ba dang/gzhan yang zhi ba dang/ rgyas pa dang/ dbang dang/ drag po ste phrin las bzhi po'i sgo nas las rab
374a5 'byams sgrub pa la thabs zab pas gangs can gyi ljongs 'di tsam du'ang 'jigs pa chen po dag gis nyam nga bar gyur pa na snga 'gyur rjes 'brangs dang bcas pa la dngos dang brgyud pa'i sgo nas skyabs su
374a6 'chol dgos par byung pa sa paN gyis 'phrog byed dga' bo rig pas pham par nus kyang nam mkha' la 'phur bar brtsams pa na 'dag phyar bas phur pa'i rigs sngags kyis bcings pa lta bu mngon sum tshad ma
374b1 yin na sangs rgyas dang byang chub sems dpa' rnams ni sems can gzhan la sman pa 'ba' zhig yin pas mngon mtho dang nges par legs pa'i phrin las can gyi bstan pa de nyid phyogs gang du 'phul bsam par
374b2 bya dgos so// tshul de la dgongs nas mkhas mchog 'gos lo tsA ba gzhon nu dpal gyi/ spyir na dar mas bstan pa bsnubs nas lo bdun cu lhag cig gi bar du dbus gtsang na rab tu byung ba ni gcig kyang
374b3 med/rnying ma pa'i sngags 'chang mang du yod pa rnams kyis yul so sor sgrub pa khyad par can gyi bkra shis par mdzad cing/ khyim pa rnams kyis kyang de dag la dad cing zas gos sogs kyis mnyes par byas/
374b4 bum dbang tsam re blangs shing/ rgyud rim gyis smin pa la brten nas/ klu mes la sogs pa'i dbus gtsang gi mi drug gam brgyad du grags pa rnams byon pa'i tshe/ yul dang yul phran rnams su gtsug lag khang
374b5 dang dge 'dun kyi sde grangs med pa 'phel/sngon rgyal blon gyi dus su 'gyur ba'i bka' bstan bcos rnams la ma nyams par longs spyad pas chog pa byung/ mkhas pa dang grub pa'i skyes bu mang du byung ba phal
374b6 cher yang/rnying ma pa'i grub thob brgyud pa las byung ba yin no// zhes bshad pa ltar 'phags yul gyi slob dpon in+d+ra bu d+hi dang/ ye shes zhabs dang/ nA ro pa sogs kyis mdzad pa'i rdzogs chen gyi man
375a1 ngag thar thor bod du byung ba tsam las grub thob gzhan gyis mdzad pa'i bstan bcos sogs che ba bod du ma 'gyur yang slob dpon 'di dag gsang ba bsrung ba la thugs brtan pa mchog tu zab
375a2 pa'i man ngag rnams shul du bzhag pa'ang med na thun mong du 'chad pa lta zhog dpe tsam yang mi snang bar rgyas btab pa mang pa'i phyir mchog gi skal ba dang ldan pa'i slob ma gcig tsam la shin tu gsang nas
375a3 bstan pa srid pa tsam ste/dper na mar bas ming tsam ma thos pa'i na ro mkha' spyod pham mthing pa la grags pa bzhin no// de bzhin du paN chen shAkya shrIs slob dpon chen po dngos las rdo rje phur bu thos pa dang/
375a4 pha dam pas rdzogs chen la thugs dam gyi mthil du bzung ba'i lo rgyus kyang yod/ dus phyis grub chen zhi ba spas pas slob dpon pad+ma dngos las rgyud sde du ma'i bshad bka' dbang bka' man ngag gi bka'
375a5 sogs gsan nas 'gro lding gi yul sogs gzhan la'ang spel ba'i lo rgyus slob dpon de nyid kyi slob ma bod du byon pa rnams kyis gsungs pa dang/zhang g.yu brag pas slob dpon chen po dang/ bo d+hi satwa/ bi
375a6 ma la rnams las dngos su gsan pa'i rdzogs chen yod/rje btsun mi las thog mar gnubs khu lung pa las rdzogs chen sems sde gsan pas rig thog tu mnyam par ma bzhag pas re zhig chos dang gang zag sna
375b1 'jol ba ltar gyur kyang mthar rje lho brag pa'i gtum mo'i rgyu byas nas rdzogs pa chen po blo zad chos zad kyi lam nas grub pa brnyes pa yin te rdo rje'i mgur du yang/rdzogs pa chen pos mdun nas
375b2 gzer// phyag rgya chen pos rgyab nas gzer/ kha nas gdams ngag khrag tu skyugs// zhes sogs gsungs pas mtshon nus/ rje karma pak+Shi dga' rab rdo rje'i slob ma tog rtse bar gyur nas rdzogs pa chen po'i rgyud
375b3 'bum phrag drug cu rtsa bzhi khong du chud pa'i sngon gnas rjes dran las dang kaH thog pa byams pa 'bum las rdzogs chen gsan pa sogs kyis grub pa thob/kun mkhyen rang byung rdo rjes bi ma la'i sprul par zhal
375b4 gyis bzhes shing snying thig gi bstan pa'i bdag por gyur nas dgongs gter kyang byon/grub chen o rgyan pa dang/ rje rgod tshang pa/ yang dgon pa sogs 'khor 'das ro mnyam du rtogs pa de rnams gnas
375b5 skabs lam gang la brten kyang grub pa rdzogs pa chen po'i klong du thob pa yin te so so'i dgongs pa'i zhe phugs la ltos/dpal ldan sa skya pa slob dpon pad+ma'i dngos kyi slob ma rba gsal snang gi rgyud las snga
375b6 'gyur gyi bka' srol las grub pa brnyes pa sha stag byung zhing yang dag dang phur pa gnyis kyis sa skya pa'i yi dam kyi srog bzung ba na dus skabs der bod kyi mkhas rlom rnams kyis snga 'gyur la chu bun 'byug par
376a1 'dod pa'i tshe yang phur gnyis chos kyi bdag po'i gzi byin gyis bsrungs pas rnam par dag pa'i gnas su bkur bar rang gis bris pa rang gis zub par byed pa'i skabs ka byung/chos rje bla ma dam
376a2 pas kyang rdo rje phur pa la brten nas mngon brtags brnyes shing yig cha mdzad/khyad par bdag chen blo gros rgyal mtshan nas/ kun spangs rdo rings pa dang/ chos rje tshar pa/ 'jam dbyangs mkhyen brtse'i dbang phyug
376a3 sogs sa lugs kyi bstan 'dzin mchog rnams slob dpon chen pos dngos sam brgyud pas rjes su bzung ba dang byin gyis brlabs pa la brten nas rdzogs chen sogs snga 'gyur gyi lam nas dngos grub brnyes pa
376a4 mang ba so so'i rnam thar sogs kyis shes par nus shing 'dir smos kyis mi lang ngo// yang brgyud srol de las byung ba'i gsung ngag rin po che lam 'bras bu dang bcas pa'i gdams ngag 'di yang thog mar ston pa'i
376a5 slob dpon gyis dpe mkhyud byas pa'am bstan du zin kyang gzhung de'i khungs sngar 'gyur ba las 'phrag pa dog pas sam gang ltar sngon chad bod 'dir rgyud sde gcig tsam ma yin par du ma'i dgongs pa bsdus pa
376a6 yin tshul zhig ni 'chad la/de las rgyud 'di dang 'di'i man ngag yin rtsa ba 'di yin zhes ngos bzung rgyu ma byung zhing bod du phyis 'gyur ba'i rgyud sde dag gi khrod du ni gdams ngag 'di'i tshig zin tsam yang mi 'byung
376b1 la/rgyu mtshan des rjes 'gos kyis kyang/ mi thub zla ba'i slob ma rgya gar shar phyogs kyi dge slong pradz+nyA in+d+ra ru tsis 'brog mi lo tsA bar gsang sngags kyi dbang bskur/ rgyud bshad/ man ngag rnams rgya cher gnang/
376b2 rtsa ba med pa'i lam 'bras zhig kyang gnang/ zhes gsungs la/ don du ni snga 'gyur yang dag thugs kyi rgyud he ru ka gal po las dngos su bstan pa'i/ dbang bzhi/ sgrib pa bzhi/ lam bzhi/ grub mtha' bzhi/ 'da'
376b3 ka bzhi/'gros bzhi/ sku bzhi la sogs pa'i rnam gzhag rnams kyi rdzogs rim bshad pa 'di nyid du grub pa'i phyir rgyud 'di nyid kyi man ngag tu tshad mas grub pa yin no// yang lho brag grub chen nam mkha' rgyal
376b4 mtshan nams las kyi rdo rje grags pa gsang ba'i bdag po las dngos kyi lung len nus pa bya ba gang yin lung ston pa zhig yod la/de la phyag na rdo rjes snyan brgyud du byin pa'i rim pa gnyis kyi man ngag rnams
376b5 rdzogs pa chen po'i lam dngos rkang tshugs par yod de/rje tsong kha pas yang dag pa'i lta ba zab mo la dogs pa gcod par grub chen la gsol ba btab pas/ khong gis gsang bdag la zhus shing des bstsal pa'i
376b6 zhus lan bdud rtsi sman mchog las/yab kun tu bzang po'i dgongs pa/ yum kun tu bzang mo'i snying gtam/ rdo rje 'dzin pa bdag gi gsang tshig theg pa'i yang rtse/ sman chen po'i sgrub pa la sems nyid 'od gsal
377a1 rtsad chod gsungs pa dang/las kyi rdo rje/ rig pa'i ngo bo stong pa 'di/ sus kyang ma bcos pa/ rgyu med pa/ rkyen med pa/ ye gdod ma nas gnas pa yin gsungs/ 'di la bca' bcos ma byed par kho
377a2 rang gang 'dug gi steng du zhog dang gol sa de ka dag gi klong du sangs rgya ba yin gsungs/de bzhin du rang bzhin 'od gsal ba 'di/ ye nas stong pa dang dbyer med du lhun gyis grub/ de'i gsal thugs rje 'gag
377a3 med/gang shar kyang rang bzhin gyis ma grub par gsum ga zung 'jug chen por shes par gyis dang/ dbyer med du sangs rgya ba yin gsungs/ zhes pa la sogs dang/ phyag na rdo rje'i bskyed rdzogs bdud
377a4 rtsi'i thigs pa las/ye shes lha'i zhal nas/ skye med blo 'das chos kyi dbyings// 'gag med spros bral cir yang snang// 'khor 'das gnyis med ka nas dag/ rang snang skye med dbyings su thim// zhes gsungs pa
377a5 dang/dngos 'dzin 'khrul snang ma zhig na// stong nyid bsgom pa gol ba'i gnas// stong nyid blo dang ma bral na// gnyis snang chos kyis grol mi nus// sku lnga bsgrub byar 'dod pa dang// dug lnga spang byar 'dod pa
377a6 dang// sangs rgyas thob byar 'dod pa dang// 'khor ba spang byar 'dod pa sogs// dgag sgrub der 'dzin ma chod na// yang dag snying po'i don mi rnyed// dmus long nam mkha'i mtha' 'tshol 'dra// nam yang 'khor
377b1 ba'i gnas su 'khyams// blo 'das tsam la blo zhen kyang// blo byas chos kyis grol mi nus// don dam blo yi spyod yul min// blo zad chos zad theg pa'i rtse// rang sems chos sku dngos med la// rig pa'i ming
377b2 'dogs ma mdzad cig/blta ru med pa'i byang chub sems// stong nyid snying rje'i snying po can// smra bsam brjod med ngang la zhog/ blo las 'das pa'i ngang la zhog/ byar med ngang la lhug par zhog/ zhog ces bya ba blo
377b3 yi tshig/zhog dang ma zhog tha snyad med// ming med brjod med rtag gzhi bral// rtag snang blo ni dbyings su zhi// dgag sgrub spang len klong du yal// sprin tshogs mkha' la dengs pa 'dra// rnam rtog ma spangs rang sar
377b4 dag/lar ni lta sgom spyod 'bras bzhi// lta ba zhes 'dod med par gyis// sgom pa blo sgom 'dzin pa zhig/ spyod pa byar med zhen med skyong// 'bras bu chos sku rang chas la// gzhan nas bsgrub 'dod yid
377b5 smon dor// brgyad khri bzhi stong theg pa'i chos// rgyud 'grel man ngag brjod mi lang// de dag thams cad 'dus pa'i bcud// mar gyi yan zhun lta bu yi// man ngag bdud rtsi thigs pa 'di// bcud mchog seng ge'i
377b6 'o ma 'dra// snod mchog gser bum lta bu yi// las kyi rdo rje khyod la byin// zhes pa la sogs rdzogs chen gyi chos skad grub mtha' gzhan dang ma 'dres par yod pa'i phyir lam 'di nyid kyis grub pa brnyes par ma
378a1 zad/rje tsong kha pa'ang dbu tshad kyi grub mtha' 'jog skabs ma gtogs nyams bzhes phyag rdzogs dang mthun tshul rje gung ru dang/ rtog ldan 'jam dpal rgya mtsho sogs kyis bshad cing don
378a2 du'ang grub chen la lta ba'i sgro 'dogs bcad pa'i zhus lan bdud rtsi sman mchog tu bltas pas shes nus so// de ltar min na tsong kha pa tha snyad kyi gnas la mkhyen rab rgya che ba'i phyir go yul gyi lta ba tsam la grub
378a3 chen bsten mi dgos pa'i phyir ro// de bzhin du paN chen blo bzang rgyal mtshan gyis phyag chen kyi khrid yig tu/ rdzogs chen phyag chen dbu ma dang// lam 'bras gcod yul zhi byed sogs// so so'i ming 'dogs mang
378a4 na yang// nyams len can gyi rnal 'byor pas// dpyad na dgongs pa gcig tu 'bab/ ces 'di'ang nyams bzhes kyis ldog pas spyi tsam du de ltar gsungs pa rtog ge'i rig pa las bla ma'i man ngag la than du lta ba
378a5 rnams kyi tshod la dpag na rjes su yi rang ba bskyed pa'i gnas so// rje pha wang kha pa dpal 'byor lhun grub ni rang gi yab rje rig 'dzin tshe dbang nor rgyas dang rang grol nyi zla sangs rgyas la brten nas rdzogs chen
378a6 snying thig gi lam la brtan pa thob pa'i rnal 'byor gyi dbang phyug chen po yin cing phyag rdzogs dbu gsum spyi khyab tu ngo sprod pa'i khrid yig sogs dang/snying thig la gsal byed kyi yi ge kha shas kyang mdzad/ rje 'di
378b1 las gong ma lnga pa chen pos rdzogs chen gyi man ngag rnams gsan/spyir lnga pa chen po ni chos rgyal khri srong lde'u btsan slar yang bod 'bangs kyi bde skyid spel phyir thugs bskyed smon lam dus su babs nas byon pa
378b2 ste/gangs ljong 'dir ris su ma chad pa'i bstan pa dang chos 'khor rnams la sri zhu bla lhag tu mdzad cing bye brag gsang sngags snga 'gyur kyi phyogs su rgyu mtshan mkhyen pa'i dbang rnon chos kyi rjes su 'brangs pas
378b3 bka' gter gyi gsan pa kho na'i rnam grangs kyang pu sti gsum du longs par bzhugs shing/log par smras pa dag kyang tshar bcad pa'i rig lam gyi dgag sgrub lhur bzhes pa dag kyang gsan yig gang+gA'i chu rgyun kyi
378b4 glegs bam bzhi pa'i rnyid rgyud skor du gsal ba bzhin yin/de bzhin du rnying ma gter ma'i phyogs kyang sngon 'phags pa'i yul du grub thob sa ra ha pa dang/ dga' rab rdo rje/ bi ru ba/ rta mchog/ klu sgrub/ pad+ma
378b5 'byung gnas/mtsho skyes/ rol pa'i rdo rje/ spyod 'chang dbang po sogs kyis spyan drangs par bshad pa'i rgyud sde rnams kyang don du gter gyi chos yin te de'i go ba yang re zhig dbang po'i mngon sum du mi snang ba'i
378b6 lkog gyur zhig la bshad pa'i phyir ro// de'i phyir mtshon byed yi ge'i rgyud rnams re zhig bstan pa'i snod ma gzigs pas mi mngon pa'i dbyings su rgyas btab nas mkha' 'gro ma rnams kyis gnyer byed cing bsrungs
379a1 pa la grub pa'i skyes bu de dag la lhag pa'i lhas lung bstan cing dus la bab pa na o rgyan gyi gnas d+harma gany+dzi sogs sngags kyi pho brang chen po rnams su mkha' 'gro ma'i tshogs kyis gnang ba byin cing
379a2 dbang bskur/gtad rgya bkrol nas rgyud kyi glegs bam byin pa na rang gis nyams su bstar/ snod ldan gyi slob ma gzhan la'ang cung zad re bstan pa yin/ de bzhin du bod kyi dbang du byas na slob dpon thams cad
379a3 gzigs pas phyi rabs kyi gdul bya'i snang tshul ji lta bar mkhyen nas zab cing rgya che ba'i rgyud sde rnams las sgrub thabs las tshogs man ngag sogs lam gyi cha rkyen tshang ba re mdzad cing shog ser tshig rgyud du
379a4 bkol nas ri'i sul/brag gi sgrom/ g.yang zhag gi mtsho la sogs pa gter bdag mi ma yin so so la gnyer gtad nas ma 'ongs pa na las skal dang ldan pa'i gang zag 'di nyid la dbang ba des thob par shog
379a5 cig pa'i smon lam gyi gtad rgya dang bcas pas mi snang bar sbas pa dus phyis skal ba dang ldan pa'i skyes bu la smon lam gyi mthu sad/dus rtags dang lung bstan 'dzom/ slob dpon chen pos dngos su zhal bstan
379a6 cing dbang bskur/mtshon bya don gyi ye shes rgyas btab cing gtad rgya lung bstan dang bcas pas dbugs dbyung pa la brten gter bdag bka' srung rnams dam tshig dang brtul zhugs kyis zil gyis mnan nas
379b1 chos dang nor gyi gter ci rigs pa gter ston gyi phyag tu son pas bstan pa dang sems can gyi don rgya chen po sgrub pa ni rgyal ba'i phrin las rlab po che phyogs gcig yin te/'phags pa bsod nams thams cad
379b2 sdud pa'i ting nge 'dzin gyi mdo las/dri ma med pa'i gzi brjid chos 'dod pa'i byang chub sems dpa' sems dpa' chen po bsam pa phun sum tshogs pa gus pa dang bcas pa rnams ni 'jig rten khams gzhan na
379b3 'dug kyang sangs rgyas bcom ldan 'das rnams zhal ston par mdzad cing chos kyang thos pa mdzad do// dri ma med pa'i gzi brjid chos 'dod pa'i byang chub sems dpa' sems dpa' chen po rnams kyi chos kyi gter
379b4 ri dang/ri'i sul dang/ shing dag gi nang du bcug pa dag yod de/ gzungs dang/ chos kyi sgo mtha' yas pa glegs bam du byas pa dag kyang lag tu 'ong bar 'gyur ro// dri ma med pa'i gzi brjid chos 'dod pa'i
379b5 byang chub sems dpa' sems dpa' chen po rnams la ni sngon sangs rgyas mthong ba'i lha rnams spobs pa sgrub par byed do// dri ma med pa'i gzi brjid chos 'dod pa'i byang chub sems dpa' sems dpa' chen po
379b6 rnams ni tshe zad na yang sangs rgyas bcom ldan 'das rnams dang/lha rnams kyis tshe dang stobs sgrub par byed de/ sangs rgyas kyi byin gyi rlabs dang/ lha'i byin gyi rlabs kyis de dag 'dod na lo stong du'ang 'khod
380a1 do// zhes gsungs pa dang/ chos yang dag par sdud pa'i mdo las/ kun dga' bo/ gang gi chos yongs su gnas par bya ba'i phyir chos kyi rnam grangs 'di dag glegs bam la bris te gter du sbas
380a2 nas mchod na/des de nyid thob pa bcu thob ste/ gang zhe na/ sangs rgyas kyi spyan rab tu thob pas sangs rgyas mthong ba'i gter dang/ lha'i rna ba rab tu thos pas chos nyan pa'i gter dang/ phyir mi ldog pas dge
380a3 'dun rab tu thos pas dge 'dun mthong ba'i gter dang/rin po che'i lag pa rab tu thob pas zad mi shes pa'i gter dang/ mtshan dang dpe byad yongs rdzogs pa'i gzugs kyi gter dang/ g.yog mi phyed pas
380a4 g.yog gi gter dang/spobs pa rab tu thob pas dam pa'i gter dang/ phas gyi rgol ba tshar gcod pa mi 'jigs pa'i gter dang/ sems can rnams nye bar 'tsho bas 'tsho ba bsod nams kyi gter dang/ zhes
380a5 sogs dang/chu klung rol pa'i mdo las/ nga yi bstan pa'i chos kyi gzhung// thugs nas thugs kyi gter du sbos// yang na sa yi snying por bya// ci phyir mu stegs can mgo rgod// nges don dkrug par gyur ta re// de
380a6 phyir chu klung rgyun mi gcod// ces pa la sogs kyis bde bar gshegs pas seng ge'i sgra bsnyod du med par bsgrags pas phrag dog gi gdon chen po'i gzhan dbang du gyur pas gtan tshigs med pa'i dbang yod
380b1 dang/smyon ham kho nas lung bsgrags pa rnams bag yod par mdzod cig/ mdor na sangs rgyas kyi phrin las rlab po che'i yul theg pa dang grub mtha'i rnam gzhag chos nyid bsam gyis mi khyab pa'i gsang ba zab mo
380b2 la shes byas gzhal ba'i thos bsam gyi rnam dpyod rnon po'i rtog dpyod ltar snang dang ma mthun kyang bde bar gshegs pa ni thams cad mkhyen cing gsung ba yin pa'i phyir gang zhig 'khor ba spong zhing thar pa dang myang
380b3 'das kyi lam du 'jug pa'i mtshan nyid gang la gnas pa de nyid sangs rgyas kyi grub pa'i mtha' bzang po ma nor ba yin par shes dgos te/rje btsun ma pham pas/ khams gsum dag na nyon mongs spong byed
380b4 gsungs// zhi ba'i yon tan brjod par mdzad pa gang// de ni drang srong gsung yin ldog pa gzhan// zhes pa la dran pa nye bar ma bzhag na chos khams rgya mtsho'i gting thug pa ni sangs rgyas kho na'i yul las 'phags
380b5 pa rnams kyis kyang rtogs pa'i skabs med na gangs ri'i khrod kyi mkhas su re ba'i phyogs 'dzin can dag gis spyod yul du gyur pa lta ga la yod de/legs par ma rtog pa dang/ rang don kho nar 'chel ba dang/
380b6 phyogs 'dzin gyi lam du lhung ba dang/ rang mnyam gyis phrag pa dog pa dang/ rnyed bkur dang grags 'dod kho na khong du bcug pa'i kun slong gis skur pa btab pa 'di rigs bden pa'i don la reg pa rdul tsam med
381a1 de/'di ltar slob dpon klu sgrub kyis theg chen bshad pas nyan thos rnams kyis mgon po klu sgrub la lung bstan ngan pa bcos shing gsung rab tu bcug/ theg chen bka' ma yin par bsgrags/
381a2 'phags pa thogs med kyis bka' tha ma rgyal tshab chen po'i dgongs pa bzhin bkral bas rjes 'brangs dang bcas pa theg chen gyi nang nas phud/ rgyal po ng+harma pA la'i skabs theg dman rnams kyis he ru ka'i dngul
381a3 sku bshigs nas rnyed pa byas/sngags kyi glegs bam rnams me la bsregs/ theg pa chen po dang gsang sngags bdud kyis byas par bsgrags pas rgyal po'i chad pa phog par slob dpon ye shes zhabs kyis bskyabs
381a4 pa'i lo rgyus yod/bod du'ang rje zla 'od gzhon nus mdo las bshad pa'i gnas lugs phyag chen bstan pas dag po'i rtog chos zhes sangs rgyas kyi bstan pa ma yin pa tsam du byed/ kun mkhyen rang byung rdo rje dang
381a5 chos grags rgya mtshos bka' tha ma'i dgongs pa tshul bzhin bshad kyang phyis mi bskyod rdo rje sogs kyis lta ba de mi 'dzin/slob dpon dol po bas don dam bden pa rtag brtan du gsungs pas bod rnams kyis mu
381a6 stegs grangs can tsam du brtsi/rje tsong kha pas kun rdzob tshad grub tu bshad pa la phyis kyi mkhas pa rnams hU~M rub phaT rub brgyab/ paN chen zi lung pas rab dbye drang por bshad pas sa skya pa'i khrod nas bzhengs
381b1 dgos pa de byung/kun mkhyen lnga pa chen pos yang dag pa'i bstan pa phyogs su ma lhung bar gsan bsam mdzad pas dge ldan pa'i khrod du ma tshud pa lta bu mtshon log pa'i ngag de la yid ches su bzung nas log par
381b2 bltas pas chos spang bar byung ba'i sgrib pa ni tshad med de/bstan pa la ma zhugs pa'i khyim pa'i skye bos sdig pa'i las mi zad pa bgyis pa yang zab mo'i gnas la dmigs pa tsam gyis zhi bar 'gyur pa'i skabs
381b3 yod na dam pa'i chos la skur ba'am spangs pas de ltar ma yin te/mya ngan las 'das pa'i mdo las/ 'od srung 'jig rten na gang zag rnam pa gsum kyi nad ni shin tu gso dka'o// gang zhe na/ theg pa chen po la
381b4 skur pa dang/mtshams med pa lnga byas pa dang/ log sred can te nad rnam pa 'di gsum ni 'jig rten na shin tu gso dka' ste/ nyan thos dang/ rang sangs rgyas dang/ byang chub sems dpas kyang gso nus pa ma
381b5 yin no// zhes gsungs pa dang/ byang chub sems dpa' blo gros rgya mtshos zhus pa'i mdo las/ 'jig rten chos rnams mi shes shing// 'du shes gnyis la gang gnas pa// 'di bden 'di ni rdzun no zhes// mi mkhas
381b6 de dag rtsod par 'gyur// 'di ltar 'jig rten chos rnams kyi// yang dag chos nyid ngas shes pas// nga ni 'jig rten rnams dang yang// nams kyang rtsod par mi byed do// rtsod pa med pa'i chos 'di ni// sangs rgyas
382a1 kun gyis bshad pa ste// 'jig rten mnyam pa nyid shes na// 'di la bden pa'am rdzun pa med// brdzun pa'am yang na bden pa zhig/ bstan pa la ni rnyed gyur na// mthar 'dzin par ni nga 'gyur
382a2 te// mu stegs can dang khyad par med// gang phyir chos rnams yang dag min// bden pa dang ni brdzun pa med// de phyir 'jig rten 'das pa'i chos// ngas 'di gnyis su med par bshad// 'jig rten chos nyid ji lta
382a3 bar// gang gis 'jig rten 'di shes pa// mkhas pa de dag bden pa'am// brdzun pa'i lta bar mi 'dzin to// nam mkha' lta bu rnam dag pa// gang gi 'jig rten 'di shes pa// grags pa chen po 'jig rten
382a4 gyi// snang ba lta bur 'gyur ba yin// zhes sogs rgya cher gsungs shing/ gzhan yang rgyal tshab chen po ma pham pas kyang/ blo dman phyir dang dkar po'i chos bral log pa'i nga rgyal la brten phyir// dam chos spong ba'i
382a5 sgrib pa dag phyir dang don de nyid 'dzin pa'i phyir// rnyed la brkam phyir lta ba'i dbang phyir chos su 'byin pa bstan pa'i phyir// chos 'dzin bsring phyir mos pa dman phyir dgra bcom rnams kyis chos spong byed// ji
382a6 ltar zab mo'i chos nyams de bzhin mkhas pa rnams kyang me dang ni// mi zad sbrul dug gshed ma dang ni thog la'ang 'jigs mi bya// me sbrul dgra dang rdo rje'i mes ni srog dang bral ba tsam byed de// de las mnar
382b1 med rnams kyis 'gro ba shin tu 'jigs sar 'gro mi 'gyur// gang zhig gang yang sdig grogs brten pas sangs rgyas ngan sems ldan gyur dang// pha ma dgra bcom gsod gang bya ba mi byed mchog tshogs 'byed pa'i
382b2 mi// de yang chos nyid nges par bsam pas myur du de las thar 'gyur gyi// gang zhig yid ni chos la sdang ba de la thar pa ga la yod// ces gsungs pa bzhin dang/ dkon mchog brtsegs pa las/ 'od srung nga'am nga
382b3 dang 'dra bas chos dang gang zag gi tshod bzung bar rung gis/gzhan dag gis ni ma yin te log par ltung ba'i phyir ro// zhes sogs rnam grangs du mas gsungs pa'i don la bsam par bya dgos te chos dang gang
382b4 zag gi gnas la bden pa mthong ba'i chos kyi mig rnam par dag pa ma thob pa de srid du 'di ni log pa'o// 'di ni ma dag pa'o// 'di ni bcos ma'o// zhes sgro skur gyis shan 'byed pa ni mi zad pa'i las so// smras
382b5 pa/snang mdzad chos kyi nyi ma 'od 'bar ba// rnam dpyod yangs pa'i mkha' la rtag 'char mod// phyogs 'dzin sprin gyis bsgribs pa'i gangs can pa// mang zhig nyin kyang mtshan mo'i lam du rgyu// zhes so// gnyis
382b6 pa ni yul dang rigs dang yon tan gsum gyi sgo nas bshad pa la/dang po ni/ 'dzam bus mtshan pa'i gling 'di nyid chos nyid kyis sangs rgyas bcom ldan 'das rnams 'di ltar sems shin tu gcugs pa'i ma ni bu
383a1 gcig lta bu la rtag tu mi sems pa ma yin pa de bzhin du snying rje'i dbang du gyur pa/snying rje chen po ni kun nas rgyas pa/ snying rje gzhan gyis ldog tu med pa'i go cha chen po bgos pa nyid kyis 'khor
383a2 ba'i rgya mtsho chen po las pha rol du 'gro ba ni su zhig yod/su ni pha rol du bkri/ su ni legs pa dang bde ba'i gnas su gzhag par bya snyam du dgongs nas sems can rnams byang chub la gzhol/ byang chub la bab/
383a3 byang chub la 'bab par 'gyur ba'i phyir bskal pa bzang por rnam par 'dren pa stong gi phreng ba byon dang 'byon par 'gyur pa dag gi mdzad pa thams cad kyi nang nas/ gtso bo dang/ rab dang/ phul dang/ mchog
383a4 dang/gya nom par gyur pa bla na med pa mchog gi bdud rtsi mngon du mdzad pa'i gnas byang chub snying po rdo rje gdan gang yin pa de 'dir yod pa'i phyir gling gzhan las khyad par du bsngags pa'i me tog gi char chen po
383a5 'jig rten kun tu byung ba gyur pa yin no// dela'ang rgya gar/ rgya nag/ bod/ li/ sham+b+ha ka/ kai lA sha ste yul chen po drug yod pa'i gsum pa ri kha ba can gyi ljongs 'di thog mar mtshor gyur pa rim gyis bri nas nags
383a6 tshal byung zhing de nas mi'i 'gro ba rim gyis chags pa ste/'jam dpal rtsa rgyud las/ kha ba can du mtsho bri nas// sA la'i nags ni 'byung bar 'gyur// zhes lung bstan pa dang/ lha mo dri ma med
383b1 pa'i 'od lung bstan pa'i mdo las/gdong dmar can gyi yul zhes gsungs pa'i ljongs 'di'i 'gro ba rnams 'o skol gyi ston pas byang chub sems dpa' 'phags pa spyan ras gzigs kyis gdul byar rjes su gnang ba bzhin 'phags
383b2 pa nyid rgyal po dang/blon po dang/ rab byung dang/ khyim pa dang/ sems can phal pa dang/ bems dngos yan gyi rnam par rol pa bzung nas kye ma ma la bdag gis 'dul bar bya ba'i sems can su zhig lam gyi
383b3 stegs dang/lam dang/ lam gyi 'bras bu la bkod par byas/ dgod par bya/ 'god par 'gyur snyam du dgongs nas nyin lan gsum mtshan lan gsum du gzigs shing srung bar mdzad pa'i zhing 'di nyid sa chen
383b4 po la bzhugs pa'i byang chub sems dpa' gzhan dang gzhan sde bzhi'i dpal 'byor zad mi shes pa'i go 'phang mchog la rkang stegs bkod par gyur pa'i chos kyi rgyal po chen po'i tshul bzung ba rnams dang/mkhas
383b5 shing grub pa'i 'khor los sgyur ba'i slob dpon chen po du ma dang/bde bar gshegs pa dngos kyi zhal skyin 'phrul snang shAkya mu ni sogs bzo sprul sku grangs kyis mi lang ba dag gis byin gyis brlabs shing phyi ma'i
383b6 dus su rgyal ba'i bstan pa byang nas byang gi phyogs su rgyas par 'gyur ba ston pa nyid kyis lung bstan pa bzhin snyigs ma las kyang ches snyigs mar gyur pa'i dus 'dir/thub pa mchog gi bstan pa gnas 'phos pa
384a1 lta bus 'phags pa'i yul las kyang kha ba can gyi ljongs 'di nyid khyad par du mas 'phags par shes dgos so// de la bod dang bod chen po gnyis su grags pa las phyir ma 'dir gnas pa'i skye dgu
384a2 rnams rang bzhin gyis drang zhing g.yo dang sgyur bslu ba shas chung ba/dge ba la dkar zhing dkon mchog la mos pa brtan pa dang/ rgyal ba'i bstan pa rin po che sgrub pa'i phyogs kyis gsal bar byed pa sogs yon
384a3 tan kyi 'byor pa du ma dang ldan pa mdo khams smad du grags pa la chu bzhi dang sgang drung gi sa'i dkyil 'khor gyi bye brag shar dang lho'i mthar klung chen po gnyis gya gyur 'bab pa'i bar du chud pa la gling zhes bya ba'i
384a4 ljongs chen po/yul dang/ yul 'khor dang/ grong dang/ grong khyer dang/ grong rdal dang/ ri 'or ba mang po dag dang/ gtsug lag khang dang/ chos kyi gzhi dang/ rgyal po'i pho brang dang/ tshong 'dus dang/ me tog gi
384a5 shing dang/'bras bu'i shing dang/ nags tshal dang/ sman dang/ me tog dang/ mtsho dang/ bkod ma dang/ chu klung dang/ dga' bar 'gyur ba'i kun dga' ra ba dang/ dga' bar 'gyur ba'i tshal dang/ dga' bar
384a6 'gyur ba'i rdzing bu sogs yid dga' dga' ltar 'dug pa/'byor pa dang/ rgyas pa dang/ bde ba dang/ lo legs pa dang/ skye bo dang mi mang pos gang ba/ 'thab mo dang/ khrag khrug dang/ phyi dgra dang/ nang 'khrug
384b1 dang/'gyed pa dang/ chom rkun med pa/ slo mo ba brgyas gang ba/ dbus pa'i skye bo'i brten pa/ mtha' 'khob pa'i skye bo spangs pa/ nor dang 'bru phun sum tshogs pa/ sngon gyi dus su go 'phang mthon por gshegs
384b2 pa'i rgyal ba'i sras po mang po bsams bzhin srid pa nye bar bzung zhing de dag gis bshad sgrub kyi phrin las bzang pos rgyal ba'i bstan pa ches cher gsal bar mdzad pas 'byung po dkar phyogs la mngon par
384b3 dga' ba rnams kyang bgyi ba de dag la mgu ba'i sems kyis bsrung zhing bskyab pa lhur byed pa sogs bsngags par 'os pa'i yon tan du ma dang ldan pa'i yul gyis dbus su chos dang mthun pa'i gtsug lag khang
384b4 dang/dri gtsang khang dang/ dge 'dun gyi kun dga' ra ba dang/ mchod rten dang/ dpog sa'i khang pa dang/ khang pa brtsegs pa dag bsil khang dang/ khyams dang/ skang khung dang/ mthongs khung la sogs pas
384b5 mdzes pa/bzang po/ blta na sdug pa'i khang chung brgya phrag du ma tshar du dngar ba/ phyi nang kun tu rig pa 'dzin pa'i dge slong gi dge 'dun mang pos rdo rje theg pa'i sde snod gtso bor gyur pa dag klog pa dang/ kha ton
384b6 du bya ba dang/rnal 'byor la rtag tu gnas pas sbyin pa dang bsod nams bya ba'i yul bla na med pas khyad par du byas pa dpal lhun grub steng gi chos kyi sde chen po nyid yod de/ de'ang snyigs dus su he ru ka ngur smrig
385a1 gar rol rgyal ba kun dga' bzang po'i rdo rje theg pa'i bshad sgrub kyi bka' srol yang dag par 'doms pa la zla med pa'i rgyal tshab chos kyi khri la zhabs pad bkod pa mkhan chen kun dga' chos
385a2 'phel/rdo rje 'chang sangs rgyas phun tshogs/ rje btsun mang+ga la'i mtshan can/ thams cad mkhyen pa dpal ldan chos skyong/ sems dpa' chen po mi 'gyur rgyal mtshan sogs da lta'i bar rgyal khab chen po'i mchod
385a3 gnas dang dge 'dun gyi sde chen po 'di dag gi mgon du rim pa ma chad par bzhugs pa yin la/de dang mi ring par rgyal po'i pho brang chen po srid pa'i 'byor pa rgya chen po'i khab tu zhi ba mchog gi go 'phang mngon
385a4 par sgrub pa'i slad du de bzhin gshegs pa'i sku gsung thugs kyi rten mchog rin thang gzhal du med pa'i tshogs grangs kyis mi spyod pas rgyas pa bltams shing chos dang don dang 'dod pa dang thar pa ste sde bzhi dang/mi dge ba'i phyogs kun zil gyis gnon pa'i dge ba bcu'i 'byor pa dar ba'i rgyud du byung ba chos kyi rgyal pos chos dang ldan pa'i chos bzhin gyis rgyal srid byed do/
385a5 / gnyis pa/ mi'i dbang po 'di'i rigs rgyud kyi
385a6 khyad par ni/mdo khams kyi phyogs 'dir mi rigs chen po lnga yod pa las sgo lha sde dkar po'i rigs su chad pa la rngu chen rgyal mo tsho bco brgyad kyi ya gyal 'gar gyi rigs las byung ba 'gar chen ye shes bzang pos
385b1 slar mdo drug gi sa cha la dbang bsgyur/gcung dam pa chos sdings pa ni rgyal ba 'bri gung pa 'jig rten gsum gyi mgon po brten nas grub thob chen por gyur pa phyis spu bor byon te phu lung dgon pa rin chen gling
385b2 'debs par mdzad/de nyid kyi dbon brgyud khams nas yar song ba rnams kyi mi brgyud la phu lung sde pa thog ka ba zhes grags pa byung/ ye shes bzang po'i sras gnyis las bsod nams rin chen gyis 'gro ba'i
385b3 mgon po chos rgyal 'phags pa'i zhabs la thugs ste gsol dpon gyi las ka bzung/se chen rgyal pos 'ja' sa sogs chen po'i las byin/ sku tshe'i mthar sa dmar yang dgon du tshogs pa stong phrag tsam chos kyis
385b4 bskyangs/de'i dbon po rngu rgu ru la sras dgu 'khrungs pa'i nang nas stong dpon zla ba bzang po la gong ma mchod yon gyis sa dmar stong dpon gyi go sa gnang/ de'i sras rngu rgyal ba bzang po'i sras pad+ma bstan srung/
385b5 de'i sras dkar chen byang chub 'bum/ de'i sras rdu chos kyi rdo rje ni kaH thog rdo rje gdan byon te mkhas grub ye shes rgyal mtshan bsten nas gsang sngags snga 'gyur gyi ring lugs la thos bsam bsgom gsum mthar
385b6 phyin par mdzad nas mkhas shing grub pa'i dbang phyug tu gyur/mched ya bde chen bsod nams bzang po yum 'das pa'i dgongs rdzogs sgrub par kaHthog tu byon nas phyir ma phebs par/ dge 'dun rgyal mtshan
386a1 sogs mched gzhan rnams kyis phyir 'bod par mdzad pa na/karma pa chos grags rgya mtsho dang/ rngu chos kyi rdo rje gnyis nas lung bstan pa ltar phyir ma phebs par rim gyis lcags rar gling sa skyong
386a2 bdag drung gi gam du phebs nas las shugs kyi mnga' thang chen po bdo ba'i 'go tshugs shing sde dge zhes pa'i mtshan yang 'di skabs shed du byung bar mngon/de la sras bzhi byung ba'i po thar du grags pa des
386a3 grub thob thang stong rgyal po spyan drangs ste lhun grub steng du grags pa'i chos kyi sde 'di nyid thog mar tshugs/de'i sras gnyis kyi bla ma dpal ldan seng ge dang/ rgyal mtshan 'bum gnyis te phyi ma 'di'i sras a snga zer
386a4 ba la sras bdun tsam byung pa'i nang nas rgyal 'phel gyi sras nam mkha' rdo rje/de'i sras lhun grub/ de la sras drug byung ba'i/ dang po ni rig 'dzin chen po rgod ldem can gyi rnam 'phrul grub thob kun dga' rgya mtsho
386a5 ste/gter ston 'ja' mtshon snying po'i chos kyi bdag por lung gis zin/ sngags rnying ma bka' gter la brten pa'i dngos grub brnyes shing/ mngon shes dang rdzu 'phrul la dbang 'byor/ khyab 'jug chen po sogs
386a6 sde brgyad rnams bran ltar khol/'di nyid la rig 'dzin chen po bdud 'dul rdo rjes sku chung du'i dus skyabs 'gro'i sdom pa sogs gsan cing bstan pa'i sgor thog mar 'jug pa'i bka' drin che ba'i bla ma gcig
386b1 tu 'dzin par mdzad/gnyis pa dpon klu 'phel gzhi kar bzhugs shing/ gsum pa bla ma byams pa phun tshogs ni stobs kyi dbang phyug chen po'i gnas la dbang byed pa'i smon lam gyi 'bras bu bdo ba zhig ste rgyal
386b2 srid kyi bya ba gtso bor mdzad pas dka' ba med par rdzong sgo du ma'i bdag por gyur pas mnga' ris rgya che ba la rang dbang brnyes/bzhi pa'ang gzhis dkar bzhugs/ lnga pa bla ma lha srung dang/ drug pa bla ma karma
386b3 bsam grub gnyis ni chos kyi bya ba dang thugs dam kho nar sgril bar mdzad/dpon klu 'phel gyi sras rnams las dpon chen kun dga' phun tshogs kyis khu bo bla ma phun tshogs gshegs nas rgyal srid kyi bya
386b4 ba thogs shig mdzad/de'i sras su cog ro klu'i rgyal mtshan gyi sprul par gter lung du ma nas zin pa khri chen bla ma sangs rgyas bstan pa gdan sar phebs nas ris med kyi bstan pa thams cad la rim gro che zhing/
386b5 lhun grub steng gi gtsug lag khang chen po bzhengs par mdzad pa sogs rnam dkar gyi phyag rjes che/ gter chen chos kyi rgyal po klong gsal snying po dang rig 'dzin nyi ma grags pa sogs dang mchod yon du gyur nas
386b6 bstan srid yun ring du brtan pa'i legs tshogs lhun grub du 'grigs/de nyid kyi rjes su bla ma bsod nams phun tshogs kyis gdan sa bskyangs shing/ de nyid kyi mched ya dpon dbang chen mgon po'i sras mi yi
387a1 dbang po bstan pa tshe ring ni tshe rabs grangs med par bsags pa'i rnam dkar gyi bgyi ba rgya chen po'i 'bras bu dus su smin pas skye ba 'dir yang bsod nams kyi gnas dpag par dka' ba mang po
387a2 zhig dka' ba med par 'grub pa'i 'phags pa'i yul gyi rgyal po d+har ma a sho ka'i dpe zlar 'os pa zhig ste/rgyal srid kyi khri la bzhugs nas bzung bde bar gshegs pa'i sku gsung thugs kyi rten rin po che'i dngos
387a3 po 'ba' zhig las bsgrubs par mdzad pa'ang bgrangs kyis mi lang pa kho na dang/gangs can gyi ljongs 'dir rgyal ba'i bka' 'gyur ro cog chos sbyin mi zad pa'i phyir par du bsgrubs pa dang/ ris su ma chad pa'i
387a4 chos gzhung du ma rten brten pa dang bcas pa ngo mtshar can mang po gsar du bskrun par mdzad pa sogs chos dang ldan pa'i chos kyi rgyal por grags pa don dang ldan pa nyid du 'khums la/de nyid kyi sras gsum la/
387a5 dang po sa skyong bsod nams mgon po gzhis kar bzhugs/ gnyis pa/ sa skyong bla ma phun tshogs bstan pa khrir bzhugs shing rgyal srid kyi bya ba mdzad pas bstan bcos 'gyur ro 'tshal gyi par bzhes pa sogs chos
387a6 srid gnyis kar mdzad pa rgya che/de'i rjes su sa skyong blo gros rgyal mtshan lcam dral gyis rgyal srid mdzad cing yab mes kyi dus bzhin chos srid gnyis ldan gyi dpal 'byor gong 'phel du gyur/ de nyid kyi sras sa
387b1 skyong sa dbang bzang po ni rgyal thabs kyi khrir bzhugs nas bstan srid snga ma rnams bzhin bskyang ba'i mur sku tshe ring por ma lon par gshegs/de nyid kyi sras mi yi dbang po tshe dbang rdo rje rig 'dzin dang sras mo rta
387b2 mgrin phrin las dbang mo lcam dral da lta phan bde'i rtsa lag dam par bzhugs bzhin pa 'di'o// bye brag rnam dkar 'di nyid kyi bdag po'i rkyen du gyur pa'i khur bzhengs mkhan sa skyong dbang mo tshe dbang lha mo 'di
387b3 nyid ni rus chen bzhi'i nang chen sga zhes bya ba las mthu stobs kyi dbang phyug a gnyan pa shi zhes pa gong ma se chen rgyal po'i lung gis bla mar bkur zhing nag po chen po zhing skyong stobs 'phrog dbang po phran ltar
387b4 khol ba'i rnal 'byor gyi dbang phyug chen po de nyid kyi rigs las chad pa yul 'phos pa las deng sang sga rjer grags pa'i sde dpon gyi brgyud las 'khrungs shing/de'ang dpal ldan sa skya pa chen po bdag nyid chen rdo
387b5 rje 'chang ngag dbang kun dga' blo gros kyis sde dge sa dbang bzang po de nyid sku tshe ring por mi bzhugs pa'i mtshan ma gsal bas dgung grangs bcu drug las mi 'gyang bar btsun mo bzhes dgos pa dang de'ang
387b6 stod smad rgyang ring nas mi 'gal par mnga' khul 'di nyid rang nas khab bzhes mdzad na legs tshul gyi bka' yang yang phebs pa bzhin rigs rus phun sum tshogs pa du ma'i nang nas dus gsum la chags thogs
388a1 dang bral ba'i ye shes kyis sa skyong dbang mo 'di nyid legs pa gzigs par ltar rgyal thab chen po'i khab tu phebs pa yin la/de dang mtshungs par spyan ras gzigs dbang karma ka bcu gsum pa
388a2 bdud tshogs 'dul ba'i rdo rje'i mnal lam du/btsun mo nyid kyi bzhugs gdan gyi nye ba'i phyogs su zhal thang zhig bkram 'dug pa ji skad yin snyam tshe/ bram ze rgan po zhig gis 'di ni sgrol ma bkra shis don
388a3 'grub ma yin/'di mi'i tshul bzung ba sde dge rgyal po'i btsun mo 'di nyid yin/ 'di'i yon tan spyir 'dzam gling yongs la phan pa dang bde ba ster/ khyad par du sde dge rgyal po'i chab srid kyi legs tshogs spel
388a4 ba'i zhing mchog ma gcig yin ces zer/mtshur du byon pa'i shar ri'i 'phrag nas nyi ma shar bzhin dmu rgod kyi mun pa re zhig zhi ba'i ltas bzang mthong bas sgrol ma bkra shis don 'grub ma'i chog khrigs mdzad pa
388a5 'di nyid chags med du kha thon du bgyis na legs pa'i bka' mchid phebs shing/gsung 'bum rnams rgyal khab 'dir par du bkod par mdzad pa'i par byang du'ang/ khyad par 'phags ma'i rnal 'phrul btsun mo
388a6 mchog/gang gi sku yi 'gal rkyen kun zhi zhing// tshe dpal ye shes 'od snang phyogs bcur rgyas// thugs kyi bzhed don ji bzhin yongs 'grub shog/ ces smon lam du bstsal pa dang/ de bzhin du rtsod med dus bab
388b1 kyi mkhas grub gnyis ldan thugs gter rgya mtsho'i mnga' bdag kun mkhyen 'jigs med gling pa'i klong chen snying gi thig le'i gnad byang thugs kyi sgrom bu las/ngang tshul po gyong rgyal mo btsunaH dbyings phyug mkha'
388b2 'gro e ka dzasaH chos srid bstan pa'i sems tshogs spelaH zhes gsungs pa'i/dang po lha lcam ngang tshul rgyal mo'i sprul par ngos 'dzin par mdzad pa ltar/ mdzod bdun gyi don bsdu ba'i bstan bcos yon tan
388b3 mdzod rtsa 'grel par la 'god pa dang/rje bla ma nyid kyi bka' srol 'dzin pa'i chos sde gsar du bskrun par mdzad pa sogs rim gro bla lhag tu bskyed pa'ang yin no// de lta bus mtshon snyigs ma'i dus su zla med
388b4 pa'i 'dren mchog dam pa du ma'i lung gis zin pa'i thun mong ma yin pa'i yon tan gyi tshogs mang po la dbang byed pa'o// gsum pa/ thun mong gi spyod yul du gyur pa'i yon tan bsngags par 'os pa dag kyang ngo
388b5 bstod med par brjod na/bskal pa mang por bsags pa'i legs byas rgya chen po la goms pas gzhon nu'i dus nas bla ma dang pha ma sogs bkur ba 'os pa rnams la rim gro dang zhe sa che ba dang/ gcig tu dge
388b6 ba'i phyogs la dgyes shing/dkon mchog gsum gyi rten la gus zhing zhabs tog che ba dang/ gnas skabs su bdag nyid rigs gzugs dpal 'byor gyis mngon par rgyags pas gtan gyi bde ba la ci mi snyam du
389a1 byed pa'i byis pa rnams dang nam yang mtshungs pa'i skabs med pas dbus gtsang gi gnas chen rnams su dka' ba khyad du bsad nas phyag dang bskor ba sogs lus ngag gi bshags sbyang dang/zang
389a2 zing gi mchod pa sogs tshogs rgya cher bsags shing gzhan yang sku gsung thugs kyi rten bzhengs pa dang/dge sbyong dang/ bkres pa dang/ phongs pa dang/ nad pa dang/ nye du dang/ gnyen bshes dang/ zho shas 'tsho
389a3 ba rnams la zas dang/gos dang/ mal cha dang/ stan dang/ nad kyi gsos sman dang/ yo byad rnams stob pa la dga' zhing yongs su mi skyo ba dang/ dad pa bzang ba/ dge ba'i bsam pa can/ bdag la phan pa dang/
389a4 gzhan la phan sar zhugs pa/ snying rje'i bdag nyid can chos 'dod pa dang/ skye dgu pa rnams la byams pa sogs rigs khyad par can gyi ngang tshul bzang po mi gtang ba zhig pas rgyal thabs 'dir 'khod pa na'ang/
389a5 'di ltar mdo sde sa bcu pa las/ sa dang po la gnas pa'i byang chub sems dpa' rnams ni phal cher 'dzam bu'i gling gi dbang por gyur cing/ dbang phyug chen po la dbang rab tu thob pa dang/ chos rjes su bsrung ba
389a6 dang/gtong ba chen pos sems can rnams sdud pa'i gtso bor gyur cing/ sems can rnams kyi ser sna'i dri ma bzlog pa la mkhas pa yin/ gtong ba chen po rtsom pa la yongs su dub par mi 'gyur ba yin no// sbyin
389b1 pa dang/snyan par smra ba dang/ don spyod pa dang/ don mthun pas las gang ci rtsom yang rung ste/ de thams cad sangs rgyas yid la bya ba dang/ chos yid la bya ba dang/ dge 'dun yid la byed pa dang/ byang chub
389b2 sems dpa' yid la bya ba dang/rnam pa thams cad kyi mchog dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ ji ltar na sems can thams cad kyi mchog tu 'gyur/
389b3 gtso bor gyur/ phul du 'gyur ro// zhes gsungs pa ltar dang/ 'phags pa'i yul du rgyal po mya ngan med kyis sa'i steng gi dge 'dun rnams la gser 'bum re phul ba dang/ dge 'dun la rgyal srid ltos pa med
389b4 par phul zhing/gangs can gyi ljongs 'dir chos rgyal khri ral ba can gyis bla sgo dang po dge 'dun la phul/ gnyis pa ni rgyal po/ gsum pa ni blon po/ zhes gsungs pa dang/ rab byung re la 'bangs mi khyim bdun
389b5 bdun phul ba sogs sri zhu dang bsti stang ji ltar mdzad pa'ang/rigs dang/ gzugs dang/ lang tsho dang/ dpa' ba dang/ brtul phod pa dang/ stobs dang dpung pa dang/ nor dang/ grags pa dang/ mnga' thang
389b6 dang/longs spyod dang/ 'khor 'bangs phun sum tshogs pa sogs srid pa'i dpal 'byor mtha' gcig tu bde ba ma yin pa/ sdug bsngal gyi rgyu 'ba' zhig/ rnam par 'gyes pa/ mi rtag pa/ 'byor gud res mos pa/
390a1 skye 'chi'i bar lag can/ snying po gang yang med par bdag cag rnams kyi ston pas rnam pa kun tu bka' stsal pa gzigs shing rtogs pa'i nges 'byung gis thugs rgyud bskul bas ser sna'i 'ching ba
390a2 mtha' dag bcad cing bsod nams ma yin pa'i gnas las ldog ste mya ngan las 'das pa'i phyogs su yang dag par zhugs pa la dgyes pa ste/mdza' bshes la snyings pa las/ ser sna g.yo sgyu chags dang snyom las
390a3 dang// mngon pa'i nga rgyal 'dod chags zhe sdang dang// rigs dang gzugs dang thos pa lang tsho dang// dbang thang che ba'i rgyags pa dgra bzhin gzigs// zhes sogs rgya cher gsungs pa ltar sngon gyis bdag byang
390a4 chub sems dpa' spyod tshul yongs su dag pa rnams kyi rjes su thugs dang bas go sa mthon po thob par gyur kyang ha cang khengs pa dang dregs par gyur pas bkur sti 'os pa rnams la sri zhu ma yin pa mi mdzad
390a5 cing thugs shin tu dul ba dang nyams smad pa lta bur gnas pa'i dam pa'i spyod tshul ma smad par gyur pa ste/klu sgrub zhabs kyis/ gzhon yang rgan pa'i nye bar zhi la dga'// mkhas par gyur kyang shes pa'i nga rgyal
390a6 med// gzi brjid che yang bzod dang des pa'i ngang// rje mthor phyin yang nga rgyal dregs pa med// ces dang/ slob dpon ma ti tsi tras/ dga' bar bgyid pa'i yul rnams dang// rgyags par bgyid pa'i lang tsho
390b1 dag/bdag gi rang dgar spyod pa de// kun tu don med bgyid pa'i sgo// phung bar byed pa de gsum spangs// mkhas pas dam pa brten pa dang// dbang po dul dang shes rab kyi// stobs mthu'i nyams ni smad
390b2 nas spyad// ces gsungs pa ltar ro// bdog pa'i tshogs kyis shin tu 'byor zhing bdo bar gyur pa las kyang sku gsung thugs kyi rten bzhengs pa rgya che la rnam grangs mang ba rgyud dngos gtsang zhing phun sum tshogs pa
390b3 sha stag dang/gtsug lag khang dang/ dge 'dun gyi chos gzhi gsar du 'dzug pa dang/ de dag nyams pa gso ba dang/ dge 'dun gyi 'du sgo dang/ dkon mchog mchod pa'i rgyu kho nar 'gro bar mdzad pa dang/ tshe
390b4 rabs du mar ma byin len gyi 'tsho ba dag gi byed pa rgyu mthun gyi 'bras bu sems can rnams kyi nor dang srog la chad pa sbyin pa'i srin po mi'i sha tshugs can phyogs mtha'i skye bo mi srun pa rnams la'ang mkho ba sbyin pa
390b5 dang/gtam snyan par smra ba sogs kyis phan pa sgrub pa la thabs kyis bkod cing/ nad pa dang/ rgas pa dang/ phongs pa dang/ bkres pa'i skye bo rnams la sman dang/ zas dang/ gos dang/ mal cha dang/ nye bar
390b6 mkho ba sbyin pa sogs rnam smin dge ba'i rgyu 'ba' zhig par zad du 'jug pa'i gtong ba'i phyag ring por rkyong pa la goms pa ni/'dul ba gzhi'i rgyal po nor bzang gi rabs las/ lha dang mi yi nang dag
391a1 tu// bdag gi 'byor ba mthong nas ni// gang gis phun sum thob pa yis// sbyin pa su zhig sbyin mi byed// gang gis skyes bu brgya phrag thibs mnan cing// ser sna dgra bor gyur pa zil mnan
391a2 nas// 'jig rten pha rol 'jigs pas sbyin gtong de// bdag ni dpa' bo'i dpa' rab yin pas sems// gang zhig lag na mtshon thogs g.yul ngor 'jug/ de ni dpa' bo min zhes thub rnams
391a3 gsung// gang la 'jigs pa med par sbyin gtong ba// de dag dpa' bo yin zhes kun mkhyen gsung// zhes gsungs pa dang/ rgyal po zla ba la springs pa las/ sa bdag ji ltar 'byor pa'i dus// de nyid dus
391a4 nas spyad btang zhing// yongs su bsngo bas gter du sba// tshe 'dir gcig las gzhan dpag med// gang tshe phyi nas ser sna dang// phongs pas bsregs na ci bgyir mchis// zhes bshad pa bzhin gsog 'jog
391a5 la ha cang sred par mi mdzad de sa skyong chen po'i gna' bo'i dus kyi dus mchod ji ltar mchis so cog rnams gong 'phel gyi steng du gsar pa ci rigs pa dang de bzhin du gsar rnying ris su ma chad pa'i chos sde che
391a6 phra thams cad du dus tshes khyad par can gyi sgrub mchod kyi thebs sbyor ba dang lo star du zab mo'i rnal 'byor la goms pa'i dge slong gtso bor gyur pa'i rdo rje 'dzin pa du mar chos dang mthun pa'i yon bstabs
391b1 nas lhag pa'i lha du ma'i rtsa sngags dang bsnyen pa bcad rgya kho na'i khongs su bsag tu 'jug pa dang/rang nyid kyis kyang gsar rnying ris med bka' gter gyi rtsa ba gsum sogs lhag pa'i lha mang po'i bskyed
391b2 rdzogs nyams len bzlas brjod 'char can rnams dang yang ngo mar ngo'i tshis bcu byung res kyis tshogs dang gtor ma med mchod sogs zhal 'don dang/tshogs bsags kyi rim pa la brtson pa rgyal srid kyi bya
391b3 bas mi bshol zhing/dus kun tu nges 'byung dang byams snying rje zab mo'i gnas lugs kyi de kho na nyid kyi rnal 'byor la goms par mdzad pa sogs dang mi 'bral zhing mdor na phal pa'i spyod yul las ring du
391b4 'das shing dam pa'i yon tan gyi khyad par du ma dang ldan pa zhig go/gzhan yang slob dpon ma ti tsi tras/ ci ste rgyal po blon po dag/ dkyel che snying rje'i bdag nyid ni// rtag tu nyon mongs med pa yi// las
391b5 kyis rgyal srid bya bar rung// 'jig rten 'di na blo gros kyis// nyam chung gyur dang mgon med pa// bya ba ma yin byed pa la// gdon mi za bar 'jug par 'gyur// de bas ji srid sa de las// myur du ma brgal
391b6 bar du ni// blo mthun bskyed phyir mkhas pa dag/ bsdu bar dgyes la nan tan mdzod/ ces gsungs pa ltar/ rgyal srid kyi bya ba byed pa'i blon po dang/ dmag dpon dang/ yi ge pa dang/ pho nya sogs bstan
392a1 bcos nas ji ltar bshad pa bzhin gyi rgyal po'i yan lag rnams kyang ma tshang ba med cing gtso bor chab srid ni rgyal po'i mdzad pa'i rjes su 'gro ba zhig ste 'di ni rang bzhin gyis dkyel che zhing
392a2 gting mi rtogs pa dang blo myur zhing tshig btsun pa dang/brtse ba'i sems kyis mnga' 'bangs chab mi 'tshal bar bde bar skyong zhing/ drang por srong ba'i thugs kyis phyogs su ma lhung bar skye bo kun la snyoms
392a3 pa'i khrims kyis gnon cing/mnyes shing gshin pas gya gyu'i spyod tshul mi mnga' ba/ g.yo dang sgyus gzhan mi bslu zhing/ bya ba thams cad la legs par brtags te bag yod pas nyams mi nga bar spyod pa
392a4 sogs sa gzhi legs par skyong ba'i tshul rnams kyang tshang bar mnga' ba ste/rgyal po ka ni Sh+ka la springs pa las/ pha yis bu la ji lta bar/ khyod kyis 'khor la byams bgyis na// bu yis pha la ji lta bar/ khyod kyi
392a5 zhabs 'bring dga' bar bgyid// phal rnams rang bzhin bzang na ni/ khyod kyi dgongs pa bzhin du 'gyur// phal rnams rang bzhin ngan na ni/ khyod kyi dgongs pa bzhin mi 'gyur// gal te gzhung lugs bzang
392a6 bzhes na// gong nas gong du 'phar bar 'gyur// ci ste ngan pa'i spyod mdzad na// 'og nas 'og tu lhung bar 'gyur// dam pa'i las la gnas na ni// khyung mchog dag ni khyu lta bur// rjes su 'tsho ba'i skye bo'i
392b1 tshogs// 'di kun rjes su 'brang bar 'gyur/ khyod ni gya gyu la zhugs na// gya gyu kho na'i rjes 'brangs pas// skye dgu khyed mdzad rjes 'brang ba'i// skye dgu de ni nyams par 'gyur// de bas bdag gzhan bsrung
392b2 slad du// thugs kyis rab tu bsgrims nas ni// gna' rgyal drang srong rnams kyi lugs// nyams pa gsar par bcos su gsol// gna' yi rgyal po'i spyod pa las// gang dag bzang ba de mdzod la// mi rigs
392b3 pa ni gang lags de// smad par mdzod la spang du gsol// sngon gyi bka' khrims skyon chags pa// gna' nas mchis kyang rgyun chod la// rgyal po ka ni Sh+kas mtshan pa'i/ khrims su bca' ba gsar pa mdzod// ces
392b4 bshad pa bzhin no// chos nyid kyis gang gi tshe chos dang ldan pas chos kyi rjes su 'brangs nas rgyal srid byed pa dag la ni 'jig rten pa'i dpal dang 'byor pa thams cad ngang gi phun sum tshogs shing 'jig rten
392b5 las 'das pa'i dge legs rnams kyang zad mi shes par gam na gnas pa dang/mi ma yin pa rnams kyang de la dus rtag tu dga' zhing mgu ba'i sems kyis mthun pa'i rkyen ji ltar 'dod pa dag sbyor zhing mdza'
392b6 ba'i grogs su rang bzhin gyis 'gyur pas 'bad rtsol mi dgos par yid la bsam pa mtha' dag gegs med par lhun gyis 'grub pa dang/btul ba med par pha rol gyi rgol ba dang/ dgra'i phyogs su
393a1 gtogs pa rnams kyang mtha' dag par ngang gis nyams pa'ang 'dud pa lhur byed cing mnga' 'bangs rnams kyang phun sum tshogs pa'i dpal la longs spyod pa zhig pas gna' bo'i dus su byung ba'i
393a2 byang chub sems dpa' rgyal po'i sha tshugs can rnams kyi tshul ji lta ba'i go 'phang mchog gi mthar 'dzegs par 'gyur la/spyod tshul de las phyir ldog pa rnams la ni ma yin te/ 'di ltar nor bzang du skyes pa'i
393a3 rabs las/rgyal po chen po'i sngon byung ba yul lnga len par rgyal po gnyis byung ste/ byang phyogs kyi lnga len dang/ lho phyogs kyi lnga len pa'o// de la byang phyogs kyi lnga len pa nor can zhes bya ba grong khyer glang po'i
393a4 khyim zhes bya ba na 'byor pa dang rgyas pa dang bde ba dang lo leg pa/skye bo mang pos gang ba/ 'thab pa dang/ khrag 'khrug dang/ 'gyed pa dang/ chom rkun med pa/ nad rab tu zhi bar gyur pa/ 'bras sA lu dang/
393a5 bu ram shing dang/ ma he phun sum tshogs pa na chos kyi rgyal po chos dang ldan pa dang/ chos bzhin gyis rgyal srid byed do// grong khyer de na yang mtsho chen po me tog sna tshogs dang bya sna tshogs kyis mdzes par byas
393a6 pa yid du 'ong ba yod do// mtsho de na klu'i bu skye ba sna tshogs pa zhes bya ba gnas te/ des dus dus su char gyi rgyun legs par phab pas sa gzhi lhag par lo thog phun sum tshogs par gyur to// yul yang bza'
393b1 ba dang btung ba shin tu mod la/'jig rten yang sbyin pa dang/ mchod pa dang bsnyen bkur dang ldan pas dge sbyong dang/ bram ze dang/ bkren pa dang phongs pa rnams la kha zas sbyin par byed do// lho phyogs kyi
393b2 lnga len pa'i rgyal po ni chos ma yin pa la lhag par gnas pa/gtum pa/ gzu lums can/ spro thung ba zhig pas chos ma yin pas rgyal srid byed cing chad pa dang/ rdeg pa dang/ 'tshogs pa dang/ gsod pa dang/
393b3 'dzings pa dang/ 'ching ba dang/ su mi 'dod dang/ khong sgril dang/ gnod pa sna tshogs kyis yul na gnas pa'i skye bo rnams rtag tu skrag par byed do// des chos ma yin pa la lhag par gnas pas lhas kyang
393b4 dus dus su char gyi rgyun legs par mi 'bebs so// de nas skye bo'i tshogs de 'jigs pa dang yi chad pas rang gi srog la yang mi blta bar yul yongs su spangs te byang phyogs lnga len gyi rgyal po'i yul du dong
393b5 nas gnas so// ji tsam dus gzhan zhig na lho phyogs lnga len gyi rgyal pos rang gi yul stongs par gyur pa dag mthong nas blon po rnams la rgyu ces zhes dris so// blon po rnams kyis byang phyogs lnga len gyi rgyal
393b6 po nor can gyi yul du mchis so// ci'i phyir/ smras pa/ lha byang phyogs lnga len pa'i rgyal po ni chos bzhin gyis rgyal srid bgyid pas/ de'i yul 'byor pa dang/ rgyas pa sogs snga ma bzhin dang/ lha ni gtum pa/
394a1 gzu lums can sogs ji ltar gyur pa snga ma bzhin bsnyad pas/ skye bo tshogs slar 'ongs nas gnas par 'gyur ba'i thabs lta yod dam/ blon po rnams kyis smras pa/ lha gal te byang phyogs kyi lnga
394a2 len pa'i rgyal po bzhin du chos bzhin gyi rgyal srid mdzad de/byams pa'i sems dang/ phan pa'i sems dang/ thugs brtse ba'i sems kyis yul bskyangs na ring por mi thogs par skye bo'i tshogs de slar mchis
394a3 nas grong rdal dang/grong khyer 'di rnams su gnas par 'gyur lags so// rgyal pos kyang byang phyogs lnga len pa'i rgyal pos ji ltar byed pa bzhin du bgyi bar khas blangs te/ yul de sngar bzhin gnas
394a4 pa'i thabs la 'bad par byas pa'i lo rgyus lta bus gsal bar 'gyur zhing mi'i dbang po 'di nyid kyi phyi nang gi blon po dang/yi ge ba dang/ sman pa dang/ dmag dpon dang/ mdzod srung ba dang/ spyan mi dang/
394a5 phyag tshang ba dang/ go re long dang/ khrom gyi ru pa dang/ grong mi dang yul mi rnams kyang rgyal po'i bya ba chos dang ldan pa'i rjes su 'brang zhing rjes su mthun par chos la spyod cing/ sbyin pa dag gtong/ bsod
394a6 nams dag byed pa dang/dge ba la nye bar gnas pa/ spyod tshul yang dag par blangs pa kho na mang po dag go/ gnyis pa rnam dkar gyi bya ba dngos bshad pa la bzhi ste/ brtsams pa'i dgos ched dang/ bzhengs
394b1 pa'i dus dang/phyi mo bsags shing zhu dag bgyis pa'i tshul dang/ bzhengs tshul dngos so// dang po ni/ gangs ri'i ljongs 'dir gna' bo'i dus su sprul pa'i chos rgyal chen po khri srong lde btsan gyi thugs bskyed
394b2 las/rang dang gzhan gyi grub pa'i mtha' rgya mtsho lta bu'i pha rol du byon cing sa chen po la bzhugs pa'i mkhan slob lo tsA ba chen po du mas lus dang srog la ci mi snyam pas 'phags pa'i yul nas 'bad pa chen
394b3 pos btsal zhing bod kyi rgyal khams kyi skye dgu rnams mngon par mtho ba dang nges pa legs pa'i phyir mdo dang sngags kyi sde snod bgrangs kyis mi lang ba zhig bsgyur ba las nang pa bskyed rdzogs gsum ni
394b4 'phags pa'i yul gyi sngags pa rnams kyis ji ltar nyams su blangs nas gsang ba bzhin du sprul pa'i rgyal po gsang ba bsrung ba la thugs shin tu sgam pas lkog chos kho nar mdzad nas bsgyur cing gtan la
394b5 phabs pas gdul bya thun mong du spyod pa lta ci mtshan tsam shes pa'ang dkon pa'i phyir skabs der dbang bskur ba la'ang rim pa byed pa zhes gab tshig mdzad cing/gzhan zhang zhung dang/ mnga' ris/ khams kong
394b6 lho mon sogs yul phran so so'i lo tsA ba rnams kyis lha btsan po'i lkog tu bsgyur cing nyan bshad byas pa'ang ci rigs su yod par mngon la/de skad du'ang sgra sbyor bam po gnyis pa las/ gsang sngags kyi rgyud
395a1 rnams gzhung gis gsang bar bya ba yin te/snod du ma gyur pa rnams la bshad cing bstan du'ang mi rung la/ bar du bsgyur zhing spyod par gnang gis kyang/ ldem po'i ngag tu bshad pa ma khrol nas/
395a2 sgra ji bzhin du 'dzin cing log par spyod pa dag kyang byung/ sngags kyi rgyud kyi nang nas thu zhing bod skad du bsgyur ba dag kyang byung zhes bzlas kyi/ phyin chad gzungs sngags dang/ bla nas bka' stsal te bsgyur du
395a3 bcug pa ma gtogs pas/sngags kyi rgyud dang/ sngags kyi tshig thu zhing bsgyur du mi gnang ngo// zhes bshad pa bzhin dang/ slar yang chos kyi rgyal pos sad na legs mjing yon gyi sku ring la lo tsA ba dpal
395a4 brtsegs dang/chos kyi snying po dang/ lha dbang dang/ dpal gyi lhun po sogs kyis 'phang thang ka med kyi gtsug lag khang gi gsung rab rnams them byang tu btab pa las dkar chag 'phang thang ma zhes bod du
395a5 rgyal ba'i gsung rab rnams phyogs gcig tu sgrigs pa'i thog ma de yin la/de'i rjes su lo tsA ba dpal brtsegs dang klu dbang srung sogs kyis stong thang ldan dkar gyi pho brang na bzhugs pa rnams la zhus chen
395a6 mdzad nas dkar chag ldan dkar mar grags pa mdzad mod kyi/gsang sngags nang rgyud sde gsum ni bka' gnyan pas 'dir ma bkod do// zhes nang pa bskyed rdzogs gsum gyi rgyud sde rnams ni gsang ste ma
395b1 bkod pa snang la/de'i rjes su btsan po ral pa can gyi sku ring la pho brang 'on can rdo dgu thog mar nyi 'og gi mkhan po rgyal ba'i bshes gnyen dang/ lha dbang byang chub dang/ tshul khrims dbang po byang chub
395b2 dang/sbyin pa tshul khrims dang/ byang chub bshes gnyen la sogs pa dang/ bod kyi lo tsA ba rat+na rak+Shi ta dang/ chos nyid tshul khrims dang/ ye shes sde sogs kyis sngar bsgyur ba'i gsung rab rnams skad gsar
395b3 can kyis gtan la phab ste sngon gyi yab mes kyi dus chos skad bod la ma grags pa gsar du btags pa rnams sgra'i gzhung dang mi mthun pas 'jal dka' ba rnams so sor phral te bris/rkang rkyang pa bshad mi
395b4 'tshal ba rnams sgra'i lugs btsan par bgyis par/don gyi dbang btsan par bgyis nas de bzhin du btags shing gtan la phab pa'i skabs su'ang nang rgyud sde gsum gsang nas spyod pa 'ba' zhig yin pa'i
395b5 phyir khyab gdal du mi sgrog pa bkas bcad pas skad gsar bcas kyis bcos kyang ma phog la glegs bam du mar yang ma 'phel bas gdams ngag gi dpe rnams shing lo rlung khyer lta bus srang kha 'grim pa dang/g
395b6 sang ba khrom du gyer pa'i skabs ma byung bas rgyu de dag gis byin rlab dang nus pa la zhud pa dang g.yel bar ma gyur pas sgrub pa po mchog rnams kyis rang rang gi sgrub gnas rnams su nyams su blangs shing
396a1 dngos grub brnyes pa'i gsang chos dum bu dum bur yul phran khol bu rnams su mi mngon par ci rigs su bzhugs pa las mtha' dag par phyogs gcig tu 'dril ba dang/dkar chags sogs
396a2 'debs par ma byung la/phyis su bu ston rin po ches tshal pa bka' 'gyur du yo ga gsum gyi rgyud sde gtso bo gtso bo dag nges pa 'dren pa'i slad du bkod par mdzad pa las yongs su rdzogs pa ni bsdu ba'i skabs
396a3 ma byung la/zur 'ug bya lung du rgyud rag rim tsam bzhugs shing khams phyogs 'dir kaH thog tu sngon rnying rgyud rdzogs par gser las bzhengs pa bzhugs skad 'dug kyang dus kyi rgud pas zag 'thor du song
396a4 bas deng sang tshang bar ni med cing/bar skabs su gter chen rat+na gling pa yab sras kyis dpe dang bka' lung gnyis ka'i rgyun thugs rtsol chen pos btsal nas bzhengs pa lhun grub pho brang du bzhugs pa dang/
396a5 phyis su gtsang rong gong ra lo tsA ba gzhan phan rdo rjes bstan pa'i btsas su thugs bskyed rgya chen pos ji snyed pa tshar gsum bzhengs nas dbus gtsang dang/ khams kong rnams su ches kyi sbyin pa rgya cher bstsal
396a6 zhing/rgyun de las khams phyogs 'dir rgya cher 'phel mod kyi/ der ma tshang ba rnams phyis smin gling gter chen rin po che sku mched kyis thugs rtsol chen pos phyag tu 'byor pa rnams stag bu'i yul gyi mkhas grub
396b1 chen po rdo rje 'dzin pa kun bzang rnam rgyal dang/kun bzang blo gros rnam gnyis kyis mkhyen brtson chen por mdo khams su spyan drangs pas phyogs 'dir rgyud 'bum rin po che dpe dang bka' lung gnyis ka'i
396b2 rgyun ha lam tshang par gyur pa yin no// 'on kyang snyigs ma'i dus 'dir bstan pa la zhugs pa'i gang zag rnams kyang gal chung chos la byed pa'i dbang gis legs smon dang 'jigs skyob kyi ltar snang tsam las
396b3 tshul bzhin spyod pa ni nyi ma'i zil gyis non pa'i rgyu skar lta bur gyur pas rgyal ba'i bstan pa rin po che bags kyis 'grib cing rnyed dang grags pa la sogs chos brgyad la snying po dril pas bstan pa zin par
396b4 rlom pa'i chen por khas 'che ba rnams kyang don bzhin du thos bsam bsgom pa la rang nyid 'jug pa dang gzhan dag de la sbyor ba lta zhog/bklag lung tsam gyi rgyun la'ang ci mi snyam pas 'bad rtsol dor ba zang
396b5 zing gi dngos po phra mo tsam la'ang dbang shes rtsal sprugs su bsgrims nas gtan gyi bde legs ma lus pa'i rtsa lag gsung rab don du gnyer ba la yid lhod por byed cing bgyi ba'i tha shal du brtsi ba'i dus kyi
396b6 'gyur pa'i bag la blta mi mngon par zha bar cha bas bde bar gshegs pa'i phrin las tshad med pa'i gnas chud gsan cing sngon gyi rgyal blon byang chub sems dpa' rnams kyis lus srog nor gsum phangs pa
397a1 med par theng la bor nas dka' bas btsal/dkon pas bsgrubs pa'i mdzad pa rmad du byung ba'i phyag ris dang/ thugs bskyed bsam gyis mi khyab pa'i grub 'bras chus 'dza' ba la ring por
397a2 mi thogs pa gzigs nas blo la khur du mi bzod pa'i gdung ba dang ngal ba chen po skyes par gyur te sngon med pa'i legs byas 'di lta bu zhig grub par gyur na ci ma rung snyam du dus ring mo nas thugs la
397a3 brnags par mdzad pa la 'phral gyis sad pa'i rkyen ni/paN chen bi ma la'i ye shes chen po'i rnam rol rdzogs pa chen po'i lam nas grub pa'i mngon rtags rig pa tshad phebs mngon du gyur pas phyag na pad+ma lnga
397a4 pa chen pos kyang bsngags pa'i me tog char du bsnyil pa rdzogs chen pa pad+ma rig 'dzin gyi thugs kyi sras mchog gsum gyi ya gyal/ji skad du/ thang yig las/ mi la lus chas ya ma zung du 'ong u0f7f bstan pa'i chos k
397a5 yang ya ma zung du 'groH dge rgyas bris pa'i ri mo shul rjes yodaH khams kyi sring mo rdzong gsum gter kha 'diH mi bzhag 'don pa'i rtags de bstan nas byung u0f7f khams pa nyi ma grags kyi ming can 'byung u0f7f zhes g
397a6 sungs pa ltar/sa rtags/ gter gnas/ gter ston gyi 'khrungs yul thams cad mthun par khams sring mo rdzong sogs nas sku gsung thugs yon phrin las kyi gter kha chen po lnga'i mtshon zab gter mang du
397b1 gdan drangs pa'i gter ston nyi ma grags pa'i sprul pa'i sku pad+ma theg mchog bstan pa'i rgyal mtshan zhes snga 'gyur bstan pa'i nyin byed chen po de nyid byon/rje de nyid kyis khams dbus kyi dge ba'i bshes
397b2 gnyen nyi shu rtsa lnga tsam la brten nas rgyal ba'i bstan pa ris su ma chad pa la thos bsam bsgom gsum tshig tsam ma yin par mdzad pas phyi so thar gyi sdom pas sku btsun/nang byang chub sems kyi sdom
397b3 pas thugs rgyud grol/gsang ba rig pa 'dzin pa sngags kyi sdom pa sku bzhi'i sa bon legs par smin/ lam rim pa gnyis kyi nyams bzhes mthar phyin pas rtsa ba gsum sogs lhag pa'i lha rab 'byams kyis
397b4 zhal bstan cing gsung gi gsang ba thob/mdo sngags spyi dang bye brag rnying ma bka' gter gyi grub mtha'i rtsa ba blo nges pa'i gzhung lugs chen po rnams 'chad spel gyi phrin las kyang rgya che/ khams dbus kyi gdan
397b5 sa gnyis kyi gtsos bstan pa dang 'gro ba'i don la dngos dang brgyud nas 'gyur ba'i bya ba las kyi 'khor lo sku gsung thugs kyi rten dang/de dag mchod pa'i khyad par gyi rgyu tshogs kyang rlab che ba bsgrubs/
397b6 mdor na mkhas btsun bzang pa'i pha rol du byon cing/ mkhyen brtse nus gsum gyi mnga' bdag chen po de nyid kyi gsung gi bdud rtsi las 'khrungs pa'i don gyi rdo rje 'dzin pa/ o rgyan pa sangs rgyas gnyis pa'i
398a1 chos kyi pha phogs la rang dbang du spyod pa'i zab mo'i gter gyi mnga' bdag rig rtsal thogs med gling pa'am/dpa' po las rab rtsal zhes mtshan gyi cod pan dpyangs pa 'di nyid nges pa'i don du
398a2 gdod nas yongs su grub pa chos kyi dbyings su mya ngan las 'das pa'i 'khor 'das spyi mnyam chen por ro gcig kyang drang ba'i don tsam du dag pa'i rnam rol cir yang 'char ba chos nyid kyis bdag cag gi
398a3 ston pa'i drung du shes rab can rnams kyi mchog ston ldan ma'i bu/'jig rten du thub pa'i rgyal tshab gnas brtan chen po bcu drug gi rim gro ba dge bsnyen d+harma tA/ ri bo grub 'dzin nas 'phags pa kha sar+pa Na lha
398a4 lnga dang/nyi khri le brgyad ma spyan drangs pa'i rgyal po shu b+ha sa ra'i pho nya dge bsnyen zhi ba'i go cha lcags kyi byin pa can du grags pa/ slob dpon sangs rgyas gnyis pa'i thugs sras lang gro dkon mchog
398a5 'byung gnas/rje btsun bzhad pa rdo rje'i thugs sras ngan rdzong ras pa bo d+hi rA dza/ 'gro ba'i mgon po bla ma dam pa bsod nams rgyal mtshan/ mnga' bdag gsung sprul gu ru chos kyi dbang phyug gi rigs sras
398a6 pad+ma dbang chen/chos kyi rje rgyal ba'i dbang po rang byung rdo rje/ chos rgyal rat+na gling pa/ a mkhar rtogs ldan karma phrin las sogs bstan pa dang gdul bya'i don du bsams bzhin srid pa nye bar bzung
398b1 ba'i rgyal ba'i sras po du ma'i rnam rol brgyud mar bzung bas sku tshe 'di nyid du'ang chung ngu'i dus nas sngon gnas rjes dran dang dam pa'i spyod tshul 'ba' zhig la goms pa'i rang bzhin can te dgung grangs bcu'i thog rje
398b2 nyi grags sprul pa'i sku rin po ches rjes su bzung nas brtse bas chen pos bskyangs/bka' gter du ma'i smin grol rgya brten dang bcas pa dang/ gdams pa dang rjes su gdams pa ma lus pa bum pa gang byo'i
398b3 tshul gyis gnang ba sku nyams su bstar bas drod tshad thob/rje de nyid kyis kyang don gyi rgyal tshabs su gzengs bstod mdzad cing chos skyong rnams la phrin las sgrub pa'i bka' gter phrin 'chol dang shis par
398b4 brjod pa'i me tog gi char phab/nyi grags gter byon phag mo'i sgrub pa mdzad pas lung bstan thob/ mkhar chen bzas ye shes kyi dbang bskur ba brnyes/ gter gyi kha byang yang babs/ 'gong po gdug pa can
398b5 gyi tsha dbal 'joms byed khro rgyal yak+Sha me dpal gyi sgrub skor spyan drangs/nyer gcig la slar yang bla ma'i gdan sar byon/ bla ma dgong pa 'dus pa sogs gsan/ de nas byang phyogs mtsho sngon po'i sa char
398b6 'khod pa'i skye dgu rnams kyi ched du byon pa'i lam bar du mi dang mi ma yin rnams kyis gus 'dud lhur blangs/phyogs de'i sems can rnams la dam pa'i chos kyis phan 'dogs ci rigs par mdzad/ 'od
399a1 gsal gyi ngang la pad+ma 'od du phebs nas bla ma drag po gnam lcags me phreng gi chos sde rnams kyang dag snang du byung/mtsho khri shor rgyal mo'i nang nas yid bzhin gyi nor bu zhig bton/ slar rang
399a2 gnas su phebs/badzra kI la ya'i sgrub pa mdzad pa'i gtso bo'i phur pa 'bar ba dang/ 'khrab pa dang/ bzhad pa sogs cho 'phrul bstan cing/ 'khor gyi phur pa phal cher phyogs kyi ri rtse rnams su 'phur ba
399a3 sogs grub pa'i mtshan ma ngo mtshar ba byung/slar yang bod ljongs su theg/ shAkya mu ni'i thugs ka nas de bzhin gshegs pa'i ring bsrel zhig phyag tu babs/ bsam yas mchims phu'i ke tshang du sku tshab rin po
399a4 che'i drung nas rtsa gsum sgrub pa'i gdams skor dgongs gter du babs/dpal sa skya pa chen pos kyang rnam par dag pa'i lung gis bsngags pa brjod pa'i cod pan dbyangs pas mi'i dbang pos kyang rgyal khab
399a5 chen por spyan drangs te mchod pa'i zhing du bkur/'chi med tshe'i sgrub pa las sbyor ril bu la brten pa mdzad pas 'phel ba dang dri zhim po 'thul ba/ kha dog sna tshogs pa'i 'ja' gur bris pa sogs rtags ya
399a6 mtshan pa du ma byung/de nas bzung mi'i bdag po'i bstan srid kyi rim gro zhi rgyas dbang drag gi las rab 'byams gang la 'tshams par dus kun tu sgrub par mdzad pas thub bstan nor bu gling gi chos gzhis
399b1 rten brten pa dang bcas pa bskrun par mdzad pa sogs bdag rkyen tshad med pas bkur/sa skyong dbang mor srid spel gyi za yig bsregs thal phul bar bdud rtsi'i bcud du 'khyil ba'i dge mtshan mngon du
399b2 gyur/snga phyi kun tu sa gnad gso ba dang sa dmigs gzer gang che rnams su dam sri 'gong po mnan pa'i las la sbyar ba'ang mang du mdzad cing bstan 'gro'i bde thabs mang du bsgrubs/ sa sprel lor phyogs
399b3 mtha'i gnas chen rnams su bskyod cing sring mo rdzong gi phug nag bde ba chen po nas a mr-i ta phyag tu son/til sgro brag nas chos rgyal rat+na gling pas yang gter du sbas pa'i sku tshab pad+ma gu ru spyan drangs/ 'dam
399b4 gyi rgyal chen brgyad sogs dam 'og du bcug nas rang gnas su phebs/bar skabs su gnas dus kyi 'gyur ba stobs su gyur pas thugs 'byung ste gter byon skor gyi 'gro don rnams re zhig brtul bar
399b5 dgongs pa mngon du phyogs pa na ngang chung sprul pa'i rnam rol sa skyong dbang mo dam pa 'di nyid kyis bsnyen bkur rgya chen po phul zhing thugs snang ba srid pa'i zhu ba yang yang mdzad pas legs tshogs kyi sgo 'phar
399b6 slar yang dbye bar mdzad la/kun mkhyen nyi ma'i gnyen gyi bstan pa'i snying po gsang sngags rdo rje theg pa grub/ de las khyad par du gyur pa yo ga gsum po'i rgyud sde rnams te dus kyi rgud pas rim gyis 'chad
400a1 nyan dang dpe'i mtha' brten pa nyag phra ba ltar gyur pa 'di nyid 'jig rten gyi khams su mi nub cing dus ring por gnas pa'i thabs ni gang la brten nas thos bsam bsgom pa'i gzhi glegs bam
400a2 zad mi shes pa 'byung ba'i phyi mo gcig la brten pa'i thabs las gzhan med par dgongs/de ni stobs kyi dbang phyug sa skyong chen po'i thugs rje bskul ba'i mthu las gzhan gyi rngo mi thogs par gzigs
400a3 te/thugs bskyed lhag pa'i bsam pa bzang pos drangs pa'i dngos pa'i 'byor tshogs yod dgu rtsal sprugs lta bus dngus srang stong phrag gi rin thang du bskor ba zhu rten du phul nas bskul ma zhus pa ltar spro ba
400a4 chen pos zhal gyis bzhes te bgyi ba 'di brtsams pa yin no// gnyis pa dus ni/ bde bar gshegs pas byis pa rnams drang pa'i phyir mdzad pa bcu gnyis bstan pa las sku bltams pa dang/ mya ngan las 'das
400a5 pa sogs kyi lo tshigs la bod rnams 'dod pa mi mthun pa mang zhig mchis pa las re zhig yongs su grags pa phug pa ba'i bzhed pa'i rjes su 'brangs pas bdag cag gi ston mchog bu ram shing pa drag po
400a6 lcags sprel sa ga zla ba'i tshe bdun gyi nyin rgyu skar rgyal la bab par sku bltams nas lo grangs nyis stong bdun brgya lnga bcu nga bzhi/rgyal ba shing rta la byang chub snying po'i gnas su bdud dmag bye ba khrag khrig lnga
400b1 bcu bzod pa'i stobs kyis pham par byas nas nam gung mthong sgom gyi lam las mngon shes lnga bskyed cing/tho rangs mngon par rdzogs par sangs rgya ba'i mdzad pa bstan cing lo de'i chu stod can gyi nya la lnga
400b2 sde bzang por rim pa dang po'i chos kyi 'khor lo bskor nas lo grangs nyis stong bdun brgya nyi shu/dpa' bo lcags 'brug lo'i nag pa zla ba'i nya la zla ba bzang po'i ngor dpal dus kyi 'khor lo'i rgyud bstan
400b3 nas sa ga zla ba'i tshes bco lnga'i tho rangs gzugs sku'i bkod pa bsdu ba'i mdzad pa bstan nas nyis stong drug brgya bdun cu don bzhi/shing sprel sangs rgyas gnyis pa pad+ma sam b+ha ba'i mtshan dpe'i dkyil
400b4 'khor zhing 'dir thog mar gsal ba'i tshul bstan nas nyis stong drug brgya bdun cu/sa sprel ma la ya'i ri bo gnam lcags 'bar ba'i rtser gsang ba'i bdag pos rigs can dra ma lnga la rig pa 'dzin pa'i
400b5 sngags kyi sde snod ston pa dang/sa ho ra'i rgyal po in+d+ra bu d+hi'i khang par sde snod chen po bco brgyad kyi glegs bam char du babs nas nyis stong drug brgya bzhi bcu rtsa drug/ shing glang lta bu sems lhag can slar yang
400b6 mi'i yul du theg mchog rdzogs pa chen po spel ba'i slad du sprul pa'i skur snang ba slob dpon chen po dga' rab rdo rje bltams nas nyis stong sum brgya sum cu/lcags stag zan g.yang mi 'gyur lhun gyis grub
401a1 pa'i gtsug lag khang bzhengs nas chig stong bzhi bcu rtsa gcig rnams sngon du 'das shing/bde bar gshegs pa'i bstan pa 'bras bu'i dus gsum dang/ sgrub pa'i dus gsum dang/ lung gi dus gsum las/ mngon pa'i dus te lnga brgya phrag
401a2 gsum dang/mdo sde'i dus kyi bzhi brgya nyer bdun rdzogs shing 'byung 'gyur rtags tsam 'dzin pa lnga brgya mi the pa'i bstan pa rnal ma mdo sde'i dus kyi gsham dang/
401a3 'dul ba'i dus gnyis bsdoms pas lnga brgya dang bdun cu don gsum yod pa/ sngon gyi drangs srong chen po dag gi A nan+da zhes brjod cing/ ljongs 'dir kun dga' ra 'bod pa/ rgya nag po'i yul du gyi yin te
401a4 shing po stag gi lo// hor lugs kyi zla ba gnyis pa/ rgya nag po'i dpyid zla 'bring po ste yos kyi zla ba/ 'phags yul ba'i dbo zla ba/ dkar phyogs bzang po gsum pa'i tshes/ res gza' lha'i bla ma rgyu skar rgyal
401a5 gyi lha mor rtse ba/'chi med grub pa'i sbyor ba/ 'phrod chen mdung/ sbyor ba skal bzang/ rten 'brel 'du byed/ nyi ma lcags sbrul/ spar kha khon/ sme ba gcig dkar sogs rgya dkar nag gi 'phrod sbyor nyi dus
401a6 phun sum tshogs pa'i nyin ji skad du slob dpon klus/dam pa mang pos khas 'che mi byed la// gal te dka' bas khas ni blangs gyur na// rdo la ri mo bris pa lta bur ni// shi yang gzhan du byed par mi 'gyur
401b1 ro// zhes gsungs pa ltar/ mi'i dbang mo 'di nyid kyi tshe rabs gzhan rnams su legs par goms pa'i bsod nams kyi mthu mi dman par bdo bas legs byas 'di lta bu sgrub pa la zhum pa med pa'i snying
401b2 stobs dang/mi dgyes pa med pa'i spro ba dang/ dam bcas pa brtan cing 'gyur ldog med pa'i blo gros sogs kyis thog mar yi ge 'bri ba sogs kyis las gra 'dzugs par mdzad do// gsum pa phyi mo bsags
401b3 shing dag par bgyis pa'i tshul ni/spyir yul sna tshogs su bsgyur ba'i rgyud kyi rnam grangs dang gter ma sogs rgyud kyi mtshan thogs so cog ni mtha' dag par phyogs gcig tu bsdu bar nam yang rngo mi thogs
401b4 shing/sngar smos pa'i glegs bam gyi rgyun tshang bar 'dril ba'i rtsis rnams kyang gsan yig dang sgo bstun dus gcig la med pa/ gcig la yod pa dang/ rgyud kyi mtshan mi 'dra ba dang/ gzhung 'dra la khad la mi
401b5 'dra ba du ma dang sngon lha btsan po'i lkog tu bsgyur ba'i rgyud kyang mtha' mi mngon pa tsam bzhugs tshod kyis phyogs mtha' ma nges pa nas thon pa sogs shin tu mtha' chod dka' bar mngon la/kun mkhyen phyag
401b6 na pad+ma lnga pa chen po'i gsan yig tu bzhugs pa ni gtso bor bka' nas bkar brgyud pa'i lung gi rgyun gang yod dang/grags che zhing zab gnad du gyur pa'i gtso che shos thams cad kyang tshang bar mthong bas de
402a1 nyid gzhir byas te 'dri bar brtsam pa la/sngar smos pa'i smin gling dang gong ra'i dpe rgyun de las rdzogs chen sprul pa'i sku 'gyur med theg mchog bstan 'dzin kyis bzhengs par mdzad pa dang/
402a2 kaH thog tu phyis bzhugs pa'i dpe tshang ba gcig dang/ stag bu brag dmar dgon zhes bka' gter bstan pa'i gsal byed du ma byon pa'i gdan sa chen po der/ rje bla ma kun bzang rnam rgyal dang/ gnubs
402a3 chen sangs rgyas ye shes kyi rnam rol rdo rje dpa' bos bzhengs pa'i rgyud rag rim dang/dpal spungs su bzhugs pa'i rag rim rnams dang/ go 'jo jas sang bsod lus bzhengs pa'i rgyud kyi dpe cha tshang
402a4 sogs phyogs 'dir bzhugs pa phal cher spyan drangs/de rnams su mi bzhugs pa'i sems sde dang ma hA yo ga'i skor gyi rgyud 'ga' zhig rje bla ma rig 'dzin 'jigs med gling pa'i zhal snga nas kyis bzhengs par
402a5 mdzad pa'i rgyud 'bum nas zhus/yang mtsho sngon po'i phyogs su gsang sngags snga 'gyur gyi bstan pa'i snang byed gcig pu par gyur pa da la'i hu thog thu ngag dbang bshad sgrub rgya mtshos dbus su bzhengs par
402a6 mdzad pa'i rnying rgyud skya chos pod sum cu skor phyogs de'i skye dgu rnams bsod nams mngon par 'phel ba'i slad du spyan drangs te bzhugs pa rang lugs bstan pa'i nyin byed ze chen sprul pa'i sku rin po che lhan
402b1 rgyas kyi thugs brtson chen pos bka' gnang bzhin a mdo sgo me'i sa char 'khrungs shing/bslab pa gsum dang bskyed rdzogs lam rim pa gnyis kyis thugs rgyud grol ba snga 'gyur gyi bstan pa rin po che la
402b2 gcig tu sman pa'i legs smon gyi mthu brtas pa/gsum ldan rdo rje 'dzin pa chen po kun bzang snyan grags rgya mtshos 'bad pa du ma'i thabs kyis spyan drangs nas 'dir 'byor pa rnams sgom bstun te zhu chen
402b3 mdzad pa po ni/sgra dang/ snyan dngags dang/ mngon brjod dang/ sdeb sbyor dang/ rtsis kyi gtsug lag dang/ yi ge'i rnam grangs du ma sogs thun mong gi rig pa du ma la mkhas pa'i pha rol du son cing/ sdom pa
402b4 gsum dang/bskyed rdzogs zab mos thugs rgyud legs par gtams pa'i yang dag pa'i lam gyi bshes gnyen dam pa// rigs pa dang mi rigs pa rnam par 'byed pa'i blo gros kyi mig grung por gyur cing/ brjod bya dang
402b5 brjod byed phun sun tshogs pa'i legs bshad smra ba'i dbang phyug chen po'i gnas su dbang bskur ba brnyes pa/thun mong gi spyod yul du sa skyong chen po'i rgyal srid kyi yi ge pa dkyus ma'i tshul gyis
402b6 'khod pa snga 'gyur ring lugs su zhugs pa'i mtshan pad+ma rnam dag ces bla dwags su 'bod pa gang gis dpyad pa gsum gyis legs par dpyad pa la zhugs pa dang/rigs par smra ba'i blo gsal gzhan dag
403a1 gis kyang 'bad pa chen pos mi bcos su mi rung ba 'ga' zhig legs par bcos shing dag par bgyid pa'i bar skabs su kho bo cag la'ang sa skyong dbang mos bka' nan ches lci ba bstsal pa ldog
403a2 ma nus par shing yos kyi lor snron zla ba'i rdzogs pa dang po'i tshes la rtsa ba gsum dang chos skyong srung ma'i tshogs la gtor ma dang tshogs kyis dgyes pa bskyed cing gnang ba zhus nas zhus dag gi khur blangs
403a3 pa yin no// de yang spyir rnam shes las lkog tu gyur cing rgyu 'bras la zlo ba'i rdo rje'i gsang tshig chen po rnams ni mtha' drug dang tshul bzhis dpyad pa'i gnas su gyur pa las chos nyid kyi don la rnal du ma 'byor
403a4 pa'i rtog ge'i rig pa ltar snang dang tshig gi cha la re zhig dpyad bzod pa tsam rgyu mtshan du byas nas rgyud dkrugs/lung gcus/ man ngag gab pa'i rdo rje'i gnas chen po rnams la don ma nges bzhin du rtog
403a5 dpyod kyis bzo 'chos pa ni shin tu yang ya nga ba'i gnas su mthong ste/don gyi byin rlabs kyang zhud pa'i phyir ro// de lta na'ang snga 'gyur gyi rgyud rnams sngon bsgyur ba'i skabs thog sngas pas bod rnams chos kyi
403a6 brda la blo gros kyi sgo ha cang dog pa dang/lo paN skad brda 'phrod dka' ba dang/ sngon ma grags pa'i brda gsar du btags dgos pa kho na'ang shin tu mang bas sprul pa'i lo tsA ba chen po rnams 'phags pa'i sa
403b1 la bzhugs pa 'ba' zhig pas gsung rab kyi byings don 'jal ba la 'phags pa'i mkhyen brlab che bas tshig 'jebs mi 'jeb sogs kyi spros pa ma lus pa dor nas go sla ba gtso bor mdzad nas yul skad so
403b2 so dang snga 'dris shing rgyus yod pa'i ming dang brda sogs su bsgyur ba dper na rtag pa'i don la/g.yung drung dang/ gzha' gsang lta bu bon gyi brda yang skabs 'gar mdzad pa lta bus mtshon pas don 'gyur
403b3 'ba' zhig mdzad pa yin no// der ma zad bod yul las rgya nag tu chos dar ba snga bas dus skabs de'i snga rol du'ang rgya'i mkhan po ma hA ya na la sogs pa lha btsan pos spyan drangs shing bod du chos 'ga' zhig
403b4 bsgyur bas rgya nag gi skad la byang ba yod tshod nas skad shan sbyar gy-i skabs 'gar hA shang 'bar na'i skad du sogs rgya nag gi skad dang shan sbyar ba'ang 'byung ba ni skad rigs la ma rmongs pa'i che ba dang dgos
403b5 pa gzhan yang yod la/de ltar bsgyur ba'i yo ga sde gsum ni shin tu gsang nas ring du sbas pa'i ngang la sgra sbyor bam po gnyis pas skabs dbye ba'i lo paN rnams kyis skad gsar bcad kyi dag ther kyang ma
403b6 phog/don gyi ldog pa la dri ma mi mnga' bas brjod byed mdzes mi mdzes dang/ tshig grims mi grims la ltos mi dgos par rgyal ba'i dgongs pa ni don la rton pa nyid du gnas pa'i phyir gsang sngags mos pa
404a1 dang don la sems pa nyid kyis 'grub pa ni sa paN dang 'dar phyar ba'i lo rgyus kyis kyang shes par nus la/rgyu de dag gis snga 'gyur gyi rgyud sde'i lam la brten nas dngos grub gnyis tshegs med
404a2 du thob pa mang du byon pa'i byin rlabs kyi chu bo ma 'bri ba'i rgyun nyams pa med par yul dang yul phran rnams su bzhugs pa la tshig gi cha nas sngon gyi brda dang chos skad phal char deng sang grags chung ba'i dbang
404a3 gis gna' skad dang yul skad sna tshogs gang la 'jug mi 'jug ma nges pa'i don blang dka' ba mang po dang/phyis kyi yi ge'i rgyun rnams kyang so skye'i rnam shes las su mi rung ba chos nyid yin pas gzu lums
404a4 can gyis yi ge bri nyes dang brda dag gya tshom du gyur pa du ma'i son gnas kyi steng du slar yang khang 'gengs su gyur pa mang po rim gyis bsabs pas ches ma dag pa'i rgyun la sngon gyi mkhas pa dag gis tshig don
404a5 gyi cha la dpyad zhus dang dkar chag 'debs pa sogs gang yang ma byung ba'i skyon gyis yi ges pas bslad skyon shin tu mang bas bri nor rgyun 'byams dang/hol shor ram gang yin dpyad dka' ba'i tshig chad dang
404a6 phreng chad mang po dang/tshigs bcad dang sde tshan gong 'og 'khrugs pa du ma dang/ yul skad shan shor sogs dpyad bzod pa dang mi bzod pa brjod kyis mi lang ba lta bur gyur pas phyogs 'di'i rgyud kyi
404b1 dpe rnams phal cher rgyun gcig tu song bas yid brtan phel ba'i skyon sel nus pa shin tu dka' zhing/da la'i hu thog thu'i phyag dpe de skabs 'gar cung zad dag pa byung bas phan thogs re che byung zhing/
404b2 tshig rkang gcig nas lnga drug gi bar chad pa dang/ 'phreng chad sogs phal cher 'di nyid nas bsabs/ der med pa rnams gong 'og gi bab la dpyad nas bzos pa dang cha mthun gyi rgyud gzhan nas kyang blangs te
404b3 bsabs/tshigs bcad lhug gong 'og 'khrugs pa rnams ma 'khrugs par bkod/ le'u grangs dang rtog pa sogs 'khrugs pa dang chad pa rnams kyang de dang de'i 'gros la dpyad nas bcos/ spyi'i sa bcad dang
404b4 bye brag mi mtshungs pa rnams kyang mi 'gal bar bsgrigs/gsang ba 'dus pa dang/ mnyam sbyor dang/ dpal mchog dang po sogs slob dpon bi shwa mi tra dang/ brgya byin sdong po dang/ kun dga' snying po sogs
404b5 kyi 'grel pa snga 'gyur dang shin tu mthun pas de nyid kyis bcos te gtan la phab/rgyud bcu bdun gyi skor rnams don 'grel du gyur pa theg mchog mdzod dang bstun nas zhus dag bgyis/ gshin rje me rlung
404b6 skyin 'dang 'khrug pa dang/yang dag zhi khro 'bum rgyud/ bdud rtsi 'khyil ba'i rgyud/ bdud rtsi skye 'khrungs kyi rgyud sogs rang rang gi gsham du gsal ba ltar dpe re re las ma 'byor pas don bstun rgyu med pa dang
405a1 gzhi nas mi dag pa tshan che yang rang nyid kyi blos gang dpog tsam zhig zhus dag bgyis shing dpe lung gnyis ka'i rgyun la bsams nas bkod/brda rnying ngam yul skad dang zur chag pa sogs gang
405a2 yin ma nges pa'i/kun gzhi la kun ki dang/ 'gran zla med pa la bskyad du med pa dang/ tshar bcad pa'i don la tshar du bton dang/ gnas 'gyur pa la ja log dang/ phrin la than/ mthar thug gam snying po'i
405a3 don la thus ka/skye dgu la skye 'gul/ khur bzos pa la rgya theg/ bstim pa la gtems pa/ 'o bskol la 'ol gom/ chad pa bcad pa la chab brtsal ba/ gza' gtad kyi don la/ yul la gza' dang/ chos la
405a4 gza'/zhes pa dang/ gzhung gi don la klungs/ zong la zor/ zhes skul tshig lta bu'i mtshon smos kyis mi lang bar yod pa'i don nges shing blos dpog par nus pa rnams go dka' ba 'ga' zhig bcos/ go sla ba
405a5 rnams sor bzhag bgyis/blos mi dpog pa'i go ba blangs mi shes pa rnams dpe mthun shas che ba gtso bor byas te dpyad gzhir bzhag nas bkod/ gsang sngags rnams ni sngags tu yod pa'i rigs la de nyid
405a6 dang bstun te/de yang big+h+nAn la big+nan/ kro d+ha la kro ta/ dza Ti la tsa ti btus pa sogs legs sbyar dang mthun mi mthun ci rigs byung pa de ni phyis 'gyur ba'i gsar ma'i rgyud rnams las kyang yod de bde mchog
405b1 nyung ngu dang mkha' 'gro rgya mtsho sogs las kyang gr-i h+na la gr-i h+na btus pa/tsa ra mAm+ba ra la tsarmam+b+ha ra btus pa lta bu dang/ sngags btu dngos la bar mtshams nas chad pa rnams kyang gong 'og gi bab la dpyad
405b2 nas bsabs/legs sbyar yin nges rnams ni sgra gzhung dang mthun par bcos/ gzhan blos mi dpog pa'i rigs saM skr-i ta'i skad kho nar ngos bzung mi btub pa zur chag dang/ pi shA tsi'i skad dang/ pra kr-i ta
405b3 dang/'gro lding ba'i skad dang/ mkha' 'gro'i brda skad dang bru sha'i skad dang/ kla klo'i skad la sogs pa 'dres ma'i sde rnams ni dpe mthun shas che ba gtso bor byas/ spyir yang sangs rgyas kyi bka' dang
405b4 khyad par gsang sngags su gyur to cog saM kr-i ta'i skad kho na yin pas khyab pa med de/'phags pa spyan ras gzigs kyis dri ma med pa'i 'od las/ kun mkhyen lam don gnyer ba rnams la sgra dang sgra min
405b5 rnam dpyad chen po med// sna tshogs yul skad ngan pa yis kyang chen po rnams kyi lam la rtag tu 'jug/ sems can rnams kyi mos pa'i sems kyi dbang gis thams cad mkhyen pa'i gsung gzhan la// lung
405b6 ston dag la lha klus bkod pa'i sgra sogs rtsod pa don gnyer rnams kyi gzhan// yul gyi skad dang zur chag sgra las kyang// rnal 'byor ldan pas don ni 'dzin byed de// chu la 'o ma nges par bzhugs pa de//
406a1 ngang pas rab tu phyung nas 'thung bar byed// don dam de nyid yul la rtag tu ni// chen po rnam dag tshig la rton pa min// yul gyi ming rnams kyis ni don shes la// bstan bcos sgra dag gis ni ci
406a2 zhig bya// gang zhig gzur chag sgra dang sgra 'gyur pas// brjod pa de nyid ye shes ma yin zhing// gang zhig 'gro ba dag la nyi tshe ba// de ni thams cad mkhyen pa'i gsung ma yin// zhes pa dang/ saM skr-i ta'i skad lta
406a3 bur gnas pa rnams kyang sgra tshad la rtog dpyod grims pa dag gis byas pa'i thun mong gi rig lam gyi bstan bcos bzhin du byings dang rtags dang rkyen dang rnam dbye'i sbyor ba ma 'chol ma 'dres pa'i rnam dpyod
406a4 gtsang gtsang mor yod dgos par rlom pa'i rgyud zab mo la dpyad pas shes par 'dod pa sogs kyang rgyal ba'i dgongs pa las phyi rol tu gyur pa'i blo gros phur khung thug pa'i rtags te/dri ma med pa'i 'od las/
406a5 sgra bzang po smra ba de dag rnams kyi sgra bzang po la zhen pa spang ba'i slad du don la rton pa nyid la brten te tshigs su bcad pa kha cig tu zur chag gi sgra dang/ tshigs su bcad pa kha cig tu gcod mtshams nyams
406a6 pa dang/kha cig tu rnam dbye med pa'i phyis tshig dang/ kha cig tu dbyangs dang gsal byed pa dang/ tshigs bcad kha cig tu ring po la thung ngu dang thung ngu la ring po dang/ kha cig tu lnga pa'i don la bdun pa dang/
406b1 bzhi pa'i don la drug pa dang/ kha cig tu gzhan gyi tshig can gyi byings la bdag nyid kyi tshig can dang/ bdag nyid kyi tshig can la gzhan gyi tshig can dang kha cig tu gcig gi tshig la mang po'i tshig dang/ mang
406b2 po'i tshig la gcig gi tshig dang/kha cig tu pho'i rtags la ma ning gi rtags dang ma ning gi rtags la pho'i rtags/ kha cig tu rkan las byung ba sha yig la so dang spyi bo las byung ba dang/ kha cig tu spyi bo las byung
406b3 ba la so dang rkan las byung ba dang/kha cig tu so las byung ba la rkan dang spyi bo las byung ba ste/ de lta bu gzhan yang rgyud ston pa po'i man ngag gi rjes su 'brang bar bya'o// zhes dang/ yang phyag rgya thig le las/
406b4 rnal 'byor rnal 'byor ma rgyud shes// bla mas mdzad pa'i bstan bcos gang// de la sgra dang sgra ngan bya// lha yi dbang phyug brtag mi bya// snyan dngags zlos gar bstan bcos las// sgra dang sgra ngan brtag bya
406b5 yi// sngags kyi bstan bcos gtan la phab// ci yi phyir na brtag par bya// brtag par byed pas gti mug byed// rtsa ba'i don ni zad par 'ong// de phyir sgra dang rtog ge shes// de la de nyid bshad mi bya// de
406b6 kun la ni dbang mi bskur// phyi yi don la mos pa'i phyir// zhes so// de bzhin du yul dang skad so so'i brdas gdul bya rnams la sangs rgyas kyi gsung rnam pa thams cad pa sgra snyan gyi gdangs nyan pa po so so'i
407a1 bsam pa bzhin go ba lta skad gzhan dang sngags de gzhan dang cho ga 'di rnams gzhan dang gzhan gyis sems can de dang de'i khams dang dbang po la go bar mdzad pa'i rgyal bar rnams kyi gsung
407a2 gis gsang ba bsam gyis mi khyab pa'i tshul la go phyogs tsam yang ma shar bar gsung rab thams cad lha'i skad kho na yin dgos pa'i go ba zhig la zhen nas kla klo dang pi shA tsi dang bod kyi skad sogs yul gyi
407a3 brda' dang legs sbyar 'dres mar 'byung ba rnams la rgya min bod min sogs kyis gzhung brtag pa dag byung srid kyang de dag rang gi blo gros kyi mig bu dog pa'i mtshangs brtol ba la mkhas pa yin te/ston pas
407a4 yul gzhan gyi skad dang brdas gsung ba chos yin na/bod kyi skad du gsungs pas chos ma yin par mi 'gyur te/ snga ma las/ 'dir dang por re zhig nyan thos kyi tshul sde snod gsum la sogs pa ma ga d+hA'i skad
407a5 kyis chos ston pa 'di lta ste/a t+ya pi so b+ha ga bA~M samyak+saM bud+d+ho bid+ya tsa ra Na saM pan+naHsu ga to lo ka bi du a nut+ta ro zhes pa la sogs pas chos bstan to// de bzhin du chu bo shI ta'i byang tsam pa ka'i yul du grong bye
407a6 ba'i skad kyis chos ston pa 'di lta ste/a kar Sh+tu khu Sh+Nu ka ga ga na ku/ dzi Na ma ga bi dzi ri Ta ku/ du du ru pa ka ces pa la sogs pas chos bstan to// de bzhin du ru ka ma'i byad su m+ma'i yul du grong bye ba'i skad
407b1 kyis chos ston pa ni 'di lta ste/a ka ma ya sad/ ba la da da ta ta bi ra Ta/ mi ni ka a ku Ta pa ra dang/ dzi gi ti ba ra da ta/ ces pa la sogs pas chos bstan to// de ltar de bzhin gshegs pa yul du ma'i yul
407b2 gyi skad kyis theg pa gsum ston par byed pa'i phyir 'di skad bdag gis thos pa zhes pa la sogs pa legs par sbyar ba'i skad gcig pus ma yin no// zhes pa dang/ re zhig yul gyi khyad par gzhan lta zhog gi de
407b3 bzhin gshegs pa mngon par rdzogs par sangs rgyas pa 'phags pa'i yul 'dir bcom ldan 'das yongs su mya ngan las 'das par gyur pa na sdud par byed pa po dag gis theg pa gsum glegs bam la bris
407b4 te/de bzhin gshegs pa'i nges pas sde snod gsum ma ga d+hA'i skad kyis bris so// mdo sde ni sin+d+hu'i skad kyis so// pha rol tu phyin pa'i tshul dang sngags kyi tshul ni legs par sbyar pa'i skad kyis so// rgyud dang
407b5 rgyud gzhan dag ni legs par sbyar ba'i skad dang tha mal ba'i skad dang zur chag gi skad dang legs par sbyar ba ma yin par ri khrod pa la sogs pa kla klo'i skad kyis te/de lta bu la sogs pa thams cad mkhyen
407b6 pas bstan pa'i chos rnams sdud par byed pa po dag gis bris so// de bzhin du bod kyi yul du theg pa gsum bod kyi skad kyis bris te/ rgya nag tu rgya nag gi skad kyis so// rgya nag chen por rgya nag chen po'i skad
408a1 kyis so// par si ka'i yul du par si ka'i skad kyis so// chu bo shI ta'i byang du tsam+ba k+ka'i yul gyi skad dang/ spre'u'i yul gyi skad dang/ gser zhes bya ba'i yul gyi skad kyis so// de bzhin du chu bo
408a2 sngon po'i byang du rug ma zhes bya ba'i yul gyi skad dang/bu ri ma'i yul gyi skad kyis so// de ltar grong bye ba bye ba'i bdag nyid yul dgu bcu rtsa drug rnams su yul dgu bcu rtsa drug gi skad kyis bris so// zhes
408a3 sogs gsungs shing/'dul bar rgyal po chen po sde bzhi la chos gsungs pa'i skad kyang tha dad par de dang mtshungs par bsgyur mi btub par 'byung ngo// de tsam du ma zad sangs rgyas rnams kyis 'jig rten
408a4 las 'das pa'i sgra skad dang brda'i khyad par du mas kyang chos ston par mdzad pa'i phyir phyogs rer zhen cing/mtha' gzhan la rmongs pa'i gtam gzhung ba med par rang nyid kyis shugs 'byung du smras pa 'di lta
408a5 bu slad chad dpyod ldan rnams kyis spro bar mi bya'o// yig sdeb kyi sbyor ba rnams kyang brda dag gis bstan bcos rnams su gcig mi gcig sna tshogs byung bas mtha' gcig tu nges pa mi 'dug na'ang sngon rjes
408a6 kyi 'jug pa dag dgos pa gang gi ched dang/tshul ci ltar 'jug pa/ rtags kyi dbye ba dang/ dus gsum gyi sgrub pa dang/ de la'ang spyir btang dmigs bsal/ snga phyi'i tshig sbrel ba'i mtshams sbyor/ rnam dbye
408b1 dang/tshig phrad la sogs pa sngon gyi mkhas pa rnams kyis brda legs par sbyor ba'i legs bshad rnams dang rang blo la nges pa'i byA ka ra na'i bstan bcos chen po rtsa 'grel rnams kyi go ba dang yang bstun nas
408b2 bcos/brda rnying pa yin nges kyi ming rnams sor bzhag dang yul phran so sor bsgyur stabs kyis sam/ rgyud tshan pa re la chos skad dang rang gi thun mong min pa'i brda re yod pa lta bur snang bas de rnams sor
408b3 bzhag byas shing yul skad shan shor ba lta bu'i ma dag nges pa rnams dor/dpyad mi bzod pa'i rigs ni don gang yin ma nges bzhin du 'ol tshod kyi bzo bcos bgyis na rgyal ba'i bka' yang dag pa'i gnas la
408b4 dbang za bar 'gyur zhing/don ji bzhin ma yin par gyur na bdud kyi las su 'gyur pa'i phyir dpe mthun shas che ba gtso bor byas pa nyid nyes chung bar rtogs nas de bzhin du bzhag cing/ phal cher la phyis
408b5 su rgyud sde gzigs pa'i mkhyen pa can 'byung du re ba'i dpyad gzhir rtags kyis gsal bar byas pa sogs snga phyi kun tu brda sbyor la blta ba'i mig grung por gyur pa sngags pa a rgyal dang/a srung sogs blo
408b6 gsal gzhan gyis kyang lan mang du bsgrags nas nan lcags thar gsum gyis zhu dag bgyis shing rang nyid kyis kyang lan grangs du mar nan tan gyis dpyad zhus kyis gtan la phab pa'i rtsis yin kyang rgyud rnam
409a1 grangs mang bas rdo rje tshig brling zhing rtogs dka' ba dang/gsar ma'i rgyud rnams dang mi dra bar sngon nas bzung da lta'i bar dag ther gyis ma phog pas zhus dag tu btab kyang don la gzhi
409a2 bsgrigs lta bur dgos pas ma mo'i rgyud srid pa'i rdzong lung dang e ka dza Ti'i rgyud sogs la lan grangs bco lnga nyi shu re bskyar zhus byed dgos byung ba lta bus mtshon shin tu dka' ba'i gnas su gyur kyang mdor
409a3 na gsung rab kyi don ni tshig la mi rton don la rton/drang don la mi rton nges don la rton/ gang zag la mi rton chos la rton/ rnam shes la mi rton ye shes la rton pa lhongs su ma gyur na sgra dang rtog ge'i rig pa ni
409a4 chos nyid dang 'gal ba'i chos can te/gsang sngags kyi ngo bo de ni gang gi blo zhib pa/ ches zhib pa/ shin tu zab pas blta bar bya'o// gang la la dag chos thams cad la mu dang gting dang/ mtha' dang dbus
409a5 'tshol ba yod na de dag ni blo zab pa dang ches zab pa zhes mi bya'i/thug pa nyid du thug pa zhes bya'o// zhes gsungs pa'i phyir thog mar sgra tshad la sogs pa'i rig pas bsregs bcad brdar ba'i gser bzhin
409a6 du zhib pa dang ches zhib par brtags nas// mthar gyis de bzhin gshegs pa'i bstan pa ni don gyi chos nyid dang mi 'gal bar chos su bzung bar rjes su 'doms pa yin pas ji ltar dpyad kyang mi 'gal ba'i
409b1 shin tu zab pa'i phyogs kyang cung zad mthong mod kyi skye bo drang don tsam dang tshig la rtog dpyod 'jug pa gtso bor byed pa dag gi dbang shes la'ang rgyud kyi tshig don brling ba dang dpyad zhus mkhas po'i blo gros
409b2 kyi ma rtogs pa dang/log par rtogs pa dang hor shor sogs gtan med do zhes smra bar mi nus kyang sngon chad gangs can 'dir dper rgyun yod pa rnams las khyad par du 'phags shing yang dag par bgyis
409b3 pas rnam par dag pa'i bstan pa la mos pa rnams kyis yid rton pa'i gnas su rung bar yod dam snyam mo// bzhi pa bzhengs tshul dngos ni/ de'ang yi ge 'dus pa la ming/ ming 'dus pa tshig/ tshig 'dus pa la
409b4 tshigs su bcad pa dang lhug pa sogs gzhung tshigs yi ge'i rgyud du grub pa ste/de la yi ge ni ming dang tshig gang yang rung ba gsal bar byed pa'i phyir rjod byed thams cad kyi rtsa bar gyur pa yin la/ gangs can
409b5 gyi ljongs su 'jam dpal gyi sprul pa thon mi saM b+ho Ta'i mkhyen dpyod kyi 'phrul las legs par thon pas bod yul gyi yi ge gsar du 'khrungs pa nas bzung khyung po g.yu khris thig gi lam du gcur zhing mkhas pa
409b6 gzhan gyis lhan thabs kyang mdzad pa'i rgyud las gdon pa bcu dang/gces so brgyad dang/ chos nyi shu'i mtshan nyid rnam par bshad pa'i lag khrid kyi rgyun ji lta bar sbyang bdar gyis khong du chud pas sa skyong
410a1 chen po'i gsung rab rin po che 'ba' zhig las bzhengs pa mang po dag sngar phan bzhugs pa rnams blo dang ldan pa'i mig gi bdud rtsir gyur pa kho nar bas pas yi ge'i lus ma rdzogs pa dang/'gyel ba dang/
410a2 bum pa dang/ mig zum pa dang/ 'bu srin gyi rjes lta bur gyur pa sogs skyon gyi rnam pa lan brgyar dpyad kyang dmigs par dka' ba'i yig mkhan mkhas pa dag gi rgyun las byung ba'i dpon
410a3 yig pa sum cu skor gyi lhun grub steng gi bla brang chen po'i bris khang du par yig 'bri ba'i gra tshugs pa dang/de bzhin du par brkos brgyad cu lhag dang/ zhus dag pa bcu skor dang/ shing bzo mkhan/ shog las
410a4 pa/snag las pa sogs las ka mkhan gyi rnam grangs shin tu mang ba bar mtshams ma chad par bsags shing/ de dag gis zhus dag bgyis zin pa dang par yig 'bri/ de zin nas par yig la yig mkhan so
410a5 sos zhu dag lan grangs gnyis re dang/zhus dag byed mkhan rnams kyis lan gnyis re ste bzhi bzhir zhus dag byas zin nas par brkos pa rnams la so sor sprod pa sogs las spyi'i do dam dang 'go lung ni
410a6 mi'i dbang po'i zhabs rim pa blo gzhung la tshugs thub pa/khog yangs la dkyel che ba/ drang zhing g.yo sgyu dang bral bas chos sbyin mi zad pa'i 'byung gnas par khang chen mo'i phyag mdzod gu ru tshe brtan gyis
410b1 bkod pas khyab pa bzhin/gnyer byed pa ye shes dpal ldan dang/ ngag dbang 'od zer sogs dang/ par dngos gzhi phar sprod cing tshur len pa dang bskyar bzo dgos pa dang/ legs nyes blta rtogs sogs
410b2 par dpon gyi bkod pa bzhin zhus dag pa a srung gis lhag bsam gang che'i ngos nas byas shing/shing stag nas sa rta'i bar bgrang bya lnga'i ngo mthong bar gus sbyor dang rtag sbyor gyis brtson pa chen pos bsgrubs
410b3 pa yin no// de la dam pa'i chos ni thog mar dge ba/ bar du dge ba/ tha mar dge ba'i brjod bya dang brjod byed la de lta bu'i khyad par yod na gang bdud dam bdud kyi ris su gyur pa'i gnod sbyin dang/ srin
410b4 po dang/'byung po dang/ ro langs dang/ yi dwags dang/ sha za dang/ brjed byed dang/ smyo byed dang/ srul po dang/ lus srul po dang/ lha ma yin dang/ ma mo la sogs pa'i mi ma yin dang mir gyur pa'ang rung
410b5 legs pa'i bgyi ba rgya chen po snga na med pa 'di lta bu'i gnas la sdang ba dang/rnam par sdang ba'i sems dang/ gdug cing shin tu gdug pa'i sems dang ldan pa rnams kyis phrag pa dog pas kun tu 'khrug pa'i
410b6 sbyor ba drag shul gyi cho ga dang/rtsub mo ma yin pa'i 'jam po'i sbyor ba'i bslu brid kyis bshol thabs sogs legs byas rgya chen po'i gegs su gyur pa'i phyogs su gtogs pa thams cad phyogs bcu'i bde bar
411a1 gshegs pa sras dang bcas pa rnams kyi tshad med pa'i thugs rje'i spyan gyis dbyings nas gzigs pa dus las mi yol ba'i mthu dang byin gyis nye bar zhi/rab tu zhi/ rming med par bcoms pas
411a2 dus ma yin par 'chi ba dang/'thab mo dang/ 'gyed pa dang/ nad kyi rigs rnams dang/ de'i 'khor na gnas pa dang/ nye bar 'tshe ba dang/ gdon thams cad kyang sngags bdag mo dang khyab 'jug chen po
411a3 sogs srung ma chen po rnams kyis bsrungs shing bskyabs pa dang/rab tu sba bar byas pa legs byas rgya chen po 'di nyid mthu dang byin rlabs kyi tshan ka ma nyams pa'i phyir sngar par sogs su bkod pa lta ci
411a4 glegs bam du bzhengs pa na'ang bka' gnyan cing 'tshub che ba sogs sgo du ma nas yid rtab rtab por gyur kyang 'tshub lhongs sogs su mngon par cha tsam yang ma byung ba dang/snyigs ma'i dus kyi mtha'i 'byung po
411a5 ma rung pa'i kha rlangs rdo rje'i tsher mas mi'i 'gro ba ji snyed cig gi srog la dus kyi chad pa 'bab par byed pa'ang zug rngu dang bral ba'i dngos por bsgyur nas phyogs 'di dag gis mtshon pa'i 'gro ba mang po zhig
411a6 la slan chad bro 'tshal ba de dag gis mi 'jigs pa'i srog byin pa'ang 'jig rten dang 'jig rten las 'das pa'i dge legs ma lus pa'i 'byung gnas dam pa'i chos te de dag gi nang nas khyad par du mas
411b1 'phags pa rdo rje theg pa'i sde snod rin po che chos sbyin zad pa med pa'i phyi mo gsar du bskrun pa 'di nyid kyi mthur shes par bya'o// de ltar sgrub byed kyi bris brkos las tshan rnams la byas pa shes shing drin du
411b2 gzo ba'i phyir yon 'bul gyis tshim par bya ba ni/rab tu gnas pa'i rgyud las/ rgyan rnams ma lus pa yis ni// phyi nas bzo bo rnams la mchod// gang dag de la grogs byed pa// gzhan dag kyang ni mchod par
411b3 bya// zhes gsungs pa ltar/ nar ma'i bza' btung gi phogs dang/ las tshan so so'i yon dang par shing gi rin bcas gsol ras dmar zong 'dres ma sngon gyi rtsis gzhi dang bstun pa'i lag 'bab snga phyi kun tu
411b4 bsdoms par bzang pa spob ce stong phrag gsum dang brgya nyer lngas mtshon gtong ba'i phyag ring por brkyangs pas rab tu mgu bar byas so// de ltar par du bsgrubs zin nas kyang zhus dag lan grangs kha yar
411b5 bgyis te yid rton du rung bar gyur pa dang bde bar gshegs pa'i chos nyid bsam gyis mi khyab pa'i ye shes ni shes bya thams cad la ro mnyam pa nyid du khyab cing rtag pa nyid kyis gdod nas rang bzhin du grub
411b6 pa'i dam tshig dang ye shes dbyer mi phyed pa'i bdag nyid du lhun gyis grub pa'i don dam par gang la rab tu gnas pa dang/gang gis gnas byed/ gang gnas par bya ba gsum ka rnam par mi rtog pa'i gnas
412a1 lugs rjes su dran pa tsam gyis de kho na nyid kyi rab tu gnas par 'gyur la/gzhan du 'jig rten pa'i rnam shes dang rjes su mthun pa'i kun rdzob kyi cho gar yang rab tu gnas pa'i dbyings zab
412a2 mo la don gyis 'jal nas dkyil 'khor gyi ye shes dang/gang zag gi shes rgyud gnyis rdzas mi 'gal ba'i shes rab lhongs su gyur cing de nyid bcu la sogs pa ma rmongs pa'i slob dpon dag gis cho ga'i yan
412a3 lag rnams kyang sangs rgyas kyis ji ltar gsungs shing mkhas pa'i gzhung nas bshad pa ltar tshang la/ma 'khrul/ ma 'khrugs/ ma 'dzings par rnam par dag pa'i sbyor dngos rjes gsum gyi sgo nas rten dam tshig
412a4 sems dpa'i ngo bor ting nge 'dzin gyi dkyil 'khor bskyed pa la rang bzhin gyi dkyil 'khor ye shes sems dpa' dbab cing bstims nas brtan par byas pas dge zhing bkra shis pas skye dgu rnams mngon mtho
412a5 dang nges legs kyi gnas la bkri bar byed pa'i thabs la mkhas pa'i phrin las su rgyal bas thams cad mkhyen nas gsungs pa'i phyir/snyigs ma'i dus kyi rdo rje 'chang gnyis pa dor chen kun dga' bzang po'i
412a6 rgyal tshab thar rtse zhal snga nas kyis dpal dgyes mdzad rdo rje'i dkyil 'khor la brten pa'i spyan dbye ba'i cho ga bzang po drug dang ldan pa legs pa bsgrubs pas 'jig rten dang 'jig rten las 'das pa'i
412b1 dpal dang 'byor pa bkra shis pa thams cad kyi 'byung gnas/sa gsum kyi skye dgu thams cad kyi mchod sdong/ rgyal ba'i bstan pa rin po che'i rtsa lag tu gyur pa 'di nyid legs par grub pa yin no// smras pa/
412b2 bde bar gshegs mthu'i lcid kyis brling byas snying stobs rab tu dar ba'i grus// kun tu rgal dka'i legs spyod rgya mtsho'i pha mtha' nyid du rab son pas// zhi bsil nor gyis phongs par gyur rnams bde dang
412b3 'byor pas phyug slad du// bsam rdzogs nor bu'i reg byas ra bas kun dga'i dga' ston rgyas par gyur// legs pa rnams kyis legs byas pas// gang gis grags pa mngon mchod pa// sde bzhi dge bcu'i
412b4 rgyal thab ni// 'dir ni sa yi thig ler gyur// snyan pa'i me tog dog pa ni// yon tan dri bzangs tshogs 'dzin pa// phyogs bral rig dwags mig can gyi// rna ba'i rgyan du ci yang dar// bka' rtags gser gyi
412b5 cod paN ni// sa skyong rnams kyi spyi bo ru// phreng ba ji bzhin 'dzin byed na// de ni de yi dpal gyis mdzes// zhum pa med pa'i snying stobs 'khor lo yis// chos las byung ba'i rig pa'i dpung khyer bas// rtsod
412b6 pa'i phyogs su gyur rnams zil mnan te// rdzogs ldan dang po'i skal bzang drangs par gyur// sems ni rdzogs pa'i byang chub la rangs pas// srid pa'i phun tshogs g.yon ma'i 'jo sgeg gi/ tshor ba bde ba'i
413a1 gar phyir mi 'brangs par// bsil ba'i khams su te por spyod la zhugs// dge legs kun 'byung yon tan bye ba yi// 'byung gnas des kyang phun tshogs bye ba'i char// spro byed zad pa med pa'i
413a2 rin chen gyis// bkang ba'i bsod nams grub bo shin tu legs// gang gi ngo bos skyon rnams ring btang nas// yon tan 'bum gyi snang ba bkye ba'i mdzod// bden gsung nyi ma 'char nub spangs pa'i
413a3 mkhar// rtag pa 'di ko bsngags pas ci zhig long// de la rgyal rnams dgyes pa'i 'dzum mul ba'i// snang ba bsil bar 'bab pa'i reg bya yis// 'khor ba'i gdung pa kun 'phrogs gegs kyi shugs// zhugs
413a4 kyi phung po 'bar bas rtswa rnams bzhin// rab rib can la sgron me phongs la nor dang g.yang sar lag pa'i 'chel ba ste// slong la dpag bsam long ba rnams kyi dmig bu lam gzhan dag la lam gyi
413a5 rgyags// sdug bsngal nad la sman chen gdung ba dag la bsil ster 'jigs skyob ra ba ste// mya ngan thang la mi bslu'i skyel ma chos dang 'dra ba'i mdza' bshes gzhan yod min// bde bar gshegs pa'i bstan
413a6 pa thams cad kyi snying po rig pa 'dzin pa'i sde snod theg pa snga 'gyur rgyud 'bum rin po che'i rtogs pa brjod pa lha'i rnga bo che lta bu'i gtam las bstan pa de las deng sang gangs ri'i ljongs 'dir ji tsam snyed pa
413b1 glegs bam zad mi shes pa'i phyi mor bsgrubs pa'i tshul legs par bshad pa'i skabs te gsum pa'o//// pra yo bi di ta ba sto sta n+t+ra ta twa mu pA ya pa thi mu gyai rbe da ta n+t+ra kr-i da n+ta ga ta deha
413b2 dz+nyA na ta n+t+ra swa be d+ya ta bi di twA[ u0f85 ]b+he da na twA/gang zhig rtogs pa de kho na nyid gzhi yi rgyud// gang yis rtogs byed thabs grol byed stsol lam gyi rgyud// gang du ci chi ba sku dang ye shes 'bras bu'i
413b3 rgyud// rang rig ngo bor dbyer med shes pas rab btud nas// 'jig rten kun tu bde ba ma lus rgyal ba'i bstan las byung// de dag thos bsam bsgom pa las byung de nyid kyang// ming tshig yi ge'i lung gi dam
413b4 chos las byung phyir// ston zla lta bu'i mi bdag blo gros de rjes song// snying rje'i 'o mtshor khrus la zhugs pa'i zhal// ston mtshan zla rgyas lta bur rab ngom zhing// sdug bsngal mtsho las 'gro ba gdon pa'i
413b5 phyag/ring por rkyong la ma med 'phags rnams kyis// rab gsung mang po'i mchod sbyin 'dod 'jo'i gzugs// rnam pa kun ldan gser gyi mchod sdong che// 'di na skye dgu'i bsod nams bgo skal du// 'bad pa
413b6 med par lhun gyis grub par mthong// skal ba dge ba'i ngang tshul rgya mtsho'i sprin// sa bla'i lam las 'das pa 'phel ba yi// mi 'dzad bdud rtsi'i char chen 'di 'bebs kyis// myang 'dod skye bo'i
414a1 tshogs rnams da 'dus shig/da ni yo ga sde gsum gyi rgyud sde'i rim pa deng sang gangs ri'i khrod du gtso che ba dpe lung gnyi ga'i rgyun ji tsam snyed pa'i bzhugs byang dkar chag dngos 'god pa la
414a2 nyang dang chos dbang rdo rje gling pa'i zab gter las byon pa'i rgyud kyang ji snyed cig bzhugs mod kyi/'dir ni bka' brgyad dang dgongs 'dus kyi gter rgyud rnams gter ma'i sgrub sde'i gtso bor mthong nas
414a3 bkod la rdzogs chen gyi gter rgyud rnams kyang rags bsdus tsam bkod pa rang rang skabs su gsal ba ltar yin/gter rgyud mtha' dag pa ni 'dir bkod pas mi lang zhing lung gi rgyun kyang yongs su rdzogs
414a4 pa bzhugs pa dka'/rgyud so so gang du gtogs kyi ngos 'dzin spyir rdzogs chen du ma zad yo ga gsum ga'i skabs slob dpon so so'i bzhed tshul mi 'dra zhing/ rdzogs chen rang la'ang sde gsum bzhed dgongs
414a5 mi mthun pa'i rnam grangs mang ba 'dug pa don la mi 'gal yang/gnas skabs su dgongs pa 'grel tshul mi gcig pa mtha' dag dgongs phyogs gcig tu sgrig par rngo mi thogs shing/ gtso bo kun mkhyen chos
414a6 rje'i gsung rab rnams dang/gter chen rat+na gling pa/ mnga' ris paN chen rin po che sku mched sogs kyi dgongs pa kun mkhyen lnga pa chen pos bzhed pa ltar 'dir bkod cing/ de'ang dpe rgyun gcig tu thams
414b1 cad ma tshang bas go rim ltar stabs gcig tu sgrig ma thub kyang sa khongs mi stongs pa'i ched 'dir 'di 'dzud ces bris shing/yo ga gsum ga'i rgyud kyi dpe ma tshang ba slar rim gyis 'byor ba rnams gsham du ma
414b2 tshang kha skong du bkod/gzhan rnams go rim gang 'grigs su bris pa la/ dang po a ti yo ga la/ yang ti'i skor/ spyi ti'i skor/ man ngag gi sde'i skor/ klong sde'i skor/ sems sde'i skor dang lnga las dang po/[ (]ka
414b3 pa la/[) ]gu ru chos kyi dbang phyug gis spyan drangs pa'i yang ti rdzogs pa chen po sangs rgyas mnyam sbyor gyi chos sder bzhugs pa'i ma rgyud spros bral don gsal chen po'i rgyud le'u brgya dang nyi shu rtsa gsum pa
414b4 dpal o rgyan chen pos sgra rang 'gyur du mdzad pa/rgyud thams cad kyi rtse rgyal nam mkha' 'bar ba'i rgyud le'u so dgu pa shrI badzra gyis bshad cing dpal he ru kas bsgyur ba/ rgyud thams cad kyi spyi phud nyi zla
414b5 bkod pa nam mkha'i mtha' dang mnyam pa'i rgyud le'u bco lnga pa rgya gar gyi slob dpon pad+ma 'byung gnas dang/lo tsA ba ska ba dpal brtsegs kyis bsgyur cing gtan la phab pa/ nam mkha' 'brug sgrog thog bab
414b6 klong 'dus spyi rgyal rgya mdud kyi rgyud le'u bcu pa/slob dpon pad+ma dang/ ska ba dpal brtsegs kyis bsgyur nas khri srong lde'u btsan la gdams pa/ lta ba la shan rin chen sgron ma le'u bcu bzhi pa/ lo paN de nyid
415a1 kyis bsgyur ba/rtsa rlung thig le'i rgyud le'u bdun pa 'jam dpal 'dus pa'i rgyud las btus pa/ rtsa rlung gi rtsa ba zhes pa rdzogs so'i mtha' can/ srog gi 'khor lo'i rgyud rnams 'gyur byang ma
415a2 'khod pa/brgyud pa gsum pa lta ba la thal gyi rgyud/ snang byed spu gri'i rgyud/ kun tu bzang po srog gi thigs pa 'bras bu ye grol chen po'i rgyud/ thig le mthong brdol yang ti nag po'i rgyud rnams 'gyur byang ma
415a3 'khod pa/rgyud kyi rtse rgyal nyi zla 'od 'bar mkha' klong rnam dag rgya mtsho klong gsal gyi rgyud le'u nyer bzhi pa slob dpon pad+ma dang/ ska ba dpal brtsegs kyis bsgyur ba mnga' bdag nyang dang snye mo zhu yas kyis
415a4 gter nas bton pa/rdo rje sems dpa' yi ge brgya pa dbang mchog rgyal po'i rgyud le'u nyer gcig pa 'gyur byang ma 'khod pa/ rdo rje sems dpa' yi ge brgya pa dbang mchog rgyal po'i rgyud phyi ma le'u nyer brgyad
415a5 pa/slob dpon pad+ma dkar dang/ lo tsA ba nam mkha'i snying pos bsgyur ba/ rdo rje sems dpa' yi ge brgya pa thugs phrin las thams cad kyi dam tshig gi rgyud le'u nyer bdun pa lo paN de nyid kyis bsgyur ba/
415a6 rdzogs pa chen po nges don 'dus pa le'u brgyad cu gcig pa rgya gar gyi mkhan po bi ma la mi tra dang/ bod kyi lo tsA ba A tsar+ya dran pa ye shes kyis bsgyur ba/ rdzogs pa chen po rin po che 'khor ba rtsad gcod kyi
415b1 rgyud le'u bdun pa 'gyur byang ma 'khod pa/rdzogs pa chen po 'khor brtsad nas gcod pa chos sku rig pa'i rgyud le'u nyi shu bzhi pa rgya gar gyi mkhan po bi ma la dang dran pa ye shes kyis bsgyur ba/ rdzogs pa chen po
415b2 lta ba'i yang snying sangs rgyas thams cad kyi dgongs pa nam mkha' klong yangs kyi rgyud le'u nga gsum pa lo paN de nyid kyis bsgyur ba/rdzogs pa chen po sangs rgyas thams cad kyi dgongs pa chos sku gcig tu
415b3 'dus par bka' bgros pa'i don rin po che yon tan kun 'byung gi rgyud le'u drug cu lnga pa lo paN de nyid kyis bsgyur ba/rdzogs pa chen po shin tu rnal 'byor sangs rgyas thams cad 'byung ba'i rgyud ye shes chos
415b4 kyi sku don 'dus rig pa'i gsung le'u drug cu rtsa bdun pa lo paN de nyid kyis bsgyur ba/rdzogs pa chen po nges don 'dus pa'i yang snying kun tu bzang po ye shes klong gi rgyud rin po che gser gyi yang zhun zhes bya
415b5 ba le'u so bdun pa lo paN de nyid kyis bsgyur ba/[ (]kha pa la/[ ) ]rdzogs pa chen por nges don thams cad 'dus pa ye shes nam mkha' dang mnyam pa'i rgyud le'u nyis rgya bcu gnyis pa rgya gar gyi mkhan po bi
415b6 ma la mi tra dang/bod kyi lo tsA ba gnyags dz+nyA na ku mA ra dran pa ye shes kyis zhus te gtan la phab pa/ rdzogs pa chen po nges don rig pa'i gsung rang byung bde ba'i 'khor lo le'u so gsum pa bi ma la dang
416a1 gnyags kyis bsgyur ba/rdzogs pa chen po ma rig mun pa rab tu sel bar byed pa lta ba ye shes gting nas rdzogs pa'i rgyud le'u zhe gcig pa rgya gar gyi mkhan po bi ma la mi tra dang/ bod kyi lo tsA
416a2 ba A tsar+ya dran pa ye shes kyis bsgyur ba/rdzogs pa chen po lta ba thams cad kyi snying po'i rgyud le'u nyi shu bzhi pa/ rdzogs pa chen po kun tu bzang po ye shes gsal bar ston pa'i rgyud le'u bcu gnyis pa/ de'i
416a3 rgyud phyi ma le'u bzhi pa rdo rje yang dbang gter gyis bsgyur ba/de'i phyi ma'i yang phyi ma le'u bzhi pa shrI sid+ha dang yang dbang gter gyis bsgyur ba/ ye shes 'khor lo'i rgyud le'u bdun pa/ rdzogs pa chen po ye shes
416a4 'khor lo gsang ba thugs kyi rgyud le'u bcu dgu pa/'jam dpal 'dus pa'i rgyud le'u bcu drug pa/ 'phags pa spyan ras gzigs ting 'dzin rtse gcig pa'i rgyud le'u bcu gsum pa rnams 'gyur byang ma 'khod
416a5 pa/gnyis pa rdzogs pa chen po spyi ti'i skor la/ snang srid kha sbyor bdud rtsi bcud thigs 'khor ba thog mtha' gcod pa'i rgyud le'u brgya rtsa brgyad pa slob dpon pad+mas bshad pa/ zhu chen gyi lo tsA ba chen po ska ba
416a6 dpal brtsegs kyis gtan la phab pa/rin po che bcud kyi yang snying thog tha dras thag gcod pa spros gcod rtsa ba'i rgyud le'u bcu gcig pa/ spros pa gcod pa sde lnga'i rgyud slob dpon gu ru pad+ma saM b+ha ba dang/
416b1 bod kyi lo tsA ba chen po ska ba dpal brtsegs kyis bsgyur ba/ rin po che bdud rtsi bcud thigs kyi rgyud le'u bco lnga pa lo paN de nyid kyis bsgyur ba/ rin po che snang gsal spu gri 'bar ba 'khrul snang thams cad
416b2 rtsad nas gcod pa nam mkha' dang mnyam pa'i rgyud le'u so lnga pa rgya gar gyi gu ru pad+ma saM b+ha ba dang/bod kyi lo tsA ba chen po ska ba dpal brtsegs kyis bsgyur ba/ rin po che spyi gnad skyon sel thig le kun 'dus
416b3 kyi rgyud le'u bcu pa lo paN de nyid kyis bsgyur ba/gter snying rin po che spungs pa'i rgyud le'u dgu pa lo paN de nyid kyis bsgyur ba/ thig le ye shes bcud spungs sgron ma 'od 'bar ba'i rgyud le'u bcu bdun pa
416b4 lo paN de nyid kyis bsgyur ba/bdud rtsi bcud thigs sgron ma brtsegs pa'i rgyud le'u nyer gnyis pa lo paN de nyid kyis bsgyur ba/ snying po bcud spungs nam mkha' klong yangs kyi rgyud le'u nyi shu pa lo paN de nyid
416b5 kyis bsgyur ba/thugs kyi yang snying dgongs pa'i bcud 'dus pa bka' brgyud rnams kyi gsang don bcud dril ba ma rig mun sel nyi zla 'bar ba'i rgyud le'u bcu gsum pa lo paN de nyid kyis bsgyur ba/
416b6 [ (]ga pa la/[) ]ri bo brtsegs pa'i rgyud le'u nyer gcig pa/ dri med ka dag gi rgyud rin po che gsal ba chen po zhes bya ba le'u bcu gnyis pa 'gyur byang ma 'khod pa/ rgyud thams cad kyi rgyal po nyi zla'i snying po 'od
417a1 'bar ba bdud rtsi'i rgya mtsho 'khyil ba'i rgyud le'u gya gcig pa u rgyan pad+mas bshad cing ska ba dpal brtsegs kyis bsgyur ba/skye med ka dang zang ka'i rgyud le'u bcu pa 'gyur byang ma 'khod pa/
417a2 gsum pa man ngag sde'i skor la'ang/ shin tu zab pa yang gsang bla na med pa/ gsang skor/ phyir skor nang skor gyi man ngag sde dang bzhi las dang po ni/ sku thams cad kyi snang ba ston pa dbang rdzogs pa rang byung
417a3 chen po'i rgyud le'u nyer lnga pa rdzogs pa rang byung gi rgyud dum bu bcu gnyis pa rdzogs so'i mtha' can/yi ge med pa'i rgyud chen po zhes bya ba rin po che rgyal mtshan gyi rgyud/ rgyal po'i gdung brgyud/ lta ba nam
417a4 mkha' dang mnyam pa'i rgyud chen po le'u drug pa rnams 'gyur byang ma 'khod pa/rig pa rang shar chen po'i rgyud le'u brgyad cu gya drug pa bi ma la mi tra chen po dang/ ska cog gsum gyis dpal bsam yas su gtan
417a5 la phab nas bsgyur ba/rig pa rang grol chen po'i rgyud le'u bcu pa/ rin chen spungs pa yon tan chen po ston pa rgyud kyi rgyal po le'u lnga pa 'bum phrag drug bcu rtsa bzhi'i bcud phyung ba rdzogs so'i mtha' can/ rgya
417a6 gar gyi mkhan po bi ma la mi tra dang/bod kyi lo tsA ba ska ba dpal brtsegs kyis bsgyur cing gtan la phab pa/ sku gdung 'bar ba chen po'i rgyud le'u gsum pa lo paN de nyid kyis bsgyur ba/ sgra thal 'gyur chen
417b1 po'i rgyud le'u drug pa rdzogs pa chen po sh+lo ka 'bum phrag drug cu rtsa bzhi las khyad par du bkod pa rdzogs so'i mtha' can 'gyur byang ma 'khod pa/[ (]nga pa la/[) ]bkra shis mdzes ldan chen po'i rgyud le'u lnga pa/ rdo
417b2 rje sems dpa' snying gi me long le'u brgyad pa mkhas pa chen po bi ma la mi tras sgra rang 'gyur du gsungs pa/kun tu bzang po thugs kyi me long gi rgyud le'u bzhi pa 'gyur byang ma 'khod pa/ ngo sprod rin po che spras
417b3 pa zhing khams bstan pa'i rgyud le'u gsum pa rgya gar gyi mkhan po bi ma la dang bod kyi lo tsA ba ska ba dpal brtsegs kyis bsgyur ba/mu tig rin po che phreng ba'i rgyud le'u brgyad pa 'gyur byang ma 'khod pa/ kun tu
417b4 bzang po klong drug pa'i rgyud skabs drug pa 'gyur byang ma 'khod pa/gser gyi me tog mdzes pa rin po sgron ma 'bar ba'i rgyud le'u bzhi pa/ rgya gar gyi mkhan po bi ma la mi tra dang/ lo tsa ba ska ba dpal brtsegs
417b5 kyis bsgyur ba/nyi ma dang zla ba kha/ sbyor ba chen po gsang ba'i rgyud le'u bzhi pa/ seng ge rtsal rdzogs chen po'i rgyud le'u bcu gsum pa/ nor bu phra bkod rang gi don thams cad gsal bar byed pa'i rgyud le'u
417b6 bcu bzhi pa rnams 'gyur byang ma 'khod pa/skabs 'dir bka' srung khros ma nag mo'i rgyud ni shin tu dka' gnyan cing dogs pas gzhan du 'god do// rgyud kyi khog snying sdeb pa gsal ba'i lde mig ces bya ba
418a1 gsang ba'i them rdzogs so// zhes pa'i mtha' can 'gyur byang ma 'khod pa/ gnyis pa gsang skor la/ rgyud lung man ngag thams cad kyi don 'grel thig le kun gsal chen po'i rgyud le'u go bdun
418a2 pa rgya gar gyi mkhan po dpal ldan seng ge'i 'od can dang/bod kyi lo tsA ba bai ro tsa nas bsgyur ba/ ye shes mar me'i rgyud le'u gsum pa/ sangs rgyas rdo rje sems dpa'i dgongs pa tshig gsum pa'i rgyud le'u
418a3 gsum pa/thig le kun 'dus chen po'i rgyud le'u bcu gnyis pa/ sku'i rgyud pad+ma 'khyil pa le'u nyer gcig pa rnams 'gyur byang ma 'khod pa/ rdo rje rtse mo 'dus pa'i rgyud ces bya ba le'u dang po'i mtha' can/ rdo rje
418a4 rtse mo 'dus pa'i rgyud le'u gnyis pa'i mtha' can/byang chub kyi sems kyi mun pa'i sgron ma zhes bya ba le'u gsum pa'i mtha' can/ rin po che dra ba'i mdzod le'u bzhi pa'i mtha' can/ rin po che spyi bcings kyi
418a5 man ngag le'u lnga pa'i mtha' can/rdo rje sems dpa' rin po che'i za ma tog spras pa'i man ngag le'u drug pa'i mtha' can/ byang chub sems thugs kyi nyi ma zhes bya ba le'u bdun pa'i mtha' can/ sangs
418a6 rgyas thams cad kyi rgyud lnga gdams par bzhag pa zhes bya ba le'u bcu pa'i mtha' can rnams slob dpon bi ma la dang/lo tsA ba ska cog zhang gsum gyis bsgyur cing zhus te gtan la phab pa/ ye shes bla ma chen
418b1 po'i rgyud le'u bdun pa lo paN de dag gis bsgyur ba/rdzogs pa chen po byang chub kyi sems rgyal mtshan rtse mo'i rgyud le'u lnga pa/ rdzogs pa chen po thig le gsang ba de kho na nyid nges pa'i rgyud le'u grangs med pa
418b2 gnyis 'gyur byang ma 'khod pa/rdo rje srin po rno ba rdo rje'i mchu can gyi rgyud ces bya ba rgyud thams cad kyi snying po 'khor ba dong sprugs chen po'i rgyud le'u bdun pa bi ma las gdams so'i mtha' can/ gsum pa phyi
418b3 skor nang skor gyi man ngag sdel/rin po che srid pa bar mdo snang ba'i rgyud le'u bcu drug pa/ lha ma yin g.yul ngo bzlog pa'i rgyud le'u sum cu pa/ ro sreg thal ba nag po'i rgyud le'u bcu drug pa rnams 'gyur byang
418b4 ma 'khod pa/[ (]ca pa la/[ ) ]lha rgyud rin po che spungs pa le'u so gsum pa 'gyur byang ma 'khod pa/ 'phags pa 'jam dpal gyi mtshan yang dag par brjod pa'i bshad rgyud rin po che'i phreng ba le'u dgu pa paN
418b5 chen bi ma la dang gnyags dz+nyA na ku mA ras bsgyur cing rgyal po la gtad/des nyang ting 'dzin la gtad pa/ 'jam dpal dgongs pa 'dus pa gsang sngags chen po'i rgyud le'u drug pa 'gyur byang ma 'khod pa/
418b6 dur khrod phung po 'bar ba man ngag gi rgyud le'u bcu gcig pa bi ma las mnga' bdag la gdams pa/ rdo rje yang rtse'i rgyud le'u nyer gcig pa/ rdo rje yang tog gi rgyud le'u bco lnga pa pad+ma 'byung gnas kyis nam
419a1 mkha'i snying po la gdams pa/snying po rdo rje rin po che thams cad gcig pa'i rgyud le'u nyer gsum pa pad+mas rje 'bangs grogs gsum la gdams pa/ dam tshig bkod pa sa gzhi'i rgyud rin po che
419a2 spungs pa'i rgyud le'u gsum pa rdzogs so'i mtha' can/'byung po kun 'dul gyi rgyud le'u so gnyis pa rdzogs so'i mtha' can/ lha rgyud dbang rin po che 'khor lo le'u bcu gsum pa rnams 'gyur byang ma 'khod
419a3 pa/rdo rje gsang ba chen po sku rin po che dbyig gi sgron ma shes rab chen po'i mdo le med gru gu smon seng nas brgyud pa/ bzhi pa klong sde'i skor la/ klong chen rab 'byams rgyal po'i rgyud le'u bzhi bcu rtsa brgyad pa
419a4 'gyur byang ma 'khod pa/kun tu bzang po nam mkha' che rtsa ba bsdus pa'i rgyud le'u bcu bdun pa rgya gar gyis mkhas pa shrI seng ha dang/ bod kyi ban+de bai ro tsa nas bsgyur ba/ byang chub kyi sems kun tu bzang po
419a5 rig pa rang rtsal shar ba'i rgyud le'u bcu bzhi pa lo paN de nyid kyis bsgyur ba/rin po che gdams ngag sna tshogs 'khor lo'i rgyud phyi ma le'u bcu drug pa/ rin po che 'phags lam bkod pa'i rgyud le'u bcu pa
419a6 gnyis 'gyur byang ma 'khod pa/rdo rje sems dpa' nam mkha'i mtha' dang mnyam pa'i rgyud chen po le'u nyer bdun pa rgya gar gyi mkhan po shrI seng ha dang/ bod kyi lo tsA ba dge slong bai ro tsa nas d+ha he na'i 'du khang
419b1 du bsgyur ba/ye shes gsang ba'i sgron ma rin po che man ngag gi rgyud le'u bcu drug pa shrI seng ha dang lo tswa ba bai ro tsa nas man ngag gi rgyud gtan la phab pa/ rin po che 'khor lo'i rgyud le'u brgyad pa 'gyur byang ma
419b2 'khod pa/ye shes gsang ba'i rgyud le'u bcu gnyis pa shrI seng ha dang bai ro'i 'gyur/ byang chub kyi sems ye shes rdzogs pa'i rgyud le'u bcu pa lo paN de dag gis bsgyur ba/ rdzogs pa chen po byang chub kyi sems
419b3 kun la 'jug pa rnam dag ston pa'i rgyud le'u lnga pa rgya gar gyi mkhan po bi ma la mi tra dang/bod kyi sgra sgyur gyi lo tsA ba g.yu sgra snying pos bsgyur cing gtan la phab pa/ byang chub kyi sems rdo rje 'od 'phro'i rgyud le'u
419b4 bcu gnyis pa shrI seng ha dang bai ro tsa nas bsgyur ba/lnga pa sems sde'i skor la/ kun byed rgyal po'i skor dang/ sems smad bco brgyad kyi skor dang/ der ma 'dus pa'i sems sde spyi'i skor dang gsum mo// dang
419b5 po ni/chos thams cad rdzogs pa chen po byang chub kyi sems kun byed rgyal po le'u lnga bcu rtsa bdun pa rgya gar gyi mkhan po shrI seng ha pra b+ha dang/ bod kyi lo tsA ba pa gor bai ro tsa nas bsgyur ba/ de'i rgyud phyi ma
419b6 gong gi 'phros le'u nga brgyad nas brgyad cu rtsa bzhi'i bar rgya gar gyi mkhan po dpal gyis seng ge mgon po dang dge slong bai ro tsa nas bsgyur cing zhus te gtan la phab pa/[ (]cha pa la/[) ]chos thams cad rdzogs pa
420a1 chen po byang chub sems su 'dus pa'i mdo le'u bzhi pa/de'i don 'grel rdzogs so'i mtha' can/ rnam par bgrang ba'i mdo le'u gsum pa/ phun sum tshogs pa'i mdo le'u gcig pa don 'grel
420a2 rdzogs so'i mtha' can/bye brag 'byed pa'i mdo le'u gcig pa don 'grel rdzogs so'i mtha' can/ khyad par 'phags pa'i mdo rtsa ba dang don 'grel rdzogs so'i mtha' can/ gol sgrib bstan pa'i mdo rtsa ba
420a3 dang don 'grel rdzogs so'i mtha' can/gtan la 'bebs pa'i mdo rtsa ba dang don 'brel rdzogs so'i mtha' can/ nges par bstan pa'i mdo rtsa ba dang don 'grel/ theg pa yas 'bubs kyi mdo dang don gyi
420a4 'grel pa dgu pa rdzogs so'i mtha' can/yongs su rdzogs pa'i mdo rtsa ba dang don 'grel bcu pa rdzogs so'i mtha' can/ don gyi 'grel pa lnga pa rdzogs so'i mtha' can dang/ yongs su gtad pa'i le'u mdo
420a5 'grel chen po bcu pa rdzogs so'i mtha' can rnams 'gyur byang ma 'khod pa/chos thams cad byang chub kyi sems rdzogs pa chen po 'khor ba rtsad nas gcod pa nam mkha' dang mnyam pa yi ge med pa'i rgyud le'u
420a6 bcu gsum pa shrI seng ha dang bai ros bsgyur ba/chos thams cad rdzogs pa chen po byang chub kyi sems 'khor ba rtsad nas gcod pa rgya mtsho dang mnyam pa rnyog pa med pa'i rgyud le'u bdun pa lo paN de nyid kyis
420b1 bsgyur ba/chos thams cad byang chub kyi sems rdzogs pa chen po 'khor ba rtsad nas gcod pa nyi zla dang mnyam pa dri ma med pa'i rgyud le'u bcu gcig pa lo paN de nyid kyis bsgyur ba/ gcod pa nyi zla dang mnyam
420b2 pa'i rgyud kyi dka' 'grel slob dpon chen po dga' rab rdo rjes mdzad pa 'gyur byang ma 'khod pa/chos thams cad byang chub kyi sems rdzogs pa chen po 'khor ba rtsad nas gcod pa rin po che dang mnyam pa skye ba
420b3 med pa'i rgyud le'u bcu bzhi pa rgya gar gyi mkhan po shrI seng ha dang/bod kyi lo tsA ba bai ro tsa nas bsgyur ba/ gnyis pa sems smad bco brgyad la/ byang chub sems rtsal chen gyi rgyud le'u dgu lo paN de nyid kyis
420b4 bsgyur ba/byang chub kyi sems khyung chen gyi rgyud le'u bcu pa 'gyur byang ma 'khod pa/ rdo rje sems dpa' nam mkha' che rgyas pa yi ge med pa'i rgyud le'u brgyad pa bod kyi dge slong bai ro tsa na dang/ rgya gar gyi
420b5 mkhan po dz+nyA na gar+b+has bsgyur cing gtan la phab pa/bde ba rab 'byams/ nam mkha'i rgyal po/ rtse mo byung rgyal/ srog gi 'khor lo/ byang chub kyi sems bde ba'i myu gu/ byang chub kyi sems bde ba phra bkod/ byang
420b6 chub kyi sems rdzogs pa spyi gcod rnams le'u grangs med pa rdzogs so'i mtha' can 'gyur byang ma 'khod pa/gsum pa sems sde spyi'i skor la/ rgyud thams cad kyi rgyal po gser gyi rus sbal rdo rje theg pa rtsa ba'i
421a1 rgyud le'u sum cu pa bai ro tsa nas bsgyur ba lho brag nas gu ru ye shes khyung grags kyis gter nas bton pa/byang chub kyi sems bsgom pa yi ge med pa skabs rdzogs so'i mtha' can/ byang chub kyi
421a2 sems bsgom pa yi ge med pa'i rgyud bsdu ba gsungs pa'i skabs rdzogs so'i mtha' can/byang chub kyi sems rdzogs pa chen po ye shes bdun 'byung ba'i rgyud le'u brgyad pa rnams 'gyur byang ma 'khod pa/
421a3 rdzogs pa chen po chos nyid byang chub kyi sems bkra shis mi 'gyur bar gsal bar gnas pa'i rgyud le'u bcu pa rgya gar gyi mkhan po bi ma la mi tra dang/ sgra sgyur gyi lo tsA ba chen po g.yu sgra snying pos 'grel pa dang
421a4 bcas pas bshad pa/byang chub sems kyi man ngag rin po che'i phreng ba bang mdzod 'phrul gyi lde mig le'u drug cu gcig pa rdzogs so'i mtha' can/ yang 'byed 'phrul gyi lde mig le'u bcu bzhi pa tshig le'ur byas
421a5 pa rdzogs so'i mtha' can/bang mdzod 'phrul gyi me long le'u bcu pa ma tshang ba kha skong ba rdzogs so'i mtha' can rnams 'gyur byang ma 'khod pa/ 'khor lo rdo rje'i rgyud le'u bzhi pa/ rgya gar gyi pan+Di ta dz+nyA na gar+b+ha
421a6 dang/bod kyi dge slong bai ro tsa nas bsgyur ba la phyis skad gsar bcad kyis kyang bcos pa/ byang chub kyi sems rin chen 'khor lo'i rgyud le'u bcu pa 'gyur byang ma 'khod pa/ rdo rje sems dpa' nam mkha' che
421b1 rgyas pa zhes bya ba rnal 'byor ma'i rgyud le'u bco lnga pa rgya gar gyi mkhan po dz+nyA na gar+b+ha dang/bod kyi dge slong bai ro tsa nas bsgyur cing gtan la phab pa la phyis skad gsar bcad kyis kyang bcos pa/ rin po che
421b2 'khor lo brtsegs pa'i rgyud le'u bcu gsum pa 'gyur byang ma 'khod pa/byang chub kyi sems nya mo bag la nyal gyi rgyud le'u drug pa bai ro'i 'gyur/ rin po che snang byed kyi rgyud le'u bcu dgu pa bi ma la dang g.yu
421b3 sgras bsgyur ba/byang chub sems rma bya mjing bsnol gyi rgyud le'u drug pa/ chos chen po rmad du byung ba le'u nyi shu pa gnyis 'gyur byang ma 'khod pa/ rdzogs pa chen po chos nyid byang chub kyi sems rin po che bkod pa
421b4 rnam par dbye ba'i rgyud le'u lnga pa rgya gar gyi mkhan po shrI len+d+ra mi tra dang/bod kyi lo tsA ba 'jing gsal 'bar gyis bsgyur cing zhus te gtan la phab pa/ byang chub kyi sems rmad du byung ba le'u sum cu rtsa dgu pa/
421b5 byang chub kyi sems rmad du byung ba'i rgyud le'u bcu gcig pa gnyis 'gyur byang ma 'khod pa/ bkra shis pa'i dpal rig pa'i khu byug gi rgyud le'u bdun pa shrI seng ha dang bod kyi lo tsA ba bai ro tsa nas bsgyur ba/
421b6 rdzogs pa chen po lta ba ye shes gting rdzogs kyi rgyud le'u nyi shu rtsa bdun pa sing+ga la'i slob dpon d+harma gar+b+has o rgyan gyi slob dpon ma hA bo d+hi la bshad nas A tsar+ya dran pa'i ye shes gyis bod yul du bsnams
422a1 nas byon pa/rdo rje sems dpa' nam mkha' che gsang ba'i snying po rnal ma don gyi rgyud le'u bcu gnyis pa ni/ byang chub kyi sems bsgom pa'i rgyud le'u bcu gcig pa gnyis 'gyur byang ma 'khod pa/
422a2 rdzogs pa chen po kun tu bzang po ye shes gsal bar ston pa gsang sngags lam mchog 'dus pa'i rgyud le'u lnga pa/ rgya gar gyi mkhan po shrI seng ha dang/ rdo rje yang dbang gter gyis bsgyur ba/ byang chub sems
422a3 bsgom pa rdo la gser zhun le'u med pa 'gyur byang ma 'khod pa/thugs kyi rgyud rin po che spungs pa'i rgyud le'u lnga pa shrI seng ha dang bai ro'i 'gyur/ sems lung chen mo'i mdo gsang ba spyi'i rgyud le'u nyer lnga pa pan+Di
422a4 ta dri med bshes gnyen dang zhu chen gyi lo tsA ba gnyags dz+nyA na ku mA ras rgyal po yon mchod kyi don du dbu tshal gser khang du zhus shing gtan la phab pa/rin po che rgyas pa'i rgyud le'u drug bcu gcig pa shrI seng
422a5 ha dang bai ro tsa nas bsgyur ba/[ (]ja pa la/[ ) ]gnyis pa lung a nu yo ga la/ spyi rgyud lung nyer gcig/ mdo bcu/ lung gi yi ge bdun cu sogs mang du snang la/ de yang rtsa ba'i mdo bzhi/ mtha' thug gsal bar
422a6 byed pa'i rgyud drug/dkon rgyud bcu gnyis rnams kyi rim pa la/ thog mar rtsa ba'i mdo bzhi las/ de bzhin gshegs pa thams cad kyi thugs gsang ba'i ye shes don gyi snying po khro bo rdo rje'i rigs kun 'dus
422b1 rig pa'i mdo rnal 'byor grub pa'i rgyud le'u sum cu rtsa gsum pa 'gyur byang ma 'khod kyang rgya gar gyi mkhan po dri med bshes gnyen dang bod kyi lo tsA ba chen po cog ro klu'i rgyal mtshan gyis bsgyur ba/de bzhin
422b2 gshegs pa thams cad kyi thugs gsang ba'i ye shes don gyi snying po rdo rje bkod pa rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa
422b3 sangs rgyas thams cad kyi dgongs pa 'dus pa zhes bya ba'i mdo le'u bdun cu don lnga pa/rgya gar gyi mkhan po d+harma bo d+hi dang/ ring lugs pa chen po dA na rak+Shi ta dang/ zhu chen gyi lo tsA ba che btsan skyes kyis bru
422b4 sha'i yi ge las bru sha'i yul gyi khrom du bsgyur cing gtan la phab pa/de bzhin gshegs pa thams cad kyi gsang ba/ gsang ba'i mdzod chen po mi zad pa gter gyi sgron ma/ brtul zhugs chen po sgrub pa'i rgyud ye
422b5 shes rngam pa glog gi 'khor lo zhes bya ba theg pa chen po'i mdo le'u bcu bdun pa 'gyur byang ma 'khod kyang pan+di ta dri med bshes gnyen dang/lo tsA ba cog ro klu'i rgyal mtshan gyi bsgyur ba/[ (]nya pa la/[) ]
422b6 de bzhin gshegs pa thams cad kyi sku dang/gsung dang/ thugs kyi gsang ba dur khrod khu byug rol pa'i rgyud ces bya ba theg pa chen po'i mdo le'u bcu bzhi pa/ byang chub kyi sems lung rnal 'byor chen po'i
423a1 rgyud theg pa chen po'i mdo le'u bzhi bcu lnga pa ba gor bai ro tsa nas bsgyur cing zhus te gtan la phab/gnyis pa mtha' drug gi rgyud la/ lta ba thams cad kyi rgyal po kun tu bzang po che ba rang la
423a2 gnas pa'i rgyud le'u bcu drug pa man chad le'u grangs med pa rdzogs so'i mtha' can 'gyur byang ma 'khod pa/dbang gi rgyal po dbang bskur rgyal po'i rgyud le'u bcu pa rdo rje yang dbang gter gyi man ngag ting nge
423a3 'dzin thams cad kyi rgyal po ting 'dzin mchog gi rgyud le'u bcu gcig pa 'gyur byang ma 'khod pa/phrin las thams cad kyi rgyal po skabs sbyor bdun pa'i rgyud rdo rje yang dbang gter gyis bsgyur ba/ spyod
423a4 pa thams cad kyi rgyal po brtson pa don ldan gyi rgyud le'u drug pa 'gyur byang ma 'khod pa/bar 'dir dam tshig bkod pa'i rgyud yod dgos kyang phyi mo dag pa ma rnyed pas gzhag la slar dag nges rnyed tshe 'jug
423a5 dgos/zhi ba lha rgyud chen po le'u dgu pa rgya gar gyi mkhan po pra ma sa twa las/ lo tsA ba pad+ma ru tses bsgyur ba/ chos nyid zhi ba'i lha rgyud le'u grangs med pa pan+Di ta bi ma la mi tra dang bod kyi lo tsA ba gnyags dz+nyA na
423a6 ku mA ras bsgyur cing zhus te gtan la phab pa/khro bo'i lha rgyud chen mo zhes bya ba le'u bdun pa lo paN de nyid kyis bsgyur ba/ khro bo lha rgyud kyi rtog pa chen po le'u grangs med pa rdzogs so'i mtha' can 'gyur
423b1 byang ma 'khod pa/thugs rje chen po'i gtor ma dang sha khrag rus pa'i gtor rgyud chen po le'u zhe gsum pa rgya gar gyi mkhan po pad+ma saM b+ha ba dang/ bi ma la mi tra dang/ lo tsA ba gnubs nam mkha'i snying pos bsgyur
423b2 ba las phyis ba su d+ha ra dang sangs rgyas ye shes kyis zhus gtugs pa/rnal 'byor nang pa'i tshogs rgyud chen po le'u drug pa 'gyur byang ma 'khod pa/ dpal 'bar khro mo'i rgyud le'u med pa slob dpon rdo rje gro
423b3 lod rtsal dang/lo tsA ba zhang drung gis bsgyur ba/ de bzhin gshegs pa thams cad kyi rak+ta dmar gyi rgyud le'u bco lnga pa gro lod rtsal gyis bsgyur ba/ rin po che me lha zhi bar gyur pa 'bar ba'i rgyud le'u nyer
423b4 drug pa/rdo rje ngur mo'i tan+t+ra zhes bya ba khro bo'i sbyin sreg le'u bcu pa'i mtha' can gnyis 'gyur byang ma 'khod pa/ hU~M mdzad chen po'i rgyud le'u bcu gcig pa slob dpon rdo rje gro lod dang/ lo tsA ba rdo rje zhang drung
423b5 gi 'gyur/zla gsang chen po'i mdo le'u nyer lnga pa 'gyur byang ma 'khod pa rnams so/[ (]ta pa la/[ ) ]gsum pa bskyed pa ma hA yo ga la/ rtsa bar gyur pa sgyu 'phrul dang/ bshad pa dang cha mthun gyi rgyud tan+t+ra sde bco
423b6 brgyad/sgrub sde bka' brgyad dang gsum gyi dang po sgru 'phrul sde brgyad las/ sems dang ye shes rang snang du ston pa rdo rje sems dpa' sgyu 'phrul dra ba dpal gsang ba snying po de kho na nyid nges pa'i rgyud kyi rgyal
424a1 po le'u nyi shu rtsa gnyis pa thog mar slob dpon chen po pad+ma'i rang 'gyur/de rjes lo chen bai ro dang rma gnyags gsum gyis bsgyur/ phyis thar lo tsA ba nyi ma rgyal mtshan dpal bzang pos thar pa
424a2 gling gi gtsug lag khang du bsgyur ba/rgyud kyi rgyal po chen po 'di'i Ti ka grol lam gtso bor ston pa gsang bdag dgongs pa'i rgyan dang/ spyi don gyis gtan la 'bebs pa'i legs bshad gsang bdag zhal
424a3 gyi lung gnyis po ni g.yu sgra'i sprul pa thams cad mkhyen pa d+harma shrI'i zhal snga nas mdzad pa po 'phags pa'i sar bzhugs pa'i skyes chen dam par ni rtsod pa med la/bstan bcos kyi ldog pas sngon gyi slob dpon
424a4 grub pa'i go 'phang mthon po brnyes pa rnams kyi gsung dang dbyer med cing khyad par zhal gsal ba dang sngags rang gzhung gi grub mtha'i rtsa ba slong nus nges pa'i khyad par gyi yon tan du ma dang yang ldan pa'i
424a5 phyir dus kyi 'khor lo 'grel pa dri ma med pa'i 'od la sogs pa bzhin te/rje btsun byams pas/ gang zhig rgyal ba'i bstan pa 'ba' zhig gi/ dbang byas rnam g.yeng med yid can gyis bshad// thar pa thob
424a6 pa'i lam dang rjes mthun pa// de ni drang srong bka' bzhin spyi bor blang// zhes bstan bcos kyi ngo bo'i sgo nas btsan par gsungs pa ltar phyi ma'i dus su skal ba dang ldan pa'i gang zag rgyud 'di nyid 'chad
424b1 nyan la 'jug pa re zung 'byung du re bas rtsa 'grel stabs gcig la bkod pa yin no/[ (]tha pa la/[) ]/ gsang bdag zhal lung gi smad/ sgyu 'phrul brgyad pa le'u brgyad pa/ 'phags pa 'jam dpal gyi mtshan
424b2 yang dag par brjod pa le'u bcu bzhi pa/sgyu 'phrul bzhi bcu pa le'u bzhi bcu pa zhe drug pa/ sgyu 'phrul le lhag le'u so gsum pa rnams 'gyur byang ma 'khod pa/ bshad rgyud sde bzhi'i grol lam cig car ston
424b3 pa'i rgyud sgyu 'phrul rol pa chen po'i rgyud le'u bcu gsum pa/thabs lam rim gyis ston pa sgyu 'phrul rgya mtsho le'u nyer gnyis pa 'gyur byang ma 'khod pa/ sgyu 'phrul bla ma le'u bcu gsum pa/[ (]da pa la/[) ]lha mo
424b4 sgyu 'phrul dra ba le'u bcu gsum pa slob dpon sgeg rdor dang rma rin chen mchog gi 'gyur/sgyu 'phrul bla ma le'u bcu gsum pa/ dpal rtsa rgyud gsang ba'i snying po de kho na nyid nges pa le'u nyer gnyis pa gnyis
424b5 'gyur byang ma 'khod pa/bshad rgyud sde bzhi'i grol lam rim gyis ston pa'i rgyud sgyu 'phrul dra ba gsang ba thabs kyi me long gi rgyud le'u bcu gsum pa/ bi ma la dang gnyags dz+nyA na ku mA ras bsgyur ba/ sgyu 'phrul
424b6 brgyad bcu pa le'u brgyad cu gya gnyis pad+ma saM b+ha ba dang lo tsA ba nam mkha'i snying pos bsgyur/thabs lam cig car ston pa'i rgyud sgyu 'phrul thal ba le'u nyer drug pa 'gyur byang ma 'khod pa/ khro bo chen po stobs
425a1 kyi rnal 'byor dbang phyug grub pa'i sgyu 'phrul dra ba'i rgyud le'u med pa bi ma la dang bai ros bsgyur ba/khro bo chen po stobs gyi rgyud rgyal le'u med pa rdzogs so'i mtha' can/ gnyis pa bshad pa dang
425a2 cha mthun gyi rgyud tan+t+ra sde bco brgyad la/rtsa ba sku gsung thugs yon tan phrin las kyi rgyud lnga las/ sku'i rgyud sangs rgyas thams cad mnyam par sbyor ba mkha' 'gro sgyu ma bde ba'i rgyud mchog ces bya ba rtog pa
425a3 bcu gcig pa/[ (]na pa la/[ ) ]rtog pa thams cad 'dus pa sangs rgyas mnyam sbyor mkha' 'gro sgyu ma bde mchog gi rgyud phyi ma'i phyi ma dang bcas pa'i rtog pa nyer gsum pa rgya gar gyi slob dpon gu h+ya gsang ba
425a4 dang/bod kyi lo tsA ba 'brog mi dpal gyi ye shes kyis bsgyur ba/ gsung gi rgyud zla gsang thig le le'u lnga pa man la le'u grangs med pa rdzogs so'i mtha' can rgya gar gyi mkhan po pad+ma saM b+ha ba dang/ ban+de
425a5 dpal brtsegs kyis bsgyur ba/thugs kyi rgyud gsang ba 'dus pa le'u bcu bdun pa bi ma la dang lo tsA ba ska ba dpal brtsegs kyis bsgyur ba/ de'i rgyud phyi ma le'u bco brgyad pa slob dpon bu d+d+ha gu h+ya dang
425a6 'brog mi shAkya ye shes kyis bsgyur ba/yon tan gyi rgyud dpal mchog dang po rdzogs tshig bcu gsum pa rgya gar gyi mkhan po sangs rgyas gsang ba dang rma rin chen mchog gis bsgyur ba/ dpal mchog dang po
425b1 sngags kyi rtog pa'i dum bu pan+ti ta chen po man+t+ra kA la sha dang lha btsan po dge slong zhi ba 'od kyis bsgyur ba/phrin las kyi rgyud karma mA' la le'u dgu pa slob dpon d+harma shrI pra b+hA dang A tsar+ya bi ma la sogs pa las
425b2 rat+na a gras zhus pa/[ (]pa pa la[) ]sgrub pa'i lag len ston pa'i rgyud sde lnga las/ he ru ka rol pa'i rgyud ni ma rnyed/ dpal rta mchog rol pa'i rgyud chen po le'u sum cu pa paN+Di ta badzra rat+na dang lo tsA ba rdo rje dpal
425b3 brtsegs kyis bsgyur ba/thugs kyi rgyud dpal snying rje rol pa'i le'u bcu pa bid+yA ka ra sid+ha dang bi shwa mi tra las lo tsA ba khu byin btsun pa mchog gis bsgyur ba/ yon tan gyi rgyud chen po dpal bdud rtsi rol pa
425b4 rim par phye ba brgyad pa bi ma la mi tra dang dz+nyA na ku mA ras bsgyur ba/phrin las kyi rgyud phur pa bcu gnyis kyi rgyud le'u nyer bzhi pa 'gyur byang ma 'khod pa rnams so// spyod pa'i yan lag tu 'gro ba'i rgyud sde lnga
425b5 las gzhan bzhi po a nu'i skabs su song/glang po che rab 'bog gi rgyud le'u nyer brgyad pa rgya gar gyi paN+Di ta bi shwa mi tra dang lo tsA ba 'jing gsal 'bar gyi 'gyur/ ma tshang ba kha skong ba'i rgyud gnyis
425b6 las/thabs kyi zhags pa pad+mo'i phreng ba le'u zhe gcig pa bi ma la mi tra dang lo tsA ba gnyags dz+nyA na ku mA ras bsgyur ba/[ (]pha pa la/[) ]tan+t+ra'i lag tu gtogs pa dri med bshags pa'i rgyud le'u bcu drug pa paN
426a1 chen bi ma la dang gnyags dz+nyA na ku mA ras bsgyur ba/rdo rje gzi ldan 'bar ba'i rgyud le'u grangs med pa 'gyur byang ma 'khod pa rnams so// gsum pa sgrub sde'i phyogs la gter byon dang bka' ma
426a2 gnyis kyi dang po la'ang bla ma dang yid dam gnyis las/dang po sprul sku sangs rgyas gling pas phu re phug mo che nas spyan drangs pa'i zab chos bla ma dgongs pa 'dus pa'i skor la/ rgyun 'chang thabs dang rgyud kyi che
426a3 ba bstan pa le'u grangs med pa/rtsa rgyud pad sdong brtsegs pa le'u nyer gcig pa/ sku rgyud shel gyi ri bo le'u sum cu pa/ gsung rgyud rin chen 'brug sgra le'u bcu gsum pa/ thugs rgyud nam mkha' klong yangs
426a4 le'u drug cu pa/yon tan gyi rgyud bstan pa'i srog shing le'u brgya dang brgyad/ phrin las kyi rgyud spu gri reg gcod le'u lnga pa/ bla ma'i gsang rgyud bka'i bang mdzod le'u drug pa/ yi dam gsang rgyud bka'i tha ram
426a5 le'u lnga pa/mkha' 'gro'i gsang rgyud bka'i lde mig le'u brgyad pa/ sangs rgyas thams cad kyi sras gcig pu le'u drug pa rnams so// gnyis pa ni mnga' bdag nyang nyi ma 'od zer gyis lho brag mkhon mthing lha
426a6 khang nas spyan drangs pa'i bde gshegs 'dus pa gter ma'i skor la/rtsa ba'i rgyud kyi rgyal po/ bde gshegs 'dus pa phyi ma'i rgyud/ bde gshegs 'dus pa phyi ma'i phyi ma/ ma tshang ba kha skong ba'i rgyud/ 'byed par
426b1 byed pa lde mig gi rgyud/'byed lde khro bo'i skabs/ zhi ba 'dus pa rtsa ba'i rgyud/ che mchog 'dus pa rtsa ba'i rgyud/[ (]ba pa la/[) ]khrag 'thung 'dus pa rtsa ba'i rgyud/ gshin rje 'dus pa rtsa ba'i rgyud/ dbang chen
426b2 'dus pa rtsa ba'i rgyud/phrin las 'dus pa rtsa ba'i rgyud/ ma mo 'dus pa'i rtsa ba rgyud/ rig 'dzin 'dus pa rtsa ba'i rgyud/ mchod bstod bsgrub pa rtsa ba'i rgyud/ 'di gnyis 'og bka' srung skabs yod dam/ drag sngags 'dus
426b3 pa rdo rje rtsa ba'i rgyud rnams so// bde gshegs 'dus pa'i rgyud/ bka' brgyad gsang ba 'dus pa'i rgyud/ gnyis pa yi dam sgrub pa bka' brgyad bye brag gi skor la/ 'jam dpal sku/ pad+ma gsung/ yang
426b4 dag thugs/bdud rtsi yon tan/ phur pa phrin las/ ma mo rbod gtong/ bstan srung mchod bstod/ drag sngags skor dang brgyad las/ dang po 'jam dpal sku'i skor la/ 'phags pa'i yul du 'jam dpal khri drug
426b5 stong bzhugs par grags pa las bod kyi ljongs 'dir ye shes dang las kyi rgyud drug cu rtsa lnga 'gyur bar grags pa las/dpal zla gsang nag po dregs pa tshar gcod kyi rgyud le'u lnga bcu nga brgyad pa 'gyur byang
426b6 ma 'khod pa/'jam dpal gshin rje gsang ba de kho na nyid kha thun nam 'jam dpal gsang rgyud phyi mar grags pa le'u brgyad pa 'gyur byang ma 'khod pa/ zla gsang nag po ngan sngags thams cad kyi rtsa ba'i rgyud
427a1 le'u don bzhi pa nam mkha'i snying pos sin+d+hu'i nags tshal du bsgyur ba/'di ma phyi gcig las ma rnyed pas dpyad mi bzod pa mang yang rgyun la bsams nas bkod/[ (]ma pa la/[) ]zla gsang me lce phreng ba'i rgyud le'u
427a2 bdun cu don gsum pa lo tsA ba gsum gyis lan grangs gsum du bcos pa/drag sngags zla gsang nag po shan pa spu gri'i rgyud le'u brgya dang gcig pa bal po'i rgyal po ba su d+ha ra dang/ gnubs kyi ban chung yang
427a3 dbang gter gyis bsgyur ba/drag sngags zla gsang nag po le'u bcu bzhi pa/ 'jam dpal dri ma med pa gsang ba'i rgyud le'u nyer drug pa/ dpal gshin rje nag po me rlung skyin 'dang 'khrug pa'i rgyud le'u nga
427a4 gsum pa/gshin rje gshed nag po chen po gsang ba'i rgyud le'u so bzhi pa/ 'phags pa 'jam dpal gsang ba rgyud kyi rgyal po pra khog snang gi brtag pa le'u bdun pa man nges gzung med pa rdzogs so'i mtha'
427a5 can/khro bo rnam par rgyal ba'i rtsa ba'i rtog pa le'u nyi shu rtsa gnyis pa'i mtha' can/ tshe bdag nag po phrin las kyi dgongs pa thams cad rdzogs pa'i rgyud chen po le'u sum cu pa rnams 'gyur byang ma 'khod pa/
427a6 sdig pa snying 'dzings gsang ba'i rgyud le'u bco lnga pa ba su d+ha ra dang gnubs sangs rgyas ye shes kyi 'gyur/ drag po sngags rgod sdig pa snying 'dzings kyi rgyud 'gyur gong 'dra/ drag sngags mtshon cha nag po'i rgyud
427b1 le'u dgu pa/tshe bdag nag po'i rgyud drag sngags kyi de kho na nyid srog dmar len spu gri'i rgyud le'u bcu gnyis pa rnams 'gyur gong 'dra/ 'jam dpal las bzhi'i 'khor lo gsang ba'i rgyud le'u bcu bdun pa
427b2 'gyur byang ma 'khod pa/[ (]tsa pa la[) ]gshin rje'i rgyal po sdig pa stobs chen gsang ba'i rgyud le'u nyer gcig pa rdo rje khri gtsug gis bsgyur ba/ gshin rje nag po gsang ba dekho na nyid kha thun rgyud le'u brgyad pa
427b3 'jam dpal nas yang dbang gter gyi bar rim gyis bka' babs pa/de'i rgyud phyi ma le'u lnga pa/ tshe bdag nag po drag sngags mngon du phyung ba'i rgyud le'u nyer gcig pa/ 'jam dpal khro bo snying gzer gsang
427b4 ba'i rgyud gdug pa klu 'dul byed le'u bkod pa'i mtha' can/drag po phung byed mchod rten nag po'i rgyud le'u nyer gcig pa/ ngan sngags gtsug lag gi rgyud phyi ma le'u brgyad pa rnams 'gyur byang ma 'khod pa/
427b5 'jig rten gsum gyi shes pa bsgral ba'i rgyud le'u brgyad pa ba su d+ha ra dang gnubs sangs rgyas ye shes kyis bsgyur ba/ de bzhin gshegs pa thams cad kyi dgongs pa khro bo 'dus pa'i rgyud le'u dgu pa lo paN
427b6 de nyid kyi 'gyur/gnod sbyin gdong gsum pa chu thigs sngon mo'i rgyud le'u bco brgyad pa 'gyur byang ma 'khod pa/ gnod sbyin gdong gsum pa'i rgyud rgyal po sprin gyi shugs can dang 'gos lhas btsas kyis
428a1 bsgyur/'di zur pa'i mthu byung nas 'gos dpon slob dmar bshal gyis bsnyun pa bzlog pa'i ched du bsgyur skad/ 'di la 'char ka nag po bzlog pa'i rgyud dang/ 'chi bdag b+he ba swa to'i rgyud
428a2 dang/rA hu nag po rngam byed kyi rgyud dang/ gshin rje 'char ka nag po gnod sbyin gdong gsum pa'i rgyud rnams zhes gsan yig tu so so lta bur mdzad 'dug kyang rgyud 'di'i mtshan gyi rnam grangs yin nam snyam
428a3 zhing 'di dpe shin tu ma dag pas 'chos dka' bar snang yang dpe lung gi rgyun la bsams nas bkod/ngan sngags phyir bzlog pa'i rgyud le'u bdun pa/ 'jam dpal ma ru tse mchod bzhi'i rtsa ba'i sngags rgyud
428a4 le'u dgu pa/'jam dpal gsang rgyud phyi ma le'u bdun pa dbang phyug chen pos bstod pa phyi ma'i phyi ma dang bcas yod pa/ gnod sbyin ma ru tse ro langs gsang ba'i rgyud le'u brgyad pa rdzogs so'i mtha' can/ ma
428a5 ru rtse'i sngags rgyud le'u bdun pa/dregs pa pho mo'i las rgyud le'u bcu bdun pa rnams 'gyur byang ma 'khod pa/ gnyis pa pad+ma gsung gi rgyud la/ rta mchog rol pa'i rgyud le'u nyis brgya dgu pa lce ku ku rA dzas
428a6 bsgyur ba/dbang rgyal rta mchog rol pa'i rgyud chen po le'u drug cu pa o rgyan chen po dang lo tsA ba gnyags ku mA ras bsgyur ba/[ (]tsha pa la[) ]pad+ma dbang chen dregs pa srung zlog yon tan gyi rgyud le'u dgu pa pad+ma
428b1 saM b+ha ba dang lo tsA ba kha che A nan+das bsgyur ba/pad+ma dbang chen dreg pa can gzan la 'bebs pa phrin las kyi rgyud le'u bcu gnyis pa lo paN gong 'dra/ pad+ma dbang chen dregs pa gnad 'bebs kyi rgyud le'u bcu
428b2 gcig pa/pad+ma dbang chen dregs pa dbang sdud kyi rgyud le'u bcu gsum pa gnyis 'gyur byang ma 'khod pa/ dbang chen 'dus pa'i rgyud dam gal po'i rgyud du grags pa le'u so lnga pa rgya gar gyi mkhas pa rak+Sha sid+d+hi
428b3 dang bod kyi ban+de ku ku rA dzas bsgyur ba/dbang chen bsdus pa'i tan+t+ra le'u drug cu gnyis pa 'gyur byang ma 'khod pa/ de bzhin gshegs pa thams cad kyi dgongs pa lung bstan pa rnal 'byor chen po'i gsang ba
428b4 rnam par phye ba rnal 'byor spyod pa'i sa rdo rje phreng ba'i rnam par brjod pa rta mchog rol pa'i lung rgyud thams cad kyi snying po le'u nyer bzhi pa slob dpon pad+ma dang/lo tsA ba rba sang shi ta da ngan lam rgyal ba mchog
428b5 dbyangs cog ro rnams kyi 'gyur/de bzhin gshegs pa thams cad kyi dgongs pa khro bo 'dus pa bde gshegs spyi dril rta mgrin rngog ma le brgan gyi rgyud le'u bcu bdun pa o rgyan chen po dang kha che A nan+da bai ro
428b6 gsum gyi 'gyur/dpal rta mgrin las rgyud le'u bcu gcig pa o rgyan dang rgyal ba mchog dbyangs kyis bsgyur ba/ pad+ma dbang chen dregs pa tshar gcod kyi rgyud le'u nyer dgu pa pad+ma saM b+ha pa'i rang 'gyur/ pad+ma
429a1 dbang chen yang gsang khros pa'i rgyud le'u bcu gsum pa slob dpon gyis mnga' bdag la gdams pa bai ro'i 'gyur/gter ston gsum gyis se ba lung nas spyan drangs pa/ rta mgrin dpa' bo
429a2 gcig pa gsang ba phrin las kyi rgyud le'u nyer gnyis pa gnam skas brag nas rat+na gling pas bton pa/phyir bzlog stobs chen rta mgrin gyi rgyud le'u drug pa o rgyan chen po dang 'dan ma rtse mang gis bsgyur ba/
429a3 rta mgrin nA ga klu 'dul gyi rgyud le'u so bdun pa 'gyur byang ma 'khod pa rnams so// gsum pa yang dag thugs kyi rgyud la/ he ru ka'i gal po zhi khro 'bum rgyud le'u bcu drug pa 'gyur byang ma 'khod pa/ 'di dpe
429a4 rgyun shin tu ma dag pas 'chos dka' bar 'dug yang rgyun la bsams nas bkod/he ru ka thugs kyi rgyud gal bo le'u dgu pa pad+ma saM b+ha ba dang nam mkha'i snying pos bsgyur ba/[ (]dza pa la/[) ]khrag 'thung gal po
429a5 che rgyud lung thams cad kyi rgyal po brtag pa nyer gsum 'gyur byang ma 'khod pa/dpal he ru ka gal po dur khrod mngon par 'byung ba'i rgyud phyi ma/ he ru ka 'dus pa'i rgyud le'u gcig gis rdzogs pa shrI sed+ha dang
429a6 bai ro'i 'gyur/rdo rje rigs kyi sgrub lugs khro bo pun+Da rI ka'i rgyud sgrub lugs nyer gcig pa/ de bzhin rigs kyi sgrub lugs gsang ba me dpung gi rgyud le'u gnyis pa 'gyur byang ma 'khod pa rnams so// bzhi pa
429b1 bdud rtsi yon tan gyi rgyud la/thams cad bdud rtsi lnga'i rang bzhin dngos grub nye ba'i snying po bdud rtsi mchog gi lung bam po brgyad pa 'gyur byang ma 'khod pa/ thams cad bdud rtsi lnga'i rang bzhin gyi rgyud
429b2 rdzogs so'i mtha' can 'gyur byang med pa/bdud rtsi rin po che ye shes gsang ba'i 'khor lo'i rgyud le'u nyer gnyis pa 'gyur byang ma 'khod pa/[ (]wa pa la[) ]bdud rtsi chen po 'khor lo 'bar ba'i rgyud le'u
429b3 bdun pa rgya gar gyi mkhan po bi ma la dang/bod kyi lo tsA ba gnyags dz+nyA na ku mA ras bsgyur ba/ thams cad bdud rtsi lnga'i rang bzhin rin po che phreng ba'i rgyud le'u bcu bdun pa 'gyur gong 'dra/ bdud rtsi bde ba
429b4 chen po'i rgyud le'u bcu pa 'gyur gong 'dra/thams cad bdud rtsi lnga'i rang bzhin du 'khrungs shing skye bar byed pa'i 'bras bu rin po che 'od ltar 'bar ba'i rgyud le'u nyer bdun pa 'gyur gong 'dra/ 'di yig rgyun
429b5 ma dag pa mang yang rgyun la bsams nas bkod/bdud rtsi las rgya mtsho'i rgyud le'u nyi shu pa 'gyur gong 'dra/ thams cad bdud rtsi lnga'i rang bzhin dngos grub chen po nye ba'i snying po mchog gi rgyud le'u bco lnga
429b6 pa yang dbang gter gyis sru legs pa'i sgron ma la gtad pa/bdud rtsi chen po chos nyid gsang ba'i rgyud le'u drug pa 'gyur gong 'dra/ bdud rtsi 'khyil pa 'chi med tshe'i rgyud le'u bcu bzhi pa bi ma la dang 'jing
430a1 gsal 'bar kyis bsgyur ba/sangs rgyas thams cad kyi bdud rtsi ye shes 'od ldan gyi rgyud le'u drug cu pa mnga' bdag nyang gis spyan drangs pa rnams so// lnga pa phrin las phur pa'i
430a2 skor la/rdo rje khros pa phur pa rtsa ba'i rgyud le'u bcu bdun pa slob dpon pad+ma dang ngam 'bre sa le'i 'gyur/ thugs rje khros pa rtsa ba'i rgyud kyi bshad pa le'u bcu gsum pa dngos grub brnyes pa'i rje btsun
430a3 rdo rje sems ma dang lo tsA ba 'gar shes rab 'gyur gis bsgyur ba/rdo rje phur bu gsang ba'i rtsa ba rnal 'byor chen po yang dag pa'i rgyud le'u nyi shu pa phyi ma dang bcas pa pad+ma 'byung gnas dang brang ti dza ya
430a4 rak+Shi ta'i 'gyur/rdo rje phur pa'i bshad rgyu dri med 'od ldan le'u zhe bzhi pa 'gyur byang ma 'khod pa/ phrin las phun sum tshogs pa'i rgyud karma gu ru le'u bco lnga pa rgya gar gyi mkhan po bi ma la mi tra dang bod
430a5 kyi lo tsA ba gnyags dz+nyA na'i 'gyur/[ (]zha pa la[) ]phur pa phrin las karma las kyi rgyud le'u bcu bzhi pa slar yang slob dpon chen po mkha' 'gro'i gnas nas byon pa las rong som gzhon blos bsgyur ba/ rdo rje
430a6 phur pa zhes bya ba drag po las kyi rtog pa le'u bco brgyad pa sa los bsgyur zer ba/rdo rje phur pa chen po gtor ma'i rgyud le'u bdun pa gtan tshigs dang bcas pa/ phur pa za byed yak+Sha 'bar ba'i rgyud le'u bcu
430b1 gcig pa gnyis 'gyur byang ma 'khod pa/rdo rje phur bu chos thams cad mya ngan las 'das pa'i rgyud le'u nyer brgyad pa slob dpon b+ha Shi ta'i 'gyur/ sku dang ye shes thams cad 'dus pa sangs rgyas 'dus pa'i
430b2 rgyud le'u bco lnga pa dz+nyA na gar+b+ha dang bai ro'i 'gyur/yan lag gi rgyud bcu la/ khro bo hU~M kA ra'i rgyud le'u lnga pa/ rnam par rgyal ba'i rgyud le'u bdun pa/ dbyug pa sngon po'i rgyud le'u lnga pa/ gshin rje gshin po'i rgyud
430b3 le'u bzhi pa/mi g.yo mgon po'i rgyud le'u lnga pa/ rta mgrin gyi rgyud le'u drug pa/ gzhan gyis mi thub pa'i rgyud le'u lnga pa/ bdud rtsi 'khyil pa'i rgyud le'u drug pa/ khams gsum rnam rgyal gyi rgyud le'u bdun pa/
430b4 stobs po che'i rgyud le'u lnga pa rnams 'gyur byang ma 'khod pa/ rdo rje phur pa me long gsal ba spu gri reg gcod 'khor lo rtsibs kyi rgyud le'u bdun pa 'gyur byang ma 'khod pa/ rgyud kyi rgyal po dpal 'jig rten
430b5 snang byed le'u nyer bdun pa rgya gar gyi mkhan po dz+nyA na gar+b+ha dang lo tsA ba gor bai ro tsa nas bsgyur ba// phur pa dam pa gsang chen rgyud kyi rgyal po rdo rje phreng ba'i rgyud le'u bcu drug pa 'gyur gong 'dra/ dpal rdo rje
430b6 bkod pa rnal 'byor chen po'i rgyud le'u bco lnga pa shrI dz+nyA na'i 'gyur la dpal gyi ye shes kyis bcos pa/'phags pa sangs rgyas thams cad kyi ye shes rtse mo'i rgyud le'u lngabacu nga gnyis pa/ rdo rje phur pa
431a1 chos thams cad kyi gsang ba don dbyings dang ye shes gnyis su med pa'i rgyud le'u lnga pa gnyis 'gyur byang ma 'khod pa/sras pa gsang ba zab mo mdung rtse'i rgyud le'u dgu pa dz+nyA na gar+b+ha dang bai ro
431a2 tsa na'i 'gyur/rdo rje phur pa mdung rtse dmar po'i rgyud le'u bcu dgu pa pad+ma 'byung gnas dang dz+nyA na ku mA ra'i 'gyur/ bse sgrom dmar po'i rgyud le'u bzhi pa pad+mas lha sras lcam sring la gtad pa/ sho na dkar nag
431a3 gi rgyud le'u bzhi pa 'gyur byang ma 'khod pa/rdo rje phur pa phrin las 'khor lo gab pa gsang ba'i rgyud le'u bcu gnyis pa rdo rje thod phreng rtsal dang lce ku ku rA dza dang brang ti dza rak+Shi tas bsgyur ba/ rdo rje 'bar ba
431a4 gsang ba'i rgyud kalpa dum bu phyi ma le'u bcu dang bcas pa 'gyur byang ma 'khod pa/de bzhin gshegs pa thams cad kyi sku gsung thugs kyi gsang mchog dam pa gsang chen rdo rje 'bar ba'i rgyud le'u bcu bdun
431a5 pa rgya gar gyi mkhan po dz+nyA na gar+b+ha dang bai ro'i 'gyur la/slar yang rin bzang gis zhus pa/[ (]za pa la[) ]rdo rje phur pa gsang ba'i rgyud chen po le'u bzhi bcu bzhi pa 'gyur byang ma 'khod pa/ kI ka la ya gsang ba'i
431a6 dgongs rgyud chen mo le'u brgyad cu gya gsum pa o rgyan gyi mkhan po rdo rje thod phreng dang/bod kyi lo tsA ba mang yul gyi lo tsA ba lce ku ku rA dza dang brang ti dza ya rak+Sha tas bsgyur cing gtan la phab pa/ zhe sdang yongs
431b1 su dag pa'i rgyud kyi rgyal po le'u nyer gnyis pa slob dpon nag po'i zhabs dang lo tsA ba shrI b+ha la ku tra d+ha na de bas bsgyur ba/phur pa gsang ba'i sngags rgyud 'byung po kun 'dul phrin las rdzogs pa le'u bcu
431b2 drug pa lce ku ku ra dza dang brang ti dza ya rak+Shi tas bsgyur pa/phur pa gsang ba gdams ngag can gyi rgyud le'u bco brgyad pa/ phur pa bcu gnyis 'byung ba'i rgyud chung ngu le'u bcu gnyis pa gnyis 'gyur byang ma
431b3 'khod pa/phur pa bcu gnyis kyi rgyud dam kI la ya bcu gnyis gyi tan+t+ra le'u bcu gnyis pa o rgyan gyi slob dpon rdo rje thod phreng rtsal dang bod kyi lo tsA ba mang yul gyi lce ku ku rA dza dang brang ti dza ya rak+Shi tas
431b4 bsgyur ba/drug pa ma mo rbod gtong gi skor la/ yum gzungs ma'i dngos grub chen mo'i rgyud ma mo srid pa'i rdzong lung chen mo// de'i rgyud phyi ma dang bcas pa le'u nga gsum pa 'gyur byang ma 'khod pa/ srid pa'i
431b5 rgyud lung gi rgyud phyi ma kha 'bar nag mo las rgya mtsho'i rgyud le'u dgu pa/ma mo lam rgyud lung zhes bya le'u bcu gnyis pa gnyis 'gyur byang ma 'khod pa/ ma mo 'bum gyi ti ka sngags kyi srung ma dang dpal e ka dza
431b6 Ti'i rgyud de'i phyi ma dang bcas par le'u go drug pa rgya gar gyi mkhan po d+ha na saM skr-i ta dang 'brog mi dpal kyi ye shes dang/gnubs kyis bsgyur ba/[ (]'a pa la[) ]ral gcig ma chos dbyings bdag mo spu gri ya
432a1 ma'i rgyud le'u nyer lnga pa dA na shrI la dang yang dbang gter gyis bsgyur ba/e ka dza Ti sbas pa nag mo'i rgyud le'u lnga pa/ e ka dza Ti za byed spyang rgyal nag mo'i rgyud le'u so gnyis pa gnyis 'gyur
432a2 byang ma 'khod pa/mkha' 'gro ma me lce 'bar ma'i rgyud le'u nyer bzhi pa mkha' 'gro dom pa ka dang cog ro klu'i rgyal mtshan gyis zhus pa/ he sdud 'bar ma re ti mched bzhi'i rgyud le'u bcu gcig pa 'gyung byang ma
432a3 'khod pa/las kyi mkha' 'gro ma de kho na nyid gsum 'dus pa zhes bya ba'i rtsibs kyi rgyud le'u bzhi pa shAn+tiMgar+b+ha dang/ lce bkra shis kyi 'gyur/ srid pa mtsho bzhi'i rgyud bstan ma las rgya mtsho le'u nyer gnyis pa/
432a4 ma mo 'dus pa'i rgyud dam gsang ba gtan tshigs kyi rgyud le'u brgyad pa gnyis 'gyur byang ma 'khod pa/ ma mo srid pa zla gsang thig le'i rgyud le'u bcu gnyis pa paN+Di ta gu h+ya gsang ba dang/ 'brog mi dpal gyi
432a5 ye shes kyis bsgyur ba/bstan pa srung ba'i man ngag thugs kyi yang snying ma mo 'bum tig gi rgyud le'u zhe brgyad pa/ de'i phyi ma ma mo byang chub kyi sems gsang ba'i rgyud gong gi 'phros le'u zhe dgu nas brgya zhe
432a6 gcig pa rdzogs so'i mtha' can 'gyur byang med pa/ma mo snang srid thig le'i rgyud lung byang skor kyi rtsa rgyud le'u so gnyis pa gnubs nam mkha'i snying pos bsgyur ba/ byang skor gyi rgyud phyi ma le'u bcu gnyis pa/
432b1 'phags pa lha mo rdo rje nag mo dbang phyug ma'i sngags rgyud le'u bco lnga pa/ de'i rgyud phyi ma le'u bcu gnyis pa/ de'i phyi ma'i phyi ma tshig rkang yongs su gcod pa'i le'u bdun pa/ 'phags pa lha mo nag mo'i sngags
432b2 rgyud le'u rgyud gcig pa/de'i phyi ma'i rgyud le'u bcu gnyis pa/ lha mo nag mo'i thugs kyi srog sgrub tsit+ta gsang ba'i rgyud le'u bco brgyad pa rnams 'gyur byang ma 'khod pa/ snying tig bkod pa'i rgyud le'u dgu pa/
432b3 yang tig bkol ba'i rgyud le'u bcu pa shrI sed+ha dang bai ro'i 'gyur/ snying tig bkol ba'i rgyud 'ug pa'i gdong can le'u nyi shu pa/ dbyings gsang ba 'khor lo'i rgyud le'u dgu pa/ phra men spyang ki las kyi rgyal mo'i
432b4 rgyud le'u nyer bzhi pa/rdo rje mkha' 'gro'i rgyud las srid pa phra men rgya mtshos bsdus pa srid pa rdo rje mkha' 'gro phra men las rgyud le'u nyer bzhi pa rnams la 'gyur byang ma 'khod pa/[ (]ya pa la[) ]bdun pa bstan
432b5 srung mchod bstod dang/brgyad pa drag sngags skor la/ dregs pa 'dus pa rtsa ba'i rgyud le'u bcu gcig pa slob dpon pad+ma saM b+ha ba dang lo chen bai ros bsgyur ba/ drag sngags 'dus pa rtsa ba'i rgyud le'u bcu
432b6 gcig pa 'gyur gong 'dra/dpal mgon po gsang ba snying gi 'khor lo dngos grub chen po 'byung ba'i rgyud le'u bco lnga pa gnubs sangs rgyas ye shes kyis bsgyur ba/ dpal nag po chen po me lce phreng ba'i rgyud
433a1 le'u zhe lnga pa d+ha na saM skr-i ta dang bai ro tsa nas bsgyur ba/dpal nag po chen po dur khrod nag po'i rgyud brtag pa bcu gnyis pa bla ma nag po ro 'dzin dang gyi ljang dbu dkar gyis bsgyur ba/ nag po
433a2 chen po man ngag brtsegs pa gri gug gi rgyud le'u nyer gcig pa dge slong tshul khrims rgyal bas bsgyur ba/nag po chen po sku gsung thugs khros pa'i rgyud le'u bco brgyad pa nyang gi gter byon/ mgon po nag po
433a3 dur khrod mngon par rol pa mtshon cha 'khor lo'i rgyud le'u sum cu rtsa drug pa bram ze gsal ba'i rgyan dang bal po'i rgyal po ba su d+ha ras bsgyur ba/nag po chen po drag po'i brtag pa dur khrod chen po'i rgyud le'u
433a4 bcu pa sna nam rdo rje bla mas bsgyur ba/nag po chen po gzugs can gcer bu'i rgyud le'u bcu gnyis pa/ rnal 'byor dbang phyug chen mo ral gcig ma'i rgyud le'u bcu bzhi pa gnyis la 'gyur byang ma 'khod pa/
433a5 ma mo srid pa'i bem chen mo le'u so lnga pa man chad mi gsal ba gu ru 'phrul gyi gshog rgod rtsal dang ban chung yang dbang gter gyis bsgyur ba/ las kyi mgon po bya rog gdong can gyi rgyud le'u bco lnga pa sna nam
433a6 gyis bsgyur ba/ki kang rog ti'i mdo snying gzer nag po'i rgyud le'u bco lnga pa 'gyur byang ma 'khod pa/ lha 'dre stong gi dra ba'i rgyud le'u gsum pa 'gyur byang ma 'khod pa/ de rnams kyi mthar bde legs su byed
433b1 pa'i bkra shis yangs pa'i grong khyer du 'jug pa'i mdo dang bcas pa bzhugs so// de nas gong gi go rim du phyi mo ma 'byor bas skabs 'dir rgyud 'di 'dzud ces bris pa rnams phyis 'byor pa phyogs gcig tu
433b2 kha skongs su bkod pa'i glegs bam/[ (]ra pa la[) ]rdzogs pa chen po rmad byung don gyi snying po rang byung bde ba'i 'khor lo'i rgyud le'u nyer bdun pa bi ma la dang gnyags kyi 'gyur/ rdzogs pa chen po kun tu bzang
433b3 po ye shes gsal bar ston pa'i phyi ma gsang ba'i rgyud le'u bzhi pa/rgyud phyi ma'i phyi ma mthar thug gi rgyud le'u bzhi pa/ bstan pa thams cad kyi snying po sems can thams cad la sangs rgyas rang chas su bzhugs
433b4 pa le'u brgyad pa bi ma las nyang ting 'dzin bzang po la gtad pa/rgyal ba rdo rje sems dpa'i dgongs pa bstan pa thams cad kyi bu gcig pu le'u brgyad pa 'gyur gong 'dra/ man ngag snying gi dgongs pa rgyal
433b5 ba'i bka' le'u bcu gsum pa 'gyur byang ma 'khod pa/thig le gsang ba'i brda brgyud le'u bcu dgu pa bi ma la dang gnyags dz+nyA na ku mA ras bsgyur ba/ sku gsum gyi snang ba gsal bar ngo sprad pa ngo sprod bzhi'i
433b6 rgyud le'u brgyad pa 'gyur byang ma 'khod pa/sku gsung thugs rdo rje rtsa ba thams cad rdzogs pa le'u so lnga pa slob dpon chen pos rje 'bangs grogs gsum la gdams pa/ theg pa thams cad kyi spyi phud lta ba klong
434a1 chen yangs pa le'u lnga bcu rtsa gsum pa rdo rje gling pas spyan drangs pa/rin po che gdams ngag sna tshogs 'khor lo'i rgyud le'u bzhi pa rje 'bangs gnyis kyi mnog chos yin zhes pa dang/ de'i rgyud
434a2 phyi ma le'u bcu drug pa 'gyur byang ma 'khod pa/kun tu bzang po gsang ba'i snying po bde ba chen po spu gri pad+ma ral gri 'khor lo'i rgyud le'u nyer drug pa shrI sed+ha dang bai ro'i 'gyur/ la zlo gsang ba'i 'khor lo le'u
434a3 bcu gcig pa/rje btsun dam pa/ rin chen kun 'dus/ khams gsum sgron ma rnams tshigs su bcad pa 'gyur byang ma 'khod pa/ rdo rje sems dpa' nam mkha' che bram ze rgyas pa le'u bcu drug pa 'gyur byang ma
434a4 'khod pa/byang chub kyi sems rmad du byung ba le'u zhe gnyis pa shrI sed+ha dang bai ro'i 'gyur/ chos thams cad sems nyid ye shes kyi rgyal po dngos grub rang byung du spyod pa dbang bskur ba rna brgyud zam pa le'u med
434a5 pa rdzogs so'i mtha' can 'gyur byang ma 'khod pa/thig le rgya mtsho gnas pa la 'jug pa'i rgyud le'u bcu pa bi ma la dang g.yu sgras bsgyur ba/ bang mdzod 'phrul gyi lde mig le'u med pa 'gyur byang ma 'khod pa/ rdo
434a6 rje sems dpa' nam mkha' che rgyas pa rnal 'byor ma'i rgyud le'u bco lnga pa 'gyur byang med pa/rma bya mjing bsnol phyi mtha'i mun sel chen po le'u lnga pa 'gyur byang ma 'khod pa/ nya nang le'u bcu drug can yod kyang 'di dang
434b1 'dra min 'dug pas bzhag/kun tu bzang po che ba rang la gnas pa le'u sum cu gcig pa/ sku gdung 'bar ba sAts+tsha mchod rten gyi rgyud le'u dgu pa slob dpon rdo rje gro lod dang lo tsA ba zhang drung gi 'gyur/ kun tu
434b2 bzang mo klong gsal 'bar ma nyi ma'i gsang rgyud rat+na gling pa'i gter byon/rdzogs chen chig chod kun grol rat+na gling pa'i gter byon/[ (]a pa la[) ]rgyud sde rin po che'i rtogs pa brjod pa'i lha'i rnga bo che lta bu'i
434b3 gtam dang bcas glegs bam gyi phreng ba bcu phrag gnyis la drug gis lhag pa nyid legs par bzhugs so//// slar yang smras pa/ grags pa rmad byung ro yi gter gyur chos don gang+gA'i lha mo ni// snyigs
434b4 ma'i spyod tshul ral par 'phyan las rnam 'byed skal ldan shing rta 'dis// chags sdang rmongs pa'i lam gsum rgyud 'bab lus can drug khri'i bkru byed du// smon lam rab zab brtson pa'i rim gros legs spyad
434b5 tshangs par mgu las byung// 'dir 'bad rnam pa kun tu don yod pa'i// zhags pas byang chen mi'am ci mo la// rab btab rnam mkhyen rtse dga' cher rgod pa'i// blo ldan nor bzang gzhon nu'i spun zla
434b6 'dis// chos rnams kun la tshad ma'i gter gyur pa// rkang gnyis gtso bo'i zhal gyi chu skyes las// lhung ba rga shi 'joms pa sman gyi mchog/ thar pa'i bcud du len la mthu che ba// srid pa'i mthar yang zhi ba'i
435a1 bdud rtsi yis// bgo skal bzang pos 'khyud pa mi gtor bar// dogs pa bral ba'i dge tshogs 'dzum rlab brgyas// srid gsum snang byed zla ba 'di bskrun pas// byang chub ri mo snying la rdzogs
435a2 pa'i khams// yid srubs stong gi sbyor bas mi shigs pas// dpag dka'i yon tan shing gi grib bsil du// mngon par bsti ba'i chos kyis dga' bar 'gyur// bde bar gshegs pa'i bstan pa thams cad kyi
435a3 snying po rig pa 'dzin pa'i sde snod/rdo rje theg pa snga 'gyur rgyud 'bum rin po che'i rtogs pa brjod pa lha'i rnga bo che lta bu'i gtam las rgyud kyi bzhugs byang dkar chag dngos legs par bshad pa'i skabs te bzhi
435a4 pa'o//// kA ru n+yaM pr-i thu dr-i D+ha mU la bi dz+nyA bi d+d+hI pro t+phU l+la ts+tsha da gu Na pu Sh+pa dzi t+pha la shrI mkhas pa rnams ni snying rje chen po'i rtsa brtan blo dang rig pa yi// lo 'dab rab rgyas yon tan me tog kun
435a5 mkhyen 'bras bu phun sum tshogs// sa ts+tshA yaH s+thi ra shu tsika m+ma NAM su ga n+b+hi dzI ba n+ti dru ma ba ri NA ma to ru bo d+hau/ dam pa'i grib bsil brtan ldan rab dka' phrin las dri bsung mngar// byang chub
435a6 chen por yongs bsngo'i dpag bsam des ni de ru 'tsho bar byed// gang zhig brten na mchog gi gnas 'thob cing// cung zad rjed pas legs pa'i dngos kun ster// thos pas sdig pas bcings pa lhod por
435b1 byed// dam pa'i chos kyi nus mthu brjod mtha' yas// legs pa min pa'i phyogs kun 'joms pa la// zhugs dang 'thor rlung rdo rje'i rjes 'gro zhir// phan pa'i dngos kun ster la nor bu dang// sman dang
435b2 sngags kyi nus pas mtshon min pa'i// dpal gyi mgur nas yan lag drug cu'i sgra// zhi bsil khams su rdzogs pa'i gdangs gcig gis// yid srub 'jig rten khams kun mya ngan gyi// mi zad mun pas kun tu
435b3 khengs byed cing// gang du legs byas chu klung bye ba brgya'i// 'jug ngogs dmigs pa'i rnyogs pa rab dngas las// rtog bral byang chub sems kyi rin chen gyis// 'byung gnas kun mkhyen yongs bsngo'i rgya mtsho
435b4 'ang yin// lnga pa/ de ltar bsgrubs pa'i phan yon dang bsngo smon gyi rim pa la/ dang po ni/ gang gis de bzhin gshegs pa dgra bcom pa yang dag par rdzogs pa'i sangs rgyas rnams kyis 'gro khams rgya mtsho'i
435b5 rdul snyed kyi mthas mi dpogs pa'i sems can ji snyed thams cad mkhyen pa'i lam la gzhol/thams cad mkhyen pa la bab/ thams cad mkhyen pa 'bab par 'gyur ba nyid kyi phyir thabs la mkhas pa'i phrin
435b6 las tshad med pa'i gsang ba chen po de bzhin gshegs pa'i sku gsung thugs kyi rten lugs su blugs pa dang/'bur du btod pa dang/ ri mor bris pa sogs kyis legs par bsgrubs shing de la bsod nams
436a1 kyi zhing du byas pa'i phan yon ni bsams pas gzhal du med pa'i tshul mdo rgyud thams cad nas bka' bstsal la/khyad par bde bar gshegs pa'i chos kyi sku ni bstan bya dang rtogs bya gnyis kyis
436a2 bsdus pa'i snga ma zhi ba mya ngan las 'das pa'i phyogs brjod byar gnas pa'i gsung rab las gzhan du ma gyur pa'i phyir dam pa'i chos yi ger 'dri ba dang/bzung zhing bcangs pa dang/ bklags shing kun chub
436a3 par byas shing de la mchod pa dang/phu dud dang/ rim gro dang/ rjed par byas pa'i phan yon gyi tshogs ni bsod nams su bya ba gzhan gyis bsgrun du med par gsungs te/ 'di ltar yum stong phrag brgya pa las/
436a4 rigs kyi bu 'am rigs kyi bu mo gang la la zhig gis/ de bzhin gshegs pa yongs su mya ngan las 'das nas rigs kyi bu'am rigs kyi bu mo gang la la zhig gis/ de bzhin gshegs pa yongs su mya ngan 'das
436a5 nas mchod pa'i phyir stong gsum gyi stong chen po'i 'jig rten gyi khams rin po che sna bdun las byas pa'i mchod rten 'phang du dpag tshad tsam la/rgyar dpag tshad phyed pas yongs su bkang ste/ de dag la nam
436a6 'tsho'i bar du lha rdzas kyi me tog dang/lha rdzas kyi phreng ba dang/ lha rdzas kyi spos dang/ lha rdzas kyi byug pa dang/ lha rdzas kyi phye ma dang/ lha rdzas kyi chos gos dang/ lha rdzas kyi na bza'
436b1 dang/lha rdzas kyi gdugs dang/ lha rdzas kyi rgyal mtshan dang/ lha rdzas kyi ba dan dang/ lha rdzas kyi sil snyan mang pos rim gror byas/ bkur stir byas/ phu dud du byas/ mchod par byas na/ kau shi ka de la ji snyam du sems/ rigs kyi
436b2 bu'am rigs kyi bu mo de'i bsod nams mang du 'phel lam/brgya byin gyis gsol pa/ bcom ldan 'das mang ngo// bde bar gshegs pa mang ngo// bcom ldan 'das kyis bka' stsal pa/ kau shi ka de bas kyang rigs kyi bu'am
436b3 rigs kyi bu mo gang shes rab pha rol tu phyin pa 'di 'dzin par byed/'chang bar byed/ klog par byed/ kun chub par byed/ tshul bzhin du yid la byed cing/ me tog dang/ phreng ba dang/
436b4 spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gror byed/ bkur sti byed/ phu dud du byed/ mchod par byed na/ bsod nams
436b5 ches mang du 'phel lo// kau shi ka stong gsum gyi stong chen po'i 'jig rten gyi khams de bzhin gshegs pa'i mchod rten gyis yongs su bkang ba lta zhog gi/ kau shi ka stong gsum gyi stong chen po'i 'jig rten gyi
436b6 khams na/sems can ji snyed yod pa de dag las sems can re res/ de bzhin gshegs pa yongs su mya ngan las 'das nas mchod pa'i phyir/ rin po che sna bdun las byas pa'i mchod rten 'phang du dpag tshad
437a1 tsam la/rgyar dpag tshad phyed pa sha stag byas te/ de dag la nam 'tsho ba'i bar du lha rdzas kyi me tog dang/ lha rdzas kyi phreng ba dang/ lha rdzas kyi spos dang/ lha rdzas kyi byug pa
437a2 dang/lha rdzas kyi phye ma dang/ lha rdzas kyi chos gos dang/ lha rdzas kyi na bza' dang/ lha rdzas kyi gdugs dang/ lha rdzas kyi rgyal mtshan dang/ lha rdzas kyi ba dan dang/ lha rdzas kyi sil snyan mang pos rim gror byas/ bkur stir byas/ phu
437a3 dud du byas/mchod par byas pa bas/ rigs kyi bu'am rigs kyi bu mo gang la las shes rab kyi pha rol tu phyin pa 'di bris shing bzung ba dang/ bcangs pa dang/ bklags pa dang/ kun chub par byas pa dang/
437a4 tshul bzhin du yid la byas pa dang/ rnam pa thams cad mkhyen pa nyid kyi sems dang yang ma bral bar byas te/ de la me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs
437a5 dang/rgyal mtshan dang/ ba dan dang/ sil snyan sna tshogs kyis rim gror byas/ bkur stir byas/ phu dud du byas/ mchod par byas na/ de nyid bsod nams ches mang du 'phel lo// brgya byin gyis gsol pa/
437a6 bcom ldan 'das de de lags so// bde bar gshegs pa de de lags te/ bcom ldan 'das shes rab kyi pha rol tu phyin pa la rim gror bgyis pa dang/ bkur stir bgyis pa dang/ phu dud du bgyis pa dang/
437b1 mchod pa bgyis pas ni/ 'das pa dang/ ma byon pa dang/ da lta byung ba'i de bzhin gshegs pa dgra bcom pa yang dag par rdzogs pa'i sangs rgyas rnams rim gror bgyis pa dang/ bkur stir bgyis pa dang/
437b2 phu dud du bgyis pa dang/ mchod pa bgyis par 'gyur ro// zhes pa la sogs kyis rgyas par gsungs shing// de'i 'grel par/ slob dpon seng ge bzang pos/ gtso bor chos kyi sku'i de bzhin gshegs pa nyid
437b3 shes rab kyi pha rol tu phyin pa yin no// de bas na de ston par byed pa'i rgyal ba'i yum la mchod na thams cad mkhyen pa'i ye shes kyi chos kyi sku la mchod pa'i phyir bsod nams mang du skye ba yin no// gzugs
437b4 brnyan gyi de bzhin gshegs pa la mchod na ni khyad par du 'phags pa'i chos kyi skus ma bsdus pa yin pa'i phyir bsod nams ches mang du mi skyed pa yin no// bris nas mchod na bsod nams mang du bskyed par
437b5 bstan nas/'dri bzhin pa na'ang de dang 'dra'o zhes bstan par bya ba'i phyir/ yang rigs kyi bu'am zhes bya ba la sogs pa gsungs so// zhes rgyas par bkral zhing/ sdud pa tshigs su bcad pa las kyang/ la
437b6 las bde gshegs yongs su mya ngan 'das pa yi// mchod rten rin chen bdun las byas shing mchod byed la// bde bar gshegs pa'i mchod rten de dag gang+gA'i yi// bye ma snyed kyis bye ba phrag stong zhing bkang
438a1 ste// yongs su brtag bzung zhing rnams bye ba mtha' yas na// sems can ji snyed 'khod pa de dag thams cad kyis// las gzhan mi byed lha yi me tog spos rab dang// byug pas dus gsum
438a2 bskal pa'am de bas lhag mchod la// gang zhig gang las rnam 'dren stobs bcu 'byung 'gyur pa// bde bar gshegs kyi yum 'di glegs bam la bris te// 'chang zhing me tog byug pas bsti stang byed gyur
438a3 na// mchod rten byas mchod bsod nams des ni char mi phod// ces dang/ la las gang+gA'i klung gi bye snyed zhing rnams na// sems can ji snyed 'khod kun dgra bcom nyid btul bas// gang gis shes rab pha
438a4 rol phyin 'di yig bris te// sems can mchog la glegs byan bsod nams khyad par 'phags// ci phyir zhe na smra mchog de dag 'dir bslabs nas// chos rnams mtha' dag stong pa nyid du 'dir ston
438a5 byed// de thos nyan thos myur lam rnam par grol la reg/ rang rgyal byang chub dang ni sangs rgyas byang chub reg/ ces gsungs pa dang/ de bzhin du zab mo'i chos kyi tshul sna gcig tsam yang thos pa dang 'chad pa
438a6 dang/'dzin pa'i phan yon kho na la'ang mtha' gzung bar mi nus pa'i tshul/ blo gros rgya mtshos zhus pa'i mdo las/ stong chen po yi 'jig rten khams 'di ni// gser gyis bkang ste bde gshegs phul ba
438b1 bas// gang gis chos kyi mdzod 'di thos nas ni// mos pa'i bsod nams 'di ni khyad par 'phags// gang gis 'jig rten khams khri rin chen bkang// de bzhin gshegs pa rnams la phul ba bas// gang gis
438b2 mdo sde 'di la 'jug byas pa// bsod nams de la snga mas bskyed du med// gang gis 'jig rten khams ni stong phrag bcu// rin chen bkang ste sbyin pa byin pa bas// gang gis mdo 'di bton nas ston pa
438b3 yi// bsod nams de yi cha ni snga ma min// zhing ni bye ba khrag khrig stong gi rnams// rin chen bkang ste 'jig rten slob dpon skyob// sangs rgyas rnams la dbul bar phul ba bas// gang gis tshul 'dir rab tu
438b4 sbyor ba dang// phyogs bcu rnams su gang+gA'i bye snyed zhing// rin chen bkang ste rgyal la phul ba bas// ji ltar bstan pa bzhin du gang gnas pa'i// bsod nams de la mnyam pa yod ma yin// rdzogs pa'i byang
438b5 chub sems dang chos 'dzin dang// chos sgrub pa dang srog chags snying rje ba// chos bzhi 'di dag bsod nams mtha' yas te// de dag mtha' ni bde gshegs mi gsung ngo// nam mkha'i khams dang de bzhin
438b6 sems can khams// sangs rgyas ye shes dang ni byang chub sems// chos bzhi 'di dag dpag tu med pa ste// mkhas pa rnams kyis de thos dogs mi bya// dkon mchog chos 'di rab tu bshad pa na// phyogs
439a1 bcu'i zhing ni bye ba g.yos par gyur// snang ba byung zhing me tog char yang bab// sil snyan brgya dag ma dkrol sgra yang byung// byang chub sems dpa' mkhas pa de dag kun// mgu nas ched du brjod
439a2 pa ched du brjod// chos bstan 'di 'dra 'di thos bdag cag rnams// 'tsho ba don yod rnyed pa legs par rnyed// gang dag 'di 'dra 'di ni thos gyur pa// sems can de dag rnyed pa legs par rnyed// gang dag
439a3 byang chub sems ni mi brjed pa// de dag de bzhin gshegs pas shin tu bzung// phyogs bcu'i sangs rgyas stong phrag bye ba rnams// phyag ni g.yas pa rab tu brkyang mdzad de// yon tan rgya mtsho'i spyir bor
439a4 bzhag nas ni// shAkya seng ge'i bskul ba legs zhes gsungs// lha dang klu dang lha min mi'am ci// dri za gnod sbyin mkha' lding lto 'phye che// brgya byin tshangs pa 'jig rten skyong ba rnams// nam mkhar gnas te
439a5 ched du brjod pa brjod// shAkya seng ge 'di dang dge 'dun dang// mdo sde 'di 'dra ba ni 'dzin byed pa// byang chub sems dpa' dpa' bo ring gnas gyur// legs gsum chos ni gzhar yang nub mi
439a6 'gyur// gang dag chos kyi tshul ni 'di 'dzin pa// de dag la ni bdag cag bsnyen bkur bgyi// bdag cag thams cad gus dang bcas par ni// kun tu srung zhing spa bar spro bar bgyi// zhes gsungs so// de la
439b1 de bzhin gshegs pa'i mchod pa'i rten gzhan las gsung rab kho nar mchod pa dang gzung ba'i phan yon khyad par du sngags pa ci'i phyir zhe na/seng ge bzang pos bshad pa'i lung gong du drangs pas kyang
439b2 shes par 'gyur la der ma zad/yum las/ kau shi ka de bas na rigs kyi bu'am rigs kyi bu mo/ de bzhin gshegs pa dgra bcom pa yang dag rdzogs pa'i sangs rgyas rnams la me tog dang/ phreng ba dang/ spos
439b3 dang/byug pa dang/ phye ma dang/ na bza' dang/ gdug dang/ rgyal mtshan dang/ ba dan dang/ sil snyan sna tshogs kyis mngon du rim gror bya bar 'dod pa dang/ bkur stir bya bar 'dod pa dang/ phu dud du bya
439b4 bar 'dod pa dang/mchod par bya bar 'dod pas// shes rab kyi pha rol tu phyin pa 'di bris te/ me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan
439b5 dang/ba dan dang/ sil snyan sna tshogs kyis rim gror bya'o// bkur stir bya'o// phu dud du bya'o// mchod par bya'o// kau shi ka ngas don de nyid kyi dbang yang dag par mthong ste/ bla na med pa yang dag par rdzogs
439b6 pa'i byang chub tu mngon par rdzogs par sangs rgyas nas 'di snyam ste/gang zhig la bdag gis rim gro dang/ bkur sti dang/ phu dud dang/ mchod pa bya ste/ brten cing rnam par spyad par bya snyam na/ kau shi ka de
440a1 la ngas 'jig rten lha dang bcas pa/bdud dang bcas pa/ tshangs pa dang bcas pa dang/ dge sbyong dang bram zer bcas pa'i skye dgu dang/ mi dang lha dang lha ma yin du bcas pa'i nang nang dang 'dra
440a2 ba'am/lhag pa yang dag par rjes su ma mthong nas/ de yangs 'di snyam du bsams te/ de ltar yin na bdag gis chos zhi ba bzang po gang bdag nyid kyis/ mngon par sangs rgyas pa de nyid la/ rim gro dang/
440a3 bkur sti dang/ phu dud dang/ mchod pa bya ste/ brten cing rnam par spyod par bya'o// snyam du bsams so// kau shi ka chos de'ang gang zhe na/ 'di lta ste/ shes rab kyi pha rol tu phyin pa 'di nyid yin te/ kau shi ka de
440a4 lta rang nyid kyang/shes rab kyi pha rol tu phyin pa 'di la/ rim gror byed/ bkur stir byed/ phu dud du byed/ mchod par byed de/ de ltar rim gro dang/ bkur sti dang/ phu dud dang/ mchod pa byas shing rnam
440a5 par spyod na/kau shi ka rigs kyi bu'am rigs kyi bu mo bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas/ shes rab kyi pha rol tu phyin pa 'di la/ me tog dang/
440a6 phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis/ rim gror bya ba dang/ bkur sti bya ba dang/ phu dud du bya ba dang/
440b1 mchod par bya ba lta ci smos/ nyan thos kyi theg pa'i rigs kyi buma' rigs kyi bu mo dang/ rang sangs rgyas kyi theg pa pa'i rigs kyi bu'am/ rigs kyi bu mo de dag gis/ shes rab kyi pha rol tu phyin pa 'di nyid
440b2 la/me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis/ rim gror bya ba dang/ bkur stir bya ba dang/ phu
440b3 dud du bya ba dang/mchod par bya ba lta ci smos/ de ci'i phyir zhe na/ shes rab kyi pha rol tu phyin pa las byung ba ni/ byang chub sems dpa' sems dpa' chen po rnams so// byang chub sems dpa' las byung ba ni/
440b4 de bzhin gshegs pa dgra bcom pa yang dag rdzogs pa'i sangs rgyas rnams so// de bzhin gshegs pa dgra bcom pa yang dag par rdzogs pa'i sangs rgyas las byung ba ni/ nyan thos dang/ rang sangs rgyas
440b5 rnams so// kau shi ka de lta bas na/ byang chub sems dpa'i theg pa pa'i rigs kyi bu dang/ rigs kyi bu mo'am/ nyan thos kyi theg pa'am/ rang sangs rgyas kyi theg pa pa'i rigs kyi bu dang/ rigs kyi bu mos
440b6 shes rab kyi pha rol tu phyin pa 'di nyid la/me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis/ rim
441a1 gror bya'o// bkur stir bya'o// phu dud du bya'o// mchod par bya'o// de ltar de la slob pa'i rigs kyi bu'am/ rigs kyi bu mo dag ni/ bla na med pa yang dag par rdzogs pa'i byang chub tu mngon par
441a2 rdzogs par sangs rgyas so// mngon par rdzogs par 'tshang rgya'o// mngon par rdzogs pa 'tshang rgya bar 'gyur ro// nyan thos kyi theg pa pa rnams kyis kyang/ dgra bcom pa nyid thob po/ 'thob bo// thob par
441a3 'gyur ro// rang sangs rgyas kyi theg pa pa rnams kyis kyang/ rang sangs rgyas kyi byang chub thob bo// 'thob bo// thob par 'gyur ro// zhes gsungs pa'i phyir ro// de bzhin du glegs bam bris pa'i phan yon kyang/
441a4 nam mkha'i mtha' dang mnyam pa'i rgyud las/ rin chen sna bdun la sogs la// rgyal ba kun gyi rang bzhin gyis// ma lus bsdus pa'i ngo bo nyid// sku gsung thugs nyid bris pa yin// de bas rgyal ba kun bris
441a5 pa'i// che ba'i yon tan bsam mi khyab// ces dang/ de bzhin du bzung ba'i phan yon kyang// de nyid las/ gro ga shing shun la sogs la// gsang ba'i rgyud 'di rab bris nas// rin chen khri la legs bzhag
441a6 ste// gus pas mchod cing rab bzung na// ji srid gnas par bsam pa yis// dga' ba'i bsam pas 'dzin byed par// sangs rgyas thams cad bzung pa yin// zhes gsungs pa ltar/ mdor na sangs rgyas
441b1 kyis legs par gsungs pa'i chos ni thog mar dge ba/bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba la sogs
441b2 pa'i brjod bya bzang por gnas shing rjod byed ming tshig yi ge'i ngo bor gnas pa'i chos kyi rnam grangs 'di las tha na'ang tshigs su bcad pa sha lo ka gcig tsam zhig nyan pa dang/thos pa dang/ 'chang ba'i phan
441b3 yon kyang/'phags pa sangs rgyas kyi stobs bskyed pa'i cho 'phrul rnam par 'phrul pa bstan pa'i mdo las/ gang yang 'dzam bu'i gling 'di de bzhin gshegs pa'i ring bsrel gyi mchod rten rin po che sna bdun
441b4 las byas pas gang bar byas te/lha'i phreng ba dang/ byug pa dang/ me tog dang/ rin po che'i gdugs dang/ sil snyan dang/ rgyal mtshan dang/ ba dan rnams kyis lo 'bum du bkur sti byas te rjed cing mchod pa
441b5 bas/gang chos kyi rnam grang 'di 'chang ba dang/ klog pa dang/ mchod pa dang/ 'dri ba dang/ 'drir 'jug pa dang/ gzhan dag la yang dag par rab tu bstan na de bas 'di ches bsod nams mang du 'phel
441b6 lo// rigs kyi bu gang la la zhig gis 'dzam bu'i gling gi sems can dag 'phags pa'i lam yan lag brgyad pa la 'jog cing/ bzhag nas kyang lha'i lo stong du yo byad thams cad kyis mi 'brel bar rjed cing
442a1 mchod pa bas/gang gis chos kyi rnam grangs 'di las tshig bzhi pa'i tshigs su bcad pa tsam yang nyan pa dang/ 'chang ba dang/ 'dri ba dang/ 'drir bcug pa dang/ gzhan la rgyas par byed na de
442a2 bas 'di ches bsod nams mang du 'phel lo// zhes gsungs pa dang/ byang chub sems dpa'i spyod pa bstan pa'i mdo las/ 'jam dpal byang chub sems dpa' gang gis bskal pa 'bum gyi bar du thabs la
442a3 mkhas pa med par pha rol tu phyin pa drug la spyad pa bas/gang gis chos kyi rnam grangs 'di som nyi dang bcas pas thos na 'di ni de bas ches bsod nams mang du bskyed na gang gis som nyi med par thos pa lta
442a4 ci smos/gang gis yi ger 'dri ba dang/ lung nod pa dang/ 'chang ba dang/ gzhan dag la'ang rgya cher yang dag par ston pa lta ci smos// zhes dang/ de bzhin gshegs pa'i snying po zhes bya ba'i mdo las kyang/
442a5 kun dga' bo byang chub sems dpa' gang chos kyi rnam grangs 'di 'chang ba dang/ klog pa dang/ gzhan dag la'ang rgya cher yang dag par rab tu ston pa dang/ glegs bam du byas te 'chang ba des 'di snyam du
442a6 bdag gis deng nyid bla na med pa yang dag par rdzogs pa'i byang chub thob bo snyam du sems bskyed par bya'o// de ni ji ltar da ltar nga bzhin du lha dang mi dang lha ma yin du bcas pa'i 'jig rten gyis phyag bya ba'i
442b1 'os dang/mchod pa'i 'os yin no// zhes gsungs pa dang/ de bzhin du gsang sngags kyi sde snod glegs bam du bris shing bklags pa dang/ bcangs pa'i phan yon ni de las kyang khyad par du mas 'phags par
442b2 shes dgos te// rin po che spungs pa'i rgyud las/ de yi phyir na gsang ba'i rgyud// 'di nyid 'dzin pa'i skyes bu ni// rang rig rnams kyi dbang thob ste// rgyud 'di bcangs pa tsam gyis ni// rdo rje 'chang gi sprul pa
442b3 'gyur// rgyud 'di su yis bklag pa'i mi// lta ba'i don kun sems la 'char// 'di nyid su yis bris pa'i mi// sangs rgyas kun gyi gsung la rol// zhes pa dang/ a ti bkod pa chen po las// 'di nyid gang
442b4 gis bzung ba de// bzo dang sgyu rtsal thams cad dang// bstan bcos kun dang sgra rnams ni// ji ltar 'dod bzhin shes par 'gyur// gsang mchog bla na med pa 'di// mchod dang bstod pa bkur byas
442b5 na// mchog dang thun mong dngos grub rnams/ ji ltar 'dod pa bzhin du 'byung/ 'di nyid bcangs pa tsam gyis kyang/ lung dang man ngag 'dzin par 'gyur/ zhes pa la sogs rgyas par gsungs so// gzhan yang
442b6 dam pa'i chos 'jig rten du gnas pa zhes bya ba ni rtogs pa'i chos 'phags bzhi'i thugs rgyud kyi mngon par rtogs pa brjod bya'i tshul dang/de rtogs byed kyi thabs su gyur pa lung gi chos rjod byed kyi tshul du
443a1 gnas pa mdo dang rgyud kyi sde snod ming tshig yi ge'i ngo bor gnas pa gang zhig/de glegs bam du bris pa med na de la brten pa'i klog pa dang kha ton sogs thos bsam byed pa mi 'byung/ de
443a2 med par spong ba nyams len kyang mi 'byung ste/bde bar gshegs pa'i bstan pa dam pa'i chos yongs su 'dzin pa'i rtsa ba ni 'di nyid 'ba' zhig tu gnas pa'i phyir/ mdo rgyud kyi rnam grangs re re 'dri ba dang/
443a3 bzung ba'i phan yon kyang dpag tu med na phyi mo gcig las glegs bam mang po phyi mtha'i bar du rgyas par 'gyur bas de bzhin gshegs pa'i gsung rab thams cad kyi snying po rdo rje theg pa'i lung rtogs kyi bstan
443a4 pa 'jig rten gyi khams su yun ring por gnas par byed pa'i bsod nams kyi phung po la tshad bzung ba lta ci/phyogs tsam zhig kyang bskal pa bye snyed mang por bsam pas mtha' gtugs par nus pa ma yin
443a5 no// de'i phyir chos kyi sbyin pa ni sbyin pa thams cad kyi mchog dang/ rab dang/ phul dang/ gtso bo dang/ gya nom pa dang/ bla na med pa ste/ yum las/ kau shi ka stong gsum gyi stong chen po 'jig rten gyi khams kyi
443a6 sems can ji snyed pa de dag/rigs kyi bu'am/ rigs kyi bu mo la las/ bsam gtan bzhi la bkod de/ tshad med pa bzhi dang/ gzugs med pa'i snyoms par 'jug pa bzhi dang/ mngon par shes pa lnga la
443b1 rab tu bkod na/kau shi ka de ji snyam du sems/ rigs kyi bu'am/ rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das mang ngo// bde bar gshegs pa mang
443b2 ngo// bcom ldan 'das kyis bka' stsal pa/ kau shi ka de bas rigs kyi bu'am/ rigs kyi bu mo gang gis/ shes rab kyi pha rol tu phyin pa 'di'i glegs bam/ klag pa dang/ bri ba dang/ kha ton du bya ba'i phyir/
443b3 gzhan byin na/ bsod nams ches mang du 'phel lo// de ci'i phyir zhe na/ kau shi ka de ni 'di ltar shes rab kyi pha rol tu phyin pa 'di las zag pa med pa'i chos rnams rgya cher bstan te/ de dag la bslabs shing/
443b4 rigs kyi bu'am rigs kyi bu mo dag yang dag pa'i skyon med par zhugs par gyur to// 'jug go/ 'jug par 'gyur ro// rgyun du zhugs pa'i 'bras bu thob par gyur to// 'thob bo// thob par 'gyur ro// lan
443b5 cig phyir 'ong ba'i 'bras bu thob par gyur to// 'thob bo// thob par 'gyur ro// phyir mi 'ong ba'i 'bras bu thob par gyur to// 'thob bo// thob par 'gyur ro// dgra bcom pa nyid thob pa gyur to// 'thob
443b6 bo// thob par 'gyur ro// rang sangs rgyas kyi theg pa pa rnams kyis/ rang byang chub thob par gyur to// 'thob bo// thob par 'gyur ro// byang chub sems dpa' sems dpa' chen po rnams kyang/ byang chub
444a1 sems dpa'i skyon med par zhugs par gyur to// 'jug go/ 'jug par 'gyur ro// bla na med pa yang dag par rdzogs pa'i byang chub tu mngon par rdzogs par sangs rgyas so// mngon par rdzogs
444a2 par 'tshang rgya'o// mngon par rdzogs pa 'tshang rgya bar 'gyur ro// kau shi ka zag pa med pa'i chos de dag kyang gang zhe na/ 'di lta ste/ sbyin pa'i pha rol tu phyin pa dang/ tshul khrims kyi pha rol tu phyin pa dang/
444a3 bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa dang/ nang stong pa nyid dang/ phyi stong pa nyid dang/ phyi nang stong
444a4 pa nyid dang/stong pa nyid stong pa nyid dang/ chen po stong pa nyid dang/ don dam pa stong pa nyid dang/ 'dus byas stong pa nyid dang/ 'dus ma byas stong pa nyid dang/ mtha' las 'das pa stong pa nyid dang/ thog
444a5 ma dang tha ma med pa stong pa nyid dang/dor ba med pa stong pa nyid dang/ rang bzhin stong pa nyid dang/ chos thams cad stong pa nyid dang/ rang gi mtshan nyid stong pa nyid dang/ mi dmigs pa stong pa nyid dang/
444a6 dngos po med pa stong pa nyid dang/ ngo bo nyid stong pa nyid dang/ dngos po med pa'i ngo bo nyid stong pa nyid dang/ dran pa nye bar gzhag pa bzhi dang/ yang dag par spong ba bzhi dang/ rdzu 'phrul gyi rkang pa bzhi dang/
444b1 dbang po lnga dang/ stobs lnga dang/ byang chub kyi yan lag bdun dang/ 'phags pa'i lam yan lag brgyad pa dang/ 'phags pa'i bden pa bzhi dang/ rnam par thar pa brgyad dang/ mthar gyi gnas pa'i snyoms
444b2 par 'jug pa dgu dang/rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa drug dang/ ting nge 'dzin thams cad dang/ gzungs kyi sgo thams cad dang/ de
444b3 bzhin gshegs pa'i stobs bcu dang/mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bcwa brgyad dang/ byams pa chen po dang/ snying rje chen po dang/ dga' ba
444b4 chen po dang/btang snyoms chen po dag ste/ sangs rgyas kyi chos tshad med pa gzhan dag kyang rgya cher bstan to// kau shi ka rnam grangs des kyang/ rigs kyi bu'am/ rigs kyi bu mo gang gis/ shes rab kyi pha rol
444b5 tu phyin pa glegs bam du bris shing/klog pa dang/ bri ba dang/ kha ton du bya ba'i phyir gzhan phyin na/ de bas 'di'i bsod nams ches mang du 'phel bar shes par bya'o// zhes sogs rgya cher bstan pa bzhin
444b6 no// de lta bu'i chos kyi glegs bam gzhan la sbyin par byin pa de la brten pas thos bsam bsgom gsum gyi byed pas 'jig rten du/ sangs rgyas kyi bstan pa yun ring por gnas shing/ rgyu de las skye dgu rnams
445a1 kyang gnas skabs dang mthar thug gi bde skyid sgo thams cad nas 'phel zhing rgyas par 'gyur ba'i phyir/bstan pa dang sems can yongs kyi rtsa lag gcig pur gyur ba 'di lta bu ni rnam par
445a2 dkar ba'i bsod nams kyi dngos po 'du bgyid pa gzhan gyis cha shas tsam yang bsgrun du med par shes par bya zhing/lhag par snyigs ma lnga bdo ba'i skye bo rnams kyi snying la yid kyi srubs shing bye ba phrag rgya'i
445a3 dbang phyug la dbang sgyur ba'i bdag pos byang chub phyogs su mdza' ba ma yin pa'i bslu 'drid kyi sbyor ba 'jam pos bltar mi mngon pa'i gnas mal chen po bcas shing sems can su zhig ni ngan 'gror gzhol/ngan 'gror babs/
445a4 ngan 'gror 'babs par 'gyur ram snyam du sems kyi las byed cing de dag gi byin gyis rlabs kyi 'bab stegs su 'dod chags bdo ba dang/ zhe sdang bdo ba dang/ gti mug bdo ba dang/ nga
445a5 rgyal bdo ba dang/phrag dog bdo ba sogs kyis bsod nams ma yin pa'i gnas 'ba' zhig tu spro zhing bgyi ba lhur len pa la zhugs pas dam pa'i chos rin po che 'jig pa la bag ha cang mi ring bar mngon du
445a6 phyogs pa'i deng gi dus su 'di lta bur bde bar gshegs pa'i bstan pa rin po che dus ring por gnas pa'i phyir thabs 'di lta bu'i rtsom pa la zhugs nas 'bad pa chen pos bsrung zhing bzung ba ni lhag par phan
445b1 yon khyad par 'phags shing sa chen po la bzhugs pa'i rgyal ba'i sras mchog rnams kyi spyod pa'i tshul bla na med pa ste/snga 'gyur puN+Da rI ka'i rgyud las/ srid pa las dang rkyen gyi dbang gyur te// gang dang gang du
445b2 dam chos 'jig pa der// me tshogs spu gri'i so yang brgal nas ni// phyi mthar thug gi bar du dam chos bzung// zhes pa dang/ 'phags pa spyan ras gzigs zhes bya ba theg pa chen po'i mdo sde las/ gang dag
445b3 phyin chad mdo mchog 'di 'dzin pa// de dag rtag tu nga dang mthun pa'i sras// sangs rgyas bye bas de dag bsngags brjod kyang// de dag bsngags pa mthar ni phyin mi 'gyur// zhes dang/ 'jig tshe rgyal ba mchog
445b4 gi chos bzung bas// mthu dang stobs dang ldan zhing brtson 'grus ldan// mi dman pa rnam kun tu rnams par rgyu// sangs rgyas brgya stong dag la bsnyen bkur byed// 'jig tshe rgyal ba mchog gi chos bzung
445b5 bas// mchog tu rab mdzes gzugs ldan shes rab ldan// mi yi 'jig rten mchog tu bsnyen bkur byed// rgyal po mkhas pa mdzangs pa rnams kyis bsngags/ zhes dang/ gang gis sangs rgyas stong rnams
445b6 dang// brgya dang bye ba grangs dag la// bskal pa gang+gA'i bye ma snyed// de snyed bskal par bkur ba las// 'jig rten mgon gyis gsungs pa yi// dam chos 'jig tshe gang zhig gis// nyin dang mtshan du 'dzin
446a1 byed pa// de ni bsod nams khyad par 'phags// chos 'jigs dus na chos 'dzin pa// sngon gyi sangs rgyas thams cad dang// sangs rgyas ye shes rab gnas pa// nga la des ni mchod pa
446a2 byed// dam pa'i chos ni 'jig pa'i tshe// ston pa'i bstan pa srung byed pa// bskal pa bye ba stong rnams su// de ni rnams kyang rgud mi 'gyur// lus kyi bde ba myong 'gyur zhing// de ni nad kyis btab mi
446a3 'gyur// nams kyang phrog par mi 'gyur ro// ston pa'i bstan pa bsrung byas na// bzod pa phun sum tshogs pa dang// des dang gsal dang mnyen pa dang// sems can rnams la byams par 'gyur// 'jig tshe
446a4 rgyal ba mchog gi chos bzung bas// bde dang dga' 'thob mdzod ni mang por 'gyur// sngon gyi rim gro bya ba 'thob 'gyur zhing// mi khom brgyad po ma lus zad par spong// 'jig tshe rgyal ba mchog gi chos bzung
446a5 bas// dper na nam mkha' skar mas yongs gang ltar// rtag tu mtshan gyis go char byas pa dang// rab tu tshig snyan yid 'ong dbyangs ldan 'gyur// 'jig tshe rgyal ba mchog gi chos bzung bas// gang na yid
446a6 bde med cing rab sdug pa// rigs dman de ni de yis spangs par 'gyur// phyug cing shin tu bde la longs spyod ldan// 'jig tshe rgyal ba mchog gi chos bzung bas// mthu dang stobs dang ldan zhing brtson 'grus
446b1 ldan// mi dman pa rnams kun tu rnam par rgyu// sangs rgyas brgya stong dag la bsnyen bkur byed// 'jig tshe rgyal ba mchog gi chos bzung bas// mchog tu rab mdzes gzugs ldan shes rab ldan// mi
446b2 yi 'jig rten mchog tu bsnyen bkur 'gyur// rgyal po mkhas pa rnams kyis bsngags// 'jig tshe rgyal ba mchog gi chos bzung bas// mchog tu gzugs mdzes blta na sdug pa dang// skyes pa
446b3 bud med lha rnams dga' ba dang// bde zhing mkhas la bsngags shing shes rab ldan// ston pa stobs bcu mnga' ba lha yi lhas// gang gi mdun du mdo 'dir rab bshad pa// mi de'i lag tu mdo sde 'di 'dra
446b4 'di// phyi ma dus kyi tshe na thob par 'gyur// zhes pa dang/ de bzhin du blo gros rgya mtshos zhus pa'i mdo las/ de bzhin gshegs pa'i dam chos gang 'dzin pa// de dag phan yon rnam pa mang 'gyur te// de las
446b5 phyog tsam yongs su brjod par bya// dper na rgya mtsho'i chu las thigs pa bzhin// de bzhin gshegs pa'i dam pa'i chos 'dzin pa// de ni de bzhin gshegs la byas gzo yin// rgyal ba rnams
446b6 kyis mdzod 'dzin yid brtan zhing// phyogs bcu rnams su sangs rgyas mchod pa yin// sangs rgyas spyan gyis gzigs pa'i zhing mang po// rin chen bkang ste de bzhin gshegs la phul// zad pa'i dus na ji ltar
447a1 chos 'dzin ltar// bsod nams phung po de tsam 'phel ma yin// 'jig rten zang zing rgyal la bsti stang byas// 'jig rten byed las nam yang grol mi 'gyur// 'jig rten 'das pa'i chos ni gang
447a2 tshol ba// mkhas pa de ni 'jig rten chos las 'da'// de bzhin gshegs pa'i dam pa'i chos 'dzin pa// rgyal ba rnams kyis yongs su bzung bar 'gyur// lha dang klu dang mi'am ci rnams dang// bsod nams
447a3 ye shes kyis ni yongs su bzung// de bzhin gshegs pa'i dam pa'i chos 'dzin pa// dran ldan blo gros ldan zhing blo ldan 'gyur// shes rab rgya chen kun nas ye shes ldan// mkhas pa bag chag bcas pa'i nyon
447a4 mongs spangs// de bzhin gshegs pa'i dam pa'i chos 'dzin pa// de la bdud kyi skyon chags rnyed mi 'gyur// de la 'gyod dang de bzhin dogs pa med// de la bcing med sgrib pa cung zad med// de bzhin
447a5 gshegs pa'i dam pa'i chos 'dzin pa// zhing stong dag tu nam yang mi skye ste// skye ba kun tu des ni rgyal ba mthong// mthong nas de la dad pa rab tu 'thob// de bzhin gshegs pa'i dam pa'i chos 'dzin pa// chos
447a6 kyi bdag nyid chen po skye dran 'gyur// yang dang yang du rab tu 'byung ba 'thob// spyod pa yongs dag sgrub pa snying por byed// de bzhin gshegs pa'i dam pa'i chos 'dzin pa// tshul khrims thos pas 'phags pa'i
447b1 chos spyod pa// mkhas pa mngon shes lnga la myur du reg/ ma smad bsam gtan rnam par thar pa 'thob// de bzhin gshegs pa'i dam pa'i chos 'dzin pa// de ni zab chos rtogs par khong du chud// sangs
447b2 rgyas spyod yul stong nyid the tshom med// sems can bdag med par yang mos par 'gyur// de bzhin gshegs pa'i dam pa'i chos 'dzin pa// de ni so so yang dag rig pa 'thob// 'jigs med shes rab rno zhing
447b3 chags med dag/de ni srog chags kun gyi the tshom gcod// de bzhin gshegs pa'i dam pa'i chos 'dzin pa// mkhas pa de ni gzungs rnams 'thob par 'gyur// bskal pa rgyar yang gang thos chud mi za// spobs
447b4 dang ldan zhing chags pa med par 'gyur// de bzhin gshegs pa'i dam pa'i chos 'dzin pa// de la mkhas pa rtag tu dga' bar 'gyur// lha dang lha min mi ci'i yid du 'ong// de la sangs rgyas bu gcig bzhin du
447b5 bstod// de bzhin gshegs pa'i dam pa'i chos 'dzin pa// brgya byin tshangs pa de bzhin 'jig rten skyong// 'khor los sgyur dang mi yi rgyal por 'gyur// bde dang yid bde byang chub de 'tshang rgya// de bzhin
447b6 gshegs pa'i dam pa'i chos 'dzin pa// de lus sum cu rtsa gnyis mtshan ldan zhing// mkhas pa yan lag smad pa med par 'gyur// de la lta bas ngoms par yong mi 'gyur// de bzhin gshegs pa'i dam pa'i chos
448a1 'dzin pa// gang dag chos kyi phyag rgya 'di ston pa'i// dge ba'i bshes gnyen de la dkon mi 'gyur// chos mdzod zad mi shes pa nyan par byed// de bzhin gshegs pa'i dam pa'i chos 'dzin
448a2 pa// lus dang ngag dang yid kyang rnam par dag/ tshul khrims ting 'dzin shes rab rnam par dag/ rnam grol ye shes shin tu rnam par dag/ de bzhin gshegs pa'i dam pa'i chos 'dzin pa// de ni byang chub sems
448a3 brjed 'gyur ba med// pha rol phyin pa spyod dang 'gal mi 'gyur// dge ba brgya rnams kyis kyang rab tu bzung// de dag rnams kyi yon tan phan yon rnams// bskal pa rgyun mi 'chad pa rab brjod kyang// dam
448a4 chos 'dzin pa'i phan yon 'di dag ni// brjod pas mtha' mar phyin par mi 'gyur ro// zhes sogs rgya cher gsungs pa bzhin no// gzhan yang de bzhin gshegs pa mngon sum du bzhugs pa'i tshe mchod par byed
448a5 cing/de'i gsung rab la mos pa chen pos sri zhu byed pa sogs kyi phan yon dang/ phyi ma'i dus 'dir sku gsung thugs kyi rten rnams la bsod nams bsags pa'i phan yon mnyam par gsungs te/ me tog
448a6 brtsegs pa'i gzungs las/gang gis de bzhin gshegs pa dgra bcom pa yang dag par rdzogs pa'i sangs rgyas la lo gcig gam lo brgya 'am lo stong yang rung ste/ bde ba'i yo byad thams cad kyis bsnyen
448b1 bkur byas pa dang/de bzhin gshegs pa yongs su mya ngan las 'das nas rten rnams la me tog 'ga' 'bul lam/ chu snyim pa gang 'thor ram/ byug pa'i thig le 'dri'am/ me tog gi nyal nyil 'phyag gam/
448b2 byug pa 'bul lam/ spos 'bul lam/ bdug spos 'bul lam/ mar me 'bul lam/ phul nas dga' ba'i sems kyi gom pa'i stabs 'ga' bor te/ sangs rgyas bcom ldan 'das la phyag 'tshal lo zhes smra ba
448b3 de dag ni/seng ge rnam par brtse ba bskal pa brgya'am/ bskal pa stong du'ang bskal pa brgya phrag stong du yang ngan 'gro log pa ltung ba'i gnas su 'gro bar 'gyur ba de ni gnas med do// zhes pa la sogs pa
448b4 gsungs pa'i phyir ro// de lta bu'i phan yon bsam gyis mi khyab pa'i bdag nyid can gyi phyi mo rnams gang du bzhugs pa'i sa phyogs der yang nyams nyes par 'gyur ba'i phyogs thams cad zhi zhing srid pa dang zhi
448b5 ba'i dge ba dang legs pa'i tshogs mtha' dag pa rnams rang bzhin gyis phun sum tshogs par 'gyur pa'ang/byang chub sems dpa' byams pas dam bcas pa'i tshul bdud rtsi brjod pa zhes bya ba theg pa chen
448b6 po'i mdo las/bcom ldan 'das slad ma'i tshe slad ma'i dus lnga brgya pa tha ma la dam pa'i 'jig pa'i dus la bab cing/ sangs rgyas kyi byang chub 'jig par 'gyur ba 'jig pa chen pos 'jig pa'i dus la bab
449a1 pa na bdag gis chos kyi rnam grangs 'di skyes bu dam pa de dag la rab tu bstan pa bgyi'o// de dag la gzi byin stsal bar bgyi'o// yul gang na mdo sde 'di 'dzin pa de lta bu dag gnas pa'i yul
449a2 der bdag gis dus ma lags pa'i ser ma dang/dgung char dang/ mu ge dang/ bro nad yang ba dang/ mi ngas dang/ yams kyi nad dang/ 'go ba'i nad dang/ gnod pa dang/ 'khrug pa thams cad rab tu zhi bar
449a3 bgyi'o// yul gang na chos kyi rnam grangs 'di 'chang ba dang/ glegs bam du bgyis pa'am/ rgyal mtshan gyi rtse mor btags pa la mchod pa bgyid pa'i yul der bdag gi byin gyis brlabs kyis pha rol gyi
449a4 dmag tshogs thams cad dang/chom rkun dang/ srin po dang/ mkha' 'gro ma'i ya nga ba thams cad rab tu zhi bar 'gyur ro// gang dag chos smra ba'i 'di ltar dag dang/ mdo sde 'di 'chang ba'i yul der bdag gi
449a5 me tog dang/nor dang/ 'bru dang/ me tog dang/ lo ma dang/ 'bras bu thams cad phun sum tshogs pa dang/ bde ba thams cad 'byung bar byin gyis brlab par bgyi'o// zhes dang// gser 'od dam pa mdo
449a6 sde'i dbang po'i rgyal po las// btsun pa bcom ldan 'das nam mi'i rgyal pos gser 'od dam pa mdo sde'i dbang po'i rgyal po 'di mnyan te thos nas/ mdo sde'i dbang po 'di 'dzin pa'i dge slong de dag phyir
449b1 rgol ba thams cad las kun tu bsrung bar bgyid// yongs su skyabs pa dang// yongs su 'dzin pa dang// yongs su skyong bar bgyid na// btsun pa bcom ldan 'das bdag cag rgyal po chen po bzhis/ mi'i
449b2 rgyal po de'i yul thams cad na gnas pa'i sems can rnams kun tu bsrung par bgyi// yongs su bskyab pa dang/ yongs su gzung ba dang/ yongs su bskyang ba dang// zhi ba dang bde legs su 'gyur bar
449b3 bgyi'o// zhes dang// blo gros rgya mtshos zhus pa'i mdo las// gang chos kyi rnam grangs 'di gnas par 'gyur ba der sangs rgyas byung bar blta'o// gang du chos kyi rnam grangs 'di spyod par 'gyur ba der chos kyi
449b4 'khor lo rab tu bskor bar blta'o// zhes gsungs pa dang/ chos thams cad kyi rang bzhin shes rab kyi pha rol tu phyin pa rdzogs pa chen po'i gnas lugs ston pa'i nges don gyi snor rin po che 'di rnams
449b5 gnas gang du 'dri pa'am/klog pa dang/ tshul bzhin du yid la byed pa der bdud dang bdud kyi ris su gyur pa rnams kyis glags blta bar mi nus te/ yum las/ sha ra dwa ti'i bu phyogs bcu kun gyi 'jig
449b6 rten gyi khams dag na/sangs rgyas bcam ldan 'das gang ji snyed cig bzhugs shing// 'tsho skyong ba dang/ chos ston pa de dag gi mthus kyang// byang chub sems dpa' sems dpa' chen po/ shes rab kyi pha rol
450a1 tu phyin pa zab mo 'di 'dri ba dang// klog pa dang/ ston pa dang/ kha ton du byed pa dang/ tshul bzhun du yid la byed pa dang/ sgom pa de dag la bdud sdig to can gyis bar chad bya bar mi nus
450a2 so// zhes gsungs shing// de bzhin du dam pa'i chos 'dzin pa'i gang zag de la bde bar gshegs pa sras dang slob mar bcas pas kyang rtag tu dgongs shing byin gyis rlobs pa la ni nam yang g.yel ba mi
450a3 mnga' ba ste/de nyid las/ rigs kyi bu'am rigs kyi bu mo gang shes rab kyi pha rol tu phyin pa zab mo 'di 'dri zhing klog pa dang/ ston cing kha ton du byed pa dang/ tshul bzhin du yid la byed cing sgom pa de dag
450a4 ni/shar phyogs dang/ lho phyogs dang// nub phyogs dang/ byang phyogs dang/ byang shar gyi phyogs mtshams dang/ shar lho'i phyogs mtshams dang// lho nub kyi phyogs mtshams dang// nub byang gi phyogs mtshams
450a5 dang/'og dang/ steng gi phyogs kyi sangs rgyas bcom ldan 'das tshad med grangs med pa de dag gis mkhyen to// sangs rgyas kyi spyan gyis gzigs shing thugs su chud do// zhes sogs gsungs pa dang/ des
450a6 don gyi sde snod zab mo rnams gang du bzhugs shing spel ba dang/mchod par byed pa'i gnas de mi mjed kyi bdag po tshangs pa dang/ brgya byin dang/ 'jig rten skyong ba bzhi po sogs kyis yong ye bsrung zhing/
450b1 dga' ba dang/ mgu ba sogs kyis rtag tu bde legs su byed par rgyal pa nyid kyi drung du dam bcas pa ste/ mi 'am ci'i rgyal po sdong pos zhus pa theg pa chen po'i mdo las/ de nas bcom ldan 'das la mi
450b2 mjed kyi bdag po tshangs pas 'di skad ces gsol to// bcom ldan 'das bdag bsam gtan gyi bde ba la gnas pa tshad ma mchis pa btang ste/ grong dang/ grong khyer dang/ grong rdal dang/ ljongs dang/ yul
450b3 'khor dang/rgyal po'i pho brang 'khor gang dang gang na chos kyi rnam grangs 'di rab tu spyod pa de dang de dag tu bdag chos nyan pa'i slad du nye bar mchi bar bgyi'o// mchis nas kyang chos smra bde dag chos dang
450b4 ldan pas bsrung ba dang/sba ba dang/ bskyab par bgyi'o// de ci'i slad du zhe na/ bcom ldan 'das nyan thos dang/ rang sangs rgyas dang/ brgya byin dang/ tshangs pa dang/ 'jig rten skyong ba dang/ 'khor los
450b5 sgyur ba'i rgyal po rnams ni 'di las byung ba'i slad du'o// de nas bcom ldan 'das la rgyal po chen po bzhis 'di skad ces gsol te// bcom ldan 'das rgyal po chen po bzhi po bdag cag dang/ bcom ldan
450b6 'das kyi nyan thos chen po de dag dang bdag cag gisas chos kyi rnam grangs 'di yun ring du gnas par bgyi ba'i slad du bsrung ba dang/sba ba dang/ bskyab pa la brtson par bgyi'o// bdag cag gis 'khor
451a1 gang dag sangs rgyas dang/sangs rgyas kyi bstan pa la ma dad pa de dag kyang ji nas de bzhin gshegs pa'i bstan pa bsrung ba'i slad du brtson par 'gyur bar dad bar bgyi'o// zhes pa dang/
451a2 gser 'od dam pa mdo sde'i dbang po'i rgyal po las kyang/ bcom ldan 'das mi'i rgyal po gang yi yul du mdo sde'i dbang po 'dzin pa'i dge slong chos smra ba de dag mchi par 'gyur ba'i yul de dag tu gser 'od
451a3 dam pa mdo sde'i dbang po'i rgyal po 'di yang bsnyen par 'gyur ro// btsun pa bcom ldan 'das nam mi'i rgyal pos gser 'od dam pa mdo sde'i dbang po'i rgyal po 'di mnyan te thos nas mdo sde'i dbang po 'di
451a4 'dzin pa'i dge slong de dag phyir rgol ba de dag las kun tu bsrung bar bgyid// yongs su skyob pa dang/ yongs su 'dzin pa dang/ yongs su skyong bar bgyid na// btsun pa bcom ldan 'das bdag cag rgyal po
451a5 chen po bzhis mi'i rgyal po de'i yul thams cad na gnas pa'i sems can rnams kun tu bsrung bar bgyi/yongs su bskyab pa dang/ yongs su gzung ba dang/ yongs su bskyang ba dang/ zhi ba dang bde legs su
451a6 'gyur bar bgyi'o// btsun pa bcom ldan 'das mi'i rgyal pos nam dge slong ngam dge slong ma'am dge bsnyen ma mdo sde'i dbang po 'dzin pa la bde bar sbyar ba thams cad kyis bde bar bgyid na// btsun pa
451b1 bcom ldan 'das bdag cag rgyal po chen po bzhis mi'i rgyal po de'i yul thams cad gnas pa'i sems can rnams la bde ba'i yo byad thams cad kyis bde ba dang yo byad thams cad phun sum tshogs par
451b2 bgyi'o// btsun pa bcom ldan 'das nam mi'i rgyal po dge slong ngam// dge slong ma'am/ dge bsnyen nam/ dge bsnyen ma mdo sde'i dbang po 'di 'dzin pa la bsti stang bgyid// bla mar bgyid rim gror bgyid
451b3 cing mchod na btsun pa bcom ldan 'das bdag cag rgyal po chen po bzhi sa mi'i rgyal po chen po de la/rgyal po thams cad pas ches bsti stang du bgyi/ ches bla mar bgyi/ ches rim gror bgyi/ ches mchod par
451b4 bgyi ste yul thams cad du yang rab tu bsngags par bgyi'o// zhes sogs rgya cher gsungs so// gnyis pa bsngo smon gyi rim pa la// bsngo ba'i rnam gzhag/ bsngo dgos pa'i rgyu mtshan// tshul ji ltar bsngo ba/ bsngo
451b5 smon gyi tshigs su bcad pa dngos so// dang po la bsngo ba'i ngo bo/ nges tshig dbye ba gsum las/ dang po ni/ 'jig rten dang 'jig rten las 'das pa'i rnam dkar gyi bgyi bar gtogs pa'i dngos po thams
451b6 cad yongs su mi gnas pa'i mya ngan las 'das pa'i sar rnam par dag pa'i phyir blo'i stobs kyis yongs su bsgyur ba'i 'dun sems sa bon dang bcas pa'o// de ltar yang/ mngon par rtogs pa'i rgyan las/
452a1 yongs su bsngo ba khyad par can/ de ni byed pa mchog yin no// zhes so// nges tshig ni pa ri Na ta ste yongs su bsgyur ba'am yongs su spel ba la bya ste/ 'jig rten pa'i lam gyi dge rtsa rnams 'jig
452a2 rten las 'das pa'i dge rtsar bsgyur pa'am/rkyen gzhan gyis 'dzad pa'am 'jom par 'gyur ba'i dge rtsa mi zad bar spel ba'i phyir de skad du brjod do// gsum pa dbye ba la gnyis te/ yongs su ma dag pa
452a3 dang dag pa gnyis su dbye ba'i/dang po ni/ yum las/ gal te byang chub sems dpa' sems dpa' chen po shes rab kyi pha rol tu phyin pa'i spyod pa'i tshe/ mtshan ma'i tshul gyis sangs rgyas bcom ldan 'das de
452a4 dag gi dge ba'i rtsa ba de dag yongs su shes na/bla na med pa yang dag par rdzogs pa'i/ byang chub tu yongs su bsngo ba ma yin no// 'das pa'i sangs rgyas bcom ldan 'das ji snyed pa de dag kyang mtshan ma ma
452a5 yin// mtshan ma'i yul ma yin no zhes gal te de ltar sems na yang mtshan mar byed pa yin gyi/ dge ba'i rtsa ba de dag bla na med pa yang dag par rdzogs pa'i byang chub tu yongs su bsngo ba ma yin te/ de ltar
452a6 de'i 'du shes phyin ci log tu 'gyur ro// sems phyin ci log tu 'gyur ro// lta ba phyin ci log tu 'gyur ro// zhes pa dang/ de bzhin gshegs pa dgra bcom pa yang dag par rdzogs pa'i sangs rgyas rnams kyis
452b1 ni/dmigs pa'i 'du shes can dang/ mtshan ma'i 'du shes can gyi longs su bsngo ba don che bar ma gsungs so// de ci'i phyir zhe na/ yongs su bsngo ba de ni dug can/ zug rngu can te/ 'di ltar dper na/ kha
452b2 zas bsod pa/kha dog phun sum tshogs pa/ dri phun sum tshogs pa zhig yod kyang/ dug dang 'dres par gyur na/ kha dog dang/ dri dang/ ros yid du 'ong ba yang yin mod kyi/ 'on kyang dug can du zad na/ de la
452b3 skyes bu byis pa'i ngang tshul can/shes rab 'chal ba'i ngang tshul can ni/ bza' bar sems te/ des de zos na yang kha dog dang/ dri dang/ ro zhim par tshor mod kyi/ sdug bsngal dang/ sdug bsngal gyi rnam par
452b4 smin par 'gyur ro// de bzhin du 'di la log par rig pa dang/ log par shes pa dang/ log par bslabs pa'am don ma rtogs mi shes shing 'di skad du ston te/ tshur rigs kyi bu khyod kyis 'das pa dang/ ma
452b5 byon pa dang/da ltar byung ba'i sangs rgyas bcom ldan 'das rnams kyi thugs dang po bskyed pa nas nye bar bzung ste/ sems can rnams kyi rgyud la dge ba'i rtsa ba bskyed par gyur pa dang/ bskyed pa dang/ bskyed
452b6 par 'gyur ba'i bar gyi dge rtsa de dag thams cad mngon par bsdus te/gcig tu brtul la tshad bzung ste/ bla na med pa yang dag par rdzogs pa'i byang chub tu longs su bsngos shing/ ces bya bar ston te/ de
453a1 ltar bsngo ba des mtshan ma'i tshul dang/dmigs pa'i tshul gyi yongs su bsngos na/ dug tu 'gyur pa yin// 'di lta ste dper na/ zas dug can de dang 'dra bar dmigs pa'i 'du shes can la
453a2 yongs su bsngo ba med do// de ci'i phyir zhe na/ dmigs pa ni dug dang bcas pa/ mtshan ma dang bcas pa/ rgyu dang bcas pa/ rkyen dang bcas pa ste/ de de ltar yongs su bsngos na/ de bzhin gshegs pa la skur
453a3 par 'gyur// de bzhin gshegs pas gsungs pa bzhin du smra ba yang ma yin/ chos bzhin du smra ba yang ma yin par 'gyur te/ zhes gsungs pa dang/ sdud pa tshigs su bcad pa las kyang// ji ste mtshan ma med
453a4 na byang chub bsngo ba yin// ji ltar dug dang 'dres pa'i kha zas bzang za ba// dkar po'i chos la dmigs pa'ang de 'drar rgyal bas gsungs// zhes pa la sogs gsungs pa ltar/ gang du bsngo ba'i yul dang/
453a5 gang bsngo ba'i dngos po dang/ gang gis bsngo ba'i byed po ste 'khor gsum la mtshan ma'i chos su dmigs nas bsngo bar byed pa ni ma dag pa'o// gnyis pa yongs su dag pa'i bsngo ba ni/ 'khor gsum dmigs
453a6 bral gyi bsngo ba ste/de la gsum mi dmigs pa'i tshul ji lta bu zhe na/ blo gros rgya mtshos zhus pa'i mdo las/ gang la sangs rgyas su 'du shes pa'ang med pa dang/ bdag tu 'du shes pa med pa dang/ lung bstan
453b1 pa'i bstan par 'du shes pa med pa 'di ni 'khor gsum yongs su dag pa zhes bya'o// blo gros rgya mtsho gzhan yang 'khor gsum yongs su dag pa gang zhe na/ gang la bdag tu 'dzin pa med pa dang/ sems can
453b2 du 'dzin pa med pa dang/chos su 'dzin pa med pa'o// gzhan yang 'khor gsum yongs su dag pa ni gang la ming du 'dzin pa med pa dang/ gzugs su 'dzin pa med pa dang/ dmigs par 'dzin pa med
453b3 pa'o// gzhan yang 'khor gsum yongs su dag pa ni 'das pa la zad par shes pa dang/ ma 'ongs pa la ma phyin par shes pa dang/ da ltar byung ba la gnas pa med par shes pa'o// gzhan yang 'khor gsum
453b4 yongs su dag pa ni lus la gzugs brnyan lta bur shes pa dang/ngag la brag ca lta bur shes pa dang/ sems la sgyu ma lta bur shes pa'o// gzhan yang 'khor gsum yongs su dag pa ni phung po rnams la chos kyi
453b5 phung po dang/mnyam pa nyid dang/ khams rnams la chos kyi dbyings dang/ mnyam pa nyid dang/ skye mched rnams la grong stong lta bur so sor rtogs pa'o// gzhan yang 'khor gsum yongs su dag pa ni stong pa
453b6 nyid la mos pa dang/mtshan ma med pa la yid ches pa dang/ smon pa med pa la som nyid med pa ste/ blo gros rgya mtsho 'khor gsum yongs su dag pa ni chos thams cad yongs su dag par 'gyur ba'o/ zhes
454a1 gsungs pa ltar mtshan mar mi dmigs pa'i tshul gyis bsngo ba ni/rnam par dag pa'i byang chub tu yongs su bsngos par 'gyur ba'i tshul yang/ yum las/ gal te byang chubu sems dpa' sems
454a2 dpa' chen pos/sangs rgyas bcom ldan 'das de dag dang/ dge ba'i rtsa ba de dag dang/ mngon par 'du bya ba de dag dang/ sems bskyed pa de dag yongs su shes pa med cing/ mtshan mar mi byed na/ dge
454a3 ba'i rtsa ba de dag bla na med pa yang dag par rdzogs pa'i byang chub tu yongs su bsngo ba yin te/de ltar na byang chub sems dpa' sems dpa' chen po'i 'du shes phyin ci log tu mi 'gyur ro// sems phyin ci log
454a4 tu mi 'gyur ro// lta ba phyin ci log tu mi 'gyur ro// zhes pa dang/ rab 'byor gyis smras pa/ byams pa 'di la byang chub sems dpa'i theg pa pa'i rigs kyi bu'am/ rigs kyi bu mo shes rab kyi pha rol tu phyin pa
454a5 la spyod pa/de bzhin gshegs pa la skur par 'gyur ba med pa 'dod pas/ 'di ltar yongs su bsngo bar bya ste/ ji ltar de bzhin gshegs pa dgra bcom pa yang dag par rdzogs pa'i sangs rgyas de dag gis/
454a6 sangs rgyas kyi ye shes bla na med pas dge ba'i rtsa ba de dag gi ngang tshul gang yin pa dang/ rang bzhin gang yin pa dang/ mtshan nyid gang yin pa thugs su chud de/ mkhyen la rab tu mkhyen cing/ chos nyid gang
454b1 gis yod pa de bzhin du/bdag gis rjes su yi rang bar bya'o// ji ltar sangs rgyas bcom ldan 'das de dag gis thugs su chud pa de bzhin du bdag gis bla na med pa yang dag pa rdzogs pa'i byang chub tu
454b2 yongs su bsngo'o// zhes de ltar byang chub sems dpa'i theg pa pa'i rigs kyi bu'am/ rigs kyi bu mos dge ba'i rtsa ba de dag bla na med pa yang dag par rdzogs pa'i byang chub tu yongs su bsngo bar bya ste/ de ltar
454b3 yongs su bsngo na/de bzhin gshegs pa la skur par mi 'gyur/ de bzhin gshegs pas gsungs pa bzhin du smra ba dang/ chos bzhin du smra bar 'gyur ro// de ltar spyod pa'i byang chub sems dpa' sems dpa'
454b4 chen po'i yongs su bsngo ba de dug med cing/bdud rtsi mthar phyin par 'gyur ro// zhes pa dang/ de dag la shes rab kyi pha rol tu phyin pa 'di ltar ston te/ tshur rigs kyi bu sbyin pa gang dang gang sbyin pa
454b5 de thams cad bla na med pa yang dag par rdzogs pa'i byang chub tu yongs su sngos shig/tshur rigs kyi bu tshul khrims gang dang gang srung ba de thams cad bla na med pa yang dag par rdzogs pa'i byang chub tu yongs su
454b6 sngos shig/tshur rigs kyi bu bzod pa gang dang gang sgrub pa de thams cad bla na med pa yang dag par rdzogs pa'i byang chub tu yongs su sngos shig/ tshur rigs kyi bu brtson 'grus gang dang gang rtsom pa de thams
455a1 cad bla na med pa yang dag par rdzogs pa'i byang chub tu yongs su sngos shig/tshur rigs kyi bu bsam gtan gang dang gang la snyoms par 'jug pa de thams cad bla na med pa yang dag par rdzogs
455a2 pa'i byang chub tu yongs su sngos shig/tshur rigs kyi bu shes rab gang dang gang sgom pa de thams cad bla na med pa yang dag par rdzogs pa'i byang chub tu yongs su sngos shig/ tshur rigs kyi bu khyod bla na med pa
455a3 yang dag par rdzogs pa'i byang chub gzugs nas rnam pa thams cad mkhyen pa'i bar gyi chos rnams la rtog par ma byed cig/ces gsungs pa dang/ blo gros rgya mtshos zhus pa'i mdo las kyang/ rigs kyi bu
455a4 gzhan yang sbyin pa dag pa ni shes rab bo// yongs su bsngo ba dag pa ni thabs so// tshul khrims dang/ bzod pa dang/ brtson 'grus dang/ bsam gtan dag pa ni shes rab bo// yongs su bsngo ba dag pa
455a5 ni thabs so// mdor bsdu na dge ba'i rtsa ba thams cad dag pa ni shes rab bo// yongs su bsngo ba dag pa ni thabs so// zhes gsungs shing// bsngo ba rnam par dag pa de nang gses su dbye na bcu gnyis su
455a6 'gyur te/mi dmigs pa'i rnam pa can gyi/ phyin ci ma log pa'i/ dben pa'i gnas su/ sangs rgyas kyi chos dran pa'i/ thabs la mkhas pa'i/ mtshan pa med pa'i/ sangs rgyas kyi rjes su gnang ba'i/ khams
455b1 gsum du rtog pa ma yin pa'i/bsod nams chen po 'byung ba'i bsngo ba'ang chung ngu dang/ 'bring dang/ chen po'i dbye bas gsum ste bcu gcig tu yum las gsungs pa 'dir ha cang mang bar 'gyur ba'i phyir ma
455b2 bshad de gsum dmigs bral gyi yongs su bsngo ba la thams cad 'du bas so// de lta bu'i mi dmigs pa dang bral ba'i byang chub tu yongs su bsngos pa'i dge rtsa de ni chung ngu tsam yang dmigs pa dang bcas pa'i
455b3 dge rtsa rgya chen po dag gis bsgrun du med par gsungs pa'ang/yum las/ phyogs bcu'i 'jig rten gyi khams gang+gA'i klung gi bye ma snyed dag na/ sangs rgyas bcom ldan 'das nyan thos kyi dge 'dun dang bcas
455b4 pa gang ji snyed cig bzhugs pa dang/'tsho skyong zhing chos ston pa'i de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa de dag la/ byang chub sems
455b5 dpa'i theg pa pa'i rigs kyi bu'am rigs kyi bu mo la la zhig gis/nam 'tsho ba'i bar du na bza' dang/ bsod snyoms dang/ gzims cha dang/ snyun gyi rkyen rtsi dang/ yo byad mang po dang/ bde ba thams cad
455b6 kyis rim gror byas/bkur stir byas/ phu dud du byas/ mchod par byas pa dang/ sangs rgyas bcom ldan 'das de dag yongs su mya ngan las 'das nas kyang/ de dag gi ring bsrel la nyin mtshan du me tog
456a1 dang/bdug spos dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan mang pos rim gror bya ba dang/ bkur stir bya ba dang/ phu
456a2 dud du bya ba dang/mchod par bya ba'i don du nyams su len cing/ de dmigs pa'i tshul gyis/ sbyin pa byin pa dang/ de dmigs pa'i tshul gyis/ tshul khrims srung ba dang/ de dmigs pa'i tshul gyis/ bzod pa
456a3 bsgom pa dang/de dmigs pa'i tshul gyis/ brtson 'grus rtsom pa dang/ de dmigs pa'i tshul gyis bsam gtan la snyoms par 'jug pa dang/ de dmigs pa'i tshul gyis/ shes rab sgom pa bas/ rigs kyi
456a4 bu'am/rigs kyi bu mo bla na med par yang dag par rdzogs pa'i byang chub tu yang dag par zhugs pa gang/ sbyin pa'i pha rol tu phyin pa la mi dmigs pa'i tshul gyis spyod pa dang/ tshul khrims kyi pha rol tu phyin pa
456a5 la mi dmigs pa'i tshul gyis spyod pa dang/bzod pa'i pha rol tu phyin pa la mi dmigs pa'i tshul gyis spyod pa dang/ brtson 'grus kyi pha rol tu phyin pa la mi dmigs pa'i tshul gyis spyod pa dang/ bsam gtan
456a6 gyi pha rol tu phyin pa la mi dmigs pa'i tshul gyis spyod pa dang/shes rab kyi pha rol tu phyin pa la mi dmigs pa'i tshul gyis spyod pa'i tshe/ thabs mkhas pas dge ba'i rtsa ba de dag bla na med pa yang dag par
456b1 rdzogs pa'i byang chub tu yongs su bsngos na/de dag bsod nams mngon par 'du bya ba dang/ dge ba'i rtsa ba mngon par 'du bya ba 'di la ni/ bsod nams mngon par 'du bya ba snga mas brgya'i char yang nye bar
456b2 mi 'gro'o// stong gi cha dang/ brgya stong gi cha dang/ bye ba'i cha dang/ bye ba brgya'i cha dang/ bye ba stong gi cha dang/ bye ba brgya stong gi cha dang/ bye ba khrag khrig brgya stong gi char yang nye bar mi 'gro'o// grangs dang/
456b3 cha dang/ bgrang ba dang/ dpe dang/ rgyur yang mi bzod de/ yongs su bsngo ba de nyid rab ces bya'o// gtso bo zhes bya'o// dam pa zhes bya'o// mchog ces bya'o// phul zhes bya'o// gya nom pa zhes bya'o// bla na med
456b4 pa zhes bya'o// gong na med pa zhes bya'o// rab 'byor de ltar mi dmigs pa'i tshul gyis/ byang chub sems dpa' sems dpa' chen pos/ sbyin pa'i pha rol tu phyin pa la spyod pa dang/ tshul khrims kyi pha rol
456b5 tu phyin pa la spyod pa dang/bzod pa'i pha rol tu phyin pa la spyod pa dang/ brtson 'grus kyi pha rol tu phyin pa la spyod pa dang/ bsam gtan gyi pha rol tu phyin pa la spyod pa dang/ shes rab kyi pha rol tu phyin pa
456b6 la spyod pa'i tshe/thabs mkhas pas dge ba'i rtsa ba de dag bla na med pa yang dag par rdzogs pa'i byang chub tu yongs su bsngo bar bya'o// zhes pa la sogs pas rgya cher gsungs pa bzhin no// gnyis pa bsngo
457a1 dgos pa'i rgyu mtshan ni/'di ltar 'jig rten gyi lam la gnas pas 'du bgyis pa'i bsod nams kyi tshogs shin tu rgya che ba dag kyang 'dus ma byas pa'i byang chub tu yongs su bsgyur ba ma byas na
457a2 phal cher lha dang mi'i gnas skabs bde 'byor gyi 'bras bu tsam du gyur nas zad par 'gyur ba dang/la la ni khong khro la sogs pa'i kun tu dkris pa mi zad pa skyes pa'i rgyus bar ma dor chud za bar 'gyur ba
457a3 mang ba'i phyir ro// byang chub tu yang dag par bsngos pa'i dge rtsa ni nam du yang zad par mi 'gyur te/ blo gros rgya mtshos zhus pa'i mdo las/ blo gros rgya mtsho mchil ma'i thig pa gcig bye ma'i steng du bor na de
457a4 nyid skam par 'gyur la/de nyid rgya mtsho chen por bor na ji srid rgya mtsho chen po de zad cing bskams par mi 'gyur ba de srid du mchil ma'i thigs pa de yang mi bskams mo// de bzhin du byang chub tu yongs su ma
457a5 bsngos pa'i dge ba'i rtsa ba ni zad cing 'phel bar mi 'gyur la/gang byang chub tu yongs su bsngos pa'i dge rtsa de ni mi zad cing 'phel bar 'gyur ro// zhes gsungs pa bzhin no// gal te 'jig rten gyi lam
457a6 las 'das par bzhugs pa'i 'phags pa rnams kyi dge ba'i rtsa ba yang yongs su byang chub tu ma bsngos na chud 'dza' bar 'gyur ram zhe na/de ni ma yin te/ de nyid las/ blo gros rgya mtshos 'di la gnas pa'i
457b1 byang chub sems dpa' rnams sngon gyi shugs kyis bya ba byed de/de dag gang gi tshe mnyam par ma bzhag par gnas pa de'i tshe na yang sngon 'phangs pa'i yongs su bsngo ba 'di brgya lam na yang chud za bar mi 'gyur
457b2 ro// blo gros rgya mtsho de'i phyir skyes bu mkhas pa kha cig dpe bstan pas bshad pa'i don shes par 'gyur bas khyod la dpe bya'o// blo gros rgya mtsho 'di lta ste dper na/ gang gi tshe bu ram shing gi zhing ngam/ 'bras
457b3 sA lu'i shing ngam/rgun 'brum gyi zhing rnang rgal byas par gyur pa de la mi zhig gis rna ba thams cad la yur ba ci rigs par btod nas/ rka nas chu phab ste yal bar bor nas nyal ba dang/ de nas mi de nyal
457b4 yang yur ba ji lta btod pa bzhin du chu 'bab ste/de la mi de brtson par bya mi dgos shing bsgrim mi dgos par rnang thams cad chus gang bar 'gyur ro// blo gros rgya mtsho de bzhin du byang chub sems dpa' mnyam
457b5 par ma bzhag kyang dge ba'i rtsa ba de dag sems cad thams cad kyi rgyud rnams la yongs su bsngo bar byed de thabs kyis dngos po ji lta ba bzhin du dge ba'i rtsa ba de dag sangs rgyas kyi chos thams cad kyi phyir
457b6 yongs su bsngo'o// de bsam pa shin tu yongs su dag cing tshul khrims kyi phung po kun tu bsrungs pa'i phyir mnyam par gzhag par gnas kyang dge ba'i rtsa ba de dag sangs rgyas kyi chos thams cad kyi phyir yongs
458a1 su bsngo zhing/sngon gyis smon lam legs par btab pa'i phyir sems cad thams cad gyi rgyud rnams rlan par byed do// blo gros rgya mtsho khyod kyis rnam grangs 'dis kyang ji ltar byang chub sems
458a2 dpa' mnyam par gzhag pa las langs kyang rung ste/dge ba'i rtsa ba rnams sngon shin tu 'phangs pa dang/ sems las su rung ba dang/ dran pa mi g.yeng ba dang/ theg pa dman pa dang bral ba dang/ theg pa chen
458a3 por smon lam btab pa'i phyir dge ba'i rtsa ba rnams brgya lam na yang thams cad mkhyen par yongs su mi bsngo mi srid par 'di ltar rig par bya'o// zhes gsungs pa'i phyir ro// gsum pa ji ltar bsngo ba'i tshul
458a4 la/bsngo rgyu'i dge rtsa ngos bzung ba dang/ de bsngo ba'i thabs dngos bshad pa'o// dang po ni/ phal po che'i rdo rje rgyal mtshan gyi bsngo ba'i le'u las/ 'gro kun dge ba ji snyed yod pa dang/ byas dang byed 'gyur de
458a5 bzhin byed pa rnams// zhes gsungs pa ltar dang/ rgyal ba'i yum las kyang/ phyogs bcu'i 'jig rten gyi khams grangs med tshad med dpag tu med pa dag gi/ 'jig rten gyi khams re rer yang/ sangs rgyas
458a6 bcom ldan 'das grangs med tshad med pa yongs su mya ngan las 'das par gyur pa de dag thugs dang po bskyed pa nas/bla na med pa yang dag par rdzogs pa'i byang chub tu mngon par rdzogs par sangs rgyas pa'i
458b1 bar dang/phung po ma lus pa'i mya ngan las 'das pa'i dbyings su yongs su mya ngan las 'das pa'i bar gyi dam pa'i chos ma nub kyi bar du/ dge ba'i rtsa ba pha rol tu phyin pa drug dang ldan pa gang ji snyed cig
458b2 yod pa dang/nyan thos kyi theg pa la yang dag par zhugs pa de dag gis/ sbyin pa las byung ba'i bsod nams bya ba'i dngos po dang/ tshul khrims las byung ba'i bsod nams bya ba'i dngos po dang/ bsgom pa
458b3 las byung pa'i bsod nams bya ba'i dngos po dang/slob pa de dag gi dge ba'i rtsa ba zag pa med pa dag dang/ mi slob pa de dag gi dge ba'i rtsa ba zag pa med pa dag dang/ de bzhin gshegs pa dgra bcom pa
458b4 yang dag par rdzogs pa'i sangs rgyas de dag gi/tshul khrims kyi phung po dang/ ting nge 'dzin gyi phung po dang/ shes rab kyi phung po dang/ rnam par grol ba'i phung po dang/ rnam par grol ba'i ye shes gzigs pa'i
458b5 phung po dang/phan pa bzhed pa dang/ thugs rje chen po dang/ sangs rgyas kyi chos grangs med tshad med pa dang/ sangs rgyas bcom ldan 'das de dag gis chos gang bstan pa dang/ chos bstan pa de la bslabs
458b6 shing/rgyun du zhugs pa'i 'bras bu thob pa dang/ lan cig phyir 'ong ba'i 'bras bu thob pa dang/ phyir mi 'ong ba'i 'bras bu thob pa dang/ dgra bcom pa nyid thob pa dang/ rang byang chub thob pa dang/ byang chub
459a1 sems dpa'i skyon med pa la zhugs pa de dag gi dge ba'i rtsa ba gang ji snyed pa dang/gang gis de bzhin gshegs pa de dag bzhugs kyang rung/ yongs su mya ngan las 'das kyang rung ste/ de dag
459a2 la dge ba'i rtsa ba gang ji snyed cig bskyed pa de dag thams cad gcig tu bsdus te/rjes su yi rang ba'i mchog/ gtso bo dam pa rab/ phul gya nom pa bla na med pa/ gong na med pa/ mnyam pa med pa/ mi mnyam
459a3 pa dang mnyam pas rjes su yi rang ste/de ltar rjes su yi rang nas/ rjes su ri rang ba dang ldan pa'i bsod nams bya ba'i dngos po de sems can thams cad dang thun mong du byas te/ zhes dus gsum la sbyar ba'i
459a4 tshul gyis gsungs pa ltar legs byas rgya chen po 'di nyid kyis mtshon pa'i bdag gzhan 'phags dang so skyes dus gsum du bsags pa'i dge rtsa ma lus pa rnams bsngo bar bya nyid do// gnyis pa bsngo
459a5 ba'i thabs ni/gong du smos pa'i 'khor gsum dmigs bral gyi bsngo ba sgra ji bzhin pa ni 'phags pa kho na'i spyod yul te las dang po pa'i gang zag gis 'khor gsum tha dad du 'dzin pa'i rnam par rtog pa la mi
459a6 gnas pa'i blos sngon gyi rgyal ba sras dang bcas pa rnams kyis ji ltar yongs su bsngos pa de bzhin du yongs su bsngo ba'i 'dun pas phyogs bcu dus gsum gyi bde gshegs sras dang slob mar bcas pa bsngo
459b1 ba'i dbang por gsol te nam mkha'i mthas gtugs pa'i sems can gyi khams rgya mtshor kun la khyab pa'i snying rje bltas te/de dag rnams bla na med pa'i rnam pa thams cad mkhyen pa'i go 'phang bsgrub par bya
459b2 ba'i phyir rang nyid kyis bsod nams mngon par 'du byas pa dang/byed bzhin pa dang/ bya bar 'gyur ba dag gis mtshon nas bsngo bar 'os pa'i legs byas su gyur to cog thams cad gcig tu bsdus shing
459b3 bsdoms te rjes su yi rang ba rgya chen po dang bcas pas bla na med pa byang chub mchog gi go 'phang rnam pa thams cad mkhyen pa'i chos kyi dbyings shin tu rnam par dag pa'i gnas su dmigs pa med pa'i tshul gyi
459b4 sgyu ma lta bu'i blos yongs su bsngo bar bya ba ste/'jam dpal dpa' bos ji ltar mkhyen pa dang// kun tu bzang po de yang de bzhin du/ de dag kun gyi rjes bdag slob cing/ dge ba 'di dag thams rab tu
459b5 bsngo// zhes pa lta bu'i bsngo bas 'khor gsum yongs dag dang rjes mthun du 'gyur ba yin te/ sdud pa rin po che tshigs su bcad pa las kyang/ 'das dus sngon gyi sangs rgyas bye ba khrag khrig gang// zhing mang
459b6 mtha' yas bye stong dag na gang bzhugs dang// gang yang mya ngan 'das pa'i 'jig rten mgon po rnams// sdug bsngal zad par bya phyir rin chen chos ston pa// dang por byang chub mchog tu sems bskyed bskyed pa
460a1 nas// rnam par 'dren pa rnams kyi dam chos zad kyi dus// de bar rgyal ba de dag bsod nams gang yin pa// pha rol phyin dang ldan dang sangs rgyas chos gang dang// gang yang sangs rgyas sras
460a2 rnams dang ni nyan thos dang// slob dang mi slob dge ba zag bcas zag med pa// bsdus nas byang chub sems dpa' rjes su yi rang zhing// 'gro ba'i don rgyu byang chub phyir ni thams bcad bsngo// zhes pa sogs
460a3 rgya cher gsungs pa ltar ro// gsum pa bsngo smon dngos tshigs su bcad pa cung zad cig brjod pa 'di ltar ro/ mang+ga lA ni su shre yAM si ni pit+tA ni pra kAsaMb+ha na n+tusar+b+bathA/ gang zhig chos rnams yongs ye ma bzung ngo
460a4 bo nyid kyis rab gzigs pas// chos rnams kun la mtha' gnyis rab bcos nges pa lnga ldan rgyal srid kyi// rnam pa mang po'i kun rtogs rjes so bkod mar zla ba'i skye mched bzhin// yon tan rgya mtsho pha mtha'
460a5 med pa'i pha rol nyid du gshegs gyur pa/1/ shin tu dag pa'i sgrib bral chos dbyings mtha' bral rgyas par bltams gyur pa'i/ rab 'byams rgya mtsho'i rdul snyed las 'das zhing mang dag na rab mdzes
460a6 pa'i// byang chub snying por 'jigs pa spangs pas bdud kyi dpung rnams pham byas shing// thegs gsum char gyis 'gro khams yongs gzungs sangs rgyas rgya mtsho'i sprin ji snyed/ 2/ de dag drung du dman pa'i blo
460b1 ni smon lam stobs kyi rnam sbyangs pas// bsod nams 'bras bu mtshan bzang yid 'ong gzungs dang sbobs pa mtha' yas shing/ rang gi don la dgra ltar rab smod gzhan don brtun pa'i go bgos pas// 'gro
460b2 la mi 'jig spyin pa'i dpal chen khyu mchog rgyal pa'i sras de snyed/3/ sa bla'i lam kun yongs su gtams pa'i cho 'phrul rol mo rnam bkod pa// bsam mi khyab bcas mos blo'i dbyings su gshegs dang
460b3 bzhugs pa'i res 'jog gi/mtshan ma las 'das lhun grub thugs rje sgra rtog yul las rab brgal bar// mnyam par rab 'jug srid zhi'i khams su ye shes gzigs pas rtag tu dgongs// 4/ srid pa
460b4 gsum na gang gi rnam thar brjod lta ma mchis tshad med pas// blo gros bsam yas rmad byung rnams kyang bsngags pa'i khur len mi spro na// dpag yas yon tan tshul la yid rab dang ba'i chu skyes kha dbye
460b5 bas// rab 'byams rgya mtsho'i zhing rdul ji snyed de snyed lus kyis spyi bor 'dus/ 5/ gang yang 'jig rten 'jig rten 'das pa'i zhing rnams sgyu ma'i ting 'dzin gyis// rnam par sbyangs las kun tu bzang po'i smon
460b6 lam mthu yis rnams bkod par// dga' ba'i re khA ma tshang med rdzogs kun tu mchod pa'i sprin rgya mtshos/ de dag rjed byed nam mkha'i me tog rmi lam skyes bus 'thor ba bzhin/ 6/ rang bzhin nyid kyis chos
461a1 kun yongs dag bde gshegs snying po rin chen khams// gnyis snang blo yis dri mar rab bsags spun pa ltar gyur 'khor ba'i chos// dmigs pa'i mtshan mar kun tu brtags phyir sgrib pa las
461a2 che'i sgrib gyur pa'i// nyes pa'i chos kun brtags pas mi rnyed yongs grub mkha' bzhin rnam par dag 7/ gang dang phyogs bcu'i zhing mang dag tu byon dang 'byon 'gyur rgyal rnams dang// rgyal ba'i myu gu gzhon
461a3 nu'i tshul 'dzin de bzhin slob dang mi slob kyi// mtha' yas mngon par rtogs pa'i phung po chu gter chen po'i ngang tshul dang// skye sogs sdug bsngal rnam bzhi'i chu bo kun 'byung 'obs kyi bskor ba la/ 8/ gang la
461a4 brten nas rnam par brgal bas legs pa nyid nas legs pa'i sar// skye dgu rab sgrol bdud rtsi'i gru chen gzings dang 'bab stegs zam pa yis// byis pa'i blo yis dman pa'i lam bzhugs 'jigs rung
461a5 gnas las dbugs dbyung ste// thams cad mkhyen pa'i gnas su bzhag phyir chos kyi 'khor lo rab bskor ba/ 9/ de bzhin 'jig rten dge ba'i tshul gyis nye bar bskrun pa'i legs spyad dngos// sdig pa rnam
461a6 sbyangs gtsang zhing dag pas yon tan gzungs mang 'dzin byed pa// dus gsum kun tu bsags dang gsog 'gyur rnam gsum srid pa 'dir gnas pa// de rnams kun la rnyogs pa dang bral yid rab dang bas
461b1 rjes su rang/10/ mi yi 'jig rten ji snyed dag tu rnam 'dren sgron ma gang bzhugs pa// de dag rim par 'tshang rgyar gyur nas dus ring btang snyoms mi bzhugs par// skye bo dmus long rnams kyi dmigs bu
461b2 myang 'das lam gyi 'chel ba dang// chu bo bzhi las yang dag bsgral phyir chos kyi gru chen sbyar bar gsol/ 11/ me tog mda' can dpung dang bcas pa'i snying la kun tu 'jigs ster ba'i// brnag par mi nus
461b3 gdungs ba'i me yis sreg pa'i tshor ba thob byed pa// rdo rje'i rang bzhin mi shigs sku'i byis blo ngor yang mi sped par// thar mchog 'dod 'jo'i dpag bsam chen po bskal pa'i srid du rtag par gsol/
461b4 12/ srid pa'i 'jigs 'phrog rdul dang rab bral chos la dpyod pa'i rig pa yis// chos kyi sbyin pa zad mi shes par 'byams klas bsod nams klung chen 'dis// 'phags dang skye bo'i zag bcas zag med
461b5 legs byas chu rgyud phyogs mtshon te// rnyog bral zhi ba'i rgya mtsho chen por chud mi za bar 'jug gyur cig 13/ gang gi mthu yis chos kyi dbyings rab yongs su 'gengs pa'i 'jig rten du// rga na 'chi sogs mi
461b6 bzod sdug bsngal lcags kyi 'khrul 'khor rab g.yo ba'i// nyer len kun 'byung dri yi bzhon pa skad cig bag la zha gyur nas// brgya lam rnyed dka'i byang chub gter mchog de ring 'gro 'dis thob gyur cig
462a1 14/gnas skabs gzhan du mnar sems kyis 'phangs lcags sreg thang dang rab tsha'i me// shal ma li dang thal tshan chu bo ded bzhin ro myags phyi sa'i thang// bsod nams 'di mthus mod la
462a2 rab zhi bsil ba'i chu gtsang skyed mos tshal/sman gyi ljon pa pad+ma'i rdzing bu bsung zhim dga' dga' ltar gyur cig 15/ gtong la mi dga' nor rnams dngul chu ser sna'i khu tshur gyis bsdams pa// gshin rje'i
462a3 'jig rten lto chen nyams thag yul kun duHkha'i tsher ba can// kha sna'i lam nas 'jigs rung me 'phro mthong na mi sdug gzugs 'chang rnams// chos kyi bdud rtsi bgo bshar 'gyed pas bkren pa'i tshor ba mi
462a4 'byung shog 16/gang dag blang dor gnas la lta byed rmongs pa'i rab rib kyis bsgribs pas// mtha' phral mi shes stug po'i gnyid kyis mun pa chen por 'thoms pa'i 'gro// mtha' dag chos kyi rnga sgras sad
462a5 las mi zad gnas rnams yongs gtang nas// chos rab 'byed pa'i snang ba chen pos rab rib 'joms la mkhas gyur cig 17/ khro zhing 'khrug pa'i gdon gyis brlams las dmod pa'i mtshon char spro ba
462a6 yis// byis pa rnams ni rang nyid bde ba'i srog 'phrog byed la ches dpa' ba// gang zhig gzhan gyi dpal 'byor 'dod pas 'tsho ba'i me tog 'chi bdag khar// dus min stob byed sbyin skyes bu yi mi khom gnas
462b1 kun stongs gyur cig 18/'dod pas rab myos sred pa'i mchil bas gang gi glang chen myos 'dra'i sems// dga' ba'i ro la rtag tu 'dzin byed me tog mde'us snying rmas pas// lha rnams 'tsho ba'i mtha' mar
462b2 gdung bar 'gyur te 'di la'ang ngo mtshar med// gsog dang gsob kyi ngang tshul mthong bas snying gi dga' ba nyams gyur cig 19/ las kyi rigs sngags mthu yis rmongs pas skye sogs srin mo'i 'jo sgeg
462b3 la// chags pa'i byis rnams tshor ba 'gyur bas 'du byas sha bya'i mtshangs brtol nas// nges par 'byung dang byang chub sems kyi myur bde'i theg pa la zhon te// rnam gsum srid pa'i rgya mtsho brgal te kun
462b4 mkhyen thar gling phyin gyur cig 20/'jig rten gang du thub pa'i chos tshul nyi ma brgya yi snang byas gzis// srid pa dag tu bdud kyi sde tshogs khrag khrig mun pa zil mnan te// bde mnyam 'byor pa ma stes med
462b5 pa'i rdzogs ldan dang po'i lang tsho dang// 'grogs pa'i skal bzang nyams su bstar la nam yang g.yo bar ma gyur cig 21/ gang zhig sems ni sdig pa'i rjes song chos kyi tshul gyis mi slon cing// byang chub
462b6 phyogs su mdza' ba ma yin mi zad las kyi 'khor lo yis// rab skyes rnams yid rnal du mi gnas the tsom khyog la skor byed pa'i// sa bdag gdug pa'i bsam sbyor la gnas gang gi mdun ma nyams gyur cig
463a1 22/skye bo rnams kyang rmongs pa'i gdon gyis sdang dang ser sna chags sogs kyis// mi zad nyams nyes 'gyur ba'i las kun de 'bras mthong bas rab btang ste// sdom dang bag yod bsam sbyor
463a2 dge bas thub pa'i chos kyi rjes bslab nas// de dag rim gyis byang chub spyod mchog rab tu zhi ba brten gyur cig 23/ dpal 'byor smig rgyu g.yo ba'i rjes su shin tu sred ldan byis pa
463a3 rnams// mig dmar smin ma'i 'khri shing sgyur bzhin lag ldan la sogs yan lag bzhis// ral gri'i 'khrul 'khor dang ldan mtshon gyi gsod gcod rdeg gzhung 'ching byed pa'i// brlang por spyod pa'i duHkha ma
463a4 lus ming gi lhag ma nyid gyur cig 24/ro 'dzin ral gri lta bur 'khyug cing mche ba rab rno mig gsum pa// ka ha ka ha dgod pa'i sgra sgrogs sa gzhi 'gems pa'i gar byed cing// khrag gis gos pa'i sbar mo
463a5 gdengs pas gzhan srog 'phrog byed gdon tshogs kyang// snying rje'i chu yis sems rab brlan byas skye dgu'i ma bzhin skyong gyur cig 25/ lag 'gro rnams kyang gdug pa'i sems spangs dga' ba'i dran pa
463a6 mngon bzhag ste// dus dang dus su a ka ru yi dog pa ltar sngo chu 'dzin phreng// sa bla'i lam kun rgyas par bris las bdud rtsi'i char rgyun spros pa yis// skye dgu'i longs su spyod 'os mtha' dag rtsa ba 'bras
463b1 bcas rgyas gyur cig 26/rlung mkhris bad kan 'phel zad 'khrugs pa kun 'byung mun pas phyogs bslad par// bde sdug glog gi rtsed 'jo la zhugs skad cig mi brtan g.yo ba can// bzod dka'i tsha grang zung
463b2 rngu'i lce 'bab lus can 'tsho ba'i rgyun gcod pa// drang srong chen po'i bden gsung chu 'dis rmeg med nyid du bshig gyur cig 27/ chu gter bzhi yi 'og bag bcings pa'i zhags ldan dga' ma'i dbang phyug
463b3 rnams// rang rang sde dang mnga' ris chog shes 'gyed dang rtsod la mi spro bar// chos srid gnyis kyi gdugs dkar thogs pa'i phan bde snum po'i grib bsil du// bsti ba'i 'bangs rnams ngal ba kun sangs
463b4 rdzogs ldan dga' ba myong gyur cig 28/blo ldan la las legs gsungs rgya mtsho thos bsam hub kyis rab btung bas// tshul bzhin klog pa'i gzungs dang spobs pa rig pa'i lang tsho mchog brtas
463b5 shing// 'ga' zhig don la mnyam par gzhag pa spang pa zab mo'i rnal 'byor la// g.yo ba med pas thub mchog bstan pa 'jig rten kun tu gsal gyur cig 29/ bya rtsol las 'das theg pa'i rgyal po lhun grub
463b6 snang bzhi'i lte ba mtho// rang bzhin spros bral grol lugs brgyad kyi ka dag rtsibs stong rnam bkra bar// pha rol phyin lam spyod pa rgya mtsho'i kun nas mu khyud bzang 'khril ba'i// rdo rje snying po gser gyi 'khor
464a1 los thub bstan gling bzhir dbang sgyur shog 30/nges don bstan mchog zla ris mdzes pa gang du snang gyur grub mtha' yis// chu gter chen po rtog ge'i thal 'gyur du mas dkrugs pa'i
464a2 rnyogs pa yang// zab mo'i blo gros smon lam mthus brtas rton pa bzhi yi kai ta kas// shin tu bzungs byas nges don mthar thug gzugs brnyan tshad mar 'dzin gyur cig 31/
464a3 rnyed dang bkur sti'i phyogs su ma lhungs gzhan don la zhugs srid pa 'dir// skye dgu'i legs byas gser gyi mchod sdong gtsang zhing dag pa'i phul gyur pa'i// thun mtshams mdangs 'phrog bla gos kyis 'khyud
464a4 bslab gsum nor bu bye ba'i sgrom// rig grol gnyis ldan chos kyi 'du bas sa steng dog por byed gyur cig 32/ sangs rgyas ye shes bsam gyis mi khyab dus mthar bshes gnyen tshul bzung nas// sems can
464a5 drang phyir khyu mchog de yi rgyu ba bdud kyis yongs mi shes// snyigs ma'i skyon gyis snyigs mar gyur pa'i gdul bya ji ltar dmu rgod kyang// skyo dub mi mnga' rtag pa dam par 'tsho gzhes chos kyang ston gyur cig
464a6 33/pha mtha' mi mngon 'khor ba'i chu gter rga na 'chi sogs na kra yis// yongs su gtams par nyes brgya'i rba rlabs 'jigs rung du mas dkrugs gyur pas/ gtan bde'i nyer 'tsho ya ma brlar gyur sems
464b1 can khams rnams bde gshegs kyis/dam chos bdud rtsi'i snod du gyur nas 'jigs pa med pa'i gnas thob shog 34/ snying po'i bstan mchog 'byung po 'dzin ma rtsod dus rgud pa'i chu gter du// byings par
464b2 phyogs tshe gzhig par rab dka'i snying stobs ru sbal 'jug pa yis// bla na 'degs pa'i sbyor ba rtsom byed sa skyong dbang mo sras lcam dang/ blon 'bangs bcas pa'i re ba'i yol go 'dod don 'bras bu gang gyur
464b3 cig 35/thog med dus nas kun rmongs sgrib gnyis lta ngan cho ga'i sbyor ba yis// mi zad sdug bsngal bye ba'i lcags bcug 'khor ba'i btson rar yongs bcings pa'i// rnam shes a dza'i bud shing sreg byed
464b4 brnag dka' sdig pa me'i tshang tshing// bsod nams sprin gyi myu gu gsar bas lhag ma med par zhi gyur cig 36/ gnas skabs su yang grags pa'i ut+pal phyogs bral kun bzod rna lung du// rnam par dar ba'i
464b5 dge mtshan 'od kyis snang ba khrag khrig gzil gnon cing// mi dge'i re khA mtha' dag zum byed chos kyi zla ris yongs rdzogs pas// rgud pa'i ra ri nam yang mi 'dzin bsod nams mkha' la rtag gyur cing/
464b6 37/ zab mo'i spyod mchog gser gyi sgo nga legs byas drod kyis smin pa las// sde bzhi'i gdong pa gsar pa ngom pas dge legs rnam bkod mes pa'i spun// mngon mtho'i spyod tshul rtsa ba rab brtan dam pa'i
465a1 grib bsil phyogs rdzogs pa'i// rgyal rigs sa brtol gzhon nu'i phreng ba bar med tshar du dngar gyur cig 38/ chos kyi bdud rtsi legs par btung bas btung ba'i bcud du rab lon
465a2 pas// mngon mtho'i nyer 'tsho dus min par yang 'phrog byed ha la ha la'i ro// ming mthar brtul zhing tshe 'od ye shes dpag med kyis kyang byin rlabs gzis// 'chi bdag mun pa'i brtan pa kun bcom gzhom
465a3 bral lang tsho thob gyur cig 39/phyogs su ma lhungs gzu bo'i mkha' la khrims gnyis gser 'khor legs 'phags pas// las shugs btsan po'i kha lo'i rjes su kun bzod ma lus 'brang byed cing// mtha'
465a4 dag skye bo dge bcu'i ra bar 'da' ba med par zlum pa la// rdzogs ldan dang po'i 'byor pa dar bas 'jig rten kun dgar byed gyur cig 40/ ma smad yid 'ongs thub mchog bstan pa rin chen 'byung gnas
465a5 snyigs ma yi// spyod tshul than pas bskam la phyogs tshe thugs bskyed cha shas yongs rdzogs pas// phyi mtha'i dus su slar yang 'phel byed rgyal srid dge ba'i 'od dkar can// khengs ldan rnams kyi ral pa'i rtse
465a6 mor nub med mngon par gsal gyur cig 41/gang blo snying rje'i chu yis rab brlan sbyin pa'i dpag bsam brtan ldan par// ser sna dang bral gtong ba'i 'bras bus slob rnams re ba'i shing rta kun// phyur
465b1 bur bkang bas phongs pa mthar 'byin lha dang spros la mi gnas par// g.yo ba med pa'i byang chub sems kyis sbyin pa'i pha rol phyin gyur cig 42/ lus ngag yid la gdung ba bral bas dbang po rab zhi sdig
465b2 med kyi// khrims gnas 'ching ba ma lus rab bcad khyu mchog dul ba'i tshogs rnams dang// lhan cig zhi ba'i nags su dgyes las rdul bral yon tan mdzod gyur pa'i// srid nyon mthar byed tshul khrims me
465b3 tog mi rnying pha mthar phyin gyur cig 43/mkha' ltar yid kyis 'dir skyes dngos rnams sgyu ma lta bur yongs mthong bas// gang gi lus ni dum bur bcad kyang zhi ba'i rgya mtsho 'khrugs mi 'gyur/ sems can kun
465b4 don 'phrags par 'khyer ba'i brtul zhugs gzhan gyis mi slon par// bya dka' spyod pa'i gnas la mi mjed bzod pa'i pha rol phyin gyur cig44/ chos rnams chu zla lta bur mnyam zhi sgyu ma smig rgyu 'drar rtogs
465b5 nas// gang zag ma mthong byang chub nyid dang sems can tshogs gzhan mi dmigs pa'i// mya ngan 'das dbyings 'gro khams rab sgrol dam bca'i 'bras bu rab brtan par// zhum dang sgrag pa'i sems
465b6 spangs brtson pas brtson 'grus pha rol phyin gyur cig 45/gang gi sems ni yul la mi chags mtshan ma'i rdul gyis rnam dben zhing// rnam par rtogs pa'i rlabs kyis mi 'khrugs ting 'dzin mtsho chen zhi ba
466a1 yi// rtogs pa'i ye shes ro yi gter gyur chos kun de kho na nyid kyi// phyag rgyas btabs pas gnyis su mi phyed bsam gtan pha rol phyin gyur cig 46/ dngos por 'dzin pa'i tshang tshing kun
466a2 'dral chos nyid sgrib med gcer mthong bas// sgro 'dogs skur 'debs mtha' gnyis las rgyal 'jig rten gsum na dpa' gcig pa'i// gzungs dang spobs pa rgyun chad med pas sangs rgyas chos mdzod
466a3 mchog bzung nas// mi snang rnams la sgron me spor byed shes rab pha rol phyin gyur cig 47/ ji snyed sems kyi 'jug pa de snyed skad cig rer yangs 'byams klas pa'i// re ba'i lag pa 'bras bus lci byed dag
466a4 pa'i shel la tshon tshogs bzhin// gang blos mi gtong byang chub mchog tu nges par 'gyur ba de lta bu'i// bdud rtsi'i bgo skal rim par sbyin pa'i thabs mkhas pha rol phyin gyur cig/48/ gang gi snying stobs
466a5 gzhig par rab dka' rnam par rgyal ba'i mtshan ma yis// yid srub longs spyod stongs pa'i gnas bkod mtha' dag myang 'das lam gzung bar// gzhan 'phrul bdag pos rtse gcig bsgrims pa'i dpung dang
466a6 mtshon cha'i sbyor bas na// brdzi bar mi nus sangs rgyas chos kun stobs kyi pha rol phyin gyur cig/ phyogs bcu'i 'jig rten sgrol ma rnams drung nam mkha'i mthas gtugs sems can rnams// ma lus sgrol phyir
466b1 snying stobs go cha zhum pa med par rab 'gos shing// zab cing rgya che'i 'phang rtsal la goms byang chub mchog gi sgyu thabs che// smon lam rgya mtsho'i pha rol phyin pas sems can khams rnams spyod gyur cig
466b2 50/chos rnams kun la rnam par mi rtog rtog bral nam mkha'i mtshan nyid can// brtag par mi nus shes bya kun la ro mnyam yul dang yul can dang// gcig dang du mar rnam par mi rtog dri med yang dag don du
466b3 mthong// so so rang gi rig bya 'od gsal ye shes pha rol phyin brnyes shog 51/ skye nas skye bar legs pa'i phyogs su gegs rnams gnas par ma gyur pas// bde ba can sogs dag pa'i zhing du rgyal ba'i myu gu
466b4 gzhon nu'i tshul// rgyal ba rnams drung gus pas rab bsnyen sangs rgyas zhing sbyangs sems can gyi// khams rnams rgya mtsho rab tu sgrol ba'i spyod pa rgya mtsho mthar phyir shog 52/ la lar gser gyi 'khor lo
466b5 mdun 'gro brgya byin theg pa'i nor bu sogs// rin chen bdun gyis mdun du bdar bas rgya mtsho'i mthar thug sa chen po// mtshon dang g.yul gyis bda' ba med cing sngo ba med par rab phabs nas// chos ldan
466b6 rgyal po'i chos kyi srid kyi bsam kun rdzogs par byed gyur cig 53/la lar nags su rtsa yi spyil bur ku sha'i gdan dang 'bras bu'i zas// chu gtsar btung ba shin shun gos gyon rnal 'byor 'ba' zhig la
467a1 gnas dang// la lar khengs bral slong mos 'tsho zhing phyag dar khrod pa'i gos kyis mdzes// sems ni rab grol zhi ba'i gzugs kyis skye dgu'i 'dod pa 'jo gyur cig 54/ rang bzhin gnas
467a2 rigs de bzhin nyid dbyings ngo bor spang pa mkha' lta bur// glo bur med snang sgrib gnyis sprin tshogs myur bde'i lam gyis yongs sbyangs te// bral smin yon tan bye ba'i 'od 'bar sku bzhi'i bdag nyid nyin
467a3 mor byed// dka' ba med par mngon du byed las rnam rol zer brgya spro gyur cig 55/ mtho ris nas 'phos gzigs pa lngas gzigs yum gyi lhums su zhugs pa dang// dga' ba'i tshal bltams gzhon nu'i
467a4 rol rtsed nges par 'byung dang dka' thub dang// byang chub snying por mngon sangs rgyas dang rim gsum chos 'khor bskor la sogs// rmad byung mdzad pas srid mtshor byings pa'i sems can ma lus sgrol gyur
467a5 cig 56/grags pa'i mtshan ma yid 'ong gyur pa mu tig phreng ba ltar dkar bas// phyogs kyi 'khor lo nges par brgal ba'i gsung rab glegs bam rgyas pa'i ma// rin thang bral ba'i rin chen gyis gtams nor
467a6 bu'i shing rta bkram 'dra ba// sa gsum skye dgu'i mchod sdong gcig pur dus kyi mthar yang nyams med shog 57/ gang gi mthu yis 'jig rten kun tu dge legs snang ba 'byams klas pa'i// rnal grol mchog gi
467b1 'dzum rlab phye bas 'khor mun pha mthar snyil byed cing// bsod nams ye shes gzugs brnyan brgya yi 'bras bu bdag nyid 'byor gyur pa'i// yon tan mtha' yas mi zad 'jo byed ko bi da ra ltar gyur cig
467b2 58/bsod nams nas 'di 'bad pas bsgrubs la lus ngag yid kyi rtsol ba yis// dngos brgyud 'brel ba'i skye dgu ma lus sdug bsngal rgyu bcas mthar gyur nas// zhi bde'i gnas su rgyal sras rnams dang
467b3 lhan cig byang chub spyod mchog gi/rol rtsed du mas rnam mkhyen grong du phyir mi ldog par 'gro gyur cig 59/ bdag 'dra dman pa'ang legs par gsung pa thos pa'i bdud rtsis rab ngoms
467b4 shing// bsam pas ro gzhib bsgom pa'i bcud kyis byang chub lang tsho rab smin pas// lus can yongs kyi nyer 'tsho'i gzhir gyur thabs tshul du mas sman bgyid cing// rgyal bstan rdzogs pa'i shing rtar gyur nas
467b5 bstan la bya ba byed gyur cig 60/lhag bsam dag pa'i sa gzhir legs smin smon lam gser gyi snye ma'i tshal// shin tu sdug pa dri ma'i tshogs kyis gzhan yang nog par ma gyur pa// sgrib med gzigs
467b6 pa'i 'phags chen rnams kyi smon lam rgya che'i phyogs bslan te// de dag bzhed pa'i lhag ma ma lus de ring bdag gis skong nus shog 61/ sna tshogs chos kun gnyis su ma brtags chos kyi dbyings su ro mnyam
468a1 nyid du bden par gyur pa'i bden pa dang// gang zhig rtogs dang gang gis rtogs byed zag bral lam bden 'dus ma byas chos legs par gsungs pa'i bden pa dang// bden pas mthar byas srid
468a2 las rnam grol 'gog pa la gnas rdul bral zhi gyur 'phags pa rnams kyi bden mchog gis// 'di na de ring ji ltar smon pa'i don rnams ma lus yongs su rdzogs pa'i dge legs chen po 'byung gyur cig 62/
468a3 bde bar gshegs pa'i bstan pa rin po che'i snying po rig pa 'dzin pa'i sde snod rdo rje theg pa las snga 'gyur rgyud sde rin po che'i rtogs pa brjod pa/ lha'i rnga bo che lta bu'i gtams las legs byas rgya chen po bskrun
468a4 pa'i phan yon bsngo smon dang bcas legs par bshad pa'i skabs te lnga pa'o//// de ltar bde bar gshegs pa'i gsung rab thams cad kyi snying po rdo rje theg pa snga 'gyur rgyud 'bum rin po che'i rtogs pa
468a5 brjod pa deng sang gangs ri'i ljongs 'dir ji tsam snyed pa glegs bam zad mi shes pa'i phyi mor bsgrub pa'i tshul dang bcas pa legs par bshad pa skabs lnga'i bdag nyid can 'di ni bsod nams mngon par
468a6 'du byed pa'i bdag nyid mi yi dbang mo sa skyong ba nyid kyi bka' stsal pa lhur blangs te/chos kyi rje kaH thog pa'i 'bangs kyi tha shal du gyur pa shAkya'i btsun pa 'gyur med tshe dbang mchog grub nges don bstan
468b1 'phel dpal bzang po zhes bgyis pas bdag cag gi ston pa kun mkhyen nyi ma'i gnyen gzugs sku chos dbyings su bsdus pa'i tshul bstan nas bgrang bya nyis stong drug brgya bdun cu don brgyad pa me sprul gyi lo
468b2 dbyug gu zla ba'i dkar phyogs kyi rgyal ba gsum pa'i tshes bzang por chos dang srid kyi dpal 'byor mngon par mtho ba'i lhun grub steng gi rgyal khab chen po nyid du sbyar ba 'jig rten kun tu dge legs kyi snang
468b3 ba chen pos khyad par gyur cig/// sarba dA shub+ha ma stu tr-i yo ke Shu////


CLOSE WINDOW