CLOSE WINDOW

Gpb055.001
བོད་ཡིག

rol pa chen po thal ba'i rgyud ces bya ba bzhugs so// rgya gar skad du/ badzra sa twa dza li su kha ma ya g+hu h+ya gar+b+ha a ba ta shasta mahA bi na sa man ta na ma/ bod skad du/ rdo rje sems dpa' sgyu 'phrul dra ba las/ gsang ba'i snying po de kho na nyid bstan pa/rol pa chen po thal ba'i rgyud ces bya'o// bcom ldan 'das dpal kun tu bzang po la phyag 'tshal lo// de nas de bzhin gshegs pa rnams kyi/ bdag nyid kun tu bzang po'i gtso// sangs rgyas kun gyi dbang bskur zhing// thams cad 'dul ba'i bdag nyid kyi// rang gi dkyil 'khor rgya chen pos// phyogs bcu stong khams kun khyab mdzad// rigs kyi phrin las sna tshogs pa'i// don kun dkyil 'khor chen po nyid// rang bzhin sprul pa'i bdag nyid kyi// 'khor lo gsang ba'i bdag nyid bzhugs// thabs dang shes rab rol pa'i dbyings// ma lus kun 'dus 'bras bu'i mchog/ kun nas sprul pa'i dkyil 'khor dang// gsang sngags zab mo'i theg pa kun// ye shes gsal ba'i bdag nyid can// yon tan kun rdzogs phrin las spyod// 'di dag dkyil 'khor sna tshogs pa'i// rol pa'i kun 'jug rgyu yi gnas// tha dad min la tha dad snang// dkyil 'khor kun nas sna tshogs pa'o// 'og min chos kyi grub pa'i gnas// mtha' dang dbus med 'khyil ba'i bdag/ mdzes pa'i rin chen kun gyis brgyan// tshad med ye shes 'khor lo'i gnas// chos tshogs mtshan ma'i gnas 'joms shing// ma bkod ye nas brgyan pa yi// rigs kyi yon tan kun 'byung nas// yang dag tshul gyis lo tog 'joms// mya ngan kun bral grong khyer che/khang pa gru bzhi sgo khyud bcas// phyogs bcu rgya yongs ma chad pa'i// yon tan dpag tu med pa klubs// chos nyid snang ba'i bdag nyid can// ye shes nyi shu rtsa lnga'i bdag/ rang rig don mthun rtags kyi tshul// rtse mo nor bu 'bar ba la// rigs kyi mtshan ma rgyan du byas// ngo bo gnyis med 'khyil ba'i bdag/ de las bsam yas grangs med pa'i// tha dad sna tshogs 'jigs pa med// de bzhin nyid snang de bzhin nyid// dbyibs dang kha dog rnam dpag pa'i// rnam pa tha dad bye brag mchog khyad par yon tan gnas kyi mdzes// lha dang mi sogs tshad 'das shing// dpag med rigs kyi rgyan rnams dang// kun nas sprul pa'i lha mo'i tshogs// kun nas rgya yongs ma chad pa'i// phreng ba 'chun 'phyang shar bu dag/ ye shes bkod pa ma 'dres pa'i// 'dod yon chos kyis rnam par klubs// phyogs bcu kun nas 'khrigs pa yi// rang byung zhi rgyas dbang drag ldan// mtha' yas mdzad pa kun ston cing// tha dad dpag pa'i tshul gyis gnas// sgrib med gsal ba'i bdag nyid can// stong smon mtshan med 'od gsal sgo// sangs rgyas theg pa rnam par spras// phyi nang gsang ba'i zab mo yi// rnam thar brgyad kyi rta babs ldan// phyi dang nang med ye shes dngos// mtha' dbus med pa'i bde chen dbyings// rgyu rkyen lam dang thabs kyi chos// de dag 'bras bu'i bdag nyid can// mi 'jigs rnam bzhi stobs bcu dang// rdzu 'phrul rkang pa dbang bcu yis// thogs med 'phyo ba lnga yi bdag/ mtshan ma rtags ni gnas rdzogs shing// thugs rje byang chub sems nyid ldan// kun nas ma chags rnam par dag/ kun 'byung rin chen brtsegs pa'i khri steng na// kun tu sgrib pa med pa'i mchog/ thams cad rang gi dkyil 'khor nyid// de dag nyi shu rtsa lnga'i rgyan// rnam par bkod pa'i sku chen po// thams cad gsal bar byed pa'i mchog/ thams cad ma 'gags theg pa'i tshul// zab mo rgya chen gsang ba'i sngags// don kun nges par gcod pa yi// rang rig ye shes 'gyur ba med// mtshan mchog sum cu rtsa gnyis dang// dpe byad brgyad cu'i bdag nyid can// dus gsum sangs rgyas thams cad kyi// phrin las 'jigs med snyems dang bral// chos kun spyi yi bdag nyid can// nyi shu lnga yi bdag rdzogs pas// rigs kyi dkyil 'khor mtha' yas dag/ nyi shu rtsa lnga mngon par rdzogs// bsam gyis mi khyab thams cad du// sku dang gsung thugs bdag nyid che// A li kA li mnyam gnas pa'i// zhabs gnyis pad mar bsnol ba'i rgya// brtul zhugs dkyil 'khor las kyi bdag/ kun nas thabs dang shes rab rdzogs// ye shes drug gi bdag nyid kyi// phyag rgya rin chen 'bar ba'i mtshan// rdo rje rin chen 'khor lo che// dril bu pad+ma ral gri 'bar// mthing ka dkar dang dmar ba'i mdangs// rigs kyi rin chen dbu rgyan mdzes// cod pan sangs rgyas kun gyi bdag/ drug pa rigs rnams kun gyi gnas// zhal gsum phyag drug mnyam pa'i zhabs// rin chen 'bar bas bde bar spras// gtso bo chos kyi mchod mnyes pa// kun bzang yum dang 'khril ba'i tshul// gnyis med byin brlabs ma 'gags pa'i// gtso dang sprul pa'i dkyil 'khor nyid// rdo rje chen po thugs kyi mchog/ rigs bdag rgyal ba'i ngo bo nyid// bde gshegs 'khor lo sku yi dbyig/ zhing khams mtha' yas rgyal ba'i tshogs// yon tan rin chen che gnas sbyor// de dag kun nas kun rdzogs mdzad// gsung gi pad+mo rnam par dag/ chos kyi rgyun gyi ting nge 'dzin// phrin las las kun mthar sbyin pas// rigs kyi dkyil 'khor kun rdzogs mdzad// chos dbyings me long mnyam pa nyid// so so kun rtogs bya ba grub// nyon mongs las kun rnam dag pa'i// rigs kyi bde gshegs thams cad mkhyen// byang chub sems nyid 'gyur ba med// ma 'dres las kun rnam par dag/yon tan sna tshogs lhun grub cing// chags pa chen po kun spyod pa// de dag phrin las sna tshogs dbyings// rang rig zhing khams chen por sbyor// phyogs bcu kun nas 'khril ba yi// 'byung ba chen po rnam par dag/gsal snang tshe gnas rnam par dag/ gsal snang rdo rje dbang phyug dbyings// sra mkhregs bde gshegs phyag rgya ste// sdud pa'i gzugs med yon tan dbyings// gsal dri smon pas pad+ma'i chos// bskyed pa'i phrin las las kun rdzogs// don mthun rtags kyi phyag rgya nyid// btsun mo dam pa'i cha lugs kyis// de dag dkyil 'khor brtan par mdzad// mo yi mtshan ma'i tshogs 'joms byed// der rdzogs gnyen po'i stobs dang ldan// phyogs kyi gdon rnams 'joms mdzad cing// phrin las rigs kyi ye shes rdzogs// dam pa kun dang sna tshogs pa'i// tshul rnams yang dag rdzogs pa'i lus/ khams gsum che ba rnam dag cing// zag med rigs kyi dkyil 'khor nyid// til gyi gang bu ci lta bur// bar mtshams med par mtha' yas pa// byang chub sems dpa' rnam sprul pa'i// de tshe 'khor gyi byang chub sems// dkyil 'khor chen po'i sogs kun nas// rdo rje bkod pa'i gar dang ni// glu gar mngon par 'khod 'gyur ba// rgyu dang 'bras bu'i bdag nyid can// smon lam thugs rje'i stobs rdzogs pa'i// dkyil 'khor chen po'i gnas 'joms par// ye shes 'gro rnams rnam par dag/ byang chub sems dpa' sa chen po// kun khyab rdul bral nam mkha' nyid// thugs rje pad+mo sna tshogs ston// las kyi phrin las stobs rdzogs gnon// dam shes bzhi yi bdag nyid kyis// de dag yul bcas dam par mdzad// thabs bcas ma 'dres byams pa'i stobs// sgrib med mun pa'i tshogs sel cing// kun nas spyod pa'i bzang po nyid// shes rab chen po'i chos mthar phyin// gsung gi dbang po rnam dag pas// rigs kyi ye shes gsal bar sbyor// ma lus gzugs sgra dri ro'i tshogs// lha mo'i dkyil 'khor rnam par dag/ de dag thams cad shes rab kyis// yi ge gnas kun mnyam pa nyid// kun nas kun tu bsam yas pa'i// dus rnams lha mo'i bdag nyid do// mi mthun lha mo'i tshogs 'joms byed// der rdzogs gnyen po'i stobs dang ldan// phyogs kyi gdon rnams 'joms mdzad cing// phrin las rigs kyi ye shes rdzogs// lus kyi chos kun rnam dag pa'i/ khro bo chen po'i mthu stobs ldan// rtag chad mtshan ma yul gnas rdzogs// tshad med bzhi rdzogs rtogs nas sel// lcags kyu zhags pa lcags sgrog dril// phyi nang dkyil 'khor brtan gnas shing// rigs kyi dkyil 'khor kun rdzogs mdzad// stong khams kun tu mtha' yas par// de dag dkyil 'khor gsal bar snang// gnyis med mnyam pa chen po'i sku// grangs med brjod kyi mi lang bar// gnyis su med par brtan bzhugs pa'o// de nas rigs kyi sangs rgyas kun// rang gi dkyil 'khor ji lta bar// mi gnyis don kun bstan mdzad de// ma 'dres stobs kyis rnam par spras// de tshe bde gshegs mthu stobs kyis// sku gsung byin rlabs mtha' yas dang// dkyil 'khor bkod pas kun snang mdzad// sku gsung thugs kyi rnam 'phrul gyi// rol pa'i byin brlabs mtha' yas ston// mtha' yas med pa'i 'jig rten 'dir// ngo mtshar mtha' yas ltas kyis gang// g.yo dang g.yo ba chen po dang// bskyod dang bskyod pa chen po yi// sgyu 'phrul rol pas ma lus kun// rnam dag dkyil 'khor gsang rdzogs mdzad// rigs kyi rgyal ba thams cad dang// byang chub sems rnams yi rang ste// sna tshogs mchod pa spro mdzad de// yang dag don rdzogs gsol ba 'debs// sgyu 'phrul dra ba'i rgyud chen po// sangs rgyas kun gyi gsang ba'i gnas// de nas mngon 'byung rdzogs byed pa'i// rgyu dang 'bras bu mtshungs pa'i rgyu// rab tu mos pas smin byed cing// thabs kyi phyag rgya gsang ba'i nyid// stong phrag brgya yi rgyud chen po// mgon po brtse ldan mtshungs pa'i lam// ma lus yum kun thabs 'di nyid// phyag rgya'i dkyil 'khor bla na med/ khyod nyid rgyal ba kun gyi yab// dang po'i rdo rje chen po nyid// bar du mi gnas stobs rdzogs pa// bdag chen chos kyi ting nge 'dzin// phra rgyas zag med kun grol ba'i// ye shes bstan pa'i gnas 'di nyid// mtshan ldan mtshan rnams kun nas rdzogs// e ma byang chub sems nyid do// de nas yul kun 'joms pa'i don// thugs rje ye shes dri ma med// thams cad thams cad las byung ba'i// byang chub sems 'di rang byung gnas// mi shigs dkyil 'khor bstan pa nyid// dang po rang gi stobs rdzogs pas// ye nas yul kun rnam par dag/ thugs rje che gnas snang ba'i shugs// byin brlabs yul bcas ji ltar snang// de dag rang gi las bzhin du// glo bur 'khrul pas rtogs 'dzin cing// phyi nang yul chos rnam spyod cing// thugs rje dag pas ji ltar bsgral// de dag dkyil 'khor kun rdzogs pa'i// rigs kyi gnas rnams sbyor mdzad cing// phyag rgya gsang sngags stobs rdzogs pas// tshad med yul kun rdzogs pa nyid// dkyil 'khor chen po'i rnam grangs kyis// bye brag mkhas pa'i spyod yul las// rang bzhin lhun gyis grub pa dag/don dam kun rdzob rnam par spyod// sangs rgyas kun gyi gsang ba 'di// tshul bzhin dmigs par bya ba'i thabs// de ltar lhag pa'i don snang zhing// phyi rol 'byung tshogs 'gro bar bcas// sangs rgyas kun gyi rang bzhin te// dkyil 'khor rdzogs pa'i rigs mchog nyid// shes rab chen pos yul mthar phyin// cha shas cha shas med pa yi// byang chub sems rnams drug pa'i gzungs// ma lus yul kun sbyangs mdzad cing// gnyis med ye shes chen po'i bdag/ chos kyi gnas kun rdzogs longs spyod// sprul pa'i sku rdzogs 'gro ba'i mgon// dkyil 'khor byin brlabs mngon par rdzogs// sgyu 'phrul sgrub pa'i dkyil 'khor dang// lhag pa khro bo'i dkyil 'khor gyis// rang bzhin mngon par rdzogs pa'i shugs// ye shes dkyil 'khor ji lta bar// rang bzhin lhun gyis grub pa dang// rtogs pas mngon par yul sbyor ba'i// thun mong khyad par rigs bcas rnams// gdul bya kun gyi don bzhin du// bye brag ji ltar 'tsham par snang// 'dir ni ting nge 'dzin dag dang// ting nge 'dzin gyi dkyil 'khor ma bcings pa// de dag rgyu dang 'bras bu yi// tshul bzhin bstan pas rnam par spyod// 'gro ba 'dul ba'i ting 'dzin gyi// dkyil 'khor phyag rgya sngags rdzogs la/ khro bo'i dkyil 'khor mngon snang zhing// rang gi phrin las bstan pa'i bdag/tshogs sgrub ting 'dzin rgya chen po// bsod nams ye shes mngon rdzogs byed// phrin las bye brag stobs kyis ni// ting 'dzin dkyil 'khor dag spyod pa// bzhi rgyas mnyam pa chen po'i dbyings// de dag phrin las ji lta bus// yang dag bya ba rdzogs par 'gyur// gzugs brnyan dkyil 'khor rgya chen por// sa gzhi sa bon lha gnas rdzogs// phyogs gnas kun tu shis pa'i las// mngon par bsngags pa ji lta bur// yang dag dkyil 'khor thig btab cing// yang dag tshon gong las rnams dang// phyag rgya'i bye brag kun rdzogs pa'i// rgyan chas bkod pas bla na med// dngos grub lhag ma lha gnas shing// dkyil 'khor sgrub pa'i tshul dag gis// las kyi lhag chad rdzogs byed cing// mnyen shing bshes pas 'dod pa'i don// ye shes dkyil 'khor ji lta bar// dam tshig dkyil 'khor cha gnas sbyor// lha gnas sta gon bum pa dang// dkyil 'khor chen po'i gnas rnams rdzogs// de nas bkra shis cho ga bzang// nye bar bsnyen pas gsang bar 'gyur// 'jug pa'i cho ga tshul bzhin du// rnam gsum nus pas mthu dang ldan// bde gshegs byin brlabs brgyud pa'i lam// dad brtson shes rab ting 'dzin stobs// sbyin sreg gsang ba las rdzogs te// 'dod pa'i las kun byed par sbyor// mchod sbyin rgya chen gtor ma'i tshogs// de dag yul kun rnam par 'gyur// sgyu 'phrul rgyal ba'i tshul gyis ni// lnga dang nyi shu rtsa lnga dang// sum cu rtsa lnga lnga bcu sogs// bye brag dkyil 'khor dag pa yi// cho ga kun rdzogs mngon par bsngags// sangs rgyas theg pa bsam yas pa// de dag tshul rnams mtha' yas shing// sku gsung yon tan phrin las thugs// ma lus kun 'dus rnam par dag/ thabs ldan rdzogs pa'i yan lag tu// smin pa'i lam mchog bla na med// byang chub mchog tu sems bskyed cing// rang gi dam bcas sdom pa rdzogs// yul mchog khyad par 'phags pa la// byin rlabs sngags kyi nor bu blang// phan dang nus pa'i dbang thob cing// rim bzhin dam tshig brtan par gnas// de dag khyad par bye brag gis// don kun gsang ba'i mngon rdzogs 'gyur// thun mong sdom pa thams cad dang// gsang ba'i dam tshig bla na med// lnga gsum nyi shu rtsa lnga dang// sum brgya la sogs bye brag gis// thabs kyi theg pa rnam par spags// de dag gsang ba chen po'i chos/ khyad par dam tshig rnam pa bzhis// thams cad gnyis med mnyam pa nyid// ma lus yul kun rnam dag cing// nges pa'i don rtog zab mo nyid// grogs rten mi mthun phyogs bcas pa'i/ khyad par yul kun ji lta bus// rang rig gnas rnams bgrod par byed// thun mong las rdzogs rnam spyad pa// ma lus rten cing 'brel ba'i chos// thams cad tshul 'dis rdzogs byed cing// skad cig yud la lhun gyis grub// dgug dang btang dang bcings dang dgrol// gso dang gsad dang 'pham dang rgyal// gnas kyi phyag rgya kun rdzogs pas// don kun gsang ba ston par byed// bdud rtsir 'byung zhing 'gyur ba dang// bzhi brgya rtsa bzhis nad sel dag/ tshe dbang bkra shis byin rlabs ston// ma lus kun 'dus rdzogs par 'gyur// thun mong rnam par bsngags pa'i chos// thams cad las 'byung stobs dang ldan// de dag gsang ba chen po'i mthus// ma lus rdzogs shing rnam par dag/ nam mkha' rdo rje sgra 'byung zhing// 'bar nas me yang 'tshig pa dang// chu rgyun 'bab pa'ang de bzhin no// 'jig rten khams ni 'thor ba dang// thams cad stong zhing lhung byed pas// byin rlabs ngo mtshar yul 'byung ba// gsang sngags phyag rgya ting 'dzin stobs// de dag tshul rnams kun rdzogs las// 'phags pa kun gyi gnas rdzogs pas// rigs kyi zhing khams che nas sbyor// sku dang ye shes sprul pa'i mchog/ zag pa med pa'i dngos grub kyis// don rdzogs nor bu rin chen tshul// thabs kyi bye brag tha dad pa'i// bsnyen bsgrub yan lag bzhi pas skyes// yul rnams mngon par sbyor byed pa// thog ma tha ma'i las kun dang// cho ga phun sum tshogs pa'i gnas// phyag rgya bzhi yis yul sbyor zhing// rim bzhin bsgrubs pas 'bras bu'i mchog/ thams cad theg pas 'dul mdzad de// bstan pa'i gzugs brnyan bsam yas dag/ rab tu snang bas stong pa'i tshul// sgra don rgyun las snang ba 'o// sangs rgyas kun gyi phrin las nyid// dkyil 'khor grangs med snang ba ston// zhi rgyas dbang drag mngon spyod kyi// yul bcas mdzad pa bsam yas dag/ grangs med dpe las don bzhin spyod// de la sogs te mtha' yas pa'i// phrin las kun tu ma 'gags chos// thabs mkhas sangs rgyas mdzad pa'i gnas// don mthun rnal 'byor spyod pa'i yul// bdag gzhan las kun rab tu rdzogs// mnyam pa chen po'i phrin las sogs// de dag bstan pa bla med pa'i// tshul 'di rgyud chen zab mo 'di// nye bar spyod pa ji lta bur// de dag yul dang sbyar bya ba// bye brag cha shas rdzogs pa yi// don kun ston pas bshad du gsol// de nas the tshom rtogs pa'i tshogs// nges par mgon pos gsal bar mdzod// byin rlabs bla na med pa'i lam// 'di nas 'jug pa'i yan lag dang// mtshan bcas mtshan ma med pa'i chos// yang dag rgya chen rdzogs par ston// rnal 'byor chen po'i spyod pa dang// sa gnas lam gyi bye brag dang// bstan pa'i bsdus don ji lta bur// yang dag bka' gsol thugs rje can// kye ma thabs dang shes rab spyod pa'i mthus// phyi nang dkyil 'khor rnam dag tshul chen po// rigs dang rigs bcas rnam par spyod mdzad cing// don kun gsang ba rdzogs pa'i gnas nyid yin// rab tu sbyangs pa rnams kyi nges don 'di// yang dag 'bras bu'i tshul gyis rgyur bcas sbyor// mtha' yas zhing khams ye shes chen po'i gnas// kun tu bzang po'i dkyil 'khor rnam par dag/ rdo rje sems dpa' sgyu 'phrul dra ba gsang ba'i snying po de kho na nyid rol pa chen po'i rgyud thal ba zhes bya ba las/bstan pa'i tshul gyis rgyud byung ba'i rgyud bstan pa'i le'u ste dang po'o//// de nas sangs rgyas thams cad kyis rang bzhin kun tu bzang po nyid/rang gi dkyil 'khor la bzhugs shing/ rang rigs kun nas longs spyod mdzad// bde gshegs kun gyis bsngags pa yi// dkyil 'khor chen po'i don 'byung ba// de dag sku gsungs thugs rnams kyi// rol pa kun ston mtha' yas pa// byang chub sems dpa'i tshogs kun la// tshul 'dis yang dag ston mdzad phyir// gsang sngags byin rlabs mtha' yas pa'i// ngo mtshar yul kun snang bar mdzad// mtshan nyid sna tshogs kun spyod pa// de dag mtshan ma'i rgyud kyis te// mtshan ma med pa'i gnas rdzogs pas// lhan cig skyes pa'i yul rnams gsal// gnyis med mnyam pa chen po'i dbyings// byang chub sems rdzogs ye shes don// skye ba med las thams cad skyes// thams cad gnyis med rdzogs pa'i dbyings// rang gi chos kun rnam dag pas// zab mo'i dkyil 'khor mtha' yas rdzogs// chos kyi sku las bzhengs mdzad de// thugs rje chen po'i rnam sprul gyis// snod bcud dkyil 'khor gsang ba'i bdag/ rigs kyi dkyil 'khor kun rdzogs pas// de dag don kun gsal mdzad cing// theg pa'i don 'di bka' stsal to// e ma'o thams cad rdzogs pa yi// byang chub sems nyid dkyil 'khor che// byin rlabs yul tshogs 'byung bas gnas// rig pa'i ye shes bstan pa nyid// phyogs dang phyogs las 'das pa yi// tha dad ming las yul kun 'das// dus gsum kun tu mi 'gyur zhing// de dag skad cig cir mi snang// de las 'byung tshogs rnam dag cing// skye 'gro mtha' dag de nyid dbyings// yod med mtha' bzhi las 'das pa'i// rgyu rkyen gnas skabs ma skyes pas// 'jig cing 'gag pa'i ngo dang bral// phyogs bcu mtha' rnams zhi ba nyid// ye nas ma bcos dben par gnas// rigs kyi rgyal po thams cad dang// snying po'i ngang du 'du 'bral med// de las de byung de snang ba'i// thabs dang shes rab phyag rgya'i mchog/ srid pa gsum nyid dag pa'i zhing// snyigs ma lnga nyid bden ldan gnas// phung po lnga nyid rigs lnga'i gtso// 'byung ba'i chos rnams rnam par dag/yul kun mnyam par sbyor ba'i mthu// ma 'dres dkyil 'khor mngon sangs rgyas// thabs kyi phyag rgya rdzogs pas na// thams cad dkyil 'khor bzang po nyid// zhes rgya cher gsungs pa'o// de'i tshe na zhing khams chen po'i mngon par 'phags pa'i sangs rgyas thams cad sgyu 'phrul dra ba'i tshul gyis yang dag par gnas so// de nas de bzhin gshegs pa thams cad kyis rang gis btsun mo dang mnyam par sbyor zhing/rigs kyi dkyil 'khor mngon par rdzogs par zhes bya ba'i tshul gyis kun tu gsal bar mdzad nas/ sangs rgyas sum cu rtsa drug gi byin gyis rlabs kyis/ rang gi gnas thams cad du gsal bar mdzad do// nang gi gnas 'gro ma lus kun// rigs kyi dkyil 'khor rdzogs pa nyid// gzugs phung rnam par snang mdzad de// tshor ba rin chen 'byung ldan yin// 'du shes snang ba mtha' yas dag/ 'du byed don yod grub pa'i sku// rnam shes rdo rje mi bskyod pa// ye shes rnam pa lnga bdag nyid// byang chub sems kyi snang ba las// rang bzhin rdzogs pas gnas kun sbyor// phyi rol 'byung tshogs yul rnams kun// thabs dang shes rab gnyis med par// sra brtan rdo rje pad+ma ste// gsher sdud lha mo mA ma ki/ smin byed sreg mdzad gos dkar mo// yang zhing g.yo ba sgrol ma'i mkha'o// stong gsal nam mkha' kun bzang ma// rig pa thabs kyi phyag rgya ste// mtshan nyid med pa shes rab yum// gnyis med sbyor ba'i byin rlabs las// rigs kyi dkyil 'khor rgya chen po/ khams dang skye mched rnam dag pa'o// byang chub sems dpas gnas kun mdzes// rang bzhin ma bcos lhun gyis grub// stong gsum 'jig rten grangs med pa'i// rigs kyi dkyil 'khor mtha' yas kun// kun bzang ye shes rnam bkod pas// thams cad ma 'dres yongs su rdzogs// kun rdzob snang ba mtha' yas par// me long chu zla 'ja' tshon ltar// snang la ma 'gags kun ston cing// rigs kyi dkyil 'khor kun gnas pa'o// kun tu bzang po'i chos rnams kun// sangs rgyas bstan pas rdzogs pa nyid// de las lhag pa'i don smra ba// dmigs pa'i yul rtog kun dang bral// zhes gsungs pas zhing khams thams cad de lta bu'i ngo bor gsal bar gyur to// de nas gnyis su med pa'i tshul gyis/rang gi ngo bo ston mdzad de// ma lus mtha' yas brtags pa'i chos// ye nas dbyer med rnam par dag/ srid pa'i sdug bsngal rnam dag cing// las kyi nyon mongs thugs rje'i dbyings// thabs dang shes rab 'brel ba'i dngos// thams cad yul kun rnam par sbyor// de bzhin nyid dbyings ye shes te// brtson 'grus chen po'i gnas kun rdzogs// de dag stong pa'i rang bzhin dbyings// tha snyad rtog bcas rnam par dag/ gnyis med gnyis su med sbyor zhing// gdod nas ma btsal lhun gyis grub// de bzhin ye shes chen po'i sa// byang chub sems sprin rdzogs par mdzad// sangs rgyas kun gyi theg pa 'di// gzhan nas btsal ba'i gnas med de// rang bzhin bde ba'i ngo bo las// mi gnas nyams su myong ba'i tshul// e ma'o sangs rgyas thams cad kyi// rnam par thar pa chen po'i mchog/ skye 'gag gnas dang dmigs pa dang// 'gro 'ong yul kun rtog bral zhing// de dag gnyis med lhun gyis grub// mnyam pa chen po'i rgyan gyis rdzogs// gsang ba'i theg pa bsam pa 'o// 'di ltar snang zhing srid pa'i chos// thams cad don kun rdzogs pa'i las// 'khor ba ma rig rnam rtog rgyun// sna tshogs yul bcas rtog pas bsgribs// rang bzhin bde gshegs 'dul bya ba'i// snang ba gsum gyi ngo bo la// 'khrul pa'i rnam rtog 'dzin bcas pa'i// tha dad rtogs pa'i chos rnams snang// rgyu dang lam dang 'bras bu yi// bya ba chen po'i gnas rdzogs shing// bstan pa'i don kun bsdu mdzad de// gsang ba'i tshul ni bla med pa'i// mtshan nyid rnam pa gsum dag gis// de dag chos kun mtshon par byed// rgyu yi chos kun mtshon par byed// rgyu yi chos kun shes pa'i yul// rkyen rnams 'jug pa'i mtshan nyid can// 'bras bu smin pas rnam par grol// theg pa rim bzhin rdzogs spyad pas// rig 'dzin ye shes dngos grub cing// rab tu mi gnas mya ngan 'das// mthar phyin sa gnas lhun gyis grub// gsang ba bzhi yi mtshan nyid kyis// phyag rgya ye shes mngon par sbyor// de dag yul kun gnas 'joms pas// mi mthun tshogs kyis 'jigs pa med// ye nas gsang ba chen po chos// rang bzhin gsang ba gzhir 'gyur zhing// don dam kun rdzob rnam par dag/thabs dang shes rab zung 'jug gnas// ngo bo nyid kyis lam gsang ba// shin tu gsang bas 'bras bu rdzogs// snying po gsum gyi bdag nyid kyis// don kun bsam pa gtan la phebs// thams cad kun 'byung rgyu nyid las// rgyu yi theg pa bla na med// 'bras bu'i chos kun rnam dag cing// ma lus don kun bsdus pa nyid// gsang ba'i bla na med pa'i rgyud// 'bras bu'i theg pa zhes bshad do// sa mchog lam rnams kun 'dus pa'i// nges pa'i phyag rgya bla na med// rgyu yi de nyid byang chub sems// rnam nyid 'brel bas kun bskyed rdzogs// 'bras bu sku mchog ye shes che// rang bzhin byin rlabs thugs kyi snang// chos rnams thams cad skad cig ma// de nyid nges par gtan la 'bebs// bya ba rdzogs pa'i dus nyid du// ya mtshan pho brang dkyil 'khor rdzogs// nges don gsang ba rmad du byung// sangs rgyas kun gyi dgongs pa'i yul// byin rlabs chos rnams kun gyi gzhi// 'di nyid bstan pas rdzogs par 'gyur// e ma'o bde gshegs ngo bo nyid// rang bzhin rdzogs pa'i dkyil 'khor las/ khams gsum 'gro gnas ma rtogs pa// gnas dang der bcas thams cad dang// brtag pa'i mthu yis kun snang zhing// de nyid stobs kyis de nas 'khor// sna tshogs lus dang longs spyod tshogs// mi mthun bskal pa'i tshogs rnams kyis// rgyu 'bras gnas kun so so smin// gnyis su 'dzin pas 'ching 'gyur te// rang gi rang rgyud rnam par bcings// de dag rtog pa'i gnas chen gyis// thams cad kun nas rnam par gzir// yang dag bstan pa'i don rnams kyis// thabs ldan rgyud rnams grol mdzad de// bstan pa bye brag mtha' yas pas// gdul dka'i tshogs rnams grol bar 'gyur// gdul dka' kun gyi rmongs pa dang// bstan pa sgron mes gsal mdzad cing// stong gsum 'jig rten mtha' yas pa// rigs bdag 'khor lo sgyur ba'i sku// kun tu bzang po'i bdag nyid kyis// rigs kyi dkyil 'khor mtha' yas rnams// rnam par 'phrul pas kun 'gro mdzad// zhe sdang las kyis gdungs pa la// rdo rje rigs mchog mi bskyod pa// zhe sdang rgyud kun grol bar mdzad// de ltar bcom ldan thugs rje'i bdag/ don mthun bstan pas rnam par 'dul// ma rig rnam rtog mun pa'i tshogs// bde gshegs 'khor lo'i tshe nas sbyor// gti mug chen pos dag mdzad de// gti mug las bcas rnam par grol// kun nas 'dod pas gdungs pa la// bde gshegs pad+ma gsung gi sku// 'dod chags chen pos 'dul mdzad cing// yang dag mthar bcas sbyor bar mdzad// nga rgyal gnas kun stobs rdzogs pa'i// rin chen dkyil 'khor che nas sbyor// nga rgyal chen pos yon tan mchog/sder bcas mtha' rnams rnam par dag/ phrag dog nyid kyis 'khor ba la// de nyid rnam dag thugs rje'i mchog/ las kyi rigs mchog don grub mchog/ mtha' yas yul kun rnam par dag/ de la sogs pa'i nyon mongs tshogs// grangs med las kyis mnar ba las// thabs mkhas thugs rje'i dkyil 'khor nyid// mi mthun sprul pa bsam yas pa// skad cig yud la 'dul bar mdzad// ma lus theg pa bsam yas kyis// ma lus 'gro rgyud rnam par sbyong// de nas sangs rgyas thams cad kyis// rigs kyi dkyil 'khor kun bsdus te// rang rig zhing khams tshogs sbyangs par// rnam par bkod pa'i gnas rdzogs mdzad// bde gshegs kun tu bzang po nyid// rigs rnams bsdus pa'i dkyil 'khor ni// rang gi longs spyod ji lta bar// dkyil 'khor rgya chen rnam par sprul// 'khor lo sgyur rgyal che rnams dang// phyogs mtshams dkyil 'khor bkod pa'i tshogs// rdo rje 'khor lo rin chen dang// pad+ma ral gri mtha' yas pas// phyogs rnams kun tu spro mdzad cing// rigs kyi dkyil 'khor mtha' yas pa// ma lus 'gro ba'i don bstan mdzad// rab tu spyod pa dri med pa'i// blo gros mchog rnams 'dud par 'gyur// de dag rab dga' sbyangs pa'i mthus// rang gi ye shes dri ma med// dkyil 'khor 'khor lo gcig pa dang// gsum dang lnga dang dgu la sogs// mtha' yas grangs med skyob pa'i sku// zhi dang drag po'i sna tshogs kyi// ngo mtshar yul kun 'bar ba bzhin// gnas skabs thugs rje chen po'i shugs// mi shes mun pa'i rab rib sel// yang dag lta bas rnam par dgod// gzhan yang zhi dang rgyas pa dang// dbang dang drag po sna tshogs pa'i// rigs mchog thugs rje tshad med pa'i// mi mthun gnas kun rnam par dag/ 'gro ba drug po ma lus la// thub pa chen po'i sprul pa yis// thun mong khyad par gnas sbyangs te// 'dul ba rnam pa bzhi rnams dang// byang chub spyod pa mtha' yas tshogs// ma lus don kun ston pa'i sgo// de nas chos kun rnam par dag/bya ba chen po mthar phyin cing// gzhan gyi 'jug pa rab tu ston// 'di ltar 'khor ba mya ngan 'das// thams cad don kun sangs rgyas mchog/ rang bzhin rdzogs pa'i dkyil 'khor nyid// bya ba lhun grub rnam par grol// zhes gsungs so// rdo rje sems dpa' sgyu 'phrul dra ba gsang ba'i snying po de kho na nyid rol pa chen po thal ba'i rgyud las/ dkyil 'khor 'brel ba'i le'u ste gnyis pa'o//// de nas 'khor gyi gtso bo'i mchog/ byang chub sems dpa' che rnams kyis// sangs rgyas kun la phyag 'tshal zhing// yang dag bstod pas mnyes par mdzad// e ma'o sangs rgyas kun tu bzang// gsang ba'i snying po nges pa'i mchog/de nyid kho na'i don rdzogs pas// sgyu 'phrul dra bas mngon rdzogs pa// thog ma tha ma med pa'i dngos// ma lus kun gyi sku gsung thugs// rol pa bde ba gnas rdzogs shing// byang chub mchog gi snying po'i gzhi// srid dngos zhi ba rnam par sbyong// gsang ba'i theg pa bla med mchog/ rnam gsum sprul pas bskyed par mdzod// sangs rgyas kun gyi ye shes sku// byin rlabs dag pa'i mdangs bcas pas// shes rab dbyings dang sbyor mdzad cing// dkyil 'khor rol pas kun khyab mdzad// rgyud ces gsang ba'i don rnams kun// sbas bshad brda yis rnam par bshad// de tshe gsung dbya sna tshogs pas// mig gnyis rgyud chen mtshan mar sgrogs// ji srid sbas tshig brda don rnams// thabs dang shes rab snyoms 'jug pas// e baM dbyibs kyi las bab ste// ma 'dres thams cad rdzogs pa yi// 'di zhes nye bar mtshon pa ni// e sogs rnam bzhi'i dbyibs can gnas// skad ces gsang ba'i las ming can// baM zhes thig ler bcas pa yi// ma dang ma nu sdom byed yid// las can rnam shes de dag la// gsal bar go bar bshad par 'dod// pa sgra don dam mnyes pa'i rgyud// theg pa chen po 'di yin no// dus ni bsam gyis mi khyab dus// de ming kun tu tshim par byed// thams cad rang rang las can gyi// dkyil 'khor gsang ba mtha' yas cing// ma lus theg pa bla na med// don dam rdzogs pa'i thig le nyid// ye shes chen pos bskyed mdzad cing// las kyi rtog pa rnam par dag/ bcud 'dus thig le chen po nyid// snang dang stong la sogs pa yi// brjod bya ma lus rdzogs pa'i yul// rtogs tshogs sangs rgyas lnga bcu lnga// snang bas phye phyir gnyis su med// de nas pad+ma rigs gsum pa'o// gnyis gsum brgyad kyi rnam pa can// tha ma gnas dang yon tan gyis// mngon par mtho bas 'og min te// las dang bcud kyi mtha' bral bas// ye shes bzhi la dbang mi rig/ dgos pa 'byung ldan rin po che// ye shes lnga yi 'khor lo bskor// sangs rgyas ngo bo bcud sdud kyis// spyi bor shin tu 'khyil bar gnas// nyungs kar sor gyis sbags par ni// sa ya bcu gsum bde bas brgyan// 'dod yon khyad par can gyis mdzes// gang yang bde byed phyi nang bral// bde ba chen po'i ngang nyid la// 'bras bu chos rnams rdzogs par snang// byang chub mchog tu nyi zla 'char// de nyid bzhugs gnas yin par gnas// dkyil 'khor kun 'byung rgya chen po// rang gi ngo mtshar yul gyis 'khod// kun dang gnyis dang gnyis sbyor ba'i// cha lugs dkyil 'khor de bzhin nyid// mang po'i tshogs pa mtha' yas sgo// de dag bye brag grangs las 'das// sangs rgyas kun gyi gsang ba 'di// brtul zhugs chen po'i bdag nyid can// bcud ldan ye shes kho na'i phyir// dwangs snyigs med par kun zhugs pa// sgra dbyangs gsung gi gnas bzhi yi// dbye ba gsum gsum ngos gnyis dang// bzhi bcu gnyis su 'gyur ba yin// sa ya bcu gsum la sogs par// skye gnas med pa'i ngo bo la// rten can de bzhin rten de bzhin// nyi zla thabs dang shes rab kyis// ro gnyis mnyam par 'dus gsum bzhugs// dwangs ma'i thig le chen po yi// bde ba dngos po ye shes snang// ma 'dres rang gi don bzhin du// sa gsum dbang phyug mchog tu 'gyur// 'dzin pa kha yi tshogs bral zhing// stong pa'i mtshan ldan byang chub nyid// rab tu zhi bas grol ba yi// bcom ldan 'das ni gud na med// mtshan nyid bcom ldan bde chen po// rang gi ngo bo ma grub na// rang bzhin lhan cig skyes pa'i phyir// bcom ldan de bzhin gshegs zhes bya// gzugs sogs lhag pa'i ye shes ni// las dang yon tan sngon ldan phyir// rigs kyi rgyal po nyid du brjod// bcud lnga khu ba'i thig le ni// rgyu dang las kyi kha dog lnga// ro dang las dang de bzhin te// rang gi mtshan nyid kun tu snang// mkha' sogs nang gi 'byung ba dang// ye shes 'byung lnga'i las dag gis// bskyed phyir dbyings su brjod pa yin// btsun mo'i dngos por de 'dod do// thig le snod kyi khyad par gyis// til gang lta bur mkha' gang ba'i// dkyil 'khor tshogs chen brjod mi lang// ma skyes mi shigs snying po can// sngon med rol mo sil snyan gar// ma lus kun 'dus rnam par dag/ gnyis med thig le bcud 'dus pas// byang chub sems gnas rang bzhin nyid// mig sogs rang gi thig le ni// las dang ngo bo 'bras bu'i phyir// sems dpa' chen po nyid du brjod// nyes pa zad phyir rdo rje ste// rang gi gnas kyis phye ba yis// gzugs sogs nang phyir snang ba yi// rang gi rtsa bcud bcas pa dang// bde ba skyed phyir btsun mo yin// dus rnams rlung gi go byas te// byams pa la sogs ye shes bzhi// de bde rim par skye ba yang// ting 'dzin dbang du nye bar gsungs// mtha' rnams yul la zhen pa yi// ma lus chos kun rnam par dag/ thams cad yul dang dbang bcas pa// bde ba bskyed pa'i thig le ste/ khams gsum kun gyi gnas rdzogs pa// rten cing 'brel bar 'byung ba'i mthus// rnam shes las 'byung dmigs pa'i tshogs// mtshan nyid rnam pa bzhi dag gis/ dga' dang rjes su dga' ba dang// dga' bral lhan cig skyes pa dang// kun rdzob lugs su 'byung ba dang// don dam lugs las bzlog pa yis// yan lag nyis brgya rgyas 'gyur te// ye shes chen po'i yul mtha' phyin// mchog gi bla ma zhes bya ba// tshad med bzhi gnas snyoms 'jug pa// de dag thams cad mkhyen pa yi// tshul rnams rdzogs pas brtan par 'gyur// thabs lam bde ba'i gnyer dag gis// rtag par rang gi rtog pa bzlos// dngos po rnams kyi ngo bo la// bzlog bya rgyal bas mi gzigs so// thig le zung 'jug bde ba ni// sems mtha' log pas go phye nas// ye shes drug gi yul rnams su// sprul pa'i thig le rang shar ba'o// snang ba mdzad pa bsam mi khyab// chags sogs nyon mongs las rtogs nas// 'dul phyir sprul pa zhes su bshad// sgra dbyangs gsung gi bstan pa la// nyes par bsgrags pa kho na nyid// phung sogs rtog pa 'jig rten kun// log rtog rgyu las snang tsam las// nyi zla bden gnyis las nyid kyis// ma skyes mnyam la gnas 'gyur zhing// phung sogs lha yi dkyil 'khor du// rang snang rig pa'i mngon sum gsal// dus gsum dag tu mi 'gyur zhing// theg 'di thabs kyi rdo rjer bshad// de dag yul rnams mtha' yas pas// thabs las thabs byung 'phrul pa'i tshul// ngo bo nyid kyisa'agrub byed cing// yang dag spyod pas rnam par grol// sangs rgyas kun gyi gsang ba nyid// rnam par rtog par mdor bsags shing// las kyi khams rnams dag byed pa'i// sems dang sems pa'i spyod yul nyid// snying po'i don kun rin chen 'das/ kha dog lnga yi bdag nyid las// srog dang rtsol bas cher 'dzin cing// phyi nang yul kun spro bar mdzad// sangs rgyas kun gyi theg pa 'di// bde stong sbas pas mngon ston cing// grangs can bye brag gdon rnams la// de dag de nyid grol byed pa'i// don mthun bstan pas bshad pa yin// snang ba rgya mtsho chen po bzhin// ma g.yos rang gi ngang las byung// de dag rim par rdzogs 'gyur te// rnam par shes ma gzungs nyid do// de bzhin gshegs pa thams cad kyi// phyag rgya sbas pa'i tshul 'di yis// rab tu rtog bcas grol 'gyur zhing// rang bzhin ngang tshul bzang po'i gnas// rdo rje sems dpa' sgyu 'phrul dra ba gsang ba snying po de kho na nyid rol pa chen po thal ba'i rgyud las/phyag rgya ye shes rjes su bzung ba'i le'u ste gsum pa'o//// de nas rgyal ba thams cad kyis// byin rlabs ngo mtshar bla na med// kun nas mi sgrib dri med cing// yang dag ye shes chen pos grol// de tshe sangs rgyas thams cad kyis// sgyu 'phrul dra ba'i gnas chen po// rgya chen grangs med rigs kyi tshogs// gnyis su med pa'i don gyis ni// gsung gcig tshul gyis bka' stsal zhing// ngo mtshar bshad pa'i gnas la 'jug/ sprul pa'i rang bzhin 'od gsal sku// kun nas sku 'di dkyil 'khor tshogs// tshul lnga rdzogs pas 'bras bu nyid// de nyid rgyu mthun rkyen gyi gzhi// don kun gsol bas rnam dag pas// ngo mtshar yul 'di rmad du byung// chos sku longs spyod rdzogs pa dang// sprul pa rang bzhin 'od gsal sku// ngo bo nyid mchog kun gyi gzhi// de dag rnam par mtshon byed pa// zab mo rgya chen sngags kyi tshogs// yi ge med dang rig pa'i srung// longs spyod rdzogs dang rdo rje dang// yan lag bsam yas tshangs pa'i dbyangs// tshul lnga thams cad don brjod 'di// yangadag mchod pa'i dpal las 'das// rnam par mi rtog ye shes che// kun rdzob cir yang ma 'gags pa'i// thams cad mkhyen pa'i don kun spyod// chos dbyings me long lta bu dang// mnyam nyid so sor kun tu rtogs// bya ba ye shes las chen pos// dus gsum sgrib med gsal mdzad cing// byang chub sems kyi gnas rdzogs mdzod// rnam gsum byin brlabs sbyor ba'i mthus// yon tan tshogs rnams kun la spyod// zhing dang pho brang yon tan dang// longs spyod rgyan dang btsun mo'i tshogs// gdan dang rgyan cha la sogs pa// mi sgrib longs spyod rnam pa lnga// phyogs bcu kun tu ma 'gags pa// rang gi dkyil 'khor rdzogs longs spyod// thabs mkhas phrin las mdzad pa yi// ma 'dres kun tu spyod pa'i tshogs// zhing dang rgyas mdzad dbang drag po// mnyam pa chen po'i lhun grub rdzogs// de dag phrin las rnam lnga yis// don kun bstan pas 'dul mdzad cing// rigs kyi dkyil 'khor kun rdzogs pa'i// mi bzad brgyan gyi 'khor lo yi// kun nas sku gsung thugs kyi bdag/ yon tan phrin las rdzogs pa'i stobs// nyi shu lnga yi bdag nyid can// rigs kyi zhing khams kun sbyaur zhing// sangs rgyas thob ma bsam yas kyis// don dam spros pa chen po rdzogs// 'di ni dkyil 'khor rgya chen po// byang chub sems kyi dngos nyid las// rol pa sna tshogs cir yang snang// rang bzhin ye nas ma bcos pa'i// rigs kyi dkyil 'khor mngon par rdzogs// yang dag ji bzhin rdzogs pa'i mthus// zhing khams chen po grangs med par// rin chen sna tshogs bkod pa'i gnas// sa dang theg pa'i bden rnams la// rigs kyi gtso bo sangs rgyas mchog/ rnam par 'phrul nas kun 'dzem zhing// don kun bstan pas rdzogs pa'i yul// sgyu 'phrul dkyil 'khor mtha' yas rnams// dra ba'i dkyil 'khor mtha' yas rdzogs// longs spyod rdzogs pa'i sku chen pos// kun nas zhing khams chen po'i bdag/ de nas sprul pa'i sku rnams dang// mnyam rdzogs 'khrul pas 'jig rten sbyong// thub pa chen po'i skyes bu mchog/ drug gi gdul bya ma lus dag thabs kyi theg pa sna tshogs kyis// kun nas phrin las rgya chen po// sku gsung thugs kyi rdo rje las// rang gi las bzhin rnam par ston/ yan lag phan tshun snrel zhi dang// spyi gtsug 'jig rten drug rnams su// bcom ldan thub sku bsam yas pas// stong gsum zhing khams gsal mdzad de// 'dul ba rnam pa bzhi dag gis// 'gro ba kun gyi don rdzogs mdzad// kun nas sku yi phrin las dang// gsung thugs yon tan bsam yas pa// de dag snang ba'i sgo mtha' yas// thun mong khyad par mdzad pa'i tshogs// bcu gnyis la sogs brten par bcas// mngon par shes pa'i mtha' yas pa// rab tu zhi ba ma 'dres pa'i// theg pa'i bye brag bsam yas pa'i// so so'i don bzhin mtha' yas rnams// rab tu spyod pa rnam par grol// mi dge bcu las zlog byed cing// tshad med bzhir bcas bsam gtan bzhi// lha dang mi dang rdzogs pa yi// rgya tshogs kun nas ma bsgribs pa// legs bcas sdom pa bzang las 'byung// las kyi bag chags dag byed pa'o// 'khor dang mya ngan 'das pa'i chos// sdug bsngal kun 'byung 'gog pa'i lam// rgyu dang 'bad pa rnam dag pa'i// rgyun zhugs lan cig 'ong ba dang/ mi ldog dgra bcom brtul zhugs mchog/ rang rgyal byang chub rdzogs pa'i lam// rten cing 'brel par 'byung ba'i chos// de nas 'khor ba'i mtha' 'gog cing// mya ngan 'das pa mngon par gnyer// ma rig 'du byed rnam shes dang// ming tshogs gzugs dang skye mched drug/ reg pa tshor ba sred pa dang// len pa srid pa skye rga 'chi// chos rnams mngon par dga' ba'i mthus// 'phags pa'i ye shes zad pa'i pa med// nyon mongs las dang sdug bsngal gyi// cha shas rgyun gyi yul las 'das// yang dag dgra bcom chen po'i sku// dngos med nam mkha' dwangs ba'i mchog/ shes rab snying stobs las kyi mthu// sbyin dang yang dag sbyangs pa'i mthus// rnam par grol bas gzhan rgyud sel// theg pa chen po'i mtshan nyid can// bdag gzhan rgyud rnams grol ba'i gros// yang dag ye shes spyod pa'i spyod// pha rol phyin pa rnam bcu yis// sa bcu ye shes rdzogs mdzad cing// byang chub phyogs kyi chos rnams dag/ ma 'dres gzugs kyi spyad bya ste// yang dag theg pa'i gnas rdzogs pas// 'gro ba thams cad mgron du gnyer// tshad med bsdu ba'i dngos po yis// spyod pa rgya chen 'dzin dang bral// yang dag bsod nams ye shes dag/thams cad rdzogs pas 'bras bu nyid// rgyu yang gsang la 'bras bu'ang gsang// snying po chos kyi don las byung// sku dang gsung dang thugs kyi bdag/ rgyud chen sgyu 'phrul dra ba nyid// phyag rgya'i dkyil 'khor snang ba'i bdag/rdo rje thig le bla med pa/ rnam dag sgyu ma'i tshul gyis ni// ma lus kun 'dus rdzogs par 'gyur// rang bzhin rnam dag de bzhin nyid// thams cad gnyis med mnyam par rgyud// zung du 'jug pa mtshan nyid can// phyogs rnams gang gis brtags byas kyang// yang dag don kun dmigs dang bral// ma lus bde ba chen po'i dbyings// rang bzhin gcig tu rdzogs pa la// rnam par bkod pa ci zhig 'grub// bya ba med las bya ba'i tshul// bden pa gnyis su dbyer med par// 'di dag sangs rgyas theg pa'i chos// lha mi stobs ldan la sogs kyis// rgyur bcas lam las rnam grol bas// 'bras bu rig pa 'dzin pa'i mchog/ chos rnams kun gyi rgyu nyid de// de dag 'bras bu bzang po'i tshul// snying po'i don kun rdzogs pas na// ma lus kun 'dus gtan la 'bebs// ji snyed theg pa bsam yas pa// de dag gsang ba snying po'i gzhi// don kun ngo bo dag pa yi// de nyid nges par rmad du byung// de ltar bstan pa sna tshogs pas// ma lus chos rnams yang dag rdzogs// rang bzhin ye shes dkyil 'khor gnas/sngon 'byung 'khrul pa'i tshul du gnas// dus gsum kun tu 'gyur med cing// yang dag mthar thug gnas rdzogs pas// dkyil 'khor bstan pa'i ngo bo nyid// zhes gsungs so// rdo rje sems dpa'i sgyu 'phrul dra ba gsang ba'i snying po de kho na nyid rol pa chen po thal ba'i rgyud las/rang bzhin dkyil 'khor bstan pa'i le'u ste bzhi pa'o//// de nas ting 'dzin chen po yi// dgongs pa'i don kun mnyam pas na// chos rnams ji ltar gnas pa yi// ting 'dzin ye shes bstan rdzogs mdzad// de tshe 'khor gyi gtso bo dag/ rab tu gus pas gsol 'debs shing// snga ma'i don chen las byung bas// rang gi ye shes 'dri bar byed// rgyal ba thams cad mkhyen pa'i gtsos// dgongs pa'i don kun mnyam rdzogs par// thugs rje chen po'i rkyen slong zhing// ma lus 'jug pa'i don bzhin bstan// phyi nang chos rnams thams cad kun// sems nyid ye shes dag pa'i dngos// yul dang dbang po rnam shes dngos// phyag rgya'i dkyil 'khor rdzogs pa nyid// thams cad dngos kun rnam par dag/ byang chub sems kyi ting 'dzin ni// chos rnams kun gyi rang bzhin te// de dag rang gi chos rnams kyis// sprul pa'i yul las rnam par 'das/ kha dog dbyibs sogs ma skyes par// de dag mtshan bcas dpag tu med// ting 'dzin rgyal po chen po yi// pha rol phyin mchog stobs rdzogs par// sangs rgyas kun gyi ye shes te// de nas chos kun lam las skyes// dngos dang 'jug pa'i mtha' bral bar// thig le mi shigs brtan pa'i dngos// rin chen sna lnga'i 'od zer can/'byung 'jug gnas las kun skyob cing// g.yas g.yon phreng ba'i tshul bzhin bsten// lam gyi yan lag brgyad rdzogs bskyed// mkha' dbyings sprin las char gyi rgyun// glog gi phreng ba 'od dang bcas// sangs rgyas theg pa bla med pa'i// bye brag can gyi tshul 'jug pa// de dag don kun rdzogs gnas pa'i// rang rig stobs skyes grol bar 'gyur// gang du dri ma med pa yi// nges pa'i mdzod nas snying po las// 'od zer sna lnga'i rgyun 'jug pa// thabs kyi yan lag rnam bdun gyis// me tog phreng ba'i tshul bzhin du// bskor ba'i phyag rgya yan lag bzhi// gnyis sbyor thabs dang shes rab ste// dbyangs dang gsal byed las 'phros pas/khams gsum yi ge'i dkyil 'khor nyid// thig le rgyal po mi shigs pas// yang dag brtan pa'i ngo bor brtag/ 'od 'bar yi ge 'bru lnga yi// rang gi mtshan ma'i gnas rgyas shing/khams gsum spyad pas rnam grol mdzad// sangs rgyas byang chub sems rnams kyis// thabs 'di sgyu 'phrul dag pa'i dngos// yan lag bdun gyi snang ba las// yan lag bdun gyi 'bras rdzogs 'gyur// rang gi ye shes brtan byas pa'i// phyag rgya sngags kyi rgyud ldan pas// phyogs mtshams bla 'og kun gsal zhing// dkyil 'khor gnas rnams brtan par 'gyur// yang dag bsod nams ye shes tshogs// rab tu sbyangs pas stobs rdzogs te// dam pa rgya chen mtha' yas pa/ khyad par sngags pa'i rgyud kyis 'jug/ phyogs rnams kun tu bkra shis pa// nye reg 'thor 'thung sngags kyi chu// rig pa'i khro bo khro mo bcas// byin rlabs phyag rgya sngags kyis sbyang// thams cad rnam par dag pa nyid// mtshan bcas mtshan ma med pa'i dngos// oM mahA kro ti sho ri sarba dra byaM shwa d+ha ya A+oM AHhUM/ rigs kyi me tog sngags dang bcas// rigs kyi tsan dan bdug pa'i spos// phyogs bcur rnams par spror byas te// brtan par bkra shis byin rlobs 'gyur// bde gshegs kun gyi sbyor ba yis// lhag pa'i dkyil 'khor brtan byas te// sku gsung thugs kyi byin brlabs dang// rigs kyi dbu brgyan mtshan bcas pas// rnam gsum sems dpa' 'khor lo yis// thams cad kun rgyud rnam par dag/ ma lus dkyil 'khor tshogs bcas pa// thugs rje sngags kyis bskul mdzad pa// yang dag spyan 'dren brtan par gnas// oM AHhUM badzra sa ma ya swA hA/ ta thA ga ta sa man dza hUM/ thugs rje chen po'i bdag nyid kyi// dkyil 'khor kun nas brtan pa dag/ dam tshig pho brang gnas pa bor// rim par gdan byas brtan par bzhugs/ oM thugs rje chen po'i byin rlabs gyis// gsang ba'i theg pa bla na med// don 'di yang dag sbyor ba'i mthus// mgon po nye bar brtser dgongs mdzod// e ha ya hi ba ga ban ma ha ka ru ni ka dr-i She ho/ sa ma ya staM/ rdo rje khro bo rnam spros pas// phyogs bcu'i bgegs rnams bcom mdzad de// mtshon cha me ltar 'bar ba'i tshogs// mngon par 'dod pa'i gnas su sprau// bskal pa'i mthar thug tshar bcad cing// ma rung pa rnams gshegs pa'i mthus// phyi yi rgya mtsho chen po mthong// rdo rje la sogs sa gzhi la// ra ba gur dang dra bar 'gyur// yang sprul mtshon cha'i tshogs dang bcas// me 'od 'bar ba 'khrigs pa yi// oM badzra dz+wa la rat+na maN+Dal la b+h+ruM/ sangs rgyas kun gyi bdag nyid kyi// mgon po dkyil 'khor brtan pa'i dngos// yang dag sku'i dkyil 'khor nyid// mtshan ma'i 'od phreng rgyan gyis brjid// rigs gcig rigs gsum rigs lnga dang// rigs drug rigs dgu nyi shu lnga// rgya chen phyi yi nam mkha'i dbyings// rnam par snang mdzad 'khor lo mtshon// gser mdog zhal gsum phyag drug pa// g.yas dkar g.yon ni dmar ba'i mdangs// 'khor lo rdo rje rin chen dang// dril bu pad+ma ral gris mtshan// rigs kyi dkyil 'khor gzhan rdzogs par// rnam gsum sems dpa'i bdag nyid la// 'khor lo oM yig gsang ldan pa// gsang sngags phreng bas mdzes pa yin// bzlas brjod thig le phra mo yi// tshogs dang rigs sku spro zhing sdud// de bzhin gshegs pa'i gnas chen por// yan lag lnga yis rdzogs byas te// dngos grub dkyil 'khor brtan par gnas// 'dod chags chen po'i gnas 'jug pa'i// gsung gi pad+ma gsal ldan par// pad+ma rA ga'i 'od gsal zhing// dam tshig 'khor lo rnam par bsgom// zhal gsum phyag dang drug pa ste// sngo dang dkar po bzhin rgyas pa// kun nas 'od zer phreng bas bklubs// sems dpa' gsum gyi bdag nyid can// gsang sngags phreng bas 'khrigs pa yi// 'od 'phro 'bar ba'i dkyil 'khor nyid// gcig dang gsum la sogs pa'i bdag/ lhag par mos pa'i gnas bsgom ste// pad+ma a yig mtshan ldan par// thabs dang shes rab phreng ba'i gnas// dbang po thig le rdzogs pa nyid// 'od phreng sngags kyi rnam pa yis// phra mo rdzogs pa'i bar du bsgom// gnyis med ye shes rnam grol bas// gsung gi dkyil 'khor brtan par 'gyur// thugs mchog rdo rje sems dpa' nyid// dkyil 'khor rgyas pa'i gnas su ste// mtha' yas dkyil 'khor rgyas pa'i bar// rten dang brten gnas mnyam sbyor zhing// phyag rgya mtshan ma sna tshogs dbul// mgon po zhal gsum phyag drug pa// mthing ka dkar dang dmar ba'i 'od// rdo rje la sogs mtshan pa'i tshogs// sems dpa' gsum gyi mtshan nyid can// thig le phra mo'i cha rdzogs par//bzlas pa'i yan lag ma nyams par/ rigs kyi dkyil 'khor bstan par mdzad// kun nas yon tan rdzogs par mdzad// rin chen gnas kun mngon par rdzogs// de nas pho brang brtan pa'i dbus// dkyil 'khor bye brag mtha' yas kun// ma lus 'dul ba gtso bo nyid// zhal gsum phyag drug rgyan gyis mdzes// sngo dang dkar dang dmar ba'i 'od// rin chen la sogs mtshan mas brgyan// sems dpa' gsum gyi bdag nyid can// rin chen gnas 'bar sa yig la// 'od bcas phreng ba'i rgyan gyis brjid// phyag rgya chen po'i snyoms zhugs pa'i// yang dag chos sku bde ba spro// thig le phra mo'i gnas rdzogs pas// grangs bcas mtshan ma rdzogs byas te// bzlas brjod rnam par sbyangs pa'i mthus// rin chen dkyil 'khor brtan par 'gyur// yon tan chen po'i bdag nyid du// ma lus kun 'dus rdzogs par gnas// phrin las mtha' yas khyab pa'i tshogs// las kyi rigs kun rdzogs pa yi// gtso bo don yod grub pa nyid// rang gi dkyil 'khor gnas bzhugs te// zhal gsum phyag drug brjid pa'i sku// ljang sngo g.yas g.yon dkar dang dmar// rgya gram la sogs mtshan mas mdzes// rigs kyi dkyil 'khor mtha' yas pa// sems dpa' rnam pa gsum ldan zhing// sna tshogs rdo rje ha yig las// g.yas g.yon thabs dang shes rab rgyas// phyag rgya'i dkyil 'khor kun ston pa'i// thig le 'phro ma cha rdzogs pa'i// ji srid dkyil 'khor brtan byed pa'i// mtshan ma'i ting 'dzin rtags ldan pas// bzlas brjod la sogs brtan pa'i tshogs// don kun mtshan ma med pa'i tshogs// cho ga stobs rdzogs dpa' bo che// mi shigs yan lag brtan byas pas// dngos grub don du gsang ba'i mthus// mdun gyi dkyil 'khor la bstan te// kun nas phyag 'tshal mchod 'bul zhing// rgyun bshags rjes su yi rang dang// chos kyi 'khor lo bskor mdzad de// mya ngan mi 'da' brtan par gnas// yang dag byang chub lam la gnas// phyogs rnams kun nas lus 'bul zhing// rjes su gnang ba'i bka' thob nas// de dag spyod pa rgya chen po// ma lus 'gro gnas la lta ste// sdug bsngal thams cad gsal byed cing// bde ba'i tshogs rnams bsgrubs byas nas// thar pa mya ngan 'das pa'i don// don rdzogs btang snyoms chen po'i dbyings// yang dag bsod nams rgya chen pos// mi dmigs rtogs pa'i ye shes ni// 'khor gsum yongs su dag pa nyid// ye shes tshogs kyi gnas yin te// gzhi rtsa mtshan ma kun dang bral// phyi nang yul kun ma skyes pa'i// thams cad gnyis med byang chub sems// ma lus don mchog gsang ba'i gnas// 'gro ba khyab pa'i thugs rje nyid// rang bzhin rang gis rnam par dag/ thams cad mtshan nyid rdzogs pa yi// rtog gsal rig pa'i ye shes nyid// mun la snang 'gyur 'od kyi tshul// sangs rgyas kun gyi bdag nyid kyi// ye shes stobs rdzogs kun tu bzang// glo bur sprin gyi tshogs dwangs pas// nam mkha'i 'od bcas gsal bar snang// dkar po zhal gsum phyag drug pa'o// g.yas dang g.yon gyi sngo dang dmar// rdo rje 'khor lo rin chen dang// dril bu pad+ma ral gris mtshan// dbu rgyan mgul chun do shal dang// snyan cha phyag zhabs gdu bu'i phreng// ral pa 'bar ba'i thor tshugs can// na bza'i 'od zer mtshan dpe mdzes// nyi zla'i dkyil 'khor brtan pa la// rigs bcas yum sbyor brtan pa'i gnas// sku gsung thugs kyi phyag rgya dang// ye shes sems dpa' sngags dang bcas// thugs ka'i 'od zer phreng ba yis// ma lus dkyil 'khor rgya chen tshogs// stong gsal nam mkha'i rang bzhin las// rlung gi dkyil 'khor rgya chen gdams// de yi dbus su rgya chen nyid// 'byung chen gser gyi sa gzhir bcas// kun nas me 'od 'khrigs pa'i dbus// 'og min gnas mchog rim bzhin chags// 'khor lo chen po'i sa gzhi la/khang pa gru bzhi rnam par brjid// phyi rim ra ba bzhin 'khrigs pa// theg pa kun gyis brgyan pa yi// rta babs bzang po rim gyis brtsigs// rnam thar brgyad kyi bdag nyid can// sangs rgyas theg pa bsam yas pa'i// pra ti phreng bas bsam yas pa// theg pa bzhi yi 'jug sgo nas// tshad med bzhi bcas phrin las rdzogs// rin chen dra ba dra phyed dang// shar bu phye ma'i phung pos brgyan// gdugs dang ba dan rgyal mtshan sogs// rdo rje rin chen mtshan ma'i nang// zla phyed rdo rje'i mi 'jigs stobs// 'dod yon lha mo phyogs bcur 'khrigs// lhag pa'i ye shes rin po che// nyi shu rtsa lnga'i rtags rnams kyis// rang gi dkyil 'khor mdzes byas pas// phyi dang nang med gsal ba'i mchog/ dbus kyi pho brang ngo bo nyid// ye shes lnga yi don rdzogs shing// theg pa chen po'i tshul nyid brnyes// rdo rje 'khor lo phyag rgya'i tshogs// ka ba gdung bcas dra ba dang// dbu rtse nor bu bzang pos mdzes// rdo rje la sogs mtshan ma la// zla phyed rdo rje mi 'jigs sogs// 'od kyi dkyil 'khor 'bar bas brgyan// mngon par 'phags pa'i gnas rnams su// rin chen 'bar ba'i khri steng la// mi 'jigs bzhi dang stobs bcu dang// rdzu 'phrul bzhi gnas dbang bcus brgyan// thogs med grangs chen tshon rtsi lnga// 'od gsal thabs dang shes rab la// ma chags chu skyes rnam par dag/phyi rol byang chub sems dpa'i gnas// rnam gsum 'od kyi dkyil 'khor ldan/ khro bo rdo rje brag chen rnams// thugs kyi nyi ma'i dkyil 'khor nyid// rang gi dkyil 'khor sa gzhi la// 'od 'bar phreng bas 'khrigs pa'o// gtso bo chos kyi sems dpa' nyid// dbus kyi dkyil 'khor gnas bzhugs te// phyogs bcu'i rgyal bas mnyes mdzad cing// kun gyi byin rlabs brtan par gnas// chos rnams thams cad rnam dag pa'i// ting 'dzin ye shes rgya chen po// ma lus mtha' dag nyid kyi dbyings// byang chub sems nyid gzugs bstan te// dang po'i yi ge las byung ba// 'od gsal kun nas rgyal ba dag/dbyangs kyi phreng bas nye bar brnyes// kun tu rnam par 'phros pa'i mthus// de dag phrin las bstan mdzad cing// mtshan bzang sum cu rtsa gnyis rdzogs// phyogs bcu'i dbyings rnams bsdus byas te// rang gi dkyil 'khor brtan par gnas// gnyis 'gyur phreng bas rnam par dag/ 'od zer rgyun gyi mdzes pa 'o// thugs rje chen po 'od gsal ba// gnyis pa'i yi ge sder bcas nas// rten dang brten pa'i gtso 'khor tshul// 'od 'bar kha dog lnga yi mdangs// ma lus spros pa sngon bzhin du// sangs rgyas dpe byad bzang po'i tshogs// gnyis 'gyur thabs dang shes rab ste// g.yo ba'i tshul bcas gong bu nyid// sna lnga'i phreng bas kun nas 'khrigs// gsung gi sa bon rdzogs pa las// thugs kyi phyag rgya 'bar ba'i tshul// gsang sngags yi ge phreng ba dag/ thams cad kun nas gnas rgyas pas// de dag dkyil 'khor rdzogs par mdzad// gsang ba gsum gyi 'od zer gyis// snying po'i dkyil 'khor brtan par 'gyur// rab tu rdzogs pa'i ye shes nyid// rang gi sngags kyis brtan byas pa'o// yongs su rdzogs pa'i phyag rgya che// thams cad gnas kun snyoms 'jug pas// gtso bo thub pa chen po'i sku// rab tu rdzogs pa'i bzhin rgyas pa'o// kun tu bzang po'i spyod pa gang// rab tu rdzogs pa'i ye shes nyid// thig le la gnas thig le'i mchog/thig le chen po mnyam ldan pas// byang chub yan lag rnam par 'phro// tshul rnams bgrod pa med pa'i lam// thabs dang shes rab rgyas pa yi// rdo rje rnam bzhi dag pa'i tshul// rab tu sbyangs pas sangs rgyas mchog/de ltar bsnyen pa'i dkyil 'khor gyis// rigs kyi dkyil 'khor che gnas sbyor// sangs rgyas kun dang gcig pa'i blos// nye bar bsnyen pa'i rgyun ldan zhing// byang chub sems kyi yi ge nyid// rang gi gnas su rdzogs byed pa'o// de dag goms par gsal ba dang// mi shigs thig le brtan par 'gyur// sangs rgyas kun gyi sku gsung thugs// thabs rnams sgrub pa'i phyag rgya nyid// mngon sum rigs kyi sku sbyor zhing// sa gzhi khyad par sbyor mdzad pas// rdzu 'phrul theg pa gzhan rgyud sel// yang dag sgrub pa chen po'i mchog/ rtags kyi phyag rgya gnyis med tshul/ khams gsum gnas rnams rdzogs byed pa'i// phyag rgya chen po'i rigs kyi bdag/theg pa'i mtha' rnams ma 'gags par// kun 'byung gnas kyi cho 'phrul nyid// yid bzhin nor bu rin chen mchog/ phyogs bcu kun nas bsngags pa'o/ rgyal ba kun gyi gnas rdzogs pa'i// sna rtse'i thig le rin chen lnga// dbang po drug gi yul dang ldan// yan lag grangs dang bgrang 'das par// mtshan ma rnam pa bzhi ldan zhing// ji srid brtan pa'i gnas su gzhag/ byang chub sems kun rdzogs pas na// bcu drug cha shas grangs las 'das// mi ldog gnas kyi ting nge 'dzin// nyi zla'i dkyil 'khor kha sbyar ba'o// rim bzhin dbang po drug gi yul// spro dang bsdu ba'i yan lag gis// gsang sngags phyag rgya kun rdzogs par// rigs gcig gsum dang lnga la sogs// thabs kyi yan lag bsam yas zhing// zhing khams gnas kun dag par byed// rdo rje 'khor lo rin chen dang// pad+mo mtshan bcas ral grir bcas// 'od zer sna lnga'i phreng ba nyid// kun nas 'khrigs pas sngags dang bcas// gsang gsum dam tshig ye shes che/ kha sbyor thig le la rdzogs pa'i// phyag rgya gsang ba'i yi ge mchog/bdun 'gyur drag po'i gsang tshig bcas// ma ni gnas las grol ba yis// rang gi phyag rgya thams cad pas// rin chen ga'u'i bcud rdzogs te// nyi zla'i dkyil 'khor dbab par 'gyur// gnas dang gnas min gsang ba'i yul// phra mo sems kyi ting 'dzin gyis// tha snyad thams cad 'gog byed cing/ khams gsum skye 'gro rnam par dag/ yang dag 'brel pas rnam par dag/ yang dag 'brel pas goms pa dang// brda' yi ming tshig sum cu gnyis// thig le 'od zer sna tshogs dang// rab tu zhugs pas bde chen dbyings// ji srid brtan par gnas pa'i dus// kun 'dzin yi ge sdom byed cing// dbab dang bskyil dang spro ba dang// slar bsdu yang dag ye shes gnas// thabs dang shes rab snyoms zhugs rnams// nyi shu rtsa lnga'i bye brag rdzogs// don kun gsang ba'i de bzhin nyid// byams pa chen pos gzhan rgyud sel// gcig pur rus sgral skam sogs bzhin// gnyis med 'khril ba'i cha lugs dag/ gnas mthar dbang pos gzhan du bskur// rigs kyi dkyil 'khor rang nyid kyis// phyag rgya bde ba mtshan ma bcas// nyon mongs gnas kun grol byed pa// sgyu ma'i dpe brgyad ye shes nyid// dngos po sangs rgyas bzang po la// rigs rnams rdzogs pas dbu brgyan cing// thugs kyi dkyil 'khor rnam par bkod// me rlung sbyor bas bskyal byas te// thig le 'od zer gyen 'bar bas// smin byed khyab par bde ba'i mchog/ rang gi gnas su rnam par 'khril// sprul pa'i 'khor lo cha rgyas pa// 'od 'bar chags pa'i ri mo can// oM yig sngags kyi phreng bas mdzes// drug cu rtsa lnga gnas rnams su// bde chen thig le'i tshul bzhugs shing// de ming bde ba'i sgra dang bcas// thabs kyi tshul ni rnam par dbab// chos kyi 'khor lo hUM yig rdzogs// dkar ser 'od zer sna lnga'i mdangs// gnas brgyad yi ge'i phreng bas mdzes// shes rab brgyad gnas ye shes rdzogs// byams pa chen po'i don kun ston// de dag skye dang 'gag pa dang// yang dag sbyangs pas kun grol zhing// gnyis med ye shes rton pa'i tshul// sgra rnams brjod pa'i tshul 'das pas// gsang gsum dam tshig sngags kyi gnas// bcu drug bdud rtsi 'dzag pa yi// dkar dmar 'od zer phreng ba can// oM yig sngags kyi yi ges brgyan// kun 'byung rdzogs pa'i yi ge ste// spro dang bsdu ba dag gi tshul// mi 'gyur brtan pa'i thig le nyid// haM yig sngon po byang chub sems// zla ba'i dkyil 'khor la gnas shing// kun da dung gi 'od gsal mdangs// sum cu rtsa gnyis yi ge'i tshogs// 'khor lo'i gnas la snyoms 'jug cing// rang gi dkyil 'khor brtan byed pa'o// dga' dang rjes su dga' ba dang// dga' bral lhan cig skyes pa yi// yan lag cha shas kun rdzogs pa'o// gnas skabs chos kyi bye brag gis// dngos grub phrin las brtan byed cing// 'dod pa'i yul kun rnam par sbyor/ tha dad tshogs rnams dag pa yi// ye shes bcu drug rim gyis rdzogs// g.yas dang g.yon gyi sbyor ba las// A li kA li'i gnas rdzogs te// nyi zla'i 'od zer spro ba dang// rab tu goms pas dkyil 'khor rdzogs// bde chen sdig bral gzungs su gnas// mtshan nyid ji bzhin tshul 'jug pas// phyag rgya'i thig le'i 'bebs par byed// nyi dkyil rdo rje la gnas pa'i// hUM yig 'od 'bar rin po che// cha shas rdzogs pa'i sku yi dbyig/ snying po sa bon gsang bas mtshan// pad+ma a yig las byung ba'i// gru gsum chos kyi b+ha ga bzang// ge sar ze 'bru'i snying po can// rten 'brel ho yig mdzes par gnas// g.yas dang g.yon gyi sbyor ba las// ma lus chags pa chen po'i dngos// dam tshig chags pa'i brdas bskul zhing// phyag rgya bzhi yis snyoms 'jug pas// yang dag ye shes rdzogs par sbyor// nyi zla dus gcig 'char ba yi// rigs kyi dkyil 'khor gsal bar rdzogs// sangs rgyas thams cad mchod byed cing// yang dag rdzogs pa'i gnyis su med// 'gro rnams rgya chen ma lus dag/ dbang bskur rnam par dag pa'i mthus// rigs kyi dkyil 'khor rgyas pa nyid// rnal 'byor chen po gsal bar mdzad// pho brang bdun bcas yang dag rdzogs// shes rab thabs ni phyag rgya las// rigs rnams dkyil 'khor brtan gnas shing// cho ga rnam pa gsum dag gis// thar pa chen po'i grong khyer mchog/rang bzhin rigs mchog lhun gyis grub// phyi rol 'gro ba'i gnas spros te// zhing khams chen po rnam par dag rigs kyi bdag po de nyid bzhin// 'bras bu rdzogs pas dkyil 'khor che// thams cad gcig tu bsdus pa yi// cho ga rdo rje brtan pa'i bdag/ gsal byed A+oM yig las 'phros pa// sna tshogs sku yi dkyil 'khor rnams// bde bshegs kun gyis gnas 'jug cing// rigs kyi sku gnas rdzogs par mdzad// rnam dag pad+ma'i 'od zer gyis// phyogs bcu'i rgyal ba mnyes mdzad cing// byang chub sems tshogs rnams bsdus te// gsang ba'i phyag rgya dkyil 'khor nyid// 'dod tshogs gsung gi dkyil 'khor las// thugs rje'i nyi ma rnam par 'phro// rig pa'i dngos grub bzang po dag/ byang chub sems kyi brtan par byed// gnas lnga'i dkyil 'khor rdzogs pa las// mtshan ma lags so 'od bcas la// ming gnyis brtan pa'i sngags kyis brgyan// rigs lnga'i dam tshig brtan par 'gyur// byin rlabs kun nas rdzogs pa yi// ye shes lnga yi don mtshon cing// rnam par grol bas brtan byed pa// de dag sangs rgyas theg pa'i mchog/ rang nyid chos kyis rdzogs par 'gyur// ji srid dkyil 'khor rnam gnyis dag/ phyogs kyi cha shas rnam phye ste// bye brag yul kun sbyor byed pas// rnam par grol ba'i dngos grub nyid// ting 'dzin rnam pa lnga dag gis// sangs rgyas kun gyi yul bcas sbyor// dbang bskur byin brlabs rdzogs byas te// rigs kyi bdag pos nye bar mdzes// thun mong bzlas pa'i yan lag nyid// dkyil 'khor kun tu byin brlabs pa'i// de dag sems dpa' gsum gyi mdzes// yi ge dpa' bo 'bru lnga'i sngags// 'od bcas 'khor lo'i rnam pa bzhin// ji srid mtshan ma'i rtags ldan par// sku gsung thugs kyi phyag rgya'i gzung// brtan par ma 'gyur mi gtang zhing// gsal zhing rdzogs pas kun tu spro// ji ltar 'dod pa'i yul rnams kun// cho ga 'di yi rdzogs par 'gyur// de dag lha rnams kun gyi gnas// rab tu rdzogs pa'i 'khor lo'i tshul// gsang sngags rgyal po phreng ba'i bdag/ gnas gsum phyag rgya'i gnas rdzogs par// myur dang bul ba la sogs spangs// don bzhin brtsams pas dngos grub mchog/ rang gi lhag pa'i lha gnas dag/yang dag sbyor bas bstan pa nyid// sku dang gsung thugs rdo rje'i mchog/ yon tan phrin las gnas rgyas par// phyag rgya bzang po gnas lnga la// sa bon sngags ni phreng bas brgyan// rigs lnga'i bzlas brjod brtson ldan pas// rigs bsam gcig par rdzogs byas te// nor bu gang bar gyur pa dag/ pad+ma'i gnas su yang dag spro// spyi gtsug la sogs gnas lnga dag/ 'khor lo phreng ba ji bzhin par// yang dang yang du sbyor ba bya// las kun dang po las sbyor ba// dang po'i sems tsam spyad pa ste// dang po'i mtshan ma rdzogs kyi bar// yang dang yang du bslab par bya// rim gyi ye shes las sbyar te// ci zhig dbang dang yang dag dbang// shin tu rnam par grol ba'i mthus// rang gi bsam gtan las spyad cing// yul grogs rten gyi bye brag kun// rim gyis sbyor ba'i stobs kyis gsal// mtshon pa'i bzlas pa sna tshogs dag/mtshan bcas rgyud kyi rim bzhin te// yang dag rdzogs pa'i byang chub tu// thams cad gnyis med sbyor bas grol// de dag cha shas las 'das pa'i// ming gnyis bstan pa'i ting nge 'dzin// 'byung 'jug gnas pa'i rtsol ba las// rin chen sna lnga'i phreng ba dag/ 'khor lo rgyun gyi mnyam rdzogs pas// lnga dang bcu dang nyi shu dang// nyi shu rtsa lnga sum cu sogs// nyi khri chig stong bye ba'i bar// grangs ldan grangs las 'das pa yi// cha shas thig le mtshan ma nyid// 'byung ba rnam lnga ye shes che// drug pa rdzogs pa sku gcig tu// gnas dang kha dog nyi shu lnga// rten dang grogs kyi bye brag gis// dus tshod kha dog dbyibs dang brgyan// nyin dang mtshan mo'i bye brag bzhin// 'brel dang 'khril ba'i cha shas kyis// 'khor nas mya ngan 'das pa bskyed// de dag bar du rdzogs pa'i mthus/ khams gsum yul ni gsal mdzad cing// gso dang sprul pa sna tshogs pas// thog ma tha ma med pa'i dbyings// zag pa med pa'i ye shes nyid// ma lus yul kun rnam dag rdzogs// de nas phyag rgya chen po'i sku// 'khor dang myang 'das gnyis su med// rab tu grol ba'i bde chen mchog/ rgyal ba kun gyi ngo bo nyid// shes rab che dang thabs chen po// cha shas rdzogs pas gnyis med par// 'od gsal thig le mnyam pa'i dbyings// 'gog pa'i cha shas rnam par dag/zung du 'jug pa'i mtshan nyid do// dngos kun rang gi ngo bo las// rab tu brtags pas gzhan gnas 'joms// de dag tha dad gnyis med sems// byang chub sems kyi ting nge 'dzin// zhi ba chen po'i rgyal ba rnams// de dag yul bcas las 'das zhing// don 'di bstan pa'i bdag nyid kyis// phyogs dus ma lus nye bar sbyor// rang bzhin dkyil 'khor rdzogs pa dang// ye shes chen po gsal 'gyur zhing// phyag rgya sngags bcas ting 'dzin gyis// bskul zhing gnas nas spyan 'dren te// dam tshig phyag rgya brtan par byed// mnyes pa'i mchod pa sna tshogs dag/ phyogs rnams kun tu rab spros te// dkyil 'khor gnas su brtan bzhugs gsol// ma lus yul kun rdzogs byas te// sku khrus gdan bcas bkra shis mchog/ gnyis med 'dud pas phyag 'tshal zhing// phyag rgya bzhi gnas brtan par byed// phyi nang gsang ba'i mchod pa dang// lha mo rol bcas gnyam par sbyor// bstod tshig dbyangs kyis gsol gdab cing// dngos grub tshogs gnyis rdzogs par bskul// ye shes dkyil 'khor rdzogs byas te// gnyis su med par mnyam par sbyor// phyag rgya cho ga brtan par bya// mtha' dbus med par khyab pa yi// sku dang gsung thugs bsam yas kun// so so'i zhing khams rdzogs pa'i mchog/ phyag rgya'i ting 'dzin bstan pa 'o// rang snang sku yi dkyil 'khor la// rang bzhin gsung gi dkyil 'khor nyid// g.yas dang g.yon gyi dbye ba yis// sde can brgyad du phye ba dang/ khyab 'jug la yang de bzhin te// rim par bgrod pa rang snang bas// 'jig rten dag ni ma 'das pa'i// ji snyed bsgyur ba'i sgra rnams 'byung// rgyal ba bzhi bcu rtsa lnga yi// ngo bo nyid du'ang nges pas na/ khu ba rtsa yi gzugs dag gis// sku gsung thugs dang ye shes lnga// ma btsal lhun gyis grub pa yi// gru dbyibs b+ha gar sna tshogs 'dus// las dang ngo bo dag pa nyid// sangs rgyas rin chen za ma tog/ byin brlab skyob phyir sngags su brjod// rig pa thabs kyi phyag rgya ste// rang bzhin med pas shes rab yin// thams cad mi 'gyur rgyas 'debs pa// yul kun gsang ba'i phyag rgyas 'debs// bdag gzhan ngo bo mi dmigs pas// thams cad yul kun rnam par grol// rang bzhin med pas shes rab yin// rang 'byung ye shes rdzogs par 'gyur// de nyid dwangs ma'i ye shes lnga// ma rig gnyid sogs bzhi pa dang// mi phyed phrag dog rdo rje'i sngags// dbyings su brjod pas rab dga' brjod// las kyi bde bas bsgyings pa ni// chags pa'i dam tshig tshul bzhin no// slar yang lan gyis 'brel ba ni// gnyi ga dges pa'i mchog tu bshad// ha dang si yi bde sgra dag/ bdag gis chags pa thob pa yi// shin tu bskyod pa'i bde ba nyid// kun nas bskyod pas rlung zhes bya'o// thams cad gsal ba rnam par nyon// ma lus mnyes pa'i sngags dang bcas// kun tu tshor bas rtog byed cing// yang dag myong ba chen po'i yul// don kun ston pa'i gnas rdzogs par// rab tu snyan pa'i sgra dang bcas// dri zhim yul kun gsal ba yi// myong ba'i dbang po dngos bdag nyid// gnyis 'dres 'dzin par bya ba ste// de nyid phye ba las phyung ba// mi rtog bsdus pa'i ngo bo nyid// bdag po'i zhal du thim par 'gyur// shin tu bsdams pa'i rim byung ba// gsal ba'i ye shes bde ba yi// kun gsal brjod pa sgra yi tshul// gnyis med thugs su shes par bya// rnam shes gsum 'das rdo rje ni// ye shes lnga rdzogs thugs nyid de// dbyings gsum yan lag 'dus ma byas// rab tu de bzhin gnas ma gyur// ma rdzogs pa yi ting nge 'dzin// shes rab dbyings la phyag rgya'i sku// grags pa kun bdag gsang sngags te// mi shigs thig le brtan pa'i mchog/ rang gi dkyil 'khor kun rdzogs pas// phyag rgya gsang sngags bsdu ba'i tshul// byang chub sems sogs bde ba'i rgyun// gnyis su med par bstan pa 'o// ma lus dgug cing gzhug pa dang// mnyes bsdebs brtan pa'i las dag gis// sku gsung thugs mchog rdzogs byas te// phyag rgya'i don kun gnyis su med// mi bskyod byed pa'i yud tsam bcas// rdo rje 'dzin pa'i phyag rgyar ldan// byams pas snying po de bzhin no// gzhan dag rang gi phyag rgya ste// gshin rje gshed la rtag par bshad// thugs rje rdo rje 'dzin 'chang ba// zla dang spar bas dbang po che// gnas gsum khyab 'jug yi ge las// 'od zer 'phro ba'i ye shes las/ khams gsum byin brlabs gzi byin bsdu// rang bzhin rdo rje gsum gnas pa// rgyu gnyis tshul gyis rang snang ba'i// lte ba rnam gnyis zla ba las// sngo ljang yi ge ha sa gnyis// rjes mthun 'od bcas yon tan las// yan lag rdzogs pa'i gzi byin ldan// mtha' dang dbus med de bzhin nyid// bsam zhing brjod bral rig pa'i gsungs// rnam pa lnga yi sngags dag gis// byang chub rdo rje gnas su zhi// ming tshig ye shes mngon par ston/ sgyu 'phrul dra ba'i ye shes kyis// dkyil 'khor kun tu mngon rdzogs 'gyur// rigs kyi 'khor lo ma lus pa// phyag rgya chen po'i cha lugs dang// rang gi rtags kyi me 'bar mdzes/ khams gsum rnam par rdzogs par byed// de dag yul kun rnam pa yi// sku yi dkyil 'khor rgya chen po// 'dul ba'i rigs kyi 'khor lo sgyur// brjod pa'i gsang sngags phreng ba rgyun// gsung gi phyag rgya chos kyi gnas// rtsa sngags snying po'i sngags rnams dang// nye ba'i snying po rig pa bcas// dam tshig phyag rgya ston byed pa'i// rdo rje bcings pa'i khyad par las// rigs kyi ye shes 'phro zhing 'du// brten byed ye shes kun gyi bdag/ kun tu las rnams thogs med pa'i// de dag phrin las kun gyi gnas// las kyis tshogs rnams rdzogs byed pa'i// thams cad shes rab 'khril byed pa'i// phyag rgya ye shes rdzogs pa nyid// byang chub sems kyi sprin dag las// ma lus kun 'byung rol pa'i tshul// mi bskyod rdo rje rtse lnga pa// zla ba'i thig le yi ge dngos// rin chen 'bar ba'i nyi zla lnga// zla ba'i thig le yi ge nyid// thig le thabs lnga'i bdag nyid rnams// sprad pa'i dus las rang snang ba'i// phyag rgya chen po'i dngos grub 'byung// dbyings dang ye shes bdag po nyid// oM dang mur dur da bzhin gnas// rtsa dang 'dab ma'i thig le rnams// rang gi gnas su bsnol mar 'gyur// rab tu 'dres par 'gyur ba la// rgyal ba'i ye shes bde chen po// myong phyir thob pa zhes su gsungs// thig le bzhi bsdus gcig tu 'gyur// rlung gi bsdus pas bkan brjod pas// zhal gyi lam dag gang rgyas pa// phyag rgya 'bar ba zhes pa'i rgyud// bzlas pa nyi ma bsgribs pa yis// chu skyes rab tu rgyas pa ni// dril bu'i sgra dang ldan pa yi// phyir 'byung tshul du gang 'byor ba// lhung ba med phyir brtan par bshad// zla ba'i thig le rjes mthun par// dril bu phyed kyi sbyor dges pa// mtha' gnyis non pa'i byang chub sems// phyag rgya chen por 'dir brjod do// rab tu bstan pas ye shes nyid// ye shes gnas su rnam par khyab// rten 'brel rgyun gyi bde ba yis// dbang bskur gsang ba rmad du byung// shes rab thabs kyi rtsa gnas su// dra ba'i thig le yi ge gnyis// sgyu 'phrul dkyil 'khor bzhi bcu gnyis// b+ha ga 'dus pa'i nyungs 'bru ru/ khams gsum 'gro rnams bsdus byas te// rtog tshogs dkyil 'khor mngon du byas// phyogs dus dkyil 'khor spyan drangs te// rig pa so so'i gnas su bstim// bskyod pa ha si'i sgras gang ba'i// bdag nyid chen po lnga yis brgyad// steng sgo nas 'byung bde ba'i bcud// so so'i gzhir gnas la thim pa// kun nas bde ba'i ye shes che// rgyal ba mchod pa'i mchog tu gsungs// bco brgyad phrag gnyis bum pa dang// drug gnyis zer gyis sbyangs nas ni// dbang bskur byin rlabs de thob pa// theg pa chen por dbugs phyung ba'o// zhes kun nas dga' ba'i gsung gis thams cad du ston par mdzad do// rdo rje sems dpa'i sgyu 'phrul dra ba gsang ba'i snying po de kho na nyid nges pa rol pa chen po thal ba'i rgyud las/ting nge 'dzin gyi dkyil 'khor bstan pa'i le'u ste lnga pa'o//// de nas byang chub sems dpa' rnams kyis/ gnyis med ye shes mngon rdzogs par// theg pa lam mchog spyad pa'i tshul// bsod nams ye shes rgya chen pos// sangs rgyas kun gyi gsang ba 'di// ma 'ongs 'gro ba smin byed pa// de nas yang dag 'khoralo'i mchog/ thog ma'i gnas 'gyur rdzogs pa nyid// ci 'dra gang gis mngon par bsngags// thams cad byed pa'i gnas rnams ni// 'khor lo chen po ji lta bu// thabs mkhas byang chub sems bcas pa// rab tu brtse bar bshad par mdzod// dkyil 'khor sa gzhi bzang po 'dir// pho brang mngon par rgyas pa nyid// ston pas dgongs pa'i don bzhin du// thabs kyi phyag rgya gsal bar mdzad// mngon par bsngags pa'i gnas mchog ni// kun nas me tog phreng bas brgyan// dbyibs legs chu bo 'khyil ba'i rgyun// sman dang yo byad phun sum tshogs// phyi nang gnyis pa'i 'tshe bral ba// de dag mngon par bsngags pa'i gnas// dgon pa chen po'i sa rnams ni// phyogs mtshams cha yis rnam phye ba// rab tu grol bar dben 'gyur zhing// dngos grub phrin las mthun pa'i phyogs// de nyid rigs kyi mtshan ldan pas// dngos grub mtha' yas las rnams 'grub// grong khyer yul 'khor bzang po dang// skyed tshal ba glang lhas dag dang// ri bo nags spang gshong nyid dang// rgya mtsho'i ngogs dang lu ma'i phug/ sbyor ba bkod pa'i gnas rnams su// dkyil 'khor bzang po brtsam pa'i phyir// phun sum tshogs pa'i gnas 'jug bya// thog mar rdo rje slob dpon bzang// sku gsung gi ni gsang ba'i bdag/ sangs rgyas theg pa kun ldan pas// snying rje che ldan 'gro rgyud gzung// mngon par sgrol ba'i lam kun gyis// byams pa chen po gzhan don spyod// thabs kyi theg pa kun ldan zhing// shes rab chen po'i bdag nyid can// blo gros dri ma med pa'i las// mya ngan 'das lam mngon par spyod// gsang ba'i rgyud rnams tshul shes shing// de dag don rnams 'grub rnams spyod// dkyil 'khor chen po'i lam la gnas// dam pas bsngags pa'i gdam ngag can// de nyid rdo rje slob dpon mchog/rab tu bzung bar 'os pa yi// sangs rgyas rnams kyi bstod pa'i gnas// thog mar slob dpon kun ldan pa// dam pa'i rdzas rnams phun sum tshogs// ma lus grol rnams kun grol phyir// yang dag lha la gsol ba gdab// dam tshig chen po'i dkyil 'khor 'dir// ma lus 'gro rnams sgrol mdzad cing// bla med rgyal ba thams cad kyi// dngos grub mchog la sbyor ba dang// gsang mchog 'bras bu rigs kun gyi// bya ba theg pa'i don rdzogs pa// thams cad rdzogs gzung bla na med// yang dag ye shes blo gros mchog/ gsang rgyud theg pa'i don rdzogs pas// dkyil 'khor gnas kun lta bya ste// bya ba kun rdzogs don chen brtsam// sa gzhi phyogs mtshams steng 'og dag/ bdal zhing spungs dang skong ba dang// rab tu mdzes pa'i ljongs dang bcas// g.yas su 'khyil zhing 'gyed pa 'o// pad+ma brtsegs dang 'khor lo'i dbyibs// bar chad gnod byed mi gnas pa'i// sngon 'byung ba yi bkra shis mchog/ yang dag brtag ste shes pa nyid// yul gyi bdag po snang ba dang// mi snang dag las bslang bya ste// rin dang rjes kun nye bar dbul// phyi dang nang gi bya ba las// rnam par brtag cing byang byas te// dkyil 'khor chen po'i tshad kyis ni// phyogs mtshams kun tu rnam par gzhal// yang dag dben pa'i gnas nyid du// mi shis mtshan ma'i skyon bsrang zhing// dri zhim sngags kyi chu gtor te// sa brtan bzang po la sogs rdzas// rin chen 'bru yis rnam pa dang// dri mchog rab tu sbyangs pa yi// de nyid dkyil 'khor ji lta bar// phyogs mtshams kun tu rgyas byas te// rab tu mnyam zhing yid 'ong ba// dngos grub rab 'bring la sogs ni// byin rlabs ldan par gnas pa'i phyir// de nyid rten gyi khyad par te// zab dang dpang gi tshad mnyam brtsig/dbang bskur bsrung ba la sogs la// gru bzhi rgyar ldan dbyibs legs par// dpangs su sor tshad bzhi yis bstod// dri sna lnga yi rdzas rnams dang// ba las byung ba'i rdzas rnams dang// ma nyams phyogs kun legs par byug/gnas der mngon par sbyangs ba'i phyir// bdag nyid dag pa'i phyag rgya dang// gsang sngags ting 'dzin kun rdzogs las// rang bzhin rnam par dag pa'i dbyings// stong pa nyid kyi ting 'dzin las// 'byung ba rim brtsegs rten dang bcas// rdo rje rgya gram sa gzhi dag/ sngags dang phyag rgya bstan par 'gyur// bruM las rin chen khang bzang ste// gdan gyi dkyil 'khor cha rdzogs pa// de dus rigs kyi bdag po ni// mtshan dang dpe byad kun gsal zhing// rgyan dang cha lugs rnam par rdzogs// shes rab phyag rgya'i dbyings su 'khyil// rigs kyi bdag po'i dbu rgyan dang// byin rlabs sangs rgyas kun gyi gnas// yang dag bsrungs bas brtan pa'i phyir// sangs rgyas kun gyi sku gsung thugs// rab 'bar 'od zer rdzogs pa'i bdag/ gnyis med ye shes lha mo yis// rang gi rigs dang sbyor mdzad cing// sngon gyi thugs dam brtser ldan pa// kun nas slong ba'i rgyu dag gis// phyogs bzhi'i dkyil 'khor rdzogs pa'i mchog/ tshad med gnas kyi rgyud ldan pas// rigs kyi phrin las ye shes sbyor// oM sangs rgyas kun gyi sku gsung thugs// yang dag rdzogs pa'i dkyil 'khor nyid// ye shes dri ma kun dang bral// thugs rje 'od zer nyi dkyil bzhin// sa gnas lam kun rdzogs mdzad pa// rab tu sbyangs pa'i stobs rdzogs shing// tha snyad mi gnyis yul dang bral// byang chub sems mchog sgrib pa med// 'gro gnas thugs rje rgyun bcas pas// rang gi ye shes 'dus ma byas// theg pa'i mchog ldan sngags kyi rgyun// phyag rgya'i dkyil 'khor gsang mdzad cing// rang bzhin phyag rgya'i gnas kun 'jug/ nyi zla rlung gi dkyil 'khor las// 'od tshogs phyogs bcur 'khrigs byas pas// bskal pa'i me 'od sreg byed tshogs// bskal pa rlung dang bcas par sbyor// ma lus snod bcud khams rnams kun// rnam par dben pas dga' ba nyid// chu bo'i rgyud ldan mtha' yas pas// thams cad kun nas sdud par byed// mi shigs rdo rje'i dkyil 'khor la// gar thabs phyag rgya'i tshogs rnams kyis// g.yas nas bskyor zhing bsrung bar mdzad// de nas phyag rgya'i dkyil 'khor nyid// hUM stobs chen lha dang klur bcas pa// gnod sbyin srin po bgegs kyi tshogs// sha za 'byung po mkha' 'gro'i gdon// lha min lto 'phye nam mkha' lding// dri za grul bum gsang ba dang// ma lus bgegs kyi tshogs bcas rnams// rdo rje mtshon cha tshol bas shigs// bshig cing bkral gdugs rlag byed pa// gnas 'di'i phyogs su gnas pa med// de dag rdo rje 'bar ba'i mes// bskal pa'i tshogs kun sreg byed cing// rab tu 'bar ba'i mtshon cha yis// phyogs bcu gnas nas bsrung par 'gyur// ma lus 'dir dbang byed pa yis// bdag po khyod kyi dbang mdzod cig/ ma lus mchod dang gtor ma'i rdzas// bdag gis 'bul ba 'di bzhes la// sngon gyi bde gshegs bka' bzhin du// da lta byin brlabs dag pa'i gnas// dus rnams kun tu brtan pa yis// sa bzhi bzang por shis par mdzod// dngos grub thams cad nye bar rdzogs// lha mo khyod ni blo dang ldan// gser mdog bum pa'i mtshan mas mdzes// 'og gi bgegs tshogs nyams mdzad cing// gnas rnams bskyod pa'i blo ldan pas// dus tshod 'di nas dpang po mdzod// phal pa'i rgyu las 'byung ba'i rdzas// rnam par nye bar bsags byas te// ma lus 'gro ba'i tshogs rnams la// sbyin pa'i tshogs rnams rdzogs par spyad// g.yas kyi bye brag sna tshogs pa'i// ston mo bzang dang gtor ma'i tshogs// rin chen snod bzang shing rtar bcas// mang po'i tshogs kyis bkang ba dag/ gdugs dang rgyal mtshan ba dan bcas// rol mo'i cha lugs sna tshogs kyis// sil snyan glu la sogs pa rnams// phyogs bzhi kun nas nye bar brgyan// de dag gtor ma'i rdzas kun gyis// 'gron gyi tshogs rnams tshim par bya// 'dod pa'i rdzas rnams ma lus pa// dang po ye shes mes bsregs shing// rnam dag byang chub sems kyi khrus// rab tu 'phrul pa rgya chen pos// kun tu bzang po'i las spyod rkyen// nam mkha' bar snang gtibs pa yi// 'dod pa'i longs spyod sna tshogs dang// rin chen sna tshogs mnyes pa'i rdzas// lha mo'i dkyil 'khor rgya chen po// tshogs rnams kun tu nges par sprul// so so'i 'dod pa'i longs spyod sbyin// mtha' yas rnam par spro ba yi// bde gshegs tshims pas rgyan gyis mtshon// mtha' yas thog ma med pa'i dbyings// ye shes dkyil 'khor mngon sangs rgyas// 'gro rnams nye bar sbyangs byas te// rang bzhin rgyan dbang lha yi sku// dkyil 'khor cha lugs rgyan dang bcas// rigs kyi phyag rgya rdzogs pa dag/ kun nas grong khyer chen po dag/ nye bar dag pas longs spyod do// bkra shis bsreg khang bzang po ni// bya ba'i las kun tshim par 'gyur// phyogs rnams kun tu bzhugs pa yi// dkyil 'khor thams cad grub pa'i phyir// rab tu gnas pa'i bya ba dag/ dkyil 'khor mchog gis spyod par bya// dkyil 'khor pho brang nyams dga' bar// ci rigs lha yi gnas rnams su// dri sna me tog bzang po yis// gdan dang rten bcas bzhag par bya// rigs kyi gsang sngags go rim bzhin// cho ga rdzogs pas rnam gsum sku// 'phro 'du mdzad pa'i las dang bcas// dam tshig dkyil 'khor brtan byas te// phyag rgya kun gyis dbang bskur zhing// gzi mdangs yul kun rdzogs par gsal// thub pa chen po bcom ldan 'das// ma lus sems can mgon 'gyur dang// rigs mchog thugs rje bzang po nyid// sa yi dbang po brtan bzhugs brjod// bdag gi dri spos bzang po dang// me tog mar me'i phreng ba'i rdzas// mchod yon dga' dang mgu rnams dbul// de bzhin rin chen rgyan gyi tshogs// bza' dang btung bcas sna tshogs dang// yid bzhin bum pa dpag bsam shing// gnas 'dir sna tshogs gshegs su gsol// thugs rje nyi mas khyab mdzad pa'i// rgyal ba rnams ni mngon bzhugs te// ma lus gnas rnams thams cad dang/ khyad par bdag dang slob ma dang// byin brlabs ldan par gnas pa'i phyir// gnas 'dir brtse bas 'ongs pa lags// thams cad mkhyen pa lha yi mchog/ yang dag bstod cing 'dud pa'i gnas// dkyil 'khor bzang por gnas rdzogs par// byin brlabs dbang bskur kun gsol cig/ yang dag rdzogs pa'i byang chub tu// bdag cag bsam pa pa brtan bskyed pas// phyogs rnams kun nas dgongs mdzad de// lam mchog dpal ldan bla na med// dus gsum kun tu bsngags pa yi// bya ba chen po yongs rdzogs mdzad// dkyil 'khor gnyis su med pa'i blo// phyag rgya sngags rnams brtan byas te// lhag par gnas pa'i grong khyer mchog/ yang dag 'khor los rdzogs par mdzad// rin chen sna tshogs rgyun las 'byung/ kha dog dbyibs dang rgyan ldan pa'i// dkyil 'khor pho brang bzang po nyid// 'bru lnga spos lnga snying po lnga// rin chen sna lnga sman lnga dag/ nye bar sbyangs pa rdzas kyi mchog/kha rgyan mgul chings gzungs thag bcas// lnga 'am bcu gsum nyi shu gcig/ rigs kyi mtshan ma grangs bzhin du// gsal sbyangs byin rlabs lhags gnas shing// rigs kyi sems dpa' phyag rgya yi// lha yi chu rgyun rnam par dag/ dam tshig lha yi gnas rdzogs par// ye shes dkyil 'khor bzhugs byas te// cho ga'i yan lag kun rdzogs par// rnam dag pho brang bzang po'i rgyan// 'byor ba'i yo byad thams cad dang// nye bar bkod pa'i rdzas rnams dag/ de nas dkyil 'khor lha dga' bas// rigs mchog dngos grub gnas su sbyor// phun sum tshogs pa'i yo byad dang// phyogs bcur rnam par spro byas te// dkyil 'khor rnal 'byor lha yi rgyan// bza' btung mtshan ma la sogs pa// cha lugs ji bzhin byin gyis rlobs// rab tu sbyangs pas rdzogs byed cing// dkyil 'khor brtan pa'i yan lag mchog/rdo rje slob dpon slob mar bcas// dkyil 'khor bla ma bzang po'i mdun// rang gi dam bcas sdom pa'i tshogs// gnyer sdom gsum kha gnas par 'jug/ dam bcas 'jig rten mgron gyi gnyer// pha rol phyin rdzogs rnam par spyod// yang dag gsang ba'i dkyil 'khor 'dir// theg pa chen po mngon par 'dod// de dag brtul zhugs bzang po yi// bslab pa kun ldan rgyud rdzogs pa'o// yi dam lha la gsol gdab cing// dkyil 'khor dang ni bla ma'i mdun// rang gi dam bcas sdom pa'i tshogs// theg pa che nas bstan pa bzhin// byang chub sems mchog rgya chen blos// ma lus 'gro gnas mngon du rdzogs// so shing sor tshad bcu gnyis pa// me tog phreng ba bcas kyi mthus// ngag gi bsnyen pa kun sbyong zhing// bar chad la sogs kun 'joms byed// mngon par bsngags pa'i chu rgyun gyis// phyogs bcur gnas sa 'thor byas shing// rigs kyi gnas kun dag par sbyangs// byang chub sems mchog ye shes khrus// lus ngag yid gsum srung byed pa'i// tshon skud mdud pa gsum dang ldan// rgyal ba kun gyi sngags rgyud rdzogs// byin rlabs dpung pa g.yas par gnas// ku sha sar pa ma grug par// dri yi chu yis nyer sbyangs shing/ thabs dang shes rab gsang sngags kyis// sngas dang stan du sbyin par bya// las kun rmi lam mtshan ma tshogs// rab tu brtags pas gnas kun gyi// sdig pa'i mtshan ma ji lta bur// gsal sbyangs srung dang lhag pa'i las// 'khor gnas zil gyis gnon byed pa'i// rdo rje theg pa bla na med// ma lus khams rnams dag byed pa// de nyid brtan pa'i don chen rdzogs// mthong dga' rab tu rdzogs pa yi// brtul zhugs bzang po 'di lta bu// dam pa'i yul rnams rdzogs byed pa// thar pa'i dkyil 'khor bla na med// sangs rgyas thams cad 'jug pa'i gnas// de nas mthong 'gyur spro ba bskyed// lam 'di phan yon bla na med// tshe 'dir rigs kyi dngos grub dang// yon tan lhun grub 'bras bu'i mchog/ shin tu dben pa'i sa gzhir ni// dri mchog rdzas kyis sbyangs byas te// las kun mngon par bsngags pa yi// sbyin sreg las kun brtsam par bya// ji snyed bya ba'i mchog rnams kun// de nas mngon par 'grub byed pa'i// phyi dang nang gi ting 'dzin gyis// las kyi dngos grub kun rdzogs 'gyur// de dag sbyin sreg rgya chen pos// nye bar sbyangs zhing rdzogs byed te// bya ba'i chas rnams smin pa'i sgo// zhi rgyas dbang drag las kun gyi// phrin las so so'i bye brag bzhir// yul kun rtog pa gzhom byed de// mngon par bsngags pas 'bras bu'i lam// zhi la zhi ba'i mdangs ldan zhing// gos dkar bkra shis dkyil 'khor la// phyag rgya'i brtul zhugs ma bcas par// rgyan phreng na bza'i mchog rnams dang// bdud rtsi 'bras kun bcud ldan pa// de dag phrin las rnam par spyod// sngon 'gro rab tu dang ba'i yid// bskul tshig sngags dang bcas sbyor zhing// bsgyur bya'i ming tshig rgyun bzhin du// rang gi phrin las stobs kyis grub// kun tu rgyas la rgyas pa'i yid// rin chen dkyil 'khor gnas rdzogs par// mtshan dang dpe byad tshogs rnams dang// rin chen longs spyod kun gyis mdzes// byang chub gser sogs shing rnams la// bdud rtsi 'bras dang bcud ldan pas// rab tu dga' na snga dro'i dus// yon tan dkyil 'khor nyer sbyor zhing// bskul tshig sngags kyi rgyun bcas pas// de dag las kun sbyor ba'i mthus// 'khor lo'i sgyur rgyal gzhan kun gyi// gsung bstan chags pa'i ting 'dzin gyis// pad+mo dbang gi gnas 'dug ste// rigs kyi ting 'dzin snyoms 'jug pas// phyag rgya gsang sngags bskul tshig ldan// rgyan chas rdzas dang bcas par sbyor// lha dang klu yi dbang po dang// skad cig 'gugs pa'i dbang du 'gyur/ khro bo'i ting 'dzin gtum mo yis// lho phyogs gru gsum sra ba'i rten/khrag dang bdud rtsi gsher ba'i rdzas// nag po'i cha rnams byugs byas te// las kyi khro bo chen po'i sku// phyag rgya gsang sngags bskul ba'i dus// sbyor ba'i rim pa kun ldan pas// phyag na rdo rje gtum po yang// skad cig mas ni thob par 'gyur// rab tu sbyangs pa'i gsang sngags dang// phyag rgya ting 'dzin ji lta bar// las kyi sbyor ba kun sbyor zhing// dpe dang gnad dang rmongs pa dang// rmugs dang dgug dang bskrad la sogs// sbyor ba'i yan lag kun gyis te// phyi dang nang gi sbyin sreg 'dus// nges par sbyar ba tshe 'dis 'grub// so so'i las dang mthun pa'i dbyibs// zlum po gru bzhi zla gam dang// gru gsum lcags kyu pad+ma'i mtshan// rin chen bruM pa rlung la sogs// las rnams kun rdzogs kun gyidabyings// de nyid kha dog dkar ser 'od// dmar mdog ljang la sogs pa yi// phyag rgya'i bye brag 'bar ba'i rdzas// zab dang rgya khyon cha mnyam zhing// pho brang rim gsum mtshon chas brgyan// ku sha ral gri me long dang// srad bu srad bu phreng bas bskor// me lha rgyal po khang bzangs su// rigs kyi 'khor lo rdzogs pa nyid// dbang bskur byin brlabs brtan byas te// ye shes lha dang dbyer med sbyor// ma lus mchod pas mnyes pa dang// dngos grub phrin las kun rdzogs pa'i// bya ba chen po'i yang dag sbyor// 'gro ba'i rdzas rnams rdzogs pa yi// rigs kyi phyag rgya thams cad kun// ye shes sprul pa'i bdag nyid dang// bya ba'i yul kun rnam par grol// pho brang dkyil 'khor bzang po 'dir// phyogs bcu'i sangs rgyas kun 'dus te// sgyu 'phrul dkyil 'khor bstan pa'i bdag/ lhag pa'i byin rlabs gnas rdzogs mdzad// lha gnas gzhan du 'pho ba dag/ de nyid bkra shis bzang po'i gnas// pho brang dkyil 'khor rdzogs par ldan// rdo rje theg nyid bla na med// rigs kyi ye shes brtan pa las// 'dodapa'i dngos grub rnam par dag/ bde gshegs lnga yi yi ge yis// de dag yul bcas rnam par sbyang// rigs kyi dkyil 'khor rdzogs pa dang// glu gar rol mos legs par mchod// yang dag dkyil 'khor rdzogs par bstan// sa ya pho brang gsal bar byed// phyogs mtshams logs kyi cha rnams su// rin chen phreng ba bzang po nyid// rin chen la sogs tshon gyi tshogs// phyag rgya sngags kyis rdzogs byas te// rigs kyi dkyil 'khor bstan pa nyid// rang gi gnas su dgod par bya// dkyil 'khor chen po'i phyogs kun nas// rgyan dang mchod pa'i tshogs bshams shing// rol mo du mas brgyan byas te// byin brlabs brtan pa rol pa nyid// rdo rje phyag rgya brtan bcings pas// nges pa'i tshogs rnams 'joms byed de/ khri dang nor la sogs pa dang// legs par brgyan pa'i sems kyis dbul// de nyid stobs ni rdzogs par 'gyur// phyogs rnams kun tu 'jigs byed pa// phyag rgya 'bar bas gnas bsrung zhing/ khro bo'i mtshams la sngags dang bcas// rol pa'i brtul zhugs rnam par spyod// thabs dang shes rab sbyor ba'i tshul// rang gi dkyil 'khor ldan par byed// rdo rje 'khor lo rin chen dang// pad+ma rgya gram mtshan ma'i tshogs// rang gi dbang bskur ji ltar bar// 'byung ba'i gar thabs rol pa'i tshul/ khro bo chen po'i cha lugs kyis// phyogs kyi bgegs rnams gsal byas te// sa gzhi ra ba gur du bcas// yang dag brtan pa'i ye shes gnas// dngos grub chen po'i don bstan pa// pho brang rigs pa'i mtshan ma rnams// dkyil 'khor gnas 'od rdzogs byas te// rang gi cha lugs bstan byas pa// yan lag phun sum tshogs gnas grub// dkyil 'khor ma lus bshad pa ste// sangs rgyas thams cad kun gyi gnas// phung po lnga dang 'byung ba'i tshogs// rab tu rdzogs pa'i phyag rgya'i sku// thabs dang shes rab mnyam sbyor zhing// yul rnams ji bzhin bstan pa'i chos// dngos grub chen po lhag pa'i lha/khams bzhi 'dus pa'i khu ba nyid// byang chub sems kyi bcud rdzogs pas// phyag rgya chen po mchog gi sku// dkyil 'khor bzhi bcu rtsa lnga dang// rigs brgya la sogs dbye ba yis// phyi nang 'byung khams rnam dag cing// gnyis med ye shes rdzogs pa nyid// phyag rgya chen po nam mkha'i dbyings// sor bzhi'i tshad du rang bzhin gnas// bde ba'i ye shes thugs kyi 'khor/ kha dog dbyibs dang ldan par byed// thabs kyi cho ga rab gnas dang// gsang ba'i sbyin sreg lus su dbul// phyi nang med pa'i dkyil 'khor du// bde ba'i cha lugs mnyam rdzogs shing// bya byed sgyu ma'i tshul rnams kyi// thabs kyi theg pa gsang ba nyid// phung khams skye mched 'byung gnas sogs// ma rig rtog pa'i yul 'das te// shes rab mkha' gsang zab mo la// thabs kyi cho 'phrul rnam par rol// dkyil 'khor b+ha ga'i bdag nyid can// sangs rgyas theg pa'i yul rnams su// byang chub sems nyid gnas rdzogs pa// rgyu rkyen 'bras bu dag pa'i sku// rab tu sbyangs pa'i don bzhin du// sa gnas yan lag kun rdzogs shing// de nas dkyil 'khor nye bar rdzogs// bum pa mtshan ma mchod pa'i rdzas// rigs kyi byin rlabs kun bdag nyid// phrin las bzhi pa la sogs pas// de dag sbyor ba'i yan lag nyid// phyi dang nang gi sbyin bsregs kyis// byang chub sems dngos rgyas par 'gyur// yul rnams nye bar spyad bya 'o// mtshan med mtshan ma med pa'i dbyings// sangs rgyas kun gyi gnas 'di ni// don bzhin ston pas gsungs pa bzhin// thams cad nye bar sbyor tshul gyis// smin par bya ba'i gnas 'jug pa'o// rdo rje sems dpa' sgyu 'phrul dra ba gsang ba snying po de kho na nyid nges par rtog pa rol pa thal ba'i rgyud las/ gzugs brnyan bstan pa'i le'u ste drug pa'o//// de nas 'gro gnas ma lus kun// rnam par sbyangs pa'i thabs chen gyis// dkyil 'khor sprul pa kun nyon cig/ thabs dang shes rab gnyis med sbyor// rigs kyis sangs rgyas kun bsdus te// rang gi dbang bskur gnas rdzogs pas// phyogs rnams kun nas gsol btab cing// dkyil 'khor bkod pa'i don ston mdzad// rigs kyi byang chub sems rnams kyis// phyag rgya'i gar rnams sna tshogs las// glu dbyangs snyan pas gsol ba btab// sgyu 'phrul dra ba rdzogs byed pa'i// sangs rgyas kun gyi byin rlabs nyid// thog mtha' med pa kun nas 'jig/ byin gyis rlabs kyis ston pa'i mchog/dbang bskur gsang ba las byung ba'i// tshul 'dis nye bar rdzogs byed pa// gnyen po tshul kun 'joms byed cing// sku gsung thugs kyi byin rlabs mchog/ ma lus kun nas nyams thag rnams// thugs rje'i bdud rtsis brlan par mdzod// kun nas bskyod dang yang dag bskyod// shin tu bskyod pa rgya chen mchog/ thabs dang shes rab phyogs rnams su// yang dag sbyar ba'i bdud rtsi yis// sras kyitshogs rnams khyab par mdzad// rigs mchog sems dpar dbang bskur zhing// pha rol phyin rdzogs don bstan pa// de ltar rgya cher 'gro gnas kun// thams cad gcig par 'jug pa'i mthus// yul dang yul can rnam par sbyor// rigs kyi rgyal ba 'gro ba'i skyabs// ma lus pa la bsgyur ba'i rtsi// rigs mchog dkyil 'khor rdzogs pa ru// dbang bskur thugs rje che las 'byung// phyogs bcu'i sangs rgyas thams cad kyi// yang dag dkyil 'khor rgyal ba'i bdag/ nyon mongs dri ma'i gnas sel ba// bum pa'i chu yis dag par 'gyur// rin chen sna tshogs rdzas kyis spras// rigs lnga'i sangs rgyas rgyan du thogs// byang chub sems gnas yi ge nyid// bum pa'i rdzas las mngon par byung// A+oM rigs kyi dbu rgyan bla med pas// nyon mongs sa gnas kun nas sbyor// ye shes byin brlabs stobs rdzogs pa'i// yab yum thabs dang shes rab kyis// mngon sbyor ba yi byin rlabs rdzogs/ mtshan dang dpe byad mtha' yas pas/ ma lus yul kun nye bar snyems// cod pan bzang po 'di nyid ni// dbang dang mngon par shes pa'i rtags// theg pa thams cad ma 'dres pa'i// yon tan rigs rnams ting nge 'dzin// byin brlabs ngo mtshar yul rdzogs pa// dbyings dang ye shes mnyam pa nyid// khams gsum chos kyi rgyal mtshan gyis// shes bya'i gnas kun gsal bar mdzad// byang chub yan lag me tog phyed// lam gyi yan lag brgyad nas 'jug/ stobs dang mi 'jigs kun rdzogs pas// rang byung byang chub sems kyi rgyan// rigs mchog gsang sngags che las 'byung// theg pa'i mtha' rnams rdzogs pa'i tshul// cis kyang mi tshugs mi shigs pa'i// stong pa'i cho ga bla na med/ mtshan ma'i yul kun 'jogs byed cing// yang dag chos rnams mnyam par gnas// las kyi bag chags kun las rgyal// de dag ye shes chen po'i stobs// nyon mongs mtshan ma kun 'joms shing// rigs mchog dngos grub bstan byed pa// rdo rje 'khor lo ral gri dang// pad+mo rin chen bla na med// go cha bzang po brtan byas pa// mi mthun rtogs pa'i tshogs las rgyal// rang gi phyag rgya rdzogs pa yis// dus rnams kun tu bsrung ba'i mchog/ bdud bzhi'i mtshan mas mi tshugs shing// mtha' bzhi g.yul las rgyal ba'i rtags// chos kyi rgyal mtshan bla na med// gsang ba'i sngags rnams kun gyis mdzes// theg pa chen po gnyis med pa'i// yon tan rin chen rigs kun bdag/ sku gsung thugs kyi rdo rje bdag/sangs rgyas kun gyi ye shes te// rigs kyi 'khor lo bla na med// de bzhin gshegs pa thams cad kyis// sku yi sku ste sku yi mchog/ gsung gi dam tshig gsung chen po// thugs rje thugs rje'i bdag nyid las// yon tan kun 'byung bde ba nyid// yon tan kun 'byung rdzogs par spyod// bde gshegs pad mo rdo rje dang// rin chen rgya gram bla na med// ma lus 'dod pa'i don skyong zhing// rigs mchog dkyil 'khor bstan par mdzod// nyon mongs bdud kun zil gnon pas// phyag rgya ye shes brtan par 'gyur// mtha' 'das chos kun brdal ba nyid// byin rlabs de bzhin nyid kyi mchog/thugs rje 'od zer dpag med cing// ma lus yul kun khyab pa'i chos// tshad med bzhi gnas char khebs mdzes// pha rol phyin pa gnas kyi tshogs// yang dag bsdus pas rgyan gyi gzhi// gdugs mdzes gser gyi yu ba can// 'dod kun spyod pas nye bar 'khor// sangs rgyas thams cad bzhugs pa'i gnas// phyi nang snod bcud dag pa'i dbyings// rigs kyi rin chen gzhal yas khang// rten pa'i 'khor lo tshogs spyod cing// thabs dang shes rab snyoms 'jug pas// byang chub sems rnams bde chen rdzogs// ming gnyis dngos grub chen po'i gzhi// thar pa'i grong mchog bla na med// kun 'byung 'dod pa'i gnas rdzogs pa'o// kun tu 'gro mchog rim pa'i pa'i rdzas// 'dod pa'i yon tan ma 'gag dbyings// chos kyi bdud rtsi bla na med// rnam grol zag pa med pa'i rdzas// khams gsum yon tan gnas rdzogs pas// ting 'dzin ro mchog brtan pa nyid// ma 'dres kun gyi phyag rgya las// lha mo'i tshogs rnams kun tu spro// 'khor 'das 'gro ba kun sbyor zhing// nyon mongs sa 'das kun dga' mdzad// rigs mchog dkyil 'khor gsal byed cing// gsang sngags phreng ba'i yan lag rdzogs// hUM gis chos rnams gsal byed cing// A+oM ldan byin rlabs rgya chen po// mngon par tshim byed swA yi tshogs// don kun gcod pa AHldan pas// 'phrin las stobs ni hA nyid de// shes stobs sgra yi gnas rdzogs pas/ khyad par khyad par med pa'i tshogs// mi shigs 'dus pa'i gsang sngags nyid// phyi rol gnas chen las byung bas// phyi rol dkyil 'khor brtan par 'gyur// ngan 'gro'i srid pa skyob byed cing// mtho ris bde ba phun sum tshogs// dbang bskur gsang ba las byung ba'i// dam tshig mchog gi brtul zhugs gnas// phyag rgya gsum gyi sbyor ba yis// sku gsung thugs kyi gnas rdzogs 'gyur// rdo rje bde bcas phreng bas brgyan// yang dag bstan pas spyi gnas pa// sku yi byin rlabs lha gnas pa'i// snying po don kun rdzogs pa'i mchog/ 'di dag sangs rgyas sku chen pos/ khams gsum gnas kun spro mdzad de// rigs mchog rgyal ba kun gyi bdag/ mi 'gyur brtan pa'i gnas chen 'grub// tha dad yul kun mnyam rdzogs shing// rnam par mdzad pa'i sku chen grub// me tog phreng bcas mtshan ma nyid// thugs ka'i gnas su dkyil 'khor che// mi bskyod byin rlabs rdzogs pa'i bdag/ 'od bcas thugs ka'i ye shes mes// khams gnas kun dag byed pa yi// thugs rje'i ye shes bla na med// gsang ba'i dkyil 'khor chen po ru// thabs kyi spyod tshogs rgyas par mdzad// ngag gi gnas su sngags dang bcas// dam tshig gsung gi byin brlabs nyid// gnyis med yul kun spyod mdzad cing// dam tshig bdud rtsi chen po yi// ngag gi gnas kun dag par byed// ma 'dres chos kyi phyag rgya yis// thams cad brdzun pa'i tshig lta bu// rgyu 'bras skur ba'i gnas chen spangs// gsang sngags gsang ba'i don chen 'dis// sgro btags chos kun rnam par dag/ sa gnas bya ba kun rdzogs shing// dam tshig chen po'i gnas chen grub// gnas bzhi yi ge mtshan ma la// 'byung ba'i dkyil 'khor rim bzhin brtsegs// thugs rje chen po'i gnas nyid de// rgyal ba kun gyis gzigs par 'gyur// rig sngags phyag rgya'i tshogs rnams kyis// las sogs nyon mongs rnam par dag/ phyogs bcu'i dkyil 'khor ma 'dres pa// de nas byin rlabs rol pas mchod// sku gsung thugs kyi rtags ston cing// phyag rgya mi shigs 'bebs par 'gyur// ye shes sems dpa'i thugs gsang ba// rang sngags phyag rgya yang dag 'bebs// kun mchog gsang ba lhang nge ba'i// thams cad dkyil 'khor rdzogs pa'i mchog/ rang rig sngags dang phyag rgya mthus// grong khyer thams cad rnam par grol// rigs rnams so so'i mtshan ldan gnas// shes rab pha rol phyin pa'i tshul// rab tu brtan pa'i gnas chen po// nye bar sbyangs pas byin brlabs cing// gnyis med rol pas sbyor bar mdzad// thabs dang shes rab gsang ba'i rgyun// 'od zer sngags kyis kun spros te// rigs kyi dkyil 'kharo mnyes par mdzad// rnam par sdud pas gnas rdzogs pas// de dag lha yi bdag nyid can// nyan byed rna ba'i gzhal yas su// rin chen rigs mchog dkyil 'khor tshogs// rnam gsum sems dpa' spro zhing bsdu// byin rlabs dbang bskur mtshan mas brgyan// ye shes dkyil 'khor gnyis med pa'o// mnyes mdzad rigs kyi gsang sngags rdzogs// cho ga brtan pas dbang bskur zhing// bde gshegs snyan gyi dngos grub mchog/ thugs kyi dkyil 'khor 'bar ba las// rdo rje'i rigs mchog gtso zung sbyor// lag pa'i 'khor lo'i gzhal yas su// las kyi rigs mchog rdzogs pa nyid// smra byed 'khor lo'i gzhal yas su// las kyi rigs mchog rdzogs pa nyid// smra byed 'khor lo'i gzhal yas su// pad+ma'i rigs dang mnyam par sbyor// 'khor lo lnga yi gnas bzhugs pa// rigs kyi dkyil 'khor bdag kun nyid// rnam gsum cho ga rdzogs pa yi// gtso dang sprulapa'i 'khor bcas rnams// phyag rgya rgyan gyis kun tu brjod// rigs kyi yum dang sgo ma'i tshogs/ dbang bskur byin brlabs rdzogs pa dang// ye shes dkyil 'khor gsal bar dgug/ tshad med bzhi yis brtan gnas la// yang dag mchod cing bstod byas te// sngags dang phyag rgyas byin rlabs che// 'od zer spro dang bsdu ba yi// sangs rgyas kun bdag ngo bo nyid// rang gi gnas nas bstims byas te// dbang bskur snang ba ye shes rdzogs// rdo rje dril bu phyag rgya yi// brtul zhugs bzang po bla na med// thabs kyi ye shes brtan pa nyid// 'od 'phro shes rab dbyings su 'khyil// cha lugs rgyan rdzogs phyag rgya'i sku// don kun dngos grub bzang po yi// theg chen gsang ba bla na med// phyag rgya'i cho ga mnyam rdzogs dang// kun tu mtha' yas spyad pa'i sgo// phrin las sna tshogs rdzogs byed pa// de dag las rnams kun sbyor zhing// dngos grub mtha' yas grangs med 'jug/ yi ge mchog rnams mi shigs pa'i// dam tshig mchod pa kun gyi gnas// sbyor ba'i bye brag rol pa nyid// rjes su snang ba'i tshul rdzogs pas// las rnams kun la thogs pa med// 'di ltar sangs rgyas thams cad kyis// rdo rje theg chen gsang ba'i mchog/ phyag rgya'i 'jug pa mnyam sbyor bas// de ring khyod nyid lung bstan mdzad// sras kyi byang chub sems rnams dang// tha dad don kun ston byed cing/ khams gsum gnas ni bsgral dga' bar// mi ldog de bzhin gshegs pa'i tshogs// theg pa mtha' bral rnam par dag/ sa gsum dbang phyug 'byung gnas gtso// yang dag lung bstan rdzogs pa yi// rigs kyi dkyil 'khor dbang bskur zhing// bya ba chen po'i las mthar phyin// sdug bsngal nyon mongs nyes pa sogs// thams cad yul kun las 'das shing// las kyi rgya mtsho kun 'dod pa'i// bag chags yul kun sgrol bar byed// mya ngan sdug bsngal thams cad kun// rab tu sbyangs pas gnas kyi mchog khams gsum bya ba kun rdzogs shing// lhag ma dang bcas grol ba nyid// dbugs 'byung gsang ba bla na med// sangs rgyas kun gyi ston pa mdzad// lhag pa'i dam tshig gnas rnams kyis// cha shas yan lag tshul 'jug pa// kun mchog 'bral ba med pa'i chos// rang bzhin rdzogs pa'i chos nyid de// yang dag ye shes 'dod pa yis// mgon po kun mchog gsol ba 'debs// mchod bstod mnyes pa'i yan lag gis// rigs kyi khro bo nye bar mdzes// phyag rgya rigs dang mthun pa'i yum// dbang bskur byin brlabs rdzogs byas te// tshul bzhin mngon par sbyangs pa dang// rol ba'i brtul zhugs rnam pa bdun// dkyil 'khor lus kyi bdag nyid la// byang chub sems kyi cha rdzogs 'gyur// las rnams bstan pa'i thig le nyid// phyag rgya bde ba'i cha bskyed cing// longs spyod gnas su yang dag nyid// kun tu bsdams pas 'khor lo'i mchog/ thams cad gsal zhing rdzogs par 'gyur// shes rab las 'byung ye shes te// chos kyi bdud rtsi bla na med// rnam grol zag pa med pa'i rjes/ khams gsum ye nas gnas rdzogs pas// ting 'dzin ro mchog bstan pa nyid// ma 'dres kun gyi phyag rgya las// rang gnas phyag rgya chen po'i bdag/ yang dag gsol btab mthun pa'i grogs// mchod pa kun gyis mnyes par bya// b+ha ga'i dkyil 'khor ji bzhin pa// thar pa chen po'i grong khyer mchog/ rigs kun thabs dang shes rab kyis// mtshan ma med pa'i dngos de bzhin// bde ba'i ye shes mnyam rdzogs pas// don kun gsal ba ngo bo nyid// dga' dang rjes su dga' ba dang// dga' bral lhan cig skyes pa'i mchog/ rang byung ye shes zag pa med// yang dag rtag pas sku rnams rdzogs/ khams gsum thams cad de lta bu// mngon par byang chub de bzhin nyid// rang bzhin rgyal ba thams cad kyi// phyag rgya bde chen gsang ba'i mchog/ thams cad yul kun rdzogs pas gnang// bde chen bzhi pa'i ngo bo nyid/ khams bcu bde ba'i rang nyid dang// dbu ma bcud lus mtshan ldan pas// dra ba'i rtsa dang dbang po dang// phung sogs ye shes bde 'khor lo// hUM gis bde ba ye shes bcas// tshogs brgyad rang bzhin ye shes lnga// sngags rdzas dgos pa gang bla ba// kun nas bslang zhing skyob pa yi// sdug bsngal las grol rigs su nges// mi bskyod yab yum rol pa yis// bde ba gsal zhing mi dmigs pa// shes rab thabs kyi phyag rgya 'o// rdo rje ye shes hUM tshogs kyis// pad+ma ye shes bsdus pa 'khyil// rtse nas rtse ru sbyin pa dang// rang bzhin chos khams snying po rdzogs// sa bon zung 'jug nyid dang bcas// gnas na len pa gsum sbyangs te// gsal bas sa bon tshig pa bzhin// ma skyes thabs kyis dbugs phyung ba'i// thams cad rang gi byang chub sems// sa bon nyi zla'i dkyil 'khor brtsegs// 'khor lo khams rnams sbyor ba'i sa// gsang ba'i thig le kun rgyas pa// cha shas zung 'jug yul las 'das// phyi nang khams gsum de lta bu'i// bde ba chen po'i dngos nyid do// de nas gzhan yang bshad bya ba// rje su 'jug pa'i phyag rgya nyid// bcu drug phyed phyed thig le can// phan tshun 'khod pa'i stobs nyid kyis// bde ba gnyis pa'i dkyil 'khor rdzogs// gsum pa ye shes dkyil 'khor du// gsal rdzogs shar bar 'gyur ba'i sgra// rang bzhin 'od gsal dkyil 'khor ro// de las gzhan yang bshad bya ba// rdo rje nyi ma thabs kyi sgra// phung khams phyag rgya'i tshogs dang ldan// zla ba bsil byed shes rab dngos// dus gcig ro mnyam thig le che// sum cu rtsa gnyis mtshan rdzogs shing// zla ba ye shes lnga bcu drug/ dpe byad la sogs dpag tu med// sems shes mngon par shes dang ldan// sems dpa' 'gro ba'i rdzu 'phrul shes// gnas nas log pas thim pa'i sgras// mtha' gnyis ma gol pad+ma'i spyan// sprul pa'i gnas su bskyil ba yis// bzhi bcu lnga sogs mtha' yas kun// rang rig nyid las rang gsal ba// bcu gsum yi ge 'khor lor brjod// zhes gsungs pas/ dkyil 'khor thams cad smin par gyur to// rdo rje sems dpa'i sgyu 'phrul dra ba gsang ba'i snying po de kho na nyid rol pa chen po thal ba'i rgyud las/ dbang gi le'u ste bdun pa'o// de nas bcom ldan kun du bzang// rang gi dkyil 'khor gnas nyid na// sku gsung thugs mchog ye shes che// dam tshig yan lag rdzogs pa'i bdag/ ma lus srid dngos rnam par dag/ rang bzhin dam pa rnams kyis gzung// don mchog phyag rgya ston byed cing// mtha' yas byang chub spyod pa'i tshogs// 'dren pa'i cha shas snying po'i sku// kun nas rdzogs pa'i 'khor lo nyid// bya ba chen po'i don spyod phyir// thabs dang shes rab 'brel pa'i tshogs// gzugs su gyur pas brtson ldan pa// bya ba chen pos kun sgrol zhing// phyi dang nang gi phyi rol tshogs// dam tshig yul rnams gtan la 'bebs// bla med theg par rab bsngags pa// rgyu rkyen 'bras bur dbye ba yi// sa dang lam kun bgrang 'das shing// skyob pa'i phyag rgya bstan pa nyid// kun bzang 'jig rten 'khor lo mchog/ bya dka'i gnas rnams rab tu rdzogs// sdom pa'i tshul khrims mtha' yas pa'i// theg pa'i mchog rnams mdor bstan te// rang bzhin yum gyis rnam dag pas// bya dang byed pa gnyis su med// sangs rgyas theg pa bsam yas par// mi dge bcu dang mtshams med lnga// des skyon las rnams mtha' yas kun// rang bzhin dman pas 'ching ba'i rgya// yang dag rtogs pa rnam par grol// mnyam pa chen po'i dam tshig tu// ma lus kun 'dus rnam dag cing// kun nas nyon mongs 'khor ba'i lam// yang dag spyod nas theg pa'i mchog/ srog gcod ma byin len pa dang// rdzun tshig log par g.yem pa dang// thabs kyi yan lag kun 'gyur bas// shes rab chen po'i rtsal rdzogs pa'o// sku gsung thugs dang yon tan dang// phrin las bya ba mtha' yas pa'i// sdom bcas tshul khrims dam tshig nyid// sngags dang phyag rgya'i las kyis ni// las kyi 'khor lo dag par 'gyur// rtsa ba sngags dang yan lag bcu// rnam par spros pa'i tshig ldan pa// gnyis dang gsum gyi cha shas rdzogs// rigs mthun spyod pa bzang po yis// bcu rtsa brgyad dang yan lag gnyis// thabs dang shes rab tshul 'jug pa// phyag rgya las kun mtha' yas te// bkod dang yang dag bkod pa dang// rnam par bkod pa'i 'khor lo nyid// zin pa'i skyon bral thig le nyid// bstan pa nye ba'i lam dag gis// sum brgya drug cu'i yan lag rdzogs// de dag 'khor lo'i tshul bzhin du// yan lag bdun gyi bdag nyid can// ngo bo sum cu rtsa gnyis te// rab tu sbyor bas drug cu brgyad// ring du bskor zhing ma 'dres pas// rtsol ba'i bye brag rgyu dang bral// gnas skabs yul kun rdzogs pa yi// rang dang spyi yi mtshan nyid rgyas// spyi gsang bzhi dang bar gsang bzhi// gsang bar 'os pa gnyer gtad pa// bye brag mkhas pas rdzogs byas te// gsang ba'i don du shes par bya// bsrung dang sgrub pa'i dam tshig mchog/ dkyil 'khor slob dpon phyag rgya dang// gsang sngags grogs dang yul bcas pa// yang dag bstan la brjod byed cing// bcu gnyis nyi shu rtsa lnga dag/ gsang ba'i mchog tu 'gyur ba 'o// dam pa'i yul du rgyas pa yi// phyag rgya yan lag mtha' yas shing// rang gi gnas su 'jug byed par// dam tshig chen po gsang bdag po// rigs kyi 'khor lo stong rtsa brgyad// rgya chen bkod pa'i gnas rdzogs 'gyur// yang dag ma yin sems de nyid// nyon mongs sgrib pa la sogs bsgribs// phyi rol gzhan gyi don rdzogs te// sangs rgyas theg par mi 'gyur ro// theg pa'i mchog rnams mtha' yas pa'i// 'bras bu gsang chen 'di nyid yin// ye nas dag mnyam rtogs pas spyad// mnyam nyid rdzogs pa'i tshul gyis 'grub// zhes rgya cher ston par mdzad do// rdo rje sems dpa'i sgyu 'phrul dra ba gsang ba'i snying po de kho na nyid rol pa chen po thal ba'i rgyud las/dam tshig bkod pa'i le'u ste brgyad pa'o//// de nas rigs kyi dkyil 'khor mchog/ de bzhin gshegs pa rnams kyi ni// nye ba'i dkyil 'khor bzang po nyid// bsnyen pa sgrub pa'i yan lag mchog/ thams cad dag pas dbang bskur zhing// 'bras bu sgrim pa med pa'i bdag/ thun mong gnas kyi bye brag gis// lus kun dngos po ma 'dres chos// thams cad shes rab las byung ba'i// tha snyad gang gis gang ston cing// mtha' dang dbus bral yul kun nyid// ma lus bkod pa'i dngos grub mchog/ sangs rgyas kun gyi bstan par mdzad// rten cing 'brel par 'byung ba'i chos// thabs rnams yan lag rdzogs pa yi// 'gro ba'i las kun dag par byed// de dag rdzogs kun mngon par snang// rang bzhin ye shes kun rdzogs nas// rigs kyi 'khor lo yum dang bcas// gnyis su med pa'i byin rlabs kyis// 'byung po'i tshogs rnams gshegs pa dang// spro zhing spar dang bkod mdzad de// snga ma'i gnas kun gzhan gyur bar// bya ba chen po'i don ston mdzad// oM a hUM swA hA/ sa ma yo ga nir ti swA hA/ oM ma d+ha la gar+b+he hUM swa/ pra b+ha sa ma ya hUM/ A+oM swa shud+d+hou0f85haM/ oM pa ri gar ba ting ti hUM/ de dag yul kun bcas 'gyur te// rigs mchog phyag rgya sngags dang bcas// ting 'dzin spro ba'i tshul nyid kyis// de nyid gnas mchog 'grub par 'gyur// dpag tshad brgya dang stong la sogs// rab tu dregs pa'i khams rnams kyis// tha snyad yul rnams sbyor mdzad cing// 'dod pa'i dngos grub kun gyis zungs// de bzhin dri med sbyangs pa'i mthus// dpag bsam shing dang rin chen mchog/ rdzas kyi mchog rnams grub byed cing// de nas longs spyod tshim par 'gyur// thun mong mngon par shes pa'i stobs// thabs kyi bye brag mtha' yas pas// rig pa'i bzang po'i phyag rgya yis// 'khor lo rnams bcas las rnams kun// ral gri mig sman bcud len dang// rkang mgyog gser 'gyur bum pa bzang// mkha' 'gro 'jig rten kun spyod pa// 'khor lo la sogs rig pa'i bdag/ rdo rje a dza ri lu'i tshogs// ma g.yos kun tu khyab byed pa'i// dngos grub la sogs grangs med dag/rang gi ting 'dzin gang gis grub// dkyil 'khor kun nas dkyil 'khor ldan// 'khrul 'khor rim par sbyor ba dag/ sngags dang phyag rgyas dbang bskur te// bsam gtan yul kun gsal ba la// rgyu 'bras bye brag tha dad rnams// rang gi rkyen gyis rnam par 'grub// pho brang dkyil 'khor bzang po nyid// rtse gcig mtshan mas bstan par 'gyur// oM sarba a nu ra ga ti na hUM// oM ma hA sa ma ya hri/ta ni ma na gar+b+ha hUM/ ra ga ra dza ba dz+wa la pra mi ta na swA hA/ oM rtsa ba ga ni lo ga ni/ prad ta sha ra hUM phaT swA hA/ khams gsum thabs rnams rnam par dag/ rigs kyi 'khor lo kun rdzogs byed// yan lag bden pa'i byin rlabs 'das// 'di nas las kun 'grub gyur cig/ sangs rgyas kun gyi gzi brjid dang// gsang ba'i sngags kyi 'khor lo mchog/ phyag rgya bde ba'i byin stobs kyis// las kun dngos grub stobs rdzogs shing// smon lam rnam par dag pa'i rlabs// de rnams yongs su rdzogs pa yi// ji srid bdag gi dbang du ni// don bsam pa yi gnas rdzogs shing// bsnyen pa'i yan lag rnam pa zhig/ rdo rje bkod pa mtha' yas mchog/gtso bo rigs kyi sku rdzogs pas// phyag rgya'i yul kun gsal bar mdzad// nye bar bsnyen pa'i yan lag bzhis// chos don lha mo gzugs kyi mchog/ sbyor ba'i phyag rgya yul spyod cing// sangs rgyas thams cad bstan pa'i bdag/ sgrub pa'i yan lag rnam bzhi yis// zhing khams chen po kun sbyor zhing// phyi nang yul kun rdzogs pa nyid// dkyil 'khor bstan pa'i 'khor lo rdzogs// sgrub pa chen po yan lag bzhis// sangs rgyas thams cad sbyor mdzad cing// rten dang brten bcas rnam par 'phrul// phyogs dus ye shes rdzogs pa'i mchog/ rab tu dag pa'i mngon sum du// thabs kyi 'khor lo 'gog pa dang// shes rab phyag rgya gsang bas 'grub// gnyis med don gyis rnam par spyod// nye ba'i bstan pa'i rdzas rnams la// rten cing 'brel par 'byung ba'i thugs// rigs mchog phyag rgya gsal 'gyur zhing// 'khrul 'khor mchog gi byin rlabs kyis// sangs rgyas stong gi gzugs ston cing// mkha' la kun gzugs snang ba yi// rdo rje 'khor lo rin chen dang// pad ma ral gri sna tshogs gzugs// nges par spyod pa'i phyag rgya nyid// mtshan ma'i dngos grub sna tshogs pa// rang gi rten bzhin skye bar 'gyur// sku gsung thugs las byung ba yi// dngos grub snying po lha gnas mchog/ rang gnas mthong ba'i ye shes kyis// sa gsum dbang phyug rdzogs par 'gyur// phyag rgya'i mchog gang rdzogs pa yi// lam kun bskyed pa'i yan lag ste// mi shigs dkyil 'khor sngags kyi mthus// bya ba chen po'i don rdzogs shing// zag pa med pa'i dngos grub mchog/ rab tu bstan pas 'bras bu nyid// sangs rgyas kun gyi ye shes mchog/ dus gsum rdo rje 'dus ma byas// snang dang stong pa las grol te// mtha' dbus la sogs mtha' bral zhing// gnyis med ye shes dngos grub mchog/ rig gnas byang chub sems las skyes// skye 'gag rtag chad rnams spro zhing// zhen pa'i tha snyad yul 'das shing// khyab dang khyab byed sna tshogs dag/yang dag chos kun rang bzhin las// longs spyod rdzogs dang sprul pa'i tshogs// 'bras bu mtshan bcas rnam par dag/ mi gnyis dngos grub brtan 'gyur ba'i// phyogs kun nas yang dag par bstan pa'i tshul gyis/de dag gi snang ba dang bcas par kun nas rgyas par gyur te/ rdo rje sems dpa' sgyu 'phrul dra ba gsang ba'i snying po de kho na nyid/ rol pa chen po thal ba'i rgyud las/ sgrub pa'i sgo rnam par dbye ba'i le'u ste dgu pa'o//// de nas zhing khams rnam par dag/ rigs kyi phrin las thams cad kyis// sangs rgyas dngos grub mtha' yas rnams// tha dad rdzogs pa'i theg pa mchog/ rang bzhin sangs rgyas thams cad kyis// bstan pa'i chos rnams gsal mdzad cing// kun bzang zhing khams rnam par dag/ phrin las kun nas ma 'gags pa'i// rigs mchog lhun gyis grub pa yi// phyag rgya gsangs sngags rgyud ldan pas// nam mkha' mtha' klas yul khams dang// bya ba kun nas rnam par dag/ theg pa'i mchog 'di bye brag gnas// dam pa'i yul kun rdzogs pa nyid// de dag cha shas cha shas 'das// las dang 'bras bu mtha' yas rdzogs// phyi nang rdzas kyis 'grub par 'gyur// sangs rgyas thams cad bsgrub pa'i gnas// phrin las yul rnams mthun pa'i rdzas// zhi rgyas dbang dang mngon spyod dang// mnyam nyid lhun gyis grub pa'i gnas// rigs kyi 'khor lo rab 'bar bas// rigs kyi phyag rgya mtshan mar bcas// yum bzhi tshogs dang mnyam sbyor zhing// phyag rgya'i yan lag kun rdzogs pas// nga nyid sangs rgyas kun gyi sku// rab rdzogs phrin las bdag po'i tshul// 'od 'phro snang ba'i phreng bas mdzes// rigs mchog dkyil 'khor 'khor lo bcas// sbyin pa'i tshul gyis 'gyur byed cing// rnam par gsal bas rdzogs par 'gyur// rigs kyi rgyu dbyibs ma 'dres pas/ kha dog phyag rgya mtshan mas mdzes// rgya mdud gnyis brtsegs bcu drug cha// dkyil 'khor gnas rnams rdzogs byed de// dbang bskur byin rlabs gzi mdangs bskyed// rtse mo so so'i bye brag bzhin// rigs kyi mtshan ma ye ger bsam// zlum po gru bzhi zla gam dang// gru gsum brjod pas ri rab tshul// nges par btab na lha rnams kyang// skad cig yud las 'grub par 'gyur// thabs dang shes rab snyoms 'jug pa'o// rdo rje gtun khung byin rlabs can// rab tu sbyor ba'i gnas rdzogs pas/ khams gsum rdzas rnams yul dang bcas// gnyis med 'od zer sbyar ba'i mthus// phrin las rnam bzhi'i tshul bzhin du// rab rdzogs bstan pa'i las kyis 'grub// kun nas sbyor ba gtor ma'i rdzas/ kha dog dbyibs rdzas phun sum tshogs// so so'i dri bcas sngags ldan pas// las rnams rdzogs pa nyid du 'gyur// bro gar 'du 'phro'i phyag rgya dang// rdo rje lu gu rgyud gsum ste// phyogs mtshams kun nas bskyod byas pa// phrin las mngon par rdzogs pa nyid// dkyil 'khor kun nas mnyam rdzogs shing// 'od 'phrul phyag rgya'i gnas nyid du// rab 'bar rdo rje mtshon cha yi// 'dod pa'i yul rnams lha gnas pa'i// 'bar ba'i hom khung gnas kyi mchog/dam tshig ye nas 'khor lo la// ye shes 'khor lo mnyam rdzogs pas// sbyin sreg kun nas rgyas par 'gyur// dgug dang btang dang bcings dang dgrol// gso dang bsad dang pham dang rgyal// sbyor ba'i yan lag kun ldan par// brtan pa'i yan lag rdzogs par 'gyur// lcags kyu zhags pa la sogs rdzas// de dag 'dod pa'i pho nya'i tshogs// thabs dang shes rab mnyam sbyor bas// byang chub sems mchog dkyil 'khor du// phyogs mtshams bla 'og kun spros te// sprul pa'i mkha' 'gro phra men tshogs// lha mo kun gyi sbyor ba yi// 'khor lo mchog tu 'gyur ba rnams// rab rdzogs yul bcas byin brlabs bzhin// cha shas grangs las rnam par 'das// me lha'i rgyal po rdzas bkug ste// phyag rgya'i bzhi yis brtan byas te// 'bar ba'i snyoms 'jug brdar bcas pas// khamasagasum ye shes 'bar ba'i mchog/rigs kyi rgyal ba kun sbyor ba// bro gar 'du 'phro'i gnas 'jug pa'i// mtshan ma'i yul kun rnam par dag/ phrin las lhun gyis grub pa nyid// sangs rgyas kun gyi rnam 'phrul gyis// byang chub sems dpa' ma lus grol// de dag mdzad pa rgya chen pos/ khams gsum tshe gnas rnam par dag/ dkyil 'khor sbyor ba kun rdzogs shing// rnam par 'phrul pas stobs rdzogs shing// bya ba'i gnas rnams rol pa nyid// bsod nams ye shes tshogs chen mchog/ zhing khams chen po kun 'dus pa'i// sa dang lam bcas yang dag sbyor// dbye ba'i 'khor lo bzhi 'bum sku// bkod pa gsang ba'i bdag nyid mchog/ gdong gcig ma dang ma reg sogs// drag shul sbyor bas 'chags pa'i yum// mngon spyod las kyis sbyor mdzad kyis// 'dod pa kun 'dus rnam dag spyad// ljon pa dag dang lcug phran la// ngo mtshar yul kun mnyam sbyor te// zhi rgyas dga' zhing dang ba yis// rang bzhin mngon par 'phel ba'i yum// mi shigs thig le stobs rdzogs pas// 'khor lo drug gi gnas rgyas 'gyur// rim bzhin sbyor ba'i lugs 'byung lugs las zlog pa 'o// rnam par 'phro ba'i las 'grub 'gyur// bya ba mtha' yas pa'i sgo nas mdzad pa'i las kun rdzogs pa'o// rdo rje sems dpa' sgyu 'phrul dra ba gsang ba'i snying po de kho na nyid rol pa chen po thal ba'i rgyud las/phrin las kyi le'u ste bcu pa'o//// de nas de bzhin gshegs pa rnams// nyid kyi dkyil 'khor khro bo rol pa'i ting nge 'dzin la bzhugs te/ dkyil 'khor sprin rnams spro mdzad cing// phyogs bcu'i dregs byed thams cad kyang// nga rgyal gtum tshogs 'jigs mdzad phyir// rigs kyi bdag por bsdu mdzad cing// khro bo rol pa'i tshogs mdzad pa// khams gsum 'jig rten rgya chen por// nyon mongs las kun mngon zhen pa'i// dregs byed tshogs rnams nyon mongs mthus// rang gnas rgyud kun 'bar bar byed// las kyi sdug bsngal sna tshogs mdzad// kun nas nyon mongs mnar bar gyur// bdud kyi sde rnams dpung bcas pa// thams cad dregs pa'i mthu yis myos// de nas gtso bo lha chen rnams// nyon mogs las kyis skyes pa yi// 'byung chen gnas rnams g.yo mdzad cing// gcig la gcig gis gdug sems dang// thabs kyi spyod pa sna tshogs kun// rgyal srid yul kun 'phrog par byed// las kyi sdug bsngal stobs rgyas pa'i// mi mthun kun nas 'khrug pa las// 'jig rten khams rnams me 'bar zhing// rmongs nyams rngams nas las gzhan 'grub// de tshe nyon mongs dregs pa'i mthus// dur khrod bdag po stobs rgyas shing// las dang nyon mongs kun nas sprod// dregs byed sder bcas 'joms pa yi// ru tra mngon par lhags 'gyur te// khams gsum mngon gnas rim gnas kun// rngam 'khrugs pas ni mos shing bred// de nyid stobs kyi lus ngag yid// kun nas sprul pa'i tshogs 'gyed cing// rang gi mthu rnams phyogs bcur 'phro// nyon mongs las dang sdug bsngal tshogs// kun nas gzir ba'i blo rnams dang// de dag bdag po dregs byed stobs// thams cad sdug bsngal gcig tu 'bar// las kyi bdag po dbang bsdus te// de ni nyon mongs snyems par gnas// de dag kun nas dregs pa'i mthus// mi dge'i gnas tshogs longs spyod pa'i// sder bcas de dag rang bzhin spyod// sngon dus yang dag brten pa'i stobs// thams cad mkhyen pa'i gzigs 'gyur nas// thugs rje'i dkyil 'khor snang ba yi/ khro gnas mngon par sprul par mdzad/ khro bo sprin phung mtha' yas pas// sku gsung thugs sogs bkod pa'i mthus// phyogs bcu'i dkyil 'khor ma lus rgyas// stong gsum rdul snyed snang byas te// 'jigs pa'i gzugs bstan mtshon cha dang// rab gsum gsang sngags drag po yis// nyon mongs lus kun dag par mdzad// phyogs bcu'i bgegs tshogs brtul byas nas// dregs pa'i stobs rnams dpung bcom ste// rang gi dkyil 'khor gnas la bkod// rab gtum drag po'i tshogs rnams kun// nyon mongs nga rgyal tshogs sprul te// 'jigs pa'i gzugs dang mtshon cha dang// phra men mkha' 'gro rbod gtong 'gyed// drag po'i dgra bo ma lus kun// las kyi stobs mthur ldan 'gyur zhing// bdud rigs nag po'i phyogs su gnas// sangs rgyas kun gyi rdzu 'phrul gyis// stobs chen khro bo grangs med tshogs// phyogs bcu kun nas spro mdzad cing// 'jigs pa'i mtshon cha char phab ste// de dag sder bcas brlag par mdzad// ma las sha khrag rus pa'i tshogs// ngo mtshar chen po'i zhal du gsol// ye shes cho 'phrul yan lag rnams// kun tu spyod pas sbyor mdzad cing// ngo mtshar bcu gnyis cha lugs kyis// rigs kyi dkyil 'khor gnas su bkod// mthu lnga dbang lnga 'bras bu lnga// rab rdzogs bstan pas khro bo'i sku// ngo mtshar chen po'i yul rnams dag/ de dag bstan pas rdzogs pa nyid// nyon mongs sha khrag rus bcas pa// dug gsum rnam dag mchod pa che// yang dag gsol bas dges pa dag/ thugs rje chen pos slar gzung ste// shes rab snying rje 'brel pa'i mchog/ khams gsum sa gnas mngon par sgrol// rnam dag sku gsungs thugs kyi bdag/ 'og min mi 'khrug bde ldan gnas// rigs mchog byang chub sems bcas par// thugs rje mngon 'byung dkyil 'khor nyid// bdud rtsi 'byung ba'i ting 'dzin gyis// mi gtsang snyigs ma'i tshogs rnams kun// mngon par bstan pa rdzogs pa'i sku// thar pa'i dbang po zhes bya 'o// de bzhin gshegs pa thugs rje'i bdag/ bskal pa bzang po'i dus nyid du// ma 'ongs 'gro rnams spyod par 'gyur// thabs mkhas mngon par rdzogs pa yi// sangs rgyas mdzad pa ngo mtshar che// dregs byed thal bar rlog pa las// thal ba'i dbang por lung bstan mdzad// de'i phyir gsang ba'i theg pa 'di// thabs dang shes rab rol pa'i rgyud// sgyu 'phrul dra ba zhes bya ste// ngo 'tshar bshad pa'i dra ba 'o// dus gsum 'byung ba'i gnas rdzogs pa'o// kun mchog go 'phang rdzogs thob pas// rab tu sprul pa'i dkyil 'khor mchog/ tshul 'dis mngon par rdzogs pa nyid// rnal 'byor ngo mtshar las byung ba'i// sangs rgyas kun gyi dgongs pa'i mchog/ rab tu spyod rnams grol 'gyur zhing// tshul rgyun 'jug pas mya ngan 'das// de ltar sprul pa'i dkyil 'khor tshogs// rigs kyi bkodapa rnams mtha' yas// nyon mongs las kyis gdungs pa las// de nyid thabs kyis 'dul mdzad de// mthun pa'i gzugs dang sgra nyid dang// phyag rgya kun nas sprul pa'i tshogs// mi mthun gnas rnams sna tshogs pa'i// cha lugs kun dngos bral ba'i tshul// rnam pa lnga yi 'dul byed mchog/ 'khor rnams mya ngan 'das sbyor bas// phra men lnga brgya drug cu gnyis// phyogs bcu'i zhing khams mtha' yas par// sder bcas rang rgyud mthun pa'i gzugs// de dag gnas tshogs bsdu mdzad de// rnam kun dag pas rdzogs pa nyid// rang gi dkyil 'khor zhi bzhin pas// phyag rgya'i lung tshogs lha yi sku// mkha' 'gro phra men sgo ma'i tshogs// rang gi lag cha phyag rgya'i tshogs// ngo mtshar yul bcas rol pa nyid// lha chen dregs pa'i tshogs rnams kun// dam rdzas mi gtsang gnas dag nas// tshad med gsung sems byang chub sems// ldang dang rnam par ldang ba'i yid// kun nas bskyod pas dbugs phyung ste// mi gtsang gnas las grol bar 'gyur// de rnams phyogs gcig gnas 'khod cing// nyon mongs la sogs 'gyod bcad gsungs// rigs bdag kun la gsol ba 'debs// rang gi sbyor ba'i rdzas 'phrul zhing// dbang bskur dam tshig la gnas shing// kun nas dam bcas smra ba'i tshig/ dus kun mi 'gyur brtan par gnas// rdo rje theg pa'i don bzhin du// yang dag sgrub la nan tan gyis// tshogs kyi dkyil 'khor gzung byed cing// de ming 'dzin bcas bsrung bar mdzad// 'khor gyi dbang phyug bran tshogs rnams// gtso bo'i bka' bzhin nye bar gnas// mngon rdzogs sangs rgyas ye shes la// shes rab cher ldan sbyor ba'i mthus// thugs rje'i bdag po'i lung bzhin du// rab tu spyod pas grol 'gyur dang// dus mthar ji srid sems can don// dam bcas byang chub spyod pa'i mchog/ stobs chen drag po'i tshogs rnams kyis/khro bo'i dkyil 'khor mngon rdzogs pas// bde gshegs mdzad pa'i byin rlabasamachog/ sgyu 'phrul dra ba'i ngang tshul can// shes rab gnas kyi phyag rgya las// kun nas spro dang bsdu ba'i mthus// 'khor lo'i gnas kun rgyas 'gyur te// yang dag yi ge rlung gi tshogs// gnas kun brtan tshogs bsdud pa'i bdag/ me rlung yang dag sogs rgyas pas// sprul pa'i dkyil 'khor mtshan bcas rdzogs// ma lus chos kyi gnas 'jug cing// longs spyod rdzogs sku rgyan gyi bdag/ yang dag brgyad kyi sgra gnas spel// rnam shes tshogs brgyad ye shes nyid// bcu drug rol pa'i pho nya yis// bde ba chen po'i 'khor lo rgyas// kun nas spro dang bsdu ba yi// phyi nang 'jig rten dag mdzad pa// drag po'i tshogs rnams 'joms mdzad cing// rigs kyi 'khor lo rdzogs pa 'o// zhing khams thams cad dag par mdzad pa'i dkyil 'khor kun nas sprul pa'o// rdo rje sems dpa' sgyu 'phrul dra ba gsang ba'i snying po de kho na nyid rol pa chen po'i thal ba'i rgyud las/ khro bo'i dkyil 'khor mngon par bstan pa'i le'u ste bcu gcig pa'o//// de nas rnal 'byor dbang phyug mchog/ dbang po yul dus rol pa yi// thabs dang shes rab spyod pa'i gzhi// bya ba chen po las 'di gsungs// thabs kyi phyag rgya thabs rnams rdzogs// de dag rnam shes dbang por bcas// shin tu brtan pa'i bdag nyid can// bya ba kun nas skad cig las// rigs kyi dkyil 'khor thams cad mchog/ yul bcas rnam par dag byed cing// bde gshegs byang chub yan lag rdzogs// yid kyi yi ge rgyu dang bcas// rdo rje rigs dang de bzhin rigs// rin chen pad+ma las rnams kyis// cha lugs rdzogs pas kun spyod pa// dag pa'i dkyil 'khor rnam pa gsum// rtogs pa gzhi yi bdag nyid can// gnyis med ye shes thugs rje che// sprul pa'i ting 'dzin yongs su rgyas// thabs kyi spyod pa rgya chen de// kun nas spro dang bsdu ba dang// de dag dkyil 'khor ji bzhin pa'o// spros bcas spros pa med pa dang// rtse gcig brtan pa'i phyag rgya'i mchog/ shes rab rigs kyi lha mo rnams// nye bar bkod sbyangs byin rlabs kyis// so so'i mtshan ma rgyan ldan par// yang dag brtags pas sbyor ba'i gnas// rdo rje 'khor lo la sogs kyi// mtshan ldan ma yi tshul bzhin du// rab tu sbyangs pa'i phyag rgya'i tshogs// shes rab nye bar sbyor ba'i mthus// rol pa'i brtul zhugs gnas rgyas te// gang zag bzhi yi bye brag gis// tha dad dkyil 'khor yul kun rdzogs// rigs mchog phrin las thams cad kyis// sbyor rtags phyag rgya bde ba yi// thang cig yud tsam skad cig sogs// bskal pa chen po'i bar du gnas// ye shes sgrib sogs kun bral zhing// ye shes phun sum tshogs pa'i bdag/ shes rab spyod pa bla na med// chos dbyings yul la mnyam par sbyor// gnyis su med pa'i bdag nyid kyis// thams cad yul kun dbang bsgyur zhing// phung po khams dang skye mched tshogs// phyi nang snod bcud ma lus kun// rang bzhin rdzogs pa'i dkyil 'khor che// dus gsum rdzogs pa chen por sbyor// rnam shes dbang po yul gyi rgyun// kun nas rol pa'i brtul zhugs kyis// bde ba chen po'i thig le dbyings// mtshan ma'i tshul bcas gnyis med pa'i// thabs dang shes rab 'bras bu'i mchog/kun nas dkyil 'khor snyoms 'jug cing// rang bzhin yul kun las 'das pa'i// zung 'jug gsang ba spyod pa'i mchog/ kun nas ma 'gags rol pa'i tshogs// lha dang lha mo'i dkyil 'khor dbyings// rnal 'byor gnyis med spyod pa'i don// ngo mtshar yul kun rmad du byung// ji ltar 'gro nyal 'dug pa dang// spyod lam gang tshe gnas pa'i dus// sku gsung thugs kyi brtul zhugs mchog/ kun rgyud rnam gsum dag pa yi// phyag rgya sngags dang ting 'dzin las// zhing khams thams cad rnam sbyangs te// yang dag bsrung ba 'grub par 'gyur// dam tshig rnam par nyam pa dang// mthu chen dbang byin brlabs pa'i don// dkyil 'khor chen po brtan gnas shing// kun nas bsrung ba'i 'khor lor ldan// thabs dang shes gnas 'jug pa yi// sangs rgyas don yod grub pa'i mchog/ yang dag sbyor bas kun dgug cing// ma lus 'dus pa'i thig le nyid// dam tshig chen po'i lce la bzhag/ sku gsung thugs kyi mtshan ma yis// rim par gnas sbyang dbang bskur zhing// sangs rgyas kun gyis byin rlabs mchog/ kun nas 'dus pa'i tshul bsgoms nas// gnas gsum rdzogs pa'i tshul 'di yis// dkyil 'khor kun nas skal pa mnyam// 'dod pa thams cad bskang ba dang// dam tshig mchog rnams rdzogs par 'gyur/ kha zas sogs kyis dub pa dang// spyi bo zla dkyil bdud rtsi lnga// yi ge lnga 'od 'bar ba'i mthus// rigs dang rigs bcas zhing khams rnams// rnam par sbyor bas rdzogs pa nyid// mtshan ma phra mo sku yi tshogs// kun nas spro zhing bsdu ba'i mthus// phyogs bcu'i rigs kyi bdag po nyid// dkyil 'khor kun gyi 'byung gnas gtso// bdud rtsi bcud rnams rab rdzogs pa'i// byang chub sems mchog snying po nyid// yang dag bsdus pas rgyas par 'gyur// kun tu tshim pa'i stobs kyis ni// rdo rje 'dzin dang gral mnyam 'gyur// longs spyod 'dod kun bral ba yi// de dag rgyas par sgrub pa'i phyir// rin chen 'byung ldan ting 'dzin mchog/ rin chen bum pa bzang po las// yang dag bden pa'i mthu brjod cing// ji srid me tog phreng bcas pa'i// bdud rtsi chu rgyun bzang po nyid// 'dod pa thams cad dbang mdzad pa'o// sngags dang phyag rgya rnam par spel// rin chen rigs mchog thams cad kyi// byin rlabs 'od zer kun bsdus te// gnas lnga dag tu sbyor byas pas// 'khor lo'i sgyur rgyal gnas chen 'grub// yang dag sangs rgyas kun dang mnyam// ches dbang byin rlabs nyams pa dag/ mtha' yas mgon po dpag med sku// mdzod spu rin chen gzhal yas khang// byang chub sems nyid a sha'i gzugs// 'od gsal kha dog lnga dang ldan// rigs kyi phyag rgya brten byas te// chags pa'i yul bcas dbang gi sku/ khro bo mtshon chas phreng ba bcas// yang dag bsrungs bas bsrung bya ste// mi mthun las kun rnam par 'joms/ khro bo sprul pa bsam yas dang// phyag rgya'i mtshan ma thams cad kyis/ yul kun gnas nas shis byas te// mkha' spyod dra ba'i las chen po// rnam par sel bar dges pa dag/ sangs rgyas kun gyi mdangs dang ldan// sprul pa'i phreng ba'i 'od dang bcas// bkra shis g.yung drung dpal be 'u// bum pa bzang dang gdugs kyis mtshan// mi shigs rdo rje snying po'i sku// phyag rgya bkod pa'i mtha' yas shing// tshe dbang rigs kun rgyas mdzad de// yid bzhin nor bu theg pa'i mchog/ 'dod pas gnas mal thams cad du// dkyil 'khor 'brel bas chags pa'i gnas// bza' btung longs spyod thams cad la// sku gsung thugs kyi sa bon gyis// 'phro 'du'i byin brlabs sprul pa'i tshogs// gnas kun nye bar sgyur byed pa'i// 'dod pa'i longs spyod lha mor bcas// sangs rgyas theg pa kun gyi bdag/ dbyings dang ye shes mnyam sbyor zhing// lnga gnyis rdzogs pa'i 'od zer dang// nyi shu rtsa lnga'i 'od zer gyis// don kun gsang ba'i bdag po las// sbyor ba'i yan lag bdun snang zhing// gnyis med gnyis su sprul pa yi// rgyal ba kun 'byung bdag nyid do// kun tu bsrung ba'i phyag rgya yis// gnas rnams kun tu rgyas btab cing// cod pan phreng ba'i myu gur bcas// rang gi dam tshig rdzogs pa'i mchog/ gnas brtags sna tshogs rdo rje las/ khro bo yab yum sbyor ba'i rgya// rin chen phreng ba rdo rje mtshon// mdun rgyab gnas kun brtan pa nyid// dbu rgyan rigs lnga'i mtshan mas mdzes// sangs rgyas kun rdzogs dbang bskur mchog/ sna tshogs ban+d+ha phreng tshogs bklubs// grong khyer bzang po'i gnas 'di ru// bsod nams ye shes tshogs rdzogs pa'i// lha mo'i mchod pa bla na med// thabs la shes rab rol pa dang// thabs dang shes rab rol pa nyid// 'jug pa'i rgyu dang 'bras bu'i bdag/bya ba rdzogs pa'i phyag rgya yis// yang dag 'pho ba brtan mdzad pa'i// phyogs mtshams gnas kun 'jug pa'i tshul// mi gnyis rdo rje mtshan ldan pas// glu gar dbyangs kyis kun spyod cing// yan lag rol pa'i 'khor lo dang// rnam par sbyor ba'i byang chub sems// mtshan ldan pa yi pho brang du// bdud rtsi rnam pa lnga dang bcas// byin rlabs bsgrubs pas gsal ba nyid// bde ba chen po'i gnas rnams su// rnam par sbyor ba'i byang chub sems// rol pa'i brtul zhugs gar bskul zhing// lha mo'i tshogs kyis gar dang glu// sprul pa'i don kun spyod pa'i mchog/ bsod nams tshogs kyi 'khor lo'i sa// lus ngag rgyud bcas dag 'gyur zhing// rnal grol dkyil 'khor rdzogs pa'i mchog/ ye shes tshogs mchog mtha' yas pa'i// kun tu smon lam ma 'gags pa// mtshan ma'i yul du kun byed kyang// zag bcas spyad pa brtags las bya// khams gsum 'bras bu las dang bcas// thugs rje ye shes byin brlabs mthus// gnyis med dngos grub 'bras bu rnams// kun tu rdzogs pa'i stobs kyis ni// zag pa med pa'i don 'byung zhing// rang gi ngo bo nyid gsal byed// spyod pa rnam par grol ba'i mchog/ rgyal ba'i mdzad pa kun rdzogs pa'o// rdo rje sems dpa' sgyu 'phrul dra ba'i gsang ba'i snying po de kho na nyid rol pa chen po thal ba'i rgyud las/ spyod pa bstan pa'i le'u ste bcu gnyis pa'o//// de nas 'khor gyi tshogs rnams kyis// sangs rgyas kun gyi dkyil 'khor la// rab tu brtags pas 'jug 'gyur cing// byin brlabs yul kun mnyam par 'jog/ rang gi ye shes ji lta bar// de dag snang ba bsam mi khyab// chos kyi rgyun gyis bya ba dang// mngon par bskyed pas rgya chen rdzogs// ngo mtshar yon tan gnas la 'jug/ sangs rgyas thams cad bstan pa'i gnas// rnam par sbas pas gsang ba'i tshul// phyag rgya thabs tshogs cho ga kun// bstan pa'i gnas su 'byung 'jug thim// kun tu bzang po'i dkyil bstan pa ni// yang dag ye shes dpe las 'das// dgongs pa mi shigs bla med pa// bya ba'i 'khor lo bsam mi khyab// sku yi sku ste sku yi mchog/ mnyam pa lnga yi bdag nyid la// phyag rgya'i dkyil 'khor kun 'jug cing// sum cu rtsa gnyis rdzogs pa yis// bsnyen sgrub yan lag gnas chen po// e ha a sha'i sbyor ldan zhing// 'jigs byed swA hA tsa ta'i mtha'// pho brang ma bcos pad+ma'i dbyings// ba ta ba ri sa ha dza// rgyu yi 'jug pa rnam bdun gyis// rkyen gyis nam mkha' rnam par dag/yang dag nye bar bsags pa'i rgyud// drug dang drug bcas mtha' rnams 'gogs// 'bras bu de nas mthun pa'i chos// rnam gsum sbyor ba stobs kyis rdzogs// nyams pa med pa'i thabs rnams kyis// rgyal ba'i pho brang bcu drug gnas// zla phyed yongs su gang ba yi// dkyil 'khor gsal ba cha rgyas 'gyur// mtshan ma sna tshogs ting 'dzin dngos// de dag gnas kun lhun grub pa'i// de dag rigs kyi yi ge bzang po'i tshogs// mtshan ma med pa'i ting 'dzin mchog/ sangs rgyas theg pa mdor bsdus te// yul dang yul can gnyis med par// byang chub sems sogs ma rgyas par// rang bzhin rnam dag dkyil 'khor mchog/mi rtog ngo bo dmigs dang bral// rab sbyangs spyod pa rdzogs 'gyur zhing// phro brang yi ge ma bral bar// yul kun sbyor ba'i ting nge 'dzin// dkyil 'khor bdag dang gzhan pa'i rgyud// kun nas sgyu 'phrul dra ba'i dngos// tha dad yul rnams bsam yas pa'i// phreng ba'i cha dang cha las 'das// dmigs pa kun la 'jug pa'-i rgyun// de mtha' spro dang bsdu ba'i tshul// mnyam nyid rtogs pa rnam lnga yi// phyag rgya rdzogs pa'i thig le'i tshul// rang gi gnas 'jug thig le'i rgyun// 'khor lo'i tshul bzhin 'jug pa 'o// ji snyed dngos grub snying po'i mchog/ rab tu rtog pa rnam bzhi yis// bye brag yul tshogs gnyis med par// snang ba rnam par dag pa'i tshul// nyung bar bsdus pas rdzogs byas te// dam tshig dkyil 'khor mnyam pa dang// thugs rje 'byung ba'i bdag po nyid// ye shes sems dpa' sngags lam las// dam tshig 'phro 'du'i bye brag las// yan lag gnas kun rdzogs 'gyur zhing// 'od kyi thig le rnam par dag/ bu ga'i tshogs rnams thams cad du// dngos po drug gis gnas khyab cing// rten dang brten pa'i ye shes tshogs// ting 'dzin sems dpa'i bdag nyid do// sa bon zla ba'i thig ler bcas// yang dag sbyangs pas rdzogs pa'i sku// byang chub gnas kyi rgyan ldan zhing// mthar phyin sangs rgyas kun gyi thugs// dus gsum rgyan gyi ting nge 'dzin// ngo bo gcig nyid sna tshogs mdangs// thabs kyi sprul pa bsam yas te// sangs rgyas drug gi mdzad bcas pas// dkyil 'khor bla na med pa'i mchog/ ye shes dkyil 'khor thams cad kun// dga' mgu rangs bas mnyes byas te// 'khor lo'i cha shas gnyis gyi tshul// gsal 'debs sngags dang phyag rgya yis// rang gis yul du gshegs gsol zhing// dus nyid 'gro la gzigs pa'i mthus// ji srid bkod pa rgya chen don// pha rol phyin pa'i tshogs rnams kyis// sangs rgyas theg pa brtan par byed// sbyin sogs tshul khrims bzod pa dang// brtson 'grus bsam gtan shes rab tshogs// thabs stobs smon lam ye shes kyi// bya ba chen pos gzhan rgyud sel// yang dag mnyam nyid ye shes che// 'gro rnams rdo rje 'dzin pa yi// gnas kun mngon par sbyor byas te// thabs dang shes rab sbyor ba'i bdag/gnyis med sprul pa bsam yas pas// de dag rnam par rdzogs pa yi// byang chub yan lag rin chen rdzas// rang gi gnas min pa ru bzhag/ spyod lam rgyun gyis bkod byas te// chu bo rgyun gyis tshul 'jugapa// rnam par grol ba'i theg pa mchog/ 'gro ba thams cad rin chen rdzas// nam mkha' la gnas b+ha ga nyid// rdo rje 'dzin pa bcom ldan 'das// dkyil 'khor chen po dbang bskur zhing// dam tshig gsang ba la gnas byed// kun nas smin pa'i byin rlabs kyis// de dag mtha' dang tshul gzhan gyis// grong khyer mchog rnams sprul pa'i sku// longs spyod gnas chen kun dga' ba// rdo rje rinachen pad mo'i tshogs// rab sbyangs dmigs pas 'grub 'gyur zhing// bcu drug cha shas rnam par 'phel// rab tu sbyangs pa'i yul 'di ni// dam pa'i ye shes 'jug pa'i gnas// bya ba'i 'khor los gzhan rgyud tshogs// rab sbyangs dmigs pas 'grub 'gyur zhing// bcu drug cha shas rnam par 'phel// rab tu sbyangs pa'i yul 'di ni// dam pa'i ye shes 'jug pa'i gnas// bya ba'i 'khor los gzhan rgyud sel// don kun rdzogs pa'i thig le nyid// rang byung gnas su brtan pa yin// zhes bkod pa rgya cher mdzad// rdo rje sems dpa' sgyu 'phrul dra ba gsang ba snying po de kho na nyid nges pa rol pa chen po thal ba'i rgyud las/sbas pa'i gsang ba'i tshul la 'jug pa'i le'u ste bcu gsum pa'o//// sgyu 'phrul ngo mtshar bshad pa'i dra ba/ gsang ba snying po de kho na nyid nges pa las/ rol pa chen po thal ba'i rgyud ces bya ba rdzogs so//// rgya gar gyi mkhan po bi ma la mi tra dang/ bod kyi lo tsA ba gnyags ban dz+nyA na ku mA ras bsgyur ba'o//// shu b+ha ban+tu// sid+d+hi rastu/ gzhi rgyud bde bar gshegs pa'i snying po'i khams// sad byed thabs mchog rdo rje'i tshig gi rgyud// yi ger bsgrubs 'dis mtshon nas 'bras bu'i rgyud// zung 'jug sku bzhi'i go 'phang myur thob shog/ ces 'gyur med rdo rjes so//// m missin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissin g textmissing text

CLOSE WINDOW