121b3 /// dmar po 'di tsho phan mi thogs pa yin no/ / khregs gcod bsdus pa bzhugs so// @##// rgya gar skad du/ sa ma ba tA na ma/ bod skad du/ khregs gcod bsdus pa zhes bya ba/ bcom
121b4 ldan 'das mtha' bzhi rang grol ba'i mgon po rdzogs sangs rgyas pa'i bla ma la phyag 'tshal lo// de nas ston pa rdo rje 'chang// phyogs bcu 'jig rten rab 'byams su// zhal gyi dkyil 'khor gsal byas
121b5 pas// ljags kyi dbang po'i rtse mo las// 'od zer brgya phrag du ma 'phros// 'od kyi zer las sangs rgyas ni// nyid dang 'dra ba'i gtso 'khor ni// stong phrag brjod kyi mi lang ba// du ma 'phros pa'i sems can
121b6 gyis// don byas nyid kyi thugs khar 'dus// rang bzhin dgongs pa lcog gzhag las// tshig min don gyi dgongs pa 'phros// kyA+ai ma sems dpa' chen po nyon// snang ba rang gi rang bcad pas// khregs gcod
122a1 rnams kyi dang por byung// byas pa med pa'i chos nyid la// byas byung pa med pa'i gnad mthong na// byas dang byung ba rang sa chod// 'khor ba zhen mtha' rang gnas pas// 'khrul pa bden pa rang
122a2 gnas te// dus gsum rgyal ba'i dgongs pa rnyed// 'di la rab gnas mtha' yas te// nga yis chud rtsa'i ro brgyad snyed// thog ma rang dang rang bzhin las// bdag nyid chen po'i ltas stangs las// mthong ba
122a3 med pa'i yul rnyed pa// bshad par bya ba'i chos rnams zad// thos sam sgom pa'i nyen len stongs// du ma 'dus pa'i tshang shig pas// gcig bar gnas pa'i ye shes thong// de mthong ba tsam gyis 'khor ba'i
122a4 las// ma byas gzhi la thams cad 'grub// 'dis ni byung ba'i bdag po zin// de la yon tan brgya phrag snyed// de snyed chos la 'jig pa med// 'jigs med lam du su zhugs pa// 'di la ldog pa yod mi
122a5 srid// srid bral ming bzhi stongs pa'o// khyab bdag nam mkha'i mtha' snyed pa// dbyings su tshud pas phyi nang chod// sa chu me rlung 'byung ba yi// gzhi dang lam dang 'bras bu zad// lta dang sgom dang spyod pa
122a6 gzhi// rang sar dag pas 'khor rgyun chod// bde sdug snyoms pas dga' bde yis// 'dod pa dag pas rang 'dod thob// de la gang gi snyas pa med// 'di ni de la khyab pa byas pa'o sa med pas// bar do 'gro
122b1 ba'i lam 'gags pas// tha ma rtogs tshogs 'bras bu stor// snyed pa med pa'i dbyings su thim// de la tsal bas snyed mi 'gyur// mi rnyed chos la brjod pa chad// des ni byang chub myur gu gcad// bcad bya'i
122b2 yul dang shes byed mtha'// gnyis 'dzin bral ba'i ngang du chod// de yi 'brel pa zad pas stongs// stong pa'i chos la bcad gzhi yas// yas pa 'di la sus dris pas// sangs rgyas 'bum phrag grangs med
122b3 pa'i// zhal mthong 'di dang gnyis su med// byas med snang ba'i rtsal chod pas// da ni sbyang bya'i rtogs pa 'gags// de ni mi 'gyur lam zin pas// sangs rgyas rnams kyi ma byas pa'o// yang nyon sems dpa'
122b4 chen po khyod// de la nges pa ma thob na// phyi nang 'dus pa'i snang ba la/ rang dbang byas la phyogs gnad bsgyur// 'di ltar byas pas spyod pa ni// seng ge bu bzhag lta bu la// phyogs dang 'dzin pa med par rgyu//
122b5 'di la las dang bag chags kyis// nyon mongs 'gyur ba'i rta chad nas// 'gro dang 'ong pa'i lam dang bral// bem po 'dus pa'i gzugs rnams la// blang ba'i bya ste bzhag pa smin// de la sems kyi ma yangs
122b6 na// sems 'dus rtog pa khregs kyis tshad// dran pa 'dus pa'i phung po gang// de nyid gang byung sar gzhag na// sdug bsngal 'dus pa'i phung po zhig/ slar la blang pa'i sa med pa// yang ni mig gis
123a1 gzugs shes nas// stong pa'i chos la 'dis longs spyod// de ltar 'dod yon brlabs bcad nas// rdzogs pas 'di las bshad du med// smra med bsam pa'i gzhi zad pas// dus gsum
123a2 'bral ba med pa yi// grogs 'di gzhan dang mnyam pa min// gong na med pa'i sgra dang dri// ro dang reg pa'i dngos po stor// rnyed pa'i mchog ste dgos 'dod phrad// 'di ni 'chos med sems zad pas// sems
123a3 'dus yid kyi spyod pa las// 'di ni cung zad tsam thal lo// rgyal bas 'pham pa'i lam gsal nas// byas nas byung ba dum bur chod// 'dis ni 'khor ba'i mtha' ma chod// de chod yul la phar spyod pas// sbyang
123a4 bya sbyor ba'i gzhi med pas// theg pa rnams las dris pa med// 'di ni ring thung gi 'dus te// sems kyi yul de btsal bas ni// sdug bsngal rnamasakyi rtsa ba chod// bya ba ma yin du mtshungs pas// 'khrul gzhi
123a5 dag pa'i me long mthong// de mthong sde snaud chos rnams shes// lo rgyus chen po rmad byung bas// ma byas thos bsam gzhi la rdzogs// sgrib bral bde ba'i lus thob nas// 'jig pa brgyad las 'jig med par/
123a6 slar na gzhan gyis rnams 'joms// 'di ltar spyad par 'bral med pa'i// mthal la chud na ldog pa med// spyod pas pha rol bde thob nas// sdug bsngal phyag mas 'debs pa'o// bskal par bsags pa'i
123b1 las kyi mtha'// 'dir spyad gzhan la ma ltos pas// rang gi shug la rang sa zin// 'di la gang gis rlags ma rnyed// sra ba'i gos gon mgon nus zad// 'khor dang 'das pa'i 'brel gcad pas// sngon gyis
123b2 yul yang da lta mthong// rdo rje 'dzin pa zhes bya ba// sngags kyi theg pa'i mthar thug ba'o// lam 'brel dus kyi gnas shes pas// 'di la spyad dang spyod pas stongs// rang bzhin mi gnas sos dal bas// nga
123b3 bdag rnams kyi khog pa stongs// 'khor rkyen rgyu 'bras rtsa ba rul// 'di la lo 'dab skye mi srid// de na ngas ni nga rang mthong// sangs rgyas rnams kyi spyod pa ni// bya ba'i gzhi med byed med pas// 'di la 'das
123b4 pa'i lam bral te// 'bras bu rnams kyi re gnas pa// stong min sems kyi goms sbyang nas// ngo shes 'di la 'dod bral ba// nor med longs spyod chen po la// bya bral gnas pa'i snying po'o//// bltas bas
123b5 dus gsum dus cig gsang// lta ba'i yul mthong lta mkhan mthong// stos bcas rang dag zag pa med// 'byung ba'i lus zad nyon mongs stongs// de yi yul la bsam mi khyab// bsam mi khyab pas bsam
123b6 med la// byas med byung med 'gro sa med// nga med gzhan med 'khrul ba med// mthong du med pa'i gzhi la mthong// rgyun chad skyen 'gag 'bras bu klag/ 'gro 'ong las kyi 'khrul phyug med// de don sems la
124a1 rang gzhag pa'o// de ltar gsum shes gnyis med la// gzhi sogs grangs kyi mtha' med pas// gsum la 'khrul sa rang gzhag pas// 'gyur zhing 'phyug pa med par bsdams// 'khrul du med
124a2 pas cig shes pa// gnyis su 'dzin pa ma srid pas// 'khrul zhes 'khrul ba'i sdeng gzhag pas// bya byed thams cad rgyun chad do// sems dpa'i sa ni yang gsol pa// 'khor ba'i snying po de ltar na// rang bzhin
124a3 ji ltar rnam par dag/'di nyid ston pas yang gsungs cig/ de nas rdo rje 'chang ba yis// rang bzhin gnas pa'i tshig 'di gsungs// gsang bdag sems dpa' yang nyon cig/ 'di ltar snang dang stong pa
124a4 yis// bsdus pa'i ci tsam pa// rang bzhin gyis ni rnam par dag/ 'bad rtsol dri ma las 'das pas// spyod bral sgom dag lha yul stongs// ma byas rang gi sar bzhag pas// de dag rang dag bzhag yas dag/
124a5 rgyu dag rang dag 'bras bu dag/ chos dag sems dag 'khrul ba dag/ dngos dag yul dag 'gyur 'brel dag/ dag nas sems kyi snang dag pas// de rang bcad par bya ba ma yin no// de ltar dag pa'i snang ba
124a6 la// bems byang lam du blangs pa yis// sa chu me rlung dag par snang// dag pa'i lugs dang dag pa yis/ dag pa'i yul dang dag pa'i dus// dag pa'i tshad dang dag la gnas// de ltar bems po'i lam du
124b1 yang// su yis slong bar shes pa ni// bslangs pa'i longs dang longs lugs dang// len pa'i dus dang longs pa'i tshad// bslangs pa'i 'bras bu skya dang skyes// nges par skyes pa rnams nas ni// phyi yi snang
124b2 ba chos kyi skur// gnas pa mthong bar 'gyur bas na// mthong ba de la gang goms pa// sku gsum rgyal ba'i zhing khams mthong// 'di ni mthong ba'i lam la gnas// 'brel pa dag pa nges thob pas// dngos
124b3 su spyod pa nyid las so// nang gi sems dang sems las byung// sems kyi snang ba gnyis dag la// rang sar gzhag dang rang grol dang// rang byung rang shar rang gis yul// rang gi rtse la rtsa ba bcad// rang
124b4 gnas rang gis thob pa la// sems rgyun stongs dang med pa dang// 'gro 'ong 'byung 'jug shes pa yis// 'gyu ba yal ba'i bar phye dang// gzung dang btang dang glod pas shes// sbyor ba dang yang 'bral ba
124b5 dang// stor dang bsdu ba'i gnad btun nas// sems kyi me long gzugs brnyan 'dra// snang yul bzung bar med pa ni// ye nas de ltar gnas pa la// shar ba rnams kyis thog ma la// byung ba rnams kyis bar
124b6 gsal bas// shes pa rnams kyi tha mar snang// de yang 'bras bu'i dus las ni// gnad la phab nges bzung bya'o// phyi nang bcud dang bar bkrugs dang// nang du gnad la bor ba dang// gang yul gang mthong
125a1 gnas pa// gang gi mthong dang gang gi tshor// gang la shar dang gang thob dang// 'khrul pa rnams kyi tha ma la// 'khor ba'i thog ma shes pas gsal// snang byed bsdu dang rmugs pa dang// yul
125a2 las dkar dang gnas su bzhag/lam du bzhag dang gzhi la bskyal// bltas mthong med pas snang ba la// bsgyur dang bcad ba'i las rnams 'grub// zas dang gos dang 'gro ba'i rta// bcud du gril bas shes
125a3 bas na// 'gyur gyur thob rnams las nyid dang// yang dag pa'i las kyi mtha'// khregs kyi bcad pas bya ba rdzogs// rang gi dpal dang gzhan gyis bgegs// tshad ldan bla mas mkhyen pa la// legs par
125a4 bris gcig dang sems can 'dis ni 'khor ba'i zad dus shes// bya ba rdzogs pa'i rnal 'byor pa// de nas gsang bdag sems dpa' che// ston pa nyid la yang bstan pa// kyA+ai kye ston pa rdo rje 'chang// rang
125a5 gi gzhan dag pa de ltar na// snying po lam du ji ltar bslang// 'di lta bdag ni zhu ba bgyid// ston pas gsung pa sems can che// yang ni 'di ltar ya mtshan can// snying po thams cad 'dus pa'i gnad// sangs
125a6 rgyas gzhan gyis ma gsungs pa'i// don 'di ngas bstan khyod kyi nyon// spyi dang rang gi khyad par las// thog pa rnams kyi the tshom sa// 'di las byas byung med rtogs pa'i// sems las gyu yang zad na// sems
125b1 kyi 'gyu sa gzhig pa dang// de yis rjes la gar song gnas// snying po 'dus pas spros zad pa// tshig la gnas pa med pa ni// gnas pa'i dus na glod pa yis// rlung la mkhas pa kho na'o// dran pa 'gyus pa'i
125b2 snying po ni// rang sor gzhag pa kho na'o// yul rnams bsdus pa'i snying po ni// thad khar bcad pa kho na'o// gnas lugs bsdus pa'i snying po ni// sems byung btsal ba kho na'o// grol lugs bsdus pa'i snying po
125b3 ni// byas pa med pa kho na'o// shar lugs rnams kyi snying po ni// bltas pas mthong ba kho na'o// de ltar de ni 'bras bu'o// lam ni ched du byed pa dang// shugs la byung ba nyid dang ni// rang bzhin gnas pa nyid
125b4 na dgo/ched la yang na byi bas bya lus dang bag dang yid kyi yang// gnad dang de'i bya ba bla ma'i lung gis shes// las ni 'dug dang langs pa'i khyad bar las// bya ba dang ni byed pa'i las la brtson// ngag
125b5 ni a li ka li mnyam sbyor bas// sgra dbyangs tshig gi 'brel gyi sbyar// yid ni 'phang dang dgug dang sgrog pa ni// so so'i dus dang sbyar bas rgyal ba'i dgongs pa 'grub// shugs 'byung lam ni bzhag pa tsam
125b6 gyis 'grub// de la 'bad cing rtsol ba rlung gi sgo dgag/ rang bzhin gnas pa'i lam ni 'byung 'gyur de// g.yo dang 'gyur dang bsgyur ba'i las mtha' can// de la rang gi bya ba med pas legs bzhag pa'o/
126a1 slong ba'i dus dang bslang dang bya ba'i gnad// 'gyu ba'-i sems la mtshan med chos gsal ba// g.yo dang 'byal dang 'phrig pa'i dus kyi shes// 'di la rang bzhin bzhag dang byas pa'i gnad
126a2 gnyis// laM la byung dang gdeng du tshud pa la// rtog pa'i lung dang de yis tha yi phye// gnyis su yod dang de yi tha gsal ba// bar dang dang po nyid las gsal phye ba// de'i lus dang yan lag so so'i dus// 'di
126a3 ltar sbyar ro rnal 'byor sems dpa' che// rig pa gnas pas de la nyes spyod pa// lus la gnas dang yul dang 'gyu ba las// rab dang 'bring dang tha ma yi// 'jug pa'i rnal 'byor pas mthong na// gang la
126a4 mthong ba tsam gyis 'khrul pa'i 'khor rgyun gcod// rang gi gnas pa mig gi byed pa can// mngon gsum pa dang de yis 'gyur shes ni// goms pa'i shugs ni rang gis las so// yang ni rdzogs sangs rgyas pa
126a5 la// gnas pa tsam gyis thig le'i dril lugs zhus// ston pas gsungs pa 'di la legs nyon cig/ chos nyid gnas pa tsam las rang byin brlab pa ni// 'khrul pa'i 'du byed khyad par gnas pa la// rgya yi
126a6 gdab dang khung su bcud pa yis// de ma yin las de'i snang shar ba// de la lug gnad sems gnas mtha' la gnas pas bdag/ 'khor dus 'brel dus rang la gnas pas spyad// gong mo'i zla mthong gsang
126b1 bas che ba dang// dang po las rtsis grangs kyi che ba dang// ye nas gnas pas rang bzhin che ba dang// snga ma las 'gyur don gyi che ba nyid// rang rig mthong dang gzhan la bslabs pa yis// gong ma'i bde nas
126b2 'og ma'i zla dang bral// thad ka dus kyi 'gyur ba nges phye bas// rdzogs nas de yis don las chen por gsal// 'gyu dang yul la mi gnas chen po nyid// bde ba 'dod bral nam mkha'i yul gnas pa// 'di ni
126b3 rdzogs pa chen po'i rnal 'byor du// spros dang zug rngu bral ba'i thig le la// 'di ni gcig dung gnas pa'i zla dang cha shes dang// gcig tu sdoms pas du chod// 'di la ming gi tha rnams zad// 'di ni nyag las
126b4 gcig tu dril// spros pa med pa'i bde chen gnas// rtsa yi gnas nas 'phra 'gyur 'khrig/ sgron ma las ni dngos su'o// yul la zla dang bcas pa nyid// sngon du gyur pas 'phel ba rdzogs// 'di la zad pas
126b5 las zad pas/'gyur ba'i rlung de khrig pa thig/ khyab pa dngos po thig le'i yul// 'di las mangs dang nyungs ba dang// 'phel 'grib rnams kyi dang po la// bya ba bral ba'i sngon du ltos// 'di nas ched dang
126b6 yas pa dang// 'byams dang rlung du gyur pa las// sangs rgyas kun gyis yul mthong ba'o// sgron ma stong pas rnam par 'gyur// sems kyi bya ba las 'das nas// bde dang sdug bsngal gcig bral nas// nga dang
127a1 rang bzhin 'od dang ni// kha dog so sor gsal ba las// rig pa'i dbyings dang 'brel bas na// 'di la rnal par phye ba yis// gzhi yi bye 'gyur mig dang 'brel// khung ni gzhi la byung ba la// da
127a2 lta sems can lus la gnas// lam ni 'khrig pa rtsa las yang// du ma rtsegs pa'i rang bzhin can// 'dis ni 'khor ba'i mun pa sel// dang po med pas yod par snang// bar du 'od dang thig le nyid// tha ma
127a3 sku dang ye shes so// de las stong par gyur pa las// zad pa rnams kyi 'bras bu ste// 'khor ba'i thog mtha' des chod nas// rdzogs pa'i rtse mo mthar phyin pas// de las phyogs med thugs rjes 'phros// kun
127a4 don ma lus rdzogs byas nas// rang gi sa la gnas pas stong// cig char ba dang rim gyis so// rdo rje 'chang la yang zhus pa// rtse gcig pa las chos nyid lam// khregs kyi gcod pa ji ltar lags// thugs rje
127a5 can la bdag nyid can// de nas ston pa rdo rje 'chang// nges pa'i 'bras bu lam zhugs phyir// rtse gcig 'dus pa'i dgongs pa gsungs// chos nyid rtse mo dal ba yis// 'khor ba 'dus pa'i rtog pa gcod//
127a6 rang sems 'dus pa'i rtse mo yis// 'das pa'i mnyam pa'i don rnams gcod// rang gnas 'dus pa'i rtse mo yis// chos rnams zad par gcod par byed// sku med rang dag rtse mo yis// bya byed 'bad rtsol
127b1 thams cad gcod// rtse mo'i dngos la 'od 'phros pas// 'khor 'das gnyis ka dus gcig la// stong pa rtse mo gcig pa la// rtog dang mi rtogs dus gcig mthong// gnas pa'i las mtha' rdzogs pa'o// lus
127b2 rdzob rtsa rnams 'dus pa yis// lus la gnas dang 'phel dang nyams// 'gyur dang 'jig dang 'pho bar byed// chos nyid ye shes 'phen pa dang// 'phang dang 'dzin pa dang/ 'gril dang gong 'og sdeb rnams
127b3 byed// dag la sgra don 'dus ba yis// yin dang min dang yod dang med// mthong dang ma mthong shes ma shes// gnyis ltos rnams kyi byed pa can// sems la 'khor 'das gnyis 'dus pas// sangs rgyas
127b4 sems can rgyu 'bras dang// chos dang chos min rim pa dang// bde dang sdug bsngal gzhi ma byed// de ltar 'dus pas rnam par gyes// 'di la bsam gyis mi khyab pa'o// gang la rtog pa'i mtha' shes na// de
127b5 las chos nyid yul gnas pas// 'brel pa med pa'i don nyid las// chos dang gang zag mtha' phye bas// 'khrul pa'i rtog pa dus gcig 'gag/ lus kyi mi rtogs dal rten pas// rtog pa rnams kyi 'brel ba
127b6 chod// ngag gi mi rtog smras gcad pas// brjod med don gyi gzhi ma rnyed// sems kyi mi rtog rang sar bzhag/ des ni rkyen rnams chos nyid 'gyur// gsum sdom sku gsung thugs la gnas// de'-i 'bras bu bde
128a1 skangs pa'o// bsam pa 'phro dbang dus pa dang// mched dang yas dang 'bar ba dang// rtog dang mi rtog 'dus mched can// yul la 'jug dang gnas pa dang// de las 'phros dang mched pa
128a2 yis// dran bsam rnams kyi gzhi ma byed// rang bzhin 'gyur dang blo bur pas// rkyen rnams du ma sogs par byed// de las sde sdug phung por 'gyur// 'khor ba'i sa bon 'bras bur ro// de nyid bstan par
128a3 'dod pa yis// tha mal so so'i las bzlog te// lus dang ngag dang yid kyi gnad// gzhan la bzlog pa rnal 'byor pas// bya dang byed pa med pa las// rang bzhin dus na cog pu la// mtshan nyid gzhi dang
128a4 ldan pas bya// gnyid la 'khor lo lta bu la// 'gro na nam mkha' lding gi lugs// 'dug na g.yas dang g.yon du'o// bye brag gzhan la mkhas pa yis// ji ltar rig pa sbyar bas 'grub// ngag ni rang bzhin smra
128a5 dang bral// nyal na yi ge 'phreng ba bzlas// 'gro na rlung gi yi ge rten// 'dug na a yi rnams pa la// bye brag gzhan la mkhas pa sbyar// yid ni rang bzhin thun mongs la// gar song phyi nang rjes rnams
128a6 gcod// nyal na tsi tar 'jug par rmis// 'gro na rmi lam 'kha' la spur// 'dug na thig le 'dra bar bzhugs// bye brag gzhan la mkhas pa yis// gang la mos pa man ngag gis// gnas rnam sgyur ba rnal
128b1 'byor pas// de yis dngos gzhi 'brel sbyar ba// 'gyu ba'i yul dbyung dran pa gsad// bsam ba'i yul lha sems rgyun gtor// yul dang shes pa sbyar bas shes// 'phro las mched pa'i dus mtha' gcad//
128b2 gang snang rang gi thog tu dbab// gcig gi 'brel pa cig gcad na// de la nyams kyi shes pa skye// dag pa chen po gzhi nyid na// bde ba sum bcu rtsa gnyis 'char// de las 'bar dang bde la skye// thob pas
128b3 'khor lo can la 'jug/'gro dang 'ong pa'i shugs rgyun 'gag/ de la sogs kyi rnams 'phel bas// phar dang gzhan gyi bya ba byed// log dang ma log spor gnas dang// ji ltar 'gyur ba grangs las shes//
128b4 bsod nams las kyi bye brag rnams// ji ltar 'dod pa shes pa dang// 'chi 'pho skye ba'i grangs nyid kyang// 'phen dang sdud pa las shes pa// de yi rang bzhin rnal 'byor pa yis yang// yid gzhung dran pa
128b5 gsal po yis// rgyun du rtsis pas mngon par gsal// bsam gtan nyid kyi yon tan no// zhes bkod pa chen po a ti rdzogs pa'i rgyud las// khregs gcod las kyi mtha' gcod pa'i skabs// skal pa dum
128b6 bu'i rgyud las// man ngag tu phyung ba khregs bdun pa zhes bya ba rdzogs so//// dge'o//// bkra shis////


CLOSE WINDOW