81a5 bsdus pa rdzogs so//// bcom ldan 'das kun tu bzang po yis// lhun grub sku la phyag 'tshal nas// thig le mthong rtol rgyud gsungs pa// ston pa kun tu bzang po yis// gnas ni thig le mkha' khyab
81a6 tu// 'khor ni rang byung ye shes la// dus ni thams cad rang byung dus// bstan pa gnyis med thig le'o// zhes gsungs so// kun tu bzang pos bka' stsal pa// 'khor gyi rdo rje sems dpa' khyod// thig le
81b1 mthong rtol rig pa'i 'khor lo skor// phung mgo chan pas thob la sgrol// srid gsum dbang du bsdus la sbyor sgrol gyis// zhes gsungs so// yang bka' stsal pa/ rig pa 'gag pa med pa la// shes rab 'gag
81b2 pa med pa yis// snang srid byung thob srog gi rtsa ba chod// thugs kyi reg chod spu gri tshol// 'dzin byed zhags pa chod la thong// zhes gsungs so// yang bka' stsal pa/ thig le mthong nas rtol ba ni// tsit+ta'i nang
81b3 du rab btags pa// rig pa stong par gsal ba ni// de ni nang gi thig le yin// snang par stong bar shes pa ni// de ni thig le'i spyi rtol yin// nyams myong 'dres pa'i bde gsal ni// thig le phyi nang rtol ba
81b4 yin// zhes gsungs so// yang bka' stsal pa/ thig le thog ma mthong nas ma rtol na// rig pa'i gnad du brdeg par bya// tshogs drug rol pa shar ba la// rig pa bde bar rang shar ltos// de ni thig le phyi
81b5 rtol yin// dkar po dus su rab tu sbyangs/ khong nas yid kyi 'gyur ba la// 'gyu bas 'gyu ba'i dus tshod du// bde gsal nyid du lhang nge blta// de ni thig le nang rtol yin// gnyis su med pa'i ye shes la// rgyu
81b6 dang rkyen gyis ma bskyed pas// rang yan nyid du shes par gsal// de ni phyi rtol nang rtol yin// zhes gsungs so// yang bka' stsal pa/ rig pa nang sgyil ngas gsungs dang// bde stong nyid du lcur gyis 'byung/
82a1 bde stong nyid du lta stangs bya// 'od gsal nyid du lhangs kyis 'byung// zhes gsungs so// thig le mthong rtol gyi rgyud/ rig pa lcur 'byung gi brda/ srog gi chan pa yang ti nag po'i rgyud rdzogs
so/

CLOSE WINDOW