79b6 / yang ti drang don du bshad pa'o// brda 'gyur sgra 'gyur don du bstan pa'o// tshig gsum rgyud pas sangs rgyas kyi chos rgyud pa bar ma chod pa rdzogs//// mang+galam/ // kun
80a1 bzang rdzogs pa'i sangs rgyas kyis// thig le nyag cig sku la phyag 'tshal nas// rtsa rlung thig le'i rgyud bshad pa// kyai theg pa lhun gyis grub pa'i gnas// ston pa thig le nyag cig sku// 'khor ni
80a2 rang snang chen po la// dus gsum dbye ba med pa'i dus// bstan pa gnyis snang med par shar// ces gsungs so// rtsa rlung thig le le'u ste dang po'o//// kyai gsang ba'i bdag po rdo rje sems dpa' nyon/
80a3 rtsa rlung thig le bzhin gnas ni// ngo bo tha dang rang bzhin gcig/ thugs rje'i rol pa rang shar ro// shar tshul snang tshul gnyis su bstan// nga ni gzhi yis rang rtsal las// 'gag pa med pa'i rang byung dang//
80a4 shar ba yin pas nges pa med// ces gsungs so// rtsa rlung thig le'i le'u ste gnyis pa'o// rdo rje sems dpa' khyod nyon gcig/ rang shar chen po'i rtsa rlung ni// phyi ru shar ba'i rtsa lnga dang// nang du shar ba'i rtsa lnga
80a5 dang gsang bar shar ba'i rtsa lnga dang// yang gsang yang ti'i rtsa lnga dang// gsang bar chen po'i rtsa lnga'o// de la phyi ru shar ba'i rtsa lnga ni// dbyings kyi thig le lnga yin te// thig le lnga ni stong gsal du// snang gsal
80a6 chen po'i rgyas gdab po// rig gsal ngang du ngo sprad pas// thig le lnga yang gcig tu 'brel// 'byung ba lnga ni rig stong gsal// 'byung ba lnga la ngo sprad de// sa dang chu dang me dang rlung// mkha' khyab nam mkha'i
80b1 ngang du ni// tshogs drug rol pa'i ngo sprad pas// 'dod yon lnga dang chags sdang lnga// rang byung rang grol rang shar gsal// bde gsal ngang du ngo sprad do// ces gsungs so// rtsa lung gi le'u las phyi rang grol gyi
80b2 le'u ste gsum pa'o//// rdo rje sems dpa' khyod nyon cig/ nang du bshad pa'i rtsa lnga ni// ye shes chen po'i rol pa'i rtsa lnga ste// gsal byed shes rab rgyas gdab pas// nang gi rtsa lnga gcig tu 'khyil//
80b3 shes rab chen po cig tu gsal// ye shes lnga po gcig tu grol// dbyings lnga rig pa'i klong du grol// rang grol rang shar ngo bo shes pas// de ni rnal 'byor ma yin zhes gsungs so// rtsa rlung thig le'i le'u las/
80b4 nang rang grol le'u ste bzhi pa'o//// rdo rje sems dpa' khyod nyon gcig/ gsang bar shar ba'i rtsa lnga ni// thig le nyag gcig rol pa lnga// rang byung yin par ngo shes pas// sgom sgrub med pa'i rang shar
80b5 ba// da ltar sgom sgrub byed pa ni// nga yi gzhi la 'chos pa ste// shes rab chung ba'i gol sa yin// lta ba rang shar chen po la// sgom pa rang grol chen po yin// spyod pa tshogs drug lhug pa la// 'bras bu yul snang
80b6 med pa yin// ye shes zang thal chen po la// bar do med pa'i rang grol yin// zhes gsungs so// rtsa rlung gi le'u las gsang ba rang grol gyi le'u ste lnga pa'o//// badzra sa twa khyod nyon cig/ de kho na nyid
81a1 kyi rtsa lnga ni// gnyis snang med pa'i shes rab la// thogs pa med pa'i shes rab kyis// 'gag pa med pa'i rig pa la// rang rig ye shes zang thal// lhangs kyis shes pa shes rab yin// zhes
81a2 gsungs so// rtsa rlung thig le'i le'u las yang gsang rang grol gyi le'u ste drug pa'o//// badzra sa twa khyod nyon cig/ rgyas pa'i rtsa la bsam mi khyab// bsdu na rnam pa gnyis su 'dus// chos rnams tshig gi rtsa
81a3 rnams ni// yang dag don gyi rtsa gnyis so// 'di ni yang dag don gyi rtsa// zhes gsungs so// kun tu bzang pos gsungs pa yis// ye shes rtsa rlung gi rgyud chen 'di// kun tu bzang po'i thugs kyi bcud// rdo
81a4 rje sems dpa' srog gi thigs pa// dga' rab rdo rje'i srog gi 'khor lo// srog gi chan pa/ thugs kyi reg chod/ rig pa srog gi 'khor lo zhes gsungs so// rtsa rlung rgyud 'jam dpal 'dus pa'i rgyud las/


CLOSE WINDOW