78b2 dam tshig bkod pa bzhi'i rgyud bzhugs so// @##// rgya gar skad du/ sa ma yA agra dzA tan+t+ra/ bod skad du/ dam tshig bkod pas gzhi'i rgyud rin po che'i rgyan zhes bya ba/ bcom ldan 'das dpal
78b3 kun tu// bzang po la phyag 'tshal lo// 'di skad bdag gis thos pa'i dus gcig na// bcom ldan 'das dpal kun tu bzang po 'og min gyi gnas mchog chen po na bzhugs pa'i tshe/ dpal rdo rje sems dpas
78b4 yang ti'i chos zhus pas/kun tu bzang pos bka' stsal pa/ snyan rgyud kyi gdams ngag rnam pa gsum ste/ sangs rgyas nyag gcig dang// dam tshig thun gcig dang/ dpe brda gcig go/ sangs rgyas brda'i le'u
78b5 ste dang po'o//// rdo rje sems dpas zhus pa/ sangs rgyas nyag gcig ni/ rig pa dngos med ye shes la/ sku gsum bka' nas ma grub bo// ci ste log snang med pa'i phyir/ brda' ni mig gi rnam par shes
78b6 pa'o// don ni ye shes rang la lhun gyis grub pa'o// sgra ni dz+nyA na kA ya'i a'o// sangs rgyas nyag cig ni/ dgongs pa la thun med pa dang/ chos nyid la bar do med pa dang/ ye shes la skye ba med pa dang/ chos sku
79a1 la skad cig ma med pa dang/sku gsum la 'du 'bral med pa dang/ snying po la 'pho 'gyur med pa dang/ shes rab la dgag sgrub med pa dang/ thigs le nyag cig la gnyis snang med pa'o// lung
79a2 las kyang gnyis med gnyis su med par bston ces bya ba dang/sangs rgyas sems can gnyis med de/ ces pas gsal lo// brda' don gyi le'u ste gnyis pa'o//// kun tu bzang pos bka' stsal pa/
79a3 dam tshig thun cig ni/ yang ti nag po gser gyi 'bru gcig pa/ dper na rin chen gser gyi rdo ba la/ bya dang khyi dang sku gzugs rnams// byas kyang gser las 'gyur ba med/ bzang du ma song ngan du mi 'gro ste/
79a4 gzugs kyi rnam pa tha dad kyang/ ngo bo gser las 'gyur ba med// de bzhin dam tshig thun gcig ni/ thig le nyag cig don rtogs na/ bsrung du gnyis snang med pa'i phyir// bsrung bya byung na yang te min/ bsrung
79a5 bya byung na nyag cig min/gnyis snang byung na gnyis 'dzin yin// so so'i skye ba'i khyu ru gol// gol phyir yang ti'i dam tshig min// de yang lung las dam tshig chen po de nyid mkhyen/ dbang po'i bsam pa mkhyen
79a6 mchog gis// brda ni dug lnga rang grol rang shar ba'o// sgra ni saM ya tri ka ya'i e ka'o// ces gsungs so// brda sgra don gyi le'u ste gsum pa'o//// kun tu bzang pos bka' stsal pa/ dpe brda gcig ni/
79b1 rgya mtsho chen po sku gsum brda/ nam mkha' chen po thugs rje'i brda// sman gyi rgyal po ga bur ni/ sman dang dug dang kha zas brda/ de ni phyi'i brda gsum yin// ngo bo rang bzhin thugs rje'i brda/ de ni 'khrul pa
79b2 gzhi yi brda// ma ning rnam gsum sems can brda// snang ba rnam gsum 'khrul pa'i brda// de ni nang gi brda bzhi yin// 'dod chags zhe sdang gti mug ni// de ni thig le nyag cig brda// dug lnga ye shes lnga yis
79b3 brda// 'gro drug rang byung ye shes brda// gzung 'dzin rig pa ye shes brda// de ni gsang ba'i brda bzhi yin// sgra yi don ni 'di lta ste// ye shes sgra la yi ge ha// dbyings kyi sgra la yi ge ma// rol pa'i sgra la yi ge
79b4 'a// de ni sgra yi chos nyid do// don nyid rtogs pa'i rnal 'byor la// rab dang 'bring dang tha ma bstan// dbang po yang rab rol pa la// sangs rgyas chos dang mya ngan 'das// dngos po'i chos dang gnas lugs
79b5 te// bar do med par rang grol lo// 'bring dang tha ma'i chos nyid ni// da lta ngo sprod bar dor sangs rgyas te// rdzogs chen lam pa'i chos nyid do// sems can 'khor ba'i blo'i snang lugs te// 'bring dang tha ma
bar dor grol ces 'byung ngo/

CLOSE WINDOW