30a5 man ngag lung gi rtsa ba lnga rdo rje sems dpas gsungs pa bzhugs so// ! bcom ldan 'das dpal rdo rje sems dpa' la phyag 'tshal lo// chos nyid kyi skabs/ rdo rje sems dpa'
30a6 nam mkha' che// kun bzang yangs pa chos kyi dbyings// rnam dag lam chen kun sgrol phyir// mi skye mi 'gag cir mi dgongs// byams pas don nyid rnam sbyang phyir// snying rje chen po cir mi mdzad// che ba'i che
30b1 ba'i zab mo yi// yon tan cir yang bsngags pa med// don rnams ji bzhin mi skyod de// bya ba med pas grol bas grol// rang 'byung ye shes btsal med pas// grol nas grol ba'i lam yang ston//// chos
30b2 nyid kyi thig le// rang bzhin gyis gnas pa'i skabs// 'byung ba chen po bcom ldan 'das// 'gro ba kun la rang bzhin gnas// phyin ci log tu rnams brtags kyang// grol ba rang 'byung gzhan las
30b3 med// rang bzhin gyi che ba la gnas pa'i skabs// che ba'i ye shes rnyed dka' ba// shes rab thabs la brten pas 'grub// ming tsam gzhan la brten pa 'dra yang// mngon gsum bde ba rang las
30b4 'byung//// rtsa ba dang bral ba'i skabs// cho 'phrul chen po bka' ba min// yon tan kun dang stobs kyi rnams// ji bzhin rtogs pa phra ba las// de ma thag tu rang la 'byung// snang ba med pa'i chos nyid
30b5 ni// ma btsal bzhag pas sgom pa yin// de dang de ni rnams btsal na// de la de bzhin de mi 'byung// brjod pa bral ba'i skabs// mchog tu gsang ba'i chos nyid ni// rna dbang gzhan las 'byung mi 'gyur// de
30b6 bzhin lce'i dbang pos kyang// de la brjod du rdul tsam med// dbyings kyi thig le// 'go ba las kyi mi 'khol ba'i skabs// 'gro ba'i sdug bsngal byang chub sems// kun tu chub pas rnam par rol// de la
31a1 bskyod pa med bzhin du// nam mkha'i mtha' sbyin khyab par gnas// khyad par cir yang mtshung pa la// las so so zhes ni rnam par brtags// ci ste las kyi dbang 'gyur na// rang 'byung ye shes
31a2 yod ma yin// rgyu nyid rdo rje rkyen dang 'dra// ma skyes pa na 'jig pa med// gdod nas snying po byang chub la// btsal ba'i bsam pas dbyings mi bskyod//// btsal sems dang bral ba'i skabs// yon tan chen
31a3 po'i bsam gtan ni/bsam gtan nyid las bsam du med// ma bsam ma sbyangs chos bzhin du// rnam rtogs nyid las ye shes skye// phra ba'i sgo mor ming 'dogs te// sems kyi dben pas lam 'tshol
31a4 zhing// dgon ba'i rgyud du dben 'dzin pa// brtags na rnam par rtogs rgyur bsgom// rgyu dang 'bras bur ming 'dogs shing// dge sdig gnyis ka rnam par sel// 'jig rten 'di las 'byung ngo zhes// blang
31a5 dor brod pa mchog tu bskyed// gnyis su med pa skyon dang bral ba'i skabs// chags dang ma chags tshig gi lam// dbu ma bzhin te brag cha 'dra// bde dang sdug bsngal rgyu mthun zhes// 'gro ba'i mgon po
31a6 sems pas gsungs// ye shes rang las 'byung ba'i skabs// 'dod chags zhe sdang gti mug kyang// byang chub chen po'i lam las 'byung// kun spyod yon tan rnam lnga yang// chos nyid dbyings kyi brgyan zhes
31b1 gsang// nam mkha' rtog pa skye med cing// rtog pa de nyid nam mkha' 'dra// mi chags nam mkha' sngo ba las// rang don chen po'i nam mkha' 'byung// dbyings rnam par dag pa'i thig le// gzungs kyi
31b2 sbyor thabs kyi skabs// rtog med mnyam nyid chos kyi sku// bzung bas mi zin chu zla 'dra// kun tu bzang po'i rol pa yis// a li ka li zab tu bstan// 'di ni a dang mdzes pa'i rta// pa dang yan lag spros pa
31b3 bzhin// 'jig rten yongs kyi spyol yul la// sangs rgyas gsung gi zab mo 'byung// e ma ho sangs rgyas spyod yul 'di// btsal bas rnyed pa'i gnas med de// drug gi chos bzhin yul med pas// 'dong pas
31b4 nam mkha' snyabs pa bzhin// gong nas gong du tshangs pa'i lam// bya bral chos dang mthun pa'i phyir// ci ste lam la bgrod 'gyur na// nam mkha'i mtha' bzhin thug pa med// yongs su rdzogs pa'i skabs// de
31b5 ltar de bzhin de'i phyir// de la de bstan de thob// de ni snying po de bas na// de las de 'byung ngo mtshar che// sngon gyi de dang da ltar de// de bzhin de'i gnas su che// de ltar de'i lam 'dra ba// de ni de'i bzhin
31b6 no// de dang 'dra ba yongs kyi la// zla ba las 'byung rten dang bcas// kun gyi mnyam nyid yin pa la// phyogs su bltas pas 'grub pa med// chags pa dang bral ba'i skabs// da lta'i sde dang phyi ma'i sde// mngon
32a1 sum pa dang rgyab nas byung// de yang rnam pa'i skyon yin pas// de la rten par mi bya'o// gdod nas che ba'i snying po nyid kyi skabs/ dus gsum gcig ste khyad par med// mngon med phyis med
32a2 gdod nas 'byung// chos skus khyab pas gcig pa'i phyir// che ba'i chen por rang bzhin gnas//// tun tu smon lam dang bral ba'i skabs/ srid pa gsum na sbyor ba yang// ming tsam sgyu mar snang ba
32a3 ste// 'khor bsgyur ba'i gnas chen yang// sgyu ma sbyang ba'i bsti gnas yin// rnam spyod dus la ltos pa rnams// dus der 'byung bar mi 'gyur te// ma bal smon pa spyod pas na// stong pa'i mtshan nyid gsungs pa
32a4 bzhin// lung ston pa'i skabs/ cig ste rnam pa yongs kyi med// rnal 'byor nam mkha'i bya la gnas// ma byung mi skye snying po la// sgros btab chos kun ga la yod// phyi nang gnyis ka phyi nyid nang// zab mo'i cha
32a5 shas rtog yul med// srid pa ming tsam ldog pa'i stobs// de bas ting 'dzin mnyam dang bral// de la tha tshig phyi dang nang// rang bzhin du phung po khams bzhin gnas// dus gsum 'di dang mi 'bral bas// tha
32a6 tshig ming du btags pa med// ye shes chen pa'i thig le//// mnyam pa nyid kyi skabs// mi g.yo ba ni sku'i rgya// mi skyod pa ni ye shes te// mi len pas na bdag med cing// mi 'dor tshig bral mnyam nyid
32b1 do// gang dang gang gis gang du yang// kun khol kun spyod bdag las 'byung// 'di la skyes pa bud med// mnyam pa'i rgyal pos yongs ma gsungs//// dngos grub chen po bde ba la chags pa spong ba'i skabs/
32b2 'di la brtul shugs drag shul gyis// gnas su bya ba'i ming med de// a dang par ni rnam ldan na// sgyu ma'i bde ba 'byung bar 'dod// rang bzhin gcig tu ma nges pas// ji ltar gnas pa de ltar snang// snang
32b3 'dod btsol sems bde ba yang// de ni de sgrib skyon chen yin// byang chub yan lag kun gyi sgo// cha lug bsgoms pas chu zla bzhin// ma gos ma chags 'byung gyur yang// bsgoms pas byis pa'i spyod yul
32b4 bzhin// dkyil 'khor khro gnyer cha lugs kyis// khro bdag chen po'i lus bzung nas// yi ge mngon du byung na yang// zhi ba de nyid mthong ba min// nyon mongs lta la mgo bcad dang// sa bon me yis bsreg pa
32b5 bzhin// de'i dbang du mi 'gyur ston// rnam grangs brgya phrag yangs pas// gang ltar spyad kyang me tog skye// mtshan ma med pa'i dbang gis na// bsti gnas de las 'byung mi 'gyur// rtsol ba dang bral ba'i
32b6 skabs/gleng bral 'di la gnas pa yi// rnal 'byor 'di ni ba bzang// bdag dang gzhan don mi 'byed pas// sgyu ma lhun grub yul la rol// chos nyid kun tu mi 'gyur ba'i skabs//// lhag ma med par
33a1 yongs su rdzogs// 'gyur ma yin drang por gnas// nam mkha' bzhin du mtha' mnyam zhing// gzhan la ltos 'gyur chos ma yin// lhun gyi gnas pas bde chen te// mtshungs pa med pa'i ye shes
33a2 kyis// rang gi mthu'i rig pa las// chos ni gzhan nas 'byung mi 'gyur// bla zhing bka' la sa phyir dka'// mngon gsum mi gnas kun tu khyab// mi tsam 'di zhes bstan par ni// rdo rje sems dpas mtshon du
33a3 me// rgyu rkyen las mi 'grub pa'i skabs// ngo mtshar rmad 'byung rol 'di// bya bral nam mkha' ji bzhin te// ci yang mi dmigs gti mug las// de ma thag tu rang las 'byung// 'di ni thams cad mtshungs pa'i
33a4 lam// 'gro ba kun la rang bzhin gnas// bus pa 'khrul pas bslad pa'i phyir// sman nyid sman pa 'chol ba bzhin//// 'gro ba yongs la sangs rgyas par bstan pa'i skabs/ 'gro ba'i yul na bde ba
33a5 che// 'di ni rnam dag 'jig rten yin// de la phyogs kyi 'od 'dus pas// phyogs bzhi mtshams dang bla 'og 'grab// ma nges 'ja' tshon kha dog las// rigs kyi khyad par sngon par snang// de bzhin g.yo rdul mi
33a6 g.yo ba// 'byung ba lnga la gtso chen yin//// kun tu bzang ba'i thig le// tshogs dbul pa'i skabs// 'das dang ma 'ong da ltar gyi/ tha snyad ming la mi gnas te// skye 'gag med par rnam brtags
33b1 shing// 'di ni dus gsum chen por sbyor// mnyam pas rim par bkod pa med// gcig pas phyogs su bsngo dang bral// tshogs kyi brgyan rnams bkram na yang// rang bzhin gnas pa'i 'grim pa med// lhun
33b2 gyis gnas pas mi bsngo zhing// gdod nas dag pas bdud rtsi yin// 'dus mched bcu gnyis khyad par du// lhag pa'i bsam pas bzung du med// tshogs kyi rgyan rnams rang bzhin gyi lhun gyis grub pa'i
33b3 skabs/yid kyi bsam pa'i yon bdag ste// bltas pa stobs ni bkram po// mthong bar gyur pas dngos grub la// de ni mnyam bzhag rdzogs pa'o//// lhun gyi grub pa'i skabs/ yud tsam bzang bas sbyor ba
33b4 yin// dga' bar gyur bas dam tshigs te// thabs kyi gar thabs bskyod pa yis// gnyis med sbyong ba phul ba yin// las rgya mtsho'i skabs//// mi bzung gtong bas gtor ma yin// bya ba med pas las
33b5 rnams zin// mi rtog ye shes bgegs gsal nas// mi gsung mnyam bzhag sngags tshig go/ bdag dang bcas pa'i 'khor ba 'ching ba'i skabs/ bla ma mchod dang stong pa dang// de bzhin bsod nams thams
33b6 cad kyang// ma chags mi g.yo'i stobs med na// byas na 'ching ba chen por 'gyur// lung 'brel pa ming tsam brdar bstan pa'i skabs// de bas de lung de nyid la// de las de sbyar sgrib par 'gyur// de ltar de
34a1 la de rtog na// de la de nyid grub pa med// lhun gyi grub pa'i thig le/ bcom ldan 'das lung thams cad kyi bdag nyid// dpal rdo rje sems dpas gsungs pa rdzogs so//// @##//


CLOSE WINDOW