24b2 byang chub sems dpa' 'khor lo rdo rje zhes bya ba'i rgyud bzhugs so// rgya gar skad du/ badzra tsakra/ bod skad du/ 'khor lo rdo rje/ bcom ldan 'das dpal kun tu bzang po la phyag
24b3 'tshal lo// yangs pa chen po yum gyi mkha' na/ snying po rdo rje rab tu 'bar ro// kun tu bzang po rdo rje sems dpa' rnams kyang 'od zer du 'bar ro// bcom ldan 'das gsang ba'i dkyil 'khor na/ rdo rje
24b4 dkyil 'khor shin tu gnang bar gyur to// yang dag par rdzogs pa'i bcom ldan 'das ni/ dgyes pa chen po rol pa'i ngang du 'bral med do// ye shes thig le'i snying po las/ sangs rgyas sems yongs kyis med/
24b5 rtog pa brtags pa las 'byung ba/ chos bcos la ni mtha' yas mchog/ rnam shes phyi nang yul rol na// lam lnga bsdus pa zag med chos// brjod kyi mi lang rtog pa'i rdul// de bzhin dbyings las bsam
24b6 yang char// stong pa zhi ba rnam shes kyis// chos rnams ma lus thams cad bsdus/ stong zhing de las 'gyur ba med// kun gyi rang bzhin lam mchog 'di// spyod yul gang du rtag med pas// ji ltar rtag par
25a1 'grub pa kun// ye shes dbyings las ma skyod na// bde chen 'khor lo rtag tu bskor// rgyud drug 'khor ba rnam shes nyid// ka yi a sbyong a la rol// rdo rje zhe sdang rdo rjes gcod// yi ge tshogs
25a2 dang bral bya'i phyir// yi ge la ni yi ge med// yi ge dang ni yi ge'i rgyu// yi ge gnyis ka yod pa ma yin te// shes rab thabs la rten pa yi// yi ge 'dod la snang bar zad// mi dpogs pa'i chos mchog
25a3 la// dbang sgyur chen po rdo rje rol// rdo rje lto bar yan pa ste// 'brel te cig par gyur pa ni// ka li snying por gyur pa ste// yi ge med pa'i yi ge yin// shes pa shes bzhin ma 'khyams par// rang gi ngo bo gnas
25a4 pa ni// rang rig ye shes zhes brjod do// shes kun der 'khyil phur pa dam// drang po de ni byang chub sems// rdo rje khros lnga nyid gtul// yi ge'i snying po nyid du gsal// zhe sdang gsal ba'i rdo rje yis// rnam
25a5 khrag 'thung ba rnam par bcad// ye shes gti mug thig ler dag/ gti mug 'khor lo rnam par spangs// snying po rdo rje btsan pa'i gnas// du khrod chen po brdal pa ni// ye shes rol mo gzigs shing spyod// shes
25a6 pa'i gti mug sna tshogs pa// mi shes rdo rje shes pa ni sbyin pa chen po'i shes rab gter// yig rgyas btab pa'i phyag rgya yin// rnam shes rtog spyod bral ba ni// byang chub snying po'i thig le yin// gal te 'dod pa
25b1 yang gtang na// nyes med rang 'byung ye shes bas// de na 'dzin pa'i nad yod pas// bsam las 'das pa'i shes rab bskyed// shes rab drang pa'i don nyid las// sems su 'du shes gang yang med// de nyid
25b2 rang 'byung ye shes nyid// btsal bar rnyed par mi 'gyur te// ma btsal ba na ye shes nyid// sems mi shes pa rtag tu gnas// thams cad ma lus chos so bcog/ rang byung ye shes nyid las med// ye shes de
25b3 las gzhan pa'i chos// ye shes nyid kyi mi mnyes so// gal te mthong thos sna tshogs pa// rtog pa'i rgyun gyis mthong bar zad// ci ste mthong ba bden 'gyur na// sangs rgyas kun 'byung 'byung mi srid/ khams
25b4 gsum ye sangs rgyas pa la// stong pa stong pa'i sbyin pa gtong// ye shes chen po'i thig le gtang// ye shes chen po'i thig le la// chos kyi dbyings kyi rgyan pa yis// 'du byed pa'i dkyil 'khor na// shin tu ye
25b5 nas rngam pa'i zhal// mi rtog pa las 'byung ba'i gsung// gsung gi 'brug gi kun tu grags// bltas pas bsreg pa rdo rje spyan// ye shes chen po'i spyan gdangs pas// gsang ba rgya mtsho rdo rje'i sku// mdangs
25b6 ldan ma yis 'khengs pa ste// drang po ma chags rdo rje'i sa// ye shes spyan de pad+ma'i spyan// yi ge 'phreng sogs 'od zer tshul// gsang ba mchog gi rol mo yis// zag med ye shes tshim gyur pa// thams cad snying
26a1 po byang chub sku// kun tu bzang po rdo rje sa// rdo rje'i ming ni bcom pa'i tshogs// a la sogs pa'i tshogs zad pa// seng ge lta bu'i chos chen po// chung ngu sna tshogs nyid las rdzogs// nyid las chos
26a2 sku mi 'gyur ba// bsam mchog rmad byung snang ba med// snang med snang ba dngos yin pas// snang dang mi snang mi dmigs na// thams cad byang chub phur pas gtab// 'khor lo rdo rje las ngo bo nges par bstan
26a3 pa'i gleng gzhi'i le'u ste dang po'o//// de nas rdo rje shin tu bstan pa'i chos// 'dod chags rdo rje'i ting nge 'dzin la snyoms par bzhugs na// nyid la nyid kyi ngo mtshar bar bka' stsal pa// e ma ho/ rdo rje
26a4 dngos grub rdo rje las// spyod yul 'gyur ba med bzhin du// bdag dang gzhan du rtogs pa las// bag chags 'khor lo rtog pas 'khrul// sna tshogs pa yi chos rnams dang// sangs rgyas sems can so sor
26a5 'dzin// rnam rtog mdud pas gdams pa las// yang dag dbyings las g.yos pa med// ma g.yos pa las byung rnams dang// bcom ldan 'das kyi 'od kyi tshul// 'khor lo rdo rjes bsdus pa yang// rang
26a6 'byung thig le'i ngang// ye shes gti mug mi 'byed pa// chos kyi dbyings su ga la mthong// ming du brtag pa 'khrul pas na// de bzhin nyid las gnas pa min// sngon du sangs rgyas 'byung med pas// gsungs pa
26b1 sna tshogs 'khrul pa'i sgra// chos kyi snying po gsung du med// de phyir brjod du rdul tsam med// gsang mchog dge ba zhes bya ba// ming gis brgyan pa sgro bskur yin// tshig tu brjod pa rnam par spang// rnam shes sgyu
26b2 mas gzung ba'i chos// ye shes sgyu ma sgyur shes na// rgyu dang mi'i rgyu'i dran dbang ni// dmigs bya med par dran dbang bsgyur// thabs kyi rgyal po sgyu ma lto// shes pa dri gang mi 'byung zhing// snang ba gang yang mi
26b3 mthong ba// de ni bde ba chen po'i sa// ye shes dbyings las mi brtson zhing// dran med ye shes klong gnas pa// mnyam dang mi mnyam don las 'das// pha rol phyin pa bcu'i mtsho// zab mo zab las brgyan pa
26b4 ni// shes pa snying por them pas na/ chos sku bde ba chen po yang// bsam pa med na rang 'byung sku// pad ma dag pas snang ba med// mi snang ba'i don de la// bsgom pa med na sgom pa yin// shes pa gang la mi
26b5 'jug pa// ye shes snying po thig le yin// rgyal ba kun gyis gshegs shul bde// byang chub nyid kyang mi snang bas// byang chub nyid ni mthong ba min// chos las dmigs pa'i chos gnas pa// 'bras bu'i rgyu dang
26b6 rgyu'i rgyu// med pa'i yod pa gnyis gar 'brel// de la mnyam dang mi mnyam mnyam// bshad par thob med bya bral chos// yang dag chos las 'byung ba med// 'khrul pa'i sangs rgyas chos kyi byed// bya ba'i gnas
27a1 dang bya ma yin// 'byor 'dum med pa sa'i sa// snying po don la nyams pa'o// 'dod chags nyid kyi chos mthong zhing// sdug bsngal nyid la sdugs bsngal gyis// mtshan ma rdul tsam ma mthong
27a2 zhing// sdug bsngal nyid kyi chos thos pa// byang chub mchog chen kun gyi gzhi// thig le tsam nyid nye bar bshad// sems ni lam gyi ngo bo nyid// sems kyi ngo bo nyid med pas// bsam gyi mi khyab mtha' yas
27a3 chos// ngo bo med phyir yod ma yin// rkyen phyir skyes phyir med ma yin// sems kyi rtogs pa skye med cing// rtog de nyid dang sems nyid 'dra// chos rnams kun gyi snying po ni// rtsa ba med pa'i rtsa ba yin/ kha dog
27a4 ma nges 'ja' tshon 'dra// che chung rim pa de bzhin te// chos zhes brtag pa chos kyi chos// slad pa med pa'i chos brlabs phyir// chos med pa la chos zhes gsungs// rnam grangs dag gis mtha' yas chos// sgyu
27a5 ma'i rgyu yis bsgyur shes pa// mi skye sgyu mas sgyu bsgral na// 'das pa med pa'i myang ngan 'das// byang chub nam mkha' mi skye bas// nam mkha' byang chub rtsa ba bcad// dpa' bo'i dpa' bos dpa' bo
27a6 bsgral// rang byung ye shes gcig pu la// chos rnams phye mo'i med pa ni// sems can rnams kyi ngo bo nyid// rnam par dag pa'i bya ba med// ye shes snying po bde gnas te// mi g.yo mnyam pa mi byams
27b1 pa// phyogs rnams kun gyi phyi mor gsungs// thams cad bde med bsgyur zhes na// byang chub sems la a yis brgyan// ya mtshan che ba lhag pa'i chos// bla ru byung tsam mthong ba po// sman nyid 'chi med byang chub
27b2 tu// phyogs su 'khyams pa rdo rje 'brel// phyogs kyi 'brel pa med pa ni// skye ba mi skye skye ba ste// sa ma ya a tang ta'o// blun po ye shes gti mug la// rtogs pa'i sems nyid skye med cing// sems nyid stong pa
27b3 skye med pa// byang chub rdo rje sangs rgyas te// ye shes thig le drang po'i lam// blang bya lha mo 'khyil ba'i sgra// len pa za byed rdo rje'i sgra// khrag 'thung rdo rje dus med dub// zin pa bstan pas yab yum
27b4 'khyil// don chen rgyal bar gyur pa na// rdo rje rgyal po lha mo rol// rdo rjes btsan pa bde ba'i rgyu// de bzhin nyid kyis ngang las rol// kun tu bzang po rang 'byung dbyings// thig le gcig las slad pa
27b5 med// shes rab yul med shes rab sku// rdo rje dri ro sgra med sgra// rang 'byung rdo rje dbyings kyi lha// dam pas ming dang mtshan ma med// mya ngan 'das pa'ang gang zag nyid// sems kyi dmigs pas nus ma
27b6 yin// yang dag nyid kyang mi mnga' bas// ngag gis bshad pa rdul tsam med// g.yos te mtshan ma byung ba na// ming dang mtshan ma gang yin yang// med par rtog pa de kho na// yang dag pa'i yi ge
28a1 yin// gzugs sgra dri ro rdul sna tshogs// rang gi sems nyid snang las shar// tshor zhing shes na mi bden pa'i// 'du shes 'du shes mi skye 'o// mi bden 'du shes ma skyes na// de nyid de bzhin
28a2 gshegs pa'i mdzod// ngo bo nyid kyi chos nyid la// yang dag nyid kyang skye med cing// ming dang mtshan ma ma skyes pas// de nyid de bzhin nyid ces gsungs// skye med yang dag nyid mkhyen na// mi bden pa'i chos
28a3 sna tshogs// ming dang mtshan ma tshig bshad dang// bral bas yang dag ye shes snod// don dam pa'i gden pa nyid// mi bden chos skye med na// mtshan ma'i tshogs dang ma 'brel bas// mi bden rgyun ni bcad du
28a4 med// sems la sems ni med mkhyen na// sems zhes bya bar bcad du med// de ni rang byung ye shes nyid// rnam shes yul la ma skye ba// rnam par rtog pa med pa ste// chos kyi dbyings ni pad+ma'i spyan// sems
28a5 la sems ni med zhes shing// chos la chos med par shes te// ming dang gzugs sgra sna tshogs pa// de bzhin gshegs pa sangs rgyas spyod// rdo rje 'chang rgyal thig le'i 'od// zab mo yengs pa chos kyi
28a6 dbyings// chos la gzugs ni med pa ste// shes pa med shes med par gsungs// byang chub sems dpa' thig le nyid mi 'brel// rang ye shes dbyings nyid ni// yin dam ma yin mi rtog pas// thams cad
28b1 ye shes snying po nyid// sdig to mthong ba med pas na// thams cad gsang ba byang chub sku// thams cad chos ni mi skye zhing// gang la yang mi 'gog mi rtsol te// ci byed g.yos par ma mthong na// spyod pa bcad pa
28b2 yong mi dgos// ci spyod pa nyid byang chub nyid// sangs rgyas thig le spangs pa'i spyan// byang chub sems dpa' 'khor lo rdo rje las// sgo sna tshogs su gleng slangs pa'i le'u ste gnyis pa'o//// de nas bcom
28b3 ldan 'das rdo rje kun tu bzang pos// shin tu rngam pa'i tshig gsang ba// mi 'byung mi 'jug pa'i sems// rdo rje khrag 'thung rngam pa'i zhal// yang dag pa'i chos lam 'dra// sangs rgyas byang chub sems dpa'
28b4 dang// ming brtags don du 'dod pa ni// skur btab sangs rgyas mthong mi srid// yang dag rtan par drang gyur na// yang dag nyid las yang dag med// med pa'i phyi mos sems nyid de// sdug bsngal las las
28b5 grol ba'i lam// sems can sangs rgyas de las med// mnyam mi mnyam dang mnyam mi mdzad// grol dang ma grol ye nas grol// rtsol bsgrub gnyer bas don mi mthong// cir yang mi dgos spyad byas
28b6 nas// bdag dang gzhan la 'bras bu thob// ngo bo nyid kyi gzhi rtogs na// ma nor ba'i lam la gnas// mthong thos dag pa zhi ba'i chos// sgom pa med na bsgom pa yin// de bzhin nyid kyi dbyings nyid
29a1 lam// de bzhin nyid du sems byed pa// rang byung dbyings las g.yos ma yin// 'dzin pa g.yos pa min pa na// phal pa'i rnam shes dag dang mtshungs// byang chub nam mkha' yod ma min// stong
29a2 pa nyid kyi ye shes kyis// dngos po gang yang ma yin par// stong pa nyid du stong par shes// ye shes sangs rgyas de la med// ming tsam 'dzin pa'i stobs bral na/ shes rab gang du mi 'gro ba// de ni byang chub snying
29a3 po nyid// log pa'i stobs kyi g.yengs pa che// rtog pa'i dbang las byung ba las// chags pa'i stobs bral thig le'i sku// bde ba chen pos g.yos pa med// rdo rje khrag 'thul thol pa mi sku// blo gros snying po rdo
29a4 rje'i blo// stong pa nyid du dben 'dzin te// stong pa'i stong pa skye bas na// 'dzin pa'i lcags kyus zin pa ste// stong pa'i stong pas bcings pa'o// ye shes chen pos rlung g.yos na// chos rnams mi mnyam so so'i
29a5 rlung// yang dag nyid du mi 'gyur bas// grol bas grol yong mi 'gyur ro// yod med grol dang ma grol med// de nas dag pas sbyang mi dgos// nam mkha' nyid dang ma 'brel bas// byams pa'i thig le snying
29a6 brtser bzhag/dngos med mi rtog mthong ba ni// dngos dang mi rtog dang dngos dang rtog/ bya bral chos ni ma yin pas// grol ba rang 'byung gzhan min te// byang chub sems dpa' 'khor lo rdo rje las// rnam
29b1 grangs nges pa'i le'u ste gsum pa'o//// de nas bcom ldan 'das dpal kun bzang pos/ nyid kyi che ba'i yon tan la ngo mtshar bas/ nyid kyi 'di la brjod pa/ drag po dben pa rdo rje'am// mi tshor mi
29b2 sems gti mug sems// tshig tu smra bas lan mi slan// rgyal ba'i lha rgyal rgyal ba'i gtso// chos la shes pa bya ba dang// mthong bya bstan bya med pa na// lan btab pas na chos nyams te// shes pa mthong sa yod
29b3 par 'gyur// yang dag nyid dang yang dag pa// smras na yang dag nyid ma yin// rgyu las 'bras bu rten byed pa// 'khrul pa byis pa rnams kyi las// stong pa'i thar stugs rgyu ba'i chos// stong pa bzhi'i zhi bas
29b4 bcings// tshor ba yang dag ma tshor bas// zhi ba'i chos la zhi bye med// yang dag nyid dang 'brel bya dgos// dngos po rnam pa mthong na yang// rnam pa cir yang mi dmigs na// dngos po dngos med sgom
29b5 pa'o// de ma thag tu der 'chor na// de la yang dag nam mkha' 'byung// dgongs pa mchog tu gyur pa yi// zin po lta ba mi lta na// lta ba thar bar 'gyur ba de// lta ba'i 'dus shes zad par med// byang chub
29b6 mchog tu lta ba yi// sems la bstod pas 'pham par med// gzugs sgra dngos med lta ru med// stong dang smad pa'i don med pas// bsgom bya gza' gtad dang bral ba// drang srong grol ba'i shug ma ste// rnal
30a1 'byor pas ni bstan// byang chub snying po ma tshol na// me len bas na mnyam pa nyid// ma bsgrubs par ni rang bzhin 'grub// chos rnams gang yang mi 'dzin cing// shes pa gang yang mi shes
30a2 na// mi rtogs ye shes phur ba yi// mi 'gyur 'od gsal kha na dam// de tshe phur pa bsgul mi bya// drang po'i sa ni las rlung bsad// sangs rgyas thams cad de la gnas// byang chub sems dpa' 'khor lo rdo rje
30a3 las// gsang ba'i man ngag gi le'u ste bzhi pa'o//// byang chub sems dpa' 'khor lo rdo rje zhes bya ba'i rgyud rdzogs so//// rgya gar gyi paN+Di ta dz+nya na g+har b+ha dang// bod kyi lo ts+tsha ba dge slong bA+ai ro tsa
30a4 nas// bsgyur cing zhus te gtan la phab pa'o//// bkra shis par gyur cig/// @##//


CLOSE WINDOW