23b1 bcom ldan 'das rdo rje bskal pa'i bdag po la phyag 'tshal lo// srid par bcas pa'i 'jig rten dang// thugs rjer bcas pa'i pho brang kun// sprul pa'i 'khor lo 'od 'bar ba'ang// mngon sum
23b2 sangs rgyas mkha' la shar// phyogs bcu'i 'jig rten mang po nas// spyan drangs la sogs rtsol ba'i nad// bde ba gsal ba'i thig le las// sangs rgyas gzhan du mi rtsol lo// sems dang chos las sangs
23b3 rgyas gzhan na med// mnyam nyid nam mkha' lta bu'i rang bzhin las// sna tshogs mtshan ma rdul du brlag pa'i phyir// phyag rgya'i tshogs kyang bskal pa'i me ltar 'bar// ye nas lhun gyis grub pa'i rang bzhin
23b4 las// rtsol ba'i sdug bsngal rgya mtsho'i rlabs dang 'dra// chos so cog gi ngo bo nyid// ma btsal bzhag pas rdul du brlag/ thams cad bdag nyid rang gi lha// dkyil 'khor kun tu zhugs pa la// dus gsum
23b5 mnyam sbyor 'byung 'jug med// ma btsal lhun gyis grub par 'gyur// phyi nang spyod yul ma lus pa// mnyam dag lhun gyis grub pa la// dus gsum mnyam par bzhag pa ni// bcing du med pa'i phyag rgya yin//
23b6 mi phyed thig ler gcig pa la// dus gsum 'byung 'jug med pa ni// sangs rgyas kun dang mnyam pa'i phyir// bsrung du med pa'i dam tshig mchog khams gsum ngo bo rang rig dbyings// phyogs bcu rgya dang
24a1 bral ba yi// bcos pa med pa'i 'khor lo la// ma bkod shar ba'i dkyil 'khor mchog/ thams cad mngon sum shar ba yang// byin rlabs mthu la mi ltos par// yid bzhin lhun gyis grub pa
24a2 ni// bsngo dang bral bas mchod pa'i mchog/ rtogs pa'i rgyal mtshan shar ba'i phyir// thams cad ngo bo bdag nyid sku// don la rim pas mi 'grub pas// thogs pa med pa dbang gi mchog/ phyogs bcu'i 'jig
24a3 rten rab 'byams na// g.yo zhing bskyod pa'i chos rnams kun// rang byung sprul pa bsam yas kyis// bya byed med pa'i phrin las phul// mi dmigs byams pa chen po ste// mtha' yas thugs rje chen po yin//
24a4 rab 'byams bde la dga' ba ste// stong nyid gsal ba btang snyoms so// gsang sngags chen po'i khyad par ni// rang rigs rgyal ba'i thugs rje yis// bag chags rdul du brlog pa dang// mtshan ma zil gyis
24a5 gnon pa ni/khyung chen mkha' la thogs med pas// steng 'og rim gyis mi bgrod de// snang ba dus gcig gsal ba ni// skye 'gro 'dul ba'i gnyen po yin// seng ge'i skad la 'jigs med pas//
24a6 gcan gzan rim gyi mi 'dul te// gzhan gyis rtsol bas mi chung pas// dud 'gro 'dul ba'i gnyen po yin// rang bzhin gsal ba'i byang chub sems// rgyu 'bras rim gyi mi bgrod de// bde chen mkha' la
24b1 thogs med pas// rnam rtog sgrol ba'i gnyen po yin// byang chub sems mi 'gyur ba'i rdo rje// thugs rje chen po'i don// gnam spar 'debs rdzogs so////


CLOSE WINDOW