20b2 rgya gar skad du/ many+dzu shri tan tra tsa ta ri a ta la tran nA ma/ bod skad du/ 'phags pa 'jam dpal gyi rgyud bzhi'i don gsal bar byed pa'i rgyud ces bya ba/ dpal rdo rje 'chang la phyag 'tshal lo// 'di
20b3 skad bdag gis thos pa'i dus cig na/bcom ldan 'das pad+ma brtsegs pa'i gnas// yid 'dren kyi tshal na bzhugs te/ rdo rje 'chang dang mkha' 'gro ma rnams dang thabs gcig go/ de'i tshe gsang ba'i bdag po
20b4 stan las bzhengs te/'di skad ces gsol to// kyai bcom ldan 'das 'chang/ rgyud kyi rgyal po 'jam dpal rnam pa bzhi/ de'i don gyi dgongs pa ji ltar lags/ 'jam dpal zhes bya ci la bgyi/ rgyan zhes bya
20b5 ba ji ltar lags/zhes zhus so// de nas yang ston pas bka' stsal pa/ 'jam dpal sde bzhi ngas bshad kyis// rdo rje 'dzin sogs legs zungs cig/ 'jam dpal sde bzhi dgongs pa ni// rang rang re re'i
20b6 mtshan nyid bsdud pa bshad/dang po zhus pa'i don bshad de// 'jam dpal zhes pa rnam pa gnyis// tshig dang de bzhin don du bshad// tshig rgyud le'u bcu pa'o//// tha snyad spros pa bstan pa ni// ston pas
21a1 dgongs pa ma nor bshad pas ni// tshig gi 'jam dpal dam pa yin// don gyi 'jam dpal dam pa yin// don gyi 'jam dpal rnam pa gnyis// sangs rgyas dang ni bde legs dgongs// sangs
21a2 rgyas sku dang ye shes te// 'jam dpal chos sku gnyis// bdag gzhan gdul bya gnyis kyi dpal// 'jam dpal chos kyi dbyings zhes bya// mnyam pa nyid kyi ye shes gnyis// ye shes rnam gsum dpal yin
21a3 no// 'jam dpal ngang la dpal gyis so// 'jam dpal bcom la dpal gyis ldan// de'i dgongs pa dang sbyar na// 'jam dpal ngang sde ma bcos g.yos po du med// rang bzhin ma 'gags sku dang ye shes
21a4 dpal// ma 'gags don la sbyor ba'o// 'jam dpal zhes kyang de la bya// don gyi 'jam dpal kun mthun te// tshig rgyud le'u bcu pas/ rgyud dang lnga'i bdag nyid can/ zhes gsungs so// 'jam dpal
21a5 bshad pa'i rgyud las/'jam dpal spyi'i bstan pa ste/ le'u dang po'o//// de nas yang ston pas gsungs so// rdo rje 'dzin pa ngos zungs shig/ ye shes la yang rnam pa gnyis// tshig dang don du ston pa
21a6 yin// don gyi ye shes rgyu yang lnga// yang na gnyis su bsdus pa yin// phra 'byung med dang ye shes dang// dman pa'i don kyang de bzhin no// tshig gi ye shes rdzogs chen lung// gzhan gyi ye shes don mi shes//
21b1 rdzogs chen ye shes gtan 'bebs pas// ye shes don gyi ngo bo gsal// ye shes zhes kyang de la bya// rgyan zhes bya ba rnam pa gnyis// brjod bya don dang// brjod byed tshig/ tshig gi rgyan ni rnam pa gnyis//
21b2 'jam dpal tshig la rdzogs chen lung gi brgyan/ rdzogs chen tshig la 'jam dpal lung gis brgyan/ gcig la mdzes gser la g.yul sbrang 'dra// don gyi rgyan ni rnam pa bzhi// chos nyid dag la chos kyi sku
21b3 yis brgyan// chos kyi sku la ye shes kyi gdangs dang chas pas brgyan// ye shes gdangs la thugs rje'i gzugs skus brgyan// thugs rje'i sku la bstan pa'i snying pos brgyan// rgyan zhes bya ba de ltar ro// ces
21b4 gsungs so// 'jam dpal bshad pa'i rgyud las/ ye shes rgyan gyi bshad pa ste/ le'u gnyis pa'o// de nas yang lag na rdo rjes zhus pa/ dgongs pa zhes ni ci la bgyi/ 'dus pa zhes pa ji ltar lags/ thugs
21b5 rje chen pos gsungs du gsol/ces zhus so// ston pas bka' stsal pa// rdo rje 'dzin pas ngos zungs shig/ dgongs pa zhes pa'i bya ba ni// gdul bya'i bsam pa la dgongs nas// rab 'bring blo dang sbyar
21b6 nas su// tha ma rnam la mtshan nyid sde gsum bstan/ 'bring la gsang sngags phyi nang bstan/ rab la a ti ma nor bstan/ dgongs pa zhes kyang de la bya// 'dus pa bya ba rnam pa gnyis// spyi'i dgongs pa tshad du
22a1 'dus// mtshan gyi dgongs pa le'u lngar 'dus pas// 'dus pa zhes ni bya ba'o// ces 'jam dpal bshad pa'i rgyud las/ dgongs pa 'dus pa'i don bshad ste/ le'u gsum pa'o//// de
22a2 nas yang lag na rdo rjes zhus pa/mtshan brjod zhes kyang ci la bgyi// thugs rje chen pos gsung du gsol// zhes zhus so// rdo rje 'chang gi bka' stsal pa// lag na rdo rjes ngos zung zhig/ mtshan dang brjod byed
22a3 rnam pa gnyis// mtshan gyi sku dang ye shes mtshan nas brjod pas/ rtogs pa'i ye shes rgyud la shar/ tshig gi rgyud kyi mtshan brjod pas/ rang gis don gyi dgongs pa longs// brjod byed spyi rgyud chen po yin//
22a4 mtshan brjod zhes kyang de la bya// ces gsungs so// 'jam dpal bshad pa'i rgyud las/ mtsham brjod kyi don bshad pa ste le'u bzhi pa'o//// de nas yang lag na rdo rjes sna drangs nas bskor ba bya ste/
22a5 'di skad ces gsol to// e ma ho/ bcom ldan rdo rje 'chang/ rgyud gsum mtshan gyi nges dgongs kyis/ bdag gzhan don gyi snang ba gsal// rgyud chen mtshan don dgongs la bkrol// 'gro ba'i mgon po rje yi
22a6 rang// ces gsungs so// 'jam dpal bshad pa'i rgyud las/ rjes su yi rang ba ste/ le'u lnga pa'o//// 'jam dpal bshad pa'i rgyud las/ don gyi sgron ma bstan pa'i le'u ste/ yang snying rdzogs so//
22b1 sngags kyi srung mas bka' yi bya ra gyis// spe rgyud chen po bzhi'i gang la yang// gsang bar thugs kyi dgongs pa ste// dus phyis lus par gzigs nas ma ston to// rgyud chen po bcu bdun yod par grags pa
22b2 las phal cher snang ba ni/'go spyod yul tsam ste/ bde byas sdug bsngal dbyings phyug b+ha ga la// g.yer med lhun rdzogs dbyings nyid che ba skyed pa// mi 'da' ye shes rin po che/ bya ba med pas lhun rdzogs
22b3 thig le che// thams cad ma 'gags dbyer med bdag gi brgyud// skye med dbyings las thams cad skyes// don dam nyid du sems dpa' che// bsgrub tu med pas ye nas gnas// btsal du med pas mngon sum
22b4 dbyings// smon du med pas rang la rdzogs// tha snyad med pas rnal 'byor bdag/ go 'phangs chod pas kun gyi dbyings// las rnams spyad cing ci spyad kyang// thig le nyid pas spang du med// 'dod chags zhe
22b5 sdang gti mug kyang// spang du med pas bdag gi rgyud// gti mug nyid pas bsam du med// rnams grangs nyid pas dbyings nyid klong// gzugs rnams med pas byang chub sku// thig le ye nas dam tshig
22b6 gsad// dam tshig ming du btags pa med// 'chi ba med pas bdud rtsi dbyings// khyad par nyid las ye shes che// ri rab rtse la nyi ma stong shar bas// ye shes thugs kyi nyi ma shar ro// shar ba nyid na nub pa
23a1 med// sgom pa nyid pas sgom du med// sgom pa dmigs su med pa'o// sgom pa gzhan nas chos mi rnyed// rdo rje rin chen 'bar ba ltar// thams cad kun kyang de bzhin no// 'gyur ba med pas
23a2 bal nag bzhin// bsgyur du btub pas bal dkar bzhin// brtags na bal nag nyid kyi dbyings// lhun gyis gnas pas go 'phangs chod// gdong nas dag pas pad+ma bzhin// 'gyur ba med pas thig le
23a3 bde// bya ba med pas thig le bde// dus gsum med pas thig le bde// btsal du med pas thig le bde/ brtsal bar 'ded pas dbyings mi bskyod// dra ba nyid pas mun khyud bde// thig le nyid pas thig phran
23a4 bde// rtse rgyal rtogs na gnas chen bde// thog med yongs su sbyangs pa'i b+ha ga la// dbyer med lhun rdzogs thig le dbyings nyid che// sku gsung thugs shar mu khyud dkyil// rnam par dag pas byang chub rgyu//
23a5 'gro ba'i lam chen mkha' dbyings nyid// thig le ye nas rdo rje dbyings// thig le nyid pas 'du 'bral med// de bas thig le bdal ba'i dbyings// bdal ba nyid na nub pa med// byang chub sems klong yang
23a6 pa'i dkyil 'khor rdzogs so////


CLOSE WINDOW