114b3 rgya gar skad du/ nA ga kA la tsakra/ bod skad du/ klu'i 'khor lo nag po/ mA ra ya bsad pa'i 'phrin las/ gshin rje nag po'i 'khrul 'khor/ dug sbrul nag po lto dkrug gsang ba yang snying nag po/
114b4 klu'i srog tig nag po zhes bya ba/ klu'i rigs kyi bdag po 'jam dpal la phyag 'tshal lo// rigs kyi bdag po 'jam dpal gshin rje gshed// sprul pa gshin rje klu dang gza'// rin chen lhun po'i ri rab
114b5 ste// phyogs bzhi dag la re re la// nyi shu rtsa lnga grangs kyis so// rgya mtsho ljon shing sa dang brag/ nam mkha' la sogs rigs mthun pa// klu yi rgyal po'i gnas de dag/ pho brang la sogs gzhan dag kyang// rang
114b6 rang rjes su mthun pa ni// rigs la khyad par yin par snang// rgyal po bram ze rje'u dmangs// gdol pa mtshams kyi cha la ste// 'di dag tu ni rnam par bshad// shar lho nub byang phyogs bzhi nang// re re la ni
115a1 bzhi bzhi ste// rigs kyi khyad par yin par bshad// shar na rgyal po seng ge gdong// bram ze'i rgyal po bod gdong yin// nub ni rje'u rigs wa gdong ste// byang na dmangs rigs bya rog
115a2 gdong// mtshams na gdol pa gnas pa ste// shar lho mgo stong lus nag po// byang shar na ni rtag mgo can// nub byang 'dzin shes gtong mi shes// lho nub nag po mig gcig go/ de dag rgyal ba'i zhal mthong
115a3 min// myur mgyogs bden pa mi shes pas// gdol pa zhes pa rigs kyi cha'o// lo dang zla ba zhag dang dus// rtags dang 'byung pas btsal ba// nges par thebs dang 'khyams pa dang// ldog dang 'gor ba dus
115a4 yin no// 'gras pa'i dus su 'grub pa dang// gtad pa'i dus su shes par ni// dgra dang zas dang grogs su shes// 'di dag klu yi bdag pos bshad// 'jam pa'i bdag po klu yi gshed// zil gyis mkhar
115a5 lding nag pos mnan// dbang du rta mgrin rgyal pos bsdu// las la klu mo nag mos gzud// pho brang srang dang srang sgo dang// bya ra sa la sogs par ni// rig la re re snang bas gtad// gtad pa klu yi rgyal po
115a6 ste// sa yi bdag po'i lto bar gtad// 'di ni klu yi bdag pos bshad// dug sbrul nag po lto dkrug gi rtog pa dang po'o//// de nas bsad pa las ston ni// ma rA ya zhes bya ba ni// byang phyogs brag gam chu
115b1 mig go/yang na nag po gal ba'i gnas// lho phyogs brag nag sog po 'dra// yang na rgya mtsho'i dong yang 'dra// gnod sbyin drag po yod pa'i gnas// 'di dag tu ni bshad pa yin// dbyar zla tha ma'i nag po'i
115b2 dus// las la 'khor los sbyor ba ste// dkyil 'khor e ldan rtsig byugs la// klu bdag 'khor la gtor ma sbyin// 'jig rten pa la gser skyem gtang// thod pa nag po'am ro ras la// mkhas pas 'khor lo
115b3 bri bar bya// steng gcod gshin rje nag po ste// 'og gcod bdud mo re ma ti// bcu bdun g.yas dang g.yon du bri// hri ti st-i phyi'i kha gnan te// rang la mi ldog phar la thebs/ kha gnon gzer bu bshad pa
115b4 yin// bar du bsad pa'i tsakra ni// nag po klu yi 'khor lo ste// sbal nag lto bar a mu ka/ phyi rol bsad dang sgrub pa ste// bcug sa dang sbyor shes par bya// 'khor lo nyi ma bzhi pa ste// mtshan mo klu yi dmod
115b5 pa dang// yang snying nag pos bsad pa ni// ya ma rA ya yi srog thun zhes/ khyab bdag ye shes nges bshad do// dug sbrul nag po lto dkrug gi rtog pa gnyis pa'o//// dang por sems nyid stong pa nyid// snying
115b6 rje ngang las hUM mthing ste// thugs kyi phyag rgya rdo rje che// de las khro rgyal gshin rje gshed// mthing nag gyad kyi 'jigs tshul can// zhal gcig phyag ni gnyis pa ste// be con sdigs mdzub zhabs bgrad pas// de
116a1 yum bdud mo re ma ti// lcags kyu tsit+ta bsnams pa'o// las kyi lha yang de 'dra ste// 'khor lo nag po'i bdag nyid yin// tsit+ta e ka hUM zhes pa// sems dpa' bzhugs dang mchod bstod bya// klu
116a2 yi bdag po mdun du ste// mgo dgu yab yum bka' stod tshul// sngags ni nyin dang mtshan mo ste// nyin ni gshin rje'i bsnyen pa la// mtshan mo klu yi bdag po bsgrub// sgrub rtags cir yang ma nges te// sbrul
116a3 nag g.yag rog mon pa dang// sbal pa nag po mthong na 'grub// glang chen ma thong ldog dang 'grub// rtags ni chad mar nga yi bshad// dug sbrul nag po las le'u gsum pa'i rtog pa'o//// gsang sngags ngo
116a4 bo 'di dag go/oM ya ma me ta k+Sha/ ra dza sa to/ ru na yo ni/ rA ya tsa ni/ sa ma ya hUM phaT/ 'di dag klu'i 'khor sdud pa'o// na ga du nA ga du nA ga he li he li nA ga 'dus 'dus/ 'di dag ni gtso bo bsgrub
116a5 pa'o// a shaM nag po hi pa tsa/ na ga kro d+hi shwa ri tri shaM rbad/ bu gu sha ra rbad/ ti pa tsa pa tsa kha la baM sha truM sha mA ra na dzA dzA/ 'di dag snying nag pos bsad pa'o// nag po baM tsi tsi rgyob/ trag thur snying 'gul myags
116a6 myags rtsa bzhi bskums// shan shan srog la shan thur sod swAhA/ 'di dag nyi ma bzhi pas bsad pa'o// ya ma ra dza sa to me ya/ che ge mo a mo khraM pra ma ya/ ya me to ru na yo te/ che ge mo a mu khaM rag+ta tsa ra ya/ ya
116b1 ta yo n-i ra yak+She ya/che ge mo a mu khaM mu ra tsa ra la/ yak+She ya tsa ni ma ra ya/ che ge mo a mu khaM mA ra ya/ nA ga khaM thum myags/ dgra'i srog la ni rbud rbud ya/ nyin bzhin spu gri so so'o// dug sbrul nag po las
116b2 'khor lo bskor ba dang gsang sngags kyi rtog pa bzhi pa'o//// 'khor lo nyi ma bzhi ru bskor// mtshan mo bsad pa klu yi sngags// dgongs dang tho rang thun sngags dang// reg chod drag dril la bzlas// 'di
116b3 ni 'khor lo rdzogs nas zhag/gsum du gtad pa'i gsang sngags te// dril bas brdeg ces ngas bshad pa// rdo rje rnon pa'i las yin no// las kyi gshin rje pho mo bskul// gza' dang yam shud dmar po
116b4 yang// bskul bas rdo rje drag pos bshad// gsum du gtad pa'i gsang sngags te// dug sbrul nag po las gsang ba don gyi las te rtog pa lnga pa'o//// yang snying nag po gsang ba'i don// nag po klu yi dug
116b5 mda' yin// sbrul nag chen po byas pa'i khar// gro ga ming rus rdzas la bya// la bya'i sbal pa'i khog par gzhug/ nag po klu yi gnas su gzhug/ dus la mi 'da' kho na nyid// dang po dkar la brid pa
116b6 yin// 'dris nas dmar yang dbul bar bya// klu yi bdag po sngags 'dis bod// oM nA ga sha shu kha dum pa la nA ga rA dza 'dus sa ma ya hUM dza dza/ klu yi rgyal po bod pa yin// e h+ye hi nA maHsa man+ta nA ga ru pa dza
117a1 la dza la swAhA/spyan drang ba'i sngags su 'dod/ oM a la la ho nA ga ra dza pu tsa ya na pu tsa hring hring/ gtor ma dbul dang mchod pa'i sngags/ oM na ga rA dza nag po baM tsit+ta rgyas/ yan lag skums sa
117a2 ma ya/mA ra ya/ tsi tsi dza la khrag rgyas he he na ga 'dus/ khraM baM ba ru na tsi tsi rgyas/ kha khrag snying la rgyas/ na ga ru pa ru pa hUM phaT/ nA ga rA dza sa ma ya/ snying la khrag du mugs dam dza dza/ bsad pa'i yang snying bsgrub
117a3 pa yin// oM nA ga tsa nag po baM tsit+ta rgyas/ yan lag skums/ sa ma ya/ ma ra ya/ tsi tsi dza la drag rgyas/ he he nA ga 'dus 'dus/ khraM baM pa ru na tsit+ta rgyas/ kha khrag snying la la rgyas/ nA ga ru pa ru pa/ dza la dza la/
117a4 che ge mo ma ra rbad/ bsad pa'i yang snying nag po yin// btsan dug khol ma lta bur bshad// dug sbrul nag po las/ yang snying nag po'i rtog pa drug pa'o//// hUM/ bskal pa'i rlung nag 'khyil pa'i dkyil
117a5 'khor nas// rig pa'i rgyal po 'chi bdag mgo dgu pa// bdud kyi bdud cig 'chi bdag klu yi bdud// 'chi bdag nag po yab yum sku bzhengs cig/ bka' yi pho nya las kyi srog gshed dang// klu bdud klu
117a6 btsan sa bdag klu srin gnyan// bstan pa bsrung phyir 'phrin las 'di ni 'chol// dam nyams ru tra'i 'khor rnams rtsa rgyu gcod// nag po ti pa tsa ya nA ga rag+sha mahA ba li ta khA hi/ hUM/ rgya mtsho chen po'i gting rum
117b1 na// rigs bzhi'i klu rnams bzhugs pa ni// gzhan la mi 'bod mi g.yob kyis// nag po gdal pa can gyi rigs// bzhugs ni chab mi gdong na bzhugs// chibs su rus sbal nag po chibs// chu srin nag po'i khri stengs na// nag
117b2 po 'dzin shes gtong mi shes// sbrul nag stong gi zhags pa 'phen// gtad pa'i dgra bo yan lag chings// g.yon pa med pa'i nad rnams kyis// tshor ba med pa'i snying la gtong// snying nad 'bar ba'i
117b3 nad kyang gtong// slar 'tsho bya ba'i ming yang med// tsi tsi dza la'i mnga' bdag ste/ khyod kyi thugs dam dus la bab// na bza' sbrul nag slag pa la// sbal sbrul mang po phrul lu lu// tsha ba'i 'bu
117b4 srin nyil li li// bcol ba'i las rnams grub par mdzod// ces ni gdol pa khyad par bskul// dug sbrul nag po las bskul gyi rtog ba bdun pa'o//// rang la mi ldog gnyen po ste// stong nyid lta ba de nyid
117b5 yin// gnyen po na ga rag+sha ste// ngan sngags 'di dag gsang ba yin// oM bruM kri bruM khraM/ gab pa'i yi ge yin par bshad// 'khor lo mi ldog hri ti'i gzer// pho nya mi ldog bskul ba'i gzer// dza ti gur kum gla
117b6 rtsi gsum// lus ngag bsrung ba'i gnas su gdab// rma bya 'ug pa srin bya gsum// rgyal mtshan lta bur gzugs par bya// sgrib shing yin pas bcang bar bya// dri chen dri chu khong du gtang// btsan dug a ru ra
118a1 dang sbyar// dri chu dang sbyar ba khong du gtang// 'di dag pa'i yang snying yin// mi ldog pa'i las yin te// dug sbrul nag po'i rtog pa brgyad pa'o//// dug sbrul phung gshig nag po 'di// yA ma nA
118a2 ga rag+sha ste// dug gi mtshon cha lta bu yin// yang snying nag po gtad kyi rgyud// phung byed nag po mgo dgu'i gter// byol song ha la gdong pa'i mda'// phung byed 'khor lo lto bsdebs rgyud// nag po rigs kyi
118a3 bdag po ste// nA ga ha la zhes bya ba// mi 'bar tshangs pa klu khang na// rgyal po ka mas brda bkrol ba// 'di ni yang snying lta bur bsdus// 'chi bdag klu'i zla gsang yang snying nag po/ dug sbrul lto dkrug ces bya
118a4 ba rtog pa zhes bya ba rdzogs so//// rdo rje gdan gyi ka gdan gser zangs can nas phyung pa// ba su d+ha ra'i mnag pa'o// mang+ga laM//
118a5
118a6 rgya gar skad du/


CLOSE WINDOW