CLOSE WINDOW

Gpb053.008
བོད་ཡིག

nA ga kA la tan+t+ra pri tsu mA ra ya na ma/ bod skad du/ klu nag po'i rgyud sdig pa phung shig ces bya ba/ klu'i bdag po 'jam dpal la phyag 'tshal lo// 'di skad bdag gis thos pa'i dus gcig na// klu yi rgyal po 'jigs byed che// nA ga rag+sha yag+sha zhes// sbrul nag mgo dgu drag po gzugs// 'chi ba'i bdag gam gshin rje ste// klu yi rgyal po yin par bshad// gdol pa nag po dmangs kyi rigs// 'dir ni nag po yin pas na// rgyal po rje'u bram ze la// kun la las ni bcol ba las// de la gtad par bya ba min// ji ltar rjes su snang bas dpag/ rigs sogs mkhas pas brtag pa las// byang dang byang shar gnas mchog ste// sa dbyibs gnag cing 'jigs pa'i dmas// rtsub dang drag po'i shing ldan pa// brag dang chu 'thab rgya gram lam// nag po lkug pa de min pa// klu yi gnas gzhan spangs pa yin// ji ltar rgyal po rang la ldog/ rje'u bram ze las mi nus// don med las 'gyangs yug pa yin// nag po gdug pa gshin rje ste// ji ltar gnas pa'i sa dgra yang// gtang dmag drang ba'i sa phyogs te// ji ltar nag po nyid la sbyar// nag po khru ba kha zhes pa// gdol pa nag po chig shur pa// hur thum byed pa'i khyim thab yin// de phyogs sa'i prag shi chu// klu nag lce mdung bcu bdun te// gshin rje'i gnas khang skyon ra yin// chu glang la sogs dud 'gro'i gzugs// rwa dang rmig bzhir rtsal rdzogs pas// lce mdung zhes su bshad pa yin// de bzhin sbal pa'i sbar bzhi dang// sdig pa'i rwa dang mjug rtse yin// nya'i gshog rtse rtsal rdzogs bzhin// ji snyed sems can gzugs la dpag/ 'di dag sa khram nag pos te// 'di dag nges pa kho na yin// rgyal po la sogs gnas mi sbyar// byang shar gnas mchog g.ya' gong na// mtsho nag dug dang 'dra ba 'khyom// gdol pa mthong ba'i dug gcan yod// phyag na rdo rje mthu stobs kyang// nag po dug de 'joms pa men// 'chi ba'i bdag po gshin rje gshed// sprul pa'i 'khor lo 'di bsgoms na// lus kyi klu rnams dbang du 'du// sdig pa go cha bsgo ba dang// lhag gsum lus la bsgom byas te// nag po'i sa phyogs de dag tu// gzer gdab dug chu re bas bskor// sha ru rtsi sman ldan pas bskor/khru gang 'og tu mkhas pas gtad// klu yi rgyal po byin dga' ste// sa bdag ldog na 'jigs skrag 'thibs// tsha thur nag po'i 'khor lo bsten// gtad khram gtad bya gtad dmag drang// zhes gsungs so// klu nag po'i rgyud sdig pa phung gshigs las/ gtad pa'i dmigs pa btsal ba klu'i rgyal po'i le'u ste dang po'o//// klu yi rgyal po 'chi ba'i bdag/ gsang sngags dug ni spu gri ste// klu yi rang gnad srog yin pas// lha men mtshon cha lta bu yin// nag po gdug pa'i smon pa yin// yang dag par ni bshad par bya// yang snying nag po'i srog gi gzer// oM nag po ti pa tsa ya nA ga rag+sha he khu la phe shan nag pos shig shig chum hu ya hu ya/klu nag po mgo dgu pa zung zung/ chings chings/ a mu ka/ mA ra ya/ klu yi rgyal po mgo dgu pa'i// srog yi ge spu gri yin// spu gri bcad pa'i yul med par// mtshon cha bcangs na rang gcod yin// nA ga du/ ga nA du/ nA ga shan du/ he mi he mi/ nA ga 'dus 'dus/ 'khor gyi klu rnams bsdu ba yin// nag po baM tsi tsi rgyas trag thur snying la 'gul myags myags rtsa bzhi skums shan shan srog la shan thur sod swAhA/yang snying nag po zhes bya ba// gsad pa'i yang snying spu gri yin// nA ga rA dza a nan ta nan/ nA ga pu nA ga pu/ ka hUM dza hUM dza/ pad+ma ni dza sham khab la ni dza/ dgra bo dam pa ya ni dza/ga la ge'u su ni dzA/ bstan pa'i bar char byed pa yi/ sha truM srog ni nr-i yin te// de dag 'gugs pa klu yi sngags// kyo ba lu gu rgyud ces pa// klu yi bdag pos bshad pa yin// nA ga shan ting dun sri ba sa nA ga nan/nA ga rA dza na na nA ga mi ra rbud/ shan ti sha nu tshubs/ nag po o ra li gsham/ nA ga dun dun gyel// nA ga du ya yA/ tsubs tsu nyu sha rbad// klu yi dmod gzer nag po ste// ngan sngags nag po thun gcig pa// dmod pa spu gri klu yis bshad// sa byi pa cog khug ling khug ling he he phaT/ oM badzra krod+ha sa ma ya phaT/ sa byi bcog ling ma ma mugs mugs hi byi la cho cho/ a la gug ling swAhA/klu yi bdag pos gzer ba ste// dbang sdud gcun par bshad pa yin// phe ga lag sha hu ya hu ya/ bskyed pa sku yi yi ger bshad// gshed chen nag po nA ga'i bdag/ khyab bdag rdo rje drag po che// srog gi ngo bo de nyid de// gdug pa'i yi ge 'bar ba che// myos byed 'bar ba drag po che// nges par nA ga'i srog gi 'bru// dug chen mtshon chas gcod par byed// nA ga rag+sha de ba ho/ zhes gsungs so// klu nag po'i rgyud sdig pa phung shig las/gsang sngags bstan pa'i le'u ste gnyis pa'o//// dpal ldan rdo rje drag po yis// las su bya ba yang dag go/ 'bras bu smin dang lo tog rgyas/ khyad par dbyar gsum zla ba yin// dbyar sa nas ni dgun sa'o// 'di dag 'khor gyi klu rigs yin// rgya mtsho'i gting du gnas par bshad// de nas dbyar gyi brgyad pa la// chu mig dong ru klu rnams 'ong// rtags kyi tshad mar shes par bya// pho brang mtshon dang phun gyis shes// me long mnyen shes bshad pa'ang yod// gnyan ra gdug pa'i sa bdag la// dkyil 'khor mda' gang gru bzhir bya// sman dang 'o mas chag chag gdab// rgya mtsho'i gting du gzhal yas dbyibs// pho brang lcags kyi khad pa la// yid kyis rgyu ba'i sgo gcig ldan// gru gsum mthing nag zla gam dmar// zhi ba sbrul gyi chun 'khor ldan// klu shing rgyang bu klu gzugs ldan// gtor ma la sogs mchod rdzas bsham// ga 'u nag po zhes bya ba// mdze can thod pas gshag par bya// pho thod mo thod steng dang 'og/ dbang po kha dog dmar po yin// rtsibs drug tsakra dmar po ldan// drag sngags klu gzugs yang dag 'brel// dkar gsum me tog khu ba las// nyams pa'i gzugs la sdig pa drug/ lnga phung 'joms phyir yan lag 'dzin/ kha sbyar lcags kyi khang pa yin// mgo lcog de'i nang du ste// klu yi dug kyang de bzhin bya// stong pa nyid ni rab gsal ba// yi ge'i rang bzhin de dag la// zhe sdang gdug pa'i sku ru bsam// phrag dog rdo rje'i go cha ste// sra brtan mi shig rdo rje mchog/ de las 'phro 'du klu yin pas// rang la 'dus na gtsang mar rigs// ha la nag po yin par bshad// 'khor bsdu ba dang gnyen po la// bcu bzhi sngags kyi 'phreng ba ste// klu yi rgyal po bsgrub par bshad// de rtags mngon par 'byung ba ni// sdig pa sprin ltar gtibs pa dang// nya sbrul glog ltar 'khyug pa dang// chu srin 'brug ltar sgrogs pa ni// phyi de 'gyur med rmi ltas yin// mngon rtags rdzas la sdom rgya chags// gsang rtags lus la 'byung bar bshad// de rtags mngon par grub pa na// nA ga sde bzhis 'gugs pa'i las// a mu kha yi srog gtig ste// drag sngags bcu bzhi gnyis yin no// a mu ga la btsag bsku bcing// sol bas byugs dang btson du 'dzin// rang lus rtags las grol dang nye// rdzas la sdom sdig tshang bcas na// de rtags mngon du gyur pas na// bsad pa'i sbyor ba bshad par bya// bsad dad dbang sdud yang snying ste// bzhi bcu bzhi dang brgyad gnyis te// nyi shu rtsa lnga ldan pa la// brgyad cu rtsa lnga mA ra ya// phung shig nag po'i las su bshad// las kyi mtha' brtul de rtags ni// dmag dang mtshon chas brgyab pa dang// ra dang ri dwags bsad pa dang// sdom sdig rdzas la sbyar ba dang// lus kyi rtags las grol bar bshad/ khram gdab las bcol kha dbye zhing// mkhas pas klu la gtad par bya// sdig can gang zhig 'da' byed pa// myur du rlag par yang dag bshad// klu nag po'i rgyud sdig pa phung shig las/ klu'i rgyal po bsgrub pa dang gtad pa'i las 'phrin las kyi rtog pa ste le'u gsum pa'o//// drod rtags tshad kyi las mtshon pa// nA ga rak+sha'i rnal 'byor che// drod rtags rgyal po lnga gnyis so// bdag po yod na nyams 'jigs shing// sa dbyibs srog chags gzugs 'dra la// rgyal po lta bu rmi na'o// gsal la mi yengs dgra dngos sam// bla rtags byung ba nges pa yin// chu mig mdog 'gyur skam pa dang// bla rtags byung na mA ra ya'o// bsam pa ma yengs dngos por tshugs// dmag dpon byed na las la mngag/ bdag po dbang du gnas pa yin// bsam rgyud gsal la shes pa rngam/ khams gsum bdag po dmag 'dren pa// 'gyur med las su bshad pa yin// ri sogs 'jam bzhag 'jigs gzugs med// nyams 'phyo phya sangs nyams bag med// rmi ltas lung stong 'gro ba rmi// bdag po med pas spang bar bya// ting 'dzin mi gsal rta lug 'tsho// a mu ka de don mi 'grub// bskyar te bsgrub pa spogs par bya// chu 'gyur gzhan du 'phos ba na// chu chen 'grub pa rmis pa na/khram la ma thebs mnan te bsad/ bsam pa seng seng byed pa dang// ting 'dzin mi gsal bying ba dang// 'tsher shu stong par phyin pa rmi// nA ga bskyas pa'i shul yin pas// gtad kyang kho bdag med pas 'gyang// bdag nyid bsam ngo zhan pa dang// 'jigs shing skrag dang 'dam du zhugs// phyar ba khra bo gyon pa dang// lus la rma byung sems can 'dzug/ de ni ldog pa'i rtags su bshad// klu nag po'i rgyud sdig pa phung shig las/drod rtags kyi le'u ste bzhi pa'o//// gshed khram nag po gsang ba ste// gshin rje klu dang btsan bdud ging// ma mo khram ka nag po ste// 'debs pa'i phyir na khram yin te// mi 'chor bya phyir khram yin no// dregs pa'i yang snying nag po yin/ ya mA rA dza nag po dgra'i snying la ya ya ya/ gshin rje nag po dza thun dgra bo la b+h+yo/ 'di dag gshin rje'i khram nag ste// gdug pa'i mtshon cha nag po'o// nA ga ken rtse 'dus 'dus dza thur dgra la b+h+yo/ klu yi byad khram nag po yin// a be she he thum dza thur dgra ya b+h+yo/ btsan gyi khram nag 'bar ba yin/ nag po kha mun dra de chod tsa thur dgra la b+h+yo/tsa thur snying thur snying la yam/ bdud kyi bsad khram nag po yin/ badzra sa du snying dgra la yaM b+h+yo/ gi gi rtsis rtsis las kyis so// dza thur snying la yaM yaM snying thur dgra la b+h+yo/ ma mo'i khram nag ces su bshad// dregs pa khram la gdab pa dang// las la rbad de bskul ba dang// bsad pa'i yang snying mchog tu bshad// klu nag po'i rgyud sdig pa phung gshigs las/ khram nag bstan pa ste le'u ste lnga pa'o//// ma grub phung gshigs spogs pa'i las// bco brgyad sngags kyis spyan drangs la// 'bru dgus rnam shes gzugs la gzud// sum cu bzhi pas gnad la dbab// dregs pa'i khram gdab 'phrin las bcol// 'bru rgod drag pos brlab par bya// zhes gnad kyi mtshon cha 'di gsungs so// a mu ka tsa srog rbad/ raM raM nA ga mu kha raM raM/ yang raM raM rbad raM raM/ gsang ba e gnas drag po ru// tsher ma can gyi shing btser la// gdug pa'i ling ga ldan byas la// klu yi gnod gzer drag pos bsad// ces gsungs so// ji srid rang la ldog pa na// 'khor lo rtsibs bzhi ldan pa na// klu yi rang gshed gsang ba ste// gnyen po ldan pas 'khor lo bskor// ldog pa srung ba ma yin la// kun la bya ba ma yin te// nA ga rag sha zhes bya ba/ dug gi yan lag lta bu ste// bya ba kun 'grub rlag ces pa/ khyab bdag rdo rje rgyal pos bshad// klu nag po'i rgyud sdig pa phung gshigs las le'u ste drug pa'o//// klu yi rgyal po 'chi bdag gtso// nges par las la rbad pa ni// rgya mtsho chen po'i gting rum nas// 'chi bdag nag po sku bzhengs cig/ sbrul nag lus la sdig pa'i dbu// phung shig sbrul gyi ral pa can// nag po 'dzin shes gtong mi shes// sngags pas dung dung bos pa'i tshe// skad cig lhang lhang tser tser 'bod// 'khor gyi klu rnams dbang du sdud// spyan nag khrag gi char pa 'bebs// g.yas na sbrul nag zhags pa rnams// g.yon na nad kyi rkyal pa thogs// nad dang mdze rigs yams su 'bebs// shangs nas rlung nag tshub mar ldang// 'jig rten khams kun nad kyis 'gengs// zhal nas sdug pa'i nga ro yis// 'jig rten klu rnams las la 'khol// klu bdud nag po 'jigs pa'i sku// nag po sku yi g.yas phyogs nas// sdig pa smug nag 'jigs par 'gyed// rwa bgrad tshangs pa'i 'jig rten khengs// phung bshigs dug gi sdig pa yin// pho nyar sdig pa smu gnag 'gyed// nag po sku yi g.yon phyogs nas// sdig pa khams nag 'jigs pa 'gyed// sa 'og rim dgu klog byed cing// sa bdag klu yi pho nya 'gyed// rbad na dgra yi yul khams 'jig/ nag po sa gtom rgyal ba bya// nag po'i sku yi rgyab phyogs nas/ khrag gi sdig pa dmar po la// bse yi ru rings gnam du sleb// pho nyar klu glang mang po 'gyed// klu btsan 'bum la dbang sgyur la// nyams pa dgra la mdze rgod glo bur thong// nag po sku yi mdun phyogs na// gser gyi sdig pa 'jigs pa la// dung ru gnam du zangs se zangs// pho nyar dung phag khra mo 'gyed// sa bdag nag po'i dmag dpung sdud// sdig pa phung shigs sku bzhengs shig/ nag po 'dzin shes gtor mi shes// yum dang 'khor du bcas pa rnams// dam rdzas bdud rtsi mchod 'bul gyis// dgra bo dam nyams 'khor bcas rnams// rtsa ba dgu rgyud rlung la bskur// yang na myos shing lkugs su chug/ yang na smyos shing 'bog tu chug/ yang na mdze dang shu ba thong// zhes pas bskul bar yang dag bshad// nA ga sa nA ga 'khol ba yin// klu yi rgyal po na ga'i rgyud// gsang ba yang tig spu gri'i rgyud// nag po bskol ba'i las rgyud 'di/ khyab bdag ye shes ngas bshad pa'i// mtshon chas bstan la yun gnas byed// mkha' 'gro nye bar thugs brtse'o// klu nag po'i rgyud sdig pa phung gshigs las/ las la bskul ba zhes bya ste le'u bdun pa'o//// klu rgyud sdig pa phung gshigs kyi 'khor lo rdzogs so//// ka ma la dang hUM ka ras/ klu gnas kyi thugs gter 'di ba su d+ha ra la gtad pa'o// rgya rgya rgya/ rgya rgya rgya////

CLOSE WINDOW