CLOSE WINDOW

Gpb053.007
བོད་ཡིག

sa khrag tsakra sha truM nA ma tan+d+ra/ bod skad du/ sa bdag srog gi 'khor lo zhes bya ba'i rgyud/ nag po klu'i rigs kyi bdag po 'jam dpal la phyag 'tshal lo// 'di skad bdag gi thos pa'i dus gcig na// zhe sdang gdug pa klu gnyan bu// dam shi phag mig ces bya ba// sa bdag klu gnyan sde dpon te// nag po 'dzum med ces par grags// rab tu gdug pa'i bu de dag/ yag+sha 'khor lo nag po dang// nA ga de ma sa ta ma// gdug pa rnam gnyis 'chos pa'i bu'o// rgya mtsho'i gting na rab tu gnas// mi yi khams rnams 'khrug byed pa'i// lto 'phye sbrul gyi mgo bo can// zhe sdang nga rgyal 'dod chags dang// phrag dog la sogs lto 'phye'i rigs// 'di dag 'khor dang bcas pa yis// rdo rje can gyi sbyan snga ru// sangs rgyas bstan pa bsrung ba'i phyir/ nA gas nA ga 'khol bas na// klu yi rgyal po gtso bor bshad// klu rnams rigs ni lnga nyid de// rgyal po la sogs yin par bshad// de dag gnas pa'i bdag kyang// shar bltas drag 'bab me tog skye// sa gzhi rdo yang dkar por chags// rgyal rigs yin par rab tu bshad// lhor bltas gting du dri yang zhim// rtag tu skye 'bri med bar 'bab// rje'u rigs yin par shes par bya// nub bltas gting 'bab sgra yang chung// rgya mtsho chen po sleb par 'bab// bram ze'i rigs su shes par bya// byang bltas gnag cing nyams mi dga'/ rtag tu nyi ma 'char mi srid// rlung nag tshub ma rtag tu 'byung// gdol pa'i rigs su shes par bya// de dag spyi yi mtshan nyid do// re re la ni bzhi bzhi ste// sleb par 'bab pa rgyal rigs yin// gting du 'bab cing dri zhim pa// rje'u rigs yin par shes bya// gting 'bab sgra chung bram ze'i rigs// grib gnas klung bdag gdol pa'i rigs// kun la sbyar ba shes par bya// pho brang dag gam phyogs phyogs so// sa bdag srog gi 'khor lo las/ rigs kyi gtad sa bstan pa'i le'u ste dang po'o//// nA ga de bi sa twa dang// yag+sha 'khor lo nag po yi// lto 'phye nag po sgrub pa des// dang po rang gi ma nyes bgrang// lha srin sde brgyad thams cad la// ma nyes pa yi dpang gzugs so// rigs drug klu yi gtor ma gtang// bcom ldan 'das kyis spyod lam bya// don dang ldan pa'i rdzas kyang bsag/dam shi phag mig ces bya ba// byol song chen po'i rigs 'di yang// ma mo dag dang bsdongs pas na// rdzings dang nyams lci'i cha bar 'gyur// bdud dang bsdongs na khrag tu skyug/btsan dang bsdongs pas gri thabs 'chi// dmu dang bsdongs pas sbos skrangs 'chi// nA ga gcig pus zin pas na// chu ser nag por 'bab par 'gyur// sa bdag dag dang bsdongs pas na// lus sbrid rkang lag dag rkyang skam// gdug pa'i las de shes gyur na// de rnams gcig dang phrad par 'gyur// sa bdag sa la gnas pa dang// klu mo chu la gnas pa yin// mo rigs lnga ru byung ba ni// dam shi nag mo lnga byung ste// mi lus sbrul mjug lto 'phye'i mgo/ phag mo lnga la yang dag zhon// de yi sbyor ba shes pa ni// nA ga gzi brjid can gyis khyim// sgo drung rgyab tu mkhas pas gtad// de yi go char rab bstan pa// rkang pa g.yas pa'i long bu la// ri dwags lte ba'i phye ma'o// lag pa g.yon pa'i sor phrag tu// bya khyung snying po gsor las grub// nA ga ge sar bus pa dang// rgya mtsho lbu ba sbrang rtsis sbru// ri lu rgya yi rwa phul gang// klu yi khyim nas 'dom gang du// rtsa ba brgyad du shes par bya// dam shi phag mo bsgom pa ni// lcags kyi phag mo nag mo zhon// lto 'phye chen po'i mgo bo la// sbrul gyi mjug ma rab tu 'khyil// mi yi lus la lag pa gnyis// g.yas na sbal nag rgyal mtshan 'phyar// g.yon na sdig pa'i g.yang gzhi 'phyar/ kha rlangs 'phros pas sbrul du 'khyug/ gzas ba po'i ske nas 'khrid// ma he dmar po'i steng du bskyon// las kyi rlung gis rgyab nas 'phul// bdag gi drung du 'ong pa yis// gzas pa de dag de ltar ni// mig las 'phros pa'i sbrul nag gis// gzas po'i mgo bo khar bcug nas// zhe sdang stobs kyis mkha' la lding// snying las 'phros pa'i phuHlas ni// klu bdun nag po zhes bya ba// las kyi lhar ni yang dag bsgom// ji ltar phag mo lnga regs bzhin// dkar dang ser dang dmar dang gnag/ sbrul gyi 'khor lo 'phro ba yi// dkar gtor rgyan gyis mdzes byas la// dkar gsum mngar gsum argaM sbreng// klu shing brgyad po dngul chu bsag/ rma bya sgro la brid cing brten// de yi bsad pa'i sbyor ba yang// dar dkar gro ga shing lpags la// nyams pa'i gzugs ni bri bar bya// a mu ka yi rdzas lnga la// yan lag mgo lus tshang bar bya// snying la ro nye za ba bri// yan lag rigs bzhi sbrul gyis 'phen// ga bu sbal pa khog stong dag/ gcig gam yang na lnga ru bshad// nad dang mtshon cha sna tshogs bri/ kham pa'i kha 'u gong bar du// nA ga'i nor brgyad gsal bar bya/ kha zas tshigs pa rus pa dang// rtsa rgyus chad pa'i dmar khrag dang// chu yi 'bras bu sle cig dang// yi dwags 'jigs pa'i mchod gnas brgyad// nang gi rdzas su bshad pa yin/ kham pa'i ga 'u phyi brgyad du/ khyi mo nag mo'i sna khrag dang// cog la dmar po'i khu ba dang// ro bsregs thal bas gcan sbyar blugs// tshas kyis 'thems par bya ba gces// mi skra ra bal khyi bal dang// byang sgong sbal pa'i sha dag dang// tsha dang ba glang mkhris pa dang// ske tshe dang ni ram bu'i phye// bsregs thal ril bu dmod pas gdab// de dag ngan sngags ngo bo yin// sa bdag srog gi 'khor lo las le'u ste gnyis pa'o//// nA ga de bi sa twa ma// sa bdag sa la gnas pa dang// klu mo chu la gnas pa yi// sngags kyi ngo bo 'di yin te// gsang ba'i bdag pos rab tu bshad// dza ye phuHbi dza ye phu/ tsi ti tsi ti phu/ tsit+ta ang+ge phu/ na na se phu/ shang ka ru te phu/ ku lu ku ud ka te phu/ gra he sha ra ye phu/ sa shar gyi sa bdag gnyan gyi bu// zhe sdang gzugs brnyan lto 'phye'i rigs// dam shi zhe sdang phag m-i+ig ma// byol song glan pa mthu bo che// lto 'phye chen po'i mgo bo la// sbrul gyi mjug ma rab tu 'khyil// mi yi lus la lag pa gnyis// g.yas na sbal dkar rgyal mtshan 'phyar// g.yon na sdig pa'i g.yang gzhi 'phyar// dung gi phag mo dkar mo zhon/ kha rlangs 'phros pas sbrul du 'khyug/ dam nyams dgra yi ske la 'khril// zhe sdang dung lce 'bar ba yis// sa dug mdze shu g.yan pa dang// sbos dang skrangs dang dmu chu dang// skams dang 'khums pa la sogs pa'i// mdze rigs bco brgyad dgra la thong// klu glang dkar po'i steng du skyon// las kyi rlung gis rgyab nas phul// gtad do khyod kyi lag tu gtad// gtad nas gtong na khyod la sdig/ de yi sprul pa rnam gnyis ni// gdug pa rgyal rigs lto 'phye gnyis// zhe sdang gdug pa sbrul gnyis kyis// dam nyams lag gnyis khar chug la// dug sbrul gdug pa dmar po yis// 'dud pa'i tshul du dra bar gyis// gdug pa sa la gnas pa yis// gzi brjid can gyi khyim du khrid// gtad du ma gtang sho ra ri// dam shi sprul pa rnam gcig ni// klu bdud dkar po zhes bya ba// sbrul gyi mjug ma rab ldan zhing// mi yi lus la lag pa gnyis// g.yas na mtshon gyi rkyal pa thogs// dam nyams dgra la nad dal phob// shar gyi sa bdag dam shi ma// gtad do khyed kyi lag tu gtad// gtad nas shor na gnyan min no// hUM/ lho yi sa bdag gnyan gyi bu// nga rgyal gzugs brnyan lto 'phye'i rigs/ nga rgyal dam shi phag mig ma// byol song glan pa mthu bo che// lto 'phye chen po'i mgo bo la// sbrul gyi mjug ma rab tu 'khyil// mi yi lus la lag pa gnyis// g.yas na gser sbal rgyal mtshan thogs// g.yon na sdig pa'i g.yang gzhi 'phyur// gser gyi phag mo ser mo zhon/kha rlangs gser sbrul ser por 'khyug/ dam nyams dgra bo'i ske nas 'khril// nga rgyal dug chen 'bar ba yis// chu dug mdze shug yan pa dang// sbos dang glang dang dmu chu dang// skams dang 'khums dang gas la sogs// mdze rigs bco brgyad dgra la thong// klu glang ser po'i steng du skyon// las kyi rlung gis rgyab nas phul// gtad do khyod kyi lag tu gtad// gtad nas shor na gnyan min no// de yi sprul pa rnam gnyis ni// gdug pa bram ze lto 'phye'i rigs// nga rgyal gdug pa sbrul gnyis ni// dam nyams lag gnyis kha ru chug/ yan lag bzhi nas 'then nas ni// 'dud pa'i tshul du 'du bar mdzod// gdug pa chu la gnas pa yis// gzi brjid can gyi khyim du khrid// gtad do ma gtang sho ra re// dam shi sprul pa rnam gcig ni// klu bdud ser po zhes bya ba// sbrul gyi mjug ma rab ldan zhing// mi yi lus la lag pa gnyis// mdze dang shu ba'i 'phor pa thogs// lus la nad thul khrag thul gsos/ khrag sbrul ser sbrul shigs se shigs// lho yi sa bdag dam shi'i tshogs// gtad do ma gtang sho ra re// gtad nas shor na gnyan min no// hUM/ nub phyogs sa bdag gnyan gyi bu// 'dod chags gzugs brnyan lto 'phye'i rigs// 'dod chags dam shi phag mi gam// byol song glen pa mthu bo che// lto 'phye chen po'i mgo bo la// sbrul gyi mjug ma rab tu 'khyil// mi yi lus la lag pa gnyis// g.yas nas zangs sbal rgyal mtshan thogs// g.yon na sdig pa'i g.yang gzhi 'phyar// zangs kyi phag mo dmar mo zhon/ kha rlangs zangs sbrul dmar po 'khyug/dam nyams dgra bo'i ske la 'khril// 'dod chags dug lce 'bar ba yis// me dug mdze shu g.yan pa thong// sbos dang sgangs dang dmu chu dang// skams dang 'khums pa la sogs pa'i// mdze rigs bco brgyad dgra la thong// klu glang dmar po'i steng du skyon// las kyi rlung gis rgyab nas phul// gtad do ma gtang sho ra re// dam shi de yi sprul pa ni// gdug pa rje'u rigs lto 'phye gnyis// 'dod chags gdug pa sbrul gnyis ni// dam nyams la gnyis khar chug la// zangs sbrul gdug pa dmar po yis// yan lag bzhi nas 'then nas ni// 'dud pa'i tshul du bsdu bar gyis// gdug pa me la gnas pa yis// gzi brjid can gyi khyim du khrid// gtad do ma gtang sho ra re// dam shi de yi sprul pa ni// klu bdud dmar po zhes bya ba'i// sbrul gyi mjug ma rab ldan zhing// mi yi lus la lag pa gnyis// mdze dang shu ba'i thul pa la// nad kyi rlangs pa phyu ru ru// lag gnyis khrag gi phor pa thogs/ kha nas sbal lcong tha ra ra// zangs kyi sdom sdig nyil li li// nub kyi sa bdag dam shi la// gtad do ma gtang sho ra re// hUM/ byang gi sa bdag klu yi bu// phrag dog gzugs brnyan lto 'phye'i rigs// dam shi phrag dog phag mig ma// byol song glen pa mthu bo che// lto 'phye chen po'i mgo bo la// sbrul gyi mjug ma rab tu 'khyil// mi yi lus la lag pa gnyis// g.yas na g.yu sbal rgyal mtshan thogs// g.yon na sdig pa'i g.yang gzhi 'phyar// g.yu yi phag mo sngon mo zhon/ kha rlangs g.yu sbrul sngon por 'khyug/ dam nyams dgra bo'i ske la 'khril// phrag dog dug lce 'bar ba yin// rlung dug mdze shu g.yan pa dang// spos dang sgangs dang dmu chu dang// skams dang 'khums pa la sogs pa'i// mdze rigs bco brgyad dgra la thong// klu glang sngon po'i steng du skyon// las kyi rlung gis rgyab nas phul// gtad do ma gtang sho ra re// de yi sprul pa rnams gnyis ni// gdug pa dmangs rigs lto 'phye'i rigs// phrag dog gdug pa sbrul gnyis ni// dam nyams lag gnyis khar chug la// g.yu sbrul gdug pa mang po yi// yan lag bzhi nas 'then nas ni// 'dud pa'i tshul du 'dud par gyis// gdug pa klu la gnas pa yi// gzi brjid can gyi khyim du khrid// gtad do ma gtang sho ra re// dam shi de yi sprul pa ni// klu bdud sngon po zhes bya ba// sbrul gyi mjug ma rab tu 'khyil// mi yi lus la lag pa gnyis// lag gnyis lhog pa'i phor thogs ma// sdong rings 'chi ba'i yugs sa mo// 'brum bu sna tshogs 'thul ba'o// nad kyi rlangs pa phyu ru ru/ kha nas sbal lcong tho ro ro// g.yu yi sdom sdig nyil li li// byang gi sa bdag dam shi ma// gtad do ma gtang sho ra re// hUM/ dbus kyi sa bdag klu'i// gti mug gzugs brnyan lto 'phye'i rigs// dam shi gti mug phag mig ma// byol song glen pa mthu bo che// lto 'phye chen po'i mgo bo la// sbrul gyi mjug ma rab tu 'khyil// mi yi lus la lag pa gnyis// g.yas na lcags sbal rgyal mtshan 'phyar// g.yon na sdig pa'i g.yang gzhi 'phyar// lcags kyi phag mo nag mo zhon/ kha rlangs lcags sbrul nag po 'khyug/ dam nyams dgra bo'i ske la 'khril// tig mug dug lce 'bar ba yis// mdze dug shu ba g.yan pa dang// sbos dang sgangs dang dmu chu dang// skams dang 'khums pa la sogs pa'i// mdze rigs bco brgyad dgra la thong// klu glang nag po'i steng du skyon// las kyi rlung gis rgyab nas phul// gtad do ma gtang sho ra re// de yi sprul pa rnam gnyis ni// byol song gdug pa sbrul gnyis kyis// dam nyams lag gnyis khar bcug la// lcags sbrul gdug pa mang po yis// yan lag bzhi nas 'then nas ni// 'dud pa'i tshul du bsdu bar gyis// gdug pa mkha' la gnas pa yis// gzi brjid can gyi khyim du khrid// gtad do ma gtang sho ra re// dam shi de yi sprul pa ni// klu bdud nag po zhes bya ba// sbrul gyi mjug mas rab brgyan cing// mi yi lus la lag pa gnyis// lag gnyis mkhris pa'i phor thogs ma// lus la khrag thul nad thul gyon/ kha rlangs nad kyi rlangs pa 'phyur// lcags kyi sbal lcong thar ra ra// lcags kyi sdom sdig nyil li li// dbus kyi sa bdag dam shi ma// gtad do ma gtang sho ra re// gtad nas shor na gnyan men no// sa bdag srog gi 'khor lo las le'u ste bzhi pa'o//// sa bdag gnyan srog rigs lnga gcig/ gcig pu kho na khyad par mchog/ ba dang 'o ma zho dang mar// zhun mar snying po lta bu ste// klu yi dmod pa nag po'o// gdug pa klu yi dug 'di ni// sa ya brjod na kun kyang 'chi// de ni ngan sngags ngo bo ste// bye ba brjod na gdon mi za// 'bum phrag brjod na 'chi bar 'gyur/ khri phrag gis kyang sbyor ka rdzogs// rdzogs dang sngags pa go gyon te// rigs sogs dag pa'i khyim dag tu// de la sngags shing khyim du gzhug/ gdug pa khros na las rnams myur// 'byung ba tsha grang dgra byung tshe// mgo la mkha' 'gro sgro dag gis// nyi zla 'phang du blangs nas kyang// ga 'u sbyor ba khyim du gzhug/ sa yi bdag po lto 'phye brtag/ dus sogs rigs bzhi mkhas pas brtag/ ces khyab bdag ye shes kyis gsungs so// sa bdag srog gi 'khor lo las/le'u ste lnga pa'o//// sa bdag srog gi 'khor lo zhes bya ba/ klu rigs srog rgyud rdzogs so//// rgya gar skad du/

CLOSE WINDOW