CLOSE WINDOW

Gpb053.004
བོད་ཡིག

nA ga kA la rag sha b+ha ri sha tan tra/ bod skad du/ klu bdud a par sha'i rgyud/ dpal rta mgrin rgyal po la phyag 'tshal lo// klu bdun nag po'i rgyud 'di ni/ dang po rgya mtsho'i gting na klu'i rgyal po beng mgo la chung ma mtshar mo cig yod pa gnod sbyin ha la 'bar bas phrogs pas/klu rnams rab tu zhe sdang skyes nas/ klu'i rgyal po gtsug na rin chen la klu rnams kyis smras pa/ kye klu'i rgyal po gtsug na rin chen lags// gnod sbyin rnams dang ha la 'bar ba yis// klu rnams brlag cing bang mgo'i chung ma khyer// 'di la brnag pa'i las cig mdzad par zhu// zhes zhus bas/ nA ga'i rgyal po des gsungs pa/kye 'khor rnams gus par rab tu nyon// nga yi gsang sngags drag po 'di// me dang 'dra bas rab tu 'tshig/ chu dang 'dra bas bskal pa 'khru// sa dang 'dra bas thams cad gnon// rlung dang 'dra bas thams cad 'khyer// snod dang 'dra bas rab tu bzung// snod med rnams la spel na ngan// 'di ni sems can ma lus kun// phung bar 'gyur bas rab tu brnag/ 'di ni srog ser las su gsungs// ces gsungs pas/'khor rnams rab tu yi rangs nas gus par gyur to// klu bdud a par sha'i gsang rgyud las/ gleng gzhi'i le'u ste dang po'o//// dang po thog ser 'di gsungs so// rdzas bsag pa dang sngags dang ting nge 'dzin dang/bsnyen dang bsgrub dang dbab pa'i las// ma grub spogs dang bdun gyis bstan// dang po rdzas rnams bsags pa ni// gtsang ma'i sa la maN+Dal ni// zla gam dbus su gru gsum mtshon// gru gsum de la rog po'i glang// rwa ru g.yas pa gzugs par bya// nang du dngul chu lcags phye dang// spang spos bum pa rta yi rdzas// maN+Dal de la rams phye dang/ khyir khrag gis chag chag gdab// dgra yi sngo khu shis pa yin// glang ru rten gyi rta yin te// pho brang rta ru shes par bya'o// de nas ma'i dkyil du gzhug/ rna 'dren rta ni ri rab rtse gzhug/ phrag can phur ma'i mgul du thun rdzas gdags// rgya mdud ming bying 'bo re gzhag/ ri thang mtshams su'ang de bzhin bya'o// pho brang rta la'ang de bzhin gzugs// 'bebs pa'i dus su khrag dang phyi ma sbrel// de rnams rta yi rdzas yin no// thun rdzas nyungs kar ske tshe ni// glang dmar ra ru bzlas pa yin// thog tu bsgrub na lcags thig ces pa yin// de ni thun gyi rdzas yin no// gtor ma rten dang mchod pa gnyis// nya phyis dung dang 'khar bar bsham// rten gtor de la klu sman rtsi sman bsham// mchod gtor rgyun du gtor ba la// chu gtsang 'o mas sbyangs te mchod// dus drug dus gsum ci 'byor bsham// phud rgod gtsang ma glang ro khrag/ sbyangs pas dal dang rdzas rnams la/kha bshal gtsang ma'i khru yis gdab// rang re'i sngags kyis gtor ma gtang// mchod gtor phud nas pho brang gtang// ran pa'i tshad re gzhug par bya// mchod gtor gnas kyi sgo khang ngam// dgra yi phyogs su gtang bar bya// gtang nas mchod gtor bsham pa gces// de rnams gtor ma'i rdzas yin no// dgongs ka'i zer ram srod nyid la// rang gi gnas kyi them rtsa ru// rnam snang phye dang sbang skam gyis// dud pa gtang ba gces pa yin// bgegs 'bros lha bdud dam rdzas yin// rdzas rnams 'tshogs nas sngags bzlas pa// dang po bsnyen pa'i sngags bstan pa// 'bri ma ni khyi la phrom/ shu shu rbad thum khrag shar shar/tri ma la dza/ bsnyen pa zhag dgur bya ba ste// bsnyen pa thabs nas bsgrub pa ni// dong bu nyid du zhag dgu bzlas// 'bri ma ni khyil khrom/ shu shu rbad thum/ khrag shar shar/ tri ma la dza b+h+yo/ grag sha tshan d+hi grag sha tshan d+hi/rul phob rul phob/ khrag phroM phroM dza la ma b+h+yo b+h+yo/ de ltar dgu ru bsgrub pa'o// mnan te dbab pa zhag gsum la// grag sha tshan d+hi/ grag sha tshan d+hi/ rul phob rul phob/ khrag phroM phroM dza ma la b+h+yo b+h+yo/la dang b+h+yo bar dgra yul gzhug/ de rnams sngags kyi rim pa yin// ting nge 'dzin gyi rim pa ni// bsnyen pa'i dus su rta mgrin spyi thun bsgom// rta mgrin mdun du klu bdud bka' nyan bsgom// sgrub pa'i dus su rta mgrin klu bdud bsgyur// las kyi klu bdud mdun du las byed bsgom// mchod pa'i klu bdud de la nan tan bya'o// mi yi lus la sbrul mgo dgu// nag po'i sbal ka lag pa gnyis// g.yas pa zor ba g.yon pa dra ba bsnams// gzhug ma sbrul du 'khyil ba cig/ ro stod gnam gyi lha rnams 'khrug/ mjug mas 'og gi klu rnams 'khrug/ phyag gnyis dgra bo'i lo tog 'byab// zhal nas 'brug ldir ljags las glog tu 'khyug/ting nge 'dzin gyi rim pa'o// bsnyen dang bsgrub pa gong bzhin bya// dbab pa bstan pa 'di bzhin yin// rta thun sbas la yul lha dkrog/ yul lha'i lha rten rtsa nyid du// rnam snang sbang skam dud pas 'dug khrag dang phyi mos rtags gsum sbrel// rta gtor thun rang yong sar gtor// thun ni rna nag 'ur rdos 'phang// de dus bsgrubs sngags gnyis su dril// gcer bur phyung la dul bas gdab// de ltar bya ba dbab pa yin// de dus rang la thog byung na// zangs kyi byang bu mig dgu dang// ba rta rtsa sngags bzlog pa gnyis// spyi bo'i gtsug tu gdags pa yin// phyi lam 'brengs na 'di ltar yin// rta mgrin sdigs mdzum dgra la bstan// rtsa sngags bzlog la bzlas pa dang// 'ur rdo bcas la phyi lam 'phang// ma grub spogs pa 'di bzhin bya// rta gtor mi dgos rgyun gtor bzhin du bya// bsgrub bsngags sna drangs bsnyen sngags sham bur gdags// klu bdud gzugs byas zhag gsum brab// zhag gsum rdzogs nas rta rnams bton la sbyin sreg bya// klu bdud gzugs de rnam snang dud pa gnyis kyis bdug/de ltar las rnams rdzogs pa ni// gnam lcags ser ba gnam thar 'byon// klu bdud a bar sha'i rgyud las/ thog ser dbab pa'i le'u ste gnyis pa'o//// thog ser 'bebs dus su gces pa gdams ngag 'di gsungs so// dang po khrus dang gtsang sbra byas// mi nag rnams dang kha mi bsre// mi yi gos dang kha zas bsrung// gnas khang gtsang ma rab tu gces// bya khyi mi la rdzas mi bstan// thu yugs grib ma mi gtang zhing// me dang nyi ma spang ba gces// dmigs pa dgra yul gsal ba gces// bdag la bsrung ba'i klu bdud kyis// bsrung ba'i lha ni rab gzir nas// des kyang ser ba 'bebs par bsam// thun rnams gnam lcags ser bar bsam// 'bebs dus rta la zhon pa men// thun la bzlas pa byed dus su// sgog btsong tshod pa'i zas rnams spangs// rdzas dang bsgrub khang rang dang gsum// nam mkha' mthong bar mi bya'o// rdzas kyi lhag ma gzhag par gces// bzhag nas rtsang sar mi 'phrog gzhag/ gnam dang me dag nyi ma dbab// de'i phyir na las la sbyar// gong ma'i gdams pa mi ldan na// ser ba zhud pa'i rgyu yin te// rdzas ma 'tshogs na zhud pa'i rgyu// ting nge 'dzin ma gsal na zhud pa'i rgyud// sngags ma thebs na zhud pa'i rgyu// zhes gsungs so// klu bdud a par sha'i rgyud las/thog ser gdams pa'i le'u ste gsum pa'o//// de nas yang klu'i rgyal pos 'khor rnams la rtags kyi le'u 'di gsungs so// ser ba bsgrub pa'i dus nyid du// bsnyen pa'i rtags su 'di bzhin 'byung// yur ba 'khyag dang chu 'dren dang// chu nag sbal lcong 'khrug pa dang// g.yang za ba'i ri la 'dzeg pa dang// ngam 'jigs mun pa nags po 'byung// sgrub pa'i rtags ni 'di bzhin 'byung// rdzing dkyil lug mtsho chu bur 'byung// zhag gsum thun la 'di bzhin 'byung/ khyab pa gangs dang sbal 'dril dang// mi rangs rtsas ma rnga ba dang// ba glang zhing la 'gyed pa 'byung// de rnams bzang ba'i rtags yin no// ngan pa'i rtags ni 'di rnams 'byung// yur ba rkong du chud pa dang// rdzi bo'i lug la spyang khu zhugs pa dang// rta zhon gos nag gon pa dang/ kha bas lcibs dang snying mi dga'// ngan pa'i rtags yin bskyar la bsgrub// de nas gtso bo rnams la 'khor rnams kyis rjes su yi rang nas bstod pa/ kye nA ga rA dza bu d+ha rad na lags// 'jig rten cham la 'bebs pa srog ser rgyud// a par sha'i gsang rgyud snang ba glo ba dga'// lnga brgya'i dus su gcad pa dang// gnod sbyin cham la 'bebs pa dang// las ngan byung na spyad pa dag/ dkon mchog dbu 'phangs smod pa dag/ sku la sdo ba byung na spyad par bgyi'o// zhes 'khor rnams rab tu dgyes nas rang rang gi gnas su 'khod do// klu bdud a bar sha'i rgyud las/ gtso bo la bstod pa'i le'u ste bzhi pa'o//// de nas 'khor rnams la rgyud yongs su gtad pa'i le'u 'di gsungs so// kye 'khor rnams nga'i gsang sngags zab mo 'di// tsit+ta'i dkyil nas snyan khung brgyud pa 'di// sems kyi dkyil du byas la bcang bar rigs// yongs su grags pa men par bcang bar rigs// me dang 'dra bas sems la bcang bar rigs// dug dang 'dra bas sems la bcang bar rigs// bcangs na lnga brgya dus kyi tha ma la// bstan pa 'jig pa'i dus byung na// me dang 'dra bas spang bar bya// rigs dang ldan pa'i snod brtags la// snod ldan cig la sbyin par bya// snod ldan dang tshul bzang ba dang// bla ma slob dpon 'khur la sbyin// snod med rnams la spel na ngan// rang nyid rdo rje dmyal bar ltung// zhes gsungs so// klu bdud a par sha'i gsang rgyud las/ 'khor la rgyud gtad pa'i le'u ste lnga pa'o//// de nas klu'i rgyal pos bzlog pa mkhan rnams la ngag bcings 'di gsungs so// klu shing stag pa'i shun lpags la// gang yin mnan pa'i ling ga bri// lce la rdo rje rgya gram bri// lte bar ming rus bri// rwa la gsang sngags bri// bri ma ni shra shra rbad thaM/ nag po ti tsa kha thaM/ na taM ba ya nan/che ge mo ba ti stam pa ya nan/ mA ra ya nan/ lam nan/ ling gdud pa gnyis kyis bdug/ sngon dmar skud pas rgya gram bcing// rog po glang gi rwa rur gzhug/ yug sa'i zhabs mas gril byas la// dkar nag skud pas bskyigs byas la// zam pa'i rngur ram mchod rten rmang// rgya gram lam la mnan par bya'o// zhes gsungs so// klu bdud a par sha'i rgyud las/ bzlog pa mkhan ngag bcing pa'i le'u ste drug pa'o//// rgyud 'di ma bu ma mcham pa slob dpon klu grub kyis klu'i yul nas spyan drangs nas/rgya gar tshangs pa'i klu gnas su gter du sbas so// de nas gtsug lag dpal dges bton// de slob dpon pad+mas bsnams nas byon nas/ sras dum tshe dang klong thang sgron mar sbas/de nas zhang ston ye shes kyis bton// de la 'bro ston dkon pos zhus/ de la rgya ston bdag gis zhus/ sgrub pa byed pa'i dus su khrus dang gtsang sbra la brten/ bsnyen pa'i dus su thun la kha mi gtad/bsgrub pa'i dus su thun la kha gtad/ las sbyor dus su thun dgra yul du gsal ba gal che'o// bla ma brgya yis bdag la gnang ba'o// klu bdud a par sha'i rgyud rdzogs so////

CLOSE WINDOW