CLOSE WINDOW

Gpb053.002
བོད་ཡིག

rgya nag po'i skad du/ ro nya kri pra sha ma ta ri la ha ra kha na ta/ rgya gar skad du/ nA ga kA la tsakra sarba karma a ti na ma tan tre ra dza/ bod skad du/ klu'i 'khor lo nag po 'phrin las thams cad rdzogs pa zhes bya ba rgyud kyi rgyal po chen po// bcom lan 'das klu'i rigs kyi bdag po 'jam dpal la phyag 'tshal lo// 'di skad bdag gis thos pa'i dus gcig na/ bcom ldan 'das klu'i rigs kyi bdag po 'jam dpal nyid/chos nyid mnyam pa'i ngang las ye shes kyi skur bzhengs te/ ye shes chen po 'khor mang po dang thabs cig tu bzhugs so// de'i tshe de'i dus na/ 'khor mang po'i nang nas rdo rje snying po rab tu 'jom pa bzhengs te/rigs kyi bdag po la gsol pa/ 'jam dpal dpal dang ldan pa'i mchog/ rnam dag chos sku'i rang bzhin las// gdug pa 'dul ba'i skur bzhengs la// 'khor gyi dregs pa dbang bsdus la// rdo rje 'chang chen dpag med pa'i/ khyab bdag ye shes bshad par mdzod// ces gsol pas/ de nas klu'i bdag po 'jam dpal nyid kyis thams cad dbang du bsdu ba'i ting nge 'dzin la bzhugs te/ phe shag du b+h+ruM zhes brjod pas de nyid du klu'i rigs kyi gzhal yas khang chen po rgya yongs su ma chad pa/ mun pa chen po'i smag tu gyur pa la/ rgya mtsho chen po gting nas 'khor ba ltar 'khrug pa/ shin tu rgya yongs su ma chad pa'i dbus na/lcags kyi khang rom 'bar ba/ sgo med cing yid kyis rgyu ba/ rus sbal gyi 'gram la/ sbrul nag 'khyil bas brgyan cing/ chu srin 'bar bas thog phub ba/ nyi zla dang gza' skar gyi mthongs yod pa/gnam lcags thog gi tsha tsha 'phro ba/ phyi nang shin tu mi 'grib pa/ klu'i nya sbrul bse sbrul dang// dung dang chu srin mang po gtibs pa'i/ klu'i gzhal med khang chen por gyur to// de'i tshe de nyid du/phe rag sha hri hri/ zhes brjod pas/ de nyid du ni klu'i rgyal po 'jigs byed dbu dgu pa/ khams gsum dbang du sdud pa'i ti pa tsa zhes bya bar gyur to// sku sbrul nag chen po la/ dbu brgyad chu srin 'bar ba'i dbu dang dgu/phyag gnyis brgya/ ral pa la 'od zer tsha tshar 'phro zhing sprul pa mang po 'gyed pa/ rab tu 'jigs shing gang rgyangs chen po sgrogs pa/ nA ga rag sha zhes pa'i sgras/ 'jig rten gyi klu thams cad dbang du sdud cing 'khor du 'dus par gyur to// de yang ji ltar bsdu na/ dbyings kyi klu 'du 'bral med pa'i ngang du 'dus/ ye shes kyi klu ni phyag rgya chen po'i ngang du rdzogs par 'dus/ sprul pa'i klu thams cad sku'i khyon du rdzogs/'jig rten gyi klu thams cad rgyal rigs dang/ bram ze'i rigs dang/ rje'u rigs dang/ dmangs rigs dang/ gdol pa can gyi klu thams cad gan bub tu 'gyel zhing phyogs de nyid du lhags te 'dus so// gzhan yang 'chi bdag gshin rje'i tshogs dang/ bdud kyi tshogs dang/ gza'i tshogs dag/ gnod sbyin dang/ ging dang/ 'jig rten gyi dregs pa can thams cad dang/ sa bdag gnyan gyi tshogs mang po ste/'jig rten gyi dregs pa bsam gyis mi khyab pa rnams 'dus par gyur to// de nas yang e tsakra maN+Dal zhes pa'i sgra brjod cing bsgrags pas/ shar phyogs kyi 'jig rten gyi khams thams cad 'khor lo chen po'i rang bzhin du gyur te/rgya mtsho chen po rab tu dngas pa dang/ rdo rje'i shing yongs su brtsegs pa dang ldan pa/ rin po che'i gzhal yas khang chen po na rgyal rigs kyi bdag po ti pa tsa zhes bya ba/seng ge'i dbu la sbrul gyi lus/ sku mdog kun da lta bu sbrul mgo mang pos bar snang du khyab pa nyid 'khor klu rigs bzhi dang bcas pa/ sa bdag klu gnyan grangs med pas bskor te/ rigs kyi bdag po dkyil 'khor gyi shar phyogs su 'dus shing 'khod do// yang lho phyogs kyi 'jig rten gyi khams 'khor lo chen por gyur te/ rgya mtsho chen po rab tu dngas pa dang/ rin po che spungs pa'i shing dang ldan pa rin po che'i gzhal yas khang chen po na/bram ze'i rigs kyi bdag po ti pa tsa zhes bya ba stag gi mgo la sbrul gyi lus/ sku mdog ser skya sbrul mgo mang pos bar snang du khyab pa/ nyid kyi 'khor klu'i rig bzhi dang bcas pa/ sa bdag klu gnyan grangs med pas bskor te/ rigs kyi bdag po'i dkyil 'khor gyi lho phyogs su 'dus shing 'khod do// yang nub phyogs kyi 'jig rten gyi khams 'khor lo chen por gyur te/ rgya mtsho chen po rab tu dngas pa dang/pad+ma brtsegs pa'i shing dang ldan pa/ rin po che'i gzhal yas khang chen po na/ rje'i rigs kyi bdag po ti pa tsa zhes bya ba/ wa'i mgon can sbrul gyi lus/ sku mdog dmar po sbrul mgo mang pos bar snang du khyab pa/nyid kyi 'khor klurigs bzhi dang bcas pa/ sa bdag klu gnyan grangs med pas bskor te/ rigs kyi bdag po'i dkyil 'khor gyi nub phyogs su 'dus shing 'khod do// yang byang phyogs kyi 'jig rten gyi khams 'khor lo chen por gyur te/ rgya mtsho chen po rab tu dngas pa dang/ las la bsgrub pa'i shing dang ldan pa/ rin po che'i gzhal yas khang chen po na/ dmangs rigs kyi bdag po ti pa tsa zhes bya ba/bya rog gi mgo la sbrul gyi lus/ mdog sngo nag sbrul mgo mang pos bar snang du khyab pa/ nyid kyi 'khor klu rigs bzhi dang bcas pa/ sa bdag klu gnyan mang pos bskor te/ rigs kyi bdag po'i dkyil 'khor gyi byang phyogs su 'dus shing 'khod do// der yang ma zad de phyogs kyi mtshams kyi rgya mtsho dang pho brang nas/ gdol pa'i rigs kyang 'chi bdag gdol pa can dang/ sa gsen gdol pa can dang/klu mo gdol pa can dang/ sa bdag nag po la sogs pa rang rang gi 'khor bye ba dpag med khrag khrig dang bcas pa/ rigs kyi bdag po'i dkyil 'khor gyi phyogs der dong ste rang rang 'khod do// de'i tshe de'i dus na ched du brjod pa ni 'di dag ste/ klu yi rigs kyi gnas gzhan ni// rin chen ri rab gling dag ste// snang srid thams cad 'khor lo bzhi// 'jig rten gang dag klu rnams kyang// rigs kyi bdag po'i khyon du rdzogs// zhes brjod pa brjod do// de nas yang klu'i rigs kyi bdag pos thams cad zil gyis mnan pa zhes bya ba'i ting nge 'dzin la zhugs te/ phe rag sha hUM/ zhes brjod pas 'khor gyi klu rigs bzhi'i bdag po rgyal po dang bcas pa/blon po dang bcas pa/ dpung dang bcas pa/ sde dpon chen po 'khor dang/ g.yog dang/ bran dang/ pho nya dang/ mngag pa dang/ sprul pa dang/ yang sprul dang bcas pa thams cad kyang rab tu zil gyis gnan te/'dar rab tu 'dar ro// 'gyel zhing gan pa dang/ bub pa dang/ brgyal ba dang/ skrag pa dang/ rab tu skrag ste/ srog dang ma bral dran pa'i dbang po nyams par gyur to// de'i tshe 'khor rnams kyis gdung ba'i smre sngags chen po bton te/ de nas yang rigs kyi bdag po chen pos 'khor la rang bzhin bstan pa 'di lta ste/ e ma ho/ skye med dbyings las rigs kyi khro bdag tso// sprul pas 'jig rten brtan g.yo skrag mdzad klu// don dam de nyid skye med ti ba tsa// ma g.yos g.yos med g.yos kyang rdo rje nyid// rdo rje sku la cis kyang g.yo ba med// ces pas/ 'khor rnams kyis so so rang rang gi de kho na nyid mthong bar gyur to// de nas yang rigs kyi bdag po chen po 'jig rten gyi dregs pa thams cad bran du 'khol ba'i ting nge 'dzin la zhugs te/ phe rag sha phaT/ ces brjod pas/ 'khor thams cad kyang snying zags shing bred hag dang dngangs nas rang rang gi srog gi snying po ma nor ba de kho na nyid de so so nas mdongs gsol du phul lo// de nas rigs kyi bdag pos srog gi snying po de dag byin gyis brlabs te/nus pa'i mthu can du byin gyis brlabs so// klu'i 'khor lo 'phrin las thams cad rdzogs par bshad par khyab bdag ye shes las gleng gzhi'i le'u ste dang po'o//// de nas rdo rje snying bos/ klu'i bdag po la 'di 'di skad ces gsol to// kye ho/ 'jam dpal dpal dang ldan pa yi/ khyab bdag ye shes gang lags pa'i// las kyi rim pa dbye bar mdzod// ces gsol pas/de nas 'jam dpal klu'i bdag pos 'di skad ces gsungs so// rdo rje 'chang rgyal bas gsungs pa'i/ sgyu 'phrul dra ba mngon rdzogs ba// 'jam dpal gshin rje dpal bo'i mchog/ le grangs brgya phrag bdun dang ni// nyi shu rtsa gnyis dag tu bshad// las kyi rim pa stong phrag brgya// 'jam dpal 'bum sde bkod pa las// klu yi khyab bdag ye shes kyi// las kyi rim pa ngas bshad do// bsam gyis mi khyab brjod med de// sku yi 'phrin las ti pa tsa// gshin rje klu dang 'chi bdag gza'// rtsa ba yan lag 'phrin las grangs// rtsa ba'i bsgrub pa drug tu gsungs// gshin rje 'chi bdag bsgrub pa dang// mdze nag las kyi 'khor lo dang// klu sbrul nag po'i 'khor lo dang// sdig pa nag po'i phung shig dang// sbal nag lto sbyor 'khor lo dang// sa bdag srog gi 'khor lo bshad// de yi snyen bsgrub 'phrin las ni// phyi dang nang dang gsang ba dang// gtad khram 'khor lo thun la sogs// rgyas dang bsdus pa'i bye brag rims// yan lag rim pa de bzhin te// bsrung dang rang gshed nor bu dang// chu 'khyags dbab pa la sogs te// zas dang dgra dang grogs su gtad// byad kyi bka' nyan spu grib rdebs// gtad sa chu dang lus tshad dang// lto 'phye'i dgra gshed gtad thabs rnams// drag po'i mtha' ru bshad pa yin// bcu dang gzer gags 'khor lo ni// go cha nyid du bshad pa ste// ma grub spogs dang mnan gcod pa// 'di dag rnam par bshad pa ni// rdo rje snying pos nges par long// gsang bcud yang gsang rgyud kyi rgyal// 'bum sde 'jam dpal sgyu 'phrul gyis/khyab bdag ye shes ti kar bshad// klu'i 'khor lo 'phrin las rdzogs par bshad pa le'u ste gnyis pa'o//// de nas rdo rje snying pos gsol pa// nye bar gyur pa gsang rgyud 'dir// 'chi bdag gshin rje bsgrub pa dang// dbang du bsdu ba gang gis bya// zil gyis mnan pa ji lta bu// las la gzud pa gang gis gzud// ces gsol pas/ klu yi bdag pos nges bshad pa// dang po 'chi bdag bsgrub par bya// spyi ru bsnyen pa'i maN+Dal ni// dri lnga ldan pas chag chag gdab// klu mchod la sogs gzhung bsrang la// bsgrub pa'i dkyil 'khor 'di nyid do// gru gsum mthing nag zla gam dmar// mu khyud nag po sbrul gyis brgyan// 'khor lo rtsibs brgyad nag por bya// gru chad bzhi ni rgyas pa ser// bar khyams chu ris lcags ri nag/ de la gnas pa'i rim pa ni// dbus su rig pa'i rgyal po'o// yab yum bcas pa dgod par bya// zla gam la ni srog gshed gsum// 'khor lo brgyad la gnas pa ni// klu chen brgyad po dgod pa ste// sku yi gzugs brnyan dgod pa'am// yang na snying po yi ge dgod// gru chad la ni dregs pa bzhi/ khyams la klu yi mnga' ris dgod// sgo bzhi gdol pa bzhi dag go/ mchod rdzas gtor ma klu sman sogs// rab tu mdzes dang mchod pa dgram// sbrul shun gur dbub sbrul dud gtang// stong nyid dbyings las sprul pa ni// yi ge phe las gyur pa ste// 'od zer 'phro 'du dbang chen 'bru// de nas gzhal yas khang chen po// thod pa sbrul dang lcags las grub// dkyil 'khor tshul du bshad pa nyid// gzas pa'i gdan la yi ge las// 'chi bdag mgo dgu bsgom par bya// nag po sbrul mgo dgu pa ste// yum dang gnyis med 'khril ba'o// sku gsung thugs las 'phros pa'i sras// bdud rgyal bgegs kyi glang po dang// sa bdag nag po 'dzum med dang// bdud kyi rgyal po sgyu ma can// zla gam li na gnas pa'o// stag gzig mun pa dug gi mdog/ glang rog g.yag rog chu srin gdong// sbrul dang chu srin rgyu zhags dang// gri gug 'bar ba 'dzin pa'o// 'khor lo las ni phu yig las// klu rgyal nag po chen po brgyad// kun kyang sbrul nag 'khyil pa la// sbrul zhags gri gug 'dzin pa'o// gru chad la ni gang gnas pa// shar lho mtshams na klu bdud de// nag po phag mgo 'khor bcas so// lho nub mtshams su klu btsan te// a mi steng gi 'khor bcas so// nub byang mtshams na brag srin te// ba ra ti yi 'khor bcas so// byang shar mtshams na btsan bdud de// 'khor lo nag po 'khor bcas so/ khyams la pher ga sha yi sgras// rgyal rigs bram ze rje'u dmangs// shar la sogs pa rim pa ste// klu gnyan sa bdag mang po kun// sprin med mkha' la skar tshogs bzhin// yongs su khyab pa 'chi bdag 'khor// bskyed pa rdzogs dang spyan drangs la// mchod pa lnga dang gtor ma dbul// rtags kyi mtshan ma ma byung bar// bsgrub pa rgyun gyi gsang sngags bzlas// de nas bcom ldan 'das klu'i bdag pos gsang sngags 'di dag ched du brjod do// oM nag po ti pa tsa ya nA ga rag sha he khu lam phe shan cho ga rag sha sa ma ya dza dza/de la klu rtags 'byung ba ni// g.yag dang ba glang nag por ston// sbrul dang sbal nag gtor ma za// de rtags klu yi cho'i 'phrul 'byung// rtags byung klu yi gtor ma gtang// rtag tu mchod par bya ba ni// zangs sam 'khar ba rdo dag gam// dung ngam nya phyis rus sbal du// pad+ma 'dab brgyad bris byas la// dbus su sbrul mgo dgu pa dgod// de mthar mgo brnyan gsum yang dgod// pad+ma brgyad la sbrul nag brgyad// bzhugs pa'i tshul gyis gtso la bstan// bar bar cha ru gnas pa ni// ba dmar glang dmar 'bri rog dang// sha ba rta dang ra dmar dang// nya sbrul sbal pa lcong ke'i gzugs// sna tshogs 'bru la byas pa la// 'o ma rtsi sman sna tshogs blug/ rtag tu byas shing gtang ba ni// mchod gtor rgyun gyi mdos zhes bya// sems can gzugs brnyan de dag kun/ kha mig dbang po rab ldan par// byin gyis brlabs la mchod rdzas dang// bcas pa 'chi bdag tshogs la dbul// oM kri sna nA ga rA dza ru pa ka na d+ha swAhA/ sngags ni brgya dang brgyad bzlas la// 'bab chu'am mtsho la gtor la gtang// rtag par rgyun du byas na rab// ces ni klu yi bdag pos bshad// 'dzam gling klu rnams thams cad kyang// dbang du nag po chen po bsdu// dbang sdud nag po bsgom bya ba// phe las sbrul nag mgo dgu pa// dbus kyi dbu ni chu srin gdong// kun pas gtsug tor cung zad mtho// sbrul mgo brgyad pa de bzhin te// smug nag lag na zhags pa thogs// sngon du bsgom par bya ba yin// zil gyis sbrul nag chen pos mnan// chos sku nam mkha' lta bu la// gzugs sku 'bar byed sbrul nag che// rtsa ba'i zhal ni sbrul mgo ste// sbrul mgo brgyad ni phyogs mtshams gzigs// gdug pa'i klu gnyan zil gyis gnon// sgom pa gnyis pa yin par bshad// bya ra'i sar yang bsgom zhes bshad// las la 'chi ba dag nag pos gzud// srid gsum yum gyi lto bar bsad// nA ga rag sha 'jigs pa che// rtsa ba'i zhal ni gshin rje'i zhal// sbrul nag brgyad kyis brgyan pa ste// las kyi mtha' la bshad pa ste// sgom pa gsum ni yin zhes bshad// sems rgyud gcig gi ngo bo la// 'chi bdag klu yi bdud gsum shar// rang la byung zhing sprul pas na// don dam gnyis med gcig tu rdzogs// de nas klu'i bdag po nyid kyi sku gsung thugs rdo rje las gsang sngags 'di dag brjod do// oM nag po ti pa tsa ya nA ga rag sha he phul phe shan phos phos shig hu lu hu lu hring hring/ 'di dag ni dbang du bsdu ba'i gsang sngags so// oM nag po ti pa tsa ya nA ga rag sha he phu la phe shan phos phos shig shig chuM chuM hUM ya hUM ya hUM hUM/ 'di dag ni zil gyis mnan pa'i sngags so// oM nag po ti pa tsa ya nA ga rag sha he khu la phe shan phos phos shig shig chuM chuM klu nag po'i srog la mar ya dzA dzA/'di dag ni las la gzud pa'i gsang sngags so// klu'i 'khor lo nag po 'phrin las rdzogs pa las bsgrub pa rtsa ba'i le'u ste gsum pa'o//// de nas yang rdo rje snying pos gsol pa// gshin rje klu bdud nag po yi// spu gri bsnol mas bsad pa ni// sbyor ba nges pa bshad du gsol// klu yi bdag pos nges gsungs pa// brag nag spungs sam gnyan ra'i gnas// dregs pa can gyi gnas phyin la// 'chi bdag gshin rje bsgrub par bya// stegs bu mda' gang gru bzhi la// rag ta'i chag chag btab nas kyang// dbus su e yi tsakra 'o// dpal gyi gtor ma bsham par bya// mi dang rta yi tsit+ta la// dar nag khug mar ldan par bya// thod skyar khrag gi mtsho yang gzhag/ bdag nyid stong pa'i ngang las ni// mthing nag ya las skur gsal ba// gshin rje nag po dgra las rgyal// nag po gsus che 'jigs pa'i gzugs// be con g.yas la sdigs 'dzub g.yon// ma he'i gdan la bzhugs par bsgom// de nyid bsnyen pa'i sngags 'di'o// ya ma me ta k+She ni ra tsa sa to ru na yo ni ri tsa ya be ba sa ta sa ta ya hUM dzA dzA/de dag bsnyen pa'i rtags byung na// gtor ma sngags 'dis dbul bar bya// beb sa ta dza ma ri ba ling gr-ih+Na khA hi/ de nas las la sbyar ba ni// dur khrod ras la sme ba byug/ khru gang tshad du byas pa la// gshin rje'i lto bar 'khor lo bri// thig bzhi btab pas le tshe dgu// phyi rim du ni bcu gnyis te// yang rim cha ni rgyad gnyis ldan// dgod cing gnas pa'i rim pa ste// gshegs kyi gtso bo khang pa ru// rigs bzhi sbrul gyi ra bar ldan// gshed bzhi gnas su thod pa sbrul// btson khang du ni sbal pa'o// bcu gnyis cha la rgya gram sbrul// bcu drug tshon cha rgya gram sbrul// gshed dang nA ga'i sngags kyis bskor/kha sbyar thabs dang shes rab gcod// bar du gcod pa lding pa ni// sbal pa'i lto bar a mu ka/ mtha' ma klu sngags du mas bskor// de nas gzas pa'i ling kha la// dgug gzhug bstim pa rdzogs pa dang// 'khor lo nyi ma bzhi ru bya// gshed kyi gsang sngags mtshan bzhi la// spu gri btags pa'i nyin bzhin ste// klu'i sha bu'ang mtshan bzhir btags// de ltar nyin mtshan bsnol nas ni// skabs su thun brab spyi rgyugs brdeg/mtha' ru khrag dang bug gi thun// phur thun la sogs dril sngags brdeg/ yang snying gdags pa de bzhin no// de nas klu'i bdag pos gshed po lto ba dkrug pa 'di gsungs so// ya ma me ta k+She/ che ge mo a mu khaM pra ma hUM phaT rbad ya/ ya ma me ta k+She/ che ge mo a mu khaM mur tsa ya hUM phaT rbad ya/ ya ta k+Shem me/ che ge mo a mu khaM rag ta tsa ra ya hUM phaT rbad ya/ ya k+Sha ma me ta/ che ge mo a mu khi mA ra ya hUM phaT rbad ya/mgo 'khor yid 'khrug khrag tu skyag pa dang// brgyal ba byed pa nyin bzhir bzlas/ mtshan mo bzhi ru bzlas bya ba// gshed po lto ba dkrug pa 'di'o// ya ma me ta k+She nA ga khang thun myags dgra bo'i srog la ni rbud rbad ya/ya ta me ta k+She ma/ nA ga khaM thun myags/ dgra bo'i srog la ni rbur rbad ya/ ya ma ta k+She ma/ nA ga khaM thun myags/ dgra bo'i srog la ni rbur rbad ya/ ya mak+She ma me/ nA ga khaM thun myags/ dgra bo'i srog la nri sbur rbad ya/ ya k+Shem mye ta/ na khaM thun myags dgra bo'i srog la nri sbud rbad ya/ skabs su yang snying nag po dang/ gsad pa dril ba thun sngags bzlas// thun brab gzir dang mnan pa bya// oM hriSh+ti bi kr-i tAn na hUM hUM phaT phaT/ nA ga sa ma ya dzA dzA// skabs su sngags 'dis dam bdar bya// de nas 'khor lo dril byas la// kham pa'i ga'u bum pa'am/ yang ni thod chen bkra mi shis// gtad pa gshin rje nyid la ste// ral pa tshar dgu'i lag du gtad// don yod grub pa'i pho brang gdab// des ni nges par gdon mi za// spogs pa med pa'i las su gsungs// 'khor lo nag po'i 'phrin las rdzogs par bshad pa las/gshin rje gshed la gtad pa'i le'u ste bzhi pa'o//// de nas rdo rje snying pos gsol pa// 'chi bdag klu yi rgyal po nyid// skye ba'i rgyud nyid ji lta bu// gnas pa de nyid gang lags pa// ye shes chen pos gsal bar mdzod// 'jam dpal rigs kyi bdag pos bshad// dug lnga las byung 'chi bdag tshogs// chos kyi dbyings nyid lhun grub pas// ye shes rtsal gyi bye brag shar// zhe sdang nag po ti pa tsa// 'dod chags klu mo khrag mig ma// nga rgyal bgegs kyi glang po ste// gti mug nag po 'dzum med yin// phrag dog sbrul gyi sgyu ma can// dug lnga'i rang bzhin sku lnga ste// nA ga tshogs kyi bdag po yin// gsang ba 'di nyid 'di lta ste// rtsa ba mi 'gyur byang chub sems// shes shang rig pa'i ngo bo nyid// rig pa'i rgyal po zhes su gnas// de nyid rang gis stong pa ni// yum chen nag mo mgo dkar nyid// dug gsum ye shes rol pa nyid// srog gshed gsum gyi ngo bor gnas// sgo lnga rnam shes klu chen brgyad// phu po lnga nyid rigs lnga'i klu// 'byung ba lnga po rigs kyi yum// klu rigs du ma thams cad kun// rig pa'i rgyal po khyon du rdzogs// mi rtog mnyam pa chen po'i ngang// mi phyed mi shigs thig le'i sku// chos nyid mun pa lta bu ste// dbu mar mi gnas spros dang bral// gzhi dang lam dang 'bras bu gsum// dbyer med chos nyid gdal ba'i klong// klu yi chos nyid spros bral bshad// klu'i 'khor lo 'phrin las rdzogs pa las/ klu'i chos nyid bstan pa'i le'u ste lnga pa'o//// rdo rje snying pos yang gsol pa// gzugs kyi phung po gnas pa la// klu yi rang bzh-in ji ltar rdzogs// klu yi bdag pos bka' stsal pa// bde chen pho brang chen po na// ti pa tsa dang spyan gcig gnyis// dbyer med bde ba chen por gnas// yab kyis spyan gnyis mu la gzigs// yum ni kun gzhi ngang du gzigs// zhabs gnyis rgya mtsho'i gting du brkyang// srid pa gsum nyid lto na 'chang// rtsa gsum srid pa grong khyer gsum// bde ba chags pa'i thig le nyid// dbang po lnga nyid klu rigs lnga// rtsa ni chu dang rgya mtshor gnas// chu rgyus rtsal sogs pa ni// ljon shing tshal dang nags ma'o// so sen rus pa brag yin te// klu dang gnyan dang sa bdag tshogs// gzugs kyi phung po de nyid la// rigs kyi klu yi rang bzhin rdzogs// ling ka'i gtad rgyu'ang rdzogs pa de// lnga phung yan lag tshang pa ni// klu bdud yab yum klu brgyad dang// klu rigs nyi shu rtsa lnga dang// lto ba brgyad ldan bum rim dang// dril dang so sor gtor ba dang// rigs kyi klu yi rdzas su rdzogs// chos kyi 'khor lo dngas ma brgyad// rje rigs sbrul gyi dkyil 'khor rdzogs// longs spyod mgrin pa bcu drug dbus// bram ze sbrul gyi dkyil 'khor rdzogs// bde chen 'khor lo sum cu gnyis// dbus nas rgyal po sbrul 'khor rdzogs// sprul pa'i 'khor lo drug cu bzhi// snying po dang ldan dmangs rigs rdzogs// gsang ba'i 'khor lo bzhi bcu bzhi// gdol pa'i rigs kyi dkyil 'khor rdzogs// haM dang pad+ma ka la ste// bde ba che la gnas pa'o// skyed byed ang la rkyen gyi 'bru// mgrin pa 'khor lo snying po'o// hUM la oM gnas srog 'dzin pa'i// 'bru bzhi gnas pa de nyid do// drug cu bdun pa ste bar oM// kA li ldan pa'i snying po ste// gsang ba skye gnas 'khor lo la// ram dang hri dzas yaM gnas pa// rigs kyi dkyil 'khor de nyid do// thig la rten pa srog shing tshul// de nyid rig pa'i rgyal po yin// chos nyid rtsa la ye shes sku// 'byung ba rnam dag ti pa tsa// ye shes rtsa la de nyid sku// 'byung ba rnam dag ti pa tsa// yon tan rtsal la ye shes sku// 'byung ba rnam dag ti pa rtsa// rang rgyud rtsa la ye shes sku// 'byung ba rnam dag ti pa tsam// ye shes lnga yi ngo bo nyid// dngas ma'i rtsa brgyad klu chen brgyad// rtsa phran nyi khri chig stong dag/ nA ga klu yi rang bzhin no// rtsa rgyud dag pa'i rang bzhin dang// 'khor lo klu yi rang bzhin rdzogs// gling bzhi gling mchog rin chen gling// shar lho nub byang la sogs pa// lo dang zla dus 'byung ba phyogs// rtogs dang dug dang 'khor lo yang// nges par rtags la gnas tshul gnas// dkar ser dmar dang gnag dang sngo// 'byung ba me rlung sa chu'o// dug ni 'byung ba'i rjes su'o// rigs bzhi'i 'khor ni bshad bya ba// rgyal rigs 'khor na srog bdag dang// dri za yam shud srog bdag ging// gnam the'u la sogs dri za'i gdon// rgyal phran sum brgya drug cu gnas// klu bsen sa bsen ma mo'i gdon// tsa mun ta dang phung byed gnag/klu mo bdud mo gnod sbyin mo// mtsho sman la sogs mo gdon rnams// bram ze'i rigs kyi 'khor na gnas// btsan dang klu btsan brag btsan dang// klu srin brag srin klu yi tshogs// zha 'o rgur po 'on pa dang// 'theng po 'phye'o grum po dang// mgyogs byed snyed byed klu dang btsan// rje rigs klu yi 'khor na gnas// dam sri mo dang sa bsen dang// brag srin mo dang chu srin mo// sna tshogs rgyug pa'i btsan btsun rnams// dmangs rigs klu yi 'khor na gnas// rgyal rigs mgo nas 'jug pa ste// bal lhag gzig du med bal dang// 'bum phran nad rnams sna tshogs gtong// bram ze khrag dang chu la 'jug/khrag skye rtsa ldang snying mi dga'// 'gro snying 'dod la 'u 'bod brlab// phya sangs khyer te gzhan la 'phro// rje rigs drod la 'jug pa ste// sha mdangs bar zug rtse dang 'tshe// skabs su pho log blo bur gtong// dmangs ni rlung gi sgo nas 'jug/ klu gang mtshan mo na bar byed// rigs bzhi 'khor dang gdol pa ste/ kha rlangs reg dang mthong ba yi// drug ni gdol pa'i klu la gnas// gdol pa mthong ba'i dug la ni// tsha thur dug thabs 'khor lo gces// gzhan gyis thub par ma gsungs so// klu'i 'khor lo las/ klu gnas lugs bstan pa'i le'u ste drug pa'o//// de nas rdo rje snying pos/ 'jam dpal la gsol ba/ khyab bdag ye shes chen po yis// 'chi bdag bsnyen cing bsgrub ba dang// srog dang thun zor bsad mi mchog/ phyi dang nang dang gsang ba yi// mdze nag las kyi 'khor lo gang// zhes gsol pas/ klu'i rigs kyi bdag por bshad do// rgya mtsho ngo'am chu gling dang// skye mos tshal dang dgon pa dang// ri 'dus rtse'am chu 'gram ste// gnyan ra gdug pa klu yi yul// yang na brag ri nags tshal sdug/ bya dang ri dwags nyams dga' ru// gang yid dga' ba dben pa'i gnas// shin tu nye ba'i gnas mchog yin// maN+Dal mnyam po yid 'ong la// dri spos sman gyi chag chag gdab// 'khor lo rtsibs bzhi mu khyud ldan// sgo bzhi mdzes pa'i lte dbus su// rigs pa'i rgyal po bsam par bya// de nyid las ni phe yig 'bru// ma spros ye shes khyab bdag klu// snying la gnas pa'i yig 'bru yis// sems dpa' spyan drangs tsit+tar gzhug/ye shes sems dpa' rab bstan pa'i// yid skyob srog 'dzin yi ge ste// 'bru bzhi khyab bdag yi ge nyid// 'khor lo de nyid bstan par 'dod// drod nyid sems gsal ting 'dzin bstan// shes pa rngam la dbang po gsal// bde ba'i ye shes cung zad skye// ye shes 'khor lo de nyid do// rtags kyi phyag rgya gsang ba ste// sha bkra'am mgul 'phrig rkang 'khol na// lus la gsang ba'i rgyas thebs pas// dus gsum rgyun du kha 'ching yin// dbyings la ye shes sku bskyed la// klu gtso klu bdag klu yi 'khor// gtor ma rgyun nam bsnyen pa'i mthar// bdud rtsi'i ngo bos dbul bar bya// cung zad dkar gsum gtor ma de// 'brus chen 'o ma mngar la bya// bsam gtan sems kyi 'khor lo ste// bsnyen dang gnyen po bsgrub pa ste// rgyal ba kun gyi ye shes dang/ khyab bdag ye shes sems dpa' yi// snying po nye ba rdo rje'i sku// 'bum phrag gsum du brjod pa na// mi shig rdo rje lta bur 'gyur// zhes gsungs so// klu'i 'khor lo las thams cad rdzogs par bshad pa khyab bdag ye shes las/ bsam gtan 'khor lo nye ba'i le'u ste bdun pa'o//// de nas klu yi rigs bdag gis// nges par gsungs pa 'di dag ste// dang po gnas kyi sgrub byed ni// klu gnas gnod sbyin drag po'i gnas// chu 'gram chu ngogs lung gsum mdo// brag dang chu 'thab rtsi shing drug/byang bltas byang shar gnas kyi mchog/ bsgrub pa'i dus dang zla ba ni// klu rnams ldang bas de dus shis// dbyar gsum rtsi thog rgyas pa'am// ston dus rtsi thog 'debs pa dang// 'bras bu smin pa'i dus nyid shis// dbyar zla gsum po de bzhin te// sgrub pa'i dus dang zla ba'o// gnyan ra gdug pa'i sa dag la// stegs bu mda' gang gru bzhi bya// dris byug sman gyis chag chag gdab// thig gdab tshon dgye byin brlabs bya// drag po mthing kha dmar po dbang// zhi ba sngags kyi 'phreng bar snang// rgyas pa phyogs mthun sgo de bzhin// rigs kyi sbrul nag de bzhin no// lcags ri nag po phyi rol yang// rgya mtsho chen po'i tshul du bya// gra ma'i phur pa sor bzhi pa// rigs kyi klu ru bsam byas te// dkyil 'khor dbus dang zla gam la'o// rig pa'i rgyal po gshin rje gshed// 'chi bdag nag po mgo dgu pa// yum cig klu mo nag mo dang// bdud rgyal bgegs kyi glang po dang// bdud po nag po 'dzum med dang// bdud kyi rgya po sgyu ma dang// dug lnga las gyur gtum pa can// rang bzhin dkyil 'khor chen po nas// bstan pa bsrung phyir gnas 'dir dgod// shar phyogs rgya mtsho dang pa dang// lho dang nub dang byang gnas pa'i// rigs kyi bdag po 'khor bcas pa// phyogs kyi bar khyams gnas su dgod// gzhan yang klu dang gnyan dag dang// sa bdag la sogs mtsho la gnas// shar du dkar po sems dpa' ste// lho na rak+Sha mjug rings so// nub tu dmar po ru mtshon can// byang du mgyogs pa lag rings so// pha mes sde dpon rabs chad mgo/ dri bzangs chu yis bkrus byas la// bsgrub bya rten gyi maN+Dal bya// bum pa'i sbrul gyi gzugs dag gam// mchod rdzas gtor ma gshin rje ste// rigs kyi klu yang de bzhin no// rtsi sman 'o ma mngar gsum la// argaM bdug pa me tog dang// mar me byug pa zhal zas dang// sgra snyan ji snyed yod pa dbul// sbrul shun sngags ldan lus la bcang// sbrul dang sbal pa'i sha bsreg cing// 'chi bdag rten cing srog gzung dang// bsgrub pa'i rim pa bshad pa de'o// stong pa nyid las cho 'phrul te// srog gi de nyid 'bar ba las/ kha dog kram sna stag zil rdo// 'od zer 'bar ba nyi mas brjid// 'jig rten khams kun rab sbyangs te// 'byung lnga'i steng du sa bon b+h+ruM// de las gzhal yas bsam 'das so// bskal pa'i rlung nag 'khyil pa la// rgya mtsho'i dbus su lcags kyi khang// de dbus gzas pa'i gdan la ni// rlung gi stobs kyis yig 'bru bskyod// de las rigs pa'i rgyal po ste// yab yum srog bshed 'khor bcas bsgom// 'chi bdag thugs khar sems dpa' ste// rngam brjid khyab bdag ye shes so// rdzogs dang dbyings nas bskul ba dang// dam rdzas dbul ba'i rim pa bya// sngags ni rig pa'i rgyal po ste// 'khor rnams sdud cing zil gyis gnon// byol song ded dpon 'chi bdag bdud// gnod sbyin gshin rje srin po yi// srog gi ngo bo 'di nyid yin// bstan pa'i de nyid 'di nyid de// sha tum ri ni lcags kyu'o// sngags ni rlung ste srog kyang ngo// 'phen dang sdud pa'i ting 'dzin pas// gtsor ni ting 'dzin yin zhes pa// bla med khyab bdag ye shes dang// bshad pa'i don la the tshom med// bzlas pa'i 'od zer thams cad ni// klu yi pho nya sha dag ste// rang la mi bsdu bstan la bstim// rtags kyi drod tshad zin pa ni// g.yag dang chu bo mun pa dang// sbal sbrul kri sna b+ha li za// sgra thos dri nga dmag 'dren dang// sha 'phrig rkang khol 'bru 'phran 'byung// de nyid grub pa'i rtags yin pas// myur du kho nar gtad pa'o// drod tshad ma zin 'byams pa dang// yal nas 'grub par mi 'gyur dang// nus pa khong du 'khyams pa yis// rang la mi bde 'khor la ngan// des na nges par drod tshad gces// bsgrub rtags mngon du 'byung ba ni// nor rdzas 'bru dang longs spyod 'phel// rigs rgyud dar zhing 'phan pa dang// dgra rnams rlag bcing bstan pa rgyas// 'jig rten mi nub rgyal mtshan du// grags pa chen po bla na med/ khyab bdag ye shes de nyid do// klu'i 'khor lo nag po las thams cad rdzogs pa khyab bdag ye shes las bsgrub pa'i dkyil 'khor gyi le'u ste brgyad pa'o//// de nas klu'i rigs kyi bdag pos/ bstan pa'i dgra bo gdul ba'i phyir// klu nag po bsad pa'i rim pa 'di dag gsungs so// gnyan ra gdug pa'i gnas phyin la// e yi pho brang gru gsum pa// 'brub khung las kyi dkyil 'khor rtsig/ thod pa nag po brnag pa'i rdzas// 'gal dum tshig pa 'dra ba'am// mtshe'u lkugs pa 'dra ba shis// mu su ra'am rnel dri'am// kla klo'am bkra mi shis pa gshag/ 'chi bdag pho mo'i 'khor lo bri// bdud chad lnga dang ra khrag dang// rdo sol nag po dag la ni// ming rus snying po bla dgas bri// tha ma bsad pa'i sngags kyis bskor// 'khor lo bri ba ma grub kyang// thod pa'i nang du ling ga'o// gtor ma dmar dang dkar ba yang// 'chi bdag nyid dang yongs la gtad// 'chi bdag bskyed dang spyan drang bzhugs// mchod pa'i rim pa rdzogs pa dang// gsang sngags bsgrub pa'i de nyid bzlas// rtags la bab na bsad pa brtsam// nyungs kar nyungs nag blangs la brab// gsad pa'i yang snying 'di dag go/ nag po ti pa tsa ya phe rag sha u nA ga nan/ nag po ti pa tsa ya/ tsi ra tsi ra/ tsa pa ru shan/ che ge mo la yam/ nag po ti pa tsa ya/ tsu ta raM tsu ta ru/ ga lag sha che ge mo mA rA ya/a shaM nag po te pa tsa ya/ nA ga dgra bo kro d+hi shwa ri ti shan rbad/ phu shan rbad/ ku rak+Sha rbad/ ti pa tsa ya/ dza la dza la/ kha yan hUM che ge mo/ nag po ti pa tsa ya u phug sha rbad/ nag po sha pa ti/ de 'dra ba ti rbad/ba ru phe shan nA ga rbad/ nA ga phe sa ye a kra ma sha/ phe shan uM nan/ phe laM shag shag/ nir yan dgra bo mA rA ya dz+wa rbad A/ nag po baM tsi tsi rgyas/ trag thur snying thur/ snying gul myags myags rtsa bzhi bskums// shan shan srog la shan thur srod/ che ge mo mA ra ya rbad ya/ thun dang nyungs kar brab bya zhing// zhag grangs bdun nam dgu yi bar// yang snying nag po 'di yis brdeg/ bsgrub pa'i sngags ni kun gyis klad// lus dang so ri lcags kyu yid// rtag tu thon pa de nyid du// bsad cing bsgrub pa de nyid do// mi'am yang na gdon kyang rung// myur du brlag par yang dag bshad// yang na kha thun 'khor lo dang// nyin mtshan sngags su bsdebs la bsad// 'chi bdag yab yum srog gshed bskul// las kyi thun gsum yang yang brdeg/ dam rdzas gtor ma mnyes par dbul// tha ma gtad cing las mtha' ru/ khram gdab drag po stobs kyis ni// nag po klu yi gnas su gtad// ces gsungs so// klu'i 'khor lo nag po las thams cad rdzogs pa khyab bdag ye shes las/ yang snying nag po gsad pa'i 'khor lo zhes bya ba'i le'u ste dgu pa'o//// de nas klu'i rigs kyi bdag pos/ mA ra ya mdze can gyi las 'di gsungs so// nA ga gnas pa'i sa phyogs su// bsgrub pa'i dkyil 'khor de nyid la// rje dpon pha mes rabs chad mgor// a mu ka yi rdzas dag la// ling ga byas te gtad pa tsam// gru gsum e yi nang du'o// gru gsum sbag ma'i phyi rol du/ khrag dug phur bu'i thun bcas la// yab yum srog gshed las kyi bsad// zhag grangs gsum du bsgrub thun brab// dang po khrag la gnyis pa dug/ phur pa ke re slar mi dbyung// mtha' ru gsang thugs sngags bra bsal// klu yi pho brang gnas su gtad// gtor rjes thun gyis dgra la 'phang// 'di ni gsang ba kho na'o// de nas bcom ldan 'das klu'i rigs kyi bdag pos/ gsang ba thun gyi gsang sngags 'di gsungs so// oM nag po ti pa tsa/ nA ga rag sha lo ka kris sna ya ma krod+ha rak+sha ka la ti pa tsa ya/nA ga rA dza/ yag sha kris sna/ nA ga la b+h+rir ba b+ha hu ta/ nA ga kris sna rag shi tra b+h+yo/ dar ban d+ha b+ha hu ta/ ka la b+hir sarba/ rak+sha dza la che ge mo ya b+h+yo b+h+yo tsit+ta kha hi kha hi/ b+han d+ha rbad/ na li tsi ta/ dza la che ge mo la ya ya/ mri srog ti sta rbad/ che ge mo'i srog chod tsit+ta long/ yan lag chings thum ri li li/ nag po srog la b+h+yo/ dgra bo'i sha la yA/ khrag la ya/ saM ya rak+sha thaM b+h+yo/ mA ra ya rbad/ 'di ni klu yi thun sngags te// zhag grangs gsum mam yang na ni// bdun gyi bar du brab par bya// 'bar ba dug gi phye ma ste// gang la bya ba nges par brlag/ khyab bdag ye shes ngas bshad do// de nas yang thun gyi gsang sngags 'di dag bshad do// oM nag po ti pa tsa ya/ u phug sha rbad/ nag po sha pa ti nge 'dra ba ti rbad/ ba ru na phe shan/ nA ga dgra bo rbad/ nA ga phos phos ya ya/ e A kar sha ya/ u nan/ phe baM shag shig/ nri yan dgra bo ma ra ya rbad a/myos pa khrag gi yi ge ste// klu mo nag mo'i yang snying yin// a shan nag po ti pa tsa ya/ dgra bo kro d+hi shwa ri he shan rbad/ phu shun rbad/ ku rag rbad/ ti pa tsa ya/ dzA le dzA la dgra bo'i tsi tsi dza la/kha yan hUM sho che ge mo mA ra ya dzA dzA/ sbos par byed pa dug gi sngags// 'chi bdag klu yi yang snying yin// nag po tri rag sha/ dgra bo'i srog la pra sha/ thuM ril mA ra ya dza/ dgra bo ma ra ya khug/ bdud ro sha pra mA ra ya/dgra bo'i snying la nag po pra trag sha khug thuM ril rbad/ khrag dbyung mA ra ya dza/ phraM phraM nag po ti pa tsa/ trag sha rol khug thuM ril/ dgra bo'i snying rtsa ro la rbad/ dgra bo mA ra ya dza thun b+h+yo/ srog gshed yang snying phur pa'i thun// gsang ba'i yang snying 'di nyid do// thun gsum brab rdzogs gsang thun brdeg/ de nas gnyan ra bde gnas ni// chu mi byang bltas nag po shis// ya bag sha ra nag por bshad// de nas yang klu'i rigs kyi bdag pos nyid kyi sku gsung thugs rdo rje las/ gshin rje'i yang snying rang rgyud kyi rmongs pa 'di dag gsungs so// dgra bo nri dzA dzA dgra bo nr-i dze/ nr-i rma rdzi rdzi/ nr-i rmi rdzi dza/ dgra bo mA ra ya dza/'byung po mA ra ya dza/ khra ra tsa ya/ khra ra tsa ya dza hri u tsu da ra du nan// dza hri u tsu d+ha ra du nan/ raM yaM nan du ru yaM oM badzra tsan nan/ khraM shing the yaM/ tsit+ta byi ma la/ a kar sha ya/ a kar sha ya/ badzra pra ma ni hUM dza/man tra hUM phaT/ 'di ni gshin rje nag po ste// dgra gshed ces ni grags pa yi// gsang ba'i yang snying yin pas na// bye ba ther 'bum gshin rje yi// 'gugs shing gsod pa'i las byed pas// gshin rje'i spu gri reg chod yin// zhes ni khyab bdag klu yi bshad// klu'i 'khor lo nag po las thams cad rdzogs par bshad pa khyab bdag ye shes las/ mA ra ya mdze can thun gyi las bstan pa dang/ klu bye ba thar 'bum gyi thun dang/ las kyi gshin rje'i drag sngags dmod pa'i spu gri bstan pa'i le'u ste bcu pa'o//// de nas yang klu'i rigs kyi bdag pos/ gsang ba'i las thams cad kyi gcong/ mdze nag las kyi 'khor lo zhes bya ba 'di gsungs so// mtsho ngog chu gling klu gnas sa// yang na brag nag ri yang rung// der ni bsad pa'i sgrub pa tsam// gsang khram las kyi dkyil 'khor ni// gru gsum mthing nag kha khyer rtsang// dbus su rin po che'am ni// yang na snam pa'i sa la bya// sbal ba 'khod stong chen po'am// yang na sbrul nag khong stong bya// shu dag spang spos dag dang ni// nA ga ge sar bsreg cing bdug/ ta la'i lo ma gzhan dag ni// shing shun shing bal ras la bri// rdo nag khu ba la 'chi bdag gzugs/ kha bgrad spyan ni bzlog par bri// lag na sbrul zhags gri gug 'dzin// lto bar bsad pa'i 'khor lo bri// 'khor lo brgyad dang bcu drug la// gsang ba'i 'khor lo drag po sngags// rtsibs mchan ming rus rdzogs par bri// steng 'og yi ge thad kar bya// mtha' bskor phyi yi mu khyud la// bsgrub pa'i yang snying dgod par bya// gshin rje'i dmod pa'i mtshon cha yang// steng gi mtha' bskor yin zhes bshad// 'khor lo bris dang mnga' dbul bzhin// e yi kha la bar snang dgram// bar du bsad pa'i ling ga ni// sbal pa'i nang du a mu ka/bris la mtha' ma sngags kyis bskor// zhag grangs gsum ma bdun gyi bar// drag po 'khor lo bskor bar bya// snga dro gshin rje'i dmod pas bsad// rgongs kyi grib so dang po nas// 'khor lo drag pos bsad par bya// srod la bsgrub sngags bzlas shing dgug/ gung la 'khor los gsad par bya// de rjes thun gyis brab par bya// de nas rtags rnams 'byung ba ni// dmag dang shan pa lings 'debs 'byung// de nas gtad pa'i rim pa bya// 'khor lo dril te rdza sbal lam// sbrul nag khong stong de ru brub// dregs pa drug gi khram sngags te// nyungs kar la bzlas steng nas bsnun// mi 'chor khram gyi man ngag du// bla med ye shes klu yis bshad// de stengs klu sman sna tshogs blug/ klu yi rgyal po 'khor bcas la// bden pa bdar la gtad par bya// yang na dkar gsum klu sman dang// a mu ka yi rjes dag la// ling ga byas te dkar gsum sbyar// de nas gtad pa'i dus dag tu// sa yi bdag po las kyi lha// bdag gi grogs po sha rag pa'o// mthun pa'i rdzas 'di zas su 'bul// bskal pa'i bar du ma gtang zhig/dgra bo gzugs kyi phung po de// 'dod pa'i yon tan ldan pa bslab// sder du bsams la zas su gtad// des ni myur du brlag par yang/ khyab bdag klu yi bdag pos bshad// klu'i 'khor lo nag po las thams cad rdzogs par khyab bdag ye shes las/mdze nag las kyi 'khor lo phyi sgrub kyi le'u ste bcu gcig pa'o//// de nas yang klu'i rigs kyi bdag pos/ bsad pa'i las kyi 'khor lo 'di dag gsungs so// gnyan gnas sa'am bde gnas su// bsad khram las kyi dkyil 'khor bri// g.yag rog mgo'am khang pa'am// yang na glang dmar glang rog mgo/ spyi bor rdo rje rgya gram bri// rgya gram rwa la rlung gis brgyan// ro yi ras sam rgya shog la// 'chi bdag lto bar 'khor lo bri// dbus su rtsibs bzhi 'byung ba'i sngags// rtsibs brgyad bcu drug rtse mo bsnol// bar du ming rus brda sbyar te// bsad khram las kyi maN+Dal dgod// gru gsum rtse la glang ru gsum// khrag gi ling ga gzhug par bya/ khyad bskor bsgrub sngags bar du bzlas/ khrag gi ling ga gzhag par bya// rtsibs brgyad bcu drug rtse bar du// lo zla ming dang srog lus dang// yul 'kha' la sogs bri bar bya// rtsibs la gsad pa'i yang snying dang// lus srog 'joms pa'i yi ge bri// 'khor lo kha sbyar bar snang dgram// zhag gsum bar du bsgrub pa rtsams// gsang ba'i yang snying nag po dang// thun gyi yang snying dril bas brdeg/ steng 'og sngags kyi smod pa dang// bsgrub pa'i yang snying yin zhes bshad// bdag nyid 'chi bdag bsgom byas la// las mkhan a ba glang mgo can// bran gyi tshul dum dun du'o// sha khrag gtor ma gtang ba dang// thugs dam bskul ba'i rim pa bya/ khram sngags drug gi skabs su bzlas// de nas rtags la phebs pa dang// 'khor lo dril la thod par gzhug/mi ldog dgos bas lto phye brtsi// dus tshod nges par rigs bzhi brtag/ de ltar rdzogs dad las mkhan la// gzir zhing mnan pa'i las kyang bya// de ltar byas na nges par ni// 'grub par klu yi bdag pos bshad// klu'i 'khor lo nag po las thams cad rdzogs pa'i rgyud las// mdze nag las kyi 'khor lo nang bsgrub bstan pa'i le'u ste bcu gnyis pa'o//// de nas yang klu'i rigs kyi bdag pos/gsang ba las kyi 'khor lo 'di dag gsungs so// gzhan yang rlung nag dben pa ru// klu yi sa la dkyil 'khor bya// gsad khram las kyi dkyil 'khor ni// gru gsum bsnol ma sbag du brtsig/ sbrul dang me ris brgyan byas la// dug sna dgu dang khrag sna dgu/ phur pa rug phur sbams la gzhag/ dkyil 'khor dmar nag ser nag dang// mthing nag nyid du bya bar bshad// sbrul ni drug gis brgyan pa nyid// de nas mi sdug mdze can mgo/ blangs la sha spangs dri ma bkru// thod pa gshags la 'chi bdag rtag/ zhal dbye rams dang khrag sbyor bas// dmar nag chen po 'jigs par bri// mche ba'i rno dbal bar nas kyang// gshin rje smon pa lcags kyus bskor// a phor yab yum gyi gzugs bris la// lto bar gsad pa'i tsakra bri// srid gsum rtsa gsum grong khyer gsum// yum gyi lto na gnas pas na// 'khor lo yum gyi lto bar bca'// dbus su drag po zla gam dbang// tsakra rtsibs ni brgyad du ldan// de yi phyi rim bcu drug go/ yang rim mu khyud lcags ri bo// de la gnas pa'i rim pa ni// bcu drug gzugs phung 'joms pa'i 'bru// rtsibs brgyad 'khor lo de la dgod// gsad pa'i yang snying 'khor lo de// bcu drug rtsibs la 'bru sdebs dgod// mtha' bskor gsad pa'i gsang sngags te// rdo rje spu gri lcags ri'o// mdze nag 'khor lo nag po ste// thod pa lcags kyi khang pa yi// yab yum steng gcod 'og gcod kyis// las ni mnyam pa 'gugs kying sgrol// bar du dgra gzugs 'khor lo lding/ kha sbyar gsang ba tsakra ste// srid gsum las kyi 'khor lo yin// ro ras zhing lpags 'khor lo la// bcu gnyis rtsibs ldan mu khyud gsum// pho brang gru gsum gling dgu la// mdze dmar me yis bsregs pa yi// 'khor lo steng gcod 'og gcod yin// dur khrod ras sam zhabs ma la// 'khrul mig bcu gnyis rgya gram ldan// mdze skya rlung gi 'bud pa yis// 'khor lo steng gcod 'og gcod yin// yang na thod pa'i phyi rol la// gru gsum rgya gram ldan pa la// me dang rlung gi sa bon dgod// yang snying 'khor lo yin par bshad/ khram dkar khram nag ces pa dang/ khram sngon dang ni khram nag dang/ khram dmar khrag nag ces bya ba// nam ra su yi rgyu las bya// mon dang mdze pho rabs chad gsum// gang rung gcig la rdzogs par bya/ khram sngags bar du ling ga gzhug/ yang na gnyen gnas shing la bya// bsgrub dang gsad pa'i 'khor lo ni// skor ba'i rim pa gnyis su shes// bsgrub pa'i rdul tshon sngags la bskor/ khram bar ling ga dmigs pa'i rten// gsad pa thal ba'i 'khor lo bskor// lding ba'i ling ga dmigs pa'i rten// gang du gtod pa'i sa phyogs nas// rten gyi rdo shing blangs byas la// rtags kyi rim pa de la lta// las mi nus na 'bros par 'gyur// dkar po sems dpa' la sogs pa// gser phud bshos bus mchod cing rbad// de nas 'khor lo bskor ba ni// rgyal rigs sa yi 'khor lo ste// nyi ma dang po mgo 'khor dang// lci zhing 'thibs pa'i mdze nad 'bebs// gnyis pa bram ze chu la skar// grang zhing 'dar ba'i mdze nad dang/ khrag skyug pa la the tshom med// gsum pa rje rigs me la ste// tsha zhing bsreg pa'i mdze nad dang// yid 'khrug pa ru yang dag bshad// bzhi pa dmangs rigs rlung la ste// yang zhing g.yo ba'i mdze yams dang// mA ra ya la gdon mi za// yang na 'khor lo rgyun du ste// bla rtags byung na drag po thun// yang snying nag po dril bas brdeg/ de rdzogs khram bdag thun rnams brdeg/ rdzogs dang gtad par bya ba ni// shar lho nub byang phyogs bzhi yis// chu mig brtag dang rko tshad bya// srang dang sgo dang bya ra'i sa// lkugs sa la sogs klu gnas par// dus tshod nges par gtad par bya// lo zla khams dang 'byung ba'i sa// rigs bzhi rtags dang phyogs kyis shes// ldog pa sa yi bdag po yin// lto 'phye brtsi ba gces pa ste// lam gzugs za kha spo bar bya// las kyi 'khor lo 'di lta bu// rgyu dang rkyen gyis 'khor ba ste// 'jigs byed gshin rje'i 'jig rten gyis// mtshon cha 'khor lo lta bu'o// zhes gsungs so// klu'i 'khor lo nag po las thams cad rdzogs par bshad pa las/ mdze nag las kyi 'khor lo gsang ba bsgrub pa'i le'u ste bcu gsum pa'o//// de nas klu'i rigs kyi bdag po 'jam dpal gyis/gshin rje klu bdud nag po'i 'jigs byed mgo dgu pa yi srog gi de kho na nyid 'di dag gsungs so// oM ka pa ti pa tsa ya/ nA ga rag sha che ge mo he khu lam phe nan/phos phos shig shig/ chuM chuM hu ya hu ya/ klu nag po mgo dgu pa dgra bo'i srog la ma ra ya dza dzA/ 'di ni klu yi rang bzhin srog/ thams cad 'dus pa'i ye shes te// gcod pa'i spu gri dug gi ngar// nag po mgo dgu zhes bya ba// las la gzud pa'i sngags yin te// dgra srog gnad nas dgug pa yin// zhes gsungs so// de nas yang klu nag pos gsad pa'i sngags// mtshon cha spu gri lta bu 'di dag gsungs so// oM nag po ti pa tsa ya/ sarba ru pa tsa la phe sha hUM/ gzugs su 'joms pa'i mtshon cha ste// klu yi 'khor lo nag po yin// oM pa ti pa tsa ya/ nA ga rag sha che ge mo spu shan te/ yu nA ga ya ni ku ru tsa ya/yaM yaM mA ra ya dza dza/ rbad ya rbad ya/ 'khor lo kha rgyun lcags ri'i sngags// gnas mi 'khyam pa'i spu gri ste// 'khor lo nag po'i sngags su bshad// oM nag po ti pa tsa ya/ dza la bi ra tsa pa la du shan che ge mo la mA ra ya rbad yaM yaM/mdze nag las mtha' brtul ba'i sngags/ ye shes 'khor lo nag po yin/ oM nag po ti pa tsa ya/ nA ga rag sha yag sha kha yan hUM ya hUM ya/ nri dza nri dza tsakra thums thums rbad ya rbad ya/ gsang ba'i yang snying spu gri ste/ 'di ni las kyi gnad gcod yin/ oM hri Sh+ti bi kr-i tA nan hUM hUM phaT phaT/ kha gnon stobs kyi 'khor lo ste// me dang rlung la dgod par bshad// dgra bo'i srog la dza la dzi raM raM ha la tsa ma ri snying la 'dus nag po bam tsi tsi rgyas trag thur snying thur snying g+hu la myags myags/rtsa bzhi skums shan shan srog la shan/ thur sod tsit+ta rbad raM rbad ya/ dgra bo'i srog la dza dza la dzi dzi laM laM ha la tsam ri snying la 'dus/nag po baM tsi tsi rgyas trag thur snying g+hu la myags myags/ rtsa bzhi bskums/ shan shan srog la shan/ thur sod tsit+ta rbad ya/ dgra bo'i srog la dza dza/ yaM yaM yaM/ ha la tsa ma ri snying la 'dus nag po bam tsi tsi rgyas tras thur snying 'gul/myags myags rtsa bzhi bskums/ shan shan srog la shan thur sod tsit+ta rbad laM rbad yaM/ dgra bo'i srog la dza la dzi khaM khaM ha la tsa ma ri snying la 'dus nag po bam tsi tsi rgyas trag thur snying thur snying 'gul myags myags/rtsa bzhi bskums shan shan srog la shan thur sod tsit+ta rbad khaM rbad ya/ 'byung bzhi 'khrugs pa las kyi sngags// las kyi 'khor lo gsang ba'o// nag po ti pa tsa ya nag po bam laM raM khaM yaM tsi tsi rgyas trag thur snying 'gul/myags myags rtsa bzhi bskums/ shan shan srog la shan thur sod laM ni rbad ya/ raM ni rbad ya/ khaM ni rbad ya/ yaM ni rbad ya/ rtsa khrag snying thums ri la rbad rbad/rbad ya rbad ya/ 'di dag 'chi bdag klu nag po// gang+ga'i bye ma grangs snyed de// 'byung bzhi gnang nas rab dkrugs te// gnad gcod spu gri rno dbal te// gsad pa'i sham bur yang dag bshad/ khyab bdag klu rgyal ngas bshad do// klu'i 'khor lo nag po 'phrin las rdzogs pa khyab bdag ye shes las/ rtsa sngags dang las kyi spu gri sngags bstan pa de kho na nyid kyi le'u ste bcu bzhi pa'o//// de nas rdo rje snying po yis// 'jam dpal la gsol ba/ khyab bdag ye shes rgyal po yis// yang snying rnam par bkod pa ste// phung shigs gnyan rigs bdag po yis// las kyi rim pa bshad par mdzod// ces gsol pas/ de nas klu'i rigs kyi bdag pos/yang snying bkod pa'i las 'di gsungs so// ba dang 'o ma mar dang ni// zhun mar snum gyi snying po mchog/ nA ga rag sha phung shig/ mgo dgu ba glu'i bdag po yi// gsad pa yang snying bshad pa 'di'o// shin tu dben nam nA ga gnas// gnyan ra zhes pa gdug pa ru// maN+Dal byas la dri spos byug/ sna tshogs rgya mtsho'i gzugs byas la// sna tshogs shing gis mdzes par brgyan// gru gsum mthing nag klu yi bdag/ sbrul gyi ra bas brgyan pa ni// lcags khang tshul du shes par bya// nub byang ngos su sgo gcig dgod// zla gam re ga zhi ba sbrul// rgyas pa chu yi rang bzhin no// stong pa'i ngang las yi ge dza// de las sdig pa'i cho ga'o// smug nag 'phro ba'i bzhin yang sngo// 'chi bdag klu la gtor ma dang// dam rdzas gser phud bshos bu dgram// mdze can pho mo'i thod pa la// sha dang dri ma ra ri spang// gshag cing kha dog dmar po bya// dgug phyir rgya skyegs 'khor lo ni// rtsigs drug ldan par bri bar bya// dgra bo'i ling ga shes pa yis// mnan dang yan lag sdig pa za// dkar gsum a mu ka yi rdzas// me tog mang po bu ba dang// mngar gsum btsag gis bri bar bya// mu khyud sbrul gyi ra ba ni// thod pa'i tsakra nag po la// gsang sngags bri zhing dgod par bya/ kha sbyar bar du gsad pa lding// sbal pa'i lto bar ling ga gzhug/gsad pa'i sngags kyis mtha' bskor byas// bzlas pa'i yi ge 'phro 'du ni// sngags kyi 'od zer yi ge ste/ kha dog sna tshogs grangs las bzlas// yul la spro ba dmigs pa ste// 'od zer rang la mi bsdu zhes/khyab bdag ye shes nyid bshad pa'o// de nas bcom ldan 'das klu'i rigs kyi bdag pos nA ga klu'i tshogs dbang du bsdu zhing 'bod pa 'di lta'o// nA ga 'du nA ga 'du/ nA ga shan 'du/ he li he li 'dus 'dus/nag po bam tsi tsi rgyas/ trag thur snying la 'gul/ myags myags rtsa bzhi bskums// shan shan srog la shan thur sod swAhA/ bsam pa ma yengs spyod la bstan// sha chang sgog btsong bud med spang// 'khor sdud yang snying rgyal po 'di// shin tu gsang zhing bzlas pa rtsam// de rtags mngon du ster ba ni// sdig pa sprin ltar gtibs pa dang// nya sbrul glog ltar 'gyur ba dang// chu srin 'brug ltar sgrogs pa ste// g.yag dang ba glang bas dpag dka'// rmi ltas mtshan ma de la gzud// sha kra ba ldags shu ba dang// sbrid cing tsha dang 'khyug dang 'khol// mngon rtags bsgrub pa'i rdzas dag la// brgya stobs rgya mang por 'ong// myar du las la shis pas gtad// zhags drangs rgyun gyi mtha' la yang// rtags byung dgra srog dgug par bya// de nas yang klu'i bdag po a mu mngon du nA gas dgug pa 'di dag ched du gsungs so// oM nA ga rA dza ya ran tra nan/ nA ga pu ka nA ga pu ka/ hUM dzA hUM dzA// pad+ma nri dza/ shang kha ba la ni dzA/ dgra bo dam pa ya ni dzA/ ga la g+he'u phu ni dzA/ rigs bzhi pho nya pad+ma yi// dgra bo dgug par gyur pa yin// de rtags 'byung ba 'di nyid do// rang lus rtags las grol ba dang// btson dang jag byed btsag 'byug cing// sdom sdig mang po 'byung bar 'gyur// de nas gsad pa'i las bya ste// phu spugs dri la sngags de bzhin brdeg/de la rtags rnams 'byung ba ni// rang dang ri dwags bsad pa dang// lus yang rtag tu nges par grol// de la khram gdab 'bru gnyis brdeg/ gshin rje stag mgo nag po dang// klu dang btsan dang bdud dang ging dang ma mo dregs pa drug/khram gdab 'phrin las bcol ba dang// gsad pa yang ni yin zhes bshad// de rjes klu yi ngan sngags te// drug sngags bram ze rgyal po yis// brnag de brdeg par shes par bya// de rdzogs gtad pa'i las bya ba// rang lus sra ba'i go cha bgo/ thod pa tshas drag re bas gril// tshon sna lnga yi srad bus bcing// gdug byed klu yi gcun sngags bzlas// thod pa khyer te gtad par bya// nA ga yod dang med pa dang// don mi khugs dang mi khugs dang/ khram la thebs dang ma thebs dang// nA ga bros dang ma bros dang// gtad sa log dang ma log pa'i// nyams ni rang gi drod tshad brtag/byang dang byang shar gnas mchog ste// sa dbyibs dam gnag sa chas rtsub// brag sna yod pa'am/ chu mig lkug pa'ang de bzhin te// nag po brtsigs pa'i sa phyogs su// zla ba zad pa'i dus chen la// gza' dang bstun la gtad par bya// gtad pa'i sa rdo shing rnams la// 'o ma rtsi sman lam drangs te// a mu ka yi khang bar gzhug/ gags bya rjes gcad rang lus bsrung// tsha thur dug thabs 'khor lo ste// 'di shes go cha bla na med// rdo rje bzhin du lus gnas pas// yang gsang gter gyi dam par bshad// nA ga ra ga sha zhes bya ba// srin po bsgrub pa gshed po ste// des kyang mchog tu bsrung bar 'gyur// gal lte 'grub par ma gyur na// bcwa brgyad sngags kyis spyan drangs la// 'bru dgus rnam shes gzugs la yin// so ba yis ni gnad la dbab// stong sngags drug gis 'phrin las bcol// drag sngags bdun pas brlag par bsreg/gdug pa'i shing la hom bcas te// nag po klu yis gsad par bya// nges par rdugs na bya ba las// nan gyis byas na ya bag sha// de nas bcom ldan 'das klu'i rigs kyi bdag pos/gsang pa de nyid 'di dag gsungs so// oM nag po ti pa tsa ya/ nA ga rag sha/ he khu la phe shan nag pos shig shig/ chuM chuM hu ya hu ya/ klu nag po mgo dgu pa/ dgra bo zung zung chings chings mA ra ya// dgug pa dang ni yang snying ni// sum sbrel sngags kyis gsad pa grub// thod pa bri ba de bzhin no// rtag tu gnyan por 'chi bdag bsgom// klu gtor gtang zhing spyod lam bsrungs// nA ga shan tu dus si bas/nA ga rA dza nan/ nA ga mi ra rbud/ shan ti sha ru tshubs/ nag po a ro lig shams/ na ga dun dun gyen gyen// nA ga du ya ya/ tsub tsub du sha rbad/ 'di ni gsang ba gnad kyi sngags// na ga'i smod pas las kha rtul// sa byi ba chog khung ling khug ling he he phaT/ oM badzra kro d+ha sa ma ya phaT/ sa byi cog ling ma ma mugs mugs hi byi la cho cho a la gug ling swAhA/ 'di ni sa kha dbye ba dang// klu yi gcun sngags yin par bshad// nA ga ra dza a be sha ye A/ gzugs la dbab pa'i yang snying yin// zhes gsungs so// klu'i 'khor lo nag po 'phrin las rdzogs par bshad pa las/ sdig pa nag po phug shig gi las bstan pa'i 'khor lo ste le'u bco lnga pa'o//// de nas yang rdo rje snying pos/ yang snying zhes pa de ltar na// klu sbrul nag po'i sbyor ba dag/ 'khor lo nag po bshad par mdzod// ces pa dang/ klu'i rigs kyi bdag po 'jam dpal gyis/klu bdud sbrul nag gi las rim 'di dag bshad do// dang por rigs can rnal 'byor gyis// dben pa'i gnas su 'dug nas ni// maN+Dal mnyam po yid 'ong la// dri spos sman gyis byug par bya// gru gsum mthing nag zla gam dmar// chu skyes 'dab ma de bzhin bzhi// dkar dang dmar dang ser dang ljang// sbrul rigs brgyan pa khor yug go/ gser ram yang na dngul lam ni// yang na snum pa'i sa la bya// dpa' bo ti pa tsa yi gzugs// sku yi rten du bzhugs su gsol// bum pa bzhir ni klu sman dang// 'o ma gtsang ma'i chu yis bkang// pad+ma bzhi la de bzhin no// mchod pa'i bye brag ji snyed dang// gtor ma dag ni dgod par bya// dbyings las rig pa ngo bo che// de la spro bsdu mi bya bar// sbrul nag chen po nyid du dmigs// de bsgom de nyid bsgrub pa ste// snying po zhes pa de nyid do// oM nag po ti pa tsa ya/ na ga rag sha hUM/de rtags 'byung ba 'di dag go/ lus yang sems gsol stobs 'phel zhing// rmi ltas sna tshogs nyid kyang ston// rtags ni mthong nas rdzas dbul zhing// klu bdag las mkhan bsgrub pa brtsam// gnyan gnas sa ni blang bar bya// de ni dkyil 'khor rdzas dad brten// maN+Dal gru gsum mthing nag la// zla gam gsum ni dmar por bya// phyi rim drag po sbrul gyis brgyan// pha mes thod pa brnag pa'i rdzas// rabs chad mon dang mu ru sa// dag dig glen pa bkra mi shis// gshags la 'khor lo bri bar bya// yang na ras sam gro ga la// sbrul nag 'khyil pa'i 'khor lo bri// de yi lte bar a mu ka/ phyi rol ro ster can bri'o// shing sbal sa yi ga 'u dang// glang ru la ni yang dag brjod// zhi ba zhes ni de la bya// brnag pa'i rjes dang gos dum skra// dri ma chu dang thigs pa la// mtshal chen khu bas bri ba'am// rag tas sbyar ba drag po'o// ming rus bla dgas rdzogs pa dang// dug shing drag po gnyan ra'am// yang nan ri sur su dag mi/ khram shing dug gis dregs pa drug/ sngags dgod rnam par bsam pa dang/gru gsum rtse la dgod cing gzugs// stong nyid rang rig sbrul nag ste// mgo dgu lcags su 'jigs pa gdengs/ kha rlangs gdug pa sbrul du 'khyug/ g.yon na bud med sbrul mjug can// zla gam gsum la gnas pa ni// sku yi sprul ba glang mgo can// gsung gi sprul pa zhags pa can// thugs kyi sprul pa sgyu ma can// gru gsum rtse la dregs pa nyid// de bsgom de dag bod cing dgug/ raM yaM khaM las gtor ma sbyangs// a las bdud rtsir gyur ba ste// rtsa ba'i sngags kyis dbul bar bya// 'od zer sbrul nag 'khyil ba las/ kha rlangs sngags bcas sbrul du 'khyug/ gang yin gzas pa gsod cing dgug/ de rtags sdug dang mi sdug pa// gnag dang ba glang sbrul dang ni// sbal pa nag po mthong na grub// yungs kar nyung nag ske tshe yis/ khrag dang dug bsres ngar glud brdeg/ dgug dang bsad pa'i nyin mtshan dbye// rdzogs nas khram gdab gtad las btsal// 'khor lo thod pa re bas gril// tshon sna lnga yi skud pas gril// ling ga khram bcas sbal bar brub// rgyal po rje'u bram ze dmangs// rgyu ba'i dus su ma nor gtad// dregs pa drug po gnas pa'i sar/khram gyis ling ga re re gtad// de rtags myur du 'ong bar bshad// gal lte de la rtags med na// brnag pa'i gzugs bcas sngags kyis bskor// rtsibs la 'byung ba gnad kyi sngags// las kyi lus srog 'byed pa dag/ brjod na lha yang rlag byed na// 'byung ba'i phung po smos ci dgos// de nas bcom ldan 'das klu'i rgyal pos/ gsang sngags 'di dag sku gsung thugs rdo rje las bton no// oM nag po ti pa tsa ya hUM dza/ nA ga kro d+hi shwa ri hUM dza// nA ga rA da hu ya hu ya baM raM dza/ nA ga ra dza sa ma ye baM ril dza/ nA ga dun dun he li he li 'dus 'dus ma ya dza/ klu yi bdag po 'chi bdag nyid// rig pa'i rgyal po yab yum dang// srog gshed 'khor dang bcas pa yis// rtsa ba dril ba'i bsgrub sngags te// sbrid dang g.yal gyis bar ma chod// sems kyi 'du 'dzi spangs la sgrub// 'di ni yang dag rdzogs pa yi/ khyab bdag ye shes ngas bshad do// oM nag po ti pa tsa ya/ dgra bo'i glo snying ma ra ya/ klu sbrul nag po nA ga snying la khrum pu ye dza/ nag po ti pa tsa ya/ dgra bo'i snying la ya rbad pu ye thum ril ye dza/ nA ga rA dza dgra bo ni rbad/shan ting rbad// shan ting rbad/ srog ti rbad/ snying la ril ril rbad/ shaM shaM rbad/ mA ra ya rbad/ zhag gsum bar du bzlas pa ste// gsad pa'i yang dag bshad// nag po ti baM tso tsir la// tsa tsur la tsir tsir be ru sho na che ge mo la yaM yaM nag po ti pa tsa po tsu ta ru ga lag sha che ge mo yaM yaM/ a shaM nag po ti pa tsa tsa phu badzra laM badzra laM kha yan hUM sho che ge mo mA ra dza/ dgug pa zhes bya a mu ka/nyin sngags yin par yang dag bshad// nA ga rA dzi tsit+ta gshogs gshogs/ chings chings shig shig chuM chuM rul ya/ ti ra ya mA ra ya dza dza/ gnad gcod pa ste gsang ba'i sngags/ gzugs kyi mtha' mar yin zhes bshad// e baM laM raM yaM nA ga dza la dzi dgra bo'i snying la raM raM raMha la 'dus rbad/ nA ga dza la dzi dgra bo'i snying la baM baM baM 'dus mA ra ya/ nA ga dza la dgra bo'i snying la laM laM laM 'dus mA ra ya/ nA ga dza la dzi dgra bo'i snying la yaM yaM 'dus ma ra ya/rgyu 'dus drag po snying thur dgra la b+h+yo/ gnad dgu gcod pa 'byung ba'i sngags// las kyi mtha' rgya yin zhes bshad// klu'i 'khor lo nag po 'phrin las thams cad rdzogs pa khyab bdag ye shes las/klu bdud sbrul nag gi 'khor lo bstan pa ste le'u bcu drug pa'o//// de nas rdo rje snying pos gsol pa/ 'jam dpal klu yi rigs dag che// snyigs ma lnga yi dus nyid du// sngags pa rdo rje nang 'thab bam// rus sbal 'dzing 'thab byung ba'am// pha tshan chen po dgrar langs na// ling ga bdun sbrag ji ltar bya// zhes gsol pas// klu yi bdag pos rus sbal chen po'i ling ga bdun sbrag 'di dag bshad do// 'khor lo bdun sbrag gsang ba 'di// gdug pa'i gnas su bsgrub par bya// rgyu ni lnga phung tshang ba yi// gzugs kyi phung po ril cig go/ de la bca' ba'i rim pa ni// gnyan ra'i sa la maN+Dal bya// chag thig gdab de de bzhin te// gru gsum zla gam zlum bo'i sngags// gru chad bar khyams sgo bzhir ldan// de la rgyu yi rdzas dgod pa// mgo la 'chi bdag yab yum gyi// gcod pa'i 'khor lo mkhas par bri// rkang brgyad klu chen nag po brgyad// sbrul nag brgyad du bya bar bshad// rtsib ma la ni khram drug go/ sgal pa nyi shu rtsa lnga la// klu rigs nyi shu rtsa lnga yi// sbal nag nyi shu rtsa lnga'o// sogs pa gse byang gi zhes bshad// de yi rim pa gnas bkod la// bsgrub pa rdzogs dang gtad bsgrub bo// rus sbal chen po'i man ngag ni/ kham pa'i ga 'u mes smin pa// de dag rus sbal gzugs su bya// lus kyi bang mdzod bcu gnyis dang// mgo lus tshang ba de yin te// yan lag drug tu bshad pa'o// bsgrub pa'i dkyil 'khor dbus dang ni// zla gam mu khyud gru chad khyams// sgo bzhir gtor te bsgrub pa dang// rus sbal lus kyi gsang mdzod du// mgo dang snying kha lto ba dang// lte ba mtshan ma yan lag la// mgo bo'i 'chi bdag yab yum dang// nga rgyal che chung btsan dang ni// klu btsan las kyi rno myur te// yang snying sbrul nag 'khyil ba dang// sbal nag sdig pa khram byang dang/ nyi shu rtsa lnga sbal pa'i grangs// rkang chen brgyad po dril byas te// rus sbal chen por bsgrub pa yin// gtad pa klu dang bdud gnas sam// gzhan gyis bgrod gcig lta ba ni// shin tu yang nga ma 'jigs pa// g.ya' spang gnas pa lkugs pa mtsho// der ni gtad pa yang dag go/ gsang sngags dril te bdun sbrag pa// rus mang dgra ru langs pa'am// yang na gtang mkhan nang 'gras na// spu gri rno dbal 'di nyid yin// klu'i 'khor lo nag po 'phrin las rdzogs pa las bdun sbrag chen po bstan pa ste le'u bcu bdun pa'o//// yang rdo rje snying pos gsol pa// gtad pa las mtha' mi 'chor ba'i/khram gyis gdab pa ji ltar lags// ces pas/ 'jam dpal gyis khram gyi rim pa 'di dag gsungs so// sngags dang rdzas kyi khram dang ni// gnam khram dang ni sa khram mo// sngags ni dregs pa srog gi gnad// mi 'chor bas na khram zhes bya// gshin rje khram bdag stag mgo can// klu yi khrag bdag rgyu ma can// bdud kyi khram bdag srog gcod rje// btsan gyi khram bdag lag rings po// ging gi khram bdag gcer bu ste// ma mo'i khram bdag zhags pa can// mi gtod smod pa khram gyi sngags/ khram la gdab phyir mi spel la// ling ga bstim dang bzlas pa yi/ khram sngags yang snying 'di dag go/yaM ra dza nag po dgra snying la ya ya/ gshin rje nag po dza thur dgra la b+h+yo/ nA ga kan tse 'dus/ dza thur dgra la b+h+yo/ e be she/ he thuM he thuM dza thur dgra la b+h+yo/ nag po kha mun tra de chod dza thur dgra la b+h+yo/ dza thur snying la thur snying la yaM/badzra sa dur snying thur dgra la yaM b+h+yo/ dza thur snying la yaM/ ma snying thur dgra la yaM b+h+yo// 'di dag dregs pa'i sngags khram mo// rdzas kyi khram ni bshad bya ba// mon dang mdze po rabs chad gsum/khram gyi rgyu ru bshad pa'o/ khram dmar dang ni khram nag dang// rdo rje khram 'debs sngags dang ni// drang song khram 'debs sngags dang sbrag/ khram dkar dang ni khram nag dang// gshin rje khram 'debs sngags dang ni// srin mo khram 'debs sngags dang sbrag/ khram sngon dang ni khram nag la// klu yi khram 'debs sngags dang ni// ma mo'i khram 'debs sngags dang sbrag/ de yi khram sngags 'di dag go/ hUM badzra ni sa/ ru ka ni/ ya ma ni/ rag sha ni/ nA ga ni/ ra'i ni/ de dag khram gyi bdag mo'o// dung dung du ni du ni dung shrI khraM khraM mA ra ya dung du/ de ni khram gyi sngags su bshad// rtsib ma khram gyi shing yin te// rabs chad mon dang mdze po ste// gsum mam yang na gcig la yang// rdzogs pa rdzas kyi khram du bshad// yang na gnyan shing tsher ma can// gshags la khram bri ling ga gzhug/ rdzas kyi khram du bshad pa yin// gnam khram zhes su 'di lta ste// lo zla dus dang 'byung ba phyogs// rtags kyi nges pa gtan la dbab// rigs bzhi dus tshod mtshon cha 'dra// thebs dang 'gyangs pa dus yin pas// snga dro nas gzung dgongs kha ste// nyi ma sa 'og song bar la// rgyal po bram ze rje rigs dmangs// gdol pa la sogs cha yis brtsi// srod nas nyi ma shar ka ste// nam langs bar du de bzhin shes// lo khams rtags kyang shes pa dang// zla ba la sogs dus 'dzom pa// mi 'chor bas ni khrims yin no// sa khram zhes ni bshad bya ba// gtad pa mi 'gyur sa yi gzer// sbrul nag gdug pa'i lce mdung ste// bdud kyi skyon ra chen po yin// chu dang shing ste brag dang sa// rigs bzhir rtag pa rtags kyis shes// sbrul dang sbal pa nya 'dra dang// lcong ka phag pa glang dang ni// sdig pa chu srin rta bla'o// grog mo sbur ba rus sbal dang// mgo lnga mgo bdun mgo gsum dgu/de la brtag pa shes par bya// sbrul 'dra lnga ru bshad pa ste// gnam sa shis brag shing la brtag/ mjug ma mdung dang sna gdong rtse// sbal 'dra gsum ste sa rdo ni/ kha ni lce la sbar lag mdung// nya 'dra gnyis te sa chu'o// gshog rtse lce la ze ba mdung// lcong 'dra na chu sa brag bzhi// sna ni lce la mjug ma mdung// glang la gsum yod gad rdo ri// rmig bzhi rtse la rwa rdo mdung// phag pa gsum ste gad rdo ri/kha la lce ste sna rdo mdung// rta bla gnyis te lam dang sa/ kha la lce ste lag pa mdung// sdigs pa gsum ste ri brag chu// sbyi mdo lce la rwa rtse mdung// chu srin gnyis te ri dang chu// sna rtse lce la sbar lag mdung// grog mo gnyis te sa dang brag/ kha la mdung ste lag pa lce// rus sbal nags sgangs ri dang brag/ lto ba lce la rgyab na mdung// mgo lnga la sogs gzugs rnams ni/ kha la lce la yan lag mdung// sa gzer nag po lce mdung 'di// gtad na gar yang mi 'chor brlag/ dgra dang zas kyi 'du shes kyis// sa bdag de la gtad pa ni// sa khram zhes su bshad pa yin// gzhan yang gtad pa'i 'khrul 'khor ni// sa khram yin pas 'chor mi srid// klu'i 'khor lo nag po 'phrin las thams cad rdzogs par bshad pa las/ khram la gdab pa'i las bstan pa ste le'u bco brgyad pa'o//// de nas yang rdo rje snying pos gsol pa/ klu yi dus tshod brtag pa dang// sa yi 'khrul 'khor rgyas pas mdzod// ces gsol bas/ klu yi bdag pos bka' stsal pa// klu yi lus la nges med de// ri bo nyungs 'bru lta bur gnas// de yang ji ltar bu zhe na// klu yi rgyal po mgo dgu pa'i// sku yi khyon ni ri rab tsam// gnyan ni su tra d+ha to la// nyungs 'bru tsam du gnas pa yod// sa bdag lto 'phye 'jig rten tsam// phag sha yi phu snga ta yan/ kha bshul gcig tu'ang brgya brgya shong// des nag gzugs la nges med do// rgya mtsho pho brang chen po yin// chu mig klu yi srang sgo ste// yar bltas ba ni bya ra'i sa// mar bltas pa ni mdun sa ste// bar na lkugs pa rnam pa gnyis// pho brang dang ni me long dang// sdang dang srang sgo zhes par 'dod// rigs bzhi klu yi las mkhan te// sgo ba'i tshul du gnas par bshad// klu ni ri bo khur ba yin// shar na rgyal po sa la dbang// lho na bram ze chu la dbang// nub na rje rigs me la dbang// byang ngan dmangs rigs rlung la dbang// mtshams bzhi gdol pa he thom yin// gar gtad kyang ni las byed pas// gsang ba mchog gi gnag pa yin// shar gtad rus mdze gag pa 'ong// lhor gtad khrag mdze mkhris pa 'ong// nub gtad gnyan nad lhog pa 'ong// byang gtad gnyan nad 'brum bu 'ong// mtshams su gtad kyang de bzhin no// de ni 'dom re'i sa ru'o// thur la 'dom gang gcal bar yang// las la myur ba'i 'khrul 'khor 'di// lkugs pa khru ba la yod pa// byang phyogs nyi ma cung mi 'char// gzhan gyis ma brtses ma mthong ba// 'di ni chig shur nag po yin// de yis hur thums byed par bshad// rgyal po'i chu dang blon po'i bu// rme chu yugs chu btson chu zhes// klu yi khyab bdag gis bshad pa// rgyal po chu bo chen po ste// gang+gA lta bu yin par bshad// de yi mtsho gur gnyan po ni// rgyal khams la yang dbang ba ste// zla ba bdun gyi sar yang ni// 'phrin las nus pas gtad pa yin// blo pon phu chu chen po ste// 'dabs su 'brel pa'i mig yod pas// nyin bdun sa ru sleb pa yin// btson chu rdzing dang khron pa ste// gnyan yang ring po 'gro mi nus// rme chu brag dang chu 'thab yin// mi dri shan dmar 'ong bar bshad// yugs chu lkugs pa snang med yin// zha grum nad dang phol 'bras grub// ces gsungs so// klu'i 'khor lo nag po 'phrin las rdzogs par bshad pa las/ gtad sa'i 'khrul 'khor bstan pa ste le'u bcu dgu pa'o//// de nas yang rdo rje snying pos gsol pa// nag po mgo dgu 'jigs byed che/ khyab bdag ye shes sgrub pa'i mchog/ nA ga'i sku cig yum dang bcas// sngal nag 'khor lo bshad par mdzod// ces gsol pas/ khyab bdag klu yi bdag po yis// nges par bshad pa 'di lta ste// gnyan yod sa ni las rab ste// dben zhing 'du 'dzi med par bya// maN+Dal gru bzhi rgya gcad la// klu yi rdzas kyis byug par bya// klu dang gshin rje gza' bdud la// gtor ma bshams shing dus dus gtang// rgya shog ras dang ka ri ga/ sbal pa dkar nag lte ba ru// a mu ka yi gzugs bris la// klu yi gsang sngags rim pas ni// bskor te khram la gdab par bya// bcugs gzhug skud pas kha sbyar la// ga'u 'brub khung phur pas gdab// rtags dang sbyar la gtad pa tsam/ kha sbyar yi ge phyir bstan la// drag po sngags kyis brab par bya// stong pa nyid las hUM du gyur// yang na yi ge yang zhes bya// de las gyur ba 'chi bdag ni// mgo dgu yab yum nyid du bsgom// bya khyung sngags kyis rang lus bsrung// spyan drangs bskul zhing 'phrin las bcol// dang po 'khor gyis gtso bo bod// gnyis pa bod cing srog snying brdeg/ gsum pa bsad pa'i yang snying gdags// bsnyen pa'i dus su dkar gtor gtang// skabs su klu yi mchod pa bya// klu gnyan sa bdag sprin bzhin du// sdug dang mi sdug cho 'phrul dang// sbrul dang sbal pas gnas khang khebs// grub nas gtad pa man ngag yin// rigs bzhi klu yi gdol pa'am/ khyad par gdol pa dmangs rigs yin// srang skor gtad pa mi 'chor khra// 'chi bdag lto ba gshags pa dang// dus kyi mtshon cha zin par bya// gza' bdud rgyu ba'i dus dang sbyar// thebs dang bzlog dang 'byams dang 'gor// thebs na gtang rag gtang ba dang// log na bden pa bdar ba dang// rang bsung klu la rang gshed dbab// 'gor na gnyan sa mang po ru// gtad dmag drang cing za lam bstan// 'byams na dgug pa shes par bya// dngos dang yid dang sprul pa gsum// rgyu ba'i 'dus su shes par bya// mi ldog pa'i 'brel pa lnga// phyi mig mi lta che mi brjod// dri dang dri chu gtang mi bya// ling ga gser dang sbag pa'am// dur du zhugs pa ming yig dgod// gson gshin lag pa sbrel la gzhag/drag po gza' yi gdong mi bzlog/ nyi zla phang du blang bar bya// klu bdud nyid dang yum dang ni// gza' dang srog bdag bskul bar bya// de nas klu yi bdag pos gsang sngags 'di dag gsungs so// a shaM nag po ti pa tsa/ nA ga kro d+hi shwo ri tri shaM rbad/ bu gu rag sha rbad/ ti pa tsa pa tsa kha la baM sha truM sha mA ra na dzA/ 'di ni srog gi snying po yin// rno myur drag po'i yang snying 'di// brjod cing bzlas pas kun kyang brlag/nges par bdag nyid rgyu 'phel zhing// 'bru dang longs spyod rgyas par 'gyur// nA ga du na du na he li he li nA ga 'dus 'dus ma ya dzA/ bod pa srog gi snying po ste// rtags rnams ma mthong bar dag gam// sngon du brjod par ngas bshad do// nag po ba tsi tsi rgyas/ trag thur snying la thur 'gul myags myags rtsa bzhi bskums shan shan srog la shan thur song swAhA/ gsad pa'i yang snying zhes pa ste// thams cad sgrol bar byed pa yin// zhes gsungs so// klu'i 'khor lo nag po 'phrin las thams cad rdzogs pa las/ sbal nag lto sbyor gyi le'u ste nyi shu pa'o//// de nas yang rdo rje snying pos gsol pa// 'chi bdag klu yi zla gsang ste/ khyab bdag ye shes bstan pa 'dir// klu rnams 'khor bar byed pa la// rab la mi ldog bcu dang gzer// rnam par bshad pa yang dag mdzod// ces gsol pa dang/ klu yi bdag pos nges gsungs pa// bcud dang sngags dang sgrib shing dang// tsha thur 'khor lo ngas bshad do// bcud phur rnam pa lnga yin te// lta ba chos nyid gnyis med don// ti pa tsa dang spyan gcig gnyis// dbyings rig gnyis med bde chen nyid// spros bral chos nyid mun pa'o// gnyen po lha rang gnad de// sbrul sgom sbrul sgrub sbrul rbad ces// bla med ye shes bdag pos bshad// sa shing blang dang bsnyen pa'i dus// dbang du bsdud pa klu yi gnad// bsgrub pa'i dus su zil gyis mnan// las sbyor dus su las la gzud// gtad khar nyams drod sbyar bar bya// zil gyis mnan dang dbang du bsdu// las la gzud pa'i klu bdud bsgom// rten 'brel rdzas ni sbrul lpags la// mtshal gyi yi ge 'bru bzhi bri// rgya shog ka ri ka dag la// gser gyi yum gyi 'bru bzhi bri// sher shing phur pa sor bzhi pa// rtag par lus la bcang bar bya// drag po sngags ni bzhi pa dang// bcu bzhi rang la ldog na bzlas// 'khor lo rtse la klu bdag bskyon// rang gnang shis zhes pa yin// pho nyas klu bdag mi yengs par// las la bskul ba gnad kyi bcud// 'chi bdag yab yum srog gshed dang// gze dang gshin rje la sogs bskul// 'di dag spyi la dgos pa'i gnad// gzer ni rnam pa bzhi yin te// bsnyen pa drod thob rtags la phebs// dus gsum kha 'ching gnad kyi gzer// bsnyen bsgrub 'khor lo thun dag dang// gtad thabs las kyi 'khor lo ste// rten 'brel mtshon cha lta bu ste// rten gcod rten med sbyor ba 'jig/ sbyor ba rdzas kyi gzer du bshad// 'khrul 'khor khang pa bsgrub bya'i gzer// 'chi bdag yum la bskor ba yi// srid gsum grong khyer 'khor lo'i gnad// ting 'dzin phebs pa'i rta yang yin// de bzhin rten pa'i mkhar yin pas// dgongs pa gzer chen bzhi ru bshad// gag ni gsum du yang dag bshad// sgrib shing bcas pa sgro yi gnad// brag bya 'ug pa'i gshog pa g.yas// dang ru btsan dang klu btsan sgrib// brab dmar shar du bltas pa nas// tshes grangs bzhi la blangs na rab// gzhon nu gser mig 'khyil pa ste// sgrib shing dang por ngas bshad do// dug can rma bya'i mdongs de ni// klu yi sgrib shing yin par bshad// 'dre bya srin bya'i gshog pa g.yon// dang ru the'u rang sgrib shing yin// byug pa rdzas ni 'di lta ste// dzA ti gur kum gla rtsi gsum// dpral ba lkog ma snying khar byug/ rdzas gsum lus bsrung go ca'i mchog/ bri ba yi ge 'bru'i gags bshad pas// gser las byas pa'i yi ge ste// b+h+ruM dang kri dang khrom dang mum// 'di dag mi ldog don du bshad// klu'i 'khor lo nag po 'phrin las rdzogs par bshad pa las/ khyab bdag ye shes la bcud dang/gzer dang/ gags bstan pa'i le'u ste nyi shu gcig pa'o//// tsha thur 'khor lo bshad bya ba// dug sna khrag sna dri sbyor ba// drag po rdzas de brgyad khrag bzhi// rtsa ba gcig tu bstan pa yin// 'di ni dug gi 'khor lo ste// tsha ba'i dug ste sha rus 'brel// grang ba'i dug ste dbang po ldeng// rang bzhin dug ste khrag tu skyug/ dri yi dug ste myos su 'jug/ 'di dag rtsa ba bzhi yi dug/ spyir ni dregs pa thams cad sgrol/khyad par nA ga klu yi dug/ phye mar byas te gcig tu sbyar// gsod byed ser po za byed gnag/ ha la dang ni kha dang ra// smyo byed be sha 'o ma can// ra dug re lcag de bzhin no// pad+ma tshed de rme khrag gnyis// mgo ra khyi dang dza la dang// gti mug nag po'i rag ta'o// bcu drug rdzas kyi dug thab 'dis// myos dang brgyal dang khrag tu skyug/ shu rus 'jig pa'i nad kyis 'debs// gdol pa'i klu la drag po'i dug/rmi rta sbrul dang sdig pa dang// sbal ba nya dang sdom dang ni// rma bya dug can sa ma dag/ phye mar byas te gcig tu sbyar// gla rtsi tshil dang gug brgyal pri// shing kun mu zi sgo skya dang// shu dag mu zi lnga sbyar ba// lus la bsten na go cha ste// stong gsum 'dzam gling klu yi grong// thams cad dus gcig bcom yang ni// rang la ldog pa'i nyes pa med// 'di ni gsang ba yang gsang ste// drags na yi dwags 'byung po dang// dug gsum bskyed pa'i gdug pa gsum// thams cad skrag dang rlag pas na// 'di ni ya bag sha ra'o// rten gyi lus la rdzas tshang nas// dregs pa yod pa'i sa bdag dang// gdug pa gnas pa'i sar phyin la/khrag gsum dug gi thod par gzir/ khrag dang dug chu'i ra bas bskor// ma nyes dbang gzugs lha 'dre la// gser skyems bshos bu bden pa bdar// lam bstan rjes gcad dug khrag gtig/ zhag bdun byug dang bdug cing bsdad// ma grub gags sar sbyin sreg bya// zhes gsungs so// klu'i 'khor lo las thams cad rdzogs pa las tsha thur thabs kyi 'khor lo gsang ba'i le'u ste nyi shu gnyis pa'o//// de nas rdo rje snying pos gsol pa// klu rigs bzhi yi lus tshad dang// chu yi brtag pa ji ltar lags// sdig pa nag po'i lus tshad dang// lto 'phye 'khor ba'i 'khrul 'khor gang// zhes gsol pas/klu yi bdag pos bka' stsal pa// klu yi tshad ni nges med pas// lus tshad gzhal ba don med shes// bshad pa yi don de nyid de// sngon ni ri bo ma la ya// gnam lcags thog gi khang pa ru// klu rnams dbang bsdus zil gyis mnan// bstan pa bsrung bar khas blangs pa// rnal 'byor grub pa'i 'dom gyis gcal// gdug pa 'dul ba'i 'chi bdag ste// klu yi rgyal po bcom ldan 'das// de nyid rdo rje 'dzin pa yi// klu yi bdag po rdo rje 'dzin// ya ma lag na rdo rje zhes/ khyab bdag ye shes ngas bshad do// rgyal po bram ze rje'u rigs dang// dmangs dang gdol pa klu rigs lnga// bsod nams khyad par ma lus dang// pho brang grong khyer mdun sa la// 'dom ni bdun bdun rim pas so// rgyal rigs la ni 'dom bdun te// bram ze'i rigs la brkyang khru bdun// rje rigs la ni bskum khru bdun// dmangs rigs dag la mda' bdun yin// lus dang pho brang grong khyer dang// mdun sa la yang de bzhin brtag/ chu yi brtag pa brtan pa ni// klu yi lus la yod pa dang// tsag tsag rtsim rtsim 'bab pa ni// mig gi chu ru bshad pa yin// chu mig lkugs pa lte bag can// sna yi chu ru bshad pa yin// drag por 'bab cing klog klog zer// de ni kha nas 'bab par bshad// gsal ba gdangs pa chu tshar 'bab// snying gi chu ru shes par bya// res 'bab res chung byed pa ni// mtshan ma'i gnas nas 'bab pa yin// klu rigs lnga yi gnas kun nas// 'di dag brtag par yang dag go/ sdig pa nag po gnas pa ni/ khyad par byang dang shar na'o// de yi lus tshad brtag pa ni// gtad sa bcu gnyis grangs su bshad// mi gnas 'dom gang sna yin te// lce nang sa yi dug kyang 'ong// sna nas phar tshur 'dom gang gcal// rna ba 'on dang skran mdze 'ong// sna nas 'dom gang kha yin thun// glen dig lkugs pa 'ong bar bshad/ kha nas 'dom gsum snying kha yin// snying nad sna tshogs 'od pas gtad// snying nas 'dom gsum lto ba yin/ dmu rdzing skran nad 'ong bas gtad// lto nas mdo mdo lte ba la// srid pa'i skye rgyud gcod pas gtad// de nas 'dom gsum chu so la// chu 'gags phol 'bras 'ong bas gtad// chu so dang ni snying kha nas// phar tshur 'dom ni gru gsum na// yan lag gtad pas zha grum 'ong// de nas phyir gzhal 'dom bzhir gtad// dregs dang grub bu mdze 'bras 'ong// mig nas gyen la 'dom bzhir gcal// sbyi rten gtad nas mgo 'khor 'ong// mtshan ma dag nas 'dom bzhi na// rkang rten sa ste 'phye bor 'gro// de ltar gtad sa bcu gnyis la// nad dmigs yang ni re re yod// lto 'phye 'khrul pa'i sa bdag la// nges par lto ru gzhug par bya// rgyab tu song na rang la ngan// mgo la song na bu smad la// mjug ma la ni nor 'bri ste// sbyi gsum shar gnas byang na mgo/ dbyar gsum byang gnas nub na mgo/ ston gsum nub gnas lho na mgo/rgun gsum lho nas shar na mgo kha ni gnas pa'i phyogs su ste// 'chi bdag mche ba g.yas nas 'khor// de la lto ru bcug na ni// thebs par 'gyur te gzhan du min// klu yi 'khor lo nag po 'phrin las thams cad rdzogs pa'i rgyud las/lus tshad chu mig brtag cing lto 'phye rtsa ba'i le'u ste nyi shu gsum pa'o//// de nas rdo rje snying po yis// nyams pa gtad pa'i rim pa dang// dgra gshed drag po ji ltar lags// zhes gsol bas/ khyab bdag ye shes kyis bshad do// gtad pa rnam pa mang gis kyang// mnga' gsol ba dang bskus pa dang// gzer te gtad pa las kyi gcong// gtad lam 'o mas dgra la bstan// gtad dmag gnyan sa mang por sbrel// gtad rjes khram dang dug gis gcad// mi 'bros gnyis par yang ni gzhug/ rus chen dgra gshed bstan pa ni// mnan thod gshed kyi thod par bya// ku de ni phur pa dag la gtad// gshang khams mig dmar nyi ma sre// ji khams pa ni lhag pa la'o// 'u'i khams ni spen pa la// kag ni pa wa sangs la gtad// yang ni rgyal po bram ze dang// rje'u dmangs rigs gdol pa la// shing lcag sa chu me khams gtad// chu mig phyogs bzhir nges pa la// sa rtags kyi ni 'khor rnams brtag/ dkar po ser po nag po dang// sngon po la sogs rnams pa la ni// rgyal po la sogs rigs lnga dang// klu sman sa gsen klu btsan dang// klu bdud klu srin rnams kyi gnas// bcu gnyis lo la zla skeg ni// ston dpyid rab stag spre'u yi// 'bring po bya dang yos bu'i skeg/ dbyar rgun ra ba phag sbrul skeg/dbyar rgun tha chungs glang lug skeg/ dbyar 'bring rgun 'bring rta bya'i skeg/ ston dpyid tha chungs khyi 'brug skeg/ de ltar zla skeg bshad pa yin// gtad pa'i rim pa 'di dag ste// stag dang yos bu rgyal rigs la// rta sbrul gnyis ni bram ze la// bya spre'u gnyis po rje'u rigs la// byi phag gnyis po dmangs la gtad// glang lug khyi 'brug gdol pa la// gtad par klu yi bdag pos bshad// de nas zhag skeg bstan pa ni// tshes gcig bcu gsum nyi shu lnga// byi ba dag gi zhag skeg bo// gnyis dang bcu bzhi nyer drug glang gi skeg/ gsum dang bco lnga nyer bdun stag/ bzhi dang bcu drug nyer brgyad yos// lnga dang bcu bdun nyer dgu 'brug/drug dang bco brgyad nyer bzhi sbrul// bdun dang bcu dgu nyer gcig rta// bco brgyad nyid shu gnyis la lug/ bcu dgu nyi shu gsum la spre'u// bcu dang nyi shu gcig la bya// bcu gnyis nyi shu gsum la khyi// bcu gnyis nyi shu bzhi la phag/ de ni zhag skeg bstan pa ste// za ma bdun brgya nyi shu la// gshin rje bdun brgya nyi shu yi// za res 'bebs pas gshed ma yin// de mtshon bcu gnyis lo yis bstan// skye mched bcu gnyis nyid yin te// pho gshed mo gshed de la 'dod// klu'i 'khor lo nag po 'phrin las thams cad rdzogs par bshad pa las/ gtad pa'i rim pa dang gshin rje dgra gshed kyi le'u ste nyi shu bzhi pa'o//// de nas rdo rje snying pos gsol pa/ sa bdag nag po lto 'phye'i rigs// klu bdud pa'o gcig pa dang// mo rigs lnga ru 'byung ba yi// rang rgyud bsgrub pa gtad pa dag/yang dag rdzogs pas bshad par mdzod// ces pa dang/ klu yi bdag pos nges bshad pa// yag sha 'khor lo nag po dang// nA ga de'i sa gdug pa de gnyis 'tshogs pa'i bu// dam shi phag mig ces bya ba// klu bdud gcig par byung ba yin// de dag rab rgyud bstan pa'o// de yi bsgrub pa bstan pa ni// dang por bsrung ba'i rim pa bshad// rkang pa g.yas pa'i long bu la// gla rtsi dag gi phye ma'o// lag pa g.yon pa'i sor brag tu/khro zhes bya ba bris la gdags// nA ga ge ser bus pa dang// rgya mtsho sbu ba sbrang rtsis sbrul// ri lu rgya yi rwa phul gang// klu yi khy-im nas 'dom brgyad sar// sbas la spra tshil dron mos blan// 'jam gags bsrung ba'i cho ga yin// de nas klu yi bsnyen pa ni// sna tshogs klu yi gtor ma dang// dkar gsum mngar gsum argaM sbreng// klu yi rkyang bu dang dngul chu gsag/ mkha' 'gro'i sgro la sbrid cing bsnyen// de yi rim pa bsgom pa ni// dam shi phag mig ces bya ba// lcags kyi phag mo nag mo zhon// lto 'phye chen po'i mgo bo la// sbrul gyi mjug ma rab tu 'khyil// mi yi lus la lag pa gnyis// sbal pa nag po'i rgyal mtshan dang// sdig pa'i g.yang gzhi 'phyar bar byed/ kha rlangs 'phros pas sbrul du 'khyug/ gzas pa po yi ske la 'khril// ma he dmar po'i steng du bskyon// rlung gis phul te drung gnas pa// mig las spros pa'i sbrul nag gis// gzas pa'i mgo bo khar yang bcug/ zhe sdang sdom gyis mkha' la lding// mtshon dang nad kyi rkyal pa sdebs// de bsgom gsang sngags brjod pa ni// rdzogs nas bsad pa'i sbyor ba brtsam// dar dkar gro ga shing lpags la// a mu ka yi gzugs brnyan bri// yan lag rigs bzhis za bar bya// sbal pa khong stong ga 'ur gzhug/ bar du klu yi nor brgyad de/ kha zas tshig pa'i rus pa dang// rtsa rgyud chad pa'i dmar khrag dang// chu yis 'bras bu kleng gcig dang// yi dwags 'jigs pa'i mchod gnas brgyad// ga'u phyi brgyad dag tu yang/ khyi mo nag mo'i sna khrag dang// cog la dmar po'i khu ba dang// ro bsregs thal ba spyin sbyar byug/ drag por mnan la ras la bri// thod chen bcug la gtad par bya// zhi bar gtad pa shing shun la// mtshal dang tsan dan snyu gus bri// mi skra ra bal khyi bal dang// tsha dang ba glang mkhris pa dang// ske tshe dang ni ram bu'i phye// bsres pa'i sol ba de dag la// ril bya byas la bsad par bya// rdzogs nas sngags pa gos gol te// mgo la mkha' 'gro sgro dag shis// shar lho nub byang phyogs dag gis// gang rung khyim du ga'u gzhug/ nyi zla phang du blang bar bshad// de nas klu'i khyab bdag chen pos gsang sngags 'di dag gsungs so// dza ye phu bi dza ye phu/tsi ti tsi ti phu/ nA ga le phu/ shang ka ru te phu/ ku lu ud ka te phu/ gra he shar ye phu/ sa ma ye phu/ nA ga phu nA ga ra dza phu dza/ bod pa'i sngags su shes par bya// raM yaM khaM gis gtor ma sbyang// dag pa'i bdud rtsi byin gyis brlabs// oM yo ga rA dza a 'bri te/ g+ha g+ha kha kha nA ga pa le nA ga rA dza a nan ta swAhA// dam la gsang sngags 'di yi gdags// tad ya thA/ oM sha sha shu shu ma li pi ki tsa ti ki/ hUM ya hu ya li swAhA/ dam tshig dbang gis 'phrin las mdzad// nA ga hu ya ba ling dum pa che ge mo thun sod/ zud nA ga shig rol+la thib thib/ klu yi dmod pa nag po ste// gdug pa klu yi dug mda' 'di// sa la brjod na kun kyang 'chi// de ni ngan sngags ngo bo ste// bye ba brjod na gdon mi za// 'bum phrag brjod kyang 'chi bar 'gyur/ khri phrag gis kyang sbyor ba rdzogs// ces ni yang dag rdzogs pas bshad// klu yi 'khor lo nag po 'phrin las rdzogs pa las/sa bdag srog gi 'khor lo bstan pa ste le'u nyi shu lnga pa'o//// de nas yang klu yi bdag po yis// sa bdag 'khor lo nag por bshad// yag sha 'khor lo nag po'i bu// mo rigs lnga ru bshad pa ni// rgya mtsho'i gting na rab tu gnas// mi yi gnas su 'khrug byed pa// dam shig phag mo lnga byung ngo// rang nyid bsrung ba'i cho ga ni// rang lus rdo rje snying po che// de la gnas pa'i mkha' lding gnag/ dpral bar rdo rje mchu zhes pa'o// spyi bor khams gsum dbang sdud de// nA ga rag sha rigs kyi gtso/ khrom dang ri dgas lte bas ni// yag lag bcings ba shes par bya// maN+Dal mnyam po yid 'ong la// dri spos chag chag skyang nul bya// 'khor lo rtsibs bzhi dbus drag po// dbus su pad+ma 'dab ma bzhi// rigs dang mthun pa'i sbal pa bzhi/ khong stong dag tu bya bar bshad// gro ga shing shun de dag la// 'khor lo rnam pa lnga bca' ba// dbus su nag po kho na'o// dkar dang ser dang dmar dang ljang// sbrul gyi 'khrul 'khor ling ga'o// sna tshogs sman dang 'o ma la// gtor ma bshams te klu la dbul// dang po bsnyen pa rtags dang sbyar// gtor ma dbul pa'ang de bzhin te// dam la gdags shing sgro la brid// lto 'phye lcags kyi phag mo zhon// sbal nag sdig pa'i rgyal mtshan dang// g.yang gzhi 'phyar ba de bzhin no// snying la klu bdud nag po ste// bsad pa'i lha ni de nyid do// bdag gi mig las sbrul gnyis spro// rbad pa'i dus su de shes bya/ kha rlangs 'phros pas sbrul pa ni// rlung dang ma he bsgom pa ni// dgug pa zhes ni de la bya// rgyal rigs bram ze rje'u rigs dmangs// rigs bzhi kha dog so so ste// phag mo zhon ba de bzhin no// de nas sa bdag srog gi 'khor lo'i gsang sngags 'di dag gsungs so// dam shi ma ma ma hA yag sha na// ga hu ya b+ha ling dung pa dza/ dza dza b+h+yo b+h+yo mA ra ya rbad/ ma ma snying khrag dun ting nA ga hUM ya hUM b+ha ti dung pa dza dza b+h+yo b+h+yo mA ra ya rbad// ma ma ha la dun b+h+yo nA ga hu ya b+ha ling dung pa dza dza b+h+yo b+h+yo mA ra ya rbad/ ma ma yag sha ma mo yag sha rag mo b+ha ling dung pa dza dza b+h+yo b+h+yo mA ra ya rbad/ ma ma yag sha rag sha hu ra hu ra nag mo b+ha ling dung pa dza dza b+h+yo b+h+yo mA ra ya rbad/ zhag grangs gsum du bzlas par bya// nyin ni dgug dang rbad ba'o// mtshan ma bsad pa sha dag go/ nyin mtshan dus ni lnga lnga ste// klu gnyan rgyu dus sngags bzlas so// mi skra ra bal khyi bal dang// bya rgod sbal ba'i sha dag dang// tsha ba ba glang mkhris pa dang// ske tshe dang ni raM bu phye// bsres pa'i sol ba de dag la// ri lu byas la dmod pas gdab// nA ga hu yang b+ha ling dung pa che ge mo thun sod/ nA ga shig ro la thib thib// de dag rdzogs dang ga 'u ru// sbal par ming bcug skud pas sbrel// ga'u phyi rgyab rdzas dgod kyi// tshas kyis ma thems par bya zhes bshad// de nas gang rung khyim du yang// ril bu thim nas ga 'ur gzhug/ myur du rlag par nges bshad do// klu'i 'khor lo nag po 'phrin las thams cad rdzogs pa las/sa bdag srog gi 'khor lo le'u ste nyi shu drug pa'o//// de nas rdo rje snying pos// klu yi bdag po la gsol pa/ khyab bdag ye shes klu yi rgyal// nges par klu yi gsang rgyud 'di// rtsa ba'i sgrub pa bshad kyis kyang// yan lag bsgrub pa bshad par mdzod// ces gsol pas/ klu yi bdag pos nges gsungs pa// dang po zas su gtad pa ni// ras sam gro ga shing la lo// sbal pa dkar nag lto ba ru// ba dmar ra dkar 'o ma dang// mdzo yi 'o ma mngar gsum dang// rtsi sman sna tshogs sbyar byas la// dmigs pa'i gzugs bri dri chen byug/ tha ma sngags kyi rim pas bskor// de nas gnyan ra'i sa'am ni// yang na snum pa'i sa dag ni// sbrul nag khong stong legs par bya// de nas 'chi bdag nag por dmigs// zhag grangs gsum du sngags bzlas la// pho brang mnga' gsol gter du gtad// nyi zla sa 'og song na gtad// sa bdag klu gnyan mang po yis// zas su mthong nas myur du za// nA ga rag sha bsgom bya zhes// ting 'dzin rim pas zas su gtad// myur du rlag par ngas bshad do// de yi ngan sngags ngo bo ni// nges pa kho na 'di lta ste// oM nag po ti pa tsa ya nA ga rag sha che ge mo he ku la/ phe shan nag po shig shig chuM chuM hu ya hu ya/ klu nag po mgo dgu pa dgra bo che ge mo zung zung chings chings nA ga du nA ga 'du/he li 'dus 'dus/ nA ga po tsi tsi tsi rgyas trag thur snying la 'gul myags myags/ rtsa bzhi bskums/ shan shan srog la shan thur thur sod/ nA ga gung ling/ snying la 'dus 'dus snying khrag baM mo ru la/snying la 'dus 'dus/ sa ma ya nA ga ken tse snying la 'dus 'dus nA ga du nA ga du nri snying la 'dus 'dus nri long nri long sa ma ya daM daM dzA/ nA ga rag sha dgra bo kha kha khA hi/ hril gyis dril te gtad pa yang/ klu yi khyim du yang dag go/ klu'i 'khor lo nag po 'phrin las thams cad rdzogs pa las/ dgra klu la zas skal du gtad pa'i le'u ste nyi shu bdun pa'o//// de nas klu'i rigs kyi bdag pos/klu yi rgyal po che log rag sha la/ dgra bo'i dgra skal du gtad pa 'di gsungs so// mu su ra yi rigs kyi ste// 'byung ba lnga yi gshed kyang brtsi// thod pa nang du 'khrul 'khor bca'// rgya shog ras sam ka ri ka/cha gnyis byas la 'chi bdag dang// dgra yi lto sbyar ling ga bya// tha ma sngags kyis bskor bar bya// ling ga mtshon cha'i so dang khrag/ lbab rgod drag po'i rdzas la bya// 'byung ba gnyan po klu yi bdag/shes na yang dag sgrol bar byed// bdag nyid nA ga rag sha ste// thugs las dza las 'phros pa ni// chu srin 'bar ba klu yi gdug/ lag nag sod byed gri gug 'dzin// de la dgra bo dgra ru blta// bcugs 'dzugs sngags ni bri dang bzlas// sbyor ba rdzogs par gyur pa dang// byang phyogs shin tu mngags pa yis// rme chu shan dmar btsan gnas sa// 'di ni khyad par gnas mchog yin// der ni bcugs sngags bzlas shing rta// jag dang tsa ra she dag dang// raM 'da' khu bzlog dmag 'dren no// grogs su shu bor ga sha ste// skabs su 'phrin las bcol dang rbad// klu dang btsan gyi dgra bo de// bskal pa'i mtha' yang mi gtong zhes/khyab bdag klu yi rigs kyis bshad// de nas klu'i rigs kyi bdag pos gsang sngags 'di dag bshad do// oM nag po ti pa tsa ya/ nA ga rag sha che ge mo he chu la/ phe shan phos phos shig shig hu ya hu ya klu nag po nA ga rA dza dgra bo'i srog la brang shag hri myags rbad/tsit+ta zung rbad/ tsa khrag zad/ khaM raM khaM raM snying tig tsa tig khrag tig rbad/ ces ni stong phrag gsum du bzlas// zhes ni khyab bdag chen pos bshad// a mu ka 'di yis klu yi rgyal po'i 'khor dang bcas pa'i gnas phrog go/ 'di ni khyod la do sngo'o/ khas che'o// lag ring ngo// 'di ni khyod la sko long gsol bar gda' 'o// 'di zo zhig/ gtogs shig/ lus la nad dang mtshon gyi char phob cig/ klu dang btsan rnams kyi sku'i dgra 'di yin no// myur du bla rten srog rtsa chod cig/ ces ni gcug sngags 'di dag ste// stong grangs bar du bzlas par bshad// klu'i 'khor lo nag po 'phrin las thams cad rdzogs par bshad pa las/ dgra skal du gtad pa'i le'u ste nyi shu brgyad pa'o//// de nas yang klu'i rigs kyi bdag pos/ klu mo gdol pa can la dgra bo gtad pa 'di gsungs so// a mu ka yi rdzas drug dang// dung dang mtshal dmar shu dag dri// rtsi sman rnams kyis ling ga bya// nA ga mo dang lto sbyar bya// rgyab tu sa bdag nag mo ste// g.yas su gnyan mo snying 'byin ma// g.yon klu mo lto 'gro ma// mkha' bzhi 'byung ba bzhi yi dug/ nyams pa'i dgra la de bzhin gtong// ling ga gzugs dril skud pas bsdams// sbal pa khong stong du gzhug/de yi gtad sa des pa ni// lho nub mtshams kyi chu mig ni// gnag cing ste bag nyams mi dga'// brag dang shing 'ga' yod pa dang// 'jigs shing skyi bung byed pas na// byang phyogs 'dom gang khyim nas bcal// de ru gtad na ya bag sha/ yang na byang nub mtshams su ste// sa bsen khrag 'o dgra la gtad// dus ni nyi zla'i rjes zhes te// gdol pa'i dus ni mtshon cha bzhin// myur du gcod par klu yis bshad// de yi ngan sngags ngo bo ni// nA ga du nA ga du/ he li he li/ nA ga 'dus 'dus/ oM nA ga kro d+hi shwa ri nA ga rag mo he ku la phos phos shig shig hu ya hu ya klu nag mo ha zhen hu zhen nA ga zhen nA ga zhen pu me zhen pu me zhe na/sa khrag zhen/ dbugs la thums thum swAhA/ stong phrag gsum las grangs mi mang// de ni dug gi yi ge ste// rnal 'byor rang la klu srin 'du// de phyir myur du gtad par bshad// klu'i 'khor lo 'phrin las rdzogs pa las/grogs su gtad pa'i le'u ste nyi shu dgu pa'o//// de nas rdo rje snying pos/ rigs kyi bdag po la gsol pa// yan lag sbyor ba de ltar na// rigs bzhi klu yi 'chi bdag gis// las kyi rim pa bshad par mdzod// de nas klu'i bdag pos gsungs pa// nA ga rag sha zhes bya ba// klu yi rang gnad 'khor lo bshad// dam tshig klu yi mchad pa dag/ dug mda' rang la ldog pa'am// sa lam sa bsrung bde nyid de// rang sems bde ba'i sa phyogs su// nA ga klu yi 'khor lo ni// chos kyi 'khor lo'i dbus gnas par// 'khor lo rtsibs bzhi mu khyud ldan// 'khor lo rdzogs pa rigs bzhi ste// gnas nas srid pa sbub pa dang// gnyan po bsgrub pa yang dag go/ rtsibs la rigs bzhi'i klu bdun brgyad// thur bzhin gnas pa kha dog rigs// dbus su rigs kyi rgyal po ste/ kha dog kri sna tsa ma ri// dbu dang phyag zhabs gdug par ldan// sbrul dang nad kyi rkyal pa bsnams// 'od zer 'phro zhing brjid par ldan// snying la ye shes sems dpa' bzhugs// sngags kyi 'phreng ba 'gal me'i tshul// 'bru bzhi ye shes yig 'bru la'o// mu khyud 'khor lo bcu bzhi sngags// spro ba gnyis pa yin par 'dod// rigs kyi klu ni grub pa dang// bsad pa dang ni mnan pa kun// 'khor lo de yis shes par bya// bsnyen pa'i 'phreng ba nyid dang mtshan// 'bru bzhi pa dang bcu bzhi pa// de dus gu gul sbrul sha bsreg/ 'phrin las yang yang bskul bar bya// bsad dang rang log bsrung ba ste// sngags kyi sbyor ba gnyis su bshad// oM nag po ti tsa yA nA ga rag sha/ oM phel laM hUM/ bsnyen pa'i 'phreng ba 'di dag go/ nA ga po ti pa tsa ya nA ga rag sha/ nA ga srog la hril phur hur thums dza rbad/ nA ga hal yaM thun gzir bring shag mA ra ya khaM shag rbad/bsad pa'i 'phreng ba gnyis par bshad// rigs ni nges par bsdus pa'am// yang na rigs bzhi gang dag gi/ 'khor los nA ga 'joms par byed// ces ni klu yi bdag pos bshad// klu'i 'khor lo nag po 'phrin las thams cad rdzogs pa las/nA ga rag sha'i le'u ste sum cu pa'o//// de nas yang klu'i bdag pos nA ga rag sha sa yam dug mda' bsrung ba 'di gsungs so// dang po zhi ba'i cho ga yis// klu chen brgyad la sogs pa dang// mchod cing 'phrin las bcol bar bshad// de nas byad dgrol dug dbyung bya// nad bsdu ba'i 'phrin las bya// rigs bzhi gdol ba la sogs pa// 'jug pa nges par brtag pa dang// sa chu me rlung 'byung ba'i dug/ so so sngags kyis bsdu dang dbyung// hUM/ rgya rigs rje'u rigs bram ze dang// gdol ba la sogs sna tshogs dug/ rlung dang bad kan mkhris ba khrag/ 'dus pa sna tshogs ldan pa ste// sa chu me rlung 'byung ba'i dug/ rang rang gnas su da sdus shig/ dbyig dug sbrul dang mche ba'i dug/ so so'i dug rnams drag po kun// so sor rang rang gnas su bsdus// raM yaM khaM laM tsam ri phyung// de nas nad dang dug dbyung ba// rgyal rigs rje'u rigs bram ze'i rigs// dmangs dang gdol pa la sogs pa'i// zhe sdang drag po'i dug mda' phyung// rgyal rigs klu yi dug phyung zhig/ rje dang dmangs dang gdol pa dang// bram ze rnams kyi dug phyung zhig/ mche ba'i rtse gsum mig dug dang// sbrul dang dbyig dug la sogs pa'i// sa chu me las gyur pa yis// lci zhing 'thibs pa'i dug phyung zhig/ tsha zhing bsreg dang grang zhing 'dar// yang zhing g.yo ba'i dug phyung zhig/ rlung mkhris bad kan 'dus pa dang// ldan par gyur pa'i dug phyung zhig/ dug mda' dbyung ba'i las su bshad// klu dang gnyan dang sa bdag dang// 'jig rten dregs shing sdug pa'i tshogs// dug gsum las byung sa bdag dang// byol song glen pa mthu can gyis// byad dang dug mda' dgrol du gsol// rma bya mtshar bu bal po se'u// de dag byab cing 'o mas dkrug/de nas sman gyis gso ba ni// gang gnod pa yi phyogs su gtang// de nas dug gi gnyen po ru// dug chen na ga rag sha bsgoms// sems dpa'i yig 'bru gsal ba la// bsnyen pa'i 'phreng ba yang dag bsgor// gtan par dran pa mi yengs par// bsam gtan de la gnas par bya// mthar ni 'byung ba'i 'khrul 'khor gyis// sa chu me rlung 'byung ba'i dug/ myur du 'joms par yang dag ste// bsnyen pa rgyun gyi 'khor lo yin// mtha' sdud cung zad tsam du bshad// yang na bsnyen bsgrub nyid dang mtshan// bsnyen pa'i 'khor lo nyin bzhin la// bsgrub pa rgyun gyi mtshan mo ste// bsad pa'i las sngags gdags pa dang// dgug pa la sogs skabs kyis sbyar// bsgrub pa rgyun gyis bsrung bar bshad// yang na bsnyen bsgrub nyin mtshan mthar// las kyi thod pa gshags pa la// 'chi bdag zhal dbye 'khor lo bri// bsad pa'i 'khor lo 'byung bzhi lding// thun 'khor 'khor los rim pas brdeg/ bsad pa thun sngags dril bas brdeg/ rdzogs dang 'khor lo mnan pa bya// thod pa de nyid gsang ba yi// rta gags yin par rang gi phyogs// dkyil 'khor 'og tu gnas par bya// de nas klu'i bdag pos 'byung ba rang gnad kyi yi ge 'di gsungs so// oM nag po ti pa tsa ya nA ga rag sha raM yaM khaM laM/ tsa ma ri phyung nA ga phu ma ra ya oM phe laM hUM/mgo 'dren 'byung ba yang snying dril// rigs kyi tshad ma nges nad byed// oM nag po ti pa tsa ya nA ga rag sha sa nA ga ha la tsa ma ri sarba du nan 'drid phyung// dug dbyung sngags dang rma byas byab// sa nA ga tri sarba du yaM b+h+yo/byad dgrol sngags kyis 'o mar blug/ de nas rang lus bkru ba dang// bsrung dang byug pa bya bar bshad// klu'i 'khor lo nag po 'phrin las thams cad rdzogs pa las/ bsrung ba nA ga ra sha'i le'u ste so gcig pa'o//// de nas yang klu'i bdag po yis// nA ga ru tra klu yi bdud// bsad pa'i sbyor ba 'di dag gsungs// nag po gdug pa'i sa bdag ste// brag dang rtsi shing tshal yang nags// dben zhing g.ya' ri klu bdud gnas// phung sa gsum la 'brub khung bya// rtsang mar bdun ni bsnol te gzugs// sdig pa nag po'i lto ba ru// mu khyud rim pa gsum du bya// gru gsum dang ni rgya gram ldan// rtsa ba 'byung ba spu gri'i sngags// bskod la thod chen ga 'ur gzhug/ nyungs kar nyungs nag ske tshe dang/ khrag dug zangs lcags phye mas brdeg/ bdag nyid stong pa nyid las ni// sbrul nag mgo dgu ti pa tsa// ral pa kham nag tsha tsha 'phro// sbrul zhags g.yas la gri gug g.yon// snying la dza spros dgra bo yi// snying khar nri gnas sdig pa za// rnam shes brgyad ni mgo yis gcod// sdig pa nag po mgo dgu zhes bya ba/bsgom bskul sngags bzlas rgyun du bya// rdzogs na byang shar gdol par gtad// de yi drag sngags ngo bo ni// nges pa kho na 'di nyid do// oM nag po ti pa tsa ya nA ga rag sha che ge he ku la phe shan nag pa thos thos shig shig chuM chuM hu ya klu nag po mgo dgu pa// dgra bo'i srog la rtsa khrag snying thum ril raM shag rbad/ nri hur thums dza/ laM snying la dza thur sod/ raM rtsa khrag srog tig rbad/ khaM rtsa khrag myal ti rbad/ ya ma srog la breng shag rbad/ drag po mchog gi sngags yin te// klu yi snying tig nag po 'di// spu gri me dpal lta bu ni// klu yi ye shes bdag pos bshad// 'khor lo bdun sbrag chen po dang// nges par brdeg na tshan che zhes/khyab bdag klu yi bdag pos bshad// klu'i 'khor lo nag po 'phrin las thams cad rdzogs pa las/ nA ga ru tra rang gshed spu gri rno dbal gyi le'u ste so gnyis pa'o//// de nas klu yi bdag po yis// nA ga yag sha gnod sbyin che// yid bzhin nor bu'i las dag gsungs// dben pa'i gnas su maN+Dal bya// byams dang snying rje ldan pa yis// mchod sbyin rgyu phyir nor bu bsgrub// rin chen rgyan ldan nor bu bsgrub// sa dang bcas pa rin chen brdar// dri spos ldan pas maN+Dal// me tog rgyan mdzes tshom bu dgod// rin chen zur brgyad maN+Dal bya// dbus kyi pho brang zlum po la/ rin po che la snum pa'i sa// ti pa tsa yi sku gzugs bya// phyag ni brgyad ni rin chen dang// ne'u le'i rkyal pa bsnams pa ste// nor dang rdzas kyis mdzes pa yis// lha brgyad pas ni yang dag ldan// nang du gang 'dod rdzas kyis dgang// mdzes pa'i rgya nag dgas gdugs kyang dbub// rgya mtsho'i dbus na bzhugs su gsol// de la bskyed dang spyan drang bstim// dngos grub 'dod par gsol ba gdab// mchod pa'i bye brag sna tshogs dbul// mdun du rin chen gu'u ru// sna tshogs gang 'dod rdzas kyis dgang// mdzes chen brgyad la gnas pa ni// nor rgyas dung skyong pad+ma dang// chu lha'i gzugs ma yi ge go/ mtha' yas dang ni 'jog po dang// stobs kyi rgyu dang rigs ldan rnams// rim pas bkod la gsol ba gdab// rin po che dang 'bru sna yis// ga 'u re dang gtor ma re// yang na gcig tu dril zhes bshad// sngags kyi bsnyen pa bdun 'bum mam/ khri phrag bdun nam stong phrag bdun// 'grub 'gyur 'di la the tshom med// gtso bo'i bsnyen pa brgya bar du// klu chen 'khor gyi sngags kyang gdags// nor bu rdzas kyis ga 'u 'phel// rmi ltas bzang po yang ni 'byung// mchod pa rnams ni yang dag mchod// gang bsams pa la the tshom med// de nas klu'i bdag pos rin po chen 'phreng ba'i sngags 'di dag gsungs so// oM nag po ti pa tsa ya/ nA ga rag sha yag sha nA ga ra dza sa ma ya/ku ru nA ga le chum sa ra da na ge pash+ta sid+hi sid+hi brag shags sdur khram swAhA/ 'di dag gsang sngags 'phreng ba ste// yid bzhin nor bu lta bur bshad// oM nA po ti pa tsa ya nA ga yag sha rad na sid+hi hUM/sid+d+hi phA la hring hring// hUM hUM/ zhes ni skabs su bzlas pa yin/ oM ba su ki sid+d+hi phA la swAhA// oM ma su ki sid+d+hi phA la swAhA/ oM shang ka pa la sid+d+hi pha la swAhA/ oM ba ru na sid+d+hi phA la swAhA/oM a nan ta sid+d+hi pha la swAhA/ oM ka ri sid+d+hi phA la swAhA/ oM ka ra ko ta sid+d+hi pha la swAhA/ oM ku li ka sid+d+ha pha la swAhA/ brgya'am bcu bcu bzlas par bya// skabs su gtor ma sngags kyis dbul// des ni bla med nor rdzas dang// glang po rta dang ba glang dang// longs spyod rnam pa sna tshogs dang// tshe dang bsod nams rgyas pa dang// rigs dang rgyud 'phel grags pa thob// ces ni klu yi rgyal pos bshad// klu'i 'khor lo nag po 'phrin las rdzogs pa las/gnod sbyin rin po che 'bar ba'i le'u ste so gsum pa'o//// de nas klu'i bdag pos gza' rgod 'chi bdag gi las 'di gsungs so// gcan gzan mgo'am thod chen du/ khyi ra rta yi khrag dang ni// nag po yin zhes yang dag bshad// dug dang 'bru sna sngo sna dang// gri dgod khrag dang nyungs kar bsre// grub dang rtags 'byung rta gzhug pa// sbal pa'i gsob tu gong rdzas blug/ yul dbus gdug pa'i pho brang gzhug/dgongs ka sa sos dmar thag dbab// bco lnga dgu gsum bzhi dag la// sbyor ba rdzogs nas khyab ron 'bab// rta yis 'bab par ma gyur na// zor gyis lam drang ma nyes dbang// dus tshod gnyan po byung ba la// dmar lam breng zhing 'od pa bskor// gal te dkar na mdze thod du/ khrag gsum rdzas kyi thun blug la// ser srun yul ming 'bru sna sngo// blugs la skyed bu sbrul gyi khar// thabs bskol drag por 'bab par bshad// de yi drag sngags 'di yin te// oM nag po ti pa tsa ya na ga rag sha ra hu la he khu la phe shan phroM phroM hril hril shar shar/ nag po mgo dgu pa dgra bo'i lo tog ma ra ya hUM phaT/ sa nA ga srog gzir tri gnan/raM shag yaM pho ba hril phroM b+h+yo/ nag po ti pa tsa 'ur 'ur khaM khaM yaM yaM drag tu phob/ oM nA ga rag sha nag po ti pa tsa ya/ badzra mi ta sa ma ni dza/ nA ga krugs krugs ma ma sri sod drag por phos phob/ nA ma sa man ti bing bing hUM phaT/badzra kI li kI li ya/ mi li mi li tsan d+he ban d+ha ya hUM phaT/ kA la ru pa chags chags da daM/ mA ra ya tsit+ta dza la ya/ che ge mo'i lo tog ma ra ya phaT rbad/ drag po sngags kyi btsan thabs te// dus tshod nyi ma gnag pa'i grogs// chu rgod rkyin thang nges par 'bab// ces ni klu yi bdag pos bshad// klu'i 'khor lo 'phrin las rdzogs pa las/ gza' rgod 'chi bdag gi las kyi le'u ste so bzhi pa'o//// klu yi bdag po khyab bdag gtso// yan lag sbyor ba de ltar na// rigs pa'i rgyal po 'chi bdag rje// dbyings nas spyan drangs mchod pa dang// 'phrin las bcol phyir bshad par mdzod// ces pa dang/ de nas klu yi rigs bdag pos// 'chi bdag nag po bskul ba'i rim pa bshad do// bskal ba sbrul nag 'khyil ba'i dkyil 'khor nas// rig pa'i rgyal po 'chi bdag mgo dgu p a// bdud kyi bdud cig 'chi bdag klu yi bdud// 'gro ba mi yi bdud du khyod pas lhag pa med// mi bzad yun gyi lhar yang khyod mchod na// rgyab rten dpung gnyen 'chi bdag khyod kyis mdzod// gru gsum thing nag 'bar ba'i dkyil 'khor 'dir// mthun pa'i dam rdzas bdud rtsi 'di gsol la// dam nyams 'khor dang bcas pa rnams// rtsa ba dgu rgyud rlung la bskur la thong// nyams pa 'di dag mdze dang lhog pa thong// sku ni ri rab ngos la brten// dbu ni bar snang khams su 'phyo// sngags pas dung dung bos pa'i tshe// skad ni mi mthun 'bru tu sgrogs/ khams gsum klu rnams dbang du sdud// sdang pa'i dgra la mdze dang lhog pa thong// sbrul nag 'bar ba'i ral pa la// mdze dang shu ba'i tsha tsha 'phro// i la sha yi sgra bsgrags pas/ khams gsum ma lus mdze dang shu bas 'gengs// nyes pa 'di la mdze dang lhog pa thong// mig nas khrag gi bu yug 'bebs// zhal nas me yi rlangs pa 'thong// srid gsum klu la mnga' mdzod la// nyams pa 'di la mdze dang lhog pa thong// sngags pa bdag gis bos pa'i tshe// phyag na nad kyi rkyal pa thogs// g.yas pa brgya ni sbrul gyi zhags pa thogs// klu chen brgyad ni thugs kyi dkyil nas 'char// klu bran stong ni zhabs kyi 'og nas 'dul// klu bdud stong ni sku yi g.yas nas rgyu// sa bdag stong ni sku yi g.yon nas rgyu// klu btsan stong ni sku yi g.yon nas rgyu// gang dag lha klu stong la dbang sgyur ba// stong gsum dgra bo kun la mdze dang shu bas khong// de nas yang yum bskul ba/ b+h+yo/ de dang gnyis med sbyor ba'i yum// bud med lus la sbrul gyi mjug ma can// ral pa sbrul nag mdze dang shu bar 'phro// mi gnas khrag gi bu yug zu lu lu// sna nas nad kyi rlangs pa byin// zhal nas sbrul dang sbal pa nag po'i cho 'phrul 'gyed// g.yas pa sbrul zhags thogs nas gtso la 'khyud// g.yon pa mdze shu'i rkyal pa phyogs bzhir 'thor// gzas pa'i sha khrag brabs nas gtso la stob// bzhugs ni rgya mtsho'i gtig du bzhugs// rgyu ni bar snang khams su rgyu// klu bran stong ni sku la brgyan// klu chen brgyad dang sbyor ba mdzad// sa bdag stong ni pho nye 'gyed// zha bo stong ni thugs la 'char// klu skam stong ni mnan gzir byed// bdud kyi bdud cig 'gro ba ma yi bdud// 'gro ba'i bdud du khyod bas lhag pa med// gru gsum mthing nag 'bar ba'i dkyil 'khor 'dir// bdud rtsi dkar ru'i dam rdzas 'di gsol la// pho cig yin na khram la thog/mo cig yin na nad kyis thob// skur cig rtsa ba rlung la skur// yang na smyo zhing 'bog tu chug/ yang na mdze dang shu ba thong// de nas srog gshed bskul ba ni// klu bdud yab yum bka' 'khor nas// bdud kyi rgyal po bgegs kyi glang bo ni// chibs su chu glang nag po chibs// sku smad sbrul gyi phung po la// sku stod glang gi mgo bo can/ khrag dang zhag gi ral pa la// sbrul nag brtsegs pa'i thod gdengs can// mig nas klu yi cho 'phrul 'gyed// sdang ba'i dgra la mdze dang lhog pa thong// mche ba zangs yag gtsig pa las// 'dzam bu'i gling bzhi nyal thag gcod/ khyod kyi chibs kyi snga long la// klu bdud stong ni gnas bcas shing// dgra la lhog pa pho log thong// mi cig po la lag brgya po// g.yas pa brgya na khram bam thogs// g.yon pa brgya na zhags pa thogs// zhags pas zung zhing khram la thob// gzugs kyi phung po ma yin par// don snying rnam lnga phrol la shog/ de yi bka' 'khor pho nya ni// klu bdud nag po 'dzum med ni// sku ni sbrul nag 'khyil pa la// mi mgo stong gi 'phreng ba can// dbu ni rngam byed seng ge'i gdong// sbrul nag stong gi gdengs ka la/ khram bam stong gi gos zu can// mig nas bdud kyi sprul pa 'gyed// dgra bgegs ma lus cham la 'bebs// zhal nas rlung nag tshub mar 'byung// klu srin 'bum sde'i gnas bcas shing// dgra bo 'phye bo grum bur thong/ khyod kyi mthu rtsal dus la bab// bstan pa bsrung ba'i dus la bab// mi cig po la lag brgya po// g.yas pa brgya na khram bam thogs// g.yon pa brgya na zhags pa thogs// zhags pas zung la khram la thob// dgra bo ma lus khram la 'debs// spyan mig dmar po nyi mas 'tsher// rgya mtsho gling dgu skol zhing snyog/ dgra bo kun gyi snying nas 'dren// spyan mig g.yon pa khrag tu 'dzag/klu bdud 'bum sde'i gnas bcas shing// sa bdag gnyan gyi dmag dpung bsdud// de yi bka' 'khor pho nya ni// bdud kyi rgyal po sbrul gyi rgyu ma can// sku smad sbrul nag 'khyil ba la// sku stod ba glang dmar po'i mgo/sbrul nag stong gi ral pa can// klu bdud stong gi gnas bcas shing// dgra la mdze dang grum bu thong// mi gcig po la lag brgya po// g.yas pa brgya na khram bam thogs// g.yon pa brgya na mi ro'i zhags pa thogs// nyin bzhin rgya mtsho'i gting du bzhugs// mtshan bzhin ri rab rtse la gnas// spyan mi dmar po gzigs pa yis// 'dzam bu gling bzhir mi nad 'bebs// sdang ba'i dgra bo nyal thag gcod// zhags pas zung la khram la thob// ces gsungs so// klu'i 'khor lo 'phrin las rdzogs pa las/ sbrul nag mgo dgu pa yab yum srog gshed dang bcas pa bskul ba'i le'u ste so lnga pa'o//// de nas klu'i bdag pos sdig pa phung shig nag po bskul ba 'di gsungs so// dang po klu bdud sngags 'dis bod// oM nA ga du nA ga sha du/ he li he li nA ga 'dus 'dus sa ma ya dza/bskul ba'i rim pa 'di dag go/ hUM/ rgya mtsho chen po'i gting rum nas// 'chi bdag nag po mgo dgu pa// sbrul nag lus la sdig pa'i dbu// phung shig sbrul gyi ral pa can// nag po 'dzin shes gtong mi shes// sngags pas dung dung bos pa'i tshe// skad ni lhang lhang rtser rtser 'bod// 'khor gyi klu rnams dmag dpung sdud// spyan nas khrag gi char pa 'bebs// g.yas na sbrul nag zhags pa bsnams// nyams pa dgra bo'i mgul la 'debs// g.yon pa nad kyi rkyal ba thogs// nad dang mdze rigs yams su 'bebs// shangs nas rlung nag 'tshub ma ldang// 'jig rten khams kun nad kyis 'bebs// zhal nas gdug pa'i nga ro yis// 'jig rten klu rnams las la 'khol// klu bdun nag po 'jigs pa'i sku// nag po sku yi g.yas phyogs nas// sdig pa smug nag chen po la// rwa bgrad tshangs pa'i 'jig rten 'gengs// phung shig dug gi sdig pa yin// pho nyar sdig pa smug nag 'gyed// nag po sku yi g.yon phyogs na// sdig pa kham nag 'jigs pa 'gyed// sa 'og rim dgu rlog byed cing// sa bdag klu yi pho nya 'gyed// rbad na dgra bo'i yul mkhar 'jig/nag po sa tom rgyal bas bya// nag po sku yi rgyab phyogs nas/ khrag gi sdig pa dmar po la// gse yi ru rings gnam du sleb// pho nyar klu glang dmar po 'gyed// klu btsan 'bum la dbang sgyur ba// nyams pa'i dgra la mdze rgod glo bur thong// nag po sku yi mdun phyogs na// gser gyi sdig pa 'jigs pa la// dung ru gnam du zangs se zangs// pho nyar dung phag khram mo 'gyed// sa bdag nag po'i dmag dpung sdud// sdig pa phung shig sku bzhengs shig/ nag po 'dzin shes gtong mi shes// yun gyi lhar yang khyod mchod na// nag po 'khor dang bcas pa rnams// gru gsum mthing nag 'bar ba'i gzhal yas su// dam rdzas bdud rtsi 'bar ba 'di dgongs la// dam nyams dgra bo 'khor dang bcas pa rnams// rtsa ba rlung la bskur la thong// yang na myos shing lkugs su chugs// yang na mdze dang shu ba thong// sa bdag gnyan gyi dmag drongs la// rtsa ba dgu rgyud chod la shog/ ces ni 'jigs byed klu dag gis// 'chi bdag bskul bar ngas bshad do// klu'i 'khor lo nag po 'phrin las rdzogs par bshad pa las/sdig pa nag po phung shig gi le'u ste so drug pa'o//// de nas klu yi khyab bdag gis// mchod pa'i bye brag mang po kun// ye shes klu yi tshogs la dbul// gtor ma dkar dang mngar dang ni// rtsi sman 'o ma sha dang khrag/ sha dang nya dang sbrul sbal sogs// rim pas klu la dbul bar bya// dang po 'chi bdag bsnyen pa'i dus// yid tsam dkar la brten te bsgrub// de nas dmar la dbab bar bya// gtor snod rin chen gtos mnyam par// a las bdud rtsi'i ngo bo de// dang po yaM khaM gis sbyang/ thams cad byin gyis brlab par bya// oM a ka ro mu khaM sarba d+harma NaM Ad+ya nud pan nad twa ta swAhA/ bka' yi gtor ma 'di dag ni// 'chi bdag shin rje klu yi tshogs// yongs la khyab pa'i bdud rtsi 'bul// oM kri sna ra tsa b+ha ling gri ha na swAhA/ gtor ma sngags 'dis sbyin par bya// argaM bdug pa me tog dang// mar me dri chab zhal zas sgra// mchod pa ji snyed yod pa de// 'chi bdag klu yi tshogs la 'bul// bstan pa bsrung phyir bzhes su gsol// oM nag po ti pa tsa ya nA ga rA dza/ d+hU pa pU tsa rme/ puSh+pa pu tsa me/ g+han d+he pu tsa me/ ne be te pU tsa med/ g+hir ti pU tsa me swAhA/ rigs bzhi la sogs klu rnams la// gtor ma dkar la bzhi blangs la// dbul ba'i rim pa shes par bya// ces ni khyab bdag ye shes bshad// klu'i 'khor lo nag po las mchod pa'i rim pa'i le'u ste so bdun pa'o//// de nas rdo rje snying pos/ klu yi bdag po la 'di skad ces gsol to/ khyab bdag ye shes ngo bo khyod// klu yi bdag po bsgrub ba yis// dbang dang dam tshig bshad par mdzod// ces gsol pas/ klu'i bdag pos klu sgrub pa'i dbang nges par bshad do// shin tu dben pa'i sa phyogs ni// bkra shis nyams dpa'i gnas dag tu// maN+Dal byas la me tog dgram// rin po che yi bum pa la/ kha rgyan mgul chings ldan par bya// sna tshogs dri dang rin po che// 'bru dang snying po bcud kyis brgyan// snying po yi ge phe lngas mtshan/ kha rgyan rin chen kun gyis brgyan// sha las kyi bum par chu yis dgang// gtor ma lnga dang yang na gcig/ mchod pa'i rdzas kun 'tshogs pa dang// slob mas nor rdzas yon bteg la// ho/ khyab bdag ye shes 'jam dpal gyis// lhun gyis grub pa'i dkyil 'khor du// bdag cag 'jug par 'tshal lags kyis// thugs rjes yongs su gzung bar mdzod// de skad ces ni gsol ba gdab// de la lan du gdab pa ni// rigs kyi bdag po'i dkyil 'khor du// 'jug par 'dod pa'i bu khyod nyon// lam rnams rim par bgrod pa la// bla med theg chen 'bras bu 'byung// mngon spyod las kyis sangs rgyas kyis// bstan pa dam pa bsrung ba'i phyir// 'jam dpal sku yi dkyil 'khor na// dbyings dang byang sems sprul pa yi// sku yi tshogs kun gnas pa yin// 'jigs med zhum med dad pa yis// dkyil 'khor 'di la 'jug nus sam// slob mas 'jug pa nus zhes brjod// de la dang po sdom pa dbog/ bsnyen gnas so so thar pa nas// byang chub sems dpa'i sdom pa ni// rim pas dbog cing bslab par bya// de nas gsang sngags dam tshig kyang// rim pas phog ste de bzhin yang// rim pas phog pas de bzhin yin// las kyi bum pas lus kun bkru// me tog dor la dkyil 'khor gzhug/ gdong g.yogs bkrol la lha rgyud bstan// de nas rdo rje dril gzhag la// slob ma stong pa nyid las ni// klu yi rgyal po bsgom du gzhug/ de yi snying khar sems dpa' gzhug/ slob dpon bum pa thogs nas ni// hUM/ mkha' dbyings bum pa chen po nas// rigs kyi dkyil 'khor rdzogs par bzhugs// gnyis med ye shes dbang bskur bas/ khams gsum rigs kyi bdag por 'gyur/ khams gsum dbang du sdud pa dang// srid gsum zil gyis mnan pa dang// dam can las las gzud pa yi// dbang mchog dam pa thob par shog/ oM pha laM hUM/ nag po ti pa tsa ya/ a bi Shiny+tsa bruM bruM bruM/ de nas bstan pa bsrung ba'i phyir// gsod pa'i rdzas kun tshang ba la// gsang sngags ling ga ldan pa la// dgra bgegs sgrol ba'i dbang yang bskur// de nas sgrub pa'i dbang mchog ste// slob ma khyab bdag dbu dgur bsgom// snying khar ye shes sems dpa' gzhug/ de dkyil yi ge'i sa bon las// 'bru bzhi la sogs gsang sngags rnams// 'gal me lta bur gnas bar bya// klu bsgom klu ni bsgrub par bya// las ni klu la 'chol ba dang// klu mchod klu yi bsrung ba yin// de ni sgrub pa'i dbang chen te// rigs kyi bu yis shes par byos// rang sems mngon du gyur pas na// rig pa'i rgyal po dbu dgu pa// de nyid ma skyes gdod nas dag/ bdag med yum ni klu mo gnag/ gnyis med thig ler spros bral sras// klu yi chos nyid shes pa ste// mun pa lta bu ste// rigs kyi bu yis shes par bya'o// de rje gtor ma gtang ba dang// mchog gi mchod pa'i rims pas shes// ces gsungs so// klu'i 'khor lo nag po 'phrin las thams cad rdzogs pa las/klu'i khyab bdag bsgrub pa'i dbang thob par bya ba'i le'u ste so brgyad pa'o//// de nas dam tshig bkod pa ni// rnam grangs mang du bshad pa ste// 'di nyid du ni gnyis su shes// spyi yi dam tshig sa ma ya// bkod pa 'bum du bkod pa las// bsrung ba nyi shu gcig tu bkod/ khyad par klu yi dam tshig ni// rnam grangs gnyis su bkod pa yin// lta ba'i sdom dang spyod pa'i rgyun// lta ba'i dam tshig ces bya ba// glang chen lta ba theg chen gyi// bla med bde ba mchog la dgongs// phag rgod lta ba gnyis su med// thams cad gtsang sme med par dgongs// bung ba lta bu'i lta ba yis// bla med bde ba bdud rtsir sbyor// seng ge rtsal gyi lta ba yis// ma bgrod gom pa gcig gis rdzogs// de phyir lta ba'i dam tshig ni// rang gi sems nyid ces su bshad// rang sems mun pa lta bu ni// ye shes chen po zhes su bshad// spyod pa rgyun gyi bsrung ba ni// dang po rang gi bla ma ni// bla mas phog pa'i gsang sngags dang// lha la sogs pa'i yi dam bsrungs// gsang bar gtad pa'i gnyer rnams bsrungs// dus kyi spyod lam thams cad du// sems kyi 'khor lo rgyun du blta// gsang ba'i lam men gzhan mi bgrod// rig pa'i mda' 'phen phyag mi btsal// bsgrub pa'i dus su byi dang nal// bud med thams cad spang bar bya// klu yi shing la sngo mi bya// yugs dang sme ba'i kha zas spang// klu nad can la sngags mi dbog/ bub chu mi bya phru klog spang// thab gzhob la sogs spang ba ni// bsgrub dang gtad pa'i dus su spang// klu yi dam tshig mna' la gzem// bsnyen pa'i dus su dkar la brten// rtag par klu mchod klu gtor gtang// bsrung ba'i 'khor lo rtag tu bcang// zhes gsungs so// klu'i 'khor lo nag po 'phrin las rdzogs pa las/ sdom pa dbog pa'i le'u ste so dgu pa'o//// de nas rdo rje snying pos gsol pa// klu yi khyab bdag ye shes dpa'// las kyi rim pa rno myur du// byad kyi bka' nyan dregs pa yis// shan ba srog la dbab pa yis// sbu gri so rgal gang gang lags// yang dag nges pas bka' stsal pa// shan pa srog gi 'khor lo ni// dkar po sems dpa' zhes bya ba// srog gi 'khor lo 'di dag ste// dben pa'i gnas su maN+Dal bshams// dam rdzas bshos bu la sogs dgram// phung sa'i 'brub khung rtsang gis bskor// ra dang lug dkar rak+ta la// mi khrag pho lo gnyis sogs ste// spre'u dang byi la'i tsit+ta dang// a mu ka yi ling ga gdags// rabs chad nag po'i thod par blugs// gug rgyal tri yis bdug par bya// sngon dmar sra dbul thod pa bcing// re bas gtums la skra thag la// lcags phur rtod de gru gsum gzhag/ ro lam nag po kha phye la// a mu ka yi rnam shes dgug/ skabs su klu dang gdong dug gzhug/ rtags dang sbyar zhing gsang sngags bzlas// phyi rten ra dkar rgyal mtshan la// le brgan dar gdags gsang sngags bzlas// de nas klu'i bdag po dkar pos sems dpa' zhes bya ba bdud po srog gi mdung dmar klu tsha sa ma ti'i gsang sngags 'di gsungs so// oM badzra suM tri rag sha rA dza da ra ma ya ru lu ru lu hUM b+h+yo hUM/ 'di dag bsnyen pa'i rim pa'o// bsgrub pa'i srog gi snying po 'di'o// oM badzra da rA dza nag po dgra la b+h+yo/ su tra nag po dgra la thibs thibs du na tri ni mA ra ya dza dza/ yag sha nag po kha kha rbad rbad dza nag po snying la thun b+h+yo/shad shad gzer gzer mA ra ya thibs thibs rbad rbad/ de rtags mngon du ster ba ni/ dgra dang gnas khang 'tsheg pa dang// 'od dang spre'u 'byung ba dang// btsun ba dang ni ban d+he dang// 'bag dang seng ge byung ba na// dam tshig brdar zhing gsang sngags bzlas// oM badzra sum tri b+h+yo tsang tsang phyung/ dgra la b+h+yo sa ma yA/ suM tra ra dza tsang tsang khug khug rA dza nag po dgra la cho sa ma ya/ shig shig thum thum rA dza nag po dgra snying phyung sa ma ya/ru he ru he dgra snying tshal par khos sa ma ya/ dam las ma 'da' zhig/ srog gi snying po nyid la gdags// klu dang bsdongs par sngags 'dis byed// nA ga bre ni nA gA bre ya ma ra tsa nag po ti pa tsa mi su ma tri rag sha tshal pa snying pa ba tu cho ni dzA dzA/dgra ba'i srog la rgyug breng ba mA ra ya/ rang la khu'am ldog pa'am// spyir na rgyal po gnod pa la// gsang sngags rang gnad 'di dag go/ oM AHhUM ma ra ya nan/pra ma ra tsa trig nan/ 'khun rag sha rbad ling/ oM badzra krod+ha ra dza sid+d+hi a mri hUM phaT/ rA dza sid+hi sa ma ya thib dza/ stag pa nag po'i dbyug pa'am// be shing dag gi dbyug pa la// pha wang long bu'i 'phra bcug nas// lus la bsten na rgyal po dag/ snying 'gas srog snying bdag la ster// 'di dag srog bdag rang gnad yin// rA dza nag po suM tri dgra la rbad dum/ rA dza nag po srog la 'dus 'dus/ kha sgyur nag po dbug la rgyug/ti ri mi ri tsi ri sod/ smyo 'bog brgyal nad snying la tshug/ rgun zla tha chung zla ba la// drag po thun gyis gsad par bya// mthar ni thod pa klu la gtad// ces gsungs so// klu'i 'khor lo nag po gsang ba las/bdud kyi spu gri nag po bstan pa ste le'u bzhi bcu pa'o//// rag sha ru rings zhes bya ba// lag kyi gshin rje dmod pa mtshon// shan pa spu gri so rgal bshad// dben zhing sa rtsub rdza drung du// sngags pa khros pas sems ldan pa// drag po'i cho ga bshad pa 'di// maN+Dal ser nag khru gang yang// dpal zangs gshin rje'i phyogs su ste// sngags pa gnod sbyin phyogs su'o// zhing chen rabs chad thod pa rtsang// rta nag rmig pa gsad pa'i rdzas// sngon dmar thag pa dar nag rnams// dgos pa'i rdzas su yang dag bshad// bdud kyi nyi ma tshes gcig nas// nyi shu gsum gyi bar du'o// zhing chen dam nyams ming byang rnams// las la sbyor ba'i gdan du gding// ma ni ka la ka ni/ ming rus 'brub khung nang bcug la// sngon dmar the gus kha nas dkri// rtsang gi kha ni nang du bstan// dar ras nag pos phyi rim dkri// rmig pas 'brub khung kha yang bcad// las kyi sbyor ba'i rdzogs pa'i tshad// rtags kyi tshad mar phebs pa dang// rgya gram lam du khru gang brko// thod pa nub byang mtshams su bstan// a mu ka yi lam srang gces// bco lnga dang ni bzhi bcu bzhi// nyi shu gnyis dang ma nor ba// bsnyen pa nye bar gnas par shes// nag po hur thums bdud kyi sngags// so rgal spu gri rno ba'i dar// nag po klu yi sngags dang bsdeb// rag sha nag po gsang ba'i las// spog pa med pa'i las zhes bya// ha la nag po tsa ma ri// gdug pa spu gri 'bar ba'o// de nas klu yi bdag pos rag sha 'jug rings zhes bya ba las kyi gshin rje dug lnga'i ngan sngags 'di gsungs so// oM pa sha mu ki tu rum ti ki dza la ti swAhA/ rtsa ba'i snying por rig par bya// oM tsakra du ni mgo chom// oM zhe sdang sha la myags myags/ oM 'dod chags khrag la rbud rbud// oM nga rgyal snying la sems ya// oM snying khar rag du ni choM/ oM pa sha dza la ni chom rbad/ de ni gsad pa'i dam par rig/ oM kha sha pa ri thuM ril/ oM kha pra du ni lkugs/ oM snar te/ oM laM tri ti rmugs/ mnan pa'i sngags su rig par bya/oM sha ri b+h+yo/ ma ri b+h+yo/ khrag ma ma b+h+yo/ tsa ra snying b+h+yo/ khrag ti snying la b+h+yo/ ma khri thob zab/ khrag ti snying la ya/ oM pri phri chod/ mu lo chod/ shal kying kying/ b+h+yo b+h+yo b+h+yo/ zor dang gtor ma'i sngags su rig/sha ma b+h+yi sha ti nan/ sha truM tra ta nan/ ma tra sa ra nan/ ka ra hUM hUM/ 'di dag ni ro khugs kyi sngags so// las kyi spu gri nag po 'di// tha mal lus kyi bod pa la// bsnyen pa'i rtags ni dang po 'dod// bsgrub pa'i dus su bod bsad sbrel// rtags ni rnam pa brtag pa gces// chos nyid rgyu nas bde ba man// bag chags ngan pa'i khrag ru na// bsad pa las ni de shes bya// gtor ma 'bru dang sran chen dang// til dang 'o ma sha khrag la// dam du bcas la rtag tu'o// bla rdo za khab srog snying dang// sram gyi shun par gril te bcang// rtag tu bskul zhing 'phrin las bcol/ khyab 'jug chen po kun tu rgyu// 'jigs byed chen po sprul pa'i sku// lus po gcig la mgo bo dgu/ sku mdog brjid pa'i dud kha la// lag na chu srin zhags pa thogs// g.yon pa sbrul gyi zhags pa bsnams// 'jigs byed rog ti mi srun pa// pha ni bdud la ma ni klu// klu srin tshogs pa'i mthu bo che// lho nub mtshams nas sku bzhengs la// zla zer rjes gcod shar du rgyu// nyi ma'i rjes gcod nub tu rgyu// phyogs mtshams nyin dang mtshan mo rgyu// bar snang khams na bzhugs pa'i tshe// zas su nyi ma zla ba za// lo nyes rims nad 'khrug pa gtong// rgya mtsho'i gting na gnas pa'i tshe// klu yi rgyal khams 'khrug bslang nas// thog ser ki kang sa g.yos gtong// 'jigs byed rog ti mi sgrungs ba// ming brgya po la mkhan stong po// mtshan ni rnam pa brgyad du grags// dus tshod tshes grangs kun gyi bdag/ gshin rje nag po dbu dgu pa// ri rab rtse la gnas tsam na// 'chi bdag bdud kyang zil gyis gnon// thugs rje rnal 'byor bdag gi 'phrin las gyis// rdo rje 'chang gi bka' ma bcag/ bcol ba'i 'phrin las grub par mdzod// ces bskul lo// klu'i 'khor lo gsang ba las/gshin rje nag po dbu dgu pa spu gri nag po'i le'u ste zhe gcig pa'o//// de nas dmar po ru mtshon can// srog gi spu grib bshad par bya// bdud dang gshin rje'i pho nya ni// gshin rje dmar po yi dwags rje// sna 'dren dpa' bo ru mtshon can// dben pa'i gnas su bsgrub par bya// 'brang rgyas bshos bu ri rab dang// dar mda' za 'ug rgyan ldan lug/ srid pa'i bskor bris pa dbul// dang po sro gnas bod par bya// tsa ra dmar po'i thod pa'am// e yi nang du dgra gzugs bya/ khrag tu nyungs kar mda' yis bsnun// phud gtad bden bdar dpang gzugs rdad// dus gsum rgyun du shes par bya// dang po srog bdag bod pa ste// srog snying ngo bo 'di dag go/ haM shaM tri dam rtsa la tri/ ra ga la ma ya dza/ de rtags 'byung ba 'di yin te// byis pa khyi'u rta pa dang// 'od la sogs pa byung na rbad/ ha shang tri mA ra ya b+h+yo/tri kha thuM b+h+yo/ tri thun b+h+yo/ thib ha ba ha ra ti la ti la haM ha ba nA ga rA dza dgra bo la dzA dzA/ sngags 'dis klu dang sdong du gzhug/ nA ga krod+ha ni nA ga krod+ha nI/ nA ga nA ga ni/ ri men dang pran d+ha dzA dzA/ nyi ma byang shar pha gi na// yaM shud dmar po srog gi bdag/ skye 'gro'i tshe la mnga' mdzad pa// 'bru yi gtor ma chang dang ni// snyug rgod shing dang thud phrom gyis// gsol la yam shud dmar po mchod// gnyen du gtad do sa ma ya// rtag tu rbad pa gtso ru bya// mtha' ru ling ga ra thod gzhug/ ging btsan rgyu ba'i lam dag gam// lha khang 'gram mam klu gnas sar// gtad pa 'chi bdag gshin rje la// rbad pa srog bdag yam shud la'o// des ni myur du rlag par byed// ces gsungs so// klu'i 'khor lo 'phrin las thams cad rdzogs pa las/ yam shud dmar po'i srog gi spu gri'i le'u ste zhe gnyis pa'o//// de nas shu po rag sha yis// gsang ba'i 'khor lo 'di lta ste// dben par dkyil 'khor chag chag gdab// dbus su mthing nag gru gsum bya// zla gam dmar po 'khor la rigs// rgyas pa ljang khu sgo bzhi ldan// de la rdzas dang yi ge dgod// pho dang dza zhes bkod pa las// dbus su 'chi bdag gtor ma dgod// zla gam la ni btsan sha la// mi dmar rta dmar glang dmar dang// ra dang g.yag dang btsan bshos dgod// 'khor lo bzhi la btsan bshos re// rgyang bu re dang bcas par bzhag/ rtsa ra dmar po'i thod pa ru// ra'am khyi dmar snying lpags su// a mu ka yi gzugs bcug la// le brgan dar gyis kha yang gcad// de nas klu btsan glang mgo can// bod pa'i srog sngags 'di dag go/ oM a bi shu la sa ma ya ti sham rbad b+h+yo/ nA ga shan tri dza dza yu/ nA ga shu la la a tri sems dpa' dza dza/ me 'bar tshub ma dmar po dang// nya sbal rta rkyang mi reng 'ong// de rtags byung na rbad pa ni// oM nA ga shu la sa ma ya tri sham rbad b+h+yo/ tsan tra tsan tra hri hri raM raM khal rag ta rag sha du si srog la breng/ shag rbad/ bsad pa'i yang snying de yin te// nyungs kar khrag dang btsan dug brdeg/ ling ka'i snying kar gri lcags mde' 'u// bcug pa'i dug mda' brdeg par bya// skabs su rbad dang bskul ba'i sngags// nA ga shu la sa ma ya tri sham rbad b+h+yo/ gu gul slu ma a ne gu ye/tum gu de ye sod/ mi 'di bdud la khas ches so// bdud lag ring ngo// btsan la khas ches so// btsan la lag ring ngo// bdud btsan klu dang gsum la 'bul// nyi ma nub kyi btsan/ bya'i lus po la mi'i mgo can dang/ lho phyogs kyi btsan/ mi po lcags rta lcags zangs kyi tshem khrab can dang/ shar gyi btsan shel gyi mi po stag mgo can dang/ byang gi srin a te rgyal ba'i phyag tu 'bul lo// btsan kha bzhi la gtad do// bdud nag po la gtad do// btsan gyi tha ram sum brgya la gtad do// bsad pa'i dus su mda' brdeg cing// tha ma mtshon gyis gtubs byas la// btsan rgyu ba yi gnas dag gam// ri rags brag dang chu 'thab gtad// klu'i 'khor lo nag po las/ btsan gyi spu gri bstan pa'i le'u ste zhe gsum pa'o//// de nas byang gi bka' nyan te// gtad pa'i las ni gang byed kyang// sa bdag klu dang btsan rnams kyis// dmag dpung dbab pa'i gsang sngags 'di'o// oM sarba nA ga sarba shu la ha hi sarba nA ga shu la dzi ra tri dza/ ni tri dza/ shon tri dzA/ ba ra tri dzA/ sarba sbring b+h+yo/ oM sarba nA ga shu la klu btsan dgra bo'i srog la baM ril rbad b+h+yo b+h+yo/byang gi bka' nyan 'khor bcas pa// dril ba'i gseng sngags 'di dag ni// kun gyi las kha yin par bshad// klu'i 'khor lo las/ dmag dpung dbab pa'i le'u ste bzhi pa'o//// de nas rdo rje snying pos gsol pa// klu yi ye shes bdag po nyid// las kyi rgyal po rno dbal gyis// las kyis mthar rgya rdzogs pa la// gdab pa'i drag sngags gang la bya// gnad bcol spu gri gang la bgyi// zhes gsol pa dang// klu yi bdag pos gsol ba// rtsa ba ma grub spogs pa dang// yan lag spu gri bsdebs pa yis// las rnams grub par gyur pa yin// gal te ma grub sgrub pa spogs// gdug pa yod pa'i sa ru gtad// gal te gang la rtags med na// gsang ba gdag pa'i yang snying ste// gnad gcod spu gri 'byung ba'i sngags// mdze can thod pa gshags pa dang// 'khor lo bri ba shes par bya// bsad pa lding ba'i 'khor lo ni// sa bdag snying khar dmigs pa bri// tha ma rigs kyi sbrul gyis bskor// snying khar 'khor lo rtsibs bzhi la// 'byung ba dkrugs pa'i yi ge bri// mu khyud rtsibs mtshan spu gri dang// bsad pa'i yang snying 'khor bar bri// 'di dag 'byung bzhi dkrug pa ste// nyin mo gtor la mtshan mo dril// oM nag po ti pa tsa ya/ nA ga rag sha yag sha kha yan hUM ya hUM ya/ nri dza nri dzi/ lam che ge mo mA ra ya tsakra thums thums lam rbad rbad/rbad ya rbad ya/ kham che ge mo mA ra ya tsakra thums thums kham rbad rbad/ rbad ya rbad ya/ raM che ge mo mA ra ya tsakra thums thums rbad rbad/ rbad ya rbad ya/ yaM che ge mo mA ra ya tsakra thums thums yaM rbad rbad/rbad ya rbad ya/ nyi ma bzhi ru zlas par bya// 'byung ba rnal mas bsad pa ste// nyin gyi sngags su shes par bya// nri dza nri dza/ laM khaM raM yaM che ge mo mA ra ya tsakra thums thums laM khaM raM yaM rbad rbad/rbad ya rbad ya/ dril te mtshan mo gsad pa yin// nyin ni kha thun yang snying gis// dgug cing dgongs ka gsad par bya// mtshan mo 'khor lo rnam gsum gyis// brdeg cing mtha' ru 'byung ba dkrug/de nas thun dbab gsang sngags bzlas// mtha' ru thod pa klu gnas gtad// ya bag sha ya nag por bshad// klu'i 'khor lo nag po las/ mdze nag las kyi 'khor gnad gcod gsang ba'i le'u ste zhe lnga pa'o//// de nas sdig pa nag po'i yang snying bshad pa 'di nyid de/ mdze thod pho mor 'khor lo bri// sdig pa drug dang gsang sngags bri// bsad pa lding ba'i ling ga la// mgo lus drug la sdig pa drug/ snying khar 'khor lo rtsibs bzhi la// 'byung ba gnad kyi yi ge bri// thams cad bsad pa'i yang snying ste// bram ze nag po'i drag sngags bri// sngags gsum dril la brdeg par bya// 'byung ba gnad gcod drag po'i sngags// 'di dag stong phrag gsum du bzlas// nA ga shan ti dun ti sibs/ nA ga rA dza nan/ nA ga mi ra rbud/ shan ti sha ru tshubs/ nag po o ra li ga shams/ nA ga dun dun gyen gyen/ nA ga du ya ya/ tsubs tsub du sha che ge mo laM baM raM yaM mA ra ya rbad/laM baM raM yaM che ge mo rbad ya rbad ya/ yaM raM baM laM che ge mo rbud rbud/ stong phrag gsum du bzlas par bya// 'byung ba spyi gtsug sting stib kyis// gzas pa'i gan dgu gcod par bshad// klu'i 'khor lo nag po gsang ba las/ sdig pa phung byed gsang ba gnad gcod pa ste le'u ste zhe drug pa'o//// de nas khyab bdag klu y-i rjes// lto dkrugs drag po bshad par bya// sbal pa dkar nag lte ba ru// a mu ka yi gzugs bris la// snying khar 'byung ba'i yi ge ste// de mtha' bsad pa'i yang snying ngo// srog gi snying po dril la brdeg/ mtha' ru zhags gsum 'byung ba dkrugs// de yis lus srog 'byed par bshad// de dag gsang sngags 'di dag ste// a sham nag po ti pa tsa/ nA gA kro d+hi shwa ri ti sham myags myags/ che ge mo la khaM raM yaM nag po baM tsi tsi rgyas tra thur snying 'gul myags myags/laM khaM raM yaM rtsa bzhi skum shan shan/ yaM raM khaM laM srog la shan thur sod rbad ya rbad ya/ 'di dag gnad gcod so ri te// ha la nag po tsa ma ri// 'bar bag dug pa'i spu grir bshad// klu yi 'khor lo nag po las/'byung ba dkrug pa gsang ba'i le'u ste zhe bdun pa'o//// de nas klu yi khyab bdag gis// 'byung ba thun du dbab pa'i las nges par bshad pa 'di dag go/ khrag dug phur ba'i thun bcas la// klu yi thun sngags ril mo la// 'byung ba las kyi thun 'di gdegs// lam che ge mo mA ra ya thun b+h+yo laM rbad thum ri li li b+h+yo/ khaM che ge mo mA ra ya thun b+h+yo khaM rbad thum ri li li b+h+yo/ raM che ge mo mA ra ya thun b+h+yo raM rbad thum ri li li b+h+yo/yaM che ge mo mA ra thun b+h+yo yaM rbad thum ri li li b+h+yo/ yaM raM khaM laM che ge mo mA ra ya rbad ya/ laM khaM raM yaM ma ra thun b+h+yo ya/ dgra bo thun gyis brdeg par bya ste// gzas pa'i rgyu la ling ka bya// snying khar 'byung ba'i 'khor lo bca'// de la las kyi thun dbab bya// 'di dag 'byung po dkrug pa dang// gnam 'greng spyi tshar gsad pa ste// 'byung ba las kyi thun du gsad// klu'i 'khor lo nag po gsang ba las/'byung ba las kyi thun dbab pa'i le'u ste zhe brgyad pa'o//// de nas rdo rje snying pos 'di skad ces gsol to// kye khyab bdag ye shes khyod// klu yi 'khor lo nag po 'dir// rgyud ces pa ni gang la bgyi// 'khor lo zhes pa ji lta bu// klu yi ngo bo de nyid gang// zhes gsol pas/ ye shes chen pos nges bshad do// rgyu ces bya ba gsum du rig/ gzhi dang thabs dang 'bras bu'o// lta spyod dkyil 'khor dbang dam dang// sgrub dang 'phrin las phyag rgya sngags// de mtshon 'brel pa rgyun ma chad// rgyud kyi ngo bo rgyun ces bya// 'khor lo rnam pa gsum yin te// gnas pa rang rgyud 'khor lo dang// rten 'brel srid pa'i 'khor lo dang// las rnams grub pa'i 'khor lo'o// rang rgyud 'khor lo rnam pa lnga// spyi bo bde chen 'khor lo dang// mgrin pa longs spyod 'khor lo dang// snying kha chos kyi 'khor lo dang// lte ba sprul pa'i 'khor lo dang// gsang ba skye gnas 'khor lo dang// gsang ba'i 'khor lo sems nyid de// sems las sems byung chos kyi sku// rten 'brel srid pa'i 'khor lo dang// lo zla dus tshod phyogs rnams ni// bskal pa mang por 'khor zhing 'phro// 'khor ba thog mtha' dbus med par// mgal me 'khor lo lta bu can// chu dang shing rta zo chu ltar// 'khor ba 'khor lo dag tu brjod// las rnams grub pa'i 'khor lo dag/bsnyen pa gnas 'gyur lha yi 'khor lo dang// dngas snyigs 'byed pa sngags kyi 'khor lo dang// sbyor ba brten pa rdzas kyi 'khor lor bshad// bsnyen pa rang gnas lha gsal zhing// sems dpa'i 'khor lo bstan pa la// spro bsdu bya ba gang byed de'o// sngags ni bya ba yan lag ste// so dang sgyugs dang bcun pa gsum// ting 'dzin rim pas dmigs pa 'joms// shes skyob smin byed las grub pa// sngags kyi 'khor lo yin pa ste// sgrub dang spobs pa'i gnad gcod gsum// sngags kyi las sgrub byed pa'o// sbyor ba rten byed 'khor lo dag/ stong phrag brgya ru bshad pa las/ khyab bdag ye shes bshad pa ni// lbal pa lto sbyar dgra gzugs la// sngags kyi 'khor lo drag po bskor// zhi drag rdzas kyis las mtha' brtul// gnad gcod 'byung ba'i 'khrul 'khor dkrug/ 'chi bdag sku yi sgrub pa yin// phyi nang gsang ba'i rdzas bsags nas// gtad khram 'khor lo thun rdzogs nas// mdze nag las kyi 'khor lo ste// sha ma ta yis 'jig rten gyis// mtshon cha 'khor lo lta bu ni// rgyu dang rkyen gyis 'khor ba ste// 'chi bdag thugs kyi bsgrub par bshad// mdze thun mdze zor yang snying dang// 'khor lo gsad pa'i las dag kyang// thugs kyi 'phreng bar de nyid bshad// mdze thod pho mor 'khrul 'khor bcas// mtha' ru bsad dang 'byung ba dkrug/sdig pa phung shigs 'khor lo ste// 'chi bdag 'phrin las 'khor lo bshad// sbrul nag 'khyil pa gsang ba ste// dug sbrul 'khyil pa rwa can te// bsad pa gsung gi 'khor lor bshad// klu bdud cig pa zhes bya ba// srog gi ga 'u nag po ste// sa bdag srog gi 'khor lor bshad// mnyes mchod las kyi dam shi rbad// phag mig lnga yi bsgrub pa ni// sa bdag gnyan srog 'khor lor bshad// dur khrod ras la 'chi bdag gzugs// nyi ma bzhi dang mnan sngags bzhi// nyin mtshan bsnol mar gsad pa ni// 'chi bdag gshin rje'i 'khor lo bshad// yan lag 'khor lo las 'dir bshad// dkar nag sbal pa'i tsakra ni// za byed nag po'i 'khor lo yin// thod pa gshag cing dgra gshed ming// bsdeb pa shan pa nag po yin// rten la dug nad gzugs bskor ba// klu mo nag mo'i 'khor lo bshad// de dag yan lag 'khor lo'o// spogs pa'i 'khor lo 'di dag ste// lnga phung yan lag bcas pa la// lto ba brgyad dam ling ga bdun// spu gri nang 'thab byung ba'am// pha tshan chen po bsad pa ste// bdun sbag thugs kyi 'khor lor bshad// 'khor lo rtsibs bzhi dbus dang lnga// thod pa lnga la bsgrub pa ni// mi rigs lnga yi bsad thabs te// lnga ling 'khor lo zhes su bshad// gru gsum gsum la thod pa gsum// nA ga sum ling 'khor lor bshad// gru gsum sbag ma 'brub gnas bzhi// thod pa bzhi la bsgrub pa ni// nA ga bzhi gling 'khor lor bshad// mi phyed mi shigs chos nyid de// stong nyid spros bral mun pa ste// mtshan ma'i rnam rtog ma grub pas// stong pa nyid na go char bshad// dug dang mam sa khrag dang tri// bcu drug gnyis su rab sbyar ba// tsha dur dug thabs 'khor lo ni// cis kyang mi shigs 'khor lo bshad// rten dang 'byung ba sgribs shing gags// bcud phur bsrung ba'i 'khor lo yin// nA ga yag she gnod sbyin te// 'chi bdag nyid dang nA ga brgyad// longs spyod spel ba'i 'khor lo yin// nA ga rag sha zhes bya ba// bsnyen bsgrub bsad pa'i 'khor lo ste// logs bsrung ba dang dza yams bsrung// rang nad stobs kyi 'khor la yin// nA ga ru dra bdud po ste// spu gri nang 'thab 'khor lo yin// gza' rgod 'chi bdag ces bya ba// lo 'bras 'joms par byed pa ste// skyin tang 'phrul gyi 'khor lo yin// byad kyi bka' nyan chen po ni// shar du dkar po sems dpa' ste// mdung dmar srog gi 'khor lor bshad// lho ru sngon po mjug rings te// mgo da nag po'i lag pa la// bsgrub pa spu gri so rgal te// za byed srin po'i 'khor lor bshad// yam shud dmar po nub na ste// mgyogs kyi sna 'dren 'khor lo yin// byang na shu bo lag rings te// klu btsan nag po'i las su bshad// bka' nyan dril te sngags gdags pa// sa bdag klu gnyan mang po yis// dmag dpung 'bebs pa'i 'khor lor bshad// 'byung ba'i thun dang dkrug pa dang// spyi tshar bsad dang gnam sbreng dang// 'byung ba snying stibs bsad pa ni// ma grub spogs pa zhes bya ste// ma grub spogs pa'i 'khor lor bshad// 'khor lo mtshon pa'i rgyal po ste// gcod pa 'khor lo zhes bshad do// klu yi ngo bo gang yin pa// gnyen po dang ni las mkhan no// gnyen po chos kyi dbyings dang ni// rig pa'i ye shes gnyis med pa// sbrul nag chen po'i skur shar ba/ khyab bdag ye shes ti pa tsa// rol pa'i phyag rgyar shar ba'o// don dam spros med spros bral nyid// las mkhan dregs pa'i 'chi bdag klu// rgya mtsho'i gting na rab tu gnas// las kyi rnam smin drag po'i rgyus// las kyi srin por skyes pa yin// dug lnga'i rang bzhin klu bdag lnga// ti pa tsa ya zhes bya ba// klu yi ded dpon nA ga yin// bye ba dgu khri zhes bya ba// gshin rje'i ded dpon nA ga yin// ha nu pa sha zhes bya ba// bdud kyi ded dpon nA ga yin// ral pa tshar dgu zhes bya ba// 'chi bdag ded dpon nA ga yin// yag sha mgo dgu zhes bya ba// srin po'i ded dpon nA ga yin// gza' rgod nag po nA ga yin// tshangs pa shrI la ral pa can// srid pa'i ded dpon nA ga yin// gshin bu rje'am 'chi ba'i bdag/ nag po chen po klu bdag nyid// sku gcig sprul pa du mar 'gyur// rigs kyi gtso bo zhes grags so// klu'i 'khor lo nag po 'phrin las rdzogs pa las/ rgyud dang 'khor lo bstan pa las// klu'i rang bzhin bstan pa'i le'u ste zhe dgu pa'o//// de nas de'i tshe de'i dus na// klu yi khyab bdag ye shes chen pos 'di dag brjod do// a ma yang gsang rnal 'byor rgyud// phung shigs gdug pa dug gi rgyud// za byed shan pa srog gi rgyud// 'khrul 'khor mdze nag las kyi rgyud// sa bdag srog gi tan tra ste// 'bum sde yang snying bkod pa'i rgyud// klu rgyud 'bum gyi ti ka 'di/ khyab bdag klu yi rigs kyi gtso// 'jam dpal ye shes bdag pos bshad// sna tshogs las kyi sbyor ba yis// klu yi sbyor ba du ma yis// bca' gzhi sna tshogs las rgyud 'di// lha klu dregs pa gnod sbyin dang// ma mog don drag mkha' 'gro ma// srin po lto 'phye mi'am ci// 'das dang ma 'das 'khor gyi tshogs// gshin rje gshed kyi dge 'dun te// mtha' yas dregs pa khri drug stong// du ma 'khor dang bcas pa yis// gsang ba'i bka' rgyud rol pa la// bsrung dang rjes su 'breng ba ste// srog gi dra ba bzung bar mdzod// rnal 'byor bsgrub pa'i las rnams bsgrubs// nga ni dam las mi 'da' ste// dam tshig bsrung na thugs brtse'o/khyed kyang dam las ma 'da' srungs// rnal 'byor bsgrub pa'i las kyis shig/ ces gsungs te mi snang bar gyur to// klu'i 'khor lo nag po 'phrin las thams cad rdzogs pa las/ rgyud gtad pa'i le'u ste lnga bcu pa'o//// de nas 'khor mang po rab tu dges nas/ mchod pa sna tshogs pa dang bcas te brjod pa/ khyab bdag ye shes lnga yi bdag/ mi rtog ye shes bdag nyid de// gti mug 'joms mdzad ti pa tsa// rig pa'i rgyal po bdag nyid che// zhe sdang 'joms mdzad ti pa tsa// mnyam pa'i ye shes bdag nyid che// nga rgyal 'joms mdzad ti pa tsa// sna tshogs ye shes bdag nyid che// 'dod chags 'joms mdzad ti pa tsa// lhun grub ye shes bdag nyid che// phrag dog 'joms mdzad ti pa tsa/ khyab bdag ye shes phyag 'tshal bstod// sna tshogs 'dul ba'i ded dpon che// nga bdag rig pa'i rgyal po che// dregs pa 'dul la phyag 'tshal bstod// ces brjod do// bstod pa'i le'u ste lnga bcu gcig pa'o//// 'bum sde klu'i rigs las spros pa'i las rgyud 'khor lo nag po 'di// rab tu 'khrug cing rgya mtsho dwangs par ldan pa yi gnas// cho 'phrul che dang ldan pa klu yi khyab bdag gis// 'khor la nges par bshad pa 'bum gyi ti ka 'di// gtad khram las kyi mthar thug klu yi gsang rgyud 'di// nges par de skad khyab bdag ye shes kyis// bshad pa'i lung nyid mkha' 'gro bdag la bstan// bdag gis myur du nye bar blo la blangs// phyi rabs rnams kyi don du kar chag bris// bstan pa'i btsas su sems la rgyas thob la// snying po srog bzhin 'phangs par gyis// ces gsungs so// klu bdud las sna tshogs pa rgya gar gyi mkhan po klu'i nye bas mkha' 'gro mas lung bstan pa thugs la blangs te/ dper bris pa gang zag rnal 'byor pa la lung bstan pa le'u grangs lnga bcu rtsa gnyis pa'o//// klu rgyud 'bum gyi ti ka zhes bya ba klu'i 'khor lo nag po zhes kyang bya// 'phrin las sna tshogs pa'i rgyud/ mkha' 'gro gtsug gi rgyan gcig dang klu'i bu mo gzi ldan mas// slob dpon klu nye ba la lung bstan pa rdzogs so//// 'jam dpal sgyu 'phrul dra ba le'u bdun brgya nyi shu rtsa gnyis las kyi rim pa stong phrag brgya pa las/ klu'i khyab bdag ye shes kyi le'u las ti kar spros pa/'phrin las kyis rgyud 'di gtad khram gyi yang snying yin/ las kyi 'khor lo nag po mkha' 'gro mas gsungs pa/ slob dpon klu'i nye bas/ tshangs pa klu gnon gyi khang par lan cig brjod pas thugs la zin nas/le grangs su phye nas yi ger btab bo// de nas rgya nag po'i mthil na ha shang gi gu ru mahA ya d+ha zhes bya ba la lung bstan to// des o rgyan gyi slob dpon pad+ma 'byung gnas la lung bstan no// des rgya gar gyi gtsug lag dpal dge la brgyud do// des bal pa'i rgyal po ba su d+hA ra la brgyud do// des bdag snubs sangs rgyas la dgams pa yin te// 'di yi dpe phyi mo rgya nag po dang rgya dkar po dang/bod yig gsum du spel ba cig g.yung phu na gud na sbas nas yod do// 'di ni dpe bungs chung bar byas pa yin/ 'di la sgron ma dang dpe chung men pa med/ gsang ba'i bsgrub thabs rnams ni/ rtsa ba'i yi ger bkod pa'i mdze nag la sogs pa dang bsdeb bo// drag po rang gnad yin/ slad ma rgyud ma'i le'u bsdebs la bsgrub bo// rgya mtsho du ri dang yang bstun/ byol song glang mgo can dang/ rtog pa bsdus pa dang/'khor lo nag po rtsa ba dang/ de kun kha phar bskang tshur bskang bya'o// ro ma khram 'debs kun la kha ston tsam yin// dug ri rgyud dang/ ti ka 'di gnyis shin du zab pa yin/ las gang la'ang tsha thur gyi 'khor lo dang/bcud dang gags tsho khyab ba gces/ klu'i sdom rgya nag po/ kha tham//// slob dpon klu'i nyes pas rgya nag por bsgyur ba yin/ chos 'di rgya nag por dar ba yin// klu'i nye ba'i slob dpon lha'i bla bya ba brgyud pa'i lugs ni mu stegs yin zer te/bka' log par brgyud pa yin par gsungs so// rgyud 'di'i khong snying rtsa ba'i sgrub thabs drug las/ khyad par sbal nag lto sbyor/ mdze nag las kyi 'khor lo/sdig pa phung gshig/ mdze zor sbrul nag bzhi yin gsung ngo// de bzhi'i snying po ni slob dpon 'jam dpal mdze nag las kyi 'khor lo yin zer/ pad+ma sdig pa phung gshig la 'dod/ shin+taM garba sbal nag la 'dod/ mdze nag las kyi 'khor lo la bla ma brgyud pa'i gdams pa zhal khrigs su byas pa 'di kho na gces so// de med na las kyi bya ba shes pa men/ lar na gzhan la gdams khrigs mi dgos so// rgyud dang sgrub thabs so sor thems par rtogs la lag tu long/ bdag gi bstan pa bsrung ba'i yang gsang ma bu 'di/ lnga brgya nye ba'i dus su/ bongs chung sha ser skra laM sme ba'i ga sha can/ dung so 'khor ba gcig gis rnyed par shog/

CLOSE WINDOW