1a1 klu'i 'khor lo nag po'i rgyud ces bya ba bzhugs so//
1b1 rgya gar skad du/ nA ga kA la tsakra tan tra/ bod skad du/ klu'i 'khor lo nag po'i rgyud/ bcom ldan 'das klu'i khyab bdag 'jam dpal la phyag 'tshal lo// 'di skad
1b2 bdag gis thos pa'i dus gcig na// bcom ldan 'das klu'i bdag po 'jam dpal nyid// chos nyid skye ba med pa'i ngang las/ klu thams cad kyi bdag po zhe sdang chen po'i skur
1b3 bzhengs te/rang bzhin lhun gyis grub pa'i gnas/ rgya mtsho chen po rab tu gting 'khrugs pa/ rin po che'i ri rab 'bar ba'i gnas mchog na/ 'jig rten gyi klu gnyan/ sa
1b4 bdag/klu btsan dang/ klu bdud dregs pa can thams cad dbang du sdud cing zil gyis mnan nas srog gi snying po thams cad thugs rje ye shes kyi ga 'ur sdud cing thim bar mdzad
2a1 do// de nyid du rdo rje rnon po zhes bya ba sprul pa'i khro bo 'bar bas gsol pa/ ye shes chen po klu yi khyab bdag gtso// klu chen rnams kyi gnas dang ni/ khyon du rdzogs
2a2 pa gang lags pa// ye shes chen pos bshad par mod// nga ni klu yi 'jam dpal te// klu bdud nag po mgo dgu pa// de ni klu yi bdag po yi// rin chen ri rab lte ba ste// de la
2a3 gling bzhi rtsibs bzhi'o// lus 'phags gling rtsogs re re la// bzhi bzhi bcu drug phye ba ni// klu chen rnams kyi gnas su bshad// 'khor lo'i rtsibs dang lte ba ni// shar rtsibs rgyal
2a4 po dbu gu gdong// rigs gsum 'khor ni sa bcu sogs// dmar ser la sogs shes par bya// yang na nyams su gcig dag long// pad+mo kha bye 'jigs las dpag/ yang na chu la
2b1 sems lta rtsogs// rdo rje can gyis shes par bya// shar du rA dza wa gdong can// lhor ni bram ze bong gdong can// nub tu rje rigs khyi gdong can// byang du dmangs rigs bya rog gdong// bcu drug rtsibs ni de
2b2 bzhin no// zur 'phyan la ni gdol pa ste// shar lho nas ni g.yas rim bzhin// mgo dgu stag mgo gtong mi shes// tsak+shu e ka gnas pa'o// de la klu srin skam po ni/ khra'o skam po kun la dpag/ klu yi rgyal po
2b3 byin ni dga'// sa bdag gis ni 'thibs pa'o// nag po bzhi ni lkugs pa'o// lkugs pa gzhan dag las kyang dpag/ btson dang sme dang yugs chu ni/ khron pa 'bab chu'i 'gram mi mthong// mi 'bo mi mthong
2b4 lkugs pa'o// de ni shin tu gdug pa yin// rigs bzhi blon po rgyal po yin// gshin rje nag po gshed la brten// lus kyi tshad ni ri rab tsam// 'khor rnams nges pa med mod kyang// sprul nas gzhal phyir
2b5 gal te na// gnas pa tshed ldan bsod nams sbyar// mig dang kha sna skye gnas rkang// mig dang cig dang re re gnyis// snying dang g.yas g.yon lag pa dpag/ tshad de 'dug pa khor yug la// de bzhin yid 'ong
2b6 pho brang yin// phyi rol de 'dra mdun sa yin// 'bral pa'i lam gyi ni rgyu srang yin// yang na ma nges dpag par bya// ji ltar rgyal po blon 'bangs kun/ khang pa srogs rten de bzhin du// ring rtsogs e gnas rtsa
3a1 zan kha// srog chags sprul dang ra rtsogs shis/ kha gcig ma nges la sogs rnams// rnal 'byor dam pa ma yin pas// rgyal po bram ze rje'u shis// gnyan po ldan bas nag po skor// rnal 'byor
3a2 nus pa chung ba na// ra dang ba rkang lag pa dang// de bzhin kha ni shis par 'dod// klu yig gshin rje nag po ste// khyon du rdzogs par bya ba ni// kun gzhi nyon mongs yid dang ni// sgo lnga yid kyi rnam shes
3a3 rnams// 'khor lo bzhi ste phyogs kyi klu// mig dang rna ba sna lce mtshams// chos yul 'khor lo bzhi yi ste// bcu drug de yi bye brag yin// g+han d+he a sar la sogs pa// sa la ta la chen po yin// rus dang sha
3a4 khrag sa chu yin// rgya mtsho srog rtsa chen po bzhi// chu bo bzhi yin yan lag dpag/ bdud rtsi kun gsal klu srin yin// rus lhag klu bdud klu btsan gnyan// rtsa chen yul tshad lkugs pa'o// mi rnams ye yin rtse na
3a5 sbrul// so sen gcan gzan shes par bya/ khyon du rdzogs dang sbyor thabs bstan// de bzhin nyid las ma g.yos par// sprul pa'i 'khor lo 'di bsgom zhing// mA ra gsod pa'i las byed pa// mdze sbos smyo dang
3a6 sma lhog pa// gri gag 'brum bu sna tshogs 'byung// dus ni rtsol bas nyes pa med// klu'-i 'khor lo nag bo'i rgyud las/ le'u ste rtog pa dang po'o//// de nas yang sprul pa'i khro bos gsol pa/ khyab bdag ye
3b1 shes rgyal po che// che ba'i yon tan rgyas mdzod la// dkyil 'khor chen po 'byung bar 'tshal// rang bzhin mi gnas mnyam nyid dang// mi chod mi shig mun pa'i mchog/ de las gyur pa zhe sdang che// thugs las
3b2 'bru rnams shar ba'o// baM las rgya mtsho chen por gyur// raM las bskal pa'i me ri 'bar// laM las rin chen ri rab 'bar// b+h+ruM las rin chen gzhal yas khang// e ni bskal ba'i rlung nag klong// rwa las rag
3b3 ta dbang gis bsgor/khaM las lcags kyi khang rom 'bar// pha las sbrul nag chun 'khor brgyan// b+h+ruM las ye shes gzhal yas khang// shar phyogs dngul la lho phyogs gser// nub phyogs zangs la byang phyogs
3b4 lcags// sbrul nag chen po ka gdung la// dmangs rigs klu'i dral phyam gtang// rus sbal pho mo'i sgo them byas// sdom dang sdig pa'i za ra tshags// chu srin nyi ma'i kha bad can/ bskal pa sbrul nag 'khyil pa'i
3b5 klong// oM phe sha ga du b+h+ruM/ rig pa'i rgyal po 'chi bdag gshed// dgu dgu nyis brgya phyag dang ldan// zhabs kyis sdom sdig mang po brdzis// bdag po bzhi dang gtso bo brgyad// rang bzhin nyid kyi dregs pa'i
3b6 gdan// de la gdug pa'i rigs brtsegs kun// za la khab bzhin 'dus shing bgyel// sems dpa' rdo rje zhes bya ba// thugs kyi rdo rje yin zhes bshad// de las phra mo'i yig 'bru 'phro// de nyid bstan par
4a1 gyur pa'o// de bzhin nyid las khro mo ste// bdag nyid mya ngan 'das pa'o// skye med mkha' 'gro sgyu ma yin// bud med lus la sbrul dug nas// thugs las sprul pa'i srog gshed gsum// dug lnga
4a2 las gyur rigs kyi lha// 'bras bu mi gnas mya ngan 'das// klu'i 'khor lo nag po'i rgyud las/ le'u ste rtog pa gnyis pa'o//// de nas yang sprul pa'i khro bos gsol pa/ khyab bdag maN+Dal de ltar
4a3 na// gsang sngags ngo bo gang gang lags// shes skyob smin par byed pa ste// sngags ni srog rtsa rlung du gyur// rtsa ba'i snying po 'di dag dgod// oM nag po ti pa tsa ya/ na gar ga sha/ he khu la phe shan/ phos phos/
4a4 shig shig chuM chuM/ hu ya hu ya/ srog la mA ra ya dza dza/ srog gi snying por rig par bya// oM phe laM hUM/ snying yin par rig par bya/ oM nag po ti pa tsa ya/ nA ga rag sha yak+sha kha ya na hUM ya hUM ya/ nr-i dza
4a5 tsakra thums thums/rbad ya rbad ya/ 'di dag klu yi 'khor lo yis// bsad pa'i mtshon cha 'khor lo yin// oM nag po ti pa tsa yA/ dza la pa ri tsa/ pa la du shan/ mA ra ya rbad yaM yaM/ mdze nag las kyi 'khor lo
4a6 ste// bsad pa'i sngags su shes par bya/ oM nag po ti pa tsa ya sarba rU pa tsa la be sha hUM/ gzugs phung 'joms pa'i gsang sngags te/ gsang sngags rgyal po 'khor lo'i sngags// oM hri tri bi kri tA na Na hUM phaT/ kha
4b1 gnon 'khor lo stobs dpag med// rang la mi ldog thebs pa'i gags// oM nag po ti pa tsa ya/ nA ga rag sha yag sha/ yu shan te yu nA ga ya ni ku ru tsa ya/ yaM yaM mA ra ya dzA dzA rbad ya rbad ya/ lcags ri mu khyud
4b2 lta bu ste// lcags kyi khang rom las kyis gcod// a shaM nag po ti pa nA ga krod+hi shwa ri tri shaM rbad/ bu gu rag sha rbad/ ti pa tsa pa tsa kha la ba sha truM ma ra na dzA dzA/ klu yi gshin rje sku khros pa'i// snying po srog tu bshad
4b3 pa'o// nA ga du na du na hi li hi li/ 'dus 'dus/ klu yi 'khor rnams sdud par byed/ nag po bam tsi tsi rgyas trag tur snying la 'gul myags myags rtsa bzhi bskum/ shan shan srog la shan/ thur sod swAhA/ yang
4b4 snying nag po zhes bya ba/bsad pa'i spu gri yin par bshad/ nag po ti pa tsa ya nA ga rag sha shan shan kar rbad nA ga phos phos/ e a kar sha ya nan/ u nan phe laM shag shig nri man mA ra ya rbad a/ srog thun
4b5 nag po zhes bya ba// gshin rje ya ma rA dza ste// klu yi dug mda' nag po yin// zhes gsungs so// de nas klu'i khyab bdag chen pos/ las kyi srog thun zhes bya ba 'di dag rdo rje las thon to// nag po ti pa tsa ya
4b6 phe rag sha u gnan/nag po ti pa tsa ya/ tsit+ta tsa ra/ tsa pa ra ru shan/ che ge mo la yaM/ nag po ti pa tsa ya tsu ta raM tsu ta ru ka lag sha a shan/ nag po ti pa tsa ya nA ga kro d+hi shwa ri te shan rbad/ phu shan rbad/ ku rag
5a1 sha rbad/ti pa tsa ya dza la dzA kha yan hUM sho/ nag po ti pa tsa ya u phug sha rbad/ nag po sha pa ti rbad/ de 'dra ba ti rbad/ ba ru na phe shan nA ga rbad/ nA ga phes ye a k+Sha sha/ phe shan hUM nan/ phe lang
5a2 shag shig nir yan mA ra ya dza rbad a/srog thun rgyal po lha men mtshon// spu gri ka ma la zhes bya'o// dgra bo nr-i dza/ dgra bo Ni dza/ nir smi rdzi dzA/ dgra bo mA ra ya dza/ 'byung po mA ra ya dza/ khra tsa ra ya/ dzA hri/ ur
5a3 tsu da ra du nan/dza hri u tsu da ra du nan/ raM yaM nan/ du ru yaM nan/ oM badzra tsan nan/ khraM shing te yaM/ tsi ta byi ma la a kar sha ya/ a kar sha yA/ badzra bra ma ni/ hUM dza man tra hUM phaT/ gshin rje nag po'i zhal nas
5a4 dbyung// za byed smod pa'i thun sngags so// a shan nag po ti pa tsa ya/ kro d+hi sho ri te shan rbad/ phu shun thun rbad/ ku ra ba sho rbad/ ti pa tsa ya dzA la dzA la/ dgra bo tsi tsi dz+wa la kha yan hUM sho che ge mo mA ra ya dzA dzA/
5a5 klu nag po'i dug sngags so// oM nag po ti pa tsa ya/ u phug sha rbad/ nag po sha pa ti/ de 'dra ba ti rbad/ ba ru na phe sha na na ga dgra bo rbad/ nA ga phos phos yA yA/ e a kar sha ya u nan/ phe laM shag shig nam
5a6 yan/dgra bo mA ra ya dza rbad a/ yum chen klu mo nag mo'i myogs pa khrag gi sngags so// nag po tri rag sha dgra bo'i snying la pra sha thum ril mA ra ya dza/ dgra bo ma ra ya khug/ bdud ro sha pra ma ya/ dgra bo'i snying
5b1 nag po pra trag sha khug thum ril rbad/khrag 'thung mA ra ya dza/ praM praM nag po ti pa tsa krag sha ro la khug/ dgra bo'i snying tsa ro la rbad/ dgra bo mA ra ya dza/ de ni klu'i srog gshed kyi phur pas bsad pa'i sngags
5b2 so// nA ga hu ya b+ha ling dur ba che ge mo thun sod zung nA ga shig/ ro la thib thib/ klu'i smod pa nag po'o// nag po ti pa tsa ya/ dgra bo'i snying la mA ra ya dzA/ klu sbrul nag po nA ga snying la khrum su ye dza/ nag po ti
5b3 pa tsa ya/dgra bo'i snying la ya/ rbad pu ye thum ril ye dza/ nA ga rA dza dgra bo nri rbad/ shan ti rbad/ phrog ti rbad/ snar ma ti rbad/ snying la ril ril rbad/ shaM shaM rbad rbad/ mA ra ya rbad rbad/ klu bdun sbrul nag
5b4 po'i bsad pa'i spu gri kho na'o// oM nag po ti pa tsa ya/ nA ga rag sha los ba/ kri sna/ na ga sa b+hir wa b+ha hu ta/ nA ga tris sna rag sha tri b+h+yo/ dar ban da b+hu hu ta/ ka la b+hir sarba rag sha dza la/ che ge mo la b+h+yo b+h+yo/
5b5 tsit+ta khA hi khA hi/ ban d+ha phaT/ na la tsit+ta dz+wo la che ge mo la ya ya ni srog tiSh+ta rbad/ che ge mo'i srog chod tsit+ta long// yan lag chings thum ri li li/ nag po srog la b+h+yo/ dgra bo'i sha la ya/ khrag la yA/ sa ma ya
5b6 rag sha thaM b+h+yo/ma ra ya phaT/ sa bdag klu gnyan mang po yis las kyi thun nag dbab pa'i las// gsang ba mdze zor nag po yin// oM nag po ti pa tsa ya/ nA ga rag sha/ yag sha kha yan hUM/ ya hUM ya/ nr-i dza nr-i dza/
6a1 laM che ge mo mA ra tsakra thums thums laM rbad rbad/ rbad ya rbad ya/ kham che ge mo mA ra ya tsakra thums thums kham rbad rbad/ rbad ya rbad ya/ raM che ge mo mA ra ya tsakra thums thums raM rbad rbad/ rbad ya
6a2 rbad ya/yaM che ge mo mA ra ya tsakra thums thums yaM rbad rbad/ rbad ya rbad ya/ 'khor lo nag po'i gnad gcod pa'o// nr-i dza nr-i dza/ laM khaM raM yaM che ge mo mA ra ya tsakra thums thums laM raM yaM rbad rbad/ rbad ya rbad ya/
6a3 gnad gcod spu grir khyab bdag bshad// nA ga shan ti duM ti sibs/ nA ga rA dza nan nA ga mi ra rbad/ shan ti tsha ru tshubs/ nag po o ra li gsham/ na ga dun dun/ gyen gyen/ nA ga du ya ya/ tsubs tsubs
6a4 sha/che ge mo laM baM raM yaM mA ra ya rbad/ laM baM raM yaM che ge mo rbad ya rbad ya/ yaM raM baM laM che ge mo rbud rbud/ 'byung ba snying tib spyir rtsugs kyis// phung gshig drag po mnan gcod yin// a shaM nag po ti pa tsa/ nA
6a5 ga kro ti shwa ri tri/shaM rbad/ che ge mo laM khaM raM yaM nag po baM tsi tsi rgyas/ trag tur snying 'gul myags myags laM khaM raM yaM che ge mo rtsa bzhi bskum shan shan/ yaM raM khaM laM srogs shan thur sod rbad ya rbad ya/ 'byung ba
6a6 gnad kyi lto dkrug pa// las kyi sbal nag lto sbyor yin// laM che ge mo mA ra ya thun b+h+yo/ laM che ge mo mA ra ya thun b+h+yo/ laM che ge mo mA ra ya thun b+h+yo/ laM rbad thum ri li li b+h+yo/ khaM che ge mo mA ra ya thun b+h+yo/ kha rbad thuM ri
6b1 li li b+h+yo/raM che ge mo mA ra ya thun b+h+yo/ raM rbad thuM ril li li b+h+yo/ yaM che ge mo mA ra ya thun b+h+yo/ yaM rbad thuM ri li li b+h+yo/ yaM raM khaM laM che ge mo mA ra ya rbad ya/ laM khaM raM yaM mA ra ya thun b+h+yo/ gnam 'dre spyi rtsa'i bsad pa
6b2 yis// 'byung ba las kyi gnad gcod thun// ces gsungs so// de nas yang klu'i khyab bdag chen pos/ dregs pa'i bsad khrams 'bar bas gnad bskul ba 'di dag gsungs so// ya mA rA dza nag po dgra snying
6b3 la ya ya/ya ma kri snang dza thur dgra la b+h+yo/ nA ga ken tse 'dus 'dus dza thur dgra la b+h+yo/ oM be she he thum he thum dza thur dgra la b+h+yo/ ka la mun tri de chod dgra la ya/ dza thur dgra la b+h+yo/ dza thur snying la yaM/ badzra sa
6b4 du snying thur dgra la yaM b+h+yo/dza thur snying la yaM ma snying thur dgra la b+h+yo/ dregs pa las kyi 'khor lo ste// gsad pa spu gri kho na'o// klu'i 'khor lo nag po'i rgyud las/ le'u ste rtog pa gsum pa'o//// de nas
6b5 sprul pa'i khro bos khyab bdag ye shes la bstan pa'i dgra bo 'dul ba'i phyir/bsgrub pa'i rim pa bshad par 'tshal// ces pas/ klu'i bdag pos de nyid bsgrub pa'i rim pa bshad// lung gsum mdo'am brag chu
6b6 'thab// byang dang byang shar gnas mchog ste// klu srin gdug pa gnas par bsgrub// dbyar gyi zla gsum khyad par dus// rtsi thog rgyas sam 'bras bu smin// bsgrub pa'i dus dang zla ba'o// gnyan ra gdug pa'i
7a1 sa dag la// dal rtsi spos lngar ldan pa// chag chag thig btab me tog brgyan// lte dbus mthing nag er gnas pa// dbang gi khor yug dmar po yin// mu khyud zlum po sbrul chun brgyan// sngags
7a2 kyi 'phreng ba'i 'khor lo'o// rgyas par bstan pa bsgo bzhi ste// sbrul nag 'khyil ba'i ra ba la// sgo skyes chu srin pho mo'o// rus sbal pho mos ya spyis them// rlung lha'i phyogs su sgo bstan no// e las yang gnas
7a3 khyud skor sngags// rigs bzhi sbrul gyi rnam par ldan// gra ma'i phur pa sor bzhi la// 'chi bdag yab yum skur bsgoms te// e yi pho brang dag tu'o// srog gshed phur ba gsum po de// dmar po dbang
7a4 gi gnas su'o// sgo bzhi phyag brgya rab ldan pa// shar du kar ru dung can te// lhor ni rngub pa dril bu 'dzin// nub tu rus sbas rgyal mtshan can// byang chub zangs mo'i rmog zhu can// klu yi bka' nyan sde bzhi
7a5 po// srog bdag gza' dang yam shud btsan// sgo bzhi phyag rgya de dag dgod// gnag pa'i pha med rje dbon mgo/ rabs chad mon thod dza la'o// brnag pa'i rten bca' de bzhin no// rta gtor rgyun gtang gter
7a6 sba'o// gtor ma chen po bzhi dag go/ dam chen nye dang dngos grub dang// bar chad sgrol ba'i las la gzud// 'bar ba gshin rje'i gshed la ste// mkha' 'gro gzhan dang de bzhin brta// klu brtag klu
7b1 dag 'jig rten pa gzhan dag/mchod dang dam rdzas bsag pa'o// de bzhin nyid las yig 'bru'i sku// de las zhe sdang rdo rje'i sku// thugs las yi ge rnam 'phros pas// gzhal yas khang pa rnam par bsam// e
7b2 las khor yug tsakra bzhi// lhun po cig bzhi ldan pa'o// a mu ka yi rdzas drug la// gzas pa'i gzugs ni tshad ldan bya// gsang sngags 'phreng bas rgyas po che// ye shes sems dpa' gzhug dang brtan// bdun
7b3 'bum nyi khri grangs kyis te// lus la stags rnams byung ba na// rdo rje lta bu'i brtan pa thob// drag sngags las kyi spu gri btsan// grangs las rtags ni gces par yang/ khyab dag ye shes klu yis bshad// drod
7b4 tshad las kyi rigs par sbyar// tshad las rgal na nyes skyon te// rnal 'byor dam pas bya ba las// kun gyis ma yin tshe srog 'joms// gsad pa'i las su bshad bya ba// drag po e gnas bzhi ldan pa// gsad
7b5 khram las su shes par bya// ka la ma ni ka la pa// dza la bi ra nag po yin// srid pa dra ba rang bzhin grub// ltag pa'i phyogs su mkhas pas brtags/ kha gdangs pa ni shin tu gsal// gshin rje'i rgyal po bri
7b6 bar bya// 'og ma gshin rje'i lto ba ste// yum gyi gnas su bshad pa yin// sgo med sgo nga lta bu ste// lcags kyi khang rum 'bar ba na// yid kyi gzugs can rdzu 'phrul ldan// klu yi gshin rje nag po ste// mgo
8a1 dgur bzung bas 'chor ba med// smod sngags lcags kyu lu gu rgyud// dgra bo'i rnam shes rlung 'dra ba// srog dang 'dra ste chud gyur na// slar yang thon pa'i bskal med de// gshin rjes gzung bas
8a2 de dag yin// 'di ni gshin rje'i lcags khang ste// brnag pa'i rgyal po de nyid yin// gang dmigs bsgrub bya'i snying gi dkyil// srog gi rang bzhin rnam shes la// srog 'thun las kyi sngags kyis
8a3 bskor// bsad pa lting pa'i 'khor los gcod// rtsa gsum srog gsum grong khyer gsum// steng 'og bar gyis gcod pas na// 'khor lo nag po zhes su grags// mdze skya rlung gi 'khor lo ste// steng 'og 'khor
8a4 los 'bud dang g.yo// tshe bar mar me yis bsregs te// steng 'og las kyis smin dang bsreg/ mdze nag las kyi 'khor lo ni// thod mkhar steng 'og las kyis gcod// bdun pa gang rung rdzogs pa dang// lnga
8a5 gling gsum pa bzhir yang bshad// ra dang sbrul stsogs rigs las dpag/ rtags kyi tshad ma khyab bdag bshad// g.yag dang chu bo mun pa dmag/ phyi rtags 'gyur ba klu yi rtags// sdug dang mi sdug sems can
8a6 te// sna tshogs gzugs su 'byung ba yin// sbrul dang sdom sdig chu srin sa// sbal pa nag po gtor ma za// bems dang spri dang 'gul 'khrig 'khyug/ rkang 'khol ba ni grub ba yin// nyid mtshan sngags bzlas
8b1 bsnyen bsgrub glod/kha thun las kyi 'khor los gcod// sbos pa dug la myos pa khrag/ gzer bar byed pa phur pa yin// slar dbyung ba ni ma yin te// gsad pa'i sbyor bar rig pa yin/ khram gdab thod par re
8b2 bas gril// tshon sna lnga yi dra bar gzhug/ mi ldog drod dang ldan par bya'o// rigs bzhi brtag pa'am sa phyogs su// mkhas pas 'chi bdag lto bar gtad// gar gtod pa yi sa phyogs su// yar ltas ya ni bya
8b3 ra'i sa// mar ltas pa ni mdun sa ste// bar ni lkug sa rnam pa gsum// srang dang sring ga sgo dag dang// pho brang dang ni me long ngo// gtad pa'i sa brko 'chi bdag bsgom/ gtad bya lam bstan gtad rjes
8b4 gcad// gtad dmag drang bar khyab bdag bshad// sgra dgu bo dang ma nges bsgrengs// mang gsol brid dang bskur te gtad// gzir te thog babs gtad pa ni// rnal 'byor dam pas bya ba las// kun gyis
8b5 byas bas rang phung brlag/de na drod dang ldan pa yis// rnal 'byor ldan pas nag po bskol// 'gor na bskyar dang dmag drangs te// yang na gnad gcod spu gris brdeg/ khyab bdag ye shes rgyal pos
8b6 bshad// klu'i 'khor lo nag po'i rgyud las/ le'u ste rtog pa bzhi pa'o//// de nas yang sprul pa'i khro bo la/ klu'i bdag pos/ mA ra ya'i las dag la/ las rim sbyor ba gzhan gang lags/ khyab bdag ye
9a1 shes rdo rjes bshad// dza la ka la ka pa la// pho thod mo thod steng dang 'og/ rtsibs drug sdig par ldan pa ni// rgya skyegs thang khrom dug gis bri// klu yi dug sngags rim par ldan/ kha sbyor tshad dang
9a2 ldan par bya// sgo cig e gnas dbang dang ldan// sa yi dkyil 'khor de dag go/ rnal 'byor go cha ldan pa des// bod pa klu yi yang snying bzlas// bdun 'bum rtags dang ldan pas na// klu yi bdag pos
9a3 dmigs pa dgug/de yi gsad sngags de dag go/ nA ga rA dza a ran ta shan/ nA ga su ka nA ga su ka/ hUM dza hUM dza/ pad+ma ni dza/ shang kha ba la ni dza/ dgra bo dam pa ni dza ga la ge'u ni dza/ de brtags sngon du gyur
9a4 pa'i tshe// nA ga rag sha zhes bya ba// bod dang yang snying ldan bar bzlas// de nas khram gdab gtad ba tsam// klu bdud sdig pa nag po las// dmigs pa gtad pa'i las byas nas// 'chor ba med pa'i las su
9a5 gsungs// gal te grub par ma gyur na// bco brgyad sngags kyis spyan drangs na// 'bru dgus rnam shes gzugs la dbab// so bzhi sngags kyis gnad la dbab// stong sngags drug pos 'phrin las
9a6 bcol// drag sngags bdun pas rlag par bsreg/ de yis rlag par yang dag bshad// gzhan yang nA ga khro bo ste// rgya shog ta la ka ri ka/ sbal nag lto sbyar 'khor lo la// klu yi a mu ka yi sngags// rim pas
9b1 ldan pas lto sbyor la// e gnas dri dang ldan par bca'// srog snying bod rbad gsad pa gsum// rim gyis rdzogs pas dril las brdeg/ rtags byung yi ge phyir bstan la// gsad khram las kyi mtshon cha
9b2 dbab// dngos dang yid dang sprul pa gsum// las gsum rgyu ba'i dus dang sbyar// gdug pa nag po ldan pa la// sbal nag tsakra yang dag go/ gzhan yang klu sbrul nag po yis// las kyi rim pa 'di dag
9b3 ste// drag po chu skyes bzhi ldan pa// sa yi maN+Dal la brten te// klu yi rgyal po'i bsnyen pa bya// de rtags sngon du byung ba na// mtha' ru rdzas dbus bsgrub par bya// gru gsum drag po'i maN+Dal du// shing sbal pa yi
9b4 ga'u 'am// pha mes thod pa rab yin te// rabs chad mon dang mu su ra// dag dig glen pa bkra mi shis// bshags la tsakra bri ba'am// yang na ras sam shing shun la// sbrul nag 'khyil ba'i 'khrul 'khor
9b5 bri// a mu ka yi gzugs dag dang// dregs pa'i khram sngags dug shing ngo// bsgrub dang rtags rnams rdzogs par gtad// ces sngags 'di gsungs so// oM nag po ta pa tsa ya nA ga rak+Sha hUM/ bsnyen pa'i snying
9b6 por rig par bya// oM nag po ti pa tsa ya hUM dza/ nA ga kro d+hi shA ri hUM dza/ nA ga rA dza hu ya hu ya baM ril dza/ nA ga rA dza ya ma ye baM ril dza/ nA ga nA dza har hang her haM ba raM la dza/ sbrul nag 'khor lo nag po
10a1 ste// las kyi 'chi bdag gsung gi las// gzhan yang sa bdag 'khor lo ni// nA gA gcig dang lnga pa ste// gang du nag po'i bca' gzhi bya// bar du nag po'i las dag ni// mi 'jigs stobs dang
10a2 ldan pa dang// rdzas bsag klu snying sgro la bri// dam shing phag dmigs bsgom bya zhing// gsang sngags 'di dag yang dag bshad// dza ye phu bi dza ye phu/ tsit+ta a ne phu nA ga le phu/ shang ka ru te
10a3 phu/ku lu ud ka te phu/ gra he sha ra ye phu/ sa ma ye phu/ nA ga rA dza phu dza/ gtor ma dbul zhing dam la gdags// ga'u lnga'am gcig pa ni// sbal pa'i 'khor lo khog stong ngo// drag po bsad pa'i rdzas brgyad ni// mi sgra ra bal khyi
10a4 bal dang// bya sgong sbal pa'i sha dag dang// tsha dang ba glang mkhris pa dang// ske tshe dang ni ram bu'i phye// bsregs pa'i ril bu sran ma tsam// de la klu yi dmod pas gdab// bkra shis klu yi rdzas
10a5 bsregs ba'i// nor brgyad ces su bshad pa yin/ kha zas tshig pa'i rus pa dang// rtsa rgyus chad pa dmar khrag dang// chu'i 'bras bu gle'u gcig dang// yi dwags 'jigs pa'i mchod gnas brgyad/ kham pa'i
10a6 kong bur gzhug par bya// de nas khyim du yang dag gzhug/ 'byung ba tsha grang 'byung ba'am// nyi zla phang du blangs la gtad// gzhan yang drag po thun gyi las// gru gsum gnas su a mu ka/ dkar nag mda' ste
10b1 'bru yi rdzas// thun tig mdze can thod par brub// thod pa tshas ldan mnan bar bya// klu'i 'khor lo nag po'i rgyud las/ mA ra ya bsad pa'i las kha bstan pa'i le'u ste rtog pa lnga pa'o//// de nas sprul pa'i khro
10b2 bos klu'i bdag po la/bsad pa'i las kha de ltar na// 'chi bdag las kyi gshin rje'i tshogs// las la mngag pa gang lags pa// ye shes chen pos bdag la mdzod// yang dag ye shes khyab bdag
10b3 bshad// rnal 'byor dbang phyug chen po yis// sbrul nag chen pos gur phub la// sbrul dang sbal pa'i spos gtang la// gdung ba'i tshul gyis 'chi bdag bod// skal pa sbrul nag 'khyil ba'i dkyil 'khor
10b4 nas// rig pa'i rgyal po 'chi bdag mgo dgu pa// bdud kyi bdud cig 'chi bdag klu yi bdud// 'gro ba mi yi bdud du khyod ka lhag/ mi bzad yun gyi lhar yang mi gtong na// rgyab rten dpung gnyen 'chi
10b5 bdag khyod kyis mdzod// gru gsum mthing nag 'bar ba'i dkyil 'khor 'dir// mthun pa'i dam rdzas bdud rtsi 'di gsol la// dam nyams dgra bo'i 'khor dang bcas pa rnams// rtsa ba dgu rgyud rlung la
10b6 bskur la thong// nyams pa 'di la mdze dang lhog pa thong// oM nag po ti pa tsa ya phe rag sha u nA ga nan/ sku ni ri rab ngos la bsten// dbu ni bar snang khams su 'phyo// sngags pas dung dung bos pa'i tshe// skad
11a1 ni mi mthun 'brug tu sgrogs/khams gsum klu rnams dbang du sdud// sdang ba'i dgra la mdze dang lhog pa thong// sbrul nag 'bar ba'i ral pa la// mdze dang shu ba'i tsha tsha 'phro// i la sha yi sgra
11a2 bsgrags pas/khams gsum ma lus mdze dang shu bas 'gengs// nyams pa'i dgra la mdze dang lhog pa thong// oM nag po ti pa tsa yA tsi ra la rtsa ru rtsa be ra sho na che ge mo la yaM/ mig gnas khrag gi bu yug
11a3 'bebs// zhal nas me yi rlangs pa 'thor// srid gsum klu la mnga' mdzod la// che ge mo la mdze dang lhog pa thong// sngags pa bdag gis bos pa'i tshe// phyag na nad kyi rkyal pa thogs// g.yas na sbrul gyi
11a4 zhags pa thogs// klu chen brgyad ni thugs kyi dkyil nas 'char// klu bran stong ni zhabs kyi 'og nas 'dus// klu bdud stong ni sku yi g.yas nas 'gyu// sa bdag stong ni sku yi g.yon nas 'gyu// klu btsan stong
11a5 ni sku yi rgyab nas rgyug/gang dag lha klu stong la dbang sgyur la// stong gsum dgra bo mdze dang shu bas khong// oM a shan nag po ti pa tsa ya nA ga dgra bo kri ti rbad/ phu shun rbad/ ku rag sho rbad/ ti pa tsa dzA la dzA
11a6 la tsi tsi dz+wa ya na ma hUM sho che ge mo mA rA ya dzA/de dang gnyis med sbyor ba'i yum// bud med lus la sbrul gyi 'jug ma can// ral pa sbrul nag mdze dang shu bar 'phro// mig nas khrag gi bu yug zu lu lu// sna nas
11b1 nad kyi rlangs pa 'byin// zhal nas sbrul dang sbal pa mang po'i cho 'phrul 'gyed// g.yas na sbrul zhags thogs nas gtso la 'khyud// g.yon pa mdze shu'i rkyal ba phyogs bzhir 'thor// gzas ba'i sha khrag brab
11b2 nas gtso la stob// bzhugs ni rgya mtsho'i gting na bzhugs// rgyu ni bar snang khams su rgyu// klu bran stong ni sku la brgyan// klu chen brgyad dang sbyor ba mdzad// sa bdag mang po pho nyar 'gyed// klu bdud nag po
11b3 pho nyar 'gyed// zha bo stong ni thugs la 'char// klu skam stong ni mnan gzir byed// bdud kyi bdud cig 'gro ba mi yi bdud// dgra bo'i bdud du khyod las lhag pa med// gru gsum mthing nag dkyil 'khor
11b4 'dir// bdud rtsi ka ka ru'i dam rdzas 'di gsol la// pho cig yin na khram la thob// mo cig yin na nad kyis thob// skur cig rtsa ba rlung la bskur// yang na smyo zhing 'bog tu chug/ yang na mdze dang shu
11b5 ba thong// yang na myos shing lkugs su chug/ oM nag po ti pa tsa yA u phug sha rbad/ nag po sha pa ti de 'dra pa ti rbad/ ba ru na phe shan nA ga rbad/ nA ga phes ba beng/ e tri phe shan e nan rbad/ sa la sha na hUM nan/
11b6 pheng laM shag shig ni yan dgra bo mA ra ya dza rbad a// de nas srog gshed gsum bskul ba ni// klu bdud yab yum bka' 'khor na// bdud kyi rgyal po bgegs kyi glang po ni// chibs su chu glang nag po
12a1 chibs// sku smad sbrul gyi phung po la// sku stod glang gi mgo bo can/ khrag dang zhag gi ral pa la// sbrul nag brtsegs pa'i thod rdeng can// mig nas klu yi cho 'phrul 'gyed// sdang ba'i dgra la mdze
12a2 dang lhog pa thong// mche ba zangs yag gtsigs pa las// 'dzam bu gling bzhi nyal thag gcod/ khyod kyi chibs kyi snga long la// klu bdud stong gi gnas bcas shing// dgra la lhog pa pho lhog thong// mig cig po
12a3 la lag brgya po// g.yas pa brgya na khram bam thogs// g.yon pa brgya na zhags pa thogs// zhags pas gzung zhing khram la thob// gzugs kyi phung po ma yin par// don snying rnam lnga phrol las shog/ nag po tra
12a4 ga rag sha snying la pran// thum ril mA ra ya dzA dzA/ de yi bka' sdod pho nya ni// klu bdud nag po 'dzum med ni// sku ni sbrul nag 'khyil ba la// mi mgo stong gi 'phreng ba can// dbu ni rngam byed seng ge'i
12a5 gdong// sbrul nag stong ge ral pa la/ khram bam stong gi gos zu can// mig gnas bdud kyi sprul pa 'gyed// dgra bgegs ma lus cham la 'bebs// zhal nas rlung nag tshub ma 'byung// klu srin 'bum sde'i
12a6 gnas bcas shing// sdang ba'i dgra bo grum bur thong/ khyod kyi mthu stobs dbyung ba'i dus la bab// bstan pa bsrung ba'i dus la bab// mi gcig po la lag brgya po// g.yas pa brgya na khram
12b1 bam thogs// g.yon pa brgya na zhabs pa thogs// zhags pas zung la khram bam thob// bdud ro sha pra ma yA/ snying la nag po pra trag ga khug thum ril rbad/ de yi bka' sdod pho nya ni// bdud kyi rgyal po sbrul gyi
12b2 rgyu ma can// sku smad sbrul nag 'khyil ba la// sku stod ba glang dmar po'i mgo/ sbrul nag stong gi ral pa can// klu bdud stong gi gnas bcas shing// dgra la mdze dang 'brum bu stong// mi gcig po la lag brgya
12b3 po// g.yas pa brgya na khram shing thogs// g.yon pa mi ro'i zhags pa thogs// nyin bzhin rgya mtsho'i gting na bzhugs// mtshan bzhin ri rab rtse la gnas// dgra bo ma lus khram la 'debs// spyan mig dmar
12b4 po nyi mas 'tsher// dgra bo kun gyi snying nas 'dren// spyan mi g.yon pa khrag tu 'dzag/ klu bdud 'bum sde'i gnas bcas shing// sa bdag gnyan gyi dmag dpung sdud/ khraM thun mA ra ya dza// de nas 'khor bskul
12b5 ba ni// 'chi bdag klu yi 'khor tshogs rnams// rgyal rigs dang ni rje rigs dang// bram ze'i rigs dang dmangs rigs dang// gdol pa la sogs klu yi rigs// klu bdud klu btsan klu srin dang// gnyan dang
12b6 sa bdag la sogs pa// shar lho nub byang phyogs mtshams nas// klu dang gnyan dang sa bdag gis// mnga' rigs sdang ba'i dgra la b+h+yo// zhes bskul bar yang dag bshad// klu'i 'khor lo nag po'i rgyud las/
13a1 le'u ste rtog pa drug pa'o//// de nas sprul pa'i khro bos khyab bdag ye shes la/ klu yi 'khor lo nag po'i rgyud// rtsa ba yan lag 'phrin las dang// yongs su rdzogs dang gtad pa gang/ khyab
13a2 bdag rdo rjes yang dag bshad/dbyings dang ye shes byang sems sprul// rang rgyud las ni klu zhes bya// klu yi khyab bdag ye shes so// 'khor lo zhes su gang gsungs pa// rang rgyud gnas dang las bsgrub
13a3 pa'o// rang rgyud 'khor lo lnga yin te// bde chen longs spyod chos dang sbrul// 'phrin las bskul gyi gnas dag ste// sa chu me rlung nam mkha'i khongs// rtsa dang rnam pa ldan pas te// bcu drug rtsibs la phyed phyed
13a4 do// rgyal po rje'u bram ze dmangs// gdol ba la sogs rigs kyi glu// ro nye'i gzugs 'dzin yang dag ste// A li kA li rnam par ldan// drug gi rang bzhin rjes 'jug la// thig le brtan pa srog rten
13a5 tshul// sgo gnyis sbyor bas 'phel 'grib sbyong// rang la gnas par rang rgyud de// 'khor bas 'khor lo dag tu brjod// las rnams sgrub bar byed pa ni// 'khrul 'khor ma ra nA ga'o// sngags dang rdzas dang ting
13a6 'dzin gsum// lcags thogs mda' dang gcod byed mde'u// steng 'og bar gyi gcod pas na// phyi dang nang dang gsang ba'o// gcod dang sgrub par byed pa ni// lha yi rdzong mkhar lha men mtshon// rang byung rang
13b1 bzhin gnas pa nyid// rdzas dang ting 'dzin lta ba'i gzer// rdzas kyi sbyor ba thabs kyis te// rten 'brel tsakra rgyu rkyen las// chu'am shing rta tsakra'i tshul// sbyor ba rgyu yi tshul dag las// rkyen du ting 'dzin yang
13b2 dag go/gnyis med lta ba chos nyid gzer// gnyis med mun pa lta bu ste// mi 'gyur bas na nag po ste// mi phyed pas na mun pa'o// mi shigs pas na rdo rje'o// rgyud ces bya ba rgyun yin te// gzhi dang thabs dang
13b3 'bras bu'o// ngo bo khyab byed rgyud dang rkyen// rang bzhin gnas dang mngon byed pa// lta spyod dkyil 'khor dbang dam dang// sgrub byed 'phrin las rdzogs par bshad// rtsa ba'i bsgrub pa bshad
13b4 don nyid// gsum dang gnyis su yang dag bshad// rdzab la glang ru thod chen la// phyi nang gsang bar gang mos pa// gshin rje zhal dbye 'khor lo bca'// nag po bdun sbrag las chen te// lcags 'dra nang gi
13b5 ngar 'byin yin// lnga gling mi rigs lnga po dag/ rigs lnga'i klu yi las yin te// sna tshogs dga' bo thar po gsum// mi rigs sbyar ba de nyid yin// gsum dang bzhi yang de bzhin te// las kyi sbyor ba yin bar
13b6 bshad// yang tig tsakra kyang pa ste// gab pa sngon du byung ba yin// las kyi mtha' rgya ma grub na// sa bdag snying khar a mu ka/ tsakra rtsibs bzhi ldan pa ni// 'byung ba bzhi yi gnad dkrug pa// las kyi gnad
14a1 gcod ces su gsungs so// nA ga thugs kyi las yin te// mdze nag las kyi tsakrar bshad// nag po klu yi bsad bcud yin// klu rgyal nag po lta la zhes// sbrul nag 'khyil ba'i tsakra ste// las
14a2 gsum gcod med ti pa tsa// klu sbrul nag po bsad pa ni// nA ga gsung gi las yin no// sbal pa nag po lto sbyar ba'i// tsakra nag po nA ga klu// gshin rje khros pa yin par 'dod// sdig pa phung shig las kyi
14a3 rno// rtags myur yang snying rgyal po 'di// nag po klu yi 'phrin las te// mngon spyod kho nar bshad pa'o// dam zhing phag mig ces bya ba// las kyi sa bdag mo yin te// gcig pa dang ni lnga pa ste// las kyi
14a4 ging bsgrub shan pa yin// mdze zor nag po las kyi bcong// nA ga yon tan bsgrub pa yin// bsgrub dang las la sbyor ba ste// las kyi mtha' brgya gnad gcod pa// 'byung ba lnga yi 'khrul 'khor gtso// ting stib
14a5 dkrug dang gyad log dang// spyi rtsar gtang ba las kyi mtha'// gnad gcod spu gri lta bu ste// gang zhig dug gi yan lag 'dra// bdud rtsi mtshon cha 'bar ba yin// yan lag nye bar bshad pa ste// dkar nag lto
14a6 bar bsad pa ste// zas su shes na yang dag par// mi ldog gcod par yang dag bshad// gra skal myur te ltog kyang che// grags su gtad pa de nyid yin// zas ni mnga' gsol steng du gtad// brid de gtad pa
14b1 'jam gtad do// drag po dus med thog bcas te// brku bar bya ba mi gnas dus// gtad khar drod kyi rtags gsum 'byung// seng ge byed na las mi 'grub// 'jigs shing bred na bzlog bar bshad// rngam la
14b2 gtod cing shes pa rags// nyam nga bag tsha med na 'grub// lta ba chos nyid gnyen po klu// rten 'brel rdzas te ngan sngags gnad// pho nya las kyi shes pa rten// dug khrag sha sna dri yi las// brgya phrag bzhi pa zhes
14b3 bya ba// tsha ba'i dug ste sha rus 'bral// grang ba'i dug ste dbang po ldog/ rang bzhin dug ste khrag tu skyug/ de yi dug ste myos par byed// dug thabs tsakra nag po yin// dug sna khrag sha sna dang// dri sna ldan pas
14b4 nges par ro// 'khor lo gsum gyi rim pa zhes// bsnyen bsgrub las kyi gnad dkrug pa// mdzes yam gso ba'i mchog yin te// kun la bya bar ma gsungs te// dam tshig rang gnad chen po yin// sngags pa'i
14b5 tshe srog 'joms par 'gyur// rang gnad rang la 'khor bar bshad// yag sha zhes pa nor bu ste// bkra shis yon tan brgyad dang ldan// rang gsheg sdig pa kha sbyar du// las kyi gnad gcod snying tig
14b6 yin// byad kyi bka' nyan las kyi ldebs// ging dang gza' rgod yam shud dang// shu 'o rag shas rno myur byed// nye bar sbyar ba'i las su bshad// e ma rnal 'byor yang gsang che// gshin rje nag po'i gsang
15a1 rgyud 'di// drod thob shi la ldan pas bsgrub// nges par bum pa'i dbang thob 'gyur// rdzogs pa'i ye shes stong pa nyid// mun pa lta bur dbyer mi phyed// rtags kyi phyag rgya chen po'i bsgom// bzlas
15a2 pa nor bu'i 'phreng ba brjod// las kyi gshin rje rtag tu sbod// klu yi chos nyid mun par bsgom// klu nad can la sngags mi dpog/ klu yi dam tshig mna' la gzem// sme dang yugs sa mo la gzem// sa gnyan rdo
15a3 dang shing mi gcod// chu mig lu ma bshig pa men// de la bub chu btung ba spang// byi dang nal la sogs pa bsnol// thab gzhob la sogs spang bar bshad// rnam rtog rig pa chos nyid rlung// bde chen khyab
15a4 gdal rdzogs pa che// chos dbyings skye ba med klong nas// bstan pa'i snying po nges par shar/ khyab bdag rdzogs pa'i rnal 'byor che// rdo rje nron po 'bar ba che// 'chi bdag klu yi gsang rgyud bka'// 'khor lo
15a5 nag por nges bar shar// lha dang mkha' 'gro dregs pa la// 'chi bdag srog gi shan pa'i rgyud// las kyi 'khor lo nag po gtad// ces gsungs te thim par 'gyur ro// klu'i 'khor lo nag po'i rgyud le'u ste
15a6 rtog pa bdun pa'o//// rdzogs so//// 'khor lo nag po'i rgyud/ slob dpon 'jam dpal dang/ ka ma las rgyud pa/ ba su d+ha ra dang/ rdo rje yang dbang gter gyis bsgyur ba'o////


CLOSE WINDOW