232a1 rgya gar skad du/ nA ga ka la tan+t+ra/ bod skad du/ klu nag po'i rgyud/ dpal phyag na rdo rje la phyag 'tshal lo// 'di skad bdag gis thos pa'i dus gcig na/ ya ma lag na rdo rje 'chang/ klu'i bdag po
232a2 'jam dpal dpal 'bar che/gnyen po gnad ldan bas nA ga bkol/ rdo rje drag po 'bar ba che// mi shigs pas na rdo rje drag/ tsham rngam 'bar ba yang dag go/ sbrul nag 'khyil ba'i ra ba khyon// 'jig rten klu
232a3 rnams sku la rdzogs/khyab bdag che la yang dag par// 'chi bdag nag po mgo dgu pa// las kyi gshin rje rgyal po des/ nyid kyi srog gi de nyid/ smras pa/ nA ga du na he li he li/ 'dus 'dus/ 'khor dbang du
232a4 sdud par bya bar rig par bya'o// a sham nag po ti pa tsa/ nA ga kro d+hi shwa ri tri sham rbad/ nu gu rag sha rbad/ ti pa tsa pa tsa kha la baM sha truM sha ma ra na dzA dzA/ srog gi snying por rig par bya// nag po baM tsi rgyas/
232a5 trag thul snying 'gul myags myags/ rtsa bzhi bskums shan sha srog la shan thur sod swAhA/ klu yi dug mda' nag po ste// gsad pa'i mtshon char rig par bya// de nas de yi 'phrin las de// dben zhing nyam nga
232a6 gdug pa'i gnas// brag dang chu 'thab gnas mchog dang// rtsi shing stug po klu gnas par// maN+Dal mnyam po yid 'ong la// dri spos sman gyis chag chag gdab// klu gtor gtang zhing klu mchod bya// de rdzogs
232b1 a yi maN+Dal brtsig/de yi las kyi 'khor lo yang// sbal nag las kyi 'khor lo ste// ka ri ka'am rgya shog gam// ta la'i lo ma gzhan dag la// sbal pa'i lto bar 'khor lo bri// dkar gtor klu gnas rdzas
232b2 kyis byug/klu yi 'khor lo nag po la// gcug sngags dag gis brgyan pa ni/ kho ra khor yum rim pas brgyan// lte bar a mu ka yi rdzas// de las rgyu byas ling ka bri// srog gzhug khram la gdab par bya// sbal
232b3 nag 'khor lo sbyar ste// tshon skud bcings la bsgrub par bya// dang po bod pa srog gi gnad// 'khor rnams las la myur cing bod// gsang sngags yig drug gnyis te// rtags rnams ma byang bar du'o// de
232b4 rdzogs srog gi snying po ste// bcu gsum rtsa ba bdun pa dag/ de dag de la gdags zhes pa// bcu bzhi rtsa ba dgu pa'i sngags// las kyi gcong zhes yang dag bshad// de mthar bcu gnyis bzhi ldan pa// gsad
232b5 pa zhes kyi yang dag go/rdo rje khro bo zhes bya ba// chos kyi dbyings dang rang rig pa'i// ye shes gnyis su med pa las// sprul pa'i gshin rje dbu dgu pa// nA ga rag sha 'di sgoms shig/ kha sbyar yi ge phyir bstan
232b6 pa// bdud mda' la sogs rdzas kyis brab// rdzogs dang gtad pa'i las bya ba// rgyal po rje'u dang bram ze dmangs// kun la bya bar bshad kyang ni// 'di ni gdol pa nag po'i sngags// byang phyogs gnas pa
233a1 dmangs rigs kyang// las byed klu yi rigs su bzung// gsum gyi dbus sam gnyis kyi g.yas// gcig po dag la 'gyur ba med// thol thol ba ni mig yin pas// de 'og 'dom gang bcal
233a2 ba na// gdug pa can gyi kha yin gtad// zas dang grogs dang dgrar gtad pa// de ni bsam pa'i ngo bor bshad// klu la ldog pa'i dus dang rkyen// sngon du ldog dang sbyor ba ldog/ thug phrad rjes la ldog pa
233a3 dang// phyis ldog pas ni ldog dus yin// rang la ldog na dgra la ldog/ bsrung ba tsakra'i dang ldan ces// sngon du ldog par byed pa'i rkyen// rang sngags bzlas pas klu rnams 'du// dug chen klu rigs 'di dag
233a4 ni// dug 'joms 'chi bdag chen po bsgom// sbyor ba ldog pa 'di dag ste// 'khor lo yi ge dgra gzugs la/ kha rlangs dri dang dri ma dag/ 'dres na rang la ldog pas spang// thugs phrad ldog pa gtad dus
233a5 yin// lcags kyi sa kha dbye ba yin// de bzhin tshon dang dug shing dang// gdug pa tsher ma can gyi me// 'dir ni sha ru rtsi sman ldan// de ni nges par bya bar bshad// des dug spang zhing gza' dang
233a6 'grogs// rjes bzlog par ni gcad par bya// phyi mig mi lta khrag rjes gcad// lam phyag gos brun bskor ba bya// de bzhin klu yi gnyen po bskul// phyis ldog dgra zad rang la ldog/ ling ka rin po che dang
233b1 sbrag/yang na gson gshin lag sbrel bya// des ni ldog pa lnga dag bsrung// de nas klu yi rgyal po dag/ bsrung ba'i rim pa de dag go/ klu yi rgyu dus rnam pa gsum// dngos dang yid dang sprul pa'o// dngos ni ra
233b2 ba bzhi la rgyu// yid ni 'bring po bzhi la ste// sprul pa tha chung bzhi la'o// de bzhin zhag dus re re la// dngos dang yid dang sprul pa gsum// tshes gcig nas ni gsum gyi bar// de bzhin zla ba rim pas
233b3 ni// 'khor lo lta bur rgyu bar bshad// dngos la gtad pa'i las bya zhing// yid rgyu ba la gtad lam bstan// sprul pa rgyu dus gtad dmag drangs// thebs dang ldog dang 'jam dang 'gor// thebs na gtang
233b4 rag gtang bar bya// 'byams na dgug par bya ba dang// 'gor na dmag drang ldog na bsrung// de rtags sngon du byung ba ni// zhag grangs gsum cu rtsa bdun na// klu yi rigs tshogs 'du bas ni// rtags rnams
233b5 de la 'byung bar bshad// rno myur srog gshed yin pas na// ra hu la dang yam shud bskul// dus tshod mtshon cha 'dra bas na// dmangs dang gdol pa'i dus nyid bzung// zhi drag rdzas kyis dbye bas na// thod
233b6 chen rdzas sbal glang ru yin// 'dir ni stobs chen khyu ba sto// dmar po mchog tu bshad ba yin// yang na tshe de kham pa'i mgo/ de yang shis par dpa' bos bshad// sbal nag 'khor lo las bskul ba// ka mar
234a1 nye bar btus pa ni// klu yi rgyal po gsang ba yi// bstod pa 'di dag rmad byung ngo// 'chi bdag nges par gnas bskul bas// bskal pa rlung nag 'khyil pa'i dkyil 'khor nas// rig pa'i rgyal
234a2 po 'chi bdag mgo dgu pa// bdud kyi bdud cig 'chi bdag kun gyi bdud// dgra bo'i bdud du 'chi bdag khyod las lhag pa med// rgyu ni rgya mtsho'i gting du rgyu// mgo ni klu srin pho nyar 'gyed// sku ni ri rab
234a3 ngos la brten/khams gsum klu rnams dbang du sdud// sbrul nag 'bar ba'i ral pa la// mdze dang shu ba'i tsha tsha 'phro// a li sha'i sgra bsgrags pas/ khams gsum ma lus mdze yis 'gengs// mig nas khrag
234a4 gi bu yug 'bebs// zhal nas me yi phung po 'thor// sngags pas bos shing bcol ba'i tshe// g.yas rgya sbrul gyi zhags pa 'debs// g.yon na nad kyi rkyal pa 'thor// klu chen brgyad ni thugs kyi dkyil nas
234a5 'char// klu bran stong ni zhabs kyi 'og nas rgyu// klu bdud stong ni sku yi g.yas nas rgyu// sa bdag stong ni sku yi g.yon nas rgyu// sa bdag dza la stong la dbang sgyur la// stong gsum dgra bo kun la mdze yi
234a6 khong// de dang gnyis med sbyor ba'i yum// bud med lus la sbrul gyi mjug/ rgyu ni bar snang khams su rgyu// klu bran mang pos sku la brgyan// klu chen brgyad dang sbyor ba mdzad// sa bdag mang po pho nyar
234b1 'gyed// zhags pa stong ni thugs la 'char// klu bran stong ni gnan gzir byed// bdud kyi mi la bab na nad kyis thob// bdud kyi bdud cig 'gro ba kun gyi bdud// dgra bo'i bdud du khyod las lhag pa
234b2 med// gru gsum mthing nag 'bar ba'i gzhal yas nas// dam rdzas bdud rtsi 'bar ba 'di gsol la// pho la bab na khram la thob// skur cig dgra bo rlung la bskur// yang na myos shing lkugs su chug/ yang na
234b3 myos shing 'bog tu chug/yang na mdze dang shu pa thong// gru gsum mthing nag 'bar ba'i gzhal yas nas// dam rdzas bdud rtsi 'bar ba 'di gsol la// gtad pa'i las rnams sho ra re// de yis 'chi bdag
234b4 bskul bar bshad// sbal nag 'khor lo nag po'i rgyud// las kyi shan pa bkol ba'i lung// gtad khram las kyi mthar gtugs pa/ khyab bdag rdo rje chen pos bshad// de las de yi rim par ldan// bstan
234b5 bsrung bka' yi bya ra ste// bstan pa yun du gnas par byed// sbal nag 'khor lo zhes bya ba klu nag po'i rgyud rdzogs so////
234b6 rgya gar skad du/


CLOSE WINDOW