185b1 karma ba ri pri tsa nA ga rA dza ba hu ra tan+t+ra nA ma/ bod skad du/ las rab tu 'byed pa klu'i rgyal po rtog pa'i rgyal po'i rgyud ces bya ba/ bcom ldan 'das de bzhin gshegs pa ye shes kyi sku
185b2 can la phyag 'tshal lo// bcom ldan 'das de bzhin gshegs pa thams cad kyi spyod pa'i rgyud mthun pa/ de bzhin gshegs pa gzi brjid mtha' yas pa ste/ ri rab kyi zoms de bzhin gshegs pa thams cad kyi
185b3 'od zer gyi 'byung gnas khang bzangs chen po/rnam par smin pa bsam gyis mi khyab pas grub/ rin po che'i rgyal po chen pos shin tu rnam par spras pa yod pa/ pad+ma'i snying po seng ge'i khri chen po'i dbang gi rgyal
185b4 pos ngos gnyis shing tu rnam par spras pa la bzhugs nas/lham me lhan ne lhang nge'o// 'di lta ste/ dper na nyi ma'i dkyil 'khor ni nam thang ba'i nam mkha' la lham me lhan ne lhang nge'o// de bzhin du bcom
185b5 ldan 'das pad+ma'i snying po seng ge'i khri chen po la/lham me lhang nge lhan ner bzhugs nas/ byang chub sems dpa' sems dpa' chen po'i tshogs dpag tu med pa dang/ 'phags pa nyan thos dgra bcom pa chen po
185b6 dang/rang rgyal ba chen po'i tshugs 'dzin pa'i tshogs dang/ gzhan yang lha dang/ klu dang/ gnod sbyin dang/ dri za dang/ lha ma yin dang/ mi'am ci dang/ lto 'phye chen po dang/ grul bum dang/ srul po dang/
186a1 lus srul po dang/ skem byed dang/ smyo byed dang/ sgrib gnon dang/ nam gru'i tshogs dang/ 'jig rten dang/ 'jig rten las 'das pa'i tshogs bsam gyis mi khyab pa'i nang na bzhugs pa'i tshe/
186a2 de bzhin gshegs pa ni bsam gyis mi khyab bo snyam nas bzhugs pa'i dus gcig na cang mi smra bar gyur nas/ bcom ldan 'das nyid la rnam par lta zhing nye bar sems so// de nas byung chub sems dpa' de
186a3 dag ngo mtshar du gyur cing/ya mtshan gyis 'dun pa'i snying du gyur nas/ byang chub sems dpa' thams cad yang dag par bskul ba zhes bya ba'i 'od zer 'khor stong phrag du mar 'gyur nas phyung ngo// de nas
186a4 bcom ldan 'das kyis rdzu 'phrul chen po snang bar byas te/nam mkha'i khams rab 'byams thams cad dang/ 'jig rten gyi khams rgya mtsho dag na/ byang chub sems dpa' gang dag dbang dang ldan par gyur pa
186a5 'khod pa de dag la/sangs rgyas de'i bstan pa la stobs mi gcig pa'i klu'i rgyal po rang gi rigs bcu mthar gyis sbyangs pa bas/ sa bcu par rab tu gnas par 'dod pa des/ sangs rgyas kyi sa yod par mi
186a6 'dod pa/sangs rgyas kyi 'od zer dang/ rdzu 'phrul dang/ cho 'phrul thams cad dregs pa'i sgra chen po gcig gis zhi bar 'dod pa/ zhe sdang chen po'i sbrul mgo bdun pa/ kha rlangs kyis sems can thams cad la
186b1 nad bzhi brgya rtsa bzhi gtong bar byed pa/shangs nas lo tog thams cad 'joms par byed ba'i ser ba 'dril ba/ sdig pa dkar po'i sprul pa 'gyed pa/ sdig pa nag po'i sprul pa 'gyed pa/ sdig pa dmar po'i
186b2 sprul pa 'gyed pa/sdig pa ser po'i sprul pa 'gyed pa/ sems can thams cad la nad dang/ rims dang/ mdze dang/ shu ba dang/ g.yan pa dang/ phol mig dang/ 'bras dang/ sha nad kyis rtsa thams cad sdud
186b3 par byed nas zha bo dang/sgur por gtong ba/ rgyal rigs dang/ bram ze'i rigs dang/ rje'u rigs dang/ dmangs rigs dang/ gdol pa'i rigs dang/ gnyan gyi rigs dang/ mkha' 'gro'i rigs dang/ sa
186b4 bdag gi rigs dang/de bzhin du sems can ji snyed pa'i rgyal rigs dang/ bram ze'i rigs dang/ dmangs rigs kyi rigs thams cad dang/ de dag gi rigs thams cad dbang du gyur nas/ de bzhin
186b5 gshegs pa'i stobs gzhom par 'dod nas/sems can thams cad kyi dregs pas myos pa'i cho 'phrul 'gyed par byed cing/ bcom ldan 'das kyi drung du nye bar rigs thams cad sprul par 'gyed do// rtog pa'i
186b6 rgyal po'i rgyud las/gleng gzhi'i le'u ste dang po'o//// de nas de bzhin gshegs pa de yis/ de bzhin du lus mnyam pa nyid ces bya ba'i ting nge 'dzin dang/ ngag mnyam pa nyid ces bya ba'i ting nge 'dzin dang/
187a1 de bzhin du sems mnyam pa nyid ces bya ba'i ting nge 'dzin la snyoms par zhugs nas/ de bzhin gshegs pa des zhabs kyi mthil gnyis las kyang 'od zer gyi dra ba bye ba khrag khrig bkye ba las/
187a2 klu'i rgyal po de la snang bar gyur to// de bzhin du zhabs long bu gnyis dang/ byin pa gnyis dang/ pus mo gnyis dang/ brla gnyis dang/ gsang ba'i dkyil 'khor dang/ lte ba'i dkyil 'khor dang/ sku rtsibs
187a3 logs gnyis dang/thugs kha'i dkyil 'khor nas 'od zer bye ba khrag khrig drug cu drug cu byung ngo// phyag gnyis dang mgrin pa'i dkyil 'khor ljags kyi pad+ma las/ 'od zer bye ba khrag khrig bye ba brgya
187a4 drug cu drug cu phyung ngo// shangs gnyis dang/ snyan gnyis dang/ spyan gnyis dang/ sku'i spyi gtsug las kyang 'od zer bye ba brgya stong drug cu drug cu phyung ngo// 'od zer de dag dang/ klu'i rgyal po de dag gis mthong
187a5 ma thag tu kha bub tu 'gyel nas mgo cher rab tu gas so// de nas klu'i rgyal po de/ de bzhin gshegs pa shAkya thub pa'i 'od zer gyi chos 'phrul yin par rig nas/ de nas klu'i rgyal po de dag dang/ nA ga sher
187a6 nA ga sher ba'i sgra brjod cing/bya'i tshogs su sprul nas 'bros par 'dod do// de nas bcom ldan 'das kyis 'od zer de la sngags 'di/ bya khyung gi rgyal po cig tu gyur ro// oM A ba tha A ba thA/ rdo rje lugs kyi
187b1 mchu can sdig pa thams cad sel bar byed pa/rang gi don grub par byed pa 'di rjod par byed pa/ 'brug thog 'brug thog/ gshog pa g.yas kyi sngags/ mnan sad mnan sad/ gshog pa g.yon gyi sngags/ ti
187b2 t-i sad/sder mo g.yon pa'i sngags/ yor ga sad/ bzhug ma'i sngags/ bum zil sad/ snying kha nas gsang ba'i sngags 'di brjod ma thag tu/ klu'i rgyal po bya'i tshogs su sprul ba de/ rang gi rdzu 'phrul gtor bar
187b3 gyur to// de bzhin gshegs pa'i rdzu 'phrul mngon par bkye ba las/ bya khyung gi rgyal por gyur par brtul ba'i le'u ste gnyis pa'o//// de nas yang klu'i rgyal po sog ma med bzhin 'gyur skra sgreng lag na
187b4 mtshon thogs nas/gzhon nu gtum bag dang ldan par gyur nas/ sems can thams cad la bkrag dang gzi mdangs 'phrog par gyur nas/ de'i tshe yang de bzhin gshegs pa de'i thugs ka'i 'od zer chen po de
187b5 las rig pa'i rgyal po 'di brjod par bya'o// oM na mo rad na tra yA ya/ na ma sh+tsaN Da badzra pA na ye/ ma hA yak+Sha se na pa ta ye/ oM tsaN+Da be ga re b+ha/ sa ra sa ra bi ri/ tu tu tu mu la sa ma ya ba ri/ hu ru hu ru hUM/ tiSh+Tha
187b6 tiSh+Tha/b+hau ban nA ga nan dra bra ha ra du/ ma hA kro d+ha ra dza/ spu ta spu ta/ be'i re be'i re/ swa ra swa ra/ sa ma tA tu ti hUM hUM phaT phaT swAhA/ rig pa'i rgyal po 'di brjod ma thag tu/ ri ze la gnas pa'i 'od chen po'i
188a1 bdag po rdzu 'phrul gyi dra bas gdug pa can gyi tshogs 'joms par byed pa/mig dang/ rna ba dang/ sna dang/ lce dang/ lus sdug bsngal thams cad dang bral ba/ ya bi ra hUM khang/ gis bdud bzhi
188a2 nges bar bcom pa/phyag rgya chen po bzhi ngo bo nyid kyi mtshan nyid cig pa'i rang bzhin can la/ de la klu'i bdag po sog ma med kyis 'di skad ces smras so// de bzhin gshegs pa thams cad dam pa'i bdag po
188a3 khyod kyi srog dbrog bar bya'o// ngas dbugs rngub gcig gis bza' bar bya'o// de nas de bzhin gshegs pa shAkya thub pa des rdzu 'phrul rnam par bstan pa zhes bya ba'i ting nge 'dzin la snyoms par zhugs nas/
188a4 ched du 'di brjod do// na ma sarba ta thA ga te b+h+ya sarba mu ge b+h+ya/ bad badzra hUM huM phaT phaT sa ma ya phaT/ ces brjod de/ de nas klu'i bdag po rang gi mdun du byang chub sems dpa' phyag na rdo rje khros 'khrugs par
188a5 mthong ngo// lus rab tu 'bar zhing khro ba'i gad mo'i sgra 'byin cing/ mche ba gtsigs mig bgrad de snang bar mthong ngo// ring por mi thogs par bstan par bya'o// stobs gang yin pa klu'i rgyal pos ltos
188a6 shig/gsang ba'i bdag pos rdo rje rab tu gsor zhing klu'i rgyal po de la brdeg par 'dod la/ bdag gi klu'i stobs dang bcas pa gzhon pa dang bcas pa gzhom par bya'o// de nas bcom ldan 'das kyis phyag
188b1 na rdo rje khro bo'i dbang du ma 'gro bar/phyag na rdo rje khyod kyis dkyil 'khor gyi sbyor bas klu thams cad bsu bar bya'o// phyag rgya sgrub pa'i rnal 'byor pas/ sbyor ba'i dkyil 'khor gar byed par/ gtsang ma'i sa
188b2 blangs steng du brtsig gru bzhi rab tu gnas pa la/ba lci la sogs rnam lnga sa// la ma lhung bas byug par bya// ras sam so ma'i shun lpags la// mkhas pas bsgrims nas byin gyis brlab// thig ni bcu drug cha
188b3 ru gdab// sgo dang sgo rgyud rta babs bcas// dbus kyi cha gsum lte ba la// phyag na rdo rje nam mkha'i mdog khru ni bcu drug slo ngan tshad// dbus kyi lte ba zlum po la// nA ga rA dza dza yis dgug/ blo dang ldan pas
188b4 bskyed par bya// de rgyab pad+ma 'dab bzhi la// lho ru gzhon nu gtum po gnas// yi ge hUM las bskyed par bya// byang du zur phud lnga pa bskyed// shar gyi pad+ma dkar po la// nA ga rA dza dza yis dgug/ phu las skyed
188b5 pa mos pa'i tshul// nub tu pad+ma dmar po la// nam du la ni gdug rtsub can// sa ni bcu par yab dang thun// klu dang sa srin mo rnams kyis// rdzu 'phrul 'phrog cing phyag brnyan 'gyed// de bzhin skyes ma mgo
188b6 gsum ma// sbrul mgo dgu yi gdengs ka can// dug gsum dregs ma dmar mo'i bdag/ sbrul gyi zhabs ni 'khyil bag can/ nub kyi phyogs la rab tu gnas// de nas phyi phyogs 'dab brgyad la// mtha' yas
189a1 la sogs klu chen brgyad// sbrul mgo bdun dang yang dag ldan// phu brgyad dag las rnam par bskyed// rdo rje'i ra ba dag dang ldan// rdo rje ra ba'i phyi phyogs su// sprul pa'i lha yi snam bu la/ khye'u
189a2 chung mdzes pa'i tshul 'dzin cing// bye ba brgya'am bcu drug dag/ yang na mdzes pa brgyad gzhag la// gdug pa'i klu bran zil gyis gnon// sgo bzhir sbrul zhing dgod par bya// sgo yi ya phugs phyogs dag
189a3 la// sems can sna tshogs klu gnyan gzugs// sa bdag lto 'phye dri za dang// gnod sbyin mo ni sha za che// ma mo'i rigs dang rgyal po'i tshogs// gang 'dod gzugs rnams bya bar bshad// tshon rnams kha dog
189a4 ldan par bya// shar gyi ya phugs phyogs dag la// rgyal rigs dkar po dgod par bya// lho ru bram ze'i rigs rnams dgod// nub tu rje rigs byang du dmangs rigs dgod// yang na klu srin gdug pa
189a5 can// byab pa'i las phyir gzhag par bya// ma nyams ma chag bus mthur ldan// dug gi gzugs ldan dgod pa'i tshogs rnams ni// rta babs phyi rim dag nas bskor// rtog pa'i rgyal po'i rgyud las/ rdul tshon
189a6 gyi dkyil 'khor dang rdzas kyi dkyil 'khor bstan pa'i le'u ste gsum pa'o//// de nas sgrub pos 'bru la dkyil 'khor byas pa la/ klu gdug pa yod pa'i sa nas/ klu dang sa bdag gi pho brang gi brten byas la/
189b1 phyogs bzhir lha bshos 'dab ma brgyad pa brgyad gzhag la/ mtshal gyi thig le byas nas ni// sde dkar nag dmar ser la// nad pa mdun du gzhag la// bum pa yan lag rdzogs pa yi// dug gi yan lag rnam
189b2 par bsam// dug dbang rdzogs pa'i rnal 'byor pas// bgegs kyi yan lag btag par bya// dang dgod pa g.ya' ba dag tu mthun// rgyal pos grogs byas klu ni gdug pa che// lus kyi rtog pa gzhan la tshul
189b3 mthun dang// gsang sngags mthu yis bskul nas 'bros par gnas dang pho brang nyes tshe ston pa dang/ de ni gsang sngags grub pa'i las kyi phran tshegs yin par bshad// sa stengs rgyu ba'i gdon rnams med
189b4 'gyur na// rtags kyi mtshan nyid 'di ni 'byung mi 'gyur// gsang sngags me yis de la bskul ba med// rgyud kyi rgyal po chen po rtog pa'i rgyal po las// gsang sngags kyi mthu bstan du rung mi rung gi rtags kyi
189b5 le'u ste bzhi pa'o//// de nas gsang ba'i bdag po rang gi sku'i 'od zer las/ gdug pa can gyi tshogs zil gyis mnan pa dang/ bstan pa la 'tshe ba'i rigs can cham la dbab par bya ba'i phyir/ gdug pa
189b6 can gyi 'khor lo 'di phyung ngo// phyi dang nang dang gsang ba dang// phyi ni zhe sdang sbrul bar du// sa bdag chen po'i rigs dag gam// yang na klu chen gnas sa ru// drag po'i 'khor lo rab bskor nas// thod pa
190a1 dum bu drug pa ru// gro ga shing shun bsam pa la// gsang phyir gzugs dang ming bkod la// dam tshig bdag por rab bskyed la// gsang ba'i sngags ni 'bar bsam nas// chags las rnam grol
190a2 chen pos mchog/lag pa rkang pa lto gnyis drug/ mgo dang gsang ba 'khor lo brgyad// dang por mgo brgyad gru gsum la// gzugs bzhi bsnol ma gang 'dod gtem// dam tshig sngags ni dkrug
190a3 cing bzlas// skad ni rnam log mgo ba thur// dang por 'bod par rab tu gces// bar bar du ni 'khyil ba'i lus// mtha' ma 'khor lo rtse brgyad ma// bzhug ma brgyad ni rang sar zlos// ming du bod pa chags
190a4 par spyod// bar bar ming bcug las las spyod// drag por thig ni btab yin na// 'dren drag byid ming ting la 'dren// tshon gyis kha dog bsgyur zhing dgod// rta bsngams stobs med 'khor lor gzhug/ gang
190a5 'dod the tshom med par gyis// nang zhes bya ba'i las rnams ni// bum pa chen po thig drug bar// rang chod phyag rgyas btab pa la// dbang ni rim gsum rdzogs par skur// thog mar rang gi gnas mchog
190a6 bsrung// gsang dang dam tshig sngags dang brjod// de ni ming gi dang po ste// 'og dang steng du 'khor lo gdab// pha rol bsrung ba de tshe 'jig/ sems can rnal 'byor dam pa yis// 'dod pa bya ba gang 'dod
190b1 bsgrub// 'phrin las bzhi yi dug gi las// sbrul chen bzhi ni chu srin kha// drug tu 'dod pa nang gi las// gsad gso las ni mchog tu 'gyur// rang gi gnas drug 'khor lo drug/ sbrul brgyad steng 'og gnyis
190b2 la rdzogs// de ni rdzogs pa'i bdag por nges// las la khyad par bsam yas kyang// 'ching bdag chen por mi 'gyur nges// mchod pa nang dang gsang 'dzin che// phyi phyir gsang chen nges par 'phreng// de tshe
190b3 sngags kyi stobs dgod// e e i -I u U/ nan nan nan nan/ oM nA ga shi ri ran chom chom// dkrugs dkrugs sarba sho ga ri spo ta ya swAhA/ gong du ji ltar gsungs pa ste// gsang sngags la las 'khor lor
190b4 dkrug/sangs rgyas kun dang stobs gcig phyir// gsang ba'i dbang ni spyod pa'i mchog/ de tshe bsgrub par rab tu gces// 'di yi las kyi cho gar 'grub// rtog pa'i rgyal po las/ rtse gcig sems kyi khyad par
190b5 dang// bsad gso las kyi bya ba dang// ji ltar dmigs pa 'grub par bstan pa'i le'u ste lnga pa'o//// de nas de bzhin bsgrub pos// phyogs bzhi mtshams rnams 'khor ba ru// las kyi thun dang mi mthun
190b6 rdzas// gru chen la sogs 'khor gyi bar// 'o ma sman sbyar mthun pa yi// phyogs bzhi'am yang na re re bzhag/ rin chen la sogs snod ni mdzes pa yin// mda' dang 'phang glud nam mkha' shing ris dang// rgyang
191a1 bu dkar po brgya'am stong la sogs// nag po la sogs mda' 'phang de bzhin grags// gtor ma ma gtogs mchod pa sngags kyis brlab// 'phags pa mchod cing tshogs bsag sbyin gtong
191a2 gtang// lha bshos mthun rdzas bgegs rnams dug gi rdzas// ne ram shing rtsi sna tshogs 'pho ba'i rten// bal tshon sna lnga dkar gsum klu sman brgyan// shing thog 'bras bu snod ni dung phor shis// ba ra ta bi ra ni
191a3 ku ku mo'i 'o ma yin// snod ni bum pa'i nang du blugs sam rin chen mdzes// dpag bsam shing gi gzugs ni phyogs bzhir bri// ri rab gling bzhi nyi ma zla bar bcas// mnga' la yul mkhar la sogs mdzes
191a4 pa'i dar// rang gi ming dang sa bdag klu gnyan tshogs// ming ngam gzugs ni sna tshogs tshang pa gces// dug chen dag dang dug chung zin 'dod na// sgrib non dug gis myos par gyur pa dang// rta dang rten yod
191a5 pho brang mthun pa dang// mi mthun mthun pa bum pa lnga yi chus// spyi gtsug rkang mthil snying kha ljags las 'khyil// brab pa smag shad bal po se'u lcug/ ka ra bI ra gu gul nag po dang// mun pa sel ba stobs
191a6 dag yod pa ni// sems grol smyug ma byas pas thob pa min// rtog ba'i rgyal po'i rgyud las/ gsang sngags grub par nus par byed pa'i rdzas kyi khyad par bstan pa'i le'u ste drug pa'o//// de nas de bzhin
191b1 gshegs pa de'i 'od thugs rje chen po'i rdzu 'phrul mngon par bstan pa'i phyir/gsang ba'i sngags 'di dkyil 'khor gyi rtog pa klags par rig nas/ gnod sbyin gyi sde dpon chen po lag na rdo rjes/ de bzhin
191b2 gshegs pa'i rdzu 'phrul rnam par spros pa zhes bya ba'i ting nge 'dzin la snyoms bar zhugs nas/gsang ba'i dkyil 'khor 'di phyung ngo// oM na mo rad na tra yA ya/ na ma tsaN+Da badzra pa na ye/ mahA yak+Sha se na pa ta ye/
191b3 tad ya thA/ oM phra ku pa te be ga d+ha ra/ sa ra sa ra/ mahA be ga he sa ra/ b+hi ra sa ra sa/ b+hi ra ka ra ka ra/ pra dz+wa lin ta/ ma hA be ga man d+ha li pra ser/ ma hA pra tsan d+ha/ b+he ga d+ha ra/ pan na gen 'dra/ hUM hUM d+hu na d+hU na
191b4 spud ta spud ta nA ga sha ri ran ha na ha na/nA ga nan/ bra ha ra/ sarba shad trun/ b+ha ma na yA nA sha ya b+hi tra pa ya/ tra sa yA/ nA ga nan/ bA b+ha nan/ kam pa yA/ hUM hUM phaT phaT/ phus bu tan tu/ nA ga na ni/ hUM hUM phaT/
191b5 phus pu tan tu/ sarba shad trun/ hri ta ya ni/ hUM hUM phaT/ b+he ge b+he ga b+ha hi ni yo ta ma hUM hUM phaT swAhA/ sarba shad trung pra ma tha na ya hUM phaT/ bi ri bi ri swAhA krod+ha nA sha yA phaT/ tro ta b+hi d+ha ra na yA phaT/ ro sha na ya phaT
191b6 mA ra na ya phaT/ku la ud sa da nA ka ra ya phaT/ sarba du ta nan phaT/ ba smi ka ra ya hUM hUM phaT phaT swAhA/ de rab tu rtog ba'i cho ga rig pa gsang ba'i gzi brjid chen po 'di brjod ma thag tu/ lha rnams kyi stobs
192a1 kyis nang nas lha rnams kyi stobs kyis mi g.yo ba'i ye shes kyi rdo rje 'od zer sna tshogs su 'phro ba/lha rnams kyi 'od thams cad mog mog por byed pa/ nyan thos dang rang sangs rgyas kyi lo drug khri
192a2 pa'i bar du sbyangs pa'i stobs pas lhag pa/dgra bcom pa chen po mchod pa byed pa 'di// klu rnams kyi stobs kyis ma yin// gnod sbyin gyi stobs kyis ma yin/ de bzhin du dri za dang/ grul bum dang/ mi'am
192a3 ci dang/lto 'phye chen po de dag gi stobs 'jig par mthong na/ dregs pa chen po dag rang gi stobs med par mthong ma thag tu/ bcom ldan 'das kyi spyan sngar phyogs bcu nas 'dus nas/ dregs pa can de dag
192a4 gis bcom ldan 'das kyi zhabs gnyis la spyi bos phyag btsal nas/'di skad ces smras so// thugs rjes rig pa'i bdag po byin rlabs can// 'od zer 'bum gyi gzi yis bdud dpung 'joms// tshogs
192a5 gnyis rdzogs pa'i tshul gyis rkang gnyis mchog/pha rol phyin bcu rdzogs pas sa rnams lhun gyis grub// ces bstod/ 'di skad ces bstod/ mi'i nun pa grags par byed mi nus// bdag cag klu rnams bu dang
192a6 bcas// dpung dang bcas te skyabs su mchi/ bdag cag klu rnams mi gzhom gsol// dam tshig la ni gnas par bya/ khro bo gsang sngags su 'dzin pa// 'di la dam tshig gnas par bya// zhes brjod nas/
192b1 bcom ldan 'das kyi drung du nye bar 'ongs nas thal mo sbyar nas 'dug go/ de nas bcom ldan 'das kyi spyan snga na 'dug pa mo sha rus za ba'i ma mo rnams nye bar rings par 'ongs nas/ bcom ldan 'das kyi
192b2 zhabs gnyis la mgo bos phyag 'tshal nas/'di skad ces smras so// dus gsum sku ni rtogs bral sku ni bcom ldan 'das// bgres rgud med pas mtha' gnyis dus gcig gcod// ma chags 'khor ba pad+ma
192b3 'dam skyes ltar// rig pa'i cho 'phrul ma'i tshogs rnams 'joms// ces bstod do// de nas ma mo sha za ma khrag 'thung rus pa 'cha' ba gsur gyi dud pa la/ dri tshor ba tsam gyis yang/ kha rlangs chen po 'phyo ba'i
192b4 kha rlangs las/ma mo srin mo sha za ma stong phrag phyung nas/ srid pa'i skye 'gro thams cad sgrol bar mdzad pa de dag bcom ldan 'das kyi dkyil 'khor gyi gsang sngags mi bzod nas/ bdag cag gi srog mi
192b5 gzhom du gsol lo// bcom ldan 'das kyi bstan pa la 'tshe ba rnams kyi don du bdag cag gi drag sngags bzhes su gsol/ tsid ma sha la khrag 'thung/ ki ka pa ta pa la ta sha la ki khyo te khrid de/ rig pa 'dzin
192b6 pa'i rnal 'byor pas// dgra bo'i cho ga byed 'dod na/ dong ni chag gang gru bzhi pa// brkos nas rgya sol gyis bkang nas/ lhad ma ser la dgra bo'i zhing gzugs byas la/ ming rus bris la/ lag pa'i nang nas
193a1 mi shi ba'i lag par bcug la kha g.yam pas gcad la/de'i nang du kha lho phyogs bltas te/ gong gi sngags drug stong bzlas so// sngags te bton pa dang/ lhag ma'i nang nas lhad ma tsher byung
193a2 nas// slar dong gi nang du gsal te/ a ku shas sngags gong ma ltar bzlas te bsdu/ de ltar sngags gong du po sa ra ta zhes sham bur gdags/ de ltar lha dang/ klu dang/ gnod sbyin la sogs pa de dag thams
193a3 cad/rang rang gi spyi bos bcom ldan 'das kyi zhabs gnyis la phyag 'tshal nas rang rang gi gnas su 'dug par gyur to// rgyud kyi rgyal po chen po las/ gsang sngags kyi mthu la zhu ba pa gtad nas/ 'khor du
193a4 gyur pa deng snying po phul ba'i le'u ste bdun pa'o//// de nas de bzhin gshegs pa rang gi 'od zer gyis/ las 'phrog par byed pa'i ting nge 'dzin la snyoms par zhugs nas/ rang gi dam tshig gcig tu bsdu
193a5 ba mdzad nas/oM spu ta spu ta mahA kro d+ha hUM/ sid d+hi sid d+hi dzam pa ti dzam pa ti/ swAhA/ po ta ya swAhA/ oM spu ta spu ta mahA kro d+ha hUM dza ti dza ti spo ta ya swAhA/ hUM phaT phaT swAhA/ rang rang gi sngags 'di smras ma thag tu/
193a6 lus dum bu lnga bcur 'chad par 'gyur/ klu mtsho thams cad skams par gyur cig/ de ma thag pa tseng tseng po'i sgra chen smin par gyur cig/ klu'i rgyal po de ltar du sgrubs shig/ de bzhin gshegs pa kun gyi rjes
193b1 su gdams pa 'di ni 'da' bar dka' ba yin gyi/'dzam bu gling rin po che'i rang bzhin du gyis shig/ lo tog dang me tog dang/ lo ma dang/ sman dang/ nags tshal dang/ mgo lcogs dang/ spos kyi tshal chen
193b2 po de dag la ma 'tshe zhig/sems can gyi khams rigs dag cing mdangs dang ldan par gyis shig/ sems can thams cad srog gi rgyun chad par ma byed cig/ dam tshig dang ldan pa'i rig pa 'dzin pa la grub pa
193b3 la bla na med par gyis shig/ces ched du brjod do// rgyud kyi rgyal po rtog pa'i rgyal po'i rgyud las/ dam tshig rjes su gnang ba'i le'u ste brgyad ba'o//// de nas rig pa 'dzin pa de/ rgya mtsho chen po'i gra dag
193b4 gam// pad+ma'i ri dang me tog rnams// gang na klu chen gnas pa der// 'o ma spos chus mgo lus bkru/ kha zas cho ga sngags kyis gdab// yang na snyung bar gnas par bya// ma btab zas rnams bsrung bar
193b5 shis// mtshan ma rnyed nas yid du 'ong// rnal 'byor bas ni ci dgar spyad// bgegs kyi lus can zin 'gyur na// 'o dod bod cing gnyid kyang med// mig ni so ma gyel la ldog/ 'chad pa dur khrod dag song
193b6 la// bla khab yod dang med kyang rung// dkyil 'khor khrung gang brtsigs nas ni// bum pa rin chen gtsang ma la// chus bkang sngags kyis btab gyur na// mi de de las grol bar 'gyur// sa yi gter rnams
194a1 phrad par 'gyur// yang na rmi lam nyams byung na// yod med 'grub par rigs kyis chen// rgyal rigs dkar po bram ze rigs ser// rje'u rigs dmar por yang dag gnas// dmangs rigs
194a2 dmar pos zin gyur na// rang lus dug gi dbang thob nas// dkyil 'khor gzhung ltar bris nas ni// bum pa la sogs rdzas rnams ni/ gsang ba'i sngags dang rig pa'i sngags// dam tshig sngags la rab brtson
194a3 bya// sngags kyi dug rnams byung nas ni// rta bsdams rten spo las rnams bya// zhi dang dgug dang dbang du bsdu// bskrad dang gsad pa las kyi 'dogs ni rab tu gces// zhi rgyas dbang drag tshang ba'i mchog/ chu
194a4 mig chen po yod pa'am// gnyan klu rigs bzhi yod par ni// sa phyogs de ru dkyil 'khor brtsig/ gzugs kyi bye brag dag kyang dgod// drag po sngags kyis mi gnon cing// gsang sngags grub rtags ma phyin
194a5 na// gnyan skyas gdab cing glung dang bsngo// zla ba bdun nas bcu gsum dang// rang gi dug ni nus pa che// mthar gyis rnam rtog med par nus// yid la ji ltar dmigs pas 'grub// dug gi mun nag sol
194a6 bar 'gyur// ji ltar sngags kyi sgrub pa ni// mun nag sgrol ma sman gyi dug gsos ltar// de bzhin gsang sngags dug ni sman dang 'dra// gdug pa sbrul gyi dug ni sel bar byed// dmag la ral gri nyungs kar
194b1 dag la bzlas// zer ba rdo rje ka ra bI ra bzlas// bal po ser smag shad shing ngag ni// dug gis zin pa'i lus can de la bzlas// yang na nyungs kar bum pas ci la yang bya bar 'grub// dbang bskur byas
194b2 pa'i bum pas ni// dbab gcad byas pa'i tshe na bya ba men// sha kra dug ni kha rlangs dag las byung// bum pa yis brab cing se'u'i lcug bya ba// mche bas btab na sha ro dug chen yin// gsang ba'i sngags ni
194b3 gags sel med 'gyur na// dug chen dug ni nyi mas sel bas mun nag sel// de bzhin zla ba bcu gsum gsang sngags dug dag 'don// rigs kyi gnod sbyin sha zas gtab pa'i dus// zhag bdun zhag gcig nyi shu
194b4 gcig gis sel// gdug pa mo'i tshogs la man du sngags kyis sel/ log 'gro na dug ni zas bzhin byed mthun par rags/ dgar dang dgug pa so thags dbang du bsdu/ bsad pa byin snyed rdo rje
194b5 dri yis bya// rin chen la sogs bdud rtsi nyi shu lnga// phug ni shing shun ras bal mgul chings yin// nyungs kar nyungs nag bsres pa rab rtogs sngags kyi mchog/ gdug pa mo ni mos pas rang sel te// rta dang
194b6 glang dang khyi phag nya sbrul dang// ra lug ri dwags 'dab chags bya yis tshogs// chu srin gtsos mo gcan gzan sna tshogs gzugs// phyogs bzhi dag tu kha dog ldan pa'i gzugs// rnam smin mun pa sel byed
195a1 rgyal rigs spyi nas 'don// bram ze kha dang rje rigs snying kha gdon// dmangs rigs rkang mthil rnam smin sel bar nus// rgyal po log dang snyung bas zin gyur na// sdig pa dkar po rkang pa'i
195a2 mthil nas zhugs// lus mdog 'gyur zhing dri yang nga bar 'gyur// rid cing bskams pas 'o dod chen po 'bod// bla gab med pa'i dge slong su ti tas// btson ra thar pa'i gsang sngags bzlas gyur te// bum
195a3 pa'i chu yis rgyal po nad zhir 'gyur// chu bur zhi nas zhag ni bdun bar du// rgyal mtshan rtse la btags te mchod pa byas gyur na// shing chen bskams pa lcug phran skye bar 'gyur// dus bzhi dag nas mgo
195a4 ljogs skye bar 'gyur// rims dang dug dang mtshon dang me yang zhi// rgyal po bka' yi chad pa zhi bar byed// gdug pa sbrul gyi tshogs ni sa yi srubs su zhugs// gdug pa sdig pa'i tshogs ni reg pa chu bskams
195a5 ltar// mtshan nyid med cig lus dang gtor bar 'gyur// de bzhin mthun rdzas grogs dag ldan pa yis// rtog med gsang ba'i sngags kyis zhi bar 'gyur// rgyud kyi rgyal po rtog pa'i rgyud las/ dug gi yan
195a6 lag 'byung ba'i phan yon dang bcas pa'i le'u ste dgu pa'o//// de nas byang chub sems dpa' zla bzhi dag pa'i snang ba de nyid la/ tshur shog bye brag rig pa'i skad// 'od gsal rdo rje 'jun pa'i tshul// me
195b1 tog ye shes tshul 'dzin cing// dpa' zhing brtul la log rtog 'joms// dpa' bo chen po de dpa' ba'o// byang chub sa la rab gnas shing// mgon po ting 'dzin thugs rjer ldan// sa bcu gzugs su yang
195b2 dag ldan// chos sku ngo bo brjod du med// 'od zer stobs kyis bden bral 'joms// bcom ldan longs sku rtag pa che/ khyod kyi thugs kyi ngo bo nyid// mi 'gyur rdo rje rjes su bcad// oM na maHsarba ta thA ga ta b+h+ya
195b3 sarba mu ge b+h+ya sarba ta thA tsaN+Da mahA roSh+Na badzra pA Ni hUM phaT/bde chen rig byed rgyal ba'i sras// nga yi dam pa'i phyag rgya ni// mi 'gyur las kyi dam pa ni// mchog chen mchog bral bzod par dka'/ khyod kyis mi
195b4 gnas rtag tu chongs// de nas gnod sbyin gyi bdag po nyi ma stong gi gzi/ gdon rnams ma lus mi rtog ngang du rdzogs// mkhas shing snying stobs tshul khrims mtha' gnyis gnon// sbrul gdug rgyan chas lus dang
195b5 yan lag mdzes// dri med gzugs kyis 'gro la mthun bar snang// lha rnams la ni lag na rdo rje che// klu yi gnas na rdo rje klu chen 'joms// gnod sbyin tshul mthun gnod sbyin gos sngon can// dri za la ni dri
195b6 za'i gzugs lta bu// grul bum mthun snang rig byed rdo rje 'dzin// srul po gzugs chen rnams la srul po rdo rje 'chang// de bzhin lus srul rdo rje 'dzin// skye byed nad ni skye byed ldan pas 'joms// smyo byed
196a1 las ni smyo byed ldan gzugs snang// grib snon dug ni grib snon tshul 'chang 'joms// nam gru nam gru lag na rdo rje 'joms// sna tshogs gdug pa can rnams la// lus kyi phyi ru gzugs 'byung ba
196a2 bzhin du// rang rang mdun na rdo rje 'dzin pa'i gzugs// rang rang dag gi dregs pa zhi bar byed// lho phyogs rig pa 'dzin pa gnas// de bzhin rjes su 'jug pa'i dbang// dkyil 'khor sngags ldan
196a3 mdzes bar bya// po ti phyag rgya thugs kyis brtags// chab gtsang 'o mar me long zho// bum pa rdo rje byin brlabs pa// nag po ra ri med pa la/ gcig gam yang na gsum lnga la/ kha rgyan mgul chings dar dang
196a4 ldan// lha bshos bdug spos me tog dang// mar me dri dang dung chos nyid// ku sha ras bal gdan ldan mchog/ gdan mchog bla ma rab gnas la// rang gi snying khar zla ba yi// dkyil 'khor yi ge mtshan pa
196a5 bya// de stengs hUM sngon mtshan bya ste// nam mkha' yi ni mos dkyil du// de dag mdun du yang dag bsam// de nas mdun du sngags bdag bskyed// bum pa'i dkyil 'khor rab ldan pas// mos bas rang bzhin
196a6 med par bya// rdo rje la sogs sku gsung yang// sngags kyi sku gsung thugs su bskyed// byin rlabs ngo mtshar rgya cher 'byung// de nas slob ma drang bya ste// mig bkab 'phreng thogs gus pa'i sems// dkyil
196b1 'khor gyi ni shar sgo nas// tshig gi khyad par 'di dag brjod// mgon po rgyal ba dgongs su gsol// bdud dpung 'joms pa'i rdo rje 'dzin// nam mkha' dri ma med pa ltar// bla med thugs rje gzung du gsol/
196b2 khyod ni nga yi bstan chos po// rdo rje las na bdag la stsol// dam tshig rdo rje bdag la stsol// 'jig rten dpung 'joms chos legs mdzod// sdig bshags sdom gzung rjes dran dang// ser sna med pa'i yon
196b3 mchod 'bul// sangs rgyas gang ga'i bye ma snyed// mdun du yang dag bsam par bya// bla mas mchod pa rdzogs pa dang// lus ngag yid gsum dang bas 'jug/ mig bkab phreng thogs zhi ba'i sems// de nas
196b4 dam tshig bsgrag par bya// lha stan rigs kyi bdag por nges// sangs rgyas kun dang mnyam sbyor ba// sangs rgyas kun gyi sku yi dbang// rtog spyod kun gyi mtha' las 'das// thams cad 'joms pa'i stobs
196b5 ldan pas// bu khyod la ni bskur ba yin// rdo rje bdud rtsi dam par 'gyur// oM badzra tsakra/ de bzhin gshegs pa gsung gi dngos// bsam gtan spo ta dam pa 'di// mtshan ma'i dgra rnams rnam par dag/ bu khyod
196b6 la ni bskur ba yis// gsung gi grub pa bla med shog/ oM badzra bag sha nan/ sangs rgyas kun gyi thugs kyi dbang// dam pa ye shes bla na med// rdo rje ngo bor grub pa nas// bgegs rnams kun yang bzhig par
197a1 byed// oM badzra tsit+ta rag shad hUM/ gsang sngags yid la rjes dran nas// nyams pa'i don gyis rtog sel cing// rig pa'i ye shes dam la gnas// 'gro ba'i ched du rang dam bca'// yi ge hUM gi sa
197a2 bon las// phyag na rdo rje grub yang 'dzin// bum pa zla bas mtshan par bskyed// de stengs khru ni bcu drug pa// 'phro 'du mang po'i tshul gyis gtams// slob ma'i spyi bor gzhag la ni// nyes pa'i tshogs nyid rnam
197a3 dag pa'i// ye shes gzugs kyi bum pa 'di/ khyod kyi spyi bor gzhag pa yis// dbang gi rgyal por mdzes ldan nas// las kyi mtha' rnams bshig par byed// me long bstan cing bum pa'i chu rgyun gyis/ khyad par
197a4 rab dang 'bring du bshad// rab ni thar pa'i lam mchog 'bring ni lus sems bde// ngag kyang snyan cing gdon yang 'gros// rid cing skam pa me tog shing skrams la// char chen rlan gyi rgyun gyis brlan pa
197a5 bzhin// nyon mongs dug la ye shes chu yis brlan// mche bas zin dang rjes ni bor ba'i dug/ kha rlangs sna tshogs dug ni chags pa che// rigs chen drag po'i dug ni gsang sngags dug gis 'joms// des
197a6 ni tha mar bstan pa rnam par spangs// gal te nor la sred cing sdug bsngal gyis// gdung nas 'bring po la ni bstan par bya// lha yi bde ba dang ni 'byor pa dang// tshe dang stobs gzungs phun sum tshogs pa
197b1 dang// thos mang mdangs bzangs cig tu yid bzhungs na// dbang thang che kun dga' mthu stobs kyis thob// chags dang rnam bral dge la dga' ba dang// rtag tu dkon mchog gsum la sems gzhol
197b2 dang// sdig pa spangs shing bzlas brjod ldan dang ba'i// mi la lha rdzas dngos grub ring ba med// rdo rje'i mtshon med gnam lcags mthu 'dra ba'i// gsang sngags mi yi 'jig rten mchod sbyin mdzad// 'jig rten
197b3 'di dang pha rol nyid na yang// sdug bsngal sel cing sdig 'joms gzhan med do// gang zhig dpag bsam ljon pa'i shing lta bur// la las dngos grub la lar bsod nams dang// gzhan la gzugs stobs che
197b4 dang bde ba dag/yid mthun 'bras bu 'dod ba'i mi la sogs// gsang sngags sna tshogs gzugs su rnam sprul nas// gang zhig sdug bsngal gang zhig 'jigs skrag pa// 'gro ba'i sdug bsngal kun las grol
197b5 ba'i dbang// rgyal po chom rkun thog gis 'jigs skrag pa// 'gro ba'i tshogs chen mtha' dag skyob par mdzad// rtog pa'i rgyal po'i rgyud las/ dbang bskur ba'i le'u ste bcu pa'o//// gang zhig yul dang
197b6 khyim la brten kyang rung// dka' thub ma nyams rtse gcig sems kyis ni// nyin gcig bzhin du cung zad sngags bzlas na// de yis gsang sngags dus gcig na ni 'grub// cho ga bzhin du dang por 'bum
198a1 bzlas nas// snyed nas sngags pas bsgrub la 'jug par byed// de ni dngos grub myur du thob 'gyur ba// gsang sngags cho gas yun rings nyon mi mongs// lus la sa yis dril phyis byas nas
198a2 su// chu rnyed rnyog ma med par zhugs nas kyang// ji tsam 'dod pa'i bar du khrus byas te// byung nas shar ram byang du kha bltas nas// chu yis lag pa rkang pa bkrus nas ni// pus mo phyi rol tu ni bstan bya
198a3 ste// bar du lag gzhag tsog tsog por 'dug ste// skra med yu ba med pas nye reg bya// lan gsum bar du chu ni 'thungs nas su// chu la lan gnyis yongs su phyi bar bya// so la chags la lce'am reg nas
198a4 kyang// sbrid pa byung nas kha yang dkrug par bya// rab tu skyes pa bud med gzhon nu yang// gzhon nu ma dang rgad po mdzes rnams la// de la nams kyang sngags pas reg mi bya// sngags pas de dag rnams la
198a5 mi bsam mo// rgya la de dag rnams la reg gyur na// slar yang thor 'thungs byas nas ni// de nas phyir yang bzlog la 'jug par bya// gsang dgra la dad bzlog dga' snying rje can// rtag tu len pa la ni bzlog
198a6 pa dang// slongs mo'i zas za lha yi las brtson pa// de yi lus la gsang sngags 'jug par 'gyur// 'ga' yis bud med nor dang gos rnams dang// bzhon pa brgyan dang bza' btung byug pa dang// mal stan
198b1 rnams ni mang nyung byin 'gyur na// de las bsgrub la gnas pas mi blang ngo// sa phug bshang sgo lnga ste mtshan la gsum// g.yon la gsum ste lag pa gnyis la bdun// yang na sa dang chu yis ji srid du// dri ma dri
198b2 bral de srid bar du bya// lhor ni rgyas pa ser po sngags yang dag ldan// nub tu dbang dang byang du drag po yang dag ldan// shar du zhi dang grub pa'i las rnams bya// rnam smin dug ni sngags kyis sbyar bar bya ba
198b3 min// tsha tsha cho ga mdo don khyad par 'phags// sbyin sreg las ni 'bum mam bye ba bya// zhi ba zlum po khru gang las ni rigs dman tshad// bram ze rje'u rigs khru ni bzhi yi tshad// rgyal po khru ni bcu gnyis dag tu
198b4 nges// rgyas pa gru bzhi dbang la zla gam bri// drag po la ni rim pa gsum gsum ste/ kha dog dkar dmar ser ljang nag por bshad// phur ba'i tshad ni rigs kyi tshad dang sbyar// nyul lam shing dkar dbyibs ni
198b5 zlum por bshad// rgyas po gru bzhi shing ni ser por 'grub// dag pa'i dbang ni min pa'i shing mdog dmar// drag po'i shing nag yang na lcags la bya// rin chen la sogs so so'i phur pa'i rgyu// shin tu las
198b6 bzhi me yis nyon mongs bsreg/rigs kyi slob dpon rgyan chas so so'i mdog/ las la brtson zhing tshul khrims dag ba'i mchog/ tshad med bzhir ldan shes rab bden gnyis rtogs// mtha' gnyis rig pas
199a1 dpag bsam shing lta bur// yon tan tshogs ldan rigs kyi bdag po des// tshon gyis bri'am yang na me bri bar// lhag pa'i lha la mchod phyir mchod pa'i rdzas// bdug spos me tog la
199a2 sogs mchod pa'i rdzas// ma du 'bras chen gtor ma lha bshos dag/ bdun bdun dag gis mchod na grub pa'i mchog/ kha dog la sogs so so'i mdog ldan pas// raM sbar shing ni kha dog phur par
199a3 ldan// gtum khung tho ba dbyibs dang so so'i hom khung ltar// smag shad lcug mar drag po'i yam shing rdzas// mang nyung rdzas ni ma nges dbang thang che chung tshul// zla ba bcu gnyis rab sbar sbyor ba'i tshe// gcig
199a4 nas nya yi tshes ni zhi dang rgyas pa'i las// zla ba gzhol ba dag la drag po'i hom khung 'bar// dbang ni zla ba shi bar rab tu 'grub// tshe rabs sbyangs pa'i sdig sgrib sel bar byed// 'jig rten dag na spyod pa
199a5 rab grub pa'i// chos kyi rgyal po e ma ngo mtshar che// rgyal po shing chen bram ze rigs su skye// dngos grub chen po gzhan na med pa thob// phan 'dogs ma nges grub par gsungs// rgyud kyi rgyal po chen po
199a6 rtog pa'i rgyal po'i rgyud las/sby-in sreg gi le'u ste bcu gcig pa'o//// de nas de bzhin gshegs pa thams cad kyi bdag po mngon par bsdu ba zhes bya ba'i ting nge 'dzin la snyoms bar zhugs nas/ rdzu
199b1 'phrul gyi rgyal po zhes bya ba 'di gsungs so// oM pra dzA la spo ta ya ki rgya du ba b+ha nan hUM hUM phaT phaT swAhA/ rigs kyi dkyil 'khor gyi mig 'bar ba zhes bya ba 'di brjod par bya'o// oM tsak+Shu tsak+Shu ma thA ma tha swAhA/
199b2 rdzu 'phrul rgyal po mig 'bar 'di sgra grags ma thag tu/ ring por mi thogs par mthong bar 'gyur ro// byis pa gdon gyis zin pa dang// gang dag dug gi lus can la// ston par byed pa 'phro mo'i 'phran tshegs
199b3 yin par bshad// bya ba dang rnam par bzlas dang grub pa'i tshe// dbab dang bskrad dang bsad dang bcing la sogs dang tshar bcad dang/ de tshe dkyil 'khor phyogs bzhi dag tu yang/ dmigs pa'i rten gyi 'brang
199b4 rgyas lnga gzhag ste/klu rigs kyi gnas nas dgug pa dang/ lus la dbab cing phyi bzhin bgegs rnams ma lus bskrad pa dang/ phyi bzhin bzlog cing lus la 'tshe ba med/ bcing dang gsad pas las kyi mtha'
199b5 mi dor/ting 'dzin phyag na rdo rje rab ldan pas// yi ge hUM gi sa bon de nyid las// 'od zer 'phros pas rgyal snying rab bskul te// phu las 'od zer kha dog bzhir ldan pas// rigs bzhi'i gnas rnams kun tu
199b6 'khrug par byed// gtum khros 'bar ba'i gzi brjid 'phel bar byed// lus dang ngag sems dam tshig rgyal po'i mchog ltar ster// rigs 'dzin tshe yi snying por grub pa dang// bkra shis tshigs su brjod tshe
200a1 dbang mchog dam pa bskur// ma chags dam pa'i thig les rgyas yang gdab// spyi gtsug gnas su so sor bsgrub pa lha dag sgom// bkra shis brgyad kyis dag pa'i rdzas dbang bskur// lha klu gnod
200a2 sbyin dri za'i tshogs chen po// reg dang kha rlangs dug las grol bar 'gyur// sbrul gyi rigs ni dkar po bcu gsum dang// de bzhin gnag dang dmar po ser khrag dang// dug gi rang bzhin mthu stobs zhi bar
200a3 'gyur// de bzhin gnyen skyas dbab cing sngags kyi glud kyang bsngo// sman dang 'bru bcud rdzas rnams rdzogs par bya// phyogs dang mthun pa'i dkyil 'khor bri ba'i tshe// le lo sgyid lug ma dang blo bor
200a4 nas// rang sems rgyud dang brtson 'grus che ba dang// rgyud la goms shing gnyis med blo ldan pas// dbang gis rang bzhin rigs kyis mtho ba dang// dad pa'i mthu yis bla ma bsten pa dang// snying rje'i dbang
200a5 gis tshad med bzhir ldan pas// dug chen dug chung dug med rims pa rtag pas// dug gis mi'i rang bzhin khyer 'dra bar// snying rje'i rang bzhin mi rtog rtog med par// nags tshal ljon shing yal ga lta bu
200a6 la// yan lag rdzogs shing 'bras bur ldan pa ltar// de bzhin kun gyi thub mchog nus ldan pas// mun nag nang du phye mar gsal ba ltar// rab dang 'bring gi blo ni tha ma gsum// rab la mtho ris thar pa'i sa
200b1 yang rnyed// 'bring la tshe dang rgyud 'phel dbang thang yo byad ldan// tha ma lus kyi nad zhi bde bar rtag tu gnas// dngos grub rdzas dang kha zas sna tshogs bsten// 'tshogs nas dkyil 'khor lus ni gang gi
200b2 tshad// bri dang brtsig dang mtshon gyis 'o dod gsal bde ba'i// stan la rigs 'dzin bdag nyid gnas// rgyal ba'i tshul 'chang lus ni bor nas ni// 'gro ba'i don du tshul ni sna tshogs pas// 'gro ba'i don
200b3 de thams cad rdzogs ldan byed/kha cig mi yi lus la rnam par 'khyam// mtshan mo me mngal zhon cing rnam par 'tshe bar byed/ kha cig chu la zhon cing bud med dag la gab// skyes pa'i cha lugs bzung nas lus
200b4 la grib bzhin 'khri// nyin bzhin dur khrod song nas zla ba'i zer la ldang// zla ba'i zer la zhon zhing skyes pa'i rkang la 'khril/ kha cig lam chen dag tu 'gro zhing rdzu 'phrul ston/ kha rlangs ser pos sha khra'i nad
200b5 du gtong// mche ba gcig gis zin ba'i mtshan nyid ni// dug chung yin te khrag phyung sha za'i mdog tu 'gyur// sngags kyis gso ba mkhas pas ngo shes nas// 'phran tshegs yin par bshad/ mche ba gnyis kyis
200b6 zin pa'i mtshan nyid ni// rigs ni bzhi pa gang yang rung ste rjes ni bor bas sha ro dug gi nad// dug chen nad du sngags pas ngo shes nas/ sngags pas dbang gi lus rnams mdzes ldan nas// drag po rtsub pa'i
201a1 bum pa sngags kyis brab// gnyan skyas dbab cing slud dang mdzes par gtang// pha rol rten yo mi ldog d+ha yang gsum// mche ba gsum pa dag gis gdab gyur na// de'i tshe lus la chu bur cher
201a2 byung nas// mche ba'i dug dang kha rlangs rjes bar yin// sngags dang sman gyis mkhas pas gso ba shis// byab pa'i rdzas kyis dkyil 'khor dag nas gdon// sngags kyis dug sel sman gyis dug ro sel// de
201a3 ltar mkhas pas rig nas bsgrims te bya ba yin// mche ba bzhi yis gdab pa 'di dag ni// rtags kyi mtshan nyid gang yang ston mi 'gyur// de ltar rtags rnams med pa'i lus chen gang la yang// sngags pas
201a4 las de brtsam par bya ba min// de yi lus ni bcad gtubs zos pa'o// dug gi rgya mtsho las kyi rnam smin che// dug chen de las sgrol ba'i thabs 'di gsungs/ khyim na gnas sam dgon pa dag kyang
201a5 rung// lam chen 'gro'am 'on te 'dug kyang rung// sa dang chu la sogs te nam mkha' rlung dang me// 'byung ba lnga po dag la nyin mtshan dag tu ni// 'jig rten rtse gcig gis ni sa tsha gdab par gsungs// byin
201a6 gyis brlabs pas mchod rten las rab mchog/yang na zangs sam 'khar ba'i snod mdzes lugs ma'i phyag rgyar bya/ uSh+NI Sha'i sngags kyis byin la byin gyis brlabs nas// 'bum tsho gcig gis ngan 'gro'i
201b1 gnas nas thar par bshad// 'bum tsho gnyis kyis bde 'gro gnas su skye// 'bum tsho gsum gyis phyir mi ldog par gsungs// las ngan dug gis zin pa'i lus can de las thar bar bshad// rgyud kyi rgyal bo
201b2 chen po rtog pa'i rgyal po las/mig 'bar ba'i gzi brjid dang/ dug gi mtshan nyid bstan pa dang/ ngan 'gro nas 'don pa'i thabs bstan pa'i le'u ste bcu gnyis pa'o//// de nas de bzhin gshegs pa mi
201b3 g.yo ba zhes bya ba'i ting nge 'dzin la snyoms par zhugs nas ched du brjod pa 'di gsungs so// a ying d+h+ri sring sid ta yo gi ni ba li na da d+ha mi/ a ying d+h+ring sring gu ra yo gi ni bi lan da d+ha myi/ a ying d+h+ring sring
201b4 ha kra ta yo gi ni ba la ni da d+ha myi/a ying d+h+ring hring sa ma ya yo gi ni ba lin da d+ha myi/ bi sha u ba bi sha tha ba ra tsa ka la ge de ma hA tha ba ra bi sha si ta na ma he te bi sha/ tan ta man ta a ko she ye hUM phu phu a a/
201b5 'di brjod pas dug gi rigs thams cad sel bar 'gyur ro// 'di bsgrub par 'dod pa'i rnal 'byor pas/ bla ma'i lha mo dang/ grub pa'i lha mo dang/ bstan pa'i lha mo dang/ rdzas kyi khyad par rab bsogs
201b6 nas/dug rnams kun las grol bar 'gyur// dug gi dbang mchog ma thob na// mkhas pas gzhan don bya ba min// dug dbang rdzogs pa'i rnal 'byor pas// bzlog pa'i las rnams bya bar gsungs// sngags
202a1 kyi byad kyis zin 'gyur na// thod ngan dum bu drug pa la// gur kum sna tshogs dag la ni// nya rus smyu gus bri bar bya// shar du rgyal rigs dkar po dgod// lho ru bram ze'i rigs ser po// nub
202a2 tu zhe sdang rje'u rigs dgod// byang du dmangs rigs nag po dgod// lha srin sde brgyad snying po ni// shing shun dag la bris nas ni// de rgyab mu stegs rigs can gzhug/ ti tsha chen po'i 'og dag gam// yang na
202a3 lam chen bzhi mdo ru// sbas na rigs chen dam pa ste// klu yi byad las grol bar 'gyur// de bzhin gnod sbyin dri za dang// grul bum la sogs rdzas rnams ni// yang na lha chen gsang ba'i 'og/ bcug nas
202a4 las bzhi phur pa dang/khro bo chen po'i gsang sngags kyis// lan grangs nyi shu rtsa gcig bzlas// dam tshig bdag po'i sngags kyis dang// las rnams ma lus rdzogs par bya// phyogs bzhir phur pa btab nas
202a5 ni// byab pa las kyi dug dag byab// bum ba'i sngags kyis dbang yang bskur// che mchog dam pas tshe yang bstim// klu bzlog chen po byas par 'gyur// de nas las kyis bum mchog des// las kyi bdag por
202a6 myur ba ni// sbyin sreg las rnams tshang bar bsog/ skyer pa ser po'i shing rnams la// cho ga'i sngags kyis sbyin sreg bya// de yi sol bas me spar la// sgyed bu mi rkang bzhi btsugs la// thod pa chen po bzhi
202b1 bsogs la// gcig tu khrag sna sna tshogs pa'i// mchog gi rkang gis dkrug cing bskol// de 'og thod pa gnyis pa ru// dgra bo zhing gi rngo bsags la// ka ra bi ri'i phur pas dkrug/ bskol nas thod chen zang
202b2 ma la// sngags kyi 'khor los rab bskor te// 'o ma sna tshogs thod chen gang// bskol nas thod rdzas 'tshog pa ni// 'khor lo can du 'tshogs par bya// sbud pa nag pos bus nas ni// dkar thab dmar thab
202b3 sngo thab gsum// ra sngon rkyal pa bus nas ni// phyogs bzhir rgyal rigs bram ze'i rigs// rje'u rigs dmangs rigs 'tshogs par bri// rkyal pa gdab cing grod pa dkrog/ gnyan sde dkar nag phyogs bzhi
202b4 rigs// mthun pa'i rdzas su grod pas dkrog/ gsang sngags de ni rab rjod la// rang gi lus dang bsrung bar bya// dbab sngags dam tshig sngags la gdab// oM nA ga ri la ya/ nA ga dril ya/ nA ga dril ya/ nA
202b5 ga phob ya/nA ga phob ya/ thog thog lam lam phob ya// sa la stong rtsa brgyad brjod la/ thod pa zlos shing song bar bsams la/ rbab tu sgril la gtang ngo// rgyud kyi rgyal po chen po rtog pa'i rgyal po'i rgyud las/
202b6 byad kyis mnan pa klu bzlog pa dang rgyas pa'i sbyin sreg gis thog ser dbab par bstan pa'i le'u ste bcu gsum pa'o//// de nas las rab rig pa 'dzin// gru gsum pa'i hom khung dang// gro ga shing shun
203a1 gtsang ma la// gang 'dod snying po bris nas ni// 'dzam pa ta yis bkug nas ni// dmangs rigs sbrul gyis gzugs bar du// seng ldeng phur pa sor brgyad dam// lcags las byas pa'i sor bzhi
203a2 la// 'dzam pa ti yis gang 'dod dgug/ dam tshig sngags la bsad sngags bzlas// mA ra ya mA ra ya/ nA ga rngubs rngubs rbad rbad rbad/ byas la phur pa snying dkar nag gi mtshams su brgyab la gtang/ klu'i
203a3 rgyal po de dang lto sbyar nas/ri gsum 'dus pa'i rtse mor dong khru gang ba gcig brus la/ de ru skyel na gang gi ming bcug pa de/ zla ba gsum gyis 'chi bar 'gyur/ rig pa 'dzin pa de zhi ba'i sngags la gnas
203a4 pa'i tshe/hom khung zlum po'i cho ga la// ras sam shing shun gang rnyed la// rgyal po'am blon po dmag dpon de/ ming ngam rus su bris nas ni// rang gi rkang pa'i 'og tu bcug na/ gang gi ming bcug pa de kho na
203a5 dang mi srun pa thams cad zhi bar 'gyur/dam tshig sngags kyis btab pa la// zhi ba shan ting ku ru ye swAhA/ de bzhin dbang gi sngags dag ni// gang 'dod mi de bris nas ni// stam pa ya yis btab gyur
203a6 na// rgyal po'am mun 'gro'am bud med dag dbang du 'gyur// char pa'i rgyun ni 'bebs byed na// klu yod pa yi mtshor song la// thod pa shin tu tshad ma las// gur kum gyis ni gzugs bris nas// bla khab
203b1 med pa'i gnas dag tu// dkyil 'khor gzugs brnyan rab bkod la// grub pa'i mtshan ma brtag par bya// grub pa'i mtshan ma byung ba dang// de nas las sngags sham bu gdags// b+ha ri sha yA b+ha ri sha ya/
203b2 sbyin sreg gi thal ba la/ mngon par char ches na gtor la gtang ngo// de mngon par mi chod mi srid do// rig pa 'dzin pa des nor bsgrub par 'dod na/ dur khrod lta bur song la/ dkyil 'khor gtsang ma dri
203b3 byugs la// zhi ba'i dkyil 'khor hom khung du/ me long steng du rin po che gser dang/ g.yu dang/ zangs dang/ lcags dang/ dngul gyi rtsa rnam pa thams cad brdar la/ gser skyems kyi nang du blugs la/ dam
203b4 tshig gi sngags 'bum du bzlas la/gter gyi khyad par bdag la stsol cig byas la/ rin po che'i gser skyems gtor ba dang// mtshan mar ci yod pa 'byung ngo// rgyud kyi rgyal po chen po rtog pa'i rgyal po'i rgyud
203b5 las/'phrin las so so'i las bstan pa'i le'u ste bcu bzhi pa'o//// de nas de bzhin gshegs pa rdzu 'phrul gyi thabs drag po smin par bya ba 'di ched du brjod do// gang zhig rnal 'byor gdeng ldan
203b6 pas// gnas ni chu gling dag tu'am// me tog rnam bu yod pa ru// bum pa'i sngags chus lus bkru bya// de nas gru gsum mkha' glong du// drag po phur bu mang po dang// rdo rje nag po lag ring bsgreng// nyungs nag
204a1 til nag sbrul nag snying// te'u nag po'i snying shun du// drag po'i sngags ni shin tu yang// nya nas stong gi bar du bzlas// mchil mas lus ni tshig pa dang// me tog ka bya ti la sogs// gtab na
204a2 bug skams rid pa dang// de mthong grub pa'i tshad du gsungs// de nas gang 'dod las sbyar ba// sngags kyi bdag por bsam byas la// drug par sbyin na thogs rdugs med// rgyas pa las kyi mchog du
204a3 gsungs// de nas par bu nag po ru// dug dang bsres pa'i rdzas dag blugs// 'dod par bya ba ji lta bu// dam tshigs sngags kyi bdag por grags// oM s+phu ta s+phu ta mAhA kro d+ha hUM/ nA ga ki li mi li tsan ti badzra sa
204a4 du sa ma ya drag tu phob/nA ga tiSh+Tha tiSh+Tha/ nA ga spu ta ya par ti ka yi drag tu phob/ nA ga dz+wa la dz+wa ma hA kro d+ha pa ra ti ka ye drag tu phob/ nA ga tsan ta pa ta dza ti dza ti ka ye drag tu phob/ nA ga ha na ha na s+pho ta ya s+phur ta
204a5 ka ya drag tu phob/byas la rang nang na gnas par byas la/ dong pa kha phye la snying shun rdo rjes brdung/ phur bus gdab par bya/ 'bru nag po dang til la sogs pa de phyogs de ru gtor la gtang ngo// bla ba'i
204a6 'bras bu tsam du 'gyur ro// rtog pa'i rgyal po'i rgyud las/ 'khor lo drag po rdzas kyis ser ba bstan pa'i le'u ste bco lnga pa'o//// de nas de bzhin gshegs pa chags pa chen po dang bral ba gsang ba'i
204b1 bdag po la/rgyud gzung ba bstan pa 'di ched du brjod do// kye ma bdag la ngo mtshar che// gang phyir sems can thams cad la// 'dod chags la sogs chags bral las// nad rnams kun las sman lta
204b2 bur// rgyal ba kun gyi thugs kyi sras// zla bzhin dag pa ngo mtshar che// nga yi bstan pa dam pa 'di/ khyod kyis rtag tu sten par gyis// chos kyi mgon po mthu stobs can// rtag tu skyong la legs par gzung// de
204b3 nas byang chub sems dpa' des// 'od zer dang rdzu 'phrul khye'u gzhon nu gtum bag dang ldan pa de/ cig 'dod dpung gi tshul du 'dus nas/ ston pa la mngon par bstod do// stong gsum mun sel ye shes sgron
204b4 ma'i mchog dug gsum chags bral dmigs med chos kyi sku// gdod nas dag pa rtogs bral rdzogs pa che/ khams gsum sgrol mdzad pad+ma 'dam skyes ltar// e ma ho khyed kyi thugs kyi dam pa 'di// bdag
204b5 nyid dag par ji ltar 'chang// bsdu ba'i mtshan nyid ji ltar bsdu// sems can ma 'ongs ji ltar bstan// bshad pa'i mtha' ni du yis bshad// bde bar gshegs pas bshad du gsol// ye shes rdo rje ngo bo
204b6 las// rdo rje lta bur khyed kyis chongs// rgyud kyi ma chags chags pa che// don dam kun rdzob gnyis su 'dus// don dam dmigs med chos kyi sku// kun rdzob 'gro ba thun snang sel// drang don nges don gnyis su
205a1 shod// bshad pa'i yan lag brgyad kyis bshad// nga yi bstan pa lha yul bshad// nga ni mya ngan 'das 'og tu// lo ni bdun brgya lon nas ni// lho phyogs be d+ha'i yul shed du// dge slong dpal
205a2 ldan zhes bya la/khungs ni lha yul babs par bskod// don dang tshig dang 'brel pa dang// sgos pa dang dgos pa'i dgos pa'i dgos pa bshad de/ che ba'i yan lag bstan pa dang// gdul bya gang gis don byung
205a3 dang// theg pa'i khyad par bstan pa dang// dbang po rab 'bring tha ma la// mtshan dang mdo dang rgyas par bshad// che ba'i yan lag bzhi yis spags/ khams gsum zil gnon dbang mchog mdzes pas
205a4 che// theg chen rnams la dam tshig gsang sngags che// las kyi rgyud las las kyi khyad par 'phags// sna tshogs sems can nad sel khyad par 'phags// de ltar dpa' bo las rnams de ltar 'gyur// rgyud kyi
205a5 rgyal po chen po rtog pa'i rgyal po chen po las rab tu 'byed pa las le'u bcu drug pa'o//// klu'i rgyal po rtog pa las rab tu 'byed pa zhes bya ba gab pa dang sbas pa'i rgyud rdzogs so//// a+thi+-i//
205a6 rgya gar skad du/


CLOSE WINDOW