70b1 mu tra mun la tran gu h+ye tan+t+ra/ bod skad du/ bal pa tra gsang ba'i rgyud/ bcom ldan 'das dpal dreg pa chen po na ra gir ti la phyag 'tshal lo// 'di skad bdag gis thos pa'i dus
70b2 gcig na/ri rab ri'i bum pa rab tu 'jigs pa'i gzhal yas khang chen po/ gru gsum mthing nag 'bar ba'i klong/ zhing dang gdug pa nyi zlas yongs su mtshan pa/ rak+ta'i rgya mtsho 'khrug cing yongs su 'khyil
70b3 ba/dur khrod kyi gnas brgyad kyis yongs su bskor ba'i/ pho brang e yi gzhal yas khang na/ dregs pa chen po na ra gir ti/ dpa' brtul chen po dregs pa zil gyis mnan pa'i ting nge 'dzin la snyoms par
70b4 zhugs so// de ma thag tu 'khor thams cad kyang yongs su 'dus par gyur to// dregs pa chen po gtsug phud nag po dang/ bdud po yag sha nag po dang/ arga zor 'phen nag po dang/ klu gnyan ka la srog
70b5 gcod dang/khram thogs kyi bdud dang/ gri thogs kyi gying dang/ zhags thogs kyi btsan dang/ 'jig rten dbang phyug gi srin mo 'jigs byed rnams dang/ dregs pa'i sde dpon chen po rnams dang/ gdug pa tri
70b6 la sogs pa rnams 'dud par gyur to// de'i tshe de'i dus na dregs pa can de dag gi nang nas/ dregs pa chen po gtsug phud nag po gdan las langs te/ 'di skad ces gsol to// e ma ho/ dregs pa'i bdag
71a1 po lha bdag gtso// 'phrin las kun gyi bdag po ste// dregs pa gshin rje gshed po khyod// 'khrul pa'i log 'dren tshar gcod pas// nyid kyi lta spyod ji lta bu// dkyil 'khor chen po ji ltar
71a2 lags// de la mchod dang las rim rdzogs pa yi// 'phrin las grub par ji ltar bgyi// yan lag rdzogs pa'i rim pa dang// sngags dang phyag rgya ting 'dzin dbang// dam tshig chen pos bdag la gsol// ces
71a3 gsungs so// snying zor nag po'i rgyud las/ gleng gzhi'i le'u ste dang po'o//// de nas yang dregs pa chen po na ra gir tis/ log 'dren 'dul bar tshar gcod pa'i ting nge 'dzin la snyoms par zhugs nas/
71a4 'di skad ces bka' stsal to// nyon cig rdo rje gtsug phud can// lta ba theg chen yang dag ni// nam mkha'i chos nyid ye klong la// som nyi med na kun gyis bgrod// spyod pa rab bstan chur zhugs ltar// blang dor
71a5 med par bsgrub bar bya'o// de la lhun grub rdzogs pa yi// skye med dbyings las rol pa'i sku// snang med mkha' la yang dag sgom// thugs rje kun khyab yi ge la// yang dag nyid du de nyid do// mi 'gyur rdo rje
71a6 rab tu mkhregs// gzhal yas ye klong lhun gyis grub// 'khor lo rtsibs bzhi rdo rje'i brag/ klu bdud gdug pa rus sbal gdan// yi ge ya yi 'phro 'du las// phaT ces bskul bas khro bo'i sku// log 'dren
71b1 gdug pa 'joms pa'i lha// gshin rje yak+Sha me dbal sku// spyi gtsug mkha' lding gdug pa 'dul// smug nag 'phros pa sgrol byed yum// e ka dza ti g.yon du gnas// chos sku byang chub sems nyid las// skye
71b2 med dbyings las 'gro don du// byams dang snying rje don las bzhengs// pho brang bum pa'i da la ru// gnyis med dbyings su thim par bzhugs// arga me tog bdug pa dang// mar me zhal zas dri chab
71b3 rnams// tha dad rtog pa kun spangs te// de la gsang ba'i lha rnams la// gnyis med don gyis dbul bar bya// skye shi 'du 'bral med don la// bdud rtsi sman gyi mchod pa 'bul// che ba'i ye shes rdzogs pa'i
71b4 don// dbang bdud lha la bstod pa dang// gsang sngags 'phreng ba'i rim pa bya// zhes gsungs so// snying zor nag po'i rgyud las le'u gnyis pa'o//// de nas yang dregs pa chen pos/ 'phrin las yongs su
71b5 rdzogs pas/khyad par gyi sbyor ba seng ge kha 'thab kyi ngan sngags/ pa tra glang snying bsgral ba'i las 'di gsungs so// las gzhi khyad pa gsad pa'i las// bsrung bzlog mnan pa bsdebs kyi grogs// thod sgrub
71b6 nag po gsang pa'i las// las kyis 'khor nas rang srog gcod// de don las rims bshad par bya// gang y-in rigs kyi thod pa bslang// pha mes tod pa mchog tu bshad// rme khrag dug sna gsang phye la// sor
72a1 lnga gru bri e byas te// a mu ka yi rdzas lnga la// ming rus rnam shes ling ga la// dmigs pa'i rten du gan rkyal bzhag/ de stengs gzugs byas re rang skyon// mdzub gang ba ni tshad yin no// lag na
72a2 dug shing phur pa yis// rang gis snying khar 'debs pa'i tshul// a kro rwa dza'i drag sngags dang// drag po 'phru bdun dpal la gdags// de yang gong gi thod nang du// e dang ling ga bcas la bzhag/ hUM
72a3 bzhi dza bzhi thod pa la// 'da' ras tsa bsdam rgya gram bya// bdag nyid ting 'dzin gsal ba yis// drag sngags bdun pa zhag bdun brab// rten pa'i gnas su mchog tu bshad// de min chu mig rta dbab can// thod pa
72a4 nag po mnan par bya// rang la rang 'brub bsad pa yis// rang gshed nag po'i las su bshad// gnod sbyin srog gi 'khor lo yis// de yi steng nas mnan par bya// leb nag rgya gram sngags kyis
72a5 'tshes// bsad pa'i tsakrar yang dag bshad// ces gsungs so// snying gzer nag po'i rgyud las le'u gsum pa'o//// de nas yang bcom ldan 'das kyis bzlog pa'i 'khor lo rdo rje rnam par gcod pa zhes
72a6 bya ba 'di gsungs so// sna tshogs sa la sbrus pa yi// mchod rten nag po bam rim lnga// khru gang ba ni tshad yin no// dbang bskur rab tu gnas par bya// bum par 'khor lo rtsibs bzhin// ming rus bsrung ba'i
72b1 sngags kyis bskor// tshe srog bsrung phyir zangs dang lcags// gser dang bcas pa'i rim par sbyar// lag tu phur pa dpal phyir bstan// shrI many+dzu yi gsang sngags dgod// 'khor lo bre la rab brgyangs
72b2 te// log pa'i 'khor lo skabs su bskor// dus mtshams bzung ba zhes su gsungs// ces gsungs so// snying zor gyi rgyud las le'u bzhi pa'o//// de nas yang man ngag gnan pa/ rdo rje gnan pa zhes bya ba
72b3 'di gsungs so// ri rab 'og tu mnan pa bya ba yi/ dur khrod ras sam rgya shog la// 'khor lo rim pa bskor ba la// mnan pa'i sngags dang rgya gram bya// 'og tu gang yin rdzas lnga la// gzugs byas 'khor
72b4 los lce stengs mnan// sngags pa'i 'og tu yin zhes bshad// de nas so 'tshams bsrung ba mtshon cha rag log ces bya ba 'di gsungs so// gsang phye klu nag yod pa'i chu// dug khrag man tra nag po'i
72b5 rus// seng ge'i kha la 'khrul 'khor bri// so 'tshams dag tu khru gang mnan// bskal pa'i 'khor lo rang log 'gyur// sbyor ba bsrung ba'i 'khrul 'khor te// sgo gang phyogs sam de bzhin du// bzlog pur dbang
72b6 bskur phag thod mnan// rta gags sngags kyi dug mda' bzlog/ 'khrul 'khor rim pa don gyis ni// man tra'i nus pa de yis 'joms// bsrung bzlog go cha rim pa'i mchog/ ces gsungs so// snying zor nag
73a1 po'i rgyud las le'u lnga pa'o//// de nas yang dregs pa na ra gir ti yis/ gsang sngags kyi de kho na nyid gsang ba 'di/ sku gsung thugs rdo rje las bton to// oM a kro rA dza du na sa du snying la
73a2 phril phril/e kro rA dza tsit+ta na sha sha la rbad rbad/ ya ya rnal ma nri dza snying la kha thun mA ra ya rbad/ kro ma ri sha sha trag thun/ tsit+ta ma ra yA tri rbad/ sho ma ri rag shag kha baM/ tsit+ta tra ma rak+sha rbad/ srog te tri ma tri sha dza/
73a3 tsag re kha tri yak+sha dza/ kri tra ma tri ya ya dza/ dgra bo'i srog la rbad/ thuM ril rbad/ tsa khrag tsit+ta phyung/ nri srog hur thums dza/ nr-i mA ra ya rbad/ a mu ka du na nan/ sa du nan/ snying du nan/ pri du rbad/ kha thun rbad/
73a4 tsit+ta ni sha ku lu rbad/ mo ha ni shal dun dun/ khrag la hub hub dun khyer b+h+yo ni dza taM pa ya nan/ e ka du na bzlog/ ma hA du na bzlog sa ka du na bzlog/ tsa dur snying la bzlog/ sum tri rak+sha du na bzlog/ rak+sha ti
73a5 por du na bzlo/oM a kro te ka ya man ta ka/ e ka pa ra hUM phaT/ e te pre ma sa na hUM hUM/ pra dod ka khra rak+sha hUM hUM/ oM ya be shaM tra be sham/ be shaM be shaM ru pe shaM kha thun b+h+yo/ ta pa li mu li du ru du hUM phaT/ karma tsan+ta mu
73a6 tri du ru du ru hUM phaT/rak+sha mo du ru ru lu ru lu hUM b+h+yo hUM/ e ka dza ti pa la ma sha dgra bo la phaT/ nag mo ra ma ti pad+ma ra ti ru ti re ma ti ha rbad b+h+yo/ oM ka ru na tsa le tsa le hUM phaT/ ta ki tsa te tsi tsa te/ hu yaM hu ya/ hu
73b1 lu hu lu pu ru te pu ru te/a mu ka me/ rak+sha rak+sha hUM/ tsa trag trag b+h+yo/ ru lu ru lu dza/ trag trag a shug b+h+yo/ ru lu ru dza re rak+sha traka b+h+yo/ dgra snying la mA ra ya aM gu sha trag trag sha mA ra ya b+h+yo/ yaM khrag thun dgra snying
73b2 la rbad/che ge mo'i srog a mo khaM rbad rbad/ thig ni cig med/ brgya chad gnyis zung srog khyer/ dbugs long ya tri ni ra zung rma tri bdud tri ni ra zung/ kro ma sha sha/ trag thun tsit+ta thun ni sha ku ru rak+sha thun ya ya
73b3 ding ding sa ma ya dza/che ge mo a mu khaM sas stibs/ mes tshig/ chus bkur/ rlung yengs/ kha ri bal lhag sna ra yen tshe/ ri stibs ni ri khyer/ oM shrI many+dzu ya ma rA dza ma ma e ka dz+wa ti ni dza dza/ rtsa ba yid bzhin
73b4 rin po che// las ni sna tshogs sbyor ba'i mtshon// rang bzhin stong nyid ngo bo'i lha// nus pa'i dkyin dang dug dbal mtshon// tshul nyid sgra drag 'bru mi gsal// yid la gsang zhing dbugs sgra lci// rtsa ba'i las
73b5 su de bzhin sbyar// yan lag so so mtshan nyid can/ ze sa kha 'du klu nag 'khrug/ rgyu thod spu gri sbab chen dang// sa gzhi ri rab skyom dang nad/ khra spyang gzan la bcum pa 'dra// lcags kyi tsha tsha 'phro tshul
73b6 gyis// bzlas pa yi ge rims bzhin bya// zhes gsungs so// snying zor nag po'i rgyud las sngags kyi le'u ste drug pa'o//// de nas dregs pa chen po na ra gir tis/ bsam gtan chen po'i ting nge 'dzin gyis/
74a1 sngags kyi mtshon cha 'bar ba yul las rab tu 'phros pa'i tsakra 'di gsungs so// ting 'dzin tri la rdo rje'i sku// gshin rje yak+sha me dbal gyi// sku mdog phyag mtshan gsal ba yi// spyi gtsug mkha'
74a2 lding rgyal po bsam// g.yon du sgrol byed yul gsal ba'i// gsang sngags 'od zer 'phro 'du yis// rdo rje khro gtum mang po yis// ba spu'i bu ga kun khyab ste// 'phros pas gdug pa nyal thag gcod// rtsa rgyud
74a3 'dul gyi bsam gtan yin// lha rgyud dril ba'i gsang sngags kyis// phra mo 'od kyi gzugs brnyan can// 'jam dpal yab yum bya khyung gi/ sprul pa dpag tu med pa yi// ze la khab 'du tshul dag kaM/ ma sa baM
74a4 la sbrang 'du bzhin// 'dus shing de nyid thim pa yis// bdag dang gzhan bsrung skyob pa yi// 'khor lo chen po yang dag bshad// bzlog pa'i dus na khro tshogs dang// ma ma srin mo mang po yis// rlung nag 'khrug
74a5 pa'i tshul dag gis// rbod gtong la sogs gzhan gyi lha// bskal pa'i rlung nag log pa ltar// bzhan gyi sbyor ba 'joms pa ni// bzlog pa'i 'khor lor yang dag bshad// dregs pa bdud dang gying btsan
74a6 gyis// gnod sbyin mang pos dmigs pa dgug/ ye shes sems dpa' khros pa yis// gnod sbyin yak+sha mgo dgu pa// zhe sdang 'khrug pa'i lus bcu rnams// snying dang rtsa bran dbang po 'joms// gsad pa'i
74b1 'khor lor yang dag bshad// nad dang mtshon che'i rlangs pa dang// dug dang spu gri dpal chen gyis// tsa rnams khyengs te lus srog gcod// mtshon cha dmag dang rang gnad du/ bskyed pa kha so'i 'khor lor
74b2 bshad// ri rab rdo rje gdan gyi mdzes// las kyi lha dang sngags dag gis// pho brang chen por bsam pa ni// mnan pa rdo rje ri rab bo// srod dang nam gung tho rangs dang// nyi ma gung la las bzhi sbyar// phyag rgya
74b3 sor bcu g.yon gdengs dang// bskum ste gnan dang g.yas pa gdengs// bsnol zhing gdengs pa'i pho nya yang// seng ge khyung dang rus sbal dang// stag gzig bcu yis gzhi sbyar// gsang ba'i las su de shes
74b4 na// las bzhi gtso ru yang dag smin// ces gsungs so// snying zor las le'u bdun pa'o//// de nas yang dregs pa chen po na ra gir tis/ mtshan ma rgyu rtsal gyi rus pa'i mthus/ bsdebs kyi grogs su drag
74b5 po rdzas kyi 'khrul 'khor 'di dag gsungs so// rtsa ba yan lag tshul dag gis// dril te sgrub dang rkyang pa yis// las kyi grogs su rdzas bzlog ces// sngags pa'i rdzas su yang dag bshad// phung khung bka' rten
74b6 rnying pa dang// nub phyogs grogs po phug rdugs sa// dug dang rme khrag sbrus pa'i er// ling ga dbang po dod pa dang// rigs dang mdzes ldan thod nag sbyar// lha dbye gnan cing gsad par sbrel// snya gnan
75a1 rang gshed 'bebs pa'i rdzas// gsad pa drag po'i rdzas su bshad// mahA rus sbal khog pa la// dbang sdud yi ge khrag chen bri// 'bru sna tshang ba'i gtor ma bca'// sha sna khrag snas rab brgyan
75a2 te// bzlog pa'i rdzas su rab bshad do// ga 'u'i bum pa'i pho brang du// gser dang zangs ma lcags su bcas// bsrung ba'i 'khor lor bcas pa dang// bsrung phur bsrung ba'i rdzas su 'gro// rme khrag gsum dang
75a3 snying sna la// snying gi yang snying bzlas pa'i thun/ kha so bskyod pa'i rdzas yin te// las kyi gtso ru de la 'dod// dar dkar rgya shog de dag la// gur kum la sogs gsang sngags bri// bri ba rgyan gyi 'khor lo
75a4 ste// mgul du btags na sbyor ba bzlogs// phung sa chu mig klu gnas chu// seng ge kha 'thab 'khor lo yis// gsang lam dgag pa'i rdzas su bshad// dug dang mtshon cha 'khor lo'i sngags// sbyor ba phag thod
75a5 rta gags kyis// dug mda' 'joms par sbyor ba'i rdzas// a mu ka yi rdzas lnga la// dug sna lnga dang phye ma lnga// bco lnga'i sbyor bas ngan pa non// ces gsungs so// pa la pa tra snying zor gyi rgyud las le'u brgyad
75a6 pa'o//// de nas bcom ldan 'das dregs pa'i rgyal po na ra gir tis/ gsang ba'i rgyud 'khor la bsdams shing gtad de/ 'di skad ces gsungs so// e ma ho rno dbal mtshon cha me// rab tu gsang ba'i
75b1 bka' rgyud lta// rtsa ba yan lag stong gi rgyud// snying po zer ba'i rgyud 'di dag/ rab tu gsang ba'i dregs pas zung// rdzas bzlog sngags bzlog gnyis su bshad// bsdebs dang rkyang pa gnyis su bshad// rdzas
75b2 la rten pa 'di lta ste// phyi dang nang dang gsang ba yi// mchod rten rus sbal snying zor gsum// dril nas bsgrubs kyang 'gal ba med// bsrung dang bzlog dang mnan pa yang/ 'khor lo gcig gis grogs su
75b3 sbyar// gsad pa mchod kyi sbyor ba la// 'khor lo thod pa'i nang du bca'// rtsa sngags drod dang mthun par bzlas// drag sngags bdun pa bdun phrag bdun// nyin zhag bdun du bskor bar bya/ khri khri bar du gri
75b4 ba brgya// gsang ba'i lus su sngags kyis so// srod dang tho rangs nam gung la// phyi mi gsang sngags bzlas par bya'o// 'khor lo rdzogs dang mnan pa bya// de na thun sgrub zhag gsum bya// de yis dus mtha'
75b5 rtul bar byed// gal te grub par ma gyur na// sngags rnams bzlog cing dkrug par bya// spogs pa'i cho ga zhag bdun bya// 'gal byed brlag par smos ci dgos// rten pa rang gi bdud du 'bab// de dag zla ba
75b6 chung gi/nyi shu gnyis nas dgu ru bya// tshes gcig mnan pa'i cho ga bya// brgyad pa zor kha g.yos pa dag/ dgra bo gnas pa'i phyogs su yang// gtor ma'i zor dang bcas pa 'phang// gnyen po phyogs dang
76a1 bstun pa gces// rta gags 'khrul 'khor bca' ba yang// phag thod bcug la sgo bsrungs te// phur pa dang bcas lto srog yin// seng ge kha 'thab dus 'tshams bsrun// mchod rten bca' ba ma
76a2 grub kyang// bdag nyid yak+sha gsal ba na// dam pa'i mchog tu 'di dag 'dod// bsrung log 'khor lo 'cha' ba na// 'khor lo rim pas gnas su bskor// phyir bzlog 'khor lo rgyab tu gdags// bsrung ba'i
76a3 'khor lo mgul du gdugs// ngag mnan rang gi 'og tu mnan// bsad pa gdug pa'i gnas su bskyal// 'khor lo bka' ba ma grub kyang// gsang sngags rim pas bzlas pas 'grub// gsang ba'i bka'
76a4 rgyud snying po ste// rang gshed gsang ba'i bka' rgyud 'di// bgrod pa thob pa'i stobs kyis bslang// 'khor gyi dregs pa pho mo dang// lha klu mkha' 'gro rnal 'byor la// gsang ba'i bka' rgyud ngas gtad
76a5 kyis// lnga brgya snyigs ma byung ba'i tshe// rgyud kyi rgyal po 'dzin pa la// mkha' 'gro rnams kyis byin rlob la// rnal 'byor sgrub pa'i grogs kyis shig/ de nas 'dus ba'i 'khor dga' mgu yi rangs te/ dregs pa
76a6 chen pos gsungs pa la mngon par bstod do// pa la pa tra gsang ba snying zor gyi rgyud las rgyud gtad pa'i le'u ste dgu pa'o//// pa la pa tra gsang ba snying zor gyi rgyud rdzogs so//// d+harma rgya mtsho////


CLOSE WINDOW