63a1 / pad+ma sam b+ha was bsgyur pa'o/ a+thi+-i/ rgya rgya//// @##// dmod pa drag sngags kyi spyi rgyud/ de nas dpal khrag 'thung gi rgyal po rnams kyis/
63a2 bcom ldan 'das dpal kun tu bzang po la 'di skad ces gsol to// phyogs bcu dregs pa bsnol ba'i gdan stengs na// mthu chen bdud 'dul mngon rdzogs rgyal po bzhugs// ma 'ongs don du sngags kyi
63a3 tshad bstan gsol// bka' stsal pa/ rab kyi don du rnam pa lnga// dza/ phaT/ b+h+yo/ rbad/ nan/ 'bring gi don du rnam pa bdun// dza rbud/ tha ma'i don du rnam pa dgu// ban rbud/ mtha' la rnam pa du zhig
63a4 mchis// rab kyi don du rnam pa lnga// 'bring gi don du rnam pa bdun// tha ma dgu yis 'grub par 'gyur// thog ser gyi swa ni/ sa phrom/ tshal/ hril/ shar/ b+h+yo/ tshe tse na bi kruM sa ra dum bu khu re bya ya tshal hril b+h+yo/
63a5 gshin rje gshag zir ba ni/ ru dra ka la sha/ rak+ta ka la sha/ rak+ta kha khrag/ staM ba nan/ rang rang rtsa ba'i sngags dang gdug pa'i sngags la/ trig nan/ hUM phaT/ ces pa thams cad gzir ba'o// nA ga trig nan/ hUM
63a6 phaT/klu gzir ba'o// 'di bzhin thams cad kun la shes par bya// 'dod chags zhe sdang gti mug dang// nga rgyal phrag dog lam lnga yang// snang zhing mi nub pa ru ni// spyi dang drug tu gnas par gyis// rigs
63b1 kyi dbye ba ma shes na// 'bras bu 'grub pa thag ring bas// de yi dbye ba ma 'dres par// gsal ba dag tu gnas par gyis// so so'i don rnams khong rtogs nas// 'di shes nye lam dam pa ste// thabs kyi rgyal
63b2 por 'di gnas te// gsang ba gsang chen zab mo yi// don ldan nying khur gnas par gyis// de skad gsang ba'i rgya ru bstan// 'di don ma lus gsungs pa rnams// 'chad pa'i rnal 'byor dam pa
63b3 las// gsungs/ dang por e yis bsad pa yang// skye med chos dbyings yi ge e// ma ra ya nyid mthar bzhag pa// rdzas 'gugs brnyan pa'i sngags su bshad// gnyis pa'i yi ge yaM yin te// yaM gnyis bar
63b4 du ma ra ya// skyod byed yi ge b+h+yo yis bskul// gsum pa'i yi ge raM yin te// raM gnyis bar du ma ra ya// sreg byed me yi dkyil 'khor sgom// bzhi pa'i yi ge baM yin te// baM gnyis bar du ma ra ya// 'dod
63b5 chags khrag gi dkyil 'khor sgom// lnga pa'i yi ge su yin te// su gnyis bar du ma ra ya// gti mug sa yi dkyil 'khor sgom// drug pa'i yi ge haM yin te// haM gnyis bar du ma ra ya// 'od kyi gong bu lta bur
63b6 sgom// bdun pa'i yi ge phaT yin te// phaT gnyis bar du ma ra ya/ khro tshogs nam mkha'i skar ltar 'khrug/ yi ge Ni ni sa bon yin// gsod byed yi ge rbad yin te// e bzhag yi ge ma ra ya// mtha' ma dza yis
64a1 bstan pa yin// ma ra ya yi bsnyen pa yin// re res las rnams 'grub pa'i phyir// bsgrub pa chen po bdun du gsungs// spyi rgya chen po'i rgyud las/ rten gyi drag sngags kyi bsgrub lugs bdun
64a2 pa'o// le'u dang po'o//// de nas 'jam dpal gyis gsol pa/ nya ni bgyi ba ji lta bu// de yi gtan tshigs bshad par bya// bcom ldan 'das kyis bka' stsal pa// nya snyan po don gyi mdo bzhin du// rnal
64a3 'byor pa la shis pa gtong ba dang// log par lta ba rnams la ni// mdze nad dang rims nad sna tshogs pa gtong bas kyang nya bstan to// stong ni rnal 'byor pa'i sems kyi skyed lugs dang/ gzas pa po gsad
64a4 par bya ba'i thabs ston par bya ba'i phyir stong zhes bya/rak+ta ni mkha' 'gro ma kun gyi dam rdzas kyi mchog yin pa dang/ gzas pa po gang yin pa gsad pa'i thabs de las byung ba'i phyir na/ rak+ta bstan pa'o// nya
64a5 stong dang rak+ta bstan pa'i le'u ste gnyis pa'o//// kye ma bder gshegs bcom ldan 'das// thod pa rnam pa du yang gsungs// thod pa'i de nyid bshad pa zhu// bcom ldan 'das kyis bka' stsal pa// thod
64a6 pa'i de nyid bshad bya yis// lus ngag yid gsum gus par nyon// 'phang thod de bzhin lding thod dang// spar thod nam mkhar mchong thod dang// lding thod 'grub thod ma nyams thod// rma thod za thod la sogs
64b1 pa// thod pa bcu gsum dag tu nges// yi ge laM bris ri rab ldan// dbus su nr-i dang ming rus gzhug/ bris pa mnan pa'i thod pa nges// rdzas dang mnan pa nges pa'i rdzas// sbal pa dag gi shun nam ni// sbrul gyi
64b2 shun du nges pa yin// tshig dang mnan par nges pa'i tshig/ nA ga zhes bya'i sngags kyang bzhugs// ting 'dzin dang ldan gshin rje'i sngags// a kri 'bru bdun gnya' non yin// rdo rje'i bzlas pa mi nus
64b3 pas// mnan na nges par non pa yin// dbus su bsgrub bya'i ming dang// gnyan dgu dag la gtad par bya// mnan thod mchod na gso bar 'gyur// 'phangs na bsgrub bya 'chor bar nges// klu la ba ma rba dur
64b4 mnan// gzhan yang rta la sogs pa'i// gzugs la mnan na nges par phung// gzhan yang mnan pa'i thod ba'am/ khal ma'i ga'u bcu'am dgu// mnan pa grub pa'i rtags rnams ni// klu la mdze nad bco
64b5 brgyad 'byung// btsan la gzer nad drug tu gsungs// sa bdag la ni zhag gsum ste// yul lhas yul nas 'byung la sogs// dmu la rmu nad dgu la sogs// lha la sogs pa gzhan rnams dang// bdun dang
64b6 lnga dang drug dang yang// brgyad dang dgu ru shes bar bya// phung byed mnan thod bshad pa'o// mchod thod nal bu dre dang lnga// zhag gsum la sogs gong dang 'dra// yongs su ma nyams thod pa la// dbus su gtso
65a1 bo'i sngags bris la// ma ra ya yi sngags bris la// rak+Sha'i rgya mtsho mchod pa'i rdzas// bod pa'i sngags ni gsur chen la// rten pa'i rdzas ni a mri ta// dam tshig rdzas kyis dam tshig bsre// sgom
65a2 bsgrub ting 'dzin ma 'khrul bas// mkha' 'gro mchod pa de yis mchod// ye shes gshed dang 'brel ba bzhin// mchod bstod dran dang rtag tu mchod// mas kyi mchod mchod rtag tu dran// dran dang yul 'khor
65a3 skyob par byed// ci 'dod bsams pa 'grub par byed// mchod pa thor mnan mkha' 'gro mnan// stong gsum srid pa'i mkha' 'gro 'khrugs// bdag gi 'khor du smyo 'bog sogs// rims nad sna tshogs 'byung
65a4 bar 'gyur// gzhan yang mdze nad sna tshogs so// 'phangs na las mkhan 'phangs pa ste// bod pa'i sngags dang tshig rnams dang// ting 'dzin bos kyang mi 'khor te// rten dang mchod pas de dang 'dra// 'khor
65a5 gyi ma mo gzhan du 'phos// lha la rgyab kyis phyogs pa'o// yun du gzung ba'i mchod thod dang// rtag par bzhugs kyang rdzas su dran// mthun par bzhugs kyang gshegs bzhugs med// thod pa bzhi yis mchod
65a6 par gsungs// 'phangs thod rabs chad thod pa ru// drag sngags bris te der bzhag nas// ting 'dzin dug gi na bun 'thibs// 'phang thod mchod na drag sngags dang// na bun bdag la rtog par nges// mnan
65b1 na na bun lha 'dre yi// mnyan dgu dag tu mnan pas te// mnyan dgu'i rims nad bdag la ldog/ mchad chen kha'am byang ri nas// 'phangs na dgra yi sde rnams 'phung// nad kyi na bun 'th-ibs pa
65b2 dang// mtshon gyi bskal pa 'khrugs pa dang// dug gi na bun 'thibs par nges// byang ri'i kha nas 'phangs bar nges// thod pa bshad pa'i le'u ste gsum pa'o//// de nas 'jam dpal gshin rje gshed
65b3 pos// dpal kun tu bzang po la 'di skad ces gsol to// kye ma bde bar gshegs so bcom ldan 'das// yi ge rtsis ni ji ltar lags// de yi tshad ni ji ltar lags// bcom ldan 'das kyis da bshad
65b4 'tshal// zhes gsol pa dang/ kun tu bzang pos bka' stsal pa/ nyon cig 'jam dpal gshin rje gshed// sngags kyi de nyid rnam pa lnga// yang dag nges par bshad bya ba// bsnyen sngags bsgrub sngags gsad
65b5 pa'i sngags// sngags kyi 'brel pa dum dum 'brel// oM ni rigs lnga'i sangs rgyas te// ma ra ya yi rig pa srangs// tha ma'i yi ge dza bzhag pa// rten can dag gi mnyan pa'o// oM ni chos kyi dbyings yin
65b6 te// rig pa bzhi yis rig pa drangs// tha ma dza yis 'gugs byed pa// rten can gyis ni snyen pa'o// mthar byer lnga ni yi ge oM// a ni yum lnga'i snying po ste// gro ni phyogs bcu'i khro bo yin// te ni sras bcas
66a1 snying po ste// ka ni gzugs sku'i snying po yin// hUM ni thams cad dbang du sdud// phaT kyis lha tshogs spro bar byed// 'jam dpal rtsa ba'i bsnyen pa'o// snang bar shes pa'i dngos po ste// rang la
66a2 yod pas 'grub pa'o// yi ge b+h+yo ni bsgrub sngags te// rbad ni gsod pa'i sngags yin no// yaM ni mnan pa'i sngags yin no// ma ni gshed ma'i sngags yin no// ra ni gshed mar byed pa'o// ya ni gshed mar
66a3 rkyen yin no// gshed ma'i tshogs spro yi ge phaT// sngags kyi 'phreng pa dum dum 'brel// ye shes lnga ldan lhun gyis grub// ye shes 'phreng ba dum dum 'brel// las dang 'jig rten 'jig rten 'das// las
66a4 mkhan 'phreng ba dum dum 'brel// 'bras bu sa dang tshogs kyi gsum// lam gyi phreng ba dum dum 'brel// 'phreng ba yang dag rnam pa gsum// 'di nyid ma 'khrul spyad 'gyur na// las mkhan ma lus dbang du
66a5 sdud// rgyud ni rnam pa gsum yin te// las kyi rig ni rig pa can// lam gyi rgyud ni gsang sngags te// yi ge 'bru lnga de nyid yin// 'bras bu sku ni bde gshegs sku// rten dang rten can rnam gnyis kyi// sngags
66a6 kyi snying po ma nor bar// dregs pas rten dang bcas nas 'gugs// bsnyen sngags ma nor bde ba rnyed// bsgrub sngags ma nor las la 'dzud// gsang sngags ma nor mtshon char 'bab// i yis bsnyen par
66b1 drangs nas ni// sku gsum thob kyang 'chi bar nges// yaM gyis bsnyen par drangs nas ni// rig pa rnyed kyang gnas nas 'gugs// raM gyi bsnyen par drangs nas ni// drod lnga thob kyang lus sems 'brel// baM gyi
66b2 bsnyen pa drangs nas ni// sku lnga thob kyang sdug bsngal myong// su yis bsnyen pa drangs nas ni// sa rnams thob kyang gsod pa byed// haM gyis bsnyen par drangs nas ni// sku lnga thob kyang 'jig par 'gyur// phaT
66b3 kyis bsnyen par drangs nas ni// che bas che ba'i mthu dpung 'joms// 'di rnams gcig la gang byas kyang// las rnams grub par gdon mi za// sngags kyi tshig dang tshad ma bshad pa'i le'u ste bzhi
66b4 pa'o//// de nas 'jam dpal gshin rje gdan las bzhengs te/ kye ma bder gshegs bcom ldan 'das// gong du gsungs pa'i mnan pa la// las kyi bye brag ji ltar mchis// bcom ldan 'das kyis
66b5 bka' stsol cig/de skad zhus pa gsan nas kyang// bcom ldan 'das kyis bka' stsal pa// nga ni 'gro la thugs brtse phyir// las kyi bye brag thams cad kun// 'gro la brtse phyir ngas bshad kyis// lus ngag
66b6 yid gsum gus par nyon// e ni chos kyi dbyings yin te// gru gsum mkha'i snying po yin// na gas klu yi srog nas drangs// tshal gyi klu rnams so sor 'byed// thun gyis rigs bzhi las la 'dzud// ril gyis
67a1 so sor 'dzin bar byed// nam gyi mgo lus dbang du sdud// dpung gis las rnams gdon mi za// e na ga tshal thum ril nam thug/ lcags kyi phur pa sor brgyad pa gcig gis bteg cing// yi
67a2 ge haM bsams na/mdze rims kyis btab na 'chi bar 'gyur ro// smug ni gzas pa'i srog nas 'dren// tshal gyis las mkhan gshed ma 'gyed// tshal pa nges par gsod pa yin// dum drug gnyis brjod
67a3 mnan pa'i don// mgo tshag dang rus pa dang// rkang lag rtas mchi bar 'gyur ro// smug tshal pa dum bu krugs drum dkrugs// zangs kyi phur pa sor brgyad pa gcig bteg cing// gyo mgo la 'khor lo bris la
67a4 gtubs na gong ma'i nad kyi btab na 'chi bar 'gyur ro// nA gA zhes pas klu rnams 'bod// he he btab pas sngags yin te// d+hi ri ri yis bshad ma ldang// smug shar gshed ma bskul ba'i sngags// na ga he he
67a5 d+hi ri ri smug shar// sngags brgya rtsa brgyad bzlas// dgra bo mdze yis zin par 'gyur ro// de dag ni drag sngags khyad par can bstan pa'o// mnan pa las kyi bye brag bstan pa'i le'u ste lnga pa'o//// de nas
67a6 'jam dpal gshin rje gshed gdan las bzhengs te// bcom ldan 'das dpal kun tu bzang po la phyag byas nas// kye ma bder gshegs bcom ldan 'das// ma 'ongs pa yi rnal 'byor pa// thun mong sngags
67b1 rnams mi 'tshal lam// bcom ldan 'das bdag la da bshad 'tshal// bcom ldan 'das kyis bka' stsal pa// sngags rnams spu gri 'dra ba la// shin tu bshad par mi dpags kyang// ma 'ongs rnams kyi don du
67b2 bshad// nga rang rnam shes sngags yin te// thum byer gyis ni gsod par nges// nga rang thum byer gnas pa'o// nga rang thum byer nga rang thum byed/ khyi khrag ra khrag mon pa'i khrag/ gnag gi kha chu klo ba glo rnams
67b3 la// sngags btab bskol te brgyab na gnag rnams bzung// bsnyen bsgrub sngags ni 'bum du bzlas// gza' skar be'u rdzi yin te// nyi ma gros la bya'o// rba thams dgug pa'i snying po ste// de ni rnam shes snying
67b4 por gsungs// tsi ri gnyis su brdzod par bya// rba bsregs pa'i sbyor ba yin// ma ra na gram gsad sngags te// thugs lum gnyis brjod gsang sngags yin// bar du mug byer gnyis bzhag pa// ra gsad
67b5 pa'i gsang sngags so// oM ni 'dun gyi mgo bo ste// bres 'di bus zhes rbad pa'o// thum bus 'gri na gsad pa'i sngags// dur gri sta dung btab pa'o// 'jings ni bsad pa'i sngags yin te// rta la sogs pa'i
67b6 mig zlum rnams// yongs su bteg par bya ba yin// oM bris 'di bus thum bu 'dri tang du 'jibs// dgra bo yul tshan dang rgyas na// gla ba'i chu la blugs la/ ngan sngags 'di btab na/ phu chu skam mo// he he
68a1 dum bu hu ya nag gsung zhes brjod nas/chu la brgyab na chu mig thal ba thor gyis 'gro yo// nA gas klu yi srog nas 'dren// dum bu rbad pa'i sngags yin te// hu ya btab pa'i sngags su
68a2 gsungs// na ga thum bu hu ya/ sbal pa'i gsob tu khrag sna tshogs kyis bkang la sbal lcong gi gzugs brgyad kyis mtha' ma bskor la/ skar ma skyed gsum la bsnyen pa bya/ skar ma khrums smad la gtad/ phag
68a3 pa'i thod pa dang sems pas gnas/dgra bo mo rgyud mtha' phung bar 'gyur ro// oM ni rnam par snang mdzad de// rje khram btsan gyi srog snying yin// wa khram btsan srin srog snying yin// rta khram phung sri srog snying
68a4 yin// oM rje khram wa khrag rta khram// rabs chad kyi thod pa dang rta'i thod par bcug la/ skar ma bi rdzi la gtad nas gong gsum du bcug la/ dgra bo'i rgyud mtha' phung par 'gyur ro// las thun mong gi sngags
68a5 bstan pa'i le'u ste drug pa'o//// de nas de dag thams cad kyi spyi nyid bshad nas bzhugs te/ mnyam pa nyid las gnas pa las// 'jam dpal gshin rjes zhus pa las// spyi dang rang gi mtshan nyid
68a6 las// sngags las nges pa du zhig mchis// bcom ldan 'das kyis bka' stsol cig/ ces gsol pa dang/ bcom ldan 'das kyis bka' stsal ba// ma 'ongs mi la phan 'dogs phyir// sngags kyi de nyid bshad
68b1 par bya// sngags kyi mgo bo oM yin te// bsnyen pa grub nas 'byung bar nges// rnam par snang mdzad yin pa'i phyir// drag po'i las la 'dul mi 'gyur// mgo med yi ge hUM gzhug bya// ye shes lnga dang ldan mod
68b2 kyang// thugs nyid rdo rje yin pa'i phyir/ khros pa drag pos 'dul bar bshad// 'dug pa gong 'og spro ba ni// ye shes rang sngags gong du'o// las mkhan srog snying 'og tu ste// bsnyen pa'i dus nyid 'gugs par
68b3 byed// yi ge dza yis kun tu 'gugs// nyin srib gnyis su dbye ba yang// zhi rgyas gnyis ni nyin yin te// gso ba'i las la shis pa'o// dbang drag gnyis ni sribs yin te// drag po'i las la shis pa'o// las
68b4 sngags sna tshogs gang byung ba// sngags kyi 'phra men 'gyed par gsungs// dz+wa la raM zhes 'byung ba dang// 'gyed ste hril zhes bya ba ni// thog gi las rnams 'grub par byed// 'di la ma 'dres rbad byung
68b5 ba// gsad ba'i las la shis pa'o// gnyis gong phrom dang hril gzhag pa// dbab pa'i las la shis pa'o// rang rang sna tshogs las rnams la// sngags mthar 'bru re gang byung ba// mthar rten bzhugs zhes de
68b6 la brjod// ji snyed lha yi grangs byung yang// rnam shes snying po re res mtshon// mang po gcig tu lcams shes bya// dam tshig rjes dran ji snyed las// snying po re res gcig tu dril// chos bu kun las btus zhes
69a1 bya// las gsum gcig tu gang zlos pa// 'ur ba gcig tu dril zhes bya// 'byung ba'i tsha grang gang 'khrugs pa// me chu 'gal ba sogs zhes bshad// rtsis tshad bshad pa'i le'u ste bdun
69a2 pa'o//// de nas 'jam dpal gshin rje gshed gdan las bzhengs te/ gar gyi bdag sna tshogs pas bcom ldan 'das dpal kun tu bzang po la rkyang phyag 'tshal te/ 'di skad ces gsol to// kye ma bder
69a3 gshegs bcom ldan 'das// 'khor lo'i nges pa ji lta bu// de yi 'brel pa ji lta bu// de yi dgos pa ji lta bu// bcom ldan 'das kyis bshad du gsol// bcom ldan 'das kyis bka' stsal pa// nga ni dus
69a4 bzhi cha mnyam 'byung// dus gsum cha yang de bzhin te// nga las hUM gi sgra byung bas// ha he mtshon pa'i tshul du phyung// hUM gi khong nas e byung bas// dkar po gru gsum chos kyi dbyings// gru gsum ma ra ya re
69a5 dgod// dkyil du rnam shes snying po dgod// de steng yi ge dza bzhag la// 'gugs byed bsnyen pa'i 'khor lo yin// sa der yi ge b+h+yo bzhag pa// sgrub pa'i 'khor lo chen po yin// sa der yi ge rbad bzhag
69a6 pa// gsod byed drag po'i 'khor lo yin// kun la de bzhin shes par bya// hUM gis khong nas hUM phyung bas// dngas ma'i 'khor lo chen po ste// dngas ma lnga la yig 'bru lnga// skye ba med pa'i byang chub
69b1 sems// 'gag pa med pas 'chi ba med// mdor na rgyu med rang bzhin skor// lhag pa byang sems 'khor lo ste// skye 'gag gnyis med gzung 'dzin bral// thabs dang shes rab gnyis ldan pa// lnga dang bcu'i
69b2 rang bzhin bskor zhes brjod// 'di ni rdzogs pa chen po'i 'khor lo yin// hUM ni khong nas yang byung bas// mchog ma gnyis dang tshang tsal gnyis// chang pa'i dkyil du yi ge 'bru lnga dgod// rlung gi dkyil
69b3 'khor gzhu 'dra la// yi ge lnga dang rab ldan pa// 'di ni 'byung ba rlung gi 'khor lo yin// me yi 'khor lo gru gsum la// yi ge lnga dang rab tu ldan// chu yi 'khor lo zlum po ste// yi ge lnga dang rab tu ldan// sa
69b4 yi 'khor lo gru bzhi la// yi ge lnga dang ldan pa ste// thams cad gong bzhin shes par bya// yi ge 'od dang ldan bar bsgom// phaT kyis sems kyis ro bsad de// raM ni sreg par byed pa yin// rba tha kyis bde ba'i
69b5 ro bsad de// chos kyis dbyings su rtag par bya// 'khor ba dang mya ngan las 'das pa'i chos// thams cad byang chub sems kyis 'khrul 'khor du bskor// yongs su byang na snang bar 'gyur// 'dus byas rdzas kyi
69b6 'khor lo bskor ba mu stegs 'khrul pa'i lam// dper na mtshon rtse gcig pas btab na 'chor med bzhin// snang la rang bzh-in med pa rtse gcig bsgom// spyi rgya chen po'i rgyud las/ 'khor lo de kho na nyid
70a1 bshad pa'i le'u ste brgyad pa'o//// e ma bcom ldan gsang chen bdag/ thams cad mkhyen rdzogs phyag 'tshal lo// kun khyab bden don gsang sngags don// ji ltar gsungs pa'i bka' lung
70a2 ste// lung gi yi ge ma 'dres gsal// rang bzhin rgyud las tshig gi rgyud// rten 'brel yi ge smra brtags su// bdag gis bsdus la gnas par gyis// 'di don ma lus gsungs pa rnams// 'chad pa'i rnal
70a3 'byor dam pa ste// gsang bdag nyid du gnas par gyis// ji ltar ji lta'i mas can rnams// de lta de lta'i don rnams la// gnas shing dad par bgyi lags so// 'di spyod rnal 'byor gang dang gang// brgya
70a4 rtags zhes ni gzung bar bgyi// de la rgol dang bar chod dang// gzhan gyi sde pas mi tshugs bgyi'o// bcom ldan 'das dgongs pa mthar phyin te/ bde ba chen po'i ngang la bzhugs so// spyi rgya chen po las/ ji
70a5 snyed par gtad pa'i le'u ste dgu ba'o//// gsang sngags thams cad kyi spyi rgya chen po'i rgyud phyi ma'i rim par gsungs pa rdzogs so////
70a6 rgya gar skad du/


CLOSE WINDOW