38b1 rtsa rang gar be go rang swa tan+t+ra/ bod skad du/ srog bdag gser gyi rta pa'i rgyud/ bcom ldan 'das 'jam dpal drag po khro bo'i rgyal po la phyag 'tshal lo// 'di skad bdag
38b2 gis thos pa'i dus gcig na/dur khrod chen po'i gnas na bcom ldan 'das gshin rje gshed po la 'khor dpag tu med pas bskor nas bzhugs so// de nas rgyal po gzhon nu'i sras khye'u chung sngon po zhes bya
38b3 ba/rang rigs 'dul pa'i 'khor rnams kyi nang nas langs nas gshin rje gshed po'i thad du song ste lan gsum bskor ba byas nas/ sems dpa'i 'dug stangs su 'dug nas 'di skad ces gsol to// kye kye
38b4 dpa' bo gshin rje gtso// 'jig rten stong khams 'di dag ni// dbang chen dregs pa'i rgyal po cig/ sems can kun ni sgrol la brtson// 'jig rten mi rnams zad du nye// 'di la thugs rjes gzung du
38b5 gsol// ces gsol to// de nas bcom ldan 'das gshin rje gshed kyis bka' stsal ba/ khye'u chung nyon cig khyod kyis zhu ba spobs pa legs so// ngas gnang ba'i skabs dbye'o// zhes gsungs so// rgyal po
38b6 gser gyi rta ba'i rgyud las/gleng gzhi'i le'u ste dang po'o//// de nas bcom ldan 'das gshin rje gshed kyis/ thams cad dbang du sdud pa'i ting nge 'dzin la snyoms par zhugs so// zhugs ma thag tu rA dza
39a1 la byin ha ra brgyal bar gyur to// de nas brgyal ba sangs nas bcom ldan 'das gshin rje gshed la bskor ba byas nas phyag btsal te/ kye ston pa pos ji ltar bsgo ba bzhin du bdag gis
39a2 bgyi'o// dpa' bos bka' gsol cig ces zhus so// dpa' bo chen pos bka' stsal pa// khyod kyi nga yi mngag gzhug dang// ji ltar bsgo ba'i las rnams gyis/ zhes gsungs so// rA dza des smras pa/ bdag ni
39a3 khyed kyi zhal mthong bas// byang chub sems dpa' dang ldan te// sdom pa bzhin du bdag bgyid pas// ji ltar skal dang 'tshams pa yi// rdo rje dpa' bo chen po yis// bdag gi zas skal dbog tu
39a4 gsol// zhes zhus so// rgyal po gser gyi rta pa'i rgyud las/ le byin ha ra dbang bsdu ba dang las la bkol ba'i le'u ste gnyis pa'o//// de nas yang dpa' bo de la rgyal po'i rigs gsol ba/ kye lha dpa'
39a5 bo chen po gdug pa 'di yis ni// sde ni gang gi rigs su gtogs// rtsal dang nus pa gang ci yod// bsgrub cing bsten na ji ltar bya// zhi zhing bcos na ji ltar bgyi// dpa' bo chen pos bka' stsal ba// rA dza
39a6 gdug pa'i mthu can 'di// sde ni dkor bdag rgyal por gtogs// srog dbugs kun gyi bdag po byed/ rtsal dang nus pas bsam las 'das// bdag nyid bsgrub cing bsten pa na// gnas ni ri gsum rtse
39b1 dag tu// stegs bu'i bca' gzhi bstan pa ni// mar lo tshal bka' mdun pa las la ni// ste'u nar 'jong tshul du bya// thig gnyis btab pa'i le tshe gsum// le tshe'i dbu la e yi gzugs// kha dog lcags phye
39b2 nag pos bsgyur// shar gyi zla kham shel mig tshul// nub kyi zla kham byi ru'i tshul// byang gi zla kham ser po bri// re ka dung mdog 'khor lo lcags// gru chad shar dkar lho phyogs sngo// nub dmal byang phyogs ser
39b3 por bri// phyi rol rtsang skra thod 'phreng gtang// de yi phyi rol me ri 'bar// gdug pa'i dal du lhun gyis grub// rA dza gser gyi rta pa'i rgyud las/ las kyi ldem tshig dang dal gyi bya ba'i le'u ste gsum
39b4 pa'o//// de'i steng lha yi gnas sa ni// gru gsum 'bar pa'i stegs bu la// stong gsum yid kyi gser rta la// mi men rgyal gyi sras po zhon// lcags kyu zhags pa phyag na bsnams// shin tu ldem zhing brjid
39b5 pa dgod// g.yas su zla ba tshes pa bris// g.yon du nyi ma gsal ba bri// dar dkar gur dang dmar po'i yol// rgya dar mthing nag gdugs chen dbub// rmad du byung ba'i gtor ma bsham// khrag dang bdud
39b6 rtsis gnas gsum dgod// gsur chen dud pa rgyun mi gcad// rnal 'byor las kyi gshin rje bsgom// nyin ni sol nag bcag pa 'dra// gos nag bgo zhing thod nag bcing// dus skad gtong zhing ming nas
40a1 bod// mdun du byang na gtor ma bstab// ma ha bu tsa pra ti tsha ho kha hi/ zhes gtor ma bstab po// bsten cing las sngags dang drang 'don na// rA dza sa ma ya hUM hUM dza/ ri li pra ma ni hUM hUM phaT phaT/ tri
40a2 tsa la la la a shu ma dza/nri ma ra ya dgra bo lo tog trog/ nri mA ra ya dgra bo sod sod/ rA dza mA ra ya hUM hUM phaT/ che ge mo mA ra ya swAhA/ rA dza gser gyi rta pa'i rgyud las/ bsgom lugs bod sngags kyi le'u ste bzhi
40a3 pa'o//// de nas gsad pa'i sngags bstan pa ni// rA dza a sha na mu rbad/ rA dza a ti pa ta ye rbad rA dza bi rnam rbad/ rA dza mu pa sha ye rbad/ rA tsa ma ta ya rbad/ pu ra ga ya rbad/ a a ta lo ga ya ma sha sha tri tri
40a4 snying kha rag sha kha thun a nri rbad/tra kha ra mA ra ya hUM hUM/ thum ri li li ma ti b+h+yo/ gur shi ti na li/ gur ti shi na le/ shi te shi na le/ shi na le/ li to shi na li/ rbad ti shi na ling ling ma te b+h+yo/ nam phyed smad kyi cha
40a5 la drangs// 'di ni las rnams kun la 'jug/ na mo rad na tra yA ya/ tsa la tsa la/ pra tsa la pra tsa la/ gur ti shri gram ga ma ni swAhA/ rbad du rbad khrag ti rbad/ myag ngan ni rbad/ myogs ni ling 'gyel na rlag/ du
40a6 rbad du du rlag/bshas so skam mo zhes gsungs so// ra dza gser gyi rta pa'i rgyud las/ gsang sngags thun bca' ba'i le'u ste lnga pa'o//// de nas bcom ldan 'das gshin rje gshed kyis yang bka' stsal ba/ rA dza 'di'i 'khor na
40b1 rA dza dmar po bya ba yang gnas te/bsgrubs na las dang bsam pa yang 'grub po zhes gsungs so// kye ho dpa' bo chen po de'i sgrub thabs bshad du gsol// ces khye'u chung gis zhus pa
40b2 dang/nyon cig byang chub sems dpa'i tshogs// drag po'i gnas su 'dug nas ni// de ru dkyil 'khor gru gsum bya// ling gi phur pa de bzhin te// rabs chad nag po'i thod pa ru// snying ngan snying khrag sna
40b3 tshogs bsag/de la mchod cing bsgrub pa bya// spyan drang mchod bstod ling ga bsgral// thal zor drag por gnas dang 'phang// oM ma ru rtse mA ru tri li shang ga du yag sha ka ma ma ni dza dza/ de ni bod cing bsgrub
40b4 pa'i sngags// oM tri za yag sha snying tsa tsa sha ma la mugs mugs rbad ya/ de ni thun dang bsad pa'o// ra dza gser gyi rta ba'i rgyud las/ ra tsa dmar po'i bsgrub pa'i le'u ste drug pa'o//// de nas yang bcom
40b5 ldan 'das gshin rje gshed kyis yang bka' stsal pa/rA dza 'di yi 'khor na/ rA dza nag po bya ba yang gnas te/ bsgrubs na las dang bsam pa yang 'grub po// zhes gsungs so// kye ho de'i bsgrub pa bshad du
40b6 gsol// ces khye'u chung gis zhus pa dang// nyon cig mos pa'i blo can rnams// dben pa'i gnas su 'dug nas ni// de ru maN+Dal dkyil 'khor bri// gru bzhi phyi khyams sgo dang bcas// nang du gru gsum bzhi
41a1 byas la// de la tshon rtsis kha dog bsgyur// ling ga phur bus yan lag ldan// sa ma ya tri pha la ya ma ba ti kha la b+h+yo// ru la ru la ha ma myags thums kI li kI la ya/ zhes gsungs so// rA dza gser
41a2 gyi rta pa'i rgyud las/rA dza nag po bsgrub pa'i le'u ste bdun pa'o//// de nas rA tsa sngon dmar rnams 'dis bsgral lo// srog gi bdag po li byin ha ra skos rje brang dkar dgra bo'i lus la sku skyod chug/ tri tsa
41a3 pa la a shug me swA hA/nri mA ra ya dgra bo'i stobs// nr-i ma ra ya dgra bo sod/ 'jig rten srid pa'i rgyal po lo ga da ra chug chub// ra hUM na rgyob rgyob/ ra tri ra tri mA ra ya dza/ tri tri baM ri li li sod gtogs/ rgyal
41a4 po'i bka' byung gis la mar rtogs// phung pa'i dus byung gis la mor sgrol// zad pa'i dus 'byung gis la 'ur sod// kha kha le le/ sgrol ba'i ging/ rno ba'i mtshon shel gyi gri gug dgra bo'i srog la yaM yaM chod/
41a5 gdug pa'i dpal dgra bo'i srog la kregs krags chod/ ma hA ra dza tri ling shing ka la/ dri za yag sha gzir tsit+ta dza dza/ zhes gsungs so// ra dza gser gyi rta pa'i rgyud las/ ra dza shel gyi gri gug gnan sngags su
41a6 bsgrub pa'i le'u ste brgyad pa'o//// de nas khye'u chung gis zhus pa/ ra dza nyid kyi bsrung ba bshad du gsol// nyon cig brtson 'grus dad pa'i bdag/ sum thog mkhar gyi bar khang du// gzer dang zangs ma'i
41b1 snod dag tu// rjen pa'i zan la nyi zla'i gzugs// rgyal po'i gser stong gsar pa la// rta dkar g.yag dkar lnga mtshon// rim pas mgul du btags pa ni// nyi ma rigs kyi gur du gzugs// khyi dkar
41b2 sogs pa g.yas pa la// nang du che ge mo yi ming rus bri// phyi ru ltas ngan gzugs dang sngags// sog pa'i gsang la sngags 'di bri// ri di ri di di re sho ya ya/ zhes ni rta dkar khrag gis bri// zhes ni zla ba'i
41b3 steng du gzugs// nyungs kar dag la sngags 'di brjod// shel lo to pa ti kha la rbad thun ya ya/ zhes ni sogs pa'i nang du brab// ma kha la ti yaM pa shi dza li byin ha ra b+h+yo b+h+yo/ dgra bo'i phyogs su 'phang bar
41b4 bya'o// gang la bya ba'i che ge rnams// rgyal nad smyo nad 'chi bar 'gyur// rA dza gser gyi rta pa'i rgyud las/ rA dza ging dkar po thun gyis bsgrub pa'i le'u ste dgu pa'o//// de nas khye'u chung gis zhus pa// rA dza
41b5 gdug pa 'di la ni// gzhan la phan gdags rim pa gang// sgrub pa gnod na ji ltar bya// nyon cig spobs pa'i bdag po khyod// gzhan la phan pa bstan pa ni// mdos kyi mcha' pa zag pa ste// mdos ni ru rgyud
41b6 dus bstan zhes bya ba'i sngags bstan pa ni/sum pa ha ra rA dza be sha zhil zhil/ shan shan ti swAhA/ tshe'i sngags su bstan pa ni/ ra dza tri tsa ba la a shu mu A ya dz+nyA na/ a pa ra bruM bruM/ ra dza 'khu ldom byung ba na/ oM
42a1 ra dza thum a ti rbad/ra dza kri nan swAhA/ nor dang longs spyod 'phel ba dang/ ra tsa ma ne ye baM ba ru na swAhA/ rnal 'byor bdag la gnod pa na// srog rtsa dam dang dam tshig bsre// shi sa bstan dang
42a2 bzlog sngags drang// zhes gsungs so/ rA dza gser gyi rta ba'i rgyud las/ gzhan la phan gdags pa dang bsgrub pa po gnod pa bzlog pa'i le'u ste bcu pa'o//// de nas khye'u chung gi spyan sngar/ dpa' bo
42a3 gshin rje gshed srog bdag li byin ha ra la bstod pa/kye ho gshin rje gshed chen po// khro rgyal khyod la phyag 'tshal bstod// sku ni dung mdog dkar po la// gser gyi gzha' ris 'od dang bcas// sku rgyan
42a4 gser gyi rgyan gyis brgyan// rin chen phra mo mang pos brgyan// dar tshon sna lnga'i lce phran 'phur// sku la gser gyi slag pa gsol// g.yu phran 'bar ba'i ri mo can// chibs su gser gyi rta po la// gnam sa
42a5 gnyis kyi sga stan bstad// gza' chen brgyud kyi srab kyis spras// rgyu skar nyi shu rtsa brgyud kyis// gong thog gong rmed rgyan du byas/ bang ni bar snang khams su rgyug/ mig gzhi khams gsum zil gyis gnon// skad
42a6 ni srid pa'i 'brug stong ldir// lce ni bar snang glog tu 'khyug/ 'phrin las gling bzhi kha lo sgyur// khyod la bstod do gus phyag 'tshal// ces bstod pa'o// ra dza gser gyi rta pa'i rgyud rdzogs so////


CLOSE WINDOW