25a1 rgya gar skad du/ sha truM nA sha ya/ de ba pa tha ra ban dza ka la hur thums so ri ka tan+t+ra nA ma/ bod skad du/ sangs rgyas bstan pa'i dgra la gnam lcags drag po'i thog dbab pa lha min mtshon cha ka ma
25a2 la'i rgyud ces bya ba/bcom ldan 'das rdo rje khros pa phyag na rdo rje gsang ba mchog gi bdag po la phyag 'tshal lo// 'di skad bdag gis thos pa'i dus gcig na/ bcom ldan 'das rdo rje 'chang chen po 'di/ lha
25a3 gnas rtsub 'gyur gyi tshal chen po rtse mo na/gnam lcags thog ser gyi tsha tsha skar ltar 'khrug pa/ rab tu yang zhing 'jigs pa/ skyi g.ya' ba/ me rlung gis thams cad 'joms pa/ rak+ta'i rba rlabs 'khrug pa'i
25a4 gnas de ni/lha ma srin sde brgyad 'dul ba'i dgongs pa la zhugs/ lha dang/ klu dang/ gza' dang/ rgyu skar dang/ ma mo dang/ bdud dang/ gnod sbyin dang/ gshin rje dang/ btsan dang/ rgyal po la sogs
25a5 pa thams cad ma bzod pas 'dus shing spa 'khongs par gyur to// de'i tshe de'i dus gnod sbyin lag na rdo rje rang gi stan las bzhengs te/ bcom ldan 'das gsang ba mchog gi bdag po la phyag 'tshal sdong
25a6 gsol pa/e ma bcom ldan rdo rje 'chang// sangs rgyas bstan pa'i snyigs ma la// bstan pa bsrung ba'i drag sngags mchog/ gang lags pa de bshad du gsol// zhes zhus so// bcom ldan 'das kyis bka'
25b1 stsal pa/oM badzra tsan+Ta karma rag sha gan d+he sa ma ya ho/ zhes gsungs pa dang/ lha dang klu la sogs pa thams cad brgyal ba dang/ rengs pa dang/ 'dar bzhin du bcom ldan 'das la phyag 'tshal zhing mgrin
25b2 gcig tu smras pa/gsang ba'i bdag po rdo rje 'chang// bstan pa 'jig pa'i gshed ma dag/ rag sha gan+d+he thogs las pas// nam dgos dus su dbab par bgyis// zhes dam bcas so/ gnam lcags drag
25b3 po thog dbab pa spu gri ka ma la'i rgyud las/gleng gzhi'i le'u ste dang po'o//// de nas gnod sbyin lag na rdo rjes/ bcom ldan 'das la gsol ba/ kye kye bcom ldan rdo rje 'chang// dus gsum sangs
25b4 rgyas thams cad kyi// bstan pa bsrungs pa dang// bsrung bar 'gyur pa'i drag sngags gang// 'di yi sgrub thabs ji lta bu// rdzas dang sgrub pa'i sngon 'gro gang// sgrub pa po yi sngags pa gang// gsang ba'i bdag
25b5 pos bshad du gsol// rgyud las zhus pa'i le'u ste gnyis pa'o//// de nas bcom ldan 'das kyis/ lha tshangs pa la bka' stsal pa/ tshangs pa chen po bos nas khyod kyis thog gi sngags// gnam lcags spu gri
25b6 ka ma la// drag sngags mtshon cha 'dir smros shig/ ces bka' stsal to// lha tshangs pas gsang ba'i bdag po la spyi bos zhabs la gtugs te phyag 'tshal zhing/ spu gri ka ma'i drag sngags mdongs gsol du phul
26a1 ba 'di rnams so// shri drung rtsad chod/ mu yer a mu ka k+Sha snying du khrib nri bsdus/ bsnyen de bsdu ba'i drag sngags yin// dkra ba tsi shri/ tsa kra zhu/ mA ra ya thibs thibs/ dza na ra mA ra ya/ tsit+ta tshal pa
26a2 kha bsdus/bzhu ste dril ba'i drag sngags yin// sdor ba du ya/ g+han d+he phob/ ldems chums mA ra ya/ phob ya/ hri du pa yA tsa thun/ tsit+ta la phob phob/ dgra la brdeg de dbab pa'o// tad+ya thA a ho 'dus/ pa ra ta/
26a3 ha na khyi/ khyug khyug hUM phaT/ a pa ya/ ha phye hang/ 'ur 'ur chem chem yaM yaM hril shar b+h+yo/ 'dus hi hril b+h+yo phob/ dgra bo ni sha ku ru mA ra ya dza phaT/ rno ba ngar gyis gdags pa'o// bi ta ka b+ha yu a ka sa tsan+ta a
26a4 dod ta Ta kra ru pa yA/sa ba T+tha ya/ thog bdun dbab pa rab yin no// u pa ra ti ste tsha tra dz+wa na sa dz+wa ba/ b+ha ra ste ra dz+ha bu sta/ sa na ra/ sad ti ri/ ar tha ra a/ thog mda' lnga dbab pa 'bring po yin no// a ki
26a5 A/thog mda' gsum dbab pa tha ma yin// su ra du pa thaM pa la/ tro ta pa ni/ rin chen thog gi rgyu'i sngags/ shar laM b+h+yo/ thun 'phang dus kyi lam bstan pa'o// bcom ldan 'das kyis bka' stsal pa/ oM ni nA ga
26a6 dza mun ti a A/bdag la thog bsrung ba yin no// na ga gur ling snying khrag ba mo ru la/ nA ga pu na nA ga du na/ sa ma ya du/ nA ga snying la phob ya/ klu gzir ba ste thog khang rnying par byed pa'o// zhes gsang
26b1 ba'i bdag pos gsungs so// rgyud las drag sngags le'u ste gsum pa'o//// de nas yang dag bshad bya ba// dad brtson shes rab ldan pa'i mi// bla ma slob dpon mnyes byed pas// dang por dam rdzas ci
26b2 dgos bsag/thog gis bsad pa'i tsit+ta dang// sha khrag rus pa thod pa btsal// de ma rnyed na spe'u dang// dri rgod rnam par lkugs pas bya'o// thod pa'i nang du snying gzhug ste// ling ga 'khor lo sngags bzlas
26b3 pa'i// yungs kar til dang za ma btsal// thog lcags gser dngul 'khar ba dang// lcags thig zangs thig g.ya' thig rnams// cha gnyis bgos la rta thun bya// dur khrod ras la gser gangul dang// mtshal
26b4 dang snag tshas bsrung 'khor bri// sku gdung gzugs sngags mchog 'gyur bcang// rgyud las sgrub par bya ba'i sngags gang yin pa des dam rdzas bsag pa'i le'u ste bzhi pa'o//// de nas yang dag bshad par
26b5 bya// sgrub pa'i gnas ni dur khrod dam// chu gling shing rtsig brag chu 'thab// lung pa ri brag zangs 'dra ste// dmar po 'jigs pa ya nga ba// sbrul dang sdig pa 'khyug pa 'dra// rta ro dmar po kha phye 'dra// brag phug
26b6 btsan po der phyin la// phung shul sa la stegs bu rtsig/ mi bsad ro bsregs rabs chad shul// brag 'gram pa yi sa la bya// rgyar ni mda' gang gru bzhi la// dpangs su khru gang dug khrag dang// ros sol sbyar
27a1 bas nag por byug/de yi steng du 'brub khung rtsig khru gang rgya la mtho gang dpangs// dmar nag me lce ris su bya// rtsang phur nyi shu rtsa gcig gzugs// de yi nang rta thun bzhag/ thun rdzas me long
27a2 steng du 'o// de nas yul bdag lha klu la// phud dang gtor mas bka' sgo nas// phyi nang skongs dang bshags pa bya'o// mtshams gcad lha yi rnal 'byor ni// rta mgrin dpal chen rab tu sngags// rgyud las sgrub
27a3 pa'i gnas btsal nas/der sngon 'gro'i cho ga bya zhing shis pa'i lha sgom pa'i le'u ste lnga pa'o//// de nas sgom pa'i ting nge 'dzin// bdag dang lha srin sde brgyad kyi// drag sngags 'brug thog ngar du
27a4 bzlas// thod par dgra 'dug me rlung 'tshub// de nas thod pa 'khor lo bskor// de nas gnag pa'i dgra yul dang// thod pa gnyis su med pa der// nam mkha' me rlung 'khor lo bskor// bzhi pa'i dus su
27a5 dregs pa tshogs// rab tu khros pas mtshon cha tshogs// sna tshogs dgra la gdab byas nas// sha khrag za 'thung hab bstod byed// lnga pa dregs pa dgra bo la// thog gi mtshon cha btud mar 'bebs// dgra rnams
27a6 rdul du rlog par bsgom// bsnyen pa bye ba bdun 'bum bskyal// de rtags mon dang a tsa ra// nyan thos cha lugs sgra snyan sgrogs// nye bsnyen dus su me dpung 'bar// sgrub pa'i dus su byal rbab rgyogs// sgrub
27b1 chen dus su sprin tshogs 'du// glog 'brug tsag skad sgra chen 'dzin// rgyud las ting nge 'dzin dang mtshan rtags bstan pa'i le'u ste drug pa'o//// de nas rang gi bsrung ba bstan pa// yi dam lha dang lta ba
27b2 ni// ma yengs gsal ba bsrung ba'i mchog/ 'khor lo sku gdungs spyi bor bcang// yugs sa mo yi zhabs ma 'tshal// na ga dza la'i sa bon brun// rgya tshil rta bon brag rtse la'o// 'di yis dam tshig gzhung la
27b3 sgrim// dam nyams mdze yugs mi dong po// zas gos phrad par mi bya'o// rgyud las dam tshig bstan pa dang// bdag dang bsrung ba'i le'u ste bdun pa'o//// de nas las la sbyar bar bya// gza' dang sdongs
27b4 la rta bcug la// thun 'phang dmod mo drag sngags bzlas// brnag bya'i mkhar khang rmang du sba// de la dmigs nas sgong zor brdeg/ bya nag sgo ngar thun blug pa'o// sngon dmar sgul thog zhing dkyil can// thun
27b5 lam gsal nas 'phros pas 'phang// nyi shu dgu yi phyi dro 'bebs// gyad pa gri skor byed pa ltar// yengs su mi rung sgrim pa gces// dgra yi srog rtsa skems pa'o// rgyud las mas sbyar pa'i le'u ste brgyad
27b6 pa'o//// bsnyen sgrub dus dang gza' skar ni// dgun sgrub 'brug gi zla ba la// gza' skar drag bo la 'jug go/ dbyar sgrub khyi yi zla ba la// phur pa mgo lag rgyug pa rta// rtsis nas 'jug dang dbab par
28a1 bya// b+ha ri sha dang sdeb par bya'o// nA/ ga ra/ dza/ ya/ ma/ dri/ la/ log ba tha ra/ karma/ ku ru/ a b+he sha ya A/ sdig pa byang ba sdur pa dang// gu gul rta bon mu zi dang// yugs sa mo yi rkang
28a2 mar sbyar// gnyan sar sngags rgyas bsregs pa yis// thog dang ser ba sprug mar 'bebs// rgyud las dus tshod gzung zhing ser ba dbab pa'i le'u ste dgu pa'o//// de nas gsang ba'i bdag po yis// rgyud
28a3 kyi bstan pa gtad pa ni// sangs rgyas bstan pa 'jig na bya'o// phran tshegs tsam la byas gyur na// na rag dmyal bar lhung nges so// des na snod med pa la gsang// snod ldan dam tshig ldan pa la// dam rgya byas
28a4 te gtad par bya// zhes gsungs so// de nas gnod sbyin lag na rdo rje la sogs pa thams cad yi rangs te/ bcom ldan 'das kyis gsungs pa la mngon par bstod nas/ thams cad rang rang gi gnas su
28a5 'khod par gyur to// thog dbab spu gri ka ma la'i rgyud rdzogs so//// rgya rgya rgya/ swa sti/ kha tham/ sang ngo// lha ma yin spu gri mtshon cha spu gri ka ma la'i rgyud// mchod rten brgya dang bcas nas gter du
28a6 spas// o rgyan pad+ma thod 'phreng ngas// sangs rgyas bstan pa bsrung pa'i phyir// lha srin sde brgyad las la bkol/ khyad par gnam lcags thog dbab pa// lha min mtshon cha ka ma la// dgra srog gcod pa'i spu gri
28b1 'di// bum thang dge gnas lha mo yi// zhal gyi dpral pa'i mdzod pur sbas so// bse sgrom dang du rgyas btab bo// las 'phro can dang 'phrad par shog///


CLOSE WINDOW