17b4 / rgya gar skad du// bra nya ma gu h+ya tan tra rA dza nA ma/ bod skad du/ bram ze gsang ba'i rgyud kyi rgyal po zhes bya ba/ dkon mchog gsum la phyag 'tshal lo// 'di skad bdag gis thos pa'i dus
17b5 gcig na/bcom ldan 'das dga' tshal chen po yid du 'ong ba na// bkra shis pa'i shing dang/ me tog dang/ bya sna tshogs skad 'byin pa/ rnga dang cang te'u la sogs pa'i sgra dang/ rgyan sna tshogs kyis brgyan pa na
17b6 bzhugs te/de'i tshe bcom ldan 'das rdo rje 'dzin pa dang/ lha rnams dang/ tshangs pa dang/ brgya byin dang/ gnod spyin dang/ srin po dang/ lha ma yin dang/ dri za dang/ mi 'am ci dang/ lto 'phye chen po dang/
18a1 bram ze'i tshogs du ma dang thabs cig tu 'dus so// de nas 'khor de rnams kyis me tog dang/ spos dang/ mar me dang/ byug pa dang/ ro dang/ sgra dang/ reg bya sna tshogs pas mchod do// de nas
18a2 lag na rdo rje la phyag 'tshal te/lan gsum du bskor ba byas nas/ spyan sngar pus mo btsugs thal mo sbyar te mig gdangs te/ 'di skad ces rtse gcig tu zhus so// bcom ldan sku gsum khyab pa'i bdag/ 'khor
18a3 ba thugs rjes gzung ba'i phyir// bram ze'i rgyal po gsang ba'i rgyud// e ma'o mngon spyod kyi las kyi sgo nas bdag la bshad du gsol// zhes ched du zhus so// de nas bcom ldan 'das sku bstan spyan 'khor ba
18a4 la gzigs nas/zhal 'dzum pa mdzad cing 'di skad ces gsungs so// 'khor ba'i sems can thams cad la// phan gdags pa dang tshar bcad pa// de la bral ze rgyal po'i khams// de ni nga yis bshad kyis
18a5 nyon// ces gsungs te rab tu dgyes so// bram ze gsang ba'i rgyud las/ gleng gzhi'i le'u ste dang po'o//// de nas yang dag bshad bya ba// bkra shis yid 'ong phyin pa dang// gtsang zhing nyams dga' bram
18a6 ze'i gnas// yongs su dag pa'i sa dag la// gru bzhi nyams bya mda' gang tshad// dri yis legs byugs thig gis gdab// sna tshogs pa yi tshon rtsi yis// 'dab brgyad mu khyud gru chad dang// sgo yi rgyan rnams
18b1 rdzogs par bri// dbus su rin chen bum pa dgod// nang du bum pa'i rdzas rnams gzhug/ mgul du zom bu gtong ba'i nang na// dgos pa'i sman rnams tshang bar bsag/ mngar gsum rtsa yi snying po dang// gur
18b2 kum chu yi snying po bri// dngos grub 'dod pa'i byang bu de// brum bu nang du sba bar bya// dar dang rin chen nor bu dang// sna lnga tshon gyi skud pas gdags// steng du gdugs kyis bkab la gzhag/ phyogs bzhir
18b3 mda' bzhi dar sna bzhi// mtshams su gsal ba'i me long bzhi// grwa bzhir gri bzhi btsugs la bzhag khyams su gtor chu gtsang ma bzhi// sgo bzhi mdung la rnga ma gdags// rgyan rnams kun gyis rab brgyan
18b4 nas// 'di ni bram ze sgrub pa yi// dkyil 'khor yin par nga yis bshad// ces bram ze gsang ba'i dkyil 'khor dang sgrub pa'i rdzas dgod pa'i le'u ste gnyis pa'o//// de nas yang dag bshad bya ba/ bram
18b5 bre rigs kyi dngos po yis// bkra shis dkyil 'khor legs byas te// dgos pa'i rdzas rnams tshogs nas kyang/ khrus byas ku sha'i stan la 'dug/ stong nyid snying rje'i snying po las// bum par rang nyid bram
18b6 ze'i bsams// dbu la rgyal pa'i sku sprul ni// rigs kyi khyung chen sde lnga bskyed// phyogs kyi pad+ma re re la bram ze chos kyi dus lta bu dang// bram ze 'jigs pa skyob byed gser btso ma lta bu dang// bram ze 'dul
19a1 byed sal ba bye ru bcag pa lta bu dang// bra ze 'dul byed mun pa nag po lta bu'o// mtshams kyi pad+ma re re la bra ma d+ha ri dang/ pad+ma d+ha ri dang/ lang g+hu d+ha ri dang/ kha kra ma'o// grwa bzhir gyad ni
19a2 brjod pa'i gyad dang/rngam pa'i gyad dang/ stobs kyi gyad dang/ spa ba'i gyad chen po'o// bar khyams la 'khor bse phub can dang// shing phub can lnga brgya rtsa gcig go/ sgo bzhir dmag dpon chen po brgya
19a3 'dul dang/stong dpon dang/ khri gzig dang/ 'bum pa rgya'o// de nas kyang sman cing rtag par bsam mo// de nas spyan drang ba mchod pa kun dbul te/ tshig gi bar ma chad par snying po su le can gyis/ zhal lnga
19a4 bdun nyi shu'i bar du rtags dang bstun zhing bsgrub par bya'o// 'dir ni bram ze 'khor bcas rnams// sgrub pa yin pa nga yis bshad// bram ze gsang ba'i rgyud las/ bram ze sgrub pa'i le'u ste gsum
19a5 pa'o//// de nas yang dag bshad bya ba// bram ze sgrub pa'i rtags bstan pa// rab dang 'bring dang tha ma 'byung// de yang las dang po 'pho ba'i khyad par las// dam tshig rdzas kyi khyad par dang// sgrub pa blo yi
19a6 khyad par gyis/gong du bstan pa bzhin du 'byung// rab ni dngos su ston pa ste// 'di ni mi 'byung mi srid do// 'bring ni myur du 'bab pa yin// 'di la'ang rnam pa gsum du 'byung// sku yi sgo nas rtags bstan
19b1 pa// 'phar dang gar dang rtse ba 'byung// gsung gi sgo nas babs bstan pa// thogs med sang kri ta yi skad// rgod cig rgod cig car bar 'gyur// skabs su 'tshig cing smra bar 'gyur// de yi bye brag shes gyur
19b2 nas// phyi byung ba na sngon du smra'o// thugs kyi sgo nas rtags bstan pa// rang gi rgyud la rtog med skye// bdag dang gzhan gyis rig pa ni// thogs med rang gi sems la 'char// rmi lam du yang slu mi srid// mtha'
19b3 ma dbang po'i spyod yul du// srid pa 'char bar the tshom med// gzhan yang sgrub rtags sna tshogs pa// yid gnyis the tshom spangs na 'byung// de ni bram ze sgrub pa'i rtags// nges par yin par nga yis
19b4 bshad// bram ze gsang ba'i rgyud las/ bram ze sgrub pa'i rtags bstan pa ste le'u bzhi pa'o//// de nas yang dag bshad bya ba// bdag bsrung ba dang gzhan bsrung pa'o// bdag bsrung bram ze dran pa
19b5 skyed// spyan drang mchod cing gsol ba gdab// sngags kyi rgyud la gnas par bya'o// gzhan yang 'gro ba sems can la// gdon rigs thams cad rnam par 'tshe// de dag bsrung bar bya ba'i phyir// rdzas dang
19b6 sngags dang ting 'dzin dang// thabs kyi sbyor bar bsrung bar bya'o// rdzas kyi bsrung ba 'di ltar yin// rten gyi bsrung pa mchog tu bshad// gzhan la sbyor ba 'di gsum bya// byug dug bsrung bar byas pa'o// ga
20a1 bur tsan dan dkar po dang// gla rtsi ra dkar 'o mas byug/ mi chen shi ba'i bo to dang// gu gul skye tshe yungs nag dang// rta bong rnams kyi ri lus bsreg/ gser g.yu byu ru mu tig rnams// ma rmas
20a2 pa yis bsrung bar bya// bu rtsir thal chen skye tsher bcas// gdon gyi rigs rnams bsrung ba'i mchog/ gla rtsi shu dag mu zi dang// shing kun bcas pas klu rnams thub// tsan dan rnam gsum ga bur dang// bla ba
20a3 skye tshe tig ta rnams// 'dir bcas nad rnams bsrung bar 'gyur// sngags kyi bsrung ba bya thabs la// sa li drag tu brjod bya zhing// mtha' rten sngags kyi sham bu gdags// nyungs nag rgyal pos brab pa
20a4 yis// gdon dang phrel bar the tshom med// ting 'dzin bram ze la gnas shing// sngags kyi yi ge bram ze'i tshogs// du mas de yi lus la zhugs// drag shul dpag med du ma byed// me yi phung pos nad rnams
20a5 sbyong// thabs kyi sbyor bas bsam mi khyab// bram ze sgrub pa'i rnal 'byor pas// sngags kyi thor bu lha dang bcas// so so'i rdzas la rten nas kyang// bzlas pa tsam gyis bsrung bar 'gyur// bram ze'i rgyal
20a6 po'i thugs rje yis// bsrung ba yin par nga yis bshad// bram ze gsang ba'i rgyud las/ bsrung ba'i le'u ste lnga pa'o//// de nas yang dag bshad bya ba// bram ze dbab pa'i sbyor ba ni// shin tu gtsang ba'i bra
20b1 stan la/khrus byas pra yi stan la ba zhug/ bram ze rgyal po 'khor dang bcas// mthun pa'i rdzas kyis mgu byas la// bdag nyid de yi sbyor ldan pas// bar chod gsal ba'i cho ga bya// 'jig rten 'das dang 'jig
20b2 rten pa'i// mthol bshags bzod gsol dag par bya// de nas bdag nyid khyung du bskyed// pra stan stong pa'i ngang nyid las// bram ze lcam dral du mar bsam// bdag nyid khyung chen rgyal po yis// sngags rgyun
20b3 drag po sha re bzlas// skabs su phyag rgya bsgyur bya zhing// bram ze lcam dral ming nas bod// myur du smros zhes drag tu brjod// 'bru mchog gdon du gtor ma bya'o// des ni smra bar gdon mi za// dang po rgya gar
20b4 bram ze skad// de nas bod skad gang du 'byung// snga phyi gnyis su smra ba'i mchog/ de yang dam tshig gtsang ba gces// bram ze lcam dral du ma 'dis// myur du 'bab par nga yis bshad// bram ze gsang ba'i rgyud
20b5 las/dbab pa'i le'u ste drug pa'o//// de nas yang dag bshad bya ba// bram ze sgrub pas mthong ba 'byung// de yang gsal bar bya ba ni// mdun du sa gtsang maN+Dal bya// tsan dan dkar po'i lde gus
20b6 byug/steng du rin chen zom bu gzhag/ mthong du mthong ba'i sbyor ba bya// de la sgro btsugs dar sna gdags// gsal le'i sngags bris sgo btags las kun byed// mchod pa'i rdzas kyang bstar la bzhag khrus
21a1 byas par chod bgegs bsal ba// bram ze'i ting 'dzin gsal ba yis// spyan drang mchod cing gsol ba gdab// rgyun sngags drug tu sal le brjod// bram ze dang ni lcam mo kun// sngags zlos
21a2 dbang po'i dngas ma'i babs// me long phyis kyis ston par bsam// des ni gsal bar 'gyur ba yin// des kyang gsal bar ma gyur na// thabs kyi sbyor ba shes par bya// rims kyis gang gsal lcam mo
21a3 la// gsol ba gdab cing drag tu bsgrub// bram ze'i lcam mo bsgrub kyi bar// sngags kyi sham bu so sor gdags// de yis myur du mthong bar 'gyur// yang na lcags kyis 'byung bar 'gyur// the tshom can gyis
21a4 mi sgrub po// dam tshig can gyis myur bsgrubs na// snang brjod mngon shes nga yis bshad// bram ze gsang ba'i rgyud las/ mthong ba'i le'u ste bdun pa'o//// de nas yang dag bshad bya ba// rgyud 'dir
21a5 zhugs pa'i blo ldan gyis// bla med gsum ldan bla ma la// mthun pa'i grogs dang dkar ma'i chos// bram ze gsang ba'i lha tshogs la// gus shing gtor thod rtse ba yis// dbang dang rjes gnang 'bad pas
21a6 blang// sku gsung thugs kyi dam tshig la// lus ngag yid kyis bsrung bar bya// nag pos spangs shing dkar pos spel// de ni spyi yi dam tshig yin// rdzas rnams med dam ma tshang na// bsgrubs kyang 'grub par mi
21b1 'gyur ro// dgos pa'i rdzas la brten nas kyang// bram ze rgyal po gsang zhing bsgrub// ta dbu ra ni rgyun du rdung/ kha zas gtsang ma bsten bya zhing// rtag tu khrus la gnas par bya// sha chang sgog pa spang bya
21b2 ste// gos dang zas rnams 'dre mi bya// ang bgags kyis rlab par bya// thab gzhob mi gtsang mkhon pa ltar// yugs su rnol la nye mi bya// nyams la dgra ltar gzer ba ste// 'di ni khyad par dam tshig
21b3 yin// grub nas thabs kyis rim shes bya// dam tshig nyams na mi grub pas// gso ba'i cho ga shes par bya'o// dam tshig gtso bor mi 'dzin cing// the tsom yid gnyis spyod pa tsog/ sgrub kyang 'grub par mi
21b4 'gyur ro// de bas 'di la gnas par bya// bsrung dang spangs dang gsang ba'o// dam tshig yin zhes nga yis bshad// bram ze gsang ba'i rgyud las/ bsrung ba'i dam tshig gi le'u ste brgyad pa'o//// de nas
21b5 yang dag bshad bya ba// bram ze rgyal po'i sngags bstan pa// sgo gsum mtha' sbyor ldan pa yis// gsang zhing rgyun du bsgrub pa ni// oM ku ku raM/ mang sku raM zha de/ ku sa ra/ me long shol tse khang shol ta/ lo shol
21b6 rtso/hUM hUM phaT phaT swA hA/ sgra tog tig tig sgra du brag nyag d+h+ya thA gA tA mA sa le hUM hUM phaT swA hA/ 'di ni sngags kyi rgyal po ste las thams cad pa'o// oM ku ku raM hUM phaT/ oM maM ku ru hUM phaT/ oM zha ra te hUM phaT/ oM
22a1 ku sa ra hUM phaT/bram ze chen po bzhi'i sngags so// oM pra ma d+ha ri hUM/ oM pad+ma d+ha ri hUM/ oM lha ku d+ha ri hUM/ oM kha kra ma d+ha ri hUM/ lcam mo tshan mo bzhi'i sngags so// oM tad+ya thA/ ha na ha na g+hun d+hi la hUM
22a2 phaT/gyad mo bzhi'i sngags so// oM b+hi sta ha ra mar b+he wa then hUM phaT/ 'khor mang po'i sngags so// oM badzra hUM hUM/ baM hUM hUM phaT/ dmag dpon chen po bzhi'i sngags so// oM AHhUM/ khA khA khA hi khA hi swA hA/ gtor
22a3 ma sbyin pa'i sngags so// shan ting ku ru swA hA/ puSh+tiM ku ru swA hA/ pa shaM ku ru swA hA/ mA ra ya phaT/ bram ze'i las sngags so// so so'i rdzas la rten nas kyang// sbyar bas grub pa the tshom med// gzhan yang bram ze'i
22a4 tshogs dang ni// lcam mo de dag gang rung gis// zhes drag tu bskyed par bya// sngags rgod sna tshogs bzlas gyur na// gang la brtsams pa 'grub par 'gyur/ bram ze 'khor bcas sgrub pa yi// gsang sngags
22a5 yin zhes nga yis bshad// bram ze gsang ba'i rgyud las/ sngags bstan pa'i le'u ste dgu pa'o//// de nas yang dag bshad bya ba// dam tshig shel ltar dag pa yis// dbang dang rjes gnang thob bya ste//
22a6 dgos pa'i rdzas rnams kun tshogs nas// the tshom yid gnyis spangs pa yis// bram ze'i rgyud nas 'byung bzhin du// lan grangs du ma bsgrub nas kyang// don med 'grub par ma gyur na// dang po ar la gtad
22b1 par bya// ri phug nags sam dgon pa ru// sa bzang rin chen 'dar ba la// dkar gsum mngar gsum chu yis byug/ de la bram ze lha rnams kyi// 'dra 'bag byas la snying po gzhug/ rang rang gnas la
22b2 legs par gzhag/gtsug tu mkha' lding mtshan ma dgod// lcags kyu zhags pas dgug cing bstim// mthun rdzas rnams ni so sor btab// bden pa'i tshig gi legs par dgod// de nas bdag nyid khyung
22b3 nag gis// sprul pa nag po grangs med spro// spyi bor mchu btsugs rtsa nas len// lcags par nag po snying la gtad// lus 'dar nga ro dmyal thag gcod// de nas lan 'ga' 'di yang bzlas// kruM kruM kruM sa sa
22b4 ra ga ru Da tsa le sa ma ya hur hur/ces mang du ming rung ngo// bram ze snying re rje ste 'di ni shin tu gsang ba'o// grub nas las rnams mi byed na// ar la gtad pa'i las bya ste// snying khar tsi tra gtad la
22b5 mnan// sha khrag dmar gyi gtor ma gtang// de dus sngags kyi sgyur ldog bya// nga ro drag tu 'byung bar bya'o// shin tu snying re rje ste rab tu gsang bar bya'o// dbab mthong byed du ma 'dod na// 'di ltar gnad la
22b6 bod bar bya// zom bu g.yon du slad la bskor// a tsi ta hUM/ sa ma ya/ pra ma d+ha ri phob/ pra ma d+ha ri phob/ gsal bar ston/ bram ze nyon re mongs te/ gsal bar gnyer gtad pa'o// 'gro ba mi yis mthong mi
23a1 mthong// an ma 'dzangs ma rnam par tshugs// oM a le bi le/ b+ha ra b+ho ra b+ha g+ha g+ha b+he sa/ de mi swA hA/ 'di ni gsang ba dam pa'o// mdze mo gso na thub pa thub// bya nag sgo nga gtor mar chug/ oM
23a2 trig por khug mug thum ril swA hA/'di ni gsang ba'i dam pa'o// 'byung po 'dul na thub ma thub// mar snying tshil snying me la bor// oM tha ya za thabs sod// spungs tha byi glang sad// cit+ta khung sod/ rkun mo gang
23a3 yin gzung mi gzung// ri lu'am kyong bu chu la ltos// de ni gsang ba dam pa de// de rnams gzhan gyis mthong ba'am// thos pa med par bya ba'i phyir// gsang ba yin pa nga yis bshad// bram ze gsang ba'i
23a4 rgyud las/yongs su gsang ba'i le'u ste bcu pa'o//// de nas yang dag bshad bya ba// 'gro ba rjes su gzung bya'i phyir// las dang mthun pa'i thab khung ni// dkar ser dmar nag mtho gang tshad// zlum po
23a5 gru bzhi zla gam tshad// zur gsum pa yi dbyibs su bya// shug pa skyer pa mdzo mo'i shing// dug gi shing ngam tsher ba tser// bram ze dkar ser dmar nag bzhi// thab tu bsam zhing me yis gang/ kha dog dkar
23a6 zhing dri zhim pa// ro yang mngar ba zhi ba'i rdzas// ro yang ska ba rgyas pa'i rdzas/ kha dog dmar zhing dri yang chung// ro yang skyur la dbang gi rdzas/ kha dog nag rtsub dri yang che// ro yang kha ba drag po'i rdzas// bram
23b1 ze spyan drang me lha mchod// gang yin pa dang mthun par bsreg/ bram ze sgrub pa'i snying po la// las sngags 'byin pa'i snying po gang yang 'grub// don kun sgrub byed bram ze yi// sbyin sreg yin par nga yis
23b2 bshad// bram ze gsang ba'i rgyud las/ sbyin sreg rnam bzhi'i le'u ste bcu gcig pa'o//// de nas yang dag bshad bya ba// phan gdags pa dang tshar gcad pa// yul du lhog pa'i nad byung na// phyogs bzhir
23b3 seng lding phur pa bzhi// nyungs kar sngags kyi skyes bu rnams// de bzhin bsrung pa'i mtshams su gzugs// zer dkar chu la sngags bzlas so// rtags byung nye bar bsrung ba ni// rang gi spu la skud pa
23b4 bya// sngags bzlas nyungs kar mgul du gdags// ser ba drag po bsrung ba ni// nyungs kar nyungs nag thal chen la// sngags bzlas gdong la gtor ma gtang// phur bus zhing gi mtha' ma bskor/ khyung chen
23b5 gshog pas steng du dgab// shwa 'di gzhan du bsgyur ba ni// lcags bsam zangs la 'jug byas la/ khong du drag po'i sngags bcug la// gdong du kha bstan gzhan du 'gro// lam du zhugs nas 'gro ba ni// skud
23b6 pa dang ni gos kyi grwar// sngags bcug mdud pa bdun bor nas// dgra dang nye ring med par 'gyur// lhog pa nye bar byung gyur na// sngags kyis gdul zhing byug pa bya// bud med bus ni thogs pa la// sngags
24a1 bzlas chu skol 'thung du gzhug/lus la bal nad zhugs pa la// mthun rdzas lus gdags skud pas thum bu bya'o// nyungs nag sngags mar gyis byug pa bya// sa dang gtor ma sngags gsum
24a2 gyis// byis pa sarba bsrung bar bya// rdzas dang sngags su mthun bsdebs pa'o// zho dang chang yang thub par 'gyur// mi rta sgo la lcags dam na// sa la sngags btab dam tshig bsrung// zhing la ri bong za ba
24a3 na// bye ma dang ni skye tshe la// sngags bzlas mtha' ma bskor bar bya// klu dang char pa che ba la// se 'bru dang ni thang phrom la/ kha phor gtsang mar sbyin sreg bya// gang zhig g.yul du zhugs na ni// rgyal mtshan nag
24a4 po mgo la gzugs// sngags kyi sgye'u lus la bcang// bstan pa bram ze bsrung 'dod na// byi ba sngon po'i pags pa la// sngags kyi sbyor ba shes pa yis// bsgrub bya dgug cing thun gyis brdeg/ spa 'dom nang du
24a5 las la sbyar// de dag myur du brlag par 'gyur// gal te gnyan pa gter 'dod na// sbrul dang sbal pa sdig pa dang// glang nad rdzas kyis sbyor ba la// sngags kyis brabs te las la sbyar// til dang zi ra
24a6 brdeg par bya'o// drag po'i ser ba dbab pa ni// thog gis shi ba'i rus pa dang// yul gyi 'bru sna tshang ba na// sha shing phur pa sor brgyad dgod// klu yis khyer ba'i thod pa la// nang du sbyor ba las byas
24b1 la// gang gi yul du bskyal bar bya'o// lcam dgug cing de la mdas brdeg gris brdeg mdung gis brdeg bram ze'i mda' thun/ gyad kyi gri thun/ dmag gi gdung thun/ 'khor gyi nyungs kar thun/ smyug mar
24b2 gzhug go/thun de rnams zin nas/ thog ser myur du dbab par 'gyur// 'di la the tshom mi bya'o// phan gdags pa dang tshar gcad pa// myur du 'grub ces nga yis bshad// bram ze gsang ba'i rgyud las/ las
24b3 sna tshogs pa'i le'u ste bcu gnyis pa'o//// de nas yang dag bshad bya ba// 'khor de rnams kyis mchod pa sna tshogs pas mchod de/ bcom ldan 'das la bskor ba byas nas shin tu yi rangs te/ bcom ldan
24b4 'das kyis gsungs pa la mngon par bstod do// bram ze gsang ba'i rgyud las/ yi rangs te bstod pa'i le'u ste bcu gsum pa'o//// rgyud 'di ni pu ru'i grong khyer nas// paN+Di ta na kro phraM pa kang ka dang// lo
24b5 tsa ba brang ti chos kyi blo gros kyis bsgyur te shin tu gsang zhing sbas pa'o// bram ze su ka tas zhus te thugs la bkram pa'o// 'dod pa'i shor gyi phyir rgyud 'di spel na rang srog 'chad// de bas sems kyi dkyil du
24b6 sba'o// nar skan/ tsit+ta sam/ bram ze gsang ba'i rgyud kyi rgyal po char sprin nag po zhes bya ba rdzogs so//// mang+galaM//


CLOSE WINDOW