356a1 e ru tra man tra ma hA tan+t+ra rA dza/ bod skad du/ drag po'i sngags rgod chen po zhes bya ba'i rgyud/ rgyud kyi rgyal po rus sbal khro bo'i rtog pa'o// bcom ldan rdo rje 'chang chen po la phyag
356a2 'tshal lo// de nas rdo rje snying po de// rdo rje rnon po ral gri 'bar// rdo rje 'chang la gus btud nas// rgyud rnams kun tu gsang ba'i don// rtog pa rmad du 'byung ba'i mchog/ ru sbal rngam pa'i gsang mdzod
356a3 nas// thugs rjes rol pa shar pa yis// drag po sngags rdzogs mdzad pa yi// sangs rgyas kun gyi ye shes khyod// 'jig rten 'gro ba mi yul du// dza la dzi la nyam nga ba// me rlung 'khrugs par gyur ba 'di// nad
356a4 kyi bdag po gang lags pa// ye shes chen pos bshad par mdzod// rdzogs pa chen pos bka' stsal pa// nub phyogs pho brang rgya mtsho chu// ngo mtshar chu bo bzhi 'bab pa'i// rab tu mi sgrungs klu rnams kyi// ded
356a5 dpon klu yi rgyal po pa// pho brang rgya mtsho dang ba na// rin chen ri rab lte ba la// rin chen sna lnga'i gzhal yas khang// phyi nang med par kun tu gsal// dza la dza la'i bdag po ste// kun la bsam ngan mi mdzad
356a6 de// sangs rgyas bstan pa bsrung bar mdzad// dge 'dun chos la dgra byung ngam// bka' yi bstan pa smas pa na// tsi tsi dz+wa la'i nad rnams bdag/ tshor ba med pa'i nad rnams kyang// snying la 'bab par byed pa
356b1 yin// de yi phyi rim phyogs bzhi na// rgyal po'i rigs ni sa la dbang// lci dang 'thib pa'i nad kyi bdag/ rje'u rigs gdug pa me la dbang// tsha dang bsreg pa'i nad kyi bdag/ bram ze gdug pa chu la
356b2 dbang// grang zhing 'dar ba'i nad kyi bdag/ dmangs kyi rigs ni rlung la dbang// yang zhing g.yo ba'i nad bdag yin// rang rang yid kyi khang pa ste// rin chen gser las grub pa yin// gru bzhi phyi nang kun tu
356b3 gsal// de yi phyi rim rtsibs lnga'i klu// nyi shu rtsa lnga rim par gnas// gzhal yas rin chen dgu las grub// de yi phyi rim gnyan chen brgyad// 'khor ni 'bum sder bcas pa gnas// de yi gnas khang g.yu
356b4 las grub// de yi phyi rim sa bdag stong// rin chen zangs kyi khang par gnas// de yi phyi rim sa srin dang// sa sen klu sen 'bum sde rnams// lcags las byas pa'i gnas khang na// de yi phyi rim the brang
356b5 dang// 'byung ba kun tu myul ba gnas// de yi gnas khang sa las grub// de rnams nyam nga nad kyi bdag po yin// rim pas gdon cing gtso bo'i lag tu gtod// klu rgyal nad kyis zin na 'tsho ba dka'// 'khor
356b6 gyi nad ni sna tshogs te// ngos zin pa ni gso bar sla'o// ru sbal khra bo'i rtog pa dang po'o//// rdo rje rnon pos gsol ba// dza la dzi nyam nga ba// rgyu rkyen gang gis rlong ba yin// yang dag rdzogs pas bka'
357a1 stsal pa// rigs dang rang gi thebs las dang// byad kyi gtad khram gnan gzir log/ de yi rkyen gyis nad ldang ba'i// rigs ni za 'am zug pa yin// thabs las klu yi pho brang du// zhe sdang
357a2 mtshon dang 'dod chags brtsogs// gti mug thab gzhob byas pa 'am// rtso la rdo shing nyams pa yi// byad kyi gtad khram thebs pa ni/ khram la btab pas gso ba dka'// rang gi gtad khram gnan gzir
357a3 log/brtson 'grus ldan na gso ba sla// nyes pa'i chad pa byung ba na// dang po gzhi mas mi tshor te// the brang 'gong po kun 'khrugs nas// rtags 'debs sa srin la bzlog/ rgyal bran the brang 'gong po dang// sa
357a4 srin klu bsen sdongs 'gyur te// sa bdag gnyan dang klu rnams la// rim pas sbran cing kun sdongs nas// gnod pa che zhing nad rnams gtong// rigs bzhi klu yis zin pa'i tshe// mgo dang yan lag rim pa
357a5 la// rtags thebs dug gis gzir bar byed// btsan dang klu dang rgyal po dang// bdud la sogs par sdongs nas ni// blo bur nad kyis 'debs pa yod// dbus kyi klu rgyal lag tu gtod// der song de
357a6 las thar pa med// ru sbal khra bo las rtog pa gnyis pa'o//// de nas rdo rje rnon pos yang gsol pa// 'gro ba'i lus la gdug pa gsum// gnod pa'i rtags rnams bshad par mdzod// yang dag rdzogs pas
357b1 bka' stsal pa// dang po the brang 'gong po yi// 'jig rten khams su gdug pa can// kun la sbran gtong rtags mtshan 'debs// rim pas sa srin klu srin dang// sa bdag gnyan dang rigs lnga'i klu// rigs
357b2 bdag gtso la rim pas bstod// dang po gnod pa'i rtags 'byung ste// snying mi dga' la 'gro snying 'dod// snying 'phyo spro thung rgod 'dod lus nyams chung// gnyid che shes pa 'thibs shing stab rnol 'ong// rmi lam
357b3 'gyur mang gnod rtags dang po yin// lus sbrid sha gul mig dang sha mdangs 'khyug/ za dang brtse dang sbrid cing 'gyur ldog mang// byad lus kun la sha bkra thor ba'o// rmi lam la sogs ngan te gnyis pa
357b4 yin// byad la 'gyur ldog che zhing shes pa rteg/ mtshan mas che thebs mis kyang 'gyur ldog mthong// de rtags gnod pa gsum pa yin// shin tu mdog ngan rkang lag zha grum 'byung// sha khrag lus nas kha mig
357b5 gle// dri ma log cing kha sna yo// mchi ma 'chil mi thub cing byad la chu phur 'ong ba ni// gnod pa'i rtags te bzhi pa'o// de nas rigs bzhi'i dug nad de// gar yang rung bas 'debs pa yin// tha ma klu rgyal lag
357b6 tu gtod// lus la dri ma mi chags shing// dri ldog rkang lag sor mo 'phrul/ khas ma ngan mi dang brda mi 'phrad// chu phur 'byung zhing rma yang 'ong// so kar mig bzlog gos pa yang// dri ma mi 'chags skya bor
358a1 'gro// sna yi ka ba chad pa ni// de las bzlog pa dka' bar bshad// lnga dang bzhi dang gsum pa dang// gnyis pa dang gcig pa'i bar dag tu// sgrims na rims par 'tsho bar bshad// dri rgod lco
358a2 dri skya rbab dang// smyo 'bog brgyal dang bla ldog 'byam/ kha lkugs rkang lag zha ba dang// rmal nad yam nad gag nad dang// blo bur nad rnams sna tshogs ni// sdongs bzlas stong zhing nyen slong ba'o// ru sbal khra
358a3 bo'i rtog pa las le'u gsum pa'o//// rdo rje rnon pos yang gsol pa// zhugs pa'i mtshan nyid ji ltar lags// yang dag rdzogs kyis bka' stsal pa// gdug pa gsum po'i nad dang dug/ 'jug sa nges pa'i
358a4 tshad mas bstan// zhugs pa'i mtshan nyid 'di lta ste// phyi rol lus tshul zhan pa dang// nang gi lus stobs chung ba dang// lus rngul mdog ngan sha lus skem// rdzi skor stong tsher 'ong ba dang// 'khru 'byam sha blo skya
358a5 rbab 'ong ba dang// nyam chung bcud 'jig 'dod chags 'chor// dbang po mi ldang mtshan ma 'drul// sha ro bem po 'dug pa dang// sbrid po ci der 'ong ba dang// gzhog sbrid rtsa khrid 'phreng 'khyug byed// zha rangs
358a6 'khums rgur yo sle dang// skya dang skam dang ne seg 'brul// sha 'gul skye rtse ber ba ldang// ba lhags sha bkra g.yan pa 'ong// rdzi lengs smi ma sma ra 'byi// mdog nag so skya sna khrag mang// gtar na khrag ngan
358b1 sol khu 'dra// lus rgud stobs zhan 'dar ba dang// lus 'dar brjed pa rkyen pa dang// snying 'dar rma lugs ngan pa dang// rngam pa 'degs dang rgod pa dang// ug sogs blo lu skyed mdangs 'chor ba
358b2 dang// khor sgyur ba dang sha mdangs 'tsher// skyigs bu 'ong dang sna khrag mang/ khams dang nya skangs dur shig 'ong// gshogs bshal rgu ru da rgan dang// dgu 'khri gzhang na blo 'khrig byed// lus sbo chu sogs
358b3 pho ba 'degs// long 'gul khong za 'khru skyug 'byang// gdug pa'i nad rnams zhugs pa yin// ru sbal khra bo'i rtog pa las le'u bzhi pa'o//// rdo rje rnon pos yang gsol pa// nyam nga gdug pa'i nad dang
358b4 dug/'grim pa ngos bzung ji ltar lags// yang dag rdzogs pas bka' stsal pa// 'gro ba mi la gdug pa'i nad// lus la thebs nas 'grim pa'i nad// stod kyis smad la ngos bzung zhing// smad kyi nad kyis
358b5 stod la gzung// stod kyis smad du snyeg pa dang// smad kyis stod du bsnyeg pa te// klad pa'i nad ni skra gseb nas// byin pa'i gnas su 'grim pa yin// tha ma gzhung bar snyeg pa ste// rgud po 'am yang 'drud por
358b6 'gro// chu ba'i nad ni long bu nas// smin phrag dag tu 'dril bar byed// dgye dgu 'ja' ste stog rtsar snyeg/ tshigs pa'i nad ni tshig pa dang// mig tu 'grim par byed pa ste// tha ma mchin par bsnyeg pa
359a1 dang// btsos kyi nad ni mkhur tshos dang// gnyan gong dag tu 'grim pa ste// btsos la sha ro 'ong ba yin// tha ma sna la snyeg par byed// rus pa'i nad ni ni kos ko/ la srubs 'grim par
359a2 byed// 'brum chung tsha btsag 'ong pa ste// tha ma rus la snyeg par byed// rgyus pa'i nad de dpung pa dang// rting chu ba ni 'grim pa ste// skar tshugs tsha la sbrid pa ste// tha ma rgyus pa la snyeg go/ gdong sna'i nad dang
359a3 yang// ngar gdong dag tu 'grim pa ste// sha mtshan 'am na sha ro 'ong// skad 'gag thor bu phra mo 'ong// tha ma blo la snyeg pa'o// gces pa'i nad ni snying ka nas// mtshan ma dag tu 'grim pa ste// sha ro bem po
359a4 'ong ba dang// snying shugs 'ong zhing nus pa chung// tha ma snying la snyeg pa yin// rtsa nad mchan khung brla yi phyi// sha bkra sha ro 'ong ba dang// tha ma rtsa la snyeg pa yin// snod kyi nad ni mchin khri dang// gzhungs pa
359a5 'drin zhing bems po 'ong// tha ma mcher pa dag la snyeg/ mkhal ma'i nad de mkhal ma dang// byin pa'i nywa gzhug 'drim pa yin// thor bu nya sgangs 'ongs pa dang// tha ma mkhal rtsa dag la snyeg/ srab rtse'i nad
359a6 ni yob chen gong/khrig ma dag la 'drim pa ste// srab rtse tshigs mig na ba dang// tha ma 'or mig 'ong ba yin// gza' chu'i nad ni gza' chu dang// sgal khung dag tu 'grim pa ste// thor bu rma rgan 'ong ba
359b1 dang// tha ma zha 'khum dag tu 'gro// ltag pa'i nad ni ltag gzhung 'grim// zug dang chu ser 'bab pa ste// tha ma 'jang la snyeg pa'o// sog pa'i nad de sogs pa dang// snag po che ru 'grim pa ste// tsag tsag
359b2 'ong zhing snag la snyeg/spu yi nad ni skra mtshams dang// spu mtshams dag tu 'grim par byed// sil sil pa dang zing zing 'ong// sha mdangs khyab par snyeg pa yin// rtsa nad nad kyi bshul sha dang// 'jing pa
359b3 snyeg pa de yis// dgye bo yang na sgur por 'gro// tha ma chu pa rnams la snyeg/ bcu bdun gnad du 'grim pa yin// de ma yin par mi 'grim ste// 'grim zhing snyegs pa de dag la// 'grim sgo dgag pa gces pa
359b4 yin// ru sbal khra bo'i rtog pa las// zin thebs kyi gnad de le'u lnga pa'o//// rdo rje snying pos yang gsol pa// nad kyi bstan pa de ltar na// drag po sngags rgod yang gsang thugs// snying po don gyi sbyor ba
359b5 dang// yang dag rdzogs pas bka' stsal pa// klu gnyan sa bdag gdug pa can// nyam nga ba yi nad dar na// rgya shog rgyu la tsakra bri// ru sbal lto bar mu khyud bskor// dbus su drag po bzhi ldan pa// dbang gi
359b6 khor yug ldan par bri// sna tshogs rdo rje ldan pa la// lcags khang 'khrul mig bcu gcig ldan// ru sbal rtsa ba'i 'khrul 'khor yin// dbus su klu gnyan sa bdag gi/ ming dang snying po bri bar bya// ma mo rgyal po
360a1 mdze 'drin btsan// drag po'i khang pa gsum par gnas// mtshams su gdug pa'i gzugs ldan par// drag po'i sngags kyis bskor bar bya// sna tshogs rdo rje rtsa ba'i lus// 'khrul mig bcu
360a2 gcig yang sngags dgod/khor yug rigs bzhi gdug pa'i gzugs// dug khrag tsha ba'i ngar bslud la// e yi gnas khang kha khyer gsum// rtsang thod me ri ldan par gzhag/ tsakra bar snang thod pa gnag kha
360a3 sbyar bar du dmigs pa bsam// phyag rgya zil gnon skur bsgoms la// bsgom bskul drag sngags bsnol mar brdeg/ 'khor lo thod pa rdzas bdug cing// dug khrag mtshon dang dug mda' dang// bye ma su rgya dzi
360a4 las brdeg/shi khrag drag po bcu gcig 'bru// yang gsang mchog gi snying po yin// nyid kyis sku gsung thugs rdo rje yi// drag sngags sbyor ba 'di gsungs so// e ka he dun ya ma snying khrag ra ma tsa la/ sa nA ga
360a5 tsa tri du me srog la breng breng rtsa la dun dun spur nan kham shag rbad/sa nA ga phreng breng dun dun thum ril nA ga ra dza/ sa nA ga sog la breng breng dza dza thum ril shag/ sa nA ga srog la dun dun thum ril shag/ sa nA
360a6 ga tsit+ta la thum ril shag rbad/sa nA ga thum ling khas thum ril shag/ sa nA ga srog la hur thum ril shag/ sa nA ga tsit+ta la thum ril shag/ sa nA ga snying gzer sbur nan thum ril shag/ tsa tri shu la du me ma ma
360b1 srog gzer thum ril shag/tsa tri shu la gzir nan thum ril shag/ ro nri tri yaM shig nan gzir thuM ril shag/ drag po bkod kyi sngags bzlas shing// dang po phyag rgya sku nyid bstan// 'od zer 'bar bas sgrib pa
360b2 bsreg/rang bzhin sngags mtha' stong nyid dang// drag po me dbal 'khor lo mtshon// skam chags rgyun gyis srog phrogs nas// gsang mdzod mu khyud gzugs la bsdu// me rlung stobs kyis 'khrug cing
360b3 sdud// srid pa'i ru sbal lto bar 'chang// 'khor lo me rlung mtshon cha yis// srog rtsa gcod cing gdug rtsub bsreg/ drag po sbyor ba rdzogs pa dang// bdug pa bsreg cig thal ba mnan// ka rten nam lha
360b4 khang them 'og gzhug/ya ma ka li dregs pa can// ha mo gnon pa be ka tA// yang gsang mchog gis sngags su gsungs// ru sbal khra bo'i rtog pa las le'u drug pa'o//// rdo rje rnon pos yang gsol
360b5 pa// sngags kyi sbyor ba de ltar na// 'tsho byed sman gyi sbyor ba gang// yang dag rdzogs pas nges gsungs pa// nyam nga'i nad rnams zhugs pa yi// dug ro sman gyis gdon par bya// phyi nas zhugs par gyur pa
360b6 la// tsan dug dag gi sman mar ram// yang na dug gi ri lu gtang// nang nas zhugs par gyur pa la// mu zi mar dang sbrang rtsi sbyar/ khem bus tshad dang ldan par ni// mkhas pas lto stong dag la gtang// dngas
361a1 mar zhugs kyang de bzhin bya// byang chub sems la zhugs pa la/ khu ba bu ram sbyar te gtang// dbang po lag pa ba'am ra'i// 'o mar 'dus dang sbrang rtsir sbyar// dang po mi ldang nad kun
361a2 sel// ra tsha rgya tsha ze'u tsha// dbyi mor dkar por sbyar ba yis// sha ro bems po'i nad rnams 'dren// rtsa nad rtsa sbyongs bya ba dang// 'bri ta sa 'dzin sbyar bas sel// zha dang rengs 'khums lums kyis
361a3 gso// yo dang sle'o me btsas bsrong// seng ldeng sman mar dag gis ni// rus pa'i nad kun sel ba yin// skye a kod pa da dang// tsan dan mar khu sbyar te byug/ a ru ra dang ba ru ra/ kham bu yi ni snying po
361a4 bsreg/tsher sngon chu dang sbyar ba yis// skra dang smin ma 'byi ba gso// a be sha dang brag rgya yis/ khrag gi nad la bdud rtsi ni// seng ldeng 'o mar bsdus pa dang// 'bras bu gsum dang gu gul dkar// so ma ra
361a5 tsa tha skar rdo rje dang// cong zi sbrang zir sbyar ba yis// bcud la zhugs pa'i nad rnams sel// dkar po chig thub snying zho sha/ 'dza' ti sbyar bas snying nad sel// bung pa rtsi dang sro lo dkar// glo ba'i nad rnams
361a6 sel ba yin// gur kum tig gi me tog gis// mchin pa'i nad rnams sel bar byed// seng ldeng gso ma ra tsa dang// tsan dan dkar po 'bras bu gsum// nim pa ma hA nim par sbyar// chu ser nag po mtha'
361b1 dag skems// tsha sna btsod khu sbyar ba yis// 'brum 'phran nad rnams sel bar byed// mu zi phag tshil sbyar ba yis// bal ldags sha bkra glang shu 'dzoms// gzhan yang nad kyis 'grim pa la// rtsa sgo dgag dang
361b2 me btsas bsrung// gzhungs pa snyeg na an rtog dgag/ sgur po dang ni 'drud pa la// lums bya me btsas bsreg par bya// gza' skye me btsas bsreg pa dang// gza' gums lums su gzhug par bya// drang srong
361b3 snyeg la me btsa' bya// nya thor byung na mdzo lci byug/ shu ba gcod kyis gdul bar bya// mchin pa'i srang ni me rtsa gdab// sna la gtar kha nya ral bya// sha ro btsog bskor mu zi gdab// sna bshal bya zhing 'dren sman
361b4 gtang// sha sul me btsa' gdab pa dang// thor bu btsos lums gdul bar bya// rus pa'i rgyal po bsreg par bya// rus snying lums su gzhug par bya// dkar tshugs dugs kyis gdul bar bya// sbrid po la
361b5 ni snum dug ting// sna bi rtse mo gshag par bya// ngar gdong long rtsa spro bar bya// blo yi srang sgo bsreg par bya// sha ro la ni bskor tshe bshal// yang na sum pa'i 'dren bshal bya// glo yi sgang rtsa gtar pa
361b6 dang// cu gang gur kum gtang bar bya// snying srang nu 'jing bsro bar bya// rtsa ba lnga yi sman yang sbyar// mkhal rtsa rtsa ba 'phreng nyal bsro// bems po bci yis btsog par bya// mkhal rtsa me rtsas bsro ba
362a1 dang// sha bkra gur kum chu yis bkru// mcher rtsa srang sgo bsro ba dang// bems po bcu yis btsog par bya// braM tshe snum gyis gso bar bya// hog mig lcags kyis bsreg par bya// rma rgan rul chod
362a2 gtang la gso// chu ser 'dren bshal gtang byas la// zug rngu lums kyis gso bar bya// gu gul bshal btang sha sul me btsas bsrung// spyi gtsug bshal rnams btang ba dang// sha thang bar yang bshal bar
362a3 bya// bshul rtsa nag po gtar ba dang// bshul sgo me rtsas dgag par bya// dgye rgu lums kyis gso bar bya// mkhas pas rig par shes pas ni// sman dang dpyad kyi sbyor ba yin// ru sbal khra bo'i rtog pa las
362a4 le'u bdun pa'o//// rdo rje snying pos yang gsol pa// sman dpyad sbyor ba de ltar na// 'phrin las sbyor ka ji ltar bya// yang dag dpa' bos bka' stsal pa// gdug pa gsum gyi nad dang dug/ gdug rtsub
362a5 zhi bar byed pa ste// bsreg pa'i sbyor ba las kyi gcong// thog mar gdug pa dbang du bsdu// de nas drag pos tshar gcad cing// tha mar zhi ba'i las bya'o// dben pa'i gnas su 'du 'dzi spangs// pad+ma ra ga'i
362a6 sa gzhi la// maN+Dal gru gsum sa gcad la// dpangs su khru re ldan par bya// dbus su me thab gru gsum la/ kha khyer gsum ldan sor gnyis zhing/ khrag dang rgya skyegs khu bas byug/ nang du rdo rje lcags kyu
362b1 bri// sa dang nA ga dza dang hri// hoM khung nang du gang bar bri/ kha khyer a kar sha yas bskor// tha ma sbrul gyis bskor bar bya// hoM shing smyag shad rgya shing dang/ khru gang gtubs la dmar po shing// tsan dan dmar po
362b2 rgya skyegs dang/khrag gis byugs te brtsegs par bya// bar snang dbang sdud tsakra bri// ras sam rgya shog de dag la// tsan dan dmar po rgya skyegs kyis// dbang la sa dang nA ga la// hri dza zhes pa dgod par
362b3 bya// mu khyud rtsa ba'i snying po dang// tha ma lcags kyu 'bar ba la// tsan dan dmar pos bskus pa yi// sngags rnams kyis ni rab tu brgyan// bar snang bsreg pa nam mkha' yi// tsakra yin par yang dag
362b4 bshad// dbang gi drag sngags bar mi gcad// zhag bdun bar bzlas dmigs pa rtag/ bsgom bskul drag sngags bsnol ma ste// pho nya bskul la dbang du bya// de yi gsang sngags 'di dag go/ ebya myags
362b5 ya sbubs mugs shag dun/sa na ga sarba a kar sha ya breng breng/ dun dun dza/ bsreg pa'i cho ga bshad par bya// thab tu me lha sku mdog dkar// 'od zer dmar po lcags kyu yis// gdug pa'i klu gnyan dbang
362b6 du bsdu// me nyid me long de nyid du// phyag rgya zil gnon dkyil 'khor tshogs// dmar po dbang gi rang bzhin te// bsreg rdzas dbul zhing gsang sngags bzlas// sa nA ga trig nan snying gzer sbur nan// hri
363a1 shag dza/sa nA ga dza/ sa nA ga a kar+Sha ya/ breng breng dun dun dza/ gdug pa'i klu gnyan dregs pa kun// dbang du byas te 'gugs par byed// ru sbal khra bo'i rtog pa las// dbang gi le'u ste brgyad
363a2 pa'o//// de nas drag po'i las bshad pa// gnas mchog dben pa'i sa dag tu// phung sa gsum la maN+Dal bya// sna tshogs khrag dang dug chus byug/ bsreg pa sa gzhi'i tsakra bri// dbus su grub gsum brtseg
363a3 par bya/kha khyer gsum dang ldan pa ni// nang du mtho gang bar ma la// mdzub gang tha ma chag gang yin// rtsang dang thod pa me ri bya// nang du rgya sol nag pos byug kha khyer dmar por shis pa ste// dbus su sna
363a4 tshogs rdo rje yam// gdug pa'i gzugs dang snying po dgod// za kham la ni gang gnod gzugs// de 'og sa gting khru gang du// thod par dbang gi tsakra dang// ling ka bcas pa gnan pa yin// hoM shing nag la
363a5 rtsub pa ste// dug gi shing ngam tsher ma can// skyer pa mdzad mo gra ma dang/ kha da ra yi me shing la/ khru gang tshad la drag por brtsig/ bcu gnyis rtsibs la bsreg rdzas dgod// gsod dang bsreg pa'i tsakra
363a6 dang// bsreg pa'i steng gcod tsakra yin// dur khrod ro yi ras la bri// dbus su drag po ldan pa la// dbang gi khor yug gnyis pa yin// gdug pa gsum dang sdong zla bri// bcu gnyis tshe ring rtsang bar
363b1 ldan// yang rim bcu gnyis bsreg par ldan// tha ma sbrul dang me ri ste// srid pa ru sbal lto bar bca'// bar snang me thod mkha' la bca'// sha sna khrag sna tshil dang ni// dug dang 'o ma de bzhin chang// mar
363b2 nag nyungs kar nyungs nag dang// bsreg rdzas ling gas yongs su bskor// nub dang lho ru kha ltas la// rag shing 'phreng thogs gos nag gon// lha yi nga rgyal zil gnon bsgom// zhag bdun gsal gsum drag
363b3 sngags bzlas// nyi ma'i gung dang nam gung la// bskul dang btab pa drag sngags re// rdzas dang ling gar ming byang bsreg/ lha re bskul la drag sngags bcus// rdzas dang ling ga re re dbul// gdug pa can
363b4 rnams tshar gcad phyir// bdun pa rtags rtsub mang na spogs// tha ma thor bar tsakra grub// las kyi thun dbab bye tshan brdeg/ thal ba gzhan rnams ling ga la// zor du brdeg dang gnod sar 'phang// las kyi
363b5 tsakra'ang de bzhin gnas// de yi gsang sngags bstan pa ni// sku gsung thugs las 'thon pa'o// sa nA ga du ram/ sa nA ga u nan/ sa nA ga u nan gzer phyung srog la dun raM tsit+ta preng shag thun rbad/ e raM/ sa
363b6 nA ga tsi tra du me srog la yam shag rbad/raM kha raM dz+wa la raM/ drag po tshar gcad cho gar bshad// ru sbal khra bo'i gsang ba'i rtog pa las// tshar gcad pa'i 'phrin las kyi le'u ste dgu pa'o//// de nas phan
364a1 gdags cho ga bshad// drag po'i rjes la shis pa 'am// yang na gong bu bya ba yin// gnas mchog yid dang 'thad pa ru// dang zhi ba'i las bya ba// 'jam zhing snum la dkar ba'i sa// yo byad la
364a2 sogs bsags byas la// maN+Dal rgya gcad dkar por bya// dri spos ldan pas byug pa bya// dbus su hoM khung zlum po la/ khru gang rgya gcad mdzub gang dpangs// zheng du'ang ni sor bzhi ldan/ khru gang gter du
364a3 brko bar bya// dbus su pad+ma 'dab ma brgyad// ge sar kun d+ha lta bu la// tha ma khor yug zlum po dkar// hoM shing lcang ma glang ma dang// bal bu 'phang ma khru gang la// zlum po'i dbyibs su bri bar bya// bsreg
364a4 rdzas 'bras bu nas chen dang// rtsi mar me tog dkar po dang// rtsi bcud 'o ma lce phog dkar// yam shing ldan pa dbul bar bya'o// dang pos gang lta lha sgom zhing// bskul re sngags bcus bsreg rdzas
364a5 dbul// zhi bar gyur cig brjod par bya// thal 'jam gtsang ma'i ras kyis dril// zhi ba'i gnas su sba bar bya// gdug pa ma lus zhi bar 'gyur// de nas bcom ldan 'das kyis gsang sngags 'di gsungs
364a6 so// hur khaM baM ril sa nA ga thu shan [¿¿¿¿]ting ku ru/ dz+nyA na sarba ho'i/ thams cad zhi bar byed pa yin// ru sbal khra bo'i rtog pa las/ zhi ba'i las te sbyin sreg gi rim pa'i le'u ste bcu pa'o//// rdo rje rnon pos yang
364b1 gsol pa// 'phrin las sbyor ka de ltar na// gdug pa klu gnyan sa bdag gi/ sdong zla gzir ba ji ltar lags// yang dag rdzogs pas bka' stsal pa// kun tu 'khrug pa the brang yin// sna 'dren 'gong po
364b2 rgyal the'u klu// byad ma ma mos byed pa ste// btsan gyi kyang ni blo bur 'khrug/ klu btsan rtag par gnod par byed// dam sri klu srin nyen slong bas// drag po rdzas kyi gzir bar bya// nya sbrul sbal pa'i sha yis
364b3 ni// bsregs na klu gnyan sa bdag bskrod// gu gul spru ma'i dud pa yis// rgyal po dang ni the'u brang gzir// mi sha'i dud pas dam sri gzir// khu yug rtsa yi dud pas ni// klu bsen mo dag gzir bar
364b4 byed// gu gul nag po btsan dug bsreg/ btsan dang srog bdag skrag pa yin// phag rtug rnga mo'i rtug pa bsreg/ de yis ma mo gzir bar byed// dregs pa'i spyi bshig sgo gzhig bya// sarba rtsa sbur/ srog gzir
364b5 breng shar yi rbad/yang na rdzas rgod bco brgyad bsreg/ mi rtag bya yi tshil bu dang// nya sbrul sbal pa'i sha dag dang/ khyi phag spyang ki'i brun dang ni// ra dug re lcag thal nur dang// btsan dug rlung ru rta mig
364b6 dang// gu gul nag po mu zi dang// mdzo dang dre'u khyi spu sbyar te// ling ga 'am tsakra bdug par bya// nad pa yang ni bdug par bya// de yis sdong zlar gyur pa kun// myos dang skrag dang brgyal nas 'gros// sha rus
365a1 zhig dang kha sbub 'gyel// dran pa nyams shing srog dang 'bral// ces gsungs so// ru sbal khra bo'i rtog pa bcu gcig pa'o//// rdo rje snying pos yang gsol pa// sdong zla gzir ba de ltar
365a2 na// sdong zla gzhi mar bcas pa yi// rtags dang drod tshad ji ltar lags// yang dag rdzogs pas nges bshad pa// thog mar spre'u dang byi la bong bu dang// lha khang mchod khang thangs sku lugs sku dang// bu chung
365a3 khyed khu btsun pa sprang po dang// mdze can rgya lta 'bag seng dang// re hrul khang stong sgo chung dog par 'dzul// gnyis pa nya dang sbal lcong rta bla'o// se sing 'bu dang bra ma grog mo dang// sbrang bu
365a4 mchu rings ma dang chung ma dang// sring mo mdza' mo gnyen bshes bud med dang// bud med nag mo sngo dang dkar mo dang// btsun pa dge bsnyen mo dang khyi phag wa dang// gsum pa'i rtags ni ra lug mang po dang// ba glang sdig pa
365a5 rta dang ra thag dang// gcan spyang chu dang tsher ma ston pa dang// mi dang srog chags ston pa yin// bzhi pa'i rtags ni glang chen zhing chen dang// mtha' med nags dang thang chen gad pa dang// brag g.yang sha dang chu
365a6 dang lung stong dang// mi lus mgo brnyan dag tu ston pa yin// lnga pa'i rtags te zhang blon mi chen dang// sbal sbrul dang chu rta chu lugs dang// ri dang chu dang mtshe'u dang lteng ka'o// drug pa'i rtags mtshan rtsad po
365b1 btsan mo dang// ri rab rgya mtsho ngan ri sha ra dang// lta 'drod sna tshogs mdog ldan rba rgal dang// chu chen rgyun 'bab lu ma rdzing bu ston// de ni gnas kyi bdag po rim pa bzhin// the brang 'gong po sa
365b2 gsen sa bdag gnyan// rigs kyi klu dang rigs bzhi'i gnas su gtod// thub na dang po nang nas phyi ru stod// gdon kyang chu la cho 'phrul che 'phra ston// mi thub rim pas phyi nas nang du stod// gdon kyang che
365b3 la cho 'phrul je che ston// gnas nas rim pas gnas pa ji bzhin du// gnod pa'i dus su phyi nas nang du stod// gdon mgo chog na nang nas phyi ru stod// des thub phyi rol rtags rnams ston// de nas tha ma dam
365b4 sri 'gong po yi// rtags rnams byung nas mtshams gdon gtang rag gtang// de ma shes na slar la nang du stod// dper na btson thar mi 'gros 'dzing ka srog dang mtshungs// rtags log gdon lhang blo bur nad
365b5 kyang 'ong// the brang 'gong po'i rtags de ma byung na// klu gnyan gnyis ka'i mgo nas ma thar bas// brtson 'grus drag pos dpa' brtul bskyed cing bya// ru sbal khra bo'i rtog pa bcu gnyis pa// rdo rje rnon po ral
365b6 gri che// rdo rje mi thub 'jigs pa yis// e ma sangs rgyas thugs rje'i sku// mi rtog chos dbyings 'das pa yi// gdug pa 'dul byed khyod phyag 'tshal// sngags kyi ngo bo khyod phyag 'tshal// bla med skyob mdzad
366a1 khyod la 'dud// mun sel sgron me khyod phyag 'tshal// nad sel sman pa'i mchog la 'dud// le'u ste bcu gnyis pa'o//// 'phags pa 'jam dpal gshin rje gshed kyi rgyud// rus sbal khra bo'i
366a2 rtog pa zhes bya ba rtog pa bcu gsum pa/gdug pa gsum 'dul kyi rgyud rdzogs so// sa ma ya na ra skan////


CLOSE WINDOW