344a2 rgya gar skad du/ mri ga shrI sna tan+t+ra na ma/ bod skad du/ spu gri nag po'i rgyud ces bya ba/ dpal phyag na rdo rje la phyag 'tshal lo// 'di skad bdag gis thos pa'i dus gcig na/ bcom ldan
344a3 'das rgya mtsho chen po'i gnas klu rnams kyi pho brang na 'khor rigs lnga'i 'khor dang/las kyi sprul pa'i khyung dang/ sprul pa'i khyung la sogs pa bsam gyis mi khyab pa dang thabs cig tu bzhugs so// de'i tshe klu'i
344a4 rgyal po gtsug na me 'bar zhes bya bas/bcom ldan 'das la 'di skad ces gsol to// bcom ldan 'das kyi gnas ni dur khrod chen po'i gnas lags so// bdag cag klu'i tshogs la sogs pa rnams ni khyung
344a5 rnams kyis sgra grags pa tsam gyis thams cad brgyal bar 'gyur ro// klu rnams kyi gnas zhig par 'gyur bas/ bcom ldan 'das kyi gnas gzhan du bskyod 'tshal zhes zhus pa dang/ bcom ldan 'das kyis
344a6 bka' stsal pa/klu'i rgyal po nyon cig khyod kyi 'khor rnams ni rigs ngan pa byol song gi rigs yin pas/ sngon yang las ngan pa dang da ltar nyon mongs pa'i dbang gis sems can thams cad la 'tshe bar
344b1 'gyur bas/las ngan pa 'di dag zad par bya ba'i phyir na/ rigs lnga'i khyung la sogs pa rnams ni gnas 'di nyid du gnas pa las gzhan du gnas par mi 'gyur ro// khyod kyi 'khor 'di rnams ni sems can
344b2 rnams la 'das pa dang/da lta dang/ ma 'ongs pa dang/ gsum du 'tshe bas na ngan song las thar par mi 'gyur bas/ klu'i rgyal po khyod nyid yang byang chub mchog tu semasaskyed cig de bas ni klu 'jig rten 'di
344b3 ma stongs kyi bar du khyung gi tshogs 'di bdag gzhan du 'gro bar mi 'gyur ro// zhes bka' stsal pa dang/ klu'i rgyal po la sogs pa thams cad kha bub tu 'gyel nas thams cad brgyal bar gyur to// de'i tshe
344b4 khyung gi tshogs rnams kyis rigs ngan pa de dag thams cad bsgral nas de dag gi sha khrag rnams yang khyung gi tshogs kyis gtod cing za bar 'gyur ro// de nas klu'i rgyal po gtsug na me 'bar brgyal ba sangs
344b5 nas/bcom ldan 'das la bskor ba lan gsum byas nas 'di skad ces gsol to// bdag cag klu chen po brgyad po 'di ma 'ongs pa'i dus na las ngan pa'i dbang gis klu'i rigs su gnas pas dus 'di nas
344b6 byang chub tu sems skyed la/bcom ldan 'das kyi 'khor du 'du'o// bka' gnyan no// thugs rjes bskyab tu gsol/ skye ba phyi ma la theg pa chen po'i chos la gnas par bgyi'o// bdag cag ltar 'khor yang
345a1 bgyid do// zhes smras pa dang/ bcom ldan 'das kyis gdug pa can 'dul ba'i ting nge 'dzin la snyoms par zhugs te/ chu'i dug dang/ sa'i dug dang/ me'i dug dang/ rlung gi dug dang/ nam
345a2 mkha'i dug dang med par byas so// de bzhin du klu bram ze'i rigs dang/ rgyal rigs dang/ rje'i rigs dang/ gdol pa'i rigs dang rnams yang zhi bar byas so// de'i dus su thugs kha nas khyung gi tshogs rdo
345a3 rje'i rigs dang rin po che'i rigs dang/pad+ma'i rigs dang/ las kyi rigs dang/ de bzhin gshigs pa'i rigs rnams yang spros te phyis 'dul ba'i gnyen por spros so// de bzhin du de rnams kyis snying po
345a4 yang thugs ka nas spros/de ltar gdug pa can thams cad btul nas/ yang bcom ldan 'das kyis de dag rnams gso ba'i don du/ byams pa dang snying rjer ldan pa'i sems kyis thugs ka nas 'od zer dkar
345a5 po shel lta bu spros nas thams cad brgyal ba sangs par byas so// gdug pa can thams cad brgyal ba sangs nas mgrin gcig tu bstod nas srog gi snying po rnams phul ba ni/ nA ga rA dza/ sa kra rA dza/ pu ma rA
345a6 dza/zhes phul lo// dus de nyid du bcom ldan 'das kyis gdug pa can de rnams kyi srog gi snying po la las ka lnga'i sham bu btags nas/ phyis dam las log na rang srog bdud du phab pa ni/ aM g+hu sha dza dza/ mA
345b1 ra ya phaT phaT/dz+wa la raM raM/ laM nan staM pa nan/ sa ma ya dza dza/ zhes re re'i srog snying la btags na las ka lnga lnga yod par bstan to// spu gri nag po'i rgyud las/ gleng gzhi'i le'u ste dang po'o//// de nas y
345b2 ang gnod sbyinalag na rdo rje yis/bcom ldan 'das la 'di skad zhus pa/ bsnyen dang bsgrub pa las sbyor dang// rtags kyi rim pa ji ltar lags// bcom ldan 'das kyis bka' stsal 'tshal// bcom ldan
345b3 'das kyis bka' stsal pa// nyon cig lag na rdo rje nyon// nye bar bkod nas legs par bris pa legs so// bsnyen pa'i rim pa 'di lta ste// gser mig khyung nag me dbul lo// sgrub pa'i las yang de dang
345b4 'dra// las sbyor rnam pa lnga yin te// bsreg dang gnan dang 'phang ba dang// de bzhin thun gyi las dang ni// phur ba'i las su bshad pa'o// ltas kyi rim pa bzang ngan gnyis// yang lag na rdo rjes zhus pa/
345b5 gser mig bsgrub pa ji ltar lags// bcom ldan 'das kyis gsungs pa/ dang po stong nyid byang chub sems// de nyid ngang las rig pa khrom// de las baM 'phros rgya mtsho chen// rin chen rdo ba sngon pos
345b6 mtshan// de steng 'dab brgyad ge sar ldan// gdug pa sbrul gnyis mdzes par ldan// de steng khroM las ga ru Da// spro bsdu tshul gyis bskyed pa ni// gser gyi lus la g.yu yi gshog/ mchu dang sder mo lcags las
346a1 grub// ra dang mig gnyis g.yu gser ldan// spyan drang mchod bstod la sogs bya// yang lag na rdo rjes zhu sa pa/ khyung nag sgrub pa ji ltar lags// bcom ldan 'das kyis gsungs pa/ dang
346a2 po stong pa'i ngang las ni// paM las 'dab brgyad ge sar ldan// a las zla ba ge sar stengs// de steng naM las sbrul gnyis bskyed// de steng khroM las ga ru Da// lus po gser la gshog pa g.yu// mchu sder lcags
346a3 las grub pa'o// phyag na dkar nag sbrul gnyis za// dbu la rin chen rnam lngas brgyan// spyan drang la sogs rdzogs par bya// yang lag na rdo rjes zhus pa/ me dbal bsgrub pa ji ltar lags// bcom ldan
346a4 'das kyis gsungs pa/gru gsum bzhi ldan dbus su ni// hUM las phyag na rdo rje ni// sku che yan lag rags pa la// phyag gnyis sdigs mdzub rdo rje 'dzin// sku ni ljang khu chen po la// rigs bzhi sbrul gyis rnam
346a5 par brgyan// gru gsum gsum la khyung chen gsum// dran rdzogs tshul gyis bskyed pa ni// gshog pa gser la sku mdog nag/ sder mo zangs su gnas pa'o// bsnyen bsgrub khyad ni sngags dang ting 'dzin no// spu
346a6 gri nag po'i rgyud las/bsnyen bsgrub rtsa ba'i le'u ste gnyis pa'o//// de nas yang lag na rdo rjes/ bcom ldan 'das la zhus pa/ bsnyen bsgrub gsang sngags ji ltar lags// bcom ldan 'das kyis bka'
346b1 stsal 'tshal// bcom ldan 'das kyis bka' stsal pa// ha pa oM sa khri/ gser mig bsnyen pa'i sngags yin te// rtse gcig dag gis bzlas gyur na// 'bum tsho gcig gis rtags rnams 'byung// 'bum tsho
346b2 gnyis na las rnams 'grub// pa khri oM swA hA/ rdo rje rigs kyi sngags so// sa pa oM khri hrA/ las kyi rigs kyi sngags so/ khri pa oM swA hA/ rin chen rigs kyi sngags so// oM pa khri swA hA/ pad+ma'i rigs kyi sngags
346b3 so// ha pa oM sa khri/ de bzhin gshegs pa'i rigs kyi sngags so// grang zhing rlan pa chu yi dug/ lci zhing 'thibs pa sa yi dug/ tsha la za ba me yi dug/ yang la g.yo ba rlung gi dug/ sna tshogs snang ba 'dus pa'i
346b4 dug/dug ngos bzung la nad rnams dbyung// dug ngos gnyis pa'i dus su bzung// yi ge kha dog dbyibs dang ni// gnyen pa dang ni phyag rgya yis// gdug pa'i nad rnams dbyung ba'o// dug dbyung sngags ni
346b5 bdun la rdegs// oM rA tha ma hA ga ru ra khyung rbad hur hur b+h+yo/ dug sngags so// oM ta ki tsa te hu ya hu ya/ hu lu hu lu/ pu ru te pu ru te swA hA/ khyung klu la rbad pa'i sngags so// oM A hUM/ sngags gnyis ldan no// oM
346b6 d+hu pe A hUM/puSh+pe/ a lo ke gan d+he/ ni pe te/ mchod pa'i sngags so// ma hA ga ru Da b+ha li ta pU tsa khA hi khA hi swAhA/ gtor ma'i sngags so// de nas yang lag na rdo rjes zhus pa/ bstod dang bskul ba ji ltar
347a1 lags// bcom ldan 'das kyis bka' stsal 'tshal// hUM/ mkha' lding rgyal po tshangs pa'i bya// 'dab chags rgyal po ku ru na// ri rab rtse la gnas shing dpag bsam shing la bzhugs// rdo rje
347a2 sprul pa'i sku la phyag 'tshal lo// ye shes gser kyis sku la g.yu yi gshog pa can// gnam lcags 'bar ba'i mchu sder can// yas kyi mche bas ya bdud zil gyis gnon// mas kyi mche bas ma bdud zil gyis
347a3 gnon// gdug pa khros pa'i sku la bstod// klu rgyal gdug pa'i spy-i nas 'dren cing tshangs pa'i yul sa rtse nas gnon// lag kyi sder mos ri rab rtse nas bsnyil// gshog pa brdabs pas rgya mtsho phyag mas
347a4 'debs/khro gtum nga rgyal can la phyag 'tshal bstod// thabs dang shes rab ldan pas rigs bzhi yum dang gnyis med ngang la sbyor/ nga rgyal khro gtum che bas klu rgyal spyi nas 'dren// rdzu 'phrul stobs dang ldan
347a5 pas rigs bzhi dbang du sdud// gdug pa 'dul mdzad khyung la phyag 'tshal bstod// spyan rtsa rig rig sa bdag gzan du tshol// rkan sgra tog tog klu gnyan phyag mas 'debs// bdud dang srin po ma rungs
347a6 'dul mdzad pa/khyung chen 'jigs pa'i sku la phyag 'tshal bstod// hUM/ khyung chen sprul pa 'jigs pa'i sku// ze bas ya bdud zil gyis gnon// spyan ni nyi ma'i zer bas rno// mchu ni rgya zor khug pa 'dra// sa
347b1 bdag klu gnyan snying nas 'dren// sprul pa'i khyung rnams thog pas drag/ yang sprul khyung ni char ltar bab// gshog pa g.yas pas ri rab rtse nas bsnyil// gshog pa g.yon pas rgya mtsho phyag mas
347b2 'debs// gdug pa'i klu rnams dbang du sdud// dgung la thog thog ser chen 'bebs/ khyung chen sngon po 'jigs pa'i sku// skad ni bar snang 'brug bas che// bang ni bar snang glog bas mgyogs// gdug pa'i
347b3 tshogs rnams ma lus dbang du sdud// dbang sdud chen po las la ya/ khyung gi tshogs rnams gzan la 'du// bka' la la 'ding la la 'phyo// la la klu gnyan grong khyer 'khrol// la la klu bran zas su za/ khyung gi
347b4 rgyal po las la 'du/khyung gi rgyal po las la ya// spu gri nag po'i rgyud las/ gser mig 'khyil ba'i le'u ste gsum pa'o//// de nas yang lag na rdo rjes/ bcom ldan 'das la zhus pa/ klu yi rigs rnams
347b5 ji ltar lags// bcom ldan 'das kyis bka' stsal 'tshal// bcom ldan 'das kyis bka' stsal pa/ klu yi rigs ni bzhi yin te/ dbyings kyi klu bzhi ni bde ba can gyi ngang na gnas/ byang chub sems dpa'i klu
347b6 bzhi ni 'og min gyi gnas lcang lo can gyi gnas na gnas/sprul pa'i klu bzhi ni ri rab kyi zom la gnas/ 'jig rten pa'i klu bzhi ni 'dzam bu'i gling na rten gang gnas pa na gnas so// yang zhus pa/ de bzhi'i
348a1 don ji ltar lags/zhes zhus pas/ bcom ldan 'das kyis gsungs la/ dbyings kyi klu bzhi ni don chos nyid kyi sprul pa rig pa'i rtsal ma 'gags pa/ phyogs dang rgya gang du yang ma chad pa/ tshig
348a2 dang yi ge las 'das pa/dpe dang kha dog las 'das pa/ rgyu dang rkyain las 'das pa/ kun gyi spyod yul min pa'o// byang chub sems dpa'i klu bzhi ni rgyal ba rigs lnga ngo bo ste longs spyod rdzogs pa'i zhing na
348a3 gnas so// sprul pa'i klu bzhi ni ri rab kyi phyogs bzhi na klu chen bzhi gnas te/ rgyal rigs dang/ rje rigs dang/ dmangs rigs dang/ bram ze'i rigs rnams gnas te/ de re re la yang bzhi bzhis bskor
348a4 nas so// 'jig rten pa'i klu rnams ni ma mo dang/ bdud dang/ btsan dang/ mtsho sman dang/ sa srin dang/ klu srin dang/ dam sri dang/ rgyal po la sogs pa rnams ni/ sprul pa'i klu bzhi'i 'khor na khyab par
348a5 gnas te/rang rang gtso bo'i cha 'dzin par gnas so// yang gnod sbyin lag na rdo rjes zhus pa/ 'khor gyi ltas rnams ji ltar lags// bcom ldan 'das kyis gsungs pa/ mon dang btsun chen a tsa ra/ khyi dang
348a6 spre'u byi la dang// bu chung 'od dang bsgrub khang 'tsheg/ snying mi dga' la 'gro snying 'dod// ma dang sring mo bu mo dang// de bzhin rogs mo mdza' mo dang/ khyi dang sgo nga mtsho dang ni// bud med nag mo ral pa
348b1 can// rta pa skyes pa chas bzang dang// brag mar chu mar ri dgas dang// sdom dang sdigapa nya sbal dang// sbrul dang kha brgyad ba lang dang// mtsho dang rta bong ra lug rnams// bram zed dmangs rigs rje rigs
348b2 dang// rgyal rigs 'khor gyi sprul pa ste// de rnams rul dang skams pa dang// thub cing rmi na bzang ba yin// za dang 'ded la sogs pa rnams// ngan pa'i rtags su bstan pa'o// spu gri nag po'i rgyud
348b3 las// klu'i rigs dbye ba'i le'u ste bzhi pa'o//// de nas yang lag na rdo rje zhus pa/ gsang sngags rten 'brel ji ltar lags// bcom ldan 'das kyis bka' stsal 'tshal// bcom ldan 'das kyis bka'
348b4 stsal pa// bu ram gla rtsi rtsi bo che// lto ru btang ba'i sman du bstan// spos dang gla rtsi ti rtsa gsum/ khrus kyis bya ba'i sman du bstan// gla rtsi shing shun gu gul tshil chen dang// shel tsha du ba sgog skya
348b5 dang// de rnams byug pa'i sman du bstan// gu gul sgog skya rtsi bo che// de bzhin khyi lud mkhan pa rnams// de ni gdug pa'i sman du bstan// phag cha'i khyi lud mu zi dang// de bzhin dri chen nya mkhris rnams// de
348b6 yang byug pa'i sman du bstan// tsan dug gu gul mu zi dang// sbrang rgod g.yer shing dri chen dang// sha chen gla rtsi dri chu dang// de bzhin khyi lud mkhan pa rnams// gdug pa'i sman du de yang bstan// dus drug dag
349a1 tu phye la bsrung// bya nu sgog skya rgya tshwa dang// de bzhin chang dang sgo nga yis// stod kyi chu ser 'dren pa'i sman/ khyi lud mkhan pa ra dug dang// de bzhin dri chu sbyar ba yis// smad kyi chu ser 'dren pa'i
349a2 sman// 'thug srab dag ni ko ba tsam// dar ram ras kyis bcings shing bsdam// ba bla ldong ros mu zi dang// mar dkar 'o ma'i spris ma ni// sha ro dbyung ba'i sman du shis// mtha' ma bcu yis brtsogs la
349a3 dbyung/khyi lce gro chang dag gis ni// glang shu 'dra ba dag gi sman// gtso dang yongs su sbyar ba ni// tsha 'brum dag gi sman du bstan// btsan dug re lcags ra dug ni// sha bkra dag gi sman du bstan// yang na gu
349a4 gul phag tshil lo// ra dug pa dang ra mo shags// de bzhin shug pa tsher ma can// tsher ma zug pa 'dra ba'i sman// gang zhig snying cig mi dga' na// mi tshil snying khar bsku ba'o// 'dod chags 'dod par gyur pa
349a5 na// btsan dug mu zi lo mar dang// bsres la rdo rje dag la bsku// ba glang 'gram pa'i rkang mar dang// phag tshil lo lon bsres pa ni// skra dang smin ma byi na bsku// rta shel mig 'bras dag gis ni// so rtsi shor
349a6 ba sos par 'gyur// phug ron sgo nga'i ser po dang// bya sar sgo nga'i ser po dang// mig sman rgya mtsho gang yin pa// de rnams mig gi sman du bstan// gser g.yu dung dang man shel dang// byu ru rnams ni mig
349b1 med pa// bsrung ba'i mchog tu de yang bstan// yang na gla rtsi btsan dug dang// gu gul mu zi ba bla dang// ra dug pa dang dri chen ni// bsrung ba'i mchog tu de yang 'gyur// yang na tshon skud sna lnga la// rigs lnga'i
349b2 khyung du byin rlabs la// mdud pa re la lha re bskyed// mdud pa lha yi grangs dang sbyar// rab gnas mchod pa tshul bzhin bya// de yang bsrung ba'i dam pa yin// btsan dug gla rtsi gu gul dang// sgog skya shing khun
349b3 ba bla dang// ldong ros mu zi ti tsa dang// bur tsi cong zi 'brug rus dang// rma bya'i sha dang mkhris pa sgro// 'bras dang sran ma bra bo dang// nyungs kar nyungs nag skye tshe dang// mi rus rta rus bong bu'i rus pa dang/
349b4 khyi rus de bzhin mdze po'i rus pa dang// nya mkhris mi mkhris ba glang mkhris pa dang// de bzhin ra lug mkhris pa dang// dom gyi mkhris pa de bzhin no// ra dug lug dug spyang dug dang// de bzhin bong dug re
349b5 lcag pa// spyang tsher ba dang ra mo shags/ khyi lce srubs ka dbyi mo dang// spru ma mkhan pa shug pa tsher ma can// skyi ba'i 'bras bu lcam pa'i 'bras bu dang// de bzhin g.yer shing 'bras bu dang// spyang khu'i brun
349b6 dang khyi lud dang// dri chen dri chu byang sems dkar dmar dang// phag tshil mi tshil mar nag dang// pho rog sha dang sha chen dang// mar dkar bya pho'i ngar sgong dang// de bzhin ri bong ril ma dang// du ba sbyin
350a1 sreg thal ba dang// de bzhin sbal mig byar nus te// de la sogs pa'i rdzas rnams ni// lus la bcangs sam bskus gyur na// gdon dang chu ser la sogs nad// skad cig tsam yang gnas mi
350a2 'gyur// dper na nyi ma shar ba la// mun pa'i rang bzhin mi gnas ltar// gang yang gnas par mi 'gyur ro// spu gri nag po'i rgyud las/ rdzas kyi le'u ste lnga pa'o//// de nas yang lag na rdo rje zhus pa/
350a3 gsang sngags rdzogs rim ji ltar lags// bcom ldan kyis bka' stsal 'tshal// bcom ldan 'das kyis bka' stsal pa// snying khar lte ba gsang ba'i gnas// de bzhin spyi gtsug 'khor lo ste// hUM dang a dang oM
350a4 dang haM// 'khor lo bzhi ni rim pas gnas// yang na 'byung bzhi'i yi ge gnas// tsa yi gnas rnams 'di ltar te// drug cu rtsa bzhi lte ba na// snying kha mgrin la brgyad dang bcu drug go/ bde ba chen po sum cu
350a5 gnyis// yaM las rlung la raM las me// me rlung gnyis kyi sbyor ba yis// 'khor lo'i rtsa rnams bsregs pa ste// lus rnams bde bas rgyas par bsgom// yang ni klu ni gang gnod kyi// dug ni ngos ni zin pa
350a6 la// dmigs te de la me lce bsreg/ nad kyi rnam pa thams cad bsreg/ yang na 'khor lo bzhi la yang// rang rang snying po gang gnas par// rigs bzhi'i khyung ni bsgom la yang// rim gyis spyi gtsug lte ba'i
350b1 bar// rim pas bzhu btul byas la bsgom// spyi gtsug rin chen khyung de yang// me rlung ba de bsregs pas// 'od kyi de yi khyung mchod nas// rin chen khyung gi dmigs med bsgom// 'khor lo gzhan yang de dang
350b2 'dra// thun mtshams dag tu rdzogs rim bsgom// yang na lta ba'i don la gzhag/ sngags dang lha ru bcas pa yis// skad cig yengs par mi bya'o// gang zhig lha 'am man ngag la// som nyi zos na sgrub thag
350b3 ring// de bzhin bar chod sna tshogs 'ong// spu gri nag po'i rgyud las/ rdzogs rim gyi le'u ste drug pa'o//// de nas yang lag na rdo rje zhus pa/ rigs lnga rtsa ba'i sgrub pa ji ltar lags// bcom ldan 'das
350b4 kyis bka' stsal 'tshal// bcom ldan 'das kyis bka' stsal pa// dang po byams dang snying rje bsgom// de nas stong nyid byang chub sems// rig pa khroM gyi ngo bo las// b+h+ruM 'phros gzhal yas rang bzhin te// sgo
350b5 bzhi ka ba brgyad dang ldan// dra ba dra phyed rgyal mtshan mdzes// nang du paM las pad+ma bskyed// 'dab bzhi lte bar ldan pa la// ma dang a las nyi zla'i steng// nam bzhi las ni sbrul bzhi'i gdan// gzhal yas rin
350b6 chen lnga las grub// rdo rje khyung chen 'jigs pa'i sku// sku mdog dkar la mchu gshog sngo// mig dang sder mo gser las grub// lus rnams rdo rjes gtams pa ste// shar phyogs klu gnyan steng du bskyed// rin
351a1 chen khyung ni sku mdog ser// mchu dang gshog pa rdo las grub// mig dang sder mo byu ru'i mdog/ lus ni rin chen spungs pas brgyan// de bzhin lho phyogs klu gnyan te// pad+ma'i khyung chen 'jigs
351a2 pa'i sku// sku mdog byu ru'i mdog ltar dmar// mig dang sder mo gser las grub// mchu dang gshog pa g.yu las grub// lus ni mdzes pa'i pad+mas brgyan// nub phyogs klu gnyan steng du bsgom// las kyi khyung
351a3 chen sku mdog sngo// mchu dang gshog pa gser las grub// mig dang sder mo zangs las so// lus la ral gri 'bar bas brgyan// byang phyogs klu yi steng du bskyed// bde gshegs khyung chen sku mdog
351a4 mthing// mchu dang gshog pa de bzhin no// mig dang sder mo gser las grub// lus po rdo rje rgya gram 'bar bas gtams// lte bar klu brgyad steng du bskyed// sku bskyed sngags dang bzlas pa'i sngags// rim pa
351a5 bzhin du bstan pa yang// ha pa au swa khri pa khri oM swA hA/ khri pa oM swA hA/ oM khri swA hA/ swa pa oM khri ta/ gtso bo'i sngags ni bsnyen sngags la// 'khor rnams kyis bsgrub pa ste// nad ngos zung la so sor
351a6 bzlas// ngos ma zin na dril te bzlas// rbad sngags dag kyang dril ba'o// sku bskyed thugs kha'i khroM las yang// 'od 'phros spyan drang mchod bstod bya// de nas gnyis med bstim pa dang// dza hUM baM hos phyag rgya
351b1 bcas// 'khor lo pad+ma zla ba la// oM dang a dang khroM rnams so// rbad pa'i ting 'dzin 'di lta ste// gang gnod pa yi dug la yang// gnyen po gang yin khyung rbad tshe// sngags ni mda' yi rang bzhin la// ting
351b2 'dzin gzhu yi ngo bo ste// dug ni 'phen pa'i tshul du bsam// gnyen po'i ting 'dzin mchod pa la// sgrub pa ting 'dzin dbang du bsdu// las sbyor ting 'dzin gsod par byed// ra dza sri dza khyung rbad hur hur b+h+yo b+h+yo/
351b3 dug dbyung ba'i sngags so// sgrub pas dug rnams phyin pas na// gnyen po gang yin sngags la ni// gsang sngags 'di rnams sbrel la gdags// nA ga rA dza mA ra ya phaT/ phu me rA dza ma ra ya phaT/ sakra rA dza ma ra
351b4 ya phaT/hUM/ bcom ldan rdo rje'i khyung chen ni// sku mdog dkar la 'od zer 'bar// lus la rdo rje 'bar bas brgyan// 'jigs byed khro bo'i sku la bstod// bcom ldan rin chen khyung chen yang// sku mdog ser
351b5 la 'jigs pa'i sku// sku la rin chen 'bar bas brgya?n/ khyung chen drag po'i sku la bstod// bcom ldan pad+ma'i khyung chen ni// sku mchog dmar la 'od zer 'bar// sku la pad+ma 'bar bas brgyan/ khyung chen
351b6 'jigs pa'i sku la bstod// bcom ldan las kyi khyung chen ni// sku mdog ljang nag chen po ste// sku la ral gri 'bar bas brgyan// gdug pa 'dul la phyag 'tshal bstod// bcom ldan bde gshegs khyung chen
352a1 ni// sku mdog mthing nag chen po ste// sku la rdo rje rgya gram gtams/ khro bo 'jigs pa'i gzugs la phyag 'tshal bstod// dad ldan brtson 'grus che na 'grub// snying rje byams sems ldan na
352a2 'grub// som nyi le lo med na 'grub// dbang dang man ngag rdzogs na 'grub// spu gri nag po'i rgyud las/ rigs snga'i rtsa ba'i le'u ste bdun pa'o//// de nas yang lag na rdo rjes zhus pa/ khyung nag bsgrub pa
352a3 ji ltar lags// bcom ldan 'das kyis bka' stsal 'tshal// bcom ldan 'das kyis bka' stsal pa// bsnyen dang bsgrub pa las sbyor te// bsnyen pa'i sngags ni 'di lta ste// oM badzra ba ti ga ru Da hUM dza rA dza sri tsa
352a4 hUM phaT/bzlas pa'i ting 'dzin gnyis yin te// bdag gzhan gnyis su phye la bzlas// 'bum tsho gcig gis nang rtags 'ong// de bzhin gnyis na yid ches skye// 'bum tsho gsum na las rnams 'grub// rtse
352a5 gcig ting 'dzin ldan pas bzlas// som nyi le lo spangs na 'grub// gru gsum drag po'i sol bas byug/ tsher ma can gyi shing bu la// yugs sa mo yi skra yis bsdam// de la drag po'i hoM byas la// nA ga ra dza
352a6 sarba dz+wa la raM/pu ma ra dza sarba dz+wa la raM/ pu ne ra dza sarba dz+wa la raM/ sa kra rA dza sarba dz+wa la raM/ sgrub pa'i sngags la btags la bsregs// nang du khyung bskyed mchod bstod bya/ khrag sna dug sna la sogs dang// nyungs
352b1 kar nyungs nag bsregs pa'i rdzas// thal ba rlung la bskur la gtang// yang na gnan pa dag kyang bya// gnod pa'i gzugs sam rmi lam 'ong// 'gugs 'dren byas la thun gyis brab// mi bsad lcags
352b2 sam thog lcags la// mtshon du byas la gtub par bya// gdug pa can gyi shing bu la// rtsibs drug ldan pa'i 'khor lo bya// dug chus byugs la 'khor los gtub// dug gi shing ngam drag po'i lcags// bcu
352b3 gnyis sor gyi tshad byas la// phur pa dag gis gdab par bya// rabs chad nag po'i thod pa'am// yang na mon thod dag kyang rung// gang gnod pa yi gzugs byas la// dug sna khrag sna yod tshad
352b4 blugs// dgug 'dren byas la shes pa bstim// thun gyis brab la gnan pa bya// re bas dril la sngon mar bcing// lha 'dre che ba'i sa ru gnan// yang na gang gnod pa ru sba// a ra dza ma hA ga ru Da khyung rbad
352b5 hur hur b+h+yo/nA ga rA dza sa ka rA kra/ pu ni rA dza/ pu ma ra dza/ ma ra ya hUM hUM phaT phaT swA hA/ oM badzra tig sna tsakra ga ru Da hUM phaT/ nA ga rA dza tsakra hUM phaT/ sa kra rA dza tsakra hUM phaT/ pu ni rA dza tsakra hUM phaT/ pu ma rA
352b6 dza tsakra hUM phaT/'khor lo'i sngags so// oM aHhUM hri tri/ ga ru Da na kra sa kra sa pun sum/ rag sha ma ra ya/ kI li kI lA ya hUM phaT/ phur pa'i sngags so// nA ga rA dza laM nan staM pa nan/ sa kra rA dza laM nan staM pa
353a1 nan/pu na rA dza laM nan staM pa nan/ pu ma rA dza laM nan staM pa nan/ ma ra ya nan/ gnan pa'i sngags so// bsnyen pa dag gi don rdzogs nas// bsgrub pa'i rim pa yang de bshad// maN+Dal zlum po gru
353a2 gsum la// zla gam gsum dang ldan par bya// byis pa gtsang ma dag gis kyang// mtshar bu 'om bu bal po ze'u gcad// rma bya'i sgro yang zung la dgod// gang gnod gzugs ni 'brub khung nang// thun gyis brab
353a3 cing 'gug 'dren bya// sgrub pa'i sngags la sham bu gdags// rbad sngags gsad sngags sham bu'o// dus bzhi dag tu thun gyis brab// oM ta ki tsa ta byi tsa te hUM ya hu ya/ hu lu hu lu/ pu ru te pu ru te swA hA/
353a4 sngags kyi rang bzhin sgra rnams la// sgra yi rang bzhin khyung yin no// hUM/ khyung gi rgyal po thugs dam can// shin tu gdungs nas bskul ba'i tshe// sa bdag klu gnyan thams cad la/ khyung gi pho nya char ltar
353a5 bab// yang sprul khyung ni thog bas drag hUM/ khyung gi rgyal po thugs dam can// sa bdag klu gnyan thams cad la/ khyung gi rgyal po gzan la 'du// 'jigs pa'i nga ro di ri ri// dam sri phung sri gzan du
353a6 tshol// btsal nas thams cad za bar byed// gdug pa ma lus dbang du sdud// sku la rigs bzhi'i sbrul gyis brgyan// gang la bya ba'i snying nas 'dren// bya khyung rgyal po tshangs pa'i bya// gser mdog bya khyung ga
353b1 ru ni// gdug pa kun gyi gshed ma ste// dus la bab bo sa ma ya// oM d+hu pa pu tsa me ga sa mun tra s+pha ra na sa ma ye sa ha hUM/ puSh+pe/ d+hu pe/ A lo ke gan+d+he/ ne pe te/ mchod pa'i sngags so// oM a kha ro mu khaM sarba d+harma
353b2 naM a d+ya nud pan na twad oM AHhUM swA hA/gtor ma'i sngags so// oM AHhUM/ sku gsung thugs kyi sngags so// dzaHhUM baM ho/ spyan drang ba'i sngags so// hUM/ mkha' lding rgyal po tshangs pa'i bya// gser mdog bya khyung ga
353b3 ru ni// gnas ni ri rab rtse la gnas// gser gyi lus la g.yu yi gshog pa can// gnam lcags 'bar ba'i mchu sder can// klu rgyal gdug pa spyi nas 'dren// klu bran rnams ni zas su za// mig ni nyi ma'i zer
353b4 bas rno// sa bdag klu gnyan dbang du sdud/ khyung gi rgyal po tshangs pa'i bya// gshog pa g.yas pa brdabs pa yis// gdug pa klu yi gnas rnams 'joms// ri rab rtse nas rgya mtsho'i gting snyeg cing// mjug
353b5 mas ri rab rtse nas bsnyil// bya khyung mdzes pa'i sku la phyag 'tshal bstod// spu gri nag po'i rgyud las/ khyung nag gi le'u ste brgyad pa'o//// de nas yang lag na rdo rjes zhus pa// med dbal bsgrub pa ji ltar
353b6 lags// bcom ldan 'das kyis bka' stsal 'tshal// bcom ldan 'das kyis bka' stsal pa// oM nA ga li du duM pa ya/ sa twaM te ku ru hUM hUM dza dza b+h+yo b+h+yo/ bsnyen pa'i sngags so// rtse gcig ting 'dzin gsal sgom
354a1 na// 'bum tsho gsum gyis las rnams gdon mi za// me chen 'bar dang chu chen 'khrug/ lus la me ni 'bar ba dang// nam mkha' 'od du snang ba dang// sha 'gul sha 'khrig 'khyug pa dang// nya
354a2 sbal la sogs bsad pa dang// zos pa la sogs bzang ba yin// gru gsum nyis brtsegs gru bzhi ldan// mthing nag tshon gyis dbus su bri// de bzhin shar dang lho dang nub// dkar dang ser dang dmar ba'i
354a3 tshon// rim pa bzhin du bri ba yin// zur gsum la ni khyung gsum ste// dbus su mthu stobs bdag po bskyed// sgru pa'i dus su thugs kar dgod// hUM/ bcom ldan phyag na rdo rje ni// sku ni mi 'gyur mthing nag
354a4 la// rigs bzhi klu yis mdzes par brgyan// phyag gnyis rdo rje sdigs mdzub bcas// 'jigs byed khro bo 'bar ba ste// bdud dang srin po ma rungs 'dul/ khyung gi tshogs ni sprul pa 'gyed// 'jigs pa'i nga
354a5 ro di ri ri// sngags kyi 'od zer lcibs se lcibs// 'jigs pa'i gad mo ha ha ha// rdo rje gtum po'i sku la phyag 'tshal bstod// sgrub pa'i sngags ni phaT kyis bsgyur// gang gnod pa yi gzugs sam ming// byas
354a6 la sbyin sreg bya ba yin/khrag sna dug sna rnyed tshad do// de bzhin nyungs kar nyungs nag dang// sha yi rnam pa rnyed tshad do// tsher ma can gyi shing bu la// drag po hom gyi gzugs byas nas// gang gnod pa yi rten
354b1 bzhag la// dmigs pa bcas la 'gug 'dren bya// shes pa bstim la sbyin sreg bya// oM nA ga rA dza dud ling pa ta raM raM// sgrub pa'i sngags la btags la bsreg/ thal ba chu 'am rlung la bskur// yang na gnan
354b2 pa bya bar shis// dpyid zla gsum gyi nya 'am ni// yang na dgun zla tha chungs nya// thod pa mtshan ngan nang du yang// gnod pa'i ming dang rus su bri// drag po'i rdzas kyis thod pa dag/ re bas dril la skud pas
354b3 bsdam// gang gnod pa yi sa phyogs sam// gdon ni che ba'i sa ru gnan// bdun nam nyi shu rtsa gcig gam// yang na bcu bzhi dag tu rung// sgrubs te gnan pa bya ba yin// nA ga rA dza mA ra ya nan/ sa kra rA dza
354b4 mA ra ya nan/pu ni rA dza mA ra ya nan/ pu ma rA dza ma ra ya nan/ de yang sgrub pa'i sngags dang sbrel// spu gri nag po'i rgyud las/ me dbal gyi le'u ste dgu pa'o//// de nas yang lag na rdo rjes zhus pa/ sems
354b5 can rnams la phan gdags pa// de yi rim pa ji ltar lags// bcom ldan 'das kyis bka' stsal 'tshal// bcom ldan 'das kyis bka' stsal pa// char ni med pa gyur pa na/ khyung gi dkyil 'khor bzhengs
354b6 gsol ba// phyogs bzhi dag tu hom byas la// zhag lnga bar du sgrub pa bya// thun bar dag tu dkar chos bya// sgrub pa thon nas sbyin sreg bya// gdon yod gnas su byas gyur na// las rnams 'grub par the tshom
355a1 med// sre'u mi sos gyur pa na/ khyung chen rtsa ba'i dkyil 'khor la// sgrub pa dag ni yang yang bya// ma yi rum na gnas tsam na// sgrub pa'i las rnams mang du bya// gnan dang bsreg pa'i las yang
355a2 bya// de kyang sos par ma gyur na// gang gnod pa yi ling kha de// rdo rje slob dpon mal 'og gam// yang na chags kyi nang du gzhug/ dus rnams rtag tu ting 'dzin gyis// zhabs kyi 'og na yod par
355a3 bsam// des kyang sos par ma gyur na// gang shi ba yi ro de la// sbyin sreg byas la chu la bskur// yang na ri gsum rtse la bskyal// de ltar byas na the tshom med// ser ba dag ni bzlog pa na/ khyung gi sgrub pa zhal
355a4 phye la// dkyil 'khor dag gi sa tshon yang// 'ong ba'i mtshams su sbrel la bzhag/ phyogs bzhi mtshams bzhi dag tu yang// phur pa brgyad la khyung brgyad bskyed// 'ong ba lha yi dkyil 'khor du// ting 'dzin dag
355a5 gis bskyed pa'o// de bzhin nyungs kar la sogs yang// sngags rnams bzlas la mthong la sba// sprin nam rlung gi sna de la// dmigs la khyung gi drag sngags yang// nyungs kar dag la bzlas la brdeg/ rang
355a6 nyid khyung du bsgoms pa yi// gshig pas sprin rnams gtor bar bsam// mdzub ris byas la phu yis gdab// spu gri nag po'i rgyud las/ phan btags pa'i le'u sta bcu pa'o//// spu gri nag po'i rgyud rdzogs
355b1 so//// rgyud 'di la sgrub thabs lnga yod do// bu lnga bcu tham pa yod do// thems kyi yi ge dgu yod do// yang thems gcig yod do/ kha byang gsum yang byang gcig yod do// ma bu bdun bcu tham pa yod do/
355b2 kha cig bris la gter du sbos// 'di las med do rgyal po nyid// mi bsnan mi dbri chad la lhag mi bya// 'di las yod na rgyal po'i glud du 'gum// shri ri sing hA gsang ba'i rgya// ban chung bdag rang gab pa'i
355b3 rgya// mnga' bdag rgyal po sbas pa'i rgya// chos 'di rnyed pa'i mi des kyang// ma bu mi dbral gcig mi bslad// snod rnams brtags la khad dang rim gyis sbyin// mang du mi spel gsang rgya btab cing sbyin// snying
355b4 po mi dbyung gdams pa bka' mi gcad// lhug par mi sbyin snod dang sbyar la sbyin// bka' bsrungs dam la ma thogs pa// gzhan la byin na bar chod mang// de bzhin bkra mi shis par 'ong// gtad rgya dag la
355b5 nan tan bya// rdzogs so////
355b6 rgya gar skad du/


CLOSE WINDOW