CLOSE WINDOW

Gpb051.033
བོད་ཡིག

/// rgya gar skad du/ mA ra na kro d+ha ka pA la gu h+ya tan+t+ra nA ma/ bod skad du/ bdud khros pa thod pa'i 'phreng ba can gsang ba'i rgyud ces bya ba// dpal he ru ka la phyag 'tshal lo// 'di skad bdag gis thos pa dus gcig na/ bcom ldan 'das dpal chen po nyid 'og min gyi gnas rdo rje btsun mo'i b+ha ga la dges pa chen po'i tshul du bzhugs so// de'i tshe de'i dus nas zhe sdang gdug pa'i pa'i 'bras bu mngon du gyur pa ni/bar du gcod pas na bdud/ rab tu gtum pa'i cha byad can gyi bdud de ni/ sems can rnams kyi sha dang khrag rlon pa za zhing 'thung la/ 'khor pho nya dang phyag brnyan gyi bdud bcu ni/rab tu mi srun cing skye 'gro rnams kyi dbugs rngub ste sha rus za la/ don snying rnams ni gtso bo stobs pa'i tshul gyis rab tu rgyug go/ de'i tshe dpal chen po nyid sems cad rnams la thugs brtse bas thugs rje chen po'i cho 'phrul gyis/bdud de nyid kyi sems kyi rnam par la dpal chen po nyid du rang snang ste/ gdul bya dus la bab pas na de'o// de'i tshe bdud de la/ dpal chen pos bka' stsal pa/sems can la gnod pa ma byed/ srog gcad pas ni mthar dmyal bar 'gro bar 'gyur ro// zhes gsungs so// bdud kyis gsol pa/ sems can la gnod pa mi byed na/ pha dang ma la gnod pa byed dgos la/srog mi gcad du zas sha khrag 'thung ba lags so// dmyal ba bgyi ba ni gang lags/ bdag cha ma mchis so// zhes gsol to// bdud khros pa'i rgyud las/ gleng gzhi dris lan dang bcas pa'i le'u ste dang po'o//// yang dpal chen pos bka' stsal pa// sems can la gnod pa byas pas ni mi bde ba 'byung ba yin la/ srog gcad pas ni tshe thung ngo// dmyal pa bya ba ni na pa dang/ tsha ba dang/ grang ba dang/'jigs shing skyi g.ya' ba'i sdug bsngal mang po nyams su myong bar 'gyur ro// zhes bka' stsal pa dang/ bdud 'jigs skrag ste/ kye dpal chen po lags/ nongs pa mi bzad pa de lta na gnod pa gang la bgyid/srog mi gcod cing sha khrag gi 'tshal ma spangs na/ 'tshal ba'i zas gang la bgyi zhes gsol to// dpal chen pos bka' stsal pa/ gnod pa byed par 'dod na yang/ nag po'i phyogs rnams la byos shig srog gcod na yang mtshams med pa lnga byed pa dang/dkon mchog gsum gyi sku dgra rnams kyi gcod par bya ba yin pas na chod cig/ zas su maM sa btab pa'i gtor ma dang/ nyams pa sdig can de dag gi sha khrag la zo zhig/ces bka' stsal pas/ bdud de rab tu dga' che ste/ bcom ldan 'das la 'di skad ces gsol to// kye ma sngon chad ma rig ma rtogs nas// sha zos khrag 'thung las ngan bgyis// bag chags sgrib pa byang gyur cig/ slad nas mi bgyid dam cha yis// dpa' bo chen pos dbang rtags gsol// zhes gsol te/ dpal chen po'i zhabs la gtugs na de nyid du 'dug go/ de'i tshe dpal chen po nyid kyis/badzra ka ta ri a b+hi Shiny+tsa maM/ zhes brjod nas/ dgra bgegs kyi lus btul ba'i phyir lag pa g.yas par shel dkar gyi gri byin no// ka pA li mA la a b+hi Shiny+tsa mi/ zhes brjod nas/ dpal chen po'i 'khor gyi bsgrub mchog rnams la gtong dang grogs mi zad par bya ba'i phyir thod pa'i 'phreng ba dbang rtags su byin no// bdud khros pa'i rgyud las/ bdud bstan pa la bzhag nas dbang bskur d e dam phog pa'i le'u ste gnyis pa'o//// yang dpal chen pos bka' stsal pa/ phyi rabs kyi rnal 'byor pas bstan pa bsrung ba'i phyir bdud nyid bsgrub pa'i thabs bshad kyis/ legs par nyon cig/ e ma ho/ma 'ongs dus su rnal 'byor pas// dben pa'i gnas 'dug nas su// mda' gang ldan pa'i maN+Dal la// dur khrod thal bas spar khab gtang// gdug pa'i rjes na lta phyir ro// de yi dbus su gru gsum ste/ rtse mo lho 'am dgra phyogs bstan// nang du ro sol dug gis byug/ mnyes pa'i rdzas su 'di dag bsag/ lug nag gsob ni legs rgyangs la// rwa la dar snas brgyan pa dang// skye ru ming rus bris la gdags// bshos bu nag po khru gang la// mda' nag dar nag btags pa gzugs// mda' la ling ka ming byang gdags// gtor ma bdud rtsi rag ta ste// rang nyid bdud chas ldan par bya'o// bsgrub pa'i rdzas ni 'di dag go/dam rdzas ni 'di dag go/ dam rdzas bsnyen pa'i tshul dang 'dra// bsnyen pa'i dus kyi bshos bu btang// bshos nag bsam pa byas la bzhag/ khyad par du ni 'di rnams bsag/ gzas pa'i rdzas bsdus ling ga bya// mgo dang snying ka lte ba ru// rus dang ming dang bla gdags gsum// gling ma'i byang bu mtshon gang la// rme ba'i khrag gis bris la gzhug/ skye nas mkhar nag dag gis gdags// lcags phur bdud du skyes pa cig/'brub khung lho yi zur la gzugs// ling ga 'brub khung nang bsdu ste// 'khar nag phur pa de la gdags// nyungs kar la sogs thun rdzas la// thun du bsngags te brdeg par bya// mkha' lding nyi mas 'jigs pa'i gsob// brang 'gro'i gsob dang lbas gsob gsum// nang du ling ga gzhug pa ste// ri rtse ri zur chu la bskur// las mtha' gnan pa'i rdzas su bsngags// li ri su tra'i khrag la ni// ha la'i dug rnams sbyar la mngag/ nye ring khang khyim phyogs su 'phang// bdud khros pa'i rgyud las// bsnyen bsgrub kyi rdzas dang/ bca' gzhi gnan pa dang/ zor bstan pa'i le'u ste gsum pa'o//// yang dpal chen pos bka' stsal pa/ de ltar rdzas rnams tshogs gyur nas// phyi rabs rnal 'byor pa de ni// bdag nyid bdud du bsgom pa des// sku mdog nag po chen po la// zhal gcig phyag kyang gnyis pa ste// g.yas pa shel gyi gri khug 'dzin// g.yon pa spar pa gdengs pa ste// dgra bo'i srog snying gcod par bsam// 'khor yang de 'dra grangs med pas// dam nyams yud tsam gyis bkug nas// bdag nyid mdun du sgrol ba ste// don snying bdag la stobs par bsam// de la sngags ni 'di yin te// ma ra na thum shig sod// ma ra na a mu ka baM sod// ma ra na snying tul pri sha staM b+ha ya sod sod/de skad ces ni bzlas pa yi// rtags kyi rnam pa 'di rnams so// mi nag rta nag bzhon pa 'am// rta nag khyi nag mi nag dang// bdud po dngos su 'ong yang srid/ khang pa 'tsheg pa 'am sgo ni 'tshig dang 'khrog/bya rog tshogs chen 'du ba'o// bdud khros pa'i rgyud las/ ting nge 'dzin dang/ sngags dang/ rtags bstan pa'i le'u ste bzhi pa'o//// yang dpal chen pos bka' stsal pa/ de ltar rtags rnams mthong gyur nas// ling ga gsol tu bcug nas ni// 'bru khung gting du gzhug par bya// de la thun rnams brab cing gsob// ra lug 'bri g.yag ri dgas sam// bya byi'u la sogs bsad pa'am// dngos su bsad cing rmi ba'am// bdag la don snying stobs pa'o// de ltar byung na las gzhug bsdu/ ci 'dod 'grub par gdon mi za// bdud khros pa'i rgyud las/ sgrub pa rtags dang drod gzung ba'i le'u ste lnga pa'o//// yang dpal chen pos bka' stsal pa/ spyan drangs nas ni mchod pa dbul// las la mngag cing 'phrin las bcol/ hU~M/ gru gsum mthing nag 'bar ba'i dkyil 'khor nas// bdud kyi rgyal po gshegs su gsol// yag sha 'bar ba gshegs su gsol// bdud kyi bdud cig khyod las lhag pa med// 'gro ba mi yi bdud du khyod bskor te// dgra bo'i bdud du khyod las lhag pa med// mi zad yun gyi mtha' yang mi gtong la// rgyab rten dpung gnyen du yang khyod las mi tshol du// mthun pa'i dam rdzas mchod pa dam pa dang// dgra bo'i sha khrag mchod par bzhes su gsol// mchod pa bzhes nas 'phrin las grub par mdzod/sa ma ya i maM b+ha ling ta dgra bgegs la kha raM khA hi/ rag+ta khA hi/ pany+tsa a mr-i ta kha raM khA hi/ de nas 'phrin las bcol ba ni/ hU~M/ dam tshig chen po'i dus la bab// srog gi gshed du bskul ba ni// bdud rgyal thod pa'i 'phreng ba can// sku ni mthing nag chen po la// chibs su bdud rta nag po chibs// lcags mdung nag po g.yas na thogs// g.yon na thod pa'i 'phreng ba bgrang// thod pa skam po'i dbu rgyan can// mi lpags rlon pa sku la gsol// rgyu ma sbrul gyis lus brgyan cing/ khrag dang zhag gi thig le can// mche ba gtsigs shing gsus po che// tsit+ta'i khrag la longs spyod pas/ khyod ni srog bdag chen po ste// sring cig rdo rje re ma ti// ming sring gnyis kyi dam bcas pa// dam bcas bzhin du phrin las mdzod// sngon tshe dpal chen he ru kas// dbang rtags thod pa byin nas ni// bka' stsal dam phog mdzad pa'i tshe// de tshe khas blangs dam bcas pa// bsgrub mchog bskyang bar dam bcas shing// dgra bo bsgral bar khas blangs pas// dam nyams bsgral pa'i dus la bab/ khyod ni srog bdag chen po ste// dgra bo'i srog la mnga' thang mdzod// srog dbug long zhig sa ma ya// srog rtsa chod cig sa ma ya/ khyod kyi zas skal khams gsum sha yin te// dam nyams sha ni zan du gsol// dgra bo'i sha la kha raM khA hi// zo zhig 'cho zhig thod 'phreng can/khyod kyi skom ni skye 'gro'i khrag yin te// dgra bo'i khrag ni skom du gsol// dgra bo'i khrag la pi pa to// 'thung zhig 'thung zhig thod 'phreng can/ khyod ni dmag dpon chen po ste// sa gzhi thams cad dmag gis khengs// dgra bo'i yul du dmag 'dren gyis/ dmag sna drongs shig thod 'phreng can// dmag gzhug rtul cig thod 'phreng can// go mtshon stor cig thod 'phreng can// dmag dpung bskyed la ru mtshon phyor// dgra bo'i yul du dmag drongs la// dam nyams dgra po'i bla mkhar shig/ bla shing chod la bla rdo rkus// bla chu hub kyi thob la shog/ khyod kyi dam tshig dus la bab// dus la bab bo sa ma ya// ma g.yel bcol ba'i 'phrin las mdzod// de skad ces ni bskul bya ba// de nas pho nya rab bkye ba// shes pa ling ga dag la bstim// hU~M/ de yi thugs kyi sprul pa las// bka' nyan pho nya'i tshogs chen ni// steng gi phyogs nas dgra bo 'gugs byed pa// bdud kyi rgyal po khro bdag 'bar ba rje// phyag na bdud kyi spar shad 'bar ba bsnams// steng gi phyogs nas dgra bo khug la shog/ mA ra ya dzaHdzaH che ge mo mA ra na sga bu nan dzaHdzaH/hUM/ shar gyi phyogs nas dgra bo 'gugs byed pa// bdud kyi rgyal po ma hA khro bdag rje// phyag na bdud zhags nag po bsnams// shar gyi phyogs nas dgra bo khug la shog/ hU~M/ shar lho mtshams nas dgra bo 'gugs byed pa// bdud kyi rgyal po ti ti ti myag rje// phyag na bdud kyi gsod byed spu gri rnon po bsnams/ shar lho mtshams nas dgra bo khug la shog/ hU~M/ lho yi phyogs nas dgra bo 'gugs byed pa// bdud kyi rgyal po khro bdag thod pa rje// phyag na bdud khram stag gi mgo can bsnams// lho yi phyogs nas dgra bo khug la shog/ hU~M/ lho nub mtshams nas dgra bo 'gugs byed pa// bdud kyi rgyal po dmu bdud brang dkar rje// phyag na shod kyi sgro ba mi 'gro can/ khal du bong bu gwa pa lcags mthur can la bskyil// lho nub mtshams nas dgra bo khug la shog/ hU~M/ nub kyi phyogs nas dgra bo 'gugs byed pa// bdud kyi rgyal po tshangs pa bdud khro rje// phyag na bdud kyi dril zhags 'bar ba brnams// nub byang phyogs nas dgra bo khug la shog/ hUM/ nub byang mtshams nas dgra bo 'gugs byed pa// bdud kyi rgyal po ting ri mgo ston rje// phyag na bdud sha nag po'i thod pa bsnams// nub byang mtshams nas dgra bo khug la shog hU~M/ byang gi phyogs nas dgra bo 'gugs byed pa// bdud kyi rgyal po khro rje ru rgyal rje// phyag na bdud rta nag po mgo gcod bsnams// byang gi phyogs nas dgra bo khug la shog/ hU~M/ byang shar mtshams nas dgra bo 'gugs byed pa// bdud kyi rgyal po spyi bdud yam pa khro rje nag po rje// phyag na bdud kyi tr-i shul rtse gsum bsnams// byang shar mtshams bas dgra bo khug la shog/ hU~M/ 'og gi phyogs nas dgra bo 'gugs byed pa// bdud kyi rgyal po sa mdog nag po rje/ phyag na chu srin phur pa gti mug phag mgo can// skyes 'gro thams cad gsod par byed// 'og gi phyogs nas dgra bo khug la shog/ ma ra na dza dza/ che ge mo ni ra ma ra ya rbad pu nan dza dza/ zhes ni rbad de bla tshe dgug/ bdud khros pa'i rgyud las/bstod bskul pho nya bdag pa'i le'u ste drug pa'o//// yang dpal chen pos bka' stsal pa/ lha rtags byung nas dgra rtags rnams// bul las de bag bul na// mi lus mo shing byang bu la// dril bu ste che dgu'i lcags la gzugs// de la thun gyis brabs te gsang// mgo ba'i lha dang 'di yis dbye// 'bob dang khyi lud rwa ru dang// zhabs ma gu gul za 'og bsregs// mtshan ma'i ming rus de la bdug/dgra lha pho lha yul lha dang// mo lha srog lha rgyal po ste// rgyal rten phral la gsad par bya'o// bdud khros pa'i rgyud las/ spogs pa'i cho ga lha dang dbral ba'i le'u ste bdun pa'o//// de skad ces bka' stsal nas/dpa' bo chen po gtso bo dang 'khor ltar snang ba'i de nyid yang dag par mi snang bar byas te/ rtsa ba'i longs spyod rdzogs pa'i sku la thim ste/ chos kyi sku dang tha mi dad par gyur to// bdud de nyid kyang bstan pa bsrung ba'i don du nye bar 'khod de/legs nyes kyi gzu bo mdzad do// 'khor rnams kyang gtso bo la 'dud pa'i tshul gyis gnas par gyur to// bdud khros pa thod pa'i 'phreng ba can gsang ba'i rgyud ces bya ba rdzogs so/

CLOSE WINDOW