312b4 /// rgya gar skad du/ sa mun tra du ma sha truM ha ra tan+t+ra nA ma/ bod skad du/ mon pa phung byed nor srungs kyi rgyud ces bya ba/ dpal
312b5 gshin rje gshed la phyag 'tshal lo// 'di skad bstan pa'i dus gcig na// ri rab chen po byang ngos nas// dpag tshad brgyad khri mar 'das na// lcags kyi khang pa sgo med na// yi dwags grong khyer bsam mi
312b6 khyab// yi dwags kun gyi rgyal mo ba// bdud rgyal byed ba gung rings bzhugs// yi dwags kun gyi khang blon pa// yab ni dmu ber chen po dang// yum ni bdud mo smin dkar ma// de gnyis yid kyis 'tshos pa
313a1 las// bdud rigs sum brgya drug cu byung// de rnams kun gyi rigs las 'khyal// bdud blon zo ra ras skyes byung// rgyal po blon po de rnams ni// gcer bu'i lus la sbrul gyis brgyan// ma he
313a2 zhon nas phyogs bcur rgyu// skye 'gro'i srog dbugs zas su za// 'jig rten khams ni stong par byas// de dus 'jam dpal gshin rje yis// skye 'gro'i sems can snying rje nas// yi dwags rgyal mo bye pa gung
313a3 rings btul// dpa' bo'i bstan pa 'dzin du bcug/ blon po zo ra rwa skyes dang// yul cig mon mo nag mo gnyis// rlung nag tshub ma'i nang nas ni// sprul pa 'jig rten khyab par byas// nga yi gnas na 'dug
313a4 pa 'di// su yin nga yi bran du bya// zhes zer nas skye 'gro'i srog dbugs thams cad dbang du bsdus so// de'i tshe 'jam dpal gshin rje yis// stang stabs zhabs kyis lcags mkhar brdzis// ma ya man ta ka
313a5 hU~M hU~M hU~M/zhes brjod pas/ blon po yab yum gnyis brgyal lo// de nas dpal ldan chen po des byams pa'i ting nge 'dzin la snyoms par zhugs te hri zhes brjod pas/ yab yum gnyis brgyal ba sangs te/ e ma
313a6 ho dpa' bo chen po lags// bdag cag rnams ni 'bangs su mchi// srog gi snying po khyed la 'bul// dpa' bo'i bstan pa nga rang bsrungs// bstan pa bshig pa'i dgra bo la// cho 'phrul sna tshogs nga rang
313b1 gtong// zer nas 'dug go/ mon pa phung byed nor srungs kyi rgyud las/ gling gzhi'i le'u ste dang po'o//// de nas zo ra rwa skyes kyis srog gi snying po 'di phul lo// oM ti'u shang kun mo pa nag po rbad/ tsit+ta
313b2 hur chu ma ha ra rbad nan/mon pa nag po hU~M dza/ zhes phul lo// yum gyis phul pa ni/ ma kha rag ma mon mo nag mo hU~M dza/ zhes phul lo// de nas yab yum 'khor bcas pa rnams kyis las thams cad kyi sngags
313b3 phul ba/oM shan shan 'dar 'dar/ te tso pha la phaT phaT/ sha srung 'dar po ha ra dza/ te'u shang ku mon pa nag po srog la chum dza/ oM te'u shang ku mon pa nag po dza/ ma kha rag ma mon mo nag mo dza dza/ srog la sar
313b4 bdar snying la yaM yaM/zhes phul lo// mon pa phung byed nag po nor srungs kyi rgyud las/ gsang sngags kyi le'u ste gnyis pa'o//// de nas mon pa nag po des// dpa' bo nyid la 'di skad gsol// bdag cag
313b5 'khor bcas thams cad kyi// brten thabs bzhi ni 'di lta ste// phyi dang nang dang gsang ba'o// phyi ltar brten cing bsgrub pa ni// tsa ra rog po kha kra la/ le brgan dar nag gdags par bya// de la bdag cag
313b6 'khor rnams// shin tu dgyes pas rten du bya// nang gi rten ni 'di lta ste// ra rog khrag gi glud bu la// rgyal gyis brgyan te steng nas dbul// dkyil 'khor mda' gang gru bzhi la// dbus su gru gsum nag po
314a1 la// zla gam dmar po gsum dang ldan// 'khor lo rtsibs bzhi nag por bya// phyi rim sgo dang sgo khyud bcas// gtor ma dag la bsten na dge/ gsang ba ltar na bsgrub pa na/ kham pa'i sa la ma traM
314a2 gzugs// legs par byas la lte bar ni// 'brub khung gru gsum 'thur la bru// de ru skyer ba'i hoM gzugs// yan lag bzhi la phur pa bzhi// las mkhan ru ni dbang bskur la// gsang ba'i sngags brjod de la
314a3 gzugs// a tsa ra dang mon pa yi// gzugs byas 'brub khung zur la 'o// ling kha bris te tha mar yang// gang shong nor gyi ming gis bskor// 'brub khung de yi dbus su gzhug/ tsa ra rog po'i sha khrag
314a4 la// gtor ma byas la mchod par dbul// bsnyen sngags de yi mjug tu yang// i da ba ling ta khA hi gdags// de yi don snying lnga dang ni// dbang po lnga yi gsur dud gtang// mon pa phung byed nor srungs kyi
314a5 rgyud las/rten dang rdzas bshams pa'i le'u ste gsum pa'o//// de nas mon pa nag po des// rtags kyi rim pa bstan pa ni// gdugs dang zangs dung dar po che// ban d+he dge bshes paN+Di ta// lo tsa ba'i sna
314a6 len byas pa dang// zang zing lang long mang po ni// bsnyen pa'i dus su 'ong ba yin// rgya dang mon pa a tsa ra// lho bal mi dang 'gar ba sogs// bsgrub pa'i dus su 'ong ba yin// gong gi bsnyen rtags byung ba'i
314b1 tshe// yungs kar nyungs nag skye tshe dang// dug dang khrag kam phur pa yis// ling kha de la brab par bya// de nas sgrub rtags byung ba dang// ling kha hoM la sreg par bya// thed rol mtshan ngan thod pa yi// nang du
314b2 bcug la srang du mnan// mon pa phung byed nor srungs kyi rgyud las/ rtags dang drod tshad kyi le'u ste bzhi pa'o//// de nas mon pa nag po des// rang gi bca' thabs bstan pa ni// las kun zin pa'i rting la
314b3 yang// dkar nag kham pa'i a tsa ra// gnyis po rgyab sprad nag po de// dgra bo'i phyogs su kha bstan la// sbyin sreg byas pa'i thal ba dang// mon pa'i rkang la lcag byas la// nag po de la drag bya zhing// nga yi
314b4 nor 'di khyer la shog/byas la sngags rnams rtag tu bzlas// tsa ra rog po'i snying du yang// dar la srog snying bris la gzhug/ pha wa cho long gzhug par bya// dar nag khug ma'i nang du ni// sbyin sreg byas
314b5 pa'i thal ba rnams// blug la lus la bcang bar bya// dgos pa'i dus su gong bzhin bya/ khros pas brdabs na cho 'phrul mod la 'byung// mon pa phung byed nor srungs kyi rgyud las/ bla rdo bcang pa'i le'u ste lnga
314b6 pa'o//// de nas 'jam dpal gshin rje yis// sangs rgyas bstan pa zhig srid na// rnal 'byor 'phrin las ma grub na// dam tshig ldan pa'i sngags pa des// dpa' bo nga yi ting nge 'dzin bya// hri las mdun
315a1 du mon pa ni// las mkhan tshul du bskyed par bya// de la de nyid bkug la bstim// de nas las mkhan bskul ba ni// hU~M/ 'di nas byang phyogs ri bo'i rmang// dpag tshad brgyad khri mar 'das
315a2 na// chu dang rlung gi dkyil shed na// lcags kyi khang pa sgo med na// mi ro gtams pa'i nang shed na// lcags mkhar gling dgu'i nang shed na/ gshin rje nag po'i pho nya ni// bdud mo mi zan skye 'gro'i
315a3 bdud// zo ra rwa skyes su mi slog/ yi dwags gtso bo ma rungs pa// me lce glog gi 'phreng ba can// gcer bu sbrul dang thod pas brgyan// ma he zhon nas phyogs bcur rgyu// las kyi rlung dmar ded cing rgyu// zhal
315a4 nas ltas ngan cho 'phrul 'gyed// zas su skye 'gro'i srog dbugs za// las su dam nyams srog dbugs len// gshen rje gshed kyi zhabs drung du// ji ltar dam bcas 'phrin las mdzod// de yi thugs dam rgyud
315a5 bskul ma// srin mo nag mo sham sham mo// gcer bu mon mo'i cha byad can// dug dang khrag gi gos gon ma// bdud mo nag mo skye 'gro'i bdud// sna tshogs nad kyi bdag mo ste// skye 'gro kun gyi srog cod
315a6 ma// sha khrag srog dbugs bdag mo khyod// las kyi rlung dmar zhon nas rgyu// lag nas khrag nag 'thor byed cing// 'du ba'i nad rnams slong bar byed// grub pa'i gnas 'dir gshegs la// bcol ba'i las
315b1 rnams grub par mdzod// mon pa phung byed nor srungs kyi rgyud las/ dpa' bo chen po yab yum bskur ba'i le'u ste drug pa'o//// de nas mon pa nag po des// rang gi 'khor rnams bskul ba ni// hU~M/ bka'
315b2 yi las mdzad sprul pa ni// bye ba gung rings bka' 'khor na// las byed mon pa nag po ni// sku ni dug sdong 'bar ba la// sprul par ltas ngan sna tshogs 'bebs// wa spyang mang po shul la khrid// 'khor ni mon
315b3 pa 'bum dang bcas// dam nyams dgra la cho 'phrul gtong/ khyod kyi thugs dam dus la bab// de yi thugs dam rgyud bskul bas// mon mo dmar mo kun tu rgyu// chibs su glog lcag dmar mo chibs// bya nag
315b4 mang po gdong la gcug/mon pa nag po'i dkyil na rgyug/ nang du khrag nad dmu 'thibs gtong// bcol ba'i las rnams grub par mdzod// hU~M/ yang cig las mkhan mon pa ni// sku la dar nag mon pa
315b5 gsol// thod pa'i 'phreng ba se ral kha// dar nag 'phyar zhing khu yis 'debs// chibs si lcags spyang nag mo chibs// g.yas na lcags sbyang nag mo gnyis// sa thor du 'bod khu yis 'debs// de yi thugs
315b6 dam rgyud bskul ma// yang cig mon mo dmar nag ni// gcer bu bse yi gdong pa can// byu ru'i ral pa spyi bor bcings// thod khrag 'thong zhing kha yis 'debs// gzha' la zhon nas skar mda' 'phen// las
316a1 mkham yab yum khyed bzhi yis// sdang ba'i dgra bo'i las ngan la// cho 'phrul sna tshogs thongs la shog/ gshin rje'i zhags pas khrid la shog/ las kyi dbyug pas gtogs la shog/ bcol ba'i
316a2 las rnams grub par mdzod// mon pa phung byed nor srungs kyi rgyud las/ 'khor bskul ba'i le'u ste bdun pa'o//// de nas mon mo nag po des// dpa' bo chen po a la la// rgyud 'di'i mtshan 'di gang
316a3 lags ston// zhes gsol pas/ dpa' bo chen pos bka' stsal pa/ 'di ni phung byed nor srungs kyi rgyud ces bya bar zung zhig/ nag po dar gyi rgyud ces bya bar zung zhig ces bka' stsal to// mon pa phung byed
nor srungs kyi rgyud las/

CLOSE WINDOW