301a3 rgya gar skad du/ u pa si ka ka la sho na tan+t+ra nA ma/ bod skad du/ dge bsnyen dgra gsang nag po'i rgyud ces bya ba/ dpal phyag na rdo rje la phyag 'tshal lo// 'di skad bdag gi thos pa'i dus
301a4 gcig na/bcom ldan 'das phyag na rdo rje drag po lcang lo can gyi gnas na/ 'khor tshangs pa la sogs pa lha chen po brgyad dang/ khyab 'jug la sogs pa'i gza' chen po brgyad dang/ 'jog po de la sogs te
301a5 klu chen po brgyad dang/dri za'i rgyal po zur phud lnga pa dang/ mi 'am ci'i rgyal po rta mgo can dang/ lha ma yin gyi rgyal po thags zangs ris dang/ bgegs kyi rgyal po bi na ya ga dang/ gzhan yang lha ma yin drag
301a6 po sems can la 'tshe bar byed pa/srog dang dbugs la gnod pa grangs med pas bskor nas bzhugs so// de nas 'khor gyi nang nas lha tshangs pa stan las langs nas/ gsang bdag la phyag 'tshal bskor ba
301b1 byas nas 'di skad ces zhus so// kyai gsang ba'i bdag po lags/ 'jig rten gyi khams na ni gnod sbyin ser skya nag po zhes bya ba 'di/ 'khor bdud chen po bzhis bskor nas rol du lcags kyi spyang mo mgo
301b2 dgu rol/slad nas zangs kyi 'phar ba lce brgyad 'brel pa/ klad nas lcags kyi bya khyung dgu lding ba/ las su srog gcod cing thog dang ser ba 'bebs pa/ zas su sha za skom du khrag dron 'thung pa/ blo bur dang
301b3 ye 'brog gis sems can thams cad la 'tshe ba cig 'jig rten gyi khams 'di na mchis pas/'di dbang du sdud la bstan pa la gnyair du gtad du gsol/ zhes zhus pas/ gsang ba'i bdag pos bka' stsal
301b4 pa/bstan pa la rab tu dga' ba'i lha tshangs pa chen po khyod kyis de ltar zhus pa legs so zhes gsungs nas/ thugs zhi ba'i ngang las sku drag po khros pa'i tshul du bstan te sku che ba'i yan lag rags par sprul
301b5 nas/lcags kyi rdo rje srid pa'i rtse mor gsor zhing/ a la la yi sgra drag po phyung bas/ ser skya nag po de bdud bzhi dang bcas pa brgyal lo// brgyal ba sangs pa dang/ gsang bdag la btud nas/ phyag 'tshal
301b6 zhing 'di skad ces gsol to// dpa' bo chen po lags/ bdag cag 'bangs su 'chis lags na/ bdag cag la dbang bskur du gsol/ las kyi gnyer du gtad gsol/ zas kyi skal ba gtad du gsol/ zhes
302a1 zhus pas/bcom ldan 'das kyis sgrol ba'i ging du dbang bskur nas lag tu rdo rje gtad/ gsang mtshan badzra sa d+hu ru btags/ lce la bdud rtsi bzhag/ bstan pa la gnod pa'i mi rgod la sogs
302a2 lam du zhugs pa rnams kyi srog chod cig/de'i lo thog la sogs pa la thog dang ser ba phob cig/ ces bka' bsgo nas/ bstan pa nub nas thar pa thob par lung bstan cing dbang bskur ro// de nas ser skya
302a3 nag po 'khor bdud bzhi dang bcas pas/gsang ba'i bdag po la btud nas bstan pa la rab tu gnas so// ser skya dgra gsang nag po'i rgyud las/ gleng bzhi'i le'u ste dang po'o//// de nas yang tshangs
302a4 pas zhus pa/kye gsang ba'i bdag po lags/ gnod sbyin drag po 'di dang po rgyu ci las grub pa lags/ da lta pha ma'i cho brang ji lta ba lags/ mthu dang stobs ji ltar mchis/ zhes zhus pas/ gsang ba'i bdag
302a5 pos bka' stsal pa/lha'i bu tshangs pa nyon cig/ gnod sbyin drag po 'di dang po 'jig rten chags ma thog nas/ shar phyogs kyi grong khyer ra lnga bya ba na/ pha ni bram ze rig pa'i blo gros zhes bya ba/ ma ni rigs
302a6 ngan bu mo ku sha'i mig gnyis kyi bu ru skyes te/ming ni bram ze'i bu su pa ri bya ba yin no// de chung ngu nas rig pa dang ldan pa'i bu cig byung ste/ pha mas gnang ba byas nas lo bcu gnyis nas rab tu byung ngo// bco
302b1 lnga lon nas bslab pa yongs su rdzogs par byas/bco brgyad la yul gyi 'brel ba spangs te dka' thub la brtson par byas nas/ grong khyer gyi shar phyogs su dur khrod chen po bsil ba'i tshal du/ rtswa ku sha'i spyil
302b2 bu byas nas dka' thub drag po mdzad do// dus nam zhig na yul khams kyi mis tshor ro// der bram ze su ta pa ri sngags ngan pa bsgrub bo zhes grags so// yul de na rgyal po ut+pa la'i gdong zhes bya ba dbang che
302b3 ba/dkar po'i chos la mi dad pa cig yod pas sngags ngan pa bsgrubs na/ nga'i rgyal srid la rgol zhes bya bar thos so// der rgyal po de thugs 'khrugs te blon po rnams la bka' bsgo nas/ shar phyogs na bram
302b4 ze su ta pa ri bya ba de ngan sngags bsgrubs te/nga'i rgyal srid la rgol bas/ de'i tshe'i 'du byed du thong zhig ces bka' bsgo'o// de nas blon po rnams tshogs nas bram ze su ta pa ri'i rtsar phyin to// bram ze la
302b5 blon po rnams kyis smras pa/khyod ngan sngags bsgrub nas ci byed dris so// bram ze na re/ nga ni sngags ngan pa mi bsgrub ste/ dkar po'i sdom pa la gnas so zhes zer ro// der bshags kyang ma nyams par blon po
302b6 rnams kyis spyil po la me gtang nas bram ze dge slong du gnas pa de gson bsregs byas so// der bram ze bsam pa ngan pa skyes te/ me lum nang nas dmod mo bor ro// nga sems bskyed na dkar po'i sdom pa
303a1 la gnas pa la las 'di 'dra srid pa/nga 'di nas tshe 'phos ma thag gnod sbyin gdug pa'i bur skyes nas mi mjed kyi 'jig rten 'di ru/ thog ma med par mthu dang ldan nas/ las su thogs na
303a2 ser ba 'bebs shing/zas su dbugs dang srog la dbang byed pa cig tu gyur cig/ ces dmod btsugs te tshe'i dus byas so// de nas tshe dus byas ma thag tu ri rab kyi nub byang du pha ni zhe sdang gi rang bzhin
303a3 dmu rje btsan pa/ma ni 'dod chags kyi rang bzhin bdud mo smin dkar ma/ de gnyis 'khrig pa spyad pas zla ba bdun lon nas/ stag gi lo'i dgun zla ra ba'i tshes gcig la lcags kyi grod pa cig skyes
303a4 so// grod ba de gnam la phur zhing sa la rdegs pa cig byung ngo// ma yis lta yang ma nus te/ yab kyis blangs nas dug shing na gro ta'i rtsar kha phye bltas pas/ lcags mi reng 'jigs pa'i cha byad can cig 'dug
303a5 go/yab kyis blangs nas ming gdags snyam pas/ kho ma nyan par ri rab kyi zur la bros so// ri rab chen po yang me ru 'bar te gling bzhi thal bar rlog pa des byas so// ri rab la gnas pa'i lha ma srin dam
303a6 can rnams kyis kho la bstod de 'bangs su khas blangs so// dus der dmu bdud se'i bu gcig pa dang/ gza' bdud bi nu ra dza dang/ klu bdud rgya mtsho 'khrug byed dang/ btsan bdud shu'o bse'i ral pa can
303b1 dang/de bzhis kyang srog snying phul nas khas blangs so// de nas 'khor bdud chen po bzhi dang bcas te gling bzhi ru 'gro ba yongs la gnod cing pha mas ming gdags su ma btub bo// de nas pha ma yis dmod
303b2 mo bor ba/nged lus kyi sgrom bu pha ma'i ngag bcag nas/ khyod bas kyang dbang che ba cig mi mngon dbyings nas shog la/ khyod de'i bran byed par shog cig pa smon lam btab bo// de'i dbang gi da lta dam la
303b3 btags te/da yang bstan pa la gnas la bka'i bya ra sngags kyi bsrung ma ste/ de'i mthu dang rdzu 'phrul ni bsam gyis mi khyab pa 'byung ba yin no// dge bsnyen dgra gsang nag po'i rgyud las/ skye gnas dang cho
303b4 'brang bstan pa'i le'u ste gnyis pa'o//// de nas yang tshangs pas zhus pa/ kye kye gsang ba'i bdag po lags// dkon mchog sku dgrar gyur ba la// 'gal byed cham la dbab pa'i phyir/ ging chen gsang ba
303b5 'di bsgrub na// gnas dang dus rnams ji ltar lags// dpa' bo chen pos bshad du gsol// dpa' bo chen pos bka' stsal pa// phyi rabs bsgrub pa rtsom pa yis/ ser skya nag po bsgrub pa'i phyir// tshangs pa
303b6 chen po khyod la bshad// gzhung dang mthun pa'i gnas nyid ni// ri dbyibs a si shi la 'dra// seng ge gnam du mchong ba 'dra// ri rtse rdo rje rtsi dgu 'dra// ri mdog dmar nag me rir 'khyil// ri logs khra
304a1 dang ce spyang gnas// shar du kha ltas drag po'i ri// de 'dra'i gnas su dus dang bstun/ 'jug dang mchod pa bzlas pa'i dus// las kyi mtha' brtul dbab pa'i dus// dus bzhi'i sgrub thabs
304a2 nas kyang shes// 'jug dus brgyad dang bco lnga yin// mchod dus gcig dang bcu drug yin// bzlas dus nyi nub skya rings shar ba yin// dbab dus nyi shu gnyis dang dgu// dgra gsang nag po'i rgyud las/
304a3 gnas dang dus bstan pa'i le'u ste gsum pa'o//// de nas yang tshangs pas zhus pa// dpa' bo chen po gsang bdag lags// ser skya nag po 'khor bcas kyi// mthun pa'i bsgrub rdzas ji ltar
304a4 lags// gsang ba'i bdag pos bka' stsal pa// nyon cig tshangs pa lha yi bu// ging chen mthun rdzas 'di lta ste// srin mo dor dkar shel mdog dang// zangs ma'i 'khor khab zel med dang// shel mdog
304a5 dkar po ze dmar snying// bud shing 'om bu smyug ma'i mda'// yab yum sras dang btsun mo yi// mthun pa'i rdzas su bsog par bya// stag dang byi ba ra yi snying// nyungs kar skyer pa gu gul dang// rta nag ra rog
304a6 khyi dang khrag/ldong ros gcog la mu zi dang// dza ti pha la thog lcags dang// 'ger gyi so thog ser ba'i tshad// dam can bsgrub pa'i rdzas su bsog/ dgra gsang nag po'i rgyud las/ thun dang bsgrub rdzas bstan
304b1 pa'i le'u ste bzhi pa'o//// de nas yang tshangs pas zhus pa/ 'di yi mchod rdzas ji ltar lags// dpa' bo chen pos bshad du gsol// dpa' bo chen pos bka' stsal pa// ce spyang thod pa ka pA lar// 'bru sna
304b2 gsum la bshos gtsang bya// tsit+ta'i khrag gis legs par byug/ de la don snying sna lngas bskor// lag dang g.yas sam rje ngar g.yon// go ro tsa na'i tshogs kyis bskor// dam can mchod pa'i rdzas su
304b3 bsog/bse phor gas chag med pa ru// gser skyems rin chen sna lngas gtam// ba lu dkar po'i dud bas bdug/ spos dkar tsit+ta tshil bu'i gsur// nang dang nub tu mchod phyir bsham// dgra gsang nag
304b4 po'i rgyud las/mchod rdzas bstan pa'i le'u ste lnga pa'o//// de nas yang tshangs pas zhus pa// kye kye gsang ba'i bdag po lags// dam can rten pa'i dam rdzas ci// dpa' bo chen pos bshad du
304b5 gsol// dpa' bo chen pos bka' stsal pa// sku rten thugs rten phyag rten dang// spyan rten na bza' bla re dang// ging chen chags pa'i rten du gsol// tsit+ta g.yang gzhi rgyas pa yi// ser skya kha dog gsal bar
304b6 bsgom// ku ku ra tsa'i g.yang gzhi rgyas pa la// gza' bdud drag po gsal bar 'dri// sku yi rten du bca' bar bya// sba lcag dkar po tshigs gsum la// le brgan dar gyis lcag 'bras btags// dam can
305a1 phyag gi rten du bca'// bse yi par bu gas med du// gser g.yu sbram bu mig med rtsal// dar dang za 'og khug mar gzhug/ dam can thugs kyi rten du bca'// mda' mo bya rgod yugs bzhi
305a2 la// gcan gzan ras dang dar snas brgyan// na bza' spyan gyi rten du bca'// dpa' bo lcags kyi khug ma ru// pha wang long bu gas med rtsal// dung phor gas chag med pa ru// mo btsun gtsang ma'i nu zho
305a3 rtsal// bla rdo bla chos rten du bca'// dgra gsang nag po'i rgyud las/ rten bstan pa'i le'u ste drug pa'o//// de nas yang tshangs pas zhus pa/ kye kye dpa' bo chen po lags// 'di yi rta ru ji ltar
305a4 bca'// dpa' bo chen pos bshad du gsol// dpa' bo chen pos bka' stsal pa// rab 'bring mtha' ma gang 'grub kyang// gangs po lag dkar gtso bo ste/ kham pa smug gsum dmu bdud rta// rog po dung
305a5 lag gza' bdud rta// sngon po sna skya klu bdud rta// dmar po 'gab skya btsan bdud rta// dngos su tshogs na rab kyi rta// gsob lnga tshogs na 'bring gi rta// thod lnga 'am snying lnga tha ma'i rta// yang na gangs po lag
305a6 dkar gyi// rgyal mtshan legs par brgyan pa la// dar sna dang ni g.yer kas brgyan// shar du kha bstan rta ru gzugs// gtso bo rta yi 'khor dang mnyes// phyi yi rten du bca' ba ni// bshos lnga khrag gis dbyug
305b1 pa ste// byang du zur gsum dmar po gzhag/ mda' lnga dar gyis brgyan pa gzugs// dam can phyi yi rten du bsog/ skyes bu dgra gsang nag po'i rgyud las/ rta dang rten gzugs pa'i le'u ste bdun
305b2 pa'o//// de nas yang tshangs pas zhus pa// kye kye gsang ba'i bdag po lags// ging chen ser skya nag po yi// lta spyod dam tshig ji ltar lags// dpa' po chen pos bshad du gsol// dpa' po chen pos
305b3 bka' stsal pa// nyon cig tshangs pa lha yi bu// dam can 'di yin mi smra ste// rdzas dang rten rnams mi ston no// bden pa'i tshig gis ma bkrol bar// drag pa'i bgegs la mi sngo'o// yug dang rme sha mi rten
305b4 cing// drag po'i ha las mi bya'o// chos rnams dngos med stong pa la// dngos po'i yul las gzung du med// ging ni chu zla'i rang bzhin te// rkyen gyis snang yang skye 'gag med// rang sems dngos med ye stong
305b5 la// chu yi rkyen gyis stong rgyu med// rang gi sems kyi cho 'phrul gyis// ging chen gzhan nas byung rgyu med// ma rtogs dngos can 'dzin pa'i blos// pha ltar byams pa'i ngo bor lta// sring ltar gdung ba'i tshul du
305b6 bsten// dran ltar mngag pa'i tshul du blta// ma brjed rgyun gyi mchod pa 'bul// yar ngo mar ngo'i tshes gcig la// mchod pa bya ba dam tshig go/ khra dang ce spyang mthong ba'i tshe// mi yi tho le mi gdab bo// skyes bu
306a1 dgra gsang nag po 'i rgyud las/lta spyod dam tshig bstan pa'i le'u ste brgyad pa'o//// de nas yang tshangs pas zhus pa// kye kye gsang ba'i bdag po lags// ging chen ser skya nag
306a2 po yi// sngags kyi rim pa bstan du gsol// dpa' bo chen pos bka' stsal pa// nyon cig tshangs pa lha yi bu// sngags ni rnam pa bzhi yod do// dang po gsang mtshan sngags nas drang// mtshan ma sna tshogs cir
306a3 yang ston// gnyis pa srog snying man chad bgrang// dam can nye zhing dngos grub ster// gsum pa bsgrub pa'i drag sngags bzlas// 'khyag pa brug su rtsigs par 'gyur// bzhi pa 'bab pa'i sngags la
306a4 'bad// gang 'dod sar ni 'bab par 'gyur// badzra sad+hu sa ma ya skyes mchog badzra thig le rtsal sa d+hu sa ma ya dza dza/ bag kraM shi ri ni kra ma ni sa ma dza dza/ badzra mu gar ba phroM phroM/ badzra ri ri pa sha ka ri ho phroM phroM/ su
306a5 badzra nA ga sha shu nA' ga kha der phrom phrom/badzra ti ri ri shud ti badzra shud ti phrom phrom/ badzra mu gar pa du du/ phrom hril hril phob/ badzra nA ga rA dza/ sa ma ya phrom hril hril phob// su ras shag tri/ sa d+hu sa ma ya phrom
306a6 hril hril phob// pa sha mi sgyu ra hu la phrom hril hril phob/ shu ti rag sha ya ma shu ti phrom phrom hril hril phob/ 'ur 'ur raM raM thog thog/ chem chem lhogs lhogs/ shar shar hril hril phob ya/ drag sngags spu gri'i so
306b1 dang 'dra// lhad med bzlas na me mgal 'phen// skyes bu dgra gsang nag po'i rgyud las/ drag po'i las kyi le'u ste dgu pa'o//// de nas yang tshangs pas zhus pa/ kye kye gsang ba'i bdag po lags// ser
306b2 skya nag po bsgrub pa la// rten gyi dong bu mi 'tshal lam// dpa' bo chen pos bka' stsal pa// rten gyi dong bu 'di lta ste/ drag po gnas nas sa blang la// stegs bu 'dom gang gru bzhir bya// stegs bu'i steng
306b3 du dong bu bca'/khru phyed tshad la zur gsum pa/ kha khyer gsum pa'i rang bzhin te// nang du rlung nag tshub ma bri// logs gcig dur sor rams kyis byug/ logs gcig ra khrag lcog mas byug/ logs gcig
306b4 sa dkar dug sna byug kha khyer gsum pa dkar pos bya// de mthar zlum po dkar po la// de stengs zla gam smug nag gsum// phyogs bzhir 'khor lo rtsibs bzhi ste// 'bur du byas la mtshon gyis byug/ dong gi
306b5 nang du bsgrub don bya// zla gam gsum la gtor ma gsum// dpal gtor gza' gtor gying gtor gsum// rang rang mthun pa'i rdzas kyis byug/ 'khor lo re la bshos bu re// mda' dang dar bzhis brgyan
306b6 byas la// byang du zur gsum dmar po gzhag/ yab yum sras dang btsun mo'i rten// deng gi dgyer la 'khor bar gzhag/ gzungs thag btags la bzlas par bya// dmigs pa'i yul khams bskyed pa'i dong/
307a1 khru phyed zur gsum rkyang pa la// ra yi blo dang khrag gis byug/ rtsang dmar nyi shu gcig gis bskor// glo ba gzugs shing rgyu mas bskor// ling ga sngo thog nang du gzhug/ gnod sbyin bris pa'i g.yang
307a2 bzhi gnyis// de yi g.yas dang g.yon du gzugs// de rnams khrag gis sbal la gzhag/ zur gsum rtse ru phur pa gzugs// yul lha ser srun ban bon gzir// las la sbyor kar yul mthar mnan// pha rol
307a3 nus pa brlag par 'gyur// gsal ba gsum gyi dgongs pa yis// 'phro 'du'i bzlas pa bya bar gsungs// skyes bu dgra gsang nag po'i rgyud las/ dong bca' zhing rdzas bsog pa'i le'u ste bcu pa'o//// de
307a4 nas yang tshangs pas zhus pa/kye kye gsang ba'i bdag po lags// lha la bskyed pa mi 'tshal lam// dpa' bo chen pos bshad du gsol// gsang ba'i bdag pos bka' stsal pa// nyon cig tshangs pa lha yi
307a5 bu// bdag nyid gnyen po gyur pa yis// de yi thugs kar nyi ma'i dal// de stengs gnam lcags rdo rje bsam// rdo rje'i lte bar hU~M bsams la// hU~M las yi ge tri gcig chad// dong gi nang du 'phros pa
307a6 las// dmu bdud ser skya nag por gyur// zhal gcig phyag gnyis khros pa'i tshul// rdo rje rtse dgu g.yas pa na// bdud zhags nag po g.yon na 'phen// chibs su a sing shi la chibs// sku mdog smug nag men
307b1 tri gsol// snyan nas 'bru sgra shangs nas rlung nag tshub// ljags las glog 'gyur zhal nas ser ba skyug/ bdud po bzhi yis bskor nas kyang// bka' sdod bran gyi tshul du gnas// de nas sprul pa grangs med
307b2 'phros// zhing khams dong gi kha 'khor nas// thog dang ser ba 'bebs par bsam// skyes bu dgra gsang nag po'i rgyud las/ lha bskyed pa bstan pa'i le'u ste bcu gcig pa'o//// de nas yang tshangs pas
307b3 zhus pa/kye kye gsang ba'i bdag po lags// dbab pa'i dus su dbab pa dang// rta gzhug las la ji ltar sbyar// dpa' bo chen pos bshad du gsol// dpa' bo chen pos bka' stsal pa// nyon cig tshangs pa
307b4 lha yi bu// rta gzhug las sbyor 'di lte ste// gro ga rgya shog gang rung la// tsit+ta'i khrag gis tsakra bri// lha tshogs ming dang dmod pa spel// rtsibs dag mu khyud de bzhin bri// bya rgod sgros sgron mtho gang mda'// tsit+ta
307b5 khrag gis chu ris bri// ste nas nyungs kar rgyal pos bsnun// tsakras bskor la ri rtser mnan// gnod sbyin 'dus pa rnams kyi gzer// ra yi skad du srog snying btsal// rabs chad nag po'i rkang gis
307b6 sbrel// ri thang mtshams su bstab la gzhag/ las byed gzung ba bar gyi gzer// 'khor lo gong dang 'dra ba la// yul dang dmod pa spel zhing bri// tsa ra gangs po'i thod par rtsal// rdzas dang gtor ma de bzhin
308a1 gzhug/mu ma'i dkyil du btab la gzhag/ phung byed drag po sa yis gzer// rta gsung bar du khrag gi sbrel// blangs pas nam mkha' mthong bar bya// rtsang gis gzhi mtha' 'khor bar
308a2 bskor// thabs gsum blud la thabs zor 'phang// dmag zor 'phang zhing yul lha srog/ stang stabs bya zhing ser srun gzir// ging la dril la kha yis blang// skyes bu dgra gsang nag po'i rgyud las/ las la
308a3 sbyar ba'i le'u ste bcu gnyis pa'o//// de nas yang tshangs pas zhus pa/ kye kye gsang ba'i bdag po lags// long med gnod pa'i dgra byung na// btsan thabs las sgrub mi tshal lam// dpa' bo chen pos
308a4 bshad du gsol// gsang ba'i bdag pos bka' stsal pa// nyon cig tshangs pa lha yi bu// btsan thabs las mchog 'di lta ste// bsgrub rdzas gong dang 'dra ba la// thun rdzas g.yag ru g.yas pa ru// de la kha
308a5 btsugs bzlas pa bya// nyungs kar rgyal po snun cing brab// tsit+ta gangs po'i g.yang gzhi la// ser skya ra yi khrag gis bri// mchan logs gnyis su yul mkhar bri// lto bar rtsa sngags bzlog pa bri// dbab
308a6 sngags bzlog pa zhag gnyis bzlas// bsnyen bsgrub dril ba zhag gsum bzlas// zhag lnga'i nang par las la sbyar// gnas su thab gsum bsgol// thab gsum slad la thongs su rtog/ g.yag ru'i ra zor gnam
308b1 du 'phang// g.yang gzhi ser skya bris pa de// yul gyi dbus kyi gzhi la sba// dbab sngags bzlog cing drag sngags bzlas// ya pho ba hri la/ hri ha sha sha/ lhogs lhogs/ chem chem/ thog thog/ raM raM/ 'ur 'ur
308b2 phob hril hril/tri shu ma ya ga traM shu phob/ hril hril phob/ la hu ra kyi mi sha ya phob/ hril hril phrom phrom/ ya ma sa d+hu sa/ tri shag ras su phob hril hril phroM phroM/ du du gar mu badzra ta/ da lta nyid du 'bebs par
308b3 'gyur/yul khams thams cad rlag par the tsom med/ skyes bu dgra gsang nag po'i rgyud las/ btsan gsum thabs su bsrung ba'i le'u ste bcu gsum pa'o//// de nas yang tshangs pas zhus pa/ kye kye gsang
308b4 ba'i bdag po lags// 'gal byed sku dgrar gyur pa la/ srog la gnad bab ji ltar dbab// dpa' bo chen pos bshad du gsol// gsang ba'i bdag pos bka' stsal pa// nyon cig tshangs pa lha yi bu// srog
308b5 gi las mchog 'di lta ste// dus dang rdzas dang rten dang ni// dam tshig sta dang las mtha' btul// gong bzhin 'di ltar shes par bya// dong gsumabasogs la rdzas gsum bsogs// gcig tu snying rtsa gsum
308b6 bcug la// gcig tu ra phag thod pa ru// ling ga bar du bcug la gzhag/ gcig tu dug sna'i bya tshang bca'// gu gul dad pas lha dang dbral// thun gyis brab cing drag sngags bzlas// las ka gang byed cig
309a1 gnas btud// dang po gsang mtshan nas kyang drang// gnyis pa srog gi snying po bzlas// gsum pa sbas pa'i drag sngags bzlas// bzhi pa gang 'dod las la dbang// lnga pa dril la las ka
309a2 brtul// badzra sa d+hu sa ma ya/ skyes mchog badzra thig le rtsal/ sa d+hu sa ma ya dzA dzA/ bdag rang lhar gsal de nas sngags bdag gsal/ de nas rdzas byin gyis brlabs la 'bul/ de nas sngags bzlas khri tsho bcu
309a3 gsum/bag gram shi ri ni/ kra ma ni sa ma ya du dza dza/ phra na rbad thum tshal dgur rbad ti sa d+hu sa ma ya/ tsa mun rag mun thums/ sa du ra ga ra ga/ ma ra ya b+ha b+hi/ ba ni sa du khaM khaM tsa ma la rbad tri/ sa du raM raM/ phra
309a4 ma prad/sha sa sha sa su du phrag phrag/ sribs shing ka ma ri sa du thibs thubs yang/ sum dam chog pus chog/ sa du srog pa rbad rbad rbad/ rbad pa'i ka da ri sa du/ shig shig/ yaM yaM mnan/ bsregs 'phang gang
309a5 yang rung ba bya// dmigs pa de yang la hri rnams 'khor// drag sngags lhad med dang 'dra// rgyal ba'i sku yang 'jig pa nges// skyes bu dgra gsang nag po'i rgyud las/ srog gi le'u ste bcu bzhi pa'o//// de nas
309a6 yang tshangs pas zhus pa/kye kye gsang ba'i bdag po lags// ging chen drag po'i bsgrub pa la// rtags kyi rim pa ji ltar mchi/ dpa' bo chen pos bshad du gsol// gsang ba'i bdag pos bka' stsal
309b1 pa// dang po sna tshogs cir yang ston// byis pa'i tshogs dang skya shar dang// mon mangs tshogs dang rta dmag dang// bud med mang po glu gar rtse// gsang mtshan dus sten pa yin// lug dang chu sngon 'grub pa
309b2 dang// skya shar yur yab chag pa dang// ban d+he gnag lug skyong ba dang// tshangs pa'i gzhis chen 'degs pa dang// bud med khus 'debs phyag byed dang// byis pa khus 'debs gnas la bskor ba dang// rtag
309b3 tu chu la bya byed dang// bsnyen pa'i dus su 'byung ba'o// mtsho la dar chags rlang pa 'phyur// yul khams 'khyag pas khengs pa dang// gangs phrag mthon bor nyal ba dang// lus la drod skyes zhe sdang ldan// lce
309b4 dang mchu la thor bu 'ong// bsgrub pa'i dus su 'byung ba'o// 'brug grag sprin nag 'thibs pa dang// thog dang ser ba dbab pa dang// rta dmag mang po dar 'phyar dang// mon nag zor ba 'dar pa dang// sku yi
309b5 rten gnyis 'dar ba dang// rtsang dang bla phur 'tshogs pa dang// thun drag lhag dang thun nyung spo// thun la glog dang me stag 'ong// rang gi gnas su skam 'brug ldir// dbab pa'i dus su 'byung ba'o// skya shar
309b6 dmar po'i ri dgas 'ded// mon pa rta thogs rde shing gcod// ce spyang lug la 'ded pa dang// rang gi bla mar byas nas kyang// ci 'dod zer nas 'ong ba dang// rang gis dar chen phyar nas kyang// dmag mi
310a1 mang pos sna drangs nas// yul khams bcom zhing rmi ba ni// srog la gnad la phebs pa'o// skyes bu dgra gsang nag po'i rgyud las/ rtags dang mtshan ma bstan pa'i le'u ste bco lnga pa'o//// de
310a2 nas yang tshangs pas zhus pa// kye kye gsang ba'i bdag po lags// gal te las rnams ma grub na// 'khu ldog byung na ji ltar gzir// dpa' bo chen pos bshad du gsol// gsang ba'i bdag pos bka' stsal
310a3 pa// nyon cig tshangs pa lha yi bu// ma grub 'khu ldog byed gyur na// gnad la bor zhing shi sa bstan// tsit+ta lce yis spags pa la// ser skya lcog la dmar pos bri// srog snying zlog la lta bar bri// dug dang gu gul
310a4 nag pos byug/rang gi 'og tu dong brus la// bu med zhabs mas dril la bzhag/ rdo rje rgya gram kha bcad la// bdag nyid badzra pA Nir bsgom// dbu yi rgyan du bya khyung bskyed// de yi snying khar nyi dal bsam// de
310a5 stengs rdo rje rtse lnga bsam// rdo rje'i lte bar dza dmar bsam// dza las 'od phros lcags kyur gyur// ging chen rang dbang med par bkug/ rten gyi gzugs brnyan de la gtim// shin tu 'dar zhing bred par
310a6 bsam// de las gzhol ba'i las rnams bsgom// srog snying bzlog pa gzhug gsum bya// zhag gsum nub mo 'brub khung du// rgya tshil me btang gu gul bsreg/ gzugs la bdug cing sngags ldog bzlas// dza
310b1 dza du sa ya ma ni ma dgrag ni ri shi kram pa ga/de nas sman dang bdud rtsis gso// bdud rtsis mchod la gdags// des ni las rnams grub par 'gyur// skyes bu dgra gsang nag po'i rgyud las/ gnad la bor
310b2 zhing shi sa bstan pa'i le'u ste bcu drug pa'o//// de nas yang tshangs pas zhus pa// kye kye gsang ba'i bdag po lags// ging chen ser skya nag po la// ltas ngan gtang thabs ma mchis sam// dpa' bo chen
310b3 pos bshad du gsol// gsang ba'i bdag pos bka' stsal pa// nyon cig tshangs pa lha yi bu// ltas ngan gtang thabs cho 'phrul ni// ba bla ba dang lhang tshe dang// gla ba'i klad pa skar pu snying// de bzhin wa dang
310b4 'ug pa dang// spre'u bya rogs la sogs pa'i// gang 'dod gzugs su byas nas ni// maN+Dal kha ru gzhag par bya// mchod cing bstod la bskul ba dang// rtsa sngags gsham sngags 'di bzlas/ ho lang ka ri she'u
310b5 reng 'u ru ma/go ri bar shi'u re'u hU~M/ skyes to re she'u hU~M/ tsit+ta ri dam/ she'u re'u bu hU~M/ 'bum bzlas skar ma sbo la ni// dgra bo'i khang pa'i rtsa ru sba// sems can sems can gzugs su snang// ba blas 'jig
310b6 rten 'od kyis kheng// zhag lnga dag tu bsgrub par bya// lhad med bzlas na 'grub pas sla// dgra gsang nag po'i rgyud las/ ltas ngan gtang ba'i le'u ste bcu bdun pa'o//// de nas yang tshangs pas zhus pa/
311a1 kye kye gsang ba'i bdag po lags/ ging chen ser skya nag po la// mngon shes sgrub thabs ma mchis sam// dpa' bo chen pos bshad du gsol// gsang ba'i bdag pos bka' stsal pa// nyon cig
311a2 tshangs pa lha yi bu// mngon shes sgrub thabs 'di ltar bya// legs phying gru bzhi'i steng dag tu// so ba bre gang bzhag par bya// de steng bshos bu khru gang bzhag par bya// lho smyug tshigs gsum dag dang ni// dar sna
311a3 btags la zhag lnga 'grub// sngags zlos dar gyis g.yab mo bya// rtag tu phud dang bshos bus mchod// rab tu gsang ba'i sngags 'di bzlas// badzra sa d+hu sa ma ya ma ti A sha kha la ro ri ti hi sma pha ra hU~M hU~M dza dza/
311a4 zhes sngags dag gi tha ma la// bshos bu gtang la gser skyems gtang// lhad med bzlas na khams gsum gsal// rtag tu bzlas na dngos grub ster// dgra gsang nag po'i rgyud las/ mig mthong bstan pa'i
311a5 le'u ste bco brgyad pa'o//// de nas yang tshangs pas zhus pa// kye kye gsang ba'i bdag po lags// dge bsnyen ser skya nag po ni// gnad nas bskul ba mi 'tshal lam// dpa' bo chen pos bshad du
311a6 gsol// gsang ba'i bdag pos bka' stsal pa// nyon cig tshangs pa lha yi bu// gnad nas bskul ba 'di lta ste// dmar gyi mchod pa tsit+ta'i gsur// pags pa'i rgyal mtshan dbang po lnga// bshos dang mda'
311b1 dar brgyad pa'o// thugs dam gnad nas 'di skad bskul// hU~M/ bzhengs shig bzhengs shig chos kyi dbyings nas bzhengs// stong gsum stong gi 'jig rten na// rlung nag tshub mar 'bar ba'i dkyil 'khor
311b2 nas// gnod sbyin gza' bdud chen po ni// chibs su ku ra rog po chibs// sku la dar nag ber chen gsol// dbu la gnam lcags zor ba skyes// dpral nas 'od chen dmar du khyug/ g.yas na gnam lcags
311b3 zor ba bsnams// g.yon na thog gi 'khor lo bskor// snyan nas bskal ba'i 'brug chen ldir// gze ma bskal pa'i thog chen sgrogs// shangs nas rlung gi bu yug 'tshub// ljags nas glog dmar khyugs se
311b4 khyugs// zhal nas khrag gi ser pa skyug/ sa la rlung dang tshub dmar rgyu// bar snang khams su sprin nag sdud// 'byung ba tshang grang 'thab tu chug/ lo la nad kyi ser ba phob// nub phyogs stong gi 'jig rten
311b5 nas// rlung nag tshub pa'i dkyil 'khor nas// gnod sbyin klu bdud chen po ni// chibs su klu ra rog po chibs// sku la dar sngon ber chen gsol// dbu la dngul gyi zor ba skyes// dpral nas 'od chen dmar du
311b6 khyug/g.yas na gnam lcags zor ba bsnams// g.yon na thog gi 'khor lo bskor// snyan nas bskal pa'i 'brug chen ldir// gza' ma drag po'i thog chen ldir// shangs nas rlung nag tshub mar
312a1 'tshub// ljags las glog dmar khyugs se khyugs// zhal nas khrag gi ser ba skyug/ sa la rlung dang tshub mar rdzu// 'byung ba tsha dang grang du dkrug/ lo la nad kyi ser ba phob/ khyed kyi 'phrin las
312a2 dus la 'bab// ces bskul lo// skyes bu dgra gsang nag po'i rgyud las/ thugs dam gnad nas bskul ba bstan pa'i le'u ste bcu dgu pa'o//// de nas gsang ba'i bdag pos 'khor rnams la rgyud gtad
312a3 pa dang/nga yis gtad pa'i dgra gsang nag po'i rgyud// rigs kyi khro bos gsungs pa yin// las kyi kho bo brgyad pa yin// ser skya las kyi mthar thug yin// nyams pa'i srog rtsa dmar len yin// drag po las
312a4 kyi me dbal yin// skyen thang gnam sa 'khrug byed yin// drag po las kyi mthar thug yin// man ngag kun gyi tri ka yin// lha srin kun gyi dmag dpon yin// bka' dang bstan pa spyi yi bya ra yin// rnal 'byor
312a5 yongs kyi dgra lha yin// rigs 'dzin yongs kyi srog shing yin// skyes bu dgra gsang nag po'i rgyud// lha tshangs pa'i bu khyod la gtad kyis zung zhig/ 'di 'byung ba'i dus ni dus kyi snyigs ma dar ba'i tshe/ nga yi
312a6 'khor dge 'dun gyi gnas dang/'brog dgon pa na gnas pa'i bsgrub pa po rnal 'byor pho mo rnams kyi srog dang/ lus dang longs spyod la 'tshe bar byed pa 'byung ba'i dus su/ dben gnas dang/ gtsug lag
312b1 khang dang/chos 'khor mtha' nas nyams pa'i dus su/ dam med kyi gang zag slob dpon spong ba dang/ bstan pa gshig pa dang/ dkon mchog gi dbu 'phang smod pa dang/ gying chen rab tu gtum pa'i lha tshogs
312b2 rnams kyis dam tshig mchod pas snying la me chen spor cig/rgyud 'di bzung la bka'i bya ra mdzod cig/ ces gsungs nas rgyud rab tu gtad do// de nas lha tshangs pa la sogs pa drag po'i lha tshogs rnams yi
312b3 rangs nas/gsang ba'i bdag po la mngon par bstod do// 'khor la rgyud gtad pa'i le'u ste nyi shu pa'o//// skyes bu dgra gsang nag po'i rgyud ces bya ba rdzogs so//// rgya nag gi a nag po la ser rgyang
gis dngos su rgyud dang sgrub thabs byin no/

CLOSE WINDOW