292a1 rgya gar skad du/ bya g+h+ri tra badzra yak+Sha tan+t+ra/ bod skad du/ gnod sbyin rdo rje stag mda'i rgyud/ bcom ldan 'das mngon rdzogs kyi rgyal po dpal he ru ka la phyag 'tshal lo// 'das pa kun gyi sngon rol na
292a2 'byung ba rlung tsha grang 'thab pa'i bar na/mi men gyi srin po dang sha zan gyi srin mo bshos pa las/ srid pa'i bu mo lnga byung/ bu mo che ba dang phyag ya bdud kyi rgyal por bshos pa las/ bu rdo rje legs pa skyes/ de
292a3 yang gnam lo phag gi lo la dgun zla 'bring po'i tshes grangs bcu bdun gyi nub mo la skyes so// skyes nas zhag lnga lon pa'i nang par bu des smras pa/ ma nga'i zas skal ni gang yin/ nga'i 'thung skal ni gang yin/
292a4 nga'i las su ni ci zhig bya zhes smras pa dang/ mas bu la smras pa// bu khyod nyon cig/ khyod kyi zas su ni stag gi snying zo/ ra'i snying zo/ byi la'i snying zo/ khyod kyi las dpal chen po'i bstan pa bsrung ba'i grogs
292a5 gyis shig ces smras nas/bu la cer bltas pas/ bu'i snying kha nas sme ba'i rdo rje nas tsam pa cig skyes nas 'dug ste/ mas bdud kyi mtshan mkhan la mtshan rtog tu bcug ste/ mtshan mkhan na re bu 'di legs
292a6 te/rdo rje'i rigs las skyes pa yin pas phyag na rdo rje la dbang bskur zhus shig ces zer ro// de nas gsang ba'i bdag po phyag na rdo rjes bstan pa mi nub pa'i rgyal mtshan du dbang bskur/ gsang mtshan rdo rje
292b1 legs pa zhes btags nas/sangs rgyas stong rtsa lnga ma thems bar du phyag na rdo rje'i bstan pa ma nub bar/ 'jig rten gyi khams 'di dbang byed pa dang las kyi gnod sbyin du dbang bskur nas/ bstan pa bshig
292b2 pa'i sems can tsam dmyal thag chod par bka' bsgo'o// gnod sbyin rdo rje stag mda'i rgyud las/ skye rgyud bstan pa'i le'u ste dang po'o//// gsang ba'i bdag pos bka' stsal pa// gang zhig rnal 'byor las
292b3 can gyis// rdo rje legs pa bsgrub pa'i phyir// rdzas kyi bsag thabs bstan par bya'o// zhes gsungs te// rdzas rnam pa bzhi bsag ste/ phyi rten gyi rdzas bsag pa dang nang gnod sbyin gyi rdzas bsag pa dang/
292b4 gsang ba mchod pa'i rdzas bsag pa dang/ bla rdo gzung ba'o// phyi bsten pa'i rdzas ni ra la brten te/ zhur po lag dkar rgya bo mig bzhi/ khams pa rog po 'gal kha la rten te/ rnga ma sngon dmar gyis brgyan
292b5 te srog gi snying po gdags/mnga' gsol lo// nang gi dam rdzas bsag pa ni/ ra gsob la rnga ma sngon dmar gyis brgyan te khar ling kha gzhug/ kha dgra phyogs su bstan/ smyug rgod la mda' bya rgod ma byas la
292b6 dar le brgan dang/bse'i byang bu dang/ skyes pa'i snying dang/ ra snying dang/ byi la'i snying dang/ stag drug ma'i snying gdags so// gsang ba'i mchod rdzas bsag pa ni/ phy-i'i tshul du mchod pa ni bshos bu la
293a1 brgyan rnam pa mang pos brgyan la/spyan gzigs dang gser skyems kyi mchod do// nang mchod pa'i rdzas ni/ sha khrag dang/ dbang po rnam pa lnga dang/ a mr-i ta dang/ rwa gsur gtang la bla rdo gsang
293a2 ba'i dam rdzas bsag pa mi/rdo pha wang long bu la tri tri tri gsum bris la byin gyis brlab/ dar le brgan la srog sngags bris la bla rdo dril/ de nas snying gsum dang rdzas gsum du bcas la ri'i snying shun du dril/
293a3 de nas za 'og khug mar dril/ de nas phying khug tu bcug la mchan khung du gdags/ zangs ma'i khab dang spu gri yang gzan lpags su bcug la/ snying gsum po'i phyi ma'i 'thum bu dang bcas pa ni gsang ba'i
293a4 mchod rdzas te/mchod rdzas gsum po gang gis mchod kyang/ ting nge 'dzin gyi skyes bu'i mchod rdzas thams cad byin gyis brlob/ rdo rje stag mda'i rgyud las rdzas bsag pa'i le'u ste gnyis pa'o//// de nas
293a5 yang dag bshad bya ba// skyes bu rdo rje legs pa yi// bsten thabs rnam pa gsum du bshad// ces gsungs te// bsten pa'i thabs la gsum ste/ jo bo ltar bsten pa dang/ grogs po ltar bsten pa dang/ bran
293a6 ltar bsten pa'o// de la jo bo ltar bsten pa ni/ khyod kyi jo bor 'dzin to// lhar 'dzin to// dus 'di nas bzung nas bdag skyabs 'og gzhug tu gsol lo snyam ste khas len pa'o// grogs po ltar bsten pa ni/
293b1 skyes bu chen po dang bdag nyid skye ba snga ma'i las kyis kyang 'brel/ slob dpon gyi dam tshig gnyan pos kyang 'brel// dkyil 'khor gcig la bltas nas dam tshig gcig par bsams te/ grogs po khyod kyang
293b2 dam las ma 'da' zhig/nga yang dam las mi 'da' 'o// bran ltar bsten pa ni/ chos nyid skye ba med pa'i don rtogs pa'am/ bdag nyid dpal chen po'i ting nge 'dzin du mthun pa'i dam rdzas thogs la/ ting nge
293b3 'dzin gyi dbang du bsdus te las myur du gyis shig/byas pa tsam gyis las la 'gro'o// gnod sbyin rdo rje stag mda'i rgyud las/ bsten pa'i thabs bstan pa'i le'u ste gsum pa'o//// de nas yang 'di
293b4 gsungs so// rnal 'byor gang zhig las can des// rdo rje legs pa bsgrub 'dod na// sgrub thabs rnam pa gsum du gsungs// zhes gsungs te/ de la mthun sbyor ra la bsten te bsgrub pa dang/ rtsal chen seng
293b5 ge'i gzir la mnan te bsgrub pa dang/mgyogs pa sha khyi las la 'gyed pa lta bu'i bsgrub pa'o// de la mthun sbyor ra la brten pa'i sgrub pa ni/ sa byin gyis brlabs la gnas gang yin pa der ma traM gi snying khar
293b6 e gru gsum bca'/mtha' ma rtsang gis bskor la/ ra spu rtags can cig mdun du bzhag la/ bdag nyid lha'i nga rgyal du byas la/ oM badzra sA d+hU sa ma ya/ oM hri du mA ra ya dza dza/ srog thug thug mA ra ya dza dza/
294a1 srog rbud rbud mA ra ya dza dza/ sha la du/ khrag la du/ dam la shog dza dza/ zhes bzlas te/ mtshan ma rab 'bring tha ma gsum gang byung ba dang/ a par sad/ e par sad/ a lo a spar a th+yim/ thi
294a2 s+phur sod/ni spur sod/ a lo a spar a thim/ zhes yang chang phud dgod ma nyams par la gtor bas mtshan ma byung ba dang/ ci ltar 'dod pa bzhin 'grub bo// bla rdo bca' ba dang/ rten bca' ba dang/ rbad
294a3 pa'i las bya'o// bod rbad gsad gsum dril la bzlas so// rtsal chen seng ge'i gzir la mnan pa ltar bsgrub pa ni/ ma traM bcas la/ bdag nyid dpal chen po'i ting nge 'dzin du bsgom pa'i thugs kha nas yi
294a4 ge hU~M gcig 'phros pas/hU~M de je che je che song ba las/ mi nag po 'bro zhu chen po gon pa seng ge dkar mo la chibs pa/ phyag g.yas na rdo rje rtse dgu bsnams pa/ g.yon na dgra snying chang par 'chang ba/ lcags kyi
294a5 ral pa yod pa/ral pa'i gseb na du ba phyur ba/ mig g.yas pa nyi ma la byas pa/ g.yon pa zla ba la byas pa/ sma ra ser po'i rtse la bskal ba'i me stag 'phro ba/ zhal nas srog gcod pa'i sngags zlos pa/ dpyid
294a6 zla gsum la rlung nag tshub ma'i sna 'dren pa/dbyar zla gsum la char sprin gyi nang na bzhugs pa/ ston zla gsum la lcags kyi ser ba'i sna 'dren pa/ dgun zla gsum la khams gsum sems can gyi srog 'phrog
294b1 pa'o// skyes ngo mar gyi bdud/ bu mon chung gi rtse ste/ dgra bo dam nyams thun bur thun bar bsams te/ ma traM gi snying kha'i 'brub khung du/ ra sha lag pa g.yas pa cig la ling ka sbyar te dug mda' brdeg/ 'bod
294b2 pa'i sngags kyis bod pa dang/rbad pa'i sngags kyis rbad pa dang/ gsad pa'i sngags kyis gsad pa dang/ gsum ka dril ba rnams ni shes par bya'o// mgyogs pa sha khyi las la 'gyed pa lta bu'i bsgrub pa ni/ phyi
294b3 rten dang/nang rten dang/ gsang ba'i rten dang/ bla rdo bca' thabs dang/ ma traM bca' ba'i las rnams gong ltar byas la/ skyes bu gnad nas bskul te// bu ltar gso la khyi ltar rbad do// srog gi snying po rab ni
294b4 jo bos khol po khol ba dang 'dra/srog gi snying po 'bring pos ma bu la skad sgrog pa dang 'dra/ tha mas spud la'am grogs po 'bod pa dang 'dra/ de bas na srog gi snying po ma nor ba gal che'o// rbad sngags rab
294b5 kyis bran nyan brtson la jo bos las la gtad na/sod byas na gsod/ rkus byas na rku/ rgyob byas na rdeg/ rbad sngags 'bring gis nyi ma gcig gi 'dan pa las 'chol dang 'dra/ 'dan pa mi dga' ba bdag
294b6 pos mi byed/bdag po mi dga' ba 'dan pas mi byed/ rbad sngags tha ma ni gnyen snying nye ba gnyen smos gtang nas las 'chol ba dang dmag re ba dang 'dra'o// gsang sngags rab kyi ni sha khyi bzang pos ri
295a1 dgas shor ba med pa dang 'dra/gsang sngags 'bring ni rtsal po che mda' 'phen pa dang 'dra ste/ sum gnyis la 'phrog go/ gsang sngags tha ma ni rkun po zhags thogs 'dra ste/ phyed la zin phyed la
295a2 mi zin te/de bas na bod rbad gsad gsum gyi sngags ma nor ba gces so// badzra sA d+hu sa ma ya/ badzra skyes mchog gi thig le rtsal/ badzra ging ka ra hring hring/ badzra sa d+hu sa ma ya/ yag sha ging ka ra tsit+ta dz+wa la raM
295a3 badzra kra ma ni shi ni/sa ma ya d+hu ya/ badzra sa d+hu sa ma tri tri/ yag sha badzra sa d+hu saM ya tri tri/ badzra sa d+hu sa ma ya bra na rbad/ thuM tshal gur gur rbad/ tri yang du b+h+yo/ ging ka ra ya pa ri brag khaM b+h+yo/ ni mar na ya du ni dza/
295a4 badzra sa d+hu sa ma ya/ rbad tri rbad tri dza/ 'ur ba 'ur ba rgyug tri rgyug tri dza/ badzra sa d+hu sa ma ya srog la rbad tri dza/ ging ka ra sa ma ya/ mu la rak+ta tsit+ta rbad b+h+yo/ srog shi ka rar mA ra ya rbad b+h+yo/ badzra sa d+hu sa ma ya rbad
295a5 rbad b+h+yo/che ge mo la sa ma ya srog rtsa chom ma ra ya/ sa ma ya dza dza/ dang por bod/ bar du rbad/ tha ma gsad/ sgrub thabs rnam pa gsum hril gyis dril la bya/ sngags rnam gsum hril gyis dril la bzlas
295a6 so// gnod sbyin rdo rje stag mda'i rgyud las/ sgrub thabs kyi le'u ste bzhi pa'o//// de nas yang ni 'di gsungs so// skyes bu bsgrub pa'i drod tshad bcu drug bshad par bya/ grub pa'i tshad brgyad ma grub pa'i
295b1 tshad brgyad de/dam can gyi grub tshad brgyad la/ nyams su lhang lhang 'ong ba dang/ ci byed pa yid la dran pa dang/ sems la ci smon pa bzhin du 'ong pa dang/ bsam pa ci yang thogs pa med par 'grub pa dang/
295b2 rmi lam rno ba dang/ sems can thogs pa med par sod pa dang/ 'od dang slob dpon du rdzu ba dang/ spyang khur rdzu ba dang/ de rnams dgra lha grub pa'i rtags brgyad yin no// ma grub pa'i rtags brgyad la/ snying mi
295b3 dga' ba dang/ngu snying 'dod pa dang/ khro snying 'dod pa dang/ blo bu du nad drag po 'ong ba dang/ snying gtad pa'i mi dgrar ldang ba dang/ bzung yang mi thub par 'phros pa dang/ ra gsob mi non pa dang/ sgrub pa
295b4 po nang 'thab pa ni ma grub pa'i rtags brgyad do// de yang 'od dkar la 'khyud pa dang/ 'od dmar nag tu 'ong ba dang/ dmar la 'phro ba dang/ sems can la brdeg snying 'dod pa dang/ ling ga la rgyab snying
295b5 'dod pa ni las grub pa'i rtags yin pas/sangs nang par nyi ma zer ka la ling ga sreg pa dang/ 'jig rten gyi lha ma srin sde brgyad la dpang gzugs so// gnod sbyin rdo rje stag mda'i rgyud las/ mtshan ma
295b6 drod tshad kyi le'u ste lnga pa'o//// rnal 'byor gang zhig las can des// rmi lam dmod thabs bzhi ru gsungs// bdag lam rings su 'gron gdab pa dang/ brubs byed na gdab pa dang/ dmag 'dren na
296a1 gdab pa dang/sri'u 'am nad pa'i sngags su gdab pa'o// de la bdag las rings su 'gro na nub mo nyal kar zan dron mo'i dbus kyu byas la/ sha lag dang g.yas pa la chang phud spyan gzigs la
296a2 sogs pa sder ma 'ga' ban cig tu bsag/ras gtsang mas kha dgab/ kho'i blo rdo yang bzhag smyug ma la bags bu rtse mor btags la nas bre gang la gzugs/ skyes bu chen po bdag lam rings su 'gro bas
296a3 mthun pa'i dam rdzas bzhes la/bdag gi don 'grub na rtags dang mtshan ma bzang du ston cig/ don mi 'grub cing nyes gyod 'ong na ngan du ston cig bya/ srog gi snying po nas bos la bskul yang bya/ bstod pa
296a4 yang bya/rmi lam gdab/ bzang ngan gyi ltas ji ltar yin par 'ong ngo// rmi lam thebs dang ya btags rnams sa gtsang sar cho 'brang ston la gtang ngo// brubs chen po byed na ra thod skam po'i nang du snying gsum
296a5 dang/chang phud dang/ ra'i dbang po lnga phye mar btags la klad khung du blug klad khung lces dgag/ tshon skud kyis bcing/ sngas kyi 'og tu dong khru gang pa rkong la/ der bcug la srog gi snying po nas bod/ dgra bo
296a6 'di la rtags phyin nam mi phyin// phyin na ci tsam na 'ong zhes dmod la/ ci ltar dmod pa ltar 'ong ngo// rmi lam thibs pa dang thod pa'i rdzas rnams ston la mchod 'bras bya'o// nad pa'i sngas su 'debs sam/
296b1 sri'u sos mi sos lta na sngas su bshos bu dang/ mngon cha dang/ spyan gzigs bshams/ mda' la dar sna btags pa cig sngas su btsugs la/ mi rnams nyal ba dang kog bo dmod btsugs la srog gi snying po
296b2 nas bod do// nad pa 'di shi sos stangs chod bya'o// ci ltar dmod btsugs bzhin ltas ston no// dmag chen po 'dren pa la sna lnga zhib tu gyon la/ lag pa g.yon du dar mdung thogs la/ lag pa g.yas pas
296b3 chang phud 'thor zhing bos na/rang mi smas pa dang g.yul legs nyes ci ltar 'ong ba ston/ gnod sbyin rdo rje stag mda'i rgyud las/ rmi lam gdab pa'i le'u ste drug pa'o//// de nas yang ni 'di gsungs te/ mi
296b4 gnod pa ni rnam pa gsum ste/rang la mi gnod par bya ba dang/ 'khor la mi gnod par bya ba dang/ rta phyugs la mi gnod par bya ba dang/ de yang rang lha'i rnal 'byor la gnas par bya ba dang/ kho'i cho 'phrul
296b5 bzang ngan gang byung yang rnam par mi rtog pa 'am// lha'i nga rgyal la gnas na rang la mi gnod do// 'dis phan nam snyam/ gnod dam snyam/ mi 'grub bam snyam na/ mi 'grub pa dang bar chad gnyis ka 'byung
296b6 ngo// 'khor lo mi gnod par bya ba ni/ mkhon la gzab/ phud la gzab/ de ltar ma byas par mkhon bya shing phud la ma gzabs na// sris chang dang zho chung gang yang khos 'khyair// blo bur du nad drag
297a1 po 'ong// tshig pa za zhing snying mi dga'/ smyo 'bog 'ong/ rta phyugs la mi gnod par bya ba ni/ kho'i dam rdzas tshang bar byas la/ phyugs ci yod pa kho la bcol/ bshos bu gtang/ gtad nyer bya/ de
297a2 ltar ma byas na/kho la rtsis chung byas na/ khos lcags kyi sbyang po 'ur par rdzus nas rta phyug kyi gcan du 'gro'o// gnod sbyin rdo rje stag mda'i rgyud las/ kho dam las mi ldog pa thabs kyi le'u ste bdun
297a3 pa'o//// de nas yang 'di gsungs so// gang zhig sri'u gso 'dod na/ rdo rje legs pa kho la bcol ces te/ sri'u gso ba'i thabs la gsum/ rgyun sngags ting nge 'dzin gyi gso ba ni/ rang lha'i rnal 'byor gang
297a4 yin pa'i sngags dang skyes mchog gis spel mar drang ngo// gtor ma gtong dus su yang gzhug la kho la sngo/ dmod bcol bya'o// des sos te 'ong/ rngan pa byin zhing gson sri'u'i drung du nam nyal nyal kho la rngan
297a5 pa re re sbyin/bshos bu brgyad can khru gang pa re re/ chang phud rgod rnams kyis kho la mchod cing dmod bcol bya'o// de ltar byas na sos te 'ong/ rten btsugs nas gso ba ni/ ra spu rtags legs can cig kho
297a6 la sngo/bshos bu dang chang phud la dmod bcol byas la/ skyes bu chen po khyod la ra 'di rngan par ster bas bu 'di rkang pu tshugs cig byas la/ ra dang btsan bshos bu gtang/ chang phud gtor ro// de ltar byas na
297b1 sos par 'gyur ro// gnod sbyin rdo rje stag mda'i rgyud las/ sri'u gso ba'i thabs bstan pa'i le'u ste brgyad pa'o//// de nas yang 'di gsungs so// slob ma dam las log pa dang// le gu 'o bsan log
297b2 byed pa dang// sha khrag mna' las log pa gsum// skyes bu chen po nyid la gtad/ ces te slob ma dam log byed na phag gi thod par slob ma'i ming dang gzugs bcug la/ skyer pa dang/ ram bu dang/ sgog pa
297b3 dang/nyung ma'i sa bon dang/ gu gul nag po dang/ 'ba' tsha rnams phag thod du blugs la tshon skud kyis bcings la/ de'i steng du shogs zhig la skyes bu'i ming bris la/ slob ma 'di dam las log/ phung du
297b4 chug byas la shags gdags// shing rkang gcig gi rtsar sbas na phung nges so// le khu bo bsen log byed na/ glang ma'i byang bu mtho gang ba cig la/ stod du khrag gis sgrub bya'i ming bri/ bar snag tshas skyes bu'i
297b5 ming bri/smad nas ra khrag gam khrag gang yang 'dra ste/ nga'i le khu bo 'dis khyod spangs so// 'di'i srog gi shan pa gyis shig/ sgo'i nor la lcags kyi spyang mo bye bris la nyal sar sbas na phung ngo// grogs po mna'
297b6 las 'gal na dug dang/gu gul dang/ 'bob khus ming byang bris la/ bud med mi gtsang ba'i dor mas dril la/ sngar gyi shing ngam/ lha khang ngam/ chu mig mna' chad byas pa'i sa yod na der sbas so// de med
298a1 na gar gnyan sar sbas la/grogs po 'di yis mna' las 'gal bas 'di la chad pa chod cig bya'o// des phung nges so// gnod sbyin rdo rje stag mda'i rgyud las/ dam log dam nyams bsgral
298a2 ba'i le'u ste dgu pa'o//// de nas yang 'di gsungs so// gang zhig las can rnal 'byor pas// skyes bu chen po'i mngon shes bsgrub// ces pas/ gang rnal 'byor ba skyes bu la bzlas pa des/ 'jig rten gyi
298a3 khams thams cad mthong bar bya ba dang/snang srid kyi lha 'dre thams cad mthong ba dang/ rang la gzhan gyis bug pa thos pa bya ba'i thabs la/ ra'i mgo bo dang dbang po dang ma bral ba cig dang/ shog bu cig
298a4 la skyes bu lha'i bu cha byad la lus la mig brgya rtsa brgyad kyis gang ba/khams gsum thams cad spyan gyis gang bar bris la ra'i thod par gzhug/ rdo pha wang long bu cig la tri ling tri ling/ b+h+yo gzung b+h+yo gzung/
298a5 sa le sa le/ zhes bya ba bris la thod par gzhug/ thod pa'i kha gcod/ me long la mda' bya rgod ma cig la dar sna btags te/ shog bu tshon gang ba cig la/ badzra sa d+hu tri pa pa ri dun dri/ zhes bya ba bris la mda'
298a6 la gdags/oM badzra sa d+hu tri pa ba ri/ dun tri e rtsal du la dun tri ma ho ra ri/ a pa ri pa ri/ a kha le sa le sa le/ dza dza phro phro a pa ra tu ni/ khams gsum mthong ba'i dngos grub bdag la gsol/ bdag gi
298b1 'dod pa ma sgrubs na/khyod kyang dam tshig nyams par 'gyur// de bas bdag la dngos grub gsol// ces 'bod cing bsgrub na/ mig rnon dang/ sna gsang dang/ nyams dngos grub ster ro// ra thod de rtag tu
298b2 ltar gzungs/dus khyad par can la bshos bu btang/ shog gu gnyis kha gong khug yis yon du bzhugs/ mdas g.yab cing me long lta/ g.yas su nyan par bya/ g.yon du blta bar bya/ mthong thos gnyis ka 'ong
298b3 ngo// mis ma tshor ba gal che/ mngon shes bsgrub pa'i le'u ste bcu pa'o//// de nas yang 'di gsungs so// gang zhig skyes bu bsgrub pa des// dam tshig dgu ni bsrung bar bya// zhes gsungs te/ spyang
298b4 khu'i thod pa kha khrag gis byugs te/ra snying gi nang du dgra'i ming bris la gzhug/ ra snying spyang thod kyi khar brtsigs la sngon dmar dkri/ spyang thod skyes bur bsam/ ra snying dgra snying du bsam/ de skyes bus
298b5 gsol bar bsam/bal tshon nad kyi sprin skyes bu'i kha rlangs su bsam pa dang/ bsgrub pa'i dus su chang phud rgyun du gtor ba dang gnyis/ ra gsur rgyun du gtang ba dang gsum/ gu gul gyi dud pa gtang ba dang
298b6 bzhi/mkhon la gzab pa dang lnga/ byi dang yug mo bsrung ba dang drug/ mdo gtsang spyod pa sha mi za ba dang bdun/ rang gi gos drod ma yal ba mi la mi bskon pa dang brgyad/ stan drod ma yal ba mi la mi 'ding ba
299a1 dang dgu'o// gnod sbyin rdo rje stag mda'i rgyud las/ gsang ba dam tshig gi le'u ste bcu gcig pa'o//// de nas yang 'di gsungs so// rnal 'byor skyes bu bsgrub pa des// bstod pa 'di yis
299a2 bstod par bya// hU~M/ sum cu rtsa gsum dga' ldan lha yul nas// gdod nas ma skyes rang bzhin dag pa'i sku// mnyam nyid rig pa'i sku la phyag 'tshal bstod// ston pa shAkya thub pa'i bstan pa la// bstan pa
299a3 bsrung zhing legs nyes stang 'dzin pa'i// dge bsnyen chen po rdo rje legs pa ste// 'jig rten skyong ba'i lha la phyag 'tshal bstod/ khyod ni yab yum dmu bdud bshos pa'i sras// bdun tshigs mtha' ru spyugs
299a4 pas sangs rgyas chos dang mjal// lha mi kun gyis dbang bskur rdzu 'phrul can// chos byed dam nyams mna' zan rnams kyi gshed// skye bo'i dgra lha dgra bo'i gshed ma zhes// gzhan gyi ma bcos nyid kyi zhal
299a5 bzhes pa// legs nyes stang 'dzin khyod la phyag 'tshal bstod// don dam nges pa'i bden pa ma mthong yang// skyes mchog khyad par can gyi gang zag gis// dbang bskur ming btags las kyi gnyer gtad
299a6 pa// chos skyong srungs ma khyod la phyag 'tshal bstod// rang gis las dang bsod nams rdzu 'phrul gyis// lho yi 'dzam gling khyab cing kun tu rgyu/ khyad par bzhugs pa'i bod yul yongs kyis spel// yul lha gnyan
299b1 po khyod la phyag 'tshal bstod// sngon tshe thog ma rang gi bag chags bsam// smon lam dam bca' nyid kyi mos pa yis// rgya bod gtsang bgrod pa yi sna 'dren pa// tshong dpon chen po khyod la phyag
299b2 'tshal bstod// skye bo 'thab rtsod g.yul chen sprod pa'i tshe// gang zhig khyod la gsol mchod byed pa des// dmag gi ru bzlog pha rol g.yul 'joms pa// dmag dpon chen po khyod la phyag 'tshal
299b3 bstod// 'jig rten 'di na lta ba log pa yi// mu stegs bon smra thog par bsten pa dang// de dang mthun par 'jig rten skyong mdzad pa// thun mong lha mchog khyod la phyag 'tshal bstod// 'jig rten 'di na mthu
299b4 che gang yod kyang// bcol ba'i las rnams myur du mi 'grub ste/ khyod ni bdag gi rten cing las bcol lo// myur du grub byed khyod la phyag 'tshal bstod// 'khor ba'i gnas na lha srin gzhan rten yang// dgra
299b5 rnams gsod kyang bdag la gnod par 'gyur/khyod ni gang dang 'dris na rtag tu skyobs// yum gyi mgon mdzad khyod la phyag 'tshal lo// 'jig rten 'di na ma mchog gzhan rten yang// zug rngu drag cing rtogs
299b6 pa rab tu che/khyod ni mi nag skye bos bsgrub na yang// mthu dbang ster byed khyod la phyag 'tshal bstod/ khyod ni gsang sngags dam tshig can// bdag kyang dam srung dam tshig mnyan por bsrungs// mnyam pa'i
300a1 don gyis bsdus pa'i nye ba na// don dam mtshungs pa'i lha la phyag 'tshal bstod// spyir na nyid kyi mthu dang rdzu 'phrul gyis// sku mdog phyag mtshan gcig tu ma nges te// sngags kyi phyag mtshan phyag
300a2 na rdo rje bsnams// rdo rje legs pa khyod la phyag 'tshal bstod// las kyi dbang gis ra yi sha la dgyes// ra sha khrag tshil rtag tu zas su gsol// ra yi pags pa nyid kyang na bzar gsol// skyes bu rdzu 'phrul
300a3 can la phyag 'tshal bstod// spyir ni nyid kyi mthu dang rdzu 'phrul gyis// gcig tu ma nges gnas skabs tha dad kyang// bka' dang bstan pa bsrungs bar zhal bzhes pa// gtsug lag dben gnas bsrung la phyag
300a4 'tshal bstod// dad pa'i yid kyis gdung pa'i skyems phyung nas// gus shing dad pas lus ngag sems btud nas// yon tan ri rab snyed las rdul tsam zhig/ dad pas dad gus phyag 'tshal bstod// kun
300a5 bzang thabs kyis sku la khyad sprul nas/bdud rje brgya dang mtshungs par mthu bo che// lag nas thog 'bebs kha nas ser chen skyug/ thog ser skyin thang 'bebs la phyag 'tshal bstod// gsang ba'i gying chen
300a6 bco brgyad kyis// mnga' bdag chen po gzi 'bar rtsal// stag smad sum brgya drug cu'i 'khor gyi gtso bo mdzad// srog dbugs mdangs la dbang byed pa'i// dgra sdang srog gcod khyod la phyag 'tshal
300b1 bstod// rgyal ba'i bka' dang shAkya thub pa'i gsung// las bcol gnyer gtad bka' bzhin bstan pa bsrungs// spong len mi byed bka' bzhin bsgrubs pa yi// rnal 'byor bsam pa yid bzhin 'grub la
300b2 bstod// srog brgyad rang la rdzogs te sde brgyad ngo bor shar// lha srin phyag brnyan 'gyed cing sprul pa pho nyar gtong// gnam sa ri lung bar snang sprul pas 'gengs// ltas ngan cho 'phrul gtong la phyag 'tshal
300b3 bstod// 'jigs pa'i gzugs can rdo rje legs pa khyod// zhal gyi tshems kun rdo rje 'od kyis brgyan// sku lus phyag sogs rdo rje 'od dpung 'khyil// rnal 'byor dkor rnams bsrung la phyag 'tshal
300b4 bstod// ces bzhi stong nyi shu rtsa gcig gi bstod cing las bcol na/ don gang yang 'grub par the tshom med do// gnod sbyin rdo rje stag mda'i rgyud las/ bstod pa'i le'u ste bcu gnyis pa'o//// de nas yang
300b5 'di gsungs so// gang zhig las can skyes bu des// gsang dang gtod dang mchod pa bya// gsang ba la yang rnam gsum ste// rang la rang gis gsang ba dang// 'khor dang slob ma la gsang ba dang// spyir gsang
300b6 ba'o// ma bstan pa dang gsum/ 'di'i sgor ma zhugs pa dang mi mos pa la mi bstan/ skye bo dam med la mi bstan/ zhe sdang gi shas che ba la mi bstan no// gtad pa la yang gsum ste/ rang gi bu la gtad/ slob
301a1 ma la gtad/rogs po snying regs la gtad do// mchod pa'i dus kyang bzhi ste/ dpyid zla gsum gyi brgyad la mchod// dgun zla gsum gyi nya la mchod// dbyar zla gsum gyi stong la
301a2 mchod// ston zla gsum gyi nya la mchod// gnod sbyin rdo rje stag mda'i rgyud las/ gsang ba gtad pa dang mchod pa'i le'u ste bcu gsum pa'o//// gnod sbyin rdo rje stag mda'i rgyud rdzogs so////


CLOSE WINDOW