285b4 /// rgya gar skad du/ yA k+Sha sarba rA dza ha la dz+wa le tsit+ta gu h+ya tan+t+ra/ bod skad du/ gnod
285b5 sbyin thams cad kyi rgyal po ha la 'bar ba'i snying gsang ba'i rgyud/bcom ldan 'das dpal phyag na rdo rje la phyag 'tshal lo// 'di skad bdag gis thos pa dus gcig na/ bcom ldan 'das phyag na rdo rje khro bo mi
285b6 bzad pa drag po sprul pa/sangs rgyas thams cad kyi bstan pa bsrung zhing gdug pa can 'dul bar dbang bskur te/ lag na rdo rje gtad pa de ri ma la ya'i rtse mo na gnam lcags 'bar ba las grub pa'i khang pa
286a1 na/'khor lo byang chub sems dpa' dang/ dregs pa can gyi sde brgyad dpag tu med pa dang lhan cig tu bzhugs pa ni 'di lta ste/ gnas de yang stod gcan gzan gyi rgyal po seng ge'i 'gran sar
286a2 gyur pa/smad 'dab gshong na gcan gzan stag gi 'gran sar gyur pa/ rtsi shing dang/ rtsi thog dang/ sman dang/ sdong bu dang/ yal ga'i 'khrungs sar gyur pa/ de na 'dab chags rnam pa sna tshogs thams cad
286a3 dang// 'khor ba dang/ lding ba dang/ 'dzum pa dang/ mdzes pa dang/ 'chag pa dang/ 'phur ba dang/ 'drad pa dang/ skad sgrog pa dang/ 'drad cing ro za ba'i gcan gzan gyi rnam pa kun kyang rgyug pa dang/
286a4 'dzin pa dang/ bzung ba dang/ gsod pa dang/ sprug pa dang/ tshoms pa dang/ tshor ba dang/ mdzes pa dang/ nga ro sna tshogs 'don pa de dag go/ de lta bu'i ri de'i rtse mo na gnam lcags las grub pa'i khang pa
286a5 'bar ba yod de/de yang dbyibs gru gsum mthing nag me 'bar bar 'dug pa/ ngos gsum du zla gam du 'dug pa la me 'bar ba/ logs la zhe sdang can sbrul sna tshogs kyi rgyan 'phyar ba/ rgya phyogs bcur
286a6 yongs su ma chad pa/ye shes las grub pa/ steng gnam lcags 'bar ba'i thog 'begs pa/ khrag gi bar na glog 'gyu ba/ sprin sna dang/ na bun dang/ kha rlangs snang ba/ dug gi ser ba rgyun mi chad par 'bab pa/
286b1 dug mtsho khol ma'i nang na chu srin la sogs gdug pa can thams cad dkyis gang ba/ khrag gi rba glong 'khrug pa'i nang nas byung ba'o// de na gnas pa'i dregs pa can thams cad ni gdug pa gsod pa la dga'
286b2 ba/brtse ba med par sha dang khrag la dga' ba/ khrag dang sha'i dri tshor na skad cig tsam la gling bzhi la rgyug pa/ nyin dang mtshan du mi gsod pa la brtson pa/ gzugs mi sdug pa sna tshogs kyis/ kha nas sngags
286b3 dug dang 'dra ba 'don pa'i gnod sbyin gdug pa can sha dag gi gnas dang rten sar gyur te/de dag thams cad dpal phyag na rdo rjes srog phrogs te btul nas/ dam tshig byin de dbang bskur nas rdo rje gtad
286b4 de dam la btags nas/thams cad rdo rje'i ming can dam tshig dang ldan pas sangs rgyas kyi bstan pa bsrung la rem pa/ dam nyams pa gsod pa la brtson pa/ bstan pa 'jig pa'i yul du thog dang ser ba
286b5 'bebs shing nad sna tshogs gtong ba la brtson pa/sngags pa dam pa'i pho nya byed cing nyin dang mtshan du de la bsrung bar byed pa/ de dag kun gsang sngags rdo rje theg pa'i bsrung mar gyur to// gnod sbyin thams
286b6 cad kyi rgyal po ha la 'bar ba'i gsang ba'i snying rgyud las/gling gzhi'i le'u ste dang po'o//// de'i dus na gnas pa'i gnod sbyin thams cad kyi rgyal po yak+Sha 'bar byed ces bya ba zhe sdang che ba mthu dang/ nus
287a1 pa dang/stobs dang/ dbang che ba zhig yod pa las/ dus der shin tu 'dod chags skyes te/ ri de'i rtsa ba'i dug mtsho khol ma'i nang na klu mo mig gcig ma zhes bya ba dang/ rigs kyi srin mo dmar
287a2 mo sham snying 'phrog ma zhes bya ba gdug pa dug can 'dod chags che ba/gsod pa la dga' ba/ mthu che ba/ rdzu 'phrul che ba/ gdug po mo khyad par du 'phags pa zhig yod do// de la gnod sbyin gyi rgyal po yak+Sha
287a3 'bar byed ces bya ba des/gnod sbyin rkang pa brgyad pa zhes bya ba mgyogs pa de pho nyar brdzangs nas// des de la smras pa/ kho na re'u cag gnyis las dbang che zhing gzi brjed nus pa che ba 'jig rten 'di na
287a4 med na/'o skol gnyis srid pa'i 'khrig ma cig spyad na mi rung ngam zhes mngags pa dang/ klu'i srin mo na re/ 'u 'u cag gnyis las zhe sdang dang 'dod chags che la gdug pa can 'jig rten 'di na med pas phrad
287a5 du mi btub bo// phrad nas srid pa smin na skye 'gro ma lus pa zos te 'gro ba'i bu cig 'ong bas/ skad cig kyang 'u cag gnyis mi phrad pa'i thabs med do zhes lan bdun gsol ba dang/ yak+Sha 'bar byed shin tu
287a6 'dod chags skyes de 'khrugs nas cang ma gnang ngo// de skad cig gis der phyin to// de nas de gnyis lho phyogs dug chu khol ma'i mtsho 'gram du nyin zhag gsum du 'dod chags spyad de/ so sor tshim nas rang
287b1 rang gi gnas su dong ngo// der srin mo lus mi bde ste/ zla ba bdun lon tsam na dug chu'i 'gram du song bas/ mngal nas lcags kyi sgo nga kha dang mig dgu pa cig skyes shing btsas so// skyes nas des ma'i sha
287b2 'brab cing pha'i snying rje 'dzag par byas te/yar nam mkha'i mthongs su 'gro nas mi thub la/ mar sa rim pa dgu'i 'og tu mi thub cing skad 'byin to// de pha mas gsos sems can thams cad skrag par gyur
287b3 to// de nas mas yak+Sha 'bab byed la gsol pa/ 'u 'u cag gnyis kyi srid pa'i phrug gu 'di bsgral bar ma gyur na/ srid pa stongs par byed cing za bar byed pa cig 'ong bas/ 'dis thams cad phung bar byed par
287b4 gyur ta re zhes smras pas/pha yak+Sha 'bar byed na re/ 'u 'u cag gnyis la 'di la gzhan gyi bya thabs med pas/ gnam lcags 'bar ba'i yang thog na bcom ldan 'das dpal phyag na rdo rje bzhugs pas/ de spyan
287b5 drangs la gdul lo// zhes smras pas/ ma srin mo yang thabs de la dad cing dga' bar gyur to// de gnyis sgo nga de lcags kyi thag la btags te skad cig gis thag la btags te skad cig gi gnam lcags
287b6 'bar ba'i khang par phyin to// dpal phyag na rdo rje la phyag byas shing bskor nas sdug bsngal ba'i sgras bdag cag gnyis 'di lta bu'i srid pa'i phrug gu gcig srid pas/ khyed kyis 'di 'dul bar zhu zhes smras
288a1 pas/dpal phyag na rdo rje thugs rje cher skyes nas gsungs pa/ khyed gnyis ma 'jigs shig/ ces dbugs bton nas/ 'di ngas btul la sangs rgyas kyi bstan pa la dgod cing bstan pa bsrung
288a2 ba'i bsrung mar bya'o zhes bka' stsal to// de nas dpal phyag na rdo rje spyan drangs te byon pas/ sgo nga de ni nam mkha' la 'phar te 'dar zhing sprul la skad sna tshogs 'don no// de nas dpal phyag na rdo rjes
288a3 gnod sbyin gdug pa can 'dul ba zhes bya ba'i ting nge 'dzin la snyoms par bzhugs te/dgongs pa mdzad nas zhal nas/ oM badzra tsaN+Da mahA ro Sha Na hU~M phaT/ ces gsungs te/ phyag na gnas pa'i rdo rje de sgo nga la
288a4 brgyab pas/de ma thag tu mdun du lhung ste gas pa'i nang nas mi'i lus la mjug ma sbrul du 'dug pa/ stod lcags kyi sdig pa mgo dgu pa kha gdangs shing mche ba gtsigs pa/ mig dang sna nas nad sna tshogs
288a5 'thul ba/kha nas lce 'dril ba/ mA ra ya zhes sgrog pa cig spyan sngar 'drad kyis byung ngo// sgo nga de'i spris ma las gyur pa ni/ 'jig rten gyi lha 'dre thams cad du gyur to// de kha 'dar zhing brgyal lo// brgyal ba
288a6 sangs pa dang/bcom ldan 'das la phyag byas te/ 'di skad ces gsol to// kye/ bcom ldan drag po mthu bo che/ khyod kyi 'bangs su bdag mchi'o// 'bangs la thugs rje ma chungs shig/ dam tshig 'tshal dang
288b1 nan tan mdzod// ces zhus pa dang/ de nas dpal phyag na rdo rjes gnod sbyin gdug pa can dam tshig la gnas pa zhes bya ba'i ting nge 'dzin la snyoms par zhugs te/ de la dbang bskur de dam tshig la btags
288b2 nas lag tu rdo rje gtad de/ming yang rdo rje gnod sbyin ha la 'bar ba zhes bya bar btags so// de phyi rabs kyi rnal 'byor pa sangs rgyas kyi bstan pa bsrung ba ma thub pa rnams kyi srungs ma dang las mkhan du
288b3 bskos te/des kyang bcom ldan 'das kyi spyan sngar mnas bor khas blangs so// de nas gnod sbyin gyi rgyal po rdo rje ha la 'bar ba des/ dpal phyag na rdo rje'i zhabs la mgo bas phyag byas te thal mo sbyar nas
288b4 gsol pa/bcom ldan 'das kyis bdag gis srog gi snying po dug dang 'dra ba/ mtshon dang 'dra ba/ mda' dang 'dra ba 'di bzhes la byin gyis brlab tu gsol/ zhes gsol ba dang/ bcom ldan 'das kyis
288b5 bka' stsal pa/dregs pa dam tshig can de'i dus la bab kyis/ srog gi snying po de me tog tu phul cig dang ngas byin gyis brlabs zin to/ zhes gsungs so// de nas des smras pa/ hring hring a la la/ khang so ma
288b6 ti g+hi ta i du dza/de ni bdag gi srog nas 'bod pa'i snying po lags so// bdag rbad pa'i snying po ni/ g+h+ri ma g+h+ri ma hA la hA la/ yaM yaM tse tse la ya g+h+ri ma ta/ rbad mA ra ya spu ru ti tse a pa laM mA ra ya mA ra ya rdu tse rdu tse
289a1 mA ra ya/rbad pu rbad pu mA ra ya/ de ni bdag gi sems can gsod pa'i sngags lags te/ gnod sbyin gyi skad de rig pa gzhan dang mi 'dra ba lags so// zhes gsol to// de nas pha ma rang gis
289a2 kyang phyag byas te gsol pa/bdag cag gi kyang 'di'i grogs bgyi zhing bu bzhin du bgyi'o zhes gsol nas/ snying po phul lo// badzra yak+Sha dz+wa laM d+haM d+haM mA ra ya/ pha'i snying po lags so// badzra rAg mo nA ga b+ha te b+ha
289a3 to li li rbud/ma'i snying po lags so/ zhes gsol to// de nas bcom ldan 'das kyis bka' stsal pa/ legs so legs so ma 'ongs pa'i// dus su sangs rgyas bstan pa bsrungs// rnal 'byor dam pa'i bya ba
289a4 gyis// dam nyams bstan la gnod kun sod// gnyis med chos nyid sems la bsgom// dge bcu bya zhing sdig pa spang// dam la gnas shing rang sems thul// 'di ni sangs rgyas bstan pa yin khyed// cag dam las ma 'da' zhig/ gal te dam
289a5 las 'das gyur na// rdo rjes mgo 'gas snying khrag ni// yad de zad byas dmyal bar 'gro// oM badzra tsan Ta pha ma ya d+ha d+h+rus kA lI ma sa ti hri d+ha dza ha hU~M phaT/ khyed ni sngags des
289a6 gcun par byed// oM tri d+ha tas ma ma ka li yak+Sha b+h+raM ti ha ya dza laM su tri b+ha he hU~M phaT/ des ni cho 'phrul zhi byed pa'o// de nas 'khor na gnod sbyin bye ba phrag brgyas 'di skad phul lo// oM swA hA yak+Sha che d+ha be ra nas
289b1 taM tsit+ta dzi wa sa ha hU~M phaT/bdag cag gis kyang de bzhin bgyi// kun gyis mgrin gcig gsol ba ni// nyid kyis gsungs pa bzhin du bgyi// ma bgyis nyid kyi bka' chad shog/ rdo rje dmyal bar 'gro bar
289b2 shog/ces dam bcas so// gnod sbyin gyi rgyal po ha la 'bar ba'i gsang ba'i snying rgyud las/ dam tshig la btags pa'i gleng bslang ba'i le'u ste gnyis pa'o//// de nas bcom ldan phyag rdor gyis de bsgrub
289b3 pa'i thabs bka' stsal pa/nyon cig gdug pa'i tshogs rnams nyon// ma 'ongs rnal 'byor pa'i don du/ khyod kyi bsgrub pa 'di ltar bya// gnas ni ri nag sog po gdong/ khros 'dra dred mo langs 'dra 'am// srin
289b4 mo ral pa gsigs 'drar bsngags// dam rdzas ra dang khyi dang glang// rta nag mi nag lnga yi snying// de lnga'i khrag dang thun rdzas drag/ zhi byed spre'u'i snying rma bya'i sgro/ khyod dang bdag gi gtor ma dang// bdud rtsi
289b5 chang bcas gces pa yin// dur khrod sa las gru gsum ni// nyis brtsegs nag po lho nub lta// zla gam dmar po gsum ldan pas// de la me ri sbar khab ni// thal chen dur khrod sol bar byug/ dbus su mon
289b6 nag thod pa ru/khrag dug sna tshogs thun bca' 'o// rang gi skra bshig stan bting la// bdag nyid phyag na rdo rjer 'jigs med// bstan thod nang ling ga der khyod do// dam rdzas sbyin zhing sngags gsum
290a1 bzlas// thun la brab cing de gsang gsos// sngags dbal mi bzod rdzas gsum bya// cho 'phrul chen na zhi byed bya// de dus rtags ni 'di lta ste// hor chen mkha' la rgyug skad dang// mon pa
290a2 bdud ni 'bod pa dang// mig dmar gar byed srin rdo dang// bdud rdo nag po 'phen pa 'ong// dngos su byung na rab yin no// de dus dgra bo'i yul du yang// phu ru brag gi g.ya' bral zhing// mda' nas sngar
290a3 med tshul nag ljang// bar du rgya mtsho 'khrug pa yin// dgra rnams tso pur rang 'gyel dang/ khrag skyug tsha rims 'brum nag dang// nad dang mi nad sna tshogs 'byung// de dag myur 'ong dgongs pa bsgrim// gtor
290a4 ma dam rdzas de la sbyin/khrag 'phang ling ga 'og tu mnan// de ni bu nyid rkyang bsgrub ste// mu stegs dgod ltar bsgrub 'dod na// mgo dang gzhug med gsum po dril// zhes sdang che bya lha yang med// zhag ni
290a5 bdun gsum chos mi bya// myur la mthu che khu ldog che// g.yung ste sangs rgyas zhi ltar bsgrub// shis la yun ring snying rje dang// chos la 'bar bar bya ba yin// mgo gzhug bsnyen pa bsgrub pa dang// bsad pa
290a6 las sbyar gsum du bsgrub// lhar bcas sngags bzlas legs pa yin// cho 'phrul che na zhi sngags bya// ma grub shing sa la sogs gyis// gnod sbyin thams cad kyi rgyal po ha la 'bar ba'i gsang ba'i snying gi
290b1 rgyud las/bu ha la 'bar brkyang bar bsgrub pa'i le'u ste gsum pa'o//// de nas yang ni khyed rnams nyon// pha ma bu gsum sbrag sgrub pa// byin che nus pa che bar 'dod// gru gsum gsum du spyang thod
290b2 gsum// ra sogs g.yas la ling ga bya// dbus dang g.yas g.yon gsum du ni// bu dang pha ma'i gtor ma bca'// mda' nag gsum la dar nag g.yab// snying lnga sha sna btsas rjen rul// 'o ma klu sman gsum
290b3 dam rdzas// shi shing phung pa gsum gdab cing// bya rog khyi nag bskyal ba ste// mi lpags phyogs su dgram bar bya// bdag nyid dpa' bau cher gnas bzlas// de gsum 'brub khung nang du bsam// bstim
290b4 mchod las bcol ldan gsum bzlas// rtags 'ong sngags la dza dza 'o// bsgrub pa bsad pa mA ra ya/ thun gdab phur gdab zor 'phang zhing// spyang thod gdug pa gsum du mnan// nges par sod 'gyur the tshom
290b5 med// ma grub gsum la shi sa bstan// 'di ni shi sa dbyung bsgrub ste// rgod bsgrub gong ltar sngags dang lha// sgrub tu med par shes par bya// gnod sbyin thams cad kyi rgyal po ha la 'bar ba'i snying gsang ba'i
290b6 rgyud las/gsum sbrag tu bsgrub pa'i le'u ste bzhi pa'o//// de nas yang dag bshad bya ba// dam pa kha skong las yin no// rtag tu bsgrub par 'dod pa yis// sku dang dam rdzas rtag tu bcang// lcags rdo khab
291a1 len bla rdo bcang// mi nag pags pa gdan du gding// ral pa'i khur bu mgo la bskur// gos nag gyon cing mda' nag g.yab// mon dang rigs ngan mi smad de// mi sha za zhing chang chen
291a2 btung// ma mar che dang dud pa btang// thod pa'i rnga brdung dar nag thod// ra sogs nag po'i rnga mi brdeg/ de dag dam tshig yin par gsungs// ser ba 'dod na sbag rkyang la// bsnyen pa la ni phrom re
291a3 brtags// mon dang khyi thod nang du bcas// sngags bcug 'od sha pa ta dang// a be sha a gdags par bya// phur pa yul lha klu la gdab// thod pa sngor gzhug thab zor bya// 'byung po'i nyi ma la gtad na// sa
291a4 'og 'big pa'i ser chen 'bab// ma grub lan gsum spogs par bya// des kyang ma grub shi sa bstan// sdig pa mgo dgu'i thab nang du// sbas kyang sku bcug phur bas gzer// drag po'i las la gcun sngags
291a5 gdags// bdag nyid khro bo'i zhabs 'og gzir// drug bral bsdigs pas rtags 'ong ste// gsol la las la gong bzhin gtang// ma grub phur gdab sku bsregs la// tha ma'i las su gsungs pa'o// zor
291a6 dang thun ni 'khor 'das bsngags// srog gser gnyis la rab tu bsngags// gnod sbyin gyi rgyal po ha la 'bar ba'i snying gi gsang ba'i rgyud las/ gdams pa'i le'u ste lnga pa'o//// de nas de rnams rab tu
291b1 dga' nas/bcom ldan 'das la 'di skad bstod do// stobs po che la drag shul che// rig sngags rgyal po dge ba po// gdul dka' mtha' dag 'dul mdzad pa// rdo rje bsnams la phyag 'tshal bstod// lcang lo
291b2 can gyi gnas mchog na// rig sngags gsang sngags bdag po ste// log 'dren gdon tshogs 'joms mdzad pa// bcom ldan dgyes mdzad de// rdo rje gsor nas 'di skad gsungs// dus gsum sangs
291b3 rgyas thams cad kyi// gsang ba 'dzin pa sprul sku nga'i// dam la khyed kun gnas chos nyon/ khyod ni gza' dag sgra gcan 'dzin// dbang phyug chen po zhes kyang grags// dug chen 'bar ba'i ming can
291b4 khyod// 'dir mnos bstan bsrung la 'bod// rgyud 'di gang nas de ru song// bstan 'jig ma yin kun gnod spong// snying dang 'dra ba'i gsang rgyud 'di/ khyed la 'di gtad gsang la ston// de yis sba zhing
291b5 cig la ston// ces gsungs so// gnod sbyin thams cad kyi rgyal po ha la 'bar ba'i snying gsang ba'i rgyud las/ mthar phyin pa'i le'u ste drug pa'o//// gnod sbyin thams cad kyi rgyal po ha la 'bar ba'i snying
291b6 gsang ba'i rgyud rdzogs so// mkhan po da na d+ha la dang/ lo tsa ba dz+nyA nas bsgyur ba'o////


CLOSE WINDOW