80b4 rgya gar skad du/ badzra kri yi u kra na bi ag ne dzi ha ma le tsakra nA ma tan+t+ra rA dza/ bod skad du/ rdo rje gtsug lag drag po ngan sngags me lce 'phreng ba'i 'khor lo zhes bya ba'i rgyud kyi rgyal po/
80b5 bcom ldan 'das dpal kun tu bzang po la phyag 'tshal lo// de nas rdo rje stobs po ches/ bcom ldan 'das dpal kun tu bzang po la rtags kyi mchod bstod kyis mchod de 'di skad ces gsol to// e ma 'o
80b6 bder gshegs bcom ldan 'das// lnga brgya dus kyi snyigs ma la// sngags kyi mthu 'gran byed pa'i dus// gcig la gcig dmod drag sngags 'gran// lha srin stobs 'gran byed dus su// rtags kyi rim pa
81a1 bshad du gsol// bcom ldan 'das kyis bka' stsal pa// ma 'ongs rnams kyi don phyir du// me 'khrug rtags zhu rab tu legs// 'gro la phan phyir gus par nyon// rtags ni rnam pa gsum yin
81a2 te// phyi ru snang dang nang du snang// rkyen du snang ba gsum du bshad// phyi ru snang ba gsum dag de// mi la ltas ngan 'byung ba ni// dbang po ma tshang yan lag med// yang dang sems can mgo can dang/ kha dog mi
81a3 mthun ston pa dang// gzugs mi mthun par ston pa dang// sgra dang skad log ston pa ni// mi la dngos su snang ba'o// phyugs la dngos su snang ba ni// rang dang gzugs dang kha dog rtags// dbang po 'phos dang
81a4 yan lag med// yang na lha par gyur dang rung// de dag dngos snang zhes su bshad// rang bzhin 'khor du snang ba ni// sgraM dang bzing dang 'od sgra dang// tha ma zhing la shul ba sogs// gzhan yang ltas ngan dngos
81a5 su snang// rang rang rgyud kyis ltas ngan rtags// mig dang rna ba sna dang yid// rtags la sbyar ba rab tu gces// rdo rje gtsug lag drag po ngan sngags me lce 'phreng ba'i 'khor lo zhes bya ba'i rgyud kyi rgyal po las/
81a6 dngos su snang ba'i rtags bstan pa'i le'u ste dang po'o//// de nas mi snang rtags bstan pa// srid pa lugs las byung ba dang// 'byung ba dngas snyigs 'byed pa dang// 'khor ba ru log gsum du
81b1 bstan// srid pa lugs las 'byung ba'i rtags// 'grub dang mi 'grub log rtags so// 'byung ba ru ldog de dang 'dra// mig dang rna ba sna dang yid// rab tu brtag par bya ba yin// nang gi yid yul bzhin
81b2 brtags bya// rdo rje gtsug lag drag po ngan sngags me lce 'phreng ba'i 'khor lo zhes bya ba'i rgyud kyi rgyal po las/ nang du snang ba'i rtags bstan pa'i le'u ste gnyis pa'o//// de nas rkyen snang rtags bstan
81b3 pa// bdag dang 'khor dang longs spyod sogs// 'chi dang 'bral dang na tsha dang// dgra dang dgod dang lha mi dga'// mdza' sdug sdang dang skye bo 'dra// sdug bsngal mang po 'byung ba 'di// rkyen du snang ba bshad
81b4 pa yin// rdo rje gtsug lag drag po ngan sngags me lce 'phreng ba'i 'khor lo zhes bya ba'i rgyud kyi rgyal po las/ rkyen snang rtags bstan pa'i le'u ste gsum pa'o//// de nas yid la brtags pa ni// dang po srung ba
81b5 byed dus su// mkhar bzang nang na 'dug pa dang// gos gon lag tu mtshon thogs dang// phyag mtshan tshogs kyis bsrung ba dang// dmag gi tshogs kyis bsrung ba dang// gzhan gyi tshogs rnams me tog
81b6 ltung// de dag bsrung ba'i rtags su bstan// mkhar la sgo med mkha' ngan dang// gzhan gyi dgras ni bsad pa dang// 'byung ba bzhi yis gnod byed pa// go rnams bzlog pa mi thub rtags// dgug pa'i sngags
82a1 la zhugs dus su// 'gro bzang rgyan cha phrogs pa dang// gyi ling sgrog du bcug pa dang// gzhan gyi mtshon cha phrogs pa dang// gzhan gyi snying rnams 'byin pa dang// phyag mtshan tshogs kyis drang ba
82a2 dang// sems can zhugs su chud pa dang/ khyad par ba glang tshogs rnams zhugs// de dag zhugs pa'i rtags su bshad// de las bzlog pa ma zhugs rtags// gzir ba'i rtags su bstan pa ni// sems ni smyo
82a3 dang ngu ba dang// 'o dod 'bod dang mgo rdungs byed// lus kyi rma dang khrag rnams ston// 'gro yis zer raM ci bya zer// sems can brag gi 'og tu song/ khang pa rdib dang brag ri ral// me dpung 'bar dang gcod
82a4 tshul ston// de dag gzir ba'i rtags su bstan// de las bzlog pas gzir ba'o// bzlog pa'i rtags su bstan pa ni// ri rtser chu 'dren gyen du 'dren// spyi tshugs 'gro dang shin rtsa bzlog/ gzhan gyi mtshon rtse
82a5 dum bur 'gyur// dmag rnams 'bros dang 'gyes tshul ston// de dag bzlog pa'i rtags su bshad// de las bzlog pas ma zlog pa'o// gnan pa byas pa'i rtags rnams ni// gzhan yang ngag rnams skugs pa
82a6 dang// lce gcod lce ni chen por 'gyur// lus la g.yo 'gul mi 'byung dang// sems can dag gi mnan pa dang// ri brag 'og tu bcug pa dang// lus dang yan lag chen por 'gyur// de dag shin tu mi theg
82b1 pa// gnan pa'i stobs su bshad pa yin// de las bzlog pas mnan pa'o// dbang du 'dus pa'i rtags rnams ni// bdag la phyag 'tshal skor ba byed// bdag la rgyan 'bum bka' rnams stod// rgyan rnams
82b2 bzang por ston cing mdzes// bkra shis gzugs dgra phyag 'tshal bstod// de dbang bdag gis byas pa'i rtags// de las bzlog pas ma 'dus pa'o/ kha 'chings pa yi rtags rnams ni// srog chags kha rnams
82b3 'chings pa dang// sems can lcags su bcug pa dang// sgo med mkhar du chud pa dang// rta lcags mang po sdang la rgyud// sems can bkyigs dang gos kyis gtums// dong du bcug dang ga bur gsal// de
82b4 dag bcings pa'i ltas su bstan// de las bzlog pas ma 'chings pa'o// byas pa bshig pa'i rtags rnams ni// mkhar bshig btsas rnga me tog 'thu// ri rnams thal bar song ba dang// dmag dpung rlung rnams
82b5 gtor ba dang// gzhan gyi lus zhig mthong ba dang// gzhan gyi lus la sems can za// de rnams byas pa gang gshig pa'i rtags// de las bzlog pas ma gshigs pa'o// zug pa dbyung ba'i rtags rnams
82b6 ni// lus la rnag khrag 'dzag pa dang// sems can lus la thon pa dang// brag dang sa la sems can thos// chu la sems can thon pa dang// lus la mtshon sogs byung ba ni// zug pa dbyung ba'i rtags su
83a1 bshad// de las bzlog pas ma byung rtags// byad rnams bsgral ba'i rtags rnams ni// 'dod chags zhe sdang gti mug rtags// nga rgyal phrag dog rtags rnams dang// sa chu me rlung nam mkha'
83a2 dug/yid kyi dug gsum mche dug bzhi// mig gi drug gnyis ngag dug gsum// 'dus pa bco brgyad dbu dug gsum// reg dug bcu gnyis lce dug gnyis// de dag bdag la skud cing gtor// byad ma khrol
83a3 ba'i rtags su shes// de las bzlog pas khrol ba'i rtags// dug gso bdag dang dregs pa gnyis// dug bzlog dregs pa'i gnyen por sbyor// dug 'dul rang rang gshed ma ste// nyon mongs lnga dang 'byung ba
83a4 lnga// dug chen brgyad la gnyen po brgyad// des ni nges par bzlog par 'gyur// phyag cha rang la bskor ba ni// 'khrug pa chen po 'byung ba dang// sems can rigs mthun 'thab pa dang// rang srog rang gis
83a5 gcod pa dang// srog chags mang po gsod pa dang// rigs kyi rtags chen bco brgyad dang// sha khrag longs spyod brums su brtsigs// phyag cha rang la bskor ba'i rtags// de las bzlog pas ma skor
83a6 rtags// las rnams drag tu bya ba ni// bdag la 'chi rtags bstan pa ste// bdag gi snying phyung rmi ba sogs// byung na tral ba rang brtsams te// mtshon chas lus sogs dral dang gcod// mtshon char phab pa rmi na
83b1 bral// de las bzlog pa ma bral rtags// rgya yis thebs pa'i rtags rnams ni// mchod rten bzhi 'dis rtsig dang 'dug/ sems can mchod rten 'og tu gnan// lcags su bcug dang phyag rgya bsdams// rgyas
83b2 'debs pa yi rtags su bstan// de las bzlog pa ma thebs so// 'khor lo brda yi skor thabs la// brda yi rtags rnams 'byung bar 'gyur// srog chags dngos su ston pa 'byung// bka' ldog chen po'i rtags
83b3 bstan pa// nyi zla gzas zin sos pa dang// chu la gru gtong sas 'gyur dang// seng phrug nang 'thab phyir 'gyed dang// stag ma nang 'thab phyir 'gyed dang// sho na glang chen 'gyed dang sogs// byung na bka'
83b4 chad bzlog pa yin// de las bzlog pas ma bzlog rtags// de la sogs pa'i rtags rnams ni// brgyad cu las kyis rtags pa dang// rang rang rgyud kyi rtags dang sbyar// bsdu ba'i khyad par shes par bya// de
83b5 dag dus su sngags bzlas pa// rnams pa gsum du shes par bya// dbyangs kyi ru khugs sbyar ba ni// gang rung rtsa ba'i thems gnyis su// dbyangs yig bcu drug bzhugs par bya// phyed phyed dgra bgegs snying po
83b6 ste// 'jug tu mngag gzhug snying po dang// las kyi sngags kyis btu bar bya// de las bcu dang dgu la sogs// bsdu na gsum du 'gyur zhes bya// bcu dang dgu sbyar la sogs te// gsum ni bsnyen bsgrub
84a1 gsum du bya// bsnyen pa gong du sbyar ba bzhin// bsgrub pa las la sbyar bar bya// drag sngags me bzlog rnam lnga la// las kyis phye na dgu dang bcu// bsdu na dus thug nang thugs gsum// rtsa ba
84a2 rang 'thad rnam pa lnga// phyi dang nang dang gsang ba dang// gsang chen dang ni sbas pa gter// rtsa ba gcig las lngar 'gyur te// las kyis phyi na dgu dang bcu// dgug nas rgyas 'debs bar du'o// bsdus na
84a3 gsum ni gsang ba'i las// bzlog na rnal ma dgug pa gsum// dkrug pa sde ru bstan pa ste// bzlog pa 'bru ru bstan pa yin// rnal ma'i las dang gsum du bstan// dgug nas 'debs pa'i bar dag
84a4 tu// dbyangs dang rme bzlog gnyis kyi yang// thun mong las su shes par bya// 'khor lo brgya dang rtsa brgyad ni// zla gsang las rgyud chen por shes// li'u khri dang drug stong ste// gsang ba'i gsang ba sgrol ba'i
84a5 rgyud// rtags 'khor me lce 'bar ba'i rgyud// chu dang 'dra ba'i sems can la// sbyin par bya ba ngas ma gsungs// gsang ba'i gtad rgya bdun gyi las// rtsa ba'i las rgyud chen po las// thun mong rgyud drug phyi ma
84a6 drug/man ngag rgyud drug bshad rgyud drug/ gsang chen kun gyi rgyud chen 'di// sbyi 'grel chen po 'dren pa'i lung// ngo mtshar man ngag 'brel pa'i las// yan lag kun ldan gsang ba'i rgyud// yon tan rgyas
84b1 pas kun gyi mdo// ji ltar nam mkha' lding gi rigs// gcig dang skye ba'i bye brag gis// rigs kyi bye brag rnam pa bzhi// dri za'i grong dang sangs rgyas bzhi// sgo dang byin brlabs mtha' yas pa// rgyud lung
84b2 man ngag mdo la sbyar// dpag bsam shing gi phur bu dang// bum pa 'dra ba'i rgyud chen 'di// rigs can gang zag 'ga' zhig las// kun gyi thun mong ma yin te// dag pa'i gang zag 'ga' zhig snang// snod
84b3 min gang zag rnams la ni// rna lam du yang grags mi 'gyur// des na shin tu mi bsgrag go/ rdo rje gtsug lag drag po ngan sngags me lce 'khor lo zhes bya ba'i rgyud kyi rgyal po las/ rtags dang man ngag gi rgyud
gtad ba'i le'u ste bzhi pa'o/

CLOSE WINDOW