56a4 rgya gar skad du/ badzra pA Ni tsakra kri yi tan tra/ bod skad du/ phyag na rdo rje gtsug lag 'khor lo'i rgyud rdo rje gsang ba'i bdag po la phyag 'tshal lo// de nas gsang ba'i bdag po
56a5 lag na rdo rjes// dpal kun tu bzang po la bstod pa dang gsang ba'i mchod pa sna tshogs pas mchod de/ gsang ba'i bdag pos gsol pa/ e ma ho rdo rje gdan la bzhengs/ lta ba ngan cing chags bral
56a6 che// bka' yi bstan pas 'dul mi 'gyur// dus kyi tha mar gyur pa'i tshe// las kyi 'khor lo bskor ba dang// sngags kyi skyon mthong spang ba'i phyir// zhe sdang rgyud sde bye ba bdun// bshad pa'i lde mig du yis
56b1 'byed// bcom ldan bdag la bka' stsal gsol// zhes zhus pas/ de'i tshe de'i dus su 'jig rten gyi khams grangs med pa kun tu g.yos/ rab tu g.yos nas 'jigs pa'i longs spyod sna tshogs par gyur
56b2 to// de nas dpal kun tu bzang pos/ rdo rje dngos grub kyi ting nge 'dzin la snyoms par zhugs nas/ lus rdo rje bdun gyis byin brlabs nas/ de'i the tshom bka' stsal pa/ e ma nyon cig gsang ba po// bskal
56b3 pa tha ma'i bstan pa la// las kyi 'khor lo bskor ba dang// sngags kyi skyon mthong spangs pa'i phyir// rdo rje rigs kyi rgyud sde rnams// gsang sngags bye ba phrag bdun te// bsdus pas dam pa brgyad la thug/ lde
56b4 mig rnam pa gsum gyis 'byed// thems ni 'khor lo lde mig yin// tshad ma sngags kyi lde mig yin// rtsis ni man ngag lde mig yin// dang por thems kyi man ngag bshad// dam pa rnam pa brgyad rnams
56b5 la// 'khor lo rnam pa bzhi ru 'gyur// chos sku longs sku sprul sku gsum// spul pa'i sku las 'khor lo brgyad// 'dul byed lha yi 'khrul 'khor dang// me lha gshin rje 'khrul 'khor dang// srin po klu yi 'khrul
56b6 'khor dang// rlung lha gnod sbyin 'khrul 'khor dang// dbang ldan 'byung po'i 'khrul 'khor ro// de ltar dam pa brgyad po las// re re yan lag bzhi dang ldan// bsrung pa thun mong ma yin dang// gsang ba thun
57a1 mong ma yin dang// rig sngags rtsod pa'i 'khrul 'khor dang// spog pa thun mong ma yin pa// 'khor lo rnam pa bzhi ru 'gyur// yan tra man tra tan tra yis// phye bas rnam pa gsum du 'gyur// ldog
57a2 sdug 'khyam dang po ba yis// phye bas rnam pa bzhi ru 'gyur// sku las byung ba'i 'khor lo ni// rim pa gnyis dang ldan pa la// dang po sku gsum rtag gsum mtshan// gnyis pa spu gri 'khor lo brgyad// spu gri
57a3 'khor lo gsum gsum ldan// dbyibs dang kha dog 'di ltar snang// mtshon cha 'bar ba'i rtsibs brgyad la// dam pa brgyad kyi rjes 'brang nas// sngags te nyi shu rtsa brgyad dgod// las mtha' rgyas 'bring tha ma
57a4 dang// shin tu bsdus dang bzhi ru bshad// rgyas pa'i las mtha' sum cu drug/ 'bring la nyi shu brgyad dam bzhi// tha ma las mtha' bco brgyad do// shin tu bsdus na 'phrin las bzhi/ kha dog las dang bstun
57a5 par bya// rang dang gzhan dang mu stegs gsum// sde pa gsum la 'khrul 'khor bzhi// de yi las rnams gdon mi za// phyag na rdo rje gtsug lag 'khor lo'i rgyud phyi ma las/ thems bstan pa'i le'u ste dang
57a6 po'o//// las kyi 'khor lo bskor ba dang// sngags kyi skyon mthong spang ba'i phyir// sngags kyi tshad ma rgyas 'bring bshad// skrag dang 'jil dang rig sngags bcad// gnod pa las 'joms 'jig par
57b1 byed// brlag dang mthar byed 'gugs pa dang// byed dang grub dang chud mi za// rang bzhin bsrung dang zhi rgyas dang// rengs dang rmug pa'i gsang sngags dang// thams cad 'byed dang 'byin pa dang// gnod pa
57b2 sel dang gnod las thar// dbang po tshe zad nyams pa dang// phun sum tshogs dang rgyab kyis phyogs// sdang dang mdzes dang mthun min pa// 'gribs dang gnod dang 'jigs dang 'phong// byad stems gza'
57b3 dang rgyu skar dang// mi bzad 'byung dang mthong ba dang// las kyi yan lag gang byed pa// dang po nas bzung brgyad la thug/ gnyis pa nas bzung bcu la gtug/ gsum pa nas bzung sum cu gtug/ sum cu drug
57b4 la tshang bar bshad// nyi shu brgyad bzhi lha mos bshad// bco brgyad bzhi pa mkha' 'gros bshad// rtsa ba dkrug pa ma byas na// snying po byin rlabs nyams pa'i rgyu?// gsang mdzod gshig pa ma byas na// sngags kyi
57b5 sgra rnams nyams pa'i rgyud// 'dab ma spo ldeg ma shes na// las kyi kha tshar nyams pa'i rgyud// bsnyen pa'i spogs pa ma byas na// dregs pa'i lha srin dbang mi 'dus// sgrub pa'i spogs pa ma byas na// dregs pa'i
57b6 lha srin 'gyur ldog che// las la spogs pa ma byas na// dregs pa'i lha srin las mi byed// 'phrin las gsum bskor ma shes na// gyad dang dbul mo'i gter dang 'dra// las kyi mtha' bzhi ma shes na// las
58a1 rnams 'grub pa ga la 'gyur// 'khrul 'khor rnam gsum ma shes na// las kyi mtha' gsum ga la 'grub// las sngags bco brgyad ma ldan na// las rnams 'grub par ga la 'gyur// phyag na rdo rje
58a2 gtsug lag 'khor lo'i rgyud phyi ma las/tshad ma bstan pa'i le'u ste gnyis pa'o//// las kyi 'khor lo bskor ba dang// sngags kyi skyon mthong spang pa'i phyir// rtsis kyis las la bdun du bshad// bsnyen
58a3 bsgrub las la dgu ru bshad// gtso bo'i bsnyen pa gsum du bshad// 'khor gyi bsnyen pa bzhi ru bshad// gsang chen bsnyen pa gnyis su bshad// de bzhin las la shes par bya// dkrug pa'i 'khor lo rgyas
58a4 'bring tha// rnal ma zlog pa de bzhin sbyar// rme bzlog rtsa ba gcig nyid la// phye bas rnam pa nyi shur bshad// bsdus pa rnam pa bdun du 'gyur// kha skong sbyangs pas dgu ru 'gyur// mthar thug rnam pa gcig
58a5 las med// byab pa sgro sna bco brgyad de// brab pa rdzas sna bco brgyad do// bkru ba rnam pa bco brgyad do// bsdus dang drel bas rgyas 'bring gsum// gtso bo rgyas 'bring bzhi nyid la// yan lag brgya rtsa 'bum du
58a6 gdags// phyag na rdo rje gtsug lag 'khor lo'i rgyud phyi ma las// rtsis bstan pa'i le'u ste gsum pa'o//// gsang ba las kyi rgyud chen 'di// lde mig gsum dang bcas pa ste// dus kyi tha mar gyur pa'i
58b1 tshe// 'khrul 'khor brgyad du lha mos bshad// rtsa ba gcig la yan lag brgyad// rab tu gsang zhing sba bar gyis// yan lag brgyad la gsang ba brgyad// rab tu gsang zhing sba bar gyis// gsang ba brgyad la
58b2 mdo don gcig/rab tu gsang zhing gab bar gyis// mdo don gcig la rgyas 'bring tha/ rab tu gsang zhing gab par gyis// rgyas 'bring gsum la spu gri gcig/ bar tu gsang zhing gab bar gyis// spu gri gcig
58b3 la me long dgu// rab tu gsang zhing gab par gyis// zhes bka' stsal pas// gsang ba'i bdag po dang drag po chen po'i 'khor rnams yi rangs te/ bcom ldan 'das kyi gsungs pa la mngon par bstod
58b4 do// phyag na rdo rje gtsug lag 'khor lo'i rgyud phyi ma las/ rgyud ji snyed pa gtad pa'i le'u ste bzhi pa'o//// rdzogs so////
58b5
58b6 rgya gar skad du/


CLOSE WINDOW