52b1 rgyud 'bum gyi lde mig gcig rgyud gdams pa'i le'u ste bzhi pa'o//// rgya gar skad du/ ya ma tsakra kri ya tan tra/ bod skad du/
52b2 gshin rje gtsug lag gi 'khor lo'i rgyud/ rdo rje gsang ba gshin rje gshed la phyag 'tshal lo// gsang ba'i bdag po lag na rdo rjes dpal kun tu bzang po la bstod pa dang mchod pa sna tshogs pas mchod pa
52b3 dang/gsang ba'i bdag pos gsol pa/ bskal pa tha ma'i bstan pa la// mtshams med lnga yi las 'byung ste// sangs rgyas bstan la 'tshe ba la// las kyi 'khor lo bskor ba dang// sngags kyi skyon mthong spangs
52b4 pa'i phyir// rgyud gzhan dag tu ma gsungs pa'i// gshin rje'i rgyud don 'bum phrag rnams// bshad pa'i lde mig du yis 'byed// bdag gis mi 'tshal bshad du gsol// zhes tshig dang bcas pas zhus pa/ de'i
52b5 tshe de'i dus su 'jig rten gyi khams grangs med pa kun tu shin tu 'jigs pa'i sgra dang/gzugs dang/ dri dang/ ro dang/ reg bya byung ste/ thams cad 'jigs shing skrag par 'gyur ro// de nas kun tu bzang
52b6 pos shin tu gsang ba'i dngos grub kyi ting nge 'dzin la snyoms par zhugs pa dang/de'i the tshom bka' stsal pa/ nyon cig gsang ba'i bdag po nyon// sangs rgyas bstan pa bsrung ba dang// rak+Sha gdong dmar
53a1 'dul ba'i phyir// las kyi 'khor lo bskor ba dang// sngags kyi skyon mthong spangs pa'i phyir// rgyud gzhan dag tu ma gsungs pa'i// gshin rje'i rgyud don 'bum phrag rnams// lde mig rnam pa
53a2 gsum gyis dbye// thems kyi 'khor lo'i man ngag yin// tshad ma sngags kyi lde mig yin// rtsis ni man ngag lde mig yin// las kyi 'khor lo bskor ba dang// sngags kyi skyon mthong spangs pa'i phyir// dang
53a3 por thems kyi man ngag bshad// de la skyon yon rnam bzhi ste// ldog dang 'khyam dang lto bral dang// 'khor lo rtag tu 'khor ba bzhi// re re yan lag gsum gsum dang// man ngag med dang yan lag
53a4 nyams// bca' ba nyes pa gsum du bstan// de las zlog pa yon tan yin// las kyi 'khor lo bskor ba dang// sngags kyi skyon mthong spangs pa'i phyir// rtsa ba'i 'khor lo bzhi ru bshad// snying kha lte ba gsang
53a5 ba dang// yan lag bzhi la gnas pa ste// gnas dang srid dang sprul dang gcod// gnas dang phyi mo 'gyur dang spyod// mu la rtsa ba kha gnon stobs// me dbal snying brtsegs spu gri bzhi// chos sku longs sku sprul
53a6 sku gsum// lha srin sde brgyad bzhi la snang// sngags kyi yan lag rgyas par ni// 'khor lo bzhi las 'byung bar bshad// las kyi 'khor lo bskor ba dang// sngags kyi skyon mthong spangs pa'i phyir// spyi yi gdam
53b1 ngag bzhir shes bya// 'khor lo bca' dang drang lug dang// bsre dang 'khor lo spro ba ni// spyi yi gdam ngag yin par bshad// ci yi phyir na 'khor lo ste// 'pho zhing 'phen par byed pa dang// gcod cing 'bigs
53b2 par byed pa dang// ma tshang med cing gnas pa dang// 'khor zhing 'gyur bas 'khor lo yi// 'gyur med thems kyi man ngag las// rnal 'byor rme 'thab byed pa'i tshe// thems kyi 'khor lo 'di ltar dbye// rig
53b3 sngags bsrung dang gnan pa dang// bzlog dang bcing dang dral ba dang// dbye dang rigs sngags gshed du dbab/ kha 'ching gser gyi 'khor lo dang// de 'byed lcags kyi lde mig dang// sdom byed lcags kyi khyung
53b4 mo dang// 'ching byed sbrul gyi chun po dang// gson byed srog go 'khor lo yis// rnal 'byor rig sngags gtan la 'bebs// drag sngags khri zhugs stong zhugs kyang// gsad pa'i sngags su 'di las
53b5 med// gcig dang gnyis dang gsum dang bzhi// lnga dang drug dang bdun bar du// mkhas pas rigs kyis sdebs te bzlas// gshin rje gtsug lag gi 'khor lo'i rgyud phyi ma las// thems bstan pa'i le'u ste
53b6 dang po'o//// las kyi 'khor lo bskor ba dang// sngags kyi skyon mthong spangs pa'i phyir// sngags la rnam pa lnga ru bstan// rtsa ba dam tshig yang snying dang// bzhi snying gcig tu dril ba dang// chos sku sngags te
54a1 lnga ru bstan// mgo mjug kun la sbyar bar bya// las kyi 'khor lo bskor ba dang// sngags kyi skyong mthong spangs pa'i phyir// sngon du bsnyen pa'i las lnga bstan// gzung dang bskyed dang gnas dang
54a2 bskul// las la bzhag thabs lnga ru bstan// snying po 'byin bskyed rab tu zab// de ma grub na rang rgyud brlag/ las kyi 'khor lo bskor ba dang// sngags kyi skyon mthong spangs pa'i phyir// bzlog tu med pa'i
54a3 snying po la// rnam pa bzhi ru shes par bya// bskyed dang grub dang chud mi gson// sna tshogs las te bzhi ru bstan// bskyed la bsnyen 'dzab drag po'i dus// de bzhin gzhan la bzhi ru bstan// mgo dang mtha'
54a4 btus dang sbrul dang// gdags dang yan lag lnga ru bstan// las kyi yan lag gang la yang// rtsa ba dam tshig yang snying dang// bzhi snying chos sku 'bru sdeb sngags// de yis sna tshogs las rnams 'grub// bdag
54a5 gzhan sngags kyi tshad ma rnams// gzhan du bshad pas 'dir ma bstan// gshin rje gtsug lag gi rgyud phyi ma las/ tshad ma bstan pa'i le'u ste gnyis pa'o//// las kyi 'khor lo bskor ba dang// sngags kyi
54a6 skyon mthong spangs pa'i phyir// rtsis kyi rnam grangs bco lngas bstan// 'od tshon dmag dang rtsa ba dang// srog dang ka ba rtod thag dang// skyes bu yang snying rtod phur du// mtshon cha 'khor lo kha gnon gtong// sgyur
54b1 ba'i las de rnam grangs so// las kyi 'khor lo bskor ba dang// sngags kyi skyon mthong spangs pa'i phyir// bsgrub lugs rnam pa gsum du bstan// sangs rgyas drag sngags 'gong po gsum// bcud kyi snying po chung
54b2 la bsgrub// dang po sangs rgyas bsgrub pa yang// zhi khro phur pa pad+ma dang// 'jam dpal phyag rdor mkha' lding nyid// lngas ni rang gi rgyud du shes// don gyi man ngag sdebs shes na// 'di ru bsdebs pas
54b3 'gal pa med// sku dang gsung dang thugs dang ni// yon tan 'phrin las rnam lnga ni// dkar dmar gnag dang ljang ser lnga// gsang ba'i nyi ma bzhi ru shes// drags sngags 'khor lo thems bskor dang// rtsis
54b4 byed rtsis la 'jug pa dang/khram byed khram la 'debs pa dang// thogs med ging gis brlag pa dang// tha ma spu mtha' 'khor los gsad// spu gri mda' yi 'khor lo dang// mda' len 'ben 'dzugs ma shes
54b5 na// 'khor lo de ni bar na 'khyam// mi shi khyi lus ma shes na// 'khor lo de ni rang la ldog/ rta shi g.yag 'gyel ma shes na// 'khor lo de ni 'khor la ldog/ rus sbal 'jing sgril ma shes na// zhi khro'i dgra sdang
54b6 mi thub bo// seng ge kha 'thab ma shes na// phur pa'i dgra sdang mi thub bo// stag mo mchi 'thab ma shes na// gshin rje'i dgra sdang mi thub bo// sbrul gyi chu 'khor ma shes na// ma mo'i dgra sdang mi thub bo// rme
55a1 'thab thems kyi 'khor lo las// zhi khro mkhan dang 'gras srid na// pho nya de yi sna yang bzlog/ phur pa mkhan dang 'gras srid na// phur pa de yi dbal kyang bsad// gshin rje mkhan dang 'gras
55a2 srid na// 'khor lo de yi gzhi yang gsum// ma mo mkhan dang 'gras srid na// ma mo rnams kyi byad kha bsdu// 'jig rten mkhan dang 'gras srid na// the rang de yi rkang yang gcag/ gsod byed rtsis kyi man ngag
55a3 las// byas pa gshig dang zhen pa bzlog/ gnas pa po dang zug pa phyung// bcings pa sgrol dang sde brgyad dkrug/ phan bya gnod par btang ba ste// gsang thems 'khor lo'i man ngag yin// rnam gsum las
55a4 kyi tha ma ni// ya man ta ka bdud bsgrub dang// rgyal po btsan dang ma mo dang// klu gnyan rnams la rims bzhin du// rang rang rgyud du shes par bya// las kyi 'khor lo bskor ba dang// sngags kyi skyon mthong
55a5 spangs ba'i phyir// yang na gtsug lag man ngag las// drag sngags bsgrub dang 'khor lor bsgrub// gnyis kyi gang rung las la sbyar// don gyi man ngag shes par gyis// las kyi 'khor lo bskor ba
55a6 dang// sngags kyi skyon mthong spang ba'i phyir// 'khor lo las ka 'bum phrag las// bsdu na rnam pa bcu ru shes// zhi rgyas dbang drag dbye ba dang// dgug dang gnan dang smyo 'bog dkrug/ bskrad pa'i las te
55b1 rnam pa bcu// las kyi 'khor lo ma sgyur na// sngags kyi swa yis mi 'grub phyir// 'khor lo bgrang lugs shes par bya// sgo sgo g.yu yi spyang mo yis// so so'i las la sbyar bar bya// las kyi 'khor lo bskor ba
55b2 dang// sngags kyi skyon mthong spangs ba'i phyir// spogs thabs rnam pa bzhir shes bya// gsang ba sngags kyi ngo bo slang// 'chi bdag mo yi ar la gtad// gshin rje lto dkrug 'khor lo thems su gtem// de
55b3 yis las rnams gdon mi za// spyi yi gtsug lag rnam gsum ni// gsang sngags spyi dang khyad par sgo// spu gri gcod du shes par bya// spyi ni lha grub thams cad la// gsang ba dbyangs yig gtang lugs
55b4 te// bshad pa'i rgyud du shes par bya// khyad par sgo yi gtsug lag ni// rtsa ba'i rgyud du shes par bya// spu gri gcod kyi gtsug lag ni// phyi ma rgyud drug dag tu shes// 'di ni phyi ma man ngag rgyud// gsang sngags
55b5 brda yi tshul ni shes// gsang sngags brda yis ma smras na// sngags kyi dngos grub mi 'byung ngo// des na gsang zhing gab par bya// gshin rje gtsug las gi rgyud phyi ma las/ gsang thems gtsug lag gi le'u ste
55b6 gsum pa'o//// tshig gsum dag gis gsang byas la// gang zag gsum la gsang bar bya// sngags kyi gtsug lag ma shes na// 'phrin las bya ba'i las la rmongs// bsgrub pa mi 'grub thang sha chad// yi dam
56a1 chos la dad mi skye// de phyir gtsug lag rab tu gces/ kha nas me 'bar khong du sbrul zhugs kyang// skad cig tsam yang kha ru dbyung ba men// su la mi bstan rang gi nyams su bzhag/ sangs rgyas
56a2 bstan pa bshig pa ma gtogs so// zhes bka' stsal pas/ gsang ba'i bdag po dang drag po chen po'i 'khor rnams yid dga' ste// bcom ldan 'das kyi gsungs pa la mngon par bstod do// gsang sngags
56a3 gtsug lag man ngag gi rgyud phyi ma rgyud 'bum gyi lde mig go/rgyud gdam pa'i le'u ste bzhi pa'o//// gshin rje gtsug lag gi 'khor lo'i rgyud phyi ma rdzogs so////


CLOSE WINDOW