45b1 kro d+ha tsa kra kri yi tan tra/ bod skad du/ khro bo gtsug lag 'khor lo'i rgyud bcom ldan 'das che mchog he ru ka la phyag 'tshal lo// de nas gsang ba'i bdag po lag rdo rje
45b2 dpal kun tu bzang po dur khrod kyi tshogs kyis rab tu mchod de/ngo bo nyid kyis rab tu mchod de// ngo bo nyid kyis rab tu bstod do// 'bar ba'i gar dgus lus kyi sgo nas rab tu yang bskul ba mdzad
45b3 do// bcom ldan 'das yum gyi mkha' las 'bar ba'i gar dgus bzhengs nas/ gsang ba tshogs kyi 'khor rnams kyis// bsam pa ji ltar mkhyen gyur nas// drag po the tshom bka' stsal pa/ khro bo'i rgyud don
45b4 'bum phrag rnams// mdor bsdus rnam pa gcig las med// las kyi 'khor lo bskor ba dang// sngags kyi skyon mthong spangs pa'i phyir// dang pos thems kyi rim pa bshad/ khro bo rgyas 'bring gsum du
45b5 bstan// de las gsang ba'i sku 'khor gsum// rgyas 'bring tha ma gsum bstan no// bcu dang brgyad dang bzhi rnams so// rim pa gnyis dang ldan pa la// dang po sku gsum mtshan ma gsum// gnyis pa rin chen
45b6 zur brgyad la// 'bar ba'i rin chen zur brgyad mdzes// rgyas 'bring tha ma'i gsang sngags dgod/ kha dog las dang rjes mthun pa'o// 'khor lo ldog dang 'khyam pa dang// lto bral rtag tu 'khor ba dang// skyon
46a1 spangs yon tan bzhi dang ldan// de las rnam pa gsum du 'gyur// 'dod chags gshig pa'i 'khor lo dang// zhe sdang gcad pa'i 'khor lo dang// phyir ldog drag po'i 'khor lo'o// de yang yan
46a2 lag gsum gsum ldan// de las bzhi dang bcu pa dang// brgya rtsa gcig dang las phran 'bum// 'khor lo thems zhes bshad pa yin/ khro bo gtsug lag 'khor lo'i rgyud phyi ma las/ thems bstan pa'i le'u ste
46a3 dang po'o//// gnyis pa tshad ma'i las rnams ni// spyi zab dang ni dgos zab po// spyi sngags gsang ba 'bru brgyad la// mchod dang thun mongs las ka ni// bzhi bcu rtsa bzhi shes par bya// dgos zab 'khor
46a4 lo bstan pa ni// rtsa ba dgu la 'khor lo dgu// yan lag gsum dang ldan pa'o// dbang po brgyad la 'khor lo brgyad// yan lag gsum dang ldan pa'o// yul brgyad 'khor lo brgyad yin te// yan lag
46a5 bdun dang ldan pa'o// nyi shu rtsa brgyad 'khor lo ni// nyi shu brgyad las rnams 'grub// yan lag gsum dang ldan pa'o// de la las kyi dbye ba sbyar// bzlog dang dkrug dang rnal ma gsum// rme zlog lnga dang
46a6 gsang ba bdun// gcad pa brgyad dang brab sngags dgu// gshig sngags brgyadadang bcun sngags bzhi// gsang sngags nyi shu rtsa brgyad dang// gsang 'byed bzhi la 'khor lo bzhi// yan lag gsum dang ldan
46b1 pa'o/khro bo gtsug lag 'khor lo'i rgyud phyi ma las/ tshad ma bstan pa'i le'u ste gnyis pa'o//// gsum pa rtsis kyi las rnams ni// bsnyen pa dngos po gsum du bya// yan lag rtags pas bdun du
46b2 bya// bsnyen bsgrub brgyas 'bring gsum du bya// rtsod pa'i 'khor lo nyi shur gsungs// lngas ni dang gi rnal 'byor sgrol// yig 'bru brgyad pa las sngags so// lngas ni phyi rol rnal 'byor sgrol// yig brgyad pa
46b3 las sngags so// lngas ni nyan thos de bzhin sgrol// yig 'bru brgyad pa las sngags so// lngas ni log 'dren mu stegs sgrol// yig 'bru brgyad pa las sngags so// las kyi 'khor lo bstan pa ni// spyi dang bye
46b4 brag 'khor lor bstan// spyi ni rtsa ba gcig pas 'bum// sgo ni lha re 'khor lo 'bum// las tshogs rgyas 'bring bzhi ru bstan// bskor thabs gsum las rnams pa dgu// phyi bskor gcig la las phran
46b5 bcu// nang bskor gcig la las phran bcu// gsang bskor gcig la las phran bcu// gsang chen las bzhir 'khor lo rdzogs/ khro bo gtsug lag 'khor lo'i rgyud phyi ma las/ rtsis bstan pa'i le'u ste bzhi
46b6 pa'o///// gsang mchog thabs kyi rgyud rgyal 'di// gsang chen 'khor lo rgyud mchog ste// mang du grags na dmyal bar ltung// 'khor lo dam pa rab gsang ba// yongs su grags par ngas ma bshad// bcom
47a1 ldan 'das kyis de skad ces bka' stsal pa dang/gsang ba'i bdag po lag na rdo rje la sogs pa'i 'khor rnams yi rang ste/ bcom ldan 'das kyi gsungs pa la mngon pa bstod do/ khro bo gtsug
lag 'khor lo'i rgyud phyi ma las/

CLOSE WINDOW