CLOSE WINDOW

Gpb051.002
བོད་ཡིག

/// rdo rje gtsug lag 'khor lo gsum pa'i rgyud rdzogs so//// rgya gar skad du/ kri ya badzra tsakra ma hA tan tra// bod skad du/ 'phags pa rdo rje gtsug lag gi 'khor lo'i rgyud chen po/dpal kun tu bzang po la phyag 'tshal lo// 'di skad bdag gis thos pa'i dus gcig na/ bcom ldan 'das gsang ba bsam gyis mi khyab pa'i ngang dang ldan/ gsang ba'i b+ha ga las bzhengs nas// gsang ba'i mkha' la bzhugs pa la// gsang ba'i rigs kyi 'khor rnams kyi bskor te bzhugs so// de nas gsang ba'i bdag po rdo rje 'chang gsang ba'i b+ha ga las langs nas// bcom ldan 'das la gsang ba'i gar gyis sbyor ba'i mchod pa brgya phrag du ma byas te// gdul bya bsam gyis mi khyab pa la gzigs nas// bcom ldan 'das la 'di skad ces gsol to// e ma bde gshegs bcom ldan 'das// gsang ba'i 'khor lo rgya chen rnams// ma 'ongs pa yi don du zhu// 'khrul 'khor dbye ba ji ltar lags// 'khrul 'khor ngo bo ji ltar lags// 'khrul 'khor bca' ba ji ltar lags// 'khrul 'khor bri ba ji ltar lags// 'khrul 'khor ldegs pa ji ltar lags// 'khrul 'khor lto bral ji ltar lags// rtag tu 'khor lo ji ltar lags// 'khrul 'khor bskor ba ji ltar lags// 'khrul 'khor sdebs pa ji ltar lags// dkrug pa'i 'khrul 'khor ji ltar lags// zlog pa'i 'khrul 'khor ji ltar lags// gtor ba'i 'khrul 'khor ji ltar lags// thabs kyi 'khrul 'khor ji ltar lags// shes rab 'khrul 'khor ji ltar lags// ma ning 'khrul 'khor ji ltar lags// dbus 'khor 'khrul 'khor ji ltar lags// mtha' skor 'khrul 'khor ji ltar lags// zhes gsol pa dang/ bcom ldan 'das kyis bka' stsal pa// ma 'ongs rnams kyi don phyir du// 'khrul 'khor zhu ba rab tu legs// 'khrul 'khor don rnams ngas bshad kyis// 'gro la phan phyir gus pas nyon// dang po 'khrul 'khor dbye ba yang// rnam grangs bcu ru shes bya ste// phyi la gsum la nang la gsum// gsang ba gsum la gsang chen gcig/ phyi yi 'khrul 'khor bstan pa ni// yan tra man tra tan tra gsum// nang gi 'khrul 'khor bstan pa ni// dbang po rtsa dang sems nyid gsum// gsang ba'i 'khrul 'khor bstan pa ni// chos dang longs spyod sprul pa gsum// gsang chen 'khrul 'khor bstan pa ni// lha gdon dbye ba'i 'khrul 'khor ro// 'khrul 'khor ngo bo bstan pa ni// ngo bo bcu ru shes bya ste// zhi bas 'jigs pa brgyad la skyob// rgyas pas yon tan drug dang sbyor// gsang bas dbang po drug ching byed// dbang gis mos pa rnam bzhi bsgyur// dgug pas gnas gsum mngon du 'gyur// gnan pas las gsum gnon par byed// bskrad pas bzhi pa'i mtshams la sbyor// lkugs pas rten zhing lkugs par byed// dbye bas gsang ste brgyad dang dbye// smyo bros rten bzhi smyo bar byed// 'khrul 'khor las kyi ngo bo yin// 'khrul 'khor bca' lugs bcu yin te// phyi gsum nang gsum gsang ba gsum// gsang chen spu gri 'khor lo yin// 'khor lo bri ba bstan pa ni// phyi gsum nang gsum gsang ba gsum// gsang chen spu gri'i 'khor lo rdzas// bri ba rnam pa bcu yin te// rang rang rdzas ni bcus bri ba// rgyas dang bsdus dang shin tu bsdus// zhi ba zla ba'i dkyil 'khor te// rgyas pa glang gi rgyab tu bya// dbang ni bud med snying khar brtsams// bsad pa gshin rje'i lto ba ru// dgug pa dre dang seng ge gnyis// mnan pa rdo rje rgya gram mo// bskrad pa rnga mo'i rgyab tu bya// bkug ba lug gi khong du gzhug/dbye ba rta dang ma he gnyis// smyo 'bros shan dmar rgyab tu bya// 'khrul 'khor ldegs pa bcu yin te// phyi dang nang dang gsang ba dang// re re yan lag gsum dang ldan// man ngag med dang yan lag nyams// gsang chen spu gri 'khor lo ni// dbye med yan lag gsum dang ldan/ khyam dang lto brag rtag 'khor ni// de ltar yan lag bcu bcu ldan// gsum gsum dbye ba de bzhin sbyar// bskor ba rnam pa bcu yin te// phyi dang nang dang gsang ba gsum// gsum gsum dag tu so sor dbye// spu gri gsang chen gcig tu 'dus// phyi bskor bcu ni nad kyis dbye// nang bskor bcu ni lus su dbye// gsang bskor bcu ni phyir bzlog go/gsang chen spu gri gcig tu 'dus// sdebs pa rnam pa bcu yin te// de la rnam pa gsum du 'gyur// rtsa ba rang thad sdebs pa dang// dbyangs kyis ru khug sdebs pa dang// drag sngags sme zlog sdebs pa gsum// dbyangs la rnam pa bcu ru 'gyur// de la phyi nang gsang ba gsum// rtsa ba rnam pa bcu yin te// de las rnam par gsum du 'dus// drag sngags rnam pa bcu yin te// de las yang ni gsum du 'gyur// de rnams las ni gang 'grub dang// dang po 'khor lo lha gdon dbye// gnyis pa bsgrub thabs ma bu sprad// gsum pas gsang sngags ngo ti sprad// bzhi pas gsang sngags 'khrug pa sdebs// sdebs pa rnam pa bcu ru 'gyur// phyi nang bcu dang spu tri bcu// las phrad bcu phran bcu ru sdebs// bkrug pa gcig la yan lag bcu// de nas bsdu na rnam pa gsum// zlog pa gcig la yan lag bcu// de las bsdu na rnam pa bzhi// gtor ma gcig la rnam pa bcu// de las bsdu na rnam pa lnga// shes rab gcig la yan lag bcu// de las bsdu na rnam pa drug/ thabs gcig la ni yan lag bcu// de las bsdu na rnam pa bdun// dbus bskor gcig la yan lag bcu// de las bsdu na rnam pa brgyad// mtha' bskor gcig la yan lag bcu// de las bsdu na rnam pa gsum// ma ning gcig la yan lag bcu// de las bsdu na rnam grangs gsum// rdo rje gtsug lag gi 'khrul 'khor gyi bshad rgyud las/ 'khrul 'khor brgya rtsa brgyad bshad pa'i le'u ste dang po'o//// de nas gsang pa'i bdag po rdo rje 'dzin pas// bcom ldan 'das dpal kun tu bzang po la 'di skad ces gsol to// e ma bde gshegs bcom ldan 'das// ma 'ongs rnams kyo don phyir du// sngags kyi de nyid bshad du gsol// zhes gsol pa dang/ bcom ldan 'das kyis bka' stsal pa/ma 'ongs rnams kyi don phyir du// sngags don zhu ba rab tu legs// sngags kyi don rnams ngas bshad kyis// 'gro la phan phyir gus par nyon// dang por ming gis rigs pa yang// bka' tsan rdo rje'i yi ge ste// a tsan pad+ma'i yi ge yin// ka ni las kyi rang bzhin te// tsa ni 'khor lo ta ni myur// ta yang de bzhin gshegs pa ste// rdo rje yi ge dbye ba'o// a ni seng ge i ni stag/u ni glang po ri ni dred// ri ni phag la e ni khwa// o ni khra ste aM ni khyi// pad+ma yi ge dbye ba'o// gsang sngags pha dang ma gnyis las// sngags kyi dngos grub sna tshogs 'byung// brda yi sbyor bas bshad par bya// de yi rigs pa 'di ltar ro// zla ba mig dang yon tan dang// rig byed mda' dang dbang po dang// rgya mtsho bkra shis gza' dang phyogs// dregs pa nyi ma yan lag sa// tshes zhes bya bar rab tu grags// brda yi sbyor bas rigs pa drangs// thams cad du yang shes par bya'o// gzhan yang brda yig 'di rnams so// lha yi mtshan mas bsdu ba dang// grangs kyi brda yis bsdu ba dang// ka sha ra yi brda yig dang// ka sa la yi brda yig dang// ka pa ra yi brda yig dang// gzhan yang sgra yi sbyor bas drangs// lha yi sgra dang gling bzhi'i sgra// 'khor lo'i sgra dang gnas brgyad sgra// de ba sad kyi sgra yi bshad// de yis gsang sngags rgyud sde rnams// mi 'gyur gtan la pheb par 'gyur// thams cad du ni shes par bya// de rnams gsang sngags gtsug lag ni// tshad ni rnams pa brgyad yin te// so ni rnam pa lnga yin no// thebs ni rnam pa lnga ru 'gyur// swo ni brgya dang lnga bcu 'o// gzir ba rnam pa gnyis yin te// phye bas brgya dang lnga bcur 'gyur// sdom ni rnam pa bzhi yin te// rtsis ni thams cad kun tu rgyug/ ming dang gnas dang sbyar ba dang// lhag dang chad dang nor ba dang// rgyu dang dbye ba dag dang brgyad// mgo can mgo ni gcad pa dang// mgo med mgo ni gdags pa dang// 'dug pa gong 'og spo ba dang// mtha' rten rnams ni dag pa dang// long pa rgyab sprel gtad pa'o// phyi dang nang dang gsang ba dang// gsang chen dang ni gter du gnas// swa ni las kyi rig pa ste// brgya dang lnga bcu skabs dang sbyar// las mkhan dang ni bsgrub bya dang/brgya dang lnga bcu skabs dang sbyar// chos bu kun la bskus pa dang// mang po gcig la basbams pa dang// me chu 'gal pa sogs pa dang// 'ur pa gcig tu dril ba'o// yi ge'i grang gi ngos 'dzin ni// na yang dag ni rtsa bar gsungs// sku gsung thugs dang yon tan dang// 'phrin las dag ni skabs kyis 'jug/ srog snying rig pa'i de nyid la// snying po lnga yi rig pa dang// gdags pa ming gi snying po dang// dam tshig rje dran snying po dang// rang dbang med pa bod pa dang// dngas ma skyed pa'i srog snying dang// rnam par shes pa'i srog snying la// skabs kyis yang dag shes bya ste// sngags kyi tshad mas gtan la dbab// dang po'i rgyud du tshad ma gcig/ gnyis pa'i rgyud du tshad ma gnyis// gsum pa'i rgyud du tshad ma gsum// bzhi pa'i rgyud du tshad ma bzhi// lnga pa'i rgyud du tshad ma lnga// drug pa'i rgyud du tshad ma drug/bdun pa'i rgyud du tshad ma bdun// brgyad pa'i rgyud du tshad ma brgyad// dgu pa'i rgyud du tshad ma dgu// rang bzhin grub par bstan par bya// gtags pa'i tshig tu gtan la dbab// gdags pa rnam pa gsum du 'gyur// gsang sngags rig sngags gzungs sngags so// phye bas rnam grangs dgu ru 'gyur// 'bring du phye na bco brgyad 'gyur// de las phye bas 'bum du 'gyur// 'jig rten dregs pa'i drag sngags so// bsdu na rnam grangs gsum du 'gyur// bka' rgyud gsang sngags 'bum du 'gyur// bsdu na gcig nas brgya ru 'gyur// rdo rje gtsug lag gi 'khrul 'khor gyi bshad rgyud chen po las/ drag sngags kyi rtsis brgya lnga bcu bshad pa'i le'u ste gnyis pa'o//// de nas yang gsang ba'i bdag po rdo rje 'chang bas/ bcom ldan dpal kun tu bzang po la 'di skad ces gsol to// e ma ho bde gshegs bcom ldan 'das// ma 'ongs rnams kyi don phyir du// drag sngags rdo rje gtsug lag gi/ gzhi yi 'khor lo bshad par zhu// zhes gsol pa dang/ bcom ldan 'das kyis bka' stsal pa// ma 'ongs rnams kyi don phyir du// 'khor lo zhu ba rab tu legs// 'khor lo'i don rnams ngas bshad kyis// 'gro la phan phyir gus pas nyon// gsang sngags mthar thug 'khor lo 'di// gtan la phab phyir don bshad na// gnas pa rtsa dang g.yo ba rlung// bkod pa yi ge'i tshogs yin te// rtsa ba byang sems gnyug ma ste// mi 'gyur phyir na g.yung drung yin// mi shigs pas na rdo rje ste// mi nub gsal byed rgyal mtshan yin// thams cad 'byung ba'i yum yin te// dbyibs dang kha dog 'di ltar snang// byang sems gnyug ma'i 'od zer dang// 'gyur med rtag chen g.yung drung las// 'phrin las rnam bzhi rdzogs 'char bas// zhi ba'i skur grub dkar la zlum// rgyas pa'i skur grub gru bzhi ser// dbang gi skur grub zla kham dmar// mngon spyod skur grub rnam shes brgyad// 'khor lo brgyad kyi gzhal yas khang// sna tshogs sprul pa'i tshogs brgyad nas// 'gro ba'i don du yang dag 'phros// 'phrin las skur grub gru gsum gnag/ rnam shes brgyad kyis yum brgyad do// gsang sngags yid bzhin nor bu 'di// a lnga byang sems gnyug ma yi// 'gyur med g.yung drung thig le la// phyogs bzhi dbus dang lnga na gnas// 'phrin las rnam bzhi mtha' ru 'byin// ka lnga rnam shes shar gling gi/ zla kham kam kang kar la gnas// bkra shis mtha' ru 'byin pa'o// lta lnga rnam shes lho gling gi/ sogs ka bai DUr+Ya na gnas// dbang po drug ni bcing pa'o// pa lnga rnam shes nub gling gi/ zlum po ra ga dmar la gnas// rigs byed mtha' ru byin pa yin// rtsa lnga rnam shes byang gi gling// gru bzhi in+t+ra ljang la gnas// yon tan thams cad mtha' ru phyin// ca lnga rnam shes shar lho gling// rdo rje rgya gram ser la gnas// mig gi las su bstan pa yin// Ta lnga rnam shes lho nub gling// rin chen rgya gram smug la gnas// yon tan gyis ni las su gnas// zha lnga rnam shes byang nub gling// pad+ma rgya gram dkar la gnas// zla ba'i las su bstan pa yin// ra lnga rnam shes byang shar gling// 'khor lo rgya gram lcags la gnas// rigs byed kyi ni las su bstan// rnam shes brgyad kyis yul brgyad na// kla klo yan lag yi ge gnas// bka' yi gsang sngags ji snyed pa// thams cad kun gyi 'byung gnas so// kla klo yi ge 'byung 'jug rnams// rig sngags 'chang gis shes par bya// gzhan du 'byung bar ga la 'gyur// sngags kyi tshad ma gtan la dbab// dbyangs yig sgra yi 'khrul 'khor ni// dang po gsum yin de la bzhi// de las bcu yi de las lnga// de las 'bum phrag du mar sbyar// gsal byed 'khrul 'khor gong ltar sbyar/ khyad par med de gong ltar sbyar// dur khrod drag po'i 'khrul 'khor ni// bsnyen sgrub gsum la bcu drug 'gyur// gsang chen 'bru re bsgrub pa ni// bzhi la nyi shu rtsa brgyad 'gyur// bka' dang sgra dang dur khrod kyi// 'khrul 'khor rnam pa gsum du 'gyur// sngags kyi gtsug la ma shes na// 'phrin las bya ba'i las la rmongs// dregs pa'i srog phrog ma shes na/khyi yis bya rog snyegs pa 'dra// rtsa ba lha bsnyen ma skyol bar/ kha tshar las la sbyor byed na// mi rgan dbang po khas len 'dra// drag sngags so thems ma shes na// mtshon cha'i 'khor la ngar med 'dra// sngags kyi 'khrul 'khor ma shes na// rig sngags kyi ni las brtson pa// bdag phung gzhan brlag ya ka dar// rdo rje gtsug lag gi 'khrul gyi bshad rgyud chen po las/ sgra'i 'khrul 'khor thams cad bshad pa'i le'u ste gsum pa'o//// de nas yang gsang ba'i bdag po rdo rje 'chang bas// bcom ldan 'das dpal kun tu bzang po la 'di skad ces gsol to// e ma ho bde gshegs bcom ldan 'das// gshin rje gshed nag gtsug lag gi/ 'khrul 'khor bdag la bshad par zhu// zhes gsol pa dang// bcom ldan 'das kyis bka' stsal pa// ma 'ongs rnams kyi don phyir du// 'khor lo zhu ba rab tu legs// 'khor lo'i don rnams ngas bshad kyis// 'gro la phan phyir gus par nyon// 'jam dpal rgyud sde 'bum phrag lnga// sku gsung thugs dang yon tan dang// 'phrin las dang ni rnam lnga yin// dkar po sku yi rgyud sde 'bum// dmar po gsung gi rgyud sde 'bum// nag po thugs kyi rgyud sde 'bum// gtsug lag yon tan rgyud sde 'bum// dgongs rgyud 'phrin las rgyud sde 'bum// re re bzhin yang rgyud sde lnga// 'bum phrag ces ni bshad pa yin// de la lde mig gsum yin te// thems dang tshad ma rtsis dang gsum// dang po thems kyi man ngag bshad// 'khor lo rnam pa gsum du bshad// sgra dang dur khrod bka' 'khor yin// de la skyon yon rnam bzhi ste// ldogs dang khyal dang lto bral dang// 'khor lo rtag tu 'khor lo bzhi// ldogs pa dgu la 'kham pa dgu// lto brag dgu la 'khor ba dgu// de las bzlog pa yon tan yin// sku las 'byung ba'i yon tan 'khor lo ni// 'jam dpal gsang ba'i lto ba ru// rim pa lnga ru bskor ba ste// dang po ye shes sems dpa'i gnas// snying kha lte ba gsang ba dang// yan lag bzhi la gnas pa ste// las kyi 'khor lo rgya mtshor grags// de 'og rdzogs pa'i 'khor lo ni// bsdu bkod 'khor lo'i bzhi bcu gnyis// drag po sku yi 'khor lo ni// bsdu bkod 'khor lo drug cu drug/ bzhi pa'i sa kyis 'khor lo ni// bsdu bkod 'khor lo bzhi bcu gnyis// nyi shu phyag gi 'khor lo ste// bcu gnyis zhabs kyi 'khor lo bri// 'khor lo de dag rnams la ni// lha dang 'dre dang nad dang ni// 'phrin las 'khor lo bzhi ru rtag/ sku las byung ba'i 'khor lo ni// dang po bcu yi drug dag dang// de bzhin bdun gyis rnam par mdzes// gsang ba'i 'khor lo 'di ltar 'byung// dang po lte ba'i 'khor lo ni// ye shes sems dpa' bzhag pa ste// snying kha chos sku 'khor lo dang// lte ba rdzogs pa'i 'khor lo dang// gsang ba sprul pa'i 'khor lo dang// yan lag gcod pa'i 'khor lo ste// gcod pa'i 'khor lo bzhi ru 'gyur// 'dzin byed 'khor lo dang po ste// phan pa'i 'khor lo gnyis pa yin// gcod pa'i 'khor lo gsum pa ste// sgyur ba'i 'khor lo bzhi pa yin// de yis rgya mtsho yin par 'dod// gnyis pa'i gsum las byung ba yis// rdzogs pa'i 'khor lo nyi shu gcig/gshin rje ma mo srin po dang// dmu bdud sa bdag klu dang ni// btsan dang rgyal po rigs 'dzin dang// dri za bdud kyi 'khor lo dang// 'jigs pa brgyad sel 'khor lo dang// bdud 'joms kong rtse 'khor lo gnyis// phya sangs rtel ba'i 'khor lo gnyis// lha mchog ya ba ti dang gnyis// chos rgyal a ba glang mgo gnyis// rmig bu mig dmar 'khor lo gnyis// rdzogs pa'i 'khor lo spyi ru ni// phyogs gnyis zla ba yin par 'dod// sku yi 'khor lo sum cu gsum// zhen bzlog phan gnod 'khor lo dang// dbab dang gsad pa'i 'khor lo dang// rgya yis gdab cing gzir dang ste/ khug dang gzhan gyi mthu dbrog dang/khug dang mda' len dban 'dzugs dang// rta shi mi dang ru sbal dang// stag dang seng ge sbrul dang ni// rgyas dang dbang dang gsad pa dang// dgug dang dbye dang bskrad pa dang// smyo 'bros lkugs dang gnan pa dang// bzlog dang bsrung dang bshig pa dang// dral dang bcing dang gcad pa dang// 'byed zhen bzlog dang zug dbyung dang// sku yi 'khor lo spyi ru ni// phyogs gsum yon tan zhes su 'dod// 'phrin las 'khor lo bcu drug ni// phyi rol lus kyi 'khor lo ste// glang thabs pho log lhog pa dang// lkugs dang smyo 'bog 'khor lo ni// phyag g.yas 'phrin las 'khor lo yin// mdze shu mkhris nad rims nad dang/khrag skyug gzer nad rnam pa lnga// phyag g.yon 'phrin las 'khor lo yin// 'brum nad gzhogs skem chog 'gyel gsum// phyag g.yas 'phrin las 'khor lo yin// 'phred nad leg rgan skya babs gsum// zhabs g.yon 'phrin las 'khor lo yin// sprul pa'i 'khor lo rgyas 'bring gsum// rgyas pa'i 'khor lo 'bri ba ni// rim pa gsum du bskor ba la// sgo med lcags khang bcu drug bya// 'di ni gshin rje'i grong khyer te// srid pa gsum gyi skye 'jug yin// de yi phyi rim mu khyud gsum// kun tu lcags ris bskor ba ste// mu khyud de dag re re yang/ khang pa sum cu gnyis dang ldan// 'gro ba'i chos bzhin gcod pa yis// 'khor lo 'di dag bris nas ni// phyi rol mu khyud tha ma la// yi ge ka sogs ngang yig mtha'// nga nya gsal nas dgod par bya// yi ge k+Sha las da yig mtha'// de yi rjes su bri bar bya// kla klo yi ge gsal la dgod// mu khyud dbu ma dag la ni// dbyangs yig bcu drug gnyis 'gyur dgod// bsdu dang dgod las brtsom pa ni// phyi rol mu khyud tha ma la// shar gyi tshangs thig nas rtsam nas// rim min bza' can khang pa nas// yi ge bkra shis tshad blangs te// nang gi ngos kyi mu khyud kyi// tshangs thig dag gi ngos dag la// phyogs bzhi mig gi tshad du sbyin// rim min phyogs can khang pa nas// yi ge mig gi tshad blangs te// shar du de yi g.yas g.yon gzhag/ rim min bkra shis khang pa na// dbyangs yig gnyis pa can blangs te// mig gi tshad du blangs nas ni// de yi ngos la re re bzhag/ nub kyi tshangs thig nas bgrangs pa'i// bkra shis can gyi khang pa nas// dbyangs yig bcu gcig pa ldan pa// mig gi tshad du blangs nas ni// lho yi ngos la de bzhin bzhag/ nub nas rim pa ma yin pa'i// zla ba can gyi khyim nas ni// dbyangs yig bcu gsum pa ldan pa// mig gi tshad du blangs nas na// lho ru de rjes sbyin par bya// de nyid dbyangs yig gsal ba ni// mig gi tshad du blangs nas ni// sngon sbyin nub kyi ngos su sbyin// nub nas bza' can khang pa nas// dbyangs yig bcu gsum pa can pa// mig gi tshad du blangs nas ni// nub ngos su ni de bzhin sbyin// byang nas bza' can khang pa nas// dbyangs can gza' can khang pa nas// dbyangs yig bcu gcig pa ldan pa// mig gi tshad du blangs nas ni// byang gi nges la de bzhin sbyin// rlung gi sa bon zhes bya ba// mig gi tshad blangs de rjes sbyin// mda' can khang pa nang gnas pa// 'od kyi gong bur byas pa dang// de nyid rnams ni bgrang pa yi// sa can khang pa nang gnas pas// dbyangs yig gsum pa dang ldan dag/ zla ba'i tshad du blangs nas ni// byang shar mtshams su re re sbyin// rgyamatsho khang pa'i nang gnas pa// dbyangs yig gnyis pa ldan pa dang// rim min yon tan khang pa na// zla ba'i tshad du bzung nas ni// shar lho mtshams su de bzhin sbyin// rim min bkra shis khang pa nas// dbyangs yig lnga pa ldan pa dang// yan lag can gyi khang pa nas// zla ba'i tshad du blangs nas ni// lho nub mtshams su de bzhin sbyin// rim min tshes can khang pa nas// dbyangs yig gsum pa ldan pa dang// rim min bkra shis khang pa nas// nub byang mtshams su de bzhin sbyin// rdo rje gtsug lag gi 'khrul 'khor gyi bshad rgyud chen po las/ rtsa ba'i 'khor lo bri zhing bsdu ba bshad pa'i le'u ste bzhi pa'o//// rdzogs pa'i 'khor lo bsdu ba ni// shar gyi tshangs thig nas grangs pa'i// rim mig gza' chen khang pa nas// yi ge mig gi tshad du blangs// rin min phyogs can khang pa nas// yi ge zla ba'i tshad du blangs// rim min bkra shing khang pa nas// yi ge zla ba'i tshad blangs bzhag/ rgya mtsho khang pa'i nang gnas pa'i// yi ge zla ba'i tshad du blangs// rim min yon tan khang pa nas// yi ge zla ba'i tshad blangs bzhag/nub nas rim pa ma yin pa'i// zla ba can gyi khyim nas ni// yi ge zla ba'i tshad blangs te// dbyangs yig bcu gsum pa ldan blangs// nub nas rim pa ma yin pa'i// bkra shis can gyi khang pa nas// dbyangs yig bcu gcig pa ldan pa// zla ba'i tshad du blang bar bya// gza' can khang pa'i nang gnas pa// mig gi tshad blang gong ltar sbyar// gnyis dang gsum bzhi de bzhin blang// gshin rje nyi ma bzhi ru bshad// shar gyi tshangs thig nas bgrangs pa'i// rim min phyogs can khang pa nas// yi ge mig gi tshad blang bya// rim min bkra shis khang pa nas// yi ge mig gi tshad blang bzhag/ rgya mtsho khang pa'i nang gnas pa'i// yi ge zla ba'i tshad du blang// rim mig yon tan khang pa nas// yi ge zla ba'i tshad du blang// nub nas rim pa ma yin pa'i// zla ba can gyi khyim nas ni// yi ge zla ba'i tshad blang ste// dbyangs yig bcu gsum ldan pa'o// nub nas rim pa ma yin pa'i// bkra shis can gyi khang pa nas// dbyangs yig bcu gcig ldan pa'o// phyogs nas khang pa zla tshad blang// phyogs can khang pa nang gnas pa// mig gi tshad blang gong ltar sbyar// gnyis dang gsum bzhi de bzhin blangs// ma mo nyi ma bzhi ru bshad// nub kyi tshangs thig nas grangs pa'i// bkra shis can gyi khang pa nas// yi ge mig gi tshad blang bya// rgya mtsho khang pa'i nang gnas pa'i// yi ge zla ba'i tshad blang bya// nub kyi tshangs thig nas bgrangs pa'i// yon tan can gyi khang pa nas// yi ge zla ba'i tshad du blangs// nub kyi tshangs thig nas grangs pa'i// rim min zla can khang pa nas// dbyangs yig bcu gsum pa ldan pa// zla ba'i tshad du blangs nas ni// de nyid nas ni bgrangs pa yi// rim min bkra shis khang pa nas// yi ge zla ba'i tshad du blang// nub kyi tshangs thig nas bgrangs pa'i// rim min rgya mtsho khang pa nas// dbyangs yig bcu gcig pa ldan pa// zla ba'i tshad du blang bar bya// de 'og de nyid dbyangs spangs pa// zla ba'i tshad du blangs par bya// bkra shis khang pa nang gnas pa// mig gi tshad blang gong ltar sbyar// gnyis dang gsum bzhi de bzhin blang// srin po nyi ma bzhi ru bshad// shar gyi tshangs thig nas bgrangs pa'i// rgya mtsho can gyi khang pa nas// yi ge mig gi tshad blang bya// shar gyi tshangs thig nas bgrangs pa'i// rim min yon tan khang pa nas// yi ge zla ba'i tshad du blang// nub kyi tshangs thig nas bgrangs pa'i// rim min zla can khang pa nas// dbyangs yig bcu gsum pa ldan pa// zla ba'i tshad du blangs par bya// nub kyi tshangs thig nas bgrang ba'i// rgya mtsho can gyi khang pa nas// dbyangs yig bcu gcig pa ldan pa// zla ba'i tshad du blangs par bya// rim min phyogs can khang pa nas// yi ge zla ba'i tshad du blang// rim min dregs pa'i khang pa nas// yi ge zla ba'i tshad du blang// rim min bkra shis khang pa nas// yi ge zla ba'i tshad du blang// shar gyi tshangs thig nas bgrangs pa'i// rgya mtsho khang pa'i nang gnas pa'i// mig gi tshad blang gong bzhin sbyar// gnyis dang gsum bzhi de bzhin blang// dmu bdud nyi ma bzhin du bshad// shar gyi tshangs thig nas bgrangs pa'i// rim min yon tan khang pa nas// yi ge mig gi tshad blang bzhag/ nub kyi tshangs thig nas bgrangs pa'i// rim min ni zla can khang pa nas// dbyangs yig bcu gsum pa ldan pa// zla ba'i tshad du blang pa yis// nub kyi tshangs thig nas grangs pa'i// rgya mtsho can gyi khang pa nas// dbyangs yig bcu gsum dang ldan pa// zla ba'i tshad du blang bar bya// shar gyi tshangs thig nas bgrangs pa'i// rim min gza' can khang pa nas// yi ge mig gi tshad du blang// nub kyi tshangs thig nas bgrangs pa'i// rgya mtsho can gyi khang pa nas// yi ge mig gi tshad du blang// shar gyi tshangs thig nas bgrangs pa'i// rim min bkra shis khang pa nas// yi ge zla ba'i tshad du blang// shar gyi tshangs thig nas bgrangs pa'i// rgya mtsho can gyi khang pa nas// yi ge zla ba'i tshad du blangs// shar gyi tshangs thig nas bgrangs ba'i// rim min yon tan khang pa nas// yi ge mig gi tshad du blang// gnyis dang gsum bzhi de bzhin blang// sa bdag nyi ma bzhi ru bshad// nub kyi tshangs thig nas bgrang pa'i// rig byed khang pa'i nang gnas pa'i// yi ge mig gi tshad du blang// de nyid nas ni bgrangs pa yi// rim min bkra shis khang pa nas// dbyangs yig sum cu dang ldan pa// zla ba'i tshad du blang bar bya// de nyid nas ni bgrangs pa yi// zla ba can gyi khyim nas ni// yi ge zla ba'i tshad du blang// de nyid nas ni bgrangs pa yi// bkra shis can gyi khang pa nas// yi ge zla ba'i tshad du blangs// shar gyi tshangs thig nas bgrangs pa'i// rim min phyogs can khang pa nas// dbyangs yig bcu gsum dang ldan pa// zla ba'i tshad du blang bar bya// nub kyi tshangs thig nas bgrang ba'i// rim min zla ba'i khang pa nas// dbyangs yig bcu gsum dang ldan pa// zla ba'i tshad du blang bar bya// de nyid nas ni bgrang ba yi// phyogs can khang pa'i nang gnas pa'i// dbyangs yig lnga pa dang ldan pa// zla ba'i tshad du blang bar bya// nub kyi tshangs thig nas bgrang ba'i// rigs byed can gyi khang pa nas// yi ge mig gi tshad du blang// gnyis dang gsum bzhi de bzhin blang// klu yi nyi ma bzhin ru bshad// shar gyi tshangs thig nas bgrang ba'i// mda' can khang pa nang gnas pa// mig gi tshad du blang bar bya// nub nas rim pa ma yin pa'i// mig can khang pa'i nang gnas pa// dbyangs yig gsum pa dang ldan pa// zla ba'i tshad du blang bar bya// shar gyi tshangs thig nas grangs pa'i// rim min bkra shis khang pa nas// yi ge zla ba'i tshad du blang// nub nas rim pa ma yin pa'i// rgya mtsho can gyi khang pa nas// yi ge mig gi tshad du blang// shar gyi tshangs thig nas bgrangs pa'i// rim min phyogs can khang pa nas// yi ge zla ba'i tshad du blangs// shar nas rim pa ma yin pa'i// zla ba can gyi khang pa nas// dbyangs yig bcu gcig dang ldan pa// zla ba'i tshad du blang bar bya// de nyid nas ni bgrangs pa yis// rim min gza' can khang pa nas// yi ge mig gi tshad blang bya// shar gyi tshangs thig nas bgrangs pa'i// mda' can khang pa nang gnas pa// mig gi tshad du blang bar bya// gnyis dang gsum bzhi de bzhin blang// btsan dang rgyal po nyi ma bzhi ru bshad// nub nas rim pa ma yin pa'i// mig can khang pa'i nang gnas pa'i// dbyangs yig gsum pa dang ldan pa// mig gi tshad du blang bar bya// shar gyi tshangs thig nas bgrang pa'i// bkra shis can gyi khang pa nas// yi ge zla ba'i tshad du blang// nub nas rim pa ma yin pa'i// rim min rgya mtsho khang pa nas// yi ge mig gi tshad du blangs// nub nas rim pa ma yin pa'i// bkra shis can gyi khang pa nas// yi ge mig gi tshad du blang// shar nas rim pa ma yin pa'i// zla ba can gyi khang pa nas// dbyangs yig bcu gcig dang ldan pa// zla ba'i tshad du blang bar bya// nub nas rim pa ma yin pa'i// bkra shis can gyi khang pa nas// yi ge zla ba'i tshad du blang// shar gyi tshangs thig nas bgrangs pa'i// mda' can khang pa'i nang gnas pa'i// yi ge zla ba'i tshad du blang// nub nas rim pa ma yin pa'i// mig can khang pa'i nang gnas pa'i// yi ge mig gi tshad du blang// gnyis dang gsum bzhi de bzhin blang// ru drag nyi ma bzhi ru bshad// nub kyi tshangs thig nas grangs pa'i// rim min zla ba'i khang pa nas// yi ge mig gi tshad du blang// nub kyi tshangs thig nas bgrangs pa'i// rim min bza' chen khang pa nas// dbyangs yig bcu gcig dang ldan pa// zla ba'i tshad du blang bar bya// nub kyi tshangs thig nas grang ba'i// rim min mig can khang pa nas// dbyangs yig gsum pa dang ldan pa// zla ba'i tshad du blang par bya// shar gyi tshangs thig nas bgrangs pa'i// rim min bkra shis khang pa nas// yi ge mig gi tshad du blang// nub kyi tshangs thig nas bgrangs pa'i// rim min bkra shis khang pa nas// yi ge zla ba'i tshad du blang// shar gyi tshangs thig nas bgrangs pa'i// rim min zla can khang pa nas// dbyangs yig bcu gcig dang ldan pa'i// zla ba'i tshad du blang par bya// nub nas rim pa ma yin pa'i// bkra shis can gyi khang pa nas// yi ge zla ba'i tshad du blang// nub nas rim pa ma yin pa'i// zla ba can gyi khang pa nas// yi ge mig gi tshad du blang// gnyis dang gsum bzhi de bzhin blang// dri za nyi ma bzhi ru bshad// shar nas rim pa ma yin pa'i// zla ba can gyi khang pa nas// dbyangs yig bcu gcig dang ldan pa// mig gi tshad du blang bar bya// nub nas rim pa ma yin pa'i// bkra shis can gyi khang pa nas// yi ge zla ba'i tshad du blangs// shar nas zla can khang pa nas// yi ge zla ba'i tshad du blang// nub nas rim pa ma yin pa'i// mig can khang pa'i nang gnas pa'i// dbyangs yig gsum pa dang ldan pa// zla ba'i tshad du blang bar bya// nub nas rim pa ma yin pa'i// zla ba can gyi khang pa nas// dbyangs yig bcu gsum pa ldan pa// zla ba'i tshad du blang bar bya// shar gyi tshangs thig nas grangs pa'i// rim min phyogs can khang pa nas// dbyangs yig bcu gcig dang ldan pa// zla ba'i tshad du blang bar bya// nub nas rim pa ma yin pa'i// bkra shis can gyis khang pa nas// yi ge mig gi tshad du blang// nub nas rim pa ma yin pa'i// zla ba can gyi khang pa nas// dbyangs yig bcu gsum dang ldan pa// mig gi tshad du blang bar bya// gnyis dang gsum bzhi de bzhin blang// bdud kyi nyi ma bzhi ru bshad// nub kyi tshangs thig nas grangs pa'i// rim min bkra shis khang pa nas// yi ge zla ba'i tshad du blang// nub nas rim pa ma yin pa'i// rgya mtsho can gyi khang pa nas// yi ge zla ba'i tshad du blang// shar nas rim pa ma yin pa'i// bkra shis can gyi khang pa nas// yi ge zla ba'i tshad du blang// shar nas rim pa ma yin pa'i// yon tan can gyi khang pa nas// yi ge zla ba'i tshad du blang// nub nas rim pa ma yin pa'i// zla ba can gyi khang pa nas// dbyangs yig bcu gsum pa ldan pa// zla ba'i tshad du blang bar bya// shar nas rim pa ma yin pa'i// bkra shis can gyi khang pa nas// dbyangs yig lnga pa dang ldan pa// zla ba'i tshes du blang bar bya// nub nas rim pa ma yin pa'i// mig can khang pa'i nang gnas pa'i// yi ge zla ba'i tshad du blang// shar gyi tshangs thig nas bgrang pa'i// rim min bza' can khang pa nas// dbyangs yig bcu gsum dang ldan pa// yi ge zla ba'i tshad du blang// nub nas rim pa ma yin pa'i// mig can khang pa'i nang gnas pa// dbyangs yig gsum pa dang ldan pa'o// shar gyi tshangs thig nas bgrang ba'i// rim min bkra shis khang pa nas// yi ge mig gi tshad du blang// shar nas rim pa ma yin pa'i// gza' can khang pa'i nang gnas pa// zla ba'i tshad du blang bar bya// shar gyi tshangs thig nas bgrangs pa'i// mda' can khang pa'i nang gnas pa// yi ge zla ba'i tshad du blang// nub nas rim pa ma yin pa'i// mig can khang pa ma yin pa'i// dbyangs yig gsum pa dang ldan pa// zla ba'i tshad du blang bar bya// gnyis dang gsum bzhi de bzhin blang// zhi ba'i nyi ma zhi ru bshad// de nas lha yi 'khor lo sogs// grags pa grangs kyi brda yis btu// ra gsum rdzas ni a yin te// snga ma o e yan lag go/ya ma ra gsum a dang ldan// gnyis dang gsum bzhi de bzhin blang// bdud 'joms nyi ma bzhi ru bshad// dza gsum sa ni a yin te// ma ni e yi yan lag go/ ya ma ra dza gsum gsum ldan// gnyis dang gsum bzhi de bzhin blang// brag 'joms nyi ma bzhi ru bshad// sa gsum a ste d+ha ni e// ma ni e i yan lag go/ ya ma ra dza gsum gsum ldan// gnyis dang gsum bzhi de bzhin sbyar// phya sangs nyi ma bzhi ru bshad// to gsum o te ya ma ra// dza sa ma ste d+ha o gsum// gnyis dang gsum bzhi de bzhin blang// rtel pa nyi ma bzhi ru bshad// ra gsum mu ste na ni a// ya ni o ru shes par bya// d+ha ya a ste ma ni e// ta a ra gsum u dang ldan// gnyis dang gsum bzhi de bzhin blang// lha mchog nyi ma bzhi ru bshad// na gsum a te ya ni o// d+ha ya a te ma d+ha ra// e oM u ru shes par bya// ma gsum a dang ldan pa'o// gnyis dang gsum bzhi de bzhin blang// yab ti'i nyi ma bzhi ru bshad// na gsum i te ra ya a// ka ni e ta ya ma a// a ra na gsum i dang ldan// gnyis dang gsum bzhi de bzhin blang// chos rgyal nyi ma bzhi ru bshad// tsa gsum ya ma ra ni a// ka ni e ste ya ni a// ya ni a te tsa gsum a// gnyis dang gsum bzhi de bzhin blang// dmigs pa nyi ma bzhi ru bshad/ Na gsum i ste ra ya a// k+Sha ni e ste ya d+ha a// ya ni o ni Na gsum i// gnyis dang gsum bzhi de bzhin blang// mig dmar nyi ma bzhi ru bshad// rdzogs pa'i 'khor lor bshad pa yin// rdo rje gtsugs lag gi bshad rgyud chen po las/rdzogs pa'i 'khor lo btu ba bshad pa'i le'u ste lnga pa'o//// sku yi 'khor lo btu ba ni// ya ma ya gnyis a yin te// ra ci a gnyis dza ni a// ya gnyis sa a ya gnyis a// gnyis dang gsum bzhi de bzhin blang// zhen zlog nyi ma bzhi ru bshad// ma a ma gnyis e dang ldan// ma ra a ste d+ha gnyis o a// ra dza sa gnyis dza ni a// gnyis dang gsum bzhi de bzhin blang// phan phya gnod btang nyi bzhir bshad// mA ra ya gsum a yin te// ra ya ma gsum yan lag spangs// ya ma ya ra gsum a dang ldan// ser ba ltas ngan la sogs pa// gnyis dang gsum bzhi de bzhin blang// dbab pa'i nyi ma bzhi ru bshad// ra ya ma gsum a yin te// ya ma ra gsum yan lag spangs// ser ba ltas ngan la sogs pa// gnyis dang gsum bzhi de bzhin blang// gcad pa nyi ma bzhi ru bshad// ya ma a te ma ni e// ra a d+ha gnyis o dang ldan// ra ni yan lag spangs pa'o// gnyis dang gsum bzhi de bzhin blang// rgyas gdab nyi ma bzhi ru bshad// ra ni a te na ni oM// ya i na a ra ni u// d+ha oM ma e ya ni a// gnyis dang gsum bzhi de bzhin blang// gzer ba nyi ma bzhi ru bshad// na i dzar dza ra ni a// ma gnyis yan lag spangs pa'o// gnyis dang gsum bzhi de bzhin blang// lha 'gug nyi ma bzhi ru bshad// ra ya ma gsum a yin te// d+ha ni e yi yan lag go/ ya ma a te ya ni o// ya ta ya gnyis a dang ldan// k+Sha ni e yi yan lag yin// gnyis dang gsum ni de bzhin blang// mthu 'phrog nyi ma bzhi ru bshad// ya ma ra gsum a yin te// na ni i yi yan lag go/ ya ma ra gsum dza ni a// gnyis dang gsum bzhi de bzhin blang// gdon khug nyi ma bzhi ru bshad// ma tsa gnyis ni a yin te// ma e sa ra a d+ha o// ya ni a ru bshad pa yin// gnyis dang gsum bzhi de bzhin blang// mda' len nyi ma bzhi ru bshad// ma ra a ste ma ni e// d+ha oM dzra sa ya gsum a// gnyis dang gsum bzhi de bzhin blang// rta shi g.yag 'gyel nyi ma bzhi ru bshad// ma sa a te ma ni e// tsa ra a ste d+ha ni oM// a ni yan lag spangs pa'o// gnyis dang gsum bzhi de bzhin blang// mi shi khyi lus nyi bzhir bshad// ra tsa sa gsum a yin te// d+ha oM ra u na ni a// ya o na i ra ya a// gnyis dang gsum bzhi de bzhin blang// ru sbal gying sgral nyi bzhir bshad// ya ma d+ha a a yin te// ma ke gnyis ni e dang ldan// d+ha o ya o ya ni oM// ra a na ir bstan pa ste// dza ra sa gsum a dang ldan// na ni a ste na ni a// tsa ni a ste ra ur bshad// gnyis dang gsum bzhi de bzhin blang// stag mo kha 'thab nyi bzhir bshad// ya ma d+ha gsum a yin te// ya na oM u ldan pa'o// ra ya rtsa gsum a yin te// na ni e ste ra tsa a// sa ni a ste ra ni u// gnyis dang gsum bzhi de bzhin blang// seng ge kha 'thab nyi bzhir bshad// dza ra ma ya a yin ti// ma d+ha a o sa ni a// gnyis dang gsum bzhi de bzhin blang// sbrul gyi chun 'khor nyi bzhir bshad// ya ma ra dza sa ni ya// d+ha ni o ste ma k+Sha e// ya tsa a ste na ni i// ra ma ya gsum a yin no// gnyis dang gsum bzhi de bzhin blang// rgyas pa'i nyi ma bzhi ru bshad// ma ra dza si na a yin te// d+ha ma o e gnyis dang ldan// gnyis dang gsum bzhi de bzhin blang// dbang gi nyi ma bzhi ru bshad// ma dza ra sa a yin te// ma d+ha e or ldan pa'o// ya ni a zhes bya bar grags// gnyis dang gsum bzhi de bzhin blang// spu gri nyi ma bzhi ru bshad// ra ma ya gsum a yin te// na i ra tsa sa ni a// t+ta ra o ur bshad pa yin// na ya a na o dang i// ra ya tsa gsum a yin te// na ni i dang ldan pa'o// gnyis dang gsum bzhi de bzhin nyid// dgug pa'i nyi ma bzhi ru bshad// ra ma ya sa a yin te// d+ha ra oM ur bshad pa yin// sa dza ra gsum a yin no// ya ma gnyis ni a ru bshad// ya na o ni i zhes grags// ra ya tsa ni a yin te// na ni i zhes bya bar grags// gnyis dang gsum bzhi de bzhin blang// dbye ba'i nyi ma bzhi zhes bshad// ma ra dza ni a yin te// sa ni a te d+ha ni oM// gnyis dang gsum bzhi de bzhin blang// bskrad pa'i nyi ma bzhi ru bshad// ra ma ya gsum a yin te// ma e sa dza ra ma ya// ya gnyis a te k+Sha ni e// ya ni a zhes bya bar bshad// tsa na a ir bshad pa yin// ra ma ya gsum a dang ldan// gnyis dang gsum bzhi de bzhin blang// smyo 'bros nyi ma bzhi ru bshad// ra ma ya gsum a yin te// ma d+ha e or ldan pa'o// sa dza a ste na ni i// tsa ya a ste k+Sha ni e// ya ni a zhes bya bar grags// gnyis dang gsum bzhi de bzhin blang// lkug pa'i nyi ma bzhi zhes bshad// ya ma rA dza sa ni a// d+ha ni o ste ma ni e// ya ni o zhes bya bar grags// gnyis dang gsum bzhi de bzhin blang// mnan pa nyi ma bzhi ru bshad// ma dza sa ni a yin te// d+ha ma oM er bstan pa yin// ya ni a zhes bya bar grags// gnyis dang gsum bzhi de bzhin blang// bzlog pa'i nyi ma bzhi ru bshad// ra ya ma ya a ni ste// dza ya sa ya a dang ldan// d+ha ya gnyis ni o dang ldan// ma ya e dang a ru bshad// gnyis dang gsum bzhi de bzhin blang// rig bsrung nyi ma bzhi ru bshad// ya ya ma dang a yin te// ya ma a dang er bstan pa'o// ya ya d+ha ya a dang ldan// ya k+Sha a dang er ldan pa'o// gnyis dang gsum bzhi de bzhin blang// bshig pa'i nyi ma bzhi ru bshad// ma gnyis a ste ya ni a// ma gnyis e te ya ni e// d+ha gnyis a ste ya yang a// k+Sha gnyis a ste ya ni nga a// gnyis dang gsum bzhi de bzhin blang// 'dral byed nyi ma bzhi ru bshad// dza ya ra ni a yin te// na ya i dang or ldan pa'o// na a ra dang d+ha gnyis ni// u o zhes ni grags pa yin// sa tsa ra ni i yin te// na ni i ru ldan pa'o// k+Sha ni e ste d+ha ni a// ma ni e te ya ma a// gnyis dang gsum bzhi de bzhin blang// zhi ba'i nyi ma bzhi ru bshad// ra gnyis dza sa a yin te// d+ha ra gnyis ni o dang u// na a ya na o dang i// ra ya tsa ni a yin te// na ni i zhes bya bar grags// gnyis dang gsum bzhi de bzhin blang// gcad pa'i nyi ma bzhi ru bshad// sa a dza gnyis ra gnyis a// ma gnyis a ni a yin te// gnyis dang gsum bzhi de bzhin blang// 'byed pa nyi ma bzhi ru bshad// ra gnyis ma gnyis a gnyis a// d+ha gnyis ya gnyis o dang ldan// gnyis dang gsum bzhi de bzhin blang// zug dbyung nyi ma bzhi ru bshad// rdo rje gtsug lag gi bshad rgyud chen po las/sku'i 'khor lo btu ba bshad pa'i le'u ste drug pa'o//// sprul pa'i 'khor lo btu ba ni// k+Sha ni e te ya tsa a// na ni e te ra ma a// ya ni a te k+Sha ni e// gnyis dang gsum bzhi de bzhin blang// blang thabs nyi ma bzhi ru bshad// d+ha ni a te ya ni o// na ni i ste ra ya a// k+Sha ni e ste ya d+ha a// gnyis dang gsum bzhi de bzhin blang// pho lhog nyi ma bzhi ru bshad// ma d+ha e o ra ni u// na ya a o d+ha ya a// ma ni e dang ldan pa'o// gnyis dang gsum bzhi de bzhin blang// lhog pa nyi ma bzhi ru bshad// ma dza sa a yin te// d+ha ma o e ya ma a// gnyis dang gsum bzhi de bzhin blang// rgyu gzer nyi ma bzhi ru bshad// ya ma ra dza a yin te// sa ni a te d+ha ni o// ma ma gnyis ni e a ldan// gnyis dang gsum bzhi de bzhi blang// smyo 'bog gzhogs skams nyi bzhir bshad// d+ha ni a ste ra ni u// na ni a ste ra ni o// d+ha ya gnyis ni a yin no// ma d+ha gnyis ni e or ldan// gnyis dang gsum bzhi de bzhin blang// mdze shu nyi ma bzhi ru bshad// ra na gnyis ni u dang a// d+ha ya gnyis ni o dang a// ya a ma d+ha e or ldan// ra ni u dang ldan pa'o// gnyis dang gsum bzhi de bzhin blang// mkhris nad nyi ma bzhi ru bshad// sa a d+ha ma o dang e// ya ya ma ra a yin te// rdza sa gnyis ni a dang ldan// gnyis dang gsum bzhi de bzhin blang// rims nad nyi ma bzhi ru bshad// dza sa gnyis ni a yin te// d+ha ma o er ldan pa'o// ya ma ra dza a yin no// gnyis dang gsum bzhi de bzhin blang// zer nad nyi ma bzhi ru bshad// tsa na a ste na ni i// ra ma ya gsum a dang ldan// k+Sha ni e yi yan lag go/ ya dza gnyis ni a dang ldan// gnyis dang gsum bzhi de bzhin blang// 'brum nad nyi ma bzhin ru bshad// ya tsa a ste na ni i// ra ma ya gsum a dang ldan// k+Sha ni e ste ya ni a// gnyis dang gsum bzhi de bzhin blang// gzhogs bskams nyi ma bzhi ru bshad// ra ya a ste k+Sha ni e// d+ha a a ste ya ni o// na ni i ste ra ni a// gnyis dang gsum bzhi de bzhin blang// lcogs 'gyel nyi ma bzhi ru bshad// na ni e te ra ya a// k+Sha ni e ste ya d+ha a// ya na e dang ir ldan pa'o// gnyis dang gsum bzhi de bzhin blang// 'phred nad nyi ma bzhi ru bshad// ya na gnyis ni oM dang i// ra ya a ste k+Sha ni e// ya d+ha a ste ya ni o// gnyis dang gsum bzhi de bzhin blang/ khrag nad le brgan nyi bzhir bshad// na ni a ste ya ni e// d+ha ya a ste ya ni o// da ni oM te ra ni u// na ni a zhes bya bar grags// gnyis dang gsum bzhi de bzhin blang// skya rbab nyi ma bzhi ru bshad// rdo rje gtsug lag 'khor lo'i bshad rgyud chen po las/ sprul pa 'phrin las kyi 'khor lo btu ba bshad pa'i le'u ste bdun pa'o//// tshad ma rtsis kyi dbye ba ni// tshad ma bzhi bcu rtsa dgu dang// 'bum du dbye bar shes bya'o// bsdus pa bzhi gsum gnyis kyang rung// de las phye na bzhi 'am bcu// rme 'khrugs phye bas brgya rtsa brgyad// rtsibs dang bzhi bcu rtsa dgur sdeb// yang gsang dgu pa las kyi sdeb// yang na rgyas 'breng phye yang rung// yang na rab kyi sbyor bas sdeb// yang na sgra la lnga 'gyur sdeb// yang na dur khrod lnga 'gyur sdeb// yang na thun la drug 'gyur sdeb// rdo rje gtsug lag gi bshad rgyud chen po las/ tshad ma rtsis kyi le'u ste brgyad pa'o//// de nas yang gsang ba'i bdag po rdo rje 'chang bas/bcom ldan 'das dpal kun tu bzang po la 'di skad ces gsol to// e ma bder gshegs bcom ldan 'das// khro bo rdo rje gtsug lag gi/ 'khrul 'khor bdag la bshad du gsol// zhes gsungs pa dang// bcom ldan 'das kyis bka' stsal pa// ma 'ongs rnams kyi don phyir du// 'khor lo zhu ba rab tu legs// 'khor lo'i don rnams ngas bshad kyi// 'gro la phan phyir gus par nyon// 'khor lo'i rgyud don 'bum phrag lnga// sku gsung thugs dang yon tan lnga// 'phrin las dang ni rnam pa lnga// bskor thabs rnam pa bzhir bshad de// 'dod chags bshig pa'i 'khor lo ni// brgyad dang bcu drug sum cu gnyis// drug cu bzhi par shes par bya// de la rnam pa gnyis yin te// rten can dang ni rten med do// rten med bsam gtan bzhi las ni// yan lag rnam pa lnga ru bshad// rten can la yang bdun du 'gyur// nyon mongs spangs te bdud bzhi bcom// yan lag nyi shu rtsa brgyad pa'i// bsam gtan gyi ni sa la gnas// yan lag sum cu ldan pa yi// bsam gtan gyi ni tshe 'di la// rdo rje 'dzin gyi sa la gnas// 'di don yan lag bral ba yi// ngan song gnas 'gro mu stegs ltung// zhe sdang gcod pa'i 'khor lo ni// nyon mongs nyid ni ye shes la// mun pa nyid ni snang ba ste// ye nas rdzogs pa'i sangs rgyas te// sa dang lam la 'grod dang bral// sdug bsngal nyid na ye shes so// mtshams med lnga po 'bras bu'i tshul// des ni sangs rgyas 'bras bu thob// rdzogs sangs rgyas ni sdug bsngal nyid// 'bras bu chen po sa la gnas// phyir ldog drag po'i 'khor lo ni// bzhi dang bcu dang brgya rtsa gcig/ gsang ba gsum nas 'bum du 'gyur// de la 'khor lo rgyas 'bring gsum// las dang de bzhin shes par bya// de dag las rnams gang byed pa// dang por gsang ba'i bsnyen par bya// gnyis pa gsang sngags bsgrub pa bya// gsum pa 'khor lo dang po bskor// bzhi pa 'khor lo gnyis pa ste// lnga pa 'khor lo gsum pa ste// drug nas bdun du bskor byas te// de la btab pa'i las rnams bya// bro stabs gsang ba rdzogs par bya// mi yi gsang ba rab tu rdzogs// byang chub sems kyi phur pas gdab// mngon du phyung ba'i sbyor sgrol te// gzhi nas gsang ba 'bum du 'gyur// thams cad ma lus sgrol bar 'gyur// 'bras bu mnyam nyid rgyal po thob// yul dang bral ba'i bsgral ba yin// rdo rje gtsug lag gi 'khrul 'khor gyi bshad rgyud chen po las/khro bo gtsug gi thems bshad pa'i le'u ste dgu pa'o//// gnyis pa tshad mar bstan pa ni// spyi dang bye brag gsang sngags te// las sngags yan lag bzhi yis mdzes// bzhi bcu brgya dang 'bum du grags// dkrugs pas bsgrub pa'i sngags su 'gyur// 'bru re sdebs pa las su 'gyur// de yang rnam pa gnyis yin te// thabs kyi yon tan bstan pas bzhi// shes rab yon tan bzhi ru 'gyur// dang pos 'jig pa brgyad las skyob// gnyis pas yon tan drug tu 'gyur// gsum pas dang po drug 'ching byed// bzhi pas mos pa rnam bzhir bsgyur// shes rab rnam pa bzhi yin te// dang po bkra shis yin par bshad// gnyis pa dbang po zhes byar bshad// gsum pas dbang po bya bar grags// bzhi pas yon tan bya bar 'dod// rtsa ba de las yan lag ni// rnam pa bzhi ru shes par bya// de la gsang ba lnga dang ldan// gcig pa sku ste gnyis pa gsung// gsum pa yon tan lnga pa las// gsang ba'i yum ni gsum du bshad// sku gsung thugs kyi gsang ba'o// de la gsang sngags rgyan dang ldan// dug spangs rab tu gsang bar gsungs// bye brag gsang sngags bstan pa ni// dgu 'am lnga pa bsnyen par gsungs// brgyad dang bkra shis bzhi bsgrubs te// bdun bzhi las kyi sngags su bshad// 'phrin las bzhi zhes bshad pa yin// dang por rigs kyi las snga ste// gnyis dang gsum la las brgyad do// bzhi pa las zhes bshad pa yin// lnga pa thogs med thams cad grub// gcig pa sku ste gnyis pa gsung// gsum pa thugs dang yon tan yin// lnga pa las su shes par bya// gzhan yang rigs su dbye ba dang// rigs ni gnyis par shes par bya// spyi dang bye brag gsang sngags ni// mkhas pas gsang ba'i rgyud las shes// lha dang las kyi dbye ba yin// rgyas 'bring tha ma bzhir bstan no// gsang chen yum gyi dbye ba yi// gsang ba gsum mam lnga ru bshad// thogs med las kyi dbye ba yis// rnam pa bzhi ru shes par bya// rdo rje gtsug lag gi khrul 'khor gyi bshad rgyud chen po las/khro bo gtsug lag gi tshad ma bstan pa'i le'u ste bcu pa'o//// gsum pa gsang ba bstan pa ni// las kyi dbye ba sdeb par shes// dang por sku dang las sngags te// gnyis par gsung rtsa las sngags so// gsum par thugs rtsa las sngags so// bzhi par yon tan las sngags te// lnga par 'phrin las las sngags so// spyi dang bye brag gang bsgrub dang// gsang ba'i 'khor lo 'di ltar bskor// dang po lha la bskor ba ni// rnam pa bdun du shes par bya// dang po bsnyen pa'i 'khor lo bskor// gnyis pa nye bsnyen 'khor lo bskor// gsum pa bsgrub pa'i 'khor lo yin// bzhi pa bsgrub chen 'khor lo yin// lnga pa 'phrin las 'khor lo ste// drug pa 'phrin las 'khor lo yin// bdun pa tshar gcad 'khor lo yin// yang na rnam pa bzhi ru shes// bsnyen pa nye bsnyen bstan pa dang// sgrub pa bsgrub chen bstan pa'o// yang na rnam par gsum du bstan// bsnyen bsgrub las la sbyar ba'o// de dag las ni gang bsgrub dang// spyi dang bye brag gnyis su bshad// spyi la 'khor lo bskor ba ni// lha yi 'khor lo rab rdzogs nas// dang por dgug pa'i 'khor lo ste// gnyis pa dbye ba'i 'khor lo bskor// gsum pa dbang gi 'khor lo bskor// bzhi pa bsad pa'i 'khor lo ste// mtshan ma brtags la dbab par bya// de ltar las thabs re re la// bro stabs la sogs gsum dang ldan// zhi rgyas la sogs 'khor lo ni// dang po sku yi zhi ba ste// gnyis pa gsung gi zhi ba 'o// gsum pa thugs kyi zhi ba ste// rgyas pa la sogs las la sbyar// rme 'khrug 'khor lo bskor ba la// dang por dkrug dang gnyis par dbab// gsum pa dbye dang bzhi pa bskrad// lnga pa gnan pa drug pa dkrugs// bdun pa bsad pa'i 'khor lo bskor// stabs pa la sogs las gsum bya// de las zhi ba'i 'khor lo ni// rnam pa bzhi ru bskor bar bya// de las rgyas pa'i 'khor lo bskor// bro stabs la sogs rdzogs par bya// las mtha' thams cad rab tu bsdu// rdo rje gtsug lag 'khrul 'khor gyi bshad rgyud chen po las/ khro bo gtsug lag gi rtsibs bstan pa'i le'u ste bcu gcig pa'o//// de nas yang gsang ba'i bdag po rdo rje 'chang bas/bcom ldan 'das dpal kun tu bzang po la 'di skad ces gsol to// e ma bde gshegs bcom ldan 'das/ rdo rje pad+ma gtsug lag gi 'khrul 'khor bdag la bshad du gsol// zhes gsol pa dang/bcom ldan 'das kyis bka' stsal pa// ma 'ongs rnams kyi don phyir du// 'khor lo zhu ba rab tu legs// 'khor lo'i don rnams ngas bshad kyis// 'gro la phan phyir gus par nyon// pad+ma'i rgyud don 'bum phrag lnga// dang por thems kyi ji ltar dbye// dang por chos sku 'khor lo ni// rin chen 'od dang 'bar ba ste// sna tshogs snang la rang bzhin med// gnyis pa longs sku 'khor lo ste// mi 'gyur rdo rje sna tshogs gsal// gsum pa sprul pa'i 'khor lo ni// dag byed pad+ma sna tshogs 'bar// dbus kyi 'khor lo mtshan pa yi// gnyis pa bzhi pa las 'khor te// rgyas 'bring tha ma gsum du bstan// bzhi brgyad rnam pa bcu rnams so// bzhi ni las chen 'khor lo ste// brgyad ni gsang chen shes rab yin// bcu ni las rab chen po'o// rme 'khrug 'khor lo gsum mam bzhi// rang dang gzhan dang mu stegs dang// nyan thos sde bzhir bshad pa yin// de dag las ni gang byed dang// bsrung pa gcig las rgyas 'bring tha// dang por las su bshad yin pa// gnan pa gcig las rgyas 'bring tha// gnyis pa'i las su bshad pa yin// bzlog pa gcig la rgyas 'bring tha// gsum pa'i las su bstan pa yin// phye bas rnam pa bcu gnyis te// bsdus pa rnam pa dgu ru 'gyur// shin tu bsdus na gsum du 'dus// gzhan yang byas gshig zhen bzlog dang// zug pa dbyung dang gnas pa spongs// bcings pa bkrol dang sde brgyad dkrug/ 'khor lo bzhi bsdu byad kha btu// spar bu gshig dang dpal gsad dang// rdo rje rgya gram gshig pa dang// the rang dkar gcig klu 'khor gshig/bcing dang gzir dang gsad pa dang// phan bya gnod dang gnod bya phan// rme 'khrug bdun dang lnga pa dang// brgyad dang bcu par shes par bya// rdo rje gtsug lag 'khor lo'i bshad rgyud chen po las/pad+ma gtsug lag gi thams bshad pa'i le'u ste bcu gnyis pa'o//// gnyis pa tshad ma bstan pa ni// tshad ma rnam pa lnga yin te// btu ba rnam pa gnyis su 'dus// rtsa ba yi ni las sngags so// rtsa ba nyi shu rtsa lnga ste// las sngags rgyas 'bring tha ma'o// sku yi sku ste bcu bdun la// bsnyen pa rtags phyung thob par bya// sku yi gsung ste bcu bdun la// gsung gi rtags byang thob par bya// sku yi thugs te bcu bdun la// thugs kyi rtags byung thob par bya// sku yi yon tan bcu bdun la// yon tan rtags byung thob par bya// sku yi 'phrin las bcu bdun la// 'phrin las rtags byung thob par bya// de rdzogs bsnyen par shes par bya// gsung gi sku ste bcu drug dang// gsung gi gsung ste bcu drug dang// gsung gi thugs te bcu drug dang// gsung gi yon tan bcu drug dang// gsung gi 'phrin las bcu drug ni// nye bsnyen zhes ni bshad pa yin// thugs kyi sku ste bco lnga dang// thugs kyi gsungaste bco lnga dang// thugs kyi yon tan bco lnga dang// thugs kyi 'phrin las bco lnga dang// bsgrub pa zhes ni bshad pa yin// yon tan sku ste bcu bzhi dang// yon tan thugs te bcu bzhi dang// yon tan yon tan bcu bzhi dang// yon tan 'phrin las bcu bzhi ni// bsgrub chen zhes su bshad pa yin// 'phrin las sku ni bcu gsum dang// 'phrin las gsung ni bcu gsum dang// 'phrin las thugs ni bcu gsum dang// 'phrin las yon tan bcu gsum dang// 'phrin las 'phrin las bcu gsum ni// 'phrin las zhes ni bshad pa yin// de rnams g.yon du bzlas pa ni// yum gyi sngags su bshad pa yin// lnga pa spyir ni dril byas pas// yongs su rdzogs pa'i 'phrin las ni// mnan bsreg 'phang gsum rdzogs par sbyar// dbang gi rta bro rtag tu brdung// dmun long rgyab sbrel dag tu bskul// brtul zhugs brgyad brgyad drag sngags bzlas// dur khrod ma brgyad 'khor lo bskor// dbang gi klu brgyad blangs nas ni// dregs pa'i klu brgyad dbang du bsdu// dbang gi rta bro gsum brdungs la/ khams gsum thams cad rdul du rlag/ sangs rgyas sems can zas su za// rdo rje gtsug lag gi 'khrul 'khor gyi bshad rgyud chen po las/ rdo rje pad+ma gtsug lag gi tshad ma bstan pa'i le'u ste bcu gsum pa'o//// gsum pa'i gsang ba bstan pa ni// las kyi dbye ba shes bya ste// sku yis rang gi sde pa sgrol// gsung gis gzhan gyi sde pa ste// thugs kyis mu stegs log lta sgrol// yon tan nyan thos sde bzhi sgrol// 'phrin las spyi yi sgrol sngags so// las dang lnga ru shes bya ste// zhi dang rgyas dang dbang dang ni// drag po las dang sna tshogs lnga// zhi ba sku sde dbang gi gsung// drag po thugs te yon tan rgyas// 'phrin las sna tshogs sbyar bar bya// gzhan yang las sna tshogs rgyas 'bring bzhi// bzhi bcu brgya rtsa 'bum du gsung// sku dang bzhi bcu brgya rtsa 'bum// thugs kyi bzhi bcu brgya rtsa 'bum// yon tan bzhi bcu brgya rtsa 'bum// 'phrin las bzhi bcu brgya rtsa 'bum// rme 'khrug las kyi dbye ba rnams// rig sngags gnan dang bsrung ba dang// bzlog dang bcing dang bral ba dang// dgug dang dbang bsdu gzir ba dang// las kyi dbye bas shes par bya// zab cing rgya che gsang ba'i gter// dang po sku ste yon tan dang// gnyis pa gsung ste 'phrin las ni// dang po las ni shes par bya// dang po gsung ste gnyis pa sku// gsum pa thugs te bzhi ba gsung// gnyis pa'i dus su shes par bya// dang po thugs te yon tan dang// gnyis pa 'phrin las tha ma sku// gsung gyi dus su shes par bya// dang po yon tan gnyis pa thugs// sku ste tha ma gsung dang ldan// bzhi pa'i dus su shes par bya// dang po 'phrin las gnyis pa thugs// yon tan tha ma gsung dang ldan// lnga pa'i dus su shes par bya// sku gnyis tha ma gsung dang ldan// rme 'khrug dus su shes par bya// gsung gi tha ma sku dang ldan// rme 'khrug dus su shes par bya// thugs gnyis tha ma sku dang ldan// rme 'khrug dus su shes par bya// sku gnyis tha ma thugs dang ldan// rme 'khrug dus su shes par bya// gsung gnyis tha ma thugs dang ldan// rme 'khrug dus su shes par bya// gzhan yang nyi shu rtsa lngar 'khrug/ rme 'khrug dus su shes par bya// rdo rje gtsug lag gi 'khrul 'khor gyi bshad rgyud chen po las/rdo rje pad+ma gtsug lag gi rtsis bstan pa'i le'u ste bcu bzhi pa'o//// de nas yang gsang ba'i bdag po rdo rje 'chang bas/ bcom ldan 'das dpal kun tu bzang po la 'di skad ces gsol to// e ma bde gshegs bcom ldan 'das// rdo rje phur pa gtsug lag gi/ 'khrul 'khor bdag la bshad du gsol// zhes gsol pa dang// bcom ldan kyis bka' stsal pa// ma 'ongs rnams kyi don phyir du// 'khor lo zhu ba rab tu legs// 'khrul 'khor don rnams ngas bshad kyi// 'gro la phan phyir gus pas nyon// phur pa'i rgyud don 'bum phrag lnga// rigs ni rnam pa lngar bshad de// bde gshegs rigs dang rdo rje'i rigs// rin chen rigs dang pad+ma'i rigs// las kyi rigs dang rnam pa lnga// 'khrul 'khor rnam pa gsum du 'dus// chos sku longs sku sprul sku gsum// sku las byung ba'i 'khor lor 'phros// mtshan ma rnams pa gsum du bshad// chos sku rin chen 'od 'bar mtshan// longs sku rdo rje sna tshogs mtshan// sprul sku pad+ma 'bar bas mtshan// de las sku 'khor rgyas 'bring gsum// brgyad dang bcu dang rdzogs pa'o// ye shes lnga yi kha dog gsal// las kyi 'khor lor bshad pa yin// de las spros pa 'bum du 'gyur// bsdus pa rnam pa lnga ru bshad// las kyi dbye bas bcu drug 'gyur// bsdus pa'i 'khor lor bshad pa'o// gsang chen las brgya rnam pa gsum// pho brang lha ni dkyil 'khor gsum// de yang phyi nang gsang ba gsum// rtag pa shes rab 'khor lo bzhi// lha yi dkyil 'khor rgyas 'bring bsgom// 'khrul 'khor las kyi 'khor lo ni// rten 'brel rdzas kyi rnam par bshad// de las rgyas 'bring tha ma gsum// de las yan lag rgyas 'bring gsum// bzhi dang lnga pa tha ma ste// bdun pa 'bring gi thems su bshad// bcu pas rgyas 'bring thems su bshad// skyon ni bzhi lnga bdun dang bcu// de bzlog thems kyi yon tan no// yang ni 'khor thems rnam pa gsum// yan tra man tra tan tra gsum// yan tra rgyas 'bring rnam gsum ste// man tra rgyas 'bring gsum mam bzhi// tan tra rgyas 'bring sngags su shes// rme 'khrug thems la gsum du bstan// de las las ka rgyas 'bring gsum// byas pa gshig dang rig sngags bcad// zug pa dbyung dang byed las grol// zhen pa bzlog dang mthu byin 'phrog/ de las spros na 'bum du 'gyur// bsdu na brgya rtsa gcig tu 'dus// rdo rje gtsug lag gi 'khrul 'khor gyi bshad rgyud chen po las/rdo rje phur pa gtsug lag gi thems bstan pa'i le'u ste bco lnga pa'o//// gnyis pa tshad ma bstan pa ni// tshad ma brgya dang nyi shu ste// yan lag rnam pa drug bcu ldan// dang por tshad ma nyi shu bzhi// yan lag rnam pa bcu gnyis ldan// gti mug sgrol ba'i 'khrul 'khor te// rigs rnams bsdus ba'i 'khor lor bshad// bde gshegs khros pa'i 'khrul 'khor ro// gnyis pa tshad ma bstan pa ni// tshad ma nyi shu rtsa bzhi ste// yan lag rnam pa bcu gnyis ldan// dang por tshad ma nyi shu bzhi// zhe sdang sgrol ba'i 'khrul 'khor te// rdo rje bsdus pa'i 'khor lor bshad// rdo rje bsdus pa'i 'khrul 'khor ro// gsum pa'i tshad ma bstan pa ni// tshad ma nyi shu rtsa bzhi ste// yan lag rnam pa bcu gnyis ldan// nga rgyal bsgral ba'i 'khrul 'khor te// rin chen bsdus pa'i 'khor lor bshad// rin chen khros pa'i 'khrul 'khor ro// bzhi ba'i tshad ma bstan pa ni// tshad ma nyi shu rtsa bzhi ste// yan lag rnam pa bcu gnyis ldan// 'dod chags sgrol ba'i 'khrul 'khor ro// pad+ma 'dus pa'i 'khor lor bshad// pad+ma khros pa'i 'khrul 'khor ro// lnga pa'i tshad ma bstan pa ni// tshad ma nyi shu rtsa bzhi ste// yan lag rnam pa bcu gnyis ldan// phrag dog sgrol ba'i 'khrul 'khor te// 'phrin las 'dus pa'i 'khor lor bshad// las rab khros pa'i 'khrul 'khor ro// yi ge grangs kyi nges 'dzin ni// na ya rnam pa lnga ru brtsi// dang po las ni 'khor lo sgra// na ya rnam pa gnyis su bgrang// de las rnam pa bco lnga'o// gnyis pa las ni rdo rje sgra// na ya rnam pa gnyis su bgrang// de la rnam pa bco lnga'o// gsum pa la ni rin chen sgra// na ya rnam pa gnyis su bgrang// de las rnam pa bco lnga'o// bzhi pa la ni pad+ma'i sgra// na ya rnam pa gnyis su bgrang// de la rnam pa bco lnga'o// lnga pa la ni 'phrin las sgra// na ya rnam pa gnyis su bgrang// de las rnam pa bco lnga'o// de ltar gsang sngags nyi shu las// brgya yi sgra dang rab ldan pas// rigs ldan gsang ba'i rgyud las btu// tshad ma brgyad dang nyi shu ni// gsang sngags dngos grub rtsa ba ste// yan lag rnam pa drug cu ni// dngos grub 'byung ba'i rkyen du gsungs// de las dngos grub thams cad 'byung// yang na gsang sngags skyes bur bsgyur// las rnams gang 'grub 'dod pas sbyar// rdo rje gtsug lag gi bshad rgyud chen po las/ rdo rje phur pa gtsug lag gi tshad ma bstan pa'i le'u ste bcu drug pa'o//// gsum pa rtsis kyi man ngag bshad// bsnyen pa dang nye bsnyen pa// bsgrub pa dang ni bsgrub chen dang// rnam pa nyi shur bshad pa yin// rtsa ba'i bsnyen pa bco lnga la// gzas pa gtan 'pho drag po dang// yongs su sgrol bar dbye bar bya// 'khor gyi bsnyen pa bzhi yin la// phye bas rnam grangs nyi shur brjod// yongs su rdzogs pas brgya rtsar bshad// phan bya lha sngags dbye ba yis// rnam pa bcu zhes bshad pa yin// gnod byed lha sngags dbye ba yis// phyogs kyi sgra zhes bshad pa yin// kun yang sbyor ba sdebs pa ni// gsang ba bcu ru shes par bya// rnal 'byor nang rme 'thab byed tshe// shi ba'i rnam pa gsum las bcu// phyi bas brgya rtsa 'bum du 'gyur// 'khor lo rnam pa lnga bcu ste// phan gnod phye bas brgya ru 'gyur// rme 'khrug phye bas lnga brgyar 'gyur// dug mda' lnga bcu rtsa gcig go/ drag po thun la lnga bcu nyid// las kyi dbye ba bcu nyid de// zhi dang rgyas dang dbang dang drag/bskrad dang dbye dang dgug dang bsreg/ gnan dang bcing bar gsungs pa ste// phyogs skyong bcu 'dul bgegs kyi gshed// phyi bas rnam pa brgyad bshad de// bsdu na rnam pa lnga bcu nyid// ging gi rnam pa lnga ru 'gyur// rme 'khrug phye bas lnga brgyar 'gyur// las rnams thams cad thog med 'grub// gnyen po mgo ste rtsa ba lus// yan lag gnyis dang de bzhin no// las byed rtsa ba yan lag gnyis// lus dang yan lag bar du spel// spel ba dgra bgegs gang yang rung// lus kyi sdud byed 'jug la ste// gsang ba las kyi 'khor lo bshad// dug mtha' ging nyid mtha' nyid la// las byed rtsa ba dang po ru// sbyor ba gong 'og gnyis su 'gyur// gsang sngags 'khrul 'khor lnga nyid la// sbyor ba mkhas pas sdeb par bshad// las kyi rtsa ba gsang ba'i rgyud// 'khor lo rgyud chen gsang bshad pa// gsang ba'i rgyud las thug par bshad// gsang ba rtsa ba tshad ma ste// tshad ma thebs kyis sgrol bar bshad// thebs kyis mtha' ni rtsis la thug/ rtsis mtha' yi ge ngos 'dzin yin// yi ge mtha' ni pha dang ma// pha ma mtha' ni sdebs pa'o// sdebs pas dngos grub gang 'dod 'byung// gsang sngags yid bzhin nor bu la// gsang sngags lnga las 'dod pa 'byung/ rdo rje gtsug lag gi bshad rgyud chen po las/ rdo rje phur pa gtsug lag gi rtsis bstan pa'i le'u ste bcu bdun pa'o//// yang gsang bdag po rdo rje 'chang bas// bcom ldan 'das dpal kun tu bzang po la 'di skad ces gsol to// e ma ho bde gshegs bcom ldan 'das// rdo rje 'dzin pa gtsug lag gi/ 'khrul 'khor bdag la bshad du gsol// zhes gsol pa dang// bcom ldan 'das kyis bka' stsal pa// ma 'ongs rnams kyi don phyir du// 'khor lo zhu ba rab tu legs// 'khor lo'i don rnams ngas bshad kyis// 'gro la phan phyir gus pas nyon// gsang sngags 'bum dang bye ba bdun// dam pa brgyad du 'dus zhes bya// de la dang por gsang thebs bshad// 'khor lo sku gsum mtshan ma gsum// chos sku rin chen 'bar ba dang// longs sku rdo rje sna tshogs mtshon// sprul pa dag pa'i pad+ma 'bar// sku 'khor dbus kyi dang po'o// de las 'khor lo rgyas 'bring bzhi// sum bcu drug dang nyi shu brgyad// bco brgyad las bzhir bshad pa yin// spyir don 'khor lo nyi shu gcig/ rab tu gsang ba'i 'khor lo ste// skyon spangs yon tan ldan pa'o// 'khor lo bsgrub pa gnyis yin te// thun mong thun mong ma yin pa'o// thun mong bsgrub pa drug tu bstan// snying po gsang sngags bsgrub pa dang// rig sngags drag por bsgrub pa dang// gzungs sngags gsang bar bsgrub pa dang// mdor ltar bsgrub pa drug tu bshad// bsgrub lugs re re dag la yang// bsnyen bsgrub las la sbyar ba ste// bsnyen pa'i bsgrub lugs drug nyid la// gsang chen bsgrub pa drug tu 'dod// mthar phyin las dang de bzhin no// thun mongs bsgrub ces bshad pa yin// gsang ba thun mongs ma yin pa'i// rnam pa bzhi ru shes par bya// snying po phyag rgya chen po dang// gsang sngags bsgrub dang rig sngags bsgrub// gzungs ltar bsgrub pa bzhir bshad do// de las gsang ba bcu gnyis te// 'khor lo nyi shu rtsa gcig ldan/ ting 'dzin las kyi 'khor lo bskor// man tra 'khor lo drag tu drag/ tan tra 'khor lo legs par bco// rme 'khrug las kyi 'khor lo ni// gsang ba bcu par shes par bya// gsang ba rdzogs ldan 'khor lo ni// gsang ba nyi shu rtsa gcig go/ las rnams byed pa'i 'khor lo ni// gsang ba brgya rtsa gcig tu 'gyur// rdo rje gtsug lag gi bshad rgyud chen po las/rdo rje 'dzin pa gtsug lag gi thems bshad pa'i le'u ste bco brgyad pa'o//// gnyis pa tshad ma gsang ba bshad// tshad ma nyi shu rtsa bzhi ste// dang por gsang ba drug pa yi// dang po rnam pa gnyis yin te// phye bas drug dang bzhi ru 'gyur// de re rnam pa gsum du bstan// don chen man ngag bsnyen pa dang// shugs chen sngon du 'gro ba dang// las chen nor bu lugs dang gsum// phye bas 'dir yang nyi shu bzhi// dam pa rnam pa brgyad rnams kyi// gsang ldan bzhi bcu rtsa brgyad pa// bsnyen pa'i tshad mar ngas lung bstan// bsgrub pa'i tshad ma nyi shu bzhi// gnyis pa'i gsang ba drug pa yi// tshad ma rnam pa gnyis yin te// gsang ldan bzhi bcu rtsa brgyad pa// bsgrub pa'i tshad mar ngas lung bstan// las kyi tshad ma rgyas 'bring bzhi// dang po tshad ma bstan pa ni// rab la sum cu rtsa drug la// 'bring la nyi shu rtsa brgyad do// tha ma bco brgyad bzhir bstan pa// kun la rim bzhin sbyar bar bya// las kyi tshad mar ngas lung bstan// rme 'khrug lnga yi las byas na// gsang ba bzhi las re re ste// spyi yi sngags bstan lnga pa yin// drag po brgyad dang gsum rnams dang// drag sngags skyabs kyi shes bya ste// gsang ba bcu nas brgya rtsa'i bar// bzlog dang dkrug dang rnam pa dang// gsang ba bdun nam lnga ru shes// 'dren pa'i yi ge bdun nam lnga// yan lag rdzogs pa'i las sngags brgya// brgyad dang ldan pas ngas lung bstan// sgra yi drag sngags lnga yi mdzes// bsgyur ba'i swa ni brgya dang bcu// lnga ldan gsang bar ngas lungs bstan// dam pa brgyad kyi rjes 'bring nas// gcig la lnga lngar bar tu dbye// gtso dang 'khor gyi dbye bas so// rigs ni phye bas lnga 'am gsum// spyi dang bye brag gnyis su shes// spyi gsang spyi yi las rnams ni// gsang ba grub pa'i tshod dang sbyar// sgrub pa dal drag tshod dang sbyar// byas pa bshig dang las la sbyar// bkru dang byab dang brab dang gsum// gnan dang bsreg dang 'phang dang gsum// mchod dang zhi bya yengs dang gsum// gsang dang sba dang bkrag dang gsum// bco lnga rtsa ba'i mtha' yin la// bco brgyad gsang mtha' gnyis pa'o// nyi shu gcig pa gsum par sba// bcu gnyis bkrag par gsungs pa yin// rdo rje gtsug lag gi bshad rgyud chen po las/ rdo rje 'dzin pa gtsug lag gi tshad ma bshad pa'i le'u ste bcu dgu pa'o//// gsum par rtsis kyi rnam grangs bshad// rtsis ni rnam pa rgyas 'bring bzhi// gsang ba'i las dang lnga ru bshad// bsnyen pa gsang ba bdun dang ldan// bsdus pa'i rnam pa gsum du 'gyur// bsgrub lugs drug gam bzhi nyid la// re re dag la gsum gsum mam// yang na rdzogs pa bdun dang ldan// nyon mongs spangs dang spyad dang mnyam// tshad med rdzogs ldan rab tu gsang// bsnyed bsgrub las la sbyar bar gsungs// 'phrin las dbye bas bzhi las ni// nyi shu rtsa bzhir shes par bya// bsgrub pa gsang ba bdun dang ldan// bsdus pa rnam pa gsum du 'gyur// bsgrub lugs bzhi 'am drug nyid dam// re re dag la gsum gsum mam// yang na rdzogs pa bdun dang ldan// nyon mongs spyod dang spangs dang mnyam// tshad med rdzogs ldan rab tu gsang// 'phrin las dbye ba bzhi las ni// nyi shu rtsa bzhir shes par bya// las ni rnam pa bzhi nyid las// bzhi dang bco brgyad nyi shu bzhi// gsum bcu rnam pa drug dang ldan// bdun dang dgu dang lnga pa dang// yang na gsum par shes par bya// gtso bo 'khor dang yan lag dang// yum dang de 'khor yan lag bcas pa ste// spyi dang las dang las kun byed// gsang sngags dgu zhes bshad pa yin// gsang ba'i sgra gnyis spangs pa bdun// gab pa spangs pa bdun du 'gyur// sbas pa'i gnyis spangs lnga pa ste// yan lag bral bas gsum mam bzhi// dang po 'jug ni las myur te// dang po bar ni bkra shis 'gyur// dang po ci zhes bshad pa yin// bar ma dang por mgo bar las// bar ma tha ma spyi zhes bshad// tha ma dang po bar ma dang// gsang ba'i sgra dang bcas pa spong// gang la spyad dang 'grub 'gyur te// spyi yi las ni rnam pa lnga// rang dang gzhan dang mu stegs dang// nyan thos spaug par bshad pa yin// byas nas byas pa gzhig 'gyur te// bcing dang mnan bzlog bsrung ba dang// 'khor lo gsum gyi las kyi mtha'// 'brel ba brgyad la las brgyad de// gsang gnas bcu la las bcu yin// mtshan la gsum dang sbyar bar bya// dang por lha dang 'dre gdon dbye// gnyis pas bgegs la gsal bar 'gyur// gsum pas lha yi rtags su 'gyur// rim pa bye brag rgyud du bshad// rdo rje gtsug lag gi bshad rgyud chen po las/ rdo rje gtsug lag gi rtsis bshad pa'i le'u ste nyi shu pa'o//// de nas yang gsang ba'i bdag po rdo rje 'chang bas/ bcom ldan 'das dpal kun tu bzang po la 'di skad ces gsol te// e ma bde gshegs bcom ldan 'das// rdo rje khyung chen gtsug lag gi/'khrul 'khor bdag la bshad du gsol// zhes gsol ba dang/ bcom ldan 'das kyis bka' stsal pa/ ma 'ongs rnams kyi don phyir du// 'khor lo zhu ba rab tu legs/ 'khor lo'i don rnams ngas bshad kyis// 'gro la phan phyir gus par nyon/ khyung chen rgyud sde 'bum phrag lnga// sku gsung thugs dang yon tan dang// 'phrin las rgyud dang lnga ru bstan// de la dang por sbas thems bshad// 'khor lo sku gsum mtshan ma gsum// chos sku nor bu rin chen mtshan// longs sku rdo rje rgya gram mtshan// sprul sku pad+ma sna tshogs mtshan// sku 'khor dbus 'khor lte bar ro// de las sku 'khor rgyas 'bring gsum// bcu dang brgyad dang bzhi rnams so// bcu ni las ka bcur brgyan te// zhi dang rgyas dang dbang dang drag/ dgug dang dbye dang bskrad pa dang// gnan dang dkrug dang smyo 'bros dang// rnam pa bcu zhes bshad pa yin// 'bring la las kha rnam par brgyad// dgug dang bskrad dang gdab pa dang// dbye dang mnan dang bsad pa dang// brub dang sdeb pa rnam pa brgyad// tha ma zhi rgyas dbang drag bzhi// las kyi dbye ba bstan pa'o// rme 'khrug rnam pa bzhi bcu ste// phyi bskor bcu dang nang bskor bcu// gsang bskor bcu dang mthar thug bcu// rigs kyi dbye bas bcu phrag ni// nyi shu tham pa shes par bya// spog pa'i dbye bas brgyad cu ste// las kyi dbye bas nyi shu ni// phrag ni rnam pa lngar bshad de// spog pa'i dbye ba nyi shu ni// phrag ni bzhi bcur shes par bya// rgyas par phye bas 'bum du 'gyir// de la thebs kyi skyon yon ni// bzhi 'am drug cu bdun du bshad// skyon spangs yon tan bcu bdun ldan// gzhan yang rigs kyi 'khor lo bzhi// gsang mdzod rnam pa brgyad dang ldan// rigs kyi gshed 'khor rnam pa lnga// 'khor gyi gshed ni rnam pa bzhi// phye bas brgyad lnga bzhi bzhir bshad// rdo rje gtsug lag 'khrul 'khor gyi bshad rgyud chen po las/ rdo rje khyung chen gtsug lag gi thems bshad pa'i le'u ste nyer gcig pa'o//// gnyis pa tshad ma bstan pa ni// tshad ma rnam pa gnyis yin te// thun mong dang ni khyad par ro// thun mong rnam pa lngar bshad do/ khyad par kyang ni lnga ru bshad// thun mongs spyi zhes spyad pa yin/ khyad par nyi shu rtsa lngar bshad// lngas ni bsnyen pa bshad pa ste// lngas ni bsgrub pa shes par bya// lngas ni las la sbyar ba ste// lngas ni spog par bstan pa yin// lngas ni rnam 'byor rme sngags so// 'khor ni drag sngags nyi shu ba// de la lngas ni bsnyen pa ste// lngas ni bsgrub pa'i sngags su shes// lngas ni spog pa'i sngags su bshad// rtsa sngags thun mong khyad par las// las sngags thun mong khyad par te// thun mong las sngags rgyas 'bring tha/ khyad par de bzhin shes par bya// gsang ba bdun dang las phran ni// rnam pa bcu bzhir shes par bya// bcu phrag brgyad bcu dbye la sogs// 'khor lo dbye bas shes par bya// thun mong tshad ma rnam pa bcu// phyi la gnyis te nang la gnyis// gsang ba gnyis la gsang chen gnyis// sbas pa gter la gnyis su bstan// sbas pa gter la thun mong ni// rnam par lnga ru shes par bya// thun mong ma yin tshad ma ni// rnam pa bco lngar shes pa ste// phyi gsum nang gsum gsang ba gsum// gsang chen gsum la sbas pa gsum// tshad ma rnam pa brgyad yin te// gnyis pa nang gi tshad ma brgyad// gsum pa gsang ba'i tshad ma brgyad// bzhi pa gsang chen tshad ma brgyad// sbas pa gter la tshad ma brgyad// spyir na tshad ma lnga nyid la// rigs kyis phye bas nyi shu ni// rtsa lnga par ni bshad pa yin// bde bshegs rigs chen lnga nyid la// rdo rje zhe sdang rigs te lnga// nga rgyal rin chen rigs te lnga// 'dod chags pad+ma'i rigs te lnga// phrag dog las kyi rigs te lnga// de la rigs kyi bsgrub pa ni// nyi shu rtsa lnga shes par bya// de la brgyad phrag lnga ru sbyar// 'khor gyi gsum las lnga ru sbyar// spyir na rnam pa bco lngar bshad// de la bsgrub pa bco lnga ste// tshad ma brgyad phrag gsum du sbyar// gsang ba'i las lnga rigs kyi dbye// bdun pa'i sbyor ba rab tu sngags// bdun tsho gsum du shes par bya// rdo rje gtsug lag gi bshad rgyud chen po las/ rdo rje khyung chen gtsug lag gi tshad ma brgyad pa'i le'u ste nyer gnyis pa'o//// gsum pa rtsis kyi grangs bstan pa// rtsis ni rnam pa lnga yin te// gtso bo rigs kyi dbye bas so// bsnyen pa'i rim pa bco lnga 'am// yang na nyi shu rtsa lnga 'am// nyi shur bsgrubs kyang 'gal ba med// bsgrub pa'i rtsis ni lnga yin te// 'khor gyis dbye ba bcu ru 'gyur// yang na gong ltar bco lnga 'am// yang na nyi shu rtsa lnga 'am// nyi shu bsgrubs kyang 'gal ba med// dang por rtsa sngags lnga sdeb sdeb// gsang ba gcig pa dang po sdeb// gsang ba gnyis pa gnyis par sdeb// gsang ba gsum la gsum pa ste// gsang ba bzhi la bzhi par sdeb// gsang ba lnga pa lnga par sdeb// de la las sngags sbyor bar ldan// de 'og sbas pa lnga pa ste// sbas pa gcig la dang po ste// sbas pa gnyis pa gnyis par sdeb// sbas pa gsum pa gsum par sdeb// sbas pa bzhi pa bzhi par ste// sbas pa lnga pa lnga par ro// de las gsang sngags sbyor bar ldan// de 'og gab pa lnga pa ste// gab pa gcig pa dang po ste// gab pa gnyis pa gnyis par sdeb// gab pa gsum pa gsum par sdeb// gab pa bzhi pa bzhi par ro// gab pa lnga pa lnga par te// de las lngags kyi sbyor bar ldan// de 'og las sngags lnga pa ste// las sngags bzhi pa dang po ste// las sngags gnyis pa gnyis par sdeb// las sngags gsum pa gsum par sdeb// las sngags bzhi pa bzhi par sdeb// las sngags lnga pa lnga par sdeb// de las las sngags sbyor bar ldan// de 'og dkrug pa'i sngags lnga ste// dkrug pa gcig pa dang por ste// dkrug pa gnyis par gnyis par sdeb// dkrug pa gsum pa gsum par sdeb// dkrug pa bzhi pa bzhi par ldan// dkrug sngags lnga pa lnga par sdeb// de la las sngags sbyor bar ldan// nyi shu par ni rab sdeb par// dang por rig 'byed gsang ba bzhi// gnyis pa rigs bsdus gsang ba bzhi// gsum par rigs 'gal gsang ba bzhi// bzhi pa rigs sdeb gsang ba bzhi// rims chags la ni las sngags ldan// de 'og sku gsung thugs sngags te// rigs kyi dbye ba bco lnga ste// rims chags su ni sdeb par gsungs// las sngags sbyor ba thams cad sbyar// 'khor gyi sbyor ba drag 'gal med// drag dal sbyor bas gtso 'khor dbye// yang na drag dral gnyis ka'o// rdo rje gtsug lag gi bshad rgyud chen po las/ rdo rje khyung chen gtsug lag gi rtsis bshad pa'i le'u ste nyer gsum pa'o//// de nas yang gsung ba'i bdag po lag na rdo rje 'chang bas/ bcom ldan 'das dpal kun tu bzang po la mchod pa sna tshogs pas mchod nas// e ma legs so 'khor lo che// gsang ba'i drug 'khor lo legs// rol pa'i 'khor lo khyod la bstod// e ma bde gshegs bcom ldan 'das// 'jig rten dregs pa'i sde dpon gang// dregs pa'i srog 'khor ji ltar lags// gsang chen 'khor lo bshad du gsol// zhes gsol pa dang// bcom ldan 'das kyis bka' stsal pa// ma 'ongs rnams kyi don phyir du// 'khor lo zhu ba rab tu legs// 'khor lo'i don rnams ngas bshad kyis// 'gro la phan phyir gus par nyon// gdon chen bco brgyad 'khor lo ni// sde dpon bco brgyad 'khor lo ste// gshin rje ma mo 'khor dang bcas// sde brgyad lha srin 'khor dang bcas// dregs pa'i spyi yi sde dpon yin// 'chi bdag gshin rje nag po ni// gshin rje yongs kyi sde dpon yin// skye 'gro srog gi bdag mo ni// 'chi bdag nag mo'i btsun mo yin// 'byung ba lnga yi bdag mo ni// snang srid ma mo'i sde dpon yin// mu stegs ka la yak+Sha ni// log 'dren yongs kyi sde dpon yin// sngags pa lnga pa gol ba ni// ru tra'i sde dpon chen po yin// nag po me yi kha rlangs can// bdud rnams yongs kyi sde dpon yin// bdud mo nag mo khrag 'dzag ma// bdud mo yongs kyi sde dpon yin// ma hA kA la lha chen po// 'jig rten lha yi sde dpon yin// yak+Sha nag po glog 'phreng dang// sbal mgon nag mo khrag mig ma/ khyab 'jug chen po ming sring rnams// srin po mo yin sde dpon yin// gnod sbyin gang ba bzang po ni// gnod sbyin yongs kyi sde dpon yin// sha za sbyin mo ral gcig ma// gnod sbyin mo yi sde dpon yin// srid pa'i rgyal po li byin har// rgyal po gdon gyi sde dpon yin// yam shud dmar po zhes bya ba// btsan rnams yongs kyi sde dpon yin// rje dmu btsan pa zhes bya ba// dmu yi sde dpon chen po yin// rdo rje legs pa zhes bya ba// the brang yongs kyi sde dpon yin/ khu le lags dgu zhes bya ba// 'gong po yongs kyi sde dpon yin// dngos grub bar chod byed pa yin// dam sri pho mo bsgral bar bya// klu rgyal gzhon nu gtum mo dang// dga' bo la sogs klu chen brgyad// klu yi sde dpon chen po yin// sde dpon chen po bco brgyad kyi// bla rdo bcang zhing de nyid dran// rnal 'byor rab 'bring tha ma yis// gnad ma dgu yi 'khor lo bskor// sde dpon rgyal dang dmangs bzhin no// sbyor ba bzhin gang yang grub// sde dpon bco brgyad las su dran// gsang sgrol yin te gdon mi za// rdo rje gtsug lag gi bshad rgyud chen po las/ sde dpon bco brgyad bshad pa'i le'u sde nyer bzhi pa'o//// dregs pa'i srog 'khor bstan pa ni// srog dang srog 'khor de kho na// bskur ba pho nya rang sngags rmod// thams cad bsgral phyir shes par bya// 'khor lo rtsibs brgyad 'bar ba la// zhe sdang rtags mtshan kha dog lnga// drag sngags lnga dang bcas pa'o// snying khrag drag sngags bstan pa ni// badzra sarba duSh+tan// e ya ma ya/ ma ma ru lu/ ma tir ti ka ta/ ru dra ni/ ru dra du/ dun ting du/ de ba a/ rag sha ra/ rag mo ru/ yag sha k+Sha/ yag mo k+Sha/ ra tsa tsa/ tsa ra tsa/ mun mun pa/ badzra sa tu tsa/ haM shaM tri tri/ ru tri sri/ nA ga phu/ trig nan/ hur thums dza/ mA ra ya rbad/ b+h+yo raM nan/ zhes ni dregs sngags brjod tsam gyis// dregs pa bco brgyad rang 'od las// bu ga dgu nas khrag tu skyug/ dran pa tsam gyis sgrol bar byed// lus nyams gyur nas nus pa bral// rang gshed rang la 'bebs par byed// rdo rje gtsug lag gi rgyud chen po las/ dregs pa bco brgyad kyi srog 'khor bshad pa'i le'u sde nyer lnga pa'o//// gsang chen 'khor lo bstan pa ni// gsang chen 'khor lo lnga yin te// gsang chen rigs chen 'khor lo ni// bde gshegs dang ma 'dus pa yin// gnyis par gsang chen chu 'khor ro// 'dod chags sgrol ba'i 'khor lo yin// gsum par gsang chen me 'khor lo// zhe sdang sgrol ba'i 'khor lo yin// bzhi par gsang chen rlung 'khor lo// gti mug sgrol ba'i 'khor lo yin// lnga par gsang chen spyi 'khor lo// chags sdang 'byed pa'i 'khor lo yin// de las shes rab 'khor lo lnga// chags pa'i sems kyis drang bar bya// gsang chen 'khor lo gnyis su gsungs// thams cad 'byed pa'i 'khor lo bcu// thabs dang shes rab 'khor lo'o// 'dod chags zhe sdang gti mug rnams// spangs pas mu stegs lam du 'gro// ma spangs dngos grub chen po thob// rang bzhin med par de shes na// bsad pa nyid kyi byang chub 'thob// 'di la spang bya ci yang med// blang bar bya ba ci yang med// thams cad byang chub chen po ste// gsang chen 'khor lo bsnyen pa yin// rdo rje gtsug lag gi bshad rgyud chen po las/ gsang chen bsnyen pa'i 'khor lo bshad pa'i le'u ste nyer drug pa'o//// gsang chen gnyis pa'i 'khor lo ni/ gsang chen 'khor lo rnam pa drug/ chags sdang lnga yi 'khor lo dang// 'phen byed 'khor lor bshad pa yin// gnyis pa shes rab 'khor lo ni// gsang ba bdun du bshad pa yin// dbang ngo gsang ba gcig pa la// rtags pa phab nas gsang ba bstan// gzhan gyi mthu rnams 'joms par 'gyur// gnyis pa gnyis ldan 'khor lo la// rtags la phab nas gsang ba bstan// drod dang 'brel bar byed pa'i sngags// gsum pa gsang ba dngas ma ste// rtags la phab nas gsang ba bstan// sa thob rtags rnams 'jigs pa yin// bzhi pa gsang ba sgrol sngags te// yi ge srog ni yi ges 'dzin// lnga pa gsang ba 'byin pa'i lngags// yi ge srog ni yi ges 'dzin// drug pa 'byin pa 'dzin pa'i sngags// yi ge srog ni yi ges 'dzin// bdun pa 'dus pa dkrug pa ste// yi ge srog ni yi ges 'dzin// 'khor lo khong nas 'khor lo 'byung// dngas ma'i 'khor lo cher gsang ba'o// yi ge khong nas yi ge byung// dngas ma'i yi ge cher gsang ba'o// 'byung ba'i khong nas 'byung ba 'byung// dngas ma'i 'byung ba cher gsang ba'o// gsang chen 'khor lo sgrub pa yin// rdo rje gtsug lag gi bshad rgyud chen po las/ gsang chen bsgrub pa bshad pa'i le'u ste nyer bdun pa'o//// gsang chen las kyi 'khor lo ni// dngas ma 'dus pa bco brgyad la// gsang chen las kyi 'khor lo gsum// dngas ma'i 'khor lo chen po yin// 'khor lo srog ni 'khor los 'dzin// yi ge srog ni yi ge ste// 'dus pa'i srog ni ting 'dzin yin// ting 'dzin srog ni ting 'dzin te// bzhi bcu rtsa bzhi 'khor lo yin// srog 'khor las chen bco brgyad de// dregs pa bcu la yig 'bru lnga// gshin rje la ni yig 'bru gnyis// ma mo la ni yig 'bru bzhi// mu stegs gsum la ru tra gnyis// bdud pho gnyis la bdud mo gnyis// 'jig rten lha la gnyis su bstan// srin po gnyis la srin mo gnyis// gnod sbyin pho mo gnyis gnyis te// rgyal po gnyis la btsan la gnyis// dmu la gnyis la the rang gsum// 'gong po gsum la dam sri gsum// klu gnyan sa bdag gsum du 'dus// dngas ma bco brgyad 'bru re ste// gzir byed yi ge 'bru gnyis te// phrog byed yi ge 'bru gsum yin// gcod byed mtshon cha 'bru bzhi ste// mthar sdud las kyi yi ge gsum// skyin thang ser ba'i yi ge brgyad// sgrol byed thog lnga 'bru lnga ste// sgrol byed dregs pa bco brgyad kyis// lus ngag yid gsum drag pa ste/ kha rlangs sprin du chags par byed// gzi mdangs glog gi 'od du 'byung// rkan sgra drag po 'brug tu sgrogs// sprul pa thog ser skyin thang 'bebs/rdo rje gtsug lag gi bshad rgyud chen po las// gsang chen las kyi 'khor lo bshad pa'i le'u ste nyer brgyad pa'o//// gsang chen 'khor lo bstan pa ni// rang bzhin drag sngags bstan pa ste// phyi dang nang dang gsang ba dang// gsang chen dang ni gter dang gnas// lnga gsum las kyi mtha' gsum dang// 'bru gsum las rnams bsgrub pa ste// trig nan rbad/ trig nan phaT/ trig nan nan// thun gzer skabs dang sbyar bar bya// rdo rje gtsug lag 'khor lo gsum pa'i bshad rgyud chen po las/ gsang chen rang bzhin gyi le'u ste nyer dgu pa'o//// gsang chen 'khor lo bstan pa ni// drag po sngags te gsang ba'i gnas// phyi dang nang dang gsang ba dang// gsang chen dang ni gter du sbas// drug gsum las kyis mtha' gsum dang// rbad thun rbad/ rbad ril rbad/ rbad hur rbad/ rbad thum rbad/ skabs kyi yan lag shes bar bya rdo rje gtsug lag 'khor lo gsum pa'i bshad rgyud chen po las/ gsang chen drag po'i le'u ste sum cu pa'o//// gsang chen 'khor lo bstan pa ni// btsan thabs sngags te gsang ba'i las// phyi dang nang dang gsang ba dang// gsang chen dang ni gter du gnas// bdun gnam las kyi mtha' gsum dang// rbad nan rbad phaT/ rbad nan rbad/ rbad nan trig/trig rbad nan/ 'di ni sngags kyi yang snying ste// med du mi rung kun la gces// rdo rje gtsug lag 'khor lo gsum pa'i rgyud chen po las// gsang chen btsan thabs kyi le'u ste so gcig pa'o//// gsang chen 'khor lo bstan pa ni// gsang sngags yig 'bru bcu gsum pa// thun gzer rtsa ba'i las su bstan// e badzra sarba duSh+tan rbad nan/ swa rba bi sha tri/ e badzra sarba bi sha tri rbad nan// ru tra rbad dza/ phyi dang nang dang gsang ba dang// gsang chen dang ni gter du gnas/ kha bcings la sogs las rnams la// rtsis ni drug gis brtsis par bya// rdo rje gtsug lag 'khor lo gsum pa'i// bshad rgyud chen po las// gsang chen thun gzer gyi le'u ste so gnyis pa'o//// gsang chen 'khor lo bstan pa ni// dug lnga gshed du dbab pa yi// phyi dang nang dang gsang ba dang// gsang chen dang ni gter du gnas// rtsa ba'i yig 'bru bcu gsum ni// ra ga de we/ sha mo ha/ ma na/ i ri sha b+h+yo/ rgyan lnga btags pas gshed tu dbab// rgyan lnga btags pas gshed du blang// de la sbyor ba'i rtsis drug bya/ khams lngas dug lnga skyed par byed// dug lngas khams lnga sdeb par bya// rdo rje gtsug lag 'khor lo gsum pa'i bshad rgyud chen po las/ dug lnga gshed du dbab bslang gi le'u ste so gsum pa'o//// gsang chen 'khor lo bstan pa ni// dug gsum gshed du dbab cing blang// phyi dang nang dang gsang ba dang// gsang chen dang ni sbas pa'i gter// rtsa ba'i yig 'bru brgyad kyis bskul/ ra ga de we/ sha mo ha b+h+yo/ rgyan gsum btags pas gshed du dbab// de la rtsa ba'i rtsis drug tu/ khams gsum dag dang dug gsum bsdeb// rdo rje gtsug lag 'khor lo gsum pa'i bshad rgyud chen po las/ dug gsum bshed du dbab blang gi le'u ste so bzhi pa'o//// gsang chen gdab pa'i drag sngags bstan// rtsa ba'i yig 'bru dgu yis bskul// e ni du ma rA mA ra ya phaT/ de la sbyar ba rgyal po sdeb// lnga brgya dus kyi tha ma la// sbyor ba'i man ngag gsum gyis gdab// gdab pa'i gdab pa chen gsang ba// sbyor ba rnam pa lnga dang ldan// sems can rigs drug 'gro ba la// sbyor ba btags la gdab pa ste// mkha' la rgyu ba'i sems can dang// ri dwags rnams dang sems can la// gdab pa'i sngags kyis tshad dang lta// 'jig rten khams kyi rkun mo rnams// bcings te rangs par bya ba ni// a ti rbad ces sbyor ba sdeb// nyi zla gsad pa'i sbyor ba ni// sUr+Ya rbad thum ril/ tsan dra rbad ril/ de ltar sbyor ba brtsams tsam gyis// mngon sum tshad pa'i rtags rnams 'byin// nyi shu rtsa gcig grangs tshang bas// rdzas gtor 'phros pas 'phral du 'chi// rdo rje gtsug lag 'khor lo gsum pa'i rgyud chen po las/gdab pa'i drag sngags bstan pa'i le'u ste so lnga pa'o//// gsang chen lung bstan nam mkha' brgyad// e phaT/ e dza/ e b+h+yo/ e rbad/ e nan/ e rol/ e thuM e trig/ de las che bas sum cu gnyis// rdo rje gtsug lag 'khor lo gsum pa'i bshad rgyud chen po las/ lung bstan nam mkha' brgyad kyi 'khor lo bstan pa'i le'u ste so drug pa'o//// gsang chen lung bstan rlang chen brgyad// yaM phaT/ yaM dza/ yaM b+h+yo/ yaM rbad/ yaM nan/ yaM ril/ yaM thul yaM trig/ de las phye bas sum cu gnyis// rdo rje gtsug lag 'khor lo gsum pa'i bshad rgyud chen po las/ gsang chen lung bstan rlung chen brgyad kyi 'khor lo bstan pa'i le'u ste so bdun pa'o//// gsang chen lung bstan chu chen brgyad// baM phaT/ baM dza/ baM b+h+yo/ baM rbad/ baM nan/ baM ril/ baM thuM/ baM trig/ de las phye bas sum cu gnyis// rdo rje gtsug lag 'khor gsum pa'i bshad rgyud chen po las/gsang chen lung bstan chu brgyad kyi le'u ste so brgyad pa'o//// gsang chen me brgyad 'khor lo me chen brgyad// raM phaT/ raM dza/ raM b+h+yo/ raM rbad/ raM nan/ raM ril/ raM thuM/ gsang chen lung bstan sa chen brgyad// suM phaT/ suM dza/ suM b+h+yo/ suM rbad/ suM nan/ suM ril/ suM thuM/ suM trig/ de las phye bas sum/ bshad rgyud chen po las/ gsang chen lung bstan sa brgyad kyi le'u ste bzhi bcu pa'o//// gsang chen dus kyi 'khor lo bstan// 'byung ba lnga yis phye ba yi// lo ni bcu gnyis bstan pa la// 'byung ba lngas phye drug cur 'gyur// rlung rta dbang thang srog lus dang// skyes sme skar ma sbyar ba ni// lo zla nyi ma dus tshod snying// gzung la dgra bgegs 'dul bar bya// re re rten 'brel lnga tshang bas// 'dus pa'i drag sngags lngas brdeg bya// rlung rta 'go nas gzir byed gnyis// trig nan/ dbang thang skyes nas 'phrog byed gsum/ hur thums dza/ srog gi snying khar gnas pa ste// rang bzhin drag po btsan thabs gsum// trig nan hU~M phaT/ rbad nan phaT/ tsit+ta rbad nan/ lus ni lte ba na gnas te// 'khor ba brtsad gcod yig 'bru dgu// tsit+ta rbad thum ril/ ma ra ya rbad/ ke sme 'dzom pa gsang gnas te// oM mA ra ya dza hU~M mA ra ya b+h+yo/ e mA ra ya/ de la gsang ba'i las lnga sdeb/ de yi sna tshogs 'khor lo 'grub// las rnams kun la sbyar bar bya// gsang ba'i rtsis su ngas lung bstan// rdo rje gtsug lag 'khor lo gsum pa'i bshad rgyud chen po las/ lung bstan gyi 'khor lo sna tshogs bstan pa'i le'u ste zhe gcig pa'o//// gsang chen mA ra ya yi gzer// 'jig rten 'byung ba'i gzer du bstan// dang po 'byung ba rlung gi gzer// dbus su ya la g.yas su ma// phaT nas bzung nas ra la gtug/bar du rbad bcu rlung gi gzer// gnyis pa me yi gzer gdab ste// ya sar ra la ra sar ya// ma nas bzung nas phaT la gtug/ rbad gnyis bar du bcug pa'o// gsum pa 'byung ba chu yi gzer// ra sar phaT la phaT sar ra// phaT nas bzung nas ya la gtug/ ya nas gzung nas ra la gtug/ rbad gnyis bar du ma bcug pa// gsad pa drag po btsan thabs yin// bzhi pa 'byung ba sa yi gzer// phaT sar nan la nan sar phaT// phaT nas bzung na ya la gtug/ ya nas bzung na ra la gtug/ mtshon cha'i yi ge nan bcug ste// rbad gnyis bar bcug bzhag bya ba// gzer ba drag po btsan thabs yin// dang po rang bzhin dkrugs pa la// nad ni rlung nad lta bu 'ong// gnyis pa'i rang bzhin dkrugs pa la// nad ni tsha ba myos pa 'ong// gsum pa'i rang bzhin dkrugs pa la// nad ni gzer nad drug cu 'ong// bzhi pa'i rang bzhin dkrugs pa la// nad ni bying 'gyur skad mi thon// rang bzhin dkrugs dang drag por dkrugs// btsan thabs dkrugs par shes par bya// stobs nyams dkrugs pa rang bzhin te// dgra gshed dkrugs pa drag por 'gyur// bzlog pa'i dkrugs pa btsan thabs yin// rdo rje gtsug la 'khor lo gsum pa'i bshad rgyud chen po las/ ma ra ya gsang ba'i gzer gyi le'u ste zhe gnyis pa'o//// de nas bcom ldan 'das dpal kun tu bzang pos/'khor 'dus pa la mtshan nyid lnga dang ldan par gzigs te/ mtshan nyid gsum dang ldan pa'i ut+pa la lta bu dang/ mtshan nyid gsum dang ldan pa'i pad+ma dkar po lta bu dang/mtshan nyid bzhi dang ldan pa'i pad+ma dmar po lta bu dang/ mtshan nyid lnga dang ldan pa'i tsan dan lta bu dang/ mtshan nyid bdun dang ldan pa'i rin po che lta bu la/ rang gi mtshan dang sbyar ba'i don gsang ba'i rgyud don rnams zung zhig/gsang ba'i rgya bdun gyi don khrol cig/ nor bu rin po che ltar chongs shig/ ces bka' stsal pas/ 'jig rten las 'das pa dang 'jig rten pa'i 'khor rnams yid rangs te/ bcom ldan 'das kyis gsungs pa la mngon par bstod do// rdo rje gtsug lag 'khor lo gsum pa'i bshad rgyud chen po las/ rgyud yongs su gtad pa dang rjes su yi rang ba'i le'u ste zhe gsum pa'o//// rdo rje gtsug lag 'khor lo gsum pa'i bshad rgyud chen po rdzogs so//// rgya gar skad du/

CLOSE WINDOW